| Wylie | e-texts produced with BDRC’s OCR application |
རིན་ཆེན་གྱིས་བསྐུལ་ནས། ཤུད་ཀེ་གྲགས་པ་རྒྱལ་མཚན་གྱིས་དཔལ་ས་སྐྱའི་གཙུག་ལག་ཁང་ཆེན་པོར་བསྒྱུར་བའོ།། །། ། རྒྱ་གར་སྐད་དུ། ་ཨཱནྱ་ཏཱ་ར་ཀུ་རུ་ཀུ་ཝི་ཀརྠ། བོང་མདས། འཕགས་མ་སྒྲོལ་མ་ཀུ་རུ་གུ་ལའོ་རྟོག་པ། བ.ལགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། བ་ཕགས་མ་ལྷ་མོ་སྒྲོལ་ལ་ལ་ཕྱག་འཚལ ་ལོ། སྒྲོལ་མ་འབྱུང་བའི་རྣལ་འབྱོར་རྒྱ་མཚོའི་རྒྱུད།། གཞུང་དང་རྟོག་པ་ཉམས་ཤིང་ནུབ་པར་གྱུར་ནས་ཀྱང་།། སྒྲོལ་མ་འབྱུང་བའི་ཏིང་འཛིན་ཞེས་བྱ་རྒྱུད་ཀྱི་གཙོ།། དེ ་ཡང་ནུབ་པར་གྱུར་ནས་རྟོག་པ་འདི་ཡང་འབྱུང་། ། སེམས་ཅན་མང་པོའི་དོན་དུ་རྣལ་འབྱོར་པ།། རྒྱས་པར་བསྟན་པའི་རྒྱུད་ལས་བསྡུས་བྱས་ནས།། རྟོག་པ་འདི་ནི་འཇིག་རྟེན་དབང་ཕྱུག་གསུངས།། ་བྱང་ཆུབ་སེམས་དཔའ་ཐམས་ཅད་མཉན་པར་གྱིས།། འཇིག་རྟེན་སྐྱབས་མེད་གྱུར་ལ་རྣམ་བལྟས་ནས།། འགྲོ་ཀུན་དོན་བྱེད་པ་ཡི་ཚུལ་འདི་ནི།། སྡུག་བསྔལ་གསུམ་གྱིས་སྡུག་བསྔལ་གྱུར་བལྟས་ནས།། ་གུས་པ་ཆེན་པོས་ཁྱེད་ཀྱིས་བླང་བར་བྱའོ།། འཇིག་རྟེན་རྣམ་རྟོག་ཞི་བར་བྱ་ཕྱིར་རྟོག་པ་འདི།། སངས་རྒྱས་ཐམས་ཅད་ཀྱིས་ནི་རབ་ཏུ་གསུངས།། དཔལ་ལྡན་གྲུ་འཛིན་རི་ལ་འཇམ་དཔལ་དང་།། ་པདྨ་བསྣམས་དང་རྒྱལ་བར་བྱེད་པ་དང་།། སྒྲིབ་པ་རྣམ་སེལ་བློ་གྲོས་རྒྱ་མཚོ་དང་།། བྱམས་པ་ལ་སོགས་ཚོགས་རྣམས་ཐམས་ཅད་ཀྱིས།། གང་ཡང་ཆོས་ཀྱི་ཚིག་འདི་ཐོས་གྱུར་ནས།། རྗེས ་སུ་ཡི་རང་སྤྱི་བོས་གུས་ཕྱག་བྱས། ། རྒྱལ་བའི་སྲས་ཀྱིས་མངའ་བྱས་བསྟོད་པ་འམ།། ཡང་ན་གླུ་དང་དབྱངས་དག་བྱས་པ་ཡིས།། སྣ་ཚོགས་གར་གྱིས་འདི་ནི་མཆོད་པ་བྱས།། གནོད་སྦྱིན་སྲིན་པོ ་ཡི་དགས་འཇིག་རྟེན་དང་། ། སྣ་ཚོགས་བུ་མོ་དང་ནི་རྒྱུ་སྐར་དང་།། ས་ཡོཾ་དབང་དང་ལག་ན་རྡོ་རྗེ་དང་།། རླབས་རྣམས་སྣ་ཚོགས་ཅན་གང་གནས་པ་ཡི།། ཀླུ་ཡི་བུ་མོ་ཟུར་གྱིས་ལྟ་བས་བལྟ་བ་དང་།། ས་འོག་སྐྱོང་དང ་ལྷ་དབང་གྲུབ་པའི་བུ་མོས་མཆོད། ། དྲི་ཟའི་རྒྱལ་མོ་ནུ་མ་ཤིན་ཏུ་རྒྱས་པ་དང་།། རིག་པ་འཛིན་དང་མི་འམ་ཅི་ཡི་ཆུང་མ་དང་།། གནོད་སྦྱིན་ཆུང་མ་རི་ཡི་བུ་མོའི་བུ་དག་ནི།། གང་ཡིན་བདག་ཅག་སྐྱབས་མེད། ་ཅེས་ནི་འདི་སྐད་སྨྲ།། གང་ཕྱིར་སྐྱབས་མེད་སྐྱབས་གྱུར་སངས་རྒྱས་བསྟན་པ་འདིར།། མགོན་མེད་མགོན་གྱུར་འཇིག་རྟེན་མགོན་པོ་ཁྱེད།། བདེ་བ་བསྐྱེད་ཅིང་ངོ་མཚར་ཆེར་གྱུར་གང་།། མགོན་པོ ་ཚོགས་ཀྱི་ཚིག་དབང་འདི་ཐོས་ནས། ། ཉིད་ཀྱིས་དབང་དུ་བྱེད་པའི་གསང་སྔགས་གསུངས།། སྔགས་ཀྱི་རྒྱལ་པོ་བུད་མེད་ཀུན་ཐོས་པས།། མཐར་ཐུག་སངས་རྒྱས་བདེ་བ་དུ་མ་འབྱུང་།། རྡོ་རྗེ ་རེག་པས་ཁམས་ཀྱང་འཛག་པར་འགྱུར། ། ཟུར་གྱིས་ལྟ་བར་བྱེད་པས་ལྟ་བྱེད་ཅིང་།། རྐང་པ་དག་ཀྱང་ས་ལ་གྱ་ཙོམ་འདོར།། འདོད་ཆགས་ཤིན་ཏུ་བདེ་བས་ཁུ་འབབ་ཚེ།། འདི་ལྟར་མཐོང་ནས་ལྷ ་ཡི་བུ་མོ་ལ། ། འགྲོ་བ་དབང་བྱེད་ཀུ་རུ་ཀུལླེའི་སྔགས།། རས་རིས་བྲིས་དང་གསང་སྔགས་སྒྲུབ་པའི་ཕྱིར།། དུས་ལ་བབ་པའི་ཚིག་འདི་མགོ་ན་སྨོས་ཞེས།། དེ་ལྟར་བཅོམ་ལྡན་འཇིག་རྟེན་མགོན་པོས ་གསུངས། ། དེ་ཚེ་འཇིག་རྟེན་དབང་ཕྱུག་ལས་རྣམས་རབ་ཏུ་གསུངས།། ཀུ་རུ་ཀུལླེའི་རི་མོའི་ལུགས།། གང་ཞིག་བྲིས་པ་ཙམ་གྱིས་ནི།། སྒྲུབ་པ་པོ་ཡིས་འབྲས་ཐོབ་པ།། དེ་ནས་ཡང་དག་བཤད་པར་བྱ།། ་རི་མོ་མཁན་ནི་གང་ཞིག་གིས།། ཆོས་གྲངས་གང་དང་དུས་གང་ལ།། སྒྲོལ་མ་འབྱུང་ལས་བཤད་པའི་བཞིན།། དེ་ནི་བདག་གིས་བཤད་པར་བྱ།། རི་མོ་མཁན་ནི་གང་ཞིག་གིས།། གང་གི་མིག་ནི་དམར ་འགྱུར་ཞིང་། ། ལག་པ་དེ་བཞིན་རྐང་པ་དམར།། བྱ་ཡི་མིག་ཅན་ཨེ་ནྱའི་རྐང་།། དེས་ནི་སྒྲོལ་མ་བྲི་བར་བྱ།། དཔྱིད་ཀྱི་ཟླ་བ་དང་པོ་ཡི།། མྱ་ངན་མེད་པའི་ཚེས་བརྒྱད་ཉིན།། ཟུན་ནི ་ཕྱེད་དང་གཉིས་པ་ལ། ། སྒྲོལ་མའི་མིག་ནི་བྲི་བར་བྱ།། མངར་གསུམ་བཟའ་ཞིང་ཉ་ལ་སོགས།། ཤ་དང་ཆང་ཡང་སྤང་བར་བྱ།། དམར་པོའི་གོས་ཀྱང་རྟག་ཏུ་བགོ། དམར་པོ་དྲི་ཡིས་རྟག་ཏུ་བྱུག། བྱམས ་པའི་སེམས་ནི་བསྐྱེད་བྱས་ལ། ། ཐོ་རངས་ཁྲུས་བྱས་བསངས་ནས་སུ།། ལན་གསུམ་གོས་ནི་བརྗེས་ནས་སུ།། དབང་དུ་བྱེད་མ་ཡང་དག་བྲི།། ཞལ་གཅིག་མིག་ནི་ཡངས་པ་དང་།། ཕྱག་བཞི ་མ་ལ་གུར་ཀུམ་མདོག། བཅུ་དྲུག་ལོ་ལོན་སྒེག་བཅས་འདྲ།། བུད་མེང་སྒྱུ་མ་རྒྱགས་པ་བྲི།། གཞོན་ནུ་མ་དམར་སེར་མོས་བྱས་པའི་སྐུད་པ་ལས་རས་བྱས་ལ། དེ་དང་ཐགས་མཁན་གཉིས་ཀ ་ཟན་དང་འོ་མ་བཟའ་བར་བྱ་ཞིང་། དེ་ནས་པདྨའི་གདན་ལ་སྟོད་གཡོགས་དམར་པོའི་གོས་དང་བཅས་པར་རིན་པོ་ཆེའི་རྣ་ཆ་དང་། རིན་པོ་ཆེའི་ཅོད་པན་དང་། གཡས་མི་འཇིགས་པ་སྦྱིན་པ་དང་། ་གཉིས་པས་མདའ་རྣ་རྩེར་འགེངས་པ། གཡོན་པས་གཞུ་འཛིན་པ་དང་། ཨུཏྤ་ལ་དམར་པོ་གཉིས་པ་ན་བསྣམས་པ་དང་། འོད་དཔག་མེད་ཅོད་པན་ན་བཞུགས་པ་རིའི་ཕུག་ན་གནས་པའི ་ཀུ་རུ་ཀུལླེའོ། ། ཀུ་རུ་ཀུལླེའི་འོག་ཏུ་ནི་སྒྲ་གཅན་འཛིན་ནོ།། དེའི་སྟེང་དུ་འདོད་པའི་དབང་ཕྱུག་ཆུང་མ་དང་བཅས་པའོ།། འདོད་པའི་ལྷའི་སྟེང་དུ་ཟླ་བའི་དཀྱིལ་འཁོར་རོ།། དེ་ལ་པདྨ་དམར་པོའི ་གདན་ནོ། ། དེ་ལ་གནས་པའི་སྣ་ཚོགས་པའི་ཆ་བྱད་ཅན་གྱི་བཅོམ་ལྡན་འདས་མ་བྲིས་ལ། རས་རིས་རབ་ཏུ་གནས་པ་བྱའོ།། དེའི་མདུན་དུ་མཆོད་པ་རྣམ་པ་བཅོ་བརྒྱད་བྱས་ལ་ཡར་གྱི་ངོ་ཚས་བརྒྱད།། ་ཟླ་བ་ཉའི་བར་དུ་བཟླས་པ་བྱའོ།། སྒྲོལ་མའི་སྙིང་པོ་ནི་འདི་ཡིན་ཏེ། ཨོཾ་ཀུ་རུ་ཀུལླེ་ཧྲཱིཿཧཱུཾ་སྭཱ་ཧཱ། ཞེས་བྱ་བའི་སྔགས་སོ།། དེ་ནས་སྔོན་དུ་བསྙེན་པ་འབུམ་ཙམ་བྱས་ལ། ཡང་སྟོན་ཟླ་ཐ་ཆུང་ང། ་དཔྱིད་ཟླ་འབྲིང་པོ་འམ། དབྱར་ཟླ་འབྲིང་པོའི་སངས་རྒྱས་ལ་མཆོད་པའི་དུས་ཚོགས་ཀྱི་ཉིན་པར་ཐོ་རངས་ཀྱི་ཁྲུས་བྱས་ལ་གསོ་སྦྱོང་བཟུང་ནས་མཆོད་པ་ཐམས་ཅད་ཀྱིས་མཆོད་ལ། ཉན་ཐོས་ཀྱི ་དགེ་འདུན་ལ་མཆོད་སྟོན་གསོལ། དེ་ནས་ཐེག་པ་ཆེན་པོ་གསང་སྔགས་པའི་ཚོགས་ལ་མཆོད་སྟོན་བྱས་ནས་ཡོན་ཕུལ་ལ། པུས་མོ་གཡས་པའི་ལྷུངས་ལ་བཙུགས་ནས། བླ་གོས་ཕྲག་པ ་གཅིག་ཏུ་གཟར་ནས་ཇི་ལྟར་འདོད་པའི་དངོས་གྲུབ་བླང་བར་བྱའོ། ། ཉན་ཐོས་ཀྱི་དགེ་འདུན་གང་ན་བཞུགས་པ་དང་། ཐེག་པ་ཆེན་པོ་ལ་དགའ་བའི་ཚོགས་རྣམས་ལ་ཕྱག་བྱས་ནས་བཟོད་པར ་གསོལ་ཏེ། གང་ན་བཅོམ་ལྡན་འདས་མའི་རས་རིས་བཀྲམ་པའི་ཕྱོགས་དེར་ཉེ་བར་སོང་ན། དངོས་གྲུབ་གང་འདོད་པའི་དོན་དུ་རིག་པ་འཛིན་པས་བསམ་གཏན་དང་ལྡན་པར་གནས་ལ་ཡི་གེ ་གྲངས་ཀྱི་འབུམ་བཟླས་པ་བྱའོ། ། ཆ་གཅིག་གིས་ནི་ཤེས་རབ་འཕེལ།། ཆ་གཉིས་ཀྱིས་ནི་དབང་དུ་བྱེད།། གང་ཞིག་ཆ་ནི་གསུམ་པ་ཡིས།། མིས་ནི་དུག་ཀྱང་འགུགས་པར་འགྱུར།། ་མྱོས་ཤིང་འགྱིངས་པའི་བུད་མེད་རྣམས་དང་ནི།། འཇིག་རྟེན་ཐམས་ཅད་ཀྱིས་ནི་མཆོད་པར་འགྱུར།། སྦྱོར་བ་གོམས་པས་ལྷ་མོ་མཛེས་རྣམས་ལ།། སྔགས་འཆང་དེས ་ནི་ཇི་ལྟར་འདོད་པར་སྤྱོད། ། དེ་མིན་ཙམ་གྱིས་མཚུངས་མེད་དུག་ཅན་འབྲོས།། གདེངས་ཀའི་གཙོ་བོའི་འོད་ཀྱིས་དཔལ་ལྡན་དག་ཀྱང་ཉ་བཞིན་འགྱུར།། བཟླས་བརྗོད་ལྡན་པས་ངག་གི་དབང་ཕྱུག ་བྱེད་འགྱུར་བས། ། རིག་པས་འགྱིངས་པའི་སྟོབས་ཅན་མཁས་པའང་ལན་མེད་བྱེད།། རིག་པ་འཛིན་པ་གླང་པོ་རྟ་ཡི་རྒྱབ་ཏུ་ཞོན་པ་དང་།། རིག་མ་མཛེས་པས་ལེགས་པར་འཁྱུད་ཅིང་མགུལ ་ནས་འཇུས་པ་ལས། ། སྔགས་རིག་པ་ཡི་གཙོ་བོའི་སྟོབས་ཀྱིས་རྒྱལ་བར་འགྱུར།། མཐར་གྱུར་པ་ཡི་རྒྱལ་སྲིད་ལོངས་སྤྱོད་དག་ལ་ཡིད་ཀྱིས་སྤྱོད།། འདོད་པའི་ལྷ་ལས་དགའ་བའི་བུ་ལ་སོགས ་པས་རི་ཁྲོད་མ། ། དེ་བཞིན་སྲེད་མེད་བུ་ལས་དཔའ་མོ་མི་ཕྱེད་པ་ལས་བདེ་སོགས་དང་།། ཚོགས་བདག་ལས་ནི་དྲི་མེད་དབྱངས་ཀྱི་དབང་ཕྱུག་དཀར་མོ་དང་།། ས་འཛིན་ལྷ་ལས་ཕུན་སུམ་ཚོགས་མའ ་སྔགས་ཀྱིས་རྣམ་རྒྱལ་བྱེད། ། གསང་སྔགས་ལྡན་པར་བཅོམ་ལྡན་འདས་མ་གང་ཞིག་སྒོམ་བྱེད་པ།། དེས་ནི་སྣ་ཚོགས་གཏེར་དང་གསེར་དང་དངུལ་དང་རྣ་ཆ་དང་།། གོས་ལ་སོགས་པའི་ནོར་རྣམས ་ཀུན་ལ་ཆེད་དུ་གང་བསམ་པ། ། སེམས་ཀྱིས་ཐམས་ཅད་མ་ལུས་ཀུན་ནས་ལོངས་སྤྱོད་བྱེད།། རྒྱལ་པོ་ལས་ནི་རྒྱལ་སྲིད་དབང་པོའི་ཡུལ་འདས་པ་ཡི་ཤིང་ལས་འབྲས་བུ་དང་།། ཀླུ་དང་ཀླུ་ནུང་རྒྱ་མཚོ་རྣམ ་ལས་ཆུ་རྣམས་འགུགས། ། སྔགས་དང་ལྡན་པས་འཐུང་ཞིང་ཟས་ལ་སྔགས་ཀྱིས་དག་པར་བྱེད།། སྐྱེ་བོ་སྔགས་མེད་པར་ནི་ལོངས་སྤྱོད་གྲུབ་པ་མེད།། ནགས་སྐྱེས་གླང་པོ་རྟ་མཆོག་རི་དགས ་དང་ལྡན་པ། ། དུག་བཅས་གདེངས་ཀ་ཅན་གྱི་སྦྲུལ་མཆོག་དང་།། ཆུ་སྲིན་ཆུ་གླང་སྟག་དང་བསེ་དག་དང་།། རང་གི་སྔགས་ཀྱི་སྟོབས་ཀྱིས་བཀུག་ནས་ནི།། ཞོན་ཡང་ངོ་མཚར་མེད་པར་བྱས་པའི ་མིག་དག་གིས། ། བལྟ་བར་གལ་ཏེ་གསང་སྔགས་གྲུབ་པ་དེ་ཡིས་མཐོང་བར་འགྱུར།། གལ་ཏེ་སྙིང་རྗེའི་ལྟ་བས་འཇིག་རྟེན་འདི་ལྟར་སྡུག་བསྔལ་བས།། རྒུད་པར་གྱུར་པའི་མི་མཉམ་པ་ལ་སྔགས་པ ་དེས། ། ཡིད་བཞིན་ནོར་བུ་བཞིན་དུ་འཇིག་རྟེན་ལ་ཕན་སྒྲོལ་མ་ཡིན།། འཇིག་རྟེན་མ་ལུས་སྒྲོལ་མར་བྱེད་ཅིང་ཞི་བར་བྱེད།། བདུད་རྣམས་བཅོམ་ནས་ནོར་གྱི་ཆར་རྒྱུན་འབེབས་པར་བྱེད།། དཔག་བསམ ་ཤིང་དུ་གྱུར་ནས་འགྲོ་རྣམས་ཅི་འདོད་སྦྱིན་པར་བྱེད། ། ནོར་གྱི་དབང་ཕྱུག་མ་ལུས་པ་ཡིས་ནོར་རྣམས་ཀུན་བཀུག་ནས།། སེམས་ཅན་མ་ལུས་ཀུན་ལ་ཕན་ཕྱིར་སྦྱིན་པར་བྱེད།། དེ་བཞིན་འཕོངས་པའི་འཇིག ་རྟེན་རྣམས་ཕྱིར་གོས་ནི་གང་དག་དང་། ། སྟན་དང་ཁྱིམ་དང་བླ་རེ་དག་ཏུ་སྒྲོལ་མ་དང་།། རྒྱ་མཚོའི་གླིང་དུ་ཚོང་པའི་གྲུ་ཞིག་འཕོངས་པ་ལ།། གཟིངས་དང་གྲུ་ལ་སོགས་པར་སྒྲོལ་མ་འགྱུར།། སྒྲོལ་མ་དེ ་བསྒོམས་རྣལ་འབྱོར་པ། ། དང་པོ་སྡུག་བསྔལ་གྱུར་པ་དེ།། དེ་སྤངས་ནས་ནི་ཅུང་ཞིག་ན།། མིས་ནི་སྟོན་མོ་རྙེད་པར་འགྱུར།། གཉིས་པར་གོས་ནི་རྙེད་པར་འགྱུར།། དེ་བཞིན་བཙུན་མོ་དང་ཡང་འཕྲད།། དེ ་ནས་སོ་རྩི་ལོངས་སྤྱོད་འགྱུར། ། མཐངས་པར་ཡང་ཅི་འདོད་སྤྱོད།། གལ་ཏེ་ཚངས་སྤྱོད་ཡིན་ན་ཡང་།། ལྷ་མཆོག་བསྐྱེད་པའི་བུ་མོ་སྤྱོད།། སེམས་ཅན་གསོད་ལ་དགའ་བ་ཡིས། ་བསྟན་པ་འདི་ལ་འགྲུབ་མི་འགྱུར།། དགེ་བ་བཅུལ་དགའ་འགྱུར་ཞིང་།། ཐེག་པ་ཆེ་ལ་སེམས་གཅིག་པས།། རྡོ་རྗེ་ཆོས་ཀྱི་བཀའ་བཞིན་དུ།། དངོས་གྲུབ་མཆོག་ནི་དེས་སྤྱོད་འགྱུར།། འདི་ནི་རས་རིས ་ལ་འཇུག་པའི་རྟོག་པ་སྟེ་དང་པོའོ། ། །། ཆོས་མཆོད་པ་ཡི་སྦྱོར་བ་ཡིས།། གང་གིས་ཆོས་ཉིད་བརྙེས་གྱུར་ན།། ཆོས་ཀྱི་དབྱིངས་སུ་རང་གྱུར་པ།། དེ་ནས་ཡང་དག་བཤད་པར་བྱ།། ་དེའི་རྗེས་ལ་དཔག་བསམ་ཤིང་གི་སྒྲུབ་པ་འབྱུང་བར་འགྱུར་རོ།། བྲག་གི་ཡི་གེ་ལས་བྱུང་བ།། དཔག་བསམ་ཤིང་ནི་རྣམ་པར་བསྒོམ།། ཨུཏྤལ་ཡོངས་སུ་གྱུར་པ་ལས།། ཤིང་ནི་གཡོན་དུ་བསྒོམ་པར་བྱ། ་སྣ་ཚོགས་ནོར་གྱི་ཆར་པ་དག། ནམ་མཁའི་དཀྱིལ་ནས་འབབ་པ་ཡིས།། འདོད་པའི་བསམ་པ་རྫོགས་བྱེད་པ།། དེ་ལྟར་བསྒོམས་ན་ནོར་བདག་འགྱུར།། གླིང་བཞི་པ་ཡི་སེམས་ཅན་རྣམས།། སེམས་ཀྱི་འོད ་ཟེར་གྱིས་བཀུག་ནས། ། རྟག་ཏུ་རིན་ཆེན་བདུན་རང་བཞིན།། དེ་དག་ལ་ནི་རབ་སྦྱིན་བྱ།། ཡོངས་ཀྱི་གཙོ་བོ་རིན་ཆེན་དང་།། དེ་བཞིན་རིན་ཆེན་རྒྱ་མཚོ་སྐྱེས།། བུད་མེད་རིན་ཆེན་རྟ་རིན་ཆེན།། དེ ་བཞིན་རལ་གྲི་རིན་ཆེན་དང་། ། གླང་པོ་རིན་ཆེན་སོགས་རིན་ཆེན།། སངས་རྒྱས་རྣམས་ལ་ཡིད་ཀྱིས་དབུལ།། བུད་མེད་རྒྱན་གྱིས་བརྒྱན་བྱས་ལ།། སྣ་ཚོགས་གཟུགས་ཅན་འགྱིང་བ་རྣམས།། ་སངས་རྒྱས་འབྲས་བུ་འདོད་རྣམས་ཀྱིས།། སངས་རྒྱས་རྣམས་ལ་རྟག་ཏུ་དབུལ།། འདིས་ནི་སངས་རྒྱས་ཐམས་ཅད་དང་།། རིག་པ་འཛིན་པ་ཐོབ་པར་འགྱུར།། རིན་པོ་ཆེ་ནི་ཡོངས་རྒྱས་པའི།། ་ཡོངས་ཀྱི་གཙོ་བོ་ནར་དབང་ཕྱུག། སངས་རྒྱས་འབྲས་བུ་འདོད་པ་ཡིས།། སངས་རྒྱས་རྣམས་ལ་དབུལ་བར་བྱ།། དེ་བཞིན་རིན་ཆེན་གཞན་དག་ཀྱང་།། གུས་དང་བཅས་པས་ཡོངས་བཏང་ན།། རྡོ་རྗེ ་ཆོས་སུ་གྱུར་ནས་ནི། ། སེམས་ཅན་ཀུན་གྱི་དོན་བྱེད་འགྱུར།། འདི་ནི་དཔག་བསམ་ཤིང་གི་སྒྲུབ་པའི་ཐབས་སོ།། སེམས་ཉིད་སངས་རྒྱས་ཐམས་ཅད་དོ།། སེམས་ཉིད་ཀྱིས་ནི་རྣམ་པར་གྲོལ།། ་སེམས་ཀྱིས་འཆིང་བ་རྣམས་ལས་ཐར།། སེམས་ཀྱིས་གྲོལ་བ་དང་ལྡན་འགྱུར།། སེམས་མ་གཏོགས་པ་དངོས་དོན་རྣམས།། གཞན་དག་གཞན་པར་མ་མཐོང་སྟེ།། སངས་རྒྱས་ཉིད་དང་དངོས ་གྲུབ་ཀུན། ། གང་ཕྱིར་ཕུན་ཚོགས་གཞན་མ་མཐོང་།། གང་ཡང་སྣོད་དང་སེམས་ཅན་རྣམས།། འབྱུང་དང་འབྱུང་ལས་གྱུར་པ་དག། ཟག་མེད་ལྷག་པར་མཐོང་བ་ཡིས།། སེམས་ཙམ་ཡིན་ཞེས ་རབ་ཏུ་བསྒྲགས། ། དེ་བས་འབད་པ་ཐམས་ཅད་ཀྱིས།། སེམས་ཀྱི་མེ་ལོང་ཕྱིས་བྱས་ན།། རང་བཞིན་གློ་བུར་བ་ཡི་སྐྱོན།། རིམ་གྱིས་རབ་ཏུ་ཟད་པར་འགྱུར།། དབྱངས་ཡིག་དང་པོ་ལས་བྱུང་བ།། ་ཇི་མེད་རྫོགས་པའི་ཟླ་བ་སྟེ།། སེམས་ཉིད་ཟླ་བར་བསྒོམས་བྱས་ནས།། དེ་ཡི་སྟེང་དུ་ས་བོན་དགོད།། དྲོ་བ་རྣམས་ཀྱི་བཞི་པ་ནི།། མེ་ཡི་མདོག་གི་སྟེང་ན་གནས།། ཡི་གེ་ཨི་དང་ཡང་དག་ལྡན།། ་ནམ་མཁའ་གཉིས་ཀྱིས་རྣམ་པར་བརྒྱན།། དེ་ཡི་སྣ་ཚོགས་འོད་རྣམས་ཀྱིས།། འགྲོ་བ་དྲི་མ་མེད་བྱས་ནས།། སྟོང་གསུམ་འདི་སོགས་མཁའ་དབྱིངས་ཏེ།། ཀུ་རུ ་ཀུལླེའི་རིགས་ཞུགས་པས། ། དེ་ཡིས་སྒྲོལ་མ་བསྐུལ་ནས་ནི།། བཀུག་ནས་མདུན་དུ་གནས་པར་བྱེད།། དེ་ནས་མཁས་པས་ས་བོན་ལ།། མཆོད་པ་ཆེན་པོའི་སྤྲིན་རྣམས་སྤྲོ།། མེ་ཏོག ་སྤོས་དང་མར་མེ་དང་། ། དེ་བཞིན་དྲི་དང་ལྷ་བཤོས་སོགས།། ཕྱག་རྒྱ་འཕྲེང་བ་དེ་བཞིན་དུ།། གར་དང་གླུ་ཡི་མཆོད་སོགས་མཆོད།། དཀོན་མཆོག་གསུམ་ལ་སྐྱབས་སུ་མཆི།། སྡིག་པ ་ཐམས་ཅད་སོ་སོར་བཤགས། ། འགྲོ་བའི་དགེ་ལ་རྗེས་ཡི་རང་།། སངས་རྒྱས་བྱང་ཆུབ་ཡིད་ཀྱིས་གཟུང་།། སྔགས་འདི་ལན་གསུམ་བརྗོད་ནས་ནི།། དེ་ནས་གཤེགས་སུ་གསོལ་བར་བགྱི།། ་སེམས་ནི་བྱམས་པས་གནས་བྱས་ལ།། སླར་ཡང་དེར་ནི་གཞག་པར་བྱ།། སྙིང་རྗེའི་སེམས་ནི་བསྐྱེད་བྱས་ནས།། རབ་དགའི་སེམས་ཀྱང་བསྐྱེད་པར་བྱ།། ཕྱི་ནས་ཐམས་ཅད་བཏང་སྙོམས་ལ།། ་སེམས་ཙམ་ལ་ནི་མཉམ་པར་གཞག། ཐ་མལ་རྣམ་པར་སྤང་བའི་ཕྱིར།། སེམས་ཀྱང་སླར་ཡང་སྟོང་པར་བྱ།། ཡང་སྲིད་ལེན་པའི་ཕུང་པོ་ལྔ།། སྟོང་པ་ཉིད་ཀྱི་མེ་ཡིས་བསྲེག། ཨོཾ་ཤཱུ་ནྱ་ཏཱ་ཛྙཱ ་ན་བཛྲ་ས་བྷཱ་བ་ཨཱཏྨ་ཀོཧཾ། ཡུད་ཙམ་སྟོང་པའི་རྣལ་འབྱོར་ཉིད།། བྱས་ནས་སེམས་ནི་ངལ་སོས་བྱ།། སྔོན་གྱི་དམ་བཅས་དྲན་བྱས་ནས།། ས་བོན་ཙམ་ཞིག་ཡང་དྲན་བྱ།། གཅིག་པུ་མྱ་ངན་འདས་པ ་ཡིས། ། སེམས་ཅན་བསྡུས་པར་འགྱུར་བའི་ཕྱིར།། སྲིད་པའི་རྒྱ་མཚོ་མཐའ་མེད་ལས།། བདག་གིས་དེ་དག་ཇི་ལྟར་བསྒྲལ།། འདི་ལྟར་བསམས་ནས་བརྩེ་ལྡན་དེས།། སེམས་མེད་པ་ཡི་སྟོང་པ ་ཡང་། ། ཆོས་ཀྱི་དབྱིངས་ཀྱི་རང་བཞིན་སེམས།། སེམས་ཉིད་ཀྱིས་ནི་བསྐྱེད་པར་བྱ།། སངས་རྒྱས་བྱིན་རླབས་ལས་ས་བོན།། དེ་ལ་ཨུཏྤལ་ཞེས་བྱར་འགྱུར།། ཨུཏྤལ་དཀྱིལ་དུ་ཟླ་བའི་གཟུགས།། ་ཡི་གེ་ཨ་ལས་བྱུང་བའོ།། སླར་ཡར་ཟླ་བ་དེར་ས་བོན།། དེ་ལས་འོད་ཟེར་འཕྲོས་གྱུར་པ།། དེ་ཡིས་མ་ལུས་འཇིག་རྟེན་ཁམས།། རྣམ་པར་སྦྱངས་པར་བསྒོམ་པར་བྱ།། དེ་ཡིས་སྦྱངས་ཤིང་གསལ། ་བྱས་ནས།། འོད་ཟེར་ཀུན་གྱིས་སངས་རྒྱས་ཚོགས།། ཨུཏྤལ་ལ་ཞུགས་བསྒོམ་པར་བྱ།། དེ་ལས་སྒྲོལ་མ་འབྱུང་བར་འགྱུར།། བསྟན་འདྲའི་ལྷ་མོ་བཙོད་མདོག་ཅན།། རྒྱན་རྣམས་ཀུན་གྱིས ་རྣམ་བརྒྱན་པའི། ། དམ་ཚིག་གཟུགས་ནི་མཉམ་བསྐྱེད་ནས།། ཡེ་ཤེས་འཁོར་ལོ་ཡང་དག་བཀུག། ཡུད་ཙམ་གྱིས་ནི་ངེས་རྫོགས་པའོ།། ཡེ་ཤེས་འཁོར་ལོ་མདུན་གནས་པ།། དམ་ཚིག་ཕྱག ་རྒྱའི་སྦྱོར་བ་ཡིས། ། ཁ་ཡི་ལམ་ནས་གཞུག་པར་བྱ།། ལག་པ་ཐལ་མོ་སྦྱར་བྱས་ནས།། མཐེའུ་ཆུང་གཉིས་ནི་བསྒོམ་པར་བྱ།། གུང་མོ་གཉིས་ནི་རྩེ་མོར་སྦྱར།། རྩེ་མོའི་ནང་དུ་མིང་མེད་གཞུག ་མཛུབ་མོ་གཉིས་ནི་དབུ་མར་སྦྱར། ། མཐེ་བོང་གཉིས་ནི་འོག་ཏུ་བཀུག། དམ་ཚིག་ཕྱག་རྒྱ་འདི་བཅིངས་ནས།། འཁོར་ལོ་བཀུག་ནས་གཞུག་པར་བྱ།། སངས་རྒྱས་རྣམས་ལ་ཚིགས་བཅང ་འདིས། ། དབང་བསྐུར་བར་ནི་གསོལ་བ་གདབ།། བྱང་ཆུབ་རྡོ་རྗེ་སངས་རྒྱས་ལ།། ཇི་ལྟར་མཆོད་ཆེན་གསོལ་མཛད་པ།། བདག་ཀྱང་བསྒྲུབ་པའི་དོན་གྱི་ཕྱིར།། ནམ་མཁའ་རྡོ ་རྗེ་དེང་བདག་སྩོལ། ། རྒྱལ་བའི་དབང་བསྐུར་ཞེས་བྱ་བས།། སྤྱན་ལ་སོགས་པ་ལྔ་པའོ།། རྒྱལ་པོའི་མེ་ཏོག་དབང་བསྐུར་ཞིང་།། ཆེན་པོར་གྱུར་པ་དེ་གསོལ་མཛོད།། རྡོ་རྗེ་ཆེན་པོས་དབང་བསྐུར་བ།། ་ཁམས་གསུམ་པ་ཡིས་ཕྱག་བྱས་པ།། གསང་བ་གསུམ་གྱི་གནས་ལས་བྱུང་།། སངས་རྒྱས་ཀུན་གྱིས་སྦྱིན་པར་བྱ།། སངས་རྒྱས་སྒྲོལ་མ་དབང་བསྐུར་བས།། ཆོས་ནི་གཙུག་གི་ནོར་བུར་ར་གྱུར།། ་འོད་ཟེར་དམར་པོ་སྣ་ཚོགས་ཀྱིས།། འགྲོ་བ་གསུམ་པོ་སྣང་བར་བྱེད།། དབང་བསྐུར་རིན་ཆེན་ཐོབ་འགྱུར་ན།། དངོས་གྲུབ་ཐམས་ཅད་རབ་སྒྲུབ་བྱེད།། ཇི་ལྟར་སླར་བསྟན་ནོ་ག་ཡིས།། ལོ་ཕྱེད་བརྟན་པར ་བརྩམས་ནས་ནི། ། གཏོར་མ་དུས་སུ་གཏང་བར་བྱ།། སྔགས་འདི་ཡིས་ནི་ཁར་བ་འམ།། ཁུ་བ་ལ་སོགས་ཆོ་ག་ཡིས།། རྨི་ལམ་མཚན་མ་ཐོབ་པར་འགྱུར།། རལ་གྲི་ས་འོག་དངོས་གྲུབ་དང་།། མི་སྣང ་བ་དང་བཅུད་ལེན་དང་། ། མི་མཐོང་བ་དང་མཁའ་སྤྱོད་ཉིད།། དེ་བཞིན་རྐང་བྱུག་མིག་སྨན་དང་།། རྨི་ལམ་མཚན་མ་སྟོན་འགྱུར་ཞིང་།། དངོས་གྲུབ་རང་ཉིད་འབྱུང་བར་འགྱུར།། གལ་ཏེ་དེ་ལ་དགའ ་འགྱུར་ན། ། གྲུབ་པ་ཕྲ་མོ་སྒྲོལ་མས་གྲུབ།། འཁོར་ལོ་སྒྱུར་ནས་རྒྱལ་སྲིད་དང་།། དབང་པོའི་ལོང་སྤྱོད་ཐམས་ཅད་བྱེད།། སྒོམ་དང་བཟླས་པར་ལྡན་པ་ལ།། རྨི་ལམ་དུ་ཡང་རབ་གྲུབ་བྱེད།། ཟླ་དྲུག་ཐམ ་ཟླ་གཅིག་གོ། ། མཚན་གཅིག་རངས་པར་བཟླས་བྱས་ཏེ།། ཨུཏྤལ་ཕྱག་རྒྱ་བཅིངས་ནས་ནི།། བཟླས་ནས་ཕྱག་རྒྱ་ཡུད་ཀྱིས་འབར།། ཕྱག་རྒྱ་འདི་ཡི་མཐུ་ཡིས་ནི།། བཙུན་མོ་དང་བཅས་ཚངས་པ་དང་།། ་དབང་པོ་དང་ནི་ཉེ་དབང་སོགས།། བཀུག་ནས་དབང་དུ་འགྱུར་བར་བྱེད།། དེ་ནས་བརྩམས་ནས་དངོས་གྲུབ་ཀུན།། བདག་འཁོར་འཆིང་བ་ལས་གྲོལ་འགྱུར།། ནུ་དང་འདམ་གྱི་སྐྱོན་དག་གིས།། ་པདྨ་གོས་པར་མི་འགྱུར་ལྟར།། དངུལ་ཆུ་རེག་ནས་དུ་མར་འགྱུར།། བསྡུས་ནས་སླར་ཡང་གཅིག་ཏུ་འགྱུར།། ཐམས་ཅད་མཁྱེན་པ་ཉིད་འགྱུར་ན།། དངོས་གྲུབ་ཐོབ་པའི་སེམས་དེ་བཞིན།། གྲུབ་པའི ་དངུལ་ཆུས་རེག་གྱུར་རས། ། ཟངས་མ་གསེར་དུ་འགྱུར་བ་བཞིན།། གྲུབ་པའི་གསང་སྔགས་ཀྱིས་རེག་ནས།། སྔགས་པ་སངས་རྒྱས་སྐུར་ཡང་འགྱུར།། ལྷ་ཡི་དབང་ཕྱུག་ཏུ་འགྱུར་ཞིང་།། ཁམ ་གསུམ་གྱི་ནི་དབང་ཕྱུག་འགྱུར། ། སངས་རྒྱས་རིགས་སུ་བྱུང་ནས་ནི།། འཁོར་ལོ་བསྐོར་བ་ཡང་དག་འགྱུར།། བལྟམ་དང་རབ་ཏུ་འབྱུང་མཛད་པ།། དཀའ་བ་སྤྱོད་པའི་སྤྱོད་མཛད་ཅིང་།། བྱང་ཆུབ་སྤྱོད། ་པའང་སྤྱོད་མཛད་པས།། སངས་རྒྱས་ཉིད་ཀྱང་དྲན་པར་མཛད།། ལྷ་ལས་བབས་དང་སྤྲུལ་པ་དང་།། ཆོས་ཀྱི་འཁོར་ལོ་བསྐོར་བ་དང་།། མྱ་ངན་འདས་པ་ཆེན་པོ་དང་།། དུར་ཁྲོད་གཤེགས་པ ་བཞིན་ནོ། ། འཇིག་རྟེན་གསུམ་དུ་ལུས་སྤངས་ནས།། རྒྱལ་བ་ལོངས་སྤྱོད་རྫོགས་སྐུ་ཡིས།། གནས་གཙང་མར་ནི་སླར་གཤེགས་ནས།། སྤྲུལ་པར་བྱུང་བའི་སྐུ་ཡང་ངོ་།། གླེགས་བམ་རས་རིས ་རིམ་པ་ཡིས། ། ཆོས་ཀྱི་སྐུ་ཡང་འཇུག་པར་མཛད།། གང་གིས་དེ་ཡི་གྲུབ་པའི་སྔགས།། སངས་རྒྱས་རྣམས་ཀྱིས་དེ་ཉིད་གསུངས།། དེ་ནས་བཅོམ་ལྡན་འདས་དེ་བཞིན་གཤེས། ་པ་ཐམས་ཅད་ཀྱིས་དེ་ཉིད་ཀྱིས་ཉིད་ཀྱི་ཐུགས་ལ་རྣམ་པར་བརྟགས་ནས། བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ།། ལག་ན་རྡོ་རྗེ་ཇི་ལྟར་ན་སངས་རྒྱས་བཅོམ ་ལྡན་འདས་ཀྱིས་རྡོ་རྗེའི་སྐུ་ཆོས་ཀྱི་དབྱིངས་ཀྱི་སྐུ་སའི་ཕྱོགས་གང་དུ་དུས་བྱེད་པར་འགྱུར་བ་ཡིན། དེ་ནས་ལག་ན་རྡོ་རྗེས། སངས་རྒྱས་དང་བྱང་ཆུབ་སེམས་དཔའ་དེ་དག་ལ་འདི་སྐད་ཅེས་གསོལ ་ཏོ། གང་ཡང་བྱང་ཆུབ་སེམས་དཔའ་དག་གིས་འདི་སྐད་དུ། ཇི་ལྟར་ན་སངས་རྒྱས་བཅོམ་ལྡན་འདས་རྡོ་རྗེའི་སྐུ། ཆོས་ཀྱི་དབྱིངས་ཀྱི་སྐུ། མི་ཕྱེད་པའི་སྐུ་སའི་ཕྱོགས་འགའ་ཞིག་ཏུ་དུས་བྱེད་པར ་འགྱུར་བ་ཡིན་ཞེས་སྨྲ། དེ་འདི་སྐད་ཉོན་ཅིག། བྱང་ཆུབ་སེམས་དཔའ་དག་གང་མྱ་ངན་ལས་འདས་པ་ཞེས་བྱ་བ་དེ་ནི་བདེ་བ་ཅན་དུ་འགྲོ་བའོ།། དེ་ནས་བྱང་ཆུབ་སེམས་དཔའ་རྣམས་ཀྱིས་སྨྲས ་པ། ཅི་ལག་ན་རྡོ་རྗེ་སངས་རྒྱས་བཅོམ་ལྡན་འདས་རྣམས་ཆོས་སྐུ་སྤངས་ནས་བདེ་བ་ཅན་དུ་འགྲོ་འམ། རིགས་ཀྱི་བུ་འོན་ཏེ་སྤྲུལ་པའི་སྐུ་སྤངས་ནས་ལོངས་སྤྱོད་རྫོགས་པའི་སྐུས་བདེ་བ་ཅན་དུ་འགྲོ ་བར་འགྱུར། ལག་ན་རྡོ་རྗེ་ཆོས་ཀྱི་སྐུ་སྤངས་ནས་འགྲོ་བར་འགྱུར་ཞེས་བྱ་བ་དེ་ཇི་ལྟ་བུ་ཡིན། ལག་ན་རྡོ་རྗེས་སྨྲས་པ། ཇི་ལྟར་སྒྱུ་མ་མཁན་གྱི་སྐྱེས་བུ་གང་ཞིག་གིས་དགོས་པའི་དོན་སྒྲུབ་པའི། ་ཕྱིར་སྒྱུ་མ་སྤྲུལ་ནས་དགོས་པ་སྒྲུབ་པར་བྱེད་དོ།། དེ་བཞིན་དུ། གདོད་ནས་གྲུབ་པའི་སངས་རྒྱས་རྣམས།། སེམས་ཅན་ཡོངས་སུ་གཟུང་བའི་ཕྱིར།། འཁོར་ལོ་སྒྱུར་བ་འངས་གྱུར་ནས།། སྐྱེ་བ་ཡོངས ་འཛིན་པར་མཛད། ། གང་ཚེ་སངས་རྒྱས་འདས་པ་ན།། དེ་ཚེ་འཁོར་ལོས་སྒྱུར་བ་འབྱུང་།། དེ་གཉིས་མེད་པར་འཇིག་རྟེན་འདིར།། ནམ་ཡང་འབྱུང་བ་མ་ཡིན་ནོ།། འདུལ་བྱའི་འཇིག་རྟེན་ལ་བརྟེན་ནས།། ་རྐང་གཉིས་མཆོག་གིས་བརྟུལ་ནས་ནི།། ལོ་ནི་བརྒྱད་ཅུར་བཞུགས་མཛད་དེ།། སངས་རྒྱས་རྒྱལ་བའི་གནས་སུ་གཤེགས།། སངས་རྒྱས་སྒྱུ་མ་སྤངས་ནས་ནི།། རྒྱལ་བའི་ཕོ་བྲང་བདེ་ཅན་དུ།། རབ ་ཞི་བདེ་བ་ཆེན་པོ་ལ། ། ཀུན་ཏུ་དགའ་བའི་གཟུགས་ཀྱིས་བཞུགས།། བྱེད་པོ་རྟག་པ་གཅིག་པུས་བཞུགས།། ཡིན་སྙམ་དྲང་སྲོང་རྣམས་སེམས་ཏེ།། དེ་ལྟའི་ངོ་བོ་དེ་མིན་ཞེས།། དེ་ནི་སྐད་ཅིག་བསྡོམས ་པར་འདོད། ། བདག་ཏུ་འཛིན་པས་འཁྲུལ་པ་རྣམས།། རྟག་ཏུ་རྟག་པའི་དོན་འདོད་པ།། མི་རྟག་ཉིད་ལ་འཇུག་བྱའི་ཕྱིར།། རྒྱལ་བ་རྣམས་ཀྱི་སྐུ་གཏོང་མཛད།། དངོས་པོ་ཀུན་གྱི་དངོས་བདག་ཉིད། ་ཐུགས་ཀྱིས་ཐམས་ཅད་མཁྱེན་ཏེ་བདག། འདི་གནས་འདི་གནས་མ་ཡིན་ཞེས།། བྱས་པའི་ངེས་པ་ཡོད་མ་ཡིན།། ཀུན་རྫོབ་བདེན་པ་ལ་བརྟེན་ནས།། སྟོང་གསུམ་འདི་སོགས་གདུལ་བྱ་ལ།། སངས ་རྒྱས་རྣམས་ཀྱིས་ཆོས་བསྟན་པ། ། ནམ་མཁའ་མཉམ་པར་རབ་ཏུ་འཇུག། སངས་རྒྱས་འབྱུང་བ་དེ་ཉིད་མིན།། སངས་རྒྱས་འགག་པའང་དེ་བཞིན་ཏེ།། ཐམས་ཅད་རོ་གཅིག་གྱུར་པ་ཡི།། འབྱུང་དང ་འཇིག་པའི་རང་བཞིན་ནོ། ། དེ་ནི་ཆོས་དབྱིངས་གཟུགས་གཅིག་ཏུ།། སྒྲིབ་པ་ལྔ་པོ་སྤངས་པའོ།། ཟབ་ཅིང་རྒྱ་ནི་ཆེ་བའི་གཟུགས།། དེ་ཉིད་ངོ་བོར་དེ་ཉིད་བཞུགས།། གཉིས་ཀ། ་ཡོད་པ་མ་ཡིན་ཕྱིར།། གདོད་ནས་ཡོད་པ་མ་ཡིན་ནོ།། དེ་ནི་གདོད་ནས་མ་སྐྱེས་པས།། སྐྱེ་བ་མ་ཡིན་འགག་མ་ཡིན།། བྱང་ཆུབ་སེམས་དཔའ་རྣམས་ཀྱིས་སྨྲས་པ། ལག་ན་རྡོ་རྗེ་སངས་རྒྱས་བཅོམ ་ལྡན་འདས་ཁམས་གསུམ་ལ་རྗེས་སུ་སྟོན་པ་མཛད་པ། སྐྱེ་བ་མེད་པ། འགག་པ་མེད་པ་ཇི་ལྟ་བུ་ཡིན། སྨྲས་པ། ཀྱེ་བྱང་ཆུབ་སེམས་དཔའ་རྣམས་དེ་ཇི་སྙམ་དུ་སེམས། གང་སངས་རྒྱས་ཇི་སྙེད་པ ་དེ་གང་ཞིག་ཡོད་པ་ཡིན་ནམ། འོན་ཏེ་མེད་པ་ཞིག་ཡིན། བྱང་ཆུབ་སེམས་དཔའ་རྣམས་ཀྱིས་སྨྲས་པ། ལག་ན་རྡོ་རྗེ་སངས་རྒྱས་རྣམས་ནི་ཡོད་པའང་མ་ཡིན་མེད་པའང་མ་ཡིན་ནོ།། ལག་ན་རྡོ་རྗེས་སྨྲས་པ ་མ་སྐྱེས་པ་ནི་སྐྱེ་བ་ཡིན། ། སྐྱེས་པ་ཕྱིར་ཡང་སྐྱེ་མི་འགྱུར།། དོན་དམ་ཉིད་དུ་དཔྱད་ན་ནི།། དེ་ཕྱིར་གདོད་ནས་མ་སྐྱེས་པ།། དེ་བཞིན་འཆི་བ་འཆི་མི་འགྱུར།། འཆི་བ་མེད་པ་འཆི་བ་མིན།། མི་གནས་པ་ལ་གནྡ། ་པ་མེད།། གནས་པ་དེ་ལ་གནས་མི་དགོས།། གལ་ཏེ་མ་སྐྱེས་ཉམས་འགྱུར་ཞིང་།། མ་སྐྱེས་པ་ཉིད་སྐྱེས་འགྱུར་ན།། རི་བོང་གི་ནི་རྭ་ཉིད་ཀྱང་།། སྐྱེ་བ་དང་ནི་འགག་པར་འགྱུར།། གང་ཚེ་ཡོད་པ་སྐྱེ ་འགྱུར་ན། ། སྐྱེས་པ་སླར་ཡང་སྐྱེ་བར་འགྱུར།། གལ་ཏེ་མེད་པ་སྐྱེ་ན་ཡང་།། མོ་གཤམ་བུ་ཡང་སྐྱེ་བར་འགྱུར།། དེ་ཕྱིར་ཐམས་ཅད་མ་རིག་པ།། འདུ་བྱེད་གསུམ་གྱི་མཚན་ཉིད་ཡིན།། ཕུང་པོ་ལྔ ་ལྡན་འགྲོ་བ་རྣམས། ། སྣང་བ་ཙམ་དུ་རྣམ་པར་ཤེས།། རེ་ཞིག་རིགས་པ་འདིས་བྱང་ཆུབ་སེམས་དཔའ་རྣམས་སངས་རྒྱས་བཅོམ་ལྡན་འདས་རྣམས་ཀྱི་མྱ་ངན་འདས་པ་ཤེས་པར་བྱའོ།། བྱང་ཆུབ ་སེམས་དཔའ་རྣམས་ཀྱིས་སྨྲས་པ། ། ཐམས་ཅད་བསྐྱེད་པ་མེད་པའི་ཕྱིར།། སྔགས་འདི་ཇི་ལྟར་རྒྱུད་ཇི་ལྟར།། དཀྱིལ་འཁོར་བསྒོམ་པ་ཇི་ལྟ་བུ།། དངོས་གྲུབ་དེ་ནི་ཇི་ལྟར་འགྲུབ།། ལག་ན་རྡོ ་རྗེས་སྨྲས་པ། རྟེན་ཅིང་འབྲེལ་པར་འབྱུང་བ་ནི།། དངོས་པོ་རྣམས་ནི་འབྱུང་བ་ལྟར།། སྔགས་དང་ཕྱག་རྒྱ་སོགས་བརྟེན་ནས།། དངོས་གྲུབ་རྣམས་ནི་འབྱུང་བར་འགྱུར།། དངོས་གྲུབ་རྣམས་ནི། ་ཀུན་རྫོབ་པ།། སངས་རྒྱས་ཕ་རོལ་ཕྱིན་པ་ཡང་།། སངས་རྒྱས་རྡོ་རྗེ་སེམས་དཔའ་ཉིད།། ཀུན་རྫོབ་ཉིད་དུ་རབ་སྒྲུབ་འགྱུར།། རྟོག་པ་གཉིས་པའོ།། །། སྔགས་བཟླས ་པ་ཡི་ཆོ་གའི་རིམ། ། དེ་ནས་ཡང་དག་བཤད་བྱ་བ།། གང་ཞིག་ཤེས་པ་ཙམ་གྱིས་ནི།། སྒྲུབ་པོས་དངོས་གྲུབ་འགྱུར་བས་སོ།། བྱུ་རུ་ཡིས་ནི་དབང་དུ་བྱེད།། པུས་ཀར་གོས་ནི་དུག་ཞི་བྱེད།། ཤེ ་གྱིས་ཤེས་རབ་འཕེལ་བར་བྱེད། ། ལས་གསུམ་ལ་ནི་སྦྱར་བར་བྱ།། སྐྱེ་གནས་ཀྱི་རྣམ་པར་དག་པ་ཨ་ཤཱཏྠའི་འདབ་མའི་རྣམ་པ་ལྟ་བུའི་ཐབ་ཁུང་བྱས་ལ། མྱ་ངན་མེད་པའི་ཤིང་ལ་མེ་སྦར་ནས། ་ག་བཞིན་དུ་ཨུཏྤལ་དམར་པོ་བརྒྱ་རྩ་བརྒྱད་སྦྱིན་སྲེག་བྱས་ཏེ། གར་མཁན་གྱི་ཁྱིམ་ནས་མེ་བླངས་ལ་མངར་གསུམ་གྱིས་བསྒོས་ནས་རྩ་བའི་སྔགས་དང་བྱ་བ་ཡིན་ནོ།། བྱིས་ནས་འཁྲུལ་འཁོར་བྱ་བ་ཡིན་ཏེ། ་ཟླ་མཚན་གྱིས་གོས་པའི་རས་ལ་དཀྱིལ་འཁོར་གྲུ་གསུམ་བྲིས་ནས་དཀྱིལ་འཁོར་དུ་བསྒྲུབ་བྱ་དང་། སྒྲུབ་པ་པོའི་མིང་དང་བཅས་པའི་བསྐུལ་བའི་ཚིག་དང་བཅས་པར ་བྲིས་ཏེ་ཆེ་གེ་མོ་བདག་གི་དབང་དུ་གྱུར་ཅིག་བྱས་ནས། དེ་ནས་རྩ་བའི་སྔགས་ཀྱིས་སྤེལ་ནས་རྒྱ་སྐྱེགས་ཀྱི་ཁུ་བ་དང་། ལག་པ་གཡོན་པའི་སྲིན་ལག་གི་ཁྲག་དང་། ག་པུར་དང་། གུར་ཀུམ་དང་། ་གླ་རྩི་རྣམས་ཀྱི་ཚོན་རྩིས་བྲི་བར་བྱའོ།། ཤེས་རབ་འཕེལ་བར་འདོད་ན་ཐབ་ཁུང་དེ་ཉིད་དུ་ཨརྐའ་མ་ཀ་ར་ཝཱི་རའི་ཤིང་ལ་བྲམ་ཟེའི་སྦྱིན་སྲེག་གི་མེ་བླངས་ལ་སྦར་ལ། ཨ་ཏ་རུ་ཀའི་ཤའི་ཁྱིའི་མ་འམ ་ཤུ་ཐག་གི་སྦྱིན་སྲེག་ཁྲི་བྱའོ། ། དུག་ཞི་བར་བྱེད་ན་ཐབ་ཁུང་དེ་ཉིད་དུ་ཙན་དན་གྱི་ཤིང་ལ་མེ་སྦར་ལ། པིན་ཏ་ཀ་རའི་མེ་ཏོག་གི་སྦྱིན་སྲེག་བྱའོ།། དེས་ནི་དུག་ཐམས་ཅད་ཞི་བར་འགུགས་པར་འགྱུར ་རོ། ། སྣ་ཚོགས་ཀྱི་ཟུག་གཟེར་རྣམས་མེད་པར་བྱེད་ཅིང་ཞི་བར་བྱེད་དོ།། མཁའ་ལྡིང་གི་རིག་པའི་རྒྱུད་ཀྱི་ཆོ་གའོ།། ཁམས་གསུམ་པ་ཡི་ལམ་གནས་པའི།། བཙུན་མོར་གྲགས་པ་ཇི་སྙེད་པ།། ་སྦྱིན་སྲེག་འཁྲུལ་འཁོར་སྦྱོར་བ་ཡིས།། དེ་ཀུན་བཀུག་ནས་སྤྱོད་པར་བྱེད།། བྱམས་པ་ཆགས་པའི་ལྟ་བ་ཡིས།། སེམས་དེ་ཡིས་ནི་དབང་དུ་བྱེད།། འགྲོ་བ་ཐམས་ཅད་དབང་བྱས་ནས།། སངས ་རྒྱས་བྱང་ཆུབ་ངེས་པར་སྤྱོད། ། འདི་ནི་དབང་དུ་བྱ་བའི་ཆོ་གའོ།། རྣམ་པ་ཀུན་མཁྱེན་ཞེས་བྱ་བ།། ཤེས་རབ་མེད་པར་ཐོབ་མི་འགྱུར།། དེ་ཕྱིར་དེ་ཐོབ་འདོད་པ་གང་།། ཤེས་རབ་རྣོན་པོ་སྒྲུབ་པར་བྱ།། ་བཟླས་དང་སྦྱིན་སྲེག་སྦྱོར་བ་ཡིས།། ཆོས་རྣམས་ཀུན་ལ་སྤྱོད་པའོ།། བློ་ནི་དག་གསལ་དྲི་མ་མེད།། དེ་ཉིད་ཤེས་རབ་ཕ་རོལ་ཕྱིན།། རྣལ་འབྱོར་པ་ནི་གྲོལ་བར་འགྱུར།། གྲི་ཧ་པི་དའི་ལོ་མ་དང་།། ་ཏི་དང་ནི་ཤིང་མངར་དང་།། བྲམ་ཟེ་མོ་དང་མ་ག་ཏ།། སྦྲང་དང་བཅས་པ་བཟའ་བར་བྱ།། ཤེས་རབ་འཕེལ་བར་བྱ་བའི་ཆོ་གའོ།། དུག་རྗེས་སྦྲང་རྩི་མར་དང་བཅས།། འཁོར་ལོ་བཟང་རྩ་དེ ་བཞིན་ཏེ། ། མཆེ་བའི་དུག་གིས་བཟུང་བ་ལ།། བསྐུས་དང་འཐུངས་པས་ཞི་བར་མཛད།། དུག་གཞིལ་བའི་སྨན་ནོ།། ཛ་རི་ཙཎྜ་ལི་དག་དང་།། ནད་པའི་སྡེ་ནི་མར་ཁུར་བཅས།། ལུས་ཀྱི ་སྲིན་བུ་ཤི་བའི་རོ། ། ཟོས་ནས་དབང་དུ་འགྱུར་བ་ཡིན།། དབང་དུ་བྱ་བའི་སྨན་ནོ།། དུག་འགུགས་པས་ནི་འགྲོ་བ་བཞིན།། ཤེས་རབ་འཕེལ་བས་སངས་རྒྱས་ཉིད།། ཆོས་ཀྱི་འཁོར་ལོ་བསྐོར ་བ་ནི། ། སྐད་ཅིག་གིས་ནི་དབང་བྱེད་འགྱུར།། བདག་གཞན་དོན་རབ་བསྒྲུབ་པ་ལ།། ཐེག་པ་ཆེན་པོར་ཐབས་གཞན་མེད།། རིག་པ་ལན་ཅིག་བསྒྲུབས་པ་ཡིས།། འཕྲལ་དུ་ཡིད་ཆེས་བྱེད་པ་ཡིམ།། ་ཧྲཱིཿཡིག་མྱོས་པའི་སྣོད་བསམ་ན།། བུད་མེད་རྣམས་ནི་འཛག་པར་འགྱུར།། ལྕེ་སྙིང་དཀྱིལ་དུ་ཧྲཱི་དེ་ཉིད།། བསམས་ན་བློ་རྣམས་སྐྱེ་བར་བྱེད།། མཆེ་བས་བཟུང་བ་ལས་བསྒོམས་པ།། ་ཆོས་ཀྱི་ཡི་གེ་མཛེས་པ་ཡིས།། ཡི་གེ་དག་ནི་དུགཞི་བྱེད།། སྒྲོལ་མའི་སྙིང་པོ་ཁམས་གསུམ་ལས།། རྒྱལ་བ་ལེན་པར་བརྩེ་བ་ཅན་གྱིས་རྣམ་ཤེས་བྱ།། ངག་གི་སྐྱོན་རྣམ་ཟད་པས་དུག་སེལ ་སེམས་ཀྱི་སྐྱོན་སྤངས་པས། ། ཤེས་རབ་འཕེལ་འགྱུར་ལུས་ཀྱི་སྐྱོན་རྣམས་ཟད་པས་དབང་དུ་བྱེད།། དེ་ཕྱིར་འགྲོ་བ་འདི་དག་མི་དགེ་བ་ལ་ཞེན་པས་དངོས་གྲུབ་ཐོབ ་མི་འགྱུར། ། དེ་ཕྱིར་རྒྱལ་བའི་སྲས་ཀྱིས་ཕན་ཕྱིར་མི་དགེ་བ་རྣམས་སྤང་བར་བྱ་ཕྱིར་བགྱི།། ཕྱག་རྒྱ་བཅིངས་པའི་ཁྱད་པར་གྱིས་ནི་ངེས་པར་ལུས་ཀྱི་སྐྱོན་རྣམས་ཟད་པར་འགྱུར།། སྔགས་ཀྱིས་ལྕེ་ཡི་ཚོགས ་ཀྱི་སྐྱོན་རྣམས་གང་ཡིན་སེམས་ཀྱི་སྐྱོན། ། བསམ་གཏན་དགའ་བའི་སེམས་ཀྱིས་དགའ་བར་འགྱུར་བར་དད་པ་དྲི་མེད་ཀྱིས།། ལུས་ཀྱི་ཡིད་རྣམས་གཡོ་བ་མེད་པ་དེ་ཚེ་སངས་རྒྱས་བྱིན་གྱིས་རློབ།། སྡིག ་མེ་མིག་གིས་སྡིག་ལྟ་ཞིང་ནི་སྙིང་རྗེ་ལྡན་པ་འཇིག་རྟེན་གསུམ་གྱི་རྒྱལ་པོར་འགྱུར། ། སྦྱིན་པས་བསོད་ནམས་སྟོབས་ལྷག་གྱུར་པར་ས་སྟེང་གཙོ་བོ་སྦྱིན་བདག་བརྩོན་འགྲུས་ལྡན་པར་འགྱུར།། ལེ་ལོ་སྤང ་པས་མཁས་པས་དམྱལ་བའི་སྡུག་བསྔལ་ཅུང་ཟད་ཀྱང་མི་མྱོང་། ། དེ་ཕྱིར་སངས་རྒྱས་སྲས་ཀྱི་སྙིང་རྗེའི་ནོར་དང་བརྩོན་འགྲུས་སྤྱོད་པ་དག་ལ་བརྟེན།། ནམ་མཁའི་དཀྱིལ་དུ་སངས་རྒྱས་རྣམ་བལྟས ་བསམ་གཏན་སྤོབས་ཀྱིས་སངས་རྒྱས་རྣམས་ལ་སེམས། ། རྨི་ལམ་ནའང་རྟག་ཏུ་བདག་ཉིད་སངས་རྒྱས་རྣམས་ཀྱིས་བསྐོར་བ་མཐོང་།། མཁས་པས་འཆི་བའི་ཚེ་ཡང་རི་རབ་རྩེར་གཤེགས་དང་། ་བཞོན་པ་སྣ་ཚོགས་ཞོན་པའི་སངས་རྒྱས་རྣམས།། སྙིང་རྗེའི་བདག་ཉིད་ཅན་གྱིས་མཐོང་གྱུར་པ།། སྡིག་པ་བྱས་པས་དམྱལ་བའི་གྲོང་ཁྱེར་མཐོང་བར་འགྱུར།། དེ་རྣམས་རྣམ་པར་དག་པའི་རྒྱུད་ཡིན་ཏེ།། ་བློ་ཡང་དེར་ནི་གནས་པར་འགྱུར།། དེ་ཡི་ཕྱིར་ན་ཅི་ནས་ཀྱང་།། གོས་དཀར་དག་གིས་བཙུན་མོར་འདོད།། དེ་ཉིད་དུག་ནི་ཞི་བྱེད་པས།། རྟ་མགྲིན་གྱི་ནི་གོ་འཕང་གནས།། འདོད་ཆགས་རྡོ་རྗེའི་ཚིག་འཐུང ་བ། ། འགྲོ་བ་གསུམ་པོ་དབང་དུ་བྱེད།། འདོད་ཆགས་ཀྱི་རིགས་ཀྱི་རྒྱུད་སྒྲུབ་པའོ།། ། དེ་ནས་སྦྱོར་བ་གཞན་འབྱུང་བར་འགྱུར་ཏེ། དཀྱིལ་འཁོར་གྲུ་གསུམ་བྱས་ནས་ནི།། སླར་ཡང ་གྲུ་གསུམ་གཞན་ཞིག་གོ། དབང་པོ་ཕྱོགས་ནས་བརྩམས་ནས་ནི།། ཨོཾ་ལ་སོགས་པ་མཁས་པས་བྲི།། མཚམས་དྲུག་ཏུ་ནི་ས་བོན་དྲུག། ཆོས་ཀྱི་ས་བོན་དཀྱིལ་དུའོ།། ཡི་གེ་ཕུ་ཡི་ནང་བྱས་པ། ་དེ་ནི་སྒོ་ཡི་མ་ཐེམ་བྲི།། སྦྲུལ་བསྐྲད་པའི་རྒྱུད་དོ།། དེ་ནས་བུད་མེད་སྐལ་བ་དང་ལྡན་པར་བྱ་བའི་ཕྱིར། སྦྱོར་བ་གཞན་བཤད་པར་བྱ་སྟེ། འདབ་མ་བདུན་པའི་ཨུཏྤ་ལ་བྱས་ལ་དེ་ལ་ཡི་གེ་བདུན་སྦྱར་བར ་བྱའོ། ། དེའི་ལྟེ་བ་ལ་ཧྲཱིཿགཉིས་ཀྱིས་བརྟེན་པའི་བསྒྲུབ་བྱའི་མིང་དབང་དུ་བྱ་བའི་ཆོ་ག་བཞིན་དུ་གྲོ་ག་འམ། ཡང་ན་མེ་ཏོག་དང་བཅས་པའི་རས་ལ་བྲིས་ལ་རི་ལུ་བྱས་ནས་དཔུང་པ་ལ་གདགས་པར་བྱའོ།། ་བདག་པོ་བུད་མེད་བྲན་དུ་འགྱུར།། རྒྱལ་པོའང་ཞབས་འབྲིང་ཉིད་དུ་འགྱུར།། ཤིན་ཏུ་དག་ཅིང་གཙང་མ་ཡིས།། སྔགས་འདི་བཏུ་བར་བྱ་བ་ཡིན།། དབང་དུ་བྱ་བའི་ཆོ་གའོ།། སྲུང་བའི་དོན་དུ་འཁྲུལ ་འཁོར་འབྱུང་བར་འགྱུར་ཏེ། ཨུཏྤལ་འདབ་བཞི་བྱས་ནས་ནི།། དེ་ལ་དབུས་སུ་ཟླ་བ་བྲི།། ཤར་དུ་མདའ་ནི་བྲི་བར་བྱ།། ལྷོ་ཉིད་དུ་ནི་གཞུ་བྲིའོ།། མི་འཇིགས་ལག་པ་ནུབ་ཏུའོ།། བྱང་དུ་ཨུཏྤལ་བྲི་བར ་བྱ། ། དབུས་ཀྱི་ཟླ་བར་བསྲུང་བྱ་སྟེ།། ས་བོན་བདུན་གྱིས་བསྐོར་བའོ།། འཁོར་ལོའི་ཕྱི་ཡི་རིམ་པ་ལ།། ཨུཏྤལ་འཕྲེང་བས་བརྒྱན་པའོ།། འདི་ནི་གྲོ་ག་ལ་བྲིས་ལ།། རང ་གི་དཔུང་ལ་གདགས་པར་བྱ། ། གཞན་ཡང་བྱིས་པ་རྒན་པོ་དར་ལ་བབ།། འཁྲུལ་འཁོར་གྱིས་ནི་རང་སྲུང་འགྲུབ།། གལ་ཏེ་དབང་ཕྱུག་ཐོབ་པར་བྱ་འདོད་ན།། ས་བོན་གྱི་གྲོང་ཁྱེར་བྲིས་ལ་དེའི་དཀྱིལ ་དུ་གཞུ་བྲི་བར་བྱའོ། ། གཞུའི་དཀྱིལ་དུ་རིན་པོ་ཆེའི་རྣམ་པ་ལྟ་བུའི་ཨུཏྤལ་གྱི་མྱུ་གུ་བྲི་བར་བྱའོ།། ཨུཏྤལ་སྙིང་པོའི་དབུས་སུ་ཡི་གེ་ཧཱུཾ་ལ་ཡི་གེ་བདུན་གྱིས་བསྐོར་བའོ།། ས་ལེ་སྦྲམ་གྱི་བྱང་བུ་ལ ་མངོན་པར་བྲིས་ལ་ཁྱིམ་གྱི་སྟེང་དུ་ངེས་པར་གཞག་པར་བྱའོ། ། ཕྱི་རོལ་ནས་ཨུཏྤ་ལའི་འཕྲེང་བས་མངོན་པར་བསྐོར་བར་བྱས་ལ། ཚེས་བཅུ་གཉིས་སམ་བརྒྱད་ལ་རིན་པོ་ཆེ་ལྔ་དང་ལྡན་པའི་བུམ་པ་གང ་བས་ཕབ་ལ་ཁྲུས་བྱས་ནས་མཆོད་ནས་བཟླས་པ་བརྒྱ་རྩ་བརྒྱད་བྱས་ན། ལོ་གཅིག་གིས་ནོར་འཛིན་དང་མཚུངས་པར་འགྱུར་རོ།། དེ་ལྟ་བུའི་རིགས་པའི་རིལ་བུ་ཡང་དག་པར་གདགས་པར་བྱའོ།། ་དེ་ནས་སྦྱོར་བའང་འབྱུང་བར་འགྱུར་ཏེ། མིག་དམར་ལ་བབ་པ་ན་འགྲོན་བུ་གན་ཀྱལ་དུ་གནས་པ་རྙེད་ན་ལག་པའི་མཐིལ་དུ་བཞག་ནས། སྔགས་འབུམ་ཕྲག་གཅིག་བརྒྱ་བཟླས་ན་རྒྱལ་པོ་འདི་ཐ ་པ་ན་ཕ་རོལ་པོ་ལས་རྒྱལ་བར་འགྱུར་རོ། ། འགྲོན་བུ་དེ་བླངས་ལ་ཀུ་རུ་ཀུལླེའི་སྔགས་བརྒྱ་རྩ་བརྒྱད་བཟླས་ནས། ཚེས་བཅུ་གཉིས་སམ་བརྐྱང་ལ་ཁྲུས་བྱས་ནས་མཆོད་ལ་དར་གྱི་ནང་དུ་གཏུམས་ནཱ ་དཔུང་པ་ལ་བཏགས་ན། འདིས་ནོར་གྱི་དབང་ཕྱུག་ཆེན་པོར་འགྱུར་རོ།། འགྲོན་བུ་དེ་སྣོད་དུ་བཅུག་པའི་ནང་དུ་སྦ་བ་བྱས་ན་ཉིན་རེ་རེ་ཀར་ཤ་པ་ཎ་རེ་རེ་རྙེད་པར་འགྱུར་རོ།། དོན་སྒྲུབ་པ་དང་། རྒྱལ་སྲིད་སྦྲུ ་བ་དང་། རྒྱན་པོ་རྙེད་པ་དང་། འབྲས་བུ་སྒྲུབ་པའི་རྒྱུད་དོ།། རྟོག་པ་གསུམ་པ་རྫོགས་སོ།། །། གང་གིས་རྡུལ་ཚོན་མཐོང་ཙམ་གྱིས།། སངས་རྒྱས་མྱུར་དུ་ཐོབ་བར་བྱེད།། ་དཀྱིལ་འཁོར་མཐོང་བའི་རིམ་པ་བཞིན།། དེ་ནས་ཡང་དག་བཤད་བྱ་བ།། གྲུ་བཞི་པ་ལ་སྒོ་བཞི་པ།། རྟ་བབས་བཞི་ཡིས་ཉེ་བར་བརྒྱན།། དེ་ཡི་དཀྱིལ་དུ་ལྷ་མོ་དགོད།། བྷ་གའི་རྣམ་པ་ཁ་དོག་ལེགས།། ་མདའ་ནི་ཤར་དུ་བྲི་བར་བྱ།། གཞུ་ནི་ལྷོ་ལ་ཕྱོགས་སུའོ།། མི་འཇིགས་ལག་པ་ནུབ་ཏུ་སྟེ།། བྱང་དུ་དེ་བཞིན་ཨུཏྤ་ལའོ།། མཚམས་དཀྱིལ་ཆ་ནི་ཐམས་ཅད་དུའོ།། རྡོ་རྗེ་འཁོར་ལོ་སོགས་དེ་བཞིན། ་གོས་དམར་པོ་ཡི་སྟོད་གཡོགས་བགོས།། དར་དམར་པོས་གདོང་བཀབ་པའི་སློབ་མ་གཞུག་པར་བྱའོ།། འདིས་སེམས་མ་རྡོ་རྗེ་མའི་ཕྱག་རྒྱ་བཅིངས་ལ་འཁོར་ལོར་མེ་ཏོག་བསྒྱུར་བར་བྱས་ཏེ། པྲ ་བཛྲ་ཧོ་ཞེས་བྱའོ། ། གཡོགས་པ་བཀྲོལ་ལ་དཀྱིལ་འཁོར་བསྟན་པར་བྱའོ།། དཀྱིལ་དུ་བབ་ན་ནི་དབང་དུ་བྱ་བའི་ལས་ལ་དབང་བར་འགྱུར་རོ།། མི་འཇིགས་པ་སྦྱིན་པ་ལ་བབས་ན་ནི་དུག་འགུགས་པ་ལ ་བསླབ་པར་བྱའོ། ། ཨུཏྤལ་ལ་བབས་ན་ནི་ཤེས་རབ་འཕེལ་བ་ལ་བསླབ་པར་བྱའོ།། གཞུལ་བབ་ན་ནི་ཐམས་ཅད་མཁྱེན་པའི་ཡེ་ཤེས་ལ་བསླབ་པར་བྱའོ།། འཇུག་པའི་དུས་སུ་འདི་སྐད་སྨེ་བར་བྱའོ།། ་ས་གྶ་ན་སུ་དུ ་ནས་ན་བ ་ཡ་ཞིང་། ། བདེན་པ་མིན་པ་ཡང་མི་སྨྲ།། མ་བྱིན་པར་ཡང་བླང་མི་བྱ།། གཞན་གྱི་ཆུང་མ་བསྟེན་མི་བྱ།། ལུས་ཀྱི་ལས་ནི་རྣམ་གསུམ་དང་།། ངག་གི་རྣམ་པ་བཞི་དག་དང་། ཡིད་ཀྱི་རྣམ ་གསུམ་པོ། ། མི་དགེ་བ་དག་སྤང་བར་གྱིས།། ཆོས་དང་དེ་བཞིན་ཟང་ཟིང་དང་།། བྱམས་དང་མི་འཇིགས་ཞེས་བྱ་བཞི།། སྦྱིན་པ་ཁྱོད་ཀྱིས་རྟག་ཏུ་བྱིན།། མེད་ན་བསམ་གཏན་ལས་ཀྱིས ་བསྡུ་བའི་དངོས་པོ་བཞི་དག་ཀྱང་། ། ཁྱོད་ཀྱིས་རྟག་ཏུ་བསྟེན་པར་བྱ།། ཕ་རོལ་ཕྱིན་པའི་སྐུ་དག་དང་།། སྟོབས་རྣམས་དང་ནི་དབང་དག་དང་།། བུད་མེད་འགྲོ་བ་བརླས་མི་བ། སོལ་མའི་མི ་ཅན་ཁྱད་པར་དུ། ། གསང་སྔགས་སྤྱོད་པའི་ཁྱིམ་པས་ཀྱང་།། བུད་མེད་དེ་ནི་བླང་མི་བྱ།། གྲོང་ཁྱེར་སྒོ་དང་གྲོང་དག་དང་།། ཡུལ་གང་དུ་ནི་སྒྲོལ་མ་ནི།། སྒོ་ལྡང་བ་ནི་མད་རྩིག་ངས་དང་།། སུམ་མང། ་དག་ཏུ་ཁྱད་པར་དུ།། གནས་པའི་གནས་དེར་རྟག་ཕྱག་བྱ།། བསྟོད་ཅིང་མཆོད་པ་ཆེན་པོ་བྱ།། གནས་དེར་གནས་པ་བྱས་ནས་ནི།། སྔགས་ལ་སོགས་པ་བསྒྲུབ་པར་བྱ།། སྒྲོལ་མའི་མིང་ཅན་བུད ་མེད་གང་། ། ཁ་དོག་དམར་སེར་མིག་ལེགས་མ།། དེ་མཐོང་རྣལ་འབྱོར་གུས་པ་ཡིས།། ཡིད་ཀྱིས་ཕྱག་ནི་བྱ་བ་ཡིན།། བན་དྷུ་ཟེའུ་འབྲུའི་མེ་ཏོག་དང་།། དེ་བཞིན་ཀ་ར་མྲི་ར་འཛིན།། གཞན་ལ ་མེ་ཏོག་དམར་པོ་ལ། ། བསྒྲུབ་པ་པོས་ནི་འགོམ་མི་བྱ།། དེ་ལྟར་སྡོམ་པ་བྱིན་པས་ནི།། གཙང་ཞིང་དག་པའི་ལྷ་རྫས་ཆུ།། བུམ་པ་བཞིན་གནས་པའི་ཆུས།། སློབ་མ་སྔགས་ཆུས་དག་པར་བྱ།། སློབ ་དཔོན་གྱིས་ནི་རིམ་པ་བཞིན། ། མདའ་གཞུ་སོགས་ཀྱི་ཕྱག་རྒྱ་བཀྲུ།། དང་པོར་མདའ་ཅན་བུམ་པ་སྟེ།། གཉིས་པ་གཞུ་དང་ལྡན་པས་སོ།། གསུམ་པ་མི་འཇིགས་པ་ལག་སྟེ། ་ཨུཏྤལ་གྱིས་ནི་བཞི་པར་རོ།། ཇི་ལྟར་སངས་རྒྱས་ཤཱཀྱ་ཡི།། སེང་གེ་སྲས་བཅས་རྡོ་རྗེ་འཛིན།། རྒྱལ་སྲིད་ཆེན་པོར་དབང་བསྐུར་ལྟར།། དེ་བཞིན་བདག་གིས་ཁྱོད་དབང་བསྐུར།། ཁྱོད་ཀྱིས་སངས་རྒྱས ་ཐམས་ཅད་ཉིད། ། དེ་ཉིད་དཀྱིལ་འཁོར་འདི་རུ་རྙེད།། རྡུལ་ཚོན་འདི་གཟིགས་སངས་རྒྱས་རྣམས།། རབ་ཏུ་དགྱེས་པར་གྱུར་པ་ཡིན།། འདི་ནི་འཆི་མེད་ནད་མེད་ཀྱང་།། མྱ་ངན་མེད་ཅིང་འཕོངས་པ་མེད།། ཐེག ་པ་ཆེན་པོ་གཙང་མ་འདིས། ། ཁྱོད་ཀྱིས་རྫོགས་པའི་བྱང་ཆུབ་ཐོབ།། མདའ་སོགས་བཞི་ཡིས་དབང་བསྐུར་བས།། དམ་ཆོས་སྣོད་དུ་བྱས་ནས་ནི།། སློབ་མ་ལ་ནི་གསང་བ་དག། ཆོ་ག་བཞིན་དུ་སྦྱིན་པར ་བྱ། ། དེ་ལ་རེ་ཞིག་དང་པོར་ཀླུ་ལ་བསྡིགས་པ་ལ་བསླབ་པར་བྱའོ།། ན་མོ་རཏྣ་ཏྲ་ཡཱ་ཡ། ན་མོ་བུདྡྷ་བོ་དྷི་ས་ཏྭེ་བྷྱོ། ན་མོ་ཨསྠ་མ་ཧཱ་ཨ་ནྱ་རྱ་པྲ་ཀ་ལ་ཡཾ། ན་མོ་བ་བ་ཏེ་བྷྱེ། བུདྡྷ་ཀོ་ཊི་བྷྱཿཏདྱ་ཐཱ། ཨཻ ་དྷཱིཿསཱིཿཧྲཱིཿསརྦ་ནཱ་གཱ་ནཱཾ། ཨ་ནན་ཏ་ཀུ་ལཱ་ནཱཾ། བ་སུ་ཀི་ཀུ་ལཱ་ནཱཾ། ཤཾ་ཁ་པཱ་ལ་ཀུ་ལཱ་ནཱཾ། ཀར་ཀོ་ཊེ་ཀུ་ལཱ་ནཱཾ། པདྨ་ཀུ་ལཱ་ནཱཾ། ཀུ་ལི་ཀ་ཀུ་ལཱ་ནཱཾ། སུན་ད་རི་ཀ་ཀུ་ལཱ་ནཱཾ། ག་ན་ཀ་ཀུ་ལཱ་ནཱཾ། མེ་ཀ་ཀུ་ལཱ་ནཱཾ། ་ཛ་ལ་ད་ཀུ་ལཱ་ནཱཾ། ཛ་ལ་དྷ་ར་ཀུ་ལཱ་ནཱཾ། བཛྲཱི་མུ་ཏ་ཀུ་ལཱ་ནཱཾ། སཾ་བརྟ་ཀུ་ལཱ་ནཱཾ། ཨེ་ས་བརྟ་ཀུ་ལཱ་ནཱཾ། ཀུ་མུ་ད་ཀུ་ལཱ་ནཱཾ། ཀ་ཧ་ར་ཀུ་ལཱ་ནཱཾ། སཽ་གནྡྷེ་ཀུ་ལཱ་ནཱཾ། ཧ་ན་ཧ་ན། ཤ་ར་ཎ། བནྡྷ་བནྡྷ་ཙ་བ་ན། ་ཌ་ཡ་ཏཱ་ཌ་ཡ། ཨུཏྤ་ལེ་ན། བརྟ་ན། ཨ་བྷ་ཡ་ན། དེ་ཧི་དེ་ཧི། པྲ་ལ་ཡ། ཀ་ལེ་བཛྲ་ལ་ད་ར། མ་བྷ་ཏ་ར་ཡ་ན། བ་ར་ཤཱནྟ་ནཱ་ག་ན་བ་ཤི། ཀུ་རུ། ཀུ་རུ། ཀུ་རུ་ཀུ་རུ། པུ་ཀུ་རུ་བ་ཡ་ཀུ་རུ། ་བ་ཡ། ཕུ་ཕུ་ཨོཾ་ཀུ་རུ་གུལླེ་ཧྲཱིཿཧཱུཾ་སྭཱ་ཧཱ་ཕཊ། སྔགས་འདིས་དགོན་པའི་ལྕི་བ་ལས་དཀྱིལ་འཁོར་བྱས་ལ། ཆོ་ག་བཞིན་དུ་ཙན་དན་གྱི་པདྨ་འདབ་མ་བརྒྱད་པ་བྲིས་ལ། ཤར་ལ་སོགས་པའི་འདས ་མ་ལ་དགའ་བོ་ལ་སོགས་པའི་ཀླུ་བརྒྱད་བཞག་ནས། ཤ་ཁ་ར་དང་གུ་གུལ་རྒྱུ་སྐར་སྣར་མ་ལ་བབ་པའི་ཚེ་བརྒྱ་རྩ་བརྒྱད་བཟླས་ནས། ཀླུ་རྣམས་ལ་བདུག་པ་བྱིན་ནས་དེ་ནས་མཆོད་པའོ།། གལ་ཧེ་ཆ ་འབབ་པར་མི་འགྱུར་ན། ཆང་གིས་ཁྲུས་བྱས་ལ་སེང་ལྡེང་གི་མེས་གདུང་བར་བྱའོ།། དེ་ལྟར་བྱས་ན་ཆར་འབབ་པར་འགྱུར་རོ།། གལ་ཏེ་ཆར་འབེབས་པར་མི་བྱེད་ན་མཛེས་ཐེབས་པར་འགྱུར་རོ།། རེག་པ ་འཛིན་པ་དེ་དག་བྱ་བའི་ཟས་དང་ལྡན་པར་བྱ་བ་ཡིན་ནོ། ། ཕྱི་ནས་ཉེ་བར་བསྡུས་ལ་ཆུ་བོ་ཆེན་པོར་དོར་བར་བྱའོ།། ལྷ་ཡང་དུས་སུ་ཆར་འབེབས་ཤིང་།། ལ་ཏོག་ཕུན་སུམ་ཚོགས་པར་ཤེག། འཇིག་སེན་མཐ ་དག་སྐྱིད་པ་དང་། ། རྒྱལ་པོ་ཆོས་དང་ལྡན་གྱུར་ཅིག། ཅེས་ཡོངས་སུ་བསྔོ་བའང་བྱའོ།། ཆར་ཤིན་ཏུ་ཆེས་པ་གཅད་འདོད་ན། སྦྲུལ་འདུལ་བའི་མི་ལས་སྤྲུལ་གཅིག་བླངས་ལ ་ནས་འོ་མ་བླུད་པར་བྱ་ཞིང་། སྔགས་འདི་ལན་བདུན་བསྔགས་པ་བྱས་པའི་བུམ་པ་དམར་པོ་མ་ཚོས་པའི་ནང་དུ་བཅུག་ལ་ཕྱག་རྒྱ་ཆེན་པོས་རྒྱས་བཏབ་ནས། བུམ་པ་བཅག་པར་གྱུར་ན་དེ་མ་ཐག ་ཆར་པ་གཅོད་པར་བྱེད་དོ། ། ཕྱིས་ནས་ཚོགས་ཀྱི་སྟོན་མོ་བྱ།། ཡང་ན་ཉན་ཐོས་དགེ་འདུན་མཆོད།། ཁྱེའུ་དང་བུ་མོ་ལའང་ཟས་སྐོམ་སྦྱིན།། དེ་ལྟར་བྱས་ན་ཀླུ་རྣམས་དགའ།། ་ཆར་ནི་འབབ་པར་གྱུར་པའི་ཚེ།། གལ་ཏེ་འདི་ལྟར་མི་བྱེད་ན།། ཀླུ་རྣམས་དགའ་བར་མ་བྱས་པས།། མཛེ་ཡིས་ཐེབས་པར་གྱུར་པ་ཡིན།། རྒྱལ་པོའི་བུ་དང་བཙུན་མོའི་འཁོར་དང་བཅས་པ་ཁྲུས་བྱས ་ལ་ཕྱིར་བཟློག་པའི་ཆོས་ལྔ་ལ། ཕྱིར་ལྡོག་པའི་རྩ་བ་བཙལ་ནས་འོ་མའམ་ཡང་ན་མར་དང་སྦྱར་ཏེ། དངུལ་གྱི་སྣོད་དུ་བླུགས་ལ་བཏུང་ཞིང་དགེ་སློང་ལ་གསོལ་བར་བྱས་ན། ལེ་གཅིག་གི་བར་དུ་སྒྲལ ་གྱི་འཇིགས་པ་འབྱུང་བར་མི་འགྱུར་རོ། ། དེ་ལ་མི་དགེ་བའི་ལས་ཀྱིས་གལ་ཏེ་སྦྲུལ་གྱིས་བཟུང་ན་སྦྲུལ་དེ་ཉིད་འཆི་བར་འགྱུར་ཏེ། ལན་མདུན་མངོན་པར་བསྔགས་པ་འགྲུབ་པར་འགྱུར་རོ།། ཡང་མཛ ་ནད་སོས་པར་འདོད་ན། སྔགས་འདི་ཉིད་ཀྱིས་དུག་མེད་པར་བྱས་ནས་ཟོས་ན་མཛ་ནད་སོས་པར་འགྱུར་རོ།། རྩ་བའི་སྔགས་ཀྱིས་ཆུ་ལ་བསྔགས་ལ་སྦྲུལ་གྱིས་བཟུང་བའི་རྨ་ལ་བསྐུས་ན་དུག་མེད ་པར་འགྱུར་རོ། ། ཡང་ཀླུ་མཐོང་བར་འདོད་ན། ཨུཏྤལ་དམར་པོའི་འདབ་མ་ལ་ཡི་གེའི་གྲངས་ཀྱིས་འབུམ་བཟླས་ནས། ཀླུ་གནས་ཤིང་བྱིན་གྱིས་བརླབས་པ་མཚེའུ་ལ་སོགས་པར་བཏབ་ན། དེའི ་རྗེས་ལ་ཀླུའི་རླུང་མ་འདར་བར་འགྱུར་རོ། ། སྒྲུབ་པ་པོ་ལ་ཀྱེ་བཅོམ་ལྡན་འདས་ཅི་ཞིག་བགྱི་ཞེས་བཀའ་ལུང་ནོད་པར་བྱེད་དོ།། སྔགས་པས་ཀྱང་འདོད་པ་དེ་བསླང་བར་བྱའོ།། རྟོག་པ་བཞི་པའོ།། ། ་། དེ་ནས་གཞོན་ནུ་ཟླ་གཅན་འཛིན་བཟང་པོས་གང་གི་ཚེ་བསོད་སྙོམས་ལ་རྒྱལ་པོའི་ཁབ་ཏུ་ཞུགས་ནས། ཡང་འོད་མའི་ཚལ་དུ་ཞུགས་ཏེ་ལྷུང་བཟེད་བཀྲུ་བའི་ཕྱིར་རྫིང་བུ་རིང་པོར་ཞུགས ་པ་ན། གྲགས་འཛིན་མའི་བུ་དགེ་སློང་དཀར་པོ་དང་འཁྲུལ་ནས་རྫིང་བུར་དྲངས་པ་དང་། དེའི་ཚེ་གཞོན་ནུ་སྒྲ་གཅན་འཛིན་བཟང་པོས་རིག་པ་འདི་བཟླས་སོ།། བཟླས་པ་ཙམ་གྱིས་ཇི་ལྟར ་འགའ་ཞིག་རང་གི་ཁྱིམ་ནས་བྱུང་བ་བཞིན་དུ་སྒྲ་གཅན་འཛིན་བཟང་པོ་ཡང་དེ་བཞིན་དུ་བཅོམ་ལྡན་འདས་ཀྱི་ཐད་དུ་སོང་ངོ་། ། ཉེ་བར་སོང་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཡང ་ལགས་ཁྱེད་ཀྱིས་བདག་ལ་གསང་སྔགས་གང་སྩལ་བའི་མཐུ་དེ་བདག་གིས་མཐོང་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། གང་དུ་མཐོང་། ཀླུ་རྣམས་ཀྱི་དྲུང་དུའོ།། དེ་ལྟ་བས ་ན་བཅོམ་ལྡན་འདས་སྲོག་ཆགས་གཞན་དག་བསྲུང་བའི་སླད་དུ་སྔགས་འདི་བཅོམ་ལྡན་འདས་ཀྱིས་བསྟན་དུ་གསོལ། དེ་ནས་བཅོམ་ལྡན་འདས་ཀྱིས་དེའི་ཚེ་དེའི་དུས་སུ་སྔགས་འདི་དང་རྟོག་པ་འདི ་ལག་ན་རྡོ་རྗེ་ལ་བསྐུར་ནས་ཉན་ཐོས་རྣམས་དང་། བྱང་ཆུབ་སེམས་དཔའ་རྣམས་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་ལ་བཀའ་དྲིན་གསལ་བར ་བྱས་སོ། ། རིགས་ཀྱི་བུ་དེའི་ཕྱིར་གསང་སྔགས་འདི་དང་རྟོག་པ་འདི་ཙན་དན་གྱི་དཀྱིལ་འཁོར་བྱས་ནས་ཀློག་པར་བྱེད་པ་དེའི་ལུས་ལ་དུག་གི་གནོད་པ་མི་འབྱུང་།། དུག་གིས་འནི་བར་མི་འགྱུར། ་ཤུ་བའི་འཇིགས་པ་མི་འབྱུང་། གསན་པའི་འཇིགས་པ་མི་འབྱུང་། མཛེ་ནད་ཀྱི་འཇིགས་པ་མི་འབྱུང་། ནད་ཀྱི་འཇིགས་པ་མི་འབྱུང་། ཀླུའི་འཇིགས་པ་མི་འབྱུང ་སྦྲུལ་གྱི་འཇིགས་པ་མི་འབྱུང་། སྟག་དང་གཅན་གཟན་གྱི་འཇིགས་པ་མི་འབྱུང་། མཚོན་གྱི་འཇིགས་པ་མི་འབྱུང་། དགྲའི་འཇིགས་པ་མི་འབྱུང་། དབུལ་བའི་འཇིགས་པ་མི་འབྱུང་། དུས་མ ་ཡིན་པར་འཆི་བའི་འཇིགས་པ་མི་འབྱུང་བར་འགྱུར་རོ། ། དེ་ནས་བཅོམ་ལྡན་འདས་ཀྱིས་བསྟན་པ་བསྲུང་བའི་ཕྱིར་ནག་པོ་ཆེན་པོ་ཉིད་ཀྱི་བསོད་སྙོམས་ཀྱིས་གསོས་པའི་སྲིན་མོ་འཕྲོག་མ་ལ་བྱིན་ནོ།། དེ་ཡང ་སྔོན་གྱི་ལས་མི་དགེ་བ་ལ་སྐལ་བ་ངན་པར་གྱུར་པས་ནག་པོ་ཆེན་པོ་དང་རྗེས་སུ་འཐུན་པ་མ་ཡིན་པས་གནས་པར་མི་བྱེད། རྩེ་བར་མི་བྱེད། བསྟན་པ་སྲུང་བར་ཡང་མི་བྱེད་དོ།། དེ་ནས་སྲིན་མོ་དེ་ཡི་མུག ་པར་གྱུར་པ་དང་། དེ་ལ་ནག་པོ་ཆེན་པོ་དབང་དུ་བྱ་བར་འདོད་པས་ཀུ་རུ་ཀུལླའི་རྟོག་པ་འདི་གསུངས་སོ།། དེ་ནས་བཟུང་ནས་སྐལ་བ་ཆེ་ཞིང་བཟང་བ་དང་ལྡན་པར་གྱུར་ཏོ།། རིགས་ཀྱི་བུ་དེའི་ཕྱིར ་སེམས་ཅན་དབང་དུ་བྱ་བར་འདོད་པས་གསང་སྔགས་འདི་ཉིད་དང་རྟོག་པ་འདི་ཉིད་ལ་གོམས་པར་བྱའོ། ། གཞན་ཡང་ཤིན་ཏུ་དགའ་བའི་བུ་གཟུགས་བཟང་ཞིང་མཛེས་པ་སྟོབས་ཆེ་ཞིང་མཚན་དང་ལྡན་པ། ་ཞིག་སྐྱེས་སོ།། འོན་ཀྱང་བློ་རྟུལ་བར་གྱུར་ཏོ།། དེ་ནས་ཤིན་ཏུ་དགའ་བས། བཅོམ་ལྡན་འདས་ལ་ཞུ་བ་ཞུས་པ། བཅོམ་ལྡན་འདས་བདག་གི་བུ་གཟུགས་བཟང་ཞིང་མཛེས་པ་སྟོབས་ཆེ་ཞིང་མཚན་དང་། ་ལྡན་པ་ཞིག་སྐྱེས་པར་གྱུར་ན། འོན་ཀྱང་བློ་རྟུལ་བར་གྱུར་ཏོ།། བཅོམ་ལྡན་འདས་དེ་ཇི་ལྟར་ན་དེའི་ཤེས་རབ་འཕེལ་བར་འགྱུར། གལ་ཏེ་བདག་གི་བུ་དེའི་ཡི་གེ་དང་བཅས་པར་གྱུར་ན། དེ་ལྡན་ཁྱོད་ཀྱི ་བསྟན་པ་རྗེས་སུ་བསྲུང་བར་བགྱིའོ། ། དེ་ལྟར་གསན་ནས་བཅོམ་ལྡན་འདས་ཀྱིས་དྲན་པ་སྔོན་དུ་བཞུགས་ནས་རྟོག་པ་འདི་དང་གསང་སྔགས་འདི་བཀའ་སྩལ་ཏོ།། དེ་བཀའ་སྩལ་གྱིས་ཤིན་ཏུ་དགའ ་བའི་བུ་གཞོན་ནུ་སྣར་མ་ཞེས་བྱ་བ་འདི་ཤེས་རབ་དང་ལྡན་པར་འགྱུར་རོ། ། ལོ་བཅུ་གཉིས་ཀྱིས་བསྟན་བཅོས་ཐམས་ཅད་འཇིགས་པ་མེད་པ་དང་། བཟོའི་གནས་ཀྱི་ཐབས་ཐམས་ཅད་ལ་མངོན་པར་ཤེས་པ ་དང་ལྡན་པར་གྱུར་ཏོ། ། རིགས་ཀྱི་བུ་དེའི་ཕྱིར་ཤེས་རབ་ཆེན་པོ་འཕེལ་བར་བྱ་བའི་ཕྱིར་གསང་སྔགས་དང་རྟོག་པ་འདི་ལ་བསླབ་པར་བྱ་བ་ཡིན་ནོ།། དེ་ནས་བཅོམ་ལྡན་འདས་ཀྱིས་མཁའ་སྤྱོད་ཀྱི་དངོས་གྲུབ ་བཀའ་སྩལ་པ། རོ་ཡི་སྐྱོན་དང་བྲལ་བ་ཡི།། དངུལ་ཆུ་ལེགས་པར་བླངས་ནས་སུ།། རྡོ་རྗེ་རྟེན་གཤོང་དུ་བྱས་ནས།། འཇིག་རྟེན་མགོན་དང་བཏགས་པར་བྱ།། སླར་ཡང་ཆོས་སྐུ་དང་བཏགས་ལ།། ་བཞིན་འཛའ་བ་ཏི་ཀི་ཏི་ཀ་དང་།། བྱི་ནའི་ལོ་མའི་ཁུ་བ་དང་།། ཉི་མ་གསུམ་དུ་མཉེ་བར་བྱ།། བནད་ཀ་ཀོ་ལའི་འོ་མ་དང་།། ཧ་ཀ་བཛྲའི་འོ་མ་དང་།། རྣམ་ཕུག་པའི་ཁུ་བ་དང་།། རུ་མའི་འོ་མ་དང ་མཆེག། ། དངུལ་ཆུ་དང་ནི་ཙབ་མོ་ཡིས།། ལན་མདུན་པར་དུ་བཀྲུ་ཞིང་མན།། ལྕགས་ཀྱི་སྣོད་དུ་ལེགས་བཅུག་ནས།། འབྲི་ཧ་ར་ཀའི་ཕན་བཅུག་བཙོ།། ཀན་ཀ་ལི་མེ་ཏོག་གོང་བུ་དང་།། འོག ་དང་སྟེང་དུ་ངེས་པར་བསྐོར། ། རྩ་བའི་གསང་སྔགས་འབུམ་བཟླས་ན།། དངུལ་ནུ་དེ་ནི་གཡས་ནས་འཁོར།། མུ་ཟི་ཉི་མས་བསྒོས་པ་ལ།། གསང་སྔགས་དེས་ནི་བཟླས ་བྱས་ནས། ། ལྕགས་སྣོད་མེ་ལ་བཞག་པ་ལ།། ཕྱེ་མའི་སྦྱོར་བ་ཅུང་ཞིག་བླུགས།། མུ་ཟི་ཅུང་ཟད་ཞུ་གྱུར་ནས།། ནམ་མཁའི་འདབ་མ་བཅུག་ནས་བཅུ།། ཕྱི་ནས་ཕྱི་ནི་ས་ལེ་སྦྲམ།། ་དེ་ལ་མ་ཀི་ཀི་ཡང་གཞག། དངུལ་དང་ཟངས་ཀྱང་དེ་ནས་གཞུག། དེ་བཞིན་ལྕགས་ཀྱང་ལྔ་འགྱུར་རོ།། གཞན་ཀུན་དྲུག་འགྱུར་བ་ཞུ་བྱས་ནས།། ཉི་མའི་འོད་དང་མཉམ་པར་འགྱུར།། ་དེ་ཡི་རི་ཐིས་གཞན་ཕུང་ཆེན།། མཁས་པར་སྒྱུར་བར་བྱེད་པ་ཡིན།། མན་བཅས་ཕྲ་ཞིང་བསྒྱུར་ནུས་ན།། དངུལ་ནུ་གྲུབ་པར་ཤེས་པར་བྱ། མ་ཧེ་རང་དང་བཅས་པ་ཡི།། སྤྱི་ཡི་འོ་མས་རྡོ་རྗེ་གསཔ ་བྱི་བ་མཆུ་རིངས་ཁྲ་དང་ནི། ། གྲུབ་པའི་དངུལ་ཆུ་ནང་དུ་གཞུག། འདི་དང་དངུལ་ཆུ་འདྲེས་གྱུར་ན།། མར་ཀ་ཏ་ལ་སོགས་པའང་འ་ཇུ།། ཀུ་རུ་ཀུལླེའི་རྣལ་འབྱོར་པས།། མིག་གི་ཕྱིར་ནི་མུ་ཏིག་བཞུ།། ་རྟག་ཏུ་གཟིགས་མ་རྩ་ཟོས་མ།། བུད་མེད་བརྒྱ་ལ་འདོད་པ་སྤྱོད།། མཚན་བདུན་ཙམ་ཞིག་སྦྱོར་བས་ནི།། བརྟུལ་ཞུགས་ཅན་ནི་མཁའ་སྤྱོད་འགྱུར།། དངུལ་ཆུ་མཁའ་སྤྱོད་སྒྲུབ་པའི་རྒྱུད་དོ།། ཞ་ཉིའི ་རིལ་བུ་བྱས་ནས་ནི། ། འབང་ཧུའི་ས་བོན་སྣོད་དུ་ནི།། ཁྲག་འཛག་ཀན་ཙུའི་སྣོད་བཅུག་ནས།། ས་སྣོད་དམར་པོར་བཅུག་ནས་ནི།། དངུལ་ཆུ་དང་བཅས་ཞ་ཉེ་དེ།། འཆི་བར་འགྱུར་བར་ཐེ་ཙོམ་མེད།། ་དེདང་དངུལ་ནུ་སྲང་རེ་བསྲེས།། ཕྱི་ནས་སྲང་གཅིག་དྲུག་ཅུར་བསྲེ།། རང་དང་མཉམ་པར་བསྒྲུབ་བྱས་ནས།། དངུལ་གྱི་རིལ་བུ་བྱེད་པ་ཡིན།། སྒྲོལ་མས་དངུལ་ཆུ་གྲུབ་གྱུར་ནས།། སེམས་ཅད་ངོར ་བྱེད་ནུས་པར་འགྱུར། ། སེམས་ཅན་དོན་ལ་བསོད་ནམས་ཚོགས།། ཚོགས་ལས་བྱང་ཆུབ་མཆོག་ཏུ་འགྱུར།། དངུལ་ཆུ་སྒྲུབ་པའི་རྒྱུད་དོ།། བསྟན་པའི་ཀུན་ཏེའོ་མེ་ཏོག་སྔོ།། ཅི་ཏྲ་ག་མ་ཞེས ་བྱ་དང་། ། རྣལ་འབྱོར་པ་ཡིས་ཟླ་གཅིག་ཏུ།། འོ་མ་དར་འཐུངས་ལོ་སྟོང་འཚོ།། སྔགས་ཀྱི་བཀའ་ལས་ནག་པོ་བླང་།། འོད་མའི་སྣོད་དུ་བཅུག་ནས་ནི།། ཚེས་བརྒྱད་ལ་སྒྲུབ་རྣལ་འབྱོར་པས། ་ཥའམ་གནས་ཡང་འཚོ།། ལུང་དཔུང་དང་འདྲ་རྙེད་ནས།། འོ་མ་དང་མཉེས་འཐུངས་ནས་ནི།། ཚངས་པ་མདུན་ན་འདོན་མཉམ་པའི།། ཚེ་དང་ལྡན་འགྱུར་ཐེ་ཙོམ་མེད།། དེ་བཞིན་ཤིང་ཆེན་འབྲས་སུལ། ་ཆུ་ཤིང་འབྲས་བུ་འདྲ་རྙེད་ནས།། གང་དང་གང་ན་གནས་པ་དེར།། གལ་ཏེ་གསོ་སྦྱོང་ལ་གནས་པ།། འོ་མ་དང་མཉེས་འཐུངས་ནས་ནི།། སྐྲ་དཀར་གཉེར་མ་རེངས་པར་འགྱུར།། བཅུད་ཀྱི་ལེར་སྒྲུབ་པའི་རྒྱུད ་དོ། ། བུ་འདོད་པས་ནི་བྷ་གའི་ཤིང་མེ་ཏོག། བརྟུལ་ཞུགས་གནས་པའི་འོ་མ་དང་འཐུངས་ནས།། དེ་ཡི་ཆུང་མ་གསོ་སྦྱོང་ལྡན་བྱས་ཏེ།། འཐུངས་ནས་སྐལ་བཟང་བུ་དང་ལྡན་པར་འགྱུར།། སྔགས་འི ་དག་གི་ནི་འབྲས་བུ་དག། བཏགས་ནས་འོ་མ་དང་ནི་བསྲེ་བྱས་ནས།། གལ་ཏེ་བཙུན་མོ་དང་ཡང་གསོ་སྦྱོང་ལྡན་བྱས་ཏེ།། འཐུངས་ན་རྒྱལ་བའི་མཚན་ལྡན་བུ་ཐོབ་འགྱུར།། ལག་སྨན་ཞེས་བྱའི་རྩ ་གང་གི་འོ་མ་དང་། ། ཁྲུས་བྱས་འཐུངས་ན་བུ་བཙས་འགྱུར།། དོན་གྲུབ་པ་ཡི་སྐུ་འདྲ་ཡོངས་སུ་རྫོགས་པའི་གཟུགས།། མཚོན་གྱིས་མངོན་རྣམས་ཀྱིས་ནི་འཇིགས་པ་མེད་པའི ་ནི། ། འཛའ་ལ་ཤེ་ལ་རྩ་བ་ནས་བཏོན་ནམ།། རྩ་བ་བླངས་ནས་ལན་བདུན་མངོན་བསྔགས་ཏེ།། ངོ་བོ་ལ་ནི་ངེས་པར་བཅིངས་བྱས་ནས།། ལོ་གཅིག་རིམས་ནི་མེད་པར་བྱེད་པ་ཡིན།། རྣལ་འབྱོར ་པས་ནི་གསེར་ཤིང་རྩ་བ་དག། བླངས་ནས་གང་གི་མགོ་ལ་བཅིངས་བྱས་ན།། དེ་ཡི་ཉིན་བཞི་པ་ཡི་གནོད་པ་དག། རིམས་ཀྱིས་ཟིན་པ་རིམས་མེད་འགྱུར།། སོ་ཕག་དུབ་ཆང་དང་རྩ་བ་མོ ་དང་། ར་གཉིས་པ་མི་རྒྱལ་བའི་ཁུ་བ་བཅས།། ཟངས་མའི་སྣོད་དུ་བུད་མེད་འོ་མ་དང་མཉེས་ནས།། མིག་ལ་བསྐུས་ན་མིག་གི་ནད་རྣམས་སེལ།། ཤིང་ཐོག་ཨུ་ཙ་ཏ་ཡི་རྩ་བ་བླངས་ནས་ནི།། ་སྔགས་འདི་བརྒྱ་ཕྱེད་པར་དུ་བཟླས་ནས་སུ།། ཇི་ལྟར་འདོད་པའི་འོ་མ་དང་འཐུངས་ན།། དམ་པའི་མི་དབང་དེའི་མཚན་ལ་རུང་ནས།། ན་ག་ས་ལ་ཞེས་བྱར་རབ་གྲགས་པ།། དེ་ཡི་འོ་མ་དག ་དང་ལྡན་བྱས་པ། ། དེ་ནི་མཚན་མ་སྟོབས་བསྐྱེད་བུ་འཕེལ་བུ་ཚ་བསྐྱེད།། སྔགས་འདི་བརྒྱ་ཕྱེད་བར་དུ་བཟླས་སུའོ།། གིའུ་ཝ་ང་དང་ནི་སོ་མ་སྐྱེས་པའི་ལྕེ།། མི་ཡི་དབང་པོའི་རྩ་བ་རྒྱུ་སྐར ་བཟང་པོ་ལ། ། དེ་ཡི་དཔྲལ་བར་ཐིག་ལེ་བྱས་ནས་ནི།། ཐིག་ལེ་དེ་མཐོང་འཇིག་རྟེན་གསུམ་དབང་བྱེད།། ཤི་བའི་རོ་ཡི་མིག་དང་སྙིང་དང་ལྕེ་དག་དང་།། དཔྲལ་བ་དང་ནི་དེ་བཞིན་སྣ་དག་དང་།། ་བླངས་ནས་སྐར་མ་རྒྱལ་ལ་ནི།། ཏིལ་མར་ལ་བཅོས་སྐྱེ་བོ་དབང་དུ་བྱེད།། སྦྲུལ་གྱི་དབང་པོའི་མགོ་བོའི་མིག་སྨན་དང་།། མིག་ངན་གཅོད་དང་མེ་ཏོག་ཅེས་བྱའི་ཁྲག། མིག་སྨན་དེ་ཡིས ་མིག་ལ་བསྐུས་བྱས་ན། ། རྒྱལ་པོའི་བཙུན་མོ་དབང་དུ་བྱེད་པར་འགྱུར།། སྔགས་འདི་བརྒྱ་ཕྱེད་རྐང་པ་སར་བཞག་ནས།། ས་ཡི་ནང་ན་ཡོད་པའི་ནོར་སྩལ་ན།། རྐང་པ་གང་དུ་བཞག་པ་གཡོ་འགྱུར ་བ། ། དེ་ན་གཏེར་དག་ཡོད་པར་ཤེས་པར་བྱ།། རྐང་པའི་བོ་ལ་འགུལ་ན་ནི་ཉེ་བར་འགྱུར།། རྐང་མཐིལ་འགུལ་ན་རིང་ན་གནས་པ་ཡིན།། གང་ན་གཏེར་ཡོད་ཟེར་བ་ཐོས་པ་མངོན་བྱས་ནས།། རིག་པ ་འཛིན་པས་ཉིན་བཞིན་འོག་ཏུ་བལྟ། ། བྱིས་པ་མཆུ་རིངས་ཕྱི་མ་ནི།། གུ་གུལ་བཅས་པ་བྱུགས་ཙམ་གྱིས།། གླང་ཆེན་མྱོས་པས་གསལ་ཞིང་བདེ་བར་འབྱུང་བར་འགྱུར།། ཤིན་ཏུ་གནག་པའི་ཁྱི་མོ ་ཡི། ། འོ་མ་བསྲུབས་ནས་མར་གསར་གྱིས།། བསྐུས་ནས་རྔ་ལྤགས་ལྷམ་གོན་ནས།། ཆུ་ཡི་སྟེང་ནས་འགྲོ་བར་འགྱུར།། ས་བཀོད་ཚ་ཉའི་ཚེར་མ་དག། བསྡུས་ནས་ཚང་ཚིང་ཁྱིམ་སྦས་ནས།། ཆང་རྣམས ་བརླག་སྟེ་ཕྱུང་ནས་སུ། ། བཟང་པོ་ཉིད་དུ་འགྱུར་བ་ཡིན།། རྫ་མཁན་རྫ་མ་བསྲེགས་པའི་མེ།། ཐོག་གིས་བཅག་པའི་ཤིང་བཙུགས་ནས།། དེ་མེ་འབར་བར་མི་འགྱུར་ཏེ།། ཆང་བླུགས་ན་སླར་འབར་བར ་འགྱུར། ། ཟོང་ལ་གོང་བསྟན་སྔགས་བཟླས་ནས།། སྔོན་སྔགས་ཚོང་པ་རྣམས་བསྟན་ན།། རྣལ་འབྱོར་པ་ཡི་ཚོང་འགྲུབ་ཅིང་།། ཚོང་པ་རྣམས་ལ་ཁེ་ཆེར་རྙེད།། ཆང་གི་ས་བོན་བྱེད་པ་ལ།། སྤྲེའུ་ཡི་མིག་གཙ ་མ་བཅུག་ནས། ། ཆང་སྣོད་བཅས་པ་རླག་པར་འགྱུར།། བ་གུ་ལས་འགྲུས་སྤྱད་དུ་རུང་།། བ་གུ་ལ་ཡི་ཆུས་བཀྲུས་ན།། བྱིས་པ་མམས་བླངས་ནས་ནི།། འབྱུང་པོ ་སྒྲ་ཡིས་བདུག་བྱས་ནས། ། ངུར་སྨྲིག་བསྐོན་པས་སོས་པར་འགྱུར།། བྱིས་པ་ནུ་ཞོ་འཐུངས་སྐྱུགས་ན།། རྨ་བྱིའི་སྒྲོ་བསྲེགས་ཐལ་བ་ཡིས།། མགུལ་བ་བཅིང་བ་བྱས་ནས་ནི།། སྦྱོར་བ་མཆོག་གིས ་སླར་སོས་འགྱུར། ། པ་དཀ་བ་ཀ་ནི་ཚིག་དང་།། ལྡན་པའི་གཏེ་བྱང་དུ་བསྒོ་བྱས་ནས།། ཁ་ཡི་ནང་དུ་བཅུག་ནས་འདུག་ན་ནི།། འཆིང་དང་མཚོན་ཆ་མི་བྱམས་པ་ལས་ཐར།། ཀྵ་མ་ར་ཡ་ཡི་གེ་རྣམས་དང་ལྡན། ་ཡི་གེ་ཀུན་ཀྱང་ཨེ་ཡིས་བརྒྱན་པ་ལ།། ཡང་དག་ཀ་བ་ཀ་ལི་མཐའ་མ་ནི།། སྐོང་བ་ནི་དང་ཚང་གསུམ་གཉིས་གཉིས་སྦྱིན།། དན་ཏི་ལ་ཨུཏྤ་ལ་ས་ར་པུ་ཀ་དང་།། ནི་ཚུལ་དང་འགི་རི་ཀར་ནི་ཆུས།། ལན་བནྡྷ། ་ཐར་དུ་བཀྲུས་པའི་ཞ་ཙའོ།། བྱང་གུལ་ནི་བློ་དང་ལྡན་པས་བྲི།། ཤིང་སྒྲོག་སྔགས་སྒྲོག་ཁྲི་དང་གཡུལ་ངོ་རུ།། མཚན་ཆའི་ཆར་འབབ་པ་དང་གཞན་དག་ནི།། ནི་སྣང་བ་དག་ངེས་པར་འཇོམས་བྱེད་པར། ་རྒྱུ་རྐྱེན་དིས་ནི་འགྲུབ་པར་འགྱུར་བཞིན།། གདགིས་སྔགས་ཀྱི་རྒྱལ་པོ་ཐོས་ནས་ནི།། རིག་པ་བྱས་ནས་དཔུང་བ་ལ་བཏགས་ན། དེ་ཡི་དབང་དྲུག་ནོར་སྦྱིན་པ་དང་མཉམ་པར་བགྱུར། གཞན་གྱི ་གྱི་ག་། ། སེཾ་ཐམ་ས། ཆུང་ཟ་མ་ནས་གསནསས།། སུལ་གྱི་མུག་བྱུང་། ཁྲི་མ་ཐས་ནི་མེད་ཀྱིམས་ཆོག། སུང་མ་ལྡང ་འཁྲིགས་པ་ཡིས། ། ཁུ་བའོ་མ་དང་བཀྲུས་བུད་མེད་ཀྱིས་འཐུངས་ན།། རང་གི་ལས་ཀྱིས་མངལ་བླུགས་པ་དག་ཀྱང་།། དེས་ནི་ངེས་པར་གནས་པར་བྱེད་པ་ཡིན།། མ་ག་དྷ་ལི་འབྲས་བུ་ལྔ་ཙམ་ཞིག། ་བཏགས་ནས་བུད་མེད་གང་གི་ས་འོ་མ་འཐུངས།། གསང་སྔགས་འདི་ཡི་མཐུ་རབ་ཆེ་བ་ཡི།། དེ་ནི་བདེ་བ་དང་ལྡན་བཙའ་བར་འགྱུར།། ནིམ་པས་བ་དུ་འོ་མ་ནི་བཏགས་ནས།། རྡོ་རྗེ་རུ་དང་བསྲེགས་བྱས ་ནས། ། སྐྱེས་པའི་ཚེ་ན་མངལ་ནི་བསྐུ་བྱས་ན།། བུད་མེད་དེ་ནི་བདེ་བར་བུ་བཙར་འགྱུར།། གླང་པོ་མ་ག་ན་ཡི་ཤུ་དག་བཅས།། རྟ་ལི་དྲི་དང་མ་ཧེའི་མར་གསར་བཅས།། བ་ལ་དང་ལྡན་སྦྱོར་བ་བྱས་ནས་ནི།། ་རུམ་དག་ནི་སྒྲུབ་བྱེད་འཕེལ་བར་བྱེད།། བཟའ་བ་ཐམས་ཅད་ཟོས་ནས་ནི།། སྣ་ནས་ཆུ་ནི་འཐུངས་ནས་ནི།། མགོ་བོའི་དུས་མིན་སྐྲ་དཀར་དག། སྔགས་ཀྱི་སྦྱོར་བས་དེ་མེད་འགྱུར།། ཨ་བ་ཤི་ཡི་རྩ་བ ་དང་། ། ཀ་མ་ཙ་ཀ་གསེར་ཤིང་འབྲས།། ལྡན་པ་རག་པུར་ཆུས་བཏགས་ནས།། ལུས་མཆོག་བསྐུས་བསྲུབས་མཛུབ་མོ་འཇིགས།། འཁྲིག་པའི་ཚེ་ན་མི་འཛག་ན།། བདག་པོ་མི་གུས་འགྲོ་བར ་འདོད། ། འཆིང་བ་ཡི་ནི་སྦྱིན་པར་འདོད།། དེ་འཛག་བྱ་ཕྱིར་དེ་ཡིས་བསྐུ།། མཁྲིས་པ་སྦྱོར་ཚེ་ཕག་ཞག་ལས།། མར་མེ་སྦར་བར་བྱས་ནས་ནི།། མི་འདོད་པ་ཡང་མྱུར་དུ་འབྱུང་།། དེ་ཡང་མངལ་དུ་ཡུན ་རིངས་གནས། ། རྡོ་རྗེ་མི་ཡིས་ཁྱིམ་ཚིག་ན།། མི་གང་སྔགས་ཀྱི་ཆང་གིས་འཐོར།། མེ་ནི་འཆི་བར་གྱུར་ཏོ་ཞེས།། སྦྱོར་བ་འཇིག་རྟེན་དབང་ཕྱུག་གསུངས།། སེམས་ཅན་གང་དག་འཁོར་གནས་དང་།། ་འཇིག་རྟེན་མགོན་པོས་དེ་སྐད་བསྒྲགས།། རི་ཡི་རྒྱལ་པོ་པོ་ཏ་ལར།། བཅོམ་ལྡན་གཞན་སྡུག་པས་སྡུག་པ།། སངས་རྒྱས་མ་གྱུར་ཅི་ཡང་མེད།། སེམས་ཅན་དོན ་རྣམས་སྒྲུབ་པའི་ཕྱིར། ། སྔར་སྤྱད་མ་ཡིན་ཅི་ཡང་མེད།། ཉམས་པ་སླར་ཡང་གསོ་བར་བསམ།། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གིས་དེ་སྐད་ཅེས་བཀའ་སྩལ་ནས ་ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། ་འཕགས་མ་སྒྲོལ་མ་ཀུ་རུ་ཀུལླེའི་རྟོག་པ་རྫོགས་སོ།། ། རྒྱ་གར་གྱི་མཁན་པོ་ཀྲྀཥྞ་པཎྜི་ཏ་དང་། ལོ་ཙ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་ཅིང་ཞུས་ཏེ་གཏན་ལ ་