Wylie

e-texts produced with BDRC’s OCR application

གཤིན་རྗེ་གཤེད་ཀྱི་འཁོར་ལོ་བྲི་བའི་ཆོ་གའོ། ། རྫོགས་སོ།། ། དེ་ནས་གཞན་ཡང་བཤད་པ་ནི།། ལས་ཀྱི་འགྲོགས་ཀྱིས་བྱེད་པ་སྟེ།། ཞི་བའི་ལས་ནི་བླ་བ ་ཡིན། ། རྒྱས་པ་དེ་བཞིན་མིག་ཏུ་བསྒྲགས།། དབྱེ་བ་ཡོན་ཏན་ཞེས་བྱ་སྟེ།། དབང་དུ་བྱ་བ་རིག་བྱེད་ཡིན།། དགུག་པའི་ལས་ལ་དེ་བཞིན་མངའ།། བསྐྲད་དང་མནན་པ་དབང་པོ ་བཞིན། ། མནན་པའི་རྗེས་སུ་འབྲངས་པ་ཡིས།། གསད་པའི་ལས་ནི་རྒྱ་མཚོར་འདོད།། ལས་རྣམས་དེ་དག་རེ་རེ་ཡང་།། འཕགས་ཚོགས་མཆོད་སྦྱིན་དང་པོ་སྟེ།། ཉི་མ་གཉིས ་པ་གཏོར་མ་སྦྱིན། ། གསུམ་པ་བཟླས་པ་རྣམ་པར་འབད།། བཞི་པ་སྦྱིན་སྲེག་ཚང་བར་བྱ།། ལྔ་པ་ལས་ཀྱི་འཁོར་ལོ་བསྐོར།། དྲུག་པ་བསམ་གཏན་རྩེ་གཅིག་བྱ།། བདུན་པ ་ལས་ཀྱི་ལྷག་ཆད་བསྐང་། ། གྲངས་ཀྱི་ལས་ལ་ཁྱད་པར་དུ།། ལས་ཀྱི་གཙོར་ནི་གང་སྒྲུབ་དེའི།། འཁོར་ལོ་བསྐོར་བ་ཉི་མ་བཞི།། ལས་ཀྱི་བྱེ་བྲག་འདི་ཤེས། ་ན།། ཞི་བས་འཇིགས་པ་བརྒྱད་ལས་སྐྱོབ།། རྒྱས་པ་ཡོན་ཏན་དྲུག་དང་འབྱོར།། དབང་གི་མོས་པ་རྣམ་བཞིར་བསྒྱུར།། དབྱེ་བས་གསང་སྡེ་བརྒྱད་དང་འབྱེད།། མནན་པས་དབང་པོ ་དྲུག་འཆིང་བྱེད། ། གཞན་ཡང་ཇི་ལྟ་དེ་བཞིན་དུ།། སྔགས་དང་རྫས་ཀྱི་སྦྱོར་བ་ལ།། དཔྱད་ན་དངོས་གྲུབ་མི་འགྲུབ་སྟེ།། གལ་ཏེ་ཡིད་གཉིས་ཟ་གྱུར་ཏམ།། བསམ་པ་འགྱུར་རམ་དད ་པ་ཉམས། ། དེ་ཚེ་དངོས་གྲུབ་ཉེ་བ་ཡང་།། ཕྱིར་བཟློག་འགྱུར་བར་གདོན་མི་ཟ།། དད་པ་བརྟན་པར་བསྒྲུབས་པས་ན།། ནམ་མཁའ་མེད་པར་གྱུར་ན་ཡང་།། སྔགས་ཀྱི་དངོས་གྲུབ ་མེད་མི་སྲིད། ། ལྷ་དང་དྲང་སྲོང་གིས་བཤད་པའི།། རིག་སྔགས་བསླུ་བ་མི་སྲིད་ན།། འདོད་ཆགས་བྲལ་བས་བཤད་པ་ཡི།། གསང་སྔགས་སྦྱོར་བས་བསླུ་བ་ནི།། མ་བྱུང ་འབྱུང་བར་མི་འགྱུར་རོ། ། ཆོས་ཉིད་བསམ་གྱིས་མི་ཁྱབ་པའི།། དོན་ལ་ཐེ་ཚོམ་མེད་པ་ཡི།། མཁས་པ་ལ་ནི་དངོས་གྲུབ་ཉེ།། རྟོག་ཅིང་དཔྱོད་པའི་རྟོག་གེ་པ།། དེ་ལ་གྲུབ་པའི ་དངོས་གྲུབ་རིང་། ། མན་ངག་དམ་པ་བསྟན་བྱས་ཀྱང་།། སློབ་མ་ཡིད་གཉིས་ཟ་གྱུར་ན།། དེ་ལ་དངོས་གྲུབ་རིང་བར་བཤད།། བླ་མས་མནག་སྦས་བྱས་ཀྱང་།། སློབ་མ་ཡིད་གཉིས ་མི་ཟ་ཞིང་། ། བླ་མའི་མན་ངག་དམ་པ་ཞེས།། གཅེས་སྤྲས་བྱས་ན་འགྲུབ་པར་ངེས།། དེ་ཡི་ཕྱིར་ན་སྔགས་པ་ཡིས།། རང་གི་ཡིད་གཉིས་སྤང་བའི་ཕྱིར།། བླ་མ་མཉེས་པར་བྱ་བ ་གཅེས། ། བསྙེན་བཀུར་བྱས་པས་ནུས་མཐུ་ཆེ།། གསང་སྟེ་བརྗོད་པས་བར་ཆད་མེད།། ཡོན་ཏན་ཕུལ་བ་བྱས་པས་ནི།། རང་སེམས་རིན་ཆེན་རྣམ་གཉིས་འགྱུར།། རིན་ཆེན་གཉིས་ལ ་གྲུབ་པར་འབྱུང་། ། དཀོན་པར་གྱུར་ན་བསྔགས་པ་བརྗོད།། བསྔགས་ན་ཡོན་ཏན་འབྱུང་འགྱུར་ཏེ།། བསྔགས་པ་དག་ནི་མ་བྱས་ན།། ཇི་ལྟར་ཡིད་བཞིན་ནོར་བུ་ཡང་།། གང་གིས་བསྔགས ་པ་མ་བྱས་ན། ། དེ་ལ་འདོད་དོན་མི་སྟེར་རོ།། དད་པ་སངས་རྒྱས་དད་པ་ཆོས། དད་པ་དགེ་འདུན་དད་པ་མ།། དད་པ་བླ་མ་དད་པ་པ། དད་པ་ལམ་ཆེན་དང་པ་གྲུ།། དད་པ་ཡིད་བཞིན ་ནོར་བུ་སྟེ། ། དད་པ་གསང་སྔགས་དངོས་གྲུབ་ཉིད།། དད་པ་བསོད་ནམས་ནོར་ཡིན་ཏེ།། དེ་ཡི་ཕྱིར་ན་སྔགས་པ་ཡིས།། རང་སེམས་དད་པ་བསྐྱེད་པའི་ཕྱིར།། གཞན་ལ་གུས་པ་མཆོག ་ཏུ་བཀུར། ། རྫོགས་སོ།། །། དེ་ནས་གཞན་ཡང་བཤད་བྱ་བ།། སྔགས་པས་རྟག་ཏུ་བརྟེན་པ་ནི།། རུ་སྔལ་འོ་མ་ཞེས་བྱ་བ།། དེ་བཞིན་འོད་ཀྱི་ལོ་མ་དང་།། འཇིམ ་