CLOSE WINDOW

S651: 'jig rten dbang phyug gi rtog pa
Wyliee-texts produced with BDRC’s OCR application

། རྒྱ་གར་སྐད་དུ། ལོ་ཀི་ཤྭ་ཀལྤ། བོད་སྐད་དུ། འཇིག་རྟེན་དབང་ཕྱུག་གི་རྟོག་པ། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ ་ལོ། ། སངས་རྒྱས་ལ་ཕྱག་འཚལ་ལོ།། ཆོས་ལ་ཕྱག་འཚལ་ལོ།། དགེ་འདུན་ཕྱག་འཚལ་ལོ།། འཇིག་རྟེན་མགོན་པོའི་རྟོག་པ་ནི། མདོར་བསྡུས་འདིར་ནི་བརྗོད་བྱ་སྟེ།། སངས་རྒྱས་ཐམས་ཅད་རྒྱུན་ཆེན་པོ།། འདོད ་པའི་དོན་ཀུན་ར་བ་སྟེར་བ། ། དང་པོར་རེ་ཞིག་རིག་པ་འཛིན་པས་གཙང་ཞིང་དབེན་པའི་ས་ཕྱོགས་སུ། ཧཱུཾ་གིས་དག་པར་བྱས་པས་ཉེ་བར་འདུག་ཅིང་པདྨའི་ཕྱག་རྒྱ་བཅིངས་ལ། ཨོཾ་ཤཱ་ནྱ་ཏཱ་ཛྙཱ་ན་བཛྲ་སྭ་བྷ་བ་ཨཱཏྨ ་ཀོཧཾ། ཞེས་བརྗོད་ལ། ཐམས་ཅད་སྟོང་པའི་རྣམ་པར་བསམ་པར་བྱའོ།། དེའི་རྗེས་ལ། ཨོཾ་ཙིཏྟ་པྲ་ཏི་བོ་དྷཾ་ཀ་རོ་མི། དེ་ལྟར་བརྗོད་ལ། སྣ་ཚོགས་པདྨ་འདབ་མ་བརྒྱད་པར་བསྒོམས་ནས། པདྨའི་སྟེང་དུ་ཟླ་བའི ་དཀྱིལ་འཁོར་བསམ་པར་བྱའོ། ། ཟླ་བའི་སྟེང་དུ་ཧྲཱིཿའི་སྔགས་གྱུར་པ་ལས་བདག་ཉིད་འཇིག་རྟེན་དབང་ཕྱུག་ཏུ་བསྒོམ་པར་བྱ་སྟེ། སེམས་དཔའི་སྐྱིལ་མོ་ཀྲུང་གིས་བཞུགས་པ།། ཕྱག་གཉིས་པ། མདོག་དམར་བ། ་མཚན་དུ་ནི་གོས་དཀར་མོ། དེ་ལ་འཁྱུད་པ། པདྨ་དམར་པོ་ཁ་འབྱེད་ཅིང་གར་གྱི་ཚུལ་ཅན། ཁབ་ཀྱི་ཕྱག་རྒྱས་ཁ་འབྱེད་པར་བསྒོམས་ལ། འདི་བརྗོད་པར་བྱ་སྟེ། ཇི་ལྟར་པདྨ་དམར་པོ་ནི། ་འདོད་ཆགས་སྐྱོན་གྱིས་མི་གོས་ཤིང་། དེ་བཞིན་སྣ་ཚོགས་བག་ཆགས་སྐྱོན།། ཁམས་གསུམ་རྣམ་པར་དག་པའོ།། དབུ་རྒྱན་ལ་འོད་དཔག་ཏུ་མེད་པ་བསྒོམ་པར་བྱའོ།། དེ་ནས་འདི་བརྗོད་པར་བྱ་སྟེ། ་། ཨོཾ་སརྦ་ཏ་ཐཱ་ག་ཏ། ཀཱ་ཡ་བཱཀྵིཏྟ་བཛྲ་སྭ་བྷཱ་བ་ཨཱཏྨ་ཀོཧཾ། དེ་ལྟར་བསྒོམས་ནས་ཕྱོགས་བརྒྱད་དུ་ལྷ་མོ་རྣམས་བསམ་མོ།། ཨོཾ་བི་ལོ་ཀོ་ནི། ཨ་བ་ལོ་ཀི་ནི། ཨ་བ་ལོ་ཀ་ཡ་སྭཱ་ཧཱ། ཤར་གྱི་འདབ་མ་ལ་ནི ་རྣམ་པར་གཟིགས་མ་ཞེས་བྱ་བའི་ལྷ་མོ་པདྨ་དམར་པོ་བསྣམས་པའོ། ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ལྷོའི་པདྨ་ལ་བཅོམ་ལྡན་འདས་མ་སྒྲོལ་མ་པ་ལ་ཤའི་འདབ་མ་ལྟ་བུའི་པདྨ་བསྣམས་པའོ།། ་ཨོཾ་བྷུ་རི་ཎི་མ་ཧཱ་ཙཀྲ་བིརྟ་ནི་ཧཱུཾ། ནུབ་ཀྱི་འདབ་མ་ལ་བྷུ་རི་ཎི་ཞེས་བྱ་བའི་ལྷ་མོ་ཨུཏྤལ་སྔོན་པོ་ལྟ་བུའི་པདྨ་བསྣམས་པའོ།། ཨོཾ་བྷྲྀ་ཀུ་ཊཱི་ཏཱ་རེ་ཏུ་ཏ་མ་ཏཱ་ཧཱུཾ། བྱང་གི་འདབ་མ་ལ་ཁྲོ་གཉེར་ཅན་ཞེས་བྱ་བ ་བའི་ལྷ་མོ་པདྨ་སེར་པོ་བསྣམས་པའོ། ། ཨོཾ་མ་ཧཱ་ཤྲི་ཡེ་མ་ཎི་པདྨེ་ཧཱུཾ། འདི་ནི་པདྨའི་གོས་ཅན་ཤར་ཕྱོགས་ཀྱི་མཚམས་སུ་བཙོད་ལྟ་བུའི་པདྨ་བསྣམས་པའོ།། ཨོཾ་བཛྲ་པདྨེ་ཤྭ་ར་མ་ར་པདྨེ་ཧཱུཾ། ་ལྷོ་ཕྱོགས་ཀྱི་མཚམས་སུ་པདྨ་དཀར་པོ་བསྣམས་པའོ།། ཨོཾ་བི་ཤྲ་པདྨེ་ཧཱུཾ། འདི་ནི་སྣ་ཚོགས་ཀྱི་པདྨ་སྟེ། ནུབ་ཕྱོགས་ཀྱི་མཚམས་སུ་པདྨ་ནག་པོ་བསྣམས་པའོ།། ཨོཾ་བི་ཤྭ་བཀྵེ་ཧཱུཾ། འདི་ནི་སྣ་ཚོག ་ཀྱི་ཞལ་ཅན་ཏེ། བྱང་ཕྱོགས་ཀྱི་མཚམས་སུ་སྣ་ཚོགས་པདྨ་བསྣམས་པའོ།། ཨོཾ་ཧྲཱིཿཔདྨ་ནརྟེ་ཤྭ་ར་ཧཱུཾ། ཟེ་འབྲུའི་དབུས་སུ་འདོད་ཆགས་ཆེན་པོའི་བཅོམ་ལྡན་འདས་སྤྱན་རས་གཟིགས་དབང་ཕྱུག་གོ།། དེ་ལྟར ་གང་སྒོམ་པ་དང་ལྡན་ཞིང་ཏིང་ངེ་འཛིན་ལ་གོམས་པར་བྱེད་ན་དངོས་གྲུབ་བརྟན་པོར་འགྱུར་རོ། ། དེས་སངས་རྒྱས་ཉིད་དང་འདོད་པའི་ལོངས་སྤྱོད་ཐམས་ཅད་སྟེར་རོ།། སངས་རྒྱས་ཕ་རོལ་ཕྱིན་གྲུབ་ཅིང་། ་གཟུངས་དང་ས་ཡང་དེ་བཞིན་ནོ།། འཇིག་རྟེན་ཀུན་གྱི་བདེ་སྟོན་ཅིང་།། སོ་སོ་རང་ཉིད་རྗེས་སུ་སྒྲུབ།། སངས་རྒྱས་ཉིད་ནི་བྱབ་སེམས་ཉིད།། རང་རྒྱལ་ཉིད་ཀྱང་དེ་བཞིན་ནོ།། ཡིད་འོང་སངས་རྒྱས་གོ་འཕང་ནི།། ། ་སྤྱད་མི་དགོས་པར་འགྲུབ་པར་འགྱུར།། བྱང་ཆུབ་སེམས་དང་ག་པུར་བཅས།། ཙན་དན་དམར་དང་རབ་སྦྱར་ཏེ།། རྡོ་རྗེ་ཆུ་དང་ཡང་དག་ལྡན།། སངས་རྒྱས་ཀུན་གྱི་བཅུད་ལེན་ཡིན།། སྦྱོར་བ་བཟང་པོ་འདི་ཡིས ་ནི། བཅུད་ཀྱིས་ལེན་ནི་བདེ་བ་ཡང་།། འགྲུབ་འགྱུར་འཇིག་རྟེན་མགོན་པོ་ཡི།། གཞོན་ཞིང་ནད་མེད་དམ་བདེ་ཞིང་།། ཚེ་དང་སྟོབས་དང་བརྩོན་འགྲུས་དང་།། སྐལ་བཟང་ཡེ་ཤེས་བླ་ན་མེད།། སྐྱེ་བ་འདི་ལ ་འགྲུབ་པའོ། ། མ་ལུས་ལུས་པ་མེད་པ་འགྲུབ།། དབང་དང་དགུག་དང་དབྱེ་བ་དང་།། གསད་དང་བསྐྲད་པ་ལ་སོགས་པ།། རེངས་དང་ཕུར་བུས་གདབ་ཉིད་དང་།། ནམ་མཁར་འགྲོ་བ་དེ་བཞིན་ནོ།། ས་བཅུའི་དབང ་ཕྱུག་ཐོབ་འགྱུར་ཞིང་། ། ཏིང་ངེ་འཛིན་ལ་གནས་པར་འགྱུར།། དེ་ཕྱིར་ཏིང་འཛིན་ལྡན་པ་ཡིས།། རྡོ་རྗེ་དམ་ཚིག་དེ་ཡི་ནི།། རིག་པ་དང་ནི་བཅས་པའི་མཆོག། འཇིག་རྟེན་མགོན་པོར་འགྲུབ་པར་འགྱུར། ་ཨོཾ་ཧྲཱིཿཔདྨ་ནརྟེ་ཤྭ་རེ་ཧཱུཾ། རྩ་བའི་སྔགས་འདི་བརྒྱ་རྩ་བརྒྱད་བཟླས་ན་ཉིན་མོ་དང་ནུབ་མོ་བྱས་པའི་སྡིག་པ་ཉམས་པར་འགྱུར་རོ།། ཡང་ན་ལྔ་བརྒྱ་བཟླས་བརྗོད་བྱས་ན་ནད་ཐམས་ཅད་ལས ་གྲོལ་བར་འགྱུར་རོ། ། ཡང་ན་སྟོང་བཟླས་བརྗོད་བྱས་ན་དུས་མ་ཡིན་པར་འཆི་བ་མེད་པར་འགྱུར་རོ།། ཡང་ན་སྟོང་ཕྲག་གཉིས་བཟླས་བརྗོད་བྱས་ན་ཐམས་ཅད་ཀྱིས་མཆོད་པའི་འོས་སུ་འགྱུར་རོ།། གཞན ་ཡང་སྟོང་ཕྲག་གསུམ་བཟླས་བརྗོད་བྱས་ན་སྐལ་བ་བཟང་བ་དང་གཡང་རབ་ཏུ་འཕེལ་བར་འགྱུར་རོ། ། གཞན་ཡང་སྟོང་ཕྲག་བཞི་བཟླས་བརྗོད་བྱས་ན་དབུལ་བ་མེད་པར་འགྱུར་རོ།། ཡང་ན་སྟོང་ཕྲག ་ལྔ་བཟླས་བརྗོད་བྱས་ན་དགྲ་ཐམས་ཅད་ཀྱི་སྙིང་འཁྲུག་པར་བྱེད་དོ། ། སྟོང་ཕྲག་དྲུག་བཟླས་བརྗོད་བྱས་ན་དགྲ་ཐམས་ཅད་མེད་པར་འགྱུར་རོ།། སྟོང་ཕྲག་བདུན་བཟླས་བརྗོད་བྱས་ན་བདུད་བཞི་ལས་མཆོག ་ཏུ་རྒྱལ་བར་འགྱུར་རོ། ། སྟོང་ཕྲག་བརྒྱད་བཟླས་བརྗོད་བྱས་ན་རིག་འཛིན་མ་འགྲུབ་པར་འགྱུར་རོ།། སྟོང་ཕྲག་དགུ་བཟླས་བརྗོད་བྱས་ན་གནོད་སྦྱིན་མོ་འགྲུབ་པར་འགྱུར་རོ།། ཁྲི་ཚོ་གཅིག་བཟླས་བརྗོད ་བྱས་ན་ལྷ་དང་། ཀླུ་དང་། མིའི་བུ་མོ་རྣམས་འགྲུབ་པར་འགྱུར་རོ།། སྟོང་ཕྲག་ཉི་ཤུ་བཟླས་བརྗོད་བྱས་ན་བར་སྣང་ལ་འགྲོ་བའི་རྣལ་འབྱོར་མ་རྣམས་འགྲུབ་པར་འགྱུར་རོ།། སྟོང་ཕྲག་སུམ་ཅུ་བཟླས ་བརྗོད་བྱས་ན་བསམ་པ་ཐམས་ཅད་རྫོགས་པར་འགྱུར་རོ། ། སྟོང་ཕྲག་བཞི་བཅུ་བཟླས་བརྗོད་བྱས་ན་ནམ་མཁའ་ལ་སྤྱོད་པའི་རིག་པ་འཛིན་པར་འགྱུར་རོ།། སྟོང་ཕྲག་ལྔ་བཅུ་བཟླས་བརྗོད་བྱས་ན ་རལ་གྲིའི་རིག་པ་འཛིན་པར་འགྱུར་རོ། ། སྟོང་ཕྲག་དྲུག་ཅུ་བཟླས་བརྗོད་བྱས་ན་གྲུབ་པའི་རིག་འཛིན་དུ་འགྱུར་རོ།། སྟོང་ཕྲག་བདུན་ཅུ་བཟླས་བརྗོད་བྱས་ན་ས་གསུམ་གྱི་བདག་པོར་འགྱུར་རོ།། སྟོང་ཕྲག ་བརྒྱད་ཅུ་བཟླས་བརྗོད་བྱས་ན་འཁོར་ལོས་སྒྱུར་བའི་རྒྱལ་པོར་འགྱུར་རོ། ། འབུམ་ཕྲག་གཅིག་བཟླས་བརྗོད་བྱས་ན་བྱང་ཆུབ་སེམས་དཔའ་ཉིད་དུ་འགྱུར་རོ།། འབུམ་ཕྲག་བཅུ་བཟླས་བརྗོད་བྱས་ན་རང་དགའི ་གཟུགས་སུ་འགྱུར་རོ། ། བཞི་ཆ་དང་བཅས་པའི་འབུམ་ཕྲག་བཟླས་བརྗོད་བྱས་ན་སངས་རྒྱས་ཉིད་དུ་འགྱུར་རོ།། བྱེ་བ་ཕྲག་གཅིག་བཟླས་བརྗོད་བྱས་ན་ཐམས་ཅད་དུ་རྗེས་སུ་འཛིན་པར་བྱེད་པའི་ནུས་པ ་ཅན་སྤྱན་རས་གཟིགས་དབང་ཕྱུག་ལྟ་བུ་འགྲུབ་པར་འགྱུར་ཞིང་། ལུས་དང་། ངག་དང་། ཡིད་ཀྱང་བྱིན་གྱིས་རློབ་བོ།། འདི་ནི་བཅོམ་ལྡན་འདས་གསུང་རྡོ་རྗེས་གསུངས་པའོ།། ཨོཾ་པཎྜ་ར་བ་སི་ནི་བ་རི་དེ་ཧཱུཾ། ་འདི་ནི་གོས་དཀར་མོའི་སྔགས་ཏེ་ལན་ཅིག་བརྗོད་པས་སྡིག་པའི་རིགས་ཀྱི་ཚོགས་སྲེག་པར་བྱེད་དོ།། ནུབ་བདུན་གྱི་ནང་རོལ་དུ་རྒྱལ་པོ་བློན་པོ་དང་བཅས་པ་མདུན་ན་འདོན་དང་། སྐྱེ་འགྲོའི་ཚོགས་དང་། བཙུན ་མོའི་ཚོགས་དང་བཅས་པ་དབང་དུ་འགྱུར་རོ། ། བཟླས་པ་ཙམ་གྱིས་ཕུན་སུམ་ཚོགས་པ་ཐམས་ཅད་ཀྱི་སྐལ་བ་དང་ལྡན་པར་འགྱུར་རོ།། དེ་ལྟ་བུའི་རིམ་པས་འབུམ་ཕྲག་གཅིག་བཟླས་ན་གང་ཡང་སངས ་། རྒྱས་དང་བྱང་ཆུབ་སེམས་དཔའ་དང་ནུས་པ་མཉམ་ཞིང་། དངོས་སུ་འཕགས་པ་སྤྱན་རས་གཟིགས་དབང་ཕྱུག་འགྲུབ་པར་འགྱུར་རོ།། ཨོཾ་བཾ་ལོ་ཀི་ནི་ཨ་བ་ལོ་ཀཱ་ཡ་སྭཱ་ཧཱ། འདིའི་སྦྱོར་བ་ནི་སྟོང་ཕྲག་བཅུ་བཟླས ་བརྗོད་བྱས་ན་མེ་ལོང་དང་། མཐེབ་ཆེན་དང་། ནམ་མཁའ་ལ་སོགས་པ་ཁ་གསལ་པོ་པྲ་དབབ་པ་འགྲུབ་པར་འགྱུར་རོ།། གང་སྔོན་བྱུང་བ་དང་ཡང་ད་ལྟར་དང་བྱིས་འོང་བ་དེ་སྟོན་པར་བྱེད་དོ།། ་ཡང་ན་སོ་ཤིང་ལ་ལན་ཉི་ཤུ་རྩ་གཅིག་མངོན་པར་བསྔགས་པར་བྱས་ལ། ནུབ་མོ་ཉལ་བའི་དུས་སུ་སོ་ཤིང་འཆོས་ནས་མི་སྨྲ་བར་ཉལ་ན་དགོས་པ་གང་ཡིན་པ་རྨི་ལམ་དུ་སྟོན་པར་བྱེད། དེའང་འཁྲུལ་པ་མེད་པར ་སྟོན་ནོ། ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། བཅོམ་ལྡན་འདས་སྒྲོལ་མ་འདི་འབུམ་ཕྲག་གཅིག་བཟླས་ན་འཇིག་རྟེན་གསུམ་གྲུབ་པར་འགྱུར་རོ།། ལྷའི་བུ་མོ་དང་། ཀླུའི་བུ་མོ་དང་། མི་འམ་ཅིའི་བུ་མོ་དང་། གནོད་སྦྱིན་གྱི ་བུ་མོ་དང་། མིའི་བུ་མོ་སྟེ། འདི་རྣམས་ཀྱི་ནང་ནས་གང་འདོད་པ་དེའི་ཆོས་འབྱུང་དུ་གུར་ཀུམ་དང་། རྒྱ་སྐྱེགས་དང་། རང་བྱུང་གི་མེ་ཏོག་དང་། བྱང་ཆུབ་ཀྱི་སེམས་དང་ཡང་དག་པར་ལྡན་པས་རྩིབས་དྲུག་པ་ཤིན་ཏུ་རྣོ་བའི ་འཁོར་ལོ་དམར་པོ་འཁོར་བཞིན་པ་རྣམ་པར་བྲིས་པ་བསམ་ལ། ། ཆོས་འབྱུང་དེ་སྒྲུབ་པ་པོས་རི་སུལ་ཆུ་ངོགས་གསང་བའི་གནས་སུ་བསམ་པར་བྱའོ།། དེའང་མྱོས་ཤིང་སྒྲུབ་པ་པོའི་སྟེང་དུ་ལྷུང་བའི་རྣམ་པ ་བསྒོམ་པར་བྱའོ། ། དེ་བཀུག་ལ་རང་ལ་ཆུ་ཤིང་ནོར་དང་བཅས་པ་དབང་དུ་འགྱུར་བར་བལྟའོ་ཞེས་བྱའོ།། ཡང་ན་ལྷ་དང་། ཀླུ་དང་། ལྷ་མ་ཡིན་དང་། མི་འམ་ཅི་དང་། རིག་པ་འཛིན་པ་དང་། གནོད་སྦྱིན་དང་། ་འཁོར་ལོས་སྒྱུར་བ་དང་། བློན་པོ་དང་། སྐྱེས་བུ་འམ། གང་འདོད་པ་དེ་དམར་པོར་རྣམ་པར་བསམས་ལ། དེའི་སྙིང་ཁར་རྡོ་རྗེ་ལྕགས་ཀྱུ་འོད་འབར་བའི་འཕྲེང་བ་འཁྲུག་པའི་ལྕགས་ཀྱུས་འབིགས་བཞིན ་པ་དང་། ཞགས་པས་རྐེད་པ་ནས་བཅིངས་ལ་འགུགས་བཞིན་པ་འདོད་པས་མྱོས་པར་གྱུར་པས་རབ་ཏུ་གསལ་པོར་བསམ་པར་བྱའོ།། བདག་ཉིད་ནོར་དང་བཅས་པ་འགུགས་ཤིང་དབང་དུ་འགྱུར་རོ་ཞེས ་བྱའོ། ། ཨོཾ་པུ་རི་ཎི་མ་ཧཱ་ཙཀྲ་བརྟི་ནི་ཧཱུཾ། འདིའི་སྦྱོར་བ་ནི་དྲི་ཆེན་དང་རྡོ་རྗེ་ཆུ་ལ་སོགས་པས་དཀྱིལ་འཁོར་བྱས་ལ། ཇི་ལྟར་རྙེད་པའི་མེ་ཏོག་གིས་མཉམ་པར་མཆོད་ལ།། དེ་ན་གནས་པའི་སྒྲུབ་པ་པོས ་གླིང་ངམ། ། གླིང་གཞན་དང་། གྲོང་ཁྱེར་དང་། གྲོང་དང་། ཡུལ་འཁོར་གྱི་རྒྱལ་པོར་བསམ་ཞིང་བཟླས་པར་བྱའོ།། དེས་བདག་པོ་ཉིད་དུ་འགྱུར་ཞིང་ལོངས་སྤྱོད་པ་ལ་ལོངས་སྤྱད་ནས་བདེ་བ་ཅན་གྱི་འཇིག ་། རྟེན་གྱི་ཁམས་སུ་སྐྱེ་བ་ཐོབ་པར་འགྱུར་རོ།། ཨོཾ་བྷྲྀ་ཀུ་ཊཱི་ཏཱ་རེ་ཏུ་ཏ་མ་ཏ་ཧཱུཾ། ལྷ་མོ་ཁྲོ་གཉེར་ཅན་ཞེས་བྱ་བ་འདི་ནི། དགྲའི་རྐང་རྗེས་ཀྱི་རྡུལ་བླངས་ལ། དུག་དང་། ཚྭ་དང་། སྐེ་ཚེ་དང་། ཁྲག་དང་། ཆུ་བོའི ་འགྲམ་གཉིས་ཀྱི་ས་དང་དྲི་ཆེན་རྡོ་རྗེ་ཆུས་བསྣོས་ལ་གཟུགས་བརྙན་བྱས་ལ། མིའི་རུས་པའི་རང་བཞིན་གྱི་ཕུར་བུས་ཚིགས་དང་གནད་ཀུན་ལ་བཏབ་ལ། ཐོད་པ་ཁ་སྦྱར་གྱི་ནང་དུ་བཞག་སྟེ་དུར་ཁྲོད་ཀྱི ་མེ་ལ་གདུང་བར་བྱའོ། ། ཞག་བདུན་དུ་སྦྱོར་བ་བྱས་པས་འཆི་བར་འགྱུར་རོ།། གལ་ཏེ་སེམས་ལ་སྡིག་པ་མེད་པར་གྱུར་ན་ཞག་ཉི་ཤུ་རྩ་གཅིག་གིས་ནི་སངས་རྒྱས་ཀྱང་འཆི་བར་འགྱུར་རོ།། ཨོཾ་མ་ཧཱ་ཤྲི་ཡེ་མ་ཎི ་པདྨེ་ཧཱུཾ། ། ལྷ་མོ་འདི་ལ་དྲི་དང་། མེ་ཏོག་དང་། མར་མེ་དང་། བསོད་སྙོམས་ཀྱི་ཟས་ཀྱིས་སོ་སོར་མཆོད་ལ་བཟླས་པ་བྱས་ན་ཐམས་ཅད་དུ་བསྲུངས་པར་འགྱུར་རོ།། ཡུལ་ཆོས་ཀྱི་རྩོད་པ་ལས་རྒྱལ ་བར་འགྱུར་རོ། ། སྤུན་རས་གཟིགས་དབང་ཕྱུག་དང་མཉམ་པར་འགྱུར་རོ།། ནོར་ཆེན་པོའི་བདག་པོར་འགྱུར་རོ།། ཡང་ན་པདྨ་སྟོང་ཕྲག་བཅུ་སྦྱིན་སྲེག་བྱས་ན་རྒྱལ་པོར་འགྱུར་རོ།། ་ཨོཾ་བཛྲ་པདྨེ་ཤྭ་རི་མ་ར་པདྨེ་ཧཱུཾ། རྡོ་རྗེ་པདྨའི་དབང་ཕྱུག་མ་འདི་ཡིད་ཀྱིས་བཟླས་ན་དབང་དང་དགུག་པ་ལ་སོགས་པ་བྱེད་དོ།། ལ་ན་བདུན་མངོན་པར་བསྔགས་ཏེ་གཙུག་པུད་མདུན་ན་རང་སྲུང་ཞིང་རིམས ་དང་ལྐོག་ནད་དང་། ནད་ཐམས་ཅད་དང་། མཚོན་དང་། མེ་དང་། རྐུན་པོ་དང་། སེང་གེ་དང་། གླང་པོ་ཆེ་དང་། སྦྲུལ་དང་། འཆིང་བ་དང་། རྒྱ་མཚོ་དང་། ཤ་ཟའི་ནད་སྟོང་ཕྲག་གཅིག་བཟླས ་པས་ཞི་བར་འགྱུར་རོ། ། ལན་ཅིག་གི་ལས་ཀྱིས་བརྗེད་བྱེད་ཀྱི་གདོན་དང་། ཟད་བྱེད་དང་། སྐྱུག་པ་དང་། བྲི་བར་དཀའ་བ་དང་། སྒོམ་པར་དཀའ་བའི་གདུག་པ་ཅན་གྱི་སེམས་ཅན་ཐམས ་ཅད་ཉམས་པར་འགྱུར་རོ། ། འབུམ་ཕྲག་གཅིག་བཟླས་ན་ལུས་འཕེལ་ཞིང་སྐལ་བ་བཟང་བ་དང་། ལུས་གཞོན་ཞིང་ནད་མེད་པར་བྱེད་ཅིང་དུས་མ་ཡིན་པའི་འཆི་བ་ཉམས་པར་བྱེད་དོ།། ཡང་ན་ཀླུ ་ཐབ་ཁུང་དུ་བྲིས་ལ་དེར་དུག་དང་། སྐེ་ཚེ་དང་། ཚ་བའི་སྦྱིན་སྲེག་བྱ་ཞིང་། ཀླུའི་མིང་དང་སྤེལ་བས་འབུམ་ཕྲག་གཅིག་སྦྱིན་སྲེག་བྱས་ན་ཆར་ཆེན་པོ་ཕབ་ནས་མུ་གེ་མེད་པར་འགྱུར་རོ།། ཨོཾ་བི་ཤྭ ་པདྨེ་ཧྲཱིཿ། སྣ་ཚོགས་པདྨ་འདི་ནི་རྨོངས་པ་དང་། རེངས་པ་དང་། མནན་པ་དང་། ཕུར་བུས་གདབ་པ་དང་། གཞན་གྱི་ནོར་འཕྲོག་པ་དང་། ཕུར་བུ་དང་། མིག་འཕྲུལ་དང་། ངོ་མཚར་དང་། མི་མཐོ ་བར་བྱེད་པ་དང་། ཕུག་ཏུ་འཇུག་པ་དང་། ནམ་མཁའ་ལ་འགྲོ་བ་དང་། ལྕགས་སྒྲོགས་གཅོད་པ་དང་། རིལ་པོར་དགུག་པ་གང་དང་གང་ཡིན་པ་རྒྱུད་ལས་བསྟན་པ་དང་། རྒྱུད་གཞན་དང་ཡང་དག་པར ་ལྡན་པའི་ལས་ཐམས་ཅད་བྱེད་དོ། ། ལུས་དང་། ངག་དང་། ཡིད་གསུམ་གྱི་དངོས་གྲུབ་སྟེར་ཏེ། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་འགྲུབ་ཅིང་གང་འདོད་པའི་ལས ་ཐམས་ཅད་ནི་འགྲུབ་པར་འགྱུར་རོ་ཞེས་བྱའོ། ། ཨོཾ་བི་ཤྭ་པདྨེ་ཧཱུཾ། སྣ་ཚོགས་རྡོ་རྗེ་ཞེས་བརྗོད་པའི་ལྷ་མོ་འདིས་ནི་ངག་གི་དངོས་གྲུབ་སྟེར་རོ།། ཚིགས་ཤད་མཁན་དུ་བྱེད་ཅིང་གཞན་གྱི་ངག་རེངས ་པར་བྱེད་དོ། ། རང་ཉིད་སྲུང་བ་དང་གཞན་ཡང་སྲུང་བར་འགྱུར་རོ།། རང་སྐལ་བ་བཟང་ཞིང་གཞན་ཡང་སྐལ་བ་བཟང་པོའི་རང་དོན་དང་གཞན་དོན་བྱེད་དོ།། ཇི་ལྟར་འདིར་ནི་འཕགས་པ་སྤྱན་རས་གཟིགས ་དབང་ཕྱུག་སེམས་ཅན་གྱི་དོན་ལ་སྤྲོས་ཞིང་བརྩོན་པ་དེ་བཞིན་དུ། འདིར་བཅོམ་ལྡན་འདས་མས་དམྱལ་བ་དང་། ཡི་དགས་དང་། བྱོལ་སོང་གི་སྐྱེ་གནས་སུ་གཏོགས་པའི་སེམས་ཅན་རྣམས་སྒྲོལ་བར ་བྱེད་དོ། ། བདེ་བར་གཤེགས་པའི་བསྟན་པ་ལ་དད་པ་རྣམས་ལ་མ་ཉིད་ཀྱིས་སྲུང་ངོ་ཞེས་ཐུགས་ཀྱི་རྡོ་རྗེ་དེ་བཞིན་གཤེགས་པས་གསུངས་སོ།། དེ་ལྟར་རྟོག་པའི་རྒྱལ་པོ་བསྡུས་པ་རབ་ཏུ་བསྟན་ཏོ།། སེམས ་བརྟན་རྟོག་པ་མེད་པ་ཡི། ། བློ་དང་ལྡན་པས་འགྲུབ་པར་འགྱུར།། གང་ཞིག་སྤྱོད་ལམ་བསྟན་པ་ཡི།། སངས་རྒྱས་ཀུན་རྒྱུ་ཇི་ལྟ་བར།། དེ་ལྟར་འདིར་ནི་རབ་སྦྱར་ནས།། དེ་ནས་རྟག་པའི་གོ་འཕང་འགྲུབ།། ཇི་ལྟར ་འདོད་པར་གནས་བྱེད་ཅིང་། ། ཀུན་ལ་ལོངས་སྤྱོད་ཀུན་བྱེད་ལྟར།། ཇི་ལྟར་འདོད་པའི་སྙིང་རྗེས་སྤྱོད།། ཇི་ལྟར་འདོད་པའི་སྤྱོད་པ་ཡིས།། འདུག་པ་འམ་ནི་ལངས་ཀྱང་རུང་།། འཆག་པ ་འམ་ནི་གང་དང་དེ། ། རྒོད་པ་འམ་ནི་བརྗོད་པ་འམ།། གང་དེ་ཇི་ལྟར་དོན་བཞིན་ནོ།། དཀྱིལ་འཁོར་དུ་ནི་མ་ཞུགས་པའམ།། སྒྲིབ་པ་ཀུན་དང་ལྡན་པ་ཡང་།། རང་མོས་ལྷ་ཡི་རྣལ་འབྱོར་བདག། བསོད་ནམ ་ཆུང་བའང་འགྲུབ་པར་འགྱུར། ། འདི་ཡིས་སངས་རྒྱས་ཐམས་ཅད་ཉིད།། ཐམས་ཅད་མཁས་པ་ཉིད་དང་ནི།། ཐམས་ཅད་རྡོ་རྗེ་འཆང་ཉིད་ཀྱང་།། སྐྱེ་བ་འདི་ལ་འགྲུབ་པར་འགྱུར།། ཡང་གསུང ་པ་རྣལ་འབྱོར་དག་ནི་གཟུགས་བརྙན་གྱི། ། བཅོས་མའི་སྐུ་ལས་འགྱུར་བ་མིན།། བྱང་ཆུབ་སེམས་ཆེན་ལ་བརྩོན་ན།། རྣལ་འབྱོར་དག་ནི་དེ་ལྷ་ཡིན།། ཁྲག་ཆེན་པོ་དང་ག་པུར་བཅས།། ཙན་དན ་དམར་དང་བསྲེས་པ་ནི། ། ཚོགས་ཀྱི་ནང་དུ་ཞུགས་པ་ན།། ཀུན་ལས་མཆོག་གྱུར་བཅུད་ལེན་ནོ།། སྦྱོར་བ་བཟང་པོ་འདི་ཡིས་ནི།། བཅུད་ཀྱིས་ལེན་ནི་སླ་བ་རུ།། དཔལ་རྡོ་རྗེ་སེམས་དཔའི་ཚེ་བཟང་དང་།། ་ནད་མེད་བདེ་བ་བཟང་པོ་འཐོབ།། གྲུབ་པའི་མཚན་ཉིད་ཇི་ལྟར་གསུངས།། སངས་རྒྱས་ཕ་རོལ་ཕྱིན་པ་དང་།། གཟུངས་དང་ས་ཡང་དེ་བཞིན་འགྲུབ།། བདེ་སྟོན་ཐམས་ཅད་ཐོབ་འགྱུར་ཞིང་།། རང་ཉིད་སོ་སོ ་རྗེས་སུ་འགྲུབ། ། སངས་རྒྱས་ཐམས་ཅད་མཉམ་སྦྱོར་བས།། སངས་རྒྱས་ཐམས་ཅད་ཉིད་དུ་འགྱུར།། སངས་རྒྱས་ཀུན་གྱི་དངོས་ཉིད་ཀྱང་།། སངས་རྒྱས་ཀུན་ནི་རབ་འགྲུབ་འགྱུར།། གཞན་ཡང་རྣལ་འབྱོར་གྱི་སྤྱོད ་པ་བྱེད་པར་འདོད་ཅིང་སེམས་ཡོངས་སུ་དག་པ་མེད་ན་དེའི་ཚེ་ཐང་སྐུའི་སྒྲུབ་པ་བཤད་དེ། ། བསྙེན་གནས་དང་ལྡན་ཞིང་སྨྱུང་བར་གནས་པའི་ལྷ་བཟོས། ཚོན་སྣ་མ་འདྲེས་པར་རས་གསར་པ་དེའང་རང་རང་གི་ཀུན་ཏུ་ཁྲུ ་རེའི་ཚད་ཀྱིས་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་བྲི་བར་བྱ་སྟེ། སྣ་ཚོགས་ཀྱི་པདྨ་འདབ་མ་བརྒྱད་པ། ཟེའུ་འབྲུའི་དཀྱིལ་དུ་ཟླ་བའི་དཀྱིལ་འཁོར་གྱི་དབུས་སུ་བཅོམ་ལྡན་འདས་མདོག ་དམར་བ། མི་བསྐྱོད་པའི་དབུ་རྒྱན་ཅན། ཞལ་གསུམ་པ། ཞལ་གྱི་གཙོ་བོ་ནི་དམར་བ་སྟེ་འདོད་ཆགས་ཆེན་པོ་ཉིད་ཀྱི་ཕྱིར་རོ།། གཡས་པ་གནག་པ་སྟེ་ཞེ་སྡང་ཆེན་པོ་ཉིད་ཀྱི་ཕྱིར་རོ།། གཡོན་པ་དཀར་བ་སྟེ་གཏི ་མུག་ཆེན་པོ་ཉིད་ཀྱི་ཕྱིར་རོ། ། ཕྱག་དྲུག་པ་བྱའོ།། གཡོན་པའི་ཕྱག་གཅིག་གིས་གོས་དཀར་མོའི་མགྲིན་པ་ནས་འཁྱུད་པ་དང་། པདྨ་དམར་པོ་བསྣམས་པ་དང་། གཡོན་པ་གཉིས་ཀྱིས་མེ་ཏོག་གི་གཞུ ་བསྣམས་པའོ། ། གཡས་པ་གསུམ་དུ་ཁབ་ཀྱི་ཕྱག་རྒྱས་པདྨ་ཁ་འབྱེད་པ་དང་། མེ་ཏོག་གི་མདའ་དང་། ལྕགས་ཀྱུ་བསྣམས་པའོ།། སེམས་དཔའི་སྐྱིལ་མོ་ཀྲུང་གིས་གནས་པར་བྱའོ།། ཤར་གྱི་འདབ ་མ་ལ་རྣམ་པར་གཟིགས་མ་མདོག་དཀར་མོ་པདྨ་དམར་པོ་དང་རྡོ་རྗེ་ཕྱག་ན་བསྣམས་པའོ། ། ལྷོ་ཕྱོགས་ཀྱི་འདབ་མ་ལ་ལྷ་མོ་སྒྲོལ་མ་ལྗང་ཁུ་རྒྱ་སྐྱེགས་ཀྱི་ཤིང་གི་ལོ་མ་དང་རིན་པོ་ཆེ་ཕྱག་ན་བསྣམས་པའོ།། ་ནུབ་ཕྱོགས་ཀྱི་འདབ་མ་ལ་བྷུ་རི་ནི་སེར་མོ་ཨུཏྤལ་སྔོན་པོ་དང་འཁོར་ལོ་བསྣམས་པའོ།། བྱང་ཕྱོགས་ཀྱི་འདབ་མ་ལ་ཁྲོ་གཉེར་ཅན་པདྨ་དཀར་སེར་ལྟ་བུ་པདྨ་སེར་པོ་དང་རལ་གྲི་ཕྱག་ན་བསྣམས་པའོ།། ་ཤར་ཕྱོགས་ཀྱི་མཚམས་སུ་པདྨའི་གོས་ཅན་མ་གསེར་ལྟ་བུའི་མདོག་བཙོད་ལྟ་བུའི་པདྨ་བསྣམས་པའོ།། ལྷོ་ཕྱོགས་ཀྱི་མཚམས་སུ་རྡོ་རྗེ་པདྨའི་དབང་ཕྱུག་མ་ནམ་མཁའི་མདོག་ཅན ་དཀར་པོ་པདྨ་དང་ཤེལ་གྱི་འཕྲེང་བ་བསྣམས་པའོ། ། ནུབ་ཕྱོགས་ཀྱི་མཚམས་སུ་སྣ་ཚོགས་ཀྱི་པདྨ་སྟོན་ཀའི་ཟླ་བ་ལྟ་བུ་དཀར་སེར་གྱི་མདོག་པདྨ་ནག་པོ་དང་པོ་ཏི་ཕྱག་ན་བསྣམས་པའོ།། བྱང་ཕྱོགས་ཀྱི་མཚམ ་སུ་སྣ་ཚོགས་རྡོ་རྗེ་མ་སྣ་ཚོགས་ཀྱི་མདོག་ཅན་དུ་བྱས་ལ། ། སྣ་ཚོགས་ཀྱི་རྡོ་རྗེ་དང་སྣ་ཚོགས་ཀྱི་པདྨ་བསྣམས་པའོ།། དེ་ལྟར་པདྨ་ལ་བཀོད་ཅིང་བྲིས་ལ། སྒེག་མོ་ལ་སོགས་པ་རྣམས་ནི་མཚམས་སུའོ།། ཛཿཧཱུཾ་བཾ ་ཧོཿའི་ཡི་གེ་ལས་ཡང་དག་པར་བྱུང་བའི་ལྕགས་ཀྱུ་དང་། ཞགས་པ་དང་། ལྕགས་སྒྲོག་དང་། དྲིལ་བུ་རྣམས་ནི་ཤར་ལ་སོགས་པའི་ཕྱོགས་རྣམས་སུའོ།། ཡང་ཐང་སྐུ་གཞན་བརྗོད་པར་བྱ་སྟེ། སྟོན་ཀའི་ཟླ་བ ་ལྟ་བུའི་དཀར་སེར་གྱི་བཅོམ་ལྡན་འདས་གཡས་ན་སྐུད་པ་དང་། དབྱུག་པ་དང་། རྩེ་གསུམ་དང་། མཆོད་སྦྱིན་པའི་ཕྱག་ཅན། གཡོན་ན་པདྨ་དང་། རིལ་བ་སྤྱི་བླུགས་དང་། ཞགས་པ་དང་། ཐམས་ཅད་མཁྱེན ་པའི་དམ་ཚིག་གི་པོ་ཏི་བསྣམས་པའི་ཕྱག་ཅན། སྟག་གི་པགས་པའི་ཤམ་ཐབས་འཆང་བ། སྦྲུལ་མཆོད་ཕྱིར་ཐོགས་པ། རལ་པའི་ཅོད་པན་ལ་འོད་དཔག་མེད་བཞེངས་པ་འམ་སྐྱིལ་ཀྲུང་བྱེད་པས ་གནས་པ་དབུ་རྒྱན་དུ་བྱས་པའོ། ། དེའི་གཡས་ཕྱོགས་ཀྱི་ཆ་རུ་སྒྲུབ་པ་པོ་མཆོད་ཡོན་གྱི་སྣོད་དང་བདུག་སྤོས་ཀྱི་སྣོད་ལག་པས་གཟུང་བར་བྱའོ།། གཞན་ཡང་བཅོམ་ལྡན་འདས་ཕྱག་གཉིས་པ་རི་གྲུ་འཛིང ་ལ་གནས་ཤིང་སེང་གེའི་ཁྲི་ལ་བཞུགས་པ། གཡོན་པ་ས་ལ་གནས་ཤིང་ཞབས་གཡས་པ་པདྨའི་སྟེང་གི་གདམ་སྟེངས་སུ་བཞུགས་པའོ།། ཕྱག་རེ་རེ་ན་འཕྲེང་བ་བསྣམས་པར་སེམས་པ་པོས་འཕྲེང ་བའི་འོག་ཏུ་འདྲེན་པའི་ཚུལ་འདིས་བསམ་པར་བྱ་བ་ནི་སེམས་པ་ལྟ་བུར་གནས་པ་ཞེས་བྱའོ། ། ཆོ་ག་གཞན་ཡང་བཅོམ་ལྡན་འདས་དཀར་ཞིང་དམར་བ་ཕྱག་བཅུ་པ་རི་དགས་སེང་གེའི་གདན་ལ་པདྨའི་སྟེང་དུ ་སྐྱིལ་ཀྲུང་ཕྱེད་པས་བཞུགས་པ། གཡས་ན་འཕྲེང་བ་བསྣམས་པའོ།། སེང་གེ་དང་། གླང་པོ་ཆེ་དང་། མེ་དང་། སྦྲུལ་གྱིས་འཇིག་པ་རྣམ་ལས་གྲོལ་བའི་ཆ་བྱད་ཅན་ནོ།། གཡོན་ན་པདྨ་དམར་པོ་སྡོང་བུ་གཉིས ་པ་སྟེང་དུ་པོ་ཏི་ཅན་ཏེ། རྐུ་མ་དང་། ལྕགས་སྒྲོག་གིས་བཅིངས་པ་དང་། མཚོན་དང་། ཐོག་ཆེན་པོ་དང་། ཤ་ཟས་ཟ་བ་རྣམས་སྒྲོལ་བའི་ཆ་བྱད་ཅན་ནོ།། གནས་དེ་བརྒྱད་དུ་སྒྲུབ་པ་པོ་རྒྱན་ཐམས་ཅད་ཀྱིས ་བརྒྱན་པ། ཡན་ལག་ཐམས་ཅད་ཡོངས་སུ་རྫོགས་པ། སྔོན་བཞིན་དུ་ལངས་པའམ་འདུག་པར་བསམ་པར་བྱའོ།། གཞན་ཡང་ཆོ་ག་ནི་ཟླ་བའི་དཀྱིལ་འཁོར་གྱི་དབུས་སུ་བཅོམ་ལྡན་འདས་སྣ་ཚོགས ་ཀྱི་གཟུགས་འཆང་བ། དབུ་བཅུ་གསུམ་པ། སྤྱི་བོའི་མགོ་བོ་ནི་ལྗང་ཁུའི་རྟ་ཞལ་ལོ།། ཡང་ན་ཞི་བ་སངས་རྒྱས་ཤཱཀྱ་ཐུབ་པའི་ཞལ་ལོ།། ཕྱག་བརྒྱ་པའི་བཅོམ་ལྡན་འདས་འདི་ནི་སྣ་ཚོགས་ཀྱི ་མཚོན་ཆ་བསྣམས་པའོ། ། ཡང་ན་ཞལ་བརྒྱ་པོ་ཕྱག་སྟོང་པའང་བྱའོ།། ཁ་ཅིག་ཏུ་རྡོ་རྗེ་སྐྱིལ་མོ་ཀྲུང་གིས་གནས་པ་འམ་བཞེངས་པའང་བྱའོ།། ཙམ་པ་ལྟ་བུའི་དཀར་སེར་གྱི་བཅོམ་ལྡན་འདས་སོ།། ་ཐང་སྐུ་དེ་ཀུན་གྱི་གཡས་ཕྱོགས་ཀྱི་བར་དུ་སྒྲུབ་པ་པོ་མེ་ཏོག་དང་། མཆོད་ཡོན་གྱི་སྣོད་དང་། བདུག་སྤོས་ཀྱི་སྣོད་ལག་པ་ན་གཟུང་བར་བྱའོ།། དེ་རྣམས་ཀྱི་དབུ་ལ་དབུ་རྒྱན་དུ་འོད་དཔག་མེད ་པ་འམ། ཆོས་ཀྱི་རྒྱལ་པོའི་མཆོད་རྟེན་བྲི་བར་བྱའོ།། འདི་ནི་ཐང་སྐུའི་ཆོ་གའོ།། ཐང་སྐུའི་མདུན་དུ་རྩ་བའི་སྔགས་ཇི་ལྟ་བ་འདོད་པ་དེ་བཟླ་ཞིང་བསམ་གཏན་ཡང་བྱས་ནས། མཆོད་པ་རྣམ་པ་ལྔས་མཆོད་ལ། ་མཆོད་ཡོན་སྣོད་དང་། ཡོངས་སུ་གང་བའི་བདུད་རྩི་ལྟ་བུའི་ཟས་དང་། སྒྲོན་མའི་ཟས་ལ་བྱས་ནས་མཆོད་ཡོན་བྱིན་ཏེ་སྔགས་གང་འདོད་པ་དེ་བཟླས་པ་བྱས་ན། དེ་ལ་གསུངས་པའི་དངོས་གྲུབ་ཏུ་འགྱུར་རོ།། གསང་བ་པོ ་ནི་སྔགས་འདི་ཉིད། ཁ་ཅིག་ལ་ཡང་མི་སྦྱིན་ནོ།། བློ་ལྡན་སེམས་ཅན་དོན་བརྩོན་པའི།། སེམས་བརྟན་པ་ལ་སྦྱིན་པར་བྱ།། མཆོད་རྟེན་ལས་བྱེད་ཉིད་ལ་ནི།། བློ་ལྡན་འབད་པས་སྦྱིན་པར་བྱ།། རང་ཉིད་དང་ནི་ནོར་དག ་གིས། ། བླ་མ་ལ་རྟག་གུས་པར་བྱ།། རྡོ་རྗེ་སློབ་དཔོན་རྣལ་འབྱོར་ལ།། མཆོག་ཏུ་གྱུར་པའི་ཡོན་ཡང་དབུལ།། གང་དང་གང་ནི་གཏང་དཀའ་བ།། མཆོག་ཏུ་གྱུར་པར་འདིར་ནི་སྔགས།། ཆུང་མ་སྲིང་མོ་དང་ཡང་ནི ་བུ་མོ་དང་ནི་ཚ་མོ་དག། བུ་མོ་རྒྱན་ཀུན་བརྒྱན་པར་བྱའོ།། གླང་ཆེན་རྟ་དང་ཤིང་རྟ་དང་།། ཕྱོགས་དང་གྲོང་ཁྱེར་རྒྱལ་སྲིད་དང་།། ཡུལ་འཁོར་རྒྱལ་སྲིད་ལྡན་པ་དང་།། རིན་ཆེན་སྣ་ཚོགས་དག་ཀྱང་ནི།། གཞན ་ཡང་རྡོ་རྗེ་སློབ་དཔོན་དབུལ། ། རྡོ་རྗེ་སློབ་དཔོན་དགྱེས་གྱུར་པ།། ཐམས་ཅད་རབ་སྦྱིན་དབུལ་བར་བྱ།། འཇིག་རྟེན་དབང་ཕྱུག་གི་རྟོག་པ་རྫོགས་སོ།། ། རྒྱ་གར་གྱི་མཁན་པོ་ཛེམྦྷ་ལ་དང ་