Wylie

e-texts produced with BDRC’s OCR application

སྨྲ་བ་རྣམས་ཀྱི་གདནས། གཙུག་ལག་ཁང་ཆེན་པོ་དཔལ་ཐར་པ་གླིང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ།། @རྒྱུ་གར་སྐད་དུ། ་ཏཀ་ནི་དཱ་ནཾ། བོད་སྐད་དུ། སྐྱེས་པ་རབས་ཀྱི་གླེང་གཞི། འཕགས་པ་དཀོན་མཆོག་གསུམ་ལ་གུས་པས་ཕྱག་འཚལ་ལོ།། བཅོམ་ལྡན་འདས་རྒྱལ་བྱེད་ཀྱི་ཚལ་མགོན་མེད་ཟས་སྦྱིན ་གྱི་ཀུན་དགའ་ར་བ་ན་བཞུགས་པའི་ཚེ། གནས་བརྟན་ཆེན་པོ་དོན་མཐོང་བཅོམ་ལྡན་འདས་ཀྱི་ཐད་དུ་སོང་ནས། ཕྱག་བྱས་ཏེ་བསྐོར་བ་བྱས་ཕྱོགས་གཅིག་ཏུ་འཁོད་དོ།། བཅོམ་ལྡན་འདས ་ཀྱི་ཐད་དུ་འདི་སྐད་གསོལ་ཏོ། ། བཙུན་པ་བདག་ནི་སངས་རྒྱས་བཅོམ་ལྡན་འདས་ཀྱི་རྒྱུད་ཀྱི་ཆོས་ཐོས་པར་འཚལ་ལོ།། བཀའ་སྩལ་པོ། དོན་མཐོང་ཡིད་ལ་ཟུང་ཞིག་དང་། ངས་བ ་པར་བྱའོ་ཞེས་བྱུང་ངོ་། ། ད་ཡང་འདིར་སྲུང་བར་བྱེད་པ་པོ་རབ་ཏུ་རྟོག་པའི་ཤེས་རབ་དང་ཞི་བའི་དགྲ་བཅོམ་པ་རྣམས་ཀྱི་སྐྱེས་རབས་ཀྱི་གླེང་གཞིའི་དོན་གྱི་བསྔགས་པ་བརྗོད་དོ།། ་རིང་བའི་གླེང་གཞི་དང་། བར་པའི་གླེང་གཞི་དང་། ཉེ་བའི་གླེང་གཞི་སྟེ། གླེང་གཞི་གསུམ་པོ་འདི་གཟིགས་ནས་བསྔགས་པ་གང་ཞིག་ཉན་པའོ།། དེ་ལ་དང་པོ་རེ་ཞིག་དེ་རྣམས་ཀྱི་གླེང ་གཞི་ཡོངས་སུ་བཅད་པ་རྣམས་རིག་པར་བྱའོ། ། མར་མེ་མཛད་ཀྱི་ཞབས་ཀྱི་དྲུང་འདིར་སེམས་དཔའ་ཆེན་པོས་སྨོན་ལམ་བཏབ་བོ།། ཇི་སྲིད་ཐམས་ཅད་སྒྲོལ་གྱི་ལུས་སྤངས་པའི་བར་དང་། ་དགའ་ལྡན་གྱི་གནས་སུ་འཁྲུངས་པའི་ཆོས་ཀྱི་གཏམ་གྱི་བར་གྱི་ལམ་ནི་རིང་པོའི་གླེང་གཞི་ཞེས་བྱའོ།། ཇི་སྲིད་དགའ་ལྡན་གྱི་གནས་ནས་འཕོས་ནས་བྱང་ཆུབ་ཀྱི་སྙིང་པོར་ཐམས་ཅད་མཁྱེན ་པ་ཐོབ་ནས་ཆོས་ཀྱི་གཏམ་གྱི་བར་གྱི་གླེང་གཞི་བར་པ་ཞེས་བྱ་བའོ། ། གང་དང་གང་དུ་ཞུགས་ནས། དེ་དང་དེ་ཐོབ་པ་རྣམས་ནི་ཉེ་བའི་གླེང་གཞི་ཞེས་བྱ་བའོ།། དེ་ལ་འདིར་རིང་པོའི་གླེང་གཞི ་ཞེས་བྱ་བ་ནི། འདི་ནས་བསྐལ་པ་གྲངས་མེད་པ་བཞི་དང་། བསྐལ་པ་འབུམ་ཕྲག་གཅིག་ལྷག་པ་ནས་འགོ་བརྩམས་ནས་གྲོང་ཁྱེར་འཇིགས་མེད་ལྡན་ཞེས་བྱ་བ་བྱུང་ངོ་།། དེར་ཡང་བྲམ་ཟེ ་བློ་གྲོས་བཟང་པོ་ཞེས་བྱ་བ་གནས་སོ། ། ཕ་དང་མ་གཉིས་ཀའང་རིགས་བཟང་བའི་མངལ་དུ་ཞུགས་ཏེ། རིགས་བདུན་རྒྱུད་ཀྱི་བར་དུ་གཞན་གྱིས་རྩོད་པ་དང་། སྤྱོ་བ་དང་། སྨོད་པ་མེད་ཅིང ་རྣམ་པར་དག་གོ། གཟུགས་བཟང་བ། བལྟ་ན་སྡུག་པ་རབ་ཏུ་མཛེས་པ་མཆོག་གི་ཁ་དོག་དང་ལྡན་པའི་སྐྱེས་བུ་ཅན་ནོ།། དེ་ཡང་ལས་གཞན་མི་བྱེད་པར་བྲམ་ཟེའི་ལས་འབའ་ཞིག་སློབ་བོ།། ་དེ་ཡང་ཁྱེའུ་གཞོན་ནུའི་དུས་སུ་ཕ་དང་མ་གཉིས་ཀ་དུས་ལས་འདས་སོ།། དེ་ནས་དེའི་ལོངས་སྤྱོད་སྤེལ་བའི་བློན་པོས་ནོར་གྱི་ཡི་གེ་བླངས་ཏེ། གསེར ་དང་། དངུལ་དང་། ནོར་བུ་དང་། མུ་ཏིག་ལ་སོགས་པས་གང་བ་རྣམས་སྒོར་བཏོན་ཏེ་གཞོན་ནུ་འདི་རྣམས་མའི་ནོར་ཡིན་ནོ།། འདི་རྣམས་པའི་ནོར་ཡིན་ནོ།། འདི་དག་ནི་མེས་པོ་དང་ཡང ་མེས་ཀྱི་ནོར་ཡིན་ནོ། ། རིགས་བདུན་རྒྱུད་ཀྱི་བར་གྱི་ནོར་ཡིན་ནོ་ཞེས་སྨྲས་སོ།། འདི་རྣམས་སོ་སོར་བསྐྱང་བའི་ཕྱིར་སྨྲས་པ་ཡིན་ནོ།། མཁས་པ་བློ་གྲོས་བཟང་པོས་བསམས་པ། འདིའི་ནོར ་རྣམས་བཟུང་ནས་བདག་གི་ཕ་དང་མེས་པོ་ལ་སོགས་པས་འཇིག་རྟེན་ཕ་རོལ་ཏུ་འགྲོ་བ་ན་གསེར་སེ་བ་གཅིག་ཀྱང་ཁྱེར་ནས་མ་སོང་གིས། བདག་ཉིད་ཀྱིས་ཁྱེར་ནས་འགྲོ་བར་རིག་པར་བྱའོ་ཞེས ་རྒྱལ་པོ་ལ་སྨྲས་ནས། གྲོང་ཁྱེར་དུ་རོལ་མོ་བསྒྲགས་ཏེ། སྐྱེ་བོ་ཐམས་ཅད་ལ་སྦྱིན་པར་བྱིན་ནས། དཀའ་ཐུབ་པའི་རབ་ཏུ་བྱུང་བ་ལ་རབ་ཏུ་བྱུང་ངོ་།། འདིའི་ཡང་དོན་གསལ་བར་བྱ་བའི ་ཕྱིར་གནས་འདིར་བློ་གྲོས་བཟང་པོས་གཏམ་བྱས་སོ། ། དེ་ཡང་འདི་ཙམ་འབའ་ཞིག་མ་ཡིན་ཏེ། སངས་རྒྱས་ཀྱི་རྒྱུར་རྒྱུན་མི་འཆད་པར་གསུངས་ལ། སླར་ཡང་ཚིགས་སུ་བཅད་པས་བཅིང ་ཏེབཤད་ཀྱང་གོ་དཀའ་བས། དེ་དང་དེའི་བར་བར་དུ་ཚིགས་སུ་བཅད་པའི་ཚིག་གིས་བསལ་བ་དང་བཅས་པ་བཤད་པར་བྱའོ།། བསྐལ་པ་གྲངས་མེད་བཞི་དང་། བསྐལ་པ་འབུམ ་ཕྲག་གཅིག་ལྷག་ནས་འགྲོ་བརྩམས་ནས་སྒྲ་བཅུ་རྒྱུན་ཆད་མེད་པར་འཇིགས་མེད་ལྡན་གྱི་གྲོང་ཁྱེར་དེར་བྱུང་ངོ་། ། དེའི་སངས་རྒྱས་ཀྱི་རྒྱུད་བཤད་དོ།། བསྐལ་པ་གྲངས་མེད་བཞི་དང་ནི། ་འབུམ་ཕྲག་གཅིག་ནི་ལྷག་པ་ན།། གྲོང་ཁྱེར་འཇིགས་མེད་ལྡན་ཞེས་པ།། མཐོང་བ་ཡིས་ནི་དགའ་བར་བྱེད།། རྒྱུན་མི་འཆད་པ་སྒྲ་བཅུ་བཞིན།། བཟའ་དང་བཏུང་བ་ཡང་དག་ལྡན།། དེ ་ལ་དེ་བཅུ་རྒྱུན་མི་འཆད་པ་ནི། གླང་པོ་ཆེའི་སྒྲ་དང་། རྟའི་སྒྲ་དང་། ཤིང་རྟའི་སྒྲ་དང་། རོལ་མོའི་སྒྲ་དང་། རོལ་མོ་མྲྀ་དམ་གའི་སྒྲ་དང་། བི་ཝང་གི་སྒྲ་དང་། གླུའི་སྒྲ་དང་། རོལ་མོ ་སམྦའི་སྒྲ་དང་། ཆ་ལང་གི་སྒྲ་དང་། རྒོད་པ་དང་འཐུང་བ་དང་། ཟ་བའི་སྒྲ་སྟེ། སྒྲ་བཅུ་པོ་འདི་རྣམས་ནི་རྒྱུན་མི་འཆད་པ་ཡིན་ནོ།། སྒྲ་དེ་རྣམས་ཕྱོགས་གཅིག་ཏུ་བྱ་སྟེ། གླང་པོའི་སྒྲ ་དང་རྟའི་སྒྲ་དང་། ། རོལ་མོ་དུང་དང་ཤིང་རྟའི་སྒྲ།། ཟ་དང་འཐུང་བ་དེ་ཉིད་དང་།། བཟའ་དང་བཏུང་བའི་སྒྲ་དང་ནི།། སངས་རྒྱས་རྒྱུད་དུ་ཚིགས་སུ་བཅད་པ་འདི་གསུངས་ནས། གྲོང་ཁྱེར ་ཡན་ལག་ཉིང་ལག་ལྡན། ། འདོད་པ་ཐམས་ཅད་ཉེ་བར་གནས།། རིན་ཆེན་བདུན་པོ་ཡང་དག་ལྡན།། སྐྱེ་བོ་སྣ་ཚོགས་ཡང་དག་གང་།། ལྷ་ཡི་གྲོང་ཁྱེར་ཕུན་ཚོགས་བཞིན།། བསོད ་ནམས་ཅན་ནི་གནས་པའོ། ། འཇིགས་མེད་ལྡན་པའི་གྲོང་ཁྱེར་དུ།། བྲམ་ཟེ་བློ་བཟང་ཞེས་བྱ་བས།། ལོངས་སྤྱོད་པ་ནི་དུ་མ་བསགས།། ནོར་དང་འབྲུ་ནི་མང་པོ་ཡི།། ནང་གི་གསང་སྔན ་@#འཛིན་པ་དང་། ། རིག་བྱེད་གསུམ་གྱི་ཕ་རོལ་སོན།། མཚན་ཉིད་ཨི་ཐི་ཧཱ་ས་དང་།། དམ་པའི་ཆོས་ཀྱི་ཕ་རོལ་སོན།། དེ་ནས་དེ་ཉིད་ཉི་མ་གཅིག་ལ་མཁས་པ་བློ་གྲོས ་བཟང་པོ་དེ་ཁང་བཟང་མཆོག་གི་སྟེང་དུ་གཅིག་པུར་སྐྱིལ་མོ་ཀྲུང་བཅས་ནས་དབེན་པར་བཞུགས་ཏེ་བསམས་པ། མཁས་པ་སྐྱེ་བ་གཞན་དུ་མའི་མངལ་བཟུང་ན་སྡུག་བསྔལ་ལོ།། དེ ་བཞིན་དུ་སྐྱེ་བ་སྐྱེ་བའི་གནས་སུ་ལུས་འཇིག་གོ། ། བདག་སྐྱེ་བའི་ཆོས་ཅན་དང་། རྒ་བའི་ཆོས་ཅན་དང་། ན་བའི་ཆོས་ཅན་དང་། འཆི་བའི་ཆོས་ཅན་ནོ།། དེ་ལྟར་གྱུར་པས་བདག ་ནི་སྐྱེ་བ་མེད་པ་དང་། རྒས་པ་མེད་པ་དང་། ན་བ་མེད་པ་དང་། སྡུག་བསྔལ་མེད་པའི་བདེ་བ་དང་། བསིལ་བ་དང་། བདུད་རྩི་ལྟ་བུའི་མྱ་ངན་ལས་འདས་པ་ཆེན་པོ་ཚོལ་བར་རིགས། ་སོ།། ངེས་པར་སྲིད་པ་ལས་གྲོལ་བའི་མྱ་ངན་ལས་འདས་པར་འགྲོ་བའི་ལམ་གཅིག་པུ་ཡིན་པ་ལྟ་བུའོ།། དེའི་ཕྱིར་གསུངས་པ། དབེན་པར་གཅིག་པུར་གནས་ནས་ནི།། དེ་ཚེ་བདག་གིས ་འདི་ལྟར་བསམས། ། སྲིད་པར་སྐྱེ་བ་སྡུག་བསྔལ་ཞིང་།། ལུས་ནི་ཡོངས་སུ་ཞིག་པ་ནས།། སྐྱེ་བའི་ཆོས་དང་རྒས་པའི་ཆོས།། ན་བའི་ཆོས་དང་དེ་ཚེ་བདག། སྐྱེ་བ་མེད་དང་འཆི ་མེད་བདེ། ། མྱ་ངན་འདས་པ་ཡོངས་སུ་བཙལ།། གང་ཚེ་དྲི་ངན་ལུས་འདི་ནི།། སྣ་ཚོགས་མི་གཙང་གིས་གང་ཞིང་།། དོན་མེད་བལྟོས་པ་མེད་པ་ཡི།། དོར་ནས་འགྲོ་བར་བྱ་བ་ཡིན།། ་དེ་ཡི་ལམ་ནི་ཡོད་དམ་སྙམ།། འབད་པ་མེད་པར་ལམ་མི་ཐོབ།། དེ་ཡི་ལམ་ནི་བཙལ་བར་བྱ།། སྲིད་པ་རྣམས་ལས་གྲོལ་འགྱུར་སྙམ།། དེ་ནས་ལྷག་པར་ཡང་བསམས་པ། ཇི ་ལྟར་འཇིག་རྟེན་པའི་སྡུག་བསྔལ་གྱི་མི་མཐུན་པའི་ཕྱོགས་སུ་གྱུར་པའི་བདེ་བ་ཞེས་བྱ་བ་ཡོད་དོ། ། དེ་ལྟར་མི་མཐུན་ཕྱོགས་སྲིད་པ་ཡོད་ན་མྱ་ངན་ལས་འདའ་བར་འགྱུར་རོ་སྙམ་མོ།། ་དེ་ལྟར་ཡང་གདུང་བ་ཡོད་ན་དེ་ཞི་བར་བྱེད་པའི་བསིལ་བ་ཡོད་དོ།། དེ་བཞིན་དུ་འདོད་ཆགས་ལ་སོགས་པའི་མེ་ཞི་བར་བྱེད་པའི་མྱ་ངན་ལས་འདས་པ་ཡོད་པར་འགྱུར་རོ་སྙམ་མོ།། ཇི་ལྟར ་ཡང་སྡིག་པ་དང་མི་མཐུན་པའི་ཕྱོགས་སུ་གྱུར་པ་ཁ་ན་མ་ཐོ་བ་མེད་པའི་དགེ་བའི་ཆོས་ཡོད་པར་འགྱུར་སྙམ་པ་ཉིད་དོ། ། དེ་དང་དེ་ལྟ་བུ་ཉིད་ཀྱིས་སྡིག་པ་ཅན་ལ་སོགས་པའི་སྐྱེ་བ་ཡོད་ན། སྐྱེ་བ ་ཐམས་ཅད་ཟད་པར་བྱེད་པའི་སྐྱེ་བ་མེད་པར་གྲགས་པའི་མྱ་ངན་ལས་འདས་པ་ཡང་ཡོད་པར་འགྱུར་སྙམ་པ་ཉིད་དོ། ། དེའི་ཕྱིར་གསུངས་པ། ཇི་ལྟར་སྡུག་བསྔལ་ཡོད་པ་ན།། བདེ་བ་ཞེས་པའང ་ཡོད་པ་ཡིན། ། དེ་ལྟར་སྲེད་པ་ཡོད་པ་ན།། སྲེད་པ་མེད་པའང་ཡོད་པ་ཡིན།། ཇི་ལྟར་ཚ་བ་ཡོད་གྱུར་ན།། གྲང་བ་ཡང་ནི་ཡོད་པ་ཡིན།། དེ་ལྟར་མེ་གསུམ་ཡོད་གྱུར་ན།། མྱ་ངན་འདས ་པའང་ཡོད་པ་ཡིན། ། ཇི་ལྟར་སྡིག་པ་ཡོད་གྱུར་ན།། དགེ་བ་ཡང་ནི་ཡོད་པ་ཡིན།། དེ་ལྟར་སྐྱེ་བ་ཡོད་གྱུར་ན།། སྐྱེ་བ་མེད་པའང་ཡོད་པར་འདོད།། གཞན་ཡང་བསམས་པ། ཇི་ལྟར ་བཤང་བའི་ཕུང་པོར་སྐྱེས་བུ་འགྱེལ་བར་གྱུར་པ་ཞིག། ཟག་རིང་པོ་ནས་ཁ་དོག་ལྔ་དང་ལྡན་པའི་པདྨ་དང་མཚོ་ཆེན་པོ་མཐོང་ན་ལམ་གང་ནས་འགྲོ་བར་བྱས་ནས་མཆོད ་འཇུག་པར་རིགས་སོ། ། དེའི་ལམ་དུ་མི་འགྲོ་ན་མཚོ་ཆེན་པོའི་སྐྱོན་མ་ཡིན་ནོ།། དེ་ལྟར་ཉོན་མོངས་པའི་དྲི་མ་འཁྲུད་བ་ན་འཆི་བ་མེད་པའི་མྱ་ངན་ལས་འདའ་བའི་མཚོ་ཆེན་པོ་ཡོད་པ་ན་དེར་མི་འཇུག ་ན། འཆི་བ་མེད་པའི་མྱ་ངན་ལས་འདའ་བའི་མཚོ་ཆེན་པོའི་སྐྱོན་ནི་མ་ཡིན་ནོ།། ཇི་ལྟར་ཡང་ཆོམ་རྐུན་པས་ཡོངས་སུ་བསྐོར་བའི་སྐྱེས་བུ་འབྲོས་པའི་ལམ་ཡོད་པ་ལ་མྱུར་དུ་མི་འབྲོས་ན་ལམ ་གྱི་སྐྱོན་མ་ཡིན་ཏེ་སྐྱེས་བུའི་སྐྱོན་ཡིན་ནོ། ། དེ་ལྟར་ཉོན་མོངས་པས་ཡོངས་སུ་བསྐོར་ནས་བཟུང་བའི་སྐྱེས་བུ་ལ་ཞི་བ་མྱ་ངན་ལས་འདའ་བའི་ལམ་ཡོད་པར་གྱུར་པ་ན་ལམ་མི་ཚོལ་བ་ནི་ལམ་གྱི ་སྐྱོན་མ་ཡིན་ཏེ་གང་ཟག་གི་སྐྱོན་ཡིན་ནོ། ། ཇི་ལྟར་ནད་ཀྱིས་གཟིར་བའི་སྐྱེས་བུ་ལ་ནད་གསོ་བའི་སྨན་པ་ཡོད་པར་གྱུར་ན་གལ་ཏེ་དེའི་གནས་སུ་ནད་གསོ་བའི་སྨན་པ་མི་ཚོལ་ན་སྨན་པའི་སྐྱོན་མ ་ཡིན་ཏེ་ནད་པའི་སྐྱོན་ཡིན་ནོ། ། དེ་ལྟར་ཉོན་མོངས་པའི་ནད་ཀྱིས་གཟིར་བའི་སྐྱེས་བུ་ལ་ཉོན་མོངས་པ་ཞི་བར་བྱེད་པའི་མཆོག་ཏུ་མཁས་པ་ཡོད་པར་གྱུར་ན། སློབ་དཔོན་ཚོལ་བར་མི་བྱེད་ན ་དེ་ནི་སྐྱེས་བུའི་སྐྱོན་ཡིན་ཏེ། ཉོན་མོངས་པ་འཇོམས་པར་བྱེད་པའི་སློབ་དཔོན་གྱི་སྐྱོན་ནི་མ་ཡིན་ནོ།། དེའི་ཕྱིར་གསུངས་པ། ཇི་ལྟར་མི་གཙང་གོས་པའི་མི།། གང་བའི་མཚོ་ནི་མཐོང་བཞིན ་དུ། མཚོ་དེར་འཇུག་པར་མི་བྱེད་ན།། དེ་ནི་མཚོ་ཡི་སྐྱོན་མིན་ནོ།། དེ་ལྟར་ཉོན་མོངས་དྲི་འཁྲུད་པ།། བདུད་རྩིའི་མཚོ་ནི་ཡོད་པ་ཡི།། མཚོ་དེ་ལ་ནི་མི་འཇུག་ན།། བདུད་རྩི་མཚོ་ཡི་སྐྱོན་མིན་ནོ།། ་ཇི་ལྟར་ཆོམ་རྐུན་གྱིས་བསྐོར་བ།། འགྲོ་བའི་ལམ་ནི་ཡོད་པ་ལ།། སྐྱེས་བུ་འབྲོས་པར་མི་བྱེད་ན།། དེ་ནི་ལམ་གྱི་སྐྱོན་མ་ཡིན།། ཇི་ལྟར་ཉོན་མོངས་ཀྱིས་བསྐོར་ན།། ཞི་བའི་ལམ་ནི་ཡོད་པ ་ལ། ། དེ་ཡི་ལམ་དུ་མི་འཇུག་ན།། ཞི་བའི་ལམ་གྱི་སྐྱོན་མ་ཡིན།། ཇི་ལྟར་ནད་ཀྱིས་གཟིར་བའི་མི།། གསོ་དཔྱད་བྱེད་པ་ཡོད་གྱུར་པ།། ནད་ནི་ཞི་བར་མ་བྱེད་ན།། དེ་ནི་སྨན་པའི་སྐྱོན་མ་ཡིན།། ་དེ་ལྟར་ཉོན་མོངས་པ་ཡི་ནད།། གཟིར་ཅིང་སྡུག་བསྔལ་གྱུར་པའི་ཚེ།། སློབ་དཔོན་ཚོལ་བར་མི་བྱེད་ན།། སློབ་དཔོན་གྱི་ནི་སྐྱོན་མ་ཡིན།། གཞན་ཡང་བསམས་པ། ཇི་ལྟར་རྒྱན་གྱིས་བརྒྱན ་པའི་སྐྱེས་བུའི་མགྲིན་པ་ལ་མི་གཙང་བ་བཅིངས་ན་དེ་དོར་ནས་བདེ་བར་འགྲོ་བ་བཞིན་དུ། དེ་ལྟར་བདག་ཀྱང་མི་གཙང་བའི་ལུས་སྤངས་ཏེ། ལྟོས་པ་མེད་པར་མྱ་ངན་ལས་འདས་པའི་གྲོང་ཁྱེར་དུ ་འཇུག་པར་རིགས་སོ། ། གཞན་ཡང་ཇི་ལྟར་སྐྱེས་པ་དང་བུད་མེད་ཀྱིས་བཤང་བའི་གནས་སུ་བཤང་བ་དོར་བར་བྱས་ནས་སྣོད་དུ་བླུགས་ཏེ་ཁུར་ནས་འགྲོ་བར་བྱེད་པ་མ་ཡིན་གྱི། ལྟོས་པ་མེད ་པར་སྐྱུག་བྲོ་བས་དོར་ནས་འགྲོའོ། ། དེ་ལྟར་བདག་ཀྱང་མི་གཙང་བའི་ལུས་ལ་སོགས་པ་ལྟོས་པ་མེད་པར་དོར་ནས་འཆི་བ་མེད་པའི་མྱ་ངན་ལས་འདས་པའི་གྲོང་ཁྱེར་དུ་འཇུག་པར་རིགས་སོ།། ་གཞན་ཡང་ཇི་ལྟར་གྲུ་མཁན་རྣམས་ནི་གྲུ་རྡོལ་བ་རྣམས་ལ་ལྟོས་པ་མེད་པར་དོར་ནས་འགྲོ་བ་དེ་བཞིན་དུ། བདག་ཀྱང་སྒོ་དགུའི་རྨ་འདི་རྣམས་ཀྱི་ནང་ནས་འབབ་པའི ་ལུས་འདི་དོར་ནས། ལྟོས་པ་མེད་པར་མྱ་ངན་ལས་འདས་པའི་གྲོང་ཁྱེར་དུ་འཇུག་པར་རིགས་སོ།། གཞན་ཡང་ཇི་ལྟར་སྐྱེས་བུ་སྣ་ཚོགས་པའི་རིན་པོ་ཆེ་བླངས་ནས་ཆོམ་རྐུན་པ་དང་འགྲོགས ་ཏེ། ལམ་དུ་འགྲོ་ན་རང་གི་རིན་པོ་ཆེ་བརླག་པར་དོགས་པའི་འཇིགས་པས་དེ་རྣམས་དོར་ནས་ལམ་བཟང་པོར་འཇུག་པ་བཞིན་ནོ།། དེ་ལྟར་བདག་ཀྱང་ལུས་མི་གཙང་བ་དུ་མ་ཅན་རིན་པོ་ཆེ་འཕྲོག ་པའི་ཆོམ་རྐུན་བཞིན་དུ་གལ་ཏེ་སྲེད་པ་འདི་བྱེད་ན་འཕགས་པའི་ལམ་གྱི་དགེ་བའི་ཆོས་ཀྱི་རིན་པོ་ཆེ་བདག་གིས་བརླག་པར་དོགས་སོ། ། དེའི་ཕྱིར་བདག་གིས་ཆོམ་རྐུན་ལྟ་བུའི་ལུས ་འདི་དོར་ནས་མྱ་ངན་ལས་འདས་པའི་གྲོང་ཁྱེར་དུ་འཇུག་པར་རིགས་སོ། ། དེའི་ཕྱིར་གསུངས་པ། ཇི་ལྟར་མི་ཡིས་དྲི་ང་བ།། མགུལ་ལ་བཅིངས་ན་སྐྱུག་བྲོ་སྟེ།། དེ་དག་སྤངས་ནས་འགྲོ་བྱེད ་ན། བྱུག་མི་ཟོ་ཞིང་བདེ་བར་འགྲོ།། དེ་བཞིན་དུ་ནི་དྲི་ང་ལུས།། སྣ་ཚོགས་པ་ཡིས་གང་གྱུར་པ།། སྤངས་ནས་འགྲོ་བར་བྱེད་པ་ནི།། དོན་མེད་ལྟོས་པ་མེད་པའོ།། ཇི་ལྟར་བཤང་བའི་གནས ་སུ་ནི། ། སྐྱེས་པ་བུད་མེད་ཀྱིས་བཤངས་ནས།། དོར་ནས་འགྲོ་བར་བྱེད་པ་ནི།། དོན་མེད་ལྟོས་པ་མེད་པ་ཡིན།། དེ་ལྟར་བདག་གི་ལུས་འདི་ཡང་།། མི་གཙང་སྣ་ཚོགས་ཀྱིས་གང་བ།། དོར ་ནས་བདག་ཀྱང་འགྲོ་བར་བྱ། ། ཇི་ལྟར་བཤང་བའི་གནས་བཞིན་ནོ།། ཇི་ལྟར་གྲུ་ནི་རྡོལ་གྱུར་ན།། ཆུ་ནི་མང་དུ་འབྱུང་བར་འགྱུར།། དེ་ནི་གྲུ་མཁན་གྱིས་དོར་ནས།། དོན་མེད་ལྟོས་པ་མེད་པ་ཡིན། ་དེ་ལྟར་བདག་གི་ལུས་འདི་ཡང་།། བུ་ག་དགུ་ཡང་མི་རྟག་པས།། དོར་ནས་འགྲོ་བར་བྱེད་པ་ན།། གྲུ་མཁན་གྲུ་ནི་དོར་བ་བཞིན།། ཇི་ལྟར་ཆོམ་རྐུན་ལྷན་ཅིག་མི།། ནོར་ནི་ཁྱེར་ནས་འགྲོ་བ་ན།། ནོར ་ཁྱེར་འཇིགས་པ་མཐོང་བ་ནས། ། འཇིགས་ནས་དོར་ནས་འགྲོ་བྱེད་བཞིན།། དེ་བཞིན་དུ་ནི་ལུས་འདི་ནི།། ཆོམ་རྐུན་ཆེན་པོ་དང་མཚུངས་ཤིང་།། འདིར་ནི་དོར་ནས་འགྲོ་བ་ན།། དགེ་བ་སྤྱོད་པ་འཇིགས ་མེད་དོ། ། དེ་བཞིན་དུ་མཁས་པ་བློ་གྲོས་བཟང་པོས་སྣ་ཚོགས་པའི་དཔེ་འདི་ཡིས་ཕན་ཡོན་གྱི་དོན་ལ་རྣམ་པར་བསམས་ཤིང་། རང་གི་ཁྱིམ་དུ་དཔག་ཏུ་མེད་པའི་ལོངས་སྤྱོད་ཀྱི་ཕུང་པོ་སྔར་ཇི་ལྟར ་བརྗོད་པ་བཞིན་དུ་བཀྲེན་པ་ལ་སོགས་པ་རྣམས་ལ་སྦྱིན་པ་ཆེན་པོ་བྱིན་ཏེ། ནོར་གྱི་འདོད་པ་དང་ཉོན་མོངས་པའི་འདོད་པ་སྤངས་ནས་གྲོང་ཁྱེར་འཇིགས་མེད་ལྡན་གྱི་ཕྱི་རོལ་ཏུ་སོང་སྟེ། གཅིག་པུར་གང ་ཅན་ཆོས་ཀྱི་རི་ཞེས་བྱ་བ་ལ་བརྟེན་ནས། དེར་ལོ་མའི་ཁང་པར་འཆག་པར་བྱེད་ཅིང་སྐྱོན་ལྔ་པོ་མ་བཟློག་ལ་མ་སྤངས་བཞིན་དུ་དེ་ལྟར་སེམས་མཉམ་པར་གཞག་པ་དང་པོར་དང་། བྱེད་པ་བརྒྱད་དང ་ལྡན་པའི་མངོན་པར་ཤེས་པས་སྨྲ་བ་དང་། སྟོབས་ལེན་པ་དང་། དེ་རུ་གནས་ཏེ་སྐྱོན་དགུ་དང་ལྡན་པ་གྱོན་པའི་གོས་སྤངས་ནས། ཡོན་ཏན་བཅུ་གཉིས་དང་ལྡན་པའི་ཤིང་ཤུན་གྱི་དུམ་བུའི་གོས་གྱོན ་ནས། དྲང་སྲོང་གི་རབ་ཏུ་བྱུང་བ་ལ་རབ་ཏུ་བྱུང་སྟེ། དེ་ལྟར་རབ་ཏུ་བྱུང་ནས་སྐྱོན་བརྒྱད་དང་ལྡན་པའི་ལོ་མའི་ཁང་པ་དེ་སྤངས་ནས་ཡོན་ཏན་བཅུ་དང་ལྡན་པའི་ཤིང་གི་དྲུང་དུ་ཉེ་བར ་གནས་སོ། ། འབྱོར་པ་ཐམས་ཅད་སྤངས་ནས་ཤིང་གི་འབྲས་བུ་མཆོག་ཟ་ཞིང་འདུག་པའོ།། གནས་སུ་འཆག་པར་བྱེད་པའི་དཀའ་ཐུབ་བྱེད་དོ།། ཞག་བདུན་གྱི་ནང་དེ་ཉིད་དུ་བརྒྱད་ལ་སྙོམས་པར་འཇུག ་ཅིང་མངོན་ཤེས་ལྔ་པོ་ཐོབ་པར་གྱུར་ཏེ། དེ་བཞིན་དུ་དེས་དོན་དུ་གཉེར་བས་མངོན་པར་ཤེས་པའི་སྟོབས་ཐོབ་པར་གྱུར་ཏོ།། དེའི་ཕྱིར་གསུངས་པ། དེ་ལྟར་བདག་གིས་བསམས་གྱུར་པ།། སྣ་ཚོགས ་བྱེད་པ་བརྒྱ་ཡི་ནོར། ། མགོན་དང་མགོན་མེད་རྣམས་ལ་སྦྱིན།། གངས་ཅན་ལ་ནི་ཉེ་བར་སོང་།། གངས་ཅན་དང་ནི་མི་རིང་བར།། ཆོས་ཀྱི་རི་ཞེས་བྱ་བ་ལ།། བདག་གིས་དེ་ལ་མཆོག་ཏུ་རྟེན།། ལོ ་མའི་ཁང་པ་ལེགས་བྱས་སོ། ། དེ་རུ་འཆག་པར་བྱེད་པ་དང་།། སྐྱོན་ནི་ལྔ་པོ་རྣམ་པར་སྤངས།། ཡོན་ཏན་བརྒྱད་དང་ཡང་དག་ལྡན།། མངོན་པར་ཤེས་པའི་སྟོབས་ལྡན་ནོ།། སྐྱོན་དགུ་དང་ནི་ལྡན ་བ་ཡི། ། དེར་ནི་དེ་ཉིད་དོར་གྱུར་ནས།། ཤིང་ཤུན་དུམ་བུའི་གོས་གྱོན་ཏེ།། ཡོན་ཏན་བཅུ་གཉིས་ལྡན་པའོ།། སྐྱོན་ནི་བརྒྱད་དང་ལྡན་པ་ཡི།། ལོ་མའི་ཁང་པ་སྤངས་གྱུར་ནས།། ཤིང་གི་དྲུང་དུ་ཉེ་བར ་འདུག། ཡོན་ཏན་བཅུ་དང་ལྡན་པ་ཡི།། རྨོས་དང་བསྐྲུན་པའི་འབྲུ་རྣམས་ནི།། ལྷག་མ་མེད་པར་དོར་བྱས་ནས།། ཡོན་ཏན་མ་ལུས་ལྡན་པ་ཡི།། ཤིང་ཐོག་མཆོག་ནི་དང་པོར་ཟོས།། དེ་རུ་དཀའ་ཐུབ ་བྱས་ནས་ནི། ། འདུག་དང་འཆག་པའི་གནས་རྣམས་སུ།། ཞག་བདུན་གྱི་ནི་ནང་ཉིད་དུ།། མངོན་པར་ཤེས་པའི་སྟོབས་ཐོབ་བོ།། འདིར་ཡང་གླེང་གཞི་ནི་མཁས་པ་བློ་གྲོས་བཟང་པོས་བརྟེན་པའི་ལོ ་མའི་ཁང་པ་དང་འཆག་པ་ནི་རང་གི་ལག་གིས་བྱས་པ་ལྟར་བརྗོད་དོ། ། འདིར་ཡང་དོན་ནི་སེམས་དཔའ་ཆེན་པོ་གངས་ཅན་གྱི་ནང་ནས་འོངས་པ་དང་། དེ་རིང་ཆོས་ཀྱི་རིར་ཡོང་པ་མཐོང་ནས་ལྷའི་དབང ་པོ་བརྒྱ་བྱིན་གྱིས་སྣ་ཚོགས་པའི་ལྷའི་བུ་ལ་མཁས་པ་བློ་གྲོས་བཟང་པོ་འདི་ནི་རབ་ཏུ་འབྱུང་བར་འདོད་པས་སོང་སྟེ། འདིའི་གནས་རྣམས་གྱིས་ཤིག། དེའི་ཚིག་ཐོས་ནས་དགའ་བའི་གནས་ཕུག ་ལེགས་པར་ལོ་མའི་ཁང་པར་འཆག་པའི་གནས་བྱས་སོ། ། བཅོམ་ལྡན་འདས་ཀྱིས་ཡང་དེའི་ཚེ་བདག་གིས་བསམས་ནས་གོམས་པར་བྱས་པ་རྫོགས་པ་ལས། དེའི་དུས་སུ་དེའི་རྒྱུ་མཚན་གྱིས ་ཤཱ་རིའི་བུ་དེར་ཆོས་ཀྱི་རི་དེར། གནས་བཟང་པོ་ནི་བདག་གིས་བྱས།། ལོ་མའི་ཁང་པ་བཟང་པོར་ལྡན།། དེར་ནི་འཆག་ཅིང་གནས་ནས་ནི།། སྐྱོན་ལྔ་པོ་ནི་རྣམ་པར་སྤངས།། ཞེས་གསུངས་སོ།། ་འཆག་པའི་སྐྱོན་ལྔ་པོ་གང་ཞེ་ན། སྲ་ཞིང་མི་སྙོམས་པ་དང་། ནང་ན་ཤིང་རད་རོད་ཅན་དང་། ནགས་ཐིབས་པོ་དང་། ཤིན་ཏུ་དོག་པ་དང་། ཤིན་ཏུ་ཡངས་པའོ།། སྲ་ཞིང་མི་སྙོམས་པའི་སའི ་ཆར་འཆག་ཅིང་འཆག་པ་ན། རྐང་པ་ལ་འབྲུམ་བུ་འབྱུང་བ་དང་། སེམས་རྩེ་གཅིག་ཏུ་མི་གནས་པ་དང་། ལས་བྱེད་པའི་གནས་མི་འགྲུབ་ལ། སའི་སྟེང་མཉམ་ཞིང་འཇམ་པར་འཆག་པ་ནི་བདེ ་ཞིང་། ལས་བྱེད་པའི་གནས་རྫོགས་པ་དེའི་ཕྱིར་ཚ་བ་དང་མི་སྙོམས་པའི་སའི་ཆ་ནི་སྐྱོན་གཅིག་ཏུ་རིག་པར་བྱའོ།། འཆག་པའི་བར་དང་ནང་དང་ཐ་མར་ཤིང་ཡོད་པ་ན་བག་མེད ་པར་འོང་ཞིང་འཆག་པ་ན་དཔྲལ་བ་དང་མགོ་ལ་གནོད་པ་བྱེད་པ་ནི་ནང་གི་ཤིང་གི་གནོད་པ་གཉིས་པའོ། ། རྩཝ་དང་འཁྲི་ཤིང་ལ་སོགས་པ་ནགས་ཚལ་ཐིབས་པོའི་འཆག་སར་བྱེད་པ་ན་མུན་པ་ནག་པོའི་དུས ་སུ་སྦྲུལ་ལ་སོགས་པའི་སྲོག་ཆགས་རྐང་པས་བརྫིས་ན་འཆི་བ་འམ། དེས་མཆེ་བས་རྨུགས་ནས་གནོད་པ་སྐྱེལ་བ་ནི་ནགས་ཐིབས་པོའི་སྐྱོན་གསུམ་པའོ།། ཤིན་ཏུ་དོག་པའི་འཆག་སའི་མཆུ ་རུ་ཁྲུ་གཅིག་པ་འམ། ཁྲུ་ཕྱེད་པའི་འཆག་ས་བྱེད་ན་ནང་དུ་གཅོད་པ་དང་། སེན་མོ་འམ་སོར་མོ་འཆད་པར་འགྱུར་བ་ནི་ཤིན་ཏུ་དོག་པའི་སྐྱོན་བཞི་པའོ།། ཤིན་ཏུ་ཡངས་པའི་འཆག་སར་འཆག ་པ་ན་སེམས་གཡེང་བར་གྱུར་པ་དང་། སེམས་རྩེ་གཅིག་ཏུ་གནས་པ་མི་ཐོབ་པ་ནི་ཤིན་ཏུ་ཡངས་པའི་སྐྱོན་ལྔ་པའོ།། འཆག་སའི་མཐོ་ཚད་ཀྱི་སྔགས་སུ་ཁྲུ་ཕྱེད་དང་ངོ་དོ།། ངོས་གཉིས་སུ་ཁྲུ་གཅིག ་ཙམ་པར་དཀྱུས་སུ་ཁྲུ་དྲུག་ཅུ་པ་སའི་མཐིལ་འཇམ་པ་དང་མཚུངས་ཤིང་ཡངས་པ་བྱེ་མ་དང་བཅས་པའི་འཆག་ས་ནི་རིགས་སོ། ། མཆོད་རྟེན་གྱི་རིགས་མར་མེ་ལྟར་གསལ་བ་གནས་བརྟན་ཆེན་པོ ་དབང་ཆེན་གྱི་འཆགས་ལྟ་བུ་བྱ་བའི་རིགས་སོ། ། དེའི་ཕྱིར་གསུངས་པ། དེ་རུ་འཆགས་བྱས་ལ་སྐྱོན་ལྔ་པོ་སྤང་བར་བྱའོ།། ཡོན་ཏན་བརྒྱད་དང་ལྡན་པའི་དགེ་སྦྱོང་གི་བདེ་བ་བརྒྱད་དང་ལྡན་པའོ།། ་དགེ་སྦྱོང་གི་བདེ་བ་བརྒྱད་དང་ལྡན་པ་ཞེས་བྱ་བ་ནི་གང་ཞེ་ན། ནོར་དང་འབྲུ་ཡོངས་སུ་འཛིན་པའི་འདོད་པ་མེད་པ་དང་། ཁ་ན་མ་ཐོ་བ་མེད་པའི་བསོད་སྙོམས་ལས་འདོད་པ་མེད་པ་དང་། བཟའ་བ ་བཙལ་བའི་འདོད་པ་མེད་པ་དང་། ནོར་གཅེས་པའི་ཡུལ་མི་སྡུག་པར་བྱེད་པ་འམ། མགོ་རེ་རེའི་ཁྲལ་ལ་སོགས་པ་ལེན་ན་རྒྱལ་པོའི་རིགས་ཀྱིས་ཡུལ་འཁོར་གྱི་སྡུག་བསྔལ་བ་མི་འདོད་པ་དང་། ་ཉེ་བར་མཁོ་བ་ཐམས་ཅད་ལ་འདོད་པ་མེད་པ་དང་། ཆོམ་རྐུན་གྱིས་འཕྲོག་པའི་འཇིགས་པ་མེད་པ་དང་། རྒྱལ་པོ་དང་། རྒྱལ་ཚབ་དང་། བློན་པོ་ཆེན་པོའི་ཉེ་བར་འཚེ་བ་མེད་པ་དང་། ཕྱོགས ་བཞིར་འགྲོ་བ་ན་འཚེ་བ་མེད་པ་སྟེ། དེ་ལྟར་དེར་གནས་ན་བདེ་བ་བརྒྱད་པོ་ཉམས་སུ་མྱོང་བར་ནུས་སོ།། དེ་ལྟར་ཡོན་ཏན་བརྒྱད་དང་ལྡན་པ་འདིར་གནས་པར་བྱས་ནས་མངོན་པར་ཤེས་པའི་སྟོབས་ཐོབ ་པར་འགྱུར་ཞིང་། དེ་ནས་དེར་གནས་ཏེ། ཟད་པར་གྱི་ལས་རྣམས་བྱས་ནས་མངོན་པར་ཤེས་པ་དང་སྙོམས་པར་འཇུག་པ་རྣམས་བསྐྱེད་པའི་ཕྱིར་ཏེ། མི་རྟག་པ་དང་། སྡུག་བསྔལ་བ་དང ་ལྷག་མཐོང་བརྩམས་ནས་གནས་ཐོབ་པར་བྱེད་དོ། ། ལྷག་མཐོང་གི་སྟོབས་བླངས་ནས་ཇི་ལྟར་གནས་ན་དེའི་སྟོབས་བླང་བར་ནུས་སོ།། དེ་ལྟར་དེར་གནས་ནས་དེའི་མངོན་པར་ཤེས་པའི་ཕྱིར་ལྷག ་མཐོང་གིས་སྟོབས་འཐུན་པར་བྱས་པ་ནི་ཁང་པ་བྱས་པའི་དོན་ཡིན་ནོ། ། དེར་སྐྱོན་དགུ་དང་ལྡན་པའི་གོས་དོར་བ་ནི་འདིར་སྔར་རིམ་པ་བཞིན་དུ་བརྗོད་པ་དེ་རྣམས་དེའི་ཚེ་ཁང་མིག་ཆུང་བ ་དང་། ཁང་མིག་ཆེ་བ་དང་། འཆགས་ལ་སོགས་པ་ས་སར་བརྒྱན་ནས་མེ་ཏོག་དང་། འབྲས་བུ་དང་། ཤིང་ལྗོན་པའི་ཚོགས་ཡིད་དགའ་བུ་དང་། བསམ་བརྒྒནྟུཿ། ་ཡིད་དུ་འོང་བ་གདུག་པ་ཅན་གྱི་རི་དགས་མེད་པ་དང་། གནོད་པར་བྱེད་པའི་བྱའི་ཚོགས་མེད་པ་ཤིན་ཏུ་དབེན་པར་གནས་པར་བྱའོ།། འཆགས་བརྒྱན་པའི་ཕྱོགས་གཉིས་དང་དབུས་སུ་རྒྱུབ་ཀྱི ་གྱི་གཞི་ལ་བརྟེན་ནས་བཞུགས་པའི་ཆེད་དུ་འཆག་སའི་ནང་དུ་ས་གཞི་མཉམ་པ། ཁ་དོག་སེར་པོ་རྡོ་དང་བསྲེས་པ། ལོ་མའི་ཁང་པའི་ནང་དུ་རལ་པའི་ཁོར་ཡུག་དང་། ཤིང་ཤུན་གྱི་དུམ་བུའི ་ཆོས་གོས་དང་། དབྱུ་གུ་གསུམ་དང་། བུམ་པ་ལ་སོགས་པ་དཀའ་ཐུབ་པའི་ཡོ་བྱད་དང་ལྡན་པ། བསྟི་གནས་ཀྱི་ནང་དུ་ཆུ་དང་བུམ་པ་ཆེན་པོར་ཆུ་དང་། དུང་ཆོས་ཀྱི་ཆུ་དང་། ཁམ་ཕོར་དང་། ་མེ་ཁང་དང་། སྣོད་སོལ་བ་ཅན་དང་། ཤིང་ལ་སོགས་པ་དེ་ལྟར་གང་དང་གང་དུ་རབ་ཏུ་འབྱུང་བ་ལ་རིགས་སོ།། དེ་ཐམས་ཅད་བྱས་ནས་ལོ་མའི་ཁང་པའི་ལོགས་ལ་གང་ཞིག་རབ་ཏུ་འབྱུང ་བར་འདོད་པ་ན་འདིའི་ཡོ་བྱད་རྣམས་བླངས་ནས་རབ་ཏུ་བྱུང་བར་གྱིས་ཤིག་ཅེས་ཡི་གེར་བྲིས་ནས། ལས་སྣ་ཚོགས་པའི་ལྷའི་བུ་ལྷའི་འཇིག་རྟེན་དུ་སོང་ངོ་།། མཁས་པ་བློ་གྲོས་བཟང་པོས ་གངས་ཅན་གྱི་རིའི་འགྲམ་ན་ཆུ་ཀླུང་རྗེས་སུ་འབྲང་བ་དང་བདག་ཉིད་ཀྱི་གནས་དང་། འཐུན་པའི་གནས་སུ་བལྟ་ཞིང་ཆུ་ཀླུང་བཟློག་པའི་ལས་སྣ་ཚོགས་ལས་སྤྲུལ་ཞིང་བརྒྱ་བྱིན་གྱིས་བྱིན་པའི་གན ་ཡིད་ལ་དགའ་བ་མཐོང་ངོ་། ། འཆག་སའི་དཀྱུས་ཀྱི་ཕྱོགས་གཅིག་ཏུ་འགྲོ་ཞིང་རྐང་པའི་རྗེས་མི་མཐོང་བར་རབ་ཏུ་བྱུང་བ་རྣམས་ཀྱིས་ཐག་རིང་པོའི་གྲོང་ནས་བསོད་སྙོམས་བཙལ་བས་ངལ་ཞིང ་འོངས་ནས་ལོ་མའི་ཁང་པར་ཞུགས་ནས་གནས་སོ་སྙམ་དུ་བསམས་སོ། ། དེ་མ་ཐག་ཏུ་མ་སླེབ་པར་དུས་རིང་པོར་མ་སླེབ་པར་སོ་སོར་ཤེས་དགོས་སོ།། ཤིང་གི་ཁང་པའི་ཁང་མིག་གི་སྒོར་ཞུགས ་ནང་དུ་ཕྱིན་ནོ། ། དེ་དང་དེ་བལྟས་པས་རྩིག་པ་ཆེན་པོ་ལ་ཡི་གེ་བྲིས་པ་བཀླགས་ནས་འདི་རྣམས་ཐམས་ཅད་བདག་གི་ཡོ་བྱད་དུ་བརྟག་པར་བྱའོ།། དེ་རྣམས་བླངས་ནས་རབ་ཏུ་བྱུང་ངོ་ཞེས་བསམས་སོ།། ་བདག་ཉིད་ཀྱི་སྟོད་གོས་དང་སྨད་གོས་ཟུང་དག་དོར་རོ།། དེའི་ཕྱིར་གསུངས་པ་དེར་གོས་དོར་རོ།། དེ་ལྟར་བཞུགས་ནས་ཤཱ་རིའི་བུ་བདག་དེའི་ལ་མའི་ཁང་པ་དང་སྐྱོན་དགུ་དང་བཅས་པའི་གོས་དོར་རོ།། ་དེ་ཡང་སྐྱོན་དགུ་གསལ་བར་མཐོང་སྟེ། དཀའ་ཐུབ་པའི་རབ་ཏུ་བྱུང་བ་རྣམས་ལ་གོས་སྐྱོན་དགུ་དང་ལྡན་པ་ནི་རྙེད་དཀའ་བའི་སྐྱོན་དང་། གཞན་འདོད་པ་སྐྱེ་བའི་སྐྱོན་དང་། ལོངས་སྤྱོད་པ་ན་མྱུར་དུ་དྲི་མ ་དང་ལྡན་པའི་སྐྱོན་དང་། དྲི་མ་ཅན་དུ་གྱུར་ན་འཁྲུད་པ་དང་། ཚོལ་བྱ་དགོས་པ་དང་། ལོངས་སྤྱོད་པ་ན་འདྲལ་བའི་སྐྱོན་དང་། བརྙིངས་ན་འཚེམ་པ་དང་། ལྷན་པ་འདེབས་དགོས་པ་དང་། སླར་ཡང ་ཚོལ་བ་ན་རྙེད་དཀའ་བའི་སྐྱོན་དང་། དཀའ་ཐུབ་པའི་རབ་ཏུ་བྱུང་བ་ལ་མི་རིགས་པའི་སྐྱོན་དང་། དགྲ་ལ་སོགས་པས་འཕྲོག་པར་འགྱུར་བའི་སྐྱོན་དང་། ཇི་ལྟར་ཡང་གོས་ནི་དགྲ་ལ་སོགས་པས་མི་ལེན ་པ་དེའི་ཕྱིར་དེ་བཞིན་དུ་སྦེད་དགོས་པ་དང་། གྱོན་པ་ན་རྒྱན་དུ་འགྱུར་བའི་སྐྱོན་དང་། ཁྱེར་ནས་འགྲོ་བ་ན་ལུས་ཀྱི་ཁུར་པོ་ཆེན་པོར་འགྲོ་བའི་སྐྱོན་ནོ།། ཤིང་ཤུན་གྱི་གོས་ཞེས ་པ་ནི། དེའི་ཚེ་ཤཱ་རིའི་བུས་བདག་འདིའི་སྐྱོན་དགུ་མཐོང་ནས་གོས་དོར་རོ།། ཤིང་ཤུན་ལ་རྩཝ་མུན་ཛ་དུམ་བུ་དུམ་བུར་བྱས་ནས་སྦྱོར་ཞིང་སྒྲོག་པ་ནི་ཤིང་ཤུན་ལ་སྨང་གོས་དང་སྟོང་གོས་དོན་དུ་གཉེར་བའི ་ཕྱིར་རོ། ། ཡོན་ཏན་བཅུ་གཉིས་དང་ལྡན་པ་ཞེས་པ་ནི་ཕན་ཡོན་བཅུ་གཉིས་དང་ལྡན་པའི་ཤིང་ཤུན་གྱི་གོས་ཀྱི་ཕན་ཡོན་བཅུ་གཉིས་དང་ལྡན་པའི་རིན་ཆུང་བ་དང་། བལྟ་ན་མཛེས་པ་དང་། རུང་བ ་དང་། འདི་རྣམས་ནི་ཕན་ཡོན་གཅིག་པ་དང་། རང་གིས་ལག་གིས་བྱ་བར་ནུས་པ་ནི་གཉིས་པ་དང་། ལོངས་སྤྱོད་པ་ན་དྲི་མ་ཅན་དུ་གྱུར་ཀྱང་མྱུར་དུ་བཀྲུ་བར་ནུས་པ་ནི་གསུམ་པ་དང་། ལོངས་སྤྱོད་པ་ན། ་བརྙིངས་པར་གྱུར་ཀྱང་བཙེམ་པར་ནུས་པ་ནི་བཞི་པ་དང་། སླར་ཡང་རྩོལ་བ་ན་བདེ་བར་བྱེད་ནུས་པ་ནི་ལྔ་པ་དང་། དཀའ་ཐུབ་པའི་རབ་ཏུ་འབྱུང་བ་ལ་རིགས་པ་ནི་དྲུག་པ་དང་། ཆོམ་རྐུན་པ་ལ་མི ་མཁོ་བ་ནི་བདུན་པ་དང་། གྱོན་པ་ན་དཀའ་ཐུབ་པའི་རྒྱན་དུ་འགྱུར་བ་ནི་བརྒྱད་པ་དང་། གྱོན་པ་ན་ཡང་བར་འགྱུར་བ་ནི་དགུ་པ་དང་། ཆོས་གོས་སོ་སོ་ལ་འདོད་པ་ཆུང་བ་ནི་བཅུ་པ་དང་། སློང་བ་ན ་ཆོས་པ་ལ་ཁ་ན་མ་ཐོ་བ་མེད་པ་ནི་བཅུ་གཅིག་པ་དང་། ཤིང་ཤུན་གྱི་གོས་སྟོར་ན་ཡང་ལྟོས་པ་མེད་པ་ནི་བཅུ་གཉིས་པའོ།། སྐྱོན་བརྒྱད་དང་ལྡན་པའི་ལོ་མའི་ཁང་པ་དོར་ཞེས་པ་ནི་ཇི་ལྟར་དོར། ་དེའི་གོས་མཆོག་གཉིས་ཀྱི་རིགས་སུ་གྱུར་པ་ཨ་ཎའོ་ཛའི་མེ་ཏོག་གི་འཕྲེང་བ་ལྟ་བུའི་གོས་དམར་པོ་བླངས་ནས་སྨད་དུ་གྱོན་ཏེ། སྟེང་དུ་གཞན་ཡང་ཁ་དོག་སེར་པོའི་ཤིང་ཤུན་གྱི་གོས་གྱོན་ནས། ་པུན་ནཱ་གཱི་མེ་ཏོག་གི་སྟན་དང་འདྲ་བའི་རྐང་པ་དང་བཅས་པའི་གཟིག་གི་པགས་པའི་གཡང་གཞི་གྱོན་ཏེ། རལ་པའི་ཁོར་ཡུག་མགོ་བོ་ལ་བཅིངས་ནས་གཙུག་ཕུད་བརྟན་པར་བྱ་བའི་ཕྱིར་དུ་མཁྲེགས ་པའི་སྤྱི་ཁབ་བཙུགས་སོ། ། མུ་ཏིག་དྲ་བ་བཞིན་དུ་འཐེན་ཐག་བྱུ་རུའི་ཁ་དོག་ལྟ་བུའི་བུམ་པ་ནང་དུ་བཅུག་སྟེ་གནས་གསུམ་གྱི་ཀྱོག་པོའི་ཤིང་དེ་བླངས་ནས་ཁུར་ཤིང་དེའི་ཕྱོགས་གཅིག་ལ་བུམ་པ་དང་། ་ཕྱོགས་གཉིས་ལ་ལྕགས་ཀྱུ་དང་། སྨྱུག་འཁུར་དང་། དབྱུག་གུ་གསུམ་པ་ལ་སོགས་པ་བཟུང་ཞིང་ཁྱེར་ནས་ཕྲག་པའི་ཁུར་དུ་ཁྱེར་ཏེ་ལག་པ་གཡས་སུ་འཁར་བ་བཟུང་ནས་ལོ་མའི་ཁང་པ་ནས ་བྱུང་སྟེ། ཁྲུ་དྲུག་ཅུ་པའི་འཆག་ས་ཆེན་པོར་ཕན་ཚུན་དུ་འཆག་པར་བྱེད་ཅིང་རང་གི་ཆ་ལུགས་ལ་བལྟས་ནས། བདག་གི་འདོད་པ་ཡོངས་སུ་རྫོགས་པར་ཐོབ་བོ།། བདག་ཉིད་མཛེས་པར་རབ་ཏུ ་བྱུང་ནས་སངས་རྒྱས་དང་། རང་སངས་རྒྱས་ལ་སོགས་པའི་སྐྱེས་བུ་དཔའ་བོས་བསྔགས་པ་དང་བསྟོད་ཅིང་རབ་ཏུ་བྱུང་བ་ཞེས་བྱ་བ་འདི་ནི་ཁྱིམ་གྱི་འཆིང་བ་སྤངས་ནས། བདག་གིས་ངེས་པར ་བྱུང་ཞིང་རབ་ཏུ་བྱུང་བ་མཆོག་བདག་གིས་ཐོབ་པས་དགེ་སྦྱོང་གི་ཆོས་བདག་གིས་བྱས་སོ། ། བདེ་བའི་འབྲས་བུ་བདག་གིས་ཐོབ་ནས་སྤྲོ་བ་སྐྱེས་སོ།། ཁུར་ངལ་བུས་ས་ལ་བཞག་ནས་འཆག ་སའི་དབུས་སུ་ཁ་དོག་སེར་བའི་རྡོའི་སྟེང་དུ་གསེར་གྱི་གཟུགས་བརྙན་ལྟ་བུ་བཞུགས་ཏེ། ཉིན་མོའི་ཆ་སོང་ནས་སྲོད་ཀྱི་དུས་སུ་ལོ་མའི་ཁང་པའི་ནང་དུ་བཞུགས་ནས། ཤིང ་ཁྲི་ལེགས་པོའི་བཞོག་གི་སྟེང་དུ་ཉལ་ལོ། ། ལུས་ལ་བསེར་བུས་གོས་པར་བྱེད་ཅིང་ནམ་གྱི་ཆ་སྨད་ལ་ལངས་ཏེ་བདག་ཡོངས་པའི་དོན་ལ་རྟོག་ཅིང་བདག་གིས་ཁྱིམ་གྱི་གནས་ཀྱི་སྐྱོན་མཐོང་ནས་བདུད ་རྩི་ལ་ལོངས་སྤྱོད་པ་དང་། གྲགས་པ་མཐའ་ཡས་པ་སྤངས་ནས། དགོན་པར་གནས་ཏེ་ངེས་པར་འབྱུང་བ་བཙལ་བའི་ཕྱིར་རབ་ཏུ་བྱུང་ངོ་།། དེ་ནས་བཟུང་ནས་བག་མེད་པའི་སྤྱོད་པའི་མི་རྟོགས ་པ་དང་། རབ་ཏུ་དབེན་པ་སྤངས་ནས་འགྲོ་བ་ལོག་པའི་སྦྲང་མས་ཟ་བས་ད་ནི་བདག་གི་རབ་ཏུ་དབེན་པ་དོར་བར་རིགས་སོ།། བདག་གིས་ཀྱང་ཁྱིམ་པའི་གནས་ཟང་ཟིང་དང་བཅས་པ་མཐོང་སྟེ་ཕྱིན ་ནས་ལོ་མའི་ཁང་པ་ཡིད་དུ་འོང་བ་འདི་ཡང་ཁ་དོག་སེར་པོས་ས་གཞི་ལ་ཞལ་བ་ལེགས་པར་བྱས་ནས། དངུལ་གྱི་ཁ་དོག་ལྟར་དཀར་བའི་རྩིག་པ་རྣམས་དང་། ཐོག་ཕྲུག་རོན་གྱི་རྐང་པའི་ཁ ་དོག་ལྟར་དམར་བའི་ལོ་མའི་བླ་གབ་ཅན་ནོ། ། སྣ་ཚོགས་པའི་ཁ་དོག་ཅན་གྱི་ཤིང་ཁྲིའི་སྟན་ལ་ཉལ་བ་དང་། འདུག་པ་ན་བདེ་བར་ལྟ་བ་དེ་རྣམས་ནི་ཆེས་ཆེར་ལྷག་པར་ཁྱིམ་པའི་ཕུན་སུམ་ཚོགས་པ ་དང་འདྲ་བར་མཐོང་ངོ་། ། ལོ་མའི་ཁང་པའི་སྐྱོན་བལྟས་པས་སྐྱོན་བརྒྱད་མཐོང་སྟེ། ལོ་མའི་ཁང་པ་ལ་ལོངས་སྤྱོད་པ་ན་སྐྱོན་བརྒྱད་པོ་ནི། ཤིང་མང་པོ་ལ་ནོར་མང་པོ་དགོས་པ་དང་། བསྡུས་ནས ་ཁང་པ་བྱེད་ཅིང་ཚོལ་བ་ནི་སྐྱོན་གཅིག་པ་དང་། རྩཝ་དངས་འཛད་པ་དང་། ཡང་དང་ཡང་ཟད་པས་ན་བཅོས་དགོས་པ་རྒྱུན་མི་འཆད་པ་ནི་སྐྱོན་གཉིས་པ་དང་། ཉལ་བའི་གནས་ཞེས་བྱ་བ་ནི་ཆེན་པོ ་ལ་རིགས་ཏེ། དུས་མ་ཡིན་པར་སློང་དགོས་པས་སེམས་གཅིག་ཏུ་མི་གནས་པ་དང་། འགྲོ་དགོས་པ་ནི་སྐྱོན་གསུམ་པ་དང་། དྲང་བ་དང་དྲོ་བ་འཇོམས་པ་དང་། ལུས་བདེ་བར་བྱེད་པ་ནི་སྐྱོན་བཞི ་པ་དང་། ཁང་པའི་ནང་དུ་ཞུགས་ནས་སྡིག་པ་བྱེད་པར་ནུས་པ་དང་། ངོ་ཚ་བ་བཟློག་པ་ནི་སྐྱོན་ལྔ་པ་དང་། བདག་གི་ཡིན་ནོ་ཞེས་བསྲུང་བ་ནི་སྐྱོན་དྲུག་པ་དང་། ཁྱིམ་པ་ཡོད་ཅེས་པ་གཉིས ་པབར་སྐྱོན་བདུན་པ་དང་། ཤིག་དང་། འདྲེ་ཤིག་ཁྱི་ཤིག་ལ་སོགས་པའི་སྲོག་ཆགས་དུ་མ་གནས་པར་འགྱུར་བ་ནི་སྐྱོན་བརྒྱད་པའོ།། འདི་རྣམས་ཀྱི་སྐྱོན་བརྒྱད་པོ་རྣམས་མཐོང་ནས་སེམས ་དཔའ་ཆེན་པོས་ལོ་མའི་ཁང་པ་སྤངས་སོ། ། དེའི་ཕྱིར་གསུངས་པ། སྐྱོན་བརྒྱད་དང་ནི་ལྡན་པ་ཡི།། ལོ་མའི་ཁང་པ་སྤངས་ཞེས་པ།། ཤིང་གི་དྲུང་དུ་གནས་གྱུར་ན།། ཡོན་ཏན་བཅུ་དང་ལྡན ་པ་ཡིན། ། སིབ་པའི་གནས་རྣམས་སྤངས་པ་དང་།། ཡོན་ཏན་བཅུ་དང་ལྡན་པ་ཡི།། ཤིང་གི་དྲུང་དུ་གནས་པའོ།། ཞེས་བརྗོད་པ་ནི། དེ་ལ་ཡོན་ཏན་འདྲུ་པོ་འདི་བསག་མི་དགོམ་པ་མམ ་ཏན་གཅིག་དང་། ཉལ་བར་གནས་པ་ཙམ་གྱིས་བསྲུང་མི་དགོས་པར་རྙེད་པ་ནི་གཉིས་པ་དང་། དཾར་བྱི་དོར་བྱེད་པ་མེད་པར་ལོངས་སྤྱོད་པ་དང་། བདེ་བར་གནས་པ་དང་། སྤོང་བ་མེད་པན ་གསུམ་པ་དང་། ངོ་ཚ་བ་ན་ཡིབ་པ་མེད་ཅིང་དེར་སྡིག་པ་བྱེད་པ་མེད་ལ་སྦེད་པ་མེད་པ་ནི་བཞི་པ་དང་། བླ་གབ་མེད་པའི་གནས་བཞིན་དུ་ལུས་རྟག་ཏུ་སྡོང་བ་མེད་པ་དང་། ་ཡོངས་སུ་འཛིན་པར་མི་འདོད་པ་ནི་དྲུག་པ་དང་། ཁྱིམ་གྱི་འདོད་པ་སྤངས་པ་ནི་བདུན་པ་དང་། མང་པོ་དགོས་པའི་འཛིན་པ་མེད་པ་དང་། ཡོངས་སུ་བསྲུང་བ་མེད་པ་དང་། འགྲོ་བ་ན་འདོད ་པ་མེད་པ་ནི་བརྒྱད་པ་དང་། སྡོད་པ་ན་དགའ་བ་དང་བཅས་པ་མེད་པ་ནི་དགུ་པ་དང་། ཤིང་དྲུང་གི་གནས་ནི་སོང་ཞིང་སོང་བ་ན་རྙེད་སླ་བ་དང་། ལྟོས་པ་མེད་པ་ནི་བཅུ་པའོ།། ཡོན་ཏན་བཅུ་པོ་འདི ་མཐོང་སྟེ་ཤིང་གི་འགྲམ་དུ་གནས་ཞེས་བརྗོད་པ་དང་། འདི་ལྟ་བུ་དེ་རྣམས་ནི་བྱེད་པར་བསམས་པའོ།། སེམས་དཔའ་ཆེན་པོ་སང་གི་ཉི་མ་ལ་བསོད་སྙོམས་ལ་གཤེགས་པས་དེ་མ་ཐག་ཏུ་གྲོང་དུ ་སླེསློབ་སྟེ་མི་རྣམས་སྤྲོ་བ་ཆེན་པོ་སྐྱེས་ནས་བསོད་སྙོམས་བྱིན་ནོ། ། དེའི་གདུགས་ཚོད་ཐོན་ནས་གནས་སུ་བྱོན་ཏེ་སླེབ་ཅིང་བཞུགས་ནས་བསམས་པ། བདག་གིས་བསོད་སྙོམས་ཐོབ་པའི་ཕྱིར་རབ་ཏུ ་བྱུང་བ་ནི་མ་ཡིན་ནོ། ། ཟས་ཞིམ་པ་ཞེས་བྱ་བ་འདིས་ང་རྒྱལ་གྱི་རྒྱགས་པ་དང་། སྐྱེས་བུ་འདོད་པའི་རྒྱུགས་པ་འཕེལ་བ་དང་། བཟའ་བའི་གཞི་ལ་བརྟེན་ནས་སྡུག་བསྔལ་མཐའ་མེད་དོ།། བདག ་གོགིས་སླར་ཡང་བཏབ་པ་དང་བསྐྲུན་པ་ལས་སྐྱེས་པའི་འབྲུའི་བཟའ་བ་སྤངས་ནས། འབྲས་བུ་མཆོག་གི་བཟའ་བ་ལ་བརྟེན་པར་བྱའོ།། དེས་དེ་ནས་དེ་བླངས་ཏེ། དེ་ལྟར་བྱས་ནས་ལུས་སྡུག་བསྔལ ་དུའབད་པ་བྱས་པ་དང་། ཞག་བདུན་གྱི་ནང་དུ་སྙོམས་པར་འཇུག་པ་བརྒྱད་པོ་རྣམས་དང་། མངོན་པར་ཤེས་པ་ལྔ་སྐྱེས་ཏེ། དེའི་ཕྱིར་གསུངས་པ། བཏབ་དང་བསྐྲུན་པའི་འབྲུ་རྣམས་ནི།། ལྷག ་མ་མེད་པར་སྤངས་པ་དང་། ། ཡོན་ཏན་དུ་མ་དང་ལྡན་པའི།། འབྲས་བུ་སོགས་ལ་འཇུག་པའོ།། དེར་ནི་དཀའ་ཐུབ་ཀྱིས་གནས་དང་།། སྡོད་དང་འཆག་པའི་གནས་རྣམས་སུ།། ཞག་བདུན་གྱི་ནི། ་ནང་ཉིད་དུ།། མངོན་པར་ཤེས་པའི་སྟོབས་ཐོབ་བོ།། དེ་ལྟར་མངོན་པར་ཤེས་པ་ཐོབ་ནས། བློ་གྲོས་བཟང་པོ་དཀའ་ཐུབ་པས་བདེ་བའི་སྙོམས་པར་འཇུག་པ་ལ་གནས་སོ།། དེའི ་ཚེ་མར་མེ་མཛད་ཅེས་བྱ་བའི་སྟོན་པ་འཇིག་རྟེན་དུ་བྱོན་པར་གྱུར་ཏོ། ། དེ་མངལ་དུ་ཞུགས་ནས་བལྟམ་པ་དང་། བྱང་ཆུབ་པ་དང་། ཆོས་ཀྱི་འཁོར་ལོ་བསྐོར་བ་ན། འཇིག་རྟེན་གྱི་ཁམས་སྟོང་ཕྲག ་བཅུ་པོ་ཐམས་ཅད་གཡོས་སོ། ། རབ་ཏུ་གཡོས་སོ།། སྒྲ་སྒྲོགས་སོ།། སྒྲ་ཆེར་སྒྲོགས་སོ།། སྔོན་གྱི་མཚན་མར་གྱུར་པ་སུམ་ཅུ་རྩ་གཉིས་དང་། བློ་གྲོས་བཟང་པོ་དཀའ་ཐུབ་པས་སྙོམས་པར ་འཇུག་པའི་བདེ་བ་ལ་གནས་པས་དེ་རྣམས་ཀྱི་སྒྲ་མ་ཐོས་པ་དང་། དེ་རྣམས་ཀྱི་སྔུན་གྱི་མཚན་མ་མ་མཐོང་ངོ་།། དེའི་ཕྱིར་གསུངས་པ། སྟན་གཅིག་ལ་ནི་བརྟེན་ནས་སུ།། བདག་གིས་དེ་ལྟར ་གྲུབ་པ་ཐོབ། ། རྒྱལ་བ་མར་མེ་མཛད་ཅེས་པ།། འཇིག་རྟེན་འདྲེན་པ་བྱོན་པར་གྱུར།། མངལ་དུ་ཞུགས་ནས་སྐྱེས་གྱུར་པ།། སངས་རྒྱས་ནས་ནི་ཆོས་བསྟན་པ།། མཚན་མ་བཞི་པོ་མཐོང་མ ་གྱུར། བསམ་གཏན་བདེ་བས་མ་ཐོས་སོ།། དེའི་ཚེ་སྟོབས་བཅུ་ལྡན་པའི་མར་མེ་མཛད་ཟག་པ་ཟད་པ་འབུམ་ཕྲག་བཞིའི་འཁོར་དང་བཅས་པ་གོ་རིམས་བཞིན་དུ ་སེམས་ཅན་ལ་ཕན་པའི་ཕྱིར་འཆག་ཅིང་དགའ་བ་ཅན་ཞེས་བྱ་བའི་གྲོང་ཁྱེར་དུ་བྱོན་ཏེ། བལྟ་ན་སྡུག་ཅེས་བྱ་བའི་གཙུག་ལག་ཁང་ཆེན་པོར་ཞུགས་སོ།། དགའ་བ་ཅན་བ ་ཡ་བའི་གྲོང་ཁྱེར་ན་གནས་པའི་མར་མེ་མཛད་དགེ་སྦྱོང་གི་དབང་ཕྱུག་དེ་ཉིད་ཡང་དག་པར་རྫོགས་པའི་བྱང་ཆུབ་ཀྱི་མཆོག་ཐོབ་ནས་མཆོག་གི་ཆོས་ཀྱི་འཁོར་ལོ་བསྐོར་རོ། ། དེ་ལྟར་རིམས་ཀྱིས ་སེམས་ཅན་ལ་ཕན་པའི་དོན་དུ་འཆག་ཅིང་དགའ་བ་ཅན་གྱི་གྲོང་ཁྱེར་དུ་བྱོན་ཏེ། བལྟ་ན་སྡུག་གི་གཙུག་ལག་ཁང་ཆེན་པོར་བཞུགས་པ་དེ་དེ་ན་གནས་པ་རྣམས་ཀྱིས་ཐོས་ནས་མར་གསར་དང་། ་ཞུན་མར་ལ་སོགས་པ་དང་། སྨན་དང་། གོས་དང་། མལ་ཆ་ལ་སོགས་པ་དང་། དྲིའི་འཕྲེང་བ་ལ་སོགས་པ་ལག་ཏུ་ཐོགས་ཏེ། གང་གིས་སངས་རྒྱས་དང་། གང་གིས་ཆོས་དང ་གང་གིས་དགེ་འདུན་དང་། དེ་རྣམས་ལ་འདུད་ཅིང་དེ་ལ་དགའ་བ་དང་། དེ་ལ་ཤིན་ཏུ་གུས་པ་དང་བཅས་པས་སྟོན་པའི་དྲུང་དུ་སོང་སྟེ། ཕྱག་བྱས་ནས་དྲི་ལ་སོགས་པའི་མཆོད་པ་བྱ་སྟེ། ་ཕྱོགས་གཅིག་ཏུ་འཁོད་ཅིང་ཆོས་བསྟན་པ་མཉན་ནས་སང་མགྲོན་དུ་གཉེར་ཏེ་རང་གི་ས་ནས་སོང་ངོ་།། དེ་རྣམས་བྱས་ནས་སང་སྦྱིན་པ་ཆེན་པོ་སྟ་གོན་བྱ་སྟེ་གྲོང་ཁྱེར་བརྒྱན། སྟོབས་བཅུ་པ ་བྱོན་པའི་ལམ་བརྒྱན་ཏེ་ཆུ་ཡིས་ས་གཞི་མི་མཉམ་པའི་གནས་རྣམས་སུ་ས་ཐུགས་ནས་ས་གཞི་མཉམ་པར་བྱས་སོ། ། དངུལ་གྱི་མདོག་ལྟ་བུའི་བྱེ་མས་སྤྲས་སོ།། མེ་ཏོག་གི་འཕྲེང་བ་ཉིད ་དང་། མེ་ཏོག་སིལ་མ་དགྲམ་པར་བྱས་སོ།། ཁ་དོག་སྣ་ཚོགས་པའི་གོས་ཀྱིས་རྒྱལ་མཚན་དང་། བ་དན་ལ་སོགས་པ་བསྒྲེང་བར་བྱས་སོ།། ཆུ་ཤིང་གི་ཤིང་དང་བུམ་པ་གང་བ་རྣམས ་བསྒྲིགས་ནས་བཞག་པར་བྱས་སོ། ། དེའི་ཚེ་བློ་གྲོས་བཟང་པོ་དཀའ་ཐུབ་པས་རང་གི་གནས་ནས་སྟེང་དུ་འཕགས་ཏེ། མི་དེ་རྣམས་ཀྱིས་སྟེང་གི་ཆའི་མཁའ་ལ་འགྲོ་བ་དེ་ལ་མི་རྣམས་དགའ ་ཞིང་ཚིམ་པས་མཐོང་སྟེ། ནམ་མཁའ་ནས་ས་ལ་ཕྱོགས་གཅིག་ཏུ་འཁོད་པ་ལ་མི་རྣམས་ཀྱིས་དྲིས་སོ།། བསོད་ནམས་དང་ལྡན་པ་རྣམས་ལམ་འདི་རྣམས་སུ་ཞིག་གིས་བརྒྱན་པར་བྱས།། ་དེདེའི་ཕྱིར་གསུངས་པ། ཡུལ་དང་ཕྱོགས་ཀྱི་མཐར་གནས་པའི།། དེ་བཞིན་གཤེགས་པ་མགྲོན་དུ་གཉེར།། དེ་ཉིད་བྱིན་ནས་ལམ་འདི་ནི།། སེམས་ནི་དགའ་བས་ལམ་ཕྱོགས་གཅིག ་བདག་ནི་དེ་ཚེ་དེ་ཡི་དུས། ། རང་གི་གནས་ནི་བྱེད་པ་དང་།། ཤིང་ཤུན་གོས་ནི་རླུང་གིས་གཡོ།། དེ་ཚེ་བདག་ནི་མཁའ་ལ་འགྲོ།། དགའ་དང་ཚིམ་དང་བདེ་བ་ཡིས།། སྐྱེ་བོ་ལམ་འཕྱག་བྱེད ་བ་མཐོང་། ། ནམ་མཁའ་ལས་ནི་བྱོན་ནས་སུ།། དེ་མ་ཐག་པར་མི་ལ་དྲིས།། དགའ་དང་ཚིམ་ལ་བདེ་བ་ཡི།། མཁས་ཤིང་རིག་པའི་སྐྱེ་བོ་ཆེ།། ལམ་ནི་སྡོམ་པར་བྱེད་པ་ན།། སུ་ཞིག ་ཕྱིར་དུ་ལམ་འདི་འཆོས། ། མི་རྣམས་ཀྱིས་སྨྲས་པ། བཙུན་པ་དཀའ་ཐུབ་པ་བློ་གྲོས་བཟང་པོ་ཉིད་ཀྱིས་མི་མཁྱེན་ནམ། སྟོབས་བཅུ་དང་ལྡན་པའི་མར་མེ་མཛད་ཀྱིས ་ཡང་དག་པར་རྫོགས་པའི་སངས་རྒྱས་ཐོབ་ནས། ཆོས་ཀྱི་འཁོར་ལོ་བསྐོར་རོ།། སེམས་ཅན་རྣམས་ལ་ཕན་པའི་དོན་དུ་འཆག་ཅིང་། བདག་ཅག་གི་གྲོང་ཁྱེར་དུ་བྱོན་ནས་བལྟ་ན་སྡུག་གི ་གཙུག་ལག་ཁང་ཆེན་པོར་བཞུགས་ལ་བདག་ཅག་གིས་བཅོམ་ལྡན་འདས་དེ་མགྲོན་དུ་གཉེར་ཏོ། ། དེའི་ཕྱིར་སངས་རྒྱས་བཅོམ་ལྡན་འདས་དེ་བྱོན་པའི་ལམ་བརྒྱན་པར་བྱའོ།། དཀའ་ཐུབ་པ་བློ། ་གྲོས་བཟང་པོས་བསམས་པ། སངས་རྒྱས་ཞེས་བྱ་བའི་སྒྲ་ཙམ་ཡང་འཇིག་རྟེན་དུ་རྙེད་པར་དཀའ་འོ།། དེ་ལྟར་སངས་རྒྱས་བྱོན་པ་ལ་བདག་མི་འདི་རྣམས་དང་བཅས་པས་སྟོབས་བཅུ་པའི ་ལམ་བརྒྱན་པར་བྱེད་པར་རིགས་སོ། ། དེས་མི་རྣམས་ལ་གསུངས་པ། གལ་ཏེ་ཁྱེད་རྣམས་ཀྱིས་ལམ་འདི་རྣམས་སངས་རྒྱས་ཀྱི་ཆེད་དུ་བརྒྱན་པར་གྱིས་ཤིག། བདག་ལ་ཡང་གནས ་གཅིག་སྦྱིན་པར་གྱིས་ཤིག། བདག་གིས་ཀྱང་ཁྱེད་རྣམས་དང་འགྲོགས་ནས་ལམ་བརྒྱན་པར་བྱའོ།། དེ་རྣམས་ཀྱིས་ལེགས་སོ་ཞེས་བསམས་ནས། དཀའ་ཐུབ་པ་བློ་གྲོས་བཟང་པོ་རྫུ ་འཕྲུལ་དང་ལྡན་པར་ཤེས་ནས་ཆུ་ཡིས་གནོད་པར་བྱས་པའི་གནས་ཕན་ཚུན་དུ་བསམས་ནས། དེ་ལ་གནས་བརྒྱན་པར་གྱིས་ཤིག་ཅེས་བྱིན་ནོ།། བློ་གྲེས་བཟང་པོ་སངས་རྒྱས་ལ་དགའ ་ནས་བསམས་སོ། ། བདག་གིས་གནས་འདིར་རྫུ་འཕྲུལ་གྱིས་བརྒྱན་པར་ནུས་སོ།། ཇི་ལྟར་བརྒྱན་པར་བྱས་ཀྱང་བདག་གི་ཡིད་ཚིམ་པ་མེད་དོ།། བདག་གིས་དེ་རིང་ལུས་རྔུབ་པར་བྱས་སོ།། ་ས་རྣམས་བླངས་ནས་གནས་དེར་ཐུག་གོ།། དེ་དེ་ཡི་ཕྱོགས་དེ་བརྒྱན་པ་མ་གྲུབ་པར་སྟོབས་བཅུ་ལྡན་པའི་མར་མེ་མཛད་ཐུབ་པ་ཆེན་པོ་དང་། མངོན་པར་ཤེས་པ་དྲུག་དང་ལྡན་པ། ཟག་པ ་ཟད་པ་འབུམ་ཕྲག་བཞིའི་འཁོར་དང་བཅས་པ་རྣམས་ལ་ལྷ་རྣམས་ཀྱིས་ལྷའི་དྲི་བཟང་དང་། མེ་ཏོག་གི་འཕྲེང་བ་ལ་སོགས་པས་མཆོད་པར་བྱེད་ཅིང་། ལྷའི་གླུ་དབྱངས་དང་བཅས་པ་སྒྲོགས ་སོ། ། མི་རྣམས་ཀྱིས་མིའི་དྲི་བཟང་དང་། མེ་ཏོག་གི་འཕྲེང་བ་ལ་སོགས་པས་མཆོད་པར་བྱེད་ཅིང་། མཐའ་ཡས་པའི་སངས་རྒྱས་ཀྱི་རོལ་པའི་རིམ་ནོ་ཤི་ལའི་སྟེང་དུ་སེང་གེ་སྒྲ་སྒྲོགས་པ ་བཞིན་དུ། དེའི་ལམ་བརྒྱན་པར་བྱས་ནས་ལམ་དུ་བྱོན། བློ་གྲོས་བཟང་པོ་དཀའ་ཐུབ་པས་མིག་གིས་བལྟས་ནས་ལམ་བརྒྱན་པ་ལ་སྟོབས་བཅུ་པ་བྱོན་ནོ།། སྐྱེས་བུ་ཆེན་པོའི་མཚན་བཟང ་པོ་སུམ་ཅུ་རྩ་གཉིས་ཀྱིས་བརྒྱན་པ། དཔེ་བྱད་བཟང་པོ་བརྒྱད་ཅུས་ཉེ་བར་གསལ་བ། འོད་འདོམ་གང་གིས་ཡོངས་སུ་བསྐོར་བ་དང་། ནོར་བུའི་ཁ་དོག་ལྟ་བུ་ནམ་མཁའི་མཐིལ་ལ་སྣ་ཚོགས ་པའི་རྣམ་པ་གློག་གི་འོད་ལྟ་བུ་དུས་དང་། དུས་མ་ཡིན་པར་འབྱུང་བ་ཉིད་ཟུང་དང་ཟུང་དུ་གྱུར་པ་དང་། ཁ་དོག་དྲུག་དང་ལྡན་པའི་ཚོགས་སངས་རྒྱས་ཀྱི་འོད་ཟེར་འཕྲོ་ཞིང་། གཟུགས་མཆོག ་ཐོབ་པའི་བདག་ཉིད་བལྟས་ནས་དེ་རིང་བདག་གིས་སྟོབས་བཅུ་པ་ལ་སྲོག་ཡོངས་སུ་གཏོང་བར་རིགས་སོ། ། བཅོམ་ལྡན་འདས་འཛེམ་པའི་སྟེང་དུ་འགྲོ་བར་མི་རིགས་སོ།། ་ནོར་བུའི་སྤང་ལེབ་ཀྱི་ཟམ་པ་ལ་ཞབས་གནོན་ཅིང་གཤེགས་པ་ལྟ་བུར་ཟག་པ་ཟད་པ་འབུམ་ཕྲག་བཞི་དང་ལྷན་ཅིག་བདག་གི་རྒྱབ་གནོན་ཅིང་གཤེགས་སུ་གསོལ། དེ་ནི་བདག་ལ་ཡུན་རིང ་བོར་ཕན་པ་དང་བདེ་བར་འགྱུར་རོ། ། སྐྲ་བཀྲོལ་ཏེ་གཟིག་གི་པགས་པ་དང་། ཤིང་ཤུན་གྱི་གོས་དང་། འཇིམ་པ་ནག་པོའི་སྟེང་ནོར་བུའི་སྤང་ལེབ་ཀྱི་ཟམ་པ་ལྟ་བུའི་འཇིམ་པའི་སྟེང་དུ་ཉལ ་ལོ། ། དེའི་ཕྱིར་གསུངས་པ། བདག་གིས་དེ་ལ་དྲི་ལུང་བསྟན།། འཇིག་རྟེན་འདས་པའི་སངས་རྒྱས་ནི།། རྒྱལ་བ་མར་མེ་མཛད་ཅེས་པ།། འཇིག་རྟེན་འདྲེན་པ་བྱོན་པ་ཡི།། མི་མཉམ ་ལམ་ནི་འཆོས་པ་དང་། ། དེ་ཡི་ལམ་ནི་བྱི་དོར་བྱེད།། སངས་རྒྱས་ཞེས་པ་བདག་གིས་ཐོས།། དེ་མ་ཐག་ཏུ་དགའ་བ་སྐྱེས།། སངས་རྒྱས་སངས་རྒྱས་ཞེས་བརྗོད་པ།། ཡིད་བདེ་དགའ་བ ་སྐྱེས་པར་གྱུར། ། ཚིམ་ཞིང་དགའ་བ་སྐྱེས་པའི་སེམས།། དེ་རུ་འཁོར་ཏེ་རྣམ་པར་བསམ།། འདིར་ནི་ས་བོན་བསྐྲུན་བྱས་ནས།། དེ་མ་ཐག་ཏུ་བདག་ལ་སྐྱེ།། གལ་ཏེ་སངས་རྒྱས་ཆེད ་བྱི་དོར། ། མ་བཅོས་གནས་གཅིག་བདག་ལ་བྱིན།། བདག་ཀྱང་བྱི་དོར་བྱེད་པ་ཡིན།། མི་མཉམ་པ་ནི་འཆོས་པའོ།། དེ་ཚེ་ལམ་ནི་བྱི་དོར་བྱ།། བདག་ལ་མི་བཅོས་གནས་གཅིག་བྱིན།། ་སངས་རྒྱས་སངས་རྒྱས་ཞེས་བསམ་ཞིང་།། དེ་ཚེ་བདག་ནི་ལམ་འདི་འཆོས།། བདག་གི་གནས་ནི་མ་གྲུབ་པར།། ཐུབ་པ་ཆེན་པོ་མར་མེ་མཛད།། མངོན་ཤེས་དྲུག་པོ་མཚུངས་ལྡན་པར། ་འབུམ་ཕྲག་བཞི་པོ་རྣམས་ལ་ནི།། དྲི་མ་མེད་ཅིང་ཟག་པ་ཟད།། རྒྱལ་བ་ལམ་དུ་བྱོན་པར་གྱུར།། བསུ་བ་བྱེད་པ་པོ་རྣམས་ནི།། རོལ་མོ་རྣམས་ནི་དཀྲོལ་བ་དང་།། ལྷ་དང་མི་རྣམས་ཡི། ་རང་བྱེད།། ལེགས་སོ་ཞེས་པའི་ཚིག་བྱིན་ནོ།། ལྷ་ཡིས་མི་རྣམས་མཐོང་བ་དང་།། མི་རྣམས་ཀྱིས་ཀྱང་ལྷ་རྣམས་མཐོང་།། དེ་གཉིས་ཀྱི་ནི་ཐལ་མོ་སྦྱོར།། དེ་བཞིན་གཤེགས་དང ་། ཐབས་ཅིག་འགྲོ།། ལྷ་དང་ལྷ་ཡི་རོལ་མོ་དང་།། མི་དང་མི་ཡི་རོལ་མོ་དང་།། གཉིས་ཀ་ཡང་ནི་རོལ་མོ་དཀྲོལ།། དེ་བཞིན་གཤེགས་དང་ཐབས་ཅིག་འགྲོ།། ལྷ་མི་མེ་ཏོག་མནྡ་ར།། ་། པདྨ་པ་རི་ཚད་ཏྲ་ཀ། ཕྱོགས་དང་མཚམས་སུ་མེ་ཏོག་འཐོར།། ལྷ་རྣམས་མཁའ་ལ་གནས་ནས་སོ།། ཙམ་པ་ཀཾ་ཤཱ་ལ་ལཾ་ནི་བཾ། ནཱ་གཱ་པུནྡྷ་གཱ་ཀེ་ཏ་ཀཾ། སྟེང་གི་ཕྱོགས་དང་མཚམས་སུ ་འཐོར། ། ས་སྟེང་འགྲོ་བ་མི་རྣམས་སོ།། དེར་ནི་བདག་གི་སྐྲ་བཀྲོལ་ནས།། ཤིང་ཤུན་ཆོས་གོས་གཟིག་ལྤགས་ནི།། འཇིམ་པའི་སྟེང་དུ་བཏིང་ནས་ནི།། ཁ་བུབ་ཏུ་ནི་བདག་གིས་ཉལ།། ་འཇིམ་པའི་སྟེང་ནས་མི་གཤེགས་པར།། བདག་ནི་གནོན་ཅིང་སངས་རྒྱས་རྣམས།། སློབ་མ་འཁོར་བཅས་གཤེགས་སུ་གསོལ།། བདག་ལ་ཕན་པར་འགྱུར་བ་ཡིན།། དེ་འཇིམ་པའི ་སྟེང་དུ་ཉལ་ནས་སླར་ཡང་མིག་གིས་བལྟ་ཞིང་སྟོབས་བཅུ་དང་ལྡན་པའི་མར་མེ་མཛད་སངས་རྒྱས་ཀྱི་འབྱོར་པ་ཡང་དག་པར་བལྟས་ནས་དེ་ལྟར་བསམས་སོ། ། གལ། ་ཏེ་བདག་གི་ཉོན་མོངས་པ་ཐམས་ཅད་གཞོམ་པར་འདོད་པ་དང་། དགེ་འདུན་རྣམས་ཀྱི་གཞོན་ནུར་འགྱུར་བར་བྱ་བ་དང་། དགའ་བ་ཅན་གྱི་གྲོང་ཁྱེར་དུ་འཇུག་པར་འདོད་དོ།། གཞན ་གྱི་ཆ་ལུགས་ཀྱིས་ཀྱང་ཉོན་མོངས་པ་འདི་གཞོམ་པར་བྱས་ནས་མྱ་ངན་ལས་འདས་པ་ཐོབ་པ་ལ་དོན་མེད་དོ། ། སྟོབས་བཅུ་དང་ལྡན་པའི་མར་མེ་མཛད་བདག་གིས་ཇི་ལྟ་བ་བཞིན་དུ་བྱའོ།། ་མཆོག་གི་བྱང་ཆུབ་ཐོབ་ནས་སྐྱེ་བོ་མང་པོ་འཁོར་བའི་རྒྱ་མཚོ་ལ་གྲུར་ཞུགས་ནས་ཕ་རོལ་ཏུ་བསྒྲལ་བར་བྱས་ནས། ཕྱིས་མྱ་ངན་ལས་འདས་པ་ཐོབ་པར་བྱ་བ་འདི་ནི་བདག་གིས་རིགས ་པའོ། ། དེ་ནས་ཆོས་བརྒྱད་པོ་གཅིག་ཏུ་བསྡུ་སྟེ་སངས་རྒྱས་འདོད་པར་སྨོན་པས་སེམས་ལ་ལྟ་ཞིང་ཉལ་ལོ།། དེའི་ཕྱིར་གསུངས་པ། ས་གཞི་ལ་ནི་ཉལ་ནས་ནི།། བདག ་གིས་དེ་ལྟར་བསམས་པ་ན། ། བདག་ནི་དེ་རིང་འདོད་པ་ཡི།། བདག་གི་ཉོན་མོངས་གཞོམ་པའོ།། བདག་ནི་ཆ་ལུགས་གཞན་གྱིས་ཀྱང་།། འདིར་ནི་ཆོས་འདི་མངོན་དུ་བྱ།། ཐམས་ཅད ་མཁྱེན་པ་ཐོབ་གྱུར་ནས། ། ལྷ་དང་བཅས་པ་སངས་རྒྱས་འགྱུར།། བདག་ཉིད་གཅིག་པུ་གྲོལ་ནས་ཅི།། སྐྱེས་བུ་མཐུ་ལྡན་མཐོང་བ་དང་།། ཐམས་ཅད་མཁྱེན་པ་ཐོབ་གྱུར་ནས།། ལྷ་དང་མི་རྣམ ་ཡང་དག་བསྒྲལ། ། བདག་གི་འདི་ཡི་གཞི་ཡིས་ནི།། མཐུ་དང་ལྡན་པ་མཐོང་བ་དང་།། ཐམས་ཅད་མཁྱེན་པ་ཐོབ་ནས་ནི།། སྐྱེ་བོ་མང་པོ་བདག་གིས་བསྒྲལ།། འཁོར་བའི་མདུད་པ་བཅད་ནས ་ནི། ། སྲིད་གསུམ་པོ་ནི་ཟད་བྱས་ལ།། ཆོས་ཀྱི་གྲུ་ཡི་ནང་ཞུགས་ནས།། ལྷ་དང་མི་རྣམས་ཡང་དག་བསྒྲལ།། གང་ཞིག་སླར་ཡང་སངས་རྒྱས་དོན་དུ་གཉེར་བའི་ཕྱིར་རོ།། མི་ཡི་ལུས་ནི་མཚན ་མར་ལྡན། ། སྟོན་པའི་ལྟ་བའི་རྒྱུ་དང་ནི།། རབ་བྱུང་ཡོན་ཏན་ལྡན་པ་དང་།། རིགས་པ་དང་ནི་འདུན་པ་དང་།། ཆོས་བརྒྱད་པོ་ནི་བསྡུས་ནས་སུ།། སྨོན་ལམ་མངོན་པར་འཕེལ་བའོ།། མི་ཡི་ལུས ་ལ་གནས་ཤིང་སངས་རྒྱས་ཉིད་དོན་དུ་གཉེར་བ་ཕུན་སུམ་ཚོགས་པ་འགྲུབ་བོ། ། ཀླུ་འམ། ནམ་མཁའ་ལྡིང་ངམ། ལྷ་རྣམས་ཀྱིས་དེ་དོན་དུ་གཉེར་ཡང་མི་འགྲུབ་བོ།། མི་ཡི་ལུས་སུ་གྱུར་ཅིང ་སྐྱེས་བུའི་མཚན་གནས་པས་ནི་དེ་དོན་དུ་གཉེར་བ་འགྲུབ་བོ། ། བུད་མེད་དམ། ཟ་མ་འམ། མ་ནིང་ངམ། མཚན་གཉི་པས་ནི་འགྲུབ་པ་མ་ཡིན་ནོ།། སྐྱེས་བུར་གྱུར་ནས་དེའི་ལུས་སུ་འདོད་པ་དང ་དགྲ་བཅོམ་པ་ཐོབ་པར་བྱ་བའི་ཕྱིར་དུ་ཡོངས་སུ་རྫོགས་པར་འགྲུབ་བོ། ། གཞན་གྱིས་ནི་མ་ཡིན་ནོ།། རྒྱུ་དང་ལྡན་ཞིང་གལ་ཏེ་འཚོ་བ་དང་ལྡན་པའི་སངས་རྒྱས་ཀྱི་དྲུང་དུ་དོན་དུ་གཉེར་ན་དོན་འགྲུབ་བོ།། ་སངས་རྒྱས་ཡོངས་སུ་མྱ་ངན་ལས་འདས་ནས་མཆོད་རྟེན་གྱི་དྲུང་དུ་འམ། བྱང་ཆུབ་ཤིང་གི་དྲུང་དུ་དོན་དུ་གཉེར་བས་ནི་མི་འགྲུབ་བོ།། སངས་རྒྱས་ཀྱི་དྲུང་དུ་དོན་དུ་གཉེར་ཀྱང་རབ་ཏུ་བྱུང་བའི་མཚན་མ་དང་ལྡན ་པས་འགྲུབ་ཀྱི། ཁྱིམ་པའི་མཚན་མ་དང་ལྡན་པས་ནི་མ་ཡིན་ནོ།། རབ་ཏུ་བྱུང་ཡང་མངོན་པར་ཤེས་པ་ལྔ་དང་། སྙོམས་པར་འཇུག་པ་བརྒྱད་ཐོབ་པས་འདོད་པ་འགྲུབ་ཀྱི ་ཡོན་ཏན་འདི་རྣམས་དང་བྲལ་བས་ནི་མ་ཡིན་ནོ། ། ཡོན་ཏན་དང་ལྡན་ཡང་གང་ཞིག་འཚོ་བ་དང་ལྡན་པའི་ལུས་སངས་རྒྱས་ལ་ཡོངས་སུ་བཏང་ན་འགྲུབ་ཀྱི། གཞན་དུ་ནི་མ་ཡིན་ནོ།། དེ་ཡི་གཞི་འདིས ་གཞི་ཡོངས་སུ་རྫོགས་ནས་འགྲུབ་བོ། ། གཞན་གྱིས་ནི་མ་ཡིན་ནོ།། གཞི་དང་ལྡན་ཡང་གང་ཞིག་སངས་རྒྱས་ཀྱི་ཆོས་ཀྱི་ཕྱིར་དུ་འདུན་པ་ཆེན་པོ་དང་། སྤྲོ་བ་ཆེན་པོ་དང་། རྩོལ་བ་ཆེན་པོ་དང་། ཡོངས ་སུ་འབད་པ་རྣམས་ཀྱིས་འགྲུབ་བོ། ། གཞན་གྱིས་ནི་མ་ཡིན་ནོ།། དེ་ལ་འདིར་འདུན་པ་ཆེན་པོའི་དཔེ་ནི། གལ་ཏེ་འདི་ལྟར་གང་ཞིག་འཇིག་རྟེན་ཐམས་ཅད་ཀྱི་ཁོར་ཡུག་གི་ནང་ཆུ་ཡིས་གང་བར་གྱུར་པ ་ལ་བདག་གིས་ལག་པས་རྐྱལ་ཏེ་ཕ་རོལ་དུ་འགྲོ་བར་ནུས་ན་དེས་སངས་རྒྱས་ཐོབ་པར་འགྱུར་རོ། ། ཡང་ན་གང་དུ་གང་ཞིག་སླར་ཡང་ཐམས་ཅད་ཀྱི་ཁོར་ཡུག་གི་ནང་དུ་འོད་མ་མང་པོས་བཀང་སྟེ། རྐང ་པས་ཉེད་ཅིང་རྡུལ་དུ་བྱེད་པས་ཕ་རོལ་དུ་འགྲོ་བར་ནུས་ན་དེ་ཡིས་སངས་རྒྱས་ཐོབ་པར་ནུས་སོ། ། ཡང་ན་གང་ཞིག་སླར་ཡང་ཐམས་ཅད་ཀྱི་ཁོར་ཡུག་གི་ནང་དུ་མཚོན་ཆ་རྣམས་ལ་གྱེན་ལ་བསྟན་པའི་མཚོན ་རྩེ་མོ་བར་མེད་པས་ཡོངས་སུ་གང་བ་ལ། རྐང་པས་བརྫི་ཞིང་ཕ་རོལ་དུ་འགྲོ་བར་ནུས་ན་དེས་སངས་རྒྱས་ཐོབ་པར་འགྱུར་རོ།། ཡང་ན་གང་ཞིག་གིས་སླར་ཡང་འཇིག་རྟེན་ཁོར་ཡུག་གི་ནང་དུ་སོལ་བའབར ་བས་ཡོངས་སུ་གང་བར་བྱས་ནས། རྐང་པས་བརྫི་ཞིང་ཕ་རོལ་དུ་འགྲོ་བར་ནུས་ན་དེ་ཡིས་སངས་རྒྱས་ཐོབ་པར་འགྱུར་རོ།། གང་ཞིག་དེ་རྣམས་ལས་གང་ཞིག་ལ་སྡུག་བསྔལ་བར་མི་སེམས་པར་བདག་གིས་འདི ་རྣམས་ཀྱང་ཕ་རོལ་ཏུ་བསྒྲལ་བའམ། འགྲོ་བ་འམ། ཕ་རོལ་ཏུ་འགྲོ་བར་བྱའོ་ཞེས་ཤེས་སོ།། དེ་དེ་ལྟར་འདུན་པ་ཆེན་པོ་དང་། སྤྲོ་བ་དང་། རྩོལ་བ་དང་། འབད་པ་རྣམས་དང་ཡང་དག་པར་ལྡན་ན་དེ་ཡི་དོན ་དུ་གཉེར་བ་འགྲུབ་བོ། ། གཞན་གྱིས་ནི་མ་ཡིན་ནོ།། བློ་གྲོས་བཟང་པོ་དཀའ་ཐུབ་པ་སླར་ཡང་ཆོས་བརྒྱད་པོ་འདི་རྣམས་བསྡུས་ནས་སངས་རྒྱས་འདོད་པའི་སྨོན་ལམ་བཏབ་ནས་ཉལ་ལོ།། ་བཅོམ་ལྡན་འདས་མར་མེ་མཛད་ཀྱིས་ཀྱང་བྱོན་ནས་བློ་གྲོས་བཟང་པོ་དཀའ་ཐུབ་པའི་མགོའི་གམ་དུ་བཞུགས་ཏེ། ནོར་བུ་སེང་གེའི་ཁང་པའི་གཟེབ་ཀྱི་སྒོར་བཏོན་པ་བཞིན་དུ་ཁ་དོག་ལྔ་པ་རབ་ཏུ་དངས ་པ་དང་ལྡན་པའི་སྤྱན་གྱིས་གཟིགས་ནས་འཇིམ་པའི་སྟེང་ན་ཉལ་བའི་བློ་གྲོས་བཟང་པོ་དཀའ་ཐུབ་པ་གཟིགས་སོ། ། དཀའ་ཐུབ་པ་འདི་སངས་རྒྱས་ཐོབ་པའི་ཕྱིར་དུ་སྨོན་ལམ་འདེབས་ཤིང་ཉལ་ལོ།། འདི་ཡི ་དོན་དུ་གཉེར་བ་འགྲུབ་བམ་མི་འགྲུབ་སྙམ་དུ་དགོངས་ནས་མ་འོངས་པའི་ཡེ་ཤེས་ཀྱིས་རྟོག་ཅིང་དཔྱོད་དོ། ། འདི་ནས་བསྐལ་པ་གྲངས་མེད་པ་བཞི་དང་། འབུམ་ཕྲག་གཅིག་ལྷག་འདས་ནས་གོའུ་ཏ་མ་ཞེས་བྱ ་པའི་སངས་རྒྱས་སུ་འགྱུར་ཞེས་རྟོགས་ནས་འཁོར་གྱི་ནང་དུ་ལུང་སྟོན་པས་བཀའ་སྩལ་པ། མཆོག་གི་དཀའ་ཐུབ་པ་འདི་འཇིམ་པའི་སྟེང་ན་ཉལ་བ་ཁྱེད་རྣམས་ཀྱིས་མཐོང་ངམ། གསོལ་པ། བཙུན་པ་དེ ་བཞིན་དུ་མཐོང་ངོ་། ། བཀའ་སྩལ་པ། འདིས་སངས་རྒྱས་ཐོབ་པར་བསམས་ནས་ཉལ་ཏོ།། གསོལ་པ། འདིའི་དོན་དུ་གཉེར་བ་འགྲུབ་པར་འགྱུར་ལགས་སམ། བཀའ་སྩལ་པ ་འདི་ནས་བསྐལ་པ་གྲངས་མེད་པ་བཞི་དང་། འབུམ་ཕྲག་གཅིག་ལྷག་འདས་ནས་གོའུ་ཏ་མ་ཞེས་བྱ་བའི་སངས་རྒྱས་སུ་འགྱུར་རོ།། དེ་ལ་སླར་ཡང་འདི་གྲོང་ཁྱེར་སེར་སྐྱའི་གནས་སུ་འཁྲུངས་པར་འགྱུར་རོ།། ་ལྷ་མོ་སྒྱུ་འཕྲུལ་མ་ཆེན་མོ་ཞེས་བྱ་བ་ནི་ཡུམ་མོ།། རྒྱལ་པོ་ཟས་གཙང་མ་ཞེས་བྱ་བ་ནི་ཡབ་བོ།། ཉན་ཐོས་ཀྱི་མཆོག་ནི་གནས་བརྟན་ཉེ་རྒྱལ་དང་། ཉན་ཐོས་གཉིས་པ་ནི་གནས་བརྟན་པང་ནས་སྐྱེས་སོ།། ་སངས་རྒྱས་ཀྱི་ཉེ་གནས་ནི་ཀུན་དགའ་བོ་ཞེས་བྱ་བའོ།། ཉན་ཐོས་མའི་མཆོག་ནི་གནས་བརྟན་མ་དགེ་མ་ཞེས་པ་དང་། ཉན་ཐོས་མ་གཉིས་པ་ནི་གནས་བརྟན་མ་ཨུཏྤ་ལའི་མདོག་ཅན་ཞེས་བྱ་བར་འགྱུར། ་རོ།། ཡེ་ཤེས་ཡོངས་སུ་སྨིན་པར་གྱུར་ཏེ། ངེས་པར་འབྱུང་བ་ཆེན་པོ་བྱས་ནས་དཀའ་ཐུབ་ཆེན་པོ་རྫོགས་པར་བྱ་ཏེ་ནྱ་གྲོ་དྷའི་ཤིང་དྲུང་ངུའོ་ཐུག་བླངས་ནས་ཆུ་ཀླུང་ནེ་ར་ཛ་རའི་འགྲམ་དུ་གསོལ་ལོ།། བྱང་ཆུབ ་ཀྱི་སྙིང་པོར་གཤེགས་ཏེ། ཨ་ཤྭདྡྷའི་ཤིང་དྲུང་དུ་མངོན་པར་རྫོགས་པར་འཚང་རྒྱ་བར་འགྱུར་རོ།། དེའི་ཕྱིར་གསུངས་པ། མར་མེ་མཛད་པ་འཇིག་རྟེན་མཁྱེན།། སེམས་ཅན་ཕན་ཕྱིར་འཇིག་རྟེན་བྱུང་།། ་བདག་གི་མགོ་བོའི་གམ་འདུག་སྟེ།། འདི་ལྟ་བུ་ཡི་ཚིག་གསུངས་སོ།། དཀའ་ཐུབ་པ་འདི་ལྟོས་ཤིག་དང་།། དཀའ་བ་མཆོག་གི་རལ་པ་འཛིན།། འདི་ནི་བསྐལ་པ་མང་འདས་ནས།། འཇིག་རྟེན་དུ་ནི ་སངས་རྒྱས་འགྱུར། ། སེར་སྐྱ་དགའ་བའི་གྲོང་དུ་འཁྲུངས།། དེ་བཞིན་གཤེགས་པ་ངེས་པར་བྱུང་།། དཀའ་ཐུབ་གནས་སུ་གནས་ནས་ནི།། ཤིན་ཏུ་དཀའ་བའི་དཀའ་ཐུབ་སྤྱད།། ཨ་ཙ་པ་ལའི ་ཤིང་དྲུང་དུ། ། དེ་བཞིན་གཤེགས་པ་བཞུགས་ནས་སུ།། དེར་ནི་འོ་ཐུག་བླངས་ནས་ནི།། ནཻ་ར་ཛ་རའི་འགྲམ་གནས་ནས།། ནེ་ར་ཛ་རའི་འགྲམ་དུ་ནི།། འོ་ཐུག་རྒྱལ་བས་ལོངས་སྤྱོད་དོ།། ལམ་གྱི་མཆོག ་གི་ཆེད་དུ་ནི། ། བྱང་ཆུབ་གཞིར་ནི་བྱོན་འགྱུར་རོ།། བླ་མེད་བྱང་ཆུབ་སྙིང་པོ་ལ།། དེ་ནས་བསྐོར་བ་བྱས་ནས་ནི།། ཨ་ཤྭདྡྷ་ཡི་དྲུང་དུ་ནི།། གྲགས་ཆེན་ཞེས་པ་སངས་རྒྱས་འགྱུར།། འདི་ཡི་སྐྱེ་བའི་ཡུམ ་གྱུར་པ། ། སྒྱུ་མ་ཞེས་པར་འགྱུར་བ་ཡིན།། ཡབ་ནི་ཟས་གཙང་ཞེས་བྱའོ།། འདི་ནི་གོའུ་ཏ་མ་ཞེས་པར་འགྱུར།། ཟག་པ་ཟད་ཅིང་འདོད་ཆགས་བྲལ།། ཞི་བའི་སེམས་དང་མཚུངས་པར་ལྡན།། ་པང་ནས་སྐྱེས་དང་ཉེ་རྒྱལ་ནི།། ཉན་ཐོས་རྣམས་ཀྱི་མཆོག་ཡིན་ནོ།། ཞེ་གནས་ཀུན་དགའ་བོ་ཞེས་པས།། རྒྱལ་བ་དེ་ལ་ཞབས་ཏོག་བྱེད།། དག་མ་དང་ནི་ཨུཏྤལ་མདོག། ཉན་ཐོས་མ་ཡི་མཆོག ་ཡིན་ནོ། ། ཟག་པ་མེད་ཅིང་འདོད་ཆགས་བྲལ།། ཞི་བའི་སེམས་དང་མཚུངས་པར་ལྡན།། དེ་ཡི་བཅོམ་ལྡན་བྱང་ཆུབ་ཤིང་།། ཨ་ཤྭ་དྠ་ཞེས་བརྗོད་པའོ།། དེ་ཐོས་ནས་བློ་གྲོས་བཟང་པོ་དཀའ ་ཐུབ་པ་བདག་གིས་དོན་དུ་གཉེར་བ་འགྲུབ་པར་འགྱུར་བས་ཡིད་བདེ་བ་ཐོབ་པར་གྱུར་ཏོ། ། སྐྱེ་བོ་མང་པོས་སྟོབས་བཅུ་དང་ལྡན་པའི་མར་མེ་མཛད་ཀྱི་གསུང་ཐོས་ནས། བློ་གྲོས་བཟང་པོ་དཀའ་ཐུབ་པ་སངས ་རྒྱས་ཀྱི་ས་བོན་གྱི་མྱུ་གུར་གྱུར་པས་དགའ་བ་དང་བདེ་བ་སྐྱེས་སོ། ། དེ་ལྟ་བུར་གྱུར་པའི་སེམས་ཀྱིས། ཇི་ལྟར་སྐྱེས་བུ་ཆུ་ཀླུང་གི་ཕ་རོལ་དུ་འགྲོ་བ་ན་མུ་འགྲམ་དྲང་པོ་ནས་ཕ་རོལ་དུ་འགྲོ་བར ་མི་ནུས་ན་འོག་གི་ཆའི་མུ་གནས་ནས་ཕ་རོལ་ཏུ་འགྲོའོ། ། དེ་ལྟར་འདི་ལྟར་བདག་གིས་སྟོབས་བཅུ་དང་ལྡན་པའི་མར་མེ་མཛད་ཀྱི་བསྟན་པ་ལ་ལམ་གྱི་འབྲས་བུ་མ་ཐོབ་པར་གྱུར་ན་གང་གི་ཚེ་ཁྱོད་མ་འོངས་པ་ན ་སངས་རྒྱས་པར་འགྱུར་རོ་ཞེས་སོ། ། དེའི་ཚེ་ཁྱོད་ཀྱིས་མངོན་སུམ་དུ་ལམ་འབྲས་བུ་མངོན་དུ་བྱེད་པ་བདག་གིས་ནུས་སོ།། དོན་དུ་གཉེར་བར་བྱས་ནས་སྟོབས་བཅུ་དང་ལྡན་པའི་མར་མེ་མཛད་ཀྱིས་ཀྱང་བྱང ་ཆུབ་སེམས་དཔའི་བསྔགས་པ་བརྗོད་ཅིང་མེ་ཏོག་སྙིམ་པ་བརྒྱད་ཀྱིས་གཏོར་ནས་བསྐོར་བ་བྱས་ཏེ་གཤེགས་སོ། ། འབུམ་ཕྲག་བཞི་པོ་ཟག་པ་ཟད་པ་དེ་རྣམས་ཀྱིས་ཀྱང་བྱང་ཆུབ་སེམས་དཔའ་ལ་དྲི་བཟང ་དང་། མེ་ཏོག་གིས་མཆོད་ནས་བསྐོར་བ་བྱས་ཏེ་གཤེ་སོ།། ལྷ་དང་མ་རྣམས་ཀྱིས་ཀྱང་དེ་བཞིན་དུ་མཆོད་ནས་ཕྱག་བཙལ་ཏེ་སོང་ངོ་།། བྱང་ཆུབ་སེམས་དཔས་ཐམས་ཅད་སོང་བའི་དུས་སུ ་ཉལ་བའི་གནས་ནས་ལངས་ཏེ་ཕ་རོལ་ཏུ་ཕྱིན་པ་བསམས་པའི་ཕྱིར་མེ་ཏོག་གི་ཕུང་པོའི་སྟེང་དུ་སྐྱིལ་ཀྲུང་བཅས་ནས་འདུག་གོ། དེ་ལྟར་བྱང་ཆུབ་སེམས་དཔའ་བཞུགས་ནས་འཇིག་རྟེན་གྱི་ཁམས་སྟོང་ཕྲག་བཅུའི ་ཁོར་ཡུག་གི་ལྷ་རྣམ་ཀྱིས་ལེག་སོ་ཞེས་བྱ་བ་བྱིན་ནོ། ། འཕགས་པ་བློ་གྲོས་བཟང་པོ་དཀར་ཐུབ་པ་སྔར་གྱི་བྱང་ཆུབ་སེམས་དཔའ་རྣམས་ཀྱིས་ཀྱང་སྐྱིལ་ཀྲུང་བཅས་ཏེ། ཕ་རོལ་ཏུ་ཕྱིན་པ་སེམས་ཤིང་སྔོན་གྱི་དུས ་ན་བཞུགས་བཞིན་དུ་སྡུག་བསྔལ་གྱི་མཚན་མ་མཐོང་ནས། དེ་རྣམས་ཀྱི་མཚན་མ་རྣམས་ཀྱང་དི་རིང་སྐྱེས་པར་གྱུར་ཏོ།། ཐེ་ཚོམ་མེད་པར་ཁྱོད་སངས་རྒྱས་སུ་འགྱུར་རོ་ཞེས་བདག་གིས་དེ་རྣམས་ཤེས་སོ།། གང ་གིས་འདི་རྣམས་ཀྱི་མཚན་མ་མཐོང་བར་གྱུར་པས་དེ་ངེས་པར་སངས་རྒྱས་སུ་འགྱུར་རོ། ། དེ་ལ་ཁྱོད་བདག་ཉིད་བརྩོན་འགྲུས་བརྟན་པོ་མཆོག་བཟུང་ནས། བྱང་ཆུབ་སེམས་དཔའ་རྣམས་ལ་སྣ་ཚོགས་པའི ་བསྟོད་པ་བྱས་སོ། ། དེའི་ཕྱིར་གསུངས་པ། འདི་ཡི་ཚིག་ནི་ཐོས་ནས་ནི།། མཚུངས་མེད་དྲང་སྲོང་ཆེན་པོ་ལ།། ལྷ་དང་མི་རྣམས་རྗེས་ཡི་རང་།། སངས་རྒྱས་ས་བོན་མྱུ་གུ་འདི།། སྒྲ་ནི་ཆེན་པོ ་སྒྲོགས་བྱེད་ཅིང་། ། གསལ་བར་བཞད་པར་བྱེད་པ་དང་།། ཐལ་མོ་སྦྱར་ནས་ཕྱག་བྱེད་པ།། སྟོང་ཕྲག་བཅུ་ཡི་ལྷ་དང་བཅས།། བསྟན་པ་འདི་ལ་འབྲས་མ་ཐོབ།། གལ་ཏེ་འཇིག་རྟེན་མགོན་པོ་འདི།། ་མ་འོངས་པ་རྣམས་འདས་གྱུར་ནས།། འདི་ནི་སྔོན་དུ་འགྱུར་བའོ།། ཇི་ལྟར་ཆུ་ཀླུང་ཕ་རོལ་མི།། འགྲོ་བ་པོ་ཡི་མུ་གནས་ལ།། འོག་གི་མུ་ནས་བཟུང་ནས་ནི།། ཆུ་ཀླུང་ཆེན་པོའི་ཕ་རོལ་འགྲོ།། དེ་ལྟར་འདི ་ལྟར་བདག་གིས་ནི། ། རྒྱལ་བ་འདི་ནི་གལ་ཏེ་ན།། མ་འོངས་པ་ནི་མང་སོང་ནས།། འདི་ནི་མངོན་སུམ་གྱུར་པ་ཡིན།། མར་མེ་མཛད་ནི་འཇིག་རྟེན་མཁྱེན།། འདི་ལྟར་འགྱུར་ཞེས་གསུངས་པ་ཡིན།། ། ་བདག་གིས་ལས་རྣམས་བསལ་བྱས་ནས།། རྐང་པ་གཡས་པ་བཏེག་བྱས་སོ།། གང་ཞིག་དེ་ལ་རྒྱལ་སྲས་ནི།། བདག་ལ་ཀུན་གྱིས་བསྐོར་བ་བྱས།། མི་དང་ཀླུ་དང་དྲི་ཟ་རྣམས།། ཕྱག་བྱས་ནས་ནི ་གཤེགས་པར་གྱུར། ། དགེ་འདུན་བཅས་པ་འཇིག་རྟེན་འདྲེན།། བདག་གིས་གཤེགས་པ་མཐོང་བ་ན།། དགའ་ཞིང་ཚིམ་པའི་སེམས་ཀྱིས་ནི།། དེ་ཚེ་བདག་གིས་སྟན ་ལས་ལངས། ། བདག་ནི་བདེ་ཞིང་བདེ་བར་འགྱུར།། དགའ་ཞིང་དགའ་བར་གྱུར་པ་སྟེ།། དགའ་དང་ལྡན་པར་སྐྱེ་བ་དང་།། དེ་ཡི་ཚེ་ན་སྐྱིལ་ཀྲུང་བཅས།། སྐྱིལ་ཀྲུང་ལ་ནི་གནས་ནས་སུ།། དེ་ལ་བདག་གིས་འདི། ་ལྟར་བསམས།། བདག་གི་བསམ་གཏན་དབང་དུ་གྱུར།། ཡེ་ཤེས་ཀྱི་ནི་ཕ་རོལ་ཕྱིན།། སྟོང་ཕྲག་གི་ནི་འཇིག་རྟེན་ན།། ང་དང་མཚུངས་པའི་དྲང་སྲོང་མེད།། རྫུ་འཕྲུལ་ཆོས་ནི་བདག་མི་མཚུངས།། འདི་འདྲ་ཅི ་བདེ་གཞན་མ་ཐོབ། ། བདག་གིས་སྐྱིལ་ཀྲུང་བཅས་ན་བདག། སྟོང་ཕྲག་བཅུ་ལྷག་གནས་ནས་སུ།། སྒྲ་ཆེན་པོ་ནི་སྒྲོགས་པར་བྱེད།། ངེས་པར་ཁྱོད་ནི་སངས་རྒྱས་འགྱུར།། གང་ཞིག་བྱང་ཆུབ་ས་སྔོན་མ་རྣམས།། ་སྐྱིལ་ཀྲུང་དུ་ནི་བཞུགས་ནས་སུ།། མཚན་མ་རྣམས་ནི་མཐོང་བ་ནི།། དེ་རྣམས་དེ་རིང་མཐོང་བ་ཡིན།། གྲང་བ་རྣམས་ནི་མེད་པར་གྱུར།། དྲོ་བ་རྣམས་ནི་ཉེ་བར་ཞི།། དེ་རྣམས་དེ་རིང་སོ་སོར་མཐོང་།། ངེས་པར ་ཁྱོད་ནི་སངས་རྒྱས་འགྱུར། ། སྟོང་ཕྲག་བཅུ་ཡི་འཇིག་རྟེན་ཁམས།། ཕན་ཚུན་དུ་ནི་འཇིགས་མེད་གྱུར།། དེ་རྣམས་དེ་རིང་སོ་སོར་མཐོང་།། ངེས་པར་ཁྱོད་ནི་སངས་རྒྱས་འགྱུར།། རླུང་ཆེན་པོ་ནི་མི་ལྡང་ཞིང་།། ་ཆུ་རྣམས་རྒྱུན་ལས་ལོག་པ་དང་།། དེ་རྣམས་དེ་རིང་སོ་སོར་མཐོང་།། ངེས་པར་ཁྱོད་ནི་སངས་རྒྱས་འགྱུར།། ཟང་སྐྱེས་ཆུ་སྐྱེས་མེ་ཏོག་རྣམས།། ཐམས་ཅད་དུ་ནི་མེ་ཏོག་བྱེད།། དེ་རྣམས་དེ་རིང་མེ་ཏོག ་བྱས། ། ངེས་པར་ཁྱོད་ནི་སངས་རྒྱས་འགྱུར།། འཁྲི་ཤིང་ཡང་ན་ཤིང་གྱུར་པ།། དེ་མ་ཐག་ཏུ་འབྲས་བུར་གྱུར།། དེ་རྣམས་དེ་ཀུན་འབྲས་གྱུར་པས།། ངེས་པར་ཁྱོད་ནི་སངས་རྒྱས་འགྱུར།། ནམ།། ་མཁའ་དང་ནི་ས་གཞི་ལ།། རིན་ཆེན་དེ་དག་འོད་འགྱེད་དོ།། དེ་རྣམས་དེ་རིང་འོད་འགྱེད་པས།། ངེས་པར་ཁྱོད་ནི་སངས་རྒྱས་འགྲོ།། ལྷ་རྣམས་དང་ནི་མི་རྣམས་ནི།། དེ་དག་རོལ་མོའི་སྒྲ་སྒྲོགས་སོ།། ། ་དེ་རྣམས་དེ་རིང་སྒྲ་འབྱིན་པས།། ཁྱོད་ནི་ངེས་པར་སངས་རྒྱས་འགྱུར།། མེ་ཏོག་སྣ་ཚོགས་པ་ཡི་ཚོགས།། དེ་མ་ཐག་ཏུ་ཆར་པ་འབེབས།། དེ་རྣམས་དེ་རིང་ཆར་འབེབས་པས།། ངེས་པར་ཁྱོད་ནི ་སངས་རྒྱས་འགྱུར། ། རྒྱ་མཚོ་ཆེན་པོ་མི་གཡོ་ཞིང་།། འཇིག་རྟེན་སྟོང་ཕྲག་བཅུ་པོ་གཡོ།། དེ་རྣམས་དེ་རིང་གྱུར་པས་ན།། ངེས་པར་ཁྱོད་ནི་སངས་རྒྱས་འགྱུར།། སྟོང་ཕྲག་བཅུ་ཡི་དམྱལ་བ་རྣམས།། དེ་མ ་ཐག་ཏུ་བསྲེག་དང་བྲལ། ། དེ་རྣམས་དེ་རིང་ཞི་བས་ན།། ངེས་པར་ཁྱོད་ནི་སངས་རྒྱས་འགྱུར།། ཉི་མ་དྲི་མ་མེད་པ་དང་།། རྒྱུ་སྐར་ཐམས་ཅད་མཐོང་བ་དང་།། དེ་རྣམས་དེ་རིང་མཐོང་བས་ན།། ངེས་པར ་ཁྱོད་ནི་སངས་རྒྱས་འགྱུར། ། ཆར་པ་འབབ་པར་མ་གྱུར་ཀྱང་།། ས་ནི་སྣུམ་བག་བཅས་པ་དང་།། དེ་རྣམས་དེ་རིང་ས་ལ་གྱུར།། ངེས་པར་ཁྱོད་ནི་སངས་རྒྱས་འགྱུར།། རྒྱུ་སྐར་ཚོགས་ནི་རྣམ་པར་གསལ།། ནམ ་མཁའི་དབྱིངས་སུ་རྒྱུ་སྐར་རྣམས། ། ཟླ་བ་དང་ནི་འགྲོགས་པ་བཞིན།། ངེས་པར་ཁྱོད་ནི་སངས་རྒྱས་འགྱུར།། ས་ཁུང་རི་ཁུང་སྲོག་ཆགས་རྣམས།། སེམས་གཅིག་པས་ནི་ཕ་རོལ་མཐོང་།། དེ་རིང་དེ་རྣམས ་སེམས་དགའ་བས། ། ངེས་པར་ཁྱོད་ནི་སངས་རྒྱས་འགྱུར།། སེམས་ཅན་རྣམས་ནི་མི་དགའ་མེད།། དེ་མ་ཐག་ཏུ་དགའ་བར་འགྱུར།། དེ་རིང་དེ་རྣམས་དགའ་བས་ན།། ངེས་པར་ཁྱོད་ནི ་སངས་རྒྱས་འགྱུར། ། དེ་ཚེ་ནད་རྣམས་ཉེ་བར་ཞི།། འདོད་པའི་ནད་ནི་མེད་པའོ།། དེ་རིང་དེ་རྣམས་མཐོང་བས་ན།། ངེས་པར་ཁྱོད་ནི་སངས་རྒྱས་འགྱུར།། དེ་ཚེ་ཆགས་པ་བསྲབས་པ་དང་།། སྐྱོན་དང་རྨོངས ་པ་རྣམ་པར་ཞིག། དེ་རིང་དེ་ཀུན་དོར་བས་ན།། ངེས་པར་ཁྱོད་ནི་སངས་རྒྱས་འགྱུར།། དེ་ཡི་ཚེ་ན་འཇིགས་པ་མེད།། དེ་རིང་དེ་རྣམས་མཐོང་བས་ན།། བདག་གི་རྟགས་ཏེ་ཀུན་གྱིས་ཤེས།། ངེས་པར་ཁྱོད་ནི ་སངས་རྒྱས་འགྱུར། ། སྟེང་འོག་རྡུལ་ནི་གོ་བཟློག་འགྲོ།། དེ་རིང་ཡང་ནི་དེ་རྣམས་མཐོང་།། བདག་གི་རྟགས་ཏེ་ཀུན་གྱིས་ཤེས།། ངེས་པར་ཁྱོད་ནི་སངས་རྒྱས་འགྱུར།། དྲི་རྣམས་ངན་པ་སོང་བ་དང་།། ལྷ་ཡི་དྲི་ནི། ་འོང་བ་དང་།། དེ་རིང་དེ་རྣམས་ཇི་ལྡང་བས།། ངེས་པར་ཁྱོད་ནི་སངས་རྒྱས་འགྱུར།། ལྷ་རྣམས་ཐམས་ཅད་མཐོང་བ་དང་།། གཟུགས་མེད་པ་རྣམས་སྤངས་པ་ནི།། དེ་རིང་དེ་ཀུན་མཐོང་བས་ན།། ངེས་པར ་ཁྱོད་ནི་སངས་རྒྱས་འགྱུར། ། དམྱལ་བ་རྣམས་ནི་ཇི་སྲིད་པ།། དེ་ཡི་ཚེ་ན་ཐམས་ཅད་མཐོང་།། དེ་རྣམས་དེ་རིང་ཀུན་མཐོང་བས།། ངེས་པར་ཁྱོད་ནི་སངས་རྒྱས་འགྱུར།། སྒོ་ཆུང་དང་ནི་རི་ཡི་རྣམས།། དེ་ཡི་ཚེ། ་ནི་མི་མཐོང་མེད།། དེ་རིང་ནམ་མཁའ་བཞིན་དུ་མཐོང་།། ངེས་པར་ཁྱོད་ནི་སངས་རྒྱས་འགྱུར།། རུམ་དུ་གནས་དང་འཐོན་པ་ན།། སྐད་ཅིག་ཙམ་གྱིས་མ་ཡིན་ནོ།། དེ་རིང་དེ་རྣམས་སོ་སོར་མཐོང་།། ་ངེས་པར་ཁྱོད་ནི་སངས་རྒྱས་འགྱུར།། བརྩོན་འགྲུས་བརྟན་པར་བྱས་ནས་ནི།། ངེས་པར་འབྱུང་བ་ལྡོག་མི་བྱ།། བདག་གིས་འདི་རྣམས་ལེགས་ཤེས་པས།། ངེས་པར་ཁྱོད་ནི་སངས་རྒྱས་འགྱུར།། བྱང ་ཆུབ་སེམས་དཔས་སྟོབས་བཅུ་དང་ལྡན་པའི་མར་མེ་མཛད་དང་། སྟོང་ཕྲག་བཅུའི་ཁོར་ཡུག་གི་ལྷ་རྣམས་ཀྱི་གསུང་ཐོས་ནས། ཡིད་བདེ་བ་ཆེར་སྐྱེས་ཏེ་བདག་ཉིད་སྤྲོ་བར་གྱུར་ནས་བསམས་པ། སངས་རྒྱས ་རྣམས་ཀྱི་དོན་ཡོད་པའི་གསུང་ཞེས་བྱ་བ་ནི། སངས་རྒྱས་རྣམས་ཀྱི་གསུང་ལས་གཞན་དུ་མི་འགྱུར་བ་ཡིན་ནོ།། ཇི་ལྟར་ནམ་མཁའ་ལ་རྡོ་འཕངས་ནས་ལྷུང་བར་འགྱུར་བ་དང་། སྐྱེས་ནས་འཆི་བར་འགྱུར་བ ་དང་། སྐྱ་རེངས་ཤར་ན་ཉི་མ་འཆར་བར་འགྱུར་བ་དང་། གནས་ནས་སེང་གེ་ལངས་ན་སྒྲ་ཕྱུང་སྟེ་འགྲོ་བ་དང་། སྦྲུམ་མ་ཡོངས་སྨིན་ནས་སྐྱེ་བར་འགྱུར་བར་ངེས་སོ།། ངེས་པར་དེ་བཞིན་དུ་འདི་ལྟར་སངས་རྒྱས་རྣམས་ཀྱི ་གསུང་ནི་ངེས་ཤིང་དོན་ཡོད་པར་འདོད་དོ། ། ངེས་པར་བདག་ནི་སངས་རྒྱས་སུ་འགྱུར་རོ།། དེའི་ཕྱིར་གསུངས་པ། སངས་རྒྱས་ཀྱི་ནི་གསུང་ཐོས་ནས།། སྟོང་ཕྲག་བཅུ་དང་གཉིས་ཀ་ཡི།། ཚིམ ་ཞིང་དགྱེས་ལ་རབ་ཏུ་དགའ། ། བདག་གི་དེ་ཚེ་འདི་ལྟར་བསམས།། གཉིས་ནི་མི་གསུང་སངས་རྒྱས་ནི།། རྒྱལ་བ་དོན་ཡོད་པ་ཡི་གསུངས།། སངས་རྒྱས་རྣམས་ནི་གཞན་མི་གསུང་།། བདག་ནི་ངེས་པར་སངས ་རྒྱས་འགྱུར། ། ཇི་ལྟར་མཁའ་ལ་རྡོ་འཕངས་པ།། ངེས་པར་ས་ལ་ལྡང་བར་འགྱུར།། དེ་བཞིན་དུ་ནི་སངས་རྒྱས་ཀྱི།། གསུང་ནི་ངེས་པར་འགྱུར་བ་བཞིན།། ཇི་ལྟར་སེམས་ཅན་ཐམས་ཅད་ནི།། ངེས་པར་འཆི་བར་འགྱུར ་པའོ། ། དེ་བཞིན་དུ་ནི་སངས་རྒྱས་ཀྱི།། གསུང་ནི་ངེས་པར་འགྱུར་བ་བཞིན།། ཇི་ལྟར་ནམ་ནི་ཟད་པ་ན།། ངེས་པར་ཉི་མ་འཆར་བར་འགྱུར།། དེ་བཞིན་དུ་ནི་སངས་རྒྱས་ཀྱི།། གསུང ་ནི་ངེས་པར་འགྱུར་བ་བཞིན། ། ཇི་ལྟར་སེང་གེའི་གནས་ནས་ནི།། སེང་གེའི་སྒྲ་ནི་ངེས་པའོ།། དེ་བཞིན་དུ་ནི་སངས་རྒྱས་ཀྱི།། གསུང་ནི་ངེས་པར་འགྱུར་པ་བཞིན།། ཇི་ལྟར་སྦྲུམ་མ་སྨིན་གྱུར་ན།། མངལ་ནས།། ་ངེས་པར་སྐྱེ་བར་འགྱུར།། དེ་བཞིན་དུ་ནི་སངས་རྒྱས་ཀྱི།། གསུང་ནི་ངེས་པར་འགྱུར་བ་བཞིན།། ལེགས་སོ་བདག་ནི་སངས་རྒྱས་སུ་འགྱུར་རོ།། དེ་ལྟར་ངེས་པར་བྱས་ནས་སངས་རྒྱས་སུ་བྱེད་པའི་ཆོས་ཚོལ ་བས་སངས་རྒྱས་སུ་འགྱུར་པའི་ཆོས་གང་ཞིག་ན་ཡོད། གལ་ཏེ་སྟེང་ན་ཡོད་དམ་འོག་ནའམ། ཕྱོགས་མཚམས་རྣམས་ན་ཡོད་དམ་ཅི། གོ་རིམས་བཞིན་དུ་ཆོས་ཀྱི་དབྱིངས་ཐམས་ཅད་ལ་བརྩམས་ནས། སྔར ་གྱི་བྱང་ཆུབ་སེམས་དཔས་ཀྱང་བསྙེན་པ་དང་ངེས་པར་བརྟེན་པར་བྱ་བའི་དང་པོར་སྦྱིན་པའི་ཕ་རོལ་ཏུ་ཕྱིན་པ་གཟིགས་སོ། ། དེ་ལྟར་བདག་གིས་ཀྱང་བདག་ལ་གདམས་པ། མཁས་པ་བློ་གྲོས་བཟང་པོ་ཁྱོད ་ཀྱིས་ཀྱང་འདི་ནས་བཟུང་ནས་སྦྱིན་པའི་ཕ་རོལ་ཏུ་ཕྱིན་པ་རྫོགས་པར་བྱའོ། ། ཇི་ལྟར་ན་ཆུ་ཡི་བུམ་པ་ཁ་ཕུབ་ན་བུམ་པར་ཆུ་རྣམས་མི་གནས་པར་ས་ལ་བོ་བ་ཉིད་སླར་ཡང་བུམ་པ་ལ་མི་གནས་སོ།། དེ་ལྟར ་འདི་ལྟར་ནོར་རམ། གྲགས་པ་འམ། བུ་དང་། ཆུང་མ་འམ། ཡན་ལག་དང་ཉིང་ལག་རྣམས་ལྟོས་པ་མེད་པར་སློང་བ་རྣམས་ཀྱི་དོན་དུ་ཐམས་ཅད་གང་དང་གང་འདོད་པ་ལ་ལྷག་མ་མེད་པར་བྱས་ནས་སྦྱིན ་ཏེ་བྱང་ཆུབ་ཀྱི་ཤིང་དྲུང་དུ་བཞུགས་ནས་སངས་རྒྱས་ཐོབ་བོ། ། དང་པོར་སྦྱིན་པའི་ཕ་རོལ་ཏུ་ཕྱིན་པ་བརྟན་པར་བྱས་ནས་གནས་པར་བྱའོ།། དེའི་ཕྱིར་གསུངས་པ། བདག་གིས་སངས་རྒྱས་བྱེད་པའི་ཆོས།། གང ་དང་དེ་རུ་བཙལ་བྱས་པ། ། སྟེང་དང་འོག་དང་ཕྱོགས་བཅུ་དང་།། ཆོས་ཀྱི་དབྱིངས་ཀྱི་བར་དུའོ།། དེ་ཚེ་བཙལ་བ་ན་ནི་མཐོང་།། དང་པོར་སྦྱིན་པའི་ཕ་རོལ་ཕྱིན།། སྔོན་གྱི་སྐྱེས་བུ་ཆེན་པོ་ཡི།། ལམ་ནི་པ ་རོལ་རྗེས་སུ་འགྲོ། ། འདི་ནི་རེ་ཞིག་ཁྱོད་ཀྱིས་ཀྱང་།། བརྟན་པོར་བྱས་ནས་གཟུང་བར་གྱིས།། གལ་ཏེ་བྱང་ཆུབ་ཐོབ་འདོད་ན།། སྦྱིན་པའི་ཕ་རོལ་ཕྱིན་པར་གྱིས།། ཇི་ལྟར་བུམ་པ་གང་གྱུར་པ།། གང ་གང་ཁ་ནི་ཕུབ་པ་ན། ། ཆུ་ནི་ལྷག་མ་མེད་པར་འཕོ།། བུམ་པའི་ནང་དུ་མི་གནས་སོ།། དེ་བཞིན་དུ་ནི་སློང་བ་མཐོང་།། མཆོག་དམན་འབྲིང་པོ་གང་ཡིན་པ།། མ་ལུས་པར་ནི་སྦྱིན་པར་བྱ།། ཁ་བུ་བུམ ་པ་དེ་བཞིན་ནོ། ། གཞན་ཡང་སངས་རྒྱས་སུ་བྱེད་པའི་ཆོས་འདི་འབའ་ཞིག་མ་ཡིན་པར་བལྟ་བར་བྱའོ།། ལྷག་པར་ཚོལ་བ་ན་གཉིས་པ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མཐོང་ནས་འདི་ལྟ་བུའི་སེམས་སུ་གྱུར ་ཏོ། ། མཁས་པ་བློ་གྲོས་བཟང་པོ་དཀའ་ཐུབ་པ་ཁྱོད་ཀྱིས་འདི་ནས་བཟུང་ནས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྫོགས་པར་བྱའོ།། དཔེར་ན་གཞན་ཡང་རྒོད་གཡག་ཅེས་བྱ་བ་སྲོག་ལ་མི་ལྟ་བར་རང་གི་མཇུག ་མའི་རྔ་མ་ཉིད་བསྲུང་བ་དེ་བཞིན་དུ། ཁྱོད་ཀྱིས་ཀྱང་འདི་ནས་བཟུང་ནས་སྲོག་ལ་མི་ལྟ་བར་ཚུལ་ཁྲིམས་བསུངས་ན་ཁྱོད་ཀྱིས་སངས་རྒྱས་ཐོབ་པར་འགྱུར་རོ།། གཉིས་པ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་བརྟན་པར ་བྱས་ཏེ་གནས་པར་བྱའོ། ། དེའི་ཕྱིར་གསུངས་པ། འདི་ཙམ་འབའ་ཞིག་མ་ཡིན་གྱི།། གང་ཞིག་བྱང་ཆུབ་ཐོབ་བྱེད་ཆོས།། གཞན་ལ་ཡང་ནི་བཙལ་བར་བྱ།། གང་ཞིག་ཆོས་ནི་ཐོབ་བྱེད ་པ། ། དེ་ཡི་ཚེ་ན་ཚོལ་བ་མཐོང་།། གཉིས་པ་ཚུལ་ཁྲིམས་ཕ་རོལ་ཕྱིན།། སྔོན་གྱི་སྐྱེས་བུ་ཆེན་པོ་ཡི།། བསྙེན་དང་བསྟེན་པར་བྱས་པས་སོ།། རེ་ཞིག་གཉིས་པ་འདི་ཡིས་ནི།། བརྟན་པོར་བྱས་ནས་གཟུང་བར ་བྱ། གལ་ཏེ་བྱང་ཆུབ་ཐོབ་འི་དོད་ན།། ཚུལ་ཁྲིམས་ཕ་རོལ་ཕྱིན་པར་གྱིས།། ཇི་ལྟར་རྒོད་གཡག་རྔ་མ་ནི།། གང་དང་གང་གིས་གཟུང་བ་ན།། ལྟོས་པ་མེད་པར་སྲོག་འ་དོར་རོ།། རྔ་མ་ལ་དགའ་ཁྲོ་བ་མེང་།། དེ ་བཞིན་དུ་ནི་ས་གཞི་རུ། ། ཚུལ་ཁྲིམས་ཡོངས་སུ་རྫོགས་པ་དང་།། རྟག་ཏུ་ཚུལ་ཁྲིམས་ཀུན་སྲུང་བྱེད།། རྒོད་གཡག་རྔ་མ་བསྲུང་བ་བཞིན།། གཞན་ཡང་སངས་རྒྱས་སུ་བྱེད་པའི་ཆོས་འདི་འབའ་ཞིག་མ ་ཡིན་པར་བལྟ་བར་བྱའོ། ། ལྷག་པར་ཚོལ་བ་ན་གསུམ་པ་ངེས་འབྱུང་གི་ཕ་རོལ་ཏུ་ཕྱིན་པ་མཐོང་ནས་འདི་ལྟ་བུའི་སེམས་སུ་གྱུར་ཏོ།། མཁས་པ་བློ་གྲོས་བཟང་པོ་དཀའ་ཐུབ་པ་ཁྱོད་ཀྱིས་འདི་ནས་བཟུང་ནས ་ངེས་པར་འབྱུང་བའི་ཕ་རོལ་ཏུ་ཕྱིན་པ་ཡང་རྫོགས་པར་བྱའོ། ། ཇི་ལྟར་བཙོན་རར་ཡུན་རིང་པོར་བཅིངས་ནས་བཞག་པའི་མི་དེ་ལ་འདོད་པར་མི་བྱེད་དོ།། གཞན་ཡང་ཤིན་ཏུ་སྡུག་བསྔལ་བའི་སེམས་དེ་ལ་དེ་བཞིན ་དུ་གནས་པར་འདོད་པ་མེད་དོ། ། དེ་ལྟར་འདི་ལྟར་ཁྱོད་ཀྱིས་ཀྱང་སྐྱེ་བ་ཐམས་ཅད་དུ་བཙོན་རར་བཅིངས་པ་བཞིན་བྱས་ནས། སྐྱེ་བ་ཐམས་ཅད་དུ་ཤིན་ཏུ་སྡུག་བསྔལ་བའི་སེམས་ཀྱིས་གྲོལ་བར་འདོད་པའི ་སེམས་ཀྱིས་ངེས་པར་འབྱུང་བ་མངོན་སུམ་དུ་འགྱུར་རོ། ། དེ་ལྟར་བྱས་ན་སངས་རྒྱས་ཐོབ་པར་འགྱུར་རོ།། ངེས་པར་འབྱུང་བའི་ཕ་རོལ་ཏུ་ཕྱིན་པ་ལ་བརྟན་པར་བྱས་ཏེ་གནས་སོ།། དེའི་ཕྱིར་གསུངས་པ། འདི ་ཙམ་འབའ་ཞིག་མ་ཡིན་གྱི། ། གང་ཞིག་བྱང་ཆུབ་ཐོབ་བྱེད་ཆོས།། གཞན་པ་ཡང་ནི་བཙལ་བར་བྱ།། གང་ཞིག་ཆོས་ནི་ཐོབ་བྱེད་པ།། དེ་ཡི་ཚེ་ན་ཚོལ་བ་མཐོང་།། གསུམ་པ་ངེས་འབྱུང་ཕ་རོལ་ཕྱིན།། ་སྔོན་གྱི་སྐྱེས་བུ་ཆེན་པོ་ཡི།། བསྙེན་དང་བསྟེན་པར་བྱས་པས་སོ།། རེ་ཞིག་གསུམ་པ་འདི་ཡིས་ནི།། བརྟན་པོར་བྱས་ཏེ་གཟུང་བར་བྱ།། གལ་ཏེ་བྱང་ཆུབ་ཐོབ་པ་དོང་ན།། ངེས་འབྱུང་ཕ་རོལ་ཕྱིན ་བར་གྱིས། ། ཇི་ལྟར་སྐྱེས་བུ་བཙོན་རར་བཅིངས།། ཡུན་རིང་གནས་ཤིང་སྡུག་བསྔལ་བ།། དེ་ལ་དགའ་བར་མི་བྱེད་པར།། མྱུར་དུ་འགྲོལ་བར་འདོད་པར་སེམས།། དེ་བཞིན་ཁྱོད་ནི་སྐྱེ་ཀུན་ཏུ།། ་བཙོན་ར་བཞིན་དུ་ལྟ་བར་གྱིས།། ངེས་པར་འབྱུང་བ་སྔོན་དུ་ནི།། སྐྱེ་བ་ལས་ནི་གྲོལ་བར་འགྱུར།། གཞན་ཡང་སངས་རྒྱས་སུ་བྱེད་པའི་ཆོས་འདི་འབའ་ཞིག་མ་ཡིན་པར་བལྟ་བར་བྱའོ།། ལྷག་པར་ཚོལ ་བ་ན་བཞི་པ་ཤེས་རབ་ཀྱི་ཕ་རོལ་ཏུ་ཕྱིན་པ་མཐོང་ནས་འདི་ལྟ་བུའི་སེམས་སུ་གྱུར་ཏོ། ། མཁས་པ་བློ་གྲོས་བཟང་པོ་དཀའ་ཐུབ་པ་ཁྱོད་ཀྱིས་འདི་ནས་བཟུང་ནས་ཤེས་རབ་ཀྱི་ཕ་རོལ་ཏུ་ཕྱིན་པ་ཡང ་རྫོགས་པར་བྱའོ། ། དམན་པ་དང་། འབྲིང་པོ་དང་། ཆེན་པོ་རྣམས་སུ་མི་སེམས་པར་དེ་རྣམས་ཀྱི་གནས་སུ་སོང་སྟེ་མཁས་པ་རྣམས་ལ་དྲི་བར་བྱའོ།། ཇི་ལྟར་ན་བསོད་སྙོམས་ལ་འགྲོ་བའི་དགེ་སློང ་དམན་པ་ལ་སོགས་པའི་གནས་སུ་སོང་སྟེ། རིགས་ཀྱི་དབྱེ་བ་མ་སྤངས་པར་གོ་རོམ་བཞིན་དུ་བསོད་སྙོམས་ལ་འགྲོ་བ་མྱུར་དུ་རང་གི་བཟའ་བའི་ཚད་ཐོབ་པར་འགྱུར་རོ།། དེ་བཞིན ་དུ་ཁྱོད་ཀྱིས་ཀྱང་མཁས་པ་ཐམས་ཅད་ཀྱི་དྲུང་དུ་སོང་སྟེ་དྲི་བར་བྱས་ནས་སངས་རྒྱས་ཐོབ་བོ། ། བཞི་པ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསྟེན་པར་བྱས་ཏེ་གནས་པར་གྱིས་ཤིག། དེའི་ཕྱིར་གསུངས་པ། ་འདི་ཙམ་འབའ་ཞིག་མ་ཡིན་གྱི།། གང་ཞིག་བྱང་ཆུབ་ཐོབ་བྱེད་ཆོས།། གཞན་པ་ཡང་ནི་བཙལ་བར་བྱ།། གང་ཞིག་ཆོས་ནི་ཐོབ་བྱེད་པ།། དེ་ཡི་ཚེ་ན་ཚོལ་བ་མཐོང་།། བཞི་པ་ཤེས་རབ་ཕ་རོལ་ཕྱིན།། སྔོན ་གྱི་སྐྱེས་བུ་ཆེན་པོ་ཡི། ། བསྙེན་དང་བསྟན་པར་བྱས་པས་སོ།། རེ་ཞིག་བཞི་པ་འདི་ཡིས་ནི།། བརྟན་པོར་བྱ་སྟེ་གཟུང་བར་བྱ།། གལ་ཏེ་བྱང་ཆུབ་ཐོབ་འདོད་ན།། ཤེས་རབ་ཕ་རོལ་ཕྱིན་པར་གྱིས།། ཇི ་ལྟར་དགེ་སློང་བསོད་སྙོམས་པ། ། དམན་དང་འབྲིང་དང་ཆེན་པོ་ཡི།། རིགས་རྣམས་པ་པྱོད་པར་མི་བྱེད་པར།། དེ་ལྟར་བཟའ་བའི་ཟས་ཐོབ་བོ།། དེ་བཞིན་ཁྱོད་ཀྱིས་དུས་ཀུན་ཏུ།། སྐྱེ་བོ་མཁས་ལ ་ཡོངས་སུ་དྲིས། ། ཤེས་རབ་ཕ་རོལ་ཕྱིན་སོང་བས།། བྱང་ཆུབ་ཐོབ་པར་འགྱུར་པ་ཡིན།། གཞན་ཡང་སངས་རྒྱས་སུ་བྱེད་པའི་ཆོས་ནི་འདི་འབའ་ཞིག་མ་ཡིན་པར་བལྟ་བར་བྱའོ།། ལྷག་པར་བཙལ་ན་ལྔ ་པ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཐོབ་ནས་འདི་ལྟ་བུའི་སེམས་སུ་གྱུར་ཏོ། ། མཁས་པ་བློ་གྲོས་བཟང་པོ་དཀའ་ཐུབ་པ་ཁྱོད་ཀྱིས་འདི་ནས་བཟུང་ནས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡང་རྫོགས ་པབར་བྱའོ། ། ཇི་ལྟར་རི་དགས་ཀྱི་རྒྱལ་པོ་སེང་གེ་དུས་ཐམས་ཅད་དུ་བརྩོན་གྲུས་བརྟན་པོ་དང་ལྡན་པ་དེ་བཞིན་དུ་ཁྱོད་ཀྱིས་ཀྱང་སྐྱེ་བ་ཐམས་ཅད་དུ་བརྩོན་འགྲུས་བརྟན་པར་བྱའོ།། ཞུམ་པ་མེད་པའི་བརྩོན ་འགྲུས་བྱས་ན་སངས་རྒྱས་ཐོབ་པར་འགྱུར་རོ། ། ལྔ་པ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་བརྟན་པར་བྱས་ནས་གནས་པར་གྱིས་ཤིག། དེའི་ཕྱིར་གསུངས་པ། འདི་ཙམ་འབའ་ཞིག་མ་ཡིན་གྱི།། གང ་ཞིག་བྱང་ཆུབ་ཐོབ་བྱེད་ཆོས། ། གཞན་པ་ཡང་ནི་བཙལ་བར་བྱ།། གང་ཞིག་ཆོས་ནི་ཐོབ་བྱེད་པ།། དེ་ཡི་ཚེ་ན་ཚོལ་བ་མཐོང་།། ལྔ་པ་བརྩོན་འགྲུས་ཕ་རོལ་ཕྱིན།། སྔོན་གྱི་སྐྱེས་བུ་ཆེན་པོ་ཡི།། ་བསྙེན་དང་བསྟེན་པར་བྱས་པས་སོ།། རེ་ཞིག་ལྔ་པོ་འདི་ཡིས་ནི།། གལ་ཏེ་བྱང་ཆུབ་མཆོག་འདོད་ན།། བརྩོན་འགྲུས་ཕ་རོལ་ཕྱིན་པར་གྱིས།། བརྟན་པོར་བྱས་ཏེ་གཟུང་བར་བྱ།། ཇི་ལྟར་རི་དགས་རྒྱལ ་པོ་ནི། སྡོད་དང་འགྲོ་བའི་གནས་རྣམས་སུ།། ཞུམ་པ་མེད་པའི་བརྩོན་འགྲུས་ཀྱིས།། ཡིད་ནི་རྟག་ཏུ་བརྟན་པ་ཡིན།། དེ་བཞིན་ཁྱོད་ཀྱིས་དུས་ཀུན་ཏུ།། བརྩོན་འགྲུས་བརྟན་པོར་གྱིས་ལ་ཟུང་།། བརྩོན ་འགྲུས་ཕ་རོལ་ཕྱིན་གྱུར་ནས། ། བྱང་ཆུབ་ཐོབ་པར་འགྱུར་བ་ཡིན།། གཞན་ཡང་སངས་རྒྱས་སུ་བྱེད་པའི་ཆོས་འདི་འབའ་ཞིག་མ་ཡིན་པར་བལྟ་བར་བྱའོ།། ལྷག་པར་ཚོལ་བ་ན་དྲུག་པ་བཟོད་པའི་ཕ ་རོལ་ཏུ་ཕྱིན་པ་མཐོང་ནས་འདི་ལྟ་བུའི་སེམས་སུ་གྱུར་ཏོ། ། མཁས་པ་བློ་གྲོས་བཟང་པོ་དཀའ་ཐུབ་པ་ཁྱོད་ཀྱིས་འདི་ནས་བཟུང་ནས་བཟོད་པའི་ཕ་རོལ་ཏུ་ཕྱིན་པ་ཡང་རྫོགས་པར་བྱའོ།། བཟང་པོ་དང་ངན ་པར་བྱས་པ་ལ་བཟོད་པར་བྱའོ། ། ཇི་ལྟར་ས་ཡི་སྟེང་དུ་གཙང་བ་དང་མི་གཙང་བ་གོས་པར་བྱས་ན་ས་གཞི་ཁྲོ་བར་མི་བྱེད་པ་བཞིན་དུ་བཟོད་ཅིང་བསྲན་པ་དང་ལྷག་པར་གནས་པ་དེ་བཞིན ་དུའོ། ། དེ་ལྟར་འདི་ལྟར་ཁྱོད་ཀྱིས་ཀྱང་གནོད་པ་དང་ཕན་པར་བྱས་ཀྱང་བཟོད་ཅིང་བསྲན་པར་བྱས་ན་སངས་རྒྱས་ཐོབ་པར་འགྱུར་རོ།། དྲུག་པ་བཟོད་པའི་ཕ་རོལ་ཏུ་ཕྱིན་པ་བརྟན་པར་བྱས་ནས་གནས་པར་གྱིས་ཤིག། ་དེའི་ཕྱིར་གསུངས་པ། འདི་ཙམ་འབའ་ཞིག་མ་ཡིན་གྱི།། གང་ཞིག་བྱང་ཆུབ་ཐོབ་འདོད་ཆོས།། གཞན་པ་ཡང་ནི་བཙལ་བར་བྱ།། གང་ཞིག་ཆོས་ནི་ཐོབ་བྱེད་པ།། དེ་ཡི་ཚེ་ན་ཚོལ་བ་མཐོང་།། དྲུག་པ ་བཟོད་པའི་ཕ་རོལ་ཕྱིན། ། སྔོན་གྱི་སྐྱེས་བུ་ཆེན་པོ་ཡི།། བསྙེན་དང་བསྟེན་པར་བྱས་པས་སོ།། རེ་ཞིག་དྲུག་པ་འདི་ཡིས་ནི།། དེ་ལ་ཞེ་སྡང་མ་བྱས་ན།། ཡང་དག་བྱང་ཆུབ་ཐོབ་པར་འགྱུར།། ཇི་ལྟར་ཡང་ནི་ས ་གཞི་ལ། ། གཙང་དང་མི་གཙང་བྱུགས་པ་ན།། ཐམས་ཅད་བླུགས་ཀྱང་བཟོད་པར་བྱེད།། སྐྱུག་བྲོ་བ་ནི་བྱེད་པ་མེད།། དེ་བཞིན་ཁྱོད་ཀྱིས་ཐམས་ཅད་ལ།། ཕན་དང་གནོད་པ་བྱེད་པ་ན།། བཟོད་པའི ་ཕ་རོལ་ཕྱིན་གྱུར་ནས། ། བྱང་ཆུབ་ཡང་དག་ཐོབ་པར་འགྱུར།། གཞན་ཡང་སངས་རྒྱས་སུ་བྱེད་པའི་ཆོས་འདི་འབའ་ཞིག་མ་ཡིན་པར་བལྟ་བར་བྱའོ།། ལྷག་པར་ཚོལ་བ་བདུན་པ་བདེན་པའི ་རོལ་ཏུ་ཕྱིན་པ་མཐོང་ནས་འདི་ལྟ་བུའི་སེམས་སུ་གྱུར་ཏོ། ། མཁས་པ་བློ་གྲོས་བཟང་པོ་དཀའ་ཐུབ་པ་ཁྱོད་ཀྱིས་འདི་ནས་བཟུང་ནས། བདེན་པའི་ཕ་རོལ་ཏུ་ཕྱིན་པ་ཡང་རྫོགས་པར་བྱའོ།། ཐོག་མགོ་ལ ་ལྷུང་བར་གྱུར་ན་ཡང་ནོར་ལ་སོགས་པའི་ཕྱིར་དུ་འདུན་པ་ལ་སོགས་པའི་དབང་གིས་ཤེས་ནས་བརྫུན་མི་སྨྲའོ། ། ཇི་ལྟར་ན་ཐ་སྐར་ལ་སོགས་པའི་རྒྱུ་སྐར་དུས་ཐམས་ཅད་དུ་རང་རང་འགྲོ་བའི་ལམ་དོར་ནས་ལམ་གཞན ་ནས་མི་འགྲོ་བར་རང་གི་ལམ་ཉིད་ནས་འགྲོ་བའོ། ། དེ་ལྟར་འདི་ལྟར་ཁྱོད་ཀྱིས་ཀྱང་བདེན་པ་བཟུང་ནས་བརྫུན་མི་བྱེད་པས་ནི་སངས་རྒྱས་ཐོབ་པར་འགྱུར་རོ།། བདུན་པ་བདེན་པའི་ཕ་རོལ་ཏུ་ཕྱིན་པ་བརྟན་པར་བྱས ་ནས་གནས་པར་གྱིས་ཤིག། དེའི་ཕྱིར་གསུངས་པ། འདི་ཙམ་འབའ་ཞིག་མ་ཡིན་གྱི།། གང་ཞིག་བྱང་ཆུབ་ཐོབ་འདོད་ཆོས།། གཞན་པ་ཡང་ནི་བཙལ་བར་བྱ།། གང་ཞིག་ཆོས་ནི་ཐོབ་བྱེད་པ།། ་དེ་ཡི་ཚེ་ན་ཚོལ་བ་མཐོང་།། བདུན་པ་བདེན་པའི་ཕ་རོལ་ཕྱིན།། སྔོན་གྱི་སྐྱེས་བུ་ཆེན་པོ་ཡི།། བསྙེན་དང་བསྟེན་པར་བྱས་པས་སོ།། རེ་ཞིག་བདུན་པ་འདི་ཡིས་ནི།། བརྟན་པར་བྱས་ནས་གནས་པར་གྱིས། ་དེ་ལ་རྫུན་ནི་མི་སྨྲ་བས།། ཡང་དག་བྱང་ཆུབ་ཐོབ་པར་གྱིས།། ཇི་ལྟར་ཐ་སྐར་ཞེས་བྱ་བ།། ལྷ་དང་མི་རྣམས་མཚུངས་པ་ནི།། དུས་ཀྱི་ལོ་ཡི་དུས་སུ་ནི།། ལམ་གཞན་དུ་ནི་མི་འགྲོའོ།། ཁྱོད་ཀྱིས ་ཀྱང་ནི་དེ་བཞིན་བདེ་ན། ། བདེན་པ་བཟུང་ནས་མི་འགྲོ་བ།། བདེན་པའི་ཕ་རོལ་ཕྱིན་གྱུར་པས།། བྱང་ཆུབ་ཡང་དག་ཐོབ་པར་འགྱུར།། གཞན་ཡང་སངས་རྒྱས་སུ་བྱེད་པའི་ཆོས་འདི་འབའ་ཞིག་མ ་ཡིན་པར་བལྟ་བར་བྱའོ། ། ལྷག་པར་ཚོལ་བ་ན་བརྒྱད་པ་ལྷག་པར་གནས་པའི་ཕ་རོལ་ཏུ་ཕྱིན་པ་མཐོང་ནས་འདི་ལྟ་བུའི་སེམས་སུ་གྱུར་ཏོ།། མཁས་པ་བློ་གྲོས་བཟང་པོ་དཀརའ་ཐུབ་པ་ཁྱོད་ཀྱིས་འདི་ནས ་བཟུང་ནས་ལྷག་པར་གནས་པའི་ཕ་རོལ་ཏུ་ཕྱིན་པ་ཡང་དག་པར་རྫོགས་པར་བྱའོ། ། གང་ཞིག་ལྷག་པར་གནས་པར་གྱིས་དེ་ལ་ལྷག་པར་གནས་ན་གཡོ་བ་མེད་པར་འགྱུར་རོ།། ཇི་ལྟར ་ན་རི་བོ་ནི་ཕྱོགས་ཐམས་ཅད་ནས་རླུང་གིས་བསྐྱོད་ཀྱང་གཡོ་བར་མི་འགྱུར་ཞིང་བསྐྱོད་པར་མི་འགྱུར་ཅིང་། ། རང་གི་གནས་ཤིག་ཏུ་གནས་སོ།། དེ་ལྟར་འདི་ལྟར་ཁྱོད་ཀྱིས་ཀྱང་བདག་ཉིད་ལྷག་པར ་གནས་པ་རྣམས་མི་གཡོ་བར་གྱུར་ན་སངས་རྒྱས་ཐོབ་པར་འགྱུར་རོ། ། བརྒྱད་པ་ལྷག་པར་གནས་པའི་ཕ་རོལ་ཏུ་ཕྱིན་པ་བརྟན་པར་བྱས་ནས་གནས་པར་གྱིས་ཤིག། དེའི་ཕྱིར་གསུངས་པ། འདི ་ཙམ་འབའ་ཞིག་མ་ཡིན་གྱི། ། གང་ཞིག་བྱང་ཆུབ་ཐོབ་འདོད་ཆོས།། གཞན་པ་ཡང་ནི་བཙལ་བར་བྱ།། གང་ཞིག་ཆོས་ནི་ཐོབ་བྱེད་པ།། ང་ཡི་ཚེ་ན་ཚོལ་བ་མཐོང་།། བརྒྱད་པ་ལྷག་གནས་པ ་རོལ་ཕྱིན། ། སྔོན་གྱི་སྐྱེས་བུ་ཆེན་པོ་ཡི།། བསྙེན་དང་བསྟེན་པར་བྱས་པས་སོ།། རེ་ཞིག་བརྒྱད་པ་འདི་ཡིས་ནི།། བརྟན་པར་བྱ་སྟེ་གནས་པར་གྱིས།། དེ་ལ་ཁྱོད་ནི་གཡོ་མེད་པས།། ཡང་དག ་བྱང་ཆུབ་ཐོབ་པར་འགྱུར། ། ཇི་ལྟར་རི་བོའི་བྲག་ཆེན་པོ།། གཡོ་བ་མེད་ཅིང་ལེགས་པར་གནས།། རླུང་ཆེན་པོས་ནི་གཡོ་བ་མེད།། རང་གི་གནས་སུ་གནས་པ་ཉིད།། དེ་བཞིན་ཁྱོད་ཀྱིས་ལྷག ་གནས་པར། ། ཐམས་ཅད་དུ་ནི་མི་གཡོ་བར།། ལྷག་གནས་ཕ་རོལ་ཕྱིན་གྱུར་པས།། ཡང་དག་བྱང་ཆུབ་ཐོབ་པར་འགྱུར།། གཞན་ཡང་སངས་རྒྱས་སུ་བྱེད་པའི་ཆོས་འདིབབའ་ཞིག་མ་ཡིན་པར ་བལྟ་བར་བྱའོ། ། ལྷག་པར་ཚོལ་བ་ན་དགུ་པ་བྱམས་པའི་ཕ་རོལ་ཏུ་ཕྱིན་པ་མཐོང་བས་དེ་ལྟ་བུའི་ཁམས་སུ་གྱུར་ཏོ།། མཁས་པ་བློ་གྲོས་བཟང་པོ་དཀའ་ཐུབ་པ་ཁྱོད་ཀྱིས་འདི་ནས་བཟུང་ནས་བྱམས ་པའི་ཕ་རོལ་ཏུ་ཕྱིན་པ་ཡང་རྫོགས་པར་བྱའོ། ། ཕན་པ་དང་མི་ཕན་པར་གྱུར་ཀྱང་སེམས་གཅིག་ཏུ་བྱའོ།། ཇི་ལྟར་ཆུ་ནི་སྡིག་པ་ཅན་གྱི་སྐྱེ་བོ་དང་དགེ་བའི་སྐྱེ་བོས་ཀྱང་བསིལ་བར་གྱུར་ཅིང་གཅིག་ཏུ་མཚུངས ་པར་བྱས་ནས་རེག་གོ། དེ་ལྟར་ན་འདི་ལྟར་ཁྱོད་ཀྱིས་ཀྱང་སེམས་ཅན་ཐམས་ཅད་ལ་བྱམས་པའི་སེམས་གཅིག་ཏུ་གྱུར་ནས་སངས་རྒྱས་ཐོབ་པར་འགྱུར་རོ།། དགུ་པ་བྱམས་པའི་ཕ་རོལ་ཏུ་ཕྱིན་པ་བརྟན ་པར་བྱས་ཏེ་གནས་པར་གྱིས་ཤིག། དེའི་ཕྱིར་གསུངས་པ། འདི་ཙམ་འབའ་ཞིག་མ་ཡིན་གྱི།། གང་ཞིག་བྱང་ཆུབ་ཐོབ་འདོད་ཆོས།། གཞན་པ་ཡང་ནི་བཙལ་བར་བྱ།། གང་ཞིག་ཆོས་ནི་ཐབ་བྱང། ་པ། དེ་ཡི་ཚེ་ན་ཚོལ་བ་མཐོང་།། དགུ་པ་བྱམས་པའི་ཕ་རོལ་ཕྱིན།། སྔོན་གྱི་སྐྱེས་བུ་ཆེན་པོ་ཡི།། བསྙེན་དང་བསྟེན་པར་བྱས་པའོ།། རེ་ཞིག་དགུ་པ་འདི་ཡིས་ནི།། བྱམས་པར་བྱས་ཏེ་གནས་པར་གྱིས ་གལ་ཏེ་བྱང་ཆུབ་ཐོབ་འདོད་ན། ། བྱམས་པ་མཚུངས་པ་མེད་པར་འགྱུར།། ཇི་ལྟར་ཆུ་ཞེས་བྱ་བ་ལ།། དགེའམ་སྡིག་པའི་སྐྱེ་བོ་ནི།། མཚུངས་པར་བསིལ་བར་གྱུར་ལ་རེག། རྡུལ་དང་དྲི་མ་སྤོང་བར ་བྱེད། དེ་ལྟར་ཁྱོད་ཀྱིས་མི་ཕན་དང་།། ཕན་ལའང་མཚུངས་པར་བྱམས་པར་བྱ།། བྱམས་པའི་ཕ་རོལ་ཕྱིན་གྱུར་ནས།། ཡང་དག་བྱང་ཆུབ་ཐོབ་པར་འགྱུར།། གཞན་ཡང་སངས་རྒྱས་སུ ་བྱེད་པའི་ཆོས་འདི་འབའ་ཞིག་མ་ཡིན་པར་བལྟ་བར་བྱའོ། ། ལྷག་པར་ཚོལ་བ་ན་བཅུ་པ་བཏང་སྙོམས་ཀྱི་ཕ་རོལ་ཏུ་ཕྱིན་པ་མཐོང་ནས་འདི་ལྟ་བུའི་སེམས་སུ་གྱུར་ཏོ།། མཁས་པ ་བློ་གྲོས་བཟང་པོ་དཀའ་ཐུབ་པ་ཁྱོད་ཀྱིས་འདི་ནས་བཟུང་ནས་བཏང་སྙོམས་ཀྱི་ཕ་རོལ་ཏུ་ཕྱིན་པ་ཡང་རྫོགས་པར་བྱའོ། ། བདེ་བ་འམ་སྡུག་བསྔལ་ཡང་བར་མ་ལ་གནས་པར་བྱའོ།། ཇི་ལྟར་ས་གཞི་ལ ་གཙང་བ་དང་མི་གཙང་བས་བྱུགས་ཀྱང་བར་མར་གནས་པར་འགྱུར་རོ། ། དེ་ལྟར་འདི་ལྟར་ཁྱོད་ཀྱིས་ཀྱང་བདེ་བ་དང་སྡུག་བསྔལ་བ་ལ་བར་མར་གནས་པར་གྱུར་ན་སངས་རྒྱས་ཐོབ་པར་འགྱུར་རོ།། བཅུ་པ་བཏང ་སྙོམས་ཀྱི་ཕ་རོལ་ཏུ་ཕྱིན་པ་བརྟན་པར་བྱས་ལ་གནས་པར་གྱིས་ཤིག། དེའི་ཕྱིར་གསུངས་པ། འདི་ཙམ་འབའ་ཞིག་མ་ཡིན་གྱི།། གང་ཞིག་བྱང་ཆུབ་ཐོབ་འདོད་ཆོས།། གཞན་པ་ཡང་ནི་བཙལ་བར ་གྱིས། གང་ཞིག་ཆོས་ནི་ཐོབ་བྱེད་པ།། དེ་ཡི་ཚེ་ན་ཚོལ་བ་མཐོང་།། བཅུ་པ་བཏང་སྙོམས་ཕ་རོལ་ཕྱིན།། སྔོན་གྱི་སྐྱེས་བུ་ཆེན་པོ་ཡི།། བསྙེན་དང་བསྟེན་པར་བྱས་པས་སོ།། རེ་ཞིག་བཅུ་པ་འདི་ཡིས་ནི། ་བརྟན་པར་བྱས་ནས་གནས་པར་གྱིས།། སྲང་ནི་གང་བར་འགྱུར་བ་བཞིན།། ཡང་དག་བྱང་ཆུབ་ཐོབ་པར་འགྱུར།། ཇི་ལྟར་ས་གཞི་ཞེས་བྱ་ལ།། གཙང་དང་མི་གཙང་བྱུགས་པ་ན།། ལྟོས་པ་མེད་ཅིང་བདང ་སྦོམས་པས། ། ཁྲོ་བ་མེད་པར་སྤོང་བ་ཡིན།། ཇི་ལྟར་ཁྱོད་ཀྱིས་ཀྱང་བདེ་སྡུག། དུས་རྣམས་ཀུན་ཏུ་སྲང་བཞིན་དུ།། བཏང་སྙོམས་ཕ་རོལ་ཕྱིན་གྱུར་ནས།། ཡང་དག་བྱང་ཆུབ་ཐོབ་པར་འགྱུར།། ་དེ་ནས་བསམས་པ། འཇིག་རྟེན་པ་འདི་རྣམས་བྱང་ཆུབ་སེམས་དཔའ་ལ་བྱང་ཆུབ་རྫོགས་པར་བྱེད་པ་དང་སངས་རྒྱས་སུ་བྱེད་པའི་ཆོས་དེ་རྣམས་ཉིད་དོ།། ཕ་རོལ་ཏུ་ཕྱིན་པ་བཅུ་དོར་ན་གཞན་མེད་དོ།། ཕ་རོལ ་ཏུ་ཕྱིན་པ་བཅུ་པོ་འདི་ནི་སྟེང་གི་ནམ་མཁའ་ན་ཡང་མེད་དོ། ། འོག་གི་ས་གཞི་ལ་ཡང་མེད་དོ།། ཤར་ལ་སོགས་པའི་ཕྱོགས་རྣམས་ན་ཡང་མེད་དོ།། བདག་ཉིད་ཁོ་ནའི་སྙིང་གི་ཤའི་ནང་ན་གནས་སོ།། དེ ་ལྟར་དེ་ཡི་སྙིང་ལ་སོ་སོ་གནས་པ་མཐོང་ནས་ཐམས་ཅད་བརྟན་པར་བྱ་སྟེ་གནས་པར་བྱའོ། ། ཡང་དང་ཡང་དུ་དྲན་པར་བྱ་སྟེ་ལུགས་ལས་བྱུང་བ་དང་ལུགས་ལས་ཟློག་པ་བརྟེན་པར་བྱེད་དོ།། ཐ་མ་ནས ་བཟུང་སྟེ་ཐོག་མའི་བར་བསམ་པར་བྱའོ། ། དང་པོ་ནས་བཟུང་ནས་ཐ་མའི་བར་བསམ་མོ།། དབུས་ནས་བཟུང་ནས་ཐོག་མ་དང་ཐ་མའི་བར་བསམ་པར་བྱའོ།། ཐོག་མ་དང་ཐ་མ་ནས་བཟུང་ནས་དབུས་ཀྱི་བར ་བལྟ་བར་བྱའོ། ། ལུས་ཡོངས་སུ་གཏོང་བ་ནི་ཕ་རོལ་ཏུ་ཕྱིན་པ་ཞེས་བྱ་བའོ།། ཕྱིའི་ལོངས་སྤྱོད་ཡོངས་སུ་གཏོང་བ་ནི་ཉེ་བའི་ཕ་རོལ་ཏུ་ཕྱིན་པ་ཞེས་བྱ་བའོ།། སྲོག་ཡོངས་སུ་གཏོང་བ་ནི་དོན་དམ་པའི་ཕ་རོལ ་ཏུ་ཕྱིན་པ་ཞེས་བྱ་བའོ། ། ཕ་རོལ་ཏུ་ཕྱིན་པ་བཅུ་པོ་དང་། ཉེ་བའི་ཕ་རོལ་ཏུ་ཕྱིན་པ་བཅུ་པོ་དང་། དོན་དམ་པའི་ཕ་རོལ་ཏུ་ཕྱིན་པ་བཅུ་པོའོ།། མེ་ཡི་སྟེངས་སུ་འབྲུ་མར་བསྐོལ་བ་བཞིན་དུ་ཁོར་ལུག ་གི་ནང་དུ་རྒྱ་མཚོ་ཆེན་པོ་རི་བོ་མཆོག་རབ་ཀྱིས་བསྲུབ་པ་བཞིན་དུ་དྲན་པར་བྱ་སྟེ། དེ་ཡི་ཕ་རོལ་ཏུ་ཕྱིན་པ་བཅུ་དྲན་པར་བྱས་ནས་ཆོས་ཀྱི་གཟི་ས་འབུམ་ཕྲག་གཉིས་དང་། སྟོང་ཕྲག་བཞི་བཅུ་ལྷག ་པའི་ས་ཆེན་པོ་འདི་ཡི་སྔགས་ལ་གླང་པོ་ཆེའི་རྐང་པས་གནོན་ཅིང་སྨྱུག་མ་འཆག་པ་བཞིན་དུའོ། ། བུར་ཤིང་གི་འཁྲུལ་འཁོར་བཞིན་དུ་བཙིར་བ་དང་སྒྲ་ཆེན་པོ་སྒྲོགས་པ་བཞིན་དུ ་ཡང་དག་པར་སྒྲོགས་སོ། ། རབ་ཏུ་གཡོས་སོ།། ཡང་དག་པར་རབ་ཏུ་གཡོས་ཏེ་རྫ་མཁན་གྱི་འཁོར་ལོ་བཞིན་ནོ།། འབྲུ་མར་གྱི་འཕྲུལ་འཁོར་བཞིན་དུ་ཡོངས་སུ་བསྐོར་རོ།། དེའི་ཕྱིར་གསུངས་པ། འདི ་ཡི་འཇིག་རྟེན་དེ་རྣམས་ཉིད། ། གང་ཞིག་བྱང་ཆུབ་ཐོབ་བྱེད་ཆོས།། འདི་ནི་སྡེང་དང་གཞན་ནའང་མེད།། བརྟན་པར་བྱ་སྟེ་སེམས་ལ་ཞོག། རང་བཞིན་གྱིས་ནི་གཡོ་མེད་པར།། འདི་ཡི་ཆོས་ནི་དྲན་པར ་བྱེད། ། ཆོས་ཀྱི་གཞི་ཡི་ས་གཞི་ནི།། འཇིག་རྟེན་སྟོང་ཕྲག་རབ་ཏུ་གཡོས།། སེམས་མེད་པ་ཡི་ས་གཞི་ནི།། བུར་ཤིང་འཁྲུལ་འཁོར་བཞིན་དུ་བཙིར།། འབྲུ་མར་འཁྲུལ་འཁོར་བཞིན་དུ་འཁོར།། ་དེ་ལྟར་ས་ནི་རབ་ཏུ་གཡོས།། ས་ཆེན་པོ་འདི་གཡོས་པས་དགའ་བ་ཅན་གྱི་གྲོང་ཁྱེར་ན་གནས་པའི་མི་རྣམས་ལྡང་བར་མ་ནུས་ཏེ། བསྐལ་པའི་མཐའ་ཡི་རླུང་གིས་བསྐྱོད་པའི་སའི་ཤིང་ཆེན་པོ་གཡོས་པ ་བཞིན་བརྒྱལ་བ་དང་བག་མེད་པས་འགྱེལ་བར་གྱུར་ཏོ། ། བུམ་པ་ལ་སོགས་པའི་སྣོད་ནི་འཛད་པ་དང་། ཕན་ཚུན་དུ་ཕྲད་པའི་སྒྲ་དང་ཕྱེ་མ་དང་དུམ་བུར་གྱུར་ཏོ།། སྐྱེ་བོ་ཐམས་ཅད་འཇིགས་པར་གྱུར ་ནས་སྟོན་པའི་དྲུང་ཉེ་བར་སོང་ངོ་། ། བཅོམ་ལྡན་འདས་ཅི་ལགས། འདིའི་ཀླུ་འཁྲུགས་པ་འམ། འདིའི་འབྱུང་པོ་འམ། གནོད་སྦྱིན་ནམ། ལྷ་རྣམས་སམ། གཞན་རྣམས་འཁྲུགས་སམ། བདག ་ཅག་གིས་འཚལ་བར་མ་གྱུར་ཏོ། ། གཞན་ཡང་འདིའི་སྐྱེ་བོ་ཆེན་པོ་ཐམས་ཅད་ལ་ཉེ་བར་འཚེ་བར་གྱུར་ཏོ།། ཅིའི་རྒྱུ་འདིའི་འཇིག་རྟེན་གྱི་སྡིག་པ་ལས་གྱུར་ཏམ། ཡང་ན་དགེ་བ་ལས་གྱུར། བདག་ཅག་ལ་འདི ་རྣམས་ཀྱི་རྒྱུ་མཚན་རྣམས་གསུང་དུ་གསོལ་ཞེས་ཞུས་སོ། ། སྟོན་པས་དེ་རྣམས་ཀྱི་གཏམ་ཐོས་ནས་ཁྱེད་རྣམས་འཇིགས་པར་མ་བྱེད་ཅིག། ཁྱེད་རྣམས་ཅུང་ཟད་ཀྱང་མ་སེམས་ཤིག། མཚན་མ་འདི་རྣམས ་ལ་ཁྱེད་རྣམས་ལ་འཇིགས་པ་མེད་དོ། ། གང་ཚེ་བདག་གིས་དེ་རིང་མཁས་པ་བློ་གྲོས་བཟང་པོ་དཀའ་ཐུབ་པ་མ་འོངས་པ་ན་གོའུ་ཏ་མ་ཞེས་བྱ་བའི་སངས་རྒྱས་སུ་འགྱུར་རོ་ཞེས་ལུང་བསྟན་ཏོ།། དེ་ནི་འདིར་ཕ ་རོལ་ཏུ་ཕྱིན་པ་དྲན་པར་བྱེད་དོ། ། དེ་ཕ་རོལ་ཏུ་ཕྱིན་པ་དྲན་པར་བྱེད་ཅིང་དཔྱོད་དོ།། དེའི་ཆོས་ཀྱི་གཟི་བརྗིད་ཀྱིས་སྟོང་ཕྲག་བཅུའི་འཇིག་རྟེན་གྱི་ཁམས་ཐམས་ཅད་སྐད་ཅིག་ཙམ་གྱིས་གཡོ་བ་དང་སྒྲ་འབྱིན ་ནོ་ཞེས་གསུང་ངོ་། ། དེའི་ཕྱིར་གསུངས་པ། ཇི་སྲིད་འཁོར་རྣམས་ཡོད་པ་ལ།། སངས་རྒྱས་ཀྱི་ནི་སྦྲེལ་བས་ན།། དེ་ནི་དེ་རུ་སྡུག་བསྔལ་སེམས།། བརྒྱལ་བར་གྱུར་ནས་ས་ལ་ཉལ།། བུམ་པ་སྟོང་ཕྲག ་དུ་མ་དང་། ། སྣོད་ཆེན་བརྒྱ་ཕྲག་མང་པོ་རྣམས།། དེར་ནི་བྱེ་མ་ཞིབ་མོར་གྱུར།། ཕན་ཚུན་ཐུག་ཅིག་འཆག་པས་སོ།། བརྒྱལ་དང་སྐྲག་དང་འཇིགས་པ་དང་།། གནོད་ཅིང་གཟིར་བའི་སེམས་ཀྱིས ་འགྱེལ། ། སྐྱེ་བོ་ཐམས་ཅད་གཅིག་ཏུ་འདུས།། མར་མེ་མཛད་ཀྱི་དྲུང་དུ་སོང་།། འཇིག་རྟེན་པ་རྣམས་ཅི་ཕྱིར་གྱུར།། དགེ་བའམ་ཡང་ནི་སྡིག་གམ་ཅི།། འཇིག་རྟེན་ཀུན་ལ་ཉེར་འཚེ་བྱུང་།། སྤྱན ་ལྡན་ལེགས་པར་གསུང་དུ་གསོལ། ། དེ་རྣམས་ཀུན་ལ་ཆོས་བསྟན་ཅིང་།། ཐུབ་པ་ཆེན་པོ་མར་མེ་མཛད།། འཇིགས་པར་མ་བྱེད་དབུགས་དབྱུང་གིས།། འདི་ཡི་ས་གཞི་གཡོ་བས ་ནི། གང་ཞིག་དེ་རིང་བདག་ལུང་བསྟན།། འཇིག་རྟེན་པ་རྣམས་སངས་རྒྱས་འགྱུར།། དེ་ནི་ཆོས་ནི་དྲན་པར་བྱེད།། སྔོན་གྱི་རྒྱལ་བ་བསྟེན་བྱས་ཤིང་།། དེ་ཡི་ཆོས་རྣམས་དྲན་བྱེད་པས།། སངས ་རྒྱས་ས་ནི་མ་ལུས་པ། ། དེས་ན་འདི་ཡི་ས་རྣམས་གཡོས།། ལྷ་དང་བཅས་པ་སྟོང་ཕྲག་བཅུ།། སྐྱེ་བོ་ཆེན་པོ་རྣམས་ཀྱིས་དེ་བཞིན་གཤེགས་པའི་གསུང་ཐོས་པས་དགའ་བ་དང་ཚིམ་པ་སྐྱེས་ནས། མེ ་ཏོག་དང་། ཇི་བཟང་དང་། བྱུག་པ་རྣམས་བླངས་ཏེ་དགའ་བ་ཅན་གྱི་གྲོང་ཁྱེར་ནས་འཐོན་ནས། བྱང་ཆུབ་སེམས་དཔའི་དྲུང་དུ་སོང་སྟེ་མེ་ཏོག་ལ་སོགས་པས་མཆོད་ནས་ཕྱག་དང་བསྟོད་པ་བྱ་སྟེ། དགའ་བ ་ཅན་གྱི་གྲོང་ཁྱེར་ཉིད་དུ་གནས་སོ། ། བྱང་ཆུབ་སེམས་དཔས་ཀྱང་ཕ་རོལ་ཏུ་ཕྱིན་པ་བཅུ་དྲན་པར་བྱས་ནས་བརྩོན་འགྲུས་བརྟན་པར་བྱ་སྟེ་ལྷག་པར་གནས་ནས་སྟན་ལས་ལངས་སོ།། དེའི་ཕྱིར་གསུངས་པ། སངས ་རྒྱས་ཀྱི་ནི་གསུང་ཐོས་ནས། ། དེ་མ་ཐག་ཏུ་འཇིགས་མེད་སེམས།། ཐམས་ཅད་བདག་གི་དྲུང་དུ་འོངས།། སླར་ཡང་ཕྱག་ནི་བྱས་ནས་སོ།། སངས་རྒྱས་ཡོན་ཏན་སེམས་པར་བྱེད།། དེ་ཚེ་བདག་གིས་སྟན ་ལས་ལངས། ། མར་མེ་མཛད་ལ་ཕྱག་བྱས་སོ།། དེ་ནས་བྱང་ཆུབ་སེམས་དཔའ་སྟན་ལས་ལངས་པ་ན་སྟོང་ཕྲག་བཅུའི་ལྷ་ཐམས་ཅད་འདུས་ནས་ལྷའི་མེ་ཏོག་དང་དྲི་བཟང་གིས་མཆོད་པ་བྱས། འཕགས་པ ་བློ་གྲོས་བཟང་པོ་དཀའ་ཐུབ་པ་དེ་ཡིས་དེ་རིང་སྟོབས་བཅུ་དང་ལྡན་པའི་མར་མེ་མཛད་ཀྱི་ཞབས་དྲུང་དུ་དོན་ཆེན་པོ་དོན་དུ་གཉེར་བའི་ཕྱིར་དོན་དུ་གཉེར་ཏོ། ། དེ་ཡིས་དེ་རྣམས་ལ་བར་གཅོད་མེད་ཅིང་རྫོགས་པར་འགྱུར།། ་རོ།། དེ་ལ་འཇིགས་པ་མེད་པ་དང་། ཞུམ་པ་མེད་པར་འགྱུར་རོ།། སྐུ་ལ་ནང་ཅུང་ཟད་ཀྱང་མི་འབྱུང་ཞིང་མྱུར་དུ་ཕ་རོལ་ཏུ་ཕྱིན་པ་རྫོགས་པར་བྱས་ནས་ཡང་དག་པར་རྫོགས་པའི་སངས་རྒྱས་གྲུབ་པར་གྱིས་ཤིག། ་ཇི་ལྟར་མེ་ཏོག་ཅན་གྱི་ཤིང་ངམ་འབྲས་བུ་ཅན་གྱི་ཤིང་དུས་སུ་མེ་ཏོག་སྨིན་པ་དང་འབྲས་བུ་སྨིན་པ་ཉིད་དོ།། དེ་བཞིན་དུ་ཁྱོད་ཀྱིས་ཀྱང་དེའི་དུས་སུ་ལྷག་པར་གནས་པར་བྱེད་པ་ལ་མྱུར་དུ་མཆོག་རྫོགས་པར་བྱེད་པ་ལ ་སོགས་པའི་བསྟོད་པ་དང་བཀྲ་ཤིས་པས་བསྟོད་དོ། ། དེ་བཞིན་དུ་བསྟོད་པ་བྱས་ནས་ལྷ་རྣམས་རང་རང་གི་གནས་སུ་སོང་ངོ་།། བྱང་ཆུབ་སེམས་དཔས་ཀྱང་ལྷ་ལ་སོགས་པའི་བསྟོད་པ་ཐོས་པར་བྱས་ནས། ་བདག་གིས་ཕ་རོལ་ཏུ་ཕྱིན་པ་བཅུ་རྫོགས་པར་བྱས་ཏེ་བསྐལ་པ་གྲངས་མེད་པ་བཞི་དང་། འབུམ་ཕྲག་གཅིག་ལྷག་པའི་མཐར་སངས་རྒྱས་ཐོབ་པར་འགྱུར་བས་བརྩོན་འགྲུས་བརྟན་པོ་ལྷག་པར་གནས་ནས་ནམ ་མཁའ་ལ་འཕགས་ཏེ་གངས་ཅན་གྱི་གནས་ཉིད་ལ་གཤེགས་སོ། ། དེའི་ཕྱིར་གསུངས་པ། ལྷ་དང་མི་ཡི་མེ་ཏོག་རྣམས།། ལྷ་དང་མི་རྣམས་གཉིས་ཀ་ཡིས།། སྟན་ལས་ལངས་པར་གྱུར་ནས་ནི།། ་མེ་ཏོག་མཚུངས་པར་བསྡུས་ནས་སོ།། ལྷ་དང་མི་རྣམས་གཉིས་ཀ་ཡང་།། ཐམས་ཅད་ཞི་བར་གྱུར་ཅེས་བསྟོད།། ཁྱོད་ཀྱིས་ཆེན་པོ་དོན་དུ་གཉེར།། ཇི་ལྟར་འདོད་པ་དེ་ཐོབ་བོ།། དུས་མིན་འཆི ་པ་རིང་དུ་སོང་། ། ནད་རྣམས་ཐམས་ཅད་ཉམས་པར་གྱུར།། ཁྱོད་ལ་བར་ཆད་མི་འབྱུང་ངོ་།། མཆོག་གི་བྱང་ཆུབ་མྱུར་དུ་ཐོབ།། ཇི་ལྟར་དུས་སུ་སླེབ་པ་ན།། ལྗོན་ཤིང ་མེ་ཏོག་བྱེ་བར་གྱུར། ། དེ་བཞིན་ཁྱོད་ཀྱིས་དཔའ་ཆེན་པོས།། སངས་རྒྱས་ཡེ་ཤེས་མེ་ཏོག་གྱུར།། གང་ཞིག་ཇི་ལྟར་རྫོགས་སངས་རྒྱས།། ཕ་རོལ་ཕྱིན་བཅུ་རྫོགས་པར་བྱས།། དེ་བཞིན་ཁྱོད་ཀྱི ་དཔའ་ཆེན་པོས། ། ཕ་རོལ་ཕྱིན་བཅུ་རྫོགས་པར་གྱིས།། ཇི་ལྟར་གང་ཞིག་རྫོགས་སངས་རྒྱས།། བྱང་ཆུབ་སྙིང་པོ་རྫོགས་པར་གྱུར།། དེ་བཞིན་ཁྱོད་ཀྱི་དཔའ་ཆེན་པོས།། རྒྱལ་བའི་བྱང་ཆུབ ་རྫོགས་པར་གྱིས། ། གང་ཞིག་ཇི་ལྟར་རྫོགས་སངས་རྒྱས།། ཆོས་ཀྱི་འཁོར་ལོ་བསྐོར་བར་གྱུར།། དེ་བཞིན་ཁྱོད་ཀྱི་དཔའ་ཆེན་པོས།། ཆོས་ཀྱི་འཁོར་ལོ་བསྐོར་བར་གྱིས།། ཇི་ལྟར་ཟླ་བ་ཉ་བ ་བཞིན། ། ཡོངས་སུ་དག་པས་འོད་འགྱེད་པ།། དེ་བཞིན་ཁྱོད་ཀྱིས་བསམ་རྫོགས་པའི།། སྟོང་ཕྲག་བཅུ་ཡི་འོད་ཕྱུང་ཞིག། ཉི་མ་སྒྲ་གཅན་ལས་གྲོལ་བ།། ཚ་ཞིང་འོད་ཟེར་རབ་ཏུ་འགྱེད།། དེ་བཞིན ་འཇིག་རྟེན་གྲོལ་བྱས་ནས། ། ཁྱོད་ཀྱི་དཔལ་ལྡན་འོད་ཟེར་ཕྱུང་།། གང་ཞིག་ཇི་ལྟར་ཆུ་ཀླུང་ནི།། རྒྱ་མཚོ་ཆེན་པོའི་རྗེས་སུ་འགྲོ།། དེ་ལྟར་ལྷ་མིའི་འཇིག་རྟེན་ཚོགས།། ཁྱོད་ཀྱི་རྗེས་སུ་འཇུག་པར ་འགྱུར། ། དེ་རྣམས་ཁྱོད་ལ་བསྟོད་ཅིང་བསྔགས།། ཆོས་བཅུ་པོ་ལ་གནས་བྱས་ནས།། དེ་ཡི་ཆོས་རྣམས་རྫོགས་བྱེད་ཅིང་།། དེ་ཚེ་ནགས་ཚལ་ཆེན་པོར་བྱིན།། མཁས་པ་བློ་གྲོས་བཟང་པོའི་གངས ་དུ་བྱ་བ་རྫོགས་སོ། ། ། དགའ་བ་ཅན་གྱི་གྲོང་ཁྱེར་དུ་གནས་པ་རྣམས་གྲོང་ཁྱེར་དུ་ཞུག་ནས་སངས་རྒྱས་ལ་སོགས་པའི་དགེ་སློང་གི་དགེ་འདུན་རྣམས་ལ་སྦྱིན་པ་ཆེན་པོ་བཏང་ངོ་།། སྟོན ་དེ་རྣམས་ལ་ཆོས་བསྟན་ཅིང་བསྟན་ནས་སྐྱེ་བོ་མང་པོ་སྐྱབས་སུ་འགྲོ་བ་ལ་གནས་པར་བྱས་ཏེ། དགའ་བ་ཅན་གྱི་གྲོང་ཁྱེར་ནས་འཐོན་ཏེ་ལྷག་པར་གནས་པ་ཇི་སྲིད་འཚོའི་བར་དེ་སྲིད་དུ་གནས་ནས། སངས ་རྒྱས་ཀྱི་འཕྲིན་ལས་ཐམས་ཅད་བྱེད་ཅིང་གོ་རིམ་བཞིན་དུ་ལྷག་མ་མེད་པར་ཡོངས་སུ་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། ། དེ་ལ་ཅུང་ཟད་བརྗོད་པས་དེ་ཐམས་ཅད་ལ ་སངས་རྒྱས་ཀྱི་རྒྱུད་ལ་བརྗོད་པའི་རིགས་པ་དེ་བཞིན་དུ་རིག་པར་བྱའོ། ། དེ་ལ་གསུངས་པ། དེ་ཚེ་ཁྱེད་རྣམས་མཆོད་སྟོན་བྱེད།། དགེ་འདུན་དང་བཅས་འཇིག་རྟེན་འདྲེན།། དེ་ལ་སྐྱབས་སུ་འགྲོ་བ་ཡིན།། ་སྟོན་པ་མར་མེ་མཛད་པ་ལ།། དེ་བཞིན་གཤེགས་པས་ངེས་གསུངས་པའི།། གང་ཞིག་སྐྱབས་སུ་འགྲོ་བར་གྱུར།། གང་ཞིག་ཚུལ་ཁྲིམས་ལྔ་དང་ལྡན།། གཞན་ཡང་ཚུལ་ཁྲིམས་བཅུ་པོ་ཡི།། གང ་ཞིག་ལ་ནི་གཞན་བྱིན་པ། ། མཆོག་གི་འབྲས་བུ་བཞི་པོ་དང་།། གང་ཞིག་ལ་ནི་མཚུངས་མེད་ཆོས།། སོ་སོ་ཡང་དག་རིག་པ་བྱིན།། ཕུན་ཚོགས་མཆོག་ནི་གང་ཞིག་ལ།། བརྒྱན་ནས་མི་ཡི་ཁྲུ ་མཆོག་བྱིན། ། གང་ཞིག་ལ་ནི་རིག་པ་གསུམ།། མངོན་པར་ཤེས་པ་དྲུག་ལ་ཞུགས།། དེ་ཡིས་རིག་པ་སྐྱེ་བོའི་ཚོགས།། ཐུབ་པ་ཆེན་པོའི་གདམས་པ་བྱིན།། དེ་ཡིས་རྒྱ་ཆེན་པོར་ནི་གྱུར།། ་འཇིག་རྟེན་མགོན་པོའི་བསྟན་པ་ལའོ།། ཁྱུ་མཆོག་ཕྲག་པ་འགྲམ་ཆེན་པོ།། མར་མེ་མཛད་ཀྱི་མཚན་དང་ལྡན།། སྐྱེ་བོ་མང་པོ་སྒྲོལ་བར་བྱེད།། ངན་འགྲོ་ཡོངས་སུ་གྲོལ་བར ་བྱེད། གྲོལ་བའི་ཕྱིར་དུ་སྐྱེ་བོ་མཐོང་།། སྟོང་ཕྲག་བརྒྱ་ཡི་དཔག་ཚད་དུ།། སྐད་ཅིག་ཙམ་གྱི་ཆེ་བར་སོང་།། ཐུབ་པ་ཆེན་པོ་དེ་མཁྱེན་ཕྱིར།། དང་པོར་འདུས་པའི་སངས་རྒྱས་ཀྱིས།། བྱེ་བ་བརྒྱ ་པོ་རྟོགས་པར་བྱས། ། མགོན་པོ་འདུས་པ་གཉིས་པ་ནི།། འབུམ་ཕྲག་གཅིག་གིས་རྟོགས་པར་བྱས།། གང་ཚ་ལྷ་ཡི་གནས་སུ་ནི།། སངས་རྒྱས་ཀྱིས་ནི་ཆོས་བསྟན་ནོ།། བྱེ་བ་སྟོང་ཕྲག་དགུ་བཅུ ་ཡི། འདུས་པ་གསུམ་པ་ལ་ནི་གྱུར།། དེ་རྣམས་འདུས་པ་གསུམ་དུ་གྱུར།། སྟོན་པ་མར་མེ་མཛད་ཀྱིའོ།། བྱེ་བ་སྟོང་ཕྲག་བརྒྱ་ཡིས་ནི།། དང་པོ་ཡི་ནི་འདུས་པ་ཡིན།། སླར་ཡང་ནཱ་ར་དྷ་ཡི་ཕུར ་རྒྱལ་བ་གཅིག་པུར་བཞུགས་པ་ནི། ། ཟག་པའི་དྲི་མ་ཟད་པ་ཡི།། བྱེ་བ་བརྒྱ་ནི་ཞི་བ་དང་།། དཔའ་བོ་ཆེན་པོ་ཇི་སྲིད་བཞུགས།། རི་ཡི་སྟེང་ན་བལྟ་ན་སྡུག། སྟོང་ཕྲག་བྱེ་བ་དགུ་བཅུ་ཡིས།། དེ་ཚེ་ཐུབ་པ ་ཡི་ནི་འཁོར། ། བདག་གིས་དེ་ཡི་དུས་སུ་ནི།། སྡོམ་བརྩོན་དཀའ་ཐུབ་པ་ཡི་མཆོག། བདག་ནི་བར་སྣང་ལ་ནི་འགྲོ།། མངོན་ཤེས་ལྔ་ཡི་ཕ་རོལ་སོན།། སྟོང་ཕྲག་བཅུ་དང་ཉི་ཤུ་ནི།། ཆོས་ལ་འདུས་པར ་གྱུར་པའོ། ། གཅིག་དང་གཉིས་ཀྱི་འདུས་པ་ནི།། བགྲང་དུ་མེད་ཅིང་གྲངས་མེད་དོ།། རྒྱ་ཆེ་དེད་དཔོན་ཅང་ཤེས་པ།། དེ་ཚེ་རྫུ་འཕྲུལ་ལྡན་ཞིང་རྫོགས།། བཅོམ་ལྡན་འདས་ནི་མར་མེ་མཛད།། ་བསྟན་པ་ཤིན་ཏུ་དག་ཅིང་མཛེས།། འབུམ་ཕྲག་བཞི་པོ་རྣམས་ལ་ནི།། མངོན་ཤེས་དྲུག་དང་རྫུ་འཕྲུལ་ལྡན།། མར་མེ་མཛད་ནི་འཇིག་རྟེན་མཁྱེན།། རྟག་ཏུ་འཁོར་རྣམས་ཡོད་དག་ལྡན།། ་གང་ཞིག་དེ་ཡི་དུས་སུ་ནི།། མི་རྣམས་དངོས་པོ་གཏོང་བ་དང་།། སེམས་ཀྱི་ལྷག་མ་མ་ཐོབ་པ།། དེ་རྣམས་སྐུར་པ་འདེབས་པར་གྱུར།། མེ་ཏོག་བཟང་པོའི་ཆོག་རྙེད་པ།། དགྲ་བཅོམ་རྣམས་ནི་དེ ་དང་མཚུངས། ། དྲི་མ་མེད་ཅིང་ཟག་པ་ཟད།། ལྷ་དང་མི་རྣམས་ཉེ་བར་མཛེས།། གྲོང་ཁྱེར་དགའ་བ་ཅན་ཞེས་པ།། བློ་གྲོས་བཟང་པོ་རྒྱལ་པོའི་རིགས།། ཡུམ་ནི་བློ་གྲོས་བཟང་མོ་ཡིན།། སྟོན་པ་མར ་མེ་མཛད་ཡིན་ནོ། ། བཀྲ་ཤིས་བཟང་པོ་ཉེ་རྒྱལ་ནི།། ཉན་ཐོས་རྣམས་ཀྱི་མཆོག་ཡིན་ནོ།། ལེགས་འོངས་ཞེས་པ་ཉེ་གནས་ཡིན།། སྟོན་པ་མར་མེ་མཛད་པའོ།། དགའ་བ་ཉིད་དང་ཤིན་ཏུ་དགའ།། ་ཉན་ཐོས་མ་ཡི་མཆོག་ཡིན་ནོ།། བཅོམ་ལྡན་དེ་ཡི་བྱང་ཆུབ་ཤིང་།། བིམ་པ་ལ་ཞེས་བྱ་བ་ཡིན།། མཐོ་ཚད་ཁྲུ་ནི་བརྒྱད་ཅུ་པ།། ཐུབ་པ་ཆེན་པོ་མར་མེ་མཛད།། ཤིང་བཞིན་རབ་ཏུ་འབར་བ ་ཡི། མེ་ཏོག་སཱ་ལའི་ཤིང་རྒྱས་བཞིན།། ལོ་ན་སྟོང་ཕྲག་བརྒྱ་རུ་ནི།། དྲང་སྲོང་ཆེན་པོ་དེ་ཡི་ཚེ།། དེ་སྲིད་དུ་ནི་གནས་པ་སྟེ།། སྐྱེ་བོ་མང་པོ་སྒྲོལ་བར་བྱེད།། ཆོས་ཀྱི་སྣང་བར་བྱས་ནས་ནི།། ་སྐྱེ་བོ་མང་པོ་ཡང་དག་སྒྲོལ།། མེ་ཡི་ཕུང་པོ་བཞིན་དུ་གསལ།། དེ་ནས་ཉན་ཐོས་དང་བཅས་འདས།། དེ་ཡང་རྫུ་འཕྲུལ་དེ་གྲགས་པ།། རིན་ཆེན་འཁོར་ལོ་དེ་ཞབས་ལ།། ཐམས་ཅད་ཀུན་ནས ་བྲལ་བ་དང་། ། འདུས་བྱས་ཆོས་རྣམས་གཏོང་བའོ།། མར་མེ་མཛད་ཀྱི་འོག་ཏུ་ནི།། འདྲེན་པ་ཀོའུ་ཌི་ནྱ་ཞེས་པ།། གཟི་བརྗིད་དཔག་མེད་མཐའ་ཡས་གྲགས།། རིང་ལ ་སེམས་དཔའ་གཞལ་དུ་མེད། ། སླར་ཡང་བཅོམ་ལྡན་འདས་མར་མེ་མཛད་ཀྱི་འོག་གི་ཆར་བསྐལ་པ་གྲངས་མེད་པ་གཅིག་འདས་ནས། སྟོན་པའི་འདྲེན་པ་ཀོ་རུ་ཌི་ནྱ་ཞེས་བྱ་བ་བྱོན་ནོ།། དེའི་ཡང་ཉན་ཐོས ་འདུས་པ་གསུམ་དུ་གྱུར་ཏོ། ། འདུས་པ་དང་པོ་ལ་བྱེ་བ་སྟོང་ཕྲག་བརྒྱའོ།། འདུས་པ་གཉིས་པ་ལ་བྱེ་བ་སྟོང་ཕྲག་གཅིག་གོ།། འདུས་པ་གསུམ་པ་ལ་ནི་བྱེ་བ་ཕྲག་དགུ་བཅུའོ།། དེའི་ཚེ་བྱང་ཆུབ་སེམས ་དཔའ་རྣམ་པར་རྒྱལ་བ་ཞེས་བྱ་བ་འཁོར་ལོ་སྒྱུར་བའི་རྒྱལ་པོར་གྱུར་ཏོ། ། བྱེ་བ་སྟོང་ཕྲག་བརྒྱ་ཡི་གྲངས་ཀྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཆེན་པོ་རྣམས་ལ་སྦྱིན་པ་ཆེན་པོ་བཏང་ངོ་།། ་སྟོན་པས་བྱང་ཆུབ་སེམས་དཔའ་སངས་རྒྱས་སུ་འགྱུར་རོ་ཞེས་ལུང་བསྟན་པར་བྱས་ནས་ཆོས་བསྟན་ནོ།། དེས་སྟོན་པའི་ཆོས་ཐོས་ནས་རྒྱལ་སྲིད་སྤངས་ནས་རབ་ཏུ་བྱུང་ངོ་།། དེས་སྡེ་སྣོད་གསུམ་པོ་བསླབ ་ནས་སྙོམས་པར་འཇུག་པ་བརྒྱད་དང་མངོན་པར་ཤེས་པ་ལྔ་བསྐྱེད་དོ། ། བསམ་གཏན་མ་བོར་བར་ཚངས་པའི་འཇིག་རྟེན་དུ་སྐྱེས་སོ།། སླར་ཡང་སངས་རྒྱས་ཀོའུ་ཌི་ནྱ་དེ་ཡི་གྲོང་ཁྱེར་དགའ་བ་ཅན་ཡིན ་ནོ། ཤིན་ཏུ་དགའ་བའི་རྒྱལ་པོ་ནི་ཡབ་བོ།། རིགས་བཟང་ལྷ་མོ་ནི་ཡུམ་མོ།། བཟང་པོ་དང་ལེགས་བཟང་གཉིས་ནི་ཉན་ཐོས་རྣམས་ཀྱི་མཆོག་གོ།། མི་འགའ་ཞེས་བྱ་བ་ནི་ཉེ་གནས་སོ།། རྒྱལ ་མ་དང་རེ་རྒྱལ་མ་ནི་ཉན་ཐོས་མའི་མཆོག་གོ། ། བྱང་ཆུབ་ཀྱི་དགེ་བའི་ཤིང་ནི་ཤ་ལྱའོ།། སྐུའི་མཐོ་ཚད་ཁྲུ་བརྒྱད་ཅུ་རྩ་བརྒྱད་དོ།། སྐུ་ཚེའི་ཚད་ནི་ལོ་སྟོང་ཕྲག་བརྒྱའོ།། དེའི་འོག་གི་ཆར་བསྐལ་པ་གྲཏྲ། ་མེད་པ་གཅིག་འདས་ནས་བསྐལ་པ་གཅིག་གི་ནང་དེ་ཉིད་དུ་སངས་རྒྱས་བཞི་བྱོན་པར་གྱུར་ཏོ།། བཀྲ་ཤིས་བཟང་པོ་དང་། ཐུགས་བཟང་པོ་དང་། ནམ་གྲུ་ཅན་དང་། མཛེས་པ་ཅན་ནོ།། བཅོམ་ལྡན ་འདས་བཀྲ་ཤིས་བཟང་པོའི་ཉན་ཐོས་ཀྱི་འདུས་པ་གསུམ་དུ་འགྱུར་ཏེ། དེ་ཡི་འདུས་པ་དང་པོ་ནི་བྱེ་བ་སྟོང་ཕྲག་བརྒྱའི་དགེ་སློང་ངོ་།། གཉིས་པ་ལ་སྟོང་ཕྲག་གཅིག་གོ།། གསུམ་པ་ལ་བྱེ་བ་ཕྲག ་དགུ་བཅུའོ། ། མའི་སྤུན་གྱི་གཞོན་ནུ་ཀུན་དགའ་བོ་ཞེས་བྱ་བ་བྱེ་བ་ཕྲག་དགུ་བཅུའི་འཁོར་དང་བཅས་པ་ནི་ཆོས་ཉན་པའི་ཕྱིར་དུའོ།། སྟོན་པའི་ཉེ་བར་གནས་པ་རྣམས་སོང་ངོ་།། སྟོན་པ་དེའི་སྔུན ་གྱི་གཏམ་རྣམས་གོ་རིམས་བཞིན་དུ་བརྗོད་པར་བྱའོ། ། དེ་འཁོར་དང་བཅས་པ་སོ་སོ་ཡང་དག་པར་རིག་པ་དང་དགྲ་བཅོམ་པ་ཐོབ་བོ།། སྟོན་པ་དེས་རིགས་ཀྱི་བུ་རྣམས་ལ་སྔར་གྱི་སྤྱོད་པ་རྣམས ་ལ་བལྟ་ཞིང་རྫུ་འཕྲུལ་ལས་བྱུང་བའི་ལྷུང་བཟེད་དང་ཆོས་གོས་རྣམས་གཟིགས་ཏེ། ཕྱག་གཡས་པ་བརྐྱང་ནས་དགེ་སློང་རྣམས་ཚུར་ཤོག་ཅིག་ཅེས་གསུངས་པ་དང་། ཐམས་ཅད་དེ་མ་ཐག་ཞིང་དུ་རྫུ ་འཕྲུལ་ལས་བྱུང་བའི་ལྷུང་བཟེད་དང་ཆོས་གོས་བཟུང་ནས་གནས་བརྟན་ལོ་དྲུག་ཅུ་ལོན་པ་བཞིན་དུ་གྱུར་ཏེ། ཆོ་ག་ཕུན་སུམ་ཚོགས་པར་གྱུར་ནས་སྟོན་པ་ལ་ཕྱག་བྱས་ཏེ་འཁོར་དུ་གྱུར་ཏོ།། ཇི་ལྟར་གཞན ་ཡང་སངས་རྒྱས་གཞན་རྣམས་ལ་ཀུན་ནས་ཁྲུ་བརྒྱད་ཅུ་པའི་སྐུ་ཚད་ཉིད་ཀྱི་འོད་དུ་གྱུར་ཏོ། ། བཅོམ་ལྡན་འདས་དེ་ཉིད་ཀྱི་སྐུའི་འོང་དེ་ལྟ་བུ་ཉིད་མ་ཡིན་གྱི། དུས་རྟག་ཏུ་སྟོང་ཕྲག་བཅུའི ་འཇིག་རྟེན་གྱི་ཁམས་སུ་འཕྲོ་ཞིང་གནས་ཏེ། ཤིང་དང་། ས་དང་། རི་དང་། རྒྱ་མཚོ་ལ་སོགས་པའི་ཕྱོགས་ལྷག་མ་རྣམས་དང་། ཚང་དང་ལ་སོགས་པ་གསེར་གྱིས་སྦས་པ་བཞིན་ནོ།། སྐུ་ཚེའི་ཚད ་ནི་སྟོང་ཕྲག་དགུ་བཅུའོ། ། དེ་རྣམས་ཀྱི་དུས་ལ་ཟླ་བ་དང་ཉི་མ་ལ་སོགས་པ་ལ་རང་གི་འོད་ཀྱི་སྣང་བའི་ནུས་པ་མེད་དོ།། མཚན་མོ་དང་ཉིན་མོའི་བྱེ་བྲག་མི་ཤེས་སོ།། སེམས་ཅན་རྣམས་ཀྱི་ཉིན་མོ་ཉིམ་ཤར ་བབ་བཞིན་དུ་སངས་རྒྱས་ཀྱི་འོད་ཀྱིས་རྟག་ཏུ་འགྲོ་བར་བྱེད་དོ། ། མཚན་མོ་མེ་ཏོག་ཟུམ་པ་དང་སྔ་དྲོའི་དུས་སུ་བྱ་རྣམས་སྐད་འབྱིན་པ་ལ་སོགས་པ་ལ་བརྟེན་པས་ཉིན་མཚན་ཤེས་པར་བྱེད་དོ།། ཡང་དག་པར ་རྫོགས་པའི་སངས་རྒྱས་གཞན་རྣམས་ལ་ཅིའི་ཕྱིར་འདི་ལྟ་བུ་མེད་པ་ཡིན་ནམ། མེད་པ་ནི་མ་ཡིན་ཏེ། དེ་རྣམས་ཀྱིས་ཀྱང་དགོངས་པར་གྱུར་ན། སྟོང་ཕྲག་བཅུའི་འཇིག་རྟེན་གྱི་ཁམས་སུ་གྱུར་པ་འམ་དེ་བས་ལྷག ་པར་ཡང་འོད་འཕྲོ་བར་བྱེད་དོ། ། སླར་ཡང་བཅོམ་ལྡན་འདས་བཀྲ་ཤིས་བཟང་པོ་སྔར་གྱི་དོན་དུ་གཉེར་བའི་དབང་གིས་ཏེ། གཞན་གྱི་འོད་འདོམ་གང་བ་བཞིན་ནོ།། སྐུའི་འོད་ཀྱིས་རྒྱུན་མི་འཆད་པ་ཉིད་དུ་སྟོང ་ཕྲག་བཅུའི་འཇིག་རྟེན་གྱི་ཁམས་ཁྱབ་པར་བྱས་ནས་གནས་སོ། ། དེའི་བྱང་ཆུབ་སེམས་དཔའི་སྤྱོད་པའི་དུས་ན་ཐམས་ཅད་སྒྲོལ་བཞིན་དུ་བདག་ཉིད་གནས་སོ།། དེའི་བུ་དང་བུ་མོར་བཅས་པ་རི་བོ་བམ་ག་བཞིནཛུར ་ལ་བཞུགས་སོ། ། དེ་ནས་མཆེ་བ་གཅིག་པ་གདུག་པ་ཅན་གྱི་གནོད་སྦྱིན་ཞིག་གིས་སྐྱེས་བུ་ཆེན་པོ་སྦྱིན་པ་གཏོང་ཞེས་ཐོས་ནས་བྲམ་ཟེའི་གཟུགས་ཀྱིས་ཉེ་བར་སོང་སྟེ་སེམས་དཔའ་ཆེན་པོའི་དྲུང་།། ་དུ་བུ་མོ་སློང་ངོ་།། སེམས་དཔའ་ཆེན་པོས་བྲམ་ཟེ་ལ་བུ་དང་བུ་མོ་སྦྱིན་ནོ་ཞེས་བསམས་ནས་དགའ་བ་དང་ཚིམ་པས་ཆུའི་མཐར་ཐུག་པའི་ས་རྣམས་གཡོས་སོ།། དེ་ནས་གནོད་སྦྱིན་འཆག་པའི་གནས་ཀྱི་མཐར ་ཙོག་པུར་རྒྱབ་རྟེན་ལ་འདུག་སྟེ་སེམས་དཔའ་ཆེན་པོ་ལ་ལྟ་ཞིང་འདུག་གོ། དེ་ལ་དེས་བུ་དང་བུ་མོ་བྱིན་པ་དང་། དེས་ལ་ཕུག་ཟ་བ་བཞིན་དུ་བུ་དང་བུ་མོ་ཟོས་ནས། གནོད་སྦྱིན་གྱིས་སྐྱེས་བུ་ཆེན་པོ་དེ་ལ་བལྟ་སྟེ། ་ཁ་གདངས་ནས་མེ་འབར་བ་བཞིན་དུ་ཁྲག་གི་རྒྱུན་འབབ་བོ།། དེའི་ཁ་མཐོང་ནས་ཀྱང་སྐྲའི་རྩེ་མོ་ཙམ་གྱི་ཡིད་མི་བདེ་བ་ཡང་མ་སྐྱེས་པར་ངས་བྱིན་པ་ཤིན་ཏུ་ལེགས་པ་གཅིག་གོ་ཞེས་སེམས་སོ།། སླར ་ཡང་ལུས་ལ་མཆོག་ཏུ་དགའ་བ་ཆེན་པོ་སྐྱེས་སོ། ། དེ་དག་འདི་ལ་བྱིན་པའི་བསོད་ནམས་ཀྱི་ཕན་ཡོན་གྱིས་མ་འོངས་པ་ན་འདི་ལྟ་བུའི་རིམ་པའི་འོད་ཟེར་འཕྲོ་བར་དོན་དུ་གཉེར་རོ།། དེ་ལ་དོན་གཅེར ་བའི་རྒྱུ་མཚན་གྱིས་སངས་རྒྱས་གྱུར་ནས་སྐུའི་འོད་དེ་ཕྱི་རོལ་དུ་འཕྲོ་ཞིང་དེ་རྣམས་ལ་ཁྱབ་པར་གནས་སོ། ། གཞན་ཡང་འདིའི་སྔར་གྱི་མཛད་པ་ཡོད་པས་དེ་བྱང་ཆུབ་སེམས་དཔའི་དུས་སུ་སངས་རྒྱས ་གཅིག་གིས་སྐུ་གདུང་གི་མཆོད་རྟེན་མཐོང་ནས། སངས་རྒྱས་འདིའི་སྐུ་གདུང་ལ་བདག་གིས་འཚོ་བ་ཡོངས་སུ་བཏང་ན་རིགས་སོ་སྙམ་ནས་ཤིང་རས་ཀྱིས་དཀྲིས་པ་བཞིན་དུ། ལུས་ཐམས་ཅད་གོས ་གཞན་གྱིས་དཀྲིས་ཤིང་རིན་པོ་ཆེའི་ཅོད་པན་གྱོན་ནས་འབུམ་ཕྲག་གཅིག་རི་བའི་གསེར་གྱི་སྣོད་དུ་མར་གྱིས་བཀང་སྟེ། དེར་རས་འདི་སྟོང་ཕྲག་བརྒྱ་བཙུགས་ནས་མར་མེ་སྦར་ཏེ ་མགོའི་སྟེང་དུ་བཞག་ཅིང་ལུས་ཐམས་ཅད་ཀྱང་འབར་བར་བྱས་ནས་སྐུ་གདུང་གི་མཆོད་རྟེན་ལ་སྐོར་བར་བྱེད་དོ། ། དེ་ལྟར་མཚན་ཐོག་ཐག་སྔ་དྲོའི་སྐྱ་རེངས་ཤར་གྱི་བར་དུ་འབད་པ་བྱེད་པ་ཉིད་ཀྱི་བ་སྤུའི་ཁུང་བུ ་ཙམ་ཡང་དྲོ་བར་མ་གྱུར་ཏེ། པདྨའི་ཚུལ་དུ་བཞུགས་པ་བཞིན་ནོ།། ཆོས་ཞེས་བྱ་བ་འདི་རང་ཉིད་བསྲུངས་ན་ཆོས་བསྲུངས་པར་འགྱུར་རོ།། དེའི་ཕྱིར་གསུངས་པ། ཆོས་བཞིན་བསྲུང་ན་ཆོས་སྤྱོད་དོ།། ཆོས་ཀྱིས ་བསྒྲལ་ན་ཆོས་བཞིན་ཐོབ། ། ལེགས་པར་བསྒྲལ་ན་ཆོས་ཕན་ཡོན།། ཆོས་སྤྱོད་ངན་འགྲོར་མི་འགྲོའོ།། འདིའི་ལས་ཀྱི་འབྲས་བུ་བཅོམ་ལྡན་འདས་དེའི་སྐུའི་འོད་ཀྱིས་སྟོང་ཕྲག་བཅུའི་འཇིག་རྟེན་གྱི་ཁམས ་ཁྱབ་ཅིང་གནས་སོ། ། དེའི་ཚེ་བདག་ཅག་ནི་བྱང་ཆུབ་སེམས་དཔའ་ཤིན་ཏུ་སྲེད་པ་ཞེས་བྱ་བའི་བྲམ་ཟེར་གྱུར་ཏོ།། དེས་སྟོན་པ་མགྲོན་དུ་གཉེར་བའི་ཕྱིར་དྲུང་དུ་སོང་སྟེ་ཆོས་མཉན་པའི་བཤད་པ་ཐོས་ནས་བཙུན་པ ་སང་བདག་གི་གདུགས་ཚོད་ལ་བྱོན་པ་ཞུ་ཞེས་སོ། ། བྲམ་ཟེ་དགེ་སློང་ད་དུ་ཙམ་དགོས་ཞེས་གསུངས་པ་དང་། བཙུན་པ་འཁོར་དང་བཅས་པའི་དགེ་འདུན་དུ་ཙམ་བདོག་ཅེས་ཞུས་སོ།། དེའི་ཚེ་སྟོན ་པའི་འདུས་པ་དང་པོ་ཉིད་ཙམ་ཡོད་དོ། ། དེའི་ཕྱིར་བྱེ་བ་སྟོང་ཕྲག་བརྒྱ་ཡོད་ཅེས་གསུངས་སོ།། བཙུན་པ་འཁོར་ཐམས་ཅད་དང་བཅས་པ་བདག་གི་ཁང་པར་གདུགས་ཆོད་ལ་བྱོན་པར ་ཞུ་ཞེས་ཞུས་པ་དང་། བཅོམ་ལྡན་འདས་ཀྱིས་གནང་སྟེ་བྲམ་ཟེས་སང་དོན་དུ་གཉེར་ཅིག། ཁང་པར་འགྲོ་ཞིང་བསམས་པ་བདག་གིས་དགེ་སློང་འདི་རྣམས་ལ་ཐུག་པ་དང་ཟན་དང་གོས་ལ་སོགས་པ་འབུལ ་བར་ནུས་སོ། ། བཞུགས་པའི་གནས་ཇི་ལྟ་བུ་ཞེས་བསམས་སོ།། དཔག་ཚད་བརྒྱད་ཁྲི་བཞི་སྟོང་གི་སྟེང་ན་གནས་པའི་ལྷའི་རྒྱལ་པོའི་ལ་བ་དམར་པོའོ་རྡོ་ལེབ་ལ་བཞུགས་པ་ན་དྲོ་བར་གྱུར་ཏེ། བརྒྱ་བྱིན་གང ་ཞིག་བདག་གི་གནས་འདིར་འདོར་བའི་སེམས་སུ་ཞིག་ལ་ཡོད་སྙམ་པ་དང་། ལྷའི་དབང་པོས་ལྷའི་མིག་གིས་བལྟས་པས་སྐྱེས་བུ་ཆེན་པོ་དེ་མཐོང་ནས། འདི་ལྟར་ཤིན་ཏུ་སྲེད་པའི་བྲམ་ཟེ་སངས་རྒྱས ་ལ་སོགས་པ་དགེ་སློང་གི་དགེ་འདུན་མགྲོན་དུ་གཉེར་ཏེ། བཞུགས་པའི་གནས་ཀྱང་བསམས་ཀྱི། བདག་ཀྱང་དེར་ཕྱིན་ནས་བསོད་ནམས་ཀྱི་ཆ་ལེན་པར་རིགས་སོ་སྙམ་ནས་ཤིང་མཁན་གྱི་གཟུགས་སུ ་སྤྲུལ་ཏེ། སྟེའུ་དང་དགྲ་སྟ་བླངས་ཏེ་སྐྱེས་བུ་ཆེན་པོའི་མདུན་དུ་གནས་པར་གྱུར་ནས། གང་སུ་ཞིག་ཁོ་བོ་གླ་བྱིན་ཏེ་ལས་ཀ་བྱེད་པ་ཡོད་ཅེས་སྨྲས་སོ།། སྐྱེས་བུ་ཆེན་པོས་གཟིགས་ཏེ། གང་ཞིག་ལས་ཀ། ་བྱེད་ནུས་ཞེས་གསུངས་པ་དང་། བདག་གིས་མི་ཤེས་པའི་བཟོ་མེད་དོ།། ཁང་པའམ། བསྟི་གནས་སམ། གང་ཞིག་ཅུང་ཟད་བྱེད་པའི་བཟོ་དེ་བདག་གིས་བྱེད་ཡང་ནུས་སོ་ཞེས་ཟེར་རོ།། བྱང་ཆུབ ་སེམས་དཔས་སྨྲས་པ། དེའི་ཕྱིར་ང་ལ་ལས་སུ་བྱ་བ་ཡོད་དེ། ཁོ་བོས་སང་འཕགས་པ་ལས་བྱེ་བ་ཕྲག་བརྒྱ་པའི་དགེ་སློང་གི་དགེ་འདུན་མགྲོན་དུ་གཉེར་ཏོ།། དེ་རྣམས་བཞུགས་པའི་གནས་བྱེད ་པར་ནུས་སམ། སྨྲས་པ། བདག་གིས་བགྱིའོ།། བདག་ལ་གླ་སྟེར་བར་ནུས་སམ། བུ་བདག་གིས་ནུས་སོ།། ལེགས་སོ་ཞེས་བྱ་བ་ལེགས་པར་བྱས་སོ།། ཕྱིན་ནས་ས་ཕྱོགས ་གཅིག་བལྟས་ནས་དཔག་ཚད་བཅུ་གཉིས་སམ། བཅུ་གསུམ་པའི་ཚད་ཀྱིས་ཕྱོགས་གཅིག་ཏུ་ཟད་པར་སྔོན་པོའི་དཀྱིལ་འཁོར་བཞིན་དུ་སྟེང་མཉམ་པར་བྱས་སོ།། དེས་འདི་རྣམས་ཀྱི་གནས་ཙམ་དུ་རིན ་པོ་ཆེ་སྣ་བདུན་ལས་བྱུང་བའི་བསྟི་གནས་ས་འོག་ནས་ཕྱུང་ནས་བྱའོ་ཞེས་བསམ་ཞིང་བལྟའོ། ། དེ་མ་ཐག་པར་ས་གཞི་བརྟོལ་ནས་བསྟི་གནས་གྲུབ་བོ།། དེ་ནི་གསེར་ལས་བྱུང་བའི་ཀ་ཞུའི་སྟེང་དུ་གསེར ་ལས་བྱུང་བའི་གདུང་ངོ་། ། ནོར་བུའི་ཀ་བ་ལ་བྱུ་རུའི་རང་བཞིན་ནོ།། བྷུ་རུའི་ཀ་བ་ལ་ནོར་བུའི་རང་བཞིན་ནོ།། རིན་པོ་ཆེ་སྣ་བདུན་ལས་བྱུང་བའི་ཀ་བ་ལ་རིན་པོ་ཆེ་སྣ་བདུན་བྱུང་བའི་ཀ་ཞུ་ཉིད་དོ།། དེ་ནས་བསྟི ་གནས་ཀྱི་བར་བར་དུ་གཡེར་ཁའི་དྲ་བ་འཕྱང་བ་ལ་བལྟ་ཞིང་དེ་བལྟས་ཙམ་ཉིད་ན་དྲ་བ་འཕྱང་། གང་ལ་རླུང་གིས་སྐྱོད་པ་དེ་ལ་ཡན་ལག་ལྔ་པའི་རོལ་མོ་སྒྲ་སྙན་སྒྲོགས་ཏེ། ལྷའི་གླུ་དབྱངས་སྒྲོགས་པ་བཞིན་ནོ།། ་བར་བར་དུ་སྤོས་ཀྱི་འཕྲེང་བ་དང་མེ་ཏོག་གི་འཕྲེང་བ་འཕྱང་བ་ལ་སེམས་ཤིང་འཕྲེང་བ་འཕྱང་བ་ལའོ།། བྱེ་བ་སྟོང་ཕྲག་བརྒྱའི་དགེ་སློང་གི་དགེ་འདུན་གྱི་གྲངས་ཀྱིས་སྟན་དང་རྒྱབ་རྟེན་རྣམས་ས་གཞི་ལ ་བརྟོལ་ནས་བྱུང་བར་བསམས་སོ། ། དེ་མ་ཐག་ཏུ་སའི་སྟེང་དུ་གྲུབ་བོ།། མཚམས་དང་མཚམས་རྣམས་སུ་རེ་རེ་ར་མུའི་སྣོད་ཆེན་པོ་གྲུབ་པ་བསམས་སོ།། ཆུའི་སྣོད་ཆེན་པོ་དེ་རྣམས་གྲུབ་བོ།། དེ་དག ་ཐམས་ཅད་སྤྲུལ་ནས་བྲམ་ཟེའི་དྲུང་དུ་སོང་ནས། འཕགས་པ་འདིར་བྱོན་ལ་བསྟི་གནས་གཟིགས་མཛོད། བདག་ལ་གླ་སྦྱིན་པར་རིགས་སོ་ཞེས་ཞུས་ནས་སྐྱེས་བུ་ཆེན་པོ་གཤེགས་ཏེ་བསྟི་གནས་གཟིགས། ་ནས་དེ་མ་ཐག་ཏུ་བརྒྱ་བྱིན་མི་སྣང་བར་གྱུར་ཏོ།། གཟིགས་པ་ཙམ་ན་ལུས་ཐམས་ཅད་ཁ་དོག་ལྔ་དང་ལྡན་པ་ལ་དགའ་བ་རྒྱུན་མི་འཆད་པར་འཕྲོ་བར་གྱུར་ཏོ།། དེ་ནས་བསྟི་གནས་གཟིགས་ནས་འདི་ལྟར ་ཡིད་ལ་བསམས་སོ། ། བསྟི་གནས་འདི་མིར་གྱུར་པས་བསྒྲུབས་པ་མ་ཡིན་ནོ།། སླར་ཡང་བདག་གི་ལྷག་པའི་བསམ་པ་དང་བདག་གི་ཡོན་ཏན་རྟོགས་པས་ངེས་པར་བརྒྱ་བྱིན་གྱི་སྟན་དྲོ་བར་གྱུར་ནས་བརྒྱ ་བྱིན་ལྷའི་རྒྱལ་པོས་བསྟི་གནས་འདི་བྱས་པར་གྱུར་ཏོ། ། དེ་ནས་སླར་ཡང་འདི་ལྟ་བུའི་ཚུལ་གྱི་བསྟི་གནས་སུ་ཉི་མ་གཅིག་ཉིད་ལ་སྦྱིན་པ་གཏོང་བ་ནི་བདག་གི་རིགས་པ་མ་ཡིན་ནོ།། ཉི་མ ་བདུན་དུ་བདག་གིས་སྟེར་བར་བསམས་སོ། ། ཕྱི་རོལ་གྱི་སྦྱིན་པས་ཇི་ཙམ་གྱིས་ཀྱང་བྱང་ཆུབ་སེམས་དཔའ་རྣམས་དགྱེས་པར་མི་ནུས་སོ།། རྒྱན་གྱིས་བརྒྱན་པའི་མགོ་བོ་བཅད་པ་དང་། དྲི་མ་མེད་པའི ་མིག་བཏོན་པ་དང་། སྙིང་གི་ཤ་བྲེགས་པའམ་བཅད་ནས་བྱིན་པའི་དུས་སུ་བྱང་ཆུབ་སེམས་དཔའ་བཏང་བའི་དགྱེས་པར་འགྱུར་རོ།། བདག་ཅག་བྱང་ཆུབ་སེམས་དཔའ་རྣམས་ཀྱི་ཡང་སི་བའི་སྐྱེ་རབས ་ལས་ཉི་མ་རེ་རེར་དོང་ཙེ་ཁལ་ལྔ་ལྔ་རི་བའི་རིན་གྱིས་ཉོས་ནས་སྒོ་བཞི་དང་གྲོང་ཁྱེར་གྱི་དབུས་སུ་སྦྱིན་པ་གཏོང་ངོ་། ། དེའི་སྦྱིན་པ་དེ་གཏོང་བས་ཡོངས་ཚིམ་པ་མེད་དོ།། སླར་ཡང་གང་གི་ཚེ་བརྒྱ་བྱིན་ལྷའི་རྒྱལ ་པོ་བྲམ་ཟེའི་གཟུགས་ཀྱིས་འོངས་ནས་མིག་བླངས་སོ། ། དེའི་ཚེ་དེའི་མིག་བདོན་ནས་སྟེར་བ་ཉིད་ཀྱིས་དགྱེས་པར་འགྱུར་རོ།། སྐྲའི་རྩེ་མོ་ཙམ་ཡང་སེམས་ལ་སྡུག་བསྔལ ་པར་མི་འགྱུར་རོ། ། དེ་བཞིན་དུ་སྦྱིན་པའི་རྒྱུས་བྱང་ཆུབ་སེམས་དཔའ་ལ་ཚིམ་པ་མེད་དོ།། དེ་ཡི་སྟེར་བ་སྐྱེས་བུ་ཆེན་པོ་དེ་ཡང་ཞག་བདུན་དུ་བདག་གིས་བྱེ་བ་སྟོང་ཕྲག་བརྒྱའི་གྲངས་ཀྱིས་དགེ་སློང་གི་དགེ ་འདུན་རྣམས་ལ་སྦྱིན་པ་གཏོང་བར་རིགས་སོ་ཞེས་བསམས་སོ། ། དེ་ཡི་བསྟི་གནས་སུ་བཞུགས་ནས་ཞག་བདུན་དུ་དགའ་བ་པཱ་ན་ཞེས་བྱ་བའི་སྦྱིན་པ་བྱིན་ནོ།། དགའ་བ་ཅན་ཞེས་པ་ནི་ཆེས་ཆེ་བའི་སྣོད་ཤིན ་ཏུ་ཆེ་བ་འོ་མས་བཀང་ནས་ཚང་དབང་ཆེན་པོའི་སྟེང་དུ་བཞག་ནས། མེ་ས་འོ་མ་ཤིན་ཏུ་བསྐ་བར་བསྐོལ་ཏེ་འབྲས་ཅུང་ཟད་བཏབ་ནས་བཙོས་ཏེ་སྦྲང་དང་། དཀར་བའི་ཕྱེ་མ་དང་། མར་གསར་པ་རྣམས ་བཅོས་པའི་བཟའ་བའི་འོ་ཐུག་ནི་དགའ་བ་པཱ་ན་ཞེས་བརྗོད་དོ། ། མི་རྣམས་ཀྱིས་འདྲེན་པར་མ་ནུས་ན་ལྷ་རྣམས་ཀྱིས་ཀྱང་བར་བར་དུ་འདྲེན་ནོ།། དཔག་ཚད་བཅུ་གཉིས་སམ་བཅུ་གསུམ་པའི་ཚད ་ཀྱི་གནས་སུ་དགེ་སློང་རྣམས་མ་ཤོང་ན། སླར་ཡང་དགེ་སློང་དེ་རྣམས་རང་རང་གིས་མཐུས་བཞུགས་སོ།། ཞག་བདུན་གྱི་མཐར་དགེ་སློང་ཐམས་ཅད་ཀྱི་ལྷུང་བཟེད་བཀྲུས་ནས་སྨན་གྱི་ཕྱིར་དུ ་མར་གསར་པ་དང་། ཞུན་མར་དང་། སྦྲང་དང་། བུ་རམ་བསྐོལ་བའི་ཆུ་རྣམས་ཀྱིས་ལྷུང་བཟེད་བཀང་ནས་ཆོས་གོས་གསུམ་དང་བཅས་པ་ཕུལ་ལོ།། དགེ་འདུན་གཞོན་ནུ་རྣམས་ཀྱིས་དགེ་སློང ་གིས་ཐོབ་པའི་ཆོས་ཀྱི་རྒྱུའི་རས་འབུམ་ཕྲག་གཅིག་རི་བ་ཐོབ་པར་གྱུར་ཏོ། ། སྟོན་པ་རྗེས་སུ་ཡི་རང་བ་མཛད་དོ།། སྐྱེས་བུ་འདིས་འདི་ལྟ་བུའི་ཚུལ་གྱིས་སྦྱིན་པ་ཆེན་པོ་བྱིན་ནོ།། གང་གིས་དོན ་དུ་འགྱུར་ཞེས་རྟོག་པར་བྱེད་དོ། ། མ་འོངས་པའི་བསྐལ་པ་འབུམ་ཕྲག་གཅིག་ལྷག་པའི་གྲངས་མེད་པ་གཉིས་འདས་པ་ན་གོའུ་ཏ་མ་ཞེས་བྱ་བའི་སངས་རྒྱས་སུ་འགྱུར་ཞེས་གཟིགས་ཏེ། སྐྱེས་བུ་ཆེན ་པོ་བོས་ནས་ཁྱོད་ཀྱིས་དུས་འདི་རྣམས་འདས་ནས་གོརུ་ཏ་མ་ཞེས་བྱ་བའི་སངས་རྒྱས་སུ་འགྱུར་རོ་ཞེས་ལུང་བསྟན་ནོ། ། སྐྱེས་བུ་ཆེན་པོས་ལུང་བསྟན་པ་ཐོས་ནས་བདག་ནི་སངས་རྒྱས་སུ་འགྱུར་བས། ་བདག་ཁྱིམ་ན་གནས་པ་ལ་དོན་མེད་ཀྱིས་རབ་ཏུ་འབྱུང་ངོ་སྙམ་དུ་བསམས་སོ།། དེ་དེ་ལྟ་བུའི་ཚུལ་དང་ལྡན་པས་མཆིལ་མ་དོར་བ་བཞིན་དུ་ཁྱིམ་སྤངས་ནས་སྟོན་པའི་དྲུང་དུ་རབ་ཏུ་བྱུང་ནས་སངས་རྒྱས་ཀྱི ་གསུང་རབ་བསླབས་ནས་མངོན་པར་ཤེས་པ་དང་སྙོམས་པར་འཇུག་པ་བསྐྱེད་དེ། ཚེའི་མཐར་ཚངས་པའི་འཇིག་རྟེན་དུ་སྐྱེས་སོ།། གཞན་ཡང་བཅོམ་ལྡན་འདས་བཀྲ་ཤིས་བཟང་པོའི་གྲོང་ཁྱེར ་མཆོག་ཅེས་བྱ་བར་གྱུར་ཏོ། ། ཡབ་ནི་མཆོག་གི་རྒྱལ་པོའོ།། ཡུམ་ནི་མཆོག་མ་ཞེས་བྱ་བའོ།། ལྗང་བཟང་དང་། ཆོས་ཀྱི་སྡེ་གཉིས་ནི་ཉན་ཐོས་ཀྱི་མཆོག་གོ། བསྐྱང་བ་ཞེས་བྱ་བ་ནི་ཉེ་གནས་སོ།། ་ཞི་བྱེད་ལེན་དང་། མྱ་ངན་མེད་གཉིས་ནི་ཉན་ཐོས་མའི་མཆོག་གོ། བྱང་ཆུབ་ཤིང་ནི་ཀླུ་ཤིང་ངོ་།། སྐུའི་མཐོ་ཆད་དུ་ཁྲུ་བརྒྱད་ཅུ་རྩ་བརྒྱད་པའོ།། སྟོང་ཕྲག་དགུ་བཅུའི་ལོ་ནི་སྐུ་ཚེའི་ཚང་ངོ་།། སྟོང་ཕྲག ་དགུ་བཅུ་བཞུགས་ནས་མྱ་ངན་ལས་འདས་སོ། ། སངས་རྒྱས་མྱ་ངན་ལས་འདས་ནས་སླར་ཡང་དེ་མ་ཐག་པར་སྟོང་ཕྲག་བཅུའི་ཁོར་ཡུག་གི་ཕྱོགས་ཀུན་མུན་པར་གྱུར་རོ།། ཁོར་ཡུག ་ཐམས་ཅད་ཀྱི་མི་རྣམས་ཆོ་ངེ་ཆེན་པོ་འདེབས་སོ། ། ཀོའུ་ཌི་ནྱ་འོག་ཏུ་ནི།། འཇིག་རྟེན་འདྲེན་པ་བཀྲ་ཤིས་བཟང་།། འཇིག་རྟེན་ནང་ནི་མུན་བསལ་ནས།། ཆོས་ཀྱི་སྣང་བའི་འོད་བཀྱེའོ།། དེ་བཞིན་དུ ་སྟོང་ཕྲག་བཅུའི་འཇིག་རྟེན་གྱི་ཁམས་མུན་ནག་ཏུ་བྱས་ནས་མྱ་ངན་ལས་འདས་སོ། ། བཅོམ་ལྡན་འདས་དེའི་འོག་གི་ཆར་ཡིད་བཟང་ཞེས་བྱ་བའི་སྟོན་པ་བྱོན་ནོ།། དེའི་ཡང་ཉན་ཐོས་ཀྱི ་འདུས་པ་གསུམ་སྟེ། འདུས་པ་དང་པོ་ལ་བྱེ་བ་སྟོང་ཕྲག་བརྒྱའི་དགེ་སློང་ངོ་།། འདུས་པ་གཉིས་པ་ལ་གསེར་གྱི་རི་ལ་བྱེ་བ་སྟོང་ཕྲག་དགུ་བཅུའོ།། གསུམ་པ་ལ་བྱེ་བ་སྟོང་ཕྲག་བརྒྱད་ཅུའོ།། དེའི་ས ་ཨེམས་དཔའ་ཆེན་པོ་ཀླུའི་རྒྱལ་པོ་མཉམ་མེད་ཅེས་བྱ་བར་གྱུར་ཏོ། ། རྫུ་འཕྲུལ་གྱི་མཐུ་དང་ལྡན་ཞིང་དེས་སངས་རྒྱས་བྱོན་པ་ཐོས་ནས་གཉེན་གྱི་གྲོགས་རྣམས་འཁོར་དུ་བྱས་ཏེ། ཀླུའི་གནས་ནས་འཐོན་ཏེ། ་བྱེ་བ་སྟོང་ཕྲག་བརྒྱའི་དགེ་སློང་གི་འཁོར་དང་བཅས་པའི་བཅོམ་ལྡན་འདས་ལ་ལྷའི་རོལ་མོས་ཉེ་བར་མཆོད་ནས་སྦྱིན་པ་ཆེན་པོ་ཕུལ་ལོ།། སོ་སོ་ལ་ལྷའི་གོས་གཉིས་གཉིས་ཕུལ་བས་སྐྱབས་སུ་འགྲོ་བའི་ཚུལ ་ཁྲིམས་ལ་གནས་སོ། ། དེ་ཡང་སྟོན་པ་དེས་མ་འོངས་པ་ན་སངས་རྒྱས་སུ་འགྱུར་བར་ལུང་བསྟན་ཏོ།། བཅོམ་ལྡན་འ་དས་དེའི་གྲོང་ཁྱེར་དགེ་བ་ཅན་ཞེས་བྱ་བར་གྱུར་ཏེ། ལེགས་བྱིན་ཞེས་བྱ་བའི་རྒྱལ་པོ་ནི ་ཡབ་བོ། ། དཔལ་ལྡན་པ་ཞེས་བྱ་བ་ནི་ཡུམ་མོ།། ངེས་འགྲོ་དང་གོམས་བྱེད་ནི་ཉན་ཐོས་ཀྱི་མཆོག་གོ།། འཆར་བྱེད་ནི་ཉེ་གནས་སོ།། ཉན་པ་དང་། ཉེ་བར་ཉན་པ་གཉིས་ནི་ཉན་ཐོས་མའི་མཆོག་གོ། ་བྱང་ཆུབ་ཀྱི་ཤིང་ནི་ཀླུ་ཤིང་ངོ་།། སྐུའི་མཐོ་ཚད་དུ་ཁྲུ་དྲུག་ཅུའོ།། སྐུ་ཚེའི་ཚད་ནི་ལོ་སྟོང་ཕྲག་དགུ་བཅུའོ།། བཀྲ་ཤཱིས་བཟང་པོའི་འོག་ཏུ་ནི།། འདྲེན་པ་ཐུགས་བཟང་ཞེས་བྱ་བ།། ཆོས་རྣམས ་ཀུན་ལ་མཚུངས་མེད་པ། ། སེམས་ཅན་ཀུན་གྱི་མཆོག་ཡིན་ནོ།། དེའི་ཡང་འོག་གི་ཆར་ནམ་གྲུ་ཅན་གྱི་སྟོན་པ་ཞེས་བྱ་བ་བྱོན་ནོ།། དེའི་འདུས་པ་གསུམ་དུ་འགྱུར་ཏེ། འདུས་པ་དང་། ་པོ་ལ་བགྲང་དུ་མེད་པ་ཞེས་བྱ་བའོ།། གཉིས་པ་ལ་བྱེ་བ་སྟོང་ཕྲག་བརྒྱའི་དགེ་སློང་ངོ་།། དེ་བཞིན་དུ་གསུམ་པ་ཡང་ངོ་།། དེའི་ཚེ་བྱང་ཆུབ་སེམས་དཔའ་ལྷག་པའི་ལྷ་ཞེས་བྱ་བའི་བྲམ་ཟེར ་གྱུར་ཏོ། ། སྟོན་པའི་ཆོས་བཤད་པ་ཐོས་ནས་སྐྱབས་སུ་འགྲོ་བའི་ཚུལ་ཁྲིམས་ལ་གནས་སོ།། མགོའི་སྟེང་དུ་ཐལ་མོ་སྦྱར་ནས་སྟོན་པ་ལ་དེའི་ཉོན་མོངས་རྣམས་སྤོང་བའི་བསྔགས་པ་བརྗོད་ནས ་བླ་གོས་ཀྱིས་མཆོད་པས་དེ་ཡང་སངས་རྒྱས་སུ་འགྱུར་རོ་ཞེས་ལུང་བསྟན་ཏོ། ། སླར་ཡང་དེའི་བཅོམ་ལྡན་འདས་ཀྱི་གྲོང་ཁྱེར་ནི་ནམ་གྲུ་བཟང་ལྡན་ཞེས་བྱ་བར་གྱུར་ཏོ།། ཡབ་ནི་ཤིན་ཏུ་རྒྱས་པ་ཞེས་བྱ ་བའི་རྒྱལ་པོའོ། ། ཡུམ་ནི་ཤིན་ཏུ་རྒྱས་མ་ཞེས་བྱ་བའོ།། ཆུ་ལྷ་དང་ལྷ་ཚངས་པ་ནི་ཉན་ཐོབ་ཀྱི་མཆོག་གོ།། ཡང་དག་འབྱུང་ཞེས་བྱ་བ་ནི་ཉེ་གནས་སོ།། བཟང་མོ་དང་ལེགས་བཟང་མོ་མཉན་ཐོས་མའི་མཆོག ་བྱང་ཆུབ་ཀྱི་ཤིང་ནི་ཀླུ་ཤིང་ངོ་། ། སྐུའི་མཐོ་ཆང་དུ་ཁྲུ་བརྒྱ་ནའོ།། སྒྲ་ཚེའི་ཚད་ནི་ལོ་སྟོང་ཕྲག་དྲུག་ཅུའོ།། ཐུགས་བཟང་གི་ནི་འོག་ཏུ་ནི།། འཛིན་པ་ནམ་གྲུ་ཅན་ཞེས་བྷ། མཆུང། ་པབ་མེད་ཅིང་དཔེ་མེད་པར།། རྒྱལ་བ་མཉམ་མེད་མཆོག་ཏུ་གྱུར།། དེའི་འོག་གི་ཆར་མཛེས་བྱེད་ཅེས་བྱ་བའི་སྟོན་པ་བྱོན་ནོ།། དེའི་འདུས་པ་གསུམ་དུ་གྱུར་ཏེ། འདུས་པ་དང་པོ་ལ་བྱེ་བ ་བརྒྱའི་དགེ་སློང་ངོ་། ། གཉིས་པ་ལ་བྱེ་བ་དགུ་བཅུའོ།། གསུམ་པ་ལ་བྱེ་བ་བརྒྱད་ཅུའོ།། དེའི་ཚེ་བྱང་ཆུབ་སེམས་དཔའ་མི་ཕམ་པ་ཞེས་བྱ་བའི་བྲམ་ཟེར་གྱུར་ཏོ།། སྟོན་པའི་ཆོས་བསྟན་པ་ཐོས་ནས་སྐྱབས ་སུ་གྲོ་བའི་ཚུལ་ཁྲིམས་ལ་གནས་སོ། ། སངས་རྒྱས་ལ་སོགས་པའི་དགེ་སློང་གི་དགེ་འདུན་ལ་སྦྱིན་པ་ཆེན་པོ་བཏང་ངོ་།། དེས་ཡང་སངས་རྒྱས་སུ་འགྱུར་བར་ལུང་བསྟན་ཏོ།། སླར་ཡང་བཅོམ་ལྡན ་འདས་དེའི་གྲོང་ཁྱེར་ཆོས་བཟང་ཞེས་བྱ་བར་གྱུར་ཏོ། ། ཡབ་ནི་ཆོས་བཟང་རྒྱལ་པོའོ།། ཡུམ་ནི་ཆོས་བཟང་མ་ཞེས་བྱ་བའོ།། མཚུངས་མེད་དང་ལེགས་སྤྱན་ནི་ཉན་ཐོས་ཀྱི་མཆོག་གོ།། ཡིད་ལྡན་ནིཿ ་གནས་སོ། ། རིག་མ་དང་ལེགས་སྐྱེས་མ་ནི་ཉན་ཐོས་མའི་མཆོག་གོ། བྱང་ཆུབ་ཀྱི་ཤིང་ནི་ཀླུ་ཤིང་ཉིད་དོ།། སྐུ་མཐོ་ཆེད་དུ་ཁྲུ་ལྔ་བཅུ་རྩ་བརྒྱད་དོ།། སྐུ་ཚེའི་ཚད་ནི་ལོ་སྟོང་ཕྲག་དགུ་བཅུའོ།། ནམ ་གྲུ་ཅན་གྱི་འོག་ཏུ་ནི། ། འདྲེན་པ་མཛེས་བྱེད་ཅེས་བྱ་བ།། མཉམ་པར་གཞག་ཅིང་ཐུགས་ནི་ཞི།། གང་ཟག་ཟླ་མེད་མཚུངས་མེད་དོ།། དེའི་འོག་གི་ཆར་བསྐལ་པ་གྲངས་མེད་པ ་གཅིག་འདས་ནས་བསྐལ་པ་གཅིག་གི་ནང་དུ་སངས་རྒྱས་གསུམ་བྱོན་ནོ། ། ཐུགས་ལྡན་མཐོང་བ་དང་། པདྨ་དང་། མི་སྦྱིན་ནོ།། བཅོམ་ལྡན་འདས་ཐུགས་ལྡན་མཐོང་གི་འདུས་པ་གསུམ་དུ་འགྱུར་ཏེ། དང་པོ་ལ། ་དགེ་སློང་འབུམ་ཕྲག་གཅིག་གོ། གཉིས་པ་ལ་འབུམ་ཕྲག་བདུན་ནོ།། གསུམ་པ་ལ་འབུམ་ཕྲག་དྲུག་གོ།། དེ་ནས་བྱང་ཆུབ་སེམས་དཔའ་གནོད་སྦྱིན་གཅིག་ཏུ་གྱུར་ཏོ།། རྫུ་འཕྲུལ་དང་མཐུ་ཆེན་པོ ་དང་ལྡན་པའི་བྱེ་བ་སྟོང་ཕྲག་བརྒྱ་དུ་མའི་གནོད་སྦྱིན་རྣམས་ཀྱི་བདག་པོར་གྱུར་ཏོ། ། དེས་བཅོམ་ལྡན་འདས་བྱོན་པ་ཐོས་ནས་འོངས་ཏེ་སངས་རྒྱས་ལ་སོགས་པའི་དགེ་སློང་གི་དགེ་འདུན་ལ་སྦྱིན་པ་ཆེན ་པོ་བཏང་ངོ་། ། སྟོན་པས་ཀྱང་མ་འོངས་པའི་སངས་རྒྱས་སུ་འགྱུར་རོ་ཞེས་ལུང་བསྟན་ནོ།། གཞན་ཡང་བཅོམ་ལྡན་འདས་ཐུགས་ལྡན་མཐོང་གི་གྲོང་ཁྱེར་ནི་ལ་བ་ཅན་ཞེས་བྱ་བར་གྱུར་ཏོ།། ཡབ ་ནི་གྲགས་ལྡན་རྒྱལ་པོའོ། ། ཡུམ་ནི་གྲགས་འཛིན་མའོ།། ངེས་བཟང་དང་ཡིད་ལྡན་ནི་ཉན་ཐོས་ཀྱི་མཆོག་གོ། ཆུ་ལྷ་ནི་ཉེ་གནས་སོ།། ལེགས་མཛེས་དང་ཡིད་བཟང་མ་ནི་ཉན་ཐོས་མའི ་མཆོག་གོ། ། བྱང་ཆུབ་ཀྱི་ཤིང་ནི་སྲིད་སྒྲུབ་ཀྱི་ཤིང་ངོ་།། སྐུའི་མཐོ་ཚད་ཁྲུ་ལྔ་བཅུ་རྩ་བརྒྱད་དོ།། འབུམ་ཕྲག་གཅིག་གི་ལོ་ནི་སྒྲ་ཚེའི་ཚད་དོ།། མཛེས་བྱེད་ཀྱི་ནི་འོག་ཏུ་ནི།། རྐང་གཉིས་མཆོག ་གི་རྫོགས་སངས་རྒྱས། ། ཐུགས་བཟང་མཐོང་དང་འཆི་མེད་གྲགས།། གཟི་བརྗིད་ལྡན་ཞིང་རིང་མཐོང་ངོ་།། དེའི་འོག་གི་ཆར་པདྨ་ཞེས་བྱ་བའི་སྟོན་པ་བྱོན་ནོ།། དེའི་ཡང་འདུས ་པ་གསུམ་དུ་འགྱུར་ཏེ། འདུས་པ་དང་པོ་ལ་བྱེ་བ་འབུམ་ཕྲག་གཅིག་གི་དགེ་སློང་ངོ་།། གཉིས་པ་ལ་འ་བུམ་ཕྲག་གསུམ་མོ།། གསུམ་པ་ལ་གྲོང་མེད་པའི་དགོན་པར་ནགས ་ཚལ་ཆེན་པོ་ན་དགེ་སློང་འབུམ་ཕྲག་གཉིས་གནས་སོ། ། དེའི་ཚེ་དེ་བཞིན་གཤེགས་པ་ཡང་དེའི་ནགས་ཚལ་ཆེན་པོར་བཞུགས་པའི་ཚེ། བྱང་ཆུབ་སེམས་དཔའ་སེང་གེར་སྐྱེས་པར་གྱུར་ཏོ།། སྟོན ་པས་འགོག་པ་ལ་སྙོམས་པར་ཞུགས་སོ། ། བཞུགས་པ་མཐོང་ནས་སེམས་རབ་ཏུ་དང་བས་ཕྱག་བྱས་ནས་བསྐོར་བ་བྱས་ཏེ། དགའ་བ་དང་ཡིད་བདེ་བ་སྐྱེས་སོ།། ལན་གསུམ་དུ་སེང་གེའི་སྒྲ་བསྒྲགས ་སོ། ། ཞག་བདུན་དུ་སངས་རྒྱས་ཀྱི་ཕྱིར་དུ་དགའ་བ་མ་སྤངས་པས་དགའ་བ་དང་བདེ་བ་ཉིད་ཀྱི་སྤྱོད་ཡུལ་དུ་མ་ཕྱིན་པར་སྲོག་ཡོངས་སུ་བཏང་ངོ་སྙམ་སྟེ་བལྟ་ཞིང་འདུག་གོ། སྟོན་པ་ཞག་བདུན་ནས་འགོག་པའི ་སྙོམས་པར་འཇུག་པ་ལས་ལངས་ནས། སེང་གེ་ལ་བལྟ་ཞིང་དགེ་སློང་གི་དགེ་འདུན་རྣམས་ཀྱིས་ཀྱང་སེམས་དང་བར་བྱས་ནས་དགེ་འདུན་ལ་ཕྱག་བྱེད་དོ་ཞེས་བརྗོད་ཅིང་དགེ་སློང་གི་དགེ་འདུན་ཤོག་ཅེས ་བསམས་ཏེ་དགེ་སློང་རྣམས་དེ་མ་ཐག་ཏུ་བྱོན་ནོ། ། སེང་གེས་དགེ་འདུན་ལ་སེམས་རབ་ཏུ་དང་བར་བྱེད་དོ།། སྟོན་པས་དེའི་སེམས་ལ་བརྟགས་ཏེ་མ་འོངས་པ་ན་སངས་རྒྱས་སུ་འགྱུར་རོ་ཞེས་ལུང་བསྟན་ནོ།། སླར ་ཡང་བཅོམ་ལྡན་འདས་པདྨའི་གྲོང་ནི་ཙམ་པ་ཀ་ཞེས་བྱ་བར་གྱུར་ཏོ། ། ཡབ་ནི་པདྨའི་རྒྱལ་པོའོ།། ཡུམ་ནི་མཚུངས་མེད་མ་ཞེས་བྱ་བའོ།། སཱ་ལ་དང་ཨུ་པ་སཱ་ལ་ནི་ཉན་ཐོས་ཀྱི་མཆོག་གོ།། ཆུ་ལྒ་ཞེས ་བྱ་བ་ནི་ཉེ་གནས་སོ། ། དགའ་མ་དང་ཤིན་ཏུ་དགའ་མ་ནི་ཉན་ཐོས་མའི་མཆོག་གོ།། བྱང་ཆུབ་ཀྱི་ཤིང་ནི་སྲོནའི་ཤིང་ངོ་།། སྐུའི་མཐོ་ཚང་དུ་ཁྲུ་ལྔ་བཅུ་རྩ་བརྒྱད་དོ།། སྐུ་ཚེའི་ཚད་ནི་ལོ་སྟོང་ཕྲག་གཅིག་གོ། ་ཐུགས་ལྡན་མཐོང་གི་འོག་ཏུ་ནི།། རྐང་གཉིས་མཆོག་གི་རྫོགས་སངས་རྒྱས།། མཚན་ནི་པདྨ་ཞེས་བྱ་བ།། གང་ཟག་ཟླ་མེད་མཚུངས་མེད་དོ།། དེའི་འོག་ཏུ་མི་སྦྱིན་ཞེས་བྱ་བའི་སྟོན་པ ་བྱོན་ནོ། ། དེའི་ཡང་འདུས་པ་གསུམ་དུ་འགྱུར་ཏེ། འདུས་པ་དང་པོ་ལ་བྱེ་བ་སྟོང་ཕྲག་བརྒྱའི་དགེ་སློང་ངོ་།། གཉིས་པ་ལ་བྱེ་བ་འབུམ་ཕྲག་དགུ་བཅུའོ།། གསུམ་པ་ལ་བྱེ་བ་བརྒྱད་ཅུ་དང་འབུམ ་ཕྲག་གཅིག་གོ། ། དེའི་ཚེ་བྱང་ཆུབ་སེམས་དཔའ་དྲང་སྲོང་གི་རབ་ཏུ་བྱུང་བ་ལ་རབ་ཏུ་བྱུང་སྟེ་མངོན་པར་ཤེས་པ་ལྔ་དང་སྙོམས་པར་འཇུག་པ་བརྒྱད་པོ་དབང་དུ་གྱུར་ཏེ། སངས་རྒྱས་ལ་སོགས་པའི་དགེ་སློང ་གི་དགེ་འདུན་ལ་སྦྱིན་པ་ཆེན་པོ་བཏང་ནས། ཙན་དན་དམར་པོས་མཆོད་ནས་དེ་ཡང་དེས་མ་འོངས་པ་ན་སངས་རྒྱས་པར་འགྱུར་རོ་ཞེས་ལུང་བསྟན་ཏོ།། བཅོམ་ལྡན་འདས་དེའི་གྲོང་ཁྱེར་ནི་འབྱོར་ལྡན་ཞེས ་བྱ་བར་གྱུར་ཏོ། ། ཡབ་ནི་བློ་གྲོས་བཟང་པོ་ཞེས་བྱ་བའི་རྒྱལ་པོའོ།། ཡུམ་ནི་ཡིད་ལྡན་མ་ཞེས་བྱ་བའོ།། སཱ་ལ་བཟང་པོ་དང་། རྒྱལ་བྱེད་བཤེས་གཉེན་ནི་ཉན་ཐོས་ཀྱི་མཆོག་གོ། གནས་མཆོག་ནི་ཉེ ་གནས་སོ། ། མཆོག་མ་དང་འབྲས་བུ་ཅན་མ་ནི་ཉན་ཐོས་མའི་མཆོག་གོ། བྱང་ཆུབ་ཀྱི་ཤིང་ནི་སྲོན་ཆེན་པོའོ།། སྐུའི་མཐོ་ཚང་དུ་ཁྲུ་བརྒྱད་ཅུ་རྩ་བརྒྱད་པའོ།། སྐུ་ཚེའི་ཚད་ནི་ལོ་སྟོང་ཕྲག་དགུ་བཅུའོ།། ་པདྨ་ཡི་ནི་འོག་ཏུ་ནི།། རྐང་གཉིས་མཆོག་གི་རྫོགས་སངས་རྒྱས།། མཚན་ནི་མི་སྦྱིན་ཞེས་བྱ་བ།། གང་ཟག་བླ་མེད་མཚུངས་མེད་དོ།། སངས་རྒྱས་མི་སྦྱིན ་གྱི་འོག་གི་ཆར་འདི་ནས་སྐལ་པ་འབུམ་ཕྲག་གཅིག་གིས་འགོ་ནས་བརྩམས་ཏེ། བསྐལ་པ་གཅིག་ཉིད་ཀྱི་ནང་དུ་སངས་རྒྱས་པདྨ་མཆོག་ཅེས་བྱ་བ་བྱོན་ནོ།། དེའི་ཡང་འདུས་པ་གསུམ་དུ་འགྱུར་ཏེ། འདུས་པ ་དང་པོ་ལ་བྱེ་བ་སྟོང་ཕྲག་བརྒྱའི་དགེ་སློང་ངོ་། ། གཉིས་པ་ལ་བཾ་བྷཱ་རའི་རི་ལ་བྱེ་བ་སྟོང་ཕྲག་དགུ་བཅུའོ།། གསུམ་པ་ལ་བྱེ་བ་སྟོང་ཕྲག་བརྒྱད་ཅུའོ།། དེའི་ཚེ་བྱང་ཆུབ་སེམས་དཔའ་རལ་པ་ཅན་ཞེས་བྱ་བའི ་ཡུལ་འཁོར་ཆེན་པོར་སྐྱེས་སོ། ། སངས་རྒྱས་ལ་སོགས་པའི་དགེ་འདུན་རྣམས་ལ་ཆོས་གོས་དང་བཅས་པའི་སྦྱིན་པ་ཆེན་པོ་བཏང་ངོ་།། དེ་ཡང་དེས་མ་འོངས་པ་ན་སངས་རྒྱས་པར་འགྱུར་རོ་ཞེས་ལུང་བསྟན ་ནོ། ། གཞན་ཡང་བཅོམ་ལྡན་འདས་པདྨ་མཆོག་གི་དུས་སུ་མུ་སྟེགས་ཞེས་བྱ་བའི་མིང་ཡང་མེད་དོ།། ལྷ་དང་མི་ཐམས་ཅད་སངས་རྒྱས་ལ་སྐྱབས་སུ་འགྲོ་བའོ།། དེའི་གྲོང་ཁྱེར་ནི་ངང་པ་ལྡན་ཞེས་བྱ་བ ་གྱུར་ཏོ། ། ཡབ་ནི་ཀུན་དགའ་བོ་ཞེས་བྱ་བའི་རྒྱལ་པོའོ།། ཡུམ་ནི་ལེགས་མ་ཞེས་བྱ་བའོ།། ལྷའི་སྤྱན་དང་ལེགས་སྐྱེས་ནི་ཉན་ཐོས་ཀྱི་མཆོག་གོ། ཡིད་བཟང་ཞེས་བྱ་བ་ནི་ཉེ་གནས་སོ།། གྲོགས ་མེད་མ་དང་མཚུངས་མེད་མ་ནི་ཉན་ཐོས་མའི་མཆོག་གོ། བྱང་ཆུབ་ཀྱི་ཤིང་ནི་ཤཱ་ལའི་ཤིང་ཉིད་དོ།། སྐུའི་མཐོ་ཚད་དུ་ཁྲུ་བརྒྱད་ཅུ་རྩ་བརྒྱད་དོ།། སྐུའི་འོད་ཀུན་ནས་འཁོར་ལ་དཔག་ཚད་བཅུ་གཉིས་སོ།། ་སྐུ་ཚེའི་ཚད་ནི་ལོ་འབུམ་ཕྲག་གཅིག་གོ། མི་སྦྱིན་གྱི་ནིའོ་གཉིད་དུ།། རྐང་གཉིས་མཆོག་གི་རྫོགས་སངས་རྒྱས།། རྒྱལ་བ་པདྨ་མཆོག་ཅེས་པ།། མི་འཁྲུགས་རྒྱ་མཚོ་ལྟ་བུའོ།། ་དེའི་འོག་གི་ཆར་བསྐལ་པ་སྟོང་ཕྲག་གསུམ་འདས་ནས། བློ་གྲོས་བཟང་པོ་དང་། ལེགས་སྐྱེས་ཞེས་བྱ་བ་ནི་བསྐལ་པ་གཅིག་གི་ནང་དུ་སངས་རྒྱས་གཉིས་སུ་གྱུར་ཏོ།། བློ་གྲོས་བཟང་པོའི་ཡང་ཉན ་ཐོས་ཀྱི་འདུས་པ་གསུམ་དུ་འགྱུར་ཏེ། འདུས་པ་དང་པོ་ལ་གྲོང་ཁྱེར་བལྟ་ན་སྡུག་ཅེས་བྱ་བ་ན་བྱེ་བ་བརྒྱའི་ཟག་པ་ཟད་པའོ།། འདུས་པ་གཉིས་པ་ལ་ཡང་བྱེ་བ་དགུ་བཅུར་འགྱུར་རོ།། འདུས་པ་གསུམ་པ་ལ་ནི ་བྱེ་བ་བརྒྱད་ཅུའོ། ། དེའི་ཚེ་བྱང་ཆུབ་སེམས་དཔའ་ལུས་མཆོག་ཅེས་བྱ་བ་བྲམ་ཟེའི་ཁྱེའུར་གྱུར་ཏོ།། སའི་འོག་ཏུ་གཏེར་དུ་བཅུག་པ་ཉིད་བྱེ་བ་བརྒྱད་ཅུའི་ནོར་རྣམས་སྤེལ་ནས་སངས་རྒྱས་ལ་སོགས་པའི་དགེ་སློང ་གི་དགེ་འདུན་ལ་སྦྱིན་པ་ཆེན་པོ་ཕུལ་ཏེ་ཆོས་མཉན་ནས་སྐྱབས་སུ་འགྲོ་བའི་སྡོམ་པ་ལ་གནས་སོ། ། རབ་ཏུ་བྱུང་ནས་ནགས་ཚལ་དུ་བྱོན་ནོ།། དེ་ཡང་མ་འོངས་པ་ན་སངས་རྒྱ་བར་ལུང་བསྟན་ནོ།། བཅོམ ་ལྡན་འདས་བློ་གྲོས་བཟང་པོའི་གྲོང་ཁྱེར་ནི་བལྟ་ན་སྡུག་ཅེས་བྱ་བར་གྱུར་ཏོ། ། ཡབ་ནི་ལེགས་སྦྱིན་ཞེས་བྱ་བའི་རྒྱལ་པོའོ།། ཡུམ་ནི་ལེགས་སྦྱིན་མ་ཞེས་བྱའོ།། ངེས་འབྱུང་དང་ཐམས་ཅད་འདོད་ནི་ཉན་ཐོས ་ཀྱི་མཆོག་གོ། རྒྱ་མཚོ་ཞེས་བྱ་བ་ནི་ཉེ་གནས་སོ།། དགའ་མ་དང་ཤིན་ཏུ་དགའ་མ་ནི་ཉན་ཐོས་མའི་མཆོག་གོ། བྱང་ཆུབ་ཀྱི་ཤིང་ནི་ཤིང་ནཱི་པ་ཆེན་པོའོ།། སྐུའི་མཐོ་ཆང་དུ་ཁྲུ་བརྒྱད་ཅུ་རྩ་བརྒྱད་དོ།། ་@#སྒྲ་ཚེའི་ཚད་ནི་ལོ་སྟོང་ཕྲག་དགུ་བཅུའོ།། པདྨ་མཆོག་གི་འོག་ཏུ་ནི།། འཛིན་པ་བློ་བཟང་ཞེས་བྱ་བ།། འོད་ཟེར་དྲག་ཅིང་རིང་ལ་སེམས།། ཐུབ་པ་འཇིག་རྟེན་ཀུན་གྱི་མཆོག ་དེའི་འོག་གི་ཆར་ལེགས་སྐྱེས་ཞེས་བྱ་བའི་སྟོན་པ་བྱོན་ནོ། ། དེའི་ཡང་ཉན་ཐོས་ཀྱི་འདུས་པ་གསུམ་དུ་གྱུར་ཏེ། འདུས་པ་དང་པོ་ལ་དགེ་སློང་སྟོང་ཕྲག་དྲུག་ཅུའོ།། གཉིས་པ་ལ་སྟོང་ཕྲག ་ལྔ་བཅུའོ། ། གསུམ་པ་ལ་སྟོང་ཕྲག་བཞི་བཅུའོ།། དེའི་ཚེ་བྱང་ཆུབ་སེམས་དཔའ་འཁོར་ལོ་སྒྱུར་བའི་རྒྱལ་པོར་གྱུར་ཏེ། སངས་རྒྱས་བྱོན་ཞེས་ཐོས་ནས་ཉེ་བར་སོང་སྟེ། ཆོས་ཐོས་ནས ་སངས་རྒྱས་ལ་སོགས་པའི་དགེ་འདུན་ལ་རིན་པོ་ཆེ་སྣ་བདུན་དང་བཅས་པའི་གླིང་ཆེན་པོ་བཞིའི་རྒྱལ་སྲིད་སྦྱིན་པར་བཏང་ནས། སྟོན་པའི་དྲུང་དུ་རབ་ཏུ་བྱུང་ངོ་།། ཡུལ་ཐམས་ཅད་ན་གནས་པའི ་ཡུལ་དུ་སྐྱེས་པའི་ནོར་བླངས་ནས་གཙུག་ལག་ཁང་རྣམས་རྫོགས་པར་བྱ་སྟེ། སངས་རྒྱས་ལ་སོགས་པའི་དགེ་སློང་རྣམས་ལ་སྦྱིན་པ་ཆེན་པོ་ཕུལ་ལོ།། དེ་ཡང་མ་བོངས་པ་ན་སྟོན་པས་སངས་རྒྱ ་བར་འགྱུར་རོ་ཞེས་ལུང་བསྟན་ནོ། ། བཅོ་ལྡན་འདས་དེའི་གྲོང་ཁྱེར་ནི་བཀྲ་ཤིས་བཟང་པོ་ཞེས་བྱ་བར་གྱུར་ཏོ།། ཡབ་ནི་དྲག་པོ་ཞེས་བྱ་བའི་རྒྱལ་པོའོ།། ཡུམ་ནི་འོད་ལྡན་མ་ཞེས་བྱ་བའོ།། བལྟ་ན་སྡུག ་དང་ལྷ་གཉིས་ནི་ཉན་ཐོས་ཀྱི་མཆོག་གོ། མི་སྦྱིན་ནི་ཉེ་གནས་སོ།། གླུ་མ་དང་གླུ་མའི་འཕྲེང་བ་དང་བཅས་པ་ནི་ཉན་ཐོས་མའི་མཆོག་གོ། བྱང་ཆུབ་ཀྱི་ཤིང་ནི་འོ་ངམ་ཆེན་པོའོ།། དེའི་ནང་བུ་ཀ་བ་ཕྲ་མོ་ཅན་ནོ།། ་སྡོང་པོ་ནི་ཐུག་ཟོའོ།། སྟེང་ན་ཡ་ལག་རྨ་བའི་གདུགས་ལྟར་མཛེས་པའི་འདབ་མ་ཅན་ནོ།། བཅོམ་ལྡན་འདས་དེའི་སྒྲའི་མཐོ་ཚང་སུ་ཁྲུ་ལྔ་བཅུའོ།། སྐུ་ཚེའི་ཚད་ནི་ལོ་སྦྱོང་ཕྲག་དགུ་བཅུའོ།། སྣང་ན། ་བསྐལ་པ་དེ་ཉིད་ལ།། འདྲེན་པ་ལེགས་སྐྱེས་ཞེས་བྱ་བ།། ཁྱུ་མཆོག་དཔུང་པ་སེང་གེའི་འགྲམ།། རིང་ལ་སེམས་ཤིང་གཞལ་དུ་མེད།། དེའི་འོག་གི་ཆར་འདི་ནས་བསྐལ་པ ་བརྒྱ་དང་བཅོ་བརྒྱད་ཀྱི་འགོ་ནས་བརྩམས་ནས་བསྐལ་པ་གཅིག་ལ་དགའ་མཐོང་དང་། དོན་མཐོང་དང་། ཆོས་མཐོང་སྟེ་སངས་རྒྱས་གསུམ་བྱོན་ནོ།། དགའ་མཐོང་གི་ཡང་ཉན་ཐོས་འདུས་པ ་གསུམ་དུ་འགྱུར་ཏེ། འདུས་པ་དང་པོ་ལ་བྱེ་བ་སྟོང་ཕྲག་བརྒྱའི་དགེ་སློང་ངོ་།། གཉིས་པ་ལ་བྱེ་བ་དགུ་བཅུའོ།། གསུམ་པ་ལ་བྱེ་བ་བརྒྱད་ཅུའོ།། དེའི་ཚེ་བྱང་ཆུབ་སེམས་དཔའ་འོད་སྲུངས་ཞེས་བྱ ་བའི་བྲམ་ཟེའི་ཁྱེའུར་གྱུར་ཏོ། ། རིག་བྱེད་གསུམ་གྱི་ཕ་རོལ་ཏུ་ཕྱིན་ནས་སྟོན་པའི་ཆོས་བསྟན་པ་ཐོས་ཏེ་བྱེ་བ་སྟོང་ཕྲག་བརྒྱའི་ནོར་ཡོངས་སུ་བཏང་ནས། དགེ་འདུན་གྱི་གཙུག་ལག་ཁང་བྱེད་ཅིང་སྐྱབས་སུ ་སོང་ནས་ཚུལ་ཁྲིམས་ལ་གནས་སོ། ། དེ་ནས་སྟོན་པས་བསྐལ་པ་བརྒྱ་དང་བཅོ་བརྒྱད་འདས་ནས་སངས་རྒྱས་སུ་འགྱུར་རོ་ཞེས་ལུང་བསྟན་ནོ།། བཅོམ་ལྡན་འ་དས་དེའི་གྲོང་ཁྱེར་ནི་ཡིད་ལྡན་ཞེས་བྱ་བར་གྱུར ་ཏོ་ཡབ་ནི་ལེགས་སྦྱིན་ཞེས་བྱ་བའི་རྒྱལ་པོའོ། ། ཡུམ་ནི་ཟླ་བ་མ་ཞེས་བྱའོ།། བསྐྱངས་པ་དང་ཀུན་མཐོང་གཉིས་ནི་ཉན་ཐོས་ཀྱི་མཆོག་གོ།། མཛེས་བྱེད་ནི་ཉེ་གནས་སོ།། ལེགས་སྐྱེས་མ་དང་ཆོས་སྦྱིན་མ ་གཉིས་ནི་ཉན་ཐོས་མའི་མཆོག་གོ། བྱང་ཆུབ་ཀྱི་ཤིང་ནི་པྲི་ཡང་ཀུའི་ཤིང་ངོ་།། སྐུའི་མཐོ་ཚད་དུ་ཁྲུ་བརྒྱད་ཅུ་པའོ།། སྐུ་ཚེའི་ཚད་ནི་ལོ་སྟོང་ཕྲག་དགུ་བཅུའོ།། ལེགས་སྐྱེས་ཀྱི་ནི། ་འོག་ཏུ་ནི།། རང་བྱུང་འཇིག་རྟེན་འདྲེན་པ་ཉིད།། མཚུངས་དང་མི་མཚུངས་རིང་དུ་སེམས།། དགའ་མཐོང་གྲགས་པ་ཆེན་པོའོ།། དེའི་འོག་གི་ཆར་བཅོམ་ལྡན་འདས་དོན་མཐོང་ཞེས་བྱ། ་པ་བྱོན་ནོ།། དེའི་ཡང་ཉན་ཐོས་ཀྱི་འདུས་པ་གསུམ་དུ་འགྱུར་ཏེ། འདུས་པ་དང་པོ་ལ་འབུམ་ཕྲག་དགུ་བཅུ་རྩ་བརྒྱད་ཀྱི་དགེ་སློང་ངོ་།། གཉིས་པ་ལ་འབུམ་ཕྲག་བརྒྱད་ཅུ་རྩ་བརྒྱད་དོ།། དེ་བཞིན་དུ་གསུམ ་པ་ལ་ཡང་ངོ་། ། དེའི་ཚེ་བྱང་ཆུབ་སེམས་དཔའ་མཚམས་བཟང་ཞེས་བྱ་བ་རྫུ་འཕྲུལ་དང་ལྡན་པའི་དཀའ་ཐུབ་པར་གྱུར་ཏོ།། ལྷའི་འཇིག་རྟེན་གྱི་མནྡ་ར་བའི་མེ་ཏོག་གི་གདུགས་བླངས་ནས་སྟོན་པ་ལ ་མཆོད་དོ། ། དེ་ཡང་དེས་ལུང་བསྟན་ཏོ།། བཅོམ་ལྡན་འ་དས་དེའི་གྲོང་ཁྱེར་ནི་མཛེས་བྱེད་ཅེས་བྱ་བར་གྱུར་ཏོ།། ཡབ་ནི་རྒྱ་མཚོ་ཞེས་བྱ་བའི་རྒྱལ་པོའོ།། ཡུམ་ནི་བལྟ་ན་སྡུག་མའོ།། ཞི་བ་དང་ཉེ་བར་ཞི་བ་ནི་ཉན ་ཐོས་ཀྱི་མཆོག་གོ། འཇིགས་མེད་ནི་ཉེ་གནས་སོ།། ཆོས་མ་དང་ཆོས་བཟང་མ་ནི་ཉན་ཐོས་མའི་མཆོག་གོ། བྱང་ཆུབ་ཀྱི་ཤིང་ནི་ཙམ་པ་ཀའི་ཤིང་ངོ་།། སྐུའི་མཐོ་ཚད་དུ་ཁྲུ་བརྒྱད་ཅུ་རྩ་བརྒྱད་དོ།། ་སྐུའི་འོ་ད་ཀུན་ནས་འཁོར་བ་ལ་དུས་ཐམས་ཅད་དུ་དཔག་ཚད་གཅིག་གི་བར་དུ་ཁྱབ་ཅིང་གནས་སོ།། སྐུ་ཚེའི་ཚད་ནི་ལོ་འབུམ་ཕྲག་གཅིག་གོ།། སྙིང་པོའི་བསྐལ་པ་དེ་ཉིད་ལ།། དོན་མཐོང་མོ་ཡི་ཁྱུ་མཆོག ་ནི་མུན་པ་ཆེན་པོ་བསལ་ནས་ནི། ། ཡང་དག་བྱང་ཆུབ་མཆོག་ཐོབ་བོ།། དེའི་འོག་གི་ཆར་ཆོས་མཐོང་ཞེས་བྱ་བའི་སྟོན་པ་བྱོན་ནོ།། དེའི་ཡང་ཉན་ཐོས་ཀྱི་འདུས་པ་གསུམ་དུ་འགྱུར་ཏེ། ་འདུས་པ་དང་པོ་ལ་བྱེ་བ་བརྒྱའི་དགེ་སློང་ངོ་།། གཉིས་པ་ལ་བྱེ་བ་བདུན་ཅུའོ།། གསུམ་པ་ལ་བྱེ་བ་བརྒྱད་ཅུའོ།། དེའི་ཚེ་བྱང་ཆུབ་སེམས་དཔའ་ལྷའི་རྒྱལ་པོ་བརྒྱ་བྱིན་དུ་གྱུར་ཏེ། ལྷའི་དྲི་བཟང་དང ་མེ་ཏོག་དང་། ལྷའི་རོལ་མོ་རྣམས་ཀྱིས་མཆོད་དེ། དེ་ཡང་མ་འོངས་པ་ན་སངས་རྒྱ་བར་ལུང་བསྟན་ཏོ།། བཅོམ་ལྡན་འདས་དེའི་གྲོང་ཁྱེར་ནི་སྐྱབས་ཞེས་བྱ་བར་གྱུར་ཏོ།། ཡབ་ནི་སྐྱབས་ཀྱི་རྒྱལ་པོ ་ཞེས་བྱའོ། ། ཡུམ་ནི་ཤིན་ཏུ་དགའ་མ་ཞེས་བྱ་བའོ།། པདྨ་དང་ལྷར་གྱུར་པ་ནི་ཉན་ཐོས་ཀྱི་མཆོག་གོ།། ལེགས་སྤྱན་ཞེས་བྱ་བ་ནི་ཉེ་གནས་སོ།། དགེ་མ་དང་བདེན་མ་ཞེས་བྱ་བ་ནི་ཉན་ཐོས་མའི ་མཆོག་གོ། བྱང་ཆུབ་ཀྱི་ཤིང་ནི་བིམ་པ་ཛཱ་ལའི་ཤིང་ངོ་།། སྐུའི་མཐོ་ཚང་དུ་ཁྲུ་བརྒྱད་ཅུའོ།། སྐུ་ཚེའི་ཚད་ནི་ལོ་འབུམ་ཕྲག་གཅིག་གོ།། སྙིང་པོའི་བསྐལ་པ་དེ་ཞིདང་ལ།། ཆོས་མཐོང་གྲགས་པ་ཆེན་པོ ་ཡིས་མུན་པ་ཆེན་པོ་བཅོམ་ནས་ནི། ། ལྷ་དང་བཅས་པ་སྣང་བར་མཛད། དེའི་འོག་གི་ཆར་འདི་ནས་བསྐལ་པ་དགུ་བཅུ་རྩ་བཞི་ནས་འགོ་བརྩམས་ནས་བསྐལ་པ་གཅིག་ལ་དོན ་གྲུབ་ཅེས་བྱ་བའི་སངས་རྒྱས་གཅིག་བྱོན་ནོ། ། དེའི་ཡང་ཉན་ཐོས་ཀྱི་འདུས་པ་གསུམ་དུ་འགྱུར་ཏེ། འདུས་པ་དང་པོ་ལ་བྱེ་བ་འབུམ་ཕྲག་གཅིག་གི་དགེ་སློང་ངོ་།། གཉིས་པ་ལ་བྱེ་བ་དགུ་བཅུའོ།། ་གསུམ་པ་ལ་བྱེ་བ་བརྒྱད་ཅུའོ།། དེའི་ཚེ་བྱང་ཆུབ་སེམས་དཔའ་གཟི་བརྗིད་དྲག་པོ་དང་། མངོན་པར་ཤེས་པའི་སྟོབས་དང་ལྡན་པའི་དཀའ་ཐུབ་པ་བཀྲ་ཤིས་བཟང་པོ་ཞེས་བྱ་བར་གྱུར ་ཏོ། ཤིང་འཛམ་བུ་ཆེན་པོའི་འབྲས་བུ་བླངས་ནས་དེ་བཞིན་གཤེགས་པ་ལ་ཕུལ་ལོ།། སྟོན་པས་འབྲས་བུ་དེ་གསོལ་ནས་བསྐལ་པ་དགུ་བཅུ་རྩ་བཞིའི་འོག་ཏུ་བྱང་ཆུབ་སེམས་དཔའ་མ་འོངས་པ་ན་སངས ་རྒྱས་སུ་འགྱུར་རོ་ཞེས་ལུང་བསྟན་ནོ། ། བཅོམ་ལྡན་འདས་དེའི་གྲོང་ཁྱེར་ནི་དེ་དྷཱ་ར་ཞེས་བྱ་བར་གྱུར་ཏོ།། ཡབ་ནི་རྒྱལ་བའི་སྡེ་ཞེས་བྱ་བའི་རྒྱལ་པོའོ།། ཡུམ་ནི་ལེགས་གྱུར་མ་ཞེས་བྱ་བའོ།། མང་དུ ་འབྱུང་དང་བཤེས་གཉེན་བཟང་པོ་ནི་ཉན་ཐོས་ཀྱི་མཆོག་གོ། ནམ་གྲུ་ཅན་ནི་ཉེ་གནས་སོ།། ཞི་བྱེད་ལེན་མ་དང་ལེགས་བརྟན་མ་ནི་ཉན་ཐོས་མའི་མཆོག་གོ།། བྱང་ཆུབ་ཀྱི་ཤིང་ནི་ཀརྣི་ཀའི་ཤིང་ངོ་།། ་སྐུའི་མཐོ་ཆད་ནི་ཁྲུ་དྲུག་ཅུའོ།། སྐུ་ཚེའི་ཚད་ནི་ལོ་འབུམ་ཕྲག་གཅིག་གོ། ཆོས་མཐོང་གི་ནི་འོག་ཉིད་དུ།། འཇིག་རྟེན་འདྲེན་པ་དོན་གྲུབ་ཀྱིས།། མུན་པ་ཐམས་ཅད་བཅོམ་ནས་ནི།། ནམ་མཁའ་འིམ ་ཤར་བ་བཞིན། དེའི་འོག་གི་ཆར་འདི་ནས་བསྐལ་པ་འབུམ་ཕྲག་དགུ་བཅུ་རྩ་གཉིས་ནས་འགོ་བརྩམས་ནས་བསྐལ་པ་གཅིག་ལ་དཀར་རྒྱལ་དང་། གྱུར་པ་ཞེས་བྱ་བའི་སངས་རྒྱས་གཉིས ་བྱོན་ནོ། ། བཅོམ་ལྡན་འདས་དཀར་རྒྱལ་དེའི་ཡང་འདུས་པ་གསུམ་དུ་གྱུར་ཏེ། འདུས་པ་དང་པོ་ལ་བྱེ་བ་བརྒྱའི་དགེ་སློང་ངོ་།། གཉིས་པ་ལ་བྱེ་བ་དགུ་བཅུའོ།། གསུམ་པ་ལ་བྱེ་བ་བརྒྱད་ཅུའོ།། དེའི་ཚེ ་བྱང་ཆུབ་སེམས་དཔའ་ལོངས་སྤྱོད་ཆེན་པོ་དང་། གྲགས་པ་ཆེན་པོ་དང་ལྡན་པའི་ལེགས་སྐྱེས་ཞེས་བྱ་བའི་རྒྱལ་རིགས་སུ་གྱུར་པ། དཀའ་ཐུབ་པའི་རབ་ཏུ་བྱུང་བ་ལ་རབ་ཏུ་བྱུང་ནས་རྫུ་འཕྲུལ་དང་ལྡན་པར། ་གྱུར་ཏེ། སངས་རྒྱས་བྱོན་པ་ཐོས་ནས་ལྷའི་མེ་ཏོག་མནྡ་ར་བ་དང་། པདྨ་དང་། པཱ་རི་ཙྪ་དྷཱིའི་མེ་ཏོག་རྣམས་བླངས་ནས་འཁོར་བཞིའི་ནང་དུ་གཤེགས་པའི་དེ་བཞིན་གཤེགས་པ་ལ་མཆོད་ནས། ནམ ་མཁའི་མེ་ཏོག་གི་བླ་རེས་བྲེས་སོ། ། སངས་རྒྱས་དེས་ཀྱང་འདི་ནས་བསྐལ་པ་དགུ་བཅུ་རྩ་གཉིས་ནས་སངས་རྒྱ་བར་འགྱུར་རོ་ཞེས་ལུང་སྟན་ཏོ།། བཅོམ་ལྡན་འདས་དེའི་གྲོང་ཁྱེར་ནི་དགེ་མ་ཞེས་བྱ་བའོ།། ་ཡབ་ནི་སྐྱེ་བོ་དད་པ་ཅན་ཞེས་བྱ་བའི་རྒྱལ་པོའི་རིགས་སོ།། ཡུམ་ནི་པདྨ་ཞེས་བྱ་བའོ།། ཚངས་པའི་ལྷ་དང་འཆར་བྱེད་ནི་ཉན་ཐོས་ཀྱི་མཆོག་གོ། ཡང་དག་མཆོག་ནི་ཉེ་གནས་སོ།། མྱུར་མ་དང་ལེགས ་སྦྱིན་མ་ནི་ཉན་ཐོས་མའི་མཆོག་གོ། བྱང་ཆུབ་ཀྱི་ཤིང་ནི་ཨ་ས་ནའི་ཤིང་ངོ་།། སྐུའི་མཐོ་ཚད་ལ་ཁྲུ་དྲུག་ཅུའོ།། སྐུ་ཚེའི་ཚད་ནི་ལོ་འབུམ་ཕྲག་གཅིག་གོ། དོན་གྲུབ་ཀྱི་ནི་འོག་ཉིད་དུ།། གང་ཟག་ཟླ་མེད་མཚུང ་མེད་པ། ། ཚུལ་ཁྲིམས་དཔག་མེད་མཐའ་ཡས་གྲགས།། འཇིག་རྟེན་འདྲེན་པ་དཀར་རྒྱལ་མཆོག། དེའི་འོག་གི་ཆར་གྱུར་པ་ཞེས་བྱ་བའི་སྟོན་པ་བྱོན་ནོ།། དེའི་ཡང་འདུས་པ་གསུམ ་དུ་གྱུར་ཏེ། འདུས་པ་དང་པོ་ལ་འབུམ་ཕྲག་དྲུག་ཅུའི་དགེ་སློང་ངོ་།། གཉིས་པ་ལ་འབུམ་ཕྲག་ལྔ་བཅུའོ།། གསུམ་པ་ལ་འབུམ་ཕྲག་སུམ་ཅུ་རྩ་གཉིས་སོ།། དེའི་ཚེ་བྱང་ཆུབ་སེམས་དཔའ་རྣམ་པར ་རྒྱལ་བྱེད་ཅེས་བྱ་བའི་རྒྱལ་རིགས་སུ་གྱུར་ཏོ། ། རྒྱལ་པོ་ཆེན་པོའི་རྒྱལ་རིགས་སྤངས་ནས་ནི་སྟོན་པའི་དྲུང་དུ་རབ་ཏུ་བྱུང་སྟེ། སྡེ་སྣོད་གསུམ་བསླབས་ནས་སྐྱེ་བོ་མང་པོ་ལ་དམ་པའི ་ཆོས་སྟོན་ཅིང་འཆད་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྫོགས་པར་བྱས་ནས་དེ་ཡང་དེ་བཞིན་དུ་འཚང་རྒྱ་བར་འགྱུར་རོ་ཞེས་ལུང་བསྟན་ཏོ།། བཅོམ་ལྡན་འདས་དེའི་གྲོང་ཁྱེར་ནི་གསལ་ལྡན་ཞེས ་བྱ་བར་གྱུར་ཏོ། ། ཡབ་ནི་རྒྱལ་བའི་སྡེ་ཞེས་བྱ་བའི་རྒྱལ་པོའོ།། ཡུམ་ནི་དཔལ་ལྡན་མ་ཞེས་བྱའོ།། ལེགས་བསྲུངས་དང་ཆོས་ཀྱི་སྡེ་ནི་ཉན་ཐོས་ཀྱི་མཆོག་གོ།། འཇིགས་བཅས་ནི་ཉེ་གནས་སོ།། ་འཕྲེང་བ་མ་དང་ཉེ་བའི་འཕྲེང་བ་མ་ནི་ཉན་ཐོས་མའི་མཆོག་གོ། བྱང་ཆུབ་ཀྱི་ཤིང་ནི་སྐྱུ་རུ་རའི་ཤིང་ངོ་།། སྐུའི་མཐོ་ཆེད་དུ་ཁྲུ་ལྔ་བཅུ་རྩ་བརྒྱད་དོ།། སྐུ་ཚེའི་ཚད་ནི་ལོ་སྟོང་ཕྲག་དགུ་བཅུའོ།། སྙིང་པོའི ་བསྐལ་བ་དེ་ཉིད་ལ། ། སྟོན་པ་བླ་ན་མེད་པར་གྱུར།། མཚུངས་དང་མི་མཚུངས་དཔེ་མེད་པ།། འཇིག་རྟེན་མཆོག་གི་འདྲེན་པར་གྱུར།། དེའི་འོག་གི་ཆར་འདི་ནས་བསྐལ་པ་དགུ་བཅུ་རྩ ་གཅིག་ལ་བཅོམ་ལྡན་འདས་རྣམ་པར་གཟིགས་ཞེས་བྱ་བ་བྱོན་ནོ། ། དེའི་ཡང་འདུས་པ་གསུམ་དུ་གྱུར་ཏེ། འདུས་པ་དང་པོ་ལ་དགེ་སློང་འབུམ་ཕྲག་དགུ་བཅུ་རྩ་བརྒྱད་དོ།། གཉིས་པ་ལ་འབུམ་ཕྲག ་གཅིག་གོ། གསུམ་པ་ལ་སྟོང་ཕྲག་བརྒྱད་ཅུའོ།། དེའི་ཚེ་བྱང་ཆུབ་སེམས་དཔའ་རྫུ་འཕྲུལ་ལྡན་ཞིང་མཐུ་ཆེ་བས་མཚུངས་པ་མེད་པའི་ཀླུའི་རྒྱལ་པོར་གྱུར་ཏེ། རིན་པོ་ཆེ་སྣ་བདུན་གྱིས་བརྒྱན་པའི་གསེར ་གྱི་བ་དན་ཆེན་པོ་བཅོམ་ལྡན་འདས་ལ་ཕུལ་ལོ། ། དེས་ཡང་འདི་ནས་བསྐལ་པ་དགུ་བཅུ་རྩ་གཅིག་ན་སངས་རྒྱ་བར་འགྱུར་རོ་ཞེས་ལུང་བསྟན་ནོ།། བཅོམ་ལྡན་འདས་དེའི་གྲོང་ཁྱེར་ནི་བློ་གྲོས་གཉེན ་ཞེས་བྱ་བར་གྱུར་ཏོ། ། ཡབ་ནི་གཉེན་གྱི་རྒྱལ་པོ་ཞེས་བྱ་བའོ།། ཡུམ་ན་བློ་གྲོས་གཉེན་མ་ཞེས་བྱ་བའོ།། ཕུང་པོ་དང་དཀར་རྒྱལ་ནི་ཉན་ཐོས་ཀྱི་མཆོག་གོ།། མྱ་ངན་མེད་ནི་ཉེ་གནས་སོ།། བླ་བམ ་དང་ཟླ་བའི་བཤེས་གཉེན་མ་ནི་ཉན་ཐོས་མའི་མཆོག་གོ། བྱང་ཆུབ་ཀྱི་ཤིང་ནི་པཱ་ཌི་ལིའི་ཤིང་ངོ་།། སྐུའི་མཐོ་ཚད་དུ་ཁྲུ་བརྒྱད་ཅུའོ།། སྐུའི་འོད་ལ་རྟག་ཏུ་དཔག་ཚད་བདུན་དུ་འཕྲོ་ཞིང་གནས ་སོ། ། སྐུ་ཚེའི་ཚད་ནི་ལོ་སྟོང་ཕྲག་བརྒྱད་ཅུའོ།། གྱུར་པ་ཡི་ནི་འོག་ཏུ་ནི།། རྐང་གཉིས་མཆོག་གི་རྫོགས་སངས་རྒྱས།། མཚན་ནི་རྣམ་པར་གཟིགས་ཞེས་བྱ།། སྤྱན་ལྡན་འཇིག་རྟེན་བསྐྱེད ་པའོ། ། དེའི་འོག་གི་ཆར་འདི་ནས་བསྐལ་པ་སུམ་ཅུ་རྩ་གཉིས་ནས་གཙུག་ཏོར་ཅན་དང་། ཐམས་ཅད་སྐྱོབ་ཅེས་པའི་སངས་རྒྱས་གཉིས་བྱོན་ནོ།། གཙུག་ཏོར་ཅན་གྱི་ཡང་ཉན ་ཐོས་ཀྱི་འདུས་པ་གསུམ་དུ་འགྱུར་ཏེ། འདུས་པ་དང་པོ་ལ་འབུམ་ཕྲག་གཅིག་གི་དགེ་སློང་ངོ་།། གཉིས་པ་ལ་འབུམ་ཕྲག་བརྒྱད་ཅུའོ།། གསུམ་པ་ལ་འབུམ་ཕྲག་བཅུའོ།། དེའི་ཚེ་བྱང་ཆུབ ་སེམས་དཔའ་སྒྲའི་དབང་པོ་ཞེས་བྱ་བའི་རྒྱལ་པོར་གྱུར་ཏེ། སངས་རྒྱས་དང་བཅས་པའི་དགེ་འདུན་རྣམས་ལ་ཆོས་གོས་དང་བཅས་པའི་སྦྱིན་པ་ཆེན་པོ་ཕུལ་ལོ།། རིན་པོ་ཆེ་སྣ་བདུན་གྱི་སོ་སོར་བརྒྱན་པའི ་གླང་པོ་ཆེ་ཕུལ་ནས། གླང་པོ་ཆེའི་ཚད་ཙམ་རི་ཞིང་རུང་བའི་ཡོ་བྱད་རྣམས་ཕུལ་ལོ།། དེས་ཡང་འདི་ནས་བསྐལ་པ་སུམ་ཅུ་རྩ་གཅིག་ནས་སངས་རྒྱས་སུ་འགྱུར་རོ་ཞེས་ལུང ་བསྟན་ཏོ། ། གཞན་ཡང་བཅོམ་ལྡན་འདས་དེའི་གྲོང་ཁྱེར་ནི་སྐྱ་རེངས་ལྡན་ཞེས་པར་གྱུར་ཏོ།། ཡབ་ནི་སྐྱ་རེངས་ལྡན་ཞེས་བྱ་བའི་རྒྱལ་པོའོ།། ཡུམ་ནི་འོད་ལྡན་མ་ཞེས་བྱ་བའོ།། མངོན་འབྱུང ་དང་ཡང་དག་འབྱུང་ནི་ཉན་ཐོས་ཀྱི་མཆོག་གོ། དགེ་བར་བྱེད་པ་ནི་ཉེ་གནས་སོ།། མ་གི་ལ་དང་པདྨ་ནི་ཉན་ཐོས་མའི་མཆོག་གོ། བྱང་ཆུབ་ཀྱི་ཤིང་ནི་པུཎྜ་རི་ཀའི་ཤིང་ངོ་།། སྐུའི་མཐོ་ཚང་དུ་ཁྲུ ་སུམ་ཅུ་རྩ་བདུན་དུ་འགྱུར་རོ། ། སྐུའི་འོད་དཔག་ཚད་གསུམ་དུ་འཕྲོ་ཞིང་གནས་སོ།། སྐུ་ཚེའི་ཚད་ནི་ལོ་སྟོང་ཕྲག་སུམ་ཅུ་རྩ་བདུན་ནོ།། རྣམ་པར་གཟིགས་ཀྱི་འོག་ཏུ་ནི།། རྐང་གཉིས་མཆོག་གི་རྫོགས་སངས ་རྒྱས། མཚུངས་མེང་རྒྱལ་བ་གཙུག་ཏོར་ཅན།། གང་ཟག་ཟླ་མེད་མཚུངས་མེད་དོ།། དེའི་འོ་ག་གི་ཆར་ཐམས་ཅད་སྐྱོབ་ཅེས་བྱ་བའི་སངས་རྒྱས་བྱོན་ནོ།། དེའི་ཡང་འདུས་པ་གསུམ་དུ་གྱུར ་ཏེའདུས་པ་དང་པོ་ལ་འབུམ་ཕྲག་བརྒྱད་ཅུའི་དགེ་སློང་ངོ་། ། གཉིས་པ་ལ་འབུམ་ཕྲག་སུམ་ཅུ་རྩ་བདུན་ནོ།། གསུམ་པ་ལ་འབུམ་ཕྲག་དྲུག་ཅུའོ།། དེའི་ཚེ་བྱང་ཆུབ་སེམས་དཔའ་བལྟ་ན་སྡུག་ཅེས་བྱ་བའི ་རྒྱལ་པོར་གྱུར་ཏེ། སངས་རྒྱས་ལ་སོགས་པའི་དགེ་འདུན་ལ་ཆོས་གོས་དང་བཅས་པའི་སྦྱིན་པ་ཆེན་པོ་ཕུལ་ནས་དེའི་དྲུང་དུ་རབ་ཏུ་བྱུང་སྟེ། སྤྱོད་པ་དང་ཡོན་ཏན་དང་ལྡན་པས་སངས་རྒྱས་དཀོན་མཆོག ་ལ་རི་མོར་བྱས་ཏེ་དགའ་བར་གྱུར་ཏོ། ། དེ་ཡང་བཅོམ་ལྡན་འདས་ཀྱིས་འདི་ནས་བསྐལ་པ་སུམ་ཅུ་རྩ་གཅིག་ནས་སངས་རྒྱས་སུ་འགྱུར་རོ་ཞེས་ལུང་བསྟན་ཏོ།། གཞན་ཡང་བཅོམ་ལྡན་འདས་དེའི་གྲོང་ཁྱེར ་ནི་ཡིད་ལྡན་ཞེས་བྱ་བར་གྱུར་ཏོ། ། ཡབ་ནི་ལེགས་པར་གནས་ཞེས་བྱ་བའི་རྒྱལ་པོའོ།། ཡུམ་ནི་གྲགས་ལྡན་མ་ཞེས་བྱ་བའོ།། ཉན་པ་དང་མཆོག་ནི་ཉན་ཐོས་ཀྱི་མཆོག་གོ།། ཉེ་བར་ཞི་བ་ནི་ཉེ ་གནས་སོ། ། འཕྲེང་བ་མ་དང་འགྲེང་བ་དང་བཅས་པ་མ་ནི་ཉན་ཐོས་མའི་མཆོག་གོ།། བྱང་ཆུབ་ཀྱི་ཤིང་ནི་སཱ་ལའི་ཤིང་ངོ་།། སྐུའི་མཐོ་ཚང་མི་ཁྲུ་དྲུག་ཅུར་འགྱུར་རོ།། སྐུ་མོའི་ཚད་ནི་སྟོང་ཕྲག་དྲུག་སུ།། ་སྙིང་པོའི་བསྐལ་པ་དེ་ཉིད་ལ།། གང་ཟག་བླ་མེད་མཚུངས་པ་མེད།། མཚན་ནི་ཐམས་ཅད་སྐྱོབ་ཅེས་པ།། རྒྱལ་བ་དེ་ནི་འཇིག་རྟེན་བསྐྱེད།། དེའི་ཡང་འོག་གི་ཆར་བསྐལ་པ་འདི་ལ ་སངས་རྒྱས་བཞི་བྱོན་ནོ། ། ལོག་པ་དང་སེལ་དང་། གསེར་ཐུབ་དང་། འོད་སྲུངས་དང་། བདག་ཅག་གི་བཅོམ་ལྡན་འདས་སོ།། གཞན་ཡང་བཅོམ་ལྡན་འདས་ལོག་པ་དང་སེལ་གྱི་ཉན་ཐོས་ཀྱི་འདུས་པ་ནི ་གཅིག་གོ། ། དེ་ལ་སྟོང་ཕྲག་བཞི་བཅུའི་དགེ་སློང་ངོ་།། དེའི་ཚེ་བྱང་ཆུབ་སེམས་དཔའ་དགེ་བ་ཞེས་བྱ་བའི་རྒྱལ་པོར་གྱུར་ཏོ།། སངས་རྒྱས་ལ་སོགས་པ་དགེ་འདུན་ལ་ལྷུང་བཟེད་ཆོས་གོས་དང་བཅས་པའི་སྦྱིན་པ ་ཉིད་དང་། མིག་སྨན་དང་། སྨན་ལ་སོགས་པ་ཕུལ་ནས་སྟོན་པའི་ཆོས་བསྟན་པ་ཐོས་ནས་རབ་ཏུ་བྱུང་ངོ་།། དེ་ཡང་སྟོན་པས་ལུང་བསྟན་ཏོ།། གཞན་ཡང་བཅོམ་ལྡན་འདས་ལོག་པ་དང་སེལ ་དེའི་གྲོང་ཁྱེར་དགེ་བ་ཞེས་བྱ་བར་གྱུར་ཏོ། ། ཡབ་ནི་མི་སྦྱིན་བྲམ་ཟེའི་ཞེས་བྱ་བའོ།། སུམ་ནི་བྲམ་ཟེ་མོ་གྲོགས་མའོ།། བི་དྷ་ར་དང་ཡང་དགའ་ཚོན་ཉན་ཐོས་ཀྱི་མཆོག་གོ། ་ཟམ་ཟེ་བློ་གྲོས་ནི་ཉེ་གནས་སོ།། མཉམ་བྱེད་དང་ཙམ་པ་ཀ་ནི་ཉན་ཐོས་མའི་མཆོག་གོ།། བྱང་ཆུབ་ཀྱི་ཤིང་ནི་ཤིང་ཤི་རི་ཥ་ཆེན་པོའོ།། སྐུའི་མཐོ་ཆང་ལ་ཁྲུ་བཞི་བཅུར་འགྱུར་རོ།། སྐུ་ཚེའི་ཚད་ནི་ལོ་སྟོང་ཕྲ ་བཞི་བཅུའོ། ། ཐམས་ཅད་སྐྱོབ་ཀྱི་འོག་ཏུ་ནི།། རྐང་གཉིས་མཆོག་གི་རྫོགས་སངས་རྒྱས།། མཚན་ནི་ལོག་པ་དང་སེལ་ཞེས།། གནལ་མེད་རིང་ལ་སེམས་དཔའ་འོ།། དེའི་འོག་གི ་ཆར་སྟོན་པ་གསེར་ཐུབ་ཅེས་བྱ་བ་བྱོན་ནོ། ། དེའི་ཡང་ཉན་ཐོས་ཀྱི་འདུས་པ་གཅིག་སྟེ། དེ་ལ་སྟོང་ཕྲག་སུམ་ཅུའི་དགེ་སློང་དུ་གྱུར་ཏོ།། དེའི་ཚེ་བྱང་ཆུབ་སེམས་དཔའ་རི་ཞེས་བྱ་བའི་རྒྱལ་པོར་གྱུར་ཏོ།། རྔོན ་པོའི་ཚོ་གས་མང་པོ་དང་འཁོར་དང་བཅས་པ་ཆོས་བསྟན་པ་ཐོས་ནས། སངས་རྒྱས་ལ་སོགས་པའི་དགེ་སློང་གི་དགེ་འདུན་རྣམས་མགྲོན་དུ་གཉེར་ནས་སྦྱིན་པ་ཆེན་པོ་ཕུལ་ཏེ་སྟོན་པའི་དྲུང་དུ་སོང་སྟེ། ལྷུང ་བཟེད་དང་། རྒྱའི་དར་དང་། གྲོང་ཁྱེར་གསལ་ལྡན་གྱི་ཡུམ་གྱི་རས་དང་། ལ་བ་དང་། དུ་ཀུ་ལའི་རས་དང་། དར་གོས་གསེར་མ་རྣམས་ཕུལ་ཏེ། སྟོན་པའི་དྲུང་དུ་རབ་ཏུ་བྱུང་ངོ་།། དེ་ཡང ་སངས་རྒྱས་སུ་འགྱུར་བར་ལུང་བསྟན་ནོ། ། བཅོམ་ལྡན་འདས་དེའི་གྲོང་ཁྱེར་ནི་མཛེས་ལྡན་ཞེས་བྱ་བར་གྱུར་ཏོ།། ཡབ་ནི་གནོད་སྦྱིན་ཞེས་བྱ་བའི་བྲམ་ཟེའོ།། ཡུམ་ནི་མཆོག་མ་ཞེས་བྱ་བའི་བྲམ ་ཟེ་མོའོ། ། འཇིགས་བྱེད་དང་མཆོག་ནི་ཉན་ཐོས་ཀྱི་མཆོག་གོ། བཀྲ་ཤིས་ཞེས་བྱ་བ་ནི་ཉེ་གནས་སོ།། རྒྱ་མཚོ་མ་དང་མཆོག་མ་ནི་ཉན་ཐོས་མའི་མཆོག་གོ།། བྱང་ཆུབ་ཀྱི་ཤིང་ནི་ཨུ་དུམ་ཝ་རའི་ཤིང ་ངོསྐུའི་མཐོ་ཚད་ལ་ཁྲུ་ཉི་ཤུའོ། ། སྐུ་ཚེའི་ཚད་ནི་ལོ་སྟོང་ཕྲག་སུམ་ཅུའོ།། ལོག་པར་དད་སེལ་འོག་ཏུ་ནི།། རྐང་གཉིས་མཆོག་གི་རྫོགས་སངས་རྒྱས།། མཚན་ནི་རྒྱལ་བ་གསེར་ཐུབ་བོ།། ་མི་ཡི་ཁྱུ་མཆོག་འཇིག་རྟེན་གཙོ།། དེའི་འོག་གི་ཆར་འོད་སྲུངས་ཞེས་བྱ་བའི་སྟོན་པ་བྱོན་ནོ།། དེའི་ཡང་འདུས་པ་གཅིག་སྟེ། དེ་ལ་དགེ་སློང་སྟོང་ཕྲག་ཉི་ཤུའོ།། དེའི་ཚེ་བྱང་ཆུབ ་སེམས་དཔའ་འོད་བསྦྱོར་ཞེས་བྱ་བའི་བྲམ་ཟེའི་ཁྱེའུར་གྱུར་ནས། རིག་བྱེད་གསུམ་གྱི་ཕ་རོལ་ཏུ་སོན་ཏོ།། ས་དང་བར་སྣང་ཐམས་ཅད་ལ་གྲགས་སོ།། བུམ་པ་བྱེད་པའི་རྫ་མཁན་གྱི་གྲོགས་པོར་གྱུར ་ཏོ། ། བྱང་ཆུབ་སེམས་དཔའ་རྫ་མཁན་དང་འགྲོགས་ཏེ་སྟོན་པའི་དྲུང་དུ་སོང་སྟེ། ཆོས་ཀྱི་གཏམ་ཐོས་ནས་རབ་ཏུ་བྱུང་ངོ་།། བརྩོན་འགྲུས་ཆེར་བསྐྱེད་ནས་སྡེ་སྣོད་གསུམ་བསླབས་ཏེ་སྤྱོད་པ་དང་ལྡན ་པ་སངས་རྒྱས་ཀྱི་བསྟན་པ་མཛེས་པར་བྱེད་དོ། ། དེ་ཡང་སྟོན་པས་ལུང་བསྟན་ནོ།། བཅོམ་ལྡན་འདས་དེའི་བལྟམ་པའི་བར་གྲོང་ཁྱེར་ནི་ཝཱ་རཱ་ཎ་སི་ཞེས་བྱ་བའོ།། ཡབ་ནི་ཚངས་བྱིན་ཞེས་བྱ་བའི་བྲམ ་ཟེའོ། ། ཡུམ་ནི་འབྱོར་ལྡན་མ་ཞེས་བྱ་བའི་བྲམ་ཟེ་མོའོ།། དཀར་རྒྱལ་དང་བྷཱ་ར་དྷྭ་ཛ་ནི་ཉན་ཐོས་ཀྱི་མཆོག་གོ།། ཐམས་ཅད་བཤེས་གཉེན་ནི་ཉེ་གནས་སོ།། རྗེས་སུ་ལེན་མ་དང་སྟོང་རྒྱས་མ་ནི་ཉན ་ཐོས་མའི་མཆོག་གོ། ། བྱང་ཆུབ་ཀྱི་ཤིང་ནི་ནྱ་གྲོང་ཤིང་དོ།། སྤུའི་མཐོ་ཆེད་དུ་ཁྲུའི་བུར་འགྱུར་ཏོ།། མུ་ཚེའི་ཚད་ལ་སྟོང་བྲག་ཤཱའོ།། གསེར་ཐུབ་ཅན་འོག་ཏུ་ནི། ་རྐང་གཉིས་མཆོག་གི་རྫོགས་སངས་རྒྱས་མཚན་ནི་རྒྱལ་བ་འོད་སྲུང་ངོ་།། ཆོས་ཀྱི་རྒྱལ་བ་འོད་མཛད་དོ།། གཞན་ཡང་བསྐལ་པ་གང་ལ་སྟོབས་བཅུ་དང་ལྡན་པའི་མར་མེ་མཛད་པ་དེ ་ལ། གཞན་ཡང་སངས་རྒྱས་གསུམ་བྱོན་པར་གྱུར་ཏེ། དེ་རྣམས་ཀྱི་དྲུང་དུ་བྱང་ཆུབ་སེམས་དཔའ་ལུང་མ་བསྟན་ནོ།། དེའི་ཕྱིར་འདིར་ཡང་མ་བསྟན་ཏེ། གཞན་ཡང་དོན་གྱི་གཏམ་འདིས་འདིའི ་བསྐལ་པ་ནས་བཟུང་ནས་སངས་རྒྱས་ཐམས་ཅད་མཐོང་བའི་དོན་དུ་འདིར་བཤད་དོ། ། སྲེད་མཛད་དང་ནི་བློ་གྲོས་མཛད།། དེ་ནས་སྐྱབས་ནི་མཛད་པ་ཡིན།། མར་མེ་མཛད་ནི་རྫོགས་སངས་རྒྱས།། ་རྐང་གཉིས་མཆོག་ནི་ཀོའུ་ཌི་ནྱ།། བཀྲ་ཤིས་དང་ནི་ཐུགས་བཟང་དང་།། ཐུབ་པ་ནམ་གྲུ་མཛེས་བྱེད་དང་།། ཐུགས་ལྡན་མཐོང་དང་པདྨ་དང་།། མི་སྦྱིན་དང་ནི་པདྨའི་མཆོག། བློ་གྲོས་བཟང་དང ་ལེགས་སྐྱེས་དང་། ། གྲགས་ཆེན་བལྟ་ན་སྡུག་པ་དང་།། དོན་མཐོང་དང་ནི་ཆོས་མཐོང་དང་།། འཇིག་རྟེན་འདྲེན་པ་དོན་གྲུབ་དང་།། རྫོགས་སངས་རྒྱས་ནི་དཀར་རྒྱལ་གྱུར།། རྣམ་གཟིགས ་གཙུག་ཏོར་ཐམས་ཅད་སྐྱོབ། ། ལོག་པ་དང་སེལ་གསེར་ཐུབ་དང་།། འདྲེན་པ་འོད་སྲུངས་ཞེས་བྱའོ།། ཡང་དག་རྫོགས་སངས་རྒྱས་རྣམས་ནི།། མཉམ་པར་གཞག་ཅིང་འདོད་ཆགས་བཅོམ།། འོད ་ཟེར་བརྒྱ་པ་བཞིན་དུ་འཁྲུངས། ། མུན་པ་ཆེན་པོ་རྣམ་པར་འཇོམས།། མེ་ཡི་ཕུང་པོ་བཞིན་དུའབར།། ཉན་ཐོས་དང་བཅས་མྱ་ངན་འདས།། དེ་ལ་དདག་ཅག་གི་བྱང་ཆུབ་སེམས་དཔའ་མར་མེ ་མཛད་ལ་ལ་སོགས་པའི་སངས་རྒྱས་ཉི་ཤུ་རྩ་བཞིའི་དྲུང་དུ་སྨོན་ལམ་བཏབ་ནས་བསྐལ་པ་གྲངས་མེད་པ་བཞི་དང་འབུམ་ཕྲག་གཅིག་ལྷག་པ་ནས་བྱོན་ནོ། ། གཞན་ཡང་བཅོམ་ལྡན་འདས་འོད་སྲུངས ་དེའི་འོག་གི་ཆར་གནས་ཏེ་ཡང་དག་པར་རྫོགས་པའི་སངས་རྒྱས་འདི་ལས་སངས་རྒྱས་གཞན་མེད་དོ་ཞེས་མར་མེ་མཛད་ལ་སོགས་པའི་སངས་རྒྱས་ཉི་ཤུ་རྩ་བཞིའི་དྲུང་དུ་ལུང་བསྟན་པ་ཐོབ་བོ། ། གཞན་ཡང ་བྱང་ཆུབ་སེམས་དཔའ་གང་དེས། མི་ཡི་བདག་ཉིད་རྟགས་དང་ལྡན།། སྒྱུ་དང་སྟོན་པའི་བལྟ་བ་དང་།། རབ་ཏུ་བྱུང་ཞིང་ཡོན་ཏན་ལྡན།། གཞི་རྣམས་དང་ནི་འདུན་པ་དང་།། ཆོས་བརྒྱད་པོ་ནི ་ཚོགས་པ་དང་། ། སྨོན་ལམ་རྣམས་ནི་ཡང་དག་རྫོགས།། ཆོས་བརྒྱད་པོ་འདི་རྣམས་ཚོགས་པར་བྱས་ནས་མར་མེ་མཛད་ཀྱི་ཞབས་དྲུང་དུ་སྨོན་ལམ་བཏབ་ཅིང་སངས་རྒྱས་སུ་བྱེད་པའི་ཆོས་འདི ་རྣམས་གང་དང་གང་དུ་ཚོལ་བའི་སྤྲོ་བ་སྐྱེས་སོ། ། བཙལ་བ་དེ་རྣམས་མཐོང་བ་ནས།། དང་པོ་སྦྱིན་པའི་ཕ་རོལ་ཕྱིན།། སྦྱིན་པའི་ཕ་རོལ་ཏུ་ཕྱིན་པ་ལ་སོགས་པས་སངས་རྒྱས་ཐོབ་པར་བྱེད་པའི་ཆོས་རྫོགས ་པར་བྱེད་པ་ཉིད་ཐམས་ཅད་སྒྲོལ་གྱི་བདག་ཉིད་བྱོན་ནོ། ། བྱོན་ནས་གང་དེ་རྣམས་བྱས་པའི་སྨོན་ལམ་བྱང་ཆུབ་སེམས་དཔའ་རྣམས་ཀྱིས་ཕན་ཡོན་བསྔགས་པར་མཛད་དོ།། དེ་བཞིན་ཡན་ལག་ཐམས་ཅད ་ལྡན་མི་ཡིས་བྱང་ཆུབ་ངེས་པ་དང་། ། འཁོར་བ་ཡུན་རིང་གཞི་མེད་པ།། བསྐལ་པ་བྱེ་བ་བརྒྱ་ཉིད་དམ།། མནར་མེད་དུ་མི་སྐྱེའོ།། དེ་བཞིན་དུ་ནི་འཇིག་རྟེན་པར། ་བཀྲེས་སྐོམ་སྲེད་དང་འབར་བ་དང་།། ཡན་ལག་ཐམས་ཅད་མི་འཆད་འགྱུར།། སྲོག་ཆགས་ཕྲ་མོར་མི་འགྱུར་ཞིང་།། ངན་པགྲོ་རྣམས་སུ་སྐྱེ་མི་འགྱུར།། མི་རུ་སྐྱེས་པར་གྱུར་པ་ན།། དེ་ནི ་དམུས་ལོང་མི་འགྱུར་ཞིང་། ། འོན་པར་ཡང་ནི་མི་འགྱུར་ལ།། ལྐུགས་དང་གཞོགས་ཕྱེད་ན་མི་འགྱུར།། བུད་མེད་དུ་ནི་སྐྱེ་མི་འགྱུར།། ཟ་མ་མ་ནིང་མཚན་གཉིས་དང་།། མཐའ་འཁོབ་ཏུ་ནི ་སྐྱེ་མི་འགྱུར། ། མི་ཡི་བྱང་ཆུབ་ངེས་པ་ཡིན།། མཚམས་མེད་པ་ལས་གྲོལ་བ་དང་།། དག་པའི་སྤྱོད་ཡུལ་ཐམས་ཅད་དུ།། ལོག་པའི་ལྟ་བ་མི་སྟེན་ནོ།། ལས་ཀྱི་བྱ་བ་མཐོང་བ་དང་།། མཐོང ་ལ་ནི་གནས་ནས་སུ། ། འདུ་ཤེས་མེད་པར་སྐྱེ་མི་འགྱུར།། གཙང་མ་རིས་ཀྱི་ལྷ་རྣམས་སུ།། སྒྱུ་དང་མིང་ནི་སྐྱེ་བ་མེད།། སྐྱེས་བུ་དམ་པ་ངེས་འབྱུང་སེམས།། དངོས་དང་དངོས་མེད་ལྡན་པ ་མེད་གང་ཞིག་འཇིག་རྟེན་དོན་དུ་འགྲོ། ། ཕ་རོལ་ཕྱིན་ཀུན་རྫོགས་པར་བྱེད།། ཕན་ཡོན་དེ་རྣམས་ལྡོག་པར་ཐོབ་པ་འམ།། དེས་ཕ་རོལ་ཏུ་ཕྱིན་པ་རྫོགས་པར་བྱེད་དོ།། གྲགས་པ་དང་ལྡན་པར་བྲམ ་ཟེའི་དུས་སུ་དང་། དུང་གི་བྲམ་ཟེའི་དུས་སུ་དང་། ནོར་རྒྱལ་གྱི་རྒྱལ་པོའི་དུས་སུ་དང་། བལྟ་ན་སྡུག་ཆེན་པོ་རྒྱལ་པོའི་དུས་སུ་དང་། ཁྱབ་འཇུག་ཆེན་པོའི་དུས་སུ་དང་། རྒྱུ་མཚན་གྱི་རྒྱལ་པོ་ཆེན་པོའི ་དུས་སུ་དང་། ཟླ་བ་གཞོན་ནུའི་དུས་སུ་དང་། ཡུལ་གྱི་མཆོག་གི་དུས་སུ་དང་། ཤི་པི་པའི་རྒྱལ་པོའི་དུས་སུ་དང་། ཐམས་ཅད་སྒྲོལ་གྱི་དུས་སུ་ནི་སྦྱིན་པའི་ཕ་རོལ་ཏུ་ཕྱིན་པ་རྫོགས་པའི་བདག་ཉིད་དེ། ་ཚད་མེད་པ་ཞེས་བྱའོ།། མཐའ་གཅིག་ཏུ་ཡང་དང་ཡང་བྱང་ཆུབ་སེམས་དཔའ་མཁས་པའི་རི་བོང་གི་སྐྱེས་རབས་ལས། ཉེར་འོངས་སློང་བ་མཐོང་བ་ན།། རང་གི་ལུས་ནི་ཡོངས་སུ་བཏང་།། བདག་གི། ་སྦྱིན་ལ་མཉམ་པ་མེད།། འདི་རྣམས་སྦྱིན་པའི་ཕ་རོལ་ཕྱིན།། དེ་ལྟར་ལུས་ཡོངས་སུ་གཏོང་བར་བྱེད་པས་སྦྱིན་པའི་ཕ་རོལ་ཏུ་ཕྱིན་པ་སྟེ། དོན་དམ་པའི་ཕ་རོལ་ཏུ་ཕྱིན་པ་ཞེས་བྱ་བ་སྐྱེས་སོ།། དེ་བཞིན་དུ་ཚུལ། ་ཁྲིམས་དང་ལྡན་པའི་ཀླུའི་རྒྱལ་པོའི་དུས་སུ་དང་། ཙམ་པོ་སྤྱིའི་ཀླུའི་རྒྱལ་པོའི་དུས་སུ་དང་། ས་སྦྱིན་ཀླུའི་རྒྱལ་པོའི་དུས་སུ་དང་། མཆེ་བ་དྲུག་པའི་གླང་པོའི་རྒྱལ་པོའི་དུས་སུ་དང་། རྒྱལ་བ་དང་མཚུངས་པའི ་རྒྱལ་པོའི་བུ་ཞུམ་པ་མེད་པའི་དགྲ་གཞོན་ནུའི་དུས་སུ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྫོགས་པར་སྐྱེས་པ་ལ་ཚད་མེད་དོ། ། མཐའ་གཅིག་ཏུ་གཞན་ཡང་། དེ་ཡི་དུང་སྐྱོང་སྐྱེས་རབས་ལས།། གསལ་ཤིང ་གིས་ནི་ཕུག་ནས་ནི། ། མཚོན་ཆ་བླངས་ནས་བརྡེག་པ་དང་།། གྲོང་དཔོན་བུ་ལ་ཁྲོ་མི་བྱེད།། ཚུལ་ཁྲིམས་པར་ཕྱིན་བདག་གི་འདི།། དེ་བཞིན་དུ་ལུས་ཡོངས་སུ་གཏོང་བར་བྱེད་པ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ ་སྟེ་དོན་དམ་པའི་ཕ་རོལ་ཏུ་ཕྱིན་པ་ཞེས་བྱ་བ་སྐྱེས་སོ། ། དེ་བཞིན་དུ་ཡིད་བཟང་གཞོན་ནུའི་དུས་སུ་དང་། གླང་ཆེན་སྐྱོང་གཞོན་ནུའི་དུས་སུ་དང་། ལྕགས་ཁྱིམ་མཁས་པའི་དུས་སུ་ནི་རྒྱལ་སྲིད་ཆེན་པོ་སྤང ་ནས་ངེས་པར་འབྱུང་བའི་ཕ་རོལ་ཏུ་ཕྱིན་པ་བདག་ཉིད་ལ་སྐྱེས་པ་ནི་ཚད་མེད་དོ། ། གཞན་ཡང་མཐའ་གཅིག་ཏུ་དེའི་བུ་ཞི་བ་ཆུང་ངུའི་སྐྱེས་རབས་ལས། རྒྱལ་པོ་ཆེན་པོ་ལག་ཏུ་ཐོག ་མཆིལ་མའི་ལྦུ་བ་བཞིན་དུ་སྤངས། ། རྒྱལ་སྲིད་སྤངས་ཀྱང་ཞེན་པ་མེད།། བདག་གི་ངེས་འབྱུང་བར་ཕྱིན་འདི།། དེ་བཞིན་དུ་ངེས་པར་བདག་གིས་རྒྱལ་སྲིད་སྤངས་ནས་ངེས་པར་འབྱུང་བའི་ཕ་རོལ་ཏུ་ཕྱིན་པ་སྟེ། དོན ་དམ་པའི་ཕ་རོལ་ཕྱིན་པ་ཞེས་བྱ་བ་སྐྱེས་སོ། ། དེ་བཞིན་དུ་མཁས་པ་བི་དྷཱ་རའི་དུས་སུ་དང་། མཁས་པ་ཁྱབ་འཇུག་ཆེན་པོའི་དུས་སུ་དང་། མཁས་པ་སྟོག་རྩེ་བའི་དུས་སུ་དང་། མཁས་པ་ཨ་རའི་དུས་སུ་དང་། ་ཀུན་ཏུ་རྒྱུ་བྱང་ཆུབ་ཀྱི་དུས་སུ་དང་། མཁས་པ་སྨན་ཆེན་པོའི་དུས་སུ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་རྫོགས་པར་བདག་ལ་སྐྱེས་པ་ལ་ཚད་མེད་དོ།། གཞན་ཡང་མཐའ་གཅིག་ཏུ་དེའི་ཕྱིར་སྣོད་ཀྱི་སྐྱེས་རབས ་ལས་མཁས་པ་སྡེ་ཅན་གྱི་དུས་སུ་དང་། བདག་གི་ཤེས་རབ་ཚོལ་བ་ན།། བྲམ་ཟེའི་སྡུག་བསྔལ་གྲོལ་བ་དང་།། བདག་གི་ཤེས་རབ་མཚུངས་པ་མེད།། བདག་གི་ཤེས་རབ་པར་ཕྱིན་འདི།། ཕ་ཆེའི་ནང ་གི་སྦྲུལ་བདག་གིས་བལྟ་བ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ་དོན་དམ་པའི་ཕ་རོལ་ཏུ་ཕྱིན་པ་ཞེས་བྱ་བ་སྐྱེས་སོ། ། དེ་བཞིན་དུ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྫོགས་པར་བདག་ལ་སྐྱེས་པ་ཚད་མེད་དོ།། ་གཞན་ཡང་མཐའ་གཅིག་ཏུ་དེའི་སྐྱེས་ན་ཡོན་གྱི་སྐྱེས་རབས་ལས། ངོགས་མ་མཐོང་བའི་རྒྱ་མཚོའི་དབུས།། མི་རྣམས་ཐམས་ཅད་ཤི་བར་གྱུར།། སྡུག་བསྔལ་མེད་པའི་སེམས་ཀྱིས་ནི།། བདག་གི་བརྩོན་འགྲུས ་ཕར་ཕྱིན་འདི། ། རྒྱ་མཚོ་ཆེན་པོ་ལས་སྒྲོལ་བར་བྱེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཞེས་བྱ་བ་སྐྱེས་སོ།། བཟོད་པར་སྨྲ་བའི་སྐྱེས་རབས་ལས། སེམས་མེད་པ་ལ་གཅོད་པ་བཞིན།། བདག་ལ ་རྣོ་བའི་དགྲ་སྟ་ཡིས། ། གསལ་ལྡན་རྒྱལ་པོ་ལ་མི་ཁྲོ།། བདག་གི་བཟོད་པའི་བར་ཕྱིན་འདི།། དེ་ལྟར་སེམས་མེད་པའི་དངོས་པོས་བཞིན་དུ་བདག་སྡུག་བསྔལ་ཆེན་པོ་ལ་ལྷག་པར་གནས་པ་ནི་བཟོད་པའི། ་ཕ་རོལ་ཏུ་ཕྱིན་པ་སྟེ། དོན་དམ་པའི་ཕ་རོལ་ཏུ་ཕྱིན་པ་ཞེས་བྱ་བ་སྐྱེས་སོ།། བུ་ཞི་བ་ཆེན་པོའི་སྐྱེས་རབས་ལས། བདེན་པའི་ཚིག་ནི་རྗེས་སུ་བསྲུང་།། བདག་གི་སྲོག་ནི་སྤངས་ནས་སུ།། རྒྱལ་རིགས ་བརྒྱ་ཕྲག་གྲོལ་བར་བྱེད། ། བདག་གི་བདེན་པའི་ཕར་ཕྱིན་འདི།། དེ་ལྟར་སྲོག་སྤངས་ནས་བདེན་པ་རྗེས་སུ་བསྲུང་བ་དེ་ནི་བདེན་པའི་ཕ་རོལ་ཏུ་ཕྱིན་པ་སྟེ། དོན་དམ་པའི་ཕ་རོལ་ཏུ་ཕྱིན་པ་ཞེས་བྱ་བ་སྐྱེས་སོ།། ་ལྐུགས་པ་དང་གཞོགས་ཕྱེད་ན་པའི་ཚུལ་གྱི་སྐྱེས་རབས་ལས། ཕ་མ་བདག་ལ་མི་དགོས་ཤིང་།། ནོར་དང་གྲགས་པའང་དགོས་པ་མེད།། བདག་ནི་ཐམས་ཅད་མཁྱེན་ལ་དགའ།། དེ་ཕྱིར་བརྟུལ་ཞུགས ་གནས་པའོ། ། དེ་ལྟར་སྲོག་གི་འདོད་པ་ཡོངས་སུ་བཏང་ནས་བརྟུལ་ཞུགས་ལ་ལྷག་པར་གནས་པ་ནི་ལྷག་པར་གནས་པའི་ཕ་རོལ་ཏུ་ཕྱིན་པ་སྟེ། དོན་དམ་པའི་ཕ་རོལ་ཏུ་ཕྱིན་པ་ཞེས་བྱ་བ་སྐྱེས་སོ།། རྒྱལ ་པོ་གཅིག་གི་སྐྱེས་རབས་ལས། གང་ཞིག་བདག་ལ་སྐྲག་བྱེད་མེད།། བདག་གིས་གང་ལའང་འཇིགས་མ་བྱས།། བྱམས་པའི་སྟོབས་ཀྱི་སྟེང་གནས་ཤིང་།། དེ་ཚེ་སྟོང་པ་ཉིད་ལ་དགའ།། ་དེ་ལྟར་སྲོག་ཡོངས་སུ་གཏོང་བ་ལ་མི་ལྟ་ཞིང་བྱམས་པར་བྱེད་པ་དེའི་བྱམས་པ་ནི་ཕ་རོལ་ཏུ་ཕྱིན་པ་སྟེ། དོན་དམ་པའི་ཕ་རོལ་ཏུ་ཕྱིན་པ་ཞེས་བྱ་བ་སྐྱེས་སོ།། ངང་པའི་སྤུའི་སྐྱེས་རབ ་ལས། དུར་ཁྲོད་དུ་ནི་གནས་པས་སེམས།། རུས་གོང་ལ་ནི་བརྟེན་བྱས་ནས།། བདག་གི་གནས་སུ་ཉེ་བར་འོངས།། གཟུགས་ལ་བལྟ་བ་ཉུང་བ་མེད།། དེ་ལྟར་གྲོང་གི་ཁྱེའུ་ལ་རྡོ་ལ་སོགས་པ ་བླངས་ནས་རྡུང་བ་ཉིད་དང་། མེ་ཏོག་འཕྲེང་བ་དང་། སྤོས་ཀྱིས་ཉེ་བར་སྤྱོད་པ་ལ་སོགས་པས་བདེ་བ་དང་སྡུག་བསྔལ་བསྐྱེད་ཀྱང་བཏང་སྙོམས་སུ་འདོར་བ་དེ་ནི་བཏང་སྙོམས་ཀྱི་ཕ་རོལ་ཏུ་ཕྱིན་སྟེ། དོན ་དམ་པའི་ཕ་རོལ་ཏུ་ཕྱིན་པ་ཞེས་བྱ་བ་སྐྱེས་སོ། ། དེ་རྣམས་འདིར་མདོར་བསྡུས་པའོ།། རྒྱ་ཆེར་ཡང་སླར་འདིའི་དོན་དཔྱོད་པའི་སྡེ་སྣོད་ལས་བླང་བར་བྱའོ།། དེ་ལྟར་ཕ་རོལ་ཏུ་ཕྱིན་པ་རྫོགས་ནས་ཐམས་ཅད ་སྒྲོལ་གྱི་བདག་ཉིད་དུ་གནས་སོ། ། སེམས་མེད་པ་ཡི་ས་གཞི་ཡི།། བདེ་དང་སྡུག་བསྔལ་མི་ཤེས་ཀྱང་།། བདག་གི་སྦྱིན་པའི་སྟོབས་དེ་ཡིས།། ལན་བདུན་དུ་ནི་རབ་ཏུ་གཡོས།། ་དེ་ལྟར་ས་གཞི་ཆེན་པོ་གཡོ་བ་ལ་སོགས་པ་བསོད་ནམས་ཆེན་པོ་བྱེད་ཅིང་ཚེའི་མཐར་ཤི་འཕོས་ཏེ་དགའ་ལྡན་དུ་སྐྱེས་སོ།། ཞེས་པ་ནི་མར་མེ་མཛད་ཀྱི་ཞབས་དྲུང་ནས་བཟུང་སྟེ་ཇི་སྲིད་དགའ་ལྡན་དུ་སྐྱེས ་བཔ་དེ་རྣམས་ཀྱི་བར་ནི་རིང་པོའི་གཞི་ཞེས་བྱ་བར་རིག་པར་བྱའོ། ། གཞན་ཡང་བྱང་ཆུབ་སེམས་དཔའ་དགའ་ལྡན་དུ་བཞུགས་པ་ཉིད་ནས་སངས་རྒྱས་ཀྱི་སྒྲ་ཆེར་སྒྲོགས་པ་ཞེས་བྱ་བ་སྐྱེས་པ་ན ་འཇིག་རྟེན་འདིར་སྒྲ་ཆེར་སྒྲོགས་པ་གསུམ་བྱུང་སྟེ། བསྐལ་པའི་སྒྲ་ཆེར་སྒྲོགས་པ་དང་། སངས་རྒྱས་ཀྱི་སྒྲ་ཆེར་སྒྲོགས་པ་དང་། འཁོར་ལོ་སྒྱུར་བའི་སྒྲ་ཆེར་སྒྲོགས་པའོ།། དེ་ལ་ལོ་འབུམ་ཕྲག། ་གཅིག་གི་མཐར་བསྐལ་པ་འཇིག་པར་འགྱུར་རོ།། ཞེས་པ་འཇིག་རྟེན་གྱི་མིང་དུ་བརྗོད་པ་ནི་འདོད་པ་ན་སྤྱོད་པའི་ལྷ་མགོ་གཡོགས་ཀྱི་མ་བསྒྲིབས་པ་དང་། སྐྲ་གྲོལ་བ་དང་། ངུ་བའི་ཁ་ཅན་ལག ་པས་མིག་གི་མཆི་མ་འཕྱི་བ། གོས་དམར་པོ་གྱོན་པ། ལྷག་པར་གཟུགས་མི་སྡུག་པའི་ཆ་བྱད་འཛིན་པར་གྱུར་པའི་མི་རྣམས་ལམ་ལ་འགྲོ་ཞིང་འདི་ལྟར་བརྗོད་དོ།། འཇིག་རྟེན་པ་འདི་ནས་ལོ་འབུམ ་ཕྲག་གཅིག་འདས་ནས་བསྐལ་པ་འཇིག་པར་འགྱུར་རོ། ། འདི་ཡི་འཇིག་རྟེན་རྣམས་འཇིག་པར་འགྱུར་རོ།། རྒྱ་མཚོ་ཆེན་པོ་ཡང་བསྐམས་པར་འགྱུར་རོ།། ས་གཞི་ཆེན་པོ་འདི་དང་རིའི་རྒྱལ་པོ་རི་རབ ་ཀྱང་ཐལ་བར་འགྱུར་ཞིང་འཇིག་གོ། ། ཚངས་པའི་འཇིག་རྟེན་གྱི་བར་དུ་འཇིག་རྟེན་འཇིག་པར་འགྱུར་རོ་ཞེས་བརྗོད་དོ།། འཇིག་རྟེན་པ་རྣམས་བྱམས་པ་སྒོམས་ཤིག། སྙིང་རྗེ་སྒོམས་ཤིག། ་དགའ་བ་སྒོམས་ཤིག། བཏང་སྙོམས་སྒོམས་ཤིག། མལ་རིམ་གྲོ་གྱིས་ཤིག། ཕ་ལ་རམི་གྲོ་གྱིས་ཤིག། རིགས་ཀྱི་གཙོ་བོ་ལ་རིམ་གྲོ་གྱིས་ཤིག་ཅེས་པ་འདི་ནི་བསྐལ་པའི་སྒྲ་ཆེར ་སྒྲོགས་པ་ཞེས་བྱ་བའོ། ། ལོ་སྟོང་ཕྲག་གཅིག་འདས་ནས་སླར་ཡང་སངས་རྒྱས་ཐམས་ཅད་མཁྱེན་པ་འཇིག་རྟེན་དུ་བྱོན་ནོ་ཞེས་བརྗོད་པ་འདི་འཇིག་རྟེན་སྐྱོང་བའི་ལྷ་རྣམས་འདི་ནས་འཇིག་རྟེན་པ ་རྣམས་ལོ་སྟོང་ཕྲག་གཅིག་འདས། གཞན་ཡང་སངས་རྒྱས་འཇིག་རྟེན་དུ་བྱོན་ནོ་ཞེས་བརྗོད་ཅིང་སྒྲ་ཆེར་སྒྲོགས་པས་རྒྱུབ་འདི་ནི་སངས་རྒྱས་ཀྱི་སྒྲ་ཆེར་སྒྲོགས་པ་ཞེས་བྱ་བ་ཡིན། ་ནོ།། གཞན་ཡང་ལོ་བརྒྱ་འདས་ནས་འཁོར་ལོ་སྒྱུར་བའི་རྒྱལ་པོ་བྱོན་ནོ་ཞེས་བརྗོད་པ་ནི་ལྷ་ཉིད་དེ། འཇིག་རྟེན་པ་རྣམས་ལོ་བརྒྱ་འངས་ནས་འཁོར་ལོ་སྒྱུར་བའི་རྒྱལ་པོ་འཇིག་རྟེན་དུ་བྱོན་ཞེས་སྒྲ་ཆེར ་བརྗོད་ཅིང་རྒྱུ་བ་འདི་ནི་འཁོར་ལོ་སྒྱུར་བའི་སྒྲ་ཆེར་སྒྲོགས་པ་ཞེས་བྱ་བ་ཡིན་ནོ། ། གསུམ་པོ་འདི་ནི་སྒྲ་ཆེར་སྒྲོགས་པ་ཡིན་ནོ།། དེ་རྣམས་ལས་སངས་རྒྱས་ཀྱི་སྒྲ་ཆེར་སྒྲོགས་པ་ཐོས་ནས་སྟོང་ཕྲག་བཅུའི་ཁོར ་ཡུག་གི་ལྷ་ཐམས་ཅད་གནས་གཅིག་ཏུ་འདུས་ཏེ། ཆེ་གེ་མོ་ཞེས་བྱ་བའི་བྱང་ཆུབ་སེམས་དཔའ་སངས་རྒྱས་སུ་འགྱུར་བར་རྟོགས་ནས་ཞུ་བའི་ཕྱིར་ཉེ་བར་སོང་སྟེ། ཞུས་ནས་ཀྱང་སྔར་གྱི་མཚན་མ་སྐྱེས་པ་ལ། ་ཞུས་སོ།། དེའི་ཚེ་སླར་ཡང་ཐམས་ཅད་ཀྱི་རེ་རེའི་ཁོར་ཡུག་གི་རྒྱལ་པོ་ཆེན་པོ་བཞིའི་རིས་དང་། བརྒྱ་བྱིན་དང་། འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ ་དབང་བྱེད་དང་། ཚངས་པ་ཆེན་པོ་དང་བཅས་པའི་ལྷ་དང་། ཁོར་ཡུག་གི་ལྷ་རྣམས་འདུས་པའོ།། དགའ་ལྡན་གྱི་ལྷ་གནས་སུ་བྱང་ཆུབ་སེམས་དཔའི་དྲུང་དུ་སོང་སྟེ། དྲང་སྲོང་ཆེན་པོ་ཁྱོད་ཀྱིས ་ཕ་རོལ་ཏུ་ཕྱིན་པ་བཅུ་རྫོགས་པ་ནི་བརྒྱ་བྱིན་གྱི་ཕུན་སུམ་ཚོགས་པར་བྱ་བའི་ཕྱིར་མ་ཡིན། བདུད་ཀྱི་ཕྱིར་མ་ཡིན། ཚངས་པའི་ཕྱིར་དོན་དུ་གཉེར་བ་རྫོགས་པར་བྱ་བའི་ཕྱིར་མ་ཡིན། འཁོར་ལོ་སྒྱུར ་པའི་ཕུན་སུམ་ཚོགས་པའི་ཕྱིར་དོན་དུ་གཉེར་བ་རྫོགས་པར་བྱ་བའི་ཕྱིར་མ་ཡིན་ནོ། ། གཞན་ཡང་འཇིག་རྟེན་པ་སྒྲལ་བའི་ཕྱིར་དང་། ཐམས་ཅད་མཁྱེན་པ་དོན་དུ་གཉེར་བའི་ཕྱིར་རྫོགས་པར་བྱེད་དོ།། ་དེ་རྣམས་ནི་ད་ལྟའི་དུས་ནས་དྲང་སྲོང་ཆེན་པོ་སངས་རྒྱས་སུ་འགྱུར་བའི་དུས་ནི་དྲང་སྲོང་ཆེན་པོ་སངས་རྒྱས་སུ་འགྱུར་ཞེས་ཞུས་སོ།། སེམས་དཔའ་ཆེན་པོ་ལྷ་ལ་གནང་བ་མ་བྱིན་ཏེ། དུས་དང་། གླིང ་དང་། ཡུལ་དང་། རིགས་དང་། ཡུམ་དང་། ཚེ་དང་། ཚེའི་བྱེ་བྲག་ལྷག་མ་ལས་མེད་དོ།། ཆེན་པོ་ལྔ་པོ་ཞེས་བྱ་བ་ལེགས་པར་གཟིགས་ཤིང་གཟིགས་སོ།། དེ་ལ་དུས་དང་དུས་མ་ཡིན་པ ་ཞེས་བྱ་བ་སྟེ། དང་པོ་དུས་ལ་གཟིགས་སོ།། དེ་ལ་ལོ་འབུམ་ཕྲག་གཅིག་གི་ཐོག་མ་ནས་འཕེལ་བ་ནི་ཚེའི་དུས་དང་དུས་མ་ཡིན་པའོ།། གང་གི་ཕྱིར་དེའི་ཚེ་སེམས་ཅན་རྣམས་ཀྱི་སྐྱེ་བ་དང་། རྒ་བ ་དང་འཆི་བ་རྣམས་ལ་གཟིགས་སོ། ། སངས་རྒྱས་རྣམས་ཀྱི་ཆོས་སྟོན་པའི་མཚན་ཉིད་ལྔ་སྤངས་ནས་གཞན་པ་ནི་མེད་དོ།། དེ་རྣམས་ནི་མི་རྟག་པ་དང་། སྡུག་བསྔལ་བ་དང་། བདག་མེད་པ ་སྟོན་ཅིང་འདི་རྣམས་ཅིའི་ཕྱིར་འཆད་པ་ཉིད་མི་ཉན་པ་དང་། མི་དད་པ་དང་། མི་སེམས་པའོ།། དེ་ནི་དུས་མ་ཡིན་ནོ།། དེའི་ཕྱིར་མི་སེམས་པ་དང་མ་ངེས་པའི་སྙན་པ་ཡིན་ནོ།། དེའི་ཕྱིར་དེ་ནི་དུས་མ ་ཡིན་པའོ། ། ལོ་བརྒྱ་པ་དམན་པས་ཚེའི་དུས་ཀྱང་དེའི་དུས་མ་ཡིན་ནོ།། གང་གི་ཕྱིར་དེའི་ཚེ་སེམས་ཅན་ཉོན་མོངས་པ་ཤིན་ཏུ་ཆེ་བ་ཡིན་ནོ།། ཉོན་མོངས་པ་ཤིན་ཏུ་ཆེ་བས་གདམས་པ་བྱིན་ནོ།། ་གདམས་པ་ལ་མི་གནས་ན་ཚུལ་དབྱུག་པ་བརྒྱབ་པའི་རི་མོ་བཞིན་མྱུར་དུ་འགག་གོ།། དེའི་ཕྱིར་དེ་ཡང་དུས་མ་ཡིན་པའོ།། ལོ་འབུམ་ཕྲག་གཅིག་ནས་གཟུང་བའི་འོག་ཏུ་འོ།། ་བརྒྱ་པའི་འགོར་ཚེའི་དུས་ཏེ་དུས་ཞེས་བྱ་བ་ཡིན་ནོ།། དེའི་ཚེ་ཡང་ལོ་བརྒྱ་པ་ཡིན་ནོ།། དེ་ནས་སེམས་དཔའ་ཆེན་པོ་སྐྱེ་བར་རིགས་སོ་ཞེས་དུས་ལ་གཟིགས་སོ།། དེ་ནས་གླིང་ལ་གཟིགས་ཏེ། ་གླིང་བཞི་འཁོར་དང་བཅས་པ་ལ་གཟིགས་ན། གླིང་གསུམ་པོ་རྣམས་སུ་སངས་རྒྱས་མི་འབྱོན་ནོ།། འཛམ་བུ་གླིང་ཉིད་དུ་འབྱོན་ནོ།། གླིང་ལ་གཟིགས་པའོ།། དེ་ནས་འཛམ་བུ་གླིང ་ཞེས་བྱ་བ་དཔག་ཚད་སྟོང་ཕྲག་བཅུའི་ཚད་ཀྱིས་ཆེ་བའོ། ། ཡུལ་གྱི་ཕྱོགས་གང་ཞིག་ཏུ་སངས་རྒྱས་བྱོན་པར་འགྱུར་ཞེས་ཡངས་ཤིང་གྲོལ་བའི་གནས་བལྟ་ཞིང་ཡུལ་དབུས་ལ་གཟིགས་ཏེ། ཡུལ་དབུས ་ཞེས་བྱ་བ་ནི་ཤར་གྱི་ཕྱོགས་ན་ཀ་ཛཾ་ག་ལ་ཞེས་བྱ་བའི་གྲོང་རྡལ་ལོ། ། དེའི་ཕ་རོལ་ན་ཤིང་སཱ་ལ་ཆེན་པོའོ།། དེ་ནས་གཞན་ཡང་བས་མཐུའི་ལྗོངས་དང་ཉེ་བའི་ནང་ངོ་།། ཤར་ལྷོའི་མཚམས་སུ་སྦྲུ་ལ་ཅན ་ཞེས་བྱ་བའི་ཆུ་ཀླུང་ངོ་། ། དེ་ནས་གཞན་ཡང་བས་མཐའ་ལྡངས་དང་ཉེ་བའི་ནང་ངོ་།། ལྷོ་ཕྱོགས་སུ་མོ་ཏ་ཀ་ཎི་ཀ་ཞེས་བྱ་བའི་གྲོང་ངལ་ལོ།། དེ་ནས་གཞན་ཡང་བས་མཐའི་སྔངས་དང་ཉེ་བའི་ནངངོ་།། ་ནུབ་ཕྱོགས་ཀ་པ་ཞེས་བྱ་བ་བྲམ་ཟེའི་གྲོང་རྡལ་ལོ།། དེ་ནས་གཞན་ཡང་བས་མཛའི་ལྗོངས་དང་ཉེ་བའི་ནང་ངོ་།། བྱང་གི་ཕྱོགས་སུ་ཨུ་ཤར་ནི་རའོ།། དེ་ནས་གཞན་ཡང་བས་མཛའི་ལྗོངས་དང་ས ་ནང་ངོ་། ། འདི་ལྟར་འདུལ་བར་བཤད་ཅིང་བསྟན་ནོ།། དཀྱུས་སུ་དཔག་ཚད་སུམ་བརྒྱའོ།། ཞེང་དུ་དཔག་ཚད་ཕྱེད་དང་སུམ་བརྒྱའོ།། མཐའ་བསྐོར་ལ་དཔག་ཚད་དགུ་བརྒྱའོ།། ཡུལ་ཕྱོགས་དེ་རྣམས ་སུ་ནི་སངས་རྒྱས་དང་། རང་སངས་རྒྱས་དང་། ཉན་ཐོས་མཆོག་རྣམས་དང་། ཉན་ཐོས་ཆེན་པོ་བརྒྱད་ཅུ་དང་། འཁོར་ལོ་སྒྱུར་བའི་རྒྱལ་པོ་དང་། གཞན་ཡང་སྐྱེས་བུ་ཆེན་པོར་གྲགས་པའི་རིགས་དང་། ་བྲམ་ཟེའི་རིགས་དང་། ཤིང་སཱ་ལ་ཆེན་པོའི་ལྟ་བུའི་ཁྱིམ་བདག་རྣམས་འཁྲུང་བའི་གནས་སོ།། དེ་རྣམས་ལས་གྲོང་ཁྱེར་སེར་སྐྱ་ཞེས་བྱ་བ་འདིའོ།། དེར་བདག་འཁྲུང་བར་རིགས་སོ་ཞེས་ཐུགས་ཀྱིས ་ངེས་པར་བྱས་སོ། ། དེ་ནས་རིགས་ལ་གཟིགས་པ་ཞེས་བྱ་བ་ནི། སངས་རྒྱས་ཞེས་བྱ་བ་རྗེའུའི་རིགས་སམ། གདོལ་པའི་རིགས་ལ་མི་འཁྲུང་ངོ་།། སླར་ཡང་འཇིག་རྟེན་པ་མོས་པའི་རྒྱལ་རིགས ་སམ། བྲམ་ཟེའི་རིགས་གཉིས་ལ་འཁྲུང་ངོ་།། ད་ལྟ་ནི་རྒྱལ་རིགས་ལ་འཇིག་རྟེན་པ་སེམས་སོ།། དེ་ལ་འཁྲུང་ངོ་།། བདག་གི་ཡབ་ནི་ཟས་གཙང་མ་ཞེས་བྱ་བའི་རྒྱལ་པོ་ཡིན་ཏེ་རིགྲ་ལ་གཟིགས་སོ།། ་དེ་ནས་ཡུམ་ལ་གཟིགས་ཏེ། འདོད་པ་ཆང་ལ་དགའ་ནི་སངས་རྒྱས་ཀྱི་ཡུམ་ཞེས་བྱ་བ་མ་ཡིན་ནོ།། གཞན་ཡང་བསྐལ་པ་འབུམ་ཕྲག་གཅིག་ལ་ཕ་རོལ་ཏུ་ཕྱིན་པ་རྫོགས་པར་བྱས་ནས ་འཁྲུང་ངོ་། ། ཉམས་པ་མེད་པའི་ཚུལ་ཁྲིམས་ལྔ་པོ་ཉིད་ལེན་ནོ།། ལྷ་མོ་སྒྱུ་འཕྲུལ་ཆེན་མོ་ཞེས་བྱ་བ་འདི་དེ་དང་འདྲབ་བདག་གི་ཡུམ་ཡིན་ནོ།། གཞན་ཡང་གང་དེ་ཙམ་གྱིས་ཆེའོ།། ཟླ་བ་བཅུའི་འགོ་ནས ་ཞག་བདུན་དུ་གཟིགས་སོ། ། འདི་ནི་ཆེན་པོ་ལྔ་ལ་གཟིགས་སོ།། གཟིགས་ནས་དྲང་སྲོང་ཆེན་པོ་བདག་གི་དུས་དེ་སངས་རྒྱས་སུ་འགྱུར་བའི་ལྷ་རྣམས་ཀྱིས་ཚིག་གིས་གནང་ངོ་།། ་ཁྱེད་རྣམས་གཤེགས་པར་ཞུ་ཞེས་ལྷ་དེ་རྣམས་བཏང་ནས་དགའ་ལྡན་གྱི་ལྷ་རྣམས་ཀྱིས་ཡོངས་སུ་བསྐོར་ཏེ། དགའ་ལྡན་གྱི་དགའ་བའི་ཚལ་དུ་ཞུགས་སོ།། འཇིག་རྟེན་གྱི་ལྷ་ཐམས་ཅད་དགའ་བའི ་ཚལ་ན་ཡོད་པ་ཉིད་དོ། ། དེ་ལ་འདི་ཡི་ལྷ་འདི་ནས་ཤི་འཕོས་ནས་བདེ་བའི་འགྲོ་བར་སྐྱེས་ཏེ། འདི་ནས་ཤི་འཕོས་ནས་བདེ་བའི་འགྲོ་བར་སྐྱེས་སོ།། སྔར་བྱས་པའི་དགེ་བའི་ལས་བྱས་པ་རྗེས་སུ ་དྲན་ཞིང་རྒྱུའོ། ། དེ་དེ་ལྟར་ལྷ་རྣམས་ཀྱིས་དགེ་བ་རྗེས་སུ་དྲན་པ་རྣམས་འཁོར་དུ་བྱས་ཤིང་དེར་རྒྱུའོ།། ཤི་འཕོས་ནས་ལྷ་མོ་སྒྱུ་འཕྲུལ་མ་ཆེན་མོའི་མངལ་དུ་ཞུགས་སོ།། དེ་ལ་ལེགས་པར་བརྗོད་པའི།། ་ཕྱིར་འདི་གོ་རིམ་བཞིན་དུ་སྔོན་གྱི་གཏམ་བརྗོད་དོ།། དེའི་ཚེ་གྲོང་ཁྱེར་སེར་སྦྱར་དབྱར་ཟླ་འབྲིང་པོའི་རྒྱུ་སྐར་དུ་བརྗོད་པར་སྐྱེ་བོ་ཐམས་ཅད་རྒྱུ་སྐར་ལ་རྩེ་ཞིང་། ལྷ་མོ་སྒྱུ་འཕྲུལ་ཆེན་མོ་ཡང་ཉའི་སྔུན་དུ་ཞག ་བདུན་ནས་མེ་ཏོག་འབྲང་བ་དང་སྤོས་ཀྱི་འབྱོར་པ་དང་ལྡན་པས་རྒྱུ་སྐར་ལ་རྩེ་ཞིང་ལོངས་སྤྱོད་དོ། ། ཞག་བདུན་གྱི་མཐར་སྔ་དྲོ་ལངས་ནས་དྲི་བཟང་གི་ཆུས་ཁྲུས་བྱས་ཏེ། འབུམ་ཕྲག་བཞིའི་ལོངས་སྤྱོད ་སྤེལ་ཏེ་སྦྱིན་པ་ཆེན་པོ་བཏང་ནས་རྒྱན་ཐམས་ཅད་ཀྱིས་བརྒྱན། ཁ་ཟས་བཟང་པོ་ཟོས་ཏེ། གསོ་སྦྱོང་ཡན་ལག་བརྒྱད་པ་ལ་གནས་སོ།། རྒྱན་དུ་བྱེད་པ་ལ་རིགས་པའི་དཔལ་གྱི་ཁང་པའི་ནང་དུ ་ཞུགས་ནས། དཔལ་གྱི་མལ་ཆ་ལ་ཉལ་ཏེ་གཉིད་དུ་སོང་ནས་འདི་ལྟ་བུའི་རྨི་ལམ་མཐོང་ངོ་།། རྒྱལ་པོ་ཆེན་པོ་བཞི་པོས་མལ་སྟན་དང་བཅས་པ་ཉིད་བླངས་ནས་གངས་ཅན་གྱི་ནང་དུ་སོང་ངོ་།། དཔག ་ཚད་དྲུག་ཅུ་པའི་མ་ནི་ཤ་ལའི་སྟེང་དུ་དང་། དཔག་ཚད་བདུན་པའི་ཤིང་སཱ་ལ་ཆེན་པོའི་འོག་ཏུ་བཞག་ནས་ཕྱོགས་གཅིག་ཏུ་འཁོད་དོ།། དེ་ནས་དེའི་ལྷ་མོ་འོངས་ནས། ལྷ་མོ་སྒྱུ་འཕྲུལ་མ་ཆེན་མོ ་མཚོ་མ་དྲོས་པར་ཁྲིད་དོ། ། མིའི་དྲི་མ་བསལ་བའི་ཕྱིར་ཁྲུས་བྱས་ཏེ། ལྷའི་གོས་གྱོན་ནས་དྲི་བཟང་པོས་བྱུག་ཅིང་ལྷའི་མེ་ཏོག་འདོགས་སོ།། དེ་ནས་མི་རིང་བར་དངུལ་གྱི་རི་དེའི་ནང་ན་གསེར་གྱི ་གཞལ་མེད་ཁང་འདུག་གོ། དེར་ཤར་དུ་མགོ་བསྟན་པའི་ལྷའི་མལ་ཆ་ལ་དེར་ཉོལ་ཞེས་ཟེར་ནས་ཉལ་ལོ།། དེ་ནས་བྱང་ཆུབ་སེམས་དཔའ་གླང་པོ་ཆེ་དཀར་པོ་གཅིག་ཏུ་གྱུར་ཏོ།། དེ་ནས་མི་རིང་བར་གསེར ་གྱི་རི་གཅིག་ལ་དེར་འཛེག་ཅིང་། དེ་ནས་མར་བབས་ནས། དངུལ་གྱི་རི་ལ་འཛེག་གོ། བྱང་གི་ཕྱོགས་ནས་འོངས་ཏེ། དངུལ་གྱི་འཕྲེང་བ་དང་མཚུངས་པའི་གླང་པོ་ཆེ་ཡི་གནས་པདྨ་དཀར་པོ་འཛིན ་ཅིང་། གླང་པོ་ཆེའི་སྒྲ་སྒྲོགས་པས་གསེར་གྱི་གཞལ་ཡས་ཁང་དུ་ཞུགས་ཏེ། རང་གི་མལ་ཆ་ལ་ལན་གསུམ་དུ་བསྐོར་བ་བྱས་ནས་གློ་གཡས་པ་ཕུག་ནས་ལྷོར་ཞུགས་པ་བཞིན་དུ་གྱུར་ཏོ།། དེ་ལྟར་བྲེའི ་སྐར་མ་མཆོག་ལ་ལྷུམས་སུ་ཞུགས་སོ། ། ཉི་མ་གཉིས་པ་ལ་དེའི་སྔ་དྲོ་སད་དེ་ལྷ་མོས་རྒྱལ་པོ་ལ་རྨི་ལམ་རྣམས་སྨྲས་སོ།། རྒྱལ་པོས་བྲམ་ཟེ་དྲུག་ཅུ་རྩ་བཞི་བོས་ནས་མེ་ཏོག་གི་འཕྲེང་བ་ལ་སོགས ་#པས་ར་བཀྲ་ཤིས་དང་བསྟི་སྟང་བྱེད་ཅིངས་ལ་མལ་སྟན་ཆེན་པོ་བཤམས། དེ་ལ་བཞུགས་པའི་བྲམ་ཟེ་རྣམས་ལ་མར་གསར་དང་། སྦྲང་རྩི་དང་། ཀ་ར་བ་རྣམས་དང་བསྲེས། ་པའི་འོ་ཐུག་རྣམས་གསེར་དང་དངུལ་ལས་བྱས་པའི་སྡེར་མ་བཀང་སྟེ། གསེར་དང་དངུལ་གྱི་སྡེར་མས་སོ་སོར་བཀབ་ནས་བྲམ་ཟེ་རྣམས་ལ་ཕུལ་ལོ།། གཞན་ཡང་རྒྱལ་པོ་གྱོན་པ་དང་མཚུངས་པའི་གོས ་དང་བ་གསེར་རྒྱ་མ་ལ་སོགས་པ་བྱིན་ནས་དེ་རྣམས་ཚིམ་པར་བྱས་སོ། ། དེ་ནས་དེ་ཐམས་ཅད་འདོད་པ་ཐམས་ཅད་ཀྱིས་ཚིམ་པར་གྱུར་ནས་རྨི་ལམ་བཤད་དེ་ཅི་འདྲ་བར་འགྱུར་ཞེས་དྲིས་སོ།། བྲམ་ཟེ ་རྣམས་ཀྱིས་སྨྲས་པ། རྒྱལ་པོ་ཆེན་པོ་འཇིགས་པར་མ་བྱེད་ཅིག། ཁྱོད་ཀྱི་ལྷ་མོའི་ལྷོའི་ནང་དུ་སེམས་ཅན་ཞུགས་ཏེ། དེ་ཡང་ནང་གི་དེ་སྐྱེས་བུའོ།། མངལ་གྱི་ནང་གི་དེ་བུ་མོ་ནི་མ་ཡིན་ནོ།། དེ་ཁྱོད་ཀྱི ་སྲས་པོར་འགྱུར་རོ། ། དེ་གལ་ཏེ་ཁྱིམ་ན་གནས་ན་འཁོར་ལོ་སྒྱུར་བའི་རྒྱལ་པོར་འགྱུར་རོ།། གལ་ཏེ་ཁྱིམ་སྤངས་ནས་རབ་ཏུ་བྱུང་ན་སངས་རྒྱ་བར་འགྱུར་རོ།། འཇིག་རྟེན་དུ་ཟློག་ནས་སླར་ཁྱིམ་ན་གནས་ནས ་སྐྱེ་བ་མེད་དོ། ། གཞན་ཡང་བྱང་ཆུབ་སེམས་དཔའ་ཡུས་གྱི་མངལ་དུ་ཞུགས་པ་དེ་མ་ཐག་ཏུ་ཐུན་གཅིག་ཉིད་ལ་སྟོང་ཕྲག་བཅུའི་འཇིག་རྟེན་གྱི་ཁམས་ཐམས་ཅད་ཡང་དག་པར་གཡོས་སོ།། ཡང་དག ་པར་རབ་ཏུ་གཡོས་སོ། ། ཡང་དག་པར་སྒྲ་སྒྲོགས་སོ།། མཚན་མ་སུམ་ཅུ་རྩ་གཉིས་སྔོན་གྱི་མཚན་མར་གྱུར་ཏོ།། སྟོང་ཕྲག་བཅུའི་ཁོར་ཡུག་རྣམས་སུ་སྣང་བ་ཚད་མེད་པར་ཁྱབ་ཅིང་གནས་སོ།། ་དེ་ཡང་དེའི་དཔལ་དལྟ་བ་འདི་ལྟ་བུ་སྟེ། ལོང་བ་རྣམས་ཀྱིས་མིག་ཐོབ་བོ།། འོན་པ་རྣམས་ཀྱིས་རྣ་བས་སྒྲ་ཐོས་སོ།། ལྐུགས་པ་རྣམས་ཀྱིས་སྨྲ་ཤེས་སོ།། སྒུར་པོ་རྣམས་དྲང་པོར་གྱུར་ཏོ།། གོང་པོ ་རྣམས་ཀྱིས་འགྲོ་ཤེས་པར་གྱུར་ཏོ། ། བཅིངས་པའི་སེམས་ཅན་ཐམས་ཅད་ནི་རྗེས་སུ་བཅིངས་པ་ལས་གྲོལ་བར་གྱུར་ཏོ།། དམྱལ་བ་ཐམས་ཅད་ཀྱི་མེ་ཞི་བར་གྱུར་ཏོ།། ཡི་དགས་ཀྱི་ཡུལ་པ་རྣམས ་བཀྲེས་པ་དང་། སྐོམ་པ་ཞི་བར་གྱུར་ཏོ།། དུད་འགྲོ་རྣམས་ཕན་ཚུན་འཇིགས་པ་མེད་པར་གྱུར་ཏོ།། སེམས་ཅན་ཐམས་ཅད་ཀྱི་ནང་ཞི་བར་གྱུར་ཏོ།། སེམས་ཅན་ཐམས་ཅད་དགའ་བཞིན་དུ ་སྨྲ་བར་གྱུར་ཏོ། ། རྟ་རྣམས་སྐད་སྙན་པའི་རྣམ་པར་གྱུར་ཏོ།། གླང་པོ་རྣམས་ནི་སྒྲ་སྒྲོགས་སོ།། རོལ་མོ་རྣམས་རང་བྱུང་རང་བྱུང་གི་སྒྲ་སྒྲོགས་སོ།། མི་རྣམས་ཀྱི་རྐང་པ་དང་ལག་པའི ་རྒྱན་རང་རང་མ་རེག་པས་སོ་སོར་འབྱིན་ཏོ། ། ཕྱོགས་ཐམས་ཅད་རབ་ཏུ་དངས་པར་གྱུར་ཏོ།། སེམས་ཅན་རྣམས་བདེ་བ་བསྐྱེད་པའི་ཕྱིར་རླུང་འཇམ་པོ་ལྡང་བར་གྱུར་ཏོ།། དུས་མ་ཡིན་པར་སྤྲིན་ལ ་ཆར་བབ་བོ། ། ས་ལ་ཆུ་བྱུང་ནས་ཕྱོགས་ཐམས་ཅད་ཆུར་གྱུར་ཏོ།། བྱ་རྣམས་ནམ་མཁའ་ལ་འགྲོ་བ་སྤོང་ངོ་།། ཆུ་ཀླུང་རྣམས་འགྲོ་བ་མེད་པར་གནས་སོ།། རྒྱ་མཚོ་ཆེན་པོའི་ཆུ་ནི་མངར་བར་གྱུར་ཏོ།། ་གནས་ཐམས་ཅད་ཉིད་དུ་ཁ་དོག་ལྔ་པོའི་པདྨས་སའི་སྟེང་ཐམས་ཅད་ཁྱབ་པར་གྱུར་ཏོ།། ཟང་དང་ཆུ་ལས་སྐྱེས་པའི་མེ་ཏོག་རྣམས་ཁ་བྱེ་བར་གྱུར་ཏོ།། ལྗོན་ཤིང་རྣམས་ཀྱི་སྡོང་པོ་ལ་སྡོང་པོའི་པདྨའི་མ ་ཏོག་གོ། ། ཡལ་ག་རྣམས་ལ་ཡལ་གའི་པདྨའི་མེ་ཏོག་གོ།། འཁྲི་ཤིང་རྣམས་ལ་འཁྲི་ཤིང་པདྨའི་མེ་ཏོག་ལ་བྱེའོ།། ཟང་དང་རྡོའི་སྟེང་དུ་བརྟོལ་ནས་སྟེང་ནས་སྟེང་དུ་བདུན ་བདུན་དུ་གྱུར་ནས། དནྣ་པདྨ་ཞེས་བྱ་བ་ཕྱུང་ངོ་།། ནམ་མཁའ་ནས་ཐུར་དུ་པདྨ་འཕྱང་ངོ་།། ཐམས་ཅད་དུ་མེ་ཏོག་གི་ཆར་བབ་བོ།། ནམ་མཁའ་ལ་ལྷའི་རོལ་མོའི་སྒྲ་སྒྲོགས་སོ།། སྟོང་ཕྲག ་བཅུའི་འཇིག་རྟེན་གྱི་ཁམས་ཐམས་ཅད་མེ་ཏོག་དང་། བདུག་སྤོས་དང་། དྲི་ཆབ་མཆོག་ཏུ་སྐལ་བ་བཟང་བར་གྱུར་ཏོ།། འདི་ལྟར་བྱང་ཆུབ་སེམས་དཔའ་མངལ་དུ་ཞུགས་པ་ཉིད་ནས་བྱང་ཆུབ་སེམས ་དཔའ་དང་། བྱང་ཆུབ་སེམས་དཔའི་ཡུམ་གྱི་ཉེ་བར་འཚེ་བ་ཀློག་པའི་ཕྱིར་རལ་གྲི་ལག་ཏུ་ཐོགས་པའི་ལྷའི་བུ་བཞིས་སྲུང་བར་བྱེད་དོ།། བྱང་ཆུབ་སེམས་དཔའི་ཡུམ་ནི་སྐྱེས་པ་ལ་འདོད་ཆགས་མི ་སྐྱེ་ཞིང་། རྙེད་པ་དང་གྲགས་པ་ཐོབ་པར་གྱུར་ཏོ།། སྐྱིད་པ་སྐུ་ལ་དུབ་པ་མེད་པར་བྱང་ཆུབ་སེམས་དཔའ་དེ་ཡང་རུམ་དུ་ཞུགས་ནས། ནོར་བུ་རིན་པོ་ཆེ་རབ་ཏུ་དངས་པ་སྲད་བུ་དམར་པོ་ལ་བརྒྱུས་པ་བཞིན་དུ ་མཐོང་ངོ་། ། གང་གི་ཕྱིར་ཡང་བྱང་ཆུབ་སེམས་དཔའ་ཞུགས་པའི་རུམ་ཞེས་བྱ་བ་ནི་མཆོད་རྟེན་གྱི་ནང་བཞིན་དུ་སེམས་ཅན་གཞན་གྱིས་རེག་པ་དང་ལོངས་སྤྱོད་པར་མི་ནུས་སོ།། དེའི་ཕྱིར་བྱང་ཆུབ་སེམ ་དཔའི་ཡུམ་བྱང་ཆུབ་སེམས་དཔའ་འཁྲུངས་ནས་ཞག་བདུན་ནས་དུས་ལས་འདས་ནས་དགའ་ལྡན་དུ་སྐྱེ་བར་འགྱུར་རོ། ། ཇི་ལྟར་ཡང་བུད་མེད་གཞན་ཟླ་བ་བཅུ་ལས་དམན་པ་འམ། ལྷག་པའམ། ་འདུག་པ་འམ། ཉལ་ནས་སྐྱེའོ།། བྱང་ཆུབ་སེམས་དཔའི་ཡུམ་ནི་དེ་ལྟ་བུ་མ་ཡིན་ཏེ། དེ་ཡང་བྱང་ཆུབ་སེམས་དཔའ་ཟླ་བ་བཅུར་རུམ་དུ་བསྲུངས་ནས། འགྲེང་བ་ལ་སྐྱེའོ།། འདི་ནི་བྱང་ཆུབ་སེམས ་དཔའི་ཡུམ་ཐམས་ཅད་ཀྱི་ཆོས་ཉིད་དོ། ། ལྷ་མོ་སྒྱུ་འཕྲུལ་མ་ཆེན་མོ་ཡང་སྣོད་ཀྱི་ནང་གི་འབྲུ་མར་བཞིན་དུ་བྱང་ཆུབ་སེམས་དཔའ་ཟླ་བ་བཅུར་རུམ་དུ་འཚོ་ཞིང་། རུམ་ཡོངས་སུ་རྫོགས་ནས་གཉེན་གྱི་གྲོ་དུ་གྲོང ་ཞེས་རྒྱལ་པོ་ཆེན་པོ་ཟས་གཙང་གི་དྲུང་དུ་སྨྲས་སོ། ། ལྷ་རིགས་ཀྱི་རྒྱུད་ཀྱི་གྲོང་ཁྱེར་ཆེན་པོ་ལྷ་བསྟན་དུ་བདག་འགྲོ་བར་འདོད་དོ།། རྒྱལ་པོས་ལེགས་སོ་ཞེས་བརྗོད་ནས་གནང་ངོ་།། སེར་སྐྱའི་གཞི ་དང་འགྲོང་ཁྱེར་ལྷ་བསྟན་གཉིས་ཀྱི་བར་གྱི་ལམ་མཚུངས་པར་བྱས་ནས། ཆུ་ཤིང་དང་། བུམ་པ་གང་བ་དང་། རྒྱལ་མཚན་དང་། བ་དན་ལ་སོགས་པའི་རྒྱན་འཛུགས་སུ་བཅུག་ནས་ལྷ་མོ་གསེར་གྱི་ངོ་ལི ་ལ་བཞུགས་ཏེ། བློན་པོ་སྟོང་ཕྲག་གཅིག་གིས་བཏེག་སྟེ། འཁོར་མང་པོ་དང་བཅས་པ་བཏང་ངོ་།། གྲོང་ཁྱེར་གཉིས་ཀྱི་བར་དུ་ཡང་། གཉིས་ཀའི་གྲོང་ཁྱེར་གནས་པའི་ལུམྦི་ནིའི་ཚལ་ཞེས་བྱ་བ་ལ ་བཀྲ་ཤིས་པའི་ཤིང་སཱ་ལའི་ཤིང་ཡོད་དོ། ། དེའི་དུས་སུ་རྩ་བ་ནས་རྩེ་མོའི་ཡལ་གའི་བར་ཐམས་ཅད་དུ་བར་མ་ཆད་པར་མེ་ཏོག་ཁ་བྱེ་བར་གྱུར་ཏོ།། ཡལ་གའི་བར་ཉིད་དང་། མེ་ཏོག་གི་བར་ཁ་དོག་སྣ་ལྔ་པའི ་བུང་བ་མང་པོ་ལྡིང་བ་དང་། རྣམ་པ་སྣ་ཚོགས་པའི་བྱ་མང་པོའི་ཚོགས་ནི་སྙན་པའི་སྒྲ་དབྱངས་སྒྲོགས་ཤིང་སྤྱོད་དོ།། ལུམྦི་ནིའི་ཚལ་ཐམས་ཅད་ནི་ཤིང་རྟ་སྣ་ཚོགས་པའི་ཆོས་བཞིན་དུ་མཐུ་དང་དབང ་ཕྱུག་ནི་རྒྱལ་པོའི་མཛེས་པར་བྱས་པའི་འདུན་ས་ལྟ་བུ་དེ་ལྷ་མོས་གཟིགས་ནས་ཤིང་སཱ་ལའི་ཚལ་དུ་རྩེ་བར་བསམས་པ་སྐྱེས་སོ། ། བློན་པོ་རྣམས་ཀྱིས་ལྷ་མོ་བཏེག་ནས་ཤིང་སཱ་ལའི ་ཚལ་དུ་ཞུགས་སོ། ། དེ་བཀྲ་ཤིས་པའི་ཤིང་ཨཱ་ལའི་རྩ་བར་གཤེགས་ཏེ། དེས་ཤིང་སཱ་ལའི་ཡལ་ག་བཟུང་བར་སེམས་པར་གྱུར་ཏེ། དེས་ཤིང་སཱ་ལའི་ཡལ་གཤིན་ཏུ་ལེགས་པ་མེ་ལ་སྲོས་ནས་བཀུག་པ ་བཞིན་དུ་མདུད་པ་ལ་ལྷ་མོའི་ལག་པར་ཉེ་བར་འཕྱང་ངོ་། ། དེའི་ལག་པ་བརྐྱང་ནས་ཡལ་གའི་རྩེ་མོ་བཟུང་ངོ་།། དེ་མ་ཐག་ཏུ་ལས་ཀྱི་རླུང་གིས་བསྐྱོད་དོ།། དེ་ནས་དེའི་ཕྱོགས་ཀུན་ཏུ་ཡོལ་བ་བྱས་ནས་སྐེ ་ཐམས་ཅད་ཕྱིར་རིང་དུ་གྱུར་ཏེ། ཤིང་སཱ་ལའི་ཡལ་ག་བཟུང་ནས་འདུག་པ་ཉིད་ལ་དེ་ལྟར་དེའི་མངལ་ནས་བལྟམས་པར་གྱུར་ཏོ།། དེ་མ་ཐག་རྣམ་པར་དགའ་བའི་སེམས་དང་ལྡན་པའི་ཚངས་པ་བཞི་པོས ་གསེར་གྱི་དྲ་བ་བླངས་ནས་སླེབ་བོ། ། དེ་རྣམས་ཀྱིས་དེར་གསེར་གྱི་དྲ་བས་བྱང་ཆུབ་སེམས་དཔའ་བླངས་ཏེ་ཡུམ་གྱི་མདུན་ན་འདུག་གོ། ལྷ་མོ་སེམས་སྡུག་བསྔལ་བར་མ་བྱེད་ཅིག། ཁྱོད་ཀྱི་སྲས་དབང ་ཕྱུག་དང་གྲགས་པ་དང་བཅས་པ་བལྟམས་སོ་ཞེས་སྨྲས་སོ། ། དེ་ལྟར་ཡང་སེམས་ཅན་གཞན་རྣམས་མའི་རུམ་ནས་འཐོན་པ་ན་མི་གཙང་བས་གོས་ཤིང་སྐྱུག་བྲོ་བ་ཅན་འཐོན་ནོ།། བྱང་ཆུབ་སེམས་དཔའ་ནི་དེ ་ལྟ་བུ་མ་ཡིན་ནོ། ། གཞན་ཡང་ཆོས་ཀྱི་ཁྲི་ནས་ཆོས་འཆད་པ་འབབ་པ་བཞིན་དང་། སྐས་ལ་འབབ་པའི་སྐྱེས་བུ་བཞིན་དུ་ལག་པ་གཉིས་དང་རྐང་པ་གཉིས་བརྐྱང་ནས་འདུག་པ་ཉིད་བཞིན་ནོ།། མའི་རུམ་ནས ་མི་གཙང་བ་ཅུང་ཟད་ཀྱིས་ཀྱང་མ་གོས་པར་དག་ཅིང་འཇིགས་པ་མེད་པ་བཞིན་ནོ། ། ཡུམ་ཀ་ཤི་ཀའི་རས་ཀྱི་ནང་དུ་ནོར་བུ་རིན་པོ་ཆེ་བཅུག་པ་བཞིན་དུ་འོད་འགྱེད་ཅིང་ཡུམ་གྱི་རུམ་ནས་འཐོན་ནོ།། དེ་ལྟར་གྱུར་པའི་བྱང། ་ཆུབ་སེམས་དཔའ་དེ་དང་། བྱང་ཆུབ་སེམས་དཔའི་ཡུམ་དེ་དག་པར་བྱ་བའི་ཕྱིར་ནམ་མཁའ་ནས་ཆུའི་རྒྱུན་གཉིས་བབས་པས་བྱང་ཆུབ་སེམས་དཔའ་དང་ཡུམ་གྱི་སྐུ་དག་པར་བྱས་སོ།། དེ་ཡང་གསེར་གྱི་དྲ་བས་བླངས ་ནས་ཚངས་པ་འདུག་པའི་ལག་ནས་རྒྱལ་པོ་ཆེན་པོ་བཞི་པོ་རྣམས་ཀྱིས་བཀྲ་ཤིས་པ་དང་། བདེ་བ་ལ་རེག་པར་གནས་པར་བྱ་བའི་ཕྱིར་གཟིག་གི་པགས་པས་སྔར་གྱི་བཞིན་དུ་བླངས་སོ།། དེ་རྣམས་ཀྱི་ལག་ནས་མི ་རྣམས་ཀྱིས་དུ་གུ་ལའི་རས་ཀྱི་སྟེང་དུ་བླངས་སོ། ། མི་རྣམས་ཀྱི་ལག་ཏུ་བཏང་ནས་ས་ལ་གནས་སོ།། ཤར་ཕྱོགས་ལ་གཟིགས་ཏེ་སྟོང་ཕྲག་དུ་མའི་ཁོར་ཡུག་རྣམས་ཕན་ཚུན་དུ་མཐོང་ངོ་།། དེའི་ལྷ་ང་ཡི་རྣམས་ཀྱིས་མེ ་ཏོག་གི་འཕྲེང་བ་དང་། སྤོས་ལ་སོགས་པས་མཆོད་ཅིང་སྐྱེས་བུ་ཆེན་པོ་ཁྱོད་ལྟ་བུ་འདི་ན་མེད། ཁྱོད་ཀྱི་གོང་ན་གཞན་སུ་ཡང་མེད་དོ་ཞེས་སྨྲས་སོ།། དེ་བཞིན་དུ་ཕྱོགས་བཞི་དང་། མཚམས་བཞི་དང་། འོག་དང་། ་སྟེང་སྟེ་ཕྱོགས་བཅུ་པོ་ཐམས་ཅད་ལེགས་པར་གཟིགས་ནས་བདག་དང་མཚུངས་པ་མེད་པར་མཐོང་ངོ་།། དེ་ནས་བྱང་གི་ཕྱོགས་སུ་གོམ་པ་བདུན་བགྲོད་དོ།། ཚངས་པ་ཆེན་པོས་གདུགས་དཀར་པོ ་འཛིན་ཅིང་། འཐབ་བྲལ་བས་རྔ་ཡང་གཡོབ་པ། ལྷ་གཞན་རྣམས་ཀྱིས་རྒྱལ་པོ་ལ་ཉེ་བར་མཁོ་བའི་དངོས་པོ་མ་ལུས་པ་ལག་ཏུ་ཐོགས་ནས་རྗེས་སུ་འགྲོའོ།། དེ་ནས་གོམ་པ་བདུན་པ་ལ་གནས་པ་ན་འཇིག་རྟེན་པ ་རྣམས་ལས་བདག་མཆོག་གོ་ཞེས་པ་ལ་སོགས་པའི་ཤིས་པ་བརྗོད་པའི་གཏམ་བརྗོད་ཅིང་། སེང་གེའི་སྒྲ་སྒྲོགས་སོ།། བྱང་ཆུབ་སེམས་དཔས་ཀྱང་སྐྱེ་བ་གསུམ་དུ་ཡུམ་གྱི་རུམ་ནས ་འཐོན་ཙམ་ན་གཏམ་དུ་བརྗོད་དོ། ། སྨན་ཆེན་པོར་སྐྱེས་པ་དང་། ཐམས་ཅད་སྒྲོལ་དུ་སྐྱེས་པ་དང་། འདིར་སྐྱེས་པའོ།། སྨན་ཆེན་པོར་སྐྱེས་པ་ན་ཡུམ་གྱི་རུམ་ནས་འཐོན་མ་ཐག་ཉིད་དུ་བརྒྱ་བྱིན་ལྷའི་རྒྱལ་པོ་འོངས་ཏེ་ཙན་དན ་གྱི་སྙིང་པོ་ལག་ཏུ་ཐོགས་ནས་སོང་ངོ་། ། དེ་དེ་རྣམས་ཀྱི་ཁུ་ཚུར་དུ་བཅུག་ནས་འཐོན་ནོ།། དེ་ནས་ཡང་ཡུམ་གྱིས་དྲིས་པ། བུ་ཅི་ཁྱེར་ནས་འོངས། མ་སྨན་ཡིན་ནོ།། འདིས་སྨན་ཁྱེར་ནས་འོངས་པའི་ཕྱིར ་སྨན་གྱི་ཁྱེའུ་ཞེས་བྱ་བར་མིང་བཏགས་སོ། ། དེས་སྨན་བླངས་ནས་ཆུའི་སྣོད་ཀྱི་ནང་དུ་བཅུག་གོ། འོངས་ཤིང་འོངས་པའི་ལོང་བ་དང་། འོན་པ་ལ་སོགས་པ་དེ་རྣམས་དེ་ཉིད་ཀྱི་ནད་ཐམས་ཅད་ཉེ་བར་ཞི་བས ་ན་སྨན་པར་གྱུར་ཏོ། ། དེ་ནས་སྨན་ཆེན་པོ་སྨན་ཆེན་པོ་ཞེས་བརྗོད་ཅིང་སྐྱེས་པའི་ཚིག་གི་རྒྱུས་སྨན་ཆེན་པོ་ཉིད་དེའི་མིང་དུ་གྱུར་ཏོ།། གཞན་ཡང་ཐམས་ཅད་སྒྲོལ་དུ་སྐྱེས་པ་ན་མའི་རུམ་ནས་སྐྱེས་ཙམ་ན་ལག་པ ་གཡས་པ་བརྐྱང་ནས་ཡུམ་བདག་ཅག་གི་ཁྱིམ་ན་སྦྱིན་པ་གཏང་རྒྱུ་འདྲ་བདོག་གམ་ཞེས་བརྗོད་ཅིང་འཐོན་ནོ། ། དེ་ནས་དེའི་མས་བུ་འབྱོར་པ་དང་ལྡན་པའི་རིགས་སུ་ཁྱོད་སྐྱེས་སོ།། བུའི་ལག་པ་རང་གི་ལག་པའི་སྟེང་དུ ་ཞག་སྟེ་ནོར་བུ་རིན་པོ་ཆེ་སྟོང་ཕྲག་གཅིག་གི་སྣོད་བཞག་གོ། གཞན་ཡང་འདི་སྐྱེས་པ་ན་འདིས་སེང་གེའི་སྒྲ་སྒྲོགས་སོ།། དེ་བཞིན་དུ་བྱང་ཆུབ་སེམས་དཔའ་སྐྱེ་བ་གསུམ་དུ་མའི་རུམ་ནས་སྐྱེས་ཙམ་ནས་གཏམ་མརྗོད ་དོ་ཇི་ལྟར་ཡང་རུམ་དུ་ཞུགས་ཙམ་དང་བལྟམས་ཙམ་ན་སུམ་ཅུ་རྩ་གཉིས་སྔོན་གྱི་མཚན་མ་བཞིན་དུ་སྐྱེས་པར་གྱུར་ཏོ། ། གཞན་ཡང་གང་གི་ཚེ་བདག་གི་བྱང་ཆུབ་སེམས་དཔའ་ལུམྦི་ནིའི་ཚལ་དུ་བལྟམས་སོ།། ་དེ་མ་ཐག་ཏུ་ལྷ་མོ་སྒྲ་གཅན་འཛིན་གྱི་མ་དང་། བློན་པོ་མདུན་པ་དང་། བློན་པོ་ནག་པོ་འཆར་ཀ་དང་། རྟའི་རྒྱལ་པོ་བསྔགས་ལྡན་དང་། བྱང་ཆུབ་ཀྱི་ཤིང་དང་། གཏེར་བཞིའི་བུམ་པ་སྐྱེས་སོ།། དེ་ལ་གཅིག་ལ་རྒྱང ་གྲགས་བཞི་དང་། གཅིག་ལ་རྒྱང་གྲགས་བརྒྱད་དང་། གཅིག་ལ་རྒྱང་གྲགས་བཅུ་གཉིས་དང་། གཅིག་ལ་རྒྱང་གྲགས་བཅུ་དྲུག་གོ།། བདུན་པོ་འདི་ལྷན་ཅིག་ཏུ་སྐྱེས་པ་ཡིན་ནོ།། གྲོང་ཁྱེར་གཉིས་ན ་གནས་པའི་མི་རྣམས་ཀྱིས་བྱང་ཆུབ་སེམས་དཔའ་ཁྲིད་ནས་གྲོང་ཁྱེར་སེར་སྐྱའི་གཞི་ཁོ་ནར་ཕྱིན་ནོ། ། ཉི་མ་དེ་ཉིད་ལ་གྲོང་ཁྱེར་སེར་སྐྱའི་གཞི་ལ་རྒྱལ་པོ་ཆེན་པོ་ཟས་གཙང་གི་སྲས་པོ་བལྟམས་སོ།། ་གཞོན་ནུ་འདི་བྱང་ཆུབ་ཤིང་གི་དྲུང་དུ་བཞུགས་ནས་སངས་རྒྱས་སུ་འགྱུར་རོ་ཞེས་པ་ལ། སུམ་ཅུ་རྩ་གསུམ་གྱི་གནས་ཀྱི་ལྷ་རྣམས་ཀྱིས་དགའ་བ་དང་ཚིམ་པས་ལག་པ་གྱེན་དུ་བསྐྱོད་པ་ནས་རྩེ་ཞིང་བསྟོད་པ ་བྱེད་དོ། ། དེའི་ཚེ་རྒྱལ་པོ་ཆེན་པོ་ཟས་གཙང་གི་མཆོད་གནས་སྙོམས་པར་འཇུག་པ་བརྒྱད་ཐོབ་པའི་དཀའ་ཐུབ་པ་ནག་པོ་ལྷ་ལེན་ཞེས་བྱ་བ་ཁ་ཟས་བཟང་པོ་ལ་ལོངས་སྤྱོད་དོ།། ཉིན་མོ་ལིམ་ལ་མི་གནས་པའི ་ཕྱིར་སུམ་ཅུ་རྩ་གསུམ་གྱི་གནས་སུ་འགྲོ་ཞིང་དེར་བདེ་བར་འདུག་ནས་ལྷ་དེ་རྣམས་བལྟའོ། ། ཁྱེད་རྣམས་ཅིའི་ཕྱིར་འདི་ལྟར་དགའ་བའི་སེམས་ཀྱིས་རྩེ། བདག་ཀྱང་འདི་རྣམས་ཀྱི་ཆེད་དུ་བྱ་བ་ཁོ་བོ་ལ་སྟོན ་ཅིག་ཅེས་དྲིས་སོ། ། ལྷ་རྣམས་ཀྱིས་སྨྲས་པ། དྲང་སྲོང་ཆེན་པོ་རྒྱལ་པོ་ཆེན་པོ་ཟས་གཙང་གི་སྲས་བལྟམས་སོ།། དེས་བྱང་ཆུབ་ཤིང་གི་དྲུང་དུ་བཞུགས་ནས་སངས་རྒྱས་སུ་གྱུར་ནས། ་ཆོས་ཀྱི་ཁོར་ལོ་བསྐོར་རོ།། དེ་ནས་མཐའ་ཡས་པའི་སངས་རྒྱས་ཀྱི་རོལ་མོ་བལྟ་བ་དང་། ཆོས་ཐམས་ཅད་ཐོབ་བོ་སྙམ་པ་འདི་རྣམས་ཀྱི་རྒྱུ་མཚན་གྱིས་དགའ་བར་གྱུར་ཏོ།། དཀའ་ཐུབ་པས ་དེའི་ཚིག་ཐོས་ནས་མྱུར་དུ་ལྷའི་ཡུལ་ནས་བབས་ཏེ། རྒྱལ་པོའི་གནས་སུ་འོངས་ནས། གདན་བཤམས་པ་ལ་འདུག་སྟེ། བུ་རྣམས་རྒྱལ་པོ་ཆེན་པོའི་སྲས་སུ་གྱུར་པ་དེ་བདག་གིས་བལྟའོ་ཞེས་སྨྲས་སོ།། ་རྒྱལ་པོས་རྒྱན་དང་ལྡན་པའི་གཞོན་ནུ་བླངས་ནས་དཀའ་ཐུབ་པ་ལ་ཕྱག་བྱ་བའི་ཕྱིར་བྱང་ཆུབ་སེམས་དཔའི་ཞབས་ཀྱིས་བསྐོར་ནས་དཀའ་ཐུབ་པའི་རལ་པའི་སྟེང་ན་འདུག་གོ། བྱང་ཆུབ་སེམས་དཔས་ཀྱང་དེ ་རྣམས་ཀྱི་ལུས་ཀྱིས་ཕྱག་བྱེད་པར་རིག་པ་ལས་གཞན་མེད་དོ། ། གལ་ཏེ་མི་ཤེས་པས་བྱང་ཆུབ་སེམས་དཔའི་དབུལ་དཀའ་ཐུབ་པའི་རྐང་པ་བཞག་ན་དེའི་མགོ་ཚལ་པ་བདུན་དུ་འགས་པར་འགྱུར་རོ།། དཀའ ་ཐུབ་པས་བདག་ཉམས་པའི་ཕྱིར་དུ་རིགས་པ་མ་ཡིན་ནོ། ། སྟན་ལས་ལངས་ནས་བྱང་ཆུབ་སེམས་དཔའ་ལ་ཐལ་མོ་སྦྱར་རོ།། རྒྱལ་པོས་ཡ་མཚན་ཆེ་བ་གཟིགས་ནས་རང་གི་སྲས་ལ་ཕྱག་བྱས་སོ།། དཀའ ་ཐུབ་པས་འདས་པའི་བསྐལ་པ་བཞི་བཅུ་དང་། མ་འོངས་པའི་བསྐལ་པ་བཞི་བཅུ་སྟེ། བསྐལ་པ་བརྒྱད་ཅུ་རྗེས་སུ་དྲན་ནོ།། བྱང་ཆུབ་སེམས་དཔའི་མཚན་ཉིད་ཕུན་སུམ་ཚོགས་པ་མཐོང་ནས་སངས་རྒྱ་བར ་འགྱུར་རམ་མི་འགྱུར་ཞེས་བརྟགས་པས་ཐེ་ཚོམ་མེད་པས་སངས་རྒྱས་སུ་འགྱུར་བར་རྟོགས་ཏེ། འདི་ཡ་མཚན་ཆེ་བའི་སྐྱེས་བུ་ཡིན་ནོ་ཞེས་བསམས་ནས་བགད་དོ།། དེ་ནས་འདི་ནས་སངས་རྒྱས་ནས་བདག་གིས ་མཐོང་ངམ་མི་མཐོང་ཞེས་བརྟགས་པས་མི་མཐོང་ངོ་། ། བར་དུ་དུས་ལས་འདས་ནས་སངས་རྒྱས་བརྒྱ་འམ། སངས་རྒྱས་སྟོང་གཤེགས་ནས་བརྟག་པར་མི་ནུས་པའི་གཟུགས་མེད་པའི་གནས་སུ་སྐྱེ་བར་ངེས་པར ་མཐོང་ངོ་། ། འདི་ལྟ་བུའི་ཚུལ་གྱིས་ཡ་མཚན་ཆེ་བའི་སྐྱེས་བུ་མཐོང་བར་མི་ནུས་སོ་སྙམ་སྟེ་བདག་གི་སེམས་ཤིན་ཏུ་སྡུག་བསྔལ་བར་གྱུར་ནས་དུས་སོ།། དེ་མི་རྣམས་ཀྱིས་མཐོང་སྟེ། བདག་ཅག་གི་འཕགས ་པ་རེས་འགའ་ནི་དགོད། རེས་འགའ་ནི་ངུ་བའི་རྒྱུ་མཚན་ཅི་ལགས། བདག་ཅག་གི་སྲས་འཕགས་པ་ལ་བར་དུ་གཅོད་པ་འོང་ངམ་ཞེས་དྲིས་སོ།། འདི་ལ་བར་དུ་གཅོད་པ་མི་འབྱུང་ཞིང་ཐེ་ཚོམ་མེད་པར་སངས ་རྒྱས་སུ་འགྱུར་རོ་ཞེས་སྨྲས་སོ། ། འོ་ན་གང་གི་ཕྱིར་དུ་ཞེས་དྲིས་སོ།། འདི་ལྟ་བུའི་ཚུལ་གྱིས་སྐྱེས་བུ་སངས་རྒྱ་བར་འགྱུར་བ་བདག་གིས་མཐོང་བར་མི་འགྱུར་བས་བདག་ཤིན་ཏུ་ངེས་པར་སྡུག་བསྔལ་ལོ།། དེའི ་ཕྱིར་རང་གི་ཆེད་དུ་མྱ་ངན་གྱིས་ངུའོ་ཞེས་སྨྲས་སོ། ། དེས་ན་ཅིའི་ཕྱིར་རང་གི་ཉེ་དུ་རྣམས་ལས་འགའ་ཞིག་གིས་འདི་སངས་རྒྱས་སུ་གྱུར་ནས་མཐོང་བར་འགྱུར་རམ་མི་འགྱུར་ཞེས་བརྟགས་པས་ཚ་བོ་ན་ལ་ཀའི་གཞོན ་ནུས་མཐོང་ངོ་། ། དེ་སྲིང་མོའི་ཁང་པར་སོང་སྟེ། ནཱ་ལ་ཀ་གཞོན་ནུ་དེ་གང་ན་ཡོད། འཕགས་པ་ཁང་པ་ན་ཡོད་དོ།། དེ་བོས་ལ་ཤོག། དེ་རང་གི་གནས་སུ་འོངས་ནས་ནཱ་ལ་ཀ་ལ་སྨྲས་སོ།། ཚ་བོ་རྒྱལ་པོ་ཆེན་པོ་ཟས ་གཙང་གི་རིགས་ཀྱི་བུ་འཁྲུངས་སོ། ། འདི་ནི་སངས་རྒྱས་ཀྱི་མྱུ་གུའོ།། ལོ་སུམ་ཅུ་རྩ་ལྔ་འདས་ནས་སངས་རྒྱས་སུ་འགྱུར་ཞིང་། ཁྱོད་ཀྱིས་འདི་མཐོང་བར་འགྱུར་བས་ད་ལྟ་ཉིད་དུ་རབ་ཏུ་བྱུང ་བགྱིས་ཤིག་ཅེས་སྨྲས་སོ། ། བྱེ་བ་བརྒྱད་ཅུ་རྩ་བདུན་གྱི་ནོར་གྱི་རིགས་ལ་སྐྱེས་པའི་གཞོན་ནུས། ཞང་པོ་འདིས་བདག་ལ་དོན་མེད་ཅིང་དགོས་པ་མེད་དོ་ཞེས་བརྗོད་པར་བསམས་སོ།། དེ་མ་ཐག་ཏུ་རང་གི་ཚོང་གནས ་སུ་ངུར་སྨྲིག་གི་གོས་ཉིད་དང་སའི་ལྷུང་བཟེད་བླངས་ནས། སྒྲ་དང་ཁ་སྤུ་བྲེགས་ཏེ་ངུར་སྨྲིག་གི་གོས་གྱོན་ནས། གང་ཞིག་འཇིག་རྟེན་པའི་གང་ཟག་གི་མཆོག་གི་མཆོག་ལ་བསམས་ཤིང་བདག་རབ་ཏུ་བྱུང་བར ་འགྱུར་རོ་ཞེས་བསམས་ཏེ། བྱང་ཆུབ་སེམས་དཔའི་ཕྱོགས་སུ་ཐལ་མོ་སྦྱར་ནས་ཡན་ལག་ལྔས་ཕྱག་བྱེད་དོ།། ལྷུང་བཟེད་སྣོད་དུ་བཅུག་ནས་ཕྲག་པ་ལ་གཟར་ཏེ་གངས་ཅན་དུ་གཤེགས་ནས་དགེ་སྦྱོང་གི་ཆོས་བྱེད ་དོ་དེས་མཆོག་ཏུ་མངོན་པར་རྫོགས་པར་སངས་རྒྱས་པའི་དེ་བཞིན་གཤེགས་པའི་དྲུང་དུ་ཉེ་བར་སོང་སྟེ། ནཱ་ལ་ཀའི་ས་ས་མ་རྟོགས་པའི་གཏམ་ཐོས་ནས་སླར་ཡང་གངས་ཅན་དུ་གཤེགས་ཏེ་དགྲ་བཅོམ་པ ་ཏ་ཧོབ་མཆོག་ཏུ་རྟོགས་དཀའ་བ་རྟོགས་ནས་ཟླ་བ་བདུན་ཉིད་ཀྱི་ནང་དུ་ཆེ་འདས་ཏེ་གསེར་གྱི་རི་གཅིག་ལ་བརྟེན་ནས་འདུག་སྟེ་ལྷག་མ་མེད་པར་ཡོངས་སུ་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས ་འདས་སོ། ། བྱང་ཆུབ་སེམས་དཔའ་ཡང་ཞག་ལྔ་ནས་དབུ་ཁྲུ་བར་བྱེད་ཅིང་མིང་འདོགས་པར་རིགས་སོ་ཞེས་བསམས་ནས་རྒྱལ་པོའི་ལོ་བྲང་ལ་དྲི་བ་ཞིའི་རིགས་ཀྱིས་བྱུག་པ་བྱས་ཏེ། ར ་ཆེ་ལྔའི་མེ་ཏོག་གཅལ་དུ་བཀྲམ་ནས་ཆུ་མེད་པའི་འོ་མ་བཅོས་པའི་ཟུག་འཚོད་ཅིང་རིག་བྱེད་གསུམ་གྱི་ཕ་རོལ་ཏུ་སོན་པའི་བྲམ་ཟེ་བརྒྱ་རྩ་བརྒྱད་མགྲོན་དུ་གཉེར་ཏེ་རྒྱལ་པོའི་ཕོ་བྲང་དུ་བཞུགས་ནས། ཁ་ཟས་འཆ ་པོ་ལ་ལོངས་སྤྱོད་ཅིང་བཀུར་སྟི་ཆེན་པོ་བྱས་ནས་མཚན་ཉིད་ཇི་ལྟ་བུ་ཞེས་དྲིས་སོ། ། དེ་རྣམས་ལས་དགའ་བྱེད་དང་། རྒྱལ་མཚན་དང་། མཚན་ཉིད་དང་། རིགས་ཀྱི་སྔགས་པ་དང་། ཀོ་ཌི་ནྱ་དང་། ལག་པ ་ཅན་དང་། གཤིན་རྗེ་བཟང་དང་། ལེགས་སྦྱིན་ཏེ། དེ་རྣམས་དེའི་ཚེ་བྲམ་ཟེ་བརྒྱད་ཡིན་ནོ།། ཡན་ལག་དྲུག་གི་བསྔགས་བརྡ་སྤྲང་ནས་བྲམ་ཟེ་བརྒྱད་པོ་འདི་ལྟ་བུ་ཉིད་ཀྱི་མཚན་ཉིད་སོ་སོར་རྗོད་ནས་དགའ་ལྡན ་གནས་ནས་མའི་མངལ་དུ་ཞུགས་པའི་མཚན་ཉིད་འདི་རྣམས་ཀྱིས་བཤད་དོ། ། དེ་རྣམས་ལས་བྲམ་ཟེ་བདུན་གྱིས་མཛུབ་མོ་གཉིས་བསྒྲེངས་ཏེ་དོན་གཉིས་ལུང་བསྟན་ནོ།། མཚན་ཉིད་འདི་དང་ལྡན་པའི་ཁྱིམ་ན ་གནས་ན་འཁོར་ལོ་སྒྱུར་བའི་རྒྱལ་པོར་འགྱུར་རོ། ། རབ་ཏུ་བྱུང་ན་སངས་རྒྱ་བར་འགྱུར་རོ།། འཁོར་ལོ་སྒྱུར་བའི་ཕུན་སུམ་ཚོགས་པ་ཐམས་ཅད་བཤད་པ་རྫོགས་ནས། གཞན་དེ་རྣམས་ཀྱི་ནང་ནས་ཐམས་ཅད་ཀྱི ་གཞོན་ཤོས་ཀྱི་རིགས་ནི་ཀོ་འུ་ཌི་ནྱ་བྲམ་ཟེའི་ཁྱེའུའོ་ཞེས་བྱ་བའོ། ། བྱང་ཆུབ་སེམས་དཔའ་དེའི་མིང་མཚན་མཆོག་རྣམས་རྫོགས་པར་བཏགས་སོ།། འདི་ནི་ཁྱིམ་ན་གནས་པའི་རྒྱུ་མེད་པས་མཐའ་གཅིག་ཉིད ་དུ་ཁྱིམ་ན་མི་གནས་པར་སངས་རྒྱའོ། ། མཛུབ་མོ་གཅིག་བསྒྲེངས་ཏེ་འདི་ལྟར་ལུང་བསྟན་ནོ།། འདི་ནི་སྔར་གྱི་གཞི་བྱས་པས་ཕྱིས་མིར་གྱུར་པ་ན་ཤེས་རབ་དང་ལྡན་ནོ།། བྲམ་ཟེ་བདུན་ལས་ལྷག་པར་གྱུར་ནས ་འདི་ཡི་མཚན་ཉིད་རིག་པར་ལྡན་ནས་ཁྱིམ་དུ་གནས་པའི་མིང་ཡང་མེད་དོ། ། ཐེ་ཙོམ་མེད་པར་སངས་རྒྱ་བར་འགྱུར་ཏེ་འགྲོ་བ་གཅིག་ལས་གཞན་མ་མཐོང་ངོ་།། དེའི་ཕྱིར་མཛུབ་མོ་གཅིག ་བསྒྲེངས་ཏེ་འདི་ལྟར་ལུང་བསྟན་ནོ། ། དེ་ནས་བྲམ་ཟེ་དེ་རྣམས་རང་གི་ཁྱིམ་དུ་འགྲོ་ཞིང་བུ་རྣམས་བོས་ཏེ། བུ་བདག་ཅག་རྣམས་རྒན་པོར་གྱུར་པས། རྒྱལ་པོ་ཆེན་པོ་ཟས་གཙང་གི་སྲས་ཐམས ་ཅད་མཁྱེན་པ་ཐོབ་པར་གྱུར་པ་ན་བདག་ཅག་དང་མཇལ་བར་འགྱུར་རམ་མི་འགྱུར་ཆ་མེད་ཀྱིས། ཁྱོད་དེའི་སྲས་ཀྱིས་ཐམས་ཅད་མཁྱེན་པ་ཐོབ་པར་གྱུར་ནས། དེའི་བསྟན་པ་ལ་རབ་ཏུ་བྱུང་ཞིག་ཅེས་སྨྲས་སོ།། བྲམ ་ཟེ་བདུན་པོ་རྣམས་ཀྱིས་ཀྱང་ཇི་སྲིད་ཚེ་གནས་ཀྱི་བར་ཇི་ལྟར་བྱས་པའི་ལས་རྟོགས་སོ། ། བྲམ་ཟེའི་ཁྱེའུ་ཀོའུ་ཌི་ནྱ་ཉིད་ནད་མེད་པར་གྱུར་ནས་གནས་སོ།། དེའི་སེམས་དཔའ་ཆེན་པོ་བློ་དང་ལྡན་པ་ངེས་པར་འབྱུང ་བ་ཆེན་པོས་མངོན་པར་བྱུང་ནས་གོ་རིམས་བཞིན་དུ་ལྟེང་རྒྱས་སུ་སོང་ངོ་། ། ས་ཕྱོགས་འདི་ནི་ཉམས་དགའ་བས་རིགས་ཀྱི་བུ་ས་ཕྱོགས་འདི་དཀའ་བ་སྤྱོད་པའི་གནས་སུ་རིག་པར་སེམས་སྐྱེས་པས་དེར་གནས་ཏེ། སྐྱེས ་བུ་ཆེན་པོ་རབ་ཏུ་བྱུང་ངོ་ཞེས་ཐོས་ནས་བྲམ་ཟེའི་བུའི་གནས་སུ་ཉེ་བར་སོང་ངོ་ཞེས་སྨྲས་སོ། ། གཞོན་ནུ་དོན་གྲུབ་རབ་ཏུ་བྱུང་ནས་ཐེ་ཙོམ་མེད་པར་དེ་སངས་རྒྱ་བར་འགྱུར་རོ།། གལ་ཏེ་ཁྱེད་རྣམས་ཀྱི་ཕ་ནད་མེད་པར ་གནས་ན། དེ་རིང་ཕྱིན་ནས་རབ་ཏུ་བྱུང་བ་བྱེད་དོ།། གལ་ཏེ་ཁྱོད་ཀྱང་འདོད་ན་འདིར་འོངས་ནས་བདག་གིས་སྐྱེས་བུ་དེའི་རྗེས་སུ་རབ་ཏུ་འབྱུང་བར་བགྱིའོ།། དེ་ཐམས་ཅད་འདུན་པ་གཅིག་པར་མ་ནུས་པར་སྐྱེ་བོ་བཞི་པོ ་ལས་ཀོ་ཌོ་ནྱ་གཙོ་བོ་བྱས་ནས་སྐྱེ་རོལ་ཏུ་བྱུང་སྟེ། དེ་རྣམས་ཀྱི་སྐྱེ་བོ་ལྔ་པོ་ནི་གནས་བརྟན་ལྔ་སྡེ་ཞེས་བྱ་བའི་རིགས་སུ་གྱུར་ཏོ།། གཞན་ཡང་དེའི་ཚེ་རྒྱལ་པོ་འདི་སྐད་དུ་གང་མཐོང་ནས་བདག་གི་བུ་རབ་ཏུ་འབྱུང་ཞེས། ་འདྲིའོ།། སྔོན་གྱི་མཚན་མ་བཞི་མཐོང་བས་དེ་གང་དང་རྒས་ཤིང་འཁོགས་པ་དང་། ན་བ་དང་། འཆི་བ་དང་། རབ་ཏུ་བྱུང་བའོ།། རྒྱལ་པོས་འདི་རྣམས་བཟུང་ནས་འདི་ལྟ་བུའི་ཚུལ་བདག་གི་བུ་དང་ཉེ་བར ་འོང་དུ་མ་འཇུག་ཅིག། བདག་གི་སྲས་ཀྱིས་སངས་རྒྱས་ཐོབ་ཀྱང་དོན་མེད་དོ།། བདག་གི་སྲས་སྟོང་ཕྲག་གཉིས་ཀྱི་གླིང་འཁོར་དང་བཅས་པའི་གླིང་ཆེན་པོ་བཞི་པོ་རྣམས་ཀྱི་དབང་ཕྱུག་གི་བདག་པོའི་རྒྱལ་པོ ་བྱེད་ཅིང་། དཔག་ཚད་སུམ་ཅུ་རྩ་དྲུག་གི་ཁོར་ཡུག་གི་འཁོར་ནམ་མཁའི་དབྱིངས་སུ་གཤེགས་པ་ལ་བལྟ་བར་འདོད་དོ།། སླར་ཡང་འདི་ལྟར་བརྗོད་ཅིང་འདི་ལྟ་བུའི་རྣམ་པ་བཞིའི་སྐྱེས་བུ་གཞོན་ནུའི་མིག ་ལམ་དུ་འོང་བ་བསྲུང་ཞིང་ཕྱོགས་བཞིར་རྒྱང་གྲགས་བཞི་བཞིར་བསྲུང་བ་བཞག་གོ། དེའི་ཉི་མ་ལ་ཡང་བཀྲ་ཤིས་པའི་གནས་སུ་འདུས་པའི་རིགས་ཀྱི་ཉེ་དུ་སྟོང་ཕྲག་བརྒྱད་ཅུ་པོ་རེ་རེའི་བུ་བརྒྱ་ཡོངས་སུ་སྟེར་བར ་བསམས་སོ། ། འདི་སངས་རྒྱས་སུ་འགྱུར་རམ། རྒྱལ་པོར་འགྱུར་རམ། བདག་གིས་བུ་རེ་རེ་སྟེར་རོ།། གལ་ཏེ་སངས་རྒྱས་པར་གྱུར་ན་རྒྱལ་རིགས་ཀྱི་དགེ་སྦྱོང་ཉིད་ཀྱིས་མདུན་རྒྱབ་ཐམས་ཅད་དུ་བསྐོར་ནས་འགྲོ ་བ་ཡིན་ནོ། ། གལ་ཏེ་རྒྱལ་པོར་གྱུར་ན་རྒྱལ་རིགས་ཀྱི་གཞོན་ནུ་ཉིད་ཀྱིས་མདུན་རྒྱབ་ཀུན་ནས་བསྐོར་ནས་འགྲོའོ་ཞེས་སྨྲ་ཞིང་འབུལ་ལོ།། རྒྱལ་པོས་ཀྱང་བྱང་ཆུབ་སེམས་དཔའ་ལ་གཟུགས་མཆོག་དང་ལྡན་པ ་སྐྱོན་ཐམས་ཅད་སྤངས་པའི་ནུ་མ་བསྣུན་པ་ཉིད་གནས་པ་བྱིན་ནོ། ། བྱང་ཆུབ་སེམས་དཔའ་འཁོར་མཐའ་ཡས་པ་དཔལ་དང་སྐལ་བ་འཕེལ་བ་དང་ལྡན་ནོ།། དེ་ནས་ཉི་མ་གཅིག་ལ་རྒྱལ་པོའི ་འབྲས་འདེབས་པ་ལ་བཀྲ་ཤིས་བྱེད་དོ། ། དེའི་ཉི་མ་ལ་གྲོང་ཁྱེར་ཐམས་ཅད་དུ་ལྷ་གཤེགས་པ་བཞིན་དུ་བརྒྱན་ནོ།། བྲན་དང་ལས་བྱེད་པ་ལ་སོགས་པས་གོས་ལེགས་པོ་གྱོན་ནས། སྤོས་དང་། མེ་ཏོག་གི ་འཕྲེང་བ་ལ་སོགས་པས་བརྒྱན་པར་བྱས་ནས་རྒྱལ་པོའི་ཕོ་བྲང་གི་ནང་དུ་འདུས་སོ། ། རྒྱལ་པོའི་གཞིས་རྣམས་ལ་ཞིང་རྨོ་བ་སྟོང་ཕྲག་གཅིག་རིགས་སོ།། སླར་ཡང་དེའི་ཉི་མ་གཅིག་གིས་དམན་པའི་ཞིང་རྨོབ ་བརྒྱ་དང་བཅས་པའི་གླང་གི་གཉབ་ཤིང་གི་ཐག་པ་དངུལ་ལས་བྱས་པ་དང་། རྒྱལ་པོ་འཛིན་པའི་ཞིང་རྨོ་བའི་ཐོད་པ་སླར་ཡང་གསར་ལས་བྱས་པར་གྱུར་ཏོ།། གླང་གི་རྭ་གཉིས་ལ་གསེར་གྱིས་བསྐུས་སོ།། ཁ ་དང་སྐེའི་ཐག་པ་ནི་གསེར་ལའང་བྱས་སོ། ། རྒྱལ་པོའི་འཁོར་ཆེན་པོ་དང་བཅས་པ་བྱོན་ནས་སྲས་བླངས་ཏེ་གཤེགས་སོ།། གཞིས་ཁའི་གནས་ན་ཤིང་འཛམྦུ་གཅིག་ལ་ལོ་མ་མང་པོས་གྲིབ་མ་སྟུག་པོར ་གྱུར་པ་ཞིག་ཡོད་པའི་འོག་ཏུ་གཞོན་ནུའི་མལ་སྟན་ཆེན་པོ་བྱས་ནས་སྟེང་དུ་བླ་རེས་གསེར་གྱི་སྐར་མ་དང་མཚུངས་པ་བྲེས་ཏེ། ལྕགས་རི་ལྟར་ཡོལ་བས་ཕྱོགས་ཀུན་ནས་བསྐོར་ཏེ། རྒྱལ་པོ་རྒྱན་ཐམས་ཅད ་ཀྱིས་བརྒྱན་པར་བྱས་ནས་བློན་པོ་འཁོར་དང་བཅས་པ་ཞིང་རྨོ་བའི་གནས་སུ་གཤེགས་ཏེ། དེར་རྒྱལ་པོས་གསེར་གྱི་ཐོད་པ་བཟུང་ངོ་།། གཅིག་གིས་དམན་པའི་བརྒྱད་བརྒྱའི་དངུལ་གྱི་ཐོང་པ་བློན་པོས་བཟུང་སྟེ། ་སོ་ནམ་བྱེད་པའི་སྐྱེ་བོ་རྣམས་ཀྱིས་ཐོད་པ་ལྷག་མ་རྣམས་བསླངས་སོ།། དེ་རྣམས་ཀྱིས་ཐོད་པ་བཟུང་ནས། དེ་དང་དེར་སྒལ་རྨོའོ།། རྒྱལ་པོས་སླར་ཡང་འདི་ནས་པར་འགྲོ་ཞིང་ཕ་རོལ་ནས་ཚུར་འོངས།། ་དེའི་གནས་ཕུན་སུམ་ཚོགས་པར་འགྱུར་རོ་ཞེས་བསམས་ནས། བྱང་ཆུབ་སེམས་དཔའ་འཁོར་དང་བཅས་པ་བཞུགས་པའི་ནུ་མ་བསྣུན་པ་རྣམས་རྒྱལ་པོའི་ཕུན་སུམ་ཚོགས་པར་བལྟའོ།། ཡོལ་བའི་ནང ་ནས་ཕྱིར་འཐོན་ནོ། ། བྱང་ཆུབ་སེམས་དཔའ་དེ་དང་དེར་གཟིགས་པས་གཅིག་ཀྱང་མི་སྣང་ངོ་།། མྱུར་བར་ལངས་ནས་སྐྱིལ་ཀྲུང་བཅས་ཏེ། རླུང་འབྱུང་བ་དང་རྔུབ་ཅིང་བཟུང་བས་བསམ་གཏནས་པོ་སྐྱེས་སོ།། ་ནུ་མ་བསྣུན་པ་རྣམས་ཁ་ཟས་ཟ་བའི་ཕྱིར་ཕན་ཚུན་དུ་འགྲོ་ཞིང་དེ་མ་ཐག་ཅུང་ཟད་ཐོགས་པར་གྱུར་ཏོ།། ཤིང་གཞན་རྣམས་ཀྱི་གྲིབ་མ་མི་ལྡོག་ཅིང་། གཞན་ཡང་ཤིང་དེའི་གྲིབ་མ་རྣམས་ཀུན་ནས་གནས ་སོ། ། ནུ་མ་བསྣུན་པ་རྣམས་ཀྱིས་སྲས་འཕགས་པ་ཞེས་གཅིག་ཏུ་བརྗོད་ཅིང་མྱུར་དུ་ཡོལ་བ་སྟེང་དུ་བརྫེས་ཏེ་ནང་དུ་ཞུགས་ནས། བྱང་ཆུབ་སེམས་དཔའ་མལ་སྟན་ལ་སྐྱིལ་ཀྲུང་གིས་བཞུགས་པ་དེའི་ཚེ ་འཕྲུལ་མཐོང་ནས་སོང་སྟེ་རྒྱལ་པོ་ལ་ཞུས་སོ། ། ལྷ་གཞོན་ནུ་འདི་ལྟ་བུའི་ཚུལ་གྱིས་བཞུགས་སོ།། འདི་ལྟར་ཤིང་གཞན་རྣམས་གྲིབ་མ་མི་བཟློག་གོ། ཤིང་འཛམ་བུའི་གྲིབ་མ་ནི་ཀུན་ནས་གནས་སོ།། རྒྱལ ་པོ་མྱུར་དུ་བྱོན་ནས་ཆོ་འཕྲུལ་ལྟ་སྟེ། སྲས་འདི་ལ་ཕྱག་གཉིས་པ་སྟེ་ཞེས་བརྗོད་ནས་སྲས་ལ་ཕྱག་འཚལ་ལོ།། དེ་ནས་གོ་རིམས་བཞིན་དུ་བྱང་ཆུབ་སེམས་དཔའ་ལོ་བཅུ་དྲུག་པའི་ན ་ཚོད་དུ་གྱུར་ཏོ། ། རྒྱལ་པོས་བྱང་ཆུབ་སེམས་དཔའ་ལ་དུས་གསུམ་དུ་རྗེས་སུ་རིགས་པར་ཁང་བཟངས་གསུམ་བྱས་ནས་གཅིག་དགུ་ཐོག། གཅིག་ལ་བདུན་ཐོག། གཅིག་ལ་ལྔ ་ཐོག་གོ། སྟོང་ཕྲག་བཞི་བཅུའི་གར་བྱེད་པའི་བུད་མེད་རྣམས་ཉེ་བར་གནས་པར་བྱས་སོ།། བྱང་ཆུབ་སེམས་དཔའ་ནི་ལྷ་བཞིན་དུ་ལྟང་ང་འདྲ་བའི་བུད་མེད་རྣམས་འཁོར་དུ་བྱས་ནས་རྒྱན་གྱིས་བརྒྱན་པའི་བུད་མེད་དུ ་མ་དང་བཅས་པ་སྐྱེས་པ་མེད་པའི་རོལ་མོ་སྒྲོགས་པ་འཁོར་དུ་བྱ་སྟེ། ཕུན་སུམ་ཚོགས་པ་ཆེན་པོ་རྗེས་སུ་མྱོང་བར་བྱེད་དོ།། དུས་ཀྱི་རེས་དང་། དུས་ཀྱི་རེས་ལ་དེ་དང་དེའི་ཁང་བཟང་དུ་བཞུགས་སོ།། གཞན ་ཡང་སྒྲ་གཅན་འཛིན་གྱི་མ་དེ་ཉིད་བཙུན་མོ་རྣམས་ཀྱི་གཙོ་མོར་གྱུར་ཏོ། ། དེའི་དེ་བཞིན་དུ་ཕུན་སུམ་ཚོགས་པ་ཆེན་པོ་རྗེས་སུ་མྱོང་བར་བྱེད་དོ།། ཉི་མ་གཅིག་ལ་ཉེ་དུའི་ནང་དུ་འདི་ལྟ་བུའི་གཏམ་བྱུང་ངོ་།། ་དོན་གྲུབ་རྩེད་མོས་བརྗེད་ནས་གཤེགས་ཤིང་བཟོ་ཅུང་ཟད་ཀྱང་མི་སློབ་བོ།། གཡུལ་སོ་སོ་ནས་ཉེ་བར་གྱུར་ན་ཅི་བྱེད། དེའི་ཚེ་བྱང་ཆུབ་སེམས་དཔའ་བོས་ནས། བུ་ཁྱོད་ཀྱི་ཉེ་དུ་རྣམས་དོན་གྲུབ་བཟོ་ཅུང ་ཟད་ཀྱང་མི་སློབ་ཅིང་རྩེད་མོས་གཤེགས་ནས་འགྲོའོ་ཞེས་ཟེར་རོ། ། འདིར་གཡུལ་བྱུང་ན་ཇི་ལྟར་བྱེད་ཅེས་བསམས། ལྷ་ངས་བཟོ་བསླབས་པ་ལ་དགོས་པ་མེད་དོ།། གྲོང་ཁྱེར་གྱི་མི་རྣམས་བདག་གི་བརྡ ་ལྟ་བའི་སེམས་ཡོད་ན་དྲིལ་སྒྲོགས་ཤིག། འདི་ནས་ཞག་བདུན་པ་ལ་ཉེ་དུ་རྣམས་ལ་བཟོ་བསྟན་པར་བགྱིའོ།། རྒྱལ་པོས་དེ་བཞིན་དུ་བྱས་སོ།། བྱང་ཆུབ་སེམས་དཔས་སྒྲ་ལ་འཕེན་པ་དང་། སྤྲུལ་འཕེན ་པ་དང་། གཞུ་ཐོགས་པས་འདུས་པར་བྱས་ནས་སྐྱེ་བོ་མང་པོའི་ནང་དུ་གཞན་གཞུ་ཐོགས་པ་དང་ཐུན་མོང་མ་ཡིན་པ་ཉེ་དུ་རྣམས་ལ་བཟོ་བཅུ་གཉིས་བསྟན་ནོ།། དེ་རྣམས་མངའ་འཇོམས་པའི་སྐྱེས་རབས ་ལས་འབྱུང་བའི་ཚུལ་བཞིན་དུ་རིག་པར་བྱའོ། ། དེའི་ཉེ་དུ་རྣམས་ཀྱི་ཐེ་ཚོམ་སེལ་ལོ།། གཞན་ཡང་བྱང་ཆུབ་སེམས་དཔའ་སྐྱེད་མོས་ཚལ་དུ་གཤེགས་པར་བསམས་ནས་ཁ་ལོ་སྒྱུར་བ་བོས་ཏེ། ཤིང་རྟ ་ཆས་སུ་ཆུ་གཅིག་ཅེས་སྨྲས་སོ། ། དེས་ལེགས་སོ་ཞེས་བརྗོད་ཅིང་ཚིག་ཐོས་ནས། ཤིང་རྟ་ཆེན་པོའི་འཁོར་ལོའི་མཆོག་ལ་ཇི་ལྟར་རིགས་པའི་རྒྱན་ཐམས་ཅད་ཀྱིས་བརྒྱན་ནས། ཀུ་མུ་ཏའི་འདབ་མའི ་མདོག་དང་འདྲ་བའི་བཀྲ་ཤིས་པའི་རྔ་བཞིས་ཤིང་རྟ་ཁྲིད་ནས་བྱང་ཆུབ་སེམས་དཔའ་གཤེགས་སོ་ཞེས་སྨྲས། བྱང་ཆུབ་སེམས་དཔའ་ལྷའི་གཞལ་མེད་ཁང་བཞིན་དུ་ཤིང་རྟ་ལ་ཞོན་ནས་སྐྱེད་མོས་ཚལ་གྱི ་ཕྱོགས་སུ་གཤེགས་སོ། ། ལྷ་རྣམས་ཀྱིས་གཞོན་ནུ་དོན་གྲུབ་ཀྱི་མངོན་པར་རྫོགས་པར་བྱང་ཆུབ་པའི་དུས་ནི་ཉེ་བར་གྱུར་ཏོ།། སྔར་གྱི་མཚན་མ་རྣམས་བལྟ་བར་རིགས་སོ།། ལྷའི་བུ་གཅིག་གི་རྒས་པ། ་འཁོགས་པ། སོ་བྱི་བ། སྒྲ་དཀར་བ། སྦྱར་བ། རྒྱབ་གྲུམ་པའི་ལུས་ཅན། ལག་ཏུ་འཁར་བ་ཐོགས་པ། སྐད་འཛེར་བར་བྱེད་པ་བསྟན་ནོ།། དེ་བྱང་ཆུབ་སེམས་དཔའ་ཁ་ལོ་སྒྱུར་བས་མཐོང་ངོ་།། དེ་ནས ་བྱང་ཆུབ་སེམས་དཔའ་ཁ་ལོ་སྒྱུར་བ་ལ་དྲིས་སོ། ། སྐྱེས་བུ་འདི་གང་ཞིག་ཡིན། སྒྲ་ཡང་གཞན་དང་མི་འདྲ་བ་ཇི་ལྟ་བུ། གཙོ་བོ་ཆེན་པོའི་མདོ་ནས་བྱུང་བ་བཞིན་འདྲི་བར་བྱའོ།། དེའི་ཚིག་ཐོས་ནས་སྐྱེ་བ ་མི་རྟག་ཅིང་སྐྱེས་པར་གྱུར་པས་ཐམས་ཅད་རྒས་པར་འགྱུར་རོ་ཞེས་སེམས་སྡུག་བསྔལ་ཞིང་དེ་ཉིད་དུ་བཟློག་ནས། རང་གི་ཁང་བཟངས་ཉིད་དུ་གཤེགས་སོ།། རྒྱལ་པོས་རྒྱུ་མཚན་ཅིའི ་ཕྱིར་བདག་གི་སྲས་པོ་མྱུར་དུ་ལྡོག་པ་ཅིའི་ཕྱིར་དྲིས་སོ། ། ལྷ་རྒས་ཤིང་འཁོགས་པའི་མི་གཅིག་མཐོང་བས་རབ་ཏུ་འབྱུང་ངོ་།། མྱུར་དུ་བུ་ལ་གར་བྱེད་པ་རྣམས་སྟ་གོན་གྱིས་ཤིག། ཕུན་སུམ་ཚོགས་པ་ཉམས་སུ ་མྱོང་བར་བྱས་པས་རབ་ཏུ་འབྱུང་བ་རྗེས་སུ་དྲན་པར་མི་འགྱུར་རོ་ཞེས་སྨྲས་ནས་སྲུང་བར་བྱེད་པ་སྤེལ་ཏེ་ཕྱོགས་ཐམས་ཅད་དུ་རྒྱང་གྲགས་བརྒྱང་བརྒྱད་དུ་བཞག་གོ། གཞན་ཡང་ཉི་མ་གཅིག་ལ་བྱང་ཆུབ་སེམས ་དཔའ་དེ་བཞིན་དུ་སྐྱེད་མོས་ཚལ་དུ་གཤེགས་པ་ན་ལྷས་སྤྲུལ་པའི་ནད་པ་ཞིག་མཐོང་ནས་སྔར་བཞིན་དུ་དྲིས་སོ། ། སེམས་སྡུག་བསྔལ་བར་གྱུར་ཏེ། སླར་ཡང་བཟློག་ནས་རང་གི་ཁང་བཟངས་སུ་གཤེགས་སོ།། ་རྒྱལ་པོས་ཡང་དྲིས་པ། སྔར་དེ་བཞིན་དུ་བྱས་ནས། སླར་ཡང་སྤེལ་ཏེ་ཐམས་ཅད་དུ་རྒྱང་གྲགས་བཅུ་གཉིས་ཀྱི་སའི་ཆར་སྲུང་བར་བྱེད་པ་གཞག་གོ། ཡང་ཉི་མ་གཞན་ལ་བྱང་ཆུབ་སེམས་དཔའ་དེ་བཞིན་དུ ་སྐྱེད་མོས་ཚལ་དུ་གཤེགས་པ་ན་ལྷས་སྤྲུལ་པའི་དུས་ལས་འདས་པ་ཞིག་མཐོང་ནས་སྔར་བཞིན་དྲིས་ཏེ། སེམས་སྡུག་བསྔལ་བར་གྱུར་ནས། སླར་ཡང་བཟློག་སྟེ་ཁང་བཟང་དུ་གཤེགས་ནས་རྒྱལ་པོས་དྲིས ་བ་སྔར་བཞིན་དུ་བྱས་ནས། སླར་ཡང་བསྲུང་བ་སྤེལ་ཏེ་ཀུན་ནས་བསྐོར་བར་དཔག་ཚད་གཅིག་གི་ཚད་ལ་བསྲུང་བ་བཞག་གོ། སླར་ཡང་ཉི་མ་གཞན་ལ་སྐྱེད་མོས་ཚལ་དུ་གཤེགས་པ་ན་དེ་བཞིན་དུ་ལྷས་སྤྲུལ ་བའི་གོས་བཟང་པོ་ལེགས་པ་གྱོན་པའི་རབ་ཏུ་བྱུང་བ་ཞིག་གཟིགས་ནས། འདིའི་མིང་ཅི་ཞེས་ཁ་ལོ་བ་ལ་དྲིས་སོ།། གང་དུ་ཡང་སངས་རྒྱས་བྱོན་པར་མ་གྱུར་ཅིང་རབ་ཏུ་བྱུང་བའི་ཡོན་ཏན་མི་ཤེས། ལྷའི་མཐུས ་སླར་ཡང་ལྷ་རབ་ཏུ་བྱུང་བ་ཡིན་ཞེས་བརྗོད་དེ། རབ་ཏུ་བྱུང་བའི་ཡོན་ཏན་ལ་བསྔགས་པ་བརྗོད་དོ།། བྱང་ཆུབ་སེམས་དཔའ་རབ་ཏུ་འབྱུང་བ་ལ་འདུན་པ་སྐྱེས་ནས་དེའི་ཉིན་མོ་སྐྱེད་མོས་ཚལ་དུ་གཤེགས་སོ།། ་སློབ་དཔོན་ཁ་ཅིག་འདི་སྐད་ཟེར་ཏེ། སྔུན་གྱི་མཚན་མ་བཞི་པ་ཉི་མ་གཅིག་ཉིད་ལ་མཐོང་ངོ་ཞེས་ཟེར་རོ།། དེ་ནི་མི་འཐད་དོ།། དེ་ལ་ཉིན་མོའི་ཆར་རྩེ་ཞིང་བཀྲ་ཤིས་པའི་རྫིང་བུར་ཁྲུས་བྱས། ཉི་མ་ནུབ་པ་ན་བཀྲ་ཤིས ་པའི་རྡོ་ལེབ་ཀྱི་སྟན་ལ་བཞུགས་སོ། ། རང་ལ་རྒྱན་གྱིས་བརྒྱན་པར་སེམས་སོ།། དེ་ནས་རྗེས་སུ་འབྲང་བའི་སྐྱེས་བུ་རྣམས་ལ་ཁ་དོག་སྣ་ཚོགས་པའི་གོས་དང་རྒྱན་རྣམ་པ་སྣ་ཚོགས་པས་བརྒྱན། མེ་ཏོག ་གི་འཕྲེང་བ་དང་། སྤོས་དང་། བྱུག་པ་ལ་སོགས་པ་བླངས་ནས་ཕྱོགས་ཀུན་ཏུ་བསྐོར་ནས་འདུག་གོ། དེ་མ་ཐག་པར་བརྒྱ་བྱིན་སྡོད་པའི་གདན་དྲོ་བར་གྱུར་ཏོ།། གང་ཞིག་བདག་གི་གནས་འདོར་བའི་སེམས ་སུ་ཞིག་ལ་སྐྱེས་པར་གྱུར་ཅེས་བརྟགས་སོ། ། བྱང་ཆུབ་སེམས་དཔའི་རྒྱན་བྱེད་པའི་དུས་མཐོང་ངོ་།། ལས་ཐམས་ཅད་པ་པོས་སོ།། ལས་ཐམས་ཅད་པ་གཞོན་ནུ་དོན་གྲུབ་དེ་རིང་གི་མཚན་ཕྱེད་ཀྱི་དུས་སུ ་ངེས་པར་འབྱུང་བ་ཆེན་པོས་འཐོན་ནོ། ། འདི་དེའི་ཕྱི་མའི་རྒྱན་ཡིན་ནོ།། སྐྱེད་མོས་ཚལ་དུ་སོང་ལ་སྐྱེས་བུ་ཆེན་པོ་ལྷའི་རྒྱན་གྱིས་བརྒྱན་པར་གྱིས་ཤིག། དེས་དེ་ཐོས་ནས་ལེགས་སོ་ཞེས་བརྗོད་དེ་ལྷའི་མཐུས ་དེ་མ་ཐག་པར་ཉེ་བར་སོང་སྟེ། དེའི་རིམ་གྲོ་པ་དང་མཚུངས་པར་གྱུར་ནས། རིམ་གྲོ་པའི་ལག་ཏུ་རས་བླངས་ནས་བྱང་ཆུབ་སེམས་དཔའི་དབུ་ལ་བཅིངས་སོ།། བྱང་ཆུབ་སེམས་དཔས ་མགོ་ལ་ལག་པ་རེག་པ་ན་འདི་མི་མ་ཡིན་ཏེ། ལྷའི་བུ་ཡིན་པར་ཤེས་སོ།། བཅིངས་པ་ཙམ་ན་བཅིངས་པའི་དབུའི་ཅོད་པན་ནོར་བུ་རིན་པོ་ཆེའི་རྣམ་པ་ལ་སྟོང་ཕྲག་གཅིག་གིས་དུ་གུ་ལའི་རས་ཀྱིས་བཅིང ་སོ། ། སླར་ཡང་འཆིང་བ་ན་དུ་གུ་ལའི་རས་སྟོང་ཕྲག་གཅིག་གིས་ལན་བཅུ་དཀྲིས་ནས་སྟོང་ཕྲག་བཅུས་དུ་གུ་ལའི་རས་ཅིངས་སོ།། དབུ་ནི་ཆུང་ཞིང་དུ་གུ་ལའི་རས་ནི་མང་བས་ཇི་ལྟར་བཅིང་ཞེས་མི་བསམ ་མོ་དེ་རྣམས་ཐམས་ཅད་ལ་འཁྲི་ཤིང་སཱ་ཀ་ལའི་མེ་ཏོག་ཚད་ཙམ་ཆེ་བའོ། ། ཡང་ན་ཀུ་བའི་མེ་ཏོག་གི་ཚད་ཙམ་དུ་གྱུར་ཏོ།། བྱང་ཆུབ་སེམས་དཔའི་དབུ་ཀི་ཛ་ལ་ཀའི་མེ་ཏོག་ལྟར་མཚུངས་པའོ།། ་ཡང་ན་ཀུ་སྤུ་ཀའི་མེ་ཏོག་ལྟར་གྱུར་པའོ།། དེ་ནས་རྒྱན་ཐམས་ཅད་ཀྱིས་སོ་སོར་བརྒྱན་ནས་རོལ་མོ་ཐམས་ཅད་རང་རང་གི་སྒྲ་འབྱིན་ཞིང་བྲམ་ཟེ་རྣམས་རྒྱལ་བར་གྱུར་ཅིག། དགའ་བར་གྱུར་ཅིག་ཅེས་རྣམ ་པ་སྣ་ཚོགས་པའི་བཀྲ་ཤིས་ཀྱིས་བསྟོད་པའི་དབྱངས་བྱེད་དོ། ། རྒྱན་ཐམས་ཅད་ཀྱིས་བརྒྱན་ནས་མཆོག་གི་ཤིང་རྟལ་ཆིབས་སོ།། དེའི་ཚེ་གྲགས་འཛིན་མ་ལ་བུ་བཙས་སོ།། རྒྱལ་པོ་ཟས་གཙང ་གིས་ཐོས་ནས། བདག་གི་བུ་དགའ་བར་བྱ་བའི་ཕྱིར་ཕོ་ཉ་བ་བཏང་ངོ་།། བྱང་ཆུབ་སེམས་དཔའ་དེ་ཐོས་ནས་སྒྲ་གཅན་འཛིན་སྐྱེས་པས་འཆིང་བ་སྐྱེས་སོ་ཞེས་གསུངས་སོ།། རྒྱལ་པོ་བདག་གི་བུ་ལ་ཅིའི་ཕྱིར ་འ་དྲི་དེའི་ཚིག་ཐོས་ཏེ་འདི་ནས་བཟུང་སྟེ་བདག་གི་ཚ་བོ་གཞོན་ནུ་སྒྲག་ཅན་འཛིན་ཉིད་མིང་དུ་གྱུར་ཏོ་ཞེས་སྨྲས་སོ། ། བྱང་ཆུབ་སེམས་དཔའ་ཡང་གྲགས་པ་ཆེན་པོས་ཤིན་ཏུ་དགའ་བ་དང་། དཔལ་དང་། སྐ ་པ་བཟང་པོ་དང་ལྡན་པའི་གྲོང་ཁྱེར་དུ་གཤེགས་སོ། ། དེའི་ཚེ་གོའུ་ཏ་མི་སྐྱེ་མ་མོ་ཞེས་བྱ་བ་རྒྱལ་རིགས་ཀྱི་བུ་མོ་ཁང་བཟང་གི་སྟེང་དུ་འདུག་པས་གྲོང་ཁྱེར་ལ་སྐོར་བ་བྱེད་པའི་བྱང་ཆུབ་སེམས་དཔའི་དཔལ ་དང་ལྡན་པའི་གཟུགས་མཐོང་ནས། དགའ་བ་དང་ཡིད་བདེ་བ་སྐྱེས་ཏེ་ཆེད་དུ་བརྗོད་པ་འདི་ཆེད་དུ་བརྗོད་དོ།། དེ་ཡི་མ་ནི་ཞི་བར་གྱུར།། དེ་ཡི་ཕ་ནི་ངེས་པར་ཞི།། དེ་ཡི་བུད་མེད་ངེས་ཞིར་གྱུར།། དེ་ཡི་ཡང་ནི་དེ་བདག ་མཚུངས། ། བྱང་ཆུབ་སེམས་དཔས་དེ་ཐོས་ནས་བསམ་པ། འདི་འདི་ལྟ་བུར་སྨྲས་པ། འདི་ལྟ་བུའི་ཚུལ་གྱིས་བདག་ཉིད་ཀྱི་ལུས་མཐོང་བས་མའི་སེམས་ཞི་བར་གྱུར། ཕའི་སེམས་ཞི་བར་གྱུར། སྐྱེ་དགུ་དང་སྐྱེ ་དགུའི་བདག་མོའི་སེམས་ཞི་བར་གྱུར་ཅེས་སྨྲའོ། ། ཅིའི་ཕྱིར་སེམས་ཞི་བ་ཞེས་བྱ་བའི་དོན་གང་། དེ་ནས་ཉོན་མོངས་པའི་ཆགས་པ་མེད་པའི་སེམས་ལ་དེ་སྐད་བརྗོད་དོ།། འདོད་ཆགས་ཀྱི་མེ་ཞི་བར་གྱུར་པ་ནི་ཞི ་བའི་མིང་དུ་གྱུར་ཏོ། ། སྐྱོན་གྱི་མེ་དང་གཏི་མུག་གི་མེ་ཞི་བར་གྱུར་པ་ནི་ཞི་བའི་མིང་དུ་གྱུར་ཏོ།། ང་རྒྱལ་དང་ལྟ་བ་ལ་སོགས་པའི་ཉོན་མོངས་པ་ཀུན་སྐྱེས་པ་ཐམས་ཅད་ཞི་བ་ནི་ཞི་བའི་མིང་དུ་བརྗོད་དོ།། འདི་བདག་ལ ་ཚིག་སྙན་པ་བརྗོད་ཅིང་། བདག་ནི་མྱ་ངན་ལས་འདས་པ་ཚོལ་དུ་འགྲོ་ཞིང་ཚོལ་ལོ།། དི་རིང་ཉིད་ནས་བདག་ཁྱིམ་ན་གནས་པ་སྤངས་ནས་ངེས་པར་འབྱུང་བས་རབ་ཏུ་བྱུང་ནས་མྱ་ངན་ལས་འདས་པ་ཚོལ་བར་རིགས ་སོ། འདི་ནི་བདག་གི་སློབ་དཔོན་མར་གྱུར་ཏོ།། གོའུ་ཏ་མི་སྐེམ་མོ་ལ་འབུམ་ཕྲག་གཅིག་རི་བའི་མུ་ཏིག་གི་དྲ་བ་མགྲིན་པ་ནས་བཀྲོལ་ཏེ་བསྐུར་རོ།། དེས་དོན་གྲུབ་གཞོན་ནུ་བདག་ལ་ཆགས ་ཤིང་ཞེན་པར་གྱུར་པས་སེམས་རྟེན་བསྐུར་བ་ཡིན་པས། དེས་སེམས་བདེ་བ་སྐྱེས་པར་གྱུར་ཏོ།། བྱང་ཆུབ་སེམས་དཔའ་ནི་དཔལ་དང་ལྡན་པ་སྐལ་བ་བཟང་པོ་དང་ལྡན་པའི་རང་གི་ཁང་བཟང་དུ་གཤེགས་ནས ་དཔལ་གྱི་མལ་སྟན་ལ་གཟིམས་སོ། ། དེ་མ་ཐག་ཏུ་རྒྱན་ཐམས་ཅད་ཀྱིས་བརྒྱན་པའི་གླུ་དང་གར་རྣམས་ལེགས་པར་བསླབས་པའི་ལྷའི་བུ་མོ་དང་འདྲ་བའི་གཟུགས་མཆོག་དང་ལྡན་པའི་བུད་མེད་རྣམས་ཀྱིས་རྣམ ་པསྣ་ཚོགས་པའི་རོལ་མོ་བཟུང་ནས་དེ་ལ་ཡོངས་སུ་བསྐོར་ནས། མངོན་པར་དགའ་བར་བྱེད་ཅིང་གར་དང་། གླུ་དང་། རོལ་མོ་ལ་སོགས་པ་བྱེད་པར་རྩོམ་མོ།། བྱང་ཆུབ་སེམས་དཔའ་ཉོན་མོངས་པ་ལ་མི་དགའ ་བའི་སེམས་ཀྱིས་གར་ལ་སོགས་པ་ལ་མངོན་པར་དགའ་བ་མེད་པས་ཡུད་ཙམ་གྱི་མནལ་དུ་བཞུད་དོ། ། བུད་མེད་དེ་རྣམས་ཀྱང་གང་གི་དོན་དུ་ངེད་རྣམས་ཀྱིས་གར་ལ་སོགས་པ་བྱེད་པ་ལ་དེ་མནལ་དུ ་གཤེགས་སོ། ། ད་ནི་ཅིའི་ཕྱིར་བདག་ཅག་ངལ་བ་བྱེད། གང་དང་གང་བསླབས་པའི་རོལ་མོ་རྣམས་ལ་བཞག་ནས་ཉལ་ལོ།། དྲི་བཟངས་དང་ལྡན་པའི་འབྲུ་མར་གྱི་མར་མེ་དང་ལྡན་པའི་བྱང་ཆུབ་སེམས ་དཔའ་རབ་ཏུ་སད་ནས་མལ་གྱི་སྟེང་དུ་སྐྱིལ་ཀྲུང་གིས་བཞུགས་ནས་གཟིགས་པས་བུད་མེད་རྣམས་རོལ་མོ་བཞག་ནས་གཉིད་དུ་སོང་བ་གཟིགས་སོ། ། ཁ་ཅིག་མཆིལ་མ་ལུག་པ་དང་། ཁ་ཅིག་ནི་ལུས ་ལ་མཆིལ་མ་ས་གོས་པའི་དྲི་མ་ཅན་དུ་གྱུར་པ་དང་། ཁ་ཅིག་ནི་སོ་འཆའ་བ་དང་། ཁ་ཅིག་ནི་ངར་ངར་འབྱིན་པ་དང་། ཁ་ཅིག་ནི་རཱ་མ་རྨི་འཆང་པ་དང་། ཁ་ཅིག་ནི་ཁ་གདངས་པ་དང་། ཁ་ཅིག་ནི་གོས་ཞུས་པ་དང་། ་བགའ་ཞིག་གི་ནི་མཚན་མ་སྣང་ངོ་།། བྱང་ཆུབ་སེམས་དཔས་དེ་རྣམས་ཀྱི་རྣམ་འགྱུར་གཟིགས་ནས་ཐུགས་འཇིགས་པས་འདོད་པ་ལ་མི་དགའ་བར་གྱུར་ཏོ།། དེའི་རྒྱན་དུ་བྱས་པ་ནི་ཉེ་བར་ལྡན་པ་བརྒྱ་བྱིན་གྱི་ཕོ ་བྲང་དང་མཚུངས་པའི་ཁང་བཟངས་ཆེན་པོ་ཡངས་ཤིང་། རྣམ་པ་སྣ་ཚོགས་པའི་དྲི་ང་བས་གང་བའི་རོ་དང་ལྡན་པའི་དུར་ཁྲོད་དང་མཚུངས་པར་བསམས་སོ།། སྲིད་པ་གསུམ་པོ་མེ་འབར་བའི་ཁྱིམ་དང་མཚུངས ་པར་བསམས་སོ། ། བདག་ལ་གནོད་པར་བྱེད་པ་དང་། བ་ཚེ་བར་བྱེད་པའོ་ཞེས་ཆེད་དུ་བརྗོད་པ་འཆད་ཅིང་ཤིན་ཏུ་རབ་ཏུ་བྱུང་བར་འདོད་པར་གྱུར་ཏོ།། དེ་བདག་གིས་དི་རིང་ཉིད་ནས་ངེས་པར་འབྱུང་བ་ཆེན་པོས་འཐོན ་པར་བསམས་ཏེ། མལ་ནས་བཞེངས་ནས་སྒོ་དང་ཉེ་བར་གཤེགས་ཏེ་འདི་ན་སུ་ཡོད་ཅེས་དྲིས་སོ།། བློན་པོ་མདུན་པ་ཐེམ་པ་ལ་སྔས་བྱས་ནས་ཉལ་ལོ།། འཕགས་པ་བུ་བདག་བློན་པོ་མདུན་པ་ཡིན་ནོ་ཞེས་སྨྲས་སོ།། ་ད་ནི་ངེས་པར་འབྱུང་བ་ཆེན་པོས་འཐོན་པར་འདོད་དོ།། བདག་གི་རྟ་ཅིག་ལ་སྒ་གྱིས་ཤིག། དེས་ལྷ་ལེགས་སོ་ཞེས་བརྗོད་ནས་རྟའི་སྒྲ་ཁྱེར་ཏེ་རྟ་རར་སོང་ནས་དྲི་བཟང་པོ་དང་ལྡན་པའི་འབྲུ་མར་གྱི་མར་མེ་སྤར་བ་སུ ་མ་ནའི་མེ་ཏོག་ཅན་གྱིས་དར་གྱི་བླ་རེས་ཀྱི་འོག་ན་ཤིན་ཏུ་དགའ་བའི་ས་ཕྱོགས་ལ་སྡོད་པའི་རྟའི་རྒྱལ་པོ་བསྔགས་ལྡན་མཐོང་ངོ་། ། ད་ནི་བདག་གྲི་འདི་ཉིད་ཀྱི་སྒྲ་བྱ་བར་རིག་ནས་བསྔགས་ལྡན་ལ་སྒྲ་སྒྲོན་ནོ།། དེས ་སྒྲ་སྨོན་པར་ཤེས་ནས་འདི་སྐྲ་སྨོན་པ་ན་གློ་བསྡམས་སོ། ། ཉི་མ་གཞན་ལ་སྐྱེད་མོས་ཚལ་དུ་རྩེད་མོ་ལ་འགྲོ་བའི་དུས་སུ་སྐྲ་འདི་ལྟར་མ་བྱས་སོ།། བདག་གི་སྲས་འཕགས་པ་ད་ནི ་ངེས་པར་འབྱུང་བ་ཆེན་པོས་འཐོན་པར་འདོད་པར་གྱུར་ཏོ་སྙམ་ནས། སེམས་དགའ་བས་རྟ་སྐད་ཚེར་ཚེར་འདོན་པ་དེའི་སྒྲ་གྲོང་ཁྱེར་ཐམས་ཅད་དུ་གྲགས་པར་བྱེད་པ་སླར་ཡང་ལྷ་རྣམས་ཀྱིས་དེའི་སྒྲ་བཀག་ནས་སུས ་ཀྱང་མི་ཐོས་པར་བྱས་སོ། ། བྱང་ཆུབ་སེམས་དཔས་ཀྱང་བློན་པོ་མདུན་པ་རྟའི་གནས་སུ་བཏང་ནས་རེ་ཞིག་བུ་ལ་བལྟ་བར་བསམས་སོ།། གྲགས་འཛིན་མའི་གནས་སུ་གཤེགས་ཏེ་སྒོ་ཕྱེ་ནས་དེ་མ་ཐག་པར་ཉལ ་སའི་ནང་དུ་དྲི་བཟང་པོ་དང་ལྡན་པའི་འབྲུ་མར་གྱི་མར་མེ་སྦར་བ་གྲགས་འཛིན་མ་སུ་མ་ནའི་མེ་ཏོག་དང་། མ་ལ་ལི་ཀའི་མེ་ཏོག་ལ་སོགས་པའི་མེ་ཏོག་མལ་གྱི་སྟེང་དུ་ཁལ་གཅིག་ཙམ་བཀྲམ་པའི་སྟེང་དུ། བུའི ་མགོའི་སྟེང་དུ་ལག་པ་བཞག་ནས་གཉིད་དུ་སོང་བ་ལ། བྱང་ཆུབ་སེམས་དཔས་སྒོའི་ཐེམ་པའི་སྟེང་དུ་ཞབས་ཡ་གཅིག་བཞག་སྟེ་འཁོད་པས་གཟིགས་སོ།། གལ་ཏེ་བདག་གིས་ལྷ་མོའི་ལག་པ་ནས་འཐེན་ནས ་རང་གི་བུ་བསླང་བར་བསམས་ཏེ། ལྷ་མོ་གཉིད་སད་ན་བདག་ཉིད་འགྲོ་བའི་བར་གཅོད་དུ་འགྱུར་ཞིང་སངས་རྒྱས་སུ་གྱུར་ནས་བུ་བལྟའོ་སེམས་ཏེ་ཁང་བཟངས་ནས་བབས་སོ།། སླར་ཡང་སློབ་དཔོན་ཁ་ཅིག་འདི་ལྟར ་སྨྲས་ཏེ། དེའི་ཚེ་བྱང་ཆུབ་སེམས་དཔའ་གཤེགས་པའི་སྔོན་རོལ་གྱི་ཉི་མ་བདུན་གྱི་གོང་དུ་སྐྱེས་སོ་ཞེས་ཟེར་རོ།། དེ་འདྲ་གཞན་དུ་མ་བཤད་པས་འདི་ཕྱིར་འདི་ཁོ་ན་གཟུང་བར་བྱའོ།། འདི་ལྟར་བྱང་ཆུབ་སེམས་དཔའ ་ཁང་བཟངས་ནས་བབས་ནས་རྟའི་ར་བ་ཉིད་དུ་གཤེགས་ཏེ་འདི་ལྟར་གསུངས་སོ། ། བུ་བསྔགས་ལྡན་ཁྱོད་ཀྱིས་ང་ནི་ནུབ་གཅིག་བསྒྲལ་བར་གྱིས་ཤིག། བདག་ཁྱོད་ཀྱི་དྲིན་གྱིས་སངས་རྒྱས་སུ་གྱུར་ནས་ལྷ་དང་བཅས ་པའི་འཇིག་རྟེན་ཐམས་ཅད་བསྒྲལ་བར་བྱའོ། ། དེ་ནས་བསྔགས་ལྡན་གྱི་རྒྱབ་ཏུ་ཆིབས་སོ།། བསྔགས་ལྡན་གྱི་སྐེ་ནས་བཟུང་ནས་ཆུར་ཁྲུ་བཅོ་བརྒྱད་པ། དེ་དང་འཐུན་པའི་མཐོ་ཚོང་དང་ལྡན་ཞིང་མཐུ་དང་མགྱོགས་པ ་དང་ལྡན་ལ་དུང་ཕྱིས་པའི་ཁ་དོག་ལྟར་ཐམས་ཅད་དཀར་བ་དང་མཚུངས་པའོ། ། གལ་ཏེ་ཚེར་ཚེར་སྒྲོགས་པ་འམ། རྨིག་པའི་སྒྲ་སྒྲོགས་པའི་སྒྲས་གྲོང་ཁྱེར་ཐམས་ཅད་གྲགས་པར་འགྱུར་བའོ།། དེའི་ཕྱིར་ལྷའང ་གི་མཐུས་དེ་སུས་ཀྱང་མི་ཐོས་པར་དེ་འདི་ལྟར་སྒྲ་སྒྲོགས་པ་བཀག་གོ། ཁྲབ་ཁྲབ་འགྲོ་བའི་རྐང་ལག་གི་རྨིག་པ་རེ་རེ་ལྷའི་ལག་པའི་མཐིལ་དུ་ཉེ་བར་གཞག་གོ། བྱང་ཆུབ་སེམས་དཔས་རྟའི་རྒྱབ་ཀྱི ་དབུས་སུ་བཞུགས་སོ། ། བློན་པོ་མདུན་པ་རྟའི་མཇུག་མ་ནས་ཟུང་ཞིག་ཅེས་མཚན་ཕྱེད་ཀྱི་དུས་སུ་སྒོ་ཆེན་པོ་དང་ཉེ་བར་ཕྱིན་ཏོ།། དེའི་ཚེ་སླར་ཡང་འདི་ལྟར་རྒྱལ་པོ་ཆེན་པོས་འདི་ལྟར་བྱང་ཆུབ་སེམས་དཔའ ་གང་གི་དུས་སུ་ཡང་གྲོང་ཁྱེར་ཆེན་པོའི་སྒོ་ཕྱེ་ནས་ཕྱི་རོལ་དུ་འགྲོ་བར་མི་ནུས་པར་བྱེད་སྒོ་མའི་སྒོ་གླེགས་རེ་རེ་ལ་མི་སྟོང་ཕྲག་རེ་རེས་དབྱེ་དགོས་པར་བསྐོས་སོ། ། བྱང་ཆུབ་སེམས་དཔའ་སྟོབས་དང་ལྡན་པས ་གླང་པོ་ཆེའི་གྲངས་བྱེ་བ་སྟོང་ཕྲག་བཅུའི་གླང་པོ་ཆེའི་སྟོབས་འཛིན་ནོ། ། མིའི་གྲངས་ཀྱིས་མི་བྱེ་བ་འབུམ་ཕྲག་གཅིག་གི་མིའི་སྟོབས་འཛིན་ནོ།། བྱང་ཆུབ་སེམས་དཔས་བསམས་པ། གལ་ཏེ་སྒོ་མ་ཕྱེད་ན། ་ད་ནི་བསྔགས་ལྡན་གྱི་རྒྱབ་ཏུ་བཞུགས་པ་ཉིད་དུ་བློན་པོ་མདུན་པས་རྔ་མ་ནས་བཟུང་བ་དང་ལྷན་ཅིག་ཉིད་དུ་བསྔགས་ལྡན་བརླ་བཙིར་ནས་ཁྲུ་བཅོ་བརྒྱད་པའི་ལྕགས་རིའི་མཐོ་ཚད་ལ ་མཆོངས་ཏེ་འདའ་བར་བསམས་སོ། ། བློན་པོ་མདུན་པས་བསམས་པ། གལ་ཏེ་སྒོ་མ་ཕྱེད་ན། བདག་གིས་འཕགས་པ་སྲས་དཔུང་པ་ལ་ཁྱེར་ནས་ལག་པ་གཡས་པས་བསྔགས་ལྡན་གྱི་གསུས་པ་མཚན་ཁུ། ་དུ་བཅུག་ནས་ལྕགས་རི་ལ་མཆོངས་ཏེ་འདའ་བར་བསམས་སོ།། བསྔགས་ལྡན་གྱིས་བསམས་པ། གལ་ཏེ་སྒོ་མ་ཕྱེད་ན་བདག་གིས་རང་བདག་པོ་ཇི་ལྟར་རྒྱབ་ཏུ་བཞུགས་པ་དེ་བཞིན་ཉིད་དུ་བློན་པོ་མདུན་པས ་རྔ་མ་ནས་བཟུང་ནས་ལྷན་ཅིག་ཏུ་གནས་པ་ཉིད་ཁུར་ནས་ལྕགས་རི་ལ་མཆོངས་ཏེ་འ་དའ་བར་བསམས་སོ། ། གལ་ཏེ་སྒོམ་ཕྱེད་པར་གྱུར་ན་ཇི་ལྟར་བསམས་པ་དེ་བཞིན་དུ་གསུམ་པོའི་ནི་ན་གང་ཡང་རུང་བ ་གཅིག་ངེས་པར་འགྱུར་རོ། ། སླར་ཡང་སྒོ་སྲུང་བའི་ལྷ་རྣམས་ཀྱིས་སྒོ་ཕྱེའོ།། དེ་མ་ཐག་ཉིད་དུ་བདུད་ཀྱིས་བྱང་ཆུབ་སེམས་དཔའ་བཟློག་པར་བསམྦ་ནས་འོངས་ཏེ་ནམ་མཁའ་ལ་འདུག་ནས་སྤྲས་པ། དྲང ་སྲོང་ཆེན་པོ་ངེས་པར་འབྱུང་བས་མ་འགྲོ་ཞིག། འདི་ནས་ཉི་མ་བདུན་པ་ལ་ཁྱོད་ཀྱིས་རིན་པོ་ཆེའི་འཁོར་ལོ་ཐོབ་པར་འགྱུར་རོ།། གླིང་ཕྲན་སྟོང་ཕྲག་གཉིས་ཀྱིས་ཡོངས་སུ་བསྐོར་བའི་གླིང་ཆེན་པོ་བཞིའི་རྒྱལ ་སྲིད་བྱེད་པར་འགྱུར་རོ། ། དྲང་སྲོང་ཆེན་པོ་ཟློག་ཅིག་ཅེས་སྨྲས་སོ།། ཁྱོད་སུ་ཞིག་ཡིན་ཞེས་དྲིས་སོ།། བདག་ནི་འཇིག་རྟེན་གྱི་དབང་པོ་ཡིན་ཞེས་སྨྲས་སོ།། བདུད་རིན་པོ་ཆེའི་འཁོར་ལོ་བདག་ལ་ཡོད་པར ་བདག་གིས་ཤེས་ཏེ། བདག་ལ་རྒྱལ་པོའི་དགོས་པ་མེད་དོ།། སྟོང་ཕྲག་བཅུའི་འཇིག་རྟེན་གྱི་ཁམས་སུ་སྒྲ་སྒྲོགས་ཤིང་སངས་རྒྱ་བར་འགྱུར་རོ་ཞེས་བརྗོད་དོ།། བདུད་ཀྱིས་སྤྲས་པ། འདི་ནས། ་བཟུང་ནས་འདོད་པའི་རྣམ་པར་རྟོག་པ་འམ། གནོད་སེམས་ཀྱི་རྣམ་པར་རྟོག་པ་འམ། རྣམ་པར་འཚེ་བའི་རྣམ་པར་རྟོག་པ་སེམས་ལ་བསམས་པའི་དུས་བུ་བདག་གིས་ཤེས་སོ་ཞེས་སྨྲས་སོ།། གྲོགས་དང་མ ་བྲལ་བར་གྲིབ་མ་བཞིན་དུ་རྗེས་སུ་འབྲེང་བར་འགྲོའོ། ། བྱང་ཆུབ་སེམས་དཔའ་ཡང་འཁོར་ལོ་སྒྱུར་བའི་རྒྱལ་སྲིད་ལག་ཏུ་ཐོགས་ཀྱང་མཆིལ་མའི་ཐལ་བ་བཞིན་དུ་བལྟོས་པ་མེད་པར་དོར་ནས་བཀུར་སྟི་ཆེན་པོས་གྲོང་ཁྱེར་ནས ་ཕྱིར་འཐོན་ནོ། ། དབྱར་ཟླ་འབྲིང་པོའི་ཉ་ལ་མཆོག་གི་སྐར་མ་བྲེའི་དུས་སུ་ཕྱིར་འཐོན་ནས་སླར་ཡང་གྲོང་ཁྱེར་ལ་བཟློག་ནས་བལྟ་བར་བརྗོད་པར་བསམས་སོ།། འདི་ལྟར་བྱང་ཆུབ་སེམས་དཔའི་ཐུགས་ལ་འཁྲུངས་ཙམ ་ཉིད་ནའོ། ། སྐྱེས་བུ་ཆེན་པོ་ཁྱོད་ཀྱིས་ལོག་ནས་ལྟ་བའི་ལས་ཀྱི་བསོད་ནམས་ཁྱོད་ཀྱིས་བྱས་པ་མེད་དམ་ཞེས་བརྗོད་པ་བཞིན་དུ། ས་གཞི་ཆེན་པོ་རྫ་མཁན་གྱི་འཁོར་ལོ་བཞིན་དུ་ཕུག་ནས་བཟློག་གོ། བྱང་ཆུབ་སེམས ་དཔའ་གྲོང་ཁྱེར་ལ་སྔོན་དུ་ཕྱོགས་ཤིང་འཁོད། གྲོང་ཁྱེར་ལ་གཟིགས་ཏེ་དེའི་ས་ཕྱོགས་ཤིག་ཏུ་བསྔགས་ལྡན་ལྡོག་པའི་མཆོད་རྟེན་གྱི་གནས་གཅིག་བསྟན་ནོ།། བསྔགས་ལྡན་འགྲོ་བའི་ལམ་ལ་མངོན་དུ་ཕྱོགས ་པར་བྱས་ནས་བྱོན་ནོ། ། བཀུར་སྟི་ཆེན་པོ་དང་། དཔལ་དང་། སྐལ་བ་བཟང་པོ་དང་ལྡན་ནོ།། དེའི་ཚེ་ལྷ་རྣམས་ཀྱིས་དེའི་མདུན་དུ་སྟོང་ཕྲག་དྲུག་ཅུའི་མར་མེ་ཆེན་པོ་སྤར་རོ།། རྒྱབ་ཀྱི་ཕྱོགས་སུ་ཡང་མར་མེ་ཆེན་པོ་སྟོང ་ཐག་དྲུག་ཅུ་སྦར་རོ། ། གཡས་ཀྱི་ཕྱོགས་སུ་ཡང་མར་མེ་ཆེན་པོ་སྟོང་ཕྲག་དྲུག་ཅུ་སྦར་རོ།། གཡོན་གྱི་ཕྱོགས་སུ་ཡང་མ་མེ་ཆེན་པོ་སྟོང་ཕྲག་དྲུག་ཅུ་སྦར་རོ།། ལྷ་གཞན་རྣམས་ཀྱིས་ཀྱང་འོར ་ཡུག་གི་རིའི་སྟེང་དུ་གྲངས་མེད་པའི་མར་མེ་སྟོང་ཕྲག་མང་པོ་སྤར་རོ། ། ལྷ་གཞན་རྣམས་དང་། ཀླུ་དང་། འདབ་བཟངས་ལ་སོགས་པས་ལྷའི་སྤོས་དང་། མེ་ཏོག་གི་འཕྲེང་བ་དང་། ཕྱེ་མ་དང་། བདུག་པ་ལ་སོགས ་བས་མཆོད་ཅིང་འགྲོའོ། ། བཱ་རཎྜི་ཏྲའི་མེ་ཏོག་ཉིད་དང་། མནྡ་རའི་མེ་ཏོག་སྤྲིན་ལྟར་འཇུག་པ་རྒྱུན་དུ་འབབ་པ་བཞིན་དུ་ནམ་མཁའ་ལ་རྒྱུན་མི་འཆང་པར་མེ་ཏོག་གི་ཆར་བབས་པར་གྱུར་ཏོ།། ལྷའི་གླུ་དབྱངས་སྒྲོགས ་པར་གྱུར་ཏོ། ། ཀུན་ནས་བསྐོར་བར་སྟོང་ཕྲག་དྲུག་ཅུ་རྩ་བརྒྱད་ཀྱི་རོལ་མོའི་སྒྲ་སྒྲོགས་སོ།། རྒྱ་མཚོའི་དབུས་སུ་འབྲུག་གི་སྒྲ་སྒྲོགས་པ་བཞིན་ནོ།། རི་བོ་གཞའ་ཤིང་འཛིན་གྱི་འགྲམ་དུ་རྒྱ་མཚོའི་སྒྲ་སྒྲོགས་པའི་དུས ་བཞིན་དུ་འཇུག་གོ། ། འདི་ནི་དཔལ་དང་སྐལ་བ་བཟང་པོ་དང་ལྡན་པའི་བྱང་ཆུབ་སེམས་དཔའ་གཤེགས་པའི་མཚན་གཅིག་ལ་རྒྱལ་སྲིད་གསུམ་སྤངས་ནས་དཔག་ཚད་སུམ་ཅུའི་མཐར་ཡིད་ལྡན་ཞེས་བྱ་བའི་ཆུ་ཀླུང ་གི་འགྲམ་དུ་བཞུད་དོ། ། ཅིའི་ཕྱིར་ཡང་རྟ་འདིའི་ཕ་རོལ་ཏུ་ཡང་འགྲོ་བར་མི་ནུས་སམ། མི་ནུས་པ་ནི་མ་ཡིན་ཏེ། དེ་ནི་ཁོར་ཡུག་གཅིག་འི་ནང་དུ་སྔ་དྲོ་གཅིག་ལ་སོང་ནས་བསྐོར་ཏེ་དེ་མ་ཐག་ཏུ་སྔ་དྲོ་ཉིད་དུ་འོང་ཞིང་རང ་གི་མདུན་དུ་ཁ་ཟས་བྱིན་པ་ཟ་བར་ནུས་སོ། ། དེའི་ཚེ་སླར་ཡང་ལྷ་དང་། ཀླུ་དང་། འདབ་བཟང་ལ་སོགས་པ་ནམ་མཁའ་ལ་འཁོད་ནས་སྤོས་དང་། མེ་ཏོག་གི་འཕྲེང་བ་ལ་སོགས་པ་བབས་ཏེ། ཇི་སྲིད་རྟའི་བརླའི་བར ་དུ་ལུས་ནུབ་པས་འཐོན་པར་མི་ནུས་པ་སྤོས་དང་། མེ་ཏོག་གི་འཕྲེང་བ་ལ་སོགས་པ་ནི། རལ་པ་ལྟར་གདོན་པར་མི་ནུས་པར་ཤིན་ཏུ་ཐོགས་པར་གྱུར་ཏོ།། དེའི་ཕྱིར་དཔག་ཚད་སུམ་ཅུ་ཙམ་ཉིད་དུ་སོང་ངོ་།། དེ་ནས་བྱང ་ཆུབ་སེམས་དཔའ་ཆུ་ཀླུང་གི་འགྲམ་དུ་འཁོད་ནས་བློན་པོ་མདུན་པ་ལ་དྲིས་པ། ཆུ་ཀླུང་འདིའི་མིང་ཅི། ལྷ་ཡིད་ལྡན་ཞེས་བགྱི་བ་ལགས་སོ།། བདག་ཀྱང་རབ་ཏུ་འབྱུང་བ་ལ་ཡིད་དང་ལྡན་པ་ཞེས་བྱ་བར་གྱུར་ཏོ།། ་ཞབས་ཀྱིས་བརྒྱབ་སྟེ་རྟ་བསྐུལ་བར་བྱ་སྟེ། རྟ་ཡིས་མཆོངས་ནས་གླང་བརྒྱད་ཀྱི་སྐད་ཙམ་གྱིས་ཆུ་ཀླུང་གི་ཞེང་འགྲམ་གྱི་ཕ་རོལ་ཏུ་འཡོད་དོ།། བྱང་ཆུབ་སེམས་དཔའ་རྟའི་རྒྱབ་ནས་བབས་ཏེ་དངུལ་དང་མཚུངས ་པར་བྱེ་མའི་ཕུང་པོའི་སྟེང་དུ་འཁོད་ངོ་། ། མདུན་པ་བོས་ནས་ཁྱོད་ཀྱིས་བདག་གི་རྒྱན་རྣམས་དང་བསྔགས་ལྡན་ཁྲིད་ལ་སོང་ཞིག། བདག་རབ་ཏུ་འབྱུང་བར་འགྱུར་རོ།། ལྷ་བདག་ཀྱང་རབ་ཏུ་འབྱུང་དུ་གསོལ ་བྱང་ཆུབ་སེམས་དཔས་ཁྱོད་ཀྱིས་རབ་ཏུ་འབྱུང་བ་མི་ཐོབ་པས་སོང་ཞིག། ལན་གསུམ་དུ་ཞུས་ཀྱང་མ་གནང་ངོ་།། རྒྱན་དང་བསྔགས་ལྡན་ལག་པས་གཏད་དེ་བསམས་པ། བདག་གི་སྒྲ་འདི་དགེ་སྦྱོང་དང་མི ་མཐུན་ནོ་སྙམ་ནས་བྱང་ཆུབ་སེམས་དཔའ་གཞན་གྱིས་ཀྱང་སྒྲ་བྲེག་པར་རུང་བ་གཞན་མེད་དོ། ། དེ་ནས་བདག་ཉིད་ཀྱི་རལ་གྲིས་བྲེགས་པར་བསམས་སོ།། ཕྱག་གཡས་པས་རལ་གྲི་བཟུང་ནས། ཕྱག་གཡོན་པས ་ཅོད་པན་དང་བཅས་པའི་ནོར་བུ་བཟུང་སྟེ་བཅད་དོ། ། དབུ་སྐྲ་ནི་སོར་གཉིས་པར་གྱུར་ཅིང་། གཡས་ཕྱོགས་ནས་འཁྱིལ་བས་དབུ་ལ་གནས་སོ།། དེ་རྣམས་ཇི་སྲིད་འཚོའི་བར་དེ་ཉིད་ཀྱི་ཚད་དུ་གྱུར་ཏེ། ཁ་སྤུ ་ཡང་མེད་པར་གྱུར་ཏོ། ། སླར་དབུ་སྐྲ་དང་ཁ་སྤུ་བཞར་མི་དགོས་པར་གྱུར་ཏོ།། བྱང་ཆུབ་སེམས་དཔའ་ཅོད་པན་དང་བཅས་པའི་ནོར་བུ་བཟུང་ནས་གལ་ཏེ་བདག་སངས་རྒྱ་བར་འགྱུར ་ནམ་མཁའ་ལ་འཁོད་ཅིག། མ་ཡིན་ན་ས་ལ་ལྷུང་བར་གྱུར་ཅིག་ཅེས་ནམ་མཁའ་ལ་དོར་རོ།། དེའི་གཙུག་གི་ནོར་བུ་བཅིངས་པ་དཔག་ཚད་གཅིག་གི་ཚད་ཙམ་དུ་སོང་ནས་ནམ་མཁའ་ལ་འཁོད་ངོ་།། ལྷའི་རྒྱལ་པོ་བརྒྱ ་བྱིན་གྱི་ལྷའི་མིག་གིས་བལྟས་པས་དཔག་ཚད་གཅིག་གི་ཚད་ཙམ་གྱི་རིན་པོ་ཆེའི་ཟ་མ་ཏོག་གི་ནང་དུ་བཅུག་ནས་སུམ་ཅུ་རྩ་གསུམ་གྱི་ཕོ་བྲང་དུ་གཙུག་གི་ནོར་བུ་བཞུགས་པའི་མཆོད་རྟེན་བཞེངས་སོ། ། ་མཆོག་གི་དྲི་ཡིས་བསྒོས་པའི་གཙུག་ཕུད་བཅད།། གང་ཟག་མཆོག་གིས་ནམ་མཁའ་ལ་ནི་དོར།། མིག་སྟོང་པ་ཡིས་དབུ་སྐྲ་མགོ་སྟེང་བཟུང་།། གསེར་གྱི་ཟ་མ་ཏོག་ཏུ་ལྷ་གནས་ཁྱེར།། སྔར་ཡང་བྱང་ཆུབ ་སེམས་དཔས་བསམས་པ། ཡུལ་ཀ་ཤི་ཀའི་རས་འདི་དགེ་སྦྱོང་བདག་གི་ཚུལ་དང་འཐུན་པ་མ་ཡིན་ནོ་ཞེས་བསམས་སོ།། དེ་ནས་སངས་རྒྱས་འོད་སྲུངས་ཀྱི་དུས་སུ་སྔོན་གྱི་གྲོགས་པོ་རྫ་མཁན་ཚངས ་པ་ཆེན་པོར་གྱུར་ཏོ། ། སངས་རྒྱས་གཅིག་གི་བར་དུ་གྲོགས་པོ་དང་མ་ཕྲད་དོ་ཞེས་བསམས་ཏེ། དེ་ནི་བདག་གི་གྲོགས་པོ་ངེས་པར་འབྱུང་བ་ཆེན་པོས་འཐོན་ནོ།། དགེ་སྦྱོང་གི་ཡོ་བྱད་འདི་བཟུང་ནས་འགྲོའོ་ཞེས ་བསམས་སོ། ། ཆོས་གོས་གསུམ་དང་ལྷུང་བཟེད་དང་། སྤུ་གྲི་ཁབ་དང་སྐ་རགས་དང་།། ཆུ་ཚགས་དང་བཅས་བརྒྱད་ཡིན་ནོ།། དགེ་སྦྱོང་རྣམས་ལ་རིགས་ཤིང་མཁོ།། དགེ་སྦྱོང་གི་མཁོ་བའི་ཡོ་བྱད་བརྒྱད་པོ ་འདི་བསླངས་ནས་ཕུལ་ལོ། ། བྱང་ཆུབ་སེམས་དཔས་མཆོད་པར་འོས་པའི་རྒྱལ་མཚན་གྱོན་ནས་རབ་ཏུ་འབྱུང་བ་མཆོག་གི་ཆ་བྱུང་བསླངས་ཏེ། མདུན་པ་ལ་བདག་གི་ཚིག་གིས་མ་དང་ཡབ་ལ་བདག་ལ་ནད་མེད ་པར་གྱུར་ཏོ་ཞེས་སྨྲོས་ཤིག་ཅེས་པས་བཏང་ངོ་། ། མདུན་པས་བྱང་ཆུབ་སེམས་དཔའ་ལ་ཕྱག་བྱས་བསྐོར་བ་བྱས་ནས་སོང་ངོ་།། སླར་ཡང་བསྔགས་ལྡན་གྱིས་མདུན་པ་དང་བྱང་ཆུབ་སེམས་དཔའ་གསུང་གླེང ་བྱས་ཤིང་འདུག་པ་ཐོས་ནས། བདག་ནི་ཇོ་བོ་དང་ད་འཕྲད་པར་མི་འགྱུར་ཞེས་བསམས་སོ།། མིག་ལམ་དུ་སྤངས་ནས་མྱ་ངན་ལ་ཤིན་ཏུ་གནས་པ་བསྲན་པར་མ་ནུས་ཏེ། སྙིང་གས་ནས་དུས་ལས་འདས་ཏེ་སུམ ་ཅུ་རྩ་གསུམ་གྱི་གནས་སུ་བསྔགས་ལྡན་ཞེས་བྱ་བའི་ལྷའི་བུར་སྐྱེས་སོ། ། མདུན་པ་ལ་དང་པོའི་མྱ་ངན་དུ་གྱུར་པ་གཅིག་གོ། སླར་ཡང་བསྔགས་ལྡན་དུས་ལས་འདས་པའི་རྒྱུ་མཚན་གྱིས་མྱ་ངན་གཉིས་པས་གཟི ་ཏོ། ངུ་ཞིང་སྨྲེ་སྔགས་འདོན་ཞིང་གྲོང་ཁྱེར་དུ་སོང་ངོ་།། བྱང་ཆུབ་སེམས་དཔའ་དེའི་ཕྱོགས་ཉིད་དུ་རྗེས་སུ་དགའ་བ་ཞེས་བྱ་བའི་ཨ་མྲའི་ཚལ་ཡོད་དོ།། དེར་ཉི་མ་བདུན་ནས་རབ་ཏུ་འབྱུང་བའི་བདེ་བས་གནས ་ཤིང་ཉིན་མཚན་འདའ་འོ། ། ཉི་མ་གཅིག་ཉིད་ལ་དཔག་ཆང་སུམ་ཅུའི་ལམ་དུ་ཞབས་ཀྱིས་གཤེགས་ནས་རྒྱལ་པོའི་ཁབ་ཏུ་བྱོན་ནོ།། བྱོན་ནས་སྒོ་མཐར་ཆགས་སུ་བསོད་སྙོམས་ལ་གཤེགས་ཏེ། གྲོང ་ཁྱེར་བ་ཐམས་ཅད་ཀྱིས་བྱང་ཆུབ་སེམས་དཔའི་སྐུ་མཐོང་ནས་གླང་པོ་ཆེ་ནོར་སྐྱོང་ཞུགས་པའི་རྒྱལ་པོའི་ཁབ་བཞིན་དང་། ལྷ་མ་ཡིན་གྱི་དབང་པོ་ཞུགས་པའི་ལྷའི་གྲོང་ཁྱེར་བཞིན་དུ་ཀུན་ཏུ་འཁྲུགས་པར ་གྱུར་ཏེ། རྒྱལ་པོའི་མི་འོངས་ཤིང་། ལྷ་འདི་ལྟ་བུའི་གཟུགས་ཀྱི་སེམས་ཅན་གཅིག་གྲོང་ཁྱེར་ན་བསོད་སྙོམས་བྱེད་དོ།། ལྷ་འམ། མི་འམ། བ་དབ་བཟང་སྟེང་འདི་གང་ཡིན་བདག་ཅ། ་གིས་མ་ཤེས་སོ་ཞེས་སྨྲས་སོ།། རྒྱལ་པོ་ཁང་བཟང་གི་སྟེང་དུ་འཁོད་ནས་སྐྱེས་བུ་ཆེན་པོ་མཐོང་སྟེ་ཡ་མཚན་དང་རྨད་དུ་བྱུང་བ་སྐྱེས་སོ།། མི་གཅིག་བོས་ནས། སོང་ལ་རྟོགས་ཤིག། གལ་ཏེ་མི་མ་ཡིན་པར་གྱུར་ན ་གྲོང་ཁྱེར་ནས་ཕྱི་རོལ་ཏུ་སོང་སྟེ་མི་སྣང་བར་འགྱུར་རོ། ། གལ་ཏེ་ལྷ་ཡིན་པར་གྱུར་ན་ནམ་མཁའ་ལ་འགྲོའོ།། གལ་ཏེ་ཀླུ་ཡིན་ན་སའི་འོག་ཏུ་འགྲོ་བར་འགྱུར་རོ།། གལ་ཏེ་མི་ཡིན་ན་ཇི་ལྟར་ཐོབ་པའི་ཁ་ཟས་ཟའོ་ཞེས ་བསྒོའོ། ། སྐྱེས་བུ་ཆེན་པོས་ཀྱང་ཁ་ཟས་འདྲེས་པ་རྣམས་བསྡུས་ནས་བདག་ལ་འདི་ཙམ་གྱིས་ཆོག་པར་རྟོགས་ཏེ། ཞུགས་པའི་སྒོ་ཉིད་ནས་གྲོང་ཁྱེར་གྱི་ཕྱི་རོལ་ཏུ་འཐོན་ཏེ། རི་སྐྱ་བོའི་གྲིབ་མ་ལ་ཤར་དུ་སྔུན་དུ་ཕྱོགས ་པས་བཞུགས་ནས་ཁ་ཟས་ལ་ལོངས་སྤྱོད་པར་བརྩམས་སོ། ། དེ་ནས་གང་གི་སྒྱུ་མ་ཕྱིན་ཅི་ལོག་སྟེ་ཁ་ནས་འཐོན་པའི་རྣམ་པར་བསམས་པར་གྱུར་ཏོ།། དེ་ནས་དེའི་བདག་ཉིད་ཀྱིས་ལུས་ཀྱིས་འདི་ལྟ་བུའི་ཚུལ་གྱི་ཁ་ཟས ་མིག་གིས་མཐོང་བ་ཡང་དཀོན་ནོ། ། དེའི་ཕྱིར་རིགས་སོ་སོའི་ཁ་ཟས་ལ་མི་དགའ་བར་སེམས་ནས། འདི་ལྟར་རང་ལ་རང་གིས་གདམས་སོ།། དོན་གྲུབ་ཁྱོད་རྙེད་སླ་བའི་བཟའ་བ་དང་བཏུང་བའི་རིགས་ལོ་གསུམ ་བའི་འབྲས་དྲི་ཞིམ་པོའི་བཟའ་བ་སྣ་ཚོགས་པའི་རོ་དང་བཅས་པའི་བཟའ་བའི་གནས་སུ་སྐྱེས་པར་གྱུར་ནས། ཕྱག་དར་ཁྲོད་པ་ཞིག་མཐོང་སྟེ། ནམ་དུའང་བདག་ནི་འདི་ལྟ་བུའི་ཚུལ་དུ་གྱུར་ནས་བསོད་སྙོམས ་ལ་འགྲོ་ཞིང་ཁ་ཟས་ལོངས་སྤྱོད་དོ། ། དེའི་དུས་སུ་བདག་ལ་དེ་ལྟར་འགྱུར་རོ་ཞེས་བསམས་ནས་འཐོན་ནོ།། ད་ནི་འདི་ཅིའི་བྱེད་པ་ཡིན་ཞེས་འདི་ལྟར་རང་ལ་རང་གིས་གདམས་ནས་རྟོགས་པ་མེང་པར་ཁ་ཟས་ལ་ལོངས ་སྤྱོད་དོ། ། རྒྱལ་པོའི་མིས་འདིའི་འཇུག་པ་མཐོང་ནས་སོང་སྟེ་རྒྱལ་པོ་ལ་སྨྲས་སོ།། རྒྱལ་པོས་པོ་ཉེ་བའི་གཏམ་ཐོས་ནས་མྱུར་བར་གྲོང་ཁྱེར་གྱི་ཕྱི་རོལ་ཏུ་འཐོན་ནས་བྱང་ཆུབ་སེམས་དཔའ་དང་ཉེ་བར་སོང་སྟེ་སྤྱོང ་ལམ་ལ་དད་པར་གྱུར་ཏོ། ། བྱང་ཆུབ་སེམས་དཔའ་ལ་དབང་ཕྱུག་ཐམས་ཅད་རྫོགས་པར་ཕུལ་ལོ།། བྱང་ཆུབ་སེམས་དཔས་རྒྱལ་པོ་ཆེན་པོ་བདག་ལ་དངོས་པོའི་འདོད་པ་འམ་ཉོན་མོངས་པའི་འདོད་པའི ་དོན་མེད་དོ། ། བདག་ནི་མཆོག་གི་མངོན་པར་རྫོགས་པར་བྱང་ཆུབ་པ་དོན་དུ་གཉེར་བས་འོངས་སོ།། རྒྱལ་པོས་རྣམ་པ་སྣ་ཚོགས་པའི་སྦྱིན་པ་བྱིན་ཡང་དེའི་ཐུགས་ལ་མི་འཕྲོད་ངོ་།། ངེས་པར་ཁྱོད་སངས་རྒྱ ་བར་འགྱུར་རོ། ། སངས་རྒྱས་སུ་གྱུར་ནས་སླར་ཡང་དང་པོར་བདག་གྲོང་ཁྱེར་དུ་བྱོན་པར་ཞུ་ཞེས་དམ་བཅའ་བཟུང་ངོ་།། འདི་ནི་འདིར་མདོར་བསྡུས་པ་སྟེ། རྒྱས་པར་ནི་སླར་ཡང་འདི་རབ་ཏུ་འབྱུང་བའི་མདོ་དང་བཅས ་པ་དོན་དང་གཏམ་འདི་ནི་བལྟ་ཞིང་རིག་པར་བྱའོ། ། བྱང་ཆུབ་སེམས་དཔས་ཀྱང་རྒྱལ་པོ་ལ་དམ་བཅའ་བྱིན་ནས་གོ་རིམས་བཞིན་དུ་སྤྱོད་པ་ལ་གཤེགས་ཤིང་ཀུན་ནས་ཚོན་དང་། ནག་པོ་ཅན་དང་། འཆར་བྱེད་གསེར ་དང་དགའ་བྱེད་བུའི་ཉེ་གནས་སུ་ཉེ་བར་གཤེགས་ནས་སྙོམས་པར་འཇུག་པར་བསྐྱེད་དེ། སངས་རྒྱས་ཐོབ་པའི་ལམ་ནི་འདི་མ་ཡིན་ནོ།། དེ་ལ་སྙོམས་པར་འཇུག་པ་སྐྱེས་ཀྱང་དགྱེས་པར་མ་གྱུར་ནས ་ལྷ་དང་བཅས་པའི་འཇིག་རྟེན་པའི་རང་གི་སྟོབས་དང་བརྩོན་འགྲུས་རྣམས་ལ་ལེགས་པར་བལྟ་བར་འདོད་པས་དཀའ་བ་ཆེན་པོ་སྤྱོད་པའི་བསམས་པས། ལྟེང་རྒྱས་སུ་བྱོན་ཏེ་ས ་ཕྱོགས་འདི་ནི་ཤིན་ཏུ་དགའ་བ་ཡིན་ནོ་སྙམ་ནས་དེ་ཉིད་དུ་ཉེ་བར་གནས་པར་བྱས་ཏེ་དཀའ་བ་ཆེན་པོ་སྤྱོད་དོ། ། དེ་ཡང་ཀོའུ་ཎི་ནུ་ལ་སོགས་པ་རབ་ཏུ་བྱུང་བ་ལྔ་གྲོང་དང་། གྲོང་རྡལ་དང་། རྒྱལ་པོའི་ཕོ་བྲང་རྣམས་སུ ་བསོད་སྙོམས་ལ་རྒྱུ་ཞིང་བྱང་ཆུབ་སེམས་དཔའི་གནས་དེར་འོངས་སོ། ། དེ་ནས་ལོ་དྲུག་ཏུ་དཀའ་བ་ཆེན་པོ་སྤྱད་དོ།། ད་ནི་སངས་རྒྱས་སུ་འགྱུར་རོ།། ད་ནི་སངས་རྒྱས་སུ་འགྱུར་རོ་ཞེས་ཞུས་པའི་གནས་ལ་བྱི་དོར ་ལ་སོགས་པ་བྱེད་ཅིང་སྐུ་ལ་རིམ་གྲོ་བྱེད་པར་གྱུར་ཏེ། ཉེ་བར་གནས་པར་གྱུར་ཏོ།། བྱང་ཆུབ་སེམས་དཔའ་ཡང་ཕྱི་མའི་མཐར་ཐུག་པར་དཀའ་བ་སྤྱད་པར་བསམས་སོ།། ཏིལ་གཅིག་དང་འབྲས་ཀྱི་ཞག་མ ་གཅིག་ལ་སོགས་པའི་ཉི་མ་འདའ་ཞིང་ཐམས་ཅད་དུ་ཡང་ཁ་ཟས་ཐམས་ཅད་སྤངས་སོ། ། ལྷ་རྣམས་ཀྱིས་ཀྱང་བ་སྤུའི་བུ་ག་རེ་རེ་ནས་མདངས་སྟོན་ཏོ།། དེ་ནས་དེའི་ཁ་ཟས་མེད་པར་སྐུ་རིད་པར་གྱུར་ཏེ། གསེར ་གྱི་ཁ་དོག་ཅན་གྱི་སྐུ་ཡང་ནག་པོར་གྱུར་ཏེ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱང་མི་སྣང་བར་གྱུར་ཏོ།། ཉི་མ་གཞན་ལ་ཡང་རླུང་དལ་བུས་བསམ་གཏན་བྱེད་ཅིང་སྐུ་ལ་ཟུག་གཟེར་ཆེན་པོ་སྐྱེས་ནས་འདུ ་ཤེས་མེད་པར་གྱུར་ཏེ། འཆག་པའི་གནས་སུ་འགྱེལ་ལོ།། དེ་ནས་ལྷ་གཅིག་གིས་དགེ་སྦྱོང་གོའུ་ཏ་མ་དུས་ལས་འདས་སོ་ཞེས་བརྗོད་དོ།། གཅིག་གིས་འགྱེལ་པ་ན་དགྲ་བཅོམ་པ་ཐོབ་བོ་ཞེས་བརྗོད་དོ།། ་དེར་གང་ཞིག་གིས་དུས་ལས་འདས་སོ་ཞེས་བརྗོད་ནས་དེ་སོང་སྟེ། རྒྱལ་པོ་ཆེན་པོ་ཟས་གཙང་ལ་སྨྲས་པ། ཁྱེད་ཀྱི་སྲས་དུས་ལས་འདས་སོ།། བདག་གིས་སྲས་སངས་རྒྱས་མ་ཐོབ་པར་དུས་ལས་འདས ་སམ་ཐོབ་ནས་དུས་ལས་འདས་ཞེས་དྲིས་སོ། ། སངས་རྒྱས་ཐོབ་པར་མ་ནུས་སོ།། དཀའ་བ་སྤྱོད་པའི་གནས་སུ་འགྱེལ་ནས་དུས་ལས་འདས་སོ།། འདི་ཐོས་ནས་རྒྱལ་པོ་ཡིད་མ་ཆེས་པར་གྱུར་ཏོ།། ་བདག་གི་སྲས་སངས་རྒྱས་མ་ཐོབ་པར་དུས་ལས་འདའ་བ་མེད་དོ་ཞེས་བཀག་གོ། གང་གི་ཕྱིར་སླར་ཡང་རྒྱལ་པོ་ཡིད་མ་ཆེས་ནས་དཀའ་ཐུབ་པ་ནག་པོ་ལྷ་ལེན་གྱིས་ཕྱག་བྱེད་པའི་དུས་དང་། འཛམ ་བུའི་ཤིང་གི་དྲུང་ཉིད་དུ་ཆོ་འཕྲུལ་མཐོང་བའི་རྒྱུ་མཚན་ཉིད་ཀྱིས་སོ། ། སླར་ཡང་བྱང་ཆུབ་སེམས་དཔས་འདུ་ཤེས་ཐོབ་ནས་བཞེངས་སོ།། ལྷ་དེ་སོང་ནས་རྒྱལ་པོ་ཆེན་པོ་ཁྱོད་ཀྱི་སྲས་པོ་ནང་མེད་པར ་གྱུར་ཏོ་ཞེས་སྨྲས་སོ། ། རྒྱལ་པོས་སྲས་པོ་མིན་པར་བདག་གིས་ཤེས་སོ་ཞེས་སྨྲས་སོ།། སེམས་དཔའ་ཆེན་པོ་ལོ་དྲུག་ཏུ་དཀའ་བར་བྱེད་ཅིང་འདི་ལྟ་བུའི་སེམས་སུ་གྱུར་ཏེ། འདི་ལྟ་བུའི་དཀའ་ཐུབ་སྤྱོད་པ་ཞེས་བྱ་བ ་ནིབྱང་ཆུབ་ཀྱི་ལམ་མ་ཡིན་ནོ་ཞེས་བསམས་ནས། ཁ་ཟས་ཅུང་ཟད་ལ་ལོངས་སྤྱོད་པར་བྱེད་ཅིང་གྲོང་རྡལ་རྣམས་སུ་བསོད་སྙོམས་ལ་སྦུབས་བསོད་སྙོམས་སྤྱོད་དོ།། དེ་ནས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས ་གསལ་བར་གྱུར་ཏོ། ། སྐུ་གསེར་གྱི་ཁ་དོག་ལྟ་བུར་གྱུར་ཏོ།། དགེ་སློང་ལྔ་སྡེནར། འདིས་ལོ་དྲུག་ཏུ་དཀའ་བ་སྤྱད་ཀྱང་ཐམས་ཅད་མཁྱེན་པའི་ཡེ་ཤེས་ཐོབ་པར་མ་གྱུར་ཏོ།། ང་ནི་གྲོང་ལ་སོགས་པར་བསོད་སྙོམས ་སྤྱོད་ཅིང་ཁ་ཟས་བསླངས་ནས་ཟ་སྟེ། རོལ་ཆགས་པར་གྱུར་ན་ཅི་ནུས། འདིས་དཀའ་བ་སྤྱད་པ་འཁྲུལ་ལོ།། ལུས་ལ་ཁྲུས་བྱེད་པར་འདོད་པས་ལུས་ཀྱི་བ་སྤུ་རེ་རེའི་སྒོར་ཆུ་ཞུགས ་ནས་འདོད་པའི་ཐིག་ལེར་གྱུར་པ་དང་མཚུངས་སོ། ། བདག་ཅག་དེའི་འདོད་པའི་རྣམ་པར་རྟོག་པ་ཡོད་གནས་སུ་འདུག་པས་ཅི་ཞིག་བྱ། སྐྱེས་བུ་ཆེན་པོ་སྤངས་ཤིང་རང་རང་གི་ཆོས་གོས་དང་ལྷུང་བཟེད་ཐོག་ནས་དཔག ་ཚད་བཅོ་བརྒྱད་ཀྱི་ལམ་དུ་སོང་སྟེ་དྲང་སྲོང་ལྷུང་བའི་ཚལ་དུ་གནས་སོ། ། དེའི་ཚེ་དེའི་དུས་སུ་ལྟེང་རྒྱས་ན་སྡེ་ཅན་གྱི་གྲོང་རྡལ་ཞིང་པའི་ཁྱིམ་དུ་སྐྱེས་པའི་ལེགས་སྐྱེས་མ་ཞེས་བྱ་བའི་བུ་མོ་ན་ཚེད་ལྡན་པར་གྱུར་ཏེ། ་ནྱ་གྲོ་དྷའི་ཤིང་གཅིག་དོན་དུ་གཉེར་ཏོ།། གལ་ཏེ་བདག་དང་མཉམ་པར་སྐྱེས་པའི་རིགས་ཀྱི་ཁྱིམ་དུ་སོང་ནས་དང་པོར་མངལ་ཆགས་ཏེ། བུ་རྙེད་ན་དེ་ལ་ལོ་སོ་སོར་བ་བུམ་ཕྲག་གཅིག་རི་བའི་གཏོར་མའི་ལས་བྱའོ།། ་དེའི་དོན་དུ་གཉེར་བ་འགྲུབ་བོ།། དེས་སེམས་དཔའ་ཆེན་པོ་ལོ་དྲུག་གི་མཐར་དཀའ་བ་སྤྱོད་པ་རྫོགས་པར་བྱེད་དོ།། ད་པྱིད་ཟླ་ཐ་ཆུང་གི་ཉ་ལ་གཏོར་མའི་ལས་བྱེད་པར་སེམས་སོ།། དེའི་སྔུན་ཉིད་དུ་སྟོང་ཕྲག་གཅིག་གི ་བ་བཞོན་མ་ཤིང་དངར་གྱི་ནགས་སུ་ཤིང་དངར་ཟ་བ་དེ་རྣམས་ཀྱི་འོ་མ་བཞོས་ནས་བཞོན་མའི་བ་ལྔ་བརྒྱ་ལ་བྱིན་ནོ། ། དེ་རྣམས་ཀྱི་འོ་མ་བཞོས་ནས་བ་བཞོན་མ་ཕྱེད་དང་སུམ་བརྒྱ་ལ་བྱིན་ནོ།། དེ་བཞིན་དུ་བཞོན་མ ་བཅུ་དྲུག་གི་འོ་མ་བཞོས་ནས་བ་བཞོན་མ་བརྒྱད་ལ་བྱིན་ནོ། ། དེ་སྲིད་ཀྱི་འོ་མ་བསྐ་མོ་དང་། དངར་བ་དང་། མདངས་དང་། མདོག་དང་ལྡན་པ་དོན་དུ་གཉེར་བར་འདོད་ཅིང་པོ་མ་སྐོལ་ལོ།། དེས་དཔྱིད་ཟླ་ཐ་ཆུང་གི ་ཉའི་ཉིན་མོའི་སྔ་དྲོ་གཏོར་མའི་ལས་བྱེད་པར་སེམས་ཤིང་། མཚན་མོའི་ནམ་ཡངས་ཁའི་དུས་སུ་པབ་འཇོ་མཁན་ལངས་ནས་པ་བཞོན་བརྒྱད་པོ་འཇོ་རུ་སོང་བ། བེའུ་བའི་ནུ་མ་ལ་ཉེ་བར་མ་གྱུར་པར་ཡང་། བའི་རུ ་མའི་གམ་དུ་སྣོད་གསར་པ་ཉེ་བར་གནས་པ་བྱས་པ་ཙམ་ན་རང་གི་ཆོས་ཉིད་ཀྱིས་འོ་མའི་རྒྱུན་གྱིས་སྣོད་གང་བར་གྱུར་ཏོ། ། ལེགས་སྐྱེས་མས་ཡ་མཚན་ཆེ་བ་དེ་མཐོང་སྟེ། འོ་མ་རང་གི་ལག་པས་ཁྱེར་ནས་སྡོད ་གསར་པར་བླུགས་པ་ལ་རང་གི་ལག་གིས་མེ་གང་བཏང་སྟེ་འཚོད་པར་བརྩམས་ནས། དེར་འོ་ཐུག་བསྐོལ་བས་ལྦུ་བ་ཆེན་པོ་འཐོན་ནས་གཡས་ཕྱོགས་སུ་འཁོར་ཞིང་ཐུར་མ་གཅིག་ཙམ་ཡང་ས་ལ་མ་ལྷུང་ལ། ཟབ་ན ་དུབ་ཅུང་ཟད་ཀྱང་མེད་དོ། ། དེའི་ཚེ་འཇིག་རྟེན་སྐྱོང་བ་བཞི་པོ་འོངས་ནས་ཐབ་སྲུན་པར་བྱེད་དོ།། ཚངས་པ་ཆེན་པོས་ནི་གདུགས་འཛིན་ནོ།། བརྒྱ་བྱིན་གྱིས་ནི་ཇི་ལྟར་རིགས་པའི་མེ་གཏོང་བར་བྱེད་དེ།། སྟོང་ཕྲག ་གཉིས་ཀྱིས་ཡོངས་སུ་བསྐོར་བའི་གླིང་ཆེན་པོ་བཞིའི་ལྷ་དང་མི་རྣམས་ཀྱིས་ཇི་ལྟར་རིག་འི་མདངས་རྣམས་ལྷ་རང་རང་གི་མཐུས་བསྡུས་ནས་བཅུག་གོ། མི་རྣམས་ཀྱིས་ཀྱང་དེ་བཞིན་དུ་བྱས་ནས་དུས་གཞན ་ལ་ལྷ་རྣམས་ཟན་གྱིས་གོང་བུ་རེ་རེས་མདངས་འཇུག་གོ། ། སླར་ཡང་བྱང་ཆུབ་པའི་ཉིན་མོ་དང་། ཡོངས་སུ་མྱ་ངན་ལས་འདའ་བའི་ཉིན་མོ་སྣོད་ཉིད་དུ་འཇུག་པར་བྱེད་དོ།། ལེགས་སྐྱེས་མས་ཉི་མ་གཅིག་ཉིད ་ལ་དེར་རང་ཉིད་གསལ་བར་གྱུར་ནས་ཡ་མཚན་ཆེ་བ་དུ་མ་མཐོང་སྟེ་དྲན་མོ་རྫོགས་མ་ཞེས་བྱ་བ་པོས་ནས། རྫོགས་མ་དི་རིང་བདག་ཅག་གི་ལྷ་ཤིན་ཏུ་དགྱེས་པར་གྱུར་ཏེ། བདག་གིས་དེ་རྣམས་ཀྱི་དུས་སུ་འདི ་ལྟ་བུའི་རྡུལ་གྱི་ཡ་མཚན་ཆེ་བ་མ་མཐོང་བས་མྱུར་དུ་སོང་ལ་ལྷའི་གནས་སུ་བྱི་དོར་ལེགས་པར་གྱིས་ཤིག། དེས་ལེགས་སོ་ཞེས་བརྗོད་ནས་འཕགས་མ་དེའི་ཚིག་བཟུང་སྟེ་མྱུར་བ་མྱུར་བར་ཤིང ་གི་དྲུང་དུ་ཕྱིན་ནོ། ། བྱང་ཆུབ་སེམས་དཔ་ཀྱང་དེའི་མཚན་མོའི་ཆ་ལ་རྨི་ལམ་ཆེན་པོ་ལྔ་གཟིགས་པ་ཡོངས་སུ་རྟོག་ཅིང་ཐེ་ཚོམ་མེད་པར་བདག་དེ་རིང་སངས་རྒྱས་ཐོབ་པར་འགྱུར་བར་བྱའོ་སྙམ་དུ་ཐུགས་བརྟན་པོར་མཛད་ནས ་དེདེའི་ནུབ་མོ་འདས་ཏེ་སྐུའི་བྱི་དོར་མཛད་ནས་བསོད་སྙོམས་ལ་གཤེགས་པའི་དུས་ཀྱི་སྔ་དྲོ་བྱོན་ཏེ། ཤིང་ནུ་གྲོ་དྷའི་དྲུང་དུ་བཞུགས་ནས་རང་གི་འོད་ཀྱིས་ཤིང་ཐམས་ཅད་སྣང་བར་མཛད་དོ།། དེ་ནས་ཡང་རྫོགས་མ་དེ ་འོངས་ནས་བྱང་ཆུབ་སེམས་དཔའ་ཤིང་གི་དྲུང་ན་ཤར་ཕྱོགས་ཀྱི་འཇིག་རྟེན་གྱི་ཁམས་ལ་གཟིགས་ཤིང་གཟོགས་པ་མཐོང་ལ། སྐུ་ལ་འོད་ཟེར་འཐོན་པའི་འོད་ཀྱི་ཤིང་ཐམས་ཅད་གསེར་གྱི་ཁ་དོག་ཏུ་མཐོང་ངོ་།། ་དེས་འདི་ལྟར་བསམས་ཏེ། དི་རིང་བདག་ཅག་གི་ལྷ་ཤིང་ལ་བབས་ནས་རང་གི་ལག་ཉིད་ཀྱིས་གཏོར་མ་ལེན་ཅིང་བཞུགས་སོ་ཞེས་བསམས་པས་སེམས་ཚིམ་པ་ཐོབ་ནས་མྱུར་དུ་སོང་སྟེ་ལེགས་སྐྱེས་མ་ལ་དོན་དེ་རྣམས་སྨྲས ་སོ། ལེགས་སྐྱེས་མས་དེའི་ཚིག་ཐོས་ནས་སེམས་ཚིམ་པར་གྱུར་ཏེ། དི་རིང་ནས་བཟུང་ནས་བདག་གི་བུ་མོ་ཆེན་མོ་གནས་སུ་སྡོད་ཅིག་ཅེས་བུ་མོ་ལ་ཇི་ལྟར་རིགས་པའི་རྒྱན་ཐམས་ཅད་བྱིན་ནོ།། སླར་ཡང་གང་གི་ཕྱིར་སངས ་རྒྱས་ཀྱི་ཡོངས་སུ་རྫོགས་པར་ཐོབ་པའི་ཉིན་མོ་འབུམ་ཕྲག་གཅིག་གི་གྲངས་ཀྱི་གསེར་གྱི་སྡེར་མ་ཆེན་པོ་ཐོབ་པར་རིགས་སོ། ། དེའི་ཕྱིར་གསེར་གྱི་སྡེར་མ་ཆེན་པོའི་ནང་དུའོ་ཐུག་ལྡུགས་པའི་སེམས་སྐྱེས་ནས་འབུམ་ཕྲག་གཅིག ་རི་བའི་གསེར་གྱི་སྡེར་མ་ཆེན་པོ་བསླངས་ཏེ། འོ་ཐུག་བཙོས་པའི་ནང་དུ་ཁ་སྤུབ་ནས་བླུག་གོ།། འོ་ཐུག་ཐམས་ཅད་པདྨའི་འདབ་མའི་ནང་གི་ཆུ་བཞིན་དུ་ཆུའི་ཐིགས་པ་གཅིག་ཏུ་གྱུར་ནས་གསེར་གྱི་སྡེར་དུ་བྱུང་ངོ་།། གསེར་གྱི་སྡེར། ་མ་གཅིག་གང་བའི་ཚད་ཙམ་དུ་གྱུར་ཏོ།། དེས་གསེར་གྱི་སྣོད་དེ་ལ་གསེར་གྱི་སྣོད་གཞན་གྱིས་བཀབ་ནས་གོས་ཀྱིས་དྲིལ་ཏོ།། ལེགས་སྐྱེས་མ་རྒྱན་གྱིས་ལུས་ཐམས་ཅད་བརྒྱན་ནས་གསེར་གྱི་སྡེར་མ་དེ་རང་གི་མགོར་བཞག་སྟེ། ་མཐུ་ཆེན་པོས་ཤིང་ནྱ་གྲོ་དྷའི་དྲུང་དུ་ཕྱིན་པ་དང་། བྱང་ཆུབ་སེམས་དཔའ་མཐོང་ནས་ཤིན་ཏུ་ཡིད་བདེ་བ་སྐྱེས་པར་གྱུར་ཏོ།། ཤིང་གི་ལྷ་ཡིན་ནམ་ཞེས་བསམས་ནས་བལྟ་བའི་གནས་སུ་དུད་ཅིང་དུད་ཅིང་སོང་སྟེ། མགོའི ་སྟེང་གི་གསེར་གྱི་སྡེར་མ་ཕབ་ནས་ཁ་ཕྱེ་སྟེ། གསེར་གྱི་རིལ་བ་སྤྱི་བླུགས་ཀྱིས་དྲི་བཟང་པོས་བསྒོས་པའི་ཆུ་བཟུང་ནས་བྱང་ཆུབ་སེམས་དཔའ་དང་ཉེ་བར་སོང་སྟེ་འཁོད་དོ།། གྲོགས་པོ་རྫ་མཁན་ཚངས་པ་ཆེན་པོར ་གྱུར་པས་ཕུལ་བའི་སའི་ལྷུང་བཟེད་ནི་དེ་རྣམ་ཀྱིས་དུས་སུ་བྱང་ཆུབ་སེམས་དཔའ་མ་སྤངས་ཀྱང་དེ་དེ་མ་ཐག་ཏུ་མི་སྣང་བར་གྱུར། བྱང་ཆུབ་སེམས་དཔས་ལྷུང་བཟེད་མ་གཟིགས་སོ།། ཕྱག་གཡས་པ་བརྐྱང་ནས་ཆུ་བསླང་སྟེ། ་ལེགས་སྐྱེས་མས་སྣོད་དང་བཅས་པ་ཉིད་ཀྱིས་འོ་ཐུག་སྐྱེས་བུ་ཆེན་པོའི་ཕྱག་ཏུ་ཕུལ་ལོ།། སྐྱེས་བུ་ཆེན་པོས་ལེགས་སྐྱེས་མ་ལ་བརྟགས་པ་ན། དེས་རྣམ་འགྱུར་ཤེས་ནས་འཕགས་པ་བདག་གིས་ཡིད་ལ་ཡོངས ་སུ་ཕུལ་གྱིས། བཞེས་ལ་ཇི་ལྟར་བཞེད་པ་བཞིན་གཤེགས་པར་ཞུ་ཞེས་ཕྱག་བྱས་ནས། ཇི་ལྟར་བདག་གི་འདོད་པ་ཡོངས་སུ་རྫོགས་པར་གྱུར་ཏོ།། འདི་ལྟར་ཉིད་ཀྱིས་ཀྱང་བསམ་པ་ཡོངས་སུ་རྫོགས ་པར་གྱུར་ཅིག་ཅེས་སྨྲས་སོ། ། འབུམ་ཕྲག་གཅིག་རི་བའི་གསེར་གྱི་སྡེར་མ་ཆེན་པོ་གཅིག་ཤིང་གི་ལོ་མ་བརྙིངས་བཞིན་དུ་ལྟོས་པ་མེད་པར་སོང་ངོ་།། བྱང་ཆུབ་སེམས་དཔའ་བཞུགས་པ ་ལས་བཞེངས་ནས་ཤིང་ལ་བསྐོར་ཏེ། གསེར་གྱི་སྡེར་མ་བསླངས་ནས་ཆུ་ཀླུང་ནེ་རཉྫ་ནའི་འགྲམ་དུ་གཤེགས་ཏེ། བྱང་ཆུབ་སེམས་དཔའ་གྲངས་མེད་པ་འབུམ་ཕྲག་མང་པོ་རྣམས་ཀྱིས་མངོན་པར་བྱང་ཆུབ་པའི་ཉིན་མོ་བབས ་ནས་ཁྲུས་བྱེད་པའི་གནས་སུ་ལེགས་པར་རབ་ཏུ་གནས་པའི་མུ་གནས་ཞེས་བྱ་བ་ཡོད་དོ། ། དེའི་འགྲམ་དུ་སྡེར་མ་བཞག་སྟེ་བབས་ནས་ཁྲུས་མཛད་དོ།། འབུམ་ཕྲག་དུ་མའི་སངས་རྒྱས་རྣམས་ཀྱི་ན་བཟའ་དང་མཆོད་པར ་འོས་པ་གྱོན་ནས་ཤར་ཕྱོགས་སུ་སྔོན་དུ་ཕྱོགས་པས་བཞུགས་ནས། ཏ་ལའི་ཤིང་ཐོག་གི་ནང་གི་རུས་པ་ཅིག་གི་ཚད་ཙམ་དང་མཉམ་པ་གཅིག་གིས་དམན་ལྔ་བཅུའི་གོང་བུ་བྱས་ནས་ཆུ་མེད་ཅིང་དང་ར་བའི་འོ་ཐུག་ཐམས ་ཅད་གསོལ་ལོ། ། དེ་འདི་ལྟར་གང་གིས་སངས་རྒྱས་སུ་གྱུར་ནས་ཞག་བཞི་བཅུ་ཞེ་དགུར་བྱང་ཆུབ་ཀྱི་སྙིང་པོར་བཞུགས་ཏེ་ཞག་བཞི་བཅུ་ཞེ་དགུའི་ཁ་ཟས་སུ་གྱུར་ཏོ།། དེ་རྣམས་ཀྱི་དུས་སུ་ཁ་ཟས་གཞན་མེད་པ་དང་། ཁྲུས ་བྱེད་པ་མེད་པ་དང་། ཞལ་ཤོལ་བ་མེད་པ་དང་། སྐུ་ལུས་ཀྱི་བྱ་བ་བྱེད་པ་མེད་དོ།། བསམ་གཏན་གྱི་བདེ་བ་དང་། ལམ་གྱི་བདེ་བ་དང་། འབྲས་བུའི་བདེ་བ་ཉིད་ཀྱིས་ཉིན་མཚན་འདའ་འོ།། གཞན་ཡང་དེའི་འོ་ཐུག་གསོལ ་ནས་གསེར་གྱི་སྡེར་མ་ཕྱག་ཏུ་བཞེས་ཏེ། གལ་ཏེ་བདག་ནི་དེ་རིང་སངས་རྒྱས་སུ་འགྱུར་ནུས་ན། སྡེར་མ་འདི་ཆུའི་སྟེང་དུ་གྱེན་དུ་འགྲོ་བར་གྱུར་ཅིག། མ་ཡིན་ན་ཐུར་ལ་འགྲོ་བར་གྱུར་ཅིག་ཅེས་ཆུ་ལ་དོར་རོ།། དེས་ནུའི ་རྒྱུན་གྱི་རླབས་ཆུ་ཀླུང་གི་དབུས་སུ་སོང་ནས་དབུས་ཀྱི་གནས་ཉིད་དུ་རྟ་མགྱོགས་པོར་འགྲོ་བ་བཞིན་དུ། ཁྲུ་བརྒྱད་ཅུའི་ཚང་ཙམ་གྱི་སྟེང་དུ་སོང་ཞིང་། ཆུ་ལན་ཅིག་འཁྱིལ་བས་བྱིང་ནས་ཀླུའི་རྒྱལ་པོ་ནག་པོའི་གནས་སུ ་སོང་ངོ་། ། དེ་ནས་སངས་རྒྱས་གསུམ་པོ་རྣམས་ཀྱིས་བཤོས་གསོལ་བའི་གསེར་གྱི་སྡེར་མ་ཆེན་པོ་སེལ་སིལ་ཞེས་སྒྲ་སྒྲོགས་པར་བྱེད་ཅིང་ཕྱོགས་གཅིག་ཏུ་དེ་རྣམས་ཐམས་ཅད་ཀྱི་འོག་ཏུ་གྱུར་ནས་གནས ་སོ། ཀླུའི་རྒྱལ་པོ་ནག་པོས་དེའི་སྒྲ་ཐོས་ནས་ཁ་སང་སངས་རྒྱས་གཅིག་ཐོབ་པར་གྱུར་ཅིང་། སླར་ཡང་དེ་རིང་སངས་རྒྱས་ཉིད་ཐོབ་པར་གྱུར་ནས་མང་པོས་སྟོང་པ་བྱེད་པར་གྱུར་ཏོ།། བྱང་ཆུབ་སེམས་དཔས་ནི་ཆུ་ཀླུང ་གི་འགྲམ་ཤིང་སཱ་ལའི་ཚལ་དུ་ཉིན་མོ་བཞུགས་ནས་སྲོད་ཀྱི་དུས་སུ་མེ་ཏོག་ཀུ་མུ་ད་ཁའ་བྱེད་པའི་དུས་ལ་ལྷ་རྣམས་ཀྱིས་བརྒྱན་པར་བྱས་ནས། ཞེང་ལ་གླང་གི་སྐད་བརྒྱད་ཀྱིས་ཐོས་པའི་ཚད་དུ་ལམ་བྱེད་པ་ལ་སེང་གེ ་བཞིན་དུ་སྒྲ་བསྒྲགས་ནས། བྱང་ཆུབ་ཀྱི་ཤིང་ལ་མངོན་པར་ཕྱོགས་པས་བཟུང་ངོ་།། ཀླུ་དང་། གནོད་སྦྱིན་དང་། འདབ་བཟངས་ལ་སོགས་པ་རྣམས་ཀྱིས་ལྷའི་སྤོས་དང་མེ་ཏོག་ལ་སོགས་པ་དང་། ཀླུའི་ཀླུ་དབྱང ་ལ་སོགས་པས་མཆོད་དོ། ། སྟོང་ཕྲག་བཅུའི་འཇིག་རྟེན་གྱི་ཁམས་རྣམས་དྲི་བཟང་པོར་གྱུར་ཅིང་མེ་ཏོག་གི་འགྲེང་བར་གྱུར་ནས་ཐམས་ཅད་ལེགས་སོ་ཞེས་བརྗོད་པར་གྱུར་ཏོ།། དེའི་ཚེ་རྩཝ་འཚོང་བཀྲ་ཤིས་ཞེས་བྱ་བས་རྩ ་བླངས་ནས་ལམ་གྱི་སྔོན་དུ་འོངས་ཏེ་སྐྱེས་བུ་ཆེན་པོའི་རྣམ་འགྱུར་རྟོགས་ནས་རྩ་སྤར་མོ་བརྒྱད་ཕུལ་ལོ། ། བྱང་ཆུབ་སེམས་དཔས་རྩཝ་བླངས་ནས། བྱང་ཆུབ་ཀྱི་སྙིང་པོ་དང་ཉེ་བར་གཤེགས་ཏེ་ལྷོ་ཕྱོགས་ཀྱི་ཆར་ཞལ་བྱང་དུ ་མངོན་པར་ཕྱོགས་པས་འཁོད་དོ། ། དེ་མ་ཐག་པར་ལྷོ་ཕྱོགས་ཀྱི་ཁོར་ཡུག་གིས་བྱིང་ནས་འགྲོ་བ་ནི་འོག་མནར་མེད་པའི་བར་དུ་གྱུར་པ་བཞིན་ནོ།། ལྷོ་ཕྱོགས་ཀྱི་ཁོར་ཡུག་སྟེང་དུ་ལངས་ནས་འགྲོ། ་བ་ནི་སྲིད་པའི་རྩེ་མོར་གྱུར་པ་བཞིན་ནོ།། བྱང་ཆུབ་སེམས་དཔས་འདི་ཡང་དག་པར་རྫོགས་པའི་སངྱས་ཐོབ་པའི་གནས་མ་ཡིན་ནོ་ཞེས་དགོངས་ཤིང་བསྐོར་ནས་ནུབ་ཀྱི་ཕྱོགས་ཀྱི་ཆར་གཤེགས་ཏེ་ཤར་ཕྱོགས་སུ་མངོན ་དུ་ཕྱོགས་པས་འཁོད་དོ། ། དེ་ནས་ནུབ་ཕྱོགས་ཀྱི་ཁོར་ཡུག་འོག་ཏུ་བྱིང་ནས་འགྲོ་བ་ནི་མནར་མེད་པའི་བར་དུ་གྱུར་པ་བཞིན་ནོ།། ཤར་ཕྱོགས་ཀྱི་ཁོར་ཡུག་སྟེང་དུ་ལངས་ནས་འགྲོ་བ་ནི་སྲིང་བའི་རྩེ་མོར་གྱུར་པ་བཞིན་ནོ།། ་བྱང་ཆུབ་སེམས་དཔའ་འཁོད་ཅིང་འཁོད་པའི་གནས་ནི་མུ་ཁྱུད་ཀྱི་མཐར་ཐུག་པར་མནན་ཞིང་སོ་སོར་གནས་པའི་ཤིང་རྟའི་འཁོར་ལོ་ཆེན་པོ་ལྟ་བུར་ས་གཞི་ཆེན་པོ་ལ་བྱིང་ཞིང་བྱིང་ནས་འགྲོ་བར་གྱུར་ཏེ། བྱང་ཆུབ་སེམས ་དཔས་འདི་ནི་བྱང་ཆུབ་ཐོབ་པའི་གནས་མ་ཡིན་ནོ་ཞེས་བསྐོར་ནས་བྱང་ཕྱོགས་ཀྱི་ཆར་གཤེགས་ཏེ། ལྷོ་ཕྱོགས་སུ་སྔུན་དུ་ཕྱོགས་པས་འཁོད་དོ།། དེ་ནས་བྱང་གི་ཁོར་ཡུག་ས་ལ་བྱིང་ནས་མནར་མེད་ཀྱི་བར་དུ་གྱུར་པ ་བཞིན་ནོ། ། མཱ་ན་ཁོར་ཡུག་གྱེན་དུ་ལངས་ནས་སྲིད་པའི་རྩེ་མོའི་བར་དུ་གྱུར་པ་བཞིན་ནོ།། བྱང་ཆུབ་སེམས་དཔས་འདི་ནི་བྱང་ཆུབ་ཐོབ་པའི་གནས་མ་ཡིན་ནོ་ཞེས་བསམས་ཏེ་བསྐོར་ནས་ཤར་ཕྱོགས་ཀྱི་ཆར་གཤེགས ་ནས་ནུབ་ཕྱོགས་སུ་སྔུན་དུ་ཕྱོགས་པས་འཁོད་དོ། ། སླར་ཡང་ཤར་ཕྱོགས་ཀྱི་ཆར་སངས་རྒྱས་ཐམས་ཅད་ཀྱིས་སྐྱིལ་ཀྲུང་བཅས་པའི་གནས་དེ་གཡོ་བར་མི་འགྱུར་ཞིང་མི་ལྡེག་གོ།། སེམས་དཔའ་ཆེན་པོས་འདི་ནི ་སངས་རྒྱས་ཐམས་ཅད་ཀྱིས་མ་སྤངས་ཤིང་མི་གཡོ་བའི་གནས། ཉོན་མོངས་པའི་དྲ་བ་ཐམས་ཅད་རྣམ་པར་འཇོམས་པའི་གནས་སུ་རྟོགས་སོ།། དེའི་རྩཝ་རྣམས་རྩེ་མོ་ནས་བཟུང་སྟེ་བཀྲམ་ནས་དེ་མ་ཐག་ཏུ་ཁྲུ་བཅུ་བ ་པའི་ཚད་ཙམ་གྱི་གདན་དུ་གྱུར་ཏོ། ། དེ་ཡང་དེ་ལྟ་བུའི་ཚུལ་གྱིས་ཇི་ལྟར་བཞག་པ་དེ་བཞིན་དུ་མི་གནས་སོ།། ཇི་ལྟར་གཟུགས་ལ་མཁས་པའི་རི་མོ་བྱེད་པ་རྣམས་ཀྱིས་རི་མོ་བྲིས་པ་བཞིན་དུ་བྱང་ཆུབ་སེམས་དཔས་བྱང ་ཆུབ་ཤིང་གི་སྡོང་པོ་ལ་སྐུ་རྒྱབ་བརྟེན་པར་བྱས་ནས་ཞལ་ཤར་དུ་སྔུན་དུ་ཕྱོགས་པར་མཛད་དོ། ། བརྟན་པའི་སེམས་སུ་གྱུར་ནས་བདག་གི་པགས་པ་དང་། རྒྱུས་པ་དང་། རུས་པ་དང་། ཁྲག་དང་། ཤ་རྣམས་བསྐམས ་པར་གྱུར་ཀྱང་ཡང་དག་པར་རྫོགས་པའི་སངས་རྒྱས་མ་ཐོབ་པར་དུ་ནི་སྟན་འདི་ལས་ལུས་བསྐྱོད་པར་མི་བྱའོ། ། ཐོག་བརྒྱ་ཕྲག་བབས་ཀྱང་མི་ཕྱེད་ཅིང་ཕ་རོལ་གྱིས་མི་ཚུགས་པར་སྟན་ལ་སྐྱིལ་ཀྲུང་གིས་བཞུགས་སོ།། ། ་དེའི་ཚེ་ལྷའི་བུའི་བདུད་ཀྱིས་གཞོན་ནུ་དོན་གྲུབ་བདག་གི་དབང་དུ་བྱེད་པར་འདོད་པས་ད་ནི་བདག་ལས་འདའ་བར་བྱེད་དུ་མི་སྟེར་རོ་ཞེས་བསམས་ནས་བདུད་ཀྱི་དམག་དང་ཉེ་བར་སོང་སྟེ། དོན་འདི་སྨྲས་ཤིང་བདུད་ཀྱི་སྒྲ་ཞེས ་པས་སྒྲ་བསྒྲགས་ནས་བདུད་ཀྱི་དམག་ཁྲིད་དེ་འཐོན་ནས། བདུད་ཀྱི་སྡེ་བདུད་ཀྱི་མདུན་དུ་དཔག་ཚད་བཅུ་གཉིས་ཀྱི་སར་འགྲོའོ།། གཡས་ཕྱོགས་དང་གཡོན་ཕྱོགས་རྣམས་སུ་དཔག་ཚད་བཅུ་གཉིས་འགྲོའོ།། རྒྱབ ་ཕྱོགས་སུ་ཇི་སྲིད་ཁོར་ཡུག་གི་མཐར་ཐུག་པར་བྱས་ནས་གནས་སོ། ། སྟེང་དུ་དཔག་ཚད་དགུའོ།། འཁོར་ཐམས་ཅད་ཀྱི་གཏམ་བྱེད་པའི་སྒྲ་དཔག་ཚད་སྟོང་ཕྲག་གཅིག་གི་བར་དུ་ས་གཞི་འབྲཀྲ་པ་ཙམ་གྱི་སྒྲ་ཐོས་སོ།། ་དེ་ནས་ལྷའི་བུའི་བདུད་དཔག་ཚད་ཕྱེད་དང་ཉིས་བརྒྱའི་རིའི་འོག་པག་ཅེས་བྱ་བའི་གླང་པོ་ཆེའི་རྒྱབ་ཏུ་ཞོན་ནས་ལག་པ་སྟོང་ཕྲག་གཅིག་སྤྲུལ་ནས་མཚོན་ཆ་སྣ་ཚོགས་པ་བླངས་སོ།། གའན་ཡང ་བདུད་ཀྱི་འཁོར་གྱི་གྲོགས་གཉིས་གཅིག་དང་མཚུངས་པར་མཚོན་ཆའི་རིགས་གཉིས་མི་ལེན་ནོ། ། ཁ་དོག་རྣམ་པ་སྣ་ཚོགས་པ་དང་རྣམ་པ་སྣ་ཚོགས་པའི་གདོང་ཅན་སེམས་དཔའ་ཆེན་པོ་གཞོམ་པར་བྱ་བའི་ཕྱིར་འོངས ་སོ། སྟོང་ཕྲག་བཅུའི་ཁོར་ཡུག་གི་ལྷ་རྣམས་སླར་ཡང་སེམས་དཔའ་ཆེན་པོ་ལ་སྟོང་པ་བྱེད་ཅིང་གནས་སོ།། བརྒྱ་བྱིན་ལྷའི་རྒྱལ་པོས་རྣམ་པར་རྒྱལ་བ་བླ་ན་མེད་པའི་དུང་འབུད་ཅིང་འཁོད་དོ།། སླར་ཡང་དུང་དེ་ཁྲུ ་བརྒྱ་ཉི་ཤུར་གྱུར་ཏོ། ། གལ་ཏེ་ལེགས་པར་བུས་ན་ཟླ་བ་བཞིའི་བར་དུ་རྒྱུན་མི་འཆད་ཅིང་དེ་ནས་རྒྱུན་མི་འཆད་དོ།། ཀླུའི་རྒྱལ་པོ་ནག་པོ་ཆེན་པོས་བརྒྱ་ཕྲག་དུ་མའི་སྟོང་པ་བྱེད་ཅིང་གནས་སོ།། ཚངས་པ་ཆེན་པོ ་གདུགས་དཀར་པོ་བཟུང་ནས་གནས་སོ། ། སླར་ཡང་བདུད་ཀྱི་དམག་བྱང་ཆུབ་ཀྱི་སྙིང་པོར་འོངས་ཤིང་འོངས་སོ།། ལྷ་དེ་རྣམས་གཅིག་ཏུ་འཁོད་པར་མ་ནུས་པས་རང་གི་གནས་སུ་བྲོས་ནས་སོང་ངོ་།། ཀླུའི ་རྒྱལ་པོ་ནག་པོ་ས་ལ་བྱིང་ནས་དཔག་ཚད་ལྔ་བརྒྱའི་སྙེ་མ་ཅན་གྱི་ཀླུའི་ཕོ་བྲང་དུ་སོང་སྟེ། ལག་པ་གཉིས་ཁ་ལ་བཀབ་ནས་ཉལ་ལོ།། བརྒྱ་བྱིན་གྱི་རྣམ་པར་རྒྱལ་བ་བླ་ན་མེད་པའི་དུང་རྒྱབ་ཏུ་བཀལ་ཏེ་ཁོར་ཡུག་གི་སྟེང ་དུ་འཁོད་དོ། ། ཚངས་པ་ཆེན་པོས་གདུགས་དཀར་པོ་ཁོར་ཡུག་གི་སྟེང་དུ་བཙུགས་ནས་ཚངས་པའི་འཇིག་རྟེན་དུ་སོང་ངོ་།། ལྷ་གཅིག་གིས་ཀྱང་འཁོད་པར་མ་ནུས་ཏེ། སྐྱེས་བུ་ཆེན་པོ་ཉིད་གཅིག་པུ་བཞུགས་སོ།། ་བདུད་ཀྱིས། རང་གི་འཁོར་ལ་སྨྲས་པ། བུ་ཟས་གཙང་གི་བུ་དོན་གྲུབ་དང་འདྲ་བའི་སྐྱེས་བུ་གཞན་མེད་པས། བདག་གིས་དེའི་མདུན་དུགཡུལ་འགྱེད་པར་མི་ནུས་ཀྱིས། རྒྱབ་ཀྱི་ཕྱོགས་སུ་གཡུལ་བགྱིའོ། ་ཞེས་སྨྲས་སོ།། སྐྱེས་བུ་ཆེན་པོས་ཀྱང་ཕྱོགས་གསུམ་ལ་གཟིགས་པས་ལྷ་ཐམས་ཅད་བྲོས་པའི་ཕྱིར་གནས་ཐམས་ཅད་སྟོང་པར་མཐོང་ངོ་།། གཞན་ཡང་བྱང་ཕྱོགས་སུ་གཟིགས་པས་བདུད་ཀྱི་དམག་རྣམས་བདག ་གཞོམ་པའི་ཕྱིར་འོང་བ་གཟིགས་སོ། ། འདི་རྣམས་ཀྱི་དམག་གི་ཚོགས་བདག་གཅིག་པུའི་ཕྱིར་རྩོལ་བ་ཆེན་པོས་ཕ་རོལ་གནོན་པར་བྱེད་ཅིང་གནས་འདིར་འོངས་ཏེ། བདག་གི་མ་འམ། ཕ་འམ། སྤུན་ནམ། ་སུ་ཡང་རུང་བས་གཉེན་ལས་གཞན་མེད་དོ།། གཞན་ཡང་གང་གི་ཕྱིར་ཕ་རོལ་ཏུ་ཕྱིན་པ་བཅུ་པོ་ཉིད་བདག་གིས་དུས་ཡུན་རིང་པོར་གཉེན་ལ་དགའ་བ་བཞིན་གོམས་པ་དེའི་ཕྱིར་བདག་གིས་ཕ་རོལ་ཏུ་ཕྱིན་པ་ཉིད་ཀྱིས ་ཕུབ་བྱས་ནས། ཕ་རོལ་ཏུ་ཕྱིན་པ་ཉིད་ཀྱི་མཚོན་ཐོགས་ཏེ། འདིའི་དམག་གི་ཚོགས་རྣམ་པར་གཞོམ་པར་རིགས་སོ་སྙམ་ནས་ཕ་རོལ་ཏུ་ཕྱིན་པ་བཅུ་པོ་ཐུགས་ལ་བསམས་ནས་བཞུགས་སོ།། ་དེ་ནས་ལྷའི་བུའི་བདུད་ཀྱིས་དོན་གྲུབ་དེ་མ་ཐག་ཏུ་འབྲོས་པར་བྱེད་པར་རིགས་སོ་ཞེས་སྨྲས་ནས། རླུང་གི་དཀྱིལ་འཁོར་ཉེ་བར་གནས་ནས་འོངས་སོ།། དེ་མ་ཐག་ཁོ་ནར་ཤར་ཕྱོགས་ལ་སོགས་པའི་རླུང་གི་དཀྱིལ ་འཁོར་རྣམས་ལངས་ནས་འོངས་ཏེ་དཔག་ཚད་ཕྱེད་དང་། ཡང་གཉིས་ལ་སོགས་པའི་ཚད་ཀྱི་རོའི་ཕུང་པོ་བླངས་ནས་ནགས་ཐིབས་པོ་དང་ཤིང་ལ་སོགས་པ་ས་ལ་བཏོན་ཞིང་། ཐམས་ཅད་དུ་གྲོང་དང་གྲོང་རྡམ ་ཕྱེ་མ་དང་རྣམ་པར་ཕྱེ་མར་བྱེད་པའི་ནུས་པ་ནི་སྐྱེས་བུ་ཆེན་པོའི་བསོད་ནམས་ཀྱི་གཟི་བརྗིད་ཀྱི་མཐུས་གྱེས་ཏེ། བྱང་ཆུབ་སེམས་དཔའི་དྲུང་དུ་འོངས་ནས་བླ་གོས་ཀྱི་གྲཝ་ཙམ་ཡང་བསྐུལ ་བར་མི་ནུས་སོ། ། དེ་ནས་ཆུ་ཡིས་གཞོམ་པའི་ཕྱིར་འོངས་ནས་གསོད་པར་བསམས་པ་ན་ཆར་པ་ཆེན་པོ་འ་བབ་ཅིང་གནས་སོ།། དེའི་མཐུས་སྟེང་ནས་སྟེང་དུ་བརྒྱ་ཕྲག་དུ་མ་བརྩེགས་པ་དང་། སྟོང་ཕྲག་དུ་མ ་བརྩེགས་པའི་སྤྲིན་ཆེན་པོ་འདུས་ནས་ཆར་འབེབས་སོ། ། ཆར་པའི་རྒྱུན་གྱི་ཤུགས་ཀྱིས་ས་གཞི་འབུགས་པར་གྱུར་ཏོ།། ནགས་ཚལ་དང་ཤིང་ལ་སོགས་པའི་སྟེང་གི་ཆར་སྤྲིན་ཆེན་པོ་འོངས་ནས་སེམས ་དཔའ་ཆེན་པོ་ཆུ་ཐིགས་གཅིག་ཙམ་གྱིས་ཀྱང་སྤང་བར་མ་ནུས་སོ། ། དེ་ནས་རྡོའི་ཆར་བཀུག་ན་ཆེས་ཆེ་བའི་རིའི་ཕུང་པོ་དུ་བར་བྱེད་ཅིང་འབར་བར་བྱས་ནས་ནམ་མཁའ་ནས་འོངས་ཏེ་བྱང་ཆུབ་སེམས་དཔའི་དྲུང་དུ་འོངས་ནས ་གྷའི་མེ་ཏོག་གི་ཆུན་པོའི་གཟུགས་འབབ་བོ། ། དེ་ནས་མཚོན་ཆའི་ཆར་ཐམས་ཅད་བཀུག་ནས་མཚོན་སོ་གཅིག་པ་དང་། སོ་གཉིས་པ་དང་། རལ་གྲི་དང་། མདུང་ཐུང་དང་། སྤུ་གྲི་ལ་སོགས་པའི་མཚོན་ཆ ་རྣམས་ངུ་བར་བྱེད་ཅིང་འབར་བར་བྱས་ནས་ནམ་མཁའ་ལ་འོངས་ཏེ། བྱང་ཆུབ་སེམས་དཔའི་དྲུང་དུ་འོངས་ནས་ལྷའི་མེ་ཏོག་ཏུ་གྱུར་ཏོ།། དེ་ནས་སོལ་བའི་ཆར་བཀུག་ནས་རྒྱ་སྐྱེགས་ཀྱི་མེ་ཏོག་གི་ཁ་དོག་ཅན་གྱི ་སོལ་བ་ནམ་མཁའ་ནས་འོངས་ནས་བྱང་ཆུབ་སེམས་དཔའི་ཞབས་དྲུང་དུ་ལྷའི་མེ་ཏོག་ཏུ་གྱུར་ནས་འབབ་བོ། ། དེ་ནས་ཐལ་བའི་ཆར་བཀུག་ནས་ཤིན་ཏུ་ཇོ་བ་མེའི་ཁ་དོག་ཅན་གྱི་ཐལ་བ་ནམ་མཁའ་ནས་འོངས ་ནས་བྱང་ཆུབ་སེམས་དཔའི་ཞབས་དྲུང་དུ་ཙན་དན་གྱི་ཕྱེ་མ་ལྟར་གྱུར་པའི་ཆར་འབབ་བོ། ། དེ་ནས་བྱེ་མའི་ཆར་བཀུག་ནས་ཤིན་ཏུ་ཕྲ་བའི་བྱེ་མ་རྣམས་དུ་བར་བྱེད་ཅིང་འབར་བར་བྱས་ནས་ནམ་མཁའ་ནས་འོངས་ཏེ་བྱང ་ཆུབ་སེམས་དཔའི་ཞབས་དྲུང་ངུ་ལྷའི་ཕྱེ་མ་ལྟར་གྱུར་ནས་ཆར་འབབ་བོ། ། དེ་ནས་འཇིམ་པའི་ཆར་པ་རྣམས་བཀུག་ནས་འཇིམ་པ་རྣམས་ངུ་བར་བྱེད་ཅིང་འབར་བར་བྱས་ནས་ནམ་མཁའ་ནས་འོངས་ཏེ་བྱང ་ཆུབ་སེམས་དཔའི་ཞབས་དྲུང་དུ་ལྷའི་བྱུག་པར་གྱུར་ནས་འབབ་བོ། ། དེ་ནས་འདི་བཞིན་དུ་འཇིགས་པར་བྱེད་པས་དོན་གྲུབ་འབྲོས་པར་བྱ་བའི་ཕྱིར་མུན་པ་ཉེ་བར་གནས་པར་བྱའོ།། དེ་ནི་ཡན་ལག་བཞི་དང ་ལྡན་པའི་མུན་ནག་ཆེན་པོར་གྱུར་ནས། བྱང་ཆུབ་སེམས་དཔའི་དྲུང་དུ་བསླབ་ནས་ཉི་མའི་འོད་ཀྱིས་མུན་པ་བཅོམ་པ་བཞིན་དུ་མི་སྣང་བར་གྱུར་ནས། འདི་ལྟར་བདུད་དགུ་པོ་འདི་རླུང་དང་། ནར་དང་། རྡོ་དང་། མཚོན ་ཆ་དང་། སོལ་བ་དང་། ཐལ་བ་དང་། བྱེ་མ་དང་། འཇིམ་པ་དང་། མུན་པ་སྟེ། དེ་རྣམས་ཆར་དུ་བབས་ནས་བྱང་ཆུབ་སེམས་དཔའ་འབྲོས་པར་བྱེད་པར་མ་ནུས་སོ།། ཅིས་བརྗོད་ཅིང་ཅིའི་ཕྱིར་སྡོད།། གཞོན ་ནུ་འདི་ལ་ཟུང་ཞིག། རྒྱོབ་ཅིག། ཐོན་ཅིག་ཅེས་འཁོར་རྣམས་བོས་ནས་རང་གིས་ཀྱང་རིའི་འོག་པག་གླང་པོ་ཆེའི་རྒྱབ་ཏུ་ཞོན་ནས་འཁོར་ལོའི་མཚོན་ལ་སྤངས་ཏེ། བྱང་ཆུབ་སེམས་དཔའི་དྲུང་དུ་ཉེ་བར་འོངས ་ནས་དོན་གྲུབ་སྟན་ལས་ལོངས་ཤིག། འདི་ཁྱོད་ལ་རིགས་པ་མ་ཡིན་གྱི། ངེད་ལ་རིགས་པ་ཡིན་ནོ་ཞེས་སྨྲས་སོ།། སེམས་དཔའ་ཆེན་པོས་དེའི་ཚིག་ཐོས་ནས་འདི་ལྟར་སྨྲས་སོ།། བདུད་ཁྱོད་ཀྱིས་ཕ ་རོལ་ཏུ་ཕྱིན་པ་བཅུ་མ་རྫོགས་པ་དང་། ཉེ་བའི་ཕ་རོལ་ཏུ་ཕྱིན་པ་མ་རྫོགས་པ་དང་། དོན་དམ་པའི་ཕ་རོལ་ཏུ་ཕྱིན་པ་མ་རྫོགས་པ་དང་། ཆེན་པོ་ལྔ་ཡོངས་སུ་གཏོང་བ་མེད་པ་དང་། གཉེན ་གྱི་དོན་དུ་སྤྱོད་པ་མེད་པ་དང་། འཇིག་རྟེན་གྱི་དོན་གྱི་སྤྱོད་པ་མེད་པ་དང་། སངས་རྒྱས་ཀྱི་སྤྱོད་པ་ཡོངས་སུ་རྫོགས་པས་སྟན་འདི་ཁྱོད་ལ་རིགས་པ་མ་ཡིན་ནོ།། སྟན་འདི་བདག་ཁོ་ན་ལ་རིགས་པ་ཡིན་ནོ།། ་བདུད་ཁྲོས་པར་གྱུར་ནས་ཁྲོས་པའི་ཤུགས་བསྲན་པར་མ་ནུས་ཏེ། སྐྱེས་བུ་ཆེན་པོ་ལ་མཚོན་ཆའི་འཁོར་ལོ་འཕངས་སོ།། དེའི་ཕ་རོལ་ཏུ་ཕྱིན་པ་བཅུ་སེམ་པར་བྱེད་ཅིང་བཞུགས་པ་ན་སྟེང་གི་ཆར་མེ་ཏོག་གི་འཕྲེང་བའི་བླ་རེས ་བྲེས་པ་བཞིན་དུ་གྱུར་ཏོ། ། དེའི་འཁོར་ལོའི་མཚོན་ཆ་གཞན་ལ་དེ་ཤིན་ཏུ་ཁྲོས་པས་འཕངས་ཏེ་རྡོ་བ་འཐུག་པོ་འམ། རྡོ་བ་འཐུག་པོའི་ཀ་བ་འབུགས་ཤིང་འགྲོའོ།། སླར་ཡང་དེ་ནི་དེའི་མེ་ཏོག་གི་བླ་རེས་སུ་གྱུར་ནས ་གནས་པ་ན་བདུད་ཀྱི་འཁོར་ལྷག་མ་རྣམས་དེ་ནས་སྟན་ལས་ལངས་ཏེ་འགྲོ་བར་བསམས་ནས་ཆེས་ཆེ་བའི་རིའི་ཕུང་པོ་འཕངས་སོ། ། དེ་རྣམས་ཀྱང་སྐྱེས་བུ་ཆེན་པོའི་ཕ་རོལ་ཏུ་ཕྱིན་པ་བཅུ་ལ་སེམས་ཤིང་བཞུགས་པ་ན་མེ ་ཏོག་གི་ཆུན་པོར་གྱུར་ནས་ས་ལ་ལྷུང་ངོ་། ། ལྷ་རྣམས་ཁོར་ཡུག་གི་མཐར་འཁོད་པ་རྣམས་སྐེ་བཏེག་ནས་བལྟ་ཞིང་། མགོ་བོ་བཏེག་ཅིང་བཏེག་ནས་དོན་གྲུབ་གཞོན་ནུ་མཆོག་གི་སྐུའི་བདག་ཉིད་ཉམས་སམ་སྙམ ་ནས་ཅི་བྱེད་ན་ཞེས་བསམས་ཤིང་བལྔའོ། ། དེ་ནས་སྐྱེས་བུ་ཆེན་པོས་ཕ་རོལ་ཏུ་ཕྱིན་པ་རྫོགས་པའི་བྱང་ཆུབ་སེམས་དཔའ་རྣམས་མངོན་པར་རྫོགས་པར་བྱང་ཆུབ་པའི་ཉིན་མོ་ཐོབ་པའི་སྟན་བདག་ལ་རིགས་པ་ཡིན་ནོ། ་ཞེས་བཤད་ནས། འཁོད་པའི་བདུད་ལ་སྨྲས་སོ།། བདུད་ཁྱོད་ཀྱིས་སྦྱིན་པ་བཏང་བའི་དབང་པོ་སུ་ཡོད་ཅེས་སྨྲས་སོ།། བདུད་འདི་རྣམས་ཐམས་ཅད་བདག་གི་དབང་པོ་ཡིན་ནོ་ཞེས་བདུད་ཀྱི་དམག་རྣམས་ལ ་ལག་པ་བརྐྱང་ངོ་། ། དེ་མ་ཐག་པར་བདུད་ཀྱི་འཁོར་རྣམས་ང་ཡང་དབང་པོ་ཡིན། ང་ཡང་དབང་པོ་ཡིན་ཞེས་བརྗོད་པའི་སྒྲས་ས་གཞི་ཡང་རལ་པ་བཞིན་དུ་བརྗོད་པའི་སྒྲར་གྱུར་ཏོ།། དེ་ནས་བདུད་ཀྱིས། སྐྱེས་བུ་ཆེན ་པོ་ལ་སྨྲས་པ། དོན་གྲུབ་ཁྱོད་ཀྱིས་སྦྱིན་པ་བཏང་བའི་དངོས་པོ་ལ་དབང་པོ་སུ་ཡོད་ཅེས་སྨྲས་སོ།། སྐྱེས་བུ་ཆེན་པོ་ཁྱོད་ཀྱིས་རེ་ཞིག་སྦྱིན་པ་བྱིན་པའི་དངོས་པོ་ལ་སེམས་དང་བཅས་པ་རྣམས་དབང་པོ་ཡིན་ནོ།། སླར ་ཡང་བདག་ལ་གནས་འདི་ན་སེམས་དང་བཅས་པའི་དབང་པོ་སུ་ཡང་མེད་པས། བདག་ཉིད་ཀྱིས་སྐྱེ་བའི་མཐར་སྦྱིན་པ་བཏང་བ་དེ་སྲིང་གནས་པ་ཐམས་ཅད་སྒྲོལ་གྱི་ལུས་ཀྱི་བདག་ཉིད་ལ་གནས་ནས་སྦྱིན་པ ་ཆེན་པོ་བདུན་བརྒྱ་པ་བདུན་བྱིན་པའི་དངོས་པོ་ལ་སེམས་མེད་པའི་ས་གཞི་ཆེན་པོ་འཐུག་པོ་འདི་དབང་པོ་ཡིན་ནོ་ཞེས་ཆོས་གོས་ཀྱི་ནང་ནས་ཕྱག་གཡས་པ་བཏོན་ཏེ། ཐམས་ཅད་སྒྲོལ་གྱི་བདག་ཉིད་ཀྱི་ལུས་སུ་གནས ་ནས་བདག་གིས་སྦྱིན་པ་བདུན་བརྒྱ་པ་བདུན་བྱིན་པའི་དངོས་པོ་དེ་ལ་ཁྱོད་ཀྱིས་དབང་པོ་ཡིན་ནམ་མ་ཡིན་པ་སྨྲོས་ཤིག་ཅེས་ས་ཆེན་པོ་ལ་མངོན་དུ་ཕྱོགས་པས་ཕྱག་བརྐྱང་བ་ན། ས་ཆེན་པོ་ས་བདག་ནི་དེའི་ཚེ་དབང ་པོ་ཡིན་ནོ་ཞེས་སྒྲ་སྒྲོགས་པར་གྱུར་ནས། སྒྲ་ཆེན་པོ་སྒྲོགས་པ་བརྒྱ་དང་། སྟོང་ཕྲག་གཅིག་དང་། སྒྲ་ཆེན་པོ་འབུམ་ཕྲག་གཅིག་པོ་རྣམས་ཀྱིས་བདུད་ཀྱི་དམག་གི་སྒྲ་རྣམས་ཟིལ་གྱིས་མནན་པ་བཞིན་དུ་གྱུར་ཏོ།། ་དེ་ནས་སྐྱེས་བུ་ཆེན་པོ་དོན་གྲུབ་ཀྱིས་སྦྱིན་པཆེན་པོ་བྱིན་པ་ནི་མཆོག་གི་སྦྱིན་པའོ་ཞེས་ཐམས་ཅད་སྩོལ་གྱི་སྦྱིན་བརླན་པར་བྱེད་ཅིང་དཔག་རང་བྱེད་དུ་ས ་བརྒྱའི་རིའི་འོག་བག་གི་གླང་པོ་ཆེ་པུས་མོས་ལ་བཙུགས་ནས་འཁོད་དོ། ། བདུད་ཀྱི་འཁོར་རྣམས་ཕྱོགས་དང་མཚམས་རྣམས་སུ་བྲོས་ནས་གཉིས་ལམ་གཅིག་ལ་འགྲོ་བ་མེད་དོ།། མགོའི་རྒྱན་ཉིད་དང་གྱོན་པའི ་གོས་དང་པོར་དོར་ནས་རང་གི་ཕྱོག་བྱོ་ཉིད་དུ་འབྲོས་སོ། ། དེ་ནས་ལྷའི་ཚོགས་རྣམས་ཀྱིས་བདུད་བྲོས་ནས་འགྲོ་བ་མཐོང་སྟེ། བདུད་རྣམས་ཕམ་པས་དོན་གྲུབ་གཞོན་ནུ་རྒྱལ་བར་གྱུར་ཏོ་ཞེས་རྒྱལ་བའི་མཆོད་པ་བྱེད་པར ་སེམས་སོ། ། ཀླུ་ནི་གླུ་རྣམས་ལ་བསྐུལ་ལོ།། འདབ་བཟང་ནི་འདབ་བཟང་རྣམས་ལའོ།། ལྷ་ནི་ལྷ་རྣམས་ལའོ།། ཚངས་པས་ནི་ཚངས་པ་རྣམས་ལ་བསྐུལ་ལོ།། སྤོས་དང་མེ་ཏོག་གི་འཕྲེང་བ་ལ་སོགས་པ་ལག་ཏུ ་ཐོགས་ནས་བྱང་ཆུབ་ཤིང་གི་དྲུང་དུ་སྐྱིལ་ཀྲུང་གིས་བཞུགས་པའི་སྐྱེས་བུ་ཆེན་པོ་དང་ཉེ་བར་འོངས་སོ། ། དེ་ལྟར་བདུད་རྣམས་ཟོས་ནས་སོང་ངོ་།། དཔལ་ལྡན་སངས་རྒྱས་རྒྱལ་བར་གྱུར།། སྡིག་ཅན་བདུད་ནི་ཕམ་པར་གྱུར།། ་རབ་དགའ་བྱང་ཆུབ་སྙིང་པོར་སྒྲོགས།། དེ་ཚེ་དྲང་སྲོང་ཀླུ་ཚོགས་རྒྱལ།། དཔལ་ལྡན་སངས་རྒྱས་རྒྱལ་བར་གྱུར།། སྡིག་ཅན་བདུད་ནི་ཕམ་པར་གྱུར།། རབ་དགའ་བྱང་ཆུབ་སྙིང་པོར་སྒྲོགས།། འདབ་བཟང་ཚོགས་ཀྱི་དྲང ་སྲོང་རྒྱལ། ། དཔལ་ལྡན་སངས་རྒྱས་རྒྱལ་བར་གྱུར།། སྡིག་ཅན་བདུད་ནི་ཕམ་པར་གྱུར།། རབ་དགའ་བྱང་ཆུབ་སྙིང་པོར་སྒྲོགས།། སྣ་ཚོགས་དེ་ཚེ་དྲང་སྲོང་རྒྱལ།། དཔལ་ལྡན་སངས་རྒྱས་རྒྱལ་བར་གྱུར།། སྡིག་ཅན་བདུད ་ནི་ཕམ་པར་གྱུར། ། རབ་དགའ་བྱང་ཆུབ་སྙིང་པོར་སྒྲོགས།། ཚངས་ཚོགས་དེ་ཚེ་རྒྱལ་བར་སྒྲོགས།། མཐར་སྟོང་ཕྲག་བཅུའི་ཁོར་ཡུག་གི་ལྷ་རྣམས་ཀྱིས་མེ་ཏོག་དང་། སྤོས་དང་། བྱུག་པ་རྣམས་ཀྱིས་མཆོད་པར ་བྱེད་དོ། ། རྣམ་པ་སྣ་ཚོགས་པའི་སྡོད་པ་བྱེད་ཅིང་འཁོད་དོ།། འདི་ལྟར་སྐྱེས་བུ་ཆེན་པོ་ཉི་མ་ནུབ་པའི་ཚེ་བདུད་རྣམ་པར་བཅོམ་ནས་ཆོས་གོས་ཀྱི་སྟེང་དུ་བྱང་ཆུབ་ཀྱི་ཤིང་གི་འདབ་མ་མྱུ་གུ་ལྟ་བུ་ལྷུང་ཞིང་བྱུ་རུ་དམར་པོས ་མཆོད་པར་བྱེད་པ་ལྟ་བུའོ། ། ཐུན་དང་པོ་ལ་སྔོན་གྱི་གནས་རྗེས་སུ་དྲན་པ་ཡེ་ཤེས་ཀྱི་རྟོགས་པ་དང་། ཐུན་པར་པ་ལ་ལྷའི་སྤྱན་རྣམ་པར་དག་པས་ཡེ་ཤེས་ཐོབ་པ་དང་། ཐུན་ཐ་མ་ལ་རྟེན་ཅིང་འབྲེལ་པར་འབྱུང་བའི ་ཡེ་ཤེས་ཐོབ་བོ། ། དེ་ནས་རྟེན་འབྲེལ་བཅུ་གཉིས་ཀྱི་རྐྱེན་གྱིས་རྣམ་པར་འཇུག་པ་དང་། མི་འཇུག་པའི་ལུགས་ལས་བྱུང་བ་དང་། ལུགས་ལས་བཟློག་པ་དྲན་པར་བྱེད་ཅིང་དྲན་པར་བྱེད་དོ།། སྟོང ་ཕྲག་བཅུས་འཇིག་རྟེན་གྱི་ཁམས་ནུའི་མཐར་ཐུག་པར་བྱས་ནས་ལན་བཅུ་གཉིས་སུ་ཡང་དག་པར་གཡོས་སོ། ། སླར་ཡང་སྐྱེས་བུ་ཆེན་པོས་སྟོང་ཕྲག་བཅུའི་འཇིག་རྟེན་གྱི་ཁམས་སུ་སྒྲ་ཆེན་པོ་སྒྲོགས་ཤིང་། སྐྱེ ་རེངས་ཤར་བའི་དུས་སུ་ཐམས་ཅད་མཁྱེན་པའི་ཡེ་ཤེས་སོ་སོར་མྱོང་ངོ་། ། སྟོང་བྲག་བཅུའི་འཇིག་རྟེན་གྱི་ཁམས་ཐམས་ཅད་བརྒྱན་བཞིན་དུ་རིགས་པར་གྱུར་ཏོ།། ཤར་ཕྱོགས་ཀྱི་ཁོར་ཡུག་གོ་སྟེང་དུ་རྒྱལ ་མཚན་དང་བ་དན་བཙུགས་པའི་ཤམ་བུས་ནུབ་ཀྱི་ཁོར་ཡུག་གི་སྟེང་དུ་ཆགས་སོ། ། དེ་བཞིན་དུ་ནུབ་ཕྱོགས་ཀྱི་ཁོར་ཡུག་གི་མཐའི་སྟེང་དུ་རྒྱལ་མཚན་དང་བ་དན་བཙུགས་པའི་ཤམ་བུས་ཤར་གྱི་ཁོར་ཡུག་གི་སྟེང ་དུ་ཆགས་སོ། ། བྱང་གི་ཕྱོགས་ཀྱི་ཁོར་ཡུག་གི་སྟེང་དུ་རྒྱལ་མཚན་དང་བ་དན་བཙུགས་པའི་ཤམ་བུས་ལྷོའི་ཁོར་ཡུག་གི་སྟེང་དུ་ཆགས་སོ།། ལྷོའི་ཕྱོགས་ཀྱི་ཁོར་ཡུག་གི་སྟེང་དུ་རྒྱལ ་མཚན་དང་བ་དན་བཙུགས་པའི་ཤམ་བུས་བྱང་གི་ཁོར་ཡུག་གི་སྟེང་དུ་ཆགས་སོ། ། ས་གཞི་ལས་ལངས་པའི་རྒྱལ་མཚན་དང་བ་དན་ཚངས་པའི་གནས་སུ་ཆགས་སོ།། ཚངས་པའི་འཇིག་རྟེན་གྱི་གནས་སུ་བཅིངས ་པའི་རྒྱལ་མཚན་དང་བ་དན་ས་གཞིའི་སྟེང་དུ་ཆགས་སོ། ། སྟོང་ཕྲག་བཅུའི་ཁོར་ཡུག་ལ་མེ་ཏོག་གི་ཤིང་ལ་མེ་ཏོག་ཁ་བྱེའོ།། འབྲས་བུའི་ཤིང་ལ་འབྲས་བུ་མང་པོར་གྱུར་ཏོ།། སྡོང་པོ་རྣམས་ལ་སྡོང་པོའི་པདྨ ་མེ་ཏོ་ཁ་བྱེའོ། ། ཡལ་ག་རྣམས་ལ་ཡལ་གའི་པདྨའི་མེ་ཏོག་གོ། འཁྲི་ཤིང་རྣམས་ལ་འཁྲི་ཤིང་གི་པདྨའི་མེ་ཏོག་གོ།། ནམ་མཁའ་ནས་ཐུར་དུ་པདྨའི་མེ་ཏོག་འཕྱང་ངོ་།། ཐང་དང་རྡོའི་སྟེང་དུ་བརྟོལ་ནས་སྟེང ་ནས་སྟེང་དུ་བདུན་བདུཅུ་བརྔུ་ཏེ་རྒྱུན་གྲ་པའི་པ་མ་ཏོག་ཅེས་བྱ་བ་བྱུང་ངོ་། ། སྣོང་ཕྲག་བཅུའི་འཇིག་རྟེན་གྱི་ཁམས་ཁྱད་པར་དུ་འཕགས་པའི་མེ་ཏོག་གི་གདན་བཞིན་དུ་གྱུར་ཏོ།། ཁོར་ཡུག་གི་བར་དཔག་ཚད་སྟོང་ཕྲག ་བརྒྱད་ཀྱི་འཇིག་རྟེན་གྱི་བར་གྱི་དམྱལ་བ་ཉི་མ་བདུན་གྱི་འོད་ཀྱིས་ཀྱང་སྣང་བར་བྱེད་པ་མེད་པས་ན་དཀོན་ནོ། ། དེ་དང་མཚུངས་པའི་འཇིག་རྟེན་གྱི་བར་གྱི་དམྱལ་བ་པ་དེ་མ་ཐག་ཏུ་སྣང་བར་གྱུར་ཏོ།། དཔག་ཚད་བརྒྱད་ཁྲི ་བཞི་སྟོང་ཙམ་གྱིས་ཟབ་པའི་རྒྱ་མཚོ་ཆེན་པོའི་ཆུ་དངར་པོར་གྱུར་ཏོ། ། ཆུ་ཀླུང་རྣམས་ནི་འགྲོ་བ་གནས་སོ།། དམུས་ལོང་རྣམས་ཀྱི་མིག་གིས་གཟུགས་མཐོང་ངོ་།། འོན་པ་རྣམས་ཀྱིས་རྣབས་སྒྲ་ཐོས་སོ།། གོང་པོ ་རྣམས་ཀྱིས་འགྲོ་ཤེས་པར་གྱུར་ཏོ། ། བཅིངས་པའི་སེམས་ཅན་རྣམས་ན་རྗེས་སུ་བཅིངས་པ་ལས་རྒོལ་བར་གྱུར་ཏོ།། འདི་ལྟར་ཚད་མེད་པའི་དཔལ་དུ་གྱུར་ནས་མཆོད་པ་དང་ཡ་མཚན་པའི་ཆོས་རབ་ཏུ་སྐྱེས་སོ།། ་ཐམས་ཅད་མཁྱེན་པའི་ཡེ་ཤེས་སོ་སོ་འཇིག་གོ། སངས་ཤེས་ཐམས་ཅ་ཀྱིས་བཤད་པ་མེད་དུ་བརྗོད་པ་ཆེད་དུ་བརྗོད་དོ།། སྐྱེ་བོའི་འཁོར་བ་མ་ལུས་པར།། དུག་མེད་རྣམ་པར་དུག་མེད་ཚོལ།། ཁྱིམ་མེད་པ་ནི་ཚོལ ་བ་ན། སྐྱེ་བའི་སྡུག་བསྔལ་ཡང་ཡང་དང་།། ཁྱིམ་མེད་པ་ན་མཐོང་བར་གྱུར།། སླར་ཡང་ཁྱིམ་ན་བྱེད་པ་མེད།། དེ་ཡི་སྡུག་བསྔལ་ཐམས་ཅད་བཅོམ།། དུག་གི་མིང་ཅན་ཁྱིམ་གྱི་ཕུང་།། སེམས་ནི་འདུ་བྱེད་པ ་ལས་གྲོལ། ། སྲེད་པ་ཟད་ནས་མེད་པར་གྱུར།། ཅེས་པ་འདི་ནི་དགའ་ལྡན་གྱི་ཕོ་བྲང་དུ་གནས་པ་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་འདིར་ཐམས་ཅད་མཁྱེན་པ་ཐོབ་པ་དེ་རྣམས་ཀྱི་གནས་ནི་གླེང་གཞི་པར་མ་ཞེས ་བྱ་བ་ཡིན་ནོ། ། ག་རཱ་ནི། ས་མན་རྒྱལ་བྱེད་ཚལ་མགོན་མེད་ཟས་སྦྱིན་གྱི་ཀུན་དགའ་ར་བའི་གནས་སུ་བཞུགས་པ་དང་། ཡངས་པ་ཅན་གྱི་ནགས ་ཚལ་ཆེན་པོ་ཁང་པ་བརྩེགས་པའི་གནས་སུ་བཞུགས་སོ། ། དེ་ལྟར་དེ་དང་དེའི་གནས་རྣམས་སུ་བཞུགས་ཤིང་དེ་དང་དེའི་གནས་ཉིད་ཐོབ་ཅེས་བརྗོད་དོ།། གང་ཅི་ཡང་འདི་ལྟར་བརྗོད་པ་དེ་ནས་ཡང་དེ་དང་པོ་ནས ་བཟུང་ནས་འདི་ལྟར་རིག་བྱའོ། ། བཅོམ་ལྡ་རྗོད་པ་དེ་ལྟ་བུའི་སེམས་སྐྱེས་སོ།། བདག་གིས་བསྐལ་པ་གྲངས་མེད་པ་བཞི་དང་འབུམ་ཕྲག་གཅིག་ལྷག་པ་ནས ་སྐྱིལ་ཀྲུང་བཅས་པ་འདིའི་ཆེད་དུ་དུས་འདི་རྣམས་ལ་བདག་གི་མགོ་རྒྱན་གྱིས་བརྒྱན་པའི་མགྲིན་པ་ནས་བྲེགས་ཏེ་སྦྱིན་པར་བཏང་བ་དང་། སྤྱན་བཟང་པོ་བཏུང་བ་དང་། སྙིང་གི་ཤ་བྲེགས ་ནས་བཏང་བ་དང་། གཞོན་ནུ་དྲ་བ་འཛིན་དང་འདྲ་བའི་བུ་སྦྱིན་པར་བཏང་བ་དང་། ཀྲྀཥྞ་ཛི་ནའི་གཞོན་ནུ་མ་དང་མཚུངས་པའི་བུ་མོ་སྦྱིན་པར་བཏང་བ་དང་། ལྷ་མོ་མ་ཏྲི་དང་མཚུངས་པའི་ཆུང་མ་རྣམས་གཞན་གྱི་བྲན ་གྱི་ཕྱིར་སྦྱིན་པར་བཏང་ངོ་། ། འདི་ནི་བདག་གི་འདུག་སྟངས་ཡིན་ནོ།། རྒྱལ་བའི་འདུག་སྟངས་ཡིན་ནོ།། མཆོག་གི་འདུག་སྟངས་ཡིན་ནོ།། བ་དི་ལ་བདག་བཞུགས་ནས་བསམས་པ་ཐམས་ཅད་ཡོངས་སུ ་རྫོགས་སོ། ། རེ་ཞིག་གདན་འདི་ལས་བདག་མི་ལྡང་ངོ་སྙམ་དུ་བསམས་ནས། བྱེ་བ་འབུམ་ཕྲག་དུ་མ་ལ་སྙོམས་པར་ཞུགས་ནས་མཉམ་པར་གནས་ཏེ་ཞག་བདུན་དུ་དེ་ཉིད་དུ་བཞུགས་སོ།། དེའི་ཕྱིར་སངས་རྒྱས ་ཞེས་བརྗོད་དོ། ། དེ་ནས་ཡང་བཅོམ་ལྡན་འདས་ཀྱིས་ཞག་བདུན་དུ་འདུག་སྟངས་གཅིག་གིས་བཞུགས་སོ།། རྣམ་པར་གྲོལ་བ་དང་བདེ་བ་སོ་སོར་རིག་ཅིང་བཞུགས་སོ།། གཞན་ཡང་ལྷ་གང་དང་གང་ཞིག་དབུང ་ཡང་ངེས་པར་དོན་གྲུབ་ལ་བྱ་བ་ཡོད་དམ། འདུག་སྟངས་འདི་ལ་ཞེན་པ་མ་སྤངས་པ་དང་། རྣམ་པར་རྟོག་པ་ཡོངས་སུ་བསྐྱེད་དོ་ཞེས་བསམས་ནས། སྟོན་པས་ལྷ་རྣམས་ཀྱི་རྣམ་པར་རྟོག་པ་མཁྱེན་ནས། ་དེ་རྣམས་ཀྱི་རྣམ་པར་རྟོག་པ་ཉེ་བར་ཞི་བར་བྱ་བའི་ཕྱིར། སྟེང་གི་ནམ་མཁའ་ལ་འདུག་ནས་སོ་སོར་ཆོ་འཕྲུལ་བསྟན་ནོ།། བྱང་ཆུབ་ཀྱི་སྙིང་པོར་མཛད་པའི་ཆོ་འཕྲུལ་དང་། ཉེ་དུ་དང་འདུས་པའི་དུས་སུ་མཛད་པའི ་ཆོ་འཕྲུལ་དང་། ཀློག་པའི་མདོ་དང་འདུས་པར་མཛད་པའི་ཆོ་འཕྲུལ་ཐམས་ཅད་ཨ་མྲ་སྲུན་པ་དང་། ཨ་མྲའི་ཤིང་གི་དྲུང་དུ་མཛད་པའི་སོ་སོའི་ཆོ་འཕྲུལ་དང་མཚུངས་པར་གྱུར་ཏོ།། འདི་ལྟར་སྟོན་པས་འདི་ལྟ ་བུའི་ཆོ་འཕྲུལ་མཛད་ནས་ལྷ་རྣམས་ཀྱི་རྣམ་པར་རྟོག་པ་ཉེ་བར་ཞི་བར་མཛད་དོ། ། འདུག་སྟངས་ཀྱིས་བྱང་ཤར་གྱི་ཆར་འཁོད་དེ། འདིའི་འདུག་སྟངས་ཀྱིས་ཐམས་ཅད་མཁྱེན་པའི་ཡེ་ཤེས་སོ་སོར་རྟོགས་པར ་བྱེད་དོ། ། བསྐལ་པ་གྲངས་མེད་པ་བཞི་དཔའ་བུམ་ཕྲག་གཅིག་གིས་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་འབྲས་བུ་ལྷག་པར་རྟོགས་པའི་འདུག་སྟངས་ཀྱིས་མིག་མི་འཛུམས་པར་ལྟ་ཞིང་ཞག་བདུན་དུ་འཁོད ་དོ། དེའི་གནས་སུ་མིག་མི་འཛུམས་པའི་མཆོད་རྟེན་ཞེས་བྱ་བ་བྱུང་ངོ་།། དེ་ནས་འདུག་སྟངས་ལ་འཁོད་པའི་གནས་ཀྱི་བར་དུ་འཆག་པར་བྱས་ནས་ཤར་དང་ནུབ་ཏུ་རིན་པོ་ཆེ་ལ་འཆག་ཅིང་འཆག་པས་ཞག ་བདུན་དུ་འཁོད་དོ། ། གནས་དེར་རིན་པོ་ཆེ་ལ་འཆག་པའི་མཆོད་རྟེན་ཞེས་བྱ་བ་བྱུང་ངོ་།། གཞན་ཡང་ཞག་བདུན་པ་བཞི་པ་ལ་བྱང་ཆུབ་ཤིང་གི་བྱང་ཤར་གྱི་ཆར་ལྷ་རྣམས་ཀྱིས་རིན་པོ་ཆེའི་ཁང་པ་སྤྲུལ་ལོ།། དེར ་འདུག་སྟངས་ཀྱིས་བཞུགས་ནས་ཆོས་མངོན་པའི་སྡེ་སྣོད་མ་ལུས་པར་འདི་རྣམས་མཐའ་ཡས་པའི་ཚུལ་གྱིས་ཀུན་གནས་པར་སེམས་ཤིང་ཞག་བདུན་བཞུགས་སོ། ། ཆོས་མངོན་པ་སླར་ཡང་འདི་སྐད་སྨྲའོ།། ་རིན་པོ་ཆེའི་ཁང་པ་ཞེས་བྱ་བ་རིན་པོ་ཆེ་ལས་བྱུང་བའི་ཁང་པ་ཡིན་ནོ་ཞེས་ཟེར་རོ།། སྡུད་པར་བྱེད་པ་པོ་རྣམས་སླར་ཡང་འདི་སྐད་གསུང་སྟེ། རབ་ཏུ་བྱེད་པ་བདུན་གྱི་ཆོས་མངོན་པར་རྗེས་སུ་དྲན་པར་བྱེད་པའི་རིན ་བོ་ཆེའི་ཁང་པ་ཡིན་ནེས་གསུང་ངོ་། ། གང་གི་ཕྱིར་སླར་ཡང་འདིར་ཚིག་གཉིས་ཀའང་འཐང་ངོ་།། དེའི་ཕྱིར་འདི་གཉིས་ཀའང་བཟུང་བར་བྱའོ།། དེ་ནས་སྔར་ཡང་གནས་དེ་རིན་པོ་ཆེའི་ཁ ་པའི་མཆོད་རྟེན་ཞེས་བྱ་བ་བྱུང་ངོ་། ། འདི་ལྟར་བྱང་ཆུབ་ཤིང་དང་ཉེ་བ་ཉིད་དུ་ཞག་བདུན་པ་བཞི་པ་སོང་ནས་ཞག་བདུན་པ་ལྔ་པ་ལ་བྱང་ཆུབ་ཤིང་གི་དྲུང་ནས་ར་ལུག་སྦྱོང་བའི་ཤིང་ནྱ་གྲོ་དྷ་དང་ཉེ་བར་གཤེགས་ནས་དེར་ཡང ་ཆོས་ལ་རྣམ་པར་སེམས་པ་ཉིད་ཀྱིས་རྣམ་པར་གྲོལ་བ་དང་། བདེ་བས་སོ་སོར་རིག་པར་མཛད་ནས་བཞུགས་སོ།། དེའི་ཚེ་ལྷའི་བུའི་བདུད་དུས་འདི་རྣམས་ཀྱི་ཕྱི་མ་ལ་གྲིབ་མ་བཞིན་དུ་ཕྱོགས་གང་དུའང་མ ་སྤངས་སོ། ། བྱང་ཆུབ་སེམས་དཔའ་ལ་སྐྱོན་ཅུང་ཟད་ཀྱང་མ་མཐོང་ངོ་།། ད་ནི་ངའི་དབང་དུ་བྱ་བ་ལས་འདས་པས་ཡིད་མི་བདེ་བ་ཐོབ་པར་གྱུར་ཅིང་ལམ་ཆེན་པོར་གནས་ནས་རྣམ་པ་བཅུ་དྲུག་གི་རྒྱུ་མཚན་ལ ་སེམས་ཤིང་ས་ལ་རི་མོ་བཅུ་དྲུག་འདྲིའོ། ། བདག་གིས་འདི་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་མ་རྫོགས་པ་དེའི་ཕྱིར་བདག་འདི་དང་འདྲ་བར་མ་གྱུར་ཏོ་ཞེས་རི་མོ་གཅིག་བྲིས་སོ།། དེ་བཞིན་དུ་བདག་འདི་དང ་མཚུངས་པར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། ངེས་འབྱུང་གི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། ་བདེན་པའི་ཕ་རོལ་ཏུ་ཕྱིན་པ་དང་། ལྷག་པར་གནས་པའི་ཕ་རོལ་ཏུ་ཕྱིན་པ་དང་། བྱམས་པའི་ཕ་རོལ་ཏུ་ཕྱིན་པ་དང་། བཏང་སྙོམས་ཀྱི་ཕ་རོལ་ཏུ་ཕྱིན་པ་རྣམས་མ་རྫོགས་སོ།། དེའི་ཕྱིར་བདག་འདི་དང ་མཚུངས་པར་མ་གྱུར་ཏོ་སྙམ་ནས་རི་མོ་བཅུ་བྲིས་སོ། ། བདག་འདི་དང་མཚུངས་པའི་ཐུན་མོང་མ་ཡིན་པའི་དབང་པོ་མཆོག་གི་གོང་མའི་ཡེ་ཤེས་སོ་སོར་རིག་པ་ཉེ་བར་གནས་པར་གྱུར་པའི་ཕ་རོལ་ཏུ་ཕྱིན་པ་བཅུ་མ་རྫོགས ་པ་དེའི་ཕྱིར་བདག་འདི་དང་མཚུངས་པར་མ་གྱུར་ཏོ་སྙམས་ནས་རི་མོ་བཅུ་དྲུག་བྲིས་སོ། ། དེ་བཞིན་དུ་བདག་འདི་དང་མཚུངས་པའི་ཐུན་མོང་མ་ཡིན་པའི་བསམ་པའི་བག་ལ་ཉལ་དང་། ཡེ་ཤེས་ཀྱི་ཐུགས་རྗེ་ཆེན ་པོ་དང་། སྙོམས་པར་འཇུག་པའི་ཡེ་ཤེས་དང་། སོ་སོར་ཆོ་འཕྲུལ་གྱི་ཡེ་ཤེས་དང་། སྒྲིབ་པ་མེད་པའི་ཡེ་ཤེས་དང་། ཐམས་ཅད་མཁྱེན་པའི་ཡེ་ཤེས་སོ་སོར་གནས་པར་གྱུར་པའི་ཕ་རོལ་ཏུ་ཕྱིན་པ ་བཅུ་མ་རྫོགས་པ་དེའི་ཕྱིར་བདག་འདི་དང་མཚུངས་པར་མ་གྱུར་ཏོ་སྙམ་ནས་རི་མོ་བཅུ་དྲུག་བྲིས་སོ། ། འདི་ལྟར་འདིའི་རྒྱུ་མཚན་སེམས་ཤིང་ལམ་ཆེན་པོར་རི་མོ་བཅུ་དྲུག་བྲིས་ནས་གནས་སོ།། དེའི་ཚེ་སྲེད་མ་དང ་ཀུན་ཏུ་དགའ་མ་དང་། དགའ་མ་སྟེ་གསུམ་པོ་ནི་བདུད་ཀྱི་བུ་མོ། བདག་ཅག་གི་པ་ནི་མ་མཐོང་བར་གྱུར་པས་དེ་མ་ཐག་པར་ག་ན་ཡོད་དམ་ཞེས་བལྟ་ཞིང་རྒྱུ་བ་ན་དེ་ཡིད་མི་བདེ་བ་ཐོབ་པར་གྱུར་ཏེ། ས་ལ་རི ་མོ་བྱེད་པ་མཐོང་ནས་པ་དང་ཉེ་བར་སོང་སྟེ། ཕ་གང་གི་ཕྱིར་སྡུག་བསྔལ་ཞིང་ཡིད་མི་བདེ་བར་བྱེད་ཅེས་དྲིས་སོ།། བུ་མོ་དགེ་སྦྱོང་ཆེན་པོ་འདི་བདག་གི་དབང་དུ་བྱེད་པ་ལས་འདས་སོ་ཞེས་འདི་རྣམས་ཀྱི་དུས་སུ ་བལྟས་པས་སྐྱོན་ཅུང་ཟད་ཀྱང་མ་མཐོང་ངོ་། ། དེའི་ཕྱིར་བདག་སྡུག་བསྔལ་ཞིང་ཡིད་མི་བདེ་བ་སྐྱེས་སོ།། འདི་ལྟར་གྱུར་ན་དེ་ལྟར་མ་བསམ་ཞིག། བདག་ཅག་གསུམ་གྱིས་དེ་དབང་དུ་བྱས་ནས་ཁྲིད་ལ་འོང་ངོ་།། ་སྨྲས་པ། བུ་མོས་མི་ནུས་ཏེ་སྲས་ཀྱང་དབང་དུ་བྱ་བར་མི་ནུས་པས་སྐྱེས་བུ་འདི་ནི་མི་གཡོ་བའི་དད་པ་ལ་གནས་སོ།། སྨྲས་པ། ཕ་བདག་ཅག་བུད་མེད་ཡིན་པས་ད་ལྟ་ཉིད་དུ་དེ་ལ་འདོད ་ཆགས་ཀྱི་ཞགས་པས་བཙོངས་ཏེ་ཁྲིད་ལ་འོང་ངོ་། ། ཁྱེད་མ་སེམས་ཤིག། དེ་ནས་བུད་མེད་དེ་རྣམས་བཅོམ་ལྡན་འདས་དང་ཉེ་བར་སོང་སྟེ། དགེ་སྦྱོང་ཁྱོད་ཀྱི་ཞབས་ལ་བསྙེན་བཀུར་བདག་ཅག་གིས་བགྱིའོ་ཞེས ་སྤྲས་སོ། ། བཅོམ་ལྡན་འདས་ཉིད་ཀྱིས་དེ་རྣམས་ཀྱི་ཚིག་ལ་ཐུགས་མ་གཏད་དོ།། སྤྱན་རྣམ་པར་གྲོལ་བའ་ང་མ་གཟིགས་སོ།། ཇི་ལྟར་དེ་བླ་ན་མེད་པའི་ཉེ་བར་སྐྱེ་བ་ཟད་པ་རྣམ་པར་གྲོལ་བའི་བསམ་པས་དབེན་པའི ་བདེ་བ་ཉིད་ལ་ཉམས་སུ་མྱོང་བར་མཛད་ཅིང་བཞུགས་སོ། ། གཞན་ཡང་བདུད་ཀྱི་བུ་མོ་བསམ་པ་མང་ཞིང་སྐྱེས་བུ་དང་མཚུངས་པའི་སེམས་སོ།། གང་དང་གང་གཞོན་ནུ་ལ་དགའ་བར་འགྱུར་རོ།། གང་དང་གང ་ཞིག་ན་མོད་དང་པོར་གྱུར་པ་ལ་དགའ་བ་དང་། གང་དང་གང་ཞིག་ན་ཆོད་པར་མར་གྱུར་པ་ལ་དགའ་བ་དང་། གང་དང་གང་ཞིག་ན་ཆོད་ཕྱི་མར་གྱུར་པ་ལ་དགའ་བའོ།། བདག་གིས་དེ་ལྟ་བུའི་རྣམ་པ་སྣ་ཚོགས་པའི ་འོད་ལ་ཆགས་པར་བགྱིའོ་ཞེས་སྨྲས་ནས། བུ་མོ་རེ་རེས་གཞོན་ནུ་མའི་གཟུགས་ལ་སོགས་པའི་བརྒྱ་ཕྲག་གིས་བདག་ཉིད་ཀྱི་ལུས་སྤྲུལ་ལོ།། གཞོན་ནུ་མའི་གཟུགས་དང་། ལང་ཚོ་མའི་གཟུགས་དང ་དང་པོ་བུ་དང་བུ་མོ་ལན་ཅིག་སྐྱེས་པའི་གཟུགས་དང་། བར་མའི་བུད་མེད་ཀྱི་གཟུགས་དང་། ལུས་རགས་མོར་གྱུར་ནས་ལན་དྲུག་ཏུ་བཅོམ་ལྡན་འདས་དང་ཉེ་བར་སོང་ནས། དགེ་སྦྱོང་ཁྱོད་ཀྱི་ཞབས་ལ་བདག ་ཅག་གིས་བསྙེན་བཀུར་བགྱིའོ་ཞེས་སྨྲས་སོ། ། བཅོམ་ལྡན་འདས་ཀྱིས་དེ་རྣམས་ཀྱི་ཚིག་ལའང་ཐུགས་མ་གཏད་དོ།། ཇི་ལྟར་དེ་བླ་ན་མེད་པ་ཉེ་བར་སྐྱེ་བ་རྣམ་པར་གྲོལ་ལོ།། གཞན་ཡང་སློབ་དཔོན་གང་ཞིག་འདི ་སྐད་སྨྲའོ། ། དེ་རྫུ་འཕྲུལ་དང་ལྡན་པས་བུད་མེད་འོངས་པ་ལ་ལྟ་ཞིང་བཅོམ་ལྡན་པ་དས་འདི་ལྟ་བུའི་གཟུགས་ཀྱིས་འདི་རྣམས་སོ་བྱི་བ་དང་། སྒྲ་དཀར་པོར་གྱུར་པར་བྱིན་གྱིས་བརླབས་སོ་ཞེས་ཟེར་རོ།། དེའི་ཚིག ་གཟུང་བར་མི་བྱའོ། ། སྟོན་པས་འདི་ལྟ་བུའི་གཟུགས་སུ་བྱིན་གྱིས་བརླབས་པ་ལ་མ་མཛད་དོ།། གཞན་ཡང་བཅོམ་ལྡན་འདས་ཀྱིས་ཅི་མཐོང་བ་དི་ལྟ་བུའི་འབད་པ་བྱེད་པ་དེ་སོང་ཞིག། འདི་ལྟ་བུའི་ཚུལ ་གྱིས་འདོད་ཆགས་དང་མ་བྲལ་བ་ལ་སོགས་པའི་མདུན་དུ་བྱ་བར་རིགས་སོ། ། དེ་བཞིན་གཤེགས་པས་སླར་ཡང་འདོད་ཆགས་སྤངས་ཤིང་ཉེས་པ་སྤངས་པ་དང་། གཏི་མུག་སྤངས་པས་རང་གི་འདོད ་ཆགས་སྤངས་པའི་ཕྱིར་རོ། ། གང་ཞིག་རྒྱལ་བ་དེ་ལ་རྒྱལ་མི་ནུས།། གང་ཞིག་འཇིག་རྟེན་འདིར་ནི་རྒྱལ་མི་འགྱུར།། མཐའ་ཡས་སངས་རྒྱས་སྤྱོད་ཡུལ་དེ་མི་གནས།། རྐང་མེད་ཀྱིས་ནི་རྐང་ཡོད་ལ ་མི་ནུས། ། གང་གི་སྲེད་པའི་དྲ་བ་བཏོན་གྱུར་ནས།། དེ་ལ་སྲེད་པ་རྣམས་ནི་ཅུང་ཟད་མེད།། མཐའ་ཡས་སངས་རྒྱས་སྤྱོད་ཡུལ་དེ་ཉིད་ལ།། རྐང་མེད་དེ་ཡིས་རྐང་ཡོད་ལ་མི་ནུས།། འདིར་ནི་སངས་རྒྱས ་ཀྱི་ཆོས་མཆོག་གི་སྡེ་ལས་ཚིགས་སུ་བཅད་པ་གཉིས་གསུངས་ནས་ཆོས་བསྟན་ཏོ། ། བུ་མོ་རྣམས་ལ་ཕ་ཟེར་བའང་བདེན་པ་ཡིན་ནོ།། དགྲ་བཅོམ་པ་བདེ་བར་གཤེགས་པ་འཇིག་རྟེན་ན་མིའི་མཆོག་ཡིན ་ནོ་ཞེས་སྨྲས་ནས་ལྷ་དང་ཉེ་བར་སོང་ངོ་། ། བཅོམ་ལྡན་འདས་ཀྱིས་ཀྱང་འདིར་ཞག་བདུན་བཞུགས་ནས་བཏང་ཟུང་གི་གནས་སུ་གཤེགས་སོ།། དེར་ཞག་བདུན་དུ་སྐུ་ལ་ཡུལ་ངན་དང་གྲང ་བ་ཞི་བར་བྱ་བའི་ཕྱིར་ཀླུའི་རྒྱལ་པོ་བཏང་ཟུང་ཞེས་བྱ་བས་ལུས་ཀྱིས་ལན་བདུན་དུ་དཀྲིས་ནས་གདེང་ཀ་བྱས་སོ། ། དྲིའི་གཙང་ཁང་ཤིན་ཏུ་ཡངས་པར་བཞུགས་པ་བཞིན་རྣམ་པར་གྲོལ་བ་དང་། བདེ་བ་སོ་སོར ་རིག་པར་བྱེད་ཅིང་ཞག་བདུན་དུ་བཞུགས་ནས་ཤིང་རཱ་ཛ་ཡ་ཏ་ན་དང་ཉེ་བར་གཤེགས་སོ། ། དེར་ཡང་རྣམ་པར་གྲོལ་བ་དང་། བདེ་བ་སོ་སོར་རིག་པར་བྱེད་པ་ཉིད་ཀྱིས་བཞུགས་སོ།། དེ་རྣམས་ཀྱིས་རེ་ཞིག་ཞག ་བདུན་ཕྲག་བདུན་ཡོངས་སུ་རྫོགས་སོ། ། དེ་རྣམས་ཀྱི་བར་དུ་ཞལ་ཤོལ་བ་མེད་པ་དང་། སྐུ་ལ་བྱི་དོར་བྱེད་པ་མེད་པ་དང་། ཞལ་ཟས་གསོལ་བ་མེད་པར་གྱུར་ཏོ།། བསམ་གཏན་གྱི་བདེ་བ་དང་། ལམ ་གྱི་བདེ་བ་དང་། འབྲས་བུའི་བདེ་བ་ཉིད་ཀྱིས་ཉིན་མཚན་འདའ་འོ།། དེ་ནས་དེའི་བདུན་ཕྲག་བདུན་གྱི་མཐར་གཅིག་གིས་དམན་པའི་ལྔ་བཅུའི་མཐའི་ཉི་མ་ལ་དེར་བཞུགས་ནས་ཞལ་ཤོལ་བའི ་ཐུགས་སྐྱེས་སོ། ། ལྷའི་དབང་པོ་བརྒྱ་བྱིན་གྱིས་ཨ་རུ་ར་མཆོག་བླངས་ནས་ཕུལ་ལོ།། སྟོན་པས་དེ་གསོལ་བས་སྐུ་དངས་པར་གྱུར་ཏོ།། དེ་ནས་བརྒྱ་བྱིན་ཉིད་ཀྱིས་སོ་རྩིའི་སོ་ཤིང་ཉིད་ཀྱི་སོ་ཤིང་དང་། ཞལ ་ཤོལ་བའི་ཆུ་ཕུལ་ལོ། ། སྟོན་པས་སོ་ཤིང་བླངས་ནས་སོ་དྲུད་དེ་མཚོ་ཆེན་པོ་མ་དྲོས་པའི་ཆུས་ཞལ་བཤལ་ལོ།། དེ་ཉིད་དུ་ཤིང་རཱ་ཛ་ཡ་ཏ་ནའི་དྲུང་དུ་བཞུགས་སོ།། དེའི་ཚེ་གགོན་དང་། བཟང་པོ་ཞེས་བྱ་བའི ་ཚོང་དཔོན་གཉིས་ཤིང་རྟ་ལྔ་བརྒྱ་དང་བཅས་པ་ལྷོ་ཕྱོགས་ཀྱི་ལྗོངས་ནས་ཡུལ་དབུས་སུ་འགྲོ་བ་ན་རང་ཉིད་ཀྱི་སྔར་གྱི་གཉེན། ལྷར་གྱུར་པས་ཤིང་རྟ་ཐམས་ཅད་བྱིང་ནས་འགྲོ་བར་མི་ནུས་པར་བྱིན་གྱིས་བརླབས་པས ་སྟོན་པ་ལ་ཁ་ཟས་སྟེར་བའི་ཕྱིར་སྤྲོ་བ་སྐྱེས་སོ། ། སྦྲང་སྲུབས་པའི་འཁུར་བའི་གོང་བུ་བླངས་ནས། བཙུན་པ་བཅོམ་ལྡན་འ་དས་བཟའ་བ་འདི་ཐུགས་རྗེ་ཆེན་པོ་བསྐྱེད་ལ་སོ་སོར་བཞེས་པར་ཞུ་ཞེས་སྟོན་པའི་དྲུང་དུ ་ཉེ་བར་འཁོད་དོ། ། བཅོམ་ལྡན་འདས་འོ་ཐུག་པ་ཞེས་པའི་ཉིན་མོ་ཉིད་ལྷུང་བཟེད་མི་སྣང་བའི་ཕྱིར། དེ་བཞིན་གཤེགས་པ་རྣམས་ཀྱི་ཡང་ཕྱག་གིས་ལེན་ནམ། འོན་ཀྱང་ལྷུང་བཟེད་ཀྱིས་བསྡང་ཞེས་བསམས ་སོ། ། དེ་ནས་སེམས་ཀྱིས་ཤེས་ནས་ཕྱོགས་བཞིའི་རྒྱལ་པོ་ཆེན་པོ་བཞི་པོ་རྣམས་ཀྱིས་ནོར་བུ་ཨིནྡྲ་ནཱི་ལའི་ལྷུང་བཟེད་བླངས་པ་བཅོམ་ལྡན་འདས་ཀྱིས་མ་གནང་ངོ་།། སླར་ཡང་སྲན་མ་མུངྒའི་ཁ་དོག་ཅན་གྱི་རྡོ་ལས ་བྱུང་བའི་ལྷུང་བཟེད་བཞི་ཕུལ་ལོ། ། བཅོམ་ལྡན་འདས་ཀྱིས་ལྷའི་བུ་བཞི་པོ་རྣམས་ལ་རྗེས་སུ་བརྩེ་བས་ལྷུང་བཟེད་བཞི་པོ་བཞེས་ཏེ། སྟེང་ནས་སྟེང་དུ་བརྩེགས་ནས་བཞག་སྟེ་གཅིག་ཏུ་འགྱུར་བར་བྱིན་གྱིས་བརླབས ་སོ། བཞི་པོའང་ལྟ་བའི་ཕྱིར་དུ་ཁ་ལ་རི་མོ་བཞིར་གྱུར་ཏེ་ལྷུང་བཟེད་འབྲིང་པོའི་ཚད་གཅིག་ཏུ་གྱུར་ཏོ།། བཅོམ་ལྡན་འདས་ལ་དེའི་སོ་སོར་ཕུལ་བ་རིན་ཐང་མེད་པའི་རྡོ་ལས་བྱུང་བའི་ལྷུང་བཟེད་དུ་བཟའ་བའི་ཕྱིར་དུ ་བཞེས་ནས་ཡོངསུ་ལོངས་སྤྱད་ནས་རྗེས་སུ་ཡི་རང་བར་མཛད་དོ། ། ཚོང་དཔོན་སྤུན་གཉིས་སངས་རྒྱས་དང་ཆོས་ལ་སྐྱབས་སུ་འགྲོ་ཞིང་ཆོག་གཉིས་པའི་དགེ་བསྙེན་དུ་གྱུར་ཏོ།། དེ་ནས་དེ་རྣམས་ཀྱིས་བཙུན ་པས་མཆོད་པར་བྱ་བར་རིགས་པའི་དངོས་པོ་གཅིག་གིས་བསླང་ཞེས་ཞུས་སོ། ། དེ་ནས་ཕྱག་གཡས་པ་རང་གི་མགོ་ལ་བྱུགས་ནས་སྒྲའི་གདུང་གནང་ངོ་།། དེ་དག་གིས་རང་གི་གྲོང་ཁྱེར་རྒྱ ་མཆོད་རྟེན་བཞེངས་སོ། ། ཡང་དག་པར་རྫོགས་པའི་སངས་རྒྱས་ཀྱིས་ཀྱང་དེ་ནས་བཞེངས་ནས་སླར་ཡང་ར་ལུག་སྐྱོང་བའི་ཤིང་ནྱ་གྲོ་དྷ་ཉིད་དུ་གཤེགས་ནས་ཤིང་ནྱ་གྲོ་དྷའི་དྲུང་དུ་བཞུགས་སོ།། དེ་ནས་དེ ་ཉིད་དུ་བཞུགས་ཙམ་ཉིད་ན་རང་གིས་ལྷག་པར་རྟོགས་པའི་ཟབ་མོའི་ཆོས་སོ་སོར་བསམ་ཞིང་སངས་རྒྱས་རྣམས་ཀྱིས་ལྷག་པར་རྟོགས་པ་འདི་ནི་ཆོས་སོ། ། གཞན་གྱིས་ཆོས་སྟོན་པར་མི་ནུས་པར་བསམས ་ནས་རབ་ཏུ་འཇུག་པའི་རྣམ་པའི་རྣམ་པར་རྟོག་པ་སྐྱེས་སོ། ། དེ་ནས་མི་མཇེད་ཀྱི་བདག་པོ་ཚངས་པ་འཇིག་རྟེན་ཉམས་པར་འགྱུར་པའི་ཕྱིར་རོ་ཞེས་བསམས་ནས་སྟོང་ཕྲག་བཅུའི་ཁོར་ཡུག་གི་བརྒྱ་བྱིན་དང་། ་འཐབ་བྲལ་བཟང་པོ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་ཕྱུག་དང་། ཚངས་པ་ཆེན་པོ་རྣམས་ཁྲིད་ནས་སྟོན་པའི་དྲུང་དུ་ཕྱིན་ནས། བཙུན་པ་བཅོམ་ལྡན་འདས་ཆོས ་བསྟན་དུ་གསོལ། དང་པོའི་ཚུལ་གྱིས་ཆོས་བསྟན་དུ་གསོལ་ཞེས་ཞུས་སོ།། སྟོན་པས་དེ་རྣམས་ལ་གནང་བ་བྱིན་ནོ།། གང་ཞིག་ལ་བདག་གིས་དང་པོར་ཆོས་བསྟན་པར་བྱའོ་ཞེས་དགོངས་ཤིང་མཁས་པ ་ཀུན་ལེན་དེའི་ཆོས་འདི་མྱུར་དུ་ཤེས་པར་འགྱུར་བའི་ཐུགས་སྐྱེས་སོ། ། སླར་ཡང་གཟིགས་ཏེ་དེ་དུས་ལས་འདས་ནས་ཞག་བདུན་ལོན་པར་རྟོགས་སོ།། འཆར་བྱེད་ལ་བརྟགས་པས། དེའང་དུས་ལས ་འདས་པར་མཁྱེན་ནོ། ། དགེ་སློང་ལྔ་སྡེས་བདག་ལ་བསྙེན་བཀུར་མང་པོ་བྱས་པས་ལྔ་སྡེའི་ཆེད་དུ་བསམས་ནས། དེ་རྣམས་གང་ན་གནས་པ་ཡིན་ཞེས་བརྟགས་སོ།། གྲོང་ཁྱེར་ཝཱ་རཱ་ཎ་སིའི་རི་དགས ་རྒྱ་བའི་ནགས་ཚལ་ན་ཡོད་པར་མཁྱེན་ནོ། ། དེར་གཤེགས་ནས་ཆོས་ཀྱི་འཁོར་ལོ་བསྐོར་རོ་ཞེས་དགོངས་ནས་ཞག་འགའ་ཞིག་ཏུ་བྱང་ཆུབ་ཀྱི་སྙིང་པོ་ཀུན་ཏུ་ཉེ་བ་ཉིད་དུ་བསོད་སྙོམས་མཛད་ཅིང་བཞུགས ་ནས། དབྱར་ཟླ་འབྲིང་པོའི་ཉལ་གྲོང་ཁྱེར་ཝཱ་རཱ་ཎ་སིར་གཤེགས་པར་དགོངས་ནས་ཚེ་ས་བཅུ་བཞིའི་མཚན་གྱི་མཐར་ནམ་ལངས་པ་ན་ཤིན་ཏུ་སྔ་བ་ཉིད་དུ་ལྷུང་བཟེད་དང་། སྣམ་སྦྱར་བསྣམས་ནས་དཔག ་ཚད་བཅོ་བརྒྱད་ཡོད་པའི་ལམ་ལ་གཤེགས་ཤིང་། ལམ་གྱི་བར་དུ་ཉེ་བར་གནས་པ་ཞེས་བྱ་བའི་འཚོ་བྱེད་གཅིག་གཟིགས་སོ།། དེ་ལ་རང་གི་སངས་རྒྱས་སུ་གྱུར་པ་བཤད་དོ།། ཉི་མ་དེ་ཉིད་ལ་སྲོད་ཀྱི་དུས ་སུ་དྲང་སྲོང་ལྷུང་བའི་གནས་སུ་གཤེགས་སོ། ། གནས་བརྟན་ལྔ་སྡེས་དེ་བཞིན་གཤེགས་པ་བྱོན་པ་རིང་པོ་ཉིད་ནས་མཐོང་སྟེ། དགེ་སྦྱོང་གོའུ་ཏ་མ་འདི་བཟའ་བ་མང་པོའི་ཕྱིར་ལུས་ཡོངས་སུ་རྫོགས་པར ་གྱུར། དབང་པོ་ཡོངས་སུ་རྫོགས་པར་གྱུར། གསེར་གྱི་ཁ་དོག་ཏུ་གྱུར་ནས་འོང་གིས། འདི་ལ་ཕྱག་ལ་སོགས་པ་མི་བྱའོ།། འདི་རིགས་ཆེན་པོར་སྐྱེས་པ་ཡིན་པས་གདན་ཤོམ་པ་ཙམ་འོས་སོ།། དེའི ་ཕྱིར་གངན་ཙམ་རིགས་སོ་ཞེས་གཏམ་བྱེད་དོ། ། བཅོམ་ལྡན་འདས་ལ་ལྷ་དང་བཅས་པའི་འཇིག་རྟེན་རྣམས་ཀྱི་སེམས་དང་སྤྱོད་པ་ཤེས་པར་ནུས་པའི་ཡེ་ཤེས་ཡོད་དོ།། དེའང་འདི་རྣམས་ཇི་ལྟར་སེམས ་པ་ཡིན་ཞེས་བསམས་ནས་སེམས་ཤེས་པ་ཡིན་ནོ། ། དེ་ནས་ལྷ་དང་མི་ཐམས་ཅད་ལ་མཐོང་བ་མེད་པའི་དབང་གིས་ཐམས་ཅད་དུ་ཁྱབ་པར་ནུས་པའི་བྱམས་པའི་སེམས་ཡང་དག་པར ་བསྡུས་ནས། མ་མཐོང་བའི་དབང་གིས་བྱམས་པའི་སེམས་ཀྱིས་ཁྱབ་པར་བཅོམ་ལྡན་འདས་ཀྱིས་བསྒོམས་ནས་དེ་བཞིན་གཤེགས་པ་ཉེ་བར་གཤེགས་ཤིང་གཤེགས་པ་ན། སྔར་གྱི་བཅའ་ཁྲིམས ་རྣམས་གནས་པར་མི་ནུས་པས་ཕྱག་ཕུལ་ཞིང་བསྲུང་བ་དང་བསྙེན་བཀུར་ཐམས་ཅད་བྱས་སོ། ། གཞན་ཡང་དགེ་སློང་དེ་རྣམས་ཡང་དག་པར་རྫོགས་པའི་སངས་རྒྱས་གྲུབ་པ་མི་ཤེས་པའི་ཕྱིར་མིང་བརྗོད ་པཱ་ན་ཚེ་དང་ལྡན་པ་ཞེས་སྨྲ་བ་ཐམས་ཅད་པའི་ཚིག་རྗོད་པར་བྱེད་དོ། ། དེ་ནས་བཅོམ་ལྡན་འདས་ཀྱིས་དགེ་སློང་དག་བཅོམ་ལྡན་འདས་དང་དེ་བཞིན་གཤེགས་པའི་མིང་ཚེ་དང་ལྡན་པ་ཞེས་ཐ་མལ་པའི ་ཚིག་བརྗོད་པར་མི་རུང་ངོ་། ། དགེ་སློང་དག་ང་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སོ་ཞེས་བདག་ཉིད་སངས་རྒྱས་གྲུབ་པར་བྱེད་པ་དང་། གདན་བཤམས་པ ་མཆོག་ལ་སངས་རྒྱས་བཞུགས་ཏེ། རྒྱུ་སྐར་ཟེ་མཆོག་གསུམ་འཛེམ་པ་ལ་བྱེ་བ་ཕྲག་བཅོ་བརྒྱད་ཀྱི་ཚངས་པའི་འཁོར་གྱིས་བསྐོར་ནས་གནས་བརྟན་ལྔ་སྡེ་བོས་ཏེ་ཆོས་ཀྱི་འཁོར་ལོ་བསྐོར་བའི་མདོན ་མཐར་བཤད་དོ། ། དེ་རྣམས་ལ་གནས་བརྟན་ཀུན་ཤེས་ཀོ་རུ་ཌི་ནྱ་བཤད་པའི་རྗེས་སུ་འབྲངས་ནས་ཡེ་ཤེས་ཐོབ་པ་མདོའི་མཐར་བྱེ་བ་ཕྲག་བཅོ་བརྒྱད་ཀྱི་ཚངས་པ་རྣམས་ཀྱིས་རྒྱུན་དུ་ཞུགས་པའི ་འབྲས་བུ་ཐོབ་བོ། ། སྟོན་པས་དེ་ཉིད་དུ་དབྱར་བཞུགས་སོ།། སླར་ཡང་ཉི་མ་གཉིས་པ་ལ་གནས་བརྟན་བརླངས་པ་ལ་ཆོས་སྦྱིན་ནོ་ཞེས་གཙུག་ལག་ཁང་དུ་བཞུགས་སོ།། ལྷག་མ་བཞི་པོ་བསོད་སྙོམས ་ལ་སོང་ངོ་། ། གནས་བརྟན་བརླངས་པས་ཉི་མ་ཕྱེད་ཀྱི་ནང་དུ་རྒྱུན་དུ་ཞུགས་པའི་འབྲས་བུ་ཐོབ་བོ།། འདི་ལྟ་བུའི་ཐབས་ཉིད་ཀྱིས་སླར་ཡང་ཉི་མ་ཕྱི་མ་ལ་གནས་བརྟན་བཟང་ལྡན་དང་། སླར་ཡང་ཉི་མ ་ཕྱི་མ་ལ་གནས་བརྟན་མིང་ཅན་དང་། སླར་ཡང་ཉི་མ་ཕྱི་མ་ལ་གནས་བརྟན་རྟ་ཐུལ་རྣམས། དེ་ཐམས་ཅད་ཀྱིས་རྒྱུན་དུ་ཞུགས་པའི་འབྲས་བུ་ཐོབ་པར་བྱས་ནས་ཚེས་ཉི་ཤུ་ལ་དགེ་སློང་ལྔ་པོ་འདུས་པ་ལ ་བདག་མེད་པའི་མཚན་ཉིད་ཀྱི་མདོ་སྡེ་རྣམས་བཤད་དོ། ། བཤད་པའི་མཐར་གནས་བརྟན་ལྔ་སྡེས་དགྲ་བཅོམ་པའི་འབྲས་བུ་ཐོབ་བོ།། དེ་ནས་སྟོན་པས་རིགས་ཀྱི་བུ་གྲགས་པ་ཉེ་བར་མི་རྟེན་པར་གཟིགས ་ནས། དེའི་མཚན་མོའི་ཆར་སྡུག་བསྔལ་སེམས་ཀྱིས་ཁྱིམ་སྤངས་ནས་འཐོན་པ་ལ་གྲགས་པ་འདིར་ཤོག་ཅེས་བོས་ནས་མཚན་མོ་དེ་ཉིད་ཀྱི་ཆ་ལ་རྒྱུན་དུ་ཞུགས་པའི་འབྲས་བུ་དང་། སླར་ཡང་ཉི་མ ་གཉིས་པ་ལ་དགྲ་བཅོམ་པའི་འབྲས་བུ་གྲུབ་པར་བྱེད་དོ། ། གཞན་ཡང་སླར་དེའི་གྲོགས་པོ་ལྔ་བཅུ་རྩ་བཞིས་རབ་ཏུ་བྱུང་ཞིང་དགེ་སློང་དུ་གྱུར་ནས་དགྲ་བཅོམ་པར་བྱེད་དོ།། འདི་ལྟར་འཇིག་རྟེན་དུ་དགྲ ་བཅོམ་པ་དྲུག་ཅུ་རྩ་གཅིག་ཏུ་གྱུར་ཏོ། ། སྟོན་པས་དབྱར་བཞུགས་ནས་དགག་དབྱེ་བྱས་ཏེ་དགེ་སློང་དྲུག་ཅུ་པོ་རྣམས་ཕྱོགས་ཕྱོགས་སུ་བཏང་ནས། རང་ཉིད་ལྟེང་རྒྱས་སུ་གཤེགས་པའི་བར་གྱི་ལམ་ན ་རས་བྲལ་ཅན་གྱི་ཚལ་ནི་དཔག་ཚད་བཅུ་འོ། ། གཞོན་ནུ་བཟང་སྡེ་འདུལ་ལོ།། དེ་རྣམས་ལས་ཐམས་ཅད་ཀྱི་མཐའི་ཕྱིས་རྒྱུན་དུ་ཞུགས་པར་གྱུར་ལ། ཐོག་མ་ནི་ཕྱིར་མི་འོང་དུ་གྱུར། ་ཏོ།། དེ་རྣམས་ཀྱང་དགེ་སློང་གི་གཟུགས་ཀྱིས་རབ་ཏུ་བྱུང་བ་བགྱིས་ནས་ཕྱོགས་ཕྱོགས་སུ་བཏང་སྟེ། ལྟེང་རྒྱས་སུ་གཤེགས་སོ།། སྟོང་ཕྲག་ཕྱེད་དང་གསུམ་གྱི་ཆོ་འཕྲུལ་ལྟ་ཞིང་ལྟེང་རྒྱས་འོད ་སྲུངས་ལ་སོགས་པའི་སྤུན་གསུམ་པོ་དང་། རལ་པ་ཅན་སྟོང་ཕྲག་གཅིག་བཏུལ་བ་དགེ་སློང་གི་གཟུགས་ཀྱིས་རབ་ཏུ་བྱུང་བར་བྱས་ནས་རི་བོ་ག་ཡའི་རྩེ་མོ་ན་སྡོད་པ་རྣམས་ལ་ཉི་མའི་རྣམ་གྲངས་ཀྱི་མདོ ་སྡེ་བསྟན་ནས་དགྲ་བཅོམ་པར་བྱས་ཏེ། དེས་དགྲ་བཅོམ་པ་སྟོང་ཕྲག་རྣམས་འཁོར་དུ་བྱས་ནས་རྒྱལ་པོ་གཟུགས་ཅན་སྙིང་པོ་ལ་ཁས་བླངས་བྱིན་པ་དགྲོལ་བར་བྱ་བའི་དགོངས་པས་རྒྱལ་པོའི་ཁབ་ཀྱི ་གྲོང་ཁྱེར་དང་ཉེ་བའི་ཤིང་དངར་གྱི་ཚལ་དུ་བྱོན་ནོ། ། སྐྱེད་མོས་ཚལ་སྐྱོང་བ་རྣམས་ཀྱིས་སྟོན་པ་བྱོན་ནོ་ཞེས་རྒྱལ་པོ་ལ་སྨྲས་སོ།། རྒྱལ་པོས་ཐོས་ཏེ། ཁྲི་ཕྲག་བཅུ་གཉིས་ཀྱི་བྲམ་ཟེ་དང་ཁྱིམ་བདག་འཁོར་དུ ་བྱས་ནས་སྟོན་པ་དང་ཉེ་བར་སོང་སྟེ། འཁོར་ལོ་སྣ་ཚོགས་པའི་སྟེང་དུ་གསེར་གྱི་བླ་རེས་དང་འདྲ་བའི་འོད་ཟེར་ཕྱོགས་ཕྱོགས་སུ་འཕྲོ་ཞིང་བཞུགས་པའི་དེ་བཞིན་གཤེགས་པའི་ཞབས་ལ་མགོ་བོས་ཕྱག་ལག ་པར་བྱས་ནས་འཁོར་དང་བཅས་པ་ཕྱོགས་གཅིག་ཏུ་འཁོད་དོ། ། དེ་ནས་ཡང་བྲམ་ཟེ་རྣམས་དང་ཁྱིམ་བདག་ལ་སོགས་པ་འདི་ལྟ་བུའི་སེམས་སུ་གྱུར་ཏེ། འོན་ཀྱང་དགེ་སྦྱོང་ཆེན་པོས་ལྟེང་རྒྱས་འོད་སྲུངས་ཀྱི ་རྗེས་སུ་ཚངས་པར་སྤྱོད་པ་སྤྱད་དམ། ཡང་ན་ལྟེང་རྒྱས་འོད་སྲུངས་ཀྱིས་དགེ་སྦྱོང་ཆེན་པོའི་རྗེས་སུ་ཚངས་པར་སྤྱོད་པ་སྤྱད་ཅེས་བསམས་སོ།། བཅོམ་ལྡན་འདས་ཀྱིས་དེ་རྣམས་ཀྱི་སེམས་ཀྱི་རྟོག་པ་ཐུགས་ཀྱིས ་མཁྱེན་ནས། གནས་བརྟན་ལ་ཚིགས་སུ་བཅད་པ་གསུངས་སོ།། ལྟེང་རྒྱས་གནས་སུ་གནས་ནས་ཅི་ཞིག་མཐོང་།། སྦྱིན་སྲེག་འདོར་བའི་རྒྱུ་མཚན་ཅི་ཞིག་སྨྲ། འོད་སྲུངས་འདི་ཡི་དོན་ནི་དྲི་བར་བྱ།། ཁྱོད་ཀྱི་ཇི ་ལྟར་སྦྱིན་སྲེག་སྤོང་བ་ཡིན། ། གནས་བརྟན་གྱིས་ཀྱང་བཅོམ་ལྡན་འདས་ཀྱི་དགོངས་པ་ཤེས་ནས། གཟུགས་དང་སྒྲ་དང་དེ་བཞིན་རོ་དང་དྲི།། བུད་མེད་འདོད་པ་ཡང་ནི་མཆོག་སྦྱིན་སྤྱོད།། འདི་རྣམས་དྲི་མ ་ལེགས་པར་རྟོགས་བྱས་ནས། ། དེ་ཕྱིར་མ་ཡི་སྦྱིན་སྲེག་འདི་སྤངས་སོ།། ཚིགས་སུ་བཅད་པ་འདི་བརྗོད་ནས་རང་ཉིད་ཉན་ཐོས་ཀྱི་འདོད་པ་གསལ་བར་བྱ་བའི་ཕྱིར་དེ་བཞིན་གཤེགས་པའི་ཞབས་ཀྱི་བོལ་དུ ་མགོ་བོས་རེག་ནས། བདག་སྟོན་པ་བཙུན་པ་བཅོམ་ལྡན་འདས་ཀྱི་ཉན་ཐོས་ཡིན་ནོ་ཞེས་སྨྲས་སོ།། ཤིང་ཏ་ལ་གཅིག་དང་། ཤིང་ཏ་ལ་གཉིས་དང་། ཤིང་ཏ་ལ་གསུམ་དང་། ཇི་སྲིད་དུ་ཤིང་ཏ་ལ་བདུན ་གྱི་ཚད་ཙམ་དུ་ནམ་མཁའ་ལ་འཕགས་ནས་བབས་ཏེ། དེ་བཞིན་གཤེགས་པ་ལ་ཕྱག་བྱས་ནས་ཕྱོགས་གཅིག་ཏུ་འཁོད་དོ།། དེའི་ཆོ་འཕྲུལ་བལྟ་ཞིང་མི་མང་པོ་རྣམས་ཀྱིས་ཨེ་མ་ཧོ་སངས་རྒྱས་ཀྱི་མཐུ་ཆེན་པོ ་འདི་ལྟ་བུའི་བལྟ་བ་བསྟན་པས་དགྲ་བཅོམ་པ་ཞེས་བྱ་བ་ལ་སེམས་ཤིང་། ལྟེང་རྒྱས་འོད་སྲུངས་ཀྱི་བལྟ་བའི་དྲ་བ་བཅད་དེ་དེ་བཞིན་གཤེགས་པས་བཏུལ་ནས་སྟོན་པའི་ཡོན་ཏན་ཉིད་བརྗོད་དོ།། བཅོམ་ལྡན ་འདས་ཀྱིས་ཁོ་བོས་འདི་ད་ལྟར་ཁོ་ན་མ་ཡིན་པར་ལྟེང་རྒྱས་བོད་སྲུངས་བཏུལ་ལོ། ། འདས་པ་ཉིད་དུའང་འདི་ངས་བཏུལ་ལོ་ཞེས་བརྗོད་ནས་དོན་འདི་འདས་པ་ན་མི་སྦྱིན་ཆེན་པོ་འོད་སྲུངས་ཀྱི ་སྐྱེས་རབས་སུ་བཤད་པའི་བདེན་པ་བཞི་པོ་གསལ་བར་བསྟན་ནོ། ། དེའི་མོད་ལ་ཡུལ་མ་ག་དྷའི་རྒྱལ་པོ་འཁོར་ཁྲི་བྲག་བཅུ་གཅིག་དང་བཅས་པས་རྒྱུན་དུ་ཞུགས་པའི་འབྲས་བུ་ཐོབ་བོ།། ཁྲི་ཕྲག་གཅིག ་དགེ་བསྙེན་དུ་གྱུར་ཏོ། ། རྒྱལ་པོ་སྟོན་པ་དང་ཉེ་བ་ཉིད་དུ་འདུག་སྟེ་བསླབ་པའི་གཞི་ལྔ་སོ་སོར་རབ་ཏུ་ཐོས་ནས་སྐྱབས་སུ་སོང་སྟེ་སང་གི་གདུགས་ཚོད་ལ་མགྲོན་དུ་གཉེར་ནས། སྟན་ལས་ལངས་ཏེ་བཅོམ ་ལྡན་འདས་ལ་བསྐོར་བ་བྱས་ནས་སོང་ངོ་། ། སླར་ཡང་སང་གི་སྔ་དྲོ་ཉིད་བཅོམ་ལྡན་འདས་མཐོང་བ་དང་མ་མཐོང་བ་རྒྱལ་པོའི་ཁབ་ན་གནས་པ་རྣམས་ཀྱིས་བྱེ་བ་ཕྲག་བཅོ་བརྒྱད་ཀྱི་གྲངས་ཀྱི་མི་རྣམས་དེ་བཞིན ་གཤེགས་པ་བལྟ་བར་འདོད་པས་སྔ་དྲོ་ཉིད་རྒྱལ་པོའི་ཁབ་ནས་ཤིང་དངར་གྱི་ཚལ་དུ་སོང་སྟེ་རྒྱང་གྲགས་བཅུ་གཉིས་སུ་མི་ཤོང་བར་ཤིང་དངར་གྱི་ཚལ་ཐམས་ཅད་རྒྱུན་མི་འཆད་པར་གྱུར་ཏོ། ། མི་ཐམས་ཅད ་ཀྱིས་སྟོབས་བཅུ་པའི་གཟུགས་མཆོག་ཐོབ་པར་འདོད་པ་བདག་ཉིད་ཀྱི་སྐུ་ལ་བལྟ་བས་ཚིམ་པར་མ་ནུས་སོ། ། འདི་ལྟ་བུའི་ས་གཞིའི་ཁ་དོག་ཡིན་ནོ།། འདི་ལྟ་བུའི་གཟུགས་ཀྱི་གནས་སུ་དེ་བཞིན་གཤེགས ་པའི་མཚན་དང་དཔེ་བྱད་བཟང་པོ་ལ་སོགས་པའི་རབ་ཏུ་བྱེད་པ་ཐམས་ཅད་ཀྱང་གཟུགས་ཀྱི་སྐུ་དཔལ་གྱི་བསྔགས་པར་བྱ་བར་འོས་སོ། ། འདི་ལྟར་གཟུགས་མཆོག་ཐོབ་པའི་སྟོབས་བཅུ་པའི་སྐུ་བལྟ་བའི ་ཕྱིར་མི་མང་པོ་རྒྱུན་མི་འཆད་དོ། ། སྐྱེད་མོས་ཚལ་དང་ལམ་དུ་དགེ་སློང་གཅིག་གིས་ཀྱང་ཕྱི་རུ་འཐོན་པའི་སྐབས་མེད། ཉི་མ་དེའི་དུས་ན་བཅོམ་ལྡན་འདས་ཀྱི་གདུགས་ཚོད་ཡོལ་བ་ལྟ་བུར་གྱུར་ཏོ།། དེ་མ ་ཐག་པར་བརྒྱ་བྱིན་སྡོད་པའི་སྟན་དྲོ་བའི་རྣམ་པར་མཐོང་སྟེ། དེས་རྣམ་པར་བརྟགས་སོ།། དེའི་རྒྱུ་མཚན་ཤེས་ནས་བྲམ་ཟེའི་ཁྱེའུའི་གཟུགས་སུ་མངོན་པར་སྤྲུལ་ཏེ། སངས་རྒྱས་དང་། ཆོས་དང་། དག ་འདུན་སོ་སོ་ལ་ཇི་ལྟར་རིགས་པའི་བསྟོད་པ་རྗོད་པར་བྱེད་དོ། ། སྟོབས་བཅུ་པའི་སྔུན་དུ་ཆས་ནས་ལྷའི་མཐུས་ལམ་ཐོབ་པར་བྱས་སོ།། འདུལ་ཞིང་འདུལ་བའི་གྲོགས་སྔོན་བཅས།། བྲམ་ཟེ་རྣམ་གྲོལ ་རལ་པ་དང་། སེང་གེའི་གཟུགས་ཀྱིས་འཐོན་ནས་ནི།། བཅོམ་ལྡན་རྒྱལ་པོའི་ཁབ་ནང་བྱོན།། གྲོལ་ཞིང་གྲོལ་བའི་གྲོགས་སྔོན་བཅས།། བྲམ་ཟེ་རྣམ་གྲོལ་རལ་པ་དང་།། སེང་གེའི་གཟུགས་ཀྱིས། ་བ་ཐོན་ནས་ནི།། བཅོམ་ལྡན་རྒྱལ་པོའི་ཁབ་ནང་བྱོན།། བརྒལ་ཞིང་བརྒལ་བའི་གྲོགས་སྔོན་བཅས།། བྲམ་ཟེ་རྣམ་གྲོལ་རལ་པ་དང་།། སེང་གེའི་གཟུགས་ཀྱིས་འཐོན་ནས་ནི།། རྒྱལ་པོའི་ཁབ་ནང ་བཅོམ་ལྡན་བྱོན། ། བཅུ་པོ་གསུང་བའི་སྟོབས་བཅུ་པ།། ཆོས་བཅུ་ལ་མཁས་བཅུ་ལ་གནས།། སྟོང་ཕྲག་བཅུ་ཡི་འཁོར་དང་ལྡན།། བཅོམ་ལྡན་རྒྱལ་པོའི་ཁབ་ནང་བྱོན།། ཚིགས་སུ་བཅད་པ་འདིས ་ནི་སྟོན་པ་ལ་བསྔགས་པས་བསྟོད་ཅིང་སྔུན་དུ་འགྲོ་བའི་མི་རྣམས་ཀྱིས་བྲམ་ཟེའི་ཁྱེའུའི་གཟུགས་ཀྱི་དཔལ་མཐོང་ནས་བྲམ་ཟེའི་ཁྱེའུ་འདི་ཤིན་ཏུ་གཟུགས་བཟང་བའོ། ། སླར་ཡང་སྔར་མཐོང་བ་མེད་དོ་ཞེས ་བསམས་ནས་བྲམ་ཟེའི་ཁྱེའུ་འདི་གང་ན་གནས་པ་ཡིན། གང་ཞིག་གི་ཡིན་ཞེས་སྨྲས་སོ།། དེ་ཐོས་ནས་བྲམ་ཟེའི་ཁྱེའུས་སྨྲས་པ། གང་ཞིག་བསྟན་པ་ཐམས་ཅད་འདུལ།། ཀླུང ་ཟག་ཟླ་མེད་སངས་རྒྱས་ཏེ། ། དགྲ་བཅོམ་བདེ་གཤེགས་པཇིག་རྟེན་དུ།། དེ་ནི་བདག་ནི་ཉེ་བར་གནས།། ཚིགས་སུ་བཅད་པ་བརྗོད་དེ། སྟོན་པས་བརྒྱ་བྱིན་གྱིས་སྐབས་ཕྱེ་བའི་ལམ་དུ་དགེ་སློང་སྟོང་ཕྲག་གཅིག། ་འཁོར་དུ་བྱས་ནས་རྒྱལ་པོའི་ཁབ་ཀྱི་ནང་དུ་གཤེགས་སོ།། རྒྱལ་པོས་སངས་རྒྱས་ལ་སོགས་པའི་དགེ་འདུན་ལ་སྦྱིན་པ་ཆེན་པོ་ཕུལ་ལོ།། བཙུན་པ་བདག་དཀོན་མཆོག་གསུམ་སྤངས་ནས་སྡོད་པར་མི་ནུས་སོ།། ་དུས་དང་དུས་མ་ཡིན་པར་བཅོམ་ལྡན་འདས་དང་ཉེ་བར་འོང་བར་འདོད་དོ།། ཤིང་དངར་ཅན་གྱི་སྐྱེད་མོས་ཚལ་ཤིན་ཏུ་ཐག་རིང་ངོ་།། སླར་ཡང་བདག་ཅག་གི་འོ་ད་མའི་ཚལ་ཞེས་བྱ་བ་འདི་ཤིན་ཏུ་ཉེ་བས་གཤེགས ་པ་དང་། འོང་བ་ཤིན་ཏུ་ཉེ་བས་སངས་རྒྱས་ལ་འོས་པའི་གནས་ལགས་པས་བཞེས་པར་ཞུ། དེས་གསེར་གྱི་རིལ་བ་སྤྱི་བླུགས་ལ་མེ་ཏོག་གི་དྲིས་བསྒོས་ཏེ། ནོར་བུའི་ཁ་དོག་ཅན་གྱི་ཆུ་བླངས། འོད ་མའི་ཚལ་ཡོངས་སུ་གཏོང་ཞིང་སྟོབས་བཅུ་པའི་ཕྱག་ཏུ་ཆུ་བསྒྲེངས་ནས་དེར་ཀུན་དགའ་ར་བ་བཞེས་ནས། སངས་རྒྱས་ཀྱི་བསྟན་པའི་གཞི་ཞེས་བརྗོད་ཅིང་ས་གཞི་ཆེན་པོ་གཡོས་སོ།། འཛམ་བུ་གླིང་གི་ནང ་ནས་འོད་མའི་ཚལ་སྤངས་པའི་ས་གཞི་གཡོས་པ་འདི་བཞེས་ཏེ། སྡེ་གཞན་ནི་མེད་དོ།། སིང་གྷ་གླིང་གི་གཙུག་ལག་ཁང་ཆེན་པོ་སྤངས་ནས་ས་གཞི་གཡོས་པ་འདི་བཞེས་ཏེ། སྡེ་གཞན་ནི་མེད་དོ།། སྟོན ་པས་འོད་མའི་ཚལ་གྱི་ཀུན་དགའ་ར་བ་བཞེས་ནས་རྒྱལ་པོ་ལ་རྗེས་སུ་ཡི་རང་བར་མཛད་ཅིང་སྟན་ལས་བཞེངས་ཏེ། དགེ་སློང་གི་དགེ་འདུན་འཁོར་དུ་བྱས་ནས་འོད་མའི་ཚལ་དུ་བྱོན་ནོ།། དེའི་ཚེ་དེའི་དུས་ན་ཤཱ་རི ་བུ་དང་། མོའུ་འ་གལ་གྱི་བུ་ཀུན་ཏུ་རྒྱུ་གཉིས་པོ་རྒྱལ་པོའི་ཁབ་ལ་བརྟེན་ནས་གནས་ཤིང་བདུད་རྩི་ཚོལ་བར་སེམས་སོ།། དེའི་ནང་ནས་ཤཱ་རིའི་བུས་གནས་བརྟན་རྟ་ཐུལ་བསོད་སྙོམས་ལ་ཞུགས་པ་མཐོང ་བས་སེམས་རབ་ཏུ་དངས་པར་གྱུར་ཏེ། བཟའ་བ་བྱིན་ནས་ཆོས་རྣམས་གང་དག་རྒྱུ་ལས་བྱུང་བ་དང་ཞེས་པའི་ཚིགས་བཅད་ཐོས་པས། རྒྱུན་དུ་ཞུགས་པའི་འབྲས་བུ་ཐོབ་པར་གྱུར་ཏོ།། རང་གི་གྲོགས་པོ ་ཀུན་ཏུ་རྒྱུ་མོ་རུ་འགལ་ལའང་ཚོགས་སུ་བཅད་པ་དེ་ཉིད་སྨྲས་སོ། ། དེས་ཀྱང་རྒྱུན་དུ་ཞུགས་པའི་འབྲས་བུ་ཐོབ་བོ།། དེ་གཉིས་ཀྱིས་ཀྱང་རང་ཉིད་རྒྱལ་བ་ལ་བལྟས་ནས་རང་གི་འཁོར་དང་བཅས་པ་སྟོན་པའི ་དྲུང་དུ་རབ་ཏུ་བྱུང་ངོ་། ། དེ་རྣམས་ལས་མོའུ་འ་གལ་གྱི་བུ་ཆེན་པོ་ཞག་བདུན་ནས་དགྲ་བཅོམ་པ་ཐོབ་བོ།། གནས་བརྟན་ཤཱ་རིའི་བུས་ཟླ་བ་ཕྱེད་ནས་དགྲ་བཅོམ་པ་ཐོབ་པ་སྟེ། དེ་གཉིས་པོའང་སྟོན་པའི ་ཉན་ཐོས་ཀྱི་མཆོག་ཏུ་གནས་པར་གཟུང་ངོ་། ། གནས་བརྟན་ཤཱ་རིའི་བུས་དགྲ་བཅོམ་པ་ཐོབ་པའི་ཉིན་མོ་ཉིད་བཅོམ་ལྡན་འདས་ཀྱི་ཉན་ཐོས་ཀྱི་འདུས་པ་དང་པོར་བྱས་སོ།། སླར་ཡང་དེ་བཞིན་གཤེགས་པའི ་འོད་མའི་ཚལ་དེ་ཉིད་དུ་བཞུགས་སོ། ། དེའི་ཚེ་རྒྱལ་པོ་ཆེན་པོ་ཟས་གཙང་གིས་བདག་གི་སྲས་ལོ་དྲུག་ཏུ་དཀའ་བ་སྤྱད་ནས་མཆོག་གི་ཡང་དག་པར་རྫོགས་པའི་བྱང་ཆུབ་སྟེ། ཆོས་ཀྱི་འཁོར་ལོ་བསྐོར་ནས་རྒྱལ ་པོའི་ཁབ་ཀྱི་འོད་མའི་ཚལ་དུ་བཞུགས་སོ་ཞེས་པ་ཐོས་ནས། བློན་པོ་ཕན་ཚུན་རྣམས་བོས་ཏེ་འདིར་ཤོག་ཅིག། སྐྱེས་བུ་སྟོང་ཕྲག་གཅིག་གི་འཁོར་ཁྲིད་དེ། རྒྱལ་པོའི་ཁབ་ཏུ་སོང ་ལ་ངའི་ཚིག་གིས་ཁྱེད་ཀྱི་ཡབ་རྒྱལ་པོ་ཆེན་པོ་ཟས་གཙང་ཁྱེད་བལྟ་བར་འདོད་ཅེས་བརྗོད་པས་བདག་གི་སྲས་ཁྲིད་ལ་ཤོག་ཅེས་སྨྲས་སོ། ། བློན་པོས་ཀྱང་ལྷ་དེ་བཞིན་དུ་བགྱིའོ་ཞེས་རྒྱལ་པོའི་གསུང་སྤྱི་བོས ་བླངས་ནས་སྐྱེས་བུ་སྟོང་ཕྲག་གཅིག་གི་འཁོར་དེ་ཁྲིད་དེ་མྱུར་བ་ཉིད་དུ་དཔག་ཚད་དྲུག་ཅུའི་ལམ་དུ་སོང་ནས། སྟོབས་བཅུ་པ་འཁོར་བཞིའི་ནང་དུ་བཞུགས་ནས་ཆོས་སྟོན་པའི་དུས་སུ་གཙུག་ལག་ཁང་དུ་བཞུགས ་སོ། ། དེ་རྒྱལ་པོས་བཏང་བའི་དོན་རེ་ཞིག་བཞག་ནས་འཁོར་ཐམས་ཅད་ཀྱི་མཐར་འཁོད་དེ་སྟོན་པའི་ཆོས་བསྟན་པ་ཐོས་ནས། ཇི་ལྟར་འཁོད་པ་ཉིད་བཞིན་དུ་སྐྱེས་བུ་སྟོང་ཕྲག་གཅིག་དང་ལྷན་ཅིག་ཏུ་དགྲ་བཅོམ ་པ་ཐོབ་ནས་རབ་ཏུ་འབྱུང་བར་ཞུགས་སོ། ། བཅོམ་ལྡན་འདས་ཀྱིས་བཙུན་པ་རྣམས་འདིར་ཤོག་ཅེས་ཕྱག་བརྐྱང་ངོ་།། ཐམས་ཅད་དེ་ཉིད་དུ་རྫུ་འཕྲུལ་ལས་བྱུང་བའི་ལྷུང་བཟེད་དང་ཆོས་གོས་གསུམ་བཟུང ་ནས་ལོ་བརྒྱ་ལོན་པའི་གནས་བརྟན་ལྟ་བུར་གྱུར་ཏོ། ། དགྲ་བཅོམ་པ་ཐོབ་པའི་དུས་ནས་བཟུང་སྟེ། སླར་ཡང་འཕགས་པ་ཞེས་བྱ་བ་རེ་ཞིག་བར་མར་གནས་པར་གྱུར་ཏེ། རྒྱལ་པོས་བཏང་བའི་སྤྲིང་ཡིག ་སྟོབས་བཅུ་པ་ལ་མ་བརྗོད་དོ། ། རྒྱལ་པོས་བཏང་བའི་མི་རྣམས་ལས་གཅིག་ཀྱང་མ་བྱུང་ཞིང་། སྤྲིང་ཡིག་ཀྱང་མ་ཐོས་སོ།། འདིར་ཤོག་ལ་ཁྱེད་སོང་ཞིག་དང་དེ་ལྟ་བུའི་ངེས་པས་བློན་པོ་གཞན་གཅིག ་བཏང་ངོ་། ། དེས་སོང་ནས་ཡང་སྔར་བཞིན་དུ་འཁོར་དང་བཅས་པ་དགྲ་བཅོམ་པ་ཐོབ་ནས་ཅང་མི་གསུང་བར་གནས་སོ།། རྒྱལ་པོས་དེ་ལྟ་བུར་ངེས་པས་སྐྱེས་བུ་སྟོང་ཕྲག་རེ་རེའི་འཁོར་དང་བཅས་པའི་བློན་པོ། ་དགུ་བཏང་ངོ་།། ཐམས་ཅད་རང་གི་དོན་རྫོགས་པར་བྱས་ནས་ཅང་མི་སྨྲ་བར་གྱུར་ཏེ་དེ་ཉིད་དུ་གནས་སོ།། རྒྱལ་པོས་སྤྲིང་ཡིག་ཙམ་གྱི་ལོ་རྒྱུས་ཀྱང་མཐོབ་བོ་ཞེས་བསམ་ནས། མི་འདི་རྣམས་ང་ལ་མི་དགག། ་བའི་རྒྱུ་མཚན་གྱིས་སྤྲི་ཡིག་ཙམ་གྱི་ལོ་རྒྱུས་ཀྱང་མི་བརྗོད་དོ།། སུ་ཞིག་ངའི་ཚིག་བཞིན་བྱེད་པར་སེམས། རྒྱལ་པོས་མི་ཐམས་ཅད་ལ་བརྟགས་པས་ནག་པོ་འཆར་ཀ་མཐོང་ངོ་།། དེའི་ང་རྒྱལ་པོའི ་དོན་ཐམས་ཅད་སྒྲུབ་པར་བྱེད་པའི་བློན་པོ་ཡིན་ནོ། ། ནང་མི་ཡིན་ནོ།། ཤིན་ཏུ་ཐུགས་ཆེས་པ་ཡིན་ནོ།། དེ་བཞིན་གཤེགས་པ་དང་ལྷན་ཅིག་ལ་ཉིན་གཅིག་ཏུ་སྐྱེས་པ་ཡིན་ནོ།། དེ་དང་ལྷན་ཅིག་ཏུ་རྩེ ་བའི་གྲོགས་པོ་ཡིན་ནོ། ། དེ་ནས་བློན་པོ་རྒྱལ་པོས་བོས་ཏེ། བུ་ནག་པོ་འཆར་ཀ་བདག་གི་སྲས་བལྟ་བར་འདོད་པས་སྐྱེས་བུ་སྟོང་ཕྲག་དགུ་བཏང་སྟེ་མི་གཅིག་ཀྱང་མ་འོངས་ནས་སྤྲིང་ཡིག་ཙམ་གྱི་ལོ་རྒྱུས་ཅིབང ་མ་བྱུང་། སླར་ཡང་ཐམས་ཅད་ནད་ཀྱིས་ཐེབས་པ་ཡིན་ནམ། ཚེའི་བར་ཆད་དུ་གྱུར་པ་ཡིན་ནམ། བདག་འཚོ་བ་ཉིད་ཀྱི་བར་དུ་སྲས་པོ་བལྟ་བར་འདོད་དེ། བདག་གི་བུ་བལྟ་བར་ནུས་སམ་ཞེས་སྨྲས ་སོ། ། ལྷ་ནུས་ལགས་སོ།། གལ་ཏེ་རབ་ཏུ་བྱུང་ཡང་བལྟ་བར་ནུས་སོ།། བུ་ཁྱོད་རབ་ཏུ་བྱུང་བ་འམ་མ་བྱུང་ཡང་། ང་སྲས་པོ་བལྟའོ་ཞེས་སྨྲས་སོ།། དེས་ལྔ་ལེགས་སོ་ཞེས་རྒྱལ་པོའི་གསུང་བླངས་ནས ་རྒྱལ་པོའི་ཁབ་ཏུ་སོང་སྟེ། སྟོན་པ་ཆོས་སྟོན་པའི་དུས་སུ་འཁོར་རྣམས་ཀྱི་མཐར་འཁོད་དེ་ཆོས་ཐོས་ནས་འཁོར་དང་བཅས་པ་དགྲ་བཅོམ་པའི་འབྲས་བུ་ཐོབ་པར་གྱུར་ཏེ་དགེ་སློང་གི་དངོས་པོར ་སོ་སོར་གནས་སོ། ། སྟོན་པ་སངས་རྒྱས་སུ་གྱུར་ནས་དང་པོའི་ལོ་ལ་དྲང་སྲོང་ལྷུང་བའི་གནས་སུ་དབྱར་བཞུགས་ཏེ། དགག་དབྱེ་བྱས་ནས་ལྟེང་རྒྱས་སུ་གཤེགས་ཤིང་དེར་ཟླ་བ་གསུམ་བཞུགས་ཏེ། རལ་པ ་ཅན་སྤུན་རྣམས་བཏུལ་ནས་དགེ་སློང་སྟོང་ཕྲག་གཅིག་གི་འཁོར་དང་བཅས་པ་དགུན་ཟླ་འབྲིང་པོའི་ཉ་ལ་རྒྱལ་པོའི་ཁབ་ཏུ་གཤེགས་ནས་ཟླ་བ་གཉིས་བཞུགས་སོ། ། དེ་རྣམས་ནི་གྲོང་ཁྱེར་ཝཱ་རཱ་ཎ་སི་ནས ་ཡོངས་པའི་བར་ཏེ། ཟླ་བ་ལྔ་སོང་ཞིང་དགུན་གྱི་དུས་ཐམས་ཅད་འདས་སོ།། གནས་བརྟན་འཆར་ཀ་འོངས་ནས་ཞག་བདུན་དང་བརྒྱད་སོང་ངོ་།། དེས་དཔྱིད་ཟླ་ར་བ་འི་ཉལ་བསམས་པ། དགུན་གྱི་དུས ་འདས་ནས་དཔྱིད་ཀའི་དུས་སུ་སླེབ་པ་དང་། མི་རྣམས་ཀྱིས་འབྲུ་རྣམས་བླངས་ཏེ། ཕྱོགས་ཕྱོགས་ནས་ལམ་དུ་བྱུང་བས་རྩཝ་རྣམས་ལྗང་ཁུར་གྱུར་ཏོ།། ས་གཞི་དང་ནགས་ཚལ་གྱི་ཤིང་ལ་སོགས་པ་མེ ་ཏོག་ཤིན་ཏུ་མང་བ་ཁ་བྱེ་བ་ནི་ལམ་དུ་འགྲོ་བའི་དུས་སོ། ། སྟོབས་བཅུ་པའི་ཉེ་དུ་དང་ཕྲད་པར་བྱེད་པའི་ལམ་དུ་འགྲོ་བའི་དུས་ཡིན་ནོ།། དེ་ནས་བཅོམ་ལྡན་འདས་ཀྱི་དྲུང་དུ་ཉེ་བར་སོང་ནས། བཙུན་པ་ལྗོན་ཤིང ་དེ་ནི་ལྗང་ཁུར་གྱུར། ། ཤིང་གི་ལོ་མ་ས་ལ་དུད་པ་དང་།། དེ་རྣམས་བར་ནས་འོད་ཟེར་འགྱེད་པ་ཡིན།། དཔའ་བོ་ཆེན་པོ་གཉེན་གནས་གཤེགས་པའི་དུས།། ཧ་ཅང་མི་དྲོ་མི་གྲང་ཞིང་།། མུ་གེ་དང་ནི་བཀྲེས ་པ་མེད། ། ས་སྟེང་ཤིང་རྣམས་ལྗང་ཁུར་གྱུར།། ཐུབ་པ་ཆེན་པོ་དུས་འདིར་གྱུར།། ཚིགས་སུ་བཅད་པ་དྲུག་ཅུ་ཙམ་གྱིས་སྟོབས་བཅུ་པ་ལ་རིགས་ཀྱི་གྲོང་ཁྱེར་དུ་གཤེགས་པའི་ཕྱིར་བསྔགས་པར་འོས་པའི ་བསྔགས་པ་རྗོད་པའོ། ། དེ་ནས་སྟོན་པ་ལ་འཆར་ཀས་དབྱངས་སྨན་པོས་གཤེགས་པའི་བསྔགས་པར་འོས་པའི་བསྔགས་པ་གསུངས་སོ།། བཙུན་པ་ཁྱོད་ཀྱི་ཡབ་རྒྱལ་པོ་ཟས་གཙང་བལྟ་བར ་འདོད་པས་ཉེ་དུ་རྣམས་རྗེས་སུ་འཛིན་པར་ཞུ། ལེགས་སོ་འཆར་ཀ། ཉེ་དུ་རྣམས་རྗེས་སུ་གཟུང་བར་བགྱིའོ་ཞེས་དགེ་སློང་གི་དགེ་འདུན་ལ་སྨྲོས་ཤིག། གཤེགས་པའི་གནས་ཐམས་ཅད ་ལ་བྱི་དོར་གྱིས་ཤིག་ཅེས་སྨྲོས་ཤིག། བཙུན་པ་ལེགས་སོ་ཞེས་གནས་བརྟན་སོང་ནས་སྨྲས་སོ།། བཅོམ་ལྡན་འདས་ཀྱིས་ཡུལ་ཨཾ་གྷ་དང་མ་ག་དྷ་ན་གནས་པའི་རིགས་ཀྱི་བུ་རྣམས་སྟོང་ཕྲག་བཅུ་དང ་བཅས་པ་གྲོང་ཁྱེར་སེར་སྐྱའི་གཞི་ན་གནས་པའི་སྟོང་ཕྲག་བཅུ་པོ་ཐམས་ཅད་ཟག་པ་ཟད་པའི་དགེ་སློང་འཁོར་དུ་བྱས་ནས་རྒྱལ་པོའི་ཁབ་ནས་ཕྱི་རོལ་ཏུ་འཐོན་ཏེ། ཉི་མ་རེ་རེ་ལ་དཔག་ཚད་རེ་རེ་བགྲོད་ཅིང ་རྒྱལ་པོའི་ཁབ་ནས་དཔག་ཚད་དྲུག་ཅུའི་གྲོང་ཁྱེར་སེར་སྐྱའི་གཞིར་ཟླ་བ་གཉིས་ཀྱིས་སླེབ་པར་དགོངས་ཤིང་བུལ་བའ་ང་མ་ཡིན། མྱུར་བའ་ང་མ་ཡིན་པར་འབྲིང་པོར་གཤེགས་སོ།། གནས་བརྟན་གྱིས ་ཀྱང་བཅོམ་ལྡན་འདས་བྱོན་ནོ་ཞེས་རྒྱལ་པོའི་དྲུང་དུ་སྨྲའོ་ཞེས་བསམས་ནས་ནམ་མཁའ་ལ་སོང་སྟེ་རྒྱལ་པོའི་གནས་སུ་བསླབ་པར་གྱུར་ཏོ། ། རྒྱལ་པོས་གནས་བརྟན་གཟིགས་ནས་ཐུགས་རིམ་པར་གྱུར ་ཏེ། གདན་བཤམས་པ་ལ་བཞུགས་སུ་བཅུག་གོ།། རང་ལ་བྱེད་པ་བཞིན་བཅོས་ནས་རོ་སྣ་ཚོགས་པའི་བཟའ་བས་ལྷུང་བཟེད་བཀང་ནས་ཕུལ་ལོ།། གནས་བརྟན་ལངས་ནས ་འགྲོ་བར་བསམས་པ་དང་། བུ་བཞུགས་པ་ལ་གསོལ་ཅིག། རྒྱལ་པོ་ཆེན་པོ་སྟོན་པ་དང་ཉེ་བར་སོང་སྟེ་བཟའ་འོ།། སླར་ཡང་བུ་སྟོན་པ་ག་ན་ཡོད། སྟོང་ཕྲག་ཉི་ཤུའི་དགེ་སློང་འཁོར་དུ་བྱས་ནས ་རྒྱལ་པོ་ཆེན་པོ་ཉིད་བལྟ་བའི་ཕྱིར་བྱོན་ནོ། ། རྒྱལ་པོ་ཐུགས་ཚིམ་པར་གྱུར་ནས་སྨྲས་པ། ཁྱོད་འདི་གསོལ་ལ་བདག་གི་སྲས་གྲོང་ཁྱེར་འདིར་མ་བྱོན་གྱི་བར་ལ་འདི་ཉིད་ནས་ལྷུང་བཟེད་དུ་བཟའ་བ་ཁྱེར་ལ་སོང ་ཞིག་ཅེས་སྨྲས་སོ། ། གནས་བརྟན་གྱིས་རྒྱལ་པོའི་གསུང་མཉན་ཏེ། རྒྱལ་པོས་གནས་བརྟན་གྱིས་བཟའ་བ་གསོལ་ཟིན་པ་དང་ལྷུང་བཟེད་བཀྲུས་ནས་དྲི་བཟང་པོའི་ཕྱེ་མས་བྱུགས་ཏེ། བཟའ་བ་མཆོག་གིས ་གང་བར་བྱས་ནས་དེ་བཞིན་གཤེགས་པ་ལ་ཕུལ་ཅིག་ཅེས་སྨྲས་ནས་གནས་བརྟན་གྱི་ལག་པར་བྱིན་ནོ། ། གནས་བརྟན་མི་ཐམས་ཅད་ཀྱིས་མཐོང་བ་དང་ལྷུང་བཟེད་ནམ་མཁའ་ལ་འཕགས་སོ།། རང་ཉིད ་ཀྱང་ནམ་མཁའ་ལ་གཤེགས་ནས་བཟའ་བའི་ལྷུང་བཟེད་བཟུང་སྟེ། སྟོན་པའི་ཕྱག་ཏུ་ཕུལ་ནས་སྟོན་པས་ཀྱང་དེར་བཟའ་བ་ལ་ལོངས་སྤྱོད་དོ།། གནས་བརྟན་ཐབས་འདིས་ཉི་མ་རེ་རེ་བཞིན་དུ་བཟའ་བ་ཕུལ ་ལོ། སྟོན་པས་ཀྱང་ལམ་གྱི་བར་དུ་རྒྱལ་པོ་ཉིད་ཀྱི་གདུགས་ཚོད་ལ་ལོངས་སྤྱོད་དོ།། གནས་བརྟན་གྱིས་ཀྱང་གདུགས་ཚོང་ལ་ལོངས་སྤྱོད་པའི་མཐར་ཉི་མ་རེ་རེ་བཞིན་དུ་དི་རིང་འདི་ཙམ་ནས་བཅོམ་ལྡན་འདས ་བྱོན་ནོ། ། དི་རིང་འདི་ཙམ་དུ་བཅོམ་ལྡན་འདས་བྱོན་ཞེས་པ་དང་། སངས་རྒྱས་ཀྱི་ཡོན་ཏན་ཡང་དག་པར་ལྡན་པ་ཉིད་བརྗོད་ཅིང་རྒྱལ་རིགས་ཐམས་ཅད་སྟོན་པ་མ་མཐོང་བ་ཉིད་ཀྱིས་སྟོན་པའི་དྲུང་དུ་རང་ཉིད ་ཀྱི་སེམས་དངས་པར་མཛད་དོ། ། དེའི་རྒྱུ་མཚན་གྱིས་གནས་བརྟན་ལ་བཅོམ་ལྡན་འདས་ཀྱིས་དགེ་སློང་དག་བདག་གི་ཉན་ཐོས་ཀྱི་ནང་ནས་རིགས་དད་པར་བྱེད་པ་རྣམས་ཀྱི་མཆོག་གང་ཡིན་ན་འདི་ནི ་འཆར་ཀ་ཞེས་པའོ། ། འདི་མཆོག་ཏུ་བཟུང་བས་ཤཱཀྱ་པ་རྣམས་ཀྱིས་ཀྱང་བཅོམ་ལྡན་འདས་རྗེས་སུ་བྱོན་པའི་སྔུན་ལ་བདག་ལ་བདག་ཅག་གི་ཉེ་དུའི་གཙོ་བོ་བལྟའོ་ཞེས་འདུས་ནས། བཅོམ་ལྡན ་འདས་བཞུགས་པའི་གནས་རྟོག་ཅིང་ཤཱཀྱ་ནྱ་གྲོ་དྷའི་ཀུན་དགའ་ར་བ་ཡིད་དུ་འོང་བ་སྟ་གོན་བྱས་སོ། ། དེར་ཐམས་ཅད་ཉེར་བསྡོགས་བྱས་ནས་སྤོས་དང་མེ་ཏོག་སོ་སོ་ལག་ཏུ་ཐོགས་ཏེ། བསུ་བ་བྱེད ་ཅིང་རྒྱན་ཐམས་ཅད་ཀྱིས་སོ་སོར་བརྒྱན་ནས། གཞོན་ནུ་དང་གཞོན་ནུ་མ་གྲོང་ཁྱེར་གྱི་ཁྱེའུ་དང་བུ་མོ་སྔར་དང་པོར་བཏང་བ་རྣམས་དང་། དེ་ནས་རྒྱལ་པོའི་གཞོན་ནུ་དང་གཞོན་ནུ་མ་དག་དེ་རྣམས་ཀྱི ་བར་རང་རང་གིས་སྤོས་དང་། མེ་ཏོག་དང་། ཕྱེ་མ་ལ་སོགས་པས་མཆོད་པ་བྱེད་ཅིང་། བཅོམ་ལྡན་འདས་ཀྱིས་བཞེས་ནས་ནྱ་གྲོ་དྷའི་ཀུན་དགའ་ར་བ་ཉིད་དུ་བྱོན་ནོ།། དེར་བཅོམ་ལྡན་འདས་ཀྱིས་སྟོང ་ཕྲག་ཉི་ཤུའི་ཟག་པ་ཟད་པའི་དགེ་སློང་འཁོར་དུ་བྱས་ནས་གདན་བཤམས་པ་མཆོག་ལ་སངས་རྒྱས་བཞུགས་སོ། ། ཤཱཀྱའི་རིགས་ནི་ང་རྒྱལ་དང་ལྡན་པ་ཡིན། སེམས་རྩུབ་པ་ཡིན་པས་འདི་ནི་དོན་གྲུབ་གཞོན ་ནུ་དེད་དང་ལྷན་ཅིག་གཞོན་ནུ་ཡིན་ནོ། ། ངེད་ནི་ཕུང་པོ་ཡིན་ནོ།། འདི་ནི་སྲིང་མོའི་བུ་ཡིན་ནོ།། འདི་ནི་ཚ་བོ་ཡིན་ནོ་ཞེས་བསམས་ནས་ཁྱེའུ་དང་རྒྱལ་པོའི་གཞོན་ནུ་ཞེས་སྨྲས་ཏེ། ཁྱེད ་ཀྱི་ཕྱག་གིས་བདག་ཁྱེད་ཀྱི་རྒྱབ་ཏུ་སྡོད་དོ་ཞེས་བསམས་སོ། ། དེ་རྣམས་དེ་བཞིན་དུ་གནས་ནས། བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་གཟིགས་ནས། གཉེན་རྣམས་བདག་ལ་ཕྱག་མི་བྱེད ་པར་འདོད་ཀྱང་ད་ལྟ་ཕྱག་བྱེད་དུ་གཞུག་དགོས་ཏེ། མངོན་པར་ཤེས་པའི་གཞི་དང་། ཡེ་ཤེས་དང་། བསམ་གཏན་དང་ལྡན་པར་འཇུག་པ་བསྐྱེད་དགོས་སྙམ་སྟེ། བཞེངས་ནས་ནམ་མཁའ་ལ་གཤེགས ་སོ། ། དེ་རྣམས་ཀྱི་མགོ་ལ་ཞབས་ཀྱི་རྡུལ་ལྷུང་བ་བཞིན་དུ་ཨ་མྲ་བསྲུང་བའི་ཨ་མྲའི་ཤིང་གི་དྲུང་དུ་སོ་སོའི་ཆོ་འཕྲུལ་དང་མཚུངས་པར་ཆོ་འཕྲུལ་མཛད་དོ།། རྒྱལ་པོས་དེའི་ཡ་མཚན་ཆེ་བ་མཐོང་ངོ་ཞེས ་སྨྲས་སོ། ། བཅོམ་ལྡན་འདས་ཁྱོད་འཁྲུངས་པའི་ཉིན་མོ་དཀའ་ཐུབ་པ་ནག་པོ་ལྷ་ལེན་གྱིས་ཕྱག་བྱེད་ཅིང་ཉེ་བར་གནས་པས་ཁྱོད་ཀྱིས་ཞབས་བསྐྱོད་པ་བྲམ་ཟེའི་སྤྱི་བོ་ལ་ཉེ་བར་གནས་སོ།། དེ་མཐོང་ནས ་བདག་གིས་ཀྱང་ཁྱོད་ལ་ཕྱག་བྱས་སོ། ། འདི་ནི་བདག་གི་ཕྱག་དང་པོ་ཡིན་ནོ།། བཀྲ་ཤིས་པའི་འབྲུ་འདེབས་པའི་ཉིན་མོ་འཛམ་བུའི་ཤིང་གི་གྲིབ་མའི་དཔལ་གྱི་མལ་སྟན་ལ་ཁྱོད་བཞུགས་པ་ན་ཤིང་འཛམ ་བུའི་གྲིབ་མས་མ་བཏང་བར་མཐོང་བའི་ཚེའང་ཞབས་ལ་ཕྱག་བྱས་སོ། ། འདི་ནི་བདག་གི་ཕྱག་གཉིས་པ་ཡིན་ནོ།། ད་ལྟ་ནི་བདག་གིས་སྔར་མ་མཐོང་བའི་ཆོ་འཕྲུལ་ཡང་མཐོང་བས་ཁྱེད་ཀྱི་ཞབས་ལ ་ཕྱག་བགྱིད་དོ། ། འདི་ནི་བདག་གི་ཕྱག་གསུམ་པ་ཡིན་ནོ།། སླར་ཡང་རྒྱལ་པོས་བཅོམ་ལྡན་འདས་ལ་ཕྱག་བྱེད་ཅིང་། ཕྱག་བྱེད་པར་མི་ནུས་པའི་ཤཱཀྱའི་རིགས་གཅིག་ཀྱང་མེད་དོ།། ཐམས་ཅད་ཀྱིས་ཀྱང ་ཕྱག་བྱེད་པ་ཉིད་དོ། ། དེ་ནས་བཅོམ་ལྡན་འདས་ལ་ཉེ་དུ་རྣམས་ཀྱིས་ཕྱག་བྱེད་ཅིང་ནམ་མཁའ་ལས་བབས་ནས་གདན་བཤམས་པའི་མཆོག་གི་གུང་ལ་བཞུགས་སོ།། བཅོམ་ལྡན་འདས་བཞུགས་ནས ་ཉེ་དུ་རྣམས་དང་འདུས་པར་གྱུར་པ་ལ་ཐམས་ཅད་སེམས་གཅིག་ཏུ་གནས་སོ། ། དེ་ནས་སྤྲིན་ཆེན་པོ་ལས་པདྨའི་འདབ་མ་ལ་ཆུ་མི་ཆགས་པ་ལྟ་བུའི་ཆར་འབེབས་སོ།། ཆུ་ཟངས་ཀྱི་མདོག་ཅན་ས་ལ་སྒྲ ་སྒྲོགས་ཤིང་འབབ་བོ། ། འབང་བར་འདོད་པ་རྣམས་འབང་ངོ་།། འབང་བར་མི་འདོད་པ་རྣམས་མི་འབང་ངོ་།། ཐིགས་པ་ཙམ་ཡང་མི་ལྟུང་ངོ་།། དེ་མཐོང་ནས་ཐམས་ཅད་དུ་ཡ་མཚན་པ་དང་རྨད ་དུ་བྱུང་བ་སྐྱེས་སོ། ། ཨེ་མ་ཧོ་ངོ་མཚར་ཆེ། ཨེ་མ་ཧོ་རྨད་དུ་བྱུང་ངོ་ཞེས་རྗོད་པར་བྱེད་དོ།། སྟོན་པས་འདི་ཁོ་ན་མ་ཡིན་གྱི། བདག་གི་ཉེ་དུ་དང་ཕྲད་པ་ན་པདྨའི་བ་དབ་མ་ཆུ་མི་ཆགས་པ་ལྟ་བུའི་ཆར ་འབེབས་ཤིང་འདས་པའི་དུས་སུའང་ངས་ཕབ་བོ། ། འདིའི་དོན་བྱུང་བ་ནི་ཐམས་ཅད་སྒྲོལ་གྱི་སྐྱེ་རབས་སུ་བཤད་དོ།། ཆོས་བསྟན་པ་ཐོས་ནས་ཐམས་ཅད་ལངས་ཏེ་ཕྱག་བྱས་ནས་སོང་ངོ་།། གཅིག ་གིས་ཀྱང་རྒྱལ་པོ་དང་། རྒྱལ་ཚབ་དང་། བློན་པོ་རྣམས་སང་བདག་གི་གནས་སུ་བསོད་སྙོམས་ཁྱེར་འོང་ངོ་ཞེས་སྨྲ་བ་སོང་བ་དེ་རྣམས་ལས་གཅིག་ཀྱང་མ་བྱུང་ངོ་།། སྟོན་པས་སླར་ཉི་མ་གཉིས་པ ་ལ་སྟོང་ཕྲག་ཉི་ཤུའི་དགེ་སློང་འཁོར་དུ་བྱས་ནས་གྲོང་ཁྱེར་སེར་སྐྱའི་གཞིར་བསོད་སྙོམས་ལ་བཞུད་དོ། ། གང་ཞིག་མགྲོན་དུ་གཉེར་བ་དང་། ལྷུང་བཟེད་ཁྱེར་བ་སུའང་མེད་དོ།། བཅོམ ་ལ་དན་འདས་སྒོ་དྲུང་དུ་འཁོད་དེ་རྣམ་པར་བརྟགས་པས་ཇི་ལྟར་སྔུན་གྱི་སངས་རྒྱས་རྣམས་ཀྱི་རིགས་ཀྱི་གྲོང་ཁྱེར་དུ་བྱོན་ནས་བསོད་སྙོམས་མཛད་པ་བཞིན་དུ་གང་ཇི་ལྟར་རིགས་པར་མི་ཆེན་པོའི་ཁྱིམ་དུ་འགྲོ་ཞིང ་ཡང་ན་གོ་རིམས་བཞིན་དུ་བསོད་སྙོམས་སྤྱོད་དོ། ། དེ་ནས་སངས་རྒྱས་གཅིག་གིས་ཀྱང་ཇི་ལྟར་རིགས་པར་གཤེགས་པ་མ་མཐོང་བས་བདག་གིས་ཀྱང་ད་ནི་འདིའི་རིགས་སོ།། འདི་སྔོན་གྱི་སངས་རྒྱས་ཀྱི་རིགས ་བཞིན་དུ་བདག་གིས་ཀྱང་རིགས་པར་གཟུང་བར་བྱའོ། ། བདག་གི་ཉན་ཐོས་ཀྱང་བདག་ཉིད་བཞིན་རྗེས་སུ་སློབ་ཅིང་བསོད་སྙོམས་ལ་རྫོགས་པར་བྱོན་ནོ།། འཁོད་པའི་ཁྱིམ་ནས་བཟུང་ནས་གོ་རིམས་བཞིན་དུ ་བབསོད་སྙོམས་ལ་སྤྱོད་དོ། ། འཕགས་པ་གཞོན་ནུ་དོན་གྲུབ་བསོད་སྙོམས་ལ་གཤེགས་སོ་ཞེས་བརྗོད་དོ།། ཉིས་ཐོག་དང་སུམ་ཐོག་ལ་སོགས་པའི་ཁང་བཟངས་རྣམས་སུ་སྟེང་གི་སྒོ་ཆུང་ཕྱེ་ནས་མི་ཐམས་ཅད ་བལྟ་བར་གྱུར་ཏེ། ལྷ་མོ་སྒྲ་གཅན་འཛིན་གྱི་ཡུམ་ཡང་བ་ཕགས་པའི་བུ་གྲོང་ཁྱེར་འདི་ཉིད་དུ་རྒྱལ་པོ་ཆེན་པོའི་མཐུས་གསེར་གྱི་དོ་ལི་ལ་སོགས་པ་ལ་ཞོན་ཏེ། དེ་རིང་ནས་སྒྲ་དང་ཁ་སྤུ་བྲེགས་ཤིང་ངུར་སྨྲིག ་གི་གོས་གྱོན་ནས་སྣོད་ལག་ཏུ་ཁྱེར་ཏེ། བསོད་སྙོམས་ལ་འགྲོ་བ་མཛེས་སམ་མི་མཛེས་ཞེས་སྟེང་གི་སྒོ་ཆུང་ཕྱེ་ནས་བལྟའོ།། སྣ་ཚོགས་པའི་འདོད་ཆགས་དང་བྲལ་བ་ཡང་དག་པར་འབར་ཞིང་སྐུ་ལུས ་ཀྱི་འོད་ཀྱིས་གྲོང་ཁྱེར་གྱི་སྟེང་ཐམས་ཅད་སྣང་བར་མཛད་དེ། འདོམ་གང་བའི་འོད་ཀུན་ནས་བསྐོར་ཞིང་རབ་ཏུ་གསལ་བ། དཔེ་བྱད་བཟང་པོ་བརྒྱད་ཅུ་དང་ལྡན་པ། སྐྱེས་བུ་ཆེན་པོའི་མཚན་སུམ་ཅུ་རྩ ་གཉིས་ཀྱིས་བརྒྱན་པ། སངས་རྒྱས་ཀྱི་དཔལ་དཔེ་མེད་པར་རྣམ་པར་གསལ་བ་མཐོང་ངོ་།། གཙུག་ཏོར་ནས་བཟུང་ནས་ཞབས་ཀྱི་མཐིལ་གྱི་བར་དེ་སྲིད་དོ།། དབུ་སྐྲ་གཡས་འཁྱིལ་འཇམ་ནག་སྡུམ་པ ་དང་། དཔྲལ་བ་དྲི་མེད་ཉི་མའི་མཐིལ་བཞིན་ནོ།། སྐུ་དང་འཚམ་པའི་ཤངས་ནི་མཐོ་བ་དང་།། མི་ཡི་སེང་གེ་འོད་ཟེར་གསལ་བར་མཛད།། འདི་ལྟ་བུ་ལ་སོགས་པའི་མིའི་སེང་གེ་ལ་ཚིགས་སུ་བཅད ་བས་མངོན་པར་བསྟོད་དོ། ། ཁྱེད་ཀྱི་སྲས་པོ་བསོད་སྙོམས་ལ་སྤྱོད་དོ་ཞེས་རྒྱལ་པོ་ལ་སྨྲས་སོ།། རྒྱལ་པོའི་སེམས་སྡུག་བསྔལ་བས་གོས་ནས་བཟུང་སྟེ་མྱུར་ཞིང་མྱུར་བར་ཕྱིར་འཐོན་ཏེ། བཅོམ་ལྡན ་འདས་ཀྱི་དྲུང་དུ་འཁོད་ནས་སྨྲས་པ། ཅི་བཙུན་པ་བདག་ཅག་ངོ་ཚ་བས་ཅིའི་དོན་དུ་བསོད་སྙོམས་མཛད། དགེ་སློང་འདི་རྣམས་ཀྱི་བཟའ་བ་བདག་གིས་སྟེར་བར་མི་ཤེས་བསམས་པ་ཡིན་ནམ་ཅི་ལགས། ་རྒྱལ་པོ་ཆེན་པོའི་རིགས་ཀྱི་སྤྱོད་པ་ཡིན་ནོ།། བཙུན་པ་བདག་ཅག་ཤཱཀྱའི་རིགས་ཞེས་བྱ་བའི་རིགས་སོ།། དེ་ལ་རྒྱལ་རིགས་གཅིག་ཀྱང་བསོད་སྙོམས་བྱེད་པའི་མི་ཙམ་ཡང་མེད་དོ།། རྒྱལ་པོ་ཆེན་པོའི ་རིགས་ཞེས་བྱ་བ་ནི་ཁྱོད་ཀྱི་རིགས་འདི་ཡིན་ནོ། ། བཀའ་སྩལ་པ། རྒྱལ་པོ་ཆེན་པོ་མི་དགྱེས་པ་མ་མཛད་ཅིག། སླར་ཡང་བདག་ཅག་གི་མར་མེ་མཛད་དང་། ཀོའུ་ཌི་ནྱ་དང་། འོད་སྲུངས་ཞེས་བྱ་བ ་འདི་སངས་རྒྱས་ཀྱི་རིགས་ཡིན་ནོ། ། འདི་རྣམས་དང་གཞན་སངས་རྒྱས་སྟོང་ཕྲག་དུ་མས་ཀྱང་བསོད་སྙོམས་སྤྱོད་ཅིང་འཚོ་བར་མཛད་ལ། བྲང་གི་དབུས་སུ་འཁོད་པ་ཉིད་དོ།། བག ་མེད་ལྷག་མར་བྱེད་པ་མེད། ། ཆོས་ལ་སྤྱོད་ཅིང་ལེགས་པར་སྤྱོད།། ཆོས་ལ་སྤྱད་ན་བདེ་བ་འ་བྱུང་།། འཇིག་རྟེན་འདི་དང་ཕྱི་མར་བདེ།། ཆོས་ཀྱི་རྐང་པའི་ཚིགས་སུ་བཅད་པ་འདི་བསྟན་ཅིང་བཤད་དོ།། ་ཚིགས་སུ་བཅད་པའི་མཐར་རྒྱལ་པོས་རྒྱུན་དུ་ཞུགས་པའི་འབྲས་བུ་ཐོབ་བོ།། ཆོས་སྤྱོད་པ་ནི་ལེགས་པར་སྤྱོད།། ཉེས་པར་སྤྱོད་པ་མི་བྱ་ཞིང་།། ཆོས་སྤྱད་པ་ཡིས་བདེ་བ་འབྱུང་།། འཇིག་རྟེན་འདི་དང་ཕ ་རོལ་ཏུའོ། ། སླར་ཡང་ཆོས་ཀྱི་རྐང་པའི་ཚོགས་སུ་བཅད་པ་འདི་ཐོས་ནས་ལན་ཅིག་ཕྱིར་འོང་བའི་འབྲས་བུ་ཐོབ་པར་གྱུར་ཏོ།། ཆོས་སྐྱོང་བའི་སྐྱེས་རབས་ཐོབ་ནས་ཕྱིར་མི་འོང་གི་འབྲས་བུ་ཐོབ་པར་གྱུར་ཏོ།། ་འཆི་བའི་དུས་སུ་གདུགས་དཀར་པོའི་འོག་ཏུ་དཔལ་གྱི་མལ་སྟན་གྱི་སྟེང་དུ་གཟིམས་པ་ཉིད་ན་དགྲ་བཅོམ་པ་ཐོབ་པར་གྱུར་ཏོ།། དགོན་པར་གནས་ནས་དཀའ་ཐུབ་སྤྱོད་པ་རྒྱལ་པོ་ལ་དགོས་པ་མེད་དོ།། རྒྱུན ་དུ་ཞུགས་པའི་འབྲས་བུ་མངོན་དུ་བྱས་ནས། སླར་ཡང་བཅོམ་ལྡན་འདས་ཀྱི་ལྷུང་བཟེད་བཟུང་སྟེ། འཁོར་དང་བཅས་པ་ཁང་བཟངས་ཆེན་པོའི་སྟེང་དུ་སྤྱན་དྲངས་ནས་གྱ་ནོམ་པའི་བཟའ་བ་དང་བཅའ་བ ་རྣམས་དྲངས་སོ། ། གདུགས་ཚོད་ཟིན་པའི་མཐར་སྒྲ་གཅན་འཛིན་གྱི་མ་མ་གཏོགས་པའི་བཙུན་མོ་འཁོར་དང་བཅས་པ་ཐམས་ཅད་འོངས་ནས་བཅོམ་ལྡན་འདས་ལ་ཕྱག་བྱས་སོ།། གཞན་ཡང་དེས ་འཁོར་གྱི་མི་རྣམས་ལ་འཕགས་པའི་བུ་ལ་ཕྱག་བགྱིས་ཞེས་བརྗོད་ནས། གལ་ཏེ་ཁོ་མོ་ལ་ཡོན་ཏན་ཡོད་ན་འཕགས་པའི་བུ་རང་ཉིད་ཀྱི་གནས་སུ་འབྱོན་ནོ།། བྱོན་པ་ཉིད་ན་དེ་ལ་ཕྱག་བྱེད་དོ་ཞེས་བརྗོད་ནས ་མ་འོངས་སོ། ། རྒྱལ་པོས་ལྷུང་བཟེད་བཟུང་ནས་བཅོམ་ལྡན་འདས་ཉན་ཐོས་མཆོག་གཉིས་དང་བཅས་པ་རྒྱལ་པོའི་བུ་མོའི་ཁང་བཟངས་སུ་གཤེགས་ཏེ། རྒྱལ་པོའི་བུ་མོ་རང་ཉིད་ཇི་ལྟར་མོས་པའི ་ཕྱག་བྱེད་ཅིང་གཞན་དང་དགའ་བ་ཅུང་ཟད་ཀྱང་མ་བྱེད་ཅེས་ནས། གདན་བཤམས་པ་མཆོག་གི་གུང་ལ་བཞུགས་སོ།། དེ་མྱུར་དུ་འོངས་ནས་བྱིན་པ་བཟུང་སྟེ། ཞབས་ཀྱི་སྟེང་དུ་མགོ་བོ་བཞག་ནས་ཇི ་ལྟར་འདོད་པའི་ཕྱག་བྱས་སོ། ། རྒྱལ་པོ་དང་རྒྱལ་པོའི་བུ་མོས་བཅོམ་ལྡན་འདས་ལ་དགའ་བ་མང་པོས་ཡོན་ཏན་ལ་སོགས་པས་ཡོན་ཏན་དང་ལྡན་པར་བརྗོད་ནས། བཙུན་པ་བདག་གི་བུ་མོས་ཉིད་ཀྱིས ་གོས་ངུར་སྨྲིག་གྱོན་པ་ཐོས་ནས། དེ་ནས་བཟུང་སྟེ་དེང་གི་བར་དུ་གོས་ངུར་སྨྲིག་གྱོན་ནོ།། ཉིད་ཀྱིས་གདུགས་ཚོད་ལན་ཅིག་གསོལ་བ་ཐོས་ནས་བུ་མོས་ཀྱང་བཟའ་བ་ལན་ཅིག་ཟོས་སོ།། ཉིད་ཀྱིས་མལ ་སྟན་ཆེན་པོ་སྤངས་པ་ཐོས་ནས། ཉལ་ཁྲི་ཆུང་བ་ལ་ཉལ་ལོ།། ཉིད་ཀྱིས་མེ་ཏོག་གི་འཕྲེང་བ་དང་སྤོས་ལ་སོགས་པ་ལ་སྲེད་པ་མེད་པར་ཐོས་ནས། མེ་ཏོག་གི་འཕྲེང་བ་དང་སྤོས་ལ་སོགས་པ་ལ ་ཆགས་མེད་པ་སྐྱེས་སོ། ། རང་གི་ཉེ་དུ་རྣམས་བདག་གིས་གསོའོ་ཞེས་འཕྲིན་བསྐུར་ནས། གཉེན་གཅིག་ལའང་ལྟ་བ་མི་འདུག་གོ། བཅོམ་ལྡན་འདས་འདི་ལྟ་བུའི་ཡོན་ཏན་དང་ལྡན་པ་ནི་བདག་གི ་བུ་མོ་ཡིན་ནོ་ཞེས་གསོལ་ཏོ། ། རྒྱལ་པོ་ཆེན་པོ་ལ་མཚན་མི་ཆེའོ།། འདི་ལྟ་ཁྱེད་སྲུང་བར་བྱེད་པའི་རྒྱལ་པོའི་བུ་མོ་ཡེ་ཤེས་ཡོངས་སུ་མ་སྨིན་པ་རང་གིས་བསྲུང་ངོ་།། སྔར ་བསྲུངས་པ་མེད་ཅིང་རི་ལ་སོགས་པ་ལ་འགྲོ་བ་ན། ཡེ་ཤེས་ཡོངས་སུ་མ་རྫོགས་པ་རང་གིས་སྲུངས་སོ་ཞེས་གསུངས་ནས། མི་འམ་ཅི་ཟླ་བའི་སྐྱེས་རབས་གསུངས་ཏེ། གདན་ལས་བཞེངས་ནས ་གཤེགས་སོ། ། ཉི་མ་གཉིས་པ་ལ་རྒྱལ་བུ་གཞོན་ནུ་དགའ་བོ་རྒྱལ་པོར་དབང་བསྐུར་བ་དང་། ཁང་པ་གསར་པའི་ནང་དུ་ཞུགས་ཏེ་བཀྲ་ཤིས་པའི་བག་མ་བླངས་ནས་ཉེ་བར་གནས་སོ།། དེའི་ཁྱིམ ་དུགཤེགས་ནས་གཞོན་ནུ་ལྷུང་བཟེད་ཟུང་ཞིག་ཅེས་རབ་ཏུ་དབྱུང་བར་དགོངས་ནས་བཀྲ་ཤིས་བརྗོད་དོ། ། གདན་ལས་བཞེངས་ནས་གཤེགས་སོ།། ལྗོངས་ཀྱི་དགེ་བའི་བུ་མོས་འགྲོ་བ་མཐོང་ངོ་།། ་འཕགས་པའི་བུ་མྱུར་དུ་ཤོག་ཅེས་བརྗོད་ནས་བལྟའོ།། དེས་ཀྱང་བཅོམ་ལྡན་འདས་ཀྱི་ལྷུང་བཟེད་དེ་བཟུང་བར་མ་ནུས་ནས་གཙུག་ལག་ཁང་ཉིད་དུ་གཤེགས་སོ།། བཅོམ་ལྡན་འདས་དེ་ལ་འདོད་པ་མེད ་པ་ཉིད་ཀྱིས་རབ་ཏུའིའབྱུང་བ་བྱེད་དོ། ། འདི་ལྟར་བཅོམ་ལྡན་འདས་གྲོང་ཁྱེར་སེར་སྐྱར་གཤེགས་ཤིང་ཉི་མ་གསུམ་པ་ལ་དགའ་བོ་རབ་དུ་བྱུང་བར་བྱས་སོ།། ཉི་མ་བདུན་པ་ལ་སྒྲ་གཅན་འཛིན་གྱི་མས། ་གཞོན་ནུ་རྒྱན་གྱིས་བརྒྱན་ནས། བཅོམ་ལྡན་འདས་ཀྱི་དྲུང་དུ་བཏང་ངོ་།། བུ་སྟོང་ཕྲག་ཉི་ཤུའི་དགེ་སློང་འཁོར་དང་བཅས་པ་འདི་རྣམས་ལྟོས། གསེར་གྱི་ཁ་དོག་ཅན་གྱི་ཚངས་པའི་གཟུགས་ཀྱི་མདོག་ཅན། ་དགེ་སྦྱོང་འདི་ནི་ཁྱེད་ཀྱི་ཡབ་བོ།། འདི་ལ་གཏེར་ཆེན་པོ་ཡོད་ཅིང་དེ་འཐོན་པ་ནས་བཟུང་ནས་གཏེར་མཐོང་བ་མེད་དོ།། སོང་ལ་ནོར་སློངས་ཤིག། བདག་ཁྱེད་ཀྱི་བུ་གཞོན་ནུ་ཡིན་ནོ།། རྒྱལ་པོར་དབང ་བསྐུར་བ་ཐོབ་ནས་འཁོར་ལོ་སྒྱུར་བ་ལ་དབང་བྱེད་པར་འགྱུར་རོ། ། བདག་ལ་ནོར་གྱི་དོན་དུ་ནོར་སྩལ་དུ་གསོལ། ཡབ་ཀྱི་ནོར་བུ་བདག་ཡིན་ནོ་ཞེས་གསོལ་ཅིག་ཅེས་སྨྲས་པ་དང་། གཞོན་ནུ་བཅོམ་ལྡན་འདས ་དང་ཉེ་བར་སོང་སྟེ། ཡབ་ཀྱི་དྲུང་དུ་དགའ་བ་སྐྱེས་སོ།། སེམས་སྤྲོ་བར་གྱུར་ཏོ།། དགེ་སྦྱོང་དེ་ཁྱོད་ཀྱི་གྲིབ་མ་ནི་དེའོ་ཞེས་བརྗོད་ནས། གཞན་ཡང་རང་གི་རིགས་པས་བརྗོད་ཅིང་འཁོད་དོ།། བཅོམ ་ལྡན་འདས་གདུགས་ཚོད་ཀྱི་མཐར་རྗེས་སུ་ཡི་རང་བ་མཛད་ནས་གདན་ལས་བཞེངས་ཏེ་གཤེགས་སོ། ། གཞོན་ནུས་བདག་ལ་དགེ་སློང་ནོར་སྩལ་དུ་གསོལ། བདག་ལ་དགེ་སློང་ནོར་སྩལ་དུ་གསོལ། ་བཅོམ་ལྡན་འདས་ཀྱི་རྗེས་སུ་འབྲངས་ནས། བཅོམ་ལྡན་འདས་ཀྱིས་གཞོན་ནུ་ཕྱིར་ལོག་ལ། ངའི་རྗེས་སུ་མ་འགྲོ་ཞེས་པ་དང་། རྗེས་སུ་འབྲང་བ་རྣམས་ཀྱང་བཅོམ་ལྡན་འདས་དང་འགྲོགས་ནས ་བྱོན་ཏེ། ལྡོག་པར་མ་ནུས་ནས། གཞོན་ནུ་བཅོམ་ལྡན་འདས་དང་ལྷན་ཅིག་ཀུན་དགའ་ར་བ་ཉིད་དུ་ཕྱིན་ནོ།། དེ་ནས་བཅོམ་ལྡན་འདས་ཀྱིས་བསམས་པ། འདི་ཡབ་ཀྱི་ནོར་འདོད་ཅིང་འཇིག་རྟེན ་པའི་ནོར་ནི་ཆེ་བ་དང་བཅས་པ་ཡིན། ད་ནི་གནོན་ནུ་ལ་བྱང་ཆུབ་སྙིང་པོ་དེས་ཐོབ་པའི་འཕགས་པའི་ནོར་རྣམ་པ་བདུན་བྱིན་ན། འཇིག་རྟེན་ལས་འདས་པའི་ནོར་གྱི་བདག་པོ་བྱེད་པར་འགྱུར་བར་དགོངས ་ནས། ཚེ་དང་ལྡན་པ་ཤཱ་རིའི་བུ་བོས་ཏེ། དེའི་ཕྱིར་ན་ཤཱ་རིའི་བུ་ཁྱོད་ཀྱིས་གཞོན་ནུ་སྒྲ་གཅན་འཛིན་རབ་ཏུ་ཕྱུང་ཞེས་བརྗོད་ནས་རབ་ཏུ་བྱུང་བར་བྱས་སོ།། སླར་ཡང་རྒྱལ་པོ ་གཞོན་ནུའི་སྡུག་བསྔལ་ཆེར་སྐྱེས་ཏེ་བགྲན་པར་མ་ནུས་ནས། བཅོམ་ལྡན་འདས་ཀྱི་གནས་སུ་ཕྱིན་ཏེ། བཙུན་པ་འཕགས་པ་མ་དང་པ་ཡིས་རྗེས་སུ་མ་གནང་བའི་བུ་རབ་ཏུ་འབྱུང་བར་བྱེད་པ་མ ་ལེགས་སོ་ཞེས་དམ་པ་བསླངས་སོ། ། བཅོམ་ལྡན་འདས་ཀྱིས་དེ་ལ་དམ་པ་བྱིན་ནོ།། སླར་ཡང་ཉི་མ་གཉིས་པ་ལ་རྒྱལ་པོའི་གནས་སུ་གདུགས་ཚོད་གསོལ་ནས་ཕྱོགས་གཅིག་ཏུ་འཁོད་དོ།། ། ་རྒྱལ་པོས་བཙུན་པ་ཉིད་དཀའ་བ་སྤྱོད་པའི་དུས་སུ་ལྷ་གཅིག་བདག་གི་དྲུང་དུ་ཉེ་བར་འོངས་ནས་ཁྱེད་ཀྱི་བུ་དུས་ལས་འདས་སོ་ཞེས་སྨྲས་སོ།། དེའི་ཚིག་ལ་ཡིད་ཆེས་པ་མེད་ཅིང་། བདག་གི ་སྲས་བྱང་ཆུབ་མ་ཐོབ་བར་དུ་དུས་ལས་འདའ་བར་མི་བྱེད་དོ། ། དེའི་ཚིག་བདག་གིས་བཀག་གོ་ཞེས་བརྗོད་དོ།། བཅོམ་ལྡན་འདས་ཀྱིས་བཀའ་སྩལ་པ། ད་ལྟ་ཇི་ལྟར་ཁྱོད་ཡིད་ཆེས་པར་བྱེད ་སྔར་རུས་པ་མཐོང་ནས་ཁྱེད་ཀྱི་བུ་ཤིའོ་ཞེས་ཟེར་བ་ལ་ཡིད་མོས་པར་མ་བྱས་སོ། ། འདིའི་དོན་འབྱུང་བ་ནི་ཆོས་སྐྱོང་བ་ཆེན་པོའི་སྐྱེས་རབས་སུ་བཤད་དོ།། གཏམ་གྱི་མཐར་རྒྱལ་པོས་ཕྱིར་མི་འོང ་བའི་འབྲས་བུ་ལ་གནས་སོ། ། དེ་ལྟར་བཅོམ་ལྡན་འདས་ཀྱི་ཡབ་འབྲས་བུ་གསུམ་ལ་སོ་སོར་གནས་ནས་དགེ་སློང་གི་དགེ་འདུན་འཁོར་དུ་བྱས་སོ།། སླར་ཡང་རྒྱལ་པོའི་ཁབ་ཏུ་གཤེགས་ནས་བསིལ ་པའི་ཚལ་དུ་བཞུགས་སོ། ། དེའི་ཚེ་ཁྱིམ་བདག་མགོན་མེད་ཟས་སྦྱིན་གྱིས་ཤིང་རྟ་ལྔ་བརྒྱའི་ནོར་ཁྱེར་ནས་རྒྱལ་པོའི་ཁབ་ཏུ་རང་ཉིད་དཀའ་བའི་གྲོགས་ཀྱི་ཁང་པར་སོང་སྟེ། དེས་སངས་རྒྱས་བཅོམ ་ལྡན་འདས་བྱོན་ནོ་ཞེས་པ་ཟོས་ནས་ཤིན་དུ་རྫ་བར་ལྷའི་མཐུས་སྒོ་ཕྱེ་སྟེ། སྟོན་པའི་དྲུང་དུ་ན་བར་སོང་ནས་ཆོས་ཐོས་ཏེ། རྒྱུན་དུ་ཞུགས་པའི་འབྲས་བུ་ཐོབ་པར་གྱུར་ཏོ།། ཞིས་གཉིས་པ་ལ་ས ་རྒྱས་ལ་སོགས་པའི་དགེ་འདུན་ལ་སྦྱིན་པ་ཆེན་པོ་ཕུལ་ལོ། ། མཉན་ཡོད་དུ་གཤེགས་པའི་ཕྱིར་དུ་སྟོན་པའི་དྲུང་དུ་དམ་བཅའ་བསླངས་ནས་པར་རྨི་ལམ་དཔག་ཚད་བཞི་བཅུ་རྩ་ལྔའི་གནས་སུ་འཇ ་བྲག་རེ་རེའི་ནོར་བྱིན་ནས་དཔག་ཚད་རེ་རེའི་གཙུག་ལག་ཁང་བྱས་སོ། ། རྒྱལ་བྱེད་ཚལ་བྱེ་བ་ཕྲག་བཅོ་བརྒྱད་ཀྱི་དབྱིག་གིས་ཆོས་ནས་ལས་ཁ་གསར་བ་བྱེད་ཅིང་དབུས་སུ་སྟོབས་བཅུ་པའི་དྲིའི་གཙང་ཁང ་བྱེད་དོ། ། དེ་ལ་བསྐོར་བ་རྣམས་ལ་གནས་བརྟན་ཆེན་པོ་བརྒྱད་ཅུའི་བཞུགས་གནས་སོ།། ཚིག་ཐོག་དང་། ཉིས་ཐོག་དང་། ཁང་པ་རིང་པོ་དང་། བསྟི་གནས་ལ་སོགས་པའི་བཞུགས ་གནས་དང་། རྫིང་བུ་དང་། འཆགས་དང་། མཚན་མོའི་བཞུགས་གནས་དང་། ཉིན་མོའི་བཞུགས་གནས་སོ།། བྱེ་བ་ཕྲག་བཅོ་བརྒྱད་ཀྱིས་ནོར་སྤེལ་ཏེ། ཡིད་དུ་འོང་བའི་ས་ཕྱོགས ་ཡིད་ལ་འཐད་པའི་གཙུག་ལག་ཁང་བྱེད་དོ། ། སྟོབས་བཅུ་པ་བྱོན་པའི་ཕྱིར་དུ་པོ་ཉ་བ་བཏང་སྟེ། སྟོན་པས་པོ་ཉ་བའི་འཕྲིན་གསན་ནས་དགེ་སློང་གི་དགེ་འདུན་ཆེན་པོ་འཁོར་དུ་བྱས་ཏེ། རྒྱལ ་པོའི་ཁབ་ནས་ཕྱིར་བྱོན་ཏེ་གོ་རིམས་བཞིན་དུ་གྲོང་ཁྱེར་མཉན་ཡོད་དུ་བྱོན་ནོ། ། གཙོ་བོ་ཆེན་པོའིང་གཙུག་ལག་ཁང་ཆེན་པོ་སྟ་གོན་བྱས་ནས་དེ་བཞིན་གཤེགས་པ་རྒྱལ་བྱེད་ཚལ ་དུབྱོན་པའི་ཉིན་མོ་བུ་རྒྱན་ཐམས་ཅད་ཀྱིས་བརྒྱན་ནོ། ། སླར་ཡང་བརྒྱན་པ་ཉིད་ཀྱི་གཞོན་ནུ་ལྔ་བརྒྱ་དང་བཅས་པ་བཏང་ངོ་།། དེ་འཁོར་དང་བཅས་པ་ཁ་དོག་ལྔའི་གོས་ཡང་དག་པར་འབར་བའི ་རྒྱལ་མཚན་ལྔ་བརྒྱ་ཐོགས་ནས་སྟོབས་བཅུ་པའི་མདུན་དུ་སོང་བར་གྱུར་ཏོ། ། དེ་རྣམས་ཀྱི་ཕྱི་མ་ལ་ལེགས་བཟང་ཆེན་མོ་དང་། ལེགས་བཟང་མ་ཆུང་བ་དེ་བུ་མོ་གཉིས། གཞོན་ནུ་མ་ལྔ་བརྒྱ་དང ་བཅས་པ་གསེར་གྱིས་གང་པའི་བུམ་པ་ལག་པར་ཐོགས་ནས་ཕྱིར་འཐོན་ནོ། ། དེའི་ཕྱི་མ་ལ་ཚོང་དཔོན་གྱི་ཆུང་མ་རྒྱན་ཐམས་ཅད་ཀྱིས་བརྒྱན་ནས་བུད་མེད་ལྔ་བརྒྱ་དང་བཅས་པ་གསེར་གྱིས་གང་བའི ་སྡེར་མ་ཆེན་པོ་ཐོགས་ནས་ཕྱིར་འཐོན་ཏོ། ། ཐམས་ཅད་ཕྱིན་ནས་ཚོང་དཔོན་རང་ཉིད་གོས་བཟང་པོ་གྱོན་ནོ།། དེ་བཞིན་དུ་གོས་བཟང་པོ་གྱོན་པའི་ཚོང་དཔོན་ལྔ་བརྒྱ་དང་བཅས་པ་བཅོམ་ལྡན་འདས་ཀྱི ་དྲུང་དུ་སོང་ངོ་། ། བཅོམ་ལྡན་འདས་ཀྱི་འཁོར་དགེ་བསྙེན་འདི་རྣམས་མདུན་དུ་བྱས་ནས། དགེ་སློང་གི་དགེ་འདུན་ཆེན་པོ་རྣམས་འཁོང་དུ་བྱས་ཏེ། རང་ཉིད་ཀྱི་སྐུ་ལུས་ཀྱི་འོད་ཀྱིས་གསེར་གྱི་བཅུད ་ཀྱི་གོང་བུ་ལྟ་བུ་དང་མཚུངས་པ་དང་། ནགས་ཚལ་གྱི་བར་དུ་སྣང་བར་མཛད་ཅིང་མཐའ་ཡས་པའི་སངས་རྒྱས་ཀྱི་རོལ་པ་སངས་རྒྱས་ཀྱི་དཔལ་ཟླ་མེད་ཅིང་མཚུངས་པ་མེད་པ་རྒྱལ་བྱེད་ཚལ་གྱི་ནང་དུ་བྱོན ་ནོ། ། དེ་ནས་མགོན་མེད་ཟས་སྦྱིན་གྱིས་ཞུས་པ། བཙུན་པ་གཙུག་ལག་ཁང་འདི་ཇི་ལྟ་བུ་ལ་དབུལ་བར་བགྱི། ཁྱིམ་བདག་གཙུག་ལག་ཁང་འདི་འོང་བ་དང་འགྲོ་བའི་དགེ་སློང་གི་དགེ་འདུན་རྣམས་ལ ་བུལ་ཅིག། ལེགས་སོ་བཅོམ་ལྡན་འདས་ཞེས་ཚོང་དཔོན་ཆེན་པོས་གསེར་གྱི་རིལ་བ་སྤྱི་བླུགས་བླངས་ནས་སྟོབས་བཅུ་པའི་ཕྱག་ཏུ་ཆུ་བསྒྲེངས་ཏེ། རྒྱལ་བྱེད་ཚལ་གྱི་གཙུག་ལག་ཁང་འདི་འགྲོ་བ་དང་འོང ་བའི་ཕྱོགས་བཞིའི་སངས་རྒྱས་ལ་སོགས་པའི་དགེ་འདུན་ལ་སྦྱིན་ཞེས་ཕུལ་ལོ། ། སྟོན་པས་གཙུག་ལག་ཁང་བཞེས་ནས་རྗེས་སུ་ཡི་རང་བ་མཛད་དོ།། གྲང་དང་དྲོ་བས་མི་ཉམས་ཤིང་།། དེ་ལྟར་རི་དགས ་ལ་སོགས་པའི། ། སྡིག་སྦྲུལ་དང་ནི་སྦྲང་བུ་དང་།། བ་མོ་དང་ནི་ཆར་པས་སོ།། དེ་ལྟར་རླུང་དང་ཤིན་ཏུ་དྲོ།། སོ་སོར་ལུས་ལ་གོས་པ་དང་།། ཁང་ནང་གནས་ནས་བདེ་བ་སྐྱེས།། ཁང་པར་བསམ ་གཏན་ལྷག་མཐོང་རྣམས། ། དགེ་བདུན་གཙུག་ལག་ཁང་འབུལ་བ།། སངས་རྒྱས་མཆོག་གི་བསྔགས་པར་མཛད།། སྐྱེས་བུ་མཁས་པས་དེ་ཡི་ཕྱིར།། བདག་ཉིད་ཀྱི་ནི་ཕྱིར་དུ་ནི།། དགའ ་བས་གཙུག་ལག་ཁང་བྱེད་པ། ། མང་དུ་ཐོས་པ་གནས་པ་ཡིན།། དེ་རྣམས་ཀྱི་ནི་བཟའ་དང་བཏུང་།། གོས་དང་མལ་ན་སྟན་དང་ནི།། དེ་རྣམས་སེམས་ནི་དྲང་པོས་དབུལ།། རབ་ཏུ་དང་བའི་སེམས ་ཀྱིས་སོ། ། དེས་ནི་དེ་ལ་ཆོས་བསྟན་ཏོ།། སྡུག་བསྔལ་ཐམས་ཅད་ཉེར་ཞིའི་ཕྱིར།། གང་དེའི་ཆོས་ནི་རྟོགས་པ་དང་།། རྟེན་མེད་མྱ་ངན་འདས་པར་བྱེད།། ཅེས་བྱ་བའི་གཙུག་ལག་ཁང་གི་ཕན་ཡོན ་བཤད་དོ། ། མགོན་མེད་ཟས་སྦྱིན་གྱིས་ཉི་མ་གཉིས་པ་ནས་བཟུང་ནས་སྦྱིན་པ་གཏོང་བའི་འགྲོ་བརྩམས་སོ།། ས་ཁམས་བྱས་པའི་ཁང་བཟངས་ནི་ཟླ་བ་བཞིས་གྲུབ་བོ།། སླར ་ཡང་མགོན་མེད་ཟས་སྦྱིན་གྱི་གཙུག་ལག་ཁང་ཆེན་པོ་སླ་བ་དགུས་གྲུབ་བོ། ། གཙུག་ལག་ཁང་ཆེན་པོ་ལའདབྱེ་བ་སྟོང་ཕྲག་བཅོ་བརྒྱད་ཉིད་སོང་ངོ་།། འདི་ལ་གཙུག་ལག་ཁང་ཆེན་པོ་འདི་ཉིད་ལ་བྱེད ་ཕྲག་ལྔ་བཅུ་རྩ་བཞིའི་ནོར་ཡོངས་སུ་བཏང་ངོ་། ། སླར་ཡང་འདས་པའི་བཅོམ་ལྡན་པ་དས་རྣམ་པར་གཟིགས་ཀྱི་དུས་སུ། ཚོང་དཔོན་ཀུན་གྱི་གྲོགས་ཞེས་བྱ་བས་གསེར་གྱི་གླང་པོའི་རྐང་པའི་རྨིག་རྗེས ་ལྔབུའི་ས་གཞི་ཉོས་ནས་། གནས་འདི་ཉིད་དུ་དཔག་ཚད་གཅིག་གི་དགེ་འདུན་གྱི་ཀུན་དགའ་ར་བ་བྱས་སོ།། བཅོམ་ལྡན་འདས་གཙུག་ཏོར་ཅན་གྱི་དུས་སུ། དཔལ་འཕེལ་ཞེས་བྱ་བའི་ཚོང་དཔོན་གྱི་བུས ་གསེར་གྱི་སྡེར་མ་རྒྱུན་མི་འཆད་པས་ཉོས་པའི་ས་གཞིའི་གནས་དེ་ཉིད་དུ་རྒྱང་གྲགས་བཅུ་གཉིས་ཀྱི་ཚད་ཙམ་གྱི་དགེ་འདུན་གྱི་ཀུན་དགའ་ར་བ་བྱས་སོ། ། བཅོམ་ལྡན་འདས་ཐམས་ཅད་སྐྱོབ་ཀྱི་དུས་སུ། ་། ཚོང་དཔོན་བཀྲ་ཤིས་ཞེས་བྱ་བས་གསེར་གྱི་ས་གཞི་གསེར་གྱི་རྐང་པའི་རྗེས་ལྟ་བུའི་ས་གཞི་ཉོས་ནས་གནས་དེ་ཉིད་དུ་དཔག་ཚད་ཕྱེད་ཀྱི་དགེ་འདུན་གྱི་ཀུན་དགའ་ར་བ་བྱས་སོ།། བཅོམ་ལྡན་འདས་ལོག ་པཔར་དད་སེལ་གྱི་དུས་སུ། ཚོང་དཔོན་འཕོ་བ་མེད་པ་ཞེས་བྱ་བས་གསེར་གྱི་བ་གུལྟ་བུ་རྒྱུན་མི་འཆད་པའི་ས་གཞི་ཉོས་ནས་གནས་དེ་ཉིད་དུ་རྒྱང་གྲགས་བཞིའི་ཚད་ཀྱི་དགེ་འདུན་གྱི་ཀུན་དགའ་རབ ་བྱས་སོ། ། བཅོམ་ལྡན་འདས་གསེར་ཐུབ་ཀྱི་དུས་སུ། ཚོང་དཔོན་དྲག་པོ་ཞེས་བྱ་བས་གསེར་གྱི་རུས་སྦལ་རྒྱུན་མི་འཆད་པ་ལྟ་བུའི་ས་གཞི་ཉོས་ནས་གནས་དེ་ཉིད་དུ་རྒྱང་གྲགས་གཉིས་ཀྱི་ཚད་ཀྱི་ཀུན ་དགའ་ར་བ་བྱས་སོ། ། བཅོམ་ལྡན་འདས་འོད་སྲུངས་ཀྱི་དུས་སུ། ཚོང་དཔོན་བཀྲ་ཤིས་བཟང་པོ་ཞེས་བྱ་བས་གསེར་གྱི་ཕ་གུ་རྒྱུན་མི་འཆད་པ་ལྟ་བུས་ས་གཞི་ཉོས་ནས་གནས་དེ་ཉིད་དུ་རྒྱང་གྲགས ་གཅིག་གི་ཚད་ཀྱི་ཀུན་དགའ་ར་བ་བྱས་སོ། ། སླར་ཡང་བདག་ཅག་གི་བཅོམ་ལྡན་འདས་ཀྱི་དུས་སུ། ཚོང་དཔོན་མགོན་མེད་ཟས་སྦྱིན་གྱིས་བྱེ་བ་ཕྲག་བཅོ་བརྒྱད་ཀྱི་དབྱིག་གིས་གསེར་གྱི་འདྲ་མན་དུ་བྱས ་པ་རྒྱུན་མི་འཆད་པ་ལྟ་བུས་ས་གཞི་ཉོས་ནས་གནས་དེ་ཉིད་དུ་རྒྱང་གྲགས་ཕྱེད་ཀྱི་ཀུན་དགའ་ར་བ་བྱས་སོ། ། གནས་འདི་སངས་རྒྱས་ཐམས་ཅད་ཀྱིས་མ་སྤངས་པའི་གནས་ཡིན་ནོ།། འདི་ལྟར་བྱང ་ཆུབ་ཆེན་པོའི་སྙིང་པོའི་དྲུང་དུ་ཐམས་ཅད་མཁྱེན་པའི་ཡེ་ཤེས་ཐོབ་པའི་ཇི་སྲིད་པ་ནས། ཡོངས་སུ་མྱ་ངན་ལས་འདས་པའི་མཐར་ཐུག་པ་དེ་སྲིད་དུ་གང་དང་གང་གིས་གནས་སུ་བཅོམ་ལྡན་འདས་བདག ་བཞུགས་པ་འདི་ནི་ཉེ་བའི་གླེང་གཞི་ཞེས་བྱ་བའོ། ། དེའི་ལུགས་ཀྱིས་སྐྱེས་རབས་ཐམས་ཅད་དུ་བསྔགས་པར་མཛད་དོ།། སྐྱེས་པ་རབས་ཀྱི་གླེང་གཞི་བཤད་པ་རྫོགས་སོ།། ་