| Wylie | e-texts produced with BDRC’s OCR application |
རྒྱ་གར་སྐད་དུ། ཀཱུ་ལ་ལོ་ཀནཱ་ཐཱ་པཉྩ་ད་ཤ་ཀ་ནཱ་མ། བོད་སྐད་དུ། རིགས་ཀྱི་འཇིག་རྟེན་མགོན་པོའི་ལྔ་བཅུ་པ་ཞེ་བྱ་བ། དཔལ་ལྡན་རིགས ་ཀྱི་འཇིག་རྟེན་མགོན་པོ་ལ་ཕྱག་འཚལ་ལོ། ། དེ་ནས་འདི་ནི་མཆོག་ཏུ་གསང་།། འཇིག་རྟེན་ཡང་དག་རྨོངས་པའི་མཆོག། རིགས་དང་རིགས་བྱུང་མངོན་བརྗོད་པས།། གཉིས་མེད་སྔགས་ནི་རབ་བཤད་བྱ།། ་དམ་ཚིག་སྤྱོད་པ་ངེས་པར་གྲོལ།། བྱ་བ་དུས་ཚོད་རྣམ་པར་སྤངས།། དེ་ཉིད་གསུམ་ལྡན་ཡང་དག་ལྷ།། འཇིག་རྟེན་མགོན་པོ་འགྲོ་བའི་བདག། འདོད་པའི་དབང་ཕྱུག་འདོད་པའི ་ལྔ། ། མཐོང་དང་མ་མཐོང་འབྲས་རབ་སྟེར།། དེ་འདིར་སྔགས་ནི་མཚུངས་མེད་པ།། བླ་མའི་ཞལ་ལ་རྣམ་པར་གནས།། དྲག་ཆེན་འཇིགས་བྱེད་ལུས་ལ་ནི།། ལྔ་པའི་ཐིག་ལེ་དང་བཅས་ཤིང་།། ། ་རྣམ་གཅོད་དང་པོ་ཡང་དག་ལྡན།། ཆེན་པོ་ལྔ་པའི་ལྔ་པས་བརྒྱན།། ལྕེ་གཉིས་ཡན་ལག་མེད་གཉིས་གནས།། ལུས་གསུམ་གྱིས་ནི་སྔགས་མཆོག་ལ།། ཡི་གེ་རྣམས་ཀྱི་བསྡུ་བ་ལས།། ་མཚན་ཉིད་ཆོ་ག་བཞིན་དུ་བཟླས།། འདི་ཡི་རྗེས་དྲན་སྔགས་པ་ཡིས།། གཙང་ངམ་ཡང་ན་མི་གཙང་རུང་།། ལྷ་བཞིན་མཐོང་བ་ལྷ་རྣམས་ཀྱིས།། དེ་ཡི་ལྷ་མོ་འདོད་ལྷ་བཞིན།། འདི་བཞིན ་སྔགས་ཀྱི་འདོད་ལྷ་ཡི། ། བྱ་བ་མེད་ཅིང་སྒྲུབ་པའང་མེད།། མཆོད་མེད་མེ་ལ་སྦྱིན་སྲེག་མེད།། རྣལ་འབྱོར་ལྡན་དང་ཡང་དག་ལྡན།། དུས་ཚོད་རྣམས་ལས་རྣམ་ངེས་གྲོལ།། རྩེ་གཅིག་སེམས ་ནི་གཡོ་མི་བྱེད། ། སྒྲིབ་པ་དང་བྲལ་མཚུངས་པ་ཡི།། མཆོག་གི་བསམ་གཏན་ཡང་དག་སྤྱད།། རིགས་ཀྱི་འཇིག་རྟེན་དབང་ཕྱུག་གི་རྟོག་པ་ལྔ་བཅུ་པ་ལས། སྔགས་ཀྱི་དེ་ཁོ་ན་ཉིད་ཀྱི་ལེའུ ་སྟེ་དང་པོའོ། ། །། སྙིང་ཁའི་འཁོར་ལོའི་ནང་སོང་བའི།། དེ་ཉིད་གཞན་དང་གཞན་དུ་འགྲོ།། དབྱེ་བ་གཉིས་འགྱུར་དེ་ལས་ནི།། ཡེ་ཤེས་ཉིད་ནི་ཀུན་འགྲོ་བྱ།། མི་འགྱུར་དགའ་བའི ་ཡུལ་རིག་པ། ། སེམས་ཀྱིས་རྗེས་སུ་རྟོག་པ་ཅན།། བྱ་བ་དེ་ཡི་བདེ་འདོད་ཕྱིར།། རྟོག་པ་ཀུན་ནས་འཇུག་པར་འགྱུར།། དེ་ཡི་ངོ་བོ་རྟགས་ཉིད་འཇུག། དེ་སེམས་དགའ་བའི་སྤྱོད་ཡུལ་ལ།། ་བྱ་བ་དང་ནི་ལས་རྣམས་ཀུན།། ཚིག་དང་བཅས་པས་ཐེ་ཙོམ་མེད།། བསམ་གཏན་རྣལ་འབྱོར་ཡང་དག་ལྡན།། བརྟན་པར་དགོད་བྱ་བློ་ལྡན་གྱིས།། འགྲོ་ཀུན་དགྲ་ཡི་རང་བཞིན་གྱི།། ས་སྟེང ་ས་འོག་མཐོ་རིས་སྒྲུབ། ། ལྟེ་བའི་པདྨར་པདྨ་ཆེ།། རྣམ་གསུམ་ནམ་མཁའི་ནང་སོང་བ།། པདྨའི་ཕྱག་རྒྱ་ཡང་དག་ལྡན།། ནམ་མཁའ་ཕྱག་རྒྱའི་བདག་ཉིད་བཞིན།། སྲོག་འབབ་པ་ཡི་ཚད་ཀྱིས ་ནི། གནས་གཉིས་པོ་ཡིས་གོམས་པར་བྱ།། དེ་བཞིན་རབ་ཏུ་དགོད་བྱས་ནས།། འཇིག་རྟེནི་མགོན་པོའི་སྐུ་རུ་འགྱུར།། གང་གིས་གཞན་དུ་བཟླས་བྱས་དང་།། ལས་རྣམས་ཀྱང་ནི་བསྒྲུབ ་བྱས་ན། ། དེ་ནི་མཁའ་ལ་ཁུ་ཚུར་བསྡུན།། རྨོངས་པས་སྤུན་སྟོང་འཇོམས་པར་བྱེད།། བསམ་གཏན་སྦྱོར་བས་ཆོ་ག་བཞིན།། ལས་གང་རྟག་ཏུ་བྱ་བ་སྟེ།། དེ་ལས་མྱུར་དུ་སྒྲུབ་བྱེད་དོ།། དེ་ཡི་ལས་ནི་ཡིད ་ཀྱི་འདོད། ། རིགས་ཀྱི་འཇིག་རྟེན་དབང་ཕྱུག་གི་རྟོག་པ་ལྔ་བཅུ་པ་ལས། བདག་གི་དེ་ཁོ་ན་ཉིད་ཀྱི་ལེའུ་སྟེ་གཉིས་པའོ།། །། རང་བཞིན་བསམ་གཏན་དང་བཅས་ཤིང་།། ་ཛཱ་ཏི་མཚལ་གྱི་འོད་ཟེར་བཞིན།། སེ་འཛུལ་བརྒན་མེ་ཏོག་བཞིན།། ལི་ཁྲི་དམར་པོ་དང་མཚུངས་གཙོ།། སྔགས་ཀྱི་སྐུ་ཡི་ལྷ་ཡི་ལྷ།། ཞལ་གཅིག་ཕྱག་ནི་བཞི་པ་སྟེ།། མཁའ་པད་ཟླ་བའི་གདན ་ལ་བཞུགས། ། ཁྱབ་བདག་ཞགས་པ་ལྕགས་ཀྱུ་བསྣམས།། མཆོག་སྦྱིན་ཕྱག་གིས་ཡང་དག་རོལ།། མུ་ཏི་ག་ནོར་བུས་རྣམ་པར་བརྒྱན།། པདྨའི་ཕྱག་དང་སྤྱན་གསུམ་པོ། ་གཟི་བརྗིད་ཆེན་པོ་སྣ་ཚོགས་སྐུ།། དཔའ་བོ་དབང་ཕྱུག་འགྲོ་བའི་མགོན།། རྣལ་འབྱོར་མ་ཡི་ཐུགས་དགྱེས་པ།། དངོས་གྲུབ་ཐམས་ཅད་རབ་སྟེར་བའི།། སྔགས་རྣམས་ཀུན་ལ་བསམ་གཏན་བྱ།། གང ་དང་གང་གིས་བསྒོམས་པ་ཡིས། ། རྣལ་འབྱོར་གོམས་པར་གྱུར་པའི་ཕྱིར།། དེ་ཡིས་དེ་ཡི་རང་བཞིན་འགྱུར།། ཡིད་བཞིན་ནོར་མཆོག་ཇི་བཞིན་ནོ།། ལྷ་ནི་དཀར་པོས་ཞི་རབ་སྟེར།། དེ་བཞིན་ངག་ནི་རབ ་སད་བྱེད། ། དབང་དང་དགུག་པའི་དེ་ཉིད་ལ།། སྐུ་མདོག་དམར་པོ་རྣམ་པར་བསམ།། དུ་བ་དམར་པོའི་འོད་མདོག་ཅན།། རླུང་གི་དཀྱིལ་འཁོར་གྱིས་དཀྲིས་པས།། དགྲ་བོ་རྣམས་ནི་ཉེར་སྐྲོད་པ།། ། ་འདིར་ནི་ཐེ་ཙོམ་མེད་པར་བྱེད།། དུ་བ་སྐྱ་བོ་དམར་བ་ཡིས།། རྣམ་པར་ཞེ་སྡང་ངེས་སྦྱོར་བས།། གསད་པ་ལ་ནི་ཁ་དོག་གནག། རེངས་པ་ལ་ནི་སེར་པོར་ཤེས།། ལུག་གི་སྟེང་དུ་གནས་པ་ལ།། རྐན་གྱི ་བར་དུ་རྣམ་ཕུག་ན། ། སྲིད་པ་གསུམ་དུ་གང་གང་གནས།། ཐམས་ཅད་རབ་ཏུ་རྨོངས་པར་བྱེད།། གཞན་དག་རྨོངས་པས་ཅི་ཞིག་བྱ།། དོན་མང་ཚིག་ནི་རབ་འདུས་པ།། འཇིག་རྟེན་གསུམ་གྱི ་ལས་རྣམས་ནི། ། ཡོན་ཏན་བརྒྱད་དང་ལྡན་པ་ཡི།། རྒྱུད་གཞན་རྣམས་ལ་ཉེར་སྤྱོད་པ།། གསུངས་དང་མ་གསུང་གྱུར་པ་ནི།། རང་བཞིན་བསམ་གཏན་སྦྱོར་བ་ཡིས།། བྱ་བ་འདི་ལ་ཐེ་ཙོམ་མེད།། ་གང་ཞིག་ལྷ་ནི་མཁའ་དང་མཚུངས།། ཁ་དོག་དབྱེ་བས་སོ་སོ་སྟེ།། འཇིག་རྟེན་གསུམ་ན་གང་སྤྱོད་པའི།། ལས་རྣམས་ཐམས་ཅད་བྱ་བའོ།། སྐལ་བཟང་བྱེད་པའི་སྔགས་རྣམས་ནི།། སྣང་ཁའི ་ཆུ་སྐྱེས་དབུས་སོང་བ། ། སྙིང་ཁའི་ཆུ་སྐྱེས་སྦྱོར་བ་ཡིས།། དབང་ལ་སོགས་པ་ཡང་དག་སྒྲུབ།། ཡི་གེ་གསུམ་དང་བཅས་པའི་ལྷ།། སྟེང་དུ་འགྲོ་བ་གསུམ་ལྡན་པས།། མི་རྣམས་ལས་ནི་ཆག ་སྒྲུབ་པ། ། རྣལ་འབྱོར་མ་རྣམས་ཞལ་ལ་གནས།། རྣམ་པ་གསུམ་ནི་འགུགས་པར་བྱེད།། པདྨ་གཟུགས་ལྡན་གྱུར་པས་མཛེས།། རྟག་སྦྱོར་རྒྱུན་དུ་རྣལ་འབྱོར་པས།། མར་མེ་གཡོ་མེད་གནས ་པ་བཞིན། ། སྔོན་གསུངས་ལྷ་ཡི་ལྷ་དབང་ཕྱུག། སྐྱ་རེངས་དམར་པོ་དང་མཚུངས་འོད།། མཚན་མོ་ཕྱེད་ཀྱི་དུས་གནས་ལ།། རྣལ་འབྱོར་ཉིད་ནི་ཡང་དག་སྤྱོད།། དེ་ཡི་གཟུགས་འཛིན་ལུས་ལ ་ཡང་དག་སྔོན་དུ་བཀོད་པ་ཡིས། ། ཞགས་པ་ལྕགས་ཀྱུ་འཛིན་པའི་ལྷ།། བསྒྲུབ་བྱའི་ལུས་ལ་ཡང་དག་བླང་།། ཐམས་ཅད་བླ་མའི་ཞལ་ལ་གནས།། རིགས་པ་ལྕགས་ཀྱུའི་འོད་ཟེར་གྱིས ་དེ་ལས་ལྕགས་ཀྱུ་བསྣུན་ནས་ནི། ། ཞགས་པ་ཡིས་ནི་འགུགས་པར་བྱེད།། རྣམ་པར་མྱོས་ཤིང་ལུས་ནི་དམར།། ཡང་དང་ཡང་དུ་བརྒྱལ་གྱུར་ཏེ།། བུ་ག་སྒོ་དགུ་ནས་བསྣུན་ནས།། ཁྲག་ནི་རབ་ཏུ ་འབབ་པར་བྱེད། ། སྒྲིབ་པ་མེད་པ་དང་མཚུངས་པར།། རང་ལུས་རྣམ་པར་བལྟ་བར་བྱ།། དེ་ཡི་དབུས་ལས་བཞེངས་པའི་སྔགས།། ཡི་གེའི་དབང་པོ་དང་པོར་བསམ།། འབར་ཞིང་འབར་བ་ལྟ་བུ་ཡི།། ་ཁ་ལི་སྒྲོ་རུ་སྔོན་འདོད་རོལ།། པདྨའི་གཟུགས་འཛིན་དེ་ཡང་ནི།། ཁ་ཡི་ནང་ནས་ངེས་པར་འབྱུང་།། བསྒྲུབ་བྱའི་ཁ་རུ་ཐིམ་གྱུར་ཏེ།། ཇི་སྲིད་དེ་སྙིང་ནུ་སྐྱེས་ལ།། གང་ཞིག ་དེ་ཡི་སྙིང་གནས་པ། ། འདིར་ནི་དེའི་སྙིང་ཀུན་ནས་ཕྲོགས།། མར་མེར་པོར་ནི་བླངས་པ་ཡིས།། གྲོལ་མའི་གཟུགས་བཞིན་ཡིད་འཕྲོག་པ།། དེ་ནི་གསུམ་པས་ཆོ་ག་བཞིན།། རླུང་གིས་ལོ་མ་གཡོ་བ ་ལྟར། ། རང་གི་ཁྱིམ་དུ་ཐིམ་པར་བསྒོམ།། གཅིག་གི་ངོ་བོར་གྱུར་པ་མཆོག། ལྷ་དང་ལྷ་ཡི་སྒྲུབ་པའི་ཐབས།། མཚན་མོ་མདུན་དུ་བསྒྲུབ་པར་བྱ།། བྲན་གྱི་ངོ་བོས་འཇུག་འགྱུར་ཞིང་།། འཚོ་བ་དང ་ནི་ནོར་གྱིས་ཀྱང་། ། ས་སྟེང་འཇིག་རྟེན་སླར་ཅི་སྨོས།། འགྲུབ་འགྱུར་འདི་ལ་ཐེ་ཙོམ་མེད།། སྔགས་ཀྱི་དབང་པོ་སྒྲུབ་པ་པོས།། རང་དབང་མེད་རྣམས་སྒྱུར་མི་བྱ།། སྔགས་ཀྱི་རྒྱལ་དབང་བཟླས་བྱས ་པས། ། རྒྱལ་སྲིད་སྒྲུབ་པ་དེ་མཆོག་གོ།། གཞན་དུ་གང་གིས་རང་བསྒྲུབས་ན།། བུད་མེད་འདོད་པས་ལོང་བཞིན་མྱོས།། གང་དེ་ལྷ་ཡི་བུ་མོ་ཡང་།། དེ་ཡི་སྐད་ཅིག་ཉིད་ལ་འཆི།། རིགས་ཀྱི་འཇིག། ་རྟེན་མགོན་པོའི་ལྔ་བཅུ་པ་ལས། ལྷའི་དེ་ཁོ་ན་ཉིད་ཀྱི་ལེའུ་སྟེ་གསུམ་པའོ།། །། འཇིག་རྟེན་དབང་ཕྱུག་སྙིང་པོ་མཆོག། སྦ་ཞིང་སྲོག་བཞིན་ཡང་དག་སྲུང་།། དམ་ཚིག ་སྤྱོད་པ་དམན་པས་ཀྱང་། ། འདྲེན་པའི་བདག་ཉིད་སྔགས་བཟླས་བྱ།། གཅིག་པུ་གྲོགས་དང་བྲལ་བྱས་ཏེ།། བློ་དང་ལྡན་པས་འབུམ་དུ་བཟླས།། དེ་ཡི་མངོན་སུམ་འོང་འགྱུར་ཏེ།། འཁོར་ལོ་གསུམ ་དུ་ལེགས་འགྲོ་མཆོག། འཇིག་རྟེན་ཐམས་ཅད་འབྱིན་པ་དང་།། སྡུད་པ་དང་ནི་ཡང་དང་ཡང་།། ནམ་མཁའི་གོ་འཕང་དེར་འགྲོ་སྟེ།། དྲན་པས་འདི་ལ་ཐེ་ཙོམ་མེད།། སེམས་དང་སེམས་མེད་སྦྱོར་བ་ན།། ་སེམས་ནི་སེམས་མེད་ལ་ངེས་མཐོང་།། སེམས་ནི་སེམས་མ་ལ་ཐིམ་ནས།། རབ་འཇུག་ལུས་སྐྱེས་མ་རྣམས་ལ།། ནད་བཅས་ནད་མེད་པ་དང་ནི།། ནད་མེད་དེ་བཞིན་ནད་བཅས་བྱེད།། ཞགས་པ ་ལྕགས་ཀྱུ་འཛིན་པའི་མཆོག། སྔགས་ཀྱི་རྒྱལ་པོའི་དབང་པོས་སོ།། གཞན་དུ་བྱིས་པ་རྨོངས་པ་ཡིས།། ཟླ་བ་འཛིན་པར་འདོད་པ་བཞིན།། གང་ཞིག་རང་བཞིན་སྦྱོར་བྲལ་བས།། ལས་རྣམས ་སྒྲུབ་པ་དེ་མཆོག་མིན། ། གང་གིས་གསུམ་གསུམ་གནས་སྐབས་གསུམ།། འཇིག་རྟེན་མགོན་པོ་ཉིད་རིག་ནས།། ཆུ་འཛིན་བྲལ་བའི་ནམ་མཁའ་བཞིན།། འཇིག་རྟེན་མགོན་པོའི་གོ་འཕང་འགྲོ།། ་ཞེས་པ་ནི་དཔལ་པདྨ་འབར་བའི་རྒྱུད་ཆེན་པོ་ལས་ཕྱུང་བ་རིགས་ཀྱི་འཇིག་རྟེན་མགོན་པའི་ལྔ་བཅུ་པ་རྫོགས་སོ།། ། པཎྜི་ཏ་ཆེན་པོ་བི་མ་ལ་ཤྲཱི་བྷ་དྲའི་ཞལ་སྔ་རས། བྱང་ཆུབ ་