Wylie

e-texts based on the ACIP/ALL Input

བསྟིམ་ལ་མཆོད་པ་བསྟོད་པ་བྱ། །དེ་ནས་བསྐོལ་བ་ཐ་མལ་གྱིས། །བསྟོད་དང་སྔགས་བཟླས་གུས་པར་བྱ། །ཏིང་འཛིན་ལྷ་ཡི་ཐུགས་ཀ་ནས། །འོད་བྱུང་བདག་ལ་ཕོག་པ་ཡིས། །སྒྲིབ་དག་སྒྲོལ་མའི་སྐུ་རུ་གསལ། །སྔགས་འདིས་རབ་ཏུ་བསྐོར་བར་བྱ། ། ་ཨོཾ་ཧྲཱིཾ་ཏྲིཾ་ཧཱུཾ་ཕཊ་ཨོཾ་ཨཱཿཧཱུཾ་ས་ཏི་ས་མ་ཡ་ཧཱུཾ་ཕཊ། དེ་ལྟར་བསྒོམ་པའི་ཆོ་གའོ། །སྦྱིན་སྲེག་ཆོ་ག་བྱ་བ་ནི། །ཡར་གྱི་ངོ་ཡི་ཚེས་བརྒྱད་ནས། །ཉ་ཡི་བར་དུ་བརྩམ་པར་བྱ། །སྣོད་གཙང་རས་ཀྱི་སྡོང་བུའོ། །མར་དཀར་གྱིས་ནི་མར་མེ་སྦར། །མེ་ལོང་ཁུད་དུ་ཏིལ་ལ་ནི། །སྡིག་པ་ཡི ་ནི་གཟུགས་བྱས་ལ། །མདུན་དུ་བཞག་ལ་སྤྱི་བོར་ནི། །ཀཾ་བསམ་ཞུ་བས་ལུས་ལ་ཐིམ། །དེ་ཡི་འོད་ཀྱིས་བདག་གིས་ནི། །སྡིག་པ་ཐམས་ཅད་བཤད་པ་ཡི། །ལམ་ནས་སྡིག་གཟུགས་དེ་ལ་བསྟིམ། །མར་མེ་ཧཱུཾ་ལས་སྒྲོལ་མར་བསྐྱེད། །ཡེ་ཤེས་དགུག་ལ་སོགས ་པ་ནི། །སྔོན་གྱི་ཇི་བཞིན་ཤེས་པར་བྱ། །དེ་ནས་སྡིག་པ་སྔགས་འདིས་བསྲེག་།ོཾ་ཧྲཱིཾ་ཏྲིཾ་ཧཱུཾ་སརྦ་པཱ་པཾ་ད་ཧ་ན་ཤཱནྟིཾ་ཀུ་རུ་སྭཱ་ཧཱ། མཐེབ་སྲིན་གཉིས་ཀྱིས་སྡིག་པ་བསྲེག་།བརྒྱ་རྩ་བརྒྱད་དུ་བྱ་བར་གསུངས། །སེར་བ་སྲུང་བའི་ཆོ་ག་ནི། །བསྙེན་པ་མངོན་རྫོགས་རྣལ་འབྱོར ་པས། །ཡུངས་ཀར་མེ་ཏོག་སྔོན་པོ་ལ། །སྔགས་བཏབ་ནམ་མཁའི་ཕྱོགས་སུ་གཏོར། །ོཾ་ཧྲཱིཾ་ཏྲིཾ་ཧཱུཾ་རཀྵ་ས་མ་ཡ་བྷྱི་ཏ་དྷ་རེ་ཧུཾ་ཧུཾ་ཧུཾ་ཕཊ་ཕཊ། ལྷ་ཡི་ང་རྒྱལ་ལྡན་པས་སུ། །སྐུ་གཟུགས་མངོན་དུ་མཆོད་པ་དང་། །གསོལ་བ་གདབ་ཅིང་འབད་པ་བྱ། །ཁྲོ་མོ་ལྷ་ལ་བསྟོད་པ་ནི། ། ་ཆོས་ཉིད་མཉམ་པའི་ངང་ལས་ཀྱང་། །མཛེས་མ་ཁྲོ་བོ་སྒྲོལ་མ་མཆོག་།ཡེ་ཤེས་ལྔ་ཡི་ངོ་བོ་ཉིད། །སྐུ་མདོག་དྲག་པོའི་ཁྲོ་ཚུལ་ཅན། །བོང་ཐུང་གསུས་འཕྱང་འགྱིང་བག་ཅན། །མགོ་ཕྲེང་བརྒྱ་ཡིས་སྐུ་ལ་བརྒྱན། །དུར་ཁྲོད་རོ་ཡི་དཀྱིལ་ན་བཞུགས། །སྐུ་གསུམ་འཆང ་བའི་ལྷ་མོ་ཁྱོད། །ཞལ་གཅིག་སྤྱན་གསུམ་ཧེ་ཧེ་སྒྲ། །ཡན་ལག་ཀླུ་བརྒྱད་ལྡན་དང་ལྡན། །སྐུ་སྨད་སྟག་གི་པགས་པས་དཀྲིས། །ལྗགས་འདྲིལ་མཆེ་བ་རབ་ཏུ་གཙིགས། །ཕྱག་བཞི་དང་པོ་ཕྲེང་བ་སྟེ། །ཐུགས་རྗེ་འགྲོ་འདྲེན་གྲི་གུག་གིས། །ཉོན་མོངས་བག་ཆགས་རྩད ་ནས་གཅོད། །མཛེས་པའི་རང་རྟགས་ཨུཏྤལ་དང་། །ཐོད་པ་དུག་ལྔ་རྣམས་འཇོམས་རྟགས། །ཁྲོ་མོ་ཁྱོད་ལ་དུས་གསུམ་དུ། །བདག་ནི་དྲན་བགྱིད་སྐྱབས་སུ་མཆི། །དུས་རྣམས་གདུག་པའི་བར་ཆད་རྣམས། །ཞི་བར་ཁྲོ་མོ་ཁྱོད་ཀྱིས་མཛོད། །རྒྱ་གར་བསིལ་བའི་སེང ་ལྡེང་ཕུག་ཏུ་སློབ་དཔོན་རྟག་པའི་བཛྲས་མཛད་པ་རྫོགས་སོ། ། །།མཁས་པ་ཆེན་པོ་བ་རི་ལོ་ཙཱ་བས་བསྒྱུར་བའོ།། @། །ཁྭ་གདོང་མ་སྲང་མདའ་ནག་པོ་ཞེས་བྱ་བ་བཞུགས། @##། །དུར་ཁྲོད་འཇིགས་པའི་གནས་ཉིད་དུ། །དྲག་པོ་བདུད་ཀྱི་ཉི་མ ་ལ། །དཀྱིལ་འཁོར་བཅའ་དང་ཐུན་རྫས་བསོག་།ལྷ་མོ་སྲང་མདའ་བཅའ་བྱས་ལ། །བདག་ཉིད་གཙོ་བོའི་ང་རྒྱལ་བྱ། །སྒོ་ངའི་བྱ་བ་རྫོགས་པ་དང་། །ཐུན་རྫས་རྣམས་ལ་སྔགས་འདི་གདབ། །ོཾ་ཁཱ་ཏར་ཝརྟི་རྦད་ཛ་ཛ། ཞག་བདུན་བསྔགས་ལ་ཐུན་རྫས་འདི། ། ་དཀྱིལ་འཁོར་བྱང་གི་ཕྱོགས་སུ་བཞག་།དེ་ནས་སྒོ་ངའི་སྟེང་ཉིད་དུ། །ཁ་ལས་ལྷ་མོ་བསྐྱེད་བྱས་ལ། །གདུག་པའི་སྔགས་རྒོད་འདི་ཡིས་གདབ། །ཧེ་ཁཱ་ཏ་ཧེ་བཛྲ་མ་ནུ་སརྦ་ཐང་རྦད། སྒོ་ང་ལ་ནི་ཟླ་ཕྱེད་བར། །དྲག་པོའི་སེམས་ཀྱིས་གདབ་པར་བྱ། །སྒོ་ང་བྲུབ་ཁུང་ལྷུང་བ ་དང་། །གྲི་གུག་དག་གིས་བརྟོལ་བྱས་ལ། །ཐུན་གྱིས་བྲབ་ཅིང་སྔགས་འདིས་གསད། །ཛཱ་ཛ་ཐང་ཐང་རྦད། ཧེ་མུགས་སྲོག་མཱ་ར་ཡ་ཐུན་ནི་རྦད་ཧཱུཾ་ཧཱུཾ་སྲོག་ལ་ཧེ་ཁ་ཏ་བཛྲ་རྦད། བཅུ་གཅིག་བར་དུ་ཐུན་གྱིས་བྲབ། །དེ་ནས་མནན་དང་བསྲེག་པར་བྱ། །ལྷ་མོ་ངན་སོང་ལས་ལ་སྦྱར། ། ་ཁྭའི་གདོང་པ་སྲང་མདའ་ནག་པོ་ཞེས་བྱ་བ་སློབ་དཔོན་རྟག་པའི་བཛྲས་མཛད་པའོ།། @། །སྒྲོལ་མའི་མན་ངག་མེ་ལོང་དངས་པ་ཞེས་བྱ་བ་བཞུགས། @##། །རྗེ་བཙུན་སྒྲོལ་མ་ཐུགས་རྗེ་སྒྲོལ། །དངོས་གྲུབ་སྒྲོལ་མ་གུས་བཏུད་དེ། །ཕྱག་འཚལ་སྐྱབས ་འགྲོ་བྱིན་གྱིས་རློབས། །བླ་མ་རྣམས་ལ་ཕྱག་འཚལ་ལོ། །རྗེ་བཙུན་སྒྲོལ་མ་དངོས་གྲུབ་བླ་ན་མེད་པའི་གསང་བ་ལྟར་བསྒྲུབ་པའི་སྒྲུབ་ཐབས་ཀྱི་མན་ངག་མེ་ཏོག་གི་ཕྲེང་བ་ལྟ་བུ་ནི། འདིར་ཆོས་འདི་ལ་མོས་ཤིང་གུས་པས་སྐྱེ་བ་འདི་ཉིད་ལ་སྒྲོལ་མའི་གོ་འཕང་ཐོབ་པར་འདོད ་