| Wylie | e-texts produced with BDRC’s OCR application |
གྲགས་ཀྱིས་བཅོས་ལ། དེ་ལས་ཀྱང་དགེ་སློང་རྡོ་རྗེ་གྲགས་ཀྱིས་བཅོས་སོ།། རྟ་ཀར་སྐད་དུ། ཤྲཱི་བཛྲ་མ་ཧཱ་བྲེ་བ་ར་བ་ནཱ་མཉན ་བོད་སྐད་དུ། དཔལ་རྡོ་རྗེ་འཇིགས་བྱེད་ཀྱི་རྒྱུད་ཅེས་བྱ་བ། དཔལ་རྡོ་རྗེ་འཇིགས་བྱེད་ཆེན་པོ་ཁྲོས་པའི་རྒྱལ་པོ་ཆེན་པོ་ལ་ཕྱག་འཚལ་ལོ།། དེ་ནས་རྡོ་རྗེ་འཇིགས་བྱེད་ཀྱི།། སྒྲུབ་པ་ཡང་དག་རབ ་བཤད་དེ། ། དེ་ཡིས་ལྷ་རྣམས་ཐམས་ཅད་ལ།། དྲག་ཤུལ་ཆེ་ཞིང་འཇིགས་པར་བྱེད།། དེ་ལ་ཐོག་མར་སྔགས་པས་ཡིད་དུ་འོང་བའི་གནས་གང་ཡང་རུང་བའི་གནས་ལ་དགོས་པ་ཐམས་ཅད་བསྒྲུབ། ་པར་བྱའོ།། དེ་ལས་གནས་གསུངས་པ་ནི། དུར་ཁྲོད་དམ། ཆུ་ཀླུང་གི་འགྲམ་མམ། ཤིང་གཅིག་གམ། མཚན་མ་གཅིག་པ་འམ། བཞི་མདོ་འམ། རིའི་རྩེ་མོ་འམ། ཁང་སྟོང་ངམ ་མ་མོའི་ཁྱིམ་མམ། སྒྲའི་ཁང་པ་འམ། འཐབ་མོའི་གནས་སམ། གྲོང་ཁྱེར་རམ། ནགས་ཁྲོད་དམ། གྲོང་ལ་སོགས་པའི་གནས་སུ་སྔགས་པ་གནས་ཏེ། རྡོརྗེ ་འཇིགས་བྱེད་ཆེན་པོའི་རྡོ་རྗེའི་འཁོར་ལོའི་མིང་གི་རྒྱུད་འདིར་དབང་བསྐུར་བའི་རྣལ་འབྱོར་པས་དབང་དང་། དགུག་པ་དང་། གསད་པ་དག་དང་། བསྐྲད་པ་དང་། དབྱེ་བ་དང་། རེངས་པ་དང་། ་རལ་གྲི་དང་། མིག་སྨན་དང་། ས་འོག་དང་། རིལ་བུ་དང་། གསེར་འགྱུར་དང་། བཅུད་ཀྱིས་ལེན་པ་དང་། ནོར་དང་། འབྱུང་པོ་དང་། རོ་ལངས་དང་། ཤ་ཟ་དང་། གནོད་སྦྱིན་དང་། ་གནོད་སྦྱིན་མོ་དང་། ཀླུ་ལ་སོགས་པའི་ཆོ་ག་འདིས་བསྒྲུབ་པར་བྱའོ།། དེ་ལ་ཆོ་ག་ནི་དང་པོར་རེ་ཞིག་སྔགས་པས་རོ་བསྲེགས་པའི་ཐལ་ཆེན་གྱིས་ལུས་བྱུགས་ཏེ། མཚན་ཕྱེད་ན་གཅེར་བུ་སྐྲ ་གསིལ་བ་བྱས་ལ། ། འཕགས་པ་མ་ཧེའི་གདོང་ཅན་གྱི་རྣལ་འབྱོར་གྱིས་དུར་ཁྲོད་ལ་སོགས་པར་དཀྱིལ་འཁོར་བྲིས་ཏེ། གྲུ་བཞི་པ་ལ་སྒོ་བཞི་པ།། རྟ་བབས་བཞི་ཡིས་རྣམ་པར་བརྒྱན།། དྲིལ་བུ ་དར་གྱི་འཕན་ལ་སོགས། ། མེ་ཏོག་འཕྲེང་བས་རྣམ་པར་ཀླུབས།། གྲཝ་རྣམས་དག་ནི་ཐམས་ཅད་དང་།། སྒོ་ཁྱུད་གྱོན་ཕུགས་དག་ཏུ།། རྡོ་རྗེ་རིན་ཆེན་གྱིས་སྦས་པ།། ཟླ་བ་པྱད་པ་དེ་བཞིན ་། དེ་དབུས་འཁོར་ལོ་བྲི་བ་ནི།། རེའུ་མིག་དགུ་པ་ཟླུམ་པོའོ།། སྒོ་གཅིག་པ་ནི་དབྱེ་བར་བྱ།། ལྷག་མ་ཡོངས་སུ་གཅད་པར་བྱ།། དེ་དབུས་མི་རོ་བྲི་བར་བྱ།། ཤར་དུ་མགོ་བོ། ལྷོར་ལག ་པ། ། ནུབ་ཏུ་རྒྱུ་མ། བྱང་དུ་རྐང་པ་གཉིས། ཤར་གྱི་གྲར་ཐོད་པ། ལྷོར་ཐོད་ཚལ། ནུབ་བྱང་དུ་དུར་ཁྲོད་ཀྱི་རས། བྱང་ཤར་དུ་སྐྱེས་བུ་གསལ་ཤིང་ལ་བཙུགས་པའོ།། དེ་དག་ནི་འཁོར་ལོའི་དབུས ་སུ་མཚན་མའི་ཕྱག་རྒྱ་ལྔའོ། ། དེ་ནས་འཁོར་ལོའི་ཕྱི་རོལ་གྱི་ཕྱག་རྒྱ་རྣམས་ནི་ཤར་ཕྱོགས་ཀྱི་སྣམ་བུ་ལ་གྲི་གུག་དང་། མཚོན་རྩེ་གཅིག་པ་དང་། གཏུན་ཤིང་དང་། ཆུ་གྲི་དང་། རྡོ་རྗེ་རྩེ་གཅིག ་པ་དང་། ལྕགས་ཀྱུ་ལ་སོགས་པ་རྣམས་བྲིའོ།། ལྷོ་ཕྱོགས་ཀྱི་སྣམ་བུ་ལ་སྟ་རེ་དང་། མདའ་དང་། ཁ་ཊྭཱཾ་ག་དང་། དབྱིག་ཏོ་དང་། འཁོར་ལོ་དང་། རྡོ་རྗེ་ཞགས་པ་ལ་སོགས་པ་བྲིའོ།། ་ནུབ་ཕྱོགས་ཀྱི་སྣམ་བུ་ལ་རྡོ་རྗེ་དང་། རལ་གྲི་དང་། གྲི་ཆུང་དང་། ཕུབ་དང་། གཞུ་དང་། དྲིལ་བུ་དང་། རླུང་གི་བ་དན་ལ་སོགས་པ་བྲིའོ།། བྱང་ཕྱོགས་ཀྱི་སྣམ་བུ་ལ་སྡིགས་མཛུབ་དང ་འཕན་རྩེ་གསུམ་པ་དང་། གླང་པོའི་པགས་པ་དང་། རྡོ་རྗེ་ཐོ་བ་དང་། མདུང་དང་། མེ་ཐབ་ལ་སོགས་པ་བྲིའོ།། སྒོ་བཞི་དང་གྲཝ་རྣམས་ལ་རོ་ལངས་ཆེན་པོ་བྲིའོ།། གལ་ཏེ་མཆོག་གི་དངོས་གྲུབ ་འདོད་ན་མར་ཁུ་ཆེན་པོའི་མར་མེ་དབུལ་ལོ། ། མི་དང་། བོང་བུ་དང་། རྔ་མོ་དང་། ཁྱི་དང་། ཝ་དང་། མ་ཧེ་དང་། གླང་པོ་ཆེ་དང་། བ་ལང་དང་བ་མན་དང་། ལུག་དང་། རི་དགས་དང ་པག་པ་ལ་སོགས་པའི་ཤ་རྣམས་དབུལ་བར་བྱའོ། ། གཞན་ཡང་བྱ་རྒོད་དང་། འུག་པ་དང་། བྱ་རོག་དང་། ཁྲ་དང་། ཆུ་སྒུར་དང་། ཐིང་རིལ་དང་། བཞད་དང་། རྨ་བྱ་དང་། ཁྱིམ་བྱ ་དང་། རི་སྐེགས་དང་། ཁྱུང་ཆེན་པོ་ལ་སོགས་པའི་ཤ་རྣམས་དབུལ་བར་བྱའོ།། ཤིན་ཏུ་མཉམ་པར་གཞག་པས་བཟའ་བ་དང་། སྟོན་མོ་དང་། སྐྱོན་སྲེག་དང ་གཏོར་མའི་ལས་བྱའོ། ། དཀྱིལ་འཁོར་གྱི་གྲཝ་ཐམས་ཅད་དུ་ཁྲག་གི་ཆག་ཆག་བྱའོ།། དཔལ་རྡོ་རྗེ་འཇིགས་བྱེད་མ་ཧེའི་གདོང་གི་སྦྱོར་བ་ལ་གནས་པས་ལྷ་བཤོས་ཐམས་ཅད་དབུལ་བར་བྱའོ།། དེ་ནས ་སྔགས་པས་སྔོན་དུ་སྤྱད་པ་བྱས་ཏེ། བདག་ཞི་བར་གྱུར་པའི་ཤིན་ཏུ་མཐུན་པའི་གྲོགས་སམ། བདག་གཅིག་པུ་རྣམ་པར་སྣང་མཛད་ཀྱིས་ལུས་བྱུགས་ཏེ་གཅེར་བུར་ཕུད་ནས་སྐྲ་གསིལ། མཚན ་ཕྱེད་ན་ཅང་ཏེའུ་དཀྲོལ་ལ་ཧ་ཧ་ཞེས་བྱ་ཞིང་མཉམ་པར་བཞག་སྟེ། རྡོ་རྗེ་འཇིགས་བྱེད་ཆེན་པོའི་དཀྱིལ་འཁོར་དུ་དངོས་གྲུབ་འདོད་པས་འཇུག་པར་བྱའོ།། རབ་ཏུ་ཞིམ་པའི་ཆང་ལ་སོགས་པ་བཏུང ་བ་དང་བཟའ་བའི་རོ་རྣམས་དབུལ་ལོ། ། ཕྱི་ནས་དངོས་གྲུབ་དང་དངོས་གྲུབ་མ་ཡིན་པ་ལ་དམིགས་ལ། དེའི་སྟེང་དུ་དཔལ་རྡོ་རྗེ་འཇིགས་བྱེད་ཆེན་པོ་མ་ཧེའི་གདོང་ཅན་བསམ་པར་བྱའོ།། དེའི ་མདུན་དུ་གཡས་བསྐུམ་དུ་གནས་ལ་ང་རྒྱལ་དང་བཅས་པས་སེམས་རྩེ་གཅིག་ཏུ་ཤིན་ཏུ་མཉམ་པར་བཞག་པས་ཡི་གེ་བཅུ་པའི་སྔགས་བཟླ་བར་བྱའོ། ། དེ་ནས་འཇིགས་པ་ཆེན་པོ་བྱུང་ན།། དེ་ལ ་སྔགས་པས་འཇིགས་པར་མི་བྱ་སྟེ། གལ་ཏེ་འཇིགས་པར་གྱུར་ན། དེ་ལ་བགེགས་ཆེན་པོའི་བར་ཆད་འབྱུང་ངོ་།། བར་ཆད་བྱུང་བ་ན་དངོས་གྲུབ་མི་འགྲུབ་བོ།། དེ་བས་ན་སྔགས་པས་འཇིགས ་པར་མི་བྱ་སྟེ། དེ་ལ་དཔལ་རྡོ་རྗེ་འཇིགས་བྱེད་ཆེན་པོ་དགྱེས་སོ།། དགྱེས་ནས་ཁྱོད་ཅི་འདོད་ཅེས་གསུངས་པ་དང་། དེ་ལ་རིག་འཛིན་གྱིས་སྨྲ་བར་བྱ་སྟེ། རལ་གྲི་དང་། ས་འོག་དང་། མིག་སྨན།། ་དང་། གསེར་འགྱུར་དང་། བཅུད་ཀྱིས་ལེན་པའམ། དེ་ལས་གཞན་ཡང་ཡིད་ལ་འདོད་པའི་དངོས་གྲུབ་ངེས་པར་བདག་ལ་གསོལ་ཅིག་ཅེས་བརྗོད་ན། དེ་ལ་ཐེ་ཚོམ་མེད་པར་སྩོལ་ལོ།། བརྒྱ་གཞིག ་ལ་སྔགས་པས་དེ་དག་མ་སྒྲུབ་ནའང་དེའི་ཕྲ་མོའི་ལས་ཐམ་ཅད་ངེས་པར་གྲུབ་བོ། ། འདི་ནི་འཇམ་དཔལ་ཞེས་བྱ་བའི་མིང་དཔལ་རྡོ་རྗེ་འཇིགས་བྱེད་ཆེན་པོའི་འཁོར་ལོའི་སྦྱོར་བའི་རྒྱུད་ལས། དཀྱིལ ་འཁོར་བསྟན་པ་སྟེ་རྟོག་པ་དང་པོའོ། ། །། དེ་ནས་ལས་ཀྱི་ཚོགས་ཀྱི་ཆོ་ག་རབ་ཏུ་བཤད་དེ། རིམ་པ་ཇི་ལྟ་བ་བཞིན་དུ་གསད་པ་དང་བསྐྲད་པ་ལ་སོགས་པ་སྔགས་པ་ཁྲོས ་པས་དཔལ་རྡོ་རྗེ་འཇིགས་བྱེད་ཆེན་པོའི་སྦྱོར་བ་ལ་གནས་པའི་རྣལ་འབྱོར་གྱིས་བྱ་སྟེ། དང་པོ་ཁོ་ནར་སྔགས་པས་རེ་ཞིག་གནོད་མཛེས་སུ་བྱ་སྟེ། དེ་ཅིའི་ཕྱིར་ཞེ་ན། རྣལ་འབྱོར་གཙོ་བོ་ཡིན་པའི ་ཕྱིར་རོ། ། རྣལ་འབྱོར་གྱི་རྒྱུད་ལ་ལྷའི་སྦྱོར་བ་དང་ལྡན་པས་ཐོག་མར་ནི་དེ་བྱ་སྟེ། དེ་ལ་འདིའི་ལས་ནི་ཇི་ལྟར་གསད་པར་འདོད་པའི་སྔགས་པས་དུར་ཁྲོད་ཀྱི་རས་ལ་དུག་དང་། ཁྲག་དང་། ལན ་ཚྭ་དང་། སྐེ་ཚེ་དང་། ནམི་པ་དང་། རྠ་དུ་རིའི་ཁུ་བས་རྡོ་རྗེ་འཇིགས་བྱེད་ཆེན་པོའི་འཁོར་ལོའི་ཚེ་བཅུ་དྲུག་པ་བྱ་རོག་ཆེན་པོའི་སྒྲོ་རྩའི་སྦུ་གུ་འམ། མིའི་རུས་པའི་སྦུ་གུས་གཅེར་བུ་སྐྲ་བཤིག ་བས་ཁ་ལྷོར་བལྟས་ཏེ། མ་ཧེའི་གདོང་གི་སྦྱོར་བས་བྲི་བར་བྱའོ།། མེ་གཉིས་ཀྱི་དབུས་སུ་བསྒྲུབ་བྱའི་མིང་བཅས་པར་གཞག་ལ་དེ་ཡི་གེ་བཅུ་མས་བསྐོར་ཞིང་ཧཱུཾ་བརྒྱད ་བྲི། ། ཟུར་རྣམས་སུ་ཕཊ་ཀྱི་ཡི་གེ་རྣམས་བྲི། བདག་གཉིས་ཚ་བའི་མར་གྱིས་ལུས་བྱུགས་ལ།། ཐོད་པ་གཉིས་ཀྱི་དབུས་སུ་འཁྲུལ་འཁོར་རབ་ཏུ་བཅུག་ལ་སྒྱེད་བུ་གསུམ་གྱི་སྟེང་དུ ་བཞག་ནས་དུར་ཁྲོད་ཀྱི་མགལ་པས་མེ་རབ་ཏུ་སྦར་ཏེ། རྐང་པ་གཡོན་པས་མནན་ལ་ཡི་གེ་བཅུ་པའི་སྔགས་བཟླས་སོ།། དེ་ཡིས་སྐད་ཅིག་གིས་ཐེ་ཚོམ་མེད་པར་འཆིའོ།། གཞན་ཡང ་རིམས་ཀྱིས་ཐེབས་པར་འདོད་པ་ན་འཁོར་ལོ་དེ་ཉིད་མིའི་ཉ་ཕྱིས་གཉིས་ཀྱི་དབུས་སུ་ལེགས་པར་བཞག་ལ་མེ་ཐབ་ཀྱི་འོག་ཏུ་ཁྲུ་བྱེད་བརྐོས་ལ་བཅུག་ནས་མེ་སྦར་ན་རིམས་ནད་ཀྱིས་འཛིན་ནོ། ། ་དེ་ལ་ལེ་ཚེ་བཅུ་དྲུག་པའི་རབ་ཏུ་སྦྱོར་བ་འདི་གསུངས་ཏེ། འོན་ཀྱང་འདིའི་ཁྱད་པར་ནི་ཡི་གེ་སུམ་ཅུ་རྩ་གཉིས་པའི་སྔགས་དང་ལྡན་པ་ཡི་གེ་བཏུ་བའི་སྔགས་བསྒྲུབ་བྱའི་མིང་དང་ལྷན་ཅིག་ཏུ ་ཡི་གེ་དང་སྔགས་སྤེལ་ལོ། ། སྔོན་དུ་གསུངས་པའི་རྫས་དང་ལྷན་ཅིག་ཏུ་བྱ་རོག་གིས་བཏོགས་པའི་ལྷག་མ་མི་གཙང་བ་དང་། རྣམ་པར་སྣང་མཛད་དང་ལྷན་ཅིག་ཏུ་དུར་ཁྲོད་ཀྱི་རས་ལ་བྱུགས་ཏེ། ་དེལ་སྔོན་དུ་གསུངས་པའི་ཆོ་གས་འཁོར་ལོ་ཟོས་ཏེ་དུར་ཁྲོད་དུ་སྦས་ན་འཆི་བར་འགྱུར་རོ།། ཤིང་གཅིག་གི་དྲུང་དུ་སྲས་ན་བསྐྲད་པར་འགྱུར་རོ།། མཚན་མ་གཅིག་པར་སྲས་ན་དབྱེ་བར་འགྱུར་རོ།། ་ཆུའི་ནང་དུ་སྦས་ན་རེངས་པར་འགྱུར་རོ།། ཁྱིམ་དུ་བཞག་ན་ཞི་བར་འགྱུར་རོ།། ཕྱུང་ནས་ལེགས་པར་བཀྲུས་ན་གྲོལ་བར་འགྱུར་རོ།། གཞན་ཡང་རབ་ཏུ་སྦྱོར་བ་གསུངས་པ་གཤིན་རྗེའི་འཁོར་ལོ ་སྔོན་གྱི་ཚོགས་དུར་ཁྲོད་ཀྱི་རས་ལ་བྲིས་ཏེ། དུར་ཁྲོད་དམ། ལམ་པ་ནི་མདོ་དང་། ཤིང་གཅིག་དང་། གྲོག་མཁར་དང་། ཆུ་འགྲམ་དང་། མཚན་མ་གཅིག་པ་དང་། རྒྱལ་པོའི་སྒོ་དང་། རྣམ ་པར་སྣང་མཛད་དང་། རྡོ་རྗེ་ཆུ་དང་། དུར་ཁྲོད་ཀྱི་སོལ་བས་བསྒྲུབ་བྱའི་གཟུགས་བརྙན་ཚད་སོར་བརྒྱད་པ་བྱས་ལ་དེའི་སྙིང་ཁར་འཁོར་ལོའི་སྔགས་བཅུག་སྟེ། མིའི་རུས་པའི་ཕུར་བུས་གནས ་ལྔར་གདབ་པར་བྱའོ། ། ཚིགས་ཐམས་ཅད་ལ་ཚེར་མ་རྣོན་པོས་དགང་བར་བྱའོ།། རེ་ཐོད་པ་གཉིས་ཀྱི་དབུས་སུ་བཅུག་སྟེ། དེ་གྲོག་མཁར་དང་གནས་བདུན་གྱི་སས་གཤིན་རྗེའི་གཟུགས་ཁྲུ་གང ་ཙམ་ཞལ་གཙིགས་པ། གསུས་པ་ཆེ་བ། ཞལ་གཅིག་པ། ཕྱག་གཉིས་པ། ཕྱག་ན་རལ་གྲི་དང་ཞགས་པ་འཛིན་པ། གཅེར་བུ་སྐྲ་གསིལ་བ་བྱས་ལ། དེའི་སྙིང་ཁར་ཐོད་པ་གཉིས་བཅུག ་སྟེ། ། ཉི་མ་ཕྱེད་དམ་ནམ་ཕྱེད་ན་དུར་ཁྲོད་དམ་རོ་བསྲེགས་པའི་སར་སྦས་ཏེ། ཤིན་ཏུ་རིང་བར་མགོ་ལྷོར་བསྟན་ལ་ཁ་འཐུར་དུ་ཕུ་བ་ལ་སྦའོ།། ཁྱིམ་དུ་འོངས་པ་དང་མཉམ་པར་བཞག་པས་མ་ཧེའི ་གདོང་གི་སྦྱོར་བས་བསྒྲུབ་བྲིའི་མཽང་དང་བཅས་པར་ཡི་གེ་བཅུ་པའི་སྔགས་བཟླས་པ་བྱས་ན་ཉི་མ་གསུམ་གྱིས་འཆིའོ། ། ཕྱུང་ནས་བཀྲུས་ན་ཐར་པར་འགྱུར་རོ།། དེ་ནས་རེངས་པའི་རབ་ཏུ་སྦྱོར་བ ་གསུངས་ཏེ། ཏེའུ་ལོ་པའི་པགས་པ་ལ་དུག་ལ་སོགས་པའི་རྫས་ཀྱིས་ཡི་གེ་བཅུ་པའི་སྔགས་བྲིས་ལ། པགས་པ་དེ་བསྒྲུབ་བྱའི་རྐང་རྗེས་ཀྱི་རྡུལ་དང་གཅིན་བཏང་བའི་ཤུལ ་གྱིསས་བཀང་ལ་དེའི་སྒྲས་བཅིང་བར་བྱའོ། ། ཕྱི་ནས་བོང་བུའི་གཅིན་དང་རྣམ་པར་སྣང་མཛད་དང་ལྷན་ཅིག་ཏུ་བརྫིས་ལ་ཁམ་པོར་དགང་བར་བྱའོ།། དེར་འཁོར་ལོ་བཅུག་ལ་རོ་བསྲེགས་པའི་མེ་ལ ་བཞག་སྟེ། རྐང་པ་གཡོན་པས་མནན་ལ་གཤིན་རྗེའི་སྦྱོར་བས་ཡི་གེ་བཅུ་པའི་སྔགས་བཟླས་པ་བྱས་ན་ཞག་གཅིག་གིས་རེངས་པར་བྱེད་དོ།། འདི་ནི་ཕྱིས་རྗེས་སུ་གཟུང་བ་མི་འགྲུབ་པའི་རབ་ཏུ་སྦྱོར ་པའོ། ། སྔགས་པས་ཤིན་ཏུ་ཁྲོས་པས་རབ་ཏུ་སྦྱོར་བར་བྱའོ།། གཞན་ཡང་དབྱེ་བའི་རབ་ཏུ་སྦྱོར་བ་འདི་ནི་གཤིན་རྗེའི་འཁོར་ལོ་སྔོན་གྱི་ཆོ་གས་བྲིས་ལ། གནས་བདུན་གྱི་སས་མ་ཧེ་དང་རྟ་བྱས་ཏེ ་དེ་གཉིས་གཅིག་གི་སྟེང་དུ་གཅིག་བཞག་ལ། དེ་གཉིས་ཀྱི་སྙིང་ཁར་འཁོར་ལོ་བཅུག་སྟེ་ནིམ་པའི་ཤིང་དྲུང་དུ་གཞག་གོ།། འཁོར་ལོའང་མ་ཧེ་དང་རྟའི་ཁྲག་གིས་བྲིས་ཏེ། འདི་ནི་སྔགས་ཀྱི་བྱེ་བྲག་སྟེ ་ཤིན་ཏུ་མཉམ་པར་བཞག་པས་བྱས་ན་ཞག་གསུམ་གྱིས་འབྱེད་པར་བྱེད་དོ། ། དེ་ནས་སྔགས་པས་བསྐྲད་པར་འདོད་ན་གནས་བདུན་གྱི་སས་རྔ་མོ་བྱས་ལ། དེའི་རྒྱུ་བ་ཡི་གེ་ཡཾ་ཡོངས་སུ་གྱུར་པ་ལས ་རླུང་གི་དཀྱིལ་འཁོར་ཟླ་བ་ཕྱེད་པའི་རྣམ་པ་དམིགས་ཏེ། དེའི་སྟེང་དུ་བསྒྲུབ་བྱ་དམིགས་ལ། དེའི་རྒྱབ་ཏུ་གཤིན་རྗེའི་གཟུགས་ལག་པས་དབྱུག་པ་འཛིན་པར་དམིགས་ཏེ། དེའི་འབྱུག་པས་རྗེ་བ ་། ཁ་ལྷོ་རུ་བལྟས་ནས་ཁྲིད་པའི་རྣམ་པར་བསམ་པར་བྱའོ།། འཁོར་ལོ་དི་དེའི་སྙིང་ཁར་གོང་དུ་གསུངས་པའི་ཆོ་ག་ལས་བསྒྲུབ་བྱའི་མིང་དང་སྦལ་བ་ཡང་དག་པར་བྲིས་ལ་བཅུག་ན་ཞག་བདུན་གྱིས་ཐེ་ཙོམ ་མེད་པར་སྐྲོད་པར་འགྱུར་རོ། ། དེ་ནས་གཞན་ཡང་རབ་ཏུ་སྦྱོར་བ་གསུངས་ཏེ། ཉི་མའི་ཚེས་གཏུམ་པོ་ཚ་བའི་མར་ཁུས་བྱུགས་ལ་ནིམ་པའི་ཤིང་ལ་འཛེགས་ནས། དེར་བཞག་ལ་དེའི་ལུས་ཀྱི་མར་ཁུ ་ཕྱིས་ཀྱིས་བཞར་ལ་དེར་གནས་པར་གཟུང་ངོ་། ། མར་ཁུ་དེ་བླངས་ནས་ལྷ་ཆེན་པོའི་རྒྱལ་མཚན་གྱི་རས་བླངས་ལ་དེ་བསྲེགས་པའི་བར་གྱི་དུ་བའི་དྲེག་པ་དེ་དང་མར་ཁུ་དེ་གཅིག་ཏུ་བྱས་ལ་བསྐྲད་པར ་འདོད་པ་དེའི་མཆིལ་ལྷ་མ་ལ་དེ་བསྐུའོ། ། དེའི་ལག་པ་དང་རྐང་པ་གཉིས་ལའང་བྱུགས་ན་སྐད་ཅིག་གིས་དེ་སྐྲོད་དོ།། དེ་ནས་གཞན་ཡང་རབ་ཏུ་སྦྱོར་བ་གསུངས་པ་ནི་དུར་ཁྲོད་ཀྱི་རས་སམ། གྲོ་གིས ་ལོ་མ་ལ་རླུང་གི་དཀྱིལ་འཁོར་བྱ་རོག་གི་ཁྲག་དང་བྱ་རོག་གི་སྨྱུ་གུས་བྲི་བར་བྱ་སྟེ། རླུང་གི་དཀྱིལ་འཁོར་གྱི་དབུས་སུ་བསྒྲུབ་བྱའི་མིང་དང་སྤེལ་ཏེ་གཏོར་མ་ཟ་བའི་མགྲིན་པར་བཅིངས་ལ། བྱ་རོག ་བཟུངས་ནས་མ་ཧེའི་གདོང་པའི་སྦྱོར་བར་གནས་པས་ཁ་ལྷོར་བལྟས་ལ་འཕང་སྟེ། དེའི་སྐད་ཅིག་གིས་བྱ་རོག་བཞིན་ས་ཀུན་ཏུ་འཁོར་རོ།། གཞན་ཡང་བསྐྲད་པ་ནི་ཚ་བའི་མར་ཁུས་བསྐུས་ལ ་ནིམ་པའི་ཤིང་ལས་གཏོར་མ་ཟ་བའི་ཚང་བླངས་ལ། ཚང་དེའི་ཤིང་ཕའི་ནགས་ཀྱི་ཤིང་མེས་བསྲེགས་པའི་ཐལ་བ་དེ་བླངས་ལ་གང་གི་མགོར་བླུགས་པ་དེ་སྐོད་པར་འགྱུར་རོ།། གཞན་ཡང ་དབྱེ་བའི་རབ་ཏུ་སྦྱོར་བ་ནི་བྱ་རོག་དང་འུག་པའི་གཤོག་པ་དང་། བྲམ་ཟེ་དང་། གཏུམ་པ་རྣམས་ཀྱི་སྐུ་གཅིག་ཏུ་བྱས་ལ། ད་དུ་རའི་ཤིང་ལ་མེ་རབ་ཏུ་སྦར་ཏེ་དུ་བ་མེད ་བའི་མེས་བསྲེགས་ལ། དེའི་ཐལ་བ་བླངས་ལ་ཡི་གེ་བཅུ་པའི་སྔགས་བཟླས་ནས་བུད་མེད་དང་སྐྱེས་པ་གཉིས་ཀྱི་བར་དུ་ཐལ་བ་བཞག་ན་དེ་སྐད་ཅིག་གིས་འབྱེད་པར་བྱེད་དོ།། དེ་ནས་དུར་ཁྲོད་ཀྱི ་རས་བླངས་ལ་དུག་ལ་སོགས་པའི་རྫས་ཀྱིས་བྲན་པའི་བར་དུ་བསྒྲུབ་བྱའི་མའི་བྲིས་ལ། ཟེར་མོ་དང་སྦྲུལ་གྱི་སྤུ་དང་པགས་པ་བླངས་ཏེ། དེ་ལ་བཅུག་ནས་སྡོང་བུ་བྱས་ཏེ། གང་གི་ཁྱིམ་དུ་སྦར ་བ་དེར་ཕན་ཚུན་འཐབ་པར་འགྱུར་རོ། ། དེ་ནས་གསད་པར་འདོད་པ་ནི་བཤང་ཅིག་ལ་གཟུགས་བརྙན་བྱས་ལ། དེའི་སྟེང་དུ་རུས་པ་ཕྱེ་མས་རབ་ཏུ་བྱུགས་ལ། དུར་ཁྲོད་ཀྱི་མེ་ལ་སྐྲ་བཤིག་པ ་བྱས་ལ། ཁ་ལྷོར་བལྟས་ཏེ་མ་ཧེའི་གདོང་པའི་སྦྱོར་བས་ནམ་ཕྱེད་ན་དེ་གཏུབས་ལ་སྲེག་གོ། གང་གི་མིང་དང་བཅས་པར་བྱས་ན་དེ་སྐད་ཅིག་གིས་འཆིའོ།། རྡོ་རྗེ་འཇིགས་བྱེད་ཆེན་པོ་ཉིད་ཀྱི ་རབ་ཏུ་སྦྱོར་བ་འདི་གསུངས་སོ། ། དེ་ནས་བསྐྲད་པར་འདོད་པས་རྒྱལ་མཚན་གྱི་རས་ལ་ལེ་ཚེ་བཅུ་དྲུག་པའི་འཁོར་ལོ་ལ་ཡི་གེ་བཅུ་པའི་སྔགས་སྔོན་དུ་གསུངས་པའི་རྫས་དང་དུར་ཁྲོད་ཀྱི་སོལ ་བས་གང་གི་མིང་དང་བཅས་པ་བྲིས་ཏེ། ནིམ་པའི་ཤིང་ལ་རྒྱལ་མཚན་བཞག་ན་དེ་སྐྲོད་པར་འགྱུར་རོ།། དེ་ནས་རེངས་པར་འདོད་པས་གཤིན་རྗེའི་འཁོར་ལོ་གཡམ་པ་འམ་རས་ལ་བ་བླ་དང་ཡུང ་བས་གང་གི་མིང་དང་བཅས་པ་ལེགས་པར་བྲིས་ལ་བཞག་ན་དེ་རེངས་པར་འགྱུར་རོ། ། གལ་ཏེ་སྔགས་པས་དབང་དུ་བྱ་བར་འདོད་ན་གྲོག་མཁར་གྱི་ས་དང་། གུར་ཀུམ་དང་། གིའུ་ཝང་དང ་པབཔ་བླ་དང་། ཡུང་བ་རྣམས་ལྷན་ཅིག་ཏུ་བྱས་ཏེ། བསྒྲུབ་བྱ་པོ་འམ། གལ་ཏེ་མོའི་གཟུགས་བརྙན་ཚད་སོར་བཅུ་དྲུག་པ་བྱས་ལ། གེའུ་ཝང་དང་སྲིན་ལག་གི་ཁྲག་གིས་གྲོ་ག་ལ་གཤིན་རྗེའི ་འཁོར་ལོ་བྲིས་ཏེ། དེའི་སྙིང་ཁར་བཅུག་ནས་རང་གི་ཁྱིམ་དུ་བཞག་ལ་མེ་ཏོག་དམར་པོས་དུས་གསུམ་དུ་དབུལ་བ་དང་། ཁ་ནུབ་ཏུ་བལྟས་ལ་ཡི་གེ་བཅུ་པིའི་སྔགས་བཟླས་པ་བྱས་ན། ཞག ་བདུན་གྱིས་བརྒྱ་བྱིན་ཡང་དབང་དུ་འགྱུར་ན་ཡང་ཕྲ་མོའི་མི་ལྟ་ཅི་སྨོས། ། དེ་ནས་ཡང་འགུགས་པར་འདོད་ན། དེ་ལ་ཐོད་པ་ལ་འཁོར་ལོ་གིའུ་ཝ་བ་དང་སྲིན་ལག་གི་ཁྲག་གིས་བྲིས་ཏེ། སེང་ལྡེང ་གི་མ་ལ་བསྲོ་ཞིང་གང་བྱ་བའི་མིང་དང་བཅས་པར་བཟླས་ན། དེ་སྐད་ཅིག་གིས་རླུང་ཀི་ཤུགས་བཞིན་དུ་འགུགས་པར་འགྱུར་རོ།། དེ་ནས་སྔགས་པས་མྱོས་པར་བྱ་འདོད་ན་དྷ་དུ་རའི་འབྲས་བུ ་བླངས་ལ། ཤ་ཆེན་དང་ལྷན་ཅིག་ཏུ་ཤིང་སྲིན་གྱིས་ཟོས་པའི་ཕྱེ་མ་དང་བསྲེས་ནས་བཟའ་བ་དང་བཏུང་བ་ལ་སྦྱིན་ནོ།། སྔགས་ཀྱང་བཟླས་པ་བྱ་སྟེ། དེ་སྐད་ཅིག་གིས་སྨྱོ་བར་འགྱུར ་ཞིང་ཞག་བདུན་གྱིས་འཆིའོ། ། དེ་ནས་གཞན་ཡང་རབ་ཏུ་སྦྱོར་བ་གསུངས་པ། གཤིན་རྗེའི་སྔགས་དུར་ཁྲོད་ཀྱི་རས་ལ་དུག་ལ་སོགས་པའི་རྫས་ཀྱིས་བྲིས་ཏེ། མར་མེཚོན་པོ་དང ་རྣམ་པར་སྣང་མཛད་ཀྱི་གཟུགས་བརྙན་བྱས་ལ། དེའི་སྙིང་ཁར་འཁོར་ལོ་བཅུག་ནས་པའི་གནས་སུ་སོང་ལ་རོ་བསྲེགས་པའི་མེ་ལ་མཚོན་རྣོན་པོས་གཏུབས ་ནས་རྣམ་པར་བརྩེགས་པའི་སྦྱོར་བས་རྣལ་འབྱོར་པ་གནས་ལ། རྣམ་པར་སྣང་མཛད་ཀྱིས་ལུས་བྱུགས་ཏེ། ཁ་ལྷོར་བལྟས་ནས་བསྲེགས་ན་དེ་མྱུར་དུ་འཆིའོ།། དེ་ནས་དཔྲལ་བའི་རབ་ཏུ ་སྦྱོར་བ་བྱུང་བ་ནི་བྱ་རོག་དང་འུག་པའི་རུས་པ་བླངས་ལ། དེ་གཉིས་ལ་ལྕགས་ཀྱི་ཚེར་མས་བསྒྲུབ་བྱིའི་མིང་དང་ལྷན་ཅིག་ཏུ་ཡི་གེ་བཅུ་པའི་སྔགས་བྲིས་ལ། གཅིག་པུ་གནས་སུ་གནས་ཏེ། ་གང་གི་མིང་དང་བཅས་པར་བཟླས་ཤིང་།། དེ་གཅིག་ལ་གཅིག་དྲུད་ན་འབྲལ་བར་འགྱུར་རོ།། དེ་ནས་གཤིན་རྗེའི་འཁོར་ལོ་གྲོ་གའི་འདབ་མ་ལ་བུད་མེད་དང་སྐྱེས་པའི་མིང་བྲིས་ནས་སྦལ་པའི་གསུས ་པར་བཅུག་ནས། གང་གི་མིང་དང་བཅས་པ་ཐེམ་པའི་འོག་ཏུ་སྦས་ན། དེའི་ཡན་ལག་མཚོན་གྱིས་འབུགས་པར་འགྱུར་རོ།། དེ་ནས་བུ་མོ་རེངས་པའི་རབ་ཏུ་སྦྱོར་བ་འདི་གཤིན་རྗེའི་སྔགས་དུར་ཁྲོད ་ཀྱི་རས་ལ་དུག་ལ་སོགས་པས་བྲིས་ལ། རོ་བསྲེགས་པའི་སོལ་བས་གཟུགས་བརྙན་མཐོ་གང་ཙམ་གྱི་ཚད་བརྩིགས་ལ། དེའི་སྙིང་ཁར་འཁོར་ལོ་བཅུག་ནས་རྐང་པ་གཡོན་པས་མནན་ལ ་མ་ཧོའི་སྦྱོར་བས་ཆེ་གེ་མོའི་བུ་མོ་མྱུར་བར་རེངས་པར་གྱུར་ཅིག་ཅེས་ཡི་གེ་བཅུ་པའི་སྔགས་བཟླས་ན་རེངས་པར་འགྱུར་རོ། ། འདིའི་ལས་རྣམས་ནི་གཞན་སུ་ལའང་སྨྲ་བར་མི་བྱའོ།། གལ་ཏེ་སྔགས ་བ་རྨོངས་པའི་བདག་ཉིད་ཅན་གྱིས་ནི་དམྱལ་བར་ངེས་པར་ལྟུང་ངོ་། ། དཀོན་མཆོག་གསུམ་ལ་གནོད་པ་བྱེད་པ་དང་། བླ་མ་ལ་བརྙས་པར་བྱེད་པ་དང་། དམ་ཚིག་དང་བྲལ་བ་དང་། སྔགས་དང་རྒྱུད ་ལ་འཕྱ་བར་བྱེད་པ་དང་། སེམས་ཅན་ལ་འཚེ་བ་འདི་རྣམས་ལ་ཕན་པའི་ཕྱིར་སྔགས་པས་སྙིང་རྗེས་གདུངས་པའི་སེམས་ཀྱིས་གནོད་པ་རབ་ཏུ་སྦྱར་བར་བྱའོ།། གལ་ཏེ་གཞན་ལ་བྱས་ན་དམ་ཚིག ་ཉམས་ནས་ཚ་བ་ཆེན་པོར་འགྲོའོ། ། ངས་རྒྱུད་གཞན་དུའང་བཤད་དེ། སློབ་དཔོན་ལ་ནི་སྨོད་བྱེད་དང་།། ཐེག་པ་ཆེན་པོ་སྐུར་པ་དང་།། སྔགས་རྒྱུད་རབ་སྦྱོར་ཡེ་ཤེས་ལ།། འཕྱ་བར་བྱེད་པའི ་མི་གང་དག། དེ་ནི་འབད་ལ་གསད་པར་བྱ།། ཡང་ན་གནས་ནས་གཡོ་བར་བྱ།། རྣལ་འབྱོར་སྙིང་རྗེ་མེད་པ་ཡིས།། གཞན་ལ་རུང་རུང་བྱས་ན་ནི།། དེ་ལ་དེ་བཞིནི་ལས་དེ་ནི།། ཕྱིར་ལྡོག་པར་ནི ་འབྱུང་བར་འགྱུར། ། ཅི་ཕྱིར་སེམས་ཅན་མཐོ་བ་ཙམ་ཕྱིར།། རྣལ་འབྱོར་མ་ནི་འདི་ལའོ།། འདི་ནི་འཇམ་དཔལ་འཇམ་པའི་མཆོག། དཔལ་རྡོ་རྗེ་འཇིགས་བྱེད་ཆེན་པོའི་རྣལ་འབྱོར་གྱི་རྒྱུད་ལས ་ལས་ཐམས་ཅད་གྲུབ་པའི་རྟོག་པ་སྟེ་གཉིས་པའོ། ། ། དེ་ནས་གོ་རིམས་ཇི་ལྟ་བའི་ཆོ་གས་སྔགས་བཏུ་བ་རབ་ཏུ་གསུངས་ཏེ། རབ་ཏུ་གཙང་བའི་ཡུལ་ཁམས་སུ་སྔགས་པས ་གནས་ལ་སྔགས་བཏུ་བར་བྱ་སྟེ། ཇི་ལྟར་དྲུག་པའི་དང་པོ་དང་།། ལྔ་པ་ཡི་ནི་ལྔ་པ་དང་།། དྲུག་པ་ཡི་ནི་གཉིས་པ་ལ།། དབྱངས་ཡིག་གཉིས་པ་དང་ལྡན་པ།། གཉིས་པ་ཡིན་གསུམ་པ་ལ ་ཡང་ནི་དབྱངས་ཡིག་གཉིས་པ་ལྡན། ། བདུན་པ་ཡི་ཡང་གསུམ་པ་དང་།། བཞི་པ་ཡི་ཡང་གསུམ་པ་ལ།། དབྱངས་ཡིག་བཅུ་གསུམ་དང་ལྡན་པ།། ལྔ་པ་ཡཾ་ཡང་ལྔ་པ ་ལ། དབྱངས་ཡིག་བཅུ་གཅིག་དང་ལྡན་པ།། དྲུག་པ་ཡི་ནི་དང་པོ་དང་།། ཡང་ནི་རླུང་གི་ས་བོན་སྦྱིན།། ལྔ་པ་ཡི་ཡང་ལྔ་པ་ལ།། བཅུ་དང་གཅིག་གིས་མནན་ལྡན་པ།། བཞི་པ་ཡི་ནི་གསུམ་པ་ལ།། ་བཅུ་གསུམ་པ་ཡིས་མཉམ་མནན་པ།། དྲུག་པ་ཡི་ཡང་གཉིས་པ་ལ།། དབྱངས་ཡི་ག་ལྔ་པ་དང་ལྡན་པ།། གསུམ་པ་ཡི་ནི་ལྔ་པ་དང་།། རླུང་གི་ས་བོན་དེ་ནས་སྦྱིན།། དབྱངས་ཡིག་བཅུ་གསུམ་ཡང ་དག་ལྡན། ། བཞི་པ་ཡི་ནི་གསུམ་པ་དང་།། དེ་ནས་རླུང་གི་ས་བོན་སྤྲིན།། དྲུག་པ་ཡི་ཡང་དང་པོ་དང་།། བཞི་པ་ཡི་ནི་གསུམ་པ་དང་།། དེ་ལ་རླུང་གི་ས་བོན་ནི།། དབྱངས་ཡིག་བཅུ་གསུམ་པ་དང་ལྡན།། ་བཞི་པ་ཡི་ནི་ལྔ་པ་ལ།། དབྱངས་ཡིག་གསུམ་པ་དང་ལྡན་པ།། དེ་ནས་མེ་ཡི་ས་བོན་སྦྱིན།། རླུང་གི་ས་བོན་དེ་བཞིན་ནོ།། དེ་ནས་ཡི་གེ་ཐ་མ་སྦྱིན།། དབྱངས་ཡིག་བཅུ་གཅིག་པ་དང་ལྡན།། ་རླུང་གི་ས་བོན་དེ་བཞིན་མཆོག། དྲུག་པ་ཡི་ནི་དང་པོ་དང་།། དེ་ནས་ཡི་གེ་ཐ་མ་སྦྱིན།། དབྱངས་ཡིག་བཅུ་གཅིག་པ་དང་ལྡན།། ཡང་ནི་རླུང་གི་ས་བོན་དང་།། གཉིས་པ་ཡི་ནི་དང་པོ་དང་།། དེ་ནི ་གཉིས་འགྱུར་ལྡན་པར་བྱ། ། བཞི་པ་ཡི་ནི་ལྔ་པ་ལ།། དབྱངས་ཡིག་གསུམ་པ་དང་ལྡན་པ།། དེ་ནས་མེ་ཡི་ས་བོན་ལ།། དབྱངས་ཡིག་གཉིས་པ་ལྡན་པ་དང་།། ལྔ་པ་ཡི་ནི་ལྔ་པ་དང་།། དེ་ནས ་རླུང་གི་ས་བོན་སྦྱིན། ། དང་པོར་རྣམ་པར་སྣང་མཛད་སྦྱིན།། མཆོག་གི་དབང་ཕྱུག་དང་སྦྱར་བ།། ལྔ་པ་ཡི་ནི་གཉིས་པ་དང་།། གསུམ་པ་ཡི་ནི་དང་པོ་ནི།། མཁས་པས་ལན་གཉིས་བརྗོད་པར་བྱ།། ་འདི་ནི་འཇམ་དཔལ་ཞེས་བྱ་བའི།། འཇིགས་བྱེད་ཆེན་པོ་རྒྱུད་འཁོར་ལོ།། མ་ཧེ་གདོང་ཅན་རྩ་སྔགས་ཏེ།། འབུམ་བཟླས་པ་ཡིས་ལས་ཀུན་བྱེད།། འདི་ནི་སྔགས་ཀྱི་རྒྱལ་པོ་སྟེ།། མ་བྱུང་འབྱུང ་བར་མི་འགྱུར་རོ། ། བདུན་པ་ཡི་ནི་བཞི་པ་ལ།། དབྱངས་ཡིག་བཞི་པ་དང་ལྡན་པ།། མེ་ཡི་ས་བོན་འོག་ཏུ་སྦྱིན།། དེ་ནས་མངའ་བདག་བཅུ་དྲུག་མཐའ།། བདུན་པ་ཡི་ནི་གཉིས་པ་ལ།། ་དབྱངས་ཡིག་བཞི་པ་དང་ལྡན་ཞིང་།། གསུམ་པ་ཡི་ནི་དང་པོ་ལ།། འོག་ཏུ་མེ་ཡི་ས་བོན་གདགས།། མངའ་བདག་བཅུ་དྲུག་མཐའ་མ་སྟེ།། དྲུག་ཡི་ནི་བཞི་པ་ལ།། དབྱངས་ཡིག་གསུམ་པ ་དང་ལྡན་པ། ། དང་པོ་ཡི་ཡང་དང་པོ་དང་།། དབྱངས་ཡིག་བདུན་པ་དང་ལྡན་པ།། འོག་ཏུ་མ་ཡི་ས་བོན་སྦྱིན།། བཞི་པ་ཡི་ནི་དང་པོ་ལ།། དབྱངས་ཡིག་གཉིས་པ་དང་ལྡན་པ།། ཞི་པ་ཡཾ་ནི ་ལྔ་པ་ནི། ། མཁས་པ་ཡིས་ནི་ལན་གཉིས་བརྗོད།། དང་པོ་རྣམ་པར་སྣང་མཛད་སྦྱིན།། ཡ་ཚོགས་བརྒྱད་པའི་ས་བོན་ལ།། དབྱངས་ཡིག་གཉིས་དང་ལྡན་ལ།། སྤྱི་བོ་རུ་ནི་ཐིག་ལེས་བརྒྱན།། ་ལྔ་པ་ཡི་ནི་གཉིས་པ་དང་།། གསུམ་པ་ཡི་ནཾ་དང་པོའོ།། འདི་ནི་སྔགས་ཀྱི་རྒྱལ་པོ་སྟེ།། མ་ཛེའི་གདོང་ཅན་སྦྱོར་བ་ཡིན།། ཐམས་ཅད་ལས་ནི་བྱེད་པའོ།། ལས་ཀྱི་སྔགས་སུ་གྲགས་པ་སྟེ།། སུམ་འབུམ་བཟླས་ན་ལས་ཀུན་བྱེད།། དྲུག་པ་ཡིན ་འོ་དང་། ལྔ་པ་ཡི་ཡང་སྔ་པ་ལ། དབྱང་མིག་གཤིས་པ་དང་ལྡན་པ། ཡིན་པ་ཡི་ནི་དང་པོ་སྟེ། དེ་ཡི་ལྔ་བཟང་དུ་བཞག་དང་པ་མ་ནི་ང་པོ་དང་། དང་པོར་རྣམ་པར་སྣང་མཛད་སྦྱིམ་དྲན་པ་དེ་ནི་མཐར་བྱིན་མ། སྤོད་པ་ལྔ་མི་མ་མམས ་ལྔ་པ་ཡི་ནི་གཉིས་པ་དང་། གསུམ་པ་ཡི་ནི་དང་པོའོ། འདི་ནི་མ་ཧེ་གདོང་ཅན་གྱི།། སྙིང་པོའི་སྔགས་སུ་རབ་ཏུ་གྲགས། ཡི་གེ་རེ་རེ་འབྲུར་བཟླས་ན། འཇིག་རྟེན་གསུམ་གྱི་ལས་ནི་གག། ཅི་ཡང་རུང་བ་ཐམས་ཅད་བྱེད།། སྔགས་བཏུ་བའི་ཆོ་གའི ་དུས་འདིར་མཆོད་པར་བྱའོ། ། འདི་ནི་འཇམ་དཔལ་ཞེས་བྱ་བ་དཔལ་རྡོ་རྗེ་འཇིགས་བྱེད་ཆེན་པོའི་རྣལ་འབྱོར་གྱི་རྒྱུད་ལས། སྔགས་བཏུ་བ་བསྟན་པའི་ལེའུ་སྟེ་གསུམ་པའོ།། ་དེ་ནས་རྡོ་རྗེ་འཇིགས་བྱེད་ཀྱི་བསྒྲུབ་པ་ཡང་དག་པར་བཤད་དེ། སྔོན་དུ་ཆོས་ཐམས་ཅད་ལ་བདག་མེད་པ་སྔོན་དུ་འགྲོ་བས་ལྷར་དམིགས་པ་བྱ་སྟེ།། དང་པོར་རེ་ཞིག་རང་བཞིན་གྱིས་དག་པའི་སྔགས ་བརྗོད་པས། ཆོས་ཐམས་ཅད་ཀྱི་མེད་པའི་ངོ་བོར་བྱས་ནས།། ནམ་མཁའི་དཀྱིལ་དུ་ཡཾ་གི་རྣམ་པ་ལས་གྲུབ་པའི་རླུང་གི་དཀྱིལ་འཁོར་མདོག་དུ་བའི་རྣམ་པ་བསམ་མོ།། དེའི་སྟེང་དུ་དང་པོའི ་དབྱངས་ཡིག་ལས་གྱུར་པའི་ཟླ་བའི་དཀྱིལ་འཁོར་དམིགས་ཏེ། དེའི་སྟེང་དུ་དྲྀཿའི་རྣམ་པ་ལས་འཇམ་དཔལ་གཞོན་ནུའི་གཟུགས་སུ་གྱུར་པར་བསམ་པར་བྱའོ།། དེར་ཨིའི་རྣམ་པ་ལས་གྲུབ་པའི ་ཉི་མའི་དཀྱིལ་འཁོར་བསམ་སྟེ། ཉི་མའི་དཀྱིལ་འཁོར་དེ་ལས་འོད་ཟེར་འཕྲོས་པས་ཕྱོགས་བཅུ་ན་བཞུགས་པའི་དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་དང་། རིག་པའི ་ལྷ་མོ་དང་། ཁྲོ་བོ་ལ་སོགས་པ་ཤིན་ཏུ་བསྐུལ་ཏེ། ཡང་འོངས་ནས་ཉི་མའི་དཀྱིལ་འཁོར་ལ་བཞུགས་པར་བསམ་མོ།། དེ་ནས་ཡང་འཇམ་དཔལ་དང་དེ་བཞིན་གཤེགས་པ་ལ་སོགས་པ་དེ་རྣམས་བཅིག ་ཏུ་གྱུར་ནས། ཉི་མའི་དཀྱིལ་འཁོར་དུ་བསམ་པར་བྱའོ།། འོད་ཟེར་འབར་བའི་རྣམ་པས་དཔག་ཚད་སྟོང་ཕྲག་བརྒྱར་ཁྱབ་པར་གསལ་བར་བྱའོ།། དེའི་སྟེང་དུ་ཧཱུཾ་མདོག་ནག་པོའི་འོད་ཟེར་ལྔ་དང་ཡང ་དག་པར་ལྡན་པར་བསམ་སྟེ། ཧཱུཾ་དེ་ལས་འོད་ཟེར་གྱི་རྣམ་པར་འཕྲོས་པས། སྔོན་དུ་གསུངས་པ་བཞིན་དུ་ཡང་ཞུགས་ཏེ། ཡི་གེ་དེ་ལས་རྡོ་རྗེ་ཆེན་པོ་རྣམ་པར་གདེངས་པ་ཁ་དོག་ནག་པོའི་འོད་ཟེར ་ལྔ་དང་ལྡན་པ་རྣམ་པར་དམིགས་པར་བྱ་སྟེ། རྡོ་རྗེ་དེ་ལས་ཕྲ་མོའི་རྣམ་པ་སངས་རྒྱས་དང་། བྱང་ཆུབ་སེམས་དཔའ་དང་། ཁྲོ་བོ་དང་། རིག་པའི་ལྷ་མོས་ནམ་མཁའ་ཏིལ་གྱི་གང་བུ་ལྟར་གང་བ་ཉི ་མ་ལ་གནས་པ་རྣམ་པར་བསམ་པར་བྱའོ། ། དེ་སངས་རྒྱས་ལ་སོགས་པ་རྣམས་ཀྱིས་ནི་སེམས་ཅན་ཡོངས་སུ་སྨིན་པར་བཏུལ་ནས་བྱང་ཆུབ་ལ་རབ་ཏུ་བཀོད་དོ།། ཡང་དེ་ཉིད་ལྷན་ཅིག་ཏུ ་བསྡུས་ནས་རྡོ་རྗེར་གཟུགས་བརྙན་ལ་རབ་ཏུ་གྲགས་པར་བསམ་མོ། ། རྡོ་རྗེའི་གཟུགས་དེ་ཉིད་ཞལ་དགུ་པ། མཚོའི་གཟུགས་ཅན། འཇིག་པའི་དུས་ཀྱི་མེ་ལྟར་འབར་བ། རྡོ་རྗེ་འཇིགས་བྱེད ་ཆེན་པོ་ཁམས་གསུམ་པ་བར་ནུས་པ། ནལ་གཅིག་པ། ས་བཞེས་ལྗགས་འཇིལ་བ། རྣམ་པར་གཙིགས་པའི་ཁྲོ་གཟེར་འཛགས་པ། ཁྲོ་གཉེར་གྱི་འགྲས་ནས་སྨིན་མ་དང་སྤྱན་འཇམ ་པ་ཆེན་པོའི་དུས་ལྟར་དྲག་པ། མིའི་ཁྲག་དང་། ཚལ་དང་། ཞག་དང་། རྐང་ཟ་བ། འཇིག་རྟེན་དང་འཇིག་རྟེན་ལས་འདས་པའི་ལྷ་ལ་སོགས་པ་ལ་སྔགས་མཛུབ ་བྱེད་པ། བརྒྱ་བྱིན་དང་། ཚངས་པ་དང་། དབང་ཕྱུག་ཆེན་པོ་དང་། ཁྱབ་འཇུག་དང་། གནོད་སྦྱིན་ལ་སོགས་པ་ཟ་བ། ཐོད་པ་གཙིགས་པའི་རྩེ་མོ་འཇིགས་སུ་རུང་བའི་ཐོད་པས་ཟོར་བྱས་པ། ་འཇིགས་པ་ཆེན་པོ་ཅན། ཕཊ་ཅེས་སྒྲོག་ཅིང་ཐོད་པའི་བྱང་ཕྲུལ་གྱི་རྒྱན་གྱིས་བརྒྱན་པ། ཞབས་བཅུ་དྲུག་པ། གཅེར་བུའི་གཟུགས་མཚན་མ་གྱེན་དུ་འགྲེང་བ། གཡོན་བརྐྱང་བ ་གསུས་པ་ཆེ་བ། སྐྲ་གྱེན་དུ་བརྫེས་པ། འཇིགས་པ་ཆེན་པོར་བྱེད་པ། ཕེཾ་ཞེས་སྒྲ་སྒྲོག་པ། ཕྱག་སུམ་ཅུ་རྩ་བཞི་དང་ལྡན་པ། གླང་པོ་ཆེའི་པགས་པ་རློན་པ་འཛིན་པ། དཔལ་རྡོ་རྗེ་འཇིགས ་བྱེད་ཆེན་པོ་མ་ཧེའི་གདོང་ཅན་རྣམ་པར་བསམ་པར་བྱ་སྟེ། དེ་ལྟར་ཤིན་ཏུ་བསམ་པ་བརྟན་པར་བྱ་སྟེ། དེ་ཁོ་ན་ཉིད་ཀྱི་སྦྱོར་བ་ལ་ཤིན་ཏུ་མཉམ་པར་བཞག་པའི་སྔགས་པས་རྟག་ཏུ་བསྒོམ་པར ་བྱ་སྟེ། གཡས་དང་པོ་ན་ཀྲི་ཀུག། གཉིས་པ་ན་མཚོན་རྩེ་གཅིག་པ། གསུམ་པ་ན་གཏུན་ཤིང་། བཞི་པ་ན་ཆུ་ཀྲྀ། ལྔ་པ་ན་རྡོ་རྗེ་རྩེ་གཅིག་པ། དྲུག་པ་ན་སྟ་རེ། བདུན་པ་ན་མདུང ་ཐུང་། བརྒྱད་པ་ན་མངར། དགུ་པ་ན་ལྕགས་ཀྱུ། བཅུ་པ་ན་དབྱིག་ཏོ།། བཅུ་གཅིག་པ་ན་ཁ་ཊྭཱ~ཾ་ཀ། བཅུ་གཉིས་པ་ན་འཁོར་ལོ།། བཅུ་གསུམ་པ་ན་རྡོ་རྗེ། བཅུ་བཞི་པ་ན་རྡོ་རྗེ་ཐོ་བ ་བཅོ་ལྔ་པ་ན་རལ་གྲི། བཅུ་དྲུག་པ་ན་ཅང་ཏེའུའོ།། གཡོན་པའི་དང་པོ་ན་ཐོད་པ། གཉིས་པ་ན་མགོ་བོ། གསུམ་པ་ན་ཕུ་བ། བཞི་པ་ན་རྐང་པ། ལྔ་པ་ན་ཞགས་པ། དྲུག་པ་ན་གཅུ། བདུན་པ་ན་རྒྱུ་མ། ་བརྒྱད་པ་ན་དྲིལ་བུ། དགུ་པ་ན་ལག་པ། བཅུ་པ་ན་དུར་ཁྲོད་ཀྱི་རས། བཅུ་གཅིག་པ་ན་སྐྱེས་བུ་གསལ་ཤིང་ལ་བཙུགས་པ། བཅུ་གཉིས་པ་ན་མ་ཐབ། བཅུ་གསུམ་པ་ན་ཐོད་ཚལ། བཅུ་བཞི་པས་སྡིགས ་མཛུབ། བཅོ་ལྔ་པ་ན་འཕན་རྩེ་གསུམ་པ། བཅུ་དྲུག་པ་ན་རླུང་གིས་ཕྱར་བའི་དུར་ཁྲོད་ཀྱི་རས། ཕྱག་གཉིས་གླང་པོ་ཆེའི་པགས་པ་རློན་པ་འཛིན་པའོ།། ཞབས་གཡས་པའི་དང་པོས་མི། གཉིས་པས ་མ་ཧེ། གསུམ་པས་གླང་། བཞི་པས་བོང་བུ། ལྔ་པས་རྔོ་མོ། དྲུག་པས་ཁྱི། བདུན་པས་ལུག། བརྒྱད་པས་ཝ། ཞབས་གཡས་པས་འདི་དག་ལ་ཞོན་པའོ།། ཞབས་གཡོན་པའི་དང་པོས་བྱ་རྒོད། གཉིས ་པས་འུག་པ། གསུམ་པས་བྱ་རོག། བཞི་པས་ནེ་ཙོ། ལྔ་པས་ཁྲ། དྲུག་པས་ཁྱུད་ཆེན་པོ། བདུན་པས་རི་སྐེགས། བརྒྱད་པས་བཞད། ཞབས་གཡོན་པས་འདི་དག་མནན་པོའོ།། དཔལ་འཇིགས ་བྱེད་ཆེན་པོའི་དང་པོའི་ཞལ་ནི་རབ་ཏུ་གནག་པ་མ་ཧེའི་རྣམ་པ་ཤིན་ཏུ་ཁྲོས་པ་ཅན། རྭ་གཡས་ཀྱི་ཞལ་གསུམ་པ་དང་པོ་སྔོན་པོ། གཉིས་པ་དམར་པོ། གསུམ་པ་སེར་པོ་སྟེ། མངའ་བདག་གི་ཞལ་གསུམ ་ཤིན་ཏུ་ཁྲོས་པ། ར་གཡོན་པར་ཞལ་གསུམ་ལ་དང་པོ་དཀར་པོ། གཉིས་པ་དུད་ཁ། གསུམ་པ་ནག་པོ་རབ་ཏུ་ཁྲོས་པ། གཙིགས་པའི་ཞལ་རབ་ཏུ་བསམ་པར་བྱོར།། ར་གཉིས་ཀྱི་བར་དུ་དབུས་ཀྱི་ཞམ ་དམང་པོ་རབ་ཏུ་འཛགས་པ། རྒས་ནས་ཁྲག་འཛགས་པ་བསམ་པར་བྱའོ།། སྟེང་དུ་འཇམ་དཔལ་གྱིག་ལ་ཅུང་ཟད་སང་བ་མིང་ཙམ་ཁྲོ་བ་བྱིས་པའི་རྒྱུན་གྱིས་བརྒྱན་པ། སྨྲ ་རལ་པ་ལྔ་དང་ལྡན་པ་རྣམ་པར་བསམས་ཏེ། ཞལ་ཐམས་ཅད་སྤྱན་གསུམ་པར་བསྒོམ་དེ།། འདི་ལྟར་བདག་ཞིད་རྟག་ཏུ་རྩེ་གཅིག་ཏུ་དམིགས་སོ།། དེ་ཉིད་དཔལ་རྡོ་རྗེ་འཇིགས་བྱེད་ཆེན་པོ་མ་སེའི་གདོང་ཅན ་དག་ཉིད་ཡིན་པར་བསྒོམས་ནས། དཔའ་བོའི་གནས་ལ་གནས་པའི་རྣལ་འབྱོར་པས་དེ་ནས་ཕྱི་ནས་སྔགས་བཟླ་བར་བྱ་སྟེ། བཟླས་པའི་དུས་སུ་རང་གི་སྙིངའི་ཁར་ཉི་མའི་དཀྱིལ་འཁོར་བསམས་ཏེ། དེའི ་སྟེང་དུ་རང་གི་སྔགས་ཀྱི་ཡི་གེ་དགོད་པར་བྱའོ། ། འབར་བ་དང་ཕྱི་ནས་མ་ཡེངས་པའི་ཡིད་ཀྱིས་བཟླས་པ་བྱའོ།། སྦྱོར་བ་འདི་ལ་གནས་པའི་སྔགས་པ་ཡིས།། རྟག་ཏུ་འཇིགས་བྱེད་ལས་ཀུན་བྱ།། དུར ་། ཁྲོད་གནས་ལ་བསྒོམ་བྱ་ཞིང་།། རྟག་ཏུ་བདུད་རྩི་ལྔ་རྣམས་བཟའ།། དེ་ཡིས་བསྒྲུབ་ལས་བསྒྲུབ་གཞན་མེད།། གཞན་ཡང་མར་མེ་ཆེ་ཟ་ཞིང་།། མཚན་མོ་རྒྱུ་བའི་རྣལ་འབྱོར་པས།། སུམ་འབུམ་རྩ ་བའི་སྔགས་བཟླས་བྱ། ། འདི་ཟློས་པ་ཡི་སྔགས་པ་ཡིས།། ཐམས་ཅད་ལས་ནི་བྱེད་པར་འགྱུར།། འདི་ནི་འཇམ་དཔལ་འཇམ་པའི་མཆོག། དཔལ་རྡོ་རྗེ་འཇིགས་བྱེད་ཆེན་པོའི་རྒྱུད་ལས། སྒོམ་པའི་རྟོག ་པ་སྟེ་བཞི་པའོ། ། ། དེ་ནས་དཔལ་འཇིགས་བྱེད་ཆེན་པོས་བསྟན་པའི་བྲིས་སྐུའི་ཆོ་ག་རབ་ཏུ་གསུངས་པ། དཔའ་བོའི་རས་སམ། རོ་ལ་བཀབ་པའི་རས་སམ། མེ་ཏོག་ཅན་གྱི་རས ་སམ། དུ་སྐྱེས་པའི་རས་སམ། དེ་མ་རྙེད་ན་རས་གང་ཡང་རུང་བ་ལ། རི་མོ་མཁན་བཟང་པོ་རྣམ་རྟོག་མེད་པ། མི་ཁྲོ་བ། གཙང་བ། མཁས་པ། ཡིད་གཞུངས་པ། དད་པ་དང་ལྡན་པ། བརྩེ་བ་ཅན ་སྲེད་པ་དང་བྲལ་བ། འདི་ལྟར་ཡོན་ཏན་དང་ལྡན་པའོ།། དེ་ལྟ་བུའི་རི་མོ་མཁན་གྱི་ལག་པས་དཔའ་བོའི་རས་ལ་བྲི་བར་བྱའོ།། གལ་ཏེ་དངོས་གྲུབ་འདོད་པས་དཔའ་བོའི་ཡོན་སྦྱིན་ནོ།། དེ་ལ་ཆོ་ག་ནི་གསང ་བའི་གནས་སུ་གནས་ལ། ཤིན་ཏུ་མཉམ་པར་གཞག་པས་བྲི་བར་བྱ་སྟེ། རི་མོ་མཁན་དང་སྒྲུབ་པ་པོས་མཐོང་བ་ལ་འཇིག་རྟེན་པ་གཞན་གྱིས་མི་མཐོང་བར་བྲི་བར་བྱ་སྟེ། ཞབས་བཅུ་དྲུག་པ། ཕྱག་སུམ ་ཅུ་རྩ་བཞི་པ། ཞལ་དགུ་པ། བཅེར་བུ་ཁ་དོག་ནག་པོ་གཡོན་བརྐྱང་བ། འཇིགས་པ་ཆེན་པོ་ཡང་འཇིགས་པར་བྱེད་པའི་རྣམ་པ་ཅན། མཚན་མ་གྱེན་དུ་འགྲེང་བར་ཐང་འབྲི་བར་བྱའོ།། འལ་དང་པོ་མ། ་རཱའི་གཡས་སུ་ཞལ་གསུམ་པ་སྟེ། སྔོན་པོ་དང་། དམར་པོ་དང་། སེར་པོ་ཤིན་ཏུ་ཁྲོས་པ་བྲི་བར་བྱའོ།། གཡོན་དུ་དཀར་པོ་དང་། དུད་ཁ་དང་། ནག་པོའོ།། དེ་གཉིས་ཀྱི་དབུས་སུ་རབ་ཏུ་དམར་པ ་བྲི་བར་བྱའོ། ། དོའི་སྟེང་དུ་འཇམ་དཔལ་གྱི་ཞལ་སེར་པོ་ཅུང་ཟད་ཁྲོ་བ་བྲི་བར་བྱའོ།། ཕྱག་གཡས་པར་གྲྀ་གུག་དང་། མཚོན་རྩེ་གཅིག་པ་དང་། གཏུན་ཤིང་དང་། ཆུ་གྲི་དང་། རྡོ་རྗེ་རྩེ་གཅིག་པ ་དང་། སཱ་རེ་དང་། མདུང་དང་། མངའ་དང་། ལྗགས་ཀྱུ་དང་དབྱིག་པོ་དང་། ཁ་ཊྭཱ~ཾ་ག་དང་། འཁོར་ལོ་དང་། རྡོ་རྗེ་དང་། རྡོ་མོ་པ་དང་། རལ་གྲི་དང་ཅང་ཏེའུའོ།། ཕྱག་གསོན་པ་མཐོད་པ་དང་། ་མགོ་བོ་དང་། བུབ་དང་། རྐང་པ་དང་། ཞགས་པ་དང་། གཞུ་དང་། རྒྱུ་མ་དང་། དྲིལ་བུ་དང་། ལག་པ་དང་། དུར་ཁྲོད་ཀྱི་རས་དང་། སྐྱེས་བུ་གསལ་ཤིང་གིས་ཕུག་པ་དང ་མེམ་ཐ་བ་དང་། ཟོད་ཚལ་དང་། སྡིགས་མཛུབ་དང་། རཕན་རྩེ་གསུམ་པ་དང་། རླུང་གིས་བསྐྱོད་པའི་རས་སོ།། ཕྱག་གཉིས་ཀྱིས་གླང་པོ་ཆེའི་པགས་པ་རློན་པ་འཛིན་པ་འབྲིའོ།། ཞབས་གཡས་པས ་མི་དང་། མ་ཧེ་དང་། གླང་དང་། བོང་བུ་དང་། རྔ་མོ་དང་། ཁྱི་དང་། ལུས་དང་། ཝ་རྣམས་སོ།། ཞབས་གཡོན་པས་བྱ་རྒོད་དང་། འུག་པ་དང་། བྱ་རོག་དང་། ནེ་ཙོ་དང་། ཁྲ་དང་བྱ་ཆེན་དང ་རི་སྐེགས་དང་། བཞད་རྣམས་སོ།། འདི་ལྟ་བུར་འདུག་པའི་རྡོ་རྗེ་འཇིགས་བྱེད་ཆེན་པོ་བྲི་བར་བྱའོ།། དེའི་འོག་ཏུ་དུར་ཁྲོད་ཆེན་པོའང་བྲི་བར་བྱའོ།། འཇིགས་པ་ཆེན་པོ་བྱེད་པ། སྲིན་པོ་དང ་ཞིང་སྐྱོང་བ་དང་། རོ་ལངས་དང་ལྡན་པ་སྐྱེས་བུ་མདུང་རྩེ་གཙུགས་པའི་གཟུགས་དེ་མཐོང་བར་བྱའོ།། ནྱ་གྲོ་དྷའི་ཤིང་དག་གི་སྟེང་དུ་སྐྱེས་བུ་འཕྱང་བ་བྲི་བར་བྱ། སྐྱེས་བུ་སྔགས་བཅོན་རང་བྲི ་མདུང་གིས་ཕུག་པའི་སྐྱེས་བུའང་དྲི། བྱ་སྣ་ཚོགས་དང་། བྱ་རོག་དང་། ཁྱི་དང་། ལྕེ་སྤྱང་དང་ཧ་ས་འབྱིན་པ་བྲི། སྒྲུབ་པ་པོ་རྣམས་ཀྱང་བྲི་སྟེ། བཅོམ་ལྡན་འདས་ལ་རྩེ་གཅིག་ཏུ་ཝཱ་གཅེར་བུ་སྐྲ ་བཤིག་པ། ཕྱག་རྒྱ་ལྔས་བརྒྱན་པ། ཅང་ཏེའུ་དང་། ཐོད་པ་དང་། ཁ་ཊྭཱཾ་ག་འཛིན་པ། ཐོད་པས་སྤྱི་བོར་བརྒྱན་པ། དགོད་ཅིང་དུར་ཁྲོད་དེར་འཇུག་པ་བྲི། འདི་ནི་གསང་བའི་མིས་ས ་གནས་གཅིག་ཏུ་ལེགས་པར་བཞག་ལ། ཤ་ཆེན་གྱི་སྤོས་དབུལ། དོའི་མདུན་དུ་དུང་ཆེན་གྱི་འཕྲེང་བས་བཟླས་པ་བྱ། སྔགས་པ་མཉམ་པར་བཞག་པས་དུས་གསུམ་དུ་འབང་ལ་བྲིས་སུ་བསྲུང་ངོ་།། ་གནན་གང་ཡང་མི་གཞག་གོ།། གཞན་གང་གི་མདུན་དུའང་མི་དགྲམ་མོ།། ཀླག་པ་དང་། བཏུང་བ་དང་། བཟའ་བ་དང་། སྟོན་མོ་ནི་ཤ་ཆེན་རྟག་ཏུ་མཚན་མོ་བཔའ་འོ།། གལ་ཏེ་མཆོག་གི་དངོས ་གྲུབ་འདོད་ན་དུས་གསུམ་དུ་རྣམ་པར་སྣང་མཛད་དང་ཁྲག་གི་སྤོས་ཟིས་སྐུའི་མདུན་དུ་དབུལ་ལོ། ། འདི་ནི་འཇམ་དཔལ་འཇམ་པའི་མཆོག་རྡོ་རྗེ་འཇིགས་བྱེད་ཆེན་པོ་རྣལ་འབྱོར་གྱི་རྒྱུད་ལས་བྲིས ་སྐུའི་ཆོ་གའི་རྡོག་པ་སྟེ་ལྟ་པའོ། ། ། དེ་ནས་སྦྱིན་སྲེག་གི་ལས་ཀྱི་ཆོ་ག་གསུངས་པ། ཇི་ལྟར་སྔོན་གྱི་རིམ་པ་སྟེ། དང་པོར་རེ་ཞིག་སྔགས་པས་པའི་གནས་སུ་བྱིན་ལ། ་མཚན་ཕྱེད་ན་སྦྱིན་སྲེག་གི་ལས་ཀུན་བྱས་ཏེ། གང་དུ་གསུངས་པའི་ལྷའི་རྣལ་འབྱོར་ལ་གནས་པས་ལས་ཐམས་ཅད་བྱའོ།། དེ་ལས་ལས་ནི་འདི་རྣམས་ཡིན་ནོ།། གལ་ཏེ་གསར་པར་འདོད་ན་ར ་མིའི་རུས་པ་དང་། རྣམ་པར་སྣང་མཛད་དང་། བོང་བུའི་སྤངས་དང་། ཁྱིའི་སྤངས་དང་། ཚེར་མ་དང་། སྐྲ་དང་། སྲིན་མོ་དང་། དེ་དག་ཐམས་ཅད་ཚ་བའི་མར་ཁྲུས་སྦྲུས་ལ། མ་ཧེའི་ཞལ ་གྱི་སྦྱོར་བས་ཤིན་ཏུ་མཉམ་པར་བཞག་ལ། ཁ་ལྷོར་བལྟས་ཏེ་རོ་བསྲེགས་པའི་མེ་ལ། གང་གི་མིང་དང་བཅས་པར་བརྒྱ་རྩ་བརྒྱད་བསྲེགས་ན་ཐེ་ཚོམ་མེད་པར་དེ་ཞག་གསུམ་གྱིས་འཆིའོ།། ་ཡང་ན་ཕྱོགས་གཅིག་ཏུ་གནས་ལ་མེ་ཐབ་གྲ་གུག་གསུམ་བྱས་ནས། དེར་སྔོན་དུ་གསུངས་པའི་རྫས་ཀྱིས་གཏུམ་པོའི་མེ་ལ་སྦྱིན་སྲེག་བྱ་སྟེ། སྦྱོར་བ་དེས་ནི་ངས་དེ་ཉིད ་འགྲུབ་བོ། ། དེ་ནས་དཔྲལ་བར་འདོད་ན་བྱ་རོག་དང་། འུག་པ་དང་། རྨ་བྱ་དང་། སྦྲུལ་དང་། སྐྲ་དང་། འབྲས་པུལ་དང་། མ་ཧེ་དང་། རྟའི་ཤ་དང་ལྷན་ཅིག་ཏུ་གང་གི་མིང་དང་བཅས་པར་ཡི་གེ ་བཅུ་པའི་སྔགས་ཀྱིས་དུར་ཁྲོད་ཀྱི་མེ་ལ་བསྲེགས་ན་དེས་འབྲལ་བར་འགྱུར་རོ། ། ཡང་ན་དུར་ཁྲོད་ཀྱི་ཤིང་ལ་གཏུམ་པོའི་མེ་རབ་ཏུ་སྦྱར་ལ་ཁྱིམ་དུ་གནས་ཏེ། གོང་གི་རྫས་དེ་བསྲེགས་ན ་རྡོ་རྗེ་འཛིན་པ་ལྟ་བུའང་ཉི་མ་བདུན་གྱིས་འབྲལ་ལོ། ། དེ་ནས་བསྐྲད་པར་འདོད་ན་བྱ་རོག་གི་ཤ་དང་རྔ་མོའི་རྟུག་པ་དང་ལྷན་ཅིག་ཏུ་ཆང་དང་ཡང་དག་པར་ལྡན་པ་རླུང་གི་དཀྱིལ་འཁོར་གྱི་དབུས ་སུ་དུར་ཁྲོད་ཀྱི་ཤིང་ལ་མེ་རབ་ཏུ་སྔར་ལ། གཅེར་བུ་སྐ་བཤིག་པར་བསྒྱུར་ནས་ཁ་ལྷོ་ཕྱོགས་སུ་བལྟས་ཏེ། གཤིན་རྗེའི་སྔགས་ཀྱིས་ཆེ་གེ་མོའི་མིང་དང་བཅས་པར་ལག་པ་གཡོན་པས ་སྦྱིན་སྲེག་སྟོང་བྱས་ན། སྐྲོད་པ་ལས་གཞན་དུ་མ་ཡིན་ནོ།། དེ་ནས་རེངས་པར་འདོད་ན་བ་བླ་དང་། ཡུང་བ་དང་། ལྡོང་རོས་དང་། གིའུ་ཝང་དང་བཅས་པས་དཀྱིལ་འཁོར་གྲུ་བཞི་པ ་བྱས་ལ་ཁ་བྱང་དུ་བལྟས་ཏེ་ལས་ཀྱི་རྗེས་སུ་འབྲང་བའི་སྦྱོར་བ་དམིགས་ནས། གང་གི་མིང་དང་བཅས་པར་སྦྱི་ནི་སྲེག་བྱས་ན། དེ་ཉི་མ་བདུན་གྱིས་རེངས་པར་འགྱུར་རོ།། དེ་ནས་གྲོང་བསྐྲད ་པར་འདོད་ན་ནིམ་པའི་ཤིང་ལ་མེ་རབ་ཏུ་སྦར་ལ། ཁྱིའི་ཤ་དང་། སྐལ་པའི་ཤཱ་དང་། ཁྱིམ་བྱིར་ཤ་དང་། རྔ་མོའི་རྟུག་པ་དང་། བྱི་ལའི་ཁྲག་གཅིག་ཏུ་སྨྲས་ལ། གཤིན་རྗེའི་སྦྱོར་བ་ལ ་གནས་པས། གྲོང་གི་མིང་དང་བཅས་པར་ཡི་གེ་བཅུ་པའི་སྔགས་ཀྱིས་རླུང་གི་དཀྱིལ་འཁོར་གྱི་དབུས་སུ་སྦྱིན་སྲེག་སྟོང་ཕྲག་བཅུ་བྱས་ན་གྲོང་སྐྲོད་པར་འགྱུར་རོ།། ལས་དེ་རྣམས་ནི་ཤིན་ཏུ་འང ་མཉམ་པར་བཞག་པས་བྱ་སྟེ། གཞན་དུ་ན་སྔགས་པ་རང་ཉིད་ལ་འབབ་པར་འགྱུར། གཞན་གང་ལའང་མི་བསྟན་ནོ།། དེ་ནས་ཞི་བར་བྱ་བར་འདོད་ན་མར་དང་། སྦྲང་རྩི་དང་། འོ་མ་དང་། ་དུར་བ་དང་བཅས་པར། པ་ལ་ཤའི་ཤིང་ལ་མ་རབ་ཏུ་སྦར་ན་ཞི་བར་འདོད་པར་དམིགས་ནས་ཡུལ་གྱི་ཤར་ཕྱོགས་སུ་ཁ་བལྟས་ཏེ་གནས་པས་དུས་གསུམ་དུ་སྦྱིན་སྲེག་སྟོང་རྩ་བརྒྱད་བྱས་ན་དེས ་ཡུལ་ཞི་བར་བྱས་པར་འགྱུར་རོ། ། དེ་ནས་རྒྱས་པར་འདོད་ན་ཏིལ་དང་། འབྲས་དང་། ནས་དང་། མར་དང་བཅས་པས་ཨུ་དུམ་པ་རའི་ཤིང་ལ་མ་རབ་ཏུ་སྦར་ནས་ལས་ཀྱི་རྗེས་སུ་འབྲང་བའི་ལྷའི ་སྦྱོར་བ་དམིགས་ཏེ། ཁ་བྱང་དུ་བལྟས་ནས་མཉམ་པར་བཞག་པས་ཡི་གེ་བཅུ་པའི་སྔགས་ཀྱིས་དུས་གསུམ་དུ་སྦྱིན་སྲེག་སྟོང་བྱས་ན་རྒྱས་པར་འགྱུར་རོ།། དེ་ནས་འགུགས་པར་འདོད་ན་སྐེ་ཚེས་གཟུགས ་བརྙན་བྱས་ལ་དེ་ནས་སེང་ལྡེང་པོ་མའོ་དབུས་སུ་གཤིན་རྗེའི་སྔགས་ཀྱིས་བརྒྱ་རྩ་བརྒྱད་དུ་བསྲེགས་ན་མ་གྲུབ་པའང་འགྲུབ་པར་འགྱུར་རོ། ། ཉི་མ་བདུན་གྱིས་གང་འདོད་པ་ཐེ་ཚོམ་མེད་པར་འགུགས ་སོ། ། དེ་ནས་སྤྲོ་བར་བྱ་བར་འདོད་ན་བྱ་རྒོང་ཆེན་པོའི་ཚང་དང་ཤ་ཆེན་བསྲགས་ན་སྤྲོ་བར་འགྱུར་རོ།། དེ་ཕུབ་མའི་མེ་ལ་བསྲེགས་ན་བདེ་ལེགས་སུ་འགྱུར་རོ།། དེ་ནས་ནོར་ནོར་མ་ཡི ་པར་བྱ་བར་འདོད་ན་རས་བལ་གྱི་མེ་ལ་ངྒ་དུ་རིའི་འབྲས་བུ་དང་བཅས་པར་མཚན་མོ་ཡི་གེ་བཅུ་པའི་སྔགས་བརྒྱ་རྩ་བརྒྱད་སྦྱིན་སྲེག་བྱས་ན་ཤིན་ཏུ་ཆུད་ཟོས་པར་འགྱུར་རོ། ། ཨ་རུ་ར་བསྲེགས་ན་སླར་རྫས ་དེ་ཉིད་དུ་འགྱུར་རོ། ། རྗེ་བཙུན་གྱི་མདུན་དུ་ཤ་ཆེན་ཆང་དང་བཅས་པ་ཟླ་བ་དྲུག་ཏུ་མཚན་མོ་སྦྱིན་སྲེག་བརྒྱ་རྩ་བརྒྱད་བྱས་ན་ཡུལ་ཐམས་ཅད་ཀྱི་བདག་པོར་འགྱུར་རོ།། བ་ལང་གི་ཤ་དང་ཁྲག་ཏུ་བཅས ་པར་གང་གི་མང་དང་བཅས་པར་སྦྱིན་སྲེག་སྟོང་བྱས་ན་དེ་ཇི་སྲིད་འཚོའི་བར་དུ་བྲན་དུ་གནས་པར་ཐེ་ཚོམ་མེད་དོ། ། ཁྱི་ཤ་རྡོ་རྗེ་ཆུ་དང་བཅས་པར་སྐྱེས་པའི་བདག་ཉིད་ཀྱིས་མཚན་མོ་གང་གི་མིང་དང ་བཅས་པ་སྦྱིན་སྲེག་བརྒྱ་རྩ་བརྒྱད་བྱས་ན་བདག་ཉིད་ཀྱིས་ནོར་དང་བཅས་པ་དབང་དུ་འགྱུར་རོ། ། རྟའི་ཤ་རྣམ་པར་སྣང་མཛད་དང་བཅས་པ་གཤིན་རྗེ་གཤེད་ཀྱི་སྔགས་ཀྱིས་སྦྱིན་སྲེག་བརྒྱ་རྩ་བརྒྱད ་གནས་གཅིག་ཏུ་གནས་ལ། མཚན་མོ་རྒྱལ་པོ་ལ་དམིགས་ནས་བྱས་ན་ཞག་བདུན་གྱིས་འཁོར་དང་བཅས་པ་དབང་དུ་འགྱུར་རོ།། གླང་པོའི་ཤ་ཁུ་བ་དང་བཅས་པས་མེའི་འཇིག་རྟེན་ཀུན་ལ་དམིགས ་ལ་ཡི་གེ་བཅུ་པའི་སྔགས་ཀྱིས་མཚན་མོ་སྦྱིན་སྲེག་སྟོང་བྱས་ན་ཞག་བདུན་གྱིས་དབང་དུ་འགྱུར་རོ། ། ཝ་དང་། ག་དང་། ཆང་དང་བཅས་པས་འཇིགས་པ་མེད་པར་ཡི་པ་བཅུ་པའི་སྔགས་ཀྱིས་སྦྱིན་སྲེག ་བརྒྱ་རྩ་བརྒྱད་བྱས་ན་བུད་མེད་ཐམས་ཅད་དབང་དུ་འགྱུར་རོ། ། དེ་ནས་བསྐྲད་པར་འདོད་ན་བྱ་རོག་གི་ཤ་མ་འདྲེས་པར་ཡི་གེ་བཅུ་པའི་སྔགས་ཀྱིས་གང་གི་མིང་དང་བཅས་པར་སྦྱིན་སྲེག་སྟོང་བྱས་ན ་ཉིམ་བདུན་གྱིས་རྡོ་རྗེ་འཛིན་པ་ལྟ་བུའང་རབ་ཏུ་འབྲོས་ན། ཕྲ་མོའི་མཾ་ལྟ་ཙཾ་སྨོས། དེ་ནས་བྱ་རོག་གི་ཚང་དང་འབྲས་ཀྱི་ཕུབ་མ་དང་ལྷན་ཅིག་ཏུ་དྷ་དྷུ་རའི་ཤིང་ལ་མེ་རབ་ཏུ་སྦར་ནས། ཡི་གེ་བཅུ་པའི ་སྔགས་གང་གི་མིང་དང་བཅས་པར་ནམ་བྱེད་ན་སྦྱིན་སྲེག་བྱས་ན། ཉི་མ་བདུན་གྱིས་སྐྲོད་པར་འགྱུར་རོ།། དེ་ནས་དབང་དུ་བྱ་བར་འདོད་ན་སེང་ལྡེང་གི་མེ་ལ་ཏིལ་དང་། འབྲས་དང་། བུད་མེད་ཀྱི་མེ་ཏོ ་དང་ལྷན་ཅིག་ཏུ་རྡོ་རྗེའི་ཆུ་དང་བསྲེས་ཏེ། རྣལ་འབྱོར་གྱི་གཟུགས་དམར་པོ་དམིགས་ནས་ཁ་ནུབ་ཏུ་བལྟས་ཏེ། ཡི་གེ་བཅུ་པ་གང་གི་མིང་དང་བཅས་པར་སྔགས་པས་བསྲེགས་ན། ཉི་མ་བདུན་གྱིས ་དབང་དུ་འདུས་ཏེ་དེ་ཇི་སྲིད་འཚོ་བའི་བར་དུ་མི་འབྲལ་ལོ། ། དེ་ནས་འགུགས་པར་འདོད་ན་བདུད་རྩི་མར་དང་བཅས་པར་སེང་ལྡེང་གི་མེ་ལ་གང་གི་མིང་དང་བཅས་པར་སྦྱིན་སྲེག་བརྒྱ་རྩ་བརྒྱད་བྱས་ན་དེ་སྐད ་ཅིག་གིས་འོང་བར་འགྱུར་རོ། ། ལས་འདི་རྣམས་ནི་སྔོན་དུ་བསྙེན་པ་བྱས་པའི་སྔགས་པས་བྱའོ།། གཞན་པས་བྱས་ན་སྔགས་པ་འཇིག་རྟེན་པས་དཔྱས་པར་འགྱུར་རོ།། ཇི་ལྟར་བྱེ་བྲག་མི་བྱ་སྟེ། ་གང་ལའང་བྱེ་བྲག་སྦྱིན་པར་མི་བྱའོ།། བྱེ་བྲག་ཕྱེ་ན་སྔགས་པས་དངོས་གྲུབ་མི་འགྲུབ་བོ།། ངས་རྒྱུད་གཞན་ལས་ཀྱང་བཤད་དེ། ཇི་ལྟར་བྱེ་བྲག་མ་སྐྱེས་པ། དེ་བཞིན་བྱ་བའི་བྱེ་བྲག་སྨྲས། ་སེམས་དཔས་ཀྱང་མི་འགྲུབ།། གང་གི་མདུན་དུའང་སྔགས་པ་ཡིས།། དེ་ཕྱིར་ལས་རྣམས་མཐོང་མི་བྱ།། གཞན་དང་ལྷན་ཅིག་ཏུ་མི་བྱ།། གལ་ཏེ་སྔགས་པས ་ལས་བྱ་འདོད། ། དེ་དག་གཅིག་པུ་ཞིག་གིས་བྱ།། སྔགས་པ་དེ་ཡིས་ལས་ཀུན་བྱེད།། འདི་ནི་འཇམ་དཔལ་འཇམ་པའི་མཆོག། རྡོ་རྗེ་འཇིགས་བྱེད་ཀྱི་རྣལ་འབྱོར་གྱི་རྒྱུད་ལས། སྦྱིན་སྲེག་གི ་ལས་ཀྱི་ཆོ་ག་རྒྱ་ཆེ་བའི་རྟོག་པ་སྟེ་དྲུག་པའོ། ། །། དེ་ནས་བསམ་གཏན་གྱི་ལས་ཀྱི་ཆོ་ག་ཇི་ལྟ་བུ་ཡང་དག་པར་གསུངས་ཏེ། བསམ་གཏན་དང་སྔགས་ཀྱི་རབ་ཏུ་སྦྱོར་བ ་ལས་དགོས་པ་ཐམས་ཅད་རབ་ཏུ་སྒྲུབ་པར་བྱེད་དེ། དེའི་ཆོ་གའི་དང་པོར་རེ་ཞིག་རྣལ་འབྱོར་པ་མ་ཧེའི་གདོང་པའི་སྦྱོར་བ་ལ་གནས་པའི་སྔོན་དུ་སྦྱང་བ་བྱས་པས་ལས་ཐམས་ཅད་བྱའོ།། རེ་ཕ ་ལས་ཡོངས་སུ་གྱུར་པའི་མེའི་དཀྱིལ་འཁོར་ཀུན་ཏུ་གསལ་བར་འབར་བར་རྣམ་པར་བསམས་ལ། དེའི་སྟེང་དུ་བསྒྲུབ་བྱ་གཅེར་བུ་སྐྲ་བཤིག་པ། བྲེད་པར་གྱུར་པ་བདག་གི་མདུན་དུ་རྣམ་པར ་བསམ་མོ། ། དེ་ནས་རང་གི་ལུས་ལས་ཁྲོ་བོའི་གཟུགས་མང་པོ་རྣམ་པར་སྤྲོས་ཏེ། ཁྲོ་བོ་དེ་རྣམས་ཀྱིས་རལ་གྲིས་བཏབ་ཅིང་ཁྲག་འཐུང་བར་བསམ་པར་བྱའོ།། བསྒྲུབ་བྱ་དེའི་ཤ་ཟ་བ་དང ་རྒྱུ་མ་དྲངས་པར་བསམ་པར་བྱའོ། ། འདི་སྐད་སྨྲ་བར་བྱ་སྟེ། དཀོན་མཆོག་གསུམ་ལ་གནོད་པ་བྱེད་པ་དང་བླ་མ་ལ་སྐུར་པ་འདེབས་པ་ལ་རྒྱོབ་ཅིག་རྒྱོབ་ཅིག། སོད་ཅིག་སོད་ཅོག། བསམས ་པ་ཙམ་གྱིས་རྡོ་རྗེ་འཛིན་པའང་ཞག་བདུན་གྱིས་འཆི་ན། ཕྲ་མོ་སྲོག་ཆགས་གཞན་ལྟ་ཅི་སྨོས། དེ་ནས་གཞན་ཡང་བསམ་གཏན་གྱི་རབ་ཏུ་སྦྱོར་བ་འབྱུང་བ་ནི་མ་ཧེའི་གདོང་པའི་སྦྱོར་བ་གསང་བ ་གནས་ཏེ་ལས་ཐམས་ཅད་བསྒྲུབ་པར་བྱའོ། ། མེའི་དཀྱིལ་འཁོར་གྱི་དབུས་སུ་བསྒྲུབ་བྱ་དུ་བར་བསམས་ལ། དེའི་མདུན་དུ་སྲིན་པོ་མང་པོ་བསམ་པར་བྱ་སྟེ། སྲིན་པོ་དེ་དག་ཐ་དད་པའི་ལུས ་ཅན་མ་རུངས་པ། ཤིན་ཏུ་གཏུམ་པར་ཤ་ཟ་བ་དང་ཁྲག་འཐུང་བར་རྣམ་པར་བསམ་པོར་བྱའོ།། གཞན་ཡང་རྣམ་པ་སྣ་ཚོགས་པའི་བྱ་རྣམས་ཏེ། བྱ་རྒོད་དང་བྱ་རོག་དང་། འུག་པ་དང་། ་ཝ་རྣམས་དང་། ཁྱི་རྣམས་ཀྱིས་ཤ་ཟ་བ་དང་ཁྲག་འཐུང་བར་རྣམ་པར་བསམ་པར་བྱ་སྟེ། བསམ་གཏན་འདིའི་རབ་ཏུ་སྦྱོར་བས་ཐེ་ཚོམ་མེད་པར་འཆིའོ།། དཔག་ཚད་བརྒྱན་གནས་པའི་སྐྱེས ་བུའང་སེམས་ཀྱིས་གཟུང་བས་བསམ་གཏན་བརྩམ་མོ། ། སྔགས་པས་བསམ་གཏན་བརྟན་པར་བྱའོ།། དེ་ནས་འབྲལ་བར་འདོད་ན་མ་ཧེའི་སྙིང་ཁར་བསྒྲུབ་བྱ་བསམ་པར་བྱ་སྟེ། བསྒྲུབ ་བྱ་གཞན་རྟའི་སྙིང་ཁར་རྣམ་པར་བསམ་པར་བྱའོ། ། རྟ་དང་མ་ཧེ་གཉིས་ཕན་ཚུན་འཐབ་པར་བྱེད་པར་བསམ་སྟེ། ཇི་སྲིད་དུ་རྟ་དང་མ་ཧེ་གཉིས་ཕྱེ་བར་མ་གྱུར་ཀྱི་བར་དུའོ།། ཕྱི་ནས་བསྒྲུབ ་བྱ་དེ་གཉིས་རབ་ཏུ་མི་མཛའ་བར་བསམ་པར་བྱ་སྟེ། བསམས་པ་ཙམ་གྱིས་ཉི་མ་མདུན་གྱིས་ངེས་པར་འཐབ་པར་འགྱུར་ཏེ་གཞན་དུ་མ་ཡིན་ནོ།། དེ་ནས་བསྐྲད་པར་འདོད་ན་དེ་དུ་ཡཾ་ལས ་ཡོངས་སུ་གྱུར་པའི་རྔ་མོ་བསམ་པར་བྱ་སྟེ། ཡང་དེའི་རྒྱབ་ཏུ་ཡི་གེ་རྣམ་པ་ལས་གྱུར་པའི་རླུང་གི་དཀྱིལ་འཁོར་ཟླ་བ་ཕྱེད་པའི་རྣམ་པར་བསམ་པར་བྱའོ།། དེའི་སྟེང་དུ ་བསྒྲུབ་བྱ་གཅེར་བུ་སྐྲ་བཤིག་པ་བྲེད་པར་གྱུར་པར་བསམ་པར་བྱ་སྟེ། མ་ཧེའི་གདོང་ཅན་གྱི་སྦྱོར་བ་ལ་གནས་པས་དེའི་རྒྱབ་ཏུ་གཤིན་རྗེའི་གཟུགས་ལག་པ་གཡས་པས་དབྱུག་པ་འཛིན་པ ་སྒྲ་གསིལ་བ་རྣམ་པར་བསམ་པར་བྱ་སྟེ། རྔ་མོ་དེ་ཁ་ལྷོར་བལྟས་ལ་གཏང་ངོ་།། དེའི་མིང་དང་བཅས་པར་གཤིན་རྗེའི་སྔགས་བརྗོད་པས་རྣམ་པར་བསམ་པར་བྱའོ།། རྣལ་འབྱོར ་པས་འདི་བསམས་པ་ཙམ་གྱིས་ཞག་བདུན་ན་འདི་ལྟར་རྡོ་རྗེ་འཛིན་པའང་སྐྲོད་པར་འགྱུར་རོ། ། གཞན་ཡང་བསམ་གཏན་གྱི་རབ་ཏུ་སྦྱོར་བ་ནི་བྱ་རོག་གམ་བྱ་རྒོད་ཀྱི་རྒྱབ་ཏུ་བསྒྲུབ་བྱ་སྐྲ ་གྲོལ་བ་གཅེར་བུ་རྣམ་པར་བསམ་མོ། ། དེའི་རྒྱབ་ཏུ་གཤིན་རྗེ་རྣམ་པར་བསམ་པར་བྱ་སྟེ། ལག་པ་ཐོ་བ་ཐོགས་པ་བསྒྲུབ་བྱའི་སྐྲ་བཟུང་བ་དེ་མ་ཧེའི་གདོད་ཅན་གྱིས་བཀའ་བསྒོ་སྟེ། ་ཁ་ལྷོར་བལྟས་ནས་སོང་བར་བསམ་པར་བྱ་སྟེ། རྩེ་གཅིག་པའི་སྦྱོར་བས་བསམ་པར་བྱས་ན། རྩེ་གཅིག་པའི་སྦྱོར་བ་དེས་ཞག་བདུན་གྱིས་སྐྲོད་པར་འགྱུར་རོ།། དེ་ནས་འགུགས་པར་བྱེད་པར ་འདོད་ན་ཡི་གེ་ཡཾ་ལས་བྱུང་བའི་རླུང་གི་དཀྱིལ་འཁོར། དེའི་སྟེང་དུ་ཨ་ལས་བྱུང་བའི་ཟླ་བའི་དཀྱིལ་འཁོར། དེའི་སྟེང་དུ་གཤིན་རྗེའི་གཟུགས་ལྕགས་ཀྱུ་དང་ཞགས་པ་ལག་ཏུ་ཐོགས་པ་རྣམ ་པར་བསམ་མ། ། མ་ཧེའི་གདོང་པའི་རྣལ་འབྱོར་ལ་གནས་པས་དེ་ལ་བཀའ་བསྒོ། གཤིན་རྗེ་སོང་ལ་ཡུལ་ཆེ་གེ་མོ་མྱུར་བར་ཁུག་ཅིག། དེ་སྐད་བསྐུལ་བས་ཡཾ་གི་རྣམ་པར་བསྐྱོད་དེ་སོང་བར ་བསམ་པར་བྱའོ། ། བསམ་གཏན་འདིའི་རབ་ཏུ་སྦྱོར་བ་ལ་གནས་པའི་སྔགས་པས་ཁམས་གསུམ་དུ་གཏོགས་པའི་བུད་མེད་བཀུག་ལ་རོལ་བར་བྱའོ།། ཇི་ལྟར་བསམ་གཏན་བརྟན་པར་གྱུར་ན ་འདིའི་རབ་ཏུ་སྦྱོར་བས་དེ་དག་བྱའི། གཞན་གྱིས་མི་བྱའོ།། དེ་ནས་སྦྲུལ་གྱིས་ཟིན་པ་བསླང་བའི་རབ་ཏུ་བྱེད་པ་གསུངས་ཏེ། རང་གི་སྙིང་ཁར་པདྨ་དཀར་པོ་འདབ་མ་བརྒྱད་པ་རྣམ་པར་བསམ་མོ ་དེའི་སྟེང་དུ་དབྱངས་ཡིག་གསུམ་པ་འདབ་མ་བརྒྱད་པ་རྣམ་པར་བསམ་མོ། ། དེ་ཡིས་ནི་འོག་གི་ཀླུའི་གཟུགས་རྣམ་པར་བསམ་པར་བྱ་སྟེ། དེའི་སྤྱི་བོར་ཡི་གེ་ཨི་ཁ་དོག་དཀར་པོ་ལས་བདུད་རྩི་འཛག ་པ་བསམ་པར་བྱའོ། ། ཀླུ་དེའི་མི་ག་རྣམས་ནས་བདུད་རྩི་འཕྲོས་ནས་བསྒྲུབ་བྱ་དེའི་ལུས་ལ་ཐིམ་པར་བསམ་པར་བྱ་སྟེ། བསམ་གཏན་འདིའི་སྦྱོར་བས་ཁམས་གསུམ་ཡོངས་སུ་གང་བའི་དུག་ཀྱང ་མེད་པར་འགྱུར་རོ། ། དུག་ཁུར་སྟོང་ཡང་ཟ་ནུས་སོ།། དེ་ནས་ཞུ་བའི་བསམ་གཏན་གྱི་རབ་ཏུ་སྦྱོར་བ་འབྱུང་སྟེ། བསྒྲུབ་བྱ་མདུན་དུ་བསམ་སྟེ། དེའི་རྐང་པ་གཉིས་ལ་ཡི་གེ་ཡཾ་ལས་གྱུར་པའི་རླུང ་བི་དཀྱིལ་འཁོར་བསམ་པར་བྱ། དེའི་སྟེང་དུ་གསང་བའི་གནས་སུ་མེའི་དཀྱིལ་འཁོར་གྲུ་གསུམ་ཁ་དོག་དམར་པོར་གྱིས་བྱིན་གྱིས་བརླབས་པ་བསམ་པར་བྱའོ།། དེའི་སྟེང་དུ་སྙིང་ཁར་སའི་དཀྱིལ ་འཁོར་ཁྲུ་བཞི་པ་མདོག་སེར་པོ་ལཾ་གྱིས་བྱིན་གྱིས་བརླབས་པ་བསམ་པར་བྱའོ། ། དེའི་སྟེང་དུ་དཔྲལ་བར་ཟླ་བའི་དཀྱིལ་འཁོར་རྣམ་པར་བསམ་པར་བྱའོ།། དེའི་དབུས ་སུ་ཡི་གེ་བཾ་མགོ་འཐུར་དུ་གནས་པ་ལས་བདུད་རྩི་འཛག་པར་བསམ་སྟེ། འདི་ནི་ལེགས་པར་རྣམ་པར་བསམ་ནས་རླུང་གིས་མེ་རབ་ཏུ་སྦར་ཏེ། མེ་དེས་དབང་ཆེན་གྱི་དཀྱིལ་འཁོར་བསྲེགས་པར་རྣམ ་པར་བསམ། དབང་ཆེན་གྱི་དཀྱིལ་འཁོར་གྱི་དྲོད་ཀྱིས་བདུད་རྩིའི་དཀྱིལ་འཁོར་དེ་བཞུ་བར་བསམ་པར་བྱའོ།། འདི་ཡི་སྦྱོར་བ་ཙམ་གྱིས་ནི།། དེ་ཡི་བུད་མེད་ཞུ་འགྱུར་ཏེ།། འོ་མ་ཡི་ནི་ཤིང་བཞིན་དུ།། ་ཞུ་བར་བྱེད་པར་ཐེ་ཚོམ་མེད།། དེ་ནས་རྒྱལ་པོ་འམ་རྒྱལ་པོའི་བློན་པོ་དབང་དུ་བྱ་བར་འདོད་ན། སྔགས་པ་མ་ཧེའི་གདོང་ཅན་གྱི་རྣལ་འབྱོར་ལ་རབ་ཏུ་གནས་ལ། དེ་ཉིད་མདོག་དམར་པོར་བསམས ་ཏེ། ། བསྒྲུབ་བྱ་གང་དུ་གནས་པ་དེའི་སྟེང་དུ་གནས་ལ། ཕྱི་ནས་རང་གི་ལུས་འཇམ་དཔལ་མདོག་དམར་པོ་ཕྱག་ན་ལྕགས་ཀྱུ་དང་ཞགས་པ་ཅན་ཕྱུང་སྟེ། འཇམ་དཔལ་དེས་བསྒྲུབ་བྱའི་སྙིང་ཁར་དང ་མགྲིན་པ་བཅིངས་ནས་བཀུག་པར་བསམ་སྟེ། འཇམ་དཔལ་གྱི་སྐུ་ལ་རབ་ཏུ་གཞུག་གོ།། བསྒྲུབ་བྱ་དེ་མྱོས་པར་བསམ་པར་བྱ་སྟེ། དེའི་སྙིང་ཁར་ཡི་གེ་བཅུ་པའི་སྔགས་རྣམ་པར་བསམ་པར ་བྱའོ། ། ཡང་ཁ་དོག་དམར་པོ་སྒྲུབ་པ་པོ་ས་ཡེ་ཤེས་ཀྱི་གཟུགས་ཀྱིས་ཡི་གེ་ལ་གཞུག་པར་བྱའོ།། དེ་དང་བསྒྲུབ་བྱ་གཅིག་ཏུ་གྱུར་པར་བྱའོ།། བསམ་གཏན་འདིའི་རབ་ཏུ་སྦྱོར་བས་ཉི་མ་བདུན་གྱིས ་འཁོར་ལོས་སྒྱུར་བའང་དབང་དུ་འགྱུར་ཏེ། ཇི་སྲིད་འཚོའི་བར་དུ་ཐེ་ཚོམ་མེད་དོ།། རབ་ཏུ་མཉམ་པར་བཞག་པའི་སྔགས་པས་མི་གཡོ་བའི་བསམ་གཏན་གྱིས་བྱའོ།། རྒྱུད་གང་ལའང་མི་སྦྱིན་ནོ།། ་གལ་ཏེ་སྔགས་ཀྱང་མི་བསྟན། དཔལ་རྡོ་རྗེ་འཇིགས་བྱེད་ཆེན་པོ་མ་ཧེའི་གདོང་ཅན་གྱི་བསམ་གཏན་གང་ལའང་མི་སྦྱིན། སྨྲ་བར་ཡང་མི་བྱ། སྔགས་ཀྱི་དབྱེ་བའང་མི་བྱ། བྲིས་སྐུའང་གང་གི ་མདུན་དུའང་མི་དགྲམ་སྟེ། ཐང་ཁའང་གསང་བར་གཞག་གོ།། རྒྱུད་འདི་རབ་ཏུ་སྦྱོར་བ་དང་། བཟླས་པ་དང་། སྨྲ་བ་གཞན་སུ་ལའང་འགའ་ཙམ་ཡང་མི་སྨྲ། གལ་ཏེ་སྨྲས་ན་དཔལ་རྡོ་རྗེ་འཇིགས ་བྱེད་དང་། གཞན་ཡང་རྣལ་འབྱོར་མ་རྣམས་དང་། མཁའ་འགྲོ་མ་རྣམས་ཀྱིས་ཟའོ།། དམ་ཚིག་ཉམས་པར་འགྱུར་བས། དེའི་ཕྱིར་སྔགས་པས་སུ་ལའང་མི་སྦྱིན་ནོ།། དེ་ནས་དམ་ཚིག་མཉམ་པར ་དང་། རྣམ་པར་རྟོག་པ་མེད་པ་དང་། དམ་པའི་བརྟུལ་ཞུགས་ཅན་དཔའ་བོ་བླ་མ་ལ་གུས་པ་དུལ་བ་ཅན། དེ་བཞིན་གཤེགས་པའི་བསྟན་པ་ལ་ངེས་པར་འཛིན་པ། རྒྱུད་སྦས་པ། མི་ཁྲོ་བ ་སྙིང་རྗེ་དང་ལྡན་པ། བཟླས་པ་དང་བསམ་གཏན་ལ་ཕྱོགས་པ། རྣམ་པར་སྨིན་པ་ལ་འཛེམ་པ། འདི་ལྟ་བུའི་ཡོན་ཏན་ཁྱད་པར་ཅན་ནི་སློབ་མ་བཟང་པོ་སྟེ། དཀྱིལ་འཁོར་དམ་པ་དཔལ་རྡོ་རྗེ ་འཇིགས་བྱེད་ཆེན་པོ་ལ་མཆོག་ཏུ་གུས་པ། སྙིང་རྗེ་ཆེན་པོས་ཡིད་བརླན་པ། རྣམ་པར་རྟོག་པ་མེད་པ། མཆོག་ཏུ་བླ་མ་ལ་གུས་པ་རབ་ཏུ་རྟག་པ་ལ་ཤིན་ཏུ་རྣམ་པར་བསམས་ཏེ། ཐམས་དེ་ལྟ ་བུའི་སློབ་མ་ལ་དཔལ་རྡོ་རྗེ་འཇིགས་བྱེད་ཆེན་པོའི་རྒྱུད་སྦྱིན་ནོ། ། སྔགས་པས་གཞན་ལ་བྱིན་ན་དེ་དང་སློབ་མར་བཅས་ནས་དམྱལ་བར་འགྲོ་བར་ཐེ་ཚོམ་མེད་དོ།། འཇིག་རྟེན ་འདིར་ནི་འཇིག་པ་ཆེན་པོར་འགྱུར་རོ། ། འཇིག་རྟེན་ཕ་རོལ་ཏུ་ནི་དམྱལ་བར་འགྲོའོ།། དམ་ཚིག་ཀྱང་ཉམས་པར་འགྱུར་རོ།། འདི་ནི་འཇམ་དཔལ་འཇམ་པའི་མཆོག་དཔལ་རྡོ་རྗེ་འཇིགས་བྱེད་ཆེན ་པོའི་རྣལ་འབྱོར་གྱི་རྒྱུད་ལས། བསམ་གཏན་གྱི་ལས་བསྒྲུབ་པའི་རྟོག་པ་སྟེ་བདུན་པའོ།། ། དཔལ་རྡོ་རྗེ་འཇིགས་བྱེད་ཆེན་པོའི་འཁོར་ལོའི་རྒྱུད་འབུམ་པ་ནས་བཏུས ་ནས་ཕྱུང་བ་རྟོག་པའི་ཕྱོགས་བཀླགས་པས་འགྲུབ་པ། དཔལ་རྡོ་རྗེ་འཇིགས་བྱེད་ཆེན་པོ་མ་ཧེའི་གདོང་ཅན་གྱིས་དངོས་གྲུབ་འགྲུབ་པའི་རྟོག་པ་རྫོགས་སོ།། ། དཔལ ་ཨོ་ཾ་རྱན་གྱི་གནས་ཆེན་པོ་ནས་དཔལ་འཇམ་དཔལ་གྱི་རྒྱུད་ལས་ཕྱུང་བ་རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་འཇིགས་བྱེད་ཆེན་པོ་ཞེས་བྱ་བ་བླ་མ་དམ་པའི་དཀྱིལ་འཁོར་ཆེན་པོའི་སློབ་དཔོན ་དཔལ་ལཱ་ལི་ཏ་བཛྲ་ས་བཏོན་ནས་མཛཔ་རྫོགས་སོ། ། ། རྒྱ་གར་གྱི་པཎྜི་ཏ་མཆོག་གི་དངོས་གྲུབ་བརྙེས་པ་བྷ་རོ་ཕྱག་རྡུམ་གྱི་ཞལ་སྔ་ནས་དང་། བོད་ཀྱི་ལོ་ཙ་བ་དགེ་སློང ་