| Wylie | e-texts produced with BDRC’s OCR application |
མོས་པའི་སྨོན་ལམ་རྫོགས་སོ། ། རྒྱ་གར་སྐད་དུ། ཨ་གྲ་ཙཨཱརྱ་པྲ་ནི་དྷ་ནཱན། བོད་སྐད་དུ། མཆོག་གི་སྤྱོད་པའི་སྨོན་ལམ། སངས་རྒྱས་དང་བྱང ་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ། སྐྱེ་དགུ་ཀུན་ལ་སྨན་དང་བདེ་སླད་དུ།། ཕྱོགས་བཅུའི་འཇིག་རྟེན་སངས་རྒྱས་རྣམས་ལ་འདུད།། དེ་དག་ལ་ནི་རྗེད་ཅིང་མཆོད་པར་བགྱི།། འགྲོ་ཀུན་བྱང་ཆུབ ་མཆོག་ལ་རེག་གྱུར་ཅིག། བྱམས་པ་དང་ནི་འཇམ་དཔལ་མངའ་བདག་རྟོག། ཆོས་ཀྱི་བློ་གྲོས་དཔའ་བོ་བདུད་རྩི་གསུང་།། དཔའ་བོ་དེ་དག་ཕྱག་འཚལ་མཁྱེན་པ་ལྟར།། དེ་བཞིན་བདག་ཀྱང་མི་དབང་རྣམས་ལ ་འདུད། ། ཐུགས་རྗེར་ལྡན་ཞིང་འཇིག་རྟེན་དོན་མཛད་པའི།། རྒྱལ་བ་མི་མཁྱེན་མི་གཟིགས་མི་མངའ་བ།། མི་དབང་ཐུགས་བརྩེ་བྱམས་ལ་གནས་པ་ཡི།། རྒྱལ་བ་དེ་ཀུན་བདག་ལ་དགོངས་སུ་གསོལ།། སྔོན་གྱི་སྲིད ་པ་དག་ཏུ་བདག་ཉིད་ཀྱིས། ། སྡིག་པའི་ལས་རྣམས་གང་བགྱིས་བདག་གིས་བཤགས།། དེ་བཞིན་ལུས་ངག་ཡིད་ཀྱིས་བགྱིས་པ་རྣམས།། དེ་དག་ཐམས་ཅད་བདག་གིས་སོ་སོར་བཤགས།། ཤཱཀྱ་ཐུབ་དང་མི ་འཁྲུགས་འོད་དཔག་མེད། ། དེ་དག་གིས་ནི་འཕྲིན་ལས་ཡོངས་སྤངས་དང་།། འཆགས་དང་བཤགས་པ་མཁྱེན་ཅིང་བཤགས་གྱུར་ལྟར།། དེ་བཞིན་བདག་གིས་སྡིག་པ་བཤགས་པར་བགྱི།། ཐམས་ཅད་དགའ ་མཛད་སྐྱེས་བུ་དམ་པ་གང་། ། བྱང་ཆུབ་ཞུགས་པ་ཀུན་ལ་གསོལ་བ་འཚལ།། ངན་སོང་བཞི་པོ་མྱུར་དུ་ཞི་གྱུར་ཅིག། མི་ཁོམ་འཇོམས་པར་བགྱིད་ཅིང་རྒྱུ་བར་ཤོག། སངས་རྒྱས་བཟང་སྤྱོད་དྲི་མེད་མངའ་བདག་དང་།། ་དེ་བཞིན་ལྷུན་པོའི་དཔལ་དང་ཉི་མ་སྒྲོན།། དེ་དག་བསོད་ནམས་ཡི་རང་མཁྱེན་པ་ལྟར།། དེ་བཞིན་བདག་ཀྱང་བསོད་ནམས་རྗེས་ཡི་རང་།། ཕྱོགས་བཅུ་དག་ན་སྦྱིན་པ་སྤྱོད་པ་གང་།། དེ་བཞིན་ཚུལ་ཁྲིམས་ཏིང་འཛིན ་སྤྱོད་རྣམས་དང་། ། ཤེས་རབ་སྒོམ་དང་བསོད་ནམས་སྟོབས་ཀུན་ལ།། བྱང་ཆུབ་ཡོན་ཏན་དོན་དུ་ཡི་རང་ངོ་།། རྒྱལ་བ་ཀུན་གྱི་ཡོན་ཏན་མཐའ་ཡས་དང་།། ཆོས་བསྟན་བྱང་ཆུབ་འཇོག་བགྱིད ་ཐམས་ཅད་ལ། ། བྱང་ཆུབ་ཡོན་ཏན་དོན་དུ་ཡི་རང་ངོ་།། འགྲོ་ཀུན་བྱང་ཆུབ་མཆོག་ལ་རེག་གྱུར་ཅིག། འཇིག་རྟེན་རྒྱལ་བ་གང་བཞུགས་ཀུན་ལ་བསྐུལ།། ཕྱོགས་བཅུ་དག་ན་བྱང་ཆུབ་རྙེད་པ་གང་།། དེ་དག་ཚངས་བརྒྱ ་ཇི་ལྟར་གསོལ་བ་ལྟར། ། རྒྱལ་རྣམས་བཞུགས་ཤིང་ཆོས་མཆོག་སྟོན་གྱུར་ཅིག། རྒྱལ་ཀུན་བསྐལ་པ་མང་པོར་བཞུགས་པར་ཤོག། འགྲོ་ཀུན་བྱང་ཆུབ་མཆོག་ལ་རེག་གྱུར་ཅིག། མི་རྣམས་ཐམས་ཅད་མཆོག་དང ་བླ་མེད་པ། ། འཇིག་རྟེན་སྒྲོན་མ་བདེ་གཤེགས་མྱུར་གྱུར་ཅིག། སངས་རྒྱས་རྣམས་ལ་ཕྱག་འཚལ་མཆོད་གང་དང་།། ལས་དགེ་རྣམས་ལ་ཡི་རང་གང་ལགས་དང་།། སྡིག་པའི་ལས་རྣམས་བཤགས་པ་གང་ལགས ་དང་། རྒྱལ་བ་རྐང་གཉིས་དབང་རྣམས་མཐོང་གང་དང་།། བདག་གིས་དགེ་བ་ཅུང་ཟད་ཅི་བགྱིས་པ།། ལུས་དང་ངག་དང་སེམས་ལས་བྱུང་བའང་རུང་།། བདག་གིས་བགྱིས་དང་བགྱིད་པར་འགྱུར་བ་གང་།། ཐམས་ཅད་སྐྱེ་དགུ ་སྨན་སླད་སྩལ་བར་བགྱི། ། ཇི་ལྟར་ཕྱོགས་བཅུའི་སངས་རྒྱས་རྣམ་མཁྱེན་ནས།། སྩལ་པ་ལེགས་པར་སྩལ་ཅིང་ལེགས་རྒྱས་པ།། དེ་བཞིན་བདག་གིས་སྐྱེ་དགུ་སྨན་སླད་སྤྲུལ།། འགྲོ་ཀུན་བྱང་ཆུབ་མཆོག་ལ་རེག་གྱུར ་ཅིག། བདག་གིས་འགྲོ་ལ་སྩལ་པ་གང་ལགས་པའི།། བསོད་ནམས་འབྲས་བུ་ཐ་མེད་ཅི་མཆིས་པ།། ཐེག་པ་ཆེན་པོར་ཡོངས་སུ་བསྔོ་བར་བགྱི།། བདག་ལ་བྱང་ཆུབ་འབྲས་བུ་འགྲུབ་པར་ཤོག། མཚུངས་པ་མ་མཆིས ་ཀུན་ནས་སྒོ་མོ་རྣམས། ། འགྲོ་བའི་དོན་དུ་བདག་ལ་མངོན་སུམ་ཤོག། འཇམ་དཔལ་གྱི་ནི་རྗེས་སུ་སློབ་བགྱིད་ཅིང་།། བྱང་ཆུབ་སྤྱོད་པའི་སྨོན་ལམ་གདབ་པར་བགྱི།། མི་གཅིག་ཙམ་གྱི་ཆེད་དུའང་མནར་མེད་པའི། ་ཚོར་བ་ཐམས་ཅད་བདག་གིས་མྱང་འགྱུར་བར།། བསྐལ་པ་དུ་མར་བདག་ནི་སྤྲོ་བར་བགྱི།། འགྲོ་བ་ཐམས་ཅད་མྱ་ངན་མེད་པར་ཤོག། སེམས་དམྱལ་གཤིན་རྗེའི་འཇིག་རྟེན་སྡུག་བསྔལ་དང་།། དུད་འགྲོའི་གནས ་རྣམས་དུད་འགྲོའི་སྡུག་བསྔལ་དང་། ། མི་ཡི་གནས་རྣམས་མི་ཡི་སྡུག་བསྔལ་དང་།། འགྲོ་བའི་སྡུག་བསྔལ་ཕུང་པོ་མཐའ་ཡས་དག། བདག་ལ་བབ་གྱུར་འགྲོ་བ་བདེ་བར་ཤོག། རྒྱལ་བ་རྣམས་ཀྱི་ཞིང་ནི་རྣམ་དག ་དང་། ། སེམས་ཅན་རྣམ་དག་ཡེ་ཤེས་རྣམ་དག་དང་།། རྒྱལ་བ་རྣམས་ཀྱི་སྨོན་ལམ་མཐའ་ཡས་གང་།། སྨོན་ལམ་དེ་ཀུན་བདག་ལ་གྲུབ་པར་ཤོག། བདག་གི་སྨོན་ལམ་ཉམས་པར་མ་གྱུར་ཅིག། བདག་ནི་ནམས ་ཀྱང་སྐྱོ་བར་མི་འགྱུར་ཤོག། བྱང་ཆུབ་མཆོག་ནི་བདག་གིས་ཐོབ་བར་དུ།། བསྐལ་པ་དུ་མར་བདག་ནི་སྤྲོ་བར་ཤོག། མཆོག་གི་སྤྱོད་པའི་སྨོན་ལམ་རྫོགས་སོ།། རྒྱ་གར་གྱི་མཁན་པོ་པྲཛྙཱ ་