Wylie

e-texts based on the ACIP/ALL Input

ཆོས་ཀྱི་འབྱུང་གནས་བྲིས་པ་ནི་ཡི་གེ་ཧྲཱིཿདང་བཅས་པའོ། །དེ་ནས་སྔོན་དུ་བསྟན་པའི་བསྒོམས་པས་རྗེ་བཙུན་མ་དབུས་སུ་བསམ་པར་བྱ་སྟེ། ཨོཾ་སརྦ་བུདྡྷ་ཌཱ་ཀི་ནཱི་ཡེ། ཞེས་བྱ་བ་ལ་སོགས་པའི་སྔགས་ཀྱིས་ཆོས་ཀྱི་འབྱུང་གནས་ཀྱི་དབུས་སུ་མཆོད་པར་བྱའོ། །ཕྱི་ནས་ཨརྒྷ་དང་། ་མེ་ཏོག་དང་། བདུག་སྤོས་དང་། དྲི་ལ་སོགས་པ་རྣམས། ཨོཾ་སརྦ་བུདྡྷ་ཌཱ་ཀི་ནཱི་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་བྱ་བའི་སྔགས་ཀྱིས་མཆོད་པར་བྱའོ། །ཕྱིས་ནས་གཡོན་ཕྱོགས་སུ། ཨོཾ་བཛྲ་ཝ་རྞ་ནཱི་ཡེ་ཧཱུཾ་སྭཱ་ཧཱ། ཞེས་བྱ་བའི་སྔགས་ཀྱིས་སོ། །དེ་ནས་གཡས་ཕྱོགས་སུ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ ་སྭཱ་ཧཱ། ཞེས་བྱ་བ་འདིས་སོ། །དེ་ནས་གཞན་ཡང་། ཨེ་དི་ཡ་ན་སུ་ལ། གི་རི་ཀ་མ་ཀ་ཤི་རི་ཧ་ཧ་ཏ། ཞེས་བྱ་བའི་སྔགས་ཀྱིས་ཀྱང་མཆོད་པར་བྱའོ། །གཞན་ཡང་དྷརྨཱ་སམྦྷ་ག་།ནིར་མ་མ་ཧཱ་སུ་ཁ། ཞེས་བྱ་བའི་སྔགས་ཀྱིས་ཀྱང་མཆོད་པར་བྱའོ། །ོཾ་སརྦ་བུདྡྷ་ཌཱ་ཀི་ནཱི་ཡ། ཨོཾ་བཛྲ་ཝ་རྞ་ནཱི ་ཡེ། ཨོཾ་བཛྲ་བཻ་རོ་ཙ་ནཱི་ཡེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། ཞེས་བྱ་བའི་སྔོན་དུ་བསྙེན་པ་འབུམ་ཕྲག་གཅིག་བཟླས་པ་བྱས་ན་བགེགས་ཐམས་ཅད་སྐྲོད་པར་འགྱུར་རོ། །འབུམ་ཕྲག་གསུམ་བཟླས་ན་གྲོང་ཁྱེར་སྐྲོད་པར་འགྱུར་རོ། །འབུམ་ཕྲག་བཞི་བཟླས་ན་གྲོང་རྡལ་སྐྲོད་པར་འགྱུར་རོ། །འབུམ་ཕྲག ་ལྔ་བཟླས་ན་གང་འདོད་པ་དེ་འགྲུབ་པར་བྱེད་དོ། །ཆུ་མདོའམ། དུར་ཁྲོད་དམ། ཤིང་གཅིག་གམ། ལྷའི་ཁང་བ་འམ། མ་མོའི་ཁང་བའམ། ཡུལ་གྱི་མཐར་བསྒྲུབ་པར་བྱའོ། །སྐྲ་གྲོལ་བ། གཅེར་བུར་གྱུར་པ། དོགས་པ་ཐམས་ཅད་སྤངས་ཏེ་སྨྲ་བ་བཅད་ལ་བསྒོམ་པར་བྱའོ། །ོཾ་སརྦ ་བུདྡྷ་ཌཱ་ཀི་ནཱི། ཨོཾ་བཛྲ་ཝ་རྞ་ནཱི་ཡེ། ཨོཾ་བཛྲ་བཻ་རོ་ཙ་ནཱི་ཡེ། གནྡྷཾ་པུཥྤཾ། བ་ལིངཾ་གྲྀཧྞ་མ་མ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། དཔལ་ལྷ་ལྕམ་ལཀྴྨཱི་ཀ་རས་མཛད་པའི་རྣལ་འབྱོར་མའི་སྒྲུབ་ཐབས་རྫོགས་སོ།། @##། །རྒྱ་གར་སྐད་དུ། རཀྟ་བཛྲ་ཡོ་གི ་ནཱི་སཱ་དྷ་ན། བོད་སྐད་དུ། རྡོ་རྗེ་རྣལ་འབྱོར་མ་དམར་མོའི་སྒྲུབ་ཐབས། རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །དང་པོ་ཨེའི་དཀྱིལ་དུ་པཾ་ལས་བྱུང་བའི་སྣ་ཚོགས་པདྨའི་ལྟེ་བར། །རཾ་དམར་པོ་ཡོངས་སུ་གྱུར་བ་ལས་ཉི་མའི་དཀྱིལ་འཁོར་རོ། །དེའི་སྟེང་དུ་ཧཱུཾ་ཡོངས་སུ་གྱུར་པ་ལས་བཅོམ་ལྡན ་འདས་མ་བསམས་ལ། མཆོད་པ་བྱས་ཏེ། ཨོཾ་བཛྲ་ཡོ་གི་ནཱི་ཧཱུཾ་བཛྲ་པུཥྤཾ་པྲ་ཏཱི་ཙྪ་སྭཱ་ཧཱ། དེ་བཞིན་དུ་ཤར་གྱི་འདབ་མ་ལ་ཨོཾ་ཌཱ་ཀི་ནཱི་ཧཱུཾ་བཛྲ་པུཥྤཾ་པྲ་ཏཱི་ཙྪ་སྭཱ་ཧཱ། ལྷོའི་འདབ་མ་ལ་ཨོཾ་ལཱ་མེ་ཧཱུཾ་བཛྲ་པུཥྤཾ་པྲ་ཏཱི་ཙྪ་སྭཱ་ཧཱ། ནུབ་ཀྱི་འདབ་མ་ལ་ཨོཾ་ཁཎྜ་རོ་ཧཱི་ཧཱུཾ་བཛྲ་པུཥྤཾ་པྲ་ཏཱི་ཙྪ་སྭཱ་ཧཱ། བྱང་གི་འདབ་མ་ལ་ཨོཾ་རཱུ ་པི་ནཱི་ཧཱུཾ་བཛྲ་པུཥྤཾ་པྲ་ཏཱི་ཙྪ་སྭཱ་ཧཱ། ཞེས་བྱ་བས་མཆོད་ལ། དེ་ནས་བསྒོམ་པ་ནི་གཅེར་བུ་སྐུ་མདོག་དམར་བ་འོད་ཟེར་འབར་བ། ཞལ་གཅིག་ཕྱག་གཉིས་པ། ཞལ་ལ་བདུད་རྩི་འཆང་བ། སྤྱན་གསུམ་པ། སྤྱན་ཟླུམ་ཞིང་དམར་ལ་འགྱུར་པ། དཔྲལ་བའི་མཛོད་སྤུ་ལ་ཁྲོ་གཉེར་ཡོད་པ། ་མཆེ་བ་གཙིགས་པ། ལྗགས་འདྲིལ་བ། དབུ་སྐྲ་གྲོལ་བ། རོའི་གདན་ལ་ཞབས་གཡོན་བསྐུམ་པའི་ཚུལ་དུ་བཞུགས་པ། གཞོན་ནུ་མའི་ཆ་བྱད་དང་ལྡན་པ། དྲ་བ་དང་དྲ་བ་ཕྱེད་པ་དང་དྲིལ་བུ་གཡེར་ཁའི་ཕྲེང་བས་ཞབས་གདུབ་བྱས་ཤིང་སྒྲ་གྲགས་པ། ཕྱག་རྒྱ་དྲུག་གིས་བརྒྱན་པ ་ཕྱག་གཡོན་ན་ཐོད་པ་དང་ཁ་ཊྭཱཾ་ག་ཐོགས་པ། གཡས་པས་རྡོ་རྗེ་གྲི་གུག་འཆང་བ། དྲག་མོའི་གཟུགས་ཅན། དུར་ཁྲོད་ལ་སོགས་པར་རྣལ་འབྱོར་པ་སྙིང་རྗེ་དང་ལྡན་པས་བསྒོམ་པར་བྱའོ། །བསྒོམ་པས་སྐྱོ་ན་སྔགས་ཀྱི་བཟླས་པ་བྱའོ། །ོཾ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝརྞ་ནཱི་ཡེ། བཛྲ་བཻ་རོ་ཙ ་ནཱི་ཡེ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། རྩ་བའི་སྔགས་སོ། །ོཾ་སརྦ་སིདྡྷིཾ་པྲ་ཏཱི་ཙྪ་ཧྲཱི་ཧཱུཾ་ཕཊ་སྭཱ་ཧཱ། སྙིང་པོའོ། །ོཾ་བཛྲ་ཡོ་གཱི་ནཱི་ཡེ་ཧཱུཾ་ཕཊ་སྭཱ་ཧཱ། ཉེ་བའི་སྙིང་པོའོ། །ོཾ་བཛྲ་ཌཱ་ཀི་ནཱི་ཡེ་ཧེཾ་ཧཱུཾ། ཨི་དཾ་བ་ལིཾ་གྲྀཧྞ་གྲྀཧྞ་ཧ་ཧ་ཁ་ཁ་ཛ་ཛ་ཨ་ཨ་ཧཱུཾ་མ་མ་སིདྡྷི་པྲ་ཏཱི་ཙྪ་སྭཱ་ཧཱ། གཏོར་མའི་སྔགས་སོ། ། ་ཚེས་བརྒྱད་དང་བཅུའམ་བཅུ་བཞི་ལ་དུར་ཁྲོད་ལ་སོགས་པར་ངེས་པར་མཆོད་པར་བྱའོ། །གདམས་ངག་ཆེན་པོའི་ཡུལ་དུ་གྱུར་པ། དཔལ་རི་ཁྲོད་དབང་ཕྱུག་གིས་བསྟན་པ་རྡོ་རྗེ་རྣལ་འབྱོར་མ་དམར་མོའི་སྒྲུབ་ཐབས་རྫོགས་སོ།། @##། །རྒྱ་གར་སྐད་དུ། སུ་ཀླ ་བཛྲ་ཡོ་གི་ནཱི་སཱ་དྷ་ནཾ། བོད་སྐད་དུ། རྡོ་རྗེ་རྣལ་འབྱོར་མ་དཀར་མོའི་སྒྲུབ་ཐབས། །རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །དང་པོ་རེ་ཞིག་ཨེ་ཝཾ་གི་དབུས་སུ་པཾ་ཡིག་ལས་བྱུང་བའི་སྣ་ཚོགས་པདྨའི་ལྟེ་བ་ལ། ཨཾ་ཡིག་དཀར་པོ་ཡོངས་སུ་གྱུར་པ་ལས་ཉི་མའི་དཀྱིལ་འཁོར། །དེའི་སྟེང་དུ་ཧཱུཾ ་