Wylie

e-texts produced with BDRC’s OCR application

རྫོགས་སོ། ། ། རྒྱ་གར་སྐད་དུ། ཨུ་དཱན་པར་ག། བོད་སྐད་དུ། ཆེད་དུ་བརྗོད་པའི་ཆོམས། བམ་པོ་དང་།། ཐམས་ཅད་མཁྱེན་པ་ལ ་ཕྱག་འཚལ་ལོ། ། བཀྲ་ཤིས་པར་གྱུར་ཅིག། རྒྱལ་བས་ཆེད་དུ་བརྗོད་གསུངས་པ། བདག་གིས་རབ་ཏུ་བཤད་པར་བྱས།། གཉིད་དང་རྨུགས་པ་རྣམས་སོལ་ལ།། ཡིད་ལ་དགའ་བ་བསྐྱེད་དེ་ཉོན ་ཐམས་ཅད་མཁྱེན་པ་སྐྱོབ་པ་པོ། ། ཐུབ་པ་རྗེས་སུ་ཐུགས་བརྩེ་བ།། སྐུ་ཡི་ཐ་མ་འཛིན་པ་ཡི།། བཅོམ་ལྡན་འདས་ཀྱིས་འདི་སྐད་གསུངས།། ཀྱེ་མ་འདུ་བྱེད་རྣམས་མི་རྟག། སྐྱེ་ཞིང་འཇིག ་པའི་ཆོས་ཅན་ཡིན། ། སྐྱེས་ནས་འཇིག་པར་འགྱུར་བ་སྟེ།། དེ་དག་ཉེ་བར་ཞི་བ་བདེ།། དེ་ལྟར་རབ་ཏུ་འབར་བ་ལ།། ཅི་ཞིག་དགར་ཡོད་མགུར་ཅི་ཡོད།། མུན་པའི་ནང་ཞུགས་གནས་པ་དག། ཅི ་ཕྱིར་སྒྲོན་མཚོལ་མི་བྱེད། ། རུས་པ་ཐི་བའི་མདོག་འདྲ་བ།། བོར་བ་གང་ཡིན་འདི་དག་ནི།། ཕྱོགས་དང་ཕྱོགས་སུ་རྣམ་འཐོར་བ།། དེ་མཐོང་འདི་ལ་ཅི་ཞིག་དགའ།། གང་ཞིག་ནུབ་མོ་ཁོ་ན་ནས།། ་མངལ་དུ་དང་པོ་འཇུག་པའི་མི།། དེ་ནི་སྡོང་མེད་འགྲོ་འགྱུར་ཞིང་།། སོང་བ་ལས་ཀྱང་ལྡོག་པ་མེད།། སྔ་དྲོ་སྐྱེ་བོ་མང་མཐོང་བ།། ཕྱི་དྲོ་ཁ་ཅིག་མཐོང་མི་འགྱུར།། ཕྱི་དྲོ་སྐྱེ་བོ་མང་མཐོང་བ།། སྔ་དྲོ་ལ ་ཅིག་མཐོང་མི་འགྱུར། ། སྐྱེས་པ་བུད་མེད་མང་པོ་དང་།། དར་ལ་བབ་པའང་འཆི་འགྱུར་ན།། དེ་ལ་མི་འདི་གཞོན་ཞེས་ཏེ།། གསོན་པའི་གདེང་དྲོད་ཅི་ཞིག་ཡོད།། ཁ་ཅིག་མངལ་དུ་འཆི་བར་འགྱུར།། ་བཞིན་ཁ་ཅིག་བཙས་པའི་སར།། དེ་བཞིན་ཁ་ཅིག་གོག་ཙམ་ན།། དེ་བཞིན་ཁ་ཅིག་ཡོངས་རྒྱུག་ན།། ལ་ལ་རྒན་དང་ལ་ལ་གཞོན།། ལ་ལ་དར་ལ་བབ་པའི་མི།། རིམས་ཀྱིས་རབ་ཏུ་འགྲོ་འགྱུར་ཏེ།། འབྲས ་བུ་སྨིན་པ་ལྟུང་བ་བཞིན། ། དཔེར་ན་འབྲས་བུ་སྨིན་པ་རྣམས།། ལྟུང་བས་རྟག་ཏུ་འཇིགས་པ་ལྟར།། དེ་བཞིན་སྐྱེས་པར་གྱུར་པའི་མི།། རྟག་ཏུ་འཆི་བས་འཇིགས་པར་འགྱུར།། ་དཔེར་ན་རྫ་མའི་མཁན་པོ་ཡིས།། འཇིམས་པ་ལས་ནི་སྣོད་བྱས་པ།། ཐམས་ཅད་ཐ་མར་འཇིག་པ་ལྟར།། མི་རྣམས་སྲོག་ཀྱང་དེ་བཞིན་ནོ།། དཔེར་ན་ཐགས་ནི་བརྐྱང་བ་ལས།། སྤུན་ནི་གང་དང ་གང་བཅུག་པའི། ། སྤུན་ནི་གཏིང་ལ་གཏུགས་པ་ལྟར།། མི་རྣམས་སྲོག་ཀྱང་དེ་བཞིན་ནོ།། དཔེར་ན་ངེས་པར་གསོད་པ་དག། གོམ་པ་གང་དང་གང་བོར་བས།། གསོད་པའི་དྲུང་དུ་བསྙེན་པ་ལྟར།། ་མི་རྣམས་སྲོག་ཀྱང་དེ་བཞིན་ནོ།། ཆུ་ཀླུང་དྲག་ཏུ་འབབ་པའི་རྒྱུན།། ལྡོག་པ་མེད་པ་ཇི་ལྟ་བར།། དེ་བཞིན་མི་ཡི་ཚེ་འགྲོ་བ།། སླར་ནི་ལྡོག་པར་འགྱུར་བ་མེད།། དཀའ་བ་ཉིད་དང་ཐུང་བ་དང་།། དེ ་ཡང་སྡུག་བསྔལ་ལྡན་པ་དག། མྱུར་བ་ཁོ་ནར་འཇིག་འགྱུར་ཏེ།། ཆུ་ལ་དབྱུག་གུས་བྲིས་པ་བཞིན།། དཔེར་ན་ཕྱུགས་རྫི་དབྱུག་ཐོགས་ཀྱིས།། ཕྱུགས་རྣམས་གནས་སུ་ཕྱིན་བྱེད་ལྟར།། དེ་བཞིན་ནད ་དང་རྒ་བ་ཡིས། ། མི་རྣམས་འཆི་བདག་དྲུང་དུ་སྐྱེལ།། ཆུ་བྲན་གྱི་ནི་ཆུ་ལྟ་བུར།། ཉིན་དང་མཚན་མོ་འདས་པ་ཡིས།། མི་རྣམས་ཚེ་ཡང་ཟད་འགྱུར་ཞིང་།། སྲོག་ཀྱང་ཉེ་བར་འཇིག་པར་འགྱུར།། མེ་ལ ་ཆེ་བྱེད་ལ་མཚན་མོ་རིང་། ། ལམ་གྱིས་དུ་བ་ལ་རྒྱང་གྲགས་རིང་།། དམ་ཆོས་རྣམ་པར་མི་ཤེས་པའི།། བྱིས་པ་རྣམས་ལ་འཁོར་བ་རིང་།། བདག་ལ་བུ་ཡོད་དེ་བཞིན་དུ།། ནོར་ཡོད་ཅེས་པས་བྱིས་པ་བརླག། ་ཕྱི་རོལ་ནང་ན་བདག་མེད་ན།། སུ་ཡི་བུ་ཡིན་ཅི་ཞིག་ནོར།། སྐྱེས་པ་བུད་མེད་རྣམས་ཀྱི་རིགས།། བརྒྱ་དང་སྟོང་ཕྲག་མང་པོ་དང་།། ལོངས་སྤྱོད་ལེགས་པར་བསྒྲུབས་པ་ཡང་།། འཆི་བདག་དབང་དུ ་འགྲོ་བར་འགྱུར། ། བསགས་པ་ཀུན་གྱི་མཐའ་ཟད་ཅིང་།། བསླང་བའི་མཐའ་ནི་འགྱེལ་བར་འགྱུར།། ཕྲད་པའི་མཐའ་ནི་འབྲལ་བ་སྟེ།། གསོན་པའི་མཐའ་ནི་འཆི་བ་ཡིན།། གསོན་མཐའ་འཆི་བ ་ཡིན་པས་ན། ། སེམས་ཅན་ཐམས་ཅད་འཆི་འགྱུར་ཞིང་།། དགེ་སྡིག་འབྲས་བུ་ཉེར་འགྲོ་བའི།། ཇི་བཞིན་ལས་ཀྱི་རྗེས་སུ་འབྲང་།། སྡིག་པའི་ལས་ཀྱིས་དམྱལ་བ་དང་།། བསོད་ནམས་བྱས་པ ་བདེ་འགྲོ་སྟེ། ། གཞན་དག་གིས་ནི་ལམ་བསྒོམས་པས།། ཟག་མེད་མྱ་ངན་འདས་པར་འགྱུར།། གང་ཡང་སངས་རྒྱས་རང་སངས་རྒྱས།། སངས་རྒྱས་རྣམས་ཀྱི་ཉན་ཐོས་ཀྱང་།། སྐུ་ལུས་འདི ་ནི་སྤོང་མཛད་ན། ། སྐྱེ་བོ་ཕལ་པ་སྨོས་ཅི་དགོས།། གང་དུ་གནས་ཀྱང་འཆི་བས་མི་ཚུགས་པའི།། ས་ཕྱོགས་དེ་ནི་ཡོད་པ་མ་ཡིན་ཏེ།། བར་སྣང་ལ་མེད་རྒྱ་མཚོའི་ནང་ན་མེད།། རི་བོ་རྣམས་ཀྱི་གསེབ ་ཏུ་ཞུགས་ནའང་མིན། ། བྱུང་དང་འབྱུང་བར་འགྱུར་བ་ཇི་སྙེད་པ།། ཀུན་གྱིས་ལུས་འདི་བཏང་ནས་འགྲོ་བ་དང་།། དེ་ཀུན་འཇིག་པར་མཁས་པས་རྟོགས་ཀྱིས་ཏེ།། ཆོས་ལ་གནས་ཀྱིས་ཚངས་པར ་སྤྱད་པ་སྤྱོད། ། རྒ་བ་མཐོང་ཞིང་ནད་ཀྱིས་སྡུག་བསྔལ་དང་།། སེམས་དང་བྲལ་བའི་ཤི་བ་མཐོང་ནས་ནི།། བརྟན་པས་བཙོན་ར་འདྲ་བའི་ཁྱིམ་སྤངས་ཀྱི།། འཇིག་རྟེན་ཕལ་པས་འདོད་སྤང་ནུས་རེ་སྐན།། ་། རྒྱལ་པོན་ཤིང་རྟ་ཤིན་ཏུ་བཀྲབའང་འཇིག། དེ་བཞིན་ལུས་ཀྱང་ཉེ་བར་ན་བར་འགྱུར།། དམ་པ་རྣམས་ཀྱི་ཆོས་འདི་དམ་པ་སྟེ།། མི་མཆོག་གཞན་རྟོགས་བྱེད་ཅིང་ན་མི་འགྱུར ་རྒ་བ་ཁྱོད་ནི་བླུན་ཞིང་ངན། ། ཁྱོད་ནི་མ་རིགས་བྱེད་པ་སྟེ།། ཡིད་དུ་འོང་བའི་གཟུགས་འདི་ཡང་།། ཁྱོད་ཀྱིས་མངོན་པར་བཅོམ་པར་འགྱུར།། གང་ཞིག་ལོ་ནི་བརྒྱ་འཚེ་བ།། དེ་ཡང་འཆི་བདག་ཉིད་ཀྱིས ་ཁྲིད། ། འདི་དག་རྒ་བར་འགྱུར་བ་འམ།། ཡང་ནན་པའམ་འཆི་བས་འཇོམས།། རྟག་ཏུ་ལྡོག་པ་མེད་པར་འགྲོ་འགྱུར་ཞིང་།། ཉིན་དང་མཚན་དུ་རབ་ཏུ་འཇིགས་པ་དང་།། སྐྱེ་དང་འཆི་བའི་སྡུག་བསྔལ ་དང་ལྡན་པ། ། ཆུ་ཚན་ནང་དུ་གདུངས་པའི་ཉ་དང་འདྲ།། ཚེ་འདི་ཉིད་དང་མཚན་མོ་དང་།། འགྲོ་བ་དང་ནི་འདུག་པ་ན།། ཆུ་ཀླུང་ཆེན་པོའི་རྒྱུན་བཞིན་དུ།། ཕྱིར་མི་ལྡོག་པར་འགྲོ་བར་འགྱུར།། ཆུ་ཀླུང་ནང་གི་ཉ ་ལྟ་བུར། ། གང་ཞིག་ཉིན་ཞག་འདའ་བ་ཡིས།། ཚེ་ནི་ཤིན་ཏུ་ཐུང་འགྱུར་ན།། དེ་ལ་དགའ་བར་བྱ་ཅི་ཡོད།། གསོན་མཐའ་འཆི་བ་ཡིན་པའི་ཕྱིར།། ལུས་འདི་ཡོངས་སུ་རྒ་བ་དང་།། ནད་ཀྱི་ཚང་འདི་མྱུར་འཇིག ་ཅིང་། ། རྣག་གི་ཚོགས་ཀྱང་འཇིག་པར་འགྱུར།། ཀྱེ་མ་ལུས་འདི་མི་ཐོགས་པར།། སྟོང་ཞིང་རྣམ་ཤེས་དང་བྲལ་ནས།། དུར་ཁྲོད་བོར་བའི་མགལ་དུམ་ལྟར།། ས་ཡི་སྟེང་དུ་འགྱེལ་བར་འགྱུར།། རྒྱུན་དུ་ནད ་ཀྱིས་མངོན་གདུང་ཞིང་། ། རྟག་ཏུ་མི་གཙང་འཛག་པ་དང་།། རྒ་དང་འཆི་བས་འཚེར་འགྲིབ་པའི།། ལུས་འདི་ངོ་མ་ཅིར་མི་རུང་།། མྱུར་དུ་འཇིག་ཅིང་ན་བ་དང་།། རྣག་དང་ལྡན་པའི་ལུས་འདི་ཡིས།། གྲུབ་དང་བདེ་བ ་བླ་ན་མེད། ། ཞི་མཆོག་དོན་དུ་གཉེར་བར་གྱིས།། དགུན་ཀ་དང་ནི་དཔྱིད་ཀ་དང་།། དབྱར་ཀ་འདི་དག་བྱའོ་ཞེས།། བྱིས་པ་རྣམ་པར་སེམས་བྱེད་པས།། བར་ཆད་མཐོང་བར་མ་གྱུར་ཏོ།། བུ་དང་ནོར་ཕྲུགས་འབྱོར་པ། ་ལ།། མི་ཡི་ཡིད་ནི་རྣམ་ཆགས་པ།། འཆི་བདག་གིས་ནི་བླངས་ནས་འགྲོ།། ཉལ་གྲོང་ཆུ་བོས་བདས་པ་བཞིན།། འཆི་བའི་དུས་ལ་བབ་པ་ན།། བུ་རྣམས་སྐྱབས་སུ་མི་འགྱུར་ཞིང་།། པ་ཡང་མ་ཡིན་གཉེན ་འདུན་མིན། ། ཁྱོད་ལ་སྐྱབས་སུ་འགྱུར་བ་མེད།། འདི་ནི་བྱ་བ་བྱས་ཟིན་དོན་འདི་བྱ།། དེ་དག་བྱས་ནས་བདག་གིས་འདི་བྱ་ཞེས།། དེ་ལྟར་མི་ནི་ཡོངས་སུ་ཤོམ་པ་ན།། རྒ་དང་ནད་བཅས་འཆི་བས་མངོན་དུ ་བཅོམ། ། དེ་ལྟས་རྟག་ཏུ་ཏིང་འཛིན་ལ་དགའ་མཉམ་པར་ཞོག། བརྩོན་པ་སྐྱེད་པ་སྐྱེ་བ་དང་རྒ་བའི་མཐའ་མ་ལྟོས།། བདུད་རྣམས་སྡེ་དང་བཅས་པ་མངོན་པར་ཟིལ་ནོན་ལ།། དགེ་སློང་དག་གོ་སྐྱེ་ཤིའི་ཕ་རོལ ་འགྲོ་བར་གྱིས། ། མི་རྟག་པའི་ཚེམས་ཏེ་དང་པོའོ།། ། ཀུན་རྟོག་ལས་ནི་འདོད་སྐྱེས་པས།། འདོད་པའི་རྩ་བ་ཤེས་གྱིས་ཏེ།། ཁྱོད་ནི་ཀུན་རྟོག་མ་བྱེད་དང་།། དེས་ན་ཁྱོད་ལ་འབྱུང་མི་འགྱུར།། འདོད་པ ་རྣམས་ལས་མྱ་ངན་སྐྱེས། ། འདོད་པ་རྣམས་ལས་འཇིགས་པ་བྱུང་།། འདོད་པ་དག་ནི་རྣམ་སྤངས་ན།། མྱ་ངན་མེད་ཅིང་འཇིགས་པ་མེད།། དགའ་བ་རྣམས་ལས་མྱ་ངན་སྐྱེས།། དགའ་བ་རྣམས་ལས ་འཇིགས་པ་བྱུང་། ། དགའ་བ་དག་ནི་རྣམ་སྤངས་ན།། མྱ་ངན་མེད་ཅིང་འཇིགས་པ་མེད།། འདོད་དགའི་རྣམ་སྨིན་སྡུག་བསྔལ་ཏེ།། དང་པོ་མང་རལ་འབྲས་བུ་ཆ།། མེ་སྨོན་ལ་གནས་མ་བོར་བ།། མཇུག་ཏུ་བྱིས ་པ་སྲེག་བྱེད་བཞིན། ། ནོར་བུའི་རྣ་ཆ་བུ་མོ་ལ།། ཡོངས་སུ་ཆགས་སེམས་གང་ཡིན་ལ་བལྟོས་ན།། ལྕགས་ཤིང་གྲེས་མ་ལས་བྱས་ཆིངས་མ་གང་།། དེ་དག་དམ་པོ་མིན་ཞེས་འཕགས ་པས་གསུངས། ། འདོད་པའི་ཆིངས་མ་གང་ཡིན་དེ་ལྷོད་ཀྱང་།། རབ་ཏུ་དགྲོལ་བར་དཀའ་ཞེས་འཕགས་པས་གསུངས།། བརྟན་རྣམས་འདོད་པའི་བདེ་ལ་མི་བལྟ་བར།། དེ་དག་གཏུབས་ནས་མྱུར་དུ་འགྲོ་བར་བྱེད།། ་འཇིག་རྟེན་སྣ་ཚོགས་གང་དེ་འདོད་མིན་གྱི།། སྐྱེས་བུའི་ཀུན་རྟོག་འདོད་ཆགས་འདོད་པ་ཡིན།། འཇིག་རྟེན་སྣ་ཚོགས་དེ་བཞིན་གནས་ཀྱང་ནི།། འོན་ཀྱང་བརྟན་རྣམས་འདི་ལ་འདུན་པ་འདུལ།། མི་རྣམས་ལ་ནི་རྟག ་པའི་འདོད་པ་མེད། ། འདོད་ཅན་གང་ལ་ཆགས་ཏེ་མི་རྟག་པས།། ཡང་སྲེད་མེད་ཕྱིར་སེམས་ཀྱིས་རབ་སྤོངས་ལ།། འཆི་བའི་གནས་མི་འགྱུར་བར་བྱོས་ཞེས་གསུངས།། འདུན་པ་སྐྱེས་ཤིང་ཟག་པར་མི་བྱེད ་དང་། ། སེམས་ལ་སྐྱོན་མེད་པ་དང་དྲན་པ་དང་།། འདོད་པ་རྣམས་ལ་སོ་སོར་མ་ཆགས་གང་།། དེ་ནི་གོང་དུ་འཕོ་བ་ཡིན་ཞེས་གསུངས།། མགར་བ་ཡིས་ནི་དངུལ་བཞིན་དུ།། བློ་གྲོས་ལྡན་པས་རིམ་པ་བཞིན ་སྐད་ཅིག་སྐད་ཅིག་ཅུང་ཟད་ཙམ། ། རང་གི་དྲི་མ་བསལ་བར་བྱ།། ལྷམ་མཁན་གྱིས་ནི་ཀོ་བ་དག། ཡོངས་སུ་སྦྱངས་ནས་ལྷམ་བྱེད་ལྟར།། འདོད་པ་གང་དང་གང་སྤངས་པ།། དེ་དེ་བདེ་བ་ཕུན་སུམ་ལྡན།། གལ ་ཏེ་བདེ་བ་ཀུན་འདོད་ན། ། འདོད་པ་ཐམས་ཅད་ཡོངས་སུ་སྤོངས།། འདོད་པ་ཐམས་ཅད་ཡོངས་སྤངས་པས།། མཆོག་ཏུ་བདེ་བ་ཐོབ་པར་འགྱུར།། ཇི་སྲིད་འདོད་པའི་རྗེས་འབྲེང་བ།། དེ་སྲིད་བར་དུ་ངོམས་མི ་འགྱུར། ། དེ་ལས་གང་དག་ཤེས་རབ་ཀྱིས།། ལྡོག་བྱེད་དེ་དག་ཚིམ་པ་འཐོབ།། འདོད་པས་ངོམས་པར་མི་འགྱུར་བས།། ཤེས་རབ་ཀྱིས་ནི་ངོམས་པ་སྐྱིད།། ཤེས་རབ་ཀྱིས་ནི་ངོམས་པའི་མི།། སྲིད་པའི ་དབང་དུ་མི་འགྱུར་རོ། ། འདོད་ལ་ཆགས་པའི་མི་གང་ཡིན།། དེ་དག་ཀྱེ་མ་ཆོས་མིན་དགའ།། ཅུང་ཟད་གསོན་པོར་འདུག་པ་ན།། བར་ཆད་མཐོང་བར་མི་འགྱུར་རོ།། བློ་ངན་ལོངས་སྤྱོད་ཀྱིས་བཅོམ་པས། ་ཕ་རོལ་ཚོལ་བར་མི་བྱེད་ཅིང་།། བསམ་བརླག་འདོད་ལ་སྲེད་པ་ཡིས།། བདག་དང་གཞན་ཡང་ཕུང་བར་བྱེད།། ཀར་ཤ་པ་ཎའི་ཆར་བབས་ཀྱང་།། འདོད་པ་རྣམས་ཀྱིས་ངོམས་མི་འགྱུར།། འདོད་པ ་མནོག་ཆུང་ཉེས་མང་བར། ། མཁས་པ་རྣམས་ཀྱིས་ཁོང་དུ་ཆུད།། ལྔ་ཡི་འདོད་པ་རྣམས་ལ་ཡང་།། ལྷག་པར་དགའ་བར་མི་འགྱུར་གྱི།། རྫོགས་སངས་རྒྱས་དང་ཉན་ཐོས་རྣམས།། སྲེད་པ་ཟད་པས ་དགྱེས་པར་འགྱུར། ། གངས་ཅན་དང་ནི་མཉམ་པ་ཡི།། གསེར་གྱི་རི་བོ་ཡོད་གྱུར་ཀྱང་།། ནོར་དེས་གཅིག་ཀྱང་མི་ཚིམ་པར།། རྟོགས་པར་གྱིས་ལ་ལེགས་པར་སྤྱོད།། གང་དག་སྡུག་བསྔལ་དེ་ཡི་རྒྱུས ་ཤེས་པར། ། དེ་དག་ནམ་ཡང་འདོད་ལ་དགའ་མི་འགྱུར།། འཇིག་རྟེན་དག་ན་ཟུག་རྔུའི་རྒྱུར་ཤེས་ནས།། དེ་དག་གདུལ་ཕྱིར་བརྟན་པ་སློབ་པར་བྱེད།། འདོད་པའི་ཚེམས་ཏེ་གཉིས་པའོ།། ། ་། ལུས་ཅན་རྣམ་པར་རྟོགས་པས་རབ་བཅོམ་པ།། འདོད་ཆགས་མི་བཟང་གཙང་བར་རྗེས་ལྟ་བས།། འདོད་ཆགས་ཕྱིར་ཞིང་རབ་ཏུ་འཕེལ་འགྱུར་ཏེ།། རང་གི་འཆིང་བ་དེ་ཡིས་དམ་པོར་བྱེད། ་གང་དག་རྣམ་རྟོག་ཉེ་བར་ཞི་དགའ་ཞིང་།། མི་སྡུག་བསྒོམ་པ་རྟག་ཏུ་དྲན་བྱེད་དེ།། དེ་ཡི་སྲིད་པ་རབ་ཏུ་སྤངས་པ་ཡིས།། རང་གི་འཆིང་བ་དེ་དག་རུལ་བར་བྱེད།། འདོད་པ་མུན་ནག ་འདྲ་བས་གཡོགས། ། སྲེད་པའི་དགབ་པས་བཀབ་པ་དང་།། བག་མེད་འཆིང་བས་བཅིངས་པ་དག། ཚེར་མར་ཆུད་པའི་ཉ་དང་འདྲ།། སྐྱེས་བུ་བག་མེད་རབ་ཏུ་སྤྱོད་བྱེད་པ།། འཁྲི་ཤིང་བཞིན་དུ་སྲེད་པ ་འཕེལ་འགྱུར་ཞིང་། ། རྒ་དང་འཆི་བའི་རྗེས་སུ་འགྲོ་འགྱུར་ཏེ།། མ་དྲུང་ནུ་ཞོ་འདོད་པའི་བེའུ་འདྲ།། མི་དག་དྲན་པར་བྱེད་དང་ཆགས་བྱེད་དང་།། ཡིད་བདེ་བ་ལ་རྟོག་པར་བྱེད་པ་དག། དེ་ཡིས་ཡང་དང་ཡང་དུ ་འཁོར་བར་འཁྱམ། ། ཚལ་ནང་འབྲས་བུ་འདོད་པའི་སྤྲེའུ་དང་མཚུངས།། མི་གང་རྟག་ཏུ་བདེ་བ་འདོད་བྱེད་པ།། སྐྱེ་དང་རྒ་བར་ཉེ་བར་འགྲོ་འགྱུར་ཞིང་།། སྐྱེ་དགུ་སྲིད་པ་རྣམས་ཀྱིས་མདུན་དུ་བདར།། ་རྒྱནང་རི་བོང་ཡོངས་སུ་རྒྱུག་པ་བཞིན།། སྲིད་པ་རྣམས་ཀྱིས་མདུད་པའི་སེམས་ཅན་དག། སྲིད་དང་སྲིད་མིན་དག་ལ་སེམས་ཆགས་ཤིང་།། ཀུན་སྦྱོར་རོ་ལ་དགའ་བའི་བྱིས་པ་རྣམས།། ་ཡང་དང་ཡང་དུ་སྡུག་བསྔལ་ཐོབ་པར་འགྱུར།། སྐྱེ་བོ་དྲུག་དང་བདེ་རྣམས་དང་བྲལ་ཞིང་།། བདུད་ཀྱི་སྦྱོར་བ་དག་དང་ལྡན་པ་དེ།། རྒ་དང་འཆི་བའི་རྗེས་སུ་འགྲོ་འགྱུར་ཏེ།། མ་དྲུང་ནུ་ཞོ་འདོད་པའི་བེའུ ་དང་འདྲ། ། འདི་ནི་སྲེད་པ་དེ་འདྲ་སྤོང་བྱེད་པ།། སྲིད་དང་སྲིད་མིན་དག་ལ་སྲེད་བྲལ་ཞིང་།། དགེ་སློང་སྲིད་པ་ཟིལ་གྱིས་གནོན་བྱེད་པ།། ལྷག་མ་མེད་པ་ཡོངས་སུ་མྱ་ངན་འདའ།། གང་ཞིག་འཇིག་རྟེན། ་སྤང་དཀའ་བའི།། སྲེད་པའི་བུད་མེད་འདིས་བཀོལ་བ།། དེ་ནི་མྱ་ངན་འཕེལ་འགྱུར་ཏེ།། རྩ་ལ་ཆར་པ་བབ་པ་བཞིན།། གང་ཞིག་འཇིག་རྟེན་སྤངས་དཀའ་བའི།། སྲེད་པའི་བུད་མེད་འདི་སྤོངས་པ། ་དེ་ཡི་མྱ་ངན་ལྡོག་འགྱུར་ཏེ།། པདྨ་ལས་ནི་ཆུ་ཐིགས་བཞིན།། དེ་ཕྱིར་ཇི་སྙེད་འདིར་ལྤགས་པ།། ཁྱེད་ལ་སྨ་ཡིས་ཁྱེད་བདེ་ཞིག། ཨུ་ཤིར་ཕྱིར་ནི་རྩཝ་བཞིན་དུ།། སྲེད་པ་རྩར་བཅས་དྲུངས་ནས་ཕྱུང་།། ་སྐྱེས་བུ་སྲེད་པ་དང་འགྲོགས་ན།། ཡུན་རིང་དུས་སུ་འཁྱམ་འགྱུར་བས།། སྲེད་པ་དྲུངས་ནས་ཕྱུང་ཞིག་དང་།། མྱ་ངན་མེད་ཅིང་འཇིགས་པ་མེད།། ཡང་དང་ཡང་དུ་ཉེར་ལེན་ཅིང་།། ཡང་དང་ཡང་དུ ་མངལ་དུ་འཇུག། གནས་སྐབས་འགྱུར་དང་གཞན་འགྱུར་བས།། སེམས་ཅན་འོང་དང་འགྲོ་བར་བྱེད།། འདིར་ནི་སྤང་དཀའི་སྲེད་པ་དེ།། སྤོངས་ལ་ས་བོན་ཆོད་ཅིག་དང་།། དེ་ལ་སྲེད་པ་མེད་འགྱུར་ཞིང་།། ་དེ་ནི་ཡང་དུ་འཁོར་མི་འགྱུར།། དལ་འབྱོར་ཆུད་ནི་མ་གསན་པར།། གང་གིས་ལྷ་དང་མི་རྣམས་སུ།། དོན་ཉེར་བཅིངས་ནས་འཇོག་བྱེད་པ།། ཡུལ་ལ་སྲེད་པ་དེ་ལས་རྒོལ།། སེམས་ཅན་དམྱལ་བར ་སྐྱེས་ན་ཡང་། ། དལ་འབྱོར་ཐལ་བས་འགྱོད་པར་འོང་།། གང་ཕྱིར་སྲེང་འཚོ་རྒྱུར་གྱུར་པ།། ཡུལ་ལ་སྲེད་པ་འབྲས་ཀྱི་གཞི།། འཁྲི་ཤིང་དྲབས་ཁེབས་བྱེད་པ།། གདུང་བར་བྱེད་པ་མ་བཏུལ་ན།། སྡུག ་བསྔལ་འདི་ནི་ཡང་དང་ཡང་། ། རྣམ་པ་ཀུན་ཏུ་ལྡོག་མི་འགྱུར།། དཔེར་ན། ལྗོན་ཤིང་རྩ་ནས་མ་བཏོན་ན།། བཅད་ཀྱང་ཕྱིར་ཞིང་སྐྱེ་བ་ཁོ་ནར་ཟད་།། དེ་བཞིན་སྲིད་པའི་ཕྲ་རྒྱས་མ་བཏོན་ན།། ཡང་དང་ཡང ་དུ་སྡུག་བསྔལ་འདི་མི་ལྡོག། དཔེར་ན་བདག་ཉིད་ཀྱིས་ནི་བྱས་པའི་མཚན།། དེ་ཡིས་རྐུན་པོའི་མཐུ་ཡིས་བདག་གསོད་ལྟར།། དེ་བཞིན་ནང་གི་སེམས་ལས་བྱུང་བ་ཡི།། ་པས་ལུས་ཅན་ཉེ་བར་གསོན་པར་བྱེད།། དེ་ལྟར་སྲེད་ལས་སྡུག་བསྔལ་བདག། འབྱུང་བའི་ཉེས་དམིགས་ཤེས་ཀྱིས་ཏེ།། སྲེད་སྤོངས་ཉེ་བར་ཡིན་མེད་དང་།། དྲན་ལྡན་དགེ་སློང་ཀུན་ཏུ་རྒྱུས། ་པའི་ཚོམས་ཏེ་གསུམ་པའོ།། ། བག་ཡོད་འཆི་མེད་གནས་ཡིན་ཏེ།། བག་མེད་པ་ནི་འཆི་བའི་གནས།། བག་ཡོད་འཆི་བར་མི་འགྱུར་ཏེ།། བག་མེད་པ་ནི་རྟག་ཏུ་འཆི།། ་ཡི་ཁྱད་པར་དེ་རིག་པས།། མཁས་པ་རྣམ་ནི་བག་དང་བཅས།། བག་ཡོད་པ་ལ་རབ་དགའ་བ།། འཕགས་པའི་སྤྱོད་ཡུལ་དགའ་བ་ཡིན།། དེ་ལ་རྒྱུན་ཏུ་བསྒོམས་པ་དང་།། རྟག་ཏུ་ཕ་རོལ་གནོན། ་བརྟན་པའི།། བརྟན་པས་གྲུབ་བདེ་བླ་ན་མེད།། མྱ་ངན་འདས་ལ་རེག་པ་ཡིན།། གང་ཚེ་མཁས་པས་བག་ཡོད་པས།། བག་མེད་བཅོམ་པ་དེ་ཡི་ཚེ།། ཤེས་རབ་ཁང་བཟངས་སྟེང་འཛེགས་ནས། ་མྱ་ངན་མེད་པས་གདུངས་བཅས་དང་།། བརྟན་རྣམས་རི་བོའི་སྤོ་དག་ལས།། ས་སྟེང་བྱིས་པ་རྣམས་ལ་ལྟ།། བརྩོན་འགྲུས་དང་ནི་བག་ཡོད་དང་།། ཡང་དག་སྡོམ་དང་དུལ་བ་ཡིས།། མཁས་པས ་གླིང་དུ་བྱས་ནས་ནི། ། ཆུ་བོ་ཆེན་པོ་མངོན་དུ་ཟློག། བརྩོན་འགྲུས་ལྡན་ཞིང་དྲན་དང་ལྡན་པ་དང་།། སྤྱོད་པ་གཙང་ཞིང་བརྟགས་ནས་བྱེད་པ་དང་།། ཡང་དག་སྡོམ་དང་ཆོས་ཀྱི་འཚོ་བ་དང་།། བག་ཡོད་རྣམས་ཀྱི ་གྲགས་པ་མངོན་པར་འཕེལ། ། ལྷག་པའི་སེམས་ལ་བག་བྱ་སྟེ།། ཐུབ་པའི་ཐུབ་གཞི་རྣམས་ལ་བསླབ།། ཉེར་ཞིང་རྟག་ཏུ་དྲན་ལྡན་པའི།། སྐྱོབ་པ་མྱ་ངན་མེད་པ་ཡིན།། དམན་པའི་ཆོས་ལ་མི་བསྟེན་ཅིང་།། ་བག་མེད་པ་ལ་བསྟེན་མི་བྱ།། ལོག་པར་ལྟ་ལ་འདོད་མེད་དང་།། འཇིག་རྟེན་འཕེལ་བར་མི་བྱའོ།། འཇིག་རྟེན་པ་ཡི་ཡང་དག་ལྟ།། ཆེན་པོ་སུ་ལ་ཡོང་གྱུར་པ།། དེ་ནི་ཚེ་རབས་སྟོང་དུ་ཡང་།། ངན་འགྲོར། ་འགྲོ་བར་མི་འགྱུར་རོ།། བག་མེད་པ་ལ་སྦྱོར་བྱེད་པ།། སྐྱེ་བོ་བྱིས་པ་བསམ་བརླག་ཡིན།། ཚོང་དཔོན་ནོར་རྣམས་བསྲུང་བ་ལྟར།། མཁས་པས་བག་དང་ལྡན་པར་བྱ།། བག་མེད་པ་ལ་མི་སྦྱོར་ཞིང་།། འདོད། ་ལ་དགའ་བ་མི་སོགས་དང་།། རྟག་ཏུ་བག་ཡོད་སེམས་བྱེད་པ།། ཟག་པ་ཟད་པ་ཐོབ་པར་འགྱུར།། ཟག་པ་ཟད་པ་མ་ཐོབ་ཀྱང་།། དུས་འདིར་བག་མེད་མི་བྱ་སྟེ།། རི་དགས་མ་ཡིས་སེང་གེ་ལྟར།། བག ་མེད་པ་དག་གསད་པར་འགྱུར། ། བག་མེད་ཕ་རོལ་བུད་མེད་སྟེན་བྱེད་པའི།། མི་གང་ཡིན་པ་གནས་སྐབས་འདི་བཞི་འབྱུང་།། བསོད་ནམས་མི་འཐོབ་བདེ་བར་མི་ཉལ་དང་།། གསུམ་པ་སྨད་འགྱུར་བཞི་པ ་དམྱལ་བར་འགྱུར། ། བསོད་ནམས་མ་ཐོབ་སྡིག་པའི་འགྲོ་བ་དང་།། འཇིགས་དང་བག་ཚ་ལྷན་ཅིག་བདེ་བ་ཆུང་།། རྒྱལ་པོའི་ཆད་པ་ཆེན་པོས་གཅོད་འགྱུར་ཞིང་།། ལུས་ཞིག་སེམས་ཅན་དམྱལ་བ་རྣམས་སུ་འཚེད།། ་གང་ཞིག་བདག་བདེ་ལྟ་འདོད་པ།། དེས་ནི་གོང་མ་བཞིན་དུ་བྱ།། བྱིས་པ་ཤིང་རྟ་བཞིན་འགྱུར་བས། བརྟན་པས་བཅོན་གྲུས་ཞན་མི་བྱ། དཔེར་ན་བྱིས་པའི་ཤིང་རྟིང་ག་ལམ་ཆེན་པ་རང་པོ་བོ་ན་སུ། ལམ་ནངག་ཏུ་འགྲོ་བྱེད་པས། མི ་ཆགས་སེམས་ཁོང་ཆུང་པ་ལྟར། ། དེ་བཞིན་ཆོས་ནི་སྤངས་ནས་ཀྱང་།། ཆོས་མིན་རྗེས་སུ་འཇུག་བྱེད་པའི།། བྱིས་པ་འཆི་བདག་དབང་འགྲོ་ཞིང་།། མི་ཆགས་བཞིན་དུ་བཅོམ་པ་ཐོབ ་གང་ཞིག་བྱ་བ་རྣམ་སྤངས་ནས། ། མི་བྱ་བ་དག་བྱེད་པ་དང་།། བག་མེད་པ་ཡིས་རློམ་བྱེད་པ།། དེ་དག་རྣམས་ཀྱི་ཟག་པ་འཕེལ།། གང་གི་ཟག་པ་འཕེལ་འགྱུར་བ།། དེ་ཡི་ཟག་པ་རྐྱང་མ་ན།། གང་ཞིག་ལུས ་གཏོགས་དྲན་པ་དག། རྟག་ཏུ་ལེགས་པར་བརྩམས་པ་དག། བྱ་བ་མ་ཡིན་མི་བྱེད་ཅིང་།། རྒྱུན་དུ་བྱ་བ་མེད་པ་དང་།། དྲན་དང་ཤེས་བཞིན་ལྡན་པ་དེའི།། ཟག་པ་རྣམས་ནི་ཟད་པར་འགྱུར།། གང་གི་ཟག་པ ་ཟད་འགྱུར་བ། ། དེས་ནི་ཟག་མེད་ཐོབ་པར་འགྱུར།། ཇི་ཙམ་མང་དུ་སྨྲ་བྱེད་པ།། དེ་དག་དམ་ཆོས་འཛིན་མ་ཡིན།། གང་དག་འདི་ནི་ཐོས་ཉུང་ཡང་།། ལུས་ཀྱིས་ཆོས་དག་མངོན་སུམ་བྱས།། གང་དག་ཆོས ་ལ་བག་བྱེད་པ། ། དེ་དག་དམ་ཆོས་འཛིན་པ་ཡིན།། གལ་ཏེ་རིགས་བཅས་ནང་དུ་སྨྲས་ཀྱང་ནི།། བག་མེད་མི་དག་དེ་ལྟར་བྱེད་མི་འགྱུར།། དཔེར་ན་ཕྱུགས་རྫིས་གཞན་གྱི་ཕྱུགས་བགྲངས་ལྟར།། དེ་དག་དགེ་སྦྱོང ་སྐལ་བ་ཐོབ་མ་ཡིན། ། གལ་ཏེ་རིགས་བཅས་ཉུང་ངུ་སྨྲ་བྱེད་ཀྱང་།། ཆོས་ཀྱི་རྗེས་སུ་ཆོས་ལ་སྤྱོད་པ་དང་།། འདོད་ཆགས་ཞེ་སྡང་གཏི་མུག་སྤོང་བྱེད་པ།། དེ་དག་དགེ་སྦྱོང་སྐལ་བ་ཐོབ་པ་ཡིན།། བབ་ཡོད་བསྔགས། ་བརྗོད་བྱེད་ཅིང་།། རྟག་ཏུ་བག་མེད་ལ་སྨོད་པས།། བག་ཡོད་མཆོད་སྦྱིན་བརྒྱ་པ་ཡང་།། ལྷ་རྣམས་ནང་ན་གཙོ་བོར་གྱུར།། བྱ་བ་བྱས་རུང་མ་བྱས་རུང་།། མཁས་པས་བག་ཡོད་བསྔགས་པ་བརྗོད ་བག་དང་བཅས་པའི་མཁས་པ་ཡིས། ། དོན་གཉིས་རབ་ཏུ་ལེན་པར་བྱེད།། ཚེ་འདིའི་དོན་ནི་གང་ཡིན་དང་།། ཕྱི་མའི་དོན་ནི་གང་ཡིན་པ།། དེ་དག་བརྟན་པས་རྟོགས་པས་ན།། མཁས་པ་ཞེས་ནི་བརྗོད་པ ་ཡིན། ། དགེ་སྦྱོང་བག་ཡོད་ལ་དགའ་ཞིང་།། བག་མེད་པ་ལ་འཇིགས་ལྟ་བས།། བདག་ཉིད་ངན་འགྲོ་ལས་འདྲེན་ཏེ།། འདམ་རྫབ་ལས་ནི་གླང་ཆེན་བཞིན།། དགེ་སློང་བག་ཡོད་ལ་དགའ་ཞིང་།། བག་མེད་པ ་ལ་འཇིགས་ལྟ་བས། ། སྡིག་པའི་ཆོས་རྣམས་སྤྲུག་པར་བྱེད།། རླུང་གིས་ལྗོན་ཤིང་ལོ་མ་བཞིན།། དགེ་སློང་བག་ཡོད་ལ་དགའ་ཞིང་།། བག་མེད་པ་ལ་འཇིགས་ལྟ་བས།། ཀུན་ཏུ་སྦྱོར་བ་ཕྲ་སྦོམ་དག ་མེ་ཡིས་བསྲེགས་པ་བཞིན་དུ་འགྲོ། ། དགེ་སློང་བག་ཡོད་ལ་དགའ་ཞིང་།། བག་མེད་པ་ལ་འཇིགས་ལྟ་བས།། ཀུན་ཏུ་སྦྱོར་བ་ཀུན་ཟད་པ།། རིམ་གྱིས་ཉམས་སུ་མྱོང་བར་འགྱུར།། དགེ་སློང་བག་ཡོད ་ལ་དགའ་ཞིང་། ། བག་མེད་པ་ལ་འཇིགས་ལྟ་བས།། འདུ་བྱེད་ཉེར་ཞི་ཞི་བ་ཡི།། ཞི་བའི་གོ་འཕང་སོ་སོར་རྟོགས།། དགེ་སློང་བག་ཡོད་ལ་དགའ་ཞིང་།། བག་མེད་པ་ལ་འཇིགས་ལྟ་བ།། མྱ་ངན ་འདས་དང་ཉེ་བའི་ཕྱིར། ། ཡོངས་སུ་ཉམས་འགྱུར་མི་སྲིད་།། བརྩོན་འགྲུས་ལྡན་ཞིང་བག་ཡོད་དང་།། ཆོས་སྤྱད་ལེགས་པར་སྤྱོད་བྱེད་པ།། འཇིག་རྟེན་འདི་དང་ཕ་རོལ་ཏུ།། ཆོས་སྤྱོད་པས་ནི་བདེ་བ ་འཐོབ། ། ཞི་ཕྱིར་བསླབ་པ་ལ་བརྟན་དང་།། རྩོལ་བ་དང་ནི་བརྩོན་འགྲུས་བསྐྱེད།། མི་དྲན་པ་དང་བག་མེད་དང་།། བརྩོན་འགྲུས་ཆུང་དང་ཀུན་སྡོམ་མེད།། གཉིད་དང་སྙོམས་དང་གཡེང་བ་སྟེ།། འདི ་དག་བསླབ་པའི་བར་ཆད་པས། ། ཁྱེད་ཀྱིས་ཡན་ལག་དེ་རྟོགས་ལ།། དྲན་པ་ཆུང་ནི་མ་གསན་ཅིག། དགེ་སློང་ཚུལ་ཁྲིམས་བཟང་བ་དང་།། བག་ཡོད་པ་ལ་དགའ་བ་ཡིས།། ཀུན ་རྟོག་ལེགས་པར་མཉམ་བཞག་སྟེ། ། རང་གི་སེམས་ནི་རྗེས་སུ་སྲུངས།། བརྩམ་པར་བྱ་ཞིང་འབྱུང་བར་བྱ།། སངས་རྒྱས་བསྟན་ལ་འཇུག་པར་བྱ།། འདམ་བུའི་ཁྱིམ་ལ་གླང་ཆེན་བཞིན།། འཆི་བདག་སྡེ་ནི། ་གཞོམ་པར་བྱ།། གང་ཞིག་ཆོས་འདུལ་འདི་ཉིད་ལ།། བག་དང་ལྡན་པར་སྤྱོད་བྱེད་པ།། སྐྱེ་བའི་འཁོར་བ་རབ་སྤངས་ནས།། སྡུག་བསྔལ་ཐ་མར་བྱེད་པར་འགྱུར།། བག་ཡོད་པའི་ཚེམས་ཏེ་བཞི་པའོ།། ་སྡུག་པ་རྣམས་ལས་མྱ་ངན་སྐྱེ།། སྡུག་པ་རྣམས་ལས་འཇིགས་པ་སྐྱེ།། སྡུག་པ་དག་ནི་རྣམ་སྤངས་ན།། མྱ་ངན་མེད་ཅིང་འཇིགས་པ་མེད།། སྡུག་གུ་མ་ལས་མྱ་ངན་སྐྱེ། ་སྡུག་ལས་སྡུག་བསྔལ་སྡུག་ལས་འཇིགས།། སྡུག་གུ་མ་དག་གཞན་གྱུར་ན།། ཡི་མུག་འགྱུར་བ་ཐོབ་པར་བྱེད།། འཇིག་རྟེན་སྡུག་བསྔལ་རྣམ་པ་དུ་མ་དང་།། མྱ་ངན་སྨྲེ་སྔགས་འདོན་པ་ཇི་སྙེད་པ།། ་དེ་དག་སྡུག་པ་དག་ལས་རྟེན་ཏེ་བྱུང་།། སྡུག་པ་སྤངས་ན་དེ་དག་ཡོད་མི་འགྱུར།། གང་ཕྱིར་འཇིག་རྟེན་འགའ་ནའང་སྡུག་མེད་པ།། གང་ཡིན་དེ་དག་བདེ་ཞིག་མྱ་ངན་མེད།། དེ་བས་གདུང་མེད་རྡུལ་བྲལ ་། དོན་གཉེར་བྱས།། ནམ་ཡང་སྡུག་པར་བྱེད་པ་མི་བྱའོ།། སྡུག་པ་མ་མཐོང་སྡུག་བསྔལ་ལ།། མི་སྡུག་མཐོང་ན་དེ་བཞིན་པས།། ནམ་ཡང་སྡུག་དང་ཕྲད་མི་བྱ། མི་སྡུག་དང་ཡང་ཕྲང་མི་བྱ། སྡུག་པ་དང་ནི་བྱེ་བྲལ་དང་།། མི་སྡུག ་པ་དང་ཕྲད་པ་ཡིས། ། གང་གིས་མི་དག་རྒས་བྱེད་པའི།། མྱ་ངན་མི་བཟང་སྐྱེ་བར་འགྱུར།། སྡུག་པ་ཤི་བར་གྱུར་པ་ན།། གཉེན་འདུན་མཛའ་བཤེས་མང་པོ་དག། ཡུན་རིང་དུས་སུ་མྱ་ངན་དང་།། སྡུག ་དང་བྲལ་བས་སྡུག་བསྔལ་འགྱུར། ། གང་ལ་སྡུག་དང་སྡུག་མིན་བྱེད།། དེ་ལ་མདུད་པ་ཡོད་མིན་པས།། དེ་ལྟས་སྡུག་ཉིད་སྡིག་ཅན་ལ།། སྡུག་པར་བྱེད་པ་མི་བྱའོ།། སྡུག་ལ་བལྟས་ཏེ་དོན་བཏང་བས ་བདེ་སྦྱོར་རྣམས་ལ་མི་འཇུག་ཅིང་། ། བདག་ཉིད་མི་བདེའི་སྦྱོར་ལྡན་དག། བདེ་སྦྱོར་དོན་ལྡན་རྣམས་ལ་སྨོན།། གཟུགས་སྡུག་བདེ་བས་བསྡམས་པ་དག། ལྷ་མི་སོ་སོའི་རིགས་དག་ཏུ།། སྡིག་པ་བྱེད་ཅིང ་ཡོངས་ཉམས་ནས། ། རྒ་དང་འཆི་བའི་དབང་དུ་འགྲོ།། གང་ཞིག་ཉིན་དང་མཚན་རྣམས་སུ།། བག་ཡོད་གཟུགས་སྡུག་སྤོང་བྱེད་པ།། དེས་ནི་སྤང་དཀའ་བདུད་ཟས་དང་།། སྡིག་པའི་རྩ་བ་དྲུངས་ནས་ཕྱུང ་ལེགས་མིན་ལེགས་པའི་ཚུལ་དང་ནི། ། སྡུག་མིན་སྡུག་པའི་ཚུལ་གྱིས་དང་།། སྡུག་བསྔལ་བདེ་བའི་ཚུལ་གྱིས་སུ།། བག་མེད་རྣམས་ནི་མངོན་དུ་འཇོམས།། གལ་ཏེ་བདག་ལ་དགའ་བྱེད་ན།། ཉེས ་པར་བྱེད་པར་བདེ་བ་དག། བདེ་བླག་ཁོ་ནར་མི་ཐོབ་པས།། འདི་ནི་སྡུག་ལ་གཞུག་མི་བྱ།། གལ་ཏེ་བདག་ལ་དགའ་བྱེད་ན།། ལེགས་པར་བྱེད་པས་བདེ་བ་དག། བདེ་བླག་ཁོ་ནར་འཐོབ་འགྱུར་བས།། འདི་ནི ་སྡིག་ལ་གཞུག་མི་བྱ། ། དཔེར་ན་དགོན་པའི་གྲོང་ཁྱེར་དག། བརྟན་པའི་འོབས་ཀྱིས་བསྐོར་བ་ལྟར།། གལ་ཏེ་བདག་ལ་དགའ་བྱེད་ན།། འདི་ནི་བསྲུང་བས་ལེགས་པར་བསྲུངས།། གལ་ཏེ་བདག་ལ ་@དགའ་བྱེད་ནི། ། ཐུན་གསུམ་གང་ཡང་རུང་བ་ལ།། མཁས་པས་མེ་ལ་ཚེ་བྱ་བ་ཡིས།། འདི་ནི་སྦ་བས་ལེགས་པར་སྦ།། དཔེར་ན་དགོན་པའི་གྲོང་ཁྱེར་དག། ཕྱི་ནང་སྲུང་བར ་བྱེད་པ་ལྟར། ། དལ་འབྱོར་ཆུད་ནི་མི་ཟོས་པ།། དེ་ལྟར་བདག་ནི་བསྲུང་བར་བྱ།། སེམས་ཅན་དམྱལ་བར་སྐྱེས་ན་ཡང་།། དལ་འབྱོར་ཐལ་བས་འགྱོད་པར་འོང་།། ཕྱོགས་རྣམས་ཀུན་ཏུ་སེམས་ཀྱིས ་ཡོངས་བརྟགས་ཀྱང་། ། བདག་ལས་ཆེས་སྡུག་འགའ་ཡང་མ་མཐོང་བས།། དེ་ལྟར་སོ་སོར་གཞན་ལའང་རང་སྡུག་པས།། དེ་ཕྱིར་བདག་འགས་གཞན་ལ་གནོད་མི་བྱ།། ཐམས་ཅད་ལ་ཡང་སྲོས ་འདི་སྡུག། ཐམས་ཅད་ཆད་པས་འཇིགས་པས་ན།། རང་གི་ཉམས་ལས་དཔག་གྱིས་ཏེ།། བརྡེག་པར་མི་བྱ་གསང་མི་བྱ།། རྒྱང་ཐག་བཅད་པར་སྤྲུགས་པའི་མི།། རི་ནས་ཉེ་ཞོ་མེད་འོངས་ན།། ་གཉེན་བཤེས་མཛའ་བོ་ལྷགས་ནས་སུ།། ཨ་ལ་ལ་ཞེས་མངོན་པར་དགའ།། དེ་བཞིན་བསོད་ནམས་བྱས་པའི་མི།། འཇིག་རྟེན་འདི་ནས་ཕ་རོལ་ཏུ།། ཕྱིན་ཚེ་གཉེན་བཞིན་བསོད་ནམས་དག ་འོངས་ནས་མངོན་པར་དགའ་བར་བྱེད། ། དེ་བས་འཇིག་རྟེན་ཕ་རོལ་གྱི།། ཆེད་དུ་བསོད་ནམས་བསགས་པར་གྱིས།། བསོད་ནམས་འཇིག་རྟེན་ཕ་རོལ་དུ།། ལུས་མརམ་གྱི་གནས་སུ་འགྱུར།། གང ་ཞིག་ལེགས་སྤྱད་སྤྱོད་བྱེད་པའི། ། དགེ་ལ་ལྔ་རྣམས་སྟོང་པར་བྱེད།། འདི་ནའང་སྨད་པར་མི་འགྱུར་ལ།། མཐོ་རིས་སུ་ཡང་དགའ་བ་འཐོབ།། ཆོས་གནས་ཚུལ་ཁྲིམས་ཕུན་སུམ་ཚོགས།། ངོ ་ཚ་ཤེས་ཤིང་བདེན་པར་སྨྲ། ། རང་གི་བྱ་བ་བྱེད་པ་ལ།། སྐྱེ་བོ་གཞན་རྣམས་དགའ་བར་བྱེད།། རང་གི་དོན་ནི་བྱེད་པ་ལ།། འདི་ལྟར་གཞན་རྣམས་དགའ་འགྱུར་ཞིང་།། མཐོང་བའི་ཆོས་ལ་བསྔགས ་པ་དང་། ། ཕ་རོལ་དུ་ཡང་བདེ་འགྲོར་འགྱུར།། གཏམས་ན་གནང་བའི་ཚིག་སྨྲ་དང་།། མི་རིགས་སྤྱོད་ལས་བཟློག་པ་ལ།། དམ་པ་རྣམས་ནི་དགའ་བར་བྱེད།། དམ་པ་མ་ཡིན་དགའ་མི་འགྱུར།། དེ་བས ་མཆོག་དང་མཆོག་མིན་པ། ། ཤི་འཕོས་བྲལ་བར་གྱུར་པ་ན།། དམ་པ་མ་ཡིན་དམྱལ་བར་འགྲོ།། དམ་པ་མཐོ་རིས་འགྲོ་བར་འགྱུར།། སྡུག་པའི་ཚེམས་ཏེ་ལྔ་པའོ།། ། བསྔགས ་པར་འགྱུར་དང་ནོར་འཐོབ་དང་། ། ཕ་རོལ་བདེ་འགྲོར་དགའ་འགྱུར་བའི།། བདེ་བ་གསུམ་པོ་དོན་གཉེར་བའི།། མཁས་པས་ཚུལ་ཁྲིམས་བསྲུང་བར་བྱ།། འཕགས་དང་མཐོང་བ་ཕུན་ཚོགས་དང་།། འཇིག་རྟེན ་ཞི་བ་སྟེན་འགྱུར་བའི། ། གནས་གཞན་འདི་དག་མཐོང་བ་ཡིས།། མཁས་པས་ཚུལ་ཁྲིམས་བསྲུང་བར་བྱ།། ལུས་ནི་ཡོངས་སུ་གདུང་མེད་པར།། ཚུལ་ཁྲིམས་ཀྱིས་ནི་བདེ་བ་འཐོབ།། མཚན་མོ་བདེ་བར ་ཉལ་བ་དང་། ། སད་པ་ན་ཡང་དགའ་བར་འགྱུར།། སྦྱིན་པ་ཚུལ་ཁྲིམས་ལྡན་པ་དག། མཁས་པས་སྦྱིན་པའི་བསོད་ནམས་ཀྱིས།། འདི་དང་ཕ་རོལ་དག་ཏུ་ཡང་།། རྟག་ཏུ་བདེ་བ་འཐོབ་པར་འགྱུར།། རྒན་པའི ་བར་ལ་ཚུལ་ཁྲིམས་དགེ། དད་ལ་རབ་ཏུ་གནས་ན་ལེགས།། མི་ཡི་རིན་ཆེན་ཤེས་རབ་སྟེ།། བསོད་ནམས་ཆོམ་པོས་འཕྲོགས་པར་དཀའ།། དགེ་སློང་ཚུལ་ཁྲིམས་ལ་གནས་ཤིང་།། དབང་པོ་རྣམས་ཀྱང་བསྡམས ་པ་དང་། ། ཟས་ཀྱི་ཚོད་ནི་རིག་པ་དང་།། མི་ཉལ་བ་ལ་འབད་པ་སྟེ།། དེ་ལྟར་གནས་ནས་བརྩོན་པ་དང་།། ཉིན་མཚན་སྙོམས་ལས་མི་བྱེད་པ།། མྱ་ངན་འདས་དང་ཉེ་བའི་ཕྱིར།། ཡོངས་སུ ་ཉམས་འགྱུར་མི་སྲིད་དོ། ། མི་ནི་ཚུལ་ཁྲིམས་ལ་གནས་ནས།། སེམས་དང་ཤེས་རབ་སྒོམ་པ་ལ།། བརྩོན་ཞིང་ངེས་གནས་དགེ་སློང་གིས།། སྡུག་བསྔལ་ཟད་པ་ཐོབ་པར་འགྱུར།། དེ་ཕྱིར་རྟག་ཏུ་ཚུལ་ཁྲིམ། ་དང་།། ཏིང་འཛིན་རྗེས་སུ་བསྲུང་བ་དང་།། ལྷག་མཐོང་ལ་ནི་བསླབ་པ་དང་།། ཤེས་བཞིན་སོ་སོར་དྲན་པར་བྱ།། དེས་ནི་ཀུན་སྦྱོར་ཟད་བྱས་ནས།། ཡིད་བྲལ་ལྷག་མ་མེད་འགྱུར་ཏེ།། ལུས་ཞིག་ཤེས་རབ་ལྡན ་པ་ཡིས། ། བགྲང་དུ་མེད་པའི་མྱ་ངན་འདས།། གང་ཞིག་ཚུལ་ཁྲིམས་ཏིང་འཛིན་དང་།། ཤེས་རབ་འདི་གསུམ་ལེགས་བསྒོམས་ཏེ།། ཤིན་ཏུ་དྲི་མེད་མཐར་ཕྱིན་ཅིང་།། གདུང་མེད་ཡང་སྲིད་ཟད་གྱུར་དང་།། ཆག ་པའི་འཆིང་ལས་རྣམ་གྲོལ་ཞིང་། ། ལུས་སྤངས་ཤེས་རབ་ལྡན་པ་དང་།། བདུད་ཀྱི་ཡུལ་ལས་འདས་པ་དག། ཉི་མ་བཞིན་དུ་ལམ་མེར་འབར།། དགེ་སློང་ཕྱི་དང་ནང་ཉིད་ལ།། བག་མེད་རློམ་པར་བྱེད་པ་ཡི།། ། ་ཚུལ་ཁྲིམས་ཏིང་འཛིན་ཤེས་རབ་རྣམས།། ཡོངས་སུ་རྫོགས་པར་མི་འགྱུར་རོ།། སྤྲིན་གྱིས་ཁེབས་ལས་ཆར་འབབ་ཅིང་།། ནམ་ཐང་བ་ལས་ཆར་མི་འབབ།། དེ་བས་ཁེབས་པ་སོལ་ཅིག་དང་།། འདི་ལྟར་ཆར་པ་འབབ ་མི་འགྱུར། ། དེ་ལྟར་རྟག་ཏུ་མཐོང་བ་དང་།། དགེ་སློང་ཚུལ་ཁྲིམས་སྡོམ་པ་ཡི།། མྱ་ངན་འདས་པར་འགྲོ་བའི་ལམ།། མྱུར་བ་ཁོ་ནར་རྣམ་པར་བདག། མེ་ཏོག་དྲི་ནི་རྫི་ཕྱོགས་མིན་མི་འགྲོ།། རྩ་བརྒྱ་སྤོས་ཙན་དན་རྣམས ་སྣང་མན། ། ངས་པའི་ཛིག་རྫི་ཕྱོགས་མིན་འགྲོསྟེ།། བྱུགས་རྣམས་ཀུན་དུམས་ཚན་རྫ་ལས་རྦག། རྒྱ་སྤོས་དང་ནི་ཅན་ན་དང་།། སཎྜལ་དང་ས་སྷོ།། སྤོས་ཀྱི་གས་ནི་འདུ་གཔས།། རྒྱམ་ཚམས། ་དྲི་བསུང་ཕུལ་དུ་ཕྱིན།། རྒྱ་སྤོས་ཙན་ངན་གང་ཡིན་པའི།། དྲི་བསུང་འདི་ནི་ཆུང་ངུ་མི།། ཚུལ་ཁྲིམས་ལྡན་པའི་དྲི་བསུང་གང་།། དེས་ནི་འདི་དང་མཐོ་རིས་ཁྱབ།། དེ་ལྟར་བག་ཡོང་གནས་བྱ་ཞིང་།། ཚུལ ་ཁྲིམས་རྣམ་པར་དག་པར་བྱ། ། ཡང་དག་ཤེས་པས་རྣམ་གྲོལ་ན།། བདུད་ཀྱི་ལམ་ནི་རྙེད་མི་འགྱུར།། འདི་ནི་བདེ་བར་འགྲོ་ལ་མ་སྟེ།། རྣམ་པར་དག་བྱེད་ལམ་འདི་ལ།། རབ་ཏུ་ཞུགས་ཏེ་བསྒོམས་ནས ་ཀྱང་། ། བདུད་ཀྱི་འཆིང་བ་སྤང་བར་གྱིས།། ཚུལ་ཁྲིམས་ཀྱི་ཆོམས་ཏེ་དྲུག་པའོ།། ། ལུས་ཀྱིས་ཉེས་པར་སྤྱོད་སྤང་ཞིང་།། ལུས་ཀྱིས་ལེགས་སྤྱད་སྤྱད་པའི་ཕྱིར།། ལུས་ཀྱི་ཉེས་ཆེན ་ལས་བསྲུངས་ན། ། ལུས་ནི་བསྡམ་པ་བྱས་པར་འགྱུར།། ངག་གི་ཉེས་པར་སྤྱོད་སྤང་ཞིང་།། ངག་གིས་ལེགས་སྤྱད་སྤྱད་པའི་ཕྱིར།། ངག་གི་ཉེས་ཆེན་ལས་བསྲུངས་ན།། ངག་ནི་བསྡམ་པ་བྱས་པར་འགྱུར།། ཡིད ་ཀྱིས་ཉེས་པར་སྤྱོད་སྤང་ཞིང་། ། ཡིད་ཀྱི་ལེགས་སྤྱད་སྤྱད་པའི་ཕྱིར།། ཡིད་ཀྱི་ཉེས་ཆེན་ལས་བསྲུངས་ན།། ཡིད་ནི་བསྡམས་པ་བྱས་པར་འགྱུར།། ལུས་ཀྱིས་ཉེས་པར་སྤྱོད་སྤང་ཞིང་།། ངག་གི་ཉེས་པར ་སྤྱོད་པ་སྤངས། ། ཡིད་ཀྱི་ཉེས་པར་སྤྱོད་སྤང་ཞིང་།། སྐྱོན་གཞན་ལྡན་པ་གང་ཡིན་སྤངས།། ལུས་ཀྱི་དགེ་བ་རྣམས་བྱ་ཞིང་།། ངག་གི་དགེ་བ་ཕལ་ཆེན་བྱ།། ཡིད་ཀྱི་དགེ་བ་རྣམས་བྱ་ཞིང་།། ཚད་མེད་བཞི ་དང་བྲལ་མི་བྱ། ། ལུས་ཀྱི་དགེ་བ་རྣམས་བྱ་ཞིང་།། ངག་དང་ཡིད་ཀྱིས་བྱས་ནས་ནི།། འདི་དང་ཕ་རོལ་དག་ཏུ་ཡང་།། རྟག་ཏུ་བདེ་བ་ཐོབ་པར་འགྱུར།། རྟག་ཏུ་ལུས་ནི་བསྡམས ་པའི་ཕྱིར། ། ཐུབ་པ་འཚེ་བ་མེད་པ་ཡིན།། དེ་ནི་འཆི་མེད་གནས་འགྲོ་ཞིང་།། གང་དུ་སོང་ནའང་མྱ་ངན་མེད།། རྟག་ཏུ་དག་ནི་བསྡམས་པའི་ཕྱིར།། ཐུབ་པ་འཚེ་བ་མེད་པ་ཡིན།། དེ་ནི་འཆི་མེད་གནས་འགྲོ། ་ཞིང་།། གང་དུ་སོང་ནའང་མྱ་ངན་མེད།། རྟག་ཏུ་ཡིད་ནི་བསྡམས་པའི་ཕྱིར།། ཐུབ་པ་འཚེ་བ་མེད་པ་ཡིན།། དེ་ནི་འཆི་མེད་གནས་འགྲོ་ཞིང་།། གང་དུ་སོང་ནའང་མྱ་ངན་མེད།། བརྟན་པ་རྣམས་ཀྱི་ལུས ་བསྡམས་ཤིང་། ། བརྟན་པ་རྣམས་ཀྱིས་ངག་ཀྱང་བསྣམས།། བརྟན་པ་རྣམས་ཀྱིས་ཡིད་བསྟམ་ཞིང་།། བརྟན་པས་ཀུན་ཏུ་བསྡམ་བྱས་ན།། དེ་དག་འཆི་མེད་གནས་འགྲོ་ཞིང་།། གང་དུ་སོང་ཡང ་ངན་མེད། ། ལུས་ཀྱི་སྡོམ་པ་ལེགས་པ་སྟེ།། ངག་གི་སྡོམ་པའང་ལེགས་པ་ཡིན།། ཡིད་ཀྱི་སྡོམ་པ་ལེགས་པ་སྟེ།། ཐམས་ཅད་དུ་ནི་བསྡམས་པ་ལེགས།། ཀུན་ཏུ་བསྡམས་པའི་དགེ་སློང་ནི།། སྡུག ་བསྔལ་ཀུན་ལས་རབ་ཏུ་འགྲོ། ། ངག་རྣམས་བསྲུང་ཞིང་ཡིད་ནི་ལེགས་བསྡམས་ཏེ།། ལུས་ཀྱིས་མི་དགེ་བ་དག་སྤྱད་མི་བྱ།། ལས་ལམ་གསུམ་པོ་འདི་དག་རྣམ་སྦྱངས་ན།། དྲང་སྲོང་གསུངས་པའི་ལམ་ནི ་ཐོབ་པར་འགྱུར། ། ལེགས་པར་སྤྱད་པའི་ཚེམས་ཏེ་བདུན་པའོ།། །། གང་དག་བྱས་བཞིན་མ་བྱས་ཟེར་བ་དང་།། བརྫུན་དུ་སྨྲ་བ་དམྱལ་བར་འགྲོ་བར་འགྱུར།། མི་དེ་གཉིས་ཀ་འདྲ་བར ་ཕ་རོལ་དུ། ། སོང་ནས་དམན་པའི་ཆོས་དང་ལྡན་པར་འགྱུར།། སྐྱེས་བུ་སྐྱེས་པའི་ཁ་ནས་ནི།། ཚིག་དག་སྨྲ་བར་བྱེད་པ་ཡི།། ཚིག་གི་སྟ་རེ་སྐྱེས་གྱུར་ནས།། བདག་ཉིད་གཅོད་པར་བྱེད་པར་འགྱུར།། གང ་ཞིག་སྨད་འོས་སྐྱེ་བོ་སྟོང་བྱེད་དང་། ། བསྟོད་འོས་སྐྱེ་བོ་རྣམ་པར་སྤོད་བྱེད་པ།། དེ་ནི་ཁ་ཡིས་འཐབ་ཀྲོལ་ཀུན་སོགས་ཤིང་།། འཐབ་ཀྲོལ་ཅན་གང་དེས་ནི་བདེ་མི་འཐོབ།། གང་འདིར་ཚེ་ལོས་རང་ནོར་ཕམ་བྱེད ་པ། ། འཐབ་ཀྲོལ་དེ་ནི་ཅུང་ཟད་ཙམ་དུ་ཟད།། གང་ཞིག་བདེ་བར་གཤེགས་པ་ཡིད་འཁྲུག་པ།། དེ་འདིར་འཐབ་ཀྲོལ་ཤིན་ཏུ་ཆེན་པོ་ཡིན།། ངག་ཡིད་འཕགས་པས་སྨད་པའི་སྡིག་བརྟེན་ན།། བྱེ་བར་ཆུ་བུར ་ཅན་དང་སྟོང་ཕྲག་ནི། ། བཞི་བཅུ་གཅིག་ཏུ་ཆུ་བུར་རྡོལ་བ་ཡི།། སེམས་ཅན་དམྱལ་བ་རྣམས་སུ་འགྲོ་བར་འགྱུར།། སྡིག་པའི་སེམས་ཀྱིས་མ་ཉེས་སྐྱོན་བརྗོད་པ།། བདག་ཉིད་གསད་ཕྱིར་དམྱལ་བ་སྤེལ་བར་ཟད།། ་སྟོབས་ལྡན་ཉེས་མེད་པ་དག་བཟོད་བྱེད་ཅིང་།། དེ་ལ་སེམས་ཀྱང་འཁྲུག་པར་མི་བྱེད་དོ།། བསམ་བརླག་གང་ཞིག་སྡིག་ཅན་གྱི།། ལྷ་ལ་བསྟེན་ནས་འཕགས་པ་ནི།། དགྲ་བཅོམ་ཆོས་ཀྱིས་འཚོ་བ་དང་།། ་བསྟན་པ་སྤོང་བར་བྱེད་པ་དག། སྨིག་མ་འབྲུ་ཆགས་ལྟ་བུར་ནི།། དེ་ནི་རང་གི་འབྲས་བུ་གསོད།། ཚིག་བཟང་ཁོ་ན་སྨྲ་བྱ་ཡི།། སྡིག་པ་ཅན་དག་སྨྲ་མི་བྱ།། སྡིག་ཅན་གདུང་བྱེད་སྨྲ་བ་པས།། ཚིག་བཟང ་སྨྲ་བར་བྱེད་པ་རུང་། ། བྱིས་པ་སྡིག་ཅན་སྨྲ་བྱེད་པ།། སྨྲ་བའི་ཚེ་ན་འཆིང་འགྱུར་ལ།། གལ་ཏེ་སྨྲས་ན་གཞན་སྤོང་བ།། དེ་དག་འཕགས་པ་མི་གསུང་ངོ་།། དགེ་སློང་དག་གི་བསྡམས་པ་དང་།། ངལ ་དུས་སྨྲ་ཞིང་རློམ་པ་མེད། ། གང་ཞིག་ཆོས་ལྡན་དོན་སྟོན་པ།། དེ་ནི་སྙན་པར་སྨྲ་བ་ཡིན།། ལེགས་པར་སྨྲ་བ་མཆོག་ཅེས་འཕགས་པ་གསུངས།། སྙན་སྨྲ་མི་སྙན་མ་ཡིན་དེ་གཉིས ་པ། ། བདེན་སྨྲ་བརྫུན་པ་མ་ཡིན་དེ་གསུམ་པ།། ཆོས་སྨྲ་ཕལ་པ་མ་ཡིན་བཞི་པ་དེའོ།། ཚིག་བདེན་རྣམས་ནི་སྨྲ་བྱ་ཞིང་།། གང་གིས་བདག་ཀྱང་མི་གདུང་ལ།། ཕ་རོལ་ལ་ཡང་གནོད་མེད་པའི།། ཚིག་དེ་ལེགས ་པར་སྨྲ་བར་བྱ། ། གང་གིས་མངོན་པར་དགའ་འགྱུར་ཞིང་།། གང་གིས་སྡིག་པ་མི་སྐྱེད་དང་།། སྨྲས་པས་ཕ་རོལ་དགའ་གྱུར་བའི།། སྙན་ཚིག་ཁོ་ནར་སྨྲ་བར་བྱ།། བདེན་པའི་ཚིག་ནི་བདུད་རྩི་སྟེ།། བདེན་པའི ་ཚིག་ནི་བླ་མེད་ཡིན། ། དོན་དང་ཆོས་ལ་རབ་གནས་པ།། བདེན་པ་ཡིན་ཞེས་དམ་པ་གསུང་།། སྡུག་བསྔལ་ཐམས་ཅད་སྤང་བའི་ཕྱིར།། སངས་རྒྱས་ཀྱིས་ནི་གསུངས་ཚིག་གང་།། བདེ་བ་མྱ་ངན་འདས་འགྲོ་བའི ་ཚིག་དེ་བླ་ན་མེད་པའི་ཡིན། ། ཚིག་གི་ཆོམས་ཏེ་བརྒྱད་པའོ།། ཆོས་གཅིག་ལས་ནི་རབ་འདས་ཤིང་།། འཇིག་རྟེན་ཕ་རོལ་བཅོམ་པ་ཡིས།། ལུས་ཅན་བརྫུན་དུ་སྨྲ་བ་ཡིས།། སྡིག་པ་མི ་བྱ་ཅི་ཡང་མེད། ། ལྕགས་སྒོང་མེ་ལྕེ་འབར་འདྲ་བ།། ཟོས་པར་གྱུར་པ་ཆེས་བླ་ཡིས།། ཚུལ་འཚལ་ལེགས་པར་མི་སྡོམས་པས།། ཡུལ་འཁོར་བསོད་སྙོམས་ཐ་མི་རུང་།། ཁྱོད་ནི་སྡུག་བསྔལ་གྱིས་འཇིགས་ཤིང ་ཁྱོད་ལ་སྡུག་བསྔལ་མི་སྡུག་ན། ། མངོན་སུམ་དག་གམ་ལྐོག་ཏུའང་རུང་།། སྡིག་པ་ཅན་གྱི་ལས་མི་བྱ།། གལ་ཏེ་སྡིག་པའི་ལས་བྱས་སམ།། བྱེད་ཀྱང་རུང་སྟེ་ཁྱོད་ཀྱིས་ནི།། ཀོག་ཅས་ལངས་ཏེ་བྲོས་བྱས་ཀྱང་། ་སྡུག་བསྔལ་ལས་ནི་བར་མི་འགྱུར།། གང་དུ་གནས་ན་ལས་ཀྱིས་མི་ཚུགས་པའི།། ས་ཕྱོགས་དེ་ནི་ཡོད་པ་མ་ཡིན་ཏེ།། བར་སྣང་ལ་མེད་རྒྱ་མཚོའི་ནང་ནའང་མེད།། རི་བོ་རྣམས་ཀྱི་གསེབ་ཏུ་ཞུགས་ཀྱང་མིན།། ་ཕ་རོལ་པོ་ལ་བརྟགས་ནས་གང་།། སྡིག་པ་ཅན་གྱི་ལས་མཐོང་བ།། དེ་དག་བདག་གིས་མི་བྱ་སྟེ།། སྡིག་བྱས་ལས་ནི་རྗེས་སུ་འབྲང་།། ལས་གང་ཤིན་ཏུ་མི་བཟད་དང་།། ཟོལ་བྱེད་གཞལ་ལུགས་འཆོས་པ ་དང་། ། མི་ལ་འཚེ་བར་བྱེད་པ་དང་།། གཞན་ལ་བྱེད་དུ་འཇུག་པ་ཡི།། ལས་དེ་མི་ཡི་རྗེས་འབྲང་བས།། དེ་ཡི་ག་ཡང་སར་ལྟུང་བར་བྱེད།། མི་ཡིས་དགེ་བའམ་སྡིག་པ་ཡི།། ལས་ནི་གང་དང་གང་བྱས་པའི།། ་ལས་རྣམས་ཆུང་ཟར་མི་འགྱུར་ཏེ།། དེ་ལྟ་དེ་ལྟར་འབྲས་བུར་འགྱུར།། དེ་ཡི་ཚོགས་པ་ཇི་སྲིད་པར།། དེ་སྲིད་འདི་ནི་རྡུང་བར་བྱེད།། དེ་ལ་བཞིན་དག་རྡུང་བྱེད་དེ།། རྡུང་བྱེད་དེ་ནི་བརྟག་པར་འགྱུར།། འདི་ནི ་བདག་རྗེས་མི་འབྲང་ཞེས། ། བྱིས་པས་མ་བརྟགས་བྱས་པ་ཡི།། སྡིག་པའི་ལས་ཀྱི་འགྲོ་བ་དག། ཕ་རོལ་ཏུ་ནི་ཤེས་པར་འགྱུར།། གལ་ཏེ་བྱིས་པས་མི་ཤེས་པར།། སྡིག་པའི་ལས་ནི་བྱས་པ་དག། ་ནམ་ཤིག་ན་ནི་དེ་ཉིད་ཀྱིས།། རྣམ་སྨིན་ཆེ་བ་སོ་སོར་སྟེན།། རང་གི་ལས་ཀྱིས་དེའི་འོག་ཏུ།། མེ་ཡིས་བསྲེགས་པ་བཞིན་དུ་གདུངས།། བྱིས་པ་ཤེས་རབ་ཆུང་ངུ་དག། བདག་ལ་དགྲ་བཞིན་བྱེད་པ་ཡིས།། ་གང་ཞིག་འབྲས་བུ་ཚར་འགྱུར་བའི།། སྡིག་ཅན་ལས་ནི་སྤྱོད་པར་བྱེད།། གང་དག་བྱས་པ་གདུངས་འགྱུར་ཞིང་།། མཆི་མས་གདོང་ཡོག་དུ་བཞིན་དུ།། རྣམ་སྨིན་སོ་སོར་སྟེན་པ་ཡི།། ལས་དེ་དག་ནི་མ་བྱས ་ལེགས། ། གང་ཞིག་བྱས་ན་མི་གདུང་ཞིང་།། དགའ་ཞིང་ཡིད་ནི་བདེ་བ་ཡིས།། རྣམ་སྨིན་སོ་སོར་སྟེན་པ་ཡིས།། ལས་དེ་དག་ནི་བྱས་པ་ལེགས།། བདག་ཉིད་བདེ་བ་འདོད ་པའི་ཕྱིར། ། དགོད་བཞིན་སྡིག་པའི་ལས་བྱས་པའི།། སྡིག་ལས་དེ་ཡི་རྣམ་སྨིན་དག། ངུ་བཞིན་ཉམས་སུ་མྱོང་བར་འགྱུར།། ངེས་པར་སྡིག་ལས་འཕྲལ་དུ་ནི།། འོ་མ་ལྟ་བུར་འགྱུར་མི་བྱེད།། ་ཐལ་བས་གཡོགས་པའི་མེ་ལྟ་བུར།། དེས་ནི་བྱིས་པ་སྲེག་པར་བྱེད།། སྡིག་ལས་འཕྲལ་དུ་ངེས་པར་ནི།། མཚོན་བཞིན་གཅོད་པར་མི་བྱེད་ཀྱང་།། སྡིག་པའི་ལས་ཀྱི་འགྲོ་བ་དག། ཕ་རོལ་ཏུ་ནི་མངོན ་པར་འགྱུར། ། གང་དུ་དེ་དག་རྣམ་སྨིན་ནི།། ཚ་བ་སོ་སོར་སྟེན་པ་ཡི།། སྡིག་པའི་ལས་ཀྱི་འགྲོ་བ་དག། ཕ་རོལ་དུ་ནི་ཤེས་པར་འགྱུར།། ལྕགས་ལས་གཡའ་ནི་ལངས་གྱུར་པ།། ལངས་པ་དེས་ནི་དེ་ཉིད ་། དེ་བཞིན་མ་བརྟགས་བྱས་པ་ཡིན།། རང་གི་ལས་ཀྱིས་ངན་འགྲོར་འགྲོ།། ལས་ཀྱི་ཆོམས་ཏེ་དགུ་པའོ།། །། དང་དང་ངོ་ཚ་ཚུལ་ཁྲིམས་སྦྱིན་པ་སྟེ།། ཆོས་འདི་རྣམས་ནི་སྐྱེས ་བུ་དམ་པས་བསྔགས། ། འདི་ཡིས་ལྷ་ཡི་འཇིག་རྟེན་འགྲོ་འགྱུར་ཞིང་།། ལམ་འདི་ཉིད་ཀྱིས་ལྷ་ཡུལ་འགྲོ་ཞེས་གསུངས།། འཇུངས་རྣམས་ལྷ་ཡི་འཇིག་རྟེན་མི་འགྲོ་ཞིང་།། དེ་ཡིས་བྱིས་པ་སྦྱིན ་པའི་བསྔགས་མི་བརྗོད། ། བརྟན་རྣམས་སྦྱིན་ལ་རྗེས་སུ་ཡི་རང་བ།། དེས་ནི་དེ་དག་གཞན་དུ་བདེ་བ་མྱོང་།། འདི་ན་སྐྱེས་བུའི་ནོར་མཆོག་དང་པ་སྟེ།། འདི་ན་ཆོས་ལ་ལེགས་སྤྱོད་བདེ་བ་འཐོབ།། ་བདེན་པ་ཁོ་ནར་ངོ་བོ་རྣམས་ཀྱི་ཕུལ།། ཤེས་རབ་ཀྱིས་འཚོ་འཚོ་བའི་མཆོག་ཅེས་གསུངས།། མྱ་ངན་འདས་པར་འགྲོ་བ་ཡི།། དགྲ་བཅོམ་ཆོས་ལ་དང་བསྐྱེད་དེ།། མཁས་པས་གུས་པར་མཉན་ན་ནི། ་དེ་དང་དེ་ཡི་ཤེས་རབ་འཐོབ།། བག་ཅན་གྱིས་ནི་རྒྱ་མཚོ་དང་།། དད་པས་ཆུ་བོ་རྣམས་ལས་སྒྲོལ།། བརྩོན་འགྲུས་ཀྱིས་ནི་སྡུག་བསྔལ་སྤོང་།། ཤེས་རབ་ཀྱིས་ནི་ཡོངས་དག་འགྱུར།། དགེ་སློང་དད་པའི ་གྲོགས་ལྡན་ཞིང་། ། ཤེས་རབ་ཀྱིས་ནི་གཏམས་པ་དང་།། མྱ་ངན་འདས་ལ་མངོན་དགའ་བས།། འཆིང་བ་ཐམས་ཅད་གཅོད་པར་འགྱུར།། གང་གིས་དང་ངང་ཚུལ་ཁྲིམས་དང་།། ཤེས་རབ་ཉིད་ནི ་ལེགས་བསྒོམས་ཤིང་། ། མཁས་པ་སྐྱོན་རྣམས་སྤོང་བ་དེ།། ལེགས་པའི་ངང་ཚུལ་ཅན་ཞེས་བརྗོད།། དད་དང་ཚུལ་ཁྲིམས་ཕུན་སུམ་ཚོགས།། གཏོང་ལྡན་འཇུངས་པ་རྣམ་སྤངས་པ།། དེ་ནི་གང ་དང་གར་སོང་བ། ། དེ་དང་དེར་ནི་མཆོད་པར་འགྱུར།། མཁས་གང་འཚོ་བའི་འཇིག་རྟེན་ན།། དད་དང་ཤེས་རབ་སྟེན་བྱེད་པ།། དེ་དག་དེ་ཡི་ནོར་མཆོག་སྟེ།། དེ་ཡི་ནོར་གཞན་ཕལ་པར་ཟད།། འཕགས་པ་བལྟ ་བར་འདོད་པ་དང་། ། དམ་ཆོས་ཉན་པར་དགའ་བ་དང་།། སེར་སྣའི་དྲི་མ་རྣམ་སྤངས་པ།། དེ་ནི་དད་པ་ཅན་ཞེས་བྱ།། དད་པའི་ལམ་བརྒྱགས་བསྐུར་བར་བྱ།། བསོད་ནམས་ཆོམ་པོས་དབྲོག་མི་ནུས།། ཆོས ་ཏན་འཕྲོག་པར་བྱེད་པ་བཟློག། དགེ་སྦྱོང་རྣམས་ཀྱིས་བླངས་ནས་དགའ།། མཁས་པ་དགེ་སྦྱོང་འོངས་པ་ལ།། མངོན་པར་དགའ་བར་བྱེད་འགྱུར་ཞིང་།། སྐྱེ་བོ་རྣམས་ནི་ཅི་རིགས་པར།། དད་པ་ཇི་བཞིན་སྦྱིན ་བྱེད་ཅིང་། ། གཞན་གྱི་ཟས་དང་སྐོམ་དེ་ལ།། གང་ཞིག་ཡིད་ནི་མི་བདེག། དེས་ནི་ཉིན་དང་མཚན་རྣམས་སུ།། ཏིང་འཛིན་ཐོབ་པར་མི་འགྱུར་རོ།། གང་གིས་ཏ་ལའི་མགོ་བཅད་ལྟ ་དེ་འདྲ་ཀུན་ཏུ་གཅོད་བྱེད་པ། ། དེས་ནི་ཉིན་དང་མཚན་རྣམས་སུ།། ཏིང་ངེ་འཛིན་དག་ཐོབ་པར་འགྱུར།། ཁྲོན་པ་སྐམ་པོ་ཇི་ལྟ་བར།། དད་པ་མེད་པ་བསྟེན་མི་བྱ།། ཅི་སྟེ་དེ་ལ་ཡོངས་བརྐོས་ཀྱང་།། འདམ ་ཆུ་དྲིང་འབྱུང་བར་འགྱུར། ། ཆུ་མང་རྣམ་པར་དང་བ་དང་།། བསིལ་བར་གྱུར་ཅིང་རྙོག་མེད་པའི།། མཚོ་ལ་ཆུ་འདོད་ཇི་ལྟ་བར།། ཤེས་རབ་ཅན་གྱིས་དང་ལྡན་བསྟེན།། ཆགས་སམ་མ་ཆགས་ཀྱང་རུང་སྟེ།། ་དེ་ཡིས་རྔུབ་སྐུ་མི་ངེས་པས།། མ་དད་པ་དག་སྤང་བར་བྱ།། དད་པ་རྣམས་ནི་ཉེ་བར་བསྟེན་དང་པའི་ཚོམས་ཏེ་བཅུ་པའོ།། ། སྡོམ་ལ། མི་རྟག་འདོད་དང་སྲེད་པ་དང་།། བག་ཡོད་དེ ་བཞིན་དགའ་བ་དང་། ། ཚུལ་ཁྲིམས་ལེགས་སྤྱོད་ཚིག་དག་དང་།། ལས་དང་དད་པ་དེ་དག་བཅུ།། བྲམ་ཟེས་འདོད་པ་རབ་སྤང་ཞིང་།། བརྩོན་འགྲུས་ཀྱིས་ནི་རྒྱུན་ཆོད་ཅིག། འདོད་པ་རབ་ཏུ་མ་སྤངས ་པར། ། ཐུབ་པ་གཅིག་གིས་མ་ཐོབ་བོ།། ཀུན་ཏུ་རྒྱུ་བཞན་པ་དང་།། ཉོན་མོངས་ཕྱིར་ཡང་ཀུན་སོགས་པས།། བརྩོན་འགྲུས་བརྟན་པོ་ཁོ་ན་ཡིས།། བྱ་བ་དེ་ཉིད་བྱེད་ལ་རག། ཞན་པའི་ལས་ནི་ཇི་སྐད ་དང་། ། ཀུན་ནས་ཉོན་མོངས་དཀའ་ཐུབ་དང་། ཚངས་སྤྱོད་ཡོངས་སུ་མ་དག་སྟེ།། དོན་ཆེན་འགྱུར་སྙམ་མ་བྱེད་དོ།། ཇི་ལྟར་ཡང་འནི་གཟུང་ཉེས་པས།། ལག་པཚོད་པར་འགྱུར་བ་ལྟར།། དགེ་སློང ་བསྲུང་བ་བྱ་ཉེས་དང་། ། དམྱལ་བར་ཉེ་བར་ཁྲིད་པར་བྱེད།། ཇི་ལྟར་མདའ་ནི་གཟུང་ལེགས་པས།། ལག་པ་ཆོད་པར་མི་འགྱུར་ལྟར།། དགེ་སྦྱོང་བསྲུང་བ་བྱ་ལེགས་ན།། མྱ་ངན་འདས་པར་ཉེ་བར་འདྲེན ་དགེ་སྦྱོང་རྣམ་པར་མ་ཤེས་དང་། ། རྒལ་བར་དཀའ་དང་བཟོད་དཀའ་དང་།། གང་དག་ཞན་པ་འགྱོད་འགྱུར་བའི།། སྡུག་བསྔལ་མང་པོ་དེ་དག་འབྱུང་།། ཡང་དང་ཡང་དུ་འགྱོད་པ་ཡིས།། ཀུན་རྟོག་དབང། ་དུ་འགྲོ་བ་ཡི།། སེམས་ནི་བཟློག་པར་མ་བྱས་པར།། དགེ་སྦྱོང་སྤྱོད་པ་ཇི་ལྟར་བྱ།། ཉེས་པར་རབ་བྱུང་ཉེས་དགའ་བ།། ཁྱིམ་འདུག་ཉེས་རྩོམ་བྱེད་པ་དག། སྡུག་བསྔལ་མཉམ་མེད་སྟེན་པ་དག། ་ཡང་སྲིད་སྡུག་བསྔལ་སོགས་པར་ཟད།། ཚེམ་བུ་ངུར་སྨྲིག་གྱོན་པ་དག། ཕལ་ཆེར་ཡང་དག་མི་སྡོམ་ཞིང་།། སྡིག་པའི་ཆོས་ཅན་སྡིག་ལ་དགའ།། སྡིག་ཅན་དེ་དག་ངན་འགྲོར་འགྲོ།། སཱ་ལའི་ཤིང ་པ་འཁྲི་ཤིང་ལྟར། ། གང་ཞིག་ཤིན་ཏུ་ཁྲིམས་འཆལ་ཏེ།། ཇི་ལྟར་རང་ལ་དགྲ་བཞིན་ནོ།། དེ་ནི་དེ་ལྟར་བྱེད་པར་འདོད།། མགོ་བོ་སྐྱ་བོར་གྱུར་བར་དུ།། ད་དུང་རྒན་རབས་མ་ཆུང་པ།། དེ་ནི་ལང་ཚེ་ག་ཏུ ་པ་སྟེ། ། དེ་ནི་རྒན་བླུན་ཞེས་བྱའོ།། གང་ཞིག་དགེ་དང་སྡིག་པ་དག། སྤངས་ཤིང་ཚངས་པར་སྤྱོད་པ་དང་།། སྡེ་ཚོགས་སྤངས་ནས་སྤྱོད་བྱེད་པ།། དེ་ནི་རྒན་རབས་ཞེས་བྱའོ།། བརྟུལ་ཞུགས་མེད་ཅིང ་རྫུན་སྨྲ་ན། ། མགོ་བོ་བྲེགས་ཙམ་དགེ་སྦྱོང་མིན།། རྨོངས་པ་འདོད་ལ་ཞུགས་པ་དག། ཇིག་དགེ་སྦྱོང་ཡིན་ནམ་གེ། བརྟུལ་ཞུགས་མེད་ཅིང་བརྫུན་སྨྲ་ན།། མགོ་བོ་བྲེགས་ཙམ་དགེ་སྦྱོང་མིན།། གང་ཞིག ་སྡིག་པའི་མྱུར་། ། མཁས་པ་དགེ་སྦྱོང་ཡིན་པར་ཤེས།། བརྟུལ་ཞུགས་མེད་ཅིང་བརྫུ་སྦྲན།། མགོ་བ་ཐེགས་ཙམ་ངན་སྤྱོང་མིན། གང་དག་སྡིག་པ་ཆེ་ཟ་བ། ཀུན་ལ་བཏགས་ནས ་བྱེད་པ་དང་། ། སྡིག་པ་ཞི་བ་དེ་དག་ནི།། དགེ་སྦྱོང་ཉིད་ཅེས་བརྗོད་པར་བྱ།། སྡིག་པ་སྤངས་པ་བྲམ་ཟེ་སྟེ།། ཞི་བར་འདོད་པ་དགེ་སྦྱོང་ཡིན།། བདག་གི་དྲི་མ་རབ་སྤངས་པ།། དེས་ནཱ་རབ་ཏུ་བྱུང་ཞེས་བརྗོད། ་དགེ་སྦྱོང་གི་ཚེམས་ཏེ་བཅུ་གཅིག་པའོ།། ། གང་ཚེ་འཕགས་པའི་བདེན་པ་བཞི།། ཤེས་རབ་ཀྱིས་ནི་མཐོང་བ་དང་།། ལམ་འདི་རབ་ཏུ་ཤེས་པ་ཡིས།། སྲིད་པའི་སྲེད་པ་རབ་ཏུ ་འདྲལ། ། དཔེར་ན་རླུང་གིས་རྡུལ་བསླང་བ།། ཆར་པ་བབ་པས་ཞི་བྱེད་ལྔར།། གང་ཚེ་ཤེས་རབ་ཀྱིས་མཐོང་བ།། དེ་ཚེ་ཀུན་རྟོག་ཞི་བར་འགྱུར།། གང་ཞིག་ལེགས་པར་རྟོགས་པ་ཡིས།། སྐྱེ་ཤི་ལེགས་པར ་རང་འགྱུར་ཞིང་། ། འཇིག་རྟེ་ངེས་འབྱེད་འགྱུར་བ་ཡི།། ཤེས་རབ་དེ་ནི་གཙོ་བོ་ཡིན།། བདེན་པའི་ནང་ན་བདེན་པ་ཞི་དང་།། ལམ་ནང་ཡན་ལག་བརྒྱད་པ་མཆོག། རྐང་གཉིས་ནང་ན་མིག་ཅན་དང་།། ཆོས་ཀྱི་ནང ་ན་ཆགས་བྲལ་མཆོག། འདུ་བྱེད་ཐམས་ཅད་མི་རྟག་པར།། གང་ཆེ་ཤེས་རབ་ཀྱིས་མཐོང་བ།། དེ་ཚེ་སྡུག་བསྔལ་ལས་ཡིད་འབྱུང་།། ལམ་འདི་རྣམ་པར་དག་པར་འགྱུར།། འདུ་བྱེད་ཐམས་ཅད་སྡུག་བསྔལ ་ར། ། གང་ཆེ་ཤེས་རབ་ཀྱིས་མཐོང་བ།། དེ་རེ་སྡུག་བསྔལ་ལས་ཡིད་འབྱུང་།། ལམ་འདི་རྣམ་པར་དག་པར་འགྱུར།། འདུ་བྱེད་ཐམས་ཅད་སྟོང་ཉིད་དུ།། གང་ཆེ་ཤེས་རབ་ཀྱིས་མཐོང་བ།། དེ་ཅི་སྡུག་བསྔལ ་ཡིད་འབྱུང་། ། ལམ་འདི་རྣམ་པར་དག་པར་འགྱུར།། འདུ་བྱེད་ཐམས་ཅད་བདག་མེད་པར།། གང་ཆེ་ཤེས་རབ་ཀྱིས་མཐོང་བ།། དེ་ཚེ་སྡུག་བསྔལ་ལས་ཡིད་འབྱུང་།། ལམ་འདི་རྣམ་པར་དག་པར་འགྱུར། སྲེ ་པའི་ཟུག་རྔུ་གཅོད་བྱེད་ལམ། ། ངས་ནི་ཁྱེད་ཅག་རྣམས་ལ་བསྟན།། དེ་བཞིན་གཤེགས་པ་སྟོན་པ་སྟེ།། ཁྱེད་ཅག་རྣམས་ཀྱིས་བྱ་དགོས་སོ།། སྲེད་པའི་ཟུག་རྔུ་སེལ་བའི་ལམ།། ངས་ནི་ཁྱེད་ཅག་རྣམས་ལ ་བསྟན། ། དེ་བཞིན་གཤེགས་པ་སྟོན་པ་སྟེ།། ཁྱེད་ཅག་རྣམས་ཀྱིས་བྱ་དགོས་སོ།། ལྟ་བ་རྣམ་པར་དག་བྱེད་པ།། ལམ་འདི་མ་གཏོགས་གཞན་མེད་པས།། ཏིང་ངེ་འཛིན་ལ་རབ་ཞུགས་ཏེ།། བདུད་ཀྱི་འཆིང ་བ་སྤང་བར་གྱིས། ། འདི་ནི་དྲན་ལམ་འདི་ནི་ཕ་རོལ་གནོན།། མཚོ་ལ་ངང་པའི་སྲང་ལྟར་བགྲོད་པ་གཅིག། ཤཱཀྱ་ཐུབ་པས་མཉམ་གཞག་གང་རྟོགས་ནས།། ཚོགས་ལ་ཡང་དང་ཡང་དུ་བཤད་པ་འདི།། སྐྱེ་ཤི ་མཐའ་རྟོགས་ཕན་མཛད་ཐུགས་བརྩེ་བས། ། བགྲོད་པ་གཅིག་ལམ་རབ་ཏུ་བསྟན་མཛད་པའི།། ལམ་འདིས་ཆུ་བོ་རྣམས་ལས་སྔོན་རྒལ་ཞིང་།། དེ་བཞིན་རྒལ་བར་འགྱུར་ཞིང་རྒལ་བར་མཛད།། ཤིན་ཏུ་མཐར་གཏུམ ་གདུལ་བྱ་དག་བྱ་དང་། ། འཁོར་བའི་སྐྱེ་ཤི་ཟད་པར་བྱ་བ་དང་།། ཁམས་རྣམས་དུ་མ་སོ་སོར་རྟོག་བྱའི་ཕྱིར།། སྤྱན་དང་ལྡན་པས་ལམ་འདི་རབ་ཏུ་བསྟན།། ཇི་ལྟར་ཆུ་ཀླུང་གངྒཱའི་ཆུ་རྒྱུན་ཞུགས།། རྒྱ་མཚོའི་ནིང ་དུ་འབབ་པར་འགྱུར་བ་ལྟར། ། དེ་བཞིན་ཤེས་རབ་ཡངས་པས་བསྟན་པའི་ལམ།། འདི་ནི་འཆི་མེད་ཐོབ་པར་བྱ་ཕྱིར་འཇུག། གང་ཞིག་འབྱུང་པོ་ཀུན་ལ་ཐུགས་བརྩེ་བས།། སྔོན་ཆད་མ་ཐོས་ཆོས་ཀྱི་འཁོར་ལོ། ་ད།། མ་ས་ན། ས། ། ས་ས་། ་ཡང་རྣམ་པར་སྣ།། ནས་རྡུས་ཡངས་ཅར་གྱིས་མནན་པ་ལྔ།། དེ་ནས་རྟོག་དང་པྱོད་པའི་བ་བྱ།། དེ་ནས་སེམས་ས་རྣམ་ཆོས་ཅེར་ཞིགསས།། ཐ་མེང་བྱང་ཆུབ་བད་ལ་རིག་པར་འགྱུར།། ཏིང་བཞིགསུས ་རྣམས་ལ་ཡངག་ཏ་ཅིང། ། འཛིན་པ་ལས་སྐྱེས་ཆད་མེད་པ་རྣམ་པར་བྱ།། རྔན་ལྡན་མཁས་པས་མདུད་པནི་ཞིང་།། བསུམ་པོ་རྣམས་ཀྱིས་གནས་གསུམ་ར་། ཤེས་རབ་ས་ཚོན་དང ་འགྲུས་སྟོབས་དང་ལྡན། ། དྲན་མཉམ་གཞག་ཏིང་འཛིན་ལ་དགའ་བས།། འཇིག་རྟེན་སྐྱེ་དང་འཇིག་པར་རྟོགས་ནས་ནི།། ཀུན་ལས་རབ་ཏུ་རྣམ་གྲོས་དེ་རིག་ཡིན།། འཇིག་རྟེནམ་པའ་ས་ལེགས་པར་རྣགས ་གྱུར་ནས། ། འཇིག་རྟེནམ་པར་མིན་པ་རོལ་བྱིན་ཅེས་བརྗོད།། གང་གིས་ནི་པ་འཕགས་ལམ་ཡན་ལག་བརྒྱད།། ལམ་སྲང་བསྐམས་པ་དེས་ནི་འདུད་ཅི་རྙེད།། དེ་ལྟར་སྤྱོད་པས་པ་དེ་འདོད་བདེ་བ་འཇོག། སྨན ་འཐིབ་ཅིང་ཐུགས་པ་ཕེལ་པར་འགྱུར། ། ལམ་གྱི་ཆོམས་ཏེ་བཅུ་གཉིས་པའོ།། ཆེད་དུ་བརྗོད་པ་ཚསབས་པོ་གཉིས་པ། དྲིམམ ་གི་མང་ལ་གྱིས་དང་། ། འདས་བུ་སྨིག་མ་འབྲས་བུས་དང་།། མུ་ཤིང་འབྲས་བུས་ཕུང་བལྟར། བོ་བ་ཤལ་བཀུར་གྱིས་སུང་བར་འགྱུར།། ཇི་མི་རྫུན་པོ་མཚད་བྱས་པ།། དེསྲི་རང་ཏུ་བདག་པར་འགྲུམ ་པའི་དཀར་པོའི་ཆ་འགྲིབ་ཅིང་། ། དེ་ཡི་སྤྱི་བོའང་ངེས་པར་ཉམས།། ངན་པ་རྙེད་པ་འདོད་པ་དང་།། དགེ་སློང་འཁོར་ནི་འདོད་པ་དང་།། གནས་ལ་སེར་སྣ་བྱེད་པ་དང་།། རིགས་གཞན་དག་གིས་མཆོད་པ་དང་།། རབ་ཏུ ་བྱུང་དང་ཁྱིམ་པ་དག། གང་ཡང་རུང་བས་བདག་འཕྲིགས་ཏེ།། བྱ་བ་བྱས་རུང་མ་བྱས་རུང་།། བདག་དབང་གྱུར་ན་རེ་སྟེ་ས་ཞེས།། དེ་ལྟར་བྱིས་པ་ཀུན་རྟོགས་ན།། སེམས་ལ་འདོད་ཆེན་འཕེལ་བར་འགྱུར།། རྙེད་པའི། ་ཐབས་ནི་གཞན་ཡིན་ལ།། མྱ་ངན་འདས་འགྲོའི་གཞན་ཡིན་ཞེས།། དེ་ལྟར་ཅི་རིགས་ཤེས་ནས་སུ།། བཀུར་སྟི་དག་ལ་མི་དགའ་ཞིང་།། དབེན་པ་རིམ་གྱིས་འཕེལ་བྱེད་པའི།། དགེ་སློང་སངས་རྒྱས་ཉན་ཐོས་ཡིན།། ་ཐམས་ཅད་ལ་ནི་མི་སྩོལ་ཞིང་།། མི་ཡིས་འཕྲིགས་པར་མ་གྱུར་དང་།། འཚེ་བ་གཞན་ལ་མི་བརྟེན་ཅིང་།། ཆོས་ལ་ཚོང་པ་བཞིན་མི་སྤྱད།། རང་གི་རྙེད་པ་བླང་བྱ་ཞིང་།། གཞན་གྱི་ལ་ནི་འདོད་མི་སྐྱེད།། དགེ་སློང ་གཞན་གྱི་འདོད་བྱེད་པས། ། ཏིང་འཛིན་ཐོབ་པར་མི་འགྱུར་རོ།། གལ་ཏེ་བདེ་བར་འཚོ་འདོད་ཅིང་།། དགེ་སྦྱོང་འདི་ལ་ལྟ་འདོད་ན།། དགེ་འདུན་གྱི་ནི་ཆོས་གོས་དང་།། བཟའ་བཏུང་བྱིན་པར་གྱུར་ན་བླང་།། གལ་ཏེ་བདེ ་བར་འཚོ་འདོད་ཅིང་། ། དགེ་སྦྱོང་འདི་ལ་ལྟ་འདོད་ན།། བྱི་བའི་ཁུང་ནས་སྤྲུལ་ལྟ་བུར།། གནས་མལ་དག་ལ་བསྟན་པར་གྱིས།། གལ་ཏེ་བདེ་བར་འཚེ་འདོད་ཅིང་།། དགེ་སྦྱོང་འདི་ལ་ལྟ་འདོད་ན།། ངན་ངོན་ཙམ་གྱིས ་ཆོག་ཤེས་ཤིང་། ། ཆོས་གཅིག་པོ་ཡང་བསྒོམ་པར་བྱ།། གལ་ཏེ་མང་པོ་མི་ཤེས་ཤིང་།། ཚུལ་ཁྲིམས་ལེགས་པར་མཉམ་བཞག་ན།། དེ་ཤེས་པ་དག་འཚོ་དག་ཅིང་།། སྙོམས་ལས་མེད་ཅེས་སྟོང་པར་བྱེད།། ་གལ་ཏེ་འཆི་བདག་ཉམས་བྱེད་པའི།། ཟག་མེད་རིག་པ་གསུམ་ལྡན་ན།། བླུན་མོས་ཅི་ཡང་མི་ཤེས་ཞེས།། བསམས་ནས་དེ་ལ་འདྲ་ཡང་ཐ།། གང་ཟག་སྡིག་པའི་ཆོས་ཅན་ལ། ་གལ་ཏེ་བཟའ་དང་བཏུང་བ་ཡི།། རྙེད་པ་དག་དང་ལྡན་གྱུར་ན།། དེ་ལ་དེ་དག་མཆོད་པ་བྱེད།། མགོ་བྲེགས་ངུར་སྨྲིག་གྱོན་པ་ཡི།། བཟའ་བ་དང་ནི་བཏུང་བ་དང་།། གོས་དང་མལ་ཆ་རྙེད་པ་ལྟར།། དགྲ་བྱེད་མང ་བ་ཁོ་ནར་ཟད། ། དེ་ལྟར་བཀུར་སྟི་འཇིག་ཆེན་གྱི།། སྐྱོན་རྣམས་ཁོང་དུ་ཆུད་བྱས་ནས།། འཕྲིགས་ཉུང་སེམས་ཁྲལ་བསྐྱུངས་ནས་སུ།། དྲན་ལྡན་དགེ་སློང་ཀུན་ཏུ་རྒྱུས།། ཁམ་གྱི་ཟས་ཀྱིས་སེམས་ཞིར་མི ་འགྱུར་ཡང་། ། འཚེ་བ་འདི་ཕྱིར་མི་བཟའ་མི་བྱ་སྟེ།། ཁ་ཟས་ཀྱིས་ནི་ལུས་དག་གནས་འགྱུར་བ།། དེ་ལྟར་རྟོགས་ལ་བསོད་སྙོམས་དག་ལ་རྒྱུས།། རིགས་ཀྱིས་ཕྱག་བྱས་མཆོད་པ་གང་ཡིན་འདི།། ཟུག་རྔུ ་མོ་དབྱུང་བར་དཀའ་བ་སྟེ། ། མི་ཡིས་བཟོད་དཀའ་བཀུར་སྟི་གང་ཡིན་འདི།། འདམ་དང་འདྲ་བར་རབ་ཏུ་རྟོགས་པར་གྱིས།། བཀུར་སྟིའི་ཆོམས་ཏེ་བཅུ་གསུམ་པའོ།། སྡིག་པའི་ལས ་ནིམི་བྱེད་པ། ། འཁུ་བྱ་མིན་ལ་གང་འཁུ་བ།། འཇིག་རྟེན་འདི་དང་ཕ་རོལ་དུ།། དེ་ཉིད་སྡིག་པ་རྣམས་ཀྱིས་གོས།། དང་པོར་བདག་ནི་ཕུང་བྱེད་ཅིང་།། ཕྱི་ནས་གཞན་ཡང་ཕུང་བྱེད་པ།། ཁྲ་ཡིས་གཟན ་མའི་བྱ་ལྟ་བུར། ། ཕུང་ཞིང་གཞན་ཡང་ཕུང་བར་བྱེད།། རྡེག་པར་བྱེད་པས་རྡེག་པ་འཐོབ།། ཁོན་དུ་འཛིན་པས་ཁོན་ཅན་མཐོང་།། དེ་བཞིན་གཤེ་བས་གཤེ་བ་སྟེ།། ཁྲོ་བར་བྱེད་ལ་ཁྲོ་བ་འཐུང་།། འདི་གཞན ་དགེ་སྦྱོང་བྱིས་པ་སྟེ། ། དམ་པའི་ཆོས་ལ་མི་མཁས་པ།། ཡོངས་སུ་ཚེ་ཟུང་འདི་ལ་ཡང་།། གྱི་ནའི་ཕྱིར་ནི་ཁོན་པར་བྱེད།། འདི་ནི་མཆོག་ཅེས་བསམས་ནས་སུ།། སོ་སོར་སྨྲ་ཞིང་འཐུན་འཇུག་པས།། འདི་ན ་དགེ་འདུན་འབྱེད་པའི་ཚེ། ། ཅི་ཕྱིར་སྟོབས་མེད་སེམས་མི་བྱེད།། རུས་པ་གཅོག་ཅིང་སྲོག་གཅོད་ལ།། རྟ་ཕྱུགས་ནོར་ནི་འཕྲོག་པ་དང་།། ཡུལ་འཁོར་འཇོམས་པར་བྱེད་པ་ཡང་།། ཕྱི་ནས་མཇལ་དུམ་བྱེད ་པ་ལྟར། ། མཁས་པས་བརྟགས་ཤིང་གསུངས་པའི་ཚིག། སྤྱོད་ཡུལ་སྟོན་པར་བྱེད་པ་ཡི།། ཆོས་འདི་རྣམ་པར་ཤེས་ན་གོ། ཁྱེད་ཅག་ཅིའི་ཕྱིར་བྱེད་མི་འགྱུར།། ཁྱོད་ནི་མི་མཁས་ལུགས་ཅན་ཏེ།། ་ཁ་བྱ་ཡིས་ནི་རྩོལ་བྱེད་པ།། ཕ་རོལ་པོ་དག་མི་ཤེས་པས།། བདག་ནི་འདི་ལ་བརྩོན་པར་བྱེད།། འདི་ན་མཁས་པ་གང་ཡིན་པ།། དེ་དག་གཞམས་པའི་ཚིག་གིས་ནི།། བདག་ལ་ཁ་ཟེར་བདག་ལ་གཤེ།། ་བདག་ཕ་མ་བདག་ཕ་མ་བྱེད་པའོ་ཞེས།། འདི་གང་སེམས་ལ་འཛིན་བྱེད་པ།། དེ་ཡི་ཁོ་ན་ནི་ཞི་མི་འགྱུར།། བདག་ལ་ཁ་ཟེར་བདག་ལ་གཤེ།། བདག་ཕ་མ་བདག་ཕམ་བྱེད་པའོ་ཞེས།། འདི་གང་སེམས ་ལ་མི་འཛིན་པ། ། དེ་ཡི་ཁོན་མི་ཞི་བར་འགྱུར།། འདི་ན་ཁོན་གྱི་ཁོན་ཅན་དག། ནམ་ཡང་ཞི་བར་འགྱུར་བ་མེད།། བཟོད་པས་ཁོན་ནི་ཞི་འགྱུར་བ།། འདི་ནི་ཆོས་ཀྱི་རང་བཞིན་ཡིན།། ཁོན་གྱིས་ཁོན་ཅན ་ནམ་ཡང་ཞི་མི་འགྱུར། ། ཁོན་མེད་རྣམས་ཀྱིས་ཁོན་ནི་ཞི་བར་བྱེད།། ཤ་ཁོན་ཞུགས་པ་ལུས་ཅན་ལ་གནོད་པས།། དེ་ཕྱིར་མཁས་པས་ལོན་པར་མི་བྱའོ།། བརྟན་པ་ལེགས་གནས་ལྷན་ཅིག་སྤུང་པ ་ཡི། ། གྲོགས་པོ་མཁས་པ་གལ་ཏེ་རྙེད་ན་ནི།། ཉོན་མོངས་ཐམས་ཅད་མངོན་པར་ཟིལ་མནན་ནས།། དྲན་ལྡན་དགའ་བའི་ཡིད་ཀྱིས་དེ་དང་སྤྱད།། བརྟན་པ་ལེགས་གནས་ལྷན་ཅིག ་སྤྱད་པ་ཡི། ། གྲོགས་པོ་མཁས་པ་གལ་ཏེ་མ་རྙེད་ན།། ཡུལ་འཁོར་ཡངས་པ་སྤངས་པའི་རྒྱལ་པོ་ལྟར།། གཅིག་པུས་སྤྱད་བྱ་སྡིག་པ་མི་བྱའོ།། བདག་དང་འཐུན་པར་སྤྱོད་པ་ཡི།། གྲོགས་བཟང་རྙེད ་པར་མ་གྱུར་ན། ། བྱིས་པ་གྲོགས་སུ་མི་འགྱུར་བས།། གཅིག་པུས་སྤྱོད་པ་བརྟན་པར་བྱ།། བྱིས་པ་གྲོགས་སུ་མི་འགྱུར་བས།། གཅིག་པུ་སྤྱོད་པས་བྱེད་བླ་བས།། མོ་ཏང་དགོན་པའི་གླང་པོ་ལྟར། ་སེམས་ཁྲལ་བསྐྱངས་ཏེ་གཅིག་པུ་སྤྱད།། འཁུ་བའི་ཚོམས་ཏེ་བཅུ་བཞི་པའོ།། ། སངས་རྒྱས་ཀྱིས་ནི་བསྟན་པ་བཞིན།། གང་ཞིག་དབུགས་དབྱུང་བརྔུབ་དྲན་པ།། ཡོངས་སུ་རྫོག ་བས་ལེགས་བསྒོམས་པས། ། རིམ་གྱིས་ཡོངས་སུ་བྱང་གྱུར་ཏེ།། སྤྲིན་བྲལ་ཉི་མ་ཟླ་བ་ལྟར།། འཇིག་རྟེན་འདིར་ཀུན་ནས་གསལ།། འགྲེང་དང་འདུག་དང་དེ་བཞིན་ཉལ་བ་དང་།། ལུས་དང་དེ་བཞིན ་སེམས་ནི་འཇོག་བྱེད་ཅིང་། ། དགེ་སློང་དྲན་པ་དེ་ལོགས་འཇོག་པ་ན།། སྔ་ཕྱིའི་ཁྱད་པར་རྣམས་ནི་འཐོབ་པར་འགྱུར།། སྔ་ཕྱིའི་ཁྱད་པར་རྣམས་ནི་ཐོབ་གྱུར་ནས།། འཆི་བདག་རྒྱལ་པོས་བལྟར་ཡང ་མེད་པར་འགྲོ། ། ལུས་གཏོགས་དྲན་པ་ཉེ་བར་བཞག་ནས་སུ།། རེག་པའི་སྐྱེ་མཆེད་དྲུག་ནི་བསྡམས་བྱས་ཏེ།། གང་ཞིག་རྟག་ཏུ་མཉམ་པར་འཇོག་བྱེད་པ།། དེ་བདག་ཉིད་ཀྱིས་མྱ་ངན་འདས་པ་རྟོགས།། ་གང་ཞིག་རྟག་ཏུ་རྣམ་པ་ཐམས་ཅད་དུ།། ལུས་གཏོགས་དྲན་པ་ཉེ་བར་འཇོག་བྱེད་པ།། བདག་ཉིད་མེད་ཅིང་བདག་གིར་འཛིན་པ་མེད།། བདག་ཏུ་མི་འགྱུར་བ་དག་གིར་འཛིན་མི་འགྱུར།། དེ་ལྟར་དགེ་སློང ་མཉམ་འཇོག་མྱུར་དུ་ནི། ། ཡུལ་ལ་སྲེད་པ་དག་ལས་རྒལ་བར་འགྱུར།། གང་ཞིག་དྲན་དང་ཤེས་བཞིན་མཉམ་འཇོག་དང་།། དགའ་དང་རབ་ཏུ་དང་བས་དུས་དུས་སུ།། ཆོས་འདི་ལ་སྤྱོད་མེལ་ཚེ་བྱེད་པ་དེ།། ་སྐྱེ་རྒ་རྣམས་ལས་རྒལ་བར་འགྱུར་ཞེས་གསུངས།། དེ་ལྟར་རྟག་ཏུ་མེལ་ཚེ་བྱེད་སྟེན་ཅིང་།། དགེ་སློང་མཁས་པ་དྲན་ལྡན་བརྩོན་པ་ཡིས།། སྐྱེ་རྒའི་ཀུན་ཏུ་སྦྱོར་བ་སྤངས་ནས་སུ།། དེས་ནི་འདི་ལས་མྱ་ངན་འདྲ ་པ་འཐོབ། ། གཉིད་ལོག་དེ་དག་སང་བྱེད་པའི།། མེལ་ཚེ་བདག་ལ་ཁྱོད་ཉོན་ཅིག། ཉལ་བས་མེལ་ཚེ་བྱེད་བླ་སྟེ།། མེལ་ཚེ་བྱེད་ལ་འཇིགས་པ་མེད།། མེ་ལ་ཚེ་བྱེད་པར་བརྩོན་པ་དང་།། ཉིན་མཚན་རྗེས་སུ ་སློབ་བྱེད་ཅིང་། ། འཆི་བ་མེད་ལ་ལྷག་མོས་པའི།། ཟག་པ་རྣམས་ནི་ཟད་པར་འགྱུར།། གང་ཞིག་ཉིན་དང་མཚན་རྣམས་སུ།། སངས་རྒྱས་རྗེས་སུ་དྲན་བྱེད་ཅིང་།། གང་དག་སངས་རྒྱས་སྐྱབས་སོང ་བ། ། དེ་དག་མི་ཡི་རྙེད་པ་ཡིན།། གང་ཞིག་ཉིན་དང་མཚན་རྣམས་སུ།། ཆོས་རྣམས་རྗེས་སུ་དྲན་བྱེད་ཅིང་།། གང་དག་ཆོས་ལ་སྐྱབས་སོང་བ།། དེ་དག་མི་ཡི་རྙེད་པ་ཡིན།། གང་ཞིག་ཉིན་དང་མཚན ་རྣམས་སུ། ། དགེ་འདུན་རྗེས་སུ་དྲན་བྱེད་ཅིང་།། གང་དག་དགེ་འདུན་སྐྱབས་སོང་བ།། དེ་དག་མི་ཡིས་རྙེད་པ་ཡིན།། གང་ཞིག་ཉིན་དང་མཚན་རྣམས་སུ།། སངས་རྒྱས་རྗེས་སུ་དྲན་བྱེད་པ།། གོའུ ་ཏ་མ་ཡི་ཉན་ཐོས་དེ། ། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན་རྣམས་སུ།། ཆོས་རྣམས་རྗེས་སུ་དྲན་བྱེད་པ།། གོའུ་ཏ་མ་ཡི་ཉན་ཐོས་དེ།། ལེགས ་པར་སད་པས་སད་པར་འགྱུར། ། གང་ཞིག་ཉིན་དང་མཚན་རྣམས་སུ།། དགེ་འདུན་རྗེས་སུ་དྲན་བྱེད་པ།། གོའུ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན ་རྣམས་སུ། ། ཚུལ་ཁྲིམས་རྗེས་སུ་ངན་བྱེད་པ།། གོའུ་ཏ་མ་ཡ་ཉ་ན་ཐོས་དེ།། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན་རྣམས་སུ།། གཏོང་བ་རྗེས་སུ་དྲན་བྱེད་པ།། གོའུ་ཏ ་མ་ཡི་ཉན་ཐོ་དེ། ། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན་རྣམས་སུ།། ལྷ་ནི་རྗེས་སུ་དྲན་བྱེད་པ།། གོའུ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། ་གང་ཞིག་ཉིན་དང་མཚན་རྣམས་སུ།། རྟག་ཏུ་ལུས་གཏོགས་དྲན་བྱེད་པ།། གོའུ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན་རྣམས་སུ།། རྟག་ཏུ ་། ཏིང་འཛིན་པ་ནི་དྲན་པ།། གོའུ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན་རྣམས་སུ།། འཚེ་བ་མེད་ལ་ཡིད་དགའ་བ།། གོའུ་ཏ་མ་ཡི་ཉན་ཐོས་དེ།། ལེགས ་པར་སད་པས་སད་པར་འགྱུར། ། གང་ཞིག་ཉིན་མཚན་རྣམས་སུ།། གནོད་སེམས་མེད་ལ་ཡིད་དགའ་བ།། གོའུ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན ་རྣམས་སུ། ། བསྒོམ་པ་ལ་ནི་ཡིད་དགའ་བ།། གོའུ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན་རྣམས་སུ།། སྟོང་པ་ཉིད་ལ་ཡིད་དགའ་བ།། གོའུ་ཏམ ་ཡི་ཉན་ཐོས་དེ། ། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན་རྣམས་སུ།། མཚན་མ་མེད་ལ་ཡིད་དགའ་བ།། གོའུ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། གང ་ཞིག་ཉིན་དང་མཚན་རྣམས་སུ། ། དབེན་པ་ལ་ནི་ཡིད་དགའ་བ།། གོའུ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན་རྣམས་སུ།། ངེས་པར་འབྱུང་ལ་ཡིད་དགའ ་བ། ། གོའུ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། གང་ཞིག་ཉིན་དང་མཚན་རྣམས་སུ།། ཅི་ཡང་མེད་ལ་ཡིད་དགའ་བ།། གོའུ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར ་འགྱུར། ། གང་ཞིག་ཉིན་དང་མཚན་རྣམས་སུ།། མྱ་ངན་འདས་ལ་ཡིད་དགའ་བ།། གོའུ་ཏ་མ་ཡི་ཉན་ཐོས་དེ།། ལེགས་པར་སད་པས་སད་པར་འགྱུར།། དྲན་པའི་ཚེམས་ཏེ་བཅོ་ལྔ་པའོ།། ། ་། བདག་གི་བྱ་བ་བྱ་བའི་དུས་གཡོ་བས།། དང་པོ་ཁོ་ནར་བྱ་བའི་མེལ་ཚེ་གྱིས།། བདག་གིས་དང་པོར་དེ་ལྟར་བྱས་ན་ནི།། བྱ་བ་བྱ་བའི་དུས་ལྟར་ཟད་འདོད་ཅིང་།། ཇི་ལྟར་འདོད་པ་དེ་བཞིན་འབྱོར་འགྱུར ་བས། ། དེ་ཡི་རང་བཞིན་ང་ཡིས་མཐོང་བས་ན།། ཇི་སྲིད་དོན་ནི་ཕུན་སུམ་ཚོགས་འགྱུར་བ།། དེ་སྲིད་བར་དུ་མི་ཡིས་བསྒྲིམ་པར་གྱིས།། བསྒྲིམ་ཞིང་བརྩོན་པར་བྱ་བ་ཡིས།། བདག་ཉིད་གླིང་དུ་འགྱུར་བར ་བྱ། ། མགར་བ་ཡིས་ནི་དངུལ་བཞིན་དུ།། རང་གི་དྲི་མ་སྤུང་བར་གྱིས།། དྲི་མ་སྦྱངས་པ་སྒྲོན་མི་འབྱུང་།། ཕྱི་ནས་སྐྱེ་དང་ན་མི་འཐོབ།། ངོ་ཚ་མིན་ལ་ངོ་ཚ་ཞིང་།། ངོ་ཚ་བ་ལ་ངོམ ་ཚ། ། མི་འཇིགས་པ་ལ་འཇིགས་ལྟ་དང་།། འཇིགས་ལ་མི་འཇིགས་ལྟ་བ་ཡི།། ལོག་པར་ལྟ་བ་བླངས་པ་ཡི།། སེམས་ཅན་ངན་འགྲོར་འགྲོ་བར་འགྱུར།། འདི་ན་གང་སྔོན་བག་མེད་ལས།། ཕྱི་ནས་བག ་དང་ལྡན་གྱུར་ཏེ། ། སྤྲིན་བྲལ་ཉི་མ་ཟླ་བ་ལྟར།། འཇིག་རྟེན་འདི་ནི་ཀུན་ནས་གསལ།། འདི་ན་གང་སྔོན་བག་མེད་ལས།། ཕྱི་ནས་བག་དང་ལྡན་འགྱུར་ཏེ།། འཇིག་རྟེན་འདི་ན་སྲེད་པ་ལས།། དྲན་པ་ལེགས་པར ་འདའ་བར་འགྱུར། ། གང་ཞིག་གཞོན་ནུར་རབ་བྱུང་ནས།། སངས་རྒྱས་བསྟན་ལ་འཇུག་པ་དེ།། སྤྲིན་བྲལ་ཉི་མ་ཟླ་བ་ལྟར།། འཇིག་རྟེན་འདི་ན་ཀུན་ནས་གསལ།། གང་ཞིག་གཞོན་ནུར་རབ་བྱུང་ནས།། ་སངས་རྒྱས་བསྟན་ལ་འཇུག་པ་དེ།། འཇིག་རྟེན་འདི་ན་སྲེད་པ་ལས།། དྲན་པས་ལེགས་པར་འདའ་བར་འགྱུར།། གང་ཞིག་སྡིག་པའི་ལས་བྱས་པ།། དགེ་བས་འགེབས་པར་བྱེད་པ་དེ།། སྤྲིན་བྲལ་ཉི་མ་བླ ་བ་ལྟར། ། འཇིག་རྟེན་འདི་ན་ཀུན་ནས་གསལ།། གང་ཞིག་སྡིག་པའི་ལས་བྱས་པ།། དགེ་བས་འགེབས་པར་བྱེད་པ་དེ།། འཇིག་རྟེན་འདི་ན་སྲེད་པ་ལས།། དྲན་པས་ལེགས་པར་འདའ་བར་འགྱུར།། གང ་ཞིག་གསོན་ལ་མི་དགའ་བ། ། དེ་ནི་ཤི་ནའང་མྱ་ངན་མེད།། བརྟན་པ་གོ་འཕང་མཐོང་བ་དེ།། མྱ་ངན་དབུས་ན་གདུང་མི་འགྱུར།། གང་ཞིག་གསོན་ལ་མི་དགའ་བ།། དེ་ནི་ཤི་ནའང་མྱ་ངན་མེད།། བརྟན་པ་གོ ་འཕང་མཐོང་བདེ། ། གཉེན་འདུན་དབུས་ན་ལམ་མེར་འདུག། དགེ་སློང་དཀར་པོ་བསྒོམ་གྱིས་ལ།། ནག་པོའི་ཆོས་ནི་རྣམ་པར་སྤོངས།། ཁྱིམ་ནས་ཁྱིམ་མེད་སོང་ནས་སུ།། སྤྱོད་ཡུལ་དབེན་པ་གང་ཡིན་པ།། ་དེ་ལ་མངོན་པར་དགའ་བསླབ་ཅིང་།། འདོད་པ་ཅི་ཡང་མེད་པར་སྤོངས།། རྟག་ཏུ་སྙིང་པོ་དག་པ་དང་།། རྟག་ཏུ་གསོ་སྦྱོང་དག་པ་དང་།། གཙང་མའི་ལས་ནི་དག་པ་དེའི།། བརྟུལ་ཞུགས་ཕུན་སུམ་ཚོགས་པར་འགྱུར།། ་ཞིང་གི་སྐྱོན་ནི་རྩཝ་ཡིན་ལྟར།། སྐྱེ་དགུ་འདི་ལ་འདོད་ཆགས་སྐྱོན།། དེ་བས་འདོད་ཆགས་བྲལ་རྣམས་ལ།། བྱིན་ན་འབྲས་བུ་ཆེན་པོར་འགྱུར།། ཞིང་གི་སྐྱོན་ནི་རྩཝ་ཡིན་ལྟར།། སྐྱེ་དགུ་འདི་ལ་ཞེ་སྡང་སྐྱོན།། དེ་བས ་ཞེ་སྡང་བྲལ་རྣམས་ལ། ། བྱིན་ན་འབྲས་བུ་ཆེན་པོར་འགྱུར།། ཞིང་གི་སྐྱོན་ནི་རྩཝ་ཡིན་ལྟར།། སྐྱེ་དགུ་འདི་ལ་གཏི་མུག་སྐྱོན།། དེ་བས་གཏི་མུག་བྲལ་རྣམས་ལ།། བྱིན་ན་འབྲས་བུ་ཆེན་པོར་འགྱུར།། ཞིང་གི་སྐྱོན་ནི ་རྩཝརྩ་ཡིན་ལྟར། ། སྐྱེ་དགུ་འདི་ལ་ང་རྒྱལ་སྐྱོན།། དེ་བས་ང་རྒྱལ་བྲལ་རྣམས་ལ།། བྱིན་ན་འབྲས་བུ་ཆེན་པོར་འགྱུར།། ཞིང་གི་སྐྱོན་ནི་རྩཝ་ཡིན་ལྟར།། སྐྱེ་དགུ་འདི་ལ་ཆགས་པ་སྐྱོན།། དེ་བས་ཆགས་དང་བྲལ ་རྣམས་ལ། ། བྱིན་ན་འབྲས་བུ་ཆེན་པོར་འགྱུར།། ཞིང་གི་སྐྱོན་ནི་རྩཝ་ཡིན་ལྟར།། སྐྱེ་དགུ་འདི་ལ་སྲེད་པ་སྐྱོན།། དེ་བས་སྲེད་དང་བྲལ་རྣམས་ལ།། བྱིན་ན་འབྲས་བུ་ཆེན་པོར་འགྱུར།། དྲུག་པ་བདག་པོ་རྒྱལ་པོ ་སྟེ། ། ཆགས་པར་གྱུར་ན་ཆགས་ཅན་ཡིན།། མ་ཆགས་གྱུར་ན་མ་ཆགས་ཡིན།། ཆགས་པ་བྱིས་པ་ཞེས་བརྗོད་དོ།། འདོད་ཆགས་ཞེ་སྡང་ང་རྒྱལ་དང་།། འཆག་པ་གང་དུ་གནས་པ་ཡི།། གྲོར་ཁྱེར་རུས་པའི ་རབ་ཅན། ། ཤ་དང་ཁྲག་གིས་ཞལ་ཞལ་བྱས།། རྒྱུ་ཡིས་ཀུན་ནས་བསླང་བ་ལས་བྱུང་སྡུག་བསྔལ་ཅན།། དེ་མ་མཐོང་ན་དེར་ནི་དེ་དག་འཆིང་འགྱུར་ཞིང་།། དེ་དག་རྟོགས་ན་ཆུ་བོ་རྣམས ་ནི་རབ་ཏུ་སྤོངས། ། ཕྱི་རོལ་པ་ལ་ཆགས་པ་དེ་དག་སྤོང་བ་མེད།། སིལ་བུའི་ཚེམས་ཏེ་བཅུ་དྲུག་པའོ།། །། དེ་དག་ཁྱིམ་ལ་མི་དགའ་བར།། དྲན་དང་ལྡན་པ་འབད་པ་ཡིས།། ངང་པས་མཚེ ་ངན་སྤོང་བ་ལྟར། ། དེ་དག་ཁྱིམ་སྤང་ཆུ་བོ་རྒལ།། བརྟན་པ་འཇིགས་རྟེན་ངེས་བྱུང་ནས།། བདུད་ཀྱི་སྡེ་རྣམས་རབ་བཅོམ་སྟེ།། ཉི་མའི་ལམ་ནས་ངང་བ་ལྟར།། རྫུ་འཕྲུལ་གྱིས་ནི་མཁའ་ལ་འགྲོ།། ཚངས ་བར་སྤྱོད་པ་མ་སྤྱོད་ཅིང་། ། གཞོན་ནུར་ནོར་ནི་མ་རྙེད་པ།། མཆོ་ངན་ཉ་ཉུང་ངོགས་དག་ན།། ཆུ་སྦྱར་རྒན་སེམས་བཞིན་དུ་འགྱུར།། ཚངས་པར་སྤྱད་པ་མ་སྤྱད་ཅིང་།། གཞོན་ནུར་ནོར་ནི་མ་རྙེད་པ།། སྔན་ཆད ་བྱས་པོ་རྗེས་དྲན་ཞིང་། ། ལུས་བསྐུམ་ནས་ནི་ཉལ་བར་འགྱུར།། སྡིག་པ་ཆུང་བྱས་བདག་ཉིད་ཀྱི།། ཕྱི་བཞིན་མི་འོང་མ་སེམས་ཤིག། ཆུ་ཡི་ཐིགས་པ་ལྟུང་བ་ཡིས།། བུམ་ཆེན་གང་བ་ཇི་བཞིན་དུ།། ཅུང ་ཟད་ཅུང་ཟད་བསགས་པ་ཡི། ། སྡིག་པས་བྱིས་པ་གང་བར་འགྱུར།། དགེ་བ་ཆུང་བྱས་བདག་ཉིད་ཀྱི།། ཕྱི་བཞིན་མི་འོང་མ་སེམས་ཤིག། ཆུ་ཡི་ཐིགས་པ་ལྟུང་བ་ཡིས།། བུམ་ཆེན་གང་བ་ཇི་བཞིན་དུ།། ་ཅུང་ཟད་ཅུང་ཟད་བསགས་པ་ཡི།། དགེ་བས་བརྟན་པ་གང་བར་འགྱུར།། གང་ཞིག་རགས་བརྩིགས་མཆོ་ངན་སྤངས།། རྒྱ་མཚོའི་ཆུ་བོ་རྒལ་འདོད་པ།། སྐྱེ་བོས་གཟིངས་ནི་བཅས་ནས་ཀྱང་།། སྐྱེ་བོས་མཁ ་པ་རྒལ་པར་བྱེད། ། བརྒལ་ནས་སངས་རྒྱས་བཅོམ་ལྡན་འདས།། བྲམ་ཟེ་སྐམ་སར་གནས་པར་མཛད།། དེ་ལ་དགེ་སློང་ཁྲུས་བྱེད་ཅིང་།། ཉན་ཐོས་རྣམས་ཀྱིས་གཟིངས་ཀྱང་བཅས།། ཇི་ལྟར་མཚོ་ཆེན ་ཟབ་མོ་དག། རབ་ཏུ་རྣམ་དང་རྙོག་མེད་ལྟར།། དེ་བཞིན་མཁས་པ་རབ་དང་བ།། འདི་ན་ཆོས་ནི་ཉན་པར་བྱེད།། འདི་ལྟར་ཀུན་ན་ཆུ་ཡོད་པས།། སུ་ཞིག་ཚོལ་ཞིང་རྒྱུ་བྱེད་དེ།། ཁྲོན་པའི་ཆུ་ལྟ་ཅི་ཞིག་དགོས།། ་སྲེད་པ་རྩ་ནས་གཅད་པར་གྱིས།། བཙོ་བླག་མཁན་དག་ཆུས་འཁྲུ་ཞིང་།། མདའ་མཁན་མེས་ནི་སྲོང་བ་དང་།། ཤིང་མཁན་ཤིང་ལ་འཇོག་སྦྱོང་ལྟར།། མཁས་པས་བདག་ཉིད་གདུལ་བར་བྱ།། ནམ ་མཁའ་ལྟ་བུར་ཆགས་མེད་ཅིང་། ། སྒོ་ཐེམ་ལྟ་བུར་གཡོ་བ་མེད།། རྙོག་པ་ཅན་གྱི་མཚེ་ལྟ་བུར།། མཁས་པ་འཁོར་བ་ལ་མི་དགའ།། ཆུ་ཡི་ཚེམས་ཏེ་བཅུ་བདུན་པའོ།། །། ལྟར ་བཅས་གཤིན་རྗེའི་འཇིག་རྟེན་འདི། ། ས་སྟེང་ལས་རྒྱལ་གང་ཞིག་ལགས།། མེ་ཏོག་ལྟ་བུར་རབ་འདོད་པའི།། ཆོས་གཞི་ལེགས་པར་སྟོན་མཁས་གང་།། ལྔར་བཅས་གཤིན་རྗེའི་འཇིག་རྟེན་འདིའི།། ་ས་སྟེང་ལས་རྒྱལ་སློབ་པ་ཡིན།། མེ་ཏོག་ལྟ་བུར་རབ་འདོད་པའི།། ཆོས་གཞི་ལེགས་པར་སྟོན་མཁས་ཏེ།། ནགས་ཚལ་ལས་ནི་འཇིག་སྐྱེས་ཕྱིར།། ནགས་ཚལ་གཅད་ཀྱི་ཤིང་མ་ཡིན།། ནགས ་དང་ནགས་སྦྱོར་ཆོད་ཅིག་དང་། ། དགེ་སྦྱོང་མྱ་ངན་འདའ་བར་འགྱུར།། གལ་ཏེ་ནགས་སྦྱོར་མ་བཅད་ན།། ཕྲ་རབ་ཀྱིས་ཀྱང་མི་རྣམས་སྐྱེ།། མ་དྲུང་ནུ་ཞོ་འདོད་བེའུ་ལྟར།། དེ་ཡིས་ཡིད་ནི་རབ་ཏུ་འཆིང་།། ་ལག་པས་སྟོན་ཀའི་པདྨ་ལྟར།། བདག་ལ་དགའ་བ་བཅད་ནས་སུ།། རྒྱལ་གསུངས་མྱ་ངན་འདས་ཕྱིར།། ཞི་བའི་ལམ་ཉིད་བསྐྱེད་པར་གྱིས།། ཇི་ལྟར་མེ་ཏོག་ཡིད་འོང་བ།། ཁ ་དོག་བཟང་ཡང་དྲི་མེད་ལྟར། ། དེ་བཞིན་ལེགས་པར་གསུངས་པའི་ཚིག། འབྲས་བུ་མེད་པར་མ་བྱེད་ཅིག། ཇི་ལྟར་བུང་བ་མེ་ཏོག་གི། ཁ་དོག་དྲི་ལ་མི་གནོད་པར།། ཁུ་བ་གཞིབས་ནས་འཕུར་བ་ལྟར།། དེ་བཞིན ་ཐུབ་པ་གྲོང་དུ་རྒྱུ། ། གཞན་གྱི་སྐྱོན་ལ་མི་བརྟག་ཅིང་།། གཞན་གྱིས་བྱས་དང་མ་བྱས་མིན།། བདག་ཉིད་ཀྱིས་ནི་རིགས་པ་དང་།། མི་རིགས་པ་ལ་བརྟག་པར་བྱ།། ཇི་ལྟར་ཕྱག་དར་ཕུང་པོ་དག། མི་གཙང ་ཆུ་ནི་མེད་འདི་ལས། ། པདྨ་ཁ་བྱེ་གཙང་བ་དང་།། དྲི་ཞིམ་ཡིད་འོང་རབ་སྐྱེས་ལྟར།། དེ་བཞིན་སོ་སོའི་སྐྱེ་བོ་དག། མདོངས་གྱུར་ཕྱག་དར་ཕུང་འདི་ལས།། རྫོགས་སངས་རྒྱས་ཀྱི་ཉན་ཐོས་དག། ཤེས་རབ ་ཀྱིས་ནི་གསལ་བ་བྱུང་། ། ཇི་ལྟར་མེ་ཏོག་ཕུང་པོ་ལས།། མེ་ཏོག་འཕྲེང་རྒྱུད་མང་བྱེད་ལྟར།། དེ་བཞིན་མིར་ནི་སྐྱེས་པ་ཡིས།། དགེ་བ་ཕལ་ཆེན་རྣམས་ཀྱང་བྱ།། ཇི་ལྟར་དབྱར་ཀ་བ་ཀུ་ལའི།། མེ་ཏོག་རབ་ཏུ ་རྣམ་འཕྲུལ་ལྟར། ། དེ་བཞིན་དགེ་སློང་འདོད་ཆགས་དང་།། ཞེ་སྡང་གཏི་མུག་སྤང་བར་གྱིས།། མི་ཡི་ཡིད་ལ་རྣམ་ཆགས་དག། མེ་ཏོག་བཞིན་དུ་རབ་བསགས་པ།། འཆི་བདག་གིས་ནི་བླངས་ནས་འགྲོ།། ཉལ ་འགྲོ་ཆུ་བོས་འདས་པ་བཞིན། ། མི་ཡི་ཡིད་ལ་རྣམ་ཆགས་དག། མེ་ཏོག་བཞིན་དུ་རབ་བསགས་པ།། འདོད་པ་རྣམས་ཀྱིས་མི་ངོམས་ཤིང་།། འཆི་བདག་གིས་ནི་དབང་དུ་བྱེད།། མི་ཡི་ཡིད་ལ་རྣམ་ཆགས་དག། ་མེ་ཏོག་བཞིན་དུ་རབ་བསགས་པ།། ལོངས་སྤྱོད་སྐྱེ་བར་མི་འགྱུར་ཞིང་།། འཆི་བདག་གིས་ནི་དབང་དུ་བྱེད།། མི་ལི་ཡིད་ལ་རྣམ་ཆགས་དག། མེ་ཏོག་བཞིན་དུ་རབ་བསགས་པ།། བྱ་བ་མཐར་ནི་མ་བྱིན ་པར། ། འཆི་བདག་གིས་ནི་དབང་དུ་བྱེད།། ལུས་འདི་བུམ་པ་འདྲ་བར་རྟོགས་བྱས་ཤིང་།། དེ་བཞིན་ཆོས་རྣམས་སྨིག་རྒྱུ་འདྲར་ཤེས་ནས།། བདུད་ཀྱི་མེ་ཏོག་མཆོག་ནི་འདིར་གཅོད་པ།། འཆི་བདག་རྒྱལ་པོ ་བལྟར་ཡང་མེད་པར་འགྲོ། ། འཇིག་རྟེན་འདི་དག་བུམ་པ་འདྲར་རྟོགས་ཤིང་།། དེ་བཞིན་ཆོས་རྣམས་སྨིག་རྒྱུ་འདྲར་ཤེས་ནས།། བདུད་ཀྱི་མེ་ཏོག་མཆོག་ནི་འདིར་གཅོད་པ།། འཆི་བདག་རྒྱལ་པོས་བལྟར ་ཡང་མེད་པར་འགྲོ། ། ལུས་འདི་དབུ་བ་འདྲ་བར་རྟོགས་བྱས་ཤིང་།། དེ་བཞིན་ཆོས་རྣམས་སྨིག་རྒྱུ་འདྲར་ཤེས་ནས།། བདུད་ཀྱི་མེ་ཏོག་མཆོག་ནི་འདིར་གཅོད་པ།། འཆི་བདག་རྒྱལ་པོས་བལྟར་ཡང་མེད་པར ་འགྲོ། ། འཇིག་རྟེན་འདི་དགང་བུ་པ་འདྲར་རྟོགས་ཤིང་།། དེ་བཞིན་ཆོས་རྣམས་སྨིག་རྒྱུ་འདྲར་ཤེས་ནས།། བདུད་ཀྱི་མེ་ཏོག་མཆོག་ནི་འདིར་གཅོད་པ།། འཆི་བདག་རྒྱལ་པོས་བལྟར་ཡང་མེད་པར་འགྲོ།། སྲིད ་པ་ཨུ་དུམ་ཝ་རའི་མེ་ཏོག་ལྟར། ། སྙིང་པོ་མེད་པར་སེམས་པའི་དགེ་སློང་གང་།། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། ཆུ་སྐྱེས་རྩ་བའི་མེ་ཏོག་ཆུ་གནས་ལྷའི།། ་འདོད་ཆགས་མ་ལུས་གཅོད་བྱེད་དགེ་སློང་གང་།། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། ཆུ་སྐྱེས་རྩ་བའི་མེ་ཏོག་ཆུ་གནས་ལྷའི།། ཞེ་སྡང་མ་ལུས་གཅོད་བྱེད་དགེ་སློང ་གང་། ། དེ་ནི་པ་རོས་མིན་པའི་ཕ་རོལ་པོ།། སྤོང་སྟེ་སྤྲུལ་ནས་ལྤགས་རྙིང་བརྗེ་བ་བཞིན།། ནཱ་སྐྱེས་རྩ་བའི་མེ་ཏོག་དྲུ་གནས་ལྷའི།། གཏི་མུག་ས་ལུས་གཅོད་བྱེད་དགེ་སློང་གང་།། ་རོས་མིན་པནམ་མ་།། སྒྲཔ་ནས་ནས་བནིན། ཆུ་སྐྱེས་ཀྱི་པའི་མཆོག་ནགནས་པསྷོ།། དརྒྱལ་མ་མས་པ་ཚོད་བྱེད་ད་ང་།། དོན་པཚ་མཡིན་པའི་མ་སྟ ་ཨེསྦྲུལ་རྒས་ལྤགས་རྙིང་བརྗེ་བ་བཞིན། ། ཆུ་སྐྱེས་རྩ་བའི་མེ་ཏོག་ཆུ་གནས་ལྷའི།། ཆགས་པ་མ་ལུས་གཅོད་བྱེད་དགེ་སློང་གང་།། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ ་བཞིན། ། ཆུ་སྐྱེས་རྩ་བའི་མེ་ཏོག་ཆུ་གནས་ལྷའི།། སྲེད་པ་མ་ལུས་གཅོད་བྱེད་དགེ་སློང་གང་།། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། མེ་ཏོག་གི་ཚེམས་ཏེ་བཅོ ་བརྒྱད་པའོ། ། ། ཇི་ལྟར་རྟ་བཟང་ལྕག་གིས་གཞུས་པ་ན།། སྐྲག་ཅིང་ཤུགས་གྲགས་འགྲོ་བྱེད་ཇི་བཞིན་དུ།། དད་པ་ཚུལ་ཁྲིམས་ཏིང་འཛིན་ལྡན་པ་དང་།། ཆོས་རྣམས་རྣམ་པར ་གཏན་ལ་འབེབས་ལྡན་ཞིང་། ། དབང་པོ་མཉམ་གཞག་བཟོད་ལྡན་འགྲོགས་བདེ་བ།། སྐྱོབ་པ་དེ་རྣམས་སྲིད་པ་མ་ལུས་སྤོང་།། ཇི་ལྟར་རྟ་བཟང་ལྕག་གིས་གཞུས་པ་ན།། སྐྲག་ཅིང་ཤུགས་དྲག་འགྲོ ་བྱེད་ཇི་བཞིན་དུ། ། དད་པ་ཚུལ་ཁྲིམས་ཏིང་འཛིན་ལྡན་པ་དང་།། ཆོས་རྣམས་རྣམ་པར་གཏན་ལ་འབེབས་ལྡན་ཞིང་།། རིག་དང་རྐང་པར་ལྡན་ཞིང་དྲན་ལྡན་པའི།། སྐྱོབ་རྣམས་སྡུག་བསྔལ་མ་ལུས་སྤོང ་བར་མཛད། ། འདུལ་སྦྱོར་བྱེད་པས་ལེགས་བཏུལ་རྟ་ལྟ་བུར།། གང་ཞིག་དབང་པོ་ལེགས་པར་བསྡམས་པ་ཡིས།། ཁྲོ་བ་སྤོང་ཞིང་ཟག་པ་ཟད་བྱེད་པ།། ཐུབ་དེ་རྣམས་ཀྱིས་ལྷ་ཡི་བར་དུ་མྱོང་། ་བག་ཡོད་པ་ཡིས་བག་མེད་དང་།། མི་ཉལ་མང་པོས་གཉིད་ལོག་དང་།། རྟ་བཟང་གིས་ནི་རྟ་རྒོད་ལྟར།། ཤིན་ཏུ་མཁས་པས་སྤངས་ནས་འགྲོ།། རྟ་བཟང་ལ་ནི་ལྕག་བཞིན་དུ།། གང་ཞིག་ངོཆ ་ཤེས་སྟེན་ཅིང་། ། ཤེས་རབ་ལེགས་པར་མཉམ་གཞག་པ།། དེས་ནི་སྡིག་པ་སེལ་བར་བྱེད།། དུལ་པ་འདུན་སར་འགྲོ་བྱེད་ཅིང་།། དུལ་བརྒྱ་པོ་ལྷག་པར་ཞོན།། གང་ཞིག་ཚིག་ངན་བཟོད་བྱེད་དང་། ་དུལ་བ་མི་ཡི་ནང་ན་མཆོག། གླང་པོའི་ནང་ན་གླང་ཆེན་དང་།། སིནྡྷུའི་ཅང་ཤེས་རྟ་དང་ནི།། དྲེའུ་འདུལ་བྱེད་པ་གང་ཡིན་པ།། དེ་བས་བདག་ཉིད་འདུལ་བ་མཆོག། བདག་ཉིད་ལེགས་འདུལ་གང་ཡིན་པའི།། ་མཁས་དེས་ཞི་བ་ཐོབ་འགྱུར་གྱི།། བཞོན་པ་དེ་དག་རྣམས་ཀྱིས་ནི།། ས་དེ་མངོན་པར་འཐོབ་མི་སྲིད།། གླང་པོའི་ནང་ན་གླང་ཆེན་དང་།། སིན་དུའི་ཅང་ཤེས་རྟ་དང་ནི།། དྲེའུ་འདུལ་བྱེད་པ་གང་ཡིན་པ།། དེ་བ ་བདག་ཉིད་འདུལ་བ་མཆོག། བདག་ཉིད་ལེགས་འདུལ་དྲན་ལྡན་གང་།། དེས་ནི་སྡུག་བསྔལ་མཐར་ཕྱིན་གྱིས།། བཞོན་པ་དེ་དག་རྣམས་ཀྱིས་ནི།། ས་དེ་མངོན་པར་འཐོབ་མི་སྲིད།། གླང་པོའི་ནང་ན་གླང་ཆེན་དང ་སིན་དུའི་ཅང་ཤེས་རྟ་དང་ནི། ། དྲེའུ་འདུལ་བྱེད་པ་གང་ཡིན་པ།། དེ་བས་བདག་ཉིད་འདུལ་བ་མཆོག། བདག་ཉིད་ལེགས་འདུལ་དྲན་ལྡན་གང་།། དེས་ནི་འགྲོ་རྣམས་སྤོང་འགྱུར་གྱི།། བཞོན་པ་དེ་དག་རྣམས ་ཀྱིས་ནི། ། ས་དེ་མངོན་པར་འཐོབ་མི་སྲིད།། གླང་པོའི་ནང་ན་གླང་ཆེན་དང་།། སིན་དུའི་ཅིང་ཤེས་རྟ་དང་ནི།། དྲེའུ་འདུལ་བྱེད་པ་གང་ཡིན་པ།། དེ་བས་བདག་ཉིད་འདུལ་བ་མ ་བདག་ཉིད་ལེགས་འདུལ་གང་ཡིན་དེས། ། འཆིང་བ་བཅད་ནས་འགྲོ་འགྱུར་གྱི།། བཞོན་པ་དེ་དག་རྣམས་ཀྱིས་ནི།། ས་དེ་མངོན་པར་འཐོབ་མི་སྲིད།། འདུལ་སྦྱོང་བྱེད་པས་རྟ་བཟང་ལྟར།། བདག་ཉིད ་ཁོ་ན་གདུལ་བར་བྱ། ། བདག་ཉིད་ལེགས་པར་འདུལ་བ་ཡིས།། སྡུག་བསྔལ་རྣམས་ཀྱི་ཕ་མཐར་ཕྱིན།། བདག་ཉིད་ཁོ་ན་བདག་གི་མགོན།། བདག་ཉིད་བདག་གི་སྐྱབས་ཡིན་པས།། འདུལ་སྦྱོང་བྱེད་པས ་རྟ་བཟང་ལྟར། ། དེ་བས་བདག་ཉིད་འདུལ་བར་བྱ།། རྟའི་ཚེམས་ཏེ་བཅུ་དགུ་པའོ།། ། ཁྲོ་བ་སྤངས་ཤིང་ང་རྒྱལ་རྣམ་སྤངས་ན།། ཀུན་སྦྱོར་ཀུན་ལས་ཤིན་ཏུ་འདའ་འགྱུར་ཞིང་།། ་མིང་དང་གཟུགས་ལ་ཆགས་པ་མེད་དེ་དག། ཅི་ཡང་མེད་པས་ཆགས་པའི་རྗེས་མི་ལྟུང་།། སྐྱེས་མ་ཐག་ཏུ་ཁྲོ་བ་སྤོངས།། སྐྱེས་ནས་འདོད་ཆགས་སྤངས་པར་གྱིས།། བརྟན་པས་མ་རིག་རབ་ཏུ་སྤངས།། ་བདེན་པ་མཐོང་ན་བདེ་བར་འགྱུར།། ཁྲོ་བ་སྤངས་ན་བདེ་བར་ཉལ།། ཁྲོ་བ་སྤངས་ན་གདུང་མི་འགྱུར།། དགེ་སློང་ཁྲོ་བ་བདེ་འཇོམས་པའི།། དུག་གི་རྩ་བ་ཆོམས་ཤིག་དང་།། འཕགས་པ་རྣམས་ཀྱིས ་བསྔགས་འགྱུར་ཞིང་། ། བཅོམ་པ་ཡིས་མྱ་ངན་མེད།། གང་ཁྲོས་བདག་གིས་ལེགས་བྱས་ཀྱི།། མ་ལེགས་མིན་ཤེས་རབ་སྨྲ་བ།། དེ་ནི་ཁྲོ་བཞི་འོག་ཏུ།། མེ་ཡིས་བསྲེགས་བཞིན་གདུང་བར ་འགྱུར། ། ངོ་ཚ་མེད་ཅིང་ཁྲེལ་མེད་པ།། ཁྲོ་བ་ཅན་ལ་བརྟུལ་ཞུགས་མེད།། ཁྲོ་བས་མངོན་པར་ཟིལ་ནོན་པ།། དེ་ལ་སུ་ཡང་རྟེན་མི་བྱེད།། གང་ཞིག་བྱིས་པའི་མཐུ་སྟོབས་ཅན།། དེ་ཡི་སྟོབས་ནི་སྟོབས ་མེད་ཡིན། ། བྱིས་པ་ཆོས་དང་བྲལ་བ་ལ།། བསྒྲུབ་པར་བྱ་བ་ཡོད་རེ་སྐན།། གང་ཞིག་སྟོབས་དང་ལྡན་འགྱུར་ཡང་།། སྟོབས་ཆུང་རྣམས་ཀྱིས་བཟོད་བྱེད་པ།། དེ་ནི་བཟོད་པའི་མཆོག་ཅེས་གསུང་།། ་ཉམ་ཆུང་བ་ལྟ་རྟག་ཏུ་སྐུར།། གང་ཞིག་གཞན་གྱི་དཔོན་གྱུར་ཀྱང་།། སྟོབས་ཆུང་རྣམས་ཀྱིས་བཟོད་བྱེད་པ།། དེ་ནི་བཟོད་པའི་མཆོག་ཅེས་གསུང་།། ཉམ་ཆུང་བ་ལྟ་རྟག་ཏུ་སྐུར།། གཞན་གྱིས ་ལྷག་པར་བརྒྱད་བཀག་ཀྱང་། ། སྟོབས་ལྡན་གང་ཞིག་བཟོད་བྱེད་པ།། དེ་ནི་བཟོད་པའི་མཆོག་ཅེས་གསུང་།། ཉམ་ཆུང་བ་ལྟ་རྟག་ཏུ་སྐུར།། གཞན་གྱིས་ལྷག་པར་སྨད་བྱས་ཀྱང་།། སྟོབས་ལྡན ་གང་ཞིག་བཟོད་བྱེད་པ། ། དེ་ནི་བཟོད་པའི་མཆོག་ཅེས་གསུངས།། ཉམ་ཆུང་བ་ལྟ་རྟག་ཏུ་སྐུར།། གང་ཞིག་ཕ་རོལ་ཁྲོས་རིག་ནས།། བདག་ཉིད་ཉེ་བར་ཞི་བྱེད་པ།། དེ་ནི་བདག་དང་གཞན་དག་གི ་འཇིགས་ཆེན་དག་ལས་སྐྱོབས་པ་ཡིན། ། གང་ཞིག་ཕ་རོལ་ཁྲོས་རིག་ནས།། བདག་ཉིད་ཉེ་བར་ཞི་བྱེད་པ།། དེ་ནི་བདག་དང་གཞན་དག་གི། གཉིས་ཀའི་དོན་ནི་སྤྱོད་པ་ཡིན།། བདག་ཉིད་དང་ནི ་གཞན་དག་དང་། ། གཉིས་ཀའི་དོན་ནི་སྤྱོད་དེ་ལ།། སྐྱེ་བོ་ཆོས་ལ་མི་མཁས་རྣམས།། བྱིས་པ་ཡིན་ཞེས་སེམས་ཀྱང་བླ།། གཙོ་བོའི་ཚིག་ནི་འཇིགས་ཕྱིར་བཟོད་བྱེད་དང་།། ཐབས་ཟླའི་ཚིག་ནི ་འཐབས་གཅུགས་རྒྱུ་བཟོད་པས། ། གང་ཞིག་དམན་པའི་ཚིག་ལ་བཟོད་བྱེད་དེ།། བཟོད་པའི་མཆོག་ཅེས་ངས་པས་རབ་ཏུ་གསུངས།། བྱིས་པ་ཁྲོས་ནས་ཚིག་སུ་བདག། སྦྲུ ་ནན་རྒྱལ་བར་འགྱུར་སྙམ་སེམས། ། གང་ཞིག་ཚིག་དག་བཟོད་བྱེད་པ།། དེ་ནི་རྟག་ཏུ་རྒྱལ་བ་ཡིན།། བདེན་པར་སྨྲ་བྱ་ཁྲོ་མི་བྱ།། སློང་ལ་ཆུང་ཡང་སྦྱིན་པར་བྱ།། རྣམ་པ་འདི་གསུམ་གནས་ཀྱིས་ནི།། ལླ ་ཡི་གནས་སུ་འགྲོ་བར་འགྱུར། ། ཁྲོ་བའི་ཟིལ་གྱིས་ནོན་པའི་མིས།། རང་གི་དོན་ཀྱང་མི་རྟོགས་པས།། འཁོར་གྱི་ནང་དུ་བག་སྐྱོང་ལ།། ཁྲོ་བ་མེད་པའི་ཚིག་སྨྲོས་ཤིག། གང་ཞིག་ཁྲོས་ལ་སླར་ཁྲོ་དང་། ་དེ་ནི་སྡིག་པ་ཅན་འགྱུར་བས།། ཁྲོས་ལ་སླར་ནི་མ་ཁྲོ་དང་།། ཐུབ་པར་དཀའ་བའི་གཡུལ་ལས་རྒྱལ།། ཁྲོ་བ་མེད་པས་ཁྲོ་བ་ཐུབ།། ལེགས་པས་ལེགས་པ་མ་ཡིན་ཐུབ།། སྦྱིན་པ་ཡིས་ནི་འཇུངས་པ་ཐུབ། ་བདེན་པས་བདེན་པ་མ་ཡིན་ཐུབ།། དུལ་ཞིང་རིགས་པས་འཚོ་བ་དང་།། ཁྲོ་བ་མེད་པ་ག་ལ་ཁྲོ།། ཡང་དག་ཤེས་པས་རྣམ་གྲོལ་བའི།། མཁས་པ་རྣམས་ལ་ཁྲོ་བ་མེད།། ཁྲོ་བ་མེད་དང་འཚེ་མེད་ལ།། ་འཕགས་པའི་སྐྱེ་བོས་རྟག་བསྟེན་ཀྱང་།། སྐྱེ་བོ་སྡིག་ཅན་ཁྲོ་བོ་དག། རི་བོ་བཞིན་དུ་སྐུར་བར་བྱེད།། གང་ཞིག་ཁྲོ་བ་བྱུང་བ་དང་།། ཤིང་རྟ་འཁྱམས་ལས་འཛིན་བྱེད་དེ།། འདུལ་སྦྱོང་མཁན་དུ་ངས་གསུངས ་ཀྱི། ། ཞབས་འདེབས་སྐྱེ་བོ་ཕལ་པ་ཡིན།། ཁྲོ་བའི་ཆོམས་ཏེ་ཉི་ཤུ་པའོ།། ། སྡོམ་ལ། དགེ་སྦྱོང་ལམ་དང་བཀུར་སྟི་དང་།། འཁུ་དང་ལྔ་དང་དྲན་པ་སྟེ།། སིལ་བུ་དག་དང་ཆུ་དང ་ནི། ། མེ་ཏོག་ཁྲོ་བ་བཅུ་པའོ།། འཇིག་རྟེན་འདི་ན་ཀུན་རིགས་ཀུན་ཟིལ་གནོན།། འདི་ནི་ཆོས་རྣམས་ཀུན་གྱིས་མ་གོས་ཤིང་།། ཀུན་སྤངས་སྲེད་ཟད་རབ་ཏུ་རྣམ་གྲོལ་བ།། ཉིད་ཀྱིས་མངོན་མཁྱེན་པ་ལ་སུ་ལླི ་བསྟན། ། དེ་བཞིན་གཤེགས་པ་ལྷ་མིའི་སྟོན་པ་སྟེ།། སྟོབས་རྣམས་ཀུན་ལྡན་ཐམས་ཅད་མཁྱེན་པ་དང་།། བྱང་ཆུབ་བརྙེད་ནས་ཉིད་ཀྱིས་རབ་སྟོན་པ།། མཚུངས་མེད་མཉམ་མེད་ང་ལ་སུ་ཡིས ་བསྟན། ། ང་ནི་འཇིག་རྟེན་དགྲ་བཅོམ་སྟེ།། འཇིག་རྟེན་དག་ན་བླ་མེད་དང་།། ལྷ་དང་བཅས་པའི་འཇིག་རྟེན་ན།། བདུད་རྣམས་ཟིལ་ནོན་རྒྱལ་བ་དང་།། ང་དང་འདྲ་བ་མེད་པས་ན།། ང་ལ་སློབ་དཔོན་སུ་ཡང ་མེད། ། འཇིག་རྟེན་འདི་ན་གཅིག་པུ་ཡིས།། རྫོགས་པའི་བྱང་ཆུབ་བླ་མེད་བརྙེས།། གང་ཞིག་ཟག་པ་ཟད་བརྙེས་པ།། རྒྱལ་བ་ང་འདྲར་ཤེས་པར་གྱིས།། སྡིག་པའི་ཆོས་ལས་ང་རྒྱལ་བས།། དེ་བས་ཉེ ་འགྲོ་ང་རྒྱལ་བ། ། འཇིག་རྟེན་ཡུལ་སྲེད་རྒལ་བ་ཡི།། ཀུན་མཁྱེན་སངས་རྒྱས་མྱ་ངན་འདས།། འཇིག་རྟེན་པ་ལ་མ་བསྟན་པར།། ཀུན་ནས་འབྱུང་བ་མི་ཤེས་པས།། ཝཱ་ར་ཎ་སིར་སོང་ནས་སུ།། ངས ་ནི་ཆོས་ཀྱི་རྔ་བརྡུང་ཞིང་། ། འཇིག་རྟེན་སུས་ཀྱང་མ་བསྐོར་བའི།། ཆོས་ཀྱི་འཁོར་ལོ་བསྐོར་བར་བྱས།། དཔའ་བོ་དེ་བཞིན་གཤེགས་པ་རྣམས།། འདི་ནི་ཆོས་ཀྱིས་འདུལ་བར་མཛད།། དེ་དག་ཆོས་ཀྱིས ་བཏུལ་བ་ལ། ། མཁས་པ་སུ་ཡང་སྨོད་མི་བྱེད།། བརྟན་གང་ཏིང་འཛིན་ལ་ཞུགས་ཤིང་།། ངེས་འབྱུང་ཞི་ལ་དགའ་བ་དང་།། སྐུ་ཡི་ཐ་མ་འཛིན་པ་ཡིས།། རྫོགས་པའི་སངས་རྒྱས་གྲགས་ལྡན་པ།། ཤེས ་རབ་མྱུར་བ་དེ་དག་ལ། ། ལྷ་དང་མི་རྣམས་དགའ་བར་བྱེད།། གང་དག་འདས་པའི་རྫོགས་སངས་དང་།། གང་དག་མ་བྱོན་སངས་རྒྱས་དང་།། གང་དག་ད་ལྟར་རྫོགས་སངས་རྒྱས།། ་མང་པོའི་མྱ་ངན་སེལ་མཛད་པ།། བཞུགས་པར་གྱུར་ཅིང་བཞུགས་པ་དང་།། དེ་བཞིན་བཞུགས་པར་འགྱུར་བ་ཀུན།། དམ་ཆོས་བླ་མར་མཛད་པ་འདི།། རྫོགས་སངས་རྒྱས་ཀྱི་ཆོས་ཉིད་ཡིན།། དེ་བས ་འདི་ནི་བདག་དགའ་ཞིང་། ། བདག་ཉིད་ཆེན་པོ་མངོན་འདོད་པས།། སངས་རྒྱས་བསྟན་པ་དྲན་བྱས་ཏེ།། དམ་པའི་ཆོས་ལ་བླ་མར་བྱ།། མི་གང་སངས་རྒྱས་བསྟན་པ་ལ།། དད་པ་མ་བསྐྱེད་བྱིས་བདེ། ་རྒུརྒད་པའི་གནས་སུ་འགྲོ་འགྱུར་ཏེ།། སྲིན་མོ་རྣམས་ཀྱིས་ཚོང་པ་བཞིན།། མི་གང་སངས་རྒྱས་བསྟན་པ་ལ།། དད་པ་བསྐྱེད་པ་ཤེས་རབ་ཅན།། དེར་ནི་བདེ་བར་ཕ་རོལ་འགྲོ།། སྤྲིན་ཤུགས་ལྡན་པས ་ཚོང་པ་བཞིན། ། དེ་བཞིན་གཤེགས་པ་མཉམ་མེད་མཚུངས་པ་མེད།། བདེ་བར་རྣམ་རྟོག་དེ་བཞིན་རབ་དབེན་པའི།། རྣམ་རྟོག་གཉིས་པར་སྤྱོད་པའི་སངས་རྒྱས་རྣམས།། མུན་བསལ་ཕ་རོལ་གཤེགས ་ཤིང་གྲགས་དང་ལྡན། ། དེས་ནི་རྙེད་བྱ་བརྙེས་ཤིང་ཡིད་དགའ་གྱུར།། ཀུན་སྒྲོལ་ཟག་ཟད་རབ་ཏུ་རྣམ་པར་གྲོལ།། རྣམ་གྲོལ་ཐུགས་ལྡན་ཐ་བ་ཟག་མེད་རྣམས།། ལུས་ཅན་འཇིག་རྟེན་རྣམས་ལ་ཕན ་། ཕྱིར་གཟིགས།། འགའ་ཞིག་རི་བོའི་སྤོ་ལ་འདུག་ནས་སུ།། འགྲོ་བ་རྣམས་ལ་ཀུན་ཏུ་ལྟ་བ་ལྟར།། དེ་བཞིན་བློ་བཟང་མྱ་ངན་བྲལ་བ་དག། ཆོས་ལས་བྱུང་བའི་ཁང་བཟང་སྟེང་གཤེགས་ནས།། སྐྱེ་བོ་སྐྱེ་རྒ ་ཟིལ་ནོན་མྱ་ངན་གྱིས། ། གདུངས་པ་རྣམས་ལ་ཀུན་ཏུ་སྤྱན་གཟིགས་ནས།། འཆི་བ་མེད་པའི་སྒོ་མོ་འབྱེད་མཛད་ཀྱིས།། གང་དག་ཉན་ཐོས་ཐེ་ཙོམ་བསལ་བར་གྱིས།། དེ་བཞིན་གཤེགས་པའི་ཚེམས་ཏེ ་ཉི་ཤུ་གཅིག་པའོ། ། ། ལེགས་པར་ཐོས་དང་ལེགས་སྤྱོད་དང་།། ཁྱིམ་ནས་ལེགས་པར་བྱུང་བ་དང་།། སྤོང་བར་བྱེད་པས་རབ་བསྐོར་ཅིང་།། དགེ་སྦྱོང་གི་ནི་རྗེས་འཐུན་ལེགས། ་བྱིས་པ་མི་མཁས་པ་དག་ནི།། འཆི་བ་མེད་པ་ལྟ་བུར་སྤྱོད།། མཁས་པ་དམ་པའི་ཆོས་དག་ལ།། མཚན་མོ་ནད་པ་བཞིན་དུ་བྱེད།། ཇི་ལྟར་ཁྱིམ་ནི་ལེགས་གཡོགས་པ།། མུན་པས་ཁེབས་པའི་ནང ་ཞུགས་ན། ། གཟུགས་རྣམས་ཡོད་པར་གྱུར་ཀྱང་ནི།། མིག་ལྡན་བཞིན་དུ་མི་མཐོང་བ།། དེ་བཞིན་འདི་ན་རིགས་སྐྱེས་པའི།། མི་ནི་བློ་གྲོས་ལྡན་གྱུར་ཀྱང་།། སྡིག་པ་དང་ནི་དགེ་བའི་ཆོས།། མ་ཐོས་པར ་དུ་ཤེས་མི་འགྱུར། ། མིག་ལྡན་མར་མེ་ཡོད་པ་ཡིས།། གཟུགས་རྣམས་མཐོང་བ་ཇི་ལྟ་བར།། དེ་བཞིན་དགེ་དང་སྡིག་པའི་ཆོས།། ཐོས་པས་རྣམ་པར་ཤེས་པར་འགྱུར།། ཐོས་པས་ཆོས་རྣམས ་རྣམ་པར་ཤེས། ། ཐོས་པས་སྡིག་ལས་ལྡོག་པར་འགྱུར།། ཐོས་པས་དོན་མེད་སྤོང་བར་བྱེད།། ཐོས་པས་མྱ་ངན་འདས་པ་འཐོབ།། གལ་ཏེ་ཐོས་པ་མང་གྱུར་ནས།། ཚུལ་ཁྲིམས་ལེགས་པར་མི་སྡོམ་ན།། ་དེནི་ཚུལ་ཁྲིམས་ཕྱིར་སྨད་ཅིང་།། དེ་ཡིས་ཟོས་པ་ཕུན་སུམ་མིན།། གལ་ཏེ་ཐོས་པ་ཉུང་གྱུར་ཀྱང་།། ཚུལ་ཁྲིམས་ལེགས་པར་སྡོམ་བྱེད་ན།། དེ་ནི་ཚུལ་ཁྲིམས་ཕྱིར་བསྡམས་ཤིང་།། དེ་ཡི་ཟོས་པ་ཕུན་སུམ ་འགྱུར། ། གང་ཞིག་ཐོས་པ་ཉུང་བ་དང་།། ཚུལ་ཁྲིམས་ལེགས་པར་མི་སྡོམ་པ།། དེ་ནི་གཉིས་ཀའི་ཕྱིར་སྨད་ཅིང་།། དེ་ཡི་བརྟུལ་ཞུགས་ཕུན་སུམ་མིན།། གང་ཞིག་མང་དུ་ཐོས་པ ་དང་། ། ཚུལ་ཁྲིམས་ལེགས་པར་སྡོམ་བྱེད་པ།། དེ་ནི་གཉིས་ཀའི་ཕྱིར་བསྔགས་ཤིང་།། དེ་ཡི་བརྟུལ་ཞུགས་ཕུན་སུམ་འགྱུར།། ཐོས་པ་མང་ཞིང་ཆོས་འཛིན་དང་།། ཤེས་རབ་ལྡན་ཞིང་མཉམ་གཞག ་པ། ། དེ་དག་སུས་ཀྱང་སྨད་འོས་མིན།། འཛམ་བུ་གླིང་ན་གསེར་རྒྱན་བཞིན།། གང་ཞིག་གཟུགས་ཀྱིས་རྗེས་དཔོག་ཅིང་།། ང་ལ་སྒྲ་ཡིས་འཇལ་བྱེད་པ།། འདུན་པའི་འདོད་ཆགས་དང་ལྡན་ཞིང་།། སྐྱེ་བོ ་དེ་ཡིས་ང་མི་ཤེས། ། གལ་ཏེ་ནང་ནི་རྣམ་ཤེས་ཤིང་།། ཕྱི་རོལ་མཐོང་བར་མ་གྱུར་ན།། ནང་གི་འབྲས་བུ་མཐོང་བ་གང་།། དེ་ནི་སྒྲ་ཡིས་དྲང་དུ་རུང་།། གལ་ཏེ་ཕྱི་རོལ་མཐོང་གྱུར་ཅིང་།། ནང་ནི་ཤེས་པར་མ ་གྱུར་པར། ། ཕྱི་རོལ་འབྲས་བུ་མཐོང་བ་གང་།། དེ་ནི་སྒྲ་ཡིས་དྲང་དུ་རུང་།། གལ་ཏེ་ནང་ནའང་མི་ཤེས་ཤིང་།། ཕྱི་རོལ་མཐོང་བར་མ་གྱུར་ན།། བྱིས་པ་ཀུན་ནས་བསྒྲིབས་པ་དག། དེ་ནི་སྒྲ་ཡིས་དྲང་དུ་རུང་།། ་གལ་ཏེ་ནང་ནི་རྣམ་ཤེས་ཤིང་།། ཕྱི་རོལ་དག་ཀྱང་མཐོང་གྱུར་པ།། བརྟན་པ་ངེས་འབྱུང་ཤེས་རབ་ཅན།། དེ་ནི་སྒྲ་ཡིས་དྲང་མི་རུང་།། རྣ་བས་ཕལ་ཆེན་ཐོས་པ་དང་།། མིག་གིས་མང་པོ་མཐོང་ན་ཡང་།། བརྟན ་བ་མཐོང་ཐོས་དེ་ཀུན་གྱིས། ། ཡིད་ཆེས་བྱ་བའི་མི་རིགས་སོ།། ལེགས་གསུངས་ཐོས་པ་སྙིང་པོར་ཤེས་པ་དང་།། ཏིང་ངེ་འཛིན་དག་སྙིང་པོར་ཤེས་གྱུར་ཀྱང་།། གང་ཞིག་བག་མེད་བརླང་པོར་བྱེད་པ་དེའི།། ཐོས ་དང་ཤེས་པ་དོན་ཆེན་མི་འགྱུར་རོ། ། གང་ཞིག་འཕགས་པས་བསྟན་པའི་ཆོས་འགའ་ཞིག། དེ་བཞིན་ལུས་དང་ངག་གིས་སྤྱོད་བྱེད་པ།། དེ་དག་བཟོད་ལྡན་འགྲོགས་དགའ་དབང་པོ་བསྡམས།། ཐོས་དང་ཤེས། ་རབ་ཕ་རོལ་ཕྱིན་པ་འཐོབ།། ཟོས་པའི་ཆོམས་ཏེ་ཉི་ཤུ་གཉིས་པའོ།། ། ལེགས་པར་གསུངས་ལ་བསླབ་བྱ་ཞིང་།། དགེ་སྦྱོང་ལ་ནི་བསྙེན་བཀུར་དང་།། དབེན་པ་དང་ནི་སྟན་གཅི ་དང་། ། སེམས་ནི་ཉེ་བར་ཞི་བར་བྱ།། སྟན་གཅིག་མ་ལ་སྟན་གཅིག་པ་དང་།། གཅིག་པུ་སྙོམས་ལས་མེད་སྤྱོད་ཅིང་།། གཅིག་པུ་ནགས་ཚལ་གནས་པ་དང་།། གཅིག་པུས་བདག་ཉིད་གདུལ་བར་བྱ།། གང ་ཞིག་སྟོང་ཕྲག་སྟོང་དག་གི། མི་ཡི་ག་ཡུལ་ལས་རྒྱལ་བ་ལས།། གང་ཞིག་བདག་ལས་རྒྱལ་བྱེད་པ།། དེ་ནི་མི་ཡི་གཡུལ་ལས་རྒྱལ།། རྟག་ཏུ་སྡོམ་པ་སྤྱོད་པ་ཡི།། མི་ཡིས་བདག་འདུལ་གཅིག་པུ་ཡིས།། ་བདག་ཉིད་ལས་རྒྱལ་མཆོག་ཡིན་གྱི།། སྐྱེ་དགུ་གཞན་ལྟ་ཕལ་བར་ཟད།། ཤེས་རབ་ཀྱིས་གནས་དགེ་སློང་གིས།། རྒྱལ་བར་བྱས་ལ་བདུད་དང་ནི།། ཚངས་པར་བཅས་པས་ཕ་མ་མི་ནུས།། ལྷ་ཡིས་མ ་ཡིན་དྲི་ཟས་མིན། ། བདག་ཉིད་དང་པོར་རིགས་པར་གནས་བྱས་ནས།། ཕྱི་ནས་གཞན་དག་བདག་བཞིན་གདུལ་བར་བྱ།། བདག་ཉིད་དང་པོར་རིགས་པར་གནས་བྱས་ནས།། ཕྱི་དུས་འདུལ་ཚེ་མཁས་པ ་ཉོན་མི་མོངས། ། བདག་ལ་ཇི་ལྟར་བྱས་པ་བཞིན།། གཞན་དག་ལ་ཡང་དེ་ལྟར་བྱ།། བདག་ཉིད་དུལ་ཞིང་ཞི་བ་ཡིས།། གཞན་དག་བདེ་བར་གདུལ་བར་བྱ།། བདག་ལ་ཇི་ལྟར་བྱ་བ་བཞིན།། གཞན ་དག་ལ་ཡང་དེ་ལྟར་བྱ། ། ཀྱེ་མ་བདག་རང་ལེགས་འདུལ་བ།། བདག་ཉིད་དུལ་བས་དགའ་བར་འགྱུར།། བདག་གི་དོན་ཕྱིར་གཞན་དོན་ནི།། མང་པོ་དག་ཀྱང་གཏང་བར་བྱ་བདག། ་དོན་ཆེད་ཆེར་ཤྭེ་གྱུར་ན།། རང་གི་དོན་གྱི་མཆོག་ཏུ་འགྱུར།། བདག་ཉིད་བདག་གི་མགོན་ཡིན་གྱི་གཞན་ལྟ་སུ་ཞིག་མགོན་དུ་འགྱུར།། བདག་ཉིད་བདག་གི་མགོན་གྱུར་པའི།། མཁས་པས་དོན་རྣམས་ཐོབ་པར་འགྱུར།། བདག ་ཉིད་བདག་གི་མགོན་ཡིན་གྱི། ། གཞན་ལྟ་སུ་ཞིག་མགོན་དུ་འགྱུར།། བདག་ཉིད་བདག་གི་མགོན་གྱུར་པའི།། མཁས་པས་ཆོས་རྣམས་ཐོབ་པར་འགྱུར།། བདག་ཉིད་བདག་གི་མགོན་ཡིན་གྱི།། གཞན ་ལྟ་སུ་ཞིག་མགོན་དུ་འགྱུར། ། བདག་ཉིད་བདག་གི་མགོན་གྱུར་པའི།། མཁས་པས་གྲགས་པ་ཐོབ་པར་འགྱུར།། བདག་ཉིད་བདག་གི་མགོན་ཡིན་གྱི།། གཞན་ལྷ་སུ་ཞིག་མགོན་དུ་འགྱུར།། བདག ་ཉིད་བདག་གི་མགོན་གྱུར་པའི། ། མཁས་པས་བདེ་བ་ཐོབ་པར་འགྱུར།། བདག་ཉིད་བདག་གི་མགོན་ཡིན་གྱི།། གཞན་ལྟ་སུ་ཞིག་མགོན་དུ་འགྱུར།། བདག་ཉིད་བདག་གི་མགོན་གྱུར་པའི།། ་མཁས་པ་ས་བདེ་འགྲོ་ཐོབ་པར་འགྱུར།། བདག་ཉིད་བདག་གི་མགོན་ཡིན་གྱི།། གཞན་ལྟ་སུ་ཞིག་ཨགོན་དུ་འགྱུར།། བདག་ཉིད་བདག་གི་མགོན་གྱུར་པས།། ཡུན་རིང་མཐོ་རིས་དགའ་བར ་འགྱུར། ། བདག་ཉིད་བདག་གི་མགོན་ཡིན་གྱི།། གཞན་ལྔ་སུ་ཞིག་མགོན་དུ་འགྱུར།། བདག་ཉིད་བདག་གི་མགོན་གྱུར་པ།། གཉེན་གྱི་ནང་ན་ལམ་མེ་འབར།། བདག་ཉིད་བདག་གི་མགོན་ཡིན་གྱི།། གཞན ་ལྟ་སུ་ཞིག་མགོན་དུ་འགྱུར། ། བདག་ཉིད་བདག་གི་མགོན་གྱུར་པ།། མྱ་ངན་ནང་ན་གདུང་མི་འགྱུར།། བདག་ཉིད་བདག་གི་མགོན་ཡིན་གྱི།། གཞན་ལྟ་སུ་ཞིག་མགོན་དུ་འགྱུར།། བདག་ཉིད་བདག་གི་མགོན ་གྱུར་པས། ། འཆིང་བ་ཐམས་ཅད་གཅོད་པར་འགྱུར།། བདག་ཉིད་བདག་གི་མགོན་ཡིན་གྱི།། གཞན་ལྟ་སུ་ཞིག་མགོན་དུ་འགྱུར།། བདག་ཉིད་བདག་གི་མགོན་གྱུར་པས།། ངན་འགྲོ་ཐམས་ཅད་སྤོང ་བར་འགྱུར། ། བདག་ཉིད་བདག་གི་མགོན་ཡིན་གྱི།། གཞན་ལྟ་སུ་ཞིག་མགོན་དུ་འགྱུར།། བདག་ཉིད་བདག་གི་མགོན་གྱུར་པས།། སྡུག་བསྔལ་ཀུན་ལས་རབ་ཏུ་ཐར།། བདག་ཉིད་བདག་གི་མགོན་ཡིན་གྱི།། ། ་གཞན་ལྟ་སུ་ཞིག་མགོན་དུ་འགྱུར།། བདག་ཉིད་བདག་གི་མགོན་གྱུར་པས།། བདག་ཉིད་མགོན་དུ་འགྱུར་བ་ཐོབ།། བདག་ཉིད་བདག་གི་མགོན་ཡིན་གྱི།། གཞན་ལྟ་སུ་ཞིག་མགོན་དུ་འགྱུར།། བདག་ཉིད ་བདག་གི་མགོན་གྱུར་པས། ། མྱ་ངན་འདས་ཉིད་ཉེ་བར་འགྱུར།། བདག་གི་ཚེམས་ཏེ་ཉི་ཤུ་གསུམ་པའོ།། ། གང་དག་དོན་དང་མི་ལྡན་ཚིག། ཚིགས་བཅད་བརྒྱ་དག་སྨྲ་བ་བས།། གང་དག ་ཉེ་བར་ཞི་འགྱུར་བའི། ། དོན་ལྡན་ཚིག་གཅིག་ཐོས་པ་རུང་།། གང་དག་ཆོས་དང་མི་ལྡན་ཚིག། ཚོགས་བཅད་བརྒྱ་དག་སྨྲ་བ་བས།། གང་དག་ཉེ་བར་ཞི་འགྱུར་བའི།། ཆོས་ལྡན་ཚིག་གཅིག་ཐོས་པ་རུང་།། ཚུལ ་འཚལ་མཉམ་པར་མ་གཞག་པ། ། ལོ་བརྒྱར་གསོན་པ་གང་ཡིན་པས།། ཚུལ་ཁྲིམས་ལྡན་ཞིང་མཉམ་གཞག་པ།། ཉིན་ཞག་འགའ་ཞིག་གསོན་པ་རུང་།། བརྩོན་མེད་ལེ་ལོར་ལྡན་པ་དག། ལོ་བརྒྱར་གསོན། ་པ་གང་ཡིན་པས།། བརྩོན་འགྲུས་བརྟན་པ་བརྩམས་པ་དག། ཉིན་ཞག་འགའ་ཞིག་གསོན་པ་རུང་།། ཤེས་འཆལ་མཉམ་པར་མ་གཞག་པ།། ལོ་བརྒྱར་གསོན་པ་གང་ཡིན་པས།། ཤེས ་རབ་ཆེན་པོ་མཉམ་གཞག་པ། ། ཉིན་ཞག་འགའ་ཞིག་གསོན་པ་རུང་།། སྐྱེ་དང་འཇིག་པ་མ་མཐོང་བ།། ལོ་བརྒྱར་གསོན་པ་གང་ཡིན་པས།། སྐྱེ་དང་འཇིག་པ་མཐོང་བ་དག། ཉིན་ཞག་འགའ་ཞིག་གསོན་པ་རུང་། ་ཚོར་བ་ཟད་པ་མ་མཐོང་བ།། ལོ་བརྒྱར་གསོན་པ་གང་ཡིན་པས།། ཚོར་བ་ཟད་པ་མཐོང་བ་དག། ཉིན་ཞག་འགའ་ཞིག་གསོན་པ་རུང་།། ཟག་པ་ཟད་པ་མ་མཐོང་བ།། ལོ་བརྒྱར་གསོན་པ་གང་ཡིན་པས།། ཟག ་པ་ཟད་པ་མཐོང་བ་དག། ཉིན་ཞག་འགའ་ཞིག་གསོན་པ་རུང་།། གོ་འཕང་མི་གཡོ་མ་མཐོང་བ།། ལོ་བརྒྱར་གསོན་པ་གང་ཡིན་པས།། གོ་འཕང་མི་གཡོ་མཐོང་བ་དག། ཉིན་ཞག་འགའ་ཞིག་གསོན་པ་རུང་། ་གོ་འཕང་བལྟ་དཀའ་མ་མཐོང་བ།། ལོ་བརྒྱར་གསོན་པ་གང་ཡིན་པས།། གོ་འཕང་བལྟ་དཀའ་མཐོང་བ་དག། ཉིན་ཞག་འགའ་ཞིག་གསོན་པ་རུང་།། གོ་འཕང་མཐོན་པོ་མ་མཐོང་བ།། ལོ་བརྒྱར་གསོན་པ་གང ་ཡིན་པས། ། གོ་འཕང་མཐོན་པོ་མཐོང་བ་དག། ཉིན་ཞག་འགའ་ཞིག་གསོན་པ་རུང་།། གོ་འཕང་དམ་པ་མ་མཐོང་བ།། ལོ་བརྒྱར་གསོན་པ་གང་ཡིན་པས།། གོ་འཕང་དམ་པ་མཐོང་བ་དག། ཉིན་ཞག་འགའ ་ཞིག་གསོན་པ་རུང་། ། འཆི་མེད་གོ་འཕང་མ་མཐོང་བ།། ལོ་བརྒྱར་གསོན་པ་གང་ཡིན་པས།། འཆི་མེད་གོ་འཕང་མཐོང་བ་དག། ཉིན་ཞག་འགའ་ཞིག་གསོན་པ་རུང་།། བདུད་རྩིའི་གོ་འབང་མ་མཐོང་བ།། ལོ་བརྒྱར ་གསོན་པ་གང་ཡིན་པས། ། བདུད་རྩིའི་གོ་འཕང་མཐོང་བ་དག། ཉིན་ཞག་འགའ་ཞིག་གསོན་པ་རུང་།། རྡུལ་མེད་གོ་འཕང་མ་མཐོང་བ།། ལོ་བརྒྱར་གསོན་པ་གང་ཡིན་པས།། རྡུལ་མེད་གོ་འཕང་མཐོང་བདག ་ཉིན་ཞག་འགའ་ཞིག་གསོན་པ་རུང་། ། རྡུལ་བྲལ་གོ་འཕང་མ་མཐོང་བ།། ལོ་བརྒྱར་གསོན་པ་གང་ཡིན་པས།། རྡུལ་བྲལ་གོ་འཕང་མཐོང་བ་དག། ཉིན་ཞག་འགའ་ཞིག་གསོན་པ་རུང་།། མི་ནི་ལོ་བརྒྱར་ནག ་ཚལ་ན། ། མེ་ལ་ཡོངས་སྟེན་གང་ཡིན་དང་།། བདག་ཉིད་བསྒོམས་ལ་ཡུད་ཙམ་ཞིག། མཆོད་པ་བྱེད་པ་གང་ཡིན་པ།། མཆོད་བྱེད་དེ་ནི་ཆེས་རུང་གི། ལོ་བརྒྱར་སྦྱིན་སྲེག་བྱེད་མི་རུང་།། ཟླ་བ་རེ་རེར་ཀུ་ཤའི ་རྩེས། ། ཁ་ཟས་ཟ་བ་གང་ཡིན་དེས།། སངས་རྒྱས་ལ་ནི་དད་པ་ཡི།། བཅུ་དྲུག་ཆར་ཡང་མི་ཕོད་དོ།། ཟླ་བ་རེ་རེར་ཀུ་ཤའི་རྩེས།། ཁ་ཟས་ཟ་བ་གང་ཡིན་དེས།། དམ་པའི་ཆོས་ལ་དད་པ་ཡི།། བཅུ་དྲུག ་ཆར་ཡང་མི་ཕོད་དོ། ། ཟླ་བ་རེ་རེར་ཀུ་ཤའི་རྩེས།། ཁ་ཟས་ཟ་བ་གང་ཡིན་དེས།། དགེ་འདུན་ལ་ནི་དད་པ་ཡི།། བཅུ་དྲུག་ཆར་ཡང་མི་ཕོད་དོ།། ཟླ་བ་རེ་རེར་ཀུ་ཤའི་རྩེས།། ཁ་ཟས་ཟ་བ་གང་ཡིན་དེས།། སེམ ་ཅན་རྣམས་ལ་སྙིང་བརྩེ་ཡི། ། བཅུ་དྲུག་ཆར་ཡང་མི་འོད་དོ།། ཟླ་བ་རེ་རེར་ཀུ་ཤའི་རྩེས།། ཁ་ཟས་ཟ་བ་གང་ཡིན་དེས།། སྲོག་ཆགས་རྣམས་ལ་སྙིང་བརྩེ་བའི།། བཅུ་དྲུག་ཆར་ཡང་མི་ཕོད་དོ།། ཟླ་བ་རེ ་རེར་ཀུ་ཤའི་རྩེས། ། ཁ་ཟས་ཟ་བ་གང་ཡིན་དེས།། འབྱུང་པོ་རྣམས་ལ་སྙིང་བརྩེ་བའི།། བཅུ་དྲུག་ཆར་ཡང་མི་འོད་དོ།། ཟླ་བ་རེ་རེར་ཀུ་ཤའི་རྩེས།། ཁ་ཟས་ཟ་བ་གང་ཡིན་ངེས།། བྱམས་པར་སེམས་པར ་བྱེད་པ་ཡི། ། བཅུ་དྲུག་ཆར་ཡང་མི་ཕོད་དོ།། ཟླ་བ་རེ་རེང་ཀུ་ཤའི་རྩེས།། ཁ་ཟས་ཟ་བ་གང་ཡིན་དེས།། ལེགས་པར་གསུངས་པའི་དམ་ཆོས་ཀྱི།། བཅུ་དྲུག་ཆར་ཡང་མི་བོད ་ཟླ་བ་རེ་རེར་མཆོད་སྦྱིན་སྟོང་། ། ལོ་བརྒྱར་བྱེད་པ་གང་ཡིན་དེས།། སངས་རྒྱས་ལ་ནི་དད་པ་ཡི།། བཅུ་དྲུག་ཆར་ཡང་མི་འོད་དོ།། ཟླ་བ་རེ་རེར་མཆོད་སྦྱིན་སྟོང་།། ལོ་བརྒྱར་བྱེད་པ་གང་ཡིན་དེས།། དམ ་པའི་ཆོས་ལ་དད་པ་ཡི། ། བཅུ་དྲུག་ཆར་ཡང་མི་བོད་དོ།། ཟླ་བ་རེ་རེར་མཆོད་སྦྱིན་སྟོང་།། ལོ་བརྒྱར་བྱེད་པ་གང་ཡིན་དེས།། དགེ་འདུན་ལ་ནི་དད་པ་ཡི།། བཅུ་དྲུག་ཆར་ཡང་མི་ཕོད་དོ།། ཟླ་བ་རེ་རེར་མཆོད ་སྦྱིན་སྟོང་། ། ལོ་བརྒྱར་བྱེད་པ་གང་ཡིན་དེས།། སེམས་ཅན་རྣམས་ལ་སྙིང་བརྩེ་བའི།། བཅུ་དྲུག་ཆར་ཡང་མི་ཕོད་དོ།། ཟླ་བ་རེ་རེར་མཆོད་སྦྱིན་སྟོང་།། ལོ་བརྒྱར་བྱེད་པ་གང་ཡིན་དེས།། སྲོག་ཆགས ་རྣམས་ལ་སྙིང་བརྩེ་བའི། ། བཅུ་དྲུག་ཆར་ཡང་མི་ཕོད་དོ།། ཟླ་བ་རེ་རེར་མཆོད་སྦྱིན་སྟོང་།། ལོ་བརྒྱར་བྱེད་པ་གང་ཡིན་དེས།། འབྱུང་པོ་རྣམས་ལ་སྙིང་བརྩེ་བའི།། བཅུ་དྲུག་ཆར་ཡང་མི་ཕོད་དོ།། ཟླ་བ་རེ ་ངེར་མཆོད་སྦྱིན་སྟོང་། ། ལོ་བརྒྱར་བྱེད་པ་གང་ཡིན་དེས།། བྱམས་པར་སེམས་པར་བྱེད་པ་ཡི།། བཅུ་དྲུག་ཆར་ཡང་མི་ཕོད་དོ།། ཟླ་བ་རེ་རེར་མཆོད་སྦྱིན་སྟོང་།། ལོ་བརྒྱར་བྱེད་པ་གང་ཡིན་དེས།། ལེགས ་པར་གསུངས་པའི་དམ་ཆོས་ཀྱི། ། བཅུ་དྲུག་ཆར་ཡང་མི་ཡོད་དོ།། བསོད་ནམས་འདོད་པའི་མི་ཡིས་འཇིག་རྟེན་དུ།། སྦྱིན་སྲེག་མཆོད་སྦྱིན་ཅུང་ཟད་ཅི་བྱེད།། གང་ཞིག་དྲང་པོའི་སེམས་ཀྱིས་ཕྱག་འཚལ་བ། ་དེ་ཡི་བཞི་ཆར་ཡང་ནི་མི་བོད་དོ།། བསྒྲེས་པའི་ཆོམས་ཏེ་ཉི་ཤུ་བཞི་པའོ།། །། ཆེད་དུ་བརྗོད་པའི་ཚེམས་བམ་པོ་གསུམ་པ།། ། དད་པ་མེད་ཅིང་འཇུན ་པ་དང་། ། དབྱེན་བྱེད་ཕྲ་མ་ཅན་དག་དང་།། མཁས་པས་ཤེས་པར་མི་བྱ་ཞིང་།། སྡིག་ཅན་མི་དང་འགྲོགས་མི་བྱ།། དད་ལྡན་སྙན་པར་སྨྲ་བ་དང་།། ཐོས་མང་ཚུལ་ཁྲིམས་ལྡན་པ་དག། མཁས་པ་ཡི ་ནི་མཛའ་བྱ་ཞིང་། ། མི་མཆོག་དག་དང་འགྲོགས་པར་བྱ།། སྡིག་པའི་གྲོགས་པོ་མི་བསྟན་ཅིང་།། སྐྱེས་བུ་ངན་པ་བསྟེན་མི་བྱ།། དགེ་བའི་བཤེས་གཉེན་བསྟེན་བྱ་ཞིང་།། སྐྱེས་བུ་དམ་པ་བསྟེན་པར་བྱ།། ་དེ་ལྟ་བུ་དག་བསྟེན་བྱས་ན།། སྡིག་པར་མི་འགྱུར་ལེགས་པར་འགྱུར།། གང་དག་ཟོས་ཡང་གནས་མང་སེམས་པ་དང་།། དད་ལྡན་ཤེས་རབ་ལྡན་དེ་མི་ཡིས་བསྟེན།། འདིར་ནི་དེ་ཡིས་ལེགས་སྨྲས་མཉན ་བྱས་ན། ། རིང་པོ་ནས་ཀྱང་ཁྱད་པར་ཐོབ་པར་འགྱུར།། དམན་པ་བསྟེན་པས་མིང་དག་ཉམས་འགྱུར་ཞིང་།། ཟད་ཀར་བབ་པ་བསྟེན་པས་སོན་གནས།། གཙོ་བོ་བསྟེན་པས་དམ་པ་འཐོབ་འགྱུར་བས།། དེ་ཕྱིར ་བདག་པས་གཅོར་གྱུར་བསྟེན་པར་བྱ། ། ཚུལ་ཁྲིམས་ཉེ་བར་ཞི་བ་དང་།། ཤེས་རབ་ཆེན་མཆོག་ལྡན་པ་ཡི།། གཙོ་བོ་གང་ཡིན་དེ་བསྟེན་ན།། གཙོ་བ་བས་ཀྱང་ཆོས་གཙོར་འགྱུར།། མི་ལིས་འདི་ན་ཉ་རུལ་པ ་ཀུ་ཤའི་བསང་བྱེད་བཅིངས་པ་གང་། ། ཀུ་ཤ་ཉིད་ཀྱང་རུལ་འགྱུར་བ།། སྡིག་པ་བསྟེན་པའང་དེ་བཞིན་འགྱུར།། མི་ཡིས་རྒྱ་སྤོས་པ་ལ་ཤའི།། ལོ་ཡང་ཕུར་མ་བྱས་པ་གང་།། ལོ་མ་ཉིད་ཀྱང་དྲི་ཞིམ་པ། ་དམ་པ་བསྟེན་པའང་དེ་བཞིན་འགྱུར།། གལ་ཏེ་སྡིག་པ་བྱེད་བདག། སྡིག་མི་བྱེད་པས་བསྟེན་ན་ཡང་།། སྡིག་པ་བྱེད་པར་དོགས་སྐྱེ་ཞིང་།། མི་སྙན་པ་ཡང་འཕེལ་བར་འགྱུར།། བསྟེ། ་བྱ་མ་ཡིན་བསྟེན་པའི་མི།། དེ་ཡི་སྐྱོན་གྱིས་སྐྱོན་ཅན་འགྱུར།། དོང་པར་དུག་བསྐུས་མདའ་བཅུག་པས།། དུག་མ་བསྐུས་པའང་གོས་པ་བཞིན།། བརྟན་པ་སྐྱོན་གོས་འཇིགས་པ་དག། སྡིག་པ་ཅན ་དང་བཤེས་མི་བྱ། ། ཇི་ལྟར་གྲོགས་པོ་བསྟེན་པ་དང་།། ཇི་ལྟར་ཉེ་བར་བསྟེན་བྱས་པ།། བསྟེན་བྱ་དེ་ནི་ཅི་འདྲ་བར།། རིང་པོ་མི་རྫོགས་དེ་འདྲར་འགྱུར།། དེ་བས་འབྲས་བུའི་སྣོད་བཞིན་དུ།། གཞིག། ་གིས་བསྟེན་པ་ཤེས་པ་ཡིས།། དམ་པ་མ་ཡིན་མི་བསྟེན་ཅིང་།། མཁས་པས་དམ་པ་བསྟེན་བྱས་ལ།། དགེ་སློང་དེ་ཡི་ལམ་རྗེས་འབྲངས།། སྡུག་བསྔལ་ཟད་པ་ཐོབ་པར་འགྱུར།། བྱིས་པས་ཇི་སྲིད། ་གསོན་པར་དུ།། གལ་ཏེ་མཁས་པ་བསྟེན་བྱས་ཀྱང་།། དེ་ཡིས་ཆོས་ཤེས་མི་འགྱུར་ཏེ།། གཟར་བུས་ཚེད་མའི་རོ་བཞིན་ནོ།། ཤེས་རབ་ལྡན་པས་ཡུད་ཙམ་ཞིག། མཁས་པ་ཉེ་བར་བསྟེན་པས་ཀྱང་།། ་དེ་ཡིས་ཆོས་རྣམས་ཤེས་འགྱུར་ཏེ།། ལྕེ་ཡིས་ཆོད་མའི་རོ་བཞིན་ནོ།། བྱིས་པས་ཇི་སྲིད་གསོན་པར་དུ།། གལ་ཏེ་མཁས་པ་བསྟེན་བྱས་ཀྱང་།། དེ་ལ་མིག་ནི་མེད་པའི་ཕྱིར།། ཆོས་རྣམས་ཤེས་པར་མི ་འགྱུར་རོ། ། ཤེས་རབ་ལྡན་པས་ལུང་ཙམ་ཞིག། མཁས་པ་ཉེ་བར་བསྟེན་བྱས་ཀྱང་།། དེ་ལ་མིག་ནི་ཡོད་པའི་ཕྱིར།། ཆོས་རྣམས་རབ་ཏུ་ཤེས་པར་འགྱུར།། བྱིས་པས་ཇི་སྲིད་གསོན་པར་དུ།། གལ ་ཏེ་མཁས་པ་བསྟེན་བྱས་ཀྱང་། ། རྫོགས་པའི་སངས་རྒྱས་ཀྱིས་བསྟན་པའི།། ཆོས་རྣམས་དེ་ཡིས་ཤེས་མི་འགྱུར།། ཤེས་རབ་ལྡན་པས་ཡུད་ཙམ་ཞིག། མཁས་པ་ཉེ་བར་བསྟེན་པས་ཀྱང་།། ་རྫོགས་སངས་རྒྱས་ཀྱིས་བསྟན་པ་ཡི།། ཆོས་རྣམས་དེ་ཡིས་ཤེས་པར་འགྱུར།། དོན་ལྡན་ཚིག་ནི་གཅིག་གིས་ཀྱང་།། མཁས་པ་ཡི་ནི་བྱ་བ་བྱེད།། སངས་རྒྱས་ཀུན་གྱི་གསུང་གིས་ཀྱང་།། བྱིས་པའི ་བྱ་བ་བྱེད་མི་འགྱུར། ། བློ་དང་ལྡན་པ་ཚིག་གཅིག་གིས།། ཚིག་བརྒྱ་དག་ནི་ཤེས་པར་འགྱུར།། བྱིས་པ་ལ་ནི་ཚིག་སྟོང་གིས།། ཚིག་གཅིག་ཤེས་པར་མི་འགྱུར་རོ།། ཉིས་ན་མཁས་དང་མི་མཛའ་བླའི།། བྱིས་། ་པ་རྣམས་དང་མཛའ་མི་རུང་།། བྱིས་པ་རྣམས་དང་མཛའ་བྱེད་པ།། སེམས་ཅན་དམྱལ་བར་ཁྲིད་པར་བྱེད།། བྱིས་པ་གང་ཞིག་བྱིས་པའོ་ཞེས།། ཤེས་པ་དེ་འདིར་མཁས་པ་ཡིན།། བྱིས་པ་གང་ཞིག ་མཁས་སེམས་པ། ། དེ་ནི་བྱིས་པ་ཞེས་བརྗོད་དོ།། བྱིས་པས་བསྟོད་པ་གང་ཡིན་དང་།། མཁས་པས་སྨད་པ་གང་ཡིན་ལས།། མཁས་པས་སྨད་པ་ཆེས་རུང་གི། བྱིས་པས་བསྟོད་པ་མི་རུང་ངོ་།། བྱིས་པ ་བསྟེན་པ་སྡུག་བསྔལ་ཞིང་། ། རྣམ་པ་ཀུན་ཏུ་དགྲ་འདྲ་བས།། བྱིས་པ་མི་ཟོས་མི་མཐོང་ཞིང་།། མ་བསྟེན་གྱུར་པ་ཉིད་རུང་ངོ་།། གཉེན་དང་ཕྲད་པ་ཇི་ལྟ་བར།། བརྟན་པ་བསྟེན་ན་བདེ་བར་འགྱུར།། དེ་བས་རྒྱུ་སྐར ་ལམ་དུ་ཟླ་བ་ལྟར། ། བརྟན་ཞིང་ཐོས་མང་མཆོག་འདྲེན་བྱེད་པ་དང་།། ཚུལ་ཁྲིམས་ལྡན་དང་འཕགས་པའི་བརྟུལ་ཞུགས་ཅན།། མི་མཆོག་བརྩེ་ལྡན་བློ་བཟང་བསྟེན་པར་གྱིས།། མཛའ་བཤེས་ཀྱི་ཆོམས་ཏེ་ཉི་ཤུ་རྩ་ལྔ ་པའོ། ། ། རུས་སྦལ་རང་གི་ཁོག་པར་ཡན་ལག་ལྟར།། དགེ་སློང་ཡིད་ཀྱི་རྣམ་རྟོག་ནང་བསྡུས་ནས།། རྟེན་པ་མེད་ཅིང་གཞན་ལ་འཚེ་མེད་པར།། མྱ་ངན ་འདས་ལ་སུ་ཡང་སྨོད་མི་བྱེད། ། བཟོད་པ་དཀའ་ཐུབ་མཆོག་སྟེ་བཟོད་པ་ནི།། མྱ་ངན་འདས་པ་མཆོག་ཅེས་སངས་རྒྱས་གསུང་།། རབ་ཏུ་བྱུང་བ་གཞན་ལ་འཚེ་བ་ནི།། གཞན་ལ་གནོད་པས་དགེ་སྦྱོང་མ་ཡིན་ནོ།། ་ཚིག་རྩུབ་ཅི་ཡང་སྨ་མི་བྱ།། སྨྲས་ན་སླར་ཡང་སྨྲ་བར་བྱེད།། འཐབ་གཅུགས་ཚིག་གིས་སྡུག་བསྔལ་ཞིང་།། དེ་ལ་ཕྱིར་ཡང་ཆད་པས་གཅོད།། གལ་ཏེ་བདག་གིས་ཕར་བྱས་ན།། འཁར་བའི་སྣོད་ལ་བརྡུངས ་པ་བཞིན། ། འཁོར་བར་སྐྱེ་དང་རྒ་བ་དག། ཡུན་རིང་ཉམས་སུ་མྱོང་བར་འགྱུར།། བདག་གིས་པར་ནི་མ་བྱས་དང་།། འཁར་བའི་སྣོད་ལ་མ་བརྡུངས་ལྟར།། འདི་ལྟར་འཐབ་མོ་མི་འབྱུང་ཞིང་།། མྱ་ངན་འདས ་པ་ཐོབ་པར་འགྱུར། ། ནད་མེད་རྙེད་པའི་དམ་པ་སྟེ།། ཆོག་ཤེས་པ་ནི་ནོར་གྱི་དབྱིག། ཡི་དེ་གཅུགས་བཤེས་པའི་མཆོག་ཡིན་ཏེ།། མྱ་ངན་འདས་པ་བདེ་བའི་ཕུལ།། འདུ་བྱེད་སྡུག་བསྔལ་མ་རུངས་པ།། ་ནད་ཀྱི་ནང་ན་བཀྲེས་མི་བཟད།། དེ་ལྟར་ཇི་བཞིན་ཤེས་ན་ནི།། མྱ་ངན་འདས་པ་མཆོག་ཏུ་འགྱུར།། བདེ་འགྲོར་འགྲོ་བ་ཉུང་ཟད་དེ།། ངན་འགྲོར་འགྲོ་བ་བསམ་ཡས་ཤིག། དེ་ལྟའི་ཉེས་དམིགས་རྟོགས་གྱུར་ན ་མྱུར་དུ་མྱ་ངན་འདས་པ་ཐོབ། ། བདེ་འགྲོར་འགྲོ་བ་རྒྱུ་དང་བཅས།། ངན་འགྲོར་འགྲོ་བ་རྒྱུ་དང་ལྡན།། མྱ་ངན་འདས་འགྲོ་རྒྱུ་ཅན་ཏེ།། དེ་དག་ཐམས་ཅད་རྒྱུ་དང་བཅས།། ནགས་ཚལ་མཆོག་ཏུ་རི་དགས་འགྲོ།། ་མཁའ་ལ་བྱ་རྣམས་འགྲོ་བར་བྱེད།། ཆོས་ལ་རྣམ་པར་བསྒོམས་འགྲོ་སྟེ།། དགྲ་བཅོམ་མྱ་ངན་འདས་པར་འགྲོ།། འདི་ནི་བརྩོན་འགྲུས་ཞན་པ་དང་།། བློ་ཆུང་ཤེས་པ་མེད་པ་ཡིས།། མདུད་པ་ཐམས་ཅད ་རབ་གཏུགས་པའི། ། མྱ་ངན་འདས་པ་ཐོབ་མི་འགྱུར།། ཁྱོད་ཀྱིས་གྲུ་འདིའི་ཆུ་ཕྱགས་དང་།། འདི་ནི་ཡང་བར་འགྱུར་བ་ལྟར།། དེ་བཞིན་ཞེ་སྡང་འདོད་ཆགས་སྤོངས།། དེ་ནས་མྱ་ངན་འདས་པ་འཐོབ། ་སྔོན་ཆད་བྱུང་བ་མི་འབྱུང་ཞིང་།། མ་བྱུང་བ་དག་འབྱུང་བར་འགྱུར།། མ་བྱུང་འབྱུང་བར་མི་འགྱུར་ལ།། ད་ལྟར་བྱུང་བའང་ཡོད་མ་ཡིན།། བལྟ་དཀའ་མཐའ་མེད་དེར་མི་མཐོང་།། བདེན་པ་རབ་རྟོགས་ཤེས ་པ་དང་། ། སྲེད་དང་དགའ་བ་མེད་མཐོང་བ།། འདི་འདྲ་འདི་ནི་སྡུག་བསྔལ་མཐའ།། སྲེད་པ་རྣམས་ནི་བཅད་པ་དང་།། འདོད་ཆགས་རབ་ཏུ་སྤངས་པ་དང་།། མཚོ་བསྐམས་ནས་ནི་མི་འབབ་པ།། འདི་འདྲ། ་འདི་ནི་སྡུག་བསྔལ་མཐའ།། ལུས་ཞིག་ཚེར་བ་བསིལ་བར་གྱུར།། འདུ་ཤེས་འགགས་ཤིང་འདུ་བྱེད་ཞི།། རྣམ་པར་ཤེས་པ་ནུབ་གྱུར་པ།། འདི་འདྲ་འདི་ནི་སྡུག་བསྔལ་མཐའ།། ལྟ་བས་མཐོང་བར ་གྱུར་ཙམ་དང་། ། ཉན་པས་ཟོས་པར་གྱུར་པ་ཙམ།། རྟོགས་པར་བྱེད་པས་རྟོགས་ཙམ་དང་།། རྣམ་པར་ཤེས་པས་རྣམ་ཤེས་ཙམ།། འདི་འདྲ་འདི་ནི་སྡུག་བསྔལ་མཐའ།། འདི་དང་མ་དང་གདུང་རབ་གདུངས།། ་འདི་འདྲ་འདི་ནི་སྡུག་བསྔལ་མཐའ།། མ་རེག་མ་དགའ་རབ་ཞི་དང་།། ཀུན་ཏུ་འདོད་ཆགས་བྲལ་གྱུར་པ། འདི་འདྲ་འདི་ནི་སྡུག་བསྔལ་མཐའ།། རྟེན་པ་ཡོད་པས་སྤྱོད་པར་འགྱུར་རོ།། སྤྱོད་པ་ཡོད་པས་གནོམ ་བར་འགྱུར་རོ། ། གཞོལ་བ་ཡོད་པས་ཤིན་ཏུ་མ་སྦྱངས་པར་འགྱུར་རོ།། ཤིན་ཏུ་མ་སྤུངས་པ་ཡོད་པས་འགྲོ་བ་དང་འོང་བར་འགྱུར་རོ།། འགྲོ་བ་དང་། འོང་བར་ཡོད་པས་གཞན་དུ་ནི ་འཕོ་ལེན་པར་འགྱུར་རོ། ། གཞན་དུ་ཤི་འཕོ་བླངས་པས།། འདི་ལྟར་གཞན་དུ་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ ་བ་དང་། འཁྲུག་པ་འབྱུང་ཞིང་འདི་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འབྱུང་བར་འགྱུར་རོ།། རྟེན་པ་མེད་པས་སྤྱོད་པ་མེད་པར་འགྱུར་རོ།། སྤྱོད་པ་མེད་པས་གཞོལ་བར་མི་འགྱུར་རོ།། ་གཞོལ་བར་མ་གྱུར་པས་ཤིན་ཏུ་སྦྱངས་པར་འགྱུར་རོ།། ཤིན་ཏུ་སྦྱངས་པས་འགྲོ་བ་དང་འོང་བར་མི་འགྱུར་རོ།། འགྲོ་བ་དང་འོང་བ་མེད་པས་གཞན་དུ་ཤི་འཕོ་ལེན་པ་མེད་པར་འགྱུར་རོ།། གཞན་དུ་འཆི་འཕོ་ལེན ་པ་མེད་པས་འདི་ལྟར་གཞན་དུ་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འགག་པར་འགྱུར་ཞིང་། ་འདི་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འགག་པར་འགྱུར་རོ།། དགེ་སློང་དག་མ་སྐྱེས་པ་དང་། མ་བྱུང་བ་དང་། མ་བཅོས་པ་དང་། འདུས་མ་བྱས་པ་དང་། མི་འབྱུང་བ་ཡོད་དོ།། སྐྱེ་བ ་དང་། འབྱུང་བ་དང་། བཅོས་མ་དང་། སེམས་པས་བྱས་པ་དང་། འདུས་བྱས་དང་། རྟེན་ཅིང་འབྲེལ་པར་འབྱུང་བ་ཡོད་དོ།། དགེ་སློང་དག་གལ་ཏེ་མ་སྐྱེས་པ་དང་། མ་བྱུང་བ་དང་། མ་བཅོས་པ་དང་། ་འདུས་བྱས་དང་། མི་འབྱུང་བ་མེད་དུ་ཟིན་ན་སྐྱེ་བ་དང་། འབྱུང་བ་དང་། བཅོས་མ་དང་། འདུས་བྱས་དང་། སེམས་པས་བྱས་པ་དང་། རྟེན་ཅིང་འབྲེལ་པར་འབྱུང་བའི་ངེས་པར་འབྱུང་བ་ཡོད་དོ་ཞེས་ང་ནི ་སྨྲའོ། ། དགེ་སློང་དག་གང་ནི་ཕྱིར་འདི་ན་མ་སྐྱེས་པ་དང་། མ་བྱུང་བ་དང་། མ་བཅོས་པ་དང་། འདུས་མ་བྱས་པ་དང་། མི་འབྱུང་བ་ཡོད་པ་དེའི་ཕྱིར་སྐྱེ་བ་དང་། འབྱུང་བ་དང་། བཅོས་མ་དང་། འདུས་བྱས་དང་། སེམས ་བས་བྱས་པ་དང་། རྟེན་ཅིང་འབྲེལ་པར་འབྱུང་བའི་ངེས་པར་འབྱུང་བ་ཡོད་དོ་ཞེས་ང་སྨྲའོ།། སྐྱེས་དང་བྱུང་དང་འབྱུང་བ་དང་།། བཅོས་དང་འདུས་བྱས་མི་བརྟན་ཞིང་།། རྒ་དང་འཆི་དང་རྨོངས་པ་ཡི།། ཆོས་ཅན་རབ ་ཏུ་འཇིག་འགྱུར་བ། ། ཟས་ཀྱི་རྒྱུད་ལས་བྱུང་བ་ཡི།། འཇིག་འགྱུར་འདི་ལ་དགའ་མི་བྱ།། དེ་ཡི་ངེས་པར་འབྱུང་བའི་གཞི།། རྟོག་དང་དཔྱོད་དང་ཞི་བ་དང་། སྡུག་བསྔལ་ཆོས་རྣམས་འགག་པ་སྟེ།། འདུ་བྱེད་ཉེ་བར ་ཞི་བ་བདེ། ། དགེ་སློང་དག་དེ་ནི་གང་དུ་ཡང་གནས་པར་མི་འགྱུར་ཏེ། ས་ལ་གནས་པར་མི་འགྱུར།། ཆུ་ལ་མ་ཡིན། མེ་ལ་མ་ཡིན། རླུང་ལ་མ་ཡིན། ནམ་མཁའ་མཐའ་ཡས་སྐྱེ་མཆེད་ལ་མ་ཡིན། རྣམ་ཤེས ་མཐའ་ཡས་སྐྱེ་མཆེད་ལ་མ་ཡིན། ཅི་ཡང་མེད་པའི་སྐྱེ་མཆེད་ལ་མ་ཡིན། འདུ་ཤེས་ཡོད་མིན་མེད་མིན་སྐྱེ་མཆེད་ལ་མ་ཡིན། འཇིག་རྟེན་འདི་ལ་མ་ཡིན། འཇིག་རྟེན་ཕ་རོལ་ལ་མ་ཡིན། ཉི་མ་དང་ཐ ་པ་གཉིས་ལ་གནས་པ་མ་ཡིན་ཏེ། འདི་དམིགས་པ་མེད་པར་ངས་མངོན་པར་ཤེས་སོ།། དགེ་སློང་དག་དེ་ལ་འགྲོ་བ་དང་འོང་བ་ཡོད་པར་ང་མི་སྨྲ་སྟེ། གནས་པར་མ་ཡིན་ནོ།། འཆི་འཕོ་ཡོད་པར་ང་མི་སྨྲ ་སྟེ། སྐྱེ་བར་མ་ཡིན་པ་འདི་ལྟ་བུ་འདི་ནི་སྡུག་བསྔལ་གྱི་མཐའ་ཡིན་ནོ།། ས་དང་ཆུ་དང་མེ་དང་རླུང་།། གང་ལའང་གནས་པ་མ་ཡིན་པ།། དེ་ལ་དཀར་པོས་གསལ་མི་བྱེད།། དེ་ལ ་མུན་པའང་ཡོད་མ་ཡིན། ། དེ་ལ་ཟླ་བས་སྣང་མི་བྱེད།། དེ་ལ་ཉི་མས་མངོན་མི་བྱེད།། ཐུབ་པ་བྲམ་ཟེ་གང་ཡིན་པ།། དེས་ནི་རང་གིས་རིག་པ་ཡིན།། དེ་ནི་གཟུགས་དང་གཟུགས་མེད་དང་།། སྡུག ་བསྔལ་ཀུན་ལས་རབ་ཏུ་གྲོལ། ། མཐར་ཕྱིན་འཇིགས་པ་མེད་པ་སྟེ།། རློམ་མེད་འགྱོད་པ་མེད་པ་ཡིན།། སྲིད་པའི་ཟུག་རྔུ་གཏུགས་པ་སྟེ།། ལུས་ཀྱི་ཐ་མར་གྱུར་པ་ཡིན།། འདི་ནི་མཐར་ཕྱིན ་རྣམས་ཀྱི་མཆོག། ཞི་བའི་གོ་འཕང་བླ་མེད་པ།། མཚན་མ་ཐམས་ཅད་ཟད་པ་སྟེ།། བྱང་གྲོལ་གོ་འཕང་འཆི་མེད་ཡིན།། མཚུངས་དང་མི་མཚུངས་འབྱུང་བ་ཡི།། འདུ་བྱེད་ཐུབ་པས་རབ་ཏུ་སྤངས ་ནང་དུ་མཉམ་གཞག་དགའ་བ་ཡིས། ། སྒོ་ངའི་སྦུབས་ནི་འདྲ་ལས་བྱུང་།། སྦྱིན་ཀུན་ཆོས་ཀྱི་སྦྱིན་པས་ཐུབ།། དགའ་ཀུན་ཆོས་ཀྱི་དགའ་བས་ཐུབ།། སྟོབས་ཀུན་བཟོད་པའི་སྟོབས་ཀྱིས་ཐུབ།། བདེ་ཀུན ་སྲེད་པ་ཟད་པས་ཐུབ། ། མྱ་ངན་འདས་པའི་ཚོམས་ཏེ་ཉི་ཤུ་རྩ་དྲུག་པའོ།། །། བདག་ལས་གཞན་པའི་སྐྱོན་དག་ནི།། ཕུབ་མ་གཏོར་བ་ཇི་བཞིན་དུ།། གཞན་གྱི་སྐྱོན་མཐོང་སླ་བ་སྟེ།། ་རང་གི་སྐྱོན་ནི་མཐོང་བར་དཀའ།། གཡོ་འཕྱན་ཚེ་ལོ་འཇོ་བ་ལྟར།། རང་གི་དེ་ནི་སྦེད་པ་དང་།། གཞན་གྱི་སྐྱོན་ལ་ལྟ་བྱེད་ཅིང་།། རྟག་ཏུ་འཕྱས་ལོང་འདུ་ཤེས་ཅན།། དེ་ཡིས་རིང་དུ་ཆོས་མི་མཐོང་།། གཡོན་ཕྱོག། ་ཆོས་ནི་རབ་ཏུ་འཕེལ།། སྤྱི་རྡོལ་བྱེད་ཅིང་འཕྲོག་རློམ་ཅན།། མི་གཙང་ལས་ལྡན་ཁཱ་ལྟ་བུར།། ཤིན་ཏུ་ཉོན་མོངས་འཚོ་བ་ཅན།། ངོ་ཚ་མེད་པའི་འཚོ་བ་སླ།། རྟག་ཏུ་གཙང་མ་འཚོ་བ་དང་།། ཐུབ་ཆོད་མི་བྱེད་འཛེམ ་བག་ཅན། ། འཚེ་བ་དག་ལ་ལྟ་བ་ཡི།། ངོ་ཚ་ཤེས་པའི་འཚེ་བ་དཀའ།། འཇིག་རྟེན་མུན་པར་འགྱུར་འདི་སྟེ།། དེ་ལས་ལྷག་མཐོང་ལྡན་པ་ཉུང་།། རྒྱ་ལས་ཤོར་བའི་བྱ་ལྟ་བུར།། མཐོ་རིས་ལ་དགའ་ཤས་ཙམ ་ཞིག། བྱིས་པ་ལུས་ཀྱིས་བཅིངས་གྱུར་པ།། མུན་པའི་འཁོར་གྱིས་བསྐོར་བ་ཡིན།། འཇིག་རྟེན་ནོར་ལ་ཆགས་པ་དང་།། གཞན་རྫས་ལྟ་བུར་ལྟ་བར་བྱེད།། བདག་གིས་སྐྱེ་དགུ་འདི་འབྱུང་ཞིང་།། གཞན་གྱིས་བྱས་སོ། ་སྙམ་སེམས་པ།། བདེན་པ་མིན་ལ་བདེན་ལྟ་བས།། ཅི་ཡང་མཐོང་བར་མི་འགྱུར་རོ།། དེ་ནི་འགགས་ཀྱང་མི་མཐོང་ཞིང་།། ཟུག་རྔུ་མཐོང་བར་མི་འགྱུར་རོ།། ཡུལ་སྲེད་གང་ལ་སྐྱེ་བོ་ཆགས་པ་ཡི།། ཟུག་རྔུ་དེ་དག ་སྔོན་ཆད་མཐོང་བ་དག། དེ་ནི་བདག་གིས་བྱས་སྙམ་མི་འཛིན་ཅིང་།། དེ་ནི་གཞན་གྱིས་བྱས་སྙམ་མི་འཛིན་ཏོ།། སྐྱེ་དགུ་འདི་དག་ང་རྒྱལ་ལྡན།། ང་རྒྱལ་ལ་ཆགས་ང་རྒྱལ་བཅིངས།། རྩོད་པར་གྱུར་པའི་ལྟ་བ་ཅན།། ་འཁོར་བ་ལོག་པར་མི་འགྱུར་རོ།། ཐོབ་པར་གྱུར་པ་གང་ཡིན་དང་།། ཐོབ་པར་བྱ་བ་གང་ཡིན་པ།། དེ་དག་གཉིས་ཀ་རྡུལ་གྱིས་ཡོག། རྗེས་སུ་ནད་པ་སློབ་པར་བྱེད།། གང་ཞིག་ཚུལ་ཁྲིམས་དང་། བསླབ་པ་དང་།། ་བརྟུལ་ཞུགས་དང་། ཚངས་པར་སྤྱོད་པ་དང་། དཀའ་ཐུབ་དང་། ཉེ་བར་གནས་པ་སྙིང་པོར་བྱེད་པ་འདི་ནི་མཐའ་གཅིག་གོ།། གང་ཞིག་དེ་ལྟར་ལྟ་ཞིང་འདི་སྐད་ཅེས་འདོད་པ་ནི་གཙང་བའོ།། འདོད་པ་ནི་བསོད་ནམས ་ཅན་ནོ། ། འདོད་པ་ནི་ལོངས་སྤྱད་པར་བྱའོ།། འདོད་པ་ནི་སྐྱོན་མེད་པ་ཡིན་ནོ་ཞེས་སྨྲ་ཞིང་།། དེ་དག་ལྷག་པར་འདོད་པ་རྣམས་སུ་ལྷུང་བར་བྱེད་པའི་བརྟུལ་ཞུགས་ལེན་པ་འདི་ཡང་མཐའ་གཅིག ་གོ། མཐའ་གཉིས་པོ་འདི་དག་ནི་དུར་ཁྲོད་འཕེལ་བར་བྱེད་པ་སྟེ། འདི་དག་གིས་དུར་ཁྲོད་འཕེལ་བར་བྱས་སོ།། མཐའ་གཉིས་པོ་འདི་དག་མ་མཐོང་བ་ཁ་ཅིག་ཞེན་པར་བྱེད་ཅིང་།། ཁ་ཅིག་མངོན་པར་རྒྱུག་པར་བྱེད ་ཅིང་། ལྷག་པར་རྒྱུག་པར་བྱེད་པ་དག་མིག་དང་ལྡན་པས་མཐོང་ངོ་།། མཐའ་གཉིས་པོ་དེ་དག་མཐོང་བ་ན་ཞེན་པར་མི་བྱེད། རྒྱུག་པར་མི་བྱེད་ལ། དེ་དག་ལྷག་པར་ཞེན་པར་མི་བྱེད་ཅིང་། ལྷག་པར་རྒྱུག་པར་མི་བྱེད ་པ་ཡང་མིག་དང་ལྡན་པས་མཐོང་ངོ་། ། དེ་དག་དེ་ལྟར་མི་བྱེད་ཅིང་། དེ་དག་དེ་ལྟར་མི་བྱེད་ན། དེ་དག་གི་ལམ་དུ་མི་གདགས་པ་འདི་ལྟ་བུར་འདི་ནི་སྡུག་བསྔལ་གྱི་མཐའ་ཡིན་ནོ།། ཇི་ལྟར་ཆུ་བུར་མཐོང་བ་དང་།། ཇི ་ལྟར་སྨིག་རྒྱུ་མཐོང་བ་ལྟར། ། དེ་བཞིན་འཇིག་རྟེན་ལྟ་བྱེད་པ།། འཆི་བདག་རྒྱལ་པོས་མཐོང་མི་འགྱུར།། ཇི་ལྟར་ཆུ་བུར་མཐོང་བ་དང་།། ཇི་ལྟར་སྨིག་རྒྱུ་མཐོང་བ་ལྟར།། དེ་བཞིན་ལུས་ལ་ལྟ་བྱེད་པ།། འཆི་། ་བདག་རྒྱལ་པོས་མཐོང་མི་འགྱུར།། གང་ལ་བྱིས་པ་མངོན་ཆགས་པ།། དེ་ལ་མཁས་པ་ཆགས་མི་འགྱུར།། རྒྱལ་པོའི་ཤིང་རྟ་བཀྲ་བ་ལྟར།། ལུས་འདི་རྟག་ཏུ་ལྟ་བར་གྱིས།། གང་ལ་བྱིས་པ་རྨོངས་འགྱུར། ་བ། དེ་ལ་མཁས་པས་རྨོངས་མི་འགྱུར།། རྒྱལ་པོའི་ཤིང་རྟ་བཀྲ་བ་ལྟར།། ལུས་འདི་རྟག་ཏུ་ལྟ་བར་གྱིས།། གང་དུ་བྱིས་པ་ཉམས་འགྱུར་བ།། གླང་རྒན་རྫབ་ཏུ་ཆུད་པ་བཞིན།། རྒྱལ་པོའི་ཤིང་རྟ་བཀྲ་བ་ལྟར།། ་ལུས་འདི་རྟག་ཏུ་བལྟ་བར་གྱིས།། ནད་པ་ལྟ་བུར་འཇིག་ཆོས་ཅན།། རྨ་བྱུང་བ་དང་འདྲ་བ་སྟེ།། གང་ཡང་བརྟན་པར་མི་གནས་པར།། ལུས་འདི་རྟག་ཏུ་བལྟ་བར་གྱིས།། ནད་པ་འཇིག་པའི་ཆོས་ཅན་ལྟར། ་གང་ཡང་བརྟན་པར་མི་གནས་པར།། ནོར་བུའི་རྣ་ཆ་གདུབ་ཀོར་གྱིས།། བརྒྱན་པའི་ལུས་ལ་བལྟ་བར་གྱིས།། སྐྲ་ནི་ལན་བུ་བརྒྱ་བྱས་ཤིང་།། མིག་སྨན་གྱིས་ནི་བསྐུས་པའི་མིག། བྱིས་པ་ལྷག་པར་རྨེད ་བྱེད་ཀྱང་། ། ཕ་རོལ་ཚོལ་བར་མི་བྱེད་དོ།། མིག་སྨན་གྱིས་ནི་གསར་བྲིས་ཤིང་།། རྣག་ཅན་ལུས་ནི་བརྒྱན་པར་གྱིས།། བྱིས་པ་ལྷག་པར་རྨོངས་བྱེད་ཀྱང་།། ཕ་རོལ་ཚོལ་བར་མི་བྱེད་དོ།། ལུས་ནི་དྲི་ཞིམ ་གྱིས་བསྐུས་ནས། ། རྐང་པ་བཙག་གིས་བྱུགས་པ་དག། བྱིས་པ་ལྷག་པར་རྨོངས་བྱེད་ཀྱང་།། ཕ་རོལ་ཚོལ་བར་མི་བྱེད་དོ།། གང་ཞིག་འདོད་པར་ཀུན་སྦྱོར་འབྲེལ་ཆགས་ཤིང་།། ཀུན་ཏུ་སྦྱོར་བའི་སྐྱོན་རྣམ ་མ་མཐོང་བ། ། འདོད་པར་འབྲེལ་ལ་ཆགས་པའི་མི་དེ་ཡིས།། ཆུ་བོ་མཐའ་ཡས་ཡངས་པ་རྒལ་མི་འགྱུར།། ཆགས་བྲལ་མཆོག་དང་ཐ་མ་ཐམས་ཅད་དག། འདི་ལ་བདག་དང་བདག་གིར་མི་བལྟ་ཞིང་།། ་དེ་ལྟར་རྣམ་གྲོལ་སྔོན་ཆད་མ་རྒལ་བའི།། ཆུ་བོ་རབ་རྒལ་ཡང་སྲིད་མེད་པར་འགྱུར།། གང་ཞིག་ཚལ་སྤངས་ཚལ་མེད་པ།། ནགས་ཚལ་སྤངས་ནས་ནགས་སུ་རྒྱུག། གྲོལ་བ་འཆིང་བར་གཅེན་པ་ཡི།། གང ་ཟག་འདི་ན་ལྟོས་ཤིག་ཚུར། ། ཤིང་རྟ་འཐུན་པའི་རྩིབས་ལྡན་པ།། ཡན་ལག་ཡིད་འོང་གོས་དཀར་གཡོགས།། སྡིག་མེད་འགྲོ་བ་ལ་ལྟོས་ལ།། འཆིངས་པའི་རྒྱུན་རྣམས་གཅད་པར་གྱིས།། འཇིགས་པ ་སྐྲག་པའི་མི་དག་ནི། ། ཕལ་ཆེར་རི་དང་ནགས་ཚལ་དང་།། སྐྱེད་མོས་ཚལ་དང་མཆོད་གནས་དང་།། ལྗོན་ཤིང་རྣམས་ལ་སྐྱབས་སུ་འགྲོ།། སྐྱབས་དེ་གཙོ་བོ་མ་ཡིན་ཤིང་།། སྐྱབས ་དེ་མཆོག་ཏུ་གྱུར་པ་མིན། ། དེ་ལ་སྐྱབས་སུ་སོང་བ་ཡིས།། སྡུག་བསྔལ་ཀུན་ལས་གྲོལ་མི་འགྱུར།། གང་ཞིག་སངས་རྒྱས་ཆོས་དང་ནི།། དགེ་འདུན་ལ་ནི་སྐྱབས་སོང་ཞིང་།། སྡུག་བསྔལ་སྡུག་བསྔལ་ཀུན ་འབྱུང་དང་། ། སྡུག་བསྔལ་ཡང་དག་འདས་པ་དང་།། བདེ་བ་མྱ་ངན་འདས་འགྲོ་བའི།། འཕགས་ལམ་ཡན་ལག་བརྒྱད་པ་སྟེ།། འཕགས་པའི་བདེན་པ་བཞི་པོ་དག། གང་ཚེ་ཤེས་རབ་ཀྱིས་མཐོང་བ།། དེ་ནི ་སྐྱབས་ཀྱི་མཆོག་ཡིན་ཞིང་། ། དེ་ནི་སྐྱབས་ཀྱི་དམ་པ་ཡིན།། དེ་ལ་སྐྱབས་སུ་སོང་བ་ཡིས།། སྡུག་བསྔལ་ཀུན་ལས་གྲོལ་བར་འགྱུར།། མཐོང་བས་མཐོང་ཞིང་མཐོང་བས་མ་མཐོང་མཐོང་།། མ་མཐོང་མི ་མཐོང་མཐོང་བྱ་མཐོང་མི་འགྱུར། ། འདྲ་མཐོང་ལྷག་མཐོང་ཐ་དད་དངོས་པོར་བརྗོད།། ཉིན་མཚན་ནམ་ཡང་ལྷན་ཅིག་མི་གནས་བཞིན།། འདྲ་བ་མཐོང་བ་མཐོང་མི་འགྱུར་གལ་ཏེ་མཐོང་ན་འདྲ་མི་མཐོང་། མཐོང ་འདིས་འདྲ་བ་མི་མཐོང་སྟེ། ། འདྲ་མཐོང་མི་ཡིས་མཐོང་བ་མེད།། མི་ཡིས་ཅི་མ་མཐོང་ན་འདྲ་བ་མཐོང་།། ཅི་ཞིག་མཐོང་ན་འདྲ་བ་མཐོང་མི་འགྱུར།། ཇི་ལྟར་འདི་ནི་འདྲ་བ་མཐོང་བ་དག། གང་ཞིག་མེད་ན་འདྲ ་བར་མཐོང་དང་བྲལ། ། གང་ཚེ་འདི་ཡིས་སྡུག་བསྔལ་མ་མཐོང་བ།། དེ་ཡི་ཚེ་ན་བདག་ཏུ་མཐོང་བར་འགྱུར།། ཇི་ལྟ་ཇི་ལྟར་སྡུག་བསྔལ་རྟོགས་གྱུར་པ།། དེས་ནི་བདག་འདི་འདྲ་བ་མཐོང་མི་འགྱུར།། གང་གིས་སོ་སོ ་སྐྱེ་བ་སྒྲིབས་ནས། ། འདུ་བྱེད་སྡུག་བསྔལ་མ་མཐོང་བ།། དེ་ཕྱིར་འདི་ན་འདྲ་མཐོང་སྟེ།། དེ་མེད་འདྲ་བ་མི་མཐོང་ངོ་།། མཐོང་བའི་ཆོམས་ཏེ་ཉི་ཤུ་རྩ་བདུན་པའོ།། ། སྡིག་པ་ཐམས་ཅད་མི ་བྱ་སྟེ། ། དགེ་བ་ཕུན་སུམ་ཚོགས་པར་བྱ།། རང་གི་སེམས་ནི་ཡོངས་སུ་འདུལ།། འདི་ནི་སངས་རྒྱས་བསྟན་པ་ཡིན།། སྦྱིན་པས་བསོད་ནམས་རབ་ཏུ་འཕེལ།། ལེགས་བསྡམས་དགྲ་བསོགས་མི ་འགྱུར་རོ། ། དགེ་དང་ལྡན་པས་སྡིག་པ་སྤོང་།། ཉོན་མོངས་ཟད་པས་མྱ་ངན་འདའ།། མཁས་དང་འདྲེ་དང་བྱིས་པའི་སྐྱེ་བོ་དང་།། ལྷན་ཅིག་སྤྲང་དང་གཅིག་པུ་གནས་ཀྱང་རུང་།། ངང་པས་ཆུ་ལས་འོ་མ ་འཐུང་བ་ལྟར། ། མཁས་པ་སྡིག་པ་ཅན་རྣམས་རབ་ཏུ་སྤང་།། འཇིག་རྟེན་ཉེས་དམིགས་མཐོང་བ་དང་།། འགོག་པར་འགྱུར་བའི་ཆོས་མཐོང་བས།། འཕགས་པ་སྡིག་ལ་དགའ་མི་བྱེད།། སྡིག་ཅན་དགེ་ལ ་དགའ་མི་འགྱུར། ། ལེགས་པར་ཉེར་ཞིའི་རོ་དང་ནི།། རབ་ཏུ་དབེན་པའི་རོ་ཤེས་པ།། རིམས་ནད་མེད་ཅིང་སྡིག་མེད་ལ།། ཆོས་ལ་དགའ་བའི་རོ་ངག་འཐུང་།། སེམས་ཀྱིས་ཟག་པ་མེད་པ་དང་།། སེམས ་ནི་འཆིང་བས་མ་བཅོམ་ལ། ། དགེ་དང་སྡིག་པ་རབ་སྤངས་པ།། ངན་འགྲོ་རྣམས་ཀྱི་འཇིགས་པ་དང་།། གནས་མིན་ཟློག་དང་ལེགས་སྨྲ་དང་།། ཉེས་དམིགས་སྟོན་པར་བྱེད་པ་དང་།། མཁས་པ་ཚར ་བཅད་སྨྲ་བྱེད་པ། ། དེ་ལྟའི་སྐྱེ་དགུ་བསྟེན་པར་བྱ།། དེ་ལྟ་བུ་དག་བསྟེན་བྱས་ན།། སྡིག་པར་མི་འགྱུར་ལེགས་པར་འགྱུར།། ཉེ་བར་ནི་ཞིང་རབ་ཞི་ལ།། དལ་བུས་སྨྲ་ཞིང་ཁེངས་མེད་པ།། སྡིག་པའི ་ཆོས་རྣམས་སྤྲུག་བྱེད་དེ། ། རླུང་གིས་ལྗོན་ཤིང་ལོ་མ་བཞིན།། གང་ཞིག་སྐྱེས་བུ་དག་ཅིང་ཉོན་མོངས་མེད།། རབ་ཏུ་སྡང་མེད་མི་ལ་ཁྲོ་བྱེད་པའི།། བྱིས་པ་དེ་ལ་སྡིག་པ ་ཕྱིར་འགྲོ་སྟེ། ། རྫི་ཕྱོགས་སུ་ནི་རྡུལ་རྣམས་གཏོར་བ་བཞིན།། དགེ་བ་བྱེད་པས་དགེ་བ་དང་།། སྡིག་པོ་བྱེད་ལས་སྡིག་པ་སྟེ།། མི་ཡིས་གང་དང་གང་བྱས་པ།། དེ་དེ་རང་གིས་མཐོང་བར་འགྱུར།། བདག ་གིས་སྡིག་པ་བྱས་ན་ནི། ། དེ་དག་ཁོ་ན་ཀུན་ཉོན་མོངས།། བདག་གིས་སྡིག་པ་མ་བྱས་ན།། བདག་ཉིད་ཁོ་ན་རྣམ་པར་དག། གཞན་གྱིས་གཞན་སྦྱོང་མི་བྱེད་ཀྱི།། དག་དང་མ་དག་རང་རང་བྱེད།། བདག ་ཉིད་ཀྱིས་ནི་སྡིག་པ་དག། བྱས་ཤིང་ཉེ་བར་བསགས་པ་ཡིས།། བསམ་བརླག་མངོན་དུ་འཇོམས་པར་བྱེད།། རྡོ་རྗེས་ནོར་བུ་འབིགས་པ་བཞིན།། མིག་ལྡན་འགྲོ་བར་བྱེད་པ་ཡིས།། ཉམ་ངའི་ལམ་དག ་ཇི་ལྟ་བར། ། མཁས་པས་འཚེ་བའི་འཇིག་རྟེན་འདིར།། སྡིག་པ་དག་ནི་ཡོངས་སུ་སྤང་།། ནོར་ཆེན་གྱིས་ནི་གྲོགས་ཉུང་དང་།། ཚོང་པས་འཇིགས་བཅས་ལམ་དང་ནི།། གསོན་པར་འདོད་པས་དུག་ལྟ་བུར།། ་མཁས་པས་སྡིག་ཅན་ཡོངས་སུ་སྤང་།། གལ་ཏེ་ལག་མ་བིལ་རྨ་མེད་ན།། ལག་པས་དུག་ནི་བཟུང་བྱས་ཀྱང་།། རྨ་མེད་དྲུག་ནི་མི་འཛིན་ལྟར།། མ་བྱས་པ་ལ་སྡིག་པ་མེད།། བདག་ལ་མི་ཕན་བྱ་བ་དང་།། ལེག ་པ་མ་ཡིན་བྱ་བར་སླ། ། གང་དག་ཕན་ཞིང་བདེར་འགྱུར་བ།། དེ་ནི་མཆོག་ཏུ་བྱ་བར་དཀའ།། དམ་པས་ལེགས་པར་བྱ་སླ་ཡི།། དམ་པས་སྡིག་པ་བྱ་བར་དཀའ།། ངན་པས་སྡིག་པ་བྱ་སླ་ཡི།། འཕགས་པས་སྡིག ་། ཇི་སྲིད་རྫི་མ་སྨིན་པ།། དེ་སྲིད་བྱིས་པ་དང་ར་བར་སེམས།། གང་ཚེ་སྡིག་པ་སྨི་གྱུར་པ།། དེ་ཚེ་དེ་ནི་ཚེ་བར་སེམས།། ཇི་སྲིད་སྡིག་པ་མ་སྨིན་པ།། དེ་སྲིད་སྡིག་པ་རུང་བར་ལྷ།། ག ་སྡིག་པ་སྨིན་གྱུར་པ། ། དེ་ཚེ་སྡིག་པ་མཐོང་བར་འགྱུར།། ཇི་སྲིད་བཟང་པོ་མ་སྨིན་པ།། དེ་སྲིད་བཟང་པོ་སྡིག་པར་མཐོང་།། གང་ཚེ་བཟང་པོ་སྨན་གྱུར་པ།། དེ་ཚེ་བཟང་པོ་མཐོང་བར་འགྱུར།། སྡིག་བསྡུག ་བསྔལ་སོགས་པ་ན། ། དེ་ལ་དགའ་བར་མི་བྱའོ།། ། བརྒྱ་ལ་སྡིག་པ་བྱས་ན་ཡང་།། ཡང་དང་ཡང་དུ་དེ་མི་བྱ།། བསོད་ནམས་བདེ་བ་སོགས་པས་ན།། དེ་ཉིད་ལ་ནི་དགའ་བར་བྱ།། ་གལ་ཏེ་བསོད་ནམས་བྱས་ན་ཡང་།། དེ་ནི་ཡང་དང་ཡང་དུ་བྱ།། སྡིག་ལ་ཡིད་ནི་མངོན་དགའ་བ།། བསོད་ནམས་དལ་བུས་བྱེད་འགྱུར་བས།། སྡིག་པ་ལས་ནི་སེམས་བཟློག་ཅིང་།། བསོད་ནམས་མངོན ་པར་སྦྱར་ཏེ་བྱ། ། སྡིག་པ་ཆུང་ངུ་བྱས་པས་ཀྱང་།། འཇིག་རྟེན་ཕ་རོལ་འཇིགས་ཆེན་དང་།། ཕུང་ཁྲོལ་ཆེན་པོ་བྱེད་འགྱུར་ཏེ།། ཁོང་པར་སོང་བའི་དུག་བཞིན་ནོ།། བསོད་ནམས་ཆུང་ངུ་བྱས་པས་ཀྱང་།། འཇིག ་རྟེན་ཕ་རོལ་བདེ་བར་འདྲེན། ། དོན་ཆེན་དག་ཀྱང་བྱེད་འགྱུར་ཏེ།། འབྲུ་རྣམས་ཕུན་སུམ་འབྱོར་པ་བཞིན།། གང་ཞིག་ཉེས་མེད་ཆད་པས་གཅོད།། སྡང་བ་མིན་ལ་རབ་སྡང་བ།། གནས་གཞན་གང་ཡང་རུང་བ་བཅུ།། ་མྱུར་དུ་ཐོབ་པ་ཁོ་ནར་འགྱུར།། ཚོར་བ་མི་བཟད་བ་དག་གམ།། ཡང་ན་ལུས་ནི་འདྲལ་བ་འམ།། གནོད་པའི་ཚོར་བ་ཚ་བའང་རུང་།། ཡང་ན་སེམས་འཁྲུགས་ཐོབ་པར་འགྱུར།། གཉེན་འདུན་རྣམས་དང་བྲལ་བ་འམ།། ་ལོངས་སྤྱོད་ཟད་པར་འགྱུར་བའམ།། རྒྱལ་པོའི་གནོད་པ་འབྱུང་བའམ།། མི་སྣུན་ཤིན་ཏུ་མི་བཟད་དམ།། ཡང་ན་ཁྱིམ་ནི་མི་ཆེན་པོས།། ངེས་པར་སྲེག་པར་བྱེད་པར་འགྱུར།། ཤེས ་རབ་འཐབ་པ་ལུས་ཞིག་ནས། ། བཅུ་པ་ངན་འགྲོར་འགྲོ་བར་འགྱུར།། སྡིག་པ་བྱས་པས་བགདབབ་མི་བྱ་སྟེ།། རིང་བྱས་རྒྱང་མར་བྱས་ཀྱང་བག་མི་དབབ།། དབེན་པར་བྱས་ཀྱང་བག་དབབ་མི་བྱ་སྟེ།། དེ་ཡི་རྣམ ་སྨིན་ཡོད་པས་བག་མི་དབབ། ། བསོད་ནམས་བྱས་པས་བག་ནི་དབང་བྱ་སྟེ།། རིང་རྒྱས་རྒྱང་རིང་བྱས་ཀྱང་བག་དབབ་ཅིང་།། དབེན་པར་བྱས་ཀྱང་བག་ནི་དབབ་པར་བྱ།། དེ་ཡི་རྣམ་སྨིན་ཡོད་པས་བག་དབབ་བོ།། ་བདག་གིས་སྡིག་པ་བྱས་པས་མྱ་ངན་བྱེད།། རིང་དང་རྒྱང་རིང་བྱས་པས་མྱ་ངན་བྱེད།། བདག་གིས་དབེན་པར་བྱས་པས་མྱ་ངན་བྱེད།། དེ་ཡི་རྣམ་སྨིན་ཡོད་པས་མྱ་ངན་བྱེད།། བདག་ཉིད་ནག་པོའི་ལས་དང་ལྡན་མཐོང ་ནས། ། འདིར་ཡང་མྱ་ངན་གཞན་དུའང་མྱ་ངན་བྱེད།། སྡིག་པ་བྱས་པས་གཉིས་ཀར་མྱ་ངན་བྱེད།། དེ་ནི་མྱ་ངན་དེ་རབ་མྱ་ངན་བྱེད།། བདག་གིས་བསོད་ནམས་བྱས་པས་དགའ་བར་འགྱུར།། རིང་དང་རྒྱང་རིང་བྱས་པས ་དགའ་བར་འགྱུར། ། བདག་གིས་དབེན་པར་བྱས་པས་དགའ་བར་འགྱུར།། དེ་ཡི་རྣམ་སྨིན་ཡོད་པས་དགའ་བར་འགྱུར།། བདག་ཉིད་རྣམ་དག་ལས་དང་ལྡན་མཐོང་ནས།། འདི་ན་དགའ་འགྱུར་གཞན་དུའང་དགའ་བར ་འགྱུར། ། བསོད་ནམས་བྱས་པས་གཉིས་ཀས་དགའ་འགྱུར་ཞིང་།། དེ་ནི་དགའ་འགྱུར་དེར་བ་དགའ་བར་འགྱུར།། བདག་གིས་སྡིག་པ་བྱས་པས་གདུང་འགྱུར་ཞིང་།། རིང་བྱས་རྒྱང་རིང་བྱས་པས་གདུང་བར་འགྱུར།། ་བདག་གིས་དབེན་པར་བྱས་པས་གདུང་འགྱུར་ཞིང་།། དེ་ཡི་རྣམ་སྨིན་ཡོད་པས་གདུང་བར་འགྱུར།། བདག་ཉིད་ནག་པོའི་ལས་དང་ལྡན་མཐོང་ནས།། འདི་ན་གདུང་འགྱུར་ཕ་རོལ་གདུང་བར་འགྱུར།། སྡིག་པ་བྱས་པས ་གཉིས་ཀར་གདུང་འགྱུར་ཞིང་། ། དེ་ནི་གདུང་འགྱུར་དེ་རབ་གདུང་བར་འགྱུར།། བདག་གིས་བསོད་ནམས་བྱས་པས་དགའ་འགྱུར་ཞིང་།། རིང་བྱས་རྒྱང་རིང་བྱས་པས་དགའ་བར་འགྱུར།། བདག་གིས་དབེན་པར་བྱས ་པས་དགའ་འགྱུར་ཞིང་། ། དེ་ཡི་རྣམ་སྨིན་ཡོད་པས་དགའ་བར་འགྱུར།། བདག་ཉིད་དཀར་པོའི་ལས་དང་ལྡན་མཐོང་ནས།། འདི་ནི་དགའ་འགྱུར་ཕ་རོལ་དགའ་བར་འགྱུར།། བསོད་ནམས་བྱས་པས་གཉིས་ཀར ་དགའ་འགྱུར་ཞིང་། ། དེ་ནི་དགའ་འགྱུར་དེ་རང་དགའ་བར་འགྱུར།། སྡིག་པ་བྱས་ཤིང་བསོད་ནམས་མ་བྱས་ལ།། ཆོས་དང་གྲོལ་ཞིང་ཆོས་མིན་ཐོབ་པའི་མི།། སྡིག་པའི་ལས་ཅན་འཆི་བས་འཇིགས་འགྱུར་ཏེ། ་ཆུ་ཆེན་ནང་དུ་གྲུང་ན་ཞིག་པ་བཞིན།། བསོད་ནམས་བྱས་ཤིང་སྡིག་པ་མ་བྱས་ལ།། དམ་པ་རྣམས་ཀྱིས་སྔོན་གྱི་ཆོས་སྤྱད་པས།། ང་ནི་ནམས་ཀྱང་འཆི་བས་འཇིགས་མེད་དེ།། བརྟན་པའི་གྲུ་ཡིས་ཕ་རོལ ་འགྲོ་བ་བཞིན། ། སྡིག་པའི་ཆོམས་ཏེ་ཉི་ཤུ་རྩ་བརྒྱད་པའོ།། ། ཇི་སྲིད་ཉི་མ་མ་ཤར་བའི།། དེ་སྲིད་སྲིན་བུ་མེ་ཁྱེར་སྣང་།། ཉི་མ་ཤར་བར་གྱུར་པ་ནི།། སྣང་བ་མེད་ཅིང་སྔོན་པོར་གྱུར།། ་ཇི་སྲིད་དེ་བཞིན་གཤེགས་མ་ཤར།། དེ་སྲིད་རྟོགས་གེ་པ་རྣམས་སྣང་།། འཇིག་རྟེན་རྫོགས་སངས་རྒྱས་ཤར་བ།། རྟོག་ཅན་ཉན་ཐོས་བཅས་མི་སྣང་།། གཅེས་མིན་གཅེས་པར་བློས་འཛིན་ཅིང་།། གཅེས་ལ ་གཅེས་པ་མིན་རྟོག་པ། ། ལོག་པར་ཀུན་སྤྱོད་ཡུལ་ཅན།། དེས་ནི་གཅེས་པ་ཐོབ་མི་འགྱུར།། གཅེས་པ་མིན་ལ་གཅེས་མིན་དང་།། གཅེས་ལ་གཅེས་པར་འདུ་ཤེས་ལ།། ལེགས ་པར་ཀུན་རྟོག་སྤྱོད་ཡུལ་ཅན། ། དེ་ནི་གཅེས་པ་ཐོབ་པར་འགྱུར།། འདི་ནི་ལྷ་དང་ཉན་ལ་མངོན་ཞེན་པའི།། འཆིངས་མ་གསར་དུ་འཕེལ་བ་དག། འཁོར་བར་རྒྱུག་ཅིང་འགྲོ་དང་སྡོད་འགྱུར་ཏེ།། མེ་ནང་ལྟུང་བའི ་ཕྱེ་མ་ལེབ་དང་འདྲ། ། འདི་ལ་མྱོང་འགྱུར་གཞན་ལ་མྱོང་འགྱུར་བ་འམ།། འདི་ནི་ཐེ་ཙོམ་པ་དང་ཇི་སྙེད་པ།། དེ་དག་ཚངས་པར་སྤྱད་སྤྱོད་འབད་པ་དང་།། སེམས་པར་བྱེད་པས་རབ་ཏུ་རྣམ་པར་སྤོང་།། གང ་ཞིག་སྙིགས་མ་ཡོད་བཞིན་དུ། ། ངུར་སྨྲིག་གོས་ནི་གྱོན་བྱེད་པ།། དུལ་དང་ངེས་པ་མེད་པ་དེས།། ངུར་སྨྲིག་གྱོན་པའི་འོས་མ་ཡིན།། གང་ཞིག་སྙིགས་མ་རྣམས་སྤངས་ནས།། ཚུལ་ཁྲིམས་ལེགས་པ ་མཉམ་གཞག་པ། ། དུལ་དང་ངེས་པར་ལྡན་པ་དེས།། ངུར་སྨྲིག་གྱོན་པའི་འོས་ཡིན་ནོ།། གཡོ་སྒྱུ་འཇུངས་དང་ལྡན་པའི་མི།། ཁ་དོག་དང་ནི་གཟུགས་ལྡན་པའམ།། ཡང་ན་སྨྲ་བར་བྱེད་ཙམ་གྱིས། ཕོ ་མཆོག་ཡིན་པར་མི་ཆུད་དོ། ། གང་ཞིག་ཆོས་གསུམ་དེ་དག་རྣམས།། ཏ་ལའི་མགོ་བོ་བཞིན་བཅད་ནས།། བློ་ལྡན་སྐྱོན་ནི་བསལ་བ་དེས། ཕོ་མཆོག་ཡིན་པར་བརྗོད་པར་བྱ།། འཇིག་རྟེན་འདི་ན་ལེགས ་བར་མ་བསྡམས་པས། ། ཕལ་ཆེར་ལེགས་བསྡམས་རྟགས་ཀྱིས་རྒྱུ་བྱེད་པས།། ལེགས་པར་མ་བརྟགས་བར་དུ་མི་དག་གིས།། མདོག་གཟུགས་ལན་འགའ་མཐོང་བས་ཡིད་མརྟོན།། ར་ག་ན་ཁ་བསྒྱུར་ལྟ་བུར་མི ་འཚམ་ཞིང་། ། ལྕགས་ཕྱེད་གསེར་གྱིས་གཡོགས་པ་ཇི་ལྟ་བུར།། ཁོང་པ་རབ་གདུག་ཕྱི་རོལ་འཕགས་ཚུལ་གྱིས།། འཇིག་རྟེན་འདི་ན་འཁོར་དང་བཅས་པར་རྒྱུ།། གང་ཞིག་རྗེ་འགེངས་གཉིད་ནི་ལྡོག་པ་དང་། ་ཉིན་དང་མཚན་དུ་འགྲེ་ལྡོག་ཉལ་བྱེད་པ།། རྫབ་ནང་བག་ཆེན་ལུས་རྒྱས་ཇི་ལྟ་བར།། ཡང་དང་ཡང་དུ་སྨད་པའི་མངལ་དུ་འཇུག། མི་ནི་རྟག་ཏུ་དྲན་དང་ལྡན་པ་དང་།། རྟག་ཏུ་ཁ་ཟས་ཀྱི་ནི་ཚོད་ཤེས་པ།། དེ ་ཡི་སྡུག་བསྔལ་ཆུང་བར་འགྱུར་བ་དང་། ། དལ་བུས་འཛུབས་ཚེ་ཡང་རིང་བར་བྱེད།། གང་ཞིག་དབང་པོ་མ་བསྡམས་ཤིང་།། ཟས་ཀྱི་ཚོད་ནི་མི་ཤེས་ལ།། དྲན་པ་ཉམས་དང་ལེ་ལོ་ཅན།། གཙང་བར་ལྟ། ་ཞིང་གནས་བྱེད་པ།། དེ་ནི་འདོད་ཆགས་རྣམས་ཀྱིས་བཅོམ།། རླུང་གིས་མི་བརྟན་ལྗོན་ཤིང་བཞིན།། གང་ཞིག་དབང་པོ་ལེགས་བསྡམས་ཤིང་།། ཟས་ཀྱི་ཚོད་ནི་ཤེས་པ་དང་།། སོ་སོར་དྲན་བཞིན་བརྩོན། ་འགྲུས་ལྡན།། མི་གཙང་ལྟ་བས་གནས་བྱེད་པ།། དེ་ནི་འདོད་ཆགས་ཀྱིས་མི་ཚོམས།། རླུང་གིས་རི་བོ་གཡོས་པ་བཞིན།། དགོན་པ་དགའ་བར་བྱ་འོས་པ།། དེ་ལ་སྐྱེ་བོ་མི་དགའ་ཡང་།། དེ་ལ་འདོད། ་ཆགས་བྲལ་བ་དགའ།། འདོད་པ་ཚོལ་བར་བྱེད་རྣམས་མིན།། དགོན་པའམ་ཡང་ན་གྲོང་དག་གམ།། གཤོང་ངམ་ཟང་བུ་དག་ཀྱང་རུང་།། གང་ན་འཕགས་པ་བཞུགས་པ་ཡི།། ས་དེ་ཡིད་དུ་འོང་བ ་ཡིན། ། དམ་པ་རིང་ནས་སྣང་འགྱུར་ཏེ།། གངས་ཅན་གྱི་ནི་རོ་བོ་བཞིན།། ངན་པ་ཉེ་ཡང་མི་སྣང་སྟེ།། མུན་ཁྲོད་མདའ་ནི་འཕངས་པ་བཞིན།། མཁས་པ་དོན་སེམས་བྱེད་པ་ཡི།། དམ་པ་ཉིད་དང་འགྲོགས ་ན་ནི། ། དོན་ཆེན་འགྱུར་ཞིང་ཟབ་མོ་ཡི།། ཤེས་རབ་སོ་སོར་རྟོག་པར་འགྱུར།། གཞུ་ཡིས་མདའ་འཕངས་བསྣུན་པ་ཡིས།། གཡུལ་ངོའི་གླང་ཆེན་ཇི་བཞིན་དུ།། ཚུལ་འཚལ་སྐྱེ་བོ ་མང་པོ་ཡིས། ། མི་སྙན་སྨྲས་པ་བཟོད་པར་བྱ།། མི་གང་ཁྱིམ་འབིགས་བྱེད་པ་དང་།། དད་པ་མེད་ཅིང་བྱས་མི་གཟོ།། གོ་སྐབས་བཅོམ་དང་སྐྱུགས་པ་ཟ།། དེ་ནི་སྐྱེས་བུ་དམ་པ་ཡིན།། ཕ་མ་དག་ནི་བསད ་བྱས་ཤིང་། ། རྒྱལ་པོ་གཙང་སྦྲ་ཅན་གཉིས་དང་།། ཡུལ་འཁོར་འཁོར་དང་བཅས་བཅོམ་ན།། མི་ནི་དག་པར་འགྱུར་ཞེས་བྱ།། གང་དག་ཀུན་ཏུ་སོགས་མེད་ཅིང་།། གང་དག་ཁ་ཟས་ཡོངས་ཤེས་པ།། ་སྟོང་དང་མཚན་མ་མེད་པ་དང་།། དབེན་པ་ཉིད་ཀྱི་སྤྱོད་ཡུལ་ཅན།། དེ་དག་འགྲོ་བ་རྟོགས་དཀའ་སྟེ།། ནམ་མཁའ་ལ་ནི་བྱ་རྗེས་བཞིན།། གང་དག་ཀུན་ཏུ་སོགས་མེད་ཅིང་།། གང་དག་ཁ་ཟས་ཡོངས་ཤེས་པ། ་སྟོང་དང་མཚན་མ་མེད་པ་དང་།། དབེན་པ་ཉིད་ཀྱི་སྤྱོད་ཡུལ་ཅན།། དེ་དག་རྗེས་ནི་རྟོགས་དཀའ་སྟེ།། ནམ་མཁའ་ལ་ནི་བྱ་རྗེས་བཞིན།། གང་དག་ཀུན་ཏུ་སོགས་མེད་ཅིང་།། གང་དག་ཁ་ཟས་ཡོངས་ཤེས་པ།། ་སྟོང་དང་མཚན་མ་མེད་པ་དང་།། རྟག་ཏུ་བསམ་གཏན་སྤྱོད་ཡུལ་ཅན།། དེ་དག་འགྲོ་བ་རྟོགས་དཀའ་སྟེ།། ནམ་མཁའ་ལ་ནི་བྱ་རྗེས་བཞིན།། གང་དག་ཀུན་ཏུ་སོགས་མེད་ཅིང་།། གང་དག་ཁ་ཟས་ཡོངས་ཤེས་པ།། ་སྟོང་དང་མཚན་མ་མེད་པ་དང་།། རྟག་ཏུ་བསམ་གཏན་སྤྱོད་ཡུལ་ཅན།། དེ་དག་རྗེས་ནི་རྟོགས་དཀའ་སྟེ།། ནམ་མཁའ་ལ་ནི་བྱ་རྗེས་བཞིན།། གང་དག་ཀུན་ཏུ་སོགས་མེད་ཅིང་།། གང་དག་ཁ་ཟས་ཡོངས་ཤེས་པ། ་སྟོང་དང་མཚན་མ་མེད་པ་དང་།། དབེན་པ་ཉིད་ཀྱི་སྤྱོད་ཡུལ་ཅན།། དེ་དག་འགྲོ་བ་རྟོགས་དཀའ་སྟེ།། ནམ་མཁའ་ལ་ནི་བྱ་རྗེས་བཞིན།། གང་དག་ཀུན་ཏུ་སོགས་མེད་ཅིང་།། གང་དག་ཁ་ཟས་ཡོངས་ཤེས་པ། ་སྟོང་དང་མཚན་མ་མེད་པ་དང་།། དབེན་པ་ཉིད་ཀྱི་སྤྱོད་ཡུལ་ཅན།། དེ་དག་རྗེས་ནི་རྟོགས་དཀའ་སྟེ།། ནམ་མཁའ་ལ་ནི་བྱ་རྗེས་བཞིན།། གང་དག་པ་མཐར་རྟེན་མེད་ཅིང་།། གང་གིས་ཟག་ཟད་ཡོངས་ཤེས་པ།། སྟོང ་དང་མཚན་མ་མེད་པ་དང་། ། དབེན་པ་ཉིད་ཀྱི་སྤྱོད་ཡུལ་ཅན།། དེ་དག་འགྲོ་བ་རྟོགས་དཀའ་སྟེ།། ནམ་མཁའ་ལ་ནི་བྱ་རྗེས་བཞིན།། གང་དག་ཕ་མཐར་རྟེན་མེད་ཅིང་།། གང་གིས་ཟག་ཟད་ལོངས་ཤེས་པ།། སྟོང ་དང་མཚན་མ་མེད་པ་དང་། ། དབེན་པ་ཉིད་ཀྱི་སྤྱོད་ཡུལ་ཅན།། དེ་དག་རྗེས་ནི་རྟོགས་དཀའ་སྟེ།། ནམ་མཁའ་ལ་ནི་བྱ་རྗེས་བཞིན།། གང་དག་པ་མཐར་རྟེན་མེད་ཅིང་།། གང་གིས་ཟག་ཟད་ཡོངས་ཤེས་པ།། སྟོང ་དང་མཚན་མ་མེད་པ་དང་། ། རྟག་ཏུ་བསམ་གཏན་སྤྱོད་ཡུལ་ཅན།། དེ་དག་འགྲོ་བ་རྟོགས་དཀའ་སྟེ།། ནམ་མཁའ་ལ་ནི་བྱ་རྗེས་བཞིན།། གང་དག་ཕ་མཐར་རྟེན་མེད་ཅིང་།། གང་གིས་ཟག་ཟད་ཡོངས་ཤེས་པ།། ་སྟོང་དང་མཚན་མ་མེད་པ་དང་།། རྟག་ཏུ་བསམ་གཏན་སྤྱོད་ཡུལ་ཅན།། དེ་དག་འགྲོ་བ་རྟོགས་དཀའ་སྟེ།། ནམ་མཁའ་ལ་ནི་བྱ་རྗེས་བཞིན།། གང་དག་ཕ་མཐར་རྟེན་མེད་ཅིང་།། གང་གིས་ཟག་ཟད་ཡོངས་ཤེས་པ ་སྟོང་དང་མཚན་མ་མེད་པ་དང་། ། རྟག་ཏུ་བསམ་གཏན་སྤྱོད་ཡུལ་ཅན།། དེ་དག་རྗེས་ནི་རྟོགས་དཀའ་སྟེ།། ནམ་མཁའ་ལ་ནི་བྱ་རྗེས་བཞིན།། གང་དག་ཕ་མཐར་རྟེན་མེད་ཅིང་།། གང་གིས་ཟག་ཟད་ཡོངས་ཤེས་པ། ་སྟོང་དང་མཚན་མ་མེད་པ་དང་།། རྟག་ཏུ་བསམ་གཏན་སྤྱོད་ཡུལ་ཅན།། དེ་དག་རྗེས་ནི་རྟོགས་དཀའ་སྟེ།། ནམ་མཁའ་ལ་ནི་བྱི་རྗེས་བཞིན།། སྐྱེ་དགུ་ཕལ་པ་འདི་དག་ནི།། བ་མཐའ་ཉིད་དུ་རྒྱུག ་བྱེད་པས། ། གང་དག་ཕ་རོལ་འགྲོ་བྱེད་པས།། མི་ཡི་སྐྱེ་བོ་དེ་དག་ཉུང་།། གང་དག་ལེགས་པར་གསུངས་པ་ཡི།། ཆོས་ལ་ཆོས་ཀྱི་རྗེས་སུ་ལྟ།། སྐྱེ་བོ་དེ་དག་སྐྱེ་ཤི་ཡི།། མཚོ་ཆེན་རྒལ་དཀའི་ཕ་རོལ་འགྲོ།། སྐྱོབ་པ ་རབ་ཏུ་རྣམ་གྲོལ་ཞིང་། ། དུས་འདས་མྱ་ངན་བྲལ་བ་དང་།། མདུད་པ་ཐམས་ཅད་སྤངས་པ་ལ།། ཡོངས་སུ་གདུང་བ་ཡོད་མི་འགྱུར།། འཇིགས་དང་བཅས་པའི་ལམ་རྒྱལ་ཅིང་།། ག་ལངས་ཡོངས་སུ་སྤངས་པ ་དང་། ། སྦྱོར་དང་མདུད་པ་ལས་གྲོལ་བས།། འདོད་ཆགས་ཀྱི་ནི་དུག་ཀུན་བཅོམ།། འདོད་པ་ལྟ་བུའི་འདམ་རྫབ་མེད།། ཞེ་སྡང་ལྟ་བུའི་གདོན་མེད་དོ།། གཏི་མུག་ལྟ་བུའི་རྒྱ་མེད་དོ།། སྲེད་པ་ལྟ་བུའི་ཆུ་ཀླུང་མེད།། ་ནམ་མཁའ་ལ་ནི་རྗེས་ལྟ་བུར།། ཕྱི་རོལ་པ་ལ་དགེ་སྦྱོང་མེད།། བྱིས་པ་སྤྲོས་ལ་མངོན་པར་དགའ།། དེ་བཞིན་གཤེགས་ལ་སྤྲོས་མི་མངའ།། སྦྱོར་བས་བྱིས་པ་ཁྲིད་པའི་ཕྱིར།། མཁས་པ་སྦྱོར་བ་འཇོམས ་པར་བྱེད། ། མཁས་པ་ལྷ་དང་མི་དག་གི། སྦྱོར་བ་ཀུན་དང་བྲལ་བའི་ཕྱིར།། སྡུག་བསྔལ་ཀུན་ལས་གྲོལ་བར་འགྱུར།། འབྱོར་པ་ལས་ནི་སྲིད་པ་འབྱུང་།། སྦྱོར་བ་མེད་པས་སྲིད་མེད་པའི།། ལམ་འདི་གཉིས་ནི ་ཤེས་གྱིས་ལ། ། སྦྱོར་བས་རབ་ཏུ་འདའ་བྱའི་ཕྱིར།། མཁས་པས་དེ་ལ་བསླབ་པར་གྱིས།། ཉེས་པར་སྤྱད་པ་བྱས་པས་གདུང་འགྱུར་ཞིང་།། ངན་འགྲོར་སོང་བའི་འོག་ཏུའང་གདུང་བར་འགྱུར།། ལེགས་པར་སྔ ་པར་བྱས་པས་དགའ་འགྱུར་ཞིང་། ། བདེ་འགྲོར་སོང་བའི་འོག་ཏུའང་དགའ་བར་འགྱུར།། ཕྱི་ནས་གདུང་འགྱུར་དེ་བྱེད་པས།། ཉེས་ན་ཉེས་སྤྱད་མ་བྱས་བླ།། གདུང་བར་མི་འགྱུར་དེ་བྱ་སྟེ།། ལེགས་པར་སྤྱད ་པ་བྱས་ན་རུང་། ། མཁས་དང་བྱིས་པ་འདྲེས་པ་ལས། ཨ་སྨས་ཤེས་པར་མི་འགྱུར་བས།། ཞི་བའི་གོ་འཕང་སྨྲོས་ཤིག་དང་།། སྨྲས་པ་ཡིས་ནི་ཤེས་པར་འགྱུར།། ལེགས་བཤད་དྲང་སྲོང་རྒྱལ་མཚོན ་ཏེ། དྲང་སྲོང་རྒྱལ་མཚན་ཆོས་ཡིན་པའི།། ཆོས་ནི་བཤད་པས་གསལ་བྱ་ཞིང་།། དྲང་སྲོང་རྒྱལ་མཚན་བསྒྲེང་བར་གྱིས།། མ་སྨྲས་ན་ཡང་སྨོད་བྱེད་ཅིང་།། མང་དུ་སྨྲས་ན་སྨོད་པར་བྱེད།། དལ་བུས་སྨྲས ་ཀྱང་སྨོད་བྱེད་དེ། ། འཇིག་རྟེན་ན་ནི་མི་སྨད་མེད།། གཅིག་ཏུ་སྨད་པར་བྱ་བ་དང་།། གཅིག་ཏུ་བསྟོད་པར་བྱ་བ་ཡིས།། ད་ལྟར་ཡོད་པ་མ་ཡིན་ཏེ།། བྱུང་བར་མ་གྱུར་འབྱུང་མི་འགྱུར།། གང་དག་ལ་ནི་མི་གནས ་སྤྲོས་མེད་ཅིང་། ། གང་དག་ཀུན་སྦྱོར་གདུང་ལས་རབ་ལོག་པ།། ཐུབ་པ་སྲེད་བྲལ་དེ་དག་རྒྱུ་མཛད་ཀྱང་།། ལྷར་བཅས་འཇིག་རྟེན་རྣམས་ཀྱིས་མི་ཤེས་སོ།། གང་གིས་དང་དང་ཚུལ་ཁྲིམས་དང་།། བློ་ལ་ཕན ་ནིམ་བྱུང་བར། ། ཇི་ལྟ་ཇི་ལྟར་རྟོགས་གྱུར་པའི།། ཤེས་པ་ཅན་དག་སྟོང་བྱེད་དེ།། དེ་དག་སུས་ཀྱང་སྨད་འོས་མིན།། འཛམ་བུ་གླིང་གི་གསེར་རྒྱན་བཞིན།། ཇི་ལྟར་རི་དང་བྲག་དག་ནི།། རླུང་གིས་གཡོས་པར ་མི་འགྱུར་ལྟར། ། དེ་བཞིན་བསྟོད་དང་སྨད་པ་ཡིས།། མཁས་པ་རབ་ཏུ་གཡོ་བ་མེད།། ས་ལ་གང་གི་རྩ་མེད་པ།། ལོ་མེད་ལྕུག་ཕྲན་ག་ལ་ཡོད།། འཆིང་བ་ལས་གྲོལ་བརྟན་པ་སྟེ།། ཇི་གསུས་ཀྱང ་སྨད་འོས་མིན། ། གང་ཞིག་རྒྱལ་བས་མི་ཉམས་ཤིང་།། འཇིག་རྟེན་མ་རྒྱལ་ཅུང་ཟད་མེད།། སངས་རྒྱས་སྤྱོད་ཡུལ་མཐའ་ཡས་དེ།། འགྲོ་མེད་གོམ་པ་གང་གིས་བཀྲི།། གང་ཞིང ་རྒྱལ་ལས་མི་ཉམས་ཤིང་། ། འཇིག་རྟེན་མ་རྒྱལ་ཅུང་ཟད་མེད།། སངས་རྒྱས་མཐུ་རྩལ་མཐའ་ཡས་དེ།། འགྲོ་མེད་གོམ་པ་གང་གིས་བཀྲི།། གང་ལ་ཁྲིད་བྱེད་སྲེད་པ་ནི།། ཡུལ་སྲེད་འདྲ་བ་འགའ་མེད་པ།། ་སངས་རྒྱས་སྤྱོད་ཡུལ་མཐའ་ཡས་དེ།། འགྲོ་མེད་གོམ་པ་གང་གིས་བཀྲི།། གང་ལ་ཁྲིད་བྱེད་སྲེད་པ་ནི།། ཡུལ་སྲེད་འདྲ་བ་འགའ་མེད་པ།། སངས་རྒྱས་མཐུ་རྩལ་མཐའ་ཡས་དེ།། འགྲོ་མེད་གོམ་པ་གང ་གིས་བཀྲི། ། གང་ཞིག་རྣམ་པར་རྟོག་པ་རྣམས་བསལ་ཅིང་།། ནང་གི་ཀུན་ལ་རྣམ་པར་རྟོག་མེད་པ།། ཀུན་ཏུ་སྦྱོར་དང་གཟུགས་དང་འདུ་ཤེས་འདས།། རྣལ་འབྱོར་བཞི་དང་བྲལ་ལ་སྐྱེ་བ་མེད།། སྔོན་བྲལ ་ཕྱི་མ་དང་བྲལ་ཞིང་། ། དབུས་བྲལ་སྲིད་པའི་ཕ་རོལ་ཕྱིན།། རྣམ་པ་ཀུན་ལས་སེམས་གྲོལ་བ།། སྐྱེ་རྒ་ཕྱི་མ་འདྲེན་མི་འགྱུར།། ཕྲུགས་ཀྱི་ཆོམས་ཏེ་ཉི་ཤུ་དགུ་པའོ།། ། རྒྱལ་བ ་ལས་ནི་ཁོན་འབྱུང་ཞིང་། ། ཕ་རོལ་ཕམ་པ་སྡུག་བསྔལ་འཐོབ།། རྒྱལ་དང་ཕ་རོལ་ཕམ་སྤངས་ན།། ཉེ་བར་ཞི་བའི་བདེ་བ་འཐོབ།། གཞན་ལ་སྡུག་བསྔལ་བསྐྱེད་པ་ཡིས།། གང་ཞིག་བདག་གི་བདེ ་འདོད་པ། ། དགྲ་དང་མི་འབྲལ་འགྲོགས་པ་དང་།། དེ་ནི་སྡུག་བསྔལ་ལས་མི་འགྲོལ།། བདེ་བ་འདོད་ཕྱིར་འབྱུང་པོ་ལ།། གང་ཞིག་འཚེ་ཞིང་ཆད་པས་གཅོད།། བདག་གི་བདེ་བ་འདོད་པ་དེ།། ཕ་རོལ ་དུ་ནི་བདེ་མི་འགྱུར། ། གང་ཞིག་བདེ་བ་འདོད་པ་དག། འབྱུང་པོ་ལ་ནི་མི་འཚེ་ཞིང་།། ཆད་པས་མི་གཅོད་བདེ་འདོད་པ།། དེ་དག་ཕ་རོལ་བདེ་བ་འཐོབ།། ཆོས་སྤྱོད་ལེགས་པར་སྤྱད་བྱ་ཞིང་།། ཉེས་པར ་སྤྱད་པ་དེ་མི་སྤྱད། ། འཇིག་རྟེན་འདི་དང་ཕ་རོལ་ཏུ།། ཆོས་སྤྱད་པས་ནི་བདེ་བ་འཐོབ།། ཆོས་ལ་ལེགས་སྤྱད་བདེ་བསྐྱེད་པས།། ཆོས་སྤྱོད་ཆོས་ཀྱིས་བསྲུང་བར་བྱ།། ཆོས་སྤྱོད་ངན་འགྲོར་མི་འགྲོ་བ།། ཆོས ་ལ་ལེགས་སྤྱོད་ཕན་ཡོན་དེའོ། ། ཡངས་པའི་གདུགས་ཀྱིས་དབྱར་ཀ་ལྟར།། ཆོས་སྤྱོད་ཆོས་ཀྱིས་བསྲུང་བར་བྱ།། ཆོས་སྤྱོད་ངན་འགྲོར་མི་འགྲོ་བ།། ཆོས་ལ་ལེགས་སྤྱོད་ཕན་ཡོན་དེའོ།། བག་མེད་མི ་ཡིས་ཆོས་མིན་སྤྱད་ན་ནི། ། འགྲོ་བ་གང་ཡང་རུང་བའམ་ངན་འགྲོར་འགྲོ།། འདི་ལ་སྦྲུལ་ནག་རྐེད་ནས་བཟུང་བ་ལྟར།། ཆོས་མིན་སྤྱོད་པ་དེ་དག་བརླག་པར་འགྱུར།། ཆོས་དང་ཆོས་མིན་གཉིས་ཀ་ཡི ་རྣམ་སྨིན་འདྲ་བར་མི་འགྱུར་ཏེ། ། ཆོས་མ་ཡིན་པས་དམྱལ་བར་འགྲོ།། ཆོས་ཀྱིས་བདེ་འགྲོ་ཐོབ་པར་བྱེད།། སྦྱིན་པ་བྱེད་པས་དུས་དང་གཡུལ་འགྱེད་དུས།། རྒྱུ་ཡིས་ཡོངས་སུ་བཟུང་བར་འདྲ་བས། ་། སྦྱིན་པ་བྱེད་དང་གཡུལ་འགྱེད་འདྲ་ཞེས་གསུངས།། ཡོན་ཏན་དེ་གཉིས་མི་ངན་སྟེན་མི་བྱེད།། ཤིན་ཏུ་ལེགས་པར་ཆས་པས་གཅིག་པུས་ཀྱང་།། ལེགས་པར་མ་ཆས་འཕྱེས་ལས་རྒྱལ་བྱེད ་ལྟར། ། གལ་ཏེ་དད་བསྐྱེད་ཆུང་ངུ་བྱིན་པས་ཀྱང་།། དེས་ནི་དེ་དག་གཞན་དུ་བདེ་བར་འགྱུར།། འདི་ནི་ལན་བརྒྱར་གཡུལ་བཟློག་དཔའ་བོ་བས།། སེར་སྣ་དགྲར་གྱུར་ཟིལ་གྱིས་མནན་ནས་སུ།། གང ་ཞིག་ཆགས་མེད་སེམས་ཀྱིས་སྦྱིན་བྱེད་པ། ། དེ་དག་ཅེས་དཔའ་ཡིན་པར་ངས་གསུངས་སོ།། བསོད་ནམས་རྣམ་སྨིན་བདེ་བ་སྟེ།། མངོན་པར་བསམ་པ་འབྱོར་པར་བྱེད།། མུར ་དུ་ཞི་བ་དམ་པ་ཡི། ། མྱ་ངན་འདས་པ་ཐོབ་པར་འགྱུར།། བསོད་ནམས་བྱེད་པ་རྣམས་ལ་ནི།། གཞན་ལས་བྱུང་བའི་གནོད་པ་དང་།། ལྷ་དང་བདུད་ཀྱི་རིས་རྣམས་ཀྱིས།། བར་ཆད་བྱ་བ་མི་ནུས་སོ།། གལ ་ཏེ་སྡུག་བསྔལ་ཟད་བྱའི་ཕྱིར། ། འཕགས་དང་ཤེས་རབ་གཏོང་ལྡན་ལ།། དེ་ཡིས་འབད་རྩོལ་བྱས་ན་ནི།། ལྷག་མཐོང་གིས་ནི་རེག་པར་འགྱུར།། སེམས་ནི་རབ་ཏུ་རྣམ་དང་བས།། ཆོས་ལ་དགའ་བྱེད་བདེ ་བ་འཐོབ། ། འཕགས་པས་གསུངས་པའི་ཆོས་དག་ལ།། མཁས་པ་རྟག་ཏུ་དགའ་བར་བྱེད།། གང་དག་སེམས་ནི་བསམ་གཏན་དགའ།། གང་ཞིག་སྐྱེ་མེད་དགའ་བ་དང་།། དྲན་པ་ཉེ་བར་གཞག་བཞི་དང ་བྱང་ཆུབ་ཡན་ལག་བདུན་དག་དང་། ། རྫུ་འཕྲུལ་རྐང་པ་བཞི་རྣམས་དང་།། ཡན་ལག་བརྒྱད་ལམ་གང་དགའ་བ།། དེ་དག་ཆོས་གོས་འཆང་བ་དང་།། བསོད་སྙོམས་བདེ་བར་ཟ་བར་བྱེད།། དེ་དག་རི་དང་ནག ་ཚལ་ན། ། བདེ་བར་འཆགས་པར་བྱེད་པ་དང་།། དེ་དག་བདེ་འཐོབ་བདེ་བར་ནི།། མཐོང་བའི་ཆོས་ལ་མྱ་ངན་འདའ།། ཁོན་དང་འཇིགས་པ་ཀུན་འདས་ཤིང་།། འཇིག་རྟེན་ཡུལ་གྱི་སྲིད་ལས་རྒལ།། ཆོས ་ཐོས་པ་དང་མཐོང་བ་དང་། ། དབེན་པར་དགའ་བ་བདེ་བ་སྟེ།། འཇིག་རྟེན་སྲོག་ཆགས་འབྱུང་པོ་ལ།། འཆི་མེད་ཡང་དག་སྡོམས་པ་བདེ།། འདོད་པ་རྣམས་ལས་རབ་འདས་ཤིང་།། འཇིག་རྟེན་འདོད་ཆག ་བྲལ་བ་བདེ། ། ངའོ་སྙམ་པའི་ང་རྒྱལ་དག། བཏུལ་བ་དེ་དག་མཆོག་ཏུ་བདེ།། རྒས་ཁར་ཚུལ་ཁྲིམས་ལྡན་པ་བདེ།། དད་ལ་རབ་ཏུ་གནས་པ་བདེ།། དོན་ལྡན་ཚིག་ལ་དགའ་བ་བདེ།། སྡིག་པ་མི་བྱེད་པ་དག་བདེ ་འཇིག་རྟེན་ན་ནི་ཕར་འཇ་ནི་བདེ། ། དེ་བཞིན་མར་ཡང་འཛིན་པ་བདེ།། འཇིག་རྟེན་དགེ་སློང་འཛིན་པ་བདེ།། དེ་བཞིན་བྲམ་ཟེར་འཛིན་པ་བདེ།། སངས་རྒྱས་རྣམས་ནི་འབྱུང་བ་བདེ།། དེ་བཞིན་ཆོས་རྣམས་བསྟན་པ་བདེ།། ་དགེ་འདུན་རྣམས་ནི་འཐུན་པ་བདེ།། འཐུན་པ་རྣམས་ཀྱི་དཀའ་ཐུབ་བདེ།། ཚུལ་ཁྲིམས་ལྡན་པ་མཐོང་བ་བདེ།། མང་དུ་ཐོས་པ་མཐོང་བ་བདེ།། ཡང་སྲིད་རྣམ་པར་གྲོལ་བ་ཡི།། དགྲ་བཅོམ་པ་དག་མཐོང་བ ་བདེ། ། འཇུག་ངོགས་བདེ་བའི་ཆུ་ཀླུང་བདེ།། ཆོས་ཀྱིས་རྒྱལ་བའི་སྐྱེ་བོ་བདོ།། ཤེས་རབ་ཐོབ་པར་འགྱུར་བ་བདེ།། ང་འོང་རྒྱལ་ཟད་པ་བདེ།། འཕགས་པ་རྣམས་ནི་མཐོང་བ་བདེ།། དམ་པ་དག་དང་འགྲོགས ་པ་བདེ། ། བྱིས་པ་རྣམས་ནི་མ་མཐོང་ན།། རྟག་ཏུ་བདེ་བ་ཉིད་དུ་འགྱུར།། རྣམ་པ་ཀུན་ཏུ་དགྲ་འདྲ་བའི།། བྱིས་དང་འགྲོགས་པ་སྡུག་བསྔལ་ཞིང་།། བྱིས་པ་དག་དང་འགྲོགས་བྱེད་པ།། ཡུན་རིང་རྗེས་སུ ་འགྱོད་པར་འགྱུར། ། སྐྱེས་བུ་ཅང་ཤེས་དཀོན་པ་སྟེ།། དེ་དག་ཀུན་ཏུ་འབྱུང་མ་ཡིན།། བརྟན་པ་རྣམས་དང་འགྲོགས་པ་དག། གཉེན་དང་ཕྲད་པ་ལྟ་བུར་བདེ།། གང་དུ་བརྟན་པ་དེ་སྐྱེས་པ།། དེ་ཡི་རིགས ་ཀྱིས་བདེ་བ་འཐོབ། ། བྲམ་ཟེ་མྱ་ངན་འདས་པ་དག། རྣམ་པ་ཀུན་ཏུ་བདེ་བར་འདུག། གང་ཞིག་འདོད་པས་མ་གོས་ཤིང་།། ཟག་མེད་རབ་ཏུ་རྣམ་གྲོལ་བ།། སྲེད་པ་ཐམས་ཅད་གཏུབས་པ་དག། སྙིང ་ལས་རིམས་ནད་རྣམ་པར་བསལ། ། སེམས་ཀྱིས་ཞིབ་ཐོབ་པ་རྣམས།། ཉེ་བར་ཞི་ཞིང་བདེ་བར་འདུག། གང་ཞིག་བདེ་བར་ཡངས་འདོད་ཅིང་།། བདེ་བ་ཆུང་ངུ་གཏོང་འདོད་པའི། ་བརྟན་པས་བདེ་ཆུང་སྤང་བྱས་ན།། བདེ་བ་ཡངས་པ་ལེགས་པར་མཐོང་།། འཇིག་རྟེན་འདོད་བདེ་གང་ཡིན་དང་།། ལྷ་ཡུལ་བདེ་བ་གང་ཡིན་པས།། སྲེད་པ་ཟད་པའི་བདེ་བ་དེའི།། བཅུ་དྲུག་ཆར་ཡང་མི་ཕོད་ན ་ཁུར་གྱིས་སྡུག་བསྔལ་བླངས་པས་ན། ། ཁུར་བོར་ན་ནི་བདེ་བར་འགྱུར།། ལྕི་བའི་ཁུར་དག་ངེས་བོར་ན།། ཕྱི་ནས་གཞན་དག་ལེན་མི་འགྱུར།། ཀུན་སྦྱོར་ཐམས་ཅད་ཟད་བྱའི་ཕྱིར།། སྲེད་པ་ཐམས་ཅད ་རབ་ཏུ་སྤངས། ། ཕུང་པོ་ཐམས་ཅད་ཡོངས་ཤེས་ན།། སྲིད་པ་ཕྱི་མར་འགྲོ་བ་མེད།། དོན་རྣམས་བསྐྲུན་པ་ལ་ནི་གྲོགས་ལྡན་བདེ།། སྲོག་དག་རབ་ཏུ་གཏུགས་ལ་བསོད་ནམས་བདེ།། ངན་ངོན་ཙམ ་གྱིས་ལེགས་པར་ཆོག་ཤེས་བདེ། ། སྡུག་བསྔལ་ཐམས་ཅད་ངེས་པར་ནུབ་པ་བདེ།། འདི་ན་མེ་ནི་འབར་བ་ལ།། ལྕགས་ཀྱི་ཐོ་བས་བརྒྱབ་པ་ཡིས།། རིམ་གྱིས་ཉེ་བར་ཞི་འགྱུར་ཏེ།། ཇི་ལྟར་སོང་བ་མ་ཤེས ་ལྟར། ། འདོད་པའི་འདམ་རྫབ་ཆུ་རྒལ་ཅིང་།། གོ་འཕང་མི་གཡོ་ཐོབ་པ་དང་།། ལེགས་པར་རྣམ་པར་གྲོལ་རྣམས་ཀྱི།། འགྲོ་བ་གདགས་སུ་མེད་པ་ཡིན།། གང་ཞིག་ཁོང་ན་འཁྲུགས་པ་མེད་པ་དང་། ་གང་ཞིག་སྲིད་དང་སྲིད་མིན་ལས་ལོག་པ།། དེ་དག་འཇིགས་བྲལ་བདེ་ཞིང་མྱ་ངན་མེད།། ལྷས་ཀྱང་བལྟ་ཞིང་བསལ་དུ་མེད་པར་འགྱུར།། འདི་ན་གང་དག་ཆོས་མང་ཐོས་པ་དང་།། རྟོགས་ཤིང་ཅི་ཡང ་མེད་པ་ཀྱེ་རེ་བདེ། ། སྐྱེ་བོ་སྐྱེ་བོར་ལུས་ལ་རབ་ཆགས་ཤིང་།། ཅུང་ཟད་ཡོད་པ་བདུག་པར་གྱུར་ལ་ལྟོས།། འདི་ནི་གང་དག་ཆོས་མང་ཐོས་པ་དང་།། རྟོགས་ཤི་ཅི་ཡང་མེད་པ་ཀྱེ་རེ་འདེ།། སྐྱེ་བཿ ་བོའི་ལུས་ལ་རབ་ཆགས་ཤིང་། ། ཅུང་ཟད་ཡོད་པ་བརླག་པར་གྱུར་ལ་ལྟོས།། སྐྱེ་བོ་ཅི་མེད་ཡོན་ཏན་རྟོགས་པ་དང་།། སྐྱེ་བོ་ཅི་ཡང་མེད་པར་གྱུར་པ་བདེ།། སྐྱེ་བོ་སྐྱེ་བོའི་སེམས་ལ་རབ་ཆགས་ཤིང་།། ་ཅུང་ཟད་ཡོད་པ་བརླག་པར་གྱུར་ལ་ལྟོས།། སྐྱེ་བོ་ཙ་མེད་ཡོན་ཏན་རྟོགས་པ་དང་།། སྐྱེ་བོ་ཅི་ཡང་མེད་པར་གྱུར་པ་བདེ།། སྐྱེ་བོ་སྐྱེ་བོའི་ལུས་ལ་རབ་ཆགས་ཤིང་།། ཅུང་ཟད་ཡོད་པ་བརླག་པར་གྱུར་ལ་ལྟོས།། ་གཞན་གྱི་དབང་གྱུར་ཀུན་སྡུག་སྟེ།། རང་དབང་ཡོད་པ་ཐམས་ཅད་བདེ།། སྦྱོར་བ་ཤིན་ཏུ་སྤངས་དཀའ་བ།། ཐུན་མོང་གྱུར་པས་བརླག་པར་ཟད།། ཞེན་པར་གྱུར་པའི་མི་ནང་ན།། ཞེན་པ་མེད་པར་གནས་པ་དང་། ་ཞེན་པའི་ནང་ནམ་ཞེན་པར།། ཀྱེ་མའོ་ཤིན་ཏུ་བདེ་བར་འཚོ།། ནད་ཀྱིས་ཐེབས་པའི་མི་ནང་ན།། ནད་མེད་པར་ནི་གནས་པ་དང་།། ནད་པའི་ནང་ན་ནད་མེད་པ།། ཀྱེ་མའོ་ཤིན་ཏུ་བདེ་བར་འཚོ།། འཚེ་བ ་ཅན་གྱི་མི་ནང་ན། ། འཚེ་བ་མེད་པར་གནས་པ་དང་།། འཚེ་བའི་ནང་ན་འཚེ་མེད་པ།། ཀྱེ་མའོ་ཤིན་ཏུ་བདེ་བར་འཚོ།། གནོད་སེམས་ཅན་གྱི་མི་ནང་ན།། གནོད་སེམས་མེད་པར་གནས་པ་དང་།། གནོད ་སེམས་ཅན་ནང་གནོད་མེད་པ། ། ཀྱེ་མའོ་ཤིན་ཏུ་བདེ་བར་འཚེ།། ཤ་ཁོན་ཅན་གྱི་མི་ནང་ན།། ཤ་ཁོན་མེད་པར་གནས་པ་དང་།། ཤ་ཁོན་ཅན་ནང་ཁོན་མེད་པ།། ཀྱེ་མའོ་ཤིན་ཏུ་བདེ་བར་འཚོ།། མི་ཐིལ ་དག་རབ་བསྲེགས་ཀྱང་། ། ང་ལ་ཅི་ཡང་ཚིག་པ་མེད།། ང་ལ་གང་དག་ཅི་མེད་པས།། ཀྱེ་མའོ་ཤིན་ཏུ་བདེ་བར་འཚོ།། ང་ལ་ཅི་ཡང་མེད་མོད་ཀྱི།། དགའ་བ་ཟ་བར་བྱེད་པས་ན། ་འོད་གསལ་གྱི་ནི་ལྷ་བཞིན་དུ།། ཀྱེ་མའོ་ཤིན་ཏུ་བདེ་བར་འཚོ།། འཇིག་ཚོགས་ལ་ནི་མི་རྟེན་པས།། ང་ལ་ཅི་ཡང་མེད་མོད་ཀྱི།། དགའ་བ་ཟ་བར་བྱེད་པས་ན།། ཀྱེ་མཚོ་ཤིན་ཏུ་བདེ་བར་འཚོ།། ལེན་པའི ་རྐྱེན་གྱིས་འཕྲད་ཅིང་རེག་འགྱུར་གྱི། ། ལེན་མེད་ཅི་དང་ཕྲད་ཅིང་རེག་མེད་པས།། བདག་དང་གཞན་གྱིས་སྐྱེད་པའི་བདེ་སྡུག་གིས།། དགོན་པའམ་གྲོང་དུ་རེག་པར་མི་འགྱུར་རོ།། འཇིག་རྟེན་འདི་ན་བདེ་དང ་སྡུག་བསྔལ་གྱིས། ། སྐྱེས་བུ་དམ་པ་མཐོ་དམན་མི་འགྱུར་ཞིང་།། བརྟན་རྣམས་འདོད་པའི་རྒྱུ་ཡིས་མི་འཁྱལ་བར།། སྐྱེས་བུ་དམ་པ་ཀུན་ཏུ་འགྲོ་བར་བྱེད།། བདེ་བའི་ཆོམས་ཏེ་སུམ་ཅུ་པའོ།། ། ་ཆེད་དུ་བརྗོད་པའི་ཆོམས་བམ་པོ་བཞི་པ་སྟེ་ཐ་མའོ།། །། བཟུང་བར་དཀའ་ཞིང་ཡང་བ་དང་།། གང་དུ་དགའ་བར་འགྲོ་བ་ཡི།། སེམས་དུལ་བ་ནི་ལེགས་པ ་སྟེ། ། སེམས་དུལ་བ་ཡིས་བདེ་བ་འདྲེན།། བདུད་ཀྱི་གཞི་དག་སྤོང་བ་ན།། ཆུ་བོའི་གནས་ནས་རབ་བཏོན་ཏེ།། ཐང་ལ་བོར་བའི་ཉ་ལྟ་བུར།། བདག་གི་སེམས་ནི་ཡོངས་སུ་གཡོ།། ཉི་མ་ལས་ནི་འོད་ཟེར་གྱུར ་བདག་གི་སེམས་ནི་སོ་སོར་རྒྱུག། དེ་དག་མཁས་པས་ངེས་བཟློག་སྟེ།། ལྕགས་ཀྱུ་ཡིས་ནི་གླང་ཆེན་བཞིན།། ང་ལ་དོན་མེད་སྤྱོད་པ་དང་།། བལྟར་མེད་སྙིང་པོ་མེད་པ་དེས།། རྟག་ཏུ་གདུལ་བར་བྱ་བའི ་ཕྱིར། ། སེམས་དེ་ལ་ནི་ང་སྨྲའོ།། སེམས་འདི་སྔོན་ཆད་ཇི་ལྟར་འདོད་པ་དང་།། དགའ་དགུར་སྤྱོད་ཅིང་རྒྱུ་བར་བྱེད་པ་དག། གླང་ཆེན་མྱོས་ལ་མི་ཡིས་ལྕགས་ཀྱུ་ལྟར།། དེ་ནི་ཚུལ་བཞིན་བྱས་པས་དེ ་གཟུང་ངོ་། ། ཁང་ཁྱིམ་བྱེད་པ་འདི་ཡིས་ནི།། ཡང་ཡང་སྐྱེ་བའི་སྡུག་བསྔལ་ཅན།། སྐྱེ་བའི་འཁོར་བ་དུ་མ་ཞིག། ད་ལྟར་ཕན་ཆད་ཁྱོད་ཀྱིས་ཕྱུང་།། ཁང་ཁྱིམ་བྱེད་པ་ཁྱོད་མཐོང་བས།། ཁྱིམ་གྱི་གདུང ་ཆེན་རྣམས་བཅོམ་ལ། ། བྱམས་རྣམས་ཐམས་ཅད་བཅག་ནས་སུ།། ཕྱིན་ཆད་ཁྱིམ་བྱེད་མི་གཞུག་གོ། སེམས་ནི་འདུ་བྱེད་དང་ཕྲལ་ནས།། འདི་ཉིད་ལ་ནི་ཟད་པར་འདོད།། སེམས་ནི་གཡོ་ཞིང་བརྫུན ་པ་སྟེ། ། རིང་དུ་འགྲོ་ཞིང་བཟློག་དཀའ་བ།། མདའ་མཁན་མེ་ཡིས་སྲོང་བ་ལྟར།། ཡིད་གཞུངས་པ་ཡིས་བསྲང་བར་བྱ།། གང་ཞིག་ལུས་མེད་ཕུག་ན་གནས།། གཅིག་ཏུ་རྒྱུ་ཞིང་རིང་འགྲོ་བའི།། སེམས ་དེ་གདུལ་བར་བྱེད་པ་ནི། ། འཇིགས་པ་ཆེ་ལས་ཐར་པར་འགྱུར།། ལོག་པའི་སྨོན་ལྡན་སེམས་གང་གིས།། བདག་ཉིད་སྡུག་བསྔལ་མི་འགྱུར་བ།། དེ་ལྟར་ཁོན་གྱིས་ཁོན་ཅན་དང་།། དགྲ་བོས་དགྲ་ལའང ་བྱེད་མི་འགྱུར། ། ཡང་དག་སྨོན་ལམ་སེམས་གང་གིས།། བདག་ཉིད་བདེ་བར་བྱེད་འགྱུར་བ།། དེ་ལྟར་ཕ་དང་མ་དག་དང་།། གཉེན་གཞན་གྱིས་ཀྱང་བྱེད་མི་འགྱུར།། ཇི་ལྟར་ཁང་སྟེང་གཡོག་ཉེས་ན།། ་ཆར་པ་ཡོངས་སུ་འཛག་པ་ལྟར།། དེ་བཞིན་སེམས་ནི་མ་བསྒོམས་པ།། འདོད་ཆགས་རྣམས་ཀྱིས་ཡོངས་སུ་བཅོམ།། ཇི་ལྟར་ཁང་སྟེང་གཡོག་ལེགས་ན།། ཆར་པ་རྣམ་པར་མི་འཛག་པ།། དེ ་བཞིན་ལེགས་པར་བསྒོམས་པའི་སེམས། ། འདོད་ཆགས་རྣམས་ཀྱིས་ཡོངས་མི་ཆོམས།། ཇི་ལྟར་ཁང་སྟེ་གཡོག་ཉིས་ན།། ཆར་པ་ཡོངས་སུ་འཛག་པ་ལྟར།། དེ་བཞི། ་སེམས་ནི་མ་བསྒོམས་པ།། ཞེ་སྡང་རྣམས་ཀྱིས་ཡོངས་སུ་བཅོམ།། ཇི་ལྟར་ཁང་སྟེང་གཡོག་ལེགས་ན།། ཆར་པ་རྣམ་པར་མི་འཛག་པ།། དེ་བཞིན་ལེགས་པར་བསྒོམས་པའི་སེམས།། ་ཞེ་སྡང་རྣམས་ཀྱིས་ཡོངས་མི་ཚེམས།། ཇི་ལྟར་ཁང་སྟེང་གཡོག་ཉེས་ན།། ཆར་པ་ཡོངས་སུ་འཛག་པ་ལྟར།། དེ་བཞིན་སེམས་ནི་མ་བསྒོམས་པ།། གཏི་མུག་རྣམས་ཀྱིས་ཡོངས་སུ་བཅོམ།། ། ་ཇི་ལྟར་ཁང་སྟེང་གཡོག་ལེགས་ན།། ཆར་པ་རྣམ་པར་མི་འཛག་པ།། དེ་བཞིན་ལེགས་པར་བསྒོམས་པའི་སེམས།། གཏི་མུག་རྣམས་ཀྱིས་ཡོངས་མི་ཆོམས།། ཇི་ལྟར་ཁང་སྟེང་གཡོག་ཉེས་ན ་ཆར་པ་ཡོངས་སུ་འཛག་པ་ལྟར། ། དེ་བཞིན་སེམས་ནི་མ་བསྒོམས་པ།། ང་རྒྱལ་རྣམས་ཀྱིས་ཡོངས་སུ་བཅོམ།། ཇི་ལྟར་ཁང་སྟེང་གཡོག་ལེགས་ན།། ཆར་པ་རྣམ་པར་མི་འཛག་པ།། དེ་བཞིན ་ལེགས་པར་བསྒོམས་པའི་སེམས། ། ང་རྒྱལ་རྣམས་ཀྱིས་ཡོངས་མི་ཚེམས།། ཇི་ལྟར་ཁང་སྟེང་གཡོག་ཉེས་ན།། ཆར་པ་ཡོངས་སུ་འཛག་པ་ལྟར།། དེ་བཞིན་སེམས་ནི་མ་བསྒོམས་པ།། ཆགས ་པ་རྣམས་ཀྱིས་ཡོངས་སུ་བཅོམ། ། ཇི་ལྟར་ཁང་སྟེང་གཡོག་ལེགས་ན།། ཆར་པ་རྣམ་པར་མི་འཛག་པ།། དེ་བཞིན་ལེགས་པར་བསྒོམས་པའི་སེམས།། ཆགས་པ་རྣམས་ཀྱིས་ལོངས་མི་ཆོམས།། ་ཇི་ལྟར་ཁང་སྟེང་གཡོག་ཉེས་ན།། ཆར་པ་ཡོངས་སུ་འཛག་པ་ལྟར།། དེ་བཞིན་སེམས་ནི་མ་བསྒོམས་པ།། སྲེད་པ་རྣམས་ཀྱིས་ཡོངས་སུ་བཅོམ།། ཇི་ལྟར་ཁང་སྟེང་གཡོག་ལེགས་ན།། ཆར་པ་རྣམ ་པར་མི་འཛག་པ། ། དེ་བཞིན་ལེགས་པར་བསྒོམས་པའི་སེམས།། སྲེད་པ་རྣམས་ཀྱིས་ཡོངས་མི་ཆོམས།། ཆོས་ཀྱི་སྔོན་དུ་ཡིད་འགྲོ་སྟེ།། ཡིད་འགྱོགས་ཡིད་ནི་གཙོ་བོ་ཡིན།། གལ་ཏེ་ཡིད་རབ ་གཏུགས་པ་ཡིས། ། སྨྲས་སམ་ཡང་ན་བྱས་ཀྱང་རུང་།། དེ་ཡིས་དེ་ནི་སྡུག་བསྔལ་འཐོབ།། འཁོར་ལོས་མགོ་བོ་བཅད་པ་བཞིན།། ཆོས་ཀྱི་སྔོན་དུ་ཡིད་འགྲོ་སྟེ།། ཡིད་མགྱོགས་ཡིད་ནི་གཙོ་བོ་ཡིན།། ་གལ་ཏེ་ཡིད་རབ་དང་བ་ཡིས།། སྨྲས་སམ་ཡང་ན་བྱས་ཀྱང་རུང་།། དེ་ཡིས་དེ་ནི་བདེ་བ་ཐོབ།། གྲིབ་མ་རྗེས་སུ་འབྲང་བ་བཞིན།། བརྩད་པ་ཆེད་ཆེར་འཛིན་པ་དང་།། སེམས་ནི་ཉོན་མོངས་གྱུར་པ་ཡིས།། ། ་གླགས་སྐབས་ཚོལ་བར་བྱེད་པ་ཡིས།། ལེགས་བཤད་ལེགས་པར་མི་ཤེས་སོ།། སྡང་བའམ་ཡང་ན་འཁྲུག་པ་འམ།། དད་པ་མེད་པའི་སེམས་དག་གིས།། རྫོགས་སངས་རྒྱས་ཀྱིས་བསྟན་པ་ཡིས།། ་དམ་ཆོས་ཀུན་ཤེས་མི་ནུས་སོ།། གང་གིས་བག་མེད་སེམས་དང་ནི།། ཁྲོ་བ་རྣམ་པར་བཏུལ་བ་དང་།། འདི་ན་གནོད་སེམས་རབ་སྤངས་པ།། དེས་ནི་ལེགས་པར་བཤད་པ་ཤེས།། སེམས་ཀྱི་བརྟན་པ ་མེད་པ་ཡིས། ། དམ་ཆོས་རྣམ་པར་ཤེས་མི་འགྱུར།། དད་པ་འགྱུར་ལྡོག་བྱེད་པ་ཡིས།། ཤེས་རབ་ཡོངས་སུ་རྫོགས་མི་འགྱུར།། ཀུན་རྟོག་ལ་ཆུམས་རྟེན་པ་ཡི།། ལྟ་ངན་སུམ་ཅུ་རྩ་དྲུག་གིས།། ་། ཆུབ་འརྒྱུན་ནི་གང་ཡིན་པ།། ཡིད་ཀྱི་རྒྱུན་ལས་རབ་ཏུ་འབབ། དགའ་སེམས་དབང་པོ་ཕལ་པ་དང་།། སེམས་ཀྱི་རྗེས་འབྲང་གན་པ་ཡི།། མ་དེའི་ཐུགས་འཐིབ་འབྲས་སྨྲས ་པའི། ། ལྗོན་ཤིང་ལ་ནི་བྱ་བཞིན་ནོ།། སེམས་ཁྱོད་ཕུང་ཁྲོལ་འདོད་ལ་དགའ་མ་བྱེད།། བརྩོན་སེམས་བག་ཡོད་པ་ལ་གནས་པར་གྱིས།། བག་མེད་བྱས་པས་དམྱལ་བར་བཅོས་པ་དང་།། ལྕགས ་གོང་མེད་པས་ཁྱེད་ནི་མ་དུ་ཞིག། ལྡང་བའི་དུས་ཚེ་འདུག་པར་བྱེད་པ་དང་།། ལང་ཚེ་སྟོབས་ལྡན་མི་འབད་ཁྱིམ་འདུག་དང་།། བསམ་པ་རྫོག་ཚེ་ལེ་ལོ་བྱེད་པ་ཡི།། མི་ཡི་ཤེས་རབ་ལམ་རྟོགས ་མི་འགྱུར་རོ། ། ཕྲན་ཚེགས་རྣམ་རྟོག་ཞིབ་མོར་རྣམ་རྟོག་པས།། ནང་ན་གནས་པའི་ཡིད་ནི་གཡེན་ཡང་སྤྱོད།། ཡིད་ཀྱི་རྣམ་རྟོག་དེ་དག་མ་ཤེས་ན།། འཁྲུལ་སེམས་ཡང་དང་ཡང་དུ་ཆུག་པར་བྱེད། ་གང་ཞིག་དྲན་ལྡན་རྣམ་འབྱེད་བརྩོན་པ་དང་།། རྣམ་པར་རྟོག་ལ་མཁས་པས་དེ་ཤེས་ན།། ནང་ན་གནས་པའི་ཡིད་ནི་གཡེན་སྤྱོད་པ།། ཐམས་ཅད་མ་ལུས་བློ་ཡིས་རབ་ཏུ་སྤོང་།། ལུས་འདི་བུམ་པ ་འདྲ་བར་རྟོགས་བྱས་ཤིང་། ། གྲོང་ཁྱེར་འདྲ་བའི་སེམས་ཀྱིས་སྲན་བཙུགས་ནས།། ཤེས་རབ་མཚོན་གྱིས་བདུད་དང་གཡུལ་སྤྲད་དེ།། བཏུལ་ནས་གནས་མེད་པར་ནི་བསྲུང་བར་བྱ།། འཇིག་རྟེན་འདི ་དག་བུམ་པར་འདྲ་རྟོགས་ཤིང་། ། དེ་བཞིན་ཆོས་རྣམས་སྨིག་རྒྱུ་འདྲར་ཤེས་ནས།། ཤེས་རབ་མཚོན་གྱིས་བདུད་དང་གཡུལ་སྤྲད་དེ།། བཏུལ་ནས་གནས་མེད་པར་ནི་བསྲུང་བར་བྱ།། ལུས་འདི་དབུ་བ ་འདྲ་བར་རྟོགས་བྱས་ཤིང་། ། གྲོང་ཁྱེར་འདྲ་བའི་སེམས་ཀྱིས་སྲན་བཙུགས་ནས།། ཤེས་རབ་མཚོན་གྱིས་བདུད་དང་གཡུལ་སྤྲད་དེ།། བཏུལ་ནས་གནས་མེད་པར་ནི་བསྲུང་བར་བྱ།། འཇིག་རྟེན་འདི ་དག་དབུ་བ་འདྲར་རྟོགས་ཤིང་། ། གྲོང་ཁྱེར་འདྲ་བའི་སེམས་ཀྱིས་སྲན་བཙུགས་ནས།། ཤེས་རབ་མཚོན་གྱིས་བདུད་དང་གཡུལ་སྤྲད་དེ།། བཏུལ་ནས་གནས་མེད་པར་ནི་བསྲུང་བར་བྱ།། གང་གིས་བྱང ་ཆུབ་ཡན་ལག་བདུན། ། སེམས་ཀྱིས་ལེགས་པར་བསྒོམས་པ་དང་།། གང་ཞིག་ལེན་ལ་མི་དགའ་ཞིང་།། ལེན་པ་རབ་ཏུ་སྤངས་པ་དང་།། ཟག་ཟད་སྐྱོན་རྣམས་བསལ་བ་དེ།། འཇིག་རྟེན ་དག་ན་མྱ་ངན་འདས། ། གང་ཞིག་གཡག་རྔའི་རྩེ་མོ་ལྟར།། རང་གི་སེམས་ནི་རྗེས་བསྲུང་ཞིང་།། འབྱུང་པོ་རྣམས་ལ་བརྩེ་བྱེད་པ།། དེ་ཡི་བདེ་བ་ཡོང་མི་ཉམས།། གང་ཕྱིར་གླང་པོའི་གླང་པོ་ཆེ ་མཆེ་བ་བཟང་བའི་གླང་ཆེན་དང་། ། སེམས་དང་སེམས་ནི་མཉམ་པས་ན།། དེ་ཕྱིར་གཅིག་པུ་ནགས་སུ་དགྱེས།། གང་གི་ཡིད་ལ་གནོད་མེད་ཅིང་།། འབྱུང་པོ་ཀུན་ལ་བརྩེ་བ་དང་།། འབྱུང་པོ་ཀུན་ལ་བྱམས ་བྱེད་པ། ། དེ་ལ་ནམས་ཀྱང་ཁོ་ན་མི་འགྱུར།། གང་ལ་གནོད་པའི་སེམས་མེད་ཅིང་།། འབྱུང་པོ་ཀུན་ལ་བརྩེ་བ་དང་།། སྲོག་ཆགས་ཀུན་ལ་བྱམས་བྱེད་པ།། དེ་ལ་ནམས་ཀྱང་ཁོ་ན་མི་འབྱུང་།། གང ་ལ་གནོད་པའི་སེམས་མེད་ཅིང་། ། འབྱུང་པོ་རྣམས་ལ་བརྩེ་བ་དང་།། སེམས་ཅན་ཀུན་ལ་བྱམས་བྱེད་པ།། དེ་ལ་རྣམས་ཀྱང་འོན་མི་འགྱུར། མཛའ་བཤེས་ཀུན་དང་འགྲོགས་ཀུན་དང་། འབྲུར ་པོ་ཀུན་ལ་བརྩེ་བ་དང་། ། བྱམས་པའི་སེམས་ནི་བསྒོམས་བྱས་ཀྱང་།། བདེ་བ་ཤིན་ཏུ་འཕེལ་བར་འགྱུར།། གལ་ཏེ་གང་ཞིག་སྲོག་ཆགས་འགའ་ལའང་སྡང་མེད་སེམས།། ་བྱམས་པར་བྱེད་ན་དེ་ཡིས་དེ་ནི་དགེ་བ་ཡིས།། སེམས་ཅན་ཐམས་ཅད་ལ་ནི་ཡིད་ཀྱིས་བརྩེ་བྱས་ན།། བསོད་ནམས་ཕལ་ཆེན་འཕགས་པས་རབ་ཏུ་སྒྲུབ་པར་འགྱུར།། མི་གང་དགའ་བའི་སེམས ་དང་ནི། ། ཞུམ་པ་མེད་པའི་ཡིད་ཀྱིས་སུ།། དགེ་བའི་ཆོས་ལ་སྒོམ་བྱེད་པ།། གྲུབ་པ་དང་ནི་བདེ་བ་འཐོབ།། ཡང་དག་ཤེས་པས་རྣམ་གྲོལ་ཞིང་།། སྐྱོ་བ་ཉེ་བར་ཞི་གྱུར་པ།། དེ་ཡིས་ལིད་ནི ་ཞི་གྱུར་ཅིང་། ། ལུས་དང་ངག་གི་ལས་ཀྱང་ཞི།། ཇི་ལྟར་རྩེ་གཅིག་སེམས་ཀྱིས་ནི།། ཆོས་རྣམས་ལེགས་པར་མཐོང་བ་ལྟར།། སིལ་སྙན་ཡན་ལག་ལྔ་པས་ཀྱང་།། དེ་ལྟར་དགའ་བར་བྱེད་མི་འགྱུར། ་གང་ཡིན་ཏིང་འཛིན་ལ་དགའ་བ།། དེ་དག་འདོད་པས་རྩེ་མི་བྱེད།། གང་ཞིག་ཅུང་ཟད་གདུང་མེད་པའི།། སྐྱོབ་པ་བདེ་བར་ཉལ་བར་འགྱུར།། གང་ཡིད་ཏིང་འཛིན་ལ་དགའ་བ།། དེ་དག་འདོད་པས ་རྩེན་མི་བྱེད། ། གང་ཞིག་ཅུང་ཟད་གདུང་མེད་པའི།། ཐུབ་པ་ཀྱེ་མའོ་དགའ་བར་འགྱུར།། གང་གི་སེམས་ནི་བྲག་ལྟ་བུར།། རབ་ཏུ་གཡོ་བ་མེད་འདུག་པ།། ཆགས་པའི་གནས་ལ་མི་གནས་ཏེ།། ་ཁྲོ་བའི་གནས་ལ་འཁྲུག་མེད་པར།། གང་ཡིད་དེ་ལྟར་གྱུར་པ་དེ།། སྡུག་བསྔལ་ཐོབ་པར་ག་ལ་འགྱུར།། སྐུར་པ་མི་གདབ་གནོད་མི་བྱ།། སོ་སོར་ཐར་པས་བསྡམ་པར་བྱ།། ཟས་འདི་ཆོད་ཀྱང ་ཤེས་པར་བྱ། ། བས་མཐའ་དགོན་པར་གནས་བྱ་ཞིང་།། ལྷག་པའི་སེམས་ལ་རྣལ་འབྱོར་བྱ།། འདི་ནི་སངས་རྒྱས་བསྟན་པ་ཡིན།། སེམས་ཀྱི་རྟགས་ལ་མཁས་པ་དང་།། རབ་ཏུ་དབེན་པའི་རོ་སྙེད ་དང་། ། རབ་དྲང་སེམས་པའི་འགྲུས་སྐྱོང་ཅན།། ཟང་ཟིང་མེད་པའི་དགའ་བ་མྱོང་།། གང་ཞིག་ཡིད་གཞུངས་བདེན་དགའ་བདེན་གནས་པས།། རྟག་ཏུ་རང་གི་ལུས་ཀྱི་སྤྱོད་ལམ་དང་།། སྨྲ་དང་ཡིད ་ནི་སྲུང་བར་བྱེད་པ་དེ། ། མྱ་ངན་སྤོང་ཞིང་སྡུག་བསྔལ་ཐོབ་མི་འགྱུར།། མ་བསྲུངས་པ་ཡི་སེམས་དག་ནི།། ལོག་པར་ལྟ་བས་བཅོམ་པ་དང་།། གཉིད་དང་རྨུགས་པས་ཟིལ་ནོན་པ།། བདུད་ཀྱི ་དབང་དུ་འགྲོ་བར་འགྱུར། ། དེ་བས་སེམས་ནི་བསྲུང་བྱས་ཏེ།། ཡང་དག་ལྟ་བས་མདུན་བདར་ཅིང་།། ཡང་དག་ཀུན་རྟོག་སྤྱོད་ཡུལ་ཅན།། ཡང་དག་སྐྱེ་དང་འཇིགས་པ་ཤེས།། གཉིད་དང་རྨུགས་པ ་ཟིལ་གནོན་པའི། ། དགེ་སློང་སྡུག་བསྔལ་ཟད་པ་འཐོབ།། བག་ཡོད་སེམས་ནི་བསྲུང་བ་དང་།། སེམས་དུལ་ཡང་དག་སྡོམ་པ་བདེ།། སྐྱེ་དགུ་སེམས་ཀྱིས་བསླུས་པ་དག། གཅིག་ཏུ་སེམས་ཅན ་དམྱལ་བར་འཚེད། ། བག་ཡོད་སེམས་ནི་བསྲུང་བ་དང་།། སེམས་དུལ་ཡང་དག་སྡོམ་པ་བདེ།། སྐྱེས་བུ་སེམས་ཀྱིས་བསླུས་པ་དག། གཅིག་ཏུ་དུད་འགྲོ་རྣམས་སུ་འཚེད།། བག་ཡོད་སེམས་ནི་བསྲུ ་བ་དང་། ། སེམས་དུལ་ཡང་དག་སྡོམ་པ་བདེ།། སྐྱེ་དགུ་སེམས་ཀྱིས་བསླུས་པ་དག། གཅིག་ཏུ་ཡི་དགས་རྣམས་སུ་འཚེ་དེ།། བག་ཡོད་སེམས་ནི་བསྲུང་བ་དང་།། སེམས་དུལ་ཡང་དག་སྡོམ་པ་བདེ། ་སྐྱེ་དགུ་སེམས་ནི་བསྲུང་བ་དག། གཅིག་ཏུ་མི་ཡི་ནང་དུ་དགའ།། བག་ཡོད་སེམས་ནི་བསྲུང་བ་དང་།། སེམས་དུལ་ཡང་དག་སྡོམ་པ་བདེ།། སྐྱེ་དགུ་རྣམས་ནི་བསྲུང་བ་དག ་གཅིག་ཏུ་མཐོ་རིས་རྣམས་སུ་དགའ། ། བག་ཡོད་སེམས་ནི་བསྲུང་བ་དང་།། སེམས་དུལ་ཡང་དག་སྡོམ་པ་བདེ།། སྐྱེ་དགུ་སེམས་ནི་བསྲུང་བདག། གཅིག་ཏུ་མྱ་ངན་འདས་པ་ཐོབ།། སེམས་ཀྱི་ཆོམས ་ཏེ་སུམ་ཅུ་རྩ་གཅིག་པའོ། ། དགེ་སློང་བསོད་སྙོམས་བྱེད་པ་བདག་རང་ཙམ།། འདྲངས་པར་བྱེད་ཀྱི་གཞན་དག་མི་གསོ་བ།། རྟག་ཏུ་ཉེར་ཞི་དྲན་དང་ལྡན་པ་ཡིན།། སྐྱོབ་པ་དེ་ལ་ལྒ ་རྣམས་དགའ་བར་བྱེད། ། དགེ་སློང་བསོད་སྙོམས་བྱེད་པ་བདག་རང་ཙམ།། འདྲངས་པར་བྱེད་ཀྱི་གཞན་དག་ཡི་གསོབ།། སྐྱོབ་པ་དེ་ལ་ལྷ་རྣམས་དགའ་བྱེད་ཀྱི།། བཀུར་སྟི་ནོར་དང་གྲགས་འདོད་རྣམས་ལ ་མིན། ། དགེ་སློང་འདོད་པ་ཀུན་སྤངས་ཤིང་།། མདུན་ན་གནས་པའི་རྡུལ་གསལ་དང་།། བདག་མེད་རྔུབ་པ་བརྟན་པ་ཡིས།། གཞན་ལ་སྨྲ་བར་བྱ་མི་དགོས།། སྐྱེ་བོ་མ་བསྡམས་ཚིག་གིས་གནོད་བྱེད་པ། ་མི་བཟང་བརྗོད་པའི་ཚིག་དེ་ཐོས་གྱུར་ཀྱང་།། དགེ་སློང་སྡང་སེམས་བྲལ་ལ་ཅི་མི་སྙམ།། གཡུལ་ངོར་གླང་ཆེན་མདའ་ཡིས་བསྣུན་པ་བཞིན།། སྐྱེ་བོ་མ་བསྡམས་ཚིག་གིས་གནོད་བྱེད་པ།། མི་བཟད་བརྗོད ་པའི་ཚིག་དེ་ཟོས་གྱུར་ཀྱང་། ། དགེ་སློང་ཡིད་ལེགས་གཞག་ལ་ཅི་མི་སྙམ།། གཡུལ་ངོར་གླང་ཆེན་མདའ་ཡིས་བསྣུན་པ་བཞིན།། བཟོ་ཡིས་མི་འཚོ་ཡང་ཞིང་བདག་ལ་དགའ།། དབང་པོ་དུལ་དང་ཀུན་ལས ་རྣམ་གྲོལ་ཞིང་། ། ཁྱིམ་ལ་མ་ཆགས་བདག་མེད་འདོད་སྲེད་སྤངས།། གཅིག་པུ་སྤྱོད་བྱེད་དེ་ནི་དགེ་སློང་ཡིན།། འཚོ་གཙང་སྙོམས་ལས་མེད་པ་ཡི།། གྲོགས་པོ་འཐུན་པ་བསྟེན་བྱ་ཞིང་།། སོ་སོར ་བགོ་བཤའ་བྱ་བ་དང་། ། སྤྱོད་ཡུལ་ཆོ་ག་མཁས་པར་བྱ།། ལག་པ་ལེགས་བསྡམས་རྐང་པ་ལེགས་བསྡམས་དང་།། ཚིག་རྣམས་ལེགས་བསྡམས་དབང་པོ་ལེགས་བསྡམས་ཤིང་།། གཅིག་པུ་ནང་དུ ་མཉམ་པར་འཇོག་ལ་དགའ། ། ཆོག་ཤེས་དེ་ནི་དགེ་སློང་ཡིན་ཞེས་གསུང་།། དགེ་སློང་ཆོས་ལ་ཀུན་དགའ་ཞིང་།། ཆོས་དགའ་ཆོས་ལ་སེམས་པ་དང་།། ཆོས་ལ་རྗེས་སུ་དྲན་པ་དག། ཆོས་ལས་ཡོངས ་སུ་ཉམས་མི་འགྱུར། ། དགེ་སློང་ཁང་སྟོང་ཞུགས་ནས་སུ།། ནང་ལ་ལྟ་བར་བྱེད་པ་དང་།། ཆོས་རྣམས་ལེགས་པར་མཐོང་བ་དག། ལྷ་ཡི་དགའ་དང་ལྡན་པར་འགྱུར།། ཇི་ལྟ་ཇི་ལྟར་ཕུང་པོ་ལ།། སྐྱེ ་དང་འཇིག་པར་ལེགས་རྟོགས་པ། ། དེ་ལྟ་དེ་ལྟར་དེ་ཡིས་ནི།། དགའ་དང་མགུ་བ་ཉིད་ཀྱང་འཐོབ།། དགེ་སློང་དགའ་བ་མང་པོ་ཡིས།། སྡུག་བསྔལ་ཟད་པ་ཐོབ་པར་འགྱུར།། ཇི་ལྟར་བྲག་གི་རི་བོ་དག། རླུང ་གིས་རབ་ཏུ་མི་གཡོས་ལྟར། ། དེ་བཞིན་དགེ་སློང་འདོད་ཆགས་དག། ཟད་པ་ཀུན་ཏུ་རབ་མི་གཡོ།། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མི་གཡོས་ལྟར།། དེ་བཞིན་དགེ་སློང་ཞེ་སྡང་དག། ཟད་པ་ཀུན ་ཏུ་རབ་མི་གཡོ། ། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མིག་ཡོས་ལྟར།། དེ་བཞིན་དགེ་སློང་གཏི་མུག་དག། ཟད་པ་ཀུན་ཏུ་རབ་མི་གཡོ།། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མི་གཡོས་ལྟར། ་དེ་བཞིན་དགེ་སློང་ང་རྒྱལ་དག། ཟད་པ་ཀུན་ཏུ་རབ་མི་གཡོ།། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མི་གཡོས་ལྟར།། དེ་བཞིན་དགེ་སློང་ཆགས་པ་དག། ཟད་པ་ཀུན་ཏུ་རབ་མི ་གཡོ། ། ཇི་ལྟར་བྲག་གི་རི་བོ་དག། རླུང་གིས་རབ་ཏུ་མི་གཡོས་ལྷུར།། དེ་བཞིན་དགེ་སློང་སྲེད་པ་དག། ཟད་པ་ཀུན་ཏུ་རབ་མིག་ཡོ།། གང་ལ་ཀུན་ཏུ་སོགས་མེད་ཅིང་།། གང་ལ་བདག་གིར་བྱེད་མེད་པ། ་གང་དག་མེ་ནང་མི་གདུང་བ།། དེ་ནི་དགེ་སློང་ཞེས་བརྗོད་དོ།། རེ་ཞིག་གཞན་ལ་སློང་བ་ཙམ།། ཇི་ག་དགེ་སློང་མེད་པ་སྙམ།། གྲོང་པའི་ཆོས་ནི་འཛིན་བྱེད་པ།། ཇི་ག་དགེ་སློང་མིན་པ་སྙམ།། གང ་ཞིག་དག་དང་སྡིག་པ་དག། རབ་སྤངས་ཚངས་པར་སྤྱོད་ལྡན་ཞིང་།། སྡེ་ཚོགས་སྤངས་ནས་སྤྱོད་བྱེད་པ།། དེ་ནི་དགེ་སློང་ཞེས་བརྗོད་དོ།། དགེ་སློང་གང་ཞིག་བྱམས་གནས་ཤིང་།། སངས་རྒྱས་བསྟན ་ལ་རབ་དང་བ། ། དེས་ནི་བལྟ་བས་མི་ངོམས་པའི།། ཞི་བའི་གོ་འཕང་ཐོབ་པར་འགྱུར།། དགེ་སློང་གང་ཞིག་བྱམས་གནས་ཤིང་།། སངས་རྒྱས་བསྟན་པ་རབ་དང་དེས།། འདུ་བྱེད་ཉེར་ཞི་ཞི་བ་ཡིས།། ་ཞི་བའི་གོ་འཕང་ཐོབ་པར་འགྱུར།། དགེ་སློང་གང་ཞིག་བྱམས་གནས་ཤིང་།། སངས་རྒྱས་བསྟན་ལ་རབ་དང་བས།། དེས་ནི་ཀུན་སྦྱོར་ཀུན་པད་པ།། རིམ་གྱིས་མངོན་སུམ་བྱེད་པར་འགྱུ།། དགེ་སློང་གང ་ཞིག་བྱམས་གནས་ཤིང་། ། སངས་རྒྱས་བསྟན་ལ་རབ་དང་བས།། བདག་ཉིད་ངན་འགྲོ་ལས་འདྲེན་ཏེ།། འདམ་རྫབ་ལས་ནི་གླང་ཆེན་བཞིན།། དགེ་སློང་གང་ཞིག་བྱམས་གནས་ཤིང་།། སངས་རྒྱས ་བསྟན་ལ་རབ་དང་བས། ། སྡིག་པའི་ཆོས་རྣམས་སྤྲུག་བྱེད་དེ།། རླུང་གིས་ལྗོན་ཤིང་ལོ་མ་བཞིན།། དགེ་སློང་གང་ཞིག་བྱམས་གནས་ཤིང་།། སངས་རྒྱས་བསྟན་ལ་རབ་དང་བས།། མྱ་ངན་འདས་དང་། ་ཉེ་བའི་ཕྱིར།། ཡོངས་སུ་ཉམས་འགྱུར་མི་སྲིད་དོ།། སེམས་དགའ་ཡིད་ནི་བཟང་བ་དང་།། དགའ་དང་མི་དགའ་ཟིལ་གནོན་པའི།། དགེ་སློང་དགའ་བ་མང་པོ་ཡིས།། སྡུག་བསྔལ་ཟད་པ་ཐོབ་པར ་འགྱུར། ། ལུས་ཞིང་ག་ནི་ཞི་བ་དང་།། སེམས་ཞི་ལེགས་པར་མཉམ་གཞག་ཅིང་།། འཇིག་རྟེན་ཟང་ཟིང་སྤངས་པ་ཡི།། དགེ་སློང་ཉེར་ཞི་ཡིན་ཞེས་བརྗོད།། ཏིང་འཛིན་མེད་ལ་ཤེས་རབ་མེད།། ཤེས ་རབ་མེད་ལ་ཏིང་འཛིན་མེད། ། ཤེས་རབ་ཏིང་འཛིན་ལྡན་པ་དེས།། དགེ་སློང་ཡིན་ཞེས་བརྗོད་པར་བྱ།། དེ་བས་ཏིང་འཛིན་ཤེས་རབ་ལ།། མཁས་པ་རྣམས་ཀྱིས་འཇུག་བྱ་སྟེ།། དེ་བཞིན་ཤེས་རབ ་དགེ་སློང་དེའི། ། དང་པོར་བྱ་བ་འདི་ཡིན་ནོ།། ཆོག་ཤེས་དབང་པོ་བསྡམས་བྱ་ཞིང་།། སོ་སོ་ཐར་པས་བསྡམས་པར་བྱ།། ཟས་འདིའི་ཚོད་ཀྱང་ཤེས་པར་བྱ།། བས་མཐའ་དགོན་པར་གནས་བྱ་ཞིང་།། ་ལྷག་པའི་སེམས་ལ་རྣལ་འབྱོར་བྱ།། འདི་ནི་སངས་རྒྱས་བསྟན་པ་ཡིན།། གང་གི་ལུས་དང་ངག་དང་ནི།། ཡིད་ལ་ཉེས་བྱས་མེད་གྱུར་པ།། དེ་ནི་དགེ་བའི་ཚུལ་ཁྲིམས་ཅན།། ངོ་ཚའི་ཡིད་ལྡན་དགེ ་སློང་ཡིན། ། གང་གིས་རྫོགས་པའི་བྱང་ཆུབ་ཀྱི།། ཕྱོགས་ཀྱི་ཆོས་བདུན་ལེགས་བསྒོམས་པ།། དེ་ནི་དགེ་བའི་ཆོས་ཅན་ཏེ།། མཉམ་གཞག་དགེ་སློང་ཡིན་ཞེས་གསུངས།། འདི་ན་གང་ཞིག་བདག ་ཉིད་ཀྱི། ། སྡུག་བསྔལ་ཟད་པ་རབ་ཤེས་ལ།། དགེ་ཞིང་ཤེས་རབ་ལྡན་པ་དེ།། ཟད་མེད་དགེ་སློང་ཡིན་ཞེས་གསུང་།། ཟག་པ་ཟད་པ་མ་ཐོབ་ན།། ཚུལ་ཁྲིམས་བརྟུལ ་ཞུགས་ཅན་དག་གམ། ། ཡང་ན་ཐོས་པ་མང་པོ་འམ།། དབེན་པ་དག་ཏུ་གནས་ཀྱང་རུང་།། ཏིང་འཛིན་ཐོབ་པར་འགྱུར་ཀྱང་ངལ།། གདེང་དྲོད་ཆོད་པའི་དགེ་སློང་མིན།། ཕུང་པོ་ལ་ནི་བདག་ཟེར་བའི།། ། ་འཇིག་རྟེན་འདི་དག་གདུང་བ་སྐྱེ།། རྫོགས་པའི་བྱང་ཆུབ་བདེ་བ་ནི།། འཕགས་པས་བསྟེན་པ་མངོན་དུ་བྱ།། ཇི་ལྟ་ཇི་ལྟར་བསམས་བྱས་པ།། དེ་ལྟ་དེ་ལྟར་གཞན་དུ་འགྱུར།། གཞན་དུ་འགྱུར་བའི ་འཇིག་རྟེན་འདི། ། སྲིད་པ་ལ་ཆགས་སྲིད་ལ་དགའ།། སྲིད་ལ་མངོན་ཆགས་སྲིད་ལ་ལྟ།། སྲིད་པ་ཉིད་ལ་མངོན་པར་དགའ།། དགའ་བྱ་གང་ཡིན་དེ་སྡུག་བསྔལ།། སྐྱི་གཡའ་གང་ཡིན་དེ་བདེ་བས།། ་སྲིད་པ་རབ་ཏུ་སྤང་བའི་ཕྱིར།། འདི་ན་ཚངས་པར་སྤྱོད་པ་སྟེ།། དགེ་སྦྱོང་བྲམ་ཟེ་ཇི་སྙེད་པ།། སྲིད་པས་སྲིད་ལས་ངེས་འབྱུང་ཟེར།། དེ་དག་ཐམས་ཅད་སྲིད་པ་ལས།། ངེས་བྱུང་མིན་ཤེས་བརྗོད ་པར་བྱ། ། དགེ་སྦྱོང་བྲམ་ཟེ་ཇི་སྙེད་པ།། སྲིད་པས་སྲིད་ལས་ངེས་འབྱུང་ཟེར།། དེ་དག་ཐམས་ཅད་སྲིད་པ་ལས།། རྣམ་གྲོལ་མིན་ཞེས་བརྗོད་པར་བྱ།། ལེན་པའི་རྐྱེན་ལས་སྡུག་བསྔལ་འབྱུང ་སྡུག་བསྔལ་ལས་ནི་ལེན་པ་འབྱུང་། ། ལེན་པ་ཐམས་ཅད་ཡོངས་ཟད་ན།། སྡུག་བསྔལ་རབ་ཏུ་འབྱུང་བ་མེད།། ཐམས་ཅད་ན་སྲིད་པའི་རྣམ་པ་ཇི་སྙེད་ཡོད་པ་དེ་དག་ཐམས་ཅད་ནི་མི་རྟག་པ། ་སྡུག་བསྔལ་བ། ཡོངས་སུ་འགྱུར་བའི་ཆོས་ཅན་ཡིན་ནོ་ཞེས་དེ་ལྟར་དེ་དག་ལ་ཡང་དག་པའི་ཤེས་རབ་ཀྱིས་ཇི་ལྟ་བ་བཞིན་དུ་མཐོང་ན།། སྲིད་པའི་སྲེད་པ་རབ་ཏུ་སྤོང་བར་འགྱུར་ཞིང་། སྲིད་པ་མེད་པས ་མངོན་པར་མི་དགའ་བར་འགྱུར་རོ། ། དེ་ལྟར་མྱ་ངན་འདས་པའི་དགེ་སློང་སྐྱོབ་པ་ནི་གཞན་དུ་ལེན་པ་མེད་ཅིང་། ཡང་སྲིད་མེད་པར་འགྱུར་ཏེ། བདུད་ཟིལ་གྱིས་ནོན་པ་དང་། གཡུལ་ལས་རྒྱལ་བ་དང་། ་སྲིད་པ་ཐམས་ཅད་ལས་རབ་ཏུ་འདས་པ་འདི་ལྟ་བུ་འདི་ནི་སྡུག་བསྔལ་གྱི་མཐའ་ཡིན་ནོ།། དགེ་སློང་དངོས་པོ་བཅད་པ་དང་།། ཉེ་བར་ཞི་ཞིང་སེམས་ཞི་བ།། དེ་ནི་ཡང་སྲིད་མེད་པར་འགྱུར།། སྐྱེ་བའི་འཁོར།། ་བ་རྣམ་པར་སྤངས།། དགེ་སློང་དངོས་པོ་བཅད་པ་དང་།། ཉེ་བར་ཞི་ཞིང་སེམས་ཞི་བ།། དེ་ནི་བདུད་ཀྱི་འཆིང་ལས་གྲོལ།། སྐྱེ་བའི་འཁོར་བ་རྣམ་པར་སྤངས།། དགེ་སློང་དངོས་པོ་བཅད་པ་དང་།། སེམས་ནི། ་ཟག་པ་མེད་གྱུར་པ།། དེ་ནི་ཡང་སྲིད་མེད་པ་སྟེ།། སྐྱེ་བའི་འཁོར་བ་རྣམ་པར་སྤངས།། དགེ་སློང་དངོས་པོ་བཅད་པ་དང་།། སེམས་ནི་ཟག་པ་མེད་གྱུར་པ།། དེ་ནི་བདུད་ཀྱི་འཆིང་ལས་གྲོལ།། སྐྱེ་བའི ་འཁོར་བ་རྣམ་པར་སྤངས། ། དགེ་སློང་དངོས་པོ་བཅད་པ་དང་།། སྲིད་པའི་སྲེད་པ་གཏུབས་གྱུར་པ།། དེ་ནི་ཡང་སྲིད་མེད་པར་འགྱུར།། སྐྱེ་བའི་འཁོར་བ་རྣམ་པར་སྤངས།། དགེ་སློང་དངོས་པོ ་བཅད་པ་དང་། ། སྲིད་པའི་སྲེད་པ་བཅད་གྱུར་པ།། དེ་ནི་བདུད་ཀྱི་འཆིང་ལས་གྲོལ།། སྐྱེ་བའི་འཁོར་བ་རྣམ་པར་སྤངས།། གང་ཞིག་འདམ་རྫ་བ་ལེགས་རྒལ་ཅིང་།། གྲོང་གི་ཚེར་མ་དཀྲུགས་པ ་། དང་། འདོད་ཆགས་ཟད་པ་རྗེས་ཐོབ་པ།། དེ་ནི་དགེ་སློང་ཡིན་ཞེས་བརྗོད།། གང་ཞིག་འངམ་རྫབ་ལེགས་ནས་ཅིང་།། གྲོང་གི་ཚེར་མ་དཀྲུགས་པ་དང་།། ཞེ་སྡང་ཟད་པ་རྗེས་ཐོབ་པ།། ་དེ་ནི་དགེ་སློང་ཡིན་ཞེས་བརྗོད།། གང་ཞིག་འདམ་རྫབ་ལེགས་རྒལ་ཅིང་།། གྲོང་གི་ཆེར་མ་དཀྲུགས་པ་དང་།། གཏི་མུག་ཟད་པ་རྗེས་ཐོབ་པ།། དེ་ནི་དགེ་སློང་ཡིན་ཞེས་བརྗོད།། གང་ཞིག་འདམ་རྫབ་ལེགས་ནལ ་ཅིང་། ། གྲོང་གི་ཚེར་མ་དཀྲུགས་པ་དང་།། ང་རྒྱལ་ཟད་པ་རྗེས་ཐོབ་པ།། དེ་ནི་དགེ་སློང་ཡིན་ཞེས་བརྗོད།། གང་ཞིག་འདམ་རྫབ་ལེགས་རྒལ་ཅིང་།། གྲོང་གི་ཚེར་མ་དཀྲུགས་པ་དང་།། ཆགས་པ་ཟད་པ་རྗེས་རོག ་པ། དེ་ནི་དགེ་སློང་ཡིན་ཞེས་བརྗོད།། གང་ཞིག་འདམ་རྫབ་ལེགས་རྒལ་ཅིང་།། གྲོང་གི་ཚེར་མ་དཀྲུགས་པ་དང་།། སྲེད་པ་ཟད་པ་རྗེས་ཐོབ་པ།། དེ་ནི་དགེ་སློང་ཡིན་ཞེས་བརྗོད།། གང་ཞིག་གཤེ་བ་དང་ནི་གསོ ་པ་དང་། ། འཆིང་དང་གྲོང་གི་ཚེར་མ་ཕུལ་བ་དང་།། གང་ཞིཀ་རི་བོ་བཞིན་གནས་མི་བཀྲི་ཤིང་།། སྡུག་པ་ངེས་མི་གཡོས་དེ་ནི་དགེ་སློང་ཡིན།། སྐུར་པ་མི་འདྲེབས་སྒྲོ་འདོགས་མི་བྱེད་ཅིང་།། འཇིག་རྟེན་འདི་ཀུན ་རྫུན་རྟོགས་དགེ་སློང་གང་། ། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། སྦྲུལ་གྱིས་དུག་བཏང་བ་ལ་སྨན་བཞིན་དུ།། འདོད་ཆགས་ལངས་པ་འདུལ་བའི་དགེ་སློང་གང་།། དེ་ནི ་ཕ་རོལ་མིན་པའི་ཕ་རོལ་པོ། ། སྤོང་སྟེ་སྤྲུལ་ནས་ལྤགས་རྙིང་བརྗེ་བ་བཞིན།། སྦྲུལ་གྱིས་དུག་བཏང་བ་ལ་སྨན་བཞིན་དུ།། ཞེ་སྡང་ལངས་པ་འདུལ་བའི་དགེ་སློང་གང་།། དེ་ནི་ཕ་རོལ་མིན་པའི་ཕ་རོམ་པོ།། སྤོང་ན ་སྤྲུལ་ནས་ལྤགས་རྙིང་བརྗེ་བ་བཞིན། ། སྦྲུལ་གྱིས་དུག་བཏང་བ་ལ་སྨན་བཞིན་དུ།། གཏི་མུག་ལངས་པ་འདུལ་བའི་དགེ་སློང་གང་།། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན ་སྦྲུལ་གྱིས་དུག་བཏང་བ་ལ་སྨན་བཞིན་དུ། ། ང་རྒྱལ་ལངས་པ་འདུལ་བའི་དགེ་སློང་གང་།། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། སྦྲུལ་གྱིས་དུག་བཏང་བ་ལ་སྨན་བཞིན་དུ། ་ཆགས་པ་ལངས་པ་འདུལ་བའི་དགེ་སློང་གང་།། དེ་ནི་ཕ་རོལ་ཡིན་པའི་ཕ་རོལ་པོ།། སྤོང་སྟེ་སྤྲུལ་རྒས་ལྤགས་རྙིང་བརྗེ་བ་བཞིན།། སྦྲུལ་གྱིས་དུག་བཏང་བ་ལ་སྨན་བཞིན་དུ།། ཁྲོ་བ་ལངས་པ་འདུལ་བའི་དགེ་སློང ་གང་། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། སྦྲུལ་གྱིས་དུག་བཏང་བ་ལ་སྨན་བཞིན་དུ།། སྲེད་པ་ལངས་པ་འདུལ་བའི་དགེ་སློང་གང་།། དེ་ནི་ཕ་རོལ་མིན་པའི་ཕ་རོལ ་པོ། ། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། མཐུ་ཆུང་འདམ་བུའི་རགས་ལ་ཀླུང་ཆེན་ལྟར།། འདོད་ཆགས་མ་ལུས་དྲུངས་འབྱིན་དགེ་སློང་གང་།། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལཱཿ ་རྙིང་བརྗེ་བ་བཞིན། ། མཐུ་ཆུང་འདམ་བུའི་རགས་ལ་ཀྲུང་ཆེན་ལྟར།། ཞེ་སྡང་མ་ལུས་དྲུངས་འབྱིན་དགེ་སློང་གང་།། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། མཐུ་ཆུང་འདམ ་བུའི་རགས་ལ་ཀླུང་ཆེན་ལྟར། ། གཏི་མུག་མ་ལུས་དྲུངས་འབྱིན་དགེ་སློང་གང་།། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། མཐུ་ཆུང་འདམ་བུའི་རགས་ལ་ཀྲུང་ཆེན་ལྟར།། ་ང་རྒྱལ་མ་ལུས་དྲུངས་འབྱིན་དགེ་སློང་གང་།། དེ་ནི་ཕ་རོལ་མིན་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། མཐུ་ཆུང་འདམ་བུའི་རགས་ལ་ཀྲུང་ཆེན་ལྟར།། ཆགས་པ་ལ་ལུས ་དྲུངས་འབྱིན་དགེ་སློང་གང་། ། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། མཐུ་ཆུང་འདམ་བུའི་རགས་ལ་ཀླུང་ཆེན་ལྟར།། སྲེད་པ་ལྟར་དྲུངས་འབྱིན་དགེ་སློང་གང་།། དེ་ནི་ཕ ་རོལ་མིན་པའི་ཕ་རོལ་པོ། ། སྤོང་སྟེ་སྤྲུལ་ནས་ལྤགས་རྙིང་བརྗེ་བ་བཞིན།། འདོད་པའི་ཡོན་ཏན་ཐམས་ཅད་སྤོང་བྱེད་ཅིང་།། འདོད་སྦྱོར་འཆིང་བ་རྣམས་གསལ་དགེ་སློང་གང་།། དེ་ནི་ཕ་རོལ་མིན་པའི་ཕ་རོལ་པོ།། ་སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། སྒྲིབ་པ་ཐམས་ཅད་སྤངས་ཤིང་སྡིག་པ་མེད།། ཡིད་གཉིས་ཟུག་རྔུ་བཅད་པའི་དགེ་སློང་གང་།། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ ་བཞིན། ། རྟོག་པ་རྣམ་བསལ་ནང་གི་མ་ལུས་ལ།། རྣམ་པར་རྟོག་པ་མེད་པའི་དགེ་སློང་གང་།། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། ནགས་སྦྱོར་བྱེད་པ་འགའ་མེད ་མི་དགེ་བའི། ། རྩ་བ་ལེགས་པར་དྲུངས་ཕྱུང་དགེ་སློང་གང་།། དེ་ནི་ཕ་རོལ་མིན་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། རིམ་ནད་བཅད་པ་འགའ་མེད་མི་དགེ་བའི།། རྩ་བ་ལེགས་པར ་དྲུངས་ཕྱུང་དགེ་སློང་གང་། ། དེ་ནི་ཕ་རོལ་མ་ནི་པའི་ཕ་རོལ་པོ།། སྤོང་སྟེ་སྦྲུལ་རྒས་ལྤགས་རྙིང་བརྗེ་བ་བཞིན།། བག་ལ་ཉལ་བ་འགའ་མེད་མི་དགེ་བའི།། རྩ་བ་ལེགས་པར་དྲུངས་ཕྱུང་དགེ་སློང་གང་།། དེ་ནི་ཕ ་རོལ་མིན་པའི་ཕ་རོལ་པོ། ། སྤོང་སྟེ་སྦྲུལ་རྒས་ལུགས་རྙིང་བརྗེ་བ་བཞིན།། ཁྲིམས་ལྡན་གང་ཡིན་དགེ་སློང་དེ།། སྟོང་ཉིད་ལྡན་གང་བསམ་གཏན་དེ།། རྟག་ཏུ་བྱེད་གང་རྣལ་འབྱོར་དེ།། མྱ་ངན་ལས་གང་བདེ་བ་དེ། ་དགེ་སློང་དགའ་དང་མི་དགས་མི་བརྗེད་ཅིང་།། བས་མཐའི་གནས་མལ་དག་ཏུ་བསྟེན་པ་དང་།། དེ་ནི་བག་ཡོད་གནས་ཤིང་སྲིད་པ་ཡི།། འདོད་ཆགས་ཕྲ་རྒྱས་ལེགས་པར་འབྱིན་པར་བྱེད།། དགེ་སློང་གི་ཚེམས་ཏེ ་སུམ་ཅུ་རྩ་གཉིས་པའོ། ། ། གང་ཞིག་བརྒྱན་ཀྱང་ཆོས་སྤྱོད་དུལ་བ་དང་།། ཞི་ཞིང་ཡང་དག་སྡོམ་ལ་ཚངས་པར་སྤྱོད།། འབྱུང་པོ་ཀུན་ལ་ཆད་པས་མི་གཅོད་དེ།། བྲམ་ཟེ་དགེ་སྦྱོང་དེ་ཡིན ་དགེ་སློང་དེ། ། གཅེར་བུར་སྤྱོད་པས་མ་ཡིན་རལ་བས་ཨ་ཡིན་རྫབ་ཀྱིས་མིན།། ཁ་ཟས་མི་ཟ་བ་ཡིས་མ་ཡིན་ཟང་ལ་ཉལ་བ་འམ།། རྡུལ་དང་དྲི་མས་མ་ཡིན་ཅོག་པུར་འདུག་ལ་འབད་པ་ཡིས།། མི་རྣམས་དག ་པར་མི་འགྱུར་སོམ་ཉི་རྣམས་ལས་རྒལ་མི་འགྱུར། ། དགེ་སྦྱོང་བྲམ་ཟེ་གང་ཡང་རུང་།། དེ་དག་ཉིད་ལ་ཆགས་བྱེད་པ།། ཟག་པ་ཟད་པ་མ་ཐོབ་པར།། བར་མ་དོར་ནི་རྣམ་པར་ཉམས།། དགེ་སྦྱོང་བྲམ་ཟེ་གང་ཡང་རུང་།། ་དེདག་ཉིད་ལ་ཆགས་བྱེད་པ།། ཚེར་བ་ཟད་པ་མ་ཐོབ་པར།། བར་མ་དོར་ནི་རྣམ་པར་ཉམས།། དགེ་སྦྱོང་བྲམ་ཟེ་གང་ཡང་རུང་།། དེ་དག་ཉིད་ལ་ཆགས་བྱེད་པ།། བྱིས་པ་མཐའ་གཅིག་ལ་ལྟ་བ།། བར་མ་དོར་ནི་རྣམ ་བར་ཉམས། ། དགེ་སྦྱོང་བྲམ་ཟེ་གང་ཡང་རུང་།། དེ་དག་ཉིད་ལ་ཆགས་བྱེད་པ།། བྱིས་པའི་སྐྱེ་བོ་བློ་ངན་རྣམས།། བར་མ་དོར་ནི་རྣམ་པར་ཉམས།། དགེ་སྦྱོང་བྲམ་ཟེ་གང་ཡང་རུང་།། དེ་དག་ཉིད་ལ་ཆགས་བྱེད་པ།། ་གོ་འབང་དམ་པ་མ་ཐོབ་པར།། བར་མདོར་ནི་རྣམ་པར་ཉམས།། བློ་ངན་ཁྱོད་ཀྱི་རལ་པ་ནི།། ཁྱོད་ཀྱི་གཡང་གཞི་གྱོན་པ་ནི། ཁྱོད་ནང་ཐིབས་པོར་འདུག་བཞིན་དུ།། ཕྱི་རོལ་ལེགས ་པར་བྱི་དོར་བྱེད། ། བློ་ངན་ཁྱོད་ཀྱི་རལ་པ་ཅི།། ཁྱོད་ཀྱི་གཡང་གཞི་གྱོན་པ་ཅི།། ཁྱོད་ནང་དྲི་མ་ལྡན་བཞིན་དུ།། ཕྱི་རོལ་ལེགས་པར་བྱི་དོར་བྱེད།། རིགས་ཀྱིས་བྲམ་ཟེར་འགྱུར་མ་ཡིན།། རལ་པས་མ་ཡིན། ་རུས་ཀྱིས་མིན།། གང་ཞིག་བདེན་པའི་ཆོས་ལྡན་པ།། གཙང་མ་དེ་ཡིན་བྲམ་ཟེ་དེ།། རིགས་ཀྱིས་བྲམ་ཟེར་འགྱུར་མ་ཡིན།། རལ་པས་མ་ཡིན་རུས་ཀྱིས་མིན།། གང་ཞིག་སྡིག་པ་ཆེ་ཆུང་རྣམས།། ཐམས ་ཅད་སྤོང་བར་བྱེད་པ་དག། སྡིག་པ་རྣམས་ནི་སྤངས་ཕྱིར་དེ།། བྲམ་ཟེ་ཡིན་ཞེས་ངེས་པར་བརྗོད།། མགོ་བོ་བྲེགས་ཙམ་དགེ་སྦྱོང་མིན།། ཨོཾ་ཞེས་ཟེར་བ་བྲམ་ཟེ་མིན།། གང་ཞིག་དགེ་བའི་ཆོས་ལྡན་པ།། གཙང་མ ་དེ་ཡིན་བྲམ་ཟེ་དེ། ། མགོ་བོ་བྲེགས་ཙམ་དགེ་སྦྱོང་མིན།། ཨོཾ་ཞེས་ཟེར་བ་བྲམ་ཟེ་མིན།། གང་ཞིག་སྡིག་པ་ཆེ་ཆུང་རྣམས།། ཐམས་ཅད་སྤོང་བར་བྱེད་པ་དག། སྡིག་པ་རྣམས་ནི་སྤངས་ཕྱིར་ཏེ།། དགེ་སྦྱོང་བྲམ་ཟེ ་དེ་ཡིན་ནོ། ། སྐྱེ་བོ་ཕལ་ཆེར་འདིར་འཁྲུ་བ།། ཆུ་ཡིས་དག་པར་མི་འགྱུར་ཏེ།། གང་ཞིག་སྡིག་པ་ཆེ་ཆུང་རྣམས།། ཐམས་ཅད་སྤོང་བར་བྱེད་པ་དག། སྡིག་པ་རྣམས་ནི་སྤངས་བྱིར་ཏེ།། དགེ་སྦྱོང་བྲམ་ཟེ་དེ་ཡིན་ནོ། ་གང་ཞིག་སྡིག་ཆོས་རབ་སྤངས་ཤིང་།། རྟག་ཏུ་དྲན་ལྡན་སྤྱོད་བྱེད་པར།། ཀུན་སྦྱོར་ཟད་པའི་སངས་རྒྱས་དེ།། འཇིག་རྟེན་དག་ན་བྲམ་ཟེ་ཡིན། བྲམ་ཟེ་གང་ཞིག་སྡིག་པའི་ཆོས་སྤངས་ཤིང་།། བདག་ཉིད་ཚུལ ་འཆོས་མེད་ཅིང་རྙོག་མེད་གནས། ། རིག་བྱེད་མཐར་ཕྱིན་ཚངས་པར་སྤྱོད་པ་སྤྱད།། དུས་སུ་སྨྲ་བྱེད་དེ་ནི་ཚངས་པ་སྨྲ།། གང་ཞིག་སྒྱུ་ལ་མི་གནས་ང་རྒྱལ་མེད།། གང་ཞིག་ཆགས་མེད་བདག་མེད་རེ་བ་མེད།། ་འཁྲུག་བཅོམ་བདག་ཉིད་མྱ་ངན་འདས་ཕྱོགས་ཏེ།། བྲམ་ཟེ་དགེ་སྦྱོང་དེ་ཡིན་དགེ་སློང་དེ།། གང་ཞིག་མ་ཡི་མངལ་སྐྱེས་ནས།། གལ་ཏེ་འཛིན་པ་དང་བཅས་ན།། དེ་མིང་བུ་ཞེས་སྨྲ་བར་བསྟན།། བྲམ་ཟེ་ཡིན། ་པར་ང་མི་སྨྲ།། ཡོངས་སུ་འཛིན་མེད་ལེན་མེད་པ།། བྲམ་ཟེ་ཡིན་པར་ངས་གསུངས་སོ།། གང་ཞིག་ལུས་དང་ངག་དང་ནི།། ཡིད་ཀྱི་ཉེས་བྱས་མི་བྱེད་ཅིང་།། གང་ཞིག་གནས་གསུམ་ལེགས་བསྡམ་སྟེ།། ་བྲམ་ཟེ་ཡིན་པར་ངས་གསུངས་སོ།། གང་གི་ཚིག་དག་མི་རྩུབ་ཅིང་།། གོ་བྱེད་ཡིད་འོང་སྨྲ་བ་དང་།། གང་གིས་ཉོན་མོངས་མི་སྐྱེད་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་གསོད་འཆིང་གཤེ་བ ་དང་། ། སྡང་བའི་མི་ལ་བཟོད་བྱེད་དེ།། བཟོད་པའི་བརྟུལ་ཞུགས་སྟོབས་ཚོགས་ཅན།། བྲམ་ཟེ་ཡིན་པར་ངས་གསུངས་སོ།། ཁྲོ་བ་མེད་ཅིང་ཚུལ་ཁྲིམས་ཅན།། བརྟུལ་ཞུགས་ལྡན་ཞིང་སེམས ་ཁྲལ་མེད། ། དུལ་ཞིང་ལུས་མཐར་གནས་པ་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་རབ་བྱུང་ཁྱིམ་པ་དང་།། དེ་བཞིན་གཉིས་ཀར་མི་འདྲེ་ཞིང་།། འདོད་ཆུང་ཁྱིམ་ནས་མ་བྱུང་དེ།། ་བྲམ་ཟེ་ཡིན་པར་ངས་གསུངས་སོ།། མ་འོངས་པ་ལ་མངོན་མི་དགའ།། འདས་པ་རྣམས་ལ་གདུང་མེད་པ།། འཁྲིག་པའི་སྦྱོར་བྲལ་གཡུལ་རྒྱལ་ཏེ།། བྲམ་ཟེ་ཡིན་པར་ངས་གསུངས་སོ།། མ་འོངས་པ ་ལ་མངོན་མི་དགའ། ། འདས་ལ་གདུང་མེད་རྡུལ་བྲལ་ཞིང་།། ཞི་བ་མྱ་ངན་མེད་པ་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་འདོད་ཆུང་གཞན་མི་གསོ།། དུལ་ཞིང་སྙིང ་པོར་རབ་གནས་ལ། ། ཟག་ཟད་སྐྱོན་རྣམས་བསལ་བ་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་ཕ་རོལ་ཚུ་རོལ་དང་།། ཕ་རོལ་ཚུ་རོལ་གཉིས་མེད་ཅིང་།། ཆོས་རྣམས་ཀུན་གྱིས་མཐར ་ཕྱིན་ཏེ། ། བྲམ་ཟེ་ཡིན་པར་ངས་གསུངས་སོ།། གང་ཞིག་ཕ་རོལ་ཚུ་རོལ་དང་།། ཕ་རོལ་ཚུ་རོལ་གཉིས་མེད་ཅིང་།། གང་ཞིག་གནས་གསུམ་མ་ཆགས་དེ།། བྲམ་ཟེ་ཡིན་པར་ངས་གསུངས་སོ།། ་གང་ཞིག་ཐུང་དང་རིང་བ་དང་།། ཕྲ་སྦོམ་དགེ་དང་མི་དགེ་དང་།། འཇིག་རྟེན་ཅུང་ཟད་མི་ལེན་དེ།། བྲམ་ཟེ་ཡིན་པ་རངས་གསུངས་སོ།། གང་ཞིག་འདི་ཉིད་རབ་ཤེས་ཤིང་།། རང་གི་སྡུག་བསྔལ་ཟད་པ ་དང་། འདོད་ཆགས་བྲལ་ཞིང་མི་ལྡན་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་དགེ་དང་སྡིག་པ་དང་།། གཉིས་ཀ་ཡིས་ཀྱང་མི་གོས་པ།། གོས་མེད་རྡུལ་བྲལ་ཞི་བ་དེ།། བྲམ་ཟེ་ཡིན ་པར་ངས་གསུངས་སོ། ། གང་ཞིག་དགེ་དང་སྡིག་པ་ལ།། ཆགས་གང་ཡིན་དེ་རབ་འདས་ཤིང་།། ཆགས་ལས་རབ་འདས་རྣམ་གྲོལ་དེ།། བྲམ་ཟེ་ཡིན་པ་རངས་གསུངས་སོ།། གང་ཞིག་སྔོན་དང་ཕྱི་མ ་དང་། ། དབུས་ཀྱང་ཡོད་པ་མ་ཡིན་པ།། རྡུལ་བྲལ་འཆིང་བ་ལས་གྲོལ་ཏེ།། བྲམ་ཟེ་ཡིན་པ་རངས་གསུངས་སོ།། པདྨའི་འདབ་ལ་ཆུ་ལྟར་དང་།། སྨྱུང་བུའི་རྩེ་ལ་ཡུངས་ཀར་ལྟར།། གང་ཞིག་སྡིག ་ལ་མི་གནས་དེ། ། བྲམ་ཟེ་ཡིན་པ་རངས་གསུངས་སོ།། པདྨའི་འདབ་ལ་ཆུ་ལྟར་དང་།། སྦྲང་བུའི་རྩེ་ལ་ཡུངས་ཀར་ལྟར།། གང་ཞིག་འདོད་ལ་མི་གནས་དེ།། བྲམ་ཟེ་ཡིན་པར་ངས་གསུངས་སོ།། པདྨའི ་འདབ་ལ་ཆུ་ལྟར་དང་། ། སྦྲང་བུའི་རྩེ་ལ་ཡུངས་ཀར་ལྟར།། སྲིད་ལ་དགའ་བ་ཡོངས་སྤངས་ཏེ།། བྲམ་ཟེ་ཡིན་པར་ངས་གསུངས་སོ།། ཟླ་བ་དག་ཅིང་དྲི་མེད་ལ།། སྐྱོན་བྲལ་རབ་ཏུ་དང་བ་ལྟར།། གང་ཞིག། ་སྡིག་པས་མི་གོས་ཏེ།། བྲམ་ཟེ་ཡིན་པར་ངས་གསུངས་སོ།། ཟླ་བ་དག་ཅིང་དྲི་མེད་ལ།། སྐྱོན་བྲལ་རབ་ཏུ་དང་བ་ལྟར།། གང་ཞིག་འདོད་པས་མི་གོས་ཏེ།། བྲམ་ཟེ་ཡིན་པར་ངས་གསུངས་སོ།། ཟླ་བ་དག། ་ཅིང་དྲི་མེད་ལ།། སྐྱོན་བྲལ་རབ་ཏུ་དང་བ་ལྟར།། སྲིད་ལ་དགའ་བ་ཡོངས་སྤངས་ཏེ།། བྲམ་ཟེ་ཡིན་པར་ངས་གསུངས་སོ།། འདམ་རྫབ་ཀྱིས་ནི་མཁའ་ལྟར་དང་།། རྡུལ་གྱིས་ཟླ་བ་ཇི་ལྟ་བར།། གང་ཞིག ་སྡིག་པས་མི་གོས་ཏེ། ། བྲམ་ཟེ་ཡིན་པར་ངས་གསུངས་སོ།། འདས་རྫབ་ཀྱིས་ནི་མཁའ་ལྟར་དང་།། རྡུལ་གྱིས་ཟླ་བ་ཇི་ལྟ་བར།། གང་ཞིག་འདོད་པས་མི་གོས་ཏེ། བྲམ་ཟེ་ཡིན་པར་ངས་གསུངས་སོ།། ། ་འདམ་རྫབ་ཀྱིས་ནི་མཁའ་ལྟར་དང་།། རྡུལ་གྱིས་ཟླ་བ་ཇི་ལྟ་བར།། སྲིད་ལ་དགའ་བ་ཡོངས་སྤོངས་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་འདུག་ནས་རྡུལ་བྲལ་བ།། སེམས་ཤིང་ཟག་ཟད་བྱ་བ ་བྱས། ། དུལ་ཞིང་ལུས་མཐར་གནས་པ་དེ།། བྲམ་ཟེ་ཡིན་པར་ངས་གསུངས་སོ།། ཤེས་རབ་ཟབ་ཅིང་ཡིད་གཞུངས་ལ།། ལམ་དང་ལམ་ཡིན་རྣམས་ལ་མཁས།། གང་ཞིག་དོན་མཆོག་རྗེས་ཐོབ་དེ།། བྲམ ་ཟེ་ཡིན་པར་ངས་གསུངས་སོ། ། མི་ནི་གང་ཡང་རུང་བ་དག། སློངས་མོ་ཙམ་གྱིས་འཚེ་བ་དང་།། བདག་མེད་སུ་ལ་གནོད་མི་བྱེད།། བརྟན་ལྡན་ཚངས་པར་སྤྱོད་པ་ཅན།། ཀུན་ཤེས་སྤྱོད་ཕྱིར ་ཆོས་སྟོན་དེ། ། བྲམ་ཟེ་ཡིན་པ་རངས་གསུངས་སོ།། གང་ཞིག་འདོད་པ་ལེགས་སྤངས་ཤིང་།། ཁྱིམ་མེད་པར་ནི་རབ་བྱུང་སྟེ།། འདོད་པའི་ཟག་པ་ལོངས་ཟད་དེ།། བྲམ་ཟེ་ཡིན་པར་ངས་གསུངས་སོ།། འགྲོ་བ ་དང་ནི་གནས་པ་ཡི། ། འབྱུང་པོ་ཆད་པས་མི་གཅོད་ཅིང་།། གསོད་མེད་གསོད་དུ་མི་འཇུག་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་མི་མཐུན་འཐུན་བྱེད་ཅིང་།། ཆད་པས་གཅོད་པ་དང་དུ་ལེན།། འབྱུང། ་པོ་རྣམས་ལ་བརྩེ་ཕན་དེ།། བྲམ་ཟེ་ཡིན་པར་ངས་གསུངས་སོ།། སྦྲང་བུའི་རྩེ་ལ་ཡུངས་ཀར་ལྟར།། གང་ཞིག་འདོད་ཆགས་ཞེ་སྡང་དང་།། ང་རྒྱལ་འཆབ་པ་འཚེམས་པ་དེ།། བྲམ་ཟེ་ཡིན་པར་ངས་གསུངས ་སོ། ། གང་ཞིག་སྲེད་པའི་རྫོང་འདི་དང་།། འཁོར་བའི་ཀླུང་ལས་རབ་རྒལ་ཞིང་།། བརྒལ་ནས་ཕ་རོལ་འགྲོ་བར་སེམས།། ཡིད་ཉིད་ཀྱིས་ནི་མི་བཀྲི་ཞིང་།། གང་ཞིག་ལེན་པ་ལས་ལོག་དེ།། བྲམ་ཟེ་ཡིན་པར་ངས ་གསུངས་སོ། ། གང་ཞིག་འཇིག་རྟེན་འདི་དང་ནི།། ཕ་རོལ་ལ་ཡང་སྲེད་མེད་ཅིང་།། སྲིད་པའི་སྲེད་པ་ཡོངས་ཟད་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་འཇིག་རྟེན་འདི་དང་ནི།། ཕ་རོལ་ལ་ཡང ་ཆགས་མེད་ཅིང་། ། ཆགས་མེད་རྣམ་པར་བྲལ་བ་དེ།། བྲམ་ཟེ་ཡིན་པར་ངས་གསུངས་སོ།། དགའ་དང་མི་དགའ་སྤངས་པ་དང་།། བསིལ་བར་གྱུར་ཅིང་ཟག་པ་མེད།། འཇིག་རྟེན་ཀུན་ཟིལ་གནོན་བརྟན་དེ། ་བྲམ་ཟེ་ཡིན་པ་རངས་གསུངས་སོ།། མ་ཡི་སྟོང་བ་སྤངས་ནས་སུ།། མཱ་ཡི་སྦྱོར་བར་བ་འདས་ཤིང་།། སྦྱོར་བཀུན་དང་ནས་ཐལ་དེ།། བྲམ་པོ་ཡིན་པར་ངས་གསུངས་སོ།། གང་ཞིག་ལྷ་དང་རྡི་བ་དང་། ་མི་ཡི་འགྲོ་བ་མི་ཤེས་ཤིང་།། ཞི་བ་འགྲོ་བ་མི་ཤེས་དེ།། བྲམ་ཟེ་ཡིན་པར་ངས་གསུངས་སོ།། གང་གིས་ཆོས་རྣམས་མི་ཤེས་པའམ།། མ་མཐོང་བ་ནི་མེད་གྱུར་ལ།། ཤེས་བྱ་མཐའ་ཡས་བལྟ་བ་དེ།། ་བྲམ་ཟེ་ཡིན་པར་ངས་གསུངས་སོ།། གང་གིས་སྔོན་གྱི་གནས་རྟོགས་ཤིང་།། མཐོ་རིས་ངན་སོང་མཐོང་བ་དང་།། དེ་ནས་སྐྱེ་བ་ཟད་ཐོབ་པའི།། ཐུབ་པ་མངོན་ཤེས་ལ་བརྩོན་པ།། སྡུག་བསྔལ་ཐ་མར་རབ་ཤེ། ་བྲམ་ཟེ་ཡིན་པར་ངས་གསུངས་སོ།། སེམས་ཀྱི་རྣམ་གྲོལ་ཤེས་པ་དང་།། འདོད་ཆགས་ཀུན་ལས་གྲོལ་བ་དང་།། རིག་པ་གསུམ་དང་ལྡན་པ་དེ།། བྲམ་ཟེ་ཡིན་པ་རངས་གསུངས་སོ།། གང་གིས་སེམས ་ཅན་འཆི་འཕོ་དང་། ། སྐྱེ་བ་ཐམས་ཅད་རྟོགས་གྱུར་པ།། ཐོགས་མེད་སྤྱན་ལྡན་སངས་རྒྱས་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་ཀུན་སྦྱོར་ཀུན་འདས་ཤིང་།། ཡོངས་སུ་གདུང་བ་མེད་པ་དང་། ་དགའ་མེད་དྲན་ལྡན་སྟོན་པ་དེ།། བྲམ་ཟེ་ཡིན་པར་ངས་གསུངས་སོ།། ཐུབ་པ་རྣམ་རྒྱལ་དྲང་སྲོང་ཆེ།། ཁྱུ་མཆོག་རབ་མཆོག་གླང་པོ་ཆེ།། བཀུར་བྱེད་ཁྲུས་བྱས་སངས་རྒྱས་དེ།། བྲམ་ཟེ་ཡིན་པར་ངས་གསུངས ་སོ། ། གང་ཞིག་སྲིད་འདས་ཀུན་ཟིལ་གནོན།། ཆུ་བོ་ལས་རྒལ་རྣམ་པར་འདྲེན།། རྣམ་གྲོལ་ཕ་རོལ་ཕྱིན་པ་དེ།། བྲམ་ཟེ་ཡིན་པར་ངས་གསུངས་སོ།། སྡིག་ཅན་རྣམ་པར་མི་སེམས་ཤིང་།། མི་སྒོམ་སྨྲ་བར་མི ་བྱེད་པར། ། འདུག་ནས་རྡུལ་བྲལ་སེམས་པདེ།། བྲམ་ཟེ་ཡིན་པར་ངས་གསུངས་སོ།། གང་ཞིག་ཕྱག་དར་ཁྲོད་འཆང་ཞིང་།། ངོ་ཚ་ཤེས་ཤིང་འདོད་མི་ལྟ།། ཤིང་དྲུང་དག་ཏུ་གནས་པ་དེ།། ་བྲམ་ཟེ་ཡིན་པར་ངས་གསུངས་སོ།། གང་ཞིག་སྡུག་བསྔལ་ཀུན་སྤང་ཕྱིར།། ཞི་བ་འཕགས་ལམ་ཡན་ལག་བརྒྱད།། དྲང་པོ་སྒོམ་པར་བྱེད་པ་དེ།། བྲམ་ཟེ་ཡིན་པར་ངས་གསུངས་སོ།། གང་ལ་ཅུང་ཟད་གནས ་མེད་ཅིང་། ། འདུ་ཤེས་ཡིད་གཉིས་ཟུག་རྔུ་མེད།། འཆི་མེད་གོ་འཕང་ཐོབ་པ་དེ།། བྲམ་ཟེ་ཡིན་པར་ངས་གསུངས་སོ།། གང་ཞིག་ལུས་མེད་ཕུག་ན་གནས།། གཅིག་པུ་རྒྱུ་ཞིང་རིང་དུ་འགྲོ།། གདུལ་བར་དཀའ་བའི ་སེམས་དུལ་དེ། ། བྲམ་ཟེ་ཡིན་པར་ངས་གསུངས་སོ།། གང་ཞིག་གཟུགས་མེད་བལྟར་མེད་མཐའ་ཡས་ལ།། ཤིན་ཏུ་བལྟར་མེད་ཕྲ་ཞིང་གཞི་མངོན་རྟོགས།། རྟག་དྲན་ཀུན་སྦྱོར་ཟད་རྒྱུ་སངས་རྒྱས་པ།། འཇིག ་རྟེན་འདི་ན་དེ་ནི་བྲམ་ཟེ་ཡིན། ། གང་གིས་སོགས་མིག་འཆིང་གཏུབས་ཏེ།། ཆིངས་མ་རྒྱང་ཟག་བཅད་ནས་སུ།། ཡོངས་སུ་གདུང་སྤངས་སངས་རྒྱས་དེ།། བྲམ་ཟེ་ཡིན་པར་ངས་གསུངས་སོ།། གང་གིས་རྙེད ་འདོད་སྡིག་ཅན་དང་། ། སོགས་མིག་ཆིངས་མ་གཏུབས་གྱུར་ཅིང་།། སྲེད་པ་རྩར་བཅད་དྲུངས་ཕྱུང་དེ།། བྲམ་ཟེ་ཡིན་པར་ངས་གསུངས་སོ།། བརྩོན་པས་ཆུ་བོའི་རྒྱུན་བཅད་ཅིང་།། འདོད་པ་ཐམས་ཅད་རབ་བཅོམ ་དང་། ། འདུ་བྱེད་རྣམས་ཀྱི་མད་ཤེས་པ།། སྡིག་མེད་གང་ཡིན་བྲམ་ཟེ་ཡིན།། པདང་མ་ནི་བས་དབྱས་ཤིང་།། རྒྱལ་པོ་གཙང་ས་ཅན་གཉིས་དང་།། ཡུལ་འཁོར་འཁོར་དང་བཅས་བཅོམ་པ།། སྡིག་མེད ་ཞགང་ཡིན་བྲམ་ཟེ་ཡིན། ། བདང་མནི་བས་དབྱས་ཤིང་།། རྒྱལ་པོ་གཅང་སྦྲན་ན་གཉིས་དང་།། མི་བཟད་པ་ཡི་སྟེག་བསད་པ།། སྡིག་མེད་གང་ཡིན་བྲམ་ཟེ་ཡིན།། གང་ཞིག་ཟས་པ་དག་པཟླན།། ་པར་བྱེད་པ་དེ་དང་ན་པས།། བྲམ་ཟེ་རྣམས་ལ་བརྡེག་མི་བྱ།། བྲམ་ཟེ་བསྐྲད་པར་མི་བྱའོ།། གང་ཞིག་ཆོས་རྣམས་རྣམ་ཤེས་ན།། རྒན་ནམ་ཡང་ན་གཞོན་ཡང་རུང་།། དེ་ལ་བཀུར་ཞིང་ཕྱག་བྱ་སྟེ།། བྲམ་ཟེ ་གཙང་མས་མེ་བཞིན་ནོ། ། གང་ཞིག་ཆོས་རྣམས་རྣམ་ཤེས་ན།། རྒན་ནམ་ཡང་ན་གཞོན་ཡང་རུང་།། དེ་ལ་བཀུར་ཞིང་བསྙེན་བཀུར་ཏེ།། བྲམ་ཟེ་གཙང་མས་མེ་བཞིན་ནོ།། གང་ཞིག་རྫོགས་པའི་སངས་རྒྱས ་ཀྱིས། ། བསྟན་པའི་ཆོས་རྣམས་རྣམ་ཤེས་ན།། དེ་ལ་བཀུར་ཞིང་ཕྱག་བྱ་སྟེ།། བྲམ་ཟེ་གཙང་མས་མེ་བཞིན་ནོ།། གང་ཞིག་རྫོགས་པའི་སངས་རྒྱས་ཀྱིས།། བསྟན་པའི་ཆོས་རྣམས་རྣམ་ཤེས་ན།། ་དེ་ལ་བཀུར་ཞིང་བསྙེན་བཀུར་ཏེ།། བྲམ་ཟེ་གཙང་མས་མེ་བཞིན་ནོ།། གང་ཞིག་བྲམ་ཟེ་ཆོས་རྣམས་ཀྱི།། ཕ་རོལ་ཕྱིན་པར་གྱུར་པ་ན།། དེ་ཚེ་ཤ་ཟ་བ་ཀུ་ལ།། གཅིག་པོ་ལས་ཀྱང་ཤིན་ཏུ་འདས།། གང ་ཚེ་བྲམ་ཟེ་ཆོས་རྣམས་ཀྱི། ། ཕ་རོལ་ཕྱིན་པར་གྱུར་པ་ན།། དེ་ནས་དེས་མཐོང་ཚོར་བ་རྣམས།། ཐམས་ཅད་ནུབ་པ་ཉིད་དུ་གྱུར།། གང་ཚེ་བྲམ་ཟེ་ཆོས་རྣམས་ཀྱི།། ཕ་རོལ་ཕྱིན་པར་གྱུར་པ་ན།། དེ་ཚེ་དེ་ཡིས ་མཐོང་བས་ན། ། རྐྱེན་རྣམས་ཐམས་ཅད་ནུབ་པར་གྱུར།། གང་ཚེ་བྲམ་ཟེ་ཆོས་རྣམས་ཀྱི།། ཕ་རོལ་ཕྱིན་པར་གྱུར་པ་ན།། དེ་ཚེ་དེ་ཡིས་མཐོང་བས་ན།། ཀུན་སྦྱོར་ཐམས་ཅད་ནུབ་པར་གྱུར།། གང་ཚེ་བྲམ ་ཐེ་ཆོས་རྣམས་ཀྱི། ། ཕ་རོལ་བྱིན་པར་གྱུར་པན།། དེ་ཚེ་སྐྱེ་དང་རྒ་བ་དང་།། འཆི་བ་རྣམས་ལས་ཤིན་ཏུ་འདས།། ཉིན་མོ་ཉི་མ་གསལ་བར་བྱེད།། མཚན་མོ་ཟླ་བ་སྣང་བྱེད་ལྟར། ་རྒྱལ་རིགས་གོ་ཆས་ཆས་པ་གསལ།། བྲམ་ཟེ་སེམས་པར་བྱེད་ན་གསལ།། ཉིན་མོ་ཉི་མ་གསལ་བར་བྱེད།། མཚན་མོ་ཟླ་བ་སྣང་བྱེད་ལྟར།། རྟག་ཏུ་སངས་རྒྱས་གཟི་བརྗིད་ཆེ།། ཉིན་དང་མཚན་དུ་གསལ། ་བར་བྱེད།། ཇི་ལྟར་མི་སྡུག་པ་ལས་ཡིད་ལྡོག་པ།། དེ་འདྲ་བྲམ་ཟེ་རྣམས་ལ་ཅུང་ཟད་མེད།། ཇི་ལྟ་ཇི་ལྟར་དེ་ཡི་ཡིད་ལྡོག་པ།། དེ་ལྟ་དེ་ལྟར་ཀུན་རྫོགས་བདེན་པར་ཟད།། གང་ཚེ་བྲམ་ཟེ་བརྩོན་པས་སེམས ་པ་ན། ། གང་གིས་ཆོས་རྣམས་རྒྱུར་བཅས་རབ་ཤེས་པ།། ཆོས་འདི་རྣམས་ལ་རབ་ཏུ་འབྱུང་འགྱུར་ཏེ།། དེ་ཚེ་དེ་ཡི་སོམ་ཉི་མ་ལུས་སྤོང་།། གང་ཚེ་བྲམ་ཟེ་བརྩོན་པས་སེམས་པ་ན།། གང་གིས་སྡུག་བསྔལ ་རྒྱུར་བཅས་རབ་ཤེས་པ། ། ཆོས་འདི་རྣམས་ལ་རབ་ཏུ་འབྱུང་འགྱུར་ཏེ།། དེ་ཚེ་དེ་ཡི་སོམ་ཉི་མ་ལུས་སྤོང་།། གང་ཚེ་བྲམ་ཟེ་བརྩོན་པས་སེམས་པ་ན།། གང་གིས་ཚོར་བ་ཟད་པར་ཐོབ་འགྱུར་བ།། ཆོས་འདི ་རྣམས་ལ་རབ་ཏུ་འབྱུང་འགྱུར་ཏེ། ། དེ་ཚེ་དེ་ཡི་སོམ་ཉི་མ་ལུས་སྤོང་།། གང་ཚེ་བྲམ་ཟེ་བརྩོན་པས་འབད་པ་ན།། གང་གིས་རྐྱེན་རྣམས་ཟད་པ་ཐོབ་འགྱུར་བ།། ཆོས་འདི་རྣམས་ལ་རབ་ཏུ་འབྱུང་འགྱུར་ཏེ།། ་དེ་ཚེ་དེ་ཡི་སོམ་ཉི་མ་ལུས་སྤོང་།། གང་ཚེ་བྲམ་ཟེ་བརྩོན་པས་སེམས་པ་ན།། གང་གིས་ཟག་པ་ཟད་པ་ཐོབ་འགྱུར་བ།། ཆོས་འདི་རྣམས་ལ་རབ་ཏུ་འབྱུང་འགྱུར་ཏེ།། དེ་ཚེ་དེ་ཡི་སོམ་ཉི་མ་ལུས་སྤོང་། ་གང་ཚེ་བྲམ་ཟེ་བརྩོན་པས་སེམས་པ་ན།། ཇི་ལྟར་མཁའ་ལ་ཉི་མ་ཤར་བ་ལྟར།། འཇིག་རྟེན་ཐམས་ཅད་སྣང་བྱེད་འདུག་འགྱུར་བ།། ཆོས་འདི་རྣམས་ལ་རབ་ཏུ་འབྱུང་བར་འགྱུར།། གང་ཚེ་བྲམ་ཟེ་བརྩོན ་པས་སེམས་པ་ན། ། བློ་ཡིས་ཀུན་སྦྱོར་རྣམས་ལས་རབ་གྲོལ་ཏེ།། བདུད་སྡེ་རྣམ་པར་བསལ་ནས་འདུག་འགྱུར་བ།། ཆོས་འདི་རྣམས་ལས་རབ་ཏུ་འབྱུང་བར་འགྱུར།། བྲམ་ཟེའི་ཆོམས་ཏེ་སུམ་ཅུརྩ ་གསུམ་པའོ། ། །། སྡོམ་ཡ། དེ་བཞིན་གཤེགས་དང་ཐོས་དང་བདག། བསྒྲེ་དང་མཛའ་བཤེས་ལྔ་པའོ།། མྱ་ངན་འདས་དང་མཐོང་བ་དང་།། སྡིག་དང་ཕྲུགས་དང་བདེན་པ་དང་།། སེམས ་དང་དགེ་སློང་ཆོམས་དག་དང་། ། བྲམ་ཟེ་ཡང་ནི་ཕ་མ་ཡིན།། ཆེད་དུ་བརྗོད་པའི་ཚོམས་དགྲ་བཅོམ་པ་ཆོས་སྐྱོབ་ཀྱིས་བསྡུས་པ་རྫོགས་སོ།། །། རྒྱ་གར་གྱི་མཁན་པོ་བི་དྱཱ་ཀར ་