| Wylie | e-texts produced with BDRC’s OCR application |
། རྒྱ་གར་སྐད་དུ། ཨཱརྱཱ་བ་ལོ་ཀི་ཏེ་ཤྭ་རཱི་ཡ་སི་ཧ་ནཱ་ད་ན་མ་དྷཱ་ར་ཎི། བོད་སྐད་དུ། འཕགས་པ་སྤྱན་རས་གཟིགས་དབང་ཕྱུག་སེང་གེ་སྨྲ ་གཟུངས་ཞེས་བྱ་བ། བཅོམ་ལྡན་འདས་རྡོ་རྗེ་འཆང་ལ་ཕྱག་འཚལ་ལོ།། འདི་སྐད་བདག་གིས་ཟོས་པ་དུས་གཅིག་ན། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་ཕོ་བྲང་རི་པོ ་པོ་ཊ་ལའི་རྩེ་མོ་ན། རིན་པོ་ཆེའི་ཁང་བཟངས་རིན་པོ་ཆེ་དང་། མུ་ཏིག་དང་། ནོར་བུ་དཔག་མེད་ཀྱིས་སྤྲས་པ། འོད་ཀྱིས་སྟོང་གསུམ་ཁྱབ་པ། མེ་ཏོག་དྲི་ཞིམ་པོ་སྣ་ཚོགས་ཀྱིས་ཀུན་ནས་བརྒྱན ་པའི་ས་ཕྱོགས་དེ་ན་བྱམས་པ་ལ་སོགས་པའི་བྱང་ཆུབ་སེམས་དཔའ་དཔག་ཏུ་མེད་དང་། ཉན་ཐོས་ཆེན་པོ་ཤཱ་ར་དྭ་ཏིའི་བུ་ལ་སོགས་པ་དགེ་སློང་རབ་ཏུ་མང་པོས་ཡོངས་སུ་བསྐོར་ཞིང་། བཅོམ་ལྡན ་འདས་སེང་གེའི་གདན་བཤམས་པ་ལ་བཞུགས་སོ། ། འཁོར་དེར་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་ཞེས་བྱ་བ་འདུས་ཏེ་འདུག་པར་གྱུར་པ་དེ་རང་གི་སྟན་ལས་ལངས་ཏེ ་བླ་གོས་ཕྲག་པ་གཅིག་ཏུ་གབར་ནས། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ ་ཏོ། ། བཅོམ་ལྡན་འདས་ཡུལ་མ་ག་དྷ་ན་རྒྱལ་པོ་དབང་ཕྱུག་འོད་ཅེས་བགྱི་བ་འཁོར་དང་། བཙུན་མོ་དང་། ལོངས་སྤྱོད་ཕུན་སུམ་ཚོགས་པ་དང་ལྡན་པ་ལས། རྒྱལ་པོ་དེ་ལ་མཛེ་དང་། ཕོལ་མིག ་དང་། དབུགས་མི་བདེ་བ་སྙིང་ནད་འབར་བ་བྱུང་སྟེ། དེ་ཇི་ལྟར་བསལ་བར་བགྱི། བཅོས་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་སྔོན་འཇིག ་རྟེན་གྱི་ཁམས་འདི་ཉིད་ན་འཇམ་དཔལ་ཁྱོད་ཉིད་བྱང་ཆུབ་སེམས་དཔའ་ཤེས་རབ་ཆེན་པོ་ཞེས་བྱ་བ་ཡིན་ལ། འཕགས་པ་སྤྱན་རས་གཟིགས་དབང་ཕྱུག་སེང་གེ་སྒྲ་འདི་ཉིད་བྱང་ཆུབ་སེམས་དཔའ ་སྙིང་རྗེའི་མཆོག་ཅེས་བྱ་བ་ཡིན་པས། བྱང་ཆུབ་སེམས་དཔའ་དེ་གཉིས་སྟོང་གསུམ་དུ་སེམས་ཅན་གྱི་དོན་ལ་གཤེགས་པ་ལ་སེང་གེ་དཀར་པོ་གཅིག་དབང་དུ་བསྡུས་ཏེ་ཆིབས་པ་བྱས། སྐུ་ལ ་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ། མདུང་རྩེ་གསུམ་པ་དང་། རལ་གྲི་དང་། པདྨ་དང་། ཨུཏྤལ་ཐོགས་ནས་ཕྱིན་པ་ལ། རྒྱ་མཚོ་ཆེན་པོ་ལ་རྒལ་བའི་དུས་སུ་སེང་གེ་བཞག་ནས་འཁུར ་རེས་བྱས་ཤིང་བྱོན་པ་ལ། བྱང་ཆུབ་སེམས་དཔའ་ཤེས་རབ་ཆེན་པོ་ཁྱོད་ཉིད་ནི་གྲོགས་ལ་ཕན་པའི་སེམས་ཀྱིས་རང་གི་རལ་གྲིས་རང་བཀུམ་མོ།། བྱང་ཆུབ་སེམས་དཔའ་སྙིང་རྗེ་མཆོག་གི ་བསམ་པ་ལ་སྟེང་འོག་པར་སྣང་གི་ཀླུ་དང་ལྷ་ལ་སོགས་པས་བསད་དམ་སྙམ་ནས་བཏུང་བའི་སྣོད་བྲམ་ཟེའི་ཐོད་པ་ལག་ན་ཐོགས། ཏྲི་ཤཱུ་ལ་རྩེ་གསུམ་པ་ལག་ན་ཐོགས། སེང་གེ་དཀར་པོ ་ལ་ཞོན། མྱ་ངན་དུ་རལ་པ་ཐོད་དུ་བཅིངས་ནས་སྟེང་གི་ལྷ་ལ་བསྡིགས་ཏེ། སྙིང་རྗེའི་སྟོབས་ཀྱིས་སེམས་ཅན་དོན་བྱས་པས།། རང་གི་གྲོགས་པོས་སྤངས་ནས་གཅིག། ་པུབུ་ལུས།། ལྷ་རྣམས་ཀུན་གྱིས་ཉེས་ན་ཆད་པའི་ལས།། གྲོང་ཁྱེར་འཇོམས་ཤིང་ལྷ་རྣམས་འགུམས་པར་བགྱིད།། ཅེས་སྨྲས་ཏེ་ལྷ་རྣམས་ལ་ཏྲི་ཤཱུ་ལ་གདེངས་པ་དང་། རྒྱལ་པོ་ཆེན་པོ་བཞི ་དང་། ལྷའི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་དང་། ཁམས་གསུམ་གྱི་ལྷ་དགའ་བའི་མདངས་ཕྱུང་སྟེ། ལྷའི་མེ་ཏོག་པདྨ་དང་། ཀུ་མུ་ད་དང་། པུཎྜ་རི་ཀ་དང་། ཙམ་པ་ཀ་ལ ་སོགས་པ་ཕུལ་ཏེ་ཐོད་པ་བཀང་ངོ་། ། དེ་ནས་པར་སྣང་གི་ལྷ་དང་།། ཀླུ་དང་། དྲི་ཟ་དང་། གནོད་སྦྱིན་དང་། ལྷ་མ་ཡིན་དང་། གྲུལ་བུམ་དང་། ནམ་མཁའ་ལྡིང་དང་། མི་འམ་ཅི་ལ་སོགས་པ་ལ་བསྡིགས་པ། ་ཏྲི་ཤཱུ་ལ་གདེངས་ནས། སྙིང་རྗེའི་སྟོབས་ཀྱིས་སེམས་ཅན་དོན་བྱས་པས། རང་གི་གྲོགས་པོས་སྤངས་ནས་གཅིག་པུ་ལུས།། སྡེ་བརྒྱད་ཚོགས་ཀྱིས་ཉེས་ན་ཆད་པའི་ལས།། གྲོང་ཁྱེར་འཇོམས་ཤིང་སྡེ་བརྒྱད ་འགུམས་པར་བགྱིད། ། ཅེས་སྨྲས་ཏེ་སྡེ་བརྒྱད་ལ་ཏྲི་ཤཱུ་ལ་གདེངས་པ་དང་། ཀླུའི་རྒྱལ་པོ་གཙུག་ན་རིན་ཆེན་དང་། དྲི་ཟའི་རྒྱལ་པོ་ཟུར་ཕུད་ལྔ་པ་དང་། གནོད་སྦྱིན་གྱི་རྒྱལ་པོ་རྣམ་ཐོས་ཀྱི་བུ་དང་། ལྷ་མ་ཡིན་གྱི ་རྒྱལ་པོ་ཐགས་ཟངས་རིས་དང་། མི་འམ་ཅིའི་རྒྱལ་པོ་ལྗོན་པ་རྟ་མགོ་ཅན་དང་། གྲུལ་བུམ་གྱི་རྒྱལ་པོ་སྦྲུལ་མགོ་དགུ་པ་དང་། ནམ་མཁའ་ལྡིང་གི་རྒྱལ་པོ་གསེར་མིག་ཅན་ལ་སོགས་པ་འཁོར་མང་པོ་དང ་བཅས་པ་དགའ་བའི་མདངས་ཕྱུང་སྟེ་སེང་གེ་ལ་རིན་པོ་ཆེའི་རྒྱན་ཕུལ་ལོ། ། དེ་ནས་སའི་འོག་ན་གནས་པའི་ཀླུ་ལ་བསྡིགས་ཏེ། སྙིང་རྗེའི་སྟོབས་ཀྱིས་སེམས་ཅན་དོན་བྱས་པས།། རང་གི་གྲོགས་པོས་སྤངས་ནས ་གཅིག་པུ་ལུས། ། ཀླུ་ཚོགས་རྣམས་ཀྱིས་ཉེས་ན་ཆད་པའི་ལས། གྲོང་ཁྱེར་འཇོམས་ཤིང་ཀླུ་རྣམས་འགུམས་པར་བགྱིད།། ཅེས་སྨྲས་ཏེ་རྒྱ་མཚོ་ཆེན་པོ་ཏྲི་ཤཱུ་ལས་དཀྲུགས་པ་དང་། ཀླུའི་རྒྱལ་པོ་མ་དྲོས་པ ་དང་། ཀླུའི་རྒྱལ་པོ་བ་རུ་ཎ་དང་། ཀླུའི་རྒྱལ་པོ་འཇོག་པོ་དང་། དེ་དག་ལ་སོགས་པ་རྫུ་འཕྲུལ་དང་ལྡན་པ། འོད་དང་ལྡན་པ།། ལྷ་དང་ལྷ་མ་ཡིན་གྱི་གཡུལ་མྱོང་བར་བྱེད་པ། ཀླུའི་རྒྱལ་པོ་འབུམ་ཕྲག་དྲུག ་གཡོག་དང་འཁོར་དུ་བཅས་པ་འདུས་ཏེ་དགའ་བའི་མདངས་ཕྱུང་ནས། ཀླུའི་རྒྱལ་པོ་བ་རུ་ཎ་སྦྲུལ་དཀར་པོ་གཅིག་ཏུ་བྱས་ནས་ཕྱག་འཚལ་བསྐོར་བ་ལན་གསུམ་བྱས་ཏེ། བྱང་ཆུབ་སེམས་དཔའ་སྙིང ་རྗེ་ཅན། ། ཁྱོད་ལ་བདག་ནི་སྐྱབས་སུ་མཆི།། ཀླུ་རྣམས་ཀུན་གྱི་མགོན་མཛོད་ཅིག། ཉམས་ན་ཀླུ་ཡི་གཤེད་མ་མཛོད།། ཅེས་སྨྲས་ནས་ཏྲི་ཤཱ་ལ་ལན་གསུམ་དཀྲིས། ཁ་བྱང་ཆུབ་སེམས་དཔའ་ལ་བསྒྱུར།། ་ཕུཿཕུཿཞེས་བརྗོད་ཅིང་གུས་པས་ཁ་ནས་ཁྲག་འབྱིན་ཅིང་གནས་སོ།། ཀླུའི་རྒྱལ་པོ་གཞན་རྣམས་ཀྱང་ཐལ་མོ་སྦྱར་ནས་བསྐོར་བ་ལན་གསུམ་གསུམ་བྱས་ནས། བྱང་ཆུབ་སེམས་དཔའ་སྙིང་རྗེ་ཅན། ་ཁྱོད་ལ་བདག་ཅག་སྐྱབས་སུ་མཆིའོ།། ཀླུ་རྣམས་ཐམས་ཅད་སྐྱབས་སུ་ཟུང་། ཉམས་ན་ཀླུ་ཡི་གཤེད་མ་མཛོད། ཅེས་སྨྲས་ནས་ཀླུ་ཆེན་པོ་བརྒྱད་སྦྲུལ་དཀར་པོ་གཅིག་ཏུ་བྱས་ནས་ཚངས་སྐུད་ལ ་འཁྲིས་སོ། ། ཀླུའི་རྒྱལ་པོ་དེ་རྣམས་ཀྱང་བདག་ཅག་ནི་བྲན་བགྱིད་དོ།། ཅི་བཀའ་སྩལ་པ་ཉན་ནོ་ཞེས་སྨྲས་ནས་ཀླུ་རྣམས་སོ་སོའི་གནས་སུ་དེངས་སོ།། འཇམ་དཔལ་བྱང་ཆུབ་སེམས ་དཔའ་དེ་ནི་སྙིང་རྗེ་ཀླུ་འདུལ་ཞེས་བྱའོ། ། སྙིང་ནད་སེལ་བ་ཞེས་བྱའོ།། འཇམ་དཔལ་དེ་ལྟར་སྔོན་གྱི་བྱང་ཆུབ་སེམས་དཔའ་ཤེས་རབ་ཆེན་པོ་དེ་འཇམ་དཔལ་སྨྲ་བའི་སེང་གེ་ཁྱོད་ཉིད་ཡིན་ནོ།། དེའི་དུས་ཀྱི ་བྱང་ཆུབ་སེམས་དཔའ་སྙིང་རྗེ་མཆོག་དེ་ནི་ད་ལྟའི་འཕགས་པ་སྤྱན་རས་གཟིགས་དབང་ཕྱུག་སེང་གེ་སྒྲ་ཀླུའི་དེད་དཔོན་ཆེན་པོ་འདི་ཉིད་ཡིན་ནོ། ། འཇམ་དཔལ་ངས་རྒྱལ་པོ་ཆེན་པོ་དེའི་དོན་དུ་ཐུགས་རྗེ་ཆེན ་། བོཔོའི་སྔགས་བརྗོད་པར་བྱའོ།། ཡིད་ལ་ཟུང་ཞིག། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཨ་ཀ་ཊེ་བི་ཀ་ཊེ་ནི་ཀ་ཊེ། ཀ་ཏཾ་ཀ་ཊ ་ཀ་རོ་ཊེ། ཙི་ཏི་ཛྭ་ལ་ཀ་རོ་ཏི་བཱིརྱེ་སྭཱ་ཧཱ། གཟུངས་འདི་ནི་སངས་རྒྱས་བྱེ་བ་ཕྲག་བརྒྱད་ཅུས་གསུངས་ལ། ད་ལྟར་ང་ཉིད་ཀྱིས་བརྗོད་པའོ།། འདིའི་ཆོ་ག་ནི་མི་དགོས་པས་ལས་ཐམས་ཅད་འགྲུབ་པའོ།། བཅོམ ་ལྡན་འདས་སྤྱན་རས་གཟིགས་དབང་ཕྱུག་སེང་གེ་སྒྲའི་སྐུ་ལུགས་མ་འམ། བྲིས་སྐུའི་སྤྱན་སྔར་བའི་ལྕི་བ་ས་ལ་མ་ལྷུང་བས་སོ་སོར་མ་འདྲེས་པར་མཎྜལ་བརྒྱད་བྱས་ཏེ། མཎྜལ་རེ་རེ་ལ་མེ་ཏོག་ཚོམ་བུ ་ལྔ་ལྔ་བཀྲམ་སྟེ། མེ་ཏོག་དང་། བདུག་པ་དང་། སྤོས་དང་། འཕྲེང་བ་དང་། ཕྱེ་མ་རྣམས་ཀྱིས་མཆོད་ནས། མཎྜལ་རེ་རེ་ལ་གཟུངས་ལན་བཅུ་གསུམ་བཅུ་གསུམ་གྱི་བར་དུ་བཟླས་ལ་ལྕི་བ་དེ་བསྡུས་ཏེ། ་ལྕི་བ་ལྷག་མ་ལ་སྔགས་ཤིང་ནད་པ་ལ་བྱུགས་ན་ནད་ཐམས་ཅད་ཉེ་བར་ཞི་བར་འགྱུར་རོ།། ལྷ་དང་ཀླུ་ལ་སོགས་པའི་དུག་གི་ནད་ཐམས་ཅད་ཞི་བར་འགྱུར་རོ།། ཞག་ཉི་ཤུ་རྩ་གཅིག་ལ་གྲུབ་པར་མ་གྱུར་ན། ་འཇམ་དཔལ་ཐུགས་རྗེ་ཆེན་པོ་ཉིད་ཀྱིས་མཚམས་མེད་པ་ལྔའི་ལས་བྱས་པ་ཡིན་ནོ།། འཇམ་དཔལ་ཐུགས་རྗེ་ཆེན་པོ་ཉིད་ཀྱིས་དམ་བཅས་པའི་ཚིག་གོ། འཇམ་དཔལ་རྒྱལ་པོ་ཆེན་པོའི་གནོད་པ་ནི ་གཟུངས་འདིས་སྙིང་ནད་འབར་བ་ལས་གྲོལ་ནས་སྐྱེ་བ་ཕྱི་མ་ལ་བདེ་བ་ཅན་གྱི་ཞིང་ཁམས་སུ་སྐྱེ་བར་འགྱུར་རོ། ། འཇམ་དཔལ་ཉོན་ཅིག། སངས་རྒྱས་འོད་དཔག་མེད་ལ་སོགས་པ་སངས་རྒྱས་བྱེ་བ ་ཕྲག་དགུ་བཅུ་རྩ་དགུས་སྙིང་པོ་འདི་གསུངས་སོ། ། ཨོཾ་ཨཱཿཧྲཱིཿསི་ཧ་ནཱ་ད་ཧཱུཾ་ཕཊ། ད་ལྟར་ང་ཉིད་ཀྱིས་བརྗོད་དེ། རིག་སྔགས་ཀྱི་སྙིང་པོ་འདི་ལན་ཅིག་བརྗོད་པས་སྡིག་པ་ཀུན་ལས་གྲོལ་བར་འགྱུར་རོ།། ་སྲིད་པ་ཉམ་ངར་འགྲོ་མི་འགྱུར།། ལུས་ལ་མཚོན་གྱིས་ཚུགས་མི་འགྱུར།། དགྲ་དང་ཆོམ་པོས་མི་ཚུགས་ཤིང་།། ཀླུ་ལ་སོགས་པས་འཚེ་མི་འགྱུར།། རྟག་ཏུ་དཔལ་དང་ལྡན་པར་འགྱུར།། བུད་མེད ་ལུས་སུ་མི་འགྱུར་ཞིང་། ། རྟག་ཏུ་སྐྱེ་བ་དྲན་པར་འགྱུར།། ཤི་ནས་བདེ་བ་ཅན་དུ་འགྲོ།། འཇམ་དཔལ་དེ་བཞིན་གཤེགས་པ་རྣམ་པར་གཟིགས་དང་། གཙུག་ཏོར་ཅན་དང་། ཐམས་ཅད་སྐྱོབ་དང་། ་ལོག་པར་དད་སེལ་དང་།། གསེར་ཐུབ་དང་། འོད་སྲུངས་ཀྱིས་ཀྱང་གསང་སྔགས་འདི་གསུངས་ལ། ད་ལྟར་ཤཱཀྱ་ཐུབ་པ་ངས་ཀྱང་བརྗོད་པ་སྟེ། ན་མོ་རཏྣ་ཏྲ་ཡཱ་ཡ། ན་མ་ཧ་ཡ་གྲཱི་བཱ་ཡ། ན་མོ་མ ་ཀེ་ཤྭ་རཱ་ཡ། ཏདྱ་ཐཱ། ཨོཾ་དྷཱིཿཀུ་ལུ་ཡུ་ལུ་ནཱི་ལ་ཀཪྵ། ཧུ་ལུ་ཧུ་ལུ། ཏིཥྛ་ཏིཥྛ། བན་དྷ་བན་དྷ། མཱ་ར་ཡ་མཱ་ར་ཡ། ཧཱ་ཧཱ་ཧཱ་ཧཱ། བཛྲ་ཀྲོ་དྷ་ཧ་ཡ་གྲཱི་བ་ཧྲཱིཿཧཱུཾ་ཕཊ། འཇམ་དཔལ ་གཟུངས་འདི་འཕག་པ་སྤྱན་རས་གཟིགས་དབང་ཕྱུག་ཉིད་པདྨ་ཧ་ཡ་གྲཱི་བའི་སྔགས་ཡིན་ཏེ། ལན་ཅིག་ཀློག་པར་བྱེད་པའི་མི། སྡིག་པ་ཀུན་ལས་གྲོལ་འགྱུར་ཞིང་། ངན་སོང་སྒོ་རྣམས་གཅོད་པར་འགྱུར། ་ཀླུ་སོགས་གདོན་གྱིས་འཚེ་མི་འགྱུར། བྱད་དང་དུག་ལས་གྲོལ་འགྱུར་ཞིང་། སངས་རྒྱས་ཀུན་གྱི་གསུང་ཡིན་ནོ།། བྱེ་བ་གྲངས་མེ་མཐུ་ལས་བྱུང་།། དེ་ཡི་ཡོན་ཏན་དཔག་ཏུ་མེད།། ལན་གཅིག་བཀླགས ་ན་སྡིག་པ་སེལ། ། ལན་གཉིས་བཀླགས་པས་དཔལ་དང་ལྡན།། གསུམ་གྱིས་ཚེ་རྣམས་རིང་བར་འགྱུར།། འབུམ་ཕྲག་བཅུ་ཡིས་ཞལ་མཐོང་འགྱུར།། པདྨ་ཅན་གྱི་ཞིང་དེར་འགྲོ།། འཇམ་དཔལ ་མི་གཞན་དག་ལ་ནི། ། ཁྲག་དང་མཁྲིས་པ་ལས་གྱུར་པ་དང་། རླུང་དང་གྲང་བ་ལས་གྱུར་པ་དང་། ཀླུ་རྒྱལ་རིགས་ཀྱིས་ཟིན་པ་དང་། ཀླུ་བྲམ་ཟེའི་རིགས་ཀྱིས་ཟིན་པ་དང་། ཀླུ་གདོལ་པ་དང་དམངས ་རིགས་ཀྱིས་ཟིན་པ་ནི་སྙིང་མི་དགའ་བ་དང་། སྙིང་ན་བ་དང་། དབུགས་མི་བདེ་བ་དང་། ལྟོ་རྒྱབ་ཏུ་ན་པ་དང་། ཀླད་ཀོར་དུ་ན་བ་དང་། གཞོགས་ཕྱེད་དུ་ན་བ་དང་། མ་ཞུ་བ་དང་། ལྦོས་པ་དང་། ཞ་གྲུམ ་གྱིས་བཏབ་པ་དང་། སྦྲུམ་པ་ལྟ་བུར་ན་བ་དང་། སྲོག་ཆགས་སུ་ན་བ་དང་། ཚིགས་དང་ཤ་ཁོལ་བུར་ན་བ་དང་། ཟ་ཁུ་ཅན་དང་། ལུད་པ་གློ་ཅན་དང་། རུལ་ཁོལ་དུ་ན་བ་དང་། འཕྲེས་པ་དང་། ཞ་བ་དང་། ་ཡི་གེ་མི་བདེ་བ་དང་། ཟོར་བ་ལྟ་བུའི་ནད་དང་། སྨན་ཅན་དང་། དམུ་ཆུ་ཅན་དང་། འབྲས་དང་། མེ་དཔལ་དང་། ལྷོག་པ་དང་། གག་པ་དང་། ཆུ་ཐིག་ཅན་དང་། གྲང་ལྷང་ལྷང་དང་། ཚ་ཙག་ཙག་ལ ་སོགས་པའི་མཛེ་རིགས་ཅན་དང་། ཕོལ་མིག་དང་བཅས་དང་། ལྷ་དང་། བདུད་དང་། ཚངས་པ་དང་། གཤིན་རྗེ་དང་། བྲག་སྲིན་དང་། སེམས་འཁྲུག་གི་གདོན་དང་། ཟབ་གཞོབ་དང་། མཚོ ་སྨན་དང་། ཀླུ་ལ་སོགས་པས་ཟིན་པ་དང་། གནོད་སྦྱིན་དང་། འབྱུང་པོ་དང་། ལོག་འདྲེན་དང་། ཤ་ཟའི་གདོན་རྣམས་ཀྱིས་ཟིན་པ་དང་། ནད་སྣ་ཚོགས་འབྱུང་སྟེ། དེའང་མི་དགེ་བ་ལས ་སྡུག་བསྔལ་འབྱུང་བ་ཡིན་ནོ། ། བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་ཉོན་ཅིག། སྙིང་པོ་གཟུངས་ཀྱི་ཆོ་ག་འདི།། དང་པོ་ཐུགས་རྗེ་ཆེན་པོ ་ལ། ། གུས་ཤིང་དད་པའི་སེམས་བསྐྱེད་ནས།། སྣུམ་པའི་ས་ལ་དཀྱིལ་འཁོར་བྱ།། ལྕི་ལ་དྲིར་བཅས་བྱུགས་ནས་ནི།། ཚོན་རྩི་ཁ་དོག་སྣ་ལྔ་ཡིས།། དཀྱིལ་འཁོར་པདྨ་ལྟ་བུར་བྲི།། བུམ་པ་གང་བ་ལྔ་དག་ཀྱང ་ཕྱོགས་བཞི་དབུས་དང་ལྔ་རུ་གཞག། གང་བའི་གཏོར་མ་ལྔ་ཡང་བཤམས།། སེང་ལྡེང་ཕུར་བུ་ལྔ་ཡང་དགོད།། དར་གྱིས་དཀྲིས་པའི་མདའ་བཞི་དགོད།། ཚོན་སྐུད་ལྔ་ཡི་དྲ་བ་བྲེ།། འཕགས་པ་སྤྱན་རས ་གཟིགས་དབང་ཕྱུག་སེང་གེ་སྒྲ་ལ་ཕྱག་འཚལ་ལོ། ། ཁྲོ་བོའི་རྒྱལ་པོ་རྟ་མགྲིན་ལ་ཕྱག་འཚལ་ལོ།། བཅོམ་ལྡན་འདས་མ་གོས་དཀར་མོ་ཕྱག་འཚལ་ལོ།། བཅོམ་ལྡན་འདས་མ་སྒྲོལ་མ་ཕྱག་འཚལ་ལོ།། ་བྱང་ཆུབ་སེམས་དཔའ་ཀླུའི་རྒྱལ་པོ་བ་རུ་ཎ་ལ་ཕྱག་འཚལ་ལོ།། ཨ་ཧྲཱིཿཧྲཱི་བཾ་ཏ་ནཾ། ཡི་གེ་དྲུག་པའི་སྔགས་འདི་ནི།། བརྗོད་པས་སྡིག་པ་སྡུག་བསྔལ་སེལ།། སྭཱ་ཧཱ། སངས་རྒྱས ་མཆོད་ལ་བརྩོད་པར་བྱ། ། མེ་ཏོག་དང་། བདུག་པ་དང་། སྤོས་དང་། མེ་ཏོག་གི་འཕྲེང་བ་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་དང་། ཕྱེ་མ་དང་། རྒྱན་ཐམས་ཅད་ཀྱིས་མཆོད ་ནས། སེང་ལྡེང་རྒྱ་ཤུག་མེ་བཏང་ལ།། ཚོན་སྐུད་བཅང་ཞིང་འབྲུ་རྣམས་སྲེག། རྨ་བྱ་སྨུག་ཤད་ལྕུག་མ་ཡིས།། ཀླུ་ཡི་དུག་རྣམས་སེལ་བར་བྱེད།། ཧྲཱིཿནཱ་ག་ལེ་ལེ། ནཱ་ག་དུམ་བ་ལེ་ལེ། ནཱ་ག་ཕུད་ཕུད། ་ཧ་ལེ་ཧ་ལེ། ཧཱ་ལ་ཧཱ་ལ། སྥུ་ཊ་སྥུ་ཊ། ནཱ་ག་ཁྲོལ་ཁྲོབ་ཤིག་ཤིག་སྭཱ་ཧཱ། ཀླུ་དང་ལོག་འདྲེན་ཐམས་ཅད་ཀྱི་ཡིད་ཀྱི་དུག་དང་། མཐོང་བའི་དུག་དང་། བཅིངས་པའི་དུག་དང་། ཁ་རླངས་ཀྱི་དུག ་དང་། རེག་པའི་དུག་དང་། དུག་ཐམས་ཅད་ཕྱིར་ཕུད་ཅིག་སྭཱ་ཧཱ། དུག་འདིར་མ་འདུག་ཞིག། སྦྱིན་པར་བྱེད་པའི་གན་དུ་སོང་ཞིག། འཛིན་པའི་ནང་དུ་སོང་ཞིག། མེའི་ནང་དུ་སོང་ཞིག། ཆུའི ་ནང་དུ་སོང་ཞིག། ཞི་བར་གྱུར་ཅིག་སྭཱ་ཧཱ། འཇམ་དཔལ་འདི་དག་ནི་དེ་བཞིན་གཤེགས་པས་སྤྱི་བོ་ནས་དབང་བསྐུར་བའོ།། ཧྲཱིཿབྲུཾ་ཨཾ་ཧཱུཾ་ཁཾ། རིགས་ལྔས་དབང་བསྐུར་བའོ།། རྡོ་རྗེ་སྲུང་བའི་མཆོག ་ཏུ་འགྱུར། ། བཀྲ་ཤིས་ལྷ་མོ་དཔལ་དང་ལྡན།། བསྙེན་གནས་ལ་ནི་གནས་གྱུར་ནས།། དཀོན་མཆོག་རྗེས་དྲན་སེམས་བསྐྱེད་ནས།། བུམ་ཆུ་དག་པས་ལས་སྒྲིབ་སེལ།། ལུས་ངག་སེམས་ཀྱིས་དག་པ་ཐོབ།། ་ཕ་རོལ་ཕྱིན་དྲུག་གནས་གྱུར་ཅིང་།། སངས་རྒྱས་སེམས་ཅན་མཁྱེན་པར་གྱུར།། ཏིང་འཛིན་ཐམས་ཅད་མངོན་དུ་འགྱུར།། བུ་མོ་གཞོན་ནུས་བཀལ་བ་ཡི།། སྐུད་པ་དཀར་པོ་སུམ་སྒྲིལ་ལ།། བཟླས་བརྗོད ་ཉི་ཤུ་བརྒྱད་བཟླས་ནས། ། མགུལ་དུ་བཏགས་ན་ནད་ལས་གྲོལ།། ནད་ལ་ཕན་པའི་སྨན་རྣམས་ལ།། གཟུངས་སྔགས་བཟླས་ཤིང་བཏབ་གྱུར་ན།། ནད་རྣམས་ཀུན་ལས་གྲོལ་བར་འགྱུར།། ཆུ་ལ ་གཟུངས་སྔགས་མང་བཟླས་ན། ། ཀླུ་ནད་ཁོང་དུ་སེལ་བར་འགྱུར།། ལོ་ཏོག་ཟ་བ་ཁ་བཅིང་ན།། བྱེ་མ་ས་དང་ཐལ་བས་སེལ།། ཧ་ཅང་ཆར་བ་ཆེས་པ་ན།། ལྷ་ལ་ཕུལ་བའི་རྙིང་པ་ལ།། ཁམ ་ཕོར་གསར་པའི་ནང་དུ་ཡང་། ། མེ་ཏོག་གཙང་མ་བླངས་ནས་ནི།། བསྲེགས་ན་ཆར་པ་འཆད་པར་འགྱུར།། སེར་བ་དྲག་པོ་འོང་བ་ན།། ཐལ་ཆེན་ཉུང་ཀར་བཟླས་བརྗོད་ཀྱིས།། སེར་བ་ཉ་ལྕིབས ་ལྕུག་མ་དང་། ། ལྷུམ་པོ་བཏགས་ཏེ་བཙུགས་གྱུར་ན།། སེར་བ་འཆད་པར་འགྱུར་བ་ཡིན།། ལྷ་ཀླུ་དྲི་ཟ་ལ་སོགས་པའི།། གདོན་ནི་གནོད་པར་གྱུར་པ་ལ།། དཀྱིལ་འཁོར་འདོམ་གང་གྲུ་བཞི་ལ།། ་བུམ་པ་གཙང་མ་ལྔ་བཞག་སྟེ།། སྨན་སྦྱར་ཆུས་ནི་གང་བ་ལ།། བཟླས་བརྗོད་བརྒྱ་ནི་རྩ་བརྒྱད་བཟླས།། སློབ་མ་གོས་ཟས་དཀར་པོར་སྦྱར།། དཀྱིལ་འཁོར་དེ་ཡི་ནང་དུ་གཞུག། བུམ་པའི་ཆུ་ཡིས ་བཀྲུ་བར་བྱ། ། ནད་དང་གནོད་པ་ཀུན་ལས་ཐར།། ཀླུ་སོགས་གདོན་རྣམས་དཔག་མེད་ཀྱིས།། གླགས་ཀྱང་རྙེད་པར་མི་འགྱུར་རོ།། བུས་པ་གདོན་གྱིས་འཇིགས་པ་ལ།། གིའུ་ཝང་གིས་ནི་སྲུང ་འཁོར་བྲི། ། ཡུངས་ཀར་དག་དང་བཅས་ཏེ་གདགས།། བྱིས་པ་གདོན་དང་ནད་ལས་ཐར།། ལམ་དུ་ཞུགས་ཏེ་འགྲོ་བ་ན།། ཐུ་བ་གཡས་པའི་གོས་ཀྱི་གྲཝར།། བཟླས་བརྗོད་བདུན་བྱས་མདུད ་བ་བོར། ། སོང་ན་བདེ་ཞིང་དོན་ཡང་འགྲུབ།། རྟ་ལ་སོགས་པའི་ཕྱུགས་རྣམས་ལ།། ཆུ་དང་ཡུངས་ཀར་བཅས་པ་ལ།། བཟླས་ནས་གཏོར་ན་བདེ་བར་འགྱུར།། མི་ནད་ཕྱུགས་ནད་ཐམས་ཅད་ལ།། ཡུངས་ཀར ་དང་ནི་བུམ་པའི་ཆུས། ། བཀྲུ་ཞིང་བཏགས་ན་ཨི་ནད་ཞི།། ཨ་སྨཱ་རི་ཡི་གཟུངས་སེལ་ལྟར།། ལས་རྣམས་ཐམས་ཅད་འགྲུབ་པར་འགྱུར།། བཅོམ་ལྡན་འདས་ཀྱིས་བཀའ་སྩལ་པ།། བྱང་ཆུབ་སེམས ་དཔའ་སེམས་དཔའ་ཆེན་པོ་འཇམ་དཔལ་རྒྱལ་པོ་འདིའི་ཁོང་ན་ཀླུའི་དུག་གིས་གང་ནས་འདུག་སྟེ། འདི་ནི་ཀླུའི་རྒྱལ་པོ་བ་རུ་ཎ་འདི་ཡིས་ཀླུ་ཐམས་ཅད་ལ་དབང་བྱེད་པ་ཡིན་པས་འདིས་དབྱུང་བར ་བྱའོ། ། བཅོམ་ལྡན་འདས་འཇིག་རྟེན་དབང་ཕྱུག་སེང་གེ་སྒྲ་ལ་ཕྱག་འཚལ་ལོ།། ཀླུའི་རྒྱལ་པོ་བ་རུ་ཎ་ལ་ཕྱག་འཚལ་ལོ།། ཀླུའི་རྒྱལ་པོ་ཏཀྵ་ཀ་ལ་ཕྱག་འཚལ་ལོ།། ཀླུའི་རྒྱལ་པོ་མཐའ་ཡས ་ལ་ཕྱག་འཚལ་ལོ། ། ཀླུའི་རྒྱལ་པོ་པདྨ་ལ་ཕྱག་འཚལ་ལོ།། ཀླུའི་རྒྱལ་པོ་པདྨ་ཆེན་པོ་ལ་ཕྱག་འཚལ་ལོ།། ཀླུའི་རྒྱལ་པོ་དུང་སྐྱོང་ལ་ཕྱག་འཚལ་ལོ།། ཀླུའི་རྒྱལ་པོ་རིགས་ལྡན་ལ་ཕྱག་འཚལ་ལོ།། ་ཀླུའི་རྒྱལ་པོ་དགའ་བོ་ལ་ཕྱག་འཚལ་ལོ།། ཀླུའི་རྒྱལ་པོ་ནོར་རྒྱས་ལ་ཕྱག་འཚལ་ལོ།། ཨོཾ་བ་རུ་ཎཱ་ཡ་སྭཱ་ཧཱ། ཨོཾ་ཨ་ནནྟ་ཡ་སྭཱ་ཧཱ། ཨོཾ་བཱ་སུ་ཀཱ་ཡ་སྭཱཧཱ། ཨོཾ་ཏཀྵ་ཀཱ་ཡ་སྭཱ་ཧཱ། ཨོཾ་ཀརྐོ་ཊ་ཡ་སྭཱ་ཧཱ། ཨོཾ་པདྨ་ཡ་སྭཱཧཱ ་། ཨོཾ་མ་ཧཱ་པདྨ་སྭཱཧཱ། ཨོཾ་ཤཾ་ཁ་པཱ་ལཱ་ཡ་སྭཱ་ཧཱ། ཨོཾ་ཀུ་ལི་ཀཱ་ཡ་སྭཱ་ཧཱ། ཀླུ་ཡི་གཟུགས་ནི་མང་པོ་ཡང་།། དཀར་གསུམ་མངར་གསུམ་འབྲས་ཟན་ལ།། ལེགས་བྱས་ཁ་དོག་བསྒྱུར་བྱས་ལ།། མེ་ཏོག་སྤོས ་དང་བྱུག་པ་དང་། ། མར་མེ་ཞལ་ཟས་སྒྲ་སྙན་དང་།། གདུགས་དང་རྒྱལ་མཚན་མེ་ཏོག་འཕྲེང་།། ཚངས་པའི་སྐུད་པས་མཉེས་པར་བྱ།། རྩ་བ་ལོ་མ་སྡོང་བུ་དང་།། མེ་ཏོག་འབྲས་བུ་སྨན་གྱིས ་མཆོད། ། རྨ་བྱ་གཟུགས་མོ་མེ་ལོང་གིས།། རྒྱལ་པོ་ཁོང་གི་དུག་ཐོན་ཅིག། རིན་ཆེན་རྨ་གཤད་མཆོད་པའི་རྟེན།། མི་ལྡོག་པ་ཡི་རྫས་སུ་ཆོངས།། བུམ་པ་གཏེར་གྱིས་གང་བ་མཛེས།། སྲོག་ཆགས ་ཡིད་འོངས་གཟུགས་ཀྱིས་མཆོད། ། ཞི་འགྱུར་འདི་ལ་ཐེ་ཚོམ་མེད།། ཀླུ་ཡི་རྒྱལ་པོ་འཇོག་པོ་ཡིས།། ཟིན་ཀྱང་སྐད་ཅིག་གཅིག་ལ་ཐོན། འཇམ་དཔལ་འདི་གཞན་གྱི་མཐུ་མ་ཡིན་ཏེ།། འཕགས ་པ་སྤྱན་རས་གཟིགས་དབང་ཕྱུག་དེའི་མཐུའོ། ། སྟོབས་སོ།། བྱིན་གྱི་རློབས་སོ།། ཐུགས་རྗེ་དང་ལྡན་པ་འདིའི་ཡོན་ཏན་བརྗོད་ཀྱིས་མི་ལང་ཡང་བདག་གི་ཆ་ཤས་ཙམ་ཞིག་བརྗོད་ན།། ཨོཾ་བཅོམ ་ལྡན་འདས། བྱ་བ་བྱས་ཤིང་བྱེད་པ་བྱས།། ཁུར་བོར་བདག་དོན་རྗེས་སུ་བརྙེས།། སྲིད་པར་སྦྱོར་བ་ཡོངས་སུ་ཟད།། ཡང་དག་བཀའ་ལས་རྣམ་པར་གྲོལ།། སེམས་དཔའ་དབང་སྒྱུར་ཐམས་ཅད་ཀྱིས།། ་མཆོག་ཏུ་ཕ་རོལ་ཕྱིན་ཐོབ་པ།། སྲིད་ལས་བརྒལ་ཞིང་ཚོགས་གཉིས་རྫོགས།། ཨཱཿ། གཞན་ལ་ཕན་བརྩོན་ཐུགས་བརྩེ་ཅན།། སེམས་ཅན་ཀུན་ལ་མཆོག་ཏུ་བྱམས།། ཁམས་གསུམ་ཀུན་གྱི ་གཉེན་གཅིག་པུ། ། མཐའ་ཡས་སེམས་ཅན་སྒྲོལ་ལ་མཁས།། ཧྲཱིཿའགྲོ་བ་ཉམ་ཐག་ཀུན་ཏུ་སྐྱོབ།། དྲི་མ་གསུམ་སྤངས་ཕ་རོལ་ཕྱིན།། མངོན་ཤེས་དྲུག་བརྙེས་ནྱ་གྲོ་བུ།། སྐྱེས ་བུ་ཆེན་པོའི་མཚན་རྣམས་ནི། ། སུམ་ཅུ་རྩ་གཉིས་དག་དང་ལྡན།། དཔེ་བྱད་བཟང་པོ་བརྒྱད་ཅུས་མཛེས།། སྐུ་མདོག་ཤེལ་གྱི་ཁ་དོག་འདྲ།། གངས་རི་ཉི་ཤར་ལྟ་བུར་མཚན།། སྐུ་ཚད་ཆེ་ལ་འོད་ཟེར ་འབར། ། རིགས་ལྔ་སངས་རྒྱས་སྐུ་ལ་འཕྲོ།། དབུ་སྐྲ་ཐོར་ཙུགས་གྱེན་ལ་མཛེས།། དབུ་ལ་འོད་དཔག་མེད་པ་བཞུགས།། ཀླུ་རྣམས་ཐམས་ཅད་འདུལ་མཛད་པ།། རྩེ་གསུམ་སྦྲུལ་གྱིས་རབ་ཏུ ་དཀྲིས། ། རིགས་གསུམ་མགོན་པོའི་བྱིན་རླབས་འཛིན།། དུག་གསུམ་རྩད་ནས་གཅོད་ལ་བསྟོད།། སྐྱོན་གྱིས་མ་གོས་པདྨ་བསྣམས།། ཤེས་རབ་ཕུན་སུམ་རལ་གྲི་འབར།། ཉོན་མོངས་དག་པ་བྲམ ་ཟེའི་མགོ། མེ་ཏོག་དྲི་ཞིམ་ཚོགས་ཀྱིས་བཀང་།། ཀླུ་རྣམས་ཀུན་ནས་དབང་བསྡུས་པས།། སྦྲུལ་གྱི་ཚངས་སྐུད་མཛེས་ལ་བསྟོད།། སིཾ་ཧ། པདྨ་དག་གི་གདན་ལ་བཞུགས།། བདུད་བཞི་ཟིལ་གྱིས་གནོན ་མཛད་པ། ། སེང་གེ་དཀར་པོའི་གདན་ལ་བཞུགས།། འདོད་པའི་དོན་རྣམས་སྒྲུབ་པའི་ཕྱིར།། རིན་ཆེན་སྣ་ཚོགས་རྒྱན་གྱིས་བརྒྱན།། བ་སྤུ་ཉག་མ་རེ་རེ་ཡང་།། སེམས་ཅན་ཀུན་གྱི་མཆོག་ཏུ་འགྱུར།། ་ཕྱག་འཚལ་ཐུགས་རྗེ་ཅན་ལ་བསྟོད།། དམ་ཆོས་རྒྱལ་ཚབ་དབང་བསྐུར་བ།། ལྷ་མོ་སྒྲོལ་མ་རྗེས་སུ་འབྲེང་།། འཇིགས་པ་བརྒྱད་སྐྱོབ་སྐུ་མདོག་ལྡང་།། གནོད་པ་སེལ་བ་མི་འཇིགས་སྦྱིན།། ཨུཏྤལ ་ཐུགས་རྗེའི་བདག་ཉིད་ཅན། ། བཏུད་དེ་སྤྲུལ་པ་མང་པོ་འགྱེད།། ཧཱུཾ། གོས་དཀར་མ་ནི་བཀའ་བཞིན་བྱེད།། ཡིད་བཞིན་འཁོར་ལོ་བདེ་བར་བསྐོར།། འདོད་པའི་དོན་ཡོད་སྡུག་བསྔལ་ཞི།། འཇིགས་པ ་བརྒྱད་པོ་སེལ་ལ་བསྟོད། ། ཕཊ། ཧ་ཡ་གྲཱི་བ་ཁྲོ་བོའི་སྐུ།། འཕགས་པ་རྟ་མགྲིན་བདུད་བཞི་འཇོམས།། ཀྲོ་དྷ་མགྲིན་སྔོན་གདུག་པ་འདུལ།། ཀླུ་བདུད་འདུལ་མཛད་ཧཱུཾ་གིས་བསྟོད།། ནཱ་ནམ་མཁའ་ཀླུ་རྒྱལ་བ་རུ ་ཎཆུ་ལྷ་སྟོན་པའི་ཞལ་མཐོང་ཞིང་། ། བསྟན་ལ་རབ་དགའ་ཀླུ་རྣམས་འདུལ།། ས་དང་པོ་ཡི་བདེན་པ་མཐོང་།། བདེ་བར་གཤེགས་པའི་རིང་བསྲེལ་འཛིན།། ཀླུ་རྒྱལ་བྱང་ཆུབ་སེམས་ལ་བསྟོད།། ཨོཾ་ཏཱ་རེ་ཏུཏྟཱ ་རེ་ཏུ་རེ་སྭཱ་ཧཱ། ། ཨོཾ་ཀ་ཊེ་བི་ཀ་ཊེ་ནི་ཀ་ཊེ། ཀ་ཏཾ་ཀ་ར་སྭཱ་ཧཱ། གང་གིས་བསྟོད་ཅིང་ཟློས་པ་དེ་མཚམས་མེད་པ་ལྔ་བྱས་པའི་ལས་ཀྱི་སྒྲིབ་པའང་ཡོངས་སུ་བྱང་བར་འགྱུར་རོ།། དཀྱིལ་འཁོར་ཐམས་ཅད་དུ་ཞུགས་པར ་འགྱུརརོ། ། གསང་སྔགས་ཐམས་ཅད་བཟླས་པར་འགྱུར་རོ།། བསྐལ་པ་སྟོང་གི་བར་དུ་ངན་སོང་དུ་མི་སྐྱེའོ།། བུད་མེད་ཀྱི་ལུས་སུ་མི་སྐྱེའོ།། སུ་ཞིག་ནང་བར་ལངས་ནས་ཆུ་དྲི་ཞིམ་པོས་ཁྲུས་བྱས་ཏེ་གཙང ་སྒྲ་ལ་གནས་ནས། ། ཐུགས་རྗེ་ཆེན་པོ་སེང་གེ་སྒྲའི་སྤྱན་སྔར་གཟུངས་འདི་ཀློག་གམ། འདྲི་འམ། འཆང་ངམ། ཀློག་ཏུ་འཇུག་གམ། ཁ་ཏོན་དུ་བཏོན་ནས་སྙིང་པོ་དང་གཟུངས་སྔགས་ཟློས་ན་ནི། དེའི ་ལུས་ལ་མཛེ་དང་། ཤུ་བ་དང་། ཕོལ་མིག་དང་། འབྲས་དང་། བས་བསྔགས་དང་། མེ་དཔལ་དང་། གཡན་པ་དང་། ལྡོག་པ་དང་། གག་པ་དང་། ལྟོས་པ་དང་། དམུ་ཆུ་དང་། སྐེམ་པ་དང་། མཁལ ་མ་རྡོལ་བ་དང་། དོན་སྣོད་དུ་འདུས་པ་དང་། བྱད་ཀྱི་དཀྱིལ་འཁོར་ལ་ནད་སྣ་ཚོགས་འདུས་པ་དང་། གློ་བ་ན་བ་དང་། དབུགས་མི་བདེ་བ་དང་། རླུང་མཁྲིས་བད་ཀན་འདུས་པ་ཐམ ་ཅད་ལས་ཐར་པར་འགྱུར་རོ། ། འཇམ་དཔལ་གཟུངས་འདི་ནི་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའོ།། སུ་ཞིག་གམ་རྒྱལ་པོ་དེས་གཟུངས་འདི་གླེགས་བམ་ལ་བྲིས་ཏེ་འཆང་བ ་དང་། ཀློག་པ་དང་། ཀུན་ཆུབ་པར་བྱེད་པ་དང་། མཆོད་པ་དང་། ཡི་གེར་འདྲི་བ་དང་། གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། རྒྱལ་པོ་ཡུལ་འཁོར་དང་བཅས་པ་འམ། ་གཙུག་ལག་ཁང་དུ་གླེགས་བམ་འདི་འཆང་ན། དཔལ་ནག་པོ་ཆེན་པོ་དང་། རྒྱལ་པོ་ཆེན་པོ་བཞི་དང་། ཀླུའི་རྒྱལ་པོ་བ་རུ་ཎ་དང་། ཀླུ་ཆེན་པོ་བརྒྱད་རྣམས་སླད་བཞིན་འབྲང་ཞིང་། དཔག་ཚད ་སྟོང་ཚུན་ཆད་དུ་སླར་རྒོལ་བ་དང་། ལྷ་དང་། ཀླུ་དང་། གནོད་སྦྱིན་དང་། གདོན་མ་རུངས་པ་ཐམས་ཅད་དང་། ལོག་པར་འདྲེན་པ་དང་། ཕྱིར་རྒོལ་བ་ཐམས་ཅད་འཇོམས་པར་འགྱུར་རོ།། སྒོམ་ཉེས་པ ་དང་། བྲི་ཉེས་པ་དང་། སྔགས་ནོར་བ་དང་། ཕྱག་རྒྱ་ནོར་བ་དང་། བཤད་ཉེས་པ་དང་། མཉན་པ་ནོར་བའང་གཟུངས་འདི་བཀླགས་པས་དག་པར་འགྱུར་རོ།། གཟུངས་འདིས་སུ་ལ་བསྲུང་བ་བྱས ་པ་དང་། ཡོངས་སུ་བསྐྱབ་པ་བྱས་པ་དང་། བསྐྱང་བ་དང་། ཞི་བ་དང་། བདེ་ལེགས་སུ་བྱས་པ་དེ་ལ་མཚོན་དང་། དུག་དང་། དབྱིག་དུག་དང་། བྱད་དང་། གཤེད་མ་དང་། རིམས་དང་། གནོད་པ་ཐམས་ཅད ་དང་། དུས་མ་ཡིན་པར་འཆི་བས་མི་ཚུགས་སོ།། གནོད་པར་བྱེད་པ་ཚར་གཅོད་པར་འགྱུར་རོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་འཇམ་དཔལ་དང་། ་ཉན་ཐོས་ཆེན་པོ་ཤཱ་ར་དྭ་ཏིའི་བུ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕག ་པ་སྤྱན་རས་གཟིགས་དབང་ཕྱུག་སེང་གེ་སྒྲ་ཞེས་བྱ་བའི་གཟུངས་རྫོགས་སོ། ། །། ཁ་ཆེའི་ཡུལ་དུར་ཁྲོད་འབྲི་ས་ཀ་རང་བྱུང་གི་མཆོད་རྟེན་རྩར་དངོས་གྲུབ་བརྙེད་པའི་རྗེ་བཙུན ་