| Wylie | e-texts produced with BDRC’s OCR application |
རྒྱ་གར་སྐད་དུ། སརྦ་ཏ་ཐཱ་ག་ཏ་ཙིཏྟ་གརྦྷ་ཨརྠ་ཏནྟྲ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོ་དོན་གྱི་རྒྱུད། དཔལ་རྡོ་རྗེ་སེམས་དཔའ ་ལ་ཕྱག་འཚལ་ལོ། ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། དེ་བཞིན་གཤེགས་པ་ཐམས་ཅད་ཀྱི།། སྐུ་གསུང་ཐུགས་ཀྱི་རྡོ་རྗེ་བདག། སྙིང་པོ་མཆོག་ནི་བཞུགས་པའི་སྐུ།། རྡོ་རྗེ ་སེམས་དཔའ་ལ་གཟིགས་ཏེ། ། སངས་རྒྱས་རྣམས་ཀྱི་ཡེ་ཤེས་སྐུ།། སྣ་ཚོགས་གཟུགས་ཅན་སེམས་འདི་ནི།། མཐའ་དང་བྲལ་བ་ཡིན་མོད་ཀྱི།། སྲིད་དང་འཁོར་བར་རབ་ཏུ་གྲགས།། དེ་ནས ་རྡོ་རྗེ་སེམས་དཔའ་ཡིས། ། བཅོམ་ལྡན་འདས་ལ་འདི་སྐད་གསོལ།། ཀྱེ་ཧོ་རང་བྱུང་བཅོམ་ལྡན་འདས།། ནམ་མཁའི་བདག་པོ་སྣ་ཚོགས་ལུས།། གསུང་གི་མངའ་བདག་རིག་སྔགས་རྒྱལ།། སྐྱེ ་མེད་དབྱིངས་ནས་སྣང་བྱེད་འཁྲུངས། ། འགྲོ་དྲུག་འདྲེན་པ་ཁྱོད་ཀྱི་གསུང་།། ཉིད་ཀྱི་ཞལ་ནས་ཐིག་པ་ཤོར།། ཀེ་ཀེ་རུ་དང་མརྒད་དང་།། སྤུག་དང་རྡོ་ཡི་སྙིང་པོ་དང་།། རིན་ཆེན་ཁ་དོག་སྣ་ལྔ་པས། ་ཡེ་ཤེས་གཞལ་ཡས་ཁ་དོག་སྤྲས།། ཉིད་ལས་མི་གཞན་འཇིགས་བྱེད་དང་།། རྒྱལ་སྲས་དད་པ་གཏམ་ཉན་དང་།། འགྲོ་བ་འདུལ་བའི་འཁོར་རྣམས་སོ།། དེ་ནས་བཅོམ་ལྡན་ཤཱཀ་ཐུབ་ཀྱི།། ་གསུང་གི་དགོངས་པ་མཁྱེན་ནས་ནི།། སངས་རྒྱས་རྣམས་ཀྱི་ཡེ་ཤེས་ཀྱི།། རང་བྱུང་ཡེ་ཤེས་བསྡུ་བ་མཛད།། དེ་བཞིན་གཤེགས་ཀྱིས་འདི་སྐད་དུ།། ཆེད་དུ་བརྗོད་པ་རྣམ་པར་མཛད།། གང་ཞིག ་རྩོལ་མེད་བདེ་ཆེན་དོན། ། ལྷན་ཅིག་སྐྱེས་པ་མ་མཐོང་ན།། སྒྲུབ་དང་རྩོལ་བ་ཅི་སྤྱད་ཀྱང་།། བྱིས་པ་དོན་མེད་ག་ཆད་དུ།། རྫས་བཟུང་བ་ནི་འཆིང་བ་ཉིད།། རྟེན་འབྲེལ་སྒོམ་པ་གཉིས་པའོ།། དོན ་མེད་ཉམས་མྱོང་འདོད་པ་ཡང་། ། འཆིང་བའི་རྒྱུ་སྟེ་གསུམ་པའོ།། ཁ་ཅིག་ཨོཾ་རིའི་ཐལ་བས་བྱུགས།། དབང་ཕྱུག་ནམ་མཁའི་རྫས་རྣམས་སྡུད།། འཆིང་བའི་རྒྱུ་སྟེ་བཞི་པའོ།། གླེང་གཞིའི ་ལེའུ་སྟེ་དང་པོའོ། མཐའ་དང་བྲལ་བའི་རང་བཞིམ་ལ། གཟུང་འཛིན་ནད་ཀྱིམཚལ་འཆིང་།། གདོད་ནས་དག་པའི་རྣམ་མཁའ་ལ།། བག་ཆགས་མཚན་མས་ཅིས ་འཆིང་། ། སྐྱེ་འགག་མེད་པའི་ཆོས་ཉིད་ལ།། རྒྱུ་འབྲས་ནད་ཀྱིས་ཅི་ལ་འཆིང་།། བསམ་དང་བྲལ་བའི་ཡེ་ཤེས་ལ།། རྡོག་དཔྱོད་ནད་ཀྱིས་ཅིལ་འཆིང་།། ཨེ་མའོ་རྣམ ་དངག་སེམས་ཉིད་ཀློང་། ། ལྷན་ཅིག་སྐྱེས་པ་བདེ་བའི་མཆོག། འོད་གསལ་སྣ་ཚོགས་དུས་ན་བདེ།། རྣམ་དག་འཁོར་ལོ་བདེ་བ་ལ།། བསྣུན་པའི་བློ་གྲོས་ལོག་པ་ཡིས།། སྲིད་རྒྱུ་ངེས་པའིཿ ་བར་འཁྱམས། ། གཞན་ཡང་སྟོན་པས་འདི་སྐད་གསུངས།། ཞེན་ཆགས་ཅན་གྱི་གདུལ་བྱ་ལ།། བདེ་བ་ཆེན་པོ་བཅོས་མ་སྦྱིན།། ཁོང་ཁྲོ་ཅན་གྱི་གདུལ་བྱ་ལ།། གཡོ་བ་རླུང་གི་བཅོས་མ ་སྦྱིན། ། འདོད་པ་ཆུ་བཞིན་གདུངས་པ་ལ།། བཀྲི་དྲང་རང་རྒྱུད་བཅོས་མ་སྦྱིན།། ཀུན་ཏུ་རྨོངས་པའི་ཡིད་ཅན་ལ།། སྟོང་པ་སྙིང་རྗེ་བཅོས་མ་སྦྱིན།། སྟོན་པས་དེ་སྐད་བཀའ་སྩལ་པས།། འཁོར ་རྣམས་བསྡུ་བ་རྣམ་མཛད་དེ། ། དེ་བཞིན་གཤེགས་ལ་འདི་སྐད་གསོལ།། ཡེ་ནས་རྣམ་པར་དག་པས་ན།། ཁམས་གསུམ་འཁོར་བ་ཇི་ལྟར་ལགས།། གློ་བུར་བ་གཅིག་ལེགས་འགྱུར་ན།། ་ཐོག་མཐའ་ཡོད་པར་མི་འགྱུར་རམ།། ཡང་ན་རྡོ་རྗེ་སེམས་སོགས་པ།། དམྱལ་བར་འཚེད་པར་མི་འགྱུར་རམ།། འཁོར་བ་བདེ་བ་གྲུབ་པ་ན།། སྦྱང་བཏུབ་བམ་ནི་ཅི་ཞིག་གུ།། དེ་སྐད་གསོལ་ནས ་མི་སྣང་གྱུར། ། དེ་བཞིན་གཤེགས་པས་བཀའ་སྩལ་པ།། ང་ལ་ཉན་པ་ཁྱེད་ལེགས་སོ།། རྩེ་གཅིག་ཡིད་ཀྱིས་དང་བར་བྱོས།། མ་ངེས་ཁ་དོག་འཇའ་ཚོན་ལས།། རིགས་ཀྱི་ཁྱད་པར་ཐ་དད ་སྣང་། ། ལྡན་ལ་ལྷ་མི་གཅིག་པའོ།། མ་བསྡུས་གཅིག་ཏུ་རྫོགས་པའོ།། སྨྲ་བའི་སེང་གེ་འཇིགས་པ་མེད།། བཀའ་ཡི་དགོངས་པ་ཤིན་ཏུ་ཟབ།། མརྒད་བློ་ཡི་མཆིང་བུ་ལེན།། སྣ་ཚོགས ་ཁ་དོག་རིགས་སུ་བསྒྱུར། ། དཔེར་ན་སྭ་སྟི་ཀ་བཞིན་ནོ།། ཀ་རན་ཏ་ཡི་སྐྱེ་བཞིན་ནོ།། བརྟགས་ཤིང་བརྟགས་ཤིང་སྐྱེ་བར་འགྱུར།། སངས་རྒྱས་རྣམས་ཀྱི་ཡེ་ཤེས་སྐུ།། ཁྱབ་བདག་ནམ་མཁའི ་སྣ་ཚོགས་གཟུགས། ། དེང་བདག་སེམས་དཔའི་ལུས་སུ་འགྱུར།། འགྲོ་བའི་མགོན་པོས་དེ་སྐད་དུ།། བཤད་ནས་འཁོར་རྣམས་དེངས་གྱུར་ཏེ།། ཕྱོགས་གཅིག་ཏུ་ནི་འཁོར་གྱུར་ན།། བཅོམ ་ལྡན་འདས་ལ་འདི་སྐད་གསོལ། ། ལྟ་བའི་རང་བཞིན་ཇི་ལྟ་བུ།། མ་བཅོས་ངོ་བོ་ཇི་ལྟ་བུ།། ཡེ་ཤེས་སྤྱོད་པ་ཇི་ལྟ་བུ།། བཅོམ་ལྡན་འདས་ཀྱིས་བཀའ་སྩལ་པ།། ལེགས་སོ་འདུས་པའི ་ཚོགས་ཆེན་པོས། ། རྣམ་པ་དྲུག་གི་མཚན་ཉིད་དེ།། ཁྱད་པར་བདུན་དང་མཚོན་པའི་དཔེ།། བཅུ་བཞི་རྣམ་པ་ཅི་རིགས་སུ།། བཅུ་གསུམ་མ་ནོར་ཞེས་སུ་བཤད།། ལྷན་ཅིག་སྐྱེས་པ་ཁྱབ་གནས ་པ། མངོན་སུམ་དབང་གི་ངོ་བོར་ཤར།། སྦྱིན་པས་བཟློག་ནས་བལྟས་པ་ཡིས།། ནམ་མཁའ་ལས་འབབ་བདེ་སྐྱོང་ནས།། འཐུར་དུ་འཁོར་ལོ་དྲུག་རིམས་སུ།། ཨ་ཏ་རཀྟ་བདེ་བ་ལེན།། ་ཡེ་ཤེས་ཟེར་ཞིང་སྡུག་བསྔལ་སྐྱེ།། རྨོངས་པས་མྱ་ངན་སྡིག་པས་འཛིན།། དེ་མི་སྤོང་བའི་འཆིང་བར་འགྱུར།། སི་དྷའི་ཚུལ་དུ་དགེ་སློང་གཉིས།། དབང་རྫོགས་ཟེར་ཞིང་བདེ་བ་སྤྱོད། ་འཆི་འཕོས་ནས་ནི་དམྱལ་བར་སོང་།། རྒྱལ་པོའི་ཁབ་ན་བཙུན་མོ་ཅན།། ཆོམ་དུ་སྡུད་ཅིང་རིག་པ་ཡིས།། ཡེ་ཤེས་གཞན་ལ་འཆད་ཅིང་སྟོན།། འཆི་འཕོས་དྲུང ་ཁྲོད་ས་ག་ཡི། ། སྨད་འཚོང་མ་ཡི་སྲིན་བུར་སྐྱེས།། འཇིག་རྟེན་ཁམས་གཞན་སེམས་དམྱལ་དུ།། ཤིན་ཏུ་འཚེད་ཅིང་འབོད་པར་འགྱུར།། བྲིག་ཤའི་དྲུང་ན་ཨ་ཀོ་ཏ།། བཀའ་ཡི ་བསྒོ་བ་རྣམ་པར་བྱེད། ། ཁ་སྦྱོར་བ་ནི་ཡེ་ཤེས་ཞེས།། བཞིན་བཟང་མ་ལ་ལེགས་པར་དགོད།། ཚེ་འཕོས་ནས་ནི་ངུ་འབོད་སྐྱེས།། འཆད་པའི་སྐྱེས་བུ་དེ་ཕྱིར་ངེས།། ཁྱོད་ཀྱིས་འདྲི་བ ་བསྟན་པར་བྱ། ། སེམས་ཀྱི་རང་བཞིན་མ་བཅོས་པ།། མི་རྟོག་ལྟ་བ་མི་དམིགས་ཤེས།། མི་གཡོ་ངོ་བོ་མི་འདའ་འམ།། དེ་སྐད་གསུངས་ནས་མི་སྣང་གྱུར།། འདྲི་བའི་རྟོག་པ་དང་པོ ་ཆོད། ། འཆད་པའི་སྐྱེས་བུས་ཡང་གསོལ་པ།། འགྲོ་བའི་བླ་མ་གཉེན་གཅིག་པུ།། དམ་ཕོག་པ་ནི་ཇི་ལྟར་ལགས།། དབང་གི་རང་བཞིན་ཇི་ལྟར་ལགས།། རྟོག་པ་གཉིས་པ་དྲིས་པ ་ལས། ། ལྟ་བའི་ལེའུ་སྟེ་གཉིས་པའོ།། །། ལྷན་ཅིག་སྐྱེས་པའི་བདེ་བ་ཡི།། གང་ལ་མིང་དེ་སྐད་བྱ་ཡི།། ཏིང་ངེ་འཛིན་ལ་སྙོམས་པར་ཞུགས།། མཚོན་པའི་དཔེ ་ནི་འདི་སྐད་གསུངས། ། ནག་པོ་བརྩེགས་པ་པད་པ་ཏི།། གྲི་ཏ་དང་ནི་ཀང་ཀ་དང་།། ཕག་དང་གླང་པོ་གཞོན་ནུ་མ།། ཟླ་བ་ཆུ་ཤེ་གླང་སེང་དང་།། ཨོ་ད་ཆུ་བོ་གསུམ་འདྲེས་དང་།། ་གསེར་དང་ནམ་མཁའ་རི་བོ་མ།། གསུམ་པ་བཅུ་བ་ནིར་ཤེས་པར་བྱ།། དེ་བཞིན་ཉིད་ལྡན་དམ་པ་སྟེ།། དེ་ལས་གང་ཞིག་འདའ་བྱེད་པ།། དམྱལ་བར་ཡང་དག་འཚེང་པར་བཤད།། ཨེ་མའི། ་རང་རིག་སྐལ་ཆེན་པོ།། ནམ་མཁའི་སྤྲིན་ལ་འབྱུང་བར་བྱེད།། བྱིས་པ་རང་བཞིན་མི་ཤེས་པས།། བཅོས་མེད་རང་བཞིན་སྤྲོ་བསྡུ་བྱེད།། རྣམ་དག་འོད་གསལ་སྒྲིབ་པ་མེད།། ཡེ་ཤེས ་རྒྱ་མཚོར་ཞུགས་རྨོངས་པས། ། ཀུན་ཏུ་འཆིང་བའི་མདུད་པ་ཉིད།། ཀུན་ཏུ་འཆིང་བ་རྒྱུན་མི་འཆད།། ལྷན་ཅིག་སྐྱེས་པའི་མདའ་འཕངས་ཀྱང་།། བསྣུན་པའི་བློ་གྲོས་ལོག་པ་ཡིས།། ་གཅིག་དང་དུ་མས་སེམས་བསླད་པས།། རྨོངས་པ་ང་རྒྱལ་སྤེལ་བར་བྱེད།། རླུང་གི་རྒྱུ་བ་དྲིལ་པའི་ལྷ།། ཡིག་འབྲུ་ཁ་དོག་གོ་བར་བྱེད།། ཡིད་དང་རླུང་ནི་རྒྱུ་བ་ན།། སྣང་བ་འགགས་པ ་ཡེ་ཤེས་སོ། ། དེ་ཉིད་ལོག་པས་འཆིང་བའི་རྒྱུ།། ཚངས་པ་ཡི་ནི་ཙིཎྜ་ལི།། སྦར་བས་ལྷ་ཉིད་འོད་དུ་ཞུ།། ཀ་སོགས་གཡས་དང་གཡོན་དུ་ཨ།། ཡིག་མགོ་ཚིག་དང་གསོས་པ་དང་།། ་སྟོང་ཕྲག་བདུན་ཅུའི་རྩ་ལམ་ནས།། བབ་པ་བདེ་བ་སྐྱེད་པར་བྱེད།། དོན་དམ་པའོ་ཞེས་སུ་སྨྲ།། རྨོངས་པ་བསྡམས་པས་མདུད་པ་གྲོལ།། ཟག་པ་སྐྱེས་པས་འཆིང་བར་འགྱུར།། ལྷན ་ཅིག་སྐྱེས་པས་རིགས་པ་ཡིས། ། ཅི་རིགས་པ་རུ་གཞན་ལ་སྟོན།། གྲོལ་བར་འགྱུར་ཞེས་ང་མི་སྨྲ།། ཨེ་མའོ་བློ་ནི་གཉིས་སུ་སྣང་།། ཇི་ལྟར་སྤྱད་ཀྱང་གྲོལ་མི་འགྱུར།། དབང་གི་ལེའུ་སྟེ ་གསུམ་པའོ། ། གང་ལ་མིང་དེ་སྐུད་བྱ་བའི།། ཏིང་ངེ་འཛིན་ལ་སྙོམས་པར་ཞུགས།། དེ་ནས་རྡོ་རྗེ་སེམས་དཔའ་ཡིས།། རྟོག་པ་གསུམ་ལ ་གཅད་པའི་ཕྱིར། ། སྟན་ལས་ལངས་ཏེ་འདི་སྐད་གསོལ།། ནམ་མཁའི་བདག་པོ་སྣ་ཚོགས་ལུས།། བསྒོམ་པའི་རང་བཞིན་ཇི་ལྟར་ལགས།། ཕྱག་འཚལ་རྡོ་རྗེ་དཔའ་ཁྱོད་ལ།། ཕྱག་འཚལ ་རྡོ་རྗེ་རང་བྱུང་སེམས། ། ཕྱག་རྣམས་དག་པ་འོད་གསལ་དབྱིངས།། ཕྱག་འཚལ་འདུད་ཅིང་ཕྱག་འཚལ་འདུད།། འགྲོ་བའི་བླ་མ་ཡེ་ཤེས་གཟུགས།། གསུང་གི་ཐིགས་པ་ལྷན་ཅིག་སྐྱེས།། ་རྣམ་དག་རང་རིག་དབྱིངས་ལ་འདུད།། བཅོམ་ལྡན་འདས་ཀྱིས་བཀའ་སྩལ་པ།། ཀྱེ་མ་སེམས་དཔའ་རྡོ་རྗེ་ཉོན།། མངོན་དུ་གྱུར་པ་སྒོམ་པའི་མཆོག། སྣ་ཚོགས་འབར་བ་ཡེ་ཤེས་དྲོད།། ་ཅི་ཡང་མཐོང་ལ་མེད་རྟོགས་ན།། མ་མཐོང་གནས་ན་མཐོང་བ་རུ།། མཐོང་ན་འགག་ཅིང་བལྟས་ན་སྐྱེ།། ཤེས་རབ་ཡེ་ཤེས་འོང་པོ་ཆེ།། ཅི་དགར་བཞག་ན་བདེ་བ་འགོག། ཡེ་ཤེས་རྒྱ་མཚོ་ཡེ ་གསལ་ལ། ། སངས་རྒྱས་སྒོམ་པར་མི་མཛད་དོ།། དེ་ལ་གཉེན་པོ་ཡོད་དམ་ཅི།། རིགས་པས་སྟོན་པ་འཆིང་བའི་ནད།། འདས་དང་མ་བྱོན་ད་ལྟར་གྱི།། བདེ་བ་དེ་ནི་སྟོན་མཛད་དམ།། རྡོ་རྗེ ་སེམས་དཔའ་ཁྱོད་ཉིད་ཀྱིས། ། བསྟན་པར་ནུས་སམ་འོན་ཏེ་ཅི།། བསྙད་དུ་མེད་པས་བརྗོད་དང་བྲལ།། བསྒྲུབ་ཏུ་མེད་པས་དཔེ་དང་བྲལ།། མཚོན་དུ་མེད་པས་ཚིག་ལ་མ་ཆད།། ལྷན་ཅིག། ་སྐྱེས་པས་བསྒྲུབ་ཏུ་མེད།། མངོན་དུ་གྱུར་པས་བསྒོམ་དུ་མེད།། དཔྱད་དུ་མེད་པས་བཅོས་དང་བྲལ།། མ་ཡེངས་བློ་ཡིས་རྟོགས་པའོ།། བསྒོམ་པའི་ལེའུ་འདི་བཤད་པའི་ཚེ།། འཆད་པའི ་སྐྱེས་བུ་ཉིད་ཀྱང་ནི། ། བརྒྱལ་ནས་ས་ལ་འགྱེལ་གྱུར་ཏེ།། ལྷ་མིན་རིག་སྔགས་འཆང་བ་རྣམས།། སོ་སོར་བྱེར་ཏེ་རེངས་པར་གྱུར།། ལྷ་ཡི་བུ་མོ་སྟོང་ཕྲག་ནི།། ཆོས་ལ་རྡུལ་མིག་རྣམ་པར ་དག། བྱང་ཆུབ་སེམས་དཔའ་ཉི་ཁྲི་ཡང་།། དེ་མ་ཐག་ཏུ་མངོན་སངས་རྒྱས།། འཇིག་རྟེན་ཁམས་ནི་དྲུག་གཡོས་པས།། འུར་འུར་པོ་དང་ཆེམ་ཆེམ་གྱིས།། ཁམས་གསུམ་པོ་ནི་འདར་བར་བྱེད།། ་དེ་ཡི་མོད་ལ་སེམས་རྫོགས་པ།། ངོ་མཚར་སྐྱེས་ནས་འདི་སྐད་གསོལ།། ཨེ་མའོ་སངས་རྒྱས་ཀུན་གྱི་རྗེ།། རྫོགས་སངས་རྒྱས་པ་བདེ་བའི་མཆོག། སྐལ་ལྡན་འདུལ་བྱེད་གཉེན་གཅིག་པུ།། འགྲོ ་བའི་མར་མེ་ཡེ་ཤེས་སྦྲོན། ། ཁྱོད་ཀྱི་ཐུགས་ཀྱི་ཡེ་ཤེས་ཀྱིས།། མ་རིག་སྒོ་ངའི་ལིང་ཐོག་བསལ།། རྣམ་དག་ཡེ་ཤེས་ཁྱོད་ལ་འདུད།། དགའ་མགུ་རངས་ནས་གསོལ་པ་དང་།། ཐམས་ཅད ་འདུད་ཅིང་འཁོད་པར་བྱེད། ། སྒོམ་པའི་ལེའུ་སྟེ་བཞི་པའོ།། དེ་སྐད་བཅོམ་ལྡན་ཤཱཀྱ་ཐུབ།། རྡོ་རྗེ་སེམས་དཔའ་ལ་གཟིགས་ཏེ།། བཀའ་ཡི་བསྒོ་བ་འདི་སྐད་མཛད། ་ལེགས་སོ་འདུས་པའི་ཚོགས་ཆེན་རྣམས།། ཡང་དག་ཡེ་ཤེས་ལ་ཞུགས་པས།། རྣམ་རྟོག་འཆིང་བའི་ནང་དང་བྲལ།། མཐའ་དང་བྲལ་བའི་རང་བཞིན་ལ།། བཟློག་པས་བལྟས་པ་ཐ་དད ་འཛིན། ། གཉུག་མའི་རང་བཞིན་ལྷན་ཅིག་སྐྱེས།། དེ་ཡང་བཅིངས་པས་ཅི་ལ་མཐོང་།། གང་གིས་དེ་ཉིད་མངོན་གྱུར་པ།། དེ་ལ་སྡིག་པས་ཅི་ལ་འཛིན།། དུས་གསུ ་འཇིག་རྟེན་ཁམས་བཞུགས་པ། ། དེ་ལ་བྱིན་གྱིས་རློབ་པར་མཛད།། དེ་ལ་གལ་ཏེ་གཟུགས་ཡོད་ན།། དཔག་གམ་གཞལ་དུ་བཏུབ་བམ་ཅི།། ལྷ་དང་ལྷ་མིན་གསང་བ་པ།། དེ་ལ་ཅི་རིགས་སྐྱོབ ་པར་བྱེད། ། གནོད་སྦྱིན་མཐུ་ཆེན་ཐོབ་པ་ཡང་།། སྲུང་བ་རྒྱུན་དུ་བྱེད་པར་འགྱུར།། གྲུལ་བུམ་སྲིན་པོ་གདོན་རྣམས་ཀྱིས།། དེ་ཡི་བསམ་པ་ཡོངས་སུ་སྒྲུབ།། ནད་དང་ཤུ་བ་འབྲས་དང ་རིམས། ། དེ་ཡི་ལུས་ལ་འབྱུང་མི་འགྱུར།། བསྐལ་པར་བསགས་པའི་སྒྲིབ་པ་ཡང་།། སྐད་ཅིག་མ་ཡིས་འབྱུང་བར་འགྱུར།། རྒྱུན་དུ་ཞུགས་དང་ལན་ཅིག་འོང་།། ཕྱིར་མི་ལྡོག་པའི ་སེམས་དཔའ་ཡིས། ། དེ་ཡི་གཟི་བརྗིད་འཕེལ་བར་བྱེད།། དེ་བས་སེམས་དཔའ་ཆེན་པོ་ཉོན།། ཁྱབ་པའི་འཁོར་ལོ་བདེ་བའི་མཆོག། དེ་ཉིད་ཕ་རོལ་ཕྱིན་དྲུག་ལྡན།། ཡི་གེ་མེད་དང་རིག ་པའི་གསུང་། ། དམ་པའི་དོན་ལ་འཇལ་བར་ནུས།། དོན་གྱིས་ཆོས་ཉིད་འཇལ་བར་སྟོན།། བླ་མའི་ཞལ་ནས་དྲིས་ན་སྐྱེ།། རྟོགས་ན་རྣལ་འབྱོར་སྐྱེས་བུ་དེ།། ནམ་མཁའི་རྡུལ་ཕྲན་སྟོན ་པར་འགྱུར། མ་རབས་སྒྱུ་མའི་ཚིག་ལ་འཛིན།། ལྷན་ཅིག་སྐྱེས་པ་མཐོང་ངམ་ཅི།། གལ་ཏེ་མཐོང་ན་བརྟག་པར་འགྱུར།། བརྟགས་ན་ཡེངས་ཏེ་འཁྱམ་པར་འགྱུར།། གཉིས་ཀྱིས་བློ་ལ། ་མྱ་ངན་སྣང་།། ཁ་དོག་གཅིག་ཏུ་བསྒྱུར་བ་ཡི།། བདེ་བ་ཆེན་པོའི་འཁོར་ལོ་མཆོག། རྣལ་མ་ལ་གནས་འཆིང་འགྲོལ་འགྱུར།། གང་ཞིག་བླ་མའི་དྲིན་ཤེས་དག། སྐྱེ་བ་མེད་པ་ཉིད་དུ་སྟོན།། ་བླ་མའི་བཀའ་དྲིན་མི་ཤེས་པ།། དེ་ཡིས་ལྷན་སྐྱེས་ཅི་ལ་མཐོང་།། ལྷན་ཅིག་སྐྱེས་པ་དེ་ཡིས་བཅིངས།། དེ་ལ་འགྲོ་བ་སྐྱེ་ཞིང་འཆིང་།། ཐ་དད་གཟེངས་པས་ནང་དུ་གྱུར།། དུས་དང་གནས་སུ། ་བགྲངས་པས་ལྡོག། བདག་དང་གཞན་དུ་བལྟས་པས་ལྡོག། འདི་དང་ཕྱི་མར་བསྙད་པས་གོལ།། སྐྱེ་མེད་ལྷན་སྐྱེས་བཅོས་པས་འཆིང་།། དེ་སྐད་བཅོམ་ལྡན་འདས་ཀྱིས་བཤད།། འཆང ་པའི་སྐྱེས་བུས་འདི་སྐད་བསྟོད། ། ཨེ་མའོ་རྣམ་དག་ཡེ་ཤེས་སྐུ།། ཁྱབ་བདག་གསུང་གི་ལྡེ་མིག་སྒོ།། མ་རིག་སྒྲིབ་པ་དྲལ་བའོ།། བདེ་བར་གཤེགས་པ་ཡེ་ཤེས་སྐུ།། ཨེ་མའོ་རྣལ ་འབྱོར་ཐུགས་ཀྱི་བཅུད། ། འགྲོ་བ་སྡུག་བསྔལ་གཟིར་ལས་བསྒྲལ། ཨ་སྐྱེས་ལྷན་ཅིག་འགག་མེད་ཅིང་།། བྱང་ཆུབ་སེམས་ལ་ཕྱག་འཚལ་བསྟོད།། ཕན་ཡོན་གྱི་ལེའུ་སྟེ་ལྔ་པའོ།། ་། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོའི་དོན་གྱི་རྒྱུད་རྫོགས་སོ།། ། རྗེ་བཙུན་གུ་རུའི་ཞལ་སྔ་ནས་དང་། ལོ་ཙ་བ་སེང་ཀར་ཤཱཀྱ ་