| Wylie | e-texts produced with BDRC’s OCR application |
ཛི་ཏ་ཤཱི་ར་བཱ་ཏྲ་དང་། དགེ་སློང་ཤཱཀྱ་འོད་ཀྱིས་བསྒྱུར།། །། རྒྱ་གར་སྐད་དུ། རཱ་ཛ་ཀཱ་ཉྫ་བཱ་ཧུ་དྲི་པ་སྱ་པྲ་ཀྱི་ཡུ་པྲ་ཎི་དྷ་སཱུ་ཏྲ། བོད་སྐད་དུ། རྒྱལ ་པོ་གསེར་གྱི་ལག་པའི་མར་མེའི་ལོ་རྒྱུས་དང་སྨོན་ལམ་གྱི་མདོ། དཀོན་མཆོག་གསུམ་ལ་ཕྱག་འཚལ་ལོ།། སྔོན་སངས་རྒྱས་མར་མེ་མཛད་ཀྱིས་སྟོན་པ་མཛད་པའི་དུས་ན། རྒྱལ་པོ་གསེར་གྱི་ལག་པ ་ཞེས་བྱ་བས། བཅོམ་ལྡན་འདས་མར་མེ་མཛད་ལ་འདི་སྐད་ཅེས་གསོལ་ཏོ།། བཙུན་པ་ཁྱོད་སྔོན་གྱི་དུས་ན་དགེ་བའི་རྩ་བ་ཅི་ཞིག་སྤྲད་ན། ད་ལྟར་མཚན་དང་དཔེ་བྱད་དུ་ལྡན་ཏེ། སྐུ་ལས་འོད་ཟེར་མཐའ ་ལས་པ་འབྱུང་བའི་རྒྱུ་གང་ལགས། རྐྱེན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ཉོན་ཅིག། ངེས་སོ་སོ་སྐྱེ་བོའི་དུས་ན། ཕྱོགས་བཅུའི་སངས་རྒྱས་ཐམས་ཅད་ལ ་བྱང་ཆུབ་ཏུ་སེམས་བསྐྱེད་ནས། ལུས་ལ་རས་བལ་གྱི་ལེའུ་ཏིལ་མར་གྱི་ནང་དུ་བཅོས་པ་སྟོང་བཙུགས་ཏེ། ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ལ་གཏན་པ་མེད་པའི་མཆོད་པར་ཕུལ་བས། ་ད་ལྟར་ང་ཉིད་སངས་རྒྱས་མར་མེ་མཛད་ཅེས་བྱ་བར་གྱུར་པ་ཡིན་ནོ་ཞེས་གསུང་བ་དང་། དེ་ལ་རྒྱལ་པོ་ཆེན་པོ་ཤིན་ཏུ་ཡི་རང་སྟེ། དེ་ནས་རྒྱལ་པོ་དེས་རང་གི་ལག་པ་གཡས་པ་རས ་བ་ལ་མར་གྱིས་བཙོས་པས་དཀྲིས་ཏེ་མེ་གཏང་ནས། ལག་པ་གཡོན་པ་བར་སྣང་ལ་བརྐྱང་སྟེ། ཕྱོགས་བཅུའི་སངས་རྒྱས་ཐམས་ཅད་དང་། བདག་གི་སྟོན་པ་བཅོམ་ལྡན་འདས་མར་མེ་མཛད་དགོས ་སུ་གསོལ་ལོ། ། འགྱོད་པ་མེད་པའི་སེམས་ཀྱིས་ཕྱོགས་བཅུའི་སངས་རྒྱས་ཐམས་ཅད་ཡིད་ཀྱིས་མངོན་སུམ་དུ་དམིགས་ཏེ། གཏན་པ་མེད་པའི་མཆོད་པར་བསྔོས་ནས། སྨོན་ལམ་འདེབས་ཏེ་འདི་སྐད ་དོ། ། མར་མེའི་སྣོད་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཙམ་དུ་གྱུར་ཅིག། སྙིང་པོ་ནི་རིའི་རྒྱལ་པོ་རི་རབ་ཙམ་དུ་གྱུར་ཅིག། འོད་ཀྱིས་ནི་སྲིད་པའི་རྩེ་མོ་མན་ཆད་ནས། མནར་མེད་པའི ་སེམས་ཅན་དམྱལ་བ་ཡན་ཆད་ནས། གཞན་ཡང་ལྕགས་རི་ཆེན་པོའི་ཕྱི་རྒྱབ་ན། སེམས་ཅན་རང་གི་ལས་ཀྱིས་སྒྲིབ་པས་བསྒྲིབས་པའི་མུན་ནག་ཆེན་པོའི་ནང་ན། རང་གི་ལག་པ་བརྐྱང་བསྐུམ་ཡང་མི ་མཐོང་བའི་གནས་ཚུན་ཆད་སྣང་ཞིང་གསལ་བར་གྱུར་ཅིག། ཡུན་ནི་དུས་གསུམ་གྱི་སངས་རྒྱས་ཇི་སྲིད་བཞུགས་ལ་དེ་སྲིད་དུ་གནས་པར་གྱུར་ཅིག། གྲངས་ནི་ཕྱོགས་བཅུ་འཇིག་རྟེན་གྱི་ཁམས་མཐའ་ཡས་པ ་ན་བཞུགས་པའི་སངས་རྒྱས་གྲངས་མེད་པར་རེ་རེའི་སྤྱན་ལམ་དུ་གསལ་བར་གྱུར་ཅིག། མར་མེ་འདི་གཟུགས་མེད་པར་གནས་སུ་སྣང་ཞིང་གསལ་བར་གྱུར་ཅིག། དེ་ལྟར་གསལ་བའི་མོ་ད་ལ་གཟུགས་མེད་པའི ་ལྔ་རྣམས་མར་མེའི་འོད་ཀྱིས་བསྐུལ་མ་ཐག་ཏུ། མཚན་དང་དཔེ་བྱད་དུ་ལྡན་ནས་སྙོམས་པར་འཇུག་པའི་སྐྱེ་མཆེད་བཞི་ལས་གྲོལ་ཏེ། དེ་བཞིན་གཤེགས་པའི་བསམ་གཏན་ལ་སོགས་པ་འཇུག་པའི ་སྐལ་བ་དང་ལྡན་པར་གྱུར་ཅིག། མར་མེ་འདི་གཟུགས་ན་སྤྱོད་པ་ལྷ་རྣམས་ཀྱི་གནས་སུ་གསལ་བར་གྱུར་ཅིག། གཟུགས་ན་སྤྱོད་པའི་ལྷ་རྣམས་ཏིང་ངེ་འཛིན་གྱི་དགའ་བདེ་རྩེ་གཅིག་པ་ཉམས་སུ་མྱོང ་ནས། ཕྱིར་མི་ལྡོག་པའི་ས་ཐོབ་པར་གྱུར་ཅིག། མར་མེ་འདི་འདོད་ཁམས་ཀྱི་ལྷ་རྣམས་ཀྱི་གནས་སུ་སྣང་ཞིང་གསལ་བར་གྱུར་ཅིག། འདོད་ཁམས་ཀྱི་ལྷ་རྣམས་ཀྱང་། ལྷའི་འདོད་པའི་ལོངས་སྤྱོད ་ལ་སེམས་མ་ཆགས་ཤིང་། རང་གི་སེམས་ལ་ལྟ་ཞིང་བསམ་གཏན་བཞི་ལ་རིམས་ཀྱིས་སྙོམས་པར་འཇུག་པའི་སྐལ་བ་དང་ལྡན་པར་གྱུར་ཅིག། མར་མེ་འདི་ལྷ་མ་ཡིན་རྣམས་ཀྱི་གནས་སུ་སྣང་ཞིང ་གསལ་བར་གྱུར་ཅིག། ལྷ་མ་ཡིན་གྱི་ང་རྒྱལ་དང་། ཁྲོ་གཏུམ་དང་། སེམས་ཀྱི་གདུགས་པ་ཞི་ནས་ཚད་མེད་པ་བཞི་དང་ལྡན་ནས། ཞི་གནས་ཀྱི་སེམས་ཡིད་ལ་བྱེད་པ་དང་ལྡན་པར་གྱུར་ཅིག། མར ་མེ་འདི་གླིང་བཞིའི་མི་རྣམས་ཀྱི་གནས་སུ་སྣང་ཞིང་གསལ་བར་གྱུར་ཅིག། གླིང་བཞིའི་མི་རྣམས་ཀྱང་སྡུག་བསྔལ་བརྒྱད་ལས་ཐར་ནས། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་ལྡན་པར་གྱུར་སི།། མར་མེ་འདི ་བྱོལ་སོང་རྣམས་ཀྱི་གནས་སུ་སྣང་ཞིང་གསལ་བར་གྱུར་ཅིག། བྱོལ་སོང་དེ་དག་གཅིག་ལ་གཅིག་ཟ་བ་དང་། བརྡེག་བརྡུང་དང་། བསད་པ་དང་། བཀོལ་བའི་སྡུག་བསྔལ་དང་། བླུན་རྨོངས་ལས་ཐར་ནས། ་ཤེས་རབ་རྣམ་པ་གསུམ་དང་ལྡན་པར་གྱུར་ཅིག། མར་མེ་འདི་ག་ཤིན་རྗེའི་འཇིག་རྟེན་དུ་སྣང་ཞིང་གསལ་བར་གྱུར་ཅིག། གཤིན་རྗེའི་རྣམས་གསོད་གཅོད་བྱེད་པ་དང་། བརྡེག་བརྡུང་གི ་ལས་ཐར་ནས། དེ་བཞིན་གཤེགས་པ་ཐམས་ཅད་ཀྱིས་ཕ་རོལ་ཏུ་ཕྱིན་པ་བསྒྲགས་པས། སེམས་ཅན་ཐམས་ཅད་གཏོང་བའི་སེམས་འབྱུང་བར་གྱུར་ཅིག། མར་མེ་འདི་པྲེ་ཏའི་གནས་སུ་གསལ་བར་གྱུར་ཅིག། ་པྲེ་ཏ་རྣམས་ཀྱང་བཀྲེས་སྐོམ་གྱི་སྡུག་བསྔལ་ལས་ཐར་ནས། བྱང་ཆུབ་སེམས་དཔའ་ནམ་མཁའ་མཛོད་ཀྱི་ཐུགས་རྗེ་ཆེན་པོའི་བྱིན་གྱི་རླབས་ཀྱིས། ཟས་དང་སྐོམ་གྱིས་འཕོངས་པའི་ལོངས་སྤྱོད་ཟད་མི ་ཤེས་པ་དང་ལྡན་ཞིང་སྦྱིན་པའི་ཕ་རོལ་ཏུ་ཕྱིན་པའི་དབང་དང་ལྡན་པར་གྱུར་ཅིག། མར་མེ་འདི་ན་རག་རྣམས་ཀྱི་གནས་སུ་གསལ་བར་གྱུར་ཅིག། ན་རག་ནི་སྔོན་གྱི་ལས་ངན་པའི་རྣམ་པར་སྨིན་པས་ཚེ་གྲང་གི ་སྡུག་བསྔལ་བཟོད་པར་དཀའ་བ་ཉམས་སུ་མྱོང་བ་ལས། འཕགས་པ་སྤྱན་རས་གཟིགས་དབང་ཕྱུག་གི་ཐུགས་རྗེའི་བྱིན་གྱི་རླབས་ཀྱིས། དམྱལ་བའི་སྡུག་བསྔལ་ཚད་མེད་པ་ལས་ཐར་ནས་བཟོད་པའི་ཕ་རོལ ་ཏུ་ཕྱིན་པ་དང་ལྡན་པར་གྱུར་ཅིག། མར་མེ་འདིས་འཛམ་བུ་གླིང་གི་ཕྱི་རོལ་ན་མུན་ནག་གི་ནང་ན་འཇོམས་པའི་སེམས་ཅན་རང་གི་ནང་ན་འཇོམས་པའི་སེམས་ཅན་རང་གི་ལག་པག་ཡས་པ་བརྐྱང་བའང་མི ་མཐོང་བའི་གནས་སུ་གསལ་བར་གྱུར་ཅིག། དེ་དག་སྔོན་གྱི་ལས་ངན་པའི་རྣམ་པར་སྨིན་པས་ཟས་དང་སྐོམ་འདོད་པ་ལས། ནམ་མཁའ་ལ་རང་གི་ལྕགས་ཀྱི་སེན་མོ་ཡོད་པས་བརྙོགས་པས་ཟས་དང་སྐོམ་མ་རྙེད ་ནས། རང་གི་ལུས་ཟིན་པ་དང་ཤ་བཅད་དེ་ཟ་བ་དེ་དག་དེ་བཞིན་གཤེགས་པ་འོད་དཔག་མེད་ཀྱི་ཐུགས་རྗེའི་བྱིན་གྱི་རླབས་ཀྱིས་མུན་ནག་ཆེན་པོ་རཾ་འཇོམས་པ་ལས་ཐར་ནས། བདེ་བ་ཅན་གྱི་ཞིང་ཁམས་སུ་སྐྱེ་བར ་གྱུར་ཅིག། གཞན་ཡང་མར་མེ་འདི་ཀླུའི་གནས་སུ་སྣང་ཞིང་གསལ་བར་གྱུར་ཅིག། དེ་རྣམས་གཏི་མུག་དང་སེར་སྣའི་མདུད་པ་བཀྲོལ་ཏེ་གཏོང་བའི་བློ་དང་ལྡན་ཞིང་། ནམ་མཁའ་ལྡིང་གིས་འཇིགས་པ་དང་། ་མེ་ཚན་བྱེ་ཚན་ལ་སོགས་ཏེ་འཇིགས་པ་ཆེན་པོ་བརྒྱད་ལས་ཐར་ནས། སངས་རྒྱས་དང་། ཆོས་དང་། དགེ་འདུན་ལ་སྐྱབས་སུ་འགྲོ་ཞིང་། སྲོག་འཚོ་བའི་ཞི་གནས་ཀྱི་ཆུའི་ཐིག་ལེ་སྙིང་ལ་གནས་ནས་ཀླུ་རྣམས ་འདོད་པའི་ཡོན་ཏན་དང་ལྡན་པར་གྱུར་ཅིག། མར་མེ་འདི་ལྟོ་འཕྱེ་ཆེན་པོའི་གནས་སུ་སྣང་ཞིང་གསལ་བར་གྱུར་ཅིག། དེས་ལྟོ་འཕྱེ་ཆེན་པོའི་སྡུག་བསྔལ་ཞི་ནས་དགའ་བ་རྒྱ་མཚོ་རྣམ་པར་འཕྲུལ་པའི་ཤུགས ་དང་ལྡན་པར་གྱུར་ཅིག། མར་མེ་འདིས་འཛམ་བུ་གླིང་གི་སྤྱིར་གནས་པའི་ས་བདག་དང་། ལྷ་དང་། ཀླུ་དང་། ས་བདག་གི་རྒྱལ་པོ་པ་ཏི་ལི་དང་། སའི་རྒྱལ་ཆེན་མོ་དང་། རྒྱ་མཚོ་ཆེན་པོ་དང་། མཚོ་བྲན་དང ་རྫིང་དང་། ཁྲོན་པ་ལ་གནས་པ་དང་། ཀླུང་ཆེན་པོ་དང་། ཀླུང་ཕྲ་མོ་དང་། ཆུ་མིག་དང་། ལུ་མ་ལ་གནས་པ་དང་། གངས་རི་མཐོན་པོའི་རྒྱུད་ལ་གནས་པ་དང་། རི་ནག་པོ་དང་། གལའ་དང་། ཤ་སྲང་དང་། ་སྤང་རི་དང་། ནགས་ཆེན་པོ་དང་། ཤིང་གཅིག་པ་དང་། གཙུག་ལག་ཁང་དང་། མཆོད་རྟེན་དང་། གྲོང་ཁྱེར་དང་། ལྗོངས་ན་གནས་པའི་གནས་སུ་སྣང་ཞིང་གསལ་བར་གྱུར་ཅིག། དེ་དག་སོ་སོའི་ཁྲུལ་པའི ་རྟོག་པ་ཐམས་ཅད་བྱང་ནས། དཀོན་མཆོག་གསུམ་ལ་མི་ཕྱེད་པའི་དད་པ་དང་ལྡན་ཏེ། བྱང་ཆུབ་ཀྱི་སེམས་དང་ལྡན་ནས་ཐར་པ་ཐོབ་པའི་རྒྱུར་གྱུར་ཅིག། དེ་ལྟར་དེང་མར་མེ་འདིའི་ཡོན ་བདག་གིས་ཀྱང་། གཏན་པ་མེད་པའི་མཆོད་པ་འདི་ཕུལ་བས། བདག་དང་མཐའ་ཡས་པའི་སེམས་ཅན་རྣམས་དེ་བཞིན་གཤེགས་པ་མར་མེ་མཛད་ཀྱི་ཞབས་དྲུང་དུ་སྐྱེས་ཏེ། མངོན་པར་རྫོགས་པར་སངས ་རྒྱས་ནས། སེམས་ཅན་ཐམས་ཅད་ཀྱི་དཔལ་མགོན་དུ་གྱུར་ཅིག། རྒྱལ་པོ་གསེར་གྱི་ལག་པའི་མར་མེའི་སྨོན་ལམ་གྱི་མདོ་རྫོགས་སོ།། ། རྒྱ་གར་སྐད ་