| Wylie | e-texts produced with BDRC’s OCR application |
ག། སཱི་ཏི་ཛྙཱ་ན་ཀིརྟི་ས་གསར་དུ་བསྒྱུར་ཏེ་བཤད་ཅིང་གཏན་ལ་ཕབ་པའོ།། ། རྒྱ་གར་སྐད་དུ། ཥཱ་ཀོ་ཏང་ཤ། བོད་སྐད་དུ་དབང་མ ་བསྟན་པ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། ཟླ་བ་བཟང་པོས་གསོལ་པ།། སྟོར་པ་དབང་བསྐུར་རྣམ་བདུན་དང་།། རྣམ་གསུམ་དེ་བཞིན་བླ་ན་མེད།། འཇིག་རྟེན་འདས་པའི་དངོས ་གྲུབ་ཕྱིར། ། མདོར་བསྡུས་པ་ཡིས་བདག་ལ་གསུངས།། བཅོམ་ལྡན་འདས་ཀྱིས་བཀའ་སྩལ་པ།། ཉོན་ཅིག་ཟླ་བཟང་དབང་བསྐུར་དོན།། རྣམ་པ་བདུན་དང་རྣམ་གསུམ་མཆོག། རྩ་ཡི ་ཀུན་སྤྱོད་རྩོལ་བ་ནི། ། མདོར་བསྟན་པ་ཡིས་ཁྱོད་ལ་བཤད།། རྒྱུད་དུ་མདོར་བསྟན་རྣམ་གསུམ་དང་།། རྒྱས་པར་བཤད་པ་རྣམ་གསུམ་འགྱུར།། རབ་ཏུ་མདོར་བསྟན ་མདོར་བསྟན་ཆེ། ། རབ་ཏུ་རྒྱས་པར་བཤད་པ་གཞན།། མདོར་བསྟན་རྒྱས་པར་བཤད་པ་ཉིད།། རྒྱུད་ཡང་དག་པར་བསྡུས་པར་བརྗོད།། རབ་ཏུ་མདོར་བསྟན་རྒྱས་བཤད་པ།། བཀའ ་འགྲེལ་ཚིག་ནི་འབྱེད་པའོ། ། མདོར་བསྟན་ཆེན་པོ་རྒྱས་བཤད་པ།། འགྲེལ་བ་བང་ཐམས་ཅད་དོན་སྟོན་བྱེད།། དེ་ནི་མངོན་ཤེས་ཐོབ་རྣམས་ཀྱིས།། བྱ་ཡི་མཁས་རྣམས་ཀྱིས་མིན་ཉིད།། ་དེ་ལྟར་མཐའ་དྲུག་རྣམས་ཀྱིས་དག། རྡོ་རྗེ་རྣལ་འབྱོར་རྣམ་པ་ཞི་དང་།། རྫོགས་པའི་བྱང་ཆུབ་བཞི་རྣམས་དང་།། ཕུང་ཁམས་སྐྱེ་མཆེད་རིགས་དྲུག་རྣམས།། དག་པ་འཇིག་རྟེན་ཁམས་ལ་སོས། ་ལེའུ་ལྔར་ནི་འདོད་རྣམས་ཀྱིས།། བདེན་གཉིས་དང་པོའི་སངས་རྒྱས་འགྱུར།། དུས་ཀྱི་འཁོར་ལོ་མངོན་རྗོད་བྱེད།། དང་པོར་དབང་བསྐུར་བདུན་པོ་གང་།། བྱིས་པ་རྣམས་ནི་གཞུག་པའི་ཕྱིར།། ་རྣམ་གསུམ་འཇིག་རྟེན་ཀུན་རྫོབ་ཀྱིས།། དམ་པའི་དོན་གྱིས་བཞི་པའོ།། བདེན་པ་གཉིས་ཀྱི་ཆོས་རྣམས་ཀྱི།། རྡོ་རྗེ་ཅན་དག་གིས་བསྟར་བ།། འཇིག་རྟེན་ཀུན་རྫོབ་བདེན་པ་དང་།། ་དམ་པའི་དོར་གྱི་བདེར་པས་སོ།། ཆུ་དང་ཅོད་པན་དར་དབྱངས་དང་།། རྡོ་རྗེའི་དྲིལ་བུ་བཏུལ་ཞུགས་ཆེ།། མིང་དང་རྗེས་གནང་ཡང་དག་ལྡན།། དབང་བསྐུར་རྣམ་བདུར་ལོ་ཡི་བདག། ལུས་ངག། ་སེམས་ནི་ལེགས་དག་པ།། མངོན་པར་དབང་བསྐུར་གཉིས་གཉིས་སོ།། རྗེས་གནང་ཡེ་ཤེས་ཡང་དག་དག། གཞན་པ་ཁམས་སོགས་དག་པ་ལས།། ཆུ་ནི་ཁམས་ཀྱི་དག་པ་སྟེ།། ཅོད་པན ་ཕུང་པོ་རྣམ་སྦྱོང་བྱེད། ། དར་དཔྱངས་ཕ་རོལ་ཕྱིན་པ་དག། རྡོ་རྗེ་དྲིལ་བུ་མི་འགྱུར་ཆེ།། སངས་རྒྱས་སྐད་རྒྱུན་མ་འཆད་པ།། ཉི་ཟླ་གཅིག་ཏུ་དག་པར་བྱེད།། ཡུལ་དང་དབང་པོ་ལེགས་དག་པ། ་འཕོ་མེད་རྡོ་རྗེའི་བརྟུལ་ཞུགས་འགྱུར།། མིང་ནི་བྱམས་སོགས་ཡང་དག་དག། རྗེས་གནང་སངས་རྒྱས་ཉིད་དག་བྱེད།། དབང་བསྐུར་བདུན་པོ་འདི་རྣམས་ནི།། དཀྱིལ་འཁོར་བཞེངས་ནས་སྦྱིན་པར ་བུམ་པ་གསང་བའི་དབང་བསྐུར་དང་། ། ཤེས་རབ་ཡེ་ཤེས་མངོན་རྗོད་པ།། སླར་ཡང་ཤེས་རབ་ཆེན་པོ་ཉིད།། དེ་ཡི་ཡེ་ཤེས་མངོན་རྗོད་བྱེད།། འགྱུར་དང་འགྱུར་དང་དེ་ནས་འཛག། དེ ་རས་གཞན་ཡང་མི་འཛག་པའོ། ། ལུས་ངག་སེམས་ནི་ལེགས་དག་པས།། དབང་བསྐུར་གསུམ་པོ་རིམ་པ་ཡིས།། བཞི་པ་ཡེ་ཤེས་ཡང་དག་དག། ལུས་ངག་སེམས་ནི་དག་པར་བྱེད།། བྱིས ་པ་དར་མ་དེ་ནས་རྒར། ། བཞི་པ་སྐྱེ་དགུའི་བདག་པོའོ།། ཤེས་རབ་ནུ་མར་ཡན་ལག་ནི།། རེག་པས་བྱང་ཆུབ་སེམས་འཕོའི་བདེ།། འོ་མ་འཛིན་པས་དབང་བསྐུར་བ།། གང་ལས་བདེ་ཐོབ་དེ ་བྱིས་པའོ། ། ཡུན་རིང་གསང་བར་སྤྲོས་ལས་སྐྱེས།། བྱང་ཆུབ་སེམས་ནི་འཕོ་བའི་བདེ།། གསང་བའི་དབང་བསྐུར་གསང་བ་ནི།། གང་ལས་བདེ་ཐོབ་དེ་དར་མ།། ཡུན་རིང་གསང་བར ་སྤྲོས་ལས་སྐྱེས། ། རྡོ་རྗེའི་རྩེ་མོར་གཡོ་བའི་བདེ།། ཤེས་རབ་ཡེ་ཤེས་དབང་བསྐུར་བ།། གང་ལས་གཡོ་བའི་བགྲོད་དེ་རྒར།། ཕྱག་རྒྱ་ཆེན་པོ་རྗེས་ཆགས ་ལས། ། སྐྱེས་པ་གཡོ་མེད་བདེ་བ་ནི།། ཤེས་རབ་ཆེན་པོའི་དབང་བསྐུར་བ།། གང་ལས་གཡོ་མེད་རྟོགས་པ་དེ།། སྐྱེ་དགུའི་བདག་པོར་རྣམ་ཤེས་བྱ།། སྐྱོབ་པ་ཐམས་ཅད་སྐྱེད་མཛད ་པ། རྡོ་རྗེ་སེམས་དཔའ་སེམས་དཔའ་ཆེ།། བྱང་སེམས་གཉིས་མེད་མི་འགྱུར་བ།། འདི་ནི་དམ་ཚིག་སེམས་དཔར་འགྱུར།། རྡོ་རྗེ་རྣལ་འབྱོར་རྣམ་པ་བཞི།། དུས་ཀྱི་འཁོར་ལོ་འདིར་བཤད ་པ། རྣལ་འབྱོར་པ་ཡི་ཐར་སྟེར་བྱེད།། འདི་ཉིད་ཀྱི་ནི་བསྒྲུབ་པ་བྱ།། རབ་གསལ་བསམ་གྱིས་མི་ཁྱབ་པའི།། དུ་སོགས་མཚན་མ་དེ་རྣམས་ཀྱིས།། ཤེས་རབ་གཟུགས་བརྙན ་ནམ་མཁའ་མཉམ། ། ཡོད་དང་མེད་ལས་རྣམ་པར་འདས།། རང་གི་སེམས་ཀྱི་རྐྱེན་གྱི་དོན།། རྡུལ་ཕྲན་ལས་སྐྱེས་ཚོགས་པ་རྣམས།། ཀུན་ནས་ཡོངས་སུ་དོར་བ་ཡིས།། དུ་བ་སྡིག་རྒྱུ་མཁའ ་སྣང་དང་། ། སྒྲོན་མ་འབར་བ་ཟླ་ཉི་མ།། མུམ་ཅན་ཆ་དང་ཐིག་ལེ་ཆེ།། སྣ་ཚོགས་གཟུགས་བརྙན་འོད་གསལ་བ།། བཀའ་དང་མ་བཀབ་མིག་དག་གིས།། སྟོང་པར་འདི་ནི་རྗེས་བཅས ་མིན། ། རྨི་ལམ་བཞིན་དུ་གཟུགས་མཐོང་འགྱུར།། རྟག་ཏུ་གཟུགས་དེ་བསྒོམ་པར་བྱ།། དངོས་མེད་གཟུགས་ལ་སྒོམ་པ་དེ།། རྣལ་འབྱོར་པ་ཡི་སྒོམ་མ་ཡིན།། ངོསོ་བོ་དངོས་མེད་སེམས་ཀྱི ་མིན། ། སྟོང་པར་མ་བརྟགས་མཐོང་ཕྱིར་རོ།། ཇི་ལྟར་པྲ་བབ་མེ་ལོང་ལ།། གཞོན་ནུ་མས་མཐོང་དངོས་མེད་སྐྱེས།། དེ་བཞིན་འདས་དང་མ་འོངས་ཆོས།། མཁའ་ལ་དེ་ཉིད་རྣལ་འབྱོར ་པས། ། འདི་ལ་དངོས་པོ་དངོས་མེད་འགྱུར།། དངོས་པོ་སྟོང་པའི་དོན་མཐོང་ཕྱིར།། དངོས་པོ་དངོས་མེད་དོན་ཡོད་པ།། སྒྱུ་མ་རྨི་ལམ་མིག་འཁྲུལ་བཞིན་། ་མེད་པའི་ཆོས་ཅན་དག་ལ་ཆོས།། སྐྱེ་བ་འདི་ནི་རབ་ཏུ་མཐོང་།། ཡིད་བཞིན་ནོར་ལྟར་མཐའ་ཡས་པའི།། སེམས་ཅན་བསམ་པ་ཡོངས་རྫོགས་བྱེད།། པྲ་ཕབ་པ་ཡི་གཞོན་ནུ་མས།། མ ་མཐོང་བ་ཡི་རྐུར་པོ་མཐོང་། ། ཉི་ཚེ་བོ་ཡི་མིག་དག་གིས།། སོང་ནས་སྒྲུབ་པ་པོ་ཡིས་མཐོང་།། གལ་ཏེ་ཡོད་པའི་གཟུགས་མཐོང་ན།། རང་གི་གདོད་པ་ཅིས་མི་མཐོང་།། གལ་ཏེ་མེད་པ་གཟུགས ་མཐོང་ན། ། རི་བོང་རཱ་ནི་ཇི་ལྟར་མིན།། གཞན་གྱི་མིག་གིས་མི་མཐོང་ཞིང་།། རང་གི་མིག་གིས་མཐོང་མིན་པ།། སྐྱེ་བ་མེད་པ་མཐོང་བ་ནི།། གཞོན་ནུ་མ་ཡི་བུ་ཇི་བཞིན།། གཟུགས ་བརྙན་མཐོང་ན་དེ་ནས་ནི། ། བར་མ་ཆད་པར་སྲོག་རྩོལ་བྱ།། སྟེང་འོག་རྩ་གསུམ་པོ་རྣམས་ལ།། ལུས་ངག་སེམས་ནི་འགོག་པ་ལས།། ཟླ་ཉིད་སྒྲ་གཅན་བཤང་གཅི་དང་།། ཁུ་བ ་འབབ་པའི་ལམ་རྣམས་སུ། ། ཆུ་མེ་སྟོང་པ་ས་རླུང་དང་།། ཡེ་ཤེས་ཁམས་རྣམས་སྐྱེས་རྣམས་ལ།། གང་ཞིག་ཟླ་ཉི་མུན་ཅར་དང་།། བཤང་གཅི་ཁུ་བ་འབབ་མ་རྣམས།། སྲོག་དང ་ཐུར་སེལ་རིམ་པ་ལས། ། ལུས་ངག་སེམས་ཀྱི་རྩ་རྣམས་སོ།། ཟླ་བ་ཐབས་ཀྱི་སྐུ་ཡིན་ཏེ།། ཉིན་མོར་བྱེད་པ་ཤེས་རབ་གསུང་།། ཤེས་རབ་སྐུ་ནི་བཤང་བའི་རྩ། ་གཅི་བ་འབབ་མ་གཙོ་བོའི་གསུང་།། སྟེང་འོག་ཟུགས་ཀྱི་རྩ་གཉིས་དག། མུན་ཅན་ཁུ་བ་འབབ་མའོ།། ཐབས་ཀྱི་ཐུགས་ནི་མུན་པ་ཅན།། ཁུ་བ་འབབ་མ་ཤེས་རབ་ཀྱི།། སྟེང་འོག ་རིགས་དྲུག་འདི་རྣམས་ནི། ། སྐུ་གསུང་ཐུགས་ཀྱི་རྣལ་འབྱོར་ལས།། ཤེས་རབ་ཐབས་དངོས་ཡན་ལག་གིས།། ལུས་ཅན་ཀུན་ལ་ཡང་དག་གནས།། འཆི་ལྟས་ལུས་ངག་རྩ ་ངག་ལ། ། སྟེང་འོག་ལྷག་པའི་དྲུང་རྣམས་ཀྱིས།། མུན་ཅན་ཁུ་བ་འབབ་མ་ལ།། སྐྱེ་བ་དང་ནི་འཆི་བ་གནས།། སྐྱེ་དང་འམིངང་འཁྲིག་པ་ཡི།། དུས་སུ་ཁུ་བ་འབབ་པའོ།། ་མུན་ཅན་མ་ཡང་སྟེང་དུ་འབབ།། ཉི་མའི་འཕོ་བ་མཉམ་པ་ལས།། དུས་སྦྱོར་འཆར་བའི་མངོན་མཚམས་སུ།། དབུ་མ་ནས་ནི་མཉམ་པ་འབབ།། རྐང་པ་དང་བཅས་ལྔ་བཅུ་དྲུག། འབྱུང་བ ་འཇུག་པའོ་མ་ཡི་བྱངག། ། བདུམནྟྲ་རྩ་ལྔ་ལྷག་པ་ཡི།། དྲུག་བརྒྱ་ཉིན་དང་མཚན་ལའོ།། དྲུག་བརྒྱ་རྣམས་ཀྱིས་ལྷག་པ་ཡི།། སྟོང་ཕྲག་ཉི་ཤུ་རྩ་གཅིག་གོ།། འདི་ཡིས་དམན་པ ་དེ་རྣམས། ། གཡོན་དང་གཡས་པའི་རྩར་འབབ་བོ།། ཕྱོགས་གསུམ་དང་བཅས་ལོ་གསུམ་རྣམས།། ལོ་བརྒྱརྣམས་ལས་དབུ་མའོ།། སྟེང་དུ་གཡོན་གཡས་བླསིམ།། བརྒྱང ་ལུག་དང་སེར་སྐྱ་གཞན། ། ཆུ་དང་མེ་ཡི་རླུང་བཞིན་ཅན།། པདྨ་རིན་ཆེན་འཛིན་འདོད་པ།། འོག་ཏུ་བཤང་གཅི་འབབ་པ་དགྲ། ས་དང་རླུང་གི་རང་བཞིན་ཅན།། དབུ་མའི་རྩ་དང ་གཡོན་པ་ཡང་། ། འཁོར་ལོ་རལ་གྲི་འཛིན་པར་འདོད།། སྟེང་དང་འོག་ཏུ་དབུ་མ་གཡས།། སྒྲ་གཅན་ཁུ་བ་རབ་འབབ་པ།། སྟོང་པ་ཡེ་ཤེས་རང་བཞིན་ཅན།། རྡོ་རྗེ་རྡོ་རྗེ་འཛིན་པར་འདོད ་ཟླ་བའི་ལམ་གྱིས་བཤང་བའི་རྩ། ། ཉི་མས་གཅི་བ་འབབ་པ་སྟེ།། སྐྱེ་འཆི་མཉམ་པ་ཆགས་པ་ལ།། སྒྲ་གཅན་ཁུ་བ་རབ་ཏུ་འབབ།། ལྟེ་བའི་སྟེང་དུ་ཀུན་འདར་མ།། གང་དེ་ཡིད་བཟང ་མུན་པ་འབབ། ། འོག་ཏུ་ཁུ་བ་འབབ་གང་དེ།། མཁའ་འགྲོ་གདོང་དང་དུང་ཅན་མ།། ལྟེ་བའི་ཆུ་སྐྱེས་སྙིང་མགྲིན་དང་།། དཔྲལ་བ་གཙུག་ཏོར་འདམ་སྐྱེས་ལ།། ས་ཆུ་མེ་རླུང་སྟོང་པ་རྣམས།། ་རབ་ཏུ་འབབ་པ་སྡུད་པ་ཡིས།། འབྱུང་འགྱུར་དེ་ནི་འཇུག་པ་དག། བསྐྱེད་པས་འཇུག་སྟེ་ས་ལའོ།། ལྟེ་བ་ནས་ནི་ལྟེ་བའི་དབུས།། ཨ་བ་དྷཱ་ཏཱིར་འགྲོ་དང་འོང་།། ལྕེ་གསང་ནོར་བུའི་ཆུ ་སྐྱེས་ལ། ། ལུས་ངག་སེམས་རྣམས་འབབ་པ་ནི།། འབྱུང་དང་དེ་ནི་འཇུག་པ་དག། སྡུད་དང་སྐྱེད་པའི་རང་བཞིན་ཅན།། དུང་ཅན་སྐྱེ་བོ་ཐམས་ཅད་ཀྱི།། ཐུར་སེལ་རླུང་ནི་འབབ་པའོ།། ་འདི་རྣམས་བུད་མེད་བདེ་བ་ལས།། ཁུ་བ་ཁྲག་འབབ་དུས་དག་ཏུ།། ཤེས་རབ་ཐབས་དངོས་ཡན་ལག་གིས།། སྟེང་དུ་གཡས་དང་གཡོན་དག་དང་།། འོག་ཏུ་བཤང་གཅི་འབབ་པ ་དང་། ། རྡུལ་དང་ཁུ་བ་འབབ་པ་དག། རྡུལ་འབབ་ཕྱིར་དེ་གཏུམ་མོ་སྟེ།། ཁུ་བ་འབད་ཕྱིར་མཁའ་འགྲོ་གདོང་།། སྟེང་དུ་བརྗོད་དུས་བུད་མེད་ཀྱིས།། གཡུང་མེ ་སྐྱེས་བུའི་ཀུན་འདར་མ། ། རྣམ་ཤེས་ལ་སོགས་དཀྱིལ་འཁོར་ལྔ།། རྟག་ཏུ་གཡོན་པའི་རྩ་ལའོ།། ས་སོགས་གཡས་པའི་རྡུལ་སྟེ།། དབུས་སུ་དྲུག་པ་འབབ་པའོ།། ཙཱ་བའི ་པདྨའི་འདབ་མ་ལ། ། དཀྱིལ་འཁོར་དྲུག་ཅུ་རྣམས་རིམ་བཞིན།། གཡོན་དང་གཡས་པའི་དུས་སྦྱོར་ནི།། ལུག་སོགས་གླང་ལ་སོགས་པ་ལ།། རྩ་བ་གཡོན་དང་དེ་ནས་གཡས།། ་སྟེང་དང་དབུས་སུ་རིམ་པས་རླུང་།། ས་སོགས་དཀྱིལ་འཁོར་རེ་རེ་ཞིང་།། དབྱུག་གུས་སྣ་བུག་དག་ལའོ།། རིམ་པས་ཆུ་ཚེད་འབབ་པ་ནི།། དྲུག་ཅུ་དང་བཅས་སུམ་བརྒྱའི་དབུག། ་བརྒྱ་ཕྲག་བཅོ་བརྒྱད་དབུགས་དེ་རྣམས།། ཆུ་ཚོད་ལྔར་ནི་འབབ་པའོ།། ཆུ་ཚོད་དྲུག་ཅུ་ཉིན་མཚན་དུ།། ལུས་ལ་དཀྱིལ་འཁོར་རྣམས་ཞེས་པའོ།། འདང་མའི་དབུས་དང་དེ་ནས ་ཤ་ར། ། གཡས་གཡོན་གཞན་དུ་རིམ་པ་ཡིས།། གཡོན་པར་རྟག་ཏུ་ནམ་མཁའ་སོགས།། གཡས་པར་ས་སོགས་གཞན་ལས་སོ།། གཡོན་པར་རྣམ་ཤེས་སོགས་འབྱུང ་བ། ། གཡས་པར་ས་སོགས་སྡུད་པའོ།། ནུབ་དང་ཤར་དུ་འཛིན་མ་རླུང་།། ཕན་ཚུན་ཤེས་རབ་ཐབས་ཡིན་ཏེ།། མཐེ་བོང་མིང་མེད་དག་གིས་ནི།། གང་ཕྱིར་ཁ་ལ་དབང་བསླུ ་བ། ། གཡས་དང་གཡོན་དུ་མེ་དང་ཆུ།། ཕན་ཚུན་ཤེས་རབ་ཐབས་ཡིན་ཏེ།། གུང་མོ་མཛུབ་མོ་གཉིས་དག་གིས།། གང་ཕྱིར་རལ་གྲིར་འགྱུར་བའོ།། ཟླ་ཕྱེད་རྣམ་པའི་ཕྱག་རྒྱ་ནི།། མཆེ ་བ་གྲི་གུག་མཐེའུ་ཆུང་སྟེ། ། སྟོང་པ་མི་འགྱུར་སྟེང་འོག་ཏུ།། ཕན་ཚུན་ཐབས་དང་ཤེས་རབ་བོ།། དཀྱིལ་འཁོར་བཅུ་པོ་ཡང་དག་སྦྱོར།། སོར་མོ་རྣམས་ནི་ཕན་ཚུན་དུ།། མགོ་བོར་ལག ་མཐིལ་སྦྱར་བ་ལ། ། གྲི་གུག་དང་བཅས་རྩེ་གཅིག་གོ།། དབུ་མའི་རྩ་ལ་མཉམ་པ་དེ།། སྐྱེད་དང་སྡུད་པའི་བྱེད་པ་པོ།། ཕུང་པོ་ཁམས་དང་རྡོ་རྗེ་གསུམ།། གཅིག་ཉིད་དབུ་མར་སོན་པ་ནའོ།། ་ཟླ་བ་ཉི་མའི་རྩ་འགགས་ན།། བཤང་བ་གཅི་བའི་རྩ་འགག་གོ།། སྒྲ་གཅན་རྩཝ་ནི་འགགས་པ་ན།། འོག་ཏུ་ཁུ་བ་འབབ་འགག་འགྱུར།། སྦེད་དང་སྡུད་པའི་བྱེད་པ་ཅན།། འདི་རྣམས ་གྲོལ་ན་གྲོལ་བར་འགྱུར། ། སྲོག་དང་ཐུར་སེལ་ལམ་གསུམ་གྱིས།། འདི་ནི་རྩ་ཡི་ཀུན་སྤྱོད་དོ།། གཡོན་པ་འམ་ནི་གཡས་པ་ལ།། མཚན་མོ་གཅིག་དང་དེ་བཞིན་ལྔར།། ལྷག་པའི ་རླུང་ནི་རབ་འབབ་པ། ། དེ་ལས་ལོ་གསུམ་ན་འཆིའོ།། གཡས་པ་ཉི་མའི་འཆི་ལྟས་ལ།། ལྔ་དང་ཕྱོགས་ཚེས་ཉི་ཤུ་དང་།། དེ་ཉིད་གཅིག་ལྷག་གཞན་རིམ་པས།། ཉིན་ཞག་སུམ་ཅུ་གསུམ ་རྒྱུ་ན། ། གསུམ་གཉིས་གཅིག་ལོ་ཟླ་བ་ནི།། དྲུག་གསུམ་ཟུང་ཟླ་ཉིན་ཞག་ཚེས།། ཕྱོགས་ལྔ་ཡོན་ཏན་གཉིས་གཅིག་གིས།། ལུས་ཅན་རྣམས་ཀྱི་ཚེ་འགྲོ་བོ།། རྩ་བ་ནས་གཅིག་ལག་པ་ཡིས། ་གཡོན་པར་དྲ་བའི་རྒྱུ་བར་འགྱུར།། ཉི་ཟླ་ཉི་མ་ནག་ཟླ་བ་དྲུག། ཉིན་ཞག་གསུམ་རྣམས་ཐུ་བ་གསུམ།། ཉིནྡ་ལ་འཆི་ལྟས་ཟླ་བར་དགེ། འཕེལ་འགྲིབ་དེ་ནས་འདི་དག་ལ། ་དབུ་མའི་འཆི་བའི་རྒྱུ་བ་ནི།། ལོ་བརྒྱ་ཡོངས་སུ་རྫོགས་པ་ཡིས།། མཉམ་དང་མི་མཉམ་ཉིན་ཞག་རྣམས།། སྐྱེ་བར་སྐྱེས་པའི་དཀྱིལ་འཁོར་གྱིས།། དེ་རྒྱུ་གཡས་དང་གཡོན་ལ་ཡང་།། ་ཕྱོགས་གཉིས་རྣམ་པར་ཉམས་པ་ལས།། གཞན་དུ་འཆི་བར་མི་འགྱུར་ཏེ།། ཕྱོགས་གཉིས་ཡང་དག་གནས་པ་ན།། གཡས་དང་གཡོན་པའི་ཀུན་སྤྱོད་དང་།། དཀྱིལ་འཁོར་ལྔ་རྣམས་འབབ། ་པའི་ཕྱིར།། འཆི་ལྟས་མཚན་ཉིད་ཤེས་ནས་ནི།། སྲོག་ནི་ཐིག་ལེར་གཞུག་པར་བྱ།། ཨ་བ་དྷཱུ་ཏཱིའི་ཞབས་བརྟེན་ནས།། མཆོག་ཏུ་མི་འགྱུར་བསྒོམ་པར་བྱ།། རྟག་ཏུ་རྡོ་རྗེ་བསླང་བར་བྱ།། ་ཟླ་ཉིའི་བགྲོད་པ་འཇོམས་པ་ལས།། གཞན་དུ་ཀུན་འདར་ཡན་ལག་ལ།། སྲོག་གི་རླུང་ནི་འཇུག་པ་མེད།། འོག་ཏུའང་དུང་ཅན་མ་ཐུར་སེལ།། དེ་མ་ཞུགས་ལས་འཆི་བའོ།། འཆི ་ལྟས་སླུ་བ་རྣལ་འབྱོར་པའི། ། འདི་ནི་དགའ་བ་རྣམས་ཀྱིས་འགྱུར།། མགོ་བོའི་པདྨར་གཙུག་ཏོར་ལས།། ཁུ་བ་འོངས་པ་དགའ་བ་སྟེ།། མགྲིན་པ་སྙིང་ཁར་མཆོག་དགའ་འོ།། དགའ ་བྲལ་དགའ་བ་དེ་ནས་འགྱུར། ། སྣ་ཚོགས་དགའ་བ་ལྟེ་བ་དང་།། གསང་བའི་པདྨར་གང་འོངས་པའོ།། གསང་ནས་རྡོ་རྗེ་ནོར་བུའི་བར།། ལྷན་ཅིག་སྐྱེས་དགའ་མི་འཕོ་བ།། རབ་གནས། ་། མྱ་ངན་འདས་པ་མིན།། ཆགས་ཆེན་མི་འགྱུར་ཁྱབ་བདག་པོ།། འདོད་ཆགས་བྲལ་ལས་འཕོ་མེད་བདེ།། དེ་ནི་མྱ་ངན་འདས་རབ་གནས།། ཁུ་བ་ཟླ་འཆར་གཙུག་ཏོར་དུ།། རྫོགས་པའི་གསང ་བའི་མཚོ་སྐྱེས་ལ། ། བཅུ་དྲུག་ཆ་གང་དེ་ནོར་བུའི།། པདྨར་རྡོ་རྗེའི་རྩེ་མོར་གནས།། དེ་སྟེང་འཕོ་བའི་དུས་སུ་འགྱུར།། ནག་པོའི་ཚེས་གཅིག་འོངས་པ་ན།། འདོད་ཆགས་བྲལ་བས ་གནམ་སྟོང་ལ། ། ཉི་མ་མཛོད་སྤུའི་གནས་སུ་འགྲོ།། དེ་ཡི་ཆ་ཤས་བཅུ་དྲུག་ལ།། གཙུག་ཏོར་པདྨར་སོན་པའོ།། ཟླ་བ་ཉམས་པ་ཞེས་བརྗོད་དོ།། ཆགས་པའི་བདེ་ལ་ཆགས་བྲལ་ཕྱིར། ་ལུས་ཅན་ཐམས་ཅད་འཆི་བ་ན།། ཟླ་བ་བདུད་རྩིའི་འོག་ཏུ་འགྲོ།། སྟེང་དུ་ཞིམ་རྡུལ་སྒྲ་གཅན།། རྣམ་ཤེས་དངོས་པོའི་མཚན་ཉིད་ལ།། དེ་ཕྱིར་ཟླ་བ་བདུད་རྩི་ནི།། སྟེང་དུ་བགྲོད་བྱ་མི་ཡི ་བདག། འོག་ཏུ་ཉི་མ་རྡུལ་སྒྲ་གཅན།། རྣམ་ཤེས་འགྱུར་མེད་བདེ་བ་ལ།། སངས་རྒྱས་ཀུན་གྱི་མཛོད་སྤུ་ཡི།། པདྨར་ཟླ་བ་བདུད་རྩི་ཉ།། ཉི་རྡུལ་གནམ་སྟོང་གསང་བར་ཏེ།། གཙུག་ཏོར ་ནོར་བུར་དེ་དག་གོ། ། ཞེས་པ་སྟོན་པའི་རྡོ་རྗེའི་ཚིག། ལུས་ཅན་ཀུན་གྱི་ཕྱིན་ཅི་ལོག། རབ་གནས་མྱ་ངན་འདས་པ་མིན།། ཁམས་རྣམས་ཕྱིན་ཅི་ལོག་ཏུ་འགྱུར།། ནོར་བུར་ཐུགས་དང་གསང་བར ་གསུང་། ། ལྟེ་བར་སུ་སྟེ་བདེ་ཆེར་ལས།། ཆོས་དང་ལོངས་སྤྱོད་རྫོགས་སྤྲུལ་པ།། འདི་རྣམས་དག་པའི་སྐུ་ལས་སྤྲོ།། ཐབས་ཀྱི་འོག་ཏུ་རྒྱལ་པོའི་དབང་།། ཤེས་རབ་ཀྱི་ནི་སྟེང་དུ་འགྱུར།། འདྲི ་ཡི་དཔྲལ་བར་སྐུ་རྡོ་རྗེ། ། མགྲིན་སྙིང་ལྟེ་བའི་འདམ་སྐྱེས་ལ།། གསུང་ཐུགས་ཡེ་ཤེས་རྡོ་རྗེ་རྣམས།། སྤྲུལ་པ་ལ་སོགས་འདི་རྣམས་སྷོ།། ཕུང་པོ་ཁམས་སོགས་སྤྲོ ་བ་ནི། ། སྒྲིབ་པ་མེད་པའི་བདེ་བ་ལས།། ལས་ཀྱི་ཕྱག་རྒྱའི་སྙོམས་འཇུག་དང་།། ཡེ་ཤེས་ཕྱག་རྒྱའི་དམིགས་པ་དང་།། ཕྱག་རྒྱ་ཆེན་པོ་གཅིག་སྦྱོར་བས།། མི་འགྱུར་བ་དེ་འཕེལ་བར་འགྱུར།། ་འཕེལ་བའི་འཕེལ་བར་འགྱུར་བ་མེད།། ཉམས་པའི་ཉམས་པ་ཉིད་ཀྱང་མེད།། ནུབ་པ་དེ་ཡི་ནུབ་པ་མེད།། འཆར་བ་ཡི་ན་འཆར་བ་མེད།། རབ་ཏུ་གསལ་བའི་རབ་གསལ་མེད།། ་བཀབ་པའི་བཀབ་པ་ཡང་མེད་དོ།། སྐྱེ་བའི་སྐྱེ་བར་འགྱུར་ཉིང་མེད།། འཆི་བའི་འཆི་བ་ཡང་མེད་དོ།། གྲོལ་བའི་གྲོལ་བར་འགྱུར་བའང་མེད།། མི་གནས་པ་ཡི་མི་གནས་མེད།། དངོས ་པོ་མེད་པའི་དངོས་མེད་མེད། ། དངོས་པོའི་དངོས་པོ་ཉིད་ཀྱང་མེད།། འགྱུར་བའི་འགྱུར་བར་འགྱུར་བའང་མེད།། མི་འགྱུར་བའི་ཡང་མི་འགྱུར་མེད།། རང་བཞིན་མེད་པའི་ཆོས་རྣམས་ཀྱི།། སྐྱེ ་འཇིག་སྒྱུ་མ་དེ་བཞིན་ནོ། ། འབྱུང་རྣམས་འཇིག་པར་འགྱུར་མིན་ཏེ།། རང་བཞིན་ཉིད་ཀྱིས་སྐྱེ་མི་འགྱུར།། སྣ་ཚོགས་འདི་ནི་རང་བཞིན་མེད།། དངོས་པོ་དངོས་མེད་མཚན་ཉིད་གཅིག། རང ་གི་ཤེས་རབ་ལ་འཁྲུད་སེམས། ། རྡོ་རྗེ་ནོར་བུའི་པདྨར་སོན།། དེར་སོན་ཟླ་བ་གཡོ་བ་དང་།། མི་གཡོ་བ་དང་མི་འགྱུར་སྒོམ།། ལུས་ངག་སེམས་ཀྱི་རྩ་རྣམས་སུ།། སྐུ་གསུང་ཐུགས་རྣམས་སྒོམ ་པ་སྟེ། ། རྡོ་རྗེ་གསུམ་རྣམས་ལེགས་བསྡུས་པ།། ཡེ་ཤེས་དུང་ཅན་མར་སྒོམ་པའོ།། ཤེས་རབ་ཆགས་པས་ཞུ་བ་ཡི།། ཐིག་ལེ་རིམ་པས་མགོ་བོ་ལས།། རྫོགས་པའི་གནས་སུ་ཞུགས ་རྣམས་ཀྱང་། ། འཆིང་བ་དམ་པའི་དོན་གྱིས་སོ།། ཇི་ལྟར་ཟླ་ཤར་རིམ་པ་ཡིས།། ཆ་རྣམས་ཀྱིས་ནི་རྫོགས་པར་འགྱུར།། གྲིབ་མ་ཉམས་པ་རྫོགས་པ་སྟེ།། ཟླ་བ་ཆང་དང་རྫོགས ་པ་མིན། ། དེ་བཞིན་ཡེ་ཤེས་ཤར་རིམ་པས།། ས་རྣམས་ཀྱིས་ནི་རྫོགས་པར་འགྱུར།། ཉོན་མོངས་ལ་སོགས་ཉམས་པ་རྫོགས།། ཡེ་ཤེས་ཆད་དང་རྫོགས་པ་མིན།། ཇི ་ལྟར་རི་བོང་མཚན་མས་དབུས། ། རྫོགས་པར་རི་བོང་ཅན་མི་གནས།། དེ་བཞིན་འགྱུར་མེད་བདེ་བར་སེམས།། འཁོར་བའི་བག་ཆགས་མཚན་མ་ཡིས།། བསྐྱེད་དང་རབ་ཏུ་ཉམས ་པའི་ཕྱོགས། ། དཀར་པོ་ནག་པོ་རབ་ཏུ་གནས།། དེ་དག་དབུས་སུ་རྫོགས་པ་གང་།། དེ་ནི་རྫོགས་པར་མི་གནས་སོ།། སྐད་ཅིག་གཅིག་མངོན་རྫོགས་སངས་རྒྱས།། རྫོགས་པ ་ལ་ནི་གཡོ་མི་འགྱུར། ། གང་ཚེ་རྡོ་རྗེ་ནོར་བུར་སེམས།། དེ་ནི་སྐད་ཅིག་ཐམས་ཅད་རྫོགས།། དཀར་པོའི་ཕྱོགས་ལ་འདི་མི་གནས།། རེས་འགའ་དཀར་མིན་ལ་མི་འགྲོ།། ཕྱོགས་གཉིས ་པོ་ཡི་དབུས་གནས་པ། ། རྫོགས་པ་ལ་གནས་གཉིས་སུ་མེད།། གཙུག་ཏོར་ལས་ནི་ཤར་བ་དེའི།། རྡོ་རྗེ་ནོར་བུར་རྫོགས་པར་འགྱུར།། དེ་ཆགས་བྲལ་ལས་ཆ་ཉམས་པ།། རྡོ་རྗེ་ནས་ཉམས ་ལ་རབ་རྫོགས། ། སྭརྱ་ཡང་གཙུག་ཏོར་དུ་ཤར་བ།། སླར་ཡང་རྡོ་རྗེ་ནོར་བུར་རྫོགས།། དེ་ཆགས་བྲལ་ལས་མ་ཉམས་པ།། ལུས་ཅན་ཡེ་ཤེས་ཉམས་པ་མིན།། ་འཇོ་མ་བདེ་བ་ཆེ་རང་བཞིན།། རྫོགས་པའི་སྒྲ་མས་བརྗོད་པར་བྱ།། དངོས་པོ་བར་མ་གཞན་ཐམས་ཅད།། འཐུང་དང་སྤྱང་བའི་རྒྱུ་ཡིན་ནོ།། སྲིང་ལས་མྱ་ངན་འདས་པར་འགྲོ། ་སླར་ཡང་སྲིད་པར་འོང་།། རང་ཕྱོགས་ངག་ལས་ཟླ་བཞིན་དང་།། བརྗོད་པ་དག་ལས་སྣང་བྱེད་བཞིན།། རྫོགས་པར་མི་གཱ་ཡ~ཾ་བཱ་འདི་ནི།། ས་རྣམས་ཀྱིས་ནི་ཡོངས་རྫོགས་ཉིད།། ནྀ་ཁྲི ་གཉིས་བརྒྱ་ཡི་དཟུགས། ། འགྱུར་མེད་སྐད་ཅིག་ཟོས་རྣམས་ཀྱིས།། ཕྱོགས་གཉིས་ཡིང་དག་གནོན་པ་ནི།། ས་རྣམས་ཀྱིས་མི་ཡོངས་སུ་རྫོགས།། བདེར་ངོམ་རྣམ་པ་བཅུ་གཉིས་པ། ་བྱ་བཅུ་དྲུག་འགྱུར་བ་མེད།། ཨ་པ་བཅུ་གའིས་སུ་རྣམས་ཀྱིས།། རྫོགས་པ་གཉིས་སུ་མེད་པ་མཆོགཆ་ཤཱས་རྣམས་ཀྱིས་རྫོགས་པའི་སེམས།། རྣམ་པ་བཅུ་དྲུག་མི་འགྱུར་བ། ་དོན་གཅིག་གཉིས་སུ་མེད་པ་ཆོས།། དམ་པའི་དོན་ཏེ་འཇིགས་པ་མེད།། རྫོགས་པའི་གནས་སྐབས་སོན་པའི་སེམས།། ཀུན་ནས་རབ་ཏུ་རྫོགས་པའོ།། ཆགས་བྲལ་དང་པོ་ཆགས ་རྡོ་རྗེ་ལུས་མེར་མི་འགྱུར་ཆེ། ། ཡོངས་སུ་རྫོགས་པ་ཕྱོགས་ཉིད་ཀྱི།། བག་ཆགས་རྣམས་ཀྱིས་མ་འཁྱུད་པའོ།། ཇི་ལྟར་ཆུ་བོའི་ཆུ་ཞུགས་པ།། དེ་ནི་རྒྱ་མཚོའི་ཆུར་མཚུངས་པ། ་དེ་བཞིན་དངོས་པོའི་ཚོགས་འདི་དེ།། འགྱུར་བ་མེད་པར་འགྱུར་མེད་མཚུངས།། ཇི་ལྟར་ཁམས་ཀྱི་ཚོགས་པ་འདི།། ཟོས་པ་ལས་ནི་རོ་ཉིད་འགྱུར།། ས་བོན་རང་བཞིན་ས་བོན་གྱིས།། ་འབྲས་བུའི་དུས་སུ་ང་རྒྱལ་སྤངས།། དེ་ལྟར་དངོས་པོའི་ཚིགས་པ་ཡང་། མཆོག་ཏུ་མི་འགྱུར་ཟོས་པ་ཡིས།། མཆོག་ཏུ་མི་འགྱུར་བ་ཉིད་འགྱུར།། རྣམ་པ་ཐམས་ཅད་རང་བཞིན་འཛིན།། ་མཆེ་བའི་ཚོར་བ་སྡུག་བསྔལ་ནི།། དུག་རྫོགས་གནས་སྐབས་གྱུར་པ་ན།། རྨ་ལ་རིག་མིར་གཞན་དུ་མིན།། ཡུལ་རྣམས་དབང་པོའི་སྒོ་རྣམས་ཀྱིས།། དེ་བཞིར་རྣལ་འབྱོར་དམ་པའི་བདེ།། ་སེམས་རྫོགས་ཆར་གྱུར་ན་རྡོ་རྗེ།། ནོར་བུར་རིག་མིན་གཞན་དུ་མིན།། ཡུལ་རྣམས་དབང་པོའི་སྒོ་རྣམས་ཀྱིས།། ཇི་ལྟར་རོ་ཆེན་ལྕགས་རྣམས་ཀྱི།། ཕྱོགས་གཅིག་ཡང་དག་གནས་པ་ནི།། ་ལྕགས་ལ་དྲག་པོའི་མས་གདུངས་ན།། ཀུན་ནས་ཀུན་ཏུ་འབིགས་པར་བྱེད།། དེ་བཞིན་ཉིད་དུ་འགྱུར་མེད་བདེ།། ཕྱོགས་གཅིག་ཡང་དག་གནས་པ་ཡང་།། སེམས་ལ་འདོད་པའི་མེས་གདུས ་ན། ། ཀུན་ནས་ཀུན་ཏུ་འབིགས་པར་བྱེད།། ཇི་ལྟར་ཕུག་པའི་ལྕགས་རྣམས་ནི།། འགའ་ཞིག་ཏུ་ཡང་དྲི་མ་མེད།། དེ་བཞིན་དུ་ནི་ཕུག་པའི་སེམས།། འགའ་ཞིག་ཏུ་ཡང་བག་ཆགས་མེད།། ་ལྕགས་ནི་གསེར་ཉིད་དུ་གྱུར་པ།། མེ་ཡིས་དྲི་མ་མེད་པར་འགྱུར།། ། དེ་བཞིན་ཡང་དང་ཡང་དུ་སེམས།། འདོད་ཆགས་མེ་ཡིས་དྲི་མ་མེད།། ཇི་ལྟར ་། ནོར་བུ་ཆེ་རེག་ལས།། རྡོ་ན་རབ་ཏུ་འབར་བར་འགྱུར།། དེ་བཞིན་འགྱུར་མེད་པངྒེ་རེག་ལས།། སེམས་ནི་བདེ་བ་ཉིད་དུ་འགྱུར།། འདིར་ནི་མང་པོ་བརྗོད་པས ་འཇིག་རྟེན་ཀུན་རྫོབ་བདེན་པ་ཡིས། ། ལྕགས་རྣམས་རབ་ཏུ་འབུགས་བྱེད་པ།། རོ་ཡི་མཐུ་ནི་བརྟག་བྱ་མིན།། ཅི་ཞིག་སླར་ཡང་དོན་དམ་པས།། གློ་བུར་དྲི་མས་གཡོགས་པ་ཡིས།། སེམས ་ནི་རབ་ཏུ་འབུགས་བྱེད་པ། ། ཡེ་ཤེས་མཐུ་ནི་བརྟག་བྱ་མིན།། སེམས་ལ་གློ་བུར་དྲི་མ་མེད།། སེམས་ལས་ཡུན་རིང་དུས་ཅན་མིན།། སེམས་མེད་པར་ནི་སྐྱེ་བ་མེད།། སེམས་ལ་མི་ཟད ་གནས་པ་མིན། ། གལ་ཏེ་འདི་ཉིད་གློ་བུར་བ།། དེ་ཚེ་སྔོན་དུ་སེམས་དྲི་མེད།། གལ་ཏེ་སེམས་ལས་དུས་རིང་ཅན།། དེ་ཚེ་དེ་ནི་ཅི་ལས་སྐྱེས།། གལ་ཏེ་སེམས་མེད་པར་སྐྱེ་ན།། དེ་ཚེམ ་མཁའི་མེ་ཏོག་མཚུངས། ། གལ་ཏེ་སེམས་ལ་རྟག་ཏུ་གནས།། དེ་ཚེ་ཀུན་ཏུ་ཐར་པ་མིན།། ཇི་ལྟར་ཟངས་ཀྱི་དྲི་མ་ནི།། རོ་ཡི་སྦྱོར་བས་ཉམས་པར་འགྱུར།། དེ་ཡི་ཡོད་ཉིད་ཉམས་པ ་མེད། ། དྲི་མེད་ཉིད་ཀྱིས་ཡང་དག་གནས།། དེ་བཞིན་སེམས་ཀྱི་དྲི་མ་ནི།། སྡོང་ཉིད་སྦྱོར་བས་རྣམ་ཉམས་འགྱུར།། དེ་ཡི་ཡེ་ཤེས་ཉིད་ཉམས་མེད།། དྲི་མང་ཉིད་ཀྱིས་ཡང་དག་གནས།། ་ཇི་ལྟར་བཅུད་ཀྱིས་ཕུག་པའི་ལྕགས།། ལྕགས་ཉིད་དུ་ནི་རྗེས་འགྲོ་མིན།། དེ་བཞིན་བདེ་བས་ཕུག་པའི་སེམས།། སྡུག་བསྔལ་ཉིད་དུ་རྗེས་འགྲོ་མིན།། ཆགས་བྲལ་ལས་གཞན་སྡིག་པ་མེད། ་བདེ་བ་ལས་གཞན་བསོད་ནམས་མེད།། དེ་ཕྱིར་འགྱུར་མེད་བདེ་བར་སེམས།། མི་བདག་རྟག་ཏུ་གནས་པར་བྱ།། གཞོན་ནུ་མ་ཡི་དགའ་བ་ནི།། མེད་པར་བདེ་བ་སྨྲ་མི་ནུས།། ལང་ཚོའི་དགའ ་བ་ཐོབ་པ་ན། ། བདེ་བ་ཆེན་པོ་རང་གིས་རིག། དེ་བཞིན་ཏིང་འཛིན་དང་བྲལ་བའི།། བང་བ་སྨྲ་བར་ནུས་མ་ཡིན།། འགྱུར་མེད་ཏིང་འཛིན་ཐོབ་པ་ན།། རྣལ་འབྱོར་པ་ཡིས་རང་རིག ་འགྱུར། ། འགྱུར་མེད་ལས་སྐྱེས་བདེ་རིག་པ།། ཐམས་ཅད་མཁྱེན་ལའང་ཐེ་ཚོམ་ཟ།། དེ་ལྟ་ན་ཡང་ཡིད་བང་མིན།། ཆགས་བྲལ་ཉིད་དུ་མི་བྱའོ།། འཕོས་པ་ལས་ནི་ཆགས་བྲལ ་འགྱུར། ། ཆགས་བྲལ་ལས་ནི་སྡུག་བསྔལ་འབྱུང་།། སྡུག་བསྔལ་སྐྱེས་བུའི་ཁམས་ཟད་བྱེད།། ཟད་པ་ལས་ནི་འཆི་བར་བརྗོད།། ཤི་ནས་སླར་ཡང་དེ་རྣམས་ཀྱི།། སྲིད་པའོ་སྲིད་ལས ་སླར་འཆི་འཕོ། ། དེ་ལྟར་སེམས་ཅན་གྱི་སྲིང་བ།། ཆགས་བྲལ་ལས་འབྱུང་གཞན་དུ་མིན།། དེ་ཕྱིར་འབད་བ་ཐམས་ཅད་ཀྱིས།། འཕོ་བའི་ཆགས་པ་རྣམ་པར་སྤང་།། གང་གིས ་འགྱུར་མེད་བདེ་བར་འགྱུར། ། རྣལ་འབྱོར་འཁོར་བར་བཅིངས་པ་ཡིས།། འདོད་ལྡར་ཡང་ནི་ཆགས་བྲལ་བར།། འདོད་པའི་བསྟན་བཅོས་སུ་མི་འདོད།། བདག་གིས་བརྗོད་པའི ་རྒྱུང་ངུ་སླར། ། རྣལ་འབྱོར་བཅིས་སྡུག་བསྔལ་འདོད།། ཁུ་བ་མི་འགྱུར་རང་བཞིན་གྱིས།། མཆོག་ཏུ་མི་འགྱུར་བསྒྲུབ་པར་བྱ།། རྟེན་མི་འཕོ་བ་ཐོབ་པ་ན།། བརྟེན་པའི་འདོབམ ་བྲལ་བ་ཉིད། ། རྟེན་དང་བརྟེན་པ་ལེགས་རྫོགས་པ།། ཇི་སྲིད་འགྱུར་མེད་ཉིད་དུ་འགྲོ།། སེམས་ཀྱི་འགྱུར་མེད་ཉིད་ཐོབ་ན།། རྟེན་དང་བརྟེན་པའི་མཚན་ཉིད་མེད།། ་འགྱུར་མེད་ལས་བྱུང་སྐུ་ཡི་ནི།། མཛོད་སྤུའི་འཁོར་ལོར་སོན་པའི་ཡང་།། ཨཱ་ལི་ཀཱ་ལི་མཉམ་སྦྱོར་བ།། ཧཱུཾ་ཡིག་མི་འདོད་མི་ཡི་བདག། སྟོང་པ་ལས་བྱུང་གཟུགས་བརྙན་རྒྱུ།། མི་འགྱུར། ་ལས་སྐྱེས་བདེ་བ་འབྲས།། རྒྱུ་ནི་འབྲས་བུས་རྒྱས་བཏབ་པ།། འབྲས་བུ་རྒྱ་ཡིས་བཏབ་པའོ།། སྟོང་ཉིད་གཟུགས་བརྙན་འཛིན་པ་རྒྱུ།། སྙིང་རྗེ་འགྱུར་མེད་འཛིན་པ་འབྲས།། སྟོང་ཞིང ་སྙིང་རྗེ་དབྱེར་མེད་པ། ། བྱང་ཆུབ་སེམས་དེ་མི་འཕོ་བའོ།། མྱ་ངན་འདས་པ་བྲལ་བའི་གཟུགས།། འཁོར་བ་ལས་འདས་མི་འགྱུར་བ།། དེ་དག་སྦྱོར་བ་གཉིས་མེད་མཆོག། རྟག་དང་ཆ ་ལས་ངེས་པར་གྲོལ། ། དངོས་མེད་ལས་བྱུང་མཚན་ཉིད་ཕྱིར།། གཟུགས་ནི་དངོས་པོ་མེད་པ་མིན།། དངོས་པོ་ལས་བྱུང་མཚན་ཉིད་ཕྱིར།། འགྱུར་བ་མེད་པ་དངོས་པོ་མིན།། དངོས ་པོ་དངོས་མེད་ཡང་དག་སྦྱོར། ། རྡོ་རྗེའི་རྣལ་འབྱོར་གཉིས་མེད་མཆོག། གཟུགས་དང་གཟུགས་མིན་རྣམ་པར་གྲོལ།། པྲ་ཕབ་མེ་ལོང་ལ་བཞིན་རོ།། གཟུགས་ནི་སྲིད་པར་མི་འོང་སྟེ།། ་འགྱུར་མེད་མྱ་ངན་འདས་མི་འགྲོ།། ཕན་ཚུན་འཁྱུད་པ་ཞི་བ་སྟེ།། མ་ནིང་གི་ནི་གོ་འཕང་མཆོག། ཤེས་རབ་རྒྱུ་ལས་མ་བྱུང་ཞིང་།། ཤེས་རབ་རྒྱུ་ལས་བྱུང་བ་འབྲས།། ཤེས་རབ་རྒྱུ་ལ ་མ་སྐྱེས་ཕྱིར། ། ཤེས་རབ་ལ་སྐྱེས་རྒྱུ་སྐྱེས་མིན།། དེ་ཕྱིར་ཡེ་ཤེས་རྒྱུ་སྐྱེས་མིན།། ཤེས་རབ་ཡེ་ཤེས་བླ་ན་མེད།། འབྲས་བུ་རྒྱུ་ཡིས་གཞན་དང་གཞན།། ཕན་ཚུན་དུ་ནི་རྒྱས་བཏབ་མེད།། ་རྒྱུ་དང་འབྲས་བུ་ཐམས་ཅད་གང་།། དེ་ནི་རྟེན་ཅིང་འབྲེལ་པར་འབྱུང་།། ཕན་ཚུན་རྒྱ་ཡིས་བཏབ་པའི་གཟུགས།། སྐྱེ་མིན་མྱ་ངན་འདས་པའང་མིན།། ཤེས་རབ་ཀུན་ནས་མྱ་ངན ་འདས། ། སྐྱེ་བ་མཆོག་ཏུ་འགྱུར་བ་མེད།། རྒྱུ་དང་འབྲས་བུ་རྣམ་ངས་གྲོལ།། ཕན་ཚུན་དུ་ནི་རྒྱས་བཏབ་མེད།། མ་སྐྱེས་པ་དང་མ་འགགས་པའི།། ཤེས་བྱ་གང་ཞིག་འདིར་མཐོང ་པ། ། དེ་ནི་རང་སེམས་གཞན་མ་ཡིན།། ཕྱི་ཡི་ཤེས་བྱ་རྣམ་འབྱེད་ཕྱིར།། དེ་ཕྱིར་བདག་གིས་བདག་ཉིད་ལ།། འགར་ཡང་རྒྱས་གདབ་ནུས་མ་ཡིན།། རལ་གྲི་ཆེན་པོ་བདག་ཉིད་ལ།། ་བདག་ཉིད་སོ་ཡི་གཅོད་དམ་ཅི།། མོ་གཤམ་བུ་མོ་དང་འགྲོགས་པས།། རྨི་ལམ་དུ་ནི་བདེ་འགྱུར་ལྟར།། ནམ་མཁའ་ལས་བྱུང་གཟུགས་བརྙན་ནི།། བསྟེན་པས་བདག་ལ་དེ་བཞིན་ནོ།། ་ཤེས་རབ་མ་ཡིན་ཐབས་ཀྱང་མིན།། འདི་ནི་ལྷན་སྐྱེས་ཤེས་རབ་བཅས།། ཀུན་ནས་བདེ་བ་རྫོགས་པ་ལས།། སྒྲུབ་པ་ཐམས་ཅད་སྤངས་པ་སྟེ།། ནམ་མཁའ་བཞིན་དུ་གོས་པ་མེད།། ཡུལ ་དང་དབང་པོ་སྤངས་པ་ནི། ། ཀུན་ནས་འབྱུང་པོ་ཀུན་ལ་གནས།། གཅད་དུ་མེད་པ་དབྱེ་བ་སྤངས།། རང་བྱུང་རྡོ་རྗེ་སེམས་དཔའ་འདི།། དོན་ཆེན་མཆོག་ཏུ་མི་འགྱུར་བ།། འདོད་ཆགས་ཆེན ་པོ་སེམས་དཔའ་ཆེ། ། སེམས་ཅན་ཐམས་ཅད་དགའ་བར་བྱེད།། བྱང་ཆུབ་སེམས་དཔའ་ཞེ་སྡང་ཆེ།། ཉོན་མོངས་ཟད་པ་དགྲ་ཆེན་པོ།། དམ་ཚིག་སེམས་དཔའ་ག ་མུག་ཆེ། ། གཏི་མུག་བློ་སྟེ་གཏི་མུག་སེལ།། རྡོ་རྗེའི་རྣལ་འབྱོར་ཁྲོ་བ་ཆེ།། ལྷ་མི་ནི་ཁྲོ་བོ་དགྲ་ཆེན་པོ།། དུས་ཀྱི་འཁོར་ལོ་ཆགས་པ་ཆེ།། འཕོ་བའི་ཆགས་པ་སེལ་བར་བྱེད།། རྡོ་རྗེ་མི་ཕྱེད ་ཅེས་པར་བརྗོད། ། འདིར་ནི་དོན་ཆེན་བཅོམ་ལྡན་འདས།། སེམས་དཔའ་སྲིད་གསུམ་གཅིག་པ་ཉིད།། མཆོག་ཏུ་མི་འགྱུར་བརྗོད་པར་བྱ།། མཆོག་ཏུ་མི་འགྱུར་བདེ་བ་རྫོགས།། ས་རྣམས ་ཡོངས་སུ་རྫོགས་པ་ཡིས། ། འདོད་ཆགས་ཆེན་པོ་སེམས་དཔའ་ཆེ།། སེམས་ཅན་ཐམས་ཅད་དགའ་བར་བྱེད།། བྱང་ཆུབ་ལ་གནས་སེམས་དཔའ་ནི།། མི་གཡོད་ཕྱིར་བྱང་ཆུབ་སེམས།། ་ཉོན་མོངས་ལ་སོགས་ཞེ་སྡང་ཚོགས།། ཞེ་སྡང་ཆེན་པོ་དགྲ་ཆེ་བ།། དམ་ཚིག་ཟླ་བ་བདུད་རྩི་ཡི།། ཁུ་བ་འཕོ་མེད་དེ་ཟ་བ།། དམ་ཚིག་སེམས་དཔའ་འོ་རིགས་པ་འདིས།། གཏི་མུག ་བློ་སྟེ་གཏི་མུག་སེལ། ། རྡོ་རྗེ་ཐམས་ཅད་གཅིག་པ་ཉིད།། ཤེས་རབ་སྐུ་དང་མི་འགྱུར་བཅས།། ཁྲོ་བོ་ཆེན་པོ་དགྲ་ཆེན་པོ།། ཁྲོ་བོའི་གཟུགས་ཅན་བདུད་རྣམས་ཀྱིས།། འགྱུར་མེད ་བདེ་བ་ཆེ་ཐབས་ལས། ། ནམ་ཡང་སེམས་ཅན་དོན་མི་འདོར།། སེམས་ཅན་གྲོལ་ནས་ཆགས་ཆེན་པོ།། འགྱུར་བའི་ཆགས་པ་སེལ་བར་བྱེད།། འདི་རྣམས་རྣམ་པ་དྲུག་ཏུ་བརྗོད།། མཾ ་འགྱུར་ཡེ་ཤེས་ཚོར་བ་དང་། ། རྣམ་ཤེས་གཟུགས་དང་འདུ་བྱེད་དང་།། འདུ་ཤེས་དེ་རྣམས་ཕུང་པོའི་རིགས།། ཡེ་ཤེས་མེ་དང་ནམ་མཁའ་ས།། རླུང་ཆུ་རྣམས་ཀྱི་རིམ་པ་བཞིར། ་ཡིད་མིག་རྣ་བ་ལུས་དང་སྣ།། ལྕེ་རྣམས་ཀྱི་ཡང་དེ་བཞིན་ཉིད།། སྒྲ་རོ་ཆོས་ཀྱི་དབྱིངས་དང་དྲི།། རེག་བྱ་ཁ་དོག་རྣམས་ཀྱི་ཡང་།། ཁྲོ་བོའི་རྒྱལ་པོ་གདོང་དྲུག་འཇིགས།། རིགས་དྲུག ་རྣམས་ཀྱི་ཡོངས་དག་པ། ། ལུས་ངག་གསང་བ་དབང་པོ་སེམས།། རྟག་ཏུ་དཀྱིལ་འཁོར་རྣམ་པ་གསུམ། ཤེས་རབ་ཐབས་ཀྱི་རྡོ་རྗེ་གསུམ།། རྡོ་རྗེ་སེམས་དཔའ་ཉིད་དུ་འགྱུར ་འདི་ནི་དབང་གི་སྒྲུབ་ཐབས་ཏེ། ། མཆོག་ཏུ་མི་འགྱུར་སྒྲུབ་པའི་ཐབས།། རྩ་དང་རིགས་དང་ཡང་དག་ལྡན།། ཟླ་བ་མདོར་བསྟར་པ་ཡིས་བཤད།། ཅེས་པ་འཇིག་རྟེན་ཁམས་ཀྱི ་ལེའུར་ལེའུ་ལྔ་པའི་མཆོག་ཏུ་མི་འགྱུར་བའི་དབང་གི་སྒྲུབ་ཐབས་མདོར་བསྟན་པ་རྫོགས་སོ། ། ། འདི་ནི་ཁ་ཆེའི་པཎྜི་ཏ་སོ་མ་ནཱ་ཐ་དང་། བོད་ཀྱི་ལོ་ཙ་བ་འགྲོ་དགེ་སློང ་