| Wylie | e-texts produced with BDRC’s OCR application |
རྒྱ་གར་སྐད་དུ། ཤྲཱི་བཛྲ་སིདྡྷི་ཛྭ་ལ་སཾ་བ་ར་ཏནྟྲ་རཱ་ཛ། བོད་སྐད་དུ། དཔལ་རྡོ་རྗེ་གྲུབ་པའི་དྲ་བའི་སྡོམ་པའི་རྒྱུད་ཀྱི་རྒྱལ་པོ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ།། ་འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དགའ་ལྡན་གྱི་གནས་ན། རིན་པོ་ཆེ་ཁང་བཟང་གི་ནང་ན་བྱང་ཆུབ་སེམས་དཔའ་བྱམས་པ་དང་། དགའ་བའི་འོད་དང་། དྲི་མ་མེད་པའི ་འོད་ལ་སོགས་པ་དཔའ་བོ་དང་རྣལ་འབྱོར་མའི་འཁོར་དཔག་ཏུ་མེད་པ་དང་། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བཙུན་མོའི་བྷ་ག་ལ་བཞུགས་པའི་དུས་སུ། རིགས་སྒྱུ་མའི་དབང་དུ ་མཛད་དེ། ཐམས་ཅད་ཀྱིས་ལྷའི་ཕྱི་ནང་གི་གསང་བ་བླ་ན་མེད་པའི་མཆོད་པས་མཆོད་པའི་དུས་སུ། བྱང་ཆུབ་སེམས་དཔའ་བྱམས་པས། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ ་ཏེ། ཐལ་མོ་སྦྱར་ཏེ་གསོལ་པ། མགོན་པོ་ཐུགས་རྗེ་ཆེ་ལྡན་པ།། དེ་ཉིད་དོན་དམ་གང་ཡིན་པ།། དཔལ་དང་རྡོ་རྗེའི་དོན་དང་ནི།། དྲ་བ་སྡོམ་པ་རྒྱུད་ཀྱི་དོན།། ངེས་བསྟན་སྡོམ་པ་གང་ཡིན་པ། ་དེ་ཉིད་བདག་ལ་བཤང་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། བྱམས་པ་ལ་སོགས་འཁོར་རྣམས་ཀུན།། རྒྱ་རོལ་དོན་ལ་ཡངས་པའི་སེམས།། ནང་དུ་བསྡུས་ལ་རྩེ་གཅིག་ཉོན ་དཔལ་ལྡན་ཡེ་ཤེས་གཉིས་མེད་དོ། ། དེ་ཉིད་མཆོད་པའི་འོས་ཡིན་ལ།། གཉིས་མེད་བདེ་བས་མཆོད་པར་བྱ།། རྡོ་རྗེ་ཞེས་བྱ་ཡེ་ཤེས་ལྔ།། གཟུང་འཛིན་རྟོག་པ་མ་མ་བྱང། ་ཕྱིར།། རྡོ་རྗེ་ནས་ནི་བསྟན་པ་ཡིན།། དེ་ཉིད་དོན་ལ་རྩེ་གཅིག་པས།། ཆོས་སུ་རྡོ་རྗེ་འཆང་ཆེན་པོའི།། ས་ནི་ངེས་པར་ཐོབ་པའོ།། དྲ་བ་ཞེས་པ་མང་པོའི་དོན།། ཀུན་རྫོབ་གཞན་རིག་ཏུ་བསྟན ་པས། ། གྲངས་མང་རྒྱ་ཆེར་བསྟན་པ་ནི།། ནམ་མཁའ་དང་མཚུངས་སྡོམ་པའི་དོན།། ནམ་མཁའ་དང་མཚུངས་རང་རིག་ནི།། སེམས་ཀྱི་དེ་ཉིད་སྟོང་པའོ།། སྐད་ཅིག་དེ་ཉིད་རྒྱུད་ཉིད་ལ།། རྒྱུད ་ཅེས་བྱ་བར་བསྟན་པ་ཡིན། ། དཔལ་རྡོ་རྗེ་དྲ་བའི་སྡོམ་པའི་རྒྱུད་ལས། མཚན་གྱི་རྒྱུད་བསྟན་པའི་ལེའུ་སྟེ་དང་པོའོ།། །། དེ་ལས་གཞན་ནི་ང་ཡིས་བཤད།། ཡེ་ཤེས་སྐྱེ་བའི ་རྒྱུ་དང་གནས། ། རྐྱེན་དང་དེ་བཞིན་དམིགས་པའི་ཡུལ།། བྱེ་བྲག་མིང་གི་རྣམ་གྲངས་དང་།། དོན་གྱི་རྣམ་གྲངས་གང་ཡིན་དང་།། ཕན་ཡོན་དང་ནི་འབྲས་བུ་དང་།། དོན་དམ་དེ་ཉིད་ཆོས་ཀྱི་དབྱིངས ་དེ་ཉིད་འདིར་ནི་བཤད་པར་བྱ། ། རྒྱུ་ནི་རང་རིག་ཡེ་ཤེས་ཏེ།། རྒྱུ་མེད་རྒྱུ་ཡི་རང་བཞིན་ཅན།། རང་རིག་སྒྱུ་མར་བྱུང་བ་ནི།། བདེ་ཆེན་འཁོར་ལོ་ནས་བརྩམས་ཏེ།། འཁོར་ལོ་བཞི་འམ་བརྒྱད ་གཉིས་བཤད། ། དེ་བཞིན་ཉི་ཤུ་རྩ་བཞི་སྟེ།། ཡེ་ཤེས་སྐྱེ་བའི་རྟེན་ཡིན་ལ།། གནས་ནི་དེ་དང་མཉམ་པའི་རྩ།། གྲོགས་ནི་ཡེ་ཤེས་རླུང་ཡིན་ཏེ།། ཡེ་ཤེས་རླུང་གི་བཞོན་པ་ལ།། ཞོན་ནས ་དེ་ཉིད་འབྱུང་བ་ཡིན། ། གྲངས་ནི་སྔ་མ་ལྟར་དུ་ཤེས།། ངོ་བོ་ཐིག་ལེ་ཉིད་ཡིན་ཏེ།། ཐིག་ལེ་མདུད་པའི་གྲངས་སུ་ཤེས།། དེ་ཡི་ཕན་ཡོན་གང་ཡིན་པ།། གཟུང་འཛིན་རྣམ་པར་རྟོག་པ་ཡིས།། ་ཕྱིར་ཅི་ལོག་ཏུ་བརྟགས་པ་ཡིས།། རྣམ་པར་རྟོག་པ་སྤོང་བ་ཡིན།། འབྲས་བུ་རྡོ་རྗེ་འཆང་ཆེན་པོའི།། ས་ནི་ངེས་པར་ཐོབ་པའོ།། དཔལ་རྡོ་རྗེ་དྲ་བའི་སྡོམ་པའི་རྒྱུད་ལས། ཡེ་ཤེས་ཀྱི་རྒྱུ་དང ་གནས་ལ་སོགས་པ་བསྟན་པའི་ལེའུ་སྟེ་གཉིས་པའོ། ། །། དེ་ནས་གཞན་ཡང་བཤད་བྱ་བ།། འཁོར་ལོ་རྣམས་ཀྱི་དབྱེ་བ་ནི།། བདེ་ཆེན་འཁོར་ལོའི་འདབ་མ་ནི།། སུམ་ཅུ ་རྩ་གཉིས་གྲངས་ཡིན་ནོ། ། དེ་ནས་ལོངས་སྤྱོད་འཁོར་ལོ་ནི།། འདབ་མ་བཅུ་དྲུག་དག་ཏུ་བསྟན།། ཆོས་ཀྱི་འཁོར་ལོ་འདབ་མ་བརྒྱད།། སྤྲུལ་པའི་འཁོར་ལོའི་འདབ་མ་ནི།། དྲུག་ཅུ་རྩ་བཞི ་ངག་ཡིན་ནོ། ། བདེ་ཆེན་འཁོར་ལོ་སོར་བཞི་སྟེ།། ལོངས་སྤྱོད་འཁོར་ལོ་སོར་བཅུ་དྲུག། ཆོས་ཀྱི་འཁོར་ལོ་སོར་བཅུ་གཉིས།། སྤྲུལ་པའི་འཁོར་ལོ་སོར་བཅུ་དྲུག། བདེ་ཆེན་འཁོར་ལོའི་ལྟེ་བ ་རུ། ཧཾ་ནི་དཀར་པོ་འཐུར་བལྟས་བསམ།། ལོངས་སྤྱོད་འཁོར་ལོའི་ལྟེ་དབུས་སུ།། ཨོཾ་ནི་དམར་པོ་གྱེན་བལྟས་བསམ།། ཆོས་ཀྱི་འཁོར་ལོའི་ལྕེ་དབུས་སུ།། ཧཱུཾ་ནི་སྔོན་པོ་འཐུར་བལྟས ་བསམ། ། སྤྲུལ་པའི་འཁོར་ལོའི་ལྟེ་དབུས་སུ།། ཨཱ་ནི་དམར་པོ་གྱེན་བལྟས་བསམ།། དང་པོའི་འཁོར་ལོའི་འདབ་མ་ལ།། དབྱངས་ཀྱི་ཡི་གེ་བཅུ་དྲུག་ནི།། ལུགས་འབྱུང་ལུགས་མིན་དགོད ་པར་བྱ། ། ལོངས་སྤྱོད་འཁོར་བའི་འདབས་ལ།། དབྱངས་ཡིག་བཅུ་དྲུག་རིམ་བཞིན་དགོད། ཆོས་ཀྱི་འཁོར་མོའི་འདབ་མ་ལ།། མཱནཱ་པ་ཏ། ཡི་གེ་འདི་རྣམས་ག ་ནས་དགོད། ། ཨོཾ་ཏྲཾ་ཧྲིཿ། མཚམས་ནས་གཡས་སུ་དགོད་པར་བྱ།། སྤྲུལ་པའི་འདབ་མ་བཞི་རྩིབས་ལ།། གསལ་བྱེད་ཡི་གསུམ་ཅུ་གཉིས།། ལུགས་འབྱུང་ལུགས་ལས་བཟློག་ཚུལ ་དགོད། ། སྐུ་གསུང་ཐུགས་ཀྱི་རྩ་གསུམ་ནི།། དབུས་ནས་དྲང་པོར་གནས་པ་སྟེ།། ཧཱུཾ་ནི་དཀར་པོ་འཐུར་བལྟས་པ།། མར་གྱི་རྩེལ་ཐུག་པར་དགོད།། གཡས་ན་ཐབས་ཀྱི་རྩ་གནས་ཏེ། ་ཀཱ་ལི་སུམ་ཅུ་རྩ་གཉིས་ནི།། ཐབས་ལ་ལན་གསུམ་བསྐོར་བྱས་ནས།། ལུགས་འབྱུང་འོག་ཏུ་ཁ་བལྟས་དགོད།། གཡོན་ན་ཤེས་རབ་རྩ་གནས་ལ།། མ་མོ་དབྱངས་ཡིག་བཅུ་དྲུག་ནི། ་གྱེན་ལ་བལྟས་པ་དགོད་པར་བྱ།། སྒལ་ཚིགས་ལ་གནས་སྲོག་ལ་བརྟེན།། རྩ་གསུམ་འདུས་པའི་གནས་དེར་ནི།། རིན་ཆེན་དང་འདྲ་མདུད་པ་ནི།། དགུ་པར་གནས་པ་བྱ་གདོང་ཚུལ།། ་ཆོས་ཀྱི་དབྱིངས་ཀྱི་དབང་ཕྱུག་མ།། བདེ་བ་རེག་སྟེར་མ་ནི་བཞུགས།། གཞན་ཡང་རྐྱེན་གྱི་འཁོར་ལོ་གཉིས།། གླུ་གསུམ་གནས་སུ་ཡི་གེ་རཾ།། དེ་ནི་ཡོངས་སུ་གྱུར་པ་ལས། མེ་ཡི་འཁོར ་ལོ་གྲུ་གསུམ་པ། ། ཚད་ནི་སོར་གསུམ་ཉིད་ཡིན་ཏེ།། ལྟེ་བར་རཾ་ནི་དམར་པོ་བསམ།། འདབ་མ་གསུམ་ལ་ཨོཾ་ཨཱཿཧཱུཾ།། གྲུ་གསུམ་ཟུར་ལ་དགོད་བྱ་བ།། རྡོ་རྗེ་རྩེ་གསུམ་བསམ་པར་བྱ།། ་རླུང་གི་གནས་སུ་ཡི་གེ་ཡཾ།། དེ་ཉིད་ཡོངས་སུ་གྱུར་པ་ལས།། མདོག་གནག་གཞུ་ཡི་དབྱིབས་འདྲ་ལ།། ཚད་ནི་སོར་བཞི་ཉིད་ཡིན་ནོ།། དབུས་སུ་འདབ་མ་ལྔ་ཡིན་ཏེ།། ལྟེ་བར་ཡང་ནི་ནག ་པོ་བསམ། ། འདབ་མ་ལྔ་ལ་དཱ་ལྔ་དགོད།། བ་དན་ལྔ་ཡིས་མཚན་པའོ།། རླུང་གི་དམ་ཚིག་མེ་སྦར་བས།། དམ་ཚིག་མེ་ཡིས་གཏུམ་མོ་བསྐུལ།། ཡེ་ཤེས་མེས་ནི་གཏུམ་མོ་བསྐུལ།། ་འཁོར་ལོ་གསུམ་བསྲེགས་རྙིང་པ་ཙམ།། ཡི་གེ་ཧཾ་ནི་བསྲོས་པ་ཡིས།། ཧཾ་བཞུ་བདུད་རྩིའི་ཆར་ཡང་བབ།། ལྟེ་བའི་གནས་སུ་ཐིག་ལེར་གྱུར།། རྒྱུན་དུ་འབར་བར་གྱུར་པ་ཡིས།། རིན་ཆེན ་དབྱིབས་འདྲའི་ནང་སླེབ་ནས། ། རང་བཞིན་དགའ་བ་ཉམས་མྱོང་བས།། རང་གི་སེམས་ཀྱི་སྙིང་པོའི་རོ།། བཞི་པའི་དཔལ་ལྡན་ཧེ་རུ་ཀ། དེ་ཉིད་རྟོགས་པར་གྱུར་པ་ཡིས།། ཆོས་སྐུ་རྡོ་རྗེ་འཆང ་ཆེན་པོའི། ། ས་ནི་ངེས་པར་ཐོབ་པའོ།། དཔལ་རྡོ་རྗེ་གྲུབ་པ་དྲ་བའི་སྡོམ་པའི་རྒྱུད་ལས། འཁོར་ལོ་བཞི་བསྟན་པའི་ལེའུ་སྟེ་གསུམ་པའོ།། དེ་ནས་གཞན་ཡང་བཤད་བྱ ་བ། ཡིད་བཞིན་ནོར་བུ་དང་མཚུངས་པའི།། ངེས་དོན་དུ་ནི་ང་ཡིས་གསུངས།། དེ་ཡི་དོན་ལ་ཁྱེད་རྣམས་ཀྱིས།། རྩེ་གཅིག་སེམས་ཀྱིས་ཡིད་ལ་ཟུང་།། བཅོམ་ལྡན་འདས་ཀྱིས་དེ ་སྐད་ཅེས་བཀའ་སྩལ་པ་དང་། བྱམས་པ་དང་། དགའ་བའི་འོད་དང་། དྲི་མ་མེད་པའི་འོད་ལ་སོགས་པ་དཔའ་བོ་དང་རྣལ་འབྱོར་མའི་འཁོར་དཔག་ཏུ་མེད་པ་ཐམཚིང་མགུ་ནས ་རྗེས་སུ་ཡི་རང་ནས་ལྷའི་མཆོད་པ་རྣམ་པ་དུ་མས་མཆོད་པ་ནི་ནམ་མཁའ་ལ་རིན་པོ་ཆེའི་ཆར་དང་། སྒེག་པ་དང་། དགོད་པ་དང་། དགའ་བའི་མཆོད་པའི་རྣམ་པ་དང་། @ ་ཧི་ལ་སོགས་པའི་མཆོད་པ་དང་། གཞན་ཡང་ལྷའི་མེ་ཏོག་དང་། སྤོས་དང་། མར་མེ་དང་། དྲི་དང་། ཞལ་ཟས་ཀྱི་མཆོད་པ་རོ་བརྒྱ་པ་དང་། གཏུམ་པའི་མཆོད་པས་མཆོད་དེ། གཞན་ཡང ་ནང་དང་། གསང་བ་དང་། གསང་བའི་གསང་བ་བླ་ན་མེད་པའི་མཆོད་པ་ཆེན་པོ་རྨད་དུ་བྱུང་བས་མཆོད་ནས་ལན་གསུམ་བསྐོར་བ་བྱས་ཏེ། སོ་སོའི་རྫུ་འཕྲུལ་གྱིས་མི་སྣང་བར་གྱུར་ཏོ།། དཔལ་དེ ་རྗེ་གྲུབ་པ་དྲ་བའི་སྡོམ་པའི་རྒྱུད་ཀྱི་རྒྱལ་པོ་རྫོགས་སོ། ། རྒྱ་གར་གྱི་མཁན་པོ་ག་ཡ་དྷ་ར་དང་། ལོ་ཙ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་པའོ།། ་