| Wylie | e-texts produced with BDRC’s OCR application |
མ་ག་ཡ་དྷ་ར་དང་། ལོ་ཙ་བ་ཤཱཀྱ་ཡེ་ཤེས་ཀྱིས་བསྒྱུར་བའོ།། རྒྱ་གར་སྐད་དུ། ཤྲཱི་མ་ཧཱ་བ་ལ་ཛྙཱ་ན་རཱ་ཛ་ཏནྟྲ་རཱ་ཛ། བོད་སྐད་དུ། དཔལ ་སྟོབས་ཆེན་ཡེ་ཤེས་རྒྱལ་པོའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་ཁོ་ན་ཉིད་བཙུན་མོའི་བྷ་ག་ལ་འཁོར ་དཔའ་བོ་རྡོ་རྗེ་ལ་སོགས་པ་མཁའ་འགྲོ་མ་དང་། མ་མོའི་ཚོགས་ཀྱིས་བནོར་ཏེ་བཞུགས་པའི་དུས་སུ། དཔའ་རྡོ་རྗེ་མཁའ་འགྲོ་ལ་སོགས་པས་གཡོན་ཕྱོགས་སུ་བསྐོར་བ་ལན ་གསུམ་བྱས་ནས་ཕྱོས་ས་གཅིག་ཏུ་འཁོད་དོ། ། དཔའ་བོ་རྡོ་རྗེས་བཅོམ་ལྡན་འདས་ལ་སྤྱི་བོས་གཏུགས་ཏེ་ཧ་ཧ་ཞེས་པ་གསུམ་བརྗོད་ནས། བཅོམ་ལྡན་འདས་ལ་གསོལ་པ། རྩ་ནི་གང་ལགས་རླུང་གང ་ལགས། ། ཐིག་ལེ་གང་ལགས་གྲངས་ནི་དུ།། དེ་ལ་སེམས་གཟུང་ཇི་ལྟར་ལགས།། འཁོར་ལོ་ཇི་ལྟར་ལགས་པ་དང་།། དེ་ཡི་གྲངས་ནི་དུ་ཞིག་མཆི།། རྩ་རྣམས་རང་བཞིན་ཇི་ལྟར་ལགས།། ་ཡི་གེ་དགོད་ཐབས་ཇི་ལྟར་ལགས།། དེ་རྣམས་དབུས་ཀྱི་ལྟེ་བར་ནི།། ཡི་གེ་དགོད་པ་གང་དང་གང་།། གཏུམ་མོ་སྦར་བ་ཇི་ལྟར་ལགས།། ཟླ་བ་ཉི་མ་ཇི་ལྟར་ལགས།། གནས་ནི་གང་དུ་གཟུང་བར་བགྱི། ་རྐྱེན་གཉིས་འཁོར་ལོ་ཇི་ལྟར་ལགས།། གོ་བཟློག་ཚུལ་ནི་ཇི་ལྟར་ལགས།། གསང་བའི་འཁོར་ལོ་བཞི་གང་ལགས།། དེ་རྣམས་ཀྱི་ནི་དགོངས་པ་དང་།། དེ་ལ་དགའ་སོགས་ཇི་ལྟར་འབྱུང་།། ་སྟོང་པ་བཅུ་དྲུག་ཇི་ལྟར་ལགས།། ས་ཡི་རིམ་པ་ཇི་ལྟར་ལགས།། དེ་རྣམས་ཀྱི་ནི་དགོངས་པ་དང་།། དགོས་པའི་དགོངས་པ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། ཉོན ་ཅིག་དཔའ་བོ་རྡོ་རྗེ་ཁྱོད། ། ཁྱོད་ལ་བཤད་ཀྱིས་ལོགས་པར་ཟུང་།། རྩ་རྣམས་ཀྱི་ནི་རང་བཞིན་ནི།། ནམ་མཁའ་གཉིས་མེད་ཐམས་ཅད་སྐྱེད།། དེར་གནས་རླུང་གི་རང་བཞིན་ནི།། གཡོ་བ་རྣམ ་ཤེས་གཡོ་བ་ཡིན། ། ཐིག་ལེ་སྟོང་ཉིད་ངོ་བོ་སྟེ།། སྟོང་ཉིད་བསམ་དུ་མེད་པའོ།། ཐིག་ལེ་གྲངས་ནི་བཅུ་དྲུག་སྟེ།། རྩ་དང་རླུང་ཡང་དེ་བཞིན་ནོ།། དེ་ནས་སེམས་གཟུང་བསྟན་པ་ནི།། རྩ་དང་རླུང ་ནི་ཐིག་ལེ་ལ། ། གཉིས་མེད་རྩེ་གཅིག་སེམས་དང་པོ།། འཁོར་ལོའི་གྲངས་ནི་བཞི་ཡིན་ཏེ།། བདེ་ཆེན་འཁོར་ལོ་ལོངས་སྤྱོད་ཆོས།། དེ་འོག་སྤྲུལ་པའི་འཁོར་ལོ་སྟེ།། དེ་རེ་ལ་ཡང་བཞི་བཞི་སྟེ། ་བཅུ་དྲུག་གྲངས་སུ་ཤེས་པར་བྱ།། མེ་རླུང་གཉིས་ནི་རྐྱེན་ཡིན་ཏེ།། རོ་མའི་འཁོར་ལོ་ཉིད་དང་ནི།། སྤྱི་གཙུག་འཁོར་ལོ་དབང་བསྐུར་གནས།། གསང་བའི་འཁོར་ལོ་བ་ནི་ཡིན་ཏེ།། བདེ་སྐྱོང ་འཁོར་ལོ་དང་པོ་སྟེ། ། རྟ་མགྲིན་ལོངས་སྤྱོད་འཁོར་ལོ་ཡིན།། རིག་པའི་འཁོར་ལོ་གསུམ་པའོ།། གསང་བའི་འཁོར་ལོ་བཞི་ཡིན་ནོ།། ཉི་ཤུ་རྩ་བཞི་གྲངས་སུ་བསྟན།། རྩ་རྣམས་རང ་བཞིན་ང་ཡིས་བཤད། ། རྩ་ནི་ས་ཡི་རང་བཞིན་ཏེ།། རླུང་དང་ཐིག་ལེའི་རང་བཞིན་ནོ།། དེ་ནས་ཡི་གེ་དགོད་པ་ནི།། བདེ་ཆེན་འཁོར་ལོ་སུམ་ཅུ་གཉིས།། གསལ་བྱེད་སུམ་ཅུ་རྩ་གཉིས་ནི།། ་གཡས་ནས་བསྐོར་ཏེ་དགོད་པར་བྱ།། ལོངས་སྤྱོད་འཁོར་ལོའི་རྩིབས་བཅུ་དྲུག། དབྱངས་ཡིག་བཅུ་དྲུག་གཡོན་ནས་དགོད།། ཆོས་ཀྱི་འཁོར་ལོ་འདབ་མ་བརྒྱད།། ཡུམ་བཞིའི་ས་བོན་གཡོན ་ནས་བསྐོར། ། ཐབས་ནི་མཚམས་ཏེ་གཡས་ནས་བསྐོར།། སྤྲུལ་པའི་འཁོར་ལོའོ་འདབ་མ་ནི།། དྲུག་ཅུ་རྩ་བཞི་གང་ཡིན་ལ།། གསལ་བྱེད་གཡས་སྐོར་དགོད་པར་བྱ།། དབྱངས་ཡིག ་གཉིས་ལྡན་གཡོན་ནས་བསྐོད། ཁང་རྟེན་འཚར་མོའི་ལྟེ་དབུས་སུ།། རྐན་དཀར་པོ་འབྱུར་བ་སྨྲས་པསམ།། ལོངས་སྤྱོད་འཁོར་ལོའི་སྟེ་དབུས་སུ།། ཨོཾ་ན་དཀ ་ན་ལྟས་བསམ། ། ཆོས་ཀྱི་འཁོར་ལོའི་ལྡེ་དབུས་སུ།། ཛྙཱ་ནི་སྔོན་པོ་འཐུར་བལྟས་བསམ།། སྤྲུལ་པའི་འཁོར་ལོའི་ལྟེ་དབུས་སུ།། ཨཱ་ནི་དམར་པོ་བྱིན་བལྟས་བསམ།། རྐྱེན་ནི་འཁོར ་ལོ་གཉིས་ཡིན་ཏེ། ། དང་པོའི་གནས་སུ་ཡི་གེ་ཡཾ།། གཏུམ་མོ་འབར་བའི་ཡཾ་ཡིད་ཏེ།། ནག་པོ་ཡོངས་སུ་གྱུར་པ་ལས།། རླུང་འཁོར་མདོག་གནག་གཞུ་ཡི་དབྱིབས།། དབུས་སུ་དྷ་ལྔ་དགོད ་བྱས་ནས། ། བ་དན་ལྔ་ནི་མཛེས་པའོ།། གྲུ་གསུམ་གནས་སུ་ཡི་གེ་རཾ།། མེ་ཡི་འཁོར་ལོ་གྲུ་གསུམ་དམར།། དབུས་སུ་ཨོཾ་ཨཱཿཧཱུཾ་ནི་དགོད།། ཟུར་ལ་རྡོ་རྗེ་གསུམ་གྱིས་མཚན།། རྐྱེན་གྱི ་འཁོར་ལོ་དེ་ལྟར་ཡིན། ། རླུང་གིས་བསྐྱོད་པས་དམ་ཚིག་མེས།། ཡེ་ཤེས་མེ་ནི་བསྐུལ་བ་མཁས།། འཁོར་ལོ་བཞི་འམ་བརྒྱད་གཉིས་བཤད།། བདེ་ཆེན་མ་གཏོགས་གཉིས་ཙམ་བསྲེགས།། ་བདེ་ཆེན་ཏ་ནི་བསྲོས་བྱས་ནས།། ཞུ་བའི་ཆ་མེད་བདུད་རྩི་ནི།། ཟླ་བ་ནུ་བའི་བདུད་རྩི་ཡོས།། སྲོག་གི་རྩ་ཡི་ནང་ནས་འབབ།། རྒྱུན་དུ་འབབ་པར་གྱུར་པ་ཡིས།། འཆི་མེད་ཐིགས་པ་གཉིས་ཡིན་ཏེ།། ་གཟུང་བ་མདུད་པའི་ནང་དུ་གཟུང་།། ནོ་བཟློག་ལྤགས་སུ་བཟློག་པ་སྟེ།། མཐར་དྲུག་ག་ནས་སུ་གཟུང་བའོ།། གསང་བའི་འཁོར་ལོ་བནི་པ་ནི།། གསང་བ་བང་སྐྱོང་འཁོར་ལོལོ།། ཛྙཱན་སྟི་ང། ་དགོད་བྱས་ནས།། འདབ་མ་ལྔ་བཅུ་བརྒྱད་ཀྱི་གྲངས།། གསལ་བྱེད་ལུགས་བཞིན་དགོད་པར་བྱ།། དབྱངས་ཡིག་རིམ་གཉིས་དག་བཀོད་ནས།། ཐ་མ་བཟུང་སྟེ་སྤངས་པའོ།། སྡིག་པ་སྤོང་ཕྱིར་བདེ ་སྐྱོང་སྟེ། ། དེ་ཕྱིར་བདེ་སྦྱོར་ཞེས་ནི་བཤད།། རྟ་མགྲིན་འཁོར་ལོའི་འད་བ་བཟུང་ལ།། དབྱངས་ཡིག་ལུགས་དང་ལུགས་མིན་དགོད།། ལྟེ་བར་ཨུ་ནི་དགོད་པར་བྱ།། བདེ་བའི་ལོངས་སྤྱོད་མྱོང་བའི ་ཕྱིར། ། རྟ་མགྲིན་འཁོར་ལོ་རུ་ནི་བཤད།། རིག་པའི་འཁོར་ལོ་འདབ་མ་ལྔ།། ལྟེ་བར་ཧཾ་ནི་དགོད་བྱས་ནས།། འདབ་མ་ལྔ་ལ་ཨོཾ་ཧཱུཾ་ཝུས།། གཡས་ནས་རིམ་གྱིས་དགོད་པར་བྱ།། བཞི་པའི ་དོན་ནི་རིག་པའི་ཕྱིར། ། རིག་པའི་འཁོར་ལོ་ཞེས་ནི་བཤད།། གསང་བའི་འཁོར་ལོ་རིམ་པ་དྲུག། ལྟེ་བ་འདབ་བཞི་འདབ་མ་བརྒྱད།། བཅུ་དྲུག་སུམ་ཅུ་རྩ་གཉིས་ཏེ།། དྲུག་ཅུ་རྩ་བཞི་བཤད་པ ་ཡིན། ། ལྟེ་བར་ཨ་ནི་དགོད་པ་སྟེ།། ཨེ་བཾ་མ་ཡ་དེ་རྣམས་ནི།། འདབ་མ་བཞི་ལ་གཡོན་ནས་དགོད།། འདབ་མ་བརྒྱད་ལ་དགོད་བྱ་བ།། སྡེ་བརྒྱད་ཀྱི་ནི་དང་པོ་བརྒྱད།། གཡོན་གྱི་རིམ་པས་དགོད ་པར་བྱ། ། འདབ་མ་བཅུ་དྲུག་གང་ཡིན་ལ།། མ་མོ་བཅུ་དྲུག་གཡོན་ནས་དགོད།། འདབ་མ་སུམ་ཅུ་གཉིས་སོགས་ལ།། དབྱངས་ཡིག་ཡི་གེ་བཅུ་དྲུག་ནི།། གཡས་དང་གཡོན་གྱི་རིམ་པས་དགོད།། ་འང་མ་ཛུམ་ཅུརྒྱ་བཞི་འོ།། གཡས་ནས་ཀཱ་ལ་ལུགས་པཞིན་དགོད།། ཨ་ལ་རིམ་གཉིས་གཡོན་རྣཾས་དགོ།། གསང་པའི་དབང་བསྲུང་བ་མི་བྱོར།། གསང་བའི་འཁོ་ལ་རྣཾ་ན་བཤད། ་ནས་རོ་མའི་འཁོར་ལོ་ན།། འདབ་མ་གཉིས་ལ་ལྟེ་བར་བཅས།། མ་ནིང་བ་ནི་ཡི་འདབ་གཉིས་ལ།། ལྟེ་བར་དེ་ཉིད་འཐུར་ལ་དགོད།། རིན་ཆེན་རྩེ་མོ་བསམ་བྱ་བ།། བྷྱ་ནི་བྱིན ་ལ་དགོད་པར་བྱ། ། ཡི་གེ་གཉིས་ཀྱི་དབུས་སུ་ནི།། བྱང་ཆུབ་སེམས་ཀྱི་བདེ་བའི་རོ།། ཉམས་སུ་མྱོང་བར་བྱ་བའི་ཕྱིར།། ཉམས་མྱོང་རོ་མའི་འཁོར་ལོར་བཤད།། དེ་ནས་དབང་བསྐུར་འཁོར་ལོ་ནི།། ་སྟེང་གི་ཚངས་སྒོའི་འདབ་མ་བརྒྱད།། ལྟེ་བར་ཨ་ནི་དགོད་པ་སྟེ།། དེ་ལ་ཁཾ་རྱ། གཡོན་ནས་བརྩམས་ཏེ་ཕྱོགས་བཞིར་དགོད།། ཧཱུཾ་ཏྲ~ཾ་ཧྲི་ཨ། གཡས་ནས་མཚམས་སུ་རིམ་པར་དགོད།། བྱང་ཆུབ ་སེམས་ཀྱི་ཆུ་རྒྱུན་གྱིས། ། ལུས་ངག་ཡིད་གསུམ་སྒྲིབ་པ་དག། འཁྲུད་པའི་ཕྱིར་ན་དབང་བསྐུར་ཏེ།། དེ་ཕྱིར་དབང་བསྐུར་འཁོར་ལོ་བཤད།། དེ་ནས་ཡང་ནི་བཤད་བྱ་བ།། མདོར་བསྡུས་སྒོམ་པ ་བཤད་པར་བྱ། ། གོང་དུ་བསྟན་པ་གང་ཡིན་པ།། སྒྱུ་མ་ཙམ་དུ་ཤེས་པར་བྱ།། རང་རིག་སེམས་ལས་གཞན་མིན་ཏེ།། རང་གི་སེམས་ཀྱི་སྟོང་པ་ཉིད།། འོད་གསལ་བ་ཡི་རང་བཞིན་དུ།། ཅི་ཡང ་མི་རྟོག་ཤེས་གྱུར་ན། ། མ་བསྒོམས་ན་ཡང་སྒོམ་པ་ཉིད།། དེ་ལྟར་སེམས་ལ་ལེགས་པར་ཟུང་།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དཔའ་བོ་རྡོ་རྗེ་ལ་སོགས་པའི་དཔའ་བོ ་དང་། མཁའ་འགྲོ་མ་དང་། མ་མོ་ལ་སོགས་པའི་འཁོར་དཔག་ཏུ་མེད་པ་རྗེས་སུ་ཡི་རང་བར་གྱུར་ཏེ། ཕྱི་ནང་གསང་བའི་མཆོད་པས་མཆོད་ནས་མི་སྣང་བར་གྱུར་ཏོ།། དཔལ་སྟོབས་ཆེན་ཡེ་ཤེས ་རྒྱལ་པོའི་རྒྱུད་ཀྱི་རྒྱལ་པོ་རྨད་དུ་བྱུང་བ་རྫོགས་སོ། ། ། རྒྱ་གར་གྱི་མཁན་པོ་ག་ཡ་དྷུདཱུར་དང་། ལོ་ཙ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། ་