| Wylie | e-texts produced with BDRC’s OCR application |
གི་རི་ཨཱ་ནནྡ་སཱུ་ཏྲ། བོད་སྐད་དུ། རིའི་ཀུན་དགའ་བོའི་མདོ། འཕགས་པ་དཀོན་མཆོག་གསུམ་ལ་གུས་པས་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ ་ལྡན་འདས་མཉན་ཡོད་རྒྱལ་བྱེད་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་དེའི་དུས་ན་ཚེ་དང་ལྡན་པ་རིའི་ཀུན་དགའ་བོ་ནད་དམ་པོ་སྡུག་བསྔལ་བས་གཟིར་ཏོ།། དེ་ནས ་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ག་ལ་བ་དེར་སོང་ཞིང་ཉེ་བར་སོང་ནས། བཅོམ་ལྡན་འདས་ལ་ཕྱག་བྱས་ནས་ཕྱོགས་གཅིག་ཏུ་འདུག་གོ།། ཕྱོགས་གཅིག་ཏུ་འདུག་ནས། ་ཡང་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཙུན་པ་ཚེ་དང་ལྡན་པ་རིའི་ཀུན་དགའ་བོ་ནད་དམ་པོ་སྡུག་བསྔལ་བས་གཟིར་ཏོ།། བཙུན་པ་བཅོམ་ལྡན ་འདས་ལེགས་པར་མཛད་དུ་གསོལ། དགེ་སློང་ཚེ་དང་ལྡན་པ་རིའི་ཀུན་དགའ་བོ་ག་ལ་བ་དེར་གཤེགས་ལ་རྗེས་སུ་བརྩེ་བས་གཤེགས་པར་ཞུ། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ ་ཀུན་དགའ་བོ་ལ་བཀའ་སྩལ་པ། དེར་ཡང་ཀུན་དགའ་བོ་ཁྱོད་དགེ་སློང་རིའི་ཀུན་དགའ་བོའི་ཐད་དུ་སོང་ལ་འདུ་ཤེས་བཅུ་བཤད་པར་གྱིས་ཤིག། རྣམ་པར་ཤེས་པ་དང་ལྡན་པའི་གནས་སུ་སྨྲ་བར ་གྱིས་ཤིག། གཞན་ཡང་དགེ་སློང་རིའི་ཀུན་དགའ་བོས་འདུ་ཤེས་བཅུ་ཐོས་ནས་ནད་ཀྱིས་གཟིར་བའི་གནས་རྣམས་ལ་སོ་སོར་རིག་པར་འགྱུར་རོ།། བཅུ་གང་ཞེ་ན། མི་རྟག་པའི་འདུ་ཤེས་དང ་བདག་མེད་པའི་འདུ་ཤེས་དང་། མི་གཙང་བའི་འདུ་ཤེས་དང་། བར་དུ་གཅོད་པའི་འདུ་ཤེས་དང་། སྤོང་བའི་འདུ་ཤེས་དང་། འདོད་ཆགས་དང་བྲལ་བའི་འདུ་ཤེས་དང་། འགོག ་པའི་འདུ་ཤེས་དང་། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང་། འདུ་བྱེད་ཐམས་ཅད་ལ་མི་རྟག་པའི་འདུ་ཤེས་དང་། འབྱུང་བ་དང་རྔུབ་པ་རྗེས་སུ་དྲན་པའི ་འདུ་ཤེས་སོ། ། མི་རྟག་པའི་འདུ་ཤེས་པ་ཞེ་ན། འདི་ནི་མ་དང་ལྡན་པ་ཀུན་དགའ་བོ་དགོན་པའམ། ཤིང་དྷཱ་ངས། ཁང་པ་སྟོང་པར་སོང་ལ་འཛིན་ས་སོར་ག་པ ་གཟུགས་མི་རྟག་པ་དང་། ཚོར་བ་མི་རྟག་པ་དང་། འདུ་ཤེས་མི་རྟག་པ་དང་། འདུ་བྱེད་མི་རྟག་པ་དང་། རྣམ་པར་ཤེས་པ་མི་རྟག་པ་སྟེ། འདི་རྣམས་ལ་ཉེ་བར་ལེན་པའི་ཕུང་པོ་ལྔ ་པོ་མི་རྟག་པར་བལྟ་བར་བྱའོ། ། དེ་ལ་མི་རྟག་པའི་འདུ་ཤེས་སྟོན་ཅིག། ཀུན་དགའ་བོ་བདག་མེད་པའི་འདུ་ཤེས་དུ་ཞེ་ན། འདི་ནི་དགེ་སློང་ཀུན་དགའ་བོ། དགོན་པ་འམ། ཤིང་དྲུང ་ངམ། ཁང་པ་སྟོང་པར་སོང་ལ་འདི་ནི་སོ་སོར་རིག་པར་བྱའོ།། མིག་བདག་མེད་པ་དང་། གཟུགས་བདག་མེད་པ་དང་། རྣ་བ་བདག་མེད་པ་དང་། སྒྲ་བདག་མེད་པ་དང་། སྣ་བ་དག ་མེད་པ་དང་། དྲི་བདག་མེད་པ་དང་། ལྕེ་བདག་མེད་པ་དང་། རོ་བདག་མེད་པ་དང་། ལུས་བདག་མེད་པ་དང་། རེག་བྱ་བདག་མེད་པ་དང་། ཡིད་བདག་མེད་པ་དང་། ཆོས་བདག ་མེད་པ་སྟེ། འདི་རྣམས་ནི་ནང་གི་དྲུག་དང་ཕྱིའི་སྐྱེ་མཆེད་དྲུག་བདག་མེད་པའོ།། བདག་མེད་པ་ལ་བལྟ་ཞིང་བསམ་པར་བྱའོ།། ཀུན་དགའ་བོ་བདག་མེད་པ་འདི་རྣམས་སྟོན་ཅིག། ཀུན ་དགའ་བོ་མི་གཙང་བའི་འདུ་ཤེས་ནི་དགེ་སློང་ཀུན་དགའ་བོ་འདི་ནི་ལུས་འདི་ཉིད་ལ་སྤྱི་གཙུག་ནས། འོག་གི་རྐང་མཐིལ་གྱི་བར་གྱི་ལྤགས་པའི་ཕྱི་ཤུན་གྱི་བར་གང་བར་རྣམ་པ་སྣ་ཚོགས་པའི་མི ་གཙང་བ་སོ་སོར་བརྟག་པར་བྱའོ། ། ལུས་འདི་ལ་སྒྲ་དང་། བ་སྤུ་དང་། སེན་མོ་དང་། སོ་དང་། ལྤགས་པའི་ཕྱི་ཤུན་དང་། ཤ་དང་། ཆུབ་དང་། རུས་པ་དང་། རྐང་མར་དང་། མཁལ ་མ་དང་། སྙིང་དང་། མཆེར་བ་དང་། གློ་བ་དང་། སུལ་མང་དང་། ཕོ་བ་དང་། རྒྱུ་མ་དང་། རྒྱུ་མའི་གཉེམ་དང་། ལྒང་པ་དང་། དྲུག་པ་དང་། མཁྲིས་པ་དང་། བད་ཀན་དང་། ་ཚིགས་དང་། ཁྲག་དང་། རྡུལ་དང་། ཚིལ་དང་། མཆི་མ་དང་། ཞག་དང་། མཆིལ་མ་དང་། སྣབས་དང་། ཆུ་སེར་དང་། གཅིན་དང་། གྲང་པ་སྟེ། མི་གཙང་བའི་རྫས་སུམ་ཅུ ་གཉིས་སོ། ། ལུས་འདི་ལ་མི་གཙང་བར་བལྟ་བར་བྱའོ།། ཀུན་དགའ་བོ་མི་གཙང་བ་འདི་རྣམས་བསྟན་པར་གྱིས་ཤིག། ཀུན་དགའ་བོ་བར་དུ་གཅོད་པ་རྣམས་དུ་ཞེ་ན། དགེ་སློང་ཀུན་དགའ ་བོ་འདི་ནི་དགོན་པ་འམ། ཤིང་དྲུང་ངམ། ཁང་སྟོང་དུ་སོང་སྟེ་འདི་རྣམས་སོ་སོར་བརྟག་པར་བྱའོ།། ལུས་འདི་ནི་སྡུག་བསྔལ་མང་བ་དང་། བར་དུ་གཅོད་པ་མང་བ་སྟེ། ལུས་འདི་ལ་རྣམས ་དུ་མའི་ནད་འབྱུང་ངོ་། ། འདི་ལྟ་སྟེ། མིག་གི་ནད་དང་། རྣ་བའི་ནང་དང་། སྣའི་ནད་དང་། ལྕེའི་ནད་དང་། ལུས་ཀྱི་ནང་དང་། མགོ་བོའི་ནང་དང་། རྣ་བའི་ནང་གི་ནང་དང་། ཁའི་ནང ་དང་། སོའི་ནད་དང་། ཐོ་དང་། དབུགས་མི་བདེ་བ་དང་། པི་ན་མོའི་ནང་དང་། ཚ་རིམས་དང་། ལྟོ་བའི་ནད་དང་། བརྒྱལ་བ་དང་། གཞོགས་ཕྱེད་ན་པ་དང་། གཟེར་བ་དང་། གསུང ་བ་དང་། མཛེ་དང་། ཤ་འབྲས་དང་། འབྲུམ་བུ་ཕྲ་མོ་དང་། གཅོང་ནད་དང་། བརྗེད་བྱེད་ཀྱི་ནང་དང་། བས་བལྡགས་དང་། གསན་པ་དང་། ལུས་ཟ ་བ་དང་། རཀྵ་ས་དང་། བི་ཙར་རྩི་ཀ་དང་། ཁྲག་མ་བྲིས་དང་། ས་དྷུ་མ་ཧ་དང་། ཨཾ་ག་དང་། སི་ལ་ཀ་དང་། མཚན་མར་རྡོལ་བ་དང་། མཁྲིས་པ་འཁྲུགས་པའི་ནང་དང་། བད ་ཀན་འཁྲུགས་པའི་ནད་དང་། རླུང་འཁྲུགས་པའི་ནད་དང་། འདུས་པའི་ནད་དང་། དུས་སུ་ཟས་ཡི་ཁར་མི་འོང་བའི་ནད་དང་། མི་མཉམ་པའི་ནད་འཁྲུགས་པ་དང་། ཨ་ཨུ་པ ་ཀསྨི་ཀའི་ནང་དང་། ལས་ཀྱི་རྣམ་པར་སྨིན་པའི་ནད་དང་། གྲང་བ་དང་། དྲོ་བ་དང་། བཀྲེས་རྔ་བ་དང་། སྐོམ་པ་དང་། འཁྲུ་བ་དང་། ཆུ་ནད་དེ། ལུས་ཀྱི་ནད་འདི་རྣམས་ནི་བར་དུ ་གཅོད་པར་བལྟ་ཞིང་བསྒོམ་པར་བྱའོ། ། ཀུན་དགའ་བོ་འདི་ནི་བར་དུ་གཅོད་པར་བསྟན་པར་བྱའོ།། ཀུན་དགའ་བོ་སྤོང་བའི་འདུ་ཤེས་རྣམས་དུ་ཞེ་ན། དགེ་སློང་ཀུན་དགའ་བོ་འདི་ནི་འདོད་པ་ལས ་སྐྱེས་པ་སྟེ། མི་གནས་པར་དོར་བར་བྱའོ།། རྣམ་པར་གཞིག་པ་དང་། གོམས་པར་མི་བྱེད་པ་དང་། མི་བསྒོམ་པར་འགྲོ་བ་དང་། རྣམ་པར་འཚེ་བའི་རྣམ་རྟོག་ལས་སྐྱེས་པ་དང་། མི ་གནས་པ་སྟེ་དོར་བར་བྱའོ། ། རྣམ་པར་གཞིག་པ་དང་། གོམས་པར་མི་བྱེད་པ་དང་། མི་བསྒོམ་པར་འགྲོ་བ་སྟེ། སྐྱེས་ཤིང་སྐྱེས་པའི་སྡིག་པ་མི་དགེ་བའི་ཆོས་མི་གནས་པ་སྟེ་དོར་བར་བྱའོ།། ་རྣམ་པར་གཞིག་པ་དང་། གོམས་པར་མི་བྱེད་པ་དང་། མི་བསྒོམ་པར་མི་འགྲོ་བ་སྟེ། ཀུན་དགའ་བོ་འདོན་སྤོང་བའི་འདུ་ཤེས་སོ།། ཀུན་དགའ་བོ་འདོད་ཆགས་དང་བྲལ་བའི་འདུ་ཤེས་བུ་ཞེ་ན། ་དགེ་སློང་ཀུན་དགའ་བོ་འདི་ནི་དགོན་པ་འམ། ཤིང་དྲུང་ངམ། ཁང་སྟོང་དུ་སོང་སྟེ་སོ་སོར་བརྟག་པར་བྱའོ།། འདི་ནི་ཞི་བ་དང་། གྱ་ནོམ་པར་གང་འདི་ནི་འདུས་བྱས་ཐམས་ཅད་གནས་པ ་དང་། སྐྱེ་བ་དང་། བསྒྱུར་བ་དང་། སྲེད་པ་ཟད་པ་དང་། འགོག་པ་དང་། མྱ་ངན་ལས་འདས་པའོ།། ཀུན་དགའ་བོ་འདི་ནི་འགོག་པའི་འདུ་ཤེས་སོ།། ཀུན་དགའ་བོ་འཇིག་རྟེན་ཐམས་ཅད ་ལ་མངོན་པར་མི་དགའ་བའི་འདུ་ཤེས་དུ་ཞེ་ན། དགེ་སློང་ཀུན་དགའ་བོ་འདི་ནི་གང་ཞིག་འཇིག་རྟེན་པ་ཐབས་དང་། ཉེ་བར་སྐྱེ་བ་དང་། རྟོག་པ་དང་། གནས་པ་དང་། བག་ལ་ཉལ་བ་བོར་ཏེ། ་དགའ་བ་མི་བསྐྱེད་པར་རོ།། ཀུན་དགའ་བོ་འདི་ནི་འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་སུ་བསྟན་པར་བྱའོ།། ཀུན་དགའ་བོ་འདུ་བྱེད་ཐམས་ཅད་མི་རྟག་པའི་འདུ་ཤེས་དུ ་ཞེ་ན། དགེ་སློང་ཀུན་དགའ་བོ་འདི་ནི་འདུ་བྱེད་ཐམས་ཅད་ལ་ཞེན་པ་མེད་པ་དང་། སྤོང་བ་དང་། སྐྱུག་བྲོ་བ་སྟེ། ཀུན་དགའ་བོ་འདི་ནི་འདུ་བྱེད་ཐམས་ཅད་མི་རྟག་པའི་འདུ་ཤེས་སུ་བསྟན་པར་བྱའོ།། ་ཀུན་དགའ་བོ་དབུགས་རྔུབ་པ་དང་དབྱུང་བ་རྗེས་སུ་དྲན་པ་དུ་ཞེ་ན། དགེ་སློང་ཀུན་དགའ་བོ་དགོན་པའམ། ཤིང་དྲུང་ངམ། ཁང་སྟོང་དུ་སོང་སྟེ་འདུག་ལ་སྐྱིལ་ཀྲུང་བཅས་ཏེ་ལུས་དྲང་པོར་བསྲངས་ལ ་གྱེན་དུ་བལྟས་པ་རྗེས་སུ་དྲན་ཅིང་གནས་པར་བྱའོ། ། དེ་ན་དབུགས་ཐུང་ངུ་ཕྱུང་ན་དབུགས་ཐུང་དུ་བྱུང་ངོ་སྙམ་དུ་ཡང་དག་པར་ཤེས་སོ།། དབུགས་རིང་དུ་རྔུབས་པ་འམ་ཐུང་ངུ་རྔུག། ་ན་རྔུབས་སོ་སྙམ་དུ་ཡང་དག་པར་ཤེས་སོ།། དབུགས་རིང་དུ་ཕྱུང་ན་དབུགས་རིང་དུ་མཐོང་ངོ་སྙམ་དུ་ཡང་དག་པར་ཤེས་སོ།། དབུགས་ཐུང་བ་བ་མ་ཐུང་ངུ་ཕྱུང་ན་དབུགས་ཐུང་དུ་ཕྱུང་ངོ་སྙམ་དུ་ཡང་དག ་པར་ཤེས་སོ། ། དབུགས་ཐུང་བའམ་ཐུང་ངུ་རྒྱུས་ན་ཐུང་ངུ་བལྟ་བ་དང་ཡང་དག་པར་ཤེས་སོ།། ལུས་ཀྱི་ཐམས་ཅད་ཡང་དག་པར་མྱོང་ཞིང་དབུགས་ཐུང་ངུ་རྒྱུས་སོ་ཞེས་བསླབ་པར་བྱས་ཏེ། ལུས ་ཀྱི་ཡང་དག་པར་མྱོང་ཞིང་བལྟ་ཞིང་བསླབ་པར་བྱའོ། ། ལུས་ཀྱི་འདུ་བྱེད་ཤིན་ཏུ་སྦྱངས་ནས་དབུགས་ཐུང་ངུ་རྔུབས་ན་རྔུབས་པ་ལ་བལྟ་ཞིང་བསླབ་པར་བྱའོ་སྙམ་དུ་ཡང་དག་པར་ཤེས་སོ།། གཉིས ་ཀ་མཐོང་ཞིང་ལུས་ཀྱི་འདུ་བྱེད་ཡང་དག་པར་སྦྱངས་ཤིང་རླུང་ཐུང་ངུ་ཕྱུང་ངོ་ཞེས་གནས་ཤིང་བསླབ་པར་བྱའོ། ། གཉིས་ཀ་མཐོང་ཞིང་ལུས་ཀྱི་འདུ་བྱེད་ལ་བལྟ་ཞིང་གནས་པར་བསླབ་པར་བྱའོ།། ་དགའ་བ་ཡང་དག་པར་མྱོང་ཞིང་དབུགས་ཐུང་ངུ་རྒྱུས་སོ་སྙམ་དུ་བསླབ་པར་བྱའོ།། དགའ་བ་ཡང་དག་པར་མྱོང་ཞིང་བལྟ་ཞིང་བསླབ་པར་བྱའོ།། བདེ་བ་ཡང་དག་པར་མྱོང་ཞིང་དབུགས་ཐུང་ངུ་རྒྱུས ་སོ་སྙམ་དུ་བསླབ་པར་བྱའོ། ། བདེ་བ་ཡང་དག་པར་མྱོང་ཞིང་བལྟ་བ་ཞིང་བསླབ་པར་བྱའོ།། སེམས་ཀྱི་འདུ་བྱེད་ཡང་དག་པར་མྱོང་ཞིང་དབུགས་ཐུང་ངུ་རྒྱུས་སོ་སྙམ་དུ་བསླབ་པར་བྱའོ།། སེམས་ཀྱི་འདུ ་བྱེད་ཡང་དག་པར་མྱོང་ཞིང་བལྟ་ཞིང་བསླབ་པར་བྱའོ། ། གཉིས་ཀ་མཐོང་ཞིང་སེམས་ཀྱི་འདུ་བྱེད་ཡང་དག་པར་མྱོང་ཞིང་དབུགས་ཐུང་ངུ་རྒྱུས་ན་རྒྱུས་སོ་སྙམ་དུ་བསླབ་པར་བྱའོ།། གཉིས་ཀ་མཐོང ་ཞིང་སེམས་ཀྱི་འདུ་བྱེད་ཡང་དག་པར་སྦྱངས་སོ་སྙམ་དུ་བསླབ་པར་བྱའོ། ། སེམས་ཡང་དག་པར་མྱོང་ན་དབུགས་ཐུང་ངུ་རྔུབས་སོ་ཞེས་བསླབ་པར་བྱའོ།། སེམས་ཡང་དག་པར་མྱོང་ཞིང་ཡང་དག ་བར་སྦྱངས་སོ་སྙམ་དུ་བསྒྲུབ་པར་བྱའོ། ། སེམས་མངོན་པར་དགའ་བ་བསྐྱེད་པ་དང་དབུགས་ཐུང་ངུ་རྒྱས་ན་རྒྱས་སོ་ཞེས་བསླབ་པར་བྱའོ།། སེམས་མངོན་པར་དགའ་བ་བསྐྱེད་པ་དང་ཤེམ་རྒྱ ་སོ་སྙམ་དུ་བསླབ་པར་བྱའོ། ། སེམས་ཞི་གནས་པས་དབུགས་ཐུང་ངུ་རྒྱུས་སོ་སྙམ་དུ་བསླབ་པར་བྱའོ།། སེམས་ཞི་གནས་ལ་གནས་པས་ལྷག་མཐོང་དུ་གནས་པར་བསླབ་པར་བྱའོ།། ་སེམས་རྣམ་པར་གྲོལ་བས་དབུགས་ཐུང་ངུ་རྒྱུས་ན་རྒྱུས་སོ་སྙམ་བསླབ་པར་བྱའོ།། སེམས་རྣམ་པར་གྲོལ་བས་ལྷག་མཐོང་ལ་གནས་པར་བསླབ་པར་བྱའོ།། མི་རྟག་པར་རྗེས་སུ་བལྟ་བས་དབུགས ་ཐུང་ངུ་རྒྱུས་ན་རྒྱུས་སོ་སྙམ་དུ་བསླབ་པར་བྱའོ། ། མི་རྟག་པར་རྗེས་སུ་བལྟ་བས་ལྷག་མཐོང་ལ་གནས་པར་བསླབ་པར་བྱའོ།། འདོད་ཆགས་དང་བྲལ་བར་རྗེས་སུ་བལྟ་བས་དབུགས་ཐུང་ངུ་རྒྱུས་ན་རྒྱུས ་སོ་སྙམ་དུ་བསླབ་པར་བྱའོ། ། འདོད་ཆགས་དང་བྲལ་བར་རྗེས་སུ་བལྟ་བས་ལྷག་མཐོང་ལ་གནས་པར་བསླབ་པར་བྱའོ།། འགོག་པ་ལ་རྗེས་སུ་བལྟ་བས་དབུགས་ཐུང་ངུ་རྒྱུས་ན་རྒྱུས་སོ་སྙམ་དུ་བསྒྲ ་པར་བྱའོ། ། འགོག་པ་ལ་རྗེས་སུ་བལྟ་བས་ལྷག་མཐོང་ལ་གནས་པར་བསླབ་པར་བྱའོ།། སོ་སོར་སྤོང་བ་རྗེས་སུ་བལྟ་བས་དབུགས་ཐུང་ངུ་རྒྱུས་སོ་སྙམ་དུ་བསླབ་པར་བྱའོ།། སོ ་སོར་སྤོང་བར་རྗེས་སུ་བལྟ་བས་ལྷག་མཐོང་ལ་གནས་པར་བསླབ་པར་བྱའོ། ། ཀུན་དགའ་བོ་དབུགས་རྔུབས་པ་དང་དབྱུང་བ་རྗེས་སུ་དྲན་པ་འདི་བཤད་པར་བྱའོ།། དེར་ཡང་ཀུན་དགའ་བོ་ཁྱེད་རིའི་ཀུན་དགའ ་པོའི་གནས་སུ་སོང་ལ། འདུ་ཤེས་བཅུ་པོ་འདི་བཤད་པར་བྱའོ།། གནས་གཞན་ཡང་ཡོད་དེ། དགེ་སློང་རིའི་ཀུན་དགའ་བོས་འདུ་ཤེས་བཅུ་པོ་འདི་ཐོས་ན་དེའི་ནད་ཐམས་ཅད་ཞི་བར་འགྱུར་རོ།། དེ ་ནས་ཡང་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལས་མཉན་ཏེ། ཚེ་དང་ལྡན་པ་རིའི་ཀུན་དགའ་བོའི་གནས་སུ་སོང་ནས། ཚེ་དང་ལྡན་པ་རིའི་ཀུན་དགའ་བོ་ལ་འདུ་ཤེས་བཅུ་སོ་སོར ་བཤད་དོ། ། དེ་ནས་ཚེ་དང་ལྡན་པ་རིའི་ཀུན་དགའ་བོས་འདུ་ཤེས་བཅུ་པོ་འདི་རྣམས་ཐོས་ནས་དེའི་ནད་ཐམས་ཅད་ཞི་བར་གྱུར་ཏོ།། དེའི་ནད་ཐམས་ཅད་ཞི་ནས་ཚེ་དང་ལྡན་པ་རིའི་ཀུན་དགའ་བོ་ལས ་ཏེ། ཚེ་དང་ལྡན་པ་རིའི་ཀུན་དགའ་བོའི་ནང་བྱིས་མེད་པར་གྱུར་ཏོ།། ཚེ་དང་ལྡན་པ་རིའི་ཀུན་དགའ་བོའི་མདོ་རྫོགས་སོ།། པཎྜི་ཏ་ཆེན་པོ་ཨཱ་ནནྡ་ཤྲཱིའི་ཞལ་སྔ་ནས། ་