| Wylie | e-texts produced with BDRC’s OCR application |
དུ། མཻ་ཏྲི་བྷཱ་བ་ན་སཱུ་ཏྲ། བོད་སྐད་དུ། བྱམས་པ་བསྒོམ་པའི་མདོ། འཕགས་པ་དཀོན་མཆོག་གསུམ་ལ་གུས་པས་ཕྱག་འཚལ་ལོ།། འདི་སྐད་བདག་གིས་ཐོས་པ་དུས ་གཅིག་ན། བཅོམ་ལྡན་འདས་མཉན་ཡོང་རྒྱལ་བྱེད་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེ་ནས་བཅོམ་ལྡན་འདས་ཀྱིས་དགེ་སློང་རྣམས་བོས་ནས། དགེ ་སློང་དག་བཙུན་པ་བཅོམ་ལྡན་འདས་ཀྱི་སྤྱན་ལྔར་སོ་སོར་འོངས་པ་ལ། བཅོམ་ལྡན་འདས་ཀྱིས་ཀྱང་འདི་སྐད་ཅེས་བཀའ་སྩལ་ཏོ།། སེམས་རྣམ་པར་གྲོལ་བར་བྱ་བའི་ཕྱིར་བྱམས་པ་བསྒོམ་པར་བྱའོ།། ་བསམ་པ་བརྟན་པར་བྱ་བའི་ཕྱིར་རོ།། མང་དུ་བྱེད་པ་དང་། ཞི་བར་བྱེད་པ་དང་། གཞིར་བྱེད་པ་དང་། རྗེས་སུ་གནས་པར་བྱེད་པ་དང་། འདྲིས་པར་བྱ་བ་དང་། ཤིན་ཏུ་བརྩོན་པར་བྱའོ།། ཕན ་ཡོན་བཅུ་གཅིག་པོ་སོ་སོར་བཤད་པར་བྱའོ། ། བཅུ་གཅིག་གང་ཞེ་ན། བདེ་བར་ཉལ་བ་དང་། བདེ་བར་སད་པ་དང་། སྡིག་པའི་རྨི་ལམ་མི་མཐོང་བ་དང་། དེ་ལ་མི་རྣམས་དགའ་བ་དང་། མི་མ ་ཡིན་རྣམས་དགའ་བ་དང་། ལྷ་རྣམས་ཀྱིས་བསྲུང་བ་དང་། མེ་དང་། དུག་དང་། མཚོན་རྣམས་ཀྱིས་གནོད་པར་མི་འགྱུར་རོ།། དུས་རྟག་ཏུ་སེམས་ཤིན་ཏུ་དགའ་བར་གནས་པ་དང་། བཞིན ་ཀྱི་མདངས་རབ་ཏུ་གསལ་བ་དང་། སེམས་གསལ་བར་འཆི་བ་དང་། ཆེས་ཆེར་བག་ཡོད་པར་བྱེད་པས་ཚངས་པའི་འཇིག་རྟེན་དུ་སྐྱེ་བའོ།། དགེ་སློང་དག་བྱམས་པའི་སེམས་དང་མི་འབྲལ་བར ་བྱའོ། ། བསམ་པས་བརྟེན་པར་བྱའོ།། བསྒོམ་པར་བྱ་བ་དང་། མང་དུ་བྱེད་པ་དང་། ཞི་བར་བྱེད་པ་དང་། གཞིར་བྱེད་པ་དང་། རྗེས་སུ་གནས་པར་བྱེད་པ་དང་། འཇིས་པར་བྱ་བ་དང ་ཤིན་ཏུ་བརྩོན་པར་བྱའོ། ། བཅུ་གཅིག་པོ་རྣམས་ཀྱི་ཕན་ཡོན་རྣམས་སོ་སོར་བཤད་ཟིན་ཏོ།། དགེ་སློང་དག་གཞན་ཡང་བྱམས་པའི་ཕན་ཡོན་རྣམས་བཤད་པར་བྱའོ།། ཁ་ཟས་དུ་མ་ཐོབ་པ ་དང་། རང་གི་ཡུལ་དུ་ཉེ་བར་གནས།། མང་པོ་རྣམས་ནི་འཚོ་བ་ནི།། གང་གིས་བྱམས་པ་མ་སྤངས་ནའོ།། གྲོང་རྡལ་གང་གང་འགྲོ་བ་དང་།། གྲོང་ཁྱེར་རྒྱལ་པོའི་ཕོ་བྲང་དང་།། ཐམས་ཅད ་དུ་ནི་མཆོད་པར་འགྱུར། ། གང་གིས་བྱམས་པ་མ་སྤངས་ན།། དེ་ལ་ཆོམ་རྐུན་མི་འབྱུང་ཞིང་།། དེ་ལ་རྒྱལ་པོ་གནོད་མི་བྱེད།། སེམས་ཅན་ཐམས་ཅད་བཤེས་སུ་འགྱུར།། གང་གིས་བྱམས་པ ་མ་སྤངས་ནའོ། ། ཁྲོ་མེད་རང་ཡུལ་བདེ་བར་གནས།། སྐྱེ་བོའི་མདུན་སར་སྨོད་མེད་དགའ།། མཆོག་གི་གཉེན་དང་ལྡན་པར་འགྱུར།། གང་གིས་བྱམས་པ་མ་སྤངས་ནའོ།། མཆོད་ན་མཆོད་པ ་ཐོབ་པར་འགྱུར། ། འདུད་ན་སོ་སོར་འདུད་པར་བྱེད།། སྙན་དང་གྲགས་པ་ཐོབ་པར་འགྱུར།། གང་གིས་བྱམས་པ་མ་སྤངས་ནའོ།། བཀུར་སྟི་བྱས་ན་བཀུར་སྟི་ཐོབ།། གུས་པར་བྱས་ན་གུས་པ ་ཐོབ། ། ཁ་དོག་གཟི་བརྗིད་ལྡན་པར་འགྱུར།། གང་གིས་བྱམས་པ་མ་སྤངས་ནའོ།། མེ་ལྟར་རབ་ཏུ་འབར་བ་ཡི།། ལྷ་ཡི་ལུས་དང་འདྲ་བར་འགྱུར།། དཔལ་དང་བྲལ་བར་མི་འགྱུར་རོ།། ་གང་གིས་བྱམས་པ་ས་སྤངས་ནའོ།། ཐུགས་རྣམས་མང་པོ་ཐོབ་པ་དང་།། ཞིང་ལ་འབྲུ་སང་སྐྱེ་བ་དང་།། རྦ་དང་བུ་མོ་མང་བར་འགྱུར།། གང་གིས་བྱམས་པས་སྤངས ་ནཱརོ། ། རི་ལས་ཟུར་དུ་ལྟུང་བ་དང་།། ཤིང་ལས་འོག་ཏུ་ལྷུང་བ་དང་།། སྲུང་བར་མི་འགྱུར་གནས་ས་ཐོབ།། གང་གིས་བྱམས་པ་མ་སྤངས་ནའོ།། པཊའི་ཤིང་ཀེང་འཇིགས་གྱུར་པན།། རླུང ་གིས་བསྐྱོད་པར་མི་ནུས་བཞིན། ། དགྲ་བོས་ཅུང་ཟད་བྱ་མི་ནུས།། གང་གིས་བྱམས་པ་མ་སྤངས་ནའོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དགེ་སློང་དེ ་དག་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། ། བྱམས་པ་བསྒོམ་པའི་མདོ་རྫོགས་སོ།། ། པཎྜི་ཏ་ཆེན་པོ་ཨ་ནནྡྲ་ཤཱིའི་ཞལ་སྔ་ནས། མང་དུ་ཐོས་པའི ་