Wylie

e-texts produced with BDRC’s OCR application

ལྔ་པའོ། ། །། འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་རྡོ་རྗེ་བེ་ཅོན་གྱི་རྒྱུད་རྫོགས་སོ།། ། དེ་ནས་གསང་བའི་བདག་པོས་འཁོར་དེ་དག་ལ་རྣམ་པར ་གཟིགས་ནས་རང་ཉིད་མཁའ་དབྱིངས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་སྲིད་པ་གསུམ་ཡང་རྣམ་པར་གཡོས་སོ།། ་དེ་ནས་རང་ཉིད་སྐུ་དང་། གསུང་དང་། ཐུགས་རྣམ་པར་དག་པའི་རྡོ་རྗེ་ལས་སྔགས་འདི་ཕྱུང་ངོ་།། ཨོཾ་ན་མོ། གསང་སྔགས་རྒྱལ་པོ་སྨྲས་ཙམ་གྱིས།། ས་སྟེང་ལྷ་རྣམས་བརྒྱལ་བར་གྱུར།། ཀླུ་རྣམས ་ཀུན་ཏུ་སྐྲག་ནས་ནི། ། གསང་བདག་ཉིད་ལ་ཕྱག་འཚལ་ལོ།། སྙིང་རྗེ་ལྡན་ཞིང་མོས་པ་བརྟན།། གུས་ཤིང་བྱང་ཆུབ་སེམས་ལྡན་པའི།། ཕྱོགས་སུ་འགྲོ་བས་ཡིད་གནས་པའི།། ལྷ་དང་བླ་མ་མཉམ་མཆོད་ཅིང་།། ་བརྩོན་འགྲུས་ཤེས་རབ་ཆེ་བ་དེས།། རང་ཉིད་དང་ནི་གཞན་དག་ཏུ།། བདེ་ཞིང་ཉམས་དགའི་རི་ཕུག་གམ།། ཚལ་ལམ་མཚོ་འམ་ལྗོངས་རྣམས་སུ།། ས་ཡི་དཀྱིལ་འཁོར་རྣམ་དག་པར།། བྱས་ནས་དྲི་ཆུས ་ལེགས་བྱུགས་ནས། ། བདེ་བའི་སྟན་ལ་འདུག་བྱས་ཏེ།། གསང་བའི་བདག་པོ་བསྒྲུབ་པར་བྱ།། གཞན་ནི་རི་ཁྲོད་རྩུབ་པ་འམ།། དུར་ཁྲོད་ཡ་མའི་ཁང་པ་ཡང་།། འཁྲུག་ཅིང་གཡེང་དང་བཅས་པ་དང་། ་རྒྱལ་པོས་བཟུང་ཞིང་གཏུམ་མོ་རྒྱུ།། འཇིགས་པའི་ཕྱོགས་ནས་གང་དག་རྣམས།། རྒྱལ་བ་སྒྲུབ་པའི་གནས་ཡིན་ནོ།། དུས་འདིར་བྱུང་བའི་བློ་ཞན་རྣམས།། འཇིག་རྟེན་འདི་ཡི་གཡེང་བ་དང་།། ཆོ ་གས་ཐམས་ཅད་སྐྱེད་པར་བྱེད། ། ཆགས་པའི་སྟོབས་ཀྱི་ཆོས་ཉིད་ནི།། ཡང་དག་མི་རྟོག་དེ་ནི་སྐྱོན།། སྤྲུལ་པའི་གླང་པོ་དང་མཚུངས་སོ།། སྟོང་ཉིད་སྤྲོས་མེད་རང་བཞིན་ལས།། སྒྱུ་མའི་སྐུ་ནི་ཡོངས ་འབྱུང་ཞིང་། ། དང་པོ་སྟོང་ཉིད་རྡོ་རྗེ་སྟེ།། གཉིས་པ་ལ་ནི་ཡི་གེ་ཧཱུཾ།། གསུམ་པ་རྡོ་རྗེ་རྩེ་དགུ་པ།། བཞི་པ་བཅོམ་ལྡན་གསང་བའི་བདག། ལྔ་པ་ལྷ་ནི་ཡོངས་སུ་རྫོགས།། མེ་ལོང་དང་ནི་མཉམ་ཉིད་དང་། ་ཆོས་དབྱིངས་ཡེ་ཤེས་ལས་གྲུབ་པའི།། སྐུ་ནི་ཡེ་ཤེས་བདག་ཉིད་དོ།། དེ་རྫོགས་ཡེ་ཤེས་ཆེན་པོའོ།། ཡེ་ཤེས་སྐུ་ལས་ཡེ་ཤེས་ཀྱིས།། སྤྲུལ་པའང་ཡེ་ཤེས་ཉིད་དུ་གནས།། འཁོར་བའི་ཉོན་མོངས་ལས ་འདས་ནས། ། མི་རྟོག་ཡེ་ཤེས་ཕུང་པོ་ལ།། གསང་བའི་བདག་ཉིད་ལེགས་པར་བཞུགས།། རྣམ་གྲོལ་རྣམ་དག་གྲོལ་བའི་རྒྱུ།། སྔགས་དབྱིབས་ཆོས་བདག་དོན་རྣལ་འབྱོར།། སྐད་ཅིག་སྐད་ཅིག་ཡེ་ཤེས་ལས།། ་སྒྱུ་མ་ལྟ་བུའི་སྒྱུ་མའི་སྐུ།། སྒྱུ་མ་ཉིད་ལ་རྣམ་གྲོལ་ཚེ།། ཀྱེ་ཀྱེ་ཧ་ཧ་དཔའ་བོ་ཆེ།། གྲུ་ཡི་སྒྲར་གྱུར་འཇིགས་བྱེད་པོས།། གསང་བའི་བདག་པོ་རྡོ་རྗེ་ཅན།། ཉོན་མོངས་ལས་རྒྱས་འཇིག། ་སུ་རུང་།། དབང་ཕྱུག་ཁམས་གསུམ་ལས་རྒྱལ་བའི།། དེ་བས་བརྩོན་ལྡན་གང་ཡིན་དེས།། ཤིན་ཏུ་སྒྲུབ་པས་བསྒྲུབ་པར་བྱ།། བསྟན་པའི་ཡིད་སོས་པར་བྱེད་པས།། རྒྱལ་བ་གསང་བའི་བདག་པོའོ།། ་དེ་ནས་གསང་བའི་བདག་པོ་ཉིད་དངོས་གྲུབ་ངེས་པར་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྐུ་དང་། གསུང་དང་། ཐུགས་རྣམ་པར་དག་པའི་རྡོ་རྗེ་ལས་བྱུང་བ། ཨོཾ་བཛྲ་པཱ་ཎི ་སརྦ་ཨརྠ་སིདྷི་ཀུ་རུ་ཀུ་རུ་སྭཱ་ཧཱ། ལྷ་ཀླུ་མི་མིན་དྲི་ཟ་འམ།། ཡང་ན་མི་ཡི་བུ་མོ་ཡི།། དཔྲལ་བར་ཐིག་ལེ་བྲིས་ནས་ནི།། ལག་ཏུ་ལྕགས་ཀྱུ་ཐོགས་ལ་གཞག། དཀྱིལ་འཁོར་གྲུ་བཞི་ལྷམ་པ་ལ།། བརྟེན ་ནས་བུམ་པས་བ་སྒྲུབ་པར་བྱ། ། རྣམ་པར་རྒྱལ་བའི་བུམ་པ་ནི།། སྨན་ལ་སོགས་པས་ལེགས་བཀང་ནས།། རས་ཀྱིས་དཀྲིས་ལ་གཞག་པར་བྱ།། རྒྱུན་དུ་དེ་ལས་བསྒྲུབས་གྱུར་ན།། ཞི་དང་རྒྱས་སོགས ་དངོས་གྲུབ་དང་། ། གཞན་ཡང་དངོས་གྲུབ་འགྲུབ་པར་འགྱུར།། དེ་ནས་ཡང་གསང་བའི་བདག་པོ་མི་འགྱུར་བར་བྱེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དུག་ཐམས་ཅད་ཞི་བར་བྱེད་པའི ་སྔགས་འདི་ཉིད་ཀྱི་སྐུ་དང་། གསུང་དང་། ཐུགས་རྡོ་རྗེ་ཡང་དག་པ་ལས་ངེས་པར་ཕྱུང་ངོ་།། ཨོཾ་ན་གུ་ནཱ་གེ་པྲོ་ཏིག་མ་ཎི།། ཙ་ར་པ་རཾ་ཡ་ར་བཱ་རཱ་ཧྱེ་ཧ་རེ་ནི་ཐཾ།། རིན་ཆེན་སྣོད་དུ་ཆུ་ཐུགས་ནས།། སྔགས་ཀྱི་རྒྱལ་པོ ་འདི་ལ་ནི། ། བརྒྱ་ནས་ཇི་སྲིད་སྟོང་གི་བར།། བརྗོད་ན་འགྲོ་བའི་དུག་ནད་སེལ།། གཞན་ཡང་གསང་སྔགས་རྒྱལ་པོ་ནི།། གསང་བའི་བདག་པོ་སྦྱོར་བ་དང་།། བཅས་པས་མང་དུ་བརྗོད་བྱས་ནས།། ་བསྒྲུབས་པས་ཅི་ཡང་འགྲུབ་པར་འགྱུར།། ཟླ་བ་སྤྱང་ཀིས་བཟུང་དུས་སུ་དཔྲལ་བར་གོ་རོ་ཙ་ནས་ཐིག་ལེ་བྱས་ཏེ། ཁ་ཤར་ཕྱོགས་སུ་གྱུར་ནས་གསང་སྔགས་འདི་བརྗོད་ན་ཅི་འདོད་པ་དབང་དུ་བྱེད་དོ།། ་ཡང་ཟླ་བ་འམ་ཉི་མ་ག་ཟས་བཟུང་བའི་ཚེ་ཀླུའི་གན་ནས་མི་ཁྲག་གིས་ལུས་བྱུགས་ཏེ་སྔགས་འདི་བརྗོད་ན་ཀླུ་ཐམས་ཅད་དབང་དུ་འགྱུར་རོ།། འདི་ལ་ཐེ་ཙོམ་མེད་དོ།། གཞན་ཡང་སྦྱོར་བ་བཤད་བྱ་བ།། ་གུར་ཀུམ་དང་ནི་གིའུ་ཝང་གིས།། རྩིབས་བརྒྱད་པ་ཡི་འཁོར་ལོ་ལ།། དང་པོའི་སྔགས་བཞི་དག་དང་ནི།། ཐ་མའི་སྔགས་རྣམས་བྲི་བར་བྱ།། མུ་ཁྱུད་གཉིས་ལ་རྩ་བ་ཡི།། གས་སྔགས་རྒྱལ་པོར་རིམ་གྱིས ་བྲི་རིན་ཆེན་སྣོད་བཞག་མཆོད་བྱས་ནས། ། གསང་སྔགས་སྟོང་སོགས་བརྗོད་ནས་ནི།། རྒྱལ་མཚན་རྩེ་ལ་གདགས་པར་བྱ།། གཞན་གྱི་རིག་སྔགས་གཅོད་པར་བྱེད།། གལ་ཏེ་ཆར་པ་དབབ་པར་འདོད་ན ་སའི་དཀྱིལ་འཁོར་གྲུ་བཞི་པར་བྱས་ཏེ། དབུས་སུ་པདྨའི་འདབ་མ་བརྒྱད་པ་བྲིས་ལ། དེའི་སྟེང་དུ་ཀླུའི་རྒྱལ་པོ་བརྒྱད་ཀྱི་གཟུགས་བྱས་ཏེ་བཞག་ལ། རང་ཉིད་ཁྲོ་བོའི་རྒྱལ་པོ་གོས་སྔོན་པོ་ཅན་དུ་བྱས་ཏེ། ་སྨན་སྣ་ཚོགས་དང་། འོ་མ་དང་། འབྲས་ཆན་དང་། ཞོ་ལ་སོགས་པ་རྣམས་དང་། ཀར་དང་བུ་རིམ་ལ་སོགས་པས་མཆོད་ནས་གོས་དཀར་པོ་བགོས་ཏེ། ཧཱུཾ་འབྲུག་གི་སྒྲལ་བུ་བརྗོད་པས་མགོ་འདྲེན་པའི ་གསང་སྔགས་ཀྱི་རྒྱལ་པོ་བརྗོད་པས་ཆར་འབེབས་པར་བྱེད་དོ། ། གལ་ཏེ་མི་འབེབས་ན་ཀླུ་རྣམས་བསྡིགས་པའི་ཕྱིར།། དཀྱིལ་འཁོར་དེའི་སྟེང་དུ་ཁྲག་སྣ་ཚོགས་དང་།། དུག། ་ཤིང་ལ་སོགས་པས་སྦྱིན་སྲེག་བྱའོ།། དེས་མྱུར་དུ་ཆར་འབེབས་པར་བྱེད་དོ།། གལ་ཏེ་ཆར་ཆེས་པའམ། སེར་བ་གཅད་པར་འདོད་པས་ཉར་ཤིང་དང་དུག་ཀད་པའི་རྩ་བ་ལ་ཡི་གེ་བྲིས་ཏེ། དཀྱིལ ་འཁོར་དཀར་པོའི་དབུས་སུ་བཙུགས་ལ་ཡུངས་ཀར་དང་ཐལ་བ་ལ་མང་དུ་བཟླས་པར་བྱའོ། ། གལ་ཏེ་མི་འདོད་ན་བསྔགས་པ་ཙམ་གྱིས་ཀྱང་ངེས་པར་འབྱུང་ངོ་།། རྟའི་ཁྲག་དང་དུག་སྒྲ་སྣ་ཚོགས ་ཀྱིས་བརྒྱལ་བ་སོས་པར་བྱེད་དོ། ། རླུང་ཞི་བར་འདོད་ན་དབང་ཕྱུག་གི་གོས་ལ་ཙ་ཏ་པ་ལ་རི་རྩ་བས་སྔགས་བྲིས་ཏེ། དཀྱིལ་འཁོར་གྱི་སྟེང་དུ་བཞག་ནས། སྔགས་ཀྱི་རྒྱལ་པོ་སྟོང་ལ་སོགས་པ་ཅི ་ནུས་པ་བརྗོད་ནས་ཁང་པའི་སྟེང་དུ་བཞག་ན་རླུང་ཞི་བར་བྱེད་དོ། ། གལ་ཏེ་ཡམས་ཞི་བར་འདོད་པས་གུར་ཀུམ་དང་། གིའུ་ཝང་གིས་རྩེ་མོ་བཅུ་གཉིས་པར་བྲིས་ནས་དང་པོའི་སྔགས་རྣམས་དང་། ་ཐ་མའི་སྔགས་རྣམས་རྩིབས་ལ་བྲིས་ཏེ།། མུ་ཁྱུད་ལ་སྔགས་ལྷག་མ་བྲིས་ཏེ་མེ་ཏོག་དང་འབྲས་བུ་སེར་པོ་ཐམས་ཅད་ཀྱིས་མཆོད་ཅིང་གསོལ་བ་བཏབ་ནས་གཙུག་ལག་གི་རྩེ་མོ་འམ། དགེ་འདུན་གྱི ་འདུ་བའི་སྒོ་གོང་ལ་བཏགས་ན་ཅི་འདོད་པ་འགྲུབ་ཅིང་ནད་ཡམས་ཐམས་ཅད་འཆད་པར་འགྱུར་རོ། ། གལ་ཏེ་བུ་འདོད་པས་སེ་རུ་སྐྱ་དམར་པོའི་གདོང་བུ་ལ་སྟེང་དུ་སྦྱིན་སྲེག་བྱས་ན་བུ་སྟེར་བར་ངེས་སོ།། ་གལ་ཏེ་གཏེར་འདོད་པས་ས་འམ་རིན་པོ་ཆེ་ལ་རྣམ་ཐོས་སྲས་ཀྱི་གཟུགས་ཁྲུ་གང་བ་བྱས་ནས། རིན་པོ་ཆེ་འམ་སྤང་ལེབ་ཀྱི་སྟེང་དུ་བཞག་ནས། མཆོད་པ་རྣམ་པ་སྣ་ཚོགས་ཕུལ་ནས་གསོལ་བ་བཏབ་ན ་ཞག་བདུན་ན་རིན་པོ་ཆེ་སྟེར་བར་བྱེད་དོ། ། གལ་ཏེ་ཤི་བར་དོགས་པས་དཀྱིལ་འཁོར་ཁྲུ་གང་ཟླུམ་པོ་སེར་པོར་བྱས་ནས། དབུས་སུ་བུམ་པ་ལེགས་པར་གཞག་པའི་ནང་དུ་སྨན་སྣ་ཚོགས་བླུགས་ནས་རས ་དཀར་པོས་ཁ་བཀབ་པར་བྱས་ཏེ། གསང་སྔགས་ཀྱི་རྒྱལ་པོ་མང་དུ་བརྗོད་ནས་ཕྱིས་བུམ་པ་ལ་དངོས་གྲུབ་བླངས་ན་ཅི་འདོད་པ་འགྲུབ་བོ།། དེ་ལྟར་ཡང་ཡང་བྱས་པས་ཚེའི་དངོས་གྲུབ་ཐོབ་པར་འགྱུར་རོ།། ་གལ་ཏེ་མཆོག་གྲུབ་པར་འདོད་པས་ས་འམ་རིན་པོ་ཆེ་ལ་ཕྱག་ན་རྡོ་རྗེ་ཞལ་གཅིག་ཕྱག་གཉིས་པ་གདན་པདྨ་དང་ཉི་མ་ལ་གནས་པར་བྱས་ནས། དེ་རིན་པོ་ཆེའི་སྣོད་དུ་བཞག་ལ། མཎྜལ་དཀར་པོ ་ཁྲུ་གང་བ་བྱས་པའི་སྟེང་དུ་ཁྲིའུའི་སྟེང་དུ་བཞག་ལ་མེ་ཏོག་དང་གོས་དཀར་པོས་མཆོད་ཅིང་ཙན་དན་དཀར་པོའི་ཆུས་ཅི་ནུས་པར་མཆོད་པ་བྱེད་ཅིང་། ཡང་ཚེས་བརྒྱད་དང་། བཅུ་བཞི་དང་། བཅོ ་ལྔ་དང་། གནམ་སྟོང་ལ་དེའི་དུས་སུ་སྦྱང་བ་བྱས་ནས། ཕྱིས་ནི་བརྒྱད་སྟོང་གི་གྲངས་སུ་གསང་སྔགས་འདོན་པར་བྱེད་ཅིང་རང་ཉིད་ཀྱི་སྤྱི་བོར་ཡི་གེ་ཨ་དཀར་པོ་འོད་དང་ལྡན་པས་བདུད་རྩིའི་ཆུ ་འབེབས་པར་བསམས་པས། ཁམས་གསུམ་པའི་ནད་ཐམས་ཅད་ཟད་པར་བསམ་ཞིང་སླར་རང་ཉིད་ཀྱི་རིམ་གྱིས་ཞུ་བར་བྱེད་པ་ནི་རྒྱུད་ལས་གྲུབ་པའི་བསམ་གཏན་ཏེ། འདི་གོམས་པས་གང་དང་གང ་འདོད་པ་ཐམས་ཅད་འགྲུབ་ཅིང་ཁམས་གསུམ་གྱི་དབང་ཕྱུག་ཏུ་འགྱུར་རོ། ། གསང་བའི་བདག་པོ་ང་ལ་ཉོན།། འཇིག་རྟེན་ཀུན་ལས་རྣམ་རྒྱལ་བའི།། སྐུ་ནི་སངས་རྒྱས ་ཀུན་བདག་ཉིད། ། གང་གིས་བགོས་པར་འགྱུར་བ་ལས།། ཅི་འདོད་རྙེད་པར་བྱེད་པ་མཆོག། གལ་ཏེ་རྟོག་མེད་དེ་བྲལ་ན།། ཡེ་ཤེས་ཉིད་ནི་བླ་ན་མེད།། རྒྱལ་བའི་སྟོབས་ཀྱིས་རྟོགས་པར་བྱེད།། ་ཉོན་མོངས་ཀུན་ལས་རྒྱལ་བྱེད་ཅིང་།། ནད་རྣམས་ཐམས་ཅད་ཟད་བྱེད་ཅིང་།། གལ་ཏེ་ནད་མེད་ནད་བཅས་བྱེད།། དབང་དང་རེངས་དང་དགུག་པ་དང་།། བརྒྱལ་དང་གསད་དང་དབང་ཕྱུག་དང་།། ་ཞི་དང་སྲུང་དང་དཔལ་བྱེད་དང་།། ཕྱིར་རྒོལ་བ་རྣམས་བརླག་པ་ཡི།། ཕྲ་མོ་འགྲུབ་པ་སྨོས་ཅི་དགོས།། འཇིག་རྟེན་ལས་གྲོལ་བདེ་བའི་ལུས།། རྒྱལ་བའི་གསུང་གིས་ལེགས་ཐོབ་བོ།། སྐུ་ནི་འདིར ་བརྗོད་མེད་པས་ཏེ། ། སྤྱོད་ཚུལ་རྣམས་ལས་འདས་པའོ།། མིང་དང་ཚོགས་ལས་རྣམས་འདས་ན།། ཉེར་ཞི་སྤྲོས་ལས་ཤིན་ཏུ་འདས།། ཚིག་གི་ཡུལ་ནི་རྣམ་པ་བྲལ།། རྡོ་རྗེ་སྒོ་ལ་དེ་དག་ནི།། ཏྲི ་བཞིན་དོན་ནི་ཤེས་འགྱུར་གྱི། ། གཞན་དུ་བསྐལ་པ་སྟོང་དུ་ཡང་།། ཅིས་ཀྱང་ཤེས་པར་ག་ལ་ནུས།། གལ་ཏེ་དམིགས་པ་ཟད་འདོད་པས།། མི་དམིགས་སྤྲོས་མེད་གང་ཞིག་ལ།། རང་གི་སེམས་ཉིད ་གཞག་པར་བྱ། ། དེ་ལ་ཐར་པས་གྲོལ་བའོ།། གལ་ཏེ་དགའ་འགྱུར་ཡིད་ཡོད་ན།། དངོས་འདི་ཤེས་པས་ཅི་སྟེ་སྟོང་།། དེ་སྟོང་སྤྲོས་དང་བྲལ་བ་ལ།། ཤེས་པ་ཉིད་ནི་ཅི་ལ་བརྟེན།། གསང་སྔགས ་། དྲག་པོའི་སྦྱོར་བ་འདི།། དབང་བསྐུར་སྣང་བ་མེད་པ་དང་།། ཚུལ་ངན་ལང་ཚོ་ཕྲ་བ་དང་།། ང་རྒྱལ་དྲེགས་ཤིང་ཁེངས་པ་དང་།། ཐེག་པ་ཆེ་ལ་མ་མོས་ལ།། ཡི་གེ་ཙམ་ཡང་བསྟན་པ་མིན།། གལ་ཏེ་བརྒྱ་ལམ་རྨོད།། ་པ་འགས།། བསྟན་ན་རང་ཉིད་ཕུང་བར་བྱེད།། དེ་སྐད་དུ་ཁམས་གསུམ་ལས་རྣམ་པར་རྒྱལ་བ་ཞེས་བྱ་བའི་འོད་ཟེར་དེ་སླར་རང་གི་ཐུགས་ཀར་བསྡུས་ནས་ཞལ་ཐམས་ཅད་ཞལ་ལ་ཐིམ་ཞིང་། ཕྱག་ཐམས་ཅད ་ཕྱག་ལ་ཐིམ་ནས། ཞལ་གཅིག་ཕྱག་གཉིས་པོར་གྱུར་ཏེ། ཧཱུཾ་ཧཱུཾ་ཧཱུཾ་ཞེས་པའི་གླུ་བླངས་སོ།། འདི་ལ་ཇི་ལྟར་དམིགས་བྱས་བཞིན།། ལྷ་རྣམས་ཀུན་ལ་དམིགས་པར་འགྱུར།། གསང་སྔགས་འབུམ་དུ ་བརྗོད་བྱས་ནས། ། བསྙེན་པའི་དམ་པ་འདི་འགྲུབ་བོ།། འདས་དང་མ་འདས་འོང་འགྱུར་བའི།། སངས་རྒྱས་རྣམས་ཀྱིས་སྔགས་འདི་བཤད།། འདི་ནི་སངས་རྒྱས་ཀུན་གྱི་གསང་།། ཡེ་ཤེས་ཆེན་པོ་ཞེས་བརྗོད་དོ།། ་དེནས་འཁོར་དེ་དག་ཐམས་ཅད་ནི་གཙོ་བོའི་ཐུགས་ཀར་ཐིམ་པར་གྱུར་ཏོ།། ཀཱ་ཡེ་རྡོ་རྗེ་ཆེན་པོ་ནི།། ལག་ན་རྡོ་རྗེ་སྟོབས་པོ་ཆེ།། དུས་གསུམ་སངས་རྒྱས་ཐམས་ཅད་ཀྱི།། གསང་བའི་མཛོད་འཛིན་གྱུར་པའོ།། ་བཅོམ་ལྡན་འདས་ཕྱག་ན་རྡོ་རྗེ་གོས་སྔོན་པོ་ཅན་གྱི་རྡོ་རྗེ་གདེངས་པའི་རྒྱུད་ལས། ཁམས་གསུམ་རྣམ་པར་རྒྱལ་བ་ཞེས་བྱ་བའི་ལེའུ་རྫོགས་སོ།། ། པཎྜི་ཏ་ཨ་ཌ་ཡ་ཤྲཱི་མ་ཏི་ཞེས་བྱ་བ ་