Wylie

e-texts based on the ACIP/ALL Input

འཇིགས་པ་མེད། །གང་ཞིག་བརྫུན་རྐུ་བརྫུན་མི་མྱ་ངན་མེད། །སྔགས་ཉིད་རང་གི་ལུས་ལ་གནས་པ་སྟེ། །བདེ་བ་ཐམས་ཅད་རྣལ་འབྱོར་དྲན་པར་གྱིས། །བདེ་བ་རྟོགས་པས་རྣལ་འབྱོར་སྐྱེས་འགྱུར་བ། །ཁྱིམ་གྱི་བདག་མོ་རང་ལུས་རང་བཞིན་ཚིམ་གནས་ལ། ་རླུང་གི་སེམས་ཉིད་པདྨའི་ཆུ་དང་འདྲ། །འབྱུང་བ་རྣམས་ནི་དེ་ཡིས་མྱོང་འགྱུར་བས། །དེ་ཕྱིར་གཡོ་བའི་སེམས་ལ་རྣལ་འབྱོར་པའི། །སྒོ་དགུ་བཀག་ནས་ནན་ཏན་གྱིས། །རྣལ་འབྱོར་གྱིས་ནི་གཏི་མུག་བཅད་བྱས་ལ། །གནས་ཀྱི་ཡོན་ཏན་རྟོགས་པས་ཆགས་མེད་འགྱུར། ། ་སྤྲིན་ལྟར་ཆོ་འཕྲུལ་རང་བཞིན་ཀུན་བརྟགས་ཀྱི། །གཏི་མུག་གནས་ཀྱི་གཏི་མུག་བསྲེགས་བྱས་ནས། །ལྷན་ཅིག་སྐྱེས་པའི་གནས་ལ་རྣལ་འབྱོར་ཐིམ། །ཐམས་ཅད་ནུབ་པས་སྟེང་འོག་ལམ་འགགས་པས། །གནས་ཀྱི་ཉམས་ཀྱིས་འཁོར་བ་མྱ་ངན་འདས། །དེ་ནི་རྣལ ་འབྱོར་བླ་མའི་དྲིན་གྱིས་རྟོགས། །ཉིན་མཚན་བླ་མ་སྤྱི་བོར་བསྒོམ་བྱས་ནས། །ལྷན་ཅིག་སྐྱེས་པ་ཉིད་དུ་གནས་འགྱུར་བ། །ཡང་ནས་ཡང་དུ་ནམ་མཁའི་བདུད་རྩི་རྔུབ། །རྗེས་འབྲང་བཀུར་སྟི་དྲི་མེད་སྐུ་ཐོབ་པས། །ཀ་བ་གཅིག་ལ་གཞལ་ཡས་སྒོ་དགུ་སྟེ། །ལམ་གྱི་སྒྱུ ་ལུས་བདག་གིས་གཅིག་ཏུ་རྟོགས། །དེ་ཡིས་བདུད་བཞི་བར་གཅོད་སེལ་བར་འགྱུར། །དེ་ཕྱིར་དགེ་སྦྱིན་ཁྲིམས་སོགས་དགོས་མི་འགྱུར། །དགེ་སྦྱོང་ཆོས་སྨྲས་ལྷ་ཉིད་བསྒོམ་པ་སྟེ། །ཆོས་ཀྱི་རོ་ནི་སུས་ཀྱང་རྟོགས་པ་མེད། །སྐུ་གསུམ་བརྟན་པར་འདོད་ན་རྣལ་འབྱོར་ཀྱེ། །ཕྱི ་ནང་བྱང་ཆུབ་སེམས་ཀྱི་རླུང་ཉིད་བསྒོམ། །དུག་ལྔའི་ཡན་ལག་བཅད་པས་མྱུར་དུ་ནི། །བྱང་ཆུབ་སེམས་ཀྱི་ལམ་ལ་ལེགས་པར་འཇུག་།རྣལ་འབྱོར་བརྟན་པ་ཐོབ་སྟེ་སྐྱེ་མི་འགྱུར། །རླུང་གི་དེ་ཉིད་བསྒོམ་པའི་མན་ངག་ཅེས་བྱ་བ་སློབ་དཔོན་ཙོ་ར་གྷི་ས་མཛད་པ་རྫོགས་སོ།། །། ་@##། །རྒྱ་གར་སྐད་དུ། བཛྲ་ཌཱ་ཀི་ནི་ནིཥྤན་ན་ཀྲ་མ། བོད་སྐད་དུ། རྡོ་རྗེ་མཁའ་འགྲོའི་རྫོགས་པའི་རིམ་པ། རྡོ་རྗེ་ཕག་མོ་ལ་ཕྱག་འཚལ་ལོ། །རྡོ་རྗེ་མཁའ་འགྲོ་གཞུ་རུ་ཐོགས། །དངོས་པོ་ཐམས་ཅད་འབེན་དུ་བཙུགས། །གཉིས་སུ་མེད་པའི་མདའ་ཡིས་བརྒྱབ། །བསྒོམ ་དང་སྒོམ་རྒྱུ་དམིགས་པ་མེད། །བསྣུན་པས་སྐྱེ་བ་དམིགས་མི་འགྱུར། །བདག་གཞན་གཉིས་ཀྱི་མཐའ་ཡང་བཅད། །གཉིས་སུ་མེད་པའི་མདའ་ཡིས་བརྒྱབ། །བསྒོམ་དང་སྒོམ་རྒྱུ་གཉིས་ཀ་མེད། །སྟོང་པའི་གཞུ་ནི་བཀང་བྱས་ནས། །ཤོར་མེད་མདའ་ནི་རྡེག་པར་བྱེད། ། ་བསད་དང་གསད་བྱ་གཉིས་ཀ་མེད། །གཉིས་སུ་མེད་པའི་མདའ་ཡིས་བརྒྱབ། །བསྒོམ་དང་སྒོམ་རྒྱུ་གཉིས་ཀ་མེད། །ནམ་མཁའི་ཆོ་འཕྲུལ་ཆེན་པོ་ཡིས། །ཆོས་ཉིད་ཐམས་ཅད་བསྡུས་བྱས་ནས། །གཉིས་སུ་མེད་པའི་མདའ་ཡིས་བརྒྱབ། །བསྒོམ་དང་སྒོམ་རྒྱུ ་གཉིས་ཀ་མེད། །བི་རཱུས་འདི་ལྟར་འཁོར་བྱས་ནས། །གཅིག་ནས་ཉི་ཤུའི་བར་དུ་ནི། །དངོས་པོ་ཅིར་ཡང་ཞུགས་པ་མེད། །ཡི་གེ་སྟོང་པ་གསོས་སུ་བྱིན། །གཉིས་སུ་མེད་པའི་མདའ་ཡིས་བརྒྱབ། །བསྒོམ་དང་སྒོམ་རྒྱུ་གཉིས་ཀ་མེད། །རྡོ་རྗེ་མཁའ་འགྲོའི་རྫོགས ་པའི་རིམ་པ་ཞེས་བྱ་བ་སློབ་དཔོན་བི་རཱུ་པ་ནས་བརྒྱུད་པ་སློབ་དཔོན་བྷི་ན་པས་མཛད་པ་རྫོགས་སོ། །[་]@##། །རྒྱ་གར་སྐད་དུ། ཙ་ཏུར་ཡོ་ག་བྷཱ་བ་ན་ནཱ་མ། བོད་སྐད་དུ། རྣལ་འབྱོར་བཞིའི་ཉམས་ལེན་གྱི་ཐབས་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག ་འཚལ་ལོ། །སེམས་དང་སེམས་ཉིད་རྒྱུ་མེད་དེ། །བསྒྲུབ་བྱ་སྒྲུབ་བྱེད་ཐིག་ལའི་ངོ་། །འབྲས་བུ་མ་གྲུབ་མྱ་ངན་འདས། །དཔལ་ལྡན་དཔའ་བོ་ཡི་གེ་མེད། །ལྟེ་བར་གསང་བའི་གེ་སར་ལ། །ཱ་ལི་ཀཱ་ལི་ལ་བརྟེན་ནས། །རྣལ་འབྱོར་བཞི་ཡི་ཉམས་ལེན་བཤད། །ལྟེ ་བ་ཡེ་ཤེས་འཁོར་ལོ་རུ། །རྩ་ནི་བརྒྱད་ཀྱི་ཐིག་བཏབ་ནས། །ཱ་ཕྲེང་ཀཱ་ཕྲེང་མཉམ་བསམས་ནས། །མཁའ་འགྲོ་བརྒྱད་ཀྱི་མེ་ལྕེ་སྦར། །བྱང་ཆུབ་སེམས་ཀྱི་རང་བཞིན་ནི། །ནམ་མཁའི་དབྱིབས་ཀྱི་འོད་ལས་ནི། །གཉིས་མེད་ཟུང་འཇུག་འཛག་བྱས་པས། །དཔའ་བོ་རྣམས ་ཀྱི་ལམ་ནས་རྒྱུ། །དེ་འགག་རྣལ་འབྱོར་མཚན་མ་མེད། །བརྟན་པའི་རྣལ་འབྱོར་གྲུབ་འགྱུར་བ། །སངས་རྒྱས་རྣམས་ཀྱི་ས་ལམ་ཐོབ། །ཱ་ལི་ཀཱ་ལིའི་རྣལ་འབྱོར་རོ། ། ཧོ་བཟླས་པའི་རྣལ་འབྱོར་པ། །དངོས་དང་དངོས་མེད་བྲལ་འགྱུར་བས། །ཕྱི་ནང་དུག་གི་རྣམ ་