Wylie

e-texts based on the ACIP/ALL Input

ཟན་སེན་དགུ་བསྐྱེད། །ཐལ་དཀར་མདོག་དང་གནག་དང་སྔོ་དང་ཤིན་ཏུ་གནག་།གཡས་ན་འཁོར་ལོ་རལ་གྲི་དགྲ་སྟ་རྡོ་རྗེ་དང་། །གཡོན་ན་བསྡིགས་པའི་སྡིགས་མཛུབ་བོ། །ཤིན་ཏུ་འཇིགས་པའི་བདག་ཉིད་ཅན། །ཐལ་བས་ལུས་བྱུགས་ཁྲག་འཛག་པའོ། །མཚམས་རྣམས་སུ་ནི་མེ་ཏོག་མ་དང་མཛེས་ལྡན་དང་ནི་འོད་ཟེར ་འཕྲོག་དང་མདངས་འཕྲོག་མའོ། །གཡས་ན་ལྕགས་ཀྱུ་གྲི་གུག་མི་མགོ་རྒྱུ་མའི་ཞགས། །གཡོན་ན་ཐོད་པ་ཁྲག་གིས་བཀང་བའོ། །སྨུག་ནག་མཐིང་ནག་དམར་ནག་ལྗང་ནག་འཇིགས་པའི་གཟུགས་ཅན་བདུད་མོ་བཞིའོ། །ཐུགས་ཀའི་རེ་ཕའི་ཧཱུཾ་ལས་སྤྱན་དྲངས་བསྟིམ་སོགས་རྫོགས་བྱས་ནས། །གསང་བའི་སྔགས་ནི་རབ་ཏུ ་བཟླས། །ོཾ་ཀུཥྨཎ་བི་དྷ་ར་ཡ་ཧཱུཾ་ཕཊ། ཌོདྶཱ་དྷ་ན་ཀྲོ་དྷ་ཡ་ཧཱུཾ་ཕཊ། པྲེ་ཏ་བི་ས་ན་ཡ་ཕཊ། པི་ཤཱ་ཙ་ཧ་ཏ་བ་བ་ཕཊ་སྭཱ་ཧཱ། ཀུ་ཥྨཎ་ཀྲ་མཱ་ཡ་ཕཊ། ཌོཏྶཱ་ཏ་ན་ཀྲི་ཏཱ་ན་ཡ་ཕཊ། པྲེ་ཏ་ཀྲི་ཏཱནྟ་རཱུ་པ་ཡ་ཕཊ། པི་ཤཱ་ཙེ་རོ་ཥ་ཎ་ཡ་ཕཊ་སྭཱ་ཧཱ། ཞེས་པ་བཟླས་ཏེ། སྔོན་དུ་བསྙེན་པས་བསྒྲུབ་བྱའི་རྟགས་ནི་རིམ་པ་དྲུག་པར་བརྟག་།རྟགས་བྱུང་བསྐྲད་པའི་ལས་བརྩམ་མོ། ། ་ཡཾ་ལས་རླུང་བསམས་སྟེང་དུ་བསྐྱེད། །དགུག་ཅིང་ཨུཙྪ་ཏ་ཡས་བསྐྲད། །ལས་བཅོལ་ཕྲིན་ལས་གཞན་ཡང་བརྩམ། །རབས་ཆད་ནག་པོའི་ཐོད་པར་ནི། །གཟུགས་གཞུག་བསད་པས་དུར་ཁྲོད་སྦ། །ཧཱུཾ་མེ་དཔུང་འབར་བ་བརྗིད་པའི་སྐུ། །གད་རྒྱངས་བཞད་མཛད་ཐལ་མོ་རྡེབས། །རྒྱ་མཚོར་ཞབས་ནུབ་དབང་པོ་མནན། །སྐུ་གསུམ་དོན་ལྡན་ཞལ་འཛུམ ་བཞད། །ཕྱག་དྲུག་བདུད་འདུལ་མཚོན་ཆ་འཛིན། །རྡོ་རྗེ་ཅན་ལ་ཕྱག་འཚལ་འདུད། །ོཾ་བཛྲ་མུཿཞེས་པས་གཤེགས་སུ་གསོལ་ནས་བསྡུ་བའོ། །བདག་གིས་གཞན་ལ་ཕན་ཕྱིར་བརྩམས། །དགེ་བ་དེ་ཡིས་འགྲོ་བ་ཀུན། །བླ་མེད་བྱང་ཆུབ་ཐོབ་པར་ཤོག་།ནམ་གྲུའི་རིགས་ལས་བྱུང་བའི་སློབ་དཔོན་ཛཱ་བ་རི་པས་མཛད་པའི་བདུད་བཟློག་པའི་ཆོ་ག་རྫོགས ་སོ། ། །།བལ་པོའི་བླ་མ་དེ་བ་པཱུརྞ་མ་ཏི་དང་། ལོ་ཙཱ་བ་ཆོས་ཀྱི་བཟང་པོས་བསྒྱུར་པའོ།།[་]@##། །རྒྱ་གར་སྐད་དུ། ཤྲཱི་བཛྲ་པཱ་ཎི་ནཱི་ལཱཾ་བ་ར་དྷ་ར་བ་ལིཾ་དྷཱ་ར་ཎི་བི་དྷི་ནཱ་མ། བོད་སྐད་དུ། དཔལ་ཕྱག་ན་རྡོ་རྗེ་གོས་སྔོན་པོ་ཅན་གྱི་གཟུངས་ཀྱི་གཏོར་མའི་ཆོ་ག་ཞེས་བྱ་བ། དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །བསོད་ནམས་འདོད་དང་འདོད་ལ་མཉེས། ། ་བར་ཆོད་སྤོང་དང་དུག་ཞི་ཕྱིར། །ཐུགས་རྗེ་ཅན་ལ་གུས་བཏུད་དེ། །གཏོར་མའི་ལས་འདི་བརྩམ་པར་བྱ། །དད་ལྡན་བྱང་སེམས་རྣལ་འབྱོར་པ། །སེར་སྣ་མེད་ཅིང་གཏོང་བརྩོན་པས། །བཟའ་བ་བཅའ་བ་འཇིབ་དང་བཏུང་། །རིན་ཆེན་སྣོད་དུ་རབ་ཏུ་བཤམ། །ཧཱུཾ་ཧྲཱིཿོཾ་གྱིས་བྱིན་བརླབ་བྱ། །བདུད་རྩི་ཤ་ལྔ་ཅི་འབྱོར་པ། །མཚན་ལྡན་པདྨའི་སྣོད ་དུའོ། སྔོ་དང་དམར་བའི་དཀྱིལ་འཁོར་གཉིས། །དེ་སྟེང་ཨ་ལས་ཀ་པཱ་ལ། ལྕགས་ཀྱུ་ལྔ་དང་ས་བོན་ལྔ། །དེ་ནས་མདུན་གྱི་བར་སྣང་ལ། །ཟླ་དཀྱིལ་སྟེང་ན་ཡི་གེ་ཧཱུཾ། །དེ་གྱུར་རྩེ་ལྔ་དེ་ཉིད་ཅན། །སྔོ་བསྐྱོད་མེ་འབར་རྫས་རྣམས་ཁོལ། །འོད་ཀྱིས་ཟླ་བ་རྡོ་རྗེ་ཞུ། །ཐིམ་པས་དངུལ་ཆུ་ལྟ་བུར་གནས། །དེ་ཡི་སྟེང་དུ་ཨོཾ་དཀར་པོའི། །འོད་ཀྱིས་གངྒཱའི་ཀླུང ་སོགས་བཀུག་། བདུད་རྩི་དྲངས་ཏེ་གཉིས་མེད་བསྟིམ། །འབྲུ་གསུམ་སྔགས་ཀྱིས་བྱིན་བརླབ་བྱ། །དེ་རྗེས་མདུན་གྱི་མཁའ་སྟོང་ལ། །པཾ་ལས་ཆུ་སྐྱེས་འདབ་བརྒྱད་བསྐྱེད། །དེ་དབུས་ཧཱུཾ་ལས་འདོད་ལྷ་བསྐྱེད། །ལྟེ་འཁོར་དག་ལ་ཨོཾ་ལས་ནི། །ཕྱོགས་བཞིར་སངས་རྒྱས་བཞི་ཡང་བསྐྱེད། །འདབ་མ་མཚམས་བཞིར་ཁྲོ་མོ་སྟེ། །གོང་རས་སྒོ་བ་བཞི་པོའོ། ། ་དམར་བའི་ས་བོན་འདབ་བརྒྱད་དམར། །ཕུཿལས་འདབ་མར་ཀླུ་བརྒྱད་བསྐྱེད། །ཟེ་འབྲུ་བཅུ་དྲུག་སྣ་ཚོགས་ལ། །བདུད་དང་གནོད་སྦྱིན་སྣ་ཚོགས་བསྐྱེད། །རང་གི་སྙིང་གའི་འོད་ཀྱིས་ནི། །འཕྲོས་པས་སངས་རྒྱས་གངྒཱ་ཡི། །བྱེ་སྙེད་དཀྱིལ་འཁོར་ལྷ་ལ་བསྟིམ། །ཀླུ་དང་གནོད་སྦྱིན་བདུད་དང་ནི། །ས་འོག་ས་སྟེང་ས་བླ་ཡི། །ཐམས་ཅད་དེ་གསུམ་དག་ལ། ་བསྟིམ། །སྤྱན་ལ་སོགས་པས་དབང་བསྐུར་ཏེ། །སྐུ་དང་གསུང་དང་ཐུགས་ལྷར་གྱུར། །མཆོད་པ་རྣམས་ཀྱིས་ཡང་དག་མཆོད། །སངས་རྒྱས་རྣམས་དང་མགྲོན་རྣམས་ཀྱི། །རང་རང་ལྕེ་ལ་རྡོ་རྗེ་ནི། །ཧཱུཾ་ལས་ནས་ཚད་ཙམ་ནི་བསྐྱེད། །རྩེ་མོ་དག་ལ་ཨོཾ་བསམས་ཏེ། །འོད་འཕྲོས་དྲངས་པས་གསོལ་བར་བསམ། །གཉིས་མེད་ཡེ་ཤེས་ཐོབ་འགྱུར ་ཏེ། །ཉི་ཤུ་རྩ་གཅིག་སྔགས་ཀྱིས་མཆོད། །གཙོ་བོ་ཉིད་ལ་གཙོ་བོ་སྟེ། །འཁོར་ནི་སོ་སོའི་སྔགས་རིམ་བཞིན། ། ཀཱ་རོ་མུ་ཁཾ་སརྦ་དྷ་རྨཱ་ཎཱཾ་ཨཱ་དྱ་ནུ་ཏྤནྣ་ཏྭཱཏ། གཉིས་ལ་སྦྱིན་པ་གོང་དང་འབྲེལ། །དེ་ནས་བསྟོད་ཅིང་གསོལ་བ་གདབ། །སོ་སོ་ཡི་ནི་སྔགས་ཀྱིས་ནི། །རང་རང་གནས་སུ་གཤེགས་སུ་གསོལ། །སྤྱོད་ལམ་གྱི་ནི་དུས་དག་ཏུ། ། ་རང་ཉིད་ལྷ་ཡི་རྣལ་འབྱོར་བྱ། །འདི་ཡིས་ཕན་དང་བསོད་ནམས་ཅི་བསགས་པ། །འབྲས་བུ་མྱུར་ཞིང་ལོངས་སྤྱོད་རྣམས་ནི་ཐོབ། །བགེགས་རྣམས་ཞི་དང་གདུག་པ་ཞི་བྱེད་ཤོག་།བདེ་བ་མཆོག་ཆེན་བདག་གིས་ཐོབ་པར་ཤོག་།དཔལ་ཕྱག་ན་རྡོ་རྗེ་གོས་སྔོན་པོ་ཅན་གྱི་གཟུངས་ཀྱི་གཏོར་མའི་ཆོ་ག་ཞེས་བྱ་བ་ནམ་གྲུའི ་རིགས་ལས་བྱུང་བ་དངོས་གྲུབ་བརྙེས་པ། སློབ་དཔོན་ཆེན་པོ་བྲམ་ཟེའི་བཙུན་པ་ཛཱ་བ་རི་པའི་ཞལ་སྔ་ནས་མཛད་པ་རྫོགས་སོ།། །།བླ་མ་དེ་བ་པཱུརྞ་མ་ཏི་དང་། ལོ་ཙཱ་བ་ཤེའུ་བཛྲ་དེ་བས་བསྒྱུར་བ་ལས། སླད་ཀྱི་བདག་དགེ་སློང་ཆོས་ཀྱི་བཟང་པོས་བླ་མ་ལ་ཤིན་ཏུ་ལེགས་པར་ཞུས་ཏེ། ཕྲན་བུ་ཚོ་བཅོས་པ་ལགས་སོ།། །། ་