| Wylie | e-texts produced with BDRC’s OCR application |
བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། རྒྱ་གར་སྐད་དུ། ཤྲཱི་རཏྣ་མཱ་ལེ་ཏནྡྷ་རཱ་ཛ། བོད་སྐད་དུ། དཔལ་རིན་ཆེན་འབྲེང་བའི་རྒྱུད་ཀྱི་རྒྱལ་པོ།། ་དཔལ་བདེ་བ་ཆེན་པོ་ལ་ཕྱག་འཚལ་ལོ།། ལྷ་མོས་གསོལ་པ་རྡོ་རྗེ་འཛིན།། དཔལ་ལྡན་འཁོར་ལོ་སྡོམ་པ་རུ།། རིན་ཆེན་འཕྲེང་བའི་རིན་མ་རྟོགས།། ཁྱེད་ཀྱིས་བདག་ལ་བཤད་དུ་གསོལ།། བཅོམ་ལྡན ་འདས་ཀྱིས་བཀའ་སྩལ་པ། ། ཉོན་ཅིག་ན་མོ་རྐུན་པརང་རིག།། དཔས་ལྡན་ན་མང་མ་སྡོམ་པས།། ས་གསུངས་ངམ་ས་ཁྱོད་ལམ་ག།། ད་ས་པནི་རྣམ་པ་གསུམ།། དེ་མི་འགྲེང་བ་། ་རྣམ་པ་གསུམ།། དང་པོ་སྣོད་ཀྱི་རིན་པོ་ཆེ།། གཉིས་པ་བཅུད་ཀྱི་རིན་པོ་ཆེ།། སྣོད་བཅུད་གཉིས་དང་རང་བཞིན་བྲལ།། དེ་ནི་རིན་ཆེན་གསུམ་པ་ཡིན།། ལྷ་མོས་གསོལ་པ་བཅོམ་ལྡན་འདས།། རྣམ་པ་གསུམ་དུ་གསུང ་པ་ལས། ། དེ་རྣམས་རིན་ཆེན་ཇི་ལྟར་ལགས།། དེ་ཡི་འཕྲེང་བ་ཇི་ལྟར་ལགས།། དེ་རྣམས་སུ་ཡི་སྤྱོད་ཡུལ་ལགས།། བཅོམ་ལྡན་འདས་ཀྱིས་བཀའ་སྩལ་པ།། དང་པོ་སྣོད་ཀྱི་རིན་པོ་ཆེ།། རྣམ་པ་ལྔ་རུ་ཤེས་པར་བྱ།། ་ཀ་ཀ་རུ་ནི་དཀར་པོ་ཆེ།། མི་བསྐྱོད་པ་ཡིས་བྱིན་བརླབས་ཏེ།། དབྱིབས་ནི་ཟླ་གམ་ལྷ་བུ་ལ།། ར་བ་ནི་ངང་པའི་སྒོ་ང་ཙམ།། འདི་ནི་རིན་ཆེན་འབར་བ་སྟེ།། པ་དཀར་ར་དཀར་ལུག་དཀར་མོའི།། འོ་མ་བསྐུ་ཞིང་སྔངས ་པབ་དང་། ། མི་བསྐྱོད་པ་ལ་མཆོད་པར་བྱ།། དེ་ནས་སྤྱི་བོར་གདགས་པའོ།། མཆོད་པའི་བྱེ་བྲག་ཀུན་ལ་བྱ།། ཤར་གྱི་གདོན་རྣམས་ཐུབ་པ་དང་།། གང་ལ་ཡོད་པ་དེ་ལ་སྐྱོབ།། འབྲིང་ནི་གཞན་སྐྱེས་སྦོམ་པོ་ཙམ།། ་འདི་ནི་རིན་ཆེན་དགེ་བ་སྟེ།། དངུལ་ཆུ་རྣམ་པ་གཉིས་ཐུགས་ལ།། རྐྱེན་གྱི་རྫས་རྣམས་ཚང་བ་དང་།། ཁ་ཡི་ནང་དུ་གཞུག་པ་སྟེ།། རོ་མའི་འཁོར་ལོ་ལྕེས་མནན་ལ།། དེ་ནས་དལ་གྱིས་བསྐྱོད་པ་དང་།། གསང་བའི་རྡོ ་རྗེའི་སྣ་རྩེ་རུ། ། བདེ་བ་ཆེན་པོ་སྐྱེས་ཙམ་ན།། རོ་མའི་འཁོར་ལོར་དོག་པ་མནན།། དཔེར་ན་སྦྲུལ་གྱི་ཤ་ཟོས་པ།། མགོ་བོ་མནན་པས་ཕྱི་རུ་འབྱུང་།། དེ་བཞིན་མནན་པས་བྱང་ཆུབ་སེམས།། སྣ་རྩེ་ལས་ཀྱང་བྱིན ་ལ་ལྡོག། ཏིལ་དང་ཏིལ་མར་བཞིན་དུ་གནས།། ཁྱད་པར་བདེ་བ་གྱེན་ལ་སྟེ།། བདེ་བ་སྟེར་ཕྱིར་རིན་པོ་ཆེ།། དེ་ཡི་ཕྱེ་དུ་མར་བཤད།། ཐ་མ་སྐྱེས་པའི་ཁྲོ་མོ་ཙམ།། ཨེ་རན་ལ་སོགས་སྨན་ལྔ་དང་།། སྤྱི་བོའི་གཙུག་ཏུ ་བཏགས་གྱུར་ན། ། ལུས་ཀྱི་གཉེར་མ་ཟད་པར་བྱེད།། དེ་ནས་ཡང་དག་གཉིས་པ་ཡང་།། བཻཌཱུཪྻ་ནི་སྔོན་པོ་སྟེ།། རིན་ཆེན་འབྱུང་ལྡན་བྱིན་བརླབས་ཏེ།། དབྱིབས་ནི་སོགས་ཀ་ལྟ་བུ་སྟེ།། རབ་ཀྱི་ཚད་ནི་གླང་པོའི ་མིག། འདི་ནི་རིང་ཆེན་མ་གུ་སྟེ།། ངང་པའི་སྒོ་ང་ལྡོང་རོས་དང་།། སྤང་ཤ་མ་དང་གསུམ་སྦྱར་ནས།། དེ་གདུགས་རྣ་བ་གཡས་སུ་གདགས།། ལྷོ་ཡི་གདོན་རྣམས་ཐུབ་པར་གསུངས།། གང་ལ་ཡོད་པ་དེ་ལ ་སྐྱོབ། ། འབྲིང་ནི་ངང་པའི་སྒོ་ང་ཙམ།། འདི་ནི་རིན་ཆེན་ཨེ་རན་ད།། ག་པུར་རཀྟ་དངུལ་ཆུ་གསུམ།། དེ་ཡི་ནང་བླུགས་ལྕེ་ལྐོག་ཏུ།། གྱེན་ཐུར་གཉིས་ནི་སྣ་དང་འཇུག། དེ་ཡིས་བྱང་ཆུབ་སེམས་བཟུང་སྟེ།། ་མགལ་མེའི་འཁོར་ལོ་བཞིན་དུ་གནས།། ཐ་མ་བྱེའུ་སྒོང་ཚད་ཙམ།། ཨ་རུ་ར་དང་སྐྱུ་རུ་ར།། བ་རུ་ར་དང་ལྡོང་རོས་རྣམས།། བསྲེས་ཏེ་ལུས་ལ་རབ་བྱུགས་ཏེ།། འདི་ནི་དྷན་དྷ་ཀ་ས་པུ་ར།། ལུས་ཀྱི་སྲིན་བུ ་འབྱེར་བར་བྱེད། ། དེ་ནས་ཡང་དག་གསུམ་པ་ཡང་།། པདྨ་རཱ་ག་དམར་པོ་སྟེ།། དབྱིབས་ནི་ཟླུམ་པོ་ལྟ་བུ་ལ།། འོད་དཔག་མེད་ཀྱིས་བྱིན་བརླབས་ཏེ།། རབ་ནི་ཀར་ཤ་པ་ཎ་སྟོང་།། གུར་ཀུམ་ག་པུར་ལྔ་སྦྱར་ལ། ་དེ་ལ་བསྐུ་ཞིང་བྱུག་བྱའོ།། ལྟེ་བའི་དབུས་སུ་བཞག་ལ་བཅིང་།། འདི་ནི་རཏྣ་ཀེ་རུ་ར།། ནུབ་ཀྱི་གདོན་རྣམས་ཐུབ་པར་གསུངས།། འབྲིང་ནི་ཀ་ར་ཤ་པ་ཎ་སྟེ།། འདི་ནི་རཏྣ་ཀ་ར་སྟི།། མར་དང་ས་ལི་སྦྲམ ་དང་ལྔ་ཁཟོ་རུ་བྱས་པའི་དངུལ་ཆུ་རྣམས། ། དེ་ཡི་ནང་བླུགས་ལྟེ་བར་མནན།། འདི་ཡིས་བྱང་ཆུབ་སེམས་གཟུང་སྟེ།། ཆུ་ལ་ཆུ་བཞག་ཇི་བཞིན་ནོ།། ཐམ་ཀར་ཤ་པ་ཎ་སྟེ།། འབྲས་བུ་གསུམ། ་དང་རུ་རྟ་དང་།། མར་གྱི་སྙིང་པོ་དང་སྦྱར་ཏེ།། སྤྱི་བོའི་གཙུག་ཏུ་སྦ་བ་དང་།། འདི་ནི་རཏྣ་བདེ་བས།། སྒྲ་དཀར་མེད་པར་བྱེད་པའོ།། དེ་ནས་ཡང་དག་བཞི་པ་ཡང་།། དེ་ནི་མརྒད་ལྗང་ཀུ་སྟེ།། དབྱིབས་ནི་གྲུ་བཞི་ལྟ་བུ་སྟེ།། དོན ་ཡོད་གྲུབ་པས་བྱིན་བརླབས་ཏེ། ། རབ་ནི་བེ་ཅོན་དབྱུག་པ་ཙམ།། འདི་ནི་རཏྣ་ག་ག་ནི། རྩ་བ་ལྔ་དང་ཡན་ལག་བཅས།། བསྐུས་ལ་རྣ་བ་གཡོན་དུ་གདགས།། འདི་ཡིས་བྱང་གི་གདོན་རྣམས་ཐུབ།། འབྲིང་ནི་བྱ་མོའི་སྒོང ་ཙམ། མ་ཧཱ་དེ་བ་ཨུ་མ་དེ།། གཉིས་ཀྱི་ག་པུར་རཀྟ་ཡིས།། བྱུགས་ལ་ལྟེ་བའི་ནང་དུ་གཞུག། ག་པུར་སི་ཧླ་གཉིས་ཀ་འཛིན།། ཐ་མ་གཞན་སྐྱེས་སྒོ་ང་ཙམ།། ལྡོང་རོས་སེར་པོ་གསེར་དང་གསུམ།། མནན་ཆ་གཅིག ་ནི་བྱིན་ནས་ནི། ། འདི་ནི་ཨེ་རུ་ན་ར་སྟེ།། སྲིན་བུ་མི་སྐྱེ་བ་དེ་དང་ལྡན།། འདི་ནི་རཏྣ་སན་ད་ཧ།། དེ་ནས་ཡང་དག་ལྔ་པ་ཡང་།། ཁ་དོག་དབྱིབས་ནི་དུ་མར་སྣང་།། རྣམ་པར་སྣང་མཛད་བྱིན་བརླབས་ཏེ།། དེ་རྣམས་སོ་སོ་དུ་མ་བྱེད།། ་ལྷ་མོས་གསོལ་པ་བཅོམ་ལྡན་འདས།། མ་འོངས་སོ་སོ་སྐྱེ་བོ་ཡིས།། རིན་ཆེན་གནས་རྣམས་གང་ནས་བཙལ།། རིན་ཆེན་མི་འཚལ་ཇི་ལྟར་ལགས།། རིན་པོ་ཆེ་ནི་ཇི་ལྟར་བརྟག། བཅོམ་ལྡན་འདས་ཀྱིས་བཀའ་སྩལ་པ ་རྒྱ་མཚོ་ཆེན་པོའི་ཕྱི་རོལ་ན། ། རིན་པོ་ཆེ་ཡི་གླིང་ཡོད་དེ།། དེ་ཡི་གནས་ནས་བཙལ་བར་བྱ།། གཞན་ཡང་རིན་ཆེན་གནས་རྣམས་ནི།། གསེར་དངུལ་ལ་སོགས་རྡོ་རྣམས་མི། གསེར་དངུལ་ཀུན་ན་ཡོད་པར་གསུང། ་རིན་ཆེན་ཤེས་པ་རྣམ་པ་ལྔ།། དང་པོར་རྒྱུད་རྣམས་ཐམས་ཅད་ལ།། རྨོངས་པ་མེད་པས་ཤེས་པ་དང་།། བླ་མའི་མན་ངག་ཤེས་པས་ཐོབ།། གཉིས་པ་རྣལ་འབྱོར་བཅས་པས་ཤེས།། གསུམ་པ་རྒྱུད་ཀྱི་མན་ངག་ལ། ་ཞུགས་པའི་ཚོང་དཔོན་ཆེན་པོས་ཤེས།། བཞི་པ་ཡོན་ཏན་ཀུན་ལྡན་པའི།། རྒྱལ་པོ་ཆེན་པོ་དེས་ཤེས་སོ།། ལྔ་པ་རྣལ་འབྱོར་མཁས་པ་དང་།། རྒྱལ་པོ་དང་ནི་འབྲེལ་བ་ཡི།། གསེར་མ་གར་མཁས་པས་རྟོགས་པར་འགྱུར།། ་ལྷ་མོས་གསོལ་པ་བཅོམ་ལྡན་འདས།། དང་པོའི་མན་ངག་ཇི་ལྟར་ཡིན།། གཉིས་པ་རྣལ་འབྱོར་ཇི་ལྟར་ལགས།། གསུམ་པ་རྒྱུད་ནི་ཇི་ལྟར་ལགས།། བཞི་པའི་ཡོན་ཏན་ཇི་ལྟར་ལགས།། ལྔ་པ་འབྲེལ་བ་ཇི་ལྟར་ལགས།། ་བཅོམ་ལྡན་འདས་ཀྱིས་བཀའ་སྩལ་པ།། དང་པོ་མན་ངག་ཤེས་པ་ཡང་།། རིན་ཆེན་ངོ་བོ་གཅིག་ཉིད་ལ།། ཡོན་ཏན་དུ་མ་ཤེ་པ་སྟེ།། དཔེར་ན་རྫས་ཀྱི་ཕ་ལམ་བཞིན།། ཆུ་ལ་མི་འབྱིང་འབིགས་ལ་སོགས།། དུ་མ་ཤེས ་པ་མན་ངག་ཡིན། ། རྣལ་འབྱོར་ཤེས་པ་རྩེ་གཅིག་སྟེ།། དེ་ཡིས་ཐམས་ཅད་ཤེས་པ་ཡིན།། རྒྱུད་ཀྱི་དོན་ནི་ཤེས་པ་ཡི།། ཚོང་དཔོན་དེ་ཡིས་ཤེས་པ་ཡིན།། སྔགས་དང་རྒྱུད་ལ་སོགས་པ་ཡི།། ཡོན་ཏན་ཀུན་ལྡན་རྒྱལ་པོ ་ཤེས། རྒྱལ་པོ་རྣལ་འབྱོར་དང་འབྲེལ་བའི།། ས་འོག་གསེར་གྱི་རླུང་པས་ཤེས།། གསེར་མ་གར་དེ་ཡིས་ཤེས་པའོ།། བརྟག་པ་རྣམ་པ་གཉིས་ཡིན་ཏེ།། མངོན་སུམ་དང་ནི་མཚན་མ་སྟེ།། རྡོ་རྗེ་ལམ་ལ་སོགས་དང་། ་ཨེ་རན་དྷ་ལ་སོགས་པ་ཡི།། མངོན་སུམ་གཏན་ལ་ཕབ་པ་ཡིན།། མ་ཧཱ་ནཱི་ལ་ལ་སོགས་པ།། གདོན་རྣམས་ཐུབ་ཅིང་ལྷ་རྣམས་སྐྱོབ།། དམ་ཚིག་ཉམས་པ་གསོ་བ་དང་།། ཚེ་རྣམས་རིང་བ་ལ་སོགས་སོ།། དང་པོར་གདོན ་གྱི་མཚན་མ་ནི། ། མཁས་པས་བརྟག་ཅིང་ཤེས་པར་བྱ།། དེ་ནས་རྟེན་གྱི་མཚན་མ་ལ།། དེ་ཉིད་ཆོ་ག་ཚུལ་བཞིན་བྱ།། དེ་ནས་ཆུ་མིག་གཙང་མ་རུ།། གཏོར་མ་བཏང་ལ་ཆུ་གཙང་བླང་།། གསེར་དངུས། ་སྣོད་དུ་ཆུ་བླུགས་ལ།། ལྷ་འམ་ཀླུའམ་གནོད་སྦྱིན་སོགས།། མཚན་མ་གཉིས་ཀྱི་མཎྜལ་ལ།། རྣལ་འབྱོར་པ་ཡིས་གཞག་པར་བྱ།། གོམ་པ་གསུམ་གྱིས་གཅད་པར་བྱ།། གཡོན་གྱི་མཎྜལ་ཐོག་ཏུ་ནི།། ཆུ་ཡི་ནང ་དུ་མེ་ལོང་གཞག། ཕྱི་རུ་གཏོར་མ་ཆ་གཅིག་གཞག། ནང་དུ་ཡོལ་བ་དཀར་པོས་གཅད།། དེ་རུ་ཚོགས་དང་བཀྲ་ཤིས་གཞག། རྣལ་འབྱོར་ཡན་ལག་ཁྲུས་བྱས་ལ།། ལྷ་ཡི་རྣལ་འབྱོར་རྫོགས་པ་དང་།། ཁྲོ ་བོས་དྲག་ཏུ་མཚམས་གཅད་ལ། ། སྦོམ་པོ་ཁྲོ་མོ་ལྷ་རུ་བསྒོམ།། དེ་ཡིས་རིན་ཆེན་དང་པོ་གཟུང་།། དེ་ནས་སོར་བཞི་འཕྱང་དུ་གཞུག། ཐུབ་པ་མི་ཐུ་བ་ལ་སོགས་པ།། མཁས་པས་བརྟགས་ཤིང་ཤེས་པར་བྱ།། དབྱིབས ་དང་ཁ་དོག་རིན་པོ་ཆེ། ། ཡོན་ཏན་མེད་པ་ག་ལ་སྲིད།། དཔེར་ན་བུ་གཅིག་སྐྱེས་གྱུར་ན།། ཕ་མེད་པ་ཡང་ག་ལ་སྲིད།། དེ་བས་མཁས་པས་བརྟག་པར་བྱ།། ལྷ་མོས་གསོལ་པ་བཅོམ་ལྡན་འདས།། གསེར་དངུལ་ལ་སོགས ་ཇི་ལྟར་ལགས། ། བཅོམ་ལྡན་འདས་ཀྱིས་བཀའ་སྩལ་པ།། གསེར་ནི་རྣམ་པ་གཉིས་ཡིན་ཏེ།། རང་བཞིན་དང་ནི་བཟོར་བྱས་ཡིན།། རང་བཞིན་གྱིས་ནི་འཆི་བ་བསླུ།། བཟོ་བྱས་པ་ནི་རྣམ་པ་གཉིས།། གསེར་འགྱུར། ་གསེར་གྱི་རྒྱན་ཡིན་ཏེ།། བདར་བའི་ལམ་ནི་སྲིད་ལམ་འགེགས།། ལོ་དང་ཟླ་བ་ཟླ་བ་ཕྱེད།། མཁས་པས་བརྟགས་ཤིང་ཤེས་པར་བྱ།། དངུལ་ལ་སོགས་པའང་དེ་བཞིན་ཏོ།། མདོར་ན་སྣང་ཞིང་སྲིད་པའི་རྫས། ་ཐམས་ཅད་རིན་པོ་ཆེ་ཡིན་ཏེ།། མན་ངག་ཅན་གྱིས་ཤེས་པར་འགྱུར།། དེ་ནས་བཅུད་ཀྱི་རིན་པོ་ཆེ།། ལུས་ཀྱི་རི་རབ་ལྷུན་པོ་ལ།། རིན་ཆེན་གསེར་གྱི་དབྱེ་བ་ཡང་།། ཐབས་དང་ཤེས་རབ་རིན་པོ་ཆེ།། ཤེས་རབ་རྩ་ཡི་རང ་བཞིན་ཏེ། ། ཐབས་ནི་བྱང་ཆུབ་སེམས་ཡིན་ནོ།། དམར་དང་དང་བཤེས་རབ་སྟེ།། དཀར་དང་དང་བ་ཐབས་སུ་གསུངས།། ཨ་བ་དྷཱུ་ཏཱི་རིན་ཆེན་ལས།། ཐིག་ལེ་དུ་མ་འཕྲེང་བ་ཡིན།། ལྷ་མོས་གསོལ་པ་བཅོམ་ལྡན་འདས།། ་ཨ་བ་དྷཱ་ཏཱི་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། ཨ་བ་དྷཱ་ཏཱིའི་རང་བཞིན་ལས།། སྟེང་དུ་སྒོ་ལྔ་ཡང་དག་གནས།། བར་དང་འོག་ཏུའང་དེ་བཞིན་ཏེ།། བསྐྱེད་དང་རྫོགས་དང་རང་བཞིན་ལས།། ཡོན་ཏན ་། སྐྱོན་གྱི་མཚན་ཉིད་དོ།། བདེ་ཆེན་ཐིག་ལེ་ཧཾ་ཡིན་ནོ།། ཨོཾ་དང་ཨཱཿཧཱུཾ་ཧ་དང་བཞི།། བདེ་བ་ཆེན་པོའི་འཁོར་ལོ་རུ།། སྐུ་གསུང་ཐུགས་དང་བདེ་བ་ཆེ།། འབར་བ་བཞི་རུ་ཡང་དག་བཤད།། སྐུ་གསུང་ཐུགས་དང་བདེ་བ་ཆེ།། ་མགྲིན་པ་རུ་ནི་འཇུག་པ་བཞི།། སྙིང་ཀར་ཡང་ནི་འཛག་པ་བཞི།། སྤྲུལ་པ་རུ་ཡང་དེ་བཞིན་ཏེ།། ཆོས་ཀྱི་སྐུ་ནི་རིན་ཆེན་ལ།། སྟོང་པ་བཅུ་དྲུག་འཕྲེང་བར་བཤད།། དེ་ནས་ཤིན་ཏུ་གསང་བའི་དོན།། པདྨ་རྡོ་རྗེ་གཉིས་པ་ལ།། ཨ ་བ་དྷཱུ་ཏཱི་རིན་པོ་ཆེ། ཨ་ཕཊ་ཨ་དང་བཾ་དང་བཞི།། གསང་བའི་ཐིག་ལེ་བཞི་རུ་བཤད།། ཨ་ནི་མ་ལོང་ལྟ་བུ་སྟེ།། ཕཊ་ནི་བྱ་བ་ནན་ཏན་ཡིན། ཨེ་ནི་སོ་སོར་རྟོག་པ་སྟེ།། བཾ་ནི་མཉམ་ཉིད་ཡེ་ཤེས་སོ།། རིན་ཆེན་ཆོས་དབྱིངས་ཡེ་ཤེས ་ཏེརྣམ་པར་ཐར་དང་སྟོང་པ་དང་། ། མཚན་དང་དེ་བཞིན་དཔེ་བྱད་རྣམས།། ཨ་ནི་འཁོར་ལོ་འབྱུང་བ་བཞི།། ཕཊ་ཀྱི་གནས་སུ་ཡེ་ཤེས་ལྔ།། ཨ་ཡི་གནས་སུ་སྙོམས་འཇུག་དག། བཾ་གི་གནས་སུ་ལྔ་བཅུ་བརྒྱད།། དེ་ཁོ་ན་རུ་ཤེས ་པར་བྱ། ། ཀྵ་ཨེ་ཨེ་ཏ་ས་བོན་བཞི།། ཡོན་ཏན་སྐྱོན་གྱི་མཚན་ཉིད་ཀྱིས།། ཀུན་ལ་ཁྱབ་ཅིང་ཤེས་པར་བྱ།། ལྷ་མོས་གསོལ་པ་བཅོམ་ལྡན་འདས།། འདི་ཡིས་གདོན་རྣམས་ཇི་ལྟར་ཐུབ།། བྱང་སེམས་དགག་པ་ཇི ་ལྟར་ལགས། ། སྐྲ་དཀར་གཉེར་མ་ཇི་ལྟར་ཞི།། བཅོམ་ལྡན་འདས་ཀྱིས་བཀའ་སྩལ་པ།། རྣམ་པར་རྟོག་པ་གདོན་ཡིན་ཏེ།། མཚན་དང་དཔེ་བྱད་སྤོང་བ་དང་།། ཕུང་པོ་ལྔ་ནི་བདུད་རྩི་ལྔ།། སྐྱེ་མཆེད་དེ་ནི་ལྔ་རུ་འགྱུར།། ཁམས་རྣམས ་རྟེན་གྱི་ངོ་བོ་སྟེ། ། དེ་རྣམས་རྟེན་རྩའི་ངོ་བོ་སྟེ།། རྣམ་རྟོག་སྤོང་ཕྱིར་རིན་པོ་ཆེ།། བྱང་ཆུབ་སེམས་དགག་རིམ་པ་ཡང་།། གཡས་བརྐྱང་བས་ནི་ཐབས་ཀྱིས་ཏེ།། གཡོན་གྱིས་ཤེས་རབ་རྩ་མདུད་དགག། ས་གས་ནམ་མཁའ་དགག་པར་བྱ།། ་ཟླུམ་པོས་གསང་བའི་སྣ་རྩེར་དགག། ལ་ལ་ནཱ་དང་ར་ས་ནཱ། ཨ་བ་དྷཱུ་ཏཱིའི་ནང་ཆུད་པ།། དེ་ནི་ནམ་མཁའ་ཟླུམ་པོ་སྟེ།། དཔེར་ན་སྦྲུལ་གྱི་ལྕེ་གཉིས་ལ།། དུག་དང་སྨན་ནི་ཡོད་པ་བཞིན།། གཞན་ཡང་འདུག་སྟངས་བྱེ་བྲག་གིས།། དགག་པའི་ཕྱེ ་བྲག་ཤེས་པར་བྱ། ། འགག་པ་སྲོག་དང་རྩོལ་བའི་རྟེན།། དེ་ལྟར་དབུས་སུ་གནས་པ་དང་།། རིམ་ནས་རིམ་པར་གྱེན་ལ་དྲང་།། སྐད་ཅིག་ནས་བཟུང་ལོ་ཡི་བར།། སྐྲ་དཀར་གཉེར་མའི་རང་བཞིན་འགག། གང་ལ་བརྟེན་པ་དེ་ཡི་ཚད།། ལྷ་མོས ་གསོལ་པ་བཅོམ་ལྡན་འདས། ། དབུས་སུ་གནས་པ་ཇི་ལྟར་ལགས།། རིམ་ནས་རིམ་དུ་ཇི་ལྟར་དྲང་།། བཅོམ་ལྡན་འདས་ཀྱིས་བཀའ་སྩལ་པ།། ཐབས་ཞེས་བྱ་བ་རྟག་པའི་མཐའ།། ཤེས་རབ་ཅེས་པ་ཆད་པའི་མཐའ།། སྙོམས་པར་ཞུགས ་པད་བུ་མའི་དོན། ། གཡས་ཀྱི་སྲོག་ནི་རྟག་པའི་མཐའ།། གཡོན་གྱི་རྩོལ་བཅ་པའི་མཐའ།། དེ་གཉིས་གནས་པ་དབུ་མའི་དོན།། རོམ་རྟག་པའི་བྱང་ཆུབ་སེམས།། བརྐྱང་མ་ཁྲག་ནི་ཆད་པའོ།། ཀུན་དྷ་རམ་རུ་གང་གནས་པ།། དེ་ནི་དབུ་མར། ་པར་བྱ།། མཆོག་གི་དགའ་བརྟག་པའི་མཐའ།། བྲལ་བའི་དགའ་བ་ཆད་པའི་མཐའ།། ལྷན་ཅིག་དགའ་བ་དབུ་མར་བཤད།། ཨོཾ་དང་ཧཱུཾ་ནི་མཐའ་གཉིས་ཏེ། ཨཱ་ཡི་རྣམ་པ་དབུ་མར་གནས། ཨཱ་ལི་ཀཱ་ལི་མཐའ་གཉིས་ཏེ།། མ་ནི་ཡི་གེ་ད ་མ་ཡིན། ། སྐྱེས་པ་བུད་མེད་མཐའ་གཉིས་ཏེ།། མ་ནིང་གཉིས་སུ་མེད་པར་གསུངས།། འདི་ནི་སྒོམ་པ་ཟུང་དུ་འཇུག། དེ་ནི་གནས་པ་དབུ་མའི་དོན།། ཤེས་རབ་ཕ་རོལ་ཕྱིན་པ་རུ།། འབྲེལ་པ་ཟུང་དུ་འཇུག་པར་གསུངས།། བྱ་བའི་རྒྱུད་དང ་རྣལ་འབྱོར་རྒྱུད། ། སྣང་བ་ཟུང་དུ་འཇུག་པར་གསུངས།། དཔལ་ལྡན་གསང་བ་འདུས་པ་རུ།། སྟེང་སྒོ་དབུགས་ལ་ཟུང་དུ་འཇུག། ཤེས་རབ་རྣལ་འབྱོར་བླ་མ་རུ།། སི་ཧླ་ག་པུར་ཟུང་དུ་འཇུག། རིམ་ནས་རིམ་དུ་དང་བ་ཡང་།། གསང་བའི ་འཁོར་ལོ་ཨེ་ལ་ནི། ། བདེ་བ་རྫོགས་པའི་ཚད་བསྟན་པ།། པདྨ་རྡོ་རྗེ་འགས་པ་སྙམ།། དེ་ནི་ཡོངས་སུ་རྫོགས་པའི་ཚད།། དེ་ནས་གསང་བའི་འཁོར་ལོ་ནས། བདེ་ཆེན་འཁོར་ལོའི་བར་དུ་དྲང་།། དང་པོར་དེ་ལྟར་ཤེས་པར་བྱ།། དེ་ལྟར་སེམ ་ནི་བརྟན་འགྱུར་ནི། ། བདེ་བ་ཆེན་པོའི་འཁོར་ལོ་ནས།། གསང་བའི་སྣ་རྩེའི་བར་དུ་དྲང་།། ལྷ་མོས་གསོལ་པ་བཅོམ་ལྡན་འདས།། བཅུད་ཀྱི་རིན་ཆེན་གང་ན་གནས།། དེ་ནི་ཤེས་པ་སུ་ཡིས་ཤེས།། དེ་ཡི་བརྟག་པ་ཇི་ལྟར་ལགས།། ་བཅོམ་ལྡན་འདས་ཀྱིས་བཀའ་སྩལ་པ།། སྤྱི་བོ་ཚངས་པའི་བུ་གནས།། གསང་བའི་འཁོར་ལོ་ཡན་ཆད་དུ།། ཨ་བ་དྷཱུ་ཏཱིའི་ཙན་དན་གནས།། ལ་ལ་རས་སྦྲུལ་ལྟར་གནས།། གཞན་རྣམས་པ་ཐག་ཁུག་པར་གནས།། འདི་རྣམས་རང ་བཞིན་ཀུན་ལ་གནས། ། རྩ་དང་འཁོར་ལོ་འདི་རྣམས་ནི།། དེ་བཞིན་གཤེགས་པའི་སྙིང་པོར་གསུངས།། ཕྱི་ཡི་རྩ་དང་ནང་གི་རྩ།། གསང་བ་དེ་བཞིན་མཐར་ཐུག་ནི།། མན་ངག་ཡོད་པས་ཤེས་པར་གསུངས།། བརྟག་པ་རྣམ་པ ་གཉིས་སུ་བརྟན། ། དང་པོ་ལུས་ཀྱི་བརྟག་པ་སྟེ།། གཉིས་པ་ངག་ཏུ་ཤེས་པར་བྱ།། ལུས་ལ་སྤྱི་དང་བྱེ་བྲག་གཉིས།། སྐུ་ནི་རླུང་གི་རང་བཞིན་ཏེ།། ཡན་ལག་ཐུང་ན་ཆུ་ཡི་ཁམས།། ཡན་ལག་རྒྱས་པ ་ས་ཡི་ཁམས། ། སྨད་ཞེང་ཆེན་མེ་ཡི་ཁམས།། སྣ་ཚོགས་དུ་མ་ནམ་མཁའི་ཁམས།། སྤྱི་རུ་དཀར་བ་ཆུ་ཡི་ཁམས།། དམར་བ་མེ་རུ་ཤེས་པར་བྱ།། སེར་བ་དེ་བཞིན་ས་ཡི་ཁམས།། སྔོན་རླུང་དུ་ཤེས་པར་བྱ།། ཡང་ན་རླུང་གི ་ཁམས་ཡིན་ཏེ། ། དྲོད་རྣམས་ཆེན་མེ་ཡི་ཁམས།། བརྟན་པ་ས་ཡི་ཁམས་སུ་གསུངས།། ཆུ་ཁམས་ཆེན་ཆུ་ཡི་ཁམས།། དེ་རྣམས་ཀུན་ལྡན་ནམ་མཁའི་ཁམས།། འཇུག་པ་བདེ་ཆེན་ས་ཡིན་ཏེ།། ལྡོག་པ་སྤྲུལ་པ་ཆུ་རུ་གསུང་།། ་རྣལ་འབྱོར་རྒྱུད་ནི་བྱེ་བྲག་གིས།། སེམས་ཀྱི་གནས་པ་ཤེས་པར་བྱེད།། ཤུ་ཀྲ་རླུང་ལ་སི་སྨ་མ།། སྦྲུལ་དང་ཆོས་སུ་སྦྱར་བ་ཡིན།། གཞན་ཡང་མཁས་པས་ཤེས་པར་བྱ།། དེ་ནས་བྱེ་བྲག་གསུངས་པ་ཡིན།། དབྱིབས་དག་པ ་དོག་མཚན་མ་གསུམ། ། ཀུན་ལ་མཁས་པར་ཤེས་པར་བྱ།། དང་པོར་དབྱིབས་ཀྱི་བརྟག་པ་ཡང་།། དཔྲལ་བའི་དབྱིབས་ལ་རྣམ་པ་བཞི།། གྲུ་བཞི་ཟླུམ་པོ་ཟླ་ག་མ་དང་།། གྲུ་གསུམ་དུ་ཡང་ཤེས་པར་བྱ།། དཀར་པོ་ལ་སོགས་དེ་དང ་འདྲ། ། རྣ་བ་ནས་བཟུང་རྐང་པའི་བར།། ཀུན་ལ་བརྟག་ཅིང་ཤེས་པར་བྱ།། སྐད་ནི་ཕྲ་དང་སྦོམ་པ་དང་།། རིང་དུ་འདོན་དང་ཐུང་བ་དང་།། འདར་བ་ལ་སོགས་བྱེ་བྲག་རྣམས།། མཁས་པས་བརྟག་ཅིང་ཤེས་པར་བྱ།། རྟགས་དེ་བརྟག་པའི ་མཚན་མ་ནི། ། རྣམ་པ་གསུམ་དུ་ཤེས་པར་བྱ།། འདོད་ཆགས་སུ་དང་ཞེ་སྡང་ཐུགས།། མུན་པ་གསུང་དུ་ཤེས་པར་བྱ།། དང་པོ་འདོད་ཆགས་དབྱེ་བ་ཡང་།། ཡར་ངོ་མར་ངོ་མཚམས་དང་གསུམ།། དབྱིབས་དཔཁ་དོག་སྐད ་གསུམ་ལ། ། མཁས་པ་འདོད་པ་སྐྱེ་བ་བརྟག། ཉིན་པར་བཞི་དང་མཚན་པར་བཞི།། དེ་བཞིན་སྐད་ཅིག་ཐང་ཅིག་རྣམས། མཁས་པས་བརྟག་ཅིང་ཤེས་པར་བྱ།། མིག་འཛུམ་པ་སྤུ་ལྡང་ལ་སོགས།། དབྱིབས་ཀྱི་འདོད་པ་སྐྱེ་བ་དང་། ་འདོད་པའི་གཟུགས་ལྡན་ཅུང་ཞིག་དམར།། སྣ་བུག་དཀར་ལ་སོགས་པ་དང་།། སྐད་འདར་ཁ་ནི་སྐམ་ལ་སོགས།། འདོད་པ་སྐྱེས་པའི་རྟགས་སུ་བཤད།། གཞན་ཡང་འདོད་པ་སྐྱེས་པའི་རྟགས།། ཁ་དོག་དབྱིབས་ལ་བརྟག ་པར་བྱ། ། སླ་ཕྱིར་འདོད་པ་ས་ཡི་རྟགས།། ཆུ་ལ་སོགས་པ་དེ་བཞིན་ནོ།། གསུང་དང་ཐུགས་ལའང་ཤེས་པར་བྱ།། ལྷ་མོས་གསོལ་པ་བཅོམ་ལྡན་འདས།། འདོད་ཆགས་ཞེས་པ་ཇི་ལྟར་ལགས།། དེ་ཡི་ཆེན་པོ་ཇི་ལྟར་ལགས།། ་ཞེ་སྡང་ལ་སོགས་ཇི་ལྟར་ལགས།། སྐུ་གསུང་ཐུགས་ནི་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། འདོད་ཆགས་ཉོན་མོངས་འཁོར་བ་སྟེ།། གབ་པའི་གསང་བ་མ་རྟོགས་པར།། སྦས་པའི་གསང་བ་ལ་ཞེན་ནས།། ་སྲིད་པའི་ས་བོན་མི་ཟད་པར།། དཔེར་ན་རྒྱུད་ཀྱི་མདའ་བཞིན་དུ།། འབྲས་བུ་མནར་མེད་དམྱལ་བར་སྐྱེ།། ཆེན་པོ་མི་རྟོག་རང་བཞིན་ཏེ།། འབྲས་བུ་གཉིས་མེད་ཡེ་ཤེས་བསྐྱེད།། འདོད་ཆགས་ཞེས་པ་སྤང་བྱ་སྟེ།། དེ་ཡི་ཆེན་པོ་ག ་པོར་གསུངས། ། འདོད་ཆགས་ཞེས་པ་མེ་ཏོག་སྟེ།། དེ་ཡི་ཆེན་པོ་དྲི་དང་འདྲ།། གཞན་ཡང་བྱེ་བྲག་ཤེས་པར་བྱ།། ཞེ་སྡང་ལ་སོགས་གོང་དང་འདྲ།། ཐམས་ཅད་རྟེན་པ་སྐུ་རུ་བསྟན།། བརྗོད་པ་དང་བྲལ་གསུང་དུ་བསྟན།། རྣམ་རྟོག་བྲལ་བ ་ཐུགས་སུ་ཤེས། ། རྣམ་རྟོག་ཆུང་ཞིང་གཏོང་ཕོད་ཆེ།། ཐ་མ་ལ་གུས་སྙིང་རྗེ་ཆེ།། གཞན་ཡང་བྱེ་བྲག་ཀུན་ཤེས་པ།། འདི་ལ་བསྟན་གྱི་ཀུན་ལ་གསང་།། བླ་མ་ཡོན་ཏན་ཀུན་ལྡན་ཞིང་།། དབང་དང་མན་ངག་འབྲེལ་ཤེས་དང་། ས ་བའི་དོན་ལ་མ་རྨོངས་ཤིང་། ། ཐུགས་རྗེ་ཆེན་པོ་དང་ལྡན་པས།། ཆོས་ལ་སེར་སྣ་མེད་པ་དང་།། གསལ་ལ་གསོང་པོར་སྨྲ་བ་དང་།། རིགས་བཅས་ཀུན་གྱིས་བཀུར་བ་དང་།། ལས་ཀྱི་ཕྱག་རྒྱ་འཆང་བ་དང་། ་དམ་ཚིག་དང་ལྡན་བླ་མ་སྟེ།། འདི་ལ་བཀུར་གྱི་ཐམས་ཅད་ལ།། བསྙེན་ཅིང་བཀུར་བར་བྱ་བ་མིན།། དེ་ནས་རིན་ཆེན་གསུམ་པ་ནི།། གཉིས་མེད་ལྷ་ཅིག་སྐྱེས་པ་སྟེ།། རྟོག་བྲལ་སྤྲོས་པ་མེད་པ་ཡིན།། དེ་རྟོགས་རིན་ཆེན་འཕྲེང་བའོ།། ལྷ ་མོས་གསོལ་པ་བཅོམ་ལྡན་འདས། ། གབ་པ་ཞེས་པ་ཇི་ལྟར་ལགས།། དེ་ཡི་འབྲས་བུ་ཇི་ལྟར་མིན།། སྦས་པ་ཞེས་པ་ཇི་ལྟར་ལགས།། དེ་ཡི་འབྲས་བུ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། གབ་པ་ཞེས་པ་ཡེ ་ཤེས་ཏེ། ། སུམ་ཅུ་རྩ་བདུན་སྐུ་གསུང་ཐུགས།། ཆོས་དང་ལོངས་སྤྱོད་སྤྲུལ་སྐུ་གསུང་།། དགའ་བ་བཞི་རུ་མདོར་བསྡུས་པ།། དམིགས་པའི་རྒྱུན་ནི་གསང་བའོ།། བདུན་དང་ལྡན་ཕྱིར་ཆེན་པོ་ཡི།། སུམ་ཅུ་རྩ་བདུན་ལ་སོགས་པའི།། གཉེན་པོ ་སྟོབས་ཀྱིས་མ་ཞུགས་པ། ། སྦས་པ་པདྨ་རྡོ་རྗེ་གཉིས།། སྙོམས་པར་ཞུགས་ན་འདོད་པ་སྐྱེ།། འདི་ནི་རྐུན་མོ་མ་རུངས་པ།། དཔེར་ན་ལྗོན་ཤིན་རྩ་བ་ལས།། ཡལ་གི་མ་ཏོག་ཐམས་ཅད་སྐྱེས།། ཉོན་མོངས་རྩ་བ་འདོད་ཆགས་ལ།། དུག་གསུམ ་ལ་སོགས་ཐམས་ཅད་དེ། ། སྦས་པའི་གསང་བའི་འཁོར་བ་སྟེ།། གབ་པ་མྱ་ངན་འདས་པར་གསུངས།། འཁོར་བ་མནར་མེད་དམྱལ་བ་དང་།། དུར་ཁྲོད་བརྒྱད་པོ་དྲེགས་པ་ཅན།། སྙིང་རྗེ་མེད་ཅིང་ཤ་ཁྲག་ཟ།། ཤིང་རྟའི་འཁོར་ལོ་བཞིན ་དུགནས། ། མྱ་ངན་འདས་པ་སྐུ་གསུམས།། སྐྱོབ་པ་མྱ་ངན་འདས་གྱུར་ཀྱང་།། འཁོར་ལོ་འཁོར་བའི་ཚུལ་དུ་ནི།། ཚོགས་ཀྱི་ཤུགས་ཀྱི་མཐུ་ཡིས་སུ།། སེམས་ཅན་དོན་ལ་ཡང་དག་འཇུག། ཆོས་སྐུ་སྤྲོས་བྲལ་ནམ་མཁའ་བཞིན།། སྐུ ་གཉིས་སྤྲིན་དང་ཆར་ལྟ་བུ། ། སྐུ་གཉིས་སེམས་ཅན་དོན་མཛད་པ།། སེམས་ཅན་ལས་དང་སྨོན་ལམ་སྟོབས།། དེ་ཡི་སྟོབས་ཀྱིས་སྣང་བ་ལས།། ཡང་དག་ཉིད་ལ་སྣང་རྒྱུ་མེད།། སྐུ་གསུང་དེ་ཉིད་བནི་བཅུའི་དོན།། དུར་ཁྲོད་ལ་སོགས་བརྡ་རུ་ཤེས ་སུམ་ཅུ་རྩ་གཉིས་ཆོས་སྐུའི་བརྡ། ། རྒྱན་ནི་གཟུགས་སྐུ་གཉིས་ཀྱི་བརྡ།། གཞན་ཡང་བརྡ་ཡི་བྱེ་བྲག་ནི།། སྦོམ་པོ་གསང་བའི་རྡོ་རྗེའི་བརྡ།། ཁྲོ་མོ་གསང་བའི་པདྨའི་བརྡ།། སྐུ་དང་དྲང་བ་ཡོན་ཏན་སྐྱོན།། མཛུབ་མོ་ལ་རྟེན་མཐེའུ་ཆུང་ནི།། ང་ཡི ་གན་དུ་ཚུར་ཤོག་ཡིན། ། མཐེ་བོང་ལ་བརྟེན་མཛུབ་མོ་བར།། ཁྱོད་ཀྱི་གན་དུ་འོང་གིས་ཡིན།། མཐེ་བོང་མཛུབ་གཉིས་ཟུར་གསུམ་ནི།། བྷ་ག་རྒྱས་སམ་དྲི་བ་ཡིན།། བྷ་ག་རྒྱས་པ་ཟླུམ་པོར་སྟོན།། བདེ་བའི་གནས་སུ་འདུ་བ་ཡང་།། སྲོང་དམ ་ནམ་གུང་ཐོ་རངས་གསུམ། ། མཛུབ་ཚིགས་དང་པོ་ནས་བཟུང་ནས།། ཐ་མའི་བར་དུ་བརྡ་ཡིན་ནོ།། སྐུ་གསུང་ཐུགས་ཀྱི་བྱིན་བརླབས་ཀྱིས།། ལན་གསུམ་བར་དུ་ནན་ཏན་གནང་།། གཞན་ཡང་བརྡ་ཡི་བྱེ་བྲག་རྣམས།། རྒྱུད་རྣམས་ཀུན་ཏུ་མ་གསུང ་བགནས་ནི་ཐབས་ཀྱི་འདུག་སྤངས་སོ། ། ཉེ་གནས་ཤེས་རབ་འདུག་པར་གསུངས།། ཞིང་ནི་ཐབས་ཀྱི་བཟའ་བའི་ཚོགས།། དེ་བཞིན་ཤེས་རབ་ཉེ་བའི་ཞིང་།། འདུ་བ་ཐབས་ནི་འོང་ངོ་སྟེ།། ཤེས་རབ་འོང་བ་ཉེ་འདུ་ཡིན།། ཙཱནྡོ་ཐབས་ཀྱི་སྙན ་དང་རྒྱན། ། ཤེས་རབ་དེ་བཞིན་ཉིད་ཙྪནྡོ།། དུར་ཁྲོད་ཐབས་ཀྱི་རྣམ་རྟོག་བྲལ།། དེ་བཞིན་ཤེས་རབ་ཉེ་དུར་ཁྲོད།། གཞན་ཡང་བརྡ་ཡི་བྱེ་བྲག་རྣམས།། ཁ་དོག་དེ་བཞིན་དབྱིབས་དང་ཡང་།། ཡན་ལག་ཚུལ་ལས་ཤེས་པར་བྱ།། དེ་ནས་ལྔ ་མོ་ལ་སོགས་པས་མཆོད་པ་སྣ་ཚོགས་པས་མཆོད་ནས་མི་སྣང་བར་གྱུར་ཏོ། ། དཔལ་རིན་ཆེན་འཕྲེང་བའི་རྒྱུད་ཀྱི་རྒྱལ་པོ་ཆེན་པོ་གསང་བ་ཡང་གསང་བ་སྟེ་རང་བཞིན་གྱིས་གསང་བ་རྫོགས་སོ།། ་