| Wylie | e-texts produced with BDRC’s OCR application |
ནས་ཡང་རྒྱ་གར་གྱི་རྒྱུད་བཞི་དང་། དགེ་སློང་ཤཱཀྱ་ཡེ་ཤེས་དེ་ཉིད་ཀྱིས་གཏུགས་ནས་བཅོས་ཏེ་གཏན་ལ་ཕབ་པའོ།། ། རྒྱ་གར་སྐད་དུ ་ཤྲཱི་གུ་ཧྱ་བཛྲ་ཧནྡྷ་རཱ་ཛ། བོད་སྐད་དུ། དཔལ་གསང་བ་རྡོ་རྗེའི་རྒྱུད་ཀྱི་རྒྱལ་པོ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ།། དཔལ་ལྡན་འཁོར་ལོ་སྡོམ་པ་རུ།། གསང་བའི་འཁོར་ལོ་མི་གསུང་བ ་བདག་གིས་ཟབ་མོའི་དོན་མ་རྟོགས། ། དེ་ཕྱིར་ཁྱེད་ཀྱིས་བདག་ལ་གསུངས།། བཅོམ་ལྡན་འདས་ཀྱིས་བཀའ་སྩལ་པ།། ཉོན་ཅིག་ལྷ་མོ་སྤྱན་བཟང་རིང་།། གསང་བའི ་འཁོར་ལོ་ཤིན་ཏུ་ཟབ། ། རྒྱུད་རྣམས་ཀུན་ཏུ་མ་གསུངས་པ།། ཁྱོད་ཀྱི་ངོར་མཛད་ང་ཡིས་བཤད།། གསང་བ་རྡོ་རྗེའི་རྒྱུད་ཀྱི་རྒྱལ་པོ་ལས་གླེང་བསླང་བའི་ལེའུ་སྟེ་དང་པོའོ།། ། ་ལྷ་མོས་གསོལ་པ་བཅོམ་ལྡན་འདས།། གསང་བ་ཞེས་བྱ་ཇི་ལྟར་ལགས།། དེ་ཡི་འཁོར་ལོ་ཇི་ལྟར་ལགས།། དེ་ཡི་རྡོ་རྗེ་ཇི་ལྟར་ལགས།། དེ་ཡི་པདྨ་ཇི་ལྟར་ལགས།། བཅོམ་ལྡན་འདས ་ཀྱིས་བཀའ་སྩལ་པ། ། གསང་བ་ཞེས་པ་རྣམ་པ་བཞི།། གསང་བའི་ཕོ་བྲང་དང་པོ་སྟེ།། དེ་ནས་གསང་བའི་དབང་བསྐུར་ཕྱིར།། གཉིས་པ་རིག་པའི་ཕོ་བྲང་སྟེ།། བཞི་པའི་དོན་ནི་རིག་པའི་ཕྱིར།། ་གསུམ་པ་རྟ་མགྲིན་འཁོར་ལོ་སྟེ།། དེ་ཡི་མགྲིན་པར་གནས་པའི་ཕྱིར།། བཞི་པ་གསང་བ་བདེ་སྐྱོང་སྟེ།། སྡིག་པ་སྤོང་ཕྱིར་བདེ་སྐྱོང་ཡིན།། དེ་རྣམས་དོན་ནི་གསང་བ་སྟེ།། བརྟུལ་བཞུགས་བྱེད་ཅིང ་གཏོང་ཕོད་ཆེ། ། ཨེ་བཾ་ཟབ་ཅིང་ཆགས་ལ་དགའ།། ཁུ་བ་འཛག་ཅིང་རཀྟ་འབབ།། འདི་ལ་སྟོན་གྱི་གཞན་ལ་གསང་།། རྡོ་རྗེ་པདྨ་ཞེས་བྱ་བ།། བཞི་པོ་གནས་པའི་རྟེན་ཡིན་ཏེ།། དཔེར་ན་ཁང་རྟེན་ཀ་བ ་བཞིན། ། རྒྱུད་ཀྱི་དོན་ནི་རྒྱུན་ཡིན་ནོ།། གསང་བ་རྡོ་རྗེའི་རྒྱུད་ཀྱི་རྒྱལ་པོ་ལས་རྟོག་པ་སེལ་བའི་ལེའུ་སྟེ་གཉིས་པའོ།། ། ལྷ་མོས་གསོལ་པ་བཅོམ་ལྡན་འདས།། རེ་རེའི་དབྱེ་བས་མ་འཚལ ་བས། ། འཇིག་རྟེན་ཀུན་རྫོབ་ཉིད་དུ་ལྷུང་།། འཁྲིག་པའི་ཟུག་རྔུ་མི་བཟད་པས།། བདག་ནི་འདི་ཉིད་དུ་ནི་འགུམ།། བཅོམ་ལྡན་འདས་ཀྱིས་བཀའ་སྩལ་པ།། གསང་བའི་ཕོ་བྲང་རིམ་པ་དྲུག། འདབ་མའི་གྲངས ་ནི་ཉིས་འགྱུར་རོ། ། རྟ་མགྲིན་གྲངས་ནི་དགུ་རུ་ཤེས།། གསང་བ་བདེ་སྐྱོང་རིམ་པ་གཉིས།། བརྒྱད་དང་ལྔ་བཅུའི་གྲངས་ཡིན་ནོ།། རིག་པའི་ཕོ་བྲང་འདབ་མ་ལྔ།། རིགས་ནི་མེ་ཏོག་ལྟ་བུའོ།། བྷ་ག་རབ་འབྲིང ་གསུམ་ཡིན་ཏེ། ། རྣལ་འབྱོར་མཁས་པས་བཙལ་བར་བྱ།། སྨན་དང་སྣུམ་གྱི་རིལ་བུ་ཡིས།། རྣལ་འབྱོར་སོར་མོ་ལ་བསྐུས་ལ།། གཞང་ཁ་ནས་ནི་ཕྱེ་མས་འདུག། གསང་བ་ནས་ཀྱང་སྣུམ་གྱིས་བདུག ་དེ་ནས་རྣལ་འབྱོར་ཕོ་འམ་མོས། ། རྩ་དེ་སོར་མོས་ལེགས་པར་བཙལ།། རིང་ཐུང་ཚད་ནི་སོར་གཉིས་ནས།། སོར་བརྒྱད་པར་ནི་གར་གནས་པ།། ཤེས་རབ་བྷ་ག་ཆེ་ཆུང་དང་།། དེ་བཞིན་བྷ་ག་གྲང་དྲོ་དང་།། ཆུ ་རྣམས་ཆེ་ཞིང་བདེ་བ་ཆུང་། ། དེ་ལ་རྣལ་འབྱོར་མཁས་པ་ཡིས།། བྷ་ག་ཆེན་བདེ་བ་ཆུང་།། བྷ་ག་ཆེན་ཆུང་ངུ་བྱ།། ཆུང་ན་དེ་བཞིན་བསྐྱེད་པར་གསུངས།། གྲང་ན་དེ་བཞིན་བསྒོ་བར་བྱ།། ཆུ་རྣམས་ཆེན་ཆུང་བར ་བྱ། འདི་འདྲའི་བྷ་ག་གང་ལ་ཡོད།། བུད་མེད་འདི་ལ་བྷ་ག་མངའ།། དེ་ཕྱིར་བུད་མེད་བཅོམ་ལྡན་འདས།། ཐབས་ཀྱི་རྡོ་རྗེ་ཕྲ་སྦོམ་དང་།། རིང་བ་དང་ནི་ཐུང་བ་སྟེ།། ཤེས་རང་ཇི་བཞིན་ཐབས་ལའོ།། ་དེ་ཡི་གནས་སུ་གཟུང་བར་བྱ།། གསང་བ་རྡོ་རྗེའི་རྒྱུད་ཀྱི་རྒྱལ་པོ་ལས་གསང་བ་རྟོགས་པའི་ལེའུ་སྟེ་གསུམ་པའོ།། ། ལྷ་མོས་གསོལ་པ་བཅོམ་ལྡན་འདས།། ཨེ་བཾ་རྣམ་པའི ་དབུས་གང་དུ། ། བདེ་བའི་ཁྱད་པར་འཚོལ་བ་ལ།། འདི་ལས་ཁྱད་པར་མེད་དམ་ཅི།། བཅོམ་ལྡན་འདས་ཀྱིས་བཀའ་སྩལ་པ།། ཤིན་ཏུ་དབེན་པའི་གནས་བཙལ་ལ།། བཟའ་བ་བཅུད ་ཅན་སྣ་ཚོགས་དང་། ། བཏུང་བ་ཞིམ་པོ་མང་པོ་དང་།། གུར་ཀུམ་ལ་སོགས་དྲི་ཞིམ་དང་།། ཤིན་ཏུ་འཇམ་པའི་སྙན་བཏིང་ལ།། རྣལ་འབྱོར་མ་ཡི་གནས་བཅུ་རུ།། དྲི་ཞིམ་ཐིག་ལེ་རེ་རེ་བྱ།། རྣལ་འབྱོར་པ་ཡི ་གནས་ལྔ་རུ། ། དེ་བཞིན་ཐིག་ལེ་ལྔ་ཡང་བྱ།། དེ་ནས་མཁའ་གསང་བྱིན་གྱིས་བརླབས།། ཨེ་ལས་གྲུ་གསུམ་གཏིང་རིང་བསམ།། དེ་ཡི་ནང་དུ་པཾ་ལས་ནི།། པདྨ་འདབ་མ་བརྒྱད་དུ་བསམ།། དེ་ཡི་དབུས ་སུ་འཁོར་ལོ་བསམ། ། འཁོར་ལོའི་དབུས་སུ་རེག་མི་བཟོད།། དེ་ནས་ཐབས་ཀྱི་རྡོ་རྗེ་ཡང་།། ཧཱུཾ་ལས་རྡོ་རྗེ་རྩེ་ལྔ་བསམ།། ཨོཾ་ལས་རྡོ་རྗེ་མགོ་བོར་བསམ།། ཕཊ་ལས་རྡོ་རྗེ་བྷ་ག་བསམ།། དེ་ནས་བདེ་བའི་སྟན ་ཐོག་ཏུ། ། སྦྱོར་བ་རྣམ་པ་གསུམ་བྱ་སྟེ།། ཡན་ལག་ཐབས་དང་སྦྱོར་བ་དངོས།། འཁོར་ལོ་ཉི་ཤུ་རྩ་དགུ་འམ། ཆགས་པ་སྐྱེ་བའི་དྲི་ཡིས་བྱུགས།། བདེ་བ་སྐྱེ་བའི་ཟས་ཟོས་ནས།། བདེ་བའི་སྟན་ལ་འདུག་ནཱ ་ནི། ། ཐབས་ཀྱིས་གནས་དགུར་འོ་ཡང་བྱ།། ཤེས་རབ་ཀྱིས་ཀྱང་གནས་ལྔར་བྱ།། ཐབས་ཀྱིས་ཤེས་རབ་པདྨ་ལ།། འོ་བྱས་པདྨ་རྒྱས་སུ་གཞུག། ཤེས་རབ་ཀྱིས་ཀྱང་དེ་བཞིན་ནོ།། ཆགས་པ་སྐྱེ་བའི ་རྟགས་འབྱུང་སྟེ། ། དེ་ནས་གཅིག་གིས་གཅིག་ལ་བྱུད་ནས།། ཧེ་རུ་ཀ་དང་ཕག་མོར་བསམ།། ཤེས་རབ་རྐང་པ་གཉིས་བརྐྱང་ནས།། ཐབས་ནི་ཐབས་ལྡན་གྱིས་བསྐྱོད་ནས།། ནང་རྟགས་ཕྱི་རུ་བསྟན་པའི་ཕྱིར།། ་ཤེས་རབ་མ་ལ་རྟགས་གསུམ་འབྱུང་།། ལུས་འདར་འཕར་བ་སྐུ་ཡི་རྟགས།། མི་བཟོད་སྐད་འདོན་དག་གི་རྟགས།། ཤེས་པ་རྒྱལ་བ་ཐུགས་ཀྱི་རྟགས།། དེ་ལ་ངོ་བོར་བཤད་པའི་ཕྱིར།། འདི་ནི་གསང ་བའི་དཀྱིལ་འཁོར་ཏེ། ། འདི་ཡིས་སྐྲ་དཀར་གཉེར་མ་སྤོང་།། ནད་ཀྱི་ཟུག་རྔུ་ཐམས་ཅད་འཇོམས།། འདི་ནི་གསང་བའི་བཅུད་ཀྱིས་ལེན།། ཕྱི་ཡི་དཀྱིལ་འཁོར་སྒོམ་པ་མིན།། གསང་བའི་དཀྱིལ་འཁོར་ཉིད་ལ ་གནས། ། སྦྱིན་སྲེག་ལ་སོགས་བྱ་བ་མིན།། གསང་བའི་རྡོ་རྗེའི་རྒྱུད་འདི་ནི།། ཀུན་གྱིས་ཐོབ་པར་མི་འགྱུར་ཏེ།། གླེགས་བམ་སོར་ནི་བཅུ་གཉིས་བྱ།། གླེགས་བམ་གསང་བའི་གནས་སུ་སྦ།། ཡོངས་སུ་སྨིན ་པའི་རྣལ་འབྱོར་མ། ། འགའ་ཡིས་མཐོང་གི་གཞན་ལ་སྦ།། གསང་བ་སྟོན་པའི་བླ་མ་ནི།། སངས་རྒྱས་ཉིད་པས་བཙུན་པ་ཡིན།། གཞན་ཡང་འདོད་པའི་སྟན་ཐོག་ཏུ།། གསུངས་པའི་སྦྱོར་ཐབས་ཀུན་བྱས ་ནས། ། ལྔ་བཅུ་ནས་བཟུང་སྟོང་གི་བར།། རྣལ་འབྱོར་མ་ཀུན་བདེ་མེད་ཀྱང་།། སྦྱོར་ཐབས་མཁས་པས་བསྐྱོད་བྱས་ནས།། བཅུ་གཉིས་མ་དང་བདེ་བ་མཉམ།། སྦྱོར་ཐབས་མི་ཤེས་རྣལ་འབྱོར་པས།། ་རླུང་མཁྲིས་བད་ཀན་ཀུན་ནས་སྐྱེ།། ཤེས་རབ་ཀྱིས་ཀྱང་ཐབས་ལ་སྟེ།། སྦྱོར་ཐབས་མཁས་པའི་ཤེས་རབ་མ།། ཐབས་ཀྱིས་རྟག་ཏུ་བསྟེན་པར་བྱ།། སྦྱོར་ཐབས་མཁས་པའི་རྣལ་འབྱོར་པས། ་རྣལ་འབྱོར་མ་ནི་གསང་ལ་བསྟན།། ལྷ་མོས་གསོལ་པ། གསང་བ་བསྟེན་པ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། མིང་སྲིང་ཚུལ་ལམ་རྗེ་འབངས་ཚུལ།། ཕ་སྤང་ཚུལ་ལ ་མཁན་སློབ་ཚུལ། ། གཞན་གྱིས་མི་རིག་ངོ་ཚ་བསྲུངས།། དབེན་པའི་གནས་སུ་སྦྱོར་བ་བྱ།། གལ་ཏེ་མ་བསྙེན་དམ་ཚིག་ཉམས།། ཚེ་འདི་ཉིད་ལ་དམྱལ་བར་ལྷུང་།། ལྷ་མོས་གསོལ ་པ་བཅོམ་ལྡན་འདས། ། ཐབས་མེད་རྣལ་འབྱོར་ཇི་ལྟར་ལགས།། བདེ་བ་ཁྱབ་མེད་ཇི་ལྟར་ལགས།། ཕྱག་རྒྱ་མ་བསྟེན་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། བདེ་བ་ལ་གནས ་གསང་བའི་དོན། ། ཁྱོད་ཀྱི་ངོར་མཛད་ང་ཡིས་བཤད།། སྦྱོར་ཐབས་མི་ཤེས་རྣལ་འབྱོར་དང་།། སྙན་ཡང་གཅིག་ལ་མི་འདུག་སྟེ།། འདོད་ཆགས་བསམ་པ་ཡང་མི་བྱ།། གལ་ཏེ་དེ་འདྲ་བསྟེན ་གྱུར་ན། ། འཇིག་རྟེན་ཕལ་པའི་འདོད་ཆགས་ཏེ།། ཤི་ནས་མནར་མེད་དམྱལ་བར་སྐྱེ།། འདོད་ཆགས་སྤྱོད་པ་ཤལ་མ་རི།། ལྕགས་ཀྱི་སོར་ནི་བཅུ་དྲུག་པ།། ཡ་ར་ལ་འཛེག་ཅིང་མར་ལ་འབབ། ་ཐབས་མེད་རྣལ་འབྱོར་འདྲ་བ་འབོད།། དེ་ཕྱིར་སྦྱོར་ཐབས་མཁས་པས་བསྟེན།། སྦྱོར་ཐབས་ལས་ནི་བདེ་བ་སྐྱེ།། དེ་ཕྱིར་བདེ་བ་ཁྱད་པར་འཕགས།། བདེ་བ་ཐབས་མེད་ལུས་ཟུངས་ཉམས།། རླུང་མཁྲི། ་བད་ཀན་ཀུན་ནས་སྐྱེ།། ལས་ཀྱི་ཕྱག་རྒྱ་རྟག་ཏུ་བསྟེན།། ཕྱག་རྒྱ་མ་བསྟེན་དམ་ཚིག་ཉམས།། ཕྱག་རྒྱ་བསྟེན་པའི་དུས་སུ་ཡང་།། རྣལ་འབྱོར་མིང་སྲིང་བརྡ་ཡིས་མཚོན།། གང་ཞིག་མཛུབ་མོ་སྟོན་པ ་མའོངས་སམ་ཞེས་ནི་འདྲི་བ་ཡིན། ། སོར་མོ་གཉིས་ནི་སྟོན་པ་དང་།། མཐེ་བོང་དྲང་པོར་སྟོན་པ་དང་།། དེ་བཞིན་སྲིན་ལག་དྲང་པོར་སྟོན།། རྡོ་རྗེ་བོ་ལ་ཞེས་བྱ་སྟེ།། པདྨ་ཀཀྐོ་ལ་ཞེས་བྱ།། དེ་ལྟར ་མ་བྱས་དམ་ཚིག་ཉམས། ། བརྡ་ཡི་བྱེ་བྲག་མ་ལུས་པ།། ས་པུ་ཊ་རུ་ཤེས་པར་བྱ།། ལྷ་མོས་གསོལ་པ་བཅོམ་ལྡན་འདས།། རྡོ་རྗེ་པདྨ་དགའ་བའི་གནས།། དེ་རུ་གཟུང་བ་ཇི་ལྟར་ལགས།། བཅོམ་ལྡན་འདས ་ཀྱིས་བཀའ་སྩལ་པ། ། དེ་རུ་གཟུང་བ་རྣམ་པ་གཉིས།། རབ་ཀྱིས་དབུགས་དང་ཤེས་པས་གཟུང་།། དང་པོ་བཙན་ཐབས་སྦྱོར་བས་གཟུང་།། སྦྱོར་བ་རྣམ་པ་བཅུ་རུ་གཟུང་།། གཅིག་ནི་སྦོམ་པོ་ཁྲ་མོས ་གཟུང་། ། གཟུང་བའི་བརྟེན་ནི་རྣམ་པ་བཞི།། མན་ངག་ཅན་གྱིས་ཤེས་པར་བྱ།། གལ་ཏེ་དེ་རུ་མ་ཡིན་ན།། འཁོར་བར་སྲུང་བས་རང་གིས་སུ།། ཏིང་ངེ་འཛིན་གྱིས་དེ་ལ་བསྡུ།། ལྕེ་ཡིས་བྱང་ཆུབ ་སེམས་བླངས་ལ། ། རོ་མའི་འཁོར་ལོ་རུ་ནི་བསྟིམ།། དེ་ལྟར་མ་བྱས་དམ་ཚིག་ཉམས།། ལྷ་མོས་གསོལ་པ་བཅོམ་ལྡན་འདས།། ཤེས་རབ་སྦྱོར་ཐབས་འབའ་ཞིག་གིས།། ཐབས་ཀྱིས་བསྐྱོད་པ ་འབའ་ཞིག་གིས། ། རྣལ་འབྱོར་པ་དང་རྣལ་འབྱོར་མ།། བདེ་བ་ཁྱད་པར་མེད་དམ་ཅི།། བདེ་བའི་ངོ་བོ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། བསྐྱོད་པ་བུད་མེད་ཀྱིས་ཀྱང་བསྐྱོད། ་སྦྱོར་ཐབས་ཀྱང་ནི་ཐབས་ཀྱིས་ཀྱང་།། དེ་ལས་བདེ་བ་ཁྱད་པར་འཕགས།། དཔེར་ན་དར་དང་སྣལ་མ་བཞིན།། ཐབས་ཀྱིས་སྣལ་མའི་ཆ་ཙམ་མྱོང་།། ཤེས་རབ་དར་གྱི་ཤམ་བུ་ཙམ།། དེ་ཕྱིར་རྣལ ་འབྱོར་མ་ཡི་རྒྱུད། ། རྣལ་འབྱོར་མ་ཡིས་འགྲུབ་པར་གསུངས།། རྒྱུད་ཀྱི་ནང་ན་མཆོག་ཡིན་པས།། རབ་གནས་སྦྱིན་སྲེག་དབང་བསྐུར་དང་།། མཆོད་དང་བཟླས་དང་གཏོར་མ་དང་།། ཁྲུས་དང་སྲུང ་ལ་སོགས་པ། ། གསང་བ་འདི་ལས་གཞན་ན་མེད།། འབྲས་བུའི་ནང་ན་འདི་མཆོག་སྟེ།། ཡེ་ཤེས་ལྷ་ཡི་སྡེས་དང་བྲལ།། དེ་ནས་ལྷ་མོས་འཁོར་དཔག་ཏུ་མེད་པ་དང་། མཁའ ་འགྲོ་མ་རྣམས་འདོད་ཆགས་ཀྱི་ཐེ་ཚོམ་ཡོངས་སུ་ཟད་ནས། བཅོམ་ལྡན་འདས་ལ་ཀུན་གྱིས་འཁྱུད་ནས་གསང་བའི་མཆོད་པས་བདེ་བ་ཆེན་པོའི་རོས་གང་བར་མཆོད་ནས་མི་སྣང་བར་གྱུར་ཏོ།། གསང་བའི ་ཡང་གསང་བ་གསང་བ་རྡོ་རྗེའི་རྒྱུད་ཀྱི་རྒྱལ་པོ་འཁོར་ལོ་སྡོམ་པའི་རྟོག་པ་རྒྱུ་དང་འབྲས་བུའི་དེ་ཁོ་ན་བསྟན་པའི་ལེའུ་སྟེ་བཞི་པའོ། ། ། གསང་བ་རྡོ་རྗེའི་རྒྱུད་ཀྱི་རྒྱལ་པོ་ཞེས་བྱ་བ ་རྫོགས་སོ། ། ། པཎྜི་ཏ་རཏྣ་བཛྲ་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཏེ་གཏན་ལ་ཕབ་པའོ།། རྒྱ་གར ་