Wylie

e-texts produced with BDRC’s OCR application

གར་སྐད་དུ། བྷ་ག་བཱན་ནཱི་ལཱམྦ་ར་དྷ་ར་བཛྲ་པ་ཎི་ཏནྟ་ནཱ་མ། བོད་སྐད་དུ། བཅོམ་ལྡན་འདས་ཕྱག་ན་རྡོ་རྗེ་གོས་སྔོན་པོ་ཅན་གྱི་རྒྱུད་ཅེས་བྱ་བ། བཅོམ་ལྡན་འདས ་དཔལ་ཕྱག་ན་རྡོ་རྗེ་གོས་སྔོན་པོ་ཅར་ལ་ཕྱག་འཚལ་ལོ། ། སངས་རྒྱས་དང་བྱང་ཆུབ་སེམས་དཔའ་དུས་གསུམ་དུ་བཞུགས་པ་རྣམས་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས ་གཅིག་ན། བཅོམ་ལྡན་འདས་མི་བསྐྱོད་པ་རྡོ་རྗེ་རིག་ཀྱི་སངས་རྒྱས་ལྕང་ལོ་ཅན་གྱི་ཕོ་བྲང་ན་བྱང་ཆུབ་སེམས་དཔའ་ཕྱག་ན་རྡོ་རྗེ་དང་། རྡོ་རྗེ་སྡེ་དང་། རྡོ་རྗེ་ཀུན་ཏུ་འཛིན་པ་དང་། རྡོ་རྗེ་རབ ་ཏུ་འདུལ་བྱེད་དང་། རྡོ་རྗེ་མི་བཟད་འཇོམས་དང་། རྡོ་རྗེ་གདུག་པ་ཀུན་འདུལ་དང་། རྡོ་རྗེ་དབྱིངས་ལས་རྒྱལ་བ་དང་། རྡོ་རྗེ་དགྱེས་གནས་སྐྱོབ་ལ་སོགས་པའི་འཁོར་བྱེ་བ་ཕྲག་སྙེད་རྣམས ་དང་ཐབས་ཅིག་ཏུ་ཞུགས་སོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ཉིད་ཀྱིས་རྡོ་རྗེ་ཐུགས་ཀར་ལན་གསུམ་གསོར་ཏེ། བཅོམ་ལྡན་འདས་ལ་བསྐོར་བ་ལར་གསུམ ་བྱས་ནས་ཕྱག་འཚལ་ཏེ། པུས་མོ་གཡས་པའི་ལྷ་ལྔ་ས་ལ་བཙུགས་ཏེ་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པ་རྡོ་རྗེ་འཛིན་པ་ཆེན་པོ་འབྱུང་པོ་ཀུན་འདུལ་བར་བྱེད ་ས་འོག་གི་གདུག་པ་ཅན་འདུལ་བར་བྱེད་པའི་རྡོ་རྗེ་ཀུན་འདུལ་ཞེས་བྱ་བའི་རྒྱུད་ཆེན་པོ་བཤད་དུ་གསོལ། རྡོ་རྗེ་འཛིན་པ་ཆེན་པོ་བཤད་དུ་གསོལ། ཁྱབ་བདག་ཆེན་པོ་བཤད་དུ་གསོལ། ་གདུག་པ་ཀུན་འདུལ་བར་བྱེད་པ་བཤད་དུ་གསོལ། མུན་པ་ཀུན་འཇོམས་པ་ཆེན་པོ་བཤད་དུ་གསོལ་ཞེས་ཕྱག་ན་རྡོ་རྗེས་གསོལ་བ་བཏབ་བོ།། དེ་སྐད་ཅེས་གསོལ་པ་དང་། བཅོམ་ལྡན་འདས ་ཀྱིས། ཕྱག་ན་རྡོ་རྗེ་ལ་བཀའ་སྩལ་པ། རྡོ་རྗེ་འཆང་བ་ཆེན་པོ་གསང་བ་པ་ཁྱོད་སེམས་ཅན་རྣམས་ཀྱི་དོན་དུ་རྡོ་རྗེ་ཀུན་འདུལ་ཞེས་བྱ་བའི་རྒྱུད་ང་ལ་ཞུ་བ་ལེགས་སོ།། གསང་བའི་བདག་པོ་ལེགས་སོ།། བྱང ་ཆུབ་སེམས་དཔའ་ཆེན་པོ་ལེགས་སོ། ། དེའི་ཕྱིར་ལག་ན་རྡོ་རྗེའི་རིགས་རྣམ་ཁྱེད་རྗེས་སུ་ཉོན་ལ་ཡིད་ལ་ཟུང་ཞིག། ངས་རྣམ་པར་ཕྱེ་སྟེ་རྡོ་རྗེ་ས་འོག་འབྱུང་པོ་འདུལ་བ་ཞེས་བྱ་བའི་རྒྱུད་བཤད་ཀྱིས་རྗེས་སུ་ཟུང་ཞིག། དེ་སྐད ་ཅེས་བཀའ་སྩལ་ནས། བཅོམ་ལྡན་འདས་ཀྱིས་རྡོ་རྗེ་ཀུན་གྱི་ཏིང་ངེ་འཛིན་གྱིས་ས་འོག་གི་གདོན་དང་འབྱུང་པོ་ཀུན་འཇོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། བཅོམ ་ལྡན་འདས་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ། བཅོམ་ལྡན་འདས་ཀྱི་སྐུའི་བུ་ག་ཐམས་ཅད་ནས་ཁྲོ་བོ་གདུག་པ་ཀུན་འདུལ་བར་བྱེད་པ་དུ་མ་སྤྲོས་ཏེ། ས་འོག་ས་སྟེངས་ས་བླ ་གང་བར་མཛད་དེ། ས་འོག་གི་ཀླུ་རྣམས་ཀྱི་གནས་རྣམས་གདུག་པའི་ཧཱུཾ་སྒྲས་ཀུན་ཏུ་གང་བར་བྱས་ནས་ཀླུའི་རྒྱལ་པོ་བརྒྱད་འཁོར་དང་བཅས་པ་བཏུལ་ཏེ། བཅོམ་ལྡན་འདས་ཀྱི་སྤྱན་སྔར་བཀུག ་དེ་ནས་ཀླུའི་རྒྱལ་པོ་མཐའ་ཡས་གདུག་པའི་སེམས་ལངས་ཏེ། དབུགས་ཤིན་ཏུ་ཚ་བར་གཏོང་བར་སེམས་པ་དེ་བཅོམ་ལྡན་འདས་ཀྱིས་མཁྱེན་ཏེ། གསང་བའི་བདག་པོ་ལག་ན་རྡོ་རྗེ ་ལ་བྱིན་གྱིས་བརླབས་ནས་ཀླུ་ཐམས་ཅད་ཀྱི་ཞེ་སྡང་རབ་ཏུ་ཞི་བར་བྱེད་པ་ཞེས་བྱ་བའི་སྔགས་འདི་གསུངས་སོ། ། ཨོཾ་ནཱི་ལཱཾ་བཛྲ་ཀྲོ་དྷ་ནཱ་ག་ཧཱུཾ་ཕཊ། ཅེས་བཟླས་སོ།། དེ་ནས ་ཀླུ་མཐའ་ཡས་སེམས་རབ་ཏུ་ཞི་སྟེ་བྱང་ཆུབ་ཀྱི་སེམས་དང་ལྡན་པར་གྱུར་པས་ཀླུ་ཐམས་ཅད་སེམས་རབ་ཏུ་ཞིའོ། ། དེ་ནས་མཐའ་ཨས་ལ་སོགས་པའི་ཀླུ་རྒྱལ་ས་འོག་ན་བཞུགས་པ་རྣམས་ཀྱིས།། ་བཅོམ་ལྡན་འདས་རྡོ་རྗེ་འཛིན་པ་ཆེན་པོ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཕྱི་མའི་དུས་ན་སླད་མའི་ཚེ་སེམས་ཅན་རྣམས་ལ་ས་འོག་གི་གདོན་རྣམས་ཀྱིས་བར་དུ་མི་གཅོད་ཅིང་། དེ ་དག་གི་གདུག་པ་ཞི་བར་བྱེད་པའི་ཆོ་ག་བཤད་དུ་གསོལ། བདག་ཅག་ཀླུའི་རྒྱལ་པོ་རྣམས་དང་བདག་ཅག་གི་འཁོར་རྣམས་ཀྱིས་སེམས་ཅན་ཆེན་པོ་དེ་ལ་བར་དུ་གཅོད་པར་མི་ནུས་པ་བཤད་དུ ་གསོལ། བདག་ཅག་ཀླུའི་རྒྱལ་པོ་རྣམས་ཀྱི་དོན་དུ་འགྱུར་བ་བཤད་དུ་གསོལ་ཞེས་གསོལ་བ་བཏབ་བོ།། དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས། ཀླུའི་རྒྱལ་པོ་ཆེན་པོ་རྣམས ་ལ་ཅུང་ཟད་སྤྱན་གྱི་གཟིགས་ནས་བཀའ་སྩལ་པ། ཀླུའི་རྒྱལ་པོ་དག་ལེགས་སོ།། ཞུ་བའི་དུས་ལ་བབ་བོ།། ངས་སེམས་ཅན་རྣམས་ཀྱི་དོན་དུ་རབ་ཏུ་ཕྱེ་སྟེ་བཤད་ཀྱིས་ཉོན་ཅིག། ་བཅོམ་ལྡན་འདས་ལེགས་སོ་ཞེས་གསོལ་ཏེ། ཀླུ་རྣམས་སྔར་ཉན་ཏོ།། དེ་ནས་བཅོམ་ལྡན་འདས་ཀྱི་ཀླུ་འདུལ་བ་ཞེས་བྱ་བའི་ལེའུ་བཤད་དེ། ཧཱུཾ། སེམས་ཅན་ཀུན་གྱི་དོན་གྱི་ཕྱིར།། ་རྡོ་རྗེ་འཛིན་ཆེན་སྟོན་པ་དེས།། ཉིད་ཀྱི་འཁོར་ལ་རབ་གཟིགས་ཏེ།། འོད་ཟེར་ཀུན་ཏུ་རབ་བཀྱེ་ནས།། གདོན་རྣམས་རླག་བྱེད་ཐབས་གསུངས་པ།། དཀར་པོའི་ཕྱོགས་ཀྱི་ཚེས་བརྒྱད་དང་།། ་དེ་བཞིན་བཅུ་བཞི་བཅོ་ལྔ་ལ།། རབ་ཏུ་དབེན་པའི་ས་ཕྱོགས་སུ།། ཕྱག་ན་རྡོ་རྗེ་རབ་ཁྲོས་པ།། གཞོན་ཚུལ་འགྱིངས་པ་རབ་བསམས་ལ།། རིན་ཆེན་སྣོད་དམ་ཁམ་ཕོར་དུ།། གསེར ་ལ་སོགས་པའི་རིན་ཆེན་བདུན། ། དག་པར་བསྒྲུབས་ཏེ་རབ་བཅུག་ནས།། གསང་སྔགས་བརྒྱ་རྩ་བརྒྱད་བཟླས་ཏེ།། དཀོན་མཆོག་གསུམ་གྱི་བཀའ་བདེན་པས།། འབྱུང་པོ་དེ་ལ ་གཏོར་བྱིན་ཏེ། ། གང་གནས་རྟེན་སར་རབ་སྲས་ལ།། འབྱུང་པོ་ཀླུ་གདུག་ཞི་བར་འགྱུར།། གང་ཚེའི་བསམ་ཕན་ན།། དེ་ཚེ་གདུག་པའི་མཚོན་ཆ་རྣམས།། རང་གི་ཁང་པར་རབ ་ཏུ་འབར། ། སྡུག་བསྔལ་མི་བཟང་དྲག་པོ་སྟེ།། དེ་ཚེ་སྔོན་གྱི་སེམས་དྲན་པས།། ཞི་བར་འགྱུར་བར་ཐེ་ཙོམ་མེད།། དེ་ནས་འདིར་བཅོམ་ལྡན་འདས་ཀྱིས་ལྷའི་ཆོ་ག་རབ་ཏུ་གསུངས ་པ། རྟག་ཏུ་བྱང་ཆུབ་སེམས་ཐོབ་ཅིང་།། དམ་ཚིག་སྡོམ་པ་ཀུན་ལྡན་པ།། ཁྲུས་ཀྱི་ལས་རྣམས་ཀུན་བྱ་སྟེ།། རྣམ་པར་དག་པའི་ས་གཞི་ལ།། དཀྱིལ་འཁོར་ཇི་ལྟར་མཛེས་པར ་ཧཱུཾ་ཡིག་ལས་བྱུང་ལྕགས་ཀྱུ་ཡིས། ། སངས་རྒྱས་བྱང་ཆུབ་སེམས་དཔའ་རྣམས།། སྐད་ཅིག་མདུན་བསམས་མཆོད་སོ་བྱ།། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོཧཾ། ་སྟོང་བའི་ཏིང་དུ་འཛིན་རྣམས་འཅོས།། ནམ་ས་མྦྷའི་ཁམས་སུ་ཡ་ནི།། ཟླབདང་ས་མག།། འོད་ཟེར་ཀུན་རྒྱུ་བར་བང་གནས། འཡོ་ག་ནམ ་ག། སྨྲ་སུ་། པ་ང་པ་#། ར་ར ་ཉེན་རྣམས། ། རྡོ་རྗེའི་དབོར་ཐིས་པར་བྱ།། དེ་ལས་ཁྲོ་བ་ཆེན་པོའི་ས།། སུ་མདག་སྔོན་པོ་ཆེར་འབར་བ།། གཡོན་བརྒྱ་ན་ཚོང་བཅུ་ཇུག་འཆང་།། མཐའ་ཡས་ལ་སོགས ་ཀྱིས་བརྒྱད། ། སྐུ་མདོག་ནག་པོའི་གཟུགས་ཅན་དེ།། ཞལ་གཅིག་ཕྱག་གཉིས་རྡོ་རྗེ་བསྣམས།། ན་བཟའ་སྨན་པོའི་བར་འཇལ་ཅན།། སྤྱན་གསུམ་དམར་མཛེས་ཀྱིན་དུ་འཇལ། ་རམ་པ་གྱེན་བརྫེས་རྡོ་རྗེ་ཡི།། དབུ་རྒྱན་ཅན་དུ་བསམ་པར་བྱའོ།། དེ་ནས་ཡེ་ཤེས་ཁྲོ་བོ་ཆེ།། སྤྱན་དྲངས་ཆུ་ཧཱུ~ཾའི་ཧོས་གཞུག། མགོ་དང་ལྐོག་མ་སྲིང་ཁ་རུ།། ཨོཾ་ཨཱཿཧཱུཾ་གི་རྣཿ ་པ་ཡི། ། སི་ཀྱེ་བཅུ་གསུམ་སྔགས་ཀྱིས་བརྒྱད།། འཁོར་ལོ་པདྨཱ་རྡོ་རྗེ་བསམ།། མི་བསྐྱོད་རྡོ་རྗེས་དབང་བསྐུར་ཏེ།། ཀུན་འཇོམས་རྣམ་པར་དག་པར་བསམ།། དེ་ནས་བཅོམ་ལྡན ་འདས་ཀྱིས་འདིའི་རྩ་བའི་སྔགས་ལས་ཐམས་ཅད་པ་གསུངས། ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་ཧཱུཾ་ཧཱུཾ་ཕཊ། རབ་ཏུ་བརྗོད་པར་བྱའོ།། སྔགས་ཀྱི་འཕྲེང་བ་དེ་དག་ཀྱང་།། འི་ལ་རབ ་དཀར་དབང་ལ་དམར། ། རྒྱུས་ལ་སེར་པོ་དྲག་ལ་གནག། རྟོག་པ་ཀུན་ཏུ་སྤངས་ཏེ་བཟླས།། སྤྲོ་དང་བསྡུ་བའི་བྱེ་བྲག་གིས།། ཇི་ལྟར་མོས་པའི་བསམ་གཏན་བྱ།། མི་མེས་རྣལ་འགྱུར། ་རབ་ཏུ་སྤང་།། ཕྱག་ན་རྡོ་རྗེ་ཁྲོ་རྒྱལ་གྱིས།། དགེ་ཀུན་རྟེན་པའི་ཡིད་འདི་ལ།། གང་བརྩོན་པ་དེ་ཕན་ཡོན་ནོ།། ཀུན་ཏུ་རབ་ཏུ་དགའ་སོགས་དག། མི་སྣང་ལ་སོགས་རབ་ཏུ་འགྲུབ།། ་ཀུན་རྟེན་རབ་ཏུ་སྤྱད་དགེ་ཅན།། རྟེན་ཅན་སྦྱོར་བ་རབ་ཏུ་དབེན།། དངོས་གྲུབ་མཆོག་ཏུ་རབ་ཏུ་འགྲུབ།། དཔལ་རྡོ་རྗེ་ས་འོག་གི་རྒྱུད་ལས།། ཞི་བའི་ལས་སྒྲུབ་པ་དང་ལྷའི་ལེའུ་སྟེ ་དང་པོའོ། ། །། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ།། བཅོམ་ལྡན་སྟོན་པ་རྡོ ་རྗེ་འཛིན། ། བར་ཆད་ཞི་བྱེད་གཏོར་མ་ཡི།། ཆོ་ག་མཆོག་ནི་བཤད་དུ་གསོལ།། སེམས་ཅན་དོན་དུ་བརྩོན་ལྡན་བགྱི།། ཞེས་གསོལ་ཏོ།། དེ་ནས་བཅོམ་ལྡན་འདས་ཀྱིས་བཀའ ་སྩལ་པ། ལེགས་སོ་རྡོ་རྗེ་འཆང་བ་གཙོ།། བར་ཆོད་ཞི་བའི་ཆོ་ག་དང་།། དངོས་གྲུབ་ཐབས་ཀྱི་ཆོ་ག་ནི།། གཏོར་མ་ཀུན་གྱིས་སྟེར་འགྱུར་བཤད།། རབ་ཏུ་མཛེས་པའི་སྣོད ་མཆོག་ཏུ། ། བཟའ་དང་བཅའ་བ་ལ་སོགས་པའི།། ཕུན་སུམ་ཚོགས་པ་རབ་ཏུ་བྱ།། སྟོང་པའི་ཏིང་ངེ་འཛིན་འགྲོ་བས།། བྲུཾ་ལས་མཛེས་པའི་སྣོད་བསྐྱེད་དེ།། ཁཾ་ལས་ཁ་ཟས ་ནམ་མཁའི་ཁམས། ། མཉམ་པར་བསམས་ཏེ་སྔགས་འདི་བརྗོད།། ཨོཾ་ཨ་ཀཱ་རོ་མུ་ཁཾ་སརྦཿམཱཛྫ་ཨཱདྱ་རུཏྤནྣ་ཏཱ་ཏཱ་ཨོཾ་ཨཱཿཧཱུཾ་ཕཊྚ་སྭཱཧཱ། ཞེས་བརྗོད་དོ།། བཛྲ ་རྫིར་བསམས་ཏེ་རབ་ཏུ་སྤེལ། ། སྤེལ་བ་གཉིས་ཀྱིས་རྣམ་པར་སྦྱང་།། ནམ་མཁའི་ཧྲཱི་ལས་པདྨ་བརྒྱད།། དཔག་ཏུ་མེད་པ་བསམ་བྱ་སྟེ།། གཙོ་བོ་མགོན་པོ་རྣམ་ཐོས་བུ།། གནོད ་སྦྱིན་བྱེ་ཚོགས་ཀྱིས་བསྐོར་ཅིང་། ། ཀླུ་བརྒྱད་ཀྱིས་མཆོག་སྤྱན་དྲང་བྱ།། གནོན་སྦྱིན་རྒྱལ་པོ་དེ་དག་ལ།། རྨུགས་འཛིན་གང་བ་བཟང་པོ་དང་།། ནོར་བཟངས་ཀུ་བེར་དང་ནི།། ཡང ་དག་འཐོག་གནས་ལྔ་རྩེན་དང་། ། ཙི་བི་ཀུནྡ་ལི་རྣམས་ནི།། འཁོར་གྱི་ཚུལ་གྱིས་གཙོ་ལ་བསྐོར།། ཕྱོགས་དང་མཚམས་སུ་བསམ་པར་བྱ།། བྱེ་བའི་འཁོར་ཚོགས་ཐུན་མོང་ཡིན།། ་ཀླུ་བརྒྱད་གནོད་སྦྱིན་ཕྱི་ནའོ།། དེ་ནས་ལྕགས་ཀྱུས་སྤྱན་དྲང་ལ།། མ་བྲལ་གཙོ་དང་ལྕགས་ཀྱུའོ།། བཞོན་པ་སེང་གེ་རྟ་ཡི་ཚོགས།། ཀུན་ཀྱང་ཞལ་གཅིག་ཕྱག་གཉིས་པ།། རིན ་ཆེན་འབར་བའི་རྒྱལ་མཚན་དང་། ། ནོར་བུ་རིན་ཆེན་རལ་གྲི་དང་།། གྲི་མདུ་ཁང་བརྩེགས་རལ་གྲི་ཕུབ།། མཚོན་ཆ་སྣ་ཚོགས་འཕྱར་བར་བསྒོམ།། སྤྱན་འདྲེན་ཚེ་ན་རྔ་སོགས་དང་།། དུང ་ཆེན་འབྲས་སྤོས་དག་ནི་དབུལ། ། ཨོཾ་བཻ་ཤྲ་བ་ཎ་ས་པ་རི་བཱ་ར་ས་མཱ་ཛཿ། ཛ་ཧཱུཾ་བཾ་ཧོ།། ཨོཾ་བེ་སཱཧཱ། ཨོཾ་བཻ་ཤྲ་བ་ཎ་ཨཱ་ཀཪྵ་ཡ་ཧཱུཾ་ཛ། ཞེས་སྤྱན་དྲང་བའི་སྔགས་སོ།། ་ཨ་མྲྀ་ཏ་ཀུནཱ་ལི་ཧ་ན་ཧ་ན་ཧཱུཾ་ཕཊ། ཅེས་པ་ནི་བགེག་སྐུ་བསྐྲད་པའི་སྔགས་སོ།། དེ་ནས་མྱེ་ཏོག་ལ་སོགས་པས།། མཆོད་པ་དག་ནི་ནམ་མཁའ་རུ།། རབ་ཏུ་མཆོད་དེ་སྤྲོ་བར་བྱ།། ་ལཱམྦ་ར་དྷ་ར་བཛྲ་པཱ་ཎི། ཨཱ་ཛྙཱ་པ་ཡ་ཏི། ཨི་མཾ་བ་ལཾ་གྲྀཧྣ་ཏུ། ས་མ་ཡ་རཀྵནྟུ་མ་མ་སིདྡྷིམྦ་པྲ་ཡཙྪ་ཏུ་མ་མ་སརྦ་སཏྭ་སཱ་ཧཱ། ཨོཾ་བེ་ཤྲ་བ་ཎཱ་ཡ་སཱཧཱ། ཨོཾ་ཛཱམྦྷ་ལཱ་ཡ་སཱཧཱ། ཨོཾ ་པཱུརྞ་བྷ་ཛཱ་ཡ་སྭཱ་ཧཱ། ཨོཾ་མ་ཎཾ་བྷ་དྲཱ་ཡ་སྭཱ་ཧཱ། ཨོཾ་ཀུ་བེ་རཱ་ཡ་སྭཱ་ཧཱ། ཨོཾ་སི་པྲ་ཛྙཱ་ནཱ་ཡ་སྭཱ་ཧཱ། ཨོཾ་གུ་ཧྱ་དྷ་ནཱ་ཡ་སྭཱ་ཧཱ། ཨོཾ་པཉྩི་ཀཱ་ཡ་སྭཱ་ཧཱ། ཨོཾ་ཙ་པི་ཀུནྡ་ལཱ་ཡ་སྭཱ་ཧཱ། ་གཏོར་མ་དབུལ་བའི་སྔགས་སོ།། དེ་ནས་མཆོད་དེ་མགྲོན་རྣམས་བཏང་།། འོད་ཟེར་ལྕགས་ཀྱུ་བཀྲོལ་ནས་སུ།། བཀྲོལ་བའི་དུས་ན་གཤེགས་དང་མཉམ།། མཉམ་ལོངས ་སྤྱོད་པའི་ཆོ་ག་བྱའོ། ། རྡོ་རྗེ་ས་འོག་གི་རྒྱུད་ལས།། གཏོར་མའི་ལེའུ་སྟེ་གཉིས་པའོ།། ། དེ་ནས་ཡང་བཅོམ་ལྡན་འདས་ཀྱིས་འཇིག་རྟེན་པའི་དངོས་གྲུབ ་བསྒྲུབ་པར་འདོད་པའི་དོན་དུ་འཇིག་རྟེན་པའི་འཁོར་ལོ་ཀུན་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྐུའི་བ་སྤུ་ནས་འོད་ཟེར་སྤྲོས་ཏེ་རྣམ་ཐོས་སྲས་འཁོར་བཅས ་ཀྱི་ཐུགས་བསྐུལ་ནས་འཁོར་དེར་འདུས་ཏེ། བཅོམ་ལྡན་འདས་ལ་ཕྱག་འཚལ་ཏེ། རིན་པོ་ཆེའི་ཕྱེ་མས་གཏོར་ནས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ནི་ཆོས་སྐྱོང ་བའི་རྒྱལ་པོ་རྣམ་ཐོས་ཀྱི་བུ་ཞེས་བགྱི་བ་ལགས་ཏེ། བདག་གིས་ཆོས་དང་ལྡན་པ་རྣམས་ཀྱི་ཆོས་བསྲུང་ཞིང་ཡུན་རིང་དུ་གནས་པར་བྱ་བའི་ཕྱིར་བདག་ཉིད་ཀྱིས་གས ་བ་བཤད་ན། བཅོམ་ལྡན་འདས་ཀྱིས་སྐབས་དབྱེ་བར་ཅི་ག་ནང་ཞེས་གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ལེགས་སོ།། རང་གི་གསང་བ་ལེགས ་པབར་ཤོད་ཅིག། ངས་རྗེས་སུ་ཡི་རང་ཞིང་བྱིན་གྱིས་བརླབ་པར་བྱའོ།། རྡོ་རྗེ་འཆང་བ་ཀུན་གྱིས་ཀྱང་བྱིན་གྱིས་རློབ་པར་འགྱུར་གྱིས། ཁྱོད་ཀྱིས་ལེགས་པར་སྨྲོས་ཤིག་ཅེས་བཀའ་སྩལ་ཏོ།། ་དེ་ནས་རྣམ་ཐོས་ཀྱི་བུ་རང་གི་སྟན་ལས་ལངས་ཏེ། བཅོམ་ལྡན་འདས་ལ་ཕྱག་འཚལ་ནས་རང་གི་རིག་པ་འདི་སྨྲས་སོ།། ཨོཾ་བེ་ཤྲ་བ་ཎཱ་ཡ་ཧཱུཾ་ཧཱུཾ་པ་ཙ་པ་ཙ་ཙྪིནྡ་ཙྪིནྡ་སྭཱ་ཧཱ། ཞེས་བརྗོད ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་གི་སྔགས་འདིའི་སྒྲུབ་པ་ནི་འདི་ལགས་ཏེ། གང་ཞིག་བདག་སྒྲུབ་པར་འདོད་པ་དེས་དུས་གསུམ་དུ་མཆོད ་པབརྒྱ་ཆེན་པོ་བཤམས་ཏེ། བདག་འཁོར་དང་བཅས་པ་མཆོད་ལ་སེམས་རྩེ་གཅིག་དང་ལྡན་པས་གནས་དབེན་པར་འདུག་སྟེ། བཅོམ་ལྡན་འདས་ཕྱག་ན་རྡོ་རྗེ་སྒོམ་པ་པོས་བདག་གི་སྔགས་དེ ་ཁྲི་ཟག་གཅིག་འབྲས། དེ་ནས་ལས་རྣམས་བསྒྲུབ་པར་བྱའོ།། དེ་ལྟར་བདག་སྒྲུབ་པ་དང་བདག་གི་ལས་སྒྲུབ་པ་པོ་དེས་བདག་འཁོར་དང་བཅས་པ་ལ་གཏོར་མ་དང་མཆོད་པ་རྒྱ་ཆེན་པོས ་མཆོད་པར་བྱའོ། ། དེ་ལ་བདག་དང་བདག་གི་འཁོར་རྣམས་ལ་མཆོད་པ་དང་གཏོར་མ་རྒྱ་ཆེན་པོ་དབུལ་བའི་སྔགས་ནི་འདི་རྣམས་ཡིན་ཏེ། ཨོཾ་བཾ་ཤྲ་བ་ཎཱ་ཡ་སྭཱཧཱ། ཨོཾ་ཛམྦྷ་ལཱ་ཡ་སྭཱཧཱ ་ཨོཾ་པུནྡ་བྷ་དཱ་ཡ་སྭཱཿ། ཨོཾ་མ་ཎི་བྷ་དྷཱ་ཡ་སྭཱ་ཧཱ། ཨོཾ་ཀུ་བེ་རཱ་ཡ་སྭཱཧཱ། ཨོཾ་སཾ་པྲ་ཛྙཱ་ནཱ་ཡ་སྭཱ་ཧཱ། ཨོཾ་གུ་ཧྱ་དྷ་ནཱ་ཡ་སྭཱཧཱ། ཨོཾ་པཉྩི་ཀཱ་ཡ་སྭཱ་ཧཱ། ཨོཾ་པི་ཙི་ཀུནྡྷ་ལཱ་ཡ་སྭཱ་ཧཱ། ་ཞེས་པའི་སྔགས་དེ་རྣམས་ནི་བདག་གི་འཁོར་དང་བཅས་པ་ལ་མཆོད་པ་དང་གཏོར་མ་སྦྱིན་པའི་སྔགས་གཉིས་སུ་ཤེས་པར་བྱའོ།། དེ་ནས་བདག་གི་ལས་སྒྲུབ་པ་ནི་བདག་གིས་བཤད ་ཀྱིས། བཅོམ་ལྡན་འདས་ཀྱིས་བྱིན་གྱིས་བརླབ་ཏུ་གསོལ་ཞེས་གསོལ་ནས། འདིའི་ལས་བཤད་པ་ནི། གང་ཟག་གང་གིས་སྒྲུབ་འདོད་པས།། གསད་དང་སྦྱིན་སྲེག་མནན་པ་གསུག ་རིམ་པ་ཇི་བཞིན་ཤེས་པར་བྱ། ། བསྒྲུབ་བྱ་བསྟན་ལ་སྡང་བ་རྣམས།། སྤྲ་ཚིལ་ལ་སོགས་གཟུགས་བྱས་ལ།། དགུག་དང་གཞུག་སོགས་དབང་དུ་བྱ།། ཡིག་འབྲུ་བཅོ་བརྒྱད་སྔགས ་ཀྱིས་ནི། ། དུས་གསུམ་བརྡེག་པར་རབ་བྱས་ནས།། འཕྲལ་དུ་ཡིད་ཆེས་འཇོམས་པ་སྟེ།། བསྒྲུབ་བྱས་གསོད་པར་ཐེ་ཙོམ་མེད།། གལ་ཏེ་སྦྱིན་སྲེག་བྱེད་པ་ན།། ཞི་རྒྱས་དབང་དང ་མངོན་སྤྱོད་ལས། ། འདིར་ནི་དྲག་པོས་བསྒྲལ་བར་བྱ།། ནེར་སྦར་ཚལ་རབ་བསྲེག་བྱ།། བབ་ཁུང་རབ་དང་འབྲིང་ཐ་མ།། རབ་ཀྱིས་མཐོ་གསུམ་འབྲིང་གིས་དོ།། ཐམས་མཐོ་གང ་ཚད་དུ་བྱ། ། བུད་ཤིང་ཚེར་མ་ཅན་ཤིང་གིས།། ཀུན་ཏུ་དྲག་པོ་རབ་ཏུ་སྒྲུབ།། བག་ཟན་ཡུངས་ཀར་མེར་སྲེག་ཅིང་།། སྡང་བའི་ལུས་ངག་ཡིད་གསུམ་རྣམས།། ་རྫས་ལ་བསྟིམ་སྟེ་སྦྱིན་སྲེག་བྱ།། འཁོར་བཅས་གནོད་སྦྱིན་མེར་བསམས་ཏེ།། སྲེག་པའི་རྫས་ཀྱི་མཆོད་པ་འམ།། ལས་མེ་གནོད་སྦྱིན་རྫས་ཀྱིས་བྲག། གང་ལྟར་བྱས་ཀྱང་འགྲུབ་པར ་འགྱུར། ། དེ་ཚེ་བསྟོད་པ་འདིས་ཀྱང་ནི།། རྩེ་གཅིག་སེམས་ཀྱིས་བསྟོད་པར་བྱ།། ཧཱུཾ། ཀུན་འདུལ་མི་བཟད་གནོད་སྦྱིན་སོགས།། གདུག་པ་དཔལ་ཚ་རབ་ཏུ་འཇིགས།། ཁྲོ་བོ་རྔམ་པ་ཆེར ་། སྒྲོག་པ།། འཁོར་བཅས་རྣམས་ལ་ཕྱག་འཚལ་བསྟོད།། ཨོཾ་བེ་ཤྲ་བ་ཎ་པུཥྤེ་ཧཱུཾ་སྭཱ་ཧཱ། ཨོཾ་བཻ་ཤྲ་བ་ཎ་དྷུ་པེ་ཧཱུཾ་སྭཱ་ཧཱ། ཨོཾ་བཻ་ཤྲ་བ་ཎ་དཱི་པེ་ཧཱུཾ་སྭཱ་ཧཱ། ཨོཾ་བཻ་ཤྲ་བ་ཎ་གནྡྷེ་ཧཱུཾ་སྭཱ་ཧཱ། ཨོཾ ་བཻ་ཤྭ་པ་ཎ་ནཻ་དྱེ་ཧཱུཾ་སྭཱཧཱ། གཙོ་བོ་གནོད་སྦྱིན་འཁོར་ཡང་མཆོད།། དེ་ནས་རིམ་པས་མཆོད་པ་ནི།། གསང་སྔགས་ཀུན་ཏུ་སྤེལ་ཏེ་བཟླས།། སྤྲོ་དང་བསྡུ་བ་ཀུན་ཏུ་བྱ།། སྤེལ་བྱེད་ཀུན་གྱི ་ཐུན་མོང་ཡིན། ། ཨོཾ་བཻ་ཤྲ་བ་ཎ་ཆེ་གེ་མོ་མཱ་ར་ཡ་ཕཊ་སྭཱཧཱ། གཙོ་བོ་ཇི་ལྟར་འཁོར་ཡང་དེ།། རང་གི་རིག་པས་མཆོད་པར་བྱ།། རིག་པ་ཀུན་ཏུ་བརྟེན་བྱས་ནས།། རྡུལ་ཕྲན་བཞིན་དུ་བརླབ ་བཔར་བསམ། ། འཕྲིན་ལས་བཅོལ་ལ་གཏོར་མ་གཏང་།། མཆོད་དང་གཏོར་མའི་རིམ་པ་ནི།། གོ་རིམས་བཞིན་དུ་དབུལ་བར་བྱ།། ཞི་བའི་ལས་ཀྱི་རིམ་པ་ནི།། ཐབ་ཁུང་མཐོ་གང ་ཚད་ཉིད་ལ། ། སྲེག་རྫས་ལ་སོགས་རབ་ཏུ་དབུལ།། ལུས་ངག་ཡིད་གསུམ་སྡིག་བཅོམ་ནས།། ཡེ་ཤེས་མེ་ཡི་ངོ་བོར་བྱ།། སྣོད་དང་ཟ་བ་ནི་དོར་བར་བྱ།། དེར་ནི་གདོན་རྣམས་ཀུན་སྲེག ་ཅིང་། ། བགེགས་ཆེན་ཞི་བའི་ལས་ཀྱང་བྱ།། རྒྱས་དང་དབང་དུ་བྱ་བ་ལ།། ལས་དང་བྱེ་བྲག་རིམ་པ་རྣམས།། སྔར་བཤད་པ་ཡི་ལུས་བཞིན་དུ།། ཐབ་དབྱིབས་བྱེ་བྲག་ཤེས་པར་བྱ།། ་སེར་དང་དམར་བའི་བུད་ཤིང་སོགས།། རིམ་པ་རྫས་ལྡན་དབུལ་བ་ནི།། ཨོཾ་བཻ་ཤྲ་བ་ཎཱ་ཡ་དྷ་ནཾ་པུཥྤཾ་ཀུ་རུ་སྭཱ་ཧཱ། ཨོཾ་བཻ་ཤྲ་བ་ཎཱ་བ་ཤི་ཀུ་རུ་སྭཱ་ཧཱ། ཨོཾ་བཻ་ཤྲ་བ་ཎཱ་ཡ་ཤཱནྟིཾ་ཀུ་སྭཱ་ཧཱ། ་གཙོ་བོས་ཇི་བཞིན་འཁོར་བཅས་ནི།། རིག་པའི་རྫས་ཀྱིས་མཆོད་པར་བྱ།། སྲེག་པའི་རྫས་ནི་བག་ཟན་དང་།། ཡུངས་ཀར་མངར་སོགས་རིམ་པས་མཆོད།། འཕྲིན་ལས་རྣམ་བཞི་ཀུན ་འགྲུབ་སྟེ། ། བརྩེ་བར་བརྩོན་པས་ཉེ་བར་འགྲུབ།། འབྲིང་དང་ཐ་མས་འབྲིང་དང་ནི།། ཐ་མ་ཉིད་དུ་ཤེས་པར་གྱིས།། དེ་ནས་བཅོམ་ལྡན་འདས་ལ། རྣམ་ཐོས་ཀྱི་བུ་འཁོར་དང་བཅས་པ ་རྣམས་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་ཅག་རྣམས་ཀྱིས་བཤད་པའི་ལས་འདི་རྣམས་སྒྲུབ་པ་པོ་དེས་དུས་རྒྱུན་དུ་བཅོམ་ལྡན་འདས་ཕྱག་ན་རྡོ་རྗེ་དང་། གནོད ་སྦྱིན་རྣམས་ལ་དཀར་གསུམ་གྱིས་མཆོད་པར་བྱ། ཆང་ཀུན་ཏུ་སྤང་བར་བགྱིའོ།། ཤ་རྣམས་ནི་འོས་པ་དང་ཤིས་པ་དྲང་བར་བྱའོ།། དེ་ལྟར་རྩེ་གཅིག་གིས་བདག་ཅག་སྒྲུབ་པ་དེ་རྣམས ་ཀྱི་འཕྲིན་ལས་ཇི་ལྟ་བ་བཞིན་དུ་བདག་ཅག་གིས་མ་བསྒྲུབས་ན། བདག་ཅག་གིས་བཅོམ་ལྡན་འདས་ལ་འཁུས་པར་གྱུར་ཅིང་།། བདག་ཅག་གི་ཆོས་མ་བསྐྱངས་པར ་བྱས་པ་ཡིན་ནོ། ། དེ་ལ་བདག་གི་བྲོ་ཚིག་ནི་འདི་ཡིན་ནོ།། ཨོཾ་བཻ་ཤྲ་ཨརྠ་ཁ་ཐཾ་ཞེས་བྱའོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། རྣམ་ཐོས་ཀྱི་བུ་ཆེན་པོ་ལེགས་སོ།། ་ཤིན་ཏུ་རབ་ཏུ་ལེགས་སོ།། མ་འོངས་པའི་གང་ཟག་གི་དོན་དུ་རང་གི་གསང་བ་སྨྲས་པ་ནི་དོན་ཆེན་པོ་དང་ལྡན་ནོ།། ངས་ཀྱང་དེ་རྣམས་ཀྱི་དོན་ངེས་པར་འགྲུབ་པར་བྱ་བའི་ཕྱིར་སྔགས་འདི ་བཤད་ཀྱིས་ཉོན་ཅིག། བཅོམ་ལྡན་འདས་ལ་ལེགས་སོ་ཞེས་རྣམ་ཐོས་ཀྱི་བུ་ལ་སོགས་པ་རྣམས་ལྟར་ཉན་ནོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨོཾ་བཛྲ་པཱ་ཎི་ནཱི ་ལཱམྦ་ར་དྷ་ར་བཛྲ་སྥོ་ཊ་ཧཱུཾ་ཕཊ་སྭཱ་ཧཱ། རིག་པ་འདི་ནི་ལས་ཐམས་ཅད་དབང་དུ་སྡུད་པའི་སྔགས་སོ།། རྣམ་ཐོས་ཀྱི་བུ་ཆེན་པོས་ཇི་ལྟར་ཁས་བླངས་པ་ལྟར་གསང་བ་དང་ལྡན་པར་བྱེད་པའོ།། ་དེ་བཞིན་གྱུར་ཅེས་ནས་གནོད་སྦྱིན་མི་སྣང་བར་གྱུར་ཏོ།། རྡོ་རྗེ་ས་འོག་གི་རྒྱུད་ལས། རྣམ་ཐོས་སྲས་ཀྱི་ལེའུ་སྟེ་གསུམ་པའོ།། །། དེ་ནས་ཡང་བྱང་ཆུབ་སེམས ་དཔའ་ཕྱག་ན་རྡོ་རྗེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་མ་འོངས་པའི་སེམས་ཅན་རྣམས་ཀྱི་དོན་དུ་གདུག་པ་ཅན་ལ་བསྣུན་པའི་འཁོར་ལོ་བཤད་དུ་གསོལ ་ཞེས་གསོལ་བ་བཏབ་བོ། ། དེ་ནས་བཅོམ་ལྡན་འདས་ཀྱིས་ཅང་མི་གསུང་བར་ཐུགས་ཀྱིས་གནང་ནས་རང་གི་ཐུགས་ཀ་ནས་འོད་ཟེར་ཀུན་ཏུ་ཁྱབ་པར་སྤྲོས་ཏེ། སེམས་ཅན་ཐམས་ཅད་ལ ་བྱམས་པས་ཁྱབ་པར་མཛད་ནས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ངས་བགེགས་ལ་བསྣུན་པའི་འཁོར་ལོ་བཤད་ཀྱིས་ཁྱོད་རྩེ་གཅིག་ཏུ་ཉོན་ཅིག། དེ་ལྟར་འཚལ་ལོ་ཞེས ་ཝཱར་ཉན་ནོ། ། བཅོམ་ལྡན་འདས་ཀྱིས་བཀའ་སྩལ་པ། གང་ཞིག་འཁྲུལ་འཁོར་བྱེད་འདོད་པས།། རྣམས་དགའ་དབེན་པའི་གནས་དག་ཏུ།། ཕྱག་ན་རྡོ་རྗེའི་རྣལ་འབྱོར་བྱ།། སྡོད ་བཅུད་རྡོ་རྗེ་གཏུམ་པོར་སྒོམ། ། རླུང་ལས་རི་རབ་མཐར་ཐུག་པ།། རྡུལ་སྙེད་གྲངས་ཀྱི་སྐུ་རུ་བསམ།། དབུས་ན་ཕྱུག་རྡོར་རྣལ་འབྱོར་བསྒོམ།། རི་བོང་འཛིན་པ་ཞབས་ཀྱིས་བརྡབས། ་སྟོང་གསུམ་ཆོད་ཀྱི་ཟླ་བ་ལ།། བགེགས་ཆེན་ཀུན་ཏུ་འདར་བར་བསྒོམ།། སྐུ་ལ་ཉི་མ་སྙིང་ལྡན་པའི།། གཟི་བརྗིད་བཟོད་དཀའི་འོད་ཟེར་གྱིས།། བགེགས་རྣམས་མ་ལུས་འཚིག་པར ་བསྒོམ། ། ལྗགས་ལས་བཟླས་པའི་སྔགས་འཕྲེང་གིས།། སྟོང་གསུམ་གང་བར་རབ་ཏུ་བསྒོམ།། རྒྱན་དུ་བྱས་པའི་ཀླུ་བརྒྱད་ཀྱིས།། ཁ་རླངས་ཆེན་པོ་བཏང་བ་ལ།། ལྷ་ཀླུ་ཐམས ་ཅད་སྦགས་པར་འགྱུར། ། ཐུགས་ལས་ཁྲོ་སྤོས་དེ་དག་གིས།། བསྐལ་པའི་རླུང་ལྟར་འཐོར་བར་འགྱུར།། ཕྱག་གིས་རྡོ་རྗེ་རབ་བསྣུན་པས།། སྒྱོགས་གཟེར་བཞིན་དུ་བསྣུན་པ ་འགྱུར། ། ཧཱུཾ་ཧཱུཾ་འབྲུག་ལྟར་རབ་ཏུ་སྒྲོགས།། སྐད་ཀྱིས་ཀུན་ཏུ་བཀུག་པར་བསམ།། དེ་ལྟར་བྱས་གྱུར་ཐམས་ཅད་འགྲུབ།། ལས་ཀྱི་མནར་བ་འཇིག་པར ་འགྱུར། ། ཕྱག་ན་རྡོ་རྗེ་མི་ཤེས་པར།། གང་ཞིག་གཞན་དུ་སྐལ་དམན་པར།། འདི་ལ་གང་འགྲུབ་ཐམས་ཅད་འགྲུབ།། མཆོག་དང་ཐུན་མོང་བྱེ་བྲག་གོ། རྡོ་རྗེ་ས་འོག་གི་རྒྱུད ་ལས་བསྣུན་པའི་འཁོར་ལོ་སྟེ་ལེའུ་བཞི་པའོ། ། ། དེ་ནས་གཞན་ཡང་འཁྲུལ་འཁོར་གྱི།། ཆོ་ག་རྡོ་རྗེ་འཛིན་པས་གསུངས།། གྲོ་གའམ་ཤིང་ཤུན་དག་ལ ་ནི། རེ་མིག་ཉི་ཤུ་རྩ་གཅིག་པའི།། འཁོར་ལོ་དག་ནི་རབ་བྲིས་ཏེ།། ཟླ་བ་ཡར་གྱི་ངོ་ལ་བརྩམ།། རྩེ་གཅིག་སེམས་ཀྱིས་རབ་ཏུ་བྲི།། དབུས་སུ་དྲག་པོའི་ཡི་གེ་དགོད།། ་གཉིས་པར་ནོར་འཛིན་ཡི་གེ་སྟེ།། གསུམ་པར་བཛྲ་ཞེས་པ་དང་།། བཞི་པར་ཆུ་ཡིག་དང་པོ་དགོད།། ལྔ་པར་ན་ནི་རབ་ཏུ་དགོད།། མཚམས་བཞིར་བསྒྲུབ་བྱའི་གསོད་སྙིང་བྲི། ་དེ་ནི་ནང་གི་རེ་མིག་གོ།། ཕྱི་ཡི་རེ་མིག་བཅུ་གཉིས་ལ།། ཨོཾ་སྤངས་ཡི་གེ་བཅུ་གཉིས་ལ།། དེ་ཡི་གསང་སྔགས་འདི་ཡིན་ཏེ།། ནཱི་ལཱཾ་བ་ར་དྷ་ར་བཛྲ་པཱ་ཎི་ཧཱུཾ་པཊ།། ཅེས་བྱའོ།། ་རབ་ཏུ་རྫོགས་པའི་འཁོར་ལོ་སྟེ།། བསྒྲུབ་བྱའི་སྙིང་ཁར་དྲིལ་དེ་གཞུག། དང་པོ་མཐའ་ནས་དྲིལ་བར་བྱ།། དེ་ནས་སྦྱིན་སྲེག་ཆོ་ག་བྱ།། གལ་ཏེ་མནན་པ་བྱེད་འདོད་པས།། ་སྔར་བཞིན་འཁྲུལ་འཁོར་རྫོགས་བྱས་ནས།། མཐའ་རུ་མནན་པའི་ཆོ་ག་བྱ།། ཁམ་པོར་གསར་པ་ཁ་སྦྱར་དུ།། བཅུག་ནས་རྡོ་རྗེ་རྒྱ་གྲམ་བྲི།། རྡོ་རྗེ་སྤྱན་གྱིས་རབ་སྦྱར་ནས།། ་གཙུག་ལག་ཁང་སོགས་མནན་པར་བྱ།། གལ་ཏེ་རེ་མིག་མི་འདོད་ན།། རྩིབས་བཅུ་གཉིས་པའི་འཁོར་ལོ་ལ།། ཧཱུཾ་ཡིག་དབུས་སུ་རབ་དགོད་དེ།། ལྷག་མ་བཅུ་གཉིས་རྩིབས་ལ ་དགོད། ། བྲི་བ་རྫོགས་ན་སྙིང་ཁར་གཞུག། དགུག་དང་གཞུག་སོགས་བྱས་ལ་བསྲེག། མི་འདོད་མནན་པའི་ཆོ་ག་བྱ།། མར་གྱི་དུས་ལ་ཤིས་པ་ཡིན།། འཁྲུལ་འཁོར་ཇི་ལྟར ་བྲིས་པ་ལྟར། ། གང་འདོད་ལས་ལ་ཐེ་ཙོམ་མེད།། དཔེར་ན་མེ་ལྕེས་རྩ་བསྲེགས་འདྲ།། གང་ཡིན་གནས་པར་མི་འགྱུར་རོ།། བྲི་བའི་འཁྲུལ་འཁོར་གྱི་ཆོ་ག་སྟེ་རྡོ་རྗེ་ས་འོག་གི་རྒྱུད ་ལས་ལེའུ་ལྔ་པའོ། ། ། དེ་ནས་ཡང་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཐམས་ཅད་ཟབ་མོའི་སྤྱོད་ཡུལ་ལག ་པས་སྦྱིན་སྲེག་ལ་སོགས་པས་གྲོལ་བར་ཅང་འགྱུར་ལགས་སམ། བདག་གི་ཐེ་ཙོམ་བསལ་དུ་གསོལ་ཞེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་སྙིང ་རྗེ་ཆེ། ། དད་པའི་ཤུགས་ཀྱིས་རབ་ཉམས་ཏེ།། དཀྱིལ་འཁོར་རྫས་ཀྱིས་སྦྱོར་ལྡན་ཞིང་།། སྦྱིན་སྲེག་ལས་དང་དེ་ཉིད་ཤེས།། སྡོམ་པ་དམ་ཚིག་རྒྱུད་ལྡན་ན།། མཚན་མས་གྲོལ་བར ་འགྱུར་བ་སྟེ། ། དཀྱིལ་འཁོར་སྦྱིན་སྲེག་རྫས་ལ་སོགས།། མེད་ན་དངོས་གྲུབ་མི་འགྲུབ་པས།། སྦྱིན་སྲེག་ལས་ནི་འབད་པས་བརྩམ།། འཕྲིན་ལས་བཞི་ཡི ་སྦྱིན་སྲེག་ལས། ། དྲག་པོའི་རིམ་པ་བྱ་བ་ནི།། ཁྲུ་བཞི་པ་ཡི་དཀྱིལ་འཁོར་ལ།། དབུས་སུ་ཟུར་གསུམ་ཁྲུ་རེ་ཚད།། ཟབས་སུ་ཁྲུ་ཕྱེད་བརྐོ་བར་བྱ།། ཕྱི་རོལ་རིམ་པ་གསུམ་ལྡན ་པ། དབུས་སུ་རྡོ་རྗེའི་མཚན་མ་ཟི།། རིམ་པ་གསུམ་ལ་རྡོ་རྗེ་ཡི།། རྩེ་གསུམ་འཕྲེང་གིས་བསྐོར་བ་བྲི།། མཚམས་སུ་ལྕགས་ཀྱུ་ཟི་བར་བྱ།། ཚེར་མ་ཅན་གྱི་ཤིང་བུ་ནི།། ཁྲུ ་གང་ཚད་ཀྱིས་རབ་ཏུ་ཤིས། ། དུག་དང་ཁྲག་དང་སྐེ་ཚེ་སོགས།། རྫས་ནི་རིམ་པར་ཤེས་པར་བྱ།། བདག་ཉིད་ལྷ་ཡི་རྣལ་འབྱོར་གྱི།། ཡེ་ཤེས་ཁྲོ་བོ་སྤྱན་དྲངས་ཏེ།། འཇིག་རྟེན ་གསུམ་འདུལ་གཟུགས་སུ་བསམ། ། མཆོད་པའི་རིམ་པ་རབ་ཏུ་དབུལ།། དེ་ལ་སྦྱིན་སྲེག་གི་སྔགས་གསུངས་པ་འདི་ཡིན་ཏེ། ཨོཾ་ནཱི་ལཱཾ་བ་ར་དྷ་ར། ཨོཾ་བཛྲ་ཛཱ་ལ་ཨ་ན་ལ་ཧ་ན་སརྦ ་དུཥྚཱན་སརྦ་བྷསྨིཾ་ཀུ་རུ་ནཱི་ལཱམྦ་བ་ར་དྷ་ར་བཛྲ་པཱ་ཎི་ཆེ་གེ་མོ་མཱ་ར་ཡ་ཧཱུཾ་ལཊ། ཅེས་པས་རྫས་རྣམས་སྲེག་གོ།། དུག་དང་ཁྲག་དང་ལན་ཚྭ་ལས།། གཟུགས་བྱས་རབ་ཏུ་བསྒྲུབས་ཏེ་སྲེག ་ཨོཾ་ནཱི་ལཱཾ་བ་ར་དྷ་ར་བཛྲ་པཱ་ཎི་ཡཀྵ་ཁཱ་ད་ཡ་བན་དྷ་ཡ་བན་དྷ་ཡ་མོ་ཧ་ཡ་མོ་ཧ་ཡ་ཤ་ཧཱུཾ་ཨཱ་ཀཪྵ་ཡ་ཧཱུཾ་ཕཊ། གཟུགས་ལ་བྲབ་པའི་སྔགས་སོ།། ཨོཾ་ནཱི་ལཱམྦ་ར་དྷ་ར་བཛྲ་པཱ་ཎི་ཤ་ཧཱུ~ཾ་གྲྀཧྞ་ཨཱ་ཀཪྵ ་ཧཱུཾ་ཛཛ། འགྲོ་བ་དགུག་པའི་སྔགས་སོ།། དེ་ལྟར་སྦྱིན་སྲེག་རབ་བྱས་ནས།། ཆུ་བོ་བསྐམས་དང་ཀླུ་ཤིང་བཅད།། གླང་ཆེན་གཡང་ལྒང་མེ་ཆེན་འབར།། ནང་དང་ཡམས་སོགས ་བྱུང་བའི་ཚེ། ། ཞི་བ་མཆོག་གི་ལས་བསྒྲུབས་ཏེ།། ཐབ་ཁུང་ཟླུམ་པོ་རབ་དཀར་བ།། རིམ་པ་གསུམ་ལྡན་ཁྲུ་གང་ཚད།། ཟབས་སུ་ཁྲུ་ཕྱེད་བརྐོས་བྱས་ནས།། ཞི་བའི་ལས་ཀྱི ་ཆོ་ག་བྱ། ། དེ་ལྟར་བྱས་ན་མཚན་མ་ཡི།། དངོས་གྲུབ་ཐོབ་པར་ཐེ་ཙོམ་མེད།། ལག་ན་རྡོ་རྗེ་རྡོ་རྗེ་འཛིན།། གུས་པས་རྒྱུད་དོན་རབ་ཏུ་ཟུང་།། འགྲོ་བའི་དོན་ལ་རབ་བརྩོན་གྱིས།། ་ཀྱེ་མ་རྒྱུད་ཆེན་མཆོག་ཏུ་གསང་།། བྱིན་རླབས་སྔོན་དུ་ཆེར་འབྱུང་བ།། སྟོན་པ་རྡོ་རྗེ་འཆང་གིས་གསུངས།། རབ་ཏུ་འབད་པས་སྒྲུབ་པར་གྱིས།། དཔལ་རྡོ་རྗེ་ས་འོག་གི་རྒྱུད་ལས།། ་སྦྱིན་སྲེག་གི་རིམ་པ་སྟེ་ལེའུ་དྲུག་པའོ།། ། དེ་ནས་སྟོན་པ་རྡོ་རྗེ་འཆང་།། དཔལ་ཆེན་གདམ་ལ་རབ་བཞེངས་ནས།། ལག་ན་རྡོ་རྗེ་ལ་གཟིགས་ནས།། ལས་ཀྱི་ཆོ་ག་བཤད ་པར་བྱ། ། དུག་ལ་སོགས་པའི་རྫས་རྣམས་ལ།། གང་འདོད་པ་ཡི་གཟུགས་བྱས་ཏེ།། སྙིང་ཁར་འཁྲུལ་འཁོར་རབ་ཏུ་གཞུག། བདག་ཉིད་ལས་ཀྱི་ལྷར་གསལ་བས།། གའུའི་ནང ་དུ་རབ་བཅུག་སྟེ། ། ཚོན་གྱི་ཐ་གུ་སྣ་ལྔ་དཀྲི།། སྙིང་ཁའི་ལྕགས་ཀྱུ་རབ་བཀུག་ནས།། ཡི་གེ་བཅུ་གསུམ་འཁྲུལ་འཁོར་བཟླས།། འགུལ་གཡོ་ཡི་ནི་རྟགས་བྱུང་ནས།། ཆུ་ཆེན ་གཞུང་ལ་གཏང་བར་བྱ། ། གལ་ཏེ་རྟགས་དེ་མ་བྱུང་ན།། ད་ངུར་ཡི་ཁུ་བ་དང་།། ཁྲག་དང་དུག་བསྲེས་རབ་བྱུགས་ཏེ།། ཚེར་མ་ཅན་གྱི་ཤིང་མེས་སྲེག། ཨོཾ ་ནཱི་ལཱཾ་བ་ར་དྷ་ར་བཛྲ་པཱ་ཎི་སྟམྨ་ཡ་མོ་ཧ་ཡ་བན་དྷ་ཡ་ད་ཧ་ན་ཨ་ཧཱུཾ་ཧཱུཾ་ཕཊ། དུས་གསུམ་དག་ཏུ་བདུགས་བྱས་ན།། སྐད་ངན་སྣ་ཚོགས་འདོན་པར་བྱེད།། དེ་ནས་སྔགས་འདིས་ཆུ་ལ ་ངོར། ཨོཾ་ཙཎྜ་མ་ཧཱ་རོ་ཥ་ཎ་ཧཱུཾ་ཕཊ། ཚོན་གྱིས་གྲིལ་ནས་རབ་ཏུ་བོར།། བསམ་པས་བ་ཚའི་རྒྱ་མཚོར་བསྐུར།། དེ་ནས་མི་ལྡོག་བྱ་བའི་ཕྱིར།། སྔགས་འདི་རྒྱུན་དུ་བཟླས་པར ་བྷྱ། མོ་ནཱི་ལཱ་པྲ་རདྷཱ་ར་བཛྲ་པཱ་ཎི་ཧུ་ཧཱུ་སྭམྦ་ཨ་ནན་པཊ། ཅེས་རྒྱུན་དུ་བཟླས་པར་བྱའོ།། དེ་ནས་ལས་དེ་ངེས་པར་འགྲུབ་བོ།། རྡོ་རྗེ་ས་འོག་གི་རྒྱུད་ལས། བསླང་པའི་འ ་ལོའི་ལེའུ་སྟེ་བདུན་པའོ། ། ། དེ་ནས་བཅོམ་ལྡན་འདས་རྡོ་རྗེ་འཛིན་པས་སེམས་ཅན་རྣམས་ཀྱི་དོན་དུ་སྔགས་ཀྱི་ལེའུ་འདི་གསུངས་སོ།། ཨོཾ་ནཱི་ལཱཾ་བ་ར་དྷ་ར་བཛྲ་པཱ་ཎི ་ཧཱུཾ་ཧཱུཾ་ཕཊ། བཅོམ་ལྡན་འདས་ཀྱི་རྩ་བའི་སྔགས་ལས་ཐམས་ཅད་ཀྱི་སྒྲུབ་པའོ།། འདི་ནི་སངས་རྒྱས་ཐམས་ཅད་ཀྱི་ཐུགས་གསང་བའོ།། འདི་ནི་མ་བསྒྲུབ་པར་ཡང་ལས་ཐམ ་ཅད་འགྲུབ་སྟེ། ཕྱག་རྒྱ་ཐམས་ཅད་འཆིང་བ་སྒྲུབ་པ་ལ་ནི་རྡོ་རྗེ་ཁུ་ཚུར་གྱིས་སོ།། དམ་ཚིག་ཐམས་ཅད་སྒྲུབ་པ་ལ་ནི་རྡོ་རྗེ་རབ་ཏུ་གདེངས་པས་སོ།། སེམས་ཅན་ཐམས་ཅད་རྗེས་སུ ་ཆགས་པར་བྱ་བ་ལ་ནི་རྡོ་རྗེ་བཞད་པས་སོ། ། ཐམས་ཅད་ལྐུགས་པར་བྱ་བ་ལ་ནི་རྡོ་རྗེ་ཧཱུཾ་སྨྲས་སོ།། ནམ་མཁའ་ལ་འགྲོ་བའི་དངོས་གྲུབ་ལ་ནི་རྡོ་རྗེ་ཀུ་མུ་དས་བྱའོ།། ཀླུ་ཐམས་ཅད་འདུལ ་བ་ལ་ནི་རྨ་བྱའི་མཇུག་སྒྲོས་བྱའོ། ། དགྲ་ཐམས་ཅད་གསད་པ་ལ་ནི་འཁྲུལ་འཁོར་གྱིས་སོ།། ནོར་སྒྲུབ་པར་འདོད་ན་ཛམྦྷ་ལའི་ཆུ་སྤྲིན་གྱིས་བྱའོ།། བགེགས་འཕངས་པར་འདོད་ན་ཏིང ་ངེ་འཛིན་གྱིས་བྱའོ། ། ཐམས་ཅད་འགུགས་པ་ལ་ནི་རྡོ་རྗེ་ལྕགས་ཀྱུས་བྱའོ།། རིམས་སྲུང་བ་ལ་ནི་རྩ་ཀུ་ཤའི་འབྲུམ་བུས་བྱའོ།། ཀླུ་སྒྲུབ་པར་འདོད་ན་མཚར་བུའི་ལྕུག་མ་དང་བདུད ་རྩིའི་ཆུས་བྱའོ། ། ཕ་རོལ་གྱི་དཔུང་འཇོམས་པར་འདོད་ན་གུ་གུལ་གྱིས་བྱའོ།། ལས་རྣམས་ལ་སྔགས་འབུམ་གྱིས་བྱའོ།། རྡོ་རྗེ་ས་འོག་གི་རྒྱུད་ལས། སྔགས་ཀྱི་ལེའུ་སྟེ ་བརྒྱད་པའོ། ། །། དེ་ནས་གཞན་ཡང་བཟླས་པ་ཡི།། ངེས་པར་འདིར་ནི་བཤད་པར་བྱ།། གང་ཞིག་དངོས་གྲུབ་སྒྲུབ་འདོད་པས།། དམ་ཚིག་སྡོམ་དང་རབ་ལྡན ་པས། ། བདག་ཉིད་ལས་ཀྱིས་ལྷར་བསྒོམས་ཏེ།། ཡེ་ཤེས་ཁྲོ་བོ་སྤྱན་དྲངས་ཏེ།། ཛཿཧཱུཾ་བཾ་ཧོཿདགུག་སོགས་བྱ།། རང་ཉིད་ཟླ་བར་སྔགས་ཀྱི་འཕྲེང་།། དངུལ་སྦྲམ་ལྟ་བུར ་རབ་བསམས་ཏེ། ། མྱུར་དལ་གསལ་དང་མི་གསལ་སྤངས།། ཡིད་ཀྱིས་བསྒྲིམས་པའི་བཟླས་པ་བྱ།། མཆོད་པ་རྣམ་པ་ལྔས་ཀྱང་མཆོད།། རབ་ཏུ་བསྒྲིམས་པའི་བཟླས་པ ་འདིས། ། གང་འདོད་དངོས་གྲུབ་ངེས་པར་འགྲུབ།། ཨོཾ་ཨཱཿཧཱུཾ། སྐུ་གསུང་ཐུགས་བྱིན་གྱིས་བརླབ་པའི་སྔགས་སོ།། ཨོཾ་བཛྲ་པཱ་ཎི་ཨ་བྷི་ཥིཉྩ་མཱཾ། དབང ་བསྐུར་བའི་སྔགས་སོ། ། ཨོཾ་བཛྲ་པཱ་ཎི་ཏིཥྛ་ཧཱུཾ། ཐུགས་བརྟན་པའི་སྔགས་སོ།། སྐུ་དང་ཐུགས་ཀྱི་གསང་བ་དང་།། གསུང་གི་གསང་བ་མ་ལུས་པས།། མྱུར་དུ་བྱང་ཆུབ་ལ ་རེག་འགྱུར། ། གང་ཚེ་སྒྲུབ་ལ་བརྩོན་ལྡན་པ།། ཚེ་གཅིག་འབྲས་བུ་མྱུར་ཐོབ་འགྱུར།། གཉིས་མེད་རང་བཞིན་རྡོ་རྗེ་ཅན།། མཁའ་དབྱིངས་རྡོ་རྗེ་ཀུན་ཏུ་ཁྱབ།། བརྗོད་མེད་རྟོག་བྲལ་དེ ་ཉིད་དོན། ། ལྷུན་གྲུབ་པང་ལ་རབ་ཏུ་གཞག། ཧཱུཾ་དང་ཨཱཿཡི་རྣམ་པ་ཅན།། ཇི་ལྟར་ཆུ་ཡི་ཟླ་བ་བཞིན།། མ་ཡེངས་སེམས་ཀྱིས་རྒྱུན་དུ་བསྒོམ།། ཨེ་མཧོ་མགོན་པོ་བཅོམ་ལྡན ་འདས། ། མཆོག་ལས་མཆོག་ཏུ་རྣམ་པར་རྒྱལ།། ཨེ་མ་ཧོ་སྤྲུལ་པའི་རྣམ་པ་སྐུ།། སྒྲ་ལ་རབ་ཏུ་དམིགས་པ་མེད།། དགེ་ཆེན་ཀུན་གྱི་སྤྱོད་ཡུལ་ཡིན།། རང་གསལ་ཉིད་ལ་རྣམ་པར ་དག། མཆོག་གི་བྱང་ཆུབ་ཚུལ་དུ་གནས།། རྡོ་རྗེ་ས་འོག་གི་རྒྱུད་ལས། ངེས་པ་དང་རྣམ་པར་དག་པའི་ལེའུ་སྟེ་དགུ་པའོ།། །། དེ་ནས་སྟོན་པ་རྡོ་རྗེ་འཆང་།། ་འགྲོ་བའི་མགོན་ལ་རབ་གཟིགས་ཏེ།། སྲུང་བའི་ཆོ་ག་རབ་ཏུ་གསུངས།། ལག་ན་རྡོ་རྗེ་རབ་ཏུ་ཉོན།། འགྲོ་བ་གདུག་པས་ཟིན་གྱུར་པ།། ཟངས་མ་དག་ལ་དུད་འགྲོའི་གཟུགས། ་ལེགས་པ་དག་ཏུ་རབ་བྱས་ཏེ།། ཁོང་པ་རྡུལ་ལ་སོགས་པས་དགང་།། གང་ནས་འདོད་པའི་ས་ཕྱོགས་སམ།། རང་ལུས་དག་ལ་ལེགས་སྦས་ནས།། སྲུང་བ་དམ་པར་འགྱུར་བའོ།། ་བདེ་གཤེགས་སྐུ་གདུང་རིང་བསྲེལ་ཅན།། རབ་ཏུ་གནས་པ་ལེགས་བྱས་ཏེ།། གང་གནོད་སར་ནི་རབ་སྨྲས་ན།། བདེན་སྟོབས་བརྗོད་པས་ཞི་བར་འགྱུར།། བྱ་ལ་སོགས་པའི་བྱོལ ་སོང་ཚོགས། ། ཡིད་འོང་མཛེས་པའི་དུད་འགྲོ་ལ།། སངས་རྒྱས་གངྒཱའི་བྱེ་ཚོགས་ཀྱིས།། གསུངས་པའི་གཟུངས་སྔགས་དག་གིས་ནི།། སྐུད་པ་སྔོན་པོ་དག་དང་ནི།། དར་ལ་བརྒྱ་རྩ ་བརྒྱད་བསྔགས་ཏེ། ། བདེན་པ་བདར་ལ་རབ་ཏུ་བསྔོས།། གཏོར་མ་བཏང་ན་ཞི་བར་འགྱུར།། ཁམ་པོར་ལ་སོགས་སྣོད་གཙང་མར།། སྨན་དང་དར་སོགས་རབ་བཅུག་སྟེ།། མེ་ཏོག ་བདུག་སོགས་མཆོད་བྱས་ཏེ། ། ས་ལ་སྦས་ན་གནོད་པ་རྣམས།། ཞི་བ་དག་ཏུ་འགྱུར་བ་ཡིན།། སྐུད་པ་དཀར་པོ་གསུམ་བསྒྲིལ་ལ།། མདུད་པ་ཉི་ཤུ་རྩ་གཅིག་བྱ།། སྒྲུབ་དང་བསྒྲུབ ་པའི་མཆོད་པ་བྱ། ། རྒྱལ་ལ་རབ་ཏུ་མགུལ་དུ་བཏགས།། བར་མཆོད་བཟློག་པར་འགྱུར་བར་ངེས།། ཡུངས་ཀར་མར་དང་མུ་ཟ་རྣམས།། ཆ་སྙོམས་ལུས་ལ་ར་བ་བྱུགས་ན།། གདུག ་པས་ཟིན་ལས་ཐར་པར་འགྱུར། ། བ་ཀུ་ན་དའི་མེ་ཏོག་དང་།། མདའ་ཧུ་ན་དའི་འབྲས་བུ་ལ།། སྨིན་དྲུག་དུས་སུ་རབ་བསྒྲུབས་ན།། གདུག་པའི་ཕྱོགས་སུ་མི་གནས་སོ།། སྟག ་དང་ཕྲེད་དང་འཇལ་ཐར་གྱི། ། སྤུས་ནི་གདུག་པ་ལས་གྲོལ་འགྱུར།། འབབ་ཆུ་རྒྱ་མཚོ་ལ་སོགས་པ།། ལུས་བསྲུང་བྱ་བ་མཐར་བྱིན་པར།། བྱས་ན་མཆོག ་ཏུ་སྲུང་བར་འགྱུར། ། རྡོ་རྗེ་འཆང་བ་ཁྱོད་ཀྱིས་ཟུང་།། མཐར་ཕྱིན་ཟླ་བ་སྤྲིན་གཟའ་ལས།། གྲོལ་བ་ལྟ་བུར་འགྱུར་བ་ཡིན།། དཔལ་རྡོ་རྗེ་ས་འོག་གི་རྒྱུད་ལས། སྲུང་བའི ་ལེའུ་སྟེ་བཅུ་པའོ། ། །། ལག་ན་རྡོ་རྗེ་ལགས་སྨྲས་པ།། བསྡུ་བ་སྔགས་ཀྱི་ཆོ་ག་ནི།། ཇི་ལྟར་ལེགས་སོ་རྡོ་རྗེ་འཆང་།། ཁྱོད་ལ་རབ་ཏུ་ཉན་པར་འཚལ།། ཉོན ་ཅིག་རྡོ་རྗེ་འཆང་བ་ཁྱོད། ། སྔགས་བཏུ་ཁྱོད་ལ་བཤད་པར་བྱ།། གྲུ་གསུམ་དཀྱིལ་འཁོར་ཉམས་དགའ་བར།། པདྨ་འདབ་མ་བརྒྱད་པ་བྲི།། འདོད་དོན་ཐམས་ཅད་རབ་འགྲུབ་ལ།། ་དེར་ནི་གསང་སྔགས་བཏུ་བར་བྱ།། དབུས་སུ་ཡི་གེའི་བདག་པོ་གཞག། བཞི་པ་ཡི་ནི་ལྔ་པ་ལ།། ཡི་གེ་ཨི་ནི་རབ་ཏུ་སྦྱར།། མཐར་གནས་པ་ཡི་གསུམ་པ་ལ།། ལྔ་པ་ཡི་ནི ་མཐའ་དང་སྦྱར། ། དེ་ནས་ལྔ་པའི་བཞི་པ་གཞག། དེ་ནས་མཐར་གནས་གཉིས་པ་གཞག། དེ་ནས་བཞི་པའི་བཞི་པ་གཞག། དེ་ནས་མཐར་གནས་གཉིས་པ་གཞག། དེ ་ནས་ལྔ་པའི་གསུམ་པ་དང་། ། གཉིས་པ་ཡི་ནི་གསུམ་པ་ལ།། ར་དང་བཅས་པ་གཞག་པར་བྱ།། དེ་ནས་ལྔ་པའི་དང་པོ་གཞག། དེ་ནས་གསུམ་པའི་ཐ་མ་ལ།། ཨི་ནི་རབ་ཏུ ་སྦྱར་ཏེ་གཞག། བདུན་པ་ཡི་ནི་བཞི་པ་ལ།། ཡི་གེ་ཨཱུ་ནི་རབ་ཏུ་སྦྱར།། སྟོང་པས་མནན་པས་ཉིས་འགྱུར་དང་།། ལྔ་པ་ཡི་ནི་གཉིས་པ་ལ།། གསུམ་པ་ཡ་ནི་དང་པོར་སྦྱར།། ་ཡི་གེ་བཅུ་གསུམ་རིག་པའི་སྔགས།། བརྩེ་བས་བརྩོན་པར་རབ་བཟླས་ན།། གང་འདོད་དངོས་གྲུབ་ངེས་པར་འགྱུར།། ཀྱེ་མཧོ་རྡོ་རྗེ་ཅན་གྱིས་གསུངས།། སྔགས་ཀྱི་རྒྱལ་པོ་བླ ་མེད་ལམ། ། ཕྱག་ན་རྡོ་རྗེའི་དངོས་གྲུབ་ཐོབ།། དཔལ་རྡོ་རྗེས་འོག་གི་རྒྱུད་ལས། སྔགས་བཏུ་བའི་ལེའུ་སྟེ་བཅུ་གཅིག་པའོ།། །། དེ་ནས་སྟོན་པ་རྡོ་རྗེ་འཆང་།། ་སྤྱན་མིག་འོད་ཟེར་སྤྲུལ་མཛད་ནས།། སློབ་མ་རབ་ཏུ་སྨིན་བྱའི་ཕྱིར།། དབང་བསྐུར་ཆོ་ག་རབ་ཏུ་བཤད།། རྡོ་རྗེ་སློབ་དཔོན་དཀའ་ཐུབ་ཆེ།། གསང་དང་ལྡན་པ་དབང་ཐོབ་ཅིང་། ་དུལ་དང་དྲང་དང་བཤེས་གཉེན་ཆེ།། གཡོ་ཆུང་དང་བཟང་བྱང་སེམས་ཐོབ།། དཀྱིལ་འཁོར་ཆོ་ག་རབ་མཁས་པ།། སློབ་མ་དམ་པ་དབང་བསྐུར་ཕྱིར།། ཡིད་འོང་གཙུག་ལག ་ཁང་སོགས་སུ། ། བརྟུལ་ཞུགས་སྔོན་དུ་ལེགས་སྤྱད་ནས།། དེ་ནས་ས་ཡི་ཆོ་ག་བྱ།། བརྟག་དང་སྦྱར་ཞིང་བསྲུང་བ་དང་།། མཆོད་དང་གསོལ་བ་གདབ་པ་དང་།། རྨི་ལམ་མཚན་མའི ་ཐོས་བརྟག། ཞི་བའི་ཚོགས་སྦྱིན་སྲེག་ནི།། བརྒྱ་རྩ་བརྒྱད་ཀྱི་ཆོ་ག་བྱ།། འབྱུང་པོ་རྣམས་ལ་མཆོད་ཅིང་བརྐོ།། དཀྱིལ་འཁོར་དབུས་སུ་རབ་གནས་ཏེ།། སྐུ་ལས་རྡོ་རྗེ་ཆེན་པོ་བསྒོམ། ་གྲུ་ལས་གཞལ་ཡས་ཁང་ཆེན་བསྒོམ།། སྤྱན་གཉིས་ཉི་ཟླའི་འོད་ཟེར་གྱིས།། བགེགས་རྣམས་མ་ལུས་ཚར་གཅོད་དོ།། རྡོ་རྗེ་ཆེན་པོ་གར་འགྲོས་ཀྱིས།། ས་གཞི ་ལན་གསུམ་བསྐོར་བར་བྱ། ། བ་ཡི་རྣམ་ལྔས་ལེགས་བྱུགས་ཏེ།། ཚོམ་བུ་གཅིག་གིས་ལྷ་དགོད་བྱ།། མཆོད་དང་བསྟོད་དང་སྙན་གསན་དབབ།། བུམ་པ་ལྷག་པར་གནས་པར ་བྱ། ། སློབ་མཆོགས་རབ་སྨིན་བྱ།། ཐིག་དང་ཚོན་གྱི་ཆོ་ག་ནི།། ལས་ཀྱི་ཆོ་ག་བཞིན་དུ་བྱ།། གདོང་གཡོགས་དང་ནི་སྔོན་པོ་ཡིས།། སློབ་མ་དག་ནི་གཞུག་པར་བྱ།། སྡོམ་ལྡན ་དབང་བསྐུར་ལྔས་བསྐུར་རོ། ། བུམ་པ་དང་པོ་རྡོ་རྗེ་དང་།། དྲིལ་བུ་དབུ་རྒྱན་མིང་གི་དབང་།། ལས་ཀྱི་ཆོ་ག་ཇི་བཞིན་ནོ།། ཚེས་བཅུ་བཞི་དང་བཅུ་གསུམ་ལ།། སློབ་མ་ལས་ལ ་གཟུད་པར་བྱ། ། བྱིན་རླབས་རིམ་པས་འཕོ་བ་དང་།། འཕྲལ་དུ་ཡིད་ཆེས་བསྐྱེད་པར་བྱ།། རིན་ཆེན་སྙིང་པོ་དྲི་མེད་རྒྱུད།། རྒྱུད་རྣམས་ཀུན་གྱི་རྩ་བ་ནི།། འདིར་དབང་བསྐུར་བ་དམ ་པ་ཡིན། ། སྨིན་པའི་ལས་ལ་བརྟེན་པ་ཡི།། དབང་བསྐུར་མཆོག་གི་རྒྱུད་གསུངས་པས།། རབ་གནས་དགེ་བ་སྡོམ་པ་ལྡན།། དམ་པ་ཡོན་གྱིས་མཉེས་པར་བྱ།། གྲོལ་བ་མཐར ་བྱིན་རབ་ཏུ་གནས། ། སློབ་མ་སྨིན་པའི་ཆོ་གའོ།། རྡོ་རྗེ་ས་འོག་གི་རྒྱུད་ལས། སློབ་མ་ལ་དབང་བསྐུར་བའི་ལེའུ་སྟེ་བཅུ་གཉིས་པའོ།། །། དེ་ནས་བྱང་ཆུབ་སེམས ་དཔའ་ཕྱག་ན་རྡོ་རྗེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་སེམས་ཅན་རྣམས་ཀྱི་དོར་དུ་བདག་གི་ཐུགས་ཀྱི་གསང་བ་བཤད་དུ་གསོལ་ཞེས་གསོལ་བ ་བཏབ་བོ། ། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་མི་བཟང་ཁྱོད།། གཞན་དོན་བག་བརྩོན་ལེགས་སོ་ལེགས།། གང་ཞིག་དུས་ཀྱི་སྙིགས་མ་ལ།། གདུལ་དཀའི ་སེམས་ཅན་འདུལ་འདོད་པས། ། དང་པོ་བྱང་ཆུབ་སེམས་བསྐྱེད་ལ།། ཚོགས་གཉིས་ཀུན་རྫོགས་མཐར་ཕྱིན་པས།། རིན་ཆེན་སྣོད་དུ་པདྨའི་གཏེར།། དབུས་སུ་གསང་བའི་བདག་པོ ་ཅན། ། འདབ་མ་བརྒྱད་ལ་ཀླུ་ཆེན་བརྒྱད།། སྦྲུལ་མགོས་བརྒྱན་པའི་དགོད་པར་བྱ།། ཁྲུས་དང་གཙང་སྦྲ་དང་ལྡན་པས།། ལས་ཀྱི་ལྷ་ཡི་རྣལ་འབྱོར་གྱིས།། དང་པོ་སྤྱན་དྲངས་རབ་མཆོད ་ནས། ། བདག་དང་ལྷ་གཉིས་འཕྲོ་འདུར་བཟླས།། ཀླུ་བརྒྱད་ཞི་བར་འགྱུར་སེམས་ཀྱིས།། ཧཱུཾ་དང་ཧཱུཾ་གི་ཐག་པ་ལས།། བསྒྲུབ་བྱ་འོད་ཀྱི་ཕུང་པོར་བྱ།། སྐད་ཅིག་མས་ནི་ཧཱུཾ་དུ་བསླང་།། ་ཨོཾ་བཛྲ་ཀྲོ་དྷ་ཨ་ཧཱི་ཙནྡྲ་ཕཊ། ཁྲི་བཟླས་གདོན་ལས་ངེས་གྲོལ་འགྱུར།། ལག་ན་རྡོ་རྗེ་ཁྱོད་ཀྱིས་ནི།། ཐུགས་ཀྱི་འཕྲོ་འདུ་གསང་བ་ཡིན།། བསྒྲུབ་བྱའི་ལུས་ནི་མཚོན་གྱིས་དཀྲི། ་ཧཱུཾ་ཆེན་འཕྲེང་བའི་འགྲོ་འདུས་བཅད།། རྫས་ཆེན་རྣམས་ལ་རབ་བརྟགས་ནས།། ངེས་པར་གདོན་ལས་གྲོལ་བར་འགྱུར།། གལ་ཏེ་དེས་ཀྱང་མ་གྲུབ་ན།། སྔགས་ཀྱི་འཕྲེང་བ་བཟློག་སྟེ ་བཟླས། ། རྡོ་རྗེ་འཕྲེང་བས་རབ་བཅད་ན།། ཐེ་ཙོམ་མེད་པར་འགྲུབ་པར་འགྱུར།། འོག་གི་བགེགས་བཟློག་ཆོ་ག་མཆོག། ཡིད་བཞིན་ནོར་ལྟར་འབྱུང་བ་ཡིན།། ་ཐེག་པ་གསུམ་ལ་ངེས་རྒྱལ་བའི།། རྒྱུད་ཆེན་གསང་བ་མཐར་ཐུག་པ།། སྐྱོབ་པ་ཐུགས་ཀྱི་རྣམ་པ་ཡིན།། དེ་ནས་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་མ་ཐག་ཏུ།། ལག་ན ་རྡོ་རྗེ་ལ་སོགས་པའི་རིགས་ཀྱི་འཁོར་རྣམས་དང་ལྷའི་ཚོགས་ཐམས་ཅད་ཡི་རངས་ཏེ། ། བཅོམ་ལྡན་འདས་རྡོ་རྗེ་འཆང་གིས་གསུངས་པ་ལ་མངོན་པར་བསྟོད་དོ།། དཔལ་རྡོ་རྗེ་ས་འོག་གི ་རྒྱུད་ལས། གསང་བ་གཏན་ལ་དབབ་པའི་ལེའུ་སྟེ་བཅུ་གསུམ་པའོ།། །། ཁ་ཆེའི་པཎྜི་ཏ་ཙེ་ལུ་དང་། བོད་ཀྱི་ལོ་ཙ་བ་འཕགས་པ་ཤེས་རབ་ཀྱིས་བསྒྱུར་བའོ།། ་