| Wylie | e-texts produced with BDRC’s OCR application |
རྒྱུ་གར་གྱི་མཁན་པོ་ག་ཡ་དྷཱ་ར་དང་། ལོ་ཙང་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། རྒྱ་གར་སྐད་དུ། ཤཱི་རཏྣ་ཛྭ་ལ་ཏནྟ་རཱ་ནཱ་མ། ་བོད་སྐད་དུ། དཔལ་རིན་ཆེན་འབར་བའི་རྒྱུད་ཀྱི་རྒྱལ་པོ་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། ཧེ་ཧེ་རྡོ་རྗེ་སྙིང་པོ་དང་།། མཁའ་སྤྱོད་མ་ལ་སོགས་པ་དག། སྒོ་གསུམ ་ལེགས་པར་བསྡུས་ནས་ནི། ། ར་ལི་ཆེན་པོའི་དབྱེ་བ་ཉོན།། ལ་ལས་བྱུང་བ་ཐབས་ཀྱི་རྒྱུད།། ར་ལས་བྱུང་བ་ཤེས་རབ་རྒྱུད།། ཨི་ཕྱིས་ཨ་ལས་གཉིས་མེད་རྒྱུད།། ཐབས་ནི་སྐུ་སྟེ་ཤེས་རབ ་གསུང་། ། གཉིས་མེད་ཐུགས་སུ་ཤེས་པར་བྱ།། སྐུ་གསུང་ཐུགས་ཀྱི་རང་བཞིན་ལས།། ཉི་ཤུ་རྩ་བཞི་བྱུང་བའོ།། ཨ་ལ་ལ་ཧོ་ཨི་མའོ།། ཐབས་ནི་ལ་ལས་ཇི་ལྟར་བྱུང་།། ར་ལས་ཤེས ་རབ་ཇི་ལྟར་བྱུང་། ། ཨ་ལས་གཉིས་མེད་ཇི་ལྟར་བྱུང་།། སྐུ་གསུང་ཐུགས་སུ་ཇི་ལྟར་འགྱུར།། ཉི་ཤུ་རྩ་བཞིར་ཇི་ལྟར་དབྱེ།། ཨེ་མ་ཧོ་མགོན་པོས་བཤད་དུ་གསོལ།། འཇིགས་བྱེད་ཆེན ་པོས་བཀའ་སྩལ་པ། ། ཨ་ལས་ཨ་བ་དྷཱུ་ཏཱི་སྟེ།། འདི་ཉིད་ལས་ནི་གཉིས་མེད་རྒྱུད།། འབྱུང་བའི་གནས་དང་རྒྱུ་རུ་བརྟག། ལ་ལས་ལ་ལ་ནཱ་ཡི་རྩ།། དེ་ལས་ཐབས་ཀྱི་རྒྱུད་བྱུང་བའི།། རྒྱུ་དང ་གནས་དང་ངོ་བོར་བརྟག། ར་ལས་ར་ས་ནཱ་ཡ་རྩ།། འདི་ཉིད་ལས་ནི་ཤེས་རབ་ཀྱི།། ར་ལི་འབྱུང་བའི་རྒྱུད་དང་གནས།། ར་ནི་ཆགས་ཕྱིར་ཤེས་རབ་སྟེ།། ཤེས་རབ་ཡི་གེ ་བཅུ་དྲུག་བརྡ། ། ལ་ནི་ནུབ་ཕྱིར་ཐབས་ཡིན་ཏེ།། ཐབས་ཀྱི་ཡི་གེ་བཅུ་བཞིའི་བརྡ།། ཐོག་མ་མེད་ནས་མ་སྐྱེས་པ།། ཨེ་ནི་གཉིས་མེད་རང་བཞིན་ཏེ།། གཉིས་མེད་བློ་ཡི་སྤྱོད་ཡུལ་མིན།། བློ་དང་སྒྲ་རི་ཀུན ་རྫོབ་ཕྱིར། ། གཡས་ནི་ཐབས་ཡིན་ལ་ལ་ནཱ།། གཡོན་པ་ཤེས་རབ་ར་ས་ནཱ།། ཨ་བ་དྷཱུ་ཏཱི་གཉིས་སུ་མེད།། ཐབས་དང་ཤེས་རབ་གཉིས་མེད་ཀྱི།། ར་ལིའི་ངོ་བོ་ཤེས་པར་བྱ།། འདོད་ཆགས་རྡུལ། ་ལ་ལུས་ནི་ཐབས།། ལ་ལ་ནཱ་ནི་སྐུ་ཡིན་ཏེ།། གཏི་མུག་མུན་པ་དག་དང་ཡང་།། ཤེས་རབ་ར་ས་ནཱ་ནི་གསུང་།། ཞེ་སྡང་སྙིང་སྟོབས་ཡིད་ཡིན་ཏེ།། ཐུགས་ཏེ་གསུམ་གྱིས་འགྱུར་བའོ།། སྐུ་ལ ་བརྒྱད་དེ་གསུང་ལ་བརྒྱད། ། ཐུག་ལ་བརྒྱད་དེ་ཉི་ཤུ་བཞི།། ར་ལི་ཉི་ཤུ་བཞི་རུ་ངེས།། གནས་ནི་ཉི་ཤུ་རྩ་བཞི་དང་།། ཙཎྜ་ལི་དང་ཕྱག་དག་དང་།། མཁའ་འགྲོ་འབྱུང་པོ་ཉི་ཤུ་བཞི།། དེ་ཉིད་བརྡ་རུ་ངེས་པ་སྟེ།། སྐུ་གསུང་ཐུགས་ཀྱི ་དབྱེ་བས་སོ། ། གནས་དང་མཁའ་འགྲོ་ར་ལི་དབྱེ།། སྐུ་གསུམ་དུ་ནི་དེ་ཉིད་བསྡུ།། དང་པོར་རྒྱུད་ཀྱི་ངེས་པ་དང་།། རྒྱུ་ཡི་གནས་དང་གནས་ངེས་པ།། གཏང་ས་ངེས་དང་གོ་རིམས་ངེས།། གྲངས ་ངོས་རིགས་ངེས་བཅོ་ལྔར་ངེས། ། མདོ་སྡེ་འདུལ་བ་མངོན་པ་ཡི།། དམན་པའི་རིམ་པས་དང་པོར་གསུངས།། དམན་པ་རྣམས་ལ་བྱ་བའི་རྒྱུད།། དེ་རྗེས་རྣལ་འབྱོར་ཉིད་ཡིན་ཏེ།། སྐྱེས་པ ་འདུལ་ཕྱིར་རྣལ་འབྱོར་རྒྱུད། ། ཕྱི་ནས་རྣལ་འབྱོར་མ་རྒྱད་ནི།། བུད་མེད་ཡོངས་སུ་གཟུང་ཕྱིར་རོ།། དང་པོ་རྩ་བའི་རྒྱུད་གསུངས་ཏེ།། དེ་ནས་བཤད་པའི་རྒྱུད་ཉིད་དོ།། དེ་ནས་རྒྱུད་ནི་ཕྱི་མའོ།། ་དེ་རྗེས་ཕྱི་མའི་ཕྱི་མ་སྟེ།། རིམ་པ་བཅུ་ནི་བསྐོར་བ་སྟེ།། སྣོད་ངན་དམན་པའི་རིམ་པས་གསུངས།། མེ་ཏོག་སྙིང་པོའི་བཅུང་བཞིན་དུ།། ཕྱི་ཡི་ཕྱི་ནས་བདུད་རྩིའི་རོ།། ར་ལིའི་སྙིང་པོ་སྙིང་པོའི་རྒྱུད།། ་དང་པོར་ལ་ལས་སྐུ་ཡི་རྒྱུད།། དཔའ་བོ་མཁའ་འགྲོ་མས་ཞུས་ནས།། སྐུ་ཡི་མཁའ་འགྲོ་བརྒྱད་ལ་གཏད།། དེ་རྗེས་ར་ལས་གསུང་གི་རྒྱུད།། གསུང་གི་མཁའ་འགྲོ་བརྒྱད་ལ་གཏད།། ཕྱི་ནས ་ཨ་ལས་ཐུགས་ཀྱི་རྒྱུད། ། ཐུགས་ཀྱི་མཁའ་འགྲོ་བརྒྱད་ལ་གཏད།། གཉིས་མེད་ཡེ་ཤེས་བདུད་རྩིའི་རོ།། ལུས་ལས་ལུས་གསལ་མིག་གིས་ལུས།། གསལ་བའི་ཕྱིར་ནི་སྒྲོན་མ་སྟེ།། སེང་གེའི ་གཟུགས་འདྲ་བདུད་རྩིའི་རོ། ། ཉི་མའི་འོད་འདྲ་ཟླ་བའི་ཟེར།། འབྲུག་གི་སྒྲ་འདྲ་རྒྱ་མཚོའི་གཏིང་།། ཆུ་བོའི་རྒྱུན་འདྲ་རི་རབ་ལྷུན།། ཨུ་དུམ་ཝཱར་འདྲའི་ཞིང་གི་རྡུལ།། འདི་ལ་འདོད་འདོད་ཚོལ ་བ་དང་། ། རྟོག་གེ་པ་ཡིས་དཔྱད་དུ་མེད།། གལ་ཏེ་རང་འདོད་དཔྱད་གྱུར་ན།། དཔའ་བོ་མཁའ་འགྲོ་ཁྲོས་གྱུར་ཏོ།། མགོ་ལུས་ཚུལ་པ་བརྒྱ་རུ་འགས།། དེ་བས་རང་གི་ཆུང་མ་དང་།། བུ་དང་ཡུལ ་འཁོར་ལུས་ངག་གིས། ། བླ་མ་དམ་པ་མཉེས་བྱ་སྟེ།། ཆུ་བོ་རྒྱུན་འདྲའི་མན་ངག་བླང་།། ཀྱེ་མའོ་མགོན་པོ་སྙིང་རྗེ་ཅན།། ར་ལིའི་དབྱེ་བ་དེ་ལྟར་ན།། དེ་ཡི་ཆེན་པོ་ཇི་ལྟར་ལགས།། ནང་དུ་ཉི་ཤུ ་རྩ་བཞི་ཡི། ། ངེས་པ་སླར་ཡང་བདག་ལ་གསུངས།། རྡོ་རྗེ་ཅན་གྱིས་བཀའ་སྩལ་པ།། མ་སྤངས་ཉི་ཤུ་རྩ་བརྒྱད་ཀྱིས།། ར་ལི་འདི་ནི་ཆེན་པོར་ངེས།། རེ་རེ་ལ་ཡང་ཆེན་པོ ་བདུན། ། གང་ཞིག་འབྲས་བུ་འདོད་པ་ལ།། རྒྱུ་ཉིད་གཙོ་བོར་གྱུར་པ་སྟེ།། ས་ལུ་ལས་ནི་མྱུ་གུ་བཞིན།། དེ་ཕྱིར་དང་པོ་རྒྱུ་མི་སྤང་།། ལྷན་ཅིག་སྐྱེས་གཉིས་རྒྱུ་ཡིན་ཏེ།། རང་བཞིན་ལྷན་ཅིག་སྐྱེས ་པ་དང་། ། ལྷན་ཅིག་ལྷན་ཅིག་སྐྱེས་པའོ།། ཐུན་མོང་དང་ནི་ཐུན་མོང་མིན།། བླ་མའི་ཞལ་ནས་ཤེས་བྱའི་ཕྱིར།། དཔའ་བོ་མཁའ་འགྲོའི་ཞལ་ཡིན་ཏེ།། དེ་ཉིད་སྟོན་པའི་བཀའ་ལས་འདས།། ་དེ་ལས་འཁྲུལ་པ་སྙིང་རེ་རྗེ།། ཕུང་སོགས་རྩ་དང་ཤུ་ཀྲ་ནི།། ལྷན་ཅིག་སྐྱེས་པའི་རྒྱུ་ཡིན་ཏེ།། ལོག་རྟོག་འཁྲུལ་པ་རྒྱུར་འདོད་དང་།། ངོ་བོ་མ་གྲུབ་རྒྱུར་འདོད་དང་།། ཀུན་རྫོབ་བྱང་སེམས་རྒྱུར ་འདོད་པ། ། འདི་ནི་རྨོངས་པ་མ་རུངས་པ།། ཕུང་པོ་འབྱུང་བ་དབང་པོ་དང་།། ཕྱི་ཡི་སྐྱེ་མཆེད་དམན་པའི་རྒྱུ།། བརྟགས་པ་རྒྱུར་འདོད་སྙིང་རེ་རྗེ།། ནམ་མཁའི་མེ་ཏོག་གི་དྲི་གང་།། རང་བཞིན ་གནས་པའི་རྩ་རླུང་སོགས། ། ཁྱད་པར་ལམ་གྱི་རྒྱུ་ཡིན་ཏེ།། རང་བཞིན་གནས་པ་མ་ཤེས་པར།། ལོག་པར་རྟོགས་པ་སྙིང་རྗེ་ཉམས།། དོན་དམ་བྱང་ཆུབ་སེམས་ཀྱིས་ནི།། ལྷན་ཅིག་སྐྱེས་པའི ་ཡེ་ཤེས་རྒྱུ། ། བླ་མ་མ་བསྟེན་དེ་ལས་འཁྲུལ།། ཀུན་རྫོབ་ཤུ་ཀྲ་རྒྱུར་འདོད་པ།། རྒྱུ་དང་འབྲས་བུ་འཁྲུལ་པའོ།། རྐྱེན་མེད་རྒྱུ་ཡིས་འབྲས་མི་འབྱིན།། དེ་ཕྱིར་རྐྱེན་ནི་སྤང་མི་བྱ།། ཡེ་ཤེས ་རླུང་དང་ཡེ་ཤེས་མེ། ། ལྷན་སྐྱེས་གཉིས་མེད་རྐྱེན་ཡིན་ཏེ།། དེ་ཉིད་སྤང་བར་མི་བྱ་ཞིང་།། ལས་ཀྱི་རླུང་དང་མེ་ཉིད་དང་།། གཞན་དུའང་དེ་ཉིད་སྦྱར་བྱ་དང་།། སྲིད་པ་ལེན་དང་བདེ་བ་ལེན།། ་ལས་མི་སྤང་ཞིང་བདེ་བ་ཡང་།། མི་སྤང་བ་ནི་བཞི་པོའོ།། ལུས་དང་ལུས་ཀྱི་སྙིང་པོ་རྩ།། གནས་དང་གནས་ཆེན་མི་སྤང་བ།། ལྔ་པ་དྲུག་པ་ཡིན་པར་འདོད།། དེ་ཉིད་ཕྱི་དང་ནང་དུ་ཤེས།། ཕྱི ་ནང་དབྱེ་བ་མ་སྤངས་པའོ། ། སྣང་བ་དང་ནི་མུན་པའི་ཆ།། གང་བ་དང་ནི་སྟོང་པའི་ཆར།། འཕོ་བ་མ་སྤངས་བརྒྱད་པའོ།། རྒྱུ་ཡི་གནས་དང་འབྲས་བུའི་གནས།། དེ་ཉིད་མི་སྤང་ཤེས་པར་བྱ།། ་རིན་པོ་ཆེ་ཡི་ཕོ་བྲང་དུ།། རྟེན་ནི་མི་སྤང་ཤུ་ཀྲ་གཟུང་།། གལ་ཏེ་དེ་རུམ་ཟིན་ན།། ཤོར་བ་མི་སྤང་རོ་མར་བསྟིམ།། གཉེན་པོ་མི་སྤང་གཟུགས་སྐུ་གཉིས།། མ་སྤངས་པ་ནི་བཅུ་གཉིས་པའོ།། ་ནོར་བུའི་རྟེན་ལས་སྐྱེས་པ་ཡི།། བདེ་བ་ལ་བརྟེན་དབང་པོ་ཡི།། སྒོ་བསྡུ་ངོ་བོ་མ་སྤངས་པའོ།། གོང་འོག་ཁྱད་པར་ཤེས་བྱས་ནས།། སྒྱུ་མས་གཉེན་པོ་མ་སྤངས་པའོ།། དགའ་བ་མཆོག་དགའ ་ཤེས་བྱས་ཏེ། ། སྔོན་དུ་འགྲོ་བ་མ་སྤངས་པའོ།། འཁོར་བ་ལུགས་ལས་བཟློག་བྱ་སྟེ།། གནས་ནས་གནས་སུ་ཟློག་བྱེད་པ།། གནས་ཀྱི་ཁྱད་པར་མ་སྤངས་པའོ།། དེ་ཉིད་རིམ་པར་འཕོ་བྱེད་པ། ་བླ་མའི་བླ་མ་ལས་བརྒྱུད་ཤེས།། འཁོར་བར་འཇུག་ལྡོག་བྱེ་བྲག་ནི།། འཕོ་བ་མ་སྤངས་རྣམ་པ་གཉིས།། ཡེ་ཤེས་མེ་ནི་ཆེར་འབར་བས།། ཕུང་པོ་འབྱུང་པོ་དབང་པོ་སོགས།། ཐམས་ཅད ་བདུད་རྩིར་གྱུར་པ་ནི། ། རྐྱེན་གྱི་ཁྱད་པར་མ་སྤངས་པའོ།། ལུས་ཀྱི་བ་སྤུའི་བུ་ག་དང་།། བརྟན་དང་གཡོ་བའི་དངོས་པོ་ཀུན།། བདེ་བའི་ངོ་བོར་གང་སྣང་བ།། ངོ་བོར ་ཁྱད་པར་མ་སྤངས་པའོ། ། དེ་ཉིད་སྒྱུ་མའི་རང་བཞིན་མེད།། གཉེན་པོའི་ཁྱད་པར་མ་སྤངས་པའོ།། བཞིན་མཛེས་མིག་ཡངས་ཕྱག་རྒྱ་ནི།། ལྡན་པ་ཕྱག་རྒྱ་མ་སྤངས་པའོ།། དམ་ཚིག ་ཆོས་ཀྱི་ཕྱག་རྒྱ་དང་། ། དེ་ནས་ཡེ་ཤེས་ཕྱག་རྒྱ་ཆེ།། ཕྱག་རྒྱའི་ཁྱད་པར་མ་སྤངས་པའོ།། ཆགས་པའི་ཕྱག་རྒྱ་ལས་ཡིན་ཏེ།། དམ་ཚིག་ཆོས་ནི་མ་ནིང་གི། ཕྱག་རྒྱ་གཉིས་སུ་ཤེས་པར་བྱ། ་ཡེ་ཤེས་ཕྱག་རྒྱ་ཆེན་པོ་གཉིས།། གྲོལ་བའི་ཕྱག་རྒྱ་ཡིན་པར་འདོད།། ཕྱག་རྒྱའི་དབྱེ་བ་མ་སྤངས་པའོ།། དང་པོར་གསང་བའི་འཁོར་ལོར་ཏེ།། ཕྱི་ནས་རང་བཞིན་འཁོར་ལོར་ཡིན།། ་འཁོར་ལོའི་དབྱེ་བ་མ་སྤངས་པའོ།། དང་པོ་གསང་བའི་གཏུམ་མོ་སྟེ།། གཉིས་པར་རང་བཞིན་གཏུམ་མོ་ནི།། གཏུམ་མོའི་དབྱེ་བ་མ་སྤངས་པའོ།། ལས་ཀྱི་རླུང་དང་མེ་གཉིས་ནི།། ་ཀུན་རྫོབ་འཁོར་བའི་རྐྱེན་ཡིན་ཏེ།། ཡེ་ཤེས་རླུང་དང་མེ་གཉིས་ནི།། དོན་དམ་གཉིས་མེད་རྐྱེན་ཡིན་ཏེ།། རྐྱེན་གྱི་དབྱེ་བ་མ་སྤངས་པའོ།། སྲིད་པ་བསྐྱེད་ཅིང་འཛག་པ་བདེ།། ཀུན་རྫོབ་ཤུ ་ཀྭའི་ལས་ཡིན་ནོ། ། སྲིད་པ་མི་ལེན་རང་རིག་སྐྱེས།། དོན་དམ་བྱང་སེམས་ལས་ཡིན་ནོ།། ལས་ཀྱི་དབྱེ་བ་མ་སྤངས་པའོ།། སྦྱོར་ཐབས་རྩ་ནི་རྒྱས་པོ་དང་།། ཁ་འབྱེད་པ་ཡི་ལས་ཡིན ་ཏེ། སྦྱོར་ཐབས་བཞི་ལ་མ་རྨོངས་པ།། འདི་ནི་མ་སྤངས་ཉི་ཤུ་བརྒྱད།། སྤྱི་མཐུན་ལས་ལས་གྲུབ་པ་ཡི།། མིག་དྲུག་ལ་སོགས་གྲངས་ཀྱིས་བསྟན།། རང་རིག་ཡེ་ཤེས་གང་འདོད་པས།། ་བླ་མའི་དུས་ཐབས་ལེགས་པར་བསྟེན།། མི་སྤངས་ངེས་པའི་གདམས་ངག་བླང་།། འདི་ཉིད་རྡོ་རྗེ་འཆང་གི་རྒྱུ།། དེ་ལས་བྱུང་བ་ཁྱད་པར་འབྲས།། དང་པོར་ཆ་སྟེ་ཐིག་ལེ་དང་།། ཚུལ་དང ་ཚུལ་ཅན་མཆོག་གཞན་མཆོག། འདི་ཉིད་དེ་ཉིད་དྲུག་ཡིན་ཏེ།། དེ་ཉིད་དྲུག་ནི་ཙཎྜ་ལཱི།། རེ་རེ་ལ་ཡང་བནི་བཞི་སྟེ།། ཙཎྜ་ལཱི་ནི་ཉི་ཤུ་བཞི།། ར་ལི་ཉི་ཤུ་རྩ་བཞིར་ངེས།། ཕྱི་རུ་གནས་ནི ་ཉི་ཤུ་བཞི། ། སྤྱན་དང་ཕྱག་རྒྱ་ཉི་ཤུ་བཞི།། ཙཎྜ་ལཱི་དང་ར་ལི་ཡི།། ཕྱི་དང་ནང་དུ་གྲངས་སུ་ངེས།། ཧེ་ཧེ་དཔའ་བོ་རྡོ་རྗེ་འཆང་།། ར་ལི་འབྱུང་བའི་རྒྱུ་གང་ལགས།། ར་ལིའི་ངོ་བོ་གང་གང ་ལགས། ། བཅོམ་ལྡན་འདས་ཀྱིས་བཀའ་སྩལ་པ།། སྐུ་དང་ཕྱག་མཚན་རགས་པ་ཀུན།། ར་ལིའི་ངོ་བོ་དམན་པའི་ལམ།། མཁའ་སྤྱོད་ས་སྤྱོད་ས་འོག་སྤྱོད།། སྒོ་གསུམ་ལ་གནས་ཁྱད ་པར་གྱི། ། ར་ལིའི་ངོ་བོར་གསུངས་པ་ཡིན།། དགའ་བ་བཅུ་དྲུག་རྟེན་དང་བཅས།། ཟབ་པའི་ར་ལིའི་ངོ་བོར་བརྟག། རང་རིག་སྟོང་པ་ཐོབས་དང་བཅས།། མཐར་ཐུག་ར་ལིར་ཤེས་པར་བྱ།། ་ཨ་ནི་ཐོག་མར་མ་སྐྱེས་པ།། ལ་ནི་ནུབ་དང་སྐྱོང་བ་སྟེ།། ར་ནི་ཆགས་དང་རིན་པོ་ཆེ།། ར་ལས་འདོད་ཆགས་ཁྲག་ཡིན་ཏེ།། ལ་ལས་ཞེ་སྡང་ཁུ་བའོ།། ཨ་ལས་གཏི་མུག་ཁུ་བ་སྟེ།། སེམས ་ཅན་ར་ལིའི་རང་བཞིན་ཏེ། ། ཡེ་ཤེས་ལྔ་དང་ས་བཅུ་སོགས།། ཀུན་ལ་ལྡན་པས་ར་ལིར་གནས།། སྐུ་ཡི་ར་ལི་སྤྱི་བོ་ཡི།། གཙུག་ཏོར་དག་ལས་བྱུང་བའོ།། ་གསུང་ནི་ལྗགས་ཀྱི་དབང་པོ་ལས།། ཐུགས་ཀྱི་རེ་ལི་ཐུགས་ཀ་ནས།། བྱུང་བ་རྣམ་པར་ངེས་པའོ།། སྐུ་གསུང་ཐུགས་ཀྱི་རྡོ་རྗེ་ཡི།། སྤྱན་རྣམས་ལ་ནི་རང་བཞིན་བྱུང་།། སྐུ་གསུང ་ཐུགས་ཀྱི་གནས་ལས་ཏེ། ། སྤྱི་བོ་ལ་སོགས་དག་ལས་བྱུང་།། ཕྱག་གི་མཐིལ་ནས་རིམ་པས་བྱུང་།། བླ་མའི་ཞལ་ནས་བླང་བར་བྱ།། བྱེ་བྲག་འབྱུང་བའི་སྒོ་ཡིན་ཏེ།། ཧེ་ཧེ་སེམས་ཅན ་སངས་རྒྱས་ཀྱི། ། རང་བཞིན་ས་དང་ལམ་ལྡན་ཏེ།། ཟླ་བ་བཅུ་སོགས་ས་སོགས་ནི།། རྫུས་སྐྱེས་ལ་སོགས་ཇི་ལྟར་ལགས།། འོན་ཏེ་སངས་རྒྱས་མིན་ནམ་ཅི།། སེམས་ཅན་ཐམས་ཅད ་གདོད་མ་ནས། ། སངས་རྒྱས་ཡིན་པར་གསུངས་པ་སྟེ།། རྫུས་སྐྱེས་སྒོང་སྐྱེས་དྲོད་གཤེར་སོགས།། སེམས་ཀྱི་གནས་བཅུ་ས་བཅུ་སྟེ།། རྣམ་ཤེས་བརྒྱད་ནི་བྱང་ཆུབ་ལྔ།། མཁན་པོ་སེམས ་ཀྱི་རྒྱལ་པོ་སྟེ། ། རང་བཞིན་དག་པ་ཆོས་གོས་ཡིན།། རང་བཞིན་གནས་པ་ཁ་སྤུ་བྲེགས།། ཨ་དང་ཧཾ་གཉིས་སྔགས་ཀྱི་དོན།། ཐམས་ཅད་སེམས་ལ་གནས་པ་སྟེ།། སེམས་མེད་སངས་རྒྱས ་མ་ཡིན་ཏེ། ། ངམ་གྲོག་ལ་སོགས་བེམས་པོའོ།། སེམས་ཉིད་སངས་རྒྱས་ཡིན་པའི་ཕྱིར།། སེམས་ཅན་སངས་རྒྱས་རང་བཞིན་ནོ།། རྒྱུ་དང་འབྲས་བུའི་ཚུལ་དང་ཡང་།། བག་ལ་ཉལ ་དང་ཀུན་ཏུ་རྒྱུ། ། ནུས་པའི་ཚུལ་དང་མངོན་སུམ་ཚུལ།། གཟུགས་ཅན་གཟུགས་མེད་མཁས་པས་བརྟག། སངས་རྒྱས་སེམས་ཅན་དེ་བཞིན་ནོ།། དེ་ལྟར་སེམས་ཅན་སངས་རྒྱས་པས།། ་ར་ལི་སེམས་ཅན་རང་བཞིན་ཕྱིར།། ལུས་ལ་སྐུ་ཡི་ཕྱག་རྒྱས་གདབ།། ངག་ལ་གསུང་གི་ཕྱག་རྒྱས་གདབ།། སེམས་ལ་ཐུགས་ཀྱི་ཕྱག་རྒྱས་གདབ།། སྐུ་གསུང་ཐུགས་ཀྱི་རང་བཞིན་དུ།། ་དངོས་པོ་རོ་མཉམ་གྱུར་པ་ལ།། སངས་རྒྱས་སེམས་ཅན་ག་ལ་ཡོད།། དམན་དང་གྱ་ནོམ་ག་ལ་ཡོད།། འཁོར་བ་ཡོངས་སུ་ཤེས་པ་ལ།། མྱ་ངན་འདས་ཞེས་དེ་ལ་བརྗོད།། ཐམས་ཅད ་འཇིགས་དང་རྣམ་རྟོག་སྤོང་། ། འདི་ལ་ཐམས་ཅད་ངོ་མཚར་གྱིས།། ལེགས་པར་གཏད་ཀྱིས་དམ་དུ་སྤྲོ།། དེའི་ཚེ་འཁོར་འདུས་པ་ཐམས་ཅད་ངོ་མཚར་དུ་གྱུར་ཏེ་མི་སྣང་བར་གྱུར་ཏོ།། ་དཔལ་རིན་ཆེན་འབར་བའི་རྒྱུད་ཀྱི་རྒྱལ་པོ་རྫོགས་སོ།། ། རྣལ་འབྱོར་མ་ཟླ་བའི་འཕྲེང་བ་དང་། ལོ་ཙ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། ་