| Wylie | e-texts produced with BDRC’s OCR application |
། རྒྱ་གར་སྐད་དུ། དྷརྨ་ཙཀྲ་པྲ་བརྟ་ན་སཱུ་ཏྲ། བོད ་སྐད་དུ། ཆོས་ཀྱི་འཁོར་ལོ་རབ། ནི། ཏུ་བསྐོར་བའི་མདོ།། འཕགས ་པ་དཀོན་མཆོག་གསུམ་ལ་གུསན་པར་ཕྱག་འཚལ་ལོ། ། འདི་སྐད ་བྱ། ། བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་ཝཱ་རཱ་ཎ ་སིའི་དྲང་སྲོང་ལྷུང་བ་རི་དགས་རྒྱུ་བའི་གནས་ན་བཞུགས་སོ། ། དེ་ནས་བཅོམ་ལྡན ་འདས་ཀྱིས། དགེ་སློང་ལྔ་སྡེ་རྣམས་བོས་ཏེ་བཀའ་སྩལ་པ། དགེ་སློང་དང་རབ་ཏུ་བྱུང་བ་དག ་མཐའ་གཉིས་པོ་འདི་ལ་གནས་པར་མི་བྱའོ། ། གང་སུ་དག་འདིར་འདོད་པ་རྣམས་དང་། བདེ་བ ་ལ་ཞེན་པ་ནི་མི་རིགས་པ་དང་དམན་པར་འགྱུར་རོ། ། སོ་སོའི་སྐྱེ་བོ་རྣམས་ནི་དོན་མེད་པ་དང་ལྡན་པའི་ཕྱིར། གང་སུ་དག་ལུས་དུབ་པ་དང་། ་འབྲལ་བའི་སྡུག་བསྔལ་བསྔགས་པར་བྱ་བ་མ་ཡིན་པ་རྣམས་ཀྱི་དོན་མེད་པ་དང་ལྡན་ནོ།། དགེ་སློང་དག་འདི་རྣམས་ནི་མཐའ་གཉིས་ཀྱི་མཐའ ་སྟེདེ་ལ་འཇུག་པར་མི་བྱའོ། ། དེ་བཞིན་གཤེགས་པ་མངོན་པར་རྫོགས་པར་སངས་རྒྱས་ནས་དབུ་མའི་ལམ་འདི་གསུངས་སོ།། མིག་བྱེད ་པ་དང་། ཡེ་ཤེས་བྱེད་པ་དང་། ཞི་བར་བྱེད་པ་དང་། མངོན་པར་ཤེས་པ་དང་། ཡང་དག་པར་ཁོང་དུ་ཆུད་པ་དང་། མྱ་ངན་ལས་འདས་པ་ལ ་ཡང་དག་པར་འཇུག་གོ། ། དགེ་སློང་དག་དེ་བཞིན་གཤེགས་པས་མངོན་པར་རྫོགས་པར་སངས་རྒྱས་ན་ས་གསུངས་པའི་དབུ་མའི་ལམ་གང་ཞེ་ན། ་མིག་བྱེད་པ་དང་། ཡེ་ཤེས་བྱེད་པ་དང་། ཞི་བར་བྱེད་པ་དང་། མངོན་པར་ཤེས་པ་དང་། ཡང་དག་པར་ཁོང་དུ་ཆུད་པ་དང ་མྱ་ངན་ལས་འདས་པ་ལ་ཡང་དག་པར་འཇུག་གོ། ། དབུ་མའི་ལམ་ནི་འཕགས་པའི་ལམ་ཡན་ལག་བརྒྱད་དེ། བརྒྱད་པོ་འདི་ནི་འདི་ལྟ་སྟེ། ཡང་དག་པའི་ལྟ ་བ་དང་། ཡང་དག་པའི་རྟོག་པ་དང་། ཡང་དག་པའི་ངག་དང་། ཡང་དག་པའི་ལས་ཀྱི་མཐའ་དང་། ཡང་དག་པའི་འཚོ་བ་དང་། ཡང་དག ་པའི་རྩོལ་བ་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་འཛིན་ཏོ།། དབུ་མའི་ལམ་འདི་ཡང་དེ་བཞིན་གཤེགས་པ་མངོན་པར་རྫོགས ་པར་སངས་རྒྱས་ནས་གསུངས་སོ། ། མིག་བྱེད་པ་དང་། ཡེ་ཤེས་བྱེད་པ་དང་། ཞི་བར་བྱེད་པ་དང་། མངོན་པར་ཤེས་པ་དང་། ཡང་དག་པར་ཁོང་དུ ་ཆུད་པ་དང་། མྱ་ངན་ལས་འདས་པ་ལ་ཡང་དག་པར་འཇུག་གོ།། འདི་ཡང་དགེ་སློང་དག་སྡུག་བསྔལ་འཕགས་པའི་བདེན་པ་སྟེ། སྐྱེ་བའི་སྡུག་བསྔལ ་དང་། རྒ་བའི་སྡུག་བསྔལ་དང་། ན་བའི་སྡུག་བསྔལ་དང་། འཆི་བའི་སྡུག་བསྔལ་དང་། མི་སྡུག་པ་དང་ཕྲད་པའི་སྡུག་བསྔལ་དང་། སྡུག་པ་དང་བྲལ་བའི་སྡུག་བསྔལ་དང་། གང་འདོད ་པ་བཙལ་ཏེ་མ་རྙེད་པ་དེ་ཡང་སྡུག་བསྔལ་བ་དང་། མདོར་ན་ཉེ་བར་ལེན་པའི་ཕུང་པོ་ལྔ་སྡུག་བསྔལ་ལོ།། འདི་ཡང་དགེ་སློང་དག་སྡུག་བསྔལ་ཀུན་འབྱུང་འཕགས་པའི་བདེན་པ་སྟེ། གང་སྲེད ་པ་འབྱུང་བ་ཅན་དང་། དགའ་བའི་འདོད་ཆགས་དང་ལྡན་པ་དང་། དེ་དག་དེ་ལ་མངོན་པར་དགའ་བ་ནི། འདི་ལྟ་སྟེ། འདོད་པའི་སྲེད་པ་དང་། འཁོར་བ་ལ་སྲེད་པ་དང་། འཁོར་བ་དང་བྲལ ་བ་ལ་སྲེད་པའོ། ། འདི་ཡང་དགེ་སློང་དག་སྡུག་བསྔལ་འགོག་པ་འཕགས་པའི་བདེན་པ་སྟེ། གང་ཞིག་འདི་བཞིན་སྲེད་པ་མ་ལུས་པ་ལ་འདོད་ཆགས་དང་བྲལ་བ་དང་། འགོག་པ་དང་། བོར ་བ་དང་། སོ་སོར་བསྒྱུར་བ་དང་། གྲོལ་བ་དང་། གྲོལ་བ་ལ་ཞུམ་པ་མེད་པའོ།། འདི་ཡང་དགེ་སློང་དག་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པའོ།། འདི་ཡང ་འཕགས་པའི་ལམ་ཡན་ལག་བརྒྱད་པ་སྟེ། འདི་ལྟ་སྟེ། ཡང་དག་པའི་ལྟ་བ་དང་། ཡང་དག་པའི་རྟོག་པ་དང་། ཡང་དག་པའི་ངག་དང་། ཡང་དག་པའི་ལས་ཀྱི་མཐའ་དང་། ཡང ་དག་པའི་འཚོ་བ་དང་། ཡང་དག་པའི་རྩོལ་བ་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་འཛིན་ཏོ།། དགེ་སློང་དག་འདི་ནི་སྡུག་བསྔལ་འཕགས་པའི་བདེན་པ་སྟེ། སྔར་ཆོས ་མ་ཐོས་པ་ལ་མིག་བསྐྱེད་པ་དང་། ཡེ་ཤེས་བསྐྱེད་པ་དང་། ཤེས་རབ་བསྐྱེད་པ་དང་། རིག་པ་བསྐྱེད་པ་དང་། སྣང་བ་བསྐྱེད་པའོ།། དེ་ཡང་སྡུག་བསྔལ་འཕག ་པའི་བདེན་པ་སྟེ། དགེ་སློང་དག་འདི་ཡོངས་སུ་ཤེས་པར་བྱའོ།། སྔར་ཆོས་མ་ཐོས་པ་ལ་མིག་བསྐྱེད་པ་དང་། ཡེ་ཤེས་བསྐྱེད་པ་དང་། ཤེས་རབ་བསྐྱེད་པ་དང་། རིག་པ་བསྐྱེད་པ་དང ་སྣང་བ་བསྐྱེད་པའོ། ། འདི་ནི་སྡུག་བསྔལ་ཀུན་འབྱུང་འཕགས་པའི་བདེན་པ་སྟེ། དགེ་སློང་དག་འདི་ནི་སྔར་ཆོས་མ་ཐོས་པ་ལ་མིག་བསྐྱེད་པ་དང་། ཡེ་ཤེས་བསྐྱེད་པ་དང་། ཤེས་རབ་བསྐྱེད ་པ་དང་། རིག་པ་བསྐྱེད་པ་དང་། སྣང་བ་བསྐྱེད་པའོ།། འདི་ཡང་སྡུག་བསྔལ་ཀུན་འབྱུང་འཕགས་པའི་བདེན་པ་སྟེ། རབ་ཏུ་སྤང་བར་བྱའོ།། དགེ་སློང་དག་འདི་ནི་སྔར་ཆོས་མ་ཐོས་པ་ལ ་མིག་བསྐྱེད་པ་དང་། ཡེ་ཤེས་བསྐྱེད་པ་དང་། ཤེས་རབ་བསྐྱེད་པ་དང་། རིག་པ་བསྐྱེད་པ་དང་། སྣང་བ་བསྐྱེད་པའོ།། འདི་ནི་སྡུག་བསྔལ་འགོག་པ་འཕགས་པའི་བདེན་པ་སྟེ། དགེ ་སློང་དག་འདི་ནི་སྔར་ཆོས་མ་ཐོས་པ་ལ། མིག་བསྐྱེད་པ་དང་། ཡེ་ཤེས་བསྐྱེད་པ་དང་། ཤེས་རབ་བསྐྱེད་པ་དང་། རིག་པ་བསྐྱེད་པ་དང་། སྣང་བ་བསྐྱེད་པའོ།། འདི་ཡང་སྡུག་བསྔལ ་འགོག་པ་འཕགས་པའི་བདེན་པ་སྟེ་མངོན་སུམ་དུ་བྱའོ། ། དགེ་སློང་དག་འདི་ནི་སྔར་ཆོས་མ་ཐོས་པ་ལ། མིག་བསྐྱེད་པ་དང་། ཡེ་ཤེས་བསྐྱེད་པ་དང་། ཤེས་རབ་བསྐྱེད་པ་དང་། རིག ་པ་བསྐྱེད་པ་དང་། སྣང་བ་བསྐྱེད་པའོ།། འདི་ནི་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པའོ།། དགེ་སློང་དག་འདི་ནི་སྔར་ཆོས་མ་ཐོས་པ་ལ་མིག་བསྐྱེད་པ་དང་། ཡེ་ཤེས། ་བསྐྱེད་པ་དང་། ཤེས་རབ་བསྐྱེད་པ་དང་། རིག་པ་བསྐྱེད་པ་དང་། སྣང་བ་བསྐྱེད་པའོ།། འདི་ཡང་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་སྟེ་བསྒོམ་པར་བྱའོ།། ་དགེ་སློང་དག་འདི་ནི་སྔར་ཆོས་མ་ཐོས་པ་ལ་མིག་བསྐྱེད་པ་དང་། ཡེ་ཤེས་བསྐྱེད་པ་དང་། ཤེས་རབ་བསྐྱེད་པ་དང་། རིག་པ་བསྐྱེད་པ་དང་། སྣང་བ་བསྐྱེད་པའོ།། དགེ་སློང་དག་དེ་ལྟར ་བཤད་པ་རྣམ་པ་བཞི་པོ་འདི་ནི་འཕགས་པའི་བདེན་པའོ། ། འདི་ལྟར་ལན་གསུམ་དུ་བཟླས་ཏེ། རྣམ་པ་བཅུ་གཉིས་པོ་ཇི་ལྟར་གྱུར་པ་རྣམས་ཡེ་ཤེས་མཐོང་བ་ཤིན་ཏུ་རྣམ་པར་དག་པ་ཡིན་ནོ།། ་དགེ་སློང་དག་ང་སྤངས་ཏེ། ལྷ་དང་བཅས་པའི་འཇིག་རྟེན་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་བཅས་པ་དང་། སྐྱེ་དགུའི་བདག་པོ་དང་། ལྷ་དང ་མིར་བཅས་པ་རྣམས་ལས། བླ་ན་མེད་པ་ཡང་དག་པར་རྫོགས་པའི་སངས་རྒྱས་གཞན་མེད་དོ།། དགེ་སློང་དག་གང་ཡང་འདི་ནི་འཕགས་པའི་བདེན་པ་བཞི་པོ་འདི་ལྟར་ལན་གསུམ་དུ་བཟླས ་རྣམ་པ་བཅུ་གཉིས་སུ་ཇི་ལྟར་གྱུར་པའི་ཡེ་ཤེས་མཐོང་བ་ཤིན་ཏུ་རྣམ་པར་དག་པ་ཡིན་ནོ། ། ཇི་ལྟར་དགེ་སློང་དག་ང་ནི་འཇིག་རྟེན་ལྷ་དང་བཅས་པ་དང་། བདུད་དང་བཅས་པ་དང་། ཚངས ་པ་དང་བཅས་པ་དང་། དགེ་སྦྱོང་དང་བཅས་པ་དང་། སྐྱེ་དགུའི་བདག་པོ་དང་། ལྷ་དང་མིར་བཅས་པ་རྣམས་ལས། བླ་ན་མེད་པ་ཡང་དག་པར་རྫོགས་པའི་སངས ་རྒྱས་མངོན་པར་རྫོགས་པར་སངས་རྒྱས་ནས་སོ་སོར་རྟོགས་སོ། ། ཡེ་ཤེས་འདི་ཡང་བདག་མཐོང་བར་གྱུར་པ་དང་། སྔར་མེད་པའི་རྣམ་པར་གྲོལ་བ་དང་། བདག་ནི་ལྷག་མ་མེད་པར་ཡང ་སྲིད་པ་ལེན་པ་མེད་པར་མྱ་ངན་ལས་འདས་སོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དགེ་སློང་ལྔ་སྡེ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་འོ།། འདི ་ལྟར་ལུང་དུ་བསྟན་པ་དེ་ཚུན་ཆོད་ནས། ཚེ་དང་ལྡན་པ་ཀོའུ་དི་ནྱ་རྡུལ་སྤངས་པ་དང་། དྲི་མ་མེད་པའི་ཆོས་ཀྱི་མིག་སྐྱེས་སོ།། གང་ཅུང་ཟད་ཀུན་འབྱུང་བའི་ཆོས་ཐམས་ཅད་ནི་དེ་འགོག་པའི་ཆོས ་ཡིན་ནོ། ། བཅོམ་ལྡན་འདས་ཀྱིས་ཆོས་ཀྱི་འཁོར་ལོ་རབ་ཏུ་བསྐོར་ཞིང་བསྐོར་ནས། སའི་ལྷ་རྣམས་ཀྱིས་བསྟོད་པའི་སྒྲ་བསྒྲགས་སོ།། དགེ་སྦྱོང་ངམ། བྲམ་ཟེ་འམ། ལྷ་འམ། བདུད ་དམ། ཚངས་པ་འམ། འཇིག་རྟེན་དུ་གཞན་སུས་ཀྱང་བསྐོར་བར་མི་ནུས་པ་འདི་ནི། བཅོམ་ལྡན་འདས་ཀྱིས་ཡུལ་ཝཱ་རཱ་ཎ་སིའི་དྲང་སྲོང་ལྷུང་བ་དང་། རི་དགས་རྒྱུ་བའི་གནས་སུ་བཞུགས་ནས ་བླ་ན་མེད་པའི་ཆོས་ཀྱི་འཁོར་ལོ་རབ་ཏུ་མ་བསྐོར་བ་བསྐོར་ཏོ། ། དེ་ནས་སའི་ལྷའི་སྒྲ་ཐོས་ནས། རྒྱལ་ཆེན་རིས་བཞིའི་ལྷ་རྣམས་ཀྱིས་བསྟོད་པའི་སྒྲ་བསྒྲགས་སོ།། དགེ་སྦྱོང་ངམ། ་བྲམ་ཟེ་འམ། ལྷ་འམ། བདུད་དམ། ཚངས་པ་འམ། འཇིག་རྟེན་དུ་གཞན་སུས་ཀྱང་བསྐོར་བར་མི་ནུས་པ་འདི་ནི། བཅོམ་ལྡན་འདས་ཀྱིས་ཡུལ་ཝཱ་རཱ་ཎ་སིའི་དྲང་སྲོང་ལྷུང་བ་དང་། ་དགས་རྒྱུ་བའི་གནས་སུ་བཞུགས་ནས། བླ་ན་མེད་པའི་ཆོས་ཀྱི་འཁོར་ལོ་མ་བསྐོར་བ་བསྐོར་ཏོ།། རྒྱལ་ཆེན་རིས་བཞིའི་ལྷ་རྣམས་ཀྱིས་བསྟོད་པའི་སྒྲ་ཐོས་ནས། སུམ་ཅུ་རྩ་གསུམ་གྱི་ལྷ ་རྣམས་ཀྱིས་བསྟོད་པའི་སྒྲ་བསྒྲགས་སོ། ། དགེ་སྦྱོང་ངམ། བྲམ་ཟེ་འམ། ལྷ་འམ། བདུད་དམ། ཚངས་པ་འམ། འཇིག་རྟེན་དུ་གཞན་སུས་ཀྱང་བསྐོར་བར་མི་ནུས་པ་འདི་ནི། བཅོམ ་ལྡན་འདས་ཀྱིས་ཡུལ་ཝཱ་རཱ་ཎ་སིའི་དྲང་སྲོང་ལྷུང་བ་དང་། རི་དགས་རྒྱུ་བའི་གནས་སུ་བཞུགས་ནས། བླ་ན་མེད་པའི་ཆོས་ཀྱི་འཁོར་ལོ་མ་བསྐོར་བ་བསྐོར་ཏོ།། སུམ་ཅུ་རྩ་གསུམ་གྱི་ལྷ་རྣམས ་ཀྱིས་བསྟོད་པའི་སྒྲ་ཐོས་ནས། འཐབ་བྲལ་གྱི་ལྷ་རྣམས་ཀྱིས་བསྟོད་པའི་སྒྲ་བསྒྲགས་སོ།། དགེ་སྦྱོང་ངམ། བྲམ་ཟེ་འམ། ལྷ་འམ། བདུད་དམ། ཚངས་པ་འམ། འཇིག་རྟེན་དུ ་གཞན་སུས་ཀྱང་བསྐོར་བར་མི་ནུས་པ་འདི་ནི། བཅོམ་ལྡན་འདས་ཀྱི་སཡུལ་ཝཱ་རཱ་ཎ་སིའི་དྲང་སྲོང་ལྷུང་བ་དང་། རི་དགས་རྒྱུ་བའི་གནས་སུ་བཞུགས་ནས། བླ་ན་མེད་པའི་ཆོས་ཀྱི་འཁོར་ལོ་མ ་བསྐོར་བ་བསྐོར་ཏོ། ། འཐབ་བྲལ་གྱི་ལྷ་རྣམས་ཀྱིས་བསྟོད་པའི་སྒྲ་ཐོས་ནས། དགའ་ལྡན་གྱི་ལྷ་རྣམས་ཀྱིས་བསྟོད་པའི་སྒྲ་བསྒྲགས་སོ།། དགེ་སྦྱོང་ངམ། བྲམ་ཟེ་འམ། ལྷ་འམ། བདུད ་དམ། ཚངས་པའམ། འཇིག་རྟེན་དུ་གཞན་སུས་ཀྱང་བསྐོར་བར་མི་ནུས་པ་འདི་ནི། བཅོམ་ལྡན་འདས་ཀྱིས་སུལ་ཝཱ་རཱ་ཎ་སིའི་དྲང་སྟོང་ལྟུང་བ་དང་། རི་དགས་རྩུབ་། ་གནས་སུ་བཞུགས་ནས། བླ་ན་མེད་པའི་ཆོས་ཀྱི་འཁོར་ལོ་མ་བསྐོར་བ་བསྐོར་ཏོ།། དགའ་ལྡན་གྱི་ལྷ་རྣམས་ཀྱིས་བསྟོད་པའི་སྒྲ་ཐོས་ནས། འཕྲུལ་དགའི་ལྷ་རྣམས་ཀྱིས་བསྟོད་པའི་སྒྲ ་བསྒྲགས་སོ། ། དགེ་སློང་ངམ། བྲམ་ཟེ་འམ། ལྷ་འམ། བདུད་དམ། ཚངས་པ་འམ། འཇིག་རྟེན་དུ་གཞན་སུས་ཀྱང་བསྐོར་བར་མི་ནུས་པ་འདི་ནི། བཅོམ་ལྡན་འདས་ཀྱིས་ཡུལ ་རཱ་ཎ་སིའི་དྲང་སྲོང་ལྷུང་བ་དང་། རི་དྭགས་རྒྱུ་བའི་གནས་སུ་བཞུགས་ནས། བླ་ན་མེད་པའི་ཆོས་ཀྱི་འཁོར་ལོ་མ་བསྐོར་བ་བསྐོར་ཏོ།། འཕྲུལ་དགའི་ལྷ་རྣམས་ཀྱིས་བསྟོད་པའི་སྒྲ་ཐོས་ནས ་གཞན་འཕྲུལ་དབང་བྱེད་ཀྱི་ལྷ་རྣམས་ཀྱིས་བསྟོད་པའི་སྒྲ་བསྒྲགས་སོ། ། དགེ་སྦྱོང་ངམ། བྲམ་ཟེ་འམ། ལྷ་འམ། བདུད་དམ། ཚངས་པ་འམ། འཇིག་རྟེན་དུ་གཞན་སུས་ཀྱང་བསྐོར ་བབར་མི་ནུས་པ་འདི་ནི། བཅོམ་ལྡན་འདས་ཀྱིས་ཡུལ་ཝཱ་རཱ་ཎ་སིའི་དྲང་སྲོང་ལྷུང་བ་དང་། རི་དྭགས་རྒྱུ་བའི་གནས་སུ་བཞུགས་ནས། བླ་ན་མེད་པའི་ཆོས་ཀྱི་འཁོར་ལོ་མ་བསྐོར་བ་བསྐོར་ཏོ།། ་གཞན་འཕྲུལ་དབང་བྱེད་ཀྱི་ལྷ་རྣམས་ཀྱིས་བསྟོད་པའི་སྒྲ་ཐོས་ནས། ཚངས་རིས་ཀྱི་ལྷ་རྣམས་ཀྱིས་བསྟོད་པའི་སྒྲ་བསྒྲགས་སོ།། དགེ་སྦྱོང་ངམ། བྲམ་ཟེ་འམ། ལྷ་འམ། བདུད་དམ། ་ཚངས་པ་འམ། འཇིག་རྟེན་དུ་གཞན་སུས་ཀྱང་བསྐོར་བར་མི་ནུས་པ་འདི་ནི། བཅོམ་ལྡན་འདས་ཀྱིས་ཡུལ་ཝཱ་རཱ་ཎ་སིའི་དྲང་སྲོང་ལྷུང་བ་དང་། རི་དགས་རྒྱུ་བའི་གནས་སུ་བཞུགས་ནས ་བླ་ན་མེད་པའི་ཆོས་ཀྱི་འཁོར་ལོ་མ་བསྐོར་བ་བསྐོར་ཏོ། ། དེ་ནས་སྐད་ཅིག་དང་ཡུད་ཙམ་དེ་ལ་ཚངས་པའི་འཇིག་རྟེན་གྱི་བར་དུ་སྒྲས་ཁྱབ་པར་གྱུར་ཏོ།། འདིར་ཡང་འཇིག་རྟེན་གྱི ་ཁམས་སྟོང་ཕྲག་བཅུ་ཡང་དག་པར་གཡོས་སོ། ། ཡང་དག་པར་རབ་ཏུ་གཡོས་སོ།། ཡང་དག་པར་རབ་ཏུ་ལྡེག་གོ།། བག་ཡོད་པར་གྱུར། ཡ་མཚན་དུ་གྱུར། སྣང་བར་གྱུར། འཇིག་རྟེན ་རྣམས་སུ་དེ་ལྟར་གྱུར་ཏོ། ། འཇིག་རྟེན་རྣམས་སུ་དེ་ལྟར་གྱུར་ཏེ། ཚངས་པས་ཆོས་བསྟན་པ་ཐོས་ནས། ལྷ་རྣམས་རང་རང་གནས་སུ་སོང་ངོ་།། དེ་ནས་ཡང་བཅོམ་ལྡན ་། འདས་ཀྱིས་ཆེད་དུ་བརྗོད་པ་ཆེད་དུ་བརྗོད་དེ། ཀུན་ཤེས་པའི་ཕྱིར་ཀོའུ་ཌིནྱའོ།། ཀུན་ཤེས་པ་རྣམས་ཀྱིས་ཀོའུ་ཌིནྱའོ།། དེའི་ཕྱིར་འདི་ནི་ཚེ་དང་ལྡན་པ་ཀོའུ་ཌིནྱ་ཏེ། ཀུན་ཤེས་ཀོའུ་ཌིཿ ་ཞེས་པའི་མིང་ཐོབ་བོ། ། ཆོས་ཀྱི་འཁོར་ལོ་བསྐོར་བའི་མདོ་རྫོགས་སོ།། ། སངས་རྒྱས་ཀྱི་བསྟན་པ་ལ་མི་ཕྱེད་པའི་དད་པ་དང་ལྡན་ཞིང་། གཙུག་ལག་གཉིས་ལ་ཐུག ་