Wylie

e-texts produced with BDRC’s OCR application

ཞུ་ཆེན་གྱི་ལོ་ཙོབ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ། ། ། དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི ་གསང་བའི་ཆོས་ཉིད་བརྙེས་པ། ཆོས་ཐམས་ཅད་སྤྲོས་པ་མེད་པས་ཡང་བདེ་བ་ཆེན་པོ་རྡོ་རྗེ་དོན་ཡོད་པའི་དམ་ཚིག་ཅེས་བྱ་བ། རྡོ་རྗེ་ཆོས་ཉིད་ཤེས་རབ་ཀྱི་ཕ་རོལ་ཏུ་ཕྱིན་པའི་སྒོ་དཔལ་མཆོག་དང ་པོ་ཐོག་མ་དང་། ཐ་མ་དང་། དབུས་མེད་པའི་དམ་པ་འདི་གསུངས་སོ།། བྱང་ཆུབ་སེམས་དཔའ་ཆེན་པོ་རྣམས་ཀྱི་འདོད་ཆགས་ཆེན་པོའི་དངོས་གྲུབ་དམ་པ་ནི། བདེ་བ་ཆེན་པོའི་དངོས་གྲུབ་དམ ་པར་འགྱུར་རོ། ། བྱང་ཆུབ་སེམས་དཔའ་ཆེན་པོ་རྣམས་ཀྱི་བདེ་བ་ཆེན་པོའི་དངོས་གྲུབ་དམ་པ་ནི། དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཆེན་པོའི་དངོས་གྲུབ་དམ་པར་འགྱུར་རོ།། དེ་བཞིན ་གཤེགས་པ་ཐམས་ཅད་ཀྱི་བྱང་ཆུབ་ཆེན་པོའི་དངོས་གྲུབ་དམ་པ་ནི། བདུད་ཆེན་པོའི་སྟོབས་ཐམས་ཅད་རབ་ཏུ་འཇོམས་པར་བྱེད་པའི་དངོས་གྲུབ་དམ་པར་འགྱུར་རོ།། བྱང་ཆུབ་སེམས་དཔའ་རྣམས ་ཀྱི་བདུད་ཆེན་པོའི་སྟོབས་རབ་ཏུ་འཇོམས་པའི་དངོས་གྲུབ་དམ་པ་ནི། ཁམས་གསུམ་པ་ཐམས་ཅད་དབང་ཕྱུག་ཆེན་པོའི་དངོས་གྲུབ་དམ་པར་འགྱུར་རོ།། བྱང་ཆུབ་སེམས་དཔའ་རྣམས་ཀྱི་ཁམས་གསུམ། ་པ་ཐམས་ཅད་ཀྱི་དབང་ཕྱུག་གི་དངོས་གྲུབ་དམ་པ་ནི། སེམས་ཅན་གྱི་ཁམས་མ་ལུས་ཤིང་ལུས་པ་མེད་པར་ཡོངས་སུ་སྦྱོང་བར་འདོད་པའི་རྒྱུའི་ཕྱིར། འཁོར་བ་ལའང་མ་ཆགས་ཤིང་བརྩོན་འགྲུས ་ཆེན་པོའི་བྱང་ཆུབ་སེམས་དཔའ་རྣམས་ཀྱིས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱབ་པ་དང་། སེམས་ཅན་ཐམས་ཅད་ལ་ཕན་པ་བདེ་བའི་མཆོག་ཤིན་ཏུ་བདེ་བ་ཆེན ་པོའི་དངོས་གྲུབ་དམ་པར་འགྱུར་རོ། ། དེ་ཅིའི་ཕྱིར་ཞེ་ན། ཇི་སྲིད་འཁོར་བའི་གནས་སུ་ནི།། མཁས་མཆོག་འདུག་པར་གྱུར་པའི་ཚེ།། དེ་སྲིད་མཚུངས་མེད་སེམས་ཅན་དོན།། མྱ་ངན་མི་འདའ ་བྱེད་པར་ནུས། ། ཤེས་རབ་ཕ་རོལ་ཕྱིན་ཐབས་དང་།། ཡེ་ཤེས་གནས་སུ་བསྒྲུབས་པས་ནི།། ཆོས་ཀུན་རྣམ་པར་དག་པའི་ཕྱིར།། འཁོར་བ་ཡོངས་སུ་དག་པར་འགྱུར།། ཆགས་ལ་སོགས་པས ་འདུལ་ན་ནི། ། འཁོར་བའི་བར་དུ་རྟག་པར་ཡང་།། འཇིག་རྟེན་སྡིག་བྱེད་དེ་སྦྱོང་ཕྱིར།། འཁོར་བ་སྲིད་དུ་བདག་ཉིད་འདུལ།། ཇི་ལྟར་པདྨ་རབ་དམར་བ།། འདམ་གྱི་ཉེས་པས་མི་གོས་པས།། དེ་བཞིན ་གནས་པའི་ཉེས་པ་ཡིས། ། འགྲོ་ཕན་རྣམས་ལ་མི་གོས་སོ།། འདོད་ཆགས་ཆེན་པོ་རྣམ་པར་དག། བདེ་བ་ཆེན་པོ་ནོར་ཆེ་ལ།། ཁམས་གསུམ་དབང་ཕྱུག་ཐོས་པས་ན།། སེམས་ཅན་དོན་རྣམས ་པས་པདྨ་གཡོས་པ་ནི། ། བཟུང་སྟེ་འདབ་མ་འབྱེད་མཛད་པས།། ཅི་ནུས་པ་ལི་ཏིང་འཛིན་གྱིས།། རང་བཞིན་གྱིས་ནི་གཟིགས་པར་མཛད།། ཇི་ལྟར་པདྨ་དམར་པོ་འདི།། ཚོན ་གྱིས་ཉེས་པས་མི་གོས་པ། ། གནས་ཀྱི་ཉེས་པ་སྣ་ཚོགས་པའི།། ཁམས་གསུམ་པ་ནི་དེ་བཞིན་དག། འདི་ལ་གཟིགས་པ་ལ་སོགས་པས།། རྒྱལ་བ་རྣམས་ནི་དབང་པོར་འགྱུར།། དེ་ཡིས་རྡོ་རྗེ ་སེམས་དཔའ་ནི། ། སྤྱན་རས་གཟིགས་ཀྱི་དབང་ཕྱུག་གྱུར།། དེ་བས་བསྒོམས་པའི་སྙིང་པོ་འདི།། དག་པར་བསྒོམས་པས་སྒོམ་པར་ནི།། རྡོ་རྗེ་འཆང་བ་ཆེན་པོ་ནི།། པདྨ་ཆེན་པོ་འཆང ་བར་འགྱུར། ། གསེར་སྦྱངས་རི་ཡི་དབང་པོ་སྟེ།། རྒྱལ་པོ་ཆེན་པོ་དང་མཉམ་པ།། བསྙེམས་པ་གཡོན་པའི་པད་མཆོག་གིས།། ཚུལ་གྱིས་འདུལ་བ་མཛད་པ་ན།། པདྨའི་རིགས་མཆོག ་སྟོན་པའི་ཕྱིར། ། རྒྱལ་པོ་རྣམས་ཀྱིས་གསོལ་བ་བཏབ།། དེ་ནས་ཐམས་ཅད་འདུལ་མཛད་ཅིང་།། ཤིན་ཏུ་དཀར་བའི་ཆོས་འཛིན་པ།། རྡོ་རྗེ་ཆོས་ཏེ་རང་རྒྱལ་པོ།། འཇིག་རྟེན་དབང་པོས ་བཀའ་སྩལ་པ། ། ཕྱི་ནི་དཀྱིལ་འཁོར་ཆེན་པོ་ལ།། པདྨ་འདབ་མ་བརྒྱད་པ་བྲི།། དེ་ཡི་དབུས་སུ་སྤྱན་འཛུམ་པ།། འཇིག་རྟེན་དབང་ཕྱུག་དགོད་པར་བྱ།། གསེར་སྦྱངས་ལྟ་བུའི་པདྨ་ནི།། ་གཡོན་བསྙེམས་ཚུལ་གྱིས་གཟིགས་མཛད་པ།། རྒྱལ་མཚན་ཀུན་གྱིས་རྣམ་པར་སྤྲས།། སངས་རྒྱས་སྐུ་མཆོག་སྤྱི་བོར་བཞུགས།། དེ་ཡི་ངོས་ནི་ཐམས་ཅད་དུ།། སངས་རྒྱས་སྐུ་ནི ་བརྒྱད་པོ་བྲི། ། རང་གི་འཛིན་པ་པདྨ་ཆེའི།། ཏིང་ངེ་འཛིན་ལ་རྣམ་པར་གཟིགས།། འཇིག་རྟེན་དབང་པོའི་གཟུགས་ལོགས་སུ།། སངས་རྒྱས་ལ་སོགས་རིགས་ཀྱི་ལྷ།། ཞི་བ་སྲེད་མེད་བུ་ཚངས ་པ། ། འདོད་པའི་གཟུགས་ནི་པདྨ་ཅན།། སྤྱི་བོར་འཚེར་འ་ཞིང་མགྲིན་འདེགས་པ།། རྟ་མགྲིན་ལྕགས་ཀྱུ་བཅིངས་ནས་ནི།། ཆོས་ཀྱི་ཚིག་གིས་སྤྱན་དྲང་བྱ།། དེ་ནས་པདྨའི་སྙིང་པོ་ནི།། སརྦ་ཏ་ཐཱ་ག ་། ཏ་པདྨ་ཛ། ཧཱུཾ་བཛྲ་པདྨ་ཧེ་པདྨ། པདྨ་བཾ། ཧོ་པདྨ་ནཱི་རཱ་ཛ། དེ་ནས་མཚམས་རྣམས་སུ་ནི། ཧཱུཾ་པདྨེ་ཙཎྜེ་ཤྭ་ར་ཧཱུཾ། ཧེ་མ་ཧཱ་བི་ཤྭ་པདྨ་ཙཱ་ར་ཎེ་སིདྡྷ་ཧཱུཾ། མཊ་ཧྲཱིཿཔདྨ་པདྨོ། ཧཱུཾ་ཨ་ཧོ་པདྨ་ཨ་ཤཱ། ་ཀྲ་མ་ཀྲ་མ་ཧཱུཾ་ཛཾ། དཀྱིལ་འཁོར་ཆེན་པོའི་ཚུལ་གྱིས་ནི།། ཆོ་ག་རྒྱས་པར་བྱས་ནས་ནི།། པདྨ་ཆེན་པོ་མེ་ཏོག་བཅས།། མ་ཡེངས་ཡིད་ཀྱིས་ཕྱག་བྱའོ།། དཀྱིལ་འཁོར་ཞུགས་ནས་ཏིང་ངེ་འཛིམ ་། ལས་བྱུང་གཟུངས་འདི་བརྗོད་པར་བྱ།། ཨོཾ་བི་ཤོ་དྷ་ཡ། མ་ནུ་ས་ནི་ཤུདྡྷ་མ་ཧཱ་སཏྭ། དྷཱ་ཏུ་ས་མ་ཡ་སཏྭ། རཱ་ག་དཱི་པཉྩ་ཡེ། ཙཏྟ་མེ་སརྦྦ་དྷ་མེཥྚཱ་བཛྲ་ཎི་ཙིཏྟ་མེ་སརྦྦ་དྷ་མེ་ཤྲ་ཛ~ཾ་ནི། གཟུངས་ཀྱི་ཕྱག་རྒྱ ་གསན་ནས་ནི། ། དགྱེས་པས་པདྨ་འཛིན་པ་ནི།། དེ་ནས་མཛུབ་མོ་ལྕགས་ཀྱུ་བཅིང་།། ཆོས་ཀྱི་ཚིག་གིས་ལེགས་སྤྱན་དྲངས།། ཨོཾ་སརྦ་ཏ་ཐཱ་ག་ཏ་ཨ་བ་ལོ་ཀེ་ཤྭ་ར་པདྨ་ཧསྟ། ཡ་ཧི་ཤཱི་གྷྲཾ་མ་མེ་བཛྲ ་མུ་དྲཱ་ཨ་གྲི་ཤྱ་ས་བེ་ས་མ་ཡེ་བདྨ་བི་ཤི་ཀོ་མ། ཛཿཧཱུཾ་བཾ་ཧོ། ཤོ་དྷ་ཡ་སརྦ་སཱ་དྷ་ཡ་བ་མ་མེ། མཧཱ་བཛྲ་དྷ་ར་སྟྭ~ཾ། དེ་ནས། འཇིག་རྟེན་འཛིན་པ་རང་ཉིད་བྱོན།། འཇིག་རྟེན་ཀུན་མཆོག་གྲུབ་འགྱུར ་བའི། ། ཏིང་འཛིན་ཆོ་ག་ངེས་པར་མཛད།། དེ་ནས་དེ་བཞིན་སློབ་མ་རྣམས།། གཞུག་པའི་ཆོ་ག་རྒྱས་པ་ནི།། དངོས་གྲུབ་ཐམས་ཅད་སྦྱིན་པ་ཡིས།། ཡེ་ཤེས་དག་ནི་བསླབ་པར ་བྱ། ། ཏིང་འཛིན་སྙིང་པོ་འདི་ཡི་ནི།། སྒྲུབ་པ་ཆེན་པོ་གདོད་ནས་འབྱུང་།། འཇིག་རྟེན་ཀུན་གྱི་དབང་ཕྱུག་ཉིད།། གོ་རིམས་བཞིན་དུ་བཤད་པར་བྱ།། བུད་མེད་རྣམས་ཀྱི་ནང་ཞུགས་པ་འམ།། གདུག་པ ་ཀུན་གྱི་ནང་ཆུད་པ་འམ། ། གང་ཡང་རུང་བར་འདུག་ནས་ནི།། པདྨ་ཆེན་པོ་ཡོངས་སུ་གཟུང་།། དུས་དང་སྟོབས་ནི་ཇི་བཞིན་དུ།། ཉེ་རིང་ཅི་ནུས་བསྒྲུབ་པར་བྱ།། ཆོ་ག་འདི་ཡི་ཚེ་འདི་ལ།། མྱུར་དུ་མཆོག ་ནི་འགྲུབ་པར་འགྱུར། ། འདོད་ཆགས་ཀུན་གྱིས་བདེ་མྱུར་བ།། འདོད་པ་ཙམ་གྱིས་འགྲོ་འོང་ལྡིང་།། འཇིག་རྟེན་ཀུན་གྱི་དབང་ཕྱུག་རྒྱལ།། རྒ་དང་འཆི་བ་མེད་པར་འགྱུར།། སངས་རྒྱས་བྱང་ཆུབ་སེམས ་དཔའ་ཉིད། ། ཕྱག་ན་རྡོ་རྗེ་ཉིད་དང་ནི།། དངོས་གྲུབ་ཀུན་གྱི་མཐའ་ཡས་མཆོག། ཚེ་འདི་ཉིད་ལ་ཐོབ་པར་འགྱུར།། དེ་ནས་ཕྱག་རྒྱ་སྒྲུབ་པ་ནི།། ཕྱག་རྒྱ་བཅིངས་ཏེ་ཏིང་འཛིན་གནས།། དངོས་གྲུབ ་ཆེན་པོ་ཉིད་ཐོབ་བོ། ། དམ་ཚིག་དམ་ཚིག་མཆོག་གིས་ཏེ།། ལས་ཀྱི་ལས་མཆོག་ཕྱག་རྒྱས་སོ།། སྒྲུབ་པ་ཆེན་པོའི་ཆོ་གའི་རྒྱུད་དོ།། ། དེ་ནས་དངོས་གྲུབ་མ་གྲུབ་པའི།། ཏིང་འཛིན ་ལས་ནི་འདྲེས་པ་དག། དང་པོའི་ཏིང་འཛིན་གྲུབ་པ་ནི།། གོ་རིམས་བཞིན་དུ་རབ་བཤད་བྱ།། འདི་ལྟ་སྟེ། སྒྲིབ་པ་ཐམས་ཅད་དང་། སྡིག་པ་ཐམས་ཅད་དང་། རྨི་ལམ་ངན་པ་དང་། ལྷས་ངན ་པ་དང་། ཡམས་དང་། འཚེ་བ་དང་། ནད་འགྲོ་བ་དང་། ཉོན་མོངས་པ་དང་། དུས་མ་ཡིན་པར་འཆི་བ་དང་། འཇིགས་པ་དང་། སྐྲག་པ་དང་། རྩོད་པ་དང་། འཐབ་པ་དང་། བྱིས་པའི་གདོན ་དང་། དམུ་རྒོད་དང་། ཉོན་མོངས་པ་དང་། ངལ་བ་དང་། སྡུག་བསྔལ་བ་དང་། ཡིད་མི་བདེ་བ་དང་། དབུལ་བ་དང་། རྒྱགས་པ་དང་། རེག་ན་མི་བདེ་བ་དང་། སྐལ་བ་ངན་པ་དང་། ནད ་མེད་པ་མ་ཡིན་པ་དང་། ནོར་རླག་པ་རྣམས་ལ་ནི་པདྨ་ཆེན་པོ་ཞི་བས་སོ།། རླུང་དང་། མཁྲིས་པ་དང་། ཁྲག་དང་། བད་ཀན་དང་། འདུས་པ་དང་། མ་ཞུ་བ་དང་། རིམས་དང་། སྦྱར་བའི་དུག ་དང་། དུག་དང་། མཛེ་དང་། འབྲུམ་བུ་ཕྲ་མོ་དང་། གཡན་པ་དང་། རྐང་ཤུ་དང་། སྨན་དང་། ཆུའི་ད་མུ་རྫིང་དང་། མཚན་པར་རྡོལ་བ་དང་། ཤ་བཀྲ་དང་། ཟད་བྱེད་དང་། ཁྲག་ཟད་པ་དང་། ་ཁུ་བ་ཟད་པ་དང་། ནད་ཐམས་ཅད་དང་། གནོད་པ་དང་། གནོད་བྱེད་དང་། གདོན་དང་། འཕྲ་མེན་རྣམས་གསོ་བ་ལ་ནི་པདྨ་ཆེན་པོ་སྨན་གྱི་ཕྱག་རྒྱ་འཛིན་པས་སོ།། ཐམས་ཅད་རྡོ་རྗེར་བྱས་པ་དང་། ་ཆོས་དང་། གོ་ཆ་དང་། གཙུག་ཏོར་དང་། གཙུག་པུད་དང་། མཚམས་དང་། ཕྱོགས་དང་། དཀྱིལ་འཁོར་དང་། ས་དང་། ནམ་མཁའ་དང་། རྡོ་རྗེའི་གདན་དང་། ཁང་པ་ཆེན་པོ་དང་། རྡོ་རྗེ ་ར་བ་དང་། མེ་འབར་བ་དང་། ཐལ་བའི་ར་བ་དང་། རྡོ་རྗེ་དང་། རི་བོ་དོན་ཡོད་པ་ལ་སོགས་པ་དང་། སྲད་བུས་ཡོངས་སུ་བསྐོར་བ་དང་། ཕུར་བུས་གདབ་པ་དང་། ཟས་དང་། བཏུང་བ་དང་། གོས ་དང་། རྒྱན་དང་། ཕྱག་རྒྱ་དང་། སྲུང་བ་ལ་ནི་པདྨ་ཆེན་པོ་ཐམས་ཅད་སྲུང་བས་སོ།། ཚེ་ཐམས་ཅད་དང་། སྟོབས་དང་། ཁ་དོག་དང་། གཟི་བརྗིད་དང་། མདངས་དང་། ལང ་དང་། བརྩོན་འགྲུས་དང་། སྤྲོ་བ་དང་། ནད་མེད་པ་དང་། དཔལ་དང་། སྐལ་བ་བཟང་པོ་དང་། ནོར་དང་། འབྲུ་དང་། དབང་ཕྱུག་དང་། འབྱོར་པ་དང་། དངོས་གྲུབ་དང་། བླ་དང་། རྙེད་པ་དང་། ་བཀྲ་ཤིས་པ་དང་། མིང་དང་། གྲགས་པ་དང་། སྙན་པ་དང་། ཏིང་ངེ་འཛིན་དང་། ཤེས་རབ་དམ་པ་འགྲུབ་པ་ལ་ནི་པདྨ་ཆེན་པོ་མཆོག་གྲུབ་པས་སོ།། དཔལ་མཆོག་དང་པོའི་རྟོག་པ་ཆེན་པོའི ་རྒྱལ་པོ་ལས། ཆོས་ཐམས་ཅད་སྒྲིབ་པ་མེད་པའི་ཡེ་ཤེས་ཀྱི་རྡོ་རྗེའི་ཆོ་ག་རྒྱས་པའོ།། །། དེ་ནས་རྒྱལ་པོ་རྡོ་རྗེ་འཛིན།། ཐམས་ཅད་མི་འགྱུར་ནམ་མཁའ་ཆེ།། ཐམས་ཅད་དབང ་བསྐུར་ཀུན་གྱི་དོན། ། ཀུན་དབང་རིན་ཆེན་ཐམས་ཅད་འཛིན།། ཏིང་ངེ་འཛིན་གྱིས་རབ་བྱིན་རླབ།། བདག་པོ་ཆེན་པོ་རབ་སད་མཛད།། ཆོས་རྣམས་ལ་ནི་རྣམ་གཟིགས་པས།། ཀུན་དོན་དབང་ཕྱུག ་གདོད་ནས་བྱུང་། ། ཉི་ཟླ་དང་ནི་གཟའ་སྐར་ཅན།། ནམ་མཁའ་ཉིད་དུ་འགྱུར་བ་ཡིན།། དེ་ནས་རིན་ཆེན་ཏིང་འཛིན་ནི།། ངེས་པར་རྡོ་རྗེ་ཅན་དུ་བརྗོད།། དེ་ནས་ནམ་མཁའ་རྡོ་རྗེ་ཉིད།། ལྡེང ་སྔོན་བཻ་ཌཱུཪྻ་མཉམ་མདངས། ། རྡོ་རྗེ་རིན་ཆེན་རྣམས་དགེ་བ།། ནམ་མཁའི་སྙིང་པོར་ཡང་དག་གྱུར།། དེ་ནས་བཅོམ་ལྡན་ཐོག་མ་ཉིད།། མཛོད་སྤུ་ཀུན་གྱི་གནས་ན་བཞུགས།། ཏིང་ངེ་འཛི ་ལ་རྣམ་གཟིགས་པས། ། འཇིག་རྟེན་དབང་ཕྱུག་བདག་པོ་ཉིད།། སངས་རྒྱས་ཐམས་ཅད་སྲས་བཅས་དང་།། དེ་བཞིན་རྡོ་རྗེ་འཛིན་པ་མཆོག། རྡོ་རྗེ་རིན་ཆེན་དེ་ཡིས་ནི།། ཀུན་རིགས་ཀུན་གྱི་དབང ་བསྐུར་ཕྱིར། ། བསམ་པ་ཐམས་ཅད་རྫོགས་བྱའི་ཕྱིར།། ཀུན་མཆོག་ཀུན་ལ་དབང་བསྐུར་ནས།། ཤེས་པ་བརྗོད་པ་བདི་གསུངས་སོ།། ཨོཾ་སརྦ་བཛྲ་སཏྭ་ཨ་དྷི་པ་ཏི་ཏཱཾ། ཨ་བྷི་ཥིཉྩཱ་མི་བྷུརྞྞ ་བ་སྭཱ། དེ་ནས་བཟང་པོས་འདི་གསུངས་ཤིང་།། ལེགས་པར་ཤིས་བརྗོད་དབང་བསྐུར་བས།། རྡོ་རྗེ་རིན་ཆེན་ཆེ་དེ་ལས།། ཆོས་ཀྱི་གཙོ་བོར་བྱུང་བར་གྱུར།། བྱུང་ནས་འགྲོ་བ་ཐམས་ཅད་ནི།། ་ཅི་རིགས་པར་ནི་ཀུན་དབང་བསྐུར།། རྡོ་རྗེ་ཀུན་གྱིས་དབང་བསྐུར་ནས།། སླར་ཡང་དཀྱིལ་འཁོར་ཚུལ་གྱི་ས་བཞུགས།། བདེ་གཤེགས་ཀུན་གྱིས་བྱིན་བརླབས་པ།། རྡོ་རྗེ་རིན་ཆེན ་བླ་ན་མེད། ། ཤིན་ཏུ་དབང་ཕྱུག་ཆེན་པོའི་མཆོག། དངོས་གྲུབ་གསོལ་བའི་རྟོག་པ་གསུངས།། དཀྱིལ་འཁོར་ཆེན་པོའི་ཕྱི་རོལ་ནི།། ནམ་མཁའ་འཁོར་ལོ་ནམ་མཁའི་མདོག། ཉི་མ ་ཟླ་བ་སྐར་མ་དང་། ། གཟའ་རྣམས་ཀྱིས་ནི་བརྒྱན་པ་བྲི།། དེ་དབུས་ནམ་མཁའི་སྙིང་པོ་ནི།། བདག་ཉིད་ཐམས་ཅད་དགྱེས་པར་གཞག། དག་པའི་བཻ་ཌཱུཪྻ་མདོག་འདྲ།། འོད་ཟེར་འབར་བ་སྣ ་ཚོགས་འཁྲུག། གཡོན་པ་རིན་ཆེན་ཐུགས་ཀར་བསྟོད།། གཡས་པས་ནོར་ཆེན་རབ་སྩོལ་བ།། དེ་ཡི་ངོས་སུ་སེམས་དཔའ་མཆོག། བཞི་པོ་གཟུགས་བཅས་དམ་པ་ཡིན།། དབང་བསྐུར ་བ་དང་གཏེར་ཉིད་དང་། ། ནོར་བུ་ཆེན་པོ་བླ་མེད་དང་།། འབྱོར་པ་དཔལ་ནི་ཕུན་སུམ་ཚོགས།། རང་ཉིད་མཚན་མས་མཆོད་པ་ནི།། དེ་ལ་དེ་དག་གི་སྙིང་པོ་འདི་ཡིན་ཏེ། བཛྲ ་སཏྭ་ཛཿབཛྲ་རཏྣ་ཧཱུཾ། བཛྲ་དྷརྨྨ་བཾ། བཛྲ་ཀརྨ་ཧོ། དེ་ནས་གཟུངས་རྣམས་ཀྱི་སྙིང་པོ་བཤད་དེ། ཨོཾ་པྲ་ཏི་བཛྲ་ཎི་ཕཊ། ཨོཾ་བཛྲ་པྲཱི་ཏི་ཧི་ཧི། ཨོཾ་ཙནྟ་མ་ཎི་ཧོ། ཨོཾ་བཛྲ་མ་ཧཱ་མ་ཧེ་ཧཾ། དཀྱི ་འཁོར་ཆེན་པོའི་ཁུ་ཚུར་གྱིས། ། ཆོ་ག་རྒྱས་པ་ཇི་བཞིན་བྲི།། ནོར་བུའི་ཁུ་ཚུར་གྱིས་བཞུགས་པ།། མཁའ་སྐྱེས་ལས་ནི་མགོས་ཕྱག་བྱ།། བཞུགས་ནས་ནམ་མཁའ་མཁས་པ་ཡི།། དམ་ཚི ་དམ་པ་བརྗོད་པར་བྱ། ། ཁྱེད་ནི་ནམ་མཁའ་ལས་བྱུང་བའི།། ཐམས་ཅད་ཀྱིས་ནི་ལྔ་པ་ཡིན།། ཨོཾ་ཨེ་སིདྡྷ་བྷཱརྞྞ་བ་སིདྡྷ། སིདྡྷ་སྭ། སིདྡྷ་མ་ཧཱ་རཏྣ། བ་བ་ཊ་ཊ་ཏཱཾ། འདི་ནི་བཟླས་པ་ཙམ་གྱིས། ་ནི།། མཁའ་སྙིང་དངོས་གྲུབ་ཐམས་ཅད་དང་།། ཕུན་ཚོགས་ཀུན་ལ་ཤིན་ཏུ་ནི།། འགྲུབ་འགྱུར་འདི་ལ་ཐེ་ཚོམ་མེད།། ཅེས་བཅོམ་ལྡན་འདས་རྡོ་རྗེ་རིན་ཆེན་བླ་ནི་མེད་པས་གསུངས་སོ།། ་དེ་ནས་ནོར་བུ་ཁུ་ཚུར་ཅན་གྱིས་ལྕགས་ཀྱུས་དགུག་པར་བྱའོ།། ཨོཾ་བྷུ་རཱ་ཡ་ཧཱི་ཛཱ། བྷུ་བ་པྲ་བེ་ཤ་ཧཱུཾ་སྭ། གྲྀཧྞ་བཾ་བ་བ་ཊ་ཊ་སིདྡྷ་ཧོ་ཏཾ། དེ་ནས་བཅོམ་ལྡན་མྱུར་དུ་ནི།། བྱོན་ནས་དངོས་གྲུབ ་ཐམས་ཅད་ནི། ། འབྱོར་པ་ཤིན་ཏུ་གཡོ་བ་ལ།། དོན་ནི་རབ་ཏུ་འགྲུབ་པར་འགྱུར།། དེ་ནས་སློབ་མ་ཕྱག་རྒྱ་ནི།། མེ་ཏོག་བཅས་པ་མཆོག་གིས་གཞུག། བཅུག་ནས་དེ་ཉིད་མཆོག་སྙིང་པོ། ་བདེན་པ་ལན་ཅིག་བརྗོད་དུ་གཞུག། དེ་ནས་འབྱོར་པའི་མཆོག་བརྟག་པ།། དཔལ་གྱི་ཕུན་ཚོགས་མཆོད་པ་ཆེ།། འཇིག་རྟེན་མཆོག་གི་དངོས་གྲུབ་རྣམས།། བདེ་བར་གཤེགས་པ་བཞིན་དུ་འཐོབ། ་དེ་ནས་དེ་ཕྱིར་སྒྲུབ་པ་བཤད།། དེ་ན་རྡོ་རྗེ་རིན་ཆེན་རྒྱལ་མཆོག་གིས།། དཔག་མེད་ཟློས་པས་བསྒྲུབ་བྱ་ཞིང་།། འདི་ཡིས་སྐྱེས་མཆོག་འདི་ཉིད་ལ།། འདོད་ཆགས་འགྲོ་དང་འོང་བར་འགྱུར།། རིན ་ཆེན་ཀུན་གྱི་དབང་ཕྱུག་རྒྱ་ལ། ། རྒ་དང་འཆི་བ་མེད་པར་འགྱུར།། དངོས་གྲུབ་ཀྱི་དམ་པ་ཐམས་ཅད་ཀྱང་དེ་བཞིན་ནོ།། ཕྱག་རྒྱ་སྒྲུབ་པ་ནི་དགའ་བ་ཉིད་ཀྱིས་སོ།། དམ་ཚིག་གི་ཕྱག་རྒྱ་སྒྲུབ་པ་ནི་དམ་ཚིག ་གི་ཁུ་ཚུར་གྱིས་སོ། ། དེ་བཞིན་དུ་ལས་སྒྲུབ་པ་ནི་དངོས་གྲུབ་བླ་ན་མེད་པ་ཡིན་ནོ།། ཕྱག་རྒྱ་ཆེན་པོ་སྒྲུབ་པ་ཉིད་དེའི་རྒྱུད་དོ།། །། དེ་ནས་དེ་ཕྱིར་ལས་རྣམས་ཀྱི།། རབ་འབྱམས་རྒྱུན་ནི་དམ ་བ་དང་། ། དངོས་གྲུབ་ཆེན་པོ་ཀུན་བསྒྲུབས་པ།། གོ་རིམས་ཇི་བཞིན་རབ་བཤད་བྱ།། འདི་ལྟ་སྟེ། འབྱོར་པ་ཐམས་ཅད་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱ་བ་དང ་དབྲོག་པ་དང་། བསགས་པ་དང་། ལེན་པ་དང་། འདྲེན་པ་དང་། འགུགས་པ་དང་། གཏོད་པ་དང་། གཞིག་པ་དང་། འཕེན་པ་དང་། འདེགས་པ་དང་། འབེབས་པ་དང་། བརྡེག་པ་དང་། ་སྦྱང་བ་དང་། རྙེད་པ་དང་། ཉོ་བ་དང་། བཙོང་བ་དང་། ཀུན་ཏུ་འགྱེད་པ་དང་། ཉེ་བར་དགོད་པ་དང་། བརྟན་པར་བྱ་བ་དང་། རྡོ་རྗེར་བྱ་བ་དང་། འབྱོར་པ་ཐམས་ཅད་གྲུབ་པ་དང་། འབྱོར་པ ་ཐམས་ཅད་ཀྱི་མཆོག་སྒྲུབ་པ་ལ་ནི་རྡོ་རྗེ་རིན་ཆེན་གྱིས་དབང་བསྐུར་བས་སོ། ། དཔལ་ཐམས་ཅད་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱ་བ་དང་། དབྲོག། ་པ་དང་། བསགས་པ་དང་། ལེན་པ་དང་། འདྲེན་པ་དང་། འགུགས་པ་དང་། གཏོད་པ་དང་། གཞིག་པ་དང་། འཕེན་པ་དང་། འདེགས་པ་དང་། འབེབས་པ་དང་། བརྡེག་པ་དང ་སྦྱང་བ་དང་། རྙེད་པ་དང་། ཉོ་བ་དང་། བཙོང་བ་དང་། ཀུན་ཏུ་འགྱེད་པ་དང་། ཉེ་བར་དགོད་པ་དང་། བརྟན་པར་བྱ་བ་དང་། རྡོ་རྗེར་བྱ་བ་དང་། འབྱོར་པ་ཐམས་ཅད་སྒྲུབ་པ་དང་། འབྱོར་པ ་ཐམས་ཅད་ཀྱི་མཆོག་སྒྲུབ་པ་ལ་ནི་རྡོ་རྗེ་རིན་ཆེན་དཔལ་གྱིས་སོ། ། ཕུན་སུམ་ཚོགས་པ་ཐམས་ཅད་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱ་བ་དང་། དབྲོག་པ་དང་། བསགས ་པ་དང་། ལེན་པ་དང་། འདྲེན་པ་དང་། འགུགས་པ་དང་། གཏོད་པ་དང་། གཞིག་པ་དང་། འཕེན་པ་དང་། འདེགས་པ་དང་། འབེབས་པ་དང་། བརྡེག་པ་དང་། སྦྱང་བ་དང་། རྙེད་པ ་དང་། ཉོ་བ་དང་། བཙོང་བ་དང་། ཀུན་ཏུ་འགྱེད་པ་དང་། ཉེ་བར་དགོད་པ་དང་། བརྟན་པར་བྱ་བ་དང་། རྡོ་རྗེར་བྱ་བ་དང་། འབྱོར་པ་ཐམས་ཅད་སྒྲུབ་པ་དང་། འབྱོར་པ་ཐམས་ཅད་ཀྱི་མཆོག ་སྒྲུབ་པ་ལ་ནི་རྡོ་རྗེ་རིན་ཆེན་ཕུན་སུམ་ཚོགས་པས་སོ། ། མཆོད་པ་ཐམས་ཅད་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱ་བ་དང་། དབྲོག་པ་དང་། བསགས་པ་དང་། ལེན་པ ་དང་། འདྲེན་པ་དང་། འགུགས་པ་དང་། གཏོད་པ་དང་། གཞིག་པ་དང་། འཕེན་པ་དང་། འདེགས་པ་དང་། འབེབས་པ་དང་། བརྡེག་པ་དང་། སྦྱང་བ་དང་། རྙེང་བ་དང་། !། ་བ་དང་། བཙོང་བ་དང་། ཀུན་ཏུ་འགྱེད་པ་དང་། ཉེ་བར་དགོད་པ་དང་། བརྟན་པར་བྱ་བ་དང་། རྡོ་རྗེར་བྱ་བ་དང་། འབྱོར་པ་ཐམས་ཅད་སྒྲུབ་པ་དང་། འབྱོར་པ་ཐམས་ཅད་ཀྱི་མཆོག་སྒྲུབ་པ་ལ ་ནི་རྡོ་རྗེ་རིན་ཆེན་གྱི་མཆོད་པ་སྒྲུབ་པས་སོ་ཞེས་ཀྱང་གསུངས་སོ། ། སེམས་ཅན་ཐམས་ཅད་བདེ་དོན་དུ།། རྡོ་རྗེ་སེམས་དཔའ་ནོར་ཆེ་བ།། རང་གི་རྒྱལ་མཆོག་ལན་ཅིག་སྒྲུབ།། ཡི་གེ་ཏྲཾ་ནི་སྦར ་བར་བྱ། ། དཔལ་མཆོག་དང་པོ་རྟོག་པའི་རྒྱལ་པོ་ཆེན་པོ་ལས། བསམ་པ་ཡོངས་སུ་རྫོགས་པར་བྱེད་པ་རྡོ་རྗེ་རིན་ཆེན་གྱི་རྟོག་པའི་ཆོ་ག་རྒྱས་པའོ།། དེ་ནས་རྒྱལ་བ་རྡོ་རྗེ་འཛིན། ་འཇིག་རྟེན་གསུམ་པོ་ཁམས་གསུམ་པ།། འཇིག་རྟེན་གསུམ་བདག་ཐམས་ཅད་ལ།། འཇིག་རྟེན་གསུམ་མཆོག་འདུལ་མཛད་པ།། ཆོ་ག་བཞིན་དུ་སྒོམ་འགྱུར་ཞིང་།། སེམས་ཅན་དོན་ཕྱིར ་ཆོ་གས་བཞུགས། ། འདོད་ཆགས་ཞེ་སྡང་གཏི་མུག་རྣམས།། རྟག་ཏུ་རྣམ་པར་གནས་པ་ཡིན།། མི་མཉམ་པ་ཡིས་རྟེན་གྱུར་ན།། དུག་ཉིད་དུ་ནི་ཉེ་བར་འགྲོ།། བདུད་རྩིར་ཉིད་དུའང་འགྱུར།། ་བ་ཡིན།། འདོད་ཆགས་ཚངས་པ་མཆོག་འབྱིན་པ།། ཞེ་སྡང་དྲག་པོའི་ཏིང་འཛིན་གྱིས།། གཏི་མུག་ཁྱབ་འཇུག་བརྟན་མཛད་ནས།། འཇིག་རྟེན་གསུམ་པོ་བྱིན་གྱིས་བརླབས།། ་འདོད་ཆགས་ཞེ་སྡང་གཏི་མུག་རྣམས། རྟག་ཏུ་གནས་པས་སྲིད་གསུམ་གནས།། ཆོས་ཀྱི་རྟེན་ནས་གསུམ་མཆོག་སྟེ།། ཆོས་མིན་རྟེན་པས་ངན་སོང་གསུམ།། འདོད།། ་ཆགས་སྦྲང་རྩིར་བྱེད་པར་བཤད།། ཞེ་སྡང་རྒྱལ་བར་བྱེད་པར་བཤད།། གཏི་མུག་དོན་ནི་སྒྲུབ་བྱེད་ཅེས།། ཀུན་ཏུ་གསང་བའི་མིང་ཡིན་ནོ།། ང་ནི་འཇིག་རྟེན་གཅིག་པུ་ཉིད།། འཇིག་རྟེན་གསུམ ་དུ་རབ་ཏུ་བཤད། ། ང་ནི་འདོད་པ་གཅིག་པུ་ཉིད།། ཚངས་པ་དྲག་པོ་གཡུང་དྲུང་ཡིན།། དེ་ནས་གསུམ་པོ་འདི་ཡིས་མཆོག། སྦྱང་ཕྱིར་རྡོ་རྗེ་སྦྱང་འཛིན་པ།། གཟུགས་ནི་གསུམ་པོ་འདི་དག་ཉིད།། ་བདག་ཉིད་ཁོ་ན་བྱུང་བ་ཡིན།། གང་ཕྱིར་འཇིག་རྟེན་འདི་དག་ནི།། རྟག་ཏུ་ཡང་ནི་འདི་སྐད་སྨྲ།། ཚངས་སོགས་ཀྱིས་འདུལ་ཡང་དག་པའི།། སངས་རྒྱས་བྱང་ཆུབ་སྣོད་མ་ཡིན།། དེ་རྣམས་སྲུང ་ཕྱིར་བཅོམ་ལྡན་འདས། ། རྡོ་རྗེ་འཆང་ཆེན་རང་ཉིད་ནི།། གཟུགས་ནི་གསུམ་པ་འདི་མཛད་ནས།། ཕྱིས་ནི་སངས་རྒྱས་ཉིད་མ་འགྱུར།། དེ་ནས་ཚངས་པ་ལ་སོགས་ལྷ།། འཇིག་རྟེན་གསུམ ་མཆོག་དབང་ཕྱུག་ཆེ། ། དཀྱིལ་འཁོར་དེར་ནི་གསང་སྙིང་པོའོ།། རང་གི་རང་གྲུབ་ཕྱིར་རབ་ཕུལ།། ཨོཾ་བྷཱར་བྷུ་བ་སྭ། ཟུར་བཞི་པ་ལ་སྒོ་བཞི་པ།། སྒོ་སྲུངས་བཞིས་ནི་རབ་སྲུང་བ།། ཁ་ཁྱེར ་གྱིས་ནི་ལེགས་བསྐོར་བ། ། ཕྱི་ཡི་དཀྱིལ་འཁོར་བྲི་བར་བྱ།། དེ་ཡི་ནང་མ་ཉིད་དང་ནི།། དཀྱིལ་འཁོར་གཞུ་ཡི་དབྱིབས་ཅན་ལ།། སྦྲང་རྩི་བྱེད་དང་རྒྱལ་ཉིད་བྱེད།། སྒྲུབ་པ་ཐམས་ཅད་སྒྲུབ ་པ་ནི། ། གོ་རིམས་དག་ནི་ཇི་བཞིན་དུ།། ལེགས་པར་བྲི་བའམ་གཞག་པར་བྱ།། པུས་མོ་གཉིས་ཀྱིས་ཞུགས་ལ་དེར།། རྩེ་གསུམ་དམ་ཚིག་གིས་མཚན་པས།། ཞུགས་ཏེ་དམ་ཚིག་བཅིངས་ནས། ་། ནི།། ཡང་དག་པར་ནི་དགུག་པར་བྱ།། ཨོཾ་བྷུརྨྨ་བ་སྭཿ། སྭསྠི་ནཱ་མ་སྭཱ་ཧཱ། ཉི་ཤུ་རྩ་གཅིག་བཟླས་པ་ཡིས།། ཐམས་ཅད་ཐམས་ཅད་ཀྱིས་བསྐོར་བ།། ཐམས་ཅད་གྲུབ་ཕྱིར་འོངས་པ་ལ།། དེ ་ཉིད་པ་ཡི་གཏོར་མ་སྦྱིན། ། སློབ་དཔོན་རབ་ཏུ་ཞུགས་པ་ཡི།། སློབ་མ་ཐམས་ཅད་གཞུག་པར་བྱ།། དེ་ཉིད་གསང་བ་བརྗོད་ནས་ནི།། དམ་ཚིག་མཆོག་ནི་སྦྱིན་པར་བྱ།། གལ་ཏེ་ཁྱོད་ཀྱིས་རྩེ ་གསུམ་བཅག། སྙིང་པོ་སྣོད་མིན་ལ་སྨྲས་སམ།། ཇི་སྐད་སྨྲས་པའི་ཆོས་རྣམས་ནི།། གལ་ཏེ་འདིར་ནི་མ་སྤྱད་དམ།། སྙིང་སྟོབས་རྡུལ་དང་མུན་པ་ཉིད།། ཚངས་པ་དྲག་པོ་གཡུང་དྲུང་སྟེ།། ་མིང་པོ་གསུམ་པོ་འདི་ཉིད་ནི།། ནམ་ཡང་བརྙས་པར་མི་བྱའོ།། གང་ཞིག་འདི་རྣམས་སྒོམ་པ་སློབ།། ཡང་དང་ཡང་དུ་ཞུགས་ནས་ནི།། དཀྱིལ་འཁོར་མཆོད་པར་བྱེད་པ་དང་།། དངོས ་གྲུབ་ཐམས་ཅད་ཐོབ་པར་འགྱུར། ། རང་གི་ཕྱག་རྒྱ་བསླབས་ནས་ནི།། དེ་ལ་གར་གྱི་མཆོད་པ་དང་།། འདོད་ཡོན་དམ་པ་ལྔ་རྣམས་ཀྱིས།། རྟག་ཏུ་དཀྱིལ་འཁོར་མཆོད་པར་བྱ།། འཇིག་རྟེན ་གསུམ་འབྱིན་པའི་རྒྱུད་དོ། ། ། དེ་ནས་སྟོན་པ་རྡོ་རྗེ་འཛིན།། སེམས་ཅན་ཀུན་རྗེ་སྟོན་མཛད་པ།། འཇིག་རྟེན་གསུམ་ཕྱུང་དོན་གྲུབ་ཏུ།། སླར་ཡང་སྲིན་མོ་རྣམས་འབྱིན་མཛད། ་ཀུན་ཏུ་ཆགས་དང་ཞེ་སྡང་རྨོངས།། བརྟན་པར་བྱེད་པའི་རྒྱུ་ཡིན་ནོ།། དགའ་དང་ཕྲག་དོག་བུད་མེད་ནི།། རབ་ཏུ་གྲགས་པའི་གྲུབ་ཀུན་སྟེར།། གང་ཞིག་འཇིག་རྟེན་ཀུན་ཏུ ་བཤད། ། ཚོགས་ཀུན་གྱིས་མཆོད་ལྷ་མོ་རྣམས།། ཞི་དང་འཇིགས་མ་དེ་བཞིན་གསེར།། གྲུབ་པ་དང་ནི་ཞི་བར་བཤད།། ཕྱི་རོལ་སེམས་ཅན་ཕན་ཕྱིར་དང་།། རྟོགས་དོན་ཁོང་དུ་ཆུད་བྱའི་ཕྱིར།། ་དེ་རྣམས་ཀྱི་ནི་སྙིང་པོ་དང་།། དཀྱིལ་འཁོར་དེ་བཞིན་དམ་ཚིག་བཤད།། ཧི་ཧཱུཾ་ཤཱི་ཤྩ། དཀྱིལ་འཁོར་ཆེན་པོ་བཞི་པ་ནི།། སྲང་བུ་གསུམ་གྱི་དཀྱིལ་འཁོར་བྱ།། མཚམས་ཀྱི་ཐིག་ནི་ཀ་བ་ཆེ།། བཞི ་པོ་དག་གི་རིམ་པ་བཞིན། ། དེ་ཡི་དབུས་སུ་དཀྱིལ་འཁོར་ནི།། བཞི་པོ་དག་གི་དེ་བཞིན་བྱ།། རང་གི་སྙིང་པོ་བཞི་པོ་ནི།། རང་གི་སྒོར་ནི་ཕྱོགས་པ་གཞག། སྐལ་བཟང་ལག་ན་རང་གི་མཚོན།། ་སྲིང་མོ་ཕུབ་ཅན་ཞི་བ་མ།། ཕག་མོ་ལག་ན་གཏེར་ཉིད་དེ།། གྲུབ་པ་མོ་ནི་བསྙེམས་དང་བཅས།། དེ་ནས་དང་པོའི་དཀྱིལ་འཁོར་དུ།། ཀུན་ནས་དེ་བཞིན་བཞུགས་ནས་ནི།། སྲིང་མོ་རྣམས ་ཀྱིས་རང་གི་རྒྱས། ། གོ་རིམས་དག་ནི་ཇི་བཞིན་དུ།། ཞུགས་ནས་དེ་བཞིན་ཆོ་ག་བྱ།། སྤྲོས་ལ་སོགས་པས་མཆོད་པར་བྱ།། དེ་ཉིད་གསང་བ་རབ་བསྒྲུབ་པས།། ཀུན་ནས་དགུག་པ ་ངག་ཏུ་བྱ། ། ཨོཾ་སུཾ་བྷ་ག་ར་ཏིཥྛ་མ་ཡ་ཧཱི་བྷུ། རཀྵ་ས་མཱ་ཏི། མ་ཡ་ཧཱི་བྷུ་བྷུ་བ། བ་ར་ཧཱ་ཨ་མིརྱ་ཏཱ་མ་ཡ་སྭཱ་ཧཱ། སིདྡྷི་ཀེ་སིདྡྷི་ས་མ་ཡ་ཧི་ཨཱི་མཱམྦི་མུ་དྲཱ་བྷིཿཛྲཱྀཾཿཧཱུཾ་ཤྲཱི་བྷྱོ། དེ་ནས་ལུས་ནི་ཐམ ་ཅད་ཀྱིས། ། དེ་བཞིན་དུ་ནི་ལེགས་བཞུགས་ལ།། དེ་ནས་ཕྱག་རྒྱ་བཅིངས་བརྟན་ཏེ།། གསང་བ་མཆོག་འདི་བརྗོད་པར་བྱ།། གལ་ཏེ་གསང་ཉིད་མ་གསུངས་ན།། གང་ཞིག་སེམས་ཅན་དོན ་བཞུགས་དང་། ། གང་ཡང་དཀྱིལ་འཁོར་སྒྲུབ་བྱེད་པ།། དེ་རྣམས་ཁྱེད་ཀྱིས་བསད་པར་འགྱུར།། ཆོས་དང་ལྡན་ལ་བདུད་རྩི་ཉིད།། ཆོས་མིན་པས་ནི་དུག་པས་ལྷག། ཅི་རྙེད་པ་དང་དུས་ཛ ་བཞིན། ། ཡུལ་རྣམས་ཉེ་བར་བསྟེན་པ་དང་།། ཕྱག་རྒྱ་གར་གྱིས་བཤད་པ་ཡིས།། ཅི་བདེ་བར་ནི་རྟག་ཏུ་མཆོད།། སྲིང་མོ་བཞིའི་རྒྱུད་དོ།། ། དེ་ནས་སྟོན་པ་རྡོ་རྗེ་འཛིན།། ་ས་ཡི་དབང་ཕྱུག་ཀུན་གྱི་མཆོག། འདོད་ཆགས་ཞེ་སྡང་གཏི་མུག་ཆེ།། སྒྲུབ་པ་དག་ནི་རབ་སྒྲུབ་ཉིད།། འདོད་ཆགས་སོགས་དུག་གཞིག་ཕྱིར་དང་།། ཀུན་ནས་བདུད་རྩི་ཉིད་བྱའི་ཕྱིར།། ་ཞེ་སྡང་ལས་བྱུང་ཀླུ་ཡི་ནི།། དཀྱིལ་འཁོར་དམ་པ་འབྱུང་བར་འགྱུར།། དེ་ལ་སྙིང་པོ་འདི་ཡིན་ཏེ།། ཕུཿཟུར་བཞི་པ་ལ་སྒོ་བཞི་པ།། སྲད་བུ་ཐམས་ཅད་ཡང་དག་བྲི།། སྒོ ་ཁྱུད་ཀླུ་ཡི་གདེངས་ཀ་མཆོག། མཚམས་ཀྱི་རྩེ་མཆོག་མཇུག་མ་མདུད།། དེ་ཡི་དབུས་སུ་ཀླུ་རྒྱལ་ནི།། མཐའ་ཡས་གདེངས་ཀ་བཅས་པ་ནི།། ཀླུ་ཡི་རིགས་ནི་བརྒྱད་པོ་དག། ཤེས ་རབ་ཅན་གྱིས་ཀུན་ཏུ་བྲི། ། དེ་ནས་ཁྲོས་དང་ཞུགས་ནས་ནི།། ཀླུ་འཛིན་པ་ཡི་ཤུགས་ཀྱིས་ནི།། ཞུགས་ནས་དཀྱིལ་འཁོར་དེ་ཉིད་དུ།། སྦྲུལ་གྱི་གདེངས་ཀས་དགུག་པར་བྱ།། ་ཨོཾ་ཧྲཱིཿ་ནཱི་ལ་ཛ་བ་བེ་ག་པྲི་ཐི་བྷིན་ད་རི་ཥེ་ཤ་ཡ་ཧི་པུ། སརྦྦ་ནཱ་ག་ཀུ་ལཱ་ནུ་ན་ཕུ། ས་མ་ཡ་པྲ་བེ་ཤ་ཡ་ཕུ། སརྦྦ་ན་སཱ་དྷ་ཡ་ཕུ། ཏ་ཏ་ས་སརྦྦ་ན་ག་པུ་ཊ་ཀ་ཕུ། དེ ་ལྷར་བྱས་ན་ལེགས་པར་བཞུགས་ཤིང་དགའ་བར་འགྱུར་རོ། ། དེ་ནས་སློབ་དཔོན་གྱིས་དུག་མེད་པར་བསམ་པར་བྱའོ།། དེ་ནས་བརྩམས་ཏེ་དུག་ཐམས་ཅད་ཟོས་པས་ཀྱང་བདུད་རྩིར་འགྱུར། ་རོ།། ནོར་རྒྱས་པར་བརྩེ་བར་བྱེད་དོ།། དུག་ཐམས་ཅད་སྦར་བ་དང་གཞིག་པ་ནུས་པར་འགྱུར་རོ།། དེ་ནས་མནའི་སྙིང་པོ་སྦྱིན་པར་བྱ་སྟེ། འདོད་ཆགས་ཞེ་སྡང་གཏི་མུག་རྣམས།། འཇིག ་རྟེན་ན་ནི་འདི་གསུམ་དུག། གལ་ཏེ་བདེན་པ་ལས་འདས་ནས།། འདི་དག་གིས་ནི་རྟག་གསོད་འགྱུར།། ཁྱེད་ཀྱིས་གློག་ལ་བརྙས་མི་བྱ།། སེར་བ་བཟློག་པར་མི་བྱ་ཞིང་།། གལ། ་ཏེ་དངོས་གྲུབ་ལ་དགའ་ན།། ཅི་ནས་སྦྲུལ་ནི་གསང་མི་བྱ།། ཀླུའི་དཀྱིལ་འཁོར་རོ།། ། དེ་ནས་སྟོན་པ་རྡོ་རྗེ་འཛིན།། སྡུག་བསྔལ་ཐམས་ཅད་སེལ་བའི་མཆོག། སེམ ་ཅན་ཀུན་ལ་བདེ་བའི་ཕྱིར། ། གདོན་གྱི་དཀྱིལ་འཁོར་བསྡུ་བ་ཡི།། འདོད་ཆགས་ཞེ་སྡང་གཏི་མུག་རྣམས།། ཉེས་བྱས་ཀྱི་ནི་དུག་ཉིད་འགྱུར།། གདོན་དང་རིམས་དང་སྡིག་པ་དང་། ་དམྱལ་བར་ཡང་ནི་འགྱུར་བ་ཡིན།། དེ་ནས་གདུག་པའི་སྙིང་པོ་ནི།། ཧཾ། ཟུར་བཞི་པ་ལ་སྒོ་བཞི་པར།། གདོན་གྱི་དཀྱིལ་འཁོར་ཀུན་ཏུ་བྲི།། དེའི་དབུས་དང་པོར་གདོན་ལ་སོགས།། ཆོ་ག་རྒྱས ་པར་དགོད་པར་བྱ། ། དེ་ནས་བཤད་པ་བཞིན་ཞུགས་ནས།། དགོད་ཅིང་མྱུར་དུ་དཀྱིལ་འཁོར་དུ།། རྡོ་རྗེ་འཛིན་པ་ཞུགས་ནས་ནི།། ཁྲོས་པས་རྐང་པ་གཡོན་པས་མཉེ།། དེ་ནས་གདོན་དང་རིམས་སྡིག ་ཀུན། ། དམྱལ་བ་ཐམས་ཅད་རྟག་ཏུ་ནི།། སྡིག་པ་ཆེན་པོ་བྱེད་པ་ཡང་།། རྡོ་རྗེས་རབ་ཏུ་འཇིགས་པར་འགྱུར།། ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། སྡུག་བསྔལ་ཐམས་ཅད ་འདོན་པའི་རྒྱུད་དོ། ། །། དེ་ནས་སྟོན་པ་རྡོ་རྗེ་འཛིན།། ཀུན་མཆོག་དབང་ཕྱུག་དམ་པ་ཡིས།། སེམས་ཅན་ཀུན་དོན་རབ་སྒྲུབ་ཕྱིར།། དཀྱིལ་འཁོར་ཐམས་ཅད་གསུངས་པ་ཡིན།། ་དེ་ལ་སྙིང་པོ་འདི་ཡིན་ཏེ། ཨོཾ་ཨཱཿཧཱུཾཿཧྲིཿཏྲཱཾ། དེ་ནས་འདི་ནི་གསུངས་ཙམ་གྱིས།། ཀུན་མཆོག་དབང་ཕྱུག་དམ་པ་ཡིན།། གཟུགས་ཀུན་གྱིས་ནི་ཀུན་མཆོག་ནི།། དབང་ཕྱུག་དམ་པ་མཛད་པ ་ཡིན། ། གསང་བ་ཆེན་པོ་ལྔ་ཡིས་ནི།། གང་ཚེ་འདུལ་བར་མ་གྱུར་པ།། དེ་ཚེ་སྣ་ཚོགས་ཆེར་མཛད་པ།། འགྲོ་བ་འདུལ་བའི་དམ་པ་ཡིན།། དམ་པ་ཡང་དག་བཤད་བྱ་སྟེ།། ཀུན་མཆོག་སྣ ་ཚོགས་རྣམ་པར་རྒྱལ། ། ཀུན་མཆོག་དབང་ཕྱུག་དམ་པ་ཡིན།། དཀྱིལ་འཁོར་ཆེན་པོ་བྲིས་ནས་ནི།། དེ་ཡི་དབུས་སུ་ཆོ་ག་བཞིན།། རྡོ་རྗེ་སེམས་དཔའ་རབ་བཞག་ལ།། རྡོ་རྗེ་ལྷ་མོ་ཚོགས ་དཀྱིལ་འཁོར། ། དེ་ཡི་ངོས་ནི་ཐམས་ཅད་དུ།། ཀུན་མཆོག་བདག་པོ་སྐུ་རྣམས་སོ།། རྡོ་རྗེ་མཆོག་བཅས་མཚན་མ་ནི།། རང་གི་རིགས་ཀྱིས་བསྐོར་བ་གཞག། རྒྱལ་པོ་རྡོ་རྗེ་སྲེད་མེད་བུའི། ་གཟུགས་འཛིན་འཁོར་ལོ་རྣམ་པར་བྲི།། ཁྱབ་བདག་རྡོ་རྗེ་ཅན་རྡོ་རྗེ།། གཏུམ་དབང་རྡོ་རྗེ་མདུང་བསྣམས་པ།། རྡོ་རྗེ་པད་འབྱུང་པདྨ་འབྱུང་།། རྡོ་རྗེ་འཛིན་པ་ཚངས་པའི་གཟུགས ་ནམ་མཁའི་སྙིང་པོ་འདོད་པའི་གཟུགས། ། རྡོ་རྗེ་དང་བཅས་མེ་ཏོག་མཚོན།། དཀྱིལ་འཁོར་གྱི་ནི་མཚམས་རྣམས་སུ།། རིགས་ཀྱི་ལྷ་མོ་བྲི་བར་བྱ།། རྡོ་རྗེ་དཔལ་མོ་དཀར་མོ་དང་།། རྡོ་རྗེ་སྒྲོལ ་མ་མཁའ་རྡོ་རྗེ། ། དེ་ནས་དཀྱིལ་འཁོར་གྱི་བདག་པོ་འདི་རྣམས་ཀྱི་སྙིང་པོ་བཤད་པར་བྱ་སྟེ། ཨོཾ་བཛྲ་ནཱ་རཱ་ཡ་ཎཙྪིནྡ་པྲ་ཏི་ཧ་ན་བཛྲ་ཙཀྲེ་ཎ་ཧོ། བྷ་ག་བཱཾ་བཛྲ་ཏ་ཐཱ་ག་ཏ། ཛཿཧཱུཾ་བཾ་ཧོཿ། བཛྲ་དྷཱ་ར་ཏཾ། ་། བཛྲ་ཏ་ཐཱ་ག་ཏ་ཧཱུཾ་བཛྲ་ཀྲོ་དྷ་མ་ཧཱ་ཡོ་གི་ནཱི་ག་ཎེ་ཤྭ་ར། མ་ཧཱ་བཛྲ་ཀུ་ལོ་གྲ་པ་ནེ་ཧོ། བྷ་ག་བཱཾ་བཛྲ་ཙནྡེ་ཤྭ་རཱ་ཡ། ཧ་ཧ་ཧ་ཧ་ཧྲཱིཿབཛྲ་པདྨོ་བྷ་བ་ཧོ། བྷ་ག་བཾ་བཛྲ་ལོ་ཀི་ཤྭ་རེ། མ་ཧཱ་པྲ་མེ་སིད་དྷུ། ཨོཾ་བྷཱ་ར་བྷུ་བཿསྭཿ ་སཱ་སྟི་ན་མ། སྭཱ་ཧཱ། ཧེ་བཛྲ་ཀུ་སུ་མཱ་ཡུ་དྷ། སརྦ་ཀཱ་མ་མེ་སཱ་དྷ་ཡ་ཧོ། བྷ་ག་བཱ་བཛྲ་ཨཱ་ཀཱ་ཤ་གརྦྷ། བ་བ་ཊ་ཊ་ཏྲཾ། བཛྲ་ཨཱ་ཀཱ་ཤ་གརྦྷ་ཨ་ཤེ་ཥཾ་མུ་དྲཱ། ན་མོ་ཡེ་ན་སཱ་དྷེ་ན། བྷཱ་ག་བ་ཏེ་པྲཛྙཱ་པཱི་ར་མི་ཏཱ་ཡུ་དྷ། ་ཙྪིནྟུ་བཛྲ་ཎི་ཙཀྲྀ་ཎ་ཏེ་ན་ས་ཏྱེ་ན་པཱ་པ་ཀཱན། ཨོཾ་དྷཱི་ཤྲཱི་ཤྲུ་ཏི་སྨྲྀ་ཏི་བི་ཛ་ཡེ་སྭཧཱ། ན་མོ་ཡེ་ན། ཨོཾ་བཛྲ་གཽ་རོ་མ་ཧཱ་བི་དྱཱ་ཏྲཻ་ལོ་ཀྱ་བི་ཛ་ཡེ་ཤྭ་རི་བཛྲ་ཀྲོ་དྷ་ཨགྣི་ས་མ་ཡེ། བཛྲ་དྷ་རི་ན་མོ་སྟུསྠ། ཏདྱ་ཐཱ། ཨོཾ་ཧི་ལི་མ~ཾ ་། ལེ་ལི་ཧཱ་ལི་བཛྲ་མུ་ཀ་ཡེ་སྭཱཧཱ། བཛྲ་ས་མ་ཡ། ན་མོ་ཡེ་ན་སཱ་དྷེ་ན་བྷ་ག་བ་ཏེ། བུདྡྷ་བུདྡྷིརྒྒདྷཱ་དྷཱ་ར། བཛྲ་དྷརྨྨ་པྲ་ཡོ་གེ་ན། ཏེ་ན་ས་ཏེ་ན་སིདྡྷ་ནཱ~ཾ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱཧཱ། བཛྲ་དྷ་མོ་ཏ། ཨོཾ་ཀཱ་མ ་། བཛྲཱི་ཎི་སིདྡྷ་བི་ཤུདྡྷ་སཱ་དྷུ་བ་ཧ། ག་ག་མོདྦྷ་བེ་ཡོ་གེ་ན་སིདྷ་མཱཾ་པ་ར་མ་ཀ་རེ། ཏདྱ་ཐཱ། ག་ག་ན་བི་ཤུད་དྷེ། སརྦྦ་མ་བྷི་པྲ་ཡ་པ་རི་པཱུ་ཎི་སྭཱ་ཧཱ། ཕྱི་ཡི་དཀྱིལ་འཁོར་གན་ས་རྣམས་སུ།། རྡོ་རྗེ་འཛིན ་པ་རབ་སྤྱོད་གནས། ། ལྷ་དབང་དང་ནི་མེ་མོ་ཉིད།། འཇིག་རྟེན་སྐྱོང་རྣམས་དགོད་པར་བྱ།། ཚོགས་ཀྱི་དབང་ཕྱུག་རྡོ་རྗེ་ཡི།། རོལ་མོ་ཆེ་བཅུ་རྡུང་བྱེད་པ།། ཕྱི་ཡི་དཀྱིལ་འཁོར་ཁ་ཁྱེར་ལ།། ་སྒོ་དང་མཚམས་སུའང་འདི་བྲིའོ།། སྒོ་རྣམས་ཀུན་ཏུ་འཇུག་པ་ནི།། རང་གི་ཕྱག་རྒྱས་རབ་ཏུ་གཞུག། དཀྱིལ་འཁོར་དམ་པ་ལྔ་པར་ནི།། དང་པོའི་སྦྱོར་བས་འཇུག་པར་བྱའོ།། དེ་ནས ་། དབུས་སུ་འདུག་ནས་ནི།། དང་པོ་ལྕགས་ཀྱུ་ཆེ་བ་ཉིད།། སྙིང་པོ་འདི་ནི་རྗོད་བྱེད་ཅིང་།། འགུགས་པ་འདི་ནི་བརྗོད་པར་བྱ།། ཨོཾ་མ་ཧཱ་སུ་ཁ་བཛྲ་སཏྭ་སིདྷི་ཧཱུཾ། སརྦྦ་ཏ་ཐཱ་ག་ཏཱ་ན། ས་མ་ཡ་ཨཱ ་ཀཪྵ་ཡ་ཛཿབཛྲ་ཀུ་ལ་དཱི་པཾ་ད་མ་ཡེ་ཏཱ་པྲ་བེ་ཤ་ཡ་ཧཱུཾ། སརྦྦ་ལོ་ཀཾ་ཤྭ་རཾ་པྲ་བེ་ཤ་ཡ་ས་མ་ཡ་བནྡྷ་ན་བཾ། ས་མ་ཡ་སརྦྦ་རཏྣ་དཱི་པཾ་མ་ཧཱ་མ་ཎི་རཱ་ཛཱ་ནཱཾ། བ་ཤཱཾ་ཀུ་རུ་ཧོ་ཧཱུཾ་ཨ། ཧཱུཾ་ཧྲིཿཏྲཾ། དེ་ནས་གསང ་བ་ཆེན་པོ་ཡི། ། སྙིང་པོ་བཟང་པོ་འདི་བརྗོད་པས།། རྡོ་རྗེ་འཆང་ཆེན་རྒྱལ་པོ་ནི།། འཁོར་ལོ་ཐམས་ཅད་དང་བཅས་པས།། བཀུག་ཅིང་རབ་ཏུ་བཅུག་པ་དང་།། བདེན་པས་བཅིངས་ཏེ ་དབང་དུ་བྱས། ། དཀྱིལ་འཁོར་རྒྱལ་པོ་མཆོག་ཐམས་ཅད།། དངོས་གྲུབ་ཀུན་གྱི་སྒྲུབ་པར་འགྱུར།། དེ་ནས་གོ་རིམས་ཇི་བཞིན་དུ།། དཀྱིལ་འཁོར་ཐམས་ཅད་སྒྲུབ་པ་དང་། ་དངོས་གྲུབ་དེ་རྣམས་ཉིད་ཀྱང་ནི།། ཐམས་ཅད་ཀྱང་ནི་བསྒྲུབ་པར་བྱ།། བདེ་བ་ཐམས་ཅད་མི་འགྱུར་གནས།། བདེ་བ་ཆེན་པོ་ཞེས་བརྗོད་དོ།། རྡོ་རྗེ་འདི་ནི་སྒྲུབ་ལ་སོགས། ་འདི་ནི་ཚེ་འདིར་འགྲུབ་པར་འགྱུར།། དེ་ལྟར་སྣ་ཚོགས་པའི་དོན་སྦྱང་བའི་དོན་གྱིས་ཆོ་ག་འགྲོ་བ་དཔག་ཏུ་མེད་པ་འདུལ་བ་མཐའ་མེད་ཅིང་སྣ་ཚོགས་པས་མཉམ་པ་མེད་ཅིང་ཕུལ་དུ་ཕུང་བ། དེ་བཞིན ་གཤེགས་པ་ལ་སོགས་པའི་རོགས་ཐམས་ཅད་འཛིན་པའི་བདེ་བའི་མཆོག་བྱེད་པ། རྒྱལ་བ་ཐམས་ཅད་ཀྱིས་བྱིན་གྱིས་བརླབས་པ་སྲིད་པའི་བདེ་བའི་ཆོ་ག་བྱེད་པ་གསུངས་པ་ཡིན་ནོ།། དཔལ ་མཆོག་དང་པོའི་རྟོག་པའི་རྒྱལ་པོ་ལས། ། རྟོག་པ་ཐམས་ཅད་ཀྱི་རྒྱུད་ཕྱི་མའི་རྩ་བའི་རྒྱུད་ཀུན་གྱི་མཆོག་དབང་ཕྱུག་དམ་པའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། ། ་སངས་རྒྱས་ཀུན་གྱི་གསང་བ་ཆེ།། དམ་ཚིག་མཆོག་གི་སྒྲུབ་པ་དང་།། བདེ་བ་ཆེན་པོ་གཞལ་ཡས་ཁང་།། དངོས་གྲུབ་ཀུན་གྱི་ལུས་བྱས་པ།། དེ་བཞིན་གཤེགས་མཆོག་ཆེན་པོ་ཡི།། རིན ་ཆེན་རྒྱལ་བ་སོགས་ཀྱི་བརྒྱན། ། བདེ་བ་ཆེན་པོའི་ཆགས་པ་ཆེ།། གླུ་དང་རོལ་མོ་རྗེས་ཆགས་པ།། བླ་མེད་དགའ་བ་ཆེན་པོ་ཡི།། མཆོད་པ་ཀུན་གྱིས་རབ་ཏུ་མཆོད།། དཔའ་བ་ཆེན་པོ ་དཔལ་གྱི་གནས། ། རང་གི་བཞུགས་གནས་མཆོག་དེ་ལ།། རབ་ཏུ་དགའ་བའི་རྒྱལ་པོ་མཆོག། མི་འགྱུར་མཆོག་ཏུ་ཡང་དག་བཞུགས།། རྡོ་རྗེ་སེམས་དཔའ་བདག་རང་ཉིད།། རབ་ཏུ ་དགའ་བ་མི་འགྱུར་མཆོག། ཀུན་ཏུ་བཟང་པོ་འཁོར་བ་དང་།། བྱང་ཆུབ་སེམས་དཔའ་དེ་བཞིན་གཤེགས།། དངོས་གྲུབ་ཆེན་པོ་ཀུན་གྱི་མཆོག། རྡོ་རྗེ་བསྙེམས་པའི་བདག་པོའི་བདག ་ཀུན་མཆོག་ཆགས་པ་ཆེན་པོ་ཡི། ། དངོས་གྲུབ་དབང་ཕྱུག་རྗེས་གྲུབ་པ།། གླུ་དང་རོལ་མོ་ཐོག་མཐའ་མེད།། མཆོག་ནི་བཅོམ་ལྡན་འདས་ཀྱིས་གསུངས།། ཧཱུཾཿདེ་ནས་འདི་ནི་གསུངས ་ཙམ་གྱིས། ། རྡོ་རྗེ་ཐམས་ཅད་འཛིན་པ་ནི།། གསང་བ་ལྔ་ཡི་དེ་ཉིད་ཆེ།། ཕྱག་རྒྱའི་ལྷ་མོ་བྱུང་བར་གྱུར།། རྟག་ཏུ་ཆགས་དང་དངོས་གྲུབ་ཆེ།། རྣམ་རྒྱལ་དབང་ཕྱུག་ལྷག་པའི་ལྷ། ་ཕྱག་རྒྱ་དམ་པ་བཞི་པ་སྟེ།། སེམས་དཔས་བྱིན་གྱིས་བརླབས་པའི་སྐུ།། དེ་ནས་དེ་རྣམས་ཀྱི་སྙིང་པོ་ནི་འདི་ཡིན་ཏེ། སྐུ་མཆོག་སོ་སོར་རྟོག་པ་དང་།། དངོས་གྲུབ་ཀུན་གྱིས་བདེ་བའི ་མཆོག། ཀུན་མཆོག་རྣམ་རྒྱལ་མཐོང་བ་དང་།། ཐམས་ཅད་དབང་ཕྱུག་མཆོད་པ་ཆེ།། དངོས་གྲུབ་རྣམས་དང་ཕུན་ཚོགས་དང་།། དགའ་བ་དག་དང་བདག་པོ་རྣམས།། རྡོ་རྗེ་ལྷ་མོ་ཐོག་མཐའ ་མེད། ། རྡོ་རྗེ་སེམས་དཔའ་སྐུ་ཡི་མཆོག། ཅེས་བྱའོ།། དེ་ནས་མཆོག་ཏུ་གསང་བའི་མི་རྣམས་ནི་དགའ་བ་ཆེན་པོ་དཔལ་དོན་ཡོད་དགའ་བའི་དམ་ཚིག་འདོད་པའི་རྡོ་རྗེ་མ་དང་། དགའ་བ་ཆེན་པོ ་དཔལ་དོན་ཡོད་ལ་ཆགས་པའི་དམ་ཚིག་གི་རྡོ་རྗེ་ཀཱི་ལི་ཀཱི་ལི་དང་། དགའ་བ་ཆེན་པོ་དཔལ་རྡོ་རྗེ་དོན་ཡོད་ལ་ཆགས་པའི་དམ་ཚིག་རྣམ་པར་རྒྱལ་བའི་རྡོ་རྗེ་མ་དང་། དགའ་བ་ཆེན་པོ་དཔལ་རྡོ་རྗེ ་དོན་ཡོད་ལ་ཆགས་པའི་དམ་ཚིག་རྡོ་རྗེ་འདོན་པའི་དབང་ཕྱུག་མའོ། ། འདི་རྣམས་གསང་བའི་མཚན་དག་ནི།། མཁས་པས་གང་ཞིག་དད་པས་བརྗོད།། དེ་ནི་ཕྱག་རྒྱ་ཐམས་ཅད ་ཀྱི། ། དངོས་པོ་ཀུན་བདག་བདག་པོར་འགྱུར།། ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔའ་མཆོག་ཏུ་གསང་བས་གསུངས་པ་ཡིན་ནོ།། དེ་ནས་འདི་སྒྲུབ་བཤད་བྱ་བ།། དངོས་གྲུབ་ཤིན་ཏུ་བརྟག། ་པ་སྟེ།། སྡིག་པ་ཆེ་ལས་དགའ་བ་དང་།། སྒྲུབ་པ་གང་ཞིག་མ་གྲུབ་ཀྱང་།། རྡོ་རྗེ་སེམས་དཔས་གསུངས་པ་བཞིན།། དེ་དག་ཀྱང་ནི་མྱུར་དུ་འགྲུབ།། ཉིན་རེ་འམ་ནི་ཟླ་རེ་འམ།། དེ་བཞིན་ལོ ་ནི་རེ་ར་ལ། ། ཅི་མངོན་མངོན་འདོད་བསྒྲུབ་པར་བྱ།། ཅི་རྙེད་པ་དང་ཅི་བདེ་བས།། རས་ལ་བཅོམ་ལྡན་བྲི་བར་བྱ།། ཀུན་བདག་དམ་ཚིག་དབང་ཕྱུག་སྟེ།། གང་ཞིག་བྲིས་པར་གྱུར་ན་ནི།། ་མཆོག་ཏུ་རྟག་པའི་ཐར་པ་ཐོབ།། བཞད་པ་དང་བཅས་ཟླ་བའི་འོད།། སྣ་ཚོགས་པདྨའི་འོད་འབར་བ།། སངས་རྒྱས་ཀུན་གྱི་དབང་བསྐུར་སོགས།། སྣ་ཚོགས་རྒྱན་དང་ན་བཟའ་ལྡན།། ་སེམས་དཔའི་སྐྱིལ་མོ་ཀྲུང་གིས་བཞུགས།། རྡོ་རྗེ་བསྙེམས་པའི་མཆོག་འཆང་བ།། གཡོན་པ་དྲིལ་བུ་མཆོག་བསྙེམས་པ།། རྡོ་རྗེ་སེམས་དཔའ་རབ་ཏུ་བརྟག། དེ་ཡི་ལོགས་ན་བཞུགས་པ ་རྣམས། ། དེ་ཡི་འོད་ཀྱི་དཀྱིལ་འཁོར་བརྟེན།། རབ་ཏུ་དགའ་བ་བདེ་བའི་སྐུ།། གསང་བ་ཆེན་པོ་དགོད་པར་བྱ།། དང་པོ་པདྨ་ལྟར་དཀར་དམར།། གཞན་ནི་པ་ལ་ཤ་ལྟར་དཀར།། གཞན་ནི ་ཨུཏྤལ་འདབ་ལྟར་སྔོ། ། རྡོ་རྗེ་བསྙེམས་མ་སེར་པོ་འཛིན།། དང་པོ་དང་ནི་གཉིས་པ་དག། གཡས་ཀྱི་ལོགས་ལ་བརྟེན་པ་སྟེ།། གསུམ་པ་དང་ནི་བཞི་པ་དག། གཡོན་གྱི་ལོགས་སུ་བཞི་པ་ཡིན།། ་རྡོ་རྗེ་ཀཱི་ལ་ཀཱི་ལ་མ།། དབུས་ཀྱི་རང་ལྷ་དགྱེས་པར་སྤྲོ།། དེ་ཡི་ལོགས་ལ་རྡོ་རྗེ་ཆེ།། མདའ་ནི་གསོར་བ་ལ་བརྩོན་པ།། བསྙེམས་པའི་ཕྱག་གིས་ཡོངས་འཁྱུད་པའི།། ཆུ་སྲིན་རྒྱལ་མཚན་བསྒྲེང ་དང་བཅས། ། དེ་ཡི་ལོགས་ན་བཞད་དང་བཅས།། མཆོད་པས་བདག་པོ་ལ་བལྟ་བ།། སངས་རྒྱས་རིན་ཆེན་དབང་བསྐུར་མཚན།། ཐམས་ཅད་སྤྱན་གྱི་ཕྱག་རྒྱ་གཟིགས།། རང་ལ་བདག་གི ་ཐུགས་གཏད་པ། ། ཟུར་དུ་ལྟ་ཞིང་བཞུགས་པའོ།། རས་རིས་འདི་ནི་མཐོང་བ་ཡིས།། རྟག་པའི་བསོད་ནམས་ཐོབ་པར་འགྱུར།། མཆོད་པ་དང་ནི་བརྟག་པ་ཡིས།། མཆོག་ཏུ་དགའ་བའི ་ཐར་པ་ཐོབ། ། ཅེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ལྟར་མཆོག་ཏུ་དགའ་བ་རབ་ཏུ་འདོད་པ་ནི།། མཆོག་ཏུ་དགའ་བ་དམ་པའི་དངོས་གྲུབ་འགྱུར།། གསལ་ཞིང་རྒྱལ ་བའི་རས་རིས་ཆེན་པོ་འདི། ། ཐམས་ཅད་གཟིགས་རྣམས་མཆོད་པ་ཆེན་པོའི་དཔལ་འདིས་རོལ།། འཁོར་ལོ་དེ་ནི་བརྟག་བྱས་ནས།། མཆོག་ཏུ་གསང་བའི་དཀྱིལ་འཁོར་ནི།། རྣམ་པར་དབེན ་པའི་ཁང་པར་རམ། ། ཡང་ན་སྐྱེད་མོས་ཚལ་སོགས་སུ།། དེ་བཞིན་གཤེགས་མཆོག་ཆེན་པོ་ཡི།། རས་རིས་རྒྱལ་པོ་སོགས་ཀྱིས་བརྒྱན།། དྲིལ་བུ་དང་བཅས་ཡིད་དགའ་བའི།། བླ་རེ་ཕུལ ་བས་མཆོག་གྱུར་པའི། ། རྡོ་རྗེ་གླུ་ཡི་མཆོད་ཚོགས་དང་།། གླུ་དང་རོལ་མོ་རྣམ་འཕྲུལ་པ། མེ་ཏོག་སྤོས་སོགས་རབ་སྦྱོར་བ།། མར་མེའི་སྦྱོར་བས་ཡང་དག་མཆོད།། ཁང ་པ་གསུམ་བརྩེགས་དཀྱིལ་འཁོར་དུ། ། མཆོག་གི་གསང་བ་བསྒྲུབ་པར་བྱ།། ཡང་ན་བདག་ཉིད་ཁོ་ན་མཆོག། རང་གི་ལྷག་པའི་ལྷར་བསྒོམ་བྱ།། དེ་ནས་འཁོར་ལོར་མ་ཞུགས་ཀྱང་།། རང་ཉིད ་ཀྱིས་ནི་རྟག་ཞུགས་ནས། ། རྡོ་རྗེ་ཀུན་འཆང་སློབ་དཔོན་ནི།། དངོས་གྲུབ་ཀུན་ལ་གྲུབ་པར་འགྱུར།། རང་ཉིད་ཁྲུས་བྱས་དྲི་ཞིམ་བསྒོས།། ཅི་རྙེད་རྒྱན་དང་གོས་དང་ལྡན།། སྣ་ཚོགས་གོས་ཀྱིས།། ་ཡང་དག་ཀླུབས།། འཕྲེང་བཅས་ཁ་ནི་དྲི་ཞིམ་པ།། རྡོ་རྗེ་སེམས་དཔའི་སྦྱོར་བ་ཡིས།། མེ་ཏོག་སྤོས་དང་དྲི་སྣོད་བཅས།། རྡོ་རྗེ་གླུ་ནི་འདི་དག་གིས།། གར་བྱེད་གྲོང་ཁྱེར་འཇུག་པར་བྱ།། ་དེ་ལ་མཆོག་ཏུ་གསང་བའི་དཔལ་དམ་ཚིག་གསུམ་འཇུག་ལ་མཆོག་ཏུ་གསང་བའི་གླུའི་མཆོད་པ་མཆོག་ཏུ་གྲུབ་པ་འདི་ཡིན་ཏེ། དངོས་གྲུབ་ཀུན་གྱི་བདེ་བ་ཉམས་དགའ་བའི།། ཐར་པའི་གྲོང་དུ ་བཅོམ་ལྡན་བདེ་ཆེན་འཇུག། མཆོག་ཏུ་བདེ་བ་དམ་པའི་དངོས་གྲུབ་ཀྱིས།། ཛཿཧཱུཾ་བཾ་ཧོ་རབ་ཏུ་གྲུབ་པར་མཛོད།། རབ་ཏུ་ཞུགས་ཏེ་གཡོན་པ་ཡིས།། རྡོ་རྗེ་མིག་གིས་མགོན་ལ་འདུད།། གཡོན ་པ་བསྙེམས་པ་ཅུང་ཟད་བཞད། ། བསྟོད་ཅིང་མཛེས་པའི་མིག་གིས་བཙུམས་པ་དེ་ལ་མཆོག་ཏུ་གསང་བ་དམ་པ་དཔལ་དམ་ཚིག་གསུམ་གྱི་ཕྱག་འཚལ་བའི་མེ་ཏོག་གི་སིལ་མ་དོར་བའི་མཆོག་ཏུ ་གསང་བ་རྡོ་རྗེའི་གླུའི་མཆོད་པ་མཆོག་ཏུ་གྲུབ་པ་འདི་ཡིན་ཏེ། མཆོག་ཏུ་བདེ་བའི་སེམས་ནི་རོལ་པར་ལྡན།། སྒེག་པའི་ཕྱག་གིས་བཅོམ་ལྡན་འདས་ལ་འདུད།། ཛཿཧཱུཾ་བཾ་ཧོ་ཧི་ཧི་ཧི་ཧི་ཧི། མགོན ་པོ་སྙིམ་པའི་མེ་ཏོག་བཞེས་སུ་གསོལ། ། དེ་ནས་མེ་ཏོག་སིལ་མདོར།། རྡོ་རྗེ་སེམས་དཔའི་དབང་བསྐུར་བས།། རྡོ་རྗེ་དྲིལ་བུའི་ཕྱག་རྒྱ་དང་།། ལྡན་པའི་འོད་གསལ་སྦྱིན་པར་བྱ།། དེ་ལ ་མཆོག་ཏུ་གསང་བ་དམ་པའི་དཔལ་དམ་ཚིག་གསུམ་གྱི་རྡོ་རྗེ་སེམས་དཔའི་དབང་བསྐུར་བའི་མཆོག་ཏུ་གསང་བའི་རྡོ་རྗེའི་གླུའི་མཆོད་པ་མཆོག་ཏུ་གྲུབ་པ་འདི་ཡིན་ཏེ། ཨོཾ་སངས་རྒྱས་ཀུན་ལྡན ་རིན་ཆེན་མཆོག་གིས་བརྒྱན། ། ལྷ་ཡི་ཅོད་པན་དང་བཅས་ཁྱོད་ལ་འདུད།། རྡོ་རྗེ་འཆང་བདག་རིན་ཆེན་དབང་བསྐུར་བས།། སེམས་དཔའ་ས་མ་ཡ་སྟྭཾ་ཧཱུཾ།། དེ་ཉིད་ཀྱིས་ནི་རྡོ་རྗེ་གཟུང་།། ་ཆོས་ཀྱི་དྲིལ་བུ་དཀྲོལ་བར་བྱ།། དམ་ཚིག་གིས་ནི་ཕྱག་རྒྱ་ཆེར།། བྱིན་གྱིས་བརླབས་ནས་སྙིང་པོ་བཟླས།། རྡོ་རྗེ་ལ་སོགས་ཐོབ་བཟུང་བས།། རྡོ་རྗེ་སེམས་དཔའ་གཉིས་པ་འདྲ།། རྡོ་རྗེ ་ཐམས་ཅད་འཛིན་རྒྱལ་པོ། ། རྡོ་རྗེ་ཅན་གྱིས་བྱིན་གྱིས་བརླབས།། འགྱུར་ཞེས་བྱ་བ་མཆོག་ཏུ་གསང་བ་དམ་པའི་དཔལ་དམ་ཆོག་གསུམ་གྱིས་བདག་ལ་བྱིན་གྱིས་བརླབས་པའི་སྒྲུབ་པ ་གཅིག་པུའི་ཆོ་ག་མཆོག་ཏུ་གྲུབ་པ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། དེ་ནས་འདིར་གྲུབ་བཤད་བྱ་བ།། དངོས་གྲུབ་ཤིན་ཏུ་བརྟག་པ་ཡང་།། གང་གིས་སྒྲུབ་པ་དམ་པ ་དང་། ། སྡིག་ཆེན་བྱེད་པ་རྣམས་ཀྱང་ནི།། རྡོ་རྗེ་སེམས་དཔས་གསུངས་པ་བཞིན།། མ་གྲུབ་རྣམས་ཀྱང་གྲུབ་པར་འགྱུར།། ལུགས་མ་འམ་ནི་བརྡུངས་པ་འམ།། འདུས ་བྱས་པའམ་བྲིས་པ་འམ། ། དང་པོའི་སེམས་དཔའ་བཞུགས་གསོལ་ནས།། དེ་ཡི་མདུན་དུ་ཆོ་ག་བཞིན།། རྟག་ཏུ་རྡོ་རྗེ་དྲིལ་འཆང་ཞིང་།། དངོས་གྲུབ་མཆོག་ནི་བསྒྲུབ་པར་བྱ།། ཐམས ་ཅད་དགུག་དང་མཆོད་པ་ཆེ། ། བདག་བྱིན་རླབ་སོགས་སྒྲུབ་རྣམས་སུ།། དེ་ལ་ཇི་ལྟར་མཆོག་ཏུ་གསང་བ་དམ་པའི་དཔལ་དམ་ཆོག་གསུམ་གྱི་དངོས་གྲུབ་ཐམས་ཅད་དགུག་པའི་རྒྱུད་ནི་འདི་ཡིན ་ཧེ། རང་ལྷག་ལྷ་ཡི་སྦྱོར་བ་ལས།། ཐམས་ཅད་དགུག་པའི་སྦྱོར་བ་ལས།། ཡན་ལག་མཆོག་གི་རོལ་བཅས་པས།། གར་བྱ་ཞིང་ནི་དགུག་པར་བྱ།། དེ་ནས་དེ་བཞིན་གཤེགས ་པ་ཐམས་ཅད་ཀྱི་མཆོག་གི་དངོས་གྲུབ་མཆོག་ཏུ་གསང་བའི་དམ་ཚིག་གི་གླུའི་མཆོད་པ་ནི་འདི་ཡིན་ཏེ། ཛ་མཆོག་དང་པོའི་རྡོ་རྗེ་འཆང་བ་རྡོ་རྗེ་སེམས་དཔའ་བདེ་རྟོག་རབ་ཏུ་དགའ་བ་ཁྱོད་བདག་སངས ་རྒྱས་སོ་སོར་རྟོགས། ། ཧཱུཾ་མཆོག་རྡོ་རྗེ་ལས་ནི་མཆོག་ཏུ་ཟད་མེད་སྲིད་པ་མི་འགྱུར་བདེ་དང་ཡིད་བདེ་དམ་ཚིག་བདག་ལ་དེ་གྲུབ་མཛོད།། བཾ་མཆོག་བདག་གི་སྐུ་འཛིན་རྣལ་འབྱོར་ཐམས་ཅད་རྣམ་རྒྱལ ་བསྒྲེང་བ་རབ་མཆོག་དག་པ་བདེ་བར་འགྱུར་བའི་པདྨའི་རྒྱལ་པོ་ཀྱེ། ། ཧོ་རབ་མཆོག་ནི་མཆོག་གི་དངོས་གྲུབ་དམ་པ་ཐམས་ཅད་དབང་ཕྱུག་དམ་པར་བདག་གྱུར་ཅིག། རྟག་པར་བདག་འཕེལ་ནམ ་མཁའི་སྙིང་པོ་ཁྱོད། ། ཧུ་ལུ་ཧུ་ལུའི་སྒྲུབ་པས་དབབ་པར་མཛོད།། དམ་ཚིག་ཆེན་པོས་ཡང་དག་དགུག་པ་ཁྱོད།། དེ་བཞིན་གཤེགས་པ་ཀུན་གྱི་དམ་ཚིག་སྟེ།། རབ་ཏུ་དགའ་བ་མཆོག་དང་པོ།། ། ་དེ་ལ་མཆོག་ཏུ་གསང་བ་དམ་པའི་དཔལ་དམ་ཚིག་གསུམ་གྱི་དངོས་གྲུབ་ཐམས་ཅད་ཀྱི་མཆོད་པ་ཆེན་པོའི་ཆོ་ག་ཇི་ལྟར་ཡིན། རང་ལྷའི་རྣལ་འབྱོར་ཇི་བཞིན་དུ།། མཆོད་པ་ཀུན་མཆོག་སྐུ ་རྣམས་ཀྱིས། ། རོལ་མོའི་རྣམ་འཕྲུལ་གྱིས་རྗེས་མཆོད།། དེ་ནས་དེ་བཞིན་གཤེགས་པ་ཐམས་ཅད་ཀྱིས་མཆོག་གི་དངོས་གྲུབ་ཀྱི་མཆོད་པ་ཆེན་པོའི་ཆོ་གའི་མཆོག་ཏུ་གསང་བའི་དམ་ཚིག་གི་རྔ ་རྗེའི་གླུའི་མཆོད་པ་ནི་འདི་ཡིན་ཏེ། ཐམས་ཅད་རྗེས་སུ་ཆགས་པ་བདེ་བ་དམ་པའི་ཐུགས།། རྡོ་རྗེ་སེམས་དཔའ་ཁྱོད་ནི་རབ་ཏུ་དགའ་བ་ཡིན།། བདེ་བ་ཆེན་པོ་གསལ་མཐོང་བདག་ལ་བརྟན་གྱུར ་ཅིག། མྱུར་དུ་སོ་སོར་མཁྱེན་ནས་རབ་ཏུ་འདོད་པ་བསྒྲུབས།། དེ་ལ་མཆོག་ཏུ་གསང་བ་དམ་པའི་དཔལ་དམ་ཚིག་གསུམ་གྱི་དངོས་གྲུབ་ཐམས་ཅད་བྱིན་གྱིས་བརླབས་ཀྱིས་སྒྲུབ་པ་ཆེན་པོ་ཛ ་ལྷར་ཡིན། རང་ལྷའི་སྦྱོར་བ་ཇི་བཞིན་དུ།། ཕྱག་རྒྱ་ཀུན་གྱིས་བྱིན་བརླབས་པས།། དེ་ཉིད་ཆེན་པོའི་མཆོག་གིས་ནི།། རང་ཉིད་བསྒྲུབས་ཏེ་སྙིང་པོ་བཟླ།། དེ་ནས་དེ་བཞིན་གཤེགས ་པ་ཐམས་ཅད་ཀྱི་མཆོག་གི་དངོས་གྲུབ་བྱིན་གྱིས་བརླབས་པའི་གསང་བ་ཆེན་པོའི་དམ་ཚིག་གི་རྡོ་རྗེའི་གླུའི་མཆོད་པ་མཆོག་ཏུ་གྲུབ་པ་ནི་འདི་ཡིན་ཏེ། ཨོཾ། ནམ་མཁའ་སྐྱེ་བ་མཚན་ལྡན་ཕྱིར།། ་ཐོག་མ་ཐ་མ་མེད་པའི་མཆོག། སེམས་དཔའ་རྡོ་རྗེ་ཆེ་རང་བཞིན།། རྡོ་རྗེ་སེམས་དཔའ་རྡོ་རྗེ་ཆེ་རང་བཞིན།། རྡོ་རྗེ་སེམས་དཔའ་བདག་གྲུབ་མཛོད།། ཀུན་མཆོག་དངོས་གྲུབ ་ཆེན་པོ་སྟེ། ། དབང་ཕྱུག་ཆེན་པོ་ལྷག་པའི་ལྷ།། རྡོ་རྗེ་འཛིན་པ་ཀུན་གྱི་རྒྱལ།། མི་འགྱུར་མཆོག་ཏུ་བདག་གྲུབ་མཛོད།། ཉེས་པ་མི་མངའ་རྟག་པ་ཁྱོད།། འདོད་ཆགས་ཀྱིས་ནི་རྗེས་ཆགས་པ།། ་འདོད་པ་ཆེན་པོ་དགའ་བ་ཆེ།། བཅོམ་ལྡན་དེ་ཉིད་ཀྱིས་གྲུབ་མཛོད།། ཤིན་ཏུ་དག་པ་ཀུན་གྱི་མཆོག། གདོད་ནས་གྲོལ་བ་དེ་བཞིན་གཤེགས།། ཀུན་ཏུ་བཟང་པོ་ཀུན་བདག་ཉིད།། བྱང ་ཆུབ་སེམས་དཔར་བདག་གྲུབ་མཛོད། ། དངོས་གྲུབ་ཆེན་པོ་ཀུན་གྱི་མཆོག། དབང་ཕྱུག་ཆེན་པོ་ཕྱག་རྒྱའི་མཆོག། གྲུབ་པའི་རྡོ་རྗེ་ཆེར་བསྐྱོད་པས།། རྡོ་རྗེ་བསྙེམས་བདག་བདག་མཛོད་ཅིག། ་དཔལ་མཆོག་དང་པོའི་བཅོམ་ལྡན་ཁྱོད།། གང་གིས་དོན་དང་གླུ་ཡིས་བསྟོད།། དེ་ནི་དངོས་གྲུབ་ཀུན་གྱི་མཆོག། དབང་ཕྱུག་ཆེན་པོ་ཉིད་གྲུབ་འགྱུར།། ཞེས་བྱ་བ་མཆོག་གི་དེ་ཁོ་ན་ཉིད་ཀྱིས ་མཆོག་ཏུ་གསང་བའི་གླུ་ཆེན་པོ་མཆོག་ཏུ་གྲུབ་པ་བཅོམ་ལྡན་འདས་རྡོ་རྗེ་འཆང་གིས་གསུངས་སོ། ། དངོས་གྲུབ་ཆོ་ག་འདི་ཡིས་ནི།། རྡོ་རྗེ་སེམས་དཔའ་ཡང་དག་རྟོགས།། ཀུན་མཆོག་དངོས་གྲུབ ་ཆེན་པོ་ཡི། ། དབང་ཕྱུག་ཉིད་ནི་རབ་སྒྲུབ་པའོ།། ཀུན་ནས་འོད་ཟེར་སྟོན་སོགས་དང་།། སོ་སོར་སྟོན་པའི་རྨད་བྱུང་རྣམས།། རྡོ་རྗེ་ཚིག་གིས་རང་ལྷ་ལས།། ངོ་མཚར་གྱུར་རྣམས་མཐོང་བར ་གྱུར། ། རྟོག་པ་ཀུན་གྱིས་སྣ་ཚོགས་ཆེ།། དངོས་གྲུབ་དབང་ཕྱུག་བདེ་རྣམས་ཀྱིས།། མྱུར་དུ་རང་གིས་བྱིན་བརླབས་པས།། རྡོ་རྗེ་སློབ་དཔོན་གྱིས་ཐོབ་བོ།། ཞེས་བྱ་བ་བཅོམ་ལྡན་འདས ་རྡོ་རྗེ་སེམས་དཔའ་མཆོག་དང་པོས་གསུངས་སོ། ། དེ་ལ་མཆོག་ཏུ་གསང་བ་དམ་པའི་དཔལ་དམ་ཚིག་གི་ལྷ་ཐམས་ཅད་ཀྱིས་བདག་ལ་བྱིན་གྱིས་བརླབ་པའི་སྒྲུབ་པ་ཆེན་པོའི་རྒྱུད་ཇི་ལྟར་ཡིན། ་རང་ལྷ་རྣལ་འབྱོར་ཇི་བཞིན་དུ།། ལྷ་ཀུན་བདག་ཉིད་སྐུ་རྣམས་ཀྱིས།། རང་ལྷ་རྣལ་འབྱོར་བདག་ཉིད་ཀྱིས།། རང་ལྷག་ལྷ་ཉིད་བསྒྲུབ་པར་བྱ།། དེ་ནས་མཆོག་ཏུ་གསང་བ་དམ་པའི ་ད་པལ་དམ་ཚིག་གསུམ་གྱི་ཀུན་མཆོག་དངོས་གྲུབ་ཆེན་པོའི་དབང་ཕྱུག་ཆེན་པོའི་བདག་ཉིད་ལ་སོགས་པའི་དངོས་གྲུབ་ཐམས་ཅད་ཀྱི་ལས་ཀྱི་ཚོགས་མཆོག་ཏུ་མི་འགྱུར་བ་དམ་པ་བླ་ན་མེད་པའི ་དགའ་བ་དང་། རབ་ཏུ་དགའ་བ་བདེ་བ་དམ་པ་དང་། ཡིད་བདེ་བ་ཐམས་ཅད་ཀྱི་དངོས་གྲུབ་དམ་པའི་ཆོ་ག་རྒྱས་པ་རྗེས་སུ་སྒྲུབ་པ་ནི་འདི་ཡིན་ཏེ། རང་ལྷའི་རྣལ་འབྱོར་ཇི་བཞིན་དུ།། ་རྡོ་རྗེ་ཀུན་མཆོག་སྐུ་རྣམས་ཀྱིས།། གླུ་དང་རོལ་མོའི་ཆོ་ག་ནི།། རྡོ་རྗེ་ཉིད་ཀྱིས་རྗེས་ཆགས་འགྱུར།། རང་ལྷའི་སྦྱོར་བ་ཇི་བཞིན་དུ།། དབྱངས་ཀྱི་རྩ་བ་རྣམས་སད་པས།། གླུ ་དང་རོལ་མོའི་ཆོ་ག་ནི། ། དྲིལ་བུ་ཉིད་ཀྱིས་རྗེས་སུ་བརྗོད།། རང་ལྷའི་སྦྱོར་བ་ཇི་བཞིན་དུ།། སྣ་ཚོགས་ཕྱག་རྒྱའི་བདག་པོ་མཆོག། གླུ་དང་རོལ་མོའི་ཆོ་ག་ནི།། དམ་ཚིག་གིས་ནི་རྗེས ་བསྒྲུབ་བྱ། ། དེ་ཡི་རྟོག་པ་ཐམས་ཅད་ལ།། རྡོ་རྗེ་འབེབས་པ་རབ་སད་ནས།། རང་གི་ལྷ་ཡི་དམ་ཚིག་ནི།། ཐམས་ཅད་གཞི་འགྱུར་འགྲུབ་པར་འགྱུར།། མཆོག་ཏུ་གསང ་བ་དམ་པའི་དཔལ་དམ་ཚིག་གསུམ་གྱི་གླུ་ཆེན་པོ་དང་རོལ་མོའི་ཆོ་ག་མཆོག་ཏུ་གསང་བ་མཆོག་ཏུ་གྲུབ་པ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། དེ་ནས་དེ་རྗེས་གནས་ཇི་བཞིན།། ་ཅི་རྙེད་པ་ནི་ཅི་བདེ་བས།། མེ་ཏོག་སྤོས་ཀྱིས་མཆོད་ནས་ནི།། ཁང་པ་འམ་སྐྱེད་མོས་ཚལ་སོགས་སུ།། བདག་ཉིད་ཅི་འདོད་རབ་བསྒྲུབས་ནས།། ཅི་རྙེད་རྒྱན་དང་གོས་དང་ལྡན།། སྣ་ཚོག ་གོས་ཀྱིས་ཡང་དག་ཀླུབས། ། མེ་ཏོག་འཕྲེང་བཅས་ཁ་དྲི་ཞིམ།། ལུགས་མ་འམ་ནི་བརྡུངས་པའམ།། འདུས་པ་འམ་ནི་རི་མོར་བྲི།། དང་པོའི་འཁོར་ལོ་དེ་མདུན་དུ།། ཆོ་ག་བཞིན་དུ ་བཞུགས་གསོལ་ནས། ། རང་ལྷའི་རྣལ་འབྱོར་ཇི་བཞིན་དུ།། རྡོ་རྗེ་དྲིལ་བུ་རབ་སད་པས།། ཐམས་ཅད་དགུག་དང་མཆོད་པ་ཆེ།། བདག་བྱིན་རླབ་སོགས་བསྒྲུབ་པར་བྱ།། སྔོན་དུ་ལན ་ཅིག་བསྒྲུབས་བྱས་ནས། ། དེ་ནས་དེ་རྗེས་ཅི་འདོད་པ།། ཅི་འདོད་ཅི་སྤྱོད་ཅི་སྨྲས་པ།། ཐམས་ཅད་བཟའ་ཞིང་ཐམས་ཅད་བྱེད།། ལངས་པའམ་ནི་འདུག་པ་འམ།། རབ་ཏུ་དགོད ་དམ་སྨྲ་བ་འམ། ། ཇི་བཞིན་དེ་བཞིན་དེ་དང་དེར།། ཅི་འདོད་པར་ནི་ཇི་བཞིན་བཞག། གསང་བ་མཆོག་གི་འཁོར་ལོ་ནོ།། མེ་ཏོག་སོགས་ཀྱིས་མཆོད་ནས་ནི།། ཇི་བཞིན་དུ་ནི་རྗེས ་བསྒྲུབ་བྱ། ། འདིས་ནི་འདོད་པ་ཀུན་དབང་ཕྱུག། འགྲོ་དང་འོད་དང་འདོད་ན་འཕུར།། དངོས་གྲུབ་ཀུན་གྱི་དབང་ཕྱུག་འགྲུབ།། རྒ་ཤི་མེད་པའི་གཙོ་བོར་འགྱུར།། རྡོ་རྗེ་སེམས་དཔའ ་གྲུབ་ཆེན་པོ། ། ཕྱག་རྒྱ་ཀུན་གྱིས་དབང་ཕྱུག་བདག། རྡོ་རྗེ་ཀུན་འཛིན་རྒྱལ་པོ་ནི།། རྡོ་རྗེ་མཚོན་ཆ་ཐམས་ཅད་འཛིན།། མི་ཐུབ་པ་དང་མི་སོད་ཅིང་།། ཐམས་ཅད་བྱེད་ཅིང་ཀུན་གྱི་རྟེན།། ་སེམས་ན་ཀུན་གྱི་རྒྱལ་པོ་ཆེ།། ཚར་གཙང་རྗེས་སུ་བཟུང་བར་ནུས།། ཀུན་མཆོག་རྗེས་སུ་ཆགས་པ་ཆེ།། འདོད་པ་གྲུབ་པ་བདེ་བ་མཆོག། ཀུན་ལས་རྣམ་རྒྱལ་གྲུབ་འགྱུར་ཏེ།། ཀུན ་མཆོག་དབང་ཕྱུག་དམ་པ་ཡིན། ། དངོས་གྲུབ་ཆེན་པོ་ཀུན་གྱི་མཆོག། དབང་ཕྱུག་ཆེན་པོའི་གོ་འཕང་ནས།། རྒྱལ་པོ་རྡོ་རྗེ་ཀུན་འཛིན་པ།། སངས་རྒྱས་ཐམས་ཅད་རབ་འགྲུབ་འགྱུར།། ་དེ་ལྟར་མཆོག་ཏུ་རྗེས་ཆགས་དགའ་བ་པདྨའི་ར་བ་ཆེ།། མཆོག་ཏུ་གསང་བ་གྲུབ་པའི་བླ་ན་མེད་པའི་དངོས་གྲུབ་སྩོལ།། མཆོག་ཀྱི་རྒྱལ་མཚན་བསྒྲེང་བས་གང་ཞིག་རྗེས་སུ་བསྟན་པ ་སྟེ། མཆོག་གི་དངོས་གྲུབ་དབང་ཕྱུག་ཆེན་པོ་ཉིད་དེས་ཉམས་མྱོང་བ།། ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དཔལ་མཆོག་དང་པོ་ལས། གསང་བ་ཆེན ་པོ་དམ་པའི་དཔལ་དམ་ཚིག་གསུམ་དང་། དངོས་གྲུབ་ཐམས་ཅད་དགུག་པ་དང་། མཆོད་པ་ཆེན་པོ་དང་། བདག་ལ་བྱིན་གྱིས་བརླབ་པ་ལ་སོགས་པའི་སྒྲུབ་པའི་ཆོ་ག་རྒྱས་པའོ།། ་གསང་བ་མཆོག་གི་དགྱེས་པ་དང་།། སངས་རྒྱས་ཀུན་གྱིས་རྗེས་བརྟེན་པ།། རྡོ་རྗེ་སེམས་དཔའ་རང་གི་གནས།། ཐམས་ཅད་བདག་ཉིད་རྟག་ཏུ་བཞུགས།། ཐོག་མཐའ། ་མེད་པའི་སེམས་དཔའ་ནི།། རྡོ་རྗེ་སེམས་དཔའ་དགའ་བ་ཆེ།། ཀུན་ཏུ་བཟང་པོ་ཀུན་བདག་ཉིད།། རྡོ་རྗེ་བསྙེམས་ཚུལ་བདག་པོའི་བདག། འདི་ནི་རང་བྱུང་བཅོམ་ལྡན་འདས།། ལྷག ་པའི་ལྷ་ནི་གཅིག་པུ་ཉིད། ། ཅེས་བྱ་བ་གྲུབ་པར་འགྱུར་རོ།། དེ་ལྷར་མཆོག་ཏུ་རྗེས་ཆགས་དགའ་བ་པདྨར་ཆེ།། མཆོག་ཏུ་བསྔགས་པ་བླ་ན་མེད་པའི་དངོས་གྲུབ་སྩོལ།། མཆོག་གི ་རྒྱལ་མཚན་བསྒྲེང་བ་གང་ཞིག་རྗེས་སུ་བསྟན་པ་སྟེ། ། མཆོག་གི་དངོས་གྲུབ་བདེ་བ་ཆེན་པོ་ཉིད་དེས་ཉམས་མྱོང་བ།། ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། ་དཔལ་མཆོག་དང་པོ་ལས། དགའ་བ་ཆེན་པོའི་དཔལ་རྡོ་རྗེ་དོན་ཡོད་པའི་དགའ་བའི་དམ་ཚིག་རྣལ་འབྱོར་ཐམས་ཅད་ཀྱི་དབང་ཕྱུག་དེ་བཞིན་གཤེགས་པ་ཐམས་ཅད་ཀྱི་དཔལ་རང་གི་དམ ་ཚིག་གི་དཀྱིལ་འཁོར་མཆོག་ཏུ་གསང་བའི་ཡོངས་སུ་རྫོགས་སོ། ། །། དེ་ནས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་ཆེན་པོའི་སློབ་མའི་ཆོ་ག་རྒྱས་པ་རྗེས་སུ་བཟུང ་བ་བཤད་པར་བྱའོ་ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། དེ་ལ་དང་པོར་ཁོ་ནར་རེ་ཞིག་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་དམ་པའི་སྔགས་འདིས ་ཅིག་བརྗོད་པས་སེམས་བསྐྱེད་དུ་བཅུག་སྟེ། ཨོཾ་སརྦ་ཡོ་ག་ཙཧྞ་ཨུད་པཱ་དཱ་ཡཱ་མི། འདི་བརྗོད་པ་ཙམ་གྱིས་དེ་བཞིན་གཤེགས་པ་ཐམས་ཅད་དང་མི་འབྲལ་ཞིང་ལྡོག་པ་དང་། བདུད་ཐམས ་ཅད་ཟིལ་གྱིས་གནོན་པའི་ཕྱག་རྒྱ་བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཉིད་དུའང་རྟོགས་པར་བྱའོ་ཞེས་བྱས་གསུངས་སོ། ། བྱང་ཆུབ་སེམས་ནི་བླ་མེད་པ།། མཆོག་ཏུ་བསྐྱེད ་པར་བྱས་ནས་ནི། ། བྱང་ཆུབ་སེམས་ནི་བཞག་ནས་ནི།། སུ་ར་ཏ་ས་མ་ཡ་སྟྭཾ་ཧོ། འདི་ཡིས་རྡོ་རྗེ་བསྐུལ་བ་ན།། འདོད་པ་ཀུན་ལས་འགྲུབ་པར་འགྱུར།། དེ་ཉིད་བསྐུལ་བའི་མྱུར་དུ་ནི།། ་བྱང་ཆུབ་སེམས་ནི་བླ་མེད་པ།། ཀུན་མཆོག་དངོས་གྲུབ་ཆེན་པོའི་ཕྱིར།། རྡོ་རྗེ་སེམས་དཔའ་ཉིད་དུ་འགྱུར།། ཞེས་བྱ་བའི་མཆོག་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། ་གར་བྱས་སྤྱི་བོར་ཐལ་མོ་སྦྱར།། གོས་ཀྱིས་གདོང་ནི་གཡོགས་པ་རྣམས།། ཅི་འདོད་དངོས་གྲུབ་འདོད་པ་ཡིས།། སློབ་མ་ཐམས་ཅད་གཞུག་པར་བྱ།། ཅི་འདོད་དངོས་གྲུབ་སེམས ་པ་ཡིས། ། སློབ་མ་མེ་ཏོག་དོར་དུ་གཞུག། ཕྱག་རྒྱ་གང་ལ་དེ་བཅས་པའོ།། དེ་དེའི་ལྷ་མོ་བསྒྲུབ་པར་བྱ།། དེ་ནས་གདོང་གཡོགས་བཀྲོལ་བྱས་ལ།། རྣམ་པ་ཀུན་གྱི་ཡོན་བླངས ་ནས། སངས་རྒྱས་རིན་ཆེན་དབང་བསྐུར་གྱིས།། དམ་ཚིག་གསུམ་ནི་གསལ་བར་སྦྱིན།། དེ་ལ་རྡོ་རྗེ་ཆེན་པོ་མནའི་ཆུས་དབང་བསྐུར་ཏེ་འདི་ལྷར་བརྗོད་པར་བྱའོ།། འདི་ནི་ཁྱོད་ཀྱི ་དམྱལ་བའི་ཆུས། ། དམ་ཚིག་འདས་ན་སྲེག་པར་བྱེད།། དམ་ཚིག་བསྲུངས་ན་དངོས་གྲུབ་ནི།། རྡོ་རྗེ་བདུད་རྩིའི་ཆུ་འདིས་འགྲུབ།། རྡོ་རྗེ་དྲིལ་བུའི་ཕྱག་རྒྱ་ནི།། གས ་ཏེ་དཀྱིལ་འཁོར་མ་མཐོང་སྨྲས། ། སྐྱེ་བོ་འདུས་པའི་ནང་ན་གནས།། དད་པ་མེད་པས་བཞད་གད་མོད།། ཅེས་བྱ་བས་མནའ་བསྒག་གོ།། དེ་ལ་སངས་རྒྱས་ཀྱི་རིན་པོ་ཆེའི་དབང་བསྐུར ་བའི་མཆོག་ནི་འདི་ཡིན་ཏེ། རྡོ་རྗེ་ཆུ་ཡིས་དབང་བསྐུར་ནས་དེ་བཞིན་གཤེགས་པ་ཐམས་ཅད་ཀྱི་སྐུའི་མཆོག་དབང་བསྐུར་བའི་གནས་སུ་བཞག་སྟེ། ཨོཾ་སརྦ་ཏ་ཐཱ་ག་ཧ་མ་ཧཱ་ས་མ་ཡ་ཨ་དྷི ་པ་ཏི་སྟྭཾ་ཨ་བྷི་ཥིཉྩཱ་མི་མ་ཧཱ་བཛྲ་དྷ་ར་ཞེས་བྱ་བའི་སྔགས་འདིས་རྡོ་རྗེ་ལག་ཏུ་སྦྱིན་པར་བྱའོ། ། འདི་ནི་སངས་རྒྱས་ཐམས་ཅད་ཉིད།། རྡོ་རྗེ་འཆང་གི་རྡོ་རྗེ་སྟེ།། རྡོ་རྗེ་འཆང་གི་བརྟུལ་ཞུགས ་ཆེཚེ། ། ཁྱོད་ཀྱིས་ཀྱང་ནི་རྟག་ཏུ་བཅང་།། དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་མཆོག་གི་སེམས་ཆེན་པོ་ཡོངས་སུ་མི་སྤང་བར་རྟག་ཏུ་སྒྲུབ་པ་ཤིན་ཏུ་གསང་བ་དེ་འདི་ཡིན་ཏེ། ་ཨོཾ་བཛྲ་ཀརྨ་པཱ་དྷི་དྷི་ཤྲཱི་བཛྲ་ནཱ་མ་སིད་དྷི་ས་མ་ཡ་སྟཾ་བྷུར་བྷུ་བཿསྭཿགང་ལ་རྡོ་རྗེའི་མིང་བཏགས་པ་དེ་ལ་ཀྱེའི་སྒྲ་དང་པོར་སྦྱར་བར་བྱའོ།། དེའི་མིང་དེའང་ཇི་སྲིད་བྱང་ཆུབ་སྙིང་པོ་མཐར་ཐུག་པའི ་བར་གྱི་དེ་བཞིན་གཤེགས་པའི་ཡང་མིང་དུ་འགྱུར་རོ། ། དེ་ལ་མཆོག་ཏུ་གསང་བ་དམ་པའི་དཔལ་དམ་ཚིག་གསུམ་སྦྱིན་པ་ནི་འདི་ཡིན་ཏེ། ཐོག་མཐའ་མེད་པའི་སེམས་དཔའ་ནི།། རྡོ་རྗེ་སེམས ་དཔའ་དགའ་བ་ཆེ། ། ཀུན་ཏུ་བཟང་པོ་ཀུན་བདག་ཉིད།། རྡོ་རྗེ་བསྙེམས་ཚུལ་བདག་པོའི་བདག། ཅེས་བྱ་བ་བཅོམ་ལྡན་འདས་དཔལ་མཆོག་དང་པོའི་སྐྱེས་བུ་མཆོག་གི་དེ་ཁོ་ན་ཉིད་ཀྱི ་གསང་བ་ལྔའི་དེ་ཁོ་ན་ཉིད་བཤད་པར་བྱས་ནས་རྡོ་རྗེ་སྦྱིན་པར་བྱའོ། ། འདི་བཅོམ་ལྡན་འདས་སྲིད་པའི་བདག་པོ་དམ་པ་ཀུན་གྱི་མཆོག། དབང་ཕྱུག་གི་དམ་པ་དེ་བཞིན་གཤེགས་པ་དེ ་ཉིད་ཆོས་ཀྱི་མཆོག་གི་བཀའ་ཡང་དག་པར་མཛད་པ་ནི། སྲིད་པའི་རང་བཞིན་གྱི་ནི་དག། རང་བཞིན་གྱིས་ནི་སྲིད་བྲལ་བྱས།། རང་བཞིན་དག་པའི་སེམས་དཔའ་མཆོག། སྲིད་པའི་མཆོག ་ནི་མཛད་པ་ཡིན། ། མཆོག་ཏུ་གསང་བའི་ཆོས་ཉིད་འབེབས་པ་ནི་དྲིལ་བུའོ།། དེ་བཞིན་གཤེགས་པ་ཐམས་ཅད་ལ་མཆོད་པ་བྱ་བ་འམ་ལྷ་སྒྲུབ་པ་དགྲོལ་བར་བྱའོ།། དེ་ནས་ཆོས་ཐམས ་ཅད་ཀྱི་དེ་ཁོ་ན་ཉིད་རབ་ཏུ་སད་པའི་ཕབ་པ་རྣམས་ཀྱིས་སྒྲིབ་པ་ཐམས་ཅད་རྣམ་པར་དག་པར་བྱེད་པ་ཡིན་ནོ། ། རྡོ་རྗེ་ཐམས་ཅད་འབེབས་པར་བྱེད་པ་དང་། རབ་ཏུ་སྒྲུབ་པར་བྱེད་པ་དང་། ་དབང་དུ་བྱེད་པ་དང་། རབ་ཏུ་དང་བར་བྱེད་པ་ཞེས་བྱ་བ་སྒྲུབ་པར་འགྱུར་རོ།། དེ་ནས་སྲིད་པ་དག་པའི་ཐབས་ཀྱི་མཆོག་རྟོག་པ་ཐམས་ཅད་ཀྱི་གསང་བ་ཆེན་པོ་དམ་ཚིག་ལ་རྟག་ཏུ་བརྟེན ་པར་བྱའོ་ཞེས་བྱ་བའོ། ། དེ་ལ་འདི་ནི་དེང་ཁྱོད་ཀྱི།། སྲིད་བདེ་ཤིན་ཏུ་གྱུར་པ་ནི།། སྡུག་བསྔལ་ཆེན་པོ་དག་བྱའི་ཕྱིར།། ཤིན་ཏུ་བདེ་བ་དམ་པའི་ཐབས།། དམ་ཚིག་འདི་ནི་རྟག ་ཏུ་བསྐྱེད། ། འདོད་པའི་ལོངས་སྤྱོད་ཐམས་ཅད་ལ།། ཅི་འདོད་པར་ནི་རྟེན་བཞིན་དུ།། རང་གི་ལྷ་ཡི་སྦྱོར་བ་ཡིས།། བདག་དང་གཞན་ལ་མཆོད་པར་བྱ།། དེ་བཞིན ་གཤེགས་པ་ཐམས་ཅད་ཀྱི་བླ་ན་མེད་པའི་མཆོག་ཏུ་གསང་བའི་ཐེག་པ་ཆེན་པོའི་ཡང་ཆེན་པོ་དམ་ཚིག་གི་སྦྱོར་བ་ནི་བཅོམ་ལྡན་འདས་དམ་ཚིག་གོ། ། འདི་ལྟར། དེ་བཞིན་གཤེགས་པ ་ཀུན་གྱིས་ཀྱང་། ། འདའ་བ་རུ་ནི་མི་མཛད་པས།། ཕྱག་རྒྱའི་དམ་ཚིག་ཅེས་ནི་བསྒྲགས།། ཡིད་ཀྱི་སྐུ་ནི་བརྟན་ཕྱིར་རོ།། ཞེས་བྱ་བ་མཆོག་ཏུ་གསང་བ་བཅོམ་ལྡན་འདས་རྡོ་རྗེ་སེམས ་དཔས་གསུངས་སོ། ། དེ་ལ་འདི་བརྗོད་པར་བྱ་སྟེ། ཇི་སྲིད་འཁོར་བའི་གནས་སུ་ནི།། མཁས་མཆོག་འདུག་པར་གྱུར་པའི་ཚེ།། ཇི་སྲིད་མཚུངས་མེད་སེམས་ཅན་དོན།། མྱ་ངན ་མི་འདའ་བྱེད་པར་ནུས། ། གསང་བ་དམ་པ་དམ་ཚིག་ཐབས།། བསོད་ནམས་བྱིན་གྱིས་བརླབས་བསྒྲུབས་པ།། རྟག་ཏུ་དངོས་གྲུབ་ཀུན་དབང་ཕྱུག། སེམས་ཅན་དོན་ནི་བྱེད་པ་ཡིན། ་དམ་ཚིག་འདིས་ནི་བདག་སྒྲུབ་ཅིང་།། ཅི་བདེ་བར་ནི་སྒྲུབ་བྱེད་པ།། ཉེས་པ་སྤྱད་ཀྱང་སྡིག་ཀུན་གྱིས།། རྣམ་པ་ཀུན་ཏུ་གནོད་མི་འགྱུར།། འདོད་པ་ཆེན་པོ་སྒྲུབ་པར་འགྱུར།། ཀུན ་བདག་དམ་ཚིག་དབང་ཕྱུག་དང་། ། ཐམས་ཅད་རྡོ་རྗེ་འཛིན་རྒྱལ་པོ།། ཀུན་མཆོག་དབང་ཕྱུག་དམ་པའོ།། ལས་ཀྱི་ཚོགས་ཀྱི་དངོས་གྲུབ་ཀྱིས།། མ་ལུས་བསྒྲུབས་པས་འགྲུབ་པར ་འགྱུར། ། བདག་གཞན་ཐམས་ཅད་རྒྱས་བཏབ་པས།། ཡང་ན་བསྒྲུབ་བྱ་ཀུན་ལ་ཡང་།། དོན་ཡོད་མཆོག་ཏུ་གྲུབ་པར་འགྱུར།། རྣལ་འབྱོར་ཐམས་ཅད་རྗེས་སྒྲུབ་བྱེད།། དཔལ་ལྡན ་སྡུག་བསྔལ་ཀུན་འཕྲོག་བྱེད། ། དམ་ཚིག་འདི་ནི་འདའ་བར་དཀའ་བའོ།། ཞེས་བྱ་བ་མཆོག་ཏུ་གསང་བ་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ།། རྡོ་རྗེ་ལ་སོགས་ཐོབ ་འཛིན་པས། ། དངོས་པོ་ཀུན་གྱི་བདེ་བ་ཀུན།། ཕབ་པས་རྡོ་རྗེ་སློབ་མ་ཡིས།། དཀྱིལ་འཁོར་དུ་ནི་ཉམས་སུ་མྱོང་།། དེ་ནས་ཐམས་ཅད་གཟེངས་བསྟོད་པས།། སངས་རྒྱས་ཀུན་གྱིས་བདག ་ཉིད་དངོས། ། རྡོ་རྗེ་མིང་གིས་དབང་བསྐུར་བས།། དེ་བཞིན་གཤེགས་ནི་ལུང་བསྟན་བྱ།། དེ་ལ་དེ་བཞིན་གཤེགས་པ་ཐམས་ཅད་ཀྱིས་ལུང་བསྐྲུན་པའི་རྡོ་རྗེ་སེམས་དཔའི་ཆོ་ག་འདི་ཡིན་ཏེ།། སངས ་རྒྱས་ཀུན་གྱིས་བསྟན་པ་ཆེ། ། གཟེངས་བསྟོད་པ་ཡིས་གང་ལུང་བསྟན།། དེ་ནི་སངས་རྒྱས་ཐམས་ཅད་ཉིད།། རྡོ་རྗེ་མིང་གིས་དབང་བསྐུར་བའོ།། ཨོཾ། འདི་ནི་ངས་ཁྱོད་ལུང་བསྟན་ཏེ།། རྡོ་རྗེ ་སེམས་དཔའ་དེ་བཞིན་གཤེགས། ། སྲིད་པ་ཤིན་ཏུ་གྲུབ་པའི་ཕྱིར།། སྲིད་པའི་ངན་འགྲོ་ལས་ཁྱོད་བཏོན།། ཧེ་བཛྲ་ནཱ་མཿ། ཏ་ཐཱ་ག་ཏ་སིདྡྷི་ས་མ་ཡ་སྟྭཾ་བྷུར་བྷུ་བཿསྭཿགང་ལ་གཟེངས་བསྟོད་པ་འདི་དང་། ་ཕྱག་རྒྱ་ཆེན་པོས་ལུང་བསྟན་མཆོག་ཏུ་གསང་བའི་ཆོ་གས་བྱས་པ་དེ་ལ་རྡོ་རྗེ་སེམས་དཔའ་ལ་སོགས་པའི་དེ་བཞིན་གཤེགས་པ་ཐམས་ཅད་དང་། རྡོ་རྗེ་འཆང་དང་བཅས་པའི་བྱང་ཆུབ་སེམས ་ད་པའི་དཀྱིལ་འཁོར་དང་བཅས་པ་དེ་བཞིན་གཤེགས་པ་ཐམས་ཅད་ཀྱིས་རང་གི་དམ་ཚིག་གི་སློབ་དཔོན་རྣམས་དང་མགྲིན་གཅིག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ ་ཏུ་ལུང་བསྟན་པར་མཛད་དོ། ། འདི་ལྟ་སྟེ། གཟེངས་བསྟོད་པ་འདི་ཉིད་ཀྱི་ཕྱག་རྒྱ་ཆེན་པོ་དང་། མཆོག་ཏུ་གསང་བ་དམ་པའི་དངོས་གྲུབ་ཀྱི་བྱིན་གྱིས་བརླབས་པ་འདི་དང་། སྔགས་ཀྱི་སྟོབས་ལས ་དད་པར་བྱའོ། ། དེ་ན་ཇི་ལྟ་བ་བཞིན་དུ་ཞུགས་པ་རྣམས་ལ་དེ་བཞིན་གཤེགས་པ་ཐམས་ཅད་འདུས་པ་ལ་སོགས་པའི་དབུགས་དབྱུང་བ་སྦྱིན་པར་བྱའོ།། དེ་བཞིན་གཤེགས་པ་ཐམས་ཅད་རྡོ་རྗེ་འཆང ་དང་བཅས་པ་ཇི་སྙེད་པ་བྱང་ཆུབ་སེམས་དཔའི་དཀྱིལ་འཁོར་དང་བཅས་པ་གང་ཡིན་པ་དེ་དག་ཐམས་ཅད་རང་གི་དམ་ཚིག་ལ་རྗེས་སུ་ཆགས་པའི་དིར་དགུག་པ་དང་། རབ་ཏུ་ཞུགས་པ་དང་། དབང་དུ་བྱ ་བ་དང་། སྒྲུབ་པ་དང་། རྗེས་སུ་སྒྲུབ་པ་རྣམས་ཀྱིས་རྡོ་རྗེའི་དབྱིབས་ཐམས་ཅད་བསྟན་པར་འགྱུར་པ་ཉིད་ཀྱིས་འདི་བརྟན་པར་འགྱུར་པ། ཆོས་ཀྱི་དབྱིངས་ཐམས་ཅད་ཀུན་ཏུ་ཁྱབ་པ་ཉིད་ཀྱིས་ཞུགས ་པ། ནམ་མཁའི་ཁམས་ཐམས་ཅད་ཀྱིས་རྒྱ་ཆེ་བ་ཉིད་ཀྱིས་འདིར་རབ་ཏུ་བཞུགས་ཤིང་ལེགས་པར་རབ་ཏུ་བཞུགས་པ་གང་ཡིན་པ་དེ་དང་དེ་དག་དེ་བཞིན་གཤེགས་པ་ཐམས ་ཅད་ཀྱི་རང་གི་དམ་ཚིག་ལ་རག་ལས་པའི་དེ་བཞིན་གཤེགས་པ་ཉིད་ལ་ལྷག་པར་དམིགས་ནས། དེ་བཞིན་གཤེགས་པ་ཐམས་ཅད་ཀྱི་རང་གི་དམ་ཚིག་གི་སློབ་དཔོན་དེ་བཞིན་གཤེགས་པ་ཐམས་ཅད་འདི ་ཡིན་ནོ་ཞེས་བྱ་བ་བྱིན་གྱིས་བརླབས་ནས། དེ་བཞིན་གཤེགས་པ་ཐམས་ཅད་ཀྱིས་རང་གི་དམ་ཚིག་གི་སློབ་དཔོན་གྱིས། དམ་ཚིག་གིས་མགྲིན་གཅིག་ཏུ་ཁྱེད་རྣམ་ལས་དབུགས་དབྱུང་བ་མཛད་པ་ཡིན་ཏེ་དད་པར་བྱའོ།། དེ་བཞིན ་གཤེགས་པ་ཐམས་ཅད་ཀྱི་མཆོག་ཏུ་གསང་བའི་དབུགས་དབྱུང་བ་འདི་ཡིན་ཏེ། གསང་བའི་དཀྱིལ་འཁོར་དམ་པ་ནི།། མཐོང་བ་དང་ནི་ཞུགས་པས་ཀྱང་།། སྡིག་པ་ཀུན་ལས་ངེས་གྲོལ་ཞིང་། ་ཁྱེད་རྣམས་འདིར་ནི་ལེགས་པར་གནས།། བདེ་ཆེན་ཐེག་པ་འདི་ལ་ནི།། སླར་འཆི་བ་ནི་ཡོད་མིན་ཏེ།། མི་ཚུགས་པ་དང་མི་སོད་པས།། ཅིས་ཀྱང་མི་འཇིགས་རོལ་བར་གྱིས།། སྲིད་པའི་སྡུག ་བསྔལ་ལྡོག་པ་ནི། ། སྲིད་པ་ཤིན་ཏུ་གྲུབ་པའི་ཕྱིར།། སྟོན་པ་མཆོག་ཏུ་གྱུར་པ་ཁྱོད།། སྲིད་པ་ཤིན་ཏུ་གྲུབ་པ་ཡིན།། དམ་ཚིག་སྡོམ་པ་གྲུབ་པ་འདི།། ཁྱོད་ཀྱིས་རྟག་ཏུ་བསྲུང་བར་བྱ།། ་སངས་རྒྱས་ཀུན་གྱིས་འཐུན་པར་གསུངས།། དམ་པ་བརྟག་པའི་བཀའ་ཡིན་ནོ།། གང་ཞིག་བསྐྱེད་པ་ཙམ་གྱིས་ནི།། སངས་རྒྱས་ཉིད་དུ་དོགས་མེད་པའི།། བྱང་ཆུབ་སེམས་ནི་གཏང་མི་བྱ།། ་ཕྱག་རྒྱ་རྡོ་རྗེ་གང་ཡིན་པའོ།། དམ་པའི་ཆོས་ནི་མི་སྨད་ཅིང་།། ནམ་ཡང་གཏང་བར་མི་བྱའོ།། མི་ཤེས་པ་དང་རྨོངས་པ་ཡིས།། དེས་ནི་སྨད་པར་མི་བྱའོ།། རང་གི་བདག་ཉིད་ཡོངས་སྤངས ་ནས། དཀའ་ཐུབ་རྣམས་ཀྱིས་གདུང་མི་བྱ།། ཅི་བདེ་བར་ནི་བདེ་བར་གཟུང་།། འདི་ནི་མ་བྱོན་རྫོགས་སངས་རྒྱས།། རྡོ་རྗེ་དྲིལ་བུ་ཕྱག་རྒྱ་རྣམས།། ནམ་ཡང་ཡོངས་སུ་སྤང་མི་བྱ།། ་སློབ་དཔོན་སྨད་པར་མི་བྱ་སྟེ།། འདི་ནི་སངས་རྒྱས་ཀུན་དང་འདྲ།། སངས་རྒྱས་ཀུན་མཚུངས་བླ་མ་ཡི།། སློབ་དཔོན་ལ་ནི་གང་སྨོད་པ།། དེས་ནི་སངས་རྒྱས་ཀུན་སྤང ་པས། ། རྟག་ཏུ་སྡུག་བསྔལ་ཐོབ་འགྱུར་ཏེ།། རིམས་དང་དུག་དང་སྦྱར་དུག་དང་།། མཁའ་འགྲོ་རྣམས་ཀྱིས་གཙེས་པ་དང་།། གདོན་དང་ལོག་འདྲེན་གཏུམ་པོ་ཡིས།། བསད་ནས་སེམས་ཅན་དམྱལ ་བར་ལྷུང་། ། དེ་བས་འབད་པ་ཐམས་ཅད་ཀྱིས།། རྡོ་རྗེ་སློབ་དཔོན་བློ་གྲོས་ཆེ།། དགེ་བ་རབ་ཏུ་མི་སྤྱོམས་པ།། ནམ་ཡང་སྨད་པར་མི་བྱའོ།། བླ་མ་ལ་ནི་གུས་བཅས་ཡོན།། རྗེས་འཐུན ་ཁྱོད་ཀྱིས་སྦྱིན་པར་བྱ། ། དེས་ནི་རིམས་སོགས་གནོད་པ་རྣམས།། ཕྱིར་ཞིང་འབྱུང་བར་མི་འགྱུར་རོ།། རང་གི་དམ་ཚིག་སློབ་དཔོན་ནི།། སྦྱིན་མིན་བུ་དང་ཆུང་མ་དང་།། རང་སྲོག་གིས་རྟག ་བསྙེན་བྱ་ན། ། ལོངས་སྤྱོད་གཡོ་བ་སྨོས་ཅི་དགོས།། གང་གིས་བསྐལ་བ་བྱེ་བ་ནི།། གྲངས་མེད་པར་ཡང་རྙེད་དཀའ་བའི།། སངས་རྒྱས་ཉིད་ཀྱང་རྩོད་ལྡན་ལ།། ཚེ་འདི་ཉིད་ལ་སྟེར ་བར་བྱེད། ། རྟག་ཏུ་རང་གི་དམ་ཚིག་སྲུང་།། རྟག་ཏུ་དེ་བཞིན་གཤེགས་པ་མཆོད།། རྟག་ཏུ་བླ་མ་ལ་ཡང་མཆོད།། འདི་ནི་སངས་རྒྱས་ཀུན་དང་འདྲ།། དེ་བྱིན་སངས་རྒྱས་ཐམས ་ཅད་ལ། ། རྟག་ཏུ་བྱིན་པ་ཉིད་དུ་འགྱུར།། དེ་བྱིན་བསོད་ནམས་ཚོགས་ཡིན་ཏེ།། ཚོགས་ལས་དངོས་གྲུབ་མཆོག་ཏུ་འགྱུར།། དེ་ཕྱིར་འདི་ནི་ལེགས་གནས་པས།། དེང་ཁྱོད་སྐུ ་བ་འབྲས་བུར་བཅས། ། རང་བྱུང་དམ་ཚིག་ལྷ་དང་མཉམ།། དེང་ཁྱོད་གྱུར་པ་ཐེ་ཚོམ་མེད།། སངས་རྒྱས་རྡོ་རྗེ་འཛིན་བཅས་པ།། ཀུན་གྱིས་དེང་ཁྱོད་དབང་བསྐུར་བས།། ཁམས ་གསུམ་གྱི་ནི་རྒྱལ་པོ་ཆེ། ། རྒྱལ་པོ་བདག་པོར་བསྟན་པ་ཡིན།། དེ་ནི་བདུད་ལས་རྣམ་རྒྱལ་ཏེ།། གྲོང་ཁྱེར་མཆོག་ཏུ་རབ་ཏུ་ཞུགས།། ཁྱེད་རྣམས་ཀྱིས་ནི་སངས་རྒྱས་ཉིད།། དེང ་འདིར་ཐོབ་པ་ཐེ་ཚོམ་མེད། ། ཅེས་བྱ་བ་དེ་བཞིན་གཤེགས་པ་ཐམས་ཅད་དང་། རྡོ་རྗེ་འཆང་དང་། བྱང་ཆུབ་སེམས་དཔའ་ཆེན་པོའི་འཁོར་གྱི་དཀྱིལ་འཁོར་དང་བཅས་པའི་བཅོམ་ལྡན ་འདས་རྡོ་རྗེ་སེམས་དཔའ་མཆོག་ཏུ་བདེན་པས་གསུངས་སོ། ། དེ་ནས་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་དེ་བཞིན་གཤེགས་པ་ཐམས་ཅད་ཀྱིས་དཔལ་རང་གི་དམ ་ཚིག་གི་སློབ་དཔོན་དང་། སློབ་མའི་ཚོགས་རྣམས་ཀྱིས་དབུགས་དབྱུང་བ་ནི་འདི་ཡིན་ཏེ། ཕྱིར་མི་ལྡོག་པའི་ཕྱག་རྒྱ་ཡིས།། བྱང་ཆུབ་སེམས་དཔའ་ལྷན་ཅིག་བསྐྱེད།། སངས ་རྒྱས་ཉིད་ནི་རྟོགས་བྱ་སྟེ། ། ཞེས་བྱ་བའོ།། དེའི་རྒྱུ་གང་ཡིན་ཞེ་ན། གང་གི་ཕྱིར་ཁྱེད་རྣམས་ཀྱིས་བདག་ཉིད་ཐམས་ཅད་ཀྱི་བྱང་ཆུབ་ཀྱི་སེམས་ཆེན་པོ་བསྐྱེད་པ་ཙམ་གྱི་མཐུ་ཉིད ་ཀྱིས་ཕྱིར་མི་ལྡོག་པར་འགྱུར་བ་ཡིན་ནོ། ། ཕྱིར་མི་ལྡོག་པ་ཉིད་ཀྱི་ཕྱིར་ངེས་པའི་ཕུང་པོ་ལ་རྣམ་པར་གནས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པ་ཉིད ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པར་རྗེས་སུ་རྟོགས་པར་བྱའོ་ཞེས་བྱའོ། ། དེ་ནས་ཐམས་ཅད་ཀྱི་དཔལ་དམ་ཚིག་གི ་སློབ་དཔོན་གྱི་མཆོག་ཏུ་གསང་བའི་དབུགས་དབྱུང་བ་ཡིན་ཏེ། རྡོ་རྗེ་སེམས་དཔའི་བདག་སྦྱོར་བ།། རྣལ་འབྱོར་ཀུན་དང་རྗེས་སྦྱོར་ལྡན།། སངས་རྒྱས་ཉིད་དུ་རྟོགས་བྱ་སྟེ།། མཁས་པ ་མཆོག་ཏུ་རྟག་པའོ། ། ཞེས་བྱའོ།། དེའི་རྒྱུ་གང་ཡིན་ཞེ་ན། གང་གི་ཕྱིར་ཁྱེད་རྣམས་ཀྱིས་བདག་ཉིད་ཐམས་ཅད་འདི་དེ་བཞིན་གཤེགས་པ་ཐམས་ཅད་ཀྱི་རང་གི་དམ་ཚིག་ཡོངས་སུ་གཟུང་བ ་གདོན་མི་ཟ་བ་ཉིད་ཀྱི་ཕྱིར། དེ་བཞིན་གཤེགས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་སངས་རྒྱས་པ་ཉིད་དུ་རྟོགས་པར་བྱའོ།། དེ་བཞིན་གཤེགས་པ་ཐམས་ཅད་ཀྱི་དཔལ ་རང་གི་དམ་ཚིག་རྗེས་སུ་སྒྲུབ་པ་མཆོག་གི་དངོས་གྲུབ་རྣམས་དེ་བཞིན་གཤེགས་པ་ཐམས་ཅད་ཀྱི་ཉིད་དུ་དེ་དག་རྟོགས་པར་བྱའོ། ། དེའི་ཕྱིར་གནས་སྐབས་ཐམས་ཅད་དུའང་ཅི་ནུས་པས་སྡུག་བསྔལ ་དང་ཡིད་བདེ་བ་ཐམས་ཅད་ཀྱི་སྐབས་མི་འབྱེད་པ་ཁྱེད་རྣམས་ཀྱིས་རང་གི་བདག་ཉིད་ཐམས་ཅད་ཁོ་ན་རྗེས་སུ་སྲུང་ཞིང་གསད་པར་མི་བྱའོ། ། ཅི་རྙེད་པའི་ལོངས་སྤྱོད་དང་ཉེ་བར་སྤྱོད་པ་ཐམས་ཅད ་ཀྱིས་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་བླ་ན་མེད་པའི་ཐེག་པ་ཆེན་པོའི་དམ་ཚིག་གི་སྦྱོར་བ་ཡང་དག་པར་མཆོད་ལ། བདེ་བར་གཟུང་བ་དང་ཡང་དག་པར་འཕེལ་བར་བྱའོ།། ་བདག་ཉིད་ལ་ཇི་ལྟ་བ་བཞིན་དུ་མངོན་པར་བརྩོན་པ་དེ་བཞིན་དུ་གཞན་རྣམས་ལ་ན་ཚོད་བསྐྱེད་པ་ཡིན་ནོ།། ལྟ་བ་ལོག་པ་དང་། ཕྱི་རོལ་དུ་མུ་སྟེགས་པ་དང་། ཉན་ཐོས་ཐམས་ཅད་དང་། ་རང་སངས་རྒྱས་ཀྱི་སར་ལྷུང་བས་འདི་ཤིན་ཏུ་གསང་བ་ཡིན་ནོ།། ངག་ནི་ཤིན་ཏུ་མི་སྨྲ་བས་སོ།། སེམས་ནི་ཤིན་ཏུ་འགག་པས་སོ།། གང་གིས་ཀྱང་ཁྱོད་ཀྱིས་ལུས་ངག་ཡིད་གསུམ་གྱི་རྡོ་རྗེ་རྣམ ་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་རྡོ་རྗེ་དཔལ་རང་གི་དམ་ཚིག་བླ་ན་མེད་པའི་དངོས་གྲུབ་མཆོག་ཏུ་རྟོགས་པར་འགྱུར་ཞེས་བྱ་བ་ཡང་གསུངས་སོ། ། འདོད་པའི་ལོངས ་སྤྱོད་ཐམས་ཅད་ཀྱིས། ། ཅིས་ཀྱང་མི་འཇིགས་རོལ་པར་གྱིས།། དམ་ཚིག་འདི་ནི་འདའ་དཀའ་སྟེ།། སྡིག་པ་མེད་ཀྱིས་མ་འཇིགས་ཤིག། ཅེས་བཅོམ་ལྡན་འདས་རྡོ་རྗེ་སེམས་དཔའ ་མཆོག་ཏུ་བདེན་པས་གསུངས་སོ། ། བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དང་བཅས་པའི་དེ་བཞིན་གཤེགས་པ་ཐམས་ཅད་ཀྱིས་ཐུགས་ལ་དགོངས་པ་ཡིན་ནོ།། དེ་ལྟར་ཡིད་ནི ་རབ་དང་རྡོ་རྗེ་ཉིད་དུ་གྱིས། ། རང་གི་དམ་ཚིག་མི་བཟད་བདེ་སྟེར་བསྙེན་པར་གྱིས།། དེང་ནི་འགྲོ་ལ་མྱུར་བདེ་རྡོ་རྗེ་སེམས་དཔའ་དང་།། རབ་ཏུ་མཉམ་ཞིང་རྟག་པ་ཉིད་དུ་རྟོགས་པར་གྱིས།། དེ་ནས ་རོ་དང་བཟའ་བ་སྤྱོད་པ་གླུ། ། རོལ་མོའི་མཆོད་སོགས་ཀྱིས་ནི་མགོན་མཆོད་ལ།། རྡོ་རྗེ་བླ་མ་ཆེན་པོ་བདེ་ཕུལ་ནས།། རང་དང་གཞན་དག་ཅི་འདོད་མཆོད་པར་གྱིས།། མྱོས་བྱེད་མྱོས་བྲལ་བཏུང ་བ་ནི། ། ཅི་འདོད་པས་ནི་བསྟེན་པ་ཡིས།། གླུ་དང་རོལ་མོའི་ཆོ་ག་སོགས།། ཇི་བཞིན་རྗེས་འགྲོའི་བཟླས་པ་བྱ།། རང་གསང་ཚོགས་བླངས་པ་ཡི།། གླུ་དང་རོལ་མོ་གར ་རྣམས་ཀྱིས། ། སྣ་ཚོགས་ཕྱག་རྒྱའི་མཆོད་པ་དང་།། རྡོ་རྗེ་སེམས་དཔའི་རོལ་མོ་སོགས། བུད་མེད་སོགས་དང་ལྡན་པ་འམ།། རང་གི་སློབ་མ་དང་བཅས་པ།། ཅི་འདོད་པ་ཡི་ལོངས་སྤྱོད་ཀྱི ་མཆོད་པ་བྱས་པས་མྱུར་དུ་འགྲུབ། ། ཅེས་བྱ་བ་མཆོག་ཏུ་གསང་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ལ་གསང་བའི་ཆོ་གའི་ཁྱད་པར་ནི་འདི་ཡིན་ཏེ། ཧཱུཾ་བཅོམ་ལྡན་འདས་མཆོག་དང་པོའི ་རྡོ་རྗེ་སེམས་དཔའི་འོ། ། ཨ་དེ་བཞིན་གཤེགས་པ་རྣམས་ཀྱིའོ།། ཧི་དཔལ་འཇིག་རྟེན་གསུམ་ལས་རྣམ་པར་རྒྱལ་བའོ།། ཨོཾ་པདྨའི་སྙིང་པོའོའོ།། ཧ་ནམ་མཁའི་སྙིང་པོ་སྟེ་བྱང་ཆུབ་སེམས ་དཔའ་ཆེན་པོའི་རྒྱལ་པོ་ནམ་མཁའི་སྙིང་པོ་ཡིན་ནོ་ཞེས་བྱ་བ་གསུངས་སོ། ། རང་གསང་སྙིང་པོའི་ཀླུ་དག་ནི།། ཡི་གེ་ལྔ་པོས་བྱ་བ་སྟེ།། རང་གསང་ཚོགས་བླངས་པ་འདི།། མཆོག་ཏུ་གཤེགས ་བ་ཀུན་གྱི་ཡིན། ། དེ་ནས་མཆོག་ཏུ་གསང་བ་རྡོ་རྗེ་གླུ་ཡི་མཆོད་པ་ནི། རྡོ་རྗེ་དྲིལ་བུ་མཉམ་སོགས་བཅས།། རྣམ་པར་དབེན་པར་རལ་མོ་དཀྲོལ།། རང་གསང་ཚོ་གས་གླུ་བླངས་པ།། གསང ་བའི་རོལ་མོ་རབ་ཏུ་སྒྲུབ། ། དེ་ནས་མཆོག་ཏུ་ཤིན་ཏུ་གསང་བའི་རྡོ་རྗེ་གར་གྱི་མཆོད་པ་ནི། འཛིན་པ་དང་བཅས་བཟུང་བ་ཆེའི།། བགྱི་བ་རབ་ཏུ་བྱས་ནས་ཀྱང་།། དཀྱིལ་འཁོར་འདྲ་བའི་ག ་བྱས་ནས། ། ཡོངས་སུ་བསྐོར་བས་རབ་མཆོད་བྱ།། དེ་ནས་མཆོག་ཏུ་གསང་བའི་ཕྱག་རྒྱ་སྣ་ཚོགས་པའི་མཆོད་པ་ནི། རྡོ་རྗེ་སེམས་དཔའ་ལ་སོགས་ལྷའི།། རྟོག་པ་ཐམས་ཅད་རྣམ་འཕྲུལ ་བ། ། གཏམ་རྒྱུད་ཕྱག་མཚན་ཕྱག་རྒྱ་ཡིས།། གང་ཞིག་གར་དེ་རོལ་མོ་ཡིན།། གསེར་རམ་ཡང་ན་དངུལ་དང་ནི།། དེ་བཞིན་ཤིང་ལས་བྱས་པ་ཡི།། རང་གི་ལྷ་ཡི་གདོང་རྣམས་ཀྱིས།། ་གྲུབ་པའི་ཕྱག་རྒྱས་གར་རྣམས་བྱ།། དཀྱིལ་འཁོར་གང་དང་གང་བརྟེན་པ།། ཕྱག་རྒྱ་སྣ་ཚོགས་མཆོད་པ་ཡིས།། སློབ་མའི་ཚོགས་ནི་དེ་དང་དེ།། བཟླ་ཞིང་ཐམས་ཅད་མཆོག་ཏུ་གཞུག། ་སྣ་ཚོགས་ཆོ་ག་འདི་ཡིས་ནི།། སྡིག་པ་ཀུན་ལས་རྣམ་གྲོལ་འགྱུར།། བསོད་ནམས་ཀུན་ཀྱང་འཕེལ་འགྱུར་ཏེ།། རྟག་ཏུ་སྲུང་བར་འགྱུར་བ་ཡིན།། རིམས་དང་གདོན་དང་དུག་དང་ནད།། ་སྦྱར་དུག་མཁའ་འགྲོའི་འཚེ་བ་དང་།། བདུད་དང་གསོད་པར་བྱེད་པ་རྣམས།། འདི་ནི་རབ་ཏུ་ཞི་བར་འགྱུར།། དངོས་གྲུབ་དག་ནི་ཕུན་སུམ་ཚོགས།། དགའ་བ་དེ་བཞིན་བདག་པོ་རྣམས།། ་སངས་རྒྱས་ཀུན་གྱི་བདག་ཉིད་ཀྱིས།། རྣལ་འབྱོར་དམ་པ་ཐོབ་པར་འགྱུར།། ཞེས་བྱ་བ་ཤིན་ཏུ་གསང་བའི་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ནས་ཕྱག ་རྒྱསྣ་ཚོགས་པའི་མཆོད་པའི་ཆོ་ག་རྒྱས་པ། ལྷག་པའི་ལྷ་ཐམས་ཅད་རེ་རེའི་མཆོག་གསང་བ་འཇུག་པའི་རྡོ་རྗེ་གླུའི་མཆོད་པའི་ཆོ་ག་རྒྱས་པ་མངོན་པར་བརྗོད་ནས་རྡོ་རྗེ་སློབ་དཔོན་གྱིས་བྱས་པ་འམ། ་དེ་ལས་གཞན་ཅི་འདོད་པའི་གླུ་རོལ་མོ་རྣམས་ཀྱིས་རྟོག་པ་ཐམས་ཅད་ཀྱི་སྣ་ཚོགས་པའི་དམ་ཚིག་ཆེན་པོའི་མཆོག་ཏུ་གྲུབ་པ་ཞེས་བྱ་བ་སྟེ། རེ་རེ་ཞིག་ཐོག་མ་ཁོ་ནར་བཅོམ་ལྡན ་འདས་དཔལ་མཆོག་དང་པོའི་རྡོ་རྗེ་སེམས་དཔའ་མཆོག་ཏུ་གསང་བའི་དམ་ཚིག་གི་འཇུག་པའི་གླུའི་མཆོད་པ་ནི། ཐམས་ཅད་རྗེས་སུ་ཆགས་པ་བདེ་བ་དམ་པའི་ཐུགས།། རྡོ་རྗེ་སེམས་དཔའ་ཁྱོད ་ནི་རབ་དགའ་དམ་ཚིག་སྟེ། ། བདེ་བ་ཆེན་པོ་བརྟན་ཞིང་མཐོ་བ་གསལ་གྱུར་ཅིག། སོ་སོར་རྟོགས་ནས་མངོན་དུ་ཕྱོགས་ཤིང་མྱུར་དུ་བདག་སྒྲུབས་ཤིག། དེ་ནས་དེ་བཞིན་གཤེགས་པ་ཐམས་ཅད ་ཀྱི་རིགས་ཀྱི་མཆོག་ཏུ་གསང་བའི་དམ་ཚིག་གི་འཇུག་པའི་རྡོ་རྗེ་གླུའི་མཆོད་པ་ནི། རྡོ་རྗེ་སེམས་དཔའ་བསྡུས་པས་ན།། རྡོ་རྗེ་རིན་ཆེན་བླ་ན་མེད།། རྡོ་རྗེ་ཆོས་ནི་ཟླར་བླངས་པས།། རྡོ་རྗེ་ལས ་ནི་བྱེད་པར་འགྱུར། ། དེ་ནས་རྡོ་རྗེ་རིགས་ཐམས་ཅད་ཀྱི་མཆོག་ཏུ་གསང་བའི་དམ་ཚིག་གིས་འཇུག་པའི་རྡོ་རྗེ་གླུའི་མཆོད་པ་ནི། ཧཱུཾ། རྡོ་རྗེ་མདའ་གཞུ་དང་བཅས་ཁྱོད་ལ་འདུད།། རྡོ་རྗེ་ཆག ་པའི་དམ་ཚིག་དཔལ་ཁྱོད་འདུད། ། ཁ་ཊྭཱཾ་འཇིགས་དུས་རྡོ་རྗེ་ཁྱོད་ལ་འདུད།། རྡོ་རྗེ་དྲིལ་བུ་སྐྱེད་པའི་དཔལ་ཁྱོད་འདུད།། དེ་ནས་པདྨོའི་རིགས་ཐམས་ཅད་མཆོག་ཏུ་གསང་བའི་དམ་ཚིག ་གི་འཇུག་པའི་རྡོ་རྗེ་གླུའི་མཆོད་པ་ནི། ལ་ལར་སྐྱེ་བོ་མ་རུངས་པ་ཡི་སྲོག་འཕྲོག་བྱེད་པ་ཤིན་ཏུ་དྲག་པོའི་སྐུ།། ལ་ལར་འགྲོ་བ་མཐའ་ཡས་འདུལ་ཕྱིར་ཤིན་ཏུ་རྣོ་བའི་འཁོར་ལོ་འཛིན་པའི་སྐུ། ་ལ་ལར་པདྨའི་གདན་གྱི་ཤིན་ཏུ་ཞི་བའི་སྐུ་སྟེ་འགྱུར་བ་མེད་པ་སྟེ།། ལ་ལར་ཤིན་ཏུ་འབར་བའི་འདོད་པའི་དམ་ཚིག་པདྨའི་རྒྱལ་པོ་བདག་སྒྲུབས་ཤིག། དེ་ནས་ནོར་བུའི་རིགས་ཐམས་ཅད་ཀྱི ་མཆོག་ཏུ་གསང་བའི་དམ་ཚིག་གི་འཇུག་པ་རྡོ་རྗེ་གླུའི་མཆོད་པ་ནི། དབང་བསྐུར་ཐམས་ཅད་དབང་ཕྱུག་དམ་པ་ལས།། ཡང་དག་བསྒྲུབས་ཤིང་མི་ཟད་གཏེར་གྱི་མཆོག། ཀུན་མཆོག་རྒྱལ་མཚན ་རྣམ་རྒྱལ་སྒྲེང་བ་ལས། ། རྡོ་རྗེ་རིན་ཆེན་དཔལ་དག་ལེགས་མཆོད་འགྱུར།། དེ་ནས་རང་མིང་གསུམ་གྱི་ནི་བྷཱ་ར་བྷུ་བཿསཱཿདེ་ནས་སྲིང་མོ་བཞི་རྣམས་ཀྱིས་ཧཱུཾ་ཧཱུཾ་ཤྲཱི་བྷྱོ། དེ་ནས་ཀླུའི་རིགས ་ཐམས་ཅད་ཀྱི་དཀྱིལ་འཁོར་གྱི་ནི་ཕུ་ཕུ། དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ནཱ་རྡོ་རྗེ་བསྡིགས་པ་ཐམས་ཅད་ཀྱི་དཀྱིལ་འཁོར་གྱི་རྡོ་རྗེ་གླུའི་མཆོད་པ་ནི། སརྦྦ་མཾ་ག་མཎྜལ་མི་དཾ་བཛྲ་དྷ ་ར་ཀྲ་མ་བི་མརྡ་བྷི་ཀི་ཛ་བྷི་ཀི་ར་བྷཉྫ་ཨུད་སཱ་ད་ཡ། ནཱ་ཤ་ཡ། ཧ་ན་ད་ཧ། པ་ཙེ་བྷ་སྨཻ་ཀུ་རུ་ཀྲོ་དྷ་ཧཱུཾ་ཀ་ར་མནྟི་ཎ། དེ་ནས་ཐམས་ཅད་ཀྱི་མཆོག་དབང་ཕྱུག་དམ་པའི་དཀྱིལ་འཁོར་ཆེན་པོའི་མཆོག ་ཏུ་གསང་བའི་དམ་ཚིག་གི་རྡོ་རྗེ་གླུའི་མཆོད་པ་ནི། ལ་ལར་དྲི་མེད་ཟླ་བའི་དཀྱིལ་འཁོར་སྟོང་གི་འོད་ཀྱི་སྐུ་ནི་རྣམ་པར་མཛེས།། ལ་ལར་འཇིག་དུས་ཉི་མ་འཆར་ཀ་བྱེད་པའི་འོད་ཟེར་ཚོགས ་ནི་འཇིགས་ཆེན་འབར། ། ལ་ལར་མདངས་དང་འོད་ཟེར་དང་ལྡན་པ་དེ་ཞིང་ཞི་བའི་རྒྱལ་པོའི་སྐུ་འཛིན་པ།། ལ་ལར་ཤིན་ཏུ་མཛེས་པའི་གཟུགས་འཆང་མཆོག་གི་མདའ་དང་བཅས་པའི ་གཞུ་འཛིན་པ། ། ལ་ལར་གདུལ་བྱ་རྣམ་པར་སྦྱང་ཕྱིར་བརྩོན་པའི་རྡོ་རྗེ་སེམས་ཁྱོད་མཁའ་བཞིན་བཞུགས། མ་ལུས་འདུལ་བ་མཁས་པའི་བདེ་བ་དམ་པ་ཉིད་ཕྱིར ་བདག་ལ་འགྲུབ་གྱུར་ཅིག། དེ་ནས་མཆོག་ཏུ་གསང་བའི་ཆོ་ག་དམ་པའི་གསང་བའི་མཆོག་དཔལ་དམ་ཚིག་གསུམ་གྱི་འཇུག་པའི་རྡོ་རྗེ་གླུའི་མཆོག་ཏུ་གྲུབ་པ་ནི་འདི་ཡིན་ཏེ། དངོས་གྲུབ ་ཀུན་གྱི་བདེ་བ་ཉམས་དགའ་བའི། ། ཐར་པའི་གྲོང་ཁྱེར་བཅོམ་ལྡན་བདེ་ཆེན་འཇུག། མཆོག་ཏུ་བདེ་བ་དམ་པའི་དངོས་གྲུབ་ཀྱིས།། ཛཿཧཱུཾ་བཾ་ཧོཿརབ་ཏུ་གྲུབ་པར་མཛོད།། དེ་ནས་ཤིན་ཏུ ་མ་ཆོག་ཏུ་གསང་བའི་ཆོ་ག་མཆོག་ཏུ་གསང་བ་བླ་ན་མེད་པའི་དམ་པའི་དཔལ་དམ་ཚིག་བླ་ན་མེད་པའི་མཆོག་ཤིན་ཏུ་གསང་བའི་རྡོ་རྗེའི་གླུའི་མཆོད་པ་མཆོག་ཏུ་ཤིན་ཏུ་གྲུབ་པ་ཞེས་བྱ་བ་མངོན་པར ་བརྗོད་ནས། ཤིན་ཏུ་མཆོག་གི་དེ་ཁོ་ན་ཉིད་ཀྱི་རྡོ་རྗེའི་མཆོད་པའི་གླུ་དང་། གར་དང་། ཆོ་གས་ཇི་ལྟ་བ་བཞིན་དུ་རྗེས་སུ་བསྒྲུབས་ནས་སོ་སོར་རྗེས་སུ་བསྒྲུབ་པར་བྱའོ་ཞེས་བྱ་བ་དང་། དེ་བཞིན ་གཤེགས་པ་ཐམས་ཅད་ཀྱི་མཆོག་ཏུ་ཤིན་ཏུ་གསང་བ་བླ་ན་མེད་པའི་རྟོག་པ་ཐམས་ཅད་ཀྱི་སྣ་ཚོགས་པའི་དམ་ཚིག་ཆེན་པོའི་མཆོད་པ་མཆོག་ཏུ་གྲུབ་པ་ཡིན་ནོ་ཞེས་བྱ་བར་ཡང་གསུངས་སོ། ། ་སྣ་ཚོགས་ཆོ་ག་འདི་ཡིས་ནི།། རྡོ་རྗེ་སེམས་དཔ་བསྡུས་པ་ཡིན།། ཀུན་མཆོག་སྣ་ཚོགས་ཆེན་པོ་ཡི།། རྣལ་འབྱོར་དབང་ཕྱུག་རབ་ཏུ་གྲུབ།། ཅེས་བྱ་བ་ཤིན་ཏུ་གསང་བ་བཅོམ་ལྡན་འདས ་རྡོ་རྗེ་སེམས་དཔས་གསུངས་སོ། ། དེ་ལྟར་དཔལ་མཆོག་དང་པོའི་རྟོག་པའི་ཆོ་ག་རྒྱས་པ་གཏམ་རྒྱུད་སྣ་ཚོགས་ཅན། མཆོག་ཏུ་གསང་བའི་རོལ་མོ་བླ་ན་མེད་པའི་དངོས་གྲུབ་ཉམས་དང་ལྡན ་པ་སྟེ། གང་གིས་སྣ་ཚོགས་པའི་རྒྱལ་མཚན་མཐོན་པོ་དང་ལྡན་པ་ཀུན་ཏུ་རྗེས་སུ་བསྟེན་པ་མཆོག་གི་དངོས་གྲུབ་བདེ་བ་ཆེན་པོ་ཉིད་ནི། དེ་ཡིས་ཡང་དག་ཉམས་སུ་མྱོང་།། དོན་ཡོད་མཆོད ་མཆོག་ཏུ་བསོད་ནམས་ལྡན། ། ཆོ་ག་མཆོག་ཏུ་བརྟག་པ་སྟེ།། ཀུན་མཆོག་གསང་བ་ཆེན་པོ་ནི།། དངོས་གྲུབ་ཐམས་ཅད་མྱུར་སྒྲུབ་བྱེད།། གང་ཞིག་གྲོང་མཆོག་རབ་དགྱེད་པར།། ཞུགས ་ཏེ་སྒྲུབ་པར་བྱེད་པ་ནི། ། ཤིན་ཏུ་མཆོག་གི་འདོད་པ་ཡི།། དངོས་གྲུབ་དབང་ཕྱུག་བདེ་དེས་ཐོབ།། གང་གིས་དངོས་གྲུབ་མ་ཐོབ་ན།། བསོད་ནམས་ཕུན་ཚོགས་བྱེད་པ་རྣམས།། དཀྱིལ ་འཁོར་མཆོག་ཏུ་རབ་ཞུགས་ན། ། སྒྲུབ་པོ་འདིར་ནི་རབ་གྲུབ་འགྱུར།། གལ་ཏེ་རྡོ་རྗེ་སེམས་དཔའ་མཆོག། ཉེ་བའི་སྙིང་པོ་བསྒྲུབས་བྱས་ཀྱང་།། མ་གྲུབ་འདིར་ཞུགས་གྲུབ་པར ་འགྱུར། ། དཔལ་མཆོག་དང་པོའི་རྩ་རྒྱུད་དུ།། དེ་བཞིན་མྱུར་དུ་གྲུབ་པ་མིན།། ཇི་ལྟར་དང་པོའི་ཁྱིམ་ཞུགས་ནས།། རྡོ་རྗེའི་དཀྱིལ་འཁོར་གྲུབ་པ་ལྟར།། དཀྱིལ་འཁོར་ཐམས ་ཅད་སྒྲུབ་པ་ཡིས། ། དེ་ལྟར་ཐམས་ཅད་གྲུབ་པ་མིན།། ཇི་ལྟར་མཆོག་ཏུ་གསང་བ་ཡི།། ཁང་བཟངས་དམ་པ་མཐོང་བ་ཡིས།། དམ་ཚིག་རྣམས་ལས་ཉམས་པ་དང་།། སྒྲིབ་པ ་ཀུན་གྱིས་བསྒྲིབས་པ་དང་། ། བདུད་སོགས་གདོན་གྱིས་རེག་པ་ཡང་།། རྟག་པའི་ཐར་པ་ཐོབ་པར་འགྱུར།། དཀྱིལ་འཁོར་དུ་ནི་མ་ཞུགས་པའམ།། ཡང་ན་དཀྱིལ ་འཁོར་མ་གྲུབ་པ། ། སླར་ཡང་མཆོག་ཏུ་རབ་ཞུགས་ན།། དེ་དག་མྱུར་དུ་འགྲུབ་པར་འགྱུར།། སྒྲུབ་མིན་འདི་ནི་ཅུང་ཟད་མེད།། དངོས་གྲུབ་ལས་དང་བདེ་དེ་བཞིན།། དངོས་གྲུབ་ཐམས་ཅད ་བཞིན་འགྱུར་དུ། ། རྟོག་པ་ཀུན་ལས་བསྒྲུབ་པར་བྱ།། ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དཔལ་མཆོག་དང་པོ་ལས། དེ་བཞིན་གཤེགས་པ་ཐམས་ཅད་ཀྱི ་དཔལ་དམ་ཚིག་ཆེན་པོའི་དཀྱིལ་འཁོར་གྱི་ཆོ་ག་ཤིན་ཏུ་གསང་བ་རྫོགས་སོ། ། ། དེ་ནས་དེ་བཞིན་གཤེགས་པ་ཐམས་ཅད་ཀྱི་འཇིག་རྟེན་གསུམ་གྱི་དམ་ཚིག་མཆོག་གི་གསང ་བའི་ཆོ་ག་ནི་འདི་ཡིན་ཏེ། སངས་རྒྱས་ཆོས་དང་དགེ་འདུན་ཏེ།། དམ་ཚིག་ཆེན་པོ་གསུམ་འདི་ཡིན།། བྱང་ཆུབ་སེམས་དཔའ་མཆོག་འཛིན་པའི།། རས་ལ་དཀོན་མཆོག་གསུམ་བྲི་བྱ།། ་གོ་ཆ་དང་བཅས་རྡོ་རྗེ་མཆོག། གོ་ཆ་སོགས་ཀྱིས་ལེགས་པར་བརྒྱན།། རྡོ་རྗེ་མཚོན་ཆ་བརྗོད་པ་དང་།། པདྨ་རིན་ཆེན་འཆང་བའོ།། འཁོར་ལོ་དཱ་ནི་བཏགས་ནས་སུ།། གསང་བའི་དཀྱིལ ་འཁོར་དམ་པའོ། ། ཅི་རིགས་པར་ནི་བསྒྲུབས་བྱས་ནས།། སུམ་འགྱུར་དུ་ནི་འགྲུབ་པར་འགྱུར།། དེ་བཞིན་གཤེགས་པ་ཐམས་ཅད་ཀྱི་དམ་ཚིག་ཆེན་པོ་ཞེས་བྱ་བའི་སྙིང་པོ་མཆོག་གི་དངོས ་གྲུབ་མ་ལུས་པ་སྟེར་བ་འདི་ཡིན་ཏེ། ཨོཾ་བྷཱ་ཁཾ། ཁྱིམ་མམ་ཡང་ན་ནགས་ཚལ་ལམ།། སྔ་མ་བཞིན་དུ་བརྒྱན་ནས་ནི།། མཚོན་ཆ་མཆོག་གི་ཆོ་ག་ཡིས།། ཐམས་ཅད་བྱས་ལ་འདི་བརྗོད་བྱ།། ་དེ་ཉིད་ཀྱིས་ནི་བཅོམ་ལྡན་འདས།། བྱང་ཆུབ་སེམས་དཔའ་དེ་བཞིན་གཤེགས།། ལྷ་ངན་རྣམས་ལ་ཕན་པའི་ཕྱིར།། འདི་དག་མྱ་ངན་འདས་པ་སྟོན།། མ་ལུས་འདུལ་བ་ལ་བརྩོན་པས།། བརྟན ་ཞིང་ངེས་པའི་ཆོ་ག་དགོས། ། ཤིན་ཏུ་སྲིད་པ་ལ་གནས་མཆོག། ཆོ་ག་ལ་སོགས་དགོས་པ་ཡིན།། སངས་རྒྱས་ཆོས་དང་དགེ་འདུན་ཞེས།། དཀོན་མཆོག་གསུམ་དུ་འགྱུར་བ་ཡིན།། སྲིད ་པ་ཤིན་ཏུ་གྲུབ་པ་ཡིས། ། རྣམ་པར་དག་པའི་དཔལ་མཛད་མཆོག། ཅེས་བྱ་བ་ནི་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བའི་རྡོ་རྗེའོ།། དེ་ནས་མཆོག་ཏུ་གསང་བའི་ཆོས་ཉིད་ཀྱི་དྲིལ ་བུ་ནི། ཐམས་ཅད་ནམ་མཁའི་མཚན་ཉིད་དེ།། ནམ་མཁའ་ལ་ཡང་མཚན་ཉིད་མེད།། ནམ་མཁའ་དང་མཉམ་སྦྱོར་བ་ཡིས།། ཀུན་མཆོག་མཉམ་པ་ཉིད་དུ་གསལ།། ཞེས་བྱ་བ་ནི ་ཤེས་རབ་ཀྱི་ཕ་རོལ་ཏུ་ཕྱིན་པའོ། ། དེ་ནས་དམ་ཚིག་ཆེན་པོ་གསུམ་གྱི་སྡོམ་པ་ཞེས་བྱ་བ་ནི། ལོངས་སྤྱོད་ཀུན་ལ་ལོངས་སྤྱོད་པ།། རང་ལྷ་བདག་ཉིད་ཀྱིས་བསྙེན་ན།། དཀོན་མཆོག་གསུམ ་ལ་མཆོད་པའི་མཆོག། བདག་གིས་བྱ་ཞེས་བརྗོད་ཅིང་མཆོད།། ཅེས་བྱ་བ་ནི་དེ་བཞིན་གཤེགས་པའི་རྣལ་འབྱོར་སྒྲུབ་པའོ།། ཐབས་ཀྱི་ཆོ་ག་འདི་ཡིས་ནི།། འདོད་པའི་ཡོན་ཏན་ལྔ་རྣམས ་ཀྱང་། ། བཟའ་མིན་པ་ཡང་བཟའ་བྱས་ན།། རྟག་པའི་དངོས་གྲུབ་ཐོབ་པར་འགྱུར།། ཞེས་བྱ་བ་ནི་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བའི་དམ་ཚིག་ཆེན ་པོ་གསུམ་མོ། ། དེ་ལྟར་བརྗོད་ནས་སྙིང་པོ་བྱིན་ལ། ཕྱག་རྒྱ་བཅིང་བ་སློབ་ཏུ་བཅུག་ནས་ཇི་ལྟར་མངོན་པར་འདོད་པར་བསྒྲུབ་པར་བྱའོ།། དེ་ནས། རྡོ་རྗེ་འཛིན་པ་སློབ་དཔོན་གྱིས།། རྡོ་རྗེ་མཆོད ་བས་མཆོད་ནས་ནི། ། ཅི་འདོད་པ་ཡི་མཆོད་པ་ཡིས།། སློབ་མ་ཐམས་ཅད་མཆོད་དུ་གཞུག། ལོངས་སྤྱོད་ཀུན་ལ་ལོངས་སྤྱོད་ཀྱང་།། དཀོན་མཆོག་གསུམ་པོ་ལ་ཕུལ་བས།། འདོད ་པས་བདག་ཀྱང་གཞན་རྣམས་ལ། ། མཆོད་པ་ཉིད་དུ་འགྲུབ་པར་འགྱུར།། དཔལ་མཆོག་དང་པོ་ལས། མཆོག་ཏུ་གསང་བའི་ཆོ་གའོ།། །། དེ་ནས་རྡོ་རྗེ་ཆེན་པོ་ཁྲོ་བོའི་རྒྱལ ་པོའི་མཆོག་ཏུ་གསང་བའི་ཆོ་ག་ནི། རས་ལ་བཅོམ་ལྡན་བྲི་བྱ་སྟེ།། རྡོ་རྗེའི་རིགས་ཀུན་བདག་པོ་ནི།། རྡོ་རྗེ་ཉི་མ་མེ་ལྷར་འབར།། ཆོ་ག་ཇི་བཞིན་མཆོག་ཏུའོ།། དེ་ཡི་པད་འདབ་གཅིག ་བཞུགས་པ། ། དེ་ཡི་འོད་ཀྱི་དཀྱིལ་འཁོར་རྟེན།། གསང་བའི་རྡོ་རྗེའི་རྣལ་འབྱོར་ཆེའི།། མཁའ་འགྲོ་མ་རྣམས་ལོགས་ལ་བྲི།། དང་པོར་དམར་དང་དཀར་བ་དང་།། གཞན་ནི་ཐལ་བ ་ལྷར་དཀར་བ། ། གསུམ་པ་དཀར་དང་ལྷ་བ་དང་།། བཞི་པ་གསེར་ལྷར་དྲི་མེད་པའོ།། རྡོ་རྗེ་གཏུམ་པའི་དབང་ཕྱུག་གྲུབ།། རྡོ་རྗེ་ཁ་ཊྭཱཾ་བསྒྲེངས་དང་བཅས།། རྡོ་རྗེ་འདོད་པ་མེ་ལྷར ་འབར། ། དེ་ཡི་ལོགས་ལ་མཚན་མ་བཅོད།། རྡོ་རྗེ་ཁྱབ་འཇུག་མ་རྡོ་རྗེའོ།། འཁོར་ལོ་བསྟོད་པ་དེ་བཞིན་གཞན།། རྡོ་རྗེ་དྲིལ་དུ་བ་དན་ནམ།། དེ་ཡི་ལོགས་ན་གཡོན་བསྙེམས་མ། ་ཅུང་ཟད་མཆེ་བ་གཙིགས་པ་ཡིས།། ཁྲོ་དང་བཅས་པས་ཞལ་བཞད་པ།། རང་བདག་ལ་ནི་ཐུགས་གཏད་ཅིང་།། སྐུ་ནི་ཟུར་གྱི་ཕྱོགས་ལ་བཞུགས།། དེ་ནས་འདི་ཡི་སྙིང་པོ་ནི།། ཧཱུཾཿདེ ་ནས་ཉེ་བའི་སྙིང་པོ་ནི། ། རྡོ་རྗེ་དྲིལ་སོགས་ལྷན་ཅིག་ཏུ།། རྣམ་དབྱེན་རོལ་མོ་བརྡུངས་པ་ཡིས།། ཧི་ཡིས་གླུ་དང་རོལ་མོ་ནི།། བརྡུང་ཞིང་ཟུར་བཞི་རབ་ཏུ་སྒྲུབ།། ཅེས་བྱ་བ་ནི་འདིར ་བཟླས་པའི་ཆོ་གའོ། ། འཁོར་ལོ་དེ་ནི་བརྟག་བྱས་ནས།། གསང་བའི་དཀྱིལ་འཁོར་དམ་པ་ནི།། མཚོན་ཆ་མཆོག་གི་ཆོ་ག་ཡིས།། ཆོ་ག་ཐམས་ཅད་རྒྱས་པའོ།། དེ་ནས་དེ་ཁོ་ན་ཉིད ་དང་ཆོས་དང་དམ་ཚིག་ཆོ་ག་སྦྱིན་པ་ནི། རྟག་ཏུ་ཆགས་པ་ལས་བྱུང་ཁྲོ།། རྡོ་རྗེ་མི་ཡི་ཕུང་པོའི་སྐུ།། འབར་བའི་རྡོ་རྗེ་ཁྲོ་བོ་ཆེ། རབ་འབར་བ་ཡི་ཚོགས་ཀྱི་སྐུ།། རྡོ་རྗེ་འབར་བའི་རྣལ ་འབྱོར་ཆེ། ། མཁའ་འགྲོ་མ་རྣམས་ཀུན་ཏུའ་བར།། ཞེས་བྱ་བ་ནི་རྡོ་རྗེའོ།། དེ་ནས་ཆོས་ནི། ཐམས་ཅད་ནམ་མཁའི་མཚན་ཉིད་དེ།། ནམ་མཁའ་ལ་ཡང་མཚན་ཉིད་མེད།། ནམ་མཁའ ་དང་མཉམ་རྣལ་འབྱོར་པས། ། ཐམས་ཅད་མྱུར་བ་ཉིད་དུ་སྒྲུབ།། ནམ་མཁའ་ཀུན་མཆོག་སྦྱོར་བ་ཡིས།། ཐམས་ཅད་ནམ་མཁའ་ཞེས་བརྗོད་ཅིང་།། རྡོ་རྗེ་ཕྱག་རྒྱས་རྒྱས་བཏབ་པ།། ་འཇིག་རྟེན་གསུམ་ཡང་ཟ་བར་བྱེད།། ཅེས་བྱ་བ་ནི་རྡོ་རྗེ་རྣལ་འབྱོར་གྱི་མཁའ་འགྲོ་མའི་མཆོག་ཏུ་གསང་བའི་དམ་ཚིག་གོ།། ཆོ་ག་འདི་ཡིས་ཐམས་ཅད་དུ།། མཉམ ་པར་བཞག་པས་བསྒྲུབ་པར་བྱ། ། ཀུན་མཆོག་དངོས་གྲུབ་ཆེན་པོ་ཡིས།། ལས་ཀྱི་ཚོགས་རྣམས་མི་ཟད་པའོ།། ཞེས་བྱ་བའོ།། དེ་ནས་ཇི་ལྟ་བ་བཞིན་དུ་དེ་བཞིན་གཤེགས་པའི་ཆོ་གས ་རང་གི་ཕྱག་རྒྱ་རྣམས་ཀྱི་ས་གར་གྱི་མཆོད་པ་བྱས་ནས་འགྲུབ་པར་འགྱུར་རོ། ། དཔལ་མཆོག་དང་པོ་ལས་རྡོ་རྗེ་རྣལ་འབྱོར་གྱི་ཆོ་གའོ།། ། དེ་ནས་མཆོག་ཏུ་ཕྲ་བ་དང་ཤིན་ཏུ ་བཟང་བའི་རྡོ་རྗེའོ། ། གྲུབ་མཆོག་གསང་བའི་རྣལ་འབྱོར་གྱིས།། མཁའ་འགྲོ་མ་ཡི་འཁོར་ལོར་བཤད།། གྲོང་ཁྱེར་སྐྱེད་མོས་ཚལ་སོགས་ནི།། ཇི་ལྟ་བ་བཞིན་རྒྱས་བྱས་ནས།། ་། རྡོ་རྗེ་འཛིན་ཀུན་སློབ་དཔོན་གྱིས།། ཇི་བཞིན་དུ་ནི་རབ་སྒྲུབ་པའི།། ཡིད་འོང་བཞི་དང་ལྷན་ཅིག་ཏུ།། རང་གིས་ཕྱག་རྒྱས་མེ་ཏོག་སྟོད།། ཇི་ལྟ་བ་བཞིན་གྲོང་ཁྱེར་འཇུག། གཡོན ་པའི་ཁ་ནི་གྱེན་དུ་བསྟོད། ། རྡོ་རྗེ་དྲག་པོ་བཞད་ཆེན་པོ།། སྒྲ་སྒྲོག་མཆོག་གི་ཕྱག་རྒྱ་ཡིས།། འཇུག་སྡེ་མགོན་ལ་ཕྱག་འཚལ་བྱ།། དེ་ལ་ཕྱག་ནི་འདི་ཡིན་ཏེ།། ཨོཾ་ཞེས་བྱ་བ་བརྗོད ་བྱས་ལ། ། ཤིན་ཏུ་དགའ་བའི་དབུགས་རླུང་གིས།། རུ་ལུ་རུ་ལུ་ལླི། དྲུག་ལྡན་པར་མའི་རུ་ལུ་རུ་ལུ་ལླེ་སྟེ། འདི་ནི་རྡོ་རྗེ་དྲག་པོ་ཕྱག་འཚལ་བའི་སྒྲ་སྒྲོག་པའི་མཆོག་ཅེས་བྱ་བ་འདིར ་རྡོ་རྗེ་ཕྱག་རྒྱ་ཕྱག་རྒྱ་སྟེ། ཕྱག་རྒྱ་ཐམས་ཅད་དང་། གཞན་རྨོངས་པ་དང་། ཐོགས་པ་མེད་པའི་དངོས་གྲུབ་ཐམས་ཅད་དང་། ལས་ཐམས་ཅད་ལ་དགོངས་ཤིང་མཆོག་ཏུ་གྲུབ་པའོ།། ་ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔའ་མཆོག་ཏུ་གསང་བས་འདི་གསུངས་སོ།། དེ་ནས་ཡིད་འོང་དམ་བཅས་པས།། མེ་ཏོག་སིལ་མ་དོར་ནས་ནི།། རྡོ་རྗེ་པདྨའི་དབང་བསྐུར་གྱིས ་དམ་ཚིག་གསུམ་ནི་གསལ་བར་སྦྱིན། ། དེ་ལ་རྡོ་རྗེ་སེམས་དཔའི་ཕྱག་རྒྱ་འདི་ཡིན་ཏེ། པདྨའི་ཐོད་པ་ལ་བྱ་སྟེ། དེའང་རྡོ་རྗེར་བྱིན་གྱིས་བརླབས་པས་ན་རྡོ་རྗེ་པདྨ་ཞེས་བྱ་བའོ།། དེ་ནས་འདིར ་ཕྱག་རྒྱ་བཅིང་བ་ནི། སོར་མོ་ཐམས་ཅད་ཕན་ཚུན་སྦྱར།། ཀུན་མཆོག་རྩེ་མོ་དང་བཅས་པ།། མཐེ་བོང་རྡོ་རྗེ་བཀབ་པ་ནི།། རྡོ་རྗེ་པདྨ་ཞེས་གྲུབ་བོ།། རྡོ་རྗེ་པདྨའི་ཕྱག་རྒྱ་འདིས།། རྡོརྗེ ་སེམས་དཔའ་དབང་བསྐུར་བའི་སྦྱོར་བ་དང་། རྡོ་རྗེ་པདྨའི་རིན་པོ་ཆེའི་ཅོད་པན་གྱིས་དབང་བསྐུར་བར་བྱའོ།། འདིས་དབང་བསྐུར་པ་ཙམ་གྱིས་དེ་བཞིན་གཤེགས་པ་རྣམས་ཀྱིས་ཤིན་ཏུ་གདུག་པ ་དང་། དྲག་པ་དང་། རབ་ཏུ་གཏུམ་པ་དང་། མ་རུངས་པའི་སེམས་ཅན་ཐལ་བར་བརླག་ནས། ཁམས་གསུམ་མ་ལུས་པའི་སྟོབས་ཆེན་པོ་དང་ལྡན་པའི་འཁོར་ལོས་སྒྱུར་བའི་དེ་བཞིན ་གཤེགས་པ་ཐམས་ཅད་ཅེས་བྱ་བར་བྱིན་གྱིས་རློབ་པར་འགྱུར་བ་དང་། མཆོག་ཏུ་བརྟག་པའི་སྲུང་བར་ཡང་འགྱུར་རོ་ཞེས་མཆོག་ཏུ་གསང་བ་བཅོམ་ལྡན་འདས་རྡོ་རྗེ་སེམས་དཔས་གསུངས ་སོ། ། དེ་ཉིད་ཀྱིས་ནི་རྡོ་རྗེ་གཟུང་།། ཆོས་ཀྱི་དྲིལ་བུ་དཀྲོལ་བར་བྱའོ།། དམ་ཚིག་གིས་ནི་ཕྱག་རྒྱ་ཆེ།། བྱིན་གྱིས་བརླབས་ནས་སྙིང་པོ་བཛྲ།། རྡོ་རྗེ་ལ་སོགས་ཐོབ་པར། ་བཟུང་།། རྡོ་རྗེ་སེམས་དཔའ་གཉིས་པ་འདྲ།། རྡོ་རྗེ་རྣལ་འབྱོར་དབང་ཕྱུག་གྲུབ།། རྡོ་རྗེ་ཅན་གྱིས་བྱིན་བརླབས་འགྱུར།། བུད་མེད་རྣམས་ཀྱང་འབེབས་གྱུར་ནས།། སྟོན་པའི་རྡོ་རྗེ་ཕབ་པ ་ཡིས། ། རྡོ་རྗེ་དང་བཅས་ཕྱག་མཚན་འཛིན།། རྣལ་འབྱོར་མ་རྣམས་རབ་ཏུ་འགྱུར།། དེ་ལ་ཐོག་མར་རེ་ཞིག་རྡོ་རྗེ་ཉི་མ་མེ་ལྟར་འབར་བ་ཆེན་པོ་ཐལ་བར་རབ་ཏུ་རློག་པ་ཞེས་བྱ་བ། དེ་བཞིན ་གཤེགས་པ་ཐམས་ཅད་ཀྱི་རྡོ་རྗེ་ཆེན་པོའི་ཁྲོ་བའི་རྒྱལ་པོའི་བདག་པོ་མཆོག་དང་པོ་ཡང་དག་པར་འབེབས་པར་བྱེད་པ་སྟེ། དེ་བཞིན་གཤེགས་པ་ཐམས་ཅད་ཀྱི་ཐུགས་རྗེ་ཆེན་པོའི་ཐབས་ཀྱིས་འཁོན ་དུ་འཛིན་པའི་ཁྲོ་བོའི་མེ་འབར་བའི་རྡོ་རྗེ་རྡོ་རྗེ་དང་བཅས་པའི་ཁ་ཊྭཱཾ་གའི་རྒྱལ་མཚན་དང་ངེས་པར་སྦྱོར་བ། བ་དན་དང་བཅས་པའི་དྲིལ་བུ་འཆང་བ། རྡོ་རྗེ་བསྙེམས་པའི་བདག་པོ་ཤིན་ཏུ་ཁྲོ་བ་འབེབ ་པབས་སྒེག་པ་དང་བཅས་པའི་སྨིན་མཚམས་ཀྱི་ཁྲོ་གཉེར་ཤིན་ཏུ་འཇིགས་པར་བྱེད་པའི་སྤྱན་སེར་པོ་དང་ལྡན་པའོ། ། དེ་བཞིན་གཤེགས་པ་ཐམས་ཅད་རྡོ་རྗེའི་འཇིགས་པ་ཆེན་པོས་འཇིགས་པར ་བྱེད་པའི་སྤྱན་གྱིས་བལྟ་བའི་ཕྱག་རྒྱ་འདིས་སྟོང་ཕྲག་བརྒྱ་བཟླས་པས་འགྲུབ་པར་མཛད་དོ། ། དེ་བཞིན་གཤེགས་པ་ཐམས་ཅད་རྗེས་སུ་ཆགས་པ་དང་། དགུག་པ་དང་། གཞུག་པ་དང་། ་དབང་དུ་བྱ་བ་དང་། འབེབས་པར་ནུས་སོ།། ཐམས་ཅད་ནམ་མཁའི་སྦྱོར་བའི་ཏིང་ངེ་འཛིན་དང་ལན་ཅིག་བརྗོད་པ་ཙམ་གྱིས་ཁམས་གསུམ་མ་ལུས་པའི་རྡོ་རྗེ་བདུད་རྩི་ལ་སོགས་པའི ་བདུད་ཐམས་ཅད་དང་། དེ་བཞིན་གཤེགས་པ་ཐམས་ཅད་ལ་བདུད་པ་དང་། དྲག་པོར་རབ་ཏུ་གཏུམ་པ་དང་། མ་རུངས་པའི་སེམས་ཅན་རྣམས་དང་། མཁའ་འགྲོ་མ་དྲག་པོ་ཐམས ་ཅད་དང་། གང་ཞིག་ཉན་ཐོས་དང་རང་སངས་རྒྱས་རྣམས་ཏེ། དེ་དག་ཀྱང་ཐལ་བར་ཟློག་པར་འགྱུར་ན། དགྲ་བོ་ལ་སོགས་པ་གཞན་ལྷ་སྨོས་ཀྱང་ཅི་དགོས། དོན་ཡོད་ཅིང་ཐོགས ་བ་མེད་པ་དང་། དངོས་གྲུབ་ཐམས་ཅད་དང་། ལས་ཀྱི་ཚོགས་རྣམས་ལ་དགོངས་ཤིང་མཆོག་ཏུ་གྲུབ་པའོ།། དེ་ནས་བཅོམ་ལྡན་འདས་ཐུགས་རྗེ་ཆེན་པོའི་ཐབས་ཤིན་ཏུ་དྲག་པོའི ་མན་ངག་གི་བཟླས་པ་ནི། སྣའི་དབུགས་ཕྲ་བ་ཉིད་ཀྱིས་བདེན་པའི་རྡོ་རྗེ་ཚིག་གི་གྲུབ་པའི་ཡིད་ཀྱི་འདོད་པ་ལས་ཐམ་ཅད་ཀྱི་དངོས་གྲུབ་ཀྱི་ཚོགས་རྣམས་ལ་དམ་པ་མཆོག་ཏུ་གྲུབ་པའོ།། ་ཧཱུཾ། དེ་ནས་མཆོག་ཏུ་གསང་བའི་རྡོ་རྗེ་རྣལ་འབྱོར་གྱི་དབང་ཕྱུག་མའི་ལྷ་ཆེན་མོ་རྣམས་ཀྱིས་བཤད་པར་བྱ་སྟེ། དེ་ལ་ཐོག་མར་རེ་ཞིག་རྡོ་རྗེ་ཆེན་པོ་འདོད་པའི་མེ་འབར་བ་ཞེས་བྱ་བའི་ལྷ་མོ་ཆེན ་མེ་རྡོ་རྗེ་གཞུ་དང་། མདའ་བསྟོད་པའི་སྤྱན་གཡོན་པ་སྟེ། རྡོ་རྗེ་སྤྱན་གྱི་ལྟ་བའི་ཕྱག་རྒྱ་འདིས་ཐམས་ཅད་སྒྲུབ་པར་མཛད་པ་དང་། སྒེག་པ་དང་བཅས་ཤིང་གཡོ་བའི་སྤྱན་གྱི་ཟུར་གྱིས ་གཟིགས་པའི་ཕྱག་རྒྱས་བཏབ་པ་ཙམ་གྱིས་ཐམས་ཅད་ལ་རྒྱས་འདེབས་པར་མཛད་པ་དང་། དོན་ཡོད་ཅིང་ཐོགས་པ་མེད་པ་དངོས་པོ་ཐམས་ཅད་དང་ལས་ཀྱི་ཚོགས་རྣམ ་ལ་དགོངས་ཤིང་མཆོག་ཏུ་གྲུབ་པའོ། ། དེ་བཅོམ་ལྡན་འདས་ཡུམ་འདིའི་རྡོ་རྗེ་ཕྲ་མོའི་གཡོན་པའི་ཁྲོ་བའི་བཟླས་པ་ནི་ཡིད་ཀྱི་འདོད་པས་དངོས་གྲུབ་ཐམས་ཅད་དང་ལས་ཀྱི་ཚོགས་རྣམས་ལས ་མཆོག་ཏུ་གྲུབ་པའོ། ། ཧྲཱིཿ། གཉིས་པ་ནི་རྡོ་རྗེ་ཆེན་པོ་འདོད་པའི་མེ་འབར་བའི་དམ་ཚིག་གི་ལན་ཞེས་བྱ་བའི་ལྷ་མོ་སྟེ། དབུས་སུ་རང་གི་ལྷག་པའི་ལྷ་བསྟོད་པའི་ཞལ་འཛུམ་པའི་སྤྱན་ཅུང ་ཞིག་འཛུམས་ཤིང་དགའ་བ་ཆེན་པོའི་རྡོ་རྗེའི་ལྟ་བའི་ཕྱག་རྒྱས་འདིས་ཐམས་ཅད་གྲུབ་པར་མཛད་པ་དང་། ཙུམ་པ་དང་། འཁྱུད་པ་ལ་སོགས་པའི་རེག་པའི་ཕྱག་རྒྱས་རྒྱས་བཏབ་པ་ཙམ ་གྱིས་ཐམས་ཅད་ལ་རྒྱས་འདེབས་པར་མཛད་པ་དང་། ཕྱག་རྒྱ་ཐམས་ཅད་འཇོམས་པར་མཛད་པ་དང་། ཐམས་ཅད་ཀྱིས་གསོད་པར་མཛད་པ་དང་། དོན་ཡོད་ཅིང་ཐོགས་པ་མེད་པའི ་དངོས་གྲུབ་ཐམས་ཅད་དང་། ལས་ཀྱི་ཚོགས་རྣམས་ལས་དགོངས་ཤིང་མཆོག་ཏུ་གྲུབ་པའོ།། དེ་ནས་བཅོམ་ལྡན་འདས་ཡུམ་འདིའི་བྱ་རོག་གི་མགྲིན་པའི་དབྱངས་ཀྱིས་རྡོ་རྗེ་དག་གི ་ཁྲོ་བོའི་བཟླས་པ་ནི་ཡིད་ཀྱི་འདོད་པས་དངོས་གྲུབ་ཐམས་ཅད་དང་ལས་ཀྱི་ཚོགས་རྣམས་ལ་མཆོག་ཏུ་གྲུབ་པའོ། ། ཧཱུཾ། གསུམ་པ་ནི་རྡོ་རྗེ་ཆེན་པོའི་འདོད་པའི་མེ་འབར་བ་ཐལ་བར་རློག ་པ་ཞེས་བྱ་བའི་ལྷ་མོ་ཆེན་མོ་སྟེ། བཅོམ་ལྡན་འདས་ཀྱི་རྡོ་རྗེ་ཆེན་པོ་དང་། ཁ་ཊྭཱཾ་གའི་རྒྱལ་མཚན་འཆང་བ་དང་། སྒེག་པ་དང་བཅས་པའི་བཞད་པ་སྨིན་མཚམས་ཀྱི་ཁྲོ་གཉེར་གྱི་ཁྲོ་བོ ་སྤྱན་ཏེ། རྡོ་རྗེ་ཆེན་པོའི་ཁྲོ་བོའི་ཀི་ལི་ཀི་ལ་ཁྲོ་བའི་སྤྱན་གྱིས་ལྟ་བའི་ཕྱག་རྒྱ་འདིས་ཐམས་ཅད་སྒྲུབ་པར་མཛད་པའོ།། བཛྲ་ཞེས་བྱ་བ་དང་། རུ་ལུ་རུ་ལུ་རུ་ལུ་ཧྲཱི་ཞེས་བྱ་བ་ཙམ་གྱིས་བདུད ་ཐམས་ཅད་འཇོམས་པ་དང་། དོན་ཡོད་ཅིང་ཐོགས་པ་མེད་པར་དངོས་གྲུབ་ཐམས་ཅད་དང་། ལས་ཀྱི་ཚོགས་རྣམས་ལ་དགོངས་ཤིང་མཆོག་ཏུ་གྲུབ་པའོ།། ཧི། བཞི་པ་ནི་རྡོ་རྗེ་ཆེན་པོ ་འདོད་པའི་མེ་འབར་བ་ཐལ་བར་རློག་པ་འཆི་བ་སློང་ཞེས་བྱ་བ་གཡོན་བསྙེམས་པ་གཡས་པས་རང་གི་སྤྱི་བོར་རྡོ་རྗེ་དྲིལ་བུ་སྐྱོད་པར་མཛད་པ། སྒེག་པ་དང་བཅས་པའི་སྤྱན་གྱི་ཤིན་ཏུ་གདང ་བ་སྟེ། རྡོ་རྗེ་རྒྱལ་པོ་དྲིན་གྱི་སྤུན་གྱིས་ལྟ་བའི་ཕྱག་རྒྱས་ཐམས་ཅད་སྒྲུབ་པར་མཛད་པ། ཐལ་ལྕག་ལ་སོགས་པ་དང་། བཞད་གད་དང་། བརྡེག་པ་དང་། ཕྱག་རྒྱས་རྒྱས་བཏབ ་པའི་འཆི་བ་ཐམས་ཅད་སློསྤོང་བར་མཛད་པ། དོན་ཡོད་ཅིང་ཐོགས་པ་མེད་པ། དངོས་གྲུབ་ཐམས་ཅད་དང་ལས་ཀྱི་ཚོགས་ལ་དགོངས་ཤིང་མཆོག་ཏུ་གྲུབ་པའོ།། དེ་ནས་བཅོམ་ལྡན་འདས ་ཡུམ་འདིའི་དྲིལ་བུའི་དབྱངས་ཀྱི་རྡོ་རྗེ་ཁྲོ་བོའི་བཟླས་པ་ནི་ཡིད་ཀྱིས་འདོད་པས་དངོས་གྲུབ་ཐམས་ཅད་ཀྱི་ཚོགས་ཐམས་ཅད་མཆོག་ཏུ་གྲུབ་པའོ། ། ཥྛ། དེ་ལ་སོགས་པ་མཐའ་ཡས་མཆོག། ་ཆོས་དབྱིངས་མཉམ་དང་མི་མཉམ་པས།། ནམ་མཁའི་ཁམས་ལྟར་གྲངས་མེད་ཅིང་།། ནམ་མཁའ་ཀུན་གྱིས་གནས་སྐབས་ཀྱིས།། དཀྱིལ་འཁོར་འདི་ལ་རབ་ཞུག ་། རྡོ་རྗེ་མཆོག་གི་རྣལ་འབྱོར་གྱི།། དབང་ཕྱུག་མ་ལུས་ཀུན་ནས་འབེབས།། དེ་ནས་རྡོ་རྗེ་རྣལ་འབྱོར་པ་སྟོན་པ་དེས་རྣལ་འབྱོར་པ་རང་གི་ལོགས་དག་ཏུ་དགོད་པ་ཡིན་ཏེ། ཟླ་ཆོས་དཀྱིལ ་འཁོར་རྣམ་པ་ཡི། ། དཀྱིལ་འཁོར་དུ་ནི་དགོད་པར་བྱ།། བཀོད་ནས་ཐམས་ཅད་ཀུན་མཆོག་གི། དངོས་གྲུབ་དམ་པ་བསྒྲུབ་པར་བྱ།། ཐམས་ཅད་དགུག་དང་མཆོད་པ་ཆེ།། བདག་བྱིན་རླབ ་སོགས་སྒྲུབ་པ་ཡིས། ། ཤིན་ཏུ་གསང་བའི་དཀྱིལ་འཁོར་དེ།། བརྟག་པ་དང་ནི་བསྒྲུབས་ནས་ཀྱང་།། རྡོ་རྗེ་འཛིན་ཀུན་སློབ་དཔོན་གྱིས།། རྡོ་རྗེ་སློབ་མ་རྣམས་གཞུག་བྱ།། དེ་ལ་རེ་ཞིག་ཐོག ་མ་ཁོ་ནར་སློབ་དཔོན་གྱིས་བཅུག་སྟེ། ཚོགས་ཀྱི་དཀྱིལ་འཁོར་དུ་དམ་ཚིག་གསུམ་གྱིས་བྱིན་གྱིས་བརླབས་ཀྱིས། རྡོ་རྗེ་རྣལ་འབྱོར་མ་རྣམས་ལོགས་དག་ཏུ་བཞག་ནས། སྐྱེས་པ་རྣམས་ཀྱང ་གཞུག་ཅིང་བྱང་ཆུབ་ཀྱི་སེམས་ཀྱིས་རྡོ་རྗེ་ཆེན་པོའི་ཁྲོ་བོའི་དམ་ཚིག་དང་སྡོམ་པ་དག་ལེན་དུ་གཞུག་པར་བྱའོ། ། ཁྱེའུ་དང་བུ་མོ་རྣམས་རབ་ཏུ་གཞག་ལ་ཚོགས་དང་བཅས་པའི་རང་ཉིད་ཀྱིས་ཞུགས ་ཏེ་བསྲུང་བ་དང་། བསྐྱབ་པ་དང་། སྦ་བ་ཐམས་ཅད་བྱའོ།། དེ་ནས་འདིར་སློབ་མ་གཞུག་པའི་ཆོ་ག་རྒྱས་པ་ནི། བྱང་ཆུབ་སེམས་ནི་བླ་མེད་པ།། མཆོག་ཏུ་བསྐྱེད་པར་བྱས་ནས་ནི།། ་། གར་བྱས་སྤྱི་བོར་ཐལ་སྦྱར་མཆོད།། སློབ་མ་ཐམས་ཅད་གཞུག་པར་བྱ།། ཅི་འདོད་པ་ཡི་དངོས་གྲུབ་བསྐྱེད།། སློབ་མ་མེ་ཏོག་དོར་དུ་གཞུག། རྣལ་འབྱོར་མ་ནི་གང་ལ་བབས།། དེ་དང ་དེ་ཡི་ལྷ་མོ་འགྲུབ། ། དེ་ནས་གདོང་གཡོགས་བཀྲོལ་ནས་ནི།། རྣམ་པ་ཀུན་ཏུ་ཡོན་བླངས་ནས།། རྡོ་རྗེ་པདྨའི་དབང་བསྐུར་གྱིས།། དམ་ཚིག་གསུམ་ནི་གསལ་བར་སྦྱིན།། འདིར་མནའ ་བསྒག་པ་དང་དབང་བསྐུར་བ་ནི་དེ་ཉིད་དོ། ། དེ་ལ་འདིར་དམ་ཚིག་གསུམ་སྦྱིན་པ་ནི་འདི་ཡིན་ཏེ། མི་བྱེད་པ་དང་སོ་སོར་རྟོགས།། གདུག་པ་ཐམས་ཅད་གནོན་པ་དང་།། སངས་རྒྱས་ཀུན ་དངོས་རྡོ་རྗེ་སྟེ། ། བྱང་ཆུབ་སེམས་ནི་ཆེ་ཞིང་བསྟན།། མཚོན་ཆ་དེ་ནི་རྒྱལ་ཀུན་གྱིས།། ཀུན་ཏུ་བཟང་པོའི་ལག་ཏུ་སྦྱིན།། བསྟན་པ་ཐམས་ཅད་གྲུབ་པའི་ཕྱིར།། དེ་ཕྱིར་ཕྱག་ན་རྡོ་རྗེ་ཡིན།། ་དེ་ནས་རྡོ་རྗེ་ཉི་མ་མེ་ལྷར་འབར་བའི་མཆོག་ཏུ་གསང་བ་ནི། རྟག་ཏུ་ཆགས་པ་ལས་བྱུང་ཁྲོ།། རྡོ་རྗེ་སེམས་དཔའ་གདུལ་བྱའི་ཕྱིར།། རྡོ་རྗེ་ཉི་མ་མེ་ལྟར་འབར།། མཆོག་ཏུ་འཇིགས་པར ་བྱེད་པ་ཡིན། ། དེ་ནས་མཆོག་ཏུ་གསང་བའི་རྡོ་རྗེ་རྣལ་འབྱོར་གྱི་མཁའ་འགྲོ་མ་རྣམས་ཀྱི་གསང་བ་ནི། རྡོ་རྗེ་ཉི་མ་འཆར་ལས་བྱུང་།། དེ་བཞིན་གཤེགས་པའི་གྲིབ་མ་འདི།། སྤྲུལ་ཏེ་མ ་ལུས་བདུད་ལ་སོགས། ། གདུག་པའི་ཁྲག་ནི་གསོལ་བར་སྤྱོད།། ཅེས་བྱ་བ་ནི་གསང་བ་མཆོག་གི་དེ་ཁོ་ན་ཉིད་དོ།། དེ་ནས་འདིར་མཆོག་ཏུ་གསང་བའི་ཆོས་ཉིད་འབེབས་པའི་དྲིལ་བུ་ནི། ཤིན ་ཏུ་གདུག་ཅིང་དྲག་པ་དང་། ། བདག་པོ་རོགས་པོ་བུ་རྣམས་དང་།། ཤིན་ཏུ་གཉིད་ནི་ལོག་པ་དག། རྡོ་རྗེ་མཆོག་ནི་འཛིན་པས་གསུངས།། ཞེས་བྱ་བ་ནི་བཅོམ་ལྡན་འདས་ཀྱིས ་གསུངས་སོ། ། མཆོག་ཏུ་གསང་བའི་ཆོས་ཉིད་འབེབས་པའི་རྡོ་རྗེ་ཁ་ཊྭཱཾ་ག་བ་དན་གྱི་དྲིལ་བུ་ཐམས་ཅད་འབེབས་པ་དང་། རབ་ཏུ་སྒྲུབ་པར་བྱེད་པ་དང་། ཐམས་ཅད་ལྟུང་བར་བྱེད་པ་དང་། ་སློང་བར་བྱེད་པའོ།། དེ་ནས་རྣལ་འབྱོར་མཆོག་གི་དམ་ཚིག་ནི། ཁྲག་ཆེན་ག་པུར་དང་བཅས་པ།། ཙན་དན་དམར་དང་སྦྱར་བ་ནི།། ཚོགས་ཀྱི་ནང་ནས་རབ་ཞུགས་ནས།། རྡོ་རྗེ་དང ་བཅས་རྡོ་རྗེ་འཛིན། ། སྲིན་ལག་མཐེ་བོའི་རྩེ་མོ་ཡིས།། ནམ་མཁའ་ཐམས་ཅད་སྦྱོར་མཆོག་ལྡན།། ཟླ་བའི་བཏུང་བ་བཞིན་མྱངས་ན།། རྟག་པའི་དངོས་གྲུབ་ཐོབ་པར་འགྱུར།། འདོད་པ་ཀུན་ལ ་ལོངས་སྤྱོད་ཅིང་། ། ཅི་འདོད་པ་ནི་བསྙེན་བཞིན་དུ།། ནམ་མཁའ་ཀུན་མཆོག་སྦྱོར་བ་ཡིས།། དངོས་གྲུབ་ཐམས་ཅད་ཐོབ་པར་འགྱུར།། ནམ་མཁའ་ཀུན་མཆོག་སྦྱོར་བ་ཡིས།། ནམ ་མཁའ་ཐམས་ཅད་ཅེས་བརྗོད་ཅིང་། ། རྡོ་རྗེ་ཕྱག་རྒྱས་བཏབ་པ་ཡིས།། འཇིག་རྟེན་གསུམ་ཡང་བཟའ་བར་བྱ།། དངོས་གྲུབ་ལས་དང་དེ་བཞིན་བདེ།། འདི་ལ་ཅུང་ཟད་མི་སྒྲུབ་མེད།། ་ལས་ཀྱི་ཚོགས་ཀྱི་དངོས་གྲུབ་ཀྱིས།། དོན་སྒྲུབ་མ་ལུས་སྒྲུབ་པར་འགྱུར།། དོན་ཡོད་མཆོག་ཏུ་གྲུབ་པ་དང་།། གདུག་པ་ཐམས་ཅད་གནོན་པར་བྱེད།། སྡུག་བསྔལ་ཀུན་འགྲོ་དཔལ ་དང་ལྡན། ། རྣལ་འབྱོར་འདི་ནི་ལས་ཀུན་བྱེད།། ཅེས་བྱ་བ་མཆོག་ཏུ་གསང་བའི་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ནས་རོ་དང་བཟའ་བ་སྤྱོད་པ་གླུ།། རོལ་མོའི་མཆོད་པ ་སོགས་ཀྱིས་མགོན་ལ་སྤྱོད། ། ཕུལ་བ་དེ་ཡི་རྡོ་རྗེ་བླ་མ་ཆེ།། བདག་དང་གཞན་རྣམས་མཆོད་པར་བྱ།། མྱོས་བྱེད་མྱོས་བྱེད་བཏུང་བ་ནི།། ཅི་འདོད་པར་ནི་བསྙེན་པ་ཡིས།། རྡོ་རྗེ་ཉི་མ་མེ་འབར་སོགས།། ་ཇི་བཞིན་རྗེས་འགྲོའི་བཟླས་པ་བཟླ།། རང་གསང་ཚོ་གས་བླངས་པ་ཡི།། གླུ་དང་རོལ་མོ་གར་རྣམས་དང་།། སྣ་ཚོགས་ཕྱག་རྒྱའི་མཆོད་པ་དང་།། ཁམས་གསུམ་རྣམ་རྒྱལ་ལ་སོགས་པ།། བུད ་མེད་ཚོགས་དང་བཅས་པ་ཡིས། ། མཆོད་པ་རྒྱ་ཆེན་ཐམས་ཅད་དང་།། ཅི་འདོད་པ་ཡི་ལོངས་སྤྱོད་ཀྱིས།། མཆོད་པ་བྱས་ནས་རབ་ཏུ་སྒྲུབ།། ཅེས་བྱ་བ་མཆོག་ཏུ་གསང་བ་བཅོམ་ལྡན་འདས ་རྡོ་རྗེ་སེམས་དཔས་གསུངས་སོ། ། དེ་ནས་དེ་བཞིན་གཤེགས་པ་ཐམས་ཅད་འདུས་པ་ལ་སོགས་པའི་དབུགས་དབྱུང་བ་སྦྱིན་པར་བྱ་སྟེ། འགྲོ་བ་ཀུན་གྱི་ཁམས་རྣམས་ཀྱི།། ཕྲ་རབ་རྡུལ་དང་མཉམ ་པ་ཉིད། ། རྟོག་པའི་རྒྱལ་པོ་གྲུབ་པ་སྟེ།། སངས་རྒྱས་ལ་སོགས་མཆོག་གྲུབ་པའོ།། གང་ཞིག་བློ་ནི་དཔག་མེད་པའོ།། ཁྱད་པར་དུ་ནི་དམིགས་མི་འགྱུར།། དེ་བཞིན་གཤེགས་པས་བདེན ་པ་ནི། དམ་པ་ཐམས་ཅད་བསྡུས་པའོ།། ཟད་པ་ཐམས་ཅད་ཟད་འགྱུར་དང་།། འཕེལ་བ་ཐམས་ཅད་འཕེལ་བར་འགྱུར།། གང་ཞིག་མཐོང་བས་མི་སྣང་འགྱུར།། གང་ནས་ཀྱང་ནི་འཇིག ་མི་བྱེད། ། དྲག་པོ་དབང་པོ་ཉེ་དབང་ཟླ།། ཉི་མ་མཁའ་འགྲོ་ཚོགས་དཀྱིལ་འཁོར།། ཁྲོས་ནས་ཡི་གེ་ཧཱུཾ་ཙམ་གྱིས།། མ་ལུས་པ་ནི་ཐལ་བར་བྱེད།། རྣལ་འབྱོར་མཁའ ་འགྲོ་མའི་དཀྱིལ་འཁོར། ། མཆོག་ཏུ་ཞུགས་ནས་མཐོང་ནས་ནི།། སྡིག་པ་ཀུན་ལས་རྣམ་གྲོལ་ཏེ།། ཁྱོད་རྣམས་དང་ནི་རབ་ཏུ་གནས།། སླར་ཁྱོད་འཆི་བ་ཡོད་མིན་ཏེ།། ཁྱད་པར་དུ་ནི་ངན་འགྲོ ་མེད། ། གཞན་གྱིས་མི་ཐུབ་མི་སོད་ཅིང་།། ཅིས་ཀྱང་མི་འཇིགས་དགའ་བར་གྱིས།། ཤིན་ཏུ་སྲིད་པའི་དངོས་གྲུབ་རྣམས།། སྟོན་པའི་མཆོག་ཏུ་གྱུར་པ་ཡིན།། དམ་ཆོག་སྡོམ་པ་གྲུབ་པ་འདི།། ་རྟག་ཏུ་ཡང་ནི་སྲུང་བ་འདི།། སངས་རྒྱས་ཀུན་གྱིས་འཐུན་པར་གསུངས།། དམ་པ་རྟག་པའི་བཀའ་ཡིན་ནོ།། བྱང་ཆུབ་སེམས་ནི་སྤང་མི་བྱ།། དམ་ཆོས་དེ་བཞིན་དམ་ཚིག་དང་།། སློབ་དཔོན ་སྨད་པར་མི་བྱ་སྟེ། ། གང་ཕྱིར་རྡོ་རྗེ་འཛིན་ཀུན་དེ།། སེམས་ཅན་ཀུན་ལ་ཕན་ཕྱིར་དང་།། ཐེག་པ་ཐམས་ཅད་གྲུབ་པའི་ཕྱིར།། གདུག་པ་འདུལ་བས་དག་པ་ཞེས།། རྡོ་རྗེ་མཆོག་ནི་འཛིན་པས ་གསུངས། ། ཤིན་ཏུ་གདུག་ཅིང་གཏུམ་པ་དང་།། བདག་པོའི་གྲོགས་པོ་བུ་རྣམས་ཀྱང་།། ཕྱག་རྒྱའི་རྣལ་འབྱོར་མངོན་སྤྱོད་ཀྱིས།། ཤིན་ཏུ་གཉིད་ནི་ལོག་ཏུ་གཞུག། རྟག་ཏུ་རང ་གི་དལ་ཚིག་བསྲུང་། ། རྟག་ཏུ་དེ་བཞིན་གཤེགས་རྣམས་མཆོད།། རྟག་ཏུ་བླ་མ་ལ་ཡང་དབུལ།། དེ་ལ་ཕུལ་ན་འབྲས་བུ་ཆེ།། དེ་བྱིན་སངས་རྒྱས་ཐམས་ཅད་ལ།། རྟག་ཏུ་བྱིན་པ ་ཉིད་དུ་འགྱུར། ། དེ་བྱིན་བསོད་ནམས་ཚོགས་རྫོགས་ཏེ།། ཚོགས་ལས་དངོས་གྲུབ་མཆོག་ཏུ་འགྱུར།། དེང་ཁྱོད་སྐྱེ་བ་འབྲས་བུར་བཅས།། གང་ཕྱིར་འདི་ལ་རབ་ཏུ་གནས།། དམ་ཚིག། ་རྒྱལ་པོ་དང་མཉམ་པར།། སངས་རྒྱས་ཀུན་གྱིས་བྱིན་གྱིས་བརླབས།། སངས་རྒྱས་རྡོ་རྗེ་འཛིན་རྣམས་ཀྱིས།། དེ་རིང་ཁྱོད་ལ་དབང་བསྐུར་བས།། ཁམས་གསུམ་གྱི་ནི་རྒྱལ་སྲིད་ཆེའི།། ་སྟོབས་དཔལ་འཁོར་ལོ་སྒྱུར་བ་ཡིན།། རྡོ་རྗེ་དམ་པའི་གསང་མཆོག་རྣལ་འབྱོར་མའི།། མཆོག་གི་དམ་ཚིག་གསང་བ་མཐོང་ནས་ནི།། བདུད་ལ་སོགས་པའི་ཤ་ཡང་ཟོས་ནས་ནི།། ་དེ་བཞིན་གཤེགས་སྦྱོར་ཐོབ་ནས་ཁྱོད་གྲུབ་ཡིན།། ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དཔལ་མཆོག་དང་པོ་ལས། མཆོག་ཏུ་གསང་བའི་རྡོ་རྗེ་རྣལ་འབྱོར་གྱི ་མཁའ་འགྲོ་མ་དཀྱིལ་འཁོར་གྱི་ཆོ་ག་ཤིན་ཏུ་གྲུབ་པའོ། ། དེ་ནས་འཕགས་པ་སྤྱན་རས་གཟིགས་ཀྱི་དབང་ཕྱུག་གི་མཆོག་ཏུ་གསང་བ་འགྲོ་བ་འདུལ་བའི་ཆོ་ག་ནི། རས་ལ ་བཅོམ་ལྡན་བྲི་བར་བྱ། ། པདྨ་གར་གྱི་དབང་ཕྱུག་གཙོ།། གློག་གི་འཁོར་ལོ་ཡོངས་འཁོར་བའོ།། འཁོར་བའི་རྣམ་འཕྲུལ་གར་རྣམས་ཀྱིས།། པདྨ་ལ་སོགས་ཕྱག་མཚན་བྲི།། ཕྱག ་རྒྱ་འཁོར་ལོ་ལྟར་མཛད་པ། ། དེ་ཡི་ལོགས་ནི་ཐམས་ཅད་ལ།། ཁྲོ་གཉེར་མ་སོགས་བྲི་བར་བྱ།། དྲག་པོ་ལ་སོགས་ཕྱག་མཚན་གཟུགས།། པདྨའི་ལྷ་མོར་པདྨ་བཅས།། དཀྱིལ་འཁོར། ་དེ་ནི་བརྟག་བྱས་ནས།། གསང་བའི་དཀྱིལ་འཁོར་དམ་པ་ནི།། མཚོན་ཆ་མཆོག་གི་ཆོ་ག་ཡིས།། ཐམས་ཅད་བྱས་ནས་འདི་བརྗོད་བྱ།། དེ་ཉིད་སངས་རྒྱས་བཅོམ་ལྡན་འདས ་སྤྱན་རས་གཟིགས་ཀྱི་དབང་ཕྱུག་སྟེ། ། འདུལ་བའི་ཐབས་ཀྱིས་དག་པ་ཡིན།། རོལ་མོའི་གར་གྱིས་མཛད་པ་ཡིན།། ཞེས་བྱ་བ་ནི་མཆོག་གི་རྡོ་རྗེ་སྟེ། ཇི་ལྟར་པདྨ་དམར་པོ་ནི།། གནས་ཀྱི ་ཉེས་པ་སྣ་ཚོགས་ཀྱིས། ། ཚོན་གྱི་ཉེས་པས་མི་གོས་པ།། དེ་བཞིན་ཁམས་གསུམ་དག་པའོ།། ཞེས་བྱ་བ་ནི་མཆོག་ཏུ་གསང་བའི་ཆོས་ཉིད་ཀྱི་དྲིལ་བུའོ།། ཆོ་ག་གང་དང་གང་དག་གིས།། འགྲོ ་བ་རྣམས་ཀྱི་འདུལ་འགྱུར་བ། ། པདྨ་དག་མཆོག་རྣལ་འབྱོར་བདག། དེ་དང་དེ་ཡི་བདག་པོར་བྱ།། ཞེས་བྱ་བ་ནི་རྡོ་རྗེ་ཐམས་ཅད་ཀྱི་ཆོས་ཀྱི་དམ་ཚིག་གོ།། དེ་ནས་ཇི་ལྟ་བ་བཞིན་དུ་པདྨ་གར་གྱི ་མཆོད་པས་མཆོད་ལ། ཆོ་ག་ཐམས་ཅད་རྗེས་སུ་སྤྱད་པར་བྱའོ།། དེ་ནས་བཅོམ་ལྡན་འདས་ནམ་མཁའི་སྙིང་པོ་དོན་ཐམས་ཅད་འགྲུབ་པའི་ཆོ་ག་སྟེ། ཉི་མའི་དཀྱིལ་འཁོར་བྲིས་ནས་ནི།། ་རས་རིས་དེ་ནི་བློ་གྲོས་ཆེ།། ལྗང་ཁུ་བཻ་ཌཱུཪྻ་དང་མཚུངས།། ནམ་མཁའི་སྙིང་པོ་བྲི་བར་བྱ།། དེ་ཡི་འོད་ཀྱི་འཁོར་ལོར་བརྟེན།། དབང་བསྐུར་མ་དང་གཏེར་མ་དང་།། རྒྱལ་མཆོག་མང ་བ་མཆོད་པའོ། ། གསང་བའི་དཀྱིལ་འཁོར་དམ་པ་དེའི།། འཁོར་ལོ་བརྟག་པར་བྱས་ནས་ནི།། མཚོན་ཆ་མཆོག་གི་ཆོ་ག་ཡིས། ཆོ་ག་རྒྱས་པ་ཇི་བཞིན་པའོ།། དེ་ནི་རྡོ་རྗེ་མཆོག ་དེ་ནི། ། ཉི་མ་འདི་ནི་དམ་པ་སྟེ།། དེ་བཞིན་གཤེགས་པ་ཐམས་ཅད་མཐོང་།། ནམ་མཁའི་སྙིང་པོ་བཅོམ་ལྡན་འདས།། བསམ་པ་ཐམས་ཅད་ཡོངས་རྫོགས་མཛད།། དེ་ནས་ཆོས་ཀྱི་རིན་པོ ་ཆེའི་དྲིལ་བུ་ནི། བསམ་པ་གྲུབ་པ་ཐམས་ཅད་ཀྱི།། ནོར་གྱི་བསམ་པ་གྲུབ་པ་མཆོག། དེ་ཡང་འདོད་པ་རབ་སྒྲུབ་ཕྱིར།། འདོད་ལས་ཐར་པ་བདེ་བ་ཆེ།། ཞེས་བྱའོ།། དམན་མིན་རྣམས ་ནི་སྦྱིན་བྱའོ། ། འདོད་པ་ཀུན་གྱི་བདེ་བ་རྣམས།། བདག་ཉིད་དང་གཞན་རྣམས་ལ་ནི།། བསམ་པ་ཐམས་ཅད་རྫོགས་ཕྱིར་རོ།། ཞེས་བྱ་བ་ནི་དམ་ཚིག་གི་མཆོག་གོ།། དམ་ཆོག་འདི་ཡིས ་མཆོག་ཏུ་ནི། ། རྡོ་རྗེ་སེམས་དཔའ་བདེ་བ་ཆེ།། མྱུར་དུ་ཡང་དག་དམ་པ་མཆོག། མི་འགྱུར་མཆོག་ནི་གྲུབ་པར་མཛོད།། དེ་ལྟར་གསང་བ་མཆོག་གི་ཚུལ་དག་ནི།། ཇི་བཞིན་ཆོ་ག་མཆོག་ཏུ་རྒྱས ་པ་སྟེ། ། མཆོག་ཆེན་དེས་ནི་རྟོག་པ་ཐམས་ཅད་ཀྱི།། ཁྱད་པར་དངོས་གྲུབ་ཐམས་ཅད་འགྲུབ་པར་འགྱུར།། དཔལ་མཆོག་དང་པོ་ལས། རྟོག་པ་ཐམས་ཅད་ཀྱི་སྒྲུབ་པའི་ཆོ་གའོ།། ་། དེ་ནས་གྲུབ་ཆེན་ཐམས་ཅད་ཀྱི།། སྒྲུབ་པའི་མཆོག་ནི་བདེ་བ་ཆེ།། རྡོ་རྗེ་སེམས་དཔའ་ཕྱག་རྒྱ་སྟེ།། རྟོག་པ་ཀུན་མཆོག་གྲུབ་པའི་ཕྱིར།། སྣོད་མ་ཡིན་པའི་སེམས་ཅན་གང་།། སྡིག་པ ་ཐམས་ཅད་བྱེད་རྣམས་ལ། ། མཐོང་བ་ལ་སོགས་སེམས་ཅན་དོ།། སེམས་དཔའ་ཆེན་པོས་མཛད་པ་ཡིན།། མཐོང་མེད་ལོང་བ་དེ་རྣམས་ནི།། བསོད་ནམས་མེད་ཚོགས་རྟགས་ལྡན་ལ།། རྡོརྗེ ་སེམས་སོགས་སེམས་དཔའ་མཆོག། མཐོང་བའི་ཐབས་ཀྱི་རྒྱུ་རྣམས་ནི།། བསོད་ནམས་སེམས་སོགས་སེམས་མཆོག་གི། སྐུ་གསུང་ཐུགས་ཀྱི་རྡོ་རྗེ་ཡིས།། དམ་ཚིག ་མཆོག་ནི་བཅིང་བ་སྟེ། ། དམ་ཚིག་འདའ་བར་དཀའ་བའོ།། རྡོ་རྗེ་སེམས་སོགས་སེམས་དཔའ་ཡི།། གང་ཕྱིར་སྐུ་རྣམས་བརྟན་པ་ནི།། དེ་ཡི་ཕྱག་རྒྱར་གྲགས་པ་སྟེ།། དངོས་གྲུབ་ཀུན་ཕྱིར ་དེ་དག་སྤྲུལ། ། གང་དག་བཟུང་བ་ཙམ་གྱིས་ནི།། རྡོ་རྗེ་སེམས་དཔའ་ལ་སོགས་མཆོག། མཐོང་ཞིང་མངོན་པར་མཐོང་བ་ཉིད།། མཆོག་བསྡུས་ཉིད་དུ་གྱུར་པ་ཡིན།། ཕྱག་རྒྱ་བཅིངས་པ་ཙམ་གྱིས ་ནི། ། གང་ཕྱིར་བསྡུས་པར་གྱུར་པ་སྟེ།། རྡོ་རྗེ་སེམས་སོགས་སེམས་དཔའ་རྣམས།། ཉམས་པས་འཇིགས་པས་འགྲུབ་མི་འགྱུར།། ཇི་ལྟར་རྒྱལ་པོ་རྣམས་ཀྱི་བཀའི།། རྟགས་ཀྱི་ཕྱག་རྒྱ་འདའ ་དཀའ་བ། ། ཕྱག་རྒྱ་གསང་བ་ཀུན་གྱིས་ཀྱང་།། འདའ་བར་ནུས་པ་མ་ཡིན་ནོ།། སངས་རྒྱས་ཉིད་དམ་རྡོ་རྗེ་འཛིན།། དེ་ལྟར་བསྐལ་པ་བྱེ་བས་ཀྱང་།། ཐོབ་པར་མི་འགྱུར་མྱུར་དུ་ནི།། ཇི་ལྟར ་ཕྱག་རྒྱ་མཆོག་གཟུང་བའོ། ། ཇི་ལྟར་འདུལ་ལྡན་འཇིག་རྟེན་ནི།། དེ་ལྟར་དངོས་གྲུབ་གསུངས་པ་ཡི།། དེ་ཡི་ཐབས་ནི་ཕྱག་རྒྱ་སྟེ།། དངོས་གྲུབ་ཐམས་ཅད་མཆོག་ཏུ་བྱེད།། གང་ཞིག་བཅིང ་བ་ཙམ་གྱིས་ནི། ། འདུས་ན་བདེ་བ་ཆེན་པོ་རྣམས།། རྡོ་རྗེ་སེམས་སོགས་སྐད་ཅིག་གིས།། བྱིན་གྱིས་བརླབས་པར་བསྟན་པར་མཛད།། ཅེས་བྱ་བའོ།། དེ་ནས་འདི་གསུངས་ནས་བཅོམ ་ལྡན་འདས་ཀྱིས་མཁས་ཤིང་མཆོག་ཏུ་ཕྲ་བ་དང་། ཟབ་པ་དང་། རྒྱ་ཆེ་བ། བསམ་གྱིས་མི་ཁྱབ་པ། མཆོག་ཏུ་དག་པ། ཐོག་མ་དང་ཐ་མ་མེད་པ། མི་ཟད་ཅིང་ཟད་པ་མེད་པ། དོན་ཡོད་ཅིང་ཐོགས ་པ་མེད་པ། ཤིན་ཏུ་མཆོག་ཏུ་དགའ་བ་མ་ལུས་པའི་བདེ་བ་ཆེན་པོ་དང་། ཡིད་མི་བདེ་བ་མ་ལུས་ཤིང་ལུས་པ་མེད་པའི་སེམས་ཅན་གྱི་ཁམས་ཐམས་ཅད་ཀྱི་དངོས་གྲུབ་ཆེན་པོའི་དབང་ཕྱུག་ཆེན་པོའི་མཆོག ་ཏུ་མི་འགྱུར་བའི་དངོས་གྲུབ་ཐམས་ཅད་ཀྱི་མཆོག་རྡོ་རྗེ་དབབ་པ་རྣམས་ཀྱིས་རབ་ཧུ་སད་པར་མཛད་ནས། བདེ་བ་ཆེན་པོ་རྡོ་རྗེ་གསང་བའི་དོན་ཡོད་པའི་མཆོག་གི་གསང་བ་ཞེས་བྱ་བའི་མཚོན་ཆ་མཆོག་ཏུ ་གསང་བའི་ཆོ་ག་རྒྱུད་ཕྱི་མའི་མཆོག་བྱིན་གྱིས་རློབ་པར་མཛད་པའོ། ། དེ་ནས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གིས་བདག་ལ་བྱིན་གྱིས་བརླབ་པ་གཅིག་པུའི་ཆོ་ག་བཤད་པར་བྱའོ་ཞེས་བྱ་བ ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། ཉིན་རེ་སྔོན་དུ་ལན་ཅིག་ཏུ།། ཕྱག་རྒྱ་ཆེ་དང་སྙིང་པོ་བཟླ།། ཀུན་གྱི་ཕྱག་རྒྱ་རབ་གྲུབ་པའི།། བདག་བྱིན་རླབས་པ་གཅིག་པུའི་འགྲུབ།། ་ཅེས་བྱ་བ་ནི་མཆོག་ཏུ་གྲུབ་པའོ།། དེ་ནས་མཆོག་ཏུ་གསང་བ་དག་ལ་བྱིན་གྱིས་བརླབས་པ་གཅིག་པུ་སྒྲུབ་པའི་ཆོ་ག་མཆོག་གྲུབ་པ་ནི། ལན་ཅིག་དམ་ཚིག་གསུམ་མཆོག་ཏུ།། གསང་བ་དམ་པའི ་ཁང་པར་ནི། ། རྡོ་རྗེ་ལ་སོགས་ཐོབ་ཟུང་ན།། རྡོ་རྗེ་ཅན་གྱི་བྱིན་རླབས་འགྱུར།། དེ་ནས་ཤིན་ཏུ་མཆོག་ཏུ་གསང་བའི་བདག་ལ་བྱིན་གྱིས་བརླབས་པ་གཅིག་པུ་སྒྲུབ་པའི་ཆོ་ག་རྒྱས་པའི་ཁྱད་པར ་ཤིན་ཏུ་མཆོག་ཏུ་གྲུབ་པ་ནི། རྡོ་རྗེ་དྲིལ་བུ་ཀུན་བདག་ཉིད།། སྣ་ཚོགས་ཕྱག་རྒྱའི་སྐུར་བདག་ལྡན།། ཕྱག་རྒྱ་ཀུན་གྱི་རྣལ་འབྱོར་བདག། རྡོ་རྗེ་སེམས་དཔའ་ཉིད་དུ་འགྱུར། ་གྲུབ་པའི་ཆོ་ག་འདི་ཡིས་ནི།། རྡོ་རྗེ་སེམས་དཔའ་ཡང་དག་བསྡུས།། ཀུན་མཆོག་དངོས་གྲུབ་ཆེན་པོ་ཡི།། དབང་ཕྱུག་ཆེན་པོ་ཉིད་བྱིན་བརླབས།། དོན་ཡོད་རབ་ཏུ་བདག་བྱིན་བརླབས།། རང ་བཞིན་གྱིས་ནི་ཐམས་ཅད་དུ། ། མདོར་ན་ཕྱག་རྒྱ་ཐམས་ཅད་ནི།། དངོས་གྲུབ་ལས་དང་དེ་བཞིན་བདེ།། ཐམས་ཅད་བྱིར་རླབས་སྒྲུབ་པ་ཡི།། མི་འགྱུར་བ་ནི་ཀུན་སྒྲུབ་བྱེད།། ཅེས་བྱ་བ་བཅོམ ་ལྡན་འདས་རྡོ་རྗེ་སེམས་རཔས་གསུངས་སོ། ། དཔལ་མཆོག་དང་པོ་ལས། དངོས་གྲུབ་ཐམས་ཅད་བྱིན་གྱིས་བརླབ་པའི་ཆོ་ག་མཆོག་ཏུ་གསང་པ་ཞེས་བྱ་བའོ།། ། དེ་ནས་ཡང་མཆོག་ཏུ ་གསང་བའི་རྣལ་འབྱོར་ཐམས་ཅད་ཀྱི་ཆོ་ག་རྗེས་སུ་བཤད་པར་བྱའོ་ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། དེ་ལ་ཐོག་མ་ཁོ་ནར་རེ་ཞིག་དོན་ཡོད་ཆེར་ནི་རྣལ་འབྱོར་གྱི་སྐད ་ཀྱི་དབྱངས་སོ། ། འདི་ཡང་བརྩོན་པ་ཡིན་ནོ་ཞེས་བྱ་བ་ནི་སྐད་ཅིག་དབྱིངས་ཀྱི་དོན་ཏོ།། གང་ཞིག་བརྩོན་པ་ཡིན་ཞེ་ན། སྨྲས་པ། རང་གི་ལྷག་པའི་ལྷ་རྗེས་སུ་དྲན་པར་སྦྱོར་བས་ན་རྣལ་འབྱོར ་རོ། སླར་ཡང་གཞན་ནི་ཡང་དག་པར་བསྡུ་བ་དང་། ཡང་དག་པར་ཀུན་ཏུ་སྦྱོར་བ་དང་། ཡང་དག་པར་སྦྱོར་བ་ཞེས་བྱ་བ་ནི་རྣལ་འབྱོར་བརྗོད་པའི་རྣམ་གྲངས་སོ།། གང་ཡང་དག་པར་ཀུན ་ཏུ་སྦྱོར་བ་ཡིན་ཞེ་ན། རང་གི་ལྷག་པའི་ལྷ་རྗེས་སུ་དྲན་པའི་རྣལ་འབྱོར་རྗེས་སུ་བསྒྲུབས་པས་རང་གི་ལྷག་པའི་ལྷའི་རྣལ་འབྱོར་བསྒྲུབ་པའི་སྦྱོར་བ་བྱ་ཞེས་བྱའོ།། དེ་ལ་ཇི་ལྟར་ཐམས་ཅད་ཀྱི་རྣལ ་འབྱོར་ཡིན་ཞེ་ན། དམ་ཚིག་གི་རྣལ་འབྱོར་ནི་ཐམས་ཅད་ཀྱི་རྣལ་འབྱོར་ཞེས་བྱ་བ་ཡིན་ནོ།། དེ་བཞིན་གཤེགས་པ་ཀུན་གྱིས་ཀྱང་།། འདའ་བ་རུ་ནི་མི་མཛད་པས།། ཕྱག་རྒྱ་དམ་ཚིག་ཅེས་སུ ་བསྒྲགས། ། ཡིད་ཀྱི་གཟུགས་ནི་བརྟན་ཕྱིར་རོ།། ཞེས་བྱ་བ་ནི་དམ་ཚིག་གི་དོན་ཏོ།། དེ་ལ་རྗེས་སུ་སྒྲུབ་པའི་རྣལ་འབྱོར་ནི་དམ་ཚིག་གི་རྣལ་འབྱོར་ཏེ། ཐམས་ཅད་ཀྱི་རྣལ་འབྱོར་ཞེས་བྱའོ།། ་འའདི་ལྟ་སྟེ། རྫས་མང་པོ་ཡང་དག་པར་སྦྱར་བས་སྦྱོར་བ་ཞེས་བྱ་བ་གྲུབ་པ་དེ་བཞིན་དུ། ཐམས་ཅད་ཀྱི་བདག་ཉིད་ཀྱི་ཕྱག་རྒྱའི་སྦྱོར་བས་དག་པར་ཀུན་ཏུ་སྦྱོར་བས་ན་ཐམས་ཅད་ཀྱི་རྣལ་འབྱོར་ནི་དག ་ཚིག་གི་རྣལ་འབྱོར་རོ། ། དེ་ལ་ཇི་ལྟར་ན་ཐམས་ཅད་ཀྱི་བདག་ཉིད་ཀྱི་རྣལ་འབྱོར་ཡིན་ཞེ་ན། སངས་རྒྱས་ཀུན་བདག་ཡང་དག་སྦྱོར།། ཇི་ལྟའི་དབྱིབས་དང་སྐུ་དང་ལྡན།། བདག་ཉིད་བདག ་ཉིད་ལ་ནི། ། བཀོད་ནས་རྗེས་སུ་བསྒྲུབ་པར་བྱ།། ཞེས་བྱ་བ་ནི་རང་གི་དམ་ཚིག་རྣལ་འབྱོར་ཐམས་ཅད་ཀྱི་རྣལ་འབྱོར་ཞེས་བྱའོ།། དེ་ལ་རྗེས་སུ་སྒྲུབ་པ་ནི།། ལྷག་པའི་ལྷ་ནི་གང་གང་གིས ་ཕྱག་རྒྱ་གང་དང་གང་འཆིང་བ། དེ་དང་དེ་ཡི་རྣལ་འབྱོར་གྱིས།། ཕྱག་རྒྱ་དེ་དང་དེར་སྦྱོར་བྱ།། ཞེས་བྱ་བའོ།། གནས་མཆོག་ཏུ་གསང་བའི་རབ་མཆོག་གི་རྗེས་སུ་སྒྲུབ་པའི་ཚི་ག་རྫས་པ ་མཆོག་ཏུ་ཤིན་ཏུ་གྲུབ་པ་ནི། བདག་ནི་སངས་རྒྱས་ཐམས་ཅད་ཉིད།། གཟི་བརྗིད་ཅན་ནི་ཉིད་ཀྱང་ཡིན།། རང་གི་ལྷ་ཡི་རྣལ་འབྱོར་གྱིས།། དེ་ཕྱིར་བདག་ཉིད་བརྟག་པར་བྱ།། ་ཕྱག་རྒྱ་ཐབས་ཀྱི་རྣལ་འབྱོར་ཆེན་པོ་མཆོག་ཏུ་གསང་བ་ཞེས་བྱའོ།། དེ་ནས་མཆོག་ཏུ་ཤིན་ཏུ་གསང་བའི་མཆོག་གི་རྗེས་སུ་སྒྲུབ་པའི་ཆོ་ག་རྒྱས་པའི་ཁྱད་པར་ཤིན་ཏུ་མཆོག་ཏུ་གྲུབ་པ་ནི། རང ་སྦྱོར་བ་ཇི་བཞིན་དུ། ། སྣ་ཚོགས་ཕྱག་རྒྱའི་དབང་བསྐུར་ལྡན།། ཕྱག་རྒྱ་ཀུན་བདག་རྣལ་འབྱོར་བདག། མི་འགྱུར་མཆོག་ཏུ་གྲུབ་པར་འགྱུར།། རྟོག་པ་ཐམས་ཅད་ཀྱི་སྣ་ཚོགས་པའི ་དམ་ཚིག་མཆོག་གི་རྣལ་འབྱོར་ནི་ཡང་དག་པར་ཀུན་ཏུ་སྦྱོར་བ་ཞེས་བྱའོ། ། དེ་ནས་གཞན་ཡང་སླར་མཆོག་ཏུ་གསང་བ་མཆོག་ཏུ་གསང་བ་མཆོག་གི་རྗེས་སུ་སྒྲུབ་པའི་ཆོ་ག་རྒྱས་པའི ་ཁྱད་པར་མཆོག་ཏུ་གྲུབ་པ་ལས་ཤིན་ཏུ་མཆོག་ཏུ་གྲུབ་པ་ཞེས་བྱ་བ་ནི། རྡོ་རྗེ་སེམས་དཔར་བདག་སྦྱོར་བའི།། ཇི་བཞིན་དབྱིངས་དང་སྐུར་ལྡན་པ།། ཀུན་བདག་ཕྱག་རྒྱའི་རྣལ་འབྱོར ་བདག། མི་འགྱུར་མཆོག་ནི་གྲུབ་པར་འགྱུར།། འདི་ནི་སངས་རྒྱས་ཐམས་ཅད་ཀྱི།། དམ་ཚིག་གསལ་བའི་རྗེས་འགྲོ་བ།། རྣལ་འབྱོར་ཀུན་བདག་གྲུབ་པ་སྟེ།། གསལ་ཞིང་གི་ཏུ ་གྲུབ་མཆོག་ཡིན། ། འདི་ཡིས་མི་འགྲུབ་ཅུང་ཟད་མེད།། དངོས་གྲུབ་ལས་དང་དེ་བཞིན་བདེ།། ལས་ཀྱི་ཚོགས་ཀྱི་དངོས་གྲུབ་དང་།། དངོས་གྲུབ་མ་ལུས་མྱུར་དུ་འགྲུབ།། ཅེས་བྱ ་བ་ནི་གསང་བའི་དམ་ཚིག་གི་རྣལ་འབྱོར་ཏེ་ཤིན་ཏུ་མཆོག་ཏུ་རབ་ཏུ་གྲུབ་པའོ། ། འདོད་པ་ཀུན་ལ་ལོངས་སྤྱོད་ཅིང་།། ཅི་འདོད་པར་ནི་བརྟེན་པ་ཡིས།། རྣལ་འབྱོར་དག་ནི་འདི་དག་གིས།། ་རང་གི་བདག་ཉིད་རབ་མཆོད་བྱ།། ཞེས་བྱ་བ་འདི་ནི་དེ་བཞིན་གཤེགས་པ་ཐམས་ཅད་ཀྱི་ཤིན་ཏུ་གསང་བ་བླ་ན་མེད་པ་ཐེག་པ་ཆེན་པོའི་དམ་ཚིག་ཆེན་པོའི་རྣལ་འབྱོར།། དེ་བཞིན་གཤེགས་པ་ཐམས ་ཅད་ཀྱི་དཔལ་གྱི་རང་གི་དམ་ཚིག་རྣལ་འབྱོར། དགའ་བ་ཆེན་པོའི་དཔལ་རྡོ་རྗེ་དོན་ཡོད་པའི་དགའ་བའི་དམ་ཚིག་རྣལ་འབྱོར་ཐམས་ཅད་ཀྱི་བླ་ན་མེད་པའི་བཅུད་ཀྱིས་ལེན་གྱི་མཆོག་གི་དངོས་གྲུབ་ཀྱི ་རྣལ་འབྱོར་གྱི་རྒྱལ་པོ་དེ་བཞིན་གཤེགས་པ་བཅོམ་ལྡན་འདས་དཔལ་རྡོ་རྗེ་སེམས་དཔའ་འོ། ། རྡོ་རྗེ་སེམས་དཔའི་མཆོག་གི་ཚེ་དང་། ན་ཚོད་གཞོན་པ་དང་། ནད་མེད་པ་དང་། གཟུགས་དང་། ་ཁ་དོག་དང་། གཟི་བརྗིད་དང་། མཐུ་དང་། སྟོབས་དང་། སྤྲོ་བ་དང་། དངོས་གྲུབ་མཆོག་ཐམས་ཅད་དང་། དཔལ་དང་། སྐལ་བ་བཟང་པོ་དང་། དགའ་བ་ཆེན་པོ་དང་། ཤིན་ཏུ་བདེ ་བ་དང་། ཡིད་བདེ་བ་ཐམས་ཅད་ལ་དམ་པ་མཆོག་ཏུ་འགྲུབ་པའོ།། ཇི་སྲིད་མ་ལུས་ཤིང་ལུས་པ་མེད་པ་ལུས་པའི་དངོས་གྲུབ་ཆེན་པོ་དམ་པ་ཐམས་ཅད་ཀྱི་དབང་ཕྱུག་ཆེན་པོའི་བདག་ཉིད་ལ ་སོགས་པའི་དངོས་གྲུབ་ཐམས་ཅད་ཀྱི་ལས་ཀྱི་ཚོགས་མཆོག་ཏུ་གྲུབ་པ་སྟེ། རྒྱས་བཏབ་པ་ཙམ་གྱིས་སྐར་ཅིག་གིས་རབ་ཏུ་གྲུབ་པ་ཡིན་ནོ།། དེའི་རྒྱུ་གང་གི་ཕྱིར་ཞེ་ན། འདི་ལྷ་སྟེ། སྤྱོད་པ ་ཕྱག་རྒྱལ་རག་ལུས། ། ཕྱག་རྒྱ་རྣལ་འབྱོར་ལ་གནས་པ།། རྣལ་འབྱོར་ཁྱད་པར་གྱིས་བསྒྲུབ་བྱ།། རྣལ་འབྱོར་དམ་ཚིག་གིས་སྒྲུབ་བྱེད།། སེམས་ནི་སྟོང་པ་སྒྱུ་མར་མཚུངས།། ་ལུས་དང་བྲལ་བར་མ་གྲུབ་སྟེ།། ལུས་དེ་ཡང་ནི་རྩིག་པ་འདྲ།། བྱ་བ་མེད་ཅིང་སེམས་དང་བྲལ།། སེམས་ཀྱང་ལུས་དང་བྲལ་བ་དང་།། ལུས་ཀྱང་སེམས་དང་བྲལ་བ་ནི།། གྲུབ་པ་མ་ཡིན་དེ་བཞིན ་འདི། ཕྱག་རྒྱ་རྣལ་འབྱོར་ཆོ་གར་བརྗོད།། ཇི་ལྟར་ལུས་ནི་སེམས་ཀྱི་ས་དང་།། སེམས་ཀྱང་ལུས་ཀྱིས་འགྲུབ་འགྱུར་བ།། དེ་བཞིན་ཕྱག་རྒྱ་རྣལ་འབྱོར་གྱིས།། རྣལ་འབྱོར་དམ་ཚིག་བསྒྲུབ ་པས་སོ། ། དེ་ལྟར་དམ་ཚིག་རྣལ་འབྱོར་དག། ཕན་ཚུན་དུ་ནི་སྒྲུབ་པའི་ཕྱིར།། ཕན་ཚུན་དུ་ནི་རྟག་བདག་ཉིད།། དེ་བཞིན་གཤེགས་པར་འགྲུབ་པར་འགྱུར།། ཞེས་བྱ་བ་ནི་ཤིན་ཏུ་མཆོག ་ཏུ་གསང་བ་མཆོག་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། དེ་ལ་ཇི་ལྟར་ཕྱག་རྒྱ་ཐམས་ཅད་དང་རྣལ་འབྱོར་དག་རྗེས་སུ་སྒྲུབ་པ་ཡིན་ཞེ་ན། ཕྱག་རྒྱ་སྐུ་ནི་བསྟན་པའི་ཕྱིར།། དེ་ཡང ་བདེ་བས་བརྟན་པར་འགྱུར། ། སྡུག་བསྔལ་གྱིས་ནི་གཡོ་འགྱུར་རམ།། ཡང་ན་འཆིང་ཐོབ་པར་འགྱུར།། དེ་ནི་རྣལ་འབྱོར་སེམས་ལས་བྱུང་།། ཡིད་བདེ་བ་ཡིས་རབ་ཏུ་སྒྲུབ།། ཡིད་མི་བདེ་བས ་གཡོ་བའམ། ། ཡང་འགོག་པ་ཡང་ཐོབ་པར་འགྱུར།། དེ་ཕྱིར་འབད་པ་ཐམས་ཅད་ཀྱིས།། ཕྱག་རྒྱ་རྣལ་འབྱོར་རྗེས་སྒྲུབ་བྱེད།། དཀའ་ཐུབ་མེད་ཅིང་ངེས་པ་མེད།། བདེ་བ་དགའ་བས ་བསྒྲུབ་པར་བྱ། ། ཞེས་བྱ་བ་ཤིན་ཏུ་གསང་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ལ་དམ་ཚིག་ཐམས་ཅད་ཀྱི་རྣལ་འབྱོར་རྗེས་སུ་སྒྲུབ་པའི་བདེ་བ་དེ་གང་ཡིན་ཞེ་ན། འདོད་པ་ཀུན ་ལ་ལོངས་སྤྱོད་ཅིང་། ། ཅི་འདོད་པར་ནི་བརྟེན་པ་ཡིས།། རང་གི་ལྷ་ཡི་རྣལ་འབྱོར་གྱིས།། བདག་དང་གཞན་རྣམས་མཆོད་པར་གྱིས།། ཞེས་བྱ་བའོ།། དེ་བཞིན་གཤེགས་པ་ཐམས་ཅད ་མཆོག་ཏུ་གསང་བ་བླ་ན་མེད་པའི་ཐེག་པ་ཆེན་པོའི་རྣལ་འབྱོར་བཅོམ་ལྡན་འདས་རྡོ་རྗེ་སེམས་དཔའ་མཆོག་ཏུ་བདེ་བ་ཞེས་བྱའོ། ། དེ་ལ་དམ་ཚིག་ཐམས་ཅད་རྣལ་འབྱོར་རྗེས་སུ་སྒྲུབ་པ་དེ་གང་ཡིན ་ཞེ་ན། དཀའ་ཐུབ་ཉེས་པ་མི་ཟད་པས།། སྡུག་བསྔལ་ལྡན་པས་མྱུར་དུ་བསྐམས།། སྡུག་བསྔལ་གྱིས་ནི་སེམས་གཡེངས་འགྱུར།། རྣལ་འབྱོར་པ་ནི་སྦྱོར་བ་མིན།། དེ་ཕྱིར་ཅི་འདོད་ལ ་སྤྱོད་པ། ། ཀུན་ཟ་དེ་བཞིན་ཐམས་ཅད་བྱེད།། ཅི་འདོད་བྱ་བ་ལ་སྤྱོད་པ།། ཅི་འདོད་པར་ནི་སྤྱོད་པ་སྤྱོད།། གང་དང་གང་དུ་འཆག་པ་དང་།། དགོད་པ་འམ་ནི་སྨྲ་བ་འམ།། གང་ཡང ་དེ་རུང་ཇི་བཞིན་ཏེ། ། དཀྱིལ་འཁོར་དུ་ནི་མ་ཞུགས་པ།། སྒྲིབ་པ་རྣམས་དང་ལྡན་པ་འམ།། རང་གི་ལྷ་ཡི་རྣལ་འབྱོར་བདག། ཚིག་གིས་ཀྱང་ནི་དེ་བཞིན་འགྱུར།། དེ་ཉིད་རྣལ ་འབྱོར་འདི་ཡིས་ནི། ། ཐམས་ཅད་ཉིད་ནི་བསྒྲུབ་པ་བྱ།། ངན་སྤྱོད་སྡིག་པ་ཐམས་ཅད་ཀྱིས།། རྣམ་པ་ཀུན་ཏུ་གནོད་མི་འགྱུར།། འདོད་པ་ཆེན་པོ་ཀུན་བདག་ཉིད།། དབང་ཕྱུག་དམ ་པ་འགྲུབ་པར་འགྱུར། ། ཐམས་ཅད་རྡོ་རྗེ་འཛིན་རྒྱལ་པོ།། ཀུན་མཆོག་དབང་ཕྱུག་དམ་པའོ།། སངས་རྒྱས་བྱང་ཆུབ་སེམས་དཔའ་ཉིད།། རྣལ་འབྱོར་འདི་ཡིས་རྙེད་སྔ ་ན། ། དངོས་གྲུབ་རྣམས་དང་ལས་མཆོག་གི། ཚོགས་རྣམས་གཞན་ལྷ་སྨོས་ཅི་དགོས།། དོན་ཡོད་མཆོག་ཏུ་གྲུབ་པ་དང་།། ཕྱག་རྒྱ་ཐམས་ཅད་རྗེས་སྒྲུབ་བྱེད།། དཔལ་ལྡན་སྡུག་བསྔལ་ཀུན ་འཕྲོག་པའི། ། རྣལ་འབྱོར་འདི་ནི་མི་འགྱུར་མཆོག། ཅེས་བྱ་བ་མཆོག་ཏུ་ཡིད་བདེ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ལ་རྣལ་འབྱོར་ཐམས་ཅད་བཅིང་བ་ཇི་ལྟར་ཡིན་ཞེ་ན། ་བསམ་པ་མེད་ཅིང་ཐམས་ཅད་སྨྲ།། དེ་བཞིན་ཐམ་ཅད་བསམས་ན་ཀྱང།། ཡེ་ཤེས་ཙམ་ལ་སྙོམས་འཇུག་པ།། རང་བཞིན་ཉིད་དུ་སྙོམས་པར་ཞུགས།། དེ་ལ་ཇི་ལྟར་རྣལ་འབྱོར་ཐམས་ཅད་བཅིང་བ ་དང་ལུང་བསྟན་པ་ཡིན་ཞེ་ན། རང་གི་ལྷ་ཡི་སྦྱོར་བ་ཡིས།། དངོས་གྲུབ་ཐམས་ཅད་རབ་སྦྱོར་བས།། ཡེ་ཤེས་ཙམ་ལ་སྦྱོར་བ་འདིས།། རྣལ་འབྱོར་ཞེས་ནི་བརྗོད་པ་ཡིན།། ཞེས ་བྱ་བ་ནི་ཕྱག་རྒྱ་ཐམས་ཅད་ཀྱི་རྣལ་འབྱོར་གྱི་ཆོ་ག་མཆོག་ཏུ་གསང་བ་ཞེས་བྱའོ། ། དེ་ནས་བཅོམ་ལྡན་འདས་ཀྱིས་ཐམས་ཅད་རྣལ་འབྱོར་དང་། རྣལ་འབྱོར་ཆེན་པོ་དང་། ཤིན་ཏུ་རྣལ་འབྱོར ་བཅིངས་པ་དང་། ལུང་བསྟན་པ་གསུངས་ཏེ། རྡོ་རྗེ་སེམས་དཔའ་བདག་སྦྱོར་བས།། མཆོད་པ་ཀུན་གྱིས་རྗེས་སྦྱོར་བ།། རྣལ་འབྱོར་ཐམས་ཅད་རབ་སྦྱོར་འདི།། རྣལ་འབྱོར་ཞེས་ནི་རྗེ ་བར་བྱ། ། དེ་ལ་འདི་ལྟར་བརྗོད་བྱ་སྟེ།། དེ་ཉིད་ཆེན་པོ་འདི་འགྲུབ་སྟེ།། མཆོག་གི་བདག་ཉིད་འདི་ཉིད་ནི།། ཤིན་ཏུ་མཆོག་ཏུ་གསང་བ་སྟེ།། ས་སར་སྐྱེ་བོ་ལ་བརྗོད་མིན།། རྡོ་རྗེ་སྔོང ་དཔོན་སློབ་མ་མཆོག། དེ་ཉིད་དད་པའི་རྗེས་འབྲང་བའི།། ཐམས་ཅད་རྣལ་འབྱོར་ཆོ་ག་སྦྱོར།། གཞན་རྣམས་ལ་ནི་རིམས་ཀྱིས་སོ།། འདི་ལ་སྒྲུབ་མེད་ཅུང་ཟད་མེད།། དངོས་གྲུབ་ལས ་དང་བདེ་བ་དང་། ། ཐམས་ཅད་རྣལ་འབྱོར་རྗེས་སྒྲུབ་པས།། མི་འགྱུར་ཐམས་ཅད་སྒྲུབ་པར་བྱེད།། རྣལ་འབྱོར་ཆོ་ག་གསལ་བ་འདི།། གཅིག་པུའང་གང་ལ་ཡོད་གྱུར་ན།། གཞན་གྱིས ་མི་ཐུབ་མི་སོད་ཅིང་། ། བདུད་ལ་སོགས་པ་གནོད་མི་འགྱུར།། དེ་ལ་རྒྱལ་པོ་རྡོ་རྗེ་འཛིན།། རྡོ་རྗེ་སེམས་དཔའ་དེ་བཞིན་གཤེགས།། ཀུན་མཆོག་དངོས་གྲུབ་ཆེན་པོ་ཡི།། རྣལ་འབྱོར ་དབང་ཕྱུག་རབ་གྲུབ་འགྱུར། ། ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དཔལ་མཆོག་དང་པོ་ལས། ཤིན་ཏུ་གསང་བའི་རྣལ་འབྱོར་ཐམས་ཅད་ཀྱི་མཆོག་ཏུ་གསང ་བའོ། ། །། དེ་ནས་རྟོག་པ་ཐམས་ཅད་དོན་ཡོད་ཅིང་ཐོགས་པ་མེད་པ་མཆོག་ཏུ་མཁས་ཤིང་ཕྲ་ལ་རྒྱ་ཆེ་ཞིང་ཟབ་ལ་བསམ་གྱིས་མི་ཁྱབ་ཅིང་ཤིན་ཏུ་ཚད་མེད་པ། མ་ལུས་ཤིང ་ལུས་པ་མེད་པའི་མཆོག་གི་དངོས་གྲུབ་ལ་སོགས་པའི་དངོས་གྲུབ་ཐམས་ཅད་རབ་ཏུ་མཆོག་ཏུ་གྲུབ་པའི་རྒྱས་པའི་རྒྱུད་བཤད་པར་བྱའོ། ། ཞེས་བྱ་བ་ཕྱག་རྒྱ་ཐམས་ཅད་ཀྱི་ཡེ་ཤེས་ཀྱི་རླུང་བཤད ་པར་བྱའོ་ཞེས་བྱ་བ་ཕྱག་རྒྱ་ཐམས་ཅད་ཀྱི་ཡེ་ཤེས་ཀྱི་རྒྱུད་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། གཡོན་པའི་བང་བར་དགོད་པ་ལ།། ཞབས་ཀྱི་པདྨོ་ཅིང་དེ ་བར། ། སེམས་དཔའི་སྐྱིལ་མོ་ཀྲུང་བཅིངས་ཏེ།། རང་ཉིད་ལུས་ནི་དྲང་པོར་འཛིན།། རྡོ་རྗེ་གསོར་བས་ཀུན་ལས་རྒྱལ།། མཆོག་གི་དངོས་གྲུབ་ཀུན་གྱི་ཕྱིར།། སྐུ་གསུང་ཐུགས་ཀྱི་རྡོ་རྗེ་ཡིས། ་རྡོ་རྗེ་སེམས་དཔའ་ཉིད་དུ་འགྱུར།། འདིས་ནི་རྡོ་རྗེ་སེམས་དཔའ་འམ།། སངས་རྒྱས་ཉིད་ནི་གཟི་ཅན་ཉིད།། དངོས་གྲུབ་ཀུན་གྱི་དབང་ཕྱུག་ཡིན།། ཚེ་འདི་ཉིད་ལ་འགྲུབ་པར་འགྱུར།། ཞེས་བྱ ་བ་ཐམས་ཅད་ཀྱི་བདག་ཉིད་བརྟན་པའི་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། དཀྱིལ་འཁོར་དུ་ནི་མ་ཞུགས་ཀྱང་།། ཕྱག་རྒྱ་ཆེན་པོ་ཡོངས་བཟུང་བས།། བདེ་བར་གཤེགས་པ་རྣམས ་ཀྱིས་ཀྱང་། ། ཕྱག་བྱས་མཆོད་ཅིང་བཀུར་བར་འགྱུར།། གང་གིས་འདི་མཐོང་ཕྱག་བྱེད་པ།། བསྟོད་པ་དང་ནི་མཆོད་པར་བྱེད།། སྟོན་པ་མཐོང་བ་ཕྱག་བྱེད་དང་།། དེ་ཡིས་བདག་པོ་མཆོད ་པར་འགྱུར། ། དངོས་གྲུབ་ཀུན་གྱི་ཆགས་ཆེན་པོའི།། བདེ་བ་ཕུན་ཚོགས་དབང་ཕྱུག་ཆེ།། ཕྱག་རྒྱ་ཆེན་པོས་འགྲུབ་འགྱུར་ཏེ།། རྡོ་རྗེ་སེམས་དཔའ་གཉིས་པ་འདྲ།། ལྷ་ལ་སོགས ་པའི་དངོས་གྲུབ་ཀུན། ། ལས་ཀུན་གྱི་ནི་བདེ་བ་ཡང་།། ཕྱག་རྒྱ་ཆེན་པོའི་བྱིན་རླབས་ཀྱིས།། ཁྱད་པར་དུ་ནི་རབ་ཏུ་འཇུག། དེ་ཡིས་མི་འགྲུབ་གང་ཡང་མེད།། དངོས་གྲུབ་ལས་དང་དེ ་བཞིན་ཏེ། ། ཕྱག་རྒྱ་ཆེན་པོའི་བྱིན་རླབས་པས།། བསྒྲུབས་པའི་སྤོབས་ཀྱིས་མཆོག་ཀུན་འབྱུང་།། དེ་ནས་ཐོག་མ་དང་ཐ་མ་མེད་པའི་རྡོ་རྗེ་སེམས་དཔའ་ལ་སོགས་པའི་སེམས་དཔའ་ཆེན ་བོཔོ་ཀུན་གྱི་དཀྱིལ་འཁོར་ཆེན་པོའི་ཐམས་ཅད་ཀྱི་དམ་ཚིག་དང་། ཆོས་དང་། ལས་དང་། གདོན་མི་ཟ་བར་དགུག་པ་དང་། གཞུག་པ་དང་། འབེབས་པ་དང་། རྗེས་སུ་ཆགས་པ་དང་། ་དབང་དུ་བྱེད་པ་དང་། སྒྲུབ་པ་ཐམས་ཅད་དང་། མཆོག་གི་སྒྲུབ་པ་དང་། མཆོག་གི་སྒྲུབ་པ་ཐམས་ཅད་ཀྱི་དམ་ཚིག་ཆེན་པོ་ཕྱག་རྒྱ་བདེ་བ་ཆེན་པོའི་རྡོ་རྗེ་གསང་བའི་དེ་མ་ཆོག་ཅེས་བྱ་བའོ།། ་དེ་བཅིང་བ་ནི་འདི་ཡིན་ཏེ།། སོར་མོ་ཐམས་ཅད་མཉམ་སྦྱོར་བས།། རྡོ་རྗེ་ཐལ་མོ་ཞེས་བརྗོད་དོ།། ཀུན་མཆོག་ནང་དུ་བསྡམས་པ་ཡིས།། རྡོ་རྗེ་བསྡམས་པ་བཤད་པ་ཡིན།། རྡོ་རྗེ ་བསྡམས་པའི་ནང་དུ་ནི། ། མཛུབ་མོ་མཐེ་བོང་ཡང་དག་སྦྱར།། གཡས་པའི་མཐེ་བོང་རྟགས་ཀྱིས་ནི།། རྩེ་མོ་བཀུག་ནས་བཙིར་བ་བྱ།། མདའ་ལྔས་བསྡུས་པས་བཅིངས་ནས་ནི། ་དབུས་མ་བཅིངས་པའི་ནང་དུ་གནས།། མཐེ་བོང་མཐེའུ་ཆུང་རྡོ་རྗེ་བསྙེམས།། དེ་ཡི་དང་པོ་རྡོ་རྗེ་མཆོག། རྡོ་རྗེ་བསྡམ་པ་དེ་བཅིངས་ནས།། དབུས་མའི་རྡོ་རྗེ་ལྕགས་ཀྱུ་གཉིས། ་དགུག་པའི་ཚུལ་ནི་དེ་ཉིད་ཀྱིས།། རང་གི་སྙིང་ཁར་ལྕགས་ཀྱུ་འདེབས།། ལྕགས་ཀྱུས་རྒྱལ་པོ་འདི་ཡིས་ནི།། རྡོ་རྗེ་སེམས་དཔའ་རྒྱལ་པོ་ཆེ།། དགའ་བའི་རྡོ་རྗེ་ལྕགས་ཀྱུས ་དགུག། སླར་ཡང་ཉེ་བའི་སྙིང་པོ་སྒྲུབ།། སྙིང་ཁར་བརྡེག་པ་དྲག་པོ་ན།། རྗེས་སུ་ཆགས་པའི་མེ་ཡིས་གདུངས།། སྙིང་པོ་ཕྱོགས་པས་དབང་གྲུར་དགྱེས།། མྱུར། ་དུ་བྱོན་ནས་འགྲུབ་པར་འགྱུར།། ཞེས་བཅོམ་ལྡན་འདས་ཆགས་པ་ཆེན་པོ་དང་བདེ་བ་ཆེན་པོ་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ།། དེ་བཞིན་དུ་དེ་བཞིན་གཤེགས་པ་ཐམས ་ཅད་དང་། བྱང་ཆུབ་སེམས་དཔའི་རྡོ་རྗེ་ལ་སོགས་པ་དང་། བརྟན་པ་དང་། གཡོ་བའི་དངོས་པོ་ཐམས་ཅད་རྒྱས་བཏབ་པས་འོངས་ཏེ་མྱུར་དུ་འགྲུབ་པར་འགྱུར་རོ།། གལ་ཏེ་མ་འོངས་ན་འཇིག ་པར་འགྱུར་རོ། ། བདེ་བ་ཆེན་པོ་རྡོ་རྗེ་དོན་ཡོད་པའི་དམ་ཚིག་ཅེས་བྱ་བའི་སྙིང་པོའི་མཆོག་གི་ཕྱག་རྒྱའོ།། རྡོ་རྗེ་མཆོད་ཡོན་རྡོ་རྗེ་ཐལ་མོ་ཤིན་ཏུ་རབ་ཏུ་བརྐྱང་བའི་ཐལ་མོའོ།། དེ་ནས་དང་པོའི ་རྡོ་རྗེ་ཕྱག་རྒྱའི་དབུས་མའི་རྡོ་རྗེ་གཟུང་བའི་མེ་ཏོག་གི་ལྕུག་མས་བཟླ་བར་བྱའོ། ། རྡོ་རྗེའི་ཆུ་དང་རྡོ་རྗེ་ཁུ་ཚུར་གྱིས་དབང་བསྐུར་ན་ཐམས་ཅད་བདག་པོ་ཉིད་དང་། ཚེ་འཕེལ་བ་ལ་སོགས་པའི་དངོས ་གྲུབ་ཐམས་ཅད་ལ་དགོས་པ་ཡིན་པས་བཏུང་བ་བྱས་ནས་སྡུག་བསྔལ་ཐམས་ཅད་འཇོམས་པ་ཡིན་ནོ། ། དེ་ནས་དང་པོ་དཀྱིལ་འཁོར་དུ་འཇུག་པའི་ཕྱག་རྒྱ་ནི། བ་དན་གསུམ་དང་ཁ་ཊྭཱཾ་ག ་བཅིངས་ནས་མི་ནུས་པར་ནི་དགའ། ། རྡོ་རྗེ་གར་བསྐོར་སྒྲོལ་བ་ཡི།། ཡོངས་སུ་བསྐོར་བ་འཛིན་པ་ཆེ།། ཀ་པུ་ཏ་ཡི་ཁ་སྦྱོར་ནི།། སྤྱི་བོར་གཞག་སྟེ་ཕབ་ནས་ཀྱང་།། སྒེག་བཅས་མཛུབ ་མོ་མཐེའུ་ཆུང་སོགས། ། བཀྲོལ་ནས་རྡོ་རྗེ་ཅན་ལ་དབུལ།། འདི་ཡི་འཁོར་དུ་མ་ཞུགས་ཀྱང་།། རྡོ་རྗེ་སློབ་དཔོན་ཉིད་ཐོབ་འགྱུར།། རང་ཉིད་ཞུགས་པ་ཙམ་གྱིས་ནི།། མཆོད་པས་དོན་ཡོད ་གྲུབ་ཕྱིར་རོ། ། ཡོངས་སུ་རྫོགས་པའམ་མ་ཚང་བ།། ཡང་ན་སླར་ཡང་ཅི་རྙེད་པའི།། མེ་ཏོག་ལ་སོགས་མཆོད་པ་ཡིས།། ཐུན་མོང་དངོས་གྲུབ་ཀུན་འགྲུབ་པའི།། བ་དན་གསུམ་མཆོག་ཁ ་ཌཱ་ག་ལྡེག་བཅས་མཐའ་མ་ལ་སོགས་བཀྲོལ། ། གློག་འགྱུ་མཆོག་ཏུ་བསྐོར་བ་ཡིས།། རྡོ་རྗེ་གར་གྱི་མཆོད་པས་མཆོད།། སྒེག་པ་དང་བཅས་པའི་འཛུམ་པའོ་མིག་གིས་ཕྱག་འཚལ་བས་རྡོ་རྗེ་སེམས ་དཔའ་དང་། དེ་བཞིན་གཤེགས་པ་ཐམས་ཅད་ཀྱང་རྗེས་སུ་ཆགས་པར་བྱས་ནས་ཕྱག་བྱེད་དུ་གཞུག་པའོ།། རྡོ་རྗེ་ཐལ་མོ་བསྐོར་བས་མ་ལུས་པར་བྱས་ནས་ཐམས་ཅད་ལ་བསྒོད་པའི་ཕྱག ་རྒྱའོ། ། དེ་བཞིན་གཤེགས་པ་ཐམས་ཅད་ལྕགས་ཀྱུ་མཆོག་ནི་རྡོ་རྗེ་བསྡམས་པའི་མཐེ་བོང་བརྟན་པའི་སྐྱིལ་མོ་ཀྲུང་མཛུབ་མོ་གཉིས་བཀུག་པའི་ལུས་དབུས་མ་མཉམ་པའི་ཁ་འབུས་པའི་མཆོག ་གི་ཡན་ལག་སྤྱི་བོར་བཞག་ལ། གཡས་ལོགས་ཐམས་ཅད་ལ་ཅོད་པན་བཅིངས་ལ་མདུན་རྡོ་རྗེ་ཁུ་ཚུར་གཉིས་ཀྱི་གདུད་པའི་ཚུལ་བྱས་ཏེ། འཕྲེང་བ་བཅིངས་པ་བྱས་ལ་སྒེག་པ་དང་བཅས ་པབས་མཐེའུ་ཆུང་ལ་སོགས་པ་བཀྲོལ་ཏེ། ལོགས་གཉིས་ལ་དར་དཔྱངས་འཆིང་བའི་ཚུལ་བྱས་ལ་མཉམ་པའི་ཐལ་མོ་རྒྱས་བཏབ་པས་རྡོ་རྗེ་སེམས་དཔའི་དབང་བསྐུར་བར་འགྱུར་བ་ཡིན ་ནོ། ། དེ་ནས་བདེ་བ་ཆེན་པོ་ན་རྡོ་རྗེའི་བདུད་རྩིའི་ཆུས་དབང་བསྐུར་བར་བྱ་སྟེ། ཐམས་ཅད་ཀྱི་རྡོ་རྗེ་སློབ་དཔོན་ཉིད་དང་རྡོ་རྗེ་འཆང་ཆེན་པོ་ཉིད་དུ་འགྱུར་བ་ཡིན་ནོ།། རྡོ་རྗེ་ཁྭ ་ཚུར་གྱིས་རྡོ་རྗེ་རྩེ་ལྔ་པ་རྡོ་རྗེའི་འོད་ཟེར་འབར་བའི་རྩེ་མོ་ཅན་ཁ་དོག་དམར་པོར་སྦྱིན་པར་བྱའོ། ། སློབ་མས་ཀྱང་སློབ་དཔོན་ལ་ཡོན་ཕུལ་ལ། དེ་ནས་མེ་ཏོག་ལ་སོགས་པའི་དབང་བསྒྱུར་བ ་ཐམས་ཅད་ཀྱིས་སློབ་དཔོན་ལས་རྡོ་རྗེ་ཐལ་མོ་བསྐོར་བའི་ཕྱག་འཚལ་བའི་ཕྱག་རྒྱས་བླང་བར་བྱ་སྟེ། དེ་ལྟར་ན་དཀྱིལ་འཁོར་ཐམས་ཅད་ཀྱི་ཆོ་གའོ།། དེ་ནས་དངོས་གྲུབ་ཐམས་ཅད་ཀྱི་དབང ་ཕྱུག་གྲུབ་པའི་རྡོ་རྗེ་འཆང་ཆེན་པོ་རྒྱལ་པོ་སྒྲུབ་པའི་ཕྱག་རྒྱའི་རྒྱུད་ནི། བདེ་བ་ཆེན་པོའི་གསང་བ་ཆེན་པོའི་ལྕགས་ཀྱུ་རང་གི་སྙིང་པོའི་སྔགས་ལན་ཅིག་བརྗོད་པས་རྡོ་རྗེ་སེམས་དཔའ་སྤྱན་དྲང་ངོ་།། ་སེམས་དཔའི་སྐྱིལ་མོ་ཀྲུང་དང་ལྡན་པས་རྡོ་རྗེ་གར་གྱི་མཆོད་པ་འབུལ་བས་གློག་འགྲུ་བའི་གར་དང་། རྡོ་རྗེ་ཁུ་ཚུར་ཡོངས་སུ་གཟུང་བས་བསྙེམས་པ་དང་བཅས་པའི་རྡོ་རྗེ་མཚོན་ཆ་ལ་སོགས ་པ་བསྒྲེང་བར་བྱས་ལ་སྒེག་མོ་དགའི་རྡོ་རྗེ་མས་ཕྱག་བྱའོ། ། རྡོ་རྗེ་གླུ་ལེན་ཅིང་བཟླས་པའི་དོན་ནི། རྡོ་རྗེ་གར་གྱི་མཆོད་པ་ཡིས།། ཡང་དག་མཆོད་ན་མྱུར་དུ་འགྲུབ།། དེ་ལས་དང་པོའི་རྡོ ་གསང་བའི་གླུ་འདི་དང་པོ་ལ་སོགས་པ་རྣམས་ཀྱིས་བླང་བར་བྱ་སྟེ། ཐམས་ཅད་བདེ་བ་དམ་པ་རྗེས་སུ་ཆགས་པའི་ཐུགས།། རྡོ་རྗེ་སེམས་དཔའ་ཁྱོད་ནི་རབ་ཏུ་དགའ་བ་ཡིན།། བདེ་བ ་ཆེན་པོ་བརྟན་ཞིང་འཐོར་བར་བདག་གྱུར་ཅིག། སོ་སོར་རྟོགས་ནས་མྱུར་དུ་བསྒྲུབས་ཤིང་ཕྱག་འཚལ་ལོ།། རྡོ་རྗེ་གླུ་ནི་འདི་ཉིད་ཀྱིས།། བདེ་ཆེན་ལ་ནི་ལན་ཅིག་བསྟོད།། རྗེས་སུ་ཆགས་ནས ་ཤིན་ཏུ་དགྱེས། ། བརྟན་པར་གྱུར་ནས་སྒྲུབ་པར་འགྱུར།། ཕྱག་རྒྱ་ཆེན་པོ་ལན་ཅིག་ཏུ།། སྙིང་པོས་བདག་བྱིན་བརླབ་པར་བྱའོ།། ཤིན་ཏུ་གཡོ་མེད་ལྕེ་རྩེ་དང་།། སོ་དང་མཆུ་གཉིས་ཡང་དག ་ལྡན། ། རྡོ་རྗེ་དག་ནི་དབྱངས་དང་བྲལ།། རིགས་ཀུན་རབ་ཏུ་སྒྲུབ་པར་བྱེད།། རི་བི་ཏ་སོགས་ཧཱུཾ་གི་གླུ།། རྒྱན་ལྡན་ཅི་འདོད་མི་ནུས་པར།། དྲུག་ལྡན་ལ་སོགས་སྙན་པའི་གླུ།། ཅི་འདོད་གྲ ་མ་ར་གའི་གླུ། ། རབ་དགའ་རྡོ་རྗེ་མཆོག་གིས་ནི།། གཱན་དྷ་ར་བ་ཡི་གླུ་མཆོག་བླང་།། ངག་འདི་ནི་མཆོག་ཏུ་གྲུབ་པ་ཡིན་ཏེ། བཟླས་པ་ཐམས་ཅད་ལ་དགོས་པ་ཇི་སྲིད་མངོན་པར་འདོད་པའི་བཟླས ་པའོ། ། བཟླས་པའི་དོན་ནི་ཉེ་བའི་སྙིང་པོ་ཤེས་པ་ཡིན་ཏེ། རྡོ་རྗེ་སེམས་དཔའ་སྒྲུབ་པའོ།། ཕྱག་རྒྱ་ཆེན་པོས་རང་ལ་བྱིན་གྱིས་བརླབས་པས། རྡོ་རྗེའི་ལྟ་བས་དེ་བཞིན་དུ་ལྟ་ཞིང་རྡོ་རྗེ་བསྙེམ ་པས་འཛིན་ཅིང་། ཡི་གེ་ཧཱུཾ་གི་གླུའི་བཟླས་པ་བཅོམ་ལྡན་འདས་བསྒྲུབ་པར་བྱའོ།། ལན་ཅིག་སྒྲུབ་པ་ནི་ཇི་ལྟ་བ་བཞིན་མངོན་པར་འདོད་པའི་བཟླས་པས་སོ།། དེ་ནས་དེའི་འོག་ཏུ་ཇི་ལྟར་མངོན ་པར་བརྩོན་པ་དང་། ཇི་ལྟར་འདོད་པ་དང་། ཇི་ལྟར་མངོན་པར་འདོད་པ་དང་། ཇི་ལྟར་བྱིན་གྱིས་བརླབས་ནས་ཡི་གེ་ཧཱུཾ་གིས་རླུང་གི་བཟླས་པས་དགའ་བ་ཆེན་པོ་རྡོ་རྗེ་དོན་ཡོད་པའི་དགའ ་བའི་ཤུགས་ཀྱི་རྡོ་རྗེ་སེམས་དཔའ་ལ་སོགས་པའི་དངོས་པོ་ཐམས་ཅད་ཇི་ལྟ་བ་བཞིན་དུ་འདོད་པ་དང་། ཇི་ལྟར་དགའ་བ་སྒྲུབ་པའོ།། དེ་ནས་ཕྱག་རྒྱ་ཆེན་པོ་ནི།། སྐུ་གསུང ་ཐུགས་ཀྱི་རྡོ་རྗེ་ཡིས། ། ཇི་བཞིན་གཟུགས་ཀྱིས་རྗེས་འབྲངས་པས།། མཚན་མའི་ཕྱག་རྒྱ་ཡང་དག་ལྡན།། སེམས་དཔའ་ཆེན་པོ་རང་ཉིད་འགྱུར།། དེ་ནས་དམ་ཚིག་གི་ཕྱག་རྒྱ་ནི་བདེ་བ་ཆེན་པོ ་རྡོ་རྗེ་བཤད་པའོ། ། འདི་ལས་རྡོ་རྗེ་མདའ་ལ་སོགས་པ་འབྱུང་བ་ཡིན་ནོ།། འདི་ལྟ་སྟེ། ཕྱི་རོལ་ཏུ་ཁ་བལྟས་པའི་མཛུབ་མོ་གཉིས་བཀུག་པ་ཙམ་ནི་རྡོ་རྗེའི་མདའ་འོ།། མཐེ་བོང་ཡོངས་སུ་བཅིག ་པ་ནི་རྡོ་རྗེ་ཀི་ལི་ཀི་ལའོ། ། མཐེ་བོང་གཉིས་ཁ་ཕྱེ་ནས་མཛུབ་མོ་གཉིས་ཀྱི་རྩེ་མོས་དབུས་མ་འདྲེན་པའི་སྲིན་ལག་དང་མཐེའུ་ཆུང་མཉམ་པའི་ཁ་ཕྱེ་བ་ནི་རྡོ་རྗེ་ཆུ་སྲིན་ནོ།། བརླ་གཉིས་ལ་བསྐོར ་ཞིང་གནས་པ་ནི་རྡོ་རྗེ་འདོད་པའི་དབང་ཕྱུག་མའོ། ། རྡོ་རྗེ་ཐལ་མོ་རང་གི་སྙིང་ཁར་བསྐོར་བས་སྒེག་པ་དང་བཅས་པའི་མིག་གིས་བལྟ་ཞིང་མགོ་བོས་ཕྱག་བྱས་ལ་སྤྱི་བོར་གཞག་ལ་ཕབ་སྟེ་གྱེན ་དུ་གཏོར་བ་དང་། འོག་ཏུ་བླུགས་པ་དང་། མཐེ་བོང་སྦྱར་ནས་བསྐོར་བ་དང་། རབ་ཏུ་བྱུག་པ་ནི་མེ་ཏོག་དང་། སྤོས་དང་། མར་མེ་དང་། དྲིལ་བུ་དང་ལྡན་པའི་རྡོ་རྗེ་མཆོད་པ་རྣམས ་སུ་བརྗོད་པ་ཡིན་ནོ། ། ཕྱིའི་མཚམས་རྣམས་སུ་རྡོ་རྗེ་ཐལ་མོ་སྙིང་ཁར་བསྐོར་བས་སྒེག་པའོ།། ཁ་ལ་ཡོངས་སུ་བསྐོར་ནས་སྤྱི་བོར་འཇོག་པའོ།། གཡོན་པའི་མཛུབ་མོ་བཀུག། གཡོན ་པ་གཡས་པས་བཀུག་པས་རྡོ་རྗེ་པི་ཝང་སྐྱེང་ཞིང་རྡོ་རྗེ་གླུས་མངོན་པར་བསྟོད་པའོ། ། རྡོ་རྗེ་ཁུ་ཚུར་གཉིས་ཀྱི་ས་གར་བྱས་ལ་སྤྱི་བོར་རྡོ་རྗེ་ཐལ་མོ་བཅིང་བའོ།། རྡོ་རྗེ་བསྡམ་པ་ནང་དུ་བཅིངས ་པའི་གཡས་པའི་མཛུབ་མོ་ལྕགས་ཀྱུའོ། ། མཐེ་བོང་གཉིས་ཀྱིས་མདུད་པའོ།། མཛུབ་མོ་དང་མཐེ་བོང་གཉིས་ཀྱིས་མདུད་པའོ།། གཉིས་ཀྱིས་ནང་དུ་མཐེ་བོང་བཅིངས་པའོ།། ་དེ་ནས་གསང་བའི་དམ་ཚིག་རྣམས་ནི་བདེ་བ་ཆེན་པོའི་རྡོ་རྗེ་དམ་ཚིག་གསུང་བའི་ལྕགས་ཀྱུ་སྟེ། དེ་ལས་བྱུང་བ་ནི། མཐེབ་མཛུབ་རྩེ་སྦྱར་དབུས་མའི་རྩེ།། མིག་འབྲས་ལྷར་བྱས ་འཛིན་པའོ། ། དབུས་མ་རྡོ་རྗེའི་འོག་ཏུ་ནི།། མཐེ་བོང་གིས་མནན་བཙིར་བར་བྱ།། རྡོ་རྗེ་འདྲེན་པ་དང་འདྲ་བ།། སྲིན་ལག་མཐེའུ་ཆུང་ཁ་ཕྱེ་བ།། བསྐོར་ནས་པུས་མོར་གཞག་པ ་སྟེ། གཞན་རྣམས་ཐམས་ཅད་ཇི་བཞིན་བཤད།། དམ་ཚིག་གི་རྡོ་རྗེ་འབེབས་པ་མཛུབ་མོ་གཉིས་བཀུག་པ་རྡོ་རྗེ་ཁུ་ཚུར་རོ།། དེ་ལས་དམ་ཚིག་གི་ཕྱག་རྒྱ་ནི་རྡོ་རྗེ་དང་བཅས་པའི་ཁུ ་ཚུར་གཉིས་ཀྱིས་སོ། ། འདི་ལྷ་སྟེ། གཡོན་པ་བསྙེམས་པས་གཡས་པ་བསྟོད་པའི་ཚུལ་གྱིས་སྙིང་ཁར་བཟུང་བ་ནི་རྡོ་རྗེ་བསྙེམས་པའོ།། བསྟོད་པ་དང་བཅས་པའི་སྙིང་ཁར ་འཛིན་པའོ། ། རྡོ་རྗེ་བསྟོད་པའི་ཚུལ་ནི་ཀི་ལི་ཀི་ལའོ།། རྒྱལ་ཚན་སྒྲེང་བའོ།། བསྙེམས་པ་གཉིས་བསྟོད་པ་ནི་འདོད་པ་ཐམས་ཅད་ཀྱི་རྡོ་རྗེ་དབང་ཕྱུག་མའོ།། མཚམས་རྣམས ་སུ་རྡོ་རྗེ་གར་བཤད་པའོ། ། སྒེག་མོ་ལ་སོགས་པའང་དེ་བཞིན་ནོ།། རྡོ་རྗེ་སྤྲོ་བ་རྣམས་ཀྱིས་ནི་གཡོན་པའི་མདུད་པ་ལག་པ་གཡས་པ་སྟེང་དུ་བྱུང་བས་རྡོ་རྗེ་བཀའ ་བསྒོ་བ་བྱེད་པའོ། ། མཛུབ་མོ་དང་མཐེ་བོང་མཁྲིག་མར་གཟུང་སྟེ་མདུད་དེ་བཙར་བའོ།། རང་གི་སྙིང་ཁར་དྲིལ་བུ་དཀྲོལ་བའི་ཚུལ་ལོ།། འདི་རྣམས་ཀྱིས་ཐམས་ཅད་དགུག་པ་དང་། ་བཅིང་བ་དང་། གཞུག་པ་དོན་ཡོད་པར་བསྒྲུབ་པར་བྱའོ་ཞེས་བྱ་བའང་གསུངས་སོ།། ཇི་བཞིན་གྲུབ་པའི་མཚན་མ་རྣམས།། དངོས་གྲུབ་ཆེན་པོ་མྱུར་དུ་གསོལ།། དང་བའི་ཕྱག་རྒྱ་དགེ ་འདི་དང་། ། དཀྱིལ་འཁོར་མེད་པ་རྣམས་ཀྱང་འགྲུབ།། དེ་ནས་དངོས་གྲུབ་མེད་པ་སྒྲུབ་པའི་ཕྱག་རྒྱ་ཆེན་པོ་བཅིང་བ་ནི། དང་པོའི་རྡོ་རྗེས་ཕྱག་རྒྱ་བཞིའི་འཕྲེང་བའི་ཚུལ་དུ་བསྒྲུབ་པར ་བྱའོ། ། གཞུག་པ་དང་། དགུག་པ་དང་། བརྟན་པ་དང་། ལས་རྣམས་ལྷ་བས་སོ།། ལྟེ་བ་དང་། སྙིང་ཁ་དང་། དབང་བསྐུར་བ་དང་། སྤྱི་བོར་གཞག་པར་བྱའོ།། དབུས་མའི ་རྡོ་རྗེ་སྙིང་ཁ་དང་། རྟགས་དང་། ཁ་དང་། དབང་བསྐུར་བའི་གནས་སུ་བཞག་ནས་བཏུང་བར་བྱའོ།། མཛུབ་མོ་དང་། དབུས་མ་དང་། སྲིན་ལག་དང་། མཐེའུ་ཆུང་གི་རྡོ་རྗེའོ།། ་དཔུང་པ་དང་། སྙིང་ཁ་དང་། ལྕེ་དང་། སྤྱི་བོར་བསྟོད་པའོ།། ནམ་མཁའ་བསྐྱེད་པ་དང་། མཛུབ་མོ་དང་། སྲིན་ལག་འབར་བ་དང་། སྙིང་ཁར་དགའ་བ་དང་། རང་གི་ལུས ་ལ་བསྐོར་བའོ། ། ཐམས་ཅད་བསྐོར་ནས་དབང་པོ་ཀུན་ལ་གཞག་པར་བྱའོ།། དབུ་མའི་རྡོ་རྗེ་དབང་པོ་ཐམས་ཅད་ལ་རེག་པའོ།། རང་གི་ལས་བྱས་པས་སོ།། དབང་བསྐུར་ནས་དེ ་བཞིན་དུ་དངོས་གྲུབ་བྱེད་པའོ། ། ས་ལ་བཞག་ནས་བྱའོ།། ཐམས་ཅད་དུ་བསྐོར་ནས་ཡིད་ཀྱིས་སྤྲུལ་པར་བྱའོ།། འཛུམ་པ་མེད་པའི་ཁྲོ་ཞིང་འབར་ལ་གཡོས་པ་ནི་ལྔ་པའོ།། ་བཟའ་བ་དང་། བཏུང་བ་དང་། རྐེད་པ་བསྐྱོད་པ་དང་། སྤྱི་བོར་བཀའ་བསྒོ་བའོ།། ཐམས་ཅད་དུ་བསྐོར་ཞིང་ཐམས་ཅད་དུ་དྲན་པའོ།། མཐེའུ་ཆུང་དང་། མཐེ་བོང ་དང་། དབུས་མའི་རྡོ་རྗེ་བཞི་སྙིང་ཁར་བྱའོ།། མཛུབ་མོ་གཉིས་ཀྱིས་ཡི་གེ་ཧཱུཾ་དང་བཅས་པས་དགུག་པར་བྱའོ།། དབུས་མའི་རྡོ་རྗེས་དཔྲལ་བར་འཕྲེད་ལ་མིག་བྱེད་པས་སོ།། རང་གི་སྙིང ་ཁར་བཅིངས་ལ་གཡོ་བ་མེད་ཅིང་མ་བཙུམས་པའི་ལྷ་བས་ས་འོག་ཏུ་ལྷ་ཞིང་ཧ་ཧཱུཾ་དྷི་ཞེས་བརྗོད་པར་བྱའོ། ། གནོད་སྤྲིན་ལ་སོགས་པའི་གདོང་པ་བྲིས་ནས་རྡོ་རྗེ་དགུག་པར་བྱའོ།། འོག་གི ་ཕྱོགས་སུ་བཞག་ན་བརྟག་པར་འགྱུར་རོ། ། ཁའི་དབུས་སུ་ཞུགས་ན་རབ་ཏུ་ཞུགས་པར་འགྱུར་རོ།། ཕྱག་བྱས་ན་མཆོད་པར་འགྱུར་རོ།། སྙིང་ཁས་གྲུབ་པར་འགྱུར་རོ།། ཅིག ་ཅར་དུ་སོར་མོ་ཐམས་ཅད་དྲལ་བ་ནི་ཡིད་ཀྱིས་ལས་སོ། ། བཅིངས་ནས་ཛཿཧཱུཾ་བཾ་ཧོཿདབུ་མ་ཕྱི་རོལ་ཏུ་བཅིངས་པས་སྤྱི་བོ་དང་། སྙིང་ཁ་དང་། ཁ་དང་། ཕྱོགས་སུ་བསྐོར་བའོ།། ་སྙིང་ཁར་བཞག་ནས་རང་གི་རྡོ་རྗེར་སྒོམ་པའོ།། རང་ཉིད་བྱང་ཆུབ་སེམས་དཔར་སྒོམ་པའོ།། རང་དེ་བཞིན་གཤེགས་པ་རྗེས་སུ་དྲན་པའོ།། རང་ཉིད་རྡོ་རྗེ་འཆང ་ཆེན་པོར་རྗེས་སུ་དྲན་པའོ། ། དེ་ནས་ལས་ཀྱི་ཚོགས་ཐམས་ཅད་སྒྲུབ་པའི་ཕྱག་རྒྱའི་རྒྱུད་ནི་རྡོ་རྗེ་གར་ལས་བྱུང་བའི་ཕྱག་རྒྱ་རྡོ་རྗེ་འཆང་བདག་དང་དེ་བཞིན་གཤེགས་པ་ཐམས་ཅད་ཀྱིས་ཀྱང ་དོན་ཡོད་ཅིང་ཐོགས་པ་མེད་པའོ། ། རྡོ་རྗེ་སྐུ་མཆོག་གི་གཙུག་ཏོར་གྱིས་ལས་ནི་རྡོ་རྗེ་བསྡམས་པ་བཙར་བ་དང་། དབུས་མའི་ནོར་བུ་དང་། བསྐོར་བ་དང་། སོར་མོ་ཐམས་ཅད ་ཀྱི་རྡོ་རྗེ་དང་། སོར་མོ་ལྷག་པའི་འོད་ཟེར་གྱི་འཁོར་ལོའོ།། ཁྲོ་བོ་རྡོ་རྗེ་ཁུ་ཚུར་གཉིས་ཀྱིས་འཁོར་ལོ་བསྐོར་ཞིང་བསྐོར་བའོ།། ཁར་བསྐོར་བའོ།། སྙིང་ཁར་ཕབ་ཅིང་འབར་བར ་བྱེད་པས་ཕྱོགས་ཐམས་དུ་རྡོ་རྗེ་འབར་བའི་ར་བ་སྟེ། ཁྲོ་བོ་ཆེན་པོ་འབར་བའི་རྡོ་རྗེ་དག་གིས་ཀྱང་འཇུག་པར་ནུས་སོ།། དམ་ཚིག་བརྗོད་པར་བྱའོ།། སྒྲུབ་པ་ལ་བརྩམ་མོ།། རྡོ་རྗེ་སེམས ་དཔའི་རྡོ་རྗེ་ལྟ་བུའི་འཕྲོག་པ་རྣམས་ཀྱིས་གསུམ་དང་། བཞི་དང་། ཕྱིར་ལྡོག་པ་དང་། རྟག་ཏུ་འབྱུང་བ་དང་། དཔག་ཏུ་མེད་པ་ནི་བསྐོར་ཞིང་བཙུམ་པ་མེད་པའི་མིག་གིས་རབ་ཏུ་ཞི་བའོ།། ་རྡོ་རྗེ་ཁུ་ཚུར་གཉིས་ཀྱིས་མཐེའུ་ཆུང་གི་ལྕགས་ཀྱུའི་མདུད་པ་དང་། མཛུབ་མོ་གཉིས་མཉམ་པའི་ལས་ནི་སྙིང་ཁར་རབ་ཏུ་བཞག་པའོ།། བྱབ་པའོ།། མཛུབ་མོའི་རྩེ་མོས་མནན་པར་བྱའོ།། ་དགོས་པས་རབ་ཏུ་གཞག་པའོ།། ཡོངས་སུ་བསྐོར་ནས་དེ་བཞིན་དུ་མཛོད་སྤུར་གཞག་པར་བྱའོ།། ཁ་ནག་གཉིས་ཀྱིས་རྡོ་རྗེ་བཅིངས་པས་མཐེའུ་ཆུང་རྡོ་རྗེའི་ལེགས་པར་བྱེད་པའི་ཚུལ་གྱིས ་ཉེབར་འཕེལ་བའོ། ། བསྡུས་པའི་ཚུལ་ལོ།། རྡོ་རྗེས་བརྡེག་པའོ།། ཐལ་མོས་ཕྲོག་པའོ།། རྡོ་རྗེས་བསྡུས་པའོ།། རྡོ་རྗེ་བསྡམས་པའི་མཛུབ་མོ་གཉིས་བཀུག་ཅིང་བསྣམས་ལ་ནང ་དུ་བཞག་སྟེ་མཐེའུ་ཆུང་གཉིས་ཀྱིས་ཁ་ཕྱེ་བའི་མཆེ་བ་ནི་རྡོ་རྗེ་གནོད་སྦྱིན་གྱི་ཕྱག་རྒྱའོ། ། དེས་མཐིལ་ཕྲ་བར་བརྡབ་པའོ།། མཛུབ་མོའི་སེན་མོ་དྲུད་པའོ།། དབུས་མའི་རྡོ་རྗེ་བརྟན་པའོ།། ་བྱབས་ནས་མྱུར་དུ་ཕྱག་རྒྱ་དགྲོལ་བའོ།། སོར་མོ་སྦྱར་ནས་རྡོ་རྗེ་གཙུག་ཏོར་རོ།། བ་དན་གསུམ་པ་གཉིས་ཁ་གྱེན་དུ་ལྦ་བ་དང་། འོག་ཏུ་ཁ་ལྟ་བའི་མཛུབ་མོ་དང་དབུས་མའི་མདུད་པ་བྱས ་ལ། མཛུབ་མོ་དང་དབུས་མ་དེ་དག་འདུས་པའོ།། རྡོ་རྗེ་ཧཱུཾ་མཛད་ཀྱི་ལས་སོ།། མདུད་པ་བཙིར་བའོ།། ཅིག་ཅར་དུ་ཕྱག་རྒྱ་དགྲོལ་བའོ།། བཙིར་ནས་དྲལ་བའོ།། དབུས་མས་བསྣུན ་ཏེ་ནམ་མཁའ་ལས་ལྷུང་བའི་ཚུལ་ལོ། ། སློང་བའི་ཚུལ་ཡང་ངོ་།། བ་དན་གསུམ་པ་གཉིས་མཉམ་པའི་མཐེའུ་ཆུང་རྩེ་མོའི་རྡོ་རྗེ་དབུས་མ་གདུད་པས་ཡོངས་སུ་བསྐོར་བ་ལ་དབང ་བསྐུར་བའི་གནས་སུ་མཛུབ་མོའི་རྩེ་མོ་བཞག་པའོ། ། དབྱེ་བ་ནི་ཡི་གེ་ཧཱུཾ་གིས་སོ།། གདོན་ལས་དགྲོལ་བ་ནི་ཡི་གེ་ཧཱུཾ་གིས་སོ།། འཆི་བ་སློང་བ་ནི་ཡི་གེ་ཨ་ཡིས་སོ།། ཚེ་འཕེལ་བ ་འོག་ནས་བླང་བའོ། ། བྱབ་པའང་ངོ་།། རྡོ་རྗེ་ཁུ་ཚུར་གཉིས་བཅིངས་ནས་མཛུབ་མོ་བཀུག་ཅིང་ཡོངས་སུ་བསྐོར་ཏེ་མཆེ་བ་རྣམ་པར་གཙིགས་པའི་འཇིགས་པའི་གདོང་གི་གཡོ་བ་མེད་པ་ཉིད ་དོ། ། ཡན་ལག་ཐམས་ཅད་གློད་པར་འགྱུར་བའོ།། རབ་ཏུ་གཉིད་ལོག་ཅིང་ཁ་གདངས་པའོ།། རང་གི་སྙིང་ཁར་བརྡེག་པའོ།། མྱུར་དུ་མྱང་བའོ།། རྡོ་རྗེ་ཁུ་ཚུར་གཉིས་བཅིངས་ནས་ཁ ་གདངས་ཏེ་འཇིགས་པར་བྱེད་པའི་ཁ་དང་ལྡན་པ་སྒྲ་གྱེན་དུ་བརྫེས་པའི་སྤྱི་བོས་འོག་ནས་གྱེན་དུ་བླང་བར་བྱ་བའི་ལས་ནི་ཡི་གེ་བྷོ་དང་། རྡོ་རྗེ་ཁུ་ཚུར་མནན་པ་དང་། ཡི་གེ་ཧཱུཾ་དང་བཅས་པའི ་ཡན་ལག་གི་མཆོག་གི་སྡིགས་མཛུབ་དང་། རང་ཉིད་མྱུར་དུ་ཁྲོས་པས་ལྷུང་བའོ།། རྡོ་རྗེ་གནོད་སྦྱིན་གྱི་ཕྱག་རྒྱ་སྲིན་ལག་དང་མཐེའུ་ཆུང་མཉམ་པ་ཁ་ཕྱེ་བའི་བ་དན་རྒྱལ་མཚན་མཆོག་གི ་དཔུང་རྒྱན་གྱི་ལས་ནི་ཕྱག་འཚལ་བ་དང་། དགོད་པ་དང་། ལྕེ་བསྐྱོད་པ་དང་། དཔུང་པ་གཉིས་བསྙེམས་པས་བསྟོད་པ་དང་། རྒྱལ་མཚན་སྒྲེང་བའོ།། སེམས་དཔའི་སྐྱིལ་མོ ་ཀྲུཀླུང་གིས་གནས་ཤིང་རྡོ་རྗེ་གསོར་བ་ཉིད་ཀྱིས་ནི་ནམ་མཁའ་དབུགས་གཏོར་བ་དང་། ཀུན་ཏུ་གཡོ་ཞིང་བཙུམས་པའི་ལྟེ་བས་ཆར་འབེབས་པའི་ཚུལ་དང་། ཁྲོ་བོའི་རྡོ་རྗེ་ཉི་མ་མེ་ལྷར་འབར ་བའི་བཟླས་པ་དང་། ལྟ་བ་དབྲོག་པ་དང་། དྲང་བས་ཡན་ལག་བསྐོར་ཞིང་ཐམས་ཅད་རབ་ཏུ་འབར་བར་བྱེད་པ་འབེབས་པའོ།། རྡོ་རྗེ་བསྡམས་པའི་རྡོ་རྗེ་དྲན་མའོ།། རྡོ་རྗེ་བསྡམས་པའི ་ནི་ཡི་གེ་ཧཱུཾ་གི་གླུས་སོ། ། ཤིན་ཏུ་སྲུང་བ་ནི་ཡི་གེ་ཧཾ་གི་ཆོས་ཀྱི་ངག་གིས་སོ།། པདྨ་ཆེན་པོ་བཅིངས་ནས་ཇི་སྲིད་འདོད་པའི་བཟླས་པ་འམ། ཡང་ན་པདྨའི་ཁུ་ཚུར ་གཡོན་པ་བསྙེམས་པས་མར་དང་། ཧིལ་མར་དང་། ཏིལ་དང་། འབྲས་དང་། ཁམས་ཀྱི་ཕྱེ་མ་སྦྱིན་སྲེག་མཆོག་ཏུ་གྲུབ་པ་སྟེ། ཨོཾ་ནི་བ་ར་ཎ་སརྦ་དྷརྨཱ་ཧཱ་བཛྲ་ཧ་ནི་ཧཾ། ཨོཾ་བི་རེ་ཛོ་བི་ག ་ཏ། སརྦ་དྷརྨཱ་བཛྲ་ཧ་རི་ཎི་ཧཾ། ཨོཾ་སཾ་ནོ་པ་སརྦ་དྷརྨཱ་པྲ་ཏི་བ་དྷི་བཛྲ་ཧ་རི་ཎི་ཧཾ། ཨོཾ་ནི་རི་ཏི་མི་ཏ་སརྦ་དྷརྨཱ་ཏཱ་བཛྲ་ཧ་ར་ཎི་ཧཾ། ཨོཾ་སརྦ་བྷ་ཝ་བྷ་ས་ར་སརྦ་དྷརྨཱ་ཧ་རི་ཎི་ཧ~ཾ། ཀ་ཏ་ཀ་གཉིས་ཀྱི་རྡོ་རྗེ ་བསྡམས་པ་ལེགས་པར་བྱེད་པའི་ཚུལ་གྱིས་སེན་མོ་དྲུད་པའོ། ། འོག་དང་སྟེང་དུ་རྡོ་རྗེ་བསྡམས་པས་བསྐྱོད་པའོ།། རྡོ་རྗེ་བསྡམས་པའི་མཐེའུ་ཆུང་ལ་སོགས་པ་དགྲོལ་བས་གར་རོ།། ་རྡོ་རྗེ་བསྡམས་པའི་མཛུབ་མོས་ངག་འབྱིན་པའོ།། བདེ་བ་ཆེན་པོ་རྡོ་རྗེ་དོན་ཡོད་པའི་དམ་ཚིག་གི་ལྕགས་ཀྱུས་བརྟན་པ་དང་། གཡོ་བའི་དངོས་པོ་ཐམས་ཅད་ལ་རྡོ་རྗེ་སེམས་དཔའ་ལ་སོགས ་པ་རྣམས་དང་། གཟུགས་བརྙན་གྱི་ཚུལ་གྱིས་གསལ་བར་སྟོན་པ་དང་། སྒྲ་བརྙན་གྱི་ཚུལ་གྱིས་སེམས་ཅན་ཐམས་ཅད་དང་བདག་ཉིད་ལ་བདེན་པ་ཐོས་སུ་གཞུག་པའོ།། རྡོ་རྗེ་ཁྲོ་བར ་། ཁུ་ཚུར་གཉིས་བཅིངས་ནས་རྡོ་རྗེ་ལྟ་བའི་ལས་སོ།། འདི་ལྷ་སྟེ། འཛུམ་མེད་པའི་ལྟ་བ་སྦྱིན་པའོ།། མིག་འབྲས་སྟེང་དུ་ཡོངས་སུ་བསྐོར་བའོ།། བཙུམ་པས་མྱུར་དུ་ལྷུང་བའོ།། ་གཡོན་པའི་མཛུབ་མོ་བཀུག་པའི་ཤིང་བུའི་གཡས་པའི་མཛུབ་མོས་བསྡུས་པ་ནི་རྡོ་རྗེ་པི་ཝང་ངོ་།། རྡོ་རྗེ་བསྣམས་པའི་ལག་མཐིལ་དང་མཉེ་བའོ།། ཁ་དབུས་མཉམ ་བའི་དབུས་མ་ལྕེའོ། ། རབ་ཏུ་དགའ་བའི་རྡོ་རྗེའི་ཕྱག་རྒྱའོ།། བདེ་བ་ཆེན་པོའི་རྡོ་རྗེ་མཆོད་པའི་ལས་ནི་དང་པོའི་གླུའི་བཟླས་པ་ཇི་སྲིད་མངོན་པར་འདོད་པའོ།། གཡོ་བ་མེད་ཅིང་དགོད་པ ་དང་དགུག་པ་ནི་རབ་ཏུ་དགའ་བའི་རྡོ་རྗེའི་ལྟེ་བའི་ལྕགས་ཀྱུ་མས་སོ། ། རང་གི་མ་མཆུ་སོ་དག་གིས་ནང་དུ་ཡོངས་སུ་གཟུང་བའོ།། རང་གི་དབང་པོ་བསྐྱོད་པའོ།། རབ་ཏུ་དགའ་བའི་རྡོ་རྗེ ་གར་གྱིས་ཡིད་ཀྱིས་འདོད་པའི་བཀའ་བསྒོ་བ་ཡང་སྟེ། བཅོམ་ལྡན་འདས་རྡོ་རྗེ་སེམས་དཔའ་ལ་སྦྱོར་བ་དེས་ཀྱང་འདའ་བར་མི་རུས་ན། བརྟན་པ་དང་གཡོ་བའི་དངོས་པོ་གཞན་ལྔ ་སྨོས་ཀྱང་ཅི་དགོས། རྡོ་རྗེ་ཐལ་མོའི་མཐེ་བོང་གཉིས་སེམས་དཔའི་སྐྱིལ་ཀྲུང་གིས་མཛུབ་མོ་སྒྲེང་བ་ནི་བཅོམ་ལྡན་འདས་སེམས་དཔའི་རྡོ་རྗེའི་སྐུ་མཆོག་སྟེ། འདི་སྐད་ཅིག་བཟུང ་བས་ཤིན་ཏུ་བྱིན་གྱིས་བརླབས་ནས་བཅོམ་ལྡན་འདས་བཟུང་ཞིང་མཆོད་ནས་སྒྲུབ་པར་འགྱུར་བ་དང་། དངོས་གྲུབ་ཐམས་ཅད་ལ་གྲུབ་པ་དང་དགོས་པ་ཡིན་ནོ།། སྤྱི་བོའི་སྟེང་ནས ་གཡས་སུ་བསྐོར་བར་བྱའོ། ། ས་ལ་བཞག་ནས་ཁྲོ་གཉེར་གྱིས་གྱེན་དུ་དྲང་བར་བྱའོ།། གནོད་སྦྱིན་གྱི་གཟུགས་བརྙན་བྲིས་ལ་དེའི་སྙིང་ཁར་བཞག་པར་བྱས་ན་མངས་གཞུག་ཏུ ་འགྱུར་རོ། ། དབང་ཕྱུག་ཆེན་པོའི་གནས་སུ་ཁྲོ་ཞིང་བཟླ་བར་བྱའོ།། མ་མོའི་གནས་སུ་བཅིང་བ་ལ་ཡི་གེ་བྷྱོ་སྦྱར་བར་བྱ་སྟེ། མ་མོ་འཁོར་དང་བཅས་པ་ཐམས་ཅད་ཀྱི་བསྙེན་བཀུར་དང ་རོལ་མོ་ལ་སོགས་པའི་བཀའ་བསྒོ་བ་ཐམས་ཅད་བྱེད་པར་འགྱུར་རོ། ། རྡོ་རྗེ་གསོར་བ་དང་བཅས་པའི་བཞད་པའི་གདོང་གི་ལས་འདི་ལྟར་བྱ་བ་ཡིན་ཏེ། འདུས་ན་རྐང་པ་གཡོན་པས ་མནན་ནས་བསྒྲུབ་པར་བྱའོ། ། མདུན་དུ་གཞོན་ནུ་མ་སྒྲུབ་ཅིང་མིག་གཉིས་ཀྱིས་འཕྲོག་པ་སྦྱར་བར་བྱའོ།། བྷ་ག་བྲིས་ནས་བལྟས་ཏེ་བསྒྲུབ་པར་བྱའོ།། དབང་ཕྱུག་ཆེན་པོ་རྐང་པ ་གཡོན་པས་མནན་ལ་ཡི་གེ་ཧཱུཾ་ལ་སྦྱར་བར་བྱའོ། ། འདོད་པའི་དབང་ཕྱུག་རྡོ་རྗེ་མངས་བསྣུན་ཏེ། དེ་ནས་འོག་ཏུ་ཁ་ལྷ་བར་བཞག་སྟེ་གསོར་བར་བྱེད་པའོ།། རྡོ་རྗེ་གསང་བའི་མཆོད ་པས་བདེ་བ་ཆེན་པོའི་དམ་ཚིག་ཅེས་བྱ་བའི་བཤད་པའོ། ། ཐམས་ཅད་རྡོ་རྗེར་བྱེད་པ་ནི་རྡོ་རྗེ་ཁུ་ཚུར་གཉིས་ཀྱིས་གོ་ཆ་བཅིང་བར་བྱས་ལ་སྤྱི་བོ་དང་དབང་བསྐུར་བའི་གནས་སུ་གཉིས ་གཉིས་བཞག་ལ། ལོགས་གཉིས་ལ་གཉིས་དང་འཕྲེང་བའི་ཚུལ་གྱིས་དེ་བཞིན་དུ་དར་དཔྱངས་བཅིང་བའོ།། གཡོན་དུ་རྡོ་རྗེ་མདའ་འཕང་བའོ།། རྡོ་རྗེ་བསྙེམས་མའོ།། ཕྱག་རྒྱ ་ཆེན་པོའང་ངོ་། ། དཔལ་མཆོག་དང་པོ་ལས། ཕྱག་རྒྱ་ཐམས་ཅད་ཀྱི་ཆོ་ག་རྒྱས་པའོ།། ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་རྒྱུད་ནི་སེམས་དཔའི ་རྡོ་རྗེམའོ། ། དེ་བཞིན་གཤེགས་པ་ཐམས་ཅད་ཀྱི་ཁ་ཅུར་རོ།། རྡོ་རྗེ་རིན་ཆེན་གྱིས་དབང་བསྐུར་བ་བྱས་ན་རྡོ་རྗེ་རྩེ་ལྔ་པ་འོད་ཟེར་དང་བཅས་པ་སྦྱིན་པར་བྱའོ།། མཛོད ་མཉམ་པའི་ཐལ་མ་ཇི་སྒྲུ་བ་བཞིན་དུ་ཅན་དུ་གཙར་བ་ལ་སོགས་པ་རྣམས་ཀྱིས་སོ། ། དེ་བཞིན་གཤེགས་པ་འི་ས་ཙུར་བཞེས་བཅིངས་པ་ནི་མམོན་པའི་མཛུ་མ་ཀྱི་རོལ་དུ་ཁེ་བསྐུས་པ ་བག་བུ་ཚུར་ལ་བཟླས་པས་བཟུང་སྟེ། དེ་བཞིན་གཤེགས་པ་ཐམས་ཅད་ཀྱི་བྲང་ཆུབ་མངོན་པར་རྫོངས་པའི་ང་ཆུབས་སདེ་བཞིན་གཤེགས་པ་ཐམས་ཅད་ཀྱི་བུ་ཚུར་ཞེས་བྱ་བར་བརྗོད་པ་སྟེ། ་མ་ཅིང་ཚོགས་པ་མང་པ་འཛིབཅིངས་པས་ཐར་མེད་པ་ཡང་དག་པར་རྫོགས་པའི་བྱང་རྒྱུབ་ལས་ཕྱིར་མི་ལྡོག་པ་དང་། འབྲས་བུ་དང་ལྡན་པ་དང་། བདུད་མི་སོགས་པ་གཞན་གྱི་མཐ ་མགྱུར་རོ། ། ཕྱག་ཏུ་བ་དགང་གིས་བཅིང་སྒྲུབས་དེ་ན་དེ་བཞིན་གཤེསས་པ་ཉིད་དུ་རྟོགས་པར་བྱེད་བྱའོ།། དེ་མཚད་ན་དེ་བཞིན་མ་ཤེམས་པ་ཐམས་ཅད་མཆོང་པར་བགྱུར་ཏ ་ཤན་ཅནནག་ཤེགས་པཐམས་ཅད་མཆོང་བར་འགྱུར་རོ། ། སུ་མཆོག་ཚ་གདང་། ཛརྫལ་ས་ཅི་བྲག་ཏུ་བཅད་པའོ།། རྣམམས་ཅས་ཏུ་ཆུང ་དང་མཛུབ་མོ་རྩེ་མོ་བཅིང་བ་སྙིང་ཁ་ལས་བཏེག་སྟེ་དབང་བསྐུར་བའི་གནས་སུ་རྩེ་མོ་རབ་ཏུ་བཞག་པ་ནི་རིན་ཆེན་མའོ། ། དེ་ཉིད་གྱེན་དུ་ཁ་བལྟ་བའི་མཛུབ་མོ་གཉིས་ཕྱིར་བཀུག་པས ་པདྨའོ། ། རྡོ་རྗེ་སེམས་དཔའ་རྡོ་རྗེ་མ་ནི་ཕྱི་རོལ་ཏུ་དབུས་མ་བཅིངས་པའོ།། ཆོས་ཀྱི་ཕྱག་རྒྱའོ།། དེ་ནས་ལས་ཀྱི་ཕྱག་རྒྱ་ནི་རྡོ་རྗེ་ཁུ་ཚུར་ཞེས་བཤད་དོ།། གཡོན་པ་ཆོས་གོས་དང ་བཅས་པ་རང་གི་སྙིང་ཁར་བསྟོད་པའི་ཚུལ་གྱིས་བཟུང་སྟེ། གཡས་པས་ས་གནོན་ཅིང་རབ་ཏུ་རྒྱལ་བར་བྱེད་པ་ཞེས་བྱ་བ་སྟེ། དེས་བདུད་ཀྱི་སྟོབས་རྣམས་འཇོམས་པའོ།། དེ་ཉིད་ཡོངས ་སུ་བསྐོར་ཏེ་གྱེན་དུ་ཁ་བལྟ་བར་བཟུང་ནས་གཟེངས་བསྟོད་པ་ཞེས་བྱ་བ་ལྷུང་བ་སློང་བར་བྱེད་ཅིང་ལུང་སྟོན་པར་བྱེད་པའོ། ། དེ་ཉིད་ཆོས་གོས་མཐའ་མར་པདྨའི་འདབ་མཁའབྱེད་པར ་བྱེད་པ་ཆོས་འབྱུང་སྟེ། ཆོས་ཐམས་ཅད་སྦྱོང་བར་བྱེད་པའོ།། དེ་ཉིད་བ་དན་གསུམ་གྱིས་བཟུང་བ་སློང་བར་བྱེད་པ་སྟེ། གདོན་མི་ཟ་བར་དངོས་གྲུབ་རོལ་བའོ།། འདི་རྣམས་གཡས ་པས་ལས་བྱེད་ཅིང་དོན་ཡོད་པ་དང་བཅིངས་པ་ཙམ་གྱིས་འགྲུབ་པའོ། ། ལྷག་མ་ནི་ཇི་ལྟ་བ་བཞིན་དུ་བཟུང་བས་སོ།། དེ་ནས་ལས་ཀྱི་ཕྱག་རྒྱ་རྣམས་ནི་དེ་བཞིན་གཤེགས་པ་ཐམས ་ཅད་ཀྱི་ཁུ་ཚུར་ནད་གཟིར་བའོ། ། མིག་ཡོངས་སུ་སྦྱང་བའོ།། སྙིང་ཁར་གཞག་པའོ།། བྱབ་པའོ།། ཁུ་ཚུར་གྱིས་འཕྲོག་པའོ།། བཟའ་བའོ།། ཁྲོས་ནས་གཏོར་བར ་བྱའོ། ། ཕུར་བུ་གདོན་པའོ།། རྟིང་པ་ལ་བརྡེག་པའོ།། ཡི་གེ་ཨོཾ་བྲིས་ནས་དབྱི་བར་བྱའོ།། སོ་རྣམས་ཀྱིས་བཟུང་བར་བྱའོ།། ཡི་གེ་ཧཱུཾ་དང་བཅས་པས ་བརྡེག་པར་བྱའོ། ། མཚོན་ཆ་བྲིས་ནས་དབྱི་བར་བྱའོ།། ཀུན་ཏུ་སྦྱིན་སྲེག་བྱའོ།། དུར་བའི་སྦྱིན་སྲེག་བྱའོ།། སྤྱི་བོར་བཞག་ལ་བལྟ་བས་བྱབ་པར་བྱའོ།། སྟང་དུ་ཁ་ཊྭཱཾ་ག་བཟུང ་བའོ། ། རང་གི་ཁྱིམ་དུ་བསྐོར་བར་བྱའོ།། རང་གི་ཁྱིམ་དུ་གཞག་པར་བྱའོ།། འཇུག་པར་བྱའོ།། སྙིང་ཁ་ལས་གདོན་པར་བྱའོ།། ལུས་ལ་བསྐོར་བར་བྱའོ།། ངག་འབྱིན་པའོ།། ་སྙིང་ཁར་བཙིར་བར་བྱའོ།། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཆེན་པོ་ནི་སྐུ་མཆོག་གོ།། བརྟན་པར་བྱའོ།། དབང་པོ་ལ་གཞག་པར་བྱའོ།། ཁ་ལའོ།། དེ་ཉིད་དུ་བསྐོར་བར ་བྱའོ། ། དཔྲལ་བར་གཞག་པར་བྱའོ།། སྙིང་ཁར་རོ།། དཔུང་བ་གཉིས་ལའོ།། བརླ་གཉིས་ལའོ།། འཕྲེང་བ་བཅིང་བའོ།། དབང་པོ་རྣམས་ལའོ།། སྤྱི་བོ་ལའོ།། གདོང་པ ་ལའོ། ། ཁ་ལས་བཏོན་ནས་སོ།། ཐམས་ཅད་དུ་བསྐོར་བར་བྱའོ།། ཕྱོགས་རྣམས་སུ་བསྐོར་བར་བྱའོ།། རང་དང་གཞན་དག་དེ་བཞིན་གཤེགས་པ་རྗེས་སུ་དྲན་པའོ།། སྙིང་ཁ་ལས ་རྗེས་སུ་དྲན་པའོ། ། སྙིང་ཁར་བཞག་ནས་དགའ་བ་བསྐྱེད་པར་བྱའོ།། སངས་རྒྱས་ཉིད་བསྐྱེད་པར་བྱའོ།། སངས་རྒྱས་ཐམས་ཅད་ཉིད་སྒོམ་པའོ།། ཕུང་པོ་ལྔ་ལ་གཞག་པར ་བྱའོ། ། རྫ་མཁན་གྱི་འཁོར་ལོ་ལྟར་བསྐོར་བར་བྱའོ།། ལུས་རྗེས་སུ་དྲན་པའོ།། ལྕེ་གཞག་པར་བྱའོ།། ཡིད་ཀྱིས་མངོན་པར་གདུད་པར་བྱའོ།། གཏོང་བ་རྗེས་སུ་དྲན་པའོ།། རྨུག་ཅི ་སོ། ། བྱམས་པའོ།། བརྩོན་འགྲུས་སོ།། ཏིང་ངེ་འཛིན་ནོ།། ཤེས་རབ་བོ།། ཡེ་ཤེས་སོ།། སྟོབས་སོ།། ཐབས་སོ།། ངེས་པར་བརྗོད་པའོ།། སའོ།། སྤྱོད་པའོ།། སོ་སོ་ཡང ་དག་པར་རིག་པའོ། ། མ་འདྲེས་པའོ།། ཆོས་སོ།། ལུས་སྣ་ཚོགས་སོ།། སེམས་ཅན་གྱི་དོན་ནོ།། སངས་རྒྱས་ཀྱང་དོན་ནོ།། ལུས་སོ།། ངག་གོ།། ཡིད་དོ།། རྡོ་རྗེ་ཆེན་པོའོ།། ་། ཨོཾ་བོ་དྷི་ཙིཏྟ་བཛྲཱི། ཨོཾ་ས་མནྟ་བྷ་དྲེ་ཙཨཱརྱ་བི། ཨོཾ་ཙནྡྲ་མ་དྷི། ཨོཾ་ཨ་ནི་རོ་དྷ། ཨོཾ་ཛི་ཏི་བི་ར་བ་ར་ཧེ། ཨོཾ་སརྦ་ཛྙཱ་ནེ། ཨོཾ་མ་ཧཱ་རཱ་ག་དྷརྨཱ་ཏེ། ཨོཾ་བིདུ་ཀ་བཙེ། ཨོཾ་བཛྲ་དྲྀཌྷཱ་ཙཎྜེ་ཧཱུཾ། ཨོཾ་སརྦྦ ་ཏ་ཐཱ་ག་ཧ། ཨོཾ་སྭ་བྷཱ་བ་བི་ཤུདྡྷ། དྷརྨཱ་ཧཱ་ཛྙཱ་ན་བི་ཤུདྡྷེ། ཨོཾ་ཀརྨྨ་བི་ཤུདྡྷེ། ཧཱུཾ་སུམྦྷ་བཛྲི་ཎི་ཕཊ། ཨོཾ་ཀརྨྨ་རཱ་གེ། ཨོཾ་བཛྲ་བཛྲཱི་ཎི། ཨོཾ་ཧཱུཾ་སརྦ་དྷརྨཱ་ཎི། ཨོཾ་ཧྲཱིཿ། ཨོཾ་ཨ་ཀཱ་རོ་མུ་ཁཾ། ཨོཾ ་པྲཛྙཱ་བཱ་རཱ་མི་ཏཱ་ཡཻ། བརྦྷུ། ཨོཾ་ཨ~ཾ། ཨོཾ་སརྦ་ཧ་ཐཱ་ག་ཧ~ཾ་ཀཱ་ཡཱ་གྲྀ། ཨོཾ་སརྦ་ཏ་ཐཱ་ག་ཏ་བྷ་བི་ཤུདྡྷེ། ཨོཾ་སརྦ་ཏ་ཐཱ་ག་ཏ་ཙིཏྟ་བཛྲ། ཨ། དེ་ནས་དེ་བཞིན་གཤེགས་པ་ཐམས་ཅད ་ཀྱི་ངག་གི་ཕྱག་རྒྱ་ནི་དབྱངས་ཤིན་ཏུ་ཟབ་པའི་སྒྲ་དང་ལྡན་པའི་ཕྱག་རྒྱའི་ཆོས་ཀྱི་ངག་སྟེ། དེ་བཞིན་གཤེགས་པ་ཐམས་ཅད་ཀྱི་ངག་ཐོགས་པ་མེད་པར་འགྲུབ་པའོ།། དེ་ནས་བཟླས་པ ་ནི་རྗེས་སུ་དྲན་པས་སོ། ། སྒྲུབ་པ་ལ་དེ་བཞིན་ནོ།། ལས་ལ་ཉེ་བར་སྦྱོར་བ་ནི་དེ་བཞིན་གཤེགས་པ་ཐམས་ཅད་རྗེས་སུ་དྲན་པས་སོ།། དེ་བཞིན་གཤེགས་པ་ཐམས་ཅད ་ཀྱི་ཕྱག་རྒྱ་བཅིང་བའོ། ། དེ་ནས་རྡོ་རྗེ་ཉི་མ་མེ་ལྷར་འབར་བའི་ཕྱག་རྒྱ་བཅིང་བ་ནི། དེ་ལ་ཕྱག་རྒྱ་ཆེན་པོ་ནི་བདག་ཉིད་ཐམས་ཅད་ཀྱིས་རྗེས་སུའོ།། དམ་ཚིག་གི་ཕྱག་རྒྱའི་རྒྱུད་ནི། རྡོ་རྗེ་བསྡམས ་པ་ནང་དུ་བཅིངས་ལ་སོར་མོ་ཐམས་ཅད་ཀྱི་འབར་བའི་དཀྱིལ་འཁོར་གྱི་ནང་མཐེ་བོང་གི་རྡོ་རྗེ་བཞག་ལ་ཁམས་གསུམ་པ་ཐམས་ཅད་སྲེག་པ་དང་། འཚེད་པ་དང་། ཐལ་བར་བྱེད་པར་ནུས་ཏེ། ་བཅོམ་ལྡན་འདས་ཀྱིས་ཀྱང་དབང་དུ་བྱེད་པར་འགྱུར་རོ།། དེ་ཉིད་ཀྱི་གཡོན་པའི་སོར་མོ་སྡིགས་མཛུབ་བྱ་ཞིང་གཡས་པའི་ལྕགས་ཀྱུས་དགུག་པར་བྱས་ན་ཐམས་ཅད་འགུགས་པའོ།། ་རྡོ་རྗེ་ཧཱུཾ་མཛད་ཀྱི་ཕྱག་རྒྱའི་ནི་ཁྲོ་བོའི་རྡོ་རྗེ་ཁུ་ཚུར་གཉིས་པའི་རྡོ་རྗེས་མཐེའུ་ཆུང་གི་ལྕགས་ཀྱུས་བཅིངས་ཏེ། དེས་སྡིགས་མཛུབ་བྱ་ཞིང་ལས་ཐམས་ཅད་རང་དངོས་གྲུབ་ཐམས་ཅད་ཉམ ་སུ་མྱོང་བ་ཡིན་ནོ། ། རྡོ་རྗེ་ཐལ་མོས་མཛུབ་མོ་བཅིངས་ལ་ཁྲོ་གཉེར་ཐུར་དུ་གཞག་པར་བྱ་ཞིང་མེ་སྟག་ཏུ་མྱུར་དུ་འཕྲོ་ཞིང་གཡོ་བ་ནི་རྡོ་རྗེ་ཁྲོ་གཉེར་རོ།། ཐམས་ཅད་སྲེག་པར་བྱེད་པ་དང ་ཐམས་ཅད་འདུལ་བར་བྱེད་པ་དང་། རབ་ཏུ་བདུལ་བར་བྱེད་པ་ནི་ཁྲོ་གཉེར་གྱི་ཕྱག་རྒྱའོ།། རྡོ་རྗེ་ཐལ་མོས་ལེགས་པར་བསྐོར་བར་གཡོན་པའི་མཛུབ་མོ་ལྕགས་ཀྱུ་སྟེ་དགུག་པ་དང་། གཞུག ་པ་དང་། སྒྲུབ་པ་ཐམས་ཅད་ལ་དོན་ཡོད་པའོ།། རྡོ་རྗེ་པདྨ་དབུས་མཉམ་པའི་ཁ་འབུས་ཀྱི་མཛོད་དོ།། རྡོ་རྗེ་པདྨ་ནི་ཐམས་ཅད་གཅོད་པར་བྱེད་པའོ།། རྡོ་རྗེ་བསྡམས་པ་ནི་མཐེ་བོང་དང ་མཛུབ་མོའི་གདུ་བུས་གཡས་པའི་ཧཱུཾ་གིས་མཛུབ་མོ་བཟུང་སྟེ་ཐམས་ཅད་དགུག་པ་དང་། གཞུག་པ་དང་། མཆོག་ཏུ་གྲུབ་པའོ།། རྡོ་རྗེ་ཧཱུཾ་མཛད་ལས་བྱུང་བ་ནི་གཡས་པའི་མཛུབ་མོས ་གཡོན་པའི་ཡི་གེ་ཧཱུཾ་བཟུང་བ་སྟེ། གཞུ་ཆུད་འདྲེན་པ་ཞེས་བྱ་བ་ཐམས་ཅད་རྗེས་སུ་ཆགས་པར་བྱེད་པ་དང་འབིགས་པར་བྱེད་པའོ།། རྡོ་རྗེ་བསྡམས་པ་ལས་རྡོ་རྗེ་ཧཱུཾ་མཛད་ཀྱི་མཆོག་གོ། ་བསྡམས་པའི་གཡོན་པའི་རྡོ་རྗེ་ཁུ་ཚུར་གཡས་པའི་རྩེ་གསུམ་གྱིས་མཚན་པས་ཡོངས་སུ་བཟུང་བ་སྟེ། ཐམས་ཅད་དྲལ་བར་བྱེད་པའོ།། རྡོ་རྗེ་ཧཱུཾ་མཛད་ཀྱི་གཡས་པའི་ཁུ་ཚུར་གྱིས ་མཐེའུ་ཆུང་ཡང་དག་པར་བརྐྱང་བ་གཡོན་ལག་པའི་སྟེང་དུ་བཞག་པ་ནི་ཁ་ཊྭཱཾ་ག་བསྒྲེང་བ་སྟེ། གདུག་པ་ཐམས་ཅད་ཀྱི་ཕྱག་རྒྱ་ཕྱེ་ཞིང་དྲལ་བར་བྱེད་པ་དང་། རྒྱས་འདེབས་པ་དང་། གསོད ་བ་དང་། ཟ་བ་ལ་སོགས་པའི་ཡོ་བྱད་ཐམས་ཅད་གཡས་པས་འཁོར་ལོ་བཟུང་བའི་ཚུལ་གྱིས་སྟོད་ཅིང་དོར་བ་སྟེ། ཐམས་ཅད་གཅོད་པ་དང་། གཅོད་པར་བྱེད་པའོ།། རྡོ་རྗེ་ཆེན ་མམ་པའི་རྡོ་རྗེའོ། ། གཡས་པའི་རྡོ་རྗེ་འབེབས་པ་དང་། སྦྱོར་བ་སྔོ་ཞིང་གཡོ་བའི་འདབ་མ་ཅན་གྱི་བ.རན་གསུམ་པའོ།། རྡོ་རྗེ་བསྡམས་པའི་མཐེ་བོང་དང་མཛུབ་མ་གཉིས ་རྡོ་རྗེ་ལས་བྱུང་བའི་སྲིན་ལག་མཉམ་པར་སྦྱར་ཞིང་མཐེའུ་ཆུང་ཁ་ཕྱེའོ། ། དཔལ་ཐམས་ཅད་བྱེད་པ་དང་། རྣམ་པར་རྒྱལ་བར་བྱེད་པ་དང་། གདུག་པ་ཐམས་ཅད་འཇོམ ་པར་བྱེད་པ་དང་། ཐམས་ཅད་འབེབས་པར་བྱེད་པའོ།། རྡོ་རྗེ་སེམས་དཔའི་དབང་བསྐུར་བཤད་པའོ།། རྡོ་རྗེའི་རིགས་ཐམས་ཅད་ཀྱི་ནི།། རྡོ་རྗེ་ཐལ་མོ་མཉམ་བྱས་ལ།། མཛུབ་མོ་གཉིས ་ཀྱིས་དར་དཔྱངས་བཅིངས། ། མཐེ་བོང་སྲིན་ལག་རྡོ་རྗེ་ནི།། ཡོངས་སུ་བསྐོར་ཏེ་དབང་བསྐུར་རོ།། འབར་བའི་རྡོ་རྗེ་རྩེ་ལྔ་པ་ཕྱག་ནས་གཟུང་བར་བྱའོ།། ཅི་འབྱོར་པས་སློབ་དཔོན་ལ་ཡོན ་ཕུལ་ཏེ། དངོས་གྲུབ་ཐམས་ཅད་ཀྱི་མཆོག་ཕུན་སུམ་ཚོགས་པ་རྣམས་འགྲུབ་པར་འགྱུར་རོ་ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། རྡོ་རྗེ་ཕྱག་རྒྱ་རྡོ་རྗེ་རིན་ཏི་རི་ལས ་འབྱུང་བ་སྟེ། དོན་ཡོད་ཐམས་ཅད་སྒྲུབ་པར་བྱེད་པའོ།། དེ་ནས་ལས་ཀྱི་ཕྱག་རྒྱ་བཞི་ནི་དམ་ཚིག་གི་ཕྱག་རྒྱའི་ལྷ་མོ་རྣམས་སོ།། དེ་ནས་བཅོམ་ལྡན་འདས་ཀྱི་ལས་ཀྱི་དམ་ཚིག་ནི་རྡོ་རྗེ ་ཁུ་ཚུར་གཡོན་པས་བསྙེམས་པ་ཐམས་ཅད་སྒྲུབ་པ་དང་། གཡས་པའི་རྡོ་རྗེ་ཁུ་ཚུར་གྱིས་རྡོ་རྗེ་གསོར་བ་སྟེ། འདིས་ཐམས་ཅད་བརྒྱལ་བ་དང་། འབར་བ་དང་། སྲེག་པ་དང་། ་ལྟུང་བ་དང་། རྒྱས་བཏབ་པ་དང་། བསད་པ་དང་། སློང་བ་དང་། ཁམས་གསུམ་ལས་རྣམ་པར་རྒྱལ་བ་དང་། བརྟན་པ་དང་། གཡོ་བ་ཐམས་ཅད་ལ་ངེས་པར་སྦྱོར་བ་དང་། ་དངོས་གྲུབ་དང་། མཆོག་ཐམས་ཅད་སྒྲུབ་པའོ།། དེ་ནས་ལས་ཀྱི་ཕྱག་རྒྱ་ནི་རྡོ་རྗེ་ཁུ་ཚུར་སྡིགས་མཛུབ་དང་བཅས་པའི་མཛུབ་མོ་ནི་ཁྲོ་བའི་ཁུ་ཚུར་རོ།། དེ་དག་གི་ལས་དམ་ཚིག་ཕྱག་རྒྱའོ།། ་མཛུབ་མོའི་སོར་མོ་གཉིས་ཀྱིས་ཐམས་ཅད་དགུག་པའོ།། སྙིང་ཁར་ཅིག་ཤོས་དག་གཡས་པའི་གདུག་པ་ཐམས་ཅད་གཅོད་པའོ།། མཁྲིག་མའི་མདུད་པས་གཡས་པའི་ཁྲོ་བོ་འགུགས་པས ་ཐམས་ཅད་དགུག་པ་རབ་ཏུ་གཞུག་པའོ། ། བསྟོད་པ་དང་བཅས་པའི་མདའ་འཕངས་པའོ།། དེ་བཞིན་དུ་རྡོ་རྗེ་རྩེ་གསུམ་པ་ལ་སོགས་པའི་རྡོ་རྗེ་གར་གྱི་སྦྱོར་བས་རང་གི་ཕྱག་རྒྱ་གྱེན་དུ ་འཕང་བའོ། ། ལས་ཀྱི་དམ་ཚིག་གི་ཕྱག་རྒྱ་གཉིས་སུ་བྱས་ལ་རྡོ་རྗེ་ཐལ་མོ་རྣམས་ཀྱི་ལས་ཀྱི་ཕྱག་རྒྱ་སྟེ། རྡོ་རྗེ་གར་གྱི་སྦྱོར་བས་རང་གི་དམ་ཚིག་གིས་ཕྱག་རྒྱ་སྟེང་དུ་དོར་བསྟེ་ཐམས་ཅད ་ལ་རྒྱས་གདབ་པ་དང་། སྒྲུབ་པ་དང་། གསོད་པ་དང་། འབེབས་པ་དང་། འཚོ་བར་བྱེད་པ་ནི་རྡོ་རྗེ་གར་གྱི་མཆོད་པའོ།། དེ་ནས་ངག་གི་ཕྱག་རྒྱ་ནི་སྤྲིན་གྱི་སྒྲ་སྒྲོག་པའི་ཧཱུཾ་ཡིག་གི་ཧཱུཾ་ཕྲ་བའི ་སྒྲ་དང་བཅས་པ་ཁྲོ་ཞིང་གསལ་བའི་ཁྲོ་བོའི་རྡོ་རྗེ་ངག་གོ། ། སྒྲུབ་པའི་དོན་བསྒྲུབ་པར་བྱའོ།། དེ་ནས་མ་གྲུབ་ན་ལས་ཀྱི་ཕྱག་རྒྱ་བཅིང་བའོ།། སྒྲུབ་པ་ནི་དེ་བཞིན་དུ་ཕྱག་རྒྱ་ཆེན་པོ་ལན་ཅིག ་ཏུ་བྱའོ། ། ལས་ལ་ངེས་པར་སྦྱོར་བ་ཁྲོ་གཉེར་གྱིས་སོ།། རྡོ་རྗེ་ཧཱུཾ་མཛད་ལས་བྱུང་བའོ།། སྐེ་ཚེ་དང་བཅས་པའི་ཏིལ་མར་རྣོན་པོའི་སྦྱིན་སྲེག་ནི་གཡས་པས་སོ།། དེ་ཉིད་ཀྱིས་བཏང་བའོ།། ། ་དེ་ཉིད་ཀྱི་ཐམས་ཅད་འཆིང་བའོ།། གཡོ་བ་མེད་པ་ཉིད་དོ།། གཉིད་ལོག་པ་བསྟན་པའོ།། ཁྲོ་བོའི་རྡོ་རྗེ་ལྟ་བའི་སྡིགས་མཛུབ་བོ།། ཕྱག་རྒྱ་གློད་པར་གྱུར་པའོ།། མཛུབ ་མོ་གཉིས་ཡང་དག་པར་སྦྱར་ནས་ཕྱེ་བའོ། ། དེ་དག་ཉིད་ཀྱིས་གདུ་བུ་བཅིང་བའོ།། མཆེ་བས་བཙར་བའོ།། དེ་ནས་དྲལ་བའོ།། གཡས་པས་བརྡེག་པའོ།། མཛུབ་མོ་གཉིས་ཀྱིས་འབར ་བའོ། ། གཡས་པའི་མཛུབ་མོ་གཡོན་པ་ལྷུང་བའི་ཚུལ་ལོ།། མཛུབ་མོ་གཉིས་ཀྱིས་འབར་བར་ཕྱེ་བའོ།། གཅོད་པའོ།། མཛུབ་མོ་གཉིས་ཀྱི་སོར་མོ་སྦྱར་བའི་རྩེ་མོ་གཅོད་པའོ།། ལག་པ་གཉི ་དྲག་ཏུ་མཉེ་བའོ། ། ཐམས་ཅད་དུ་སོར་མོ་ཐམས་ཅད་དོར་བའོ།། ཅིག་ཅར་དུ་ཕྱག་རྒྱ་དགྲོལ་བའོ།། དྲང་ཞིང་གཡོ་བས་སྡིགས་མཛུབ་བོ།། གཡས་པའི་མཛུབ་མོ་གདེངས་ཀ་བསྐྱོད་པས ་སྡིགས་མཛུབ་བོ། ། གཡས་པའི་མཛུབ་མོ་མཆེ་བས་གཟུང་བའོ།། དུ་བ་དང་། དགོད་པ་དང་། རྒྱུག་པ་ལ་སོགས་པས་བསྟན་པའོ།། མཛུབ་མོ་གཉིས་ཀྱིས་སེ་གོལ་རྡེབ་པའོ།། ་གཡོན་པའི་སྟེང་དུ་གཡས་པ་ཉེ་བར་གཞག་པའོ།། ས་ལ་རབ་ཏུ་གཞག་པའོ།། བསྐྱོད་པར་བྱའོ།། གར་བྱའོ།། འབྱིན་པའོ།། བརླབ་པར་བྱའོ།། ཐམས་ཅད་དུ་བརླབ་པར་བྱའོ།། ་ཧ་ཧར་དགོད་པའོ།། བསྐོར་བའི་དགུག་པར་བྱའོ།། དྲང་བར་བྱའོ།། གཏང་བར་བྱའོ།། ཡོངས་སུ་བསྐོར་ནས་ནུབ་པར་བྱའོ།། དེ་ནས་དོར་བའོ།། མྱུར་དུ་དོར་བའོ།། དེ་བཞིན་དུ ་ཀུན་ནས་འདྲེན་པའོ། ། དེ་བཞིན་དུ་གྱེན་དུ་དྲང་བའོ།། རང་ཉིད་ཀྱིང་རོ་བྱའོ།། བདག་ཉིད་ལ་བརྡེག་པར་བྱའོ།། སྙིང་ཁར་བརྡེག་པར་སྦྱིན་པར་བྱའོ།། རང་ཉིད་ཀྱིས་རང་གི་སྐྲ་འབལ་བར ་བྱའོ། ། སྡང་བར་སྡོམ་པའོ།། རང་གིས་གོས་སྟོད་པར་བྱའོ།། ཁྲོ་བས་དེ་བཞིན་དུ་འབར་བ་སྟོན་པའོ།། གཡས་པའི་མཛུབ་མོ་ལྕགས་ཀྱུའོ།། དེ་ཉིད་ཀྱི་རབ་ཏུ་གཞུག་པའོ།། གཡས ་པའི་སེ་གོལ་ལོ། ། གཡོན་པའི་སེ་གོལ་ལོ།། ལྕེ་རེག་པ་ནི་མཛུབ་མོ་གཉིས་ཀྱིས་སོ།། ཡན་ལག་ལ་བ་སྤུ་གཡས་སུ་བསྐོར་བསྐོར་བས་འཁྱིལ་བའོ།། ལྷུང་བ་ལ་སོགས་པ་བྱེད་པའོ།། ་དུས་སུ་སྒོམ་པའོ།། ཁྲོ་བའི་ལྷ་བས་ཤིང་དྲུང་རྣམས་ལ་ཡིད་ཀྱིས་འདོད་པའོ།། དེ་བཞིན་དུ་ས་ལའོ།། ལྟ་བའོ།། སྨིན་མའོ།། སོའོ།། ཕུའོ།། ཕྱག་རྒྱས་བརྡེག་པའོ།། རྒྱལ ་མཚན་སྒྲེང་བའོ། ། ཁྲོ་བོ་དང་བཅས་པའི་འཇིགས་བྱེད་ཀྱི་བལྟ་བས་སོ།། འཛུམ་པ་མེད་པས་བལྟ་བས་སོ།། དེ་བཞིན་དུ་འབར་བ་འཆིང་བས་སོ།། ཕྱག་རྒྱ་བསྐོར་བའོ།། གཙུག ་ཧོར་ལས་མཛུབ་མོའི་རྡོ་རྗེ་གཞག་པར་བྱའོ། ། དེ་བཞིན་དུ་སྙིང་ཁར་རོ།། ཕྱག་རྒྱ་དེ་དགྲོལ་བའོ།། ཕྱག་རྒྱ་ཟུར་དུ་བསླང་བའོ།། མཛུབ་མོའི་རྩེ་མོ་བརྟན་པར་སྦྱར་བའོ།། ལྷ་བས ་སྦྲེང་ནས་འོག་ཏུ་ལྷུང་བའོ། ། འོག་ནས་གྱེན་དུ་འདྲེན་པའོ།། ཡི་གེ་ཧཱུཾ་ཁྲོས་པའོ།། འཇིགས་བྱེད་ཀྱི་བལྟ་བས་སོ།། རྡོ་རྗེ་ཁ་ཊྭཱཾ་ག་དྲལ་བ་ཁྲོ་བས་སོ།། རྡོ་རྗེ་སྙིང་ཁར་སྒོམ ་པའོ། ། རྡོ་རྗེ་རྩེ་གསུམ་དྲལ་བའོ།། གདུག་པའི་དཀྱིལ་འཁོར་གཞིག་པར་བྱའོ།། ཡི་གེ་ཧཱུཾ་གིས་སོ།། ཧིའོ།། གཡས་སུ་དབུགས་དབྱུང་བའོ།། དེ་ཉིད་ཀྱི་དོང་རྩེ ་གསོར་བའོ། ། ཁྲོ་བོའི་ལྟ་བ་དེ་བཞིན་དུའོ།། ཁུ་ཚུར་གཡས་པས་མནན་ཏེ་གཡོན་པས་སོ།། བཟུང་ནས་དགུག་པར་བྱའོ།། དོང་ཚེ་གསོར་བ་ནི་གཉིས་ཀྱིས་སོ།། གཡོན་པའི་དྲིལ་བུ ་དྲལ་བའོ། ། དེ་བཞིན་དུ་རྡོ་རྗེ་ཧཱུཾ་མཛད་ཀྱི་གཡས་པའི་ཁུ་ཚུར་གཡོན་པའི་རྡོ་རྗེ་ཁྲོ་བོས་མནན་ཏེ་མཐེའུ་ཆུང་གི་གདུ་བུ་དཀྲོལ་བའི་ཁུ་ཚུར་གྱིས་འཕྲོག་པར་བྱའོ།། གཡས་པའི་དྲིལ་བུ་དྲལ་བའོ།། ་ཚེགས་དང་བྲལ་བ་ལྷུང་བ་ན་ཡིད་ཀྱིས་སོ།། འཁོར་ལོ་དྲལ་བའོ།། རྩེ་གསུམ་དྲལ་བའོ།། རྡོ་རྗེ་ཧཱུཾ་མཛད་ཀྱི་གཡོན་པ་གཡས་པའི་རྡོ་རྗེ་ཁུ་ཚུར་གྱིས་མནན་ཏེ། དེ་བཞིན་དུ་གདུ་བུ ་བཀྲོལ་བས་འཕྲོག་པར་བྱའོ། ། རྡོ་རྗེ་དང་། བྱང་ཆུབ་སེམས་དཔའ་དང་། དེ་བཞིན་གཤེགས་པ་ཐམས་ཅད་དང་། རྡོ་རྗེ་འཆང་ཆེན་པོ་རྗེས་སུ་དྲན་པས་མདུན་དུ་བསྒྲུབ་པར་བྱའོ།། ་རྡོ་རྗེ་ཁྲོ་བོ་རྒྱལ་པོའི་ཕྱག་རྒྱའི་རྒྱུད་དོ།། ། དེ་ནས་འཕགས་པ་སྤྱན་རས་གཟིགས་དབང་ཕྱུག་གི་ཕྱག་རྒྱའི་རྒྱུད་ནི། པདྨ་ཆེན་པོ་རྡོ་རྗེ་ཐལ་མོ་ཁ་སྦུབ་པ་དབུ་མོ་དང་། མཐེ་བོང ་དང་། མཐེའུ་ཆུང་ཁ་ཕྱེ་བའི་འདབ་མ་བཞི་པ་ཆོས་ཉིད་ཐམས་ཅད་ཐོབ་པ་དང་། ཐམས་ཅད་རྗེས་སུ་ཆགས་པར་བྱེད་པའོ།། ཕྱག་རྒྱ་ཆེན་པོ་རྣམས་ནི་དེ་བཞིན་ནོ།། དམ་ཚིག་ཕྱག ་རྒྱ་རྡོ་རྗེ་པདྨ་བཤད་པའོ། ། པདྨའི་རིགས་རྣམས་ཀྱིས་རྡོ་རྗེ་བསྡམས་པ་ལས་བྱུང་བའོ།། དེ་ལ་པདྨ་དེ་བཞིན་གཤེགས་པ་རྣམས་ནི་ནང་གི་རྡོ་རྗེ་བསྡམས་པ་ལས་བྱུང་བའོ།། དེ་བཞིན ་གཤེགས་པའི་པདྨ་པང་པར་གྱེན་དུ་ཁ་ཕྱེ་བ་ལྷ་བུའི་ཏིང་ངེ་འཛིན་གྱི་མིང་ཅན་གྱི་ཕྱག་རྒྱ་པདྨའི་སྤྱན་ཞེས་བྱའོ། ། རྡོ་རྗེ་པདྨ་ཆེན་པོའི་རྡོ་རྗེ་པདྨ་སྙིང་ཁར་རྡོ་རྗེ་བཅིང་བརྡོ་རྗེ་པདྨའི་ཆགས་པ་ཞེས ་བྱའོ། ། པདྨ་ཆེན་པོའི་བདག་པོ་མཛུབ་མོ་མཉམ་པ་འོག་ཏུ་ཁ་ལྷ་བབང་བར་བཟུང་བ་པདྨའི་སྒྲོལ་མ་ཞེས་བྱ་བའི་ཕྱག་རྒྱའོ།། པདྨ་ཆེན་པོའི་བ་དན་རིན་པོ་ཆེ་གཉིས་བཟུང་ཞིང་དེས་པདྨ་སྦྱིན ་པའོ། ། འདི་རྣམས་ཀྱི་ཆོས་ཉིད་ཐམས་ཅད་ལས་ཐོབ་པ་དང་། ཐམས་ཅད་རྗེས་སུ་ཆགས་པ་དང་། སྲིད་པའི་སྡུག་བསྔལ་གྱི་ཚོགས་ཐམས་ཅད་ལས་སྒྲོལ་བ་དང་། བསམ་པ་ཐམས ་ཅད་ཡོངས་སུ་རྫོགས་པ་ཤིན་ཏུ་གྲུབ་པ་ཞེས་བྱའོ། ། རྡོ་རྗེ་རྩེ་གསུམ་དྲལ་བའོ།། དེ་ནས་པདྨ་ལྷའི་བདག་པོ་རྣམས་ཀྱི་ཕྱི་རོལ་གྱི་བསྡམས་པ་ལས་བྱུང་བའོ།། དེ་ལ་དོན་ཡོད་རྒྱལ་པོ ་ནི་འོག་ཏུ་མཛུབ་མོ་གཉིས་ཀྱི་ཁ་འབུས་པ་ཁྲོ་གཉེར་ལ་གཞག་པར་བྱ་སྟེ། པདྨའི་ཁྲོ་གཉེར་གྱི་སྤྱན་ནོ།། རྡོ་རྗེ་བསྡམས་པ་ཁ་གྱེན་དུ་འབར་བ་ནི་མགྲིན་སྔོན་གྱིའོ།། གཡོན་པའི ་མཛུབ་མོ་བཀུག་པ་མཐེ་བོས་ཡོངས་སུ་བཟུང་སྟེ། དུང་གི་དབྱིབས་དེ་གཡས་པའི་མཐེ་བོང་བསྒྲེང་བ་བཏེག་སྟེ། མཐེའུ་ཆུང་མཉམ་པའི་ཁ་འབུས་པའི་པདྨ་དང་། སོར་མོ་ལྷག་པ ་@ཡང་དག་པར་བརྐྱང་བའི་འཁོར་ལོ་ནི་པདྨའི་ཁྱབ་འཇུག་མའོ། ། པདྨ་ལས་བྱུང་བའི་མཛུབ་མོ་གཉིས་བཀུག་པའི་ལྕགས་ཀྱུ་དང་སོར་མོ་ལྕུག་མ་ཁ་ཕྱེ་བའི་པདྨ་ལས་བྱུང ་བའི་ཞེས་བྱའོ། ། རྟ་མགྲིན་གྱི་ནི་མཛུབ་མོ་གཉིས་ཤིན་ཏུ་སྦྱར་བའི་ལྕགས་ཀྱུ་རྒོད་མའི་ཁ་ཤིན་ཏུ་རབ་ཏུ་བརྐྱང་བའི་སྲིན་ལག་གི་རྩེ་མོ་དང་། མཐེའུ་ཆུང་དང་གཉིས་རབ་ཏུ་བརྐྱང་བ་སོ་སོར ་ཕྱེ་ལ་གཡོན་གཡོ་ཞིང་བཟུང་བ་ནི་པདྨའི་ལྕགས་ཀྱུ་ཞེས་བྱའོ། ། འདི་རྣམས་ཀྱིས་དབང་བསྐུར་བ་ཐམས་ཅད་དང་། ལས་ཐམས་ཅད་དང་། གྲོལ་བ་ཐམས་ཅད་དང་། དགུག་པ་ཐམས་ཅད ་ཀྱི་དངོས་གྲུབ་དོན་ཡོད་པའོ། ། དེ་བཞིན་གཤེགས་པའི་སྐུ་མཆོག་གི་ཏིང་ངེ་འཛིན་གྱི་ཕྱག་རྒྱ་བཤད་པའོ།། དེ་ནས་ལས་ཀྱི་ཕྱག་རྒྱ་ནི་ཁ་ཊྭཱཾ་ག་བཅིངས་ནས་པདྨའི་རིགས་ཐམས་ཅད་ཀྱི་དམཚས ་གི་ཕྱག་རྒྱ་ཇི་ལྟ་བ་བཞིན་དུ་གཟུང་བས་སོ། ། ངག་གི་ཏིང་ངེ་འཛིན་གྱིས་གཟུངས་དགུག་པ་ནི་ཆོས་ཀྱི་ངག་གིས་བཟླས་པའི་དོན་ཤེས་པའོ།། པདྨ་ཆེན་པོ་བཅིངས་ནས་ཡིད་ཀྱི་སྦྱིན་སྲེག་བྱའོ།། ་སེམས་ཀྱིས་ཞི་བར་བྱའོ།། དངོས་པོ་བསྲུང་བར་བྱའོ།། རྣམ་པར་སྦྱང་བར་བྱའོ་ཞེས་བྱ་བ་བ་སྒྲུབ་པར་བྱའོ།། ལས་ཐམས་ཅད་པའི་ཕྱག་རྒྱའི་ཚོགས་སོ།། འཕགས་པ་སྤྱན་རས་གཟིགས ་དབང་ཕྱུག་གི་ཕྱག་རྒྱའི་རྒྱུད་དོ། ། ། དེ་ནས་ནམ་མཁའི་སྙིང་པོའི་ཕྱག་རྒྱ་ཆེན་པོ་དེ་བཞིན་ནོ།། དམ་ཚིག་གི་ཕྱག་རྒྱ་རྡོ་རྗེ་རིན་ཆེན་ཏེ་མཐེ་བོང་དང་མཛུབ་མོའི་སོར་མོ་བཞི་ནི་རྩེ་མོ་མཉམ ་ནས་འོག་ཏུ་རབ་ཏུ་བསྡུས་ཏེ། དབང་བསྐུར་བའི་རྡོ་རྗེ་ཐལ་མོས་དབང་བསྐུར་བ་ཐམས་ཅད་ཐོབ་པའོ།། དེས་ཇི་ལྟ་བ་བཞིན་དུ་དབང་བསྐུར་བའོ།། རྡོ་རྗེ་དེ་ཉིད་སྙིང་ཁར་རོ།། གྱེན་དུ་ཁ་བལྟ་བའོ།། ་དེ་ཉིད་ཁུ་ཚུར་རོ།། ཁུ་ཚུར་སྤྱི་བོར་བཞག་ལ་མེ་ཏོག་ལ་སོགས་པའི་མཆོད་པ་དབུལ་བར་བྱའོ།། འདི་ཉིད་དབུས་སུ་བཞག་ནས་ལས་ཀྱི་ཕྱག་རྒྱར་བཟུང་བའོ།། དབང་བསྐུར་བ་ཐམས་ཅད ་ཀྱི་རིན་ཆེན་པོ་ཆེའི་གཏེར་གྱི་མཆོད་པ་ཐོབ་པའི་དོན་དུ་ཡང་དག་པར་རྫོགས་པའོ། ། བཅོམ་ལྡན་འདས་ཀྱིས་ལས་ཀྱི་དམ་ཚིག་ནི་གསལ་བ་ཡོངས་སུ་རྫོགས་པར་བྱེད་པའོ།། གཡོན་པའི་ཁུ ་ཚུར་སྙིང་ཁར་བསྟོད་ནས་གཡས་པ་ནོར་སྦྱིན་པ་བཀྲོལ་བའོ། ། ནོར་བུའི་ཁུ་ཚུར་གྱི་ཕྱག་རྒྱ་ཉིད་ཀྱིས་སོ།། སྙིང་པོའི་ངག་ཀླུའི་རྒྱལ་པོས་བཟླ་བ་སྟེ་བཀའ་བསྒོ་ཞིང་དེ་བཞིན་དུ་ལས་ལ་ཉེ་བར་སྦྱོར ་བའོ། ། གལ་ཏེ་མ་གྲུབ་ན་དབང་བསྐུར་བར་གནས་པའི་རྡོ་རྗེ་རིན་ཆེན་གྱིས་ནམ་མཁར་ལས་ཐམས་ཅད་ཀྱི་བཀའ་བསྒོ་བའོ།། ཆོས་ཀྱི་ཕྱག་རྒྱ་ཐམས་ཅད་ཀྱི་ཚོགས་ནི་འདིའོ།། དོན་ཡོད་ཐོགས ་མེད་གྲུབ་པ་དང་། ། ལས་ཀྱི་ཚོགས་ནི་སྒྲུབ་པ་དང་།། ངག་གི་ཕྱག་རྒྱའི་བཀའ་བསྒོ་བ།། ཐམས་ཅད་མྱུར་དུ་མཁའ་ལས་བྱུང་།། ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ་དབང་བསྐུར་བ་ཐམས་ཅད་ཀྱི་ཆོ་ག་རྒྱས་པའོ།། །། དེ་ནས་ཕྱིའི་རྒྱུད་ནི་ཕྱག་རྒྱ་ཆེན་པོ་ནི་གཡོན་པར་ཁམ་པོར་དང་གཡས་ན་མདའ་བསྟོད་པའོ།། དེ་རྣམས་ཀྱི་དམ་ཚིག་ནི་འཇུག་པ ་ལ་བྱ་སྟེ། ལག་པ་གཉིས་ཀྱི་མཐེ་བོང་དང་མཐེའུ་ཆུང་གི་གདུ་བུས་ལུ་གུ་རྒྱུད་བཅིང་བར་བྱས་ལ་མཛུབ་མོ་དང་། དབུས་མ་དང་། སྲིན་ལག་མཉམ་སྟེ་རྩེ་གསུམ་པས ་མཚན་པ་ནི་མིང་པོ་རྣམས་ཀྱིའོ། ། ཇི་ལྟ་བ་བཞིན་དུ་བཟུང་བས་ལྷ་མོ་རྣམས་ཀྱིའོ།། རྡོ་རྗེ་བསྡམས་པའི་དབུས་མ་དང་སྲིན་ལག་གིས་སོར་མོའི་རྩེ་མོ་བཞི་ལ་མཛུབ་མོ་དང་མཐེའུ་ཆུང་བཞིའི ་རྩེ་མོ་འདུས་པ་ནི་ལྷ་མོ་རྣམས་ཀྱིས་འདའ་བར་དཀའ་བའི་དམ་ཚིག་གོ། ། སྲིང་མོ་བཞིའི་དཀྱིལ་འཁོར་གྱི་ཕྱག་རྒྱའོ།། གང་གི་ཚེ་དཀྱིལ་འཁོར་གྱིས་བརྟག་པར་མ་ནུས་ན་དེའི་ཚེ་འདི་བཅིངས ་ཏེ་བལྟས་ན་དཀྱིལ་འཁོར་བརྟག་པ་དང་། མཐོང་བ་དང་། མཆོད་པ་ཅི་དགར་འགྲུབ་པར་འགྱུར་རོ།། གདེངས་ཀ་ཅན་གྱི་དབང་པོ་རྣམས་ཀྱི་ནི་མཐེ་བོང་བཅིངས་ནས་ཕྱི་རོལ་ཏུ་ཁ་བལྟས ་པའི་སོར་མོ་གདེངས་ཀ་སྒྲེང་བ་སྟེ། ཀླུ་ཐམས་ཅད་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱ་བའི་དམ་ཚིག་སྟེ། གལ་ཏེ་འདའ་བར་བྱེད་ན་འཆི་བར་འགྱུར་རོ།། ་ལྷོ་འཕྱེ་ལག་པ་སྟེ་ཐམས་ཅད་སྒྲུབ་པར་བྱེད་པའོ།། དབུས་མ་སྲིན་ལག་བཞིའི་མདུད་པ་ལེགས་པར་བྱེད་པའི་སྦྱོར་བས་ཉེ་བར་སྤྱོད་ཅིང་བསྡུས་ལ་མཐེའུ་ཆུང་གཉིས་ཀྱི་རྩེ་མོ་གཉིས་ཀྱིས ་བརྡེག་པར་བྱ་སྟེ། ཉེ་བར་འཕེལ་བ་དུག་ཐམས་ཅད་འབར་བའོ།། ཀུན་ནས་བསྡུས་ན་དུག་ཐམས་ཅད་འཆིང་བའོ།། འདི་ཉིད་ཀྱིས་དུག་ཐམས་ཅད་བཟའ་བ་དང་། འཕོ་བ་དང་། ་དུག་མེད་པར་བྱའོ།། གདུག་པའི་དཀྱིལ་འཁོར་ནི་རྡོ་རྗེ་ཁུ་ཚུར་གྱིས་བཟུང་བའི་རྡོ་རྗེས་ཁྲོས་ནས་མྱུར་དུ་གཞིག་པར་བྱའོ།། ཕྱིའི་ཕྱག་རྒྱའི་རྒྱུད་དོ།། ། དེ་ནས་བཅོམ་ལྡན ་འདས་ཐམས་ཅད་མཆོག་དབང་ཕྱུག་དམ་པ་སྣ་ཚོགས་པའི་ཕྱག་རྒྱ་ནི། རྡོ་རྗེ་ཐལ་མོ་མཉམ་བཞག་ནས།། བ་དན་གསུམ་ནི་ཡོངས་སུ་བཟུང་།། རྡོ་རྗེ་ཁྱབ་འཇུག་ཅེས་བྱ་བ།། དེར་ན ་ཐམས་ཅད་གཅོད་པར་བྱེད། ། རྡོ་རྗེ་འཁོར་ལོའི་ཕྱག་རྒྱས་ཉོན་མོངས་པའི་དགྲ་ཐམས་ཅད་ཀྱི་མགོ་རྣམས་བཅད་ནས་མཆོག་ཏུ་བྱུང་བ་ཐམས་ཅད་གྲུབ་པའོ།། མཐེའུ་ཆུང་མཐེ་བོང་དང ་སྦྲེལ་བའི། ། ལག་གཉིས་སྟེང་དུ་འོག་ཏུ་ནི།། དབུས་མ་གསུམ་གྱི་རྩེ་གསུམ་མཚན།། རྡོ་རྗེ་འཛིན་མ་ཞེས་སྒྲུབ་པའོ།། རྡོ་རྗེ་དམ་ཚིག་ཕྱག་རྒྱ་རྡོ་རྗེ་གཏུམ་པའི་དབང་ཕྱུག་མ་ཞེས་བྱ་བ་དོན ་ཡོད་པའི་དམ་ཚིག་གོ། ། རྡོ་རྗེ་པདྨ་མཉམ་བཞག་ནས།། གང་དེར་ཇི་བཞིན་དེ་བཞིན་དུ།། ཤིན་ཏུ་ཐོབ་དཀའི་སངས་རྒྱས་ཀྱང་།། སྒྲུབ་པ་བཟླས་པས་སྒྲུབ་པར་བྱེད།། རྡོ་རྗེ་ཆོས་ཉིད ་ཅེས་བྱ་བའི་ཕྱག་རྒྱ་སྒྲོལ་མའོ། ། མཛུབ་མོ་བསྡམས་པའི་ཕྱི་རོལ་དགུག། མཐེ་བོང་རྡོ་རྗེ་བཀབ་པ་སྟེ།། རྡོ་རྗེ་ཆེན་པོའི་ནོར་བུ་སྟེར།། ཞེས་བྱ་བ་ནི་རྡོ་རྗེ་ནོར་བུ་ཞེས་བྱ་བའི་ཕྱག་རྒྱའོ།། ་། དེ་ནས་ཐམས་ཅད་ཀྱི་དབང་ཕྱུག་དམ་པས་བསྒྲུབས་པའི་དངོས་གྲུབ་ཐམས་ཅད་ཀྱི་ཚོགས་ཀྱི་ཕྱག་རྒྱའི་རྒྱུད་ནི་འདི་ཡིན་ཏེ། དེ་ལ་དང་པོ་རེ་ཞིག་དང་པོའི་དངོས་གྲུབ ་བཅུ་རབ་ཏུ་སྒྲུབ་པར་བྱེད་པའི་ཕྱག་རྒྱ་རབ་ཏུ་སྒྲུབ་པར་བྱེད་པའི་ཕྱག་རྒྱ་ཆེན་པོ་སྟོང་འགྱུར་ཏེ། ཇི་ལྟ་བ་བཞིན་དུ་དམ་ཚིག་ཕྱག་རྒྱ་མཚན་རྣམས་ཀྱིས་ལག་པ་གཡས་པ་དང ་གཡོན་པ་དག་གི་རྡོ་རྗེ་ཆེན་པོའི་སྦྱོར་བ་ལས་ཐམས་ཅད་ཀྱི་དངོས་རྩུབ་ཏུ་སྒྲུབ་པར་བྱེད་པའི་སྤོང་པ་ཉིད་དུ་འགྱུར་ཏེ། རྡོ་རྗེ་བསྡམས་པའི་ནང་དུ་བཅིངས་པས་སོ།། དེ་ལྟར་ན་རང་གི་མཚན ་གྱི་ཁུ་ཚུར་རྡོ་རྗེ་གར་ལས་བྱུང་བའི་ཕྱག་རྒྱ་སྐྱོང་དང་པོའི་ལས་ཀྱིས་ཚོགས་བརྒྱ་སྒྲུབ་པར་བྱེད་པའི་རྡོ་རྗེ་ལས་བྱེད་པ་གསུམ་མོ། ། དེ་ལྟར་ལག་པ་གཡས་པ་དང་། གཡོན་པའི་ཅིག་ཤོས་ཀྱི ་ལས་ཐམས་ཅད་རབ་ཏུ་སྒྲིབ་པར་བྱེད་པའི་ལས་ཀྱི་ཕྱག་རྒྱ་སྤོང་བཞི་པའོ། ། དེ་ལྟར་ན་མ་ལུས་པའི་ཕྱག་རྒྱ་བཅིང་བ་ནི་ལག་པ་གཅིག་གིས་ཕྱག་རྒྱ་ཐམས་ཅད་བཅིང་བ་རབ་ཏུ་སྒྲུབ་པའོ།། ་དེ་ལྟར་འགྲོ་བ་དོན་ཀུན་ཏུ།། འཁོར་དང་དམ་ཚིག་ལས་དང་བཅས།། ཀུན་མཆོག་དབང་ཕྱུག་དམ་པ་སྟེ།། རྡོ་རྗེ་སེམས་དཔས་སྒྲུབ་པར་མཛད།། དེ་ལྟར་གསང་བ་རྒྱ་ཆེན་རྨད་དུ ་བྱུང་། ། མཆོག་ཏུ་འགྲོ་བ་ཐམས་ཅད་སྦྱོང་བྱེད་པ།། མཆོག་དང་པོ་ཡི་བླ་མ་བླ་ན་མེད།། གསལ་བའི་རྒྱུད་ནི་ང་ཡིས་ཡང་དག་བཤད།། དཔལ་མཆོ་ག་དང་པོའི་རྟོག་པའི་རྒྱལ་པོ ་ལས། རིགས་ཐམས་ཅད་ཀྱི་ཕྱག་རྒྱའི་རྒྱུད་དོ།། ། དེ་ནས་སྟོན་པ་རྡོ་རྗེ་འཛིན།། གསང་བ་ཀུན་གྱི་བདག་བརྟན་པས།། དེ་ཉིད་ཕྱག་རྒྱའི་རྒྱུད་ཆེན་པོ།། མཚོན་ཆངམ ་པ་འདི་གསུངས་སོ། ། དེ་ནས་བཅོམ་ལྡན་འདས་རྡོ་རྗེ་སེམས་དཔའི་རྟོག་པ་ཐམས་ཅད་ཀྱི་གསང་བའི་དཀྱིལ་འཁོར་གྱི་རྟོག་པའི་ཚོགས་མཆོག་ཏུ་མཁས་ཤིང་ཕྲ་བ། རྒྱ་ཆེ་ལ་ཟབ་པ ་བསམ་གྱིས་མི་ཁྱབ་པ། ཚད་མེད་པ། གསལ་ཞིང་མཉམ་པ་མེད་པ། བླ་ན་མེད་པའི་བླ་མ་མཐར་ཐུག་པ་མེད་པའི་དངོས་གྲུབ་ཀྱི་གསང་བ་སྒྲུབ་པ་མ་ལུས་ཤིང་ལུས་པ་མེད་པའི་དངོས་གྲུབ ་ཐམས་ཅད་ཀྱི་ལས་རྣམས་སྒྲུབ་པ་པོ་དོན་ཡོད་ཅིང་ཐོགས་པ་མེད་པ་བཤད་པར་བྱའོ། ། ཞེས་བྱ་བ་བཅོམ་ལྡན་འདས་མཆོག་ཏུ་གསང་བས་གསུངས་སོ།། མ་མཆུ་སོ་རྣམས་ཀྱིས་བཟུང་ལ ་དགའ་བ་ཆེན་པོས་དང་པོའི་རྡོ་རྗེ་བལྟ་བས་ལྷ་ཞིང་བྱེད་པ་དག་གིས་མ་ལུས་ཤིང་ལུས་པ་མེད་པའི་དངོས་གྲུབ་ཐམས་ཅད་ཀྱི་ལས་ཀྱི་ཚོགས་རྣམས་སྒྲུབ་པར་བྱེད་པའོ། ། བདེ་བ་ཆེན་པོའི་གསང ་བ་ཆེན་པོའི་རྡོ་རྗེ་རྡོ་རྗེ་ཅན་ཞེ་བྱ་བའི་ཕྱག་རྒྱའོ། ། དེ་བཞིན་གཤེགས་པ་ཐམས་ཅད་ཀྱི་བཞད་པ་ཆེན་པོས་དགོད་ཅིང་བརྟན་པའི་རྡོ་རྗེ་ལྟ་བུའི་བྱེད་པ་དག་གིས་དེ་བཞིན་གཤེགས་པ་ཐམས་ཅད་ཀྱི་ལས ་རྣམས་སྒྲུབ་པར་བྱེད་པ་སྟེ། དེ་བཞིན་གཤེགས་པ་ཐམས་ཅད་ཀྱི་སྤྱན་ཞེས་བྱ་བའི་ཕྱག་རྒྱའོ།། ཁྲོ་གཉེར་དང་བཅས་པ། ཁྲོ་བོའི་རྡོ་རྗེ་ལྟ་བ་དང་བཅས་པའི་བྱེད་པ་དང་། སྣའི་དབུགས ་ཆེན་པོའི་ཡི་གེའི་ཧཱུཾ་གིས་རྡོ་རྗེ་ཐམས་ཅད་ཀྱི་དངོས་གྲུབ་སྟེ། རྡོ་རྗེ་ཉི་མ་ལྷར་མེ་འབར་བའི་ལྟ་བའི་སྤྱན་ཞེས་བྱ་བའི་ཕྱག་རྒྱའོ།། དེ་བས་ཅུང་ཟད་འཛུབ་པས་དངོས་གྲུབ་ཐམས་ཅད་ཀྱི ་ལ་ཨས་ཀྱི་ཡེ་ཤེས་ཀྱི་རྡོ་རྗེ་ལྦ་བའི་བྱེད་པ་རྣམས་ཀྱིས་མཆུ་མཉམ་པའི་ཏིང་ངེ་འཛིན་རྡོ་རྗེ་ལ་སོགས་པའི་དངོས་གྲུབ་ཐམས་ཅད་ཀྱི་ལས་ཀྱི་ཡེ་ཤེས་ཀྱི་ཚོགས་རྣམས་སྒྲུབ་པར ་བྱེད་པ་སྟེ། པདྨ་ཆེན་པོའི་སྤྱན་ཞེས་བྱ་བའི་ཕྱག་རྒྱའོ།། བསྙེམས་པ་དང་བཅས་པའི་ཏིང་ངེ་འཛིན་གྱིས་ཕྲ་བར་འཛུམ་པའི་ལྟ་བའི་བྱེད་པ་རྣམས་དང་། བཞིན་འཛུམ་པ་དང་བཞད་པས ་ནམ་མཁའ་ལ་དངོས་གྲུབ་ཐམས་ཅད་ཀྱི་ལས་ཀྱི་ཚོགས་སྒྲུབ་པར་བྱེད་པ་སྟེ། རྡོ་རྗེ་ཆེན་པོ་ནི་ནོར་བུའི་སྤྱན་ཞེས་བྱ་བའི་ཕྱག་རྒྱའོ།། དོན་ཡོད་ཐོགས་མེད་གྲུབ་པ་དང་།། བདེན་པའི་བདག ་ཉིད་འཇིགས་པ་མེད། ། སངས་རྒྱས་ཀུན་དང་བདག་ཉིད་ཀྱང་།། གསང་བའི་ཕྱག་རྒྱ་ལེགས་གྲུབ་སྩོལ།། དཀྱིལ་འཁོར་དུ་ནི་མ་ཞུགས་ཀྱང་།། དེ་ནས་དེ་ཕྱིར་མཆོག་དང་པོ།། བཅོམ ་ལྡན་རྡོ་རྗེ་སེམས་དཔའ་མཆོག། དང་པོ་ཤིན་ཏུ་མཁས་ཤིང་ཕྲ་ལ་ཟབ་ཅིང་རྒྱ་ཆེ་བ་བསམ་གྱིས་མི་ཁྱབ་པ་སྟེ། མཆོག་གི་མཆོག་ནི་དང་པོ་དང་།། མཆོག་ཏུ་གསང་བ་དམ་པ་སྟེ། ་འཛུམ་པའི་ཕྱག་རྒྱ་ལ་སོགས་ཚོགས།། རྡོ་རྗེ་སེམས་དཔས་གསུངས་པ་ཡིན།། རྡོ་རྗེ་འཆང་ཆེན་སློབ་དཔོན་ནི།། མཆོག་ཏུ་དང་ཞིང་རབ་དགའ་བས།། སྙིང་པོ་ལ་སོགས་རྣམ ་མེད་ཀྱང་། ། མྱུར་དུ་ཐམས་ཅད་སྒྲུབ་པར་བྱེད།། སྙིང་པོ་ཕྱག་རྒྱ་སྔགས་རིགས་པ།། སྒྲུབ་པ་འདི་ནི་རྨད་བྱུང་སྟེ།། དངོས་གྲུབ་ཐམས་ཅད་རབ་སྒྲུབ་པས།། མ་གྲུབ་རྣམས་ཀྱ ་འགྲུབ་པར་འགྱུར། ། གང་ཞིག་གྲུབ་པར་མ་གྱུར་དང་།། བསོད་ནམས་ཕུན་ཚོགས་མི་ལྡན་ན།། བདག་ཉིད་དམ་ནི་རྡོ་རྗེ་སེམས།། བསྒྲུབས་ན་དེ་ནི་མྱུར་དུ་འགྲུབ།། གལ་ཏེ་རྡོ་རྗེ་སེམས་དཔའ ་མཆོག། སྙིང་པོ་སོགས་དང་ཉེ་སྙིང་པོས།། བསྒྲུབ་པ་བྱས་ཀྱང་མ་གྲུབ་ན།། འཛུམ་པའི་ཕྱག་རྒྱས་བསྒྲུབ་པར་བྱ།། དེ་ཕྱིར་གསང་བའི་བཙུན་མོ་འདི།། རྡོ་རྗེ་སེམས་དཔའ་རབ ་དགའ་བྱེད། ། རྡོ་རྗེ་སེམས་དཔའ་དགའ་བ་ཆེ།། དགྱེས་པ་དེ་ཡིས་མྱུར་དུ་འགྲུབ།། དེ་ཉིད་ཆེན་པོ་འདི་གྲུབ་པ།། དམ་པ་མཆོག་གི་བདག་ཉིད་ནི།། གསང་བ་མཆོག་ཏུ་བསོད་ནམས ་ལྡན། ། སོ་སོའི་སྐྱེ་བོ་ལ་བརྗོད་མིན།། དེ་ཉིད་གྲུབ་པའི་རྗེས་འབྲང་བའོ།། རྡོ་རྗེ་སེམས་དཔའི་གྲུབ་པ་གང་།། གལ་ཏེ་དངོས་གྲུབ་མཆོག་འདོད་ན།། དེ་བཞིན་གཞན་ལ་སྦྱིན་མི་བྱ།། ་གིས་གྲུབ་པར་མ་གྱུར་ན།། དེ་ལ་དེ་ཉིད་སྦྱིན་པར་བྱ།། དེ་ཉིད་འཛུམ་པས་མྱུར་དུ་ནི།། བདག་བྱིན་བརླབས་པས་འགྲུབ་པར་འགྱུར།། དེ་ཉིད་ཆེན་པོ་དག་པ་འདི།། རྡོ་རྗེ་ཅན་གྱི་མཚོན་ཆ ་མཆོག། ཕྱག་རྒྱའི་རྒྱུད་ནི་བླ་མེད་པ།། མཆོག་ཏུ་གསང་བ་བཤད་པ་ཡིན།། དེ་ཉིད་དད་པའི་རྗེས་འབྲང་བའི།། རྡོ་རྗེ་སློབ་དཔོན་ཀུན་མཆོག་ལ།། གལ་ཏེ་དངོས་གྲུབ་མཆོག་འདོད་མ། ་གཞན་རྣམས་ལ་ཡང་དེ་བཞིན་སྦྱིན།། ཕྱག་རྒྱའི་རྒྱུད་ནི་གཅིག་པུ་འདི།། བདག་ཉིད་གང་ལ་ཡོད་གྱུར་ན།། བདུད་ལ་སོགས་པ་རྣམས་ཀྱིས་ནི།། མི་ཐུབ་པ་དང་མི་སོང་འགྱུར ་དེ་ལ་རྒྱལ་བ་རྡོ་རྗེ་འཛིན། ། ཀུན་མཆོག་དངོས་གྲུབ་ཀུན་གསོལ་བ།། ཀུན་གསོལ་ཀུན་བྱེད་ཐམས་ཅད་དུ།། བཀའ་བསྒོ་བ་ཀུན་གྲུབ་པར་འགྱུར།། དཔལ ་མཆོག་དང་པོ་གསང་བའི་བླ་མ་དམ་པའི་དཔལ་རང་གི་དམ་ཚིག་གི་བླ་ན་མེད་པའི་མཆོག་ཏུ་གསང་བའི་ཕྱག་རྒྱའི་ཆོ་གའོ། ། ། དེ་ནས་བཅོམ་ལྡན་འདས་དཔལ་མཆོག་དང་པོ ་རྡོ་རྗེ་སེམས་དཔའི་མཆོག་དང་པོ་མཆོག་ཏུ་མཁས་ཤིང་ཕྲ་ལ་ཟབ་ཅིང་རྒྱ་ཆེ་བ། བསམ་གྱིས་མི་ཁྱབ་ལ་མཐའ་མེད་ཅིང་ཤིན་ཏུ་མཐའ་ཡས་པ། ཚད་མེད་ཅིང་གཞལ་དུ་མེད་པ ་བླ་ན་མེད་པ། དོན་ཡོད་ཅིང་ཐོགས་པ་མེད་པའི་མཆོག་དེ་ཁོ་ན་ཉིད་ཀྱི་སྙིང་པོ་མཆོག་ཏུ་གསང་བའི་སྙིང་པོ་མཆོག་ཏུ་གསང་བ་ཞེས་བྱ་བ་ཐམས་ཅད་ཀྱི་མཆོག་གི་དངོས་གྲུབ་ཆེན་པོའི ་བདག་ཉིད་ལ་སོགས་པའི་དངོས་གྲུབ་ཐམས་ཅད་ཀྱི་ལས་ཀྱི་ཚོགས་མཆོག་ཏུ་མི་འགྱུར་བའི་དམ་པ་བླ་ན་མེད་པའི་གསང་བ་དང་། རབ་ཏུ་དགའ་བ་ཐམས་ཅད་དང་། བདེ་བ་དང་། ་ཡིད་བདེ་བའི་དངོས་གྲུབ་ཀྱི་མཆོག་སྒྲུབ་པར་བྱེད་པ་དང་། མཆོག་གི་ཕྱག་རྒྱའི་རྒྱུད་བཤད་པར་བྱའོ།། ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། ཙུམ་པ་ནས ་འཁྱུད་པ་ལ་སོགས་པའི་བཅོམ་ལྡན་འདས་མཆོག་དང་རྡོ་རྗེ་སེམས་དཔའི་ཕྱག་རྒྱ་ཐམས་ཅད་ནི། དགའ་བ་ཆེན་པོ་དཔལ་རྡོ་རྗེ་དོན་ཡོད་པའི་དགའ་བའི་དམ་ཚིག་རྣལ་འབྱོར་ཞེས་བྱ་བར ་ཐམས་ཅད་རྣལ་འབྱོར་ཞེས་བྱ་བར་གང་བརྗོད་པའོ། ། དེ་གང་དང་གང་ལ་ཉེ་བར་སྦྱོར་བ་དེ་དང་དེར་བཅོམ་ལྡན་འདས་ནི། ཀུན་མཆོག་དངོས་གྲུབ་ཆེན་པོ་ཡི།། དབང་ཕྱུག་ཆེན་པོ ་ལྷག་པའི་ལྷ། ། བྱིན་རླབས་མཆོག་ནི་རྟགས་མཛད་ནས།། རྡོ་རྗེ་སེམས་དཔའ་མྱུར་དུ་འགྲུབ།། ཙུམ་པ་ན་འཁྲུད་པ་ལ་སོགས་པའི་རེག་བྱའི་རྒྱས་བཏབ་པ་ཙམ་གྱིས་ཀྱང་མ ་ལུས་ཤིང་ལུས་པ་མེད་པ་དང་། ལྷག་མ་མེད་པ་ཐམས་ཅད་ཀྱི་མཆོག་དབང་ཕྱུག་ཆེན་པོའི་བདག་ཉིད་ལ་སོགས་པའི་དངོས་གྲུབ་ཐམས་ཅད་ཀྱི་ལས་ཀྱི་ཚོགས་ཡིད་ཀྱི་འདོད་པ ་། གྲུབ་པར་བྱེད་པ་ཡིན་ནོ་ཞེས་བྱ་བ་ཤིན་ཏུ་མཆོག་ཏུ་གསང་བའི་ཕྱག་རྒྱའོ།། རྣམ་པར་འཕྲུལ་པ་དང་བཅས་པའི་འཛུམ་ཞིང་གཡོ་བའི་མིག་གི་ཟུར་གྱིས་བལྟ་བའི་ཕྱག་རྒྱ་སྟེ། བཅོམ་ལྡན ་འདས་ཀྱི་དགའ་བ་ཆེན་པོའི་རྡོ་རྗེ་དོན་ཡོད་པའི་མདའ་ཞེས་བྱ་བས་རྒྱས་བཏབ་པས་ཐམས་ཅད་རྗེས་སུ་ཆགས་པ་དགུག་པ་དང་། དབང་དུ་བྱ་བ་དང་། དངོས་གྲུབ་མཆོག་ལ་སོགས་པའི་དངོས ་གྲུབ་ཐམས་ཅད་ཀྱི་ལས་ཀྱི་ཚོགས་ཡིད་ཀྱི་འདོད་པ་རྣམས་སྒྲུབ་པར་བྱེད་པའོ། ། འཛུམ་ཞིང་ཅུང་ཟད་ཕྱེ་བའི་མིག་གིས་ལྟ་བ་ནི་མཆོག་ཏུ་དགའ་བའི་དཔལ་རྡོ་རྗེ་སྤྱན་ཞེས་བྱ་བའི་ཕྱག་རྒྱ་ཐམས ་ཅད་སྒྲུབ་པར་བྱེད་པ་སྟེ་འདིས་བལྟ་ཞིང་བཏུང་བར་བྱའོ། ། འདི་ནི་བཅོམ་ལྡན་འདས་ཀྱིས་རབ་ཏུ་དགའ་བ་ཆེན་པོ་དཔལ་རྡོ་རྗེ་དོན་ཡོད་དགའ་བའི་བཅུད་ཀྱིས་ལེན་གྱི་མཆོག་གི་དངོས་གྲུབ་ཅེས ་དྲ་བའི་དྲུག་ཏུ་སྟེ། ཚེ་ཟང་པ་ཐམས་ཅད་ཀྱང་འདིས་རྡོ་རྗེ་སེམས་དཔའི་ཚོད་གཞོན་པ་དང་། རང་མེད་པ་དང་། གཟུགས་དང་། སྤོབས་དང་། འཟི་བརྗིད་ཀྱི་སློབས། ་དང་། སྤྲོ་བ་དང་། དངོས་གྲུབ་ཀྱི་མཆོག་ཐམས་ཅད་དང་། དཔལ་དང་། སྐལ་བ་བཟང་པོ་དང་། དགའ་བ་ཆེན་པོ་དང་། ཤིན་ཏུ་བདེ་བ་ཐམས་ཅད་དང་། ཡིད་བདེ་བ་དང་། དངོས་གྲུབ་ཀྱི ་མཆོག་ཐོབ་པ་སྟེ། ཇི་སྲིད་དངོས་གྲུབ་ཀྱི་མཆོག་ཐམས་ཅད་ཀྱི་ལས་ཀྱི་ཚོགས་མཆོག་ཏུ་དམ་པ་གྲུབ་སྟེ། བཅོམ་ལྡན་འདས་ཡུམ་གྱིས་རྒྱས་བཏབ་པ་ཙམ་གྱིས་སྐད་ཅིག་མ་གཅིག་གིས་གྲུབ་པའོ།། ་བསྙེམས་པ་དང་བཅས་པའི་ཡོན་པའི་མིག་དགོད་ཅིང་བསྟོད་པ་ནི། བཅོམ་ལྡན་འདས་དགྱེས་པ་ཆེན་པོའི་དཔལ་དོན་ཡོད་པའི་དགའ་བའི་རྒྱལ་མཚན་མཆོག་གི་དཔུང་རྒྱུན་ཞེས་བྱ་བའི ་ཕྱག་རྒྱ་སྟེ། འདིས་རྒྱས་བཏབ་པས་ཐམས་ཅད་ལས་རྣམ་པར་རྒྱལ་བར་བྱེད་པ་དང་། ཕྱག་བྱེད་དུ་བཅུག་པ་དང་། རབ་ཏུ་སྒྲུབ་པར་བྱེད་པ་དང་། ཇི་བཞིན་ཇི་སྲིད་མཆོག་ཐམས ་ཅད་གྲུབ་ཅིང་དངོས་གྲུབ་ཆེན་པོའི་དབང་ཕྱུག་ཉིད་རབ་ཏུ་སྒྲུབ་པར་བྱེད་པའོ། ། སྒེག་པ་དང་བཅས་པའི་ལྟ་བ་དང་། འཛུམ་པ་དང་། གསོང་ཞིང་ཕྱག་འཚལ་བ་དང་ལྡན་པ་ནི་བཅོམ ་ལྡན་འདས་ཀྱི་ཕྱག་ཅུ་ཕྱག་འཚལ་བའི་ཕྱག་རྒྱ་སྟེ། དགའ་བ་ཆེརན་པོ་དཔལ་དོན་ཡོད་པའི་དབང་ཕྱུག་གི་ཀི་ལི་ཀི་ལ་ཞེས་བྱ་བའི་ཕྱག་རྒྱ་སྡེ། འདིས་རྡོ་རྗེ་སེམས་དཔའ་ལ་སོགས་པའི་བརྟད ་པ་དང་གཡོ་བའི་དངོས་གྲུབ་ཐམས་ཅད་ལ་རྒྱས་བཏབ་པས་འདུད་པར་གྱུར་ནས། དངོས་གྲུབ་མཆོག་ཐམས་ཅད་ལ་སོགས་པའི་དངོས་གྲུབ་ཐམས་ཅད་ཀྱི་ལས་ཀྱི་ཚོགས་ཀྱིས་མཆོག་གི་དམ ་པའི་དངོས་གྲུབ་ཀྱིས་འགྲུབ་པར་འགྱུར་རོ། ། རྣམ་པར་འཕྲུལ་པ་དང་སྒེག་པ་དང་བཅས་པའི་འཛུམ་པའི་ཞལ་ཉིད་ནི། བཅོམ་ལྡན་འདས་མཆོག་དང་པོ་རྡོ་རྗེ་སེམས་དཔའི་དགའ་བ་ཆེན་པོའི ་དཔལ་རྡོ་རྗེ་དོན་ཡོད་དགའ་བས་རྣམ་པར་འཕྲུལ་པ་བརྩོན་པ་ཞེས་བྱ་བ་མཆོག་ཏུ་གསང་བའི་རྡོ་རྗེ་འཛུམ་པའི་ཕྱག་རྒྱ་སྟེ། འདིས་བཅོམ་ལྡན་འདས་རྡོ་རྗེ་འཛིན་པ་ཐམས་ཅད་ཀྱི་སློབ་དཔོན ་མཆོག་དང་པོའི་གླུ་ནི། ཀུན་མཆོག་དངོས་གྲུབ་ཆེན་པོ་ནི།། དབང་ཕྱུག་ཆེན་པོ་ལྷག་པའི་ལྷ།། རྡོ་རྗེ་འཛིན་ཀུན་རྒྱལ་པོ་སྟེ།། མི་འགྱུར་མཆོག་ནི་འགྲུབ་པར་འགྱུར།། རྣམ་པར་འཕྲུལ ་པ་ཨ་དང་བཅས་པའི་སྒེག་པའི་འཛུམ་པའི་ཕྱག་རྒྱས་བཏབ་པ་ཙམ་གྱིས་ཐམས་ཅད་ཀྱིས་ཐམས་ཅད་ཀྱི་དངོས་གྲུབ་ཆེན་པོའི་དབང་ཕྱུག་ཆེན་པོའི་བདག་པོ་ཉིད་ལ་སོགས་པའི་དངོས་གྲུབ་ཐམས ་ཅད་ལས་ཀྱི་ཚོགས་ཡིད་ཀྱི་འདོད་པ་རྣམས་འགྲུབ་པར་བྱེད་དོ། ། སརྦ་ཀུ་རུ་ཡ་ཐཱ་སུ་ཁཾ། ཞེས་བྱ་བ་བརྗོད་དོ།། དེ་བཞིན་གཤེགས་པ་ཐམས་ཅད་ཀྱི་གསང་བ་ཐེག་པ་ཆེན་པོའི་མདོ་སྡེའི ་དབང་པོའི་རྒྱལ་པོ་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་སྟེ། དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོའི་མངོན་པར་རྟོགས་པའི་གསང ་བའི་རྡོ་རྗེ་བྱིན་གྱིས་བརླབས་པ་ཞེས་བྱ་བ་འདི་རང་བཞིན་གྱིས་འོད་གསལ་བའི་ཕྱིར། ཆོས་ཐམས་ཅད་རྣམ་པར་དག་པ་ལ་སོགས་པ་མ་ལུས་ཤིང་ལུས་པ་མེད་པའི་དེ་བཞིན ་གཤེགས་པ་ཐམས་ཅད་ཀྱི་ཆོས་ཉིད་ཐོབ་པའི་ཡེ་ཤེས་དང་། མངོན་པར་ཤེས་པ་དང་། མཆོག་གི་དངོས་གྲུབ་ལ་སོགས་པའི་དངོས་གྲུབ་ཐམས་ཅད་ཀྱི་ལས་ཚོགས་རྣམས་སྒྲུབ་པར་བྱེད་པའོ།། ་རྣམ་པར་འཕྲུལ་པ་དང་བཅས་པའི་འཛུམ་ཞིང་སྨིན་མའི་ཁྲོ་གཉེར་རྡོ་རྗེ་ལྟ་བའི་ཕྱག་རྒྱ་ནི་བཅོམ་ལྡན་འདས་ཀྱི་ཁྲོ་བོ་ཀི་ལི་ཀི་ལ་ཞེས་བྱ་བའི་ཕྱག་རྒྱ་སྟེ། འདིས་རྒྱས་བཏབ་པས་རྡོ་རྗེ་སེམས ་དཔའ་ལ་སོགས་པའི་བརྟན་པ་དང་གཡོ་བའི་དངོས་པོ་ཐམས་ཅད་རྗེས་སུ་ཆགས་པ་དང་། དགུག་པ་དང་། དབང་དུ་བྱ་བ་དང་། འབེབས་པ་དང་། གཞུག་པ་དང་། གར་དང་། གླུ་དང་། རྣམ་པར་འཕྲུལ ་བ་སྟོན་པ་དང་། བདེན་ངག་ཐམས་ཅད་དང་། གྲོལ་བ་དང་། ཕྲ་དབབ་པ་ཐམས་ཅད་སྒྲུབ་པ་དང་། སྒྱུ་མ་ཐམས་ཅད་དང་། རྨད་དུ་བྱུང་བ་ཐམས་ཅད་སོ་སོར་སྟོན་པ་དང་། སྣ་ཚོགས་པའི ་གཟུགས་ཐམས་ཅད་ཀྱིས་བྱ་བ་སྟོན་པ་དང་། ཐམས་ཅད་ལ་རྒྱས་བཏབ་པ་དང་། གནོད་པ་དང་། གདུལ་བ་དང་། གསོད་པ་དང་། ཐམས་ཅད་ཕྱིར་འདྲེན་པ་དང་། ཐམས་ཅད་སྒྲུབ་པ ་དང་མཆོག་གི་དངོས་གྲུབ་ལ་སོགས་པ་གཞོམ་དུ་མེད་པའི་དངོས་གྲུབ་ཐམས་ཅད་ཀྱི་ལས་ཀྱི་ཚོགས་རྣམས་སྒྲུབ་པར་བྱེད་པའོ། ། ཐམས་ཅད་དག་པའི་ཏིང་འཛིན་གྱིས།། ཐམས ་ཅད་མཉམ་པ་ཉིད་ཀྱི་གཟུགས། ། སྣ་ཚོགས་པ་ཡི་བྱ་བ་ལ།། རབ་ཏུ་འཇུག་པའི་མཆོད་པ་བྱིན་གྱིས་བརླབ།། རྡོ་རྗེ་པདྨ་ཞེས་བྱ་བའི་ནི། བཅོམ་ལྡན་འདས་འཕགས་པ་སྤྱན་རས་གཟིགས ་ཀྱི་དབང་ཕྱུག་གི་ཕྱག་རྒྱ་སྟེ། ཐམས་ཅད་རྣམ་པར་སྦྱང་བ་དང་། སྲུང་བ་དང་། ཡོངས་སུ་སྦྱོང་བ་དང་། རིམས་ཐམས་ཅད་དང་། དུག་དང་། སྦྱར་བའི་དུག་དང་། གདོན་དང་། ནང ་དང་། མཁའ་འགྲོ་མའི་ཕྱག་རྒྱ་ཉེ་བར་ཞི་བ་དང་། ཤི་བ་ཡང་དག་པར་གསོ་བ་དང་། དབང་ཕྱུག་ཐམས་ཅད་ཐོབ་པ་དང་། གཟུགས་སྣ་ཚོགས་པའི་བྱ་བ་ཐམས་ཅད་ལ་རབ་ཏུ་འཇུག་པ ་ལ་སོགས་པའི་དངོས་གྲུབ་མཐའ་ཡས་པ་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱིས་རབ་ཏུ་བྱེད་པའོ། ། ནམ་མཁའ་ཕྲ་བར་བསྐྱོད་པ་དག་གིས་རོལ་ཞིང་རྣལ་འབྱོར་ཐམས ་ཅད་ཀྱི་རྗེས་སུ་ཆགས་པར་བྱ་སྟེ། འདི་ལ་བཅོམ་ལྡན་འདས་ནམ་མཁའ་སྙིང་པོའི་རྡོ་རྗེ་བྱིན་གྱིས་བརླབ་པ་ཞེས་བྱ་བའི་ཕྱག་རྒྱ་སྟེ། འདིས་རྒྱས་བཏབ་པས་བཅོམ་ལྡན་འདས་རྗེས ་སུ་ཆགས་ཤིང་དགྱེས་པ་དང་། བརྟན་པར་རྗེས་སུ་ཆགས་ནས་ནམ་མཁའ་ཐམས་ཅད་ཀྱི་བདག་ཉིད་ཀུན་གྱི་དངོས་པོ་ཉིད་ཀྱི་ཕྱིར་བསམ་པ་ཐམས་ཅད་ཡོངས་སུ་རྫོགས་པ་དང་། ་མཆོག་གི་དངོས་གྲུབ་ལ་སོགས་པའི་དངོས་གྲུབ་ཐམས་ཅད་ཀྱི་ལས་ཀྱི་ཚོགས་ཡིད་ལ་འདོད་པ་རྣམས་སྒྲུབ་པར་བྱེད་པའོ་ཞེས་བྱ་བ་ཡང་གསུངས་སོ།། མཆོག་དང་པོ་ནི་མཆོག་ཉིད་དུ། ་གསང་བ་དམ་པ་གསུངས་པ་ཡིན། རིག་སོགས་ཕྱག་རྒྱས་རྒྱས་བཏབ་པའོ།། རྡོ་རྗེ་སེམས་དཔས་གསུངས་པ་ཡིན།། རྡོ་རྗེ་ཀུན་འཛིན་སློབ་དཔོན་གྱིས།། ཙུམྦ་ན་དང ་འཁྱུད་སོགས་ཀྱིས། ། ཐམས་ཅད་རྣལ་འབྱོར་རྗེས་སྒྲུབ་སྟེ།། མྱུར་དུ་ཀུན་ལ་རྒྱས་གདབ་བྱ།། སྙིང་པོ་ཕྱག་རྒྱ་སྔགས་རིགས་པའི།། སྒྲུབ་པ་འདི་ནི་རྨད་བྱུང་སྟེ།། གྲུབ་པ་མེད་པ ་རྣམས་ལ་ཡང་། ། དངོས་གྲུབ་ཐམས་ཅད་རབ་སྒྲུབ་བྱེད།། གང་ལ་དངོས་གྲུབ་མེད་གྱུར་དང་།། བསོད་ནམས་ཕུན་ཚོགས་མེད་པ་ཡང་།། བདག་ཉིད་རྡོ་རྗེ་སེམས་དཔའ་མ།། རྒྱས་གདབ ་མྱུར་དུ་འགྲུབ་པར་འགྱུར། ། གལ་ཏེ་རྡོ་རྗེ་སེམས་དཔའ་མཆོག། སྙིང་པོ་ལ་སོགས་ཉེ་སྙིང་པོས།། བསྒྲུབ་བྱ་གྲུབ་པར་མ་གྱུར་ན།། ཙུམྦ་སོགས་ཀྱིས་རྒྱས་གདབ་བྱ།། གང ་ཕྱིར་གསང་བའི་ཕྱག་རྒྱ་ནི། ། དངོས་གྲུབ་ཀུན་གྱི་བདེ་དམ་པ།། རྡོ་རྗེ་སེམས་དཔའི་མཆོད་པ་མཆོག། དེ་ཡིས་མྱུར་དུ་འགྲུབ་པར་འགྱུར།། དེ་ཉིད་ཆེན་པོ་འདི་གྲུབ་པ།། མཆོག་གི ་བདག་ཉིད་དམ་པ་སྟེ། ། མཆོག་ཏུ་གསང་བ་བསོད་ནམས་ལྡན།། སོ་སོའི་སྐྱེ་བོ་ལ་བརྗོད་མིན།། རྡོ་རྗེ་སློབ་དཔོན་སློབ་མ་མཆོག། དེ་ཉིད་དད་པའི་རྗེས་འབྲང་ལ།། གལ་ཏེ་དངོས ་ཐུབ་མཆོག་འདོད་ན། ། སྦྱིན་ཏེ་གཞན་ལ་སྦྱིན་མི་བྱ།། ཕྱག་རྒྱའི་རྒྱུད་འདི་འབོའ་ཞིག་གིས།། བདག་ཉིད་གང་ལ་ཡོད་གྱུར་ན།། བདུད་ལ་སོགས་པ་ཐམས་ཅད་ཀྱིས།། མི་ཐུབ ་པབ་དང་སོང་མི་འགྱུར། ། དེ་ནས་རྒྱལ་པོ་རྡོ་རྗེ་འཛིན།། ཀུན་མཆོག་དངོས་གྲུབ་ཀུན་སྩོལ་བ།། ཐམས་ཅད་མཛད་ཅིང་ཐམས་ཅད་མཁྱེན། ཐམས་ཅད་སྒྲུབ་པར་མཛད་པ་ཡིན།། ཞེས ་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། དཔལ་མཆོག་དང་པོ་ལས། མཆོག་ཏུ་གསང་བ་ཞེས་བྱ་བའི་ཕྱག་རྒྱའི་རྒྱུད་ཕྱག་རྒྱ་བཅུ་པ་རྫོགས་སོ།། ། ་དེ་ནས་མཆོག་ཏུ་མཁས་ཤིང་ཕྲ་ལ་ཟབ་ཅིང་རྒྱ་ཆེ་བ། བསམ་གྱིས་མི་ཁྱབ་པ། ཤིན་ཏུ་མཐའ་ཡས་པ། ཚད་མེད་ཅིང་གཞལ་དུ་མེད་ཅིང་བརྗོད་ཀྱིས་མི་ལང་ཞིང་རབ་ཏུ་ཁྱབ་པ། མཆོག་ཏུ་གྲུབ ་བ་ཞེས་བྱ་བའི་ཕྱག་རྒྱའི་རྒྱུད་བཤད་པའོ། ། ཞེས་བྱ་བ་བཅོམ་ལྡན་འདས་མཆོག་ཏུ་གྲུབ་པའི་རྡོ་རྗེས་གསུངས་སོ།། དེ་ལ་ཕྱག་རྒྱ་བཅུ་ནི་བདག་ཉིད་ཐམས་ཅད་སྐྱེད་པར་བྱེད་པའོ།། རྡོ་རྗེ། ་སེམས་དཔའི་ཕྱག་རྒྱ་ཆེན་པོའི་བདེ་བ་ཆེན་པོའི་རྡོ་རྗེ་དོན་ཡོད་པའི་དམ་ཚིག་ལས་བྱུང་བའོ།། སྔོན་དུ་དང་པོའི་དངོས་གྲུབ་ཐམས་ཅད་མཆོག་ལ་སོགས་པའི་དངོས་གྲུབ་ཐམས་ཅད་ཀྱི་ལས་ཀྱི ་ཚོགས་མྱུར་དུ་སྒྲུབ་པར་བྱེད་པ་སྟེ། དེ་ལ་འདི་ནི་སྐུའི་ཕྱག་རྒྱ་སྟེ་བ་དན་གསུམ་པ་དང་། ཁ་ཊྭཱཾ་གའི་ཕྱག་རྒྱ་བཅིངས་ནས་གཡོན་པ་དྲིལ་བུ་དང་བཅས་ཤིང་གཡས་པ་བསླང་བའི་ཚུལ་དུ་བྱེད ་བ་སྟེ། སྒེག་པ་དང་བཅས་པའི་མཛུབ་མོ་ལ་སོགས་པ་དཀྲོལ་བའི་གར་གྱིས་རྡོ་རྗེ་འདོད་པའི་དབང་ཕྱུག་མ་བསྟོད་པ་སྟེ། ཐམས་ཅད་ཀྱི་མཆོག་དངོས་གྲུབ་ཆེན་པོ་དབང་ཕྱུག་ཆེན་པོའི་མཆོག་ན ་ཕྱག་རྒྱས་དགའ་བ་ཆེན་པོའི་དཔལ་རྡོ་རྗེ་དོར་ཡོད་པའི་དགྱེས་པའི་དམཚིག་དངོས་དྲུབ་ཀྱི་རྣལ་འབྱོར་གྱི་དབང་ཕྱུག་མ་ཞེས་བྱ་བ་སྟེ། དེས་རྡོ་རྗེ་བསྙེམས་མ་ཡོངས་སུ་བཏང་བར ་བྱས་ན་དངོས་གྲུབ་བཞིར་འགྱུར་རོ། ། རྡོ་རྗེ་བསྙེམས་མ་དེ་ཉིད་ཀྱིས་རྒྱས་བཏབ་ན་ཐམས་ཅད་ཀྱི་མཆོག་གི་དངོས་གྲུབ་ཆེན་པོའི་དབང་ཕྱུག་ཆེན་པོའི་བདག་ཉིད་མི་འགྱུར་བའི་མཆོག་གོ།། མངའ ་གསོར་བས་རྒྱས་བཏབ་ན་རྡོ་རྗེ་ལྷ་མོ་རྣམས་ཀྱང་རྗེས་སུ་ཆགས་པར་བྱེད་ན། བུད་མེད་གཞན་རྣམས་ལྷ་སྨོས་ཀྱང་ཅི་དགོས། རྡོ་རྗེ་ཀི་ལི་ཀི་ལས་རྒྱས་བཏབ་ན་ལྷ་དང་ལྷ་མ་ཡིན་གྱི་བུད་མེད ་ཐམས་ཅད་རོལ་པར་བྱེད་ཅིང་མ་གྲུབ་ནའང་ཐམས་ཅད་སྒྲུབ་པར་ནུས་པ་ཡིན་ནོ། ། ཆུ་སྲིན་གྱི་རྒྱལ་མཚན་བསྒྲེང་བའི་ཕྱག་རྒྱ་འདིས་ཐམས་ཅད་ལས་རྣམ་པར་རྒྱལ་བ་དང་གསོད་པའོ།། ་རྡོ་རྗེ་འདོད་པའི་དབང་ཕྱུག་མས་ཡོངས་སུ་དགོད་ཅིང་འཕྲེང་བ་དོར་བའི་སྔགས་དང་ཕྱག་རྒྱས་བཏབ་པ་ཙམ་གྱིས་འདོད་པ་ཐམས་ཅད་ཀྱི་དབང་ཕྱུག་ཐོབ་པའོ།། མཆོག་ཏུ་གསང་བའི ་རས་རིས་ཀྱི་ཕྱག་རྒྱ་ཇི་ལྟ་བ་བཞིན་དུ་བརྗོད་པར་བྱའོ། ། བདེ་བ་ཆེན་པོ་རྡོ་རྗེ་དོན་ཡོད་པའི་དམ་ཚིག་གི་མཆོད་པས་རབ་ཏུ་དགའ་བ་ལ་སོགས་པའི་མཆོད་པ་ཐམས་ཅད་ཐོབ་པ་མི་བཟང་བའོ།། ་རྡོ་རྗེ་བསྟོད་པའི་ཕྱག་རྒྱས་སྲིད་པ་གསུམ་ཐམས་ཅད་བསྐྱོད་པ་དང་རབ་ཏུ་བྱེད་པའོ།། རྡོ་རྗེ་ཧཱུཾ་མཛད་ཀྱི་ཕྱག་རྒྱ་དང་རྐང་པས་ལྷའི་གཟུགས་བརྙན་མནན་ཅིང་རྒྱས་བཏབ་ནས་སྡིགས་མཛུབ ་བྱས་ཏེ། ལྷ་ལ་སོགས་པའི་སེམས་ཅན་དེ་དང་དེ་རིང་པོར་མི་ཐོགས་པར་རྒྱས་བཏབ་པས་བཀའ་བསྒོ་བ་ཐམས་ཅད་དང་ལས་རྣམས་བྱེད་པར་འགྱུར་རོ།། སྟན་མཐོན་པོ་ལ་སྐྱིལ་ཀྲུང ་ཕྱེད་པས་འདུག་སྟེ་རྐང་པ་གཡོན་པས་རྡོ་རྗེ་སེམས་དཔའི་གཟུགས་བརྙན་ཡང་མནན་ནས་རྡོ་རྗེ་གསོར་ཞིང་རྡོ་རྗེ་སེམས་དཔའ་མནན་ནས། དངོས་གྲུབ་ཡིད་དུ་འོང་བ་ཐམས་ཅད་དང་ཕུན་སུམ་ཚོག ་བབ་རྣམས་ཉམས་སུ་མྱོང་ན། ལྷ་ལ་སོགས་པའི་སེམས་ཅན་རྣམས་ལྷ་སྨོས་ཀྱང་ཅི་དགོས། གཡོན་པའི་རྡོ་རྗེ་ཁུ་ཚུར་གྱིས་རང་གི་རྟགས་བཟུང་ནས་གཡས་པ་རྡོ་རྗེ་ལ་སོགས་པ་བསྟོད ་པའི་ཚུལ་གྱིས་འཛིན་ཅིང་། ཡིད་ལ་འདོད་པའི་ལྷའི་བུ་མོ་ཐམས་ཅད་ལ་རྒྱས་འདེབས་ཤིང་སྟོབས་ཀྱིས་རོལ་བར་བྱེད་པ་འམ་སྒྲུབ་པར་བྱེད་པ་སྟེ། རྡོ་རྗེ་སེམས་དཔའི་ཕྱག་རྒྱ་ཆེན་པོའོ།། ་དེ་ནས་དམ་ཚིག་གི་ཕྱག་རྒྱ་ནི་བདེ་བ་ཆེན་པོ་རྡོ་རྗེ་དོན་ཡོད་པའི་དམ་ཚིག་ལས་བྱུང་བ་ནི་བཅུ་སྟེ། སྙིང་ཁར་སེན་མོ་འདྲུད་པའོ།། ལྕགས་ཀྱུ་བརྡེག་པའོ།། གཡོན་པའི་ལྕགས་ཀྱུ་ལ་ཞགས ་པ་དེ་གཞུག་པའི་ལྕགས་ཀྱུའི་རྩེ་མོ་བཙིར་བའོ། ། ཕན་ཚུན་སེམས་དྲུང་པའི་སྙིང་ཁར་བྱས་པའོ།། ལྕེ་མཉམ་པར་བྱིན་པའོ།། སྙིང་ཁར་རྡོ་རྗེ་བསྟན་པར་རབ་ཏུ་བཞག་པའོ།། ་བྱ་བའོ།། རྩེ་བའི་ཕྱག་རྒྱ་ཡང་ངོ་།། འདི་རྣམས་ཀྱིས་དངོས་གྲུབ་དང་། ཕུན་སུམ་ཚོགས་པ་དང་། བདེ་བ་དང་། ཕྱག་རྒྱ་དང་། དམ་ཚིག་དང་། དཀྱིལ་འཁོར་དང་། ཆོས ་དང་། ཡེ་ཤེས་དང་། ལས་དང་། བདེ་བ་ཆེན་པོ་ཐམས་ཅད་ཀྱི་དངོས་གྲུབ་རྣམས་དོན་ཡོད་པར་ཐོབ་པར་འགྱུར་རོ།། དེ་ནས་གསང་བའི་དམ་ཚིག་གི་རྡོ་རྗེ་བསྡམས་པ་ལས་བྱུང ་བའི་ལས་བཅུ་ནི། དབུས་མའི་ལྕགས་ཀྱུས་སོ།། ཁ་སྦྱོར་གྱིན་དུ་རྡོ་རྗེ་སོར་མོ་རྣམས་ཐམས་ཅད་ཀྱི་ལས་སོ།། མཐེ་བོང་རྡོ་རྗེའོ།། དེ་ཉིད་ཀྱིས་མཐིལ་གཉིས་སུ་དྲུད་པའོ།། མཛུབ ་མོ་རྡོ་རྗེ་དེ་ཉིད་ཀྱི་ལྕགས་ཀྱུ་གཉིས་སོ། ། དབུས་མའི་རྡོ་རྗེའོ།། དེ་ཉིད་ཀྱི་སོར་མོའི་རྩེ་མོ་བཅིང་བར་བྱའོ།། སྲིན་ལག་གི་རྡོ་རྗེའོ།། དེ་ཉིད་ཀྱིས་སོར་མོའི་རྩེ་མོ་དག་གི་རོལ་མོའོ།། མཐེའུ ་ཆུང་གི་རྡོ་རྗེའོ། ། དེ་ཉིད་ཀྱིས་མཐེ་བོང་གཉིས་ཀྱི་སེན་མོ་བཙིར་བའོ།། འདི་རྣམས་ཀྱིས་བཏབ་པས་རྡོ་རྗེ་སེམས་དཔའ་ལ་སོགས་པའི་དངོས་པོ་ཐམས་ཅད་སྒྲུབ་པ་དང་། རྗེས་སུ་ཆག ་པ་དང་། དབང་དུ་བྱེད་པ་དང་། དགུག་པ་དང་། རོལ་པ་དང་། ཆགས་པས་བཅིང་བ་དང་། ཐམས་ཅད་སྨྲར་གཞུག་པ་དང་། གར་བྱེད་དུ་གཞུག་པ་དང་། དགོད་དུ་གཞུག་པ་དང་། ་གསོད་པའོ།། དེ་ནས་ལས་ཀྱི་དམ་ཚིག་གི་ཕྱག་རྒྱ་བཅུ་ནི། རྡོ་རྗེ་གར་གྱི་མཆོད་པ་ལྷ་དང་ལྷ་མ་ཡིན་གྱི་བུ་མོ་ཐམས་ཅད་དང་། བུ་མོ་གཞོན་ནུ་མ་ཐམས་ཅད་བརྟན་པར་རྗེས་སུ་ཆགས་པ་ནི ་རྡོ་རྗེ་ལྟ་བས་སོ། ། རབ་ཏུ་དགའ་བའི་སྒྲུབ་པ་ནི་མ་མཆུ་ནང་དུ་གཡོ་བར་བྱེད་པས་མྱ་ངན་དང་བཏུང་བའོ།། ཆགས་པ་བརྟན་ཞིང་ལྷུང་བ་ནི་དབུགས་རིང་པོར་གཏོང་བས་སོ།། དེ་ནས་ལས ་འདོད་པ་ཐམས་ཅད་ཀྱིས་དབང་ཕྱུག་ཐོབ་པ་ནི་དཔུང་པ་གཉིས་བསྟོད་པས་སོ། ། ཐམས་ཅད་ཀྱིས་མཆོད་པར་འགྱུར་བ་ནི་སྙིང་ཁར་བཞུགས་པས་སོ།། ཡོད་པར་ཐམས་ཅད་རྙེད་པ་ནི་མིག ་དགུག་པས་སོ། ། འདོད་པའི་ཆགས་པ་བསྐྱེད་པ་ནི་དབུས་དང་བཅས་པའི་སྨན་པའི་གདོང་གིས་བལྟ་བས་སོ།། ཐམས་ཅད་འབེབས་པའི་ཆོ་ག་ནི་རང་གི་སྙིང་ཕྲ་བར་བསྐྱོད་པའི་ལས་རྣམས ་ཀྱིས་སོ། ། འདོད་པའི་ཆགས་པ་བསད་པ་ནི་དབུགས་བཏུང་བས་རང་ཉིད་སྡང་བར་བྱེད་པས་སོ།། འདོད་པ་ཐམས་ཅད་ཀྱི་རྗེས་སུ་སྤོད་པ་ལ་སོགས་པའི་ལས་ཐམས་ཅད་ཀྱི་བྱེད་པ་ནི་བཀའ ་བསྒོ་བས་སོ། ། དེ་རྣམས་རྡོ་རྗེ་སེམས་དཔའ་ལ་སོགས་པའི་བརྟན་པ་དང་གཡོ་བའི་དངོས་པོ་ཐམས་ཅད་ལའང་ཉེ་བར་སྦྱོར་བ་ན་དོན་ཡོད་གྲུབ་པས་སྐད་ཅིག་ཉིད་ཀྱིས་བརྟན་ཞིང་མི་འགྱུར་བའི་དངོས ་གྲུབ་ཀྱིས་རྒྱས་བཏབ་ན་འགྲུབ་པར་འགྱུར་རོ། ། ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ནས་ལས་ཀྱི་ཕྱག་རྒྱ་བཅུ་ནི། རྡོ་རྗེ་བསྙེམས་པའི་ཕྱག་རྒྱས་ཐམས་ཅད་སྒྲུབ ་པའོ། ། རྡོ་རྗེ་མཚོན་ཆམས་ཐམས་ཅད་ལས་རྣམ་པར་རྒྱལ་བ་དང་རྗེས་སུ་ཆགས་པའོ།། རྡོ་རྗེ་ཀི་ལི་ཀི་ལས་རབ་ཏུ་དགའ་བའི་རེག་བྱ་དང་དངོས་གྲུབ་ཐམས་ཅད་བདེ་བས་གྲུབ་པའོ།། རྒྱལ་མཚན ་བསྒྲེང་བས་འཐབ་མོ་ཐམས་ཅད་ལས་རྣམ་པར་རྒྱལ་ལོ། ། རྡོ་རྗེ་འདོད་པའི་དབང་ཕྱུག་མས་བདག་པོ་ཆེན་པོ་ཉིད་དོ།། དུས་ཀྱི་མཆོད་པས་མཆོད་པར་འགྱུར་བ་ཉིད་དོ།། རྡོ་རྗེ་གསོར་བས་ཐམས ་ཅད་འདུལ་བའོ། ། རྡོ་རྗེ་དོར་རབས་ཐམས་ཅད་གསོད་པ་དང་ཐམས་ཅད་འཕྲོག་པའོ།། གཡོན་པ་བསྙེམས་ཤིང་གཡས་པའི་རྡོ་རྗེ་ཁུ་ཚུར་གྱིས་ལས་རྣམས་ཀྱི་སྒྱུ་མ་དང ་རྫུ་འཕྲུལ་ཐམས་ཅད་དང་། སོ་སོར་སྟོན་པ་དང་། རྨུགས་པ་དང་། རེངས་པ་དང་། གཉིད་ལོག་ཏུ་གཞུག་པ་དང་། བསྐོར་བ་དང་། བསྤང་བ་དང་། འབྲུ་དང་། ལྟུང་བ་འཕོ་བ་དང་། དབང་དུ ་བྱེད་པ་ལ་སོགས་པའི་ལས་ཐམས་ཅད་སྒྲུབ་པར་བྱེད་པའོ། ། རྡོ་རྗེ་སེམས་དཔའི་དམ་ཚིག་གི་ཕྱག་རྒྱ་བཅུ་ནི། རྡོ་རྗེ་ཐལ་མོ་ལས་བྱུང་བའོ།། རྡོ་རྗེ་སྐུ་མཆོག་གི་དངོས་གྲུབ་ཐམས་ཅད་དོ།། མཛུབ ་མོ་གཉིས་ཀྱི་ལྕགས་ཀྱུས་དངོས་གྲུབ་ཐམས་ཅད་དོ། ། རྡོ་རྗེ་གནོད་སྦྱིན་གྱིས་བདུད་ཐམས་ཅད་ལ་སོགས་པའི་གདུག་པ་འདུལ་བའི་དེ་ཉིད་ཀྱི་མཐེ་བོའི་རྡོ་རྗེ་བཏབ་པས་ཐམས་ཅད་རྙེད་པའོ།། དེ་ཉིད ་ཀྱི་མཐེ་བོང་གཉིས་བཅུག་པའི་གཙུག་ཏོར་རྡོ་རྗེས་ཐམས་ཅད་སྲུང་བའི་མཐེ་བོང་རྡོ་རྗེ་ནང་དུ་བཅུག་པ་དེ་ཉིད་ཀྱིས་རྡོ་རྗེ་སེམས་དཔའ་ལ་སོགས་པའི་སེམས་ཅན་རྗེས་སུ་ཆགས་པ་དང་། དགུག་པ ་དང་། དབང་དུ་བྱེད་པ་སྒྲུབ་པའོ།། མཐེའུ་ཆུང་རྡོ་རྗེ་སོར་མོ་གཉིས་ཀྱི་རྩེ་མོ་གཉིས་མཛུབ་མོ་གཉིས་ཀྱིས་ལེགས་པར་བཟུང་བས་མཐེ་བོང་ནི་དཔལ་དགུག་པ་དང་དབང་དུ་བྱེད་པའོ།། རྡོ་རྗེ་གནོད ་སྦྱིན་གྱི་རྒྱལ་མོ་དེ་ཉིད་ཀྱིས་ནོར་ཐམས་ཅད་དང་དཔལ་དབྲོག་པའོ། ། དེ་ཉིད་ཀྱི་དབུས་མ་གཉིས་ཀྱིས་སྲིན་ལག་གཉིས་ཀྱི་རྩེ་མོ་ཡོངས་སུ་བཙིར་བས་བདུད་ལ་སོགས་པའི་གདོན་ལས་གྲོལ་བ་དང ་དབང་དུ་བྱས་ནས་ལས་ཐམས་ཅད་ལ་སྦྱོར་བའོ། ། རབ་ཏུ་དགའ་བའི་རྡོ་རྗེས་ཡུལ་ཐམས་ཅད་ཀྱི་མཆོག་སྒྲུབ་པའོ།། དེ་ནས་གསང་བའི་ཕྱག་རྒྱ་རབ་ཏུ་དགའ་བའི་རྡོ་རྗེ་ལས་བྱུང་བའོ།། སེམས ་དཔའ་མནན་ནས་རྡོ་རྗེ་ལྷ་མོ་རོལ་དུ་གཞུག་པའོ། ། དེའང་རབ་ཏུ་དགའ་བའི་རྡོ་རྗེ་ཆེན་པོས་རྒྱས་བཏབ་པས་སོ།། རྡོ་རྗེ་དང་བཅས་པའི་རབ་ཏུ་དགའ་བའི་རྡོ་རྗེ་ལས་སོ།། དེ་བཞིན་གཤེགས ་པ་ཐམས་ཅད་ཀྱི་ཆགས་པ་དང་བྲལ་བའི་འཁོར་ལོས་སོ། ། མཛུབ་མོ་དང་། དབུས་མ་དང་། སྲིན་ལག་གི་འཁོར་ལོ་བསྒྲེང་བར་བྱས་ལ་མཐེ་བོང་དང་མཐེའུ་ཆུང་མཉམ་ལ་བྲལ་བར་བྱ་སྟེ། ་རབ་ཏུ་དགའ་བའི་རྡོ་རྗེ་སྒྲུབ་པ་དེ་ཁོ་ན་ཉིད་ཀྱིས་རྒྱས་བཏབ་ཅིང་སྒྲུབ་པར་འགྱུར་རོ།། བཙར་བས་འདོད་པ་ཐམས་ཅད་རབ་ཏུ་སྒྲུབ་པར་བྱེད་པའོ།། མཛུབ་མོ་ལྕགས་ཀྱུས་འདོད་པ་ཐམས ་ཅད་ཀྱི་བདེ་བ་དགུག་པའོ། ། མཛུབ་མོ་ཕྲག་དོག་ལ་སོགས་པའི་འདོད་པ་ཐམས་ཅད་ཀྱི་སྡུག་བསྔལ་རབ་ཏུ་ཞི་བའོ།། རྟག་ཏུ་བསྐྱོད་པས་རབ་ཏུ་དགའ་བ་འབེབས་ཤིང་དེ་ནས་སྒྲུབ་པའོ།། ་སྐྱེ་གནས་གཡོ་བས་དུད་མེད་དང་སྐྱེས་པ་དག་གིས་རབ་ཏུ་དགའ་བ་ལ་འཇིག་རྟེན་ལས་འདས་པའི་འདོད་པ་ཐམས་ཅད་ཀྱི་བདེ་བ་ཆེན་པོ་ཤིན་ཏུ་མཐའ་ཡས་པའོ།། ཁ་སྦྱོར་བཙིར་བས་ཇི་སྲིད ་འཚོའི་བར་དུ་འདུས་པ་དང་བྲལ་བའང་ངོ་། ། རྟགས་ཀྱི་སེན་མོ་གཡོན་པའི་མཐིལ་དྲུད་པས་ཤིན་ཏུ་བརྟན་པའི་འདོད་པ་ལ་ཆགས་པ་ཉིད་དུ་འགྱུར་རོ།། གཞན་གྱི་འདོད་པ་ལ་མི་བལྟ་ཞིང ་གཞན་ལ་མི་འགྲོ་བར་ཤིན་དུ་བདེ་བ་དེ་ཡིད་བདེ་བསྟེར་བའི་བུད་མེད་ཐམས་ཅད་འགྲུཛུབ་པར་འགྱུར་རོ། ། སྐྱེ་གནས་ཀྱིས་སེར་མོ་དྲུང་བས་སྐྱེས་བུ་རྣམས་སོ།། དེ་ནས་ཐམས ་ཅད་ཀྱི་བདག་ཉིད་ཀྱི་གསང་བའི་ཕྱག་རྒྱ་བཅུ་སྟེ། དེ་ལ་ལུས་ཐམས་ཅད་ཀྱི་ཕྱག་རྒྱ་ནི་རྡོ་རྗེ་ཁུ་ཚུར་གཉིས་ཀྱིས་འཁྲུད་ལ་མ་མཆུ་སོ་རྣམས་ཀྱིས་བཟུང་སྟེ། རྨོངས་པས་བདེ་བ་སྔར་དུ་གཞུག། སྒྲུབ ་པས་རབ་ཏུ་དགའ་བའི་དངོས་གྲུབ་ཀྱི་རྡོ་རྗེ་སེམས་དཔའ་ཤིན་ཏུ་འགྲུབ་པར་འགྱུར་རོ། ། མཆོག་དང་པོའི་དངོས་གྲུབ་ཀྱིས་སུ་ར་ཏ་སྟྭཾ་ཞེས་བཅོམ་ལྡན་འདས་ལ་བརྗོད་ཅིང་དེ་ཁོ་ན་ཉིད་བསྐུལ་བས ་གྲུབ་པར་འགྱུར་རོ། ། རབ་ཏུ་དགའ་བའི་ཡེ་ཤེས་ཀྱིས་ཐམས་ཅད་སྒྲུབ་པའོ།། ལག་པ་གཡོན་པའི་གསང་བ་ཁུ་ཚུར་ནི་ཐམས་ཅད་སྒྲུབ་པའོ།། བདེ་བ་ཆེན་པོ་རྡོ་རྗེ་ལས་བྱུང་བའི་རྡོ་རྗེ་ཆེན ་པོའི་བལྟ་བས་ཐམས་ཅད་གྲུབ་པའོ། ། སྨིན་མ་གྱེན་དུ་བཏེག་པས་ལྷུང་བ་སློང་བའོ།། རང་གི་མ་མཆུ་ནང་དུ་མྱང་བས་སྐལ་བ་བཟང་པོ་ཆེན་པོ་སྒྲུབ་པའོ།། རང་གི་ལྕེ་བསྐྱོད་པས་རང་ཉིད ་ཀྱིས་བདེན་པ་ཐམས་ཅད་དང་དེ་ཁོ་ན་ཉིད་གསལ་ཞིང་མི་སླུ་བར་སྨྲ་བའོ། ། རང་གི་ལུས་ལ་འབེབས་པས་གཟུགས་ཐམས་ཅད་ཡོངས་སུ་བསྒྱུར་བ་སྟེ། རྡོ་རྗེ་སེམས་དཔའ་འམ་རང ་སངས་རྒྱས་སུའང་འགྱུར་བ་ཡིན་ནོ། ། རང་གི་བདག་ཉིད་རྡོ་རྗེ་བསྒོམས་པས་ནམ་མཁའ་ལ་འགྲོ་བའོ།། དེ་ནས་དང་པོའི་ལས་ཐམས་ཅད་ཀྱི་ཕྱག་རྒྱ་བཅུ་ནི། རྡོ་རྗེ་ཐལ་མོ་ཁ་ཊྭཱཾ་གས་སོ།། ་དངོས་གྲུབ་ཐམས་ཅད་རྡོ་རྗེ་ཁུ་ཚུར་དག་གིས་སོ།། དེ་བཞིན་གཤེགས་པའི་ཁུ་ཚུར་དག་གིས་དངོས་གྲུབ་ཐམས་ཅད་དོ།། ཐམས་ཅད་གསོད་པ་ནི་ཁྲོ་བོའི་ཁུ་ཚུར་དག་གིས་སོ།། ཐམས ་ཅད་སྦྱར་བ་ནི་པདྨའི་ཁུ་ཚུར་དག་གིས་སོ། ། ནོར་ཐམས་ཅད་དབྲོག་པ་ནི་ནོར་བུའི་ཁུ་ཚུར་གྱིས་སོ།། ཐམས་ཅད་འབེབས་པ་ནི་ཐམས་ཅད་འབེབས་པའི་ཁུ་ཚུར་གྱིས་སོ།། ཐམས་ཅད་གར ་བྱེད་དུ་གཞུག་པ་ནི་ཁ་ཊྭཱཾ་ག་གཏོར་བའི་ཁུ་ཚུར་དག་གིས་སོ། ། ཐམས་ཅད་སྨྲར་གཞུག་པ་ནི་མཛུབ་མོ་མཉམ་པའི་ལྕེའི་ཁུ་ཚུར་དག་གིས་སོ།། ཐམས་ཅད་བསྐྱོད་པ་ནི་བརྟན་པའི་ཁུ་ཚུར་དག་གིས་སོ།། ་ཐམས་ཅད་གཞུག་ཅིང་དོན་ཡོད་པར་སྒྲུབ་པ་ནི་རྡོ་རྗེ་ལྕགས་ཀྱུའི་ཁུ་ཚུར་གྱིས་སོ།། དེ་ནས་རྡོ་རྗེ་ཁུ་ཚུར་གཉིས་ཀྱིས་ཅི་འདོད་པའི་ལག་པའི་སོར་མོའི་ཕྱག་རྒྱ་བཅུ་སྟེ། དོན་ཡོད་ཅིང་ཐོགས ་པར་མེད་པ་སྐད་ཅིག་མས་མྱུར་དུ་གྲུབ་པར་བྱེད་པ་འདི་ལྟ་སྟེ། བི་ཝང་དང་། གླིང་བུ་དང་། རྫ་རྔ་དང་། མུ་ཀུཎྜ་དང་། ཆ་ལང་དང་། རྔ་བོ་ཆེ་དང་། རྔ་ཟླུམ་དང་། རྔ་པ་ཊ་ཧ་དང་། གུཉྫཱ ་དང་། ཧི་མི་ལི་སྟེ། འདི་རྣམས་ཀྱིས་རྒྱས་བཏབ་ན་ཐམས་ཅད་དུ་རྗེས་སུ་ཆགས་པ་དང་། དབང་དུ་བྱེད་པ་དང་། འབེབས་པ་དང་། རིམས་དང་། དུག་དང་། སྦྱར་དུག་དང་། གདོན ་ལས་གྲོལ་བ་དང་། གསོང་བ་དང་། འཐབ་མོ་ལས་རྣམ་པར་རྒྱལ་བ་དང་། ཕུན་སུམ་ཚོགས་པ་ཐམས་ཅད་ཐོབ་པ་ཡིན་ནོ་ཞེས་བྱ་བ་གསུངས་སོ།། འདོད་ཆགས་ཆེན་པོ་རྣམ་དག་ཕྱིར། ་རྡོ་རྗེ་སེམས་དཔའ་ཚན་པོ་ཡིན། ཐུག་རྒྱུ་རྟོག་པ་རབ་ཏུ་བས།། རྔ་རྗེ་སློབ་པོན་སློབ་མ་མཆག། དེ་འ་དང་པའི་རྗེས་འབྲང་ལ།། ཚོགས་ཙམ་གྱིས་ནིས ་ཅིག་གིས། ། དོན་ཡོད་ཀུན་གྲུབ་བདེ་བར་གསོལ།། ཞེས་བྱའོ།། དཔལ་མཆོག་དང་པོ་ལས། མཆོག་ཏུ་གྲུབ་པ་ཞེས་བྱ་བའི་ཕྱག་རྒྱའི་རྒྱུད་རྫོགས་སོ།། དེ་ནས་མཆོག ་ཏུ་མཁས་ཤིང་མཐའ་ལས་འདས་པ། ཚད་མེད་ཅིང་གཞལ་དུ་མེད་པ། མ་ལུས་ཤིང་ལུས་པ་མེད་པའི་མཆོག་གི་དངོས་གྲུབ་ཆེན་པོའི་བདག་ཉིད་ལ་སོགས་པའི་དངོས་གྲུབ་ཐམས་ཅད་ཀྱིས ་ལས་ཀྱི་ཚོགས་མཆོག་ཏུ་དམ་པའི་གྲུབ་པ་ཞེས་བྱ་བ་རྡོ་རྗེ་གར་ལས་བྱུང་བའི་ཚོགས་ཐམས་ཅད་ཀྱི་ཕྱག་རྒྱ་སྟོང་བཤད་པར་བྱའོ། ། ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། ་ཕྱག་རྒྱ་ཆེན་པོ་མཉམ་བཞག་ནས།། སྒེག་བཅས་མཛུབ་སོགས་བཀྲོལ་བ་ཡིས།། ལས་ཀྱི་ཕྱག་རྒྱ་ཆེན་པོ་རྒྱུ།། ཐམས་ཅད་གར་གྱིས་བསྒྲུབ་པར་བྱ།། བདེ་བ་ཆེན་པོ་རྡོ་རྗེ་གསང་བའི ་ལྕགས་ཀྱུས་ཁྱད་པར་དུ་ལས་ཀྱི་ཕྱག་རྒྱ་བཅིང་བསྟེ། བརྒྱ་ཕྲག་དང་པོ་མཆོག་ཏུ་བསྒྲུབས་ཏེ་རྡོ་རྗེ་དམ་ཚིག་ལྷ་མོ་རྣམས་ཀྱི་ཕྱག་རྒྱའོ།། རྡོ་རྗེ་བསྡམས་པ་བཅིངས་ནས་ནི།། ཁ་སྦྱོར་ནང ་དུ་གསལ་བ་སྟེ། ། མཆོག་དང་པོ་ཡི་གསང་ཆེན་གྱིས།། ལས་ཀྱི་ཕྱག་རྒྱ་བརྒྱ་གཞན་ཡིན།། ཞེས་བྱ་བ་རྡོ་རྗེ་ལྷ་མོ་གསང་བ་ཐམས་ཅད་ཀྱི་ཕྱག་རྒྱའོ།། རྡོ་རྗེ་གར་གྱི་མཆོད་པ་ཆེའི། ་ཐལ་མོས་སྤྱི་བོར་བཟུང་ནས་ནི།། ལས་ཀྱི་ཕྱག་རྒྱ་གྲུབ་པས་ན།། དབང་པོ་རྣམས་དང་སྦྱར་བར་བྱ།། ཞེས་བྱ་བ་རྡོ་རྗེ་ཐམས་ཅད་ཀྱི་མཆོད་པ་ཆེན་པོའི་ལྷ་མོ་རྣམས་ཀྱི་ཕྱག་རྒྱའོ།། རྡོ་རྗེ ་བསྙེམས་མས་གར་བྱ་ཞིང་། ། སྒེག་བཅས་མཐེའུ་ཆུང་སོགས་བཀྲོལ་བས།། དེ་ཉིད་བཅིངས་ནས་གར་བྱ་ཞིང་།། ཕྱི་མ་འདི་ནི་འབྱུང་བ་ཡིན།། ཞེས་བྱ་བ་རྡོ་རྗེ་ཐམས་ཅད་ཀྱི་ལས ་དོན་ཡོད་པའི་དམ་ཚིག་གྲུབ་པའི་དབང་ཕྱུག་ཆེན་པོའི་མཆོག་གི་ཕྱག་རྒྱ་བརྒྱའོ། ། རྡོ་རྗེ་ཐལ་མོ་མཉམ་བཞག་ནས།། ཐམས་ཅད་ཀྱིས་ནི་བསྒྲུབ་པར་བྱ།། མཆོག་དང་པོ་ཡི་ལས་ཆེན་པོའི ་ཕྱག་རྒྱ་མཆོག་ནི་གཞན་ཡིན་ནོ། ། ཞེས་བྱ་བ་རྒྱལ་མོ་ཐམས་ཅད་ཀྱི་ཕྱག་རྒྱ། མངའ་ལྔ་བསྡུས་པ་བཅིངས་ནས་ནི།། ལས་ཀྱི་ཕྱག་རྒྱ་བདེ་བ་བརྒྱ།། རབ་ཏུ་དགའ་མཆོག་མ་བཀྲོལ་བས། ་བདེ་བ་ཉིད་དུ་མངོན་པར་སྦྱར།། ཞེས་བྱ་བ་རྡོ་རྗེ་ཐམས་ཅད་ཀྱི་མཆོག་ཏུ་གསང་བའི་འདོད་པ་མའི་ཕྱག་རྒྱའོ།། སྐུ་གསུང་ཐུགས་ཀྱི་རྡོ་རྗེ་ཡིས།། ཇི་བཞིན་ཕྱག་རྒྱ་མཆོག་སྦྱོར་བས། ་ལས་ཀྱི་ཕྱག་རྒྱ་སྣ་ཚོགས་བརྒྱ།། མཆོག་དང་པོ་ནི་རབ་ཏུ་བརྟག། ཅེས་བྱ་བ་རྡོ་རྗེ་ཐམས་ཅད་ཀྱི་སྐུ་གསུང་ཐུགས་ཀྱི་རྡོ་རྗེ་ལྷ་མོའི་ཕྱག་རྒྱའོ།། རྡོ་རྗེ་ལྷ་མོའི་ཁ་ཊྭཱཾ་ག། ལུས་ཀུན་གྱིས ་ནི་གར་བྱ་ཞིང་། ། རྡོ་རྗེ་གར་མཆོག་གླུ་བླང་ཞིང་།། དང་པོའི་ཕྱག་རྒྱ་ཆེན་པོ་ཞེས་བྱ་བའོ།། ཇི་ལྟར་གོང་དུ་བརྒྱ་གསུངས་པ། རོལ་མོ་མཆོག་གི་ཕྱག་རྒྱའི་ཚོགས།། རོལ་མོ་བརྡུང་རིང ་གླུ་ལེན་པ། ། བྲག་རྒྱ་ཀུན་གྱི་གསལ་བ་བརྒྱ།། ཞེས་བྱ་བ་རྡོ་རྗེ་ཐམས་ཅད་ཀྱི་ལྷའི་བླ་མོའི་ཚོགས་ཀྱིས་ཕྱག་བྱསྟེ། ཕྱག་ཏུ་སྲོང་མཆོག་ཏུ་ཐུབ་པའོ།། དེ་ལ་སོགས་པ ་མཐའ་ཡས་མཆོག། ཆོས་དབྱིངས་མཉམ་དང་མི་མཉམ་པ།། ནམ་མཁའི་མཐའ་ལྷུར་གྲངས་མེད་པའི།། ཕྱག་རྒྱའི་རྒྱལ་མོ་གྲུབ་མཆོག་སྟེར།། ཀུན་མཆོག་དངོས་གྲུབ་ཆེན་པོ་ཡི།། ་དབང་ཕྱུག་ཆེན་པོའི་མཆོག་གྲུབ་ཕྱིར།། ནམ་མཁའ་ཀུན་གྱི་གོ་སྐབས་ཀྱིས།། དཀྱིལ་འཁོར་འདི་ནི་རབ་ཏུ་ཞུགས།། དམ་པ་མཆོག་ཏུ་གྲུབ་པར་བྱེད།། མཆོག་གི་དམ་པ་རྒྱུད་ཆེན་པོ། ་དམ་པ་མཆོག་གི་དངོས་གྲུབ་སྟེར།། རྡོ་རྗེ་སློབ་དཔོན་སློབ་མ་མཆོག། དེ་ཉིད་དད་པའི་རྗེས་འབྲངས་ལ།། ཕྱག་རྒྱ་ཀུན་གྱི་ཚུལ་འདི་ནི།། བསྟན་པར་བྱ་སྟེ་གཞན་ལ་མིན།། དེ་ལྟར་མཆོག ་ཧུཏུ་མི་འགྱུར་དམ་པའི་དངོས་གྲུབ་བདེ་བ་ཡི། ། མཆོག་ཏུ་རྣམ་དག་རྡོ་རྗེ་བདེ་གྲུབ་མཐའ་ཡས་འབྲས་བུར་ལྡན།། དཔལ་མཆོག་དང་པོའི་གསལ་བའི་དེ་ཉིད་མཆོག་གི་སྐུའི་ཚུལ་ལོ།། མཆོག་ཏུ ་རྟག་པའི་ཚུལ་འདི་ཡོངས་སུ་མཐུར་ཐུག་པའོ། ། དཔལ་མཆོག་དང་པོ་ལས། དམ་པ་མཆོག་ཏུ་གྲུབ་པ་ཞེས་བྱ་བའི་ཕྱག་རྒྱའི་རྒྱུད་རྫོགས་སོ།། །། དེ་ནས་སེམས ་དཔའ་ཆེན་པོ་ཀུན། ། རྡོ་རྗེ་འཛིན་དང་བཅས་པའི་མཆོག། རྡོ་རྗེ་འཆང་ཆེན་གཙོ་བོ་ནི།། མགོན་ལ་བདེ་གཤེགས་རྣམས་ཀྱིས་གསོལ།། ཀུན་མཆོག་ནམ་མཁའ་ཆེན་པོ་ཡི།། དངོས ་གྲུབ་དབང་ཕྱུག་རབ་གྲུབ་ཕྱིར། ། རྟོག་པ་ཐམས་ཅད་ཀུན་བསྡུས་པའི།། དེ་ཉིད་སེམས་དཔའ་ཆེན་པོས་གསུངས།། རྣམ་རྟོག་མེད་པའི་ཆོས་རྣམས་ལ།། རྟོག་པའི་དོན་འདི་གང་བརྗོད་པ། ་གང་གིས་རྒྱུད་འདི་ཕྱི་མ་ལ།། དང་པོའི་གནས་མཆོག་ཇི་ལྟར་ལགས།། དེ་བཞིན་རྡོ་རྗེ་སེམས་དཔའ་ཉིད།། རབ་དགའ་ཉིད་དང་བཟང་བ་ཉིད།། རྡོ་རྗེ་བསྙེམས་བདག་ཇི་ལྟར་ལགས། ་སེམས་དཔའ་སེམས་དཔའི་ཏིང་ངེ་འཛིན།། དེ་བཞིན་རྡོ་རྗེ་རྡོ་རྗེ་འཛིན།། རྡོ་རྗེ་འཆང་ཆེན་ཉིད་དང་ནི།། བྱང་ཆུབ་སྤྱོད་པ་ཇི་ལྟར་ལགས།། བདུད་དང་བདུད་ལས་རྒྱལ་བ་ཉིད།། བྱང་ཆུབ ་སངས་རྒྱས་ཇི་ལྟར་ལགས། ། རྡོ་རྗེ་གཏུམ་མོ་མཐར་བྱེད་ཉིད།། ཕྱག་ན་རྡོ་རྗེ་ཇི་ལྟར་ལགས།། ཇི་ལྟར་དང་པོའི་རིགས་བྱུང་དང་།། འདོད་པ་ཐར་པ་ཇི་ལྟར་ལགས།། ཇི་ལྟར་མགོན་པོ ་རྣམ་གསུམ་དང་། ། ཁྱོད་ནི་ཇི་ལྟར་ཐམས་ཅད་ཉིད།། དང་པོའི་སྙིང་པོ་ཇི་ལྟར་ལགས།། དེ་ཅི་ཉེ་སྙིང་ཇི་ལྟར་ལགས།། བདེ་ཆེན་རྡོ་རྗེ་ཆེན་པོ་ཡི།། དོན་ཡོད་དམ་ཚིག་ཇི་ལྟར་ལགས།། ་དཀྱིལ་འཁོར་ཞེས་བྱ་ཇི་སྐད་གསུངས།། དེ་ཡི་རྣམ་སྨིན་ཇི་ལྟ་བུ།། ཐིག་གདབ་པ་དང་བརྟག་པ་ཡིས།། དངོས་གྲུབ་ཇི་ལྟར་གསུངས་པ་ལགས།། གསང་བ་ལྔ་ཡི་དེ་བདེ་བ།། ཇི་ལྟར ་ཟུར་པ་ཇི་ལྟ་བུ། ། དཀྱིལ་འཁོར་བདག་པོ་རྣམས་དང་ནི།། རིགས་རྣམས་གསལ་བ་ཇི་ལྟར་ལགས།། ཐམས་ཅད་དབང་བསྐུར་དེ་ཉིད་དང་།། ཕྱག་མཚན་ཚོགས་ཀྱི་དེ་ཉིད་དང་།། ཐམས། ་ཅད་དགུག་གཞུག་མཆོད་པ་ཆེ།། བདག་བྱིན་བརླབས་སོགས་སྒྲུབ་པ་ཆེ།། དེ་ནི་དེ་ཉིད་གསང་བ་དང་།། དོན་ཡོད་པ་ནི་མཆོག་ཉིད་དེ།། མི་འགྱུར་དམ་པ་གྲུབ་པའི་ཕྱིར།། ་ཐམས་ཅད་བདག་ཅག་རྣམས་ལ་གསུངས།། ཞེས་བྱ་བ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་མཆོག་གི་མདོ་གསུངས་སོ།། དེ་ནས་སྟོན་པ་རྡོ་རྗེ་འཛིན།། རྟོག་པ་ཀུན་གྱི ་བདག་པོ་ནི། ། ཐེ་ཚོམ་ཚོགས་རྣམས་གསན་ནས་སུ།། འདི་ཡི་ལན་ནི་གསུངས་པ་ཡིན།། དེ་ལ་རྟོག་པའི་དོན་གྱི་རྒྱུད་ཇི་ལྟར་ཡིན་ཞེ་ན།། རྣམ་རྟོག་མེད་པའི་ཆོས་རྣམས་ལས།། སེམས ་ཅན་དོན་ནི་ཡོངས་བརྟགས་པས། ། དེས་ན་རྟོགས་པར་གསུངས་པ་སྟེ།། རྟོག་པ་ཡོངས་སུ་དག་ཕྱིར་རོ།། དེ་ནས་རྒུད་ཕྱི་མ་ཇི་ལྟར་ཡིན་ཞེ་ན། རྒྱུད་ནི་རྒྱུན་ཞེས་བྱ་བར་བཤད།། ཕྱི་མ་སྔར་དང་། ་ཡང་དག་བྱུང་།། དེ་ཉིད་གསང་བའི་གསང་བ་དང་།། ཕྱི་མ་དང་བཅས་རྒྱུད་དུ་འདོད།། དེ་ལ་དང་པོ་གནས་ཞེས་བྱ་བའི་རྒྱུད་ཇི་ལྟར་ཡིན་ཞེ་ན། ནམ་མཁའ་ཀུན་ལ་རབ་ཏུ་གནས།། རྡོ་རྗེ་ཀུན ་མཆོག་རང་བཞིན་མཆོག། བདེ་བ་ཆེན་པོ་དགའ་བ་ཆེའི།། གྲོང་ཁྱེར་དེར་ནི་མོ་འགྱུར་མཆོག། ཅེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་རྟོག་པ་ཐམས་ཅད་ཀྱི་རྟོག་པའི་དེ་ཁོ་ན་ཉིད ་ཅེས་བྱ་བ་འདི་གསུངས་སོ། ། དེ་ལ་ཐོས་མཐར་མེད་པའི་རྡོ་རྗེ་སེམས་དཔའ་ཇི་ལྟར་ཡིན་ན། ནམ་མཁའ་སྐྱེ་བ་མཚན་ལྡན་ཕྱིར།། ཐོག་མ་ཐ་མ་མེད་པའི་མཆོག། སེམས་དཔའ་རྡོ་རྗེ་ཆེརང ་བཞིན། ། རྡོ་རྗེ་སེམས་དཔའ་ཞེས་བྱར་བརྗོད།། དེ་ནས་བཅོམ་ལྡན་འདས་དེ་གང་ཡིན་ཞེ་ན། ཀུན་མཆོག་དངོས་གྲུབ་ཆེན་པོ་ཡི།། དབང་ཕྱུག་ཆེན་པོ་ལྷག་པའི་ལྷ།། རྡོ་རྗེ་འཛིན་པ་ཀུན་གྱི་རྒྱ ་རབ་ཏུ་དགའ་བ་མི་འགྱུར་མཆོག། དེ་ལ་བཅོམ་ལྡན་འདས་དགའ་བ་ཆེན་པོ་ཉིད་ཇི་ལྟར་ཡིན་ཞེ་ན། ཉེས་པ་མེད་ཅིང་ཤིན་ཏུ་རྟག། འདོད་ཆགས་ཀུན་གྱིས་རྗེས་ཆགས་པ།། དེ་ཉིད་འདི་ཡིས ་གསང་བ་འདི། ། འདོད་ཆགས་ཆེན་པོའི་དགའ་བ་ཆེ།། དེ་ལ་ཅི་ཀུན་ཏུ་བཟང་པོ་ཉིད་ཇི་ལྟར་ཡིན་ཞེ་ན། ཤིན་ཏུ་དག་པ་ཀུན་གྱི་མཆོག། གདོད་ནས་གྲོལ་བ་དེ་བཞིན་གཤེགས།། ཀུན་ཏུ ་བཟང་པོ་ཀུན་བདག་ཉིད། ། བྱང་ཆུབ་སེམས་དཔའི་ཆོ་ག་མཆོག། དེ་ལ་རྡོ་རྗེ་བསྙེམས་པའི་བཅོམ་ལྡན་འདས་ཇི་ལྟར་ཡིན་ཞེ་ན། ཀུན་མཆོག་དངོས་གྲུབ་ཆེན་པོ་ཡིས།། དབང་ཕྱུག་ཆེན་པོའི ་ཕྱག་རྒྱའི་མཆོག། རྡོ་རྗེ་དབང་ཕྱུག་ཆེར་བསྟོད་པས།། རྡོ་རྗེ་བསྙེམས་པའི་བདག་པོའི་བདག། ཅེས་བྱ་བ་ནི་བཅོམ་ལྡན་འདས་མཆོག་དང་པོའི་སྐྱེས་བུའོ།། མཆོག་དང་པོ་ཡི་ཉིད་འདི། ་རྡོ་རྗེ་སེམས་དཔའ་གང་གང་བརྗོད།། དངོས་གྲུབ་ཀུན་གྱི་འབྱོར་པ་རྣམས།། དེ་ལ་ཐམས་ཅད་འགྲུབ་པར་འགྱུར།། ཞེས་བྱ་བ་མཆོག་གི་དེ་ཁོ་ན་ཉིད་བཅོམ་ལྡན་འདས་རྡོ་རྗེ་སེམས ་དཔས་གསུངས་སོ། ། དེ་ནས་དེའི་འོག་ཏུ་ལས་ཀྱི་བྱབས་བཅོམ་ལྡན་འདས་ཐམས་ཅད་ཀྱི་མཆོག་ཉིད་དུ་བཤད་པར་བྱའོ།། བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། ་དེ་ལ་བཅོམ་ལྡན་འདས་ཐམས་ཅད་ཀྱིས་སེམས་ཅན་ཇི་ལྟར་ཡིན་ཞེ་ན། བསམ་གྱིས་མི་ཁྲབ་རྒྱ་ཆེ་བ།། ཟབ་དངོས་ཀུན་བདེ་མི་འགྱུར་བ།། ཐམས་ཅད་ཁྱབ་ཅིང་དྲི་མ་མེད ་བྱང་ཆུབ་སེམས་ནི་བདག་བརྟན་པ། ། དེ་ནས་འདི་ལས་ཁྱད་པར་ནི།། སེམས་ཉིད་བརྟན་པ་ཉིད་སེམས་པས།། ཏིང་འཛིན་དེ་ལ་མཉམ་པར་བཞག། རྣམ་ཤེས་ལས་ནི་རྡོ་རྗེ་ཀུན།། རྡོ་རྗེ ་ལས་ནི་འཛིན་གྱུར་ཏེ། ། བཅོམ་ལྡན་འདས་རྡོ་རྗེ་འཛིན་ཇི་ལྟར་ཡིན་ཞེ་ན། སེམས་དཔའི་བྱིན་རླབས་སྦྱོར་བ་ནི།། བདག་ལ་བྱིན་བརླབས་མཆོག་སྒྲུབ་པ།། ཉིན་རེ་སྒྲུབ་པར་བྱེད་ན་དེས།། རྡོ་རྗེ ་སེམས་དཔའ་ཉིད་ཐོབ་འགྱུར། ། དེ་ལ་བཅོམ་ལྡན་འདས་ཀུན་ཏུ་བཟང་པོའི་སྤྱོད་པ་ཇི་ལྟར་ཡིན་ཞེ་ན། སྙིང་སྟོབས་རྡུལ་དང་མུན་པས་ཀྱང་།། གང་ཕྱིར་སེམས་ཅན་དོན་གྱུར་པས།། དེ་ཕྱིར ་ང་ནི་ཀུན་ཏུ་བཟང་། ། བྱང་ཆུབ་སྤྱོད་པའི་རྗེས་འཇུག་པའོ།། དེ་ལ་ཇི་ལྟར་བཅོམ་ལྡན་འདས་བདུད་ཉིད་དང་འདུལ་བས་རྒྱལ་བ་ཇི་ལྟར་ཡིན་ཞེ་ན། སེམས་ཉིད་ཁོ་ན་བདུད་ཉིད་དེ།། སེམས ་ཉིད་དེ་བཞིན་གཤེགས་པའོ། ། རང་སེམས་གདུལ་བར་བྱ་བའི་ཕྱིར།། བདག་ནི་བདུད་ཉིད་གྱུར་པ་ཡིན།། དེ་ལ་ཇི་ལྟར་བཅོམ་ལྡན་འདས་མངོན་པར་རྫོགས་པའི་བྱང་ཆུབ་དང་སངས་རྒྱས ་ཡིན་ཞེ་ན། རང་སེམས་སོ་སོར་རྟོག་པའི་ཕྱིར།། བྱང་ཆུབ་སེམས་མཆོག་རྡོ་རྗེ་ཉིད།། དེ་ཕྱིར་དེ་ཉིད་སངས་རྒྱས་ཉིད།། བདག་བྱིན་བརླབས་མཆོག་གྲུང་ཕྱིར་རོ།། དེ་ལ་ཇི་ལྟར ་བཅོམ་ལྡན་འདས་ཕྱག་ན་རྡོ་རྗེ་ཡིན་ཞེ་ན། མི་ཕྱེད་སོ་སོར་རྟོགས་པ་དང་།། གདུག་པ་ཐམས་ཅད་ངེས་པར་གནོན།། སངས་རྒྱས་ཀུན་དངོས་རྡོ་རྗེ་སྟེ།། བྱང་ཆུབ་སེམས་ནི་བརྟན་པ་བདག། ་ཀུན་ཏུ་བཟང་པོའི་ལག་ཏུ་ནི།། མཚོན་ཆ་དེ་ནི་རྒྱལ་བས་བྱིན།། བརྟན་པ་ཐམས་ཅད་གྲུབ་པའི་ཕྱིར།། དེས་ན་ཕྱག་ན་རྡོ་རྗེ་དེས།། དེ་ལ་ཇི་ལྟར་དང་པོའི་རིགས་ལས་བྱུང་བ་ཤེས་པ་རྒྱུད ་ཡིན་ཞེ་ན། ཤེས་རབ་ཕ་རོལ་ཕྱིན་པ་ཡུམ།། ཡབ་ནི་ཐབས་ལ་མཁས་པ་སྟེ།། རྡོ་རྗེ་སེམས་དཔའ་གདུལ་བྱའི་ཕྱིར།། རིགས་རྣམས་རབ་ཏུ་བྱུང་བའོ།། དེ་ལ་ཇི་ལྟར་བཅོམ་ལྡན ་འདས་འདོད་པ་ཐར་པ་ཡིན་ཞེ་ན། བཅོམ་ལྡན་འདས་ནི་ཆགས་པ་ཆེ།། དངོས་གྲུབ་ཐམས་ཅད་རྗེས་ཆགས་ཕྱིར།། དངོས་གྲུབ་ཐམས་ཅད་མི་འགྱུར་བདེ།། བདེ་བ་ཆེན་པོ་ཞེས་བརྗོད་པའོ།། ་དེ་ལ་ཇི་ལྟར་བཅོམ་ལྡན་འདས་རྣམ་པ་གསུམ་པ་ཡིན་ཞེ་ན། བདག་ནི་དུས་གསུམ་མཐའ་ཡས་ཕྱིར།། ང་ནི་སྲིད་གསུམ་གདུལ་བྱའི་ཕྱིར།། གསུམ་མཆོག་འཇིག་རྟེན་གསུམ་ཀུན་ཕྱིར།། ་འཇིག་རྟེན་གསུམ་ང་ཁམས་གསུམ་ང་།། དེ་ལ་ཇི་ལྟར་བཅོམ་ལྡན་འདས་ཐམས་ཅད་ཉིད་ཡིན་ཞེ་ན། ང་ནི་བརྟན་པ་ཐམས་ཅད་བདེ།། བསོད་ནམས་ཀུན་མཆོག་ཆེ་བའི་ཕྱིར།། གཡོ་བ་སེམས ་ཀྱིས་འདུས་བྱས་ཕྱིར། ། སྒྱུ་མ་ཐམས་ཅད་ང་ཡིན་ནོ།། ཞེས་བྱ་བ་རང་གི་ལས་ཀྱི་བྱ་བའི་དེ་ཁོ་ན་ཉིད་རྡོ་རྗེ་སེམས་དཔས་གསུངས་སོ།། དེ་ལ་ཇི་ལྟར་དང་པོའི་གླུ་བྱུང་བ་ཤེས་པ་ཡིན། ་ཞེ་ན། སྲིད་པ་ཤིན་ཏུ་གྲུབ་པ་ཡི།། དབང་ཕྱུག་ཆེན་པོ་མཆོག་གྲུབ་ཕྱིར།། གཟི་ཅན་སེམས་ཅན་དོན་མཛད་ཕྱིར།། བསྐལ་པ་ཐོག་མར་བཅོམ་ལྡན་འདས་ཀྱིས ་གསུངས། ། དེ་ནས་དེ་གང་ཡིན་ཞེ་ན། འདོད་ཆགས་ཆེན་པོ་བཅོམ་ལྡན་འདས།། རབ་ཏུ་དགའ་བ་མི་འགྱུར་མཆོག། གསང་བའི་ཕྱིར་ནི་སྙིང་པོ་བརྗོད།། ཡི་གེ་ཧཱུཾ་ནི་མི་འགྱུར་མཆོག། དེ་ནས ་ཉེ་བའི་སྙིང་པོ་ཡི། ། དེ་ཁོ་ན་ཉིད་ཤེས་པ་ནི།། དེ་ཉིད་གསང་ཞིང་གསང་བ་དང་།། སྙིང་པོ་རབ་ཏུ་བརྗོད་པར་བྱ།། སྙིང་པོའི་རྗེས་སུ་སྒྲུབ་པར་འགྲུབ།། ཉེ་བའི་སྙིང་པོ་ཉིད་དུ་བརྗོད།། ་དེ་ལ་ཇི་ལྟར་བདེ་བ་ཆེན་པོའི་རྡོ་རྗེ་དོན་ཡོད་པའི་དམ་ཚིག་གི་བཤད་པའི་རྒྱུད་ཡིན་ཞེ་ན། དངོས་གྲུབ་ཀུན་གྱི་མི་འགྱུར་བདེ།། བདེ་བ་ཆེན་པོ་ཞེས་བརྗོད་དོ།། རྡོ་རྗེ་དེ་ཉིད་དོན་ཡོད་གྲུབ ་དམ་ཚིག་འདའ་བར་དཀའ་བའོ། ། ཞེས་བྱ་བའི་མཆོག་གི་དམ་པའི་གླུ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ལ་ཇི་ལྟར་དཀྱིལ་འཁོར་གྱི་དོན་ཤེས་པ་ཡིན་ཞེ་ན། ཇི ་ལྷུར་གནས་དང་འཁོར་ལོ་དང་། ། ཇི་ལྟར་དགོད་པར་འགྲོ་བ་དང་།། འཁོར་དང་བཅས་པ་དགོད་པ་གང་།། དེ་འདྲའི་འཁོར་ལོ་མཆོག་གིས་སྤྲུལ།། དེ་ནས་རྣམ་པར་ཤེས་པ་ནི།། ་རྡོ་རྗེ་སེམས་སོགས་ལྷ་རྣམས་ཀྱིས།། འཁོར་ལོ་མངོན་སུམ་མཐོང་བ་ཡིས།། རྟག་པའི་བསོད་ནམས་ཅི་འདྲ་བ།། ཕྱིར་ན་བྲིས་ནའང་དེ་བཞིན་ནོ།། དེ་ནས་ཐིག་གདབ་པའི་ཆོ་ག་ནི ་ཤེས་རབ་ཅན་གྱིས་དཀྱིལ་འཁོར་བྲིས། ། ཕྱོགས་ཀུན་མཉམ་པ་ཉིད་དམིགས་ལ།། ཤར་དང་ནུབ་དང་བྱང་དང་སྒོར།། ཐིག་བཞི་བཏབ་པས་དཀྱིལ་འཁོར་བརྒྱད།། རྡོ་རྗེ་ཐིག་གིས ་ཡོངས་བསྐོར་བར། ། སབ་བརྒྱད་ཀྱིས་ཉེར་མཛེས་ཤིང་།། གྲོ་བ་ནི་རྩ་བབས། གཁྱེར་དང་།། རྦབ་དྲ་བྱེད་ལ་སོགས་བརྒྱན།། དེར་བདག་པོ་ཡི་དོན་ཤེས་ནི།། རྡོ་རྗེ་སེམས་དཔ ་ལྦ་བུ་ཞེ་ན། ནམ་མཁའ་སྐྱེ་བ་མཚན་ལྡན་ཕྱིར།། ཐོག་མཱ་ཐ་མ་མེད་པའི་མཆོག། སེམས་དཔའ་རྡོ་རྗེ་ཚེ་རང་བཞིན།། དཔལ་མཆོག་དང་པོ་ཞེས་བྱར་བརྗོད།། དེ་ནས་བཅོམ་ལྡན ་འདས་འདས་གང་ཞེ་ན། ། ཀུན་མཆོག་དངོས་གྲུབ་ཆེན་པོ་ཡི།། དབང་ཕྱུག་ཆེན་པོ་ལྷག་པའི་ལྷ།། རྡོ་རྗེ་འཛིན་པ་ཀུན་གྱི་རྒྱལ།། རབ་ཏུ་དགའ་བ་མི་འགྱུར་མཆོག། ཅེས་བཅོམ ་ལྡན་འདས་རྡོ་རྗེ་འཛིན་པས་གསུངས་སོ། ། དེ་ནས་སྤྱན་རས་གཟིགས་དབང་གིས།། པདྨ་རཱ་ག་དང་མཚུངས་པ།། ཐམས་ཅད་དག་པ་བླ་ན་མེད།། རྡོ་རྗེ་སེམས་དཔའ་རང་བདག ་ཉིད། ། སྤྱན་རས་གཟིགས་ཀྱི་དབང་ཕྱུག་ཉིད།། དེ་ནས་པདྨའི་རིགས་ཀྱི་དེ་ཁོ་ན་ཉིད་ནི། རྡོ་རྗེ་ཆོས་ནི་རབ་གྲུབ་ཕྱིར།། སེམས་ཅན་ཐམས་ཅད་རྣམ་དག་ཕྱིར།། པདྨ་ཆེན་པོའི ་རིགས་དག་པའི། ། ཏིང་འཛིན་ཡེ་ཤེས་ཀུན་ནས་བསྡུས།། ཞེས་བྱའོ།། དེ་ལ་ཇི་ལྟར་ནམ་མཁའ་སྙིང་པོ་ཡིན་ཞེ་ན། ཐམས་ཅད་ནམ་མཁའི་བཅོམ་ལྡན་འདས།། སེམས ་ཅན་བསོད་ནམས་མཐོང་ཞིང་ཆེ། ། ནམ་མཁའི་སྙིང་པོ་སེམས་དཔའ་དང་།། དེ་ནས་ནོར་བུའི་རིགས་ཀྱིས་ནི།། དབང་བསྐུར་བ་དང་གཏེར་དང་ནི།། རྡོ་རྗེ་རྒྱལ་མཚན ་མཆོད་པ་ཆེ། ། ནོར་བུ་ཆེན་པོའི་རིགས་གྲུབ་པ།། བསམ་པ་ཐམས་ཅད་ཡོངས་རྫོགས་པའོ།། ཞེས་བྱ་བ་དཀྱིལ་འཁོར་ཐམས་ཅད་ཀྱི་དེ་ཁོ་ན་ཉིད་ཆེན་པོ་བཅོམ་ལྡན་འདས་རྡོ་རྗེ་སེམ ་དཔས་གསུངས་སོ། ། རྡོ་རྗེ་རིགས་ཐམས་ཅད་ཀྱི་དབང་བསྐུར་བ་ཤེས་པ་ནི། སངས་རྒྱས་རིན་ཆེན་རྡོ་རྗེ་ཕྱེད།། རྡོ་རྗེ་རིན་ཆེན་རྡོ་རྗེ་ལ།། སྤྱན་རས་གཟིགས་ལ་རྡོ་རྗེ་སྐུ།། ནོར་བུ་ནོར་བུ་འཛིན་པ ་དེ་ནས་མཆོག་དང་པོའི་ཕྱག་མཚན་གྱི་དེ་ཁོ་ན་ཉིད་དོ། ། ཀུན་མཆོག་དངོས་གྲུབ་ཆེན་པོ་ཡི།། དབང་ཕྱུག་ཆེན་པོའི་མཚོན་ཆ་ཆེ།། གསང་བ་ལྔ་ཡི་དེ་ཉིད་ཆེ།། རྡོ་རྗེ་རྩེ་ལྔ་ཞེས་བརྗོད་དོ།། ་དེ་ནས་རིགས་ཐམས་ཅད་ཀྱི་ཕྱག་མཚན་གྱི་དེ་ཁོ་ན་ཉིད་ཅེས་པ་ནི། སངས་རྒྱས་ཐམས་ཅད་སངས་རྒྱས་ཉིད།། སྣ་ཚོགས་བྱ་བ་རྡོ་རྗེ་ཅན།། འཇིག་རྟེན་དབང་ཕྱུག་རྡོ་རྗེ་ཆོས།། ནོར་ན ་བུ་བསགས་པའོ། ། ཞེས་བྱ་བ་དབང་བསྐུར་བ་ཐམས་ཅད་ཀྱི་ཕྱག་མཚན་གྱི་དེ་ཁོ་ན་ཉིད་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ལ་ཇི་ལྟར་ཐམས་ཅད་དགུག་པའི ་རྒྱུད་ཡིན་ཞེ་ན། རྟོག་པ་ཀུན་གྱི་གསང་ཚོན་གྱིས།། རྡོ་རྗེ་ལྕགས་ཀྱུ་དྲིལ་བཅས་པས།། བཀུག་སྟེ་དེ་ནས་རྗེས་སྒྲུབ་པ།། དྲིལ་བུ་ཉིད་ཀྱི་བྱ་བ་ཡིན།། ཇི་ལྟར་མཆོད་པ་ཐམས ་ཅད་ཀྱི་ཆོ་ག་ཡིན་ཞེ་ན། རྟོག་པ་ཀུན་གྱི་གསང་ཆེན་གྱི།། རབ་ཏུ་དགའ་བས་མཆོད་ནས་ནི།། གླུ་དང་རོལ་མོ་རྣམས་འཕྲུལ་པས།། མཆོད་དེ་སླར་ཡང་རྣལ་འབྱོར་མཆོད།། དེ་ལ ་ལྷར་དངོས་གྲུབ་ཐམས་ཅད་བྱིན་གྱིས་བརླབས་པའི་དམ་ཚིག་ཆེན་པོའི་དེ་ཁོ་ན་ཉིད་ཡིན་ཞེ་ན། རྟོག་པ་ཀུན་གྱི་གསང་ཆེན་གྱི།། ཕྱག་རྒྱ་ཀུན་གྱིས་ལེགས་བྱིན་བརླབས།། དམ་ཚིག་ཆེན་པོའི ་འདི་ཉིད་ཀྱིས། ། རང་ཉིད་བསྒྲུབས་ནས་སྙིང་པོ་བཟླས།། ཐོག་མཐའ་མེད་པའི་སེམས་དཔའ་ནི།། རྡོ་རྗེ་སེམས་དཔའ་དགའ་བ་ཆེ།། ཀུན་ཏུ་བཟང་པོ་ཀུན་བདག་ཉིད།། རྡོ་རྗེ་བསྙེམས ་བའི་བདག་པོའི་བདག། ཅེས་བྱ་བའི་མཆོག་དང་པོའི་སྐྱེས་བུའོ།། དེ་ལ་ཇི་ལྟར་རང་ལྷག་པའི་ལྷ་ཐམས་ཅད་ཀྱི་སྒྲུབ་པ་ཆེན་པོའི་རྒྱུད་ཡིན་ཞེ་ན། བརྟན་པ་དང་ནི་གཡོ་བ་དང་།། རྟོག ་པ་ཀུན་ལས་བསྒྲུབ་བྱ་གང་། ། རང་གི་ལྷག་པའི་ལྷ་སྦྱོར་བས།། དེ་དག་ཐམས་ཅད་བསྒྲུབ་པར་བྱ།། དེ་ནས་ཐམས་ཅད་རྗེས་སུ་སྒྲུབ་པའི་རྒྱུད་ནི། རྡོ་རྗེ་དྲིལ་བུ་འཛིན་གྱུར ་ནས། ། རྡོ་རྗེ་དྲིལ་བུས་རབ་སད་ཅིང་།། རྟོག་པ་ཐམས་ཅད་རྗེས་སྒྲུབ་པས།། མཆོག་དང་ལ་སོགས་འགྲུབ་པར་འགྱུར།། དེ་ལ་ཇི་ལྟར་འབད་པ་མེད་པ་ཐམས་ཅད་སྒྲུབ ་པའི་རླུད་ཡིན་ཞེ་ན། བསྒྲུབ་བུ་ཅི་འདོད་བསྒྲུབས་ནས་ནི།། ཕྱི་ནས་ཇི་ལྟར་འདོད་པ་ཡིས།། ཅི་འདོད་སྤྱོད་པ་ལ་སྤྱོད་ཅིང་།། ཐམས་ཅད་བྱེད་ཅིང་ཐམས་ཅད་བཟའ ་ལངས་པའམ་ནི་འདུག་པ་འམ། ། གང་དང་དེ་རུ་འཆག་པ་འམ།། དགོད་པ་དང་ནི་སྨྲ་བ་འམ།། གང་དེར་ཅི་བཞིན་དེ་བཞིན་ནོ།། དབང་པོ་གང་དང་གང་ལམ་འགྱུར། ་དེ་དང་དེ་ཡི་ངོ་བོར་བྱ།། མཉམ་པར་བཞག་ནས་རྣལ་འབྱོར་གྱིས།། རང་གི་ལྷག་པའི་ལྷ་སྦྱོར་བྱ།། དེ་ཉི་རྣལ་འབྱོར་འདི་ཡིས་ནི།། ཐམས་ཅད་ཉིད་ནི་བསྒྲུབ་པར་བྱ།། སངས་རྒྱས་ཀུན ་དངོས་ཐམས་ཅད་ནི། ། རྟག་ཏུ་མཐོང་ཞིང་གྲུབ་པར་འགྱུར།། དམ་ཚིག་ཆེན་པོ་དེ་ཉིད་ནི།། མཁས་པ་གང་ཞིག་དད་པས་ཀློག། དེ་ནི་སྡིག་ཀུན་དང་བྲལ་བས།། དངོས་གྲུབ་ཀུན ་གྱིས་དབང་ཕྱུག་འགྱུར། ། ཞེས་བྱ་བ་དམ་ཚིག་ཆེན་པོའི་དེ་ཁོ་ན་ཉིད་དོ།། དེ་ལྟར་དཔལ་མཆོག་དང་པོའི་ཆོ་ག་མ་ཉམས་མཆོག་གི་བླ་མ་གསལ།། མཆོག་ཏུ་གསང་བ་སྒྲུབ་པའི་ཆོ་ག ་བདེ་མཆོག་མྱུར་དུ་གྲུབ་ཕྱིར་གསོལ། ། རྡོ་རྗེ་མཆོག་འཛིན་དང་བཅས་བདེ་གཤེགས་སྲས་བཅས་རྣམས་ཀྱིས་བྱིན་བརླབས་པ།། བདེ་ཆེན་དམ་པ་རྡོ་རྗེ་འཛིན་པ་དགའ་ཆེན་མཆོག་གིས་དེ ་གསུངས་སོ། ། དཔལ་མཆོག་དང་པོ་ལས་མཆོག་ཏུ་གསང་བའི་ཆོ་ག། དེ་ནས་སྟོན་པ་རྡོ་རྗེ་འཛིན།། མཁའ་ལྷར་ཐུག་མེད་ཀུན་ཏུ་འགྲོ།། སངས་རྒྱས་ཀུན་གྱིས་བསྟོད་ནས་ནི། ་རྟོག་པའི་མཐར་ཐུག་དོན་གསུངས་སོ།། བདག་གི་སྙིང་པོ་དང་འདི་མཆོག་ཆེན་པོའོ།། བདེ་ཆེན་མཆོག་གི་མཆོག་དང་རྗེས་སུ་ཆགས་པ་ཆེ།། ཀུན་མཆོག་སེམས་དཔའ་རྣམས་ཀྱི ་རྟག་ཏུ་འབྱུང་གནས་ནི། ། ཀུན་མཆོག་འབྱོར་པའི་དབང་ཕྱུག་གསོ་བ་ཡིན།། མཐའ་ཡས་པ་དང་ཐོག་མེད་མཐར་ཐུག་མེད་པ་ནི།། མཆོད་བྱ་ཆེན་པོ་ཐམས་ཅད་རྣམས་ཀྱི་ཚུལ་ཆེན་པོ། ་ནམ་མཁའ་དང་མཚུངས་མཆོག་གི་དངོས་འཕེལ་གསོལ།། དེ་ནི་སུས་ཀྱང་མཐར་ཐུག་བྱེད་པར་ནུས་པ་མིན།། སེམས་ཅན་རྣམས་ནི་དམན་ལ་ཞེན་ཅིང་ཉུང་ལ་དགའ།། དད་པ་མེད ་ཅིང་སླུ་བ་བྱེད་ལ་མ་སྦྱངས་པ། ། རྟག་ཏུ་རྗེས་སུ་ཆགས་ཤིང་ཆགས་བྲལ་ལ་ཆགས་པ།། དེ་རྣམས་ལ་ནི་ཕན་ཕྱིར་འདི་ནི་མཐར་ཐུག་པའོ།། གང་གི་ཁྱིམ་ན་འདི་གནས་གང་གིས་རབ ་ཏུ་སྒྲུབ་པ་འམ། ། ཡང་ན་ཇི་བཞིན་གསུངས་པ་རྟག་ཏུ་འདིར་སྒྲུབ་བྱེད།། སོ་སོར་ཉམས་སུ་མྱོང་བའི་མཐུ་ཡིས་ཐམས་ཅད་དུ།། བདུད་ཀྱི་ལ་སོགས་རྣམས་ཀྱིས་དེ་ནི་གནོད་མི་ནུས། ་རྡོ་རྗེ་འཆང་སོགས་སྐུ་ནི་གང་གིས་སྒྲུབ་བྱེད་པ།། གཟུགས་བརྙན་ལ་སོགས་ཐམས་ཅད་འདིར་ནི་ཇི་བཞིན་གསུངས།། དེས་ནི་ཐམས་ཅད་སོ་སོར་ཉམས་མྱོང་ནུས་པར་ལྡན།། ་བདུད་ཀྱིལ་སོགས་རྣམས་ཀྱིས་དོན་གནོད་མི་ནུས།། གང་ཞིག་རྡོ་རྗེ་ལ་སོགས་གཟུགས་བརྙན་ལ་སོགས་པ།། ཇི་ལྟར་འདོད་པ་འདི་དག་ཐམས་ཅད་སྒྲུབ་པར་བྱེད།། རབ་ཏུ ་འདོད་པས་ཡི་གེ་ཧཱུཾ་ལས་བྲིས་ནས་ནི། ། འདོད་པའི་དངོས་གྲུབ་དེ་ཡིས་སྟེར་ཞིང་ཐོབ་པར་འགྱུར།། རྒྱལ་པོ་རྣམས་ཀྱིས་རྣམ་པར་སྦྱངས་པར་མཛད་པ་ནི།། གང་ལ་དོན་ཀུན་དག ་ཕྱིར་མཛད་པར་མི་འགྱུར་མིན། ། འདིར་ནི་བགེགས་བྱེད་བདུད་རྣམས་ཀྱང་ནི་ཡོད་མ་ཡིན།། རྟོགས་པས་དངོས་གྲུབ་འཕེལ་ཞིང་བྱིན་གྱིས་བརླབས་པ་ཡིན།། ་ནི་བདུད་ཉིད་མི་འགྱུར་བརྟན་མེད་ཉིད་མི་འགྱུར།། བརྟན་པ་ཉིད་ཕྱིར་དང་ནི་བརྟན་པར་མཛད་པ་ཡིན།། རྟག་པ་འདི་ནི་མཆོག་ཆེན་གང་གིས་སྒྲུབ་བྱེད་པ།། དེ་ལ་ང་ནི་དངོས་གྲུབ་མྱུར ་དུ་སྒྲུབ་པར་བྱེད། ། དངོས་གྲུབ་ཆེན་པོ་ལ་ཐམས་ཅད་དུ་རྗེས་སུ་ཆགས་ཤིང་ཤིན་ཏུ་མཉེས་པ་དང་། ཤིན་ཏུ་བརྟན་པ་དང་། ཤིན་ཏུ་རྒྱས་པ་དང་། རྟག་ཏུ་རྒྱ་ཆེ་བར་འགྱུར་བ ་ཡིན་ནོ། ། གང་ཞིག་མཆོག་གི་རྒྱལ་པོའི་སྙིང་པོ་སྒྲུབ་བྱེད་པ།། རྒྱལ་བ་ཐམས་ཅད་དགྱེས་ཤིང་རྒྱལ་བ་དགྱེས་པར་མཛད།། དེ་དག་གྲགས་པ་ཆེན་པོ་ཐོབ་ནས་བདེ་བའང་ཐོབ།། དེ ་ཕྱིར་འདི་ལ་དད་ཅིང་གུས་པར་བྱ་བ་ཡིན། ། དེ་ནས་རྒྱལ་བ་རྣམས་ཀྱིས་བཅོམ་ལྡན་འདས་ལ་ལེགས་སོ་ཞེས་བྱ་བ་བྱིན་ཏེ། ཡབ་མཆོག་སངས་རྒྱས་སྲས་ནི་ལེགས་སོ་ལེགས།། སྲས ་མཆོག་སངས་རྒྱས་སྲས་ནི་ལེགས་སོ་ལེགས། ། རྡོ་རྗེ་མཆོག་ནི་རྡོ་རྗེ་འབྱུང་བ་ལེགས།། དམ་པའི་ཆོས་ཀྱི་བདག་ཉིད་ལེགས་སོ་ལེགས།། སངས་རྒྱས་རྣམས་ཀྱིས་ཡང་དག ་བྱིར་བརླབས་པ། ། རྟག་ཏུ་མི་འགྱུར་དོན་ཡོད་གྲུབ་པ་ཆེ།། ཇི་ལྟར་དང་པོའི་གྲུབ་པ་དེ་བཞིན་དུ།། ཕྱིས་ནས་ཀྱང་ནི་དེ་བཞིན་གྲུབ་པར་འགྱུར།། དེ་ལྟར་ངག་ཆེན་གསུངས་ནས་ནི། ་སྐུས་དང་བཅས་པའི་སངས་རྒྱས་རྣམས།། རྡོ་རྗེ་སེམས་དཔའ་ཆེན་པོ་ཡི།། གསུང་ལ་རྗེས་སུ་ཡི་རང་མཛད།། དཔལ་མཆོག་དང་པོ་ལས། རྟོག་པའི་དྲལ་པོ་ཐམས་ཅད་ཀྱི་མཆོག་རྫོག ་སོ། ། །། ཐུགས་དམ་སའི་སྙིང་པོ་ཐོ་ལིང་དུ་རྒྱ་གར་གྱི་མཁན་པོ་པཎྜི་ཏ་མཁས་པ་ཆེན་པོ་མནྟ་ཀ་ལ་ཤ་དང་། སྒྲ་བསྒྱུར་གྱི་ལོ་ཙ་བ་ལྷ་བཙན་པོ་དགེ་སློང་བླ་མ་ཞི་བའི་འོད་ཀྱི ་ཞལ་སྔ་ནས་བསྐུར་ཅིང་ཞུས་ཏེ་གཏན་ལ་ཕབ་པ། ལོ་ཙ་ཆེན་པོ་རིན་ཆེན་བཟང་པོ་ཡི།། དཔལ་མཆོག་དང་པོའི་རྒྱུད་འདི་བསྐུར་བ་ལ།། བར་བར་དཔེ་མ་རྙེད་པས་མ་འགྱུར་ནས།། བདག ་གིས་འབད་པས་དཔེ་བཙལ་རྙེད་པས་བསྒྱུར། ། རྒྱ་གར་སྐད་དུ། ཨཱརྱ་བྲྀཛྙཱ་པཱ་ར་མི་ཏཱ་ན་ཡ་ཤ་ཏ་པཉྩ་ད་ཤ་ཀ། བོད་སྐད་དུ། འཕགས ་པ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་བརྒྱ་ལྔ་བཅུ་པ། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ།། འདི་སྐད་བདག་གིས་ཟོས་པ་དུས་གཅིག་ན། བཅོམ ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་མཁྱེན་པའི་བྱེ་བྲག་རྣམ་པ་ཐ་དད་པ་དང་ལྡན་པ། དེ་བཞིན་གཤེགས་པ་རིན་པོ་ཆེ་ཐམས་ཅད་ཀྱི་ཅོད་པན་གྱིས་ཁམས་གསུམ་དུ་དབང་བཅུ ་རྫོགས་པ། དེ་བཞིན་གཤེགས་པ་ཐམས་ཅད་ཀྱི་མ་ཐམས་ཅད་མཁྱེན་པའི་ཡེ་ཤེས་དང་ལྡན་པ། རྣལ་འབྱོར་ཅན་ཆེན་པོའི་དབང་ཕྱུག། དེ་བཞིན་གཤེགས་པ་ཐམས་ཅད་ཀྱི་ཕྱག ་