| Wylie | e-texts produced with BDRC’s OCR application |
གི་རྣལ་འབྱོར་མ་ཙནྡྲ་མཱ་ལེ་དང་། དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། རྒྱ་གར་སྐད་དུ། ཤྲཱི་ཙནྡྲ་མ་ལེ་ཏནྟྲ་རཱ་ཛ། བོད་སྐད་དུ ་དཔལ་ཟླ་བའི་འཕྲེང་བའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། ཀྱེ་ཧོ་མགོན་པོ་རྡོ་རྗེ་ཅན།། སྒྲོལ་མ་ཉི་ཤུ་རྩ་བཞི་ཡི།། ངེས་པ་གང་ལགས་ཚད་གང་ལགས།། རང ་བཞིན་གྲུབ་པ་ཇི་ལྟར་ལགས། ། མགོན་པོས་བདག་ལ་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། རང་བཞིན་གྲུབ་པ་སྒྲུབ་འདོད་པས།། བླ་མའི་བཀའ་དྲིན་ལེགས་མནོས་ཏེ།། དུར ་ཁྲོད་ལ་སོགས་ས་ཕྱོགས་སུ། ། བར་ཆད་གསུམ་མེད་ཡོན་ཏན་ལྡན།། བརྟགས་པ་ལས་དང་པོ་ཡི་གནས།། གང་ཟག་མཆོག་ལ་བརྟག་ཏུ་མེད།། ཡོན་ཏན་ལྡན་པའི་སར་འཇུག་སྟེ།། བླ་མེད་སེམས ་@གཟུང་རྣལ་འབྱོར་པས། ། སྒོ་གསུམ་དལ་བའི་ཚད་བརྟག་སྟེ།། བཅིང་བ་གསུམ་ནི་ངེས་བསྒོམས་པས།། སྐྱེ་བ་གཅིག་གིས་འགྲུབ་པར་ངེས།། དབུགས་བཅིང་ཀུན་རྫོབ་སྣ ་རྩེར་ཡིད། ། ཡིད་བཅིང་སོར་བཞིའི་ནམ་མཁའི་ཁམས།། སེམས་བཅིང་རང་རིག་བསམ་མི་ཁྱབ།། རྒྱུ་རྐྱེན་ལས་ནི་སྣ་ཚོགས་ལས།། སེམས་ཅན་མོས་པ་སྣ་ཚོགས་འབྱུང་།། དེ་དག་བཅིང་གསུམ་དག ་པ་ཡིས། ། སེམས་ཅན་བཅིངས་ལས་ངེས་པར་གྲོལ།། བླ་མའི་ཞལ་ནས་ཤེས་པར་བྱ།། འདུ་ཤེས་གསུམ་གྱི་ཆ་ལས་གྲོལ།། ཐིག་ལེ་ཆ་གསུམ་ཕྲ་མོ་ནི།། ཡན་ལག་ལྔ་ལྡན་འབྱུང་བའི་རིམ། ་སྒྲ་དང་རང་རིག་རེ་རེར་སྣང་།། སྟོང་ཉིད་ཐབས་དང་ཤེས་རབ་ཚུལ།། ས་དང་ལམ་སོགས་རིམ་པ་ཀུན།། རང་བཞིན་གྱིས་གནས་མཁས་པས་སྦྱར།། དེ་ནས་སྒྲོལ་མའི་ཚད་བསྟན་ཏེ།། ཚད་ནི་སྤྱི་དང ་བྱེ་བྲག་སྟེ། ། བརྒྱ་ཕྲག་གཉིས་དང་བཅུ་གཉིས་དང་།། ཡི་གེ་གསུམ་ལས་ངེས་འབྱུང་བ།། གསང་བ་གཅོད་པའི་རྒྱུད་ཀྱི་ཚད།། བརྒྱ་ཕྲག་གཅིག་དང་སུམ་ཅུ་ལྔ།། ཡི་གེ་བཅུ་དགུ་ལས་འབྱུང་བ།། རིན ་ཆེན་འཕྲེང་བའི་ངེས་པའི་ཚད། ། བརྒྱ་ཕྲག་གཅིག་དང་སུམ་ཅུ་བཞི།། མི་འགྱུར་བཅུ་གསུམ་ལས་བྱུང་བ།། སྐུ་གསུང་ཐུགས་ཀྱི་སྒྲོན་མའོ།། བརྒྱད་ཅུ་རྩ་ལྔའི་ཡི་གེ་བཞིས།། མ་ཚང་བ་ལས་གང ་འགྱུར་བ། ། གསང་བ་བསམ་གྱིས་མི་ཁྱབ་པའོ།། བརྒྱད་ཅུ་རྩ་གཉིས་ཡི་གེ་གཅིག། རིན་ཆེན་འབར་བའི་ལྡང་ཚད་དོ།། སུམ་ཅུ་རྩ་གཅིག་ཡི་གེ་ནི།། ཉི་ཤུ་རྩ་གཉིས་ལས་བྱུང་བ།། ནམ་མཁའ ་མཉམ་པའི་ཚད་ཡིན་ནོ། ། དྲུག་ཅུ་རྩ་དྲུག་ཡི་གེ་དྲུག། དམ་ཚིག་ཆེན་པོའི་རྒྱུད་ཀྱི་ཚད།། དྲུག་ཅུ་ཡི་གེ་ཉི་ཤུ་གཅིག། གསང་བ་རྡོ་རྗེར་རབ་ཏུ་གྲགས།། དྲུག་ཅུ་རྩ་གཉིས་མི་འགྱུར་བ།། བཅུ་དྲུག ་སྟོབས་པོ་ཆེ་ཡི་ཚད། ། བཞི་བཅུ་རྩ་གཅིག་ཡི་གེ་ལྔ།། ནམ་མཁའ་ཆེན་པོའི་ཚད་ཡིན་ནོ།། དྲུག་ཅུ་རྩ་དྲུག་ཡི་གེ་དྲུག། ཡེ་ཤེས་འབར་བའི་ལྡང་ཚད་དོ།། སུམ་ཅུ་རྩ་དྲུག་ཡི་གེ་དགུ།། ཡེ་ཤེས ་འཕྲེར་བའི་ཚད་ཡིན་ནོ། ། སུམ་ཅུ་རྩ་བཞི་ཉི་ཤུ་བཞི།། མཁའ་འགྲོ་གསང་བའི་ཚད་ཡིན་ནོ།། སུམ་ཅུ་རྩ་བཞི་བཅུ་བཞི་དག། མེ་ཡི་འཕྲེང་བའི་ཚད་ཡིན་ནོ།། དྲུག་ཅུ་རྩ་དྲུག་ཡི་གེ་དྲུག། ཉི་ཤུ་རྩ ་གཉིས་བཅོ་བརྒྱད་དག། ཡེ་ཤེས་རྒྱལ་པོའི་ལྗང་ཚད་དོ།། བདུན་ཅུ་རྩ་བརྒྱད་རྐང་པ་ཕྱེད།། ཆགས་པའི་རྒྱལ་པོའི་ཚད་ཡིན་ནོ།། ཚིགས་སུ་བཅད་པ་ཉི་ཤུ་ལྔ།། ཡེ་ཤེས་བསམ་པའི་ལྡང ་ཚད་དོ། ། དགུ་བཅུ་གོ་བརྒྱད་ལས་བྱུང་བ།། ཡེ་ཤེས་གསང་བའི་ཚད་ཡིན་ནོ།། ཉི་ཤུ་ཐམ་པ་གང་ཡིན་པ།། གསང་བ་རྡོ་རྗེ་རྒྱལ་པོའི་ཚད།། བརྒྱ་དང་ཉི་ཤུ་རྩ་གཉིས་ནི།། རྡོ་རྗེ་རྒྱལ་པོའི་ར་ལིའི ་ཚད། ལྔ་བཅུ་རྩ་གསུམ་ཡི་གེ་བཅུ།། དུར་ཁྲོད་རྒྱན་གྱི་ལྡང་ཚད་དོ།། སུམ་ཅུ་རྩ་གསུམ་ཡི་གེ་ནི། བཅུ་དྲུག་མཁའ་འགྲོ་མ་སྡོམ་ཚད།། ལྔ་བཅུ་ཡི་གེ་བཅོ་ལྔ་ལས།། བྱུང་བ་གསང་བ་བདུད ་རྩིའི་རྒྱལ། ། བཞི་བཅུ་ཡི་གེ་ཉི་ཤུ་བཞི།། ཉི་མའི་འཁོར་ལོའི་གཞུང་ཚད་དོ།། སུམ་ཅུ་ཡི་གེ་བཅུ་དྲུག་ལས།། བྱུང་བ་ཟླ་བའི་འཕྲེང་ཚད་དོ།། དེ་ནས་ངེས་པར་བཤད་བྱ་སྟེ།། གསང་བའི ་འཁོར་ལོ་གང་སྟོན་པ། ། གསང་བའི་རྡོ་རྗེའི་དམ་ཚིག་དག། སྟོན་པ་དམ་ཚིག་ཆེན་པོར་ངེས།། དགྲ་དྲུག་སྟེན་པ་སྟོབས་པོ་ཆེ།། དབང་བཞི་དག་སྒྲུབ་གསང་བ་གཅོད།། ་རང་རིག་དེ་སྟོན་བསམ་མི་ཁྱབ།། ཡི་གེ་གསུམ་སྟོན་རིན་ཆེན་འབར།། སྒོ་གསུམ་ལམ་སྟོན་ནམ་མཁའ་མཉམ།། བཅོམ་ལྡན་ལ་སོགས་ཐེ་ཙོམ་མེད།། སྟོན་པ་ནམ་མཁའི་ཆེན་པོ་སྟེ།། དབང ་བཞིའི་དེ་ཉིད་གང་སྟོན་པ། ། ཡེ་ཤེས་གསང་བའི་རྒྱུད་དུ་ངེས།། ལྟ་སྤྱོད་རྨད་དུ་གང་བྱུང་བ།། སྟོན་པ་ཡེ་ཤེས་འཕྲེང་བར་ངེས།། གླེང་བསླང་རྣམ་པ་ལྔ་ཡི་དོན།། སྟོན་པ་མཁའ་འགྲོ་གསང ་བའི་རྒྱུད། ། ཧེ་རུ་ཀ་དཔལ་གང་སྟོན་པ།། མེ་ཡི་འཕྲེང་བའི་རྒྱུད་དུ་གྲགས།། དབང་གསུམ་དོན་ནི་གང་སྟོན་པ།། སྐུ་གསུང་ཐུགས་ཀྱི་ར་ལི་རི་ངེས།། སྣོད་བཅུད་རིན་ཆེན་སྟོན་བྱེད་པ།། རིན ་ཆེན་འཕྲེང་བའི་ར་ལིར་ངེས། ། ལྷན་ཅིག་སྐྱེས་སྟོན་ཡེ་ཤེས་བསམ།། རྡོ་རྗེ་རྙོག་པ་མེད་པའོ།། ལྷ་ཡི་དེ་ཉིད་གང་སྟོན་པ།། ཆགས་པའི་རྒྱལ་པོ་ར་ལིར་ངེས།། ངེས་པ་ལྔ་སྔོན་རྡོ་རྗེ་རྒྱལ།། ་རི་གི་ཨ་ར་ལི་ཞེས་གྲགས།། དུར་ཁྲོད་བརྒྱད་སྟོན་དུར་ཁྲོད་རྒྱན།། དམ་ཚིག་སྡོམ་པ་མཁའ་འགྲོ་གསུམ།། སྟོན་པ་མཁའ་འགྲོ་སྡོམ་པའོ།། དཀྱིལ་འཁོར་ལ་སོགས་དྲུག་སྟོར་པ།། གསང ་བ་བདུད་རྩིའི་རྒྱལ་པོའོ། ། འཁྲུལ་པ་འཁྲུལ་གཞི་དེ་སད་པ།། གསུམ་སྟོན་ཡེ་ཤེས་རྒྱལ་པོའི་རྒྱུད།། མ་སྤངས་ངེས་སྟོན་ཉི་འཁོར་ལོ།། ཚད་ངེས་སྒྲུབ་གསུམ་སྟོན་ཟླ་འཕྲེང་།། རྒྱུད་སོགས ་ལྔ་སྟོན་ཡེ་ཤེས་འབར། ། དེ་ནས་འཁོར་ཐམས་ཅད་དགའ་ནས་རྒྱུད་ཐམས་ཅད་ཀྱི་དོན་ལ་ཡི་རང་བར་གྱུར་ཏོ།། དཔལ་ཟླ་བའི་འཕྲེང་བའི་རྒྱུད་ཀྱི་རྒྱལ་པོ་རྫོགས་སོ།། ་