Wylie

e-texts based on the ACIP/ALL Input

ནི་བཙལ་བས་ན། །བདག་ཉིད་ཀྱང་ནི་དམིགས་མེད་འགྱུར། །ཚོམ་བུ་ཐོབ་པར་འགྱུར་བ་ན། །ཆགས་སྡང་གཏི་མུག་གནས་སུ་དག་།ལྷན་ཅིག་སྐྱེས་དགའི་དོ་ཧ་མཛོད་ཀྱི་གླུའི་ལྟ་བ་ཞེས་པ་སློབ་དཔོན་བྷ་དྷེས་མཛད་པ་རྫོགས་སོ།།[་]@##། །རྒྱ་གར་སྐད་དུ། སུ ་ག་ཏ་དྲྀཥྚ་གཱི་ཏི་ཀ་ནཱ་མ། བོད་སྐད་དུ། བདེ་གཤེགས་ཀྱི་ལྟ་བའི་གླུ་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ཆོས་དང་དགེ་འདུན་ལ། །ཐམས་ཅད་དུ་ནི་བདག་ཕྱག་འཚལ། །སྐྱེ་འགག་སྡུག་བསྔལ་སྒྲོལ་ཕྱིར་མཛད། །དྷ་མ་པ་ནི་སྨྲ་བར་བྱེད། །བདེ་གཤེགས ་སྤྱི་བོར་བཀུར་བ་ཡིས། །བདག་ཉིད་དོན་དམ་དེ་ཉིད་རྟོགས། །ཚངས་པའི་གནས་བཞི་ལྷ་ཁང་དུ། །འདི་རུ་བདག་ནི་རབ་ཏུ་འབྱུང་། །ཆོས་རྣམས་ཐམས་ཅད་ཁོང་དུ་ཆུད། །དྷ་མ་པ་ནི་སྨྲ་བར་བྱེད། །བདེ་གཤེགས་སྤྱི་བོར་བཀུར་བ་ཡིས། །བདག་གིས་དོན་དམ་དེ་ཉིད་རྟོགས། །རི་རབ་དང ་ནི་རྩཝ་ཡི་ཚོགས། །ཇི་ལྟར་སྲང་ལ་གཞལ་ལམ་ཅི། །དེ་བཞིན་ཕྱི་རོལ་ཐམས་ཅད་ཀྱིས། །ལྟ་བ་འདི་དང་མཉམ་མ་མ་ཅི། །དྷ་མ་པ་ནི་སྨྲ་བར་བྱེད། །བདེ་གཤེགས་སྤྱི་བོར་བཀུར་བ་ཡིས། །བདག་གིས་དོན་དམ་དེ་ཉིད་རྟོགས། །ནོར་བུ་རིན་ཆེན་བོར་ནས་ནི། །སུ་དབང ་མཆིང་བུ་ལེན་པར་བྱེད། །སངས་རྒྱས་ཆོས་དང་དགེ་འདུན་ནི། །བརྟགས་ན་བདེན་གཉིས་ཡིན་པར་སྨྲ། །དྷ་མ་པ་ནི་སྨྲ་བར་བྱེད། །བདེ་གཤེགས་སྤྱི་བོར་བཀུར་བ་ཡིས། །བདག་གིས་དོན་དམ་དེ་ཉིད་རྟོགས། །བདེ་གཤེགས་ཀྱི་ལྟ་བའི་གླུ་ཞེས་བྱ་བ་སློབ་དཔོན་དྷ་མ་པས་མཛད་པ་རྫོགས ་སོ། ། །[་]@##། །རྒྱ་གར་སྐད་དུ། བཱ་ཡུ་ཏ་ཏྭཾ་དོ་ཧ་གཱི་ཏི་ཀ་ནཱ་མ། བོད་སྐད་དུ། རླུང་གི་དེ་ཉིད་ཀྱི་དོ་ཧའི་གླུ་ཞེས་བྱ་བ། གཉིས་མེད་བདེ་ཆེན་ལ་ཕྱག་འཚལ་ལོ། །བརྟན་གཡོ་རླུང་གི་གཞལ་ཡས་ཁང་། །སེམས་ཀྱི་རྡོ་རྗེ་གདན་དུ་བཞུགས། །སྟོང་པ་ཉིད་ནི་ཟབ་མོ་ལ། ། ་