| Wylie | e-texts produced with BDRC’s OCR application |
དཔལ་ལཱ་ལི་ཏ་བཛྲ་ས་བཏོན་ནས་མཛཔ་རྫོགས་སོ། ། ། རྒྱ་གར་གྱི་པཎྜི་ཏ་མཆོག་གི་དངོས་གྲུབ་བརྙེས་པ་བྷ་རོ་ཕྱག་རྡུམ་གྱི་ཞལ་སྔ་ནས་དང་། བོད་ཀྱི་ལོ་ཙ་བ་དགེ་སློང ་རྡོ་རྗེ་གྲགས་ཀྱིས་བསྒྱུར་@བཅོམ་ལྡན་འདས་དཔལ་གཤིན་རྗེ་གཤེད་ལ་ཕྱག་འཚལ་ལོ། ། དོན་དམ་ཆོས་སྐུ་ཞི་བ་ཉིད།། གང ་འདིར་ཁམས་གསུམ་རྣམ་རྒྱལ་ཏེ། ། གཤིན་རྗེ་དགྲ་ཞེས་གྲགས་པ་ཡི།། འཁོར་ལོ་བསྐོར་བའི་ཆོ་ག་བཤད།། ཡོན་ཏན་ལྡན་པའི་སྔགས་པ་ཡིས།། ཆོ་ག་བཞིན་དུ་མཉེས་པར་བྱ།། ་དུར་ཁྲོད་དབེན་པ་ལ་སོགས་པར།། དཀྱིལ་འཁོར་ཁྲུ་དོ་ཚད་དུ་བྱ།། དྲི་དང་བ་ཡི་རྣམ་ལྔ་དང་།། ཉི་ཟླ་སོགས་པ་བྱི་དོར་བྱ།། བ་གླང་ལ་སོགས་དམ་རྫས་ལྔ།། གཞན་ཡང་ཚོགས་ཀྱི ་འཁོར་ལོ་དང་། ། ཕྱི་ནང་ཕྱེད་པའི་བྱེ་བྲག་གིས།། ལེགས་པར་མཆོད་པ་བྱས་ནས་ནི།། འཁོར་ལོ་བྲི་དང་བཏུ་བ་དང་།། དྲང་བ་དང་ནི་སྤོ་བ་བརྩམས།། སྔགས་པ་རྣལ་འབྱོར་ལྡན་པ ་ཡིས། ། ལྷོ་ཡི་ཕྱོགས་སུ་ཁ་བལྟས་ཏེ།། དམ་ཚིག་རྗེས་སུ་དྲན་པ་ཡིས།། ཨོཾ་བཛྲ་ས་མ་ཡ་སྟྭཾ། གསང་སྔགས་འདི་ནི་རྗེས་དྲན་བྱེད།། འཁོར་ལོ་བྲི་བ་བརྩམ་པར་བྱ།། ་དབུས་ནས་སོར་ཚད་བཅུ་དྲུག་པར།། ཀུན་ནས་ཟླུམ་པོས་བསྐོར་ན་ནི།། འདི་ནི་ནང་གི་དཀྱིལ་འཁོར་ཏེ།། རིམ་པ་གསུམ་དུ་བསྐོར་བ་ལ།། སྒོ་མེད་ལྕགས་མཁར་བཅུ་དྲུག་བྱ ་འདི་ནི་གཤིན་རྗེའི་གྲོང་ཁྱེར་ཏེ། ། སྲིད་པ་གསུམ་གྱི་འཇུགས་ས་ཡིན།། དེ་ཡི་ཕྱི་རིམ་མུ་ཁྱུད་གསུམ།། ཀུན་ཏུ་ལྕགས་རིས་བསྐོར་བ་སྟེ།། མུ་ཁྱུད་དེ་དག་རེ་རེ་ཡང་།། ཁང་པ ་སུམ་ཅུ་གཉིས་དང་ལྡན། ། འགྲོ་བའི་ཆོས་བཞིན་གསོད་པ་ཡི།། འཁོར་ལོ་འདི་ལྟར་བྲིས་ནས་ནི།། ཕྱི་རོལ་མུ་ཁྱུད་མཐའ་མ་ལ།། ཡི་གེ་ཀ་སོགས་ད་ཡིག་མཐར།། ངཉ ་བསལ་ནས་དགོད་པར་བྱ། ། ཡི་གེ་དྷ་སོགས་ཀཱ་ཡིག་མཐར།། དེ་ཡི་རྗེས་སུ་བྲི་བར་བྱ།། མུ་ཁྱུད་དབུས་མ་དག་ལ་ནི།། དབྱངས་ཡིག་བཅུ་གཉིས ་ཉིས་འགྱུར་དགོད། ། བཏུ་དང་དགོད་སོགས་རྩོམ་པ་ན།། མཚན་མ་འདི་དག་ཤེས་པར་བྱ།། ཟླ་བ་མིག་དང་ཡོན་ཏན་དང་།། རིག་བྱེད་མདའ་དང་དབང་པོ་དང་།། རྒྱ་མཚོ་བཀྲ་ཤིས ་གཟའ་དང་ཕྱོགས། ། དྲེགས་པ་ཉི་མ་ཡན་ལག་སོགས།། ཚེས་ཞེས་བྱ་བར་རབ་ཏུ་གྲགས།། ཕྱི་རོལ་མུ་ཁྱུད་མཐའ་མ་ལ།། ཤར་གྱི་ཚངས་ཐིག་ནས་བརྩམས་ནས།། རིམ་མིན ་གཟའ་ཅན་ཁང་པ་ནས། ། ཡི་གེ་བཀྲ་ཤིས་ཙམ་བླངས་ཏེ།། ནང་གི་ངོས་ཀྱི་མུ་ཁྱུད་ཀྱི།། ཚངས་ཐིག་གི་ནི་ངོས་དག་ལ།། ཕྱོགས་བཞིར་དམིག་གི་ཚད་དུ་སྦྱིན།། རིམ་མིན་ཕྱོགས་ཅན ་ཁང་པ་ནས། ། ཡི་གེ་དམིག་གི་ཚད་བླངས་ཏེ།། ཤར་དུ་དེའི་གཡས་གཡོན་གཞག། རིམ་མིན་བཀྲ་ཤིས་ཁང་པ་ནས།། དབྱངས་ཡིག་གཉིས་པ་ཅན་བླངས་ནས།། མིག་གི་ཚད་དུ་བྱས ་ནས་ནི། ། དེ་ཡི་ངོས་ལ་རེ་རེ་གཞག། ནུབ་ཀྱི་ཚངས་ཐིག་ནས་བགྲངས་པའི།། རྒྱ་མཚོ་ཅན་གྱི་ཁང་པ་ནས།། དབྱངས་ཡིག་བཅུ་གཅིག་པ་ལྡན་པ།། དམིག་གི་ཚད་དུ་བླངས་ནས་ནི།། ལྷོ་ཡི ་ངོས་སུ་དེ་བཞིན་སྦྱིན། ། ནུབ་ནས་རིམ་པ་མིན་པའོ།། ཟླ་བ་ཅན་གྱི་ཁྱིམ་ནས་ནི།། དབྱངས་ཡིག་བཅུ་གསུམ་པ་ལྡན་པ།། མིག་གི་ཚད་དུ་བླངས་ནས་ནི།། ལྷོ་ངོས་དེ་རྗེས་སྦྱིན་པར་བྱ།། ་དེ་ཉིད་དབྱངས་ཡིག་གསལ་བ་ནི།། མིག་གི་ཚད་དུ་བླངས་ནས་ཀྱང་།། སྔོན་སྦྱིན་ནུབ་ཀྱི་ངོས་སུ་སྦྱིན།། ནུབ་ནས་བཀྲ་ཤིས་ཁང་པ་ནས།། དབྱངས་ཡིག་བཅུ་གསུམ་པ་ལྡན་པ།། མིག་གི་ཚད ་དུ་བླངས་ནས་ནི། ། ནུབ་ཀྱི་ངོས་སུ་དེ་བཞིན་སྦྱིན།། བྱང་ནས་བཀྲ་ཤིས་ཁང་པ་ནས།། དབྱངས་ཡིག་བཅུ་གཅིག་པ་ལྡན་པ།། དམིག་གི་ཚད་དུ་བླངས་ནས་ནི།། བྱང་གི་ངོས་ལ་དེ་བཞིན་སྦྱིན།། ་རླུང་གི་ས་བོན་ཞེས་བྱ་བ།། མིག་གི་ཚད་བླངས་དེ་བཞིན་སྦྱིན།། མདའ་ཅན་ཁང་པ་ན་གནས་པའི།། འོད་ཀྱི་གོང་བུར་བྱས་པ་དང་།། དེ་ཉིད་ནས་ནི་བགྲངས་པ་ཡི།། གཟའ་ཅན་ཁང་པ་ལ ་གནས་པ། ། དབྱངས་ཡིག་གཉིས་པ་ལྡན་པ་དག། ཟླ་བའི་ཚད་དུ་བླངས་ནས་ནི།། བྱང་ཤར་མཚམས་སུ་རེ་རེ་སྦྱིན།། རྒྱ་མཚོའི་ཁང་པ་ལ་གནས་པ།། དབྱངས་ཡིག་གཉིས་པ་ལྡན་པ་དག ་རིམ་མིན་ཡོན་ཏན་ཁང་པ་ནས། ། ཟླ་བའི་ཚད་དུ་བླངས་ནས་ནི།། ཤར་ལྷོ་མཚམས་སུ་དེ་བཞིན་སྦྱིན།། རིམ་མིན་བཀྲ་ཤིས་ཁང་པ་ནས།། དབྱངས་ཡིག་ལྔ་པ་ལྡན་པ་དག། ཡན་ལག་ཅན་གྱི་ཁང ་པ་ནས། ། ཟ་བའི་ཚད་དུ་བླངས་ནས་ནི།། ལྷོ་ནུབ་མཚམས་སུ་དེ་བཞིན་སྦྱིན།། རིམ་མིན་ཚེས་ཅན་ཁང་པ་ནས།། དབྱངས་ཡིག་གསུམ་པ་ལྡན་པ་དང་།། རིམ་མིན་བཀྲ་ཤིས་ཁང་པ་ནས།། ་ཟླ་བའི་ཚད་དུ་བླངས་ནས་ནི།། བྱང་ཤར་མཚམས་སུ་དེ་བཞིན་སྦྱིན།། དེ་ལྟར་དགོད་པར་བྱས་ནས་ནི།། དེ་ནས་དྲང་བ་བརྩམ་པར་བྱ།། དམ་ཚིག་རྗེས་སུ་དྲན་བྱེད་ཅིང་།། རྡོ་རྗེ་ཤུགས་དང་ལྡན་པ་ཡི།། ་ཤར་གྱི་ཚངས་ཐིག་ངོས་གཉིས་ནས།། ཡི་གེ་ཟུང་ལྡན་དྲངས་ནས་ནི།། དབུས་ཀྱི་ཁང་པར་གཞབ་པར་བྱ།། ཕྱོགས་གཞན་ཚངས་ཐིག་ངོས་དག་ན།། དེ་བཞིན་ཟུང་ལྡན ་དྲངས་ནས་ནི། ། དེ་བཞིན་དབུས་ཀྱི་ཁང་པར་གཞག། དེ་ན་ཤར་གྱི་ཡི་གེ་ཡང་། རིམ་པ་གཉིས་པའི་ཁང་པར་དྲངས།། ཕྱོགས་གཞན་དུ་ཡང་དེ་བཞིན་ནོ།། ཤར་གྱི་ཟུང་ལྡན་གསུམ་པ་ཡང་།། ་རིམ་པ་གསུམ་པའི་ཁང་པར་དྲང་།། ཕྱོགས་གཞན་དུ་ཡང་དེ་བཞིན་ནོ།། མཚམས་ཀྱི་ཡི་གེ་ཡ་བྲལ་འདིས།། རང་རང་གི་ནི་མཚམས་སུ་དྲང་།། དེ་དག་ཕྱུང་བའི་ཁོང་སྟོང་དུ།། དབྱངས་ཀྱི་ཡི་གེ ་དྲང་བར་བྱ། ། དབྱངས་ཀྱི་ཡི་གེ་བཞི་ལ་ནི།། མིང་གི་ཡི་གེ་དྲང་བར་བྱ།། སོ་སོའི་ལས་དང་མཐུན་པ་ཡི།། བསྐུལ་བའི་ཡི་གེ་དགོད་པར་བྱ།། གསད་དང་བསྐད་དང་དབྱེ་བ་ལ།། ཡི་གེ་ཕཊ་ནི ་གཞག་པར་བྱ། ། མནན་པ་ལ་ཡང་ཡི་གེ་ལཾ།། ཞི་བ་ལ་ནི་ཡི་གེ་ཨཽ།། རྒྱས་པ་དེ་བཞིན་ཡི་གེ་སྭ།། དབང་ལ་བོ་གྱིས་བརྒྱན་པ་སྟེ།། འགུག་པ་ལ་ནི་ཡི་གེ་ཛ།། དེ་ལ་ལས་ཀྱི་འོད་ཟེར་ནི།། ་ཞི་བ་ཆུ་སྟེ་རྒྱས་པ་ས།། དབང་ནི་རླུང་སྟེ་དྲག་པོ་མེ།། དབྱེ་དགུག་བསྐྲད་པ་དབང་དང་མཐུན།། མནན་པ་དག་ནི་རྒྱས་པ་བཞིན།། དྲང་བའི་སྦྱོར་བ་བྱས་ནས་ནི།། བསྲེ་བའི་སྦྱོར་བ་བརྩམ་པར་བྱ།། ་གཉིས་མེད་སྔགས་དང་ལྡན་པ་ཡིས།། དབུས་ཀྱི་བཀྲ་ཤིས་ཡི་གེ་ཡང་།། ཟླ་ལྟར་འོད་ཀྱི་གོང་བུར་བྱ།། སྔགས་ཀྱི་རྒྱལ་པོ་བཅུ་པ་ཡང་།། འོད་ཀྱི་གོང་དུ་དེ་ནང་དུ། འདོད་པའི་བསྒྲུབ་བྱ་གཞག ་པར་བྱ། ། དེ་དཀྱིལ་རང་མིང་དང་པོར་གཞག། ཕྱོགས་ཀྱི་ཁྱིམ་ན་གནས་པ་ཡི།། ཡི་གེ་ཟུང་མ་ཐམས་ཅད་དང་།། དེ་ཚེ་འོད་ཀྱི་གོང་བུར་བལྟ།། སྔགས་ཀྱི་རྒྱལ་པོ་བཅུ་པ་ཡང་།། བཅུ་གཉིས་ཁྱིམ ་དུ་སྤེལ་ཏེ་ཟི། ། བྱིན་རློབ་ཧཱུཾ་ཞེས་བྱ་བ་ཡང་།། ཁང་པ་རེ་ལ་ཟུར་རེས་ཀྱེ།། ཡོངས་སུ་དག་པ་དགོད་བྱས་ནས།། མཆོད་དང་གཏོར་མ་བྱས་ནས་ནི།། སྤོ་བ་དག་ནི་བརྩམ་པར་བྱ།། ལས་ཀྱི ་དབྱེ་བ་ཇི་ལྟ་བར། ། འཁོར་ལོ་ལས་ནི་བླང་བྱ་སྟེ།། ཞི་བ་དང་ནི་རྒྱས་པ་ལ།། ཤིན་ཏུ་རྒྱས་པའི་རས་ལ་བྱ།། དབང་དང་དགུག་ལ་སྨད་འཚོང་སོགས།། གསད་དང་དབྱེ་བ་བསྐྲད་པ་དང་།། ་མནན་པ་ལ་ནི་དུར་ཁྲོད་རས།། གིའུ་ཝང་གུར་ཀུམ་ཞི་བ་རྒྱས།། དབང་དང་དགུག་ལ་ཙན་དན་དམར།། མནན་པ་ལ་ནི་ལྡོང་རོས་སོགས།། བསྐྲད་ལ་བྱ་རོག་ཁྲག་གིས་ཏེ།། དབྱེ་བ་རྟ་དང་མ ་དོའི་སོགས། ། གསད་ལ་དུག་ལ་སོགས་པས་བྲི།། དགེ་བའི་ལས་ལ་བཟང་པོའི་ཤིང་།། དགེ་མིན་ལ་ནི་རུས་པ་དང་།། ལྕགས་ལ་སོགས་པས་བྲི་བར་བྱ།། ཞི་བ་ཤར་བལྟ་དབང་ལ་ནུབ། ་རྒྱས་ལ་བྱང་སྟེ་དྲག་པོ་ལྷོ།། གཞན་ནི་ཅི་རིགས་སྦྱར་བར་བྱ།། ཞི་རྒྱས་དབང་དང་དགུག་པ་ལ།། ས་བསྐོར་རིམ་བཞིན་དགོད་པར་བྱ།། གནམ་བསྐོར་དག་ནི་རིམ་པར་བཟློག། གསད་བསྐྲད ་དབྱེ་བ་མནན་པ་ལ། ། ས་བསྐོར་རིམ་ལས་བཟློག་པ་སྟེ།། གནམ་བསྐོར་དག་ནི་རིམ་བཞིན་བྲི།། དེ་ལྟར་ལེགས་པར་མ་བྲིས་ན།། འཁོར་ལོ་རང་ལ་ལྡོག་པར་འགྱུར།། དེ་བས་ནན་ཏན་བསྐྱེད ་དེ་བྱ། ། རས་ཀྱི་འཁོར་ལོ་ལེགས་ཟིན་ནས།། དཀྱིལ་འཁོར་ལ་གནས་དཀྱིལ་འཁོར་ཏེ།། རས་ཀྱི་འཁོར་ལོར་སྤྱན་དྲངས་ཏེ།། རྡོ་རྗེ་བསྡུ་བའི་སྦྱོར་བ་ཡིན།། དཀྱིལ ་འཁོར་འཁོར་ལོ་བཏུ་བར་བྱ། ། རས་ཀྱི་འཁོར་ལོ་མཆོད་ནས་ནི།། བདེན་པའི་བྱིན་རླབས་དམིགས་པར་བྱ།། ཇི་ལྟར་གསུངས་པའི་ཆོ་ག་བཞིན།། འཁོར་ལོ་སྤོ་བ་བྱས་ནས་ནི།། གསང་སྔགས ་བཟླས་པ་བརྩམ་པར་བྱ། ། ཨོཾ་བཛྲ་ས་མ་ཡ་སྟྭཾ། དམ་ཚིག་གི་སྔགས་སོ།། ཨོཾ་བཛྲ་བེ་ག། རྡོ་རྗེ་ཤུགས་ཀྱི་སྔགས་སོ།། ཨོཾ་བཛྲ་ཨ་ས་མེ་ཏྲི་ས་མེ་མ་ཧཱ་ས་མ་ཡེ་སྭཱ་ཧཱ། ཡི་གེ་བསྲེ་བའི ་སྔགས་སོ། ། ཨོཾ་བཛྲ་ས་མཱ་ཛ། འཁོར་ལོ་སྤོ་བའི་སྔགས་སོ།། ཨོཾ་བཛྲ་ས་མ་ཡ་མ་རཱ་ཛཱ་ས་དོ་མ་ཡ། ཡ་མེ་དོ་རུ་ཎ་ཡོ་ད་ཡ། ཡ་ད་ཡོ་ནི་ར་ཡ་ཀྵེ་ཡ། ཡཀྵེ་ཡཙྪ་ནི་རཱ་མ་ཡ་ཕཊ་ཕཊ། ་འདི་ནི་རྩ་བའི་སྔགས་ཏེ། ལས་ཐམས་ཅད་པའོ།། ཤཱནྟི་ཀུ་རུ་སྭཱ་ཧཱ། ཞི་པར་སྐུལ་བའོ།། པུཥྚིཾ་ཀུ་རུ་སཱ་ཧཱ། རྒྱས་པའིའོ།། བ་ཤཾ་ཀུ་རུ་སཱ་ཧཱ། དབང་གིའོ།། མཱ་ར་ཡ་ཕཊ། གསད ་པའིའོ། ། ཨུཏྐྲྀ་ཊ་ཡ་སྭཱཧཱ། བསྐྲད་པའིའོ།། སྟཾ་བྷ་ཡ་ཧཱུ་ལཾ། མནན་པའི་འོ།། ཨཱ་ཀཪྵ་ཡ་ཧཱུཾ་ཛཿཛཱཿ། དགུག་པའི་འོ།། ཨོཾ་མུ། སླར་དགྲོལ་བའི་སྔགས་སོ།། ཨཱ་ལི་ཀཱ་ལྀ་གྲོང ་ཁྱེར་ནི། ། གསང་སྔགས་འབྱུང་བའི་རྩ་བ་སྟེ།། ལས་ཀྱི་བཙོན་ར་དག་ཀྱང་ཡིན།། ཡི་གེ་བཏུ་བ་མེད་ན་ནི།། གསང་སྔགས་སྒྲ་ནི་ལོག་པར་འགྱུར།། ཡི་གེ་ཚང་བར་མ་བཀོད་ན།། གསང ་སྔགས་སྒྲ་ནི་ལོག་པར་འགྱུར། ། གསང་སྔགས་བརྡ་ཡིས་མ་བརྗོད་ན།། སྔགས་ནི་དངོས་གྲུབ་མེད་པར་འགྱུར།། དྲང་བ་དག་ནི་མ་བྱས་ན།། ཤིན་ཏུ་འཁོར་བར་མི་འགྱུར་རོ།། ཡི་གེ་བསྲེ་བ ་མ་བྱས་ན། ། བཅུ་དྲུག་ཁང་པ་དོན་མེད་འགྱུར།། བསྐོར་ཕྱོགས་ལོག་ན་དོན་མི་འགྲུབ།། རིག་སྔགས་ཉམས་དང་ལོག་པ་ནི།། ལྷ་མིན་གཡུལ་ལས་ཕམ་པ་དང་།། དབང་པོ་དགྲ་ཡིས་བསད ་བཞིན་ནོ། ། འཁོར་ལོ་སྤྲོ་བ་མ་བྱས་ན།། ཆོ་ག་དག་ནི་ཉམས་པར་འགྱུར།། རྒྱུ་ཡིན་པ་དང་སྦྱོར་བ་དང་།། དད་པ་བརྟན་པས་འགྲུབ་པར་འགྱུར།། དེ་བས་ནན་ཏན་བསྐྱེད་དེ་བྱ།། དཔའ ་གཤིན་རྗེ་གཤེད་ཀྱི་འཁོར་ལོ་བྲི་བའི་ཆོ་གའོ། ། རྫོགས་སོ།། ། དེ་ནས་གཞན་ཡང་བཤད་པ་ནི།། ལས་ཀྱི་འགྲོགས་ཀྱིས་བྱེད་པ་སྟེ།། ཞི་བའི་ལས་ནི་བླ་བ ་