Wylie

e-texts based on the ACIP/ALL Input

གཡས་བསྐུམ་གཡོན་བརྐྱང་བ་ཡི་ཞབས། །ཆུ་སྐྱེས་འོད་ཟེར་རྣོན་པོ་མནན། །མི་མགོའི་ཕྲེང་དཔྱངས་སྟག་ལྤགས་མནབས། །ཀླུ་དང་རུས་རྒྱན་དབུས་མཛེས་པ། །བསྐྱེད་ལ་ལུས་ངག་ཡིད་གསུམ་དང་། །སྐྱེ་མཆེད་རྣམས་ལ་འདིས་བྱིན་བརླབ། །ོཾ་ཨཱཿཧཱུཾ། ཀྵིཾ་ཛིཾ་ཁ~ཾ ་ག~ཾ་ཀ~ཾ་ས~ཾ། །དབང་བསྐུར་ཅོད་པན་མི་བསྐྱོད་བསམ། ཛཿཧཱུཾ་བཾ་ཧོཿས་བྱིན་གྱིས་བརླབ། །བྱང་ཆུབ་སེམས་ཀྱི་སྤྲུལ་པས་མཆོད། །དེ་ནས་རྡོ་རྗེ་དྲིལ་ལྡན་པས། །བསྟོད་པའི་རྒྱལ་པོ་བརྗོད་པར་བྱ། །སངས་རྒྱས་རྡོ་རྗེ་ཀུན་དུ་བཟང་། །མཉམ་པའི་རྡོ་རྗེ་མི་བསྐྱོད་པ། །རྡོ་རྗེ་གསང་བ་དབྱིངས་ཆེན་པོ། །ཡེ ་ཤེས་རྡོ་རྗེ་ཕྱག་འཚལ་བསྟོད། །ཡིག་འབྲུ་གསུམ་གྱིས་བྱིན་བརླབས་པའི། །བདུད་རྩི་རྡོ་རྗེ་ལྕེ་ཡིས་མྱང་། །སྤྲོ་དང་བསྡུ་བ་བྱས་ནས་ཀྱང་། །གསང་སྔགས་ཁྲི་རུ་བཟླས་པ་བྱ། །ོཾ་བཛྲ་དཎྜ་དྷྲྀཀ་ཧཱུ~ཾ་ཧཱུ~ཾ་ཧཱུ~ཾ་ཕཊ་ཕཊ་སྭཱ་ཧཱ། ས་ཆུ་མེ་རླུང་འབྱུང་བའི་རིམ། །ཡེ་ཤེས་ཐིག་ལེར་བྱས་ནས་ཀྱང་། ། ་གཟུགས་ནི་སྒྲ་ཉིད་རང་བཞིན་དག་།བདག་མེད་སྙིང་པོ་བསྒོམ་པར་བྱ། །མ་རིག་མུན་པ་འཇོམས་བྱེད་སྒྲོན་མའི་མཆོག་།བདུད་དགྲ་ཁྲོ་བོའི་རྒྱལ་པོའི་སྒྲུབ་ཐབས་འདིས། །འགྲོ་བའི་འཇིགས་ཆེན་ངེས་དགྲ་བཅོམ་ནས་ཀྱང་། །ཐམས་ཅད་གཤིན་རྗེ་གཤེད་པོ་ཉིད་མཚུངས་ཤོག་།དབྱུག ་པ་གཤིན་རྗེ་གཤེད་རྣམ་པར་འཇོམས་པ་ཞེས་བྱ་བའི་སྒྲུབ་ཐབས། སློབ་དཔོན་ཆེན་པོ་དཱི་པཾ་ཀ་རས་མཛད་པ་རྫོགས་སོ།། །།རྣལ་འབྱོར་པ་པྲཛྙཱ་ཤྲཱི་ཛྙཱ་ན་ཀཱིརྟིས་རང་འགྱུར་དུ་མཛད་པའོ།།[་#]@##། །རྒྱ་གར་སྐད་དུ། ཙཎྜ་ཁཌྒ་ཡ་མཱ་རི་སཱ་དྷ་ནཾ་ནཱ་མ། བོད་སྐད་དུ། རལ་གྲི ་གཤིན་རྗེ་གཤེད་གཏུམ་པོའི་སྒྲུབ་ཐབས་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །སྟོང་པ་ཞི་བ་ལས་ནི་རྡོ་རྗེའི་སྐུ། །བདུད་མཐར་མཛད་པ་རབ་ཏུ་གཏུམ་པའི་ཞལ། །སེམས་ཅན་རྗེས་འཛིན་ཐུགས་རྗེ་ཆེན་པོར་ལྡན། །རལ་གྲི་ཆེ་ལ་བཏུད་དེ་བཤད་པར་བྱ། །སྐད་ཅིག ་དྲན་པའི་ལྷར་བསྐྱེད་ནས། །དམ་པ་དམིགས་ལ་ཚོགས་བསག་བྱ། །ཚངས་པའི་གནས་བཞི་སྔོན་འགྲོ་བས། །སྟོང་པ་དང་ནི་འཁོར་ལོ་བསྒོམ། །པདྨ་འོད་ཟེར་རྣོན་པོ་སྟེ། །རཾ་ལས་ཤུགས་ཅན་གྱུར་པའི་སྐུ། །མརྒད་ལྗང་གུའི་མདོག་འདྲ་བ་། །སྔོ་དང་དཀར་པོ་གཡས་གཡོན་ཞལ། ། ་གྲི་གུག་རལ་གྲི་འཁོར་ལོ་དང་། །ཐོད་པ་རིན་ཆེན་ཆུ་སྐྱེས་འཛིན། །དཔའ་བོའི་རྒྱན་དང་ཀླུ་ཡིས་སྤྲས། །དབུ་སྐྲ་གྱེན་འགྲེང་མེ་དཔུང་དཀྱིལ། །སྟག་ལྤགས་མནབས་ཤིང་གཡོན་བརྐྱང་བ། །བསྐྱེད་པའི་སྐུ་ལ་འདི་ལྟ་སྟེ། །སྙིང་གར་ཧཱུཾ་ལས་རྡོ་རྗེ་ཐུགས། །མགྲིན་པར་ཨཱཿལས་རྡོ་རྗེ ་གསུང་། །སྤྱི་བོར་ཨོཾ་ལས་སྐུ་རྡོ་རྗེ། །མཐིང་དམར་དཀར་ཞིང་མཚོན་ཆར་ལྡན། །ས་སྙིང་དཀར་པོ་མིག་ལ་ཀྵིཾ། །རྡོ་རྗེ་འཛིན་སྔོན་རྣ་བར་ཛིཾ། །ནམ་སྙིང་སེར་པོ་སྣ་ལ་ཁ~ཾ། །འཇིག་དབང་དམར་པོ་ལྕེ་ལ་ག~ཾ། །སྒྲིབ་སེལ་ལྗང་གུ་དཔྲལ་བར་ཀ~ཾ། །ཀུན་བཟང་དཀར་པོ་ལྷེན་སྣར་ས~ཾ། ། ་སྤྱན་དྲངས་མཆོད་བསྟོད་བྱིན་རླབས་བྱ། །ོཾ་སརྦ་ཏ་ཐཱ་ག་ཏ་ཀཱ་ཡ་ཝཱ་ཀ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོུ྅་ཧཾ། རྡོ་རྗེ་སེམས་མ་ལ་སོགས་ཀྱིས། །དབང་བསྐུར་སྤྱི་བོ་གཤིན་རྗེ་གཤེད། །སྒོ་བཞིའི་སྔགས་ཀྱིས་འདོད་ལྷ་བསྐུལ། །རང་གི་ལུས་ལ་གཞུག་པར་བྱ། །མུངྒ་རཱ་ཛཿ། དཎྜ་ཧཱུཾ། པདྨ་བ~ཾ། ་ཁཌྒ་ཧོཿ། སྙིང་གར་ཡེ་ཤེས་ཞུ་བའི་རྒྱུན། །པ་སྤུའི་ཁུང་ནས་སྤྲུལ་པས་མཆོད། །ོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་ཝ་ཨཱཏྨ་ཀོུ྅་ཧཾ། ཧཱུཾ་རྡོ་རྗེ་ལས་ནི་བརྩོན་འགྲུས་ཆེ། །སངས་རྒྱས་རྡོ་རྗེ་བརྟུལ་ཞུགས་འཛིན། །ལས་མཐར་མཛད་པའི་ཐུབ་པ་པོ། །རྡོ་རྗེ་བརྩོན་འགྲུས་ཁྱོད་ཕྱག་འཚལ། །བདུད ་རྩི་མྱང་བ་བྱས་ནས་ཀྱང་། །སྤྲོ་བསྡུ་ལྡན་པས་བཟླས་པར་བྱ། །ོཾ་བཛྲ་ཁཌྒྀ་དྷྲ་ཀ་ཧཱུཾ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། འབྱུང་བ་རིམ་གྱིས་ཐིམ་པ་ལ། །ཡི་གེ་གསུམ་དུ་སྦྱངས་ནས་ཀྱང་། །བདེ་དང་སྡུག་བསྔལ་མི་དམིགས་པའི། །རྡོ་རྗེ་ལྟ་བུའི་ཏིང་འཛིན་བསྒོམ། །བདག་གིས་རྙེད་དང་བཀུར་སྟི་ལ། ། ་མ་བལྟས་སེམས་ཅན་ལ་བརྩེའི་ཕྱིར། །རལ་གྲི་རྡོ་རྗེའི་སྒྲུབ་ཐབས་བྱས། །འདི་ཡིས་ངེས་འབྱུང་རྙེད་གྱུར་ཅིག་།རལ་གྲི་གཤིན་རྗེ་གཤེད་གཏུམ་པོའི་སྒྲུབ་ཐབས་ཞེས་བྱ་བ་རྫོགས་སོ།།[་#]@##། །རྒྱ་གར་སྐད་དུ། པྲཛྙཱ་སུ་ཁ་ཡ་པདྨ་ཡ་མཱ་རི་སཱ་དྷ་ནཾ་ནཱ་མ། བོད་སྐད་དུ། ་པདྨ་གཤིན་རྗེ་གཤེད་ཤེས་རབ་བདེ་བ་ཅན་གྱི་སྒྲུབ་ཐབས་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །སེམས་ཅན་རྗེས་སུ་དྲན་ལྡན་ཞིང་། །དེ་འདྲེན་ཐུགས་རྗེའི་རྟགས་མངའ་བ། །མཚོ་སྐྱེས་ཞལ་ལ་ཕྱག་འཚལ་ཏེ། །དེ་ཡི་སྒྲུབ་ཐབས་བཤད་པར་བྱ། །དང་པོར་སྔགས་པས ་