| Wylie | e-texts produced with BDRC’s OCR application |
། རྒྱ་གར་སྐད་དུ། རི་གཱི་ཨཱ་ར་ལི་ཏནྡྷ་རཱ་ཛ་ནཱ་མ། བོད་སྐད་དུ། རི་གི་ཨཱ་ར་ལིའི་རྒྱུད་ཀྱི་རྒྱལ་པོ་ཞེས་བྱ་བ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ།། འདི་སྐད་བདག ་གིས་ཐོས་པ་དུས་གཅིག་ན། བཅོམ་ལྡན་འདས་རི་གི་རྣམ་པའི་ཨོཾ་ཝཾ་སྡོམ་པ་ལ་བཞུགས་སོ།། གཉིས་མེང་གཉིས་ཀྱི་རྣལ་འབྱོར་གྱི།། ཨཱ་ར་ལི་དང་རི་གིར་བརྟགས།། རི་གི་རྣལ་འབྱོར་དཔ ་ཕྱུག་གཙོ། ། དེ་ལ་ཨཱ་ར་ལིས་ཞུས་པ།། གནས་ཀྱི་རྣམ་པ་དུ་ཞིག་ལགས།། ཉེ་གནས་རྣམ་པ་དུ་རུ་འགྱུར།། དེ་ལ་ཞིང་གི་རྣམ་པ་དུ།། ཉེ་ཞིང་རྣམ་པ་དུ་རུ་གསུངས།། ་ཚན་དོ་རྣམ་པ་དུ་རུ་བརྗོད།། ཉེ་བའི་ཚན་དོ་རྣམ་པ་དུ།། དེ་ལ་འདུ་བ་གང་ཞིག་ལགས།། དེ་བཞིན་ཉེ་བའི་འདུ་བ་ཅི།། དེ་ལ་དུར་ཁྲོད་རྣམ་པ་དུ།། ཉེ་བའི་དུར་ཁྲོད་ཇི་ལྟར་ལགས།། དེ་ལ་ལྷ་མོ་རི ་གི་ཆེ། ། རྣལ་འབྱོར་རྣལ་འབྱོར་ཆེར་གནས་པས།། ཨ་ར་ལི་དང་བདེར་གོ་བར།། ས་བཅུ་རྣམས་ནི་རབ་ཏུ་ཕྱེ།། གནས་ནི་ཤར་གྱི་ལུས་འཕགས་པོ།། དེ་བཞིན་དུ་ནི་བ་གླང་སྤྱོད།། གནས་ནི་བྱང ་གི་སྒྲ་མི་སྙན། ། གནས་ནི་དེ་བཞིན་འཛམ་བུ་གླིང་།། གླིང་བཞིར་ལྷ་མོ་བཞི་དང་ནི།། རི་རབ་སྤྱི་བོར་རི་གི་བཞུགས།། ཨཱ་ར་ལི་དང་མཉམ་སྦྱོར་བས།། གཉིས་ཀྱིས་མཉམ་སྦྱོར་གཉིས་མེད ་ལས། ། སི་སའི་འདོད་པའི་ལྕུག་མ་དང་།། པད་ཆེན་དེ་བཞིན་སྡོམ་པ་མ།། ལྗང་ཀུ་སེར་མོ་བཙོད་མདོག་དང་།། དམར་མོ་རུ་ནི་ཡོངས་སུ་གྲགས།། ཞལ་གཅིག་མ་ནི་ཕྱག་གཉིས་དང་།། ་གཡས་ན་ཆུ་གྲི་འཛིན་མ་སྟེ།། གཡོན་ན་རྣལ་འབྱོར་ལྷུང་བཟེད་ཉིད།། གཅེར་བུ་མགོ་སྐྱེས་གྲོལ་བའོ།། ཨཱ་ར་ལི་ཡི་སྐུ་མདོག་གནག། སྤྱན་གསུམ་ཕྱག་དྲུག་ཨཱ་ར་ལི།། རི་གི་སྔོན་མོ་སྤྱན་གསུམ ་མ། ། ཕྱག་གཉིས་ཞགས་པ་ལྕགས་ཀྱུ་འཕྱར།། རྡོ་རྗེ་ར་ལིའི་ཕྱག་གཉིས་ཀྱིས།། རི་གི་དགེ་བའི་བཤེས་གཉིས་འཁྱུད།། གཡས་ཀྱི་ཕྱག་གཉིས་དག་ཏུ་ནི།། རྡོ་རྗེ་དང་ནི་ཅང་ཏེའུ་བརྟགས།། ་གཞན་དག་ཏུ་ནི་དགྲ་སྟ་དང་།། ཐོད་པར་མགོ་བོ་འཛིན་པ་ཉིད།། གནས་སུ་སེམས་དང་ཉེ་བའི་གནས།། ས་དང་ཆུ་དང་མེ་དང་རླུང་།། འདིར་ཡང་ལྷ་མོ་རྣམ་པ་བཞི།། ཁ་དོག་དབྱེ་བ་གོང་མ་བཞིན།། ་མི་བཟང་རྣོན་པོ་སྒྱུ་མ་ཆེ།། མཐོན་པོ་གསུང་གི་འཁོར་ལོ་ལའོ།། ཤར་སྒོ་དེ་བཞིན་དུ་ནི་ཞིང་།། ཉེ་བའི་ཞིང་ནི་ལྷོ་རུ་འགྱུར།། ཚན་དོ་ཧ་ནི་ནུབ་ཀྱི་སྒོ།། ཉེ་བའི་ཚན་དོ་ཧ་ནི་བྱང་།། ཟ་དང་མ་ཧེ་ཉིད་དང་ནི།། ་རྟ་མགྲིན་གླང་པོའི་རྒྱལ་མཚན་ཉིད།། འདི་རྣམས་སྒོ་དང་སྒོ་རུ་ནི།། ཁ་དོག་དབྱེ་བ་གོང་མ་བཞིན།། གསུང་གི་འཁོར་ལོའི་མཚམས་སུ་ནི།། འདུ་བ་ཉེ་བའི་འདུ་བ་ཉིད།། སྐུ་ཡི་འཁོར་ལོའི་མཚམས ་སུ་ནི། ། དུར་ཁྲོད་ཉེ་བའི་དུར་ཁྲོད་ཉིད།། སྐུ་གསུམ་འཁོར་ལོའི་མཚམས་སུ་ནི།། དམྱལ་བ་དག་ནི་རྟག་ཏུ་བྲི།། སྐུ་ལ་གྲང་བའི་དངོས་པོ་བཞི།། གསུང་ལ་དེ་བཞིན་ཚ་བ་བཞི།། རི་གཱི་ཨཱ་ར་ལིའི་སྦྱོར ་བ་ལེའུ་དང་པོའོ། ། ། ལྷ་མོ་རི་གི་སྙིང་རྗེ་ཆེ།། ཨཱ་ར་ལི་ནི་ཉིད་ཀྱིས་ཞུས།། ཇི་ལྟར་འཁོར་ལོའི་མཚམས་བརྒྱད་དུ།། དམྱལ་བ་བརྒྱད་ནི་རྣམ་པར་སྒོམ།། རི་གིས་བཀའ ་སྩལ་པ། ཇི་སྙེད་པའི་སེམས་ཅན་གྱི་བསྡུ་བས་བསྡུས་པ་སྒོ་ང་ལས་སྐྱེས་པ་དང་། མངལ་ནས་སྐྱེས་པ་དང་། དྲོད་གཤེར་ལས་སྐྱེས་པ་དང་། རྫུས་ཏེ་སྐྱེས་པ་དང་། གཟུགས་ཅན་དང་། གཟུགས་མེད་པ་ཅན ་ནམ། འདུ་ཤེས་ཅན་དང་། འདུ་ཤེས་མེད་པ་ཅན་དེ་དག་ཐམས་ཅད་ཨཱ་ར་ལི་དམྱལ་བར་འཚེད་པར་འགྱུར་རོ།། དེ་ནས་གདོན་པའི་བློས་ཨེ་ཝཾ་རྣམ་པར་གཞུག་པར་བྱའོ།། སྟོང་པ་ཉིད་ནི་བསྒོམས་ནས་ནི།། ཧཱུཾ་ནི ་@སྙིང་ཀར་བསྒོམ་པར་བྱ། ། ཧཱུཾ་ལས་སྣ་ཚོགས་རི་ངག་ཡིན།། རྡོ་རྗེ་ལས་ནི་ཨཱ་ར་ལི།། འབྱུང་བ་ཉིད་དུ་འགྱུར་བ་ཉིད།། མང་དུ་བརྗོད་པས་ཅི་ཞིག་བྱ།། ཨ་ཝཾ་རྣམ་པ་ཆེས་གསང་བར།། ་སངས་རྒྱས་རིན་ཆེན་གབ་ཙར་ནི།། རྫོགས་པའི་དཀྱིལ་འཁོར་དུ་ནི་འགྱུར།། ཨོཾ་ཨཱ་ར་ལི་རི་གི་ཕེཾ་ཕེཾ་བྷྱོ་སྭཱ་ཧཱ། ཆར་དབབ་པའི་ཆོ་ག་བཤད་པར་བྱའོ།། ས་ཡི་བདག་པོ་བླངས་ནས་ནི།། ནོར་རྒྱས་བུ་ནི་མཁས ་པར་བྱ། ། ཐོད་པ་སྦྱར་མར་བཞག་ནས་ནི།། བ་ཡི་འོ་མས་དགང་བར་བྱ།། དེ་ཡི་སྦྱོར་བས་བཀང་ནས་ནི།། ངེས་པར་སྲད་བུ་ནག་པོས་དཀྲི།། ཆུ་ཡི་འགྲམ་དུ་རང་སོང་སྟེ།། རི་གི་ཨཱ་ར་ལི་སྦྱོར་བས།། ་སྔགས་པས་སྔགས་ནི་ཁྲི་བཟླས་ན།། ཀླུ་ནི་འཁྲུགས་པར་ཆར་པ་འབེབས།། རྨི་ལམ་གྱི་ལས་བཤད་པར་བྱ་སྟེ། རྣལ་འབྱོར་བདག་གི་མལ་འོག་ཏུ།། ད་དུ་ར་ཡི་ཁུ་བ་དང་།། དུར་ཁྲོད་སོལ་བ་བསྲེས་པ་དང་།། ་བུའུབུག་པའི་སྒྲོ་རྩའི་སྦུ་གུ་ཡིས།། རོ་དཀྲིས་དམར་པོའི་གོས་ལ་ནི།། བསྒྲུབ་བྱའི་མིང་ནི་རང་གིས་བྲིས།། དེ་ལ་རྣལ་འབྱོར་མ་འདུག་ནས།། ཨཱ་ར་ལི་ནི་ཁྲི་རུ་བཟླས།། ཨོཾ་ཨཱ་ར་ལི་རི་གི་ཕེཾ། ཨ་མུ་ཀང་ཀེ། མྲ ་མེ་ཏཾ་སྭ་བྷཱ་དཪྴ་ཡ་བྷྱོ་སྭཱ་ཧཱ། ཁྲག་དགུག་པ་བཤད་པར་བྱ་སྟེ། རྣ་ཚོལ་བརྟག་པར་བྱས་ནས་ནི།། གོང་བུ་མདུན་དུ་དགོད་པར་བྱ།། རི་གི་ཨཱ་ར་ལིའི་སྦྱོར་བས།། དབུགས་ཀྱི་གོང་བུ་དགུག་པར་བྱ།། ཁབ་ཀྱི ་ཕྱག་རྒྱ་མཆུ་བྱས་ནས། ། དང་པོ་ལྕེ་ཡི་བྱེད་པ་པོས།། ཇི་ལྟར་ཚ་བའི་གོང་བུ་བཞིན།། ཤེས་རབ་ཅན་གྱིས་སྦྲང་ཆེན་དགུག། ཁབ་ཀྱི་ཕྱག་རྒྱ་གཉིས་པ་ནི།། མགྲིན་སྒྲས་དལ་གྱིས་ཡོངས་སུ་གཟིར། ་འཇུག་པའི་ལས་ཡང་དག་པར་རབ་ཏུ་བཤད་པར་བྱ་སྟེ། ཇི་ལྟར་སྤྱོད་པའི་གཟུགས་བལྟས་ནས།། བདག་ཉིད་རི་གི་ཡི་གཟུགས་སུ།། རི་གི་ཨཱ་ར་ལིའི་སྦྱོར་བས།། མགོ་ནི་འོག་ཏུ་རྣམ་པར་སྒོམ། ་ཨོཾ་བཛྲ་ཨཱ་ར་ལི་ཕཊ་ཡ་ཏོ་ཏ་ཡ་ཕེཾ་ཕེཾ་སྭཱ་ཧཱ། རེངས་པར་བྱེད་པ་བཤད་པར་བྱ་སྟེ། དགྲ་བོ་ཉིད་ཀྱི་ལྕེ་ལ་ནི།། བུ་རབ་གོང་བུ་བསྒོམ་པར་བྱ།། ཨོཾ་རི་གི་བྷུནྣ་གྷུརྞྞ་ཤ་ཧཱུཾ་ཕཊ། དགྲ་བོའི་དྲི་མས་གཟུགས་བརྙན ་བྱ། དེ་ཡི་སྒྲ་ཡིས་དཀྲི་བར་བྱ།། ཚ་བ་གསུམ་གྱིས་ཁ་བཀང་ནས།། གཟུགས་བརྙན་ཁ་རུ་གཞག་པར་བྱ།། ཨོཾ་ཨཱ་ར་ལི་མ་མེ་ཨ་མུ་ཀཾ་ཀཾ་ཀཾ་ས་ར་ཡ་ཕཊ་ཕཊ་ཕཊ་སྭཱཧཱ། དབང་དུ་བྱ་བ་ལ། བདག་གི ་གཡོན་པའི་མིག་ཏུ་ནི། ། ཨེ་ཝཾ་རྣམ་པར་བསྒོམ་པར་བྱ།། དེ་ཡི་གཡས་པའི་མིག་ཏུ་ནི།། རྡོ་རྗེ་འཕྲོ་བའི་རྣམ་པ་སྒོམ།། དེ་དག་འདུས་པའི་སྦྱོར་བ་ནི།། རི་གི་ཨཱ་ར་ལི་ས་སྦྱོར་བས།། མཛེས་མ་དབང ་དུ་བྱེད་པར་འགྱུར། ། བདག་ཉིད་བསྲུང་བར་བྱ་བ་དང་།། གནས་ནི་སྦྱང་བ་ཉིད་དང་ཡང་།། ཡེ་ཤེས་འཁོར་ལོ་གཞུག་པ་དང་།། ཐུགས་སོགས་བྱིན་གྱིས་བརླབ་པ་དང་།། ཡན་ལག་དགོད་པར་བྱ། ་བ་དང་།། དེ་བཞིན་ལྷ་ཡི་དབང་བསྐུར་དང་།། ལྷ་མོ་རྣམས་ཀྱི་སྔགས་འབྱུང་བ།། ཨཱ་ར་ལིས་ནི་རྟག་ཏུ་བྱ།། ཨོཾ་དང་ཨཱཿཧཱུཾ་བྱིན་གྱིས་བརླབ།། དེ་ཉིད་གསུམ་ནི་རིགས་གསུམ་འབྱུང་།། བྱིན་རྣ ་ལས་ནི་འགྲུབ་པར་འགྱུར། ། ལས་རྣམས་ཐམས་ཅད་རབ་སྦྱིན་དགེ། སྙིང་དབུས་རང་གི་ས་བོན་གྱི།། ལྕགས་ཀྱུས་ཨཱ་ར་ལི་ཕྱུང་ནས།། ཡེ་ཤེས་འཁོར་ལོ་དགུག་པར་བྱ།། བཀུག་ནས་དམ་པོར ་བཅིང་བར་བྱ། ། དྲེ་ཌྷོ་མེ་བྷ་ཝ། སུ་ཏོཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སརྦ་སིདྡྷིམྨེ་པྲཙྪ་ཨེ་ཧྱེ་ཧི་བྷ་ག་བ~ཾ་ཏཱི་རི་སྭཱ་ཧཱ། སྤྱི་བོ་སྙིང་དང་དེ་བཞིན་མགྲིན།། ལྟེ་བ་གསང་བའི་གནས ་སུ་ནི། ། ཞགས་པའི་ཕྱག་རྒྱའི་སྦྱོར་བ་ཡིས།། དམ་པོ་ལ་སོགས་བཅིང་བར་བྱ།། ཧ་ཧི་ཧ་ཧི་དེ་བཞིན་དུ།། ཧུ་ཧུ་ཧོ་ཧོ་དེ་བཞིན་ཏེ།། ལུས་ཀྱི་གནས་ནི་བརྒྱད་རྣམས་སུ།། ཡན་ལག་དགོད་པར་བྱ་བ་ཉིད།། ་སྤྱི་བོ་མཚན་ཁུང་ལྟེ་བ་དང་།། ཁ་དང་དེ་བཞིན་མིག་གཉིས་དང་།། རྐང་མཐིལ་གསང་བ་ཉིད་དུ་ནི།། ཡན་ལག་དགོད་པར་རབ་ཏུ་གྲགས།། སྔགས་ནི་རིམ་པ་ཡིས་ནི་མཚོན།། ལག་པ་བ་སྤུའི་ཁུང་ཀུན་ནས།། ་རི་གིའི་འོད་ཟེར་སྤྲོ་བར་བྱ།། ལྕགས་ཀྱུའི་ཕྱག་རྒྱ་རབ་སྦྱོར་བའི།། ཡང་ནི་ཕྱིས་ནི་བསྡུ་བར་བྱ།། རི་གི་ཧཱུཾ་སཾ་ཀཾ་མཾ་ས་ཉིད།། ཐུགས་ཀྱི་འཁོར་ལོར་རབ་ཏུ་གྲགས།། གཾ་ཏཱཾ་མཾ་ཡུཾ་ཞེས་བྱ་བ།། གསུང་གི་འཁོར་ལོར ་གྲགས་པའོ། ། ཛ་མ་ཧཱ་ཀཾ་ཨ་ཉིད་ནི།། སྐུ་ཡི་འཁོར་ལོར་རབ་ཏུ་གྲགས།། རི་གི་སྔགས་ཀྱི་གདོན་པ་ནི།། རིམ་པ་ཡི་ནི་མཚོན་པར་བྱ།། རང་གི་སྙིང་ལས་འོད་ཟེར་བྱུང་།། ལྕགས་ཀྱུའི་ཕྱག་རྒྱ་རབ་སྦྱོར ་བས། ། ཕྱོགས་བཅུར་རྣམ་པར་བཞུགས་པ་ཡི།། རྫོགས་པའི་སངས་རྒྱས་དེས་བཀུག་ནས།། ཆོ་གས་འདོད་པས་མཆོད་ནས་ནི།། དབང་ནི་བློ་དང་ལྡན་པས་བླང་།། ཨོཾ་སརྦ་ཏ་ཐཱ་ག་ཏཱ་ཌཱ་ཀི་ནྱཱ་ནུ་ག་ཏ་མ་ཧཱ ་བྷི་ཥེ་ཀཱ་ནུ་ད་ནུ་ཞེས། བདུད་རྩི་ལྔས་གང་བུམ་པ་ནི།། སངས་རྒྱས་ལྔ་ཡི་རང་བཞིན་གྱི།། དེས་ནི་ལྷ་རྣམས་དབང་བསྐུར་བྱ།། ལྷ་ཡི་དབང་ལས་བདེ་བ་ཉིད།། ཨོཾ་སརྦ་ཏ་ཐཱ་ག་ཏ་ཌཱ་ཀི་ནྱ་བྷི་ཥེ་ཀ་བཛྲ་སྭ་བྷཱ ་ཝ་ཨཱཏྨ་ཀོཧཾ། གྲུ་གསུམ་མེ་ཡི་ས་བོན་གྱིས།། སྣང་བྱེད་རྣམ་པར་བསྒོམ་པར་བྱ།། སྙིང་ཀར་ཧཱུཾ་ལས་རིགས་བདག་ཉིད།། དེ་ཉིད་ཀྱི་ནི་དེ་རུ་འགྱུར།། དེ་ནས་རྡོ་རྗེ་ལས་བྱུང་ཀུན།། རྡོ་རྗེ་གུར་དང་ར་བ་ཉིད།། རི་གི ་ཨཱ་ར་ལི་གནས་སུ། ། བདག་ཉིད་རྟག་ཏུ་བསྲུང་བར་བྱ།། དམྱལ་བ་བརྒྱད་ནི་ཐོད་པ་ཡི།། དཀྱིལ་འཁོར་འཕར་མ་གསུམ་གནས་པའི།། མཁའ་འགྲོ་མ་ཡི་དྲ་བ་སྡོམ།། འཁོར་ལོ་གཡས་སུ་བསྐོར་བ་ཡིན།། ཞབས ་གཡོན་བརྐྱང་བའི་ཨཱ་ར་ལི། ། སེམས་ཀྱིས་འཇིགས་བྱེད་མནན་ནས་ནི།། རི་གི་ཤིང་ལ་མངོན་ཞོན་པ།། ཞབས་ལ་ཞབས་ཀྱིས་བསྐོར་བར་བྱ།། རྣལ་འབྱོར་མ་ཀུན་ཐོད་པར་གནས།། གར་གྱི་རྐང་པས ་ཕྱོགས་སུ་གནས། ། ཚ་དང་གྲང་བའི་རབ་དབྱེ་བས།། མཚམས་སུ་ཐོད་པ་བརྒྱད་པོ་ཡིན།། ལས་ཐམས་ཅད་རབ་ཏུ་བསྡུས་པ་ཞེས་བྱ་བའི་གླེང་གཞིའི་ལེའུ་སྟེ་གཉིས་པའོ།། །། རི ་གི་ཨཱ་ར་ལིས་ཞུས་པ། ། བརྡ་ཡི་རྣམ་པ་དུ་ཞིག་ལགས།། དེ་ལ་ལྷ་མོ་རི་གི་ཆེས།། བརྡ་ནི་ཡང་དག་རབ་ཏུ་ཕྱེ།། བཛྲ་ནི་ཆེན་པོ་སྣོམ་བཅུ།། བདག་ཉིད་སྔོན་དུ་བྱེད་པ་ཉིད།། གང་གིས་རྣམ་པར་ཤེས ་ཙམ་གྱིས། ། སྒྲུབ་པོ་དངོས་གྲུབ་ཐོབ་འདོད་ན།། གནས་ནི་དཔྲལ་བའི་རྒྱབ་ཏུ་འདོད།། ངོས་ནི་ཉེ་བའི་གནས་ཉིད་དེ།། པུས་མོ་ཚན་དོར་འགྲོ་བར་འགྱུར།། དཔྲལ་བར་ཉེ་བའི་ཚན་དོ་ཉིད།། ལག་པ ་གཡས་པ་འདུ་བ་ཉིད། ། གཡོན་པ་ཉེ་བའི་འདུ་བ་ཉིད།། རྣ་བ་གཡས་པ་དུར་ཁྲོད་གནས།། གཡོན་པ་ཉེ་བའི་དུར་ཁྲོད་དོ།། སྙིང་ནི་ཞིང་དུ་ཡང་དག་འགྱུར།། ལྷག་མ་ཉེ་བའི་ཞིང་ཉིད་དང་།། ཚོང་རྡལ ་ཉམས་དགའ་ཚོང་དུས་དང་། ། མ་མོའི་ཁྱིམ་དུ་རྟག་ཏུ་བལྟ།། བརྡ་ཡི་རྣམ་པར་ཤེས་པར་བྱ།། རང་གི་མཚན་མ་རང་གིས་སྟོན།། རིལ་བུ་མིག་སྨན་ལ་སོགས་པ།། མཆོག། ་ནི་རབ་ཏུ་སྨིན་པར་འགྱུར།། ཨཱ་ར་ལི་ཡིས་ལྷ་མོ་ཞུས།། ཡེ་ཤེས་དམ་པ་ཇི་ལྟར་ལགས།། གང་གིས་རྣམ་པར་ཤེས་ཙམ་གྱིས།། སྒྲུབ་པོ་དངོས་གྲུབ་ཐོབ་འགྱུར་བ།། འབྲས་ཕྱིར་བྱང་ཆུབ ་ཐོབ་འགྱུར་བའི། ། ཏིང་འཛིན་ལྷ་མོ་རི་གི་སྟེ།། མཆོག་ཏུ་བདེ་བ་ཆེན་པོ་ཉིད།། སྲུབ་དང་སྲུབ་བྱེད་ལས་བྱུང་བ།། ཀུན་མཁྱེན་ཡེ་ཤེས་ཡང་དག་འབྱུང་།། སེམས་པ་ཐམས་ཅད་ཡོངས་སུ་སྤངས།། ་དབང་པོ་ཐམས་ཅད་བཟློག་པར་བྱ།། དགོན་པ་དབེན་པའི་གནས་སུ་ནི།། གཉིས་གཉིས་ཐམས་ཅད་རྣམ་པར་སྤངས།། མིག་དག་སྟེང་དུ་བཟློག་ནས་ནི།། སྨིན་མའི་དབུས་སུ་སེམས་བྱས་ནས།། ་མི་བཟད་མུན་པའི་གཟུགས་སུ་ནི།། སྒྲུབ་པོས་དང་པོ་མཐོང་བར་འགྱུར།། ཕྱིས་ནི་རྣ་བ་གཡོན་པར་བཅུག། དལ་གྱིས་དལ་གྱིས་འགུལ་བར་འགྱུར།། ཡན་ལག་ཅན་གྱི་བདེ་བ་གང་།། དེ་བཞིན ་ཕྱག་རྒྱ་ཆེན་པོ་བདེ། ། ཕྱི་ཡི་ཕྱག་རྒྱ་ངང་གིས་འཇིགས།། དེ་ཡིས་ཡེ་ཤེས་ཀྱང་ནི་འཇིག། བདེ་བ་ཆེན་པོར་རྟོགས་པའི་ཕྱིར།། དེ་ཡི་ཡེ་ཤེས་ཕྱག་རྒྱ་བ།། འདི་ཉིད་ཡེ་ཤེས་ཆེན་པོ་ཉིད།། རང ་གིས་རིག་པའི་རང་བཞིན་ཅན། ། གཞོན་ནུའི་དགའ་བ་ཇི་ལྟ་བུར།། གཞན་དུ་བརྗོད་པར་མི་ནུས་སོ།། ལྷན་ཅིག་སྐྱེས་པའི་རྣལ་འབྱོར་འདི།། སེམས་ཅན་གསོལ་འདེབས་སེམས་ཀྱིས་ནི།། སེམས ་ཅན་ཀུན་ལ་སྙིང་རྗེ་ཡིས། ། འདི་ནི་རྣལ་འབྱོར་གཙོ་བོ་ཉིད།། འདི་ལ་གོམས་པའི་རྣལ་འབྱོར་གྱིས།། ནམ་མཁའ་མཉམ་པའི་སེམས་ཀྱིས་ནི།། སྙིང་རྗེ་མཐུ་ཆེན་རྣལ་འབྱོར་པས།། འགྲུབ་འགྱུར་འདི་ལ ་ཐེ་ཙོམ་མེད། ། དང་པོར་མུན་པ་མཐོང་བར་འགྱུར།། གཉིས་པ་དཀར་དང་དུ་བ་འཐུལ།། གསུམ་པ་མེ་ཁྱེར་རྣམ་པ་ལྟར།། བཞི་པ་ཡ་བའི་མེ་ཏོག་བཞིན།། ལྔ་པ་སྤྲིན་མེད་ཡེ་ཤེས་ནི།། རང་བཞིན ་ཡང་དག་རིག་པ་སྤངས། ། སྤྲིན་མེད་ནམ་མཁའ་ལྟ་བུ་ནི།། དེ་ཡོད་ཐམས་ཅད་མཁྱེན་པའི་རྒྱུ།། རྟག་ཏུ་གོམས་པའི་རྣལ་འབྱོར་གྱིས།། རྩེ་གཅིག་སེམས་ཀྱིས་རི་གར་འགྱུར།། ཡེ་ཤེས་བདུད་རྩི ་རྟག་འཐུངས་པས། ། བཀྲེས་པས་ཟིལ་གྱིས་མི་ནོན་ཅིང་།། སྐོམ་པ་ཡིས་ཀྱང་ཟིལ་མི་ནོན།། རྒ་དང་ན་བས་གཟིར་མི་འགྱུར།། འདི་ཡི་ཐབས་ཀྱིས་རྣལ་འབྱོར་གྱིས།། རི་གི་ཐམས་ཅད་རིག་པར་འགྱུར།། ་དེ་ནས་རྣལ་འབྱོར་པ་ཆེན་པོ།། ཨཱ་ར་ལི་ནི་ཉིད་ཀྱིས་ནི།། དམ་དུ་འཁྱུད་པར་འོ་མཛད་པས།། རི་གི་ལ་ནི་གུས་པར་ཞུས།། ཨ་ཝ་མ་ཡཱ་ཅི་ཞིག་བཤད།། ཨེ་ཡི་རྣམ་པས་ས་རུ་བཤད།། ཝཾ་གི་རྣམ ་པ་དེ་བཞིན་ཆུ། ། མ་ནི་མེ་ཞེས་བྱ་བར་བརྗོད།། ཡཱ་ནི་རྣམ་པ་རླུང་དུ་གསུངས།། རི་གི་སྡོམ་པ་ཅི་ཞིག་བཤད།། རི་གིས་བཀའ་སྩས་པ། རི་གིས་མཁའ་འགྲོ་མར་ནི་གསུངས།། སྡོམ་པ་དམ་པར་གྱུར་པ་འདི།། ་རི་གི་ཨེ་ཝཾ་སྡོམ་པ་ནི།། ཨ་ཝཾ་རྣམ་པ་རྣ་བར་གནས།། རི་ག་སྣ་ཡི་རྩེ་མོར་ནི།། རྟག་ཏུ་རི་གི་བཞུགས་པ་ཡི།། ཡེ་ཤེས་དམ་པ་འདི་ཉིད་ནི།། ཀུན་མཁྱེན་ཡེ་ཤེས་དེ་ཡི་བདག། འབྱུང་བ་ཆེན ་པོ་བཞི་གཏན་ལ་དབབ་པ་དང་བརྡའི་ལེའུ་སྟེ་གསུམ་པའོ། ། །། དེ་ནས་རྣལ་འབྱོར་ཆེན་པོ་ཡི།། ཨཱ་ར་ལི་ནི་ཉིད་ཀྱིས་ནི།། རང་བཞིན་མཛེས་པ་ཉིད ་ལ་ཞུས། ། དཀོན་མཆོག་གསུམ་ལ་གནོད་བྱེད་པའི།། ཁྲག་ནི་ཇི་ལྟར་དགུག་པར་བགྱི།། ནུས་ལ་སོགས་པས་མདུན་དུ་ནི།། ཡ་བའི་མེ་ཏོག་བཞག་ནས་ནི།། རང་གི་ཁྲག་ནི་དགུག་པར ་བྱ། ། རི་གྲི་ཉོན་ཅིག་གོམས་པ་ཡི།། ནས་ནི་ཉི་ཤུ་ཁ་སྨད་བྱུང་།། ཕྱི་ནས་ཁྲག་ནི་དགུག་པར་བྱེད།། ལྷ་ནི་བྲལ་བ་བཤད་པར་བྱ།། སྤྱི་བོར་འབར་བ་བསམ་པར་བྱ།། འབར་བའི་འཕྲེང་བས ་། ཁྱབ་ནས་ནི།། དེར་ནི་སྔགས་ནི་བཟླས་པར་བྱ།། ཨོཾ་ཧེ་རུ་ཀ་པ་ཏཾ་པི་པ་ཏ་ཡ། རི་གི་ཨཱ་ར་ལིའི་སྦྱོར་བས།། ལྷ་ཡ་ཕྱག་བྱས་འགས་པར་འགྱུར།། ཨ་ལི་ཀ་ལི་ཡན་ལག་མཉམ།། འདི་དག་གཉིས ་། དབུས་རང་ས་བོན།། རང་གི་ས་བོན་ཉིད་ཀྱིས་ནི།། རང་གི་ཕྱག་རྒྱ་རྣམས་ཡིན་ཏེ།། ཕྱག་རྒྱ་ལས་ནི་ལྷ་རྣམས་འབྱུང་།། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷ་བ་ཨཱཏྨ་ཀོཧཾ། ལྕགས་ཀྱུ་ཕྱག་རྒྱ་ལག་གཉིས་ཀྱིས།། མཐེན ་ཆུང་ཕན་ཚུན་ལྕགས་ཀྱུའི་ཚུལ། ། དབུ་མ་ཡི་ནི་སོར་མོ་གཉིས།། མཐེ་བོང་རྒན་པོས་གཟིར་བར་བྱ།། སྡིགས་མཛུབ་གཉིས་ཀྱི་ཞགས་པ་ཉིད།། རྡོ་རྗེ་རལ་གྲི་ཞགས་ཆེན་པོ།། ཆོས་ཀྱི་ཡེ་ཤེས་གང་ཞིག། ་གཞན།། རི་གི་ཉིད་དུ་རབ་ཏུ་གྲགས།། འཕགས་པའི་བདེན་པ་བཞི་ཡིས་ནི།། སི་སི་ལ་སོགས་རབ་ཏུ་གྲགས།། མི་འཇིགས་པ་ནི་བཞི་ཡིན་ཏེ།། མི་བཟར་ལ་སོགས་རབ་ཏུ་གྲགས།། བསྡུ་བའི་དངོས་པོ་བཞི ་ཡིས་ནི། ། ཝ་ལ་སོགས་པ་རབ་ཏུ་གྲགས།། ཕྱག་དྲུག་འགྲོ་བ་དྲུག་ཏུ་གསུངས།། སྤྱན་གསུམ་སྲིད་པ་གསུམ་དུ་བརྗོད།། འཇིགས་བྱེད་བདག་གི་སེམས་ཉིད་དེ།། ཞབས་ཀྱི་རྩ་བར་བསྒྱེལ་བ་ཉིད།། དགའ་བ ་ལ་སོགས་ས་བཅུ་ན། ། གནས་སོགས་ཡང་དག་རབ་ཏུ་གྲགས།། ཕ་རོལ་ཕྱིན་དྲུག་ཕྱག་རྒྱ་དྲུག། ཐོད་པ་ནམ་མཁའི་དཀྱིལ་འཁོར་ཉིད།། ཨེ་ཝ་མ་ཡའི་དབུས་གནས་པའོ།། བདག་ཉིད་ཀྱིས་ནི་དེ་ལྟར ་བསམ། ། འཆོལ་པ་ཀུན་གྱི་མཚན་ཉིད་ཀྱིས།། ཐམས་ཅད་རྒྱུད་དུ་ཡང་དག་གནས།། གྲི་གུག་མ་རིག་གཅོད་པ་ཉིད།། ཐོད་པ་ཡི་ནི་སྙིང་རྗེ་ཆེ།། རི་གི་ཨཱ་ར་ལི་ཡི་སྒྲ།། ཅང་ཏེའུ་ཧཱུཾ་དའི་སྔགས་བཟླས ་པས། ། དགྲ་སྟ་ཆོས་ཀྱི་འབྱུང་གནས་བརྗོད།། རྡོ་རྗེ་རྡོ་རྗེར་རབ་ཏུ་གྲགས།། མགོ་བོ་ཉོན་མོངས་པ་ཡི་བདུད།། ཐོད་པ་ནམ་མཁའ་དག་པ་ཉིད།། ལྕགས་ཀྱུ་རི་གི་ཟེ་འབྲུ་སྟེ།། དེ་བཞིན་ཞགས་པ ་དག་པ་ཉིད། ། ངང་གི་དག་པ་བསྡུས་ནས་ནི།། ལུས་ནི་མཆོད་རྟེན་དག་པ་སྟེ།། སྐྱིལ་ཀྲུང་གདན་དུ་ཤེས་པར་བྱ།། འཛམ་བུའི་གླིང་གི་སྙིང་པོར་གསུངས།། གཉེར་མ་གསུམ་རྟག་ལྟེ་བ་ཉིད།། ་ལྟོ་བ་ཡང་ནི་གཟུགས་སུ་འགྱུར།། མགྲིན་པ་ཡང་ནི་མགྲིན་པར་བརྗོད།། ཁ་ཁྱེར་མགོ་བོར་ཤེས་པར་བྱ།། སྤྱི་བོ་གདུགས་ཀྱི་འཕྲེང་བར་བརྗོད།། མིག་གཉིས་ཟླ་བ་ཉི་མ་ཉིད།། འཕན་ནི ་མགོ་ལས་སྐྱེས་པ་ཡིན། ། རུས་པ་བདེ་བར་གཤེགས་པའི་གདུང་།། དེ་ཕྱིར་རང་བྱིན་རློབ་པར་འགྱུར།། དེ་ཕྱིར་སངས་རྒྱས་གཟུགས་བརྙན་ལུས།། རྣལ་འབྱོར་པ་ཡིས་རྟག་ཏུ་མཆོད།། ་རང་གི་ངོ་བོ་སངས་རྒྱས་སུ་བཤད་པའི་ལེའུ་སྟེ་བཞི་པའོ།། །། རྒྱལ་པོ་ཆེན་པོ་ཟས་གཙང་འདི།། ཨཱ་ར་ལིས་ནི་ཡང་དག་ཕྱེ།། དེ་ལ་རི་གི་སྒྱུ་མ་ཆེ། ་འགྲོ་བ་ཐམས་ཅད་ཤེས་རབ་དག། དོན་གྲུབ་རྡོ་རྗེ་སེམས་དཔའ་སྟེ།། ལྷ་མོ་ས་འཚོ་ཕྱག་རྒྱའོ།། སྒྲ་གཅན་བཟང་པོ་བདེ་བ་ཆེ།། སྒྱུ་མའི་གཟུགས་ཀྱི་སྤྲོས་པ་ལས།། སྒྱུ་མ་ཆེན་པོ་སའི་ཚེ་ཉིད།། ་། རྡོ་རྗེ་སྒྱུ་མའི་རྣམ་འཕྲུལ་བས།། དོན་གྲུབ་ལྷན་ཅིག་སྐྱེས་དགའ་ཉིད།། སྲས་ནི་བཅོམ་ལྡན་རྡོ་རྗེ་ཅན།། ཡབ་ནི་རྡོ་རྗེ་འཆང་བར་གྲགས།། ཡུམ་ནི་སྒྱུ་མ་ཆེན་མོ་ཡིན།། དེ་ཉིད་ཕྱག་རྒྱར་རབ་ཏུ་གྲགས།། ་མཐེ་བོང་རྒན་པོ་རྡོ་རྗེ་ཡིན།། ལྟེ་བ་ཆོས་ཀྱི་འབྱུང་གནས་གསུངས།། སྒྱུ་མ་ཆེན་པོའི་རྣམ་འཕྲུལ་པས།། དོན་གྲུབ་ཉིད་ནི་གཟི་བརྗིད་ཅན།། ངོ་བོས་འགྲོ་བ་སངས་རྒྱས་ཉིད།། ལྷ་མོ་རི་གི་ད་ཚིག་ཉོན།། ་ལས་ལ་སྤྱོད་པ་རབ་བརྟགས་པས།། ལུས་ཅན་རྣམས་ནི་རྟག་ཏུ་གདུངས།། དགའ་བ་ཡང་ནི་ཤི་ཤྲིར་གསུངས།། མཆོག་ཏུ་དགའ་བ་འདོད་པ་མ།། དགའ་བྲལ་དགའ་བ་བདེ་ཆེན་མ།། ལྷན་ཅིག་སྐྱེས ་དགའ་སྡོམ་པ་ན། ། མི་ཟད་མ་ནི་འོ་རུ་གསུངས།། རྣོན་མོ་ཡང་ནི་འཁྱུད་མོ་ཉིད།། སྒྱུ་མ་སྐྱེད་ལ་སྒྱུ་མ་ཆེ།། མཐེ་བོང་མཆུ་ནི་འཇིབ་པ་ཉིད།། དགའ་བའི་རྩོད་པ་ཝ་ཉིད་དེ།། སྦྲང་རྩི་བཏུང་བས་མ་ཧེ་ཉིད།། ་རྟོག་པ་ཡིས་ནི་རྟ་མགྲིན་ཏེ།། འོ་བྱེད་གླང་པོའི་རྒྱལ་མཚན་ནོ།། རྡོ་རྗེ་ར་ལི་འདོན་ཆེན་ཅན།། འདོད་པ་མ་ནི་རི་གིར་བརྗོད།། ཐབས་དང་ཤེས་རབ་རང་བཞིན་གྱིས།། འགྲོ་བ་ཐམས་ཅད་རྣམ་པར་ཁྱབ།། སི ་སི་རྣམ་པས་དམྱལ་བ་བཞི། ། དེ་བཞིན་ཧ་ཡི་རྣམ་པ་བཞི།། འཁོར་བར་ཇི་ལྟར་སྤྱད་པ་ནི།། མྱ་ངན་འདས་པ་མི་འགལ་ལོ།། རྡོ་རྗེ་ཨཱ་ར་ལི་ཉིད་ནི།། ཁུ་བར་ཡང་ནི་འགྱུར་བ་ཡིན།། རི་གི་བདེ་བ་ཆེན་པོར་གསུངས ་རི་གི་ཨཱ་ར་ལི་སྦྱོར་བས། ། རྡོ་རྗེ་སྒྱུ་མ་ཞེས་བྱར་བརྗོད།། བུད་མེད་སྒྱུ་མའི་སྤྲོས་པ་ཡིས།། འགྲོ་བ་ཐམས་ཅད་རྣམ་པར་རྨོངས།། བུད་མེད་སྒྱུ་མ་སངས་རྒྱས་ཉིད།། སྒྱུ་མ་ཐམས་ཅད་སྤེལ་བར་བྱེད།། སྙིང ་པོའི་སྔགས་ནི། ཨོཾ་ཨཱ་ར་ལཱི་བྷྱོ་བྷྱོ་ཧ་ཧ་ཧ་ཧ། སི་སི་སི་སི། མི་གསལ་བར་བཟླས་སོ།། གཉིས་ཀྱི་ཉེ་བའི་སྙིང་པོ་ནི།། ཧ་ཧ་ཧ། ལས་རྒྱས་པ་ལ་སྔགས་གང་ནི།། དེ་ཡི་སྔགས་སུ་རབ་ཏུ་བསྔགས།། སྙིང ་པོ་ཡི་ནི་སྔགས་ཡིན་ནི། ། ཉེ་བའི་སྔགས་ཀྱིས་བསྐུལ་བ་ཡིན།། སྒོམ་པ་བདེ་ཆེན་མྱང་བ་སྟེ།། དེ་བཞིན་དམ་ཚིག་མཆོད་པ་ཉིད།། ཐམས་ཅད་ཀྱི་ནི་དམ་ཚིག་ལ།། མི་ལས་སྐྱེས་པ་རབ་ཏུ་བསྔགས།། ་ཀླུ་གཟིར་གཉིས་འཐུང་དམ་ཚིག་སྟེ།། རྨི་ལམ་རྟ་ནི་རབ་ཏུ་བསྔགས།། གསང་ལ་མ་ཧེ་དམ་ཚིག་གོ། དབང་ལ་ཁྱི་ནི་རབ་ཏུ་བསྔགས།། ཁྲག་དགུག་པ་ལ་དམ་ཚིག་སྟེ།། འཇུག་པ་དེ་བཞིན་རྔ་མོ་ཉིད།། ་རེངས་པ་ལ་ནི་ནེ་བུའི་ཤྭ།། ཁ་ན་མ་ཐོ་མེད་རྙེད་པ།། གལ་ཏེ་བསང་བར་བྱས་ན་ནི།། དེ་ཚེ་རྣལ་འབྱོར་པས་མི་འགྲུབ།། སེམས་ཅན་བསྐྱབ་སེམས་རྣལ་འབྱོར་པ།། འགྲུབ་འགྱུར་འདི་ལ་ཐེ་ཙོམ་མེད།། ་དཀྱིལ་འཁོར་ཁྲུ་ནི་བཞི་པར་བྱ།། སྒོ་ཁྱུད་སོར་ནི་གཉིས་སུ་གསུངས།། ལོགས་ལ་ཡང་ནི་སོར་གཉིས་ཡང་།། སྐེ་ཁྱུད་ཀྱི་ནི་ཁ་ཁྱེར་ལོ།། སོར་ནི་བཅུ་གཉིས་དག་ཏུ་གསུངས།། ལྷ་ཡི་སྣམ་བུ་སོར ་གཉིས་ཏེ། ། རྟ་བབས་སོར་ནི་བཅུ་དྲུག་ཉིད།། སྒོ་ལས་སོར་མོ་གཉིས་ཀྱིས་ནི།། རྡོ་རྗེ་འཕྲེང་བ་དེ་བཞིན་བྱ།། དཀྱིལ་འཁོར་སྙིང་པོ་ཟླུམ་པོ་སྟེ།། ཕྱོགས་བཞི་ཁ་དོག་བཞི ་དང་ལྡན། ། ཁ་དོག་ལྔ་ཡི་རྡུལ་ཆེན་ཉིད།། སྲད་བུ་ལྔ་ཞེས་བྱ་བར་བརྗོད།། གསེར་དང་ཡང་ན་དངུལ་ཉིད་དང་།། མུ་ཏིག་དང་ནི་བྱུ་རུ་དང་།། མུ་མན་ཡང་དག་བསྲེས་ནས་ནི།། རིན་ཆེན་ལྔ་ནི་ཤིན་ཏུ་གཞུག། ་ལྷ་ཡི་གྲངས་ཀྱི་བུམ་པ་ཉིད།། རྣམ་རྒྱལ་བུམ་པ་ཆེས་ཆེ་བ།། བུམ་པ་དཀྲི་བ་ཉིད་དུ་ནི།། སྒྲུབ་པ་པོ་ནི་དམ་པས་བྱ།། དང་པོར་ས་ནི་ཡོངས་དག་བྱ།། གཉིས་པར་ཐིག་སོགས་གདབ་པ་དང་།། ལྔ་པའི ་དཀྱིལ་འཁོར་བྲི་བ་དང་། ། དེ་བཞིན་སྔ་བར་སྦྱིན་སྲེག་ཉིད།། འཇིག་རྟེན་སྐྱོང་བ་དབང་པོ་དང་།། ལྷ་མོ་ཁྱོད་ནི་དཔང་དུ་གྱུར།། དཀྱིལ་འཁོར་འདི་ནི་བཞེངས་པར་བགྱི།། འོད་སྲུངས་མ་ཡིས་བགེགས ་མེད་མཛོད། ། ཇི་ལྟར་བདག་ཉིད་ནགས་དེ་བཞིན།། རྟག་པ་ཉིད་དུ་གཏོར་མ་སྦྱིན།། མཚན་མོ་ཐུན་གཅིག་གནས་པ་ནི།། མཁས་པས་དཀྱིལ་འཁོར་མཉེས་པར་བྱ།། གཏོར་མའི་སྔགས་ནི། ཨོཾ་ཤརྒ་ཏི ་། ཀ་ས་ནེ་ནཱ་ཀྵ་རོ་མུ་ཁཾ་སརྦ་དྷརྨཱ་ཛྙཱ་ཨཱ་དྱ་ནུཏྤནྣ་ཏཱཏ། ས་ནི་ཡོངས་སུ་གཟུང་དུས་སུ།། བགེགས་ནི་སྐྲོད་པར་བྱེད་པའི་སྔགས།། ཨོཾ་ཨ་ན་ས་ཏ་ན་ན་ཊ་སྟིཥྛ་ཡ་མ་བ་རུ་ཎ་ཀུ་བེ་ར་ཀ་སྭཱ་ཙསྥ་ཎི་ཁུ་ཏིཥྛ་དྷཾ ་རཀྵཾ་ཀུ་རུ་ཏ་མེ་བི་ར་ཏྲཾ། ཆོ་གའི་མཚན་ཉིད་དང་ངེས་པའི་ལེའུ་སྟེ་ལྔ་པའོ།། ། རི་གི་ཨཱ་ར་ལིའི་རྒྱུད་ཀྱི་རྒྱལ་པོ་རྫོགས་སོ།། །། རྒྱ་གར་གྱི་མཁན་པོ་ཀ་ཡ་སྠ ་