Wylie

e-texts produced with BDRC’s OCR application

རྒྱ་གར་སྐད་དུ.ཨཱརྱ་མ་ཧཱ་མེ་གྷ་ནཱ་མ་མ་ཧཱ་ཡཱ། ན་སཱུ་ཏྲ། ་བོད་སྐད་དུ། འཕགནི། པ་སྤྲིན་ཆེན་པོ་ཞེས་བྱ་བ་ཐེག་པ ་ཆེན་པོའི་མདོ། ། བམ་པོདང་པོ།། སངས་རྒྱས་དང ་། ། བྱང་ཆུབ་སེམས་དཔའ་དང་། འཕགས་པ་ཉན་ཐོས་དང་། རང་སངས ་རྒྱས་ཐམས་ཅད་ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ ་ལྡན་འདས་རྒྱལ་པོའི་ཁབ་ན། བྱ་རྒོད་ཀྱི་ཕུང་པོའི་རི་ལ། གནས་བརྟན་འོད་སྲུང་ཆེན་པོ་ལ ་སོགས་པ། དགེ་སློང་ས་ཡ་ཕྲག་དགུ་དང་བརྒྱད་འབུམ་གྱི་དགེ་སློང་གི་དགེ་འདུན་ཆེན་པོ་ཐམས ་ཅད་ཀྱང་དགྲ་བཅོམ་པ། ཟག་པ་ཟད་པ། དབང་དང་ལྡན་པར་གྱུར་པ། ཉོན་མོངས་པ་མེད་པ། ཅང་ཤེས་པ། གླང་པོ་ཆེན་པོ།། ་སེམས་ཤིན་ཏུ་རྣམ་པར་གྲོལ་བ། ཤེས་རབ་ཤིན་ཏུ་རྣམ་པར་གྲོལ་བ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན་རྗེས ་སུ་ཐོབ་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ། སྲིད་པར་ཀུན་ཏུ་སྦྱོར་བ་ཡོངས་སུ་ཟད་པ། ཚུལ་ཁྲིམས་ཤིན་ཏུ་རྣམ ་པར་དག་པ། སེམས་ཀྱི་དབང་ཐམས་ཅད་ཀྱི་དམ་པའི་ཕ་རོལ་ཏུ་སོན་པ། མངོན་པར་ཤེས་པ་མཁས་པ་མངོན་པར་ཤེས་པ། རྣམ་པར་ཐར་པ ་བརྒྱད་ལ་བསམ་གཏན་པ་ཤ་སྟག་དང་ཐབས་ཅིག་ཏུ་བཞུགས་སོ། ། དེ་ནས་གནས་བརྟན་འོད་སྲུངས་ཆེན་པོ་ལ་སོགས་པ། དགེ ་སློང་ས་ཡ་ཕྲག་དགུ་དང་། བརྒྱད་འབུམ་པོ་དེ་དག་ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས ་ག་ལ་བ་དེར་དོང་སྟེ། ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ།། ཡང་དེའི་ཚེ་སྐྱེ་དགུའི་བདག་མོ་ཆེན་མོ་གོའུ་ཏ་མ་ལ་སོགས ་པ་དགེ་སློང་མ་ས་ཡ་ཕྲག་དྲུག་དང་ལྔ་འབུམ་ཡང་ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། ཕྱོགས་གཅིག་ཏུ་འཁོད་དོ།། ཡང་དེའི་ཚེ་སྤྲིན་ཆེན་སྙིང་པོ་ལ་སོགས་པ། བྱང་ཆུབ་སེམས་དཔའི ་གཙོ་བོ་ཆེན་པོ་ས་ཡ་ཕྲག་དྲུག་དང་བརྒྱད་འབུམ་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོ་ཞེས་བྱ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་འོད ་སྲུངས་ཞེས་བྱ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་གློག་གི་འོད་ཅེས་བྱ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་འབྲུག་བསྒྲགས་དབྱངས་ཤེས་བྱ ་བ་དང་། སྤྲིན་ཆེན་བརྩོན་འགྲུས་སྲུང་བ་ཞེས་བྱ་བ་དང་། སྤྲིན་ཆེན་དགའ་བྱེད་ཅན་ཞེས་བྱ་བ་དང་། སྤྲིན་ཆེན་རབ་དགའ་ཞེས་བྱ་བ་དང་། སྤྲིན་ཆེན་བརྩེགས་ཞེས་བྱ་བ་དང་། སྤྲིན་ཆེན་རྡོ་རྗེ ་དཔལ་ཞེས་བྱ་བ་དང་། སྤྲིན་ཆེན་ངེས་པར་སྒྲ་སྒྲོགས་ཞེས་བྱ་བ་དང་། སྤྲིན་ཆེན་གྲགས་ཞེས་བྱ་བ་དང་། སྤྲིན་ཆེན་གློག་གི་འོད་ཀྱི་དྲ་བ་ཅན་ཞེས་བྱ་བ་དང་། སྤྲིན་ཆེན་གློག་སྦྱིན་ཞེས་བྱ ་བ་དང་། སྤྲིན་ཆེན་དཔྱོད་པ་ལ་མཁས་པའི་རྒྱལ་པོ་ཞེས་བྱ་བ་དང་། སྤྲིན་ཆེན་རྩལ་གྱིས་འགྲོ་བ་ཞེས་བྱ་བ་དང་། སྤྲིན་ཆེན་སེང་གེ་སྒྲ་སྒྲོགས་རྒྱལ་པོ་ཞེས་བྱ་བ་དང་། སྤྲིན་ཆེན་ཆུ་རྒྱས ་བློ་གྲོས་ཞེས་བྱ་བ་དང་། སྤྲིན་ཆེན་བརྩོན་འགྲུས་ལྟོ་ཞེས་བྱ་བ་དང་། སྤྲིན་ཆེན་ལྟ་བའི་དུས་ཚོད་རྒྱལ་པོ་ཞེས་བྱ་བ་དང་། སྤྲིན་ཆེན་རྣམ་པར་འཕྲུལ་པའི་རྒྱལ་པོ་ཞེས་བྱ་བ་དང་། སྤྲིན ་ཆེན་མངོན་པར་འཕགས་པའི་གྲགས་པ་མཐའ་ཡས་ཞེས་བྱ་བ་དང་། སྤྲིན་ཆེན་ཡང་དག་པར་ལྟ་བ་ཞེས་བྱ་བ་དང་། སྤྲིན་ཆེན་མུ་སྟེགས་སུ་གྱུར་པའི་དབང་ཕྱུག་ཅེས་བྱ་བ་དང་། སྤྲིན་ཆེན ་བསོད་ནམས་ཞིང་ཞེས་བྱ་བ་དང་། སྤྲིན་ཆེན་བསིལ་བར་གྱུར་པ་ཞེས་བྱ་བ་དང་། སྤྲིན་ཆེན་ཉི་མའི་པང་པོ་ཞེས་བྱ་བ་དང་། སྤྲིན་ཆེན་ཟླ་བའི་གཟི་བརྗིད་ཅེས་བྱ་བ་དང ་སྤྲིན་ཆེན་རིན་ཐང་མེད་པའི་བཻ་ཌཱུཪྻ་ཞེས་བྱ་བ་དང་། སྤྲིན་ཆེན་རྟག་ཏུ་ལྟ་ཞེས་བྱ་བ་དང་། སྤྲིན་ཆེན་རྟག་པའི་རང་བཞིན་ལ་དགའ་བ་ཞེས་བྱ་བ་དང་། སྤྲིན་ཆེན་བློ་གྲོས་རྒྱ་མཚོ་ཞེས་བྱ་བ་དང་། སྤྲིན ་ཆེན་རྣམ་པར་རྒྱལ་བའི་སྡེ་ཞེས་བྱ་བ་དང་། སྤྲིན་ཆེན་འོད་རྒྱས་ཞེས་བྱ་བ་དང་། སྤྲིན་ཆེན་རྣམ་པར་རྒྱལ་བའི་གླུས་བྱིན་ཞེས་བྱ་བ་དང་། སྤྲིན་ཆེན་དགའ་བས་འཚོ་བའི་དཔལ་ཞེས་བྱ་བ་དང་། སྤྲིན ་ཆེན་དེད་དཔོན་མིག་ཅེས་བྱ་བ་དང་། སྤྲིན་ཆེན་ཅོད་པན་གྱིས་སྤུངས་སྐྱེས་པ་ཞེས་བྱ་བ་དང་། སྤྲིན་ཆེན་སྟོན་པར་གྱུར་པ་ཞེས་བྱ་བ་དང་། སྤྲིན་ཆེན་ས་བོན་སྲུང་བ་ཞེས་བྱ་བ་དང་། སྤྲིན་ཆེན་རྣམ ་པར་རྒྱལ་བའི་པདྨ་དཀར་པོ་ཞེས་བྱ་བ་དང་། སྤྲིན་ཆེན་མེ་ལྟ་བུའི་ཡེ་ཤེས་ཀྱི་པདྨ་ཞེས་བྱ་བ་དང་། སྤྲིན་ཆེན་བསྒོ་བས་བསྒོས་པའི་ཨུཏྤ་ལའི་དྲི་ལྡན་ཞེས་བྱ་བ་དང་། སྤྲིན་ཆེན་སྟག་ཅེས་བྱ་བ་དང ་སྤྲིན་ཆེན་འདྲེན་སྤྱོད་ཅེས་བྱ་བ་དང་། སྤྲིན་ཆེན་མི་འཇིགས་སྒྲ་ཞེས་བྱ་བ་དང་། སྤྲིན་ཆེན་ཏ་མ་ལའི་ལོ་མ་བསིལ་བ་ཞེས་བྱ་བ་དང་། སྤྲིན་ཆེན་རིན་ཆེན་ཅན་དན་བསིལ་བའི་ལུས་ཞེས་བྱ་བ་དང ་སྤྲིན་ཆེན་དམ་པ་ཞེས་བྱ་བ་དང་། སྤྲིན་ཆེན་ལ་མཚན་ལ་མཁས་པ་ཞེས་བྱ་བ་དང་། སྤྲིན་ཆེན་དགའ་བ་སྲེད་མེད་ཀྱི་བུ་ཞེས་བྱ་བ་དང་། སྤྲིན་ཆེན་སྙན་དངགས་མཁན་གྱི་ཁྱུ་མཆོག་ཅེས་བྱ་བ་དང ་སྤྲིན་ཆེན་སྙིང་པོ་ཕྲ་བ་ལ་འཇུག་པ་ཞེས་བྱ་བ་དང་། སྤྲིན་ཆེན་དམ་པའི་ཆོས་མཆོག་པདྨ་དཀར་པོ་རྒྱས་པའི་གདོང་ཞེས་བྱ་བ་དང་། སྤྲིན་ཆེན་དམ་པའི་ཆོས་ཀྱི་རྒྱུན་རྟོགས་ཞེས་བྱ་བ་དང་། སྤྲིན་ཆེན ་གྲགས་པའི་བདེ་བ་ཞེས་བྱ་བ་དང་། སྤྲིན་ཆེན་གསེར་གྱི་རི་བོའི་རྒྱལ་པོ་དཔལ་ཞེས་བྱ་བ་དང་། སྤྲིན་ཆེན་སྨན་ཀུན་སྦྱིན་ཞེས་བྱ་བ་དང་། སྤྲིན་ཆེན་སྨན་པའི་རྒྱལ་པོ་ཞེས་བྱ་བ་དང་། སྤྲིན་ཆེན ་ལུས་ཆེན་ཞེས་བྱ་བ་དང་། སྤྲིན་ཆེན་མཁའ་ལ་མངོན་པར་འཕགས་ཞེས་བྱ་བ་དང་། སྤྲིན་ཆེན་སྒྲ་ལྡན་ཞེས་བྱ་བ་དང་། སྤྲིན་ཆེན་དྲི་མ་སེལ་ཅེས་བྱ་བ་དང་། སྤྲིན་ཆེན་སྒྲོན་མ་པདྨའི ་དཔལ་ཞེས་བྱ་བ་དང་། སྤྲིན་ཆེན་རྣམ་པར་སྒྲོགས་པ་ལེན་པ་མེད་པའི་རྟོག་པ་མ་འདྲེས་པ་ཞེས་བྱ་བ་དང་། སྤྲིན་ཆེན་མུན་སེལ་ཅེས་བྱ་བ་དང་། སྤྲིན་ཆེན་རིམ་པའི་ཐོག་ཏོག་སེལ་བ་ཞེས་བྱ་བ ་དང་དེ་ལ་སོགས་པ་བྱང་ཆུབ་སེམས་དཔའ་ས་ཡ་ཕྲག་དྲུག་དང་བརྒྱང་འབུམ་ཡང་ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་གང་ན་བ་དེར་དོང་སྟེ་ལྷགས ་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུང ་ཕྱོགས་གཅིག་ཏུ་འཁོད་། ། ཡང་དེའི་ཚེ་སེང་གེ་སྒྲོན་མ་ལ་སོགས་པ་ལི་ཙ་བྱི་གཞོན་ནུ་ས་ཡ་ཕྲག་ལྔ་དང་བརྒྱད་འབུམ་ལ་འདི་ལྟ་སྟེ། ལི་ཙ་བྱི་གཞོན་ནུ་ཆོས་བྱིན་ཞེས་བྱ་བ་དང ་ལི་ཙ་བྱི་གཞོན་ནུ་ཀླུ་མགོ་ཞེས་བྱ་བ་དང་། ལི་ཙ་བྱི་གཞོན་ནུ་ཆོས་སྡེ་ཞེས་བྱ་བ་དང་། ལི་ཙ་བྱི་གཞོན་ནུ་དབང་པོས་བྱིན་ཞེས་བྱ་བ་དང་། ལི་ཙི་བྱི་གཞོན་ནུ་དབང་པོའི ་ཏོག་ཅེས་བྱ་བ་དང་། ལི་ཙ་བྱི་གཞོན་ནུ་དབང་པོའི་རྒྱལ་མཚན་འོད་ཅེས་བྱ་བ་དང་། ལི་ཙ་བྱེ་གཞོན་ནུ་སེང་གེའི་སྒྲ་སྒྲོགས་བློ་གྲོས་ཞེས་བྱ་བ་དང་། ལི་ཙ་བྱི་གཞོན་ནུ་རིན་ཆེན་འགྲིན་དབྱངས ་ཞེས་བྱ་བ་དང་། ལི་ཙ་བྱི་གཞོན་ནུ་རངས་བྱེད་དཔལ་ཞེས་བྱ་བ་དང་། ལི་ཙ་བྱི་གཞོན་ནུ་ཀླུ་དཔལ་ཞེས་བྱ་བ་དང་། ལི་ཙ་བྱི་གཞོན་ནུ་རྡོ་རྗེ་འཕྲེང་ལྡན་ཞེས་བྱ་བ་དང་། ལི་ཙ་བྱི་གཞོན་ནུ ་སངས་རྒྱས་འཕངས་ཞེས་བྱ་བ་དང་། ལི་ཙ་བྱི་གཞོན་ནུ་རྒྱལ་བའི་འབངས་ཞེས་བྱ་བ་དང་། ལི་ཙ་བྱི་གཞོན་ནུ་རྒྱལ་བའི་ཟླ་བ་ཞེས་བྱ་བ་དང་། ལི་ཙ་བྱི་གཞོན་ནུ་ལག་ཆེན་ཞེས་བྱ་བ་དང ་ལི་ཙ་བྱི་གཞོན་ནུ་དཔལ་ཆེན་ཞེས་བྱ་བ་དང་། ལི་ཙ་བྱི་གཞོན་ནུ་གངྒཱས་བྱིན་ཞེས་བྱ་བ་དང་། ལི་ཙ་བྱི་གཞོན་ནུ་འཇམ་དཔལ་སྙིང་པོ་ཞེས་བྱ་བ་དང་། ལི་ཙ་བྱི་གཞོན་ནུ་ཀླུ་དགའ་སྟོབས་ཞེས་བྱ་བ ་དང་ལི་ཙི་བྱི་གཞོན་ནུ་ཀླུས་སྐྱོང་ཞེས་བྱ་བ་དང་། ལི་ཙ་བྱི་གཞོན་ནུ་ཆོས་སྐྱོང་ཞེས་བྱ་བ་དང་། ལི་ཙ་བྱི་གཞོན་ནུ་འོད་གྲགས་ཞེས་བྱ་བ་དང་། ལི་ཙ་བྱི་གཞོན་ནུ་ནམ་མཁའ་མཛོད་ཅེས་བྱ་བ ་དང་ལི་ཙ་བྱི་གཞོན་ནུ་གནས་སྐྱོང་ཞེས་བྱ་བ་དང་། མི་ཙ་བྱི་གཞོན་ནུ་སྲིན་ཕྱིས་ཀྱི་རྣ་ཆ་གདུབ་ཀོར་ཅན་ཞེས་བྱ་བ་དང་། ལི་ཙ་བྱི་གཞོན་ནུ་གློག་འཕྲེང་ཅན་ཞེས་བྱ་བ་དང་། ལི་ཙ་རྱ ་གཞོན་ནུ་ཁྱད་པར་དགའ་ཞེས་བྱ་བ་དང་། ལི་ཙ་བྱི་གཞོན་ནུ་ཁྱད་པར་ཅན་གྱི་རིགས་ཤེས་བྱ་བ་དང་། ལི་ཙ་བཱི་གཞོན་ནུ་དྲི་མེད་འོད་གྲགས་ཞེས་བྱ་བ་དང་། ལི་ཙ་བྷི་གཞོན་ནུ་གླིང་བུ་ཅན་གྱིས་བྱིན ་ཞེས་བྱ་བ་དང་། ལི་ཙ་བྱི་གཞོན་ནུ་སའི་དབང་ཕྱུག་ཅེས་བྱ་བ་དང་། ལི་ཙ་བྱི་གཞོན་ནུ་ས་སྟེང་འཕྲེང་བ་ཅན་ཞེས་བྱ་བ་དང་། ལི་ཙ་བྱི་གཞོན་ནུ་མཚུངས་པ་མེད་པའི་རྡོ་རྗེའི་སྤྲིན་ཞེས་བྱ་བ་དང ་དེ་དག་ལ་སོགས་པ་ལི་ཙ་བྱི་གཞོན་ནུ་ས་ཡ་ཕྲག་ལྔ་དང་བརྒྱད་འབུམ་སྟེ། ལི་ཙ་བྱི་གཞོན་ནུ་དེ་དག་ཐམས་ཅད་ཀྱང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་པ ་ཐེག་པ་ཆེན་པོ་ལ་སེམས་རབ་ཏུ་དགའ་བ་ཤ་སྟག་སྟེ། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས ་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་དེ། ཕྱོགས་གཅིག་ཏུ་འཁོད་དོ།། ་ཡང་དེའི་ཚེ་ལྷའི་བུ་མཐོང་ན་དགའ་བའི་དྲི་ཟའི་རྒྱལ་པོ་ལ་སོགས་པ། ལྷའི་བུ་ས་ཡ་ཕྲག་བཞི་དང་བཞི་འབུམ་ལ་འདི་ལྟ་སྟེ། ལྷོའི་བུ་མཐོང་ན་དགའ་བའི་དྲི་ཟའི་རྒྱལ་པོ་ཞེས་བྱ ་བ་དང་། ལྷའི་བུ་དགའ་ཞིང་དང་བའི་གྲགས་པ་ཞེས་བྱ་བ་དང་། ལྷའི་བུ་ཟླ་བའི་གཙུག་པུད་ཅན་ཞེས་བྱ་བ་དང་། ལྷའི་བུ་ཉི་མའི་མདོག་ཅེས་བྱ་བ་དང་། ལྷའི་བུརྣ་འཕྱང་རྣ་ཆ་གདུབ་ཀོར་ཅན ་ཞེས་བྱ་བ་དང་། ལྷའི་བུ་རངས་བྱེད་ཀྱི་རོལ་མོའི་ས་འཛིན་ཅེས་བྱ་བ་དང་། ལྷའི་བུ་དཔལ་ཆེན་ཞེས་བྱ་བ་དང་། ལྷའི་བུ་ཟབ་མོའི་ཚུལ་ཆེན་པོ་ལ་འཇུག་པ་ཞེས་བྱ་བ་དང་། ལྷའི ་བུ་ནག་པོ་ཆེན་པོ་ཞེས་བྱ་བ་དང་། ལྷའི་བུ་དཔའ་བའི་བློ་གྲོས་ཞེས་བྱ་བ་དང་། ལྷའི་བུ་ནམ་མཁའ་ལྟར་མིག་དྲི་མ་མེད་པ་ཞེས་བྱ་བ་དང་། ལྷའི་བུ་དགའ་བ་རྣམ་པར་མོས་པའི་དཔལ་ཞེས་བྱ་བ་དང ་ལྷའི་བུ་དགའ་འཕྲེང་རྒྱལ་པོ་ཞེས་བྱ་བ་དང་། ལྷའི་བུ་དགའ་བར་གྲགས་པའི་འོད་ཅེས་བྱ་བ་དང་། ལྷའི་བུ་བཞིན་དགའ་ཞེས་བྱ་བ་དང་། ལྷའི་བུ་ཡིད་འཕྲོག་ཅེས་བྱ་བ་དང་། ལྷའི་བུ་བཻ་ཌཱུཪྻའི་འོད ་ཅེས་བྱ་བ་དང་། ལྷའི་བུ་བཻ་ཌཱུཪྵ་ལྟར་སྣང་བ་ཞེས་བྱ་བ་དང་། ལྷའི་བུ་སྐར་མ་ལ་དགའ་བ་ཞེས་བྱ་བ་དང་། ལྷའི་བུ་དཔྲལ་བ་ཟླ་གམ་ལྟར་འདུག་པ་ཞེས་བྱ་བ་དང་། ལྷའི་བུ་ངེས་པར་སྒྲ་སྒྲོ་གྲ་ཟབ་མོ་ཞེ་བྱ་བ་དང ་ལྷའི་བུ་ཉོན་མོངས་པ་རྣམ་པར་འཇོམས་པ་ཞེས་བྱ་བ་དང་། ལྷའི་བུ་བརྒྱ་བྱིན་དགའ་ཞེས་བྱ་བ་དང་། ལྷའི་བུ་གཞོན་ནུ་ཡིད་དུ་འོང་བ་ཞེས་བྱ་བ་དང་། ལྷའི་བུ་མནྡ་ར་ཝ་བརྩེགས་པ་ཞེས་བྱ་བ་དང་། ་ལྷའི་བུ་མགོ་ལ་འཁྲི་ཤིང་ཐོགས་པ་ཞེས་བྱ་བ་དང་། ལྷའི་བུ་བུར་མ་སེལ་བའི་བློ་གྲོས་ཞེས་བྱ་བ་དང་། ལྷའི་བུ་དམ་པའི་ཆོས་འཛིན་ཅེས་བྱ་བ་དང་། དེ་དག་ལ་སོགས་པ་ལྷའི་བུ་ས་ཡ་ཕྲག་བཞི་དང་བཞི ་འབུམ་སྟེ། ལྷའི་བུ་དེ་དག་ཐམས་ཅད་ཀྱང་། ཐེག་པ་ཆེན་པོ་ལ་སེམས་དད་ཅིང་རབ་ཏུ་དགའ་བ། དམ་པའི་ཆོས་བསྲུང་བར་དགའ་བ། དམ་པའི་ཆོས་རྒྱས་པར་དགའ་བ། ཏིང་ངེ་འཛིན་ཐམས ་ཅད་གཟུང་བར་དགའ་བ་ཤ་སྟག་སྟེ། སེམས་ཅན་རྣམས་ལ་ཕན་པ་དང་། བདེ་བའི་ཕྱིར་ཕྱེམ་རང་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་སྟོང་བསྐོར་བ་བྱས་ནས། བཅོམ་ལྡན་འདས་ག་ལ་བ་དེ་ལེགས་སུ་ཐལ་མོ་སྦྱར་བ་བཏུད་དེ། ཕྱོགས་གཅིག་ཏུ་འཁོད་།། ་ཡང་དེའི་ཚེ་ཀླུའི་རྒྱལ་པོ་ས་ཡ་ཕྲག་གཉིས་དང་བརྒྱད་འབུམ་ལ་འདི་ལྟ་སྟེ། ཀླུའི་རྒྱལ་པོ་པདྨ་ཞེས་བྱ་བ་དང་། ཀླུའི་རྒྱལ་པོ་འཇོག་པོ་ཞེས་བྱ་བ་དང་། ཀླུའི་རྒྱལ་པོ་རྒྱ་མཚོ་ཞེས ་བྱ་བ་དང་། ཀླུའི་རྒྱལ་པོ་མ་དྲོས་པ་ཞེས་བྱ་བ་དང་། ཀླུའི་རྒྱལ་པོ་སྟོབས་ཀྱིས་རྒྱུ་ཞེས་བྱ་བ་དང་། ཀླུའི་རྒྱལ་པོ་མཐའ་ཡས་ནོར་རྒྱས་ཀྱི་བུ་ཞེས་བྱ་བ་དང་། ཀླུའི་རྒྱལ་པོ་དཔལ་འབྱོར་གནས་ཤེས་བྱ་བ ་དང་ཀླུའི་རྒྱལ་པོ་བྱིས་པ་རྩེ་ཞེས་བྱ་བ་དང་། ཀླུའི་རྒྱལ་པོ་མཆེ་བ་མཆོག་ཏུ་རྣོ་ཞེས་བྱ་བ་དང་། ཀླུའི་རྒྱལ་པོ་མང་ཁྱེར་ཞེས་བྱ་བ་དང་། ཀླུའི་རྒྱལ་པོ་ཡན་ལག་འཆར་རི་དགས་མིག་ཅེས་བྱ་བ་དང ་ཀླུའི་རྒྱལ་པོ་ཕུར་བུ་སྒྲ་རིག་ཅེས་བྱ་བ་དང་། ཀླུའི་རྒྱལ་པོ་གསེར་མདོག་གདོང་ཞེས་བྱ་བ་དང་། ཀླུའི་རྒྱལ་པོ་སྟང་ཟིལ་གཙུག་ཕུད་ཅེས་བྱ་བ་དང་། ཀླུའི་རྒྱལ་པོ་ཆུབ་ཤུགས་འཛིན་ཅེས་བྱ་བ་དང ་ཀླུའི་རྒྱལ་པོ་ཏེ་སེའི་གངས་ཐུབ་ཅེས་བྱ་བ་དང་། ཀླུའི་རྒྱལ་པོ་བྱི་རུ་བཟང་ཞེས་བྱ་བ་དང་། ཀླུའི་རྒྱལ་པོ་འཕྲེང་སྒྲ་སྙན་ཅེས་བྱ་བ་དང་། ཀླུའི་རྒྱལ་པོ་ལུག་གདོང་ཞེས་བྱ་བ་དང་། ཀླུའི་རྒྱལ་པོ ་གནས་སྒྲོགས་མཁས་ཞེས་བྱ་བ་དང་། ཀླུའི་རྒྱལ་པོ་གཟི་ཅན་ཞེས་བྱ་བ་དང་། ཀླུའི་རྒྱལ་པོ་ནོར་རྒྱས་ཀྱི་བུ་ཞེས་བྱ་བ་དང་། དེ་དག་ལ་སོགས་པ་ཀླུའི་རྒྱལ་པོ་ས་ལ་ཕྲག ་གཉིས་དང་བརྒྱད་འབུམ་སྟེ། ཀླུའི་རྒྱལ་པོ་དེ་དག་ཐམས་ཅད་ཀྱང་ཐེག་པ་ཆེན་པོ་ཐོས་པར་འདོད་པ་དང་། ཐོས་ནས་ཀྱང་གཞན་དག་ལ་རྒྱས་པར་སྟོན་པར་འདོད་པ། དམ་པའི་ཆོས་འཆང་བར་འདོད ་པ་དམ་པའི་ཆོས་ཀུན་ཏུ་བསྲུང་བར་ཡོངས་སུ་འཛིན་པའི་ངང་ཚུལ་ཅན། དམ་པའི་ཆོས་བསྲུང་བའི་ཁུར་ཁྱེར་བ། ཡོངས་སུ་འཛིན་པའི་ངང་ཚུལ་ཅན་ཤ་སྟག་སྟེ། ཕྱེ་མ་རེད་ཀྱི་དུས་ཀྱི་ཚེ། རང་རང་གི ་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། ། ཡང་དེའི་ཚེ་གནོད་སྦྱིན་གྱི་བདག་པོ་རྣམ་ཐོས་ཀྱི་བུ་ལ་སོགས་པ་གནོད་སྦྱིན་གྱི་རྒྱལ་པོ་ས་ཡ་ཕྲག ་གསུམ་དང་། དྲུག་འབུམ་ལ་འདི་ལྟ་སྟེ། གནོད་སྦྱིན་གྱི་རྒྱལ་པོ་རྣམ་ཐོས་ཀྱི་བུ་ཞེས་བྱ་བ་དང་། གནོད་སྦྱིན་གྱི་རྒྱལ་པོ་མ་ལ་འདོད་ཅེས་བྱ་བ་དང་། གནོད་སྦྱིན་གྱི་རྒྱལ་པོ་མ་འཛིན་ཅེས་བྱ་བ་དང ་གནོད་སྦྱིན་གྱི་རྒྱལ་པོ་མ་ལ་དཔལ་དུ་འཛིན་པ་ཞེས་བྱ་བ་དང་། གནོད་སྦྱིན་གྱི་རྒྱལ་པོ་ལག་སྒེག་ཅེས་བྱ་བ་དང་། གནོད་སྦྱིན་གྱི་རྒྱལ་པོ་འཇིགས་ཆེན་འཇིགས་བྱེད་ཅེས་བྱ་བ་དང་། གནོད་སྦྱིན་གྱི་རྒྱལ ་པོ་ཁྲོ་གཉེར་མིག་ཟུར་ཅན་ཞེས་བྱ་བ་དང་། གནོད་སྦྱིན་གྱི་རྒྱལ་པོ་ས་སྦྲུལ་ཅེས་བྱ་བ་དང་། གནོད་སྦྱིན་གྱི་རྒྱལ་པོ་ཉི་མ་རངས་བྱེད་ཅེས་བྱ་བ་དང་། གནོད་སྦྱིན་གྱི་རྒྱལ་པོ་ཤེས་ལྡན་ངང་ཚུལ་ཅན་ཞེས་བྱ་བ ་དང་། གནོད་སྦྱིན་གྱི་རྒྱལ་པོ་ནོར་བུ་བཟང་ཞེས་བྱ་བ་དང་། གནོད་སྦྱིན་གྱི་རྒྱལ་པོ་འོད་ཆགས་པདྨ་མཛོད་ཅེས་བྱ་བ་དང་། གནོད་སྦྱིན་གྱི་རྒྱལ་པོ་ཤིང་རྟ་གཏོང་བའི་སྙིང་པོ་དཔལ་ཞེས་བྱ་བ་དང་། གནོད ་སྦྱིན་གྱི་རྒྱལ་པོ་འཐབ་མོ་ལས་རྣམ་པར་རྒྱལ་བའི་གཡུལ་གྱི་དཔལ་ཞེས་བྱ་བ་དང་། གནོད་སྦྱིན་གྱི་རྒྱལ་པོ་ལྔས་རྩེན་ཞེས་བྱ་བ་དང་། གནོད་སྦྱིན་གྱི་རྒྱལ་པོ་ནོར་བུ་སྤྱོད་ཅེས་བྱ་བ་དང་། དེ་དག་ལ་སོགས ་པ་གནོད་སྦྱིན་གྱི་རྒྱལ་པོ་ས་ཡ་ཕྲག་གསུམ་དང་དྲུག་འབུམ་སྟེ། གནོད་སྦྱིན་གྱི་རྒྱལ་པོ་དེ་དག་ཐམས་ཅད་ཀྱང་། དེ་བཞིན་གཤེགས་པ་མི་འཁྲུགས་པའི་བྱང་ཆུབ་སེམས་དཔའི་སྤྱོད་པ་ལ་རྗེས་སུ་སློབ་པར ་འདོད་པ། དམ་པའི་ཆོས་བསྲུང་བ་ཡོངས་སུ་འཛིན་པའི་ངང་ཚུལ་ཅན་ཤ་སྟག་སྟེ། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོར ་ཡང་དེའི་ཚེ་ནམ་མཁའ་ལྡིང་གི་རྒྱལ་པོ་ས་ཡ་ཕྲག་བཞི་དང་དགུ་འབུམ་ལ་འདི་ལྟ་སྟེ། ནམ་མཁའ་ལྡིང་གི་རྒྱལ་པོ་སྤོས་ཀྱི་གླང་པོ་ཆེ་རླུང་གི་སྟོབས་དང་མཉམ་པའི་ཤུགས་ཅན ་ཞེས་བྱ་བ་དང་། ནམ་མཁའ་ལྡིང་གི་རྒྱལ་པོ་བུར་འུར་ཞེས་བྱ་བ་དང་། ནམ་མཁའ་ལྡིང་གི་རྒྱལ་པོ་རྔ་བོ་ཆེ་དང་ཅང་ཏེའུ་ཡི་སྒྲ་ལྟར་དིར་དིར་ཞེས་བྱ་བ་དང་། ནམ་མཁའ་ལྡིང ་གི་རྒྱལ་པོ་ཀླུའི་སྟོབས་དང་དྲེགས་པ་འཇོམས་པ་ཞེས་བྱ་བ་དང་། ནམ་མཁའ་ལྡིང་གི་རྒྱལ་པོ་སང་སང་ཞེས་བྱ་བ་དང་། ནམ་མཁའ་ལྡིང་གི་རྒྱལ་པོ་འོད་ཆེན་ཞེས་བྱ་བ་དང་། ནམ་མཁའ་ལྡིང ་གི་རྒྱལ་པོ་གཤོག་གཟེགས་བཀྲམ་ཞེས་བྱ་བ་དང་། ནམ་མཁའ་ལྡིང་གི་རྒྱལ་པོ་བུང་རྒྱལ་གདོང་ཞེས་བྱ་བ་དང་། ནམ་མཁའ་ལྡིང་གི་རྒྱལ་པོ་རིགས་སྔགས་ཀྱི་ནོར་བུའི་སིལ་སིལ་འཆང་ཞེས་བྱ་བ ་དང་ནམ་མཁའ་ལྡིང་གི་རྒྱལ་པོ་ནོར་རྒྱས་ཀྱི་བུའི་རིགས་གཞིག་པར་དགའ་བ་ཞེས་བྱ་བ་དང་། ནམ་མཁའ་ལྡིང་གི་རྒྱལ་པོ་ནོར་རྒྱས་ཀྱི་བུའི་རིགས་རབ་ཏུ་འཇོམས་པར་དགའ་བ་ཞེས་བྱ་བ་དང ་ནམ་མཁའ་ལྡིང་གི་རྒྱལ་པོ་ཡང་དག་པར་མཐོང་བ་ཞེས་བྱ་བ་དང་། ནམ་མཁའ་ལྡིང་གི་རྒྱལ་པོ་བྱམས་པ་ཆེན་པོའི་ཚིག་སྙན་པར་སྒྲོགས་པ་ཞེས་བྱ་བ་དང་། ནམ་མཁའ་ལྡིང་གི་རྒྱལ་པོ་ཆོས་དགའ ་ཞེས་བྱ་བ་དང་། ནམ་མཁའ་ལྡིང་གི་རྒྱལ་པོ་གསེར་གྱི་གཤོག་པ་སྦྱིན་ཞེས་བྱ་བ་དང་། དེ་དག་ལ་སོགས་པ་ནམ་མཁའ་ལྡིང་གི་རྒྱལ་པོ་ས་ཡ་ཕྲག་བཞི་དང་དགུ་འབུམ་སྟེ། ནམ་མཁའ་ལྡིང་གི ་རྒྱལ་པོ་དེ་དག་ཐམས་ཅད་ཀྱང་དྲེགས་པ་དང་། ང་རྒྱལ་དང་། རྒྱགས་པ་དང་བྲལ་བ། ཐེག་པ་ཆེན་པོ་ལ་དད་པའི་སེམས་ཐོབ་པ། དམ་པའི་ཆོས་ཀུན་ཏུ་སྲུང་བར་གྱུར་པ་ཤ་སྟག་སྟེ། ཕྱེ་མ ་རིད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། ་ཡང་དེའི་ཚེ་དྲི་ཟའི་རྒྱལ་པོ་ས་ཡ་ཕྲག་དྲུག་དང་། བརྒྱད་འབུམ་ལ་འདི་ལྟ་སྟེ། དྲི་ཟའི་རྒྱལ་པོ་དགའ་བའི་སྙིང་པོ་ཞེས་བྱ་བ་དང་། དྲི་ཟའི་རྒྱལ་པོ་གདངས་སྙན་ཅེས་བྱ་བ་དང ་དྲི་ཟའི་རྒྱལ་པོ་སྟ་གོན་ལ་དགའ་བ་ཞེས་བྱ་བ་དང་། དྲི་ཟའི་རྒྱལ་པོ་ཁྱུད་མཆོག་ལྷ་ཞེས་བྱ་བ་དང་། དྲི་ཟའི་རྒྱལ་པོ་ཤུགས་ཀྱིས་འཁྱིག་པར་ལེན་པ་ལ་དགའ་བ་ཞེས་བྱ་བ་དང་། དྲི་ཟའི་རྒྱལ་པོ ་ཤང་ཤང་ཏེའུ་ཡི་སྐད་འབྱིན་ཞེས་བྱ་བ་དང་། དེ་དག་ལ་སོགས་པ་དྲི་ཟའི་རྒྱལ་པོ་ས་ཡ་ཕྲག་དྲུག་དང་བརྒྱད་འབུམ་སྟེ། དྲི་ཟའི་རྒྱལ་པོ་དེ་དག་ཐམས་ཅད་ཀྱང་དྲེགས་པ་དང་། ང་རྒྱལ་དང ་རྒྱགས་པ་དང་བྲལ་བ། ཐེག་པ་ཆེན་པོ་ལ་དད་པའི་སེམས་ཐོབ་པ། དམ་པའི་ཆོས་ཀུན་ཏུ་སྲུང་བར་གྱུར་པ་ཤ་སྟག་སྟེ། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ ་ལྡན་འདས་ག་ལ་བ་དེར་དོང་སྟེ་ལྷགས་ནུས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། ཕྱོགས་གཅིག་ཏུ ་འཁོད་དོ། ། ཡང་དེའི་ཚེ་མི་འམ་ཅིའི་རྒྱལ་པོ་ས་ཡ་ཕྲག་དགུ་དང་བརྒྱད་འབུམ་ལ་འདི་ལྟ་སྟེ། མི་འམ་ཅིའི་རྒྱལ་པོ་ལེགས་མཐོང་ཡིད་འཕྲོག་ཅེས་བྱ་བ་དང་། མི་འམ་ཅིའི་རྒྱལ ་@པོ་ཀླུ་ཁྱེར་ཞེས་བྱ་བ་དང་། མི་འམ་ཅིའི་རྒྱལ་པོ་བུད་མེད་སེམས་འབྲོག་ཅེས་བྱ་བ་དང་། མི་འམ་ཅིའི་རྒྱལ་པོ་བུད་མེད་ཀྱི་སྙིང་དུ་སྡུག་ཅེས་བྱ་བ་དང་། མི་འམ་ཅིའི་རྒྱལ་པོ་ལྷའི་བུ་མོ་ལ ་འབོད་པ་ཞེས་བྱ་བ་དང་། མི་འམ་ཅིའི་རྒྱལ་པོ་ཉོན་མོངས་པ་རྐུ་བ་ཞེས་བྱ་བ་དང་། མི་འམ་ཅིའི་རྒྱལ་པོ་དགྲ་རིགས་དྲེགས་པ་འཇོམས་པ་གསོད་ཅེས་བྱ་བ་དང་། མི་འམ་ཅིའི་རྒྱལ་པོ་བདུད་ཀྱི་བུ་མོ་དགའ ་བ་ཞེས་བྱ་བ་དང་། མི་འམ་ཅིའི་རྒྱལ་པོ་བདུད་ཀྱི་སྡེ་འཇོམས་པ་ཞེས་བྱ་བ་དང་། མི་འམ་ཅིའི་རྒྱལ་པོ་ཡེ་ཤེས་སྙིང་པོ་ཞེས་བྱ་བ་དང་། མི་འམ་ཅིའི་རྒྱལ་པོ་ཡེ་ཤེས་ཟབ་མོའི་ཚུལ་བསྒོས་ཞེས་བྱ་བ་དང ་མི་འམ་ཅིའི་རྒྱལ་པོ་དྲི་མ་མེད་པར་སྣང་བའི་དཔལ་ཞེས་བྱ་བ་དང་། མི་འམ་ཅིའི་རྒྱལ་པོ་དབང་པོ་བསྲུངས་ཤེས་བྱ་བ་དང་། མི་འམ་ཅིའི་རྒྱལ་པོ་རྒྱང་རིང་མཐོང་ཞེས་བྱ་བ་དང་། དེ་དག་ལ་སོགས་པ ་མི་འམ་ཅིའི་རྒྱལ་པོ་ས་ཡ་ཕྲག་དགུ་དང་། བརྒྱད་འབུམ་སྟེ། མི་འམ་ཅིའི་རྒྱལ་པོ་དེ་དག་ཐམས་ཅད་ཀྱང་དྲེགས་པ་དང་། ང་རྒྱལ་དང་། རྒྱགས་པ་དང་བྲལ་བ། ཐེག་པ་ཆེན་པོ་ལ་དད་པའི་སེམས ་ཐོབ་པ། དམ་པའི་ཆོས་ཀུན་ཏུ་བསྲུངས་པར་གྱུར་པ་ཤ་སྟག་སྟེ། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི ་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། ཡང་དེའི་ཚེ་སྲིན་པོའི་རྒྱལ་པོ་ས་ཡ་ཕྲག་དགུ་དང་བརྒྱད་འབུམ་ལ་འདི་ལྟ་སྟེ། སྲིན་པོའི་རྒྱལ་པོ་འཇིགས་སུ་རུང་བ་ཞེས ་བྱ་བ་དང་། སྲིན་པོའི་རྒྱལ་པོ་རྩིབ་མ་སྲེག་ཅེས་བྱ་བ་དང་། སྲིན་པོའི་རྒྱལ་པོ་དྲང་སྲོང་ཟས་ལེན་སྒྲ་སེར་ཞེས་བྱ་བ་དང་། སྲིན་པོའི་རྒྱལ་པོ་སོ་རང་རོད་ཅན་ཞེས་བྱ་བ་དང་། སྲིན་པོའི་རྒྱལ་པོ་རྣ་བཅས་ཐོད་ཅན ་ཞེས་བྱ་བ་དང་། སྲིན་པོའི་རྒྱལ་པོ་སེར་པོ་སྦྲང་རྩི་མདོག་ཅེས་བྱ་བ་དང་། སྲིན་པོའི་རྒྱལ་པོ་མགུལ་ངར་ཞེས་བྱ་བ་དང་། སྲིན་པོའི་རྒྱལ་པོ་སྒྲ་བོ་ཆེ་ཞེས་བྱ་བ་དང་། སྲིན་པོའི་རྒྱལ་པོ་མགོ་ཟང་ཅེས་བྱ་བ་དང ་སྲིན་པོའི་རྒྱལ་པོ་གྱད་ལ་སྐུལ་ཞེས་བྱ་བ་དང་། སྲིན་པོའི་རྒྱལ་པོ་སྐྲག་བྱེད་གཟུགས་ཅན་ཞེས་བྱ་བ་དང་། དེ་ལ་སོགས་པ་སྲིན་པོའི་རྒྱལ་པོ་ས་ཡ་ཕྲག་དགུ་དང་བརྒྱད་འབུམ་སྟེ། སྲིན་པོའི་རྒྱལ་པོ་དེ་དག་ཐམས ་ཅད་སྲིན་པོའི་རང་བཞིན་དང་བྲལ་བ། ཐེག་པ་ཆེན་པོས་སེམས་དུལ་བར་གྱུར་པ། དམ་པའི་ཆོས་ཀུན་ཏུ་སྲུང་བར་གྱུར་པ་ཤ་སྟག་སྟེ། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན ་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། ཡང་དེའི་ཚེ་གྲུལ་བུམ་གྱི་རྒྱལ་པོ་ས་ཡ་ཕྲག་བདུན་དང་བརྒྱད ་འབུམ་ལ་འདི་ལྟ་སྟེ། གྲུལ་བུམ་གྱི་རྒྱལ་པོ་གླང་པོ་ཆེའི་རྣ་བ་ཅན་ཞེས་བྱ་བ་དང་། གྲུལ་བུམ་གྱི་རྒྱལ་པོ་སྟག་ལྟར་དྲེགས་པ་ཞེས་བྱ་བ་དང་། གྲུལ་བུམ་གྱི་རྒྱལ་པོ་ཤིན་ཏུ་ཆེ་བ་ཞེས་བྱ་བ་དང་། དེ་དག་ལ་སོགས ་པ་གྲུལ་བུམ་གྱི་རྒྱལ་པོ་ས་ཡ་ཕྲག་བདུན་དང་བརྒྱད་འབུམ་སྟེ། གྲུལ་བུམ་གྱི་རྒྱལ་པོ་དེ་དག་ཐམས་ཅད་ཀྱང་། གྲུལ་བུམ་གྱི་རང་བཞིན་དང་བྲལ་བ། དམ་པའི་ཆོས་ཀུན་ཏུ་སྲུང་བར་གྱུར་པ་ཤ་སྟག་སྟེ། ཕྱེ་མ་རེད་ཀྱི ་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། ་ཡང་དེའི་ཚེ་འབྱུང་པོའི་རྒྱལ་པོ་ས་ཡ་ཕྲག་གསུམ་དང་བརྒྱད་འབུམ་ལ་འདི་ལྟ་སྟེ། འབྱུང་པོའི་རྒྱལ་པོ་གླང་པོ་ཆེའི་གདོང་ཅན་ཞེས་བྱ་བ་དང་། འབྱུང་པོའི་རྒྱལ་པོ་མྱུ་གུ་ཞེས་བྱ་བ་དང་། འབྱུང ་པོའི་རྒྱལ་པོ་ཁྱིམ་འབིགས་རྐུན་པོ་ཞེས་བྱ་བ་དང་། འབྱུང་པོའི་རྒྱལ་པོ་བོངད་སྐད་ཅན་ཞེས་བྱ་བ་དང་། འབྱུང་པོའི་རྒྱལ་པོ་མེ་ཏོག་གི་རྣ་ཆ་ཅན་ཞེས་བྱ་བ་དང་། འབྱུང་པོའི་རྒྱལ་པོ་སྦལ་འཕྲེང་སོར་གདུབ ་ཅན་ཞེས་བྱ་བ་དང་། འབྱུང་པོའི་རྒྱལ་པོ་བྱི་སོ་མཛེས་ཞེས་བྱ་བ་དང་། འབྱུང་པོའི་རྒྱལ་པོ་བྱི་ལ་འགྲོས་མཛེས་ཞེས་བྱ་བ་དང་། འབྱུང་པོའི་རྒྱལ་པོ་སྲེ་མོ་འགྲམ་ཞེས་བྱ་བ་དང་། འབྱུང་པོའི་རྒྱལ་པོ་སྔ། ་བཞིན་ཟླ་བའི་གདོང་ཞེས་བྱ་བ་དང་། དེ་དག་ལ་སོགས་པ་འབྱུང་པོའི་རྒྱལ་པོ་ས་ཡ་ཕྲག་གསུམ་དང་བརྒྱད་འབུམ་སྟེ། འབྱུང་པོའི་རྒྱལ་པོ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་སེམས་དད་ཅིང་རབ་ཏུ ་དགའ་བ་ཤ་སྟག་སྟེ། གར་བྱེད་ཅིང་རོལ་མོའི་སྒྲ་སྒྲོགས་ལ། སིལ་སྙན་རྣམས་རྡོབ་ཅིང་ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། ཡང་དེའི་ཚེ་གཅོད་བྱེད་ཀྱི་བུའི་རྒྱལ་པོ་ས་ཡ་ཕྲག་བརྒྱད་ལ་འདི་ལྟ་སྟེ། གཅོད་བྱེད་ཀྱི་བུའི་རྒྱལ་པོ་གྲོག་ཞི ་བྱེད་བཙུན་ཞེས་བྱ་བ་དང་། གཅོད་བྱེད་ཀྱི་བུའི་རྒྱལ་པོ་བྱ་སྣ་ཚོགས་སྔོ་བཙུན་ཞེས་བྱ་བ་དང་། གཅོད་བྱེད་ཀྱི་བུའི་རྒྱལ་པོ་བྱ་མཆུ་ཅན་ཞེས་བྱ་བ་དང་། གཅོད་བྱེད་ཀྱི་བུའི་རྒྱལ་པོ་རྒྱ་མཚོ་འཁྲུག་ཅེས་བྱ་བ་དང་། དེ་དག ་ལ་སོགས་པ་གཅོད་བྱེད་ཀྱི་བུའི་རྒྱལ་པོ་ས་ཡ་ཕྲག་བརྒྱད་དེ། གཅོད་བྱེད་ཀྱི་བུའི་རྒྱལ་པོ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་མངོན་པར་བརྩེ་བ། ཐེག་པ་ཆེན་པོ་ལ་སེམས་མངོན་པར་རབ་ཏུ་དགའ་བ། ཐེག ་པ་ཆེན་པོ་ལ་མངོན་པར་འདོད་པ། ཐེག་པ་ཆེན་པོས་མངོན་པར་སྐོམ་པ། ཐེག་པ་ཆེན་པོ་ལ་མངོན་པར་སྲེད་པ། ཐེག་པ་ཆེན་པོ་ལ་དང་པ། ཐེག་པ་ཆེན་པོས་བཀྲེས་པ། དམ་པའི་ཆོས་ཀུན་ཏུ་སྲུང་བར ་དམ་བཅས་པ། དམ་པའི་ཆོས་ཀུན་ཏུ་སྲུང་བར་ཡོངས་སུ་འཛིན་པའི་ངང་ཚུལ་ཅན་དཤ་སྟག་སྟེ། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། ། ཡང་དེའི་ཚེ་ལྷ་མ་ཡིན་གྱི་རྒྱལ་པོ་བྱེ་བ་ཕྲག་བརྒྱད་དང་། བརྒྱད་འབུམ་ལ་འདི་ལྟ་སྟེ། ལྷ་མ་ཡིན་གྱི ་རྒྱལ་པོ་ཐགས་བཟངས་རིས་ཀྱི་མདུན་ན་སྒྲ་སྒྲོགས་ཤེས་བྱ་བ་དང་། ལྷ་མ་ཡིན་གྱི་རྒྱལ་པོ་ཡུལ་གྱིས་དབེན་སྤྱོ་བ་ཞེས་བྱ་བ་དང་། ལྷ་མ་ཡིན་གྱི་རྒྱལ་པོ་གངྒཱའི་དྲི་མ་མེད་པར་འཇུག་པ་ཞེས་བྱ་བ་དང་། ལྷ་མ་ཡིན་གྱི ་རྒྱལ་པོ་ས་སྟེང་ནི་བྱེད་ཅེས་བྱ་བ་དང་། ལྷ་མ་ཡིན་གྱི་རྒྱལ་པོ་བྱ་མ་གྲིམ་ཞེས་བྱ་བ་དང་། ལྷ་མ་ཡིན་གྱི་རྒྱལ་པོ་མདུང་རྩེ་གསུམ་པ་འཆང་ཞེས་བྱ་བ་དང་། ལྷ་མ་ཡིན་གྱི་རྒྱལ་པོ་ཐལ་བའི་གཙུག་པུད་ཅན་ཞེས་བྱ་བ་དང་། ་ས་མ་ཡོས་གས་ང། མམས་ཀྱ་ང་། རྣས་མཔས་ད ་ང་བརྒྱད་འཇུས་སྟེ། ལྷ་མ་ཡིན་གྱི་རྒྱལ་པོ་དེ་དག་ཐམས་ཅད་ཀྱང་། སྐ་མ་ཡིན་གྱི་རང་བཞིན་དང་བྲལ་བ། སེམས་དུལ་བ། ཡིད་རབ་ཏུ་བརྟན་པ་ཤ་སྟས་སྟེ། ཕྱེམ་འད་ཀྱི་དུས་ཀྱིཆེ། རང་རང་མི་གནས་ས ་བྱུང་ནས། བཅོམ་ལྡན་འདས་གལ་བ་དེར་དོང་སྟེ་ལྤགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ།། ཡང་དེའི་ཚེ་རིག་སྔགས་འཆང་གི་རྒྱལ་པོས ་ཡ་ཕྲག་དྲུག་དང་ལྔ་འབུམ་ལ་འདི་ལྟ་སྟེ། རིག་སྔགས་འཆང་གི་རྒྱལ་པོ་རིན་ཆེན་འཆང་བ་ཞེས་བྱ་བ་དང་། རིག་སྔགས་འཆང་གི་རྒྱལ་པོ་ལོངས་སྤྱོད་མི་ཟད་འཆང་ཞེས་བྱ་བ་དང་། དེ་དག་ལ་སོགས་པ་རིག་སྔགས ་འཆང་གི་རྒྱལ་པོ་ས་ཡ་ཕྲག་དྲུག་དང་ལྔ་འབུམ་སྟེ། རིག་སྔགས་འཆང་གི་རྒྱལ་པོ་དེ་དག་ཐམས་ཅད་ཀྱང་ཐེག་པ་ཆེན་པོ་འཆང་བ། ཏིང་ངེ་འཛིན་འདོད་པ། ཏིང་ངེ་འཛིན་ཚོལ་བར་འདོད་པ། ཐེག་པ་ཆེན་པོའི་ཏིང་ངེ་འཛིན ་གྱི་སྤྱོད་པ་སྤྱད་པར་འདོད་པ། བདག་གི་ཡིད་གཉིས་བསལ་བར་འདོད་པ། དམ་པའི་ཆོས་ཀུན་ཏུ་བསྲུང་བར་ཡོངས་སུ་འཛིན་པའི་ཚུལ་ཁྲིམས་དང་བརྟུལ་ཞུགས་ཅན་ཤ་སྟག་སྟེ། ཕྱེ་མ་རེད་ཀྱི་དུས་ཀྱི་ཚེ། རང་རང་གི ་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། ཡང་དེའི་ཚེ་དྲང་སྲོང་མངོན་པར་ཤེས ་པ་ལྔ་ཐོབ་པ་ས་ཡ་ཕྲག་དགུ་དང་དགུ་འབུམ་ལ་འདི་ལྟ་སྟེ། དྲང་སྲོང་མིས་བྱིན་གྱི་བུ་ཞེས་བྱ་བ་དང་། དྲང་སྲོང་ཐེམ་བུ་ཀ་ཞེས་བྱ་བ་དང་། དྲང་སྲོང་ཤིང་ཤུན་ཅན་ཞེས་བྱ་བ་དང་། དྲང་སྲོང་དཀའ་ཐུབ་ཅན་ཞེས་བྱ་བ་དང ་དྲང་སྲོང་ཡང་དག་སྦྱོར་ཞེས་བྱ་བ་དང་། དྲང་སྲོང་ཀུན་ཏུ་རྒྱལ་ཞེས་བྱ་བ་དང་། དྲང་སྲོང་ངན་སྤོང་ཤེས་ལྡན་ཞེས་བྱ་བ་དང་། དྲང་སྲོང་རི་བྱི་རངས་བྱེད་གཞུ་ཅན་ཞེས་བྱ་བ་དང་། དྲང་སྲོང་མ་མ་རི་དགས་ཤེས་བྱ་བ་དང་། ་དྲང་སྲོང་ཤ་མེད་ཟས་སྦྱིན་ཞེས་བྱ་བ་དང་། དྲང་སྲོང་གནས་འཇོག་གསོག་འཇོག་སེལ་བརྩོན་ཞེས་བྱ་བ་དང་། དྲང་སྲོང་སྒྲ་མི་སྙན་ལྔ་ལེན་རིལ་པ་ཅན་ཞེས་བྱ་བ་དང་། དྲང་སྲོང་འདོད་པ་ལ་རྒྱབ་ཀྱིས་ཕྱོགས་པ་ཞེས ་བྱ་བ་དང་། དྲང་སྲོང་དུས་དང་པོ་ལ་དགའ་བ་ཞེས་བྱ་བ་དང་། དྲང་སྲོང་བརྒྱ་བྱིན་ལྷར་འཛིན་ཡུན་རིངས་གནས་ཞེས་བྱ་བ་དང་། དྲང་སྲོང་མཛོད་ལྡན་སྒྲ་མི་སྙན་ཅེས་བྱ་བ་དང་། དྲང་སྲོང་བ་ར་དཱ་ཙ་ཤིང་ཤུན་ཅན་ཞེས་བྱ ་བ་དང་། དྲང་སྲོང་ཀླུའི་རིལ་བ་ཅན་ཞེས་བྱ་བ་དང་། དྲང་སྲོང་འདམ་བུས་བྱིན་ཞེས་བྱ་བ་དང་། དེ་དག་ལ་སོགས་པ། དྲང་སྲོང་མངོན་པར་ཤེས་པ་ལྔ་ཐོབ་པ་ས་ཡ་ཕྲག་དགུ་དང་དགུ་འབུམ་སྟེ། ཕྱེ་མ་རེད་ཀྱི་དུས་ཀྱི་ཚེ ་རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ལན་གསུམ་བསྐོར་བ་བྱས་ནས། བཅོམ་ལྡན་འདས་ག་ལ་བ་དེ ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་། ། ཡང་དེའི་ཚེ་ལྷ་རྣམས་ཀྱི་དབང་པོ་བརྒྱ་བྱིན་སུམ་ཅུ་རྩ་གསུམ་པའི་ལྷའི་བུའི་ཚོགས་འབུམ་ཕྲག་དུ་མ་དང་ལྷན་ཅིག་ཏུ་ཕྱེམ་རེད་ཀྱི་དུས་ཀྱི་ཆ ་རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ ་མོ་སྦྱར་བ་བཏུད་ནས། ཕྱོགས་གཅིག་ཏུ་འཁོད་དོ།། ཡང་དེའི་ཚེ་འཇིག་རྟེན་སྐྱོང་བ་བཞི། ལྷའི་བུ་འབུམ་ཕྲག་དུ་མས་མདུན་གྱིས་བལྟས་ཏེ། ཡོངས་སུ་བསྐོར་ནས་ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས ་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། ཡང་དེའི་ཚེ་ཡུལ་མཉན་ཡོད་ནས། ཀོ་ས ་ལའི་རྒྱལ་པོ་གསལ་རྒྱལ། རང་གི་བློན་པོ་ཆེན་པོ།། ཐེག་པ་ཆེན་པོ་ལ་མངོན་པར་བརྩེ་བ་དེ་དང་དེ་དག་རང་རང་གི་འཁོར་དང་། དཔུང་གི་ཚོགས་ཡན་ལག་བཞི་པ་དག་དང་ལྷན་ཅིག་ཏུ་ཕྱེ་མ་རེད་ཀྱི་དུས་ཀྱི་ཚེ། རང་རང་གི ་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། ཡང་དེའི་ཚེ་རབ་སྦྱིན་ལ་སོགས ་པ་ཁྱིམ་བདག་འབུམ་ཕྲག་དུ་མ་བསླབ་པའི་བཞི་ལྔ་བླངས་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་པ། དེ་དག་ཐམས་ཅད་ཆོས་འདོད་པ་དང་། ཆོས་དོན་དུ་གཉེར་བ་དང་། འདི ་ལྟར་བྱང་ཆུབ་ཀྱི་ཕྱོགས་སུ་གཏོགས་པའི་ཆོས་རྣམས་ཡང་དག་པར་བསྡུ་བའི་ཕྱིར། བཅོམ་ལྡན་འདས་ཉིད་ཀྱི་ཕྱིར་འབྲང་བ་དེ་དག་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ།། ་ཡང་དེའི་ཚེ་ཡུལ་པཉྩ་ནས་རྒྱལ་ཕྲན་ཟླ་བ་སྐྱོང་ཞེས་བྱ་བ་རང་གི་བློན་པོ་ཆེན་པོ་དང་། གྲོང་ཁྱེར་གྱི་དཔོན་པོ་སྟོང་བསླབ་པའི་གཞི་ལྔ་བླངས་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང ་དག་པར་ཞུགས་པ་དེ་དག་ཐམས་ཅད་ཆོས་འདོད་པ་དང་། ཆོས་དོན་དུ་གཉེར་བ་དང་། འདི་ལྟར་བྱང་ཆུབ་ཀྱི་ཕྱོགས་སུ་གཏོགས་པའི་ཆོས་རྣམས་ཡང་དག་པར་བསྡུ་བའི་ཕྱིར། བཅོམ་ལྡན་འདས་ཉིད་ཀྱི་ཕྱིར་འབྲང་བ ་དེ་དག། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་དེ། ཕྱོགས་གཅིག་ཏུ་འཁོད་དོ།། ཡང་དེའི་ཚེ་ཡུལ་ཆེན་པོ་བཅུ་དྲུག་གི་གྲོང་ཁྱེར་དང་། གྲོང་རྡལ་དང་། ལུང་པའི་གྲོང་དང་མདོ ་དང་ཡུལ་འཁོར་དང་། རྒྱལ་པོའི་ཕོ་བྲང་འཁོར་ཐམས་ཅད་ཀྱི་མི་རྣམས། བཅོམ་ལྡན་འདས་ལ་བལྟ་བ་དང་། ཕྱག་བྱ་བའི་ཕྱིར་ལྷགས་ཏེ། དེ་དག་ཐམས་ཅད་ཀྱང་དམ་པའི་ཆོས་ཀུན་ཏུ་བསྲུང་བ། བསླབ་པའི་གཞི་ལྔ ་བླངས་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་པ་ཤ་སྟག་སྟེ། ཆོས་འདོད་པ་དང་། ཆོས་དོན་དུ་གཉེར་བ་དང་། འདི་ལྟར་བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡང་དག་པར་བསྡུ་བའི་ཕྱིར ་བཅོམ་ལྡན་འདས་ཉིད་ཀྱི་ཕྱིར་འབྲང་བ། བྱམས་པའི་སེམས་སྒོམ་པ་དེ་དག་ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། ཡང་དེའི་ཚེ་བཙུན་མོ་འཕྲེང་ལྡན་མ་ལ་སོགས་བཙུན་མའི་འཁོར་དང་། བཙུན་མོ་ཁྲི་དྲུག་སྟོང་དང་། གཞན་ཡང་རང་གི་བློན་པོ་ཆེན་པོའི ་བཙུན་མོ་འབུམ་དང་ལྷན་ཅིག་ཏུ། བྱེམ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་གལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་ངོས་ཕྱག ་འཚལ་ཏེ། ཕྱོགས་གཅིག་ཏུ་འཁོད་དོ།། ཡང་དེའི་ཚེ་དགེ་བསྙེན་མས་ག། དགེ་བསྙེན་མ་འབུམ་ཕྲག་དུ་མ་དང་ལྷན་ཅིག་ཏུ། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན ་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། ཕྱོགས་གཅིག་ཏུ་འཁོད་དོ།། ཡང་དེའི་ཚེ ་ལྷའི་བུ་དབང་ཕྱུག་ཆེན་པོ་ལྷའི་བུ་རྫུ་འཕྲུལ་དང་། སྣང་བ་ཆེན་པོ་དང་ལྡན་པ་འབུམ་ཕྲག་དུ་མ་དང་ལྷན་ཅིག་ཏུ་ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། མེ་ཏོག་གི་ཕུར་མ་རི་རབ་ཙམ་དང་། སྤོས་དང་། མེ་ཏོག་གི་འཕྲེང་བ་དང་། བྱུག་པ་དག་གིས་དེ་བཞིན ་གཤེགས་པ་ལ་མངོན་པར་གཏོར་ནས། བདུག་པ་དག་གིས་ཡོངས་སུ་བདུགས་ཏེ། ཅན་དན་གྱི་ཕྱེ་མ་དག་གིས་ཡོངས་སུ་གཏོར་ནས། སིམ་སྙན་དག་བརྡུངས་ཏེ།། གཞན་མང་ཤིང་རྟའི་ལིང་ལ་ཙམ་གྱི་པདྨའི་སིལམ ་དག་གིས་ཁེབས་པར་བྱས་ནས། བཅོམ་ལྡན་འདས་གལ་བ་དེར་ལོགས་སུ་ཐལ་མོ་སྦྱར་བ་བཏུད་དེ། ཕྱོགས་གཅིག་ཏུ་འཁོད་དོ།། ཡང་དེའི་ཚེ་ཚངས་པ་རིན་ཆེན་འཕྲེང་བ་ཞེས་བྱ་བ་དང་། ཚངས་པ་ཟོར ་ཚུགས་འཆང་ཞེས་བྱ་བ་ཚངས་པ་གཞོན་ནུ་འབུམ་ཕྲག་དུ་མ་དང་ལྷན་ཅིག་ཏུ། རྫུ་འཕྲུལ་ཆེན་པོས་རྒྱལ་པོའི་ཁབ་དང་བཅས། བྱ་རྒོད་ཀྱི་ཕུང་པོའི་རི་དང་བཅས། འོད་མའི་ཚལ་བྱ་ཀ་ལནྡ་ཀ་གནས་པ་དང་བཅས་པ ་ཐམས་ཅད་མཛེས་པར་བྱས་ཏེ། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཁོར་ཡུག་ཁེབས ་པ་ཙམ་གྱི་མེ་ཏོག་གི་སིལ་མ་དག་གིས་དེ་བཞིན་གཤེགས་པ་ལ་མངོན་པར་གཏོར་ཏེ། སིལ་སྙན་རྣམས་བརྡུངས་ནས། ཙན་དན་གྱི་ཕྱེ་མ་དང་། བྱུག་པ་དག་གཏོར་ཏེ། རྒྱལ་པོའི་ཁབ་དང་བཅས། བྱ་རྒོད་ཕུང་པོའི་རི་དང ་བཅས། འོད་མའི་ཚལ་བྱ་ཀ་ལནྡ་ཀ་གནས་པ་དང་བཅས་པ། བསོད་ནམས་ཆེན་པོའི་ཞིང་དུ་གྱུར་པ། དཀྱིལ་འཁོར་ཆེན་པོ་མུ་སྟེགས་ཀྱི་གནས་སུ་གྱུར་པ་ཁོ་ར་ཁོར་ཡུག་ཏུ། ལ་བ་དང་རས་དང་། ཟབ་དར་དང་། ་ཟར་མའི་རས་འཇམ་པོ་དང་། ལྷའི་གོས་ལྷའི་ཕྱེ་མས་བསྒོས་ཤིང་ཙན་དན་གྱིས་ཕྱེ་མ་ཞེན་པར་བྱས་ནས། ལྷའི་བདུག་པས་བདུགས་པ་དག་བཏིང་སྟེ། མངོན་པར་སྤྲུལ་པ་བཞིན་དུ་བྱས་ནས། མེ་ཏོག་གི་ཆར་མངོན་པར ་ཕབ་སྟེ། ལྷའི་རིན་པོ་ཆེ་དུ་མས་ཡོངས་སུ་མཛེས་པར་བྱས་ནས། བཅོམ་ལྡན་འདས་ཀྱི་སེང་གེའི་ཁྲི་འབུམ་བཤམས་ཏེ། ལན་ས་ཡ་ཕྲག་གསུམ་བསྐོར་བ་བྱས་ནས། རང་རང་གི་བླ་གོས་བཅོམ་ལྡན་འདས་ཀྱི་སྐུ་ལ་གསོལ ་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། ཕྱོགས་གཅིག་ཏུ་འཁོད་དོ།། ཡང་དེའི་ཚེ་བདུད་ཀྱི་རིས་ཀྱི་ལྷ་མོ་མངོན་པར་སྡུད་པ་ཞེས་བྱ་བ། བདུད་ཀྱི་རིས་ཀྱི་ལྷ་མོ་འབུམ ་ཕྲག་དུ་མ་དང་ལྷན་ཅིག་ཏུ། ཕྱེམ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། རྔ་ཡབ་དང་། རྨ་བྱའི་མདོངས་ལག་ན་ཐོགས་ཤིང ་ལྷའི་ཕག་རྡོ་བ་དང་། གླིང་བུ་དང་། བདུག་པ་ཐོགས་ཏེ། ལྷའི་མེ་ཏོག་སིལ་མས་དེ་བཞིན་གཤེགས་པ་ལ་མངོན་པར་གཏོར་ནས། སིལ་སྙན་རྣམས་བརྡུངས་ཏེ་གར་བྱེད་ཅིང་གླུ་ལེན་ནོ།། ལྷ་མོ་དེ་དག་ཐམས་ཅད ་ཀྱང་ཐེག་པ་ཆེན་པོ་ལ་སེམས་དང་ཅིང་རབ་ཏུ་དགའ་བ་ཐེག་པ་ཆེན་པོ་ལ་དད་ཅིང་ཡིད་དགེ་བར་གྱུར་པ་ཤ་སྟག་སྟེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུང་ནས། བཅོམ་ལྡན་འདས་ལ་ལན་གསུམ་བསྐོར ་བ་བྱས་ཏེ། ཕྱོགས་གཅིག་ཏུ་འཁོད་དོ།། ཡང་དེའི་ཚེ་ལྷའི་བུ་མོ་ཆུ་ཤིང་ལྟ་བུ་ཞེས་བྱ་བ་ལ་སོགས་པ། ལྷའི་བུ་མོ་འབུམ་ཕྲག་དུ་མ། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས ་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། ལྷའི་གསེར་གྱི་ཅོང་ཚོང་དང་། ལྷའི་རིན་པོ་ཆེའི་འཕྲེང་བ་དང་། ལྷའི་མེ་ཏོག་གི་འཕྲེང་བ་དག་གིས་དེ་བཞིན་གཤེགས་པ་ལ་མངོན་པར་གཏོར་ཏེ། སིལ་སྙན ་རྣམས་བརྡུངས་ནས། ཙན་དན་གྱི་ཕྱེ་མ་དང་བྱུག་པ་དག་གིས་ཀྱང་གཏོར་རོ།། ལྷའི་བུ་མོ་དེ་དག་ཐམས་ཅད་ཀྱང་བུད་མེད་ཀྱི་སེམས་ཀྱི་གཡོ་སྒྱུའི་རང་བཞིན་དང་བྲལ་བ། ཐེག་པ་ཆེན་པོ་ལ་སེམས་དད་ཅིང་རབ ་ཏུ་དགའ་བ། ཐེག་པ་ཆེན་པོ་ལ་དད་ཅིང་ཡིད་དགེ་བར་གྱུར་པ་ཤ་སྟག་སྟེ། གླུ་ལེན་ཅིང་གར་བྱེད་ལ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས ་ནས། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་དེ། ཕྱོགས་གཅིག་ཏུ་འཁོད་དོ།། དེ་ནས་བཅོམ་ལྡན་འདས་ཀྱིས་དེ་ཉིད་ཀྱི་ཚེ། ལྗོངས་ཀྱི་ཕྱོགས་དག་ན་དགེ་སློང་ཇི་སྙེད ་གནས་ཤིང་འཁོད་པ་དེ་དག་ཐམས་ཅད་རྒྱལ་པོའི་ཁབ་དང་། བྱ་རྒོད་ཀྱི་ཕུང་པོའི་རིག་ལ་བ་དེར་དོང་བར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་མཛད་པ། མངོན་པར་མཛད་དོ།། དེར་ཕྱིན་ནས་ཀྱང་། བཅོམ ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ ་སྦྱར་བ་བཏུད་དེ། ཕྱོགས་གཅིག་ཏུ་འཁོད་དོ།། ཡང་དེའི་ཚེ་ནམ་མཁའ་ལས་སིལ་སྙན་སྟོང་གི་གླུ་དབྱངས་ལྟ་བུ་མཐུན་པ་དང་། མི་མཐུན་པའི་སྒྲ་མངོན་པར་གྲག་སྟེ། སྟང་ཟིལ་གྱིའི་ལྟ་བུར་འདུག ་པའི་སྤྲིན་ཆེན་པོའི་ཚོགས། ལྷའི་རིན་པོ་ཆེའི་ཆུས་ཡོངས་སུ་རྒྱས་པ་དག་ཀྱང་། བཅོམ་ལྡན་འདས་སེང་གེའི་སྒྲ་ཆེན་པོ་སྒྲོགས་ཤིང་ཆོས་སྟོན་པ་ནོད་པའི་ཕྱིར་སྡོད་དོ།། ཡང་དེའི་ཚེ་རླུང་གི་རྒྱལ་པོ ་ཆེན་པོ་བཞི་ལ་འདི་ལྟ་སྟེ། རླུང་གི་རྒྱལ་པོ་ཆེན་པོ་རྣམ་པར་འཐོར་རླུང་ཞེས་བྱ་བ་དང་། རླུང་གི་རྒྱལ་པོ་ཆེན་པོ་རྣམ་པར་འཐོར་རླུང་ཆེན་པོ་ཞེས་བྱ་བ་དང་།། རླུང་གི་རྒྱལ་པོ་ཆེན་པོ་ཤུགས་མ་ཉམས་པ་ཞེས་བྱ་བ་དང་། རླུང ་གི་རྒྱལ་པོ་ཆེན་པོ་འཇིགས་བྱེད་ཆེན་པོ་ཞེས་བྱ་བ་རྣམས་ལྷའི་བདེ་བའི་ལོངས་སྤྱོད་དང་། ཡོངས་སུ་སྤྱད་པའི་དུས་ཚིགས་དྲུག་གི་བདེ་ཞིང་གསལ་བའི་མེ་ཏོག་དང་། རྣམ་པར་འདྲེས་པའི་དྲི་བསུང་ཞིམ་པོའི་ངང་གཏོང་ཞིང་། ་རླུང་གི་རྒྱལ་པོ་ཆེན་པོ་རྣམས་ཀྱིས། བཅོམ་ལྡན་འདས་ལ་སྲི་ཞུ་བྱ་བའི་ཕྱིར། སྤྲིན་ཆེན་པོ་རབ་ཏུ་འགྱེད་དེ། བཅོམ་ལྡན་འདས་སེང་གེའི་སྒྲ་ཆེན་པོ་སྒྲོགས་ཤིང་ཆོས་སྟོན་པ་མནོད་པའི་ཕྱིར་སྡོང་ངོ་།། ་། འཕགས་པ་སྤྲིན་ཆེན་པོའི་མདོ།། བམ་པོ་གཉིས་པ། ཡང་དེའི་ཚེ་ངང་པའི་རྒྱལ་པོ་སེང་གེ་ལྟར་དཔའ་བ་ཞེས་བྱ་བ། ངང་པ་འབུམ་ཕྲག་དུ་མ་དང་ལྷན་ཅིག་ཏུ། ཕྱེ་མ་རེད་ཀྱི ་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། རང་རང་གི་འདབ་མ་ཐལ་མོའི་ཐབས་སུ་སྦྱར་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། སློབ་དཔོན ་དང་སློབ་མས་ལེགས་པར་བསྒྲུབས་པའི་སིལ་སྙན་སྟོང་གི་གླུ་དབྱངས་ལྟ་བུར་སྐད་འཐུན་པར་འབྱིན་ཅིང་ངང་པའི་ཚོགས་ཀྱིས་བཅོམ་ལྡན་འདས་ལ་སྲི་ཞུ་བྱ་བའི་ཕྱིར། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། ་འོད་མའི་ཚལ་བྱ་ཀ་ལནྡ་ཀ་གནས་པའི་ཕྱོགས་གཅིག་ཏུ་གོ་བཟུང་ངོ་།། ཡང་དེའི་ཚེ་རྨ་བྱའི་རྒྱལ་པོ་བལྟ་ན་འོད་ཆགས་ཞེས་བྱ་བ། རྨ་བྱའི་རིགས་འབུམ་ཕྲག་དུ་མ་དང་ལྷན་ཅིག་ཏུ་ཕྱེ་མ་རེད་ཀྱི་དུས་ཀྱི་ཚེ།། ་རང་རང་གི་གན་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། རང་རང་གི་འདབ་མ་ཐལ་མོའི་ཐབས་སུ་སྦྱར་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ལྷ་དང་དྲི་ཟའི་སློབ་དཔོན ་དང་སློབ་མས་ལེགས་པར་བསྒྲུབས་པའི་སིལ་སྙན་སྟོང་གི་གླུ་དབྱངས་ལྟ་བུར་མགྲིན་པ་བལྟམས་ཏེ། སྐད་སྙན་ཅིང་འཐུན་པོ་འབྱིན་ཏེ། རྨ་བྱའི་ཚོགས་ཀྱིས་བཅོམ་ལྡན་འདས་ལ་སྲི་ཞུ་བྱ་བའི་ཕྱིར། བཅོམ་ལྡན་འདས ་ལ་ལན་གསུམ་བསྐོར་བ་བྱས་ནས། འོད་མའི་ཚལ་བྱ་ཀ་ལནྡ་ཀ་གནས་པའི་ཕྱོགས་གཅིག་ཏུ་གོ་བཟུང་ངོ་།། ཡང་དེའི་ཚེ་ཁུ་བྱུག་གི་རྒྱལ་པོ་སྡེ་བདག་ཅེས་བྱ་བ་ཁུ་བྱུག་གི་རྒྱལ་པོ་འབུམ་ཕྲག་དུ་མ་དང་ལྷན། ་ཅིག་ཏུ། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། རང་རང་གི་འདབ་མ་ཐལ་མོའི་ཐབས་སུ་སྦྱར་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག ་འཚལ་ནས། སིལ་སྙན་སྟོང་དང་འདྲ་བའི་སྒྲ་ཕྱུང་སྟེ། ཅ་ཅོའི་སྒྲ་བཏོན་ནས། བུང་བའི་མདོག་འདྲ་བའི་ཁུ་བྱུག་གི་ཚོགས་ཀྱིས་བཅོམ་ལྡན་འདས་ལ་སྲི་ཞུ་བྱ་བའི་ཕྱིར། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། ་འོད་མའི་ཚལ་བྱ་ཀ་ལནྡ་ཀ་གནས་པའི་ཕྱོགས་གཅིག་ཏུ་གོ་བཟུང་ངོ་།། ཡང་དེའི་ཚེ་གངས་ཀྱི་རི་ལ་གནས་པའི་བྱ་ཀ་ལ་བིངྐའི་རྒྱལ་པོ་པདྨའི་འདབ་མ་འདྲ་བའི་མིག་ཅེས་བྱ་བ། ཀ་ལ་བིངྒའི་རྒྱལ་པོ་འབུམ་ཕྲག ་དུམ་དང་ལྷན་ཅིག་ཏུ། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། རང་རང་གི་འདབ་མཐལ་མོའི་ཐབས་སུ་སྦྱར་ཏེ། བཅོམ་ལྡན་འདས་ཀྱི་ཞབས་ལ་མགོ་བོས ་ཕྱག་འཚལ་ནས། ཡིད་དུ་འོང་བའི་སྒྲ་ཕྱུང་སྟེ། ཀ་ལ་བིངྐའི་ཚོགས་ཀྱིས་བཅོམ་ལྡན་འདས་ལ་སྲི་ཞུ་བྱ་བའི་ཕྱིར། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། འོད་མའི་ཚལ་བྱ་ཀ་ལནྡ་ཀ་གནས་པའི་ཕྱོགས ་གཅིག་ཏུ་གོ་བཟུང་ངོ་། ། ཡང་དེའི་ཚེ་བྱའི་རྒྱལ་པོ་ཤང་ཤང་ཏེའུ་ཞེས་བྱ་བ། བྱའི་རྒྱལ་པོ་ཤང་ཤང་ཏེའུ་འབུམ་ཕྲག་དུ་མ་དང་ལྷན་ཅིག་ཏུ། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ ་ལྡན་འདས་ག་ལ་བ་དེར་དོང་སྟེ་ལྷགས་ནས། རང་རང་གི་འདབ་མ་ཐལ་མོའི་ཐབས་སུ་སྦྱར་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ཡིད་དུ་འོང་བའི་སྒྲ་ཕྱུང་སྟེ། ཤང་ཤང་ཏེའུ ་ཡི་ཚོགས་ཀྱིས་བཅོམ་ལྡན་འདས་ལ་སྲི་ཞུ་བྱ་བའི་ཕྱིར། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། འོད་མའི་ཚལ་བྱ་ཀ་ལནྡ་ཀ་གནས་པའི་ཕྱོགས་གཅིག་ཏུ་གོ་བཟུང་ངོ་།། ཡང་དེའི་ཚེ་བྱའི་ཚོགས ་ཐམས་ཅད་ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། རང་རང་གི་འདབ་མ་ཐལ་མོའི་ཐབས་སུ་སྦྱར་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག ་འཚལ་ནས། ཡིད་དུ་འོང་བའི་སྒྲ་འབུམ་ཕྲག་དུ་མ་ཕྱུང་སྟེ། ནམ་མཁའི་དཀྱིལ་ཡོངས་སུ་གང་བར་བྱས་ནས། བཅོམ་ལྡན་འདས་ལ་སྲི་ཞུ་བྱ་བའི་ཕྱིར། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། འོད་མའི ་ཚལ་བྱ་ཀ་ལནྡ་ཀ་གནས་པའི་ཕྱོགས་གཅིག་ཏུ་གོ་བཟུང་ངོ་། ། ཡང་དེའི་ཚེ་རིའི་རྒྱལ་པོ་རི་རབ་ཀྱི་ལྷ། རི་བཏང་བཟུང་དང་། བཏང་བཟུང་ཆེན་པོའི་ལྷ་འབུམ་ཕྲག་དུ་མ་དང་། ལྷའི་བུ་འོད་ཆེན་དང་ལྷན ་ཅིག་ཏུ་ཕྱེམ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར ་བྱས་ནས། འོད་མའི་ཚལ་བྱ་ཀ་ལནྡ་ཀ་གནས་པའི་ཕྱོགས་གཅིག་ཏུ་གོ་བཟུང་ངོ་།། ཡང་དེའི་ཚེ་གངས་ཀྱི་རི་ལ་གནས་པའི་སྨན་གྱི་ཚོགས་ཀྱི་ལྷ་མོ་རྣམས་ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ན ་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། རིའི་མཆོག་བྱ་རྒོད་ཀྱི་ཕུང་པོ་ལ་མཛེས་པར་འཁོད་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར ་བ་བཏུང་དེ། རྒྱལ་པོའི་ཁབ་ཀྱི་བྱ་རྒོད་ཀྱི་ཕུང་པོའི་རི་དང་བཅས་པ་ཐམས་ཅད་སྣང་བར་བྱས་ནས་ཕྱོགས་གཅིག་ཏུ་འཁོད་ངོ་།། ཡང་དེའི་ཚེ་རྔ་དང་རྔ་བོ་ཆེ་དང་། ཅང་ཏེའུ་དང་། དུང་དང་། ལྕགས་ཀྱི ་སིལ་ཁྲོལ་དང་། ཧི་ན་ཌི་མ་དང་། འཁར་རྔ་དང་། རྫ་རྔ་ཆེན་པོ་དང་། བལ་བི་ས་དང་། པི་ཝང་དང་། རྫ་རྔ་ཁ་ཅིག་པ་དང་། དྲིལ་བུ་དང་། གླིང་བུ་དང་། ཤུ་ཀ་དང་། ཤུ་ན་ལ་སོགས་པ་མ་བརྡུངས། མ་བཅོས ་མ་བླངས་པར་སིལ་སྙན་གྱི་སྒྲ་དང་། ཡིད་དུ་འོང་བའི་སྒྲ་བྱུང་ངོ་།། ཡང་དེའི་ཚེ་བཅོམ་ལྡན་འདས་ལ་སྲི་ཞུ་བྱ་བའི་ཕྱིར། ནགས་རྣམས་དུས་མ་ཡིན་པར་མེ་ཏོག་རྒྱས་ཤིང་། དུས་མ་ཡིན་པར་འབྲས ་བུ་དང་། ལྕུག་ཕྲན་དང་། དོག་པ་རྣམ་པ་སྣ་ཚོགས་རབ་ཏུ་རྒྱས་པ། བྱ་རྒོད་ཀྱི་ཕུང་པོའི་རིལ་ཤིན་ཏུ་བཀྲམ་མོ།། ཡང་དེའི་ཚེ་གངས་ཀྱི་རི་ལ་གནས་པའི་སེང་གེའི་རྒྱལ་པོ་རིན་པོ་ཆེ་པདྨ་ཞེས་བྱ་བ་སེང ་གེའི་རྒྱལ་པོ་འབུམ་ཕྲག་དུ་མ་དང་ལྷན་ཅིག་ཏུ། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག ་འཚལ་ཏེ། གཅན་ཟན་དང་རི་དགས་ཐམས་ཅད་ལ་བདེ་བའི་སྒྲ་སེང་གེའི་སྐད་འབྱིན་ཅིང་འཆག་ལ་ཤིན་ཏུ་བརྩེ་སྟེ། བཅོམ་ལྡན་འདས་ལ་སྲི་ཞུ་བྱ་བའི་ཕྱིར། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བྱ ་རྒོད་ཀྱི་ཕུང་པོའི་རིའི་ཕྱོགས་གཅིག་ཏུ་གོ་བཟུང་ངོ་། ། ཡང་དེའི་ཚེ་སྤོས་ཀྱི་གླང་པོའི་རྒྱལ་པོ་རི་བོ་དང་། སྤྲིན་ལྟ་བུ་ཞེས་བྱ་བ་སྤོས་ཀྱི་གླང་པོའི་རྒྱལ་པོ་འདུམ་ཕྲག་དུ་མ་དང་ལྷན་ཅིག ་ཏུ་ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། འབྲུག་སྒྲ་ཆེན་པོ་བཞིན་དུ་སྒྲོགས་ཤིང་སྐད་ཕྱུང་ནས། ་བཅོམ་ལྡན་འདས་ལ་སྲི་ཞུ་བྱ་བའི་ཕྱིར། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བྱ་རྒོད་ཀྱི་ཕུང་པོའི་རིའི་ཕྱོགས་གཅིག་ཏུ་གོ་བཟུང་ངོ་།། དེ་བཞིན་དུ་གཅན་ཟན་དང་། རི་དགས་ཐམས་ཅད་ཀྱི་བར་དག་གིས ་བྱ་རྒོད་ཀྱི་ཕུང་པོའི་རིའི་ཕྱོགས་གཅིག་ཏུ་གོ་བཟུང་ངོ་། ། ཡང་དེའི་ཚེ་ཤ་སྦྲང་དང་སྦྲང་བུ་དང་། ཆུ་སྲིན་དང་། ཉ་དང་། རུས་སྦལ་དང་། སྡིག་པ་དང་། སྲིན་གྱི་མེ་དང་། བར་སུ་མི་ཀ་དང་། ཙུན་ཙུ་ཀ་དང ་ས་རི་ཀ་དང་། སྲོག་ཆགས་གདུག་པའི་རིགས་རྣམས་ཀྱིས་དུག་རྣམ་པར་སྤངས་ནས། དུག་གི་རང་བཞིན་དང་བྲལ་བར་གྱུར་ཏེ་འཁོད་དོ།། ཡང་དེའི་ཚེ་སྦྲུལ་དང་། མྱུར་དུ་གདུག་པ་དང་། སྦྲུལ་གཟི ་གུ་དང་། ཆུ་སྦྲུལ་དང་། གདུག་པ་མི་བཟད་པ་ཆེན་པོའི་རིགས་རྣམས་ཀྱིས། དུག་རྣམ་པར་སྤངས་ནས་དུག་གི་རང་བཞིན་དང་བྲལ་བར་གྱུར་ཏེ་འཁོད་དོ།། ཡང་དེའི་ཚེ་ནདང་བཞི་བརྒྱ་རྩ་བཞིས་ཐེབས་པའི ་སེམས་ཅན་གང་སུ་ཡང་རུང་བ་དག་དང་། ཡི་དགས་སུ་གྱུར་པ་གང་ཡིན་པ་དག་དང་། སེམས་ཅན་དམྱལ་བའི་སྐྱེ་གནས་སུ་གྱུར་པ་གང་ཡིན་པ་དེ་དག་ཐམས་ཅད་ཟས་དང་སྐོམ་གྱིས་ཚིམ་པར་གྱུར་ཏེ། བདེ་བ་དང ་བསིལ་བའི་རླུང་གིས་ཕོག་ནས་གཉིད་འོང་ཞིང་མངོན་པར་བརྩེ་བར་གྱུར་ཏོ། ། ཡང་དེའི་ཚེ་ལས་མི་བཟད་པའི་རྣམ་པ་བཅུ་དྲུག་གིས་འཚོ་བའི་སེམས་ཅན་རྣམས་ཀྱིས་ལས་མི་བཟད་པའི་རང་བཞིན་བཏང་ནས། དེ་དག་ཐམས ་ཅད་ཀྱང་ཟས་དང་སྐོམ་གྱིས་ཚིམ་པར་གྱུར་ཏེ། བདེ་བ་དང་བསིལ་བའི་རླུང་གིས་ཕོག་ནས་གཉིད་འོང་ཞིང་མངོན་པར་བརྩེ་བར་གྱུར་ཏོ།། ཤ་ཟ་ཞིང་སྲིན་པོའི་རང་བཞིན་ལྟ་བུར་གྱུར་པའི་སེམས་ཅན་གང་ཡིན་པ་དེ་དག་ཐམས་ཅད ་ཀྱང་ཤ་ཟ་བ་སྤངས་ཏེ་ཇི་སྲིད་འཚོའི་བར་དུ་ཚུལ་ཁྲིམས་བླངས་སོ། ། ཡང་དེའི་ཚེ་སེམས་ཅན་གང་དག་བྱི་བ་བྱེད་པ་དང་། རྐུ་འཕྲོག་ལ་ཞུགས་པ་གང་ཡིན་པ་དེ་དག་ཐམས་ཅད་ཀྱིས་ཀྱང་ཚུལ་ཁྲིམས་བླངས་ཏེ་དུལ་བ་དང་། ་ཡང་དག་པར་སྡོམ་པ་ལ་དགའ་བར་གྱུར་ཏོ།། དེ་ནས་ལས་མི་བཟད་པ་ཆེན་པོ་བཅུ་དྲུག་གིས་འཚོ་བ་དང་། ཤ་ཟ་བ་དང་། བྱི་བ་བྱེད་པ་དང་། མ་བྱིན་པར་ལེན་པ་ལ་ཞུགས་པའི་སེམས་ཅན་དེ་དག་གིས་རང་རང་གི་སེམས་རྗེས ་སུ་དྲན་ནས་གར་བྱེད་ཅིང་གླུ་ལེན་ཏེ། སྲི་ཞུ་བྱ་བར་བརྩམས་སོ།། ཡང་དེའི་ཚེ་དེ་དག་དང་གཞན་ཡང་ལྷ་དང་། ཀླུ་དང་། གནོད་སྦྱིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། དྲི་ཟ་དང་། ལྷ་མ ་ཡིན་དང་། སྲིན་པོ་དང་། གྲུལ་བུམ་དང་། འབྱུང་པོ་དང་། གཅོད་བྱེད་ཀྱི་བུ་དང་། བརྒྱ་བྱིན་དང་། འཇིག་རྟེན་སྐྱོང་དང་། ཚངས་པ་དང་། ནགས་ཀྱི་ལྷ་དང་། བྱ་དང་། རིག་སྔགས་འཆང་དང་། འདོད་དགུར་སྦྱར ་བའི་གཟུགས་ཅན་གྱི་ལྷ་མོའི་ཚོགས་དུ་མ་དག་ཀྱང་། ཆོས་ཀྱི་འདུ་སྟོན་གྱི་མཆོག་གི་དཀྱིལ་འཁོར་ཆེན་པོ་ཐོས་ཏེ་རབ་ཏུ་དགའ་བར་གྱུར་ནས། ཚུལ་ཁྲིམས་ཡོངས་སུ་དག་ཅིང་། ཐེག་པ་ཆེན་པོ་རྒྱས་པར་བྱ་བར་འདོད་པ། ་མཚུངས་པ་མེད་པའི་མདོ་ཆེན་པོའི་བསྒྲུབ་པ་གཟུང་བར་འདོད་པ། དམ་པའི་ཆོས་ཀྱི་ཕྱོགས་སུ་གཏོགས་པའི་སེམས་ཅན་རྣམས་ཡུན་རིང་དུ་གནས་པར་འདོད་པ། མ་འོངས་པའི་སེམས་ཅན་བསོད ་ནམས་ཆུང་ངུ་རྣམས་ཀྱི་བསོད་ནམས་ཀྱི་ཕུང་པོ་ཆེན་པོ་རྒྱ་ཆེན་པོ་བསྐྱེད་པ་དང་། དམ་པའི་ཆོས་གནས་པར་འདོད་པ་རྣམས། ཕྱེ་མ་རེད་ཀྱི་དུས་ཀྱི་ཚེ། རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ ་ལྷགས་ནས། བཅོམ་ལྡན་འདས་ཀྱི་ཆོས་ཀྱི་འདུ་སྟོན་ལ་མཆོད་པ་བྱས་ཏེ། མཚན་མཐའ་ཡས་པས་ཡང་དག་པར་བརྒྱན་པ་སྟོན་ཟླ་ཐ་ཆུང་གི་ཟླ་བ་ཉ་བ་ལྟ་བུའི་རྒྱལ་བ་ཟླ་བའི་ཞབས་ལ་མགོ་བོས་ཡུན་རིང་དུ་ཕྱག་འཚལ་ནས ་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཕྱོགས་གཅིག་ཏུ་འཁོད་དོ།། དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ ་ཆེན་པོ་སྤྲིན་ཆེན་སྙིང་པོ་ཞེས་བྱ་བ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ། བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་ལ་བདག་ཕྱོགས་འགྲའ་ཞིག་ཞུའོ།། ་དེ་སྐད་ཅེས་གསོལ་ནས། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོ་ལ་འདི་སྐད་ཅེས་བཀའ་སྩལ་ཏོ།། སྤྲིན་ཆེན་སྙིང་པོ་ཁྱོད་དེ་བཞིན་གཤེགས་པ་ལ་ཅི་དང་ཅི་འདོད ་པ་དྲིས་ཤིག་དང་། ངས་དྲིས་པ་དེ་དང་དེའི་ལུང་བསྟན་པས་ཁྱོད་ཀྱི་སེམས་རངས་པར་བྱའོ།། དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོ་བཅོམ་ལྡན་འདྲས ་འདི་སྐད་ཅེས་གསོལ་ཏོ། ། བཅོམ་ལྡན་འདས་བྱང་ཆུབ་སེམས་དཔའ་རྣམས་མདོ་གང་དང་ལྡན་ན། ཏིང་ངེ་འཛིན་གྱི་རྒྱ་མཚོར་ཡང་འགྱུར་བ་དང་། ཏིང་ངེ་འཛིན་ཡང་དག་པར་སོགས་པར་ཡང་འགྱུར་བ་དང་། ཐོས ་པའི་རྒྱ་མཚོར་ཡང་འགྱུར་བ་དང་། ཐོས་པ་ཡང་དག་པར་སོགས་པར་ཡང་འགྱུར་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སོམ་ཉི་མི་འཆོལ་ཞིང་། ཡིད་གཉིས་མ་མཆིས་ལ། ཐེ་ཚོམ ་འཚལ་བར་ཡང་མི་འགྱུར་བ་དང་། མི་ཁོམ་པ་རྣམས་སུ་སྐྱེ་བར་ཡང་མི་འགྱུར་བ་དང་། ཚེ་རབས་དྲན་པར་ཡང་འགྱུར་བ་དང་། འཁོར་བའི་ལས་ཀྱི་ཞིང་གི་རྒྱ་མཚོ་ལ་སྲེད་པར་ཡང་འགྱུར་བ་དང་། ཚེ་རབས་ཐམས ་ཅད་དུ་ཐ་ན་རྨི་ལམ་ན་ཡང་སངས་རྒྱས་མཐོང་བ་དང་འབྲལ་བར་མི་འགྱུར་བ་དང་། དེ་དག་གི་དགེ་བའི་ཆོས་རྣམས་ལ་བར་ཆད་བགྱི་བའི་སླད་དུ། བདུད་སྡིག་ཅན་གླགས་ལྟ་བ་དང་། སྐབས་ཚོལ་བས་གླགས་རྙེད་པར ་ཡང་མི་འགྱུར་བ་དང་། ང་རྒྱལ་ཚོམས་པར་ཡང་འགྱུར་བ་དང་། གཟུངས་ཐོབ་པར་ཡང་འགྱུར་བ་དང་། དེ་བཞིན་གཤེགས་པའི་ལྡེམ་པོ་ངག་དཔྱོད་པ་ལ་མཁས་པར་ཡང་འགྱུར་བ་དང་། ཆོས་ཐམས་ཅད་ཀྱི་གསང ་བའི་སྒོར་འཇུག་པར་ཡང་འགྱུར་བ་དང་། དེ་བཞིན་གཤེགས་པའི་གཏེར་ཡང་དག་པར་སྟོན་པར་འགྱུར་བ་དང་། དེ་བཞིན་གཤེགས་པའི་ཚུལ་ལ་འཇུག་པར་ཡང་འགྱུར་བ་དང་། དེ་བཞིན་གཤེགས་པའི་རྒྱ་མཚོའི་ཆུ་སྲིན ་དུ་ཡང་འགྱུར་བ་དང་། དེ་བཞིན་གཤེགས་པའི་གཞུང་ལུགས་ཀྱི་ནང་དུ་ཆུད་པར་ཡང་འགྱུར་བ་དང་། དེ་བཞིན་གཤེགས་པའི་སྒྱུ་འཕྲུལ་གསང་བའི་སྲུངས་མར་ཡང་འགྱུར་བ་དང་། དེ་བཞིན ་གཤེགས་པའི་གསུང་བརྗོད་པར་ཡང་འགྱུར་བ་དང་། དེ་བཞིན་གཤེགས་པའི་དམིག་པ་ལ་རྣམ་པར་འབྱོར་པར་ཡང་འགྱུར་བ་དང་། དེ་བཞིན་གཤེགས་པའི་ཉི་མའི་འོད་ཟེར་དུ་ཡང་འགྱུར་བ་དང་། དེ་བཞིན་གཤེགས ་པའི་ཟླ་བའི་དཀྱིལ་འཁོར་གྱི་གཟེར་ཡང་འགྱུར་བ་དང་། དེ་བཞིན་གཤེགས་པའི་རྟོག་གི་རྩེ་མོའི་མཆོག་ཏུ་ཡང་འགྱུར་བ་དང་། དེ་བཞིན་གཤེགས་པའི་མཚན་འཛིན་པར་ཡང་འགྱུར་བ་དང་། དེ་བཞིན་གཤེགས་པའི་འཕྲིན་ལས ་ལ་རྩོམ་པར་ཡང་འགྱུར་བ་དང་། དེ་བཞིན་གཤེགས་པའི་རྩལ་གྱི་ཤུགས་སུ་ཡང་འགྱུར་བ་དང་། དེ་བཞིན་གཤེགས་པའི་མུ་སྟེགས་ལ་ངེས་པའི་པདྨ་དཀར་པོར་ཡང་འགྱུར་བ་དང་། དེ་བཞིན་གཤེགས་པའི་དགྱེས་པ་ལ་དགའ ་བར་ཡང་འགྱུར་བ་དང་། དེ་བཞིན་གཤེགས་པའི་མཛོད་ཀྱི་དཀོར་བར་ཡང་འགྱུར་བ་དང་། དེ་བཞིན་གཤེགས་པ་ལ་རྟག་པ་ཉིད་དུ་མཐོང་བར་ཡང་འགྱུར་བ་དང་། དེ་བཞིན་གཤེགས་པའི་རྟག་པ་དང་། ཐེར་ཟུག་པ་ཉིད་ཤིན ་ཏུ་གསལ་བར་མཐོང་ནས། བདག་ཉིད་བསྔགས་པ་བརྗོད་པའི་རྒྱལ་པོར་ཡང་འགྱུར་བ་དང་། དེ་བཞིན་གཤེགས་པ་ནི་ཐེར་ཟུག་པའི་སྐུ་ཡིན་ནོ་ཞེས་ཐེར་ཟུག་ཏུ་སྨྲ་བར་ཡང་འགྱུར་བ་དང་། དེ་བཞིན་གཤེགས་པའི་ཞི་བཞི་མ ་བཞིན་ལ་མངོན་པར་དགའ་བའི་ལྟ་བ་ཕུན་སུམ་ཚོགས་པར་ཡང་འགྱུར་བ་དང་། དེ་བཞིན་གཤེགས་པའི་རྟག་པ་དང་། ཐེར་ཟུག་པ་དང་། བརྟན་པ་དང་ཞི་བའོ་ཞེས་རྣམ་པ་ཐམས་ཅད་དུ་ལྟ་བའི་རྒྱ་མཚོ་ཐམས་ཅད་དུ་ཡང་འགྱུར་བ ་དང་། དེ་བཞིན་གཤེགས་པའི་སྐུ་ནི་ཆོས་ཀྱི་སྐུ་ཡིན་ནོ་ཞེས་དེ་ཁོ་ནའི་མཐོང་བར་ཡང་འགྱུར་བ་དང་། དེ་བཞིན་གཤེགས་པའི་རྡོ་རྗེའི་སྐུ་ནི་མི་ཕྱེད་པའི་སྐུ་ཡིན་ནོ་ཞེས་ཡང་དག་པར་མཐོང་བར་ཡང་འགྱུར་བ་དང་། དེ་བཞིན་གཤེགས ་པའི་སྐུ་ནི་རུས་པ་མ་ཡིན་ཞིང་། ཤ་མ་ཡིན་ལ་ཁྲག་མ་ཡིན་ཏེ། རྒྱུས་པ་མ་ཡིན་ནོ་ཞེས་སྟོང་པ་ཉིད་དུ་སྨྲ་བར་ཡང་འགྱུར་བ་དང་། དེ་བཞིན་གཤེགས་པའི་ཆོས་བསྟན་པ་ནི་འབྲས་བུ་ཡོད་པ་ཡིན་ནོ་ཞེས་འབྲས་བུ་ཡོད་པར ་སྨྲ་བར་ཡང་འགྱུར་བ་དང་། དེ་བཞིན་གཤེགས་པའི་ཆོས་བསྟན་པ་ལ་ནི་འབྲས་བུ་མེད་པར་འགྱུར་བ་མེད་དོ་ཞེས་མེད་པར་སྨྲ་བར་ཡང་འགྱུར་བ་དང་། དེ་བཞིན་གཤེགས་པ་ལ་ནི་གཏན་དུ་ཡོངས་སུ་མྱ་ངན་ལས་འདས ་པར་འགྱུར་བ་མེད་དོ་ཞེས་གསལ་བར་སྨྲ་བར་ཡང་འགྱུར་བ་དང་། དེ་བཞིན་གཤེགས་པའི་རྗེས་སུ་རབ་ཏུ་འབྱུང་བའི་སེམས་ཅན་རྣམས་ལ་ནི་ཚུལ་ཁྲིམས་ཉམས་པ་མེད་དོ་ཞེས་ཚུལ་ཁྲིམས་ཀྱི་བསྔགས་པ་བརྗོད་པར ་ཡང་འགྱུར་བ་དང་། དེ་བཞིན་གཤེགས་པའི་བསྟན་པ་ལ་ནི་ནུབ་པར་འགྱུར་བ་མེད་དོ་ཞེས་ནུབ་པར་མི་འགྱུར་བའི་བསྔགས་པ་བརྗོད་པར་ཡང་འགྱུར་བ་དང་། དེ་བཞིན་གཤེགས་པའི་རིགས་དང་རྒྱུད་དག་ཅིང ་ཡོངས་སུ་དག་ལ་དྲི་མ་མེད་པས། བྱང་ཆུབ་སེམས་དཔའ་ནི་ཐབས་ཀྱི་རིགས་ཀྱི་རྒྱུད་ཡིན་ནོ་ཞེས་ལྟ་བ་ཕུན་སུམ་ཚོགས་པར་ཡང་འགྱུར་བ་དང་། རྟག་ཏུ་འཁོར་བ་ལ་སྡུག་པར་སེམས་པར་ཡང་འགྱུར་བ་དང་། ་འཁོར་བའི་བསྔགས་པ་བརྗོད་པར་ཡང་འགྱུར་བ་དང་། འཁོར་བའི་ཆེང་དུ་ཐོས་པའི་རྒྱ་མཚོར་ཡང་འགྱུར་བ་དང་། དེ་བཞིན་གཤེགས་པའི་རིགས་ལ་དམིགས་པར་འདོད་པར་ཡང་འགྱུར་བ་དང་། རྟག་ཏུ་ཉོན་མོངས་པ་ལ་སེམས ་པར་ཡང་འགྱུར་བ་དང་། ཉོན་མོངས་པ་ལ་སྡུག་པར་སེམས་པར་ཡང་འགྱུར་བ་དང་། ཉོན་མོངས་པའི་སྒོ་རྣམ་པ་སྣ་ཚོགས་ཐོབ་པ་ལ་དད་པ་ཐོབ་པར་ཡང་འགྱུར་བ་དང་། སངས་རྒྱས་ཐམས་ཅད་ཀྱི ་འཕྲིན་ལས་ཀྱི་ཞིང་ལ་སྨོན་ལམ་འདེབས་པའི་སེམས་སུ་ཡང་འགྱུར་བ་དང་། ལས་ཐམས་ཅད་ཀྱི་རྩ་བ་ནི་ཉོན་མོངས་པ་ཡིན་ནོ་ཞེས་རྙེད་པ་ལེགས་པར་རྙེད་པར་ལྟ་བར་ཡང་འགྱུར་བ་དང་། སངས་རྒྱས་ཀྱི་རྟག་པ་ཉིད་ལ་ཡང ་སོམ་ཉི་མི་འཚལ་ཞིང་ཡིད་གཉིས་མ་མཆིས་ལ། ཐེ་ཚོམ་འཚལ་བར་ཡང་མི་འགྱུར་བ་དང་། འཁོར་བ་ལ་མངོན་པར་དགའ་བར་ཡང་འགྱུར་བ་དང་། འཁོར་བ་ལ་མོས་པར་ཡང་འགྱུར་བ་དང་། བདག་སངས་རྒྱས་སུ ་འགྱུར་བར་བྱའོ་ཞེས་རྟག་ཏུ་དད་པའི་སེམས་སུ་ཡང་འགྱུར་བ་དང་། བདག་གིས་ཆོས་ཀྱི་འཁོར་ལོ་བསྐོར་བར་བྱའོ།། བདག་གིས་སེམས་ཅན་རྣམས་དགྲོལ་བར་བྱའོ།། བདག་གིས་སངས་རྒྱས་ཀྱི་གདུང་མི་འཆད་པར་བྱའོ། ་ཞེས་དམ་འཆའ་ཞིང་སྨོན་ལམ་འདེབས་ཏེ། བྱང་ཆུབ་སེམས་དཔའ་དེད་དཔོན་དུ་ཡང་འགྱུར་བ་དང་། བདུད་ཀྱི་སྨན་པར་ཡང་འགྱུར་བ་དང་། འཁོར་བའི་ཉོན་མོངས་པའི་རྒྱ་མཚོའི་སྟོན་པ་པོར་ཡང་འགྱུར་བ་དང་། འཁོར ་བའི་ཉོན་མོངས་པའི་ཚོང་རྔམ་ཐོབ་པར་ལྟ་བར་ཡང་འགྱུར་བ་དང་། འཁོར་བའི་རྒྱ་མཚོ་ཆེན་པོ་ཐོབ་པས་སྙོམས་པར་ཡང་འགྱུར་བ་དང་། འཁོར་བ་ལ་སྲེད་པར་ཡང་འགྱུར་བ་དང་། འཁོར་བ་ཐོབ་པ་ལ་རག་ལས་པའི་སེམས ་སུ་ཡང་འགྱུར་བ་དང་། འཁོར་བ་ཐོབ་པ་མི་གཏོང་བར་ཡང་འགྱུར་བ་དང་། འཁོར་བའི་ཚུལ་པདྨའི་རྒྱལ་པོ་རྒྱས་པར་ཡང་འགྱུར་བ་དང་། འཁོར་བའི་ཉོན་མོངས་པའི་རྒྱ་མཚོ་ག་ཞིར་ཡང་འགྱུར་བ་དང་། འཁོར་བའི་ཉོན ་མོངས་པ་ལ་རྟག་ཏུ་སྨོན་ལམ་འདེབས་པའི་སེམས་སུ་ཡང་འགྱུར་བ་དང་། སེམས་ཅན་དམྱལ་བའི་འགྲོ་བ་ལ་དགའ་བར་ཡང་འགྱུར་བ་དང་། སེམས་ཅན་དམྱལ་བའི་འགྲོ་བ་ལ་སེམས་ཤིན་ཏུ་རྟག་ཏུ་བསམ་པ་གཏོང་བའི ་ང་ཚུལ་ཅན་དུ་ཡང་འགྱུར་བ་དང་། སེམས་ཅན་དམྱལ་བའི་ཚོང་རྡལ་གྱི་ཚོང་པར་ཡང་འགྱུར་བ་དང་། སེམས་ཅན་དམྱལ་བ་ཐོབ་པ་མི་གཏོང་བར་ཡང་འགྱུར་བ་དང་། སེམས་ཅན་དམྱལ་བའི་མེ་ལ་སེམས་རྒྱས་པར ་ཡང་འགྱུར་བ་དང་། སེམས་ཅན་དམྱལ་བའི་ཉོན་མོངས་པར་གྱུར་པ་རྣམས་ལ་བདེ་ཞིང་བསིལ་བའི་རླུང་དུ་ཡང་འགྱུར་བ་དང་། སེམས་ཅན་དམྱལ་བའི་མེ་དྲག་པོ་ལ་སྤྲིན་ཆེན་པོ་ལས་ཆར་ཀུན་ཏུ་འབེབས་པར་ཡང ་འགྱུར་བ་དང་། སེམས་ཅན་དམྱལ་བའི་ཐོག་ཏོག་ཏུ་ཡང་འགྱུར་བ་དང་། སེམས་ཅན་དམྱལ་བའི་སྟོན་པ་པོར་ཡང་འགྱུར་བ་དང་། སེམས་ཅན་དམྱལ་བའི་རྒྱ་མཚོའི་མཉན་པ་ཆེན་པོར་ཡང་འགྱུར་བ་དང་། སེམས་ཅན ་དམྱལ་བའི་སྨན་དུ་ཡང་འགྱུར་བ་དང་། སེམས་ཅན་དམྱལ་བའི་ཟས་སུ་ཡང་འགྱུར་བ་དང་། འཁོར་བའི་སྡུག་བསྔལ་དང་། ཉོན་མོངས་པ་ཐམས་ཅད་ཀྱིས་ཟིན་པའི་མུན་པ་མུན་ནག་གསལ་བའི་ཕྱིར་སྒྲོན་མ་ལྟ་བུར ་ཡང་འགྱུར་བ་དང་། སྣང་བར་བྱ་བའི་ཕྱིར་མར་མེ་ལྟ་བུར་ཡང་འགྱུར་བ་དང་། སྲིད་པའི་འགྲོ་བ་ཐམས་ཅད་ཀྱི་ཉོན་མོངས་པ་མྱུར་དུ་གདུག་པ་རྣམ་པ་སྣ་ཚོགས་ཀྱིས་གོས་པ་མི་འགྱུར་བའི་ཕྱིར་བར་སྣང་ལྟ་བུར་ཡང ་འགྱུར་བ་དང་། སེམས་ནམ་མཁའ་དང་མཚུངས་པའི་ཕྱིར་མི་གནས་པར་ཡང་འགྱུར་བ་དང་། དེ་བཞིན་གཤེགས་པའི་རྗེས་སུ་རབ་ཏུ་བྱུང་སྟེ། ཚུལ་ཁྲིམས་དང་སྟོབས་དང་ཡེ་ཤེས་དང་ལྡན་པའི་ཕྱིར ་ཁ་བའི་ཕུང་པོ་ལྟ་བུའི་ཉོན་མོངས་པ་སེལ་བའི་ཉི་མ་ལྟ་བུར་ཡང་འགྱུར་བ་དང་། ལེགས་པར་སྨྲས་པ་ཡང་དག་པར་བླང་བའི་ཕྱིར། གཞན་གྱི་དྲིང་མི་འཇོག་པར་ཡང་འགྱུར་བ་དང་། ཡེ ་ཤེས་རྒྱ་མཚོ་དང་ལྡན་པའི་ཕྱིར། རྒྱ་མཚོ་དུག་ཅན་ལྟ་བུར་ཡང་འགྱུར་བ་དང་། དཀར་པོའི་ཆོས་ཡོངས་སུ་རྫོགས་པར་བྱས་པའི་ཕྱིར། ཟླ་བ་ལྟ་བུར་ཡང་འགྱུར་བ་དང་། གཏ་མུག་གི་མུན་པ་སེལ་བའ་ཕྱིར་ཉིམ་ལྔ ་བུར་ཡང་འགྱུར་བ་དང་། ཉོན་མོངས་པས་འཁོར་བ་ལ་མངོན་པར་འཇུག་ཅིང་འགྲོ་བའི་ཚེ། བར་སྣང་ལྟ་བུར་ཡང་འགྱུར་བ་དང་། དེ་དང་དེ་མངོན་པར་རྟོགས་པས་པདྨ་ལྟ་བུར་གོས་པ་མེད་པར་ཡང་འགྱུར་བ་དང ་སེམས་ནམ་མཁའ་དང་མཚུངས་པའི་ཕྱིར། མི་གནས་པར་ཡང་འགྱུར་བ་དང་། ཆོས་ཐམས་ཅད་ལ་ངེས་པར་འབིགས་པའི་ཕྱིར། རྡོ་རྗེ་ལྟ་བུར་འགྱུར་བ་དང་། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད ་རྟག་པ་དང་། ཐེར་ཟུག་པ་དང་། བརྟན་པ་ཐོབ་ན་མི་གཡོ་བའི་ཕྱིར་རི་ལྟ་བུར་ཡང་འགྱུར་བ་དང་། དེ་བཞིན་གཤེགས་པའི་རིགས་དང་། རྒྱུད་ལ་ཡེ་ཤེས་རྣམ་པར་དག་པའི་ཕྱིར་བཻ་ཌཱུཪྻ་ལྟ་བུར་ཡང་འགྱུར་བ་དང ་ཉོན་མོངས་པའི་རྙོག་པ་སེལ་བའི་ཕྱིར། རྒྱ་མཚོ་དུག་ཅན་པའི་གསེར་གྱི་ཕ་བོང་ལྟ་བུར་ཡང་འགྱུར་བ་དང་། དེ་བཞིན་གཤེགས་པའི་རྟག་པ་དང་། ཐེར་ཟུག་པ་དང་བརྟན་པའི་རང་བཞིན་མཐོང་བའི་ཕྱིར་ཟླ་བ ་ལྟ་བུར་ཡང་འགྱུར་བ་དང་། དེ་བཞིན་གཤེགས་པའི་ཆོས་ལས་མི་གཡོ་བའི་ཕྱིར་རི་ལྟ་བུར་ཡང་འགྱུར་བ་དང་། དེ་བཞིན་གཤེགས་པ་གཏན་དུ་མྱ་ངན་ལས་མི་འདའ་ཞིང་ཆོས་ནུབ་པར་མི་འགྱུར་བ་ཐོས་ན་མི་གཡོ་བའི ་ཕྱིར་སྒོའི་ཐེམ་པ་ལྟ་བུར་ཡང་འགྱུར་བ་དང་། ཡང་དག་པ་མཐོང་བའི་ཕྱིར་སེམས་བརྟན་ཞིང་གནས་པར་ཡང་འགྱུར་བ་དང་། སེམས་མི་ཕྱེད་པའི་ཕྱིར་རྡོ་རྗེ་ལྟ་བུར་ཡང་འགྱུར་བ་དང་། མངོན་སུམ་དུ་ཡོན་ཏན་མང་པོ ་ཐོབ་པ་མང་བར་ཡང་འགྱུར་བ་དང་། ངོ་ཚ་ཤེས་པ་དང་ཁྲེལ་ཡོད་པ་དང་ལྡན་པར་ཡང་འགྱུར་བ་དང་། མཛེས་པར་ཡང་འགྱུར་བ་དང་། བལྟ་ན་སྡུག་པར་ཡང་འགྱུར་བ་དང་། བརྐམ་པ་མེད་པར་ཡང ་འགྱུར་བ་དང་། ལུས་ཆུང་ངུར་ཡང་མི་འགྱུར་བ་དང་། ཁ་དོག་བཟང་པོ་རྒྱས་པ་མཆོག་དང་ལྡན་པར་ཡང་འགྱུར་བ་དང་། རིགས་མཐོན་པོར་སྐྱེ་བར་ཡང་འགྱུར་བ་དང་། རིགས་ཆེན་པོར་སྐྱེ་བར་ཡང་འགྱུར་བ ་དང་འཁོར་མང་བར་ཡང་འགྱུར་བ་དང་། འཁོར་མི་ཕྱེད་པར་ཡང་འགྱུར་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་མི་ཉམས་ཤིང་ཡོངས་སུ་ཉམས་པར་ཡང་མི་འགྱུར་བ་དང་། ཁ་ཟས ་ལ་བརྐམ་པར་ཡང་མི་འགྱུར་བ་དང་། ཤའི་ཁ་ཟས་ཀྱང་རྣམ་པར་སྤོང་བར་འགྱུར་བ་དང་། བློ་གྲོས་དང་ལྡན་པར་ཡང་འགྱུར་བ་དང་། སྐྱེ་བོ་ཐམས་ཅད་ཀྱི་ཡིད་དུ་འོང་ཞིང་ཆེར་བཀུར་བར་ཡང་འགྱུར་བ་དང་། དྲན་པ་དང་ལྡན ་པར་ཡང་འགྱུར་བ་དང་། གཟི་བྱིན་དང་ལྡན་པར་ཡང་འགྱུར་བ་དང་། ཤེས་རབ་དང་ལྡན་པར་ཡང་འགྱུར་བ་དང་། དགའ་བ་དང་ལྡན་པར་ཡང་འགྱུར་བ་དང་། འཇིག་རྟེན་དང་འཐུན་པར་འཇུག་པར་ཡང་འགྱུར་བ་དང་། འཇིག ་རྟེན་ལ་ཕན་པར་འདོང་བར་ཡང་འགྱུར་བ་དང་། འཇིག་རྟེན་ལ་བདེ་བར་ཡང་འགྱུར་བ་དང་། འཇིག་རྟེན་གྱི་ཐུ་བོར་ཡང་འགྱུར་བ་དང་། འཇིག་རྟེན་གྱི་གཙོ་བོར་ཡང་འགྱུར་བ་དང་། འཇིག་རྟེན་གྱི་མཆོག ་ཏུ་ཡང་འགྱུར་བ་དང་། འཇིག་རྟེན་གྱི་རབ་ཏུ་ཡང་འགྱུར་བ་དང་། འཇིག་རྟེན་ཐམས་ཅད་ཀྱིས་ཕྱག་བྱ་བར་འོས་པར་ཡང་འགྱུར་བ་དང་། འཇིག་རྟེན་ཐམས་ཅད་ཀྱིས་མཆོད ་པའི་གནས་སུ་ཡང་འགྱུར་བ་དང་། སྦྱིན་བདག་ཆེན་པོར་ཡང་འགྱུར་བ་དང་། སྟོབས་ཆེན་པོ་དང་ལྡན་པར་ཡང་འགྱུར་བ་དང་། དཔའ་བོ་ཆེན་པོར་ཡང་འགྱུར་བ་དང་། བརྩོན་འགྲུས་ཆེན་པོ་དང་ལྡན ་པར་ཡང་འགྱུར་བ་དང་། བྱམས་པའི་སེམས་དང་ལྡན་པར་ཡང་འགྱུར་བ་དང་། བདེན་པ་སྨྲ་བར་ཡང་འགྱུར་བ་དང་། བརྟུལ་ཞུགས་བརྟན་པར་ཡང་འགྱུར་བ་དང་། བརྩོན་འགྲུས་བརྩམས་པར ་ཡང་འགྱུར་བ་དང་། བྱམས་པ་ལ་གནས་པར་ཡང་འགྱུར་བ་དང་། སྙིང་རྗེ་ལ་གནས་པར་ཡང་འགྱུར་བ་དང་། དགའ་བ་ལ་གནས་པར་ཡང་འགྱུར་བ་དང་། བཏང་སྙོམས་ལ་གནས་པར་ཡང་འགྱུར་བ ་དང་། སྟོང་པའི་ཆོས་རྣམས་ལ་སྟོང་པར་སྨྲ་བར་ཡང་འགྱུར་བ་དང་། སྟོང་པ་མ་ལགས་པའི་ཆོས་རྣམས་ལ་སྟོང་པ་མ་ལགས་པར་སྨྲ་བར་ཡང་འགྱུར་བ་དང་། སངས་རྒྱས་ཀྱི་ཆོས་ཀྱི་དོན་རྟོགས་སྨྲ་བར ་ཡང་འགྱུར་བ་དང་། སངས་རྒྱས་ཀྱི་དེ་ཁོ་ནའི་ཆོས་ཀྱི་ལྟ་བ་སྨྲ་བར་ཡང་འགྱུར་བ་དང་། གཙང་མར་ཡང་འགྱུར་བ་དང་། གཙང་མས་ཕྱུག་པར་ཡང་འགྱུར་བ་དང་། ཡོན་ཏན་གྱིས་ཕྱུག་པར་ཡང་འགྱུར ་བ་དང་། ཚུལ་ཁྲིམས་ཀྱིས་ཕྱུག་པར་ཡང་འགྱུར་བ་དང་། ཆོས་ཀྱིས་ཕྱུག་པར་ཡང་འགྱུར་བ་དང་། འཕྲོག་ཏུ་མ་མཆིས་པའི་རྫས་ཀྱིས་ཕྱུག་པར་ཡང་འགྱུར་བ་དང་། སྐྱེ་བོ་དབུལ་པོ་སྤོང་བ་ལ ་སོགས་པ་ལ་གཏེར་ལྟ་བུར་ཡང་འགྱུར་བ་དང་། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་ཆོས་རྣམས་སྟོན་པ་ན་མི་སྐྲག་མི་དངང་ཞིང་། དངང་བར་ཡང་མི་འགྱུར་བ་དང་། ་སངས་རྒྱས་ཀྱི་ཞིང་གང་དང་གང་དུ་སྐྱེ་བར་བགྱི་བར་སེམས་བསྐྱེད་པ་དེ་དང་དེར་སྐྱེ་བར་ཡང་འགྱུར་བ་དང་། རྙེད་པ་དང་བཀུར་སྟི་དང་། ཚིགས་སུ་བཅད་པ་དོན་དུ་མི་གཉེར་བར་ཡང་འགྱུར་བ་དང་། ་ཚུལ་ཁྲིམས་འཆལ་པ་རྣམས་བསྡུས་ནས་དམ་པའི་ཆོས་ལ་འགོད་པར་ཡང་འགྱུར་བ་དང་། ཚུལ་ཁྲིམས་འཆལ་པ་གཡོ་སྒྱུ་དང་ལྡན་པ་རྣམས་ལ་ཐོག་ཏོག་ལྟ་བུར་ཡང་འགྱུར་བ་དང་། དེ་བཞིན ་གཤེགས་པ་ལ་བྱས་པ་མི་གཟོ་བ་རྣམས་བྱས་པ་གཟོ་བ་ལ་ཡང་དག་པར་སྦྱོར་བར་ཡང་འགྱུར་བ་དང་། མུ་སྟེགས་ཅན་གྱི་གནས་ཐམས་ཅད་དུ་མི་འཕྲོགས་པར་འགྱུར་ཞིང་། སླར་དེ་ལ་ཐབས་དང ་ལྡན་པར་ཡང་འགྱུར་བ་དང་། དགེ་སྦྱོང་དང་། བྲམ་ཟེ་དང་། མུ་སྟེགས་ཅན་ཕས་ཀྱི་རྒོལ་བ་མང་པོ་དག་གིས་ཕུག་རྡུགས་སུ་མི་ཆུད་ཅིང་། སླར་དེ་ལ་ཐབས་ཀྱིས་སྟོན་པར་ཡང་འགྱུར་བ་དང་། ་མུ་སྟེགས་ཅན་གྱི་གནས་ཐམས་ཅད་ཀྱི་གསང་ཚིག་རྣམས་ལ་འདུན་པར་མི་འགྱུར་ཞིང་། སླར་དེ་ལ་ཐབས་ཀྱིས་འདུན་པར་བགྱིད་པར་ཡང་འགྱུར་བ་དང་། ལྷ་དང་། ཀླུ་དང་། གནོད་སྦྱིན་དང་། ་དྲི་ཟའི་གནས་ཐམས་ཅད་ལ་རྟེན་པར་མི་འགྱུར་ཞིང་སླར་དེ་ལ་ཐབས་ཀྱིས་ཡང་དག་པར་རྟེན་པ་ལྟ་བུར་ཡང་འགྱུར་བ་དང་། ལས་ལ་སྟོན་པར་འགྱུར་གྱི། བཀྲ་ཤིས་དང་དགེ་མཚན་ལ་སྟོན་པར ་ཡང་མི་འགྱུར་བ་དང་། སྲོག་གཅོད་པ་བགྱིད་ཀྱང་སྲོག་གཅོད་པ་སྤངས་པར་ཡང་འགྱུར་བ་དང་། མེ་ཏོག་འཕྲེང་དང་། སྤོས་དང་། བྱུག་པ་དང་། ཕྱེ་མས་གདབ ་པ་དང་། ཁྱིམ་པའི་ལོངས་སྤྱོད་དང་། ཡོངས་སུ་སྤྱད་པ་རྣམ་པ་དུ་མ་དག་དང་། ཆུང་མ་དང་ལྷན་ཅིག་ཏུ་འདོད་པའི་ཡོན་ཏན་སྤྱོད་ཀྱང་ཤིན་ཏུ་ཚངས་པར་སྤྱོད་པར་ཡང་འགྱུར་བ་དང་། སྲོག ་གཅོད་པ་དང་། རྐུ་འཕྲོག་བགྱིད་པ་དང་། བརྫུན་གྱི་ཚིག་དང་། སྐྱེམས་འཚལ་བ་ལ་སོགས་པ་ལ་སྟེན་ཅིང་ལས་རྣམས་བགྱིད་ལ་བུ་དང་ཆུང་མ་རྣམས་སྟེན་ཀྱང་ཤིན་ཏུ་ཚངས་པར་སྤྱོད་པར ་ཡང་འགྱུར་བ་དང་། དེ་བཞིན་གཤེགས་པ་ཐམས་ཅད་ཀྱིས་མཆོད་པར་ཡང་འགྱུར་བ་དང་། དེ་བཞིན་གཤེག་པ་ཐམས་ཅད་ཀྱིས་རྗེད་པར་ཡང་འགྱུར་བ་དང་། དེ་བཞིན་གཤེགས ་པ་ཐམས་ཅད་ཀྱིས་ཆེས་བཀུར་བར་ཡང་འགྱུར་བ་དང་། དེ་བཞིན་གཤེགས་པ་ཐམས་ཅད་ཀྱིས་སྡུག་པར་བྱ་བའི་སྲས་སུ་ཡང་འགྱུར་བ་དང་། དེ་བཞིན་གཤེགས་པ་ཐམས་ཅད་ལས ་བྱས་པ་གཟོ་བའི་བསྒོ་སྐལ་ལ་སྤྱོད་པར་ཡང་འགྱུར་བ་དང་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་མཚུངས་པའི་ཆོས་ཀྱི་དེ་ཁོ་ན་མཐོང་བར་ཡང་འགྱུར་བ་དང་། སངས་རྒྱས ་ཐམས་ཅད་དང་ཡེ་ཤེས་ཀྱི་ཡང་དག་པར་རྟོག་པ་མཚུངས་པར་ཡང་འགྱུར་བ་དང་། སངས་རྒྱས་ཐམས་ཅད་ཀྱི་ཆོས་གསང་བ་རྣམ་པ་མང་པོ་ལུང་བསྟན་པའི་ཡུལ་ལ་སྤྱིས་བརྩན་པའི་རྒྱལ ་པོར་ཡང་འགྱུར་བ་དང་། སངས་རྒྱས་ཐམས་ཅད་ཀྱི་གསང་བའི་ཆོས་སྟོན་པ་རྣམ་པ་དུ་མ་རྗོད་པར་ཡང་འགྱུར་བ་དང་། སངས་རྒྱས་ཐམས་ཅད་ཀྱིས་བཞེད་པའི་ང་རྒྱལ་ལ་གནས་པའི་ཡུལ ་ལ་མཁས་པར་ཡང་འགྱུར་བ་དང་། སངས་རྒྱས་ཐམས་ཅད་ཀྱི་འདོད་ཆགས་མ་མཆིས་པ་དང་། དྲི་མ་མཆིས་པ་དང་། འཇིགས་པ་མ་མཆིས་པ་གསང་བ་རྣམ་པ་མང་པོའི་ཆོས་སྟོན་པའི ་རང་བཞིན་དག་ལ་རིན་པོ་ཆེ་ལྟ་བུར་ཡང་འགྱུར་བ་དང་། སངས་རྒྱས་ཐམས་ཅད་ཀྱི་སེམས་ཅན་འདུལ་བའི་དབང་གིས་འདོད་ཆགས་དང་། ཞེ་སྡང་དང་། གཏི་མུག་དང་། འཇིགས ་པའི་ཆོས་ཀྱི་ཕྱོགས་ཐམས་ཅད་འཇུག་པ་ཡང་དག་པར་མཐོང་བར་ཡང་འགྱུར་བ་དང་། སངས་རྒྱས་ཐམས་ཅད་ཡུན་རིང་པོ་བསྐལ་པ་བྱེ་བ་བགྲངས་པ་མང་པོ་ནས་བརྒལ་ནས་ཉོན་མོངས་པའི ་རྒྱ་མཚོ་ལས་གྲོལ་བར་མཛད་པའི་གསང་བ་ཐམས་ཅད་ཀྱི་དེ་ཁོ་ན་མཐོང་བར་ཡང་འགྱུར་བ་དང་། སངས་རྒྱས་ཐམས་ཅད་ཀྱིས་སེམས་ཅན་འདུལ་བའི་དབང་གིས་ཉོན་མོངས་པའི་རྒྱ་མཚོར་སྐྱེ ་བ་བསྟན་ཏེ་བརྒལ་ནས་བསྒྲལ་བར་བྱའོ། ། གྲོལ་ནས་དགྲོལ་བར་བྱའོ་སྙམ་ནས་བསྟན་པའི་གསང་བའི་ཁྱད་པར་གྱི་སྒོའི་རང་བཞིན་དག་མཐོང་བར་ཡང་འགྱུར་བ་དང་། སངས་རྒྱས་ཐམས་ཅད་ཀྱི ་ཡུན་རིང་པོ་བསྐལ་པ་བྱེ་བ་བགྲངས་པ་མང་པོ་འདས་ནས། བདུད་བྱེ་བ་རབ་ཏུ་བཅོམ་པའི་རྣམ་པ་གསང་བའི་དེ་ཁོ་ན་མཐོང་བར་ཡང་འགྱུར་བ་དང་། སངས་རྒྱས་ཐམས་ཅད་ཀྱིས་སེམས་ཅན་འདུལ ་བའི་དབང་གིས་བྱང་ཆུབ་ཀྱི་ཤིང་དྲུང་དུ་བདུད་འདུལ་བའི་གསང་བའི་ཁྱད་པར་གྱི་སྒོའི་རང་བཞིན་སྟོན་པ་ལྟ་བུར་བཅོས་ལ་ལེགས་པར་མཐོང་བར་ཡང་འགྱུར་བ་དང་། ཐབས་ཀྱིས་ཆོས་ཀྱི་འཁོར་ལོ་བསྐོར་བ་དང་། ་ཐབས་ཀྱིས་ཡོངས་སུ་མྱ་ངན་ལས་འདས་པ་ལྟ་བུར་བཅོས་པའི་དེ་ཁོ་ན་མཐོང་བར་ཡང་འགྱུར་བ་དང་། སངས་རྒྱས་ཐམས་ཅད་རོལ་པའི་གསང ་བའི་རྒྱལ་པོའི་མཆོག་ཏུ་ཡང་འགྱུར་བ་དང་། སངས་རྒྱས་ཐམས་ཅད་ཀྱི་ཡུལ་བསམ་གྱི་མི་ཁྱབ་པ་མཚུངས་པ་མ་མཆིས་པ། དཔེ་མ་མཆིས་པ། གྲངས་མ་མཆིས་པ། དཔག་ཏུ་མ ་མཆིས་པ། བགྲང་བ་ལས་འདས་པ་ལ་བགྲང་བའི་རྒྱལ་པོར་ཡང་འགྱུར་བའི་བྱང་ཆུབ་སེམས་དཔའི་མདོ་གང་ལགས། དེ་སྐད་ཅེས་གསོལ་ནས། བཅོམ་ལྡན་འདས་ཀྱིས ་བྱང་ཆུབ་སེམས་དཔའ་སྤྲིན་ཆེན་སྙིང་པོ་ལ་འདི་སྐད་ཅེས་བཀའ་སྩལ་ཏོ། ། སྤྲིན་ཆེན་སྙིང་པོ་ལེགས་སོ་ལེགས་སོ།། སྤྲིན་ཆེན་སྙིང་པོ་ཁྱོད་སེམས་ཅན་ཐམས་ཅད་ལ་ཕན་པ་དང་བདེ། ་བ་དང་། སེམས་ཅན་དམུས་ལོང་དུ་གྱུར་པ་རྣམས་ལ་དེ་བཞིན་གཤེགས་པ་ཐམས་ཅད་ཀྱི་ཡོན་ཏན་གྱི་ཆེ་བ་ཉིད་ཀྱི་བསྔགས་པ་བརྗོད་པའི་དེ་ཁོ་ན་ཤེས་པའི་མིག་གི་རྒྱུའི་དོན་དང ་རྟག་ཏུ་མིག་མཐོང་བར་བྱ་བའི་དོན་དང་། འཁོར་བའི་ཉོན་མོངས་པའི་རྒྱ་མཚོའི་ཕ་རོལ་ཏུ་ཕྱིན་པར་བསྒྲལ་བའི་དོན་དང་། དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་དཔའི ་སྤྱོད་པ་ཡོངས་སུ་ཤེས་པར་བྱ་བའི་དོན་དང་། འཁོར་བའི་རྒྱ་མཚོའི་ཉོན་མོངས་པའི་སྒོ་ངའི་སྦུབས་ཡོངས་སུ་བརྟོལ་ཏེ། བྱང་ཆུབ་སེམས་དཔའི་སྤྱོད་པའི་རྗེས་སུ་ཡང་དག་པར ་བསླབས་ནས། ཕྱིར་ཡང་འཁོར་བའི་རྒྱ་མཚོའི་ཉོན་མོངས་པའི་སྒོ་ངའི་སྦུབས་སུ་ཐབས་ཀྱིས་འཇུག་པར་བྱ་བའི་དོན་དང་མི་རྟག་པ་དང་སྟོང་པ་དང་། ཡོངས་སུ་མྱ་ངན་ལས་འདས་པ ་དང་། བདག་མེད་པའི་བསྔགས་པ་བརྗོད་པའི་སེམས་ཅན་རྣམས་ལ། སངས་རྒྱས་ཀྱི་ཡོན་ཏན་གྱི་ཆེ་བ་ཉིད་ཡོངས་སུ་མྱ་ངན་ལས་འདས་པ་རྟག་པ་དང་། ཐེར་ཟུག་པ་དང་། བརྟན་པ་དང་། ་ཞི་བའི་རང་བཞིན་གྱི་བདག་ཉིད་དུ་གནས་པར་ཡོངས་སུ་བསྟན་པའི་དོན་དང་། ཆོས་ནུབ་པར་སྨྲ་བར་སེམས་ཅན་ལ་དམ་པའི་ཆོས་བརྟན་པའི་རང་བཞིན་གྱི་མིག་རྣམ་པར་སྦྱང་བའི་དོན་དང་། ་ལྷའི་གནས་ཀྱི་གཟུགས་ཐམས་ཅད་ལ་ལོག་པར་ལྟ་བའི་དུག་གིས་ཕོག་པའི་སེམས་ཅན་རྣམས་ལ་ཕྱིར་གསོ་བའི་ལས་ཆེན་པོའི་ཆོ་ག་སྐྱུག་སྨན་དང་། བཀྲུ་སྨན་བཏང་བའི་དོན་དང་། དེ་བཞིན ་ག་ཤེགས་པའི་ལྡེམ་པོ་ངག་ལ་སེམས་ཡོངས་སུ་རྨོངས་ཤིང་རྣམ་པར་འཁྲུལ་པའི་སེམས་ཅན་རྣམས་ལ་ཡང་དག་པའི་རིག་སྔགས་བརྗོད་ཅིང་ཆུའི་བུམ་པ་ཐོགས་པའི་གསང་སྔགས་ཀྱི་སྦྱོར ་བའི་ཆོ་གའི་སྨན་གནོད་སེལ་ལ་མཁས་པའི་སྨན་པ་ཆེན་པོ་ཡོངས་སུ་གཟུང་བའི་དོན་དང་། སྤྱོད་པ་པ་དང་། ཀུན་ཏུ་རྒྱུ་དང་། གཅེར་བུ་ལ་སོགས་པ་འོས་མ་ཡིན་པའི་ལྷའི་གཟུགས་རྣམས ་ལ་རྟག་པ་དང་། འོས་པའི་རང་བཞིན་དུ་འཛིན་པའི་དུག་གིས་ཕོག་པའི་སེམས་ཅན་རྟག་པ་དང་། འོས་པར་སྨྲ་བ་རྣམས་ལ་དུག་ཧ་ལ་ཧ་ལའི་ཟུག་རྔུ་འབྱུང་བའི་ཕྱིར། ་མི་རྟག་པ་དང་། འོས་མ་ཡིན་པའི་ལྟ་བ་མི་སྟོན་པར་བྱ་བའི་དོན་དང་། མི་རྟག་པ་དང་། འོས་མ་ཡིན་པ་དང་། ལྷ་མ་ཡིན་པའི་ལྟ་བ་རྣམ་པར་སྤང་བར་བྱ་བའི་དོན་དང་། མི་རྟག་པ་དང ་ལྷ་མ་ཡིན་པའི་ལྟ་བས་བཅིངས་པ་ལས་སྒྲོལ་བའི་དོན་དང་། མོ་རྟག་པ་དང་། འོས་མ་ཡིན་པ་དང་། ལྷ་མ་ཡིན་པའི་ལྟ་བའི་ནད་གཞི་བསྐྱོག་པ་དང་། བཀྲུ་བའི་དོན་དང་། མི་རྟག ་པ་དང་། འོས་མ་ཡིན་པ་དང་། ལྷ་མ་ཡིན་པའི་དུག་གིས་སྐྲངས་པ་གཏར་བའི་དོན་དང་། མི་རྟག་པ་དང་། འོས་མ་ཡིན་པ་དང་། ལྷ་མ་ཡིན་པའི་ལྟ་བའི་དུག་གིས་རྣམ་པར་འདྲེས ་པའི་མིག་གི་ཤ་མཛར་བཅད་པའི་དོན་དང་། དེ་བཞིན་གཤེགས་པ་ཐམས་ཅད་ཀྱི་དུས་ཀྱི་རྣམ་པར་འཕྲུལ་པ་ལ་འཇུག་པའི་གནས་དང་། སྤྱོད་ཡུལ་དང་། གདུང་དང་། མཚན་དང་། ་ཞ་ང་དང་། དེ་ཁོ་ན་ཉིད་མཁྱེན་པ་དང་། རོ་དང་ཁ་ཟས་ཞོམ་པོ་དང་། བདེ་པར་བྱེད་པའི་བསྙེན་བཀུར་བ་དང་། ཆེ་བ་ལ་འོས་པའི་མལ་སྟན་བདེ་བ་དང་། བཏུང་བ་དང་། ཁྲུས ་དང་། སྤོས་དང་། མེ་ཏོག་འཕྲེང་དང་། ཕྱེ་མས་བསྒོ་བ་དང་། བདུག་པ་དང་། གོས་ཀྱི་མཆོག་ཕྲ་ཞིང་ཤིན་ཏུ་ཕྲ་བ་དང་། རབ་ཏུ་མཛེས་པའི་ཡང་དག་པར་བསྟན་པའི་དོན་དང ་དེ་བཞིན་གཤེགས་པའི་སྐུ་ཆོས་ཀྱི་སྐུ་ཡིན་པར་ཡང་དག་པར་བསྟན་པའི་དོན་ཏུ་ཁྱོད་ཀྱིས་ཚིག་འདི་ལེགས་པར་སྨྲས་པ་ནི་ཡང་ལེགསོ། ། དེ་བཞིན་གཤེགས་པའི་སྐུ་དེ་ཡང་ཤིན་ཏུ་ཟབ ་པའི་མཚན་ཉིད་དེ་མཚན་ཉིད་གཅིག་པ་ཡང་མ་ཡིན། མཚན་གྱི་གཞི་མེད་པ་ཡང་མ་ཡིན། མཚན་གྱི་གཞི་མངོན་པར་ཡང་མ་ཡིན། རྟོགས་པར་འགྱུར་བ་ཡང་མ་ཡིན།། རྟོགས་པར་མི་འགྱུར་བ་ཡང་མ ་ཡིན། ཚུ་རོལ་ན་ཡང་མ་ཡིན། ཕ་རོལ་ན་ཡང་མ་ཡིན། བར་ན་ཡང་མ་ཡིན། ཐོག་མ་ན་ཡང་མ་ཡིན། ཐོག་མ་མེད་པ་ན་ཡང་མ་ཡིན། འདི་ན་ཡང་མ་ཡིན། གཞན་ན་ཡང་མ་ཡིན། རྟག ་པ་ཡང་མ་ཡིན། མི་རྟག་པ་ཡང་མ་ཡིན། ཚད་མར་བྱ་བ་ཡང་མ་ཡིན། ཚད་མར་མི་བྱ་བ་ཡང་མ་ཡིན། མཚན་མོ་ཡང་མ་ཡིན། མཚན་མོ་མ་ཡིན་པ་ཡང་མ་ཡིན། ཆུང་ངུ་ཡང་མ ་ཡིན། ཆུང་ངུ་མ་ཡིན་པ་ཡང་མ་ཡིན། ཡང་བ་ཡང་མ་ཡིན། ཡང་བ་མ་ཡིན་པ་ཡང་མ་ཡིན། རྣམ་པར་ཤེས་པར་བྱ་བ་ཡང་མ་ཡིན། རྣམ་པར་ཤེས་པར་མི་བྱ་བ་ཡང་མ་ཡིན། རྣམ་པར ་ཤེས་པས་ཤེས་པར་བྱ་བ་ཡང་མ་ཡིན། རྣམ་པར་ཤེས་པས་ཤེས་པར་མི་བྱ་བ་ཡང་མ་ཡིན། མི་གནས་པ་ཡང་མ་ཡིན། མི་གནས་པ་མ་ཡིན་པ་ཡང་མ་ཡིན། མུན་པ་ཡང་མ་ཡིན། ་སྣང་བ་ཡང་མ་ཡིན། མིང་ཡང་མ་ཡིན། མཚན་མ་ཡང་མ་ཡིན། མཐུ་ཆུང་བ་ཡང་མ་ཡིན། སྟོབས་དང་ལྡན་པ་ཡང་མ་ཡིན། ཡུལ་ན་གནས་པ་ཡང་མ་ཡིན། ཕྱོགས་ན་གནས་པ ་ཡང་མ་ཡིན། དགེ་བ་ཡང་མ་ཡིན། མི་དགེ་བ་ཡང་མ་ཡིན། འདུས་བྱས་ཀྱང་མ་ཡིན། འདུས་མ་བྱས་པ་ཡང་མ་ཡིན། ག་ཞིག་ན་ཡོད་དོ་ཞེས་བརྗོད་དུ་རུང ་པབ་ཡང་མ་ཡིན། སྦྱིན་པར་ཡང་མ་ཡིན། ལེན་པར་ཡང་མ་ཡིན། ཚིག་ཏུ་བརྗོད་དུ་རུང་བ་ཡང་མ་ཡིན། ཚིག་ཏུ་བརྗོད་དུ་མི་རུང་བ་ཡང་མ་ཡིན། བདེན་པར་ཡང་མ་ཡིན། བརྫུན ་བར་ཡང་མ་ཡིན། ཡང་དག་པ་ཉིད་དུ་ཡང་མ་ཡིན། ལྟ་བར་ཡང་མ་ཡིན། ངེས་པར་འབྱུང་བ་ཡང་མ་ཡིན། ངེས་པར་འབྱུང་བ་ལ་ཡང་མ་ཡིན། ཞིང་དུ་ཡང་མ་ཡིན། ཞིང་མ ་ཡིན་པར་ཡང་མ་ཡིན། དུས་ཀྱང་མ་ཡིན། དུས་མ་ཡིན་པར་ཡང་མ་ཡིན། སྦྱང་བར་ཡང་མ་ཡིན། སྦྱང་བར་མི་བྱ་བ་ཡང་མ་ཡིན། གཙང་བ་ཡང་མ་ཡིན། མི་གཙང་བ་ཡང་མ ་ཡིན། བྱས་པ་ཡང་མ་ཡིན། མ་བྱས་པ་ཡང་མ་ཡིནི། སྐྱེས་པ་ཡང་མ་ཡིན། འགགས་པ་ཡང་མ་ཡིན། ཞི་བ་རབ་ཏུ་ཞི་བ་ཉེ་བར་ཞི་བ་སྟེ། ཁམས་ཀྱང་མ་ཡིན། ཕུང་པོ་ཡང ་མ་ཡིན། སྐྱེ་མཆེད་ཀྱང་མ་ཡིན། ཁམས་ཀྱིས་བསྐྱེད་པ་ཡང་མ་ཡིན། ཕུང་པོས་བསྐྱེད་པ་ཡང་མ་ཡིན།། སྐྱེ་མཆེད་ཀྱིས་བསྐྱེད་པ་ཡང་མ་ཡིན། ཉོན་མོངས་པའི་རྒྱུ་ལས་བྱུང་བ་ཡང ་མ་ཡིན། ལས་ཀྱི་རྒྱུ་ཁས་བྱུང་བ་ཡང་མ་ཡིན། བསགས་པ་ཡང་མ་ཡིན། མ་བསགས་པ་ཡང་མ་ཡིན་ལ། འཆི་འཕོ་མེད་པར་འཆི་འཕོ་བ། མུ་མེད་པ། འགྲོ་བ་མེད་པར་འགྲོ་བ ་དཔུང་གཉེན་དུ་གྱུར་པ། ཕྱི་མའི་མཐའ་མེད་པ། འཕོ་བ་མེད་པ། ད་ལྟར་གྱི་དུས་ན་མི་གནས་པའི་རང་བཞིན་ཅན། གཟུགས་མེད་པ། ཚོར་བ་མེད་པ། འདུ་ཤེས་མེད་པ། ་འདུ་བྱེད་མེད་པ། རྣམ་པར་ཤེས་པ་མེད་པའི་དེ་བཞིན་ཉིད་ཀྱི་རང་བཞིན། མི་ཟད་པ། ཟད་པར་བྱར་མི་རུང་བ། ཟད་པ་དང་བྲལ་བ། མི་མཉམ་པ། མི་མཉམ་པ་དང་མཉམ་པ། རྣམ ་པར་ཤེས་པ་མ་ཡིན་པ། ཁམས་བཞི་ལས་ཡང་དག་པར་འདས་པ། ཆོས་ཐམས་ཅད་ལ་མ་ཆགས་པའི་མཐར་ཕྱིན་པ། ཡང་དག་པའི་མཐའ། མཐའ་མེད་པ་དེ་བཞིན་ཉིད་དང་མཉམ་པ ་སྟེ། དེ་ལྟར་དེ་བཞིན་གཤེགས་པའི་སྐུ་ནི་ཡོན་ཏན་དཔག་ཏུ་མེད་ཅིང་གྲངས་མེད་པ་དང་ལྡན་པ་ཡིན་ནོ།། དེ་བཞིན་གཤེགས་པའི་འབེལ་གཏམ་གྱི་མཚན་ཉིད་ནི། འདི་ལྟ་བུ་ཡིན་ཏེ། ཕྲ ་བའི་ཚིག་དང་། ཤིན་ཏུ་རྟོགས་པར་དཀའ་བ་དང་། ཤིན་ཏུ་བྱང་བ་དང་ཤིན་ཏུ་ཟབ་པ་སྟེ། ཕྱི་རོལ་པ་རྣམས་དང་། ཉན་ཐོས་དང་། རང་སངས་རྒྱས་དེ་དག་གིས་སྔོན་ཚིག་དང་ཡི་གེ ་གཅིག་ཀྱང་མ་ཐོས་ཏེ། དམུས་ལོང་དུ་གྱུར་ཅིང་དུག་གི་མཛོད་དུ་གྱུར་པ་དང་། གྲུ་བོར་གྱུར་ཅིང་རྒས་པར་གྱུར་པ་སྲིད་པའི་སྒོ་ངའི་སྦུབས་ཀྱིས་གཡོགས་པ། གྲུ་ཞོགས་པ། དུག ་གིས་ཕོག་པའི་ཟུག་རྔུས་ཡོངས་སུ་མྱོས་པར་བྱས་པ། འཁྲིས་པས་བརྒྱལ་ཞིང་སེམས་རྣམ་པར་འཁྲུལ་པོར་བྱས་པའི་ཉན་ཐོས་དང་། རང་སངས་རྒྱས་ཐམས་ཅད་དང་། སེམས ་ཅན་ཐམས་ཅད་གསོ་བའི་ཆོ་ག་ཆེན་པོ་བསྐྱུག་པ་དང་། བཀྲུ་བའི་སྦྱོར་བ་དང་། གསང་སྔགས་དང་། ཡང་དག་པའི་རིག་སྔགས་བརྗོད་ཅིང་ཆུའི་བུམ་པ་ཐོགས་ཏེ ་ཧ་ལ་ཧ་ལའི་དུག་གི་ཟུག་རྔུ་འབྱུང་བའི་དོན་དང་། ཡོངས་སུ་མྱ་ངན་ལས་འདས་པའི་སྒྲའི་བད་ཀན་དང་འབྲིས་པ་སྙིང་ལ་ཞུགས་པ་བཅད་པའི་དོན་དང་། དེ་དག་གི་ལྟོ་རྣམ་པར་སྦྱང་བའི་དོན ་དང་། དེ་དག་གི་དུག་གིས་སྐྲངས་པར་གྱུར་པ་གཏར་བའི་དོན་དང་། ཕྱེ་མ་ལེབ་དང་། སྦུར་བུ་ལྟ་བུར་གྱུར་པ་དེ་དག་དུག་གིས་ཕོག་པ་དང་། འཆི་བ་ཡོངས་སུ་ཤེས་པར་བྱ་བའི་དོན ་དང་། དེ་བཞིན་གཤེགས་པའི་རྟག་པ་དང་། ཐར་ཟུག་པ་དང་། བརྟན་པ་དང་། ཞི་བའི་ཡེ་ཤེས་སྣང་བའི་མར་མ་གསལ་བར་བྱ་བའི་དོན་དང་། དེ་བཞིན་གཤེགས་པའི་རྟག་པ་དང་། ་བརྟན་པ་དང་། ཐེར་ཟུག་པའི་དེ་ཁོ་ན་མཁྱེན་པའི་ཟླ་བ་དང་། ཉི་མའི་འོད་བསྐྱེད་པའི་དོན་དང་། ཤེས་རབ་ཀྱི་རྟག་པའི་མིག་སྤེལ་བར་བྱ་བའི་དོན་དང་། མཚུངས་པ་མེད་པའི་ཚུལ་ཐོབ ་པར་བྱ་བའི་དོན་དང་། གཟུངས་དང་ཏིང་ངེ་འཛིན་གྱི་རྫས་ཀྱི་ལྟད་མོ་བསྟན་པའི་དོན་དང་། དེ་བཞིན་གཤེགས་པའི་གཞུང་ལུགས་ཀྱི་འཕགས་པའི་ནོར་ཐོབ་པར་བྱ་བའི་དོན་དང་། དེ་བཞིན ་གཤེགས་པའི་སྐུའི་ཡང་དག་པའི་མེ་ལོང་གི་དཀྱིལ་འཁོར་ལེགས་པར་མཐོང་བར་བྱ་བའི་དོན་དང་། དེ་བཞིན་གཤེགས་པ་ཡོངས་སུ་མྱ་ངན་ལས་འདའོ་སྙམ་པའི་མ་རིག་པའི་དྲ་བའི་སྒོ ་ངའི་སྦུབས་བརྟོལ་བའི་དོན་དང་། དེ་བཞིན་གཤེགས་པའི་བསྟན་པ་ནུབ་པར་འགྱུར་རོ་སྙམ་པའི་མ་རིག་པའི་རྒྱ་མཚོ་ཆེན་པོར་གྲུ་ཞིགས་པའི་སེམས་ཅན་རྣམས་ཀྱི་གྲུ་བཅོས་པའི་དོན ་དང་། དེ་བཞིན་གཤེགས་པ་ནི་མི་རྟག་གོ་ཐེར་ཟུག་མ་ཡིན་ནོ།། མི་བརྟན་ནོ།། ཞི་བ་མ་ཡིན་ནོ་སྙམ་པའི་དུག་གིས་ཕོག་པའི་ལྟ་བའི་ཟུག་རྔུ་དབྱུང་ཞིང་གསོ་བའི་ཆོ་ག་ཆེན་པོ་ཡོངས་སུ ་གཟུང་བའི་དོན་དང་། དེ་བཞིན་གཤེགས་པ་ཐེར་ཟུག་པ་མ་ཡིན།། ཞི་བ་མ་ཡིན། བརྟན་པ་མ་ཡིན། རྟག་པ་མ་ཡིན་ནོ་སྙམ་པས་སེམས་ཡོངས་སུ་རྨོངས་པར་བྱས་ཤིང་། རྣམ་པར་འཁྲུལ ་པར་བྱས་པའི་འཁྲིས་པ་ཞི་བར་བྱ་བའི་ཕྱིར། དེ་བཞིན་གཤེགས་པ་རྣམས་ཕྱོགས་གཅིག་ཏུ་བཞུགས་ནས། དེ་བཞིན་གཤེགས་པ་ཐམས་ཅད་ཀྱི་འབེལ་བའི་གཏམ་བསམ་གྱིས་མི་ཁྱབ་པའི ་རྣམ་པར་ཐར་པའི་གསང་བའི་ཆོས་སྟོན་པའི་ཚུལ་རྣམ་པ་སྣ་ཚོགས་ཀྱི་རྩེད་མོས་པར་རོལ་ཏེ། རྣམ་པ་སྣ་ཚོགས་ཀྱི་ཚུལ་གྱིས་མངོན་པར་གནས་ཤིང་། ཡང་དག་པར་ཞུགས་ཏེ་འབེལ་བའི ་གཏམ་མཛད་དོ། ། འབེལ་བའི་གཏམ་ནི་མཚན་ཉིད་དེ་ལྟ་བུ་ཕྲ་བའི་ཚིག་དང་། ཤིན་ཏུ་རྟོགས་པར་དཀའ་བ་དང་། ཤིན་ཏུ་བྱང་བ་དང་། ཤིན་ཏུ་ཟབ་པས་བརྒྱན་པ་ཡིན་ཏེ། སྤྲིན་ཆེན ་སྙིང་པོ། ། ཉན་ཐོས་དང་རང་སངས་རྒྱས་ཐམས་ཅད་ཀྱིས། སྔོན་ཚིག་དང་ཡི་གེ་གཅིག་ཀྱང་མ་ཐོས་ཤིང་ཡུལ་དུ་མ་གྱུར་པ་ཞུ་བ་ལུང་བསྟན་པའི་ཕྱིར་དམ་བཅས་ཤིང་སྨོན་ལམ་བཏབ་པ ་ལེགས་སོ་ལེགས་སོ། ། སེམས་ཅན་ཐམས་ཅད་ལ་ཕན་པ་དང་བདེ་བའི་བདུད་རྩི་མི་ཟད་པའི་རིན་པོ་ཆེའི་གཏེར། དེ་བཞིན་གཤེགས་པ་ལ་དྲིས་པ་ཤིན་ཏུ་ལེགས ་པར་བྱས་སོ། ། སེམས་ཅན་ཐམས་ཅད་ཀྱི་བདུད་རྩི་མཚུངས་པ་མེད་པའི་མདོའི་རྒྱལ་པོའི་གཏེར་དང་། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་གཏེར་དང་། དེ་བཞིན་གཤེགས་པ ་ཐམས་ཅད་ཀྱི་ཡོན་ཏན་གྱི་ཆེ་བ་ཉིད་ཀྱི་གཏེར་དང་། དེ་བཞིན་གཤེགས་པ་ཐམས་ཅད་ཀྱི་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའི་ཡང་དག་པའི་ཡེ་ཤེས་ཀྱི་ལྟ་བ་བཟང་པོའི ་གཏེར་དང་། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་ཀྱི་ཡོན་ཏན་རྟག་པའི་རང་བཞིན་གྱི་གཏེར་གཙུགས་ཏེ་ཤིན་ཏུ་བརྟན་པར་བྱས་པ་ཡིན་ནོ།། སྤྲིན་ཆེན་སྙིང་པོ་ཁྱོད་ཏང་འཚམ་ཞིང ་རྐྱེན་དུ་བབ་པར་དམ་བཅས་ཤིང་སྨོན་ལམ་བཏབ་པ་ནི་ལེགས་ཏེ། དེ་བཞིན་གཤེགས་པ་དེ་དག་ཐམས་ཅད་ཀྱང་རྗེས་སུ་ཡི་རང་བ་མཛད་དོ།། དེ་སྐད་ཅེས་བཀའ་སྩལ ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གིས་དེ་བཞིན་གཤེགས་པ་དགྲ་བཅོམ་པ ་ཡང་དག་པར་རྫོགས་པའི་སངས་རྒྱས་རྣམས་ལ་ཞུ་བ་ལུང་བསྟན་པའི་སླད་དུ་དམ་བཅས་ཤིང་སྨོན་ལམ་བཏབ་པ་མ་ལགས་ཀྱི། བཅོམ་ལྡན་འདས་བདག་གིས་ནི་དེ་བཞིན་གཤེགས་པའི ་མཐུས་སེམས་ཅན་ཐམས་ཅད་བསོད་ནམས་བ་སོགས་པར་བགྱི་བའི་སླད་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ལུང་བསྟན་པའི་སླད་དུ ་མཚུངས་པ་མ་མཆིས་པའི་མདོའི་རྒྱལ་པོའི་གཏེར་དང་། སེམས་ཅན་ཐམས་ཅད་ཀྱི་མི་ཟད་པའི་གཏེར་གྱི་དམ་བཅས་ཤིང་སྨོན་ལམ་བཏབ་པ་ལགས་སོ།། དམུས་ལོང་ལྟ་བུའི ་སེམས་ཅན་རྣམས་ཀྱི་ཡེ་ཤེས་ཀྱི་མིག་གི་མར་མེ་བཅོམ་ལྡན་འདས་ཀྱིས་བསྟན་དུ་གསོལ། སེམས་ཅན་ཐམས་ཅད་ཀྱི་ཤེས་རབ་ཀྱི་གཏེར་བཅོམ་ལྡན་འདས་ཀྱིས་བཤད་དུ་གསོལ ་སེམས་ཅན་ཐམས་ཅད་ཀྱི་དེ་བཞིན་གཤེགས་པའི་ཡོན་ཏན་རྟག་པ་དང་། ཐེར་ཟུག་དང་། བརྟན་པ་དང་། ཞི་བ་དང་། དམ་པའི་ཆོས་བརྟན་པའི་གཏེར་གནས་པར་མཛད་དུ་གསོལ ་དེ་སྐད་ཅེས་གསོལ་ནས། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོ་ལ་འདི་སྐད་ཅེས་བཀའ་སྩལ་ཏོ།། སྤྲིན་ཆེན་སྙིང་པོ་ལེགས ་སོ་ལེགས་སོ། ། སྤྲིན་ཆེན་སྙིང་པོ་ཁྱོད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་ཁྱོད་དང་འཚམ་པའི་ཚིག་གི་དོན་ཕྲ་ཞིང་ཟབ་མོའི་ཚིག ་དང་ཡི་གེ་སྤེལ་བ་དང་། སེམས་ཅན་ཐམས་ཅད་ཀྱི་དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པའི་མཚན་ཉིད་དམ་པའི་ཆོས་བརྟན་པའི་གཏེར་དང་། ཁྱོད་དང་འདྲ་བ་དག་གི ་མཚུངས་པ་མེད་པའི་མདོའི་རྒྱལ་པོའི་གཏེར་དང་། དམ་པའི་ཆོས་བརྟན་པའི་གཏེར་དང་། སེམས་ཅན་ཐམས་ཅད་ཀྱི་བདུད་རྩི་མི་ཟད་པའི་གཏེར་དེ་བཞིན་གཤེགས ་བ་ལ་ཞུས་པ་ལེགས་ཏེ། སེམས་ཅན་ཐམས་ཅད་ཀྱི་གཏེར་བརྟན་པར་བཞག་པ། ངས་བཤད་པར་བྱའོ།། སྤྲིན་ཆེན་སྙིང་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི ་སངས་རྒྱས་རྣམས་ཀྱི་སངས་རྒྱས་ཀྱི་ཡང་དག་པའི་ཡོན་ཏན་གྱི་ཆེ་བ་ཉིད་དམ་པའི་ཆོས་བརྟན་པའི་གཏེར་གྱི་ཚུལ་དེ་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། བསྟན་པར་བྱ་སྟེ། ་སྤྲིན་ཆེན་སྙིང་པོ་གཞན་ཡིད་ལ་མ་སེམས་ཤིག་དང་བཤད་པར་བྱའོ།། སྤྲིན་ཆེན་སྙིང་པོ་སེམས་ཅན་ཐམས་ཅད་ལ་ཕན་པ་དང་བདེ་བ་དང་། སྙིང་བརྩེ་བའི་ཕྱིར་བརྟན་པའི་སེམས ་ཀྱིས་ཟུང་ཤོག། སེམས་ཅན་ཐམས་ཅད་ངེས་པར་སྤྲུལ་བའི་སེམས་ཀྱིས་ཡིད་ལ་ཟུང་ཤིག། སྤྲིན་ཆེན་སྙིང་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས ་རྒྱས་རྣམས་ཀྱི་སངས་རྒྱས་ཀྱི་ཡོན་ཏན་གྱི་ཆེ་བ་ཉིད་ཀྱི་ཆོས་བརྟན་པའི་གཏེར་གྱི་ཚུལ་གང་གིས། སངས་རྒྱས་ཀྱི་ཡོན་ཏན་གྱི་དམ་པའི་ཆོས་བརྟན་པའི་གཏེར་གྱི་ཚུལ་དང་། དེ་ཁོ་ན་ཤེས ་པའི་ཆུས་ཡོངས་སུ་སྨིན་པར་བྱས་པའི་དགེ་བའི་རྩ་བའི་བདུད་རྩིའི་རོ་ཞིམ་པོ་ཐོབ་པ་ཡོད་དེ། དགེ་བའི་རྩ་བ་དེས་བདུད་རྩིའི་རོ་ཞིམ་པོ་ཡོངས་སུ་སྤྱད་ནས། དེ་བཞིན་གཤེགས་པ་ཐམས ་ཅད་མཛད་པ་ཐམས་ཅད་མཛད་དེ། ཡོངས་སུ་རྫོགས་པས་སངས་རྒྱས་ཀྱི་མཛད་པས་མངོན་པར་རོལ་པ་བདུད་རྩིའི་རོ་ཞིམ་པོ་དེ་ཡང་ཡོངས་སུ་སྤྱོད་ཅིག། སེམས་ཅན་ཐམས་ཅད ་ལ་ཡང་ཡེ་ཤེས་ཆེན་པོའི་བདུད་རྩིའི་རོ་ཞིམ་པོ་བྱིན་ཅིག། སྤྲིན་ཆེན་སྙིང་པོ་སྤྲིན་ཆེན་པོའི་མདོ།། ཆོས་ཀྱི་རྣམ་གྲངས་ཆེན་པོ་ཚམས་པར་སྤྱོད་པ་ཐོག་མར་དགེ་བ། བར་དུ་དགེ་བ། ་ཐ་མར་དགེ་བ། དོན་བཟང་པོ།། ཚིག་འབྲུ་བཟང་པོ།། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བཟུང་ཤིག། སྤྲིན་ཆེན་སྙིང་པོ་སྤྲིན་ཆེན་པོའི ་མདོ། ། མཚུངས་པ་མེད་པའི་མདོའི་རྒྱལ་པོ་ཆོས་ཀྱི་རྣམ་གྲངས་ཆེན་པོ་དེ། དེ་བཞིན་གཤེགས་པའི་ཚུལ་དམ་པའི་ཆོས་བརྟན་པའི་གཏེར་ཤོད་ཅིག། སྤྲིན་ཆེན་སྙིང་པོ་སྤྲིན་ཆེན ་པོའི་མདོ་ཀུན་ཆུབ་པར་གྱིས་ཤིག། སྤྲིན་ཆེན་སྙིང་པོ་སྤྲིན་ཆེན་པོའི་གཟུངས་ཀྱི་རྒྱ་མཚོ་ཆེན་པོ།། ཏིང་ངེ་འཛིན་གྱི་རྒྱ་མཚོ་དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཡོན་ཏན་འབྱུང་གནས ་ཀྱི་ཚོང་རྡལ། སྐྱེས་བུ་དམ་པའི་ཚོང་པའི་གནས་ཆེན་པོར་གྱུར་པ་རྒྱས་པར་གྱིས་ཤིག། སྔོན་ཆེན་སྙིང་པོ་དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཏིང་ངེ་འཛིན་དང་། གཟུངས་ཐམས ་ཅད་ཀྱི་གསང་བ་སམ་གྱིས་མི་ཁྱབ་པའི་རྣམ་པར་འཕྲུལ་པའི་རྒྱལ་པོ་དགེ་བའི་རྩ་བའི་འབྱུང་གནས། ཟབ་མོའི་ཚིག་གི་དོན་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའི ་རང་བཞིན་གྱི་ཕྱག་རྒྱའི་མཚན་ཉིད་བརྟན་པའི་མངོན་མཚན་གྱིས་བཏབ་པ། སྤྲིན་ཆེན་པོའི་མདོ།། མཚུངས་པ་མེད་པའི་མདོའི་རྒྱལ་པོའི་ཆོས་ཀྱི་ཚུལ་ཟུང་ཤིག། ་སྤྲིན་ཆེན་སྙིང་པོ་ཤིན་དུ་བྱང་ཞིང་ཤིན་ཏུ་རྟོགས་པར་དཀའ་བ། རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའི་རང་བཞིན་སངས་རྒྱས་ཀྱི་ཡོན་ཏན་གྱི་ཆེ་བ་ཉིད་ཀྱི་སྤྲིན་ཆེན་པོའི། ་མདོ།། མཚུངས་པ་མེད་པའི་མདོའི་རྒྱལ་པོ།། དམ་པའི་ཆོས་བརྟན་པའི་གཏེར་ལ་ཡིད་ཆེས་པར་གྱིས་ཤིག། སྤྲིན་ཆེན་སྙིང་པོ་སྤྲིན་ཆེན་པོའི་མདོ།། སེམས་ཅན་ཐམས་ཅད་ཀྱིས་དམ་པའི་ཆོས ་བརྟན་པའི་གཏེར་དང་། མུ་གེ་བྱུང་བའི་ཚེ། ལོངས་སྤྱོད་མི་ཟད་པར་བྱེད་པའི་ཏིང་ངེ་འཛིན་དང་། གཟུངས་ཀྱི་གཏེར་དང་། འཆར་མི་འབབ་པའི་ཚེ། དམ་པའི་ཆོས་ཀྱི་ཏིང་ངེ་འཛིན ་གྱི་གཏེར་མི་ཟད་པའི་བདུད་རྩིའི་ཆར་ཆུས་གང་བའི་སྤྲིན་ཆེན་པོའི་ཡོན་ཏན་གྱི་རྣམ་པར་འཕྲལ་པ་དང་། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པ་དང་། ཐེར་ཟུག་པ་དང ་བརྟན་པ་དང་། ཞི་བའི་རང་བཞིན་ཆར་ཆེན་པོ་དམ་པའི་ཆོས་བརྟན་པའི་གཏེར་དང་། ནད་བྱུང་བའི་ཚེ། བདེ་ཞིང་བསིལ་བའི་སྨན་སྦྱར་བས་དུག་གི་མཐུ་ཐམས་ཅད་མེད་པར་བྱེད་པ ་དང་། དམ་པའི་ཆོས་ཀྱི་གཟུངས་ཐོབ་པའི་ཏིང་ངེ་འཛིན་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའི་རང་བཞིན་གྱི་དེ་བཞིན་གཤེགས་པའི་ངོ་བོ་ཉིད་ཀྱི་ཡོན་ཏན་གྱི་ཚོགས་ལ ་བསྙེན་བཀུར་བྱ་བའི་གནས་དང་། མེ་ཏོག་ཕྲེང་བ་དང་། ཕྱེ་མའི་བསྒོ་བས་བསྒོས་པ་སྤྲིན་ཆེན་པོའི་མདོ།། ནད་མེད་པར་བརྟན་པའི་གཏེར་ཡི་གེར་བྲིས་ཤིག། སྤྲིན་ཆེན་སྙིང་པོ་སེམས ་ཡོངས་སུ་རྨོངས་ཤིང་། རྣམ་པར་འཁྲུལ་པ་རྣམས། དེ་བཞིན་གཤེགས་པ་མི་རྟག་ཅིང་ཐེར་ཟུག་པ་མ་ཡིན་ལ། མི་བརྟན་ཞིང་ནུབ་པར་འགྱུར་རོ་ཞེས་ལོག་པར་སྨྲ་བ་རྣམས་འཁྲིས་པས་བརྒྱལ ་ཞིང་། དུག་གི་ཟུག་རྔུས་རྣམ་པར་བསྲེགས་པའི་ལྟ་བའི་གཉིད་ཀྱི་མུན་པས་གནོད་པར་བྱས་པའི་ཁྱིམ་དུ་ཉལ་ནས་གཉིད་ལོག་སྟེ། རྨི་ལམ་མི་ཟད་པའི་ལྟ་བས་བསྲེགས་ནས་མྱོང་ཤོང་རྨིས་ཏེ ་སྐྲག་པའི་ཉན་ཐོས་དང་། རང་སངས་རྒྱས་ཐམས་ཅད་དང་། བརྒན་གྲུམ་མོ་དང་འདྲ་བའི་སེམས་ཅན་རྣམས་ལ། སངས་རྒྱས་ཀྱི་ཡོན་ཏན་གྱི་ཆེ་བ་ཉིད་རྟག་པའི་རང་བཞིན་ཤེས་པའི་འབྲུ་མར ་དང་། དེ་ཁོ་ན་རིག་པའི་སྙིང་པོ་རབ་ཏུ་འབར་བར་གྱིས་ཤིག། དེ་བཞིན་གཤེགས་པའི་ཡོན་ཏན་གྱི་རང་བཞིན་རྟག་པའི་མ་མེ་ལ་འཇུག་པ་སྤངས་ནས། ཤཱཀྱའི་རིགས་ལ་བསྔགས་པ་མ་ཡིན། ་པ་བརྗོད་པའི་སེམས་ཅན་མི་ཤེས་པའི་ལྟ་བ་མང་བ་དེ་དག་ལ་དེ་ཁོ་ན་ཤེས་པ་བི་ཀ་ཏ་ཀའི་འབྲས་བུའི་མིག་སྨན་གྱིས་ཕྱི་བར་གྱིས་ཤིག། དེ་བཞིན་གཤེགས་པའི་རིགས་ཀྱི་ཆེ་བ་ཉིད་ཀྱི་ཆེ་བ་ཡང ་དག་པའི་ཡེ་ཤེས་སྤངས་ལ། དེ་བཞིན་གཤེགས་པའི་རྗེས་སུ་རབ་ཏུ་བྱུང་སྟེ། ཉེས་པ་བརྗོད་པར་བྱེད་པ་དེ་དག་གི་ལྕེ་ཆོད་དེ་བོར་ཅིག། དེ་བཞིན་གཤེགས་པའི་ལྡེམ་པོ་ངག་ཤེས་རབ ་ཀྱིས་རྟོགས་པར་བྱ་བའི་ཕྱིར། དེ་བཞིན་གཤེགས་པའི་རྗེས་སུ་རབ་ཏུ་བྱུང་སྟེ། སངས་རྒྱས་ཀྱི་སྲས་སུ་གྱུར་པ་དེ་དག་ལ་ལྟ་བ་ཐམས་ཅད་ལ་རྣམ་པར་འཕྲུལ ་བབ་འདི་གཏད་པ་གྱིས་ཤིག། སྨོན་ཆེན་སྙིང་པོ་དེ་བཞིན་གཤེགས་པས་བཤད་པ་ལ་འབྲས་བུ་མེད་དོ་ཞེས་ཟེར་བའི་སེམས་ཅན་རྣམས་ལ། དེ་བཞིན་གཤེགས་པས་བཤད་པས ་འབྲས་བུ་ཡོད་པར་མངོན་པར་རྟོགས་པར་བྱ་བའི་ཕྱིར། རྣམ་པར་འཕྲུལ་པ་གྱིས་ཤིག། སྤྲིན་ཆེན་སྙིང་པོ་ཁྱོད་ཀྱིས་རྙེད་པ་ལེགས་པར་རྙེད་ཀྱིས་མངོན་པར་དད་པར་གྱིས་ཤིག། ་སྤྲིན་ཆེན་སྙིང་པོ་ཉན་ཐོས་དང་། རང་སངས་རྒྱས་ཐམས་ཅད་དང་། སེམས་ཅན་ཐམས་ཅད་ཀྱི་ལྟ་བ་ཐམས་ཅད་བསྐྱུག་པ་དང་བཀྲུ་བ་དང་། སྨན་སྣར་གླུགས་པའི་ཆོ་ག་ཆེན་པོ་ཐམས ་ཅད་ཀྱིས་ནད་ཆེན་པོ་རྣམས་གཞོམ་པའི་ཕྱིར་མཚུངས་པ་མེད་པའི་མདོའི་རྒྱལ་པོ་ཆེན་པོ། ། མདོ་ཐམས་ཅད་ཀྱི་བདག་པོ་འཁོར་ལོ་ཐམས་ཅད་ཀྱི་བསྐོར་བ། དམ་པའི་ཆོས་རིན་པོ་ཆེའི ་མཆོག་བརྟན་པའི་གཏེར། སེམས་ཅན་ཐམས་ཅད་ཀྱི་ཡུལ་མ་ཡིན་པ། ཟབ་མོའི་ཚིག་གི་དོན་དེ་བཞིན་གཤེགས་པ་ལ་དྲིས་ལ། དམ་པའི་ཆོས་བརྟན་པའི་གཏེར་རབ་ཏུ་གནས་པར ་གྱིས་ཤིག། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ཡུལ་བསམ་གྱིས་མི་ཁྱབ་པ་ལ་ལྟོས། སྤྲིན་ཆེན་སྙིང་པོ་སྤྲིན་ཆེན་པོ་མདོ་ལས། དེ་བཞིན་གཤེགས་པ་རྣམས་དང་། བྱང་ཆུབ ་ས་ཨེམས་དཔའ་རྣམས་ཀྱི་རྣམ་པར་ཐར་པ་བསམ་གྱིས་མི་ཁྱབ་པ་ལ་གནས་པ་རིན་པོ་ཆེའི་མཛོད་ཀྱི་འབྱུང་གནས་ཀྱི་ཆོས་ཀྱི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་གྱི་སྒོ་བཞི་བརྒྱ ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་ཕྱིར་མི་ཟློག་པའི་ཡེ་ཤེས་མཐའ་ཡས་པ། རིན་པོ་ཆེའི་འབྱུང་གནས ་ལ་མངོན་པར་འཇུག་པ་ཞེས་བྱ་བའི་གཟུངས་ཀྱི་སྒོ་སུམ་ཅུ་རྩ་དྲུག་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་བསམ་གྱིས་མི་ཁྱབ་པའི་ཡུལ་ལ། དེ་བཞིན་གཤེགས་པ་རྣམས་དང ་བྱང་ཆུབ་སེམས་དཔའ་རྣམས་ཀྱི་ལྡེམ་པོ་ངག་གི་གཞིའི་བྱེ་བྲག་ལ་འཇུག་པ་ལ་རྨོངས་པའི་ཚུལ་གྱི། ཆོས་ཀྱི་ཐབས་ཀྱི་རྒྱུན་ཀྱི་རྣམ་པར་ཐར་པའི་སྒོ་ཉི་ཤུ་རྩ་གསུམ་ཡོད་དོ།། སྤྲིན་ཆེན་སྙིང ་པོ་སྤྲིན་ཆེན་པོའི་མདོ་བསམ་གྱིས་མི་ཁྱབ་པའི་ཡུལ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་རྣམས་ཀྱི་སྲིད་པར་སྐྱེ་བས་རྩེ་བའི་རྣམ་པ་ལ་འཇུག་ཅིང་གནས་པ་བགྲོད་པའི ་གཙང་བ་བཀོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་ལ། བྱང་ཆུབ་སེམས་དཔའ་རྣམས་ཀྱི་འཁོར ་བའི་ཉོན་མོངས་པའི་ཞིང་གི་ལས་ཀྱིས་ཐོབ་པར་བྱ་བའི་ཕྱིར། སེམས་ཀྱིས་ཡང་དག་པར་ལེན་པའི་རྣམ་པར་གྲོལ་བའི་སྨོན་ལམ་གསང་བ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ།། སྤྲིན་ཆེན ་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་ཡེ་ཤེས་ལ་རྨོངས་པའི་སྙིང་པོ་བསམ་གྱིས་མི་ཁྱབ་པ་གཟུང་བའི་རྣམ་པར ་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་ཡེ་ཤེས་ཟབ་མོ་བརྟན་པ་ཐོབ་པར ་ལ་འཇུག་པའི་རྣམ་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྟོང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱིས་སྤྲིན་ཆེན་སྙིང་པོའི་ཆར་གྱི ་རྒྱུན་བསམ་གྱིས་མི་ཁྱབ་པའི་བསོད་ནམས་ཀྱི་མཛོད་ཅེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལས། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ ་རྣམས་ཀྱི་སྤྲིན་ཆེན་པོའི་ཆར་གྱི་རྒྱུན་བསམ་གྱིས་མི་ཁྱབ་པའི་བསོད་ནམས་ཀྱི་རྣམ་པའི་ལམ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས ་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་སྤྲིན་ཆེན་པོའི་ཚོགས་ནམ་མཁའ་ལས་འབྱུང་ཞིང་འདུ་བའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ།། སྤྲིན་ཆེན་སྙིང་པོ ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་སྤྲིན་ཆེན་པོའི་གློག་གི་འོད་སྣང་བའི་སྒོ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ།། སྤྲིན་ཆེན་སྙིང་པོ་སྤྲིན་ཆེན་པོའི ་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་སྤྲིན་ཆེན་པོའི་ཀློག་འགྲུབ་དང་ལྡན་པ་ལ་འཇུག་པའི་རྣམ་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ།། སྤྲིན་ཆེན་སྙིང་པོ། ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་སྤྲིན་ཆེན་པོའི་གློག་གི་སྒྱུ་འཕྲུལ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ།། སྤྲིན་ཆེན་སྙིང་པོ་སྤྲིན་ཆེན ་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་ཆོ་འཕྲུལ་ཆེན་པོ་སྒྲོན་མ་སྟོན་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ།། སྤྲིན་ཆེན་སྙིང་པོ་སྤྲིན་ཆེན་པོའི ་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་ཆོས་ཀྱི་ཐོག་ཏོག་གི་འབེབ་པའི་གཏམ་ལ་འཇུག་པའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་བཅུ ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱིས་ཡེ་ཤེས་རྡོ་རྗེའི་རྣམ་པ་ལ་འཇུག་པའི་མཛོད་སྲུང་བ་ཞེས་བྱ་བའི་ཆོས་ཀྱི ་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱིས་ལོངས་སྤྱོད་མི་ཟད་པའི་རྣམ་པ་ལ་འཇུག་པ། རྣམ་པར ་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་ཡང་དག་པའི ་ལམ་གྱི་རྣམ་པ་མངོན་པར་མཚོན་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང ་བྱང་ཆུབ་སེམས་དཔའ་རྣམས་ཀྱི་ཕྲ་ཞིང་ཟབ་པའི་གླེང་གཞིའི་རྣམ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤུན་ཆེན་པོའི་མདོ་ལ། དེ་བཞིནི་གཤེགསར ་རྣམས་དང་། བྱང་ཆུབ་སེམས་དཔའ་རྣམས་ཀྱི་སེང་གེའི་རྣམ་པར་རྩེ་བ་ལ་དམིགས་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ།། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན ་གཤེགས་པ་རྣམ་དང་། བྱང་ཆུབ་སེམས་དཔའ་རྣམས་ཀྱི་མཚམས་སྦྱར་བ་ཚོགས་པའི་རྣམ་པར་འཇིག་རྟེན་དང་འཐུན་པར་འཇུག་པར་བྱ་བ་ལ་འཇུག་པའི་མདོ་ཞེས་བྱ་བའི་ཆོས་ཀྱི ་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་མངོན་པར་རྩེ་བའི་རིན་པོ་ཆེའི་མཛོད་ལ། ་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ།། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་ནམ་མཁའ་ལྡིང་གི ་རྩ་བ་ཆེན་པོའི་སྟོབས་ལ་མངོན་པར་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ ་སེམས་དཔའ་རྣམས་ཀྱི་སྒྲ་ཆེན་པོའི་དུས་རྣམ་པར་བསྒྲགས་པ་བཀོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ་དེ་བཞིན ་གཤེགས་པ་རྣམས་དང་བྱང་ཆུབ་སེམས་དཔའ་རྣམ་ཀྱི་མི་འཇིགས་པ་ཆེན་པོའི་སྟོབས་ཀྱི་རྣམ་པར་འཕྲུལ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང ་བོཔོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱིས་གནས་ཀྱི་རྣམ་པ་དང་བཅས་པ་ཡངས་པ་ཞེས་བྱ་བའི་ཆོས་ཀྱི་སྒོ་བཅུ ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པའི་ཆོ་ག་ལ་འཇུག་པ་ཞེས ་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོལ་དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་དམག་ཆེན་པོ་དཔའ་བོའི་རྒྱལ་པོ ་སྟོབས་བཀོད་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་བཟང་པོའི་རྣམ་པའི་རྣམ་པར ་འཕྲུལ་པའི་རྒྱལ་པོ་ལ་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ ་རྣམས་ཀྱི་རྩེ་བ་དང་། བཅས་པ་ཡང་དག་པར་སྤུངས་པ་སྟོན་པའི་དཔུང་ཆེ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ།། སྤྲིན་ཆེན་སྙིང་པོ་སྤྲིན་ཆེན་པོའི་མདོ ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་ཡེ་ཤེས་རྩོམ་པའི་ཆོ་ག་ལ་ཞུགས་པའི་རྣམ་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ།། སྤྲིན་ཆེན་སྙིང་པོ་སྤྲིན་ཆེན་པོའི ་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་ཡེ་ཤེས་ཀྱི་ནོར་བསྒྲིམས་ཏེ། བསྒྲུབ་པའི་མཛོད་ཅེས་བྱ་བའི་ཆོས་ཀྱི་སྒོ་བཅུ་ཡོད་དོ།། སྤྲིན་ཆེན་སྙིང་པོ ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་ཡང་དག་པའི་མཆོད་སྦྱིན་ལ་ཕན་པའི་ཆོ་ག་བཀོད་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ།། ་སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་སངས་རྒྱས་ཀྱི་ཞིང་གི་ཡང་དག་པའི་ས་བོན་རབ་ཏུ་བསྐྱེད་པ་ཞེས་བྱ་བའི ་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་དེ་ཁོ་ནའི་སྙིང་པོའི་ཚུལ་གྱིས་མངོན་པར་རྩེ་བ་ལ ་དགའ་བའི་རྒྱལ་པོའི་རྣམ་པར་འཕྲུལ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། ཡུལ་བསམ་གྱིས་མི་ཁྱབ་པའི་རྣམ་པའི་ཡོན་ཏན ་གྱིས་ཡོངས་སུ་བརྒྱན་པ་དང་། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་རིན་པོ་ཆེའི་མཛོད་ཀྱི་གཏེར་ཆེན་པོའི་ཡུལ་བསམ་གྱིས་མི་ཁྱབ་པ་དང་། སེམས་ཅན། ་ཐམས་ཅད་ཀྱི་དམ་པའི་ཆོས་བརྟན་ཞིང་མི་ཟད་པའི་གཏེར་ལ་ལྟོས། སྤྲིན་ཆེན་སྙིང་པོ་གཞན་ཡང་སྤྲིན་ཆེན་པོའི་མདོའི་ཡུལ་བསམ་གྱིས་མི་ཁྱབ་པ་ལ་ལྟོས། སྤྲིན་ཆེན་སྙིང་པོ་སྤྲིན་ཆེན ་པོའི་མདོའི་ཡུལ་བསམ་གྱིས་མི་ཁྱབ་པ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི་ཚུལ་ཞེས་བྱ་བའི་གསང་བའི ་ཆོས་ཀྱི་སྒོ་དག་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི་ཟབ་མོ ་ཞེས་བྱ་བའི་ཆོས་ཀྱི་སྐུ་ཡོད་དོ། ། སྤྲིན་ཆེན་སྙིང་པོ་སྤུ་ནི་ཆེན་པོའི་མདོ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི ་རྒྱ་མཚོ་ཞེས་བྱ་བའི་ཆོས་ཀྱི་སྒོ་བཅུ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན ་གཤེགས་པའི་གཞུང་ལུགས་གསང་བ་ཞེས་བྱ་བའི་ཆོས་ཀྱི་སྒོ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས ་རྣམས་ཀྱི་དེ་བཞིན་གཤེགས་པའི་བསྲུང་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡོད་དོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་དགྲ ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི། དེ་བཞིན་གཤེགས་པའི་ཡང་དག་པར་བརྗོད་པ་གསང་བ་ཞེས་བྱ་བའི་ཆོས་ཀྱི་སྒོ་ཡོད་དོ།། སྤྲིན་ཆེན་སྙིང་པོ་སྤྲིན་ཆེན་པོའི་མདོ ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི་དམིགས་པ་གསང་བ་ཞེས་བྱ་བའི་ཆོས་ཀྱི་སྒོ་ཡོད་དོ།། སྤྲིན་ཆེན་སྙིང་པོ ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི་ཉི་མ་ཞེས་བྱ་བའི་ཆོས་ཀྱི་སྒོ་ཡོད་དོ།། སྤྲིན་ཆེན་སྙིང་པོ་སྤྲིན ་ཆེན་པོའི་མདོ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི་ཟླ་བའི་དཀྱིལ་འཁོར་ཞེས་བྱ་བའི་ཆོས་ཀྱི་སྒོ་ཡོད་དོ།། སྤྲིན་ཆེན ་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི་ཏོག་ཅེས་བྱ་བའི་ཆོས་ཀྱི་སྒོ་ཡོད་དོ།། སྤྲིན་ཆེན་སྙིང་པོ ་སྤྲིནི་ཆེན་པོའི་མདོ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི་མཚམས་ཞེ་བྱ་བའི་ཆོས་ཀྱི་སྒོ་ཡོད་དོ།། སྤྲིན་ཆེན་སྙིང་པོ་སྤྲིན ་ཆེན་པོའི་མདོ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི་ཟབ་མོ་ཞེས་བྱ་བའི་ཆོས་ཀྱི་སྒོ་ཡོད་དོ།། སྤྲིན་ཆེན་སྙིང་པོ ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི་རྣམ་པར་གནོན་པ་ཞེས་བྱ་བའི་ཆོས་ཀྱི་སྒོ་ཡོད་དོ།། སྤྲིན་ཆེན ་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི་ངེས་པའི་མུ་སྟེགས་ཞེས་བྱ་བའི་ཆོས་ཀྱི་སྒོ་ཡོད་དོ།། ་སྤྲན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི་དགྱེས་པ་དང་ལྡན་པ་ཞེས་བྱ་བའི་ཆོས་ཀྱི་སྒོ་ཡོད་དོ།། ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དེ་བཞིན་གཤེགས་པའི་མཛོད་ཅེས་བྱ་བའི་གཙང་བའི་ཆོས་ཀྱི་སྒོ་ཡོད་དོ།། སྤྲིན་ཆེན་སྙིང་པོ་སྤྲིན་ཆེན་པོའི་མདོའི ་ཡུལ་དེ་བཞིན་གཤེགས་པའི་དམ་པའི་ཆོས་ཀྱི་ཚུལ་དང་། སེམས་ཅན་ཐམས་ཅད་ཀྱི་ལོངས་སྤྱོད་མི་ཟད་པའི་གཏེར་ལ་ལྟོས། སྤྲིན་ཆེན་སྙིང་པོ་སྤྲིན་ཆེན་པོའི་མདོའི་ཡུལ་བསམ་གྱིས་མི་ཁྱབ་པ་ལ ་ལྟོས། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་བསམ་གྱིས་མི་ཁྱབ་པའི་ཡང་བསམ་གྱིས་མི་ཁྱབ་པའི་རྣམ་པར་ཐར་པའི ་རྣམ་པ་དང་། ཏིང་ངེ་འཛིན་དང་གཟུངས་ཐོབ་པ་བརྒྱ་སྟོང་དུ་མ་དང་། གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་འཇིག་རྟེན ་གྱི་རྗེས་སུ་འཇུག་པའི་མཛད་པ་དུ་མ་དང་། དེ་བཞིན་གཤེགས་པའི་གསང་བ་བྱེ་བ་བརྒྱ་སྟོང་ཁྱོད་དང་འདྲ་བ་དག་གིས་ཀྱང་རྟོགས་པར་དཀའ་ཞིང་། ཟབ་ལ་ཕྲ་སྟེ་བང་ཕྲད་པར་དཀའ་བའི་ཚིག་གི ་དོན་ཤིན་ཏུ་སྦས་པ་དང་། དེ་བཞིན་གཤེགས་པའི་ཡུལ་ཤིན་ཏུ་ཕྲ་ཞིང་ཤིན་ཏུ་བྱང་ལ་ཟབ་པའི་ཆོ་ག་དང་། དེ་བཞིན་གཤེགས་པའི་ལྡེམ་པོ་ངག་གི་ཚིག་ཁྱེད་ཀྱིས་ཀྱང་སྔོན་ཚིག་དང་ཡི་གེ་གཅིག་ཀྱང ་མ་ཐོས་པའི་ཚིག་ཡོད་དེ། རིམས་བཞིན་དུ་ཕྱིས་བཤད་པར་བྱའོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོ་སྟན་ལས་ལངས་ཏེ། བླ་གོས་ཕྲག་པ་གཅིག ་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། མིག་མཆི་མས་གང་བཞིན་དུ། བཅོམ་ལྡན་འདས་ལ་འདི་སྐད ་ཅེས་གསོལ་ཏོ། ། ཀྱེ་མ་བཅོམ་ལྡན་འདས་བདག་ཅག་ལ་སོགས་པ་རྣམས་དང་སྦྲང་བུ་དང་། སྡིག་སྦྲུལ་དང་། བྱི་བ་དང་། ལྐུགས་པ་དང་། ལོང་བ་དང་། འོན་པ་ལྟ་བུའི ་སེམས་ཅན་ཐམས་ཅད་ལ་ཐུགས་བརྩེ་བའི་སླད་དུ། སྤྲིན་ཆེན་པོའི་མདོའི་ཚིག་སྨོས་ཏེ་བཀའ་སྩལ་པ་ནི། ཀྱེ་མ་བཅོམ་ལྡན་འདས་ངོ་མཚར་རྨད་དུ་བྱུང་བ་ལགས་སོ།། དེ་བཞིན་གཤེགས ་པས་སྤྲིན་ཆེན་པོའི་མདོའི་ཚིག་སྨྲོས་ཤིང་གསུངས་ཏེ། བདག་ཅག་ལ་སོགས་པ་སེམས་ཅན་ཐམས་ཅད་དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པའི་གྲོང་ཁྱེར་གྱི་སྐས་ལ་འཛེག་པར ་བགྱི་བའོ་སླད་དུ། དེ་བཞིན་གཤེགས་པས་ཤིན་ཏུ་ལེགས་པར་བཀའ་སྩམ་པ་ལགས་ན།། ད་ཡང་བདག་ཅག་ལ་སོགས་པ་ཉན་ཐོས་དང་། རླུང་སངས་རྒྱས་ཐམས་ཅད་དང་། ་པོ་དང་། ལག་རྡུམ་དང་། དམུས་ལོང་དང་། ལྐུགས་པ་དང་། འོན་པ་དང་། ཡན་ལག་ཐམས་ཅད་ཉམས་པར་གྱུར་པའི་སེམས་ཅན་རྣམས་ལ་དེ་བཞིན་གཤེགས་པས་བཟོད་པ་དང ་བྱམས་པར་དགོངས་པ་དང་། ཐུགས་རྗེ་ཞིང་། ཐུགས་བརྩེ་བའི་སླད་དུ། བདག་ཅག་གིས་ཚིག་དང་། ཡི་གེ་གཅིག་གི་ཐིག་ལེ་ཙམ་ཡང་སྔན་ཆད་མ་ཐོས་པ། དེ་བཞིན་གཤེགས ་པའི་ཡུལ་བསམ་གྱིས་མི་ཁྱབ་པའི་དེ་བཞིན་གཤེགས་པའི་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའི་གྲོང་ཁྱེར་གྱི་སྐས་དང་། ཐེམ་སྐས་ཡོན་ཏན་གྱི་ཚོགས་ཀྱིས ་ཡོངས་སུ་བརྒྱན་པ་བཤད་དུ་གསོལ། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོ་ལ་འདི་སྐད་ཅེས་བཀའ་བསྔལ་ཏོ།། སྤྲིན་ཆེན ་སྙིང་པོ་དེ་བཞིན་གཤེགས་པའི་ལྡེམ་པོ་ངག་སྨོས་པ། ཁྱོད་ཀྱི་ཁོང་དུ་ཆུད་དེ་ཤིན་ཏུ་ལེགས་པར་རྟོགས་པ་ལེགས་སོ་ལེགས་སོ།། སྤྲིན་ཆེན་སྙིང་པོ་དེ་ལྟར་ན། སྤྲིན་ཆེན་པོའི་མདོ ་དེ་བཞིན་གཤེགས་པའི་ཚུལ་ནི་བསམ་གྱིས་མི་ཁྱབ་པོ། ། སྤྲིན་ཆེན་སྙིང་པོ་སྤྲིན་ཆེན་པོའི་མདོའི་ཡུལ་བསམ་གྱིས་མི་ཁྱབ་པ་ལ་རྗེས་སུ་ཡི་རང་བར་གྱིས་ཤིག། སྤྲིན་ཆེན་སྙིང ་པོ་ཁྱོད་ཀྱིས་སྤྲིན་ཆེན་པོའི་མདོ་དང་འཐུན་པར་དམ་བཅས་ཤིང་སྨོན་ལམ་བཏབ་པ་ནི། ཁྱོད་ཡེ་ཤེས་ཟབ་མོ་དང་ལྡན་པ་ཡིན་གྱིས། སྤྲིན་ཆེན་སྙིང་པོ་མ་སྐྲག་ཤིག། སྤྲིན་ཆེན་སྙིང་པོ་མ་འཇིགས་ཤིག། ་སྤྲིན་ཆེན་སྙིང་པོ་སྤྲིན་ཆེན་པོའི་མདོའི་ཡུལ་བསམ་གྱིས་མི་ཁྱབ་པ་དྲན་པར་གྱིས་ཤིག། བདུད་རྩིའི་ཚིག་སྤྲིན་ཆེན་པོའི་མདོའི་ཡི་གེ་འབྲུ་ལྔ་འམ། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཟབ་པ་དང ་མཉམ་པ་ཉིད་དང་། རྟག་པ་དང་། ཐེར་ཟུག་པ་དང་། བརྟན་པ་འཆད་པའི་མདོའི་མིང་གི་དེན་ཡང་རུང་སྟེ། གང་ན་ཡང་དག་པར་གནས་པ་དེར་མིའི་ལམ་གྱི་བཞི་མདོའི་དབུས་སུ་ཡང་འགྲོ་བར་བྱའོ།། སྤྲིན་ཆེན ་སྙིང་པོ་གཞན་ཡང་མཉན་པའི་དོན་དང་། བཀུར་སྟི་བྱ་བ་དང་། རི་མོར་བྱ་བ་དང་། མཆོད་པ་དང་། རིམ་གྲོ་བྱ་བའི་ཕྱིར། འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་མེས་ཤིན་ཏུ་གང་བའི་ནང་དུ་ཡང་ཞུགས་ཏེ་བགྲོ ་པར་བྱའོ། ། སྤྲིན་ཆེན་སྙིང་པོ་གཞན་ཡིད་ལ་མ་སེམས་ཤིག་དང་།། ཁྱོད་ལ་དེ་བཞིན་གཤེགས་པ་རྣམས་རྗེས་སུ་ཡི་རང་སྟེ། བདེ་བ་དང་ལྡན་ནམ། རྙེད་པ་རབ་ཏུ་རྙེད་དོ་ཞེས་ཀྱང་བཀའ་སྩོལ་བར་འགྱུར་རོ།། ཁྱོད་ཀྱིས ་ཚིག་དང་ཡི་གེ་གཅིག་གི་ཐིག་ལེ་ལྟ་བུ་དག་ཀྱང་སྔོན་མ་ཐོས་པའི་དེ་བཞིན་གཤེགས་པའི་ཡུལ་ཟབ་ཅིང་ཕྲ་ལ་དོན་བཟང་པོ་དང་ཚིག་འབྲུ་བཟང་པོར་སྦྱར་བའི་ཚིག་དང་ལྡན་པ་དག་རིང་པོ་མི་ཐོགས་པར་ཐོབ་པར་འགྱུར་རོ། ། ་ཕྲ་བའི་ཚིག་དེ་དག་རྟོགས་པར་འདོད་པ་དང་། དེ་བཞིན་གཤེགས་པའི་རྟག་པ་དང་། ཐེར་ཟུག་པ་དང་། བརྟན་པའི་ཡོན་ཏན་ཆེ་བ་ཉིད་ཀྱི་སྤྱོད་པ་དང་། དེ་ཁོ་ནའི་སྤྱོད་པ་རྟོགས་པར་འདོད་པས་ནི། སྤྲིན་ཆེན་པོའི་མདོའི།། ་ཡུལ་བསམ་གྱིས་མི་ཁྱབ་པའི་སྤྱོད་པ་ལ་བརྩོན་པར་བྱའོ།། དམ་པའི་ཆོས་བརྟན་པར་བྱ་བ་དང་། མཉན་པའི་ཕྱིར། དེ་བཞིན་གཤེགས་པའི་རྟག་པ་དང་། ཐེར་ཟུག་པ་དང་། བརྟན་པའི་ཡོན་ཏན་གྱི་ཆེ་བ ་ཉིད་ཀྱང་གཞན་དག་ལ་རྒྱས་པར་བསྟན་པར་བརྩོན་པར་བྱའོ། ། དེ་བཞིན་གཤེགས་པ་རྟག་པ་ཞེས་བྱ་བ་དང་། དེ་བཞིན་གཤེགས་པ་གཏན་དུ་མྱ་ངན་ལས་འདའ་བ་མེད་དོ་ཞེས་བྱ་བ་དང་། དེ་བཞིན་གཤེགས་པའི ་བསྟན་པ་ཡང་ནུབ་པར་མི་འགྱུར་རོ་ཞེས་བྱ་བ་ལ་བརྩོན་པར་བྱ་སྟེ། གཞན་དག་ལ་རྒྱས་པར་བཤད་པ་ལ་ཡང་བརྩོན་པར་བྱའོ།། དེ་ན་དེའི་ཚེ་རྣམ་པར་འཐོར་རླུང་གི་རྒྱལ་པོ་རྣམ། ལྷའི་བདེ་བའི་ལོང་སྤྱོད་དང་། ་ཡོངས་སུ་སྤྱད་པའི་བདེ་བ་དང་བསིལ་བའི་ཆུ་དང་། འདྲེས་པའི་རླུང་དུས་ཚིགས་དྲུག་གི་མེ་ཏོག་དང་། འབྲས་བུས་རྒྱས་པ་དག་རབ་ཏུ་གཏོང་ཞིང་། བཅོམ་ལྡན་འདས་ལ་སྲི་ཞུ་བྱ་བ་ལ་ཞུག་སོ།། དེ་ན་དེའི ་ཚེ་སངས་རྒྱས་ཀྱི་མཐུས་ནམ་མཁའ་ལ་སྤྲིན་གྱི་ཚོགས་ཆེན་པོ་སྟང་ཟིལ་གྱི་ཁ་དོག་འདྲ་ཞིང་། ཆུ་རོ་མངར་བ་རྣམ་པ་བཞིས་རྒྱས་པ་དག་འབྲུག་སྒྲ་སྒྲོགས་ཏེ་ཆེམ་ཆེ་མ་རབ་ཏུ་ཆེམ། ཀུན་ཏུ་རབ་ཏུ་ཆེམ་ཆེ་མ། མངོན ་པར་རབ་ཏུ་ཆེམ་ཆེམ་མོ། ། ཆེ་མ་ནལ་རབ་ཏུ་ཆེམ་ནལ། ཀུན་ཏུ་རབ་ཏུ་ཆེམ་ནལ། མངོན་པར་རབ་ཏུ་ཆེམ་ནལ་ལོ།། བདུད་རྩིའི་འབྲུག་སྒྲ་སྒྲོགས། རབ་ཏུ་སྒྲོགས་ཀུན་ཏུ་རབ་ཏུ་སྒྲོགས། མངོན་པར། ་།། ར་སྒྲོགས་སོ།། སིལ་ས་ནཱ་དག་གྲུ་དབྱངས་ལྟ་བུའི་སྒྲ་སེམས་ཅན་ཐམས་ཅད་ཀྱི་ཡིད་དུ་འོང་བ་འབྱིན། རབ་ཏུ་འབྱིན། ཀུན་ཏུ་རབ་ཏུ་འབྱིན། མངོན་པར་རབ་ཏུ་འབྱིན། ་ཏོ།། དིར་དིང་རབ་ཏུ་དིང་དིང་། ཀུན་ཏུ་རབ་ཏུ་དི་དིང། མངོན་པར་རབ་ཏུ་དེར་དྲིང་རོ།། འགྲོ་རབ་ཏུ་འཕྲོ།། ཀུན་ཏུ་རབ་ཏུ་འཕྲོ།། མངོན་པར་རབ་ཏུ་འཕྲོའོ།། འཁྲུགས་རབ་ཏུ་འཁྲུགས ་ཀུན་ཏུ་རབ་ཏུ་འཁྲུགས། མངོན་པར་རབ་ཏུ་འཁྲུགས་སོ།། གློངས་རབ་ཏུ་གློངས། ཀུན་ཏུ་རབ་ཏུ་གློངས། མངོན་པར་རབ་ཏུ་གློངས་སོ།། གཡོས་རབ་ཏུ་གཡོས། ཀུན་ཏུ་རབ་ཏུ་གཡོས། མངོན ་པར་རབ་ཏུ་གཡོས་སོ། ། གློག་མང་པོ་འགྱུར། རབ་ཏུ་འགྱུར། ཀུན་ཏུ་རབ་ཏུ་འགྱུ། མངོན་པར་རབ་ཏུ་འགྱུ་སྟེ། བདག་ནི་སྲས་ལགས་སོ།། བདག་ནི་སྲས་ལགས་སོ་ཞེས་སྒྲ་སྙན་པ་དག་གྲག་པར་གྱུར་ཏོ།། ་དེ་ནས་དེའི་མོད་ལ་སངས་རྒྱས་ཀྱི་མཐུས། ཕྱོགས་བཅུའི་འཇིག་རྟེན་དུ། སངས་རྒྱས་ཀྱི་ཞིང་བྱེ་བ་ཕྲག་བཅུའི་རྡུལ་སྙེད་ཀྱི་ཕྲ་རབ་ཀྱི་རྡུལ་སྙེད་ཀྱི་འཇིག་རྟེན་གྱི་ཁམས་རྣམ་པ་དྲུག་ཏུ་འགུལ ་རབ་ཏུ་འགུལ། ཀུན་ཏུ་རབ་ཏུ་འགུལ། མངོན་པར་རབ་ཏུ་འགུལ་ཏོ།། གཡོས་རབ་ཏུ་གཡོས། ཀུན་ཏུ་རབ་ཏུ་གཡོས། མངོན་པར་རབ་ཏུ་གཡོས། ལྡེག་རབ་ཏུ་ལྡེག། ཀུན་ཏུ་རབ་ཏུ ་ལྡེག། མངོན་པར་རབ་ཏུ་ལྡེག་གོ། འཁྲུགས་རབ་ཏུ་འཁྲུགས། ཀུན་ཏུ་རབ་ཏུ་འཁྲུགས། མངོན་པར་རབ་ཏུ་འཁྲུགས་སོ།། ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ། མངོན་པར ་རབ་ཏུ་ཆེམ་ཆེམ་མོ། ། འཇིག་རྟེན་གྱི་ཁམས་འདི་འགུལ་བར་མཐོང་ཡང་མྱུར་བ་མྱུར་བར་ཕན་ཚུན་དུ་སྒྲ་འབྱིན། རབ་ཏུ་འབྱིན། ཀུན་ཏུ་རབ་ཏུ་འབྱིན། མངོན་པར་རབ་ཏུ་འབྱིན་ཏོ།། འགུལ་རབ་ཏུ ་འགུལ། ཀུན་ཏུ་རབ་ཏུ་འགུལ། མངོན་པར་རབ་ཏུ་འགུལ་ཏོ།། ནམ་མཁའ་ཁེབས་པར་བྱེད་ཅིང་། བཅུད་ཐམས་ཅད་དང་། རིན་པོ་ཆེ་དང་། སྨན་ཐམས་ཅད་དང་འདྲེས་པའི་ཆར་གྱི་རྒྱུན་ཤིན་ཏུ་ཆེན ་པོ་འབེབས་སོ། ། སྤྲིན་གྱི་ཚོགས་ཆེའོ་ཅོག་འབྲུག་སྒྲ་སྒྲོགས་ཤིང་། འུར་འུར། ཆེམ་ཆེ་མ་དིར་དིར། ཏོག་ཡར། ཏུག་ཆོམ། ཁད་ཁང་ལྷག་ལྷག་ཅིང་། སེང་གེའི་སྒྲ་ཆེན་པོ་དང་། གླུའི་སྒྲ ་ཚན་པོ་ཡིད་དུ་འོང་བའི་སྒྲ་མངོན་པར་སྒྲོགས་སོ། ། རྫ་རྔའི་སྒྲ་ཆེན་པོ་ལྟ་བུར་ཆེམ་ཆེམ། དདིར་དིར། ཏོག་ཡར། ཏུག་ཆོམ་ཏེ། གློག་ཆེན་པོ་འབར། རབ་ཏུ་འབར་ནས། ལྡིབ་སྒྲིབ་ཅིང ་འདུག་གོ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཁོར་ཡུག་ཏུ། རིན་པོ་ཆེ་ཐམས་ཅད་རོ་དང་། ལྡན་པའི་ཆུའི་ཆར་པ་བབ་སྟེ། མངོན་པར་བབ་པར་གྱུར་ཏོ།། དེའི་ཚེ་འཛམ ་བུའི་གླིང་གི་ཆུ་ཀླུང་ཆེན་པོ་བརྒྱད་དང་། ཆུ་བྲན་གྱི་ཚོགས་དུ་མ་དག་དང་། ཕུ་ཆུ་རྣམས་མངོན་པར་སྒྲ་སྒྲོགས་ཤིང་སྐད་འབྱིན་པར་གྱུར་ཏེ། ཏུག་རིམ་ཤྭ་ཤོ། འུར་འུར། དརི་དིར། ཤྭ་ཤྭ ་ཞིང་འདུག་སྟེ། མུ་དང་ཁ་ཆད་དུ་གང་བར་གྱུར་ལ། རིན་པོ་ཆེ་ཐམས་ཅད་རོ་ཐམས་ཅད་དང་ལྡན་པའི་ཆུ་མངོན་པར་འབབ་པར་གྱུར་ཏོ།། དེ་བཞིན་དུ་མཚོ་བྲན་དང་། རྫིང་དང་། རྫིང་ཆེན་པོ་རྣམས་ཀྱང་མུ་དང ་ཁང་ཆད་དུ་གང་ལ་བཅུད་ཐམས་ཅད་དང་། རྩཝ་དང་ནགས་ཚལ་གྱི་སྤྱན་ཐམས་ཅད་དང་འདྲེས་པའི་ཆུས་རྒྱས་པར་གྱུར་ཏེ། དེ་ལྟ་བུའི་བཀོད་པ་ཆེན་པོ་དག་དང་། སྦྱིན ་གྱི་ཚོགས་ཆེན་པོ་གློག་གི་འོད་དང་འདྲེས་པའི་སྤྲིན་ཆེན་པོས་ཞག་བདུན་གྱི་བར་དུ་ཆར་ཤིན་དུ་ཕབ་བོ། ། འོན་ཀྱང་ཤ་སྦྲང་དང་། སྦྲང་བུ་དང་། སྡིག་སྦྲུལ་དང་། སྐམས་ན་གནས་པ་དང་། བཅུ ་དང་། བྱའི་ཚོགས་ལ་སོགས་པ་དུད་འགྲོར་སྐྱེས་པ་ཐམས་ཅད་དང་། མི་རྣམས་དང་སྲོག་ཆགས་ཐམས་ཅད་ལ་ཡང་གནོད་པར་མ་གྱུར་ཏོ།། གྲང་བས་སྤོབས་པར་ཡང་མ་གྱུར་ཏོ།། སོ་ཐམས ་ཐམས་བྱེད་པར་ཡང་མ་གྱུར་ཏེ། དེ་དག་སྔན་ཆད་ཡེ་མ་བྱུང་བའི་བདེ་བ་དང་། དགའ་བ་ལ་རྩེ་བས་མངོན་པར་རྩེ་བར་གྱུར་ཏོ།། སྔན་ཆད་ཡེ་མ་བྱུང་བའི་བདེ་བ་ཐམས་ཅད་ཉམས་སུ་མྱོང ་ངོ་། ། སྔན་ཆད་ཡེ་མ་བྱུང་བའི་རོ་ཞིམ་པོ་ཐམས་ཅད་མྱོང་ངོ་།། སྦལ་བ་དང་དུད་འགྲོར་སྐྱེས་པ་ཐམས་ཅད་ཀྱང་། སྔན་ཆད་ཡེ་མ་བྱུང་བའི་སྐད་མངོན་པར་འབྱིན་པར་གྱུར་ཏོ།། དེའི་ཚེ་རྒྱལ་པོའི ་ཁབ་དང་། བྱ་རྒོད་ཀྱི་ཕུང་པོའི་རི་དང་བཅས་པ་དང་། ཚོང་རྡལ་དང་། ལུང་པའི་མདོ་དང་བཅས་པ་རྣམས་དང་། འཛམ་བུའི་གླིང་དང་བཅས་པར་རིན་པོ་ཆེ་ཐམས་ཅད་ཀྱིས་དང་། རིན་པོ་ཆེ་ཐམས་ཅད ་ཀྱི་སྐུད་པས་ཁེབས་ཏེ་ལེགས་པར་བརྒྱན་པར་གྱུར་ཏོ། ། རིན་པོ་ཆེའི་ཤིང་ལྗོན་པ་ཐམས་ཅད་དང་། རིན་པོ་ཆེའི་ཁྲི་ཤིང་ཐམས་ཅད་ཕན་ཚུན་ཁྲི་ཤིང་སེམས་ཅན་ཐམས་ཅད་ཀྱི་ཡིད་དུ་འཐད་པའི་སྒྲ་རབ་ཏུ་སྒྲོགས་ཏེ། ་ཕན་ཚུན་འཁྲོལ་བར་བྱེད་དོ།། རིན་པོ་ཆེ་ཐམས་ཅད་ཀྱི་ཨུཏྤལ་དང་། ཀུ་མུ་ཏ་དང་། པདྨ་དཀར་པོ་རྣམས་ཀྱང་ཟླ་བ་དང་། ཉི་མའི་གཟི་བརྗིད་ཀྱི་འོད་ཀྱིས་བྱེ་བ་ལྟར་རྒྱས་པར་གྱུར་ཏོ།། དཔེ་མེད་པའི ་སྤོས་མང་པོས་བསྒོས་ཤིང་མེ་ཏོག་གིས་གང་སྟེ། མངོན་པར་ཁེབས་པར་གྱུར་པའི་ས་གཞི་ལ་མ་ཡིན་པ་རྣམས་འཆག་པར་གྱུར་ཏོ།། འཛམ་བུའི་གླིང་འདི་ན་གནས་པའི་འཁོར་ཆེན་པོ་དེ་དང་། སེམས་ཅན་ཐམས ་ཅད་ཀྱིས་ཀྱང་མེ་ལོང་གི་ངོས་ལ་ཇི་ལྟ་བ་བཞིན་དུ། འཇིག་རྟེན་གྱི་ཁམས་ཐམས་ཅད་རྒྱས་པར་མཐོང་ངོ་།། དེ་ནས་དེའི་ཚེ་དུད་འགྲོའི་སྐྱེ་གནས་སུ་སྐྱེས་པ་ཐམས་ཅད་ཀྱང་། ཐེག་པ་ཆེན ་པོ་འདོད་པའི་སེམས་དང་། ཐེག་པ་ཆེན་པོས་སྐོམ་པའི་སེམས་དང་། ཐེག་པ་ཆེན་པོ་ལ་དད་པའི་སེམས་དང་། གཅིག་ལ་གཅིག་མ་དང་སྲིང་མོ་དང་བུ་ཇི་ལྟ་བ་བཞིན་དུ་སྦྱངས་ཤིང་རབ་ཏུ་བརྟན་པར་གྱུར་ནས། ་མངོན་པར་གར་བྱེད་ཅིང་སྐད་འབྱིན་ཏེ། བཅོམ་ལྡན་འདས་ལ་སྲི་ཞུ་བྱེད་པ་ལ་ཞུགས་སོ།། དེ་ནས་དེའི་ཚེ་དེ་བཞིན་གཤེགས་པའི་རྣམ་པར་འཕྲུལ་པས་འཁོར་ཆེན་པོ་ལྷ་དང་། ཀླུ་དང་། ་གནོད་སྦྱིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། དྲི་ཟ་དང་། ལྷ་མ་ཡིན་དང་། སྲིན་པོ་དང་། གྲུལ་བུམ་དང་། འབྱུང་པོ་དང་། གཅོད་བྱེད་ཀྱི་བུ་དང་། བརྒྱ་བྱིན་དང་། ་འཇིག་རྟེན་སྐྱོང་བ་དང་། ཚངས་པ་དང་། ནགས་ཚལ་གྱི་ལྷ་དང་། བྱ་དང་། རིག་སྔགས་འཆང་དང་། འདོད་དགུར་སྦྱར་བའི་གཟུགས་ཅན་གྱི་ལྷ་མོའི་ཚོགས་འདྲེས་པ་དག། དེ་བཞིན་གཤེགས་པའི ་རྣམ་པར་འཕྲུལ་པས། འཛམ་བུའི་གླིང་ཤིན་ཏུ་རྒྱས་པར་གྱུར་པ་དང་། འཇིག་རྟེན་གྱི་ཁམས་སྤྲུལ་པ་ཐམས་ཅད་མཐོང་ནས་ཆེད་དུ་བརྩམས་ཏེ། དེ་བཞིན་གཤེགས་པ་ལ་ལྷའི་མེ ་ཏོག་གི་སྤྲིན་གྱི་ཆར་མངོན་པར་ཕབ་བོ། ། ལྷའི་སྤོས་ཀྱི་སྤྲིན་གྱི་ཆར་ཡང་མངོན་པར་ཕབ་བོ།། ལྷའི་ཕྱེ་མའི་སྤྲིན་གྱི་ཆར་ཡང་མངོན་པར་ཕབ་བོ།། ལྷའི་མེ་ཏོག་གི་འཕྲེང་བའི་སྤྲིན་གྱི་ཆར་ཡང་མངོན་པ ་ཕབ་བོ། ། ལྷའི་རིན་པོ་ཆེའི་སྤྲིན་གྱི་ཆར་ཡང་མངོན་པར་ཕབ་བོ།། ལྷའི་གདུགས་ཀྱི་སྤྲིན་གྱི་ཆར་ཡང་མངོན་པར་ཕབ་བོ།། ལྷའི་གོས་དང་། རྒྱལ་མཚན་དང་། བ་དན་གྱི་སྤྲིན་གྱི་ཆར་ཡང་མངོན་པར་ཕབ་བོ།། ་ལྷའི་སིལ་སྙན་དང་ཕེག་རྡོབ་པའི་སྤྲིན་གྱི་ཆར་ཡང་མངོན་པར་ཕབ་བོ།། ལྷའི་གླུ་དང་གར་དུ་ལྡན་པས་མངོན་པར་གར་བྱེད་པའི་སྤྲིན་གྱི་ཆར་ཡང་མངོན་པར་ཕབ་སྟེ། དེ་བཞིན་གཤེགས་པའི་བསམ་གྱིས་མི་ཁྱབ ་པའི་ཡུལ་གྱི་ཆོ་འཕྲུལ་ཆེན་པོ་ཡང་མངོན་སུམ་དུ་མཐོང་ལ། དེ་བཞིན་གཤེགས་པའི་ཚུལ་དམ་པའི་ཆོས་བརྟན་པ་དང་། ཤིན་ཏུ་རྒྱས་པ་ཆེན་པོའི་མདོའི་རྒྱལ་པོ་དང་། དེ་བཞིན་གཤེགས་པའི་ཡོན ་ཏན་གྱི་ཆེ་བ་ཉིད་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བ་དང་། ཤཱཀྱའི་རིགས་ཀྱི་རྒྱུད་རྣམ་པར་དག་པ་དང་། དེ་བཞིན་གཤེགས་པའི་བསྟན་པ་འབྲས་བུ་ཡོད་པའི་ཚིག་སྨོས་པ་ཐོས་ནས། ་མངོན་པར་རྩེ་ཞིང་རབ་ཏུ་དགའ་བའི་སེམས་བསྐྱེད་དེ། རང་རང་གི་བླ་གོས་ཀྱི། དེ་བཞིན་གཤེགས་པའི་སྐུ་ལ་གསོལ་ནས། ཁ་འཐུན་པར་ཚིགས་སུ་བཅད་པ་འདི་དག་སྨྲས་སོ།། དེ་བཞིན ་གཤེགས་པ་རྟག་པའི་སྐུ། ། རྟག་པའི་མཚན་རྣམས་ཕུན་སུམ་ཚོགས།། ཡོན་ཏན་མཐའ་ཡས་མཚོ་མངའ་བ།། སངས་རྒྱས་ལ་ནི་མགོས་ཕྱག་འཚལ།། བཅོམ་ལྡན་ཁྱོད་ནི་གཟི་བརྗིད་རྟག། རྟག་པའི ་མཚན་ནི་མཛད་པ་པོ། ། དཔའ་བོ་ཆེན་པོ་ལྷ་ཡི་ལྷ།། བསམ་གྱིས་མི་ཁྱབ་དཔེ་མ་མཆིས།། དཔའ་བོ་ཆེན་པོ་སྐུ་རྟག་པ།། ཏིང་འཛིན་ཡོན་ཏན་རྒྱ་མཚོ་ཆེ།། ཆོས་སྤྲིན་ཆར་པ་ཆེན་པོ་ཡི།། སྤྲིན་གྱི ་མདོ་ན་སྟོན་པ་པོ། ། ཞི་བའི་སྐུ་ལྡན་ཞི་གྱུར་པ།། ཞི་བའི་སྤྲིན་ནི་སྟོན་པ་པོ།། གཟི་བརྗིད་ཞི་ཞིང་དཔལ་ཡང་ཞི།། ཕུན་སུམ་ཚོགས་པ་ཞི་ལ་གནས།། གནས་བརྟན་ཡེ་ཤེས་རྟག་པ་སྟེ།། ཞིང་རྟག་རྟག ་པའི་རྣམ་པ་ལགས། ། མི་རྟག་ཚོགས་ཀྱི་མུན་སེལ་བ།། མི་རྟག་ཕྱོགས་ནི་ཟད་པར་མཛད།། ཁྱོད་ནི་ལྡེམ་ངག་མཁས་པ་སྟེ།། སེམས་ཅན་ཀུན་ལ་ཐུགས་བརྩེར་ལྡན།། རྒྱལ་ཆེན་གསང་བ་མང་པོ་མངའ།། ་རྒྱལ་བ་ཟླ་བ་འོད་ཆེན་ལགས།། དེ་ནི་ལྷ་ཁྱོད་བཟང་བ་སྟེ།། མདོ་མཆོག་འདུ་སྟོན་སྟོན་པར་མཛད།། དེང་ནི་ལྷ་ཁྱོད་མཛེས་གྱུར་ཏེ།། ལྷ་དང་འཇིག་རྟེན་མཐུན་པར་མཛད།། འདྲེན་མཆོག་ལྷ་ཁྱོད་དེང ་སྒྲོགས་ཏེ། ། མདོ་བསྒྲགས་མིང་བཅས་སྟོན་པར་མཛད།། རྒྱལ་པོའི་ཁབ་ནི་རི་དང་བཅས།། དེ་རིང་ཁྱོད་ཀྱིས་སྣང་བར་མཛད།། དི་རིང་གདན་མཆོག་མཛད་གྱུར་ཏེ།། ནོར་བུ་རིན་ཆེན་བྱེ་མང་སྤྲས།། ་ཡོན་ཏན་མཐའ་ཡས་བརྒྱན་པ་ཡི།། ས་གཞི་ལྷ་ཡི་གོས་ཀྱིས་བཀང་།། བབ་ལ་ལྡོང་རོས་མུགས་མཚལ་གྱིས།། ལེགས་བྲིས་འབྱེས་པར་བྱས་པ་ལ།། གསེར་དང་ནོར་བུ་བཻ་ཌཱུརྱ།། ཤེལ་རྣམས་ཀྱི་ནི ་ཡོངས་སུ་སྤྲས། ། བྱ་རྒོད་ཕུང་པོ་མཆོག་གྱུར་པ།། གངས་ཀྱི་རི་ཡི་རྩེ་བརྒྱ་དག། རབ་ཏུ་འབར་བས་མཛེས་པར་བྱས།། དཔལ་དང་ལྡན་པའི་གྲོང་ཁྱེར་འདིར།། ལྷ་ཡི་རིན ་ཆེན་བླ་བྲེ་ཚོགས། ། སྒྲ་ཁང་དག་ཀྱང་ལེགས་པར་བཅས།། ཁང་བཟངས་གཞལ་མེད་ཁང་མང་གིས།། ཁོ་ར་ཁོར་ཡུག་མཛེས་པར་གྱུར།། མཚོ་ཟན་དང་བརྫིང་ཆེན་མཆོག། རྫིང་བུའི་ཆུས་ནི་ཡུལ ་རྣམས་བརྒྱན། ། བདེར་འཇུག་འབབ་སྟེགས་རྫིང་ཆེན་མང་།། རྒྱལ་པོའི་ཁབ་ནི་དེ་རིང་དུ།། ལྷ་ཡི་གྲོང་ཁྱེར་བཞིན་དུ་མཛེས།། རྔ་དང་དུང་དང་དྲིལ་བུ་དང་།། པི་ཝང་རྒྱུད་བཅས་མ་སྦྲེངས ་བར། ། སྒྲ་ཆེན་སྒྲོགས་པ་འབྱུང་བ་འདི།། ངོ་མཚར་རྨད་དུ་བྱུང་བ་ལགས།། ལུས་བདེ་ཡིད་དང་འཐད་པ་ཡི།། སེར་བུའི་ངད་ཀྱང་ལྡང་བར་འགྱུར།། བར་སྣང་མཁའ་ལས་འབྲུག་སྒྲ་སྒྲོགས།། གློག ་མང་ཐམས་ཅད་རྣམ་པར་འགྱུར། ། རིན་ཆེན་གང་བའི་ཆུ་རྒྱུན་འབབ།། དེ་དག་ཚུལ་གྱིས་ཆར་འབབ་ཅིང་།། སེམས་ཅན་མི་གནོད་འཐུན་པར་བསིལ།། སྲོག་ཆགས་ཕྲ་མོ་སྡིག་སྦྲུལ་སྦྲང་།། དི་རིང་རབ་དགའ ་མགུ་ཞིང་རྩེ། ། ལེ་བརྒན་རྩི་དེང་སཱ་ལ་དྲང་།། ཨ་ཏི་མུག་ཏ་ཏི་ལ་ཀ། པུན་ནཱ་ཀ་དང་ཀེ་ད་དང་།། ཀུ་རུ་ཡ་ཀ་ཀེ་ས་ར།། དྲི་ཞིམ་པ་དང་ན་ག་དང་།། ཨ་ཀ་རུ་དང་དོང་ཀ་ཡིས།། འོད་མའི་ཚལ་ནི་དེ ་རིང་དུ། ། ཤིན་དུ་སྣང་ཞིང་མཆིས་པར་བགྱིས།། བཀུ་ལ་དང་ཙམ་པ་ཀ། ཐང་ཤིང་བྲི་ཡང་གུ་ཡི་ཤིང་།། གསེང་ཕྲོ་མ་དང་ནི་ཉོ་ཏི་དང་།། སྒྲོན་ཤིང་དང་ནི་ཡོངས་འདུ་དང་།། ཤིང་ལྗོན་ཚོགས་ཀྱིས་འོད་མའི ་ཚལ། ། དེ་རིང་སྣང་ཞིང་མཆིས་པར་བགྱིས།། ཨ་མྲ་ཏ་ལ་ཀ་བདི་ཐ། པ་ན་ས་དང་ཙན་དན་དམར།། བ་མངལ་ཤིང་ནི་དྲི་ཞིམ་གྱིས།། འོད་མའི་ཚལ་ནི་དེང་སྣང་བགྱིས།། སྲ་རྩི་ཤིང་མཆོག་པ་རང་ག ་ཨང་ཙུ་ཀ་དང་ཀེ་ས་རི། ། མྱ་ངན་འཚང་དང་ཙམ་པ་ཀ། དམར་སེར་གྱིས་ནི་འོད་མའི་ཚལ།། དེ་རིང་འབར་ཞིང་མཆིས་པར་བགྱིས།། རྒྱ་ཤུག་འཛམ་བུ་ཀམ་བྷ་རི།། སྐྱུ་རུ་བེལ་ལ་སེའུ་ཤིང་ནགས།། ཏེན ་ཏྲ་ཀ་དང་པ་ཀ་ས། ། མངར་ཞིང་ཞིམ་པའི་ཤིང་ལྗོན་དང་།། འབྲ་གོའི་ཤིང་མང་རྐུན་ཤིང་ཚོགས།། བལ་བུ་དང་ནི་ས་བརྟོལ་མང་།། མ་ནི་ཀན་དོང་ཀ་དང་།། ཤིང་ལྗོན་ཚོགས་ཀྱིས་འོད་མའི་ཚལ།། དེ་རིང་སྣང ་ཞིང་མཆིས་པར་བགྱིས། ། ཨ་ཀ་རུ་ཡི་ཤིང་དག་དང་།། ཏ་མ་ལ་འདབ་རབ་མཛེས་དང་།། གུར་ཀུམ་དང་ནི་ཕུར་མོ་དང་།། ས་བོན་ཚོགས་ནི་མང་པོ་དང་།། གོ་ཤི་ཤ་དང་ཙན་དན་དམར།། ཧ་རིའི་ཙན་དན་དུ ་མ་དང་། ། ཤིང་ལྗོན་ཚོགས་ཀྱིས་འོད་མའི་ཚལ།། དེ་རིང་སྣང་ཞིང་མཆིས་པར་བགྱིས།། བསྐྱེད་མོས་ཚལ་དང་ནགས་ཚལ་དང་།། རྫིང་བུ་མཚོ་མངས་དག་ན་ཡང་།། དུས་ཚིགས་ཀུན་གྱི་ཨུཏྤལ་ཚོགས།། མེ་ཏོག ་རྒྱས་པས་འོད་མའི་ཚལ། ། དེ་རིང་སྣང་ཞིང་མཆིས་པར་བགྱིས།། རིན་ཆེན་ཀུན་གྱི་ཤིང་ལྗོན་དང་།། རིན་ཆེན་འཁྲི་ཤིང་ཡོངས་སུ་འཁྲི།། རིན་ཆེན་ཀུན་གྱི་ཨུཏྤལ་གྱི།། མེ་ཏོག་ཚོགས་རྣམས་དེ་རིང་མཛེས།། ་སངས་རྒྱས་མཐུས་ནི་དེ་རིང་དུ།། འདི་ལྟར་ཉི་ཟླའི་དཀྱིལ་འཁོར་དག། འཇིག་རྟེན་ཁམས་ནི་མང་པོར་ཡང་།། དཀོན་པའི་ལས་མང་བགྱིད་པར་དགའ།། འཇིག་རྟེན་ཁམས་ནི་མང་པོ་དག། མེ་ལོང་གི་ནི་དཀྱིལ ་འཁོར་ལྟར། ། སེམས་ཅན་བྱེ་བ་མང་པོ་ཡིས།། འདི་ན་མཆིས་བཞིན་གསལ་བར་མཐོང་།། ངང་པ་ཁྲུང་ཁྲུང་ངུར་པར་བཅས།། ཤང་ཤང་ཏེའུ་ནི་མང་པོ་དང་།། ཀ་ར་ནད་པ་རྨ་བྱ ་དང་། ། དེ་བཞིན་ཁུ་བྱུག་ཀུན་ལ།། བུང་བ་མཐའ་ཡས་བུང་བུད་སྒྲོགས།། རྒྱལ་པོའི་ཁབ་ཏུ་དེ་རིང་ནི།། བྱ་རྣམས་རྣམ་པ་དུ་མ་དག། སྐད་སྙན་འབྱིན་ཅིང་སྒྲོགས་པར་བགྱིད།། གནག་པ་དང་ནི་ལྗང་ཀུའི་མདོག ་མདོག་སྡུག་དང་ནི་སྔོ་བ་དང་། ། པདྨ་དཀར་པོའི་མདོག་ཅན་གྱི།། ངང་མཆོག་གླང་ཆེན་སེང་གེ་རྣམས།། སེང་གེའི་སྒྲ་ནི་སྒྲོགས་བགྱིད་ཅིང་།། རྒྱལ་པོའི་ཁབ་ནི་དེ་རིང་མཛེས།། མཛམ་གླིང་ཡུལ་འཁོར ་བཅས་པ་དང་། ། ལུང་བར་བཅས་དང་ཚོང་རྡལ་བཅས།། འབྱོར་རྒྱས་དག་ལ་སེམས་ཅན་རྣམས།། ལྷ་ཡི་བདེ་བའི་ལོངས་སྤྱོད་སྤྱད།། སེམས་དགའ་མོས་ཤིང་རབ་ཚིམ་ནས།། སེམས་ཅན་རྣམ ་པ་དུ་མ་ཡིས། ། ལས་དྲག་མང་པོའི་སྡིག་སྤངས་ནས།། ཡིད་བདེ་རབ་ཏུ་དུལ་བར་གྱུར།། དེ་རིང་ཁྱོད་ཀྱི་ཞབས་དྲུང་ལྷགས།། ཕྱོག་འཚལ་ནས་ནི་དེ་རིང་དུ།། རྣམ་པ་མང་པོའི་ཚུལ་གྱིས་འཇུག། ཉེ ་གནས་ཆོ་ག་མཆོག་ལ་བཟོད། ། སེམས་ཅན་ལྷ་མང་བྱེ་བ་རྣམས།། དམ་པའི་ཆོས་ཀྱི་ཚིག་ཀྱང་སྲུངས།། དམ་པའི་ཆོས་མཆོག་རབ་ཀྱི་ཚུལ།། ངང་ཚུལ་བཟང་པོས་ཉན་པར་བགྱིས།། ཤིན་ཏུ་མི ་བཟད་བདུད་ཀྱི་འཁོར། ། དེ་རིང་རབ་ཏུ་གཡོས་པར་གྱུར།། དམྱལ་བའི་ཚོད་དུས་ཕྱེ་ནས་ཀྱང་།། དེ་རིང་ཁྱོད་ཀྱི་ཞབས་དྲུང་ལྷགས།། གཞན་ཡང་ལྷ་མང་བྱེ་བ་ཚོགས།། གླུ་གར་རྣམ་པ་སྣ་ཚོགས ་བགྱིད། ། དེ་བཞིན་དུད་འགྲོ་སྐྱེས་པ་ཡི།། སེམས་ཅན་རྣམས་ནི་ཕན་ཚུན་དུ།། མང་དུ་སྒྲ་བགྱིད་ཆགས་པའི་ཚུལ།། འཁོར་བའི་ཚུལ་སྤངས་ཆོས་ཀྱང་ཉན།། དམྱལ་བ་ཡི་ནི་སེམས་ཅན་རྣམས།། སྡུག། ་བསྔལ་མང་པོ་མྱོང་བ་ཡང་།། དེ་རིང་མེ་ཤི་ཤས་ཆེར་བསིལ།། ཟས་སྐོམ་དག་གིས་རབ་ཚིམ་ནས།། དེ་རིང་བདེ་བར་གཉིད་ཀྱིས་ལོག། དེ་རིང་ལྷ་དང་མི་རྣམས་ཀྱི།། དེ་འདྲའི་ལས་རྣམས་ཐོད་པ་དང་། ་སེམས་ཅན་རྣམས་ཀྱི་དམ་ཆོས་ཚུལ།། སྒྲ་བསྒྲགས་ལ་ནི་མངོན་མཆོད་ཅིང་།། འཇུག་པ་འདི་ནི་ངོ་མཚར་རྨད།། བཅོམ་ལྡན་འདས་ཀྱིས་ཚིག་གཅིག་གསུངས་ན་ནི།། ཇི་ལྟར་བློ་དགའ་བཞིན་དུ་སྣ་ཚོགས་རྟོག། ་ཁྱོད་ནི་སེམས་ཅན་ཀུན་གྱིས་བདེ་མྱོང་བའི།། ཡངས་ཤིང་རྣམ་དག་ཆོས་ནི་སྟོན་པ་མཛད།། སེམས་ཅན་ཐམས་ཅད་ཡིད་བདེ་རབ་དུལ་ཞིང་།། སེམས་ཀྱང་རབ་དགའ་མཉམ་པར་བྱམས་པར་སེམས།། ་གཅིག་ལ་གཅིག་ནི་ནོངས་པ་བཤགས་ནས་ཀྱང་།། མ་དང་བུ་བཞིན་ཆོས་ནི་ཉན་པར་བགྱིད།། སེམས་ཅན་ཀུན་ཀྱང་བདག་ཉིད་གཙོར་བགྱིས་ནས།། དེ་རིང་བདག་གིས་རང་བཞིན་བསམ་དགོངས་སྙམ།། ་དགའ་ལ་ཐུགས་བརྩེས་བདག་གིས་བསྟན་བཞུགས་ནས།། མི་མཆོག་འདུལ་བའི་ཁ་སྦྱར་ཆོས་སྟོན་སྙམ།། དེ་རིང་ལྷ་ཁྱོད་གདན་ཅིག་སྟེངས་བཞུགས་ནས།། དམ་ཆོས་སྤྲིན་གྱི་མདོ་མཆོག་སྟོན་པར་མཛད། ་དེ་རིང་ཆོ་ག་སྤྱི་མང་ལ་བྱིན་གྱིས་བརློབས།། སྐུ་ཡང་མང་ཞིང་གཟུགས་མང་བའི།། དེ་བཞིན་གཤེགས་པ་ཆོས་ཀྱི་སྐུ།། སྟན་རྣམས་ཀུན་ལ་བཞུགས་ནས་ཀྱང་།། ཁྱོད་ནི་ཆོས་འདི་སྟོན་པར་མཛད།། ་ལཱུ་ལི་ལྷ་ལ་བདག་དང་ནས།། བདག་ཅག་དེ་རིང་སྐྱབས་སུ་མཆིས།། ཁང་པར་གནས་པའི་ལྷ་ཀུན་ནི།། ཀྱེ་མ་མི་རྟག་མི་བརྟནན།། སྐབས་མ་མཆིས་ཤིང་མགོན་མས་ཆི། ་བསོད་ནམས་ཆུང་ཞིང་སྡིག་པར་བཅས།། ཀླུང་རྣམས་རྒྱ་མཚོར་འདུ་བ་ལྟར།། ལྷ་རྣམས་ཐམས་ཅད་ཁྱོད་ལ་རྟེན།། སྐྱབས་མེད་རྣམས་ཀྱི་སྐྱབས་ལགས་ཏེ།། དེ་བས་ཐུབ་ཆེན་རྟག་པ་ལགས།། ་མགོན་མེད་རྣམས་ཀྱི་མགོན་ཡང་ཁྱོད།། གཉེན་མེད་རྣམས་ལ་རབ་གཉེན་པ།། བརྟན་པའི་གནས་ན་བཞུགས་པ་སྟེ།། དེ་བས་མི་གཡོ་བརྟན་པ་ལགས།། ཀུན་གྱི་རྟེན་ཆེན་གྱུར་པ་སྟེ།། སྨན་པ་ཐེར ་ཟུག་བདག་ཉིད་ཆེ། ། ནད་ཀྱི་ཐེབས་པའི་སེམས་ཅན་རྣམས།། ལེགས་སྦྱོང་ཆེ་བའི་བདག་ཉིད་ཅན།། བཅོམ་ལྡན་ལྷ་ཁྱོད་བསམ་མི་ཁྱབ།། དེ་བཞིན་གཤེགས་པ་ཐབས་ཀྱི་སྐུ།། ལྷ་ཡི་ལྷ་སྟེ། ་ལྷ་ཆེན་པོ།། འཇིག་རྟེན་ཀུན་དང་འཐུན་པར་འཇུག། དཔའ་བོ་ཆེན་པོ་གསང་བའི་གསང་།། གསང་བའི་ཆོས་ནི་རབ་སྟོན་པ།། ཏིང་འཛིན་གཟུགས་ཀྱི་རྒྱལ་པོ་ཆེ།། དེ་བཞིན་གཤེགས ་པདེད་དཔོན་ལགས། ། བྱང་ཆུབ་སེམས་དཔའ་གཟི་ཆེན་གྱིས།། མཚུངས་མེད་དཔག་གིས་མི་ལང་བ།། རྟག་པའི་ཟླ་བ་ཡོངས་སུ་བསྐོར།། དཔེ་མེད་བསྐལ་པ་བྱེ་མང་མཛེས།། ཁྱོད་ཀྱི་ཡོན ་ཏན་བགྲང་ལས་འདས། ། རིན་ཆེན་འབྱུང་གནས་དེ་བཞིན་གཤེགས།། དཔལ་ཆེན་གཟི་བརྗིད་རྟག་པ་སྟེ།། བསམ་ཡས་སྟོབས་ཀྱི་རྒྱ་མཚོ་ལགས།། སེམས་ཅན་ཀུན་ཕན་བསམ་མི་ཁྱབ།། ཀུན ་ལ་བྱམས་ཤིང་ཐུགས་བརྩེ་བ། ། ཐབས་སྲས་སྒྲ་གཅན་ཟིན་བཞིན་དུ།། སེམས་ཅན་ཀུན་སྙོམས་བྱམས་པར་དགོངས།། དེ་རིང་མཉམ་གྱུར་མཉམ་པར་གཟིགས།། མཐུ་ཆེ་སྟོབས་ཀྱང་ཆེ་བ་ལགས།། ་མི་ཤེས་སྲིད་པའི་མཚོ་ཆེན་ལས།། དེང་ཁྱོད་བདག་ནི་བསྒྲལ་དུ་གསོལ།། བདག་ཅག་ཀུན་གྱིས་བཟོད་པར་གསོལ།། དེ་བཞིན་གཤེགས་པས་བཟོད་པར་མཛོད།། དམ་ཆོས་འདུ་སྟེན་ཐོས་ནས་ནི།། ་དེ་བཞིན་གཤེགས་པའི་ཆེ་བ་རྟོགས།། མ་འཚལ་པ་ནི་ཀྱེ་རེ་མཚར།། བདག་གིས་ཡུན་རིངས་མི་སྙན་བགྱིས།། དེ་བཞིན་གཤེགས་རྟག་མ་འཚལ་བའི།། སེམས་ཅན་རྣམས་ནི་ངན་འགྲོར ་མཆི། ། མ་འཚལ་བ་ནི་ཀྱེ་རེ་མཚར།། བདག་གིས་ཡུན་རིང་འཁོར་བར་བགྱིས།། ཡོངས་སུ་མྱ་ངན་འདའ་མཛད་སྙམ།། སེམས་པ་མར་མེའི་ནང་དག་ཏུ།། ཕྱེ་མ་ལེབ་ནི་མཆོད་པ་བཞིན།། བཅོམ ་ལྡན་དམ་ཆོས་དེ་བཞིན་དུ། ། ཡོངས་སུ་མྱ་ངན་འདའ་འགྱུར་སྙམ།། དེ་ལྟར་སེམས་པར་བགྱིད་པ་ཡི།། ལྷར་བཅས་འཇིག་རྟེན་འཁོར་བར་འགྱུར།། དེང་བདག་ཡང་དག་མཚན་མཐོང་བ།། ཀྱེ་མ ་རྙེད་ཆེན་ལེགས་པར་རྙེད། ། ཁྱེད་ཀྱི་ཞབས་མཆོག་གཟི་བརྗིད་ཀྱིས།། དམ་ཆོས་ཚིག་སྨོས་རྒྱ་མཚོ་ཐོས།། སྨོན་ལམ་བཏབ་ཅིང་བསྒྲུབས་པ་དེས།། དེ་རིང་བདག་གིས་བདུད་རྩི་འཚལ།། བགྱི་བ་ཆེན་པོའི་སོ ་སོའི་ལས། ། དེ་རིང་བདག་གིས་བསྟན་པར་འགྱིས།། བདག་གིས་དེ་རིང་ནད་ཞི་ཞིང་།། ནད་མེད་གནོད་པ་མ་མཆིས་ལ།། དེ་རིང་བདག་གི་གདུང་བ་བསྲེགས།། མཆོག་ཏུ་ཡང་ནི་བདེ་བར་འགྱུར།། ་འཇིག་རྟེན་ཀུན་ལ་ཐུགས་བརྩེ་བ།། བཅོམ་ལྡན་སངས་རྒྱས་བཤད་དུ་གསོལ།། སེམས་ཅན་ཀུན་གྱི་བདེ་སྒྲུབ་པ།། སངས་རྒྱས་བཅོམ་ལྡན་འདས་པ་ཡིས།། ནད་རྣམས་མ། ་ལུས་མཛད་པར་གསོལ།། དམ་ཆོས་བརྟན་པའི་ཚུལ་གྱི་གཏེར།། སེམས་ཅན་དབུལ་པོ་རྣམས་ཀྱི་ནི།། མི་ཟད་པ་ཡི་བདུད་རྩིའི་གཏེར།། བཅོམ་ལྡན་སངས་རྒྱས་བཤད་དུ་གསོལ།། རྣམ་པར་སྦྱོང་བའི ་ཆོ་ག་ཡི། ། ལས་ཀྱི་ཚིག་ནི་སྨོས་པ་རྣམས།། བཅོམ་ལྡན་སངས་རྒྱས་རྒྱས་པར་མཛོད།། རྟག་ཅིང་བརྟན་པའི་འདུ་སྟོན་ལ།། སེམས་ཅན་མང་པོ་དགོད་པར་གསོལ།། སྤྲིན་ཆེན་སྙིང་པོའི་མདོ་ལས་ལྷ་ཐམས ་ཅད་འདུས་པ་ཞེས་བྱ་བ་སྟེ། ། ཕུང་པོ་དང་པོའི་ལེའུ་རྫོགས་སོ།། །། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས་འདི་སྐད་ཅེས་གསོལ ་ཏོ། ། དམ་པའི་ཆོས་བརྟན་པ་སྤྲིན་ཆེན་པོའི་མདོའི་ཚིག་སྨོས་པ། བཅོམ་ལྡན་འདས་དེ་བཞིན་གཤེགས་པས་གསུངས་པ་ནི། ཨ་ལ་ལ་ངོ་མཚར་རྨད་དུ་བྱུང་བ་ལགས་སོ།། བཅོམ་ལྡན་འདས་ཨ་ལ་ལ ་སྤྲིན་ཆེན་པོའི་མདོའི་ཡུལ་བསམ་གྱིས་མི་ཁྱབ་སྟེ། ཆོ་འཕྲུལ་ཆེན་པོའི་རྣམ་པར་འཕྲུལ་པ་སེམས་ཅན་ཐམས་ཅད་ཀྱི་མངོན་སུམ་དུ་གྱུར་པ་ལགས་སོ།། སྤྲིན་ཆེན་པོའི་མདོ་བཤད་པ་ན། སྤྲིན་ཆེན ་བོའི་ཚོགས་ཀྱིས་རིན་པོ་ཆེ་ཐམས་ཅད་དང་། བདུད་ཐམས་ཅད་ཀྱིས་རྒྱས་པའི་ཆར་གྱི་རྒྱུན་གྱི་ཚོགས་བདུད་རྩིའི་སྒྲ་ལས་བྱུང་བ་རྣམས་ཀྱིས་བདུད་རྩིའི་ཆར་ཆེན་པོ་རབ་ཏུ་ཕབ་བོ།། ཨ་ལ་ལ་དེ་བཞིན་གཤེགས ་པ་ནི་བསམ་གྱིས་མི་ཁྱབ་སྟེ། ཡུལ་བསམ་གྱིས་མི་ཁྱབ་པའི་དོན་ཤིན་ཏུ་ལེགས་པར་གསུངས་སོ།། ཨ་ལ་ལ་སེམས་ཅན་ཐམས་ཅད་ནི་བསོད་ནམས་བགྱིས་པ་ལགས་སོ།། ཨ་ལ་ལ་བསོད་ནམས་ཀྱི ་རྣམ་པར་སྨིན་པ་ནི་བསམ་གྱིས་མི་ཁྱབ་སྟེ། སེམས་ཅན་རྣམས་ལྷའི་བདེ་བའི་ལོངས་སྤྱོད་དང་། ཡོངས་སུ་སྤྱད་པ་ལ་ཡོངས་སུ་སྤྱོད་དོ།། དེ་རིང་སེམས་ཅན་ཐམས་ཅད་ལྷ་རྣམས་དང་ལྷན་ཅིག་ཏུ་རྩེ ་པར་གྱུར་ཏོ། ། སྤྲིན་ཆེན་པོའི་མདོའི་གཏེར་སེམས་ཅན་ཐམས་ཅད་ཀྱི་ལོངས་སྤྱོད་མི་ཟད་པོའི་གཏེར་དུ་གྱུར་པ། བཅོམ་ལྡན་འདས་ཀྱིས་བཤད་དུ་གསོལ། དེ་བཞིན་གཤེགས་པའི་ཡོན་ཏན་གྱི ་བ་ཉིད་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བ་དང་། མཚན་ཉིད་མ་མཆིས་པའི་ཆར་བཅོམ་ལྡན་འདས་ཀྱིས་དི་རིང་དབབ་ཏུ་གསོལ། སྤྲིན་ཆེན་པོའི་མདོ་ལས་ཏིང་ངེ་འཛིན་དང་གཟུང ་ཀྱི་ཆུས་རྒྱས་པའི་ཆོས་ཀྱི་སྤྲིན་གྱི་ཚོགས་ཀྱི་འབྲུག་སྒྲ་འཁོར་བའི་ཉོན་མོངས་པའི་ཚོགས་ཀྱི། ནམ་མཁའི་དཀྱིལ་དུ་སྒྲོགས་ཤིང་དེ་བཞིན་གཤེགས་པ་རྟག་པའི་སྒྲའི་ཚིག་རྣམས་འབེབས་ཏེ། འུར་འུར། ཆེམ ་ཆེ་མ་ཞིང་མཆིས་ལ། དམ་པའི་ཆོས་ནུབ་པར་མི་འགྱུར་ཞིང་ཡོངས་སུ་མྱ་ངན་ལས་འདའ་བར་མི་འགྱུར་བ། དེ་བཞིན་གཤེགས་པའི་ལྡེབ་པོ་ངག་གི་གློག་སྟོན་ཏེ། རྟག་པའི་སྒྲའི་བཅུད་བསིལ་བའི་དེ ་ཁོ་ན་དྲག་ཅིང་མི་ཟད་པའི་རྒྱུན་གྱི་ཆར་གྱི་ཚོགས་ཀྱིས་ཉོན་མོངས་པའི་སྦུབས་ཀྱི་ལམ་རབ་ཏུ་སེལ་བའི་དམ་པའི་ཆོས་ཀྱི་ཆར་ཆེན་པོ་རབ་ཏུ་དབབ་ཏུ་གསོལ། སེམས་ཅན་ཐམས་ཅད་མངོན་སུམ་དུ་དེ་བཞིན་གཤེགས ་པའི་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའི་སྒྲའི་ཚིག་གི་བཅུད་ཀྱི་རོ་མངར་བ་བཞི། རོ་ཤིན་ཏུ་བདའ་བ་ཐམས་ཅད་དང་ལྡན་པའི་ཆོས་ལ་སྤྱོད་པར་མཛད་དུ་གསོལ། ་སྔར་གསུངས་པའི་ཚིག་སྨོས་པ་རྣམ་པར་སྦྱོང་བར་བགྱིད་པ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་ལེགས་སོ་ལེགས་སོ།། ་འདི་ལྟ་བུའི་སྤྲིན་ཆེན་པོ་མངར་བ་བཞི། རོ་ཐམས་ཅད་འདྲེས་པའི་ཆར་རྟག་ཏུ་འབེབས་པར་འདོད་པས་ནི། སྤྲིན་ཆེན་པོ་རྡོ་རྗེའི་མདོ་གཟུང་བར་བྱའོ།། གཞན་དག་ལ་ཡང་རྒྱ་ཆེར་བཤད་པར་བྱའོ།། ཤིན ་ཏུ་དགའ་བ་ཡང་བསྐྱེད་པར་བྱའོ། ། དེ་ལ་མངོན་པར་བརྩོན་པར་ཡང་བྱའོ།། སྤྲིན་ཆེན་སྙིང་པོ།། སྤྲིན་ཆེན་པོའི་མདོ་ལས་རྣམ་པར་ཐར་པ་བསམ་གྱིས་མི་ཁྱབ་པ་ལ་གནས་པ། རིན་པོ་ཆེའི་མཛོད་ཀྱི་འབྱུང་གན། ་ཆོས་ཀྱི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་གྱི་སྒོ་བཞི་བརྒྱ་རྒྱས་པར་ཉོན་ཅིག། སྤྲིན་ཆེན་སྙིང་པོ།། སྤྲིན་ཆེན་པོའི་མདོ་ལས་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཅེས་བྱ་བའི་ཏིང་ངེ་འཛིན་ཡོད ་དེ། ། ཏིང་ངེ་འཛིན་དེ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཏིང་ངེ་འཛིན་གྱི་རྒྱ་མཚོར་ཡང་འགྱུར་རོ།། ཏིང་ངེ་འཛིན་ཡང་དག་པར་སོགས་པར་ཡང་འགྱུར་རོ།། ཐོས་པ་རྒྱ་མཚོར ་ཡང་འགྱུར་རོ། ། ཐོས་པ་ཡང་དག་པར་སོགས་པར་ཡང་འགྱུར་རོ།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སོམ་ཉི་མི་ཟ་ཞིང་ཡིད་གཉིས་མེད་པ། ཐེ་ཚོམ་ཟ་བར་ཡང་མི་འགྱུར་རོ།། མཁོམ ་པ་རྣམས་སུ་སྐྱེ་བར་ཡང་མི་འགྱུར་རོ། ། ཚེ་རབས་དྲན་པར་ཡང་འགྱུར་རོ།། འཁོར་བའི་ལས་ཀྱི་ཞིང་གི་རྒྱ་མཚོ་ལ་སྲེད་པར་ཡང་འགྱུར་རོ།། ཚེ་རབས་ཐམས་ཅད་དུ་ཐ་ན་རྨི་ལམ་ན་ཡང་སངས་རྒྱས་མཐོང་བ་དང ་འབྲལ་བར་ཡང་མི་འགྱུར་རོ། ། དེ་དག་གི་དགེ་བའི་ཆོས་རྣམས་ལ་བར་ཆད་བྱ་བའི་ཕྱིར།། བདུད་སྡིག་ཅན་གླགས་ལྟ་བ་དང་། སྐབས་ཚོལ་བས་གླགས་རྙེད་པར་ཡང་མི་འགྱུར་རོ།། ང་རྒྱལ་ཆོམས ་པར་ཡང་འགྱུར་རོ། ། གཟུངས་ཐོབ་པར་ཡང་འགྱུར་རོ།། དེ་བཞིན་གཤེགས་པའི་ལྡེམ་པོ་ངག་དཔྱོད་པ་ལ་མཁས་པར་ཡང་འགྱུར་རོ།། ཆོས་ཐམས་ཅད་ཀྱི་གསང་བའི་སྒོར་འཇུག་པར་ཡང་འགྱུར་རོ།། ་དེ་བཞིན་གཤེགས་པའི་གཏེར་ཡང་དག་པར་སྟོན་པར་ཡང་འགྱུར་རོ།། དེ་བཞིན་གཤེགས་པའི་ཚུལ་ལ་འཇུག་པར་ཡང་འགྱུར་རོ།། དེ་བཞིན་གཤེགས་པའི་རྒྱ་མཚོའི་ཆུ་སྲིན་དུ་ཡང་འགྱུར་རོ།། ་དེ་བཞིན་གཤེགས་པའི་གཞུང་ལུགས་ཀྱི་ནང་དུ་ཡང་ཆུད་པར་འགྱུར་རོ།། དེ་བཞིན་གཤེགས་པའི་སྒྱུ་འཕྲུལ་གསང་བའི་སྲུངས་མར་ཡང་འགྱུར་རོ།། དེ་བཞིན་གཤེགས་པའི་གསུང་བརྗོད་པར་ཡང ་འགྱུར་རོ། ། དེ་བཞིན་གཤེགས་པའི་དམིགས་པ་ལ་རྣལ་འབྱོར་པར་ཡང་འགྱུར་རོ།། དེ་བཞིན་གཤེགས་པའི་ཉི་མའི་འོད་ཟེར་དུ་ཡང་འགྱུར་རོ།། དེ་བཞིན་གཤེགས་པའི་ཟླ་བའི་དཀྱིལ་འཁོར་གྱི་གཟེར ་ཡང་འགྱུར་རོ། ། དེ་བཞིན་གཤེགས་པའི་ཏོག་གི་རྩེ་མོའི་མཆོག་ཏུ་ཡང་འགྱུར་རོ།། དེ་བཞིན་གཤེགས་པའི་མཚམས་འཛིན་པར་ཡང་འགྱུར་རོ།། དེ་བཞིན་གཤེགས་པའི་འཕྲིན་ལས་ལ་རྩོམ་པར་ཡང་འགྱུར ་རོ། ། དེ་བཞིན་གཤེགས་པའི་རྩལ་གྱི་ཤུགས་སུ་ཡང་འགྱུར་རོ།། དེ་བཞིན་གཤེགས་པའི་མུ་སྟེགས་ལ་ངེས་པའི་པདྨ་དཀར་པོར་ཡང་འགྱུར་རོ།། དེ་བཞིན་གཤེགས་པའི་དགྱེས་པ་ལ། ་དགའ་བར་ཡང་འགྱུར་རོ།། དེ་བཞིན་གཤེགས་པའི་མཛོད་ཀྱི་དཀོར་བར་ཡང་འགྱུར་རོ།། དེ་བཞིན་གཤེགས་པ་ལ་རྟག་པ་ཉིད་དུ་མཐོང་བར་ཡང་འགྱུར་རོ།། དེ་བཞིན་གཤེགས་པའི་རྟག་པ་དང་། ཐེར་ཟུག་པ ་ཉིད་ཤིན་ཏུ་གསལ་བར་མཐོང་ནས། བདག་ཉིད་བསྔགས་པ་བརྗོད་པའི་རྒྱལ་པོར་ཡང་འགྱུར་རོ།། དེ་བཞིན་གཤེགས་པ་ནི་ཐེར་ཟུག་པའི་སྐུ་ཡིན་ནོ་ཞེས་ཐེར་ཟུག་ཏུ་སྨྲ་བར་ཡང་འགྱུར་རོ།། དེ་བཞིན ་གཤེགས་པའི་ཞི་བའི་རང་བཞིན་ལ་མངོན་པར་དགའ་བའི་ལྟ་བ་ཕུན་སུམ་ཚོགས་པར་ཡང་འགྱུར་རོ། ། དེ་བཞིན་གཤེགས་པ་ནི་རྟག་པ་དང་། ཐེར་ཟུག་པ་དང་། བརྟན་པ་དང་ཞི་བའོ་ཞེས་རྣམ་པ་ཐམས་ཅད་དུ ་ལྟ་བའི་རྒྱ་མཚོ་ཐམས་ཅད་དུ་ཡང་འགྱུར་རོ། ། དེ་བཞིན་གཤེགས་པའི་སྐུ་ནི་ཆོས་ཀྱི་སྐུ་ཡིན་ནོ་ཞེས་དེ་ཁོ་ན་མཐོང་བར་ཡང་འགྱུར་རོ།། དེ་བཞིན་གཤེགས་པའི་རྡོ་རྗེའི་སྐུ་ནི་མི་ཕྱེད་པའི་སྐུ་ཡིན་ནོ་ཞེས་ཡང་དག་པ ་མཐོང་བར་ཡང་འགྱུར་རོ། ། དེ་བཞིན་གཤེགས་པའི་སྐུ་ནི་རུས་པ་མ་ཡིན་ཞིང་ཤ་མ་ཡིན་ལ་ཁྲག་མ་ཡིན་ཏེ། རྒྱུས་པ་མ་ཡིན་ནོ་ཞེས་སྟོང་པ་ཉིད་དུ་སླུ་བར་ཡང་འགྱུར་རོ།། དེ་བཞིན་གཤེགས་པའི་ཆོས་བསྟན་པ་ནི ་འབྲས་བུ་ཡོད་པ་ཡིན་ནོ་ཞེས་འབྲས་བུ་ཡོད་པར་སྨྲ་བར་ཡང་འགྱུར་རོ། ། དེ་བཞིན་གཤེགས་པའི་ཆོས་བསྟན་པ་ལ་ནི་འབྲས་བུ་མེད་པར་འགྱུར་བ་མེད་དོ་ཞེས་མེད་པར་སྨྲ་བར་ཡང་འགྱུར་རོ།། དེ་བཞིན་གཤེགས་པ ་ལ་ནི་གཏན་ཏུ་ཡོངས་སུ་མྱ་ངན་ལས་འདས་པར་འགྱུར་བ་མེད་དོ་ཞེས་གསལ་བར་སྨྲ་བར་ཡང་འགྱུར་རོ། ། དེ་བཞིན་གཤེགས་པའི་རྗེས་སུ་རབ་ཏུ་འབྱུང་བའི་སེམས་ཅན་རྣམས་ལ་ནི་ཚུལ་ཁྲིམས་ཉམས་པ་མེད་དོ།། ་ཞེས་ཚུལ་ཁྲིམས་ཀྱི་བསྔགས་པ་བརྗོད་པར་ཡང་འགྱུར་རོ།། དེ་བཞིན་གཤེགས་པའི་བསྟན་པ་ལ་ནི་ནུབ་པར་འགྱུར་བ་མེད་དོ་ཞེས་ནུབ་པར་མི་འགྱུར་བའི་བསྔགས་པ་བརྗོད་པར་ཡང་འགྱུར་རོ།། དེ་བཞིན་གཤེགས ་པའི་རིགས་དང་། རྒྱུད་དག་ཅིང་དྲི་མ་མེད་པས་བྱང་ཆུབ་སེམས་དཔའ་ནི་ཐབས་ཀྱི་རིགས་ཀྱི་རྒྱུད་ཡིན་ནོ་ཞེས་ལྟ་བ་ཕུན་སུམ་ཚོགས་པར་ཡང་འགྱུར་རོ།། རྟག་ཏུ་འཁོར་བ་ལ་སྡུག་པར་སེམས་པར་ཡང་འགྱུར་རོ།། ་འཁོར་བའི་བསྔགས་པ་བརྗོད་པར་ཡང་འགྱུར་རོ།། འཁོར་བའི་ཚད་དུ་རྒྱ་མཚོར་ཡང་འགྱུར་རོ།། དེ་བཞིན་གཤེགས་པའི་རིགས་ལ་དམིགས་པར་ཡང་འདོད་པར་ཡང་འགྱུར་རོ།། རྟག་ཏུ་ཉོན་མོངས་པ་ལ་སེམས་པར ་ཡང་འགྱུར་རོ། ། ཉོན་མོངས་པ་ལ་སྔགས་པར་སེམས་པར་ཡང་འགྱུར་རོ།། ཉོན་མོངས་པའི་སྒོ་རྣམ་པ་སྣ་ཚོགས་ཐོབ་པ་ལ་དད་པ་ཐོབ་པར་ཡང་འགྱུར་རོ།། སངས་རྒྱས་ཐམས་ཅད་ཀྱི་འཕྲིན་ལས་ཀྱི་ཞིང་ལ་སྨོན ་ལམ་འདེབས་པའི་སེམས་སུ་ཡང་འགྱུར་རོ། ། ལས་ཐམས་ཅད་ཀྱི་རྩ་བ་ནི་ཉོན་མོངས་པ་ཡིན་ནོ་ཞེས་རྙེད་པ་ལེགས་པར་རྙེད་པར་ལྟ་བར་ཡང་འགྱུར་རོ།། སངས་རྒྱས་ཀྱི་རྟག་པ་ཉིད་ལ་ཡང་སོམ་ཉི་མི་ཟ་ཞིང་ཡིད ་གཉིད་མེད་ལ་ཐེ་ཚོམ་ཟ་བར་ཡང་མི་འགྱུར་རོ། ། འཁོར་བ་ལ་མངོན་པར་དགའ་བར་ཡང་འགྱུར་རོ།། འཁོར་བ་ལ་མོས་པར་ཡང་འགྱུར་རོ།། བདག་སངས་རྒྱས་སུ་འགྱུར་བར་བྱའོ་ཞེས་རྟག་ཏུ་དད་པའི་སེམས ་སུ་ཡང་འགྱུར་རོ། ། བདག་གིས་ཆོས་ཀྱི་འཁོར་ལོ་བསྐོར་བར་ཡང་བྱའོ།། བདག་གིས་སེམས་ཅན་རྣམས་གྲོལ་བར་བྱའོ།། བདག་གིས་སངས་རྒྱས་ཀྱི་གདུང་མི་འཆད་པར་བྱའོ་ཞེས། ་དམ་འཆའ་ཞིང་སྨོན་ལམ་འདེབས་ཏེ། བྱང་ཆུབ་སེམས་དཔའ་དེད་དཔོན་དུ་ཡང་འགྱུར་རོ།། བདུད་ཀྱི་སྨན་པར་ཡང་འགྱུར་རོ།། འཁོར་བའི་ཉོན་མོངས་པའི་རྒྱ་མཚོའི་སྟོན་པ་པོར་ཡང་འགྱུར་རོ།། འཁོར་བའི ་ཉོན་མོངས་པའི་ཚོང་རྡལ་ཐོབ་པར་ལྟ་བར་ཡང་འགྱུར་རོ། ། འཁོར་བའི་རྒྱ་མཚོ་ཆེན་པོ་ཐོབ་པར་སྒོམ་པར་ཡང་འགྱུར་རོ།། འཁོར་བ་ལ་སྲེད་པར་ཡང་འགྱུར་རོ།། འཁོར་བ་ཐོབ་པ་ལ་རག་ལས་པའི་སེམས་སུ་ཡང ་འགྱུར་རོ། ། འཁོར་བ་ཐོབ་པ་ནི་མི་གཏོང་བར་ཡང་འགྱུར་རོ།། འཁོར་བའི་ཚུལ་པདྨའི་རྒྱལ་པོ་རྒྱས་པར་ཡང་འགྱུར་རོ།། འཁོར་བའི་ཉོན་མོངས་པའི་རྒྱ་མཚོ་བཞིར་ཡང་འགྱུར་རོ།། འཁོར་བའི་ཉོན་མོངས་པ་ལ ་རྟག་ཏུ་སྨོན་ལམ་འདེབས་པའི་སེམས་སུ་ཡང་འགྱུར་རོ། ། སེམས་ཅན་དམྱལ་བའི་འགྲོ་བ་ལ་དགའ་བར་ཡང་འགྱུར་རོ།། སེམས་ཅན་དམྱལ་བའི་འགྲོ་བ་ལ་སེམས་ཤིང་རྟག་ཏུ་བསམ་པ་གཏོད་པའི་ངང་ཚུལ་ཅན་དུ ་ཡང་འགྱུར་རོ། ། སེམས་ཅན་དམྱལ་བའི་གྲོང་རྡལ་གྱི་ཚོང་པར་ཡང་འགྱུར་རོ།། སེམས་ཅན་དམྱལ་བ་ཐོབ་པ་མི་གཏོང་བར་ཡང་འགྱུར་རོ།། སེམས་ཅན་དམྱལ་བའི་མེ་ལ་སེམས་རྒྱས་པར་ཡང་འགྱུར་རོ།། སེམས་ཅན ་དམྱལ་བའི་ཉོན་མོངས་པར་གྱུར་པ་རྣམས་ལ་བདེ་ཞིང་བསིལ་བའི་རླུང་དུ་ཡང་འགྱུར་རོ། ། སེམས་ཅན་དམྱལ་བའི་མེ་དྲག་པོ་ལ་སྤྲིན་ཆེན་པོ་ལས་ཆར་ཀུན་ཏུ་འབེབས་པར་ཡང་འགྱུར་རོ།། སེམས་ཅན་དམྱལ་བའི་ཐོག་ཏོག ་ཏུ་ཡང་འགྱུར་རོ། ། སེམས་ཅན་དམྱལ་བའི་སྟོན་པ་པོར་ཡང་འགྱུར་རོ།། སེམས་ཅན་དམྱལ་བའི་རྒྱ་མཚོའི་མཉན་པ་ཆེན་པོར་ཡང་འགྱུར་རོ།། སེམས་ཅན་དམྱལ་བའི་སྨན་དུ་ཡང་འགྱུར་རོ།། སེམས་ཅན་དམྱལ ་བའི་ཟས་སུ་ཡང་འགྱུར་རོ། ། འཁོར་བའི་སྡུག་བསྔལ་དང་ཉོན་མོངས་པ་ཐམས་ཅད་ཀྱིས་ཟིན་པའི་མུན་པ་མུན་གནག་གསལ་བའི་ཕྱིར་སྒྲོན་མ་ལྟ་བུར་ཡང་འགྱུར་རོ།། སྣང་བར་བྱ་བའི་ཕྱིར་མར་མེ་ལྟ་བུར་ཡང་འགྱུར་རོ།། ་སྲིད་པའི་འགྲོ་བ་ཐམས་ཅད་ཀྱི་ཉོན་མོངས་པ་མྱུར་དུ་གདུག་པ་རྣམ་པ་སྣ་ཚོགས་ཀྱིས་གོས་པར་མི་འགྱུར་བའི་ཕྱིར་བར་སྣང་ལྟ་བུར་ཡང་འགྱུར་རོ།། སེམས་ནམ་མཁའ་དང་མཚུངས་པའི་ཕྱིར་མི་གནས་པར་ཡང་འགྱུར་རོ།། དེ ་བཞིན་གཤེགས་པའི་རྗེས་སུ་རབ་ཏུ་བྱུང་སྟེ། ཚུལ་ཁྲིམས་དང་སྟོབས་དང་ཡེ་ཤེས་དང་ལྡན་པའི་ཕྱིར་ཁ་བའི་ཕུང་པོ་ལྟ་བུའི་ཉོན་མོངས་པ་སེལ་བའི་ཉི་མ་ལྟ་བུར་ཡང་འགྱུར་རོ།། ལེགས་པར་སྨྲས་པ་ཡང་དག་པར་བླང ་བའི་ཕྱིར་གཞན་གྱི་དྲིང་མི་འཇོག་པར་ཡང་འགྱུར་རོ། ། ཡེ་ཤེས་རྒྱ་མཚོ་དང་ལྡན་པའི་ཕྱིར་རྒྱ་མཚོ་དུག་ཅན་པ་ལྟ་བུར་ཡང་འགྱུར་རོ།། དཀར་པོའི་ཆོས་ཡོངས་སུ་རྫོགས་པར་བྱ་བའི་ཕྱིར་ཟླ་བ་ལྟ་བུར་ཡང་འགྱུར་རོ།། ་གཏི་མུག་གི་མུན་པ་སེལ་བའི་ཕྱིར་ཉི་མ་ལྟ་བུར་ཡང་འགྱུར་རོ།། ཉོན་མོངས་པས་འཁོར་བ་ལ་མངོན་པར་འཇུག་ཅིང་འགྲོ་བའི་ཚེ་བར་སྣང་ལྟ་བུར་ཡང་འགྱུར་རོ།། དེ་དང་དེ་མངོན་པར་རྟོགས་པས་པདྨ་ལྟ་བུར་གོས་པ་མེད། ་པར་ཡང་འགྱུར་རོ།། སེམས་ནམ་མཁའ་དང་མཚུངས་པའི་ཕྱིར་མི་གནས་པར་ཡང་འགྱུར་རོ།། ཆོས་ཐམས་ཅད་ལ་ངེས་པར་འབིགས་པའི་ཕྱིར་རྡོ་རྗེ་ལྟ་བུར་ཡང་འགྱུར་རོ།། དེ་བཞིན་གཤེགས་པའི་ཡོན་ཏན་གྱི ་ཆེ་བཉིད་དག་པད་། ཐེར་ཟུག་པ་དང་། བརྟན་པ་ཐོས་ནཱ་མི་ག་ཡོ་དྷའི་ཕྱིར་རི་ལྟ་བུར་ཡང་འགྱུར་རོ།། དེ་བཞིན་གཤེགས་པའི་རིགས་དང་བརྒྱུད་ལ་ཡེ་ཤེས་རྣམ་པར་དག་པའི་ཕྱིར།། བེནྡུ། ་ལྟ་བུར་ཡང་འགྱུར་རོ།། ཉོན་མོངས་པའི་རྙོག་པ་སེལ་བའི་ཕྱིར་རྒྱ་མཚོ་དུག་ཅན་པའི་གསེར་གྱི་ཕ་བོང་ལྟ་བུར་ཡང་འགྱུར་རོ།། དེ་བཞིན་གཤེགས་པའི་རྟག་པ་དང་། ཐེར་ཟུག་པ་དང་། བརྟན་པའི་རང་བཞིན་ཅན ་མཐོང་བའི་ཟླ་བ་ལྟ་བུར་ཡང་འགྱུར་རོ། ། དེ་བཞིན་གཤེགས་པའི་ཆོས་ལས་མི་གཡོ་བའི་ཕྱིར་རི་ལྟ་བུར་ཡང་འགྱུར་རོ།། དེ་བཞིན་གཤེགས་པ་གཏན་དུ་མྱ་ངན་ལས་མི་འདའ་ཞིང་ཆོས་ནུབ་པར་མི་འགྱུར་བ་ཐོས་ནས་མི་གཡོ ་བའི་ཕྱིར་སྒོའི་ཐེམ་པ་ལྟ་བུར་ཡང་འགྱུར་རོ། ། ཡང་དག་པ་མཐོང་བའི་ཕྱིར་སེམས་བརྟན་ཞིང་གནས་པར་ཡང་འགྱུར་རོ།། སེམས་མི་ཕྱེད་པའི་ཕྱིར་རྡོ་རྗེ་ལྟ་བུར་ཡང་འགྱུར་རོ།། མངོན་སུམ་དུ་ཡོན་ཏན་མང་པོ ་ཐོབ་པ་མང་བར་ཡང་འགྱུར་རོ། ། ངོ་ཚ་ཤེས་པ་དང་ཁྲེལ་ཡོད་པ་དང་ལྡན་པར་ཡང་འགྱུར་རོ།། མཛེས་པར་ཡང་འགྱུར་རོ།། བལྟ་ན་སྡུག་པར་ཡང་འགྱུར་རོ།། བརྐམ་པ་མེད་པར་ཡང་འགྱུར་རོ།། ལུས ་ཆུང་ངུར་ཡང་མི་འགྱུར་རོ། ། ཁ་དོག་བཟང་པོ་རྒྱས་པ་མཆོག་དང་ལྡན་པར་ཡང་འགྱུར་རོ།། རིགས་མཐོན་པོར་སྐྱེ་བར་ཡང་འགྱུར་རོ།། རིགས་ཆེན་པོར་སྐྱེ་བར་ཡང་འགྱུར་རོ།། འཁོར་མང་བར་ཡང་འགྱུར་རོ།། འཁོར་མི་ཕྱེད་པར་ཡང་འགྱུར་རོ།། ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་མི་ཉམས་ཤིང་ཡོངས་སུ་ཉམས་པར་ཡང་མི་འགྱུར་རོ།། ཁ་ཟས་ལ་རྐམ་པར་ཡང་མི་འགྱུར་རོ།། ཤའི་ཁ་ཟས་ཀྱང་རྣམ་པར་སྤོང་བར་ཡང་འགྱུར་རོ།། ་གྲོས་དང་ལྡན་པར་ཡང་འགྱུར་རོ།། སྐྱེ་བོ་ཐམས་ཅད་ཀྱི་ཡིད་དུ་འོང་ཞིང་ཆེར་བཀུར་བར་ཡང་འགྱུར་རོ།། དྲན་པ་དང་ལྡན་པར་ཡང་འགྱུར་རོ།། གཟི་བྱིན་དང་ལྡན་པར་ཡང་འགྱུར་རོ།། ཤེས་རབ་དང་ལྡན་པར་ཡང ་འགྱུར་རོ། ། དགའ་བ་དང་ལྡན་པར་ཡང་འགྱུར་རོ།། འཇིག་རྟེན་དང་འཐུན་པར་འཇུག་པར་ཡང་འགྱུར་རོ།། འཇིག་རྟེན་ལ་ཕན་པར་འདོད་པར་ཡང་འགྱུར་རོ།། འཇིག་རྟེན་ལ་བདེ་བར་ཡང་འགྱུར་རོ།། འཇིག ་རྟེན་གྱི་ཐུ་བོར་ཡང་འགྱུར་རོ། ། འཇིག་རྟེན་གྱི་གཙོ་བོར་ཡང་འགྱུར་རོ།། འཇིག་རྟེན་གྱི་མཆོག་ཏུ་ཡང་འགྱུར་རོ།། འཇིག་རྟེན་གྱི་རབ་ཏུ་ཡང་འགྱུར་རོ།། འཇིག་རྟེན་ཐམས་ཅད་ཀྱིས་ཕྱག་བྱ་བར་འོས་པར་ཡང ་འགྱུར་རོ། ། འཇིག་རྟེན་ཐམས་ཅད་ཀྱིས་མཆོད་པའི་གནས་སུ་ཡང་འགྱུར་རོ།། སྦྱིན་བདག་ཆེན་པོར་ཡང་འགྱུར་རོ།། སྟོབས་ཆེན་པོ་དང་ལྡན་པར་ཡང་འགྱུར་རོ།། དཔའ་བོ་ཆེན་པོར་ཡང་འགྱུར་རོ།། བརྩོན་འགྲུས ་ཆེན་པོ་དང་ལྡན་པར་ཡང་འགྱུར་རོ། ། བྱམས་པའི་སེམས་དང་ལྡན་པར་ཡང་འགྱུར་རོ།། བདེན་པར་སྨྲ་བར་ཡང་འགྱུར་རོ།། བརྟུལ་ཞུགས་བརྟན་པར་ཡང་འགྱུར་རོ།། བརྩོན་འགྲུས་བརྩམས་པར་ཡང་འགྱུར་རོ།། ་བྱམས་པ་ལ་གནས་པར་ཡང་འགྱུར་རོ།། སྙིང་རྗེ་ལ་གནས་པར་ཡང་འགྱུར་རོ།། དགའ་བ་ལ་གནས་པར་ཡང་འགྱུར་རོ།། བཏང་སྙོམས་ལ་གནས་པར་ཡང་འགྱུར་རོ།། སྟོང་པའི་ཆོས་རྣམས་ལ་སྟོང་པར་སྨྲ་བར་ཡང་འགྱུ ་སྟོང་པ་མ་ཡིན་པའི་ཆོས་རྣམས་ལ་སྟོང་པ་མ་ཡིན་པར་སྨྲ་བར་ཡང་འགྱུར་རོ། ། སངས་རྒྱས་ཀྱི་ཆོས་ཀྱི་ངན་རྟགས་སྨྲ་བར་ཡང་འགྱུར་རོ།། སངས་རྒྱས་ཀྱི་དེ་ཁོ་ནའི་ཆོས་ཀྱི་ལྟ་བ་སྨྲ་བར་ཡང་འགྱུར་རོ།། གཙང་བར ་ཡང་འགྱུར་རོ། ། གཙང་མས་ཕྱུག་པར་ཡང་འགྱུར་རོ།། ཡོན་ཏན་གྱིས་ཕྱུག་པར་ཡང་འགྱུར་རོ།། ཚུལ་ཁྲིམས་ཀྱིས་ཕྱུག་པར་ཡང་འགྱུར་རོ།། ཆོས་ཀྱིས་ཕྱུག་པར་ཡང་འགྱུར་རོ།། དབྲོག ་ཏུ་མེད་པའི་རྫས་ཀྱིས་ཕྱུག་པར་ཡང་འགྱུར་རོ། ། སྐྱེ་བོ་དབུལ་པོ་སློང་བ་ལ་སོགས་པ་ལ་གཏེར་ལྟ་བུར་ཡང་འགྱུར་རོ།། སྟོང་པ་ཉིད་དང་མཚན་མ་མེད་པ་དང་། སྨོན་པ་མེད་པའི་ཆོས་རྣམས་སྟོན་པ་ན་མི་སྐྲག་མི་དངང་ཞིང ་དངང་བར་ཡང་མི་འགྱུར་རོ། ། སངས་རྒྱས་ཀྱི་ཞིང་གང་དང་གང་དུ་སྐྱེ་བར་བྱ་བར་སེམས་བསྐྱེད་པ་དེ་དང་དེར་སྐྱེ་བར་ཡང་འགྱུར་རོ།། རྙེད་པ་དང་ཀུར་སྟི་དང་ཚིགས་སུ་བཅད་པ་དོན་དུ་མི་གཉེར་བར་ཡང་འགྱུར་རོ།། ཚུལ་ཁྲིམས ་འཆལ་པ་རྣམས་བསྡུས་ནས་དམ་པའི་ཆོས་ལ་འགོད་པར་ཡང་འགྱུར་རོ། ། ཚུལ་ཁྲིམས་འཆལ་པ་གཡོ་སྒྲ་དང་ལྡན་པ་རྣམས་ལ་ཐོག་ཏོག་ལྟ་བུར་ཡང་འགྱུར་རོ།། དེ་བཞིན་གཤེགས་པ་ལ་བྱས་པ་མི་གཟོ་བ་རྣམས་བྱས་པ ་གཟོ་བ་ལ་ཡང་དག་པར་སྦྱོར་བར་ཡང་འགྱུར་རོ། ། མུ་སྟེགས་ཅན་གྱི་གནས་ཐམས་ཅད་དུ་མི་འཕྲོགས་པར་ཡང་འགྱུར་ཞིང་སླར་དེ་ལ་ཐབས་དང་ལྡན་པར་ཡང་འགྱུར་རོ།། དགེ་སྦྱོང་དང་བྲམ་ཟེ་དང་མུ་སྟེགས་ཅན ་གྱི་ཕས་ཀྱི་རྒོལ་བ་མང་པོ་དག་གིས་ཕུག་རྡུགས་སུ་མི་ཆུད་ཅིང་སླར་དེ་ལ་ཐབས་ཀྱིས་རྟོན་པར་ཡང་འགྱུར་རོ། ། མུ་སྟེགས་ཅན་གྱི་གནས་ཐམས་ཅད་ཀྱིས་གསང་ཚིགས་རྣམས་ལ་འདུན་པར་མི་འགྱུར་ཞིང་སླར་དེ་ལ་ཐབས ་ཀྱིས་འདུན་པར་བྱེད་པར་ཡང་འགྱུར་རོ། ། ལྷ་དང་ཀླུ་དང་། གནོད་སྦྱིན་དང་དྲི་ཟའི་གནས་ཐམས་ཅད་ལ་རྟེན་པར་མི་འགྱུར་ཞིང་སླར་དེ་ལ་ཐབས་ཀྱིས་ཡང་དག་པར་རྟེན་པ་ལྟ་བུར་ཡང་འགྱུར་རོ།། ལས་ལ་རྟོན་པར ་འགྱུར་གྱི་བཀྲ་ཤིས་དང་དགེ་མཚན་ལ་རྟོན་པར་ཡང་མི་འགྱུར་རོ། ། སྲོག་གཅོད་པ་བྱེད་ཀྱང་སྲོག་གཅོད་པ་སྤངས་པར་ཡང་འགྱུར་རོ།། མེ་ཏོག་འཕྲེང་བ་དང་སྤོས་དང་། བྱུག་པ་དང་ཕྱེ་མས་གདབ་པ་དང་། ཁྱིམ ་བའི་ལོངས་སྤྱོད་ཡོངས་སུ་སྤྱད་པ་རྣམ་པ་དུ་མ་དག་དང་། ཆུང་མ་དང་ལྷན་ཅིག་ཏུ་འདོད་པའི་ཡོན་ཏན་སྤྱོད་ཀྱང་ཤིན་ཏུ་ཚངས་པར་སྤྱོད་པར་ཡང་འགྱུར་རོ།། སྲོག་གཅོད་པ་དང་། རྐུ་འཕྲོག་བྱེད་པ་དང་། བརྫུན་ཚིག ་དང་ཆང་འཐུང་བ་ལ་སོགས་པ་ལ་སྟེན་ཅིང་ལས་རྣམས་བྱེད་ལ། བུ་དང་ཆུང་མ་རྣམས་སྟོན་ཀྱང་ཤིན་ཏུ་ཚངས་པར་སྤྱོད་པར་ཡང་འགྱུར་རོ།། དེ་བཞིན་གཤེགས་པ་ཐམས་ཅད་ཀྱིས་མཆོད་པར་ཡང་འགྱུར་རོ།། དེ་བཞི ་གཤེགས་པ་ཐམས་ཅད་ཀྱིས་རྗེད་པར་ཡང་འགྱུར་རོ། ། དེ་བཞིན་གཤེགས་པ་ཐམས་ཅད་ཀྱིས་ཆེར་བཀུར་བར་ཡང་འགྱུར་རོ།། དེ་བཞིན་གཤེགས་པ་ཐམས་ཅད་ཀྱིས་སྡུག་པར་བྱ་བའི་སྲས་སུ་ཡང་འགྱུར་རོ།། ་དེ་བཞིན་གཤེགས་པ་ཐམས་ཅད་ལ་བྱས་པ་གཟོ་བའི་བགོ་སྐལ་ལ་སྤྱོད་པར་ཡང་འགྱུར་རོ།། དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ལ་མཚུངས་པའི་ཆོས་ཀྱི་དེ་ཁོ་ན་ཉིད་མཐོང་བར་ཡང་འགྱུར་རོ།། སངས ་རྒྱས་ཐམས་ཅད་དང་ཡེ་ཤེས་ཀྱི་ཡང་དག་པར་རྟོག་པ་མཚུངས་པར་ཡང་འགྱུར་རོ། ། སངས་རྒྱས་ཐམས་ཅད་ཀྱི་ཆོས་གསང་བ་རྣམ་པ་མང་པོ་ལུང་བསྟན་པས་ཡུལ་ལ་སྤྲིས་བཙན་པའི་རྒྱལ་པོར་ཡང་འགྱུར་རོ།། ་སངས་རྒྱས་ཐམས་ཅད་ཀྱི་གསང་བའི་ཆོས་སྟོན་པ་རྣམ་པ་དུ་མ་བརྗོད་པར་ཡང་འགྱུར་རོ།། སངས་རྒྱས་ཐམས་ཅད་ཀྱིས་བཞེད་པའི་ང་རྒྱལ་ཐམས་ཅད་ལ་གནས་པའི་ཡུལ་ལ་གནས་པར་མཁས་པར་ཡང་འགྱུར་རོ།། ་ཐམས་ཅད་ཀྱི་འདོད་ཆགས་མེད་པ་དང་། དྲི་མ་མེད་པ་དང་། བདག་དང་སེམས་ཅན་མེད་པ་དང་། གསོ་བ་མེད་པ་དང་། འཇིགས་པ་མེད་པ་གསང་བ་མང་པོའི་ཆོས་སྟོན་པའི་རང་བཞིན་དག ་ལ་རིན་པོ་ཆེ་ལྟ་བུར་ཡང་འགྱུར་རོ། ། སངས་རྒྱས་ཐམས་ཅད་ཀྱིས་སེམས་ཅན་འདུལ་བའི་དབང་གིས་འདོད་ཆགས་དང་། ཞེ་སྡང་དང་། གཏི་མུག་དང་། འཇིགས་པའི་ཆོས་ཀྱི་ཕྱོགས་ཐམས་ཅད་ལ་འཇུག་པ་ཡང་དག ་པར་མཐོང་བར་ཡང་འགྱུར་རོ། ། སངས་རྒྱས་ཐམས་ཅད་ཀྱི་སེམས་ཡུན་རིང་པོ་བསྐལ་པ་བྱེ་བ་བགྲངས་པ་མང་པོ་ནས་བརྒལ་ནས་ཉོན་མོངས་པའི་རྒྱ་མཚོ་ལས་གྲོལ་བར་མཛད་པའི་གསང་བ་ཐམས་ཅད་ཀྱི་དེ་ཁོ་ན་མཐོག ་བར་ཡང་འགྱུར་རོ། ། སངས་རྒྱས་ཐམས་ཅད་ཀྱིས་སེམས་ཅན་འདུལ་བའི་དབང་གིས་ཉོན་མོངས་པའི་རྒྱ་མཚོར་སྐྱེ་བར་བསྟན་ཏེ་བརྒལ་ནས་བསྒྲལ་བར་བྱའོ།། གྲོལ་ནས་དགྲོལ་བར་བྱའོ་སྙམ་ནས་བསྟན་པའི ་གསང་བའི་ཁྱད་པར་གྱི་སྒོའི་རང་བཞིན་དག་མཐོང་བར་ཡང་འགྱུར་རོ། ། སངས་རྒྱས་ཐམས་ཅད་ཀྱིས་ཡུན་རིང་པོ་བསྐལ་པ་བྱེ་བ་བགྲངས་པ་མང་པོ་འདས་ནས་བདུད་བྱེ་བ་རབ་ཏུ་བཅོམ་པའི་རྣམ་པ་གསང་བའི་དེ ་ཁོ་ན་མཐོང་བར་ཡང་འགྱུར་རོ། ། སངས་རྒྱས་ཐམས་ཅད་ཀྱིས་སེམས་ཅན་འདུལ་བའི་དབང་གིས་བྱང་ཆུབ་ཀྱི་ཤིང་དྲང་དུ་བདུད་འདུལ་བའི་གསང་བའི་ཁྱད་པར་གྱི་སྒོའི་རང་བཞིན་སྟོན་པ་ལྟ་བུར་བཅོས་པ་ལེགས་པར ་མཐོང་བར་ཡང་འགྱུར་རོ། ། ཐབས་ཀྱིས་ཆོས་ཀྱི་འཁོར་ལོ་བསྐོར་བ་དང་། ཐབས་ཀྱིས་ཡོངས་སུ་མྱ་ངན་ལས་འདས་པ་ལྟ་བུར་བཅོས་པའི་དེ་ཁོ་ན་མཐོང་བར་འགྱུར་རོ།། སངས་རྒྱས་ཐམས་ཅད་རོལ་པའི ་གསང་བའི་རྒྱལ་པོའི་མཆོག་ཏུ་ཡང་འགྱུར་རོ། ། སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པ།། མཚུངས་པ་མེད་པ། དཔེ་མེད་པ། གྲངས་མེད་པ། དཔག་ཏུ་མེད་པ། བགྲང་བ་ལས ་འདས་པ་ལ་བགྲང་བའི་རྒྱལ་པོར་ཡང་འགྱུར་ཏེ། སྤྲིན་ཆེན་སྙིང་པོ་ཏིང་ངེ་འཛིན་དང་པོ་འདི་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཏིང་ངེ་འཛིན་གྱི་རྒྱ་མཚོར་ཡང་འགྱུར་ཞིང་། ་ཏིང་ངེ་འཛིན་ཡང་དག་པར་སོགས་པར་ཡང་འགྱུར་རོ།། སྔ་མ་བཞིན་དུ་སྦྱར་ཏེ། སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པ། མཚུངས་པ་མེད་པ། དཔེ་མེད་པ། གྲངས་མེད་པ། དཔག། ་ཏུ་མེད་པ། བགྲང་བ་ལས་འདས་པ་ལ་བགྲང་བའི་རྒྱལ་པོར་ཡང་འགྱུར་རོ།། སྤྲིན་ཆེན་སྙིང་པོ་གཞན་ཡང་སྤྲིན་ཆེན་པོའི་མདོའི་ཡུལ་བསམ་གྱིས་མི་ཁྱབ་པ་ལ། དེ་བཞིན་གཤེགས་པ་རྣམས་དང་། བྱང ་ཆུབ་སེམས་དཔའ་རྣམས་ཀྱི་ཏིང་ངེ་འཛིན་སྨན་རྟོན་པའི་རླུང་ཟབ་མོའི་རྣམ་པར་ཐར་པ་ཞེས་བྱ་བ་ཡོད་དེ། ཏིང་ངེ་འཛིན་དེ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཏིང་ངེ་འཛིན་གྱི ་རྒྱ་མཚོར་ཡང་འགྱུར་རོ། ། སྔ་མ་བཞིན་དུ་སྦྱར་ཏེ། སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པ། མཚུངས་པ་མེད་པ། དཔེ་མེད་པ། གྲངས་མེད་པ། དཔག་ཏུ་མེད་པ། བགྲང་བ་ལས་འདས་པ་ལ་བགྲད ་བའི་རྒྱལ་པོར་ཡང་འགྱུར་ཏེ། སྤྲིན་ཆེན་སྟོང་པོ་ཏིང་ངེ་འཛིན་གཉིས་འདི་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཏིང་ངེ་འཛིན་གྱི་རྒྱ་མཚོར་ཡང་འགྱུར་རོ།། སྔ་མ་བཞིན་དུ་སྦྱར་ཏེ། ་སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པ། མཚུངས་པ་མེད་པ། དཔེ་མེད་པ། གྲངས་མེད་པ། དཔག་ཏུ་མེད་པ། བགྲང་བ་ལས་འདས་པ་ལ་བགྲང་བའི་རྒྱལ་པོར ་ཡང་འགྱུར་རོ། ། ཏིང་ངེ་འཛིན་ཐམས་ཅད་ལ་ཡང་དེ་བཞིན་དུ་སྦྱར་བར་བྱ་སྟེ། ཡེ་ཤེས་ཀྱི་གནས་ཟབ་མོའི་སྒོ་ཞེས་བྱ་བའི་ཏིང་ངེ་འཛིན་དང་། སངས་རྒྱས་ཀྱི་སྨན་གཤོང་ན་གནས་པའི་རྣམ་པར་ཐར་པ་ཞེས་བྱ་བའི ་ཏིང་ངེ་འཛིན་དང་། དཔའ་བའི་སྟོབས་ཞེས་བྱ་བའི་ཏིང་ངེ་འཛིན་དང་། དཔའ་བོ་རྣམ་པར་རྒྱལ་བ་ཞེས་བྱ་བའི་ཏིང་ངེ་འཛིན་དང་། དཔའ་བའི་རྣམ་པ་ལ་དམིགས་པ་ཞེས་བྱ་བའི་ཏིང་ངེ་འཛིན་དང་། མེ་ཏོག་གི་དྲི་ལྟར་གསུང ་ཞིམ་པ་ཞེས་བྱ་བའི་ཏིང་ངེ་འཛིན་དང་། ཞི་བའི་འོད་ཟེར་ཅན་ཞེས་བྱ་བའི་ཏིང་ངེ་འཛིན་དང་། མཐའ་ཡས་པར་སྣང་བ་ཞེས་བྱ་བའི་ཏིང་ངེ་འཛིན་དང་། དོན་གསང་བ་ཟབ་མོ་ཞེས་བྱ་བའི་སྒོའི་ཏིང་ངེ་འཛིན་དང་། དོན་ལ་དགའ ་བའི་ཟབ་མོའི་རྣམ་པར་ཐར་པ་ཞེས་བྱ་བའི་ཏིང་ངེ་འཛིན་དང་། དོན་གྱི་སྟོབས་ཀྱི་རྣམ་པར་ཐར་པ་ཞེས་བྱ་བའི་ཏིང་ངེ་འཛིན་དང་5། ཤིང་སཱ་ལ་ཅན་འཇོམས་བྱེད་ཅེས་བྱ་བའི་ཏིང་ངེ་འཛིན་དང་། གང་གཱའི་བྱེ་མའི་སྒོ ་བྱ་བའི་ཏིང་ངེ་འཛིན་དང་8། མདུད་པ་ཐམས་ཅད་ལས་གྲོལ་བར་བྱེད་པ་ཞེས་བྱ་བའི་ཏིང་ངེ་འཛིན་དང་ཐམས་ཅད་དང་མཚུངས་པར་བརྟན་པ་ཞེས་བྱ་བའི་ཏིང་ངེ་འཛིན་དང་། དེ་ཁོ་ན་འཛིན་པ་ཞེས་བྱ་བའི་ཏིང་ངེ་འཛིན་དག། ་རྒྱ་མཚོའི་དང་ཚོད་ལས་འདས་པའི་སྟོབས་ཞེས་བྱ་བའི་ཏིང་ངེ་འཛིན་དང་།། རྩ་བའི་སྟོབས་ལས་རྣམ་པར་ཐར་པ་ཞེས་བྱ་བའི་ཏིང་ངེ་འཛིན་དང་། བདུད་བྱེ་བ་འཇོམས་པ་ཞེས་བྱ་བའི་ཏིང་ངེ་འཛིན་དང་། ཚུལ་ཁྲིམས ་བརྟན་པར་གནས་པ་ཞེས་བྱ་བའི་ཏིང་ངེ་འཛིན་དང་རིའི་རྒྱལ་པོ་ལྟར་གནས་པའི་རྣམ་པར་ཐར་པ་ཞེས་བྱ་བའི་ཏིང་ངེ་འཛིན་དང་། ཚུལ་རབ་ཏུ་བསྔགས་པ་ཞེས་བྱ་བའི་ཏིང་ངེ་འཛིན་དང་།། ནམ་མཁའ་ལྡིང་གི། ་ཤུགས་ཞེས་བྱ་བའི་ཏིང་ངེ་འཛིན་དང་། ཆུ་ལྟར་འབབ་པ་ཞེས་བྱ་བའི་ཏིང་ངེ་འཛིན་དང་། རྒྱ་མཚོ་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། དྲི་མ་མེད་པའི་གནས་པ་ཞེས་བྱ་བའི་ཏིང་ངེ་འཛིན་དང་། ་མི་འཇིགས་པའི་སྟོབས་ཞེས་བྱ་བའི་ཏིང་ངེ་འཛིན་དང་། སྒྱུ་མ་མཁན་གྱིས་བུད་མེད་སྤྲུལ་པ་ལྟ་བུའི་རྣམ་པར་ཐར་པ་ཞེས་བྱ་བའི་ཏིང་ངེ་འཛིན་དང་ལ། གློག་མཆེད་པ་ཞེས་བྱ་བའི་ཏིང་ངེ་འཛིན་དང་།། གློག་འགྱུ་བ་ཞེས་བྱ་བའི ་ཏིང་ངེ་འཛིན་དང་ས། གཟི་བརྗིད་ཀྱི་འོད་ཅེས་བྱ་བའི་ཏིང་ངེ་འཛིན་དང་། བློ་གྲོས་མི་ཟད་པའི་ཕྲེང་ལྡན་ཞེས་བྱ་བའི་ཏིང་ངེ་འཛིན་དང་། སྤྲིན་ལྟར་བློ་གྲོས་མི་ཟད་པའི་ཆུ་ཞེས་བྱ་བའི་ཏིང་ངེ་འཛིན་དང་3། རྒྱུན་མང་པོའི ་འོད་འཕྲོ་ཅན་ཞེས་བྱ་བའི་ཏིང་ངེ་འཛིན་དང་ས་བོན་ལྟ་བུ་ཞེས་བྱ་བའི་ཏིང་ངེ་འཛིན་དང་། བློ་གྲོས་རྒྱ་མཚོའི་མཐའ་ཞེས་བྱ་བའི་ཏིང་ངེ་འཛིན་དང་། མྱོང་བའི་ཡན་ལག་ལ་ཆགས་པར་ཞེས་བྱ་བའི་ཏིང་ངེ་འཛིན་དང་། ་དད་པས་རྣམ་པར་གྲོལ་བ་ལ་གནས་པ་ཞེས་བྱ་བའི་ཏིང་ངེ་འཛིན་དང་རྒྱུ་དང་རྐྱེན་དུ་ལྡན་པ་ཞེས་བྱ་བའི་ཏིང་ངེ་འཛིན་དང་། ལས་དང་འདྲ་བ་ཞེས་བྱ་བའི་ཏིང་ངེ་འཛིན་དང་ན་མཁའི་རྒྱལ་པོ་ཞེས་བྱ་བའི་ཏིང་ངེ་འཛིན ་དང་། ཆགས་པ་ལ་མཐུ་ཆེ་བ་ཞེས་བྱ་བའི་ཏིང་ངེ་འཛིན་དང་། བཻ་ཌཱུརྱའི་རྩེ་མའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་པ། ལྷུན་པོའི་འོད་ཅེས་བྱ་བའི་ཏིང་ངེ་འཛིན་དང་5། སེང་གེ་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་དག ་བདུད་རྩི་ལྟ་བུ་ཞེས་བྱ་བའི་ཏིང་ངེ་འཛིན་དང་། ཉི་མ་འཆར་ཀ་ལྟ་བུ་ཞེས་བྱ་བའི་ཏིང་ངེ་འཛིན་དང་། པདྨ་མེ་ལྟར་སྣང་བ་ཞེས་བྱ་བའི་ཏིང་ངེ་འཛིན་དང་མ། ཡུལ་གཙོ་བོར་བྱེད་པ་ཞེས་བྱ་བའི ་ཏིང་ངེ་འཛིན་དང་། ཐམས་ཅད་ཀྱི་ཡན་ལག་ཅེས་བྱ་བའི་ཏིང་འཛིན་དང་།། རྒྱ་མཚོ་འཁྲུག་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་།། སའི་སྟོབས་ཞེས་བྱ་བའི་ཏིང་ངེ་འཛིན་དང་།། ཐམས་ཅད་ལ་ཚོད་རན་པར་འདོད ་པ་ཞེས་བྱ་བའི་ཏིང་ངེ་འཛིན་དང་། ། བུད་མེད་ཀྱི་གཙུག་གི་ནོར་བུ་ཞེས་བྱ་བའི་ཏིང་ངེ་འཛིན་དང་།། བུད་མེད་ཀྱི་འཁོར་ཅེས་བྱ་བའི་ཏིང་ངེ་འཛིན་དང་། རི་དགས་སྦྲེངས་པའི་འཁོར་ཞེས་བྱ་བའི་ཏིང་ངེ་འཛིན་དང་། ཕྲ་བར ་སྤྲོད་པ་ཞེས་བྱ་བའི་ཏིང་ངེ་འཛིན་དང་། རྔའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། བློ་གྲོས་འཕགས་སྐྱེས་ཞེས་བྱ་བའི་ཏིང་ངེ་འཛིན་དང་། ཤུགས་འཛིན་ཅེས་བྱ་བའི་ཏིང་ངེ་འཛིན་དང་། འབབ་ཆུའི་རྒྱུན ་ཞེས་བྱ་བའི་ཏིང་ངེ་འཛིན་དང་། སྒྲོལ་བའི་བློ་གྲོས་མང་པོ་ཞེས་བྱ་བའི་ཏིང་ངེ་འཛིན་དང་། སྒྲས་དགའ་བར་བྱེད་པ་ཞེས་བྱ་བའི་ཏིང་ངེ་འཛིན་དང་། སྣང་བའི་འོད་ཅེས་བྱ་བའི་ཏིང་ངེ་འཛིན་དང་མུན་པ་ལས ་རྣམ་པར་གྲོལ་བར་བྱེད་པ་འོད་ཅེས་བྱ་བའི་ཏིང་ངེ་འཛིན་དང་རྒྱ་མཚོའི་སྙིང་པོའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། མར་མེ་རབ་ཏུ་བསྔགས་པ་ཞེས་བྱ་བའི་ཏིང་ངེ་འཛིན་དང་། ཏི་སེའི་གངས་ལྟ་བུའི་བློ ་གྲོས་ཅན་ཞེས་བྱ་བའི་ཏིང་ངེ་འཛིན་དང་ས། ད་ལྟར་བྱུང་བའི་སྣང་བའི་རྣམ་པར་ཐར་པ་ཞེས་བྱ་བའི་ཏིང་ངེ་འཛིན་དང་ཡ། མཉམ་པའི་ཆུའི་གསང་བ་ཞེས་བྱ་བའི་ཏིང་ངེ་འཛིན་དང་། པདྨའི་སྙིང་པོ་ཞེས་བྱ་བའི་ཏིང་ངེ ་འཛིན་དང་ས། འོད་ཀྱིས་རྒྱས་པ་ཞེས་བྱ་བའི་ཏིང་ངེ་འཛིན་དང་། མེ་ཏོག་ཁ་མ་བྱེ་བ་མཛེས་པ་ཞེས་བྱ་བའི་ཏིང་ངེ་འཛིན་དང་། ཀ་ཤིའི་མེ་ཏོག་གི་མཆོག་ཅན་ཞེས་བྱ་བའི་ཏིང་ངེ་འཛིན་དང་ས། ཆགས་པ་ལས་རྣམ ་པར་གྲོལ་བ་ཞེས་བྱ་བའི་ཏིང་ངེ་འཛིན་དང་ཡང་དག་པར་རྗོད་པ་ཞེས་བྱ་བའི་ཏིང་ངེ་འཛིན་དང་། དམིགས་པ་དང་བཅས་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། དཔེས་རིག་པར་བྱེད་པའི་རྒྱལ་པོ ་ཞེས་བྱ་བའི་ཏིང་ངེ་འཛིན་དང་ས། ཕུང་པོ་ཐམས་ཅད་ཀྱི་ཕྲེང་བ་ཞེས་བྱ་བའི་ཏིང་ངེ་འཛིན་དང་2། ཀླུའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་ས། སྟག་ལྟར་རྣམ་པར་རྩེ་བ་ཞེས་བྱ་བའི་ཏིང་ངེ་འཛིན་དང་། ་རླུང་གི་སྟོབས་དང་མཚུངས་པ་ཞེས་བྱ་བའི་ཏིང་ངེ་འཛིན་དང་9། རླུང་གི་ཤུགས་ཀྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང་2། ཁ་དོག་མཐའ་ཡས་པ་ཞེས་བྱ་བའི་ཏིང་ངེ་འཛིན་དང་5། ཆོས་ཀྱི་བློ་གྲོས་ཅན་ཞེས་བྱ ་བའི་ཏིང་ངེ་འཛིན་དང་། སྤོས་དྲི་ཞིམ་ཞེས་བྱ་བའི་ཏིང་ངེ་འཛིན་དང་ས། མཚན་མའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། ཁ་དོག་གི་བློ་གྲོས་ཀྱི་མདོག་ཅེས་བྱ་བའི་ཏིང་ངེ་འཛིན་དང་ས། ཉེས་པ་འཇོམས་པའི ་རྒྱལ་པོ་ཞེས་བྱ་བའི་ཏིང་ངེ་འཛིན་དང་ལ། པདྨའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། སྟོབས་ཀྱི་ཕྱོགས་ཀྱི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། གཏི་མུག་སྒྲོལ་བྱེད་གསོ་བ་ཞེས་བྱ་བའི་ཏིང་ངེ་འཛིནས ་བྱང་ཆུབ་ཀྱི་ཡན་ལག་གི་མེ་ཏོག་ཅེས་བྱ་བའི་ཏིང་ངེ་འཛིན་དང་། སྤྲིན་གྱི་སྟོབས་ཞེས་བྱ་བའི་ཏིང་ངེ་འཛིན་དང་། རིན་པོ་ཆེའི་ཆུས་རྙིས་པར་བྱེད་པའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། སྤྲིས་བཙན ་པའི་སྟོབས་ཤེས་བྱ་བའི་ཏིང་ངེ་འཛིན་དང་ཉི་མའི་འོད་ཅེས་བྱ་བྱའི་ཏིང་ངེ་འཛིན་དང་། ཟླ་བ་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང་རྒྱ་མཚོའི་དུས་ཚེད་མཛེས་པ་ཞེས་བྱ་བའི། ་ཏིང་ངེ་འཛིན་དང་། དམིགས་པའི་དུས་ཚོད་ཅེས་བྱ་བའི་ཏིང་ངེ་འཛིན་དང་། ཉོན་མོངས་པའི་དྲི་མ་འཇོམས་པའི་རྣམ་པ་ཞེས་བྱ་བའི་ཏིང་ངེ་འཛིན་དང་།། བསིལ་བའི་ཆར་པའི་དུས་ཚོད་འཛིན་པའི་རྒྱལ་པོ་ཞེས་བྱ་བ ་ཏིང་ངེ་འཛིན་དང་། ཨ་མཱིའི་མེ་ཏོག་ཅེས་བྱ་བའི་ཏིང་ངེ་འཛིན་དང་། གཞུང་ལུགས་རྣམ་པར་དག་པ་ཞེས་བྱ་བའི་ཏིང་ངེ་འཛིན་དང་5། ངང་ཚུལ་བཟང་པོ་ཞེས་བྱ་བའི་ཏིང་ངེ་འཛིན་དང་། དུང་གི་འོད་ཅེས་བྱ་བའི་ཏིང་ངེ ་འཛིན་དང་། དུས་ཚིགས་ཀྱི་རྒྱལ་ཞེས་བྱ་བའི་ཏིང་ངེ་འཛིན་དང་། མདངས་ཤིན་ཏུ་དཀར་བ་ཞེས་བྱ་བའི་ཏིང་ངེ་འཛིན་དང་།། མཚམས་བཟང་པོ་ཞེས་བྱ་བའི་ཏིང་ངེ་འཛིན་དང་། རང་གི་ས་ན་གནས་ཤིང་རྣམ་པར་འཕྲུལ ་བ་ཞེས་བྱ་བའི་ཏིང་ངེ་འཛིན་དང་། ཆུའི་དུས་ཤེས་བྱ་བའི་ཏིང་ངེ་འཛིན་དང་། ཨུད་པ་ལའི་དྲི་ལྟར་གསུང་ཞིམ་པ་ཞེས་བྱ་བའི་ཏིང་ངེ་འཛིན་དང་། རྗེན་པའི་བཅུད་སྦྱིན་པའི་རྣམ་པར་ཐར་པའི་སྒོ་ཞེས་བྱ་བའི་ཏིང་ངེ་འཛིན ་དང་། མི་གཡོ་བ་ཞེས་བྱ་བའི་ཏིང་ངེ་འཛིན་དང་། མི་འགུལ་བ་ཞེས་བྱ་བའི་ཏིང་ངེ་འཛིན་དང་། ཆུའི་སྙིང་པོ་ཞེས་བྱ་བའི་ཏིང་ངེ་འཛིན་དང་། རྣམ་པར་དག་པའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། རི་བོ་ཐམས ་ཅད་ཀྱི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་སྟོབས་ཀྱི་ནར་བུའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། ངན་སྤོང་འཁར་བ་ཅན་རྣམ་པར་ཐར་པར་བྱེད་པ་ཞེས་བྱ་བའི་ཏིང་ངེ་འཛིན་དང་། རླུང་གི་རྣམ་པར་འཕྲུལ ་པབའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། མི་གནས་པ་ཞེས་བྱ་བའི་ཏིང་ངེ་འཛིན་དང་། ན་མཁའ་ལ་དམིགས་པ་ཞེས་བྱ་བའི་ཏིང་ངེ་འཛིན་དང་། སྣང་བའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང། ཐོག་ཏོག་གི། ་དུས་ཚོད་ཅེས་བྱ་བའི་ཏིང་ངེ་འཛིན་དང་། རྒྱལ་པོའི་སྙིང་པོ་དྲ་བ་ཅན་གྱི་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་དང་། ཡུལ་གྱི་ནད་འཐོར་བར་བྱེད་པའི་ཆོས་ཀྱི་སྒྲོན་མ་ཞེས་བྱ་བའི་ཏིང་ངེ་འཛིན་དང་། ཡུལ་གྱི ་སྟོབས་ལ་འཇུག་པ་ཞེས་བྱ་བའི་ཏིང་ངེ་འཛིན་དང་། ཆོས་ཀྱི་བཀྲ་ཤིས་ཞེས་བྱ་བའི་ཏིང་ངེ་འཛིན་དང་། ཆོས་ཀྱི་སྟོབས་ཞེས་བྱ་བའི་ཏིང་ངེ་འཛིན་དང་། ཆོས་ཀྱི་སྟོབས་ཅན་ཞེས་བྱ་བའི་ཏིང་ངེ་འཛིན་དང་། ལེགས ་པའི་དོག་པ་ཞེས་བྱ་བའི་ཏིང་ངེ་འཛིན་། ། དགའ་བ་ཞེས་བྱ་བའི་ཏིང་ངེ་འཛིན་རྗེ། རབ་ཏུ་དགའ་བ་ཞེས་བྱ་བའི་ཏིང་ངེ་འཛིན་དང་། ཡེ་ཤེས་ཀྱི་སྟོབས་ཆེ་བ་ཞེས་བྱ་བའི་ཏིང་ངེ་འཛིན་དང་། ཀ་ཏ་ཀཱའི་འབྲས ་བྱལྟ་བུ་ཞེས་བྱ་བའི་ཏིང་ངེ་འཛིན་དཔའགྲམ་དུ་འགྲོ་བ་ཞེས་བྱ་བའི་ཏིང་ངེ་འཛིན་དང་། དཔའ་བར་འགྲོ་བའི་སྟོན་པ་ཞེས་བྱ་བའི་ཏིང་ངེ་འཛིན་དང་། རྣམ་པར་རྟུལ་བའི་སྟོབས་ཀྱིས་འགྲོ་བ་ཞེས་བྱ་བའི ་ཏིང་ངེ་འཛིན་དང་། འོད་འཕྲོ་མཆོག་གི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། སྟོབས་མི་ཟད་པའི་རྣམ་པར་ཐར་པ་ཞེས་བྱ་བའི་ཏིང་ངེ་འཛིན་དང་། འཕགས་པའི་སྟོབས་ཞེས་བྱ་བའི་ཏིང་ངེ་འཛིན་ད ་ལུས་སྲུང་བ་མི་ཟད་པའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། ལུས་སྲུང་རྨ་ཤིང་མདོག་གི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། འཁྲི་ཤིང་རྒྱས་པ་ཞེས་བྱ་བའི་ཏིང་ངེ་འཛིན་དང་སྒྲ་སྨན་རྒྱལ་པོ་ཞེས་བྱ ་བའི་ཏིང་ངེ་འཛིན་དང་། འགྲོ་བའི་འོད་ཅེས་བྱ་བའི་ཏིང་ངེ་འཛིན་དང་། རིན་པོ་ཆེའི་དཔལ་དུ་གྱུར་པ་ཞེས་བྱ་བའི་ཏིང་ངེ་འཛིན་དང་། གཙང་ཞིང་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང་། ་གཙང་བའི་སྙིང་པོ་མདངས་དཀར་བ་ཞེས་བྱ་བའི་ཏིང་ངེ་འཛིན་དང་། གཙང་ཞིང་གཙང་སྦྲའི་རིན་པོ་ཆེའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། དགའ་ཞིང་དང་བར་གྲགས་པ་ཞེས་བྱ་བའི་ཏིང་ངེ་འཛིན་དང་། སེམས ་ན་མཁའ་དང་མཉམ་པ་ཞེས་བྱ་བའི་ཏིང་ངེ་འཛིན་དང་། ཅོད་པན་རྣམ་པར་འཕྱང་བ་ཞེས་བྱ་བའི་ཏིང་ངེ་འཛིན་དང་། སྟོབས་བླ་ན་མེད་པ་ཞེས་བྱ་བའི་ཏིང་ངེ་འཛིན་དང་། རྗེས་སུ་སྲུང་བའི་བློ་གྲོས་ཅན་ཞེས་བྱ་བའི་ཏིང ་ངེ་འཛིན་དང་། རྗེས་སུ་ཆགས་པ་ཟབ་མོ་ཞེས་བྱ་བའི་ཏིང་ངེ་འཛིན་དང་། སྟོབས་ཟློག་པའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། འོད་དལ་གྱིས་གཡོ་བཱ་ཞེས་བྱ་བའི་ཏིང་ངེ་འཛིན་དང་། བརྩོན་འགྲུས་ཡིད་དུ་འོང ་བ་ཞེས་བྱ་བའི་ཏིང་ངེ་འཛིན་དང་། མ་སྐྱེས་པའི་འོད་ཟེར་ལེན་པ་ལ་གནས་པ་ཞེས་བྱ་བའི་ཏིང་ངེ་འཛིན་དང་། དམིགས་པའི་འོད་ཟེར་གྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། དམིགས་པ་གཙང་བ་ཞེས་བྱ་བའི་ཏིང་ངེ ་འཛིན་དཊ། རླུང་ལྟར་མགྱོགས་པ་ཞེས་བྱ་བའི་ཏིང་ངེ་འཛིན་དང་། དཔལ་གྱི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། ཀུན་ཏུ་རླུང་ཆེན་ཞེས་བྱ་བའི་ཏིང་ངེ་འཛིན་དང་། རྒྱ་མཚོའི་རླབས་དྲི་མ་མེད་པ་ཞེས་བྱ་བའི་ཏིང ་ངེ་འཛིན་ད་། ། བདེ་བའི་སྟོབས་ཀྱིས་མིག་འཛུམས་པ་ཞེས་བྱ་བའི་ཏིང་ངེ་འཛིན་དང་། མིག་མི་འཛུམས་པའི་རྒྱལ་པོ་ཞེས་བྱ་བའི་ཏིང་ངེ་འཛིན་ད་།། མིག་མི་འཛུམས་པར་སྣང་བའི་གནས་ཤེས་བྱ་བའི་ཏིང་ངེ་འཛིན ་དང་གཉིད་ཐུལ་བའི་མིག་གི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། ངེས་པའི་རྩེ་མོའི་ཁྱད་པར་གྱི་རྒྱལ་ཞེས་བྱ་བའི་ཏིང་ངེ་འཛིན་དང་། འདྲེན་པའི་སྟོབས་ཀྱིས་འགྲོ་བ་ཞེས་བྱ་བའི་ཏིང་ངེ་འཛིན་དང་།། གཡོ ་ཞིང་མདངས་དཀར་བའི་རྣམ་པར་རྒྱལ་བར་འགྲོ་བ་ཞེས་བྱ་བའི་ཏིང་ངེ་འཛིན་དང་། ཀུ་མུ་ཏའི་ཟླ་བའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། ཀུ་མུ་ཏའི་ཟླ་བ་ལེགས་པར་སྲུངས་པ་ཞེས་བྱ་བའི་ཏིང་ངེ་འཛིན་དང་། ཙན ་དན་ལྟར་བདེ་ཞིང་བསིལ་བའི་རླུང་གི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། ཀ་ཏ་ཀའི་མེ་ཏོག་རབ་ཏུ་རྒྱས་པ་ཞེས་བྱ་བའི་ཏིང་ངེ་འཛིན་དང་། སའི་ཕྲེང་བའི་གནས་ཀྱི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དོང་།། ད་ལྟར ་བཞུགས་པའི་སངས་རྒྱས་མངོན་སུམ་དུ་བཞུགས་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། དུས་ཚོད་བཟང་པོ་ལ་གནས་པ་ཞེས་བྱ་བའི་ཏིང་ངེ་འཛིན་དང་། བདེ་འགྲོ་བརྟན་པའི་རྒྱ་མཚོ་ཞེས་བྱ་བའི་ཏིང་ངེ་འཛིན་དང། ་གནས་ཐམས་ཅད་ཀྱི་དུས་ལ་མཁས་པ་ཞེས་བྱ་བའི་ཏིང་ངེ་འཛིན་དང་། གནས་ཐམས་ཅད་ལ་ཐེ་ཙོམ་མེད་པ་ཞེས་བྱ་བའི་ཏིང་ངེ་འཛིན་དང་། རྩི་སྨན་ཆེན་པོ་ཞེས་བྱ་བའི་ཏིང་ངེ་འཛིན་ད་། རྩི་སྨན་ཆེན་པོའི་སྟོབས ་ཞེས་བྱ་བའི་ཏིང་ངེ་འཛིན་དང་། ། རྩི་སྨན་ཆེན་པོའི་ཡན་ལག་ཐམས་ཅད་ཀྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། བསིལ་བ་ཆེན་པོའི་ཞི་བའི་རྒྱ་མཚོ་ཞེས་བྱ་བའི་ཏིང་ངེ་འཛིན་དང་། བསིལ་ཞིང་ཞི་བའི་སྟོབས ་དང་ལྡན་པ་ཞེས་བྱ་བའི་ཏིང་ངེ་འཛིན་དང་། ཞི་བའི་སྟོབས་རྒྱས་པར་འགྲོ་བ་ཞེས་བྱ་བའི་ཏིང་ངེ་འཛིན་དང་། ཆུ་འབབ་པའི་ཆར་གྱི་སྟོབས་ཤེས་བྱ་བའི་ཏིང་ངེ་འཛིན་དང་། དབང་པོའི་ཏོག་གི་རྒྱལ་མཚན ་ཅན་ཞེས་བྱ་བའི་ཏིང་ངེ་འཛིན་དང། ཏོག་གི་དཔལ་གྱི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང་། ནོར་བུའི་ཆུའི་དྲ་བ་ཞེས་བྱ་བའི་ཏིང་ངེ་འཛིན་དང་། ལུས་ཀྱི་མཆོག་ཏུ་འགྱུར་བ་ཞེ། ་བྱ་བའི་ཏིང་ངེ་འཛིན་དང་། བསམ་གཏན་གྱི་མེ་ཏོག་གི་ཁུ་བ་དང་ལྡན་པ་ཞེས་བྱ་བའི་ཏིང་ངེ་འཛིན་དང་། བུང་བའི་སྤོས་ཀྱི་སེར་བུའི་མེ་ཏོག་ཅེས་བྱ་བའི་ཏིང་ངེ་འཛིན་དང་།། ནགས་ཀྱི་མཚམས་མཛེས་པ་ཞེས ་བྱ་བའི་ཏིང་ངེ་འཛིན་དང་། ནགས་སུ་འགྲོ་བ་ཡིད་དུ་འོང་བ་ཞེས་བྱ་བའི་ཏིང་ངེ་འཛིན་དང་། ནགས་སུ་དགའ་ཞིང་ཡིད་དུ་འོང་བས་རྒྱས་པ་ཞེས་བྱ་བའི་ཏིང་ངེ་འཛིན་དང་། ཡེ་ཤེས་ཀྱིས་བརྒྱན་པ་ཞེས་བྱ་བའི་ཏིང ་ངེངེ་འཛིན་དང་། ཡེ་ཤེས་འདོད་པ་ཞེས་བྱ་བའི་ཏིང་ངེ་འཛིན་དང་། གསེར་ལྟར་སྣང་བ་ཞེས་བྱ་བའི་ཏིང་ངེ་འཛིན་དང་། ཡེ་ཤེས་དག་པར་བྱེད་པའི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང་། པདྨའི་ལུས་ཞེས་བྱ་བའི ་ཏིང་ངེ་འཛིན་དང་། ཉི་མའི་སྙིང་པོ་འདོད་པ་ཞེས་བྱ་བའི་ཏིང་ངེ་འཛིན་དང་། ཟླ་བའི་སྙིང་པོ་འདོད་པ་ཞེས་བྱ་བའི་ཏིང་ངེ་འཛིན་དང་། འོད་ཟེར་གྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། འོད་ཟེར་ཟླུམ་པོ་ཞེས་བྱ ་བའི་ཏིང་ངེ་འཛིན་། འོད་ཟེར་གྱི་ཕྲེང་བའི་འོད་ཅེས་བྱ་བའི་ཏིང་ངེ་འཛིན་དང། འོད་ཟེར་གྱིས་བསྲུངས་པ་ཞེས་བྱ་བའི་ཏིང་ངེ་འཛིན་དང་། འོད་ཀྱི་གནས་ཤེས་བྱ་བའི་ཏིང་ངེ་འཛིན་། འོད་ཟེར་གྱི་དུས ་ཚོཆོད་ཅེས་བྱ་བའི་ཏིང་ངེ་འཛིན་དང་འོད་ཟེར་གྱི་བརྩོན་འགྲུས་ཀྱི་གཟི་བརྗིད་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། ཡེ་ཤེས་ཀྱི་ལྕགས་ཀྱུས་བསྒྱུར་བའི་སྤོས་ཀྱི་གླང་པོ་ཆེའི་རྒྱལ་པོ་ཞེས་བྱ་བའི་ཏིང་ངེ། ་འཛིན་དང་། ཅང་ཤེས་ཀྱི་གཙུག་བུད་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། རྒྱགས་པས་དཔའ་ཞིང་དྲག་པོའི་སྟོབས་ཀྱིས་འགྲོ་བ་ཞེས་བྱ་བའི་ཏིང་ངེ་འཛིན་དང་། སྦྲང་རྩི་བྱེད་པ ་བུང་བསྐད་སྙན་པ་རྒྱགས་པ་ཞེས་བྱ་བའི་ཏིང་ངེ་འཛིན་དང་། བྱའི་སྤྱོད་ཡུལ་གྱི་དུས་ཚོད་ཅེས་བྱ་བའི་ཏིང་ངེ་འཛིན་དང་། རྒྱལ་པོའི་ཡུལ་འཁོར་གྱི་སའི་རྣལ་འབྱོར་པ་ཞེས་བྱ་བའི་ཏིང་ངེ་འཛིན་དང་། རྒྱགས་ཤིང ་མྱོས་པའི་སེམས་ཀྱིས་རྣམ་པར་འབྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། རྩ་བའི་སྟོབས་ཀྱི་ཏོག་གི་འོད་ཅེས་བྱ་བའི་ཏིང་ངེ་འཛིན་དང་། གྲགས་པའི་རྒྱལ་མཚན་གྱི་སྙན་པ་ཞེས་བྱ་བའི་ཏིང་ངེ་འཛིན ་ད་། ཁྱད་པར་དུ་འཕགས་པའི་ཆོ་ག་ལ་རབ་ཏུ་སྒྲིམ་པ་ཞེས་བྱ་བའི་ཏིང་ངེ་འཛིན་དང་། སྟག་གི་མིག་འཛུམ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་ཉི་མ་དང་མེ་ལྟ་བུའི་རྣམ་པར་འཕྲུལ་པ་གཞོན་པའི ་ལུས་ཤེས་བྱ་བའི་ཏིང་ངེ་འཛིན་དང་། དགའ་བ་རྒྱ་ཆེན་པོའི་ཁྱིམ་གྱི་གནས་ཀྱི་ཡོན་ཏན་ཞེས་བྱ་བའི་ཏིང་ངེ་འཛིན་དང་། ཡེ་ཤེས་དྲི་མ་མེད་པའི་ལས་ཀྱི་ཆོ་གར་བྱ་བའི་རྣམ་པར་འཕྲུལ་པའི་རྒྱལ་པོ་ཞེས་བྱ ་བའི་ཏིང་ངེ་འཛིན་དང་། དཔེར་བྱ་བ་ཀུན་ནས་བསྡུས་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། སྒྲོན་མ་འབར་བའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་།། སྦྱོར་བ་ལ་དམིགས་པའི་ཞེས་བྱ་བའི་ཏིང་ངེ་འཛིན་ད ་ལུས་མཆོག་ཏུ་དགའ་བ་ཞེས་བྱ་བའི་ཏིང་ངེ་འཛིན་དང་། དྲ་བ་ཅན་གྱི་ལུས་ལ་སྦྱོར་བ་ཞེས་བྱ་བའི་ཏིང་ངེ་འཛིན་དང་། དྲ་བ་ཅན་གྱི་འོད་ཟེར་གྱི་རྒྱལ་པོའི་ལུས་ཤེས་བྱ་བའི་ཏིང་ངེ་འཛིན་དང་། ཚུལ་ཁྲིམས ་དང་དུལ་བ་ལ་དཔའ་བར་འགྲོ་བ་ཞེས་བྱ་བའི་ཏིང་ངེ་འཛིན་དང་། དགའ་བ་དང་རབ་ཏུ་དགའ་བའི་སྟོབས་ཀྱིས་འགྲོ་བ་ཞེས་བྱ་བའི་ཏིང་ངེ་འཛིན་དང། བྱམས་པ་ལ་དམིགས་པའི་རྒྱུ ་མཚོའི་དུས་ཚོད་ཅེས་བྱ་བའི་ཏིང་ངེ་འཛིན་དང་། བཟོད་པའི་སྟོབས་ཤིན་ཏུ་མཉམ་པ་ཞེས་བྱ་བའི་ཏིང་ངེ་འཛིན་དང་། བརྩོན་པའི་རྣམ་པར་འཕྲུལ་པའི་རླུང་ཞེས་བྱ་བའི་ཏིང་ངེ་འཛིན་དང་། ཐ་མར་གྱུར་པའི་ཆོས ་ལ་བརྩོན་པར་བྱའོ་ཞེས་བྱ་བའི་ཏིང་ངེ་འཛིན་དང་། ། ན་མཁའི་རང་བཞིན་རྣམ་པར་དག་པའི་དུས་ཚོད་ཅེས་བྱ་བའི་ཏིང་ངེ་འཛིན་དང་།། དཔའ་བོ་ཆེན་པོའི་སྙིང་པོ་ལ་གུས་པ་ཞེས་བྱ་བའི་ཏིང་ངེ་འཛིན་དང། ས་བོན་ཆེན ་པོ་ཞིང་ལ་གནས་པ་ཞེས་བྱ་བའི་ཏིང་ངེ་འཛིན་དང་། 5ཡེ་ཤེས་ཀྱི་མུ་སྟེགས་ཀྱི་འདུ་སྟོན་བྱ་བའི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང་། ཕྱག་རྒྱའི་འཕྲེང་བ་ཞེས་བྱ་བའི་ཏིང་ངེ་འཛིན་དང་། བྱ་བ་བྱུང་ན་སངས ་རྒྱས་མངོན་སུམ་དུ་བཞུགས་པ་ཞེས་བྱ་བའི་ཏིང་ངེ་འཛིན་དང་5། ཡེ་ཤེས་ཀྱི་བྱ་བ་བྱུང་ན་སངས་རྒྱས་མངོན་སུམ་དུ་བཞུགས་པ་ཞེས་བྱ་བའི་ཏིང་ངེ་འཛིན་དང་ཐམས་ཅད་བདེ་བ་ཞེས་བྱ་བའི་ཏིང་ངེ་འཛིན ་དང་། བསོད་ནམས་ཐམས་ཅད་ཀྱི་ལུས་ཀྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང་5། བར་སྣང་གི་གནས་སུ་བྱུང་བའི་སངས་རྒྱས་ཀྱི་སྒྱུ་འཕྲུལ་ལ་གནས་པ་ཞེས་བྱ་བའི་ཏིང་འཛིན་དང་། བྲག་ཆའི་རྣམ་པར་འཕྲུལ ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། གཉིད་ལས་སད་པའི་སེམས་ཐོབ་པ་ལ་གནས་པའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། བདག་ཉིད་ཤི་བ་ལྟ་བུའི་རྣམ་པར་འཕྲུལ་པར་གྱུར ་ཅིང་ཁྱད་པར་དུ་འཕགས་པ་ཐམས་ཅད་རབ་ཏུ་སྟོན་པ་ཞེས་བྱ་བའི་ཏིང་ངེ་འཛིན་དང་། འཇིག་རྟེན་གྱི་རྗེས་སུ་འཐུན་པའི་བྱ་བ་བྱུང་ན་སངས་རྒྱས་མངོན་སུམ་དུ་བཞུགས་པར་རབ་ཏུ་སྟོན་པ་ཞེས་བྱ་བའི་ཏིང་ངེ་འཛིན ་དང་། རྡུལ་དང་རྡུལ་ཕྲན་ཐམས་ཅད་ལ་བཙམ་པ་མེད་པ་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང་། བདག་མེད་ཉིད་སྟོན་པའི་མར་མེ་ཞེས་བྱ་བའི་ཏིང་ངེ་འཛིན་དང་། རང་གི་སྐྱེ་གནས་ལ་རྨོངས་པ་བྱ་བ་བྱེད། ་པ་ཞེས་བྱ་བའི་ཏིང་ངེ་འཛིན་དང་། སྐྱེ་གནས་ཐམས་ཅད་དུ་བསླབ་པར་བྱ་བ་ཞེས་བྱ་བའི་ཏིང་ངེ་འཛིན་དང་། ཆུའི་ཆུ་བུར་གྱི་སྙིང་པོ་ཞེས་བྱ་བའི་ཏིང་ངེ་འཛིན་དང་། ཆུའི་དབུ་བ་རབ་ཏུ་སྟོན་པ་ཞེས་བྱ་བའི་ཏིང་ངེ ་འཛིན་དང་། མི་མཉམ་པ་དང་མཉམ་པའི་ཡེ་ཤེས་རྟག་ཏུ་རབ་ཏུ་སྟོན་པའི་རྣམ་པར་སྒྲོན་མ་སྟོན་པ་ཞེས་བྱ་བའི་ཏིང་ངེ་འཛིན་དང་། བརྩོན་འགྲུས་ཀྱི་མཆོག་ཞར་ལ་འབྱུང་བ་ཞེས་བྱ་བའི་ཏིང་ངེ་འཛིན་དང་། ཡེ་ཤེ ་ཀྱི་མེ་ལོང་གི་དཀྱིལ་འཁོར་དང་རབ་ཏུ་ཕྲད་པར་སྟོན་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། རིགས་དང་ལུས་ཡིད་དུ་འོང་བའི་སྒྲོན་མ་ཞེས་བྱ་བའི་ཏིང་ངེ་འཛིན་དང་། དུད་འགྲོའི་སྐྱེ་གནས་སུ་སྨོན་པའི་སེམས ་ལ་སྦྱོར་བ་ཞེས་བྱ་བའི་ཏིང་ངེ་འཛིན་དང་། དུད་འགྲོའི་སྐྱེ་གནས་སུ་མངོན་པར་རྩེ་བ་ཞེས་བྱ་བའི་ཏིང་ངེ་འཛིན་དང་། དུད་འགྲོའི་སྐྱེ་གནས་སུ་རབ་ཏུ་དགའ་བ་ཞེས་བྱ་བའི་ཏིང་ངེ་འཛིན་དང་། དུད་འགྲོའི་སྐྱེ ་གནས་སུ་མངོན་པར་ཆགས་པ་ཞེས་བྱ་བའི་ཏིང་ངེ་འཛིན་དང་། དུད་འགྲོའི་སྐྱེ་གནས་ཐམས་ཅད་དུ་གོས་པ་མེད་པར་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། སེམས་ཅན་དམྱལ་བར ་འཇུག་པ་མངོན་པར་བསྔགས་པ་ཞེས་བྱ་བའི་ཏིང་ངེ་འཛིན་དང་། སེམས་ཅན་དམྱལ་བར་མངོན་པར་དགའ་ཞིང་རབ་ཏུ་རོས་པ་ཞེས་བྱ་བའི་ཏིང་ངེ་འཛིན་དང་། སེམས་ཅན་དམྱ ་བས་གོས་པ་མེད་པར་བྱ་བ་ལ་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། བདེ་བླག་ཏུ་ཞི་བར་འགྲོ་བ་ཞེས་བྱ་བའི་ཏིང་ངེ་འཛིན་དང་། ཐམས་ཅད་ཀྱི་གནས་ཀྱི་དུས་ཚོད་ཅེས་བྱ་བའི་དིང་ངེ་འཛིན ་དང་། བསོད་ནམས་ཀྱི་ཀླུང་འབབ་པའི་རྒྱ་མཚོ་ཞེས་བྱ་བའི་ཏིང་ངེ་འཛིན་དང་། དག་བྱེད་ཀྱི་ཀླུང་ཞེས་བྱ་བའི་ཏིང་ངེ་འཛིན་དང་། དག་བྱེད་ཀྱི་བསོད་ནམས་བསགས་པ་པར་འགྲོ་བའི་སྟོབས་ཤེས་བྱ ་བའི་ཏིང་ངེ་འཛིན་དང་། དག་བྱེད་ཀྱི་པདྨ་དཀར་པོ་ཞེས་བྱ་བའི་ཏིང་ངེ་འཛིན་དང་། དག་བྱེད་ཀྱི་པདྨ་ཞེས་བྱ་བའི་ཏིང་ངེ་འཛིན་དང་། མུ་སྟེགས་ཀྱི་བཀྲ་ཤིས་ཀྱི་གནས་ཞེས་བྱ་བའི་ཏིང་ངེ་འཛིན་དང ་མུ་སྟེགས་ཀྱི་བཀྲ་ཤིས་བསྔགས་པ་ཞེས་བྱ་བའི་ཏིང་ངེ་འཛིན་དང་། མུ་སྟེགས་ཀྱི་བཀྲ་ཤིས་ཉན་པ་ཞེས་བྱ་བའི་ཏིང་ངེ་འཛིན་དང། རྨི་ལམ་གྱི་བཀྲ་ཤིས་ཐོས་པ་ཞེས་བྱ་བའི་ཏིང་ངེ་འཛིན་དུ་། ་རྨི་ལམ་གྱི་བཀྲ་ཤིས?་བསྔགས་པ་ཞེས་བྱ་བའི་ཏིང་ངེ་འཛིན་དེང་། རྨི་ལམ་གྱི་བཀྲ་ཤིས་ཐོབ་པ་ལ་དགའ་བ་ཞེས་བྱ་བའི་ཏིང་ངེ་འཛིན་དང་། རྨི་ལམ་གྱི་བཀྲ་ཤིས་པར་བྱ་བ་ཞེས་བྱ་བའི་ཏིང་ངེ་འཛིན། ་དང་། ཡང་དག་པའི་བཀྲ་ཤིས་རྒྱས་པའི་རྒྱལ་པོ་ཞེས་བྱ་བའི་ཏིང་ངེ་འཛིན་ད་།། རྒྱས་པར་ཡངས་པ་སྐྱེ་བ་ཤེས་པ་ལ་རབ་ཏུ་དགའ་བ་ཞེས་བྱ་བའི་ཏིང་ངེ་འཛིན་དང་། རླུང་གི་མཚམས་བསྔག ་པ་ཞེས་བྱ་བའི་ཏིང་ངེ་འཛིན་དང་། སྦྱོར་བ་བྱས་ཀྱང་རུང་མ་བྱས་ཀྱང་རུང་སྟེ་གྲུབ་པའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་།། ཉེ་བར་གནས་པའི་ཆོ་གའི་བརྟུལ་ཞུགས་ལ་ངེས་པར ་གནས་པ་ཞེས་བྱ་བའི་ཏིང་ངེ་འཛིན་དང་། ཉེ་བར་གནས་པ་བསྔགས་པ་ཞེས་བྱ་བའི་ཏིང་ངེ་འཛིན་དང་། ཉེ་བར་གནས་པའི་དེ་ཁོ་ནའི་ཆོ་གའི་སྒྲོན་མའི་ཞེས་བྱ་བའི་ཏིང་ངེ་འཛིན་དང་། ཉེ་བར་གནས་པའི་དེ་འོ ་ན་ཐོབ་པས་རབ་ཏུ་ཞི་བར་བྱེད་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། རྟག་ཏུ་ཉེ་བར་གནས་པ་ལ་འཇུག་པའི་གསང་བ་ཤིན་ཏུ་མཐོང་བ་ཞེས་བྱ་བའི་ཏིང་ངེ་འཛིན་དང་། རྟག་ཏུ་ཉེ་བར་གནས་པ་ལ་མངོན་པར་ཆགས ་པ་ཞེས་བྱ་བའི་ཏིང་ངེ་འཛིན་དང་། རྟག་ཏུ་ཉེ་བར་གནས་པ་ལ་རབ་ཏུ་དགའ་བ་ཞེས་བྱ་བའི་ཏིང་ངེ་འཛིན་དང་། རྟག་ཏུ་ཉེ་བར་གནས་པའི་དགའ་ལ་དགའ་བ་ཞེས་བྱ་བའི་ཏིང་ངེ་འཛིན་དང་། རྟག་ཏུ་ཉེ་བར་གནས་པའི ་ཕྱེ་མས་ཀླུབས་པ་ཞེས་བྱ་བའི་ཏིང་ངེ་འཛིན་དང་། རྟག་ཏུ་ཉེ་བར་གནས་པ་ཤིན་ཏུ་བསིལ་བའི་ཏ་མ་ལའི་ལོ་མའི་སྤོས་ཀྱིས་བསྒོས་པ་ཞེས་བྱ་བའི་ཏིང་ངེ་འཛིན་དང་། རྟག་ཏུ་ཉེ་བར་གནས་པའི་གདུག་པས་གདུགས་ཤིང ་བྱུག་པའི་དད་པས་བྱུགས་པ་ཞེས་བྱ་བའི་ཏིང་ངེ་འཛིན་དང་། པ་སྣ་ཚོགས་སུ་མངོན་པར་རྩེ་བ་ཞེས་བྱ་བའི་ཏིང་ངེ་འཛིན་དང་། རོ་བྲོ་བ་ཐམས་ཅད་དང་ལྡན་པའི་མེ་ཏོག་གིས་རྒྱགས་ཤིང་མྱོང་བའི་བུང་བ་ཞེས་བྱ་བའི་ཏིང་ངེ ་འཛིན་དང་། བདུད་རྩི་ཐམས་ཅད་ཀྱི་བདེ་བའི་ལོངས་སྤྱོད་ཀྱིས་ཁྱིམ་གྱི་གནས་དགའ་བར་བྱེད་པའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། རྟག་པ་དང་། ཐེར་ཟུག་པ་དང་། བརྟན་ཞིང ་ཚེར་མ་རྣམ་པར་བསལ་བ་དང་འདྲ་བ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་རྒྱུན་གྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་རྫ་སྒྲའི་རྒྱལ་པོ་ཞེས་བྱ་བ ་ཏིང་ངེ་འཛིན་དང་། སྤྲིན་ཆེན་པོའི་གློག་གི་འོད་ཀྱི་བརྩོན་འགྲུས་ཀྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། ས་སྤྲིན་ཆེན་པོའི་ཆུའི་ཤུགས་འཛིན་པ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་གས ་བ་ཞེས་བྱ་བའི་ཏིང་ངེ་འཛིན་དང་། 5་སྤྲིན་ཆེན་པོའི་གློག་འཕྲེང་བ་ཅན་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་མཚོའི་གནས་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་བློ་གྲོས་ལ་མཁས་པ་ཞེས་བྱ་བའི ་ཏིང་ངེ་འཛིན་དང་། ལ་སྤྲིན་ཆེན་པོའི་བརྟན་པའི་ཆུ་ཟབ་མོའི་རྒྱ་མཚོའི་བློ་གྲོས་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་འོད་ཟེར་གྱི་ཆུའི་རྒྱུན་གྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན ་པོའི་ཆུའི་རྒྱ་མཚོའི་དུས་ཚོད་ཅེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ས་བོན་གྱི་རྒྱ་མཚོའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་རབ་ཏུ་གཡོ་བའི་ཆུའི་རྣམ་པར་འཕྲུལ་པའི་རྒྱལ་པོ་ཞེས་བྱ ་བའི་ཏིང་ངེ་འཛིན་དང་། སྤྲིན་ཆེན་པོའི་ལུས་ཀྱི་འོད་ཅེས་བྱ་བའི་ཏིང་ངེ་འཛིན་དང་། སྤྲིན་ཆེན་པོ་ཞི་བའི་ཆུའི་རྒྱུན་ཅེས་བྱ་བའི་ཏིང་ངེ་འཛིན་དང་སྤྲིན་ཆེན་པོའི་ཆུ་འདོད་པ་ཞེས་བྱ་བའི་ཏིང་ངེ་འཛིན་དང ་སྤྲིན་ཆེན་པོ་ཤེས་པའི་རྒྱ་མཚོ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོ་རྣམ་པར་རྒྱལ་བའི་སྟོབས་ཤེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྡེའི་སྟོབས་ཤེས་བྱ་བའི་ཏིང་ངེ་འཛིན་དང་། སྤྲིན་ཆེན ་པོའི་དཔལ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་བསོད་ནམས་ཀྱི་རྒྱུན་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་བསོད་ནམས་ཀྱི་སྟོབས་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ངེས ་པར་སྒྲོགས་པའི་སྟོབས་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་བསོད་ནམས་ཀྱི་ཆུའི་རོས་སྐོམ་པ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་རོས་གཅིག་པ་ཞེས་བྱ་བའི་ཏིང་ངེ་འཛིན་དང་། @ ་སྤྲིན་ཆེན་པོའི་ཆུའི་སྟོབས་ཀྱིས་ཟློག་པའི་འབྲས་བུ་ཞེས་བྱ་བའི་ཏིང་ངེ་འཛིན་དང་། 5སྤྲིན་ཆེན་པོའི་ཆུའི་བདེ་བསིལ་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་ཀུ་མུ་དའི་ཟླ་བའི ་རྒྱལ་པོ་ཞེས་བྱ་བའི་ཏིང་ངེ་འཛིན་དང་། 55་སྤྲིན་ཆེན་པོའི་ཆུ་ཡིད་དུ་འོང་བ་འཐད་པ་ཞེས་བྱ་བའི་ཏིང་ངེ་འཛིན་དང་། 258སྤྲིན་ཆེན་པོའི་ཆུའི་འབབ་པའི་ཤུགས་ཀྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན ་པོའི་ནམ་མཁའི་ལས་སྒྲ་སྒྲོགས་པ་ཡིད་དུ་འཐད་པ་ཞེས་བྱ་བའི་ཏིང་ངེ་འཛིན་དང་། 2་སྤྲིན་ཆེན་པོའི་ཆུའི་རོས་རྒྱགས་ཤིང་རབ་ཏུ་དགའ་བ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ནོར་བུའི་ལུས་ལ་ཅོད་པན ་བཏགས་པས་སྤུངས་སྐྱེ་བ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུ་ཡོངས་སུ་དག་པ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུ་སྐྱབས་ཀྱི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང་། སྤྲིན ་ཆེན་པོའི་ཆུ་དྲི་མ་མེད་པའི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུ་དྲི་མ་མེད་པའི་སྙིང་པོའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། 5སྤྲིན་ཆེན་པོའི་ནོར་བུ་འདྲ་བའི་ཆུ་བསྔགས་པ་ཞེས ་བྱ་བའི་ཏིང་ངེ་འཛིན་དང་། 5སྤྲིན་ཆེན་པོའི་ཆུ་ནད་མེད་པར་བྱེད་པ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་སྣོད་ཀྱི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན ་པོའི་ཆུ་མི་འཁྲུགས་པའི་རྒྱ་མཚོའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྤྲིན་གྱི་ནང་ནས་ཟླ་བ་བྱུང་བའི་འོད་ཅེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་གློག་གིས་མཆོད་པའི་རྒྱལ་པོ་ཞེས ་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྟོབས་རྒྱས་པ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་སྙིང་པོའི་ཆུའི་མཛོད་ཀྱི་རྣམ་པ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་དབང་བསྐུར་བ་ཞེས་བྱ ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་བསམ་གཏན་གྱི་མེ་ཏོག་གི་རོས་མྱོས་པ་ཞེས་བྱ་བའི་ཏིང་ངེ་འཛིན་དང་སྤྲིན་ཆེན་པོའི་ཆུའི་དམིགས་པ་དག་པ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི ་ཆུའི་རྗེས་སུ་ཆགས་པའི་སྟོབས་ཤེས་བྱ་བའི་ཏིང་ངེ་འཛིན་དང་། 5སྤྲིན་ཆེན་པོའི་ཆུའི་གནས་ཀྱི་འོད་ཟེར་གྱི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུ་བརྗོད་པ་ཞེས་བྱ་བའི་ཏིང་ངེ ་འཛིན་དང་། སྤྲིན་ཆེན་པོའི་ཆུའི་དགའ་བས་རབ་ཏུ་དགའ་བ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་ཤིན་ཏུ་བསྟན་པར་བྱས་པའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། ཨ་སྤྲིན་ཆེན ་པོའི་ཆུའི་སྨན་གྱིས་བརྟན་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་རོས་མྱོས་པའི་སྟག་གི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་རོས་མྱོས་པའི་སེང་གེའི་སྟོབས ་ཀྱི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་རོས་མྱོས་པའི་སྤོས་ཀྱི་གླང་པོ་ཆེའི་མཆོག་ཅེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུ་བདེ་ཞིང་བསིལ་བའི་རྒྱུན་འབབ་པ་ཞེས་བྱ་བའི་ཏིང་ངེ ་དང་། སྤྲིན་ཆེན་པོའི་ཆུ་འགྲོ་ཞིང་འབབ་པ་མི་འཁྲུག་པ་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་བསམ་གཏན་རྫོགས་པའི་ས་བོན་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་འོད་ཐོབ་པ ་མི་ཟད་པའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་རྒྱུན་ཀྱིས་ཀླུའི་སྟོབས་ཡོངས་སུ་སྤངས་པ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཚུ་ལ་དགའ་བ་ཞེས་བྱ་བའི ་ཏིང་ངེ་འཛིན་དང་། སྤྲིན་ཆེན་པོའི་ཆུ་ཡོངས་སུ་བསྒོས་པའི་ཁྱུ་མཆོག་གི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་ཙན་དན་གྱི་ཁུ་བ་བསིལ་ཞིང་བདེ་བའི་སྨན་གྱི་བརྩོན་འགྲུས་ཀྱི་གནས་ཀྱི ་ཞི་བར་བྱེད་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུའི་དུག་སྨན་གྲུབ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཆུས་ས་གཞི་རབ་ཏུ་ཞི་བར་བྱེད་པ་ཞེས་བྱ་བའི་ཏིང་ངེ་འཛིན ་དང་། སྤྲིན་ཆེན་པོའི་ཆུས་སྙིང་པོའི་དྲ་བ་ཅན་ཞེས་བྱ་བའི་ཏིང་ངེ་འཛིན་དང་། ར་སྤྲིན་ཆེན་པོའི་རིན་པོ་ཆེའི་ཆུའི་ཆར་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྙིང་པོའི་སྟོབས་ཀྱི་བློ་གྲོས་ཅན་ཞེས་བྱ་བའི ་ཏིང་ངེ་འཛིན་དང་། སྤྲིན་ཆེན་པོའི་ཆུའི་སྙིང་པོའི་ཏོག་གི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྙིང་པོའི་ཆུས་ས་གཞི་ཞི་བར་བྱས་པ་དྲི་ཞིམ་སྤོས་ཤེས་བྱ་བའི་ཏིང་ངེ་འཛིན་དང་། ་སྤྲིན་ཆེན་པོའི་སྙིང་པོ་ཆུའི་སྦྱོར་བ་མཐའ་ཡས་པ་ལ་དགའ་བ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་ཁོང་པའི་ཆུའི་སྙིང་པོའི་མྱུར་བའི་བློ་གྲོས་ཅན་ཞེས་བྱ་བའི་ཏྲིང ་ངེ་འཛིན་དང་། སྤྲིན་ཆེན་པོའི་སྙིང་པོ་མདངས་དཀར་བློ་གྲོས་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྙིང་པོ་འདྲེན་སྤྲོད་ཅེས་བྱ་བའི་ཏང་ངེ་འཛིན་དང་། སྤྲིན་ཆེན་པོའི་སྙིང ་པོའི་ཁ་དོག་གྲི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྙིང་པོ་ཆུ་པདྨའི་འོད་མཐའ་ཡས་པར་བྱེད་པ་ཞེས་བྱ་བའི་ཏིང་ངེ་འཛིན་དང་། 2སྤྲིན་ཆེན་པོའི་སྙིང་པོའི་ཆུ་འབབ་པའི་ཡུལ ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྙིང་པོའི་ཆུའི་འབྱུང་གནས་ཀྱི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྙིང་པོའི་ངན་སྤོང་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། ་སྤྲིན་ཆེན་པོའི་སྙིང་པོའི་ཏོག་གི་འོད་ཅེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྙིང་པོའི་སྒྲའི་གཟི་བརྗིད་དཔའ་བར་འགྲོ་བ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྙིང་པོའི་སྤྲིན་གྱི་ཤུགས ་ཅན་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྙིང་པོ་བརྟན་པའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྙིང་པོའི་ཆུའི་རྩེད་མོ་ལས་བྱུང་བ་ཞེས་བྱ་བའི་ཏིང་ངེ་འཛིན་དང་། སྤྲིན ་ཆེན་པོའི་སྙིང་པོའི་ཆུ་བ་ཤེས་གཉེན་གྱི་བློ་གྲོས་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྙིང་པོ་ཆུ་སྲུང་བ་ཐམས་ཅད་དུ་མཉམ་པ་ཞེས་བྱ་བའི་ཏིང་ངེ་འཛིན་དང་། 2སྤྲིན་ཆེན་པོའི་སྙིང་པོའི་ཀུ་ཤ་དངར་བྱ་ཞེས་བྱ ་བའི་ཏིང་ངེ་འཛིན་དང་། སྤྲིན་ཆེན་པོའི་སྙིང་པོ་མདངས་དཀར་བ་ཞེས་བྱ་བའི་ཏིང་ངེ་འཛིན་དང་སྤྲིན་ཆེན་པོའི་སྙིང་པོ་འགྲོ་བའི་གནས་ཤེས་བྱ་བའི་ཏིང་ངེ་འཛིན་དང་སྤྲིན་ཆེན་པོའི་སྙིང་པོའི་ཆུའི་རྣམ ་པའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྙིང་པོ་ཆུའི་རྩེ་མོ་བསྒྲེངས་ཞིང་བརྩེགས་པ་ཞེས་བྱ་བའི་ཏིང་ངེ་འཛིན་དང་། སྤྲིན་ཆེན་པོའི་སྙིང་པོའི་ཆུ་རྒྱུ་བར་གྱུར་པའི་བློ་གྲོས་ཅན་ཞེས་བྱ་བའི ་ཏིང་ངེ་འཛིན་དང་། སྤྲིན་ཆེན་པོའི་སྙིང་པོའི་སྤྲིན་གྱི་བདེན་པའི་མཚོའི་ངང་པའི་རྒྱལ་པོ་སྟབས་ལེགས་པའི་བློ་གྲོས་ཅན་ཞེས་བྱ་བའི་ཏིང་ངེ་འཛིན་ད།། ཏིང་ངེ་འཛིན་སྔ་མ་གང་ཡིན་པ་དེ་དང་ལྡན ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཏིང་ངེ་འཛིན་གྱི་རྒྱ་མཚོར་ཡང་འགྱུར་རོ། ། ཏིང་ངེ་འཛིན་ཡང་དག་པར་སོགས་པར་ཡང་འགྱུར་རོ།། ཐོས་པའི་རྒྱ་མཚོར་ཡང་འགྱུར་རོ།། ཐོས་པ་ཡང་དག ་པར་སོགས་པར་ཡང་འགྱུར་རོ། ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སོམ་ཉི་མི་ཟ་ཞིང་ཡིད་གཉིས་མེད་དེ་ཐེ་ཙོམ་ཟ་བར་ཡང་མི་འགྱུར་རོ།། མི་ཁོམ་པ་རྣམས་སུ་སྐྱེ་བར་ཡང་མི་འགྱུར་རོ།། ཚེ་རབས ་དྲན་པར་ཡང་འགྱུར་རོ། ། འཁོར་བའི་ལས་ཀྱིས་ཞིང་གི་རྒྱ་མཚོ་ལ་སྲིད་པར་ཡང་འགྱུར་རོ།། ཚེ་རབས་ཐམས་ཅད་དུ་ཐ་ན་རྨི་ལམ་དུ་ཡང་སངས་རྒྱས་མཐོང་བ་དང་འབྲལ་བར་ཡང་མི་འགྱུར་རོ།། དེ་དག་གི་དགེ་བའི ་ཆོས་རྣམས་ལ་བར་ཆད་བྱ་བའི་ཕྱིར། བདུད་སྡིག་ཅན་གླགས་ལྟ་བ་དང་། སྐབས་ཚོལ་བས་གླགས་རྙེད་པར་ཡང་མི་འགྱུར་རོ།། ང་རྒྱལ་ཆོམས་པར་ཡང་འགྱུར་རོ།། གཟུངས་ཐོབ་པར་ཡང་འགྱུར་རོ།། དེ་བཞིན ་གཤེགས་པའི་ལྡེམ་བུ་ངག་དཔྱོད་པ་ལ་མཁས་པར་ཡང་འགྱུར་རོ། ། ཆོས་ཐམས་ཅད་ཀྱི་གསང་བའི་སྒོར་འཇུག་པར་ཡང་འགྱུར་རོ།། དེ་བཞིན་གཤེགས་པའི་གཏེར་ཡང་དག་པར་སྟོན་པར ་ཡང་འགྱུར་རོ། ། དེ་བཞིན་གཤེགས་པའི་ཚུལ་ལ་འཇུག་པར་ཡང་འགྱུར་རོ།། དེ་བཞིན་གཤེགས་པའི་རྒྱ་མཚོའི་ཆུ་སྲིན་དུ་ཡང་འགྱུར་རོ།། དེ་བཞིན་གཤེགས་པའི་གཞུང་ལུགས་ཀྱི་ནང་དུ་ཆུད་པར་ཡང ་འགྱུར་རོ། ། དེ་བཞིན་གཤེགས་པའི་སྒྱུ་འཕྲུལ་གསང་བའི་སྲུངས་མར་ཡང་འགྱུར་རོ།། དེ་བཞིན་གཤེགས་པའི་གསུང་བརྗོད་པར་ཡང་འགྱུར་རོ།། དེ་བཞིན་གཤེགས་པའི་དམིགས་པ་ལ་རྣལ་འབྱོར་པར ་ཡང་འགྱུར་རོ། ། དེ་བཞིན་གཤེགས་པའི་ཉི་མའི་འོད་ཟེར་དུ་ཡང་འགྱུར་རོ།། དེ་བཞིན་གཤེགས་པའི་ཟླ་བའི་དཀྱིལ་འཁོར་གྱི་གཟེར་ཡང་འགྱུར་རོ།། དེ་བཞིན་གཤེགས་པའི་ཏོག་གི་རྩེ་མོའི་མཆོག ་ཏུ་ཡང་འགྱུར་རོ། ། དེ་བཞིན་གཤེགས་པའི་མཚམས་འཛིན་པར་ཡང་འགྱུར་རོ།། དེ་བཞིན་གཤེགས་པའི་འཕྲིན་ལས་ལ་རྩོན་པར་ཡང་འགྱུར་རོ།། དེ་བཞིན་གཤེགས་པའི་རྩལ་གྱི་ཤུགས་སུ་ཡང ་འགྱུར་རོ། ། དེ་བཞིན་གཤེགས་པའི་མུ་སྟེགས་ལ་ངེས་པར་པདྨ་དཀར་པོར་ཡང་འགྱུར་རོ།། དེ་བཞིན་གཤེགས་པའི་དགྱེས་པ་ལ་དགའ་བར་ཡང་འགྱུར་རོ།། དེ་བཞིན་གཤེགས་པའི་མཛོད་ཀྱི་བཀོར་བར ་ཡང་འགྱུར་རོ། ། དེ་བཞིན་གཤེགས་པ་ལ་རྟགས་ཉིད་དུ་མཐོང་བར་ཡང་འགྱུར་རོ།། དེ་བཞིན་གཤེགས་པའི་རྟག་པ་དང་། ཐེར་ཟུག་པ་ཉིད་ཤིན་ཏུ་གསལ་བར་མཐོང་ནས། བདག་ཉིད་བསྔགས ་བརྗོད་པའི་རྒྱལ་པོར་ཡང་འགྱུར་རོ། ། དེ་བཞིན་གཤེགས་པ་ནི་ཐེར་ཟུག་པའི་སྐུ་ཡིན་ནོ་ཞེས་ཐེར་ཟུག་ཏུ་སྨྲ་བར་ཡང་འགྱུར་རོ།། དེ་བཞིན་གཤེགས་པའི་ཞི་བའི་རང་བཞིན་ལ་མངོན་པར་དགའ་བའི་ལྟ་བ། ་ཕུན་སུམ་ཚོགས་པར་ཡང་འགྱུར་རོ།། དེ་བཞིན་གཤེགས་པ་ནི་རྟག་པ་དང་ཐེར་ཟུག་པ་དང་། བརྟན་པ་དང་ཞི་བའོ་ཞེས་རྣམ་པ་ཐམས་ཅད་དུ་ལྟ་བའི་རྒྱ་མཚོ་ཐམས་ཅད་དུ་ཡང་འགྱུར་རོ།། དེ་བཞིན ་གཤེགས་པའི་སྐུ་ནི་ཆོས་ཀྱི་སྐུ་ཡིན་ནོ་ཞེས་དེ་ཁོ་ན་མཐོང་བར་ཡང་འགྱུར་རོ། ། དེ་བཞིན་གཤེགས་པའི་རྡོ་རྗེའི་སྐུ་ནི་མི་ཕྱེད་པའི་སྐུ་ཡིན་ནོ་ཞེས་ཡང་དག་པར་མཐོང་བར་ཡང་འགྱུར་རོ།། དེ་བཞིན་གཤེགས ་པའི་སྐུ་ནི་རུས་པ་མ་ཡིན་ཞིང་ཤ་མ་ཡིན་ལ་ཁྲག་མ་ཡིན་ཏེ། རྒྱུས་པ་མ་ཡིན་ནོ་ཞེས་སྟོང་པ་ཉིད་དུ་སྨྲ་བར་ཡང་འགྱུར་རོ།། དེ་བཞིན་གཤེགས་པའི་ཆོས་བསྟན་པ་ནི་འབྲས་བུ་ཡོད་པ་ཡིན་ནོ་ཞེས་འབྲས ་བུ་ཡོད་པར་སྨྲ་བར་ཡང་འགྱུར་རོ། ། དེ་བཞིན་གཤེགས་པའི་ཆོས་བསྟན་པ་ལ་ནི་འབྲས་བུ་མེད་པར་འགྱུར་བ་མེད་དོ་ཞེས་མེད་པར་སྨྲ་བར་ཡང་འགྱུར་རོ།། དེ་བཞིན་གཤེགས་པ་ལ་ནི་གཏན་དུ་ཡོངས་སུ ་མྱ་ངན་ལས་འདས་པར་འགྱུར་བ་མེད་དོ་ཞེས་གསལ་བར་སྨྲ་བར་ཡང་འགྱུར་རོ། ། དེ་བཞིན་གཤེགས་པའི་རྗེས་སུ་རབ་ཏུ་བྱུང་བའི་སེམས་ཅན་རྣམས་ལ་ནི་ཚུལ་ཁྲིམས་ཉམས་པ་མེད་དོ་ཞེས་ཚུལ་ཁྲིམས ་ཀྱི་བསྔགས་པརྗོད་པར་ཡང་འགྱུར་རོ། ། དེ་བཞིན་གཤེགས་པའི་བསྟན་པ་ལ་ནི་ནུབ་པར་འགྱུར་བ་མེད་དོ་ཞེས་ནུབ་པར་མི་འགྱུར་བའི་བསྔགས་པ་བརྗོད་པར་ཡང་འགྱུར་རོ།། དེ་བཞིན་གཤེགས་པའི་རིགས ་དང་རྒྱུད་དག་ཅིང་ཡོངས་སུ་དག་ལ་དྲི་མ་མེད་པས། བྱང་ཆུབ་སེམས་དཔའ་ནི་ཐབས་ཀྱི་རིགས་ཀྱི་རྒྱུད་ཡིན་ནོ་ཞེས་ལྟ་བ་ཕུན་སུམ་ཚོགས་པར་ཡང་འགྱུར་རོ།། རྟག་ཏུ་འཁོར་བ་ལ་སྡུད། ་པར་སེམས་པར་ཡང་འགྱུར་རོ།། འཁོར་བའི་བསྔགས་པ་བརྗོད་པར་ཡང་འགྱུར་རོ།། འཁོར་བའི་ཆེད་དུ་ཐོས་པའི་རྒྱ་མཚོར་ཡང་འགྱུར་རོ།། དེ་བཞིན་གཤེགས་པའི་རིགས་ལ་དམིགས་པར་འདོད་པར་ཡང་འགྱུར ་རོ། ། རྟག་ཏུ་ཉོན་མོངས་པ་ལ་སེམས་པར་ཡང་འགྱུར་རོ།། ཉོན་མོངས་པ་ལ་སྡུག་པར་སེམས་པར་ཡང་འགྱུར་རོ།། ཉོན་མོངས་པའི་སྒོ་རྣམ་པ་སྣ་ཚོགས་ཐོབ་པ་ལ་དད་པ་ཐོབ་པར་ཡང་འགྱུར་རོ།། སངས་རྒྱས་ཐམས་ཅད ་ཀྱི་འཕྲིན་ལས་ཀྱི་ཞིང་ལ་སྨོན་འདེབས་པའི་སེམས་སུ་ཡང་འགྱུར་རོ། ། ལས་ཐམས་ཅད་ཀྱི་རྩ་བ་ནི་ཉོན་མོངས་པ་ཡིན་ནོ་ཞེས་རྙེད་པར་ལེགས་པར་རྙེད་པར་ལྟ་བར་ཡང་འགྱུར་རོ།། སངས་རྒྱས་ཀྱི་རྟག་པ ་ཉིད་ལ་ཡང་སོམ་ཉི་མ་ཟ་ཞིང་ཡིད་གཉིས་མེད་པ་ཐེ་ཙོམ་ཟ་བར་ཡང་མི་འགྱུར་རོ། ། འཁོར་བ་ལ་མངོན་པར་དགའ་བར་ཡང་འགྱུར་རོ།། འཁོར་བ་ལ་མོས་པར་ཡང་འགྱུར་རོ།། བདག་སངས་རྒྱས་སུ་འགྱུར་བར་བྱའོ།། ་ཞེས་རྟག་ཏུ་དད་པའི་སེམས་སུ་ཡང་འགྱུར་རོ།། བདག་གིས་ཆོས་ཀྱི་འཁོར་ལོ་བསྐོར་བར་བྱའོ།། བདག་གིས་སེམས་ཅན་རྣམས་དགྲོལ་བར་བྱའོ།། བདག་གིས་སངས་རྒྱས་ཀྱི་གདུང་མི་འཆའ་ཞིང་སྨོན་ལམ་འདེབས ་ཏེ། བྱང་ཆུབ་སེམས་དཔའ་དེད་དཔོན་དུ་ཡང་འགྱུར་རོ།། བདུད་ཀྱི་སྨན་པར་ཡང་འགྱུར་རོ།། འཁོར་བའི་ཉོན་མོངས་པའི་རྒྱ་མཚོའི་སྟོན་པ་པོར་ཡང་འགྱུར་རོ།། འཁོར་བའི་ཉོན་མོངས་པའི་ཚོང་རྡལ ་ཐོབ་པར་ལྟ་བར་ཡང་འགྱུར་རོ། ། འཁོར་བའི་རྒྱ་མཚོ་ཆེན་པོ་ཐོབ་པས་སྐོམ་པར་ཡང་འགྱུར་རོ།། འཁོར་བ་ལ་སྲེད་པར་ཡང་འགྱུར་རོ།། འཁོར་བའི་ཐོབ་པ་ལ་རག་ལས་པའི་སེམས་སུ་ཡང་འགྱུར་རོ།། ་འཁོར་བ་ཐོབ་པ་མི་གཏོང་བར་ཡང་འགྱུར་རོ།། འཁོར་བའི་ཚུ་ལ་པདྨའི་རྒྱལ་པོ་རྒྱས་པར་ཡང་འགྱུར་རོ།། འཁོར་བའི་ཉོན་མོངས་པའི་རྒྱ་མཚོའི་གཞིར་ཡང་འགྱུར་རོ།། འཁོར་བའི་ཉོན་མོངས་པ་ལ ་རྟག་ཏུ་སྨོན་ལམ་འདེབས་པའི་སེམས་སུ་ཡང་འགྱུར་རོ། ། སེམས་ཅན་དམྱལ་བའི་འགྲོ་བ་ལ་དགའ་བར་ཡང་འགྱུར་རོ།། སེམས་ཅན་དམྱལ་བའི་འགྲོ་བ་ལ་སེམས་ཤིང་རྟག་ཏུ་བསམ་པ་གཏོད་པའི ་ང་ཚུལ་ཅན་དུ་ཡང་འགྱུར་རོ། ། སེམས་ཅན་དམྱལ་བའི་ཚོང་རྡལ་གྱི་ཚོང་པར་ཡང་འགྱུར་རོ།། སེམས་ཅན་དམྱལ་བའི་ཐོབ་པར་མི་གཏོང་བར་ཡང་འགྱུར་རོ།། སེམས་ཅན་དམྱལ་བའི་མེ་ལ ་སེམས་རྒྱས་པར་ཡང་འགྱུར་རོ། ། སེམས་ཅན་དམྱལ་བའི་ཉོན་མོངས་པས་ཉོན་མོངས་པར་གྱུར་པ་རྣམས་ལ་བདེ་ཞིང་བསིལ་བའི་རླུང་དུ་ཡང་འགྱུར་རོ།། སེམས་ཅན་དམྱལ་བའི་མེ་དྲག་པོ་ལ ་སྤྲིན་ཆེན་པོ་ལས་ཆར་ཀུན་ཏུ་འབེབས་པར་ཡང་འགྱུར་རོ། ། སེམས་ཅན་དམྱལ་བའི་ཐོག་ཏོག་ཏུ་ཡང་འགྱུར་རོ།། སེམས་ཅན་དམྱལ་བའི་སྟོན་པ་པོར་ཡང་འགྱུར་རོ།། སེམས་ཅན་དམྱལ་བའི ་རྒྱ་མཚོའི་མཉན་པ་ཆེན་པོར་ཡང་འགྱུར་རོ། ། སེམས་ཅན་དམྱལ་བའི་སྨན་དུ་ཡང་འགྱུར་རོ།། སེམས་ཅན་དམྱལ་བའི་ཟས་སུ་ཡང་འགྱུར་རོ།། འཁོར་བའི་སྡུག་བསྔལ་དང་ཉོན་མོངས ་པ་ཐམས་ཅད་ཀྱིས་ཟིན་པའི་མུན་པ་མུན་གནག་གསལ་བའི་ཕྱིར་སྒྲོན་མེ་ལྟ་བུར་ཡང་འགྱུར་རོ། ། སྣང་བར་བྱ་བའི་ཕྱིར་མར་མེ་ལྟ་བུར་ཡང་འགྱུར་རོ།། སྲིད་པའི་འགྲོ་བ་ཐམ། ་ཅད་ཀྱི་ཉོན་མོངས་པ་མྱུར་དུ་གདུག་པ་རྣམ་པ་སྣ་ཚོགས་ཀྱིས་གོས་པར་མི་འགྱུར་བའི་ཕྱིར་བར་སྣང་ལྟ་བུར་ཡང་འགྱུར་རོ།། སེམས་ཅན་ན་མཁའ་དང་མཚུངས་པའི་ཕྱིར་མི་གནས་པར་ཡང་འགྱུར་རོ།། དེ ་བཞིན་གཤེགས་པའི་རྗེས་སུ་རབ་ཏུ་བྱུང་སྟེ། ཚུལ་ཁྲིམས་དང་སྟོབས་དང་ཡེ་ཤེས་དང་ལྡན་པའི་ཕྱིར། ཁ་བའི་ཕུང་པོ་ལྟ་བུའི་ཉོན་མོངས་པ་སེལ་བའི་ཉི་མ་ལྟ་བུར་ཡང་འགྱུར་རོ།། ལེགས་པར་སྨྲས་པ ་ཡང་དག་པར་བླང་བའི་ཕྱིར་གཞན་གྱི་དྲིང་མི་འཇོག་པར་ཡང་འགྱུར་རོ། ། ཡེ་ཤེས་རྒྱ་མཚོ་དང་ལྡན་པའི་ཕྱིར་རྒྱ་མཚོ་དུག་ཅན་པ་ལྟ་བུར་ཡང་འགྱུར་རོ།། དཀར་པོའི་ཆོས་ཡོངས་སུ་རྫོགས་པར་བྱས་པའི་ཕྱིར་ཟླ ་བ་ལྟ་བུར་ཡང་འགྱུར་རོ། ། གཏི་མུགི་མུན་པ་སེལ་བའི་ཕྱིར་ཉི་མ་ལྟ་བུར་ཡང་འགྱུར་རོ།། ཉོན་མོངས་པས་འཁོར་བ་ལ་མངོན་པར་འཇུག་ཅིང་འགྲོ་བའི་ཚེ་བར་སྣང་ལྟ་བུར་ཡང་འགྱུར་རོ།། དེ་དང་དེ་མངོན་པར ་རྟོགས་པས་པདྨ་ལྟ་བུར་གོས་པ་མེད་པར་ཡང་འགྱུར་རོ། ། སེམས་ན་མཁའ་དང་མཚུངས་པའི་ཕྱིར་མི་གནས་པར་འགྱུར་རོ།། ཆོས་ཐམས་ཅད་ལ་ངེས་པར་འབིག་པའི་ཕྱིར་རྡོ་རྗེ་ལྟ་བུར་ཡང་འགྱུར་རོ།། ་དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པ་དང་། ཐེར་ཟུག་པ་དང་། བརྟན་པ་ཐོས་ན་མི་གཡོ་བའི་ཕྱིར་རི་ལྟ་བུར་ཡང་འགྱུར་རོ།། དེ་བཞིན་གཤེགས་པའི་རིགས་དང་རྒྱུད་ལ་ཡེ་ཤེས་རྣམ་པར ་དག་པའི་ཕྱིར་བཻ་ཌཱུཪྻ་ལྟ་བུར་ཡང་འགྱུར་རོ། ། ཉོན་མོངས་པའི་རྙོག་པ་སེལ་བའི་ཕྱིར་རྒྱ་མཚོ་དུག་ཅན་པའི་གསེར་གྱི་ཕ་རོལ་ལྟ་བུར་ཡང་འགྱུར་རོ།། དེ་བཞིན་གཤེགས་པའི་རྟག་པ་དང་། ཐེར་ཟུག་པ་དང་། ་བརྟན་པའི་རང་བཞིན་མཐོང་བའི་ཕྱིར་ཟླ་བ་ལྟ་བུར་ཡང་འགྱུར་རོ།། དེ་བཞིན་གཤེགས་པའི་ཆོས་ལས་མི་གཡོ་བའི་ཕྱིར་རི་ལྟ་བུར་ཡང་འགྱུར་རོ།། དེ་བཞིན་གཤེགས་པའི་གཏན་དུ་མྱ་ངན་ལས་མི་འདའ་ཞིང ་ཆོས་ནུབ་པར་མི་འགྱུར་བ་ཐོས་ན་མི་གཡོ་བའི་ཕྱིར་སྒོའི་ཐེམ་པ་ལྟ་བུར་ཡང་འགྱུར་རོ། ། ཡང་དག་པ་མཐོང་བའི་ཕྱིར་སེམས་བརྟན་ཞིང་གནས་པར་ཡང་འགྱུར་རོ།། སེམས་མི་ཕྱེད་པའི་ཕྱིར་རྡོ་རྗེ་ལྟ་བུར ་ཡང་འགྱུར་རོ། ། མངོན་སུམ་དུ་ཡོན་ཏན་མང་པོ་ཐོབ་པ་མང་བར་ཡང་འགྱུར་རོ།། ངོ་ཚ་ཤེས་པ་དང་ཁྲེལ་ཡོད་པ་དང་ལྡན་པར་ཡང་འགྱུར་རོ།། མཛེས་པར་ཡང་འགྱུར་རོ།། བལྟ་ན་སྡུག་པར་ཡང་འགྱུར་རོ།། ་བརྐམ་པ་མེད་པར་ཡང་འགྱུར་རོ།། ལུས་ཆུང་ངུར་ཡང་མི་འགྱུར་རོ།། ཁ་དོག་བཟངས་པོ་རྒྱས་པ་མཆོག་དང་ལྡན་པར་ཡང་འགྱུར་རོ།། རིགས་མཐོན་པོར་སྐྱེ་བར་ཡང་འགྱུར་རོ།། རིགས་ཆེན་པོར་སྐྱེ་བར་ཡང ་འགྱུར་རོ། ། འཁོར་མང་བར་ཡང་འགྱུར་རོ།། འཁོར་མི་ཕྱེད་པར་ཡང་འགྱུར་རོ།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་མི་ཉམས་ཤིང་ཡོངས་སུ་ཉམས་པར་ཡང་མི་འགྱུར་རོ།། ཁ་ཟས་ལ ་བརྐབ་པར་ཡང་མི་འགྱུར་རོ། ། ཤའི་ཁ་ཟས་ཀྱང་རྣམ་པར་སྤོང་བར་འགྱུར་རོ།། བློ་གྲོས་དང་ལྡན་པར་ཡང་འགྱུར་རོ།། སྐྱེ་བོ་ཐམས་ཅད་ཀྱི་ཡིད་དུ་འོང་ཞིང་ཆེར་བཀུར་བར་ཡང་འགྱུར་རོ།། དྲན་པ་དང་ལྡན ་པར་ཡང་འགྱུར་རོ། ། གཟི་བརྗིད་དང་ལྡན་པར་ཡང་འགྱུར་རོ།། ཤེས་རབ་དང་ལྡན་པར་ཡང་འགྱུར་རོ།། དགའ་བ་དང་ལྡན་པར་ཡང་འགྱུར་རོ།། འཇིག་རྟེན་དང་ལྡན་པར་ཡང ་འགྱུར་རོ། ། འཇིག་རྟེན་ལ་ཕན་པར་འདོད་པར་ཡང་འགྱུར་རོ།། འཇིག་རྟེན་ལ་བདེ་བར་ཡང་འགྱུར་རོ།། འཇིག་རྟེན་གྱི་ཐུ་བོར་ཡང་འགྱུར་རོ།། འཇིག་རྟེན་གྱི་གཙོ་བོར་ཡང་འགྱུར་རོ།། འཇིག་རྟེན ་གྱི་མཆོག་ཏུ་ཡང་འགྱུར་རོ། ། འཇིག་རྟེན་གྱི་རབ་ཏུ་ཡང་འགྱུར་རོ།། འཇིག་རྟེན་ཐམས་ཅད་ཀྱིས་ཕྱག་བྱ་བར་འོས་པར་ཡང་འགྱུར་རོ།། འཇིག་རྟེན་ཐམས་ཅད་ཀྱིས་མཆོད་པའི་གནས་སུ་ཡང་འགྱུར ་རོ། ། སྦྱིན་བདག་ཆེན་པོར་ཡང་འགྱུར་རོ།། སྟོབས་ཆེན་པོ་དང་ལྡན་པར་ཡང་འགྱུར་རོ།། དཔའ་བོ་ཆེན་པོར་ཡང་འགྱུར་རོ།། བརྩོན་འགྲུས་ཆེན་པོ་དང་ལྡན་པར་ཡང་འགྱུར་རོ།། བྱམས་པའི་སེམས ་དང་ལྡན་པར་ཡང་འགྱུར་རོ། ། བདེན་པ་སྨྲ་བར་ཡང་འགྱུར་རོ།། བརྟུལ་ཞུགས་བརྟན་པར་ཡང་འགྱུར་རོ།། བརྩོན་འགྲུས་བརྩམས་པར་ཡང་འགྱུར་རོ།། བྱམས་པ་ལ་གནས་པར་ཡང་འགྱུར་རོ།། ་སྙིང་རྗེ་ལ་གནས་པར་ཡང་འགྱུར་རོ།། དགའ་བ་ལ་གནས་པར་ཡང་འགྱུར་རོ།། བཏང་སྙོམས་ལ་གནས་པར་ཡང་འགྱུར་རོ།། སྟོང་པའི་ཆོས་རྣམས་ལ་སྟོང་པར་སྨྲ་བར་ཡང་འགྱུར་རོ།། སྟོང་པ་མ་ཡིན་པའི ་ཆོས་རྣམས་ལ་སྟོང་པ་མ་ཡིན་པར་སྨྲ་བར་ཡང་འགྱུར་རོ། ། སངས་རྒྱས་ཀྱི་ཆོས་ཀྱི་ངན་རྟགས་སྨྲ་བར་ཡང་འགྱུར་རོ།། སངས་རྒྱས་ཀྱི་དེ་ཁོ་ནའི་ཆོས་ཀྱི་ལྟ་བ་སྨྲ་བར་ཡང་འགྱུར་རོ།། གཙང་བར་ཡང་འགྱུར ་རོ། ། གཙང་མས་ཕྱུག་པར་ཡང་འགྱུར་རོ།། ཡོན་ཏན་གྱིས་ཕྱུག་པར་ཡང་འགྱུར་རོ།། ཚུལ་ཁྲིམས་ཀྱིས་ཕྱུག་པར་ཡང་འགྱུར་རོ།། ཆོས་ཀྱིས་ཕྱུག་པར་ཡང་འགྱུར་རོ།། དབྲོག་ཏུ་མེད་པའི་རྫས ་ཀྱིས་ཕྱུག་ཡང་འགྱུར་རོ། ། སྐྱེ་བོ་དབུལ་པོ་སློང་བ་ལ་སོགས་པ་ལ་གཏེར་ལྟ་བུར་ཡང་འགྱུར་རོ།། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་ཆོས་རྣམས་སྟོན་པ་ན་མི་སྐྲག་མི ་དངང་ཞིང་དངང་བར་ཡང་མི་འགྱུར་རོ། ། སངས་རྒྱས་ཀྱི་ཞིང་གང་དང་གང་དུ་སྐྱེ་བར་ཡང་སེམས་བསྐྱེད་པ་དེ་དང་དེ་ན་སྐྱེ་བར་ཡང་འགྱུར་རོ།། རྙེད་པ་དང་བཀུར་སྟི་དང་ཚིགས་སུ་བཅད་པ་དོན་དུ་མི་གཉེར་བར ་ཡང་འགྱུར་རོ། ། ཚུལ་ཁྲིམས་འཆལ་པ་རྣམས་བསྡུས་ནས་དམ་པའི་ཆོས་འགོད་པར་ཡང་འགྱུར་རོ།། ཚུལ་ཁྲིམས་འཆལ་པ་གཡོ་སྒྱུ་དང་ལྡན་པ་རྣམས་ལ་ཐེག་ཏོག་ལྟ་བུར་ཡང་འགྱུར་རོ།། དེ་བཞིན ་གཤེགས་པ་ལ་བྱས་པ་མི་བཟོ་བ་རྣམས་བྱས་པ་གཟོ་བ་ལ་ཡང་དག་པར་སྦྱོར་བར་ཡང་འགྱུར་རོ། ། མུ་སྟེགས་ཅན་གྱི་གནས་ཐམས་ཅད་དུ་མི་འཕྲོགས་པར་ཡང་འགྱུར་ཞིང་སླར་དེ་ལ་ཐབས་དང་ལྡན་པར ་ཡང་འགྱུར་རོ། ། དགེ་སྦྱོང་དང་། བྲམ་ཟེ་དང་། མུ་སྟེགས་ཅན་ཕས་ཀྱི་རྒོལ་བ་མང་པོ་དག་གིས་ཕུགས་རྡུགས་སུ་མི་ཆུད་ཅིང་སླར་དེ་ལ་ཐབས་ཀྱིས་རྟོན་པར་ཡང་འགྱུར་རོ།། མུ་སྟེགས་ཅན་གྱི ་གནས་ཐམས་ཅད་ཀྱི་གསོང་ཚིག་རྣམས་ལ་འདུན་པར་མི་འགྱུར་ཞིང་སླར་དེ་ལ་ཐབས་ཀྱིས་འདུན་པ་བྱེད་པར་ཡང་འགྱུར་རོ། ། ལྷ་དང་ཀླུ་དང་གནོད་སྦྱིན་དང་། དྲི་ཟའི་གནས་ཐམས་ཅད་ལ ་རྟེན་པར་མི་འགྱུར་ཞིང་སླར་དེ་ལ་ཐབས་ཀྱིས་ཡང་དག་པར་རྟེན་པར་ལྟ་བུར་ཡང་འགྱུར་རོ། ། ལས་ལ་རྟེན་པར་འགྱུར་གྱི། བཀྲ་ཤིས་དང་དགེ་མཚན་ལ་རྟེན་པར་ཡང་མི་འགྱུར ་རོ། ། སྲོག་གཅོད་པ་བྱེད་ཀྱང་སྲོག་གཅོད་པ་སྤངས་པར་ཡང་འགྱུར་རོ།། མེ་ཏོག་འཕྲེང་བ་དང་། སྤོས་དང་། བྱུག་པ་དང་ཕྱེ་མས་གདབ་པ་དང་། ཁྱིམ་པའི་ལོངས་སྤྱོད་དང་ཡོངས་སུ་སྤྱད་པ་རྣམ་པ ་དུ་མ་དག་དང་། ཆུང་མ་དང་ལྷན་ཅིག་ཏུ་འདོད་པའི་ཡོན་ཏན་སྤྲད་ཀྱང་ཤིན་ཏུ་ཚངས་པར་སྤྱོད་པར་ཡང་འགྱུར་རོ།། སྲོག་གཅོད་པ་དང་། རྐུ་འཕྲོག་བྱེད་པ་དང་། བརྫུན་ཚིག་དང་། ཆང་འཐུང་བ་ལ་སོགས ་པ་ལ་སྟེན་ཅིང་ལས་རྣམས་བྱེད་ལ། བུ་དང་ཆུང་མ་རྣམས་སྟོན་ཀྱང་ཤིན་ཏུ་ཚངས་པར་སྤྱོད་པར་ཡང་འགྱུར་རོ།། དེ་བཞིན་གཤེགས་པ་ཐམས་ཅད་ཀྱིས་མཆོད་པར་ཡང་འགྱུར་རོ།། དེ་བཞིན་གཤེགས་པ ་ཐམས་ཅད་ཀྱིས་རྗེད་པར་ཡང་འགྱུར་རོ། ། དེ་བཞིན་གཤེགས་པ་ཐམས་ཅད་ཀྱིས་ཆེར་བཀུར་བར་ཡང་འགྱུར་རོ།། དེ་བཞིན་གཤེགས་པ་ཐམས་ཅད་ཀྱིས་སྡུག་པར་བྱ་བའི་སྲས་སུ་ཡང་འགྱུར་རོ།། ་དེ་བཞིན་གཤེགས་པ་ཐམས་ཅད་ལས་བྱས་པ་གཟོ་བའི་བགོ་སྐལ་ལ་སྤྱོད་པར་ཡང་འགྱུར་རོ།། དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་མཚུངས་པའི་ཆོས་ཀྱི་དེ་ཁོ་ན་མཐོང་བར་ཡང་འགྱུར་རོ།། ་སངས་རྒྱས་ཐམས་ཅད་དང་ཡེ་ཤེས་ཀྱི་ཡང་དག་པར་རྟོག་པ་མཚུངས་པར་ཡང་འགྱུར་རོ།། སངས་རྒྱས་ཐམས་ཅད་ཀྱི་ཆོས་གསང་བ་རྣམས་པ་མང་པོ་ལུང་བསྟན་པའི་ཡུལ་ལ་སྤྱིས་བཙན་པའི་རྒྱལ་པོ། ་ཡང་འགྱུར་རོ།། སངས་རྒྱས་ཐམས་ཅད་ཀྱི་གསང་བའི་ཆོས་བསྟོན་པ་རྣམ་པ་དུ་མ་བརྗོད་པར་ཡང་འགྱུར་རོ།། སངས་རྒྱས་ཐམས་ཅད་ཀྱིས་བཞེས་པའི་ང་རྒྱལ་ལ་གནས་པའི་ཡུལ་ལ་མཁས ་པར་ཡང་འགྱུར་རོ། ། སངས་རྒྱས་ཐམས་ཅད་ཀྱི་འདོད་ཆགས་མེད་པ་དང་དྲི་མ་མེད་པ་དང་། འཇིགས་པ་མེད་པ་གསང་བ་རྣམ་པ་མང་པོའི་ཆོས་སྟོན་པའི་རང་བཞིན་དག་ལ་རིན་པོ་ཆེ་ལྟ་བུར་ཡང ་འགྱུར་རོ། ། སངས་རྒྱས་ཐམས་ཅད་ཀྱི་སེམས་ཅན་འདུལ་བའི་དབང་གིས་འདོད་ཆགས་དང་ཞེ་སྡང་དང་། གཏི་མུག་དང་། འཇིགས་པའི་ཆོས་ཀྱི་ཕྱོགས་ཐམས་ཅད་ལ་འཇུག་པ་ཡང་དག་པར ་མཐོང་བར་ཡང་འགྱུར་རོ། ། སངས་རྒྱས་ཐམས་ཅད་ཡུན་རིང་པོར་བསྐལ་པ་བྱེ་བ་བགྲང་བ་མང་པོ་ནས་བརྒལ་ནས་ཉོན་མོངས་པའི་རྒྱ་མཚོ་ལས་དགྲོལ་བར་མཛད་པའི་གསང་བ་ཐམས་ཅད་ཀྱི་དེ་ཁོ ་ན་མཐོང་བར་ཡང་འགྱུར་རོ། ། སངས་རྒྱས་ཐམས་ཅད་ཀྱིས་སེམས་ཅན་འདུལ་བའི་དབང་གིས་ཉོན་མོངས་པའི་རྒྱ་མཚོར་སྐྱེ་བ་བསྟན་ཏེ་བརྒལ་ནས་བསྒྲལ་བར་བྱའོ།། གྲོལ་ནས་དགྲོལ་བར་བྱའོ་སྙམ་ནུ། ་བསྟན་པའི་གསང་བའི་ཁྱད་པར་གྱི་སྒོའི་རང་བཞིན་དག་མཐོང་བར་ཡང་འགྱུར་རོ།། སངས་རྒྱས་ཐམས་ཅད་ཀྱིས་ཡུན་རིང་པོར་བསྐལ་པ་བྱེ་བ་བགྲངས་པ་མང་པོ་འདས་པ་ནཱ། བདུད་བྱེ་བ་རབ་ཏུ་བཅོམ ་པའི་རྣམ་པའི་གསང་བའི་དེ་ཁོ་ན་མཐོང་བར་ཡང་འགྱུར་རོ། ། སངས་རྒྱས་ཐམས་ཅད་ཀྱིས་སེམས་ཅན་འདུལ་བའི་དབང་གིས་བྱང་ཆུབ་ཀྱི་ཤིང་དྲུང་དུ་བདུད་འདུལ་བའི་གསང་བའི་ཁྱད་པར་གྱི་སྒོའི ་རང་བཞིན་སྟོན་པ་ལྟ་བུར་བཅོས་པ་ལེགས་པར་མཐོང་བར་ཡང་འགྱུར་རོ། ། ཐབས་ཀྱིས་ཆོས་ཀྱི་འཁོར་ལོ་བསྐོར་བ་དང་ཐབས་ཀྱིས་ཡོངས་སུ་མྱ་ངན་ལས་འདས་པ་ལྟ་བུར ་བཅོས་པའི་དེ་ཁོ་ན་མཐོང་བར་ཡང་འགྱུར་རོ། ། སངས་རྒྱས་ཐམས་ཅད་རོལ་པའི་གསང་བའི་རྒྱལ་པོའི་མཆོག་ཏུ་ཡང་འགྱུར་རོ།། སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པ། མཚུང ་པ་མེད་པ། དཔེ་མེད་པ། གྲངས་མེད་པ། དཔག་ཏུ་མེད་པ། བགྲང་བ་ལྔས་འདས་པ་ལ་བགྲང་བའི་རྒྱལ་པོར་ཡང་འགྱུར་རོ།། སྤྲིན་ཆེན་སྙིང་པོ་བསམ་གྱིས་མི་ཁྱབ་པར་འགྲོ་བར་འཇུག ་པ་ཨ་ལ་གནས་པའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་གང་ཡིན་པའི་ཏིང་ངེ་འཛིན་དེ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཏིང་ངེ་འཛིན་གྱི་རྒྱ་མཚོར་ཡང ་འགྱུར་རོ། ། ཏིང་ངེ་འཛིན་ཡང་དག་པར་བསོགས་པར་ཡང་འགྱུར་རོ།། ཐོས་པའི་རྒྱ་མཚོར་ཡང་འགྱུར་རོ།། ཐོས་པ་ཡང་དག་པར་བསོགས་པར་ཡང་འགྱུར་རོ།། བླ་ན་མེད་པ་ཡང་དག་པར་རྫོགས ་པའི་བྱང་ཆུབ་ལས་སོམ་ཉི་མི་ཟ་ཞིང་ཡིད་གཉིས་མེད་དེ། ཐེ་ཙོམ་ཟ་བར་ཡང་མི་འགྱུར་རོ།། མི་ཁོམ་པ་རྣམས་སུ་སྐྱེ་བར་ཡང་མི་འགྱུར་རོ།། ཚེ་རབས་དྲན་པར་ཡང་འགྱུར་རོ།། འཁོར་བའི་ལུས ་ཀྱི་ཞིང་གི་རྒྱ་མཚོ་ལ་སྲེད་པར་ཡང་འགྱུར་རོ། ། ཚེ་རབས་ཐམས་ཅད་དུ་ཐ་ན་རྨི་ལམ་དུ་ཡང་སངས་རྒྱས་མཐོང་བ་དང་བྲལ་བར་ཡང་མི་འགྱུར་རོ།། སྔ་མ་བཞིན་དུ་སྦྱར་ཏེ། སངས་རྒྱས་ཐམས་ཅད་ཀྱི ་ཡུལ་བསམ་གྱིས་མ་ཁྱབ་པ། མཚུངས་པ་མེད་པ་དཔེ་མེད་པ། གྲངས་མེད་པ། དཔག་ཏུ་མེད་པ། བགྲང་བ་ལས་འདས་པ་ལ་བགྲང་བའི་རྒྱལ་པོར་ཡང་འགྱུར་རོ།། སྤྲིན་ཆེན་སྙིང་པོ་ཏིང་ངེ་འཛིན ་བཞི་བརྒྱ་པོ་འདི་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཏིང་ངེ་འཛིན་གྱི་རྒྱ་མཚོར་ཡང་འགྱུར་རོ། ། ཏིང་ངེ་འཛིན་ཡང་དག་པར་སོགས་པར་ཡང་འགྱུར་རོ།། ཐོས་པའི་རྒྱ་མཚོར ་ཡང་འགྱུར་རོ། ། ཐོས་པ་ཡང་དག་པར་སོགས་པར་ཡང་འགྱུར་རོ།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སོམ་ཉི་མི་ཟ་ཞིང་། ཡིད་གཉིས་མེད་དེ། ཐེ་ཙོམ་མི་ཟ་བར་ཡང་འགྱུར ་རོ། ། མི་ཁོམ་པ་རྣམས་སུ་སྐྱེ་བར་ཡང་མི་འགྱུར་རོ།། སྔ་མ་བཞིན་དུ་སྦྱར་ཏེ། སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པ། མཚུངས་པ་མེད་པ། དཔེ་མེད་པ། གྲངས་མེད་པ། ་དཔག་ཏུ་མེད་པ། བགྲང་བ་ལས་འདས་པ་ལ་བགྲང་བའི་རྒྱལ་པོར་ཡང་འགྱུར་རོ།། སྤྲིན་ཆེན་སྙིང་པོ།། ཏིང་ངེ་འཛིན་གྱི་སྒོ་བཞི་བརྒྱ་པོ་དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས ་ཀྱི་དམ་པའི་ཆོས་མི་ཟད་པའི་གཏེར་རིན་པོ་ཆེའི་ཡན་ལག་གི་སྒོ་གང་ཡིན་པ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཏིང་ངེ་འཛིན་གྱི་རྒྱ་མཚོར་ཡང་འགྱུར་རོ།། ཏིང་ངེ་འཛིན ་ཡང་དག་པར་བསོགས་པར་ཡང་འགྱུར་རོ། ། ཐོས་པའི་རྒྱ་མཚོར་ཡང་འགྱུར་རོ།། ཐོས་པ་ཡང་དག་པར་བསོགས་པར་ཡང་འགྱུར་རོ།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སོམ་ཉི་མི་ཟ ་ཞིང་ཡིད་གཉིས་མེད་དེ། ཐེ་ཙོམ་ཟ་བར་མི་འགྱུར་རོ།། མི་ཁོམ་པ་རྣམས་སུ་སྐྱེ་བར་ཡང་མི་འགྱུར་རོ།། སྔ་མ་བཞིན་དུ་སྦྱར་ཏེ། སངས་རྒྱས་ཐམས་ཅད་ཀྱི་ཡུལ་བསམ་གྱིས ་མི་ཁྱབ་པ། མཚུངས་པ་མེད་པ། དཔེ་མེད་པ། གྲུངས་མེད་པ། དཔག་ཏུ་མེད་པ། བགྲང་པོ་ལས་འདས་པ་ལ་བགྲང་བའི་རྒྱལ་པོར་ཡང་འགྱུར་རོ།། འཇིག་རྟེན་དང་འཐུན་པར་འཇུག་པའི་ཡུལ ་ཤེས་པར་ཡང་འགྱུར་རོ། ། དེ་ནས་དེའི་ཚེ་འཁོར་ཆེན་པོའི་ནང་ནས། ལྷའི་བུ་དྲི་མ་མེད་པའི་འོད་ཀྱི་འཕྲེང་བ་ཅན་ཞེས་བྱ་བ་ལྷའི་བུ་ས་ཡ་བརྒྱད་འབུམ་དང་ལྷན་ཅིག་ཏུ་སྟན་ལས་ལངས་ནས ་བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག ་འཚལ་ནས། ལྷའི་མེ་ཏོག་དང་། ཙན་དན་གྱི་ཕྱེ་མས་བསྒོ་བ་དག་གིས། དེ་བཞིན་གཤེགས་པ་ལ་མངོན་པར་གཏོར་ཏེ། རང་རང་གི་བླ་གོས། བཅོམ་ལྡན་འདས་ཀྱི་སྐུ་ལ་གསོལ་ནས། ཁ་འཐུན་པར ་ཚིགས་སུ་བཅད་པ་འདི་སྨྲས་སོ། ། ཀྱེ་མ་བཅོམ་ལྡན་སངས་རྒྱས་ནི། བསམ་ཡས་དཔག་མེད་དེ་བཞིན་གཤེགས།། སེམས་ཅན་རྣམས་ལ་སྨན་སླད་དུ།། ཆར་ཆེན་རྣམ་པ་སྣ་ཚོགས་འབེབས།། ་ཏིང་ངེ་འཛིན་གྱི་ལེའུ་ཞེས་བྱ་བ་སྟེ་གཉིས་པའོ།། །། འཕགས་པ་སྤྲིན་ཆེན་པོ། བམ་པོ་ལྔ་པ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ ་ཆེན་པོ་སྤྲིན་ཆེན་སྙིང་པོས་འདྲི་སྐད་ཅེས་གསེལ་ཏོ། ། ཤིན་ཏུ་རྒྱས་པ་ཆེན་པོ་ལས་ཕྱི་རོལ་པ་འོན་པ་ལྟ་བུར་གྱུར་པ་རྣམས་ཀྱི་ཐེག་པ་ཆེན་པོའི་རྣ་བའི་ཁམས་ཡོངས་སུ་རྫོགས་པར་བགྱི་བའི་སླད་དུ། ་བཅོམ་ལྡན་འདས་ཀྱིས་ཕྱིར་མི་ཟློག་པའི་ཡེ་ཤེས་མཐའ་ཡས་པ་རིན་པོ་ཆེའི་འབྱུང་གནས་ལ་མངོན་པར་འཇུག་པ་ཞེས་བགྱི་བའི་གཟུངས་ཀྱི་ཆོས་ཀྱི་སྒོའི་གཞི་སུམ་ཅུ་རྩ་དྲུག་སྔར་སྨོས་ཏེ་བཞག་པ ་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་ཕྱིར་མི་ཟློག་པའི་ཡེ་ཤེས་མཐའ་ཡས་པ་རིན་པོ་ཆེའི་འབྱུང་གནས་ལ་མངོན་པར་འཇུག་པ་ཞེས་བྱ་བའི་གཟུང ་ཀྱི་ཆོས་ཀྱི་སྒོ་སུམ་ཅུ་རྩ་དྲུག་རྒྱ་ཆེར་ཉོན་ཅིག། སྤྲིན་ཆེན་སྙིང་པོ། སྤྲིན་ཆེན་པོའི་མདོ་ཡུལ་བསམ་གྱིས་མི་ཁྱབ་པ་ལ་དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱི་ཕྱིར་ལྡོག ་བའི་འཁོར་ལོ་རིན་པོ་ཆེའི་མཛོད་ཅེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོ་དྲི་མ་མེད་པའི་སྙིང་པོའི་ཆུ་ཞེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོའི་སྙིང་པོ་སྣང་བ་ཞེས ་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོའི་ཆུའི་བློ་གྲོས་ཤེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་སྙིང་པོའི་ཆུའི་རྒྱུན་ཅེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན ་པོའི་ཟད་མི་ཤེས་པའི་བློ་གྲོས་ཤེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོའི་གློག་གི་འོད་མྱུར་བ་ཞེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོའི་སྙིང་པོའི་ཀློག་གི་འོད་དང་ལྡན ་པ་ཞེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོ་དྲི་མ་མེད་པའི་འོད་ཅེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པའི་ཏོག་གི་བློ་གྲོས་ཤེས་བྱ་བའི་གཟུངས། ་དང་ཕྱིར་མི་ལྡོག་པའི་སྤྲིན་ཆེན་པོའི་སྙིང་པོའི་གཏེར་གྱི་རྒྱལ་པོའི་འོད་འཕྲོ་བའི་བློ་གྲོས་ཤེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་པོའི་གློག་གི་སྒྲ་སྒྲོགས་པ་ཞེས་བྱ་བའི་གཟུངས་དང ་ཕྱིར་མི་ལྡོག་པའི་སྤྲིན་ཆེན་པོ་མྱུར་བའི་དཔལ་ཞེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོ་ན་མཁའི་རྒྱལ་པོ་ཞེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོའི་སྨན་གྱི་རྒྱལ་པོ་ཆེན་པོ ་ཞེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོའི་ཆར་འབབ་པའི་མཚོའི་རྒྱལ་པོ་ཞེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོ་ཀུན་ཏུ་རྒྱས་པར་བྱེད་པ་ཞེས་བྱ་བའི་གཟུངས་དང་། ཕྱིར ་མི་ལྡོག་པའི་སྤྲིན་ཆེན་པོ་ཏི་སེའི་གངས་ཅན་ཞེས་བྱ་བའི་གཟུངས་དང་། ། ཕྱིར་མི་ལྡོག་པའི་སྤྲིན་ཆེན་པོ་ན་མཁའི་བློ་གྲོས་ཞེས་བྱ་བའི་གཟུངས་དང་།། ཕྱིར་མི་ལྡོག་པའི་སྤྲིན་ཆེན་པོ་མངོན་པར་འཕགས་པའི ་རྒྱལ་པོ་ཞེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོ་དུས་ཚོད་ཀྱི་རྒྱལ་པོ་ཞེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོ་དང་པ་དགའ་བའི་སྐད་འབྱིན་པ་ཞེས་བྱ་བའི་གཟུངས ་དང་དཕྱིར་མི་ལྡོག་པའི་སྤྲིན་ཆེན་པོ་ཡེ་ཤེས་ཀྱི་རླུང་གི་ཕྱག་རྒྱ་ཞེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོ་ཟབ་མོའི་བློ་གྲོས་བརྩོན་འགྲུས་རྒྱལ་པོ་ཞེས་བྱ་བའི་གཟུངས་དང་། ཕྱིར་མི་ལྡོག ་པའི་སྤྲིན་ཆེན་པོས་བོན་གྱི་ཆར་འབེབས་པ་ཞེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོ་སའི་ཕྲེང་བ་ཅན་ཞེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་རྗེན་པོ་དགའ་བར་བྱེད། ་པའི་ཀླུང་ཞེས་བྱ་བའི་གཟུངས་དང་།། ཕྱིར་མི་ལྡོག་པའི་སྤྲིན་ཆེན་པོ་སྣང་བའི་བློ་གྲོས་ཤེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོ་གཡོ་བར་བྱེད་པ་ཞེས་བྱ་བའི་གཟུངས་དང ་ཕྱིར་མི་ལྡོག་པའི་སྤྲིན་ཆེན་པོ་སྙིང་པོ་ཚུལ་གྱིས་རྣམ་པར་བརྒྱན་པའི་རྒྱལ་པོ་ཞེས་བྱ་བའི་གཟུངས་དང་། ། ཕྱིར་མི་ལྡོག་པའི་སྤྲིན་ཆེན་པོ་སྙིང་པོའི་མཛོད་ཅེས་བྱ་བའི་གཟུངས་དང་། ཕྱིར་མི་ལྡོག་པའི ་སྤྲིན་ཆེན་པོ་སྙིང་པོའི་ཆུ་སྟོན་པ་ཞེས་བྱ་བའི་གཟུངས་དང་། ། ཕྱིར་མི་ལྡོག་པའི་སྤྲིན་ཆེན་པོ་ཟད་མི་ཤེས་པའི་ཆུ་སྲུང་བ་ཞེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོའི་ཆུའི་ཀུ་མུ ་དེའི་ཟླ་བ་ཞེས་བྱ་བའི་གཟུངས་དང་། ། ཕྱིར་མི་ལྡོག་པའི་སྤྲིན་ཆེན་པོ་གཞི་འཛིནི་ཞེས་བྱ་བའི་གཟུངས་དང་། ཕྱིར་མི་ལྡོག་པའི་སྤྲིན་ཆེན་པོ་བསམ་གྱིས་མི་ཁྱབ་པའི་བློ་གྲོས་རྒྱ་མཚོའི་རྒྱལ ་པོ་ཞེས་བྱ་བའི་གཟུངས་ཡོད་དེ། སུམ་ཅུ་རྩ་དྲུག་པོ་དེ་དག་ནི། ཕྱིར་མི་ལྡོག་པའི་ཡེ་ཤེས་མཐའ་ཡས་པ་རིན་པོ་ཆེའི་འབྱུང་གནས་ལ་མངོན་པར་འཇུག་པ་ཞེས་བྱ་བའི་གཟུངས་ཀྱི་སྒོ་སྟེ། ་དེ་དག་དང་ལྡན་པའི་བྱང་ཆུབ་སེམས་དཔའ་ནི་རྩིས་མཁན་གྱི་རྒྱལ་པོ་འགྱུར་རོ།། དེ་ནས་དེའི་ཚེ་འཁོར་ཆེན་པོའི་ནང་ནས། ལྷ་མོ་རིན་པོ་ཆེའི་འབྲེང་བའི་གཟུངས་ལ་དགའ་བ་ཞེས་བྱ་བ ་@ཏ་ལ་བདུན་སྲིད་ཙམ་དུ་བར་སྣང་ལ་འདུག་སྟེ། བཅོམ་ལྡན་འདས་ལ་མེ་ཏོག་གི་ཆར་རབ་ཏུ་ཕབ་ནས། ཚིགས་སུ་བཅད་པ་འདི་དག་སྨྲས་སོ།། ཡེ་ཤེས་དཔའ་བོ་ཆེན་པོ ་མི་མཉམ་མཉམ། ། དེ་བཞིན་གཤེགས་པ་རྡོ་རྗེ་སྲ་བའི་སྐུ།། རིག་པའི་རྒྱལ་པོ་སྒྱུ་འཕྲུལ་ཆེན་པོ་པ།། མེ་ཡིས་པདྨ་ཁྱོད་ལ་ཕྱག་འཚལ་ལོ།། གཟུངས་སོ་ཅོག་གི་འབྲུག་གི་སྒྲ་བསྒྲགས་ཏེ། ་དེ་བཞིན་གཤེགས་པས་ཆོས་ཆར་རབ་ཏུ་ཕབ།། སེམས་ཅན་རྣམས་ལ་ཕན་པ་མཛད་སླད་དུ།། ཆོས་རྣམས་སྣ་ཚོགས་རབ་ཏུ་སྟོན་པ་མཛད།། གཟུངས་ཀྱི་གླེང་བཞིའི་ལེའུ་ཞེས་བྱ་སྟེ་གསུམ་པའོ།། ་། སྤྲིན་ཆེན་སྙིང་པོས་གསོལ་པ། སེམས་ཅན་མི་གསལ་ཞིང་གླེན་ལ་སེམས་རྟུལ་བ་མུན་པ་ཆེན་པོར་ཞུགས་པ་རྣམས་ལ། བཅོམ་ལྡན་འདས་དེ་བཞིན་གཤེགས་པའི ་ལྡེམ་པོ་ངག་ཤེས་པའི་སྒྲོན་མའི་འོད་ཟེར་ཕྲ་མོ་རབ་ཏུ་དགྱེ་བར་གསོལ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་ལྡེམ་པོ་ངག་གི་གཞིའི་བྱེ་བྲག་ལ་འཇུག་པ་ལ་རྨོངས་པའི་ཚུལ ་ཅན་གྱི་ཆོས་ཀྱི་ཐབས་ཀྱི་རྒྱུན་ཀྱི་རྣམ་པར་ཐར་པའི་སྒོ་ཉི་ཤུ་རྩ་གསུམ་རྒྱས་པར་རབ་ཏུ་འབར་བར་གྱིས་ཤིག། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། བདག་ཏུ་འཛིན་ཅིང་བདག་གིར་འཛིན་ལ ་བདག་ཏུ་འཛིན་པ་མེད་ཅིང་བདག་གིར་འཛིན་པ་མེད་པ་ཞེས་བྱ་བའི་ལྡེམ་པོ་དགགམ་གཞིའི་བྱེ་བྲག་ལ་འཇུག་པ་ལ་རྨོངས་པའི་ཚུལ་ཅན་གྱི་ཆོས་ཀྱི་ཐབས་ཀྱི་རྒྱུན་གྱི་རྣམ་པར་ཐར་པའི་སྒོ་དང་། འཇིགས ་པའི་ཚུལ་དང་། ཕན་པའི་ཚུལ་དུ་འདུག་ལ་འཇིགས་པ་མེད་པ་ཞེས་བྱ་བ་དང་། འདོད་ཆགས་ཀྱི་སྦྱོར་བ་ཡོད་ལ་འདོད་ཆགས་དང་བྲལ་བ་ཞེས་བྱ་བ་དང་། སྐྱོན་དང་སྐྱོན་རབ་དང་ལྡན་ལ་སྐྱོན་མེད ་པ་ཞེས་བྱ་བ་དང་། གཏི་མུག་ཅིང་རབ་ཏུ་གཏི་མུག་ལ་གཏི་མུག་ཀྱང་མེད་པ་ཞེས་བྱ་བ་དང་། འདོད་ཆགས་ཤིང་རབ་ཏུ་འདོད་ཆགས་ལ་འདོད་ཆགས་དང་བྲལ་བ་ཞེས་བྱ་བ་དང་། ཆགས་ཤིང་ཤིན ་ཏུ་ཆགས་ལ་ཆགས་པ་མེད་པ་ཞེས་བྱ་བ་དང་། ཞེན་ཅིང་ཤིན་ཏུ་ཞེན་ལ་ཞེན་པ་མེད་པ་ཞེས་བྱ་བ་དང་། སྐྱོན་ཆགས་ཤིང་རབ་ཏུ་སྐྱོན་ཆགས་པ་མེད་པ་ཞེས་བྱ་བ་དང་།། མུན་གནག་ཅིང་ཤིན་ཏུ་གནས ་ལ་རབ་ཏུ་སྣང་བ་ཞེས་བྱ་བ་དང་། རྟུལ་ཅིང་རབ་ཏུ་རྟུལ་ལ་ཤིན་ཏུ་རྣོ་བ་ཞེས་བྱ་བ་དང་། གཅོད་ཅིང་འབྱེད་ལ་ཤིན་ཏུ་སྙིང་བརྩེ་བ་ཞེས་བྱ་བ་དང་། བརླང་ཞིང་ཤིན་ཏུ་སྡིག་བྱེད་ལ་བྱམས་པ་ལ་སོགས ་པ་དང་ལྡན་པ་ཞེས་བྱ་བ་དང་། སྦྱིན་པ་ལ་སྨོད་ཅིང་རབ་ཏུ་སྨོད་ལ་སྦྱིན་པ་ལ་སྔགས་པར་བྱེད་པ་ཞེས་བྱ་བ་དང་། སྨད་ཅིང་ཤིན་ཏུ་སྨད་ལ་སྨད་དུ་མེད་པ་ཞེས་བྱ་བ་དང་། རྟག་ཏུ་བདག་སྟོད་ཅིང ་གཞན་སྨོད་ལ་ལས་ཀྱང་རྣམ་པར་དྲག་པར་ཞེས་བྱ་བ་དང་། ཆགས་ཤིང་རབ་ཏུ་ཆགས་ལ་ཆགས་པ་མེད་པ་ཞེས་བྱ་བ་དང་། མི་མཉམ་ཞིང་ཤིན་ཏུ་མི་མཉམ་ལ་མི་མཉམ་པ་ཡང་མ་ཡིན་པ་ཞེས ་བྱ་བ་དང་། སྡུག་བསྔལ་ཞིང་མི་བདེ་ལ་བདེ་བ་ཞེས་བྱ་བ་དང་། སྟོང་ཞིང་ཤིན་ཏུ་སྟོང་ལ་སྟོང་པ་མ་ཡིན་ཞེས་བྱ་བ་དང་།། མི་རྟག་ཅིང་ཤིན་ཏུ་མི་རྟག་ལ་ཤིན་ཏུ་རྟག་པ་ཞེས་བྱ་བ་དང་།། བདག་མེད ་པར་གྱུར་ལ་ཤིན་ཏུ་བདག་ཉིད་དུ་གྱུར་པ་ཞེས་བྱ་བ་དང་། མི་སྡུག་ཅིང་ཤིན་ཏུ་མི་སྡུག་ལ་ཤིན་ཏུ་སྡུག་པ་ཞེས་བྱ་བ་ཡོད་དེ། ཉི་ཤུ་རྩ་གསུམ་པོ་དེ་དག་ནི་ལྡེམ་པོ་ངག་གི ་གཞིའི་བྱེ་བྲག་ལ་འཇུག་པ་ལ་རྨོངས་པའི་ཚུལ་ཅན་གྱི་ཆོས་ཀྱི་ཐབས་ཀྱི་རྒྱུན་གྱི་རྣམ་པར་ཐར་པའི་སྒོ་ཡིན་ནོ། ། དེ་ནས་དེའི་ཚེ་འཁོར་ཆེན་པོའི་ནང་ནས་ལྷའི་བུ་སྐྱེ་བོ་ཐམས་ཅད་དགའ ་བ་ཞེས་བྱ་བས། བཅོམ་ལྡན་འདས་ལ་ལྷའི་མཆོད་པ་ཆེན་པོ་བྱས་ནས། ཚིགས་སུ་བཅད་པ་འདི་དག་སྨྲས་སོ།། ཀྱེ་མ་དེང་ནི་ཉན་ཐོས་ཀུན།། མྱོས་པར་བྱེད་པའི་རྒྱུ་ཆེན་བྱུང་།། སེམས ་ཅན་རྣམས་ལ་སྤྱན་སླད་དུ། ། ལྷ་ཆེན་མཐའ་ཡས་གཟུངས་མངའ་བ།། དེ་བཞིན་གཤེགས་པའི་ལྡེམ་བྱུང་།། ཐུགས་སུ་ཆུད་ནས་སྟོན་པ་མཛད།། ལྡེམ་པོ་དག་གི་གླིང་གཞིའི་ལེའུ་ཞེས ་བྱ་སྟེ་བཞི་པའོ། ། ། སྤྲིན་ཆེན་སྙིང་པོས་གསོལ་པ། སྲིད་པར་སྐྱེ་བས་རྩེ་བའི་རྣམ་པ་ལ་འཇུག་ཅིང་གནས་པ། བགྲོད་པའི་གསང་བ་བཀོད་པའི་རྒྱལ་པོ་ཞེས་བགྱི་བའི ་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ། སྲིད་པར་སྐྱེ་བས་རབ་ཏུ་དཀའ ་པབའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། སྲིད་པར་སྐྱེ་བ་ལ་འདོད་ཅིང་བློ་གྲོས་དད་པ་ཞེས་བྱ་བ་དང་། སྲིད་པར་སྐྱེ་བ་ལ་སྲེད་པ་ཞེས་བྱ་བ་དང་། སྲིད་པར་སྐྱེ་བ་ལ་བཙམ་པ་མེད་པ་ཞེས་བྱ་བ་དང་། ་སྲིད་པར་སྐྱེ་བ་ལ་རབ་ཏུ་དད་པ་ཞེས་བྱ་བ་དང་། སྲིད་པར་སྐྱེ་བར་སྨོན་པ་ལ་མཁས་པ་ཞེས་བྱ་བ་དང་།། སྐྱིད་པར་སྐྱེ་བའི་བསྔགས་བརྗོད་པ་ཞེས་བྱ་བ་དང་།། སྲིད་པར་སྐྱེ་བ་ལ་དམིགས་པའི་རྒྱལ་པོ།། ་སྲིད་པར་སྐྱོ་བ་ལ་མཁས་པའི་དབང་ཕྱུག་རྒྱལ་པོ་ཞེས་བྱ་བ་དང་། སྲིད་པར་སྐྱེ་བ་ན་མི་དགེ་བའི་ཕྱོགས་ཀྱི་ཆོས་རྣམས་ཀྱིས་མ་གོས་པར་གནས་ཤིང་འཇུག་པ་གསང་བའི་བཀོད་པའི་རྒྱལ་པོ་ཞེས་བྱ ་བའི་ཆོས་ཀྱི་སྒོ་ཡོད་དེ། ། བཅུ་པོ་དེ་དག་ནི་སྲིད་པར་སྐྱེ་བས་རྩེ་བའི་རྣམ་པ་ལ་འཇུག་ཅིང་གནས་པ་བགྲོད་པའི་གསང་བ་བཀོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ།། དེ་ནས ་དེའི་ཚེ་ལྷ་མོ་ཆེར་དགའ་བ་ཞེས་བྱ་བས། བཅོམ་ལྡན་འདས་ལ་མཆོད་པའི་ལས་བྱས་ནས། ཚིགས་སུ་བཅད་པ་འདི་དག་སྨྲས་སོ།། མ་སྐྱེས་ཁྱོད་ལ་ཕྱག་འཚལ་ལོ།། དེ་བཞིན་གཤེགས་པ ་ཐབས་ཀྱི་སྐུ། ། སྲིད་པར་སྐྱེ་བ་སྣ་ཚོགས་པ།། དྲི་མེད་ཐམས་ཅད་ཐུབ་པས་བསྟན།། དཔའ་བོ་ཆེན་པོ་རྟག་པའི་སྐུ།། སྲིད་པའི་དགྱེས་པ་རྒྱ་མཚོ་མངའ།། གོས་པ་མེད་པ་ནི་དེ་བཞིན་གཤེགས།། ་འཁོར་བ་དག་ནི་དག་ནི་དགེ་བར་བཞེད།། སྲིད་པར་སྐྱེ་བའི་གླེང་བཞིའི་ལེའུ་ཞེས་བྱ་སྟེ་ལྔ་པའོ།། ། སྤྲིན་ཆེན་སྙིང་པོས་གསོལ་པ། འཁོར་བའི་ཉོན་མོངས་པའི་ཞིང་གི་ལུས ་ཀྱིས་ཐོབ་པར་བགྱི་བའི་སླད་དུ་སེམས་ཀྱིས་ཡང་དག་པར་ལེན་པའི་རྣམ་པར་གྲོལ་བའི་སྨོན་ལམ་གསང་བའི་ཆོས་ཀྱི་སྒོ་བཅུ། ། བཅོམ་ལྡན་འདས་ཀྱིས་རྒྱས་པར་བཤད་དུ་གསོལ།། དེ་བཞིན ་གཤེགས་པས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འཁོར་བའི་ཉོན་མོངས་པའི་ཞིང་གི་འབྲས་བུ་ཐོབ་པ་ཞེས་བྱ་བ་དང་།། འཁོར་བའི་ཉོན ་མོངས་པའི་ཞིང་ལ་དགའ་བའི་རྒྱལ་པོ་ཞེས་བྱ་བ་དང་། འཁོར་བའི་སྦྱོར་བ་ལ་སེམས་གནས་པ་ཞེས་བྱ་བ་དང་།། འཁོར་བ་ལ་མཆོག་ཏུ་དགའ་བའི་གཟུངས་ཞེས་བྱ་བ་དང་། འཁོར་བར ་འགྲོ་བ་ཞེས་བྱ་བ་དང་། ། འཁོར་བར་ཤིན་ཏུ་ཆར་འབེབ་པ་ཞེས་བྱ་བ་དང་། འཁོར་བར་རྒྱུན་མི་གཅོད་པའི་རླུང་གི་རྒྱལ་པོ་ཞེས་བྱ་བ་དང་། འཁོར་བའི་ཆོམ་རྐུན་ཞེས་བྱ་བ་དང་། འཁོར ་བའི་རྩ་བའི་ཡུལ་དྲི་མ་མེད་པ་ཞེས་བྱ་བ་དང་། འཁོར་བ་ན་ཡུན་རིང་དུ་གནས་པ་རྣམས་ལ་སྣང་བར་བྱེད་པ་ཞེས་བྱ་བ་སྟེ། བཅུ་པོ་དེ་དག་ནི་འཁོར་བའི་ཉོན་མོངས་པའི་ཞིང་གི་ལས་ཀྱིས་ཐོབ ་པར་བྱ་བའི་ཕྱིར་སེམས་ཀྱི་ཡང་དག་པར་ལེན་པའི་རྣམ་པར་གྲོལ་བའི་སྨོན་ལམ་གསང་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ་ཀླུའི་རྒྱལ་པོ་དུག་མེད་ཅེས་བྱ་བས། བཅོམ་ལྡན ་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། ཉོན་མོངས་འཁོར་བ་རྙེད་པ་ཆེ།། སེམས་ཅན་རྣམས་ལ་སྨན་སླད་དུ།། འཁོར་བའི་དངོས་འདྲ་དེ་བཞིན་གཤེགས། ་ཆོས་རྣམས་སྣ་ཚོགས་སྟོན་པ་མཛད།། འཁོར་བའི་ཉོན་མོངས་པའི་ཞིང་གི་ལས་ཀྱིས་ཐོབ་པའི་གླེང་གཞིའི་ལེའུ་ཞེས་བྱ་སྟེ་དྲུག་པའོ།། ། སྤྲིན་ཆེན་སྙིང་པོས་གསོལ་པ ་གཡེ་ཤེས་པ་རྨོངས་པའི་སྙིང་པོ་བས་མ་ཀྱིས་མི་བྱང་བ་གཟུང་བའི་རྣམ་འཕྲུལ་པའི་རྒྱལ་པོ་ནས་བགྱི་བའི་ཆོས་ཀྱིན་བཅུ། བཅོམ་ལྡན་འདས་ཀྱི་ཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། བདེ་བར་གཉེན་པོར ་བྱ་བ་མང་བ་ཞེས་བྱ་བ་དང་། མི་མཉམ་པ་དང་མཉམ་པའི་རྣམ་པར་འཕྲུལ་པའི་རྒྱལ་པོ་ཞེས་བྱ་བ་དང་། མཚུངས་པ་མེད་པར་འགྲོ་བའི་སྣང་བའི་སྒོར་འཇུག་པ་ཞེས་བྱ་བ་དང་། གཞུང་ལུགས་གོ། ་བར་བྱེད་པ་ཞེས་བྱ་བ་དང་། མཐར་བྱེད་པའི་ཏོག་ཅེས་བྱ་བ་དང་། ཡང་དག་པར་རྗོད་པའི་འོད་ཅེས་བྱ་བ་དང་། ཆུ་ལས་ཤིན་ཏུ་འཕགས་པར་དམིགས་པ་ཞེས་བྱ་བ་དང་། སྙིང་པོ་དྲི་མ་མེད་པ་ཞེས་བྱ་བ ་དང་ས་འཛིན་འོད་འཕྲོ་ཞེས་བྱ་བ་དང་། ། མངོན་པར་འཕགས་པའི་སྣང་བའི་སྒོ་ཞེས་བྱ་བ་སྟེ། བཅུ་པོ་དེ་དག་ནི་ཡེ་ཤེས་ལ་རྨོངས་པའི་སྙིང་བསམ་གྱིས་མི་ཁྱབ་པ་ལ་གཟུད་པའི་རྣམ་པར་འཕྲུལ་པ ་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷའི་བུ་འཕྲེང་མཛེས་ཅན་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། ་སངས་རྒྱས་ཡེ་ཤེས་བསམ་མི་ཁྱབ།། ཀྱེ་མ་སེམས་ཅན་ཀུན་ཕན་ཕྱིར།། ཡེ་ཤེས་རྨོངས་པ་སྣ་ཚོགས་པ།། དེ་བཞིན་གཤེགས་པ་སྟོན་པ་མཛད།། ཡེ་ཤེས་ལ་རྨོངས་པ་གཟུད་པའི་གླེང་གཞིའི། ་ལེའུ་ཞེས་བྱ་བ་སྟེ་བདུན་པའོ།། ། སྤྲིན་ཆེན་སྙིང་པོས་གསོལ་པ། ཡེ་ཤེས་ཟབ་མོ་བརྟན་པ་ཐོབ་པ་ལ་འཇུག་པའི་རྣམ་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན ་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་ཡངས་པའི་སྙིང་པོ་བཅུ་ལ་གུས་པར་འཇུག་པ་ཞེས་བྱ་བ་དང་། ན་མཁས་བསྲུངས་པ་ཞེས ་བྱ་བ་དང་། དུས་བཟངས་ཟབ་མོ་ལ་འཇུག་པ་ཞེས་བྱ་དང་། ཕྲ་བ་ལ་དགའ་བ་ཞེས་བྱ་བ་དང་། རྒྱ་མཚོ་མི་བསྐྱོད་པ་ཞེས་བྱ་བ་དང་། ཡེ་ཤེས་ཀྱི་འོད་འཕྲོ་བའི་འོད་ཅེས་བྱ་བ་དང་། ངག་གི་རང་བཞིན་གཙང་བ་ལ་འཇུག་པ་ཞེས་བྱ་བ ་དང་། ཉོན་མོངས་པའི་བུད་ཤིང་ཚིག་པ་དྲི་མ་མེད་པ་ལ་འཇུག་པ་ཞེས་བྱ་བ་དང་། བློ་གྲོས་བརྟན་པ་ལ་འཇུག་པ་ཞེས་བྱ་བ་དང་། བློ་གྲོས་དྲི་མ་མེད་པ་ཞེས་བྱ་བ་སྟེ། བཅུ་པོ་དེ་དག་ནི་ཡེ་ཤེས ་ཟབ་མོ་བརྟན་པ་ཐོས་པ་ལ་འཇུག་པའི་རྣམ་པའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷ་མོ་གསེར་ལྟར་གསལ་བ་ཞེས་བྱ་བས། བཅོམ་ལྡན་འདས་ལ་མཆོད་པའི་ལས་བྱས་ནས། ་ཚིགས་སུ་བཅད་པ་འདི་དག་སྨྲས་སོ།། གསེར་གྱིས་རབ་བརྒྱན་འདྲ་བའི་དེ་བཞིན་གཤེགས།། ཡེ་ཤེས་མངའ་བས་གསེར་གྱི་རི་བོ་བཞིན།། སེམས་ཅན་རྣམས་ལ་ཕན་པ་མཛད་སླད་དུ།། ཡེ་ཤེས་ཐ ་མོའི་གཏེར་ནི་སྟོན་པ་མཛད། ། ཡེ་ཤེས་ཟབ་མོ་བསྟན་པ་འཐོབ་པ་ལ་འཇུག་པའི་རྣམ་པའི་གླེང་གཞིའི་ལེའུ་ཞེས་བྱ་སྟེ་བརྒྱད་པའོ།། ། སྤྲིན་ཆེན་སྙིང་པོས་གསོལ་པ། སྤྲིན་ཆེན ་པོའི་སྙིང་པོའི་ཆར་གྱི་རྒྱུན་བསམ་གྱིས་མི་ཁྱབ་པའི་བསོད་ནམས་ཀྱི་མཛོད་ཅེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། བྱམས ་པ་ལ་དགའ་བའི་མཛོད་ཅེས་བྱ་བ་དང་། སྙིང་རྗེ་ལ་དགའ་བའི་མཛོད་ཅེས་བྱ་བ་དང་། དགའ་བ་ལ་དགའ་བའི་མཛོད་ཅེས་བྱ་བ་དང་། བཏང་སྙོམས་ལ་དགའ་བའི་མཛོད་ཅེས་བྱ་བ་དང་། ་བདེན་པས་ཆུ་འབེབས་པའི་ཆུ་མཛོད་ཅེས་བྱ་བ་དང་། རྒྱ་མཚོའི་ཉའི་འགྲོ་བར་རྒྱུ་བའི་མཛོད་ཅེས་བྱ་བ་དང་། ཆོས་ཀྱི་སྒོའི་མིང་དང་ལྡན་པའི་མཛོད་ཅེས་བྱ་བ་དང་། རྒྱུན་གྱི་རྒྱལ་པོའི་ལམ་གྱི་མཛོད་ཅེས ་བྱ་བ་དང་། གཞུང་ལུགས་ལ་འཇུག་པའི་མཛོད་ཅེས་བྱ་བ་དང་། མིང་གིས་གསང་ཚིག་གསུམ་གྱི་དཀོན་མཆོག་ལ་འཇུག་པའི་མཛོད་ཅེས་བྱ་བ་སྟེ། བཅུ་པོ་དེ་དག་ནི་སྤྲིན་ཆེན་པོའི་སྙིང་པོའི་ཆར་གྱི་རྒྱུན་བསམ ་གྱིས་མི་ཁྱབ་པའི་བསོད་ནམས་ཀྱི་མཛོད་ཅེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷའི་བུ་ཡེ་ཤེས་ལ་དགའ་བ་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས ་སུ་བཅད་པ་འདི་དག་སྨྲས་སོ། ། བཅོམ་ལྡན་སངས་རྒྱས་བསམ་མི་ཁྱབ།། དེ་བཞིན་གཤེགས་པ་འགག་པ་མེད།། ཀྱེ་མ་སེམས་ཅན་སྨན་སླད་དུ།། ཆོས་རྣམས་སྣ་ཚོགས་སྟོན་པ་མཛད།། རྣམ ་པར་ཐར་པའི་བསོད་ནམས་ཀྱི་མཛོད་ཀྱི་གླེང་གཞིའི་ལེའུ་ཞེས་བྱ་བ་སྟེ་དགུ་པའོ། ། ། སྤྲིན་ཆེན་སྙིང་པོས་གསོལ་པ། སྤྲིན་ཆེན་པོའི་ཆར་གྱི་རྒྱུན་བསམ་གྱིས་མི་ཁྱབ་པའི་བསོད་ནམས ་ཀྱི་རྣམ་པའི་ལམ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཆར་གྱི་དུས་ཞེས་བྱ་བ་དང་། ཆར་གྱི་དྲ་བའི་རྒྱན་རིན ་པོ་ཆེའི་རེང་བུའི་རྒྱལ་པོ་ཞེས་བྱ་བ་དང་། ཆར་གྱི་དྲ་བའི་སྙིང་པོའི་ཕྱག་རྒྱའི་རྒྱལ་པོ་ཞེས་བྱ་བ་དང་། ཆར་གྱི་དྲི་མ་སེལ་བ་ཞེས་བྱ་བ་དང་། ཆར་གྱི་དྲ་བ་སྣ་ཚོགས ་ཀྱི་ཆུའི་གདུག་པ་སེལ་བའི་རྒྱལ་པོ་ཞེས་བྱ་བ་དང་། ཆར་གྱི་དྲ་བ་བདེ་བསིལ་ངོམས་པར་བྱེད་པ་ཞེས་བྱ་བ་དང་། ཆར་སྣ་ཚོགས་ལ་དམིགས་པ་ཡང་དག་པའི་སྤྱོད་ཡུལ་གྱི་རྒྱལ་པོ་ཞེས་བྱ་བ་དང་། ་ཆར་སྣ་ཚོགས་ལ་ཡང་དག་པར་ལྟ་བ་དང་ལྷན་ཅིག་སྐྱེས་པ་ཞེས་བྱ་བ་དང་། ཆར་སྣ་ཚོགས་ཀྱི་བསོད་ནམས་ཀྱི་རྣམ་པའི་ཞིང་ལ་དབང་བྱེད་པ་ཞེས་བྱ་བ་དང་ཆར་གྱི་དྲ་བ་བདེ་བསིལ་སྨན ་གྱི་ཆར་འབེབས་ཀླུའི་རྒྱལ་པོ་ཞེས་བྱ་བ་སྟེ། བཅུ་པོ་དེ་དག་ནི་སྤྲིན་ཆེན་པོའི་ཆར་གྱི་རྒྱུན་བསམ་གྱིས་མི་ཁྱབ་པའི་བསོད་ནམས་ཀྱི་རྣམ་པའི་ལམ་ཞེས་བྱ་བའི་ཆོས་ཀྱི་སྒོ་ཡིན་ནོ།། ་དེ་ནས་དེའི་ཚེ། ལྷའི་བུ་ན་མཁའ་ལ་བསྒྲགས་པ་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། ཁྱོད་ཀྱིས་དེ་རིང་གསང་བ་མང་པོ ་རབ་ཏུ་བཤད། ། ལྷ་རྣམས་སྟོང་ཕྲག་བྱེ་བ་རབ་ཏུ་གྲོལ་བར་མཛད།། སེམས་ཅན་མང་པོ་དག་ཀྱང་ཁྱོད་ཀྱིས་གྲོལ་བར་མཛད།། རྒ་ནད་བཟློག་ཕྱིར་མྱ་ངན་འདས་པ་ཡང་དག་རྟོགས།། ཁྱོད་ནི ་ལྷ་ཡི་ལྷ་མཆོག་བླ་ན་མེད་པ་ལགས། ། ཁྱོད་ནི་གསང་བའི་གསང་བ་ཁྱོད་ནི་འཇིག་རྟེན་མགོན།། ཆོས་རྣམས་རྣམ་པ་སྣ་ཚོགས་དོན་ཡོན་སྟོན་པ་མཛད་ཡེ་ཤེས་འོད་འགྲོ་སྒྲོན་མདམ་བརྟག་ཏུ་སྣང་།། བསོད་རྣམས་ཀྱི་རྣམ་པ་ཡོང་སུ་བརྗོད་། ་གླེང་གཞིའི་ལེའུ་ཞེས་བྱ་སྟེ་བཅུ་པའོ།། ། སྤྲིན་ཆེན་སྙིང་པོས་གསོལ་པ། སྤྲིན་ཆེན་པོའི་ཚོགས་ན་མཁའ་ལས་འབྱུང་ཞིང་འདུ་བའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས ་ཀྱི་སྒོ་བཅུ། བཅོམ་ལྡན་འདས་ཀྱིས་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྩ་བ་ནས་སྐྱེ་བའི་རབ་ཏུ་མགུ་བ་ལ་མཁས་པའི་རྒྱལ་པོ་ཞེས་བྱ་བ་དང་། རྩ་བའི་རང་བཞིན ་ལེགས་པར་མཐོང་ནས་རྟག་ཏུ་རྗོད་པ་ཞེས་བྱ་བ་དང་། མཉམ་པ་དང་མི་མཉམ་པའི་ཡེ་ཤེས་ཤིན་ཏུ་མཐོང་བའི་རྒྱལ་པོ་ཞེས་བྱ་བ་དང་། རྟག་པའི་ཕྱག་རྒྱ་ཞེས་བྱ་བ་དང་། བློ་གྲོས་མི་ཟད་པའི་ཡང་དག་པ ་རྒྱལ་པོ་ཞེས་བྱ་བ་དང་། བསམ་གྱིས་མི་ཁྱབ་པའི་གནས་ཤེས་བྱ་བ་དང་། ཆགས་པ་མེད་པའི་ནན་ཏན་གྱི་རྣམ་པ་ཞེས་བྱ་བ་དང་། རྒྱ་མཚོ་ཟབ་མོའི་དུས་ཤིན་ཏུ་ངེས་པའི་རྒྱལ་པོ་ཞེས་བྱ་བ་དང་། ་དུས་ཚིགས་ཡིད་དུ་འོང་བ་ལ་མངོན་པར་རབ་ཏུ་དགའ་བ་ཞེས་བྱ་བ་དང་། ནམ་མཁའ་དང་མཉམ་པའི་ཡེ་ཤེས་ཀྱི་ཆར་སྤྲིན་ཆེན་པོའི་ནམ་མཁའི་མཛོད་ཅེས་བྱ་བ་སྟེ། བཅུ་པོ་དེ་དག་ནི་སྤྲིན་ཆེན་པོའི་ཚོགས་ན་མཁ ་ལས་འབྱུང་ཞིང་འདུ་བའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷ་མོ་ཚུལ་ལ་མཁས་པ་ཞེས་བྱ་བས། བཅོམ་ལྡན་འདས་ལ་མཆོད་པའི་ལས ་བྱས་ནས། ཚིགས་སུ་བཅད་པ་འདི་དག་སྨྲས་སོ།། གསང་སྲུང་དཔའ་བོ་ཆེན་པོ་སྟེ།། དེ་བཞིན་གཤེགས་པ་གསང་བས་བསྲུངས།། སེམས་ཅན་རྣམས་ལ་སྨན་སླད་དུ།། གསང་བ་སྣ་ཚོགས ་སྟོན་པ་མཛད། ། སྤྲིན་ཆེན་པོའི་ཚོགས་ན་མཁའ་ལས་འབྱུང་བའི་གླེང་གཞིའི་ལེའུ་ཞེས་བྱ་སྟེ་བཅུ་གཅིག་པའོ།། ། སྤྲིན་ཆེན་སྙིང་པོས་གསོལ་པ། སྤྲིན ་ཆེན་པོའི་གློག་གི་འོད་སྣང་བའི་སྒོ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་དེ་བཞིན་གཤེགས་པས་མངོན་པར་རབ་ཏུ་འབར་བར་མཛད་དུ་གསོལ། ་བཅོམ་ལྡན་འདས་ཀྱིས་བཀའ་སྩལ་པ། རིན་པོ་ཆེའི་མཛོད་ཀྱི་འོད་ཟེར་གྱི་གློག་གི་འོད་ཅེས་བྱ་བ་དང་། ནམ་མཁའ་ལ་བརྩོན་འགྲུས་སྣང་བའི་གློག་གི་འོད་ཅེས་བྱ་བ་དང་། ཤིན་ཏུ་བསྲུངས་པ་ཞེས་བྱ་བ་དང ་མཚམས་ཀྱི་དུས་ཚོད་རྒྱལ་པོ་ཞེས་བྱ་བ་དང་། དཔལ་གྱིས་བསྲུངས་པའི་བློ་གྲོས་འདོད་པའི་བློའི་རྒྱལ་པོ་ཞེས་བྱ་བ་དང་། དྲི་མི་མེད་པའི་གསེར་གྱི་གློག་གི་འོད་ཀྱི་རྒྱལ་པོ་ཞེས་བྱ་བ་དང་། བཻཪྵ་ཤྨི། ་སྙིང་པོའི་བློ་གྲོས་མི་ཟད་པའི་སྣང་བའི་གློག་གི་འོད་ཅེས་བྱ་བ་དང་། གནས་ལ་མངོན་པར་མོས་པའི་གློག་གི་འོད་སྣང་བའི་ཅེས་བྱ་བ་དང་། ཡོན་ཏན་གྱི་རྒྱ་མཚོ་ཟབ་མོ་བརྟན་པའི་གློག་གི་འོད་ཅེས་བྱ་བ ་དང་། ཡུལ་ཆམ་དུ་འབེབས་པའི་གྲོག་གི་འོད་ཅེས་བྱ་བ་སྟེ། བཅུ་པོ་དེ་དག་ནི་སྤྲིན་ཆེན་པོའི་གློག་གི་འོད་སྣང་བའི་སྒོ་ཞེས་བྱ་བའི་ཆོས་ཀྱི་སྒོ་ཡིན་ནོ།། དེ་ནས་དེའི་ཚེ། ལྷ་མོ་མངོན ་པར་འཚོ་བར་བྱེད་པ་ཞེས་བྱ་བས། བཅོམ་ལྡན་འདས་ལ་མཆོད་པའི་ལས་བྱས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ཚིགས་སུ་བཅད་པ་འདི་དག་སྨྲས་སོ།། གློག་གི ་རྒྱལ་པོ་སྐུ་ཆེ་བ། ། ན་མཁའ་དང་ནི་མཚུངས་འདྲ་སྟེ།། དེ་བཞིན་གཤེགས་པ་ཐབས་ཀྱི་གཟུགས།། བདག་གིས་ཅུང་ཟད་བརྗོད་མི་ནུས།། གློག་གི་འོད་ཀྱི་གླེང་གཞིའི་ལེའུ་ཞེས་བྱ་སྟེ་བཅུ ་གཉིས་པའོ། ། །། སྤྲིན་ཆེན་སྙིང་པོས་གསོལ་པ། སེམས་ཅན་ཐམས་ཅད་ལ་སྨན་པ་དང་བདེ་བའི་སླད་དུ། བཅོམ་ལྡན་འདས་ཀྱིས་སངས་རྒྱས་ཀྱི་ཉི་མའི་འོད་ཟེར་ཆེན་པོ་མཐའ ་ཡས་པ་རབ་ཏུ་དགྱེ་བར་གསོལ། སྤྲིན་ཆེན་པོས་གློག་འགྱུ་བ་དང་ལྡན་པ་ལ་འཇུག་པའི་རྣམ་པ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ ་ལྡན་འདས་ཀྱིས་བཀའ་སྩལ་པ། རླུང་གི་མཐུ་དང་མཉམ་པའི་ཤུགས་ཀྱི་གློག་གྲི་འོད་འགྱུར་བའི་རྒྱལ་པོ་ཞེས་བྱ་བ་དང་། ཡེ་ཤེས་ཤིན་ཏུ་རྣོ་བ་ཞེས་བྱ་བ་དང་། ཡེ་ཤེས་མངོན་པར ་གཏན་ལ་འབེབས་པའི་རྒྱལ་པོ་ཞེས་བྱ་བ་དང་། ལྷན་ཅིག་འཇུག་པའི་ཤུགས་ཀྱིས་སྒྲ་བསྒྲགས་པའི་རྒྱལ་པོ་ཞེས་བྱ་བ་དང་། རྒྱ་མཚོའི་རླབས་གཡོ་བ་ལ་མཁས་པའི་རྒྱལ་པོ་ཞེས་བྱ་བ ་དང་ཆོས་འདོད་ཅིང་རབ་ཏུ་བསྲུངས་པ་ཞེས་བྱ་བ་དང་། ནོར་གྱིས་རྒྱལ་བའི་མཚམས་སྦྱོར་བ་ལ་མཁས་པའི་རྒྱལ་པོ་ཞེས་བྱ་བ་དང་། ཆོས་ཀྱི་རྔ་བོ་ཆེ་དུག་གནོན་པོའི་སྨན་གྱི་རྒྱལ་པོ་ཞེས ་བྱ་བ་དང་། ཤིན་ཏུ་མཛེས་པས་སྟོན་པ་སྟོབས་དང་ལྡན་པར་བྱེད་པ་ཞེས་བྱ་བ་དང་། མུན་པ་དང་ཆབ་བྲོམ་ལྟ་བུའི་ཉོན་མོངས་པའི་རྩ་བར་རྣམ་པར་སྒྲོགས་པ་ལ་རྣམ་པར་འཕྲུལ་པའི་རྒྱལ་པོ་ཞེས ་བྱ་བ་སྟེ། བཅུ་པོ་དེ་དག་ནི་སྨན་ཆེན་པོའི་གློག་འགྲུ་བ་དང་ལྡན་པ་ལ་འཇུག་པའི་རྣམ་པར་འཕྲུལ་པ་ཞེས་བྱ་བའི་ཆོས་ཀྱི་སྒོ་ཡིན་ནོ།། དེ་ནས་དེའི་ཚེ། ལྷ་མོ ་ཤུགས་ལྡན་མ་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། ང་རྒྱལ་མི་མངའ་བསྙེངས་མི་མངའ།། ཐུགས་རྗེར་ལྡན་ཞིང་སྐྱོན་མི་མངའ།། ་དཔའ་བོ་ཐབས་ལ་མཁས་པ་སྟེ།། འཇིག་རྟེན་ཀུན་དང་འཐུན་པར་འཇུག། དེ་རིང་ཁྱོད་ཀྱི་གཟི་བརྗིད་ཀྱིས།། འཇིག་རྟེན་འཐུན་པ་བདག་གིས་བསླབས།། བསམ་གྱིས་མི་ཁྱབ་བསམ་ཡས་ལྷ།། དེ ་བཞིན་གཤེགས་པ་མཚུངས་མེད་མཚུངས། ། སེམས་ཅན་རྣམས་ལ་སྨན་སླད་དུ།། ཆོས་རྣམས་སྣ་ཚོགས་སྟོན་པ་མཛད།། སྤྲིན་ཆེན་པོའི་གློག་འགྱུ་བ་དང་ལྡན་ཞིང་མུན་པ་འཇོམས་པའི་གླེང་གཞི ་ལེའུ་ཞེས་བྱ་སྟེ་བཅུ་གསུམ་པའོ། ། ། སྤྲིན་ཆེན་སྙིང་པོས་གསོལ་པ། སྤྲིན་ཆེན་པོའི་གློག་གི་སྒྱུ་འཕྲུལ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྟག་ཏུ་བརྗོད་པ་ཞེས་བྱ་བ་དང་། སྤྲིན་ཆེན་པོའི་གློག་གི་སྒྱུ་འཕྲུལ་རྟག་ཏུ་མངོན་པར་སྲུང་བ་ཞེས་བྱ་བ་དང་། རྟག་ཏུ་མངོན་པར་དགའ་བ་ཞེས ་བྱ་བ་དང་། རྟག་ཏུ་མངོན་པར་འདོད་པ་ཞེས་བྱ་བ་དང་། མེ་ལ་མངོན་པར་རྩེ་བ་ཞེས་བྱ་བ་དང་། སྐྱེ་གནས་ཐམས་ཅད་དུ་མངོན་པར་འཇུག་པ་ལ་དགའ་བ་ཞེས་བྱ་བ་དང་། རྙེད་པ་དང་བཅས་པའི་འགྲོ ་བ་ལ་རབ་ཏུ་བགུ་བ་ཞེས་བྱ་བ་དང་། ཆུ་འབྱེད་དཀར་མོ་ཞེས་བྱ་བ་དང་། འོད་འཕྲོའི་རྒྱལ་པོ་མངོན་དུ་བྱེད་པ་ཞེས་བྱ་བ་དང་། རྟག་ཏུ་མངོན་པར་འཕགས་པ་མངོན་པར་རྒྱས་པའི་འཕྲེང་བ་བརྒྱུས་པ་ཞེས ་བྱ་བ་སྟེ། བཅུ་པོ་དེ་དག་ནི་སྤྲིན་ཆེན་པོའི་གློག་གི་སྒྱུ་འཕྲུལ་ཞེས་བྱ་བའི་ཆོས་ཀྱི་སྒོ་ཡིན་ནོ།། དེ་ནས་དེའི་ཚེ། ལྷ་མོ་སྤྲིན་གྱི་ཆུང་མ་ཞེས་བྱ་བས། བཅོམ་ལྡན་འདས་ལ་མཆོད་པ ་ཆེན་པོ་བྱས་ནས། ཚིགས་སུ་བཅད་པ་འདི་དག་སྨྲས་སོ།། ཀྱེ་མ་བཅོམ་ལྡན་སངས་རྒྱས་ཀྱི།། ཡུལ་ནི་བསམ་གྱིས་མི་ཁྱབ་སྟེ།། སྒྱུ་འཕྲུལ་རྒྱལ་པོ་དེ་བཞིན་གཤེགས།། སེམས་ཅན་རྣམས ་ལ་སྨན་སླད་དུ། ། སྒྱུ་འཕྲུལ་སྣ་ཚོགས་སྟོན་པ་མཛད།། སྤྲིན་ཆེན་པོའི་གློག་གིས་སྒྱུ་འཕྲུལ་གྱི་གླེང་གཞིའི་ལེའུ་ཞེས་བྱ་སྟེ་བཅུ་བཞི་པའོ།། ། སྤྲིན་ཆེན་སྙིང་པོས་གསོལ་པ། ་ཆོ་འཕྲུལ་ཆེན་པོའི་སྒྲོན་མ་སྟོན་པ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གཏེར་མི་ཟད་པ་ལ་འཇུག་པའི་ཆོ ་འཕྲུལ་སྟོན་པ་ཞེས་བྱ་བ་དང་། རིན་པོ་ཆེའི་མཛོད་སྡུད་པ་ཞེས་བྱ་བ་དང་། རྣམ་པར་ཐར་པ་བསམ་གྱིས་མི་ཁྱབ་པ་ལ་གནས་པའི་མཛོད་ཅེས་བྱ་བ་དང་། རི་མོ་ལ་མཐའ་ཡས་པ་ཞེས་བྱ་བ་དང་། ་དགེ་བ་འབྱོར་པ་ཞེས་བྱ་བ་དང་། དགའ་བ་ཕུན་སུམ་ཚོགས་པ་ཞེས་བྱ་བ་དང་། ཚུལ་གྱི་རྣམ་པར་ལ་འཇུག་པ་ཞེས་བྱ་བ་དང་། མེ་ལོང་གི་དཀྱིལ་འཁོར་མ་བསྒྲིབས་པ་ཞེས་བྱ་བ་དང་། དྲན་པའི ་ཕྱོགས་མི་ཟད་པ་ཞེས་བྱ་བ་དང་། སེམས་ཅན་ཐམས་ཅད་ངེས་པར་སྒྲོལ་བ་ཡིད་དུ་འོང་བ་ལ་འཇུག་པ་ཞེས་བྱ་བ་སྟེ། བཅུ་པོ་དེ་དག་ནི་ཆོ་འཕྲུལ་ཆེན་པོའི་སྒྲོན་མ ་སྟོན་པ་ཞེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷ་མོ་རབ་ཏུ་དགའ་བ་ཞེས་བྱ་བས། བཅོམ་ལྡན་འདས་ལ་མཆོད་པ་ཆེན་པོ་བྱས་ནས། ཚིགས་སུ་བཅད་པ ་འདི་དག་སྨྲས་སོ། ། ཀྱེ་མ་བཅོམ་ལྡན་སངས་རྒྱས་མི་བསྐྱོད་པ།། ཆོ་འཕྲུལ་ཆེན་པོའི་རྒྱལ་པོ་དེ་བཞིན་གཤེགས།། སེམས་ཅན་རྣམས་ཀྱི་ཤེས་པ་བསྐྱེད་དོན་དུ།། དེ་རིང་ཆོས་རྣམས་སྣ ་ཚོགས་སྟོན་པ་མཛད། ། ཆོ་འཕྲུལ་ཆེན་པོའི་གླེང་གཞིའི་ལེའུ་ཞེས་བྱ་སྟེ་བཅོ་ལྔ་པའོ།། ། སྤྲིན་ཆེན་སྙིང་པོས་གསོལ་པ། ཆོས་ཀྱི་ཐོག་ཏོག་གི་འབེལ་བའི་གཏམ་ལ་འཇུག ་པའི་རྣམ་པར་འཕྲུལ་པའི་རྒྱལ་པོ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཐོག་ཏོག་གི་རིང་པོ་ཆེའི་འབྱུང་གནས ་ཞེས་བྱ་བ་དང་། ཐོག་ཏོག་གི་རྒྱ་མཚོ་ཞེས་བྱ་བ་དང་། ཐེག་ཏོག་གི་སྦྱོར་བའི་རྒྱལ་པོ་ཞེས་བྱ་བ་དང་། ཐོག་ཏོག་གི་སྨན་ཆེན་པོའི་མཛོད་བརྟན་པ་ཞེས་བྱ་བ་དང་། ཐོག་ཏོག་གི་སྤྱིའི་རྒྱལ་པོ་ཞེས ་བྱ་བ་དང་། ཐོག་ཏོག་གི་བློ་གྲོས་མི་ཟད་པའི་རྒྱལ་པོ་ཞེས་བྱ་བ་དང་། ཐོག་ཏོག་གི་སྙིང་པོ་མཆོག་ཅེས་བྱ་བ་དང་། ཐོག་ཏོག་གི་སྒྲོན་མའི་དེད་དཔོན་ཐོབ་པའི་རྒྱལ་པོ་ཞེས་བྱ་བ་དང་། ཆོས་ཀྱི་ཕྱོགས ་ཀྱི་མཚོན་ཆའི་མཆོག་ཅེས་བྱ་བ་དང་། ཐོག་ཏོག་ཟབ་མོའི་དུས་ཞེས་བྱ་བ་སྟེ། བཅུ་པོ་དེ་དག་ན་ཆོས་ཀྱི་ཐོག་ཏོག་གི་འཕེལ་བའི་གཏམ་ལ་འཇུག་པའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས ་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷ་མོ་མངོན་པར་སྒེག་མ་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་དག་སྨྲས་སོ།། ལྷ་ཆེན་ཆོས་ཀྱི ་སྤྲིན་ལགས་ཏེ། ། ཐོག་ཏོག་རྒྱལ་པོ་དེ་བཞིན་གཤེགས།། དེ་བཞིན་གཤེགས་པས་ཉོན་མོངས་རྣམས།། སྣ་ཚོགས་པར་ནི་ཚར་ཡང་བཅད།། སེམས་ཅན་རྣམས་ལ་སྨན་སླད་དུ།། ཉོན་མོང། ་ཐབས་པོར་རོལ་པ་མཛད།། ཆོས་ཀྱི་ཐོག་ཏོག་གིས་འབེལ་བའི་གཏམ་གྱི་གླེང་གཞིའི་ལེའུ་ཞེས་བྱ་སྟེ་བཅུ་དྲུག་པའོ།། ། སྤྲིན་ཆེན་སྙིང་པོས་གསོལ་པ། ཡེ་ཤེས་རྡོ་རྗེའི ་རྣམ་པ་ལ་འཇུག་པའི་མཛོད་སྲུང་བ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། བརྩེ་བའི་རིན་པོ་ཆེའི་མཛོད་ཅེས་བྱ་བའི ་ཆོས་ཀྱི་སྒོ་དང་། ཚུལ་རབ་ཏུ་དགའ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། ཚུལ་གྱི་རྫུ་འཕྲུལ་གྱི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། ངང་པ་འཕྱོས་པའི་གནས་ཀྱི་རྣམ་པ ་ཞེས་བྱ་བའི་ཆོས་ཀྱི་སྒོ་དང་། ན་མཁའ་ལེགས་པར་བརྒྱན་པའི་རྒྱལ་པོ་ཞེས་བྱ་བའི་ཆོས་ཀྱིས་སྒོ་དང་། བུམ་པ་ཤིང་གི་མགོ་ཐོགས་ཅན་གྱི་སྨན་གྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། རྒྱ་མཚོ་ཟང ་མི་འཁྲུགས་པ་ལྟ་བུའི་བློ་གྲོས་ལ་འཇུག་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། རབ་ཏུ་དུལ་བའི་གཟི་བརྗིད་སྟོབས་ཅན་གྱི་དུས་ཚོད་ཀྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་།། བསམ ་གྱིས་མི་ཁྱབ་པའི་གནས་ཀྱི་མཐའ་ལ་མི་རྟོག་པ་ཞེས་བྱ་བའི་ཆོས་ཀྱི་སྒོ་དང་། བསྐལ་པ་ལ་ཁྱབ་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་ཡེ་ཤེས་རྡོ་རྗེའི་རྣམ་པ་ལ་འཇུག་པའི་མཛོད་སྲུང་བ་ཞེས ་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷ་མོ་ཡེ་ཤེས་ཕྲ་བ་ལ་དགའ་བ་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། ་སངས་རྒྱས་མཛད་བྲལ་ཆ་དང་བྲལ།། དེ་བཞིན་གཤེགས་པ་མ་སྐྱེས་ཀྱང་།། སྐྱེས་པ་ལྟ་བུར་སྟོན་མཛད་དེ།། ཡེ་ཤེས་རྡོ་རྗེ་རྣམ་མང་མངའ།། ཡེ་ཤེས་རྡོ་རྗེའི་རྣམ་པ་ལ་འཇུག་པའི་གླིང་གའི ་ལེའུ་ཞེས་བྱ་བ་སྟེ་བཅུ་བདུན་པའོ། ། །། སྤྲིན་ཆེན་སྙིང་པོས་གསོལ་པ། ལོངས་སྤྱོད་མི་ཟད་པའི་རྣམ་པ་ལ་འཇུག་པ་རྣམ་པར་འཕྲུལ་པའི་རྒྱལ་པོ་ཞེས་བགྱི་བའི་ཆོས་ཀྱི་སྒོ་བཅུ ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། བདུད་རྩིའི་བློ་གྲོས་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། བདེ་བས་ཚིམ་པ་ལ་འཇུག་པ་ཞེས་བྱ་བའི་ཆོས་ཀྱི ་སྒོ་དང་། དགའ་བ་ལ་མཁས་པ་ཞེས་བྱ་བའི་ཆོས་ཀྱི་སྒོ་དང་། སྡུག་ཅིང་རབ་ཏུ་དགའ་བ་ལ་མཁས་པ་ཞེས་བྱ་བའི་ཆོས་ཀྱི་སྒོ་དང་། ཟབ་ཅིང་བརྟན་པའི་ཆུའི་རོལ་འཇུག་པ་ཞེས་བྱ་བའི་ཆོས་ཀྱི་སྒོ ་དང་། སེམས་ཀྱི་བློ་གྲོས་ཀྱི་སྤྱོད་ཡུལ་གྱི་བདེ་བ་འདོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། བདེ་བ་མི་ཟད་ཅིང་གདོད་མ་ནས་དྲི་མ་མེད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། ཐམས་ཅད ་རབ་ཏུ་མགུ་ཞིང་རབ་ཏུ་དགའ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་ལོངས་སྤྱོད་མི་ཟད་པའི་རྣམ་པ་ལ་འཇུག་པ་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ།། ་དེ་ནས་དེའི་ཚེ། ལྷ་མོ་ལག་ན་སྦྲང་ཆང་ཐོགས་པ་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། མཚན་མ་མི་མངའ་དེ་བཞིན་གཤེགས།། ་གཟུང་དུ་མེད་ཅིང་རེག་ཏུ་མེད།། སེམས་ཅན་རྣམས་ལ་སྨན་སླད་དུ།། གསང་བ་སྣ་ཚོགས་སྟོན་པ་མཛད།། ལོངས་སྤྱོད་མི་ཟད་པའི་རྣམ་པ་ལ་འཇུག་པ་རྣམ་པར་འཕྲུལ་པའི་རྒྱལ་པོའི་ཆོས་ཀྱི ་སྒོའི་གླེང་གཞིའི་ལེའུ་ཞེས་བྱ་སྟེ་བཅོ་བརྒྱད་པའོ། ། །། སྤྲིན་ཆེན་སྙིང་པོས་གསོལ་པ། ཡང་དག་པའི་ལམ་གྱི་རྣམ་པ་མངོན་པར་མཚོན་པ་ལ་འཇུག་པ་ཞེས་བགྱི་བའི ་སྒོ་བཅུ། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཕྲ་བ་རྒྱས་པའི་རྣམ་པ་ཞེས་བྱ་བའི་ཆོས་ཀྱི་སྒོ་དང་། ་བརྟན་པའི་རྣམ་པའི་མཛོད་ཅེས་བྱ་བའི་ཆོས་ཀྱི་སྒོ་དང་། དཔའ་བའི་སྟོབས་ཀྱིས་རྣམ་པར་རྒྱལ་བའི་རིན་པོ་ཆེའི་མཛོད་ཅེས་བྱ་བའི་ཆོས་ཀྱི་སྒོ་དང་། ལྷ་ཐམས་ཅད་ཀྱི་གནས་ཤར་ཕྱོགས་སུ ་ལྟས་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། གཞུང་ལུགས་ཐམས་ཅད་རྫོགས་པར་བྱེད་པ་ཞེས་བྱ་བའི་ཆོས་ཀྱི་སྒོ་དང་། གཟུང་ལུགས་ཐམས་ཅད་ཀྱིས་མ་གོས་པ ་ཞེས་བྱ་བའི་ཆོས་ཀྱི་སྒོ་དང་། ལམ་ཐམས་ཅད་ལ་རབ་ཏུ་མགུ་ཞིང་རབ་ཏུ་དགའ་བ་ཞེས་བྱ་བའི་ཆོས་ཀྱི་སྒོ་དང་། ལམ་ངན་པར་ཞུགས་པ་ཐམས་ཅད་སྤངས་པའི་རྣམ་པ་ཞེས་བྱ་བའི་ཆོས་ཀྱི་སྒོ་དང་། ་མཚོའི་རྣམ་པ་རྟག་པའི་དུས་ཆོད་ཀྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། རྒྱ་མཚོའི་དུས་ངེས་པ་ལ་མངོན་པར་རྩེ་བའི་རྣམ་པའི་རིན་པོ་ཆེའི་མཛོད་ཅེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་ཡང་དག ་པའི་ལམ་གྱི་རྣམ་པ་མངོན་པར་མཚོན་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷ་མོ་རབ་ཏུ་དུལ་བ་ཞེས་བྱ་བས། བཅོམ་ལྡན་འདས་ལ་མཆོད་པ ་ཆེན་པོ་བྱས་ནས། ཚིགས་སུ་བཅད་པ་འདི་དག་སྨྲས་སོ།། དམ་པའི་ཡང་དག་ལམ་བསྲུངས་པ།། སེར་སྣའི་ལས་འདས་རྣམ་པར་དག། སེམས་ཅན་རྣམས་ལ་སྨན་སྐད་དུ།། ཆོས ་རྣམ་སྣ་ཚོགས་ཡང་དག་སྟོན། ། ཡང་དག་པའི་ལམ་གྱི་རྣམ་པ་མངོན་པར་མཚོན་པ་ལ་འཇུག་པའི་ཆོས་ཀྱི་སྒོའི་གླེང་གཞིའི་ལེའུ་ཞེས་བྱ་སྟེ་བཅུ་དགུ་པའོ།། ། སྤྲིན་ཆེན་སྙིང་པོས ་གསོལ་པ། ཕྲ་ཞིང་ཟབ་པའི་གླེང་གཞིའི་རྣམ་པ་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། མཉ ་པ་དང་གྱ་གྱུ་ཅན་ཐམས་ཅད་ཀྱི་གླེང་གཞི་ཞེས་བྱ་བའི་ཆོས་ཀྱི་སྒོ་དང་། རོ་བྲོ་བ་ཐམས་ཅད་ལ་རབ་ཏུ་དགའ་བ་ཞེས་བྱ་བའི་ཆོས་ཀྱི་སྒོ་དང་། གཞུང་ལུགས་ལ་རྣམ་པར་རྩེ་བའི་རྒྱལ་པོ་ཞེས་བྱ་བའི་ཆོས ་ཀྱི་སྒོ་དང་། རྒྱས་པ་འདོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒྲོ་དང་། རྒྱས་པ་ལ་དགའ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། ལུས་ལ་རབ་ཏུ་དགའ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང ་སྡུག་ཅིང་དང་བའི་སྤྱོད་ལམ་ལ་དགའ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། འཕགས་པས་རབ་ཏུ་བརྒྱན་པའི་དུས་ཚོད་ཀྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། དྲི་མའི་སྙིང་པོ་དྲི་མ་མེད་པར་བྱེད་པའི ་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། དམིགས་པའི་རྣལ་འབྱོར་གྱི་དགེ་བས་མངོན་པར་ཚིམ་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་ཕྲ་ཞིང་ཟབ་པའི་གླེང་གཞིའི་རྣམ་པ་ལ་འཇུག་པ་ཞེས་བྱ་བའི་ཆོས་ཀྱི ་སྒོ་ཡིན་ནོ། ། དེ་ནས་དེའི་ཚེ། ལྷ་མོ་མགྲིན་དབྱངས་སྙན་པ་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། དཔའ་ཆེན་སེང་གེའི་སྒྲ ་སྒྲོགས་པ། ། དེ་བཞིན་གཤེགས་སྒྲ་བསམ་མི་ཁྱབ།། སེམས་ཅན་རྣམས་ལ་སྨན་སླད་དུ།། སེང་གེའི་སྒྲ་ནི་མངོན་པར་སྒྲོགས།། ཕྲ་ཞིང་ཟབ་པའི་གླེང་གཞིའི་རྣམ་པ་ལ་འཇུག་པའི་ལེའུ་ཞེས་བྱ ་སྟེ་ཉི་ཤུ་པའོ། ། ། སྤྲིན་ཆེན་སྙིང་པོས་གསོལ།། སེང་གེའི་རྣམ་པར་རྩེ་བ་ལ་དམིགས་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། སེངྒེའི ་རྣམ་པར་རྩེ་བ་བསམ་གྱིས་མི་ཁྱབ་པས་རྣམ་པར་རོལ་པར་གསོལ། བཅོམ་ལྡན་འདས་ཀྱིས་བཀའ་སྩལ་པ། རྗེསུ་བྱ་བར་དཀའ་བ་དྲི་མ་མེད་པ་ཞེས་བྱ་བའི་ཆོས་ཀྱི་སྒོ་དང་། ་སྦྲང་མ་དང་བུང་བའི་མེ་ཏོག་གི་དྲི་ཞེས་བྱ་བའི་ཆོས་ཀྱི་སྒོ་དང་། རིན་པོ་ཆེརྣམ་པར་བསྒྱིངས་པའི་བློ་གྲོས་ཀྱིས་རྣམ་པར་རྩེ་ཞིང་གཉིད་ཀྱིས་ནོན་པ་ཞེས་བྱ་བའི་ཆོས་ཀྱི་སྒོ་དང་། རིན་པོ་ཆེའི་ལྷུན་པོ་མངོན ་པར་རབ་ཏུ་གཡོ་བའི་མཆོག་ཐོབ་པར་དཀའ་བ་ཞེས་བྱ་བའི་ཆོས་ཀྱི་སྒོ་དང་། ཆུ་འབབ་པ་ལྟ་བུར་རྩེ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། ས་ཀུན་ཏུ་རབ་ཏུ་གཡོ་བ་རྒྱ་ཆེར་རྩེ་བ་ལ་དམིགས་པ་ཞེས་བྱ ་བའི་ཆོས་ཀྱི་སྒོ་དང་། ལག་པ་གཡས་གཡོན་གྱི་མཐིལ་གསལ་བར་གཅོད་པ་ལྟ་བུར་མངོན་པར་རྩེ་བ་ཞེས་བྱ་བའི་ཆོས་ཀྱི་སྒོ་དང་། ཉ་བོ་ཆེ་དག་གི་འཇུག་མ་མངོན་པར་རྩེ་བའི་རྒྱལ་པོ་ཞེས་བྱ་བའི་ཆོས་ཀྱི ་སྒོ་དང་། ཐོབ་པར་དཀའ་བ་དང་རྟོགས་པར་དཀའ་བ་རབ་ཏུ་སྟོན་པ་ལ་མངོན་པར་རྩེ་བ་ཞེས་བྱ་བའི་ཆོས་ཀྱི་སྒོ་དང་། རྒྱན་ཐམས་ཅད་ཀྱི་རྣམ་པ་ལ་རབ་ཏུ་དགའ་ཞིང་མངོན་པར་རྩེ་བ་ལ་དམིགས་པ་ཞེས་བྱ ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་སེང་གེ་རྣམ་པར་རྩེ་བ་ལ་དམིགས་པ་ཞེས་བྱ་བའི་ཆོས་ཀྱི་སྒོ་ཡིན་ནོ།། དེ་ནས་དེའི་ཚེ། ལྷའི་བུ་སེང་གེ་དཔའ་བོ་ཞེས་བྱ་བས། བཅོམ་ལྡན ་འདས་ལ་མཆོད་པའི་ལས་བྱས་ནས། ཚིགས་སུ་བཅད་པ་འདི་དག་སྨྲས་སོ།། ཀྱེ་མ་བཅོམ་ལྡན་སངས་རྒྱས་དཔེ་མེད་པ།། ཡེ་ཤེས་དཔེ་མེད་དག་ལ་རབ་ཏུ་གནས།། སེམས་ཅན ་རྣམས་ལ་བདེ་མང་མཛད་སླད་དུ། ། ཐབས་ཀྱིས་སེང་གེའི་རྣམ་པར་རོལ་པ་མཛད།། སེང་གེ་རྣམ་པར་རྩེ་བ་ལ་དམིགས་པའི་གླེང་གཞིའི་ལེའུ་ཞེས་བྱ་སྟེ་ཉི་ཤུ་གཅིག་པའོ།། ་། སྤྲིན་ཆེན་སྙིང་པོས་གསོལ་པ། མཚམས་སྦྱར་བ་ཚོགས་པའི་རྣམ་པ་འཇིག་རྟེན་དང་འཐུན་པར་འཇུག་པར་བྱ་བ་ལ་འཇུག་པའི་མདོ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན ་འདས་ཀྱིས་མངོན་པར་མཚམས་སྦྱར་བར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། མཚམས་བརྟག་པར་བྱ་བའི་རྒྱལ་པོ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། ཐབས ་ཀྱིས་ཤིན་ཏུ་རབ་ཏུ་ཞི་བར་བྱ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། དད་པའི་སྦྲང་རྩི་འཇམ་པ་ཡང་དག་པར་རབ་ཏུ་གཟུང་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། སེང་གེ་རྣམ་པར་རྩེབ ་མངོན་པར་འཕགས་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། རིམ་པ་སྟོན་པའི་དུས་དང་ཚོད་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། རིམ་པ་དང་རིམ་པ་མེད་པ་དང་། ཡུལ་དང་ཡུལ་མ་ཡིན ་པར་འཇུག་པ་ལ་མཁས་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། གདུལ་བཀའ་བ་དང་དམུ་རྒོད་ཐབས་ཀྱིས་བཟུང་པ་ཞེས་བྱ་བའི་ཆོས་ཀྱི་སྒོ་དང་། མདའ་ལྟར་མགྱོགས་པར་ལུས་ལ་དཔལ ་འཇུག་པ་ཞེས་བྱ་བའི་ཆོས་ཀྱི་སྒོ་དང་། མཆོད་པ་འདོད་པ་ཐམས་ཅད་ཐོབ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། གནས་འོག་མའི་ལས་བྱེད་པའི་ཐབས་ལ་འཇུག་པ་ཞེས་བྱ་བའི་ཆོས་ཀྱི་སྒོ་སྟེ། ་བཅུ་པོ་དེ་དག་ནི་མཚམས་སྦྱར་བ་ཚོགས་པའི་རྣམ་པ་འཇིག་རྟེན་དང་འཐུན་པར་འཇུག་པར་བྱ་བ་ལ་འཇུག་པའི་མདོ་ཞེས་བྱ་བའི་ཆོས་ཀྱི་སྒོ་ཡིན་ནོ།། དེ་ནས ་དེའི་ཚེ། ལྷའི་བུ་སྤྲིན་ཅེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། ཀྱེ་མ་འོག་མའི་གནས་གཤེགས་པ།། བཅོམ་ལྡན་དཀའ་བ་མཛད ་པ་ལགས། ། ཉིད་ཀྱི་སྲས་ལ་སྨན་སླད་དུ།། ཐབས་ཀྱིས་སྐུ་ལ་གནས་ནས་ཀྱང་།། ཡོངས་སུ་མྱ་ངན་འདའ་བ་མཛད།། མཚམས་སྦྱར་བ་ཚོགས་པའི་རྣམ་པ་འཇིག་རྟེན་དང་འཐུན་པར་འཇུག་པར ་བྱ་བ་ལ་འཇུག་པའི་མདོའི་གླེང་གཞིའི་ལེའུ་ཞེས་བྱ་སྟེ་ཉི་ཤུ་གཉིས་པའོ། ། །། བམ་པོ་དྲུག་པ། སྤྲིན་ཆེན་སྙིང་པོས་གསོལ་པ། མངོན་པར་རྩེ་བའི་རིན་པོ་ཆེའི ་མཛོད་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཉི་མ་འཆར་ཀའི་གཙུག་པུད་ཅེས་བྱ་བའི་ཆོས་ཀྱི་སྒོ་དང་། ་སྙིང་པོ་སྔ་པ་ལ་རྒྱ་ཆེར་རྩེ་བས་མངོན་པར་རྒྱགས་པ་ཞེས་བྱ་བའི་ཆོས་ཀྱི་སྒོ་དང་། ཡོན་ཏན་རིན་པོ་ཆེའི་མཛོད་མངོན་དུ་འབྱུང་བ་ཞེས་བྱ་བའི་ཆོས་ཀྱི་སྒོ་དང་། ཚུལ་གྱི་མཚམས་བཟང་པོས་མངོན་པར་རྩེ ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། ཆུའི་དུས་ལ་ཞུགས་པའི་སྟོབས་མི་འཇིགས་པར་བྱ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། ཙན་དན་གྱི་སྟོབས་ཀྱི་བདེ་བསིལ་ལ་མངོན་པར་རྩེ་བ ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། མིག་མི་འཛུམས་པར་སྨྲ་བ་ཞེས་བྱ་བའི་ཆོས་ཀྱི་སྒོ་དང་། ཀུ་མུ་དང་ཟླ་བ་ལྟ་བུའི་ཆུ་དང་ལྡན་པ་ལ་མངོན་པར་རྩེ་བ་ཞེས་བྱ་བའི་ཆོས་ཀྱི་སྒོ་དང་། ་སྦྲུལ་པོ་ཆེ་ལ་སོགས་པའི་ལུས་ལ་མངོན་པར་འདོད་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། བསྔགས་པར་བྱ་བ་ཤིན་ཏུ་མང་བ་ལ་མངོན་པར་འཇུག་པ་ཞེས་བྱ་བའི་ཆོས་ཀྱི་སྒོ་སྟེ ་བཅུ་པོ་དེ་དག་ནི་མངོན་པར་རྩེ་བའི་རིན་པོ་ཆེའི་མཛོད་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷའི་བུ་རིགས་བཙུན་པ་རྣམ་པར་དག་པ་ཞེས་བྱ ་བས་བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། འཇིག་རྟེན་གསུམ་གྱི་ཆོས་ཀྱི་དབང་ཕྱུག་པོ།། དེ་བཞིན་གཤེགས་པ་ཆོས་སྐུ་རྟག ་གྱུར་པ། ། སེམས་ཅན་རྣམས་ལ་ཕན་པ་མཛད་སླད་དུ།། ལམ་རྣམས་རྣམ་པ་སྣ་ཚོགས་སྟོན་པ་མཛད།། མངོན་པར་རྩེ་བའི་རིན་པོ་ཆེའི་མཛོད་ལ་འཇུག་པའི་གླེང་གཞིའི་ལེའུ ་ཞེས་བྱ་སྟེ། ཉི་ཤུ་གསུམ་པའོ།། །། སྤྲིན་ཆེན་སྙིང་པོས་གསོལ་པ། ན་མཁའ་ལྡིང་གི་རྩལ་ཆེན་པོའི་སྟོབས་ལ་མངོན་པར་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ། ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ནོར་རྒྱས་ཀྱི་བུའི་སྟོབས་རབ་ཏུ་འཇོམས་པའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། རང ་གི་སྟོབས་མངོན་པར་སྟོན་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། སྒྲལ་མངོན་པར་རབ་ཏུ་དགའ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། ཆུའི་རླབས་ལ་འཇུག་པ། ་ཞེས་བྱ་བའི་ཆོས་ཀྱི་སྒོ་དང་། རྒྱ་མཚོའི་དུས་ཀྱི་ང་རྒྱལ་གྱིས་རྒྱགས་པ་མེད་པར་བྱེད་པ་ཞེས་བྱ་བའི་ཆོས་ཀྱི་སྒོ་དང་། རི་བོའི་རྒྱལ་པོའི་ཕུག་ཏུ་མངོན་པར་སྒྲོགས་པའི་དུས་ལ་འཇུག་པ་ཞེས་བྱ་བའི་ཆོས ་ཀྱི་སྒོ་དང་། རླུང་གི་མཆོག་དུས་ཀྱི་ཕྱོགས་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། མིག་རྒྱང་རིང་བར་སྟོན་པ་ངེས་པར་སེམས་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། མྱུར་དུ་གདུག་པའི་སྦྲུལ ་ལ་རྩེ་བ་ཞེས་བྱ་བའི་ཆོས་ཀྱི་སྒོ་དང་། རིན་པོ་ཆེའི་འོད་ཟེར་བཟང་པོའི་སྟོབས་ཐོབ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་ན་མཁའ་ལྡིང་གི་རྩལ་ཆེན་པོའི་སྟོབས་ལ་འཇུག ་པ་ཞེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷའི་བུ་དྲི་མ་མེད་པ་ཟབ་མོ་ལ་འཇུག་པ་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི ་དག་སྤྲས་སོ། ། ཏིང་ངེ་འཛིན་དང་ཤེས་རབ་དབང་པོའི་རྡོ་རྗེ་ཕྱག་ན་བསྣམས།། ཆོས་ཀྱི་དབང་ཕྱུག་ཡེ་ཤེས་སྟོང་གཟིག་པ་ལ་ཕྱག་འཚལ་ལོ།། ཉོན་མོངས་ལྷ་མ་ཡིན་རྣམས་གཡུལ་དུ་ངེས་པར་རབ ་བཅོམ་ནས། ། ཆོས་ཀྱི་དབང་པོ་ཆེན་པོའི་ཏོག་ནི་ཁྱོད་ཀྱིས་ལེགས་པར་བཙུགས།། ན་མཁའ་ལྡིང་གི་རྩལ་ཆེན་པོའི་སྟོབས་ལ་འཇུག་པའི་གླེང་གཞིའི་ལེའུ་ཞེས་བྱ་སྟེ། ཉི་ཤུ་བཞི་པའོ།། ་། སྤྲིན་ཆེན་སྙིང་པོས་གསོལ་པ། སྒྲ་ཆེན་པོའི་དུས་རྣམ་པར་བསྒྲགས་པ་བཀོད་པའི་རྒྱལ་པོ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས ་བཀའ་སྩལ་པ། ། ཟླ་མེད་པའི་སྟོབས་ཟབ་མོའི་ཚུལ་བཀོད་པ་ཞེས་བྱ་བའི་ཆོས་ཀྱི་སྒོ་དང་། ཚུལ་ཁྲིམས་བརྟན་པ་བཀོད་པ་ཞེས་བྱ་བའི་ཆོས་ཀྱི་སྒོ་དང་། ཚུལ་ཁྲིམས་ཀྱི་སྟོབས་ཀྱི་འོད་འཕྲོ་བའི་རྒྱལ་པོ ་ཞེས་བྱ་བའི་ཆོས་ཀྱི་སྒོ་དང་། ཚུལ་ཁྲིམས་ཀྱི་མཚམས་བཟང་པོ་བཀོད་པ་ཞེས་བྱ་བའི་ཆོས་ཀྱི་སྒོ་དང་། རིན་པོ་ཆེའི་ལོ་མ་འཛག་པ་བཀོད་པ་ཞེས་བྱ་བའི་ཆོས་ཀྱི་སྒོ་དང་། བསོད་ནམས་ཀྱི་རྒྱུན་འཛག། ་པ་བཀོད་པ་ཞེས་བྱ་བའི་ཆོས་ཀྱི་སྒོ་དང་། བྱམས་པའི་སྟོབས་འཛག་པ་བཀོད་པ་ཞེས་བྱ་བའི་ཆོས་ཀྱི་སྒོ་དང་། སྙིང་རྗེའི་སྟོབས་འཛག་པ་བཀོད་པ་ཞེས་བྱ་བའི་ཆོས་ཀྱི་སྒོ་དང་། དགའ་བའི་སྟོབས ་འཛག་པ་བཀོད་པ་ཞེས་བྱ་བའི་ཆོས་ཀྱི་སྒོ་དང་། བཏང་སྙོམས་ཀྱི་སྟོབས་འཛག་པ་བཀོད་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་སྒྲ་ཆེན་པོའི་དུས་རྣམ་པར་བསྒྲགས་པ་བཀོད་པའི་རྒྱལ་པོ་ཞེས ་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷའི་བུ་རིན་ཆེན་དཔལ་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། དེ་བཞིན་གཤེགས། ་རྒྱལ་མི་ཕྱེད་སྐུ་མངའ་བ།། མཐའ་ཡས་སྟོབས་ལྡན་ཁྱོད་ལ་རྟག་ཕྱག་འཚལ།། སེམས་ཅན་རྣམས་ལ་ཕན་པ་མཛད་སླད་དུ།། བཀོད་པ་རྣམ་པ་སྣ་ཚོགས་སྟོན་པ་མཛད།། སྒྲ་ཆེན་པོའི་དུས་རྣམ་པར ་བསྒྲགས་པ་བཀོད་པའི་རྒྱལ་པོའི་གླེང་གཞིའི་ལེའུ་ཞེས་བྱ་སྟེ་ཉི་ཤུ་ལྔ་པའོ། ། ། སྤྲིན་ཆེན་སྙིང་པོས་གསོལ་པ། མི་འཇིགས་པ་ཆེན་པོའི་སྟོབས་ཀྱི་རྣམ་པར ་འཕྲུལ་པ་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྒྱ་མཚོའི་སྟོབས་ཀྱི་དུས་ལ་མི་འཇིགས་པའི་སྟོབས་ཀྱི་རྣམ་པར ་འཕྲུལ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། ། འཇིགས་པ་མེད་པའི་རྣམ་པའི་རྩ་བ་ལ་དགའ་བ་ཞེས་བྱ་བའི་ཆོས་ཀྱི་སྒོ་དང་། མཁས་པའི་རིན་པོ་ཆེའི་མཛོད་ཅེས་བྱ་བའི་ཆོས་ཀྱི་སྒོ་དང་། མཁས་པའི ་དཔལ་གྱི་ལུས་ཞེས་བྱ་བའི་ཆོས་ཀྱི་སྒོ་དང་། མཁས་པ་གཙང་སྦྲལ་དགའ་བ་ཞེས་བྱ་བའི་ཆོས་ཀྱི་སྒོ་དང་། མཁས་པའི་གཟི་བརྗིད་ཀྱི་རྒྱན་གྱིས་བརྒྱན་པ་ལ་འཇུག་པའི་སྟོབས་ཞེས་བྱ་བ་ཆོས་ཀྱི་སྒོ་དང་། ་རིན་པོ་ཆེ་ཐམས་ཅད་ལ་མཁས་པའི་དུས་ཚོད་ཀྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། མཁས་པའི་རབ་ཏུ་དགའ་བ་ལ་འཇུག་པར་དགའ་བ་ཞེས་བྱ་བའི་ཆོས་ཀྱི་སྒོ་དང་། མཁས་པའི་འོད་འཕྲོ་བ་དང་ལྡན་པ ་ཞེས་བྱ་བའི་ཆོས་ཀྱི་སྒོ་དང་། མཁས་པའི་སྨོན་གི་འོད་ཀྱི་རྣམ་པའི་རྒྱལ་པོ་ཞེས་བྱ་བའི་ཆོས་ཀྱི་སྷོ་སྟེ། བཅུ་པོ་དེ་དག་ནི་མི་འཇིགས་པ་ཆེན་པོའི་སྟོབས་ཀྱི་རྣམ་པར་འཕྲུལ་པ་ལ་འཇུག་པ་ཞེས་བྱ་བའི་ཆོས ་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷའི་བུ་རིན་པོ་ཆེའི་ཏོག་ཅེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། དུས་ཚོང་ནམ་ངས། ་ཡོན་ཏན་གྱི།། འབྱུང་གནས་ཟབ་མོ་གསང་བའི་མཚོ།། སེམས་ཅན་རྣམས་ལ་སྨན་སླད་དུ།། ཆོས་རྣམས་སྣ་ཚོགས་སྟོན་པ་མཛད།། མི་འཇིགས་པ་ཆེན་པོའི་སྟོབས་ཀྱི་རྣམ་པར་འཕྲུལ་པ་ལ ་འཇུག་པའི་གླེང་གཞིའི་ལེའུ་ཞེས་བྱ་སྟེ་ཉི་ཤུ་དྲུག་པའོ། ། ། སྤྲིན་ཆེན་སྙིང་པོས་གསོལ་པ། གནས་ཀྱི་རྣམ་པ་དང་བཅས་པ་ཡངས་པ་ཞེས་བགྱི་བའི་ཆོས་ཀྱི་སྒོ་བཅུ། བཅོམ ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གནས་སྲུང་བ་ཞི་བའི་དུས་ཚོད་ཅེས་བྱ་བའི་ཆོས་ཀྱི་སྒོ་དང་།། ཡང་དག་པའི་སྙིང་པོའི་གནས་ཀྱི་ལམ་ཞེས་བྱ་བའི་ཆོས་ཀྱི ་སྒོ་དང་། ཆུའི་གྲགས་པའི་དེ་ཁོ་ནའི་སྙིང་པོའི་གནས་ཞེས་བྱ་བའི་ཆོས་ཀྱི་སྒོ་དང་། གྲུབ་པ་བསྔགས་པའི་གནས་ཞེས་བྱ་བའི་ཆོས་ཀྱི་སྒོ་དང་། གྲགས་པའི་སྙིང་པོའི་རྣམ་པའི་མཚམས་བཟང་པོའི ་གནས་ཞེས་བྱ་བའི་ཆོས་ཀྱི་སྒོ་དང་། རྟག་ཏུ་རབ་ཏུ་དགའ་བ་རྒྱས་པའི་གནས་ཞེས་བྱ་བའི་ཆོས་ཀྱི་སྒོ་དང་། གཞི་ནས་སྐྱེས་པའི་སྟོབས་ཀྱི་གནས་ཞེས་བྱ་བའི་ཆོས་ཀྱི་སྒོ་དང་། སྙིང་རྗེའི་སྟོབས་ཀྱི་གན ་ཞེས་བྱ་བའི་ཆོས་ཀྱི་སྒོ་དང་། བཟོད་པ་ལ་ངེས་པར་གནས་པ་ཞེས་བྱ་བའི་ཆོས་ཀྱི་སྒོ་དང་། རྟག་ཏུ་གཙང་བའི་གནས་ཞེས་བྱ་བའི་ཆོས་ཀྱི་སྒོ་སྟེ།། བཅུ་པོ་དེ་དག་ནི་གནས་ཀྱི་རྣམ་པ་དང་བཅས་པ་ཡངས ་པ་ཞེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷ་མོ་རིན་པོ་ཆེའི་རིགས་ཀྱི་འོད་ཅེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས ་སོ། ། དེ་བཞིན་གཤེགས་པ་ཡེ་ཤེས་སྐུ།། ཡེ་ཤེས་ཡོན་ཏན་འབྱུང་གནས་མཛེས།། སེམས་ཅན་རྣམས་ལ་སྨན་སླད་དུ།། ཆོས་རྣམས་སྣ་ཚོགས་སྟོན་པ་མཛད།། ་གནས་ཀྱི་རྣམ་པ་དང་བཅས་པ་ཡངས་པའི་ཆོས་ཀྱི་སྒོའི་གླེང་གཞིའི་ལེའུ་ཞེས་བྱ་སྟེ་ཉི་ཤུ་བདུན་པའོ།། །། སྤྲིན་ཆེན་སྙིང་པོས་གསོལ་པ། ལྷག་པའི་བསམ་པའི་ཆོ་ག་ལ ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། མཚམས་བཟང་པོ་ལ་གནས་པ་ཞེས་བྱ་བའི་ཆོས་ཀྱི ་སྒོ་དང་། ལྷག་པའི་བསམ་པའི་ཆོ་ག་ཤེས་པའི་རྒྱ་མཚོའི་ཕྱག་རྒྱ་ཞེས་བྱ་བའི་ཆོས་ཀྱི་སྒོ་དང་། ཡེ་ཤེས་ཀྱི་དུས་ཚོད་ཅེས་བྱ་བའི་ཆོས་ཀྱི་སྒོ་དང་། འགྲོ་བའི་དུས་ཚོད་ཀྱི་ཆོ་འཕྲུལ་གྱི་ལྷག་པའི ་བསམ་པའི་ཆོ་ག་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། ནམ་མཁའ་དང་མཉམ་པར་མངོན་པར་རྩེ་བ་ཞེས་བྱ་བའི་ཆོས་ཀྱི་སྒོ་དང་། མི་གནས་པ་ཞེས་བྱ་བའི་ཆོས་ཀྱི་སྒོ་དང་། མངོན་པར་རྒྱུ་བ ་བསགས་པ་ཞེས་བྱ་བའི་ཆོས་ཀྱི་སྒོ་དང་། བསྙེན་པར་འོས་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། སྦྱིན་པར་དགའ་བ་ལ་མངོན་པར་མོས་པ་ཞེས་བྱ་བའི་ཆོས་ཀྱི་སྒོ་དང་། སེམས་དགེ ་ཞིང་ལྷག་པའི་བསམ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་ལྷག་པའི་བསམ་པའི་ཆོ་ག་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ།། དེ་ནས་དེའི་ཚེ། ་ལྷའི་བུ་ཤེས་པས་རྒྱགས་པ་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། བཅོམ་ལྡན་སངས་རྒྱས་བལྟར་མི་གདའ།། ནམ་མཁའ ་མཚུངས་ཤིང་འདྲ་བ་ལགས། ། སེམས་ཅན་རྣམས་ལྔ་སྨན་སླད་དུ།། སྣང་བ་སྣ་ཚོགས་སྟོན་པ་མཛད།། ལྷག་པའི་བསམ་པའི་ཆོ་ག་ལྔ་འཇུག་པའི་གླེང་གཞིའི་ལེའུ་ཞེས་བྱ་སྟེ། ་ཉི་ཤུ་བརྒྱད་པའོ།། །། སྤྲིན་ཆེན་སྙིང་པོས་གསོལ། དམག་ཆེན་པོ་དཔའ་བའི་རྒྱལ་པོའི་སྟོབས་བཀོད་པ་ཞེས་བྱ་བའི་ཆོས་ཀྱི་སྒོ་བཅུ། བཅོམ་ལྡན་འདས ་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། དཔའ་བོ་རྣམ་པར་རྒྱལ་བའི་ཞིང་གི་རྣམ་པ་ཞེས་བྱ་བའི་ཆོས་ཀྱི་སྒོ་དང་། དཔའ་བར་འགྲོ་བའི་ཕུན་སུམ་ཚོགས་པའི་རྗེ ་ལས་སྐྱེས་པ་ཞེས་བྱ་བའི་ཆོས་ཀྱི་སྒོ་དང་། དཔའ་བོ་རྣམ་པར་རྩེ་བའི་དམིགས་པ་མཁས་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། དཔའ་བོའི་ཚུལ་ལ་འཇུག་པའི་སྟོབས་ཕུན་སུམ་ཚོགས་པ་ལ་བྱ་བ ་བྱེད་པ་ཞེས་བྱ་བའི་ཆོས་ཀྱི་སྒོ་དང་། གཡུལ་ངོར་དཔའ་བའི་རྣམ་པ་ཞེས་བྱ་བའི་ཆོས་ཀྱི་སྒོ་དང་། སྙིང་སྟོབས་ཕུན་སུམ་ཚོགས་པའི་རྣམ་པ་ཞེས་བྱ་བའི་ཆོས་ཀྱི་སྒོ་དང་།། ཡེ་ཤེས་བརྟན་པ་དཔའ་བོའི ་རྣམ་པ་ཞེས་བྱ་བའི་ཆོས་ཀྱི་སྒོ་དང་། ལེ་ལོའི་དུས་སུ་དཔའ་བའི་རྣམ་པ་ཞེས་བྱ་བའི་ཆོས་ཀྱི་སྒོ་དང་། གཟི་བརྗིད་ཀྱི་སྟོབས་ཀྱི་རྣམ་པ་ཞེས་བྱ་བའི་ཆོས་ཀྱི་སྒོ་དང་། དཔའ་བོའི་གློག་གི་འོད་ཀྱི་རྣམ་པ་ཞེས ་བྱ་བའི་ཆོས་ཀྱི་སྒོ་དང་། ། དགའ་བའི་ཐོག་ཟློག་ཏོག་གི་དམག་གི་ལྷག་པའི་རྣམ་པ་ཞེས་བྱ་བའི་ཆོས་ཀྱི་སྒོ་དང་། བཅུ་པོ་དེ་དག་ནི་དཔག་ཆེན་པོའི་དཔའ་བའི་རྒྱལ་པོའི་སྟོབས་བཀོད ་བ་ཞེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷའི་བུ་དཔའ་བརྟན་བརྟུལ་ཞུགས་ངེས་པ་ལ་ཉེ་བར་གནས་པ་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས ་སུ་བཅད་པ་འདི་དག་སྨྲས་སོ། ། དཔའ་ཆེན་མི་ཕྱེད་འཁོར་དང་ལྡན།། ཆོས་ཀྱི་དམག་གི་འདྲེན་པ་པོ།། སེམས་ཅན་རྣམས་ལ་སྤྱན་སླད་དུ།། བདུད་གཞོམ་པ་ཡང་སྟོན་པ་མཛད།། དམག་ཆེན་པོ ་དཔའ་བའི་རྒྱལ་པོའི་སྟོབས་བཀོད་པའི་གླེང་གཞིའི་ལེའུ་ཞེས་བྱ་སྟེ་ཉི་ཤུ་དགུ་པའོ། ། །། སྤྲིན་ཆེན་སྙིང་པོས་གསོལ་པ། བཟང་པོའི་རྣམ་པའི་རྣམ་པར་འཕྲུལ་པའི་རྒྱལ ་པོ་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། བཟང་པོའི་རིན་པོ་ཆེའི་རྣམ་པའི་དུས་ཚོད་ཅེས་བྱ་བའི་ཆོས ་ཀྱི་སྒོ་དང་། བཟང་པོ་དང་བའི་རྣམ་པ་ཞེས་བྱ་བའི་ཆོས་ཀྱི་སྒོ་དང་། བཟང་པོའི་རྣམ་པའི་སྟོབས་ཀྱིས་མངོན་པར་རྩེ་བ་ཞེས་བྱ་བའི་ཆོས་ཀྱི་སྒོ་དང་། བཟང་པོའི་ནོར་གྱི་གནས་ཞེས་བྱ་བའི་ཆོས་ཀྱི ་སྒོ་དང་། བཟང་པོ་ཕུན་སུམ་ཚོགས་པའི་ལུས་ཞེས་བྱ་བའི་ཆོས་ཀྱི་སྒོ་དང་། བཟང་པོའི་གཙང་སྦྲ་ལ་ངེས་པའི་རྣམ་པ་ཞེས་བྱ་བའི་ཆོས་ཀྱི་སྒོ་དང་།། བཟང་པོའི་གློག་གི་འོད་འཕྲོ་བའི་རྒྱལ་པོའི་མཛོད ་ཀྱི་རྣམ་པ་ཞེས་བྱ་བའི་ཆོས་ཀྱི་སྒོ་དང་། བཟང་པོ་རྣམ་པས་ལེགས་པར་བརྒྱན་པའི་བློ་གྲོས་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་བཟང་པོའི་རྣམ་པའི་རྣམ་པར་འཕྲུལ་པའི་རྒྱལ་པོ་ལ་འཇུག ་པ་ཞེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷའི་བུ་བཟང་སྐྱོང་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། བཟང ་པོའི་མཚན་རྣམས་ཕུན་སུམ་ཚོགས། ། བཟང་པོའི་གདན་ལ་རབ་ཏུ་བཞུགས།། སེམས་ཅན་རྣམས་ལ་སྨན་སླད་དུ།། ཆོས་རྣམ་པ་སྣ་ཚོགས་སྟོན་པ་མཛད།། བཟང་པོའི་རྣམ་པའི་རྣམ་པར་འཕྲུལ ་པའི་རྒྱལ་པོ་ལ་འཇུག་པ་ཞེས་བྱ་བའི་ཆོས་ཀྱི་སྒོའི་གླེང་གཞིའི་ལེའུ་ཞེས་བྱ་སྟེ་སུམ་ཅུ་པའོ། ། །། སྨན་ཆེན་སྙིང་པོས་གསོལ་པ། རྩེ་བ་དང་བཅས་པ་ཡང་དག་པར་སྦས་པ་སྟོན ་པའི་དཔུང་བསྐྱེད་པ་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། དགའ་བས་རྩེ་བ་དང་བཅས་པ་ཡང་དག ་པར་སྤྲས་པ་ཞེས་བྱ་བའི་ཆོས་ཀྱི་སྒོ་དང་། མགུ་བས་རྩེ་བ་དང་བཅས་པ་ཡང་དག་པར་སྦས་པ་ཞེས་བྱ་བའི་ཆོས་ཀྱི་སྒོ་དང་། མཆོག་ཏུ་དགའ་བས་རྩེ་བ་དང་བཅས་པ་ཡང་དག་པར་སྦས་པ་ཞེས་བྱ ་བའི་ཆོས་ཀྱི་སྒོ་དང་། མངོན་པར་ཞུགས་པའི་རྣམ་པས་རྩེ་བ་དང་བཅས་པ་ཡང་དག་པར་སྦས་པ་ཞེས་བྱ་བའི་ཆོས་ཀྱི་སྒོ་དང་། སེང་གེའི་སྒྲས་རྩེ་བ་དང་བཅས་པ་ཡང་དག་པར་སྦས་པ་ཞེས་བྱ་བའི ་ཆོས་ཀྱི་སྒོ་དང་། ཚུལ་གྱིས་རྩེ་བ་དང་བཅས་པ་ཡང་དག་པར་སྦས་པ་སྟོན་པའི་དཔུང་བསྐྱེད་པ་ཞེས་བྱ་བའི་ཆོས་ཀྱི་སྒོ་དང་། བྱམས་པས་རྩེ་བ་དང་བཅས་པ་ཡང་དག་པར། ་སྦས་པ་སྟོན་པའི་སྟོབས་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། སྙིང་རྗེས་རྩེ་བ་དང་བཅས་པ་ཡང་དག་པར་སྦས་པ་སྟོན་པའི་སྟོབས་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། དགའ་བས་རྩེ ་བ་དང་བཅས་པ་ཡང་དག་པར་སྦས་པ་སྟོན་པའི་སྟོབས་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། བཏང་སྙོམས་ཀྱིས་རྩེ་བ་དང་བཅས་པ་ཡང་དག་པར་སྦས་པ་སྟོན་པའི་སྟོབས་ལ་འཇུག་པ་ཞེས་བྱ ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་རྩེ་བ་དང་བཅས་པ་ཡང་དག་པར་སྦས་པ་སྟོན་པའི་དཔུང་བསྐྱེད་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ།། དེ་ནས་དེའི་ཚེ། ལྷའི་བུ་བློ་གྲོས ་རྒྱུརྒྱ་མཚོ་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། རྟག་པའི་ལྗོན་པ་སློབ་མའི་བྱས་ནི་སྟེན་གྱུར་ཅིང་། བྱང་ཆུབ་ཡན་ལག་མེ་ཏོག་རྟག་ཏུ ་ཞི་བའི་རྩ། ། བསམ་གཏན་མྱུ་གུ་ཡལ་ག་འབྲས་བུར་ལྡན་པ་པོ།། རྫུ་འཕྲུལ་ལོ་མ་ཤིང་རྟག་ཁྱོད་ལ་མགོ་བོས་གཏུགས།། རྩེ་བ་དང་བཅས་པ་ཡང་དག་པར་སྦས་པ་སྟོན་པའི་དཔུང ་བསྐྱེད་པ་ལ་འཇུག་པའི་གླེང་གཞིའི་ལེའུ་ཞེས་བྱ་སྟེ་སུམ་ཅུ་གཅིག་པའོ། ། ། སྤྲིན་ཆེན་སྙིང་པོས་གསོལ་པ། ཡེ་ཤེས་རྩོམ་པའི་ཆོ་ག་ལ་ཞུགས་པའི་རྣམ་པ་ཞེས་བརྒྱ ་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། དམིགས་པ་ལ་མངོན་པར་བརྐམ་པ་ཞེས་བྱ་བའི་ཆོས་ཀྱི་སྒོ་དང་། རྒྱན་གྱི་རྒྱས ་པོ་ཞེས་བྱ་བའི་ཆོས་ཀྱི་སྒོ་དང་། ། སྟོབས་འབྲི་བར་བྱ་བ་ལ་མངོན་པར་དགའ་བ་ཞེས་བྱ་བའི་ཆོས་ཀྱི་སྒོ་དང་། མཁས་པའི་ལུས་མི་ཟད་པ་ཞེས་བྱ་བའི་ཆོས་ཀྱི་སྒོ་དང་། རྩེ་བ་ལ་མངོན་པར ་ཆགས་པ་ཞེས་བྱ་བའི་ཆོས་ཀྱི་སྒོ་དང་། སྦྱིན་པ་དང་རིམ་གྲོའི་བྱ་བ་བྱེད་པ་ཞེས་བྱ་བའི་ཆོས་ཀྱི་སྒོ་དང་།། ཐང་ལ་མངོན་པར་དགའ་བའི་སྦྱོར་བ་ཞེས་བྱ་བའི་ཆོས་ཀྱི་སྒོ་དང་། སྦྱོར་བའི་མཚམས ་ལ་མངོན་པར་འཇུག་པ་ཞེས་བྱ་བའི་ཆོས་ཀྱི་སྒོ་དང་། དགའ་བའི་དུས་ཚོད་ཀྱི་སྦྱོར་བ་ལ་གནས་པ་ཞེས་བྱ་བའི་ཆོས་ཀྱི་སྒོ་དང་། གཞུང་ལུགས་མངོན་པའི་གནས་ལ་གནས་པ་ཞེས་བྱ་བའི་ཆོས་ཀྱི ་སྒོ་སྟེ། བཅུ་པོ་དེ་དག་ནི་ཡེ་ཤེས་རྩོམ་པའི་ཆོ་ག་ལ་ཞུགས་པའི་རྣམ་པ་ཞེས་བྱ་བའི་ཆོས་ཀྱི་སྒོ་ཡིན་ནོ།། དེ་ནས་དེའི་ཚེ། ལྷ་མོ་སྣ་མའི་མེ་ཏོག་ལ། མངོན་པར་དགའ་བའི ་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། དཔའ་ཆེན་ཡེ་ཤེས་རྩོམ་པ་པོ།། ཡང་དག་རྩོམ་ལ་རབ་སྦྱོར་བ།། སེམས་ཅན་རྣམས་ལ་ཕན ་བཞེད་པ། ། ཆོས་རྣམས་སྣ་ཚོགས་སྟོན་པ་མཛད།། ཡེ་ཤེས་རྩོམ་པའི་ཆོ་ག་ལ་ཞུགས་པའི་རྣམ་པའི་གླེང་གཞིའི་ལེའུ་ཞེས་བྱ་སྟེ། སུམ་ཅུ་གཉིས་པའོ།། ། སྤྲིན་ཆེན ་སྙིང་པོས་གསོལ་པ། ཡེ་ཤེས་ཀྱི་ནོར་བསྒྲིབས་ཏེ་བསྒྲུབ་པའི་མཛོད་ཅེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས། ་བཀའ་སྩལ་པ། ལེགས་པའི་ནན་ཏན་གྱི་སྦྱོར་བ་ལ་མཁས་པའི་རིན་པོ་ཆེའི་བསྒྲུབ་པ་ཞེས་བྱ་བའི་ཆོས་ཀྱི་སྒོ་དང་། དམ་པའི་ཆོས་ལ་ཤིན་ཏུ་གུས་པར་སྒྲིམས་པའི་སེམས་ལ་གནས་པར་སྦྱོར་བ་ཞེས ་བྱ་བའི་ཆོས་ཀྱི་སྒོ་དང་། བདེན་པའི་དུས་ཚོད་ཀྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། ཡང་དག་པར་ཟབ་ཅིང་བརྟེན་པ་ལ་རྩེ་བ་དང་བཅས་པའི་རྒྱ་མཚོའི་རིན་པོ་ཆེའི་རྫས་བསྒྲུབས་པ་ཞེས་བྱ་བའི ་ཆོས་ཀྱི་སྒོ་དང་། མངོན་པར་དགའ་བ་བསྒྲུབ་པ་ཞེས་བྱ་བའི་ཆོས་ཀྱི་སྒོ་དང་། ཡེ་ཤེས་ཀྱི་སྟོབས་རབ་ཏུ་བསྒྲུབ་པ་ཞེས་བྱ་བའི་ཆོས་ཀྱི་སྒོ་དང་། མངོན་པར་རྒྱུ་བ་བསྒྲུབ་པ་ཞེས་བྱ་བའི་ཆོས་ཀྱི ་སྒོ་དང་། མངོན་པར་འདོད་པར་བྱ་བའི་ཡོན་ཏན་བསྒྲུབ་པ་ཞེས་བྱ་བའི་ཆོས་ཀྱི་སྒོ་དང་། ལུས་ལ་སྦྱོར་བ་ཞེས་བྱ་བའི་ཆོས་ཀྱི་སྒོ་དང་།། མཁས་པ་དང་གཙང་སྦྲ་དང་ངེས་པ་དང་། བརྟུལ་ཞུགས ་དང་ཉེ་བར་གནས་པ་ལ་བསྒྲིམས་ཏེ་བསྒྲུབ་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་ཡེ་ཤེས་ཀྱི་ནོར་བསྒྲིམས་ཏེ་བསྒྲུབས་པའི་མཛོད་ཅེས་བྱ་བའི་ཆོས་ཀྱི་སྒོ་ཡིན་ནོ།། ་དེ་ནས་དེའི་ཚེ། ལྷ་མོ་ཕྲེང་བ་སྣ་ཚོགས་ཅན་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། གསང་བའི་འབྱུང་གནས་བསམ་གཏན་ཞི་བའི ་ཡན་ལག་གི། གཅོད་པན་བསྒྲིལ་ཆུ་དང་དྲན་པ་བསིལ་བའི་རླབས།། བདག་ཉིད་རྟག་ཟ་བ་ཞི་པའི་བདག་ཉིད་ཆེ་བ་སྟེ།། རྒྱ་མཚོའི་ཚུལ་འདྲ་ཁྱོད་ལ་མགོ་བོས་གཏུག་པར་བགྱི།། ཡེ་ཤེས་ཀྱི ་ནོར་བསྒྲིབས་ཏེ་བསྒྲུབ་པའི་མཛོད་ཀྱི་གླེང་གཞིའི་ལེའུ་ཞེས་བྱ་སྟེ་སུམ་ཅུ་གསུམ་པའོ། ། ། སྤྲིན་ཆེན་སྙིང་པོས་གསོལ་པ། ཡང་དག་པའི་མཆོད་སྦྱིན་ལ་ཕན་པའི་ཆོ་ག་བཀོད ་བ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ངེས་པར་བསྡམས་པའི་ཆོ་ག་རྟག་པ་ཞེས་བྱ་བའི་ཆོས་ཀྱི་སྒོ་དང་། ་མཆོད་སྦྱིན་ལ་ཕྲན་རིན་པོ་ཆེའི་ཆོ་གས་བསྲུངས་པ་ཞེས་བྱ་བའི་ཆོས་ཀྱི་སྒོ་དང་། གཙང་སྦྲ་སྲུང་བའི་དུས་ཚོད་ཅེས་བྱ་བའི་ཆོས་ཀྱི་སྒོ་དང་། གཙང་སྦྲ་ལ་མངོན་པར་དགའ་བ་ཞེས་བྱ་བའི་ཆོས ་ཀྱི་སྒོ་དང་། ། སྦྱིན་པའི་ལོངས་སྤྱོད་སྦྱིན་པ་ཞེས་བྱ་བའི་ཆོས་ཀྱི་སྒོ་དང་། མིག་རབ་ཏུ་སྦྱིན་པ་ཞེས་བྱ་བའི་ཆོས་ཀྱི་སྒོ་དང་།། ཟབ་མོ་གསང་བ་སྟོན་ཅིང་འཆད་པ་ཞེས་བྱ་བའི་ཆོས་ཀྱི་སྒོ་དང་།། ཟབ ་མོའི་ཆོས་ལ་གཙེས་པ་ཞེས་བྱ་བ་ཞེས་བྱ་བའི་ཆོས་ཀྱི་སྒོ་དང་། དེ་ཁོ་ནའི་སྙིང་པོ་ལ་གནས་པ་ཞེས་བྱ་བའི་ཆོས་ཀྱི་སྒོ་དང་། གཞུང་ལུགས་ཐམས་ཅད་སྟོན་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི ་ཡང་དག་པའི་མཆོད་སྦྱིན་ལ་ཕན་པའི་ཆོ་ག་བཀོད་པ་ཞེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷ་མོ་ཆོས་ལ་མངོན་པར་དགའ་བ་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚིགས་སུ ་བཅད་པ་འདི་དག་སྨྲས་སོ། ། དཔའ་ཆེན་ཆོས་ཀྱི་མཆོད་སྦྱིན་ཅན།། སྦྱིན་པའི་ཚོགས་ལྡན་དེ་བཞིན་གཤེགས།། སེམས་ཅན་རྣམས་ལ་སྨན་སླད་དུ།། མཆོད་སྦྱི ་སྣ་ཚོགས་སྟོན་པ་མཛད། ། ཡང་དག་པའི་མཆོད་སྦྱིན་ཕན་པའི་ཆོ་ག་བཀོད་པའི་གླེང་གཞིའི་ལེའུ་ཞེས་བྱ་སྟེ་སུམ་ཅུ་བཞི་པའོ།། ། སྤྲིན་ཆེན་སྙིང་པོས་གསོལ་པ། སངས་རྒྱས་ཀྱི ་ཞིང་གི་ཡང་དག་པའི་ས་བོན་རབ་ཏུ་སྐྱེད་པ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིན་པོ་ཆེའི་འབྱུང་གནས་ཀྱིས ་རྣམ་པར་རྒྱལ་བ་ཞེས་བྱ་བའི་ཆོས་ཀྱི་སྒོ་དང་། རིན་པོ་ཆེའི་འབྱུང་གནས་ནོར་གྱི་ཆར་འབེབས་པ་ཞེས་བྱ་བའི་ཆོས་ཀྱི་སྒོ་དང་། རིན་པོ་ཆེའི་འབྱུང་གནས་ཀྱི་མཆོད་ཅེས་བྱ་བའི་ཆོས་ཀྱི་སྒོ་དང་། ་རིན་པོ་ཆེའི་འབྱུང་གནས་ཀྱི་ཡང་དག་པའི་སྙིང་པོའི་བློ་གྲོས་ཤེས་བྱ་བའི་ཆོས་ཀྱི་སྒོ་དང་། རིན་པོ་ཆེའི་འབྱུང་གནས་ཀྱི་ལུས་ཤེས་བྱ་བའི་ཆོས་ཀྱི་སྒོ་དང་། རིན་པོ་ཆེའི་འབྱུང་གནས་ཀྱི་འོད་འཕྲོ་བ ་བཟང་པོ་ཞེས་བྱ་བའི་ཆོས་ཀྱི་སྒོ་དང་། རིན་པོ་ཆེའི་འབྱུང་གནས་ཀྱི་སྒྲོན་མའི་འོད་འཕྲོ་ཞེས་བྱ་བའི་ཆོས་ཀྱི་སྒོ་དང་། རིན་པོ་ཆེའི་འབྱུང་གནས་གློག་གི་འོད་ཀྱི་བློ་གྲོས་མི་ཟད་ལའི་ཅོད་ག་གྱི་རྒྱལ་པོ་ཞེས ་བྱ་བའི་ཆོས་ཀྱི་སྒོ་དང་། རིན་པོ་ཆེའི་འབྱུང་གནས་ལ་གནས་པའི་གཙང་སྦྲ་ཞེས་བྱ་བའི་ཆོས་ཀྱི་སྒོ་དང་། རིན་པོ་ཆེ་ཐམས་ཅད་ཀྱི་ཞིང་གི་འབྲས་བུའི་རོའི་ཕུང་པོ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ ་དེ་དག་ནི་སངས་རྒྱས་ཀྱི་ཞིང་གི་ཡང་དག་པའི་ས་བོན་རབ་ཏུ་སྐྱེད་པ་ཞེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ། ལྷ་མོ་རིན་ཆེན་ཆར་འབེབས་ཤེས་བྱ་བས། བཅོམ་ལྡན་འདས། ་ལ་མཆོད་པ་བྱས་ནས། ཚིགས་སུ་བཅད་པ་འདི་དག་སྨྲས་སོ།། བཅོམ་ལྡན་སངས་རྒྱས་བསོད་ནམས་ཞིང་།། འཇིག་རྟེན་ཀུན་ལ་ཐུགས་བརྩེ་ཞིང་།། སེམས་ཅན་རྣམས་ལ་སྨན་སྐད་དུ།། ་ཞིང་རྣམས་སྣ་ཚོགས་སྟོན་པ་མཛད།། སངས་རྒྱས་ཀྱི་ཞིང་གི་ཡང་དག་པའི་ས་བོན་རབ་ཏུ་སྐྱེད་པའི་གླེང་གཞིའི་ལེའུ་ཞེས་བྱ་སྟེ་སུམ་ཅུ་ལྔ་པའོ།། ། སྤྲིན་ཆེན་སྙིང་པོས་གསོལ ་བ་དེ་ཁོ་ནའི་སྙིང་པོའི་ཚུལ་གྱིས་མངོན་པར་རྩེ་བ་ལ་དགའ་བའི་རྒྱལ་པོའི་རྣམ་པར་འཕྲུལ་པ་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས ་ཀྱིས་བཀའ་སྩལ་པ། མི་གཡོ་བར་དགའ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། རྩ་བ་བརྟན་པ་ལ་གནས་པ་ཞེས་བྱ་བའི་ཆོས་ཀྱི་སྒོ་དང་། མི་བསྐྱོད་པ་ཞེས་བྱ་བའི་ཆོས་ཀྱི་སྒོ་དང་། ཟབ། ་མོ་ལ་རབ་ཏུ་གནས་པ་ཞེས་བྱ་བའི་ཆོས་ཀྱི་སྒོ་དང་། བསམ་གྱིས་མི་ཁྱབ་པའི་མཛོད་ཀྱི་རྣམ་པར་ཐར་པ་ཞེས་བྱ་བའི་ཆོས་ཀྱི་སྒོ་དང་། ཡིད་དུ་འོང་བས་རྒྱས་པའི་བློ་གྲོས་ཀྱིས་རྒྱལ་པོ་ཞེས་བྱ་བའི ་ཆོས་ཀྱི་སྒོ་དང་། མི་གནས་མི་ཟད་པའི་བློ་གྲོས་ཀྱི་སྟོབས་ཞེས་བྱ་བའི་ཆོས་ཀྱི་སྒོ་དང་། བསམ་གྱི་མི་ཁྱབ་པའི་ཚུལ་གྱི་མཐའ་ཞེས་བྱ་བའི་ཆོས་ཀྱི་སྒོ་དང་། ཡེ་ཤེས་ཀྱི་ཕྱག་རྒྱའི་མཐའ་ཞེས་བྱ་བའི་ཆོས ་ཀྱི་སྒོ་དང་། ། རྒྱ་མཚོ་མི་ཟད་པ་ཐམས་ཅད་ཀྱི་བློ་གྲོས་རྒྱལ་པོ་ཞེས་བྱ་བའི་ཆོས་ཀྱི་སྒོ་སྟེ། སྤྲིན་ཆེན་སྙིང་པོ་བཅུ་པོ་དེ་དག་ནི། དེ་བཞིན་གཤེགས་པ་རྣམས་དང་། བྱང་ཆུབ་སེམས། ་དཔའ་རྣམས་ཀྱི་དེ་ཁོ་ནའི་སྙིང་པོའི་ཚུལ་གྱི་མངོན་པར་རྩེ་བ་ལ་དགའ་བའི་རྒྱལ་པོའི་རྣམ་པར་འཕྲུལ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན།། དེ་ནས་དེའི་ཚེ། ལྷའི་བུ་སྐར་འོད་ཅེས ་བྱ་བས། བཅོམ་ལྡན་འདས་ལ་མཆོད་པ་ཆེན་པོའི་ལས་བྱས་ནས། ཚིགས་སུ་བཅད་པ་འདི་དག་སྨྲས་སོ།། ཀྱེ་མ་བཅོམ་ལྡན་སངས་རྒྱས་བསམ་མི་ཁྱབ།། དེ་བཞིན་གཤེགས་པ་བསམ་གྱིས ་མི་ཁྱབ་སྐུ། ། སེམས་ཅན་རྣམས་ལ་ཕན་པ་མཛད་སླད་དུ།། བསམ་གྱིས་མི་ཁྱབ་བསམ་ཡས་མདོ་ཡང་སྟོན།། དེ་ཁོ་ནའི་སྙིང་པོའི་ཚུལ་གྱིས་མངོན་པར་རྩེ་བ་ལ་དགའ་བའི་རྒྱལ་པོའི་རྣམ་པར་འཕྲུལ ་པ་འཇུག་པའི་གླེང་གཞིའི་ལེའུ་ཞེས་བྱ་སྟེ་སུམ་ཅུ་དྲུག་པའོ། ། །། དེ་ནས་དེའི་ཚེ། ལྷའི་བློ་གྲོས་མྱུར་ལྡན་ཞེས་བྱ་བས། བཅོམ་ལྡན་འདས་ལ་མཆོད་པ་ཆེན་པོའི་ལས་བྱས་ནས། ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ཏེ། ཏ་ལ་བདུན་སྲིད་ཙམ་དུ་བར་སྣང་འདུག་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས།། མདོ་སྡེ ་དགལ་དུ་ཞིག་མཆིས། ། ཏིང་ངེ་འཛིན་རྣམས་ཀྱང་དུ་ཞིག་མཆིས།། གཟུངས་ཀྱི་ལམ་དག་དུ་ཞིག་མཆིས།། གསང་ལ་འཇུག་པ་དུ་ཞིག་མཆིས།། བཅོམ་ལྡན་འདས།། ད་ལྟར་བཞུགས་པའི་སངས ་རྒྱས་དུ། མ་བྱོན་པ་ནི་དུ་ཞིག་བཞུགས།། འདས་པའི་སངས་རྒྱས་དུ་ཙམ་ཞིག། སངས་རྒྱས་སྤྱོད་ཡུལ་ཇི་སྙེད་མཆིས།། འཇིག་རྟེན་ཁམས་ནི་དུ་ཞིག་མཆིས།། གཟུང་བར་འཚལ་ལོ། ་གོའུ་ཏ་མ།། སེམས་ཅན་ཀུན་ཀྱི་མཆོག་གྱུར་པ།། གོའུ་ཏ་མ་ལ་བདག་ཞུན།། སེམས་ཅན་ཀུན་ལ་སྨན་སླད་དུ།། རྐང་གཉིས་གཙོ་བོས་བཤད་དུ་གསོལ། དེ་ནས་སངས ་རྒྱས་ཀྱི་མཐུས། ། ལྷའི་བུ་བློ་གྲོས་མི་ཟད་པའི་སྙིང་པོ་ཞེས་བྱ་བས།། བློ་གྲོས་མྱུར་ལྡན་ཞེས་བྱ་བ་ལ། ཚིགས་སུ་བཅད་དེ་སླར་སྨྲས་པ།། ཚངས་པ་ཆེན་པོ་ལེགས་སོ་ལེགས།། སེམས ་ཅན་ཀུན་ལ་ཕན་པའི་ཕྱིར། ། ཞུ་བའི་རྒྱལ་པོ་ལེགས་པར་ཞུགས།། འཇིགས་མེད་འདི་ནི་རིགས་པ་ཡིན།། དྲིས་པའི་དོན་ནི་རིམ་བཞིན་དུ།། མིག་ཡངས་རབ་ཏུ་བཤད་པར་བྱས།། གཡེང ་བ་མེད་པའི་སེམས་ཀྱིས་སུ། ། ཚངས་ཆེན་ཁྱོད་ཀྱིས་མཉན་པར་གྱིས།། མདོ་སྡེ་རྣམས་ནི་རེ་རེ་ལ།། གངྒཱའི་རླུང་གི་བྱེ་སྙེད་ཀྱིས།། བསྒྱུར་བའི་དོན་ནི་མང་ཡོད་ཅེས།། ཆོས ་གསུང་པས་ནི་ངེས་པར་བསྟན། ། གཟུངས་ཀྱི་འབབ་ཆུའི་མིང་རྣམས་ཀྱང་།། རེ་རེ་ནས་ནི་རབ་དབྱེ་ན།། དོན་མང་དྲི་བ་མང་ཡོད་ཅེས།། ཆོས་གསུང་བས་ནི་ངེས་པར་བསྟན།། ཏིང་ངེ་འཛིན ་འབབ་ཆུའི་མིང་རྣམས་ཀྱང་། ། རེ་རེ་ནས་ནི་རབ་དབྱེན།། དོན་མང་དྲི་བ་མང་ཡོད་ཅེས།། ཆོས་གསུང་བས་ནི་ངེས་པར་བསྟན།། ཀུན་དགའ་བོ་དང་འདྲ་བའི་མི།། དཀྲིགས་ཕྲག ་བྱེ་མ་སྙེད་ཡོད་ལ། ། མདོ་ལས་གཅིག་གི་ཚད་གཟུང་ཕྱིར།། སྐྱེས་བུ་དམ་པའི་བྱུང་གྱུར་ཏེ།། སྐྱེས་བུ་དམ་པ་དེ་ཀུན་ལྔས།། སྐྱེས་བུ་སྐྱེས་མཆོག་རེ་རེ་ཡང་།། ་ལྷ་ཡི་ལོ་མང་བྱེ་བརྒྱར་ཐུབ།། སྐྱེས་བུ་བརྟན་པོ་རེ་རེ་ཡང་།། གངྒཱའི་བྱེ་མ་ཇི་ཙམ་པར།། རང་རང་ག་ནི་ལྕེ་ཚོགས་རྣམས།། མདོ་སྡེ་དག་གི་མིང་གི་ཕྱིར།། བྱིན་གྱིས་བརླབ་པ་བྱས ་པ་དང་། དེ་དག་གི་ནི་ཐབས་ཚུལ་གྱིས།། སྐྱེས་བུ་སྐྱེས་མཆོག་དེ་དག་གི། མདོ་སྡེ་རྣམས་ནི་རེ་རེ་ཡི།། མིང་ཙམ་དག་ཀྱང་བསླབ་པའི་ཕྱིར།། ལོ་མང་བྱེ་བ་བརྒྱ་པ་ཡི།། སྐྱེས་བུ་དེ ་འདྲ་དེ་ཀུན་གྱིས། ། འབབ་ཆུ་འདྲ་བའི་མིང་བཟུང་ཡང་།། ཐ་མར་ཕྱིན་པར་མི་ནུས་ཏེ།། བཅོམ་ལྡན་མདོ་ནི་བསམ་མི་ཁྱབ།། ཏིང་འཛིན་གྲངས་ཀྱང་དེ་བཞིན་ཏེ།། གསང་བ་བཤད་པ་བསམ ་མི་ཁྱབ། སངས་རྒྱས་བསམ་ཡས་བསམ་མི་ཁྱབ།། དེ་བཞིན་གཤེགས་པ་དཔག་ཏུ་མེད།། སངས་རྒྱས་སྤྱོད་ཡུལ་བསམ་མི་ཁྱབ།། མཚུངས་པ་མེད་ཅིང་ཤིན་ཏུ་འདས།། འདས་པ་དག་ཀྱང་དཔག་ཏུ་མེད།། ད་ལྟར་བྱུང་བའང་བསམ ་མི་ཁྱབ། མ་འོངས་པའང་བསམ་དུ་མེད།། འཇིག་རྟེན་ཁམས་ནའང་བསམ་མི་ཁྱབ།། དཔེར་ན་སྨན་པ་བྱུང་གྱུར་ཅིང་།། མཁས་པ་ཞིག་གིས་ནད་རྟོགས་ནས།། ནད་པའི་ཉམས་ལས་དཔག ་བྱས་ཏེ། ། ཆོ་ག་རིམ་བཞིན་སྟོན་པ་དང་།། དཔེར་ན་བུད་མེད་མཁས་མ་ཡིས།། རང་གི་བུ་ཡི་ཉམ་རིག་ནས།། སོར་མོའི་རྩེ་མོར་མར་བྱུགས་ཏེ།། ཅི་རན་བ་ལྡག་ཏུ་བཅུག་པ་ལྟར།། དེ་བཞིན ་བཅོམ་ལྡན་སངས་རྒྱས་ཀྱང་། ། འདུལ་བའི་ཉམ་དྲོད་མཁྱེན་ནས་ནི།། སེམས་ཅན་རྣམས་ཀྱིས་བཟོད་པ་ཡི།། མདོ་སྡེའི་ཚིག་དོན་སྟོན་པར་མཛད། དེ་ནས་དེའི་ཚེ། བྱང ་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པ་རྣམས་ཀྱི་བསམ་གྱིས ་མ་ཁྱབ་པའི་ཡང་བསམ་གྱིས་མི་ཁྱབ་པའི་ཡུལ་སྤྲིན་ཆེན་པོའི་མདོ། ། སེམས་ཅན་ཐམས་ཅད་ལ་སྙིང་བརྩེ་བར་བགྱི་བ་ལགས་པར་གཟིགས་ནས། དེ་བཞིན་གཤེགས་པས་བཤད་པ་ནི ་ཨཱ་ལ་ལ་རྔོ་མཚར་རོ། ། བཅོམ་ལྡན་འདས་ཏིང་ངེ་འཛིན་གྱི་སྒོ་བཞི་རྒྱ་ཡང་། བཅོམ་ལྡན་འདས་དེ་བཞིན་གཤེགས་པས་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ ་སྤྲིན་ཆེན་སྙིང་པོ་ལེགས་སོ་ལེག་སོ། ། སྤྲིན་ཆེན་སྙིང་པོ་ཁྱོད་ལེགས་ཀྱིས། གནོད་སེམས་ཀྱི་སེམས་དང་ལྡན་པ་རྣམས་བཟོད་པ་ཐོབ་པར་བྱ་བའི་དོན་དང་། ལེ་ལོ་ཅན་དང་དྲན་པ་ཉམས་པ་རྣམ ་བརྩོན་འགྲུས་དང་བསམ་གཏན་ཐོབ་པར་བྱ་བའི་དོན་དང་། མྲ་འོངས་པའི་སེམས་ཅན་བསོད་ནམས་ཆུང་ངུ་རྣམས་ཀྱི་ཕྱིར། དེ་བཞིན་གཤེགས་པའི་ཡུལ་དེ་བཞིན་གཤེགས་པ་ལ་ལེགས་པར་ཞུས ་པའི་སྤྲིན་ཆེན་པོའི་མདོའི་ཆར་རྟག་ཏུ་རབ་ཏུ་ཕོབ་ཤིག། སྤྲིན་ཆེན་སྙིང་པོ་སྤྲིན་ཆེན་པོའི་མདོའི་ཡུལ་ལ་ལྟོས། གྲོང་དང་གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་གང་དག་ཏུ་སྦྱིན ་ཆེན་པོའི་མདོ་འདི། དགེ་སློང་དྲམ། དགེ་སློང་འམ། དགེ་བསྙེན་ནམ། དགེ་བསྙེན་མས་རྒྱས་པར་རབ་ཏུ་སྤྱོད་དམ། འཆད་དམ་སྟོན་པར་བྱེད་པ་དེ་དང་དེར། སྦྱིན ་ཆེན་པོའི་ཚོགས་རྣམས་ན་མཁའ་ལ་འབྲུག་སྒྲ་འབྱིན་ཅིང་དི་རི་རིར་སྒྲོགས་ལ་དུས་མ་ཡིན་པར་ཡང་ཆར་འབེབས་པར་འགྱུར་རོ། ། ས་ཕྱོགས་ཀྱང་རྡོ་རྗེའི་རང་བཞིན་དུ་འགྱུར་རོ།། སེམས་ཅན་དེ་དག ་ཀྱང་རྡོ་རྗེའི་རང་བཞིན་དུ་འགྱུར་རོ། ། སྤྲིན་ཆེན་པོའི་མདོ་འདི་ལས་ཡི་གེའི་ཚིག་གསུམ་འམ། བདུན་ཐོས་པར་གྱུར་པ་གང་ཡིན་པའི་སེམས་ཅན་དེ་དག་ལ་ཡང་། སངས་རྒྱས་ཐམས་ཅད་རྗེས་སུ་ཡི་རང ་བར་འགྱུར་ན་རྒྱས་པར་རྣམ་པར་འབྱེད་པ་ལྷ་ལ་ཅི་སྨོས། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ། ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཅེས་བྱ་བའི་ཏིང་ངེ་འཛིན་ཡོད་དེ། ཏིང་ངེ་འཛིན་དེ་རྟོགས་པའི ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། རྟག་ཏུ་དེ་བཞིན་གཤེགས་པའི་ཡོན་ཏན་ཐོབ་པར་འགྱུར། ཐོབ་པ་སོགས་པར་ཡང་འགྱུར་རོ།། དེ་བཞིན་གཤེགས་པའི་ཆོས་རྣམས་ལས་ཀྱང ་རྟག་ཏུ་ཡོངས་སུ་ཉམས་པར་མི་འགྱུར་རོ། ། ཤེས་རབ་ཀྱང་ཡོངས་སུ་ཉམས་པར་མི་འགྱུར་རོ།། ཡེ་ཤེས་ཀྱང་ཡོངས་སུ་ཉམས་པར་མི་འགྱུར་རོ།། དེ་བཞིན་གཤེགས་པའི་རྟག་པ་དང་། བརྟན་པ་དང་། ་ཐེར་ཟུག་པ་དང་། ཞི་བའི་རང་བཞིན་དང་། ཡོན་ཏན་གྱི་ཚོགས་ངེས་པར་འབྱེད་པའི་བློ་གྲོས་ཅན་དུ་ཡང་འགྱུར་རོ།། ཆོས་མཉན་པ་དང་དགེ་འདུན་ལ་བསྙེན་བཀུར་བྱ་བ་དང་ཡང་འབྲལ་བར ་མི་འགྱུར་རོ། ། བསྡུ་བའི་དངོས་པོ་བཞི་ལ་ཡང་བརྩོན་པར་འགྱུར་རོ།། སྔར་སྨོས་པའི་ཡོན་ཏན་ཐམས་ཅད་དང་ཡང་ལྡན་ཞིང་མཁས་པར་འགྱུར་གྱིས། སྤྱན་ཆེན་སྙིང་པོ་ཟབ་མོ་བརྟན་པའི ་ཆུའི་རྒྱ་མཚོའི་དུས་ཚོད་ཅེས་བྱ་བའི་ཏིང་ངེ་འཛིན་ཟུང་ཤིག། སྤྲིན་ཆེན་སྙིང་པོ་གཞན་ཡང་ཟབ་མོ་བརྟན་པའི་ཆུའི་རྒྱ་མཚོའི་དུས་ཆོད་ཀྱི་ཡུལ་ལ་འཇུག་པ་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད ་ཀྱི་ཏིང་ངེ་འཛིན་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། ལྷའི་གནས་ཐམས་ཅད་ན་ཡང་བྱ་བ་ལ་སྣང་སྟེ། ཚངས་པ་ལ་དད་པའི་སེམས་ཅན་རྣམས་ཀྱི་མཆོད་པའི་འོས་སུ་སྙམ་པའི་ལྟ་བ ་གཅད་པའི་ཕྱིར། ཚངས་པའི་གནས་རྣམས་སུ་ནི་ཚངས་པའི་གཟུགས་ལྟ་བུར་སྣང་སྟེ། ལྟ་བ་ལ་གནས་པར་ཡང་མི་འགྱུར་རོ།། དབང་ཕྱུག་ཆེན་པོ་ལ་དད་པའི་སེམས་ཅན་རྣམས་ཀྱི་ལྟ་བ་གཅད་པའི་ཕྱིར། ་དབང་ཕྱུག་ཆེན་པོའི་གནས་རྣམས་སུ་ནི། དབང་ཕྱུག་ཆེན་པོའི་གཟུགས་ལྟ་བུར་སྣང་སྟེ། ལྟ་བ་ལ་གནས་པར་ཡང་མི་འགྱུར་རོ།། གཞོན་ནུ་ལ་དད་པའི་སེམས་ཅན་རྣམས་ཀྱི་ལྟ་བ་གཅད་པའི་ཕྱིར། ་གཞོན་ནུའི་གནས་རྣམས་སུ་ནི། གཞོན་ནུའི་གཟུགས་ལྟ་བུར་སྣང་སྟེ། ལྟ་བ་ལ་གནས་པར་ཡང་མི་འགྱུར་རོ།། ཀ་ཏྱའི་བུའི་སྡིག་པ་དང་། འཚེ་བ་མི་བཟད་པ་ལ་དད་པའི་སེམས་ཅན་རྣམས་ཀྱི ་ལྟ་བ་གཅད་པ་དང་། སྲོག་གཅོད་པ་བཟློག་པའི་ཕྱིར། ཀ་ཏྱའི་བུའི་གནས་རྣམས་སུ་ནི། ཀ་ཏྱའི་བུའི་གཟུགས་ལྟ་བུར་སྣང་སྟེ། ལྟ་བ་ལ་གནས་པར་ཡང་མི་འགྱུར་རོ།། སེམས་ཅན་རྣམས ་སྡིག་པ་ལས་བཟློག་པའི་ཕྱིར་འབྱུང་པོའི་གནས་རྣམས་སུ་འབྱུང་པོའི་གཟུགས་ལྟ་བུར་སྣང་ཞིང་ལྟ་བ་ཅན་ཐམས་ཅད་ཀྱི་ལྷའི་གནས་དང་། ལྟད་མོ་ཅན་དང་། ་དགེ་མཚན་ལྟ་བུའི་གནས་རྣམས་སུ་ལྟ་བ་ཅན་གྱི་གཟུགས་ལྟ་བུར་སྣང་སྟེ། ལྟ་བ་ལ་གནས་པར་ཡང་མི་འགྱུར་རོ།། ཤ་ཟ་བ་དང་གསོད་པ་ལས་བཟློག་པའི་ཕྱིར། ཕག་འཚོང་བའི ་གནས་སུ་བགེགས་ཀྱི་མཚན་མའི་ཚུལ་སྟོན་ཅིང་ཤ་འཚོང་བ་ལྟ་བུར་ཡང་སྣང་ངོ་། ། སེམས་ཅན་ཡོངས་སུ་སྨིན་པར་བྱ་བའི་ཕྱིར། རིགས་ཀྱི་ཆང་འཚོང་བའི་ནང་དུ་ཆང་འཐུང་བ་ལྟ་བུར་ཡང ་སྣང་ཞིང་། ཆང་གི་ཉེས་དམིགས་ཡང་དག་པར་བསྟན་པའི་ཕྱིར། རིགས་ཀྱི་གཙོ་བོའི་བུ་ལྟ་བུར་འགྱུར་ཞིང་། སེམས་ཅན་རྣམས་ལ་ཆང་གི་སྦྱིན་པ་བྱེད་དེ། ཆང་ལ་ཆགས་པར་ཡང་མི ་འགྱུར་རོ། ། དེ་བཞིན་དུ་ལས་ཆེན་པོ་བཅུ་དྲུག་གི་ཉེས་དམིགས་ཡང་དག་པར་བསྟན་པའི་ཕྱིར། ལས་ཆེན་པོ་བཅུ་དྲུག་བྱེད་པའི་རིགས་རྣམས་སུ་སྐྱེས་ནས། ལས་ཆེན་པོ་བཅུ་དྲུག་བྱེད་པ་ལྟ་བུར ་ཡང་སྣང་སྟེ། ལས་ལ་ཆགས་པར་ཡང་མི་འགྱུར་རོ།། སེམས་ཅན་ཡོངས་སུ་སྨིན་པར་བྱ་བའི་ཕྱིར། བརྒྱན་པོ་དང་རྩེད་མོ་ལ་ཡང་མཁས་སོ།། སེམས་ཅན་དབུལ་པོ་ལོངས་སྤྱོད་མི་ཟད་པ། ་བསྡུ་བ་དང་། ཚུལ་ཁྲིམས་ཡོངས་སུ་དག་པར་བྱ་བའི་ཕྱིར། ཁྱིམ་ན་གནས་པའི་རྒྱལ་པོར་ཡང་འགྱུར་རོ།། ཆུང་མ་དང་བུ་དང་འདྲེ་བ་ཡང་མེད་པར་བུ་སྨད་ཀྱང་སྟོན་ན། རྟག་ཏུ་ཚངས་པར་སྤྱོད་པ ་དང་ཡང་ལྡན་ཞིང་རྟག་ཏུ་དབེན་པ་ན་ཡང་གནས་ཏེ་རྒྱན་གྱིས་ཀླུབས་ལ། མཚན་ཀྱང་ཡོངས་སུ་གཅོད་དོ།། ན་ཁ་ཟས་ཀྱང་ཟ་ལ་རྟག་ཏུ་བསམ་གཏན་གྱི་ཟས་ཀྱིས་ཀྱང་འཚོའོ།། ཡ་མཚན ་ཅན་དེ་དག་གི་ང་རྒྱལ་དང་། རྒྱགས་པ་དང་། དྲེགས་པ་གཞོམ་པའི་ཕྱིར། ཡ་མཚན་ཐམས་ཅད་ཀྱི་ནང་དུ་ཡང་རབ་ཏུ་འབྱུང་སྟེ། ཐམས་ཅད་དུ་མཁན་པོའི་ཐབས་སུ་བཀུར་ཞིང་ལྟས་སུ་ལྟ་བ ་ཐམས་ཅད་ངེས་པར་བསྒྲལ་བའི་ཕྱིར་བསམ་པ་ཚུལ་གྱིས་རྟོགས་པར་འགྱུར་ལ། ལྟ་བ་ལ་གནས་པར་ཡང་མི་འགྱུར་རོ།། དུད་འགྲོ་རྣམས་ངེས་པར་བསྒྲལ་བའི་ཕྱིར། དུད་འགྲོའི་སྐྱེ་གནས ་ཐམས་ཅད་དུ་སྐྱེ་བར་འགྱུར་ཏེ། ཐམས་ཅད་དུ་ཡང་མཆོག་ཏུ་བཀུར་བར་འགྱུར།། སྨད་འཚོང་མའི་གནས་ཀུན་ཏུ་ཡང་སྣང་སྟེ། ཐམས་ཅད་དུ་ཡང་བཀུར་ལ་སྨད་འཚོང་མའི་གནས་ཐམས་ཅད ་དུ་གཡོན་ཅན་གྱི་མཆོག་ཏུ་འགྱུར་རོ། ། འདུལ་བའི་སེམས་ཅན་ལ་ཕན་པའི་ཕྱིར་བཞི་མདོ་དང་སུམ་མདོ་ཐམས་ཅད་དུ་ཡང་སྣང་ངོ་།། འདོད་པའི་ཉེས་པ་བསྟན་པའི་ཕྱིར། སྨད་འཚོང་མའི ་གནས་ཐམས་ཅད་དུ་ཡང་འཇུག་གོ། ། དྲན་པ་ལ་ཡང་དག་པར་དགོད་པའི་ཕྱིར་མི་གསལ་བ་དང་། གླེན་པའི་གནས་ཐམས་ཅད་དུ་ཡང་འཇུག་པར་བྱེད་དོ།། སེམས་ཅན་ཡན་ལག་མ་ཚང་བ་ཐམ ་ཅད་སྐྱོ་བ་ལ་དགོད་པའི་ཕྱིར། ཡན་ལག་ཐམས་ཅད་མ་ཚང་བ་ཡང་སྟོན་པར་བྱེད་དོ།། འཁོར་བ་ལ་སྐྱོ་བ་བསྐྱེད་པའི་ཕྱིར་ཁམས་བཞི་དང་ལྡན་པར་ཡང་བྱེད་དོ།། ལེ་ལོ་ཅན་དང་དྲན་པ་ཉམས་པ ་རྣམས་དང་རྒྱགས་པ་དང་མྱོས་པ་རྣམས་བརྩོན་འགྲུས་དང་བསམ་གཏན་དང་སྐྱོ་བ་ལ་དགོད་པའི་ཕྱིར། ནད་བཞི་བརྒྱ་རྩ་བཞི་དང་ལྡན་པར་ཡང་སྟོན་ཏོ།། བཟོད་པ་ལ་དགོད་པའི ་ཕྱིར་གནོད་སེམས་ཅན་ལྟ་བུར་ཡང་འགྱུར་རོ། ། རྟག་པའི་འདུ་ཤེས་ཅན་གྱི་སེམས་ཅན་རྣམས་ལོ་རྟག་པའི་ཉེས་པ་ཡང་དག་པར་བསྟན་པའི་ཕྱིར། བསྐལ་པ་ཐམས་ཅད་དུ་ཡང་འབྱུང་ངོ་།། ཁྱེའུ ་དག་ཡོངས་སུ་སྨིན་པར་བྱ་བའི་ཕྱིར། ཡི་གེ་སློབ་པའི་གྲཝ་ཁང་ཐམས་ཅད་དུ་ཡང་འགྲོ་བར་བྱེད་དོ།། བུ་མོ་དག་ཡོངས་སུ་སྨན་པར་བྱ་བའི་ཕྱིར། གླུ་དབྱངས་ཀྱི་ཁང་པ་ཐམས་ཅད་དུ་ཡང་འགྲོ་བར ་བྱེད་དོ། ། འཇིག་རྟེན་དང་འཐུན་པར་བྱ་བའི་ཕྱིར། རྒན་པོ་དང་། ཐོར་བུ་དང་། བར་མ་རྣམས་ཀྱི་གྲོགས་ཀྱང་བྱེད་དོ།། སེམས་ཅན་ཡོངས་སུ་སྨིན་པར་བྱ་བའི་ཕྱིར། བྲན་པོ་དང་། ་བྲན་མོ་དང་། གཞན་གྱིས་བཀོལ་བར་ཡང་འགྲོའོ།། སེམས་ཅན་ཡོངས་སུ་སྨིན་པར་བྱ་བའི་ཕྱིར། ནད་པ་དང་། རྒས་པ་དང་། ཤི་བ་ལྟ་བུར་བདག་ཉིད་སྣ་ཚོགས་སུ་ཡང་སྟོན་ཏོ།། སེམས ་ཅན་ཡོངས་སུ་སྨིན་པར་བྱ་བའི་ཕྱིར། རིན་པོ་ཆེ་དང་། ནོར་བུ་ཐམས་ཅད་ཀྱི་སྣོད་ལྟ་བུར་ཡང་འགྱུར་རོ།། རིག་བྱེད་ཀྱིས་ཆོག་པར་འཛིན་པའི་སེམས་ཅན་རྣམས་ལ་སྐྱོན་ཡང་དག་པར་བསྟན་པར ་བྱ་བའི་ཕྱིར། གསང་ཚིག་དང་། རིག་བྱེད་ཐམས་ཅད་ལ་མཁས་པར་ཡང་བྱེད་དོ།། བྱ་སྐད་ཀྱི་བརྡ་ཐམས་ཅད་ལ་ཞེན་པའི་སེམས་ཅན་རྣམས་ཀྱི་སྟ་བ་གཅད་པའི་ཕྱིར། བྱ་སྐད་ཀྱི་བརྡ་ཐམས ་ཅད་ཀྱང་སྟོན་པར་བྱེད་དོ། ། སྨན་གྱི་སྡེ་ཚན་དང་། རྩི་དང་ལྡན་པ་རྣམ་པར་འཕྲུལ་པའི་ཕྱིར། ཤིང་ལྗོན་པ་དང་། འཁྲི་ཤིང་དང་། འབྲས་བུ་དང་། མེ་ཏོག་དང་། སྨན་ནོ་ཅོག་ལྟ་བུར་ཡང་།། ་བདག་ཉིད་བྱིན་གྱིས་རློབ་པར་བྱེད་དོ།། འཚོ་ན་མ་ཐམས་ཅད་ལ་ཡང་བརྩོན་ལ་ཆགས་པ་དང་ལོངས་སྤྱོད་ལ་མངོན་པར་ཞེན་པ་ཡང་མེད་དོ།། ཐེག་པ་དམན་པ་རྣམ་པར་གཅད་པའི་ཕྱིར། བསྒྲགས་པའི ་ཆོས་ཀྱི་འབེལ་བའི་གཏམ་ཐམས་ཅད་ཀྱང་ལེགས་པར་སྟོན་པར་བྱེད་དོ། ། སེམས་ཅན་ཐམས་ཅད་བསྲུང་བ་དང་ཡོངས་སུ་བསྐྱང་བའི་ཕྱིར་རྒྱལ་པོའི་བྱ་བ་ལ་ཡང་འཇུག་པར་བྱེད་དོ།། ཚོང་དཔོན་གྱི་ཆོས ་ལུགས་ཀྱིས་དགའ་བར་བྱ་བའི་ཕྱིར། ཚོང་དཔོན་གྱི་ནང་དུ་ཡང་ཚོང་དཔོན་དུ་བཀུར་བར་འགྱུར་རོ།། ཁྱིམ་གྱི་སྐྱོན་ཐམས་ཅད་ཡོངས་སུ་བཅད་པའི་ཕྱིར། ཁྱིམ་བདག་གི་ནང་དུ་ཡང་ཁྱིམ་བདག་ཏུ་བཀུར ་བར་འགྱུར་རོ། ། རྒྱལ་རིགས་ཀྱི་ཆོས་ལུགས་ཀྱི་རབ་ཏུ་གནས་པར་བྱ་བའི་ཕྱིར། རྒྱལ་རིགས་ཀྱི་ནང་དུ་ཡང་རྒྱལ་རིགས་སུ་བཀུར་བར་འགྱུར་རོ།། ང་རྒྱལ་དང་རྒྱགས་པ་དང་དྲེགས་པ་གཞོམ་པའི ་ཕྱིར་བྲམ་ཟེའི་ནང་དུ་ཡང་བྲམ་ཟེར་བཀུར་བར་འགྱུར་རོ། ། བྱ་བ་ཐམས་ཅད་དང་ཆོས་ལུགས་ཐམས་ཅད་ལ་གཟུད་པར་བྱ་བའི་ཕྱིར། བློན་པོ་ཆེན་པོའི་ནང་དུ་ཡང་བློན་པོ་ཆེན་པོར་བཀུར་བར་འགྱུར ་རོ། ། རྒྱལ་སྲིད་དང་ལོངས་སྤྱོད་དང་དབང་ཕྱུག་ལས་རྣམ་པར་བཟློག་པའི་ཕྱིར། གཞོན་ནུའི་ནང་དུ་ཡང་གཞོན་ནུར་བཀུར་བར་འགྱུར་རོ།། བུད་མེད་ཡོངས་སུ་སྨིན་པར་བྱ་བའི་ཕྱིར། བཙུན་མོ ་འཁོར་དག་ཏུ་ཡང་སྲུངས་མ་ཉུང་རུམ་དུ་བཀུར་བར་འགྱུར་རོ། ། བསོད་ནམས་ཀྱི་ཁྱབ་པར་ལ་ལྷག་པར་དམིགས་པར་བྱ་བའི་ཕྱིར། སྐྱེ་བོ་ཕལ་པ་རྣམས་དང་ཡང་འཐུན་པར་འཇུག ་གོ། ། དབང་ཕྱུག་གི་ཉེས་དམིགས་བསྟན་པའི་ཕྱིར། བརྒྱ་བྱིན་གྱི་ནང་དུ་ཡང་བརྒྱ་བྱིན་དུ་བཀུར་བར་འགྱུར་རོ།། ཡེ་ཤེས་ཀྱི་ཁྱབ་པར་བསྟན་པའི་ཕྱིར། ཚངས་པའི་ནང་དུ་ཡང་ཚངས་པར་བཀུར་བར ་འགྱུར་རོ། ། སེམས་ཅན་ཐམས་ཅད་ཀྱི་ཡིད་དུ་འོང་བར་བྱ་བའི་ཕྱིར། ཟླ་བར་ཡང་འགྱུར་རོ།། སེམས་ཅན་གྱི་སྡིག་པའི་ཉེས་པའི་ཁ་བ་མང་པོ་བཞུ་བའི་ཕྱིར་ཉི་མར་ཡང་འགྱུར་རོ།། སེམས་ཅན ་ཐམས་ཅད་ཚུལ་སྲུང་དུ་བཞུག་པའི་ཕྱིར། འཇིག་རྟེན་སྐྱོང་གི་ནང་དུ་ཡང་འཇིག་རྟེན་སྐྱོང་དུ་བཀུར་བར་འགྱུར་རོ།། སངས་རྒྱས་ཀྱི་བཀོད་པ་ཐམས་ཅད་སྟོན་ཀྱང་གཏན་དུ་ཡོངས་སུ་མྱ་ངན་ལས་འདས་པར ་ཡོངས་སུ་མྱ་ངན་ལས་འདའ་བར་ཡང་མི་བྱེད་དོ། ། གཟུགས་ཐམས་ཅད་སྣང་བར་སྟོན་ཀྱང་གཟུགས་ཀྱིས་དེ་བཞིན་གཤེགས་པའི་ཆོས་ཉིད་རྣམ་པར་འཁྲུལ་པར་ཡང་མི་བྱེད་དོ།། སངས་རྒྱས ་ཀྱི་ཞིང་ཐམས་ཅད་དུ་འགྲོ་ཡང་ཞིང་ཐ་དད་པར་འབྱེད་པར་ཡང་མི་བྱེད་དོ། ། སངས་རྒྱས་ཐམས་ཅད་ཀྱི་ཡང་དག་པར་བླངས་པ་རྗེས་སུ་ཐོབ་ཀྱང་ཆོས་ཀྱི་དབྱིངས་ལ་ཡང་འཇུག་པར་མི་བྱེད་དོ།། ལྷ་དང ་མིའི་བདག་པོ་ཐམས་ཅད་ཡོངས་སུ་འཛིན་ཀྱང་། དེ་ལ་རྒྱགས་པར་ཡང་མི་འགྱུར་ལ། མོས་པ་སྐྱེད་པར་ཡང་མི་འགྱུར་རོ།། སེམས་ཅན་རྣམས་སྐྱོ་བ་ལ་དགོས་པའི་ཕྱིར། གཉིད་ལོག་པའི ་བ་ཐམས་ཅད་ཀྱང་ཡང་དག་པར་སྟོན་ཏོ། ། བདུད་ཀྱི་ཡུལ་ཐམས་ཅད་ཡང་དག་པར་སྟོན་ཀྱང་བདུད་ཀྱི་ལས་ལ་གནས་པར་ཡང་མི་འགྱུར་རོ།། འཇིག་རྟེན་པ་དང་འཇིག་རྟེན་ལས་འདས་པའི་བྱ། ་བ་ཐམས་ཅད་ལ་ཡང་སྣང་རྟག་ཏུ་ཡང་ཆོས་ཀྱི་ཀུན་དགའ་བས་དགའ་བར་བྱེད་དེ་པདྨ་བཞིན་དུ་གོས་པ་མེད་པར་འགྱུར་རོ།། སྤྲིན་ཆེན་སྙིང་པོ་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འདི ་གྱི་ཡུལ་ལ་ལྟོས། ། ། བམ་པོ་བདུན་པ། དེ་ནས་དེའི་ཚེ། འཁོར་ཆེན་པོའི་ནང་ནས་སློབ་དཔོན་ལུང་སྟོན་པ་བྲམ་ཟེ་ཀོའུ་དིནྣ་ཞེས་བྱ་བས། ་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱེ་མ་ལྷ་སྦྱིན་དྲུག་སྡེ་དང་བཅས་པ་ན་ཚིག་གི་ངན་ཕྲ་ཞིང་ཟབ་ལ་སེམས་ཅན་ཐམས་ཅད་ལ་ཕན་པར་སྤྱོད་པ་འདི་ལྟ་བུ་ལ་རྒྱབ ་ཀྱིས་ཕྱོགས་པ་ལགས་སོ། ། ཀྱེ་མ་ལྷ་སྦྱིན་ནི་བྱས་པ་མི་གཟོ་བ་ལགས་སོ།། ཀྱེ་མ་ལྷ་སྦྱིན་ནི་སྡིག་པ་འདོད་པ་ལགས་སོ།། ལྷ་སྤྲིན་ནི་དེ་བཞིན་གཤེགས་པ་ལ་ཁྲག་འབྱིན་པ་ལགས་སོ།། ་ཀྱེ་མ་ལྷ་སྦྱིན་དྲུག་སྡེ་དང་བཅས་པ་ནི་དགེ་འདུན་གྱི་དབྱེན་བགྱིད་པ་ལགས་སོ།། ཀྱེ་མ་ལྷ་སྦྱིན་དྲུག་སྡེ་དང་བཅས་པ་ནི་ཤཱཀྱའི་རིགས་ཀྱིས་དྲེགས་པ་ལགས་སོ།། ཀྱེ་མ་མི་མ་ལགས་པར་འགྱུར་བར ་འོས་པ་དང་། དུད་འགྲོའི་སྐྱེ་གནས་དང་ཕྲད་པར་འགྱུར་བ་ཡོངས་སུ་སྤྱོད་པ་ལགས་སོ།། ཀྱེ་མ་ལྷ་སྦྱིན་ནི་རྟག་ཏུ་བཅོམ་ལྡན་འདས་བཀྲོངས་པར་སེམས་པ་དང་། སྐྱེས་པའི་རབས་བརྒྱ་སྟོང ་ཕྲག་འགྲངས་པར་ལས་དྲག་པོ་བགྱིད་པ་ལགས་སོ། ། ལྷ་སྦྱིན་ནི་སེམས་ཅན་དམྱལ་བར་མཆི་བ་ལགས་སོ།། ཀྱེ་མ་ལྷ་སྦྱིན་ནི་སྩལ་བ་དང་བགྱིས་པ་མ་མཆིས་པ་ལག་སོ།། ་བཅོམ་ལྡན་འདས་ཀྱི་བཀའ་དྲིན་གྱིས་འཚོལ་བཅོམ་ལྡན་འདས་ཀྱི་རྩ་བ་ལ་རྐོ་བ་ལགས་སོ།། ཀྱེ་མ་ལྷ་སྦྱིན་ནི་སྡིག་པ་ལ་ངེས་པ་ལག་སོ།། ལྷ་སྦྱིན་གྱི་འཁོར་ནི་བདུད་ཀྱི་ཕྱོགས་ལགས་ན། ་བཅོམ་ལྡན་འདས་ཀྱི་ཐད་དུ་རབ་ཏུ་བྱུང་ཞེས་གདའ་སྟེ། བཅོམ་ལྡན་འདས་བཀྲོངས་པར་སེམས་སོ།། ལྷ་སྦྱིན་གྱི་འཁོར་ནི་ཐམས་ཅད་ཀྱང་ངུར་སྨྲིག་འཆང་བ་ཙམ་དུ་བས་སོ།། ལྷ་སྦྱིན་གྱི་འཁོར ་ནི་འཚོ་བ་ངན་པས་འཚོ་ཞིང་། མུ་གེའི་མགོ་བྱི་ལགས་སོ།། བཅོམ་ལྡན་འདས་ཁྱོད་ནི་ཐམས་ཅད་མཁྱེན་པ་ལགས་ཞེས་གདའ། ཁྱོད་ནི་འབྲས་བུ་མཆིས་པའི་ཆོས་སྟོན་པ་ལགས་ཞེས་གདའ།། ཁྱོད ་ནི་རིགས་རྣམ་པར་དག་པར་གྲགས་པ་ལགས་ཞེས་གདའ་ན། ལྷ་སྦྱིན་མ་རུངས་པ་འདི་ལྟ་བུ་ཡང་རབ་ཏུ་ཕྱུང་ལགས་སམ། བཅོམ་ལྡན་འདས་སེམས་ཅན་ཐམས་ཅད་ལ་ཐུགས་བརྩེ་བ ་ཅན་གྱིས། སེམས་ཅན་ཐམས་ཅད་ཀྱི་ཡིད་གཉིས་དང་། ཐེ་ཙོམ་རྣམ་པར་བསལ་བའི་སླད་དུ། དགོངས་པ་བཤད་དུ་གསོལ། ཁྱོད་ནི་རིགས་དྲིམ་མ་མཆིས་ཤིང་རྣམ་པར་དག་པ ་ལགས་ན། བཅོམ་ལྡན་འདས་དེ་བཞིན་གཤེགས་པ་བདག་ཉིད་ཆེན་པོ་བཤད་དུ་གསོལ། དེ་ནས་དེའི་ཚེ། སངས་རྒྱས་ཀྱི་མཐུས། སྤྲིན་ཆེན་སྙིང་པོས་སློབ་དཔོན་ལུང་སྟོན་པ། ་བྲམ་ཟེ་ཀོའུ་དི་མྱལ་འདི་སྐད་ཅེས་སྨྲས་སོ།། བྲམ་ཟེ་ཆེན་པོ་ལེགས་སོ་ལེགས་སོ།། བྲམ་ཟེ་ཆེན་པོ་ཁྱོད་ཀྱིས་སེམས་ཅན་ཐམས་ཅད་ལ་ཕན་པའི་ཕྱིར། དེ་བཞིན་གཤེགས་པ་ལ་ཉན་ཐོས་དང་། ་རང་སངས་རྒྱས་ཐམས་ཅད་ཀྱི་ཡུལ་གྱི་ཞུ་བའི་རྒྱལ་པོ་ལེགས་པར་ཞུས་པ་ནི་ལེགས་སོ།། བྲམ་ཟེ་ཆེན་པོ་ཁོ་བོ་ལས་ཉོན་ཅིག་དང་། དེ་བཞིན་གཤེགས་པའི་མཐུ་དང་། ཁོ་བོ་ཅག་གི་ཡུལ་ལ་འཇུག ་བའི་ཚུལ་གྱིས་ཁོ་བོས་བཤད་པར་བྱའོ། ། བྲམ་ཟེད་ཕྱིན་ཆད་དེ་སྐད་མ་ཟེར་བར་གཞན་མ་ཡིན་པར་ཡིད་ལ་སོམས་ཤིག། ལྷ་སྦྱིན་དྲུག་སྡེའི་འཁོར་དང་བཅས་པ་ནི་དེ་བཞིན་གཤེགས་པ་ལ་ཤིན་ཏུ ་། བྱས་པ་གཟོ་བ་ཡིན་ནོ།། ལྷ་སྦྱིན་ནི་མཆོག་ཏུ་དཀའ་བ་བྱེད་པ་ཡིན་ནོ།། ལྷ་སྦྱིན་ནི་དེ་བཞིན་གཤེགས་པའི་རིགས་ལ་སྙིང་བརྩེ་བ་ཅན་ཡིན་ནོ།། ལྷ་སྦྱིན་ནི་དེ་བཞིན་གཤེགས་པའི་འཕྲིན་ལས་ཀྱི ་མཐའ་ཡིན་ནོ། ། ལྷ་སྤྲིན་ནི་དེ་བཞིན་གཤེགས་པའི་ཡོན་ཏན་གྱིས་བདག་ཉིད་ཚོན་པོ་སྟོན་པ་ཡིན་ནོ།། ལྷ་སྦྱིན་དྲུག་སྡེའི་འཁོར་དང་བཅས་པ་ནི་སེམས་ཅན་བྱེ་བ་ཕྲག་མང་པོ་བསོད་ནམས་ལ་རབ་ཏུ་འགོད་པ ་ཡིན་ནོ། ། བྲམ་ཟེ་ཆེན་པོ་སེམས་ཅན་ཐམས་ཅད་ཀྱིས་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་ཁྲག་འབྱིན་མི་ནུས་སོ།། དེ་བཞིན་གཤེགས ་བའི་སྐུ་ནི་ཤིང་དྲུང་གི་གྲིབ་མ་ལྟ་བུར་བལྟ་སྟེ། འདི་ནི་ཐབས་ཡིན་པར་བལྟ་བར་བྱའོ།། བྲམ་ཟེ་ཆེན་པོ་ཤཱཀྱའི་རིགས་འདི་ནི་དག་ཅིང་རྣམ་པར་དག་ལ་བསམ་གྱིས་མི་ཁྱབ་པོ།། ཤཱ། ་རིགས་ཀྱི་ནང་ན་ནི་ཚུལ་ཁྲིམས་འཆལ་བ་འགའ་ཙམ་ཡང་མེད་དེ་མི་སྲིད་དོ།། དེ་བཞིན་གཤེགས་པ་ནི་འབྲས་བུ་ཡོད་པའི་ཆོས་སྟོན་པ་ཡིན་ནོ།། དེ་བཞིན་གཤེགས་པ ་ནི་ཙན་དན་དང་། བཻ་ཌཱུཪྻའི་ལྟ་བུའི་འཁོར་དང་ལྡན་པ་ཡིན་ནོ།། དེ་བཞིན་གཤེགས་པ་ནི་མི་ཕྱེད་པའི་འཁོར་དང་ལྡན་པ་ཡིན་ནོ།། དེ་བཞིན་གཤེགས་པ་ནི་སེང་གེའི་རིགས་ཀྱི་རྒྱལ་པོ་ཆེན་པོ་དང་། ་སྟག་ལྟ་བུའི་འཁོར་དང་ལྡན་པ་ཡིན་ནོ།། དེ་བཞིན་གཤེགས་པ་ནི་ཉན་ཐོས་དང་རང་སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པའི་འཁོར་དང་ལྡན་པ་ཡིན་ནོ།། དེ་བཞིན་གཤེགས་པའི ་འཁོར་ནི་མེ་མ་དག་ཐལ་བས་གཡོགས་པ་ལྟ་བུར་བལྟའོ། ། དེ་བཞིན་གཤེགས་པ་ནི་བླ་ན་མེད་པའོ།། དེ་བཞིན་གཤེགས་པ་ནི་ཐམས་ཅད་མཁྱེན་པའོ།། དེ་བཞིན་གཤེགས་པ་ནི་ཐམས་ཅད ་མཁྱེན་པ་ཉིད་དོ། ། དེ་བཞིན་གཤེགས་པ་ལས་རབ་ཏུ་བྱུང་བའི་སེམས་ཅན་རྣམས་ལ་ནི་ཚུལ་ཁྲིམས་འཆལ་པ་མི་སྲིད་དེ། དེ་དག་ཐམས་ཅད་ནི་ཡུལ་ཟབ་མོ་ཤེས་པ་ཐམས་ཅད་ལ་རབ་ཏུ་འགོད་པ་ཤ་སྟག ་སྟེ། དེའི་ཕྱིར་ཡང་དེ་བཞིན་གཤེགས་པ་ནི་ཐམས་ཅད་མཁྱེན་པ་ཉིད་དོ།། བྲམ་ཟེ་ཆེན་པོ་དགེ་འདུན་ནི། བདུད་བྱེ་བ་ཕྲག་བརྒྱ་སྟོང་གིས་ཀྱང་དབྱེ་བར་མི་ནུས་ཏེ། འདི་ནི་ཐབས་ཡིན་པར་བ ་པར་བྱའོ། ། ལྷ་སྦྱིན་དྲུག་སྡེ་དང་བཅས་པ་ནི་དགེ་འདུན་གྱི་དབྱེན་བྱེད་པ་ཡང་མ་ཡིན་ནོ།། ལྷ་སྦྱིན་དྲུག་སྡེ་དང་བཅས་པ་ནི་ཤཱཀྱའི་རིགས་སྟོན་པ་ཡིན་ནོ།། སྐྱེ་བོ་ཕལ་པ་ཡང་དུད་འགྲོར་སྐྱེ་བར ་ཡོངས་སུ་སྣརོན་རྫོགས་སྐྱེས་། དེ་ནི་གཤེགས་པ་བས་ཀྱི་རྒྱ་ནས། རང་བྱུང་བ་དི་ས་ན་མས་ལ་མ+Wཱ་དོན་ལྡནས་མེ་དོ།། ་ས་འི་ནི་ས་ས་པར་བྱས་པ་ཡིན་ནོ།། མ་ཡིན་ར་བ་མ་དུ་ག་ནའི་མ་མ ་ཨས་ནི། ཡ་པའི་ས་པས་མ་ཡིན། མཚན་རྣཾས་པ་ལ་སེམས་ཡིནན།། རྒྱས་ནི་རྫོགཔ་ད་པ་ཡང་ཡིན། ་སཔ་ས་སས་དི ་ཀྱང་མས་པ་སྤྱོད་སུ་པ་མེན་པ་། མམྦྷ་རྣཾ་སེམས་ཅམ་པར་ས་ན་ཡང་ད ་ཀྱི་སྟོན་པ་པའི་སྐུ་འི་ཁྱོང་ཀྱ་གཞན་ཤི་འདུ་འདུས་པཔས་ཕྱི་དང་སུས་དུ་འཚྭ་བར་ཆས་ཏེགཅི་ན་ཐགས་སུ་སོང། གཅི་ནི་ཤཱ་ཐུགས་སུ་སྟོད ་མ་མ་གྱི་ཞིན་ཀྱིམི་བར་རྫུའོ། དུ་རང་འདུ་མ་དུ་མིད་ག་ཉིས་ཀྱི་ཟད་པར་འགྱུང་བ་ནི་མེ་པོ།། ཐམ་མ་ཆེན་པ་དེ་བ་དུ་ད ་ང་ལྷས་བྱིན་གཉིས་ཀྱང་གལ་ཏེ་ཐབས་ཤིག་མ་ཡིན་དུ་ཟིན་ན་ཁྱད་ཆེ་བར་མངོན་ནོ། ། བྲམ་ཟེ་ཆེན་པོ་གཞན་ཡང་འདིར་མི་ལ་ལ་ཞིག་གིས་སྲོག་གཅོད་པ་བྱས་ན་ལོ་བརྒྱ། ་ཕྲག་མང་པོར་སེམས་ཅན་དམྱལ་བར་སྲེག་པར་འགྱུར་ལ། བསོད་ནམས་བྱས་ནས་ལོ་བྱེ་བ་སྙེད་དུ་མཐོ་རིས་སུ་མངོན་པར་རྩེ་བར་འགྱུར་བས་ན། བྲམ་ཟེ་ཆེན་པོ་དེ་བཞིན་གཤེགས་པ་ནི་ཡོན་ཏན ་བསམ་གྱིས་མི་ཁྱབ་པ་དང་ལྡན་ཞིང་། བགས་ཀྱི་ཚོགས་ཀྱིས་བསྒོས་པ་མ་ཡིན་པས། གལ་ཏེ་དེ་བཞིན་གཤེགས་པ་ལ་ལྷས་བྱིན་གྱིས་བཀྲོངས་པར་བསམས་སུ་ཟིན་ན། དེ་ལྟར་སེམས་གཅིག་བསྐྱེ ་པ་ཙམ་གྱི་ལས་ཀྱི་འབྲས་བུ་དེས་ཀྱང་། ལོ་བྱེ་བ་ཕྲག་གྲངས་མེད་དཔག་ཏུ་མེད་པ་བགྲང་བ་ལས་ཤིན་ཏུ་འདས་པ་སྲིད་དུ། སེམས་ཅན་དམྱལ་བར་ཤིན་ཏུ་བསྲེག་པར་འགྱུར་བའི་རིགས་ན། བྲམ་ཟེ་ཆེན ་པོ་དེ་བཞིན་གཤེགས་པ་ནི་བསྐལ་པ་བརྒྱ་སྟོང་ཕྲག་བྱེ་བ་གྲངས་མེད་པ་མང་པོ་ཡུན་རིང་པོ་ནས་དགྲ་ལས་འདས་པ་ཡིན་ལ། དེ་བཞིན་གཤེགས་པ་དང་། ལྷས་བྱིན་སེམས་ཅན་དམྱལ་བ་ན ་བསྲེག་པ་གཉིས་ཀྱང་ཕྲད་པར་ག་ལ་འགྱུར་ཏེ་དེ་ནི་གནས་མེད་དེ། བྲམ་ཟེ་ཆེན་པོ་གཞན་ཡང་གལ་ཏེ་ལྷས་བྱིན་སྡིག་པས་འཚོ་བ་ཞིག་ཡིན་དུ་ཟིན་ན། སྐྱེས་པའི་རབས་བརྒྱ་སྟོང་དུ། དེ་བཞིན ་གཤེགས་པ་དགྲ་བཅོམ་པ་ཡང་དག་རྫོགས་པའི་སངས་རྒྱས་དང་། ལྷས་བྱིན་ལྷན་ཅིག་ཏུ་ཕྲད་ཅིང་འགྲོགས་པར་ཡང་ཇི་ལྟར་འགྱུར་ཏེ། དེ་ནི་གནས་མེད་དོ།། དེ་ཅིའི་ཕྱིར་ཞེ་ན། ཇི་ཙམ་དུ ་ལྷས་བྱིན་བཅོམ་ལྡན་འདས་བཀྲོངས་པར་སེམས་པ་དེ་ཙམ་དུ་སེམས་ཅན་དམྱལ་བར་ངེས་པར་བསྲེགས་པར་འགྱུར་བས་ན། ཇི་ལྟར་སེམས་ཅན་དམྱལ་བ་ཡང་ཉམས་སུ་མྱོང་ལ། དེ་བཞིན ་གཤེགས་པ་བཀྲོངས་པར་ཡང་ཇི་ལྟར་སེམས་པར་རུང་སྟེ། མི་དེ་གཉིས་ཇི་ལྟར་ནམ་ཀྱང་ཕྲད་པར་མི་འགྱུར་བ་དེ་བཞིན་དུ་བྲམ་ཟེ་ཆེན་པོ་ལྷས་བྱིན་དེ་ལྟ་བུ་དང་། དེ་བཞིན་གཤེགས་པ་ཡང ་བརྒྱ་ལམ་ན་ཡང་ཕྲད་པར་འགྱུར་བ་དེ་ནི་གནས་མེད་དོ། ། བྲམ་ཟེ་ཆེན་པོ་གཞན་ཡང་གལ་ཏེ། ལྷས་བྱིན་སྡིག་ཅན་ཞིག་ཡིན་དུ་ཟིན་ན། ཤར་ཕྱོགས་སུ་འགྲོ་བ་བཞིན་དུ། ལྷས་བྱིན་དེ་སེམས ་ཅན་དམྱལ་བར་འགྲོ་བར་འགྱུར་བར་རིག་པར་འགྱུར་རོ། ། གང་ནུབ་ཕྱོགས་སུ་འགྲོ་བ་ལྟ་བུ་དེ་ནི། དེ་བཞིན་གཤེགས་པ་ཡིན་པར་རིག་པར་བྱའོ།། དེ་ལ་གྲོང་ཁྱེར་གང་ཡིན་པ་དེ་ནི་རྟག་ཏུ་འཇིགས་པ ་མེད་པའི་གྲོང་ཁྱེར་ཡིན་པར་རིག་པར་བྱ་སྟེ་འདི་ནི་ཐབས་ཡིན་པར་བལྟ་བར་བྱའོ། ། སངས་རྒྱས་ཀྱི་ཡུལ་འདི་ནི་ཁོ་བོ་ཅག་གིས་ཀྱང་བསམ་པ་མི་ནུས་པར་རིག་པར་བྱའོ།། ལྷས་བྱིན་ནི་དེ་བཞིན་གཤེགས ་བའི་ཡུལ་ཡིན་གྱི་ཉན་ཐོས་དང་། རང་སངས་རྒྱས་ཀྱི་ཡུལ་མ་ཡིན་ནོ།། བྲམ་ཟེ་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་སེར་པོ་ཆེན་པོ་ཞེས་བྱས་པས། གདམས་ངག་བསྟན་ནས། ་བྱང་ཆུབ་སེམས་དཔའ་དྲུག་སྡེ་རྣམས་ཀྱི་འཁོར་གྱིས་བསྐོར་བ་ལ་རྗེས་སུ་ཡི་རང་བར་གྱིས་ཤིག། བྲམ་ཟེ་ཆེན་པོ་དཔེར་ན་གླང་པོ་ཆེ་མཆོག་ལ་བརྡེག་པར་བྱ་བ་གང་ཡིན་པ་དེ་ནི། བུང་བུས་ཤིན། ་ཏུ་མི་བཟོད་དེ་གླང་པོ་ཆེ་མཆོག་ལ་བརྡེག་པར་བྱ་བ་ནི་གླང་པོ་ཆེ་མཆོག་གིས་བཟོད་པར་ཟད་དོ།། བྲམ་ཟེ་ཆེན་པོ་དེ་བཞིན་དུ་དེ་བཞིན་གཤེགས་པའི་ལྡེམ་པོ་ངག་གི་རྭས ་བརྡུང་པ་ནི། ཉན་ཐོས་དང་རང་སངས་རྒྱས་ཐམས་ཅད་ཀྱི་བུང་བུས་ཤིན་ཏུ་མི་བཟོད་དེ། དེ་བཞིན་གཤེགས་པའི་ལྡེམ་པོ་ངག་གིས་རྭས་བརྡུང་བ་ནི་དེ་བཞིན་གཤེགས་པ་དང་འདྲ་བས་བཟོད ་པར་ཟད་དོ། ། བྲམ་ཟེ་ཆེན་པོ་དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ལ་ལྟོས།། བྲམ་ཟེ་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་སེར་པོ་ཆེན་པོ།། བྱང་ཆུབ་སེམས ་དཔའི་ཁོར་གྱིས་བསྐོར་བ་ལ་བཟོད་པ་གསོལ་ཅིག། བྲམ་ཟེ་ཆེན་པོ་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལྔ། ལྷས་བྱིན་གྱི་ཡོན་ཏན་གྱི་ཆེ་བ་ཉིད་མི་ཤེས་པ་དེ ་དག་ནི་སངས་རྒྱས་བྱུང་བའི་ཕྱེད་ཐོབ་ཙམ་དུ་ཟད་པ་ཡིན་པར་རིག་པར་བྱའོ། ། མིག་ཡ་ཅིག་པར་རིག་པར་བྱའོ།། མི་ལུས་ཀྱི་ཕྱེད་ཐོབ་པ་ཡིན་པར་རིག་པར་བྱའོ།། བྲམ་ཟེ་ཆེན་པོ་གཞན་ཡང ་ལྷས་བྱིན་གྱི་ཡོན་ཏན་གྱི་ཆེ་བ་ཉིད་ལ་ལྟོས། སེམས་ཅན་ཐམས་ཅད་ཀྱི་དེ་བཞིན་གཤེགས་པའི་གནོད་པ་བཟོད་པར་ཡང་མ་ནུས། དེ་བཞིན་གཤེགས་པའི་ཡོད་ཏན་གྱི་ཆེ་བ་ཉིད་ཤེས་པར་ཡང་མི་ནུས ་སེམས་ཅན་ཐམས་ཅད་ཀྱིས་ནི། ། དེ་བཞིན་གཤེགས་པའི་ཡུལ་མཐོང་བར་ཡང་མི་ནུས་སོ།། བྲམ་ཟེ་ཆེན་པོ་ལྷས་བྱིན་གྱིས་ན་དེ་བཞིན་གཤེགས་པའི་གནོད་པ་བཟོད་པར་ཡང་ནུས་སོ།། དེ་བཞིན ་གཤེགས་པའི་ཡོན་ཏན་གྱི་ཆེ་བ་ཉིད་ཀྱང་རྟོགས་སོ། ། ཉན་ཐོས་དང་། རང་སངས་རྒྱས་ཐམས་ཅད་ཡུལ་མ་ཡིན་ལ། དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ་ལ་ཡང་རྣམ ་པར་འཕྲུལ་པར་བྱེད་དོ། ། དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཡང་དག་པར་སྟོན་པར་ཡང་ནུས་སོ།། དེ་བཞིན་གཤེགས་པའི་ཡུལ་དང་འདྲ་བའི་སྐྱེས་བུ་ཆེན་པོ་ཡིན་པར་ཡང་ལྟ ་བར་བྱའོ། ། འདུལ་བའི་དབང་གིས་དེ་བཞིན་གཤེགས་པ་གང་དང་གང་དུ་སྣང་བར་འགྱུར་བ་དེ་དང་དེར་སྐྱེས་བུ་ཆེན་པོ་དེ་ཡང་དེ་བཞིན་གཤེགས་པའི་ཕྱི་བཞིན་དུ་འབྲང་ཞིང་སྣང་བར་འགྱུར་རོ།། ་བྲམ་ཟེ་ཆེན་པོ་དེ་བཞིན་གཤེགས་པའི་ཡུལ་ནི་ཁོ་བོ་ཅག་གིས་ཀྱང་བསྟན་པར་མི་ནུས་ཏེ། དེ་བཞིན་གཤེགས་པའི་ཐབས་ཡིན་པར་བལྟ་བར་བྱའོ།། དེ་བཞིན་གཤེགས་པའི་ལྡེམ་པོ་ངག་གི ་སྒོའི་ཡུལ་གྱི་ཆོས་བསྟན་པ་ལ་ལྟོས། དེ་ནས་དེའི་ཚེ་འཁོར་ཐམས་ཅད་ཀྱིས་བཅོམ་ལྡན་འདས་ལ་མཆོད་པ་ཆེན་པོའི་ལས་བྱས་ནས། ཁ་འཐུན་པར་ཚིགས་སུ་བཅད་པར་འདི་སྨྲ་སོ།། ་བདུད་རྣམས་བྱེ་བ་ཕྲག་བརྒྱས་ཀྱང་། དགེ་འདུན་དབྱེ་བར་མི་ནུས་ཏེ།། སེམས་ཅན་རྣམས་ལ་སྨན་སླད་དུ།། ལས་ཀྱི་རྒྱུ་བའང་སྟོན་པར་མཛད།། དེ་ནས་བཅོམ་ལྡན་འདས་ཀྱིས་བྱང་ཆུབ ་སེམས་དཔའི་སྤྲིན་ཆེན་སྙིང་པོ་ལ་འདི་སྐད་ཅེས་བཀའ་སྩལ་ཏོ། ། སྤྲིན་ཆེན་སྙིང་པོ་ལེགས་སོ་ལེགས་སོ།། དེ་དེ་བཞིན་ཏེ་སྤྲིན་ཆེན་སྙིང་པོ་དེ་བཞིན་གཤེགས་པའི་ཡུལ་ཉན་ཐོས་དང་རང་སངས ་རྒྱས་ཐམས་ཅད་དང་མི་མཚུངས་པ་དང་། ལྷས་བྱིན་གྱི་ཡོན་ཏན་གྱི་ཆེ་བ་ཉིད་དེ་བཞིན་གཤེགས་པའི་ལྡེམ་པོ་ངག་གི་གཞི་གཞག་པ་ཕྱི་རོལ་གྱི་སེམས་ཅན་ཐམས་ཅད་ཀྱི་ཐེ་ཚོམ ་བཅད་པའི་ཕྱིར། ཤིན་ཏུ་ལེགས་པར་བཤད་པ་ལེགས་སོ་ལེགས་སོ།། སྤྲིན་ཆེན་སྙིང་པོ་གཞན་ཡང་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་གྱི་ཡུལ་ལ་གནས་པའི་བྱང་ཆུབ་སེམས ་དཔའ་སེམས་དཔའ་ཆེན་པོས་ནི་རིའི་རྒྱལ་པོ་རི་རབ་དེ་ཙམ་དུ་མཐོ་ཞིང་དེ་ཙམ་དུ་རྒྱ་ཆེ་ལ་དེ་ཙམ་དུ་ཡུལ་དུ་བྱས་པ། དེ་ཙམ་དུ་བརྩན་པ་ཡུངས་འབྲུའི་ནང་དུ་ཆུད་པ་བྱེད་དེ། འོན་ཀྱང་ཡུངས་འབྲུའི་ནང་ན་ཡང ་སྐྱེ་བར་མི་འགྱུར་ཞིང་བྱ་བ་བྱེད་པ་དེ་དག་ཀྱང་སྣང་ལ། རྒྱལ་ཆེན་བཞི་པ་དང་། སུམ་ཅུ་རྩ་གསུམ་པ་རྣམས་ཀྱིས་ཀྱང་། བདག་ཅག་གང་དུ་བཅུག་པ་དང་། བདག་ཅག་གང་ན་འཁོད་པ་ཡང་མི་ཚོར་རོ།། སེམས ་ཅན་གཞན་དག་གིས་ནི། རིའི་རྒྱལ་པོ་རི་རབ་ཡུངས་འབྲུའི་ནང་དུ་བཅུག་པར་ཡང་ཤེས་ཤིང་མཐོང་ངོ་།། སྤྲིན་ཆེན་སྙིང་པོ་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་གྱི་རྣམ་པར་ཐར་པའི་ཡུལ ་ལ་འཇུག་པ་ལ་ལྟོས། སྤྲིན་ཆེན་སྙིང་པོ་གཞན་ཡང་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་གྱི་ཡུལ་ལ་གནས་པའི་བྱང་ཆུབ་སེམས་དཔའ་ནི། རྒྱ་མཚོ་ཆེན་པོ་བཞིའི་ཆུའི་ཕུང་པོ་འདི ་བ་སྤུ་གཅིག་གི་ཁུང་དུ་ཆུད་པར་བྱེད་དེ། འོན་ཀྱང་ཉ་དང་རུ་སྦལ་དང་སྦལ་བ་དང་། ཆུ་སྲིན་བྱིས་པ་གསོད་དང་། ཆུ་སྲིན་དང་། ཆུ་སྲིན་ས་ལ་བ་དང་། ཨོ་ཏ་ཀ་དང་། ཆུ་སྦྲུལ་དང་། ཏི་རི་ཀ་ར ་ལ་སོགས་པ་དང་། དེ་བཞིན་དུ་ཆུའི་སྲོག་ཆགས་གཞན་དག་ལ་ཡང་གནོད་པར་འགྱུར་བ་མེད་དོ།། ཀླུ་དང་དྲི་ཟ་དང་། ལྷ་མ་ཡིན་རྣམས་ཀྱང་བདག་ཅག་གར་བཅུག་བདག་ཅག་གང་ན་འཁོད་སྙམ་དུ ་སེམས་པ་མེད་ལ་བྱ་བ་དེ་ཡང་སྣང་སྟེ། སེམས་ཅན་སུ་ལ་ཡང་འཚེ་བ་འམ་མཐོ་བ་ཙམ་པ་མེད་དོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་བཅད་དེ་ཕུ་བ་ཟླུམ་བཞིན་དུ་ལག་པ་གཡས ་པས་བསྐོར་ནས་འཇིག་རྟེན་གྱི་ཁམས་གངྒཱའི་ཀླུང་བྱེ་བའི་བྱེ་མ་སྙེད་ཟློག་པར་བྱེད་དེ། འོན་ཀྱང་སེམས་ཅན་རྣམས་ཀྱིས་བདག་ཅག་སུས་ཁྱེར་བ་དང་། བདག་ཅག་གང་ན་འཁོད་པ་ཡང་མི་ཚོར་རོ།། ཕྱིར ་ཡང་ཁྱེད་ཏེ་འོངས་ནས་སྔ་མའི་གནས་སུ་འཇོག་པར་བྱེད་དེ། འོན་ཀྱང་འགྲོ་བ་དང་འོང་བ་ཡང་མི་མངོན་ལ། བྱ་བ་དེ་དག་ཀྱང་སྣང་ངོ་།། དེ་ནས་དེའི་ཚེ། སློབ་དཔོན་ལུང་སྟོན་པ ་བྲམ་ཟེ་ཀོའུ་དི་ནྱ་དང་། བྲམ་ཟེ་གཞོན་ནུ་བརྒྱ་སྟོང་དུ་མ་དག་གིས། བཅོམ་ལྡན་འདས་ལ་མཆོད་པ་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གལ་ཏེ་བཅོམ་ལྡན་འདས ་སེམས་ཅན་ཐམས་ཅད་ལ་ཐུགས་བརྩེ་ཞིང་། གལ་ཏེ་ཁྱོད་སེམས་ཅན་ཐམས་ཅད་ལ་སྒྲ་གཅན་ཟིན་གཞིན་དུ་གཟིགས་ན། བདག་ལ་དམ་པ་གཅིག་སྲུལ་དུ་གསོལ། བཅོམ་ལྡན་འདས་ཅད ་མི་གསུང་བར་གྱུར་ནས། སངས་རྒྱས་ཀྱི་མཐུས་འཁོར་ཆེན་པོའི་ནང་ནས། ལི་ཙ་བྱི་གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བ་ཞེས་བྱ་བས། སློབ་དཔོན་ལུང་སྟོན་པ་བྲམ་ཟེ ་ཀོའུ་དི་ནྱ་ལ་འདི་སྐད་ཅེས་སྨྲས་སོ། ། ཅི་བྲམ་ཟེ་ཆེན་པོ་ཁྱོད་བཅོམ་ལྡན་འདས་ལ་དམ་པ་ཞིག་གསོལ་ལམ། བདག་གིས་ཁྱོད་ལ་དམ་པ་སྦྱིན་ནོ།། བྲམ་ཟེས ་སྨྲས་པ། ཀྱེ་ལི་ཙ་བྱི་གཞོན་ནུ་བདག་ནི་བཅོམ་ལྡན་འདས་ཀྱི་རིང་བསྲེལ་མཆོད་པའི་ཕྱིར། བཅོམ་ལྡན་འདས་ལ་རིང་བསྲེལ་ཡུངས་འབྲུ་ཙམ་ཞིག་གསོལ་གྱིས་དེ་ཁྱོད་ཀྱིས་བྱིན་ཅིག། རིང ་བསྲེ་ཤུངས་འབྲུ་ཙམ་དེ་མངོན་པར་མཆོད་ན་སུམ་ཅུ་རྩ་གསུམ་པའི་བདག་པོ་འགྱུར་རོ། ། ཞེས་གྲགས་པས་ན། རང་བསྲེལ་གྱི་ཕྱེ་མ་དཀར་རུ་ནི་ཤིན་ཏུ་གཅེས་སོ།། ཀྱེ་ལི་ཙ་བྱི་གཞོན་ནུ ་སྤྲིན་ཆེན་པོའི་མདོ། ། ཉན་ཐོས་དང་རང་སངས་རྒྱས་ཐམས་ཅད་ཀྱིས་ཤེས་པར་དཀའ་བ། ཁོང་དུ་ཆུད་པར་དཀའ་བ། མཚན་ཉིད་དེ་ལྟ་བུ་ལྡན་པ་ཡང་། སྤྲིན་ཆེན་པོའི་མདོ་ལས་ཕྱི་རོལ ་དུ་གྱུར་ཅེས་གྲག་པ་ཉོན་ཅིག། ཀྱེ་ལི་ཙ་བྱི་གཞོན་ནུ་སྤྲིན་ཆེན་པོའི་མདོ་ནི་དེ་ལྟར་ཤེས་པར་དཀའ་ཞིང་རྟོགས་པར་དཀའ་བས་ན། ཁོ་བོ་ཅག་མཐའ་འཁོབ་ཀྱི་གླིང་གི་བྲམ་ཟེ་རྣམས་ནི་གང་བཅངས་ན ་སེམས་ཅན་རྣམས་མྱུར་དུ་སུམ་ཅུ་རྩ་གསུམ་པའི་བདག་པོ་ཐོབ་པར་འགྱུར་བའི་རིང་བསྲེལ་ཡུངས་འབྲུ་ཙམ་ཟ་མ་ཏོག་གི་ནང་དུ་བཅུག་ལ། བཅངས་ཀྱང་རུང་ངོ་།། ཀྱེ་ལི་ཙ་བྱི་གཞོན་ནུ་ཁྱོད་ཅི་དེ་བཞིན ་གཤེགས་པ་ལས་རིང་བསྲེལ་ཡུངས་འབྲུ་ཙམ་གསོལ་ཏེ། མནོས་ལ་ཟ་མ་ཏོག་གི་ནང་དུ་བཅུག་སྟེ། བཅངས་པས་སུམ་ཅུ་རྩ་གསུམ་པའི་བདག་པོར་འགྱུར་བ་མི་འདོད་དམ། ཀྱེ་ལི་ཙ་བྱི་གཞོན ་ནུ་ཁོ་བོས་ནི་དམ་པ་འདི་ལྟ་བུ་གསོལ་ཏོ། ། ལི་ཙ་བྱི་གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བས། སློབ་དཔོན་ལུང་སྟོན་པ་བྲམ་ཟེ་ཀོའུ་དི་ནྱལ་ཚིགས་སུ་བཅད་པ་འདི་དག་གིས ་སླར་སྨྲས་པ། གླང་ཚེ་འགང་གར་ཀུ་མུད་སྐྱེས།། བྱི་བ་གླང་ཆེན་ཙམ་གྱུར་དང་།། ཁུ་བུག་དུང་མདོག་འདྲར་གྱུར་དང་།། འཛམ་བུར་ཏ་ལའི་འབྲུ་ཆགས་པ།། དེ་ཚེ་རིང་བསྲེལ་ཡོད་པར། ་འགྱུར།། ནམ་ཞིག་རུ་སྦལ་སྤུ་རྣམས་ལས།། གོས་སུ་ལེགས་པར་བཏགས་འགྱུར་ཏེ།། དགུན་ཆ་དག་ཏུ་གྱོན་གྱུར་པ།། དེ་ཚེ་རིང་བསྲེལ་ཡོད་པར་འགྱུར།། དེར་ནི་གྲོང་ཁྱེར་སྒྲ ་བའི་ཕྱིར། ། ནམ་ཞིག་སྦྲང་བུའི་རྐང་ལགས་ལས།། ཡང་རྟོགས་ལེགས་པར་བྱས་གྱུར་ཏེ།། བརྟན་ཞིང་གཡོ་བ་མེད་པ་དང་།། སྲིན་བུ་པདྨའི་རྭ་སོགས་ལ།། ཁྱོད་ནི་དབང་བསྐུར་སྦྱོར ་བྱེད་དེ། ། དེར་ནི་འབྱོར་ཅིང་རྒྱས་གྱུར་ལ།། དེ་ཚེ་རིང་བསྲེལ་ཡོད་པར་འགྱུར།། མཐོ་རིས་སུ་ནི་འཛེགས་པའི་ཕྱིར།། ནམ་ཞིག་རི་བོང་རཱ་རྣམས་ལས།། སྐས་ནི་ལེགས་པར་བྱས་གྱུར་པ། ་དེ་ཚེ་རིང་བསྲེལ་ཡོད་པར་འགྱུར།། ནམ་ཞིག་སྐས་ནི་དེར་འཛེགས་ཏེ།། བྱི་བས་ཟླ་བ་བཟའ་བ་དང་།། སྒྲ་གཅན་ལ་ཡང་གནོད་བྱེད་པ།། དེ་ཚེ་རིང་བསྲེལ་ཡོད་པར་འགྱུར།། ཚོགས་ཀྱི་རྒྱུ་བའི ་སྦྲང་བུ་ཡིས། ། ནག་ཞིག་རྫ་མའི་ཆང་འཐུངས་ཏེ།། ཁྱིམ་ན་གནས་པར་བྱེད་འགྱུར་བ།། དེ་ཚེ་རིང་བསྲེལ་ཡིད་པར་འགྱུར།། ནམ་ཞིག་བོང་བུ་བདེར་གྱུར་ལ།། མཆུང་དམར་བིམ་པ་འང་གྱུར་ཅིང། ་། དེ་ཚེ་རང་བསྲེལ་ཡོད་པར་འགྱུར།། ནམ་ཞིག་ཁྭ་དང་འུག་པ་དག། དབེན་པར་འདོད་ནས་སྨྲ་བྱེད་ཅིང་།། ཕན་ཚུན་གནོད་པ་མི་བྱེད་པར།། དུས་རྣམས་ཀུན་ཏུ་གནས་དེར ་ནི། ། རྟག་ཏུ་གནས་པར་བྱེད་གྱུར་པ།། དེ་ཚེ་རིང་བསྲེལ་ཡོད་པར་འགྱུར།། པ་ལ་ཤ་ཡི་ལོ་མྲ་རྣམས།། རིན་ཆེན་སྣ་གསུམ་གདུགས་གྱུར་ཏེ།། ཆར་འབབ་སྐྱབས་སུ་ནམ་འགྱུར ་བ། དེ་ཚེ་རིང་བསྲེལ་ཡོད་པར་འགྱུར།། ནམ་ཞིག་རྒྱ་མཚོའི་གྲུ་བོ་ཆེ།། འཁྲུལ་འཁོར་དང་ནི་གཡོར་མོར་བཅས།། མི་ངན་མོས་ནི་ཁྱེར་འགྲོ་བ།། དེ་ཚེ་རིང་བསྲེལ་ཡོད་པར་འགྱུར།། ་ནམ་ཞིག་བྱ་ནི་ཀུ་ལང་ཀས།། རི་བོ་སྤོས་ཀྱི་ངད་ལྡང་པ།། མཆུ་ལ་ཐོགས་ཏེ་འགྲི་འགྱུར་བ།། དེ་ཚེ་རིང་བསྲེལ་ཡོད་པར་འགྱུར།། སློབ་དཔོན་ལུང་སྟོན་པ་བྲམ་ཟེ་ཀོའུ་དི་ནྱས།། ལི་ཙ་བྱི ་གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བ་ལ་ཚིགས་སུ་བཅད་པ་འདི་དག་གིས་སླར་སྨྲས་པ། གཞོན་ནུ་ཆེན་པོ་ལེགས་སོ་ལེགས་སོ།། དེ་བཞིན་གཤེགས་སྲས་དཔའ་བོ་ཆེ།། དཔའ ་ཞིང་ཐབས་ལ་མཁས་ལྡན་པ། ། ཆེ་བ་ཉིད་ལྡན་ལུང་བསྟན་ཐོབ།། དེ་བཞིན་གཤེགས་པའི་ཆེ་བ་ཉིད།། གཞོན་ནུ་ཆེན་པོས་རིམ་བཞིན་ཉོན།། སངས་རྒྱས་ཡུལ་ནི་བསམ་མི་ཁྱབ།། བསམ་ཡཱ ་ཡེ་ཤེས་མི་མཉམ་མཉམ། ། དེ་བཞིན་གཤེགས་རྣམས་མཚུངས་པ་མེད།། སངས་རྒྱས་ཐམས་ཅད་རྟག་ཏུ་ཞི།། སངས་རྒྱས་ཐམས་ཅད་ཡང་དག་བྱུང་།། སངས་རྒྱས་ཐམས་ཅད་ཁ་དོག་མཚུངས།། ་འདི་ནི་སངས་རྒྱས་ཆོས་ཉིད་ཡིན།། སངས་རྒྱས་བཅོམ་ལྡན་བཅོས་མ་ཡིན།། དེ་བཞིན་གཤེགས་རྣམས་མ་སྐྱེས་ཏེ།། རྡོ་རྗེ་ལྟ་བུར་མཁྲེགས་པའི་སྐུ།། སྤྲུལ་པའི་སྐུ་ཡང་སྟོན་པའི་མཛད།། ཡུངས་འབྲུ་ཙམ་གྱི་རིང་བསྲེལ ་ཡང་། འབྱུང་བར་འགྱུར་བ་ཡོད་མེད་དེ།། རུས་པ་ཁྲག་དང་ཤ་མེད་ལ།། རིང་བསྲེལ་ཡོད་པར་ག་ལ་འགྱུར།། སེམས་ཅན་རྣམས་ལ་ཕན་པའི་ཕྱིར།། ཐབས་ཀྱིས་རིང་བསྲེལ་གཞག་པ་མཛད།། ་བཅོམ་ལྡན་སངས་རྒྱས་ཆོས་ཀྱི་སྐུ།། དེ་བཞིན་གཤེགས་པ་ཆོས་ཀྱི་དབྱིངས།། བཅོམ་ལྡན་སྐུ་ནི་དེ་འདྲ་ལ།། ཆོས་བསྟན་པ་ཡང་དེ་འདྲ་སྟེ།། དེ་ལྟར་བདག་གིས་ཐོས་རིག་ནས།། ཆོས ་གསུང་ལ་ནི་དམ་པ་གསོལ། ། ཁྱོད་ནི་སྨྲ་བར་གཞུག་པའི་ཕྱིར།། གཏམ་གྱི་གླེང་ནི་བདག་གིས་བསླང་།། དེ་ནས་དེའི་ཚེ། ལྷ་མོ་དྲི་མ་མེད་པའི་འོད་ཀྱིས་བཅོམ་ལྡན་འདས་ལ་མཆོད་པའི་ལས ་བྱས་ནས་འདི་སྐད་ཅེས་གསོལ་ཏོ། ། བཅོམ་ལྡན་འདས་ཀྱེ་མ་ཐབས་ཀྱི་སྐྱེས་བུ་འདི་གཉིས་ནི་མཁས་ཤིང་ཞི་བ་ལ། ཤེས་པ་ཟབ་མོ་དང་ལྡན་ཏེ། དེ་བཞིན་གཤེག་པའི་ཡོན་ཏན་གྱི་ཆེ་བ་ཉིད་ཤིན ་ཏུ་གསལ་བར་འཚལ་བ་ལགས་ན། བཅོམ་ལྡན་འདས་སྐྱེས་བུ་དམ་པ་འདི་གཉིས་སུ་ལགས་པ་དང་། གང་ནས་མཆིས་པ་སེམས་ཅན་ཐམས་ཅད་ལ་སྨན་པའི་སླད་དུ། བཅོམ་ལྡན་འདས་ཀྱིས་བཤད ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་ལེགས་སོ་ལེགས་སོ།། ལྷ་མོ་ཁྱོད་ཀྱིས་སེམས་ཅན་ཐམས་ཅན་ལ་ཕན་པའི་ཕྱིར། དེ་བཞིན་གཤེགས་པ་ལ་ཞུས་པ་ལེགས་སོ།། ་ལྷ་མོ་ཉོན་ཅིག། གཙོ་བོ་ཆེན་པོ་འདི་གཉིས་ནི་དེ་བཞིན་གཤེགས་པའི་སྲས་ཡིན་ཏེ། ལྷ་མོ་གཙོ་བོ་ཆེན་པོ་འདི་གཉིས་ནི་སྐྱེས་བུ་དམ་པ་རྣམས་ཀྱི་བདག་པོ་འཁོར་བ་ལ། ་དགའ་བའི་སྨོན་ལམ་བཏབ་པའི་སྐྱེས་བུ་ང་ལ་བྱས་པ་གཟོ་བ། ངའི་བུ་སྡུག་པ་ཤཱཀྱའི་རུས་དང་རིགས་འཛིན་པ། ངའི་བསྟན་པའི་ཁུར་ཁྱེར་བ། ངའི་བསྟན་པའི་སྒྲོན་མ་རབ་ཏུ་འབར་བར་བྱེད་པ་ཡིན་གྱིས ་རྗེས་སུ་ཡི་རང་བར་གྱིས་ཤིག། ལྷ་མོ་སྔོན་བྱུང་བ་འདས་པའི་དུས་བསྐལ་པ་གྲངས་མེད་པ་བས་ཀྱང་ཆེས་གྲངས་མེད་པ། བསྐལ་པ་མང་བ་བས་ཀྱང་ཆེས་མང་བ་འདས་པ་དེའི་ཚེ་དེའི་དུས་ན་དེ་བཞིན ་གཤེགས་པ་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ ་ལྡན་འདས་ཀླུ་རིགས་སྒྲོན་མ་ཞེས་བྱ་བ་འཇིག་རྟེན་དུ་བྱུང་ངོ་། ། ལྷ་མོ་དེའི་ཚེ། འཛམ་བུའི་གླིང་འདི་འབྱོར་པ་དང་རྒྱས་པ་དང་། ལོ་ལེགས་པ་དང་། ཉམས་དགའ་བར་གྱུར་ཏེ། སྐྱེ་བོ་དང་མི་མང ་པོས་གང་ཞིག་བདེ་བ་དང་ཡིད་བདེ་དང་ལྡན་པར་གྱུར་ཏོ། ། དེའི་ཚེ་འཛམ་བུའི་གླིང་འདི་ཡངས་ཤིང་རྒྱ་ཆེ་ལ། ཆུ་ཞེང་དང་ཐག་གྲུ་ཆེ་བར་གྱུར་ཏེ། ངོས་གཅིག་ལ་དཔག་ཚད་འབུམ་ཕྲག་དྲུག་ཅུ་རྩ་བརྒྱད ་ཡོད་པར་གྱུར་ཏོ། ། དེའི་ཚེ་འཛམ་བུ་གླིང་འདི་ན་གྲོང་ཁྱེར་དཔག་ཚད་བཅུ་གཉིས་པ། མི་བྱེ་བ་ཕྲག་དགུ་བཅུ་དགུ་བཅུ་གནས་པ་བདུན་ཁྲི་བརྒྱད་སྟོང་ཡོད་དོ།། གྲོང་ཁྱེར་དེ་དག་ཐམས་ཅད་ཀྱང་རིན་པ ་ཚེཆེ་སྣ་བདུན་ལས་བྱས་པ་ཤ་སྟག་གོ། ། ལྷ་མོ་དེའི་ཚེ། རྒྱལ་པོའི་ཁབ་འདིར་གྲོང་ཁྱེར་རིན་ཆེན་འབྱུང་གནས་ཤེས་བྱ་བ་ཞིག་བྱུང་སྟེ། གྲོང་ཁྱེར་ཆེན་པོ་གང་དུ་དེ་བཞིན་གཤེགས་པ་དེ་བྱུང་བ་དེར ་མི་བྱེ་བ་བརྒྱ་སྟོང་ཕྲག་བརྒྱད་ཅུ་གནས་པར་གྱུར་ཏོ། ། གྲོང་ཁྱེར་ཆེན་པོ་རིན་ཆེན་བྱུང་གནས་གྱི་ནང་ན་སེམས་ཅན་གནས་པ་ཐམས་ཅད་ཀྱང་ཐེག་པ་ཆེན་པོ་ལ་མངོན་པར་རྩེ་བའི་བྱང་ཆུབ་སེམས་དཔའ ་མི་མཆོག་ཤ་སྟག་གོ། ལྷ་མོ་དེའི་ཚེ། གྲོང་ཁྱེར་རིན་ཆེན་འབྱུང་གནས་ཀྱི་ནང་ན་དེ་བཞིན་གཤེགས་པ་ཀླུ་རིགས་སྒྲོན་མ་བྱང་ཆུབ་སེམས་དཔའ་མི་མཆོག་རྣམས་ཀྱི་ནང་ན། སྤྲིན་ཆེན་པོའི ་མདོའི་འདི་སེང་གེའི་སྒྲ་ཆེན་པོས་མངོན་པར་སྟོན་པར་མཛད་དོ། ། ལྷ་མོ་དེའི་ཚེ་གྲོང་ཁྱེར་རིན་ཆེན་འབྱུང་གནས་སུ་ཆོས་ཀྱི་རྒྱལ་པོ་བརྩོན་འགྲུས་ཆེན་པོའི་ཀླུ་ཞེས་བྱ་བ་ཞིག་བྱུང་ངོ་།། ལྷ་མོ ་ཆོས་ཀྱི་རྒྱལ་པོ་བརྩོན་འགྲུས་ཆེན་པོའི་ཀླུ་དེའི་བཙུན་མོ་དམ་པ་ལྷ་མོ་ཐེག་པ་ཆེན་པོ་ལ་རབ་ཏུ་དགའ་བར་སེམས་པ་བསྟན་པ་འཛིན་པ་ཞེས་བྱ་བ་ཞིག་བྱུང་ངོ་། ། ཆོས་ཀྱི་རྒྱལ་པོ་དེའི་བློན་པོ་ཆེན ་པོ་དམ་པའི་ཆོས་ཀྱི་དཀྱིལ་འཁོར་གྱི་མཛོད་ཅེས་བྱ་བ་ཞིག་ཀྱང་བྱུང་ངོ་། ། ལྷ་མོ་དེའི་ཚེ། རྒྱལ་པོ་བརྩོན་འགྲུས་ཆེན་པོའི་ཀླུ་དེ་བློན་པོ་ཆེན་པོས་ཡོངས་སུ་བསྐོར་ཏེ། བཙུན་མོ་དམ་པ་དེས་མདུན་དུ་བདར ་ཅིང་བསྐོར་ནས། དེ་བཞིན་གཤེགས་པཀླུ་རིགས་སྒྲོན་མདོ་ལ་མཆོད་པ་ཆེན་པོ་བྱས་ཏེ། དེ་བཞིན་གཤེགས་པ་ཀླུ་རིགས་སྒྲོན་མགལ་བདེ་ལོགས་སུ་ཐལ་མོ་སྦྱར་བ་བཏུད་ནས། ཕྱོགས་གཅིག ་ཏུ་འཁོད་དོ། ། དེ་ནས་བཅོམ་ལྡན་འདས་དེ་བཞིན་གཤེགས་པ་ཀླུ་རིགས་སྒྲོན་མ་དེས། རྒྱལ་པོ་བརྩོན་འགྲུས་ཆེན་པོ་ཀླུའི་ལྷག་པའི་བསམ་པ་ཐུགས་སུ་ཆུད་ནས། ་མི་འཇིགས་འཇིགས་མེད་རྣམ་པ་ཞེས་བྱ་བའི་འོད་ཟེར་བཏང་ནས་འོད་བཏང་བ་དེས། དེ་བཞིན་གཤེགས་པའི་མཐུས། བློན་པོ་ཆེན་པོ་དམ་པའི་ཆོས་ཀྱི་དཀྱིལ་འཁོར་གྱི་མཛོད་ཀྱིས་དེ་བཞིན་གཤེགས ་པའི་རིང་བསྲེལ་གྱི་གཏམ་གྱི་གླེང་བསླང་སྟེ་ཞུ་བ་ཞུས་ནས་དེའི་ཚེ། བཅོམ་ལྡན་འདས་དེ་ཅང་མི་གསུང་བར་གྱུར་ཏོ།། དེའི་ཚེ་རྒྱལ་པོ་བརྩོན་འགྲུས་ཆེན་པོའི་ཀླུས། རང་གི་བློན་པོ་ཆེན་པོ་དམ་པའི ་ཆོས་ཀྱི་དཀྱིལ་འཁོར་གྱི་མཛོད་ལ་ཕྱིར་དྲི་བར་བསམ་མོ། ། དེ་ལྟར་སྐྱེས་བུ་དེ་གཉིས་ཀྱིས་སེམས་ཅན་ཐམས་ཅན་ལ་ཕན་པ་བྱ་བའི་ཕྱིར། རིང་བསྲེལ་གྱི་གཏམ་གྱི་ཐབས་འདི་གཅིག་པུ་འདྲི་བ་ལ ་མངོན་པར་རྩེ་བར་གྱུར་ཏོ། ། དེ་ནས་དེ་བཞིན་གཤེགས་པ་ཀླུ་རིགས་སྒྲོན་མའི་ཉན་ཐོས་མིང་ཆེན་ཞེས་བྱ་བས་རིང་བསྲེལ་གྱི་གཏམ་གྱི་ཐབས་འདི་ཐོས་ནས་འདི་སྙམ་དུ་སེམས་བསྐྱེད་དེ། ཀྱེ ་མ་བརྩོན་འགྲུས་ཆེན་པོའི་ཀླུ་ནི་ཆོས་ཅན་ཆོས་ཀྱི་རྒྱལ་པོ་མཁས་པ་ཡིན་ཏེ། དེ་བཞིན་གཤེགས་པའི་ཡོན་ཏན་གྱི་རེ་བ་ཉིད་ཤིན་ཏུ་གསལ་བར་རབ་ཏུ་ཤེས་སོ་སྙམ་ནས་བརྩོན་འགྲུས་ཆེན་པོའི་ཀླུའི་ཆེ་བ་ཉིད་དེ ་བཞིན་གཤེགས་པ་ལ་ཞུས་སོ། ། དེ་ནས་དེ་བཞིན་གཤེགས་པ་ཀླུ་རིགས་སྒྲོན་མས་འཁོར་ཐམས་ཅད་ལ་ཕན་པའི་ཕྱིར། སྤྲིན་ཆེན་པོའི་མདོའི་ཡུལ་དང་། བརྩོན་འགྲུས་ཆེན་པོ་ཀླུ ་ཆེ་བ་ཉིད་རྒྱས་པར་བསྟན་ཏོ། ། དེ་ནས་འཁོར་ཆེན་པོས་བརྩོན་འགྲུས་ཆེན་པོའི་ཆེ་བ་ཉིད་བསྟན་པ་བཤད་པ་འདི་ཐོས་ནས་ངོ་མཚར་རྨད་དུ་བྱུང་བར་འཛིན་པར་གྱུར་ཏོ།། ལྷ་མོ་དེའི་ཚེ།། ་རྒྱལ་པོ་བརྩོན་འགྲུས་ཆེན་པོའི་ཀླུས་བདག་ཉིད་ཀྱི་ཡོན་ཏན་བཤད་པ་ཐོས་ནས། བློན་པོ་ཆེན་པོ་དང་བཙུན་མོའི་འཁོར་དང་བཅས་པས། དེ་བཞིན་གཤེགས་པ་དེའི་ཞབས་ལ་ལན་བརྒྱ་སྟོང་དུ་མགོ་བོས་ཕྱག ་འཚལ་ཏེ། དེ་བཞིན་གཤེགས་པ་ཀླུ་རིགས་སྒྲོན་མ་ལ་རིན་པོ་ཆེ་སྤར་གང་གིས་གཏོར་ནས། འདི་སྙམ་དུ་སེམས་བསྐྱེད་དེ། བཅོམ་ལྡན་འདས་མ་འོངས་པའི་དུས་ན། བཅོམ་ལྡན་འདས་ཤཱཀྱ་ཐུབ་པའི ་བསྟན་པ་ཐབས་ནུབ་པའི་ཚེ་བདག་རབ་ཏུ་བྱུང་སྟེ། ཆོས་ཀྱི་འཇུག་ལ་བབ་པ་ན། སྒྲ་ཆེན་པོ་ལན་གསུམ་བསྒྲགས་ལ་ཆོས་གོས་ཙམ་འཆང་བ། མུ་གེའི་མགོ་བྱི་རྣམས་ཡུལ་ནས་བསྐྲད་ལ་དམ་པའི་ཆོས་ཕྱུང ་སྟེ། དམ་པའི་ཆོས་ཀྱི་ཕྱིར་བདག་གིས་སྲོག་འདོར་བར་གྱུར་ཅིག་ཅེས་བྱས་སོ།། དེའི་ཚེ་བློན་པོ་ཆེན་པོ་དམ་པའི་ཆོས་ཀྱི་དཀྱིལ་འཁོར་གྱི་མཛོད་ཀྱིས་འདི་སྙམ་དུ་སེམས་བསྐྱེད་དེ། བཅོམ་ལྡན་འདས་མ་འོངས་པའི ་དུས་ན་བདག་གིས་བཅོམ་ལྡན་འདས་ཤཱཀྱ་ཐུབ་པའི་བསྟན་པའི་ཁུར་བཀུར་ཞིང་། བཅོམ་ལྡན་འདས་ཐབས་ཀྱིས་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་འདས་པ་ན་མིའི་བདག་པོ་ཁྱད་པར་དུ་འབ ་པ་ཕུན་སུམ་ཚོགས་པའི་རྒྱལ་སྲིད་ཡོངས་སྤྱད་དེ་དམ་པའི་ཆོས་ཀྱི་སྒྲ་ཆེན་པོ་མངོན་པར་སྒྲོགས་པར་གྱུར་ཅིག་ཅེས་བྱས་སོ། ། དེ་ནས་དེའི་ཚེ། རྒྱལ་པོ་བརྩོན་འགྲུས་ཆེན་པོའི་ཀླུའི་བཙུན་མོ་དམ ་པ་ལྷ་མོས་འདི་སྙམ་དུ་སེམས་བསྐྱེད་དེ། བཅོམ་ལྡན་འདས་ཤཱཀྱ་ཐུབ་པའི་བསྟན་པ་གནས་པའི་ཚེ། བདག་གིས་མུ་སྟེགས་ཅན་ངན་པའི་ཚོགས་ཐམས་ཅད་བུད་མེད་ཀྱི་གཟུགས ་ཀྱིས་བཏུལ་ནས། རྒྱལ་པོའི་ཆོས་ལུགས་སྤྱད་དེ། རྒྱལ་སྲིད་མངོན་པར་སྤྱད་ལ་ཆོས་ཀྱི་སྒྲ་ཆེན་པོ་མངོན་པར་སྒྲོགས་པར་གྱུར་ཅིག་ཅེས་བྱས་སོ།། དེ་ནས་དེའི་ཚེ། མིང་ཆེན་གྱིས་འདི ་སྙམ་དུ་སེམས་བསྐྱེད་དེ། བཅོམ་ལྡན་འདས་མ་འོངས་པའི་དུས་ན། བདག་བཅོམ་ལྡན་འདས་ཤཱཀྱ་ཐུབ་པའི་བསྟན་པ་ལ་ཉན་ཐོས་ཀྱི་མཆོག་ཏུ་གྱུར་ཏེ། དེ་བཞིན་གཤེགས་པའི་མཐུས་དེ་བཞིན་གཤེག ་པ་ཨའི་བསམ་གྱིས་མི་ཁྱབ་པའི་ཡུལ་ལ་རྣམ་པར་འཕྲུལ་པའི་སེང་གེའི་སྒྲ་ཆེན་པོ་མཆོག་གིས་འབྲས་བུ་ཡོད་པར་ཆོས་སྟོན་པའི་ཆོ་ག་དེ་ལྟ་བུའི་བསམ་གྱིས་མི་ཁྱབ་པའི་ཡུལ་གཙོ་བོར་གྱུར་པའི་ཡོན་ཏན་དང་ལྡན ་པར་གྱུར་ནས། བདག་གིས་སེང་གེའི་སྒྲ་མངོན་པར་བསྒྲགས་ལ། དེ་བཞིན་གཤེགས་པའི་བསྟན་པའི་ཁུར་ལྕི་བ་ཡུན་རིང་པོར་ཁྱེར་བར་གྱུར་ཅིག་ཅེས་བྱས་སོ།། ལྷ་མོ་དགེ་བའི་རྩ་བ་དེས་ན་ཁྱོད་གཏོག ་པར་གཞི་ངའི་བསྟན་པ་ལ་དགའ་བ་མང་པོ་བྱེད་ཅིང་སྐྱེ་བོ་ཕལ་པ་དང་འཐུན་པར་བྱེད་པ་ཡིན་ཏེ། ལྷ་མོ་ཁྱེད་གཞི་ནི་ད་ལྟ་འབའ་ཤིག་ཀྱང་མ་ཡིན་གྱི། འདས་པའི་དུས་ན་ཡང་ང་ལ་རྣམ་པ་མང་པོར་བྱ་བ་བྱས ་ཤིང་ངའི་བསྟན་པའི་ཁུར་གྱི་བཀོད་པ་ལ་སྨོན་ལམ་བཏབ་པ་ཡིན་གྱིས་ལྷ་མོ་སེམས་མངོན་པར་དད་པར་གྱིས་ལ། སངས་རྒྱས་མང་པོ་ལ་བསྙེན་བཀུར་བྱས་པར་ཤེས་པར་གྱིས་ཤིག ་ནས་ལྷ་མེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བདག་གིས་བསམ་པ་དད་པར་འགྱུར་བ་དང་། སྐྱེ་བོ་མང་ལ་སྨན་པར་འགྱུར་བའི་སླད་དུ། བདག་ཅག་བཞི་གང་གང་ལགས ་བཅོམ་ལྡན་འདས་ཀྱིས་བཤ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་ལེགས་སོ་ལེགས་སོ།། ལྷ་མོ་ཁྱོད་ལེགས་ཀྱིས་སེད་གཏོགས་པར་གཞིའི་ལུང་བསྟན་པའི་ཆོ་གའི་རམ ་པ་ལྷ་མོ་ཁྱོད་ཀྱིས་ཉོན་ཅིག། ལྷ་མོ་ཁྱོད་གཏོགས་པ་བཞིའི་ཡོན་ཏན་ཆེ་བ་ཉིད་ལ་ལྟོས། བློན་པོ་ཆེན་པོ་དམ་པའི་ཆོས་ཀྱི་དཀྱིལ་འཁོར་གྱི་མཛོད་དེ་ནི། སློབ་དཔོན་ལུང་སྟོར་པ་བྲམ་ཟེ་ཀེའུ ་ཡིན་པར་རིག་པར་བྱའོ། ། ལྷ་མོ་སློབ་དཔོན་ལུང་སྟོན་པ་བྲམ་ཟེ་ཀོའུ་དི་ནྱ་ཡང་། ང་འདས་པའི་འོག་ལོ་བརྒྱ་ཉི་ཤུ་ལོན་པ་ན། མོའུ་རྱའི་རིགས་ཤེས་བྱ་བ་ཕྱེད་ཀྱི་འཁོར་ལོས་སྦྱར་བའི་རིགས་ས ་སྐྱེ་བར་འགྱུར་ཏེ། ལྷ་མོ་མོའུ་རྱའི་རིགས་སུ་སྐྱེས་ནས་ཀྱང་། ཕྱེད་ཀྱི་འཁོར་ལོས་སྒྱུར་བའི་རྒྱལ་པོར་འགྱུར་ཏེ། ལྷ་མོ་མོའུ་རའི་རིགས་ཀྱི་རྒྱལ་པོའི་མཆོག་ཏུ་འགྱུར་ལ། ཆོས་ཀྱི་ལུགས ་ཇི་ལྟ་བ་བཞིན་དུ་རྒྱལ་པོ་བྱེད་པར་འགྱུར་རོ། ། དེ་ནས་ལྷ་མོས་འདི་སྐད་ཅེས་གསོལ་ཏོ།། བཅོམ་ལྡན་འདས་དེའི་མིང་ཇི་སྐད་ཅེས་བགྱི་བར་གཟུང་བར་བགྱི། བཀའ་སྩལ་པ ་ལྷ་མོ་དགེ་བསྙེན་གྱི་རྒྱལ་པོ་མྱ་ངན་མེད་ཅེས་བྱ་བར་འགྱུར་ཏེ། ལྷ་མོ་ཕྱེད་ཀྱི་འཁོར་ལོས་སྒྱུར་བའི་རྒྱལ་པོ་མྱ་ངན་མེད་ཅེས་བྱ་བ་དེས། ཆོས་ཀྱིས་བསྟན་བཅོས་པའི་སེང་གེའི་སྒྲ་ཆེན་པོ་ཐོག་མར ་སྒྲོགས་པར་བྱེད་ཅིང་མངོན་པར་མཆོད་པར་བྱེད་དོ། ། དེ་ནས་ལྷ་མོས་འདི་སྐད་ཅེས་གསོལ་ཏོ།། སེམས་ཅན་ཐམས་ཅད་ལ་སྨན་པའི་སླད་དུ། རྒྱལ་པོ ་བརྩོན་འགྲུས་ཆེན་པོའི་ལུང་བསྟན་པ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་ཁྱོད་ཉིད་ཐོག་མར་རྗེ་ལུང་བསྟན་གྱིས་ཉོན་ཅིག ་དེ་ནས་ལྷ་མོ་ངོ་ཚ་ནས་མགོ་སྨད་དོ། ། བཅོམ་ལྡན་འདས་ཀྱིས་ཡང་བཀའ་སྩལ་པ། ལྷ་མོ་ལེགས་སོ་ལེགས་སོ།། ངོ་ཚ་བ་ནི་ཆོས་ཐམས་ཅད་ཀྱི་མཆོག་ཡིན་གྱིས་ལྷ་མོ་ཁྱོད་ལེགས་སོ།། ་ལྷ་མོ་ཁྱོད་ནི་རྒྱལ་པོ་བརྩོན་འགྲུས་ཆེན་པོའི་ཀླུའི་བཙུན་མོ་དམ་པར་གྱུར་ཏོ།། སྤྲིན་ཆེན་པོའི་མདོ་ལས་འབྱུང་བ་ཟབ་མོ་བརྟན་པ་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་གྱི་ཡུལ་ལྟོས། ལྷ་མོ་ང་འདས ་པའི་འོག་ཏུ་ཁྱོད་དགེ་བའི་རྩ་བ་དང་། སྨོན་ལམ་གྱི་ཁྱད་པར་ངེས་པ་ཡི་ཞེས་བྱ་བའི་གྲོང་ན་གནས་པའི་རྗེའུ་རིགས་སུ་སྐྱེ་བར་འགྱུར་ཏེ། འཁོར་ལོས་སྒྱུར་བའི་རྒྱལ་པོའི་བཙུན་མོའི་གཟུགས་ཐོབ་ནས་ངེས ་པ་དང་། ཉེ་བར་གནས་པ་དང་། བསླབ་པའི་གཞི་བཅས་པ་བླངས་ནས། གྲོང་ཁྱེར་དང་། ཚོང་རྡལ་དང་། བཅས་པར་འབྱོར་ཅིང་རྒྱས་ལ། བུད་མེད་ཀྱི་གཟུགས་ཀྱིས་རྒྱལ་སྲིད་མངོན་པར་སྤྱོད ་དེ་མུ་སྟེགས་ཅན་ངན་པའི་ཚོགས་ཐམས་ཅད་མངོན་པར་འདུལ་ཞིང་དམ་པའི་ཆོས་ཀྱི་སྒྲོན་མ་རབ་ཏུ་འབར་བར་བྱེད་ལ། བཅོམ་ལྡན་འདས་ཀྱི་བསྟན་པ་ལ་མཆོད་པ་བྱེད་དེ། ཆོས་ཀྱི་སྒྲ་ཆེན་པོ་བསྒྲག ་ནས། བྱང་ཆུབ་སེམས་དཔའི་སྦེད་པས་རང་གི་རྒྱལ་སྲིད་ཡང་དག་པར་སྲུང་ཞང་ཡོངས་སུ་སྐྱོང་བར་བྱེད་ལ། འཇིག་རྟེན་དང་འཐུན་པར་བྱ་བ་སྤྱོད་པར་འགྱུར་ཏེ། ལྷ་མོ་རྒྱལ་པོ་བརྩོན་འགྲུས་ཆེན་པོའི ་ཀླུའི་གཟི་བརྗིད་ཀྱི་མཐུས། ཁྱོད་བསམ་གྱིས་མི་ཁྱབ་པ་ལ་མངོན་པར་རྩེ་བར་གྱུར་པཡིན་གྱིས། ལྷ་མོ་ཆོས་ཀྱི་རྒྱལ་པོ་བརྩོན་འགྲུས་ཆེན་པོའི་ཀླུ་ལ་རྗེས་སུ་ཡི་རང་བར་གྱིས་ཤིག། རྒྱལ་པོ་བརྩོན་འགྲུས ་ཆེན་པོའི་ཀླུ་དེ་ནི་ངའི་ཉན་ཐོས་ཀྱི་མཆོག། ལི་ཙ་བྱི་གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བ་འདི་ཡིན་ནོ།། ལྷ་མོས་གསོལ་པ། སེམས་ཅན་ཐམས་ཅད་ལ་སྨན་པའི་སླད་དུ། སྐྱེས་བུ ་ཆེན་པོ་མིང་ཆེན་ལུང་བསྟན་པ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་མིང་ཆེན་ལུང་བསྟན་པ་ཉོན་ལ། ཇི་སྲིད་མཚོའི་བར་དུ་བསྙོན ་བཀུར་གྱིས་ཤིག་དང་། ཁྱོད་ཀྱི་མིང་ཆེན་གྱི་ནི་ཆོ་འཕྲུལ་དང་ཡོན་ཏན་ཆེན་པོ་མངོན་དུ་ཐོབ་པར་འགྱུར་རོ།། ལྷ་མོ་མིང་ཆེན་ནི་སངས་རྒྱས་དང་འདྲའོ།། ལྷ་མོ་མིང་ཆེན་ནི་སངས་རྒྱས་ཀྱི་སྐུའི་ཕྱེད ་དང་འདྲའོ། ། ལྷ་མོས་གསོལ་པ། བཅོམ་ལྡན་འདས་མིང་ཆེན་འདི་ལྟ་བུ་ལ་ཇི་སྲིད་འཚོའི་བར་དུ་ཇི་ལྟར་བསྙེན་བཀུར་བགྱི། བཅོམ་ལྡན་འདས་ཀྱིས་བཀའ་སྩལ་པ། མིང་ཆེན་འདི་ནི་དེ་བཞིན ་གཤེགས་པ་ཀླུ་རིགས་སྒྲོན་མའི་ཉན་ཐོས་ཡིན་ཏེ། ངའི་ཉན་ཐོས་ངའི་ལུས་ཀྱི་ཕྱེད་དང་འདྲ་བ། ངལ་བྱས་པ་གཟོ་བ་སྟེང་ལྟར་གྱི་འོད་སྲུང་ཆེན་པོ་འདི་ཡིན་གྱིས་ལྔ་མོ་ཇི་སྲིད་འཚོའི་བར་དུ ་བསྙེན་བཀུར་གྱིས་ཤིགདེ་ནས་དེའི་ཚེ། འཁོར་ཆེན་པོའི་ནང་ནས་ལྷའི་བུ་དབྱུག་མཆོག་ཅེས་བྱ་བ་འཁོར་སྟོང་དང་ལྡན་པས། བཅོམ་ལྡན་འདས་ལ ་མཆོད་པའི་ལས་བྱས་ནས། ཚིགས་སུ་བཅས་པ་འདི་དག་སྨྲས་སོ།། སྐྲ་རྩེ་ཙམ་གྱིས་རྒྱ་མཚོ་ཀུན།། བས་པར་གཏུག་ཏུ་ནུས་ལགས་ཀྱི།། གཟུགས་མང་མངའ་བའི་ཡོན་ཏན་མཚོ།། ཚིག་ཙམ ་གྱིས་ནི་བརྗོད་མི་ནུས། ། བསྟན་པ་འདི་བཤད་པ་ན་ལྷའི་བུ་བརྒྱ་སྟོང་ཕྲག་མང་པོ་དག་གིས་ཐོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། དེ་ནས་དེའི་ཚེ། ་བཅོམ་ལྡན་འདས་ཀྱིས་སློབ་དཔོན་ལུང་སྟོན་པ་བྲམ་ཟེ་ཀོའུ་དི་ནྱ་ལ་འདི་སྐད་ཅེས་བཀའ་སྩལ་ཏོ།། སློབ་དཔོན་ལུང་སྟོན་པ་ཀོའུ་དི་ནྱ་ཁྱོད་ཀྱིས་རྙེད་པ་ལེགས་པར་རྙེད་ཀྱིས་མངོན་པར་དད་པར་གྱིས ་ཤིག། མ་འོངས་པའི་དུས་ན་སེམས་ཅན་རྣམས་བསྲུང་བའི་ཕྱིར་ཁྱོད་ལས་གླེངས་ཏེ་སྲུང་བའི་མཚོན་རྣམས་བཤད་དོ།། སློབ་དཔོན་ལུང་སྟོན་པ་ཀོའུ་དི་ནྱ་སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ ་འཇིག་རྟེན་གྱི་ཁམས་གངྒཱའི་ཀླུང་བཅུའི་བྱེ་མ་སྙེད་འདས་པ་ན། འཇིག་རྟེན་གྱི་ཁམས་མངོན་པར་དང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས ་རྒྱས་བློ་གྲོས་མི་ཟད་པ་ཞེས་བྱ་བ་ད་ལྟར་འཚེ་ཞིང་གཞེས་ཏེ། ཆོས་ཀྱང་སྟོན་ཏོ།། སློབ་དཔོན་ལུང་སྟེན་པ་ཀེའུ་དི་ནྱ་སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་ཉི་ཤུ། ་བྱེ་མ་སྙེད་འདས་པ་ན། འཇིག་རྟེན་གྱི་ཁམས་ཐམས་ཅད་མཉམ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་རྒྱལ་མཚན་ཞེས ་བྱེ་བ་ད་ལྟར་འཚོ་ཞིང་གཞེས་ཏེ། ཆོས་ཀྱང་སྟོན་ཏོ།། སློབ་དཔོན་ལུང་སྟོན་པ་ཀོའུ་དི་ནྱ་སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་སུམ་ཅུའི་བྱེ་མ་སྙེད་འདས་པ་ན ་འཇིག་རྟེན་གྱི་ཁམས་ཡིད་བདེ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དྲི་མ་མེད་པའི་སྙིང་པོ་ཞེས་བྱ་བ། ད་ལྟར་འཚོ་ཞིང་གཞེས་ཏེ ་ཆོས་ཀྱང་སྟོན་ཏོ། ། སློབ་དཔོན་ལུང་སྟོན་པ་ཀོའུ་དི་ནྱ་སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་བཞི་བཅུའི་བྱེ་མ་སྙེད་འདས་པ་ན། འཇིག་རྟེན་གྱི་འམས་རབ་ཏུ་དགའ ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་འཕྲུལ་པས། དང་བར་བྱེད་པའི་གྲགས་པ་ཞེས་བྱ་བ་ད་ལྟར་འཚོ་ཞིང་གཞེས་ཏེ་ཆོས ་ཀྱང་སྟོན་ཏོ། ། སློབ་དཔོན་ལུང་སྟོན་པ་ཀེའུ་དིམྱ་སངས་རྒྱས་ཀྱིང་ཞིང་འདི་ནས་ལྷོ་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་ལྔ་བཅུའི་བྱེ་མ་སྙེད་འདས་པ་ན། འཇིག་རྟེན་གྱི་ཁམས་དམ་པའི་ཆོས་ལ ་དགའ་མོས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་གྱིས་བསྲུངས་ཤེས་བྱ་བ། ད་ལྟར་འཚོ་ཞིང་གཞེས་ཏེ་ཆོས་ཀྱང་སྟོན་ཏོ།། སླེབ ་དཔོན་ལུང་སྟོན་པ་ཀོའུ་དི་ནྱ་སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་དྲུག་ཅུའི་བྱེ་མ་སྙེད་འདས་པ་ན། འཇིག་རྟེན་གྱི་ཁམས་མུ་སྟེགས་ཐམས ་ཅད་ཀྱི་གནས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེང་གེ་རྣམ་པར་རོལ་པའི་རྒྱལ་པོ་ཞེས་བྱ་བས། ད་ལྟར་འཚོ་ཞིང་གཞེས་ལ་ཆོས ་ཀྱང་སྟོན་ཏོ། ། སློབ་དཔོན་ལུང་སྟོན་པ་ཀོའུ་དི་ནྱ་སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་བདུན་ཅུའི་བྱེ་མ་སྙེད་འདས་པ་ན། འཇིག་རྟེན་གྱི་ཁམས་མེ་ཏོག་གི་རྒྱལ་མཚན ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷུན་པོའི་རྒྱལ་པོ་མངོན་པར་འཕགས་པ་ཞེས་བྱ་བ། ད་ལྟར་འཚོ་ཞིང་གཞེས་ཏེ་ཆོས་ཀྱང་སྟོན་ཏོ།། ་སློབ་དཔོན་ལུང་སྟོན་པ་ཀོའུ་དི་ནྱ་སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་བརྒྱད་ཅུའི་བྱེ་མ་སྙེད་འདས་པ་ན། འཇིག་རྟེན་གྱི་ཁམས་རིན་ཆེན་སྐྱོང་ཞེས་བྱ་བ་ཡོད ་དེདེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དམ་པའི་ཆོས་ཀུན་ཏུ་སྲུང་བའི་ཏོག་ཏུ་གྱུར་པ་ཞེས་བྱ་བ། ད་ལྟར་འཚོ་ཞིང་གཞེས་ཏེ་ཆོས་ཀྱང་སྟོན་ཏོ།། སློབ ་དཔོན་ལུང་སྟོན་པ་ཀོའུ་དི་ནྱ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་སངས་རྒྱས་ཀྱི་ཞིང་རྣམས་ནི་ཡོངས་སུ་དག་པ་སྟེ། ལག་མཐིལ་ལྟར་མཉམ་ལ ་རི་དང་རྡོ་མེད་ཅིང་གསེག་མ་དང་། བོང་བ་དང་། སྡོམ་དུམ་དང་། ཚེར་མ་མེད་དེ་འཇམ་ཞིང་ཀ་ཙ་ལིན་དའི་གོས་ལྟར་རེག་ན་འཇམ་ལ། སྙིགས་མ་ལྔ་དང་བྲལ་ཞིང་བུད་མེད་མེད་ལ། ཉན་ཐོས། ་དང་རང་སངས་རྒྱས་རྣམས་མེད་ཅིང་དེ་དག་གི་མིང་ཡང་མེད་པ་ཡིན་ནོ།། སེམས་ཅན་དེ་དག་ཀྱང་ཐེག་པ་ཆེན་པོ་ལ་རབ་ཏུ་དགའ་བ་དང་། ཐེག་པ་ཆེན་པོས་མངོན་པར་རྩེ་བ་དང་། ཐེབ་པ་ཆེན་པོ ་ལ་དད་པའི་སེམས་ཐོབ་པ་ཤ་སྟག་གོ། ། སློབ་དཔོན་ལུང་སྟོན་པ་ཀོའུ་དི་ནྱ། ཐེག་པ་ཆེན་པོ་ལ་ཡང་དག་པར་ཞུགས་པའི་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་དེ་བཞིན་གཤགས་པ་དགྲ ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཚན་རྣམས་ཐོས་ནས་འཛིན་ཏམ། ཀུན་ཆུབ་པར་བྱེད་དམ། འཆང་ངམ། ཀློག་གམ། གཞན་དག་ལ་ཡང་རྒྱས་པར་ཡང་དག་པར་སྟོན ་ན། སློབ་དཔོན་ལུང་སྟོན་པ་ཀོའུ་དི་ནྱ། རིགས་ཀྱི་བུ་འམ། རིགས་ཀྱི་བུ་མོ་དེ་དག་ནི་སེམས་ཅན་དམྱལ་བར་འགྲོ་བའམ། དུད་འགྲོ་སྐྱེ་གནས་དང་། ལྷ་མ་ཡིན་གྱི་རིགས་སུ་སྐྱེ་བར་འགྱུར ་བ་ནི་སྐབས་མ་ཡིན་ཞིང་མི་སྲིད་དེ། དེ་ནི་གནས་མེད་དོ།། སློབ་དཔོན་ལུང་སྟོན་པ་ཀོའུ་དི་ནྱ། བྱང་ཆུབ་སེམས་དཔའ་སེམས་དཔའ་ཆེན་པོ་གང་གིས། ད་ལྟར་ང་ལྔས་ཏིང་ངེ་འཛིན་གྱི་སྒོ་འདི ་ཐོས་ལ་ཕྱི་མའི་ཚེ་ཡང་། ཏིང་ངེ་འཛིན་འདི་ཐོས་ནས་སྨོད་པར་འགྱུར་བ་ནི་སྐབས་མ་ཡིན་ཞིང་མི་སྲིད་དེ་གནས་མེད་དོ།། སློབ་དཔོན་ལུང་སྟོན་པ་ཀེའུ་དི་ནྱ། དེ་བཞིན་གཤེགས་པ་དེ་དག་གི ་མཚན་རྣམས་འཆང་བའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་དུག་གིས་ཚུགས་པ་འམ། མཚོན་བབ་པ་འམ། ཆུར་འཆི་བ་འམ། མེས་ཚིག་པར ་འགྱུར་བ་འམ། དེ་ལ་རྒྱལ་པོ་འམ། ཆོམ་རྐུན་ནམ། མི་འམ། མི་མ་ཡིན་པ་འམ། ཀླུ་འམ། གནོད་སྦྱིན་འམ། སེང་གེ་འམ། སྲོག་ཆགས་གདུག་པ་འམ། སྟག་གམ། ་འམསྤང་ཀི་འམ། སྦྲུལ་ལམ། སྡིག་པ་རྣམས་ཀྱིས་བར་ཆད་བྱ་བ་འམ། ཚངས་པར་སྤྱད་པ་སྤྱོད་པ་དང་། ཁ་དོན་བྱེད་པ་དང་། ལྷུང་བཟེད་དང་། ཆོས་གོས་ལ་བར་ཆད་བྱེད་པར་འགྱུར ་བ་ནི། སྐབས་མ་ཡིན་ཞིང་གོ་སྐབས་མེད་ལ་དེ་ནི་གནས་མེད་དེ། ལས་ཀྱི་རྣམ་པར་སྨིན་པ་ནི་མ་གཏོགས་སོ།། སློབ་དཔོན་ལུང་སྟོན་པ་ཀོའུ་དི་ནྱ་གཞན་ཡང་དགེ་སློང་འམ། དགེ་སློང་མ་འམ། ་དགེ་བསྙེན་ནམ། དགེ་བསྙེན་མའམ་གང་ལ་ལས། གཞན་མུ་སྟེགས་ཅན་སྤྱོད་པ་པ་འམ། ཀུན་ཏུ་རྒྱུ་རྣམས་ལ་དཔྱ་བའམ། བསྟིང་བ་འམ། བགད་པ་འམ། གཞན་ཡང་འཐུན་པར ་བྱ་བ་འམ། རྙེད་པ་དང་། བཀུར་སྟི་དང་། ཚིགས་སུ་བཅད་པ་འདོད་པའི་ཕྱིར་ཡང་རུང་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི ་མཚན་རྣམས་ཐོས་ན་ཡང་ངན་སོང་ངན་འགྲོར་སྐྱེ་བ་དེ་ནི་གནས་མེད་དོ། ། །། བམ་པོ་བརྒྱད་པ།། དེ་ནས་སློབ་དཔོན་ལུང་སྟོན་པ་ཀོའུ་དི་རྒྱས།། ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཆོས་ཀྱི་རྣམ་གྲངས་འདི་གང་དག་གི་རྣ་ལམ་དུ་གྲགས་པ་དེ་དག་ཀྱང་རྙེད་པ་ལེགས ་པར་རྙེད་པ་ལགས་ན། ཐོས་ནས་མོས་པ་དང་། མོས་ནས་ལུང་འབོག་པ་དང་། རྗོད་པར་བགྱིད་པ་དང་། འཆང་བར་བགྱིད་པ་དག་ལྟ་སྨོས་ཀྱང་ཅི་འཚལ་ཏེ། སེམས་ཅན་དེ་དག་ནི་ཆོས་ཀྱི་དགའ ་བའི་གཏེར་རྙེད་པ་ལགས་སོ། ། གང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདི་དག་གི་མཚན་རྣམས་ལག་ན་འཆང་བར་བགྱིད་པ་དེ་དག་གི་ཁྱིམ་ན་ནི་དེ་བཞིན་གཤེགས ་པ་རྣམས་བཞུགས་པ་ལགས་སོ། ། བཅོམ་ལྡན་འདས་གང་དུ་དེ་བཞིན་གཤེགས་པ་འདི་དག་གི་མཚན་ཐོས་ནས་ཡིད་ཆེས་པར་བགྱིད་པའི་ས་ཕྱོགས་དེ་དག་ནི་རྡོ་རྗེའི་རང་བཞིན་དུ་འགྱུར་རོ།། བཅོམ་ལྡན ་འདས་གང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདི་དག་གི་མཚན་རྣམས་ཐོས་ནས་ཡིད་ཆེས་པར་བགྱིད་པ་དེ་དག་ཀྱང་རྡོ་རྗེ་ལྟ་བུར་འགྱུར་ཞིང་། མི་ཕྱེད་པའི་བཟོད ་པ་ཡང་ཐོབ་པར་འགྱུར་རོ། ། བཅོམ་ལྡན་འདས་གང་དག་ཡིད་ཆེས་པར་དཀའ་བའི་མཚན་འདི་དག་ལ་དད་པར་བགྱིད་པའི་སེམས་ཅན་དེ་དག་ལ་ནི་བདག་གིས་ཀྱང་བསྙེན་བཀུར་བ་དང་། གཡོག་བགྱིའོ།། ། ་བཅོམ་ལྡན་འདས་ཀྱིས་བཀའ་སྩལ་པ། སློབ་དཔོན་ལུང་སྟོན་བཀོའུ་དི་རྒྱ་ལེགས་སོ་ལེགས་སོ།། ཁྱོད་ཀྱིས་རིགས་ཀྱི་བུ་དང་། རིགས་ཀྱི་བུ་མོ་དེ་དག་གི་ཕྱིར་ཡང་དག་པར་བསྒྲུབ་པ་དམ་བཅས ་པ་ལེགས་སོ། ། སློབ་དཔོན་ལུང་སྟོན་པ་ཀོའུ་དི་ནྱ། གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདི་དག་གི་མཚན་རྣམས་འཆང ་བ་ལ་ནི་གང་དང་གང་ལས་འཇིགས་པ་བྱུང་བ་ཐམས་ཅད་དེ་དང་དེ་ཉིད་དུ་རབ་ཏུ་ཞི་བར་འགྱུར་ཏེ། དེ་དག་འཆང་བ་ལ་ནི་ལྷ་རྣམས་ཀྱང་སྲུང་ངོ་།། ཀླུ་རྣམས་ཀྱང་སྲུང་ངོ་།། གནོད་སྦྱིན་རྣམས་ཀྱང ་སྲུང་ངོ་། ། དེ་བཞིན་གཤེགས་པའི་བར་དུ་ཡང་སྲུང་བར་མཛད་དོ།། དེ་ནས་འཁོར་ཆེན་པོའི་ནང་ནས་ལྷའི་བུ་མཐོང་ན་དགའ་བ་དྲི་ཟའི་རྒྱལ་པོ་ཞེས་བྱ་བས། བཅོམ་ལྡན་འདས་ཀྱི ་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་འདས་ཚུལ་འདི་འདྲ་བའི་དེ་བཞིན་གཤེགས་པ་དེ་དག་དང་། ཚུལ་འདི་འདྲ་བའི་མདོ་རྣམས ་དེ་བཞིན་གཤེགས་པ་འདས་པའི་འོག་ཏུ་སུ་དག་འཆང་བར་འགྱུར། སེམས་ཅན་ཇི་ལྟ་བུ་དག་འཆང་བར་འགྱུར། སེམས་ཅན་ཇི་ལྟ་བུ་དག་གིས་ནི་ནུབ་པར་བགྱིད་པར་འགྱུར། དེ་ནས་སངས་རྒྱས ་ཀྱི་མཐུས། ཚེ་དང་ལྡན་པ་འོད་སྲུངས་ཆེན་པོས། ལྷའི་བུ་མཐོང་ན་དགའ་བ་དྲི་ཟའི་རྒྱལ་པོ་ལ་འདི་སྐད་ཅེས་སྨྲས་སོ།། རིགས་ཀྱི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས། ་རྣམས་ནི། ཡོངས་སུ་མྱ་ངན་ལས་འདས་པ་མེད་དེ། ཆོས་ཀྱང་ནུབ་པར་མི་འགྱུར་རོ།། དེ་ནས་ལྷའི་བུ་མཐོང་ན་དགའ་བའི་དྲི་ཟའི་རྒྱལ་པོས། གནས་བརྟན་འོད་སྲུངས་ཆེན་པོ་ལ་འདི ་སྐད་ཅེས་སྨྲས་སོ། ། བཙུན་པ་འོད་སྲུངས་ཆེན་པོ།། སེམས་ཅན་སེམས་འཁྲུལ་པ་རྣམས་ལ་ཕན་གདགས་པའི་ཕྱིར་ཤོད་ཅིག། བཙུན་པ་འོད་སྲུངས་ཆེན་པོ་སེམས་ཅན་ཐེ་ཙོམ་དུ་གྱུར་པ་རྣམས་ལ ་ཤེས་པའི་སྒྲོན་མ་འབར་བར་གྱིས་ཤིག་དང་། བཙུན་པ་འོད་སྲུངས་བདག་གིས་ཀྱང་མ་འོངས་པའི་དུས་ན་དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྒྱས་པར་བགྱིའོ།། དེ་སྐད་ཅེས་སྨྲས་ནས། གནས ་བརྟན་འོད་སྲུངས་ཆེན་པོས་ལྷའི་བུ་མཐོང་ན་དགའ་བ་དྲི་ཟའི་རྒྱལ་པོ་ལ་འདི་སྐད་ཅེས་སྨྲས་སོ། ། གྲོགས་པོ་དེ་བཞིན་གཤེགས་པ་རྣམས་ཀྱི་སྐུ་ནི་ཆོས་ཀྱི་སྐུ་ཡིན་ནོ།། དེ་བཞིན་གཤེགས་པ་རྣམས་ཀྱི་སྐུ་ནི ་རྡོ་རྗེ་མཁྲེགས་པ་ཡིན་ནོ། ། དེ་བཞིན་གཤེགས་པ་རྣམས་ཀྱི་སྐུ་ནི་དགེ་བ་ཐམས་ཅད་དང་ལྡན་པ་ཡིན་ནོ།། གྲོགས་པོ་དེ་བཞིན་གཤེགས་པ་རྣམས་ཀྱི་སྐུ་ནི་ཐབས་ཀྱི་སྐུ་ཡིན་གྱི་ཤའི་སྐུ་མ་ཡིན་ནོ།། རིགས ་ཀྱི་བུ་དེ་བཞིན་གཤེགས་པའི་སྐུ་དེ་འདྲ་བ་ལ། ཡོངས་སུ་མྱ་ངན་ལས་འདའ་བ་ག་ལ་ཡོད། མི་རྟག་པར་ཡང་ག་ལ་ཞིག་འགྱུར་སྨྲས་པ། བཙུན་པ་འོད་སྲུངས་ཆེན་པོ།། ཇི་ལྟར་ན་ཐབས ་ཀྱིས་ཡོངས་སུ་མྱ་ངན་ལས་འདས་པར་བརྗོད་ཀྱི། གཏན་དུ་མྱ་ངན་ལས་འདས་པ་ནི་མ་ཡིན་ནོ།། སྨྲས་པ། མཐོང་ན་དགའ་བ་དྲི་ཟའི་རྒྱལ་པོ་ལེགས་སོ་ལེགས་སོ།། ཁྱོད་ཀྱིས་ཐབས་ཀྱིས་ཡོངས ་སུ་མྱ་ངན་ལས་འདས་པར་བརྗོད་ཀྱི། གཏན་དུ་ཡོངས་སུ་མྱ་ངན་ལས་འདའ་བ་ནི་མ་ཡིན་ཞེས་ཚིག་འདི་ལེགས་པར་སྨྲས་པ་ནི། མཐོང་ན་དགའ་བ་དྲི་ཟའི་རྒྱལ་པོ་ཁྱོད་ལེགས་སོ།། མཐོང་ན་དགའ་བ་དྲི ་ཟའི་རྒྱལ་པོ། ། གཞན་ཡང་ཐམས་ཅད་དང་ཐུན་མོང་བའི་ཚད་ནི་རྟོག་པར་ནུས་ཀྱི། སངས་རྒྱས་ཀྱི་ཡོན་ཏན་གྱི་ཆེ་བ་ཉིད་ནི་གཅིག་གི་ཚད་ཀྱང་རྟོགས་པར་ནུས་སོ།། སྨྲས་པ ་བཙུན་པ་འོད་སྲུངས་ཆེན་པོ་ཡུན་ཇི་སྲིད་ཅིག་ན་དེ་བཞིན་གཤེགས་པ་གཏན་དུ་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདའ་བར་འགྱུར། སྨྲས་པ། གང་གི་ཚེ་སེམས་ཅན་ཐམས་ཅད ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཞིང་། མངོན་པར་རྫོགས་པར་སངས་རྒྱས་ནས་ཀྱང་། ཡོངས་སུ་མྱ་ངན་ལས་འདས་པར་གྱུར ་པ་དེའི་ཚེ། དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་འགྱུར་རོ།། སྨྲས་པ། བཙུན་པ་འོད་སྲུངས་ཆེན་པོ་དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ནི་ངོ་མཚར ་སྟེ། འདི་ལྟ་བུ་ཐོས་ན། སུ་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་མི་བྱེད། སྨྲས་པ། བཅོམ་ལྡན་འདས་དེ་བཞིན་གཤེགས་པ་རྟག་པ་དང་། ཐེར ་ཟུག་པ་དང་། བརྟན་པ་དང་། མི་བསྐྱོད་པ་དང་། དཔེ་མེད་པ་དང་། བསམ་གྱིས་མི་ཁྱབ་པ་ནི། ཉན་ཐོས་དང་རང་སངས་རྒྱས་རྣམས་ཀྱི་ཡུལ་མ་ཡིན། དེ་བཞིན་གཤེགས་པ་དག་ནི ་དེ་བཞིན་གཤེགས་པདག་ཉིད་ཀྱིས་མཁྱེན་པར་ཟད་དོ། ། རིགས་ཀྱི་བུ་བྱང་ཆུབ་སེམས་དཔའི་སྤྱོད་པ་ལ་བཏང་སྙོམས་སུ་གྱིས་ཤིག། འོད་སྲུངས་ཆེན་པོས་བསྟན་པ་འདི་བཤད་པ་ན། ་ལྷའི་བུ་ས་ཡ་དང་ཉིས་འབུམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། སེམས་རབ་ཏུ་དགའ་ནས། དེའི་ཚེ་ཁ་འཐུན་པར་ཚིགས་སུ་བཅད་པ་འདི ་དག་སྨྲས་སོ། ། སངས་རྒྱས་མྱ་ངན་ཡོང་མི་འདའ།། ཆོས་ཀྱང་ནུབ་པར་མི་འགྱུར་ཏེ།། སེམས་ཅན་རྣམས་ནི་སྨིན་མཛད་ཕྱིར།། ཡོངས་སུ་མྱ་ངན་འདའ་བ་སྟོན།། བཅོམ་ལྡན་སངས་རྒྱས ་བསམ་མི་ཁྱབ། ། དེ་བཞིན་གཤེགས་པ་རྟག་པའི་སྐུ།། སེམས་ཅན་རྣམས་ལ་ཕན་པའི་ཕྱིར།། ཆོས་རྣམས་སྣ་ཚོགས་སྟོན་པ་མཛད།། མདོ་དང་ཏིང་ངེ་འཛིན་དང་། ཆོས་ཀྱི་སྒོ་དང་། ་གསང་བ་ཞུ་བ་དང་། ཡོངས་སུ་མྱ་ངན་ལས་འདས་པ་གཏན་ལ་བབ་པར་བསྟན་པ་ལས། དམ་པའི་ཆོས་ཀྱི་དཀྱིལ་འཁོར་གྱི་ཕུང་པོའི་ལེའུ་ཞེས་བྱ་སྟེ་སུམ་ཅུ་འདུན་པའོ།། ་། དེ་ནས་དེའི་ཚེ། ལྷོ་ཕྱོགས་ཀྱི་ཡུལ་འདབ་སྟང་ཟིལ་གྱི་རི་ལས་འོད་སྲུངས་ཆེན་པོ་དང་ཐབས་གཅིག་ཏུ་འོངས་པའི་ལྷའི་བུ་རྣམས་སྟེང་གི་བར་སྣང་ལ་ཏ་ལ་བདུན་སྲིད་ཙམ་དུ་འཁོད་ནས། དེ ་བཞིན་གཤེགས་པ་ལ་མེ་ཏོག་སིལ་མའི་རམ་པ་རི་རབ་ཙམ་དག་གཏོར་ནས། མིག་མཆི་མས་གང་སྟེ་ངུ་བཞིན་དུ་ཚིག་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་འདས། བཅོམ་ལྡན་འདས་དེ་བཞིན ་ག་ཤེགས་པ་ཐབས་ཀྱིས་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདས་པ་ན་དེ་བཞིན་གཤེགས་པས་གསུངས་པའི་མདོ་འདི་ལྟ་བུ་འདི་དག་འཆང་བར་བགྱིད་པའི་སེམས་ཅན་དེ་དག་ཅི་འདྲ ་བ་དག་ཅིག་འབྱུང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དག་ང་འདས་པའི་འོག་ཏུ་དགེ་བའི་རྩ་བ་བྱས་པ་རྣམས་དང་། སངས་རྒྱས་མང་པོ་ལ ་བསྙེན་བཀུར་བྱས་པ་དེ་དག། མདོ་འདི་ལྟ་བུ་འདི་དག་འཆང་བར་འགྱུར་ཏེ། གཞན་དག་ལ་ཡང་རྒྱས་པར་སྟོན་པར་འགྱུར་རོ།། སྤྲིན་ཆེན་པོའི་མདོ་ཡང་ལོ་བཞི་བཅུའི་བར་དུ་འཛམ་བུའི་གླིང་ན་སྤྱོད ་པར་འགྱུར་ཏེ་རྒྱས་པར་ཡང་འགྱུར་རོ། ། དེའི་འོག་ཏུ་ཕྱི་མའི་དུས་ན་དམ་པའི་ཆོས་སྤོང་བ་དང་། རྒྱལ་པོ་འཁྲུག་པ་དང་། དམ་པའི་ཆོས་ནུབ་པར་འགྱུར་བ། མ་འོངས་པའི་དུས་དེ་ན། དགེ ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ལུས་ཡོངས་སུ་མ་སྦྱངས་པ་དང་། ཚུལ་ཁྲིམས་ཡོངས་སུ་མ་སྦྱངས་པ་དང་། སེམས་ཡོངས་སུ་མ་སྦྱངས་པ་དང་། ཤེས་རབ ་ཡོངས་སུ་མ་སྦྱངས་པ་དང་། ཤེས་རབ་འཆལ་པ་དང་། ལུག་ལྟར་ལྐུགས་པ་དང་། ཤེས་རབ་ཡོངས་སུ་ཉམས་པ་རྣམས་ཀྱིས་མདོ་འདི་ལྟ་བུ་འཆད་པ་ཐོས་ནས། ཡིད་མི་ཆེས་ཤིང་བགད་པར ་བྱེད། བསྟིང་བར་བྱེད། འཕྱ་བར་བྱེད་ལ། ལྐུག་ཏུ་སོང་ནས། ཕན་ཚུན་ཟློས་ཤིང་སྨོད་པར་བྱེད་དེ། འཕྱ་བའི་བསམ་པས་དེ་དག་ཚིག་འདི་སྐད་དུ་ངོ་མཚར་རོ།། དགེ་སློང་འདི་དག་ནི་བླུན་ཞིང ་མུ་ཅོར་སྨྲ་བ་སྟེ། འདི་དག་ནི་གང་ཡང་རུང་སྟེ། སངས་རྒྱས་ཀྱིས་གསུངས་པ་མ་ཡིན་གྱི། སྙན་དངགས་མཁན་དག་གིས་རང་བཟོར་ཚིག་དང་ཡི་གེའི་འབྲུ་སྣ་ཚོགས་སྦྱར་ཏེ། འཁོར་གྱི་ནང་དུ་སོང ་ནས་སྨྲ་བར་བྱེད་པར་ཟད་དེ། མདོ་འདི་དག་ནི་སངས་རྒྱས་ཀྱིས་གསུངས་པ་མ་ཡིན་ནོ་ཞེས་ཟེར་རོ།། དེ་ལྟར་གཏི་མུག་ཅན་གྱི་མི་བསོད་ནམས་ཆུང་བ། ཤེས་རབ་འཆལ་པ། ལུག་ལྟར་ལྐུག་པ། ་ཤེས་རབ་ཡོངས་སུ་ཉམས་པ། དམ་པའི་ཆོས་སུན་འབྱིན་པ་དེ་དག་འབྱུང་བར་འགྱུར་རོ།། ལྷའི་བུ་དག་གཞན་ཡང་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་བསོ། ་ནམས་ཆུང་བ། ཤེས་རབ་ཞན་པ། ཤེས་རབ་འཆལ་པ། ཤེས་རབ་རྟུལ་བ། ཤེས་རབ་ཆུང་བ། ཤེས་རབ་ཡོངས་སུ་ཉམས་པ། སྔོན་གྱི་རྒྱལ་བ་རྣམས་ལ་བྱ་བ་མ་བྱས་པ། ་བླ་ན་མེད་པའི་ཆོས་རིན་པོ་ཆེ་ལས་ཡོངས་སུ་ཉམས་པ། ཆོས་རིན་པོ་ཆེ་ལས་ཡེ་ཕྱི་རོལ་ཏུ་གྱུར་པ། ཆོས་རིན་པོ་ཆེ་ཡོངས་སུ་སྤངས་པ། དགེ་བའི་རྩ་བ་ཆུང་བ། མུ་གེའི་མགོ་བྱི་གདུལ་དཀའ ་བདམུ་རྒོད་དག་འབྱུང་བར་འགྱུར་རོ། ། བྲན་ཕོ་དང་བྲན་མོ་ཡོངས་སུ་འཛིན་པ་དག་འབྱུང་བར་འགྱུར་རོ།། དབྱིག་དང་། གསེར་ཡོངས་སུ་འཛིན་པ་དག་འབྱུང་བར་འགྱུར་རོ།། དུང་དང་མན་ཤེལ ་དང་བྱི་རུ་ཡོངས་སུ་འཛིན་པ་དག་འབྱུང་བར་འགྱུར་རོ། ། བ་ལང་དང་མ་ཧེ་ཡོངས་སུ་འཛིན་པ་དག་འབྱུང་བར་འགྱུར་རོ།། ཞིང་གི་དངོས་པོ་ཡོངས་སུ་འཛིན་པ་དག་འབྱུང་བར་འགྱུར་རོ།། ངང་པ་དང་བྱ ་གག་དང་ཕག་ལ་སོགས་པའི་གནས་ཀྱི་རྫས་དུ་མ་ཡོངས་སུ་འཛིན་པ་དག་འབྱུང་བར་འགྱུར་རོ། ། ལས་ཆེན་པོ་རྣམ་པ་བཅུ་དྲུག་བྱེད་དུ་འཇུག་པ་དག་ཀྱང་འབྱུང་བར་འགྱུར་རོ།། རྒྱལ་པོ་ལ་སྟེན་པ་དག་ཀྱང ་འབྱུང་བར་འགྱུར་རོ། ། ཕོ་ཉ་བྱེད་པ་དག་ཀྱང་འབྱུང་བར་འགྱུར་རོ།། དུག་སྦྱོར་དུ་འཇུག་པ་དག་ཀྱང་འབྱུང་བར་འགྱུར་ཏེ། དགེ་སྦྱོང་གི་ལས་མ་ཡིན་པ་དུ་མ་བྱེད་པ་དང་བྱེད་དུ ་འཇུག་པ་དག་ཀྱང་འབྱུང་བར་འགྱུར་རོ། ། དེ་ལྟར་མི་གཏི་མུག་ཅན་དེ་དག་ཡོངས་སུ་འཕེལ་བའི་དུས་དང་དམ་པའི་ཆོས་ཡོངས་སུ་ཉམས་པའི་དུས་ན། འོད་སྲུངས་ཆེན་པོ་དང་འདྲ་བའི་དགེ་སློང ་འཛམ་བུའི་གླིང་དུ་སྐྱེ་བར་འགྱུར་ཏེ། ངའི་ཉན་ཐོས་ཀྱི་ནང་དུ་བྱུང་ནས་རིམས་ཀྱིས་མུ་གེའི་མགོ་བྱི། གདུལ་དཀའ་བ་དམུ་རྒོད་རྣམས་ཀྱི་ནང་དུ། དེ་བཞིན་གཤེགས་པས་གསུངས་པའི་མདོ་རྣམས་ཀྱི ་བསྔགས་པ་བརྗོད་ཅིང་སོ་སོར་ཐར་པའི་སྡོམ་པས་བསྡམས་ཏེ་མཇུག་ཏུ་རང་གི་སྲོག་དང་བསྔོས་ནས་བསླབ་པའི་གཞི་བཅས་པའི་བསྔགས་པ་བརྗོད་པར་འགྱུར་རོ། ། དེའི་འོག་ཏུ་ཤིང་དྲུང་གི་བསྔགས་བརྗོད ་པར་འགྱུར་རོ། ། དེ་བཞིན་དུ་ཕྱག་དར་ཁྲོད་དང་། དགོན་པ་ན་གནས་པ་དང་། འདུལ་བའི་བསྔགས་པ་རྗོད་ཅིང་མ་དུལ་བ་རྣམས་ཚར་གཅོད་པར་འགྱུར་རོ།། ལྷའི་བུ་དག་ཁྱེད་ཀྱིས་ངའི་ཉན་ཐོས་ཐེག་པ ་ཆེན་པོ་ལ་དད་པ་རྙེད་པ་དང་། དགེ་སློང་འདོད་ཅིང་བྱམས་པ་ལ་གནས་པ་ཀུན་ཏུ་སྲུང་བ་གྱིས་ཤིག། ལྷའི་བུ་རྣམས་ཀྱིས་གསོལ་པ། བཅོམ་ལྡན་འདས་བདག་ཅག་གིས་ཀྱང་དགེ་སློང་འདོད་ཅིང་བྱམ ་པ་ལ་གནས་པ་དེ་ལ་བསྙེན་ཀུར་དང་གཡོག་བགྱི་སྟེ། ཀུན་ཏུ་བསྲུང་བར་ཡང་བགྱིའོ།། བཅོམ་ལྡན་འདས་བདག་ཅག་གིས་ཀྱང་སངས་རྒྱས་ཀྱི་མཐུས། བདུད་སྡིག་ཅན་ཚར་གཅད་པར་བགྱིའོ།། ་ཆོས་མ་ལགས་པའི་ཕྱོགས་མུ་གེའི་མགོ་བྱི་གདུལ་དཀའ་བ། དམུ་རྒོད་རྣམས་ཡུལ་ནས་བསྐྲད་པར་བགྱིའོ།། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དག་ལེགས་སོ་ལེགས་སོ།། ་ཁྱོད་ཀྱིས་རྐྱེན་དུ་བབ་པར་དམ་བཅས་ཤིང་སྨོན་ལམ་བཏབ་སྟེ། དགེ་སློང་འདོད་པའི་སྐྱེས་བུ་དམ་པ་དེ་ལ་ནི་ལྷ་རྣམས་ཀྱང་སྲུང་ངོ་།། ལྷ་རྣམས་ཀྱང་དེའི་བསྔགས་པ་རྗོད་དོ།། དེ་བཞིན་གཤེགས ་པ་ཡང་ངའི་ཉན་ཐོས་དཀའ་བ་བྱེད་པ་ཡིན་ནོ་སྙམ་དུ་དགོངས་ནས་བསྔགས་པ་རྗོད་པར་མཛད་དོ། ། བཅོམ་ལྡན་འདས་ཀྱིས་ཡང་ལྷའི་བུ་རྣམས་ལ་འདི་སྐད་ཅེས་བཀའ་སྩལ་ཏོ།། ལྷའི་བུ་དག ་སེམས་ཅན་གྱི་དོན་འདོད་པའི་རིགས་ཀྱི་བུས་ནི་དམ་པའི་ཆོས་ཀུན་ཏུ་བསྲུང་བར་བྱའོ། ། དེ་ནས་ལྷའི་བུ་མང་པོ་དག་གིས་བཅོམ་ལྡན་འདས་ལ་རིན་པོ་ཆེའི་གདུགས་ཀྱིས་མངོན་པར ་བསྒྲུབས་ནས། འདི་སྐད་ཅེས་གསོལ་ཏོ།། བཅོམ་ལྡན་འདས་ཡུན་ཇི་སྲིད་ཅིག་ན་དེ་བཞིན་གཤེགས་པའི་སྲ་འོད་སྲུང་ཆེན་པོ་དང་འདྲ་བའི་དགེ་སློང་འབྱུང་བར་འགྱུར། གང་དུ་ནི་སྐྱེ་བར་འགྱུར། ་དོདེའི་མིང་ནི་ཇི་སྐད་ཅེས་བགྱི་བཟུང་བར་འཚལ། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དགང་འདས་པའི་འོག་ཏུ་ལོ་བརྒྱ་ཕྲག་མང་པོ་འདས་པ་ན། ལྷོ་ཕྱོགས་ཀྱི་རྒྱུད་དུ། མཁར ་གྱི་རྒྱལ་པོ་བདེ་སྤྱོད་ཅེས་བྱ་བ་འབྱུང་བར་འགྱུར་ཏེ། དེའི་ཚེ་ལོ་བརྒྱད་ཅུ་ན་དམ་པའི་ཆོས་ནུབ་པར་འགྱུར་བའི་ལྷག་མ་ཙམ་ལུས་པའི་དུས་ལ་བབ་པ་དེའི་ཚེ། ངའི་ཉན་ཐོས་འབྱུང་བར་འགྱུར ་ཏེ། དམ་པའི་ཆོས་ཀྱང་འབྱིན་པར་འགྱུར། ཆོས་ཀྱི་འཁོར་ལོ་ཡང་བསྐོར་བར་འགྱུར། ཐེག་པ་ཆེན་པོ་ཡང་གཞན་དག་ལ་རྒྱས་པར་འཆད་པར་འགྱུར་རོ།། མདོ ་སྡེ་འདི་ལྟ་བུ་དག་བཤད་པ་ཐོས་ནས། སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ལས་གང་དག་ཐོས་པ་དེ་དག་ཀྱང་ཕྱི་མའི་དུས་ཀྱི་ཚེ། འཛིན་པར་འགྱུར། ཀུན་ཆུབ་པར་བྱེད་པ ་འགྱུར། འཆང་བར་འགྱུར། ཀློག་པར་འགྱུར། ཡིད་ཆེས་པར་འགྱུར་རོ།། སེམས་ཅན་གང་དག་དེ་བཞིན་གཤེགས་པའི་མཚན་འདི་དག་ཐོས་ན་ཡིད་མི་ཆེས་པ་དང་། མ་དད་པ་དང་། ཁ ་ཏོཉོན་མི་བྱེད་པ་དང་། མི་ཀློག་པ་དང་། མི་འདྲི་བ་དེ་དག་ནི། བདུད་ཀྱིས་བྱིན་གྱིས་བརླབས་པ་ཡིན་ནོ།། སེམས་ཅན་གང་དག་དེ་བཞིན་གཤེགས་པའི་མཚན་འདི་དག་ཐོས་ན་ཡིད་ཆེས་པར ་བྱེད་ཅིང་དད་པར་འགྱུར་བ་དང་། ཁ་ཏོན་བྱེད་པ་དང་། ཀློག་པ་དང་འདྲི་བ་དེ་དག་ནི་སངས་རྒྱས་མང་པོས་ཡོངས་སུ་བཟུང་བ་ཡིན་ནོ།། དེ་ནས་དེའི་ཚེ། ལྷའི་བུ་མཐོང་ན་དགའ་བ་དྲི་ཟའི་རྒྱལ་པོས ་བཅོམ་ལྡན་འདས་ལ་བསྐོར་བ་བྱས་ཏེ། ལན་ས་ཡར་ཞབས་ལ་མགོ་བོས་ཕྱག་འཚལ་ནས?། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་འོད་སྲུངས་ཆེན་པོ ་འདྲ་བ། དེ་བཞིན་གཤེགས་པ་དང་མིང་འཐུན་པ། བྱམས་པ་ཆེན་པོ་ལ་གནས་པ། ཚུལ་ཁྲིམས་ཆེན་པོ་ལ་དྲག་ཏུ་བརྩོན་པ། ཤིན་ཏུ་མཆོག་ཏུ་མཛེས་པ་རིགས་ཆེན་པོར་སྐྱེས་པ། ཚུལ་ཁྲིམས ་དང་ལྡན་པ་ཆེན་པོ། དགེ་སློང་གིས་ཡོངས་སུ་བསྐོར་བ། དུས་དང་བཅས་གྲོང་དང་བཅས་པ་དང་། རྣམ་པ་ཅི་འདྲ་བ་ཡང་བཅོམ་ལྡན་འདས་ཀྱིས་རྒྱས་པར་བཤད་དུ་གསོལ། བཅོམ་ལྡན་འདས ་དགེ་སློང་དེ་བདག་གི་ཇི་སྲི་འཚོའི་བར་དུ་བསྲུང་བར་བགྱིའོ། ། བཅོམ་ལྡན་འདས་ཀྱིས་བཀའ་སྩལ་པ། མཐོང་ན་དགའ་བ་དྲི་ཟའི་རྒྱལ་པོ་དགེ་སློང་དེ་ལུང་བསྟན་པ་ཉོན་ཅིག། དེ་ནི་ང་ལ་དབེན་པ་དང་།། ་ངའི་བསྟན་པ་འབྱུང་བར་བྱེད་ཅིང་ཁུར་ཆེན་པོ་ཁྱེར་བ་དང་། ངའི་ཤཱཀྱ་གཞོན་ནུ་ཡིན་ཏེ། མཐོང་ན་དགའ་བ་དྲི་ཟའི་རྒྱལ་པོ་ང་འདས་པའི་འོག་ཏུ་ལྷོ་ཕྱོགས་ཀྱི་རྒྱུད་དུ་དྲང་སྲོང་བྱི་བོ་ཞེས་བྱ་བའི་ཡུལ ་འཁོར་དུ་བསོད་ནམས་ལྡན་གྱི་གྲོང་ཁྱེར་བྱེ་མ་ཆེན་པོ་ཞེས་བྱ་བ་འབྱུང་སྟེ། གྲོང་དེ་ནི་འབབ་ཆུ་མཛེས་སྦྱོར་ཞེས་བྱ་བ་དེའི་བྱང་ཕྱོགས་ཀྱི་འགྲམ་དུ་འབྱུང་བར་འགྱུར་རོ།། དེར་རྗེའུ་རགས་ཆེན་པོ་རྣམ་པར ་དག་པ་འབྲ་གོ་ཅན་ཞེས་བྱ་བའི་ས་ཕྱོགས་འབྱུང་བར་འགྱུར་ཏེ། ཤཱཀྱའི་རིགས་གཞོན་ནུ། ལི་ཙ་བྱིའི་བུ་གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བ་དེ་ངའི་ཆོས་འབྱུང་བར་བྱ་བའི་ཕྱིར།། ་ལི་ཙ་བྱིའི་བུ་གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བ་བྱང་ཆུབ་སེམས་དཔའ་མི་མཆོག་དེ། དེར་རིགས་ཆེན་པོར་སྐྱེ་བར་འགྱུར་ཏེ། དེའི་ཕ་མ་དང་། གཉེན་སྡེ་རྣམས་ཀྱིས་ངའི་མིང་།། ་དེའི་མིང་དུ་འདོགས་པར་འགྱུར་རོ།། འབྲ་གོ་ཅན་གྱི་རྗེའུ་རིགས་ཆེན་པོའི་རིགས་ཀྱང་། དེ་བཞིན་གཤེགས་པའི་རིགས་ཡིན་པར་བལྟའོ།། དེའི་ཚེ་དྲང་སྲོང་བྱི་བོའི་ཡུལ་འཁོར་ཡང་འབྱོར་ཅིང་རྒྱས ་ལ་སྐྱེ་བོ་མང་པོས་གང་བར་འགྱུར་རོ། ། དེ་བཞིན་གཤེགས་པ་དང་མིང་འཐུན་པའི་ཁྱེའུ་དེ་ཡང་སྐྱེ་བོ་ཐམས་ཅད་ཀྱི་སྙིང་དུ་སྡུག་པར་འགྱུར་ཞིང་སྐྱེ་བོ་མང་པོ་ཐམས་ཅད་ཀྱིས ་བཀུར་བར་འགྱུར་རོ། ། གང་གི་ཚེ་ཁྱེའུ་དེ་རབ་ཏུ་བྱུང་བ་ན། ཚངས་པ་མཚུངས་པར་སྤྱོད་པའི་འཁོར་དང་། དགེ་སློང་གི་ཚོགས་རྣམས་ཁྲིད་དེ་རང་གི་སྲོག་དང་བསྔོས་ནས་དམ་པའི་ཆོས་སྟོན་ཅིང་། ་དེ་བཞིན་གཤེགས་པའི་སྤྱོད་པ་འབྱུང་བར་འགྱུར། མཆོག་ཏུ་དཀའ་བ་སྤྱོད་པར་འགྱུར་རོ།། དགེ་སློང་དམ་པའི་ཆོས་འདོད་པ་དེའི་འཁོར་གང་ཡིན་པ་རྣམས་ཀྱང་རང་གི་སྲོག་གི་བསམ་པ་ཡོངས ་སུ་བཏང་ནས། དམ་པའི་ཆོས་སྲུང་བར་འགྱུར་ཏེ། དགེ་སློང་གི་ཚོགས་དེ་དག་ཀྱང་མཆོག་ཏུ་དཀའ་བ་བྱེད་པ་དང་། ང་ལ་དབེན་པ་དང་། ཚུལ་ཁྲིམས་ཡོངས་སུ་དག་པར་འགྱུར་ཞིང་། སོ་སོར ་ཐར་པའི་སྡོམ་པས་བསྡམས་ལ། སྤྱོད་པ་དང་སྤྱོད་ཡུལ་ཕུན་སུམ་ཚོགས་པ་དང་། ཁ་ན་མ་ཐོ་བ་ཕྲ་རབ་ཙམ་ལ་ཡང་འཇིགས་པར་ལྟ་བར་འགྱུར་རོ།། དགེ་སློང་ངམ། དགེ་སློང་མ་འམ། ་དགེ་བསྙེན་ནམ། དགེ་བསྙེན་མ་གང་དག་ངའི་ཉན་ཐོས་མཆོག་ཏུ་དཀའ་བ་བྱེད་པའི་ཚིག་ལ་ཡིད་ཆེས་པ་དེ་དག་ཐམས་ཅད་ཀྱང་སྤྲིན་ཆེན་སྙིང་པོ་དང་འདྲ་བར་བལྟའོ།། མཐོང་ན་དགའ་བ་དྲིས ་རྒྱལ་པོ་གཞན་ཡང་སྐྱེ་བོ་དགེ་བསྙེན་གང་དག་གིས་ངའི་ཉན་ཐོས་ཀྱི་ཚིག་ཐོས་ནས། དམ་པའི་ཆོས་ཀྱི་ཕྱོགས་འཛུགས་པར་བྱེད་པའི་སེམས་ཅན་དེ་དག་ཀྱང་ང་ལ་བྱས་པ་གཟོ་བ་དང་། ང་ལ་དབེན ་པ་ཡིན་ཏེ། དམ་པའི་ཆོས་ཀྱི་ཕྱིར་རང་གི་སྲོག་གི་བསམ་པ་ཡང་བཏང་། ནོར་དང་བཅས་པ་དང་། བུ་དང་བཅས་པ་དང་། ཆུང་མ་དང་བཅས་པ་དང་། བུ་མོ་དང་བཅས་པའི་སྡེ་ཕྱོགས་ནས ་ཀྱི་སྲོག་གི་བསམ་པ་ཡང་བཏང་ནས། དམག་གི་དཔུང་ཆེན་པོའི་གཡུལ་དུ་འཇུག་ཅིང་དམག་གི་དཔུང་ཆེན་པོའི་གཡུལ་ཟད་པར་བྱེད་དོ།། བདུད་ཀྱི་ཕྱོགས་ཀྱི་སྟོབས་འཇོམས་པར་བྱེད་དོ།། ་བདུད་ཀྱི་སྟོབས་རྣམ་པར་འཇིག་པར་བྱེད་དོ།། ཇི་ལྟ་བུའི་ཐབས་ཀྱིས་ཀྱང་དམ་པའི་ཆོས་འཛུགས་པར་བྱེད་དོ།། ངའི་དམ་པའི་ཆོས་ཀྱི་མཐུ་ཡང་སྐྱེད་པར་འགྱུར་རོ།། སེམས་ཅན་ཆེན་པོ ་དེ་དག་གིས་ནི་རྙེད་པ་ལེགས་པར་རྙེད་པར་འགྱུར་ཏེ། དེ་དག་ནི་བྱང་ཆུབ་སེམས་དཔའི་མི་མཆོག་ཡིན་པར་བལྟ་བར་བྱའོ།། དགེ་སློང་ངམ། དགེ་སློང་མ་དེ་དག་ནི་སྦྱིན་གནས་ཡོངས་སུ་དག ་པར་འགྱུར་རོ། ། དགེ་འདུན་ཡོངས་སུ་དག་པར་ཡང་འགྱུར་རོ།། དགེ་བསྙེན་གྱི་སྡེ་ཚན་དང་། དགེ་བསྙེན་མའི་སྡེ་ཚན་དེ་དག་ནི་སངས་རྒྱས་འབྱུང་བ་དང་ཕྲད་པར་འགྱུར། དམ་པའི་ཆོས ་ལ་ཡང་ནན་ཏན་ཏུ་སྒྲུབ་པར་འགྱུར་མོད་ཀྱི་འོན་ཀྱང་མཐོང་ན་དགའ་བ་དྲི་ཟའི་རྒྱལ་པོ་ངའི་ཉན་ཐོས་ཀྱི་ཚིག་ལ་ཡིད་ཆེས་པའི་སེམས་ཅན་དེ་དག་ནི་ཉུང་སྟེ། ཤིན་ཏུ་ཕལ་ཆེར་ནི་མོས་པར་མི་འགྱུར་རོ།། ་མཐོང་ན་དགའ་བ་དྲི་ཟའི་རྒྱལ་པོ་རྣམ་པ་བཞི་དང་ལྡན་ན་ངའི་ཉན་དེ་བཞིན་གཤེགས་པ་དང་མིང་འཐུན་པའི་དགེ་སློང་གི་ཚིག་ལ་ཡིད་ཆེས་པར་འགྱུར་ཏེ། བཞི་གང་ཞེ་ན། སྔོན་གྱི་མཐར་ཡང་དག ་པར་རྫོགས་པའི་སངས་རྒྱས་སྔ་མ་རྣམས་ལས་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་འདི་ཐོས་པ་དང་། དགེ་བའི་བཤེས་གཉེན་གྱིས་ཡོངས་སུ་བཟུང་བ ་དདྲང་ལྷག་པའི་བསམ་པ་ལ་ཞུགས་ཤིང་དགེ་བའི་རྩ་བ་ཉེ་བར་བརྟན་པ་དང་། རྒྱ་ཆེན་པོ་ལ་མོས་པ་ལུས་ཀྱིས་མངོན་སུམ་དུ་བྱས་པ་སྟེ། མཐོང་ན་དགའ་བ་དྲི་ཟའི་རྒྱལ་པོ་རྣམ་པ་བཞི་པོ་དེ་དག་གིས ་ནི་རྫ་ངའི་ཉན་ཐོས་ཀྱི་ཚིག་ལ་ཡིད་ཆེས་པར་འགྱུར་རོ། ། གང་དག་ཡིད་མི་ཆེས་པ་དེ་དག་ཐམས་ཅད་ནི་བདུད་ཀྱིས་བྱིན་གྱིས་བརླབས་པའི་མ་གཏི་མུག་ཅན་ཡིན་པར་རིག་པར་བྱའོ།། སེམས་ཅན་གང་དག ་མོས་པར་འགྱུར་བ་དེ་དག་ནི་སངས་རྒྱས་ཀྱིས་ཡོངས་སུ་བཟུང་བ་ཡིན་པར་རིག་པར་བྱའོ། ། ཀྱེ་མ་མ་འོངས་པའི་སེམས་ཅན་རྣམས་ནི། སངས་རྒྱས་འབྱུང་བ་ཐམས་ཅད་དང་ཕྲད་པར་འགྱུར། ་དེ་ཅིའི་ཕྱིར་ཞེ་ན། དེ་བཞིན་གཤེགས་པ་དང་མིང་འཐུན་པའི་དགེ་སློང་སངས་རྒྱས་མང་པོས་ཡོངས་སུ་བཟུང་བ་ནི་འཁོར་ཤིན་ཏུ་རྣམ་པར་དག་པ་དང་དགེ་སློང་གི་ཚོགས་དང་དགེ་སློང་མའི་ཚོགས་དང་ལྡན ་པའི་ཕྱིར། གང་དག་ངའི་ཚིག་ལ་མངོན་པར་ཡིད་ཆེས་པ་དེ་དག་ནི། རྡོ་རྗེའི་རང་བཞིན་ཡིན་པར་རིག་པར་བྱའོ།། མཐོང་ན་དགའ་བ་དྲི་ཟའི་རྒྱལ་པོ་གཞན་ཡང་དེ་བཞིན་གཤེགས་པ་དང་མིང་འཐུན་པ ་དགེ་སློང་གི་ཆེ་བ་ཉིད་ལ་ལྟོས། གང་གི་ཕྱིར་དགེ་སློང་དེ་ནི་དེ་བཞིན་གཤེགས་པ། ཀླུ་རིགས་སྒྲོན་མའི་ཐད་དུ་དམ་བཅས་ཤིང་སྨོན་ལམ་བཏབ་ལ། བཅོམ་ལྡན་འདས་ཤཱཀྱ་ཐུབ་པའི་བསྟན་པ་ལ ་ཡང་དམ་པའི་ཆོས་བསྲུང་བའི་ཕྱིར། བདག་གི་སྲོག་ཡོངས་སུ་བཏང་ངོ་ཞེས་བྱས་ནས། དམ་པའི་ཆོས་ཀྱི་སྒྲ་ལན་གསུམ་དུ་མངོན་པར་བསྒྲགས་པས་ན། འདས་པའི་དུས་ན་ཡང་ངའི་ཉན་ཐོས ་དཀའ་བ་བྱེད་བྱེད་པ་ཡིན་ལ། ད་ལྟར་ཡང་དཀའ་བ་བྱེད་པ་ཡིན་ནོ།། རྒྱལ་པོ་བརྩོན་འགྲུས་ཆེན་པོའི་ཀླུ་དེ་ནི་ད་ལྟར་ལི་ཙཱ་བྱི་གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བ་འདི་ཡིན་ནོ།། ་ལི་ཙ་བྱིའི་བུ་འདི་ནི་དེ་བཞིན་གཤེགས་པ་དང་མིང་འཐུན་པའི་དགེ་སློང་དུ་འགྱུར་བར་རིག་པར་བྱའོ།། མཐོང་ན་དགའ་བ་དྲི་ཟའི་རྒྱལ་པོ་གཞན་ཡང་དེ་བཞིན་གཤེགས་པ་དང་མིང་འཐུན་པའི་དགེ་སློང ་གི་ཆེ་བ་ཉིད་རྣམ་པར་དག་པ་ལ་ལྟོས། དགེ་སློང་དེ་ལ་སེམས་ཅན་གང་དག་གིས་བསྙེན་བཀུར་བྱས་པ་དེ་དག་གིས་ནི། འདས་པ་དང་མ་བྱོན་པ་དང་། ད་ལྟར་བྱུང་བའི་དེ་བཞིན་གཤེགས་པ་ཐམས ་ཅད་ལ་བསྐལ་པ་གྲངས་མེད་པར་བསྙེན་བཀུར་བྱས་པ་ཡིན་ནོ། ། སེམས་ཅན་གང་དག་གིས་དགེ་སློང་འདོད་པ་དེ་ལ་བཀུར་སྟི་བྱ་བ་དང་། བླ་མ་ལ་རིམ་གྲོ་བྱ་བས་རྟག་ཏུ་མཆོད་པ་བྱེད་པ་དག་གིས་ནི། ་དེ་བཞིན་གཤེགས་པ་ཐམས་ཅད་ལ་མཆོད་པ་བྱས་པ་ཡིན་ནོ།། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་དག་གིས། རང་གི་སྲོག་གི་བསམ་པ་ཡོངས་སུ་བཏང ་སྟེ། དགེ་སློང་འདོད་པ་དེའི་ཐད་དུ་ངན་ངོན་གྱིས་ཆོག་པར་འཛིན་ཅིང་གནས་པར་བྱེད་པ་དེ་དག་གིས་ནི་དེ་བཞིན་གཤེགས་པ་ཐམས་ཅད་ལ་བླ་མ་ལ་ཤིན་ཏུ་རིམ་གྲོར་བྱ་བ་ཕུལ་བ་ཡིན་ནོ།། དགེ་སློང ་དམ་འདགེ་སློང་མའམ། དགེ་བསྙེན་ནམ། དགེ་བསྙེན་མ་གང་དག་དགེ་སློང་འདོད་པ་དེས་བགོ་བ་བཞིན་བྱེད་པ་དེ་དག་གིས་ནི་དེ་བཞིན་གཤེགས་པ་ཐམས་ཅད་ཀྱི་བཀའ ་བཞིན་དུ་བྱས་པ་ཡིན་ནོ། ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་དག་གིས་སྡང་བ་མེད་པའི་སེམས་ཀྱིས། དགེ་སློང་དེ་ལས་དམ་པའི་ཆོས ་བཤད་པ་དང་། མཉན་པ་དང་། འབྲེལ་བའི་གཏམ་གྱི་ཁུར་བླངས་ནས་སྟོན་པར་བྱེད་པ་དེ་ནི། ཐབས་ཀྱི་སྲས་བསླབ་པ་ལ་གུས་པ་སྒྲ་གཅན་ཟིན་དང་འདྲ་བར་བལྟ་བར་བྱའོ།། དགེ ་སློང་གིས་ལུང་བསྟན་པ་འདི་ཐོས་ན། སེམས་ཅན་བསོད་ནམས་ཆུང་བ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་འདི་སྙམ་དུ་སེམས་སྐྱེད་པར་འགྱུར ་ཏེ་ཀྱེ་མ་དགེ་སློང་ལྟར་བཅོས་པ་དེ་བཞིན་གཤེགས་པ་དང་མིང་འཐུན་པའི་དགེ་སློང་འདིས་ནི་སྤྲིན་ཆེན་པོའི་མདོ་སངས་རྒྱས་ཀྱིས་མ་གསུངས་པར་བདག་ཉིད་ཀྱིས་བྱས་ནསོ། ། བདག་ནི ་ལུང་བསྟན་པ་ཡང་བཅུག་སྟེ། སངས་རྒྱས་ཀྱིས་མ་གསུངས་པར་རང་བཟོའི་བསླབ་པའི་གཞི་ཐ་དད་པ་བདག་ཉིད་ཀྱིས་བསྟན་པ་འཆད་པར་བྱེད་དོ།། ཚེ་དང་ལྡན་པ་དག་དེ་དགེ་སློང་འདི་ཕྱིན་ཅི་ལོག་ཏུ ་གྱུར་ཏེ། ཚེ་དང་ལྡན་པ་དག་འོ་བུ་ཅག་ནི་བྲན་ཕོ་དང་། བྲན་མོ་དང་། བ་ལང་དང་། མ་ཧེ་ལ་སོགས་པ་ཡོངས་སུ་འཛིན་པ་ཡིན་ནོ་ཞེའོ།། དེས་ནི་ཁྱོད་དང་བདག་ཅག་སྤངས་པ་ཡིན་ནོ།། དགེ་སློང ་ཕྱིན་ཅི་ལོག་ཏུ་གྱུར་པ་འདིའི་ཚིག་གིས་ནི། འོ་བུ་ཅག་གིས་སྲོག་དང་བསྔོསཏེ་འདི་ཕྱོགས་བླངས་ནས། ཁྱེད་དང་བདག་ཅག་གིས་མཆོག་ཏུ་དཀའ་བ་བྱེད་པར་འགྱུར་སྐད་ལོ་འདི་ལ་ཅི་བྱས་པ་དང་ཅི ་བྱིན་པའི་རྣམས་ནི་ཚེ་འདི་དང་ཚེ་ཕྱི་མ་ལ་བདག་ཅག་གིས་ཉམས་སུ་མྱོང་བར་འགྱུར་བ་ཙམ་ཚོད་ན་ཇི་ལྟར་བྱ་ཞེས་བསྟིང་ཞིང་ལྐོག་དག་ཏུ་སོང་ནས་ཕན་ཚུན་དབྱེན་བྱེད་པར་འགྱུར་ཏེ། སེམས་ཅན ་དེ་དག་ནི་མུན་པའི་དབང་དུ་གྱུར་ཅིང་བསོད་ནམས་ཆུང་བ་ཡིན་པར་རིག་པར་བྱའོ། ། མཐོང་ན་དཀའ་བ་དྲི་ཟའི་རྒྱལ་པོ་སྤྲིན་ཆེན་པོའི་མདོ་རྟོགས་པར་དཀའ་བ་ལ་ལྟོས། སེམས་ཅན་གང་དག་དགེ་བའི ་རྩ་བ་བྱས་པ་དང་། བྱང་ཆུབ་སེམས་དཔའི་ཐབས་ལ་བརྟན་པའི་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་དག་ངའི་ཉན་ཐོས་ཀྱི་ལུང་བསྟན་པ་ཐོས་ན། འདི་ལྟར ་སེམས་བསྐྱེད་དེ། ཀྱེ་མ་དགེ་སློང་མཁས་པ་འདི་གལ་ཏེ། བྱང་ཆུབ་སེམས་དཔའ་མ་ཡིན་དུ་ཟིན་ན་སྐྱེ་བོ་ཕལ་པས་རྒྱ་མཚོ་ཆེན་པོ་འདི་ལྟ་བུ་དཀྲུག་པར་ག་ལ་ནུས། ཚེ་དང་ལྡན་པ་དག་ཁྱེད་དང ་བདག་ཅག་དེའི་གཏམ་ཟླར་གྱུར་ན་ནི། བདག་ཅག་གིས་སྐྱེས་པ་དང་འཚོ་བ་དང་། རབ་ཏུ་བྱུང་བའི་འབྲས་བུ་རྙེད་པ་ལེགས་པར་རྙེད་དོ།། དེ་ནི་སའི་སྟེང་དུ་གྲགས་པའི་དེ་བཞིན་གཤེགས་པའི་ཞབས ་ཀྱི་དྲུང་ནས་ལུང་བསྟན་པ་ཐོབ་ཅིང་། ལྷའི་མིག་གིས་ལོགས་པར་མཐོང་བའི་ཆོས་ཐོབ་པ་ཡིན་ནོ་ཞེས་གྲགས་པས་བདག་ཅག་གིས་སྲོག་གི་བསམ་པ་ཡོངས་སུ་བཏང་ལ། འདི་དག་ཅག་ལ་སྟོན་པའི ་སློབ་དཔོན་དུ་བྱ་སྟེ། ཆོས་བསྟན་པ་གཟུང་བའི་རིགས་སོ།། བདག་ཅག་བཞི་ཡང་རུང་གསུམ་ཡང་རུང་སྟེ། སློངབ་དཔོན་གྱི་གྲོགས་བྱའོ།། ཚེ་དང་ལྡན་པ་དག་དམ་པའི ་ཆོས་དབྱུང་བའི་ཕྱིར་ནི་སྲོག་ཡོངས་སུ་བཏང་ཡང་བླའོ་ཞེས་ཟེར་རོ། ། མཐོང་ན་དགའ་བ་དྲི་ཟའི་རྒྱལ་པོ་དེའི་ཚེ་དམ་པའི་ཆོས་ལ་དགའ་བའི་རིགས་ཀྱི་བུ་དེ་དག་ལ་ཀུན་ཏུ་བསྲུང་བར་གྱིས་ཤིག། རིགས ་ཀྱི་བུ་གང་དག་ཆོས་འདོད་པ་དང་། དགེ་སློང་དང་། དགེ་སློང་མ་འམ། དགེ་བསྙེན་ནམ། དགེ་བསྙེན་མ་མང་པོ་ཡང་རུང་། གཉིས་ཀྱང་རུང་གཅིག་ཀྱང་རུང་སྟེ། ངའི་ཉན་ཐོས་ལུང་བསྟན་པ ་ཐོས་ནས། ངའི་ཉན་ཐོས་ཆོས་སྟོན་པའི་ཕྱོགས་བྱ་བའི་ཕྱིར་འཁོད་པའི་སེམས་ཅན་དེ་དག་ནི། དེ་བཞིན་གཤེགས་པ་ཐམ་ཅད་ཀྱི་སྤྱོད་པ་ཐམས་ཅད་ཀྱི་ཕྱོགས་དང་། དམ་པའི་ཆོས་འཛུགས་པ ་ཡིན་ནོ། ། སེམས་ཅན་དེ་དག་ནི་ལྷ་མ་ཡིན་གྱི་དབང་པོའི་ཡུལ་མ་ཡིན་པའི་ལུས་དང་བསམ་གྱིས་མི་ཁྱབ་པའི་ལུས་དང་ལྡན་ཞིང་གཟུགས་ཐམས་ཅད་ཡང་དག་པར་མཐོང་བ་ཡིན་ནོ།། མཐོང་ན ་དགའ་བ་དྲི་ཟའི་རྒྱལ་པོ་གཞན་ཡང་ངའི་ཉན་ཐོས་དེ་བཞིན་གཤེགས་པ་དང་མིང་འཐུན་པའི་དགེ་སློང་ཆོས་ཀྱི་སྒྲ་ཆེན་པོ་ལན་གསུམ་མངོན་པར་བསྒྲགས་ནས། འཆི་བའི་དུས་བྱེད་པར་འགྱུར་བའི་ཚེ ་བ་ཉིད་ལ་ལྟོས། མཐོང་ན་དགའ་བ་དྲི་ཟའི་རྒྱལ་པོ་དེའི་ཚེ་ངའི་དམ་པའི་ཆོས་ཀྱི་ཕྱོགས་ནུབ་པར་འགྱུར་རོ།། དེ་ནི་ཐ་མར་འབྱུང་བར་འགྱུར་ལ། དེ་དང་འདྲ་བའི་སེམས་ཅན་གཞན་མེད་དེ། ་མི་སྲིད་དོ།། གསོལ་པ། བཅོམ་ལྡན་འདས་དགེ་སློང་དེ་འདི་ནས་ཤི་འཕོས་ནས་གནས་གང་དུ་སྐྱེ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། མཐོང་ན་དགའ་བ་དྲི་ཟའི་རྒྱལ ་པོ་ངའི་ཉན་ཐོས་དེ་ནི་འདི་ནས་ཤི་འཕོས་ནས། སངས་རྒྱས་སུ་འགྱུར་རོ།། གསོལ་པ། བཅོམ་ལྡན་འདས་སེམས་ཅན་ཐམས་ཅད་ལ་སྨན་པའི་སླད་དུ་བཤད་དུ་གསོལ། བཀའ ་སྩལ་པ། རིགས་ཀྱི་བུ་ལེགས་སོ་ལེགས་སོ།། རིགས་ཀྱི་བུ་ཁྱོད་ལེགས་ཀྱིས། རིགས་ཀྱི་བུ་ངའི་ཉན་ཐོས་ཀྱི་ཆེ་བ་ཉན་ཉོན་ཅིག། རིགས་ཀྱི་བུ་བསྐལ་པ་བཟང་པོ ་འདི་འདས་ཏེ། སངས་རྒྱས་སྟོང་ཡོངས་སུ་མྱ་ངན་ལས་འདས་པའི་འོག་ཏུ། བསྐལ་པ་དྲུག་ཅུ་རྩ་གཉིས་སུ་སངས་རྒྱས་འབྱུང་བར་མི་འགྱུར་ཏེ། རང་སངས་རྒྱས་བྱེ་བ་ཕྲག་འབུམ ་འབྱུང་བར་འགྱུར་རོ། ། རིགས་ཀྱི་བུ་བསྐལ་པ་དྲུག་ཅུ་རྩ་གཉིས་པོ་དེ་དག་འདས་ནས། སངས་རྒྱས་གཞན་བདུན་འབྱུང་བར་འགྱུར་རོ།། དེ་ནས་བདུན་པ་ཡོངས་སུ་མྱ་ངན ་ལས་འདས་པ་དེའི་ཚེ་དེའི་དུས་ན། འཇིག་རྟེན་གྱི་ཁམས་འདི་འཇིག་རྟེན་གྱི་ཁམས་མངོན་པར་དང་བ་ཞེས་བྱ་བར་འགྱུར་ཏེ། འཇིག་རྟེན་གྱི་ཁམས་མངོན་པར་དང་བར། འདི་བཅོམ་ལྡན་འད ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡེ་ཤེས་འབྱུང་གནས་འོད་ཅེས་བྱ་བར་འགྱུར་རོ། ། དེ་བཞིན་གཤེགས་པ་དེའི་སངས་རྒྱས་ཀྱི་ཞིང་ན། སེམས་ཅན ་འཁོད་པ་དེ་དག་ཐམས་ཅད་མཛེས་པར་འགྱུར་ཞིང་དད་པ་ཐོབ་པར་འགྱུར་རོ། ། གང་དག་དམ་པའི་ཆོས་ཀྱི་ཕྱོགས་བྱེད་པ་དང་། དམ་པའི་ཆོས་འབྱུང་བར་བྱེད་པ་དེདག ་ཐམས་ཅད་ཀྱང་དེའི་ཚེ། འཇིག་རྟེན་གྱི་ཁམས་མངོན་པར་དང་བ་དེར་སྐྱེ་བར་འགྱུར་རོ།། དེར་སྐྱེས་ནས་ཀྱང་བཅོམ་ལྡན་འདས་དེ་བཞིན་གཤེགས་པ་ཡེ་ཤེས་འབྱུང་གནས་འོད་དེའི་ཉན་ཐོས་ཀྱི་མཆོག ་ཏུ་འགྱུར་ཏེ། དེ་དག་ཐམས་ཅད་ཀྱང་བྱང་ཆུབ་སེམས་དཔའ་མི་མཆོག་ཏུ་འགྱུར་རོ།། དེ་ན་སེམས་ཅན་སུ་ལ་ཡང་འདོད་ཆགས་ཀྱི་སེམས་ཀུན་ནས་ལྡང་བ་འབྱུང་བར་མི་འགྱུར་རོ།། ཞེ་སྡང་གི་སེམས་ཀུན ་ནས་ལྡང་བ་འབྱུང་བར་མི་འགྱུར་རོ། ། གཏི་མུག་གི་སེམས་ཀུན་ནས་ལྡང་བ་འབྱུང་བར་འགྱུར་རོ།། སེམས་ཅན་དེ་དག་ཐམས་ཅད་ཀྱང་ཆོས་ལ་དད་པ་ཐོབ་ཅིང་ཆོས་སྤྱོད་པར་འགྱུར་རོ།། དེ་བཞིན ་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡེ་ཤེས་འབྱུང་གནས་འོད་ཀྱི་ཚེའི་ཚད་ནི་བར་གྱི་བསྐལ་པ་བཅོ་ལྔར་འགྱུར་རོ། ། སེམས་ཅན་རྣམས་ཀྱང་ཐེག་པ་གསུམ་གྱིས་ངེས་པར་འབྱུང ་བར་འགྱུར་རོ། ། དེ་ན་བྱང་ཆུབ་སེམས་དཔའ་རྣམས་ཀྱང་ཚད་མེད་དེ། རིགས་ཀྱི་བུ་དེའི་ཚེ་དེའི་དུས་ན། བདུད་དང་བདུད་ཀྱི་རིས་ཀྱི་ལྷ་འབྱུང་བ་གང་ཡིན་པ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་ཞུགས ་པར་འགྱུར་ཏེ། སེམས་ཅན་ལ་སྙིང་རྗེ་བར་གནས་སོ།། སངས་རྒྱས་ཀྱི་ཞིང་དེ་ན་ངན་སོང་གསུམ་ཡང་མེད་དོ།། མི་ཁོམ་པ་བརྒྱད་ཀྱང་མེད་དེ། རྟག་ཏུ་བརྒྱན་པར་འགྱུར་ལ། བྱང་གི་སྒྲ་མི་སྙན ་གྱི་གླིང་དང་འདྲའོ། ། སངས་རྒྱས་ཀྱི་ཞིང་དེར་བདུད་དང་ཕྱིར་རྒོལ་བ་ཡང་བཅོམ་པར་འགྱུར་རོ།། ལྟ་བ་ཐམས་ཅད་ཀྱང་མེད་དོ།། བཅོམ་ལྡན་འདས་ཡོངས་སུ་མྱ་ངན་ལས་འདས་ནས་ཀྱང ་བདེ་བར་གཤེགས་པས་གསུངས་པའི་དམ་པའི་ཆོས་ལོ་བྱེ་བ་ཕྲག་སྟོང་དུ་གནས་པར་འགྱུར་རོ། ། དེ་ནས་དེའི་ཚེ། འཁོར་ཆེན་པོའི་ནང་ནས། ལྷ་མ་ཡིན་དང་། ན་མཁའ་ལྡིང། ་དང་མི་འམ་ཅི་དང་། ལྟོ་འཕྱེ་ཆེན་པོ་དུ་མས་དེ་བཞིན་གཤེགས་པ་ལ་མེ་ཏོག་སིལ་མས་གཏོར་རོ།། སིལ་སྙན་དག་ཀྱང་དཀྲོལ་ལོ།། ཙན་དན་གྱི་ཕྱེ་མ་དང་། བྱུག་པ་དག་གིས་ཀྱང་གཏོར་རོ།། ་ཉན་ཐོས་ཆེན་པོ་དེ་དག་གིས་རང་རང་གི་ཀྱང་བླ་གོས་དེ་བཞིན་གཤེགས་པའི་སྐུ་ལ་གསོལ་ཏོ།། བྱང་ཆུབ་སེམས་དཔའ་དེ་དག་གིས་ཀྱང་མེ་ཏོག་གི་རིམ་པ་རི་རབ་ཙམ་དང་། མེ་ཏོག་འཕྲེང་དང་། ཕྱེ་མ་དང་། ་སྤོས་དང་བྱུག་པ་དག་གིས་བཅོམ་ལྡན་འདས་ལ་བསམ་གྱིས་མི་ཁྱབ་པའི་མཆོད་པའི་ལས་བྱས་ནས། དེ་བཞིན་གཤེགས་པ་ཡེ་ཤེས་འབྱུང་གནས་འོད་དེའི་བྱང་ཆུབ་སེམས་དཔའི་སྤྱོད་པ་ལ་སེམས ་བསྐྱེད་དོ། ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྤྲིན་ཆེན་སྙིང་པོས་འདི་སྐད་ཅེས་གསོལ་ཏོ།། ཕྱི་མ་བཅོམ་ལྡན་འདས་ཟབ་མོ་བརྟན་པའི་ཆུའི་རྒྱ་མཚོའི་དུས་ཆོད ་ཀྱི་ཏིང་ངེ་འཛིན་གྱི་ཡུལ་འདི་མ་འོངས་པའི་སེམས་ཅན་བསོད་ནམས་ཆུང་ངུ་རྣམས་ལ། སངས་རྒྱས་མང་པོ་འབྱུང་བར་བགྱིད་ཅིང་། དགེ་བའི་རྩ་བ་ཚུལ་བཞིན་དུ་བགྱིས་པའི་སེམས་ཅན་རྣམས ་ལུང་བསྟན་པས་ལུང་སྟོན་པར་བགྱིད་པ་ནི་ངོ་མཚར་རོ། ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་མ་འོངས་པའི་སེམས་ཅན་བསོད་ནམས་ཆུང་ཞེས ་དེ་སྐད་མ་ཟེར་ཅིག། དེ་ཅིའི་ཕྱིར་ཞེ་ན། སྤྲིན་ཆེན་སྙིང་པོ་སངས་རྒྱས་འབྱུང་བ་ནི་དཀོན་ནོ།། སྤྲིན་ཆེན་པོའི་མདོ་འདི་ནི་དེ་བས་ཀྱང་ཆེས་དཀོན་ནོ།། སྤྲིན་ཆེན་པོའི་མདོ་འདི་ལས། ཏིང ་ངེ་འཛིན་ནམ་གཟུངས་སམ་ཚིགས་སུ་བཅད་པ་གང་ཡང་རུང་བའམ། ཚིག་གི་བྱེད་ཐོས་ནས་ཡིད་ཆེས་པར་བྱེད་པ་གང་ཡིན་པའི་སེམས་ཅན་དེ་དག་ཀྱང་ཆེས་དཀོན་པ་ཡིན་ནོ།། ཞེས་ང་སྨྲ་སྟེ། ་དེ་བས་ན་མ་འོངས་པའི་སེམས་ཅན་རྣམས་ནི་བསོད་ནམས་ཆུང་བ་མ་ཡིན་ནོ་ཞེས་ང་སྨྲའོ།། སྤྲིན་ཆེན་སྙིང་པོ་གཞན་ཡང་མ་འོངས་པའི་སེམས་ཅན་གང་དག་སྤྲིན་ཆེན་པོའི་མདོ་འདི་ལས་ཚིགས་སུ ་བཅད་པ་འམ། ཚིག་གི་ཕྱེད་ཐོས་ན་ཡིད་ཆེས་པར་བྱེད་པའི་སེམས་ཅན་དེ་དག་ལྔ་གུད་ན་ཆེས་དཀོན་པ་མེད་དོ།། ཞེས་ང་སྨྲའོ།། གསོལ་པ། བཅོམ་ལྡན་འདས་དེ་བཞིན་གཤེགས་པས་ཅི་ལ ་དགོངས་ཏེ་དེ་སྐད་བཀའ་སྩལ། དེ་བཞིན་གཤེགས་པས་གསུངས་པའི་མདོ་ལས་ཚིག་གམ་ཚིག་གི་ཕྱེད་ལ་ཡང་ཡིད་ཆེས་པར་བྱེད་པ་གང་ཡིན་པ་དེ་དག་ལས་གུད་ན་ཆེས་དཀོན་པ་མེད་དོ་ཞེས་ང་སྨྲ ་བདེ་ལ་ཐེ་ཙོམ་མེད་དོ། ། དེ་ཅིའི་ཕྱིར་ཞེ་ན། སྤྲིན་ཆེན་པོའི་མདོ་འདིའི་ཏིང་ངེ་འཛིན་ནམ་གཟུངས་སམ། ཆོས་ཀྱི་སྒོ་གང་ཡང་རུང་བ་ལ། ང་ལ་བྱས་པ་གཟོ་བ་རྣམས་ལ་ཡང་དག་པའི ་དོན་ལུང་བསྟན་པས་ལུང་བསྟན་ཏེ། དེ་བཞིན་གཤེགས་པས་ལུང་བསྟན་པ་ཐོབ་པའི་སེམས་ཅན་རྣམས་ནི་ཀྱེ་མ་དགེ་བའི་རྩ་བ་བྱས་པ་ཡིན་ནོ་སྙམ་དུ་འཛིན་ཅིང་ཡིད་ཆེས་པར་བྱེད་པའི་མ་འོངས ་པའི་སེམས་ཅན་དེ་དག་ནི་ཤིན་ཏུ་ཆེས་དཀོན་པ་ཡིན་པར་ང་སྨྲ་སྟེ། སྤྲིན་ཆེན་སྙིང་པོ་དེ་ལ་དགོངས་ནས་མ་འོངས་པའི་སེམས་ཅན་རྣམས་བསོད་ནམས་ཆུང་བ་མ་ཡིན་ནོ་ཞེས་པ་སྨྲའོ།། གསོལ་པ།། ་བཅོམ་ལྡན་འདས་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའི་བསོད་ནམས་མི་ཟད་པ། ཉན་ཐོས་དང་རང་སངས་རྒྱས་ཐམས་ཅད་ཀྱི་གཏིང ་དཔག་པར་མི་ནུས་པ་ནི་ཀྱེ་མ་ངོ་མཚར་རོ། ། བཀའ་སྩལ་པ། སྤྲིན་ཆེན་དེ་དེ་བཞིན་ཏེ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའི་བསོད་ནམས་མི་ཟད་པ་ཤེས་པ་འམ། ཚད ་གཟུང་བར་མི་ནུས་སོ། ། དེ་ཅིའི་ཕྱིར་ཞེ་ན། སྤྲིན་ཆེན་སྙིང་པོ་དཔེར་ན། རྒྱ་མཚོ་ཆེན་པོའི་ཆུའི་ནང་དུ་ཆུབབ་པ་ཟད་པར་མི་འགྱུར་བའི་གཏིང་དཔག་པར་ནུས་སམ། གསོལ་པ། བཅོམ་ལྡན་འད ་དེ་ནི་དེ་ལྟ་མ་ལགས་ཏེ། ནུས་པར་མི་འགྱུར་རོ།། སྤྲིན་ཆེན་སྙིང་པོ་སྤྲིན་ཆེན་པོའི་མདོའི་ཆུ་འབབ་པ་དེའི་གཏིང་ཡང་དཔག་པར་མི་ནུས་ལ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའི ་བསོད་ནམས་མི་ཟད་པའི་གཏིང་ཡང་དཔག་པར་མི་ནུས་སོ། ། སྤྲིན་ཆེན་སྙིང་པོ་གཞན་ཡང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་རྐང་པའི་མཐེ་བོའི་བ་སྤུའི ་གཅིག་གི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དཀྲིགས་ཏེ་འཇིག་རྟེན་གྱི་ཁམས་དཀྲིགས་ཕྲག་མཐའ་ཡས་པ་བཟླས་ནས་འཕེན་པར་བྱེད་དེ། དེ་ལྟ་བུའི་བྱ་བ་ཀུན་ཏུ་སྟོན་ཀྱང ་སེམས་ཅན་སུ་ལ་ཡང་གནོད་པར་མི་འགྱུར་ལ་སེམས་ཅན་དེ་དག་གིས་ཀྱང་མི་ཤེས་མི་མཐོང་ངོ་། ། སེམས་ཅན་གཞན་དག་གིས་ནི་བྱ་བ་དེ་ལྟ་བུ་བསྟན་པར་ཤེས་ཤིང་མཐོང་ངོ་།། སྤྲིན་ཆེན་སྙིང ་བོཔོ་གཞན་ཡང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ཁབ་ཀྱི་རྩེ་མོས་རྒྱ་ཤུག་གི་ལོ་མ་སྟེང་གི་ཕྱོགས ་སུ་འདོར་བ་བཞིན་དུ་སྟེང་གི་ཕྱོགས་ཀྱི་འཇིག་རྟེན་གྱི་ཁམས་དཀྲིགས་ཕྲག་མཐའ་ཡས་པ་བཟླས་ནས་གྱེན་དུ་འདོར་བར་བྱེད་དེ། འོན་ཀྱང་སེམས་ཅན་སུ་ལ་ཡང་གནོད་པར་མི་འགྱུར་ཏེ། སེམས ་ཅན་དེ་དག་གིས་ཀྱང་བདག་ཅག་གར་ཁྱེར་བ་དང་། བདག་ཅག་གར་སོང་བ་ཡང་མི་ཤེས་མི་མཐོང་ངོ་།། ཕྱིར་ཡང་ཁྱེར་ཏེ་འོངས་ནས་སྔ་མའི་གནས་སུ་བཞག་ཀྱང་། འགྲོ་བ་དང་འོང་བར་ཡང་མི ་མངོན་ལ། སེམས་ཅན་གཞན་དག་གིས་ནི་འདི་ནི་བྱང་ཆུབ་སེམས་དཔའི་རྣམ་པར་འཕྲུལ་བ་ཡིན་ནོ་ཞེས་ཤེས་ཤིང་མཐོང་ངོ་།། སྤྲིན་ཆེན་སྙིང་པོ་གཞན་ཡང་ཏིང་ངེ་འཛིན་འདི་ལ་གནས་པའི་བྱང ་ཆུབ་སེམས་དཔའ་སེམས་དཔའ་ཆེན་པོ་ནི་ཁབ་ཀྱི་རྩེ་མོས་རྒྱ་ཤུག་གི་ལོ་མ་ལ་བྱ་བ་བཞིན་དུ་ཕྱོགས་བཅུར་འཇིག་རྟེན་གྱི་ཁམས་དེ་ལྟར་གྱེན་དུ་བོར་ནས། འཇིག་རྟེན་གྱི་ཁམས་ལྷག་མ་གཅིག ་། གི་ནང་དུ་འཇིག་རྟེན་གྱི་ས་ཀྱ་ཅད་ཆུད་པར་བྱེད་ཀྱང་སེམས་ཅན་སུ་ལ་ཡང་གནོད་པར་མི་འགྱུར་ལ། སེམས་ཅན་དེ་དག་གིས་ཀྱང་བདག་ཅག་གར་ཁྱེར་བ་དང་། བདག་ཅག་གར། ་སོང་བ་ཡང་མི་ཤེས་མི་མཐོང་ངོ་།། ཕྱིར་ཡང་ཁྱེར་ཏེ་འོངས་ནས་སྔ་མའི་གནས་སུ་བཞག་ཀྱང་། འགྲོ་བ་དང་འོང་བར་ཡང་མི་མངོན་ལ། སེམས་ཅན་གཞན་དག་གིས་ནི་བྱ་བ་དེ་ལྟ་བུ ་བསྟན་པར་ཤེས་ཤིང་མཐོང་ངོ་། ། སྤྲིན་ཆེན་སྙིང་པོ་གཞན་ཡང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད ་འཇིག་རྟེན་གྱི་ཁམས་གཅིག་གི་ནང་དུ་བརྟུལ་ནས་སྲན་ཆུང་གི་འབྲུ་གཅིག་གི་ནང་དུ་ཆུད་པར་བྱེད་དེ། འོད་ཀྱང་སེམས་ཅན་སུ་ལ་ཡང་གནོད་པར་མི་འགྱུར་ལ། སེམས་ཅན་དེ་དག་གིས་ཀྱང་བདག་ཅག ་གང་དུ་ཁྱེར་བ་དང་། གང་དུ་སོང་བ་དང་། གང་དུ་བཅུག་པ་མི་ཤེས་མི་མཐོང་ངོ་།། སེམས་ཅན་གཞན་དག་གིས་ནི་ཤེས་ཤིང་མཐོང་སྟེ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས ་དཔའ་སེམས་དཔའ་ཆེན་པོ་ནི་འདུལ་བའི་དབང་གིས་བྱ་བ་དེ་ལྟ་བུ་དག་སྟོན་པར་བྱེད་དོ། ། བྱང་ཆུབ་སེམས་དཔའ་སྤྲིན་ཆེན་སྙིང་པོས་གསོལ་པ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས ་དཔའ་སེམས་དཔའ་ཆེན་པོའི་བཀོད་པའི་གཙོ་བོ་ནི་བཅོམ་ལྡན་འདས་ཀྱིས་བཀའ་སྩལ་ན། ཏིང་ངེ་འཛིན་འདིའི་བསོད་ནམས་བགྱི་བའི་དངོས་པོའི་ཆེ་བ་ཉིད་ཀྱི་བསོད་ནམས་ཀྱི་ཕུང་པོ་ཇི་ཙམ ་མཆིས་པ་ཡང་སེམས་ཅན་རྣམས་ལ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་ལེགས་སོ་ལེགས་སོ།། སྤྲིན་ཆེན་སྙིང་པོ་ཁྱོད ་ལེགས་ཀྱིས་ཏིང་ངེ་འཛིན་འདིའི་རྒྱུན་ལས་བྱུང་བའི་བསོད་ནམས་བྱ་བའི་དངོས་པོ་དེ་དཔེ་ཙམ་དུ་བསྟན་པར་བྱ་སྟེ། རིགས་ཀྱི་བུ་དཔེར་ན། ཆུ་ཀླུང་ཆེན་པོ་དང་། འབབ་ཆུ་དང་མཚེའུ་དང་མཚོ ་བྲན་དང་། ཆུ་བྲན་ཐམས་ཅད་ནི་རྒྱ་མཚོ་ཆེན་པོའི་ཁོངས་སུ་གཏོགས་ཤིང་དེའི་ནང་དུ་འདུས་སོ།། སྤྲིན་ཆེན་སྙིང་པོ་དེ་བཞིན་དུ། མདོ་འདི་ལས་གཞན་པའི་མདོ་དག་གི་བྱ་བ་གང་ཅི་ཡང་རུང་བ་རྣམས་ན ་ཏིང་ངེ་འཛིན་འདིའི་ཁོངས་སུ་གཏོགས་ཤིང་འདིའི་ནང་དུ་འདུས་པར་བལྟ་བར་བྱའོ། ། སྤྲིན་ཆེན་སྙིང་པོ་གཞན་ཡང་མདོ་འདི་ལ་མ་གཏོགས་པའི་མདོ་དང་ཏིང་ངེ་འཛིན་དང་། བསོད་ནམས་བྱ་བའི་དངོས ་པ་ཐམས་ཅད་དང་། ཉན་ཐོས་དང་རང་སངས་རྒྱས་ཐམས་ཅད་ཀྱི་བསོད་ནམས་བྱ་བའི་དངོས་པོ་དེ་དག་ཐམས་ཅད་གཅིག་ཏུ་བསྡུས་པ་ནི། དེ་བཞིན་གཤེགས་པའི་རྟག་པ་ཉིད་ཀྱི་ཏིང་ངེ་འཛིན་འདི་ཐང ་ཅིག་ཙམ་ཐོས་པའི་བྱང་ཆུབ་ཀྱི་སེམས་ཀྱི་ཁོངས་སུ་གཏོགས་ཤིང་དེའི་ནང་དུ་འདུས་པར་བལྟ་བར་བྱའོ། ། སྤྲིན་ཆེན་སྙིང་པོ་དེ་བས་ན། ཐམས་ཅད་རྟག་པ་དང་ཐེར་ཟུག་པ་དང་། ཞི་བ་དང་། བསྟན ་བའི་བསོད་ནམས་འདོད་པའི་སེམས་གཟུང་བར་འདོད་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་གཟུང་བར་འདོད་པའི་རིགས་ཀྱི་བུ་འམ། རིགས་ཀྱི་བུ་མོས་ནི་ཟབ་མོ་བརྟན ་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་གྱི་ཡུལ་འདི་ལ་སེམས་བསྐྱེད་པར་བྱའོ། ། དེ་བཞིན་གཤེགས་པ་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའི་དུས་ཚོད་ཡོན་ཏན་ཡང་དག ་པར་བཤད་པ་ཐོས་ན། སྐྲག་པར་མི་བྱའོ།། དེ་བཞིན་གཤེགས་པ་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བ་དང་། བསིལ་བའི་ཡོན་ཏན་ཡང་དག་པར་གཟུང་བར་བྱའོ།། གཞན ་དག་ལ་ཡང་རྒྱས་པས་བསྟན་པར་བྱ་སྟེ། ཅི་ནས་བསྟན་པ་ནུས་པར་མི་འགྱུར་བར་བརྩོན་པར་བྱའོ།། འདི་ལྟ་སྟེ་དཔེར་ན། འགྲོ་བ་སྲོག་ཆགས་འབྱུང་པོ་གང་ཅི་ཡང་རུང་བ་རྣམས་ཀྱི་རྗེས་བྱུང་བ་དེ་དག ་ཐམས་ཅད་ནི། གླང་པོ་ཆེའི་རྗེས་ཀྱི་ནང་དུ་འདུ་བར་འགྱུར་རོ།། དེ་བཞིན་དུ་མདོ་འདི་ལས་གཞན་པའི་ཏིང་ངེ་འཛིན་ཐམས་ཅད་དང་བསོད་ནམས་བྱ་བའི་དངོས་པོ་ཐམས་ཅད་ཀྱང་། ཏིང་ངེ་འཛིན་འདིའི ་ནང་དུ་འདུ་བར་འགྱུར་བར་རིག་པར་བྱའོ། ། སྤྲིན་ཆེན་སྙིང་པོ་གཞན་ཡང་འདི་ལྟ་སྟེ་དཔེར་ན། ལྷུན་པོ་ལ་སོགས་པ་རིའི་རྒྱལ་པོ་རྣམས་དང་། གཞན་ཡང་རི་ནག་པོ་རྣམས་དང་། རྩ་དང་ཤིང་གེལ་བ ་དང་སྨན་དང་ཤིང་ཇི་སྙེད་ཡོད་པ་དང་། འཛམ་བུ་གླིང་དང་། གླིང་ཆེན་པོ་བཞི་དང་བཅས་པའི་འཇིག་རྟེན་གྱི་ཁམས་ཉི་མ་དང་ཟླ་བར་བཅས་པ་དེ་དག་ཐམས་ཅད་ནི། སྟོང་གསུམ་གྱི་སྟོང་ཆེན ་པོའི་འཇིག་རྟེན་གྱི་ཁམས་འདིའི་ནང་དུ་འདུས་པར་བལྟ་བར་བྱའོ། ། སྤྲིན་ཆེན་སྙིང་པོ་དེ་བཞིན་དུ་སོ་སོའི་སྐྱེ་བོ་བསོད་ནམས་ཀྱི་རྒྱུན་ནམ། ཉན་ཐོས་ཀྱི་བསོད་ནམས་ཀྱི་རྒྱུན་ནམ། རང་སངས ་རྒྱས་ཀྱི་བསོད་ནམས་ཀྱི་རྒྱུན་ནམ། བྱང་ཆུབ་སེམས་དཔའི་བསོད་ནམས་ཀྱི་རྒྱུན་ནམ། དེ་བཞིན་གཤེགས་པའི་བསོད་ནམས་ཀྱི་རྒྱུན་ནམ། མདོ་དང་ཏིང་ངེ་འཛིན་ཐམས ་ཅད་ཀྱི་བསོད་ནམས་ཀྱི་རྒྱུན་ཇི་སྙེད་ཡོད་པ་རྣམས་ནི། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔས་དེ་བཞིན་གཤེགས་པ་ནི་རྟག་པ་ཡིན་ནོ་ཞེས་སེམས་གཅིག་བསྐྱེད་པའི་ནང་དུ ་ཆུད་ཅིང་འདུས་སོ། ། འདི་ལྟ་སྟེ། དཔེར་ན་སྟོན་གྱི་དུས་ན་སྤྲིན་མེད་པའི་ནམ་མཁའ་ལས་ཉི་མ་ཤར་ན། ནམ་མཁའ་ལ་དྲི་མར་གྱུར་ཅིང་སྒྲུབ་པའི་རང་བཞིན་ཇི་སྙེད་ཡོད་པ། དེ་དག་ཐམས ་ཅད་ཟིལ་གྱིས་མནན་ནས། ལྷམ་མེ། ལྷན་ནེ། ལྷང་ངེར་འདུག་གོ།། སྤྲིན་ཆེན་སྙིང་པོ་དེ་བཞིན་དུ་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་འདི་ལས་དེ་བཞིན་གཤེགས ་པ་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བ་དང་། བསྟན་པ་ནུས་པར་མི་འགྱུར་བའི་འོད་ཟེར་མཐའ་ཡས་པ་དང་ལྡན་པའི་ཉི་མ་རྟག་པ་ཤར་བ་ན། ལྡེམ་པོ་ངག་གི་ན་མཁའ ་ལ་ཇི་སྙེད་ཡོད་པ་ཐམས་ཅད་ཟིལ་གྱིས་མནན་ནས། ལྷམ་མེ། ལྷན་ནེ། ལྷང་ངེར་གསལ་བར་འགྱུར་རོ།། སྤྲིན་ཆེན་སྙིང་པོ་གཞན་ཡང་འདི་ན་མི་ལ་ལ་ཞིག། རླུང་གི་རྒྱལ་པོ་བཞིའི ་མཐུ་ཅན་སྟོབས་དང་ལྡན་པ། ལྷའི་ལོ་བརྒྱ་ཐུབ་པ་ཞིག་བྱུང་ལ། མི་དེ་ཡང་ཉིན་པར་ལམ་དུ་ཞུགས་ཏེ། འཇིག་རྟེན་གྱི་ཁམས་དུ་མར་སོང་ནས་ཕྱིར་རང་གི་གནས་སུ་ལྡོག་པར་བྱེད་ཅིང་ནུབ་མོ ་ཡང་ལམ་དུ་ཞུགས་ནས། འཇིག་རྟེན་གྱི་ཁམས་དུ་མ་བསྐོར་ཏེ་ཕྱིར་རང་གི་གནསུ་ལོག་པར་བྱེད་པ་དེ་ལྟ་བུར། ཉིན་མཚན་དུ་ལམ་དུ་ཞུགས་པས་ཇི་ཙམ་དུ་ཕྱིན་པ་དེ་སྙེད། རིན་པོ་ཆེ་སྣ ་བདུན་གྱིས་རང་གི་ལུས་ཀྱི་འཕང་ཙམ་དུ་གང་བར་བྱས་ནས་སྦྱིན་པ་བྱིན་ཏེ། ཐབས་དེ་དག་ཇི་ལྟ་བུར་བར་ཆད་དང་། སྐྱོན་མ་བྱུང་བར་སྦྱིན་པ་བྱིན་ན། སྤྲིན་ཆེན་སྙིང་པོ་ཅི་གཞི་དེ་ལས་དེ་བསོད་ན ་མང་དུ་བསྐྱེད་དམ། གསོལ་པ། བཅོམ་ལྡན་འདས་ཚད་མ་མཆིས་སོ།། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་དེ་ལྟ་བུའི་སྦྱིན་པ་དེ་ལས་བྱུང་བའི་བསོད་ནམས་ཀྱི ་ཕུང་པོ་གང་ཡིན་པ་དེ་ནི། ཏིང་ངེ་འཛིན་འདི་ལས་དེ་བཞིན་གཤེགས་པ་རྟག་པའི་ཆེ་བ་ཉིད་ཀྱི་ཡོན་ཏན་ནུབ་པར་མི་འགྱུར་བའི་བསྟན་པ་འཁོར་བཞི་ལས་གང་ཡང་རུང་བ་འམ། སྤྱོད་པ་པའམ། ་ཀུན་ཏུ་རྒྱུ་འམ། གཅེར་བུ་པ་ལ་སོགས་པ་ལ་འཆད་ཅིང་སྟོན་པར་བྱེད་དམ། ཡང་ན་འཕྱང་བ་འམ། བསྟིང་པ་འམ་གཞན་གྱི་གཡམ་ལ་བྱ་བ་འམ། འཚོ་བའི་ཐབས་ཀྱི་རྒྱུར་བྱ་བའི་ཕྱིར་རམ། ་རྙེད་པ་དང་བཀུར་བསྟི་དང་ཚིགས་སུ་བཅད་པ་འདོད་པའི་ཕྱིར་དེ་བཞིན་གཤེགས་པ་རྟག་གོ་ཞེས་ཚིག་ཏུ་བརྗོད་པ་ཙམ་གྱི་བསོད་ནམས་ཀྱི་ཕུང་པོ་གང་ཡིན་པའི་བརྒྱའི་ཆར་ཡང་མི་ཕོད་སྟོང་གི་ཆར ་ཡང་མི་ཕོད་པ་ནས་རྒྱུའི་བར་དུ་ཡང་མི་བཟོད་དོ། ། སྤྲིན་ཆེན་སྙིང་པོ་འདི་ལྟ་སྟེ་དཔེར་ན། སྨན་གྱི་རྒྱལ་པོ་རྩིའི་སྡོང་བུ་དེའི་རྩ་བ་ཁྱེར་རམ། ཤུན་པགས་སམ། པྲི་འམ། ལོ་མ་འམ། མེ ་ཏོག་གམ། འབྲས་བུ་འམ། མགོ་ཏོགས་སམ། སྡོང་བུ་འམ། ཡལ་གའམ། བུར་མ་འམ། རྩ་བ་དག་ཁྱེར་ཡང་རུང་སྟེ། དེ་འདི་སྙམ་དུ་བདག་གི་རྩ་བ་ཁྱེར ་རོ། ། བདག་གི་ཤུན་པགས་ཁྱེར་རོ།། བདག་གི་པྲི་ཁྱེར་རོ།། བདག་གི་ལོ་མ་ཁྱེར་རོ།། བདག་གི་མེ་ཏོག་ཁྱེར་རོ།། བདག་གི་འབྲས་བུ་ཁྱེར་རོ།། བདག་གི་མགོ་ཏོགས་ཁྱེར་རོ།། བདག ་གི་སྡོང་བུ་ཁྱེར་རོ། ། བདག་གི་ཡལ་ག་ཁྱེར་རོ།། བདག་གི་བུར་མ་ཁྱེར་རོ།། བདག་གི་རྩ་བ་དག་ཁྱེར་རོ་སྙམ་དུ་མི་སེམས་ཏེ། རྩིའི་སྡོང་བུ་ལ་རྣམ་པར་རྟོག་པ་ཡོང་མེད་དོ།། རྣམ་པར ་རྟོག་པ་མེད་དུ་ཟིན་ཀྱང་སེམས་ཅན་རབ་འབྲིང་ཐ་མ་ཐམས་ཅད་ལ་འོ་མ་འམ། ཞོ་འམ། མར་འམ། འབྲུ་མར་རམ། སྨན་ཅི་ཡང་རུང་བ་དག་དང་སྦྱར་བ་འམ། སྨན་ཐམས་ཅད་དང ་བསྲེས་པའི་ལྡེ་གུའམ། བཏུང་བ་འམ། ལུས་བསྐུ་བས་ནད་སེལ་བར་བྱེད་དོ།། དེ་བཞིན་དུ་ཏིང་ངེ་འཛིནི་འདི་ཉན་པ་ཡང་རྩ་བ་འམ། རྒྱུད་དམ། ཚིགས་སུ་བཅད་པ་འམ། ཚིག ་གམ། ཚིག་གི་ཕྱེད་དམ། མིང་ངམ། དེ་བཞིན་གཤེགས་པ་རྟག་གོ་ཞེས་བྱ་བའི་ཡི་གེ་འབྲུ་གཉིས་ཀྱིས་ཉན་པ་ན། དེ་འདི་སྙམ་དུ་བདག་གིས་རྩ་བ་ལས་ཏིང་ངེ་འཛིན་བཟུང་ངོ་།། རྒྱུད་ལས ་བཟུང་ངོ་། ། ཚིགས་སུ་བཅད་པ་ལས་བཟུང་ངོ་།། ཚིག་ལས་བཟུང་ངོ་།། ཚིག་ཕྱེད་ལས་བཟུང་ངོ་།། མིང་ལས་བཟུང་ངོ་།། དེ་བཞིན་གཤེགས་པ་རྟག་གོ་ཞེས་བྱ་བའི་ཡི་གེ་འབྲུ་གཉིས ་ལས་བཟུང་ངོ་སྙམ་དུ་མི་སེམས་ཏེ། རྣམ་པར་རྟོག་པ་དེ་དག་མེད་དོ།། རྣམ་པར་མི་རྟོག་པ་མེད་དུ་ཟིན་ཀྱང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ལས ་གང་ཡང་རུང་བའམ། སྤྱོད་པ་པ་འམ། ཀུན་ཏུ་རྒྱུ་འམ། གཅེར་བུ་པ་ལ་སོགས་པ་འམ། ལུས་ཡོངས་སུ་མ་སྦྱངས་པ་འམ། ཤེས་རབ་ཡོངས་སུ་མ་སྦྱངས་པ་འམ། སེམས་ཡོད། ་སུ་མ་སྦྱངས་པ་ཡང་རུང་སྟེ། འཕྱ་བ་འམ། སྟིང་པའི་ཕྱིར་རམ། རང་གི་ཁ་ནས་བྱུང་ངམ། གཞན་གྱི་གཡམ་ལ་བྱུང་བ་འམ། རྙེད་པ་དང་། བཀུར་བསྟི་དང་། ཚིགས་སུ་བཅད་པ་འདོད ་བའི་ཕྱིར་ཡང་རུང་སྟེ། མཉན་ཏམ། བཟུང་ན། དེ་དག་གི་སྡིག་པ་གྲངས་མེད་པ་བྱས་པ་དང་། ལས་དེ་དག་ལུས་འདི་ཉིད་ཀྱི་ཚེ་བྱང་བར་འགྱུར་ལ། འདོད་ཆགས་དང་། ཞེ་སྡང་དང་། གཏི ་མུག་གི་ཉོན་མོངས་པ་ལ་སོགས་པའི་ནད་འབྱང་བའི་ཕྱིར་ཞུགས་པ་ཡང་མ་ཡིན་ནོ། ། སྤྲིན་ཆེན་སྙིང་པོ་དཔེར་ན། ཉི་མ་ཤར་མ་ཐག་ཏུ་ཁ་བ་དང་། མུན་པའི་ཚོགས་ཆེན་པོ་རྨེག་མེད་པར ་འགྱུར་རོ། ། དེ་བཞིན་དུ་ཏིང་འཛིན་གྱི་ཉི་མ་རྟག་པ་འདི་ཤར་མ་ཐག་ཏུ་སེམས་ཅན་ཐམས་ཅད་ཀྱི་སྡིག་པ་དང་། ལས་ཀྱི་ཚོགས་ཀྱི་ཁ་བ་དང་། མུན་པ་དང་། སྤྲིན་དང་། སྒྲིབ་པ་རྣམ ་རྨེག་མེད་པར་འགྱུར་རོ། ། །། བམ་པོ་དགུ་པ།། སྤྲིན་ཆེན་སྙིང་པོ་གཞན་ཡང་དཔེར་ན། རླུང་ནི་ནམ་མཁའ་ལ་ལངས་ནས། སེམས་ཅན ་ཐམས་ཅད་ལ་རང་དབང་མེད་པར་སྤུ་དང་། ལུས་ཀྱི་ཡན་ལག་ཐམས་ཅད་ཀྱི་རྩ་བའི་ནང་དུ་ཞུགས་ནས། མེའི་ཕུང་པོ་འཇིལ་བར་བྱེད་དོ།། དེ་བཞིན་དུ་འདིར་ཡང་ཏིང ་ངེ་འཛིན་གྱི་དེ་བཞིན་གཤེགས་པའི་ཡོན་ཏན་རྟག་པ་ཉིད་ཀྱི་ཡོན་ཏན་གྱིས་བསྒོས་པའི་རླུང་། ཉོན་མོངས་པའི་ནམ་མཁའ་ལ་སྣང་བར་བྱེད་ཅིང་། སེམས་ཅན་ཐམས་ཅད་ལ་རང་དབང་མེད་པར་སྨྲ ་དང་ཡན་ལག་ཐམས་ཅད་ཀྱི་རྩ་བའི་ནང་དུ་ཞུགས་ནས། སྡིག་པ་གྲངས་མེད་པ་བྱས་པ་རྣམས་དང་། ལས་ཀྱི་མེའི་ཕུང་པོ་རྣམས་སེལ་བར་བྱེད་དོ།། སྤྲིན་ཆེན་སྙིང་པོ་གཞན་ཡང་འདི་ལ་གནས ་བའི་བྱང་ཆུབ་སེམས་དཔའ་ནི། རྒྱུན་ཏུ་ཞུགས་པའི་འབྲས་བུའི་ཕྱིར་ཡང་ཚུལ་ཁྲིམས་མི་སྲུང་ངོ་།། ལན་ཅིག་ཕྱིར་འོང་བའི་འབྲས་བུའི་ཕྱིར་ཡང་ཚུལ་ཁྲིམས་མི་སྲུང་ངོ་།། ཕྱིར་མི་འོང་བའི ་འབྲས་བུའི་ཕྱིར་ཡང་ཚུལ་ཁྲིམས་མི་སྲུང་ངོ་། ། དགྲ་བཅོམ་པའི་འབྲས་བུའི་ཕྱིར་ཡང་ཚུལ་ཁྲིམས་མི་སྲུང་ངོ་།། དེ་བཞིན་གཤེགས་པའི་མཚན་མཐའ་ཡས་པའི་ཕྱིར་ཡང་ཚུལ་ཁྲིམས་མི་སྲུང་ངོ་།། ་དེ་བཞིན་གཤེགས་པའི་དཔེ་བྱད་བཟང་པོའི་ཕྱིར་ཡང་ཚུལ་ཁྲིམས་མི་སྲུང་ངོ་།། དེ་བཞིན་གཤེགས་པའི་བསམ་གྱིས་མི་ཁྱབ་པའི་གནས་ཀྱི་ཕྱིར་ཡང་ཚུལ་ཁྲིམས་མི་སྲུང་ངོ་།། དེ་བཞིན་གཤེགས ་པའི་དཔག་ཏུ་མེད་པ་ཉིད་ཀྱི་ཕྱིར་ཡང་ཚུལ་ཁྲིམས་མི་སྲུང་ངོ་། ། དེ་བཞིན་གཤེགས་པའི་མཚུངས་པ་མེད་པ་ཉིད་ཀྱི་ཕྱིར་ཡང་ཚུལ་ཁྲིམས་མི་སྲུང་ངོ་།། དེ་བཞིན་གཤེགས་པའི་མཚན་གྱི་ཕྱིར་ཡང ་སེམས་གནས་པར་མི་སྒོམ་མོ། ། དེ་བཞིན་གཤེགས་པའི་དཔེ་བྱད་བཟང་པོའི་ཕྱིར་ཡང་སེམས་གནས་པར་མི་སྒོམ་མོ།། དེ་བཞིན་གཤེགས་པའི་བསམ་གྱིས་མི་ཁྱབ་པའི་གནས་ཀྱི་ཕྱིར་ཡང ་སེམས་གནས་པར་མི་སྒོམ་མོ། ། དེ་བཞིན་གཤེགས་པའི་དཔག་ཏུ་མེད་པའི་ཕྱིར་ཡང་སེམས་གནས་པར་མི་སྒོམ་མོ།། དེ་བཞིན་གཤེགས་པའི་མཚུངས་པ་མེད་པའི་ཕྱིར་ཡང་སེམས་གན ་བར་མི་སྒོམ་མོ། ། དེ་བཞིན་གཤེགས་པའི་གྲངས་མེད་པའི་ཕྱིར་ཡང་སེམས་གནས་པར་མི་སྒོམ་མོ།། དེ་བཞིན་གཤེགས་པའི་ཡོན་ཏན་དཔག་ཏུ་མེད་པ་དང་ལྡན་པའི་ཕྱིར་ཡང་སེམས ་གནས་པར་མི་སྒོམ་མོ། ། དེ་བཞིན་གཤེགས་པའི་མཚན་གྱི་ཕྱིར་ཡང་སེམས་སྐྱེད་པར་མི་འདོད་དོ།། དེ་བཞིན་གཤེགས་པའི་དཔེ་བྱད་བཟང་པོའི་ཕྱིར་ཡང་སེམས་སྐྱེད་པར་མི་འདོད། ་དོ།། དེ་བཞིན་གཤེགས་པའི་བསམ་གྱིས་མི་ཁྱབ་པའི་གནས་ཀྱི་ཕྱིར་ཡང་སེམས་སྐྱེད་པར་མི་འདོད་དོ།། དེ་བཞིན་གཤེགས་པའི་དཔག་ཏུ་མེད་པའི་ཕྱིར་ཡང་སེམས་སྐྱེད་པར ་མི་འདོད་དོ། ། དེ་བཞིན་གཤེགས་པའི་མཚུངས་པ་མེད་པའི་ཕྱིར་ཡང་སེམས་སྐྱེད་པར་མི་བྱེད་དོ།། དེ་བཞིན་གཤེགས་པའི་གྲངས་མེད་པའི་ཕྱིར་ཡང་སེམས་སྐྱེད་པར་མི་བྱེད་དོ།། ་དེ་བཞིན་གཤེགས་པའི་ཡོན་ཏན་དཔག་ཏུ་མེད་པ་དང་ལྡན་པའི་ཕྱིར་ཡང་སྐྱེད་པར་མི་བྱེད་དོ།། དེ་བཞིན་གཤེགས་པའི་རྣམ་པར་འཕྲུལ་པ་དང་། ཆོ་འཕྲུལ་གྱི་ཕྱིར་ཡང་ཚུལ་ཁྲིམ ་མི་སྲུང་ངོ་། ། དེ་བཞིན་གཤེགས་པའི་ཏིང་ངེ་འཛིན་གྱི་ཕྱིར་ཡང་ཚུལ་ཁྲིམས་མི་སྲུང་ངོ་།། དེ་བཞིན་གཤེགས་པའི་མི་འཇིགས་པའི་ཕྱིར་ཡང་ཚུལ་ཁྲིམས་མི་སྲུང་ངོ་།། ་དེ་བཞིན་གཤེགས་པའི་གསང་བའི་ཕྱིར་ཡང་ཚུལ་ཁྲིམས་མི་སྲུང་ངོ་།། དེ་བཞིན་གཤེགས་པའི་མཆོད་པའི་གནས་བླ་ན་མེད་པའི་ཕྱིར་ཡང་ཚུལ་ཁྲིམས་མི་སྲུང་ངོ་།། དེ་བཞིན་གཤེགས ་བའི་སྙིང་པོའི་ཕྱིར་ཡང་ཚུལ་ཁྲིམས་མི་སྲུང་གི། སེམས་ཅན་ཐམས་ཅད་སྐྱེ་བ་དང་། ན་བ་དང་། རྒ་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ ་དང་ཡིད་མི་བདེ་བ་དང་། འཁྲུག་པ་ལས་ཐར་པར་འདོད་པའི་ཕྱིར་ཚུལ་ཁྲིམས་སྲུང་ངོ་།། སེམས་ཅན་ཐམས་ཅད་ཀྱིས་བདེ་བ་ཐོབ་པར་འདོད་པའི་ཕྱིར་ཚུལ་ཁྲིམས་སྲུང་ངོ་།། སེམས་ཅན ་ཐམས་ཅད་གྲུབ་པ་དང་། བདེ་བར་འདོད་པའི་ཕྱིར་ཚུལ་ཁྲིམས་སྲུང་ངོ་།། སེམས་ཅན་ཐམས་ཅད་བྱང་ཆུབ་ཀྱི་ཡོན་ཏན་ལ་དགོད་པར་འདོད་པའི་ཕྱིར་ཚུལ་ཁྲིམས་སྲུང་ངོ་།། སེམས་ཅན་ཐམས ་ཅད་སངས་རྒྱས་སུ་བསྒྲུབ་པར་འདོད་པའི་ཕྱིར་ཚུལ་ཁྲིམས་སྲུང་ངོ་། ། སེམས་ཅན་ཐམས་ཅད་ཆོས་ཀྱི་འཁོར་ལོ་བསྐོར་དུ་གཞུག་པར་འདོད་པའི་ཕྱིར་ཚུལ་ཁྲིམས་སྲུང་ངོ་།། སེམས་ཅན་ཐམས་ཅད ་འཕགས་པའི་དགེ་འདུན་ཡོངས་སུ་སྡུད་དུ་གཞུག་པར་འདོད་པའི་ཕྱིར་ཚུལ་ཁྲིམས་སྲུང་ངོ་། ། སེམས་ཅན་ཐམས་ཅད་སངས་རྒྱས་ཀྱི་གདུང་མི་འདོར་བར་བྱ་བར་འདོད་པའི་ཕྱིར་ཚུལ་ཁྲིམས་སྲུང ་སེམས་ཅན་ཐམས་ཅད་ལ་ཆོས་ཀྱི་རྒྱུན་མི་གཅད་པར་བྱ་བར་འདོད་པའི་ཕྱིར་ཚུལ་ཁྲིམས་སྲུང་ངོ་། ། སེམས་ཅན་ཐམས་ཅད་ལ་དགེ་འདུན་གྱི་རིགས་བསྒྲུབ་པའི་ཕྱིར་ཚུལ་ཁྲིམས་སྲུང་ངོ་།། ་སེམས་ཅན་ཐམས་ཅད་ལ་ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་བསྒྲུབ་པ་འདོད་པའི་ཕྱིར་ཚུལ་ཁྲིམས་སྲུང་ངོ་།། སེམས་ཅན་ཐམས་ཅད་ཀྱི་ཚུལ་ཁྲིམས་མ་ཉམས་པ ་དཔའ་སྐྱོན་མེད་པ་དང་། མ་འདྲེས་པ་དང་། མ་འཁྲུགས་པར་འདོད་པའི་ཕྱིར་ཚུལ་ཁྲིམས་སྲུང་ངོ་།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན ་པོ་སྤྲིན་ཚོན་སྙིང་པོས་འདི་སྐད་ཅེས་གསོལ་ཏོ། ། འདི་ལ་གནས་པའི་བྱང་ཆུབ་སེམས་དཔའ་ནི་དེ་བཞིན་གཤེགས་པའི་མཚན་གྱི་སླད་དུ་ཚུལ་ཁྲིམས་མི་སྲུང་ངོ་།། ཞེས་བཅོམ་ལྡན་འདས ་དེ་བཞིན་གཤེགས་པས་ཅི་ལས་དགོངས་ཏེ་དེ་སྐད་གསུངས། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་འདི་ལ་གནས་པའི་བྱང་ཆུབ་སེམས་དཔའ་ལ་སངས་རྒྱས་ཀྱི ་ཡོན་ཏན་བསྒྲུབ་པ་དེ་དག་ཐམས་ཅད་ཡོད་པའི་ཕྱིར་རོ། ། དེ་ཅིའི་ཕྱིར་ཞེ་ན། ཏིང་ངེ་འཛིན་འདི་ནི་སངས་རྒྱས་ཀྱི་ཡོན་ཏན་ཐམས་ཅད་ཀྱི་འབྱུང་གནས་ཡིན་པའི་ཕྱིར་རོ།། སྤྲིན་ཆེན་སྙིང ་པོ་དཔེར་ན། ནོར་བུ་རིན་པོ་ཆེ་བཻ་ཌཱུརྱ་དུ་མ་དང་། ནོར་ཐམས་ཅད་ཀྱི་བདག་པོར་གྱུར་པ་དེ་བདག་ཉིད་ལ་ཡོད་བཞིན་དུ། བཻ་ཌཱུརྱའི་ཕྱིར་འདོད་པའི་སེམས་དང་ཐེ་ཙོམ་སྐྱེད་པར་འགྱུར་རམ། གསོལ ་པ་རྡ་བཅོམ་ལྡན་འདས་དེ་ནི་མ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། འདི་ལ་གནས་པའི་བྱང་ཆུབ་སེམས་དཔའ་བདག་ཉིད་ལ་ཡོད་བཞིན་དུ ་མཚན་གྱི་ཕྱིར་འདོད་པའི་སེམས་བསྐྱེད་པ་དེ་ནི་གནས་མེད་དོ། ། སྤྲིན་ཆེན་སྙིང་པོ་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི་བསམ་གྱིས་མི་ཁྱབ་པའི་ཡུལ་དང་ཡོན་ཏན་ཐམས ་ཅད་དང་ལྡན་པར་རིག་པར་བྱའོ། ། གསོལ་པ། བཅོམ་ལྡན་འདས་ཅི་བགྱི་བ་མཐར་ཕྱིན་པ་དང་ལྡན་པ་ལགས་པར་རིག་པར་བགྱིའམ། བཀའ་སྩལ་པ། སྤྲིན་ཆེན་སྙིང་པོ་དེ་སྐད་མ་ཟེར ་ཅིག། འདི་ལ་གནས་པའི་བྱང་ཆུབ་སེམས་དཔའ་ནི་གང་གི་ཚེ། སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་བྱས ་པ་ན་བྱ་བ་མཐུར་ཕྱིན་པར་འགྱུར་ཏེ། དེའི་ཚེ་འདི་ལ་གནས་པའི་བྱང་ཆུབ་སེམས་དཔའི་བྱ་བ་ཐམས་ཅད་མཐར་ཕྱིན་པར་འགྱུར་རོ།། གསོལ་པ། བཅོམ་ལྡན་འདས་གང་དག ་ཏིང་ངེ་འཛིན་འདིའི་ཡུལ་བཤད་པ་ཐོས་ན། སྤོང་བར་མི་བགྱིད་པ་ནི་ཀྱེ་མ་ངོ་མཚར་ཏེ། སེམས་ཅན་དེ་དག་ནི་མྱ་ངན་དུ་བགྱི་མི་འཚལ་བ་ལགས་སོ།། བཀའ་སྩལ་པ། སྤྲིན་ཆེན་སྙིང ་བོ་དེ་དེ་བཞིན་ཏེ། མ་འོངས་པའི་དུས་ན་ཏིང་ངེ་འཛིན་བསྟན་པ་འདི་བཤད་པ་ན། གང་དག་སྤོང་བར་མི་བྱེད་པའི་སེམས་ཅན་དེ་དག་ལ་ནི་མྱ་ངན་བྱ་མི་དགོས་སོ།། འདི་ལྟ་སྟེ་དཔེར་ན། རྒྱལ་བ ་བུ་རིགས་ཆེ་ཞིང་སྟོབས་དང་ལྡན་ལ་འཁོར་སྣང་ཉེ་བ་དང་། ཚུལ་དུ་སྲུང་བར་བྱ་བ་དང་། ཡོན་ཏན་དང་ལྡན་ཞིང་རྒྱལ་པོ་ཆེན་པོར་དབང་བསྐུར་བའི་སྤུ་ལ་བབ་པ་ནི་གནས་དམའ་བའི་ལས་ལ་འདོད་པ ་སེམས་མི་སྐྱེད་དེ། རྒྱ་ཆེན་པོའི་རྒྱལ་སྲིད་ཀྱི་གནས་ལ་སེམས་སོ།། དེ་བཞིན་དུ་ཏིང་ངེ་འཛིན་བསྟན་པ་འདི་བཤད་པ་ཐོས་ན། སྤོང་བར་མི་བྱེད་ཅིང་ཁ་དོན་ཏུ་བྱེད་པ་དག་ནི་ཆོས་ཀྱི་ཡོན་ཏན་ཐམས ་ཅད་དང་ལྡན་ཞིང་། བྱང་ཆུབ་ཆེན་པོའི་དབང་བསྐུར་བའི་འོས་ཡིན་ཏེ། ཏིང་ངེ་འཛིན་འདི་ཐོས་ན། ཏིང་ངེ་འཛིན་གྱི་མཆོག་འདི་ལས་གཞན་པ། གནས་དམའ་བ་ལ་འདོད་པའི་སེམས ་མི་སྐྱེད་དེ། དེ་ནི་གནས་མེད་དོ།། ཏིང་ངེ་འཛིན་རྒྱ་ཆེན་པོའི་གནས་འདི་ཡང་རྐྱེན་དུ་བབ་པ་ཡིན་ནོ།། སྤྲིན་ཆེན་སྙིང་པོ་གཞན་ཡང་དཔེར་ན། གདོལ་པ་ཟོལ་པ་ནི་མཆོད་པ་ཆེན་པོས་དབང ་བསྐུར་བའི་འོས་མ་ཡིན་ནོ། ། དེ་བཞིན་དུ་གདོལ་པ་ཟོལ་བ་དང་འདྲ་བའི་སེམས་ཅན་དག་ཀྱང་། ཏིང་ངེ་འཛིན་གྱི་རྒྱལ་པོ་འདིའི་དབང་བསྐུར་བའི་འོས་སུ་མི་འགྱུར་རོ།། དེ་ཅིའི་ཕྱིར་ཞེ་ན། ་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་རྣམས་ནི། སངས་རྒྱས་མང་པོ་ལ་བསྙེན་བཀུར་བྱས་པ་ཡིན་པར་རིག་པར་བྱ་བའི་ཕྱིར་རོ།། སྤྲིན་ཆེན་སྙིང་པོ་གཞན་ཡང་ཏིང་ངེ་འཛིན་འདི ་ལ་གནས་པའི་བྱང་ཆུབ་སེམས་དཔའི་ཡུལ་ལ་ལྟོས། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་དེ་བཞིན་གཤེགས་པའི་ཡོན་ཏན་རྟག་པ་དང་། ཐེར ་ཟུག་པ་དང་། བརྟན་པ་དང་། ཞི་བ་བསྟན་པའི་བྱ་བའི་ཕྱིར། ཏིང་ངེ་འཛིན་འདི་མི་ཤེས་པའི་སེམས་ཅན་རྣམ་ལ་ཁོང་དུ་ཆུད་པར་བྱའོ་སྙམ་ནས། སེམས་ཅན་གང ་དང་གང་ལ་ཅི་དང་ཅིས་དོན་དུ་འགྱུར་བ། དེ་དང་དེ་དག་ལ་དེ་དང་དེ་སྦྱིན་པར་བྱའོ་སྙམ་དུ་དམ་བཅས་ནས། སྨོན་ལམ་གྱི་ཕྱིར་ཚུལ་ཁྲིམས་སྲུང་སྟེ། ལག་པ་འདོད་པ་རྣམས་ལ་ནི་ལག་པ་སྦྱིན་ནོ།། ་རྐང་པ་འདོད་པ་རྣམས་ལ་ནི་རྐང་པ་སྦྱིན་ནོ།། མིག་འདོད་པ་རྣམས་ལ་ནི་མིག་སྦྱིན་ནོ།། ཤ་འདོད་པ་རྣམས་ལ་ནི་ཤ་སྦྲན་ནོ།། ཁྲག་འདོད་པ་རྣམས་ལ་ནི་ཁྲག་སྦྱིན་ནོ།། རྐང་འདོད་པ་རྣམས ་ལ་ནི་རྐང་སྦྱིན་ནོ། ། ཡན་ལག་རེ་རོ་ནས་འདོད་པ་རྣམས་ལ་ཡང་ཡན་ལག་རེ་རེ་ནས་སྦྱིན་ནོ།། བྲན་པོ་དང་བྲན་མོ་འདོད་པ་རྣམས་ལ་ཡང་བྲན་དུ་འགྲོ་བར་བྱ་ན། ནོར་རམ་འབྲུ་རྣམས་ཡོངས་སུ ་གཏང་བ་ལྟ་ཅི་སྨོས་ཏེ། དེ་ལྟར་གྱུར་ཅིག་ཅེས་དེའི་ཕྱིར་ཚུལ་ཁྲིམས་སྲུང་ངོ་།། གཞན་ཡང་འཇིག་རྟེན་དང་འཐུན་པའི་བྱ་བ་དུ་མ་དག་གིས་སེམས་ཅན་གང་དང་གང་ལ་ཅི་དང་ཅིས་དོན་དུ་འགྱུར་བ། དེ ་དང་དེ་ལ་དེ་དང་དེ་སྦྱིན་པར་བྱའོ། ། མི་དགའ་བ་མེད་པར་ཡོངས་སུ་བཏང་བར་བྱའོ།། ཕྱིས་འགྱོད་པ་མེད་པར་སྦྱིན་པར་བྱའོ།། རྣམ་པར་སྨིན་པ་ལ་རེ་བ་མེད་པར་སྦྱིན་པར་བྱའོ།། སེམས་ཅན ་ལ་ཕན་གདགས་པ་དང་། སེམས་ཅན་ལ་སྙིང་བརྩེ་བ་དང་། དེ་བཞིན་གཤེགས་པའི་རྟག་པ་ཉིད་བསྟན་པའི་ཕྱིར། སྦྱིན་པའི་ཕ་རོལ་ཏུ་ཕྱིན་པ་ལ་སྤྱད་དེ། སེམས་ཅན་ཐམས་ཅད་བསྡུས་ནས། ་དེ་བཞིན་གཤེགས་པའི་རྟག་པ་ཉིད་ཁོང་དུ་ཆུད་པར་བྱའོ་སྙམ་མོ།། སྤྲིན་ཆེན་སྙིང་པོ་གཞན་ཡང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི། སེམས་ཅན་ཐམས་ཅད་ལ་དེ ་བཞིན་གཤེགས་པའི་རྟག་པ་ཉིད། ཡང་དག་པར་ཁོང་དུ་ཆུད་པར་བྱེད་དོ།། དེ་ཅིའི་ཕྱིར་ཞེ་ན། དེ་འདི་སྙམ་དུ་གཞན་གྱི་དོན་གྱི་ཕྱིར་ལག་པའམ། རྐང་པ་འམ། བྲན་པོའམ། བྲན་མོ་ཡང་། ་རུང་སྟེ། སེམས་ཅན་གང་དང་གང་ལ། ཅི་དང་ཅིས་དོན་དུ་འགྱུར་བ་དེ་དང་། དེ་སྦྱིན་པར་བྱ་སྟེ། བདག་གི་ལུས་དོན་མེད་པར་མ་གྱུར་པར། སེམས་ཅན་རྣམས་ཀྱི་ལོངས་སྤྱོད་ཀྱི་རྒྱུར་གྱུར ་ཅིག་ཅེས་སེམས་སྐྱེད་པར་བྱེད་དོ། ། གསོལ་པ། བཅོམ་ལྡན་འདས་ཀྱིས་མདོའི་གཞུང་ལུགས་གཞན་དག་ལས། དགེ་སློང་དག་མིའི་ལུས་ནི། ཤག་ཤིག་ཏུ་གྱུར་པ་ལྟ་བུ་རྣག་ཅན ་གྱི་ལུས་ཡིན་ཏེ། རྫ་མཁན་གྱི་ཕུབ་མ་མིག་ཅེས་པ་བོར་བ་བཞིན་དུ། དགོས་པའི་དོན་དག་ལ་དོན་ཏུ་འགྱུར་བ་མེད་དོ་ཞེས་བཀའ་སྩལ་ན། འདི་ལ་གནས་པའི་བྱང་ཆུབ་སེམས་དགྲ ་བདག་གི་ལུས་དོན་མེད་པར་མ་གྱུར་ཅིག་ཅེས་ལུས་ཡོངས་སུ་གཏོང་ངོ་ཞེས་བགྱི་བ། བཅོམ་ལྡན་འདས་ཀྱིས་ཅི་ལ་དགོངས་ཏེ། དེ་སྐད་གསུངས། བཀའ་སྩལ་པ། སྤྲིན་ཆེན ་སྙིང་པོ་དེ་ལྟར་མ་ལྟ་ཤིག། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའི་ལུས་ནི་ཆོས་ཀྱི་ལུས་སོ།། དེ་ཅིའི་ཕྱིར་ཞེ་ན། འདི་ལ་གནས་པའི་བྱང་ཆུབ་སེམས་དཔའི ་ལུས་ནི་རུས་པ་དང་། ཤ་དང་ཁྲག་འདུས་པ་མ་ཡིན་ཏེ། ཆོས་ཀྱི་དབྱིངས་ཡིན་པས་ན་ཆོས་ཀྱི་ལུས་ཡིན་གྱིས། ཤའི་ལུས་མ་ཡིན་ནོ་ཞེས་འདུ་ཤེས་བསྐྱེད་པར ་བྱའོ། ། གསོལ་པ། བཅོམ་ལྡན་འདས་དེ་བཞིན་གཤེགས་པས་ཅི་ལས་དགོངས་ཏེ་ཆོས་ཀྱི་ལུས་ཡིན་གྱི། ཤའི་ལུས་མ་ཡིན་ནོ་ཞེས་དེ་སྐད་བསྟན་པ་མཛད། གལ་ཏེ་ཆོས་ཀྱི་ལུས་ལགས ་ན་ནི། སེམས་ཅན་རྣམས་ལ་ཡང་དགོས་པར་མི་འགྱུར་རོ།། དེ་ཅིའི་ཕྱིར་ཞེ་ན། གཞུང་ལུགས་གཞན་དག་ལས་བཅོམ་ལྡན་འདས་ཀྱིས་ནམ་མཁའི་བྱ་རྗེས་ནི་ཤིན་ཏུ་བསྒྲིམས་ཏེ་བཙལ་ཀྱང་རྙེད ་པར་མི་འགྱུར་རོ་ཞེས་བཀའ་སྩལ་ཏེ། དེ་ལྟར་ལགས་པས་གལ་ཏེ་འདི་ལ་གནས་པའི་བྱང་ཆུབ་སེམས་དཔའི་ལུས་དེ་འདྲ་བ་ཞིག་ཏུ་གྱུར་ན། དེ་ལྟ་བུའི་མཚན་ཉིད་ཀྱི་ཆོས་ཀྱི་ལུས་ལ་ནི། སེམས ་ཅན་ཐམས་ཅད་ཀྱིས་ཀྱང་། ནམ་མཁའི་བྱ་རྗེས་བཞིན་དུ་གཞོམ་པའམ། དབྱེ་བར་མི་ནུས་སོ།། བཀའ་སྩལ་པ། སྤྲིན་ཆེན་སྙིང་པོ་དེ་སྐད་མ་ཟེར་ཅིག། འདི་ལ་གནས་པའི་བྱང་ཆུབ་སེམས ་དཔའི་ལུས། སེམས་ཅན་རྣམས་ལ་དགོས་པ་དེ་ནི། བྱིན་གྱིས་བརླབས་པའི་ལུས་ཡིན་པར་ངེས་པར་རིག་པར་བྱའོ།། གསོལ་པ། བཅོམ་ལྡན་འདས་དེ་བཞིན་གཤེགས་པས་ཅི་ལ་དགོད ་ཏེ་བྱིན་གྱིས་བརླབས་པའི་ལུས་ཡིན་ནོ་ཞེས་གསུངས། གལ་ཏེ་བྱིན་གྱིས་བརླབས་པའི་ལུས་ལགས་ན་ནི། སེམས་ཅན་རྣམས་ལ་སྩལ་བ་ན་ཡང་འདི་ལྟར་ཆོས་ཀྱི་ལུས་བཞག་པས་དེར་འགལ ་བ་ཆེན་པོར་འགྱུར་རོ། ། ཀྱེ་མ་འདི་ལ་གནས་པའི་བྱང་ཆུབ་སེམས་དཔའ་ནི། ཤའི་ལུས་སེམས་ཅན་རྣམས་ལ་རྩོལ་བར་བགྱིད་དོ་ཞེས་གདའ་བས་ནི། ཤོ་བེ་ལགས་སོ་ཞེས་མཆི་བར་འགྱུར ་བཀའ་སྩལ་པ། སྤྲིན་ཆེན་སྙིང་པོ་དེ་སྐད་མ་ཟེར་ཅིག། འདི་ལ་གནས་པའི་བྱང་ཆུབ་སེམས་དཔའི་ལུས་བྱིན་གྱིས་བརླབས་པ་གང་ཡིན་པ་དེ་ནི། སྒྱུ་མ་མཁན་གྱིས་སྤྲུལ་པའི་ལུས ་བཞིན་དུ་ལྟ་བར་བྱའོ། ། གསོལ་པ། བཅོམ་ལྡན་འདས་དེ་བཞིན་གཤེགས་པས་ཅི་ལ་དགོངས་ཏེ། ཕྱིན་ཅི་ལོག་གི་འདུ་ཤེས་དང་། ཕྱིན་ཅི་མ་ལོག་པའི་འདུ་ཤེས་དང་། ཉོན་མོངས ་བ་ཅན་གྱི་ཆོས་དང་། ཉོན་མོངས་པ་ཅན་མ་ཡིན་པའི་ཆོས་ཤེས་ཡང་དང་ཡང་དུ་དེ་སྐད་གསུངས། བཀའ་སྩལ་པ། སྤྲིན་ཆེན་སྙིང་པོ།། དེ་ལྟར་རྣམ་པ་གཞན་དུ་མ་སེམས་ཤིག། ་འདི་ལ་གནས་པའི་བྱང་ཆུབ་སེམས་པའི་ལུས་བྱིན་གྱིས་བརླབས་པ་གང་ཡིན་པ་དེ་དག་ནི། རྩིའི་སྡོང་བུའི་ལུས་ཡིན་ནོ།། འདི་ལ་གནས་པའི་བྱང་ཆུབ་སེམས་དཔའ་ནི། རྩ་དང་རྩིག། ་པ་དང་། ཤིང་དྲང་བོང་བ་དང་། མིག་ཡོར་ལྟ་བུར་སྒོམ་སྟེ། ཀྱེ་མ་བདག་གིས་ལུས་ནི་སྤྱོད་པ་མེད་ཅིང་བྱེད་པ་མེད་པ་སྟེ། སེམས་མེད་པ་ཅན་སྙིང་པོ་མེད་པའི་ལུས། ཁམས་སུ་མ་གཏོག ་པ་སྟེ། ཇི་སྟེ་འདི་ལ་ལ་ལ་ཞིག་གཅོད་པར་བྱེད་དམ། འབྱེད་པར་བྱེད་དམ། འཕྲོག་པར་བྱེད་དམ། རྐུ་བར་བྱེད་ཀྱང་རུང་སྟེ། བདག་གི་ལུས་རྩིའི་སྡོང་བུ་ལྟར་དོན་མེད་པར་མ་གྱུར་ཅིག་ཅེས ་སྒོམ་པར་བྱེད་དོ། ། དེ་ཅིའི་ཕྱིར་ཞེ་ན། ཆོས་ཀྱི་ལུས་སུ་བཞག་པའི་ཕྱིར་རོ།། སྤྲིན་ཆེན་སྙིང་པོ་གཞན་ཡང་དཔེར་ན། རྩིའི་སྡོང་བུ་དེའི་རྩ་བ་ཁྱེར་ན་ཡང་། དེ་འདི ་སྙམ་དུ་བདག་གི་རྩ་བ་ཁྱེར་རོ་སྙམ་དུ་མི་སེམས་སོ། ། ཤུན་ལྤགས་སམ། བྲི་འམ། ལོ་མ་འམ། མེ་ཏོག་གེམ། འབྲས་བུ་འམ། མགོ་ཐོགས་སམ། སྡོང་བུ་འམ། ཡལ་ག་འམ། བུར ་མ་འམ། རྩ་བ་དག་ཁྱེར་ཡང་རུང་སྟེ། དེ་འདི་སྙམ་དུ་བདག་གི་ཤུན་ལྤགས་ཁྱེར་རོ།། བདག་གི་པྲི་ཁྱེར་རོ།། བདག་གི་ལོ་མ་ཁྱེར་རོ་སྙམ་དུ་མི་སེམས་སོ།། དེ་བཞིན་དུ་འདི་ལ་གནས་པའི ་བྱང་ཆུབ་སེམས་དཔའི་ལུས་རྩའི་སྡོང་བུ་ལས་ལག་པ་ཁྱེར་རམ། རྐང་པ་ཁྱེར་རམ། མིག་ཁྱེར་རམ། མགོ་ཁྱེར་རམ། ཤ་ཁྱེར་རམ། ཁྲག་ཁྱེར་རམ། རྐང་ཁྱེར་རམ། ཡན་ལག་རེ་རེ་ནས་ཁྱེར ་རམ། བྲན་པོ་དང་བྲན་མོ་ཁྱེར་རམ། ནོར་དང་འབྲུ་ཁྱེར་ཡང་དེ་འདི་སྙམ་དུ་བདག་གི་ལག་པ་ཁྱེརརོ།། བདག་གི་རྐང་པ་ཁྱེར་རོ།། བདག་གི་མིག་ཁྱེར་རོ།། བདག་གི་ཤ་ཁྱེར་རོ།། བདག་གི་ཁྲག་ཁྱེར་རོ།། བདག་གི་རྐང་ཁྱེར ་རོ། ། བདག་གི་ཡན་ལག་རེ་རེ་ནས་ཁྱེར་རོ།། བདག་གི་བྲན་པོ་དང་བྲན་མོ་ཁྱེར་རོ།། བདག་གི་ནོར་དང་འབྲུ་ཁྱེར་རོ་སྙམ་དུ་མི་སེམས་ཏེ། དེ་ནི་སེམས་ཅན་ཐམས་ཅད་ཀྱི་འདོད་ཆགས་དང་ཞེ་སྡང་དག ་གཏི་མུག་གི་ནད་བསིལ་བའི་ཕྱིར་ཞུགས་པ་ཡིན་ནོ། ། འདི་ལ་གནས་པའི་བྱང་ཆུབ་སེམས་དཔའི་ལུས་ནི་ཕལ་པ་ཐ་མའི་ལུས་མ་ཡིན་གྱི་བྱིན་གྱིས་བརླབས་པའི་ལུས་དང་། བདུད་རྩིའི་ལུས ་ཡིན་པར་རིག་པར་བྱའོ། ། སྤྲིན་ཆེན་སྙིང་པོ་གཞན་ཡང་འདི་ལ་གནས་པའི་བྱང་ཆུབ་སེམས་དཔའ་ནི་གང་གི་ཚེ་བྱིན་གྱིས་བརླབས་པའི་ལུས་ཟད་པའི་བྱེད་པ་དེའི་ཚེ། བྱ་རྒོད་དང་ཆུན་ལག་ལ་སོགས།། ་པབ་སྲོག་ཆགས་རྣམས་ཀྱིས། དེ་རྩིའི་སྡོང་བུ་བཞིན་དུ། ཟས་སུ་ཟ་བར་འགྱུར་ལ། སེམས་ཅན་དེ་དག་ཐམས་ཅད་ཀྱང་ངན་སོང་དུ་འགྲོ་བར་འགྱུར་བ་དེ་ནི་གནས་མེད་དེ། ལྷ་དང་མིའི་ནང་དུ་སྐྱེ་ཞིང ་སངས་རྒྱས་མང་པོ་མཉེས་པར་བྱེད་པར་འགྱུར་རོ། ། སྤྲིན་ཆེན་སྙིང་པོ་གཞན་ཡང་ཏིང་ངེ་འཛིན་འདི་མྱུར་དུ་རྟོགས་པར་འདོད་པའི་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ ་བསྙེན་མས་ནི་འདི་ལྟར་སེམས་བསྐྱེད་པར་བྱ་སྟེ། དེ་བཞིན་གཤེགས་པ་ནི་རྟག་པ་དང་། ཐེར་ཟུག་པ་དང་།། ཞི་བ་དང་། བརྟན་པ་དང་། དམ་པའི་ཆོས་ཀྱི་མདོ་ནུབ་པར་མི་འགྱུར་བར་བྱ་བའི ་ཕྱིར། སེམས་ཅན་གང་དང་གང་ལ་ཅི་དང་ཅིས་དོན་ཏུ་འགྱུར་བ་དེ་དང་དེ་ལ་དེ་སྦྱིན་པར་བྱའོ་སྙམ་སྟེ། ལག་པ་འདོད་པ་རྣམས་ལ་ནི་ལག་པ་སྦྱིན་ནོ།། རྐང་པ་འདོད་པ་རྣམས་ལ་ནི་རྐང་པ་སྦྱིན་ནོ།། ་མིག་འདོད་པ་རྣམས་ལ་ནི་མིག་སྦྱིན་ནོ།། ཤ་འདོད་པ་རྣམས་ལ་ནི་ཤ་སྦྱིན་ནོ།། ཁྲག་འདོད་པ་རྣམས་ལ་ནི་ཁྲག་སྦྱིན་ནོ།། རྐང་འདོད་པ་རྣམ་ལ་ནཱི་རྐང་སྦྱིན་ནོ།། ཡན་ལག་རེ་རེ་ནས་འདོད་པ་རྣམ ་ལ་ཡང་ཡན་ལག་རེ་རེ་སྦྱིན་ནོ། ། ཕྲན་འདོད་པ་རྣམས་ལ་ཡང་བྲན་དུ་འགྲོ་བར་བྱའོ།། དམ་པའི་ཆོས་བསྟན་པ་དང་། བཤད་པའི་ཕྱིར་ཡང་བདག་གི་ལག་པོ་ཁྱེར་བར་གྱུར་ཅིག། བདག་གི་རྐང་པ ་ཁྱེར་བར་གྱུར་ཅིག། དེ་བཞིན་དུ་སྣ་དང་། རྣ་བ་དང་། ཡན་ལག་སོ་སོ་རྣམས་དང་། དེའི་འོག་ཏུ་བདག་གི་སྲོག་ཀྱང་ཡོངས་སུ་གཏོང་བར་གྱུར་ཅིག་ཅེས་སེམས་བསྐྱེད་པ ་བྱ་སྟེ། བདག་ཉིད་རྩིའི་སྡོང་བུ་བཞིན་དུ་རྟག་ཏུ་བསྐྱེད་པར་བྱ་ཞིང་། ཇི་སྲིད་འཚོའི་བར་དུ་ཡང་སེམས་བསྐྱེད་པར་བྱ་ན། སེ་གོལ་གཏོགས་པ་ཙམ་དུ་སེམས་བསྐྱེད་པར་བྱ་བ་ལྟ་ཅི་སྨོས། སྤྲིན ་ཆེན་སྙིང་པོ་གཞན་ཡང་དཔེར་ན། རྟའི་རྒྱལ་པོ་རྡོག་ཁྱེར་དང་ལྡན་པ། སྤྲིན་གྱི་ཤུགས་ཅན་ནི་གྲུ་ཞིགས་པོའི་མི་རྣམས་ཀྱི་ཕྱིར། བརྟན་པའི་སེམས་ཀྱིས་ཆས་ཏེ། རི་མཱ་ལ་ཡའི་དབུས་སུ ་འདུག་ནས། སྒྲ་ཆེན་པོ་བསྒྲགས་ཏེ། གང་དག་ངའི་རྒྱབ་བམ། ཕོངས་སམ། བྱ་ལ་འམ། ཐ་ན་སྤུའི་ཉག་མ་ཙམ་ལས་འཇུ་བའི་སེམས་ཅན་གང་ཡིན་པ་དེ་དག་ཐམས་ཅད་བསྒྲལ ་བར་བྱའོ་ཞེས་ཟེར་བ་དེ་བཞིན་དུ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་དག་སྤོད་པ་ཅན་དང་ཀུན ་ཏུ་རྒྱུ་དང་། སེམས་ཅན་གཞན་དག་ལ་འཕྱ་བའི་ཕྱིར་རམ། བསྟིང་བའི་ཕྱིར་རམ། ཏིང་ངེ་འཛིན་འདི་ལས་དེ་བཞིན་གཤེགས་པ་རྟག་པ་དང་། ཐེར་ཟུག་པ་དང་། ཞི་བ་དང་། བརྟན་པ་དང་། ཟབ ་པའི་ཚིག་གི་དོན་ནམ། ཚིགས་སུ་བཅད་པ་འམ། ཐ་ན་ཚིག་གི་ཕྱེད་ཀྱང་རུང་སྟེ། རྣ་ལམ་དུ་ཐོས་པར་བྱེད་པ་དག་དང་། གང་དག་འཆང་བ་ཡང་རུང་བའི་སེམས་ཅན་གྲུ་ཞིགས་པར་གྱུར་པ་དང ་འདྲ་བ་དེ་དག་ངན་སོང་ངན་འགྲོ་ལོག་པར་ལྟུང་བའི་དྲ་བ་ལས་སྒྲོལ་བར་བྱེད་དོ། ། སྤྲིན་ཆེན་སྙིང་པོ་གཞན་ཡང་ཏིང་ངེ་འཛིན་འདི་རྣ་ལམ་ཏུ་གྲགས་པ་ཙམ་གྱིས་དེ་དག་མིའི་དབང་པོའི་ཕུན་སུམ ་ཚོགས་པ་ལས་ཉམས་པར་མི་འགྱུར་རོ། ། ལྷའི་དབང་པོའི་ཕུན་སུམ་ཚོགས་པ་ལས་ཉམས་པར་མི་འགྱུར་རོ།། ཚངས་པའི་དབང་པོའི་ཕུན་སུམ་ཚོགས་པ་ལས་ཉམས་པར་མི་འགྱུར་རོ།། ། ་སངས་རྒྱས་འབྱུང་བའི་ཕུན་སུམ་ཚོགས་པ་ལས་ཉམས་པར་མི་འགྱུར་རོ།། མདོ་འདིའི་ཏིང་ངེ་འཛིན་གྱི་ཕུན་སུམ་ཚོགས་པ་ལས་ཉམས་པར་མི་འགྱུར་རོ།། གསོལ་པ། བཅོམ་ལྡན་འདས ་ཇི་ལྟར་ན་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ཤིན་ཏུ་ཡང་དག་པའི་ལྟ་བ་ཅན་ལགས། བཀའ་སྩལ་པ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས ་དཔའ་ཆེན་པོ་གང་དག་དེ་ཁོ་ན་དང་། རྟག་པ་དང་། བདག་དང་སེམས་ཅན་དུ་འདུ་ཤེས་པ་ཡང་དག་པར་མཐོང་བ་དག་ནི། ཤིན་ཏུ་ཡང་དག་པའི་ལྟ་བ་ཅན་ཡིན་ཞེས་ང་སྨྲའོ།། གསོལ་པ ་བཅོམ་ལྡན་འདས་དེ་བཞིན་གཤེགས་པས་ཅི་ལས་དགོངས་ཏེ། འཇིག་རྟེན་པའི་འདུ་ཤེས་བརྫུན་པ་རྣམས་རྫོགས་པར་བཤད་ཅིང་འདི་སྐད་བཀའ་སྩལ། བཀའ་སྩལ་པ། སྤྲིན་ཆེན ་སྙིང་པོ། ། དེ་ཁོ་ན་དང་། རྟག་པ་དང་། བདག་དང་སེམས་ཅན་དུ་འདུ་ཤེས་པ་ཞེས་བྱ་བ་ནི། ཐར་པའི་དོན་གྱི་ཚིག་བླ་དགས་སོ།། དེ་བཞིན་གཤེགས་པ་ཐམས་ཅད་རྟག་པ་དང་། ཐེར་ཟུག ་པ་དང་། ཞི་བ་དང་། བརྟན་པ་ཞེས་བྱ་བ་ནི་དམ་པའི་ཆོས་ནུབ་པར་མི་འགྱུར་བའི་ཚིག་བླ་དགས་སོ།། གསོལ་པ། བཅོམ་ལྡན་འདས་ཀྱིས་ཅི་ལས ་དགོངས་ཏེ། བྱིས་པ་བཞིན་དུ་དེ་ཁོ་ན་དང་། བརྟག་པ་དང་། བདག་དང་། སེམས་ཅན་དུ་འདུ་ཤེས་བསྐྱེད་པར་བྱའོ་ཞེས་གསུངས། བཀའ་སྩལ་པ། སྤྲིན་ཆེན་སྙིང་པོ།། དར་གྱི ་སྲིན་བུ་བཞིན་དུ་བདག་ཉིད་མ་དཀྲིག་ཤིག། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་རང་བཞིན་དེ་ཡིན་ནོ།། གསོལ་པ། བཅོམ་ལྡན་འདས་ཀྱིས ་དེ་སྙེད་ཅིག་མཛད་དེ་ཟློས་བུ་དང་། ། འདྲེན་མར་དེ་ལྟར་བཀའ་སྩལ་ཏེ་ཅི་བགྱི། བདག་མེད་པའི་ཆོས་ཉིད་ཐུགས་སུ་ཆུད་བཞིན་དུ། ལམ་དྲང་པོ་དང་མི་མཐུན་པ་རྟག་པ་དང་། བདག་དང་། ་སེམས་ཅན་དུ་འདུ་ཤེས་ཅིའི་སླད་དུ་སྐྱེད་དུ་སྩལ། བཅོམ་ལྡན་འདས་ཀྱིས་དགེ་སློང་དག་ཐར་པ་ནི་ནམ་མཁའི་མཚན་ཉིད་དེ། དེ་ཡང་མཚན་ཉིད་མེད་པའོ།། གདགས་པར་བྱ་བའི་ཐབས ་ཀྱང་མེད་དོ། ། དེ་བཞིན་གཤེགས་པ་དགྲ་བཅོ་བ་ཡང་དག་པར་རྫོགས་པའི་སངས་རྒྱས་ཐམས་ཅད་ཀྱང་། དེ་བཞིན་ཏེ་ནམ་མཁའ་དང་མཚུངས་སོ་ཞེས་ཀྱང་བཀའ་སྩལ། དེ་བཞིན་གཤེགས ་པ་བྱེ་བ་སྙེད་ཀྱང་ཆུའི་ཟླ་བ་འདྲའོ། ། སྒྱུ་མ་དང་འདྲའོ།། དངོས་པོ་མེད་པའོ།། ཡ་མ་བརླའོ།། རྨི་ལམ་ལྟ་བུའི་རང་བཞིན་ཅན་ནོ།། ཆུ་ཤིང་གི་སྡོང་པོ་ལྟར་སྙིང་པོ་མེད་པའོ།། གློག་དང ་སྤྲིན་ལྟར་མི་བརྟན་པའོ། ། ཆོས་ཐམས་ཅད་ནི། སྟོང་པ་དང་། མཚན་མ་མེད་པའོ།། ཆོས་རྣམས་ཀྱི་བྱ་བ་དུ་མ་དག་ནི་ནམ་མཁའ་རླུང་གི་རྗེས་ཀྱི་རང་བཞིན་ནོ་ཞེས་ཀྱང་བཅོམ་ལྡན་འདས་ཀྱི ་བཀའ་སྩལ་པ། ཡང་འཇིག་རྟེན་ན་སེམས་ཅན་ཐམས་ཅད་ནི་བསམ་གྱིས་མི་ཁྱབ་པའི་ཆོས་སུ་ཡང་དག་པར་འདུའོ།། ཞེས་ཀྱང་བཅོམ་ལྡན་འདས་ཀྱིས་བཀའ་སྩལ་ན། བཅོམ་ལྡ ་འདས་མི་རྟག་པའི་མཚན་ཉིད་ཀྱི་རང་བཞིན་ཐུགས་སུ་ཆུད་བཞིན་དུ། རྟག་པ་དང་། བདག་དང་། སེམས་ཅན་དུ་འདུ་ཤེས་ཇི་ལྟར་སྐྱེད་དུ་སྩལ། རྟག་པའི་སྤྱོད་པ་ཡང་ཇི་ལྟར་བསྒོམ་པར ་བགྱི་སྤྱོད་པ་འདིའི་རྗེས་སུ་ཡང་ཇི་ལྟར་བརླབ་པར་བགྱི། ཡང་བཅོམ་ལྡན་འདས་ཀྱིས་བཀའ་སྩལ་པ་ལ། དགེ་སློང་དག་སངས་རྒྱས་ཐམས་ཅད་ཀྱིས་ཤིན་ཏུ་བསྒྲིམས་ཏེ། འདུས་བྱས་ཀྱིས ་ཆོས་ཐམས་ཅད་ཀྱི་ཁོངས་སུ་གཏོགས་པའི་ནང་དུ་བཙལ་ཀྱང་བདག་ཏུ་འདུ་ཤེས་པ་རྙེད་དོ་ཞེས་བདག་མེད་པ་དང་། སྲོག་མེད་པ་དང་། གང་ཟག་མེད་པར་བཀའ་སྩལ་ཏེ། འགྲོ་བ་འདི་དག ་ཐམས་ཅད་སྟོང་པར་ཡང་དག་པར་གསུངས་ན། རྟག་པ་དང་། བདག་དང་། སེམས་ཅན་དུ་འདུ་ཤེས། ཤེས་བཀའ་སྩལ་པ་འདི་ལ་དོན་ཅི་ཞིག་མཆིས། བཅོམ་ལྡན་འདས་ཀྱིས ་བཀའ་སྩལ་པ། སྤྲིན་ཆེན་སྙིང་པོ་ཁྱོད་གར་འབྲོས་ཁྱོད་གང་དུ་ཕྱིན། ད་ཕྱིན་ཅད་དེ་སྐད་མ་ཟེར་ཅིག། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི། ཆོས་ཐམས་ཅད་མི ་མཐུན་ནོ་ཞེས་སྐྲག་པར་མི་བྱེད་ལ། ཆོས་ཐམས་ཅད་མི་མཐུན་པ་མེད་པའི་ཕྱིར་ཡང་ཚུལ་ཁྲིམས་རྒྱ་ཆེར་མི་སྲུང་ཞིང་སེམས་ཀྱང་སྒོམ་པར་མི་བྱེད་དེ། ཆོས་ཐམས་ཅད། ་མི་མཐུན་པ་མེད་པས་རབ་ཏུ་དཀའ་ནས། བྱང་ཆུབ་སེམས་དཔའི་བྱ་བ་རྩོམ་པ་ལས་ནུར་བར་མི་བྱེད་དོ།། ཆོས་ཐམས་ཅད་ཆད་དོ་ཞེས་ཀྱང་སྐྲག་པར་མི་བྱེད་ལ། ཆོས་ཐམས་ཅད་ཆད་པ་མེད ་པའི་ཕྱིར་ཡང་ཚུལ་ཁྲིམས་མི་སྲུང་ཞིང་སེམས་ཀྱང་སྒོམ་པར་མི་བྱེད་དེ། ཆོས་ཐམས་ཅད་ཆད་པ་མེད་པས་རབ་ཏུ་དགའ་ནས། བྱང་ཆུབ་སེམས་དཔའི་བྱ་བ་རྩོམ་པ་ལས་ནུར་བར་མི་བྱེད་དོ།། ་དེ་བཞིན་དུ་རྟག་པ་དང་། མི་རྟག་པ་ཡང་གོང་མ་བཞིན་དུ་སྦྱར་བར་བྱའོ།། རློམ་སེམས་དང་། རློམ་སེམས་མེད་པ་དང་། གཡོ་བ་དང་། གཡོ་བ་མེད་པ་དང་། མངོན་པར་འདུ་བྱེད་པ་དང་། ་མངོན་པར་འདུ་བྱེད་པ་མེད་པ་དང་། དབེན་པ་དང་། མི་དབེན་པ་དང་། དམིགས་པ་དང་། མི་དམིགས་པ་དང་། ཚུལ་ཁྲིམས་དང་། འཆལ་པའི་ཚུལ་ཁྲིམས་དང་། རིག་པ་དང་། ་མ་རིགས་པ་དང་། མིང་དང་། མིང་མེད་པ་དང་། ཉེ་བར་ལེན་པ་དང་། ཉེ་བར་ལེན་པ་མེད་པ་དང་། འཇིགས་པ་དང་། འཇིགས་པ་མེད་པ་དང་། མཚན་ཉིད་དང་། མཚན་ཉིད་མེད། ་པ་དང་། འཆི་བ་དང་། འཆི་བ་མེད་པ་དང་། བྱང་ཆུབ་དང་། བྱང་ཆུབ་མེད་པ་ཡང་གོང་མ་བཞིན་དུ་སྦྱར་རོ།། ཆོས་ཐམས་ཅད་མྱ་ངན་ལས་འདས་སོ་ཞེས་སྐྲག་པར་མི་བྱེད་དངང་བར། ་མི་བྱེད་ལ། ཆོས་ཐམས་ཅད་ཡོངས་སུ་མྱ་ངན་ལས་འདས་པ་མེད་པའི་ཕྱིར་ཡང་། ཚུལ་ཁྲིམས་མི་སྲུང་ཞིང་སེམས་ཀྱང་སྒོམ་པར་མི་བྱེད་དེ། ཆོས་ཐམས་ཅད་ཡོངས་སུ་མྱ་ངན་ལས་འདས ་པ་མེད་པས་རབ་ཏུ་དགའ་ནས། བྱང་ཆུབ་སེམས་དཔའི་བྱ་བ་རྩོམ་པ་ལས་ནུར་བར་མི་བྱེད་དེ། ཡང་དང་ཡང་སྨོས་ཅི་དགོས། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི། སེམས ་ཅན་ཐམས་ཅད་ཡོངས་སུ་མྱ་ངན་ལས་འདས་པ་མེད་པ་དང་། དེ་བཞིན་གཤེགས་པ་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའི་ཆོས་ནུབ་པར་མི་འགྱུར་བར་བྱ་བའི་ཕྱིར། རབ་ཏུ ་གནས་ཤིང་ཚུལ་ཁྲིམས་སྲུང་སྟེ། སེམས་སྒོམ་མོ།། སྤྲིན་ཆེན་སྙིང་པོ་གཞན་ཡང་ཏིང་ངེ་འཛིན་འདི་ལ་བདག་ཉིད་མྱུར་དུ་གནས་པར་འདོད་པས་ནི། བདག་ཏུ་འདུ་ཤེས་པ་བསྒོམ་པར་བྱའོ།། ་གང་ཟག་ཏུ་འདུ་ཤེས་པ་བསྒོམ་པར་བྱའོ།། སྲོག་ཏུ་འདུ་ཤེས་པ་བསྒོམ་པར་བྱའོ།། དེ་ལྟར་སྒོམ་པའི་བྱང་ཆུབ་སེམས་དཔས་ནི། ཏིང་ངེ་འཛིན་འདི་མྱུར་བ་ཉིད་དུ་ཐོབ་པར་འགྱུར་རོ།། ་གསོལ་པ། བཅོམ་ལྡན་འདས་དེ་བཞིན་གཤེགས་པས་ཅི་ལ་དགོངས་ཏེ་མཁྱེན་བཞིན་དུ་དེ་སྐད་གསུང་། བཀའ་སྩལ་པ། སྤྲིན་ཆེན་སྙིང་པོ།། ཏིང་ངེ་འཛིན་འདི་ལ་གན ་པའི་བྱང་ཆུབ་སེམས་དཔའ་ནི། འཇིག་རྟེན་པའི་བདག་ཏུ་ཤེས་པ་སྒོམ་པར་བྱེད་དོ།། གསོལ་པ། བཅོམ་ལྡན་འདས་ཅི་འཇིག་རྟེན་ལས་འདས་པའི་ཆོས་ལ་ཡང་བདག་གིས ་མིང་མཆིས་སམ། བཀའ་སྩལ་པ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་རྟག་པ་དང་། བདག་ཏུ་འདུ་ཤེས་པ་འཇིག་རྟེན་ལས་འདས་པའི་འདུ་ཤེས ་སུ་བརྟན་པར་འདོད་པས་རྣམ་པ་ལྔས་ཡང་དག་པར་བསྟན་པར་བྱའོ། ། ལྔ་གང་ཞེ་ན། འབྲུའི་ས་བོན་ལྟ་བུ་དང་། ཤིང་གི་ས་བོན་ལྟ་བུ་དང་། སྣུམ་གྱི་ཁུ་བ་ལྟ་བུ་དང་། རིན་པོ་ཆེའི་རྣམ་པ་ལྟ་བུ ་དང་སྤྲུལ་གྱི་པགས་པ་རྙིང་པ་ལྟ་བུའོ། ། འདི་ལྟ་སྟེ་དཔེར་ན། འབྲས་བུ་ལུ་ལྔ་སོགས་པའི་འབྲུ་འབྲས་བུ་ནས་འབྲུ་ཉིད་དུ་མ་གྱུར་ཀྱི་བར་དུ་མི་བསྟན་པའི་ཆོས་སུ་ཡང་དག་པར་འདུ་ཞིང་བགྲང་སྟེ། ་སེམས་ཅན་རྣམས་ཀྱི་བྱ་བའི་དོན་ཡང་མི་བྱེད་ལ། ཕུབ་མ་མེད་པའི་རང་བཞིན་དུ་གྱུར་ནས་ནི། སེམས་ཅན་རྣམས་ཀྱི་བྱ་བའི་དོན་ཡང་བྱེད་ཅིང་། ས་བོན་བརྟན་པའི་ཆོས་ཀྱི་རྣམ་གྲངས ་སུ་ཡང་བགྲང་བར་འགྱུར་རོ། ། དེ་བཞིན་དུ་ཆོས་ཐམས་ཅད་མི་མཐུན་པར་སྤྱོད་པར་བྱེད་ཅིང་། ནམ་ཏིང་ངེ་འཛིན་འདི་མ་ཐོབ་ཀྱི་བར་དུ་ནི། མི་བརྟན་པའི་ཆོས་སུ་ཡང་དག་པར་འདུ་ཞིང ་བགྲང་སྟེ། སེམས་ཅན་རྣམས་ཀྱི་སྐྱབས་བྱེད་པར་ཡང་མི་འགྱུར་ལ། ལྟ་བ་དང་། ཐེ་ཙོམ་དང་། ཡོངས་སུ་མྱ་ངན་ལས་འདས་པའི་འདུ་ཤེས་དང་། མི་རྟག་པ་དང་མི་བརྟན་པའི ་རང་བཞིན་གྱི་ཉོན་མོངས་པའི་ཕུབ་མ་ཐམས་ཅད་བྲལ་བའི་རང་བཞིན་དུ་གྱུར་ནས། དེ་ཕྱིན་ཅད་ནི་སེམས་ཅན་རྣམས་ཀྱི་ཐེ་ཙོམ་ཐམས་ཅད་ཀྱང་གཅོད་པར་བྱེད་ཅིང་། སྐྱབས་སུ ་གྱུར་པ་ཡང་ཡིན་ལ། རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བར་གྱུར་པའི་རང་བཞིན་གྱི་ས་བོན་དུ་ཡང་འགྱུར་ཞིང་། སེམས་ཅན་དུ་འདུ་ཤེས་པ་ལ་ཡང་འགོད་པར ་འགྱུར་ཏེ། དེ་ལྟར་ན་ཆོས་ཐམས་ཅད་འབྲུའི་ས་བོན་དང་འདྲ་བ་ཡིན་ནོ།། སྤྲིན་ཆེན་སྙིང་པོ་གཞན་ཡང་འདི་ལྟ་སྟེ། དཔེར་ན། ཤིང་ཏ་ལ་དང་། ཨ་མྲ་དང་། སྤུའི་འབྲས་བུ ་ལ་སོགས་པ་ནི་དང་པོ་ལྕུ་གུ་སྐྱེ་བ་ནས་ནམ་འབྲས་བུའི་རང་བཞིན་དུ་མ་གྱུར་གྱི་བར་དུ་མི་བརྟན་པའི་ཆོས་སུ་ཡང་དག་པར་འདུ་ཞིང་བགྲང་སྟེ། སེམས་ཅན་རྣམས་ཀྱི་བྱ་བའི་དོན་ཡང་མི་བྱེད། ་ལ། ཤུན་ལྤགས་དང་བྲལ་བའི་རང་བཞིན་དུ་གྱུར་ནས་ནི། སེམས་ཅན་རྣམས་ཀྱི་བྱ་བའི་དོན་ཡང་བྱེད་དེ། ས་བོན་བརྟན་པའི་ཆོས་སུ་ཡང་དག་པར་འདུ་ཞིང་བགྲང་བར་འགྱུར་རོ།། དེ་བཞིན ་དུ་ཆོས་ཐམས་ཅད་མི་མཐུན་པར་སྤྱོད་ཅིང་ནམ་ཏིང་ངེ་འཛིན་འདི་མ་ཐོབ་ཀྱི་བར་དུ་ནི་མི་བརྟན་པའི་ཆོས་སུ་ཡང་དག་པར་འདུ་ཞིང་བགྲང་སྟེ། སེམས་ཅན་རྣམས་ཀྱི་སྐྱབས་བྱེད་པར་ཡང་མི ་འགྱུར་ལ། ལྟ་བ་དང་ཐེ་ཙོམ་དང་ཡོངས་སུ་མྱ་ངན་ལས་འདའ་བའི་འདུ་ཤེས་དང་། མི་རྟག་པ་དང་། མི་བརྟན་པའི་རང་བཞིན་གྱི་ཉོན་མོངས་པའི་ཤུན་ལྤགས་ཐམས་ཅད་དང་བྲལ་བའི་རང་བཞིན ་དུ་གྱུར་ནས། དེ་ཕྱིན་ཆད་ནི་སེམས་ཅན་རྣམས་ཀྱི་ཐེ་ཙོམ་ཐམས་ཅད་ཀྱང་གཅོད་པར་བྱེད་ཅིང་སྐྱབས་སུ་གྱུར་པ་ཡང་ཡིན་ལ། རྟག་པ་དང་། ཐེར་ཟུག་པ་དང་། བརྟན་པ་དང་། ་ཞི་བར་གྱུར་པའི་རང་བཞིན་གྱི་ས་བོན་དུ་ཡང་འགྱུར་ཞིང་སེམས་ཅན་དུ་འདུ་ཤེས་པ་ལ་ཡང་འགོད་པར་འགྱུར་རོ།། སྤྲིན་ཆེན་སྙིང་པོ་གཞན་ཡང་འདི་ལྟ་སྟེ་དཔེར་ན། ་བུ་རམ་ཤིང་དང་། ཏིལ་དང་། ཁྲེ་དང་། ཁྲེ་རྒོད་དང་། བའི་འོ་མ་ལ་སོགས་པའི་སྣུམ་གྱི་ཁུ་བ་ལྟ་བུ་ནི། མྱུ་གུ་དང་འོ་མ་བྱུང་བ་ནས་ནམ་སྣུམ་གྱི་ཁུ་བ་ཉིད་དུ་མ་གྱུར་ཀྱི་བར་དུ། མི་བརྟན ་བའི་ཆོས་སུ་ཡང་དག་པར་འདུ་ཞིང་བགྲང་སྟེ། སེམས་ཅན་རྣམས་ཀྱི་བྱ་བའི་དོན་ཡང་མི་བྱེད་དོ།། དེ་བཞིན་དུ་ཆོས་ཐམས་ཅད་མི་མཐུན་པར་སྤྱོད་ཅིང་། ནམ་ཏིང་ངེ་འཛིན་འདི་མ ་ཐོབ་ཀྱི་བར་དུ་ནི་མི་བརྟན་པའི་ཆོས་སུ་ཡང་དག་པར་འདུ་ཞིང་བགྲང་སྟེ། སེམས་ཅན་རྣམས་ཀྱི་སྐྱབས་བྱེད་པར་ཡང་མི་འགྱུར་ལ། ལྟ་བ་དང་། ཐེ་ཙོམ་དང་། ཡོངས་སུ་མྱ་ངན། ་ལས་འདའ་བའི་འདུ་ཤེས་དང་། མི་རྟག་པ་དང་། མི་བརྟན་པའི་རང་བཞིན་གྱི་ཉོན་མོངས་པའི་ཤུན་ལྤགས་དང་བྲལ་ཏེ་བཀུས་པའི་རང་བཞིན་དུ་གྱུར་ནས། དེ་ཕྱིན་ཆད་ནི་སེམས་ཅན་རྣམས ་ཀྱི་ཐེ་ཙོམ་ཐམས་ཅད་ཀྱང་གཅོད་པར་བྱེད་ཅིང་སྐྱབས་སུ་གྱུར་པ་ཡང་ཡིན་ལ། རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བར་གྱུར་པའི་རང་བཞིན་གྱི་ས་བོན་དུ་ཡང་འགྱུར ་ཞིང་སེམས་ཅན་དུ་འདུ་ཤེས་པ་ལ་ཡང་འགོད་པར་འགྱུར་རོ། ། སྤྲིན་ཆེན་སྙིང་པོ་གཞན་ཡང་འདི་ལྟ་སྟེ་དཔེར་ན། རོ་ཉེའི་མགར་བ་འམ། ཟངས་མགར་འམ། དབྱིག་དང་གསར ་གྱི་མགར་བ་འམ། རིན་པོ་ཆེ་བྱེད་པ་གཞན་གང་ཡང་རུང་བས། རྡོ་དང་གྱོ་མོ་དང་། གསེག་མ་ལ་སོགས་པ་ལེགས་པར་བརྫིས་པ་ལས་ཞིག་བྱས་ཏེ་སོ་གཏོང་བས་ནས། ནམ་སྣ་གཅིག ་གི་རང་བཞིན་ནམ། རིན་པོ་ཆེར་མ་གྱུར་ཀྱི་བར་དུ་མི་བརྟན་པའི་ཆོས་སུ་ཡང་དག་པར་འདུ་ཞིང་བགྲང་སྟེ། སེམས་ཅན་རྣམས་ཀྱི་བྱ་བའི་དོན་ཡང་མི་བྱེད་ལ། གསེགས་མ་དང་། གྱོ་མོ ་དང་སོ་དོག་མེད་པའི་རང་བཞིན་དུ་གྱུར་ནས་ནི། སེམས་ཅན་རྣམས་ཀྱི་བྱ་བའི་དོན་ཡང་བྱེད་ཅིང་། རིན་པོ་ཆེའི་རང་བཞིན། ཐེར་ཟུག་པ་དང་། བརྟན་པ་དང་། རྟག་པའི་ཆོས་སུ་ཡང ་དྲག་པར་འདུ་བར་འགྱུར་རོ། ། དེ་བཞིན་དུ་ཆོས་ཐམས་ཅད་མི་མཐུན་པར་སྤྱོད་ཅིང་། ནམ་ཏིང་ངེ་འཛིན་འདི་མ་ཐོབ་ཀྱི་བར་དུ་ནི་མི་བརྟན་པའི་ཆོས་སུ་ཡང་དག་པར་འདུ་སྟེ། སེམས་ཅན་རྣམ ་ནི་སྐྱབས་བྱེད་པར་ཡང་མི་འགྱུར་ལ། ལྟ་བ་དང་ཐེ་ཙོམ་དང་། ཡོངས་སུ་མྱ་ངན་ལས་འདའ་བའི་འདུ་ཤེས་དང་། མི་རྟག་པ་དང་། མ་བརྟན་པའི་རང་བཞིན་གྱི་ཉོན་མོངས་པའི་སྐྱོན་ཐམས ་ཅད་དང་བྲལ་བའི་རང་བཞིན་དུ་གྱུར་ནས། དེ་ཕྱིན་ཆད་ནི་སེམས་ཅན་རྣམས་ཀྱི་ཐེ་ཙོམ་ཐམས་ཅད་ཀྱང་གཅོད་པར་བྱེད་ཅིང་། སྐྱབས་སུ་གྱུར་པ་ཡང་ཡིན་ལ། རྟག་པ་དང་། ཐེར་ཟུག་དང་། ་བརྟན་པ་དང་ཞི་བར་གྱུར་པའི་རང་བཞིན་གྱི་ས་བོན་དུ་ཡང་འགྱུར་ཞིང་། སེམས་ཅན་དུ་འདུ་ཤེས་པ་ལ་ཡང་འགོད་པར་འགྱུར་རོ།། སྤྲིན་ཆེན་སྙིང་པོ་གཞན་ཡང་འདི་ལྟ་སྟེ་དཔེར་ན ་སྤྲུལ་རྒས་པའི་བགས་པ་རྙིང་པ་རྣམ་མ་རྗེས་ཀྱི་བར་དུ་མི་བརྟན་པའི་ཆོས་སུ་ཡང་དག་པར་འདུའོ། ། དེ་བཞིན་དུ་ཆོས་ཐམས་ཅད་མི་མཐུན་པར་སྤྱོད་ཅིང་། ནུབ་ཏིང་ངེ། ་འཛིན་འདི་མ་ཐོབ་ཀྱི་བར་དུ་སྦྲུལ་སྨྲས་པའི་པགས་པ་རྙིང་པ་བཞིན་དུ་མི་བརྟན་པའི་ཆོས་སུ་ཡང་དག་པར་འདུ་བར་འགྱུར་ལ། སྦྲུལ་རྒས་པའི་པགས་པ་རྙིང་པ་དང་འདྲ་བའི་ལྔ་པ་དང་། ཐེ་ཙོམ་དང་། ་ཡོངས་སུ་མྱ་ངན་ལས་འདིའ་བའི་འདུ་ཤེས་དང་། མི་རྟག་པ་དང་། མི་བརྟན་པའི་རང་བཞིན་གྱིས་ཉོན་མོངས་པའི་ཤུན་ལྤགས་ཐམས་ཅད་དང་བྲལ་བའི་རང་བཞིན་དུ་གྱུར་ནས། དེ་བྱི ་ཆཚད་ནི་སེམས་ཅན་རྣམས་ཀྱི་ཐེ་ཙོམ་ཐམས་ཅད་གཅོད་པར་བྱེད་ཅིང་། སྐྱབས་སུ་གྱུར་པ་ཡང་ཡིན་ལ། རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བ་དང་། ་བསིལ་བ་དང་། བདེ་བ་དང་། འཇིགས་པ་མེད་པར་ཡང་འགྱུར་ཞིང་སེམས་ཅན་རྣམས་ཀྱང་། བདག་དང་སེམས་ཅན་དུ་འདུ་ཤེས་པའི་ཏིང་ངེ་འཛིན་གྱི་སྤྱོད་པ་འདི་ལ་འགོད་པར ་འགྱུར་རོ། ། སྤྲིན་ཆེན་སྙིང་པོ་དེ་བས་ན། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ལ་རྣམ་པ་ལྔ་པོ་འདི་དག་གིས་བདག་དང་སེམས་ཅན་དང་། སྲོག་དང་གང་ཟག་ཏུ་གྱུར ་པ་ཉིད་དུ་ཡང་དག་པར་མཐོང་བར་འདོད་པའི་རིགས་ཀྱི་བུ་འམ། རིགས་ཀྱི་བུ་མོས་ནི་དོན་འདི་ལྟ་བུར་བལྟ་བར་བྱའོ།། གང་དག་དེ་ལྟར་མི་ལྟ་བ་དེ་དག་ནི་ཡང་དག་པ་མཐོང་བ་མ་ཡིན ་ནོ་ཞེས་ང་སྨྲའོ། ། སེམས་ཅན་དེ་དག་ནི་འཇིག་རྟེན་པའི་ཆོས་ཅན་དང་། རྨོངས་པའི་ཆོས་ཅན་ཡིན་པར་ང་སྨྲའོ།། གསོལ་པ། བཅོམ་ལྡན་འདས་དེ་བཞིན་གཤེགས་པས་ནི་ཅིལ ་དགོངས་ཏེ་འདི་སྐད་དུ་དཔེ་ལྔ་པོ་འདི་དག་ནི་དེ་ཁོ་ན་ཡིན་ཞེས་གསུངས། གལ་ཏེ་དེ་བཞིན་གཤེགས་པ་དེ་སྐད་གསུང་ན་ནི། འདིའི་གཏན་ཚིགས་བཀའ་སྩལ་འཚལ་ལོ།། འདི་ན ་སེམས་ཅན་རྣམས་ལ་ཡང་འགལ་བ་ཆེན་པོར་འགྱུར་རོ། ། དེ་ཅིའི་སླད་དུ་ཞེ་ན། བཅོམ་ལྡན་འདས་ཀྱིས་འཇིག་རྟེན་གྱི་བྱ་བ་ཐམས་ཅད་ནི་མི་རྟག་པའི་ཆོས་ཡིན་ནོ་ཞེས་ཀྱང་བཀའ་སྩལ ་ན་དཔེ་ལྔ་པོ་འབྲུ་དང་ཤིང་ལ་སོགས་པ་འབྲས་བུ་ཉིད་དུ་གྱུར་པ་ན། དེ་དག་ཇི་ལྟར་སླར་འཇིག་པར་མི་འགྱུར། གྲལ་ཏེ་འཇིག་པར་འགྱུར་ན་ནི། སེམས་ཅན་ཡང་འཇིག་པར་འགྱུར་བས ་དེ་དང་འདྲ་བའི་ཆོས་ཐམས་ཅད་ཀྱང་མི་རྟག་པར་ཡང་དག་པར་འདུ་བར་འགྱུར་རོ། ། ཞེས་བདག་མཆིས་སྟེ། ཞིག་གོ་འཚལ་ནི་སླར་སྐྱེའོ་ཞེས་བདག་མཆིའོ།། བདག་ནི་སེམས་ཅན ་རྣམས་ལ་རྣམ་པ་གཉིས་སུ་མི་རྟོག་སྟེ། འདིར་གུམ་པ་རྣམས་གནས་གཞན་དུ་སྐྱེ་བ་སོ་སོར་ལེན་པར་འགྱུར་རོ།། ཞེས་བདག་མཆིའོ།། དེ་བས་ན་ཆོས་ཐམས་ཅད་ནི་མི་རྟག་གོ་ཞེས་བདག ་མཆི་སྟེ། འཇིག་རྟེན་འདི་ན་རྟག་པའི་ཆོས་ཡང་ཡང་དག་པར་མ་མཐོང་ངོ་།། གལ་ཏེ་དེ་ལྟར་གྱུར་ན། རྟག་པ་དང་། མི་རྟག་པའི་དོན་གཉིས་མ་མཆིས་སོ་ཞེས་བདག་མཆི་མོད ་ཀྱི། བཅོམ་ལྡན་འདས་ཀྱི་ཞལ་ནས་ཤོ་བེ་བྱུང་ངོ་ཞེས་ཀྱང་ཇི་སྐད་བགྱི། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་ཅི་དར་གྱི་སྲིན་བུ་ལྟར་བདག་ཉིད ་དཀྲི་བར་སེམས་སམ། འདི་ནི་མི་ལ་ལ་དེ་འདྲ་བའི་ཕྱིར། ཀྱེ་མ་ཁྱོད་ཀྱི་བཞིན་ཟླ་བ་འདྲའོ་ཞེས་ཟླ་བ་ལས་དཔེ་ལེན་པར་བྱེད་ལ། མི་གཞན་ཞིག་གིས་ནི། ཀྱེ་མ་གླང་པོ་ཆེའི་དབང་པོ ་རི་དང་འདྲའོ་ཞེས་རི་ལས་དཔེ་ལེན་པར་བྱེད་ན། ཅི་ཟླ་བ་བཞིན་དང་འདྲ་བར་འགྱུར་རམ། རི་ཡང་གླང་པོ་ཆེ་དང་འདྲ་བར་འགྱུར་རམ། ཞེས་བརྗོད་དགོས་སོ།། གསོལ་པ། འདི་ནི ་དཔེར་བགྱི་བ་ལགས་ཤེས་བདག་མཆིའོ། ། བཀའ་སྩལ་པ། སྤྲིན་ཆེན་སྙིང་པོ་བསྟན་པའི་དཔེ་ནི་འཇིག་རྟེན་ཐམས་ཅད་ན་མེད་དེ། དེ་དང་འདྲ་བ་ཙམ་གྱི་ཕྱིར། དཔེ་རྣམ་པ་ལྔ་པོ་འདི ་དགངས་དཔེར་བྱས་མོད་ཀྱི། འདི་ལ་གནས་པའི་བྱང་ཆུབ་སེམས་དཔའ་ལ་ནི། དཔེ་མེད་པར་རིག་པར་བྱའོ།། གསོལ་པ། བཅོམ་ལྡན་འདས་དེ་བཞིན་གཤེགས་པ་ཅི་ལ ་ཏེ་ཐར་པ་ལ་ལྕགས་ཀྱི་མར་མེ་གུམ་པའི་ཚུལ་དང་འདྲ་ཞེས་གསུང་། བཀའ་སྩལ་པ། ང་ནི་ཐུར་པ་ལ་ལྕགས་ཀྱི་མར་མེ་ཤི་བའི་ཚུལ་དང་འདྲ་ཞེས་མི་ཟེར་གྱི། ཉོན་མོངས་པ་ཟད ་བ་ལ་ཟེར་རོ། ། གསོལ་པ། བཅོམ་ལྡན་འདས་ཅི་མཁྱེན་བཞིན་དུ་ཐར་པ་ལ་མི་གསུང་གི། ཉོན་མོངས་པ་ཟད་པ་ལ་གསུང་ངོ་ཞེས་ཤོབ་པེ་གསུང་ངམ། ད་ལྟར་ནི་འདི་སྐད་གསུམ ་ལ། ཆོས་ཐམས་ཅད་ཆུ་ཟླ་དང་འདྲ་སྟེ། སྒྱུ་མ་ལྟ་བུའོ་ཞེས་ཀྱང་དེ་བཞིན་གཤེགས་པས་གསུངས་སོ།། བཀྲའ་སྩལ་པ། ཆུ་ཟླ་དང་འདྲ་བ་དང་། སྒྱུ་མ་ལྟ་བུ་དང་འདྲ་ཞེས་བྱ་བ་ནི། ་ཉོན་མོངས་པ་ཟད་པ་ལ་གསུངས་ཀྱི། ཆོས་ཐམས་ཅད་ལ་མ་གསུངས་ཏེ། ཆོས་ལ་ལ་ནི་རྟག། ཆོས་ལ་ལ་ནི་མི་རྟག་ཅེས་ཀྱང་ང་སྨྲའོ།། ཡང་བཀའི་སྩལ་པ། ཇི་ལྟ་ཞེ་ན་སེམ ་ཅན་གང་དག་ཐར་པའི་ཕྱོགས་སུ་གཏོགས་པ་དེ་དག་ནི། རྟག་པའི་ཆོས་ཅན་ཡིན་ནོ།། གང་དག་སེམས་ཅན་མེད་པ་དང་། སྲོག་མེད་པའི་ཕྱོགས་སུ་གཏོགས་པ་དེ་དག་ནི་མི་རྟག་པའི ་ཆོས་ཅན་ཞེས་ང་སྨྲའོ། ། གསོལ་པ། དངོས་པོ་མ་མཆིས་པའི་ཚུལ་དུ་བཀའ་སྩལ་ལགས་ན། ཅི་ལས་དགོངས་ཏེ་བཅོམ་ལྡན་འདས་དེ་བཞིན་གཤེགས་པས་ལྕགས་ཀྱི་མར་མེ་གུམ ་པ་ལྟ་བུའི་ཚུལ་དུ་བསྟན་པ་མཛད། བཀའ་སྩལ་པ། དེ་ལ་དངོས་པོ་ཅི་ཞིག་ཡོད། གསོལ་པ། འབྲུ་མར་གྱི་སྣོད་དང་། ལྕགས་ཀྱི་རང་བཞིན་མཆིས་སོ།། བཀའ་སྩལ་པ། ་སྤྲིན་ཆེན་སྙིང་པོ་ལེགས་སོ་ལེགས་སོ།། དེ་ལྟར་ལྟ་བར་འདོད་པའི་བྱང་ཆུབ་སེམས་དཔས་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ལ་དངོས་པོའི་རང་བཞིན་དང་འདྲ་བར་བལྟ ་བར་བྱའོ། ། གལ་ཏེ་འབྲུ་མར་གྱི་སྣོད་དང་ལྕགས་ཀྱི་རང་བཞིན་དང་ལྷན་ཅིག་ཏུ་མར་མེ་གུམ་པ་ལྟ་བུ་དེ་ཐར་པའི་ཚུལ་ཡིན་ནོ་ཞེས་དེ་བཞིན་གཤེགས་པས་བཤད་པར་གྱུར་ན་ནི། ་དེ་ལྟ་ན་ནི་དེ་བཞིན་གཤེགས་པ་ཆད་པར་སྨྲ་བར་ཡང་འགྱུར་བ་ཞིག་ནཱ། སྤྲིན་ཆེན་སྙིང་པོ་ངས་ནི་དེ་སྐད་མ་བཤད་ཀྱི། དངོས་པོ་མེད་པའི་ཚུལ་དུ་བཤད་དེ། ལྕག། ་ཀྱེ་མར་མེ་ཤི་བའི་ཚུལ་དུ་བཤད་པ་གང་ཡིན་པ་དེ་ནི། ཉོན་མོངས་པ་རབ་ཏུ་ཞི་བའི་ཐ་ཚིག་སྟེ། དངོས་པོ་ནི་ཡོད་ཅེས་བྱ་བའི་ཐ་ཚིག་གོ།། གསོལ་པ། སངས་རྒྱས་ཐམས་ཅད ་ཀྱིས་རབ་ཏུ་བསྒྲིམས་ཏེ་བསྐལ་པ་བྱེ་བ་ཕྲག་མང་པོར་བཙལ་ཀྱང་མི་རྙེད་དོ་ཞེས་གསུང་བའི་དོན་འདི་ཡང་བཅོམ་ལྡན་འདས་དེ་བཞིན་གཤེགས་པས་བཤད་དུ་གསོལ། བཀའ་སྩལ་པ། ་སྤྲིན་ཆེན་སྙིང་པོ་དེ་དེ་བཞིན་ཏེ། དེ་བཞིན་གཤེགས་པ་ཐམས་ཅད་ཀྱིས་སྲིད་པ་ཐམས་ཅད་དུ་བསྐལ་པ་བྱེ་བ་ཕྲག་གྲངས་མེད་པ་ལ་སོགས་པ་རབ་ཏུ་བསྒྲིམས་ཏེ་བཙལ་ཀྱང་སེམས་ཅན་དུ ་འདུ་ཤེས་པ་རྙེད་པར་འགྱུར་བ་དེ་ནི་གནས་མེད་དོ། ། འདི་ལྟ་སྟེ་དཔེར་ན། རྒྱལ་པོ་ཞིག་རང་གི་ཁང་བཟངས་ཀྱི་བཙུན་མོའི་འཁོར་ནས་བྱུང་སྟེ། གནས་གཞན་ཞིག་ཏུ་སོང་བ ་མཐོང་བ་ལ། རྒྱལ་པོ་བཙུན་མོའི་འཁོར་གྱི་ནང་ན་འདུག་གོ་ཞེས་བྱ་བ་དེ་ནི་གནས་མེད་དོ།། དེ་བཞིན་དུ་ཏིང་ངེ་འཛིན་འདི་ལ་གནས་པ། བདག་དང་སེམས་ཅན་དང་ལྡན་པ་སྲིད་པ་ཐམས་ཅ ་སྤངས་པ། ཀུན་ནས་ཉོན་མོངས་པ་མེད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་གྱི་དོན་ལ་སྲེད་པ་ཉེས་པ་དང་རྣམ་པར་འདྲེས་ཤིང་འདུག་གོ་ཞེས་བྱ་བ་དེ་ནི་གནས་མེད ་དོ། ། དེ་བས་ན་བཅོམ་ལྡན་འདས་ཀྱིས་སྲིད་པ་ཐམས་ཅད་ན་ཡང་རྟག་པར་གནས་པའི་ཆོས་ཡུངས་འབྲུ་ཙམ་ཡང་མེད་དོ་ཞེས་བྱ་བ་དེ་ནི་བདག་དང་སེམས་ཅན་དང་སྲོག་དང་། གང་ཟག། ་མེད་དོ་ཞེས་བསྟན་པ་ཡིན་ཏེ། ཤིན་ཏུ་ཡུན་རིང་དུ་གནས་པ་ནི་སངས་རྒྱས་ཀྱི་ཆོས་ལ་གནས་པ་ཡིན་པར་འདུ་ཤེས་བསྐྱེད་པར་བྱའོ།། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས ་དཔའ་ནི་ཆགས་པ་ཡང་མ་ཡིན། མ་ཆགས་པ་ཡང་མ་ཡིན། ཉེ་བར་ལེན་པའི་ཆོས་ལ་གནས་པ་ཡང་མ་ཡིན་ཏེ། རྟག་པ་དང་། ཐེར་ཟུག་པ་དང་། བརྟན་པ་དང་། བདེ་བ་དང་། ་འཇིགས་པ་མེད་པ་དང་། ང་རྒྱལ་མེད་པ་དང་། ཀུན་ནས་ཉོན་མོངས་པ་མེད་པ་དང་།། བདག་དང་། སེམས་ཅན་དང་། སྲོག་དང་གང་ཟག་ཉིད་ཡིན་ཏེ། སྤྲིན་ཆེན་སྙིང་པོ་དེ་བས་ན། རྟག་པ ་དང་འཐེར་ཟུག་པ་དང་། བརྟན་པའོ་ཞེས་ང་སྨྲའོ།། སྤྲིན་ཆེན་སྙིང་པོ་ངས་ཉན་ཐོས་ཀྱི་ཐེག་པར་དགེ་སློང་དག་ཡོངས་སུ་གཟུང་བར་བྱ་བ་གང་ཡིན་པ་དེ་ཡོངས་སུ་གཟུང་བར་གྱིས་ཤིག ་ཡོངས་སུ་གཟུང་བར་བྱ་བ་རྟག་པ་དང་། ཐེར་ཟུག་པ་དང་། བརྟན་པ་དང་། བདག་བླང་བར་བྱ་བ་བླང་བར་གྱིས་ཤིག། ལྟ་བའི་རྟེན་དུ་གྱུར་པ་རྟག་པ་དང་། ཐེར་ཟུག་པ་དང་། ་བརྟན་པ་དེ་ལ་རྟེན་ཅིག་ཅེས་བསྟན་ཏེ་གསལ་བའི་དོན་མི་མངོན་པར་བྱས་ནས། གསལ་བར་ངས་བསྟན་དེ་འཇིག་རྟེན་གྱི་ཁོང་དུ་མི་ཆུད་དེ། སེམས་ཅན་བསོད་ནམས་ཆུང་ངུ་དག་ནི།། ་ཐར་པ་ལ་ཟད་པར་སེམས་ཤིང་། དེ་བཞིན་གཤེགས་པ་ཡོད་བཞིན་དུ་ཡོངས་སུ་མྱ་ངན་ལས་འདས་སོ་ཞེས་ཡོངས་སུ་མྱ་ངན་ལས་འདས་པའི་འདུ་ཤེས་ལ ་འཇུག་སྟེ། སྲོག་ཆགས་ཕྱེ་མ་ལེབ་མར་མེའི་ནང་དུ་ལྷུང་བ་བཞིན་ནོ།། འདི་ལྟ་སྟེ་དཔེར་ན། ཚོང་པའི་བུ་ཐམས་ཅད་དཔྱིད་ཀྱི་དུས་ཚིགས་སུ་ག་ཞིག་དུ་འདུས་ནས ་རྫིང་བུ་ཆེན་པོའི་ནང་དུ་ཁྲུས་བྱེད་ལ། ། དེའི་ནང་དུ་གཅིག་གིས་ནོར་བུ་རིན་པོ་ཆེ་འོད་ཐམས་ཅད་དང་ལྡན་པ་ཞེས་བྱ་བ་བོར་ནས། ནོར་བུ་རིན་པོ་ཆེ་དེའི་གཟི་བརྗིད་ཀྱི་མཐུས་ཀྱང་། རྫིང་བུའི ་ཆུའི་ཕུང་པོ་དང་། རུས་པ་དང་། གསེག་མ་དང་། གྱོ་མོ་དང་། རྡོ་ཡོད་པ་གང་ཡིན་པ་དེ་དག་ཐམས་ཅད་རྣམ་པར་མཛེས་པར་འགྱུར་ཏེ། དེར་ཟླ་བ་དང་། ཉི་མའི་འོད་ཀྱང་ལྡན་ནེ་ལྷང་ངེར ་མི་འདུག་གོ། དེ་ནས་སྐྱེ་བོ་མང་པོས་ནོར་བུ་དེ་བཙལ་བའི་ཕྱིར་རྐོ་བ་དག་གིས་རྐོ་བར་བྱེད་དེ། དེའི་ནང་ནས་ཅི་ཡང་རུང་བ་ཞིག་བླངས་ནས། ནོར་བུ་དེ་རྙེད་དོ་སྙམ་དུ་སེམས་ཏེ། ཡིད་རབ་ཏུ ་དགའ་བར་བྱེད་དོ། ། དེ་ནས་སེམས་ཅན་དེ་དག་རྫིང་བུའི་འགྲམ་དུ་འཁོད་ནས་སོ་སོར་རློམ་སེམས་སུ་གྱུར་ན། འདི་ཇི་སྙམ་དུ་སེམས་བདག་ཅག་གིས་མ་རྙེད་དོ་སྙམ་དུ་སེམས་པར་འགྱུར་རམ། ་འདེ་ནས་སེམས་ཅན་དེ་དག་ཐམས་ཅད་ཀྱིས་ནོར་བུ་རིན་པོ་ཆེ་མ་རྙེད་ཀྱང་། ཀྱེ་མ་ནོར་བུ་རིན་པོ་ཆེ་མ་རྙེད་དོ་ཞེས་ནོར་བུ་མེད་པའི་འདུ་ཤེས་འཇུག་ཅིང་རྟོགས་པར་བྱེད་དམ། དེའི་ནང་ན་ཐ ་ལ་མཁས་ཤིང་ཡིད་གཞུངས་པ་གཅིག་གིས་ནོར་བུ་རིན་པོ་ཆེ་དེ་བཙལ་ཏེ་རྙེད་དོ། ། དེ་བཞིན་དུ་མདོ་དང་། ཏིང་ངེ་འཛིན་ཐམས་ཅད་ཀྱི་ལྡེམ་པོ་ངག་གི་ཚིག་མི་ཤེས་པའི་ཉན་ཐོས་དང་རང་སངས ་རྒྱས་ཐམས་ཅད་ཀྱིས་ནི་ཐམས་ཅད་མི་རྟག་པ་དང་། སྟོང་པའི་འདུ་ཤེས་དང་། སེམས་ཅན་མེད་པ་སྒོམ་པར་བྱེད་དེ། དེ་བཞིན་གཤེགས་པའི་རྟག་པ་ཉིད་མ་ཐོབ་པས། སེམས་ཅན་ཐམས ་ཅད་འཁོར་ལོ་བཞིན་དུ་འཁོར་གྱི། ཏིང་ངེ་འཛིན་འདི་ལ་གནས་པའི་རིགས་ཀྱི་བུ་འམ། རིགས་ཀྱི་བུ་མོས་ནི་དེ་བཞིན་གཤེགས་པའི་ལྡེམ་པོ་ངག་ནོར་བུ་བཞིན་དུ་རྙེད་པར་འགྱུར་རོ།། སྤྲིན་ཆེན་སྙིང ་པོ་དེ་བས་ན། དེ་བཞིན་གཤེགས་པ་རྣམས་ཀྱི་ཤིན་ཏུ་ལྷག་པ་ཡང་དག་པར་མཐོང་བར་འདོད་པས་ནི། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ལ། རྟག་པ་དང་། བདག ་དང་སེམས་ཅན་དུ་འདུ་ཤེས་བསྐྱེད་པར་བྱ་ཞིང་ཐར་པའི་འདུ་ཤེས་བསྐྱེད་པར་བྱའོ། ། །། བམ་པོ་བཅུ་སྟེ་ཐ་མའོ།། རིགས་ཀྱི་བུ་གཞན་ཡང་ཏིང ་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི་ཤིང་གི་གྲིབ་མ་དང་འདྲ་བར་བལྟ་བར་བྱའོ། ། དེ་ཅིའི་ཕྱིར་ཞེ་ན། ཤིང་ཡོད་ན་གྲིབ་མ་འབྱུང་ལ། གྲིབ་མ་ཡོད་ན་ལམ་དུ་ཞུགས་ཏེ། ་ངལ་བར་གྱུར་པའི་སེམས་ཅན་དེར་འདུག་པ་རྣམས་དབུགས་ཕྱིན་པར་འགྱུར་རོ།། དེ་བཞིན་དུ་དེ་བཞིན་གཤེགས་པའི་ཆོས་འདོད་པའི་སེམས་ཅན་རྣམས་ཀྱང་སྐྱབས་སུ་འགྲོ་བར་འགྱུར་རོ།། སེམས ་ཅན་གང་དག་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པར་བལྟ་བའི་སེམས་ཅན་དེ་དག་ནི་སྐྱབས་སུ་འགྲོ་བར་ཙམ་ཡང་མེད་དོ་ཞེས་ང་སྨྲའོ། ། གང་དག་དེ་ལྟར་ཡང་དག ་པར་མཐོང་བ་དེ་དག་ནི་བསྟན་པ་འདི་ལ་འགྲོ་བར་མི་བྱེད་དོ། ། གང་དག་ཡོངས་སུ་མྱ་ངན་ལས་འདའ་བའི་འདུ་ཤེས་སུ་ལྟ་བའི་སེམས་ཅན་དེ་དག་ནི་མྱ་ངན་དུ་བྱ་བ་ཡིན་ནོ་ཞེས་ཡང་དང་ཡང་དུང ་སྨྲའོ། ། དེ་ནས་དེའི་ཚེ་ནུབ་ཕྱོགས་ནས་གསེར་གྱི་འོད་ཆེན་པོ་ཞིག་སྣང་བར་གྱུར་ཏེ། གསེར་གྱི་འོད་ཆེན་པོ་དྲིས་ཀྱང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས ་ཅད་ནོར་བུ་རིན་པོ་ཆེ་མེའི་འོད་སྣང་བ་ཆེན་པོ་ས་སྣང་བར་བྱས་ཏེ། དེའི་སྐབས་སུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན། དེ་བཞིན་གཤེགས་པའི་འོད་གཅིག་ཏུ་མ ་གཏོགས་པར་དེ་ལས་གཞན་པ་ཟླ་བ་དང་ཉི་མ་རྣམས་ཀྱི་འོད་དང་། བརྒྱ་བྱིན་དང་ཚངས་པ་དང་འཇིག་རྟེན་སྐྱོང་བ་རྣམས་ཀྱི་འོད་དང་། ཀླུ་དང་གནོད་སྦྱིན་དང་། ནམ་མཁའ་ལྡིང་རྣམས ་ཀྱི་འོད་ཐམས་ཅད་མོག་མོག་པོར་གྱུར་ཏེ། རྩིག་པ་དང་ཤིང་དང་། ཚལ་གྱི་ནང་དང་། ལྷུན་པོ་དང་། ལྷུན་པོ་ཆེན་པོ་དང་། དེ་བཞིན་དུ་འཇིག་རྟེན་གྱི་བར་མཚམས་དེ་དག་ཐམས་ཅད་འོད ་དེས་སྣང་བར་བྱས་སོ། ། སེམས་ཅན་དམྱལ་བ་པའི་སེམས་ཅན་གང་དག་གི་ལུས་ལ་འོད་དེས་ཕོག་པ་དེ་དག་ཐམས་ཅད་ཀྱང་སྡུག་བསྔལ་རྩེ་ཞིལ་བར་གྱུར་ཏོ།། བཅོམ་ལྡན་འདས་དང་། ་འཁོར་དཀྱིལ་འཁོར་ཆེན་པོའི་ནང་དུ་ཡང་པདྨ་བཀྲ་ཞིང་བལྟ་ན་སྡུག་ལ། ཁ་དོག་བཟང་ཞིང་ཡིད་དུ་འོང་བ་མདབ་མ་བྱེ་བ་བརྒྱ་སྟོང་ཕྲག་དུ་མ་དང་ལྡན་པ་སྟོང་རིན་པོ་ཆེའི་དྲ་བ། དྲི་བསུང་དང་། ་ལྡན་ཞིང་འཇམ་ལ། ཀ་ཙ་ལིན་དའི་གོས་ལྟར་རེག་ན་བདེ་བ། བཀྲ་ཞིང་བལྟ་ན་སྡུག་པ་དག་གིས་ཀུན་ཏུ་ཁེབས་པ། བྱེ་བ་ཕྲག་དྲུག་ཅུ་ས་གཞི་བརྟོལ་ཏེ་མངོན་པར་མཐོན་པར་གྱུར་ཏོ།། པདྨ ་དེ་དག་རེ་རེ་ལས་དྲི་ངད་འབྱུང་བ་གང་ཡིན་པ་དེས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དྲིས་ཁྱབ་པར་གྱུར་ཏོ། ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་ལྷ ་དང་ཀླུ་དང་། གནོད་སྦྱིན་དང་། དྲི་ཟ་དང་། མི་རྣམས་ཀྱི་སྤོས་གང་ཡིན་པ་དེ་དག་ཐམས་ཅད་ཀྱང་། པདྨའི་དྲི་དེས་ཁྱབ་པར་གྱུར་ཏོ།། ལྷ་དང་མི་རྣམས་དང་། ལྷ་མ་ཡིན་དང་། ནམཁའ ་ལྡིང་དང་། ཀླུ་དང་། གནོད་སྦྱིན་དང་། དྲི་ཟ་རྣམས་དང་། མི་འམ་ཅི་དང་། ལྟོ་འཕྱེ་ཆེན་པོ་གང་དག་གི་སྣར་པདྨའི་དྲི་དེ་སོང་བ་དེ་དག་ཐམས་ཅད་ཀྱང་། ཆོས་ཀྱི་དགའ་བ་དང་། ཆོས ་ཉན་པའི་རྒྱུ་དང་ལྡན་པར་གྱུར་ཏེ། བདག་ཉིད་ཉོན་མོངས་པ་དང་བྲལ་སྙམ་དུ་ཤེས་སོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས། ཆོས་ཀྱི ་འོད་བཀོད་པ་དེ་མཐོང་བས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་འདི་ལྟར་ཕྱོགས་བཅུར་འོད་གདའ་བ་འདི་དང་། པདྨའི་བཀོད་པ་བྱུང་བ་འདི ་སུའི་སྔ་ལྟས་ལགས། ། དེ་ནས་ལྷ་མོ་དྲི་མ་མེད་པའི་འོད་ཀྱིས་སྤྲིན་ཆེན་སྙིང་པོ་ལ་འདི་སྐད་ཅེས་སྨྲས་སོ།། འཕགས་པ་སྤྲིན་ཆེན་སྙིང་པོ་ཅིའི་ཕྱིར ་བཅོམ་ལྡན་འདས་འདི་སུའི་སྔ་ལྟས་ལགས་ཤེས་སྨྲ། མཚན་མ་མེད་པའི་ཆོས་རྨི་ལམ་ལྟ་བུ་ཡིན་ཡང་འདྲི་བར་བྱེད་དམ། ཁྱོད་ལ་ནི་དཱ་དུང་ཡང་ཕྱིན་ཅི་ལོག་ཡོད་པ་འདྲའོ།། སྨྲས་པ། ལྷ་མོ ་ལེག་སོ་ལེག་སོ། ། དེ་དེ་བཞིན་ཏེ། ལྷ་མོ་ཁྱོད་ལེགས་སོ།། དེ་དེ་བཞིན་ཏེ། ལྷ་མོ་ཁྱོད་ལེགས་སོ།། ཁོ་བོ་ནི་རྨི་ལམ་ལྟ་བུའི་ཡུལ་དག་ལ་མཚན་མར་ལྟ་བ་འཛིན་པའི་འདུ་ཤེས། བཅོམ་ལྡན་འདས་ལ་ཞུ་བར ་བྱེད་དོ། ། སྨྲས་པ། འཕགས་པ་སྤྲིན་ཆེན་སྙིང་པོ་སུའི་དོན་གྱི་ཕྱིར་མཚན་མར་ལྟ་བ་འཛིན་པའི་འདུ་ཤེས་སྨྲ་བར་བྱེད། སྨྲས་པ། སེམས་ཅན་ཐམས་ཅད་ལ་ཕན་པར་བྱ་བའི་ཕྱིར་རོ།། ་སྨྲས་པ། གང་བདག་གི་ལྟ་བ་བསལ་མི་ནུས་པ་དེས། གཞན་གྱི་ལྟ་བ་སེལ་བར་འགྱུར་བ་དེ་ནི་གནས་མེད་དོ།། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་དེ་ནི་ལྷ་མོས་ཇི ་སྐད་སྨྲས་པ་བཞིན་ཏེ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་གང་ཡིན་པ་དེ་ནི། མཚན་མ་མེད་པའི་འདུ་ཤེས་ཡང་དག་པར་མཐོང་བ་ཡིན་ནོ།། གསོལ་པ ་བཅོམ་ལྡན་འདས་འདི་ལ་གནས་པའི་བྱང་ཆུབ་སེམས་དཔའ་རིགས་ཀྱི་བུ་འམ། རིགས་ཀྱི་བུ་མོ་མཚན་མ་མཆིས་པའི་འདུ་ཤེས་ཡང་དག་པར་བལྟ་བར་འཚལ་བས། ཇི་ལྟར་ཡང ་དག་པར་བལྟ་བར་བགྱི། བཀའ་སྩལ་པ། སྤྲིན་ཆེན་སྙིང་པོ་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། སྟོང་གསུམ་གྱི་སྣོང་ཆེན་པོའི་འཇིག ་རྟེན་གྱི་ཁམས་སུ་བདག་ཉིད་རྣམ་པ་དུ་མར་སྟོན་པར་བྱེད་དོ། ། གསོལ་བ།། བཅོམ་ལྡན་འདས་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སྟོང་གསུམ་གྱི་སྟོང་ཆེན་པོའི ་འཇིག་རྟེན་གྱི་ཁམས་སུ་བདག་ཉིད་རྣམ་པ་དུ་མར་ཇི་ལྟར་སྟོན་པར་བགྱིད། ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་འདི་ལྟ་སྟེ་དཔེར་ན། སྒྱུ་མ ་མཁན་ནམ། སྒྱུ་མ་མཁན་གྱི་སློ་བ་མ་ནན་ཏན་དུ་སྦྱངས་པ། མཁས་པས་རོལ་མོའི་ནང་དུ་བདག་ཉིད་རོར་གྱུར་པར་སྟོན་པར་བྱེད། བུད་མེད་ཀྱིས་ལུས་རྣམ་པ་སྣ་ཚོགས་སུ ་ཡང་སྟོན་པར་བྱེད་ག་ཅན་ཟན་གྱིས་ཟིན་པ་དང་། ལུས་ཞུ་བ་དང་། ལུས་མི་སྣང་བ་དང་། ཚིག་པ་དང་། བཅད་པ་དང་། གཏུབ་པའི་རྣམ་པས། ཕ་རོལ་ཏུ་འདྲིད་པ་ལྟ ་བུར་གསང་བ་རྣམ་པ་སྣ་ཚོགས་ཀྱི་ཚུལ་དུ་བདག་ཉིད་སྟོན་པ་དག་ཀྱང་མཐོང་ན། དེར་རྒྱུས་ཤེས་པའི་མིས་འཇིགས་པར་མི་བྱ།། མྱ་ངན་དུ་མི་བྱ་བར། དེ་ལ་རིག་སྔགས་ཀྱི ་རང་བཞིན་དུ་བལྟ་བར་བྱའོ། ། དེ་བཞིན་དུ་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་རྟག་པ་ཉིད་ཀྱི་ལམ་ལ་ནན་ཏན་དུ་སྦྱངས་པས། སེམས་ཅན་རྣམས ་ངེས་པར་བསྒྲལ་བའི་ཕྱིར། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར། བདག་ཉིད་རྣམ་པ་སྣ་ཚོགས་ཀྱི་ཚུལ་དུ་སྟོན་པར་བྱེད་དེ། ཏིང་ངེ་འཛིན ་འདི་ལ་གནས་པའི་བྱང་ཆུབ་སེམས་དཔའ་བདག་ཉིད་རྣམ་པ་སྣ་ཚོགས་ཀྱི་ཚུལ་དུ་སྟོན་པར་མཐོང་ན། བརྟན་པའི་རྒྱུས་ཤེས་ཤིང་མཁས་པས་སྐྲག་པར་མི་བྱ། ཀུན་ཏུ་སྐྲག་པར་མི་བྱ།། ་དངང་པར་མི་བྱ། འཇིགས་པར་མི་བྱ། མྱ་ངན་དུ་མི་བྱ་བར་དེ་ལ་སེམས་ཅན་རྟག་པར་ཉིད་ཀྱི་རང་བཞིན་དུ་བལྟ་བར་བྱའོ།། སྤྲིན་ཆེན་སྙིང་པོ་གཞན་ཡང་ཏིང་ངེ་འཛིན་འདི་ལག་ན ་པའི་བྱང་ཆུབ་སེམས་དཔའ་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ།། འཇིག་རྟེན་གྱི་དང་འཐུན་པར་འཇུག་པའི་བྱ་བ་རྣམ་པ་གྲངས་མེད་དཔག་ཏུ་མེད་པ། བགྲང་བ་ལས་འདས་པ ་འདས་པ་རྣམ་པ་སྣ་ཚོགས་སུ་བདག་ཉིད་སྟོན་ཏོ། ། འཛམ་བུའི་གླིང་བྱེ་བ་ཕྲག་སུམ་ཁྲི་དག་ཏུ་ཡང་གོང་མ་བཞིན་དུ་སྦྱར་རོ།། དེ་ལྟ་བུའི་ཚུལ་ཁྲིམས་དུ་བྱེ་བ་ཕྲག་བརྒྱར་བསྒྲེ་བར་བྱ་སྟེ། གོང་མ་བཞིན ་དུ་སྦྱར་རོ། ། གསིལ་པ། བཅོམ་ལྡན་འདས་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའི་ཆེན་པོས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་འཇིག་རྟེན ་དང་འཐུན་པར་འཇུག་པར་བྱ་བའི་རྣམས་གྲངས་མ་མཆིས། དཔག་ཏུ་མ་མཆིས་པ་རྣམ་པ་སྣ་ཚོགས་སུ་བདག་ཉིད་ཇི་ལྟར་སྟོན་པར་བགྱིད། བཀའ་སྩལ་པ། ཏིང་ངེ་འཛིན་འདི་ལ་གནས་པའི ་བྱང་ཆུབ་སེམས་དཔས་འཛམ་བུའི་གླང་ལ་ལར། བདག་ཉིད་མངལ་ནས་སྐྱེ་བ་ལྟ་བུར་སྟོན་ཏེ། སེམས་ཅན་རྣམས་ཀྱིས་བུ་བཙས་པར་ཤེས་ཀྱང་།། འཁྲག་པ་ལ་བརྟེན་ནས་བྱུང་བ་ཡང ་མ་ཡིན་ཞིང་བུའི་རང་བཞིན་ཡང་འདུ་ཤེས་འཇུག་པ་ཡང་མེད་དོ། ། འཛམ་བུའི་གླིང་ལ་ལར་ནི་གཙུག་ཕུད་བྲེགས་པའི་ལས་ལྟ་བུར་སྟོན་ཏེ། སེམས་ཅན་རྣམས་ཀྱིས་མངོན་པར་བྱུང། ་བར་ཤེས་ཀྱང་། དེ་ལ་མངོན་པར་འབྱུང་བའི་འདུ་ཤེས་འཇུག་པ་ཡང་མེད་དོ།། འཛམ་བུའི་གླིང་ལཱ་ལར་ནི་གཙུག་ཕུད་བྲེགས་པའི་ལས་ལྟ་བུར་སྟོན་ཏེ། སེམས་ཅན་རྣམས་ཀྱིས་གཙུག ་བུད་འདྲེག་པའི་ལས་བྱེད་པར་ཤེས་ཀྱང་། དེ་ལ་དེའི་འདུ་ཤེས་འཇུག་པ་ཡང་མེད་དོ།། འཛམ་བུའི་གླིང་ལ་ལར་ནི་མཁན་པོའི་ཁྱིམ་དུ་འགྲོ་བ་ལྟ་བུར་སྟོན་ཏེ། བསླབ་པར་བྱ ་བའི་ཡི་གེ་སློབ་པར་སེམས་ཅན་རྣམས་ཀྱིས་ཤེས་ཀྱང་། བསྐལ་བ་དུ་མར་བསླབ་པའི་བྱེ་བ་ཤིན་ཏུ་ཚར་ཕྱིན་པར་བྱས་ཤིང་། བསྐལ་པ་བྱེ་བ་ཕྲག་བརྒྱ་སྟོང་དུ་མ་ནས་བཟོའི་བྱ་བ་ཐ་མ ་ཅད་ཀྱང་མཐར་བྱིན་ཏོ། ། འཛམ་བུའི་གླིང་ལ་ལར་ནི་མིའི་སེང་གེ་དང་། ངང་པའི་སྟབས་སུ་འགྲོ་བ་ལྟ་བུར་སྟོན་ཏེ། སེམས་ཅན་རྣམས་ཀྱིས་མིའི་སེང་གེ་དང་ངང་པའི་སྟབས་སུ་འགྲོ་བར ་ཤེས་ཀྱང་། བསྐལ་པ་བྱེ་བ་ཕྲག་དུ་མ་ལ་སོགས་པ་ནས། ངང་པའི་སྟབས་ཀྱི་འདུ་ཤེས་དེ་ཡང་སྤངས་སོ།། འཛམ་བུའི་གླིང་ལ་ལར་ནི་བུ་དང་ཆུང་མ་ཡང་སྟོན་པར་བྱེད་དེ། སེམས ་ཅན་རྣམས་ཀྱིས་འདོད་པ་ལ་ཡོངས་སུ་སྤྱོད་པར་ཤེས་ཀྱང་། དེ་ཡང་རྟག་ཏུ་ཆོས་འདོད་པ་ལ་ཡོངས་སུ་སྤྱོད་ཀྱི། ཉོན་མོངས་པ་དང་། འདོད་པ་ལ་གནས་པ་མ་ཡིན་ནོ།། ་འཛམ་བུའི་གླིང་ལ་ལར་ནི། བཤང་བ་དང་། གཅི་བ་ལྟ་བུར་སྟོན་པར་བྱེད་དེ། སེམས་ཅན་རྣམས་ཀྱིས་བཤང་བ་དང་། གོ་ཅིབ་བྱེད་པར་ཤེས་ཀྱང་བསྐལ་པ་བྱེ་བ་ཕྲག་གྲངས་མེད་པ ་ནས་བཤང་བ་དང་། གཅི་བའི་འདུ་ཤེས་ཀྱང་རྣམ་པར་སྤངས་ཏེ། འདུ་ཤེས་དེ་ཡང་འཇུག་པ་མེད་དོ།། འཛམ་བུའི་གླིང་ལ་ལར་ནི་སོ་ཤིང་སྤྲོད་པ་ལྟ་བུར་སྟོན་ཏེ། སོ་ཤིང་འཆའ་བར ་སེམས་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་གྲངས་མེད་པ་ནས། ཉོན་མོངས་པའི་སོ་ཤིང་རྣམ་པར་སྤངས་ཏེ། ཁ་ཡང་ཨུད་པ་ལའི་དྲི་དང་ལྡན་ནོ།། འཛམ་བུའི་གླིང་ལ་ལར ་ནི་གདུགས་དང་། ལྷམ་འཆང་བ་ལྟ་བུར་སྟོན་ཏེ། གདུགས་དང་ལྷམ་འཆང་བར་སེམས་ཅན་རྣམས་ཀྱིས་ཤེས་ཀྱང་བསྐལ་པ་བྱེ་བ་དུ་མ་ནས་ཉོན་མོངས་པའི་གདུགས་དང་། ལྷམ་གྱི་འདུ་ཤེས་དེ ་ཡང་རྣམ་པར་སྤངས་ཏེ། ལུས་དག་ཅིང་རྟག་ཏུ་ཆོས་ཀྱི་བདེ་བ་དང་། ཏིང་ངེ་འཛིན་གྱི་གདུགས་འཆང་ཞིང་། རིན་པོ་ཆེའི་གདུགས་དུ་མ་དང་། པདྨའི་ལྷམ་ཐམས་ཅད་རྟེན་པར་བྱེད་དོ།། ་འཛམ་བུའི་གླིང་ལ་ལར་ནི་ཁྲུས་བྱེད་པ་ལྟ་བུར་སྟོན་ཏེ། ཁྲུས་བྱེད་པར་སེམས་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ནས་ཁྲུས་ཀྱི་འདུ་ཤེས་དེ་རྣམ་པར་སྤངས་ཏེ། མདོ་དུ་མ ་ནས་བྱུང་བའི་ཆུས་རྟག་ཏུ་ཁྲུས་བྱེད་ཅིང་སེམས་ཅན་ཐམས་ཅད་ཀྱི་མུ་སྟེགས་སུ་གྱུར་པ་ཡང་ཡིན་ནོ། ། འཛམ་བུའི་གླིང་ལ་ལར་ནི་ནད་ཀྱི་རང་བཞིན་ལྟ་བུར་སྟོན་ཏེ་སྨན་ལ་སྟོན་པར་སེམས། ་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ནས་ཉོན་མོངས་པ་ཐམས་ཅད་དང་བྲལ་ཞིང་། ནད་རྣམས་བསལ་བ་སྟེ། སེམས་ཅན་ནད་ཀྱིས་ཐེབས་པ་རྣམས་དང་། འདོད་ཆ ་ཀྱི་རང་བཞིན་དག་ལས་ཀྱང་གསོ་བར་བྱེད་དོ། ། འཛམ་བུའི་གླིང་ལྔ་ལར་ནི་གྲང་བ་དང་ཚ་བ་ལ་སྟེན་པ་ལྟ་བུར་སྟོན་ཏེ། གྲང་བ་དང་ཚ་བ་ལ་སྟེན་པར་སེམས་ཅན་རྣམས་ཀྱིས་ཤེས་ཀྱང་། ་བསྐལ་པ་བྱེ་བ་ཕྲག་དུ་མཱ་ལ་སོགས་པ་ནས། གྲང་བ་དང་ཚ་བའི་འཇིགས་པ་ཡང་རྣམ་པར་སྤངས་སོ།། འཛམ་བུའི་གླིང་ལ་ལར་ནི་བཀྲེས་པ་དང་སྐོམ་པས་སྲེད་ཅིང་ཞེན་པ་དང་ལྡན ་པར་སྟོན་ཏེ། བཀྲེས་ཤིང་སྐོམ་པས་གདུངས་པར་སེམས་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ནས། བཀྲེས་པ་དང་སྐོམ་པའི་འདུ་ཤེས་ཀྱིས་འཇིགས་པའི་ཀླུང་གི ་རྒྱུན་ལས་ཀྱང་རྒལ་ནས། རྟག་ཏུ་བཀྲེས་པ་དང་། སྐོམ་པས་སྲེད་པར་གྱུར་པའི་འབྱུང་པོ་ཐམས་ཅད་ཀྱི་ཁ་ཟས་སུ་གྱུར་ཅིག་ཅེས་ཟེར་རོ།། འཛམ་བུའི་གླིང་ལ་ལར་ནི་སྦྱིན་པའི ་ཕ་རོལ་ཏུ་ཕྱིན་པ་སྤྱོད་པ་ལ་རྩོན་པ་ལྟ་བུར་སྟོན་ཏེ། ཀྱེ་མ་སྦྱིན་པ་ལ་རྩོམ་པའི་སེམས་ཅན་ཡིན་པར་སེམས་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ནས་ཀྱང་། ཕ་རོལ ་ཏུ་ཕྱིན་པ་དུ་མ་རྟག་ཏུ་སྤྱད་པས། ཕ་རོལ་ཏུ་ཕྱིན་པ་བཅུ་པོ་རྣམས་ལ་སེམས་ཅན་རྣམས་སྡུད་པའི་རྒྱུར་གྱུར་ཏོ།། འཛམ་བུའི་གླིང་ལ་ལར་ནི་འཁོར་ལོས་སྒྱུར་བའི་རྒྱལ ་སྲིད་ཀྱི་ཚུལ་སྟོན་ཏེ། འཁོར་ལོས་སྒྱུར་བའི་རྒྱལ་པོར་སེམས་ཅན་རྣམས་ཀྱིས་ཤེས་ཀྱང་། དེ་འཁོར་ལོས་སྒྱུར་བའི་རྒྱལ་པོ་ཕྲལ་གྱི་སྤྱོད་པ་ཡང་མི་སྤྱོད་དེ། རྟག་ཏུ་ཕྱིར་མི་ལྡོག་པའི་ཆོས ་ཀྱི་འཁོར་ལོ་སྐོར་བའི་རྒྱལ་པོ་བྱེད་ཅིང་། སེམས་ཅན་ཐམས་ཅད་ཀྱང་བྱེད་དུ་འཇུག་གོ།། འཛམ་བུའི་གླེང་ལ་ལར་ནི་དེ་ལྟ་བུའི་རྒྱལ་སྲིད་ཕུན་སུམ་ཚོགས་པ་ཤིན་ཏུ་རྒྱ་ཆེ་བ་བདག་ཀྱང་རུ ་བཞིན་དུ་བོར་ནས། རབ་ཏུ་བྱུང་བའི་གཟུགས་དང་། མཚན་མ་སྟོན་པར་བྱེད་དེ། ལ་ལར་ནི་རབ་ཏུ་བྱུང་བ་ལྟ་བུ། ལ་ལར་ནི་རབ་ཏུ་མ་བྱུང་བ་ལྟ་བུར་སེམས་ཅན་རྣམས་ཀྱིས་ཤེས ་སོ། ། འཛམ་བུའི་གླིང་ལ་ལར་ནི་ཡ་མཚན་ཅན་ཐམས་ཅད་ཀྱི་རབ་ཏུ་བྱུང་བ་ལྟ་བུར། ལྟ་བ་ངན་པ་རབ་ཏུ་འབྱུང་བ་ལ་རབ་ཏུ་བྱུང་བར་སེམས་ཅན་རྣམས་ཀྱིས་ཤེས་ཀྱང་། ཡ་མཚན་། ་ཅན་ཐམས་ཅད་དང་འཐུན་པར་རབ་ཏུ་བྱུང་བ་ཡང་མ་ཡིན་ཏེ། དེ་དག་ངེས་པར་བསྒྲལ་བའི་ཕྱིར་རབ་ཏུ་འབྱུང་ངོ་།། འཇང་བུའི་གླིང་ལ་ལར་ནི་དེ་བཞིན་གཤེགས་པ་རབ་ཏུ་འབྱུང་བ་རྩོམ ་བ་ལྟ་བུར་སྟོན་ཏེ། དེ་བཞིན་གཤེགས་པ་རབ་ཏུ་འབྱུང་བས་རབ་ཏུ་འབྱུང་བར་སེམས་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ནས་དེ་བཞིན་གཤེགས་པའི་རབ་ཏུ་འབྱུང་བའི་བྱ ་བ་ཡང་མཐར་ཕྱིན་པར་བྱས་སོ། ། འཛམ་བུའི་གླིང་ལ་ལར་ནི་སྦྱངས་པའི་ཡོན་ཏན་བཅུ་གསུམ་ཡང་དག་པར་འཛིན་པ་ལྟ་བུར་སྟོན་ཏེ། སྦྱངས་པའི་ཡོན་ཏན་ཅན་ཡོ་བྱད་བསྙུངས་པ ་བར་སེམས་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ནས་སྦྱངས་པའི་ཡོན་ཏན་རྫོགས་ཤིང་། རྟག་ཏུ་མཉམ་པར་བཞག་པ་ཡང་ཡིན་ནོ།། འཛམ་བུའི་གླིང་ལ་ལར་ནི ་བྱང་ཆུབ་ཀྱི་སྙིང་པོར་རྩ་བཏིང་བ་ལ་འདུག་པ་ལྟ་བུར་སྟོན་ཏེ། བྱང་ཆུབ་ཀྱི་སྙིང་པོ་ལ་འདུག་པར། སེམས་ཅན་རྣམས་ཀྱིས་ཤེས་ཀྱང་། རྟག་ཏུ་བྱང་ཆུབ་ཀྱི་མཐར་ཕྱིན་པར་བྱས་པ་ཡང ་ཡིན་ནོ། ། འཛམ་བུའི་གླིང་ལ་ལར་ན་བསམ་གཏན་དང་། ཏིང་ངེ་འཛིན་དང་། སྙོམས་པར་འཇུག་པ་ལ་སྙོམས་པར་ཞུགས་པ་ལྟ་བུར་སྟོན་ཏེ། བསམ་གཏན་དང་། ཏིང་ངེ་འཛིན་དང་། ་སྙོམས་པར་འཇུག་པ་ལ་སྙོམས་པར་ཞུགས་པར་སེམས་ཅན་རྣམས་ཀྱིས་ཤེས་ཀྱང་། རྟག་ཏུ་སྙོམས་པར་འཇུག་པའི་སྤྱོད་པ་དུ་མ་ལ་སྤྱད་པ་ཡང་ཡིན་ནོ།། འཛམ་བུའི་གླིང་ལ་ལར་ནི ་ཡན་ལག་དགུ་པའི་མདོ་འཆད་ལྟ་བུར་སྟོན་ཏེ། བཅོམ་ལྡན་འདས་ཀྱིས་ཡན་ལག་དགུ་པའི་མདོ་གསུངས་པ་འཆད་པར་སེམས་ཅན་རྣམས་ཀྱིས་ཤེས་ཀྱང་། རྟག་ཏུ་མདོ་དུ་མ་ལ་སོགས ་པ་ཡང་འཆད་དོ། ། འཛམ་བུའི་གླིང་ལ་ལར་ནི་བསླབ་པའི་གཞིའི་ཚད་ངེས་པར་བྱེད་པ་ལྟ་བུར་སྟོན་ཏེ། བསླབ་པའི་གཞིའི་ཚད་ངེས་པར་འཆའ་བར་བྱེད་པར་སེམས་ཅན་རྣམས་ཀྱིས་ཤེས ་ཀྱང་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་མདོ་དག་ཀྱང་རྟག་ཏུ་བྱེད་ཅིང་བསླབ་པའི་གཞི་དུ་མ་དག་ཀྱང་རྟག་ཏུ་འཆའ་བར་བྱེད་དོ། ། འཛམ་བུའི་གླིང་ལ་ལར་ནི་བྱང་ཆུབ ་ཀྱི་ཤིང་དྲུང་དུ་བདུད་འདུལ་བ་ལྟ་བུར་སྟོན་ཏེ། བདུད་ཀྱི་སྡེ་ཕམ་པར་བྱས་པར་སེམས་ཅན་རྣམས་ཀྱིས་ཤེས་ཀྱང་། བདུད་ཀྱི་འདུ་ཤེས་གཅིག་ཀྱང་མི་འབྱུང་སྟེ། ཉོན་མོངས་པའི་བདུད་དང ་ཕུང་པོའི་བདུད་ལ་སོགས་པ་བདུད་བྱེ་བ་ཕྲག་དུ་མ་དག་ཀྱང་རྟག་ཏུ་ཟད་པར་བྱེད་དོ། ། འཛམ་བུའི་གླིང་ལ་ལར་ནི་རྒྱུན་ཏུ་ཞུགས་པའི་འབྲས་བུ་ལ་སོགས་པ་འབྲས་བུ་བཞི་ཐོབ་པ་ལྟ་བུ་སྟོན་ཏེ། ་འབྲས་བུ་བཞི་ཐོབ་པར་སེམས་ཅན་རྣམས་ཀྱིས་ཤེས་ཀྱང་། འབྲས་བུ་བཞིའི་འདུ་ཤེས་ཀྱང་མི་འབྱུང་སྟེ། འབྲས་བུའི་བྱ་བ་དུ་མ་དག་ལ་ཡང་སྤྱོད་ཅིང་། ཕྱིར་མི་འོང་བ་ཡང་ཡིན་ལ། སེམས་ཅན ་རྣམས་ངེས་པར་བསྒྲལ་བའི་ཕྱིར། རྟག་ཏུ་སྲེད་པའི་ཡན་ལག་རྣམས་སུ་ཡང་འོང་ངོ་།། འཛམ་བུའི་གླིང་ལ་ལར་ནི་ཡོན་གནས་ལྟ་བུར་སྟོན་ཏེ། འཇིག་རྟེན་ན་ཡོན་གནས་ཡིན་པར་སེམས་ཅན ་རྣམས་ཀྱང་ཤེས་ཀྱང་། ཡོན་གནས་ཀྱིས་ང་རྒྱལ་ལ་ཡང་མི་སྤྱོད་དེ། ནམ་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོན་གནས་སུ་གྱུར་པ་དེའི་ཚེ། བདག་ཡོན ་གནས་ཀྱི་འདུ་ཤེས་ལ་འཇུག་གོ་སྙམ་ནས། མ་གོས་པའི་སྤྱད་པ་ལ་སྤྱོད་དོ།། འཛམ་བུའི་གླིང་ལ་ལར་ནི་དགེ་འདུན་གྱི་དབྱེན་བྱེད་པ་ལྟ་བུར་སྟོན་ཏེ། དགེ་འདུན་གྱི་དབྱེན་བྱེད་པར་སེམས་ཅན་རྣམ ་ཀྱིས་ཤེས་ཀྱང་སྔོན་གྱི་བསྐལ་པ་བྱེ་བ་ཕྲག་གྲངས་མེད་པ་ནས། དགེ་འདུན་གྱི་དབྱེན་སྔན་ཆད་ཀྱང་མ་བྱས་ཏེ། དགེ་འདུན་ལ་ཕན་པར་སྒྲུབ་པར་སྤྱོད་པ་ཡིན་ནོ།། འཛམ་བུའི་གླིང་ལ་ལར་ནི་དེ ་བཞིན་གཤེགས་པའི་ཞབས་ཀྱིས་རེག་པའི་རྡུལ་གུང་དུ་འདོར་བར་བྱེད་པ་ལྟ་བུར་སྟོན་ཏེ། ཀྱེ་མ་ངུར་སྨྲིག་ཙམ་འཆང་ཞིང་མི་ཟད་པའི་ལས་བྱེད་པ་ཞིག་ཡིན་པར་སེམས་ཅན་རྣམས་ཀྱིས་ཤེས་ཀྱ ་ངུར་སྨྲིག་ཙམ་འཆང་བ་ཡང་མ་ཡིན་ཏེ། སེམས་ཅན་ཐམས་ཅད་ལ་ཕན་པ་དང་། བདེ་བ་སྟོན་པ་ཡང་ཡིན་ནོ།། དེ་ལ་སོགས་པ་གཞན་ཡང་དེ་བཞིན་གཤེགས་པའི་ཞབས་ཀྱི་དྲུང་དུ་ཆོས ་མཉན་པ་ཐོས་ན། ཀྱེ་མ་དགེ་སྦྱོང་གོའུ་ཏ་མ་ནི་བརྡ་ཕྲད་དཀའ་བ་ཤ་སྟག་ཟེར་རོ་ཞེས་འཕྱ་བ་ལྟ་བུར་སྟོན་ཏེ། ཀྱེ་མ་གཡེངས་པའི་ཤེས་རབ་རྟུལ་བའི་དགེ་སློང་ཞིག་ཡིན་པར་སེམས་ཅན་རྣམས ་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ནས། དེ་བཞིན་གཤེགས་པ་ལ་ཕན་པ་དང་བདེ་བ་བྱེད་པ་ཡང་ཡིན་ནོ།། འཛམ་བུའི་གླིང་ལ་ལྔར་ནི་དེ་བཞིན་གཤེགས་པ་ལ་ཟས་དུག ་ག་ཅན་འབུལ་ཞིང་བསླབ་པའི་གཞི་དང་། ཕམ་པའི་འགལ་བ་བྱེད་པ་ལྟ་བུར་སྟོན་ཏེ། ཕམ་པ་ཅན་དུ་སེམས་ཅན་རྣམས་ཀྱིས་ཤེས་ཀྱང་། སེམས་ཅན་ཐམས་ཅད་ཀྱི་ཚུལ་ཁྲིམས ་ཀྱི་སྡོམ་པ་སྐྱེད་པར་བྱེད་པ་ཡང་ཡིན་ནོ། ། འཛམ་བུའི་གླིང་ལ་ལར་ནི། དེ་བཞིན་གཤེགས་པ་རྣམ་ཀྱི་མཛད་པ་མང་པོ་སྟོན་པ་ལྟ་བུར་སྟོན་ཏེ། ཡང་དག་པར་སྟོན་པ་པོ་ཡིན་པར་སེམས ་ཅན་རྣམས་ཀྱིས་ཤེས་ཀྱང་། ཡང་དག་པར་སྟོན་པ་པོ་ཡང་མ་ཡིན་ཏེ། དེ་བཞིན་གཤེགས་པའི་རྒྱན་བྱེད་པ་ཡིན་ནོ།། འཛམ་བུའི་གླིང་ལ་ལར་ནི་ཉན་ཐོས ་དང་རང་སངས་རྒྱས་ཐམས་ཅད་ལྟ་བུར་བདག་ཉིད་སྟོན་ཏེ། ཉན་ཐོས་དང་རང་སངས་རྒྱས་ཐམས་ཅད་ཡིན་པ་རཱ། སེམས་ཅན་རྣམས་ཀྱིས་ཤེས་སོ།། འཛམ་བུའི་གླིང་ལ་ལར་ནི ་ཡོངས་སུ་མྱ་ངན་ལས་འདའ་བ་ལྟ་བུར་བདག་ཉིད་སྟོན་ཏེ། ཡོངས་སུ་མྱ་ངན་ལས་འདས་པར་སེམས་ཅན་རྣམས་ཀྱིས་ཤེས་ཀྱང་། སྔན་ཆད་གཏན་དུ་ཡོངས་སུ་མྱ་ངན་ལས་འདས་པས ་ནི་ནམས་ཀྱང་ཡོངས་སུ་མྱ་ངན་ལས་མ་འདས་སོ། ། ལན་ཅིག་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདས་པ་ཡང་མ་ཡིན་ཏེ། ལན་མང་དུ་ཡང་ཡོངས་སུ་མྱ་ངན་ལས ་འདས་པས་ཡོངས་སུ་མྱ་ངན་ལས་འདའོ། ། ལན་གྲངས་བྱེ་བ་ཕྲག་བརྒྱད་ཁྲི་བཞི་སྟོང་དུ་ཡོངས་སུ་མྱ་ངན་ལས་འདས་པས། ཡོངས་སུ་མྱ་ངན་ལས་འདའ་བར་བྱེད་དེ། ལན་བྱེ་བ་ཕྲག་ཉི་ཁྲི ་ཅིག་སྟོང་དུ་འདོད་ཆགས་ལས་ཡོངས་སུ་མྱ་ངན་འདས་པས་ཡོངས་སུ་མྱ་ངན་ལས་འདྲའ་བར་འགྱུར་ལ། འདོད་ཆགས་ལ་བརྟེན་ཏེ་ཡོངས་སུ་མྱ་ངན་ལས་འདའ་བ་ཡང་མ་ཡིན་ནོ།། ལན་བྱེ ་བ་ཕྲག་ཉི་ཁྭ་ཅིག་སྟོང་དུ་ཞེ་སྡང་ལས་ཡོངས་སུ་མྱ་ངན་ལས་འདའོ། ། ལེན་བྱེ་བ་ཕྲག་ཉི་ཁྲི་ཅིག་སྟོང་དུ་གཏི་མུག་ལས་ཡོངས་སུ་མྱ་ངན་ལས་འདའོ།། ལན་བྱེ་བ་ཕྲག་ཉི་ཁྭ་ཅིག་སྟོང་དུ་ཆ་མཉམ་པ ་ལས་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདའ་བར་བྱེད་དེ། རྣམ་པ་བཞི་པོ་འདི་ལྟ་བུས་ཡོངས་སུ་མྱ་ངན་ལས་འདས་པ་ཆེན་པོར་ཡོངས་སུ་ངན་ལས་འདའ་བར་འགྱུར། ་ལ་འདོད་ཆགས་དང་། ཞེ་སྡང་དང་། གཏི་མུག་དང་ཆ་མཉམ་པ་ལ་ཡང་མི་རྟེན་ཏོ།། དེ་ལྟར་ཡོངས་སུ་མྱ་ངན་ལས་འདས་པ་ཆེན་པོ་བཞི་པོ་དེ་དག་གིས། བསྐལ་པ་བྱེ་བ་ཕྲག་དུ་མ་ནས་བྱ། ་བ་མཐར་ཕྱིན་ཏེ་འདུལ་བའི་དབང་གིས་ཡོངས་སུ་མྱ་ངན་ལས་འདའ་བ་ལྟ་བུར་སྟོན་ཏེ། མི་དགེ་བའི་ཕྱོགས་ཇི་སྙེད་པར་ཡོངས་སུ་མྱ་ངན་ལས་འདས་པ་ཡང་དེ་སྙེད་དེ། རྟག་ཏུ་སྐད ་ཅིག་དང་། ཐུང་ཅིག་དང་། ཡུད་ཙམ་གྱིས་ཡོངས་སུ་མྱ་ངན་ལས་འདའོ།། དེ་བས་ན་རྣམ་པ་མང་པོ་དག་གིས་ཡོངས་སུ་མྱ་ངན་ལས་འདའ་བར་བྱེད་ལ། གཏན་ཏུ་ཡོངས་སུ་མྱ་ངན ་ལས་འདའ་བའི་མིང་ཡང་མེད་པའི་ཕྱིར་ཡོངས་སུ་མྱ་ངན་ལས་འདའོ། ། འཛམ་བུའི་གླིང་ལ་ལར་ནི་བདུད་ཀྱི་ལས་བྱེད་པར་བདག་ཉིད་སྟོན་ཏེ། བདུད་སྡིག་ཅན་ཡིན་པར་སེམས་ཅན་རྣམས ་ཀྱིས་ཤེས་ཀྱང་། བདུད་ཀྱི་ལས་ཀྱང་མི་བྱེད་དོ།། འདོད་ཆགས་དང་། ཞེ་སྡང་དང་། གཏི་མུག་གི་འཇིགས་པ་ལ་སོགས་པ། མི་དགེ་བའི་ཕྱོགས་ཇི་སྙེད་པའི་བདུད་ཀྱི་ལས་རྟག་ཏུ་བྱེད ་ལ་ཤིན་ཏུ་གཅོད་པར་བྱེད་པའི་བདུད་ཀྱི་ལས་ལ་རྟེན་པ་ཡང་མ་ཡིན་ནོ། ། བྱང་གི་སྒྲ་མི་སྙན་ལ་ལར་བདག་ཉིད་མངལ་ནས་སྐྱེ་བ་ལྟ་བུར་སྟོན་ཏེ། སེམས་ཅན་རྣམས་ཀྱིས་བུ་བཅོས ་པར་ཤེས་ཀྱང་། འཁྲིག་པ་ལ་བརྟེན་ནས་བྱུང་བ་ཡང་མ་ཡིན་ཞིང་། བུའི་རང་བཞིན་ཡང་མ་ཡིན་ནོ།། བྱང་གི་སྒྲ་མི་སྙན་ལ་ལར་ནི་མངོན་པར་འབྱུང་བ་ཡང་སྟོན་ཏེ། ་སེམས་ཅན་རྣམས་ཀྱིས་མངོན་པར་འབྱུང་བར་ཤེས་ཀྱང་། དེ་ལ་མངོན་པར་འབྱུང་བའི་འདུ་ཤེས་འཇུག་པ་ཡང་མེད་དོ།། བྱང་གི་སྒྲ་མི་སྙན་ལ་ལར་ནི་གཙུག་པུད་བྲེགས་པའི་ལས་ལྟ་བུར ་སྟོན་ཏེ། སེམས་ཅན་རྣམས་ཀྱིས་གཙུག་པུད་འདྲེག་པའི་ལས་བྱེད་པར་ཤེས་ཀྱང་དེ་ལ་དེའི་འདུ་ཤེས་འཇུག་པ་ཡང་མེད་དོ།། བྱང་གི་སྒྲ་མི་སྙན་ལ་ལར་ནི་མཁན་པོའི་ཁྱིམ་དུ་འགྲོ་བ་ལྟ་བུར ་སྟོན་ཏེ། བསླབ་པར་བྱ་བའི་ཡི་གེ་སློབ་པར་སེམས་ཅན་རྣམས་ཀྱིས་ཤེས་ཀྱང་། བསྐལ་པ་དུ་མར་བསླབ་པའི་བྱ་བ་ཤིན་ཏུ་ཚར་ཕྱིན་པར་བྱས་ཤིང་། བསྐལ་པ་བྱེ་བ་ཕྲག་བརྒྱ་སྟོང་དུ་མནས་བཟོའི ་བྱ་བ་ཐམས་ཅད་ཀྱང་མཐར་ཕྱིན་ཏོ། ། བྱང་གི་སྒྲ་མི་སྙན་ལ་ལར་ནི་མིའི་སེང་གེ་དང་། ངང་པའི་སྟབས་སུ་འགྲོ་བ་ལྟ་བུར་སྟོན་ཏེ། སེམས་ཅན་རྣམས་ཀྱིས་མིའི་སེང་གེ་དང་། ངང་པའི་སྟབས་སུ་འགྲོ ་བར་ཤེས་ཀྱང་། བསྐལ་པ་བྱེ་བ་ཕྲག་དུ་མ་ལ་སོགས་པ་ནས། ངང་པའི་སྟབས་ཀྱི་འདུ་ཤེས་དེ་ཡང་སྤངས་སོ།། བྱང་གི་སྒྲ་མི་སྙན་ལ་ལར་ནི་བུ་དང་ཆུང་མ་ཡང་སྟོན་པར་བྱེད་དེ། སེམས་ཅན་རྣམ ་ཀྱིས་འདོད་པ་ལ་ཡོངས་སུ་སྤྱོད་པར་ཤེས་ཀྱང་། དེ་ཡང་རྟག་ཏུ་ཆོས་འདོད་པ་ལ་ཡོངས་སུ་སྤྱོད་ཀྱི། ཉོན་མོངས་པ་དང་འདོད་པ་ལ་གནས་པ་ལ་གནས་པ་མ་ཡིན་ནོ།། བྱང་གི་སྒྲ་མི་སྙན་ལ་ལར་ནི་བཤད ་བ་དང་གཅི་བ་བལྟ་བུར་སྟོན་པར་བྱེད་དེ། སེམས་ཅན་རྣམས་ཀྱིས་བཤང་བ་དང་། གཅ་བ་བྱེད་པར་ཤེས་ཀྱང་། བསྐལ་པ་བྱེ་བ་ཕྲག་གྲངས་མེད་པ་ནས་བཤང་བ་དང་། གཅི་བའི་འདུ ་ཤེས་ཀྱང་རྣམ་པར་སྤངས་ཏེ། འདུ་ཤེས་དེ་ཡང་འཇུག་པ་མེད་དོ།། བྱང་གི་སྒྲ་མི་སྙན་ལ་ལར་ནི་སོ་ཤིང་སྤྱོད་པ་ལྟ་བུར་སྟོན་ཏེ། སོ་ཤིང་འཆའ་བར་སེམས་ཅན་རྣམས་ཀྱིས་ཤེས་ཀྱང་།། ་བསྐལ་པ་བྱེ་བ་གྲངས་མེད་པ་ནས། ཉོན་མོངས་པའི་སོ་ཤིང་རྣམ་པར་སྤངས་ཏེ། ཁ་ཡང་ཨུད་པ་ལའི་དྲི་དང་ལྡན་ནོ།། བྱང་གི་སྒྲ་མི་སྙན་ལ་ལར་ནི་གདུགས་དང་ལྷམ་འཆང་བ་ལྟ་བུར་སྟོན་ཏེ། ་གདུགས་དང་། ལྷམ་འཆང་བར་སེམས་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་དུ་མ་ནས་ཉོན་མོངས་པའི་གདུགས་དང་། ལྷམ་གྱི་འདུ་ཤེས་ཀྱང་རྣམ་པར་སྤངས་ཏེ། ལུས་དག་ཅིང་རྟག ་ཏུ་ཆོས་ཀྱི་བདེ་བ་དང་། ཏིང་ངེ་འཛིན་གྱི་གདུགས་འཆང་ཞིང་། རིན་པོ་ཆེའི་གདུགས་དང་། པདྨའི་ལྷམ་ཐམས་ཅད་སྟོན་པར་བྱེད་དོ།། བྱང་གི་སྒྲ་མི་སྙན་ལ་ལར་ནི་ཁྲུས་བྱེད་པ་ལྟ་བུར་སྟོན་ཏེ། ་ཁྲུས་བྱེད་པར་སེམས་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ནས་ཁྲུས་ཀྱི་འདུ་ཤེས་དེ་རྣམ་པར་སྤངས་ཏེ། མདོ་དུ་མ་ནས་བྱུང་བའི་ཆུས་རྟག་ཏུ་ཁྲུས་བྱེད་ཅིང་། སེམས་ཅན་ཐམ ་ཅད་ཀྱིས་མུ་སྟེགས་སུ་གྱུར་པ་ཡང་ཡིན་ནོ། ། བྱང་གི་སྒྲ་མི་སྙན་ལ་ལར་ནི་ནད་ཀྱི་རང་བཞིན་ལྟ་བུར་སྟོན་ཏེ། སྨན་ལ་སྟེན་པར་སེམས་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ནས ་ཉོན་མོངས་པ་ཐམས་ཅད་དང་བྲལ་ཞིང་ནད་རྣམས་བསལ་བ་སྟེ། སེམས་ཅན་ནད་ཀྱིས་ཐེབས་པ་རྣམས་དང་། འདོད་ཆགས་ཀྱི་རང་བཞིན་དག་ལས་ཀྱང་གསོ་བར་བྱེད་དོ།། ་བྱང་གི་སྒྲ་མི་སྙན་ལ་ལར་ནི་གྲང་བ་དང་། ཚ་བ་ལ་སྟེན་པ་ལྟ་བུར་སྟོན་ཏེ། གྲང་བ་དང་ཚ་བ་ལ་སྟེན་པར་སེམས་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ལ་སོགས་པ་ནས། གྲང ་བ་དང་ཚ་བའི་འཇིགས་པ་ཡང་རྣམ་པར་སྤངས་སོ། ། བྱང་གི་སྒྲ་མི་སྙན་ལ་ལར་ནི་བཀྲེས་པ་དང་སྐོམ་པའི་སྲེད་ཅིང་ཞེན་པ་དང་ལྡན་པར་སྟོན་ཏེ། བཀྲེས་ཤིང་སྐོམ་པས་གདུངས་པར་སེམས ་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ནས་བཀྲེས་པ་དང་སྐོམ་པའི་འདུ་ཤེས་ཀྱི་འཇིགས་པའི་ཀླུང་གི་རྒྱུན་ལས་ཀྱང་རྒལ་ནས། རྟག་ཏུ་བཀྲེས་པ་དང་སྒོམ་པས་སྲེད་པར ་གྱུར་པའི་འབྱུང་པོ་ཐམས་ཅད་ཀྱི་ཁ་ཟས་སུ་གྱུར་ཅིག་ཅེས་ཟེར་རོ། ། བྱང་གི་སྒྲ་མི་སྙན་ལ་ལར་ནི་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ལ་རྩོམ་པ་ལྟ་བུར་སྟོན་ཏེ། ཀྱེ་མ་སྦྱིན་པ་ལ་བརྩོན་པའི ་སེམས་ཅན་ཡིན་པར་སེམས་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ནས་ཀྱང་ཕ་རོལ་ཏུ་ཕྱིན་པ་དུ་མ་རྟག་ཏུ་སྤྱད་པས་ཕ་རོལ་ཏུ་ཕྱིན་པ་བཅུ་པོ་རྣམས་ལ་སེམས་ཅན་རྣམས་སྡུད་པའི ་རྒྱུང་གྱུར་ཏོ། ། བྱང་གི་སྒྲ་མི་སྙན་ལ་ལ་ནི་འཁོར་ལོས་སྦྱར་བའི་རྒྱལ་སྲིད་ཀྱི་ཚུལ་སྟོན་ཏེ། འཁོར་ལོས་སྒྱུར་བའི་རྒྱལ་པོར་སེམས་ཅན་རྣམས་ཀྱིས་ཤེས་ཀྱང་། དེའི་ཚེར་མིས ་སྦྱར་བ་ཕལ་གྱི་སྤྱད་པ་ཡང་མི་སྤྱོད་དེ། རྟག་ཏུ་ཕྱིར་མི་ལྡོག་པའི་ཆོས་ཀྱི་འཁོར་ལོ་སྐོར་བའི་རྒྱལ་པོ་བྱེད་ཅིང་།། སེམས་ཅན་ཐམས་ཅད་ཀྱང་བྱེད་དུ་འཇུག་གོ།། བྱང་གི་སྒྲ་མི་སྙན་ལ ་ཁར་ནི་དེ་ལྟ་བུའི་རྒྱལ་སྲིད་ཕུན་སུམ་ཚོགས་པ་ཤིན་ཏུ་རྒྱ་ཆེ་བ་དག་ཀྱང་རྩ་བཞིན་དུ་བོར་ནས། རབ་ཏུ་བྱུང་བའི་གཟུགས་དང་། མཚན་མ་སྟོན་པར་བྱེད་དེ། ལ་ལར་ནི་རབ་ཏུ་བྱུང་བ་ལྟ་བུར ་ལ་ལར་ནི་རབ་ཏུ་མ་བྱུང་བ་ལྟ་བུར་སེམས་ཅན་རྣམས་ཀྱིས་ཤེས་སོ། ། བྱང་གི་སྒྲ་མི་སྙན་ལ་ལར་ནི་ཡ་མཚན་ཅན་ཐམས་ཅད་ཀྱི་རབ་ཏུ་བྱུང་བ་ལྟ་བུ་རུ་ལྟ་བ་ངན་པ་རབ་ཏུ་འབྱུང་བ་ལ་རབ་ཏུ ་བྱུང་བ་སེམས་ཅན་རྣམས་ཀྱིས་ཤེས་ཀྱང་། ཡ་མཚན་ཅན་ཐམས་ཅད་དང་འཐུན་པར་རབ་ཏུ་བྱུང་བ་ཡང་མ་ཡིན་ཏེ། དེ་དག་ངེས་པར་སྒྲལ་བའི་ཕྱིར་རབ་ཏུ་འབྱུང་ངོ་།། བྱང་གི་སྒྲ་མ ་སྙན་ལ་ལར་ནི་དེ་བཞིན་གཤེགས་པའི་རབ་ཏུ་འབྱུང་བར་རྩོམ་པ་ལྟ་བུར་སྟོན་ཏེ། དེ་བཞིན་གཤེགས་པའི་རབ་ཏུ་འབྱུང་བས་རབ་ཏུ་བྱུང་བར་སེམས་ཅན་རྣམས་ཀྱིས་ཤེས་ཀྱང་། བསྐལ ་པ་བྱེ་བ་ཕྲག་དུ་མ་ནས་དེ་བཞིན་གཤེགས་པའི་རབ་ཏུ་བྱུང་བའི་བྱ་བ་ཡང་མཐར་ཕྱིན་པར་བྱས་སོ། ། བྱང་གི་སྒྲ་མི་སྙན་ལ་ལར་ནི་སྦྱངས་པའི་ཡོན་ཏན་བཅུ་གསུམ་ཡང་དག་པར་འཛིན་པ་ལྟ ་བུར་སྟོན་ཏེ། སྦྱངས་པའི་ཡོན་ཏན་ཅན་ཡོ་བྱད་བསྲུངས་པ་ཡིན་པར་སེམས་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ནས། སྦྱངས་པའི་ཡོན་ཏན་རྫོགས་ཤིང་རྟག་ཏུ་མཉམ་པར ་བཞག་པ་ཡང་ཡིན་ནོ། ། བྱང་གི་སྒྲ་མི་སྙན་ལ་ལར་ནི། བྱང་ཆུབ་ཀྱི་སྙིང་པོར་རྩ་བཏིང་བ་ལྟ་བུར་སྟོན་ཏེ། བྱང་ཆུབ་ཀྱི་སྙིང་པོ་ལ་འདུག་པར་སེམས་ཅན་རྣམས་ཀྱིས་ཤེས ་ཀྱང་རྟག་ཏུ་བྱང་ཆུབ་ཀྱི་བྱ་བ་མཐར་ཕྱིན་པར་བྱས་པ་ཡིན་ནོ། ། བྱང་གི་སྒྲ་མི་སྙན་ལ་ལར་ནི། བསམ་གཏན་དང་། ཏིང་ངེ་འཛིན་དང་། སྙོམས་པར་འཇུག་པ་ལ་སྙོམས་པར ་ཞུགས་པ་ལྟ་བུར་སྟོན་ཏེ། བསམ་གཏན་དང་། ཏིང་ངེ་འཛིན་དང་། སྙོམས་པར་འཇུག་པ་ལ་སྙོམས་པར་ཞུགས་པར་སེམས་ཅན་རྣམས་ཀྱིས་ཤེས་ཀྱང་། རྟག་ཏུ་སྙོམས་པར་འཇུག ་པའི་སྤྱོད་པ་དུ་མ་ལ་སྤྱོད་པ་ཡང་ཡིན་ནོ། ། བྱང་གི་སྒྲ་མི་སྙན་ལ་ལར་ནི་ཡན་ལག་དགུའི་མདོ་འཆད་པ་ལྟ་བུར་སྟོན་ཏེ། བཅོམ་ལྡན་འདས་ཀྱིས་ཡན་ལག་དགུའི་མདོ་གསུངས་པ་འཆང ་པར་སེམས་ཅན་རྣམས་ཀྱིས་ཤེས་ཀྱང་། རྟག་ཏུ་མདོ་དུ་མ་ལ་སོགས་པ་ཡང་འཆད་དོ།། བྱང་གི་སྒྲ་མི་སྙན་ལ་ལར་ནི་བསླབ་པའི་གཞི་ཚད་མེད་པ་ངེས་པར་བྱེད་པ་ལྟ་བུར་སྦྱིན་ཏེ། བསླབ ་པའི་གཞི་ཚད་མེད་པ་ངེས་པར་འཆའ་བར་བྱེད་པར་སེམས་ཅན་རྣམས་ཀྱིས་ཤེས་ཀྱང་། རོས་ཀྱི་ཕུང་པོ་བརྒྱད་ཁྲི་བཞི་སྟོང་གི་མདོ་དག་ཀྱང་རྟག་ཏུ་བྱེད་ཅིང་། བསླབ་པའི་གཞི་དུ་མ་དག་ཀྱང ་རྟག་ཏུ་འཆའ་བར་བྱེད་དོ། ། བྱང་གི་སྒྲ་མི་སྙན་ལ་ལར་ནི་བྱང་ཆུབ་ཀྱི་ཤིང་དྲུང་དུ་བདུད་འདུལ་བ་ལྟ་བུར་སྟོན་ཏེ། བདུད་ཀྱི་སྡེ་ཕམ་པར་བྱས་པར་སེམས་ཅན་རྣམས་ཀྱི་ཤེས་ཀྱང་། བདུད་རྩི། ་འདུ་ཤེས་གཅིག་ཀྱང་མི་འབྱུང་སྟེ། ཉོན་མོངས་པའི་བདུད་དང་། ཕུང་པོའི་བདུད་ལ་སོགས་པ་བདུད་བྱེ་བ་དུ་མ་དག་ཀྱང་རྟག་ཏུ་ཟད་པར་བྱེད་དོ།། བྱང་གི་སྒྲ་མི་སྙན་ལ་ལར་ནི་རྒྱུན་དུ་ཞུགས་པའི་འབྲས ་བུ་ལ་སོགས་པ་འབྲས་བུ་བཞི་ཐོབ་པ་ལྟ་བུར་སྟོན་ཏེ། འབྲས་བུ་བཞི་ཐོབ་པར་སེམས་ཅན་རྣམས་ཀྱིས་ཤེས་ཀྱང་། འབྲས་བུ་བཞིའི་འདུ་ཤེས་ཀྱང་མི་འབྱུང་སྟེ། འབྲས་བུའི་བྱ་བ་དུ་མ་དག་ལ་ཡང ་སྤྱོད་ཅིང་། ཕྱིར་མི་འོང་བ་ཡང་མ་ཡིན་ལ། སེམས་ཅན་རྣམས་ངེས་པར་བསྒྲལ་བའི་ཕྱིར། རྟག་ཏུ་སྲིད་པའི་ཡན་ལག་རྣམས་སུ་ཡང་འོང་ངོ་།། བྱང་གི་སྒྲ་མི་སྙན་ལ་ལར་ནི་ཡོན་གནས་ལྟ། ་བུར་སྟོན་ཏེ། འཇིག་རྟེན་ན་ཡོན་གནས་ཡིན་པར་སེམས་ཅན་རྣམས་ཀྱིས་ཤེས་ཀྱང་། ཡོན་གནས་ཀྱི་ང་རྒྱལ་ཡང་མི་སྤྱོད་དེ། ནམ་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས ་བྱང་ཆུབ་ཏུ་ཡོན་གནས་སུ་གྱུར་པ་དེའི་ཚེ། བདག་ཡོན་གནས་ཀྱི་འདུ་ཤེས་ལ་འཇུག་གོ་སྙམ་ནས་མ་གོས་པའི་སྤྱད་པ་ལ་སྤྱོད་དོ།། བྱང་གི་སྒྲ་མི་སྙན་ལ་ལར་ནི་དགེ་འདུན་གྱི་དབྱེན་བྱེད་པ་ལྟ་བུར ་སྟོན་ཏེ། དགེ་འདུན་གྱི་དབྱེན་བྱེད་པར་སེམས་ཅན་རྣམས་ཀྱིས་ཤེས་ཀྱང་། སྔོན་གྱི་བསྐལ་པ་གྲངས་མེད་པ་ནས། དགེ་འདུན་གྱི་དབྱེན་སྔན་ཆད་ཀྱང་མ་བྱས་ཏེ། དགེ་འདུན་ལ་ཕན་པ་སྒྲུབ ་པར་སྤྱོད་པ་ཡིན་ནོ། ། བྱང་གི་སྒྲ་མི་སྙན་ལ་ལར་ནི། དེ་བཞིན་གཤེགས་པའི་ཞབས་ཀྱིས་རེག་པའི་རྡུལ་གུང་དུ་འདོར་བར་བྱེད་པ་ལྟ་བུར་སྟོན་ཏེ། ཀྱེ་མདུར་སྨྲིག་ཙམ་འཆང་ཞིང་མ ་བཟད་པའི་ལས་བྱེད་པ་ཞག་ཡིན་པར་སེམས་ཅན་རྣམས་ཀྱིས་ཤེས་ཀྱང་། ངུར་སྨག་ཙམ་འཆང་བ་ཡང་མ་ཡིན་ཏེ། སེམས་ཅན་ཐམས་ཅད་ལ་ཕན་པ་དང་། ་བདེ་བ་སྟོན་པ་ཡང་ཡིན་ནོ།། དེ་ལ་སོགས་པ་གཞན་ཡང་དེ་བཞིན་གཤེགས་པའི་ཞབས་དྲུང་དུ་ཆོས་ཉན་པ་ཐོས་ནས། ཀྱེ་མ་དགེ་སྦྱོང་གོའུ་ཏ་མ་ནི་བརྡ་ཕྲད་དཀའ་བ་ཤ་སྟག་ཟེར་རོ་ཞེས་འཕྱ ་བ་ལྟ་བུར་སྟོན་ཏེ། ཀྱེ་མ་གཡེངས་པ་ཤེས་རབ་རྟུལ་བའི་དགེ་སློང་ཞིག་ཡིན་པར་སེམས་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ནས། དེ་བཞིན་གཤེགས་པ་སེམས་ཅན་ལ་ཕན ་པ་དང་བདེ་བ་བྱེད་པ་ཡང་ཡིན་ནོ། ། བྱང་གི་སྒྲ་མ་སྙན་ལ་ལར་ནི་དེ་བཞིན་གཤེགས་པ་ལ་ཟས་དུག་ཅན་འབུལ་ཞིང་བསླབ་པའི་གཞི་དང་། ཕམ་པའི་འགལ་བ་བྱེད་པ་ལྟ་བུར་སྟོན་ཏེ། ཕམ་པ ་ཅན་དུ་སེམས་ཅན་རྣམས་ཀྱིས་ཤེས་ཀྱང་། སེམས་ཅན་ཐམས་ཅད་ཀྱི་ཚུལ་ཁྲིམས་ཀྱི་སྡོམ་པ་སྐྱེད་པར་བྱེད་པ་ཡང་ཡིན་ནོ།། བྱང་གི་སྒྲ་མི་སྙན་ལ་ལར་ནི། དེ་བཞིན་གཤེགས་པ་རྣམས་ཀྱི ་མཛད་པ་མང་པོ་སྟོན་པ་ལྟ་བུར་སྟོན་ཏེ། ཡང་དག་པར་སྟོན་པ་པོ་ཡིན་པར་སེམས་ཅན་རྣམས་ཀྱིས་ཤེས་ཀྱང་། ཡང་དག་པར་སྟོན་པ་པོ་ཡང་མ་ཡིན་ཏེ། དེ་བཞིན་གཤེགས་པའི་རྒྱན་བྱེད་པ ་ཡིན་ནོ། ། བྱང་གི་སྒྲ་མི་སྙན་ལ་ལར་ནི། ཉན་ཐོས་དང་། རང་སངས་རྒྱས་ཐམས་ཅད་ལྟ་བུར་བདག་ཉིད་སྟོན་ཏེ། ཉན་ཐོས་དང་། རང་སངས་རྒྱས་ཐམས་ཅད་ཡིན་པར་སེམས་ཅན་རྣམས ་ཀྱིས་ཤེས་སོ། ། བྱང་གི་སྒྲ་མི་སྙན་ལ་ལར་ནི་ཡོངས་སུ་མྱ་ངན་ལས་འདའ་བ་ལྟ་བུར་བདག་ཉིད་སྟོན་ཏེ། ཡོངས་སུ་མྱ་ངན་ལས་འདའ་བར་སེམས་ས་ཅན་རྣམས་ཀྱིས་ཤེས་ཀྱང་། སྔན་ཆད ་གཏན་དུ་ཡོངས་སུ་མྱ་ངན་ལས་འདས་པས་ནི་ནམས་ཀྱང་ཡོངས་སུ་མྱ་ངན་ལས་མ་འདས་སོ། ། ལན་ཅིག་ཡོངས་སུ་མྱ་ངན་ལས་འདས་པས། ཡོངས་སུ་མྱ་ངན་ལས་འདས་པ་ཡང་ཡིན་ཏེ། ་ལན་མང་དུ་ཡོངས་སུ་མྱ་ལས་འདས་པས་ཡོངསུ་མྱ་ངན་ལས་འདའོ།། ལན་གྲངས་བྱེ་བ་ཕྲག་བརྒྱད་ཁྲི་བཞི་སྟོང་དུ་ཡོངས་སུ་མྱ་ངན་ལས་འདས་པས། ཡོངས་སུ་མྱ་ངན་ལས་འདའ་བར་བྱེད་དེ། ལན ་བྱེ་བ་ཕྲག་ཉི་ཁྲི་ཅིག་སྟོང་དུ་འདོད་ཆགས་ལས་ཡོངས་སུ་མྱ་ངན་ལས་འདས་པས། ཡོངས་སུ་མྱ་ངན་ལས་འདའ་བར་འགྱུར་ལ། འདོད་ཆགས་ལ་བརྟེན་ཏེ། ཡོངས་སུ་མྱ་ངན་ལས་འདས ་འདའ་བ་ཡང་མ་ཡིན་ནོ། ། ལན་བྱེ་བ་ཕྲག་ཉི་ཁྲི་ཅིག་སྟོང་དུ་ཞེ་སྡང་ལས་ཡོངས་སུ་མྱ་ངན་ལས་འདའོ།། ལན་བྱེ་བ་ཕྲག་ཉི་ཁྲི་ཅིག་སྟོང་དུ་གཏི་མུག་ལས་ཡོངས་སུ་མྱ་ངན་ལས་འདའོ།། ལན ་བྱེ་བ་ཕྲག་ཉི་ཁྲི་ཅིག་སྟོང་དུ་ཆ་མཉམ་པ་ལས་ཡོངས་སུ་མྱ་ངན་ལས་འདས་པས། ཡོངས་སུ་མྱ་ངན་ལས་འདའ་བར་བྱེད་དེ། རྣམ་པ་བཞི་པོ་འདི་ལྟ་བུས་ཡོངས་སུ་མྱ་ངན་ལས་འདས་པ་ཆེན ་བོར་ཡོངས་སུ་མྱ་ངན་ལས་འདའ་བར་འགྱུར་ལ། འདོད་ཆགས་དང་། ཞེ་སྡང་དང་། གཏི་མུག་དང་། མ་མཉམ་པ་ལ་ཡང་མི་རྟེན་ཏོ།། དེ་ལྟར་ཡོངས་སུ་མྱ་ངན་ལས་འདས་པ་ཆེན་པོ ་བཞི་པོ་དག་གིས། བསྐལ་པ་བྱེ་བ་ཕྲག་དུ་མ་ནས། བྱ་བ་མཐར་ཕྱིན་ཏོ།། འདུལ་བའི་དབང་གིས་ཡོངས་སུ་མྱ་ངན་ལས་འདའ་བ་ལྟ་བུར་སྟོན་ཏོ།། མི་དགེ་བའི་ཕྱོ ་ཇི་སྙེད་ཡོད་པར་ཡོངས་སུ་མྱ་ངན་ལས་འདས་པ་ཡང་དེ་སྙེད་དེ། རྟག་ཏུ་སྐད་ཅིག་དང་། ཐང་ཅིག་དང་། ཡུད་ཙམ་གྱིས་ཡོངས་སུ་མྱ་ངན་ལས་འདའོ།། དེ་བས་ན་རྣམ་པ་མང་པོ་དག ་གིས་ཡོངས་སུ་མྱ་ངན་ལས་འདའ་བར་བྱེད་ལ། གཏན་དུ་ཡོངས་སུ་མྱ་ངན་ལས་འདའ་བའི་མིང་ཡང་མེད་པའི་ཕྱིར། ཡོངས་སུ་མྱ་ངན་ལས་མི་འདའོ།། བྱང་གི་སྒྲ་མི་སྙན་ལ་ལྔར་ནི། བདུད ་ཀྱི་ལས་བྱེད་པར་བདག་ཉིད་སྟོན་ཏེ། བདུད་སྡིག་ཅན་ཡིན་པར་སེམས་ཅན་རྣམས་ཀྱིས་ཤེས་ཀྱང་། བདུད་ཀྱི་ལས་ཀྱང་མི་བྱེད་དོ།། འདོད་ཆགས་དང་། ཞེ་སྡང་དང་། གཏི་མུག་གིས ་འཇིགས་པ་ལ་སོགས་པ་མི་དགེ་བའི་ཕྱོགས་ཇི་སྙེད་པ་དེ་སྙེད་ཀྱི་བདུད་ཀྱི་ལས་རྟག་ཏུ་བྱེད་ལ། ཤིན་ཏུ་གཅོད་པར་བྱེད་པའི་བདུད་ཀྱི་ལས་ལ་རྟེན་པ་ཡང་མ་ཡིན་ནོ།། འཛམ་བུའི་གླིང་དང ་བྱང་གི་སྒྲ་མི་སྙན་དུ་ཇི་ལྟ་བ་དེ་བཞིན་དུ་གླིང་ཐམས་ཅད་དུ་ཡང་སྦྱར་བར་བྱའོ། ། རྒྱལ་ཆེན་བཞི་ལ་ལ་དག་ཏུ་འམ། དེ་བཞིན་དུ་སུམ་ཅུ་རྩ་གསུམ་པའི་ཚོགས་ཀྱིས་ཡོངས་སུ་བསྐོར ་བའི་ནང་དུ། ལྷའི་དབང་པོ་བརྒྱ་བྱིན་ལྟ་བུར་བདག་ཉིད་སྟོན་ཏེ། ལྷ་རྣམས་ཀྱི་དབང་པོ་བརྒྱ་བྱིན་ཡིན་པར་སུམ་ཅུ་རྩ་གསུམ་པའི་ལྷ་རྣམས་ཀྱིས་ཤེས་སོ།། འཇིག་རྟེན་སྐྱོང་བ་བཞི ་ལ་ཡང་དེ་བཞིན་དུ་སྦྱར་རོ། ། སྲེད་པ་ཐམས་ཅད་ལ་ཡང་སྲིད་པ་ཐམས་ཅད་ཀྱི་ཚུལ་དུ་མངལ་དུ་སྐྱེ་བ་རྣམ་པར་སྟོན་ཏེ། སྲེད་པ་ཐམས་ཅད་ཀྱི་སེམས་ཅན་རྣམས་རང་རང་གི་གཟུགས་དང་འདྲ་བར ་སེམས་སོ། ། དེ་བཞིན་དུ་སྲིད་པའི་ཡན་ལག་བཅུ་གཉིས་ཀྱི་རང་བཞིན་ཐམས་ཅད་དུ་ཡང་བདག་ཉིད་སྟོན་ཅིང་། སེམས་ཅན་ཐམས་ཅད་ཀྱང་ཁམས་ཀྱི་འདུ་ཤེས་ལ་འཇུག་པར་བྱེད་ལ། ་སེམས་ཅན་གྱི་ཁམས་ལ་ཡང་མི་གནས་ཤིང་། ཆོས་ཀྱི་དབྱིངས་ཡིན་ལ། རྟག་ཏུ་ཆོས་ཀྱི་གཏམ་བྱེད་པར་ཡང་སེམས་ཅན་རྣམས་ཀྱིས་ཤེས་སོ།། སྤྲིན་ཆེན་སྙིང་པོ་དེ་བས་ན། ཟབ་མོ ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ལ་ནི་འཇུག་པའི་གནས་ཀྱི་གཞི་གཅིག་ཏུ་ཆད་པ་མེད་དེ། ཉན་ཐོས་དང་། རང་སངས་རྒྱས་ཀྱི ་ཡུལ་གྱི་རྒྱུ་བ་ལ་རྒྱུ་བར་མི་བྱེད་དོ། ། འཇིག་རྟེན་དང་འཐུན་པར་འཇུག་པའི་བྱ་བ་དུ་མ་དང་། སེམས་ཅན་ཐམས་ཅད་ངེས་པར་བསྒྲལ་བའི་ཕྱིར་ནི་རྒྱུ་བ་ཡང་མི་བྱེད་དེ། རྟག་ཏུ་འཇིག ་རྟེན་ཐམས་ཅད་དང་འཐུན་པར་འཇུག་ཅིང་། གང་དང་གང་དུ་གདུལ་བར་བྱ་བ་རྣམས་སྣང་བ་དེ་དང་དེར་ཡང་། བདག་ཉིད་སྟོན་ཏེ། དེ་བས་ན་མཚན་མ་མེད་པའི་འདུ་ཤེས་ལ་སྤྱོད་པ་ཞེས ་བྱའོ། ། གང་གིས་མཚན་མོའི་དངོས་པོ་ངན་པའི་འདུ་ཤེས་མཐོང་བ་དེས་ནི་ཡང་དག་པར་མཐོང་ངོ་ཞེས་ང་སྨྲའོ།། ལྷ་མོ་དྲི་མ་མེད་པའི་འོད་འདི་མཚན་མ་མེད་པའི་ཡེ་ཤེས་སྟོན་པ་དེ་བཞིན་དུ། དེ་བཞིན་གཤེགས ་པ་ཐམས་ཅད་ཀྱང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ལ་འདི་སྟོན་པར་མཛད་དོ། ། དེ་ནས་སྤྲིན་ཆེན་སྙིང་པོས་གསོལ་པ། ཀྱེ་མ་བཅོམ ་ལྡན་འདས་ལྷ་མོ་དྲི་མ་མེད་པའི་འོད་འདི་ནི་ཤིན་ཏུ་མཁས་ཏེ། ཕྲ་བ་ཤེས་པ་དང་ལྡན་ཞིང་མཚན་མ་མ་མཆིས་པའི་ཡེ་ཤེས་ཀྱི་ཡུལ་བསམ་གྱིས་མི་ཁྱབ་པ་ལ་སྒོམ་པར་བགྱིད་དེ། ཤིན་ཏུ་ལེགས ་པར་ཡང་དག་པར་མཐོང་བ་ལགས་སོ། ། དེ་ནས་དེའི་ཚེ། བཅོམ་ལྡན་འདས་ཐམས་ཅད་མཁྱེན་ཅིང་ཐམས་ཅད་མཁྱེན་པ་དང་ལྡན་པས་འཛུམ་པ་མཛད་ནས། འོད་འཕྲོ་བ་སྔོན་པོ་དང་། སེར ་པོ་དང་། དམར་པོ་དང་། དཀར་པོ་དང་། ལེབ་རྒན་དང་། ཤེལ་དང་། དངུལ་གྱི་ཁ་དོག་ཅན་བཅོམ་ལྡན་འདས་ཀྱི་ཞལ་གྱི་སྒོ་ནས་བྱུང་སྟེ། འཇིག་རྟེན་གྱི་ཁམས་མཐའ་ཡས་མུ་མེད་པར་འོད ་ཀྱིས་ཁྱབ་པར་གྱུར་ནས། ཚངས་པའི་འཇིག་རྟེན་ལ་ཐུག་པའི་བར་དུ་སོང་སྟེ། སླར་ཡང་ལོག་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་སྤྱི་གཙུག་ཏུ ་མི་སྣང་བར་གྱུར་ཏོ། ། དེའི་ཚེ་ས་རྣམ་པ་དྲུག་ཏུ་གཡོས། རབ་ཏུ་གཡོས། ལྡེག་རབ་ཏུ་ལྡེག་པར་གྱུར་ཏོ།། རིགས་ཀྱི་བུ་དཔེར་ན། བྱང་གི་སྒྲ་མི་སྙན་གྱི་གླིང་རྟག་ཏུ་ཤིན་ཏུ་བརྒྱན་ཅིང་། ཁོ་ར ་ཁོར་ཡུག་ནས་མཛེས་པར་བྱས་པ་དེ་བཞིན་དུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ལེགས་པར་བརྒྱན་པར་མཐོང་ངོ་།། དེ་ནས་བྱང་ཆུབ་སེམས་དཔའ་སེམས ་དཔའ་ཆེན་པོ་སྤྲིན་ཆེན་སྙིང་པོ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་བཟུར་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ ་ཏོ། ། བཅོམ་ལྡན་འདས་དེ་བཞིན་གཤེགས་པ་ནི་དོན་མ་མཆིས་པར་འཛུམ་པ་མི་མཛད་ན། འཛུམ་པ་མཛད་པའི་རྒྱུ་གང་ལགས། རྐྱེན་གང་ལགས། ཅིའི་སླད་དུ་ནི་འོད་ཟེར་རྣམས་བྱུང་བར་གྱུར ་བཅོམ་ལྡན་འདས་ཀྱིས་བཀའ་སྩལ་པ། འདི་ནི་སྔ་མའི་ཚེ་ནུབ་ཕྱོགས་ནས། བྱང་ཆུབ་སེམས་དཔའ་མིར་གྱུར་པའི་འོད་ཆེན་པོ་བྱུང་བ་མཐོང་ནས། ཁྱོད་ཀྱི་ཡིད་ལ་ངོ་མཚར་དུ་གྱུར་ཏེ། བཅོམ་ལྡན ་འདས་འདི་སུའི་སྔ་ལྟས་ལགས་ཤེས་ཟེར་བ་དེ་ཉིད་ཀྱི་དོན་དང་། སེམས་ཅན་ཐམས་ཅད་ལ་ཕན་པའི་ཕྱིར། ང་འཛུམ་པ་མཛད་དོ།། གསོལ་པ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མི ་མཆོག་དེ་མཆི་ཤིག་པར་བཀའ་སྩལ་དུ་གསོལ། བཀའ་སྩལ་པ། བྱང་ཆུབ་སེམས་དཔའ་འདི་ནི་ནུབ་ཕྱོགས་ལོགས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས ་འོད་དཔག་མེད་ཅེས་བྱ་བ་འཇིག་རྟེན་གྱི་ཁམས་བདེ་བ་ཅན་ཞེས་བྱ་བ་དེ་ན་ད་ལྟར་འཚོ་ཞིང་གཞེས་ཏེ། ཆོས་ཀྱང་སྟོན་པའི་དེ་བཞིན་གཤེགས་པ་དགྲ་བཅོམ་པ་ཡང་དག་རྫོགས་པའི་སངས་རྒྱས་དེས་བཏང ་ཏེབཅོམ་ལྡན་འདས་ཤཱཀྱ་ཐུབ་པ་འཇིག་རྟེན་གྱི་ཁམས་མི་མཇེད་ན། ད་ལྟར་འཛམ་བུའི་གླིང་བའི་མི་བསོད་ནམས་ཆུང་ངུ་རྣམས་ལ་ཕན་པ་དང་བདེ་བ་དང་། ཡིད་བདེ་བ་སྐྱེད་པར་བྱ་བའི་ཕྱིར། ་སྤྲིན་ཆེན་པོ་ཞེས་བྱ་བ་སངས་རྒྱས་ཐམས་ཅད་ཀྱིས་ཚུལ་གྱིས་ཆོས་ཆེན་པོ་སྟོན་གྱིས། སོང་ལ་ཏིང་ངེ་འཛིན་འདི་ཡང་ཟུང་ཤིང་ཅེས་གསུངས་སོ།། སྤྲིན་ཆེན་སྙིང་པོ་ཞེས ་ཁྱོད་ཀྱིས་འདིའི་རང་བཞིན་གྱི་ལུས་མཐོང་ངམ། གསོལ་པ། བཅོམ་ལྡན་འདས་འདིའི་རང་བཞིན་གྱི་ལུས་ཀྱི་ངོ་བོ་ལ་དཔག་ཚད་ས་ཡ་ཕྲག་དགུ་དང་དགུ་འབུམ་མཆིས་ཏེ། ལུས་ཆེ་ཞིང་སྣང་བ ་ཆེན་པོར་གདའ་བ་ལགས་ན། བཅོམ་ལྡན་འདས་ཀྱེ་མ་བྱང་ཆུབ་སེམས་དཔའ་ལུས་ཆེ་བ་འདིའི་མིང་ནི་ཅི་ཞེས་བགྱི། གལ་ཏེ་ཐ་མལ་པའི་ལུས་འདྲི་འདྲ་བ་ལགས་ན། བསྒྱུར་བའི་ལུས་ཅི ་འདྲ་བར་འགྱུར། ཇི་ལྟར་སེམས་ཅན་ཐམས་ཅད་ལ་སྨན་པའི་སླད་དུ་མཆིས་པ། སེམས་ཅན་ཐམས་ཅད་ལ་སྨན་པའི་སླད་དུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས ་ཀྱིས་བཀའ་སྩལ་པ། བྱང་ཆུབ་སེམས་དཔའ་འོད་མཐའ་ཡས་ཤེས་བྱ་བ་ཐབས་ལ་མཁས་པ་འདི་ནི། ལྷ་མོ་དྲི་མ་མེད་པའི་འོད་འདི་ལུང་བསྟན་པ་ཡོངས་སུ་གཟུང་བ་དང་། སེམས་ཅན་ཐམས ་ཅད་ཡི་རང་བར་བྱ་བ་དང་། སེམས་ཅན་ཐམས་ཅད་ལ་ཕན་པ་དང་བདེ་བ་བྱ་བ་དང་། ངེས་པར་བསྒྲལ་བ་དང་། ཏིང་ངེ་འཛིན་འདི་ལ་མཆོད་པ་བྱ་བའི་ཕྱིར་འོངས་སོ།། གསོལ་པ། ལྷ་མོ་དྲི་མ ་མེད་པའི་འོད་གང་དུ་བུད་མེད་ཀྱི་ལུས་ལས་ལྡོག་པར་འགྱུར་བ། བཅོམ་ལྡན་འདས་དེ་བཞིན་གཤེགས་པས་ལུང་བསྟན་དུ་གསོལ། བཀའ་སྩལ་པ། སྤྲིན་ཆེན་སྙིང་པོ་བུད་མེད་ཀྱི་ལུས་ལས་གང ་དུ་ལྡོག་པར་འགྱུར་ཞེས་དེ་ལྟར་མ་ལྟ་ཞིག། གསོལ་པ། བཅོམ་ལྡན་འདས་འོ་ན་ཇི་ལྟ་བུ་ལགས། བཀའ་སྩལ་པ། འདི་ནི་བུད་མེད་མ་ཡིན་ཏེ། ལྷ་མོ་དྲི་མ་མེད་པའི་འོད་འདི་ནི་བསྐལ་པ་། ་བ་ཕྲག་གྲངས་མེད་པ་ནས། བྱང་ཆུབ་སེམས་དཔའི་བྱ་བ་བྱེད་པ་ཡིན་ཏེ། སེམས་ཅན་འདུལ་བའི་དབང་གིས་བུད་མེད་ཀྱི་ལུས་འཛིན་པས་ན་འདི་ནི་ཐབས་ཀྱི་ལུས་ཡིན་པར་བལྟའོ།། ཏིང ་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་རྟག་ཏུ་ཐབས་ཐམས་ཅད་ལ་འཇུག་པའི་ཕྱིར། སེམས་ཀྱི་སྨོན་ལམ་གྱིས་སྨོན་པར་བྱེད་དེ། འདོད་བཞིན་དུ་བུད་མེད ་ཀྱི་ལུས་ཀྱི་འདུ་ཤེས་ལ་འཇུག་གོ། ། དེ་ལྟར་བུད་མེད་ཀྱི་ལུས་བསྒྲུབ་པའི་བསམ་པ་འཇུག་ཀྱང་། འདོད་པའི་སེམས་ཀྱིས་གོས་པར་མི་འགྱུར་ཞིང་འདྲེས་པར་ཡང་མི་འགྱུར་རོ།། གསོལ ་པསེམས་ཅན་ཐམས་ཅད་ཀྱི་དོན་གྱི་སླད་དུ། ལྷ་མོ་དྲི་མ་མེད་པའི་འོད་ལུང་བསྟན་པ། རིགས་དང་གྲོང་དང་བཅས་པར་ཆོ་ག་བཞིན་དུ། བཅོམ་ལྡན་འདས་ཀྱིས་འདིར་བཤད་དུ ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་དྲི་མ་མེད་པའི་འོད་འདི་ནི་ང་ཐབས་ཀྱིས་ཡོངས་སུ་མྱ་ངན་ལས་འདས་པའི་འོག་ཏུ། ལོ་བདུན་བརྒྱ་ལོན་པ་ན་ལྷོ་ཕྱོགས ་ཀྱི་རྒྱུད་དུ། ཡུལ་འཁོར་མུན་ཅན་ཞེས་བྱ་བ་ཞིག་འབྱུང་བར་འགྱུར་ཏེ། ཡུལ་འཁོར་ཆེན་པོ་དེ་ན། ཆུ་ཀླུང་ནག་པོ་བཟང་ཞེས་བྱ་བ་ཞིག་ཡོད་པ་དེའི་ལྷོ་ཕྱོགས་ཀྱི་འགྲམ་ན། གྲོང ་ཁྱེར་དཔལ་ཡོན་ཅན་ངེས་པ་ཞེས་བྱ་བར་ཁམས་ཀྱི་རྒྱལ་པོ་སྤྱོད་ཅེས་བྱ་བའི་རིགས་སུ་འབྱུང་བར་འགྱུར་ཏེ། ཁམས་ཀྱི་རྒྱལ་པོ་དེའི་རིགས་རབ་ས་གསུམ་ལོན ་པ་ན། རྒྱལ་པོ་དཔལ་འཕེལ་ཞེས་བྱ་བ་ཞིག་འབྱུང་བར་འགྱུར་ཏེ། རྒྱལ་པོ་དེའི་བུ་མོ་སྙིང་དུ་སྡུག་ཅིང་བྱམས་ལ་ཡིད་དུ་འོང་བ་དང་། གནང་བ་དང་། མཆོག་ཏུ་མཛེས་ཤིང་གཟུགས་བཟང ་བ་ལ་རིགས་ཀྱི་སྤྱོད་པའི་ཚུལ་ཕུན་སུམ་ཚོགས་པ། སྐྱོང་བའི་རང་བཞིན་ཅན་དུ་སྐྱེ་བར་འགྱུར་ཏེ། དེའི་ཚེ་དེའི་དུས་ན། བུ་མོ་དེ་ཇི་ཙམ་དུ་སྐྱེས་པ་དེ་ཙམ་དུ། བདག་ཉིད་ཀྱི་རྒྱལ་པོའི་ཕོ་བྲང ་འཁོར་འཕེལ་བར་བྱེད་དེ། རྒྱལ་པོའི་ཕོ་བྲང་འཁོར་དེ་འབྱོར་ཅིང་རྒྱས་པར་འགྱུར་རོརོ།། དེ་བཞིན་དུ་མུན་པ་ཅན་གྱི་ཡུལ་འཁོར་ཡང་དེའི་ཚེ། འབྱོར་ཅིང་རྒྱས་པར་འགྱུར་ཏེ། སྐྱེ་བོ་མང་པོས་ཀྱང ་གང་བར་འགྱུར་རོ། ། འབྲུ་རྣམས་ཀྱི་ལོ་ཏོག་ཀྱང་ཤིན་ཏུ་ཕུན་སུམ་ཚོགས་པར་འགྱུར་རོ།། མི་རྣམས་ཀྱང་བདེན་པ་སྨྲ་བར་འགྱུར་རོ།། ནད་མེད་པ་དང་། འཇིགས་པ་མེད་པ་དང་། བདེ་བར ་ཡང་འགྱུར་རོ། ། དེ་ནས་བུ་མོའི་ཕ་རྒྱལ་པོ་དཔལ་འཕེལ་གྱིས་བདག་ཉིད་ཀྱི་བསོད་ནམས་ཀྱི་གྲོང་ཁྱེར་དང་། ཡུལ་འཁོར་འབྱོར་ཅིང་རྒྱས་ལ་ཡུལ་གྱི་མི་རྣམས་ཤིན་ཏུ་ལེགས་པར་འདོད ་པ་དང་། འབྲུ་ཤིན་ཏུ་སྣ་ཚོགས་པར་མཐོང་ནས། བདག་ཉིད་ཀྱི་བུ་མོ་མིང་ལོ་ཏོག་འབྱོར་མ་ཞེས་ཡོན་ཏན་དང་འཐུན་པའི་མིང་འདོགས་སོ།། དེ་ནས་རིམས་ཀྱིས་རྒྱལ་པོ་དཔལ་འཕེལ ་རང་གི་བསོད་ནམས་ཟད་པས་འཆི་བའི་བུ་ཁྱེད་པར་འགྱུར་རོ། ། དེ་ནུས་གྲོང་ཁྱེར་དང་། ཟོང་རྡལ་དང་། དུལ་གྱི་མི་ཐམས་ཅད་འདུས་ཏེ། གཞོན་ནུ་རྒྱལ་པོ་ནུས་པ་འགའ་ཡང་མེད། ་ཀྱིས། ལྷ་མོ་ལོ་ཏོག་འབྱོར་མ་འདི་ཉིད་རྒྱལ་པོར་དབང་བསྐུར་ལ། རྒྱལ་པོའི་ཕོ་བྲང་དུ་དེ་འདྲ་བའི་གཞོན་ནུ་འགའ་ཞིག་མིང་ཁྱེར་ཙམ་དུ་བཞག་སྟེ། དེ་ལྟར་བྱས་ན་ལེགས་སོ་སྙམ་མོ།། ་དེ་ནས་ལྷ་མོ་དེ་དང་རྒྱལ་པོ་གཞོན་ནུ་དེ་རྒྱལ་པོ་བྱེད་དུ་བཅུག་སྟེ། པོ་འུང་ཏི་མོ་འུད་ཏི་བཞིན་དུ་སྐད་བཏགས་ནས། བདག་ཉིད་ཀྱི་ཡུལ་དུ་བདག་ཉིད་ཀྱིས་བུད་མེད་ཀྱི་གཟུགས ་ཀྱིས་རྒྱལ་སྲིད་ཆེན་པོ་ཡོངས་སུ་སྤྱད་དེ། མུ་སྟེགས་ཅན་ངན་པའི་སྡེ་མངོན་པར་འདུལ་བར་བྱེད་ཅིང་། འཛམ་བུའི་གླིང་གི་ས་བཞི་ཐམས་ཅད། དྲ་བཞིན་གཤེགས་པའི་མཆོད་རྟེན་གྱི་མངོན་མཚན ་ཅན་དུ་བྱས་ནས། བཀུར་སྟིར་བྱེད། བླ་མར་བྱེད། རིམ་གྲོར་བྱེད། མཆོད་པར་བྱེད་དེ། རིན་པོ་ཆེ་ཐམས་ཅད་ཀྱི་གདུགས་ཆེན་པོ་དང་། རིན་པོ་ཆེ་ཐམས་ཅད་ཀྱི་བ་དན་རྣམས་དང་། རིན ་པོ་ཆེ་ཐམས་ཅད་ཀྱི་རྣམ་པར་རྒྱལ་བའི་བ་དན་རྣམས་དང་། སྤོས་ཐམས་ཅད་ཀྱིས་བསྒོས་པའི་ཙན་དན་གྱི་ཕྱེ་མ་དང་། སྤོས་དང་། མེ་ཏོག་ཐམས་ཅད་དང་། རྔ་པ་ཊ་ཧ་དང་། ཁ་ར་རྔ་དང་རྫ་རྔ་དང་པི ་ཝང་དང་། གླིང་བུ་དང་། སིལ་སྙན་བརྒྱ་ཕྲག་ཐམས་ཅད་ཀྱིས་མཆོད་པ་བྱས་ནས། འཛམ་བུའི་གླིང་ཐམས་ཅད་བསྐོར་ཏེ། དགེ་སློང་ཚུལ་ཁྲིམས་དང་ལྡན་པ་དང་། ཡོན་ཏན་དང་ལྡན་པ ་རྣམས་ལ་ཆོས་གོས་དང་། བསོད་སྙོམས་དང་། མལ་སྟན་དང་། ན་བའི་གསོ་སྨན་དང་། ཡོ་བྱད་རྣམས་དང་ལྡན་པར་བྱས་ཏེ། ཕ་རོལ་ཏུ་ཕྱིན་པ་བཅུའི་སྤྱད་པ་སྤྱོད་ཅིང ་རྟག་ཏུ་བསླབ་པའི་གཞི་ལྔ་བཟུང་ནས། དབུལ་པོ་ལ་སོགས་པ་ཁྱིམ་ཀོལ་གྱི་སེམས་ཅན་ཐམས་ཅད་གང་དང་གང་ལ་ཅི་དང་ཅིས་དོན་དུ་འགྱུར་བ་དེ་དང་དེ་ལ་དེ་དང་དེ་བྱིན་ནས། འདུ་ཤེས་བཅུའི ་བསྡུ་བ་བསྡུས་ཏེ། སྤྱོད་པར་བྱེད་ཅིང་སེམས་ཅན་བྱེ་བ་ཕྲག་མང་པོ་དག་རིམས་བཞིན་དུ་བརྟུལ་ཏེ། སེམས་ཅན་དེ་དག་གི་དགེ་བའི་རྩ་བ་ཡོངས་སུ་སྨིན་པར་ཤེས་ནས། སྤྲིན་ཆེན་པོའི་མདོ་འདི ་ལ་སོགས་པ། དེ་བཞིན་གཤེགས་པ་ཐམས་ཅད་ཀྱིས་གསུངས་པ། མཚུངས་པ་མེད་པའི་མདོ་རིན་པོ་ཆེའི་དམ་པའི་ཆོས་བསྟན་པ་འབྱུང་བར་བྱ་བའི་ཕྱིར། ཅིའི་ཐབས་ཀྱིས་ཀྱང་མཚུངས ་པ་མེད་པའི་སྒྲ་སྒྲོགས་པར་བྱེད་ཅིང་། མཚུངས་པ་མེད་པའི་གླེགས་བམ་བྲིས་པའི་སྣོད། སངས་རྒྱས་ཀྱིས་གང་དང་གང་དུ་བྱིན་གྱིས་བརླབས་པའི་གནས་རྣམས་སུ་འཇོག་པར་བྱེད་དེ། དེ་ལྟར་མཚུང ་པ་མེད་པའི་ས་བོན་བསྐྱེད་ནས། དེའི་འོག་ཏུ་འཆི་བའི་དུས་བྱེད་པར་འགྱུར་རོ།། དེའི་ཚེ་ལྷ་མོ་ལོ་ཏོག་འབྱོར་མ་ཤེས་རབ་ཆེན་མོ་ཐབས་མཁས་པ། ཟབ་མོ་ཤེས་པ་དང་ལྡན་པའི་ལྷ་མོས། བུང ་མེད་ཀྱི་ལུས་ལས་ལྡོག་པར་འགྱུར་རོ། ། སྤྲིན་ཆེན་སྙིང་པོས་གསོལ་པ། བཅོམ་ལྡན་འདས་ཅི་ལྷ་མོ་འདི་སེམས་ཅན་ཐམས་ཅད་ཀྱི་དད་པ་བསྐྱེད་པའི་སླད་དུ་ཆོ་འཕྲུལ་ཆེན་པོ་བགྱིས་ནས་ཡོངས ་སུ་མྱ་ངན་ལས་འདའ་བར་འགྱུར་རམ། བཀའ་སྩལ་པ། སྤྱན་ཆེན་སྣང་པོ་ཅི་ལྷ་མེ་འདི་ཆོ་འཕྲུལ་ཆེན་པོ་བྱེད་མི་ནུས་ཤེས་སྨྲའམ། བཅོམ་ལྡན་འདས་དེ་ནི་མ་ལགས་སོ།། བཀའ་སྩལ་པ། ་སྤྲིན་ཆེན་སྙིང་པོ་ལྷ་མོ་འདི་ཆོ་འཕྲུལ་ཆེན་པོ་སྟོན་མི་ནུས་སོ་ཞེས་དེ་སྐད་མ་ཟེར་ཅིག། འོན་ཀྱང་འདུལ་བའི་དབང་གིས་ནི་མི་འདོད་དོ།། དེ་ཅིའི་ཕྱིར་ཞེ་ན། འཛམ་བུའི་གླིང་འདི་ན་ལྷ་མོ་འདི་ལ ་སོགས་པ་དགེ་སློང་ངམ། དགེ་སློང་མ་ཚུལ་ཁྲིམས་དང་ལྡན་པར་གྱུར་ནས། ཡོངས་སུ་མྱ་ངན་ལས་འདའ་བར་མི་འགྱུར་བའི་སེམས་ཅན་དེ་གང་ཡང་མེད་དེ། དེ་ནི་གནས་མེད་དོ།། སྤྲིན་ཆེན ་སྙིང་པོ་དེ་བས་ན། མ་འོངས་པའི་སེམས་ཅན་བསོད་ནམས་ཆུང་ངུ་ཐམས་ཅད་ཀྱི་དད་པ་བསྐྱེད་པའི་ཕྱིར་མདོ་འདི་བྱང་ཆུབ་སེམས་དཔའ་རྣམས་ལུང་བསྟན་པར་བྱེད་དོ་ཞེས་ང་སྨྲའོ།། སྤྲིན་ཆེན་སྙིང ་པོ་དེའི་ཚེ་ལྷ་མོ་འདི་བུད་མེད་ཀྱི་ལུས་ལས་བཟློག་ནས། དེ་བཞིན་གཤེགས་པ་འོད་དཔག་མེད་ཀྱི་སངས་རྒྱས་ཀྱི་ཞིང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བ་ལེན་པར་འགྱུར་ཏེ། འཇིག་རྟེན་གྱི ་ཁམས་དེར་བདེ་བ་ཉམས་སུ་མྱོང་ནས། རིམས་ཀྱིས་སངས་རྒྱསུ་འགྱུར་རོ།། གསོལ་པ། བཅོམ་ལྡན་འདས་ཐབས་ལ་མཁས་པ་དང་ལྡན་པའི་ལྷ་མོ་འདི་ཡུན་ཇི་སྲིད་ཅིག་ན་སངས་རྒྱས་སུ ་འགྱུར། འདིའི་མིང་ཡང་ཇི་སྐད་ཅེས་བགྱི་བར་འགྱུར། བཅོམ་ལྡན་འདས་དེ་འཇིག་རྟེན་གྱི་ཁམས་ནི་ཅི་འདྲ་བར་འགྱུར། བཀའ་སྩལ་པ། ལྷ་མོ་འདི་བསྐལ་པ་གྲངས་མེད་པ་ཕྲག་ལྔ་བརྒྱ་འདས ་པ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བར་འགྱུར་ཏེ། དེ་བཞིན་གཤེགས ་པབ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི ་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་གཙང་ཞིང་བདེན་པའི་མཚམས་འཕེལ་བར་མཛད་པ་ཞེས་བྱ་བར་འགྱུར་རོ།། འཇིག་རྟེན་གྱི་ཁམས་མི་མཇེད་འདི་ཡང་འཇིག་རྟེན་གྱི་ཁམས་གཙག ་མ་སྦྱོང་བ་ཞེས་བྱ་བར་འགྱུར་རོ། ། བསྐལ་པ་ནི་གཙང་ཞིང་བདེན་པའི་མཚམས་ཤེས་བྱ་བར་འགྱུར་ཏེ། འཇིག་རྟེན་གྱི་ཁམས་གཙང་མ་སྤོང་བ་དེ་འབྱོར་པར་འགྱུར། རྒྱས་པར་འགྱུར། བདེ་བ ་དང་ཉམས་དགའ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས་གང་བར་འགྱུར་རོ།། འབྱོར་ཅིང་རྒྱས་པར་གྱུར་པ་དེའི་ཚེ། འཛམ་བུའི་གླིང་འདིར་གྲོང་ཁྱེར་གཙང་མ་བསྲུང་ལྡན ་ཞེས་བྱ་བ་ཞིག་འབྱུང་བར་འགྱུར་ཏེ། གྲོང་ཁྱེར་གཙང་མ་གསུང་ལྡན་དུ་མི་བྱེ་བ་བརྒྱ་སྟོང་ཕྲག་དགུ་བཅུ་རྩ་བརྒྱད་འབྱུང་བར་འགྱུར་རོ།། དཔེ་མེད་པའི་གྲོང་ཁྱེར་དེར་རབ་དང་། ཡང་ཏོག་དང་། ་བླ་བཙོགས་དང་། འོབས་དཔེ་མེད་པ་དག་འབྱུང་བར་འགྱུར་རོ།། དག་ཅིང་ཉོན་མོངས་པ་ཞི་བར་བྱེད་པའི་ཆུ་ཀླུང་ནག་པོ་བཟང་ཞེས་བྱ་བ་ནི་དེའི་ཚེ། གཙང་མ་བཟང་པོ་ཞེས་བྱ་བར་འགྱུར ་ཏེ་འགྲམ་ཕ་རོལ་ཚུ་རོལ་དཔེ་མེད་པའི་ཤིང་ལྗོན་པའི་ཀུན་དགའ་ར་བ་ཉམས་དགའ་བ་དང་ལྡན་པར་འགྱུར་རོ། ། འཇིག་རྟེན་གྱི་ཁམས་གཙང་མ་སྤོང་བ་དེ་ཡང་འདི་ལྟ་སྟེ ་དཔེར་ནཱ། དགའ་ལྡན་གྱི་ལྷ་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་བཞིན་ཏེ། རི་དང་། རྡོ་དང་། བོང་བ་དང་། གྱོ་མོ་དང་། གསེག་མ་ལ་སོགས་པ་མེད་པར་འགྱུར་ཞིང་། མུ་སྟེ། ་ཅན་གྱི་མིང་ཡང་མེད་འགྱུར་རོ།། ཉན་ཐོས་དང་། རང་སངས་རྒྱས་ཐམས་ཅད་ཀྱི་མིང་ཡང་མི་གྲག་པར་འགྱུར་རོ།། སྐྱེས་པ་དང་། བུད་མེད་དག་པའི་བྱང་ཆུབ་སེམས་དཔའི་ངགེ་འདུན ་ཡང་འབྱུང་བར་འགྱུར་རོ། ། དེ་ན་ཉན་ཐོས་དང་། རང་སངས་རྒྱས་ཤེས་པའི་གཏམ་གྱི་མིང་ཡང་མེད་དེ། ཐེག་པ་ཆེན་པོའི་མདོའི་གཏམ་རྒྱས་པར་སྟོན་པར་འགྱུར་རོ།། བདུད་དང ་ཕྱིར་རྒོལ་བ་བཅོམ་པའི་སེམས་ཅན་རྣམས་འབྱུང་བར་འགྱུར་རོ། ། དག་ཅིང་བཟོད་པ་ཆེན་པོའི་རྙེད་པ་ཐོབ་པ་དག་འབྱུང་བར་འགྱུར་རོ།། ས་གཞི་ཡང་ནོར་བུ་རིན་པོ་ཆེ་ཐམས་ཅད་ལ ་གྲུབ་པར་འགྱུར་ཏེ། ། འཛམ་བུའི་ཆུ་བོའི་གསེར་གྱི་མེ་ཏོག་དང་། པདྨ་ཐམས་ཅད་ཀྱིས་སྤྲས་པར་འགྱུར་རོ།། དེ་བཞིན་གཤེགས་པ་དེ་ཡང་ཚེ་དཔག་ཏུ་མེད་པར་འགྱུར་རོ།། ་དེ་བཞིན་དུ་མི་རྣམས་ཀྱི་ཚེ་ཡང་ཚད་མེད་པར་འགྱུར་རོ།། དེ་བཞིན་གཤེགས་པ་དེ་ནི་གྲོང་ཁྱེར་གཙང་མ་བསུང་ལྡན་དུ་བཞུགས་པར་འགྱུར་རོ།། བཅོམ་ལྡན་འདས་དེའི་སྨོན་ལམ་གྱི ་ཁྱད་པར་གྱིས་ན། མ་འོངས་པའི་སེམས་ཅན་གྱི་ཚོགས་མང་པོ་དག་གིས་དེ་བཞིན་གཤེགས་པ་དེའི་མཚན་ཐོས་པ་ཙམ་གྱིས། རང་གི་ལུས་ལས་ཤི་འཕོས་མ ་ཐག་ཏུ། འཇིག་རྟེན་གྱི་ཁམས་གཙང་མ་སྦྱོང་བ་དེར་གྲོང་ཁྱེར་གཙང་མ་གསུང་ལྡན་དུ་སྐྱེ་བར་འགྱུར་ཞེས་ང་སྨྲའོ།། ངན་སོང་བཞི་ཡང་དེ་དག་གི་སྤྱོད་ཡུལ་གྱི་སར་མི་འགྱུར་རོ།། སྤྲིན ་ཆེན་སྙིང་པོ་དེ་བས་ན་ང་ནི་བཅོམ་ལྡན་འདས་དེའི་འཇིག་རྟེན་གྱི་ཁམས་གཙང་མ་སྦྱོང་བ་དང་། བསྐལ་པ་གཙང་ཞིང་བདེན་པའི་མཚམས་ཤེས་བྱ་བ་དང་། དེ་བཞིན་གཤེགས་པ་གཙང་ཞིང་བདེ ་བའི་མཚམས་འཕེལ་བར་མཛད་པ་ཞེས་བྱ་བའི་ཡོན་ཏན་གཟུང་བ་སྨྲའོ། ། དེ་ནས་འཁོར་ཆེན་པོའི་ནང་ནས། ལྷ་དང་མིའི་ཚོགས་ཚད་མེད་པས་བཅོམ་ལྡན་འདས་ལ་མཆོད་པ་ཆེན ་པོའི་ལས་བྱས་ཏེ། གར་བྱས། གླུ་བླངས་ནས། བཅོམ་ལྡན་འདས་དེའི་བྱང་ཆུབ་སེམས་དཔའི་སྤྱོད་པ་ལ་སེམས་བསྐྱེད་དོ།། འདི་ནི་མ་འོངས་པའི་སེམས་ཅན་བྱེ་བ་སྙེད་དག་ལུང་སྟོན་པ ་སྤྲིན་ཆེན་པོའི་མདོ། ། ཚིག་པར་བརྒྱད་པར་སྦྱར་བའི་ལེའུ་འབུམ་པ་ལས་ལུང་བསྟན་པའི་རྒྱུད་ཡིན་ནོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། སྤྲིན་ཆེན་སྙིང་པོ་ལ་སོགས་པ། ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་རྣམས་ཡི་རང་སྟེ། བཅོམ་ལྡན ་འདས་ཀྱིས་གསུངས་པ་ལ་མངོན་པར་བསྟོད་དོ། ། འཕགས་པ་སྤྲིན་ཆེན་པོ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། ། རྒྱ་གར་གྱི་མཁན་པོ་སུ་རེན་དྲ་བོ་དྷེ་དང ་