| Wylie | e-texts produced with BDRC’s OCR application |
རྒྱ་གར་སྐད་དུ། ཤྲཱི་ཤྨ་སཱ་ན་ཨ་ལཾ་ཀཱ་ར་ཏནྟྲ་རཱ་ཛ། བོད་སྐད་དུ། དཔལ་དུར་ཁྲོད་རྒྱན་གྱི་རྒྱུད་ཀྱི་རྒྱལ་པོ། དཔལ་བདེ་བ་ཆེན་པོ་ལ་ཕྱག་འཚལ་ལོ།། ་འཇིགས་བྱེད་ཆེ་ལ་ཕྱག་འཚལ་ཏེ།། ཞབས་ལ་སྤྱི་བོས་ལེགས་བཏུད་ནས།། དུར་ཁྲོད་གང་ལགས་རྒྱུན་གང་ལགས།། རྒྱུད་ནི་གང་ལགས་རྒྱལ་པོ་གང་།། བཅོམ་ལྡན་འདས་ཀྱིས ་བཀའ་སྩལ་པ། ། ལེགས་སོ་རྡོ་རྗེ་སྙིང་པོ་ལེགས།། ལེགས་པར་ཉོན་ལ་ལེགས་པར་ཟུང་།། དང་པོར་དུར་ཁྲོད་བཤད་བྱ་སྟེ།། དུར་ཁྲོད་སྤྱི་དང་བྱེ་བྲག་གནས།། གཞལ་ཡས་ཁང་གི ་ཕྱི་རོལ་ཏེ། ། རྡོ་རྗེ་ར་བའི་ནང་རོལ་དུ།། འཇིགས་པ་ཆེན་པོ་སྤྱི་ཡི་གནས།། བྱེ་བྲག་ཤར་ལ་སོགས་པ་སྟེ།། སྣོད་ཀྱི་ཞེན་པ་བཟློག་པ་ཡང་།། ལྕགས་རི་ནག་པོ་ཚུན་ཆད་དེ།། རྡོ་རྗེར ་བས་དེ་ཉིད་དོ། ། ཆེན་པོ་ཁྲུ་ནི་ཉི་ཤུ་སྟེ།། ཆུང་བ་ཁྲུ་གང་ཚུན་ཆད་དོ།། དེ་ལས་གཞན་པའི་དཀྱིལ་འཁོར་གྱི།། ཚད་ལས་ངེས་པར་བཟླས་པའོ།། རྣམ་ཤེས་ཚོགས་བརྒྱད་རྣམ་རྟོག་བརྐྱང་། ་མི་མངའི་རྟགས་སུ་དུར་ཁྲོད་བརྒྱད། ཕྱོགས་དང་ཕྱོགས་བྲལ་དག་ཏུ་དགོད།། ཚོགས་བརྒྱད་ཡོན་ཏན་བརྒྱད་ལྡན་པའི།། རྟགས་སུ་ཤིང་བརྒྱད་རིམ་པས་དགོད ་དེ་བཞིན་གདུག་པ་བརྒྱད་བཅོམ་པའི། ། རྟགས་སུ་ཀླུ་བརྒྱད་རིམ་པས་དགོད།། ཚོགས་བརྒྱད་མི་དགེ་བཅུ་བཅོམ་པའི།། ཆགས་སུ་ཕྱོགས་སྐྱོང་རིམ་པས་དགོད།། ལུས་ངག་ཡིད་ཀྱིས་སེམས་ཅན ་གྱི། དོན་མཛད་ཕྱིར་ནི་ཆར་སྤྲིན་དགོད།། དེ་ཉིད་དུར་ཁྲོད་འཇིགས་པ་ཆེ།། ཐབས་དང་ཤེས་རབ་གཉིས་མེད་རྒྱུད།། རྣམ་རྟོག་ཟིལ་གནོན་བརྒྱད་པོར་བཤད།། མཛེས་པའི་ཕྱིར་ན་རྒྱན ་ཡིན་ནོ། ། དེ་ཉིད་གསལ་བར་བྱ་བའི་ཕྱིར།། དང་པོར་དུར་ཁྲོད་བཤད་པར་བྱ།། ཤར་དུ་གཏུམ་དྲག་ནག་པོ་ཆེ།། ལྷོ་རུ་འཕར་དགོད་སེར་ཆེ།། ནུབ་ཏུ་མི་བཟང་དམར་པོ་ཆེ།། བྱང་དུ་ཚང ་ཚིང་ལྗང་ཀུ་ཆེ། ། མེ་རུ་གཡེར་ཀ་ཅན་ཡིན་ཏེ།། བདེན་བྲལ་མཚམས་སུ་འབར་བ་འཛིན།། རླུང་མཚམས་དམྱལ་སོགས་གནས་པ་སྟེ།། དབང་ལྡན་དུ་དབྱིབས་ཅན་ནོ།། བྷུ་ཙ་རི་ཁི་ཙ་ཤ་ནི།། ་ས་སྟེངས་ཤར་གྱི་ཕྱི་རུ་དགོད།། པ་ཏཱ་ལི་དང་བཱ་ས་ནི།། ས་འོག་ནུབ་ཀྱི་ཕྱི་རུ་དགོད།། དུར་ཁྲོད་འདི་རྣམས་གཟུགས་རྣམས་ཀྱང་།། འབར་བ་ཚིག་དང་མཆོག་སོགས།། ཀེང་རུས་ཐོད་པ་ལ ་སོགས་དང་། ། རོ་ལངས་འབྱུང་པོའི་ཚོགས་དང་བཅས།། ཅེ་སྤྱང་སྒྲ་ཡིས་འཇིགས་པའི་གཟུགས།། ཤར་དུ་ཤི་རི་ཤ་ཡི་ཤིང་།། ལྷོ་རུ་ཨ་ཤྭད་ཐ་ཡི་ཤིང་།། ནུབ་ཏུ་ཝང་གེ་ལིང་གི་ཤིང་། ་བྱང་དུ་ནུ་ཏའི་ཤིང་དུ་ངེས།། གོང་དང་མཚུངས་པ་ནྱ་གྲོ་དྷ།། པརྐ་ཏི་ལྕུག་པཱ་ཐཱ་དག། མེ་ནས་དབང་ལྡན་མཚམས་སུ་དགོད།། ཇི་ལྟར་གྲགས་པའི་གཟུགས་སུ་འདོད།། ཤར་དུ་དབང་པོ ་གནས་པ་སྟེ། ། ལྷོ་རུ་གཤིན་རྗེ་གནས་པའོ།། ནུབ་ཏུ་ཀླུ་དབང་གནས་པ་སྟེ།། བྱུང་དུ་གནོད་སྦྱིན་ཡང་དག་གནས།། ཤར་ལྷོར་མེ་ནི་གནས་པའོ།། ལྷོ་ནུབ་མཚམས་སུ་སྲིན་པོ་གནས། ་ནུབ་བྱང་མཚམས་སུ་རླུང་དགོད་དེ།། བྱང་ཤར་མཚམས་སུ་དབང་ལྡན་དགོད།། ཉི་ཟླ་ཤར་ལ་ས་བདག་ནུབ།། ཇི་ལྟར་གྲགས་པའི་གཟུགས་སུ་དགོད།། ཤར་དུ་ནོར་རྒྱས་གནས་པ་སྟེ། ་འཇོག་པོ་ལྷོ་སྟེ་སྟོབས་རྒྱུ་ནུབ།། པདྨ་བྱང་ལ་པད་ཆེན་མེ།། ཧུ་ལུ་ཧུ་ལུ་སྲིན་པོར་དགོད།། རིགས་ལྡན་རླུང་མཚམས་དགོད་པ་སྟེ།། དུང་སྐྱོང་དབང་ལྡན་མཚམས་སུ་ནི།། གདུག་པ་སྤྲུལ ་གྱི་གཟུགས་སུ་དགོད། ། ཁ་དོག་རིགས་ཀྱི་དབྱེ་བས་དབྱེ།། ཤར་དུ་ཆར་སྤྲིན་དཀར་པོར་དགོད།། ལྷོ་རུ་པུ་མི་ཏི་དགོད་དོ།། ནུབ་ཏུ་འཇིགས་པ་རྣམ་པར་གནས།། བྱང་དུ་ཨ་བ་ཡང་དག ་གནས། ། སྔོ་ཉ་མེར་ནི་ཡང་དག་གནས།། གྷཱ་ཉ་སྲིན་པོའི་མཚམས་སུ་དགོད།། རླུང་གི་མཚམས་སུ་པར་ཤན།། གཏུམ་པོ་འདི་བརྒྱད་ཆར་སྤྲིན་བརྒྱད།། བཙོད་ཀྱི་མདོག་འདྲ་གུར་ཀུམ ་མདོག། ནམ་མཁའི་མདོག་འདྲ་ངུ་བའི་མདོག། སྤྲིན་གྱི་མདོག་འདྲ་སྤྲིན་གྱི་གཟུགས།། ཤར་ལ་སོགས་པ་བཞི་བཞི་སྟེ།། འདི་དག་ནང་རྟགས་ཕྱི་རུ་འབྱུང་།། དང་པོར་སྤངས་པ་ཕུན ་ཕུན་སུམ་ཚོགས། ། དེ་ནས་ཡེ་ཤེས་ཕུན་སུམ་ཚོགས།། རང་རིག་དོན་ནི་ཕུན་སུམ་ཚོགས།། གཞན་དོན་ཕུན་སུམ་ཚོགས་པ་ཡི།། རྟགས་སུ་འཇིགས་པ་འདི ་དག་གནས། འོ་ནས་ནང་གི་དུར་ཁྲོད་སོགས།། པགས་པ་རྡོ་རྗེ་ར་བ་སྟེ།། རུས་པ་རྡོ་རྗེ་གུར་དུ་ངེས།། དཔུང་པ་ཉེ་བའི་དཔུང་པ་སྟེ།། བརླ་དང་དེ་བཞིན་ཉེ་བའི་བརླ།། བརྒྱད་ནི་དུར་ཁྲོད ་བརྒྱད་དུ་ངེས། ། རྗེ་ངར་ཉེ་བའི་རྗེ་ངར་བཞི།། ལག་ངར་ཉེ་བའི་ལག་པར་བཞི།། བརྒྱད་ནི་ནང་གི་ཤིང་བརྒྱད་དོ།། ཚིགས་དང་དེ་བཞིན་ཉེ་བའི་ཚིགས།། སྟེང་དང་འོག་ཏུ་བཞི་བཞི་སྟེ།། ་ནང་གི་ཕྱོགས་སྐྱོང་ཡིན་པར་འདོད།། མཐིལ་དང་དེ་བཞིན་ཉེ་བའི་མཐིལ།། སྟེང་འོག་དེ་བཞིན་ཀླུ་བརྒྱད་དོ།། རྩེ་དང་དེ་བཞིན་ཉེ་བའི་རྩེ།། བརྒྱད་ནི་ཆར་སྤྲིན་བརྒྱད་ཡིན་ཏེ།། བསྐྱེད་རིམ ་རྣམ་རྟོག་མི་མངའི་རྟགས། ། དུར་ཁྲོད་བརྒྱད་ནི་ནང་ན་གནས།། རྩ་རླུང་ངོ་བོ་ཤེས་པ་རྒྱས།། དེ་ཕྱིར་ནང་གི་ཤིང་བརྒྱད་གནས།། རགས་པའི་གདུག་པ་འདུལ་བའི་ཕྱིར།། ནང་ན་ཀླུ་བརྒྱད་ཡང ་དག་གནས། ། བདག་སྤྱོད་གཞན་ཡང་སྤྱོད་པའི་ཕྱིར།། ཆར་སྤྲིན་བརྒྱད་ནི་ནང་དུ་གནས།། དེ་ནས་གསང་བའི་དུར་ཁྲོད་ཀྱང་།། སྣ་རྩེ་རྩ་བརྒྱད་དུར་ཁྲོད་བརྒྱད།། ལྟེ་བར་རྩ་བརྒྱད་ཤིང་བརྒྱད ་ངོ། སྙིང་ཀར་རྩ་བརྒྱད་ཕྱོགས་སྐྱོང་བརྒྱད།། མགྲིན་པར་རྩ་བརྒྱད་ཀླུ་བརྒྱད་དེ།། སྤྱི་བོར་རྩ་བརྒྱད་ཆར་སྤྲིན་བརྒྱད།། གསང་བར་རྣམ་རྟོག་མི་མངའི་རྟགས།། དུར་ཁྲོད་བརྒྱད་ནི་གསང་བར ་གནས། ། ཐམས་ཅད་བདེ་བར་སྣང་བའི་ཕྱིར།། གསང་བར་ཤིང་བརྒྱད་ཡང་དག་གནས།། ཕྲ་བའི་མཚན་མའི་རྣམ་རྟོག་གི། གདུག་པ་འཇོམས་ཕྱིར་ཀླུ་བརྒྱད་དགོད།། བདེ་བས་བདག ་སྤྱོད་གཞན་སྦྱོར་བས། ། དེ་ཡི་ཕྱིར་ན་ཆར་སྤྲིན་དགོད།། དེ་ནས་བཞི་པའི་དུར་ཁྲོད་ཀྱང་།། རྣམ་ཤེས་བརྒྱང་ན་དེ་ཉིད་བརྒྱད།། དུར་ཁྲོད་བརྒྱད་དུ་ངེས་པའོ།། དུར་ཁྲོད་སོགས་བརྒྱད་དེ ་ཉིད་ཤིང་། ། ལྷག་མ་གསུམ་དང་ཚོར་སོགས་ལྔ།། བརྒྱད་ནི་ཕྱོགས་སྐྱོང་བརྒྱད་དུ་ངེས།། ཉོན་མོངས་དྲུག་དང་དེ་ཡི་གཉིས།། བརྒྱད་པོ་དག་ནི་ཀླུ་བརྒྱད་དོ།། ལྔ་དང་བཞི་དག་གསུམ་དག ་ནི། དེ་ནི་བཞི་པའི་ཆར་སྤྲིན་བརྒྱད།། གཟུང་འཛིན་རྣམ་རྟོག་མི་མངའི་རྟགས།། བཞི་པ་ཡི་ནི་དུར་ཁྲོད་བརྒྱད།། སྟོབས་སོགས་མཁྱེན་པའི་ཡོན་ཏན་རྒྱས།། རྟགས་སུ་ཤིང་བརྒྱད་ངེས ་པའོ། ། རྣམ་རྟོག་གདུག་པ་འདུལ་བ་ཡི།། རྟགས་སུ་ཀླུ་བརྒྱད་ངེས་པའོ།། གཟུགས་སྐུ་གཉིས་ཀྱིས་སེམས་ཅན་གྱི།། དོན་མཛད་རྟགས་སུ་ཆར་སྤྲིན་བརྒྱད།། ཕྱོགས་སྐྱོང་བླ་མའི་ཞལ ་ནས་ཤེས། ། དེ་དག་ཀུན་གྱི་བྱེ་བྲག་ཀྱང་།། བླ་མའི་ཞལ་ནས་ཤེས་པར་བྱ།། རྒྱུན་ཆགས་ཕྱི་ནང་རྒྱུད་ཅེས་བྱ།། རྒྱལ་པོ་ཁྱད་པར་འཕགས་པའོ།། གཞན་ཡང་ང་ཡིས་གསུངས་པའི ་བཀའ། ། གསུང་གཅིག་ཉིད་དུ་གསུངས་གྱུར་ཀྱང་།། དུ་མ་ཉིད་དུ་སོ་སོར་སྣང་།། ཆོས་ཚུལ་དུ་མའི་བྱེ་བྲག་དང་།། མོས་པ་དུ་མའི་བྱེ་བྲག་དང་།། འདུ་ཤེས་དུ་མའི་བྱེ་བྲག་གིས།། ཐེག ་པའི་མཐའ་ལ་ཐུག་པ་མེད། ། སེམས་གཟུང་ཡན་ལག་བསམ་མི་ཁྱབ།། ང་ཡི་རྗེས་སུ་འབྲངས་པ་ཡི།། བླ་མ་ས་རབ་ནོན་པ་དང་།། དེ་ཉིད་བཅུ་ལྡན་མངོན་ཤེས ་སྐྱེས། ། དེ་གསུང་བཅུ་དྲུག་མཐའ་ཡི་བར།། རིག་པའི་གནས་ལྔ་མཁས་པས་སྦྱང་།། མཁའ་འགྲོ་མ་ཡིས་ལུང་བསྟན་པས།། བརྩམས་ལ་བཞི་ཡི་མཐའ་ཡིས་ངེས།། དེ་ལྟའི་མན་ངག ་མོ་ཐོབ་པར། ། སྔགས་ཀྱི་ལྷ་སྤྱོད་གང་སྤྱོད་པ།། རང་ཡང་ཕུང་ལ་གཞན་ཡང་ཕུང་།། མཐོང་བའི་ཆོས་ལ་དམྱལ་སོགས་འཚེད།། དེ་བས་དངོས་གྲུབ་འདོད་པ་ཡིས།། བླ་མ་དམ་པ་མཉེས ་བྱས་ཏེ། ། མན་ངག་དམ་པ་བླང་བར་བྱ།། ངེས་པའི་ལྟ་སྤྱོད་མ་རྙེད་པར།། གསང་བའི་ལྷ་དང་སྤྱོད་པ་དང་།། མོས་པའི་རྗེས་སུ་གང་བྱེད་དང་།། ཉོན་མོངས་ཟིལ་ནོན་ལ་སོགས་དག། ་གསང་སྔགས་ལྟ་བུར་སྤྱད་པ་སྤྱོད།། འདི་དག་རྐུན་པོ་མ་རུངས་པ།། མཐོང་བའི་ཆོས་ལ་དམྱལ་བར་སྐྱེས།། དང་པོ་སྲིད་པ་སྐྱེ་བ་ཡང་།། ཡར་ངོ་མར་ངོ་མཚམས་དང་གསུམ།། སི་ཧླའི་དང་། ་པོ་ཐ་མ་དང་།། འབྲས་བུ་སྲིད་པ་སྐྱེ་བ་ཡི།། དུས་དེར་ཀུན་ཏུ་རུ་བྱེད་ན།། འབྱུང་བའི་རླུང་གི་ནང་ཞུགས་ན།། ནད་གཞི་བསྡུས་ཤིང་ནད་གཞི་སྐྱེད།། སྲོག་དང་ཚངས་པར་སྤྱོད་པ་འབྱུང་།། ་དེ་ལ་འདོད་པའི་མཚོན་ཆས་ནི།། གཡེང་བ་མེད་པར་གཏར་ཀ་བྱ།། ཕྱི་ནས་རིགས་ཀྱི་བདག་པོས་སོ།། སྲིད་པར་སྐྱེ་བའི་དུས་ཚོད་ཀྱང་།། རྒྱུན་ཆང་ཞག་གསུམ་ཞག་ལྔ་དང་།། བདུན་དང་དགུ་ཡི ་དུས་རྣམས་སྣང་། ། དེ་ལྟར་རྒྱུང་མཆོག་རྒྱལ་པོའི་དོན།། ཁྱོད་ལ་གཏད་ཀྱིས་ལེགས་པར་དྲུང་།། དེ་ནས་འཁོར་ཐམས་ཅད་དགའ་ཞིང་མགུ་སྟེ་རྗེས་སུ་ཡི་རང་བར་གྱུར་ཏོ།། དཔལ་དུ་བཟོད ་རྒྱན་གྱི་རྒྱུད་ཀྱི་རྒྱལ་པོ་རྫོགས་སོ། ། ། པཎྜི་ཏ་ག་ཡ་དྷ་ར་དང་། ལོ་ཙ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། ་