Wylie

e-texts produced with BDRC’s OCR application

ད་མ་མཱུ་ཀོན་མ་སཱུ་ཏྲ། བོད་སྐད་དུ། ་མཛངས་བླུན་ཞེས་བྱ་བའི་མདོ།། །། བམ་པོ་དང་པོ།། དཀོན་མཆོག ་གསུམ་ལ་ཕྱག་འཚལ་ལོ། ། དཔེ་སྣ་ཚོགས་བསྟན་པའི་ལེའུའོ།། འདི་སྐད ་། བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་མ་ག་དྷཱ ་དཀྱིལ་འཁོར་རྣམ་པར་རྒྱལ་བ་ན་བཞུགས་ཏེ། མངོན་པར་རྫོགས་པར་སངས་རྒྱས་ནས་རིང་པོ་མ ་ལོན་པ་ཞིག་ན། འདི་སྙམ་དུ་དགོངས་པར་གྱུར་ཏོ།། སེམས་ཅན་འདི་དག་ནི་ཕྱིན་ཅི་ལོག་གིས ་ཡོངས་སུ་བསླད་དེ། བསྟན་ཅིང་བཅོས་སུ་ཡང་ཤིན་ཏུ་དཀའ་བ། ཇི་སྲིད་དུ་འཇིག་རྟེན་ན་བཞུགས ་ཀྱང་ཕན་པའི་དོན་མེད་ཀྱིས། ཉིས་ན་ལྷ་དང་བཅས་པའི་མྱ་ངན་ལས་འདའ་བས་ཡོངས་སུ་མྱ་ངན་ལས་འདའ་འོ་སྙམ་དུ་དགོངས་མ་ཐག ་ཏུ། དེའི་ཚེ་ན་ཚངས་རིས་ཀྱི་ལྷ་རྣམས་ཀྱིས། བཅོམ་ལྡན་འདས་ཀྱི་དགོངས་པ་ཤེས་ཤིང་རྟོགས་ནས། ནམ་མཁའ་ལས་བབས ་ཏེ། བཅོམ་ལྡན་འདས་གང་ན་བ་དེར་ལྷགས་ནས་ཕྱིན་པ་དང་། ཞབས་ལ་མགོ་བོས་ཕྱག་འཚལ་ཏེ། ཐལ་མོ་སྦྱར་ནས་བཅོམ ་ལྡན་འདས་ལ་ཆོས་ཀྱི་འཁོར་ལོ་སྐོར་བར་གསོལ་ཞིང་བསྐུལ་བ་དང་། ། དེ་ལ་བཅོམ་ལྡན་འདས་ཀྱིས་འདི་སྐད་ཅེས ་བཀའ་སྩལ་ཏོ། ། ཀྱེ་ལྷ་དག་སེམས་ཅན་འདི་དག་ནི་ཉེས་པའི་དྲི་མས་ཡོངས་སུ་གླགས་ཏེ། འཇིག་རྟེན་གྱི་བདེ་བ ་ལ་ཆགས་ནས། ཤེས་རབ་དང་ལྡན་པའི་སེམས་མེད་པས། ཇི་སྲིད་དུ་འཇིག་རྟེན་ན་བཞུགས་ཀྱང་བྱ་བ་དོན་མེད ་པར་འགྱུར་ཏེ། མྱ་ངན་ལས་འདས་ན་བདེའོ་སྙམ་དུ་དགོངས་སོ།། དེ་ནས་ཚངས་རིས་ཀྱི་ལྷ་རྣམས་ཀྱིས། ཡང་བཅོམ་ལྡན་འདས་ལ་འདི ་སྐད་ཅེས་གསོལ་ཏོ། ། བཅོམ་ལྡན་འདས་ཆོས་ཀྱི་རྒྱ་མཚོ་ཡོངས་སུ་གང་བ། ཆོས་ཀྱི་རྒྱལ་མཚན་བཙུགས་པ། བསྟན་ཅིང་གདུལ་བའི་དུས ་ལ་ཡང་བབ། སེམས་ཅན་འདི་དག་ལས་གྲོལ་བར་འགྱུར་བ་ཡང་ཤིན་ཏུ་མང་ན། ཅིའི་སླད་དུ་བཅོམ་ལྡན་འདས་མྱ་ངན་ལས་འདའ་བར་དགོངས ་ཏེ། ཤིན་ཏུ་མདོངས་པར་གྱུར་པ་འདི་དག་གི་མགོན་དང་སྐྱབས་མི་མཛད། བཅོམ་ལྡན་འདས་ནི་སྔོན་བསྐལ་པ་གྲངས་མ་མཆིས་པ་འདས་པའི ་ཕ་རོལ་ན། སེམས་ཅན་གྱི་དོན་དུ་ཐོས་པ་འཚོལ་ཞིང་འཚོལ་བ་ན། ཆུང་ངུ་ན་ཚིགས་སུ་བཅད་པ་གཅིག་ཙམ་གྱི་སླད་དུ་ཡང་བདག་གི་ལུས་དང་།། ་ཆུང་མ་དང་། བུ་དང་། བུ་མོ་དང་། ཅིའི་སླད་དུ་མགོན་མ་མཆིས་པ་འདི་དག་ཡོངས་སུ་གཏོང་བར་དགོངས་སྔོན་འདས་པའི་དུས་ཡུན་རིང་པོ་ན། འཛམ་བུའི་གླིང་འདིར་རྒྱལ ་པོ་ཆེན་པོ་ཁ་དོག་དམ་པ་ཞེས་བགྱི་བ། འཇིག་རྟེན་འདི་ལ་དབང་སྒྱུར་བ་ཞིག་བྱུང་སྟེ། རྒྱལ་པོ་དེ་ལ་རྒྱལ་ཕྲན་ནི་བརྒྱུད་ཁྲི་བཞི་སྟོང་མངའ། ལྗོངས་ཆེན་པོ་སྟོང་ཕྲག་དྲུག་ཅུའི་ནང་ན།། ་གྲོང་ཁྱེར་ཡང་ཁྲི་ཕྲག་བརྒྱད་ཅུ་མངའ་སྟེ། རྒྱལ་པོ་དེ་ལ་བཙུན་མོ་ནི་སྟོང་ཕྲག་ཉི་ཤུ། བློན་པོ་ཆེན་པོ་ནི་སྟོང་ཕྲག་བཅུ་སྙད་མངའ་འོ།། རྒྱལ་པོ་ཁ་དོག་དམ་པ་དེའི་གཟི་བརྗིད་དང་མཐུ ་དཔེ་མ་མཆིས་པར་ཆེ་སྟེ། འབྱོར་པ་དང་། བདེ་བ་དང་། ལོ་ལེགས་པ་དང་། མི་ལ་སོགས་པ་སྐྱེ་བོ་མང་ཞིང་རབ་ཏུ་མང་བ་དང་ལྡན་པ་དེས་འདི་སྙམ་དུ་བསམས་ཏེ། བདག་གིས ་ནི་རིན་པོ་ཆེ་དང་ལོངས་སྤྱོད་ཀྱིས་འགྲོ་བ་ཐམས་ཅད་ལ་ཕན་བཏགས་ཀྱི། དམ་པའི་ཆོས་ཀྱིས་ཕན་འདོགས་པར་མ་གྱུར་ཏེ། འདི་དག་ནི་བདག་གི་སྐྱོན་དུ་འགྱུར་གྱིས། དམ་པའི་ཆོས ་གང་ན་མཆིས་པ་བཙལ་ཏེ། ཐམས་ཅད་དགྲོལ་བར་བྱའོ་སྙམ་དུ་བསམས་ནས། འདི་སྐད་ཅེས་བཀར་བཏགས་སོ།། འཛམ་བུའི་གླིང་འདི་ན་སུ་ལ་དམ་པའི་ཆོས་ཡོད་པ་དེ་བདག་ལ་སྟོན་པར ་གྱུར་ན། དེ་ཡིད་དང་མི་འགལ་བར་ཅི་དང་ཅི་འདོད་པ་སྦྱིན་ནོ་ཞེས་བསྒྲགས་ཀྱང་སྟོན་ནུས་པ་མ་བྱུང་ངོ་།། དེའི་ཚེ་ན་རྒྱལ་པོ་དེ་མྱ་ངན་གྱིས་ཡིད་གདུངས་ཏེ། མི་དགའ་བར་གྱུར་པ་ངལ ་བ་སོ་བོས་ཐོས་ནས་སད་པའི་སླད་དུ། བདག་གི་ལུས་གནོད་སྦྱིན་ཞིག་ཏུ་སྤྲུལ་ནས། དེའི་མདོག་ཤིན་ཏུ་སྔོ་བ། གནག་པ། མིག་ཁྲག་ལྟར་དམར་བ ་མཆེ་བ་གྱེན་དུ་བྱུང་བ། སྐྲ་གྱེན་དུ་བསྒྲེང་བ། ཁ་ནས་མེ་འབར་བ་ཕོ་བྲང་གི་སྒོར་མཆིས་ནས། སུ་ཞིག་ཆོས་ཐོས་པར་འདོད་པ་ང་ལས་ཉོན་ཅིག་ཅེས་སྨྲས་སོ།། རྒྱལ་པོས་དེ་སྐད་ཅེས ་སྨྲས་པ་ཐོས་ནས་ཤིན་ཏུ་དགའ་མགུ་སྟེ། གནོད་སྤྲིན་དེ་བསུ་ནས་མགོ་བོས་ཕྱག་བྱས་ཏེ། སྟན་མཐོན་པོ་ལ་བཞག་ནས། བློན་པོ་དང་འཁོར་མང་པོ་ངག་བསྡུས་ཏེ། ཆོས་ཉན་དུ ་གཞུག་པའི་སླད་དུ་འཁོར་བར་བསྐོར་རོ། ། དེའི་ཚེ་ནི་གནོད་སྦྱིན་གྱིས། རྒྱལ་པོ་ལ་འདི་སྐད་ཅེས་སྨྲས་སོ།། རྒྱལ་པོ་ཆོས་ཐོས་པར་བྱ་བ་ནི་ཤིན་ཏུ་དཀའ་བས་ཆོས་ཉན་པར་འདོང་ན ་འདི་ཙམ་གྱིས་ཆོག་པ་མ་ཡིན་ནོ་ཞེས་སྨྲས་པ་དང་། རྒྱལ་པོས་དེ་ལ་ཐལ་མོ་སྦར་ཏེ། ཁྱོད་ཅི་དང་ཅི་འདོད་པ་དེ་མི་འགལ་བར་ཐམས་ཅད་སྤྲིན་ནོ་ཞེས་སྨྲས་སོ།། དེ་ནས་གནོད་སྤྲིན ་དེས་རྒྱལ་པོ་ལ་སྨྲས་པ། རྒྱལ་པོ་ཁྱོད་ཀྱི་བཙུན་མོ་དང་སྲས་གང་འཕངས་པ་ཁོ་བོ་ཟར་བཅུག་ན། དམ་པའི་ཆོས་སྦྱིན་ནོ་ཞེས་སྨྲས་པ་དང་། དེའི་ཚེ་ན་རྒྱལ་པོ་ཆེན་པོ་ངེས་བཙུན་མོ ་ནང་ན་གང་འཕངས་པ་དང་སྲས་ཀྱི་མཆོག་གནོད་སྦྱིན་ལ་ཕུལ་ཏེ། གནོད་སྦྱིན་གྱིས་འཁོར་མང་པོའི་ནང་དུ་ཀུན་གྱིས་མཐོང་བཞིན་དུ་ཟོས་སོ།། དེའི་ཚེ་ན་རྒྱལ་པོ་དེའི་བློན་པོ་རྣམས་དེ་ལྟར ་གྱུར་པ་མཐོང་ནས་ཆོ་ངེས་བཏབ་སྟེ། ས་ལ་འགྲེ་བཞིན་དུ་རྒྱལ་པོ་ཆེན་པོ་མི་རིགས་པའི་ལས་འདི་ལྟ་བུ་དག་ཐོང་ཞིག་ཅེས་གསོལ་བ་བཏབ་ཀྱང་། རྒྱལ་པོ་དེ་དམ་པའི་ཆོས་འཚོལ་བའི་ཕྱིར ་ཤིན་ཏུ་བརྟན་པས་བཟློག་མ་ནུས་སོ། ། དེའི་ཚེ་ན་གནོད་སྦྱིན་དེས་རྒྱལ་པོའི་བཙུན་མོ་དང་སྲས་ཟོས་ནས། ཚིགས་སུ་བཅད་པ་འདི་སྐད་ཅེས་སྨྲས་སོ།། འདུ་བྱེད་ཐམས་ཅད་མི་རྟག་སྟེ། ་ཇི་ཙམ་སྐྱེ་བ་སྡུག་བསྔལ་བཅས།། ལྔ་ཕུང་མཚན་མ་མེད་པས་སྟོང་།། བདག་དང་བདག་གི་བ་ཡང་མེད།། ཚིགས་སུ་བཅད་པ་འདི་སྨྲས་པ་དང་། རྒྱལ་པོ་དགའ་མགུ་རངས་ཏེ། བ ་སྤུའི་ཉག་མ་ཙམ་གྱིས་འགྱོད་པའི་སེམས་མ་སྐྱེས་སོ། ། དེ་ནས་ཡི་གེར་བྲིས་ནས། འཛམ་བུའི་གླིང་ཀུན་ཏུ་བསྒྲགས་ཏེ། ཐམས་ཅད་སློབ་ཏུ་བཅུག་གོ། དེ་ནས་ངལ་བསོ་པོས་བདག ་ཉིད་ཀྱི་ལུས་སུ་སླར་བསྒྱུར་ནས། ཤིན་ཏུ་ལེགས་སོ་ངོ་མཚར་རྨད་དོ་ཞེས་བསྟོད་ཅིང་བསྔགས་ཏེ། རྒྱལ་པོའི་བཙུན་མོ་དང་སྲས་ཀྱང་སྔོན་བཞིན་དུ་ཅང་མ་ནོངས་སོ།། དེའི་དུས་ན་རྒྱལ་པོ ་དེ་ནི་སངས་རྒྱས་ལགས་ཏེ། བཅོམ་ལྡན་འདས་སྔོན་ཡང་ཆོས་ཀྱི་སླད་དུ་དེ་ལྟ་བུའི་དཀའ་བ་མཛད་ན། ད་ཇི་སྲིད་དུ་སེམས་ཅན་མང་པོ་ཡོངས་སུ་བཏང་སྟེ་མྱ་ངན་ལས་འདའ་འོ་ཞེས ་གསུང་བཅོམ་ལྡན་འདས་གཞན་ཡང་སྔོན་བསྐལ་པ་གྲངས་མ་མཆིས་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་ཆེན་པོ་གན་ཤ་ནི་པ་ལི་ཞེས་བགྱི་བ་ནི ་རྒྱལ་ཕྲན་མང་པོ་ལ་དབང་སྒྱུར་ཏེ། གྲོང་ཁྱེར་ནི་བརྒྱད་ཁྲི་བཞི་སྟོང་སྐྱེད་མངའ། བཙུན་མོ་དང་ཕོ་བྲང་གི་སླས་ནི་སྟོང་ཕྲག་ཉི་ཤུ་མངའ་སྟེ། བློན་པོ་ཆེན་པོ ་ཡང་སྟོང་ཕྲག་བཅུ་སྙེད་དོ། ། རྒྱལ་པོ་དེ་ཤིན་ཏུ་སྙིང་རྗེ་དང་ལྡན་པས་མི་ལ་སོགས་པ་སྐྱེ་བོ་མང་པོ་བདེ་སྐྱིད་ཅིང་འབྱོར་པ་དང་། བདེ་བ་དང་། ལོ་ལེགས་པར་ལྡན་ཏེ། རྒྱལ་པོ ་དེ་སྐྱེ་བོ་མང་པོའི་ཕ་མ་ལྟ་བུར་གྱུར་ཏོ། ། དེའི་ཚེ་རྒྱལ་པོ་དེས་འདི་སྙམ་དུ་བསམས་སོ།། བདག་ཀྱང་སྐྱེ་བོ་མང་པོ་ཀུན་གྱི་གཙོ་བོར་གྱུར་ལ། སྐྱེ་བོ་མང་པོ་འདི་དག་ཀྱང་བདག་ལ་མོས ་ཤིང་དགའ་བས་བདག་གིས་དམ་པའི་ཆོས་ཀྱི་ནོར་རིན་པོ་ཆེས་ཐམས་ཅད་ལ་ཕན་གདགས་སོ་སྙམ་བསམས་ནས། བློན་པོ་གཅིག་གིས་ཐམས་ཅད་དུ་བཀར་བཏགས་ཏེ། སུ་ལ་དམ ་པའི་ཆོས་མཆིས་པ་བསྟན་པར་གྱུར་ན། ཅི་དང་ཅི་འདོད་པ་ཡིད་བཞིན་དུ་སྦྱིན་ནོ་ཞེས་བསྒོ་བ་དང་། དེའི་ཚེ་ན་བྲམ་ཟེ་ལེའུ་དུ་ཆ་ཞེས་བགྱི་བ་ཞིག་པོ་བྲང་གི་སྒོར་མཆིས་ཏེ། བདག་ལ་ངམ ་པའི་ཆོས་ཡོད་དོ་ཞེས་སྨྲས་པ་དང་། རྒྱལ་པོས་དེ་སྐད་ཅེས་སྨྲས་པ་ཐོས་ནས། ཕྱི་རོལ་ཏུ་བསུས་ཏེ་ཕྱག་བྱས་ནས་སྟན་བཏིང་བ་ལ་བཞག་གོ།། བྲམ་ཟེ་དེ་སྟན་བཏིང་བ་ལ་འདུག་ནས། ་རྒྱལ་པོ་འཁོར་དང་བཅས་ཏེ་ཐལ་མོ་སྦྱར་ནས། སྟོན་པ་ཆེན་པོ་གཏི་མུག་གིས་མདོངས་པར་གྱུར་པ་ལ་དམ་པའི་ཆོས་དབྱེ་ཞིང་བསྟན་པའི་དུས་ལ་བབ་བོ་ཞེས་བསྐུལ་བ་དང་། བྲམ་ཟེ་དེས ་རྒྱལ་པོ་ལ་འདི་སྐད་ཅེས་སྨྲས་སོ། ། བདག་གིས་ཤེས་པ་འདི་གྱི་འདས་ལོབས་པ་མ་ཡིན་པས་ཐོས་པར་འདོད་ན། འདི་ཙམ་གྱིས་ཆོག་པ་མ་ཡིན་ནོ།། རྒྱལ་པོས་སྨྲས་པ། ཅི་དང་ཅི ་འདོད་པ་དྲིས་ཤིག་དང་། ཐམས་ཅད་ཡིད་བཞིན་དུ་སྦྱིན་ནོ་ཞེས་སྨྲས་པ་དང་། བྲམ་ཟེ་དེས་རྒྱལ་པོ་ལ་འདི་སྐད་ཅེས་སྨྲས་སོ།། རྒྱལ་པོ་ཆེན་པོ་ཁྱོད་ཀྱི་ལུས་ལ་མར་མེ་སྟོང་བཙུགས་ཏེ། ་མཆོད་པ་བྱེད་ནུས་ན་ཆོས་བསྟན་པར་བྱའོ་ཞེས་སྨྲས་པ་དང་། རྒྱལ་པོ་དེ་ལྷག་པར་དགའ་མགུ་རངས་ནས། དེའི་ཚེ་ཕོ་ཉ་གཅིག་པ་གླང་རྒྱང་གྲགས་བརྒྱ་སྟོང་དུ་འགྲོ་བར་བསྐྱོན་ཏེ། འཛམ་བུ ་གླིང་ཐམས་ཅད་དུ་འདི་སྐད་ཅེས་བསྒོའོ། ། རྒྱལ་པོ་ག་ན་ཤ་ནི་པ་ལི་ད་སྟེ་ཞག་བདུན་ན་ཆོས་ཀྱི་ཕྱིར་ལུས་ཀྱི་ཤ་ཕུག་ནས། མར་མེ་སྟོང་འཛུགས་སོ་ཞེས་རྒྱལ་ཕྲན་དང་མི་ཐམས་ཅད་ལ ་བསྒོའོ། ། དེ་དག་གིས་དེ་སྐད་བསྐོ་བ་ཐོས་ནས། སོ་སོ་ནས་མྱ་ངན་གྱིས་ཡིད་གདུངས་ཏེ། རྒྱལ་པོ་གང་ན་བར་ལྷགས་ནས་ཕྱག་བྱས་ཏེ། ཐམས་ཅད་ཀྱིས་འདི་སྐད་ཅེས་སྨྲས་སོ།། ་འཇིག་རྟེན་འདི་ན་ཇི་ཙམ་འཚོ་བའི་སྲོག་དང་བཅས་པ་ཐམས་ཅད་ཁྱོད་ལ་རྟེན་པ་ནི་ལོང་བ་དམིགས་བུ་ལ་རྟེན་པའམ། བུ་ཆུང་ངུ་མ་ལོ་རྟེན་པ་དང་འདྲ་ན། རྒྱལ་པོ་མི་བཞུགས་པའི་སླང ་ན་གང་ལ་འཚོ་བའི་སྐྱབས་སུ་མཆི་བར་བགྱི། གལ་ཏེ་སྐུ་ལ་མར་མེ་སྟོང་བཙུགས་ན། གདོན་མི་ཟ་བར་འཚོ་བ་དང་འབྲལ་ན་ཅིའི་སླད་དུ་བྲམ་ཟེ་གཅིག་ཙམ་གྱི་སླད་དུ། འཇིག་རྟེན་འདིའི ་སེམས་ཅན་ཡོངས་སུ་གཏོང་བར་དགོངས་དེའི་ཚེ་ན་བཙུན་མོ་དང་། སླས་དང་། རྒྱལ་ཚབ་དང་། སྲས་ལྔ་བརྒྱ་དང་། བློན་པོ་སྟོང་ཕྲག་བཅུ་སྙེད་ཀྱིས ་ཐལ་མོ་སྦྱར་ཏེ། གསོལ་བ་བཏབ་ཀྱང་རྒྱལ་པོ་ཡི་དམ་ལ་བརྟན་པས་མ་བཟློགས་ཏེ། ནས་མངོན་པར་སངས་རྒྱས་པ་ན་ཁྱེད་རྣམས་གདོན་མི་ཟ་བར་བསྒྲལ་ལོ་ཞེས་སྨྲས་པ་དང་། དེའི་ཚེ ་ན་སྐྱེ་བོ་མང་པོས་རྒྱལ་པོ་དེ་ཡི་དམ་ལ་བརྟན་པར་རྟོགས་ནས་རབ་ཏུ་མི་དགའ་སྟེ། ཆོ་ངེས་བཏབ་ནས་ས་ལ་འགྱེལ་ཏོ།། རྒྱལ་པོ་དེའི་བསམ་པ་མ་འགྱུར་ཏེ། བྲམ་ཟེ་ལ་འདི་སྐད་ཅེས ་སྨྲས་སོ། ། དད་ལུས་ལ་མར་མེ་སྟོང་གཟུགས་པའི་དུས་ལ་བབ་ཀྱིས་ཕུག་ཅིག་ཅེས་བསྒོ་བ་དང་། དེས་རྒྱལ་པོའི་ལུས་ཕུག་ནས་མེ་མར་གྱི་སྙིང་པོ་སྣུམ་གྱིས་བསྐུས་པ་དང་། འཁོར་མང་པོས ་དེ་ལྟར་གྱུར་པ་མཐོང་ནས། རི་འགྱེལ་བ་བཞིན་དུ་ལུས་ས་ལ་བརྡབས་སོ།། དེ་ནས་རྒྱལ་པོས་བྲམ་ཟེ་ལ། སྟོན་པ་ཆེན་པོ་ཐུགས་རྗེ་བར་དགོངས་ཏེ། སྔར་བདག་ལ་ཆོས་བསྟན་ནས ་དེའི་འོག་ཏུ་མེ་མར་ཚུགས་ཤིག། གལ་ཏེ་ཚེའི་དུས་བྱས་ན་ཆོས་ཐོས་པར་མི་འགྱུར་རོ་ཞེས་སྨྲས་པ་དང་། བྲམ་ཟེས་ཚིགས་སུ་བཅད་པ་འདི་སྨྲས་སོ།། རྟག་པ་ཐམས་ཅད་ཟད་པར ་འགྱུར། མཐོ་བ་དེ་ཡང་མཐར་ལྟུང་ངོ་།། འདུ་བ་ཡོད་ན་འབྲལ་བར་འོང་།། སྐྱེ་བ་ཡོད་ན་འཆི་བར་འགྱུར།། ཚིགས་སུ་བཅད་པ་འདི་སྨྲས་མ་ཐག་ཏུ་རྒྱལ་པོ་དེ་རབ་ཏུ་དགའ་མགུ ་རངས་ཏེ། འགྱོད་པའི་སེམས་མེད་བཞིན་དུ་འདི་སྐད་དུ་དམ་བཅས་སོ།། བདག་ཆོས་འཚོལ་བ་འདི་ཡང་སངས་རྒྱས་སུ་བསྒྲུབ་པའི་ཕྱིར་ཏེ། ཕྱིས་མངོན་པར་སངས་རྒྱས་པ་ན། ཡེ་ཤེས ་ཀྱི་འོད་ཀྱིས་སེམས་ཅན་གཏི་མུག་གིས་མདོངས་པ་རྣམས་ཤིན་ཏུ་སྣང་བར་གྱུར་ཅིག་ཅེས་ཡི་དམ་བཅས་མ་ཐག་ཏུ། གནམ་ས་ཡང་རབ་ཏུ་གཡོས། གནས་གཙང་མའི་རིས་ཀྱི་ལྷའི་ཕོ་བྲང ་གི་བར་དུ་གཡོས་པས། ལྷ་དེ་དག་ནམ་མཁའ་ལས་བབས་ཏེ་ལུས་ཀྱིས་མཆོད་པའི་གནས་སུ་ལྷགས་སོ།། བྱང་ཆུབ་སེམས་དཔའ་དེའི་ལུས་དེ་ལྟར་ཞིག་པ་ལྷ་དེ་དག་གིས་མཐོང་ནས། ་སྟེང་གི་ནམ་མཁའ་ཡོངས་སུ་གང་བ་དེ་དག་ངུས་ཏེ། ངུས་པའི་མཆི་མ་ཆར་བཞིན་དུ་བབ་ནས། ལྷ་རྫས་ཀྱི་མེ་ཏོག་ཀྱང་ཆར་བཞིན་དུ་ཕབ་སྟེ་མཆོད་པ་བྱས་སོ།། དེའི་ཚེ་ན་བརྒྱ་བྱིན ་ལྷའི་དབང་པོ་ཡང་རྒྱལ་པོ་གང་ན་བ་དེར་འོངས་ནས། རྣམ་པ་སྣ་ཚོགས་ཀྱིས་བསྟོད་ཅིང་བསྔགས་ཏེ་འདི་སྐད་ཅེས་སྨྲས་སོ།། རྒྱལ་པོ་ཆེན་པོ་འདི་ལྟར་ཤིན་ཏུ་སྡུག་བསྔལ་གྱིས་གདུངས་པ ་འདི་ལ་སེམས་འགྱོད་པར་མ་གྱུར་ཏམ། རྒྱལ་པོས་སྨྲས་པ། འགྱོད་པ་མེད་དོ།། བརྒྱ་བྱིན་གྱིས་སྨྲས་པ། རྒྱལ་པོ་ཆེན་པོ་འདི་ལྟར་ལུས་འདྲར་ཞིང་ཉམས་མི་བདེ་བཞིན་དུ་འགྱོད ་པ་མེད་ཅེས་སྨྲས་པ་འདི་ཅིས་སུ་ཡིད་ཆེས་པར་འགྱུར། རྒྱལ་པོས་སྨྲས་པ། གལ་ཏེ་བདག་ཐོག་མ་ནས་ཐ་མའི་བར་དུ་འགྱོད་པའི་སེམས་མེད་པ་ཡིན་ན། ལུས་ཀྱི་རྨ་འདི་སྔ་མཁོ ་བཞིན་དུ་སོས་པར་གྱུར་ཅིག་ཅེས་སྨྲས་མ་ཐག་ཏུ། ལུས་སྔ་མཁོ་བཞིན་རྨ་མེད་པར་གྱུར་ཏོ།། དེའི་ཚེ་དེའི་དུས་ན་རྒྱལ་པོ་དེ་ནི་སངས་རྒྱས་ལགས་ཏེ། བཅོམ ་ལྡན་འདས་སྔོན་ཡང་སེམས་ཅན་གྱི་སླད་དུ་མི་བཟད་པའི་སྡུག་བསྔལ་དང་བསྔོས་ཏེ་ཆོས་བརྙེས་ན། ད་ཅིའི་སླད་དུ་འགྲོ་བ་ཐམས་ཅད་ཆོས་ཀྱི་སྣང་བ་དང་བྲལ་བ་ཡོངས་སུ་བཏང་སྟེ། མྱ་ངན ་ལས་འདའ་བར་དགོངས། ། གཞན་ཡང་བཅོམ་ལྡན་འདས་སྔོན་འདས་པའི་དུས་ན། འཛམ་བུའི་གླིང་འདིར་རྒྱལ་པོ་ཆེན་པོ་བྱི་ལིང་གར་ལི་ཞེས་བགྱི་བར་གྱུར་པ་ན། ་རྒྱལ་ཕྲན་རྣམས་ལ་དབང་བགྱིད་དེ། གྲོང་ཁྱེར་ནི་བརྒྱད་ཁྲི་བཞི་སྟོང་དང་ལྡན་བཙུན་མོ་དང་ཕོ་བྲང་གི་སླས་ནི་སྟོང་ཕྲག་ཉི་ཤུ་མངའ་སྟེ། རྒྱལ་ཚབ་དང་རྒྱལ་བུ་ནི་ལྔ་བརྒྱ་སྙེད། བློན ་པོ་ཆེན་པོ་ནི་སྟོང་ཕྲག་བཅུ་མངའ་འོ། ། རྒྱལ་པོ་དེ་སྙིང་རྗེ་དང་ལྡན་པས་འབངས་ཐམས་ཅད་ལ་བུ་གཅིག་པ་དང་འདྲ་བར་དགོངས་སོ།། དེའི་ཚེ་རྒྱལ་པོ་ཆེན་པོ་དེ་དམ་པའི་ཆོས་ལ་མོས་ཤིང ་དགའ་བས། བློན་པོ་གཅིག་ལ་བསྒོ་ནས་འདི་སྐད་ཅེས་བཀར་བཏགས་སོ།། གང་སུ་ཡང་རུང་བ་ལ་མདོ་སྡེ་འམ་དམ་པའི་ཆོས་ཡོད་པ་བདག་ལ་བསྟན་པར་གྱུར་ན། ཅི་དང་ཅི་འདོད་པ ་ཡིད་བཞིན་དུ་སྦྱིན་ནོ་ཞེས་བསྒོའོ། ། དེ་ནས་བྲམ་ཟེ་ལེའུ་དུ་ཆ་ཞེས་བགྱི་བ་ཕོ་བྲང་གི་སྒོར་འོངས་ནས་འདི་སྐད་ཅེས་སྨྲས་སོ།། བདག་ལ་དམ་པའི་ཆོས་ཡོད་དེ། གང་ཐོས་པར་འདོད་པ་ལ ་བསྟན་པར་བྱའོ་ཞེས་སྨྲས་པ། རྒྱལ་པོས་ཐོས་ནས་རབ་ཏུ་དགའ་མགུ་རངས་ཏེ། ཕྱི་རོལ་ཏུ་བསུ་ནས་རྐང་པ་ལ་ཕྱག་འཚལ་ཏེ། ཚིག་སྙན་པ་སྨྲས་ནས་ཕོ་བྲང་གི་ནང་དུ་ཁྲིད་དེ་སྟན ་བཤམས་པ་ལ་བཞག་སྟེ། ཐལ་མོ་སྦྱར་ནས་འདི་སྐད་ཅེས་གསོལ་ཏོ།། སྟོན་པ་ཆེན་པོ་དེ་བདག་ལ་དམ་པའི་ཆོས་བསྟན་དུ་གསོལ། བྲམ་ཟེས་སྨྲས་པ། བདག་གིས་ཀུན་ཏུ ་སྡུག་བསྔལ་སྣ་ཚོགས་མྱོང་ནས་ཡུན་ཡང་རིང་མོ་ཞིག་ལོན་ཏེ་གདོང་ལོབས་པས། རྒྱལ་པོ་ཆེན་པོ་ཐོས་པར་འདོད་ན་འདི་ཙམ་གྱིས་ཆོག་པ་མ་ཡིན་ནོ།། རྒྱལ་པོས་ཐལ་མོ་སྦར་ཏེ། ཅི ་དང་ཅི་དགོས་པ་སྨྲོས་ཤིག་དང་། སྟོན་པ་ཁྱོད་ལ་མི་འཕངས་པར་ཐམས་ཅད་དབུལ་ལོ།། བྲམ་ཟེས་སྨྲས་པ། གལ་ཏེ་ཁྱོད་ཀྱི་ལུས་ལ་ལྕགས་གཟེར་སྟོང་གིས་བཏབ་ན། ཁྱོད ་ལ་ཆོས་སྦྱིན་ནོ་ཞེས་སྨྲས་པ་དང་། རྒྱལ་པོས་དེ་བཞིན་དུ་བགྱིའོ།། ང་སྟེ་ཞག་བདུན་ན་དངོས་པོ་འདི་དག་བསྒྲུབ་བོ་ཞེས་སྨྲས་སོ།། དེའི་ཚེ་ན་རྒྱལ་པོ་ཆེན་པོ་ངེས་ཕོ་ཉ་ཞིག་གླང་པོ་ཆེ ་རྒྱང་གྲགས་བརྒྱད་ཁྲི་སྙད་དུ་འགྲོ་བ་ཞིག་ལ་བསྐྱོན་ཏེ། འཛམ་བུའི་གླིང་ཀུན་ཏུ་འདི་སྐད་ཅེས་བསྒོའོ།། རྒྱལ་པོ་ཆེན་པོ་བྱིང་ལིང་གར་ལ་དི་སྟེ་ཞག་བདུན་ན་ལུས་ལ་ལྕགས་གཟེར་སྟོང ་འདེབས་སོ་ཞེས་བསྒོ་བ། བློན་པོ་དང་འགྲོ་བ་མང་པོས་ཐོས་ནས། ཐམས་ཅད་རྒྱལ་པོའི་དྲུང་དུ་ལྷགས་ཏེ། འདི་སྐད་ཅེས་གསོལ་ཏོ།། བདག་ཅག་ཕྱོགས་བཞིན་འཁོད་པའི ་འགྲོ་བ་ཐམས་ཅད་རྒྱལ་པོའི་ཡོན་ཏན་དང་བཀའ་དྲིན་གྱིས་སོ་སོ་ནས་བདེ་སྐྱིད་པ་ལ་ལོངས་སྤྱོད་དེ། རྒྱལ་པོ་ཆེན་པོ་བདག་ཅག་གི་སླད་དུ་སྐུ་ལ་ལྕགས་གཟེར ་སྟོང་མི་གདབ་ཏུ་གསོལ་ཞེས་གསོལ་པ་དང་། དེའི་ཚེ་ན་བཙུན་མོ་དང་། ཕོ་བྲང་སླས་དང་། རྒྱལ་ཚབ་དང་། རྒྱལ་བུ་དང་། བློན་པོ་ཐམས་ཅད་ཀྱིས་ཀྱང་བསེལ་བ་བཏབ་སྟེ། ་རྒྱལ་པོ་ཆེན་པོ་བདག་ཅག་ལ་ཐུགས་བརྩེ་བར་དགོངས་ཏེ། མི་གཅིག་གི་སླད་དུ་སྐུ་ཚེའི་དུས་མཛད་ཅིང་འབངས་ཐམས་ཅད་སྤང་བ་མི་རིགས་སོ།། དེ་ལ་རྒྱལ་པོས་འདི་སྐད་ཅེས་སྨྲས་སོ།། ་བདག་ནི་ཡུན་རིང་པོ་ནས་འཁོར་བ་ན་ལུས་གྲངས་མེད་པ་ཆུང་གསན་ཏེ། བར་འགའ་ནི་འདོད་ཆགས་དང་། ཞེ་སྡངཔ་དང་། གཏི་མུག་གིས་ལུས་འདི་བསད་པའི་རུས་པ་དཀར་པོ་སྤུངས་པ ་ནི་རི་རབ་བས་མཐོ། མགོ་བཅད་པའི་ཁྲག་ཟགས་པ་ནི་ཆུ་ཀླུང་ལྔ་བས་ཀྱང་ཆེ། དུས་པའི་མཆི་མ་ནི་རྒྱ་མཚོ་བཞི་པས་ཀྱང་ལྷག་སྟེ། དེ་ལྟར་རྣམ་པ་སྣ་ཚོགས་ཀྱི་སྒོ་ནས་ལུས་སྲོག་ཆུང་གསན། ་ཀྱང་ལན་འགའ་ཡང་ཆོས་ཀྱི་ཕྱིར་མ་ཡིན་ཏེ། དེ་བདག་གིས་གཟེར་བུ་བཏབ་ལ་སངས་རྒྱས་སུ་བསྒྲུབ་བོ།། ཕྱིས་མངོན་པར་སངས་རྒྱས་ནས་ཤེས་རབ་ཀྱི་རལ་གྲིས། ཁྱེད་ཀྱི་ཀུན ་ནས་ཉོན་མོངས་པའི་ནད་གཅད་པར་བྱ་ན། ཅིའི་ཕྱིར་ངའི་བྱང་ཆུབ་ཀྱི་སེམས་ཀྱི་བར་དུ་གཅོད་པ་བྱེད་ཅེས་སྤྲས་པ་དང་། དེ་ནས་འཁོར་རྣམས་ཀྱང་ཅང་མི་སྨྲ་བར་གྱུར་ཏོ།། དེ་ནས་རྒྱལ ་བོས་ཟླུམ་ཟེ་ལ་སྨྲས་པ། སྟོན་པ་ཆེན་པོ་ཐུགས་བརྩེ་བར་དགོངས་ཏེ། སྔར་ཆོས་བསྟན་ནས་དེའི་འོག་ཏུ་ལྗགས་གཟེར་གྱིས་ཐོབ་ཅིག། གལ་ཏེ་ཚེའི་དུས་བྱས་ན་ཆོས་ཐོས་པར ་མི་འགྱུར་རོ་ཞེས་སྨྲས་པ་དང་། བྲམ་ཟེས་ཚིགས་སུ་བཅད་དེ་སྨྲས་པ། འདུ་བྱེད་ཐམས་ཅད་མི་རྟག་སྟེ།། སྐྱེ་བ་ཐམས་ཅད་སྡུག་བསྔལ་བཅས།། ཆོས་ཀུན་སྟོང་པས་བདག་པོ་མེད།། ་བདག་གི་བ་ཡང་ཡོད་མ་ཡིན།། ཚིགས་སུ་བཅད་པ་འདི་སྦས་ནས། ལུས་ལ་ལྕགས་གཟེར་སྟོང་གིས་བཏབ་བོ།། དེའི་ཚེ་ན་རྒྱལ་ཕྲན་དང་། བློན་པོ་དང་། འཁོར་མང་པོ་རྣམས ་ཀྱིས་དེ་ལྟ་བུར་གྱུར་པ་མཐོང་ནས། རི་ཆེན་པོ་འགྱེལ་བ་ལྟར་ལུས་ས་ལ་བརྡབས་ཏེ་ངུས་ནས་ཅི་ཡང་མི་དྲན་པར་ས་ལ་འགྲེའོ།། དེའི་ཚེ་ན་གནམ་ས་རྣམ་པ་དྲུག་ཏུ་གཡོས་ནས། འདོད ་པའི་ཁམས་དང་། གཟུགས་ཀྱི་ཁམས་ཀྱི་ལྷ་རྣམས་ངོ་མཚར་དུ་གྱུར་ཏེ། ཐམས་ཅད་ནམ་མཁའ་ལས་བབ་ནས་བྱང་ཆུབ་སེམས་དཔའི་དྲུང་དུ་ལྷགས་ཏེ། དེ་ལྟར་ཆོས་ཀྱི་ཕྱིར་སྡུག ་བསྔལ་ཆེན་པོ་ལུས་ཀྱིས་མྱོང་བར་མཐོང་ནས། ཐམས་ཅད་དུས་ཏེ་མཆི་མ་ཆར་བཞིན་དུ་ཕབ་ནས། ལྷ་རྫས་ཀྱི་མེ་ཏོག་གིས་མཆོད་པ་བྱས་སོ།། དེའི་ཚེ་ན་བརྒྱ་བྱིན་ལྷའི་དབང་པོ་རྒྱལ ་པོ་གང་ན་བར་འོངས་ནས་འདི་སྐད་ཅེས་སྨྲས་སོ། ། རྒྱལ་པོ་ཆེན་པོ་ཤིན་ཏུ་བརྩོན་འགྲུས་བརྩམས་ཏེ། སྡུག་བསྔལ་ལ་ཅི་མི་སྙམ་པ་འདི་ཆོས་ཀྱི་ཕྱིར་རམ། འོན་ཏེ་བརྒྱ་བྱིན་ནམ ་འཁོར་ལོ་སྒྱུར་བའི་རྒྱལ་པོ་འདོད་དམ། འོན་ཏེ་བདུད་ཀྱི་རྒྱལ་པོ་འམ། ཚངས་པའི་རྒྱལ་པོ་འམ། དབང་ཕྱུག་ཆེན་པོ་འདོད་ཅེས་སྨྲས་པ་དང་། རྒྱལ་པོས ་སྨྲས་པ། བདག་གིས་བྱས་པ་འདི་ནི་ཁམས་གསུམ་གྱི་བདེ་བ་མྱོང་བར་འདོད་པ་མ་ཡིན་གྱི། བསོད་ནམས་ཇི་སྙེད་ཡོད་པ་འདིས་སངས་རྒྱས་འདོད་པའི་ཕྱིར་རོ།། བརྒྱ་བྱིན་གྱིས་སྨྲས་པ། ་བདག་གིས་བལྟས་ན་རྒྱལ་པོའི་ལུས་འདར་ཞིང་མི་བཟོད་པ་ལས་བལྟས་ན། འདི་སྐད་ཟེར་ཞིང་འགྱོད་པ་མེད་ཅེས་སྨྲས་པ་འདི་ཅིས་ཡིད་ཆེས་པར་འགྱུར། རྒྱལ་པོས་སྨྲས་པ། གལ་ཏེ། ་བདག་གིས་སྨྲས་པ་བདེན་ཏེ། འགྱོད་པའི་སེམས་མེད་ན་བདག་གི་ལུས་སྔ་མཁོ་བཞིན་དུ་རྨ་མེད་པར་གྱུར་ཅིག་ཅེས་སྨྲས་མ་ཐག་ཏུ་སྔ་མཁོ་བཞིན་དུ་གྱུར་ནས། ལྷ་དང་མི་རྣམས་དགའ་མགུ ་རངས་པར་གྱུར་ཏོ། ། དེའི་ཚེ་ཡང་འགྲོ་བ་མང་པོ་བསྐྱབ་པའི་སླད་དུ་ཚེས་བཙལ་ན། བཅོམ་ལྡན་འདས་ནི་ཆོས་ཀྱི་རྒྱ་མཚོ་ཡོངས་སུ་རྫོགས་ཤིང་ཡོན་ཏན་ཚད་མ་མཆིས་པ་དང་ལྡན་ན། ཅིའི ་སླད་དུ་འགྲོ་བ་མང་པོ་ཡོངས་སུ་བཏང་སྟེ། ཆོས་ཀྱང་མི་བཤད་པར་མྱ་ངན་ལས་འདའ་བར་དགོངས།། བཅོམ་ལྡན་འདས་གཞན་ཡང་སྔོན་འདས་པའི་དུས་བསྐལ་པ་ཚད ་མེད་གྲངས་མེད་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་ཆེན་པོ་ཚངས་ལྷ་ཞེས་བགྱི་བ་ལ། རྒྱལ་ཚབ་དམ་གམ་ཞེས་བགྱི་བ་ཞིག་མཆིས་ཏེ། རྒྱལ་བུ་དེ་དམ་པའི་ཆོས་ལ་དགའ་ཞིང ་མོས་པས་དམ་པའི་ཆོས་ཕྱོགས་ཀུན་ཏུ་བཙལ་ན་ཡང་མ་རྙེད་ནས་མྱ་ངན་གྱིས་གདུངས་ཏེ་ཡི་མུག་པར་གྱུར་པ་ལས། དེའི་ཚེ་ན་བརྒྱ་བྱིན་ལྷའི་དབང་པོས་དེའི་བསམ་པ་ཤིན་ཏུ་རྟོགས་ཤིང ་ཤེས་པས་བྲམ་ཟེ་ཞིག་ཏུ་སྤྲུལ་ཏེ། རྒྱལ་བུའི་ཕོ་བྲང་གི་སྒོར་འོངས་ནས་དམ་པའི་ཆོས་བདག་ལ་ཡོད་དེ་བསྟན་པར་བྱའོ་ཞེས་སྨྲས་པ། རྒྱལ་བུས་ཐོས་ནས་ཕྱི་རོལ་ནས་བསུ་སྟེ། རྐང ་པ་ལ་ཕྱག་བྱས་ནས་ཕོ་བྲང་གི་ནང་དུ་ཁྲིད་དེ་སྟན་བཏིང་བ་ལ་བཞག་གོ། ། རྒྱལ་བུས་ཐལ་མོ་སྦྱར་ཏེ་སྟོན་པ་ཆེན་པོ་ཐུགས་བརྩེ་བའི་སླད་དུ་དམ་པའི་ཆོས་བསྟན་དུ་གསོལ་ཞེས་སྨྲས་པ་དང་། ་བྲམ་ཟེས་སྨྲས་པ། བསླབ་ཅིང་ལོབས་པ་ཡང་ཤིན་ཏུ་དཀའ་ལ། སློབ་དཔོན་གཉེར་ཞིང་ཤེས་པར་འགྱུར་བ་ཡང་སླ་བ་མ་ཡིན་པས། འདི་ཙམ་གྱིས་ཆོག་པར་མི་འཛིན་ཏེ། ཆོས ་ཐོས་པར་འདོད་པ་ནི་རིགས་པ་མ་ཡིན་ནོ། ། རྒྱལ་བུས་སྨྲས་པ། སྟོན་པ་ཆེན་པོ་ཅི་དང་ཅི་བཞེད་པ་གསུངས་ཤིག་དང་། བདག་གི་ལུས་དང་། ཆུང་མ་དང་། བུ་པོའི་བར་དུ་བཞེད ་ན་ཡང་ཐམས་ཅད་ལ་མི་འཕངས་ཏེ་བཀའ་བཞིན་དུ་བགྱིའོ། ། བྲམ་ཟེས་སྨྲས་པ། གལ་ཏེ་མེའི་དོང་ཟབས་སུ་ཁྲུ་བཅུ་པའི་ནང་མེ་མ་མུར་གྱིས་བཀང་ལ། དེའི་ནང་དུ་མཆོངས་ཏེ་མཆོད། ་པ་བྱས་ན། དམ་པའི་ཆོས་བསྟན་ཏོ་ཞེས་སྨྲས་པ་དང་། དེའི་ཚེ་ན་རྒྱལ་བུས་སློབ་དཔོན་གྱི་ལུང་བཞིན་དུ་མེ་དོང་ཆེན་པོ་བྱས་སོ།། དེ་ནས་རྒྱལ་པོ་དང་། བཙུན་མོ་དང་། བློན་པོ་དང་། ་ཕོ་བྲང་གི་སླས་ཀྱིས་དེ་ལྟ་བུར་གྱུར་པ་དག་ཐོས་ནས་ལུས་དང་སེམས་མི་བདེ་བར་གྱུར་ཏེ། ཐམས་ཅད་རྒྱལ་པོའི་ཕོ་བྲང་དུ་ལྷགས་ནས་རྒྱལ་བུ་ལ་ཡང་གསོལ ་པ་བཏབ། བྲམ་ཟེ་དེ་ལ་ཀུན་གྱིས་བསྐོར་ནས། བཙུན་པ་ཐུགས་རྗེ་བར་དགོངས་ཏེ། བདག་ཅག་གི་སླད་དུ་རྒྱལ་བུ་འདི་མེ་དོང་དུ་མཆོང་བ་མི་མཛད་དུ་གསོལ། འཁོར་ཡུལ་ལམ། ་ཆུང་མ་འམ། བུ་ཕོ་འམ། བདག་ཅག་གི་ལུས་བཞེད་ན་ཡང་འབུལ་ལོ།། བྲམ་ཟེས་སྨྲས་པ། བདག་གིས་ནན་གྱིས་མི་བྱར་རུང་བ་མེད་ཀྱིས། རྒྱལ་བུས་ཅིར་བསམས ་པར་ཟད་དེ། གལ་ཏེ་དེ་ལྟར་ནུས་ན་ནི་ཆོས་བསྟན་པར་ཡང་བྱ། མི་ནུས་ན་ཆོས་ཀྱང་མི་བསྟན་ནོ་ཞེས་སྨྲས་པས། འཁོར་རྣམས་ཀྱིས་ཀྱང་དེའི་དམ་བཅའ་བ་བརྟན་པར་ཤེས་ཤིང ་རྟོགས་ནས་ཅང་མི་སྨྲའོ། ། དེའི་ཚེ་རྒྱལ་པོས་ཀྱང་ཕོ་ཉ་གཅིག་གླང་པོ་ཆེ་རྒྱང་གྲགས་བརྒྱད་སྟོང་དུ་འགྲོ་བ་ཞིག་ལ་བསྐྱོན་ཏེ། འཛམ་བུའི་གླིང་ཀུན་ཏུ་བཏང་ནས་རྒྱལ་ཚབ་དམ་གསང ་ཞག་བདུན་ན་ཆོས་འདོད་པའི་ཕྱིར་མེ་དོང་དུ་མཆོང་གིས། ཁྱེད་མཐོང་བར་འདོད་ན་མྱུར་དུ་ཤོག་ཅིག་ཅེས་བསྒོའོ།། དེའི་ཚེ་ན་རྒྱལ་ཕྲན་དང་མི་མང་པོ་རྒས་ཤིང་ཉམ་ཆུང་བ་དག་ཀྱང་གཅིག ་གིས་གཅིག་ཁྲིད་དེ་རྒྱལ་བུའི་ཐད་དུ་ལྷགས་ནས་པུས་མོ་ས་ལ་བཙུགས་ཏེ། ཐལ་མོ་སྦྱར་ནས་ཐམས་ཅད་ཀྱིས་ཚིག་མཐུན་པར་འདི་སྐད་ཅེས་གསོལ་ཏོ།། བདག་ཅག་ནི་རྒྱལ་བུ་ཁྱོད ་ལ་རྟེན་ཏེ། བདག་ཅག་གི་ཕ་མ་དང་འདྲ་བ་ཁྱོད་མེ་དོང་དུ་མཆོད་ན་འབངས་འདི་དག་ཐམས་ཅད་ལ་མགོན་སྐྱབས་དང་གནས་མེད་པར་འགྱུར་གྱིས། མི་འགའ་ཙམ་གྱི་ཕྱིར་འབངས་ཐམས ་ཅད་ཀྱི་དཔུང་གཉེན་མེད་པར་མ་མཛད་ཅིག། དེ་ནས་རྒྱལ་བུས་མི་མང་པོ་དེ་དག་ལ་འདི་སྐད་ཅེས་བསྒོའོ།། ང་ནི་ཡུན་རིང་པོ་ནས་འཁོར་བར་འཁོར་བ་ན་ལུས་གྲངས་མེད་པ་ཞིག་འཕོས་པར ་གྱུར་ཏེ། མིའི་ནང་དུ་སྐྱེས་པ་ན། འདོད་པ་ཆོག་མི་ཤེས་པས་གཅིག་ལ་གཅིག་འཚེ་ཞིང་གསོད་པར་གྱུར་ཏོ།། མཐོ་རིས་ཀྱི་ལྷར་སྐྱེས་པ་ན། ལྷའི་ཚེ་ཟད་པས་འདོད་པ་དང་བྲལ ་བའི་སྡུག་བསྔལ་མྱོང་ངོ་། ། སེམས་ཅན་དམྱལ་བར་སྐྱེས་པ་ན། མེར་འཚིག་པ་དང་། ཟངས་སུ་སྐོལ་བ་དང་། རལ་གྲི་དང་། མཚོན་ཆས་དམྱལ་བར་གཏུབས་པ་དང་། ་གདུག་པའི་ཆུ་ལ་འབོག་པ་དང་། རལ་གྲི་ལ་འཛེག་ཅིང་ཉིན་གཅིག་ཀྱང་ཚེ་འཕོ་བ་གྲངས་མེད་པ་ཞིག་མྱོང་སྟེ། ན་ཚ་ཚ་བའི་སྡུག་བསྔལ་རུས་པ་ལ་མཐོང་བ་བརྗོད་ཀྱིས་མི་ལང་བ་ཞིག་མྱོང ་ངོ། ཡི་དགས་སུ་སྐྱེས་པ་ན། ལུས་ཀྱིས་མི་བཟོད་པའི་སྡུག་བསྔལ་རྣམ་པ་སྣ་ཚོགས་མྱོང་ངོ་།། དུད་འགྲོའི་སྐྱེ་གནས་སུ་ནི་ལུས་ཉིད་གཟན་དུ་འགྱུར་ཏེ། ཁལ་ལྕི་བ་བཀལ་ནས། ་རྩཝརྩ་ལས་མི་ཟ་བའི་སྡུག་བསྔལ་བཟོད་དཀའ་བ་མྱོང་ནས་ལུས་དང་སྲོག་ཆུད་གསན་ཀྱང་དམ་པའི་ཆོས་ཀྱི་ཕྱིར་དགེ་བའི་སེམས་ཅུང་ཟད་ཙམ་ཡང་བསྐྱེད་མ་མྱོང་བས། ད་ནི་ལུས་བཙོག་པ་མནམ། ་པོ་འདིས་ཆོས་ཀྱི་ཕྱིར་མཆོད་པ་བྱེད་ཀྱིས། བདག་གི་བླ་ན་མེད་པའི་བྱང་ཆུབ་ཏུ་སེམས་བསྐྱེད་པའི་བར་དུ་གཅོད་པའི་ལས་མ་བྱེད་ཅིག། བདག་ནི་སངས་རྒྱས་སུ ་བསྒྲུབ་པའི་ཕྱིར་ལུས་འདི་ཡོངས་སུ་གཏོང་སྟེ། ནམ་མངོན་པར་སངས་རྒྱས་ནས་ཁྱེད་ལ་ཆོས་ཀྱི་སྐུས་སྦྱིན་པ་བྱའོ་ཞེས་སྨྲས་པ་དང་། འཁོར་མང་པོ་ཡང་ཅང་མི་སྨྲ་བར་གྱུར་ཏོ།། དེའི་ཚེ ་ན་རྒྱལ་བུ་མེ་དོང་གི་ཁར་འགྲེང་ནས་བྲམ་ཟེ་ལ་འདི་སྐད་ཅེས་གསོལ་ཏོ། ། སྟོན་པ་ཆེན་པོ་བདག་ལ་སྔར་ངོམ་པའི་ཆོས་སྟོན་ཅིག། གལ་ཏེ་ཚེའི་བར་ཆད་དུ་གྱུར་ན་ཆོས་མི་ཐོས་སོ་ཞེས་གསོལ ་པ་དང་བྲམ་ཟེ་དེས་ཚིགས་སུ་བཅད་པ་འདི་དག་སྨྲས་སོ། ། བྱམས་པའི་སེམས་ནི་གོམས་པར་བྱ།། ཞེ་སྡང་ཁྲོ་བའི་འདུ་ཤེས་སྤང་།། སྙིང་རྗེ་ཆེན་པོས་སེམས་ཅན་སྐྱོབ།། ་ཀུན་ལ་སྙིང་བརྩེ་མཆི་མ་ཟག། དགའ་བ་ཆེན་པོ་གོམས་པར་བྱ།། གཞན་ལའང་བདག་དང་མཐུན་པོའི་ཆོས།། བྱང་ཆུབ་སེམས་ཀྱིས་བསྐྱབས་པ་ནི།། བྱང་ཆུབ་སེམས་དཔའི་སྤྱོད། ་པར་ལྡན།། ཚིགས་སུ་བཅད་པ་འདི་དག་སྨྲས་མ་ཐག་ཏུ་མེ་དོང་དུ་མཆོངས་པ་ལས། བརྒྱ་བྱིན་དང་ཚངས་པའི་རྒྱལ་པོས་ལག་པ་ཡ་རེ་ནས་ཟིན་ཏེ་འདི་སྐད་ཅེས་སྨྲས་སོ།། འཛམ་བུ ་གླིང་གི་འགྲོ་བ་ཐམས་ཅད་ནི་རྒྱལ་པོ་ཁྱོད་ཀྱི་བཀའ་དྲིན་གྱིས་མི་བདེ་བའི་བག་མེད་ན། ད་མེ་དོང་དུ་མཆོངས་ན་འབངས་ཐམས་ཅད་ཀྱི་ཕ་མ་ཚེ་འཕོས་པ་དང་འདྲ་བས། ཅིའི་ཕྱིར་འགྲོ་བ་ཐམས ་ཅད་ཡོངས་སུ་བཏང་སྟེ། མེ་དོང་དུ་མཆོང་ཞེས་སྨྲས་པ་དང་། རྒྱལ་བུ་དེས་ལྷའི་རྒྱལ་པོ་དང་འཁོར་མང་པོ་ལ་བལྟས་ཏེ། ཁྱེད་ཀྱིས་བདག་བླ་ན་མེད་པའི་བྱང་ཆུབ་ཏུ་སེམས་བསྐྱེད ་པའི་བར་དུ་གཅོད་པའི་ལས་མ་བྱེད་ཅིག་ཅེས་སྨྲས་ནས། ཐམས་ཅད་ཅང་མི་སྨྲ་བ་དང་། དེ་མ་ཐག་ཏུ་མེ་དོང་དུ་མཆོངས་སོ།། དེའི་ཚེ་ན་གནས་ས་རབ་ཏུ་གཡོས་ཏེ། བར་སྣང་གི་ལྷ་དག ་ཀྱང་དུས་ནས་མཆི་མ་ཆར་བཞིན་དུ་བབ་བོ། ། མེ་དོང་དེ་ཡང་མེ་ཏོག་གི་རྫིང་བུར་གྱུར་ཏེ། རྒྱལ་བུ་དེ་ཡང་པདྨའི་སྟེང་ན་འདུག་པར་གྱུར་ནས། ལྷ་རྣམས་ཀྱིས་མེ་ཏོག་གི་ཆར་པུས་མོ་ནུབ་པ ་ཙམ་དུ་ཕབ་བོ། ། དེའི་ཚེ་དེའི་དུས་ན་རྒྱལ་པོ་ཚངས་ལྷ་ནི་རྒྱལ་པོ་ཡབ་ཟས་གཙང་མ་ལགས་སོ།། དེའི་དུས་ན་དེའི་མ་ནི་ཡུམ་ལྷ་མཛེས་ལགས་སོ།། དེའི་དུས་ན་རྒྱལ་བུ་རྒྱལ་ཚ་བ་དེ་ནི ་བཅོམ་ལྡན་འདས་ལགས་ཏེ། བཅོམ་ལྡན་འདས་ཀྱིས་དེའི་ཚེ་དེའི་དུས་ན་ཡང་འགྲོ་བ་མང་པོ་བསྐྱབ་པའི་སླད་དུ་ཆོས་བཙལ་ན། ད་ཡོངས་སུ་རྫོགས་པར་གྱུར་ན་ཅིའི་སླད་དུ་ཤིན་ཏུ ་གདུངས་པར་གྱུར་པའི་སེམས་ཅན་མང་པོ་ལ་ཆོས་ཀྱི་ཆར་མི་དབབ་པར་མྱ་ངན་ལས་འདའ་བར་དགོངས། ། བཅོམ་ལྡན་འདས་གཞན་ཡང་བསྐལ་པ་གྲངས་མེད་ཚད་མེད་པ་དེའི ་ཕ་རོལ་ན། དེའི་ཚེ་དེའི་དུས་ན་ཡུལ་ཝཱ་རཱ་ཎཱ་སི་འདིར་དྲང་སྲོང་ལྔ་བརྒྱ་ཞིག་གནས་ཏེ། དྲང་སྲོང་དེ་དག་གི་སྟོན་པ་ཨུད་ཏ་ལ་ཞེས་བྱ་བ་དེ། དམ་པའི་ཆོས་སློབ་ཅིང་སྒོམ་པ་ལ་དགའ་བས ་ཀུན་ཏུ་རྒྱུ་ཞིང་སུ་ལ་དམ་པའི་ཆོས་ཡོད་པ་དེ་བདག་ལ་སྨྲས་ན། ཅི་དང་ཅི་འདོད་པ་ཡིད་བཞིན་དུ་སྦྱིན་ཞིང་གཡོག་བྱའོ་ཞེས་བསྒྲགས་པ་དང་། བྲམ་ཟེ་ཞིག ་དེར་བོང་སྟེ། དེ་ལ་འདི་སྐད་ཅེས་སྨྲས་སོ།། བདག་ལ་དམ་པའི་ཆོས་ཡོད་དེ། ཐོས་པར་འདོད་ན་བསྟན་པར་བྱའོ་ཞེས་སྨྲས་པ་དང་། དྲང་སྲོང་དེས་ཐོས་ནས་ཐལ་མོ་སྦྱར་ཏེ། འདི་སྐད ་ཅེས་གསོལ་ཏོ། ། བདག་ལ་ཐུགས་བརྩེ་བའི་སླད་དུ་དམ་པའི་ཆོས་བསྟན་དུ་གསོལ་ཞེས་སྨྲས་པ་དང་། བྲམ་ཟེས་སྨྲས་པ། ཆོས་ལོབས་པ་ཡང་ཤིན་ཏུ་དཀའ་སྟེ། སྡུག་བསྔལ་མང ་པོ་མྱོང་བས་ཆོས་ལོབས་པ་ཡིན་གྱི། འདི་ཙམ་གྱིས་ཆོས་ཐོས་པར་འདོད་པ་རིགས་པ་མ་ཡིན་ནོ།། ཁྱོད་སྙིང་ནས་ཐོས་པར་འདོད་ན་ཁོ་བོས་བསྒོ་བ་བཞིན་དུ་བྱོས་ཤིག། དྲང་སྲོང་གིས ་སྨྲས་པ་སྟོན་པ་ཆེན་པོའི་བཀའ་བཞིན་དུ་མི་འགལ་བར་བགྱིའོ་ཞེས་སྨྲས་པ་དང་། དེ་ལ་འདི་སྐད་ཅེས་པསྒོའོ།། གལ་ཏེ་ཁྱོད་ཀྱིས་པགས་པ་བཤུས་ཏེ་ཤོག་ཤོག་ཏུ་བྱས་ལ ་རུས་པ་ནི་སྨྱིག་གུར་བྱས། ཁྲག་ནི་སྣག་ཚར་བྱས་ཏེ། ངས་བསྟན་པའི་ཆོས་ཡི་གེར་བྲིས་ན་ཁྱོད་ལ་ཆོས་བསྟན་ནོ་ཞེས་སྨྲས་སོ།། དེ་ནས་དྲང་སྲོང་དེས་དེ་སྐད་ཅེས་སྨྲས་པ་ཐོས་ནས་རབ ་ཏུ་དགའ་མགུ་རངས་ཏེ། དེ་བཞིན་གཤེགས་པའི་བསྟན་པ་ལ་བཀུར་སྟི་བྱ་བའི་ཕྱིར། པགས་པ་བཤུས་ནས་རུས་པ་ལ་སྨྱིག་གུར་བྱས་ཏེ། ཁྲག་སྣག་ཚར་སྦྱར་ནས་དུས་ལ་བབ ་ཀྱིས་མྱུར་དུ་གསུངས་ཤིག་ཅེས་སྨྲས་པ་དང་། བྲམ་ཟེ་དེས་ཚིགས་སུ་བཅད་པ་འདི་དག་སྨྲས་སོ།། ལུས་ཀྱི་སྤྱོད་པ་རབ་བསྡམས་ཤིང་།། སྲོག་གཅོད་རྐུ་དང་གཡེམ་མི་བྱ།། ཕྲ་མ ་བརྫུན་དང་ཚིག་རྩུབ་དང་། ། བཀྱལ་པ་སྨྲ་བར་མི་བྱའོ།། འདོད་པ་རྣམས་ལ་མི་ཆགས་ཤིང་།། ཞེ་སྡང་སེམས་ཀྱང་མེད་པར་བྱ།། ངན་པར་ལྟ་བ་ཀུན་སྤངས་ན།། བྱང་ཆུབ་སེམས ་དཔའི་སྤྱོད་པའོ། ། ཚིགས་སུ་བཅད་པ་འདི་དག་སྨྲས་མ་ཐག་ཏུ་ཡི་གེ་ར་བྲིས་ནས་འཛམ་བུ་གླིང་ཀུན་ཏུ་བསྒྲགས་ཏེ། མི་མང་པོ་ཐམས་ཅད་ཀྱིས་དེ་ལ་སློབ་ཅིང་ཇི་ལྟར་བསྟན་པ་བཞིན་དུ་ནན་ཏན ་བྱེད་དུ་བཅུག་གོ། ། བཅོམ་ལྡན་འདས་དེའི་ཚེ་དེའི་དུས་ན་ཡང་སེམས་ཅན་མང་པོའི་སླད་དུ་ཆོས་འཚལ་བ་ལ་འགྱོད་པའི་ཐུགས་མི་མངའ་ན། དེ་ཅིའི་སླད་དུ་ཆོས་ཀྱང་མ་བསྟན་པར་ཐམས ་ཅད་ཡོངས་སུ་བཏང་སྟེ། མྱ་ངན་ལས་འདའ་བར་དགོངས།། བཅོམ་ལྡན་འདས་གཞན་ཡང་སྔོན་འདས་པའི་བསྐལ་པ་ཚད་མ་མཆིས་གྲངས་མ་མཆིས་པའི་ཕ་རོལ་ན།། ་འཛམ་བུའི་གླིང་དུ་རྒྱལ་པོ་ཤི་བི་ཞེས་བགྱི་བ་ཞིག་བྱུང་སྟེ། རྒྱལ་པོ་བཞུགས་པའི་ཕོ་བྲང་ནི་དེ་བ་བར་རྟ་ཞེས་བགྱི་སྟེ། འབྱོར་པ། བདེ་བ། ལོ་ལེགས་པ། ལོངས་སྤྱོད་དཔག ་ཏུ་མ་མཆིས་པ་དང་ལྡན་ནོ། ། དེའི་ཚེ་ན་རྒྱལ་པོ་དེ་འཛམ་བུའི་གླིང་ལ་དབང་མཛད་དེ། རྒྱལ་ཕྲན་བརྒྱད་ཁྲི་བཞི་སྟོང་ལྗོངས་སྟོང་ཕྲག་དྲུག་ཅུའི་ནང་ན། གྲོང་ཁྱེར་ཁྲི་ཕྲག་བརྒྱད་ཅུ་དང་། ་བཙུན་མོ་དང་ཕོ་བྲང་གི་སླས་སྟོང་ཕྲག་ཉི་ཤུ་དང་། རྒྱལ་བུ་ལྔ་བརྒྱ་ཙམ་དང་། བློན་པོ་ཆེན་པོ་སྟོང་ཕྲག་བཅུ་མངའ་བ་ལ་དབང་མཛད་པ་དེ་ཐམས་ཅད་ལ་བྱམས ་པ་དང་སྙིང་རྗེས་མ་ཁྱབ་པ་མེད་དོ། ། དེའི་ཚེ་ན་བརྒྱ་བྱིན་ལྷའི་དབང་པོ་ལུས་ཀྱི་ཡོན་ཏན་ལྔ་དང་བྲལ་ཏེ། ཚེའི་དུས་བྱེད་དུ་ཉེ་བས་ཤིན་ཏུ་མི་དགའ་སྟེ། མྱ་ངན་བྱེད་པར་བི་ཤ་ཀར་མས་མཐོང ་ནས་བརྒྱ་བྱིན་ལ་ཅིའི་སླད་དུ་མྱ་ངན་མཛད་ཅིང་མི་དགྱེས་ཞེས་གསོལ་པ་དང་། བརྒྱ་བྱིན་གྱིས་སྨྲས་པ། ང་ནི་ཚེའི་དུས་བྱེད་དུ་ཉེ་སྟེ། ཚེ་འཕོ་བའི་ལྷས་མངོན་དུ་བྱུང་ན། འཇིག ་རྟེན་འདིར་སངས་རྒྱས་ཀྱི་ཆོས་ནི་ནུབ་པར་གྱུར་ཏེ། བྱང་ཆུབ་སེམས་དཔའ་ཡང་འཇིག་རྟེན་ན་མི་བཞུགས་ན། ཁོ་བོ་གང་ལ་སྐྱབས་སུ་འགྲོ་བ་མི་ཤེས་པས་མྱ་ངན་བྱེད་དོ།། བི་ཤྭ་ཀར ་མས་སྨྲས་པ། ལྷའི་དབང་པོ་འཛམ་བུ་གླིང་ན་རྒྱལ་པོ་ཆེན་པོ་བྱང་ཆུབ་སེམས་དཔའི་སྤྱད་པ་སྤྱོད་པ་ཤི་བི་ཞེས་བགྱི་བ་ཞིག་བཞུགས་ཏེ། ཤིན་ཏུ་ཡི་དམ་ལ་བརྟན་ཞིང་བརྩོན་འགྲུས་རྩོམ ་པས་གདོན་མི་ཟ་བར་མངོན་པར་འཚང་རྒྱ་སྟེ། དེ་ལ་སྐྱབས་སུ་སོང་ན་གདོན་མི་ཟ་བར་དཔུང་གཉེན་དུ་གྱུར་ཏེ། བགེགས་ལས་རྣམ་པར་ཐར་བར་འགྱུར་རོ།། བརྒྱ་བྱིན་གྱིས་སྤྲས་པ། ་གལ་ཏེ་བྱང་ཆུབ་སེམས་དཔའ་ཡིན་ན། སྔར་བགམ་དགོས་ཀྱིས་སད་དུ་འདོང་ངམ། ཁྱོད་ནི་ཕུག་རོན་གཅིག་ཏུ་སྤྲུལ་ཞིག། ང་ནི་ཁྲ་ཞིག་ཏུ་སྤྲུལ་ཏེ། མགྱོགས་པར་ཁྱོད་ཀྱི་ཕྱི ་བཞིན་དུ་ཁོང་གིས། རྒྱལ་པོ་དེ་གང་ན་བཞུགས་པར་སོང་ལ་སྐྱབས་བཙལ་ན། བགམ་པ་དེས་རྒྱུ་ཡོད་དམ། བདེན་པ་རྟོགས་པར་འགྱུར་རོ།། བི་ཤཱ་ཀ་ར་མས་སྨྲས་པ། ལྷའི་དབང ་པོ་སྐྱེས་བུ་ཆེན་པོ་བྱང་ཆུབ་སེམས་དཔའ་ལ་འཚེ་བ་ནི་མི་གཤའི། མཆོད་པའི་རིགས་ཀྱིས་ཤིན་ཏུ་དཀའ་བའི་དངོས་པོ་འདི་ལྟ་བུས་གཙེ་བའི་མི་རིགས་སོ་ཞེས་སྨྲས་པ་དང་། བརྒྱ ་བྱིན་ལྷའི་དབང་པོས་ཚིགས་སུ་བཅད་པ་འདི་སྨྲས་སོ། ། བདག་ནི་དེ་ལ་ངན་སེམས་མིན།། གསེར་ལྟར་སད་ན་མངོན་པར་འགྱུར།། བདེན་པ་རྟོགས་པར་འདོད་ན་ནི།། བྱང་ཆུབ་སེམས ་དཔའང་སད་པར་བྱ། ། ཚིགས་སུ་བཅད་པ་དེ་སྐད་ཅེས་སྨྲས་ནས། བི་ཤྭ་ཀར་མ་ནི་ཕུག་རོན་དུ་སྤྲུལ། བརྒྱ་བྱིན་ནི་ཁྲ་ཞིག་ཏུ་སྤྲུལ་ནས། ཕུག་རོན་གྱི་ཕྱི་བཞིན་དུ་བདས་ཏེ་བཟུང ་ལ་ཐུག་པ་ལྟར་བྱས་པ་དང་། ཕུག་རོན་སྐྲག་དངངས་ནས་རྒྱལ་པོའི་མཆན་ཁུང་དུ་ཞུགས་ཏེ། རྒྱལ་པོ་ལ་སྲོག་གི་སྐྱབས་གསོལ་ཏོ།། ཁྲ་ཡང་མོད་ལ་ཕྱིན་ཏོ།། ཕོ་བྲང་གི་དྲུང ་གང་ན་བ་དེར་འདུག་ནས་རྒྱལ་པོ་ལ་འདི་སྐད་ཅེས་སྨྲས་སོ། ། ཕུག་རོན་འདི་ནི་བདག་གི་ཟས་ལགས་ཏེ། འདིར་རྒྱལ་པོ་ལ་བབས་ཀྱིས། མྱུར་དུ་བདག་ལ་སྩོལ་ཅིག། བདག་ནི ་བཀྲེས་པས་རབ་ཏུ་ཉེན་ཏོ། ། རྒྱལ་པོས་སྨྲས་པ། ཁོ་བོས་ནི་གང་བདག་ལ་སྐྱབས་སུ་འོངས་སོ་ཅོག་ལ་ཕྱིར་མི་གཏོང་བར་དམ་བཅས་པས་འདི་ཡང་མི་སྨིན་ནོ་ཞེས་སྦས་པ་དང་། ཁྲས ་ཡང་སྨྲས་པ། རྒྱལ་པོས་གསུངས་པ་ལས་ཐམས་ཅད་ཀྱི་སྐྱབས་མཛད་དོ་ཞེ་ན། གལ་ཏེ་བདག་གི་ཟས་མི་སྩལ་ན། བདག་ཀྱང་འཚོ་བ་དང་འབྲལ་ན། ཅི ་བདག་ཀྱང་ཐམས་ཅད་ཀྱི་ནང་དུ་མ་གཏོགས་སམ། རྒྱལ་པོས་སྨྲས་པ། ཁྱོད་ལ་ཤ་གཞན་ཞིག་སྦྱིན་ན་ཟ་འམ། སྨྲས་པ། བདག་ནི་གསར་དུ་བཀུམ་པའི་ཤ་རློན་པ་མཆིས་ན་བདག ་འཚལ་ལོ་ཞེས་སྨྲས་པ་དང་། རྒྱལ་པོ་དེས་འདི་སྙམ་དུ་བསམས་སོ།། ད་བདག་གིས་གསར་དུ་བསོད་པའི་ཤ་རློན་པ་ཞིག་སྦྱར་ན་ནི། གཅིག་བསད་དེ་གཅིག་གསོས་པས་རིགས་པ་མ ་ཡིན་ཏེ། དོན་མེད་དོ་སྙམ་བསམས་ནས། ཡང་འདི་སྙམ་དུ་བསམས་སོ།། བདག་འབའ་ཞིག་གི་ལུས་མ་གཏོགས་པར་གཞན་ཇི་ཙམ་སྲོག་དང་བཅས་པ་ཐམས་ཅད་ནི་སྲོག་འཕངས ་སོ་སྙམ་བསམས་ནས། གྲི་རྣོན་པོ་ཐོགས་ཏེ་བརླའི་ཤ་བཅད་ནས་ཁྲ་ལ་བྱིན་ཏེ་ཕུག་རོན་གྱི་སྲོག་བླུས་སོ།། ཁྲས་སྨྲས་པ། རྒྱལ་པོ་ཁྱོད་སྤྲིན་བདག་ཏུ་གྱུར་ཏེ་ཐམས་ཅད་ལ་སྙོམས་ན། ་བདག་བྱ་ཆུང་ངུ་ཞིག་ལགས་ཀྱང་སྙོམས་པར་མཛད་འཚལ་བས། གལ་ཏེ་ཕུག་རོན་གྱི་སྲོག་བླུ་ན་སྲང་གིས་བཅལ་ཏེ་མཉམ་པར་མཛད་དུ་གསོལ་ཞེས་སྨྲས་པ་དང་། རྒྱལ་པོས་སྲང་ལོང་ཞིག ་ཅེས་བཀའ་སྩལ་ཏེ། སྲང་གི་ཁུ་ལེར་ཕུག་རོན་བཞག། སྲང་གི་གཞིར་ནི་ཤ་བཅད་པ་སྤུངས་ན། བརླའི་ཤ་ཟད་ཀྱང་ཕུག་རོན་པས་ཡང་ངོ་།། ཕྲག་པ་གཉིས་དང་། རྩིབ་ལོགས ་གཡས་གཡོན་དང་། ལུས་ཀྱི་ཤ་ཟད་པར་བཅད་ཀྱང་ཕུག་རོན་དང་མཉམ་པར་མ་གྱུར་ནས། རྒྱལ་པོ་དེ་ཉིད་བཞེངས་ཏེ་སྲང་གི་ནང་དུ་འགྲོ་བར་གཟས་པ་ལས། ཉམས་ཀྱིས་མ་ནུས་ཏེ། ་ས་ལ་འགྱེལ་ནས་བརྒྱལ་ལོ།། དེ་ནས་རིང་ཞིག་ལོན་པ་དང་དྲན་པར་གྱུར་ནས། བདག་གི་སེམས་ལ་འདི་སྐད་ཅེས་སྤང་ངོ་།། ཐོག་མ་མེད་པའི་དུས་ནས་ཁྱོད་ཀྱིས་མ་ནུས་པས་ཁམས ་གསུམ་དུ་འཁོར་ཞིང་སྡུག་བསྔལ་སྣ་ཚོགས་མྱོང་བར་གྱུར་ཀྱང་བསོད་ནམས་ཀྱི་ཚོགས་སུ་མ་གྱུར་ཏོ། ། བརྩོན་འགྲུས་བརྩམ་པའི་དུས་ལ་བབ་སྟེ། ལེ་ལོ་བྱ་བའི་དུས་འདི་མ་ཡིན་ནོ་ཞེས་རྣམ་པ ་སྣ་ཚོགས་ཀྱི་སྒོ་ནས་བརྒྱད་བཀག་སྟེ། དེ་ལས་འབད་འབད་ནས་དེ་ནས་སྲང་གཞིའི་ནང་དུ་ཕྱིན་པ་དང་། ད་ནི་ལེགས་སོ་ཞེས་རབ་ཏུ་དགའ་བའི་སེམས་སྐྱེས་སོ།། དེའི་ཚེ་ན་གནམ་ས་རྣམ ་པ་དྲུག་ཏུ་གཡོས་པས་ལྷ་རྣམས་ཀྱི་ཕོ་བྲང་ཡང་འགུལ་ཞིང་ལྡེག་པར་གྱུར་ཏེ། གཟུགས་ཀྱི་ཁམས་ཀྱི་ལྷ་མན་ཆད་ཐམས་ཅད་ལྷགས་ནས་སྟེང་གི་བར་སྣང་ལ་འཁོད་དེ། བྱང་ཆུབ་སེམས ་དཔས་ཤིན་ཏུ་དཀའ་བ་སྤྱད་ཅིང་ལུས་ཀྱང་གཏན་མ་རུང་བར་བྱས་ཏེ། ཆོས་ཀྱི་ཕྱིར་ལུས་དང་སྲོག་ལ་མི་ལྟ་བར་གྱུར་པའི་དངོས་པོ་དེ་དག་མཐོང་ནས། མཆི་མ་ཆར་བཞིན་དུ་ཟག་ཅིང་ངུས་ཏེ ་ལྷ་རྫས་ཀྱི་མེ་ཏོག་ཆར་བཞིན་དུ་བབ་ནས་མཆོད་པ་བྱས་སོ། ། དེའི་ཚེ་ན་བརྒྱ་བྱིན་གྱིས་སྔོན་གྱི་ལུས་སུ་བསྒྱུར་ཏེ། རྒྱལ་པོ་ལ་འདི་སྐད་ཅེས་སྨྲས་སོ།། རྒྱལ་པོས་འདི་ལྟ་བུའི་ཤིན་ཏུ ་དཀའ་བ་མཛད་པ་འདིས་ཀྱི་ཞིག་བཞེད། འཁོར་ལོས་སྒྱུར་བའི་རྒྱལ་པོ་བཞེད་དམ། བརྒྱ་བྱིན་ནས། བདུད་ཀྱི་རྒྱལ་པོ་འམ། ཁམས་གསུམ་གྱི་དབང ་པོ་བཞེད་དམ། ཅི་བཞེད་ཅེས་སྨྲས་པ་དང་། བྱང་ཆུབ་སེམས་དཔས་སྦས་པ། བདག་འདོད་པ་ནི་ཁམས་གསུམ་གྱི་ཆེ་བ་བཙན་པའི་ལོངས་སྤྱོད་འདོད་པ་མ་ཡིན་གྱི། བསོད་ནམ ་ནི་བྱེད་ཀྱང་བླ་ན་མེང་བའི་བྱང་ཆུབ་འདོད་དོ། ། བརྒྱ་བྱིན་གྱིས་སྦས་པ། འདི་ལྟར་ལུས་ཞིག་ཅིང་མ་རུང་བར་བྱས་ཏེ། རུས་པ་ལ་ཐན་པའི་སྡུག་བསྔལ་མྱོང་བར་གྱུར་པ་འདི་ལ་མོ་འགྱོང ་ངམོ་ཞེས་སྨྲས་ན། རྒྱལ་པོས་འགྱོད་པ་མེད་དོ་ཞེས་སྨོས་སོ།། བརྒྱ་བྱིན་གྱིས་སྨྲས་པ། འགྱོད་པ་མེད་ཅེས་སྤྲས་མོད་ཀྱི། ད་ལྟར་ལུས་འདྲར་ཞིང་ལྡེག་ལ་དབུགས་ཆང་པ་ཙམ་དུ ་ཡང་མ་ནུས་པ་ལས་བཟླས་ན། བགྱོད་པ་མེད་པར་ཙས་ཡིད་ནུས་པར་འགྱུར། རྒྱལ་པོས་སྨྲས་པ། བདགེ་ཐོགས་ནས་ཐ་མའི་བར་དུ་བསྒྲའི་ལྷག་མ་ཙེས་ཀྱི་འབྱུང་བཐམམས་མ ་བདག་ཅིང་ཅི་འདོད་པ་གཛིནམ་པ་པར་འགྲུག་སྟེ། སྨྲས་པའི་ཚིག་འདི་བདེན་ན། བདེན་པའི་ཚིག་སྨྲས་པས། བདག་གི་ལུས་འདི་སྙམ་པ་བཞིན་དུ་མ་མེད་པར་མྱུར་ཙུས་ཅེས་རྣམ ་ག་ཏུ་རྒྱལ་བའི་ལུས་སྔོན་པས་ཀྱང་ལྷག་པར་བབང་བར་གྱུར་ཏེ། ལྷ་དང་འཇིག་རྟེན་དུ་བཅས་པ་ཐམས་ཅད་དགའ་སགུ་ངས་ནས་ངོམ་ཆེར་ཐང་དུ་གྱུར་ཏོ།། དེའི་མ་ངོའི་འདུས་རྒྱ ་པོ་ཤི་བ་ནི་ད་ལྟར་སངས་རྒྱས་ལགས་ཏེ། བཅོམ་ལྡན་འདས་སྔོན་འདས་པའི་དུས་ན་ཡང་སེམས་ཅན་མང་པོའི་སླད་དུ་སྐུ་ཚེལ་མ་གཟིགས་ན། ད་བཅོམ་ལྡན་འདས་ཆོས་ཀྱི་རྒྱ་མཚན ་ཡོངས་སུ་རྫོགས། ཆོས་ཀྱི་རྒྱལ་མཚན་ནི་བསྒྲེང་། ཆོས་ཀྱི་རྔ་ཡང་རབ་ཏུ་བརྡུངས། ཆོས་ཀྱི་སྒྲོན་མ་ཡང་གསལ་བར་མཛད་དེ། ཕན་པ་དང་བདེ་བའི་དོན་མཛད་པའི་དུས་ལ་བབ ་ན་ཅིའི་སླད་དུ་ཆོས་ཀྱང་མ་བསྟན་པར་སེམས་ཅན་ཐམས་ཅད་ཡོངས་སུ་བཏང་སྟེ། མྱ་ངན་ལས་འདའ་བར་དགོངས། དེའི་ཚེ་ན་ཚངས་པའི་རྒྱལ་པོས་དེ་བཞིན་གཤེགས་པའི་སྤྱན ་སྔར་ཐལ་མོ་སྦྱར་ཏེ། དེ་བཞིན་གཤེགས་པས་སྔོན་གྱི་སྐུ་ཚེ་ལ་ཆོས་ཇི་ལྟར་བཙལ་བ་དང་། སེམས་ཅན་གྱི་སླད་དུ་དབུ་སྟོང་ཙམ་ཡང་བཏང་བར་གྱུར་ཏོ་ཞེས་བསྔགས་ཤིང་བསྟོད་པ ་བྱས་སོ། ། ར་དེའི་ཚེ་ན་བཅོམ་ལྡན་འདས་ཚངས་པའི་རྒྱལ་པོས་གསོལ་བ་བཞིན་དུ་གནང་བ་མཛད་ནས། ཡུལ་ཝཱ་རཱ་ཎཱ་སི་ན་རི་དགས་ལ་མི་འཇིགས་པ་བྱིན་པའི་གནས་སུ་གཤེགས ་ནས་ཆོས་ཀྱི་འཁོར་ལོ་བསྐོར་རོ། ། དེ་ལྟར་ཆོས་ཀྱི་འཁོར་ལོ་བསྐོར་བས། དཀོན་མཆོག་གསུམ་ཡང་འཇིག་རྟེན་ན་མངོན་སུམ་དུ་གྱུར་ཏོ།། དེའི་ཚེ་དེ་སྐད་ཅེས་གསུངས་ནས ་དང་མི་དང་། ཀླུ་དང་། གནོད་སྦྱིན་དང་། ལྷ་མ་ཡིན་སྡེ་བརྒྱད་ལ་སོགས་པ་ཐམས་ཅད་མངོན་པར་དགའ་ནས་རྗེས་སུ་སྤྱོད་དོ།། དཔེ་སྣ་ཚོགས་བསྟན་པའི་ལེའུ་སྟེ་དང་པོའོ།། ་སེམས་ཅན་ཆེན་པོས་སྟག་མོ་ལ་ལུས་བྱིན་པའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་བཅོམ་ལྡན་འདས་བསོད་སྙོམས་ཀྱི་དུས་ལ་བབ་ནས་ཤམ་ཐབས་དང་ཆོས་གོས་གསོལ། ལྷུང་བཟེད་བསྣམས་ནས ་ཀུན་དགའ་བོ་དང་བསོད་སྙོམས་ལ་གཤེགས་སོ། ། དེའི་ཚེ་གྲོང་ཁྱེར་དེ་ན་རྒན་མོ་ཞིག་ལ་བུ་རྟག་ཏུ་རྐུ་བ་གཉིས་ཤིག་ཡོད་དེ། ནོར་བདག་གིས་ཟིན་ནས་ཞལ་ཆེ་བའི་མདུན་དུ་ཁྲིད་དེ། ་ཁྲིམས་དང་སྦྱར་ནས་གསོད་པ་ལ་ཐུག་ནས་རིགས་ངན་བཀྲི་སྟེ་གསོད་པའི་གནས་སུ་ཁྲིད་པ་ལས། བཅོམ་ལྡན་འདས་རྒྱང་མ་ནས་གཤེགས་པ་རྒན་མོ་མ་སྨད་གསུམ་གྱིས་མཐོང་ནས། སང ་རྒྱས་གཤེགས་པའི་ཕྱོགས་སུ་ཕྱག་འཚལ་ཏེ། ལྷའི་ནང་ན་གཙོ་བོ་ཐུགས་བརྩེ་བར་དགོངས་ཏེ། བདག་གི་བུ་གུམ་པ་ལ་ཐུག་པ་འདིའི་སྐྱབས་མཛད་དུ་གསོལ་ཞེས་སྨྲས་པ། བཅོམ་ལྡན ་འདས་ཀྱིས་གསན་ནས། དེ་བཞིན་གཤེགས་པ་ཐུགས་རྗེ་ཆེན་པོས་དེ་དག་ལ་ཐུགས་བརྩེ་བར་དགོངས་ཏེ་དེ་དག་གི་སྲོག་བསྒྲུབ་པའི་སླད་དུ། བཅོམ་ལྡན་འདས་ཀྱིས། ཀུན་དགའ་བོ་ལ ་བཀའ་སྩལ་ཏེ། རྒྱལ་པོ་ལ་གསོལ་བ་འདེབས་སུ་བཏང་བ་དང་། རྒྱལ་པོས་ཀྱང་བཅོམ་ལྡན་འདས་ཀྱི་བཀའ་བཞིན་དུ་དེ་དག་བཏང་ངོ་།། དེ་དག་བཅོམ་ལྡན་འདས་ཀྱི་བཀའ་དྲིན་དྲན ་ཞིང་རབ་ཏུ་དགའ་བ་སྐྱེས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། ཞབས་ལ་སྤྱི་བོས་ཕྱག་འཚལ་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ་བཅོམ་ལྡན་འདས་ཀྱི་བཀའ་དྲིན་ཆེན་པོས་བདག་ཅག་གི་ཚེ་སྲོག་ལྷག་མ་ཙམ་ཞིག་ལུས་པར་གྱུར་ན། ལྷའི་གཙོ་བོ་ཐུགས་བརྩེ་བར་དགོངས་ཏེ། བདག་ཅག་ཆོས་ལ་རབ་ཏུ་འབྱུང་བར་ཅི་གནང ་ཞེས་གསོལ་པ་དང་། བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་པས། སྐྲ་དང་ཁ་སྤུ་རང་བྱི་སྟེ་གོས་ཀྱང་ངུར་སྨྲིག་ཏུ་གྱུར་ཏོ།། དེ་དག་ཤིན་ཏུ་དང་པོའི་སེམས་བརྟན ་པར་གྱུར་ནས། བཅོམ་ལྡན་འདས་ཀྱིས་ཅི་རིགས་པའི་ཆོས་བསྟན་པས་རྡུལ་དང་དྲི་མ་ཟད་དེ་དགྲ་བཅོམ་པར་གྱུར་ཏོ།། དེའི་མ་རྒན་མོ་ཡང་ཆོས་ཐོས་པས་ལན་ཅིག་ཕྱིར་མི་ལྡོག་པ་ཐོབ་པར ་གྱུར་ཏོ། ། དེའི་ཚེ་ཀུན་དགའ་བོས་དེ་ལྟ་བུའི་དངོས་པོ་ངོ་མཚར་ཆེ་བ་དག་མཐོང་ནས། དེ་བཞིན་གཤེགས་པ་ནི་ཡོན་ཏན་དེ་སྙེད་ཅིག་མངའ་འོ་ཞེས་བསྒྲགས་ཏེ། ཡང་འདི་སྙམ་དུ་རྒན་མོ་མ ་སླང་གསུམ་པོ་འདིས་སྔོན་ལེགས་པ་ཅི་ཞིག་བགྱིས་ན། བཅོམ་ལྡན་འདས་དང་ཕྲད་དེ་ཉེས་པ་ཆེན་པོ་ལས་ཀྱང་ཐར་ལ། མྱ་ངན་ལས་འདས་པའི་བདེ་བ་ཐོབ་ནས། ལུས་གཅིག་གིས་ཕན་པ་དང ་བདེ་བའི་དོན་ཐོབ་པ་ལེགས་སོ་སྙམ་བསམས་པ། བཅོམ་ལྡན་འདས་ཀྱིས་མཁྱེན་ནས། ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། མ་སྤང་གསུམ་པོ་འདི་ནི་ངས ་ད་ལྟར་འདི་འབའ་ཞིག་གི་དུས་སུ་གསོས་པར་མ་ཟད་ཀྱི། སྔོན་འདས་པའི་དུས་ན་ཡང་ངའི་བཀའ་དྲིན་གྱིས་གསོས་སོ།། ཀུན་དགའ་བོས་གསོལ་པ། བཅོམ ་ལྡན་འདས་སྔོན་འདས་པའི་དུས་ན་ཡང་མ་སྨད་གསུམ་པོ་འདི་ཇི་ལྟར་གསོས་པ། བཅོམ་ལྡན་འདས་ཀྱིས་བསྟན་དུ་གསོལ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། ་སྔོན་འདས་པའི་བསྐལ་པ་གྲངས་མེད་པའི་སྔ་རོལ་ན། འཛམ་བུ་གླིང་འདི་ན་རྒྱལ་པོ་ཤིང་རྟ་ཆེན་པོ་ཞེས་བྱ་བ་ཞིག་ཡོད་དེ། རྒྱལ་ཕྲན་ལྔ་སྟོང་སྙེད་ལ་དབང་བྱེད་དོ།། རྒྱལ་པོ་དེ་ཡང་སྲས་གསུམ ་མངའ་སྟེ། རབ་ནི་སྒྲ་ཆེན་པོ་ཞེས་བྱའོ།། འབྲིང་ནི་ལྷ་ཆེན་པོ་ཞེས་བྱའོ།། ཐ་ཆུང་ནི་སེམས་ཅན་ཆེན་པོ་ཞེས་བྱ་སྟེ། སྲས་ཐ་ཆུང་དེ་ཆུང་ངུ་ནས་བྱམས་པ་དང་སྙིང་རྗེར་ལྡན་ཏེ། ཐམས ་ཅད་ལ་བུ་གཅིག་པ་དང་འདྲའོ། ། དེའི་ཚེ་རྒྱལ་པོ་དེ་བློན་པོ་དང་བཅས། བཙུན་མོ་དང་སྲས་སུ་བཅས་ཏེ་ཕྱི་རོལ་ཏུ་འཆག་ཅིང་དོང་བ་ལས། ཅུང་ཟད་ཅིག་ངལ་བསོ་བའི་བར་དུ་སྲས་གསུམ་པོ ་ཚལ་གྱི་ནང་དུ་དོང་དོང་བ་ལས་སྟག་མོ་གཅིག་པུ་བྱུང་ནས་ཞག་དུ་མ་ལེན་པ་བཀྲེས་སྐོམ་པས་ཉེན་ཏེ། ཕྱིར་ཡང་བུ་ཟོས་ལ་ཐུག་པ་ཞིག་མཐོང་ནས་རྒྱལ་བུ་ཐ་ཆུང་དེས། ཕུ་བོ་གཉིས་ལ ་སྤྲསྨྲས་པ་སྟག་མོ་འདི་ཤིན་ཏུ་སྡུག་བསྔལ་གྱིས་གཟིར་ཏེ་ཉམ་ཆུང་ལ་རིད་པས་ཤི་ལ་ཐུག་པ་འདི་བུ་བྱུང་མ་ཐག་པ་ཡང་བོས་སུ་འོང་ངོ་ཞེས་སྨྲས་པ་དང་། ཕུ་བོ་གཉིས་ཀྱིས་ཁྱོད་ཟེར་བ ་བདེན་ནོ་ཞེས་སྨྲས་སོ། ། ནུ་བོས་ཡང་ཕུ་བོ་ལ་སྨྲས་པ། སྟུག་མོ་འདི་ཟས་སུ་ཙི་ཐ་ཞེས་དྲིས་ན། ཕུ་བོ་གཉིས་ཀྱིས་བསད་མ་ཐག་པའི་ཤ་རློན་དང་ཁྲག་དྲོན་གྱིས་དེའི་ཡིད་ཚིམ་པར་འགྱུར། ་རོ་ཞེས་སྨྲས་སོ།། ཡང་སྤྲས་པ། གང་སུ་ཡང་དེ་ལྟ་བུའི་དངོས་པོས་འདིའི་སྲོག་བསྐྱབས་ཏེ་མི་ཉེས་པར་བྱེད་ནུས་པ་ཡོད་དམ། བུ་བོ་གཉིས་ཀྱིས་སྨྲས་པ། དེ་ནི་ཤིན་ཏུ་ཡང་དཀའ ་བས་མེད་དོ། ། དེ་ནས་རྒྱལ་བུ་ཐ་ཆུང་དེས་ཡིད་ལ་འདི་སྙམ་དུ་བསམས་སོ།། བདག་ཡུན་རིང་པོ་ནས་འཁོར་བ་ན་འཁོར་ཞིང་ལུས་དང་སྲོག་གྲངས་མེད་པ་ཞིག་ཆུད་གསན་ཏེ། བར་འགའ་ནི་འདོད ་ཆགས་ཀྱི་ཕྱིར། བར་འགའ་ནི་ཞེ་སྡང་གི་ཕྱིར། བར་འགའ་ནི་གཏི་མུག་གི་ཕྱིར་ལུས་བཏང་སྟེ། ཆོས་ཀྱི་ཕྱིར་བསོད་ནམས་ཀྱི་ཞིང་དང་ལན་འགའ་ཡང་མ་ཕྲད་པའི་ལུས་འདི་ཅི་རུང ་སྙམ་བསམ་པ་ཐག་བཅད་ནས། གསུམ་ཆར་འགྲོགས་ཏེ་སོང་བ་ལས་རིང་པོར་མ་ཕྱིན་པར་ཕུ་བོ་གཉིས་ལ་འདི་སྐད་ཅེས་སྨྲས་སོ།། མཆེད་གཉིས་སླར་གཤེགས་ཤིག་དང་། བདག ་དོན་ཅིག་གཉེར་ཏེ་སླད་བཞིན་དུ་བསླབས་པར་མཆིའོ་ཞེས་སྨྲས་ནས། ལམ་དེ་ཉིད་དུ་ཞུགས་ཏེ། སྟག་མོའི་ཚང་གང་ན་འདུག་པར་མྱུར་དུ་སོང་ནས་སྟག་མོའི་དྲུང་དུ་ཉལ་བ་དང་། སྟག ་མོ་ཁ་འཐམས་ནས་ཟ་མ་ནུས་སོ། ། དེའི་ཚེ་རྒྱལ་བུས་ཤིང་གི་ཚལ་བ་རྣོན་པོས་ལུས་ལ་ཕྲག་ཕྱང་ནས་སྟག་མོ་བ་ལྡག་ཏུ་བཅུག་པ་དང་། ཁཾ་ཡང་ཕྱེད་ནས་ལུས་ཀྱི་ཤ་མ་ལུས་པར་ཟོས་སོ།། ་ཕོ་བོ་གཉིས་ཀྱིས་བསྡད་ནས་རིང་མོ་ཞིག་ཏུ་མ་འོངས་པས་ཕྱིར་རྗེས་བཞིན་དུ་འཚོལ་དུ་དོང་བ་ལས་སྔར་སྨྲས་པའི་ཚུལ་ལ་བརྟགས་ནས། གདོན་མི་ཟ་བར་སྟག ་མོ་ལྟོགས་པ་བསྙོད་དུ་སོང་ངོ་སྙམ་བསམས་ནས་དེར་ཕྱིན་ཏེ་བལྟས་པ་ན། ནུ་བོ་ཐ་ཆུང་སྟག་གིས་བོས་ཏེ། ཤ་དང་ཁྲག་གིས་ཀུན་ཏུ་བསྒོས་ནས་བཙོག་བཙོག་ལྟར་འདུག་པ་མཐོང་ནས ་ལུས་ས་ལ་བརྡབས་ཏེ་བརྒྱལ་ལོ། ། རིང་ཞིག་ལེན་པ་དང་དབུགས་ཕྱིར་ཕྱུང་ནས་ཆོ་ངེས་བཏབ་སྟེ་ས་ལ་འགྲེ་ཞིང་འཁམས་པར་གྱུར་ཏེ།། དེའི་ཚེ་ན་བཙུན་མོ་ཡུམ་མནལ་བའི་རྨི་ལམ་དུ ་ཕུག་རོན་གསུམ་ཞིག་ཀུན་ཏུ་འཕུར་ཞིང་རྩེ་བ་ལས། ནང་གི་ཆུང་བ་གཅིག་ཁྲས་ཁྱེར་བ་སྙམ་རྨིས་མ་ཐག་ཏུ་སད་ནས་སྔངས་སྐྲག་སྟེ། རྒྱལ་པོ་ལ་བསྙད་དོ།། བདག་གིས་གཏམ ་དུ་ཐོས་ན། ཕུག་རོན་ནི་བུའི་བླ་སྟེ། ཕུག་རོན་ནང་གི་ཆུང་ངུ་ཁྲས་ཁྱེར་བ་ལས། བདག་གི་བུ་ནང་གི་སྡུག་པ་བཀྲ་མི་ཤིས་སུ་ངས་ཀྱིས། དེ་མ་ཐག་ཏུ་ཀུན་ཏུ་འཚོལ་བ་བཏང་བ་ལས། ་རིང་པོར་མ་ལོན་པར་བུ་གཉིས་ནི་འོངས་ཀྱི། བུ་ནང་གི་སྡུག་པ་ཅང་མཉེས་སམ་ག་རེ་ཞེས་དྲིས་ནས། ཕུ་བོ་གཉིས་སྐད་ཀྱིས་བརྣངས་ཏེ། རིང་ཞིག་ཏུ་དབུགས་ཀྱང་མ་ཕྱིན་སྨྲ་ཡང ་མ་ནུས་ནས། དེའི་འོག་ཏུ་དབུགས་ཕྱིན་པ་དང་། སྟག་གིས་ཟོས་སོ་ཞེས་སྨྲས་སོ།། ལྷ་མོས་དེ་སྐད་ཅེས་སྨྲས་པ་ཐོས་ནས་འཁམས་ཏེ་ས་ལ་འགྱེལ་ནས། རིང་ཞིག་ལོན་པ་དང ་དབུགས་བྱིན་ཏེ། བུ་གཉིས་དང་། བཙུན་མོ་དང་། ཕོ་བྲང་སླས་སུ་བཅས་ཏེ་མྱུར་བར་རྒྱལ་བུ་གང་དུ་ཚེ་འཕོས་པའི་གནས་སུ་སོང་ངོ་།། དེའི་ཚེ་ན་སྟག་མོས་རྒྱལ་བུའི་ཤ་ནི་ཟད་པར་ཟོས་ཀྱི། ་རུས་པ་དང་ཁྲག་འབའ་ཞིག་ས་ལ་བཙོག་བཙོག་ལྟར་འདུག་པ་མཐོང་ནས། བཙུན་མོས་ནི་མགོ་ནས་བཟུང་། རྒྱལ་པོས་ནི་ལག་པ་གཟུང་སྟེ་ཆོ་ངེས་བཏབ་ནས་ངུས་པ་དང་། དེར་ཡང ་འཁམས་ནས་རིང་ཞིག་ལོན་པ་དང་ཕྱིར་སངས་སོ། ། རྒྱལ་བུ་སེམས་ཅན་ཆེན་པོ་དེ་དེར་ཚེ་འཕོས་ནས་དགའ་ལྡན་ལྷའི་གནས་སུ་སྐྱེས་སོ།། དེ་ཅིའི་ཕྱིར་ཅི་སྤྱད་པས་འདིར་སྐྱེས་སྙམ་བསམས ་ཏེ། ལྷའི་མིག་གིས་རྒྱུད་ལྔ་ཀུན་ཏུ་བརྟགས་ན་བདག་ཚེ་འཕོས་པའི་རུས་བུ་ཚལ་ན་འདུག་པ་ལ་ཕ་མས་བསྐོར་ཏེ་ཤིན་ཏུ་ཡིད་ལ་གཅགས་པས་མྱ་ངན་གྱི་ཟུག་རྔུས་སྡུག་བསྔལ་ཞིང་ཆོ་ངེས་འདེབས ་པབ་མཐོང་ནས། ལྷས་བསམས་པ། བདག་གི་ཕ་མ་འདི་ལྟར་མི་དགའ་བའི་རྐྱེན་གྱིས་གལ་ཏེ་ན་ལུས་དང་སྲོག་གི་བར་ཆད་དུ་འགྱུར་གྱིས། དེ་ལ་སྤྲོ་བ་བསྐྱེད་ཅིང་གཏམ་བྱར་འགྲོ་སྙམ ་བསམས་ནས་ནམ་མཁའ་ལས་བབས་ཏེ། སྟེང་གི་ནམ་མཁའ་ལས་ཚིག་སྙན་པ་རྣམ་པ་སྣ་ཚོགས་ཀྱིས་ཕ་མ་གཉིས་སྤྲོ་བ་བསྐྱེད་དོ།། ཕ་མ་གཉིས་ཀྱིས་ནམ་མཁར་བལྟས་ནས། ལྷ ་ཁྱོད་སུ་ཞིག་བདག་ལ་སྨྲོས་ཤིག་ཅེས་སྨྲས་པ་དང་། ལྷས་སྨྲས་པ། བདག་ནི་རྒྱལ་བུ་སེམས་ཅན་ཆེན་པོ་ཞེས་བྱ་བ་ཡིན་ཏེ། བདག་གིས་ལུས་སྟག་མོ་ལྷོགས་པ་ལ་བྱིན་ནས་དགའ་ལྡན ་གནས་སུ་སྐྱེས་སོ། ། རྒྱལ་པོ་ཆེན་པོ་འདི་ལྟར་མཁྱེན་པར་མཛོད་ཅིག། ཇི་ཙམ་དུ་སྲིད་པ་དང་བཅས་པའི་ཆོས་མཐར་འཇིག་པ་འོང་། སྐྱེ་བ་ཡོད་ན་ངེས ་པར་འཇིག་གོ། ། སྡིག་པ་བྱས་ན་སེམས་ཅན་དམྱལ་བར་ལྷུང་གི། དགེ་བ་བྱས་ན་མཐོ་རིས་སུ་སྐྱེ་སྟེ། སྐྱེ་བ་དང་འཇིག་པ་ནི་ཀུན་ལ་སྲིད་ན། ཅིའི་སླད་དུ་བདག་འབའ་ཞིག་གི་ཕྱིར་མྱ ་ངན་གྱི་རྒྱ་མཚོར་ལྷུང་བ་མཚོར། དགེ་བའི་ཕྱོགས་ལ་བརྩོན་འགྲུས་མཛོད་ཅིག། དེའི་ཕ་མས་སྤྲོས་པ། ཁྱོད་ནི་སྙིང་རྗེ་ཆེན་པོས་སྟག་མོ་བསྟོད་དེ་ཐམས་ཅད་ལ་སྙིང་བརྩེ་བ་ཡིན་ན ་བདག་ཅག་བཏང་སྟེ་ཚེའི་དུས་བྱས་པས་ངེད་ཁྱོད་དྲན་པའི་ཕྱིར། ཤ་ཡང་དུམ་བུ་དུམ་བུར་བཅད་པ་ཙམ་དུ་སྡུག་བསྔལ་གྱིས་གདུངས་ན་སྙིང་རྗེ་ཆེན་པོ་སྤྱོད་པ་ཁྱོད་འདི་ལྟར་བྱ་བར་རིགས་སམ། ་དེ་ནས་ཡང་ལྷ་དེས་ཚིག་སྙན་པ་རྣམ་པ་སྣ་ཚོགས་ཀྱི་སྒོ་ནས་བཤགས་ཏེ་སྤྲོ་བ་བསྐྱེད་པས། དེའི་ཕ་མ་ཡང་སྤོ་བ་ཅུང་ཟད་སྐྱེས་ནས་རིན་པོ་ཆེ་སྣ་བདུན་གྱི་སྒྲོམ་བྱས་ཏེ། རུས་བུ་ནང་དུ་བཅུག ་ནས་སྦས་པའི་སྟེང་དུ་མཆོད་རྟེན་བྱས་སོ། ། ལྷ་ཡང་ཕྱིར་གནས་སུ་སོང་ངོ་།། རྒྱལ་པོ་དང་འཁོར་མང་པོ་རྣམས་ཀྱང་ཕྱིར་ཕོ་བྲང་དུ་འོངས་སོ།། བཅོམ་ལྡན་འདས་ཀྱིས། ་ཀུན་དགའ་བོ་ལ་བཀའ་སྩལ་པ། ཁྱོད་ཀྱི་ཡིད་ལ་ཇི་སྙམ། དེའི་ཚེ་དེའི་དུས་ན་རྒྱལ་པོ་ཤིང་རྟ་ཆེན་པོ་དེ་སུ་ཡིན་སྙམ་དུ་སེམས་ན། དེ་ནི་ད་ལྟར་ངའི་ཡབ་རྒྱལ་པོ་ཙང་མ་ཡིན་ནོ།། ་དེའི་ཚེ་དེའི་དུས་ན་རྒྱལ་པོ་དེའི་བཙུན་མོ་དེ་ནི་ཡུམ་ལྷ་མཛེས་ཡིན་ནོ།། དེའི་དུས་ན་སྲས་རབ་སྒྲ་ཆེན་པོ་ནི་བྱམས་པ་ཡིན་ནོ།། སྲས་འབྲིང་པོ་ལྔ་ཆེན་པོ་ནི་བ་སུ་མི་ར་ཡིན་ནོ།། དེའི་ཚེ་དེའི་དུས ་ན་རྒྱལ་བུ་ཐ་ཆུང་སེམས་ཅན་ཆེན་པོ་དེ་ནི་གཞན་དུ་མ་སེམས་ཤིག་ད་ལྟར་ང་ཡིན་ནོ། ། དེའི་དུས་ན་སྟག་ཕྲུག་ནི་མི་འདི་གཉིས་ཡིན་ཏེ། ངས་སྔོན་ཡང་ཡུན་རིང་པོ་ནས་བགེགས་ལས ་ཐར་པར་བྱས་ཏེ་སྲོག་བསྐྱབས་ནས་བདེ་བར་བྱས་སོ། ། ང་མངོན་པར་སངས་རྒྱས་ནས་ཀྱང་བགེགས་ལས་ཐར་པར་མཛད་ནས། འཁོར་བའི་སྡུག་བསྔལ་ཆེན་པོ་དང་ཡོངས་སུ་བྲལ་ལོ།། ་དེའི་ཚེ་ན་ཀུན་དགའ་བོ་དང་། འཁོར་མང་པོ་ཐམས་ཅད་བཅོམ་ལྡན་འདས་ཀྱིས་གསུངས་པ་ལ་ཡི་རངས་ཏེ་མངོན་པར་དགའ་འོ།། སེམས་ཅན་ཆེན་པོས་སྟག་མོ་ལ་ལུས་བྱིན ་པའི་ལེའུ་སྟེ་གཉིས་པའོ། ། །། ཀུན་ཏུ་རྒྱུས་ཚུལ་ཁྲིམས་བསྲུངས་པའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད ་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ན་ནམ་གྱི་ཆ་སྟོད་ན་ལྷ་གཉིས་ཤིག་སངས་རྒྱས་གང་ན་བ་དེར་འོངས་སོ།། ལྷ་དེའི་ལུས་ཀྱི ་འོད་ཀྱིས་རྒྱལ་བུ་རྒྱལ་བྱེད་ཀྱི་ཚལ་གསེར་གྱི་མདོག་ལྟར་གཅིག་ཏུ་སྣང་བར་བྱས་སོ། ། དེ་ལ་བཅོམ་ལྡན་འདས་ཀྱིས་ཅི་རིགས་སུ་དམ་པའི་ཆོས་བསྟན་པས་སེམས་རྣམ་པར་གྲོལ་ཏེ། ་གཉིས་ཀ་བྱང་ཆུབ་ཀྱི་འབྲས་བུ་ཐོབ་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱིར་ཡང་ལྷའི་གནས་སུ་དོང་ངོ་།། ཕྱིད་ཉིན་ནས ་ལངས་མ་ཐག་ཏུ་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། མ་དང་ལྷ་གཉིས་ཤིག་མཆིས་ཏེ། བཅོམ་ལྡན་འདས་ལ་བསྙེན་བཀུར་བགྱིས་ནས་དེའི་ལུས ་ཀྱི་འོད་ཀྱིས་ཀུན་ཏུ་སྣང་ཞིང་མཛེས་པར་བགྱིས་པ་འདི་སྔོན་ལས་ཅི་ཞིག་བགྱིས་ན། དེ་ལྟ་བུའི་འབྲས་བུ་ཐོབ་པར་གྱུར་ཅེས་གསོལ་པ་དང་། བཅོམ་ལྡན་འདས་ཀྱིས། ཀུན་དགའ་བོ ་ལ་འདི་སྐད་ཅེས་བཀའ་སྩལ་ཏོ། ། སྔོན་སངས་རྒྱས་འོད་སྲུངས་མྱ་ངན་ལས་འདས་ནས་དམ་པའི་ཆོས་འཇིག་ཏུ་ཉེ་བ་ན། བྲམ་ཟེ་གཉིས་ཤིག་ཉིན་ཞག་གཅིག་པའི་ཚུལ ་ཁྲིམས་བརྒྱད་མནོས་ཏེ། དེ་ལ་གཅིག་གིས་ནི་ལྷར་སྐྱེ་བར་ཤོག་ཅིག་ཅེས་སྨོན་ལམ་བཏབ་བོ།། གཅིག་གིས་ནི་རྒྱལ་པོར་གྱུར་ཅིག་ཅེས་སྨོན་ལམ་བཏབ་ནས་ཕྱིར་ཁྱིམ་དུ་དོང་ངོ་།། ་དེ་ལ་གཅིག་ཁྱིམ་དུ་འོངས་ནས་ཆུང་མས་ཟན་ལ་བོས་ན། ཁྱོས་འདི་སྐད་ཅེས་སྨྲས་སོ།། བདག་སངས་རྒྱས་ཀྱི་ཆོས་ལས་ཕྱི་དྲོ་ཁ་ཟས་མི་ཟ་བའི་ཁྲིམས་མནོས་ཀྱིས་མི་འདོང་ངོ་།། ཆུང ་མས་སྤྲས་པ། ཁྱོད་ནི་ཀུན་ཏུ་རྒྱུ་ཡིན་ཏེ། བདག་ཅག་གི་ཆོས་ཀྱི་ཚུལ་ཁྲིམས་ཡོད་ན། ཅིའི་ཕྱིར་སྟོན་པ་གཞན་གྱི་ཚུལ་ཁྲིམས་ནོད། གལ་ཏེ་བདག་དང་ལྷན་ཅིག་ཟན་མི་ཟན ་ཁྱོད་ཇི་སྐད་སྨྲས་པ་བཞིན་དུ་ཀུན་ཏུ་རྒྱུ་གཞན་དག་ལ་བསྙད་དེ། ཁྱོད་དང་ལྷན་ཅིག་ཏུ་འདུ་ཞིང་གཏམ་ཟེར་དུ་མི་གནང་བར་སློང་དུ་གཞུག་གོ། དེ་སྐད་ཅེས་སྨྲས་པ་དང་། ཁྱོས་མ ་བཟོད་དེ་དངངས་སྐྲག་ནས། ཆུང་མ་དང་ལྷན་ཅིག་དུས་མ་ཡིན་པར་ཟན་ཟོས་སོ།། མི་དེ་གཉིས་ཚེའི་དབང་ཐང་ཇི་ཙམ་ཐུབ་པ་བཞིན་དུ་སོ་སོ་ནས་ཚེའི་དུས་བྱས་ནས། རྒྱལ་པོར་སྨོན ་པ་དེ་ནི་ཚུལ་ཁྲིམས་བསྲུངས་པས་རྒྱལ་པོའི་རིགས་སུ་སྐྱེས་སོ། ། ལྷར་སྐྱེ་བར་སྨོན་པ་དེ་ནི་ཚུལ་ཁྲིམས་ཉམས་པས་ཀླུ་ཞིག་ཏུ་སྐྱེས་སོ།། དེའི་ཚེ་ན་རྒྱལ་པོའི་བཟའ་ཤིང་གི་ར་བ ་བསྲུང་བ་ཞིག་ཉིན་གཅིག་བཞིན་དུ་ཤིང་ཐོག་རྣམ་པ་སྣ་ཚོགས་སྐེལ་སྐྱེལ་བ་ལས་ཕྱིས་དུས་གཅིག་ཅིག་ན། ཆུ་མིག་གཅིག་གི་ནང་ནས་ཀུ་ཤུ་ཁ་དོག་དང་དྲི་བསུང་དུ་ལྡན་པ་ཞིག་རྙེད་ནས ་འདི་སྙམ་དུ་བསམས་སོ། ། བདག་ཤིང་ཐོག་སྐྱེལ་ཞིང་ཕན་ཚུན་འགྲོ་བའི་ཚེ་རྟག་ཏུ་སྒོ་བས་བཀག་སྟེ། ལེགས་པར་འགྲོར་མི་སྟེར་གྱིས། ཀུ་ཤུ་འདི་སྒོ་བ་དེ་ལ་སྦྱིན་ནོ་སྙམ་དུ ་བསམས་ནས། རྒྱལ་པོའི་ཆབ་སྒོ་བ་ལ་བྱིན་ནོ།། ཆབ་སྒོ་བ་དེས་ཀྱང་ཤིང་ཐོག་དེ་བླངས་ནས་འདི་སྙམ་དུ་བསམས་སོ།། ཞུ་ཞིང་གསོལ་པ་ལ་འགྲོ་བའི་ཚེ་རྟག་ཏུ་ཉུང་རུམ་གྱིས ་བཀག་ནས་ཉམ་བག་ཏུ་འགྲོར་མེད་ཀྱིས། ཀུ་ཤུ་འདི་ཉུང་རུམ་དེ་ལ་སྦྱིན་ནོ་སྙམ་དུ་བསམས་ནས་ཉུང་རུམ་ལ་བྱིན་ནོ།། ཉུང་རུམ་གྱིས་ཀྱང་བླངས་ནས་བཙུན་མོ་ལ་ཕུལ་ལོ།། ་བཙུན་མོས་ཐོབ་ནས་རྒྱལ་པོ་ལ་ཕུལ་ལོ།། རྒྱལ་པོས་ཀུ་ཤུ་དེ་ཟོས་ན་རབ་ཏུ་མངར་ཞིང་ལྷག་པར་དྲི་བསུང་དང་ལྡན་པས། བཙུན་མོ་ལ་ཀུ་ཤུ་འདིག ་ལས་རྙེད་ཅེས་དྲིས་ན། བཙུན་མོས་ཀྱང་ཇི་ལྟར་རྙེད་པའི་གཏམ་ཞིབ་ཏུ་བྱས་ནས། གཅིག་ནས་གཅིག་ཏུ་ཐུག་སྟེ། ཐ་མ་ར་བ་བསྲུང་བ་ལ་ཐུག་ནས། རྒྱལ་པོས་ར་བ་བསྲུང་བ་བཀུག ་སྟེ་དེ་ལ་འདི་སྐད་ཅེས་བཀའ་སྩལ་ཏོ། ། ངའི་བཟའ་ཤིང་གི་བ་ན་ཤིང་ཐོག་འདི་ལྟ་བུ་ཡོད་ན། ཅིའི་ཕྱིར་ང་ལ་མི་འབུལ་བར་གཞན་དག་ལ་སྦྱིན་ཞེས་བཀའ་སྩལ་པ་དང་། ར་བ་བསྲུང ་ངས་ཐོག་མ་ཇི་ལྟར་རྙེད་པ་ཞིབ་ཏུ་གསོལ་ཏོ། ། དེ་ནས་རྒྱལ་པོས་ར་བ་བསྲུང་བ་དེ་ལ་ང་ཕྱིན་ཆད་ཀུ་ཤུ་འདི་ལྟ་བུ་རྟག་ཏུ་ཕུལ་ཅིག་ཅེས་བཀའ་སྩོལ་པ་དང་། ར་བ་བསྲུང་བ་དེས་འདི་སྐད ་ཅེས་གསོལ་ཏོ། ། ཀུ་ཤུ་འདི་ནི་འབྲས་བུ་ལས་བསྐྱེད་པ་མ་ལགས་ཏེ། ཆབ་མིག་གཅིག་གི་ནང་ནས་རྙེད་པས་སླན་ཆད་ནི་བདག་གིས་མི་རྙེད་དེ་མི་འབྱོར་ཏོ་ཞེས་གསོལ་ཏོ།། དེ་ལ ་རྒྱལ་པོས་ཡང་ཁྱོད་ཀྱིས་ཕྱིན་ཆད་མ་རྙེད་ན། ཁྱོད་ཀྱི་ལུས་དུམ་བུར་གཅད་དོ་ཞེས་བཀའ་སྩལ་ནས། རབ་བསྲུང་བ་ཕྱིར་གནས་སུ་སོང་ནས་མྱ་ངན་བྱེད་ཅིང་ངུས་པ་དང་། ངུས་པའི ་བློ་ཆེན་པོ་ཀླུ་ཞིག་གིས་ཐོས་ནས་ཀླུ་མོ་ཞིག་ཏུ་སྤྲུལ་ཏེ། དེ་ལ་ཁྱོད་ཅུའི་བྱོར་མི་དགའ་ཞིང་དུ་ཞེས་དྲིས་སོ།། རབ་བ་སྲུང་བངས་ཇི་ལྟར་གྱུར་པའི་གཏིམ་གྲུལ་ཞིབ་ཏུ་སྨྲས་པ་དང་། ཀྭ ་དེ་མི་སྣང་བར་གྱུར་ནས་རིང་པོ་མ་ལོན་པར་གསེར་གྱི་གཞོད་པའི་ནང་ཤིང་ཐོག་བཟང་པོས་བཀང་སྟེ་མི་དེ་ལ་བྱིན་ནས། ཁྱོད་ཀྱིས་ཤིང་ཐོག་འདི་ཁྱེར་ལ་རྒྱལ་པོ་ལ་ཕུལ་ཏེ། འཕྲིན་དུ་ཡང ་འདི་སྐད་ཅེས་གྱིས་ཤིག། རྒྱལ་པོ་དང་བདག་ཏུ་བཤེས་ཏེ། སྔོན་ཚེ་སྔ་མ་ལ་གཉིས་ཀ་ཀུན་ཏུ་རྒྱུ་ཡིན་པ་ལས། ཉིན་ཞག་གཅིག་པའི་ཁྲིམས་བརྒྱད་མནོས་ཏེ། སོ་སོར་སྨོན་ལམ ་བཏབ་པ་ལས་རྒྱལ་པོ་ནི་ཚུལ་ཁྲིམས་བསྲུངས་པས་རྒྱལ་པོར་གྱུར་ཏོ། ། བདག་ནི་ཚུལ་ཁྲིམས་ཉམས་པས་ཀླུར་སྐྱེས་ཀྱིས། ང་ཡང་ཚུལ་ཁྲིམས་བསྲུང་ཞིང་ལུས་འདི་ལས་ཐར་པར ་དགའ་འོ། ། ཉིན་ཞག་གཅིག་པའི་ཁྲིམས་བརྒྱད་ཀྱི་ཆོ་ག་བདག་ལ་སྩལ་དུ་གསོལ། ཇི་སྟེ་མ་གནང་ན་རྒྱལ་པོའི་ཡུལ་ཡང་རྒྱ་མཚོར་བསྒྱུར་རོ་ཞེས་འཕྲིན་སྤྲིང་ངོ་།། ར་བ་བསྲུང་བ ་ངེས་ཤིང་ཐོག་ཁྱེར་ཏེ་རྒྱལ་པོ་ལ་ཕུལ་ནས། ཀླུས་སྤྲིང་བའི་འཕྲིན་ཡང་རྫོགས་པར་བསྙད་པ་དང་། རྒྱལ་པོ་དེ་མི་དགའ་བར་གྱུར་ཏོ།། དེ་ཅིའི་ཕྱིར་ཞེ་ན། དེའི་ཚེ་འཇིག་རྟེན་ན ་སངས་རྒྱས་ཀྱང་མི་བཞུགས། དམ་པའི་ཆོས་ཀྱང་ནུབ་ནས་ཉིན་ཞག་གཅིག་པའི་ཁྲིམས་བརྒྱད་ཀྱི་དཔེ་ཡང་མི་རྙེད་དེ། དོན་དེ་མ་བསྒྲུབས་ན་ནི་གནོད་པ་མངོན་དུ་བྱེད་ཀྱིས་དོགས་པས ་རྟོག་པ་ལ་ཞུགས་ཏེ་མི་དགའ་ནས་སེམས་ཤིང་འདུག་འདུག་པ་ལས། རྒྱལ་པོ་དེས་བློན་པོ་ཆེན་པོ་མཆོག་ཅིག་ཡོད་པ་ལ་འདི་སྐད་ཅེས་བཀའ་སྩལ་ཏོ།། ཀླ་ཞིག་ང་ལ་ཁྲིམས་བརྒྱད ་ཀྱི་དཔེ་ཞིག་སློང་གིས་མི་རྙེད་དུ་མི་གནང་ངོ་ཞེས་བཀའ་སྩལ་ན། བློན་པོས་གསོལ་པ། འཇིག་རྟེན་ན་ཆོས་མ་མཆིས་པར་བདག་གིས་ག་ལས་རྙེད་ཅེས་གསོལ། ་པ་དང་རྒྱལ་པོས་བློན་པོ་དེ་ལ་ཁྱོད་ཀྱིས་མ་རྙེད་ན་གསད་དོ་ཞེས་བཀའ་སྩལ་ཏོ།། བློན་པོ་ཆེན་པོ་ཤིན་ཏུ་མི་དགའ་བཞིན་དུ་ཁྱིམ་དུ་སོང་ནས་བློན་པོ་དེ་ལ་བ་རྒན་པོ་རྒས་པ་འཁོགས་པ་ཞིག་ཡོད ་དེ་ཕས་བལྟས་ན་བདག་གི་བུ་འདི་སྔོན་ཆད་ནི་འཛུམ་དམུལ་ཏེ་མདངས་དང་བཅས་པས་གཏམ་ཟེར་ན། དེང་ཅིའི་ཕྱིར་བདག་གི་བུ་འདི་སྔོན་ཆད་དང་མི་འདྲ་བར་ངོ་འཛུམ་གནག་སྙམ་གཏམ་བྱས ་པ་དང་དེས་ཇི་ལྟར་གྱུར་པ་ཕ་ལ་ཞིབ་ཏུ་གཏམ་བྱས་སོ། ། དེའི་ཕས་སྨྲས་པ། བདག་ཅག་གི་ཁྱིམ་ན་ཀ་བ་ཞིག་ལ་རྟག་ཏུ་འོད་འབྱུང་སྟེ། དེའི་ནང་ན་ཅི་ཡོད་ལྟོས་ཤིག་ཅེས་བསྒོ་བ་དང་། ་ཀ་བ་ཕྱུང་སྟེ་གཤགས་ན། དེའི་ནང་ནས་རྟེན་ཅིང་འབྲེལ་པར་འབྱུང་བ་བཅུ་གཉིས་ཀྱི་མདོ་དང་། ཉིན་ཞག་གཅིག་པའི་ཁྲིམས་བརྒྱད་ཀྱི་དཔེ་བྱུང་ནས། བློན་པོ་དེས་རྒྱལ་པོ་ལ་ཕུལ་ལོ།། ་རྒྱལ་པོས་ཐོབ་ནས་རབ་ཏུ་དགའ་མགུ་རངས་ཏེ། ཁྲིམས་བརྒྱད་ཀྱི་དཔེ་གསེར་གྱི་སྒྲོམ་བུར་བཅུག་སྟེ་ཀླུ་ལ་བསྐུར་རོ།། ཀླུ་དེས་ཐོས་ནས་ཤིན་ཏུ་དགའ་བས་རྒྱལ་པོ་ཆེན་པོ་དེ་ལ་རིན་པོ་ཆེ་ཡང ་བང་དུ་ཕུལ་ལོ། ། ཉིན་ཞག་གཅིག་པའི་ཁྲིམས་བརྒྱད་བསྲུངས་ནས། གཞན་དག་ཀྱང་བསྲུང་བར་བསྐུལ་ཏེ། དེ་ནས་ཚེ་འཕོས་ནས་ལྷར་སྐྱེས་སོ།། རྒྱལ་པོ་དེ་ཡང་ཆོས་བཞིན་དུ་ཚུལ ་ཁྲིམས་བསྲུངས་པས་ཚེའི་དུས་བྱས་ནས་གནས་ལྷན་ཅིག་ཏུ་ལྷར་སྐྱེས་ཏེ། མདང་ནམ་གྱི་ཆ་སྟོད་ལ་ངའི་སྤྱན་སྔར་འོངས་ཏེ་ཅི་རིགས་པར་ཆོས་བསྟན་པས། རྒྱུན་དུ་ཞུགས་པའི་འབྲས་བུ ་ཐོབ་ནས་ངན་སོང་གསུམ་དང་ཡོངས་སུ་བྲལ་ཏེ། ལྷ་དང་མིའི་ལོངས་སྤྱོད་མྱོང་ཞིང་མཐར་མྱ་ངན་ལས་འདའ་བའི་བར་དུ་ཐོབ་པར་འགྱུར་རོ།། བཅོམ་ལྡན་འདས་ཀྱིས་དེ་སྐད་ཅེས་གསུངས ་པ་ལ་འཁོར་མང་པོ་ཐམས་ཅད་ཡི་རངས་ནས་མངོན་པར་དགའ་འོ། ། ཀུན་ཏུ་རྒྱུས་ཚུལ་ཁྲིམས་བསྲུངས་པའི་ལེའུ་སྟེ་གསུམ་པའོ།། །། ལུས་བཙོངས་ཏེ་མཆོད་པ་བྱས་པའི ་ལེའུ་འོ། འདི་སྐད་བདག་གི་ཐོས་པ་དུས་གཅིག་ན།། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྤྲིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ན་ཡུལ་དེ་ན ་ཁྱིམ་བདག་ཅིག་ལ་ཁྱེའུ་ཞིག་བཅས་ནས། ཁྱེའུ་དེ་དབྱིབས་ལེགས་ཤིང་བལྟ་ན་སྡུག་པ་བཟང་བ་ཞིག་སྟེ། བཙས་ནས་རིང་པོར་མ་ལོན་པར་སྨྲ་ཡང་ཤེས་སོ།། ཁྱེའུ་དེས་ཕ་མ་ལ་བཅོམ ་ལྡན་འདས་ད་ལྟར་བཞུགས་སམ་ཞེས་དྲིས་པ་དང་། ད་ལྟར་བཞུགས་སོ་ཞེས་སྨྲས་སོ།། འོ་ན་བཙུན་པ་ཤཱ་རིའི་བུ་དང་། ཀུན་དགའ་བོ་ལ་སོགས་པ་བཞུགས་སམ་ཞེས་དྲིས་པ་དང་།། ་དེ་ཡང་བཞུགས་སོ་ཞེས་སྨྲས་སོ།། ཁྱེའུ་དེའི་ཕ་མས་བུ་བཙས་མ་ཐག་པ་ཞིག་སྨྲས་པ་ལ། འདི་ནི་མི་མ་ཡིན་ནོ་སྙམ་ངོ་མཚར་ཡ་མཚན་དུ་གྱུར་པས། བཅོམ་ལྡན་འདས་ལ་ཞུས་སོ།། བཅོམ་ལྡན ་འདས་ཀྱིས་ཀྱང་ཁྱེད་ཀྱི་བུ་ནི་མཚན་དང་ལྡན་ཏེ། ཐེ་ཙོམ་མ་བྱེད་ཅིག་ཅེས་བཀའ་སྩལ་པ་དང་། ཁྱེའུ་དེའི་ཕ་མ་རབ་ཏུ་དགའ་མགུ་རངས་ཏེ་ཕྱིར་ཁྱིམ་དུ་འོངས ་སོ། ། དེ་ནས་ཁྱེའུ་དེས་ཕ་མ་ལ་སངས་རྒྱས་དང་དགེ་སློང་གི་དགེ་འདུན་རྣམས་སྤྱན་དྲོངས་ཤིག་ཅེས་གསོལ་བ་དང་། དེའི་ཕ་མས་སངས་རྒྱས་དང་དགེ་འདུན་སྤྱན་དྲངས་ན་ཡོ་བྱད་སྦྱར་དགོས ་འཕྲལ་དུ་འབྱོར་པ་མ་ཡིན་ནོ་ཞེས་བསྒོའོ། ། བུས་སྨྲས་པ། ཁང་པའི་ནང་ན་ཕྱག་བདར་དང་ཆག་ཆག་བྱོས་ཏེ་གདན་ཐིང་ལ། གདན་མཐོན་པོ་གསུམ་ཞིག་ཀྱང་སྦགས་ཏེ་ཐིང་ཞིག་དང ་ཞལ་ཟས་རོ་བརྒྱ་དང་ལྡན་པ་རང་འོང་ངོ་། ། བདག་གི་ཚེ་སྔ་མའི་མ་ཡང་ད་ལྟར་ཡུལ་ཝཱ་རཱ་ཎཱ་སི་ན་མཆིས་ཀྱིས། དེ་ཡང་བོས་ཤིག་ཅེས་སྨྲས་སོ།། དེའི་ཕ་མས་བུས་སྨྲས་པ་བཞིན་དུ ་མི་ཞིག་གླང་པོ་ཆེ་ལ་བསྐྱོན་ཏེ། དེའི་མ་ཡང་བོས་ནས་འོངས་སོ།། གདན་མཐོན་པོ་གསུམ་བཤམས་པ་འདི་ལ། གཅིག་ལ་ནི་སངས་རྒྱས་བཞུགས་སུ་གསོལ་ཅིག། གཅིག་ལ་ནི་ཆེ་སྔ ་མའི་མ་བཞུགས་ཤིག། གཅིག་ལ་ནི་ད་ལྟར་ལུས་སྐྱེད་པའི་མ་བཞུགས་ཤིག། དེ་ནས་སངས་རྒྱས་ཀྱང་དགེ་འདུན་གྱི་འཁོར་དང་བཅས་ཏེ་གཤེགས་ནས། གདན་བཏིང་བ་ལ་རིམ་པ ་བཞིན་དུ་བཞུགས་ནས། ཞལ་ཟས་བཟང་པོས་ཀྱང་ཐམས་ཅད་ཁྱེད་ཅིང་ཆོག་པར་གྱུར་ཏེ། དེ་ལ་བཅོམ་ལྡན་འདས་ཀྱིས་ཆོས་བསྟན་ནས། ཁྱེའུ་དེའི་ཕ་དང་། མ་གཉིས་དང ་ཁྱིམ་གང་གི་མི་ཆེན་པོ་དང་། ཆུང་ངུ་ཐམས་ཅད་ཀྱིས་ཆོས་ཐོས་ནས་རབ་ཏུ་དགའ་སྟེ། ཀུན་གྱིས་འབྲས་བུ་དང་པོ་ཐོབ་པར་གྱུར་ཏོ།། ཁྱེའུ་དེ་ཡང་ཕྱི་ཕྱིར་ཆེར་སྐྱེས་ནས་རབ་ཏུ་བྱུང་སྟེ། བརྩོན ་འགྲུས་བརྩམས་པས་དགྲ་བཅོམ་པ་ཐོབ་པར་གྱུར་ཏོ། ། བཅོམ་ལྡན་འདས་ལ། ཀུན་དགའ་བོས་གསོལ་པ། དགེ་སློང་འདི་སྔོན་ལེགས་པ་ཅི་ཞིག་བགྱིས་ན། ཆེ་ཞིང་མཐེ ་བའི་རིགས་སུ་སྐྱེས་ཏེ་ཆུང་ངུ་ནས་སྒྲ་ཡང་འཚལ་ལ། རབ་ཏུ་བྱུང་ནས་ཀྱང་མངོན་པར་ཤེས་པ་མྱུར་དུ་ཐོབ་པར་གྱུར། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། མི་འདི ་ཚེ་སྔ་མ་ལ་ཡུལ་ཝཱ་རཱ་ཎཱ་སིའི་ཁྱིམ་བདག་གི་བུ་ལས་ཁྱིམ་བདག་ཚེ་འཕོས་ནས་སོ་ཆིས་ཞིག་སྟེ་དབུལ་འཕོངས་པར་གྱུར་ཏོ། ། སངས་རྒྱས་བཅོམ་ལྡན་འདས་འཇིག་རྟེན་ན་བཞུགས་པ་དང་ཕྲད ་ཀྱང་མཆོད་པ་བྱ་བའི་ལོངས་སྤྱོད་མེད་པས། དེ་མི་དགའ་ནས་རིགས་ཆེ་ཞིང་མཐོ་བ་བཅབས་ཏེ་གླ་ཟ་བར་ཁས་བླངས་ནས་ལེ་གཅིག་ལོན་པ་དང་། གསེར་སྲང་སྟོང་ཙམ་རྙེད་དོ།། དེ་ལ་རིགས་ཆེ ་ཞིང་མཐོ་བ་ཞིག་གིས། ཁྱོད་ཆུང་མ་མི་ལེན་ནམ་ཞེས་དྲིས་ན་མི་འདོད་དོ་ཞེས་སྨྲས་སོ།། དེས་ཡང་དྲིས་པ། གསེར་འདིས་ཅི་ཞིག་བྱ་ཞེས་དྲིས་ན། སངས་རྒྱས་དང་འཕགས་པའི་དགེ་འདུན ་ལ་བསོད་སྙོམས་ཤིག་གསོལ་བར་དགོས་སོ་ཞེས་སྨྲས་སོ། ། རིགས་ཆེ་ཞིང་མཐོ་བ་དེས་སྨྲས་པ། ཁྱོད་སངས་རྒྱས་དང་འཕགས་པའི་དགེ་འདུན་སྤྱན་འདྲེན་འདོད་ན། ཁོ་བོས་གསེར་སྦྱར ་ཏེ་ཞལ་ཟས་ལ་སོགས་པའི་གཡོས་ཀྱང་བཤམ་གྱིས། ཁོ་བོའི་ཁྱིམ་དུ་སྤྱན་དྲོངས་ཤིག་ཅེས་སྨྲས་པ་དང་། དབུལ་པོ་དེས་ཀྱང་དེ་བཞིན་དུ་བགྱིའོ་ཞེས་སྨྲས ་ནས་ཞལ་ཟས་བཤམས་ཏེ། སངས་རྒྱས་དང་དགེ་འདུན་སྤྱན་དྲངས་སོ།། དེའི་རྒྱུ་དེའི་རྐྱེན་གྱིས་ཚེའི་དུས་བྱས་ནས་ཀྱང་ཁྱིམ་བདག་དེའི་ཁྱིམ་དུ་སྐྱེས་ཏེ། དེ་ཡང་སངས་རྒྱས་སྤྱན་དྲངས་ནས། ཆོས ་ཐོས་མ་ཐག་ཏུ་བྱང་ཆུབ་ཐོབ་པར་གྱུར་ཏོ། ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། སྔོན་གྱི་དབུལ་པོ་དེ་ནི་ཁྱིམ་བདག་གི་ཁྱེའུ་དགེ་སློང་འདི་ཡིན་ནོ།། བཅོམ་ལྡན ་འདས་ཀྱིས་དེ་སྐད་ཅེས་གསུངས་པ་ལ་འཁོར་མང་པོ་ཐམས་ཅད་ཡི་རངས་ཏེ་མངོན་པར་དགའ་འོ། ། ལུས་བཙོངས་ཏེ་མཆོད་པ་བྱས་པའི་ལེའུ་སྟེ་བཞི་པའོ།། ། རྒྱ་མཚོ ་ལྷས་དྲིས་པའི་ལེའུའོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྤྲིན་གྱི་ཀུན་དགའ་ར་བ་ན་བཞུགས་སོ།། ་དེའི་ཚེ་ཡུལ་དེ་ཉིད་ན་ཚོང་པ་ལྔ་བརྒྱ་ཙམ་ཞིག་རྒྱ་མཚོར་རིན་པོ་ཆེ་ལེན་དུ་འགྲོ་བ་དག་འདི་ལྟར་བགྲོས་སོ།། བདག་ཅག་གིས་མིའི་ནང་ན་མཁས་ཤིང་ཤེས་པ་ཞིག་དང་དཔོན་དུ་བཀྲིའོ་ཞེས་བགྲོས ་ནས་དགེ་བསྙེན་ཁྲིམས་ལྔ་པ་ཞིག་ཁྲིད་ང་རྒྱ་མཚོར་ཞུགས་སོ། ། རྒྱ་མཚོའི་དབུས་སུ་ཕྱིན་པ་དང་། རྒྱ་མཚོའི་ལྷ་དེ་སྲིན་པོ་ཞིག་ཏུ་སྤྲུལ་ནས། ལུས་གཟུགས་ཤིན་ཏུ་མི་སྡུག ་ལ་སྔོ་ཞིང་གནག་པ། མཆེ་བ་གྱེན་དུ་བྱུང་བ། མགོ་ལ་མེ་འབར་བ་ཞིག་དྲུང་དུ་འོངས་ནས། གྲུ་འདི་ང་ལ་བྱིན་ཅིག་ཅེས་སྨྲས་ཏེ།། ཚོང་པ་ལ་འདི་སྐད་ཅེས་འདྲིའོ།། འཇིག་རྟེན་ན ་གང་དག་འཇིགས་སུ་རུང་བ་ང་ལས་འདའ་བ་ཡོད་དམ། དགེ་བསྙེན་གྱིས་སྨྲས་པ། ཁྱོད་པས་ཤིན་ཏུ་ལྷག་པར་འཇིགས་པ་ཡང་ཡོད་དོ།། རྒྱ་མཚོའི་ལྷས་སྨྲས་པ། དེ་ལྟ་བུ་སུ་ཞིག ་དགེ་བསྙེན་གྱིས་སྨྲས་པ། འཇིག་རྟེན་ན་གླེན་པ་གཏི་མུག་ཅན་མ་དགེ་བའི་ལས་རྣམས་བག་མེད་པར་བྱེད་པ། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར ་གཡེམ་པ་དང་། བརྫུན་དུ་སྨྲ་བ་དང་། ཚིག་བཀྱལ་པ་སྨྲ་བ་དང་། ཕྲ་མ་དང་། ཞེ་གཅོད་པའི་ཚིག་སྨྲ་བ་དང་། འདོད་ཆགས་དང་ཞེ་སྡང་ཆེ་བ། ངན་པར་ལྟ་བ་དག་ཚེ ་འཕོས་ནས་སེམས་ཅན་དམྱལ་བར་སྐྱེ་སྟེ། སྡུག་བསྔལ་རྣམ་པ་སྣ་ཚོགས་མྱོང་བ་རྣམས། སེམས་ཅན་དམྱལ་བའི་སྲུངས་མས་ཁྲིད་ནས། ལ་ལ་ནི་མཚོན་གྱིས་བསྐུལ་ཞིང ་གཏུབས། ལ་ལ་ནི་ཤིང་རྟས་ཕན་ཚུན་དུ་དྲངས་ནས་ཁམ་ཚད་ཁམ་ཚད་ཙམ་དུ་ཆད། ལ་ལ་ནི་གཏུན་གྱིས་བརྡུངས། ལ་ལ་ནི་རང་ཏག་གིས་བཏགས་ལ་ལ་ནི་རལ་གྲིའི་རིལ ་འཇོག། ལ་ལ་ནི་མེའི་ཤིང་རྟ་དང་། ཟངས་ཁོལ་མ་དང་། ཆབ་རོམ་དང་། ངན་སྐྱུགས་ཀྱི་ནང་དུ་སྐོལ་བ་ལ་སོགས་ཏེ། སྡུག་བསྔལ་ཤིན་ཏུ་མི་བཟད་པ་རྣམ་པ་སྣ་ཚོགས་དེ་ལྟ་བུ་དག ་ལོ་བརྒྱ་སྟོང་གི་བར་དུ་མྱོང་བ་དེ་ནི་ཁྱོད་པས་ཤིན་ཏུ་ཡང་ལྷག་པར་འཇིགས་སུ་རུང་ངོ་ཞེས་སྨྲས་པ། རྒྱ་མཚོའི་ལྷས་ཐོས་ནས་དེ་མ་ཐག་ཏུ་མི་སྣང་བར་གྱུར་ཏོ།། ་ཡང་རྒྱ་མཚོའི་ནང་དུ་སོང་སོང་བ་ལས་རྒྱ་མཚོའི་ལྷ་དེ་མིའི་ནང་ན་ཤིན་ཏུ་རིད་ཅིང་ཉམ་ཐག་པ་རྩ་དང་རུས་པ་ཙམ་འབྲེལ་བ་ཞིག་ཏུ་སྤྲུལ་ནས། གྲུ་འདི་ང་ལ་བྱིན་ཅིག་ཅེས་སྤྲས་ཏེ། དེ་ལ་འདི་སྐད ་ཅེས་འདྲིའོ། ། འཇིག་རྟེན་ན་རིད་ཅིང་ཉམ་ཐག་པ་ང་ལས་ལྷག་པ་ཡོད་དམ། དགེ་བསྙེན་གྱིས་སྨྲས་པ། ཁྱོད་པས་ཤིན་ཏུ་ལྷག་པར་ཉམ་ཐག་ཅིང་རིད་པ་ཡོད་དོ།། རྒྱ་མཚོའི་ལྷས་སྨྲས་པ། ་དེ་ལྟ་བུ་སུ་ཞིག། དགེ་བསྙེན་གྱིས་སྨྲས་པ། གང་གླེན་པ་གཏི་མུག་ཅན་རང་བཞིན་གྱིས་འཇུངས་ཤིང་སར་སྣ་བྱེད་ལ། འདོད་པས་ཕྲག་དོག་བྱེད་པ། སྦྱིན་པ་མི་ཤེས་པ་དག་ཚེ་འཕོས། ་ནས་ཡི་དགས་སུ་སྐྱེ་སྟེ། ལུས་ནི་རོ་ཆེན་པོ་ཙམ་ལ་མགྲིན་པ་ནི་མོ་ཁབ་ཙམ་དུ་གྱུར་ཏེ་སྒྲ་འཛིངས་པ། ག་ནག་ཙང་རིང་པ་ལོ་བརྒྱ་སྟོང་གི་བར་དུ་ཆུའི་མཽང་ཡང་མི་ཐོས་པ་དེ་ནི་ཁྱོད་པས་ཤིན་ཏུ ་ལྷག་པར་རིང་དོ་ཞེས་སྤྲས་མ་ཐག་ཏུ་མི་སྣང་བར་གྱུར་ཏོ། ། དེ་ནས་ཡང་སོང་སོང་བ་ལས་རྒྱ་མཚོའི་ལྷ་དེ་མིའི་ནང་ན་གཟུགས་བྱད་བཟང་པོ་ཞིག་ཏུ་སྤྲུལ་ནས། གྲུ་འདི་ང་ལ་བྱིན་ཅིག་ཅེས་སྨྲས་ཏེ། ་ཚོང་བ་དག་ལ་འཇིག་རྟེན་ན་མིའི་ནང་ན་ང་ཙམ་དུ་གཟུགས་བྱད་བཟང་ལ་མཛེས་པ་ཡོད་དམ། དགེ་བསྙེན་གྱིས་སྤྲས་པ། ཁྱོད་པས་བརྒྱ་འགྱུར་སྟོང་འགྱུར་གྱིས་ལྷག་པར་བཟང་བ་ཡོད་དོ།། ་རྒྱ་མཚོའི་ལྷས་སྨྲས་པ། བདག་པས་ལྷག་པར་བཟང་བ་དེ་སུ་ཞིག། དགེ་བསྙེན་གྱིས་སྨྲས་པ། འཇིག་རྟེན་ན་མཁས་པ་བློ་དང་ལྡན་པ། དགེ་བ་ཕུན་སུམ་ཚོགས་པར་སྤྱོད་པ། ལུས ་དང་། ངག་དང་། ཡིད་ཀྱི་ལས་ཡོངས་སུ་དག་པ། དཀོན་མཆོག་གསུམ་ལ་ཤིན་ཏུ་དད་པ་ཅི་འབྱོར་པ་དེས་མཆོད་པ་བྱེད་པའི་བློ་ཅན་དེ་ནི་ཚེ་འཕོས་ནས་མཐོ་རིས་ཀྱི་ལྷར་སྐྱེས་ཏེ་མངའ་བྱད ་ལེགས་པ་སྡུག་པ་ཤན་ཏུ་མཛེས་པ་ནི། ཁྱོད་པས་བརྒྱ་འགྱུར་སྟོང་འགྱུར་གྱིས་ལྷག་སྟེ། ཁྱོད་དང་དེ་གཉིས་བསྐྲུན་ན་སྤྲེའུ་ཞར་མ་བཀྲ་ཤིས་མར་བསྐྲུན་པ་དང་འདྲའོ།། དེ་ནས་རྒྱ་མཚོའི་ལྷས ་ཆུ་སྙིམ་པ་གང་བཅུས་ནས། དགེ་བསྙེན་དེ་ལ་སྙིམ་པ་གང་གི་ཆུ་མང་ངམ། རྒྱ་མཚོའི་ཆུ་མང་ཞེས་དྲིས་པ་དང་། དགེ་བསྙེན་གྱིས་སྙིམ་པ་གང་གི་ཆུ་མང་གི། རྒྱ་མཚོའི་ཆུ་མང་བ་མ་ཡིན་ནོ། ་ཞེས་སྨྲས་སོ།། རྒྱ་མཚོའི་ལྷས་སྨྲས་པ། ཁྱོད་འདི་སྐད་དུ་སྨྲས་པའི་ཚིག་དེ་བདེན་པ་ཡིན་ནམ། དགེ་བསྙེན་གྱིས་སྨྲས་པ། ཚིག་འདི་ནི་བདེན་པ་ཡིན་ཏེ། བརྫུན་པ་མ་ཡིན་ནོ།། ་བདེན་པར་ཅི་མངོན། སྨྲས་པ། རྒྱ་མཚོའི་ཆུ་ཡང་མང་མོད་ཀྱི། གདོན་མི་ཟ་བར་སྐམ་པའི་དུས་ཡོད་དོ།། བསྐལ་པ་མེས་འཇིག་ཏུ་ཉེ་བ་ན་ཉི་མ་གཉིས་འཆར་ཏེ། ཆུ་མིག་དང་ལྟེང ་ཀ་ཀུན་བསྐམས་སོ། ། ཉི་མ་གསུམ་འཆར་བ་ན་ཆུ་ཕྲན་ཐམས་ཅད་བསྐམས་སོ།། ཉི་མ་བཞི་འཆར་བ་ན་ཆུ་བོ་ཐམས་ཅད་བསྐམས་སོ།། ཉི་མ་ལྔ་འཆར་བ་ན་རྒྱ་མཚོ་ཆེན་པོ་ཡང་སྔ་མ་ལས ་གྲ་བྲིའོ། ། ཉི་མ་དྲུག་ཤར་བ་ན་སུམ་ཉིས་གྲ་བྲིའོ།། ཉི་མ་བདུན་ཤར་བ་ན་རྒྱ་མཚོ་ཡང་བསྐམས་ཏེ། རི་རབ་ལྷུན་པོ་ཡང་སྙིལ། རྡོ་རྗེའི་མཐའ་ལ་ཐུག་གི་བར ་དུ་འཚིག་ཅིང་འབར་བར་འགྱུར་རོ། ། གང་ཞིག་ཤིན་ཏུ་དད་པའི་སེམས་ཀྱིས་ཆུ་སྙིམ་པ་གང་ཙམ་སངས་རྒྱས་ལ་མཆོད་ནས། དགེ་འདུན་ལ་ཕུལ་ལམ། ཕ་མ་ལ་དབུལ་ལམ། དབུལ ་འཕོངས་ལ་བྱིན་ནམ། གཅན་གཟན་ལ་བྱིན་ན། བསོད་ནམས་འདི་ནི་བསྐལ་པ་དུ་མར་ཡང་མི་ཟད་དེ། དེ་བས་ན་རྒྱ་མཚོའི་ཆུ་ནི་ཉུང་གི། སྙིམ་པའི་ཆུ་ནི་མང་བར་རིག་པར་བྱའོ།། ་དེ་ནས་རྒྱ་མཚོའི་ལྷ་རབ་ཏུ་དགའ་སྟེ། དགེ་བསྙེན་དེ་ལ་རིན་པོ་ཆེ་མང་དུ་ཕུལ་ནས། རིན་པོ་ཆེ་དམ་པ་དག་སངས་རྒྱས་དང་དགེ་འདུན་ལ་ཡང་བསྐུར་རོ།། དགེ་བསྙེན་དང་ཚོང་པ་རྣམས་རིན ་པོ་ཆེས་ཆོག་པར་གྱུར་ནས། ཕྱིར་ཡང་བདེ་བར་ཡུལ་དུ་ཕྱིན་ཏེ། དེའི་ཚེ་དགེ་བསྙེན་དེ་དང་ཚོང་པ་ལྔ་བརྒྱ་ཙམ་སངས་རྒྱས་གང་ན་བར་འོངས་ནས། བཅོམ་ལྡན་འདས་ཀྱི་ཞབས་ལ་སྤྱི་བོས ་ཕྱག་འཚལ་ཏེ། སོ་སོ་ནས་རིན་པོ་ཆེ་ཐོགས་པ་དང་། རྒྱ་མཚོའི་ལྷས་བསྐུར་བ་ཡང་སངས་རྒྱས་དང་དགེ་འདུན་ལ་ཕུལ་ཏེ། དེ་དག་པུས་མོ་ས་ལ་བཙུགས་ནས་ཐལ་མོ་སྦྱར་ཏེ། བཅོམ ་ལྡན་འདས་ལ་འདི་སྐད་ཅེས་གསོལ་ཏོ། ། བདག་ཅག་ཀྱང་སྟོན་པའི་བསྟན་པ་ལ་རབ་ཏུ་འབྱུང་ངོ་ཞེས་སྨྲས་ནས། བཅོམ་ལྡན་འདས་ཀྱིས་དགེ་སློང་ལེགས་པར་འོངས་སོ་ཞེས་བཀའ་སྩལ་པ ་དང་སྤུ་དང་ཁ་སྤུ་རང་བྱི་སྟེ་ཆོས་གོས་གྱོན་པའི་དགེ་སློང་དུ་གྱུར་ཏོ། ། དེ་ནས་བཅོམ་ལྡན་འདས་ཀྱིས་ཅི་རིགས་སུ་ཆོས་བསྟན་ཅིང་བྱེ་བས་འདོད་པ་ཀུན་ཟད་དེ་དགྲ་བཅོམ་པར་གྱུར་ཏོ།། ་འཁོར་མང་པོ་དེ་དག་བཅོམ་ལྡན་འདས་ཀྱིས་གསུངས་པ་ལ་ཡི་རང་ནས་མངོན་པར་དགའ་འོ།། རྒྱ་མཚོའི་ལྷས་དྲིས་པའི་ལེའུ་སྟེ་ལྔ་པའོ།། །། བམ་པོ ་གཉིས་པ། ། ། ལྷའི་བུ་གདྷཱ་དར་ཞེས་བྱ་བའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བྱ་ཀ་ལན་ཏ་ཀ་གནས་པ་འོད་མའི་ཚལ་ན་བཞུགས་སོ།། ་དེའི་ཚེ་ཡུལ་དེ་ན་བློན་པོ་ཆེན་པོ་ཤིན་ཏུ་ཕྱུག་པོ་ཞིག་ལ་བུ་མེད་དོ།། དེའི་ཚེ་ན་ཆུ་ཀླུང་གངྒཱའི་འགྲམ་ན་མ་ཎི་བྷ་དྲ་ཞེས་བྱ་བའི་ལྷའི་རྟེན་ཞིག་ཡོད་དེ་ཐམས་ཅད་དེ་ལ་ཕྱག་འཚལ་ཞིང་མཆོད་པ་བྱེད་དོ།། ་བློན་པོ་ཆེན་པོ་དེ་ཡང་ལྷའི་རྟེན་གྱི་དྲུང་དུ་སོང་ནས་འདི་སྐད་ཅེས་གསོལ་ཏོ།། བདག་ལ་བུ་ཚ་མེད་དེ། ལྷ་ཁྱོད་ཡོན་ཏན་ཚད་མེད་པ་དང་ལྡན་ཞེས་ཐོས་ཀྱིས། འགྲོ་བ་ཀུན་ལ་སྐྱོབ་པ་ཁྱོད ་གཞན་གྱི་སྨོན་ལམ་བསྐང་བར་ནུས་ན། བདག་ཀྱང་བསྐྱབ་ཏུ་གསོལ་ལོ།། གལ་ཏེ་ཁྱོད་ཀྱིས་བདག་ལ་བུ་ཅིག་སྩལ་ན། གསེར་དང་དངུལ་གྱིས་ལྷ་ཁྱོད་ཀྱི་སྐུ་ཡང་གཡོག་ཅིང་བཞུགས ་པའི་རྟེན་ཡང་སྤོས་དང་བྱུག་པས་བྱུག་གོ། ཇི་སྟེ་མངོན་རྟོགས་མེད་ན་ཁྱོད་ཀྱི་རྟེན་ཡང་བཤིག་ལ་ཁྱོད་ཀྱི་ལུས་ལ་མི་གཙང་བ་བཤང་གཅིས་ཀྱང་བསྐུའོ་ཞེས་སྨྲས་པ། ལྷ་དེས་ཐོས་ནས་འདི ་སྙམ་དུ་བསམས་སོ། ། བློན་པོ་འདི་ནི་ཕྱུག་ཅིང་བཙན་ལ་མཐུ་ཆེ་བས་སྨད་རིགས་ཙམ་གྱིས་འདིའི་བུར་མི་འགྱུར་ཏེ། བདག་མཐུ་ཆུངས་པས་འདིའི་སྨོན་ལས་བསྐད་མི་ནུས ་སོ། གལ་ཏེ་སྨོན་པ་བཞིན་དུ་མ་བྱས་ན་གདོན་མི་ཟ་བར་མི་སྡུག་པར་མཐོ་བཙམས་སོ་སྙམ་བསམས་ནས། རྟེན་བསྲུང་བའི་ལྷ་དེས་མ་ཎི་བྷ་དྲ་ལ་གསོལ་ཏོ།། དེ་ལ་ཡང་དེ་ལྟ་བུའི་མཐུ་མེད ་པས་རྣམ་ཐོས་ཀྱི་བུ་གང་ན་བ་དེར་སོང་སྟེ། རྣམ་ཐོས་ཀྱི་བུ་ལ་གསོལ་བ་དང་། རྣམ་ཐོས་ཀྱི་བུས་ཀྱང་བདག་གི་མཐུ་ཙམ་གྱིས་བུ་ཡོད་པར་མི་ནུས་སོ་སྙམ་བསམས་ནས། རྣམ་ཐོས་ཀྱི། ་བུ་དེ་བརྒྱ་བྱིན་གང་ན་བ་དེར་སོང་སྟེ་འདི་སྐད་ཅེས་གསོལ་ཏོ།། བདག་གི་བློན་པོ་མ་ཎི་བྷ་དྲ་ཞེས་བགྱི་བ་དེ་བདག་ལ་འདི་སྐད་ཅེས་མཆིའོ།། རྒྱལ་པོའི་ཁབ་ན་བློན་པོ་ཆེན་པོ་ཞིག་བདག་ལ་བུ ་སློང་སྟེ། སྨོན་པ་བཞིན་དུ་བྱས་ན་ནི་མཆོད་པ་དང་རིམ་གྲོ་ཡང་སྐྱེད་དོ།། སྨོན་པ་བཞིན་དུ་མ་བྱས་ན་རྟེན་ཡང་བཤིག་སྟེ་མི་སྡུག་པར་བྱའོ་ཞེས་དམ་བཅས་པས། དེས་ནི་དམ་བཅས་པ་བཞིན ་དུ་གདོན་མི་འཚལ་བར་བགྱིད་ན། བརྒྱ་བྱིན་ལྷའི་དབང་པོ་ཁྱོད་ཀྱིས་དེ་ལ་བུ་ཞིག་མཆིས་པར་མཛད་དུ་གསོལ། བརྒྱ་བྱིན་གྱིས་སྨྲས་པ། འདི་ནི་ཤིན་ཏུ་ཡང་དཀའ་མོད་ཀྱི་ད་ལྟར་རྒྱུ་ཞིག་སྣང ་ངོ། དེའི་ཚེ་ན་ལྷའི་སྲས་པོ་ཞིག་ཡོན་ཏན་ལྔ་དང་བྲལ་ནས་ཚེའི་དུས་བྱེད་དུ་ཉེ་བ་ཞིག་ཡོད་དེ། དེ་ལ་འདི་སྐད་ཅེས་སྨྲས་སོ།། ཁྱོད་ཚེའི་དུས་བྱེད་དུ་ཉཾ། དུས་བྱས་ནས་བློན་པོ་དེའི་བུར་སྐྱེས ་ཤིག་ཅེས་སྨྲས་སོ། ། ལྷའི་སྲས་པོས་སྨྲས་པ། བདག་ནི་རབ་ཏུ་བྱུང་ཞིང་དམ་པའི་ཆོས་སྤྱོད་པར་དད་དེ། གལ་ཏེ་རིགས་མཐོ་ཞིང་ཆེ་བར་སྐྱེས་ན་རབ་ཏུ་འབྱུང་བར་དཀའ་འོ།། རིགས་ཐ་མ་ལ། ་པར་སྐྱེས་ན་སླའོ་ཞེས་གསོལ་པ་དང་། བརྒྱ་བྱིན་གྱིས་ཡང་སྨྲས་པ། ལྷ་ཁྱོད་དེར་སྐྱེས་ཤིག་དང་། རབ་ཏུ་འབྱུང་བར་དད་ན་ངས་གྲོགས་བྱའོ་ཞེས་སྨྲས་སོ།། ལྷའི་སྲས་པོ་དེ་དེར་ཚེ་འཕོས་ནས། ་བློན་པོ་དེའི་རིགས་སུ་དེའི་བཙུན་མོའི་རུམ་དུ་སྐྱེས་ཏེ། ཕྱིས་བཙས་པ་ན་དབྱིབས་ལེགས་ཤིང་བལྟ་ན་སྡུག་པ་བཟང་བ་ཞིག་བཙས་ཏེ་མཚན་མཁན་ལ་བསྟན་ནས། མཚན་མཁན་གྱིས་ཀྱང་བལྟས ་བུ་འདི་ཐོག་མ་གང་ནས་རྙེད་ཅེས་དྲིས་ན། ཀླུང་གངྒཱའི་ལྷ་ལས་བསླངས་སོ་ཞེས་བྱས་ནས་བུ་དེའི་མིང་ཡང་གངྒཱའི་དར་ཞེས་བཏགས་སོ།། ཕྱིས་ཚད་དུ་ཕྱིན་པར་སྐྱེས་པ་དང་། དེས་ཕ་མ ་ལ་བདག་ནི་རབ་ཏུ་འབྱུང་བར་གསོལ་ལོ་ཞེས་སྨྲས་སོ། ། དེའི་ཕ་མས་སྨྲས་པ། ཁོ་བོ་ནི་འདི་ལྟར་ཕྱུག་ཅིང་བཙན་ཏེ་ལོངས་སྤྱོད་ཆེན་པོ་དང་ལྡན་ལ། བུ་ནི་ཁྱོད་གཅིག་པུར་ཟད་དེ་ངའི་རིགས ་བསབ་ཅིང་ཕ་མ་གསོ་དགོས་ཀྱིས་མི་གནང་ངོ་ཞེས་བསྒོ་བ་དང་། ཁྱེའུ་དེས་བསམས་པ་བཞིན་དུ་མ་གྱུར་པས་ཤིན་ཏུ་མི་དགའ་སྟེ། འདི་སྙམ་དུ་ལུས་འདི་མེད་པར་བྱས་ལ། རིགས་ཐ་མལ ་པ་ཞིག་ཏུ་སྐྱེས་ཏེ་རབ་ཏུ་འབྱུང་བར་གསོལ་ན། འདི་བས་སླ་ཡང་སྲིད་སྙམ་བསམས་ནས་གསང་སྟེ། ཕྱི་རོལ་ཏུ་བྱུང་ནས་བྲག་མཐོན་པོ་ཞིག་ལ་མཆོངས་སོ།། བྲག་ལས་མཆོངས་ནས་ས ་ལ་ལྷུང་ན་ཡང་སྣང་བ་འམ་ཉེས་པ་མེད་དོ། ། དེ་ནས་ཆུ་ཆེན་པོའི་འགྲམ་དུ་སོང་སྟེ་ཆུར་མཆོངས་ན་ཡང་ཆུས་གཡེངས་ཏེ་མཉེས་པར་ཕྱིར་བྱུང་ངོ་།། བཙན་དུག་ཟོས་ན ་ཡང་དུག་གི་མཐུས་གནོད་པར་མ་གྱུར་ནས། ཡང་འདི་སྙམ་དུ་བསམས་སོ།། བདག་གིས་རྒྱལ་པོའི་ཁྲིམས་དང་འགལ་བ་ཞིག་བྱས་ན། རྒྱལ་པོས་བསད་ཀྱང་སྲིད་སྙམ་བསམས་ནས། ་རྒྱལ་པོའི་བཙུན་མོ་དང་སླས་རྣམས་ཕོ་བྲང་གི་ཕྱི་རོལ་ཏུ་བྱུང་སྟེ། སྐྱེད་མོས་ཚལ་གྱི་རྫིང་དུ་ཁྲུས་བྱེད་དུ་དོང་ནས། དེ་དག་གི་གོས་དང་རྒྱན་བཀྲོལ་ཏེ་ཤིང་ལ་བཞག་གོ། དེ་ལྟར་གོས་དང ་རྒྱན་ཤིང་ལ་བཞག་པ་གངྒཱ་དར་དེས་མཐོང་ནས་སྐྱེད་མོས་ཚལ་དུ་ཞུགས་ཏེ། བཙུན་མོ་དེ་དག་གི་གོས་དང་རྒྱན་ཕང་པས་བཏབ་ནས་སྒོར་བྱུང་བ་དང་། སྒོ་སྲུངས་ཀྱིས་བཟུང་སྟེ་རྒྱལ་པོ་མ་སྐྱེས ་དགྲ་ལ་ཕུལ་ལོ། ། རྒྱལ་པོས་དེ་སྐད་ཅེས་ཐོས་ནས་རབ་ཏུ་ཁྲོས་ཏེ། མདའ་གཞུ་བླངས་ནས་རྒྱལ་པོ་ཉིད་ལག་དར་ཏེ། ཁྱེའུ་ལ་འཕངས་ན་མདའ་འཕངས་པ་ཁྱེའུ་ལ་མ་སོང་གི་ཕྱིར་ཡང་རྒྱལ ་པོའི་དྲུང་དུ་ལྷུང་ངོ་། ། ལན་གསུམ་གྱི་བར་དུ་དེ་ལྟར་གྱུར་ནས། རྒྱལ་པོ་དངངས་ཏེ་གཞུ་ཡང་བོར་ནས་ཁྱེའུ་ལ་ཁྱོད་ལྷ་འམ། ཀླུ་འམ། ཡི་དགས་སམ། གནོད་སྦྱིན་ནམ། ་ཞིག་ཞེས་སྨྲས་སོ།། ཁྱེའུས་གསོལ་པ། བདག་ལ་གསོལ་པ་སྣ་གཅིག་གནང་ན་ལེགས་པར་སྨྲའོ་ཞེས་གསོལ་པ་དང་། རྒྱལ་པོས་ཀྱང་དེ་བཞིན་དུ་བྱའོ་ཞེས་སྨྲས་སོ།། ཁྱེའུས ་གསོལ་བ། བདག་ནི་ལྷ་ཡང་མ་ལགས། ཀླུ་ཡང་མ་ལགས་ཏེ། རྒྱལ་པོའི་ཁབ་ཀྱི་བློན་པོ་ཆེན་པོའི་བུ་ལགས་སོ།། བདག་རབ་ཏུ་འབྱུང་བར་དང་ན། བདག་གི་ཕ་མས་མ་གམ ་བས་བདག་གི་ལུས་འདི་གཞན་དུ་སྐྱེ་བར་བགྱི་བའི་སླད་དུ་རང་འཆིའོ་སྙམ་སྟེ། བྲག་མཐོན་པོ་ལ་མཆོངས། ཆུར་ཡང་མཆོངས། བཙན་དུག་ཀྱང་འཚལ་ན་འགུམ་དུ་མ་བཏུབ་ནས། ་རྒྱལ་པོའི་ཁྲིམས་ལས་འགལ་བ་ཞིག་བྱས་ན་བཀུམ་པར་འགྱུར་སྙམ་བསམས་ཏེ། རྒྱལ་པོས་དགུམ་པར་བགྱིས་པ་ལས་ཀྱང་འདི་ལྟར་མ་གུམ་སྟེ། ང་འདི་ལྟར་གྱུར་ན་རྒྱལ་པོས་ཐུགས ་བརྩེ་བར་དགོངས་ཏེ། བདག་རབ་ཏུ་འབྱུང་བར་གནང་ཞིག་ཅེས་གསོལ་པ་དང་། རྒྱལ་པོས་ཀྱང་ཁྱོད་རབ་ཏུ་འབྱུང་བར་གནང་ངོ་ཞེས་བཀའ་སྩལ་ནས་ཁྱེའུ་དེ་ཁྲིད་དེ། བཅོམ་ལྡན་འདས་ཀྱི ་སྤྱན་སྔར་ལྷགས་ནས་ཇི་ལྟར་གྱུར་པ། བཅོམ་ལྡན་འདས་ལ་ཞིབ་ཏུ་གསོལ་ཏོ།། དེ་ནས་བཅོམ་ལྡན་འདས་ཀྱིས་ཀྱང་རབ་ཏུ་འབྱུང་བར་གནང་ནས། ལུས་ལ་ཆོས་གོས་གྱོན་ཅིང་དགེ ་སློང་དུ་གྱུར་ཏོ། ། བཅོམ་ལྡན་འདས་ཀྱིས་ཅི་རིགས་པར་ཆོས་བསྟན་པས་སེམས་རྣམ་པར་གྲོལ་ཏེ་དགྲ་བཅོམ་པར་གྱུར་ནས། རིག་པ་གསུམ་དང་། མངོན་པར་ཤེས་པ་དྲུག་དང་། ་རྣམ་པར་ཐར་པ་བརྒྱད་དང་ལྡན་པར་གྱུར་ཏོ།། དེ་ནས་རྒྱལ་པོ་མ་སྐྱེས་དགྲས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཁྱེའུ་གཞོན་ནུ ་། འདིས་སྔོན་དགེ་བའི་རྩ་བ་ཅི་བསྐྲུན་ན། བྲག་ལ་མཆོངས་ཀྱང་མ་གུམ། ཆབ་ཏུ་མཆོངས་ཀྱང་གནོད་པར་མ་གྱུར། བཙན་དུག་འཚལ་ཀྱང་མ་གུམ། མདའ་འཕང ་ཀྱང་སྦས་པར་མ་གྱུར་ཏེ། བཅོམ་ལྡན་འདས་དང་མཇལ་ནས་འཁོར་བའི་མཐའ་ལས་གྲོལ་བར་གྱུར་ཅེས་གསོལ་པ་དང་། བཅོམ་ལྡན་འདས་ཀྱིས། རྒྱལ་པོ་ལ་འདི་སྐད་ཅེས་བཀའ་སྩལ་ཏོ།། ། ་སྔོན་འདས་པའི་དུས་བསྐལ་པ་གྲངས་མེད་པ་འདས་པ་ན། ཡུལ་ཝཱ་རཱ་ཎཱ་སི་ཞེས་བྱ་བ་ན་རྒྱལ་པོ་ཚངས་པས་བྱིན་ཞེས་བྱ་བ་ཞིག་ཡོད་དེ། རྒྱལ་པོ་དེའི་བཙུན་མོ་དང་ཕོ་བྲང་གི་སླས་སུ་བཅས་ནས ་སྐྱེད་མོས་ཚལ་དུ་རོལ་དུ་གཤེགས་སོ། ། སྐྱེད་མོས་ཚལ་དེ་ན་ཕོ་བྲང་གི་སླས་དག་གླུ་བླངས་པ་དང་། ར་བའི་ཕྱི་རོལ་ནས་མི་ཞིག་གིས་སྐད་ཆེན་པོར་རམ་དུ་བཏེག་པ་རྒྱལ་པོས་ཐོས་སོ།། རྒྱལ ་པོ་དེས་དེ་ཐོས་ནས་ཁྲོས་ཏེ་མི་དེ་ཟུང་ལ་སོད་ཅིག་ཅེས་བཀའ་སྩལ་ཏོ། ། དེའི་ཚེ་ན་བློན་པོ་ཞིག་ཕྱི་རོལ་ནས་ནང་དུ་འོང་བ་ལས། མི་དེ་བཙོན་དུ་བཟུང་བ་མཐོང་ནས། གཡོག་རྣམས་ལ་ཅི་ཉེས ་ཏེ་བཟུང་ཞེས་དྲིས་སོ། ། དེ་དག་གིས་ཅིའི་ཕྱིར་བཟུང་བའི་གཏམ་ཞིབ་ཏུ་སྨྲས་ནས། བློན་པོ་དེས་དེ་དག་ལ་རེ་ཞིག་མ་བསད་པར་སྡོད་ཅིག། ཁོ་བོས་རྒྱལ་པོ་ལ་གསོལ་ལོ་ཞེས་སྨྲས་ནས། ་བྲང་གི་ནང་དུ་སོང་སྟེ་རྒྱལ་པོ་ལ་འདི་སྐད་ཅེས་གསོལ་ཏོ།། འགུམས་སུ་ཁྲིད་པའི་མི་དེས་དགུམ་པ་ལ་ཐུག་པའི་ནོངས་པ་མ་བགྱིས་སོ།། གླུ་བླངས་པའི་རམ་བུ་བཏེག་པ་ནི་གཟུགས་སུ་མི་སྡང ་བས་མི་རིགས་པའི་གློ་བ་རིངས་པ་དང་། བཙུན་མོ་ལ་ངན་དུ་བགྱིས་པ་མ་ལགས་ཀྱིས། དེའི་སྲོག་ལ་ཐུགས་བརྩེ་བར་དགོངས་ཏེ་བཏང་བའི་རིགས་སོ་ཞེས་གསོལ་ནས། རྒྱལ་པོས་ཀྱང ་མ་བསད་པར་ཐོང་ཞིག་ཅེས་བཀའ་སྩལ་ཏོ། ། མི་དེ་བློན་པོ་དེའི་གཡོག་བྱེད་པ་ལ་ཞུགས་ཏེ་ཕྱིས་ལོ་མང་ཞིག་ལོན་པ་དང་འདི་སྙམ་དུ་བསམས་སོ།། འདོད་ཆགས་ཀྱིས་སྨྲས་པ་ན་རལ་གྲི་བས་རྗེ་སྟེ ་བདག་འདི་ལྟར་ཉམ་ཐག་པ་ཡང་འདོད་ཆགས་ཀྱི་ཕྱིར་རོ་སྙམ་བསམས་ནས། བློན་པོ་དེ་ལ་བདག་རབ་ཏུ་འབྱུང་ཞིང་ཐར་པའི་ལམ་སྒོམ་དུ་ཅི་གནང་ཞེས་གསོལ་ནས། བློན་པོ་དེས་ཀྱང་ཁྱོད་ཐར ་པའི་ལམ་སྒོམ་ན་བདག་ཀྱང་གེགས་མི་བྱེད་ཀྱིས། ཁྱོད་ཐར་པར་གྱུར་ན་ཡང་ཕྱིར་བདག་དང་ཕྲད་དུ་ཤོག་ཅིག་ཅེས་བསྒོའོ།། མི་དེ་དབེན་པར་སོང་ནས་དོན་དམ་པ་ཡིད་ལ་བྱ་སྟེ། བརྩོན་འགྲུས ་བརྩམས་པས་རང་སངས་རྒྱས་སུ་གྱུར་ནས། ཕྱིར་ཡང་གྲོང་ཁྱེར་དུ་སོང་སྟེ། བློན་པོ་ཆེན་པོ་ག་ལ་བ་དེར་འོངས་སོ།། བློན་པོ་དེ་རབ་ཏུ་དགའ་ནས་བསོད་སྙོམས་དང་འཚོ་བའི་ཡོ་བྱད་རྣམ་པ་བཞི་མི ་བྲེལ་བར་ཕུལ་ཏེ། དེ་ནས་རང་སངས་རྒྱས་དེ་སྟེང་གི་ནམ་མཁའ་ལ་འཕགས་ནས། སྐུ་ལ་ཆུ་བབབ་པ་དང་། མེ་འབྱུང་བ་དང་། འོད་གཟེར་ཆེན་པོ་གཏོང་བ་ལ་སོགས་ཏེ། ཆོ་འཕྲུལ ་རྣམ་པ་བཅོ་བརྒྱད་བསྟན་ཏོ། ། བློན་པོ་ཆེན་པོ་དེས་དེ་ལྟ་བུ་དག་མཐོང་ནས་ཚད་མེད་པའི་སྤྲོ་བ་སྐྱེས་ཏེ་འདི་སྐད་དུ་དམ་བཅས་སོ།། མི་འདི་བདག་གི་དྲིན་གྱིས་འཚོ་བར་གྱུར་གྱིས། བདག་གར ་སྐྱེས་གར་སྐྱེས་ཀྱང་བཙན་ཞིང་ཕྱུག་པ་དང་། ཚེ་རིང་བ་དང་། གཞན་པས་བརྒྱ་འགྱུར་སྟོང་འགྱུར་དུ་ཤིན་ཏུ་འཕགས་ཤིང་ཡེ་ཤེས་དང་བསོད་ནམས་ཀྱང་འདི་དང ་མཉམ་པར་གྱུར་ཅིག་ཅེས་སྨོན་ལམ་བཏབ་བོ། ། བཅོམ་ལྡན་འདས་ཀྱིས། རྒྱལ་པོ་ལ་བཀའ་སྩལ་པ། དེའི་ཚེ་དེའི་དུས་ན་བློན་པོ་དེས་མི་གཅིག་གི་སྲོག་བསྐྱབས་ཏེ་འབྲས་བུ་ཐོབ་པར་བྱས་པ་དེ ་ནི་འདི་ཡིན་ནོ། ། དེའི་རྒྱུ་དེའི་རྐྱེན་གྱིས་གང་ནས་གང་དུ་སྐྱེས་ཀྱང་སྲོག་གི་བར་ཆད་དུ་མ་གྱུར་ཏེ། དང་དང་ཕྲད་ནས་འབྲས་བུ་མཆོག་ཐོབ་པར་གྱུར་ཏོ།། བཅོམ་ལྡན་འདས་ཀྱིས་དེ་སྐད་ཅེས་གསུངས་པ་ལ ་འཁོར་མང་པོ་ཐམས་ཅད་ཡི་རང་ནས་མངོན་པར་དགའ་འོ། ། ལྷའི་བུ་གདྷཱ་དར་ཞེས་བྱ་བའི་ལེའུ་སྟེ་དྲུག་པའོ།། ། རྒྱལ་པོ་གསལ་རྒྱལ་གྱི་བུ་མོ་རྡོ་རྗེའི་ལེའུའོ།། ་འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ན་རྒྱལ་པོ་གསལ་རྒྱལ ་གྱི་བཙུན་མོ་ཆེན་མོ་འབར་ལི་ཞེས་བྱ་བ་ལ། བུ་མོ་གཅིག་བཙས་ནས་བུ་མོ་དེའི་མིང་རྡོ་རྗེ་ཞེས་བཏགས་ཏེ། བཞིན་རབ་ཏུ་མི་སྡུག་པ། ལུས་ཀྱི་ཤ་ཤིན་ཏུ་རྩུབ་པ། རྟ་ལྤགས་ལྟར་སྲ་བ། ་སྒྲ་ཡང་རྟ་རྔོག་ལྟར་གཤོར་བ་ཞིག་སྟེ། རྒྱལ་པོས་ཀྱང་བུ་མོ་མི་སྡུག་པས་མི་དགའ་ནས། ཕོ་བྲང་གི་ནང་སུས་ཀྱང་མི་མཐོང་པོའི་གནས་ཞོག་ཏུ་བསྐྱེད་དོ།། བུ་མོ་དེ་དེ་ལྟར་མི་སྡུག་ཀྱང ་བཙུན་མོ་ཆེན་མོ་ལ་བཙས་པས། མི་སྡུག་བཞིན་དུ་སུས་ཀྱང་མི་མཐོང་བའི་གནས་ཞིག་ཏུ་བསྐྱེད་དེ། ཕྱིས་ཆེར་སྐྱེས་ནས་བག་མར་གཏོང་རན་པ་དང་། རྒྱལ་པོ་རབ་ཏུ་མི་དགའ་ནས། བློན་པོ ་ལ་འདི་སྐད་ཅེས་བཀའ་སྩལ་ཏོ། ། ཐེག་མ་ཚེ་རིགས་མཐོ་བ་རྗེའུ་རིགས་སུ་གཏོགས་པ་ལས། ང་འཁྱམས་ཏེ་ནོར་དང་ལོངས་སྤྱོད་མི་བདོག་པ་ཅིག་འཚོལ་ལ་ཁྲིད་དེ་ཤོག་ཅིག་ཅེས་བསྒོའོ།། དེ་ནས ་བློན་པོ་དེས་ཀྱང་སྔོན་ཚེ་རིགས་མཐོ་ཞིང་རྗེའུ་རིགས་ཀྱི་བུ་ལས་འཁྱམས་ནས། དབུལ་འཕོངས་པ་ཞིག་རྙེད་དེ་རྒྱལ་པོ་ལ་ཕུལ་ལོ།། རྒྱལ་པོས་ཀྱང་དེ་དང་མི་མེད་པའི་གནས་དབེན་པ་ཞིག ་ཏུ་གསང་སྟེ། ང་ལ་བུ་མོ་བྱད་བཞིན་མི་སྡུག་པ་ཞིག་ཡོད་དེ་བག་མར་བཏང་རན་ན། གཉེན་བླ་མ་རྙེད་ཀྱིས་ཚེ་རིགས་ཆེ་ཞིང་མཐོ་བ་ཁྱོད་དབུལ་ཞིང་ཅི་ཡང་མེད་མོད་ཀྱི། ཁྱོད་ཀྱི་ཆུང་མར ་སྦྱིན་གྱིས་ལོང་ཞིག་ཅེས་བཀའ་སྩལ་པ་དང་། དེ་ནས་ཁྱེའུ་དེས་པུས་མོས་ལ་བཙུགས་ནས་རྒྱལ་པོའི་བཀའ་བཞིན་དུ་བགྱིའོ།། རྒྱལ་པོ་ཆེན་པོ་བདག་ལ་ཁྱི་མོ་ཞིག་སྩལ་ན་ཡང་བླང་བར ་འཚལ་ན། རྒྱལ་པོའི་སྐུ་གདུང་ལ་གཏོགས་པའི་སྲས་མོ་སྤྲུལ་བ་ལྟ་ཅི་སྨོས་ཏེ། བཀའ་བཞིན་དུ་བླང་བར་འཚལ་ལོ་ཞེས་གསོལ་ཏོ།། རྒྱལ་པོས་ཀྱང་སྲས་མོ་དབུལ་པོའི་ཆུང་མར ་བྱིན་ནས་དེའི་གནས་ཁང་ལེ་སོགས་པ་བྱས་ཏེ། སྒོ་བདུན་རིམ་དུ་བྱས་ནས་དམག་པ་ལ་འདི་སྐད་ཅེས་བསྒོའོ།། ཁྱོད་གུད་དུ་འགྲོ་བའི་ཚེ་ཁྱོད་ཉིད་ཀྱིས་སྒོ་ཚོད་ལ་ལྡེ་མིག་ཀྱང་ཁྱེར་ཅིག། ་ངའི་བུ་མོ་རབ་ཏུ་མི་སྡུག་པ་འདི་ཅི་ནས་ཀྱང་ཕྱི་མི་གཞན་གྱིས་མི་མཐོང་བར་སྒོ་རབ་ཏུ་སྡོམས་ཤིག་ཅེས་བསྒོ་ནས། ནོར་དང་ལོངས་སྤྱོད་ལ་སོགས་པ་ཡོ་བྱད་ཅི་དགོས་པ ་ཐམས་ཅད་ཆོག་པར་བྱིན་ཏེ་བློན་པོར་བཅུག་གོ། དེ་ནོར་རིན་པོ་ཆེ་དང་ལོངས་སྤྱོད་མང་པོ་དང་ལྡན་པར་གྱུར་པས། དུས་ཕྱི་ཞིག་ན་རིགས་ཆེ་ཞིང་མཐོ་བ་གཞན་དང་སྟོན་མོ་བྱ་བར་འཐམས་ཏེ། ་སྟོན་མོ་ལ་ཁྱོ་ཤུག་དང་བུ་ཚ་ཡང་འདུས་ཏེ་རྩེ་བར་བྱས་པ་ལས། གཞན་ཀུན་ནི་ཆུང་མ་དང་འགྲོགས་ཏེ་འོངས་ན། བློན་པོ་དེ་འབའ་ཞིག་གི་ཆུང་མ་མ་འོངས་པས་གྲོགས་པོ་དག་ཐེ་ཙོམ ་དུ་གྱུར་ཏེ། ཡང་ན་ནི་མི་འདིའི་ཆུང་མ་མངའ་བྱེད་ཤིན་ཏུ་མཛེས་ཤིང་བཟང་མོ་ཞིག་གོ། ཡང་ན་ནི་ཤིན་ཏུ་མི་སྡུག་ཅིང་གཞན་གྱིས་མཐོང་དུ་མི་རུང་བ་ཞིག་ཡིན་པས་ཁྲིད་དེ་མ་འོངས་སོ། ་སྙམ་ཐེ་ཚོམ་ཟ་བས། དེ་དག་དེའི་ཆུང་མ་བལྟ་བར་བགྲོས་ནས་ཡིད་མཐུན་པར་གསང་སྟེ། མི་འདི་ཆང་གིས་ར་རོ་བར་བྱས་ལ། མི་དྲན་པའི་འོག་ཏུ་ལྡེ་མིག་བརྐུས་ཏེ། མི་ལྔ ་ཙམ་ཞིག་དེའི་ཆུང་མ་ལྟར་བཏང་ངོ་ཞེས་བགྲོས་སོ། ། དེའི་ཚེ་ན་མི་དེའི་ཆུང་མ་བདག་གིས་སྔོན་སྡིག་པ་ཅི་ཞིག་བྱས་ན། ཁྱིམ་ཐབ་སྡང་སྟེ་འདི་འདྲ་བར་མུན་ཁང་དུ་བཅུག་ནས་ཉི་མ་དང ་ཟླ་བ་ཙམ་ཡང་བལྟར་མེད་དེ། མི་གཞན་ཡང་མི་མཐོང་སྙམ་ཤིན་ཏུ་མི་དགའ་ནས་ཡང་འདི་སྙམ་དུ་བསམས་སོ།། སངས་རྒྱས་བཅོམ་ལྡན་འདས་འཇིག་རྟེན་ན་བཞུགས་ཏེ། སེམས ་ཅན་གང་སྡུག་བསྔལ་གྱིས་གདུངས་པ་དག་གི་མགོན་དང་སྐྱབས་མཛད་དེ་ཐར་པར་མཛད་དོ་ཞེ་ན། བཅོམ་ལྡན་འདས་ལ་བདག་རྒྱང་མ་ནས་ཕྱག་འཚལ་ལོ།། ཐུགས་བརྩེ་བར་དགོངས་ཏེ་བད ་གི་མདུན་དུ་མངོན་སུམ་དུ་གཤེགས་ཤིང་བདག་ལ་ཅུང་ཙམ་ཞིག་ཞལ་སྟོན་པར་ཀྱང་ཅི་མ་རུང་སྙམ་བསམས་སོ། ། བུ་མོ་དེའི་བསམ་པ་ཤིན་ཏུ་དག་ཅིང་མོས་པར་མཁྱེན་ནས། བཅོམ་ལྡན་འདས ་དེའི་ཁྱིམ་དུ་གཤེགས་ཏེ། བུ་མོ་དེའི་མདུན་གྱིས་ལས་དབུ་མཐོན་མཐིང་གི་མཚན་མངོན་པར་བསྟན་པ་བུ་མོ་དེས་མཐོང་བར་མཛད་དོ།། བུ་མོ་ངེས་བཅོམ་ལྡན་འདས་ཀྱི་དབུ་མཐོ་ན་མཐིང་མཐོང ་ནས་ལྷག་པར་དགའ་ཞིང་མགུ་རངས་ཏེ་བསམ་པ་ཤིན་ཏུ་དག་པར་གྱུར་ཏོ། ། བསམ་པ་ཤིན་ཏུ་དག་པས་བུ་མོ་དེའི་སྒྲ་ཡང་ཤིན་ཏུ་འཇམ་ཞིང་མཐོན་མཐིང་གི་ཁ་དོག་ཏུ་གྱུར་ཏོ།། བཅོམ་ལྡན་འདས ་ཀྱི་ཞལ་ཡང་མངོན་དུ་བསྟན་པ་བུ་མོ་དེས་མཐོང་མ་ཐག་ཏུ་རབ་ཏུ་དགའ་མགུ་རངས་པས་བུ་མོ་དེའི་བཞིན་ཡང་བཟང་ཞིང་མཛེས་པར་གྱུར་ཏོ། ། མི་སྡུག་པ་དང་རྩུབ་པ་ཡང་རང་མེད་པར་གྱུར་ཏོ།། ་བཅོམ་ལྡན་འདས་ཀྱི་སྐུ་སྟ་ཟུར་ཡན་ཆད་མངོན་པར་བསྟན་ཏེ། གསེར་གྱི་མདོག་ལྟ་བུའི་འོད་ལྷམ་མེར་སྣང་བར་མཛད་པ་བུ་མོ་དེས་མཐོང་ནས། སངས་རྒྱས་ལ་ལྷག་པར་དགའ་ཞིང་རབ་ཏུ ་མགུ་རངས་པར་གྱུར་ཏོ། ། དེ་ལྟར་དགའ་མགུ་རངས་པས་མི་སྡུག་པ་ཐམས་ཅད་མེད་པར་གྱུར་ཏེ། ཤིན་ཏུ་མཛེས་སྡུག་པ་ནི་ལྷའི་བུ་ལྷར་འཇིག་རྟེན་ན་དཔེ་ཟླ་མེད་པར་གྱུར་ཏོ།། བཅོམ་ལྡན ་འདས་ཀྱིས་བུ་མོ་དེ་ལ་ཐུགས་བརྩེ་བའི་ཕྱིར། སྐུ་རྫོགས་པར་བསྟན་ནས་བུ་མོ་མག་མི་འཛུམས་པར་ལྟ་ཞིང་། སྔར་བས་ཀྱང་ལྷག་པར་རབ་ཏུ་དགའ་མགུ་རངས་ནས་ལུས། ་ཀྱི་མཚན་ཐམས་ཅད་འཇིག་རྟེན་ན་དཔེ་ཟླ་མེད་པར་ཤིན་ཏུ་བཟང་ཞིང་མི་སྡུག་པའི་བག་ལྷག་མ་ཅུང་ཟད་ཙམ་ཡང་མ་ལུས་སོ།། བཅོམ་ལྡན་འདས་ཀྱིས་ཅི་རིགས་སུ་ཆོས་ཀྱང་བསྟན་པས་སྡིག་པ་ཀུན ་ཟད་དེ་རྒྱུན་དུ་ཞུགས་པ་ཐོབ་པར་གྱུར་ནས། བཅོམ་ལྡན་འདས་ཀྱང་སླར་གཤེགས་སོ།། དེ་ནས་དེ་མ་ཐག་ཏུ་མི་ལྔ་པོ་ཡང་སྒོ་བྱེ་སྟེ་ནང་དུ་ལྷགས་ནས། དེའི་ཆུང་མ་རབ་ཏུ་མཛེས་ཤིང་བཟང ་ལ་ཟླ་མེད་པ་མཐོང་ནས། གཅིག་ལ་གཅིག་འདི་སྐད་དུ། འདིའི་ཆུང་མ་འདི་ཤིན་ཏུ་བཟང་ཞིང་མཛེས་པས་མི་ཁྲིད་དོ་ཞེས་སྨྲས་ཏེ། དེ་དག་དེའི་ཆུང་མ་མཐོང་ནས་ཕྱིར་ཡང་སྒོ་བཅད་དེ། དེ ་ངག་གང་ན་འདུག་པར་འོངས་ནས། མི་དེས་མ་ཚེར་བར་ལྡེ་མིག་ཀྱང་ཕྱིར་ལུས་ལ་བཏགས་སོ།། མི་དེ་ར་རོ་བ་ལས་སངས་ནས། ཀུན་གྱིས་ཏེ་ཕྱིར་ཁྱིམ་དུ་འོངས་པ་དང་། བདག་གི་ཆུང་མ་མངའ ་བྱད་ཤིན་ཏུ་བཟང་ཞིང་མཛེས་ཏེ། མིའི་ནང་ན་ཤིན་ཏུ་དཀོན་པར་གྱུར་པ་མཐོང་ནས་རབ་ཏུ་དགའ་སྟེ། ཆུང་མ་ཁྱོད་སུ་ཡིན་ཞེས་སྨྲས་པ་དང་། ཆུང་མས་ཀྱང་བདག་ནི་ཁྱོད་ཀྱི་ཆུང་མའོ་ཞེས་སྨྲས ་སོ། ཁྱོས་སྨྲས་པ། ཁྱོད་ནི་རབ་ཏུ་ཡང་མི་སྡུག་པ་ཞིག་ན། ཅིའི་ཕྱིར་འདི་ལྟར་བཟང་ཞིང་མཛེས་པར་གྱུར་ཅེས་དྲིས་པ་དང་། ཆུང་མས་སྨྲས་པ། བདག་གིས་སངས་རྒྱས་མཐོང་བས ་ལུས་འདི་ལྟ་བུར་འདི་ལྟར་གྱུར་ཏོ་ཞེས་གཏམ་ཞིབ་ཏུ་སྨྲས་སོ། ། ཆུང་མས་ཡང་སྨྲས་པ། བདག་གི་ཡིད་ལ་ད་ནི་ཡབ་རྒྱལ་པོ་དང་ཕྲད་འདོད་ཀྱིས། རྒྱལ་པོ་ལ་བདག་འདི་སྐད་མཆིའོ་ཞེས་གསོལ ་ཅིག། ཁྱོས་ཀྱང་རྒྱལ་པོ་ལ་དེ་བཞིན་གསོལ་ནས། རྒྱལ་པོས་མག་པ་ལ་འདི་སྐད་མ་ཟེར་བར་མྱུར་དུ་སོང་ལ་ཕྱིར་འབྱུང་དུ་མ་གནང་བར་སྡོམས་ཤིག་ཅེས་བཀའ་སྩལ་ཏོ།། མག་པས་ཡང ་གསོལ་པ། རྒྱལ་པོ་ཆེན་པོ་སྲས་མོ་ནི། བཅོམ་ལྡན་འདས་ཀྱི་ཐུགས་རྗེའི་བྱིན་གྱིས་ལྷ་མོ་དང་འདྲ་བར་བཟང་ཞིང་མཛེས་པར་གྱུར་ཏོ།། རྒྱལ་པོས་མག་པ་ལ་བཀའ་སྩལ་པ། ཁྱོད་སྦ ་བ་བདེན་ཏེ། དེ་ལྟར་གྱུར་ན་མྱུར་དུ་ཁྲིད་དེ་ཤོག་ཅིག་ཅེས་བསྒོ་ནས། ཤིང་རྟ་བརྒྱན་ཏེ་སྲས་མོ་ཕོ་བྲང་གི་ནང་དུ་བསུའོ།། རྒྱལ་པོའི་བུ་མོ་དེ་དེ་ལྟར་བཟང་ཞིང་མཛེས་པར་གྱུར་པ་མཐོང་ནས་རབ ་ཏུ་དགའ་མགུ་རངས་ཏེ། རྒྱལ་པོ་དང་། བཙུན་མོ་དང་། མག་པ་དང་། བུ་མོར་བཅས་པ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། སངས་རྒྱས་ལ་ཕྱག་འཚལ་ནས་ཕྱོགས ་གཅིག་ཏུ་འཁོད་དོ། ། དེ་ནས་རྒྱལ་པོ་གསལ་རྒྱལ་པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བུ་མོ་འདིས་བསོད ་ནམས་ཅི་ཞིག་བགྱིས་ན། རིགས་ཆེ་ཞིང་མཐོ་ལ་ལོངས་སྤྱོད་མང་པོ་ནོར་དབྱིག་དང་ལྡན་པའི་རིགས་སུ་སྐྱེས། སྡིག་པའི་ལས་ཅི་ཞིག་བགྱིས་ན་བྱང་གཟུགས་ཤིན་ཏུ་མི་སྡུག་ཅིང་པགས་པ ་དང་སྒྲ་ཡང་དུད་འགྲོ་ལྟ་བུར་གྱུར་ཅེས་གསོལ་བ་དང་། དེ་ལ་བཅོམ་ལྡན་འདས་ཀྱིས་བཀའ་སྩལ་བ། རྒྱལ་པོ་ཆེན་པོ་སྲས་མོ་མངའ་བྱང་མཛེས་ཤིང་བཟང་བ་དང་མི ་སྡུག་པ་ཡང་ཚེ་རབས་སྔ་མ་ལ་བསོད་ནམས་དང་སྡིག་པའི་ལས་བྱས་པ་ལས་གྱུར་ཏོ། ། སྔོན་འདས་པའི་དུས་ཡུན་རིང་པོ་ན་ཡུལ་ཝཱ་རཱ་ཎཱ་སི་ཞེས་བྱ་བ་དེའི་ཡུལ་མི་ཁྱིམ་བདག་རབ་ཏུ་ཕྱུག་པ། ་ནོར་དབྱིག་ཚད་མེད་པ་དང་ལྡན་པ་ཞིག་བྱུང་སྟེ། ཁྱིམ་བདག་དེ་ཁྱིམ་ན་ཅི་བདོག་པ་ཐམས་ཅད་རང་སངས་རྒྱས་གཅིག་ལ་མཆོད་ཅིང་འབུལ་ལོ།། རང་སངས་རྒྱས་དེའི་སྐུ་ཤིན་ཏུ་རྩུ་བ་ལ་ངན་པ་མི་སྡུག ་བསྐེམས་པ་ཞིག་སྟེ། ཁྱིམ་བདག་དེ་ལ་བུ་མོ་ཆུང་ངུ་ཞིག་ཡོད་པ་དེས། ཉིན་གཅིག་བཞིན་དུ་རང་སངས་རྒྱས་དེ་གཤེགས་པ་མཐོང་ནས། བུ་མོ་དེས་ཁ་ན་མེ་ཐོ་བའི་སེམས་བསྐྱེད་དེ་བསྙེ ་སྤྱོད་ཅིང་འདི་སྐད་དུ། བྱང་བཞིན་མོ་སྡུག་པ་ལུས་ཀྱི་པགས་པ་རྩུབ་པ་འདི་རི་མོ་སྡུག་ཅེས་ཁ་བྱོས་སོ།། རང་སངས་རྒྱས་དེ་རྟག་ཏུ་དེའི་ཁྱིམ་དུ་གཤེགས་ཤིང་མཆོད་པ་བཞེས་ནས་ཡུན་རིང ་མོ་ཞིག་ལོན་པ་དང་མྱ་ངན་ལས་འདའ་བར་བསམས་ཏེ། ཡོན་བདག་དེའི་ཕྱིར་སྟེང་གི་ནམ་མཁའ་ལ་འཕགས་ནས་སྐུ་ལ་མེ་འབར་བ་དང་། ཆུ་འབབ་པ་དང་། ཤར་ཕྱོགས་ནས་མི་སྣང་བར ་གྱུར་ནས་ནུབ་ཕྱོགས་སུ་བྱུང་བ་དང་། ནུབ་ཕྱོགས་ནས་མི་སྣང་ནས་ཤར་ཕྱོགས་སུ་བྱུང་བ་དང་། ལྷོ་ཕྱོགས་ནས་མི་སྣང་ནས་བྱང་ཕྱོགས་སུ་བྱུང་བ་དང་། བྱང་ཕྱོགས་ནས་མི་སྣང་ནས་ལྔ ་ཕྱོགས་སུ་བྱུང་བ་དང་། ནམ་མཁའ་སྟོང་པ་ལ་ཉལ་བ་དང་འདུག་པ་ལ་སོགས་པའི་ཆོ་འཕྲུལ་རྣམ་པ་སྣ་ཚོགས་བསྟན་ཏེ། ཁྱིམ་དེའི་མི་ཐམས་ཅད་ཀྱིས་ཆོ་འཕྲུལ་དེ་མཐོང་བར་བྱས་ནས་ནམ་མཁའ ་ལས་བབས་ཏེ། དེའི་ཁྱིམ་དུ་གཤེགས་སོ།། ཁྱིམ་བདག་དེ་ཡང་ལྷག་པར་རབ་ཏུ་དགའ་མགུ་རངས་པར་གྱུར། བུ་མོ་དེ་ཡང་ཤིན་ཏུ་འགྱོད་པ་སྐྱེས་ནས། རང་སངས་རྒྱས་དེ་ལ་འདི་སྐད་དུ་བདག ་གིས་སྔར་ཁ་ན་མ་ཐོ་བའི་ནོངས་པ་ཡང་དང་ཡང་བགྱིས་པ་བདག་གི་དངོས་སྡིག་ཏུ་མི་འགྱུར་བར་འགྱོད་ཚངས་གསོལ་ནས། རང་སངས་རྒྱས་དེས་ཀྱང་འགྱོད་ཚངས་བྱ་བར་གནང་ངོ་།། བཅོམ་ལྡན ་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་དེའི་ཚེ་དེའི་དུས་ན། བུ་མོ་དེ་ནི་ད་ལྟར་གྱི་རྒྱལ་པོའི་བུ་མོ་འདི་ཡིན་ཏེ། དེའི་ཚེ་མི་དགེ་བའི་སེམས་ཀྱིས་འཕགས་པ་རང་སངས་རྒྱས་ལ་སྨད་པའི ་ངག་གི་ཉེས་པས། དེ་ཕྱིན་ཆད་རྟག་ཏུ་མི་སྡུག་པའི་ལུས་མྱོང་བར་གྱུར་ཏོ།། ཕྱིས་ཆོ་འཕྲུལ་མཐོང་ནས་འགྱོད་པས་ནི་ཕྱིར་ཡང་མངའ་བྱད་མཛེས་ཤིང་བཟང་བ་དང་བློ་དང་ལྡན་པར་གྱུར་ཏོ།། ་རང་སངས་རྒྱས་ལ་མཆོད་པ་བྱས་པས་གང་ནས་གང་དུ་སྐྱེས་ཀྱང་། རིགས་ཆེ་ཞིང་ལོངས་སྤྱོད་འབྱོར་པ་དང་། མཐར་རྣམ་པར་གྲོལ་བར་གྱུར་ཏོ།། དེ་བས་ན་རྒྱལ་པོ་ཆེན་པོ་ཇི་ཙམ་དུ་སེམས ་ཅན་གྱི་རིགས་སུ་གཏོགས་པ་ཐམས་ཅད་ནི། ལུས་དང་ངག་གི་ཉེས་པ་ཤིན་ཏུ་བསྲུང་ཞིང་གཞན་ལ་བརྙས་པ་དང་སྨད་པར་མི་བྱའོ།། དེའི་ཚེ་ན་རྒྱལ་པོ་གསལ་རྒྱལ་འཁོར་དང་བཅས་པ་དང་། ་འཁོར་མང་པོ་ཐམས་ཅད་བཅོམ་ལྡན་འདས་ཀྱིས་རྣམ་པར་སྨིན་པའི་འབྲས་བུ་བསྟན་པ་ཐོས་ནས་བསམ་པ་ཤིན་ཏུ་དག་པའི་དད་པ་དང་ལྡན་པར་གྱུར་ཏེ། དེ་ལྟར ་བསམ་པ་ཤིན་ཏུ་རྣམ་པར་དག་པས་ལ་ལ་ནི་འབྲས་བུ་དང་པོ་ནས། འབྲས་བུ་བཞི་པའི་བར་དུ་ཐོབ་པར་གྱུར་ཏོ།། ལ་ལ་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ།། ལ་ལ་ནི་ཕྱིར་མི ་ལྡོག་པའི་ས་ལ་གནས་པར་གྱུར་ཏེ། འཁོར་དེ་དག་ཐམས་ཅད་བཅོམ་ལྡན་འདས་ཀྱིས་གསུངས་པ་ལ་ཡི་རང་ནས་མངོན་པར་དགའ་བོ།། རྒྱལ་པོ་གསལ་རྒྱལ་གྱི་བུ་མོ་རྡོ་རྗེའི་ལེའུ ་སྟེ་བདུན་པའོ། ། ། གསེར་དབྱིག་གི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན ་མེམོད་པས་སྦྱིན་གྱི་ཀུན་དགའ་ར་བ་ན། དགེ་སློང་ཆེན་པོའི་དགེ་འདུན་བརྒྱ་ཕྲག་ཕྱེད་དང་བཅུ་གསུམ་དང་ཐབས་ཅིག་ཏུ་བཞུགས་སོ།། དེའི་ཚེ་གྲོང་ཁྱེར་དེ་ན་ཁྱིམ་དག་གཅིག་གི་ཆུང་མ་ལ་བུ་གཅིག། ་བཙས་ཏེ། མིང་ཡང་གསེར་དབྱིག་ཅེས་བཏགས་ནས། བྱད་གཟུགས་ལེགས་པ། བཟང་བ། ཤིན་ཏུ་མཛེས་པ། འཇིག་རྟེན་ན་ཟླ་མེད་པ། ཁྱེའུ་དེ་སྔོན་གྱི་ལས་ཀྱིས་ལག་པ ་གཉིས་ཁུ་ཚུར་བཅངས་ནས་བྱུང་ངོ་། ། ཁྱེའུ་དེའི་ཕ་མ་ཡ་མཚན་དུ་གྱུར་ཏེ་བཀྲ་མི་ཤིས་སོ་སྙམ་ནས། ཁྱེའུ་དེའི་ཁུ་ཚུར་གཉིས་ཕྱེ་སྟེ་བལྟས་ན། ཁྱེའུའི་ལག་མཐིལ་ན་གསེར་གྱི་དོང་ཆེ་རེ ་ཡོད་དོ། ། ཕ་མ་གཉིས་རབ་ཏུ་དགའ་སྟེ། གསེར་གྱི་དོང་ཆེ་གཉིས་ཀ་བླངས་ཏེ། བླངས་པའི་ཤུལ་ན་རུང་ཡང་ཡོད་པར་གྱུར་ནས་ཡང་བླངས་སོ།། དེ་བཞིན་དུ་པ་མ་གཉིས་ཀྱིས་གསེར་གྱི ་དོང་ཚེ་ལག་མཐིལ་ནས་བླངས་པ། བང་མཛོད་གང་ཡང་བུའི་ལག་ནས་དོང་ཚེ་ཟད་པར་མ་གྱུར་ཏོ།། ཁྱེའུ་ང་ཕྱིས་ཆེར་སྐྱེས་ནས་ཕ་མ་ལ་བདག་རབ་ཏུ་འབྱུང་ངོ་ཞེས་གསོལ་པ་དང་། ཕ་མས ་ཀྱང་ཡིད་བཞིན་དུ་གནང་ངོ་ཞེས་སྨྲས་སོ། ། དེ་ནས་ཁྱེའུ་གསེར་དབྱིག་བཅོམ་ལྡན་འདས་ག་ལ་བ་དེར་སོང་ནས་ཞབས་ལ་སྤྱི་བོས་ཕྱག་འཚལ་ཏེ། སངས་རྒྱས་ལ་འདི་སྐད་ཅེས་གསོལ་ཏོ།། ་བཅོམ་ལྡན་འདས་བདག་ལ་ཐུགས་བརྩེ་བའི་སླད་དུ། སྟོན་པའི་བསྟན་པ་ལ་རབ་ཏུ་འབྱུང་བར་ཅི་གནང་ཞེས་གསོལ་པ་དང་། བཅོམ་ལྡན་འདས་ཀྱིས་ཁྱེའུ་གསེར་དབྱིག་ཁྱོད་རབ་ཏུ ་འབྱུང་བར་གནང་ངོ་ཞེས་བཀའ་སྩལ་ཏོ། ། དེ་ལྟར་སངས་རྒྱས་ཀྱིས་གནང་ནས། ཁྱེའུ་གསེར་དབྱིག་སྐྲ་དང་ཁ་སྤུ་བྲེགས་ཏེ་ཆོས་གོས་གྱོན་ནས་དགེ་སྦྱོང་དུ་བྱས་སོ།། ཕྱིས་ལོ་གྲངས ་ཚང་སྟེ་བསྙེན་པར་རྫོགས་རན་ནས་དགེ་འདུན་ལ་དད་པ་གསོལ་ཏེ། བསྙེན་པར་རྫོགས་པར་གསོལ་ཏོ།། བསྙེན་པར་རྫོགས་པའི་དགེ་འདུན་ལ་རིམ་གྱིས་ཕྱག་འཚལ་ཏེ། མཐར་གྱིས ་ཕྱག་འཚལ་བ་ན་ལག་པ་གཉིས་ས་ལ་གར་རེག་པར་གསེར་གྱི་དོང་ཚེ་རེ་རེ་ཡོད་དེ། དེ་བཞིན་དུ་མཐར་གྱིས་ཕྱག་འཚལ་བ་ཐམས་ཅད་དུ་གསེར་གྱི་དོང་ཚེ་ཡོད་པར་གྱུར་ཏོ།། བསྙེན་པར ་རྫོགས་ནས་བརྩོན་འགྲུས་བསྒོམས་པས་དགྲ་བཅོམ་པ་ཐོབ་པར་གྱུར་ཏོ། ། ཀུན་དགའ་བོས། བཅོམ་ལྡན་འདས་ལ་གསོལ་པ། བཅོམ་ལྡན ་འདས་དགེ་སློང་གསེར་དབྱིག་འདི་སྔོན་བསོད་ནམས་ཅི་ཞིག་བགྱིས་ན། ཐོག་མ་བཙས་ནས་ད་ཙམ་གྱི་བར་དུ་གསེར་གྱི་དོང་ཚེ་ཐོགས་པ། བཅོམ་ལྡན་འདས་ཀྱིས་བསྟན་དུ་གསོལ། བཅོམ ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། རྟག་པར་ཉོན་ལ་ཤིན་ཏུ་ཡིད་ལ་ཟུང་ཞིག་དང་། ཁྱོད་ལ་བསྟན་པར་བྱའོ་ཞེས་བཀའ་སྩལ་པ་དང་། ཀུན་དགའ་བོས་དེ་བཞིན ་དུ་ཐོས་པར་འཚལ་ལོ་ཞེས་གསོལ་ཏོ། ། བཅོམ་ལྡན་འདས་ཀྱིས་བཀའ་སྩལ་པ། སྔོན་འདས་པའི་བསྐལ་པ་དགུ་བཅུ་རྩ་གཅིག་གི་ཕ་རོལ་ན། སངས་རྒྱས་གསེར་ཐུབ་ཅེས་བྱ་བ ་འཇིག་རྟེན་དུ་གཤེགས་ཏེ། དམ་པའི་ཆོས་ཀྱིས་སེམས་ཅན་གྱི་དོན་མཛད་པ་ནི་བརྗོད་ཅིང་དཔག་ཏུ་མེད་དོ།། སངས་རྒྱས་དེ་དགེ་འདུན་དུ་བཅས་ནས་ཡུལ་རྒྱུ་ཞིང་གཤེགས་པ་ལས། ཁྱིམ ་བདག་རིགས་ཆེ་ཞིང་མཐོ་བ་འབྱོར་པ་དང་ལོངས་སྤྱོད་དུ་ལྡན་པ་རྣམས་ཞལ་ཟས་རྣམ་པ་སྣ་ཚོགས་བཤམས་ཏེ། སངས་རྒྱས་དང་ཉེ་གནས་འཕགས་པའི་དགེ་འདུན་ལ་མཆོད་པ་བྱས་སོ།། ་དེའི་ཚེ་ན་མི་དབུལ་པོ་ལོངས་སྤྱོད་ཅི་ཡང་མི་བདོག་པ་ཞིག་རྟག་ཏུ་རི་ལ་ཤིང་ཐུ་ཞིང་འཚེང་ངོ་།། ཕྱིས་ཤིང་བཙོངས་པའི་རིན་དུ་དོང་ཚེ་གཉིས་ཤིག་རྙེད་ནས། དབུལ་པོ་དེས་སངས་རྒྱས་དགེ་འདུན་དང ་བཅས་པ་རྒྱལ་པོའི་ཕོ་བྲང་དུ་སྤྱན་དྲངས་ཏེ་གཤེགས་པ་མཐོང་ནས་རབ་ཏུ་དགའ་མགུ་རངས་ཏེ། དོང་ཚེ་གཉིས་བདོག་པ་སངས་རྒྱས་དང་དགེ་འདུན་ལ་ཕུལ་བ་དང་། བཅོམ་ལྡན་འདས་ཀྱིས ་དེ་ལ་ཐུགས་བརྩེ་བར་དགོངས་ཏེ་དོང་ཚེ་གཉིས་བཞེས་ཏེ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། དེའི་ཚེ་ན་མི་དབུལ་པོ་ངེས་དོང་ཚེ་གཉིས་ཤིག་སངས་རྒྱས་དང་། ་དགེ་འདུན་ལ་ཕུལ་བས། བསྐལ་པ་དགུ་བཅུ་རྩ་གཅིག་གི་བར་དུ་ལག་ན་གསེར་གྱི་དོང་ཚེ་རྟག་ཏུ་ཐོགས་པར་གྱུར་ཏོ།། ནོར་དང་། རིན་པོ་ཆེ་དང་། འཚོ་བའི་ལོངས་སྤྱོད་ཟད་མི་ཤེས ་པར་གྱུར་ཏོ། ། དེའི་ཚེ་དེའི་དུས་ན་མི་དབུལ་པོ་དེ་ནི་དགེ་སློང་གསེར་དབྱིག་འདི་ཡིན་ཏེ། མི་འདིས་ཇི་སྟེ་དགྲ་བཅོམ་པའི་འབྲས་བུ་ཐོབ་ན་ཡང་མ་འོངས་པའི་འབྲས་བུ་རྣམ་པར་སྨིན་པ་ཡང་ཚད ་དཔག་ཏུ་མེད་དོ། ། དེ་བས་ན་ཀུན་དགའ་བོ་སེམས་ཅན་ཐམས་ཅད་ཀྱིས་སྦྱིན་པ་སྦྱིན་པའི་ལས་ལ་བརྩོན་པར་བྱའོ།། དེའི་ཚེ་ན་ཀུན་དགའ་བོ་དང་འཁོར་མང་པོ་རྣམས་སངས་རྒྱས་ཀྱིས་གསུངས ་པ་འདི་ཐོས་ནས་དད་ཅིང་མོས་པར་གྱུར་ཏེ། ལ་ལ་ནི་རྒྱུན་དུ་ཞུགས་པའི་འབྲས་བུ་ཐོབ། ལ་ལ་ནི་ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པ་ཐོབ་བོ།། ལ ་ལ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། ། ལ་ལ་ནི་ཕྱིར་མི་ལྡོག་པའི་ས་ལ་གནས་པར་གྱུར་ཏེ། འཁོར་ཐམས་ཅད་སངས་རྒྱས་ཀྱིས་གསུངས་པ་ལ་མངོན་པར ་དགའ་འོ། གསེར་དབྱིག་གི་ལེའུ་སྟེ་བརྒྱད་པའོ།། ལྷའི་མེ་ཏོག་གི་ལེའུའོ།། འདི་སྐང་བདག་གིས་ཐོས་པ་དུས་གཅིག་ན། བཅོམ ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་ཆེན་པོའི་དགེ་འདུན་བརྒྱ་ཕྲག་ཕྱེད་དང་བཅུ་གསུམ་དང་ཐབས་ཅིག་ཏུ་བཞུགས་སོ།། དེའི ་ཚེ་ཡུལ་དེ་ན་ཁྱིམ་བདག་རིགས་ཆེ་ཞིང་མཐོ་བའི་ཆུང་མ་ལ་བུ་གཅིག་བཙས་ན། བྱད་གཟུགས་ལེགས་པ། བལྟ་ན་སྡུག་པ། བཟང་བ་ཤིན་ཏུ་མཛེས་པ་ཞིག་བཙས་སོ།། བཙས་མ་ཐག་ཏུ། ་ནམ་མཁའ་ལས་ལྷ་རྫས་ཀྱི་མེ་ཏོག་ཆར་བཞིན་དུ་བབ་སྟེ། ཁང་པ་ཀུན་གང་བས་བུའི་མིང་ཡང་ལྷའི་མེ་ཏོག་ཅེས་བཏགས་སོ།། ཁྱེའུ་དེ་ཕྱིས་ཆེར་སྐྱེས་ནས་སངས་རྒྱས་གང་ན་བ་དེར་སོང་སྟེ ་བྱིན་པ་དང་། སངས་རྒྱས་ཀྱི་སྐུ་མདོག་དང་། མཚན་དང་། དཔེ་བྱད་བཟང་པོ་དཔེ་མེད་པ་མཐོང་ནས་རབ་ཏུ་དགའ་བ་སྐྱེས་ཏེ་འདི་སྙམ་དུ་བསམས་སོ།། བདག་འཇིག་རྟེན་འདིར་སྐྱེས ་ཀྱང་འཕགས་པ་གཙོ་བོ་དང་ཕྲད་ཀྱིས། སངས་རྒྱས་དང་དགེ་སློང་གི་དགེ་འདུན་སྤྱན་དྲང་ངོ་སྙམ་བསམས་ནས། སངས་རྒྱས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་འཕགས ་པའི་དགེ་འདུན་དང་བཅས་ཏེ། སང་གི་གདུགས་ལ་བདག་གི་མཆིས་བྲང་དུ་ཡོད་སྙོམས་ངན་པ་ཞིག་སྦྱར་གྱིས། བསོད་ནམས་བསྐྱེད་པའི་སླད་དུ་གཤེགས་པར་ཅིག་ནང་ཞེས་གསོལ་པ་དང་།། ་དེའི་བསམ་པ་དག་པར་མཁྱེན་ནས་གཤེགས་སུ་གནང་ངོ་།། དེ་ནས་ལྷའི་མེ་ཏོག་ཕྱིར་ཁྱིམ་དུ་འོངས་པ་དང་། ཕྱིད་ཉིན་སངས་རྒྱས་དང་དགེ་འདུན་རྣམས་དེའི་ཁྱིམ་དུ་གཤེགས་སོ།། ལྷའི ་མེ་ཏོག་གིས་ཀྱང་ཁང་པའི་ནང་དུ་རིན་པོ་ཆེའི་གདན་མང་པོ་སྤྲུལ་ཏེ་རྒྱན་གྱིས་བརྒྱན་པ་ལ། སངས་རྒྱས་དང་དགེ་འདུན་གྱི་རྣམས་གངན་དེ་ལ་རིམ་གྱིས་བཞུགས་སུ་གསོལ་ནས། ལྷའི་མེ་ཏོག་གིས་ཞལ ་ཟས་རྣམ་པ་སྣ་ཚོགས་དགོས་པར་བསམས་པ་དང་། དེའི་བསོད་ནམས་ཀྱིས་བསམ་པ་བཞིན་དུ་འབྱོར་ཏེ། སངས་རྒྱས་དང་དགེ་འདུན་གྱི་རྣམས་བསོད་སྙོམས་ཀྱི་བྱ་བ་བྱས་ནས་ལྷུང་བཟེད་བླངས་ཏེ། ་ལྷའི་མེ་ཏོག་ལ་ཆོས་མང་པོ་རྒྱས་པར་བསྟན་ནས། ལྷའི་མེ་ཏོག་གི་ཁྱིམ་གང་གི་མི་ཀུན་གྱིས་རྒྱུན་དུ་ཞུགས་པའི་འབྲས་བུ་ཐོབ་པར་གྱུར་ཏོ།། དེ་ནས་ལྷའི་མེ་ཏོག་ཀྱང་ཕ་མ་ལ་རབ་ཏུ་འབྱུང་ཞིང་སངས ་རྒྱས་ཀྱི་ཉེ་གནས་སུ་མཆི་བར་གསོལ་བ་དང་། ཕ་མས་ཀྱང་དེ་བཞིན་དུ་གནང་ནས། ཁྱེའུ་དེ་སངས་རྒྱས་གང་ན་བ་དེར་སོང་སྟེ་ཕྱིན་པ་དང་། སངས་རྒྱས་ཀྱི་ཞབས་ལ་མགོ་བོས་ཕྱག་འཚལ ་ནས་སངས་རྒྱས་ཀྱི་བསྟན་པ་ལ་རབ་ཏུ་འབྱུང་བར་གསོལ་ཏོ། ། བཅོམ་ལྡན་འདས་ཀྱིས་ཀྱང་དགེ་སློང་ལེགས་པར་འོངས་སོ་ཞེས་བཀའ་སྩལ་ནས། སྒྲ་དང་ཁ་སྤུ་རང་བྱི་སྟེ་ངུར་སྨྲིག ་གྱོན་པར་གྱུར་ནས། སངས་རྒྱས་ཀྱི་བཀའ་བཞིན་དུ་ནན་ཏན་བྱས་པས་དགྲ་བཅོམ་པར་གྱུར་ཏོ།། དེ་ནས་ཀུན་དགའ་བོས་དེ་ལྟར་གྱུར་པ་མཐོང་ནས། སངས་རྒྱས་གང་ན ་བ་དེར་སོང་སྟེ་པུས་མོ་ས་ལ་བཙུགས་ནས། བཅོམ་ལྡན་འདས་འདི་སྐད་ཅེས་གསོལ་ཏོ།། དགེ་སློང་ལྷའི་མེ་ཏོག་འདིས་སྔོན་བསོད་ནམས་ཅི་ཞིག་བགྱིས་ན། ལྷའི ་མེ་ཏོག་རང་འབབ་ཅིང་། རིན་པོ་ཆེའི་གདན་དང་ཞལ་ཟས་སྣ་ཚོགས་ཡིད་བཞིན་དུ་སྤྲུལ་པ། བཅོམ་ལྡན་འདས་ཀྱིས་བསྟན་དུ་གསོལ། བཅོམ་ལྡན་འདས་ཀྱིས། ཀུན་དགའ་བོ་ལ ་བཀའ་སྩལ་པ། ཐོས་པར་འདོད་ན་ལེགས་པར་ཉོན་ཅིག། སྔོན་འདས་པའི་དུས་ན་སངས་རྒྱས་གསེར་ཐུབ་ཅེས་བྱ་བ་འཇིག་རྟེན་དུ་གཤེགས་ཏེ། སེམས་ཅན་གྱི་དོན་རྒྱས་པར་མཛད ་དོ། དེའི་ཚེ་ན་དགེ་འདུན་མང་པོ་གྲོང་རྒྱུ་ཞིང་གཤེགས་པ་ལས། ཁྱིམ་བདག་རིགས་ཆེ་ཞིང་མཐོ་བ་དག་གིས་མཆོད་པ་བྱས་སོ།། དེའི་ཚེ་ན་མི་དབུལ་པོ་ཞིག་ལོངས་སྤྱོད་ཅི་ཡང་མི་བདོག ་པས་དགེ་འདུན་དེ་དག་ལ་རབ་ཏུ་དགའ་བའི་སེམས་སྐྱེས་ཏེ། བདག་གིས་ནི་ཅིས་ཀྱང་མཆོད་དོ་ཡང་མེད་དོ་སྙམ་ནས། སྤང་དང་ནེའུ་ལས་མེ་ཏོག་རྣམ་པ་སྣ་ཚོགས་བཏུས་ཏེ། དགེ ་འདུན་ལ་གཏོར་ནས་བསམ་པ་དག་པས་ཕྱག་བྱས་ཏེ་སོང་ངོ་། ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། དེའི་ཚེ་དེའི་དུས་ན་མི་དབུལ་པོ་མེ་ཏོག་གིས་གཏོར་བ་དེ་ནི།། ་དགེ་སློང་ལྷའི་མེ་ཏོག་འདི་ཡིན་ནོ།། དེ་ལྟར་འདས་པའི་དུས་ན་བསམ་པ་དག་པའི་དད་པས་མེ་ཏོག་བསྡུས་ཏེ་དགེ་འདུན་ལ་གཏོར་ནས། སྨོན་ལམ་བཏབ་པས་བསྐལ་པ་དགུ་བཅུ་རྩ་གཅིག ་གི་བར་དུ་གང་ནས་གང་དུ་སྐྱེས་ཀྱང་བྱང་གཟུགས་ལེགས་ཤིང་བཟང་བ་དང་། བལྟ་ན་སྡུག་པ་དང་། ཇི་ལྟར་བསམས་པ་བཞིན་དུ་བཟའ་བ་འམ། བཏུང་བ་འམ། ཁྲི་སྟན་ལ་སོགས་པ ་ཡིད་བཞིན་དུ་འབྱོར་ཅིང་ལྡན་ཏེ། བསོད་ནམས་དེས་འབྲས་བུའི་བར་དུ་ཐོབ་པར་གྱུར་ཏོ།། དེ་བས་ན་ཀུན་དགའ་བོ་སེམས་ཅན་ཐམས་ཅད་ཀྱིས་ཀྱང་། སྦྱིན་པ་ཆུང་ངུ་ལ་བསོད་ནམས ་མེད་དོ་སྙམ་དུམ་བརྙས་ཤིག། ལྷའི་མེ་ཏོག་ལྷུར་ཅི་ཡང་འབྱོར་ཅིང་འགྲུབ་པར་འོང་ངོ་།། དེ་ནས་ཀུན་དགའ་བོ་དང་འཁོར་མང་པོ་རྣམས། བཅོམ་ལྡན་འདས་ཀྱིས་གསུངས་པ་ལ་ཡི་རངས་ནས ་མངོན་པར་དགའ་འོ། ། ལྷའི་མེ་ཏོག་གི་ལེའུ་སྟེ་དགུ་པའོ།། །། ལྷའི་རིན་ཆེན་གྱི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས ་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ན་ཁྱིམ་བདག་གི་ཆུང་མ་ཞིག་ལ་བུ་ཞིག་བཙས་ནས། ཁྱེའུ་དེ་བཙས་པའི་ཚེ་ནམ་མཁའ ་ལས་རིན་པོ་ཆེ་སྣ་བདུན་ཆར་བཞིན་དུ་བབ་སྟེ། དེའི་ཁྱིམ་ཡོངས་སུ་གང་ངོ་།། དེ་ནས་མཚན་མཁན་པོས་ཏེ་བུའི་མཚན་བལྟས་ན། བུའི་མཚན་རབ་ཏུ་བཟང་ངོ་ཞེས་ཁྱིམ་བདག་ལ་སྨྲས་ནས ་ཁྱིམ་བདག་དེ་རབ་ཏུ་དགའ་སྟེ། མཚན་མཁན་དེ་ལ་བུའི་མིང་གདགས་པར་གསོལ་བ་དང་། ཁྱེའུ་འདི་བཙས་པའི་ཚེ་ལྟས་ཅི་བྱུང་ཞེས་དྲིས་སོ།། ཁྱིམ་བདག་གིས་ཀྱང་ཁྱེའུ་འདི་བཙས་པའི ་ཚེ་ནམ་མཁའ་ལས་རིན་པོ་ཆེ་སྣ་བདུན་ཆར་བཞིན་དུ་བབ་ནས། ཁྱིམ་ཡོངས་སུ་གང་བར་བྱས་སོ་ཞེས་སྨྲས་པ་དང་། མཚན་མཁན་གྱིས་བསོད་ནམས་ལས་མིང ་བཏགས་ཏེ། ཁྱེའུ་དེའི་མིང་ལྷའི་རིན་ཆེན་ཞེས་བཏགས་སོ།། ཕྱིས་ཆེན་པོར་སྐྱེས་ནས་མང་དུ་ཐོས་ཤིང་ཤེས་པ་མང་བ་དང་། སྒྱུ་རྩལ་ཟླ་མེད་པར་གྱུར་ཏེ། རབ་ཏུ་འབྱུང་བར་དད་པས ་ཕ་མ་ལ་ཕྱི་ཕྱག་འཚལ་ནས་སངས་རྒྱས་གང་ན་བ་དེར་སོང་སྟེ་ཕྱིན་པ་དང་། སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན ་འདས་བདག་རབ་ཏུ་འབྱུང་ངོ་ཞེས་གསོལ་པ་དང་། བཅོམ་ལྡན་འདས་ཀྱིས་དགེ་སློང་ལེགས་པར་འོངས་སོ་ཞེས་བྱ་བ་གནང་ནས། སྒྲ་དང་ཁ་སྤུ་རང་བྱི་སྟེ་ལུས་ལ་ཆོས་གོས་ཡོད་པར་གྱུར་ནས། ་བཅོམ་ལྡན་འདས་ཀྱིས་ཆོས་བསྟན་པས་དགྲ་བཅོམ་པར་གྱུར་ཏོ།། ཀུན་དགའ་བོས། བཅོམ་ལྡན་འདས་ལ་གསོལ་པ། བཅོམ་ལྡན་འདས་དགེ་སློང་ལྷའི་རིན་ཆེན ་གྱིས་སྔོན་བསོད་ནམས་ཅི་ཞིག་བགྱིས་ན། ཐོག་མ་བཙས་པའི་ཚེ་ནམ་མཁའ་ལས་རིན་པོ་ཆེ་ཆར་བཞིན་བབ་ཅིང་བགོ་བ་དང་བཟའ་བ་ལྷུན་གྱིས་གྲུབ་ནས་ཅེས་ཀྱང་མི་བྲེལ་བར་གྱུར། སངས ་རྒྱས་ཀྱིས། ཀུན་དགའ་བོ་ལ་བཀའ་སྩལ་པ། སྔོན་འདས་པའི་དུས་ན་སངས་རྒྱས་གསེར་ཐུབ་ཅེས་བྱ་བ་འཇིག་རྟེན་དུ་གཤེགས་ཏེ། འཇིག་རྟེན་ན་སེམས་ཅན་གྱི་དོན་མཛད་པ་ནི ་བརྗོད་ཀྱིས་མི་ལང་ངོ་། ། དེའི་ཚེ་ན་དགེ་འདུན་མང་པོ་གྲོང་རྒྱུ་ཞིང་གཤེགས་པ་ལས། དེའི་ཚེ་གྲོང་ཁྱེར་ན་གནས་པའི་ཁྱིམ་བདག་མང་པོས་དགེ་འདུན་སྤྱན་དྲངས་ཏེ་མཆོད་པ་རྣམ་པ་སྣ་ཚོགས་བྱས ་སོ། ། དེའི་ཚེ་ན་མི་དབུལ་པོ་ཞིག་དད་པས་རྗེས་སུ་ཡི་རང་བའི་སེམས་སྐྱེས་ཀྱང་། ལོངས་སྤྱོད་དང་མཆོད་པའི་ཡོ་བྱད་ཅི་ཡང་མེད་པས། རྡེའུ་དཀར་པོ་ལ་བྱས་པའི་ནོར་བུ་སྤར་གང་གིས ་དགེ་འདུན་ལ་གཏོར་ནས་སྨོན་ལམ་ཆེན་པོ་བཏབ་བོ། ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། དེའི་ཚེ་དེའི་དུས་ན་མི་དབུལ་པོ་ནོར་བུ་སྤར་གང་གིས་དགེ་འདུན་ལ ་གཏོར་བ་དེ་ནི་དགེ་སློང་ལྷའི་རིན་ཆེན་འདི་ཡིན་ནོ། ། འདས་པའི་དུས་ན་བསམ་པ་དག་པའི་དད་པས་རྡེའུ་དཀར་པོའི་ནོར་བུ་སྤར་གང་གིས་དགེ་འདུན་ལ་གཏོར་བ་ཙམ་གྱིས། བསྐལ་པ་དགུ ་བཅུ་རྩ་གཅིག་གི་བར་དུ་བསོད་ནམས་ཚད་མེད་པས་ནོར་བུ་རིན་པོ་ཆེ་མང་བ་དང་། བགོ་བ་དང་། བཟའ་བ་ལྷུན་གྱིས་གྲུབ་ཅིང་ལོངས་སྤྱོད་ཅེས་ཀྱང་མི་བྲེལ་བར་གྱུར་ཏོ།། དེའི་ཚེ་ན་བསམ ་པ་དག་པའི་དད་པ་ཙམ་གྱིས་ནི། ང་འཇིག་རྟེན་དུ་གཤེགས་པ་དང་ཕྲད་ནས་འབྲས་བུའི་བར་དུ་ཐོབ་པར་གྱུར་ཏེ། དེའི་ཚེ་ན་འཁོར་མང་པོ་རྣམས་སངས་རྒྱས་ཀྱིས་གསུངས་པ་ཐོས་ནས་བསམ ་པ་དག་པའི་དད་པ་སྐྱེས་ཏེ། ལ་ལ་ནི་འབྲས་བུ་དང་པོ་ནས། འབྲས་བུ་བཞིའི་བར་དུ་ཐོབ་པར་གྱུར་ཏོ།། ལ་ལ་ནི་ཕྱིར་མི་ལྡོག་པའི་ས་ལ་གནས་པའི་སེམས་བསྐྱེད་པར་གྱུར་ཏོ།། འཁོར ་མང་པོ་དེ་དག་ཐམས་ཅད་བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ནས་མངོན་པར་དགའ་འོ། ། ལྷའི་རིན་ཆེན་གྱི་ལེའུ་སྟེ་བཅུ་པའོ།། ་། བཟོད་པའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་ཀ་ལན་ཏ་ཀ་གནས་པ་འོད་མའི་ཚལ་ན་བཞུགས་སོ།། དེའི་ཚེ ་བཅོམ་ལྡན་འདས་མངོན་པར་སངས་རྒྱས་ནས་རིང་པོ་མ་ལོན་པ་ཞིག་ན། ཐོག་མར་ཀོའུ་དི་ནཱ་ལ་སོགས་པ་རྟེན་ལྔ་རབ་ཏུ་ཕྱུང་ངོ་།། དེའི་འོག་ཏུ་ཆུ་བོ་འོད་སྲུངས་སྤུན་སྟོང་རབ་ཏུ་བྱུང་ངོ་།། ་དེ་ནས་དེ་མ་ཡིན་པ་རབ་ཏུ་ཕྱུང་ཞིང་ཆོས་ལ་གནས་པ་ཡང་མང་བར་གྱུར་ནས། རྒྱལ་པོའི་ཁབ་ཀྱི་མི་རྣམས་ཚད་མེད་པའི་དགའ་བ་སྐྱེས་ཏེ། དེ་བཞིན་གཤེགས་པ་འཇིག་རྟེན་དུ་གཤེགས་པ་ནི། ་ངོ་མཚར་རྨད་དེ། སོ་སོའི་སྐྱེ་བོ་མང་པོའི་དོན་མཛད་དོ་ཞེས་བསྟོད་ཅིང་བསྔགས་སོ།། གཞན་ཡང་འདི་སྐད་དུ་ཀོའུ་དི་ནྱ་དང་ཆུ་བོ་འོད་སྲུངས་ཀྱི་འཁོར་ལ་སོགས་པ་ཐོག་མ་རབ་ཏུ་བྱུང་བ་དེ་དག ་སྔོན་དེ་བཞིན་གཤེགས་པ་དང་འཕྲིན་ལས་གར་མཐུན་ན་ནང་གི་ཐོག་མར་ཆོས་ཀྱི་བདུད་རྩི་མྱོང་བར་གྱུར་ཅེས་སྨྲས་སོ། ། དགེ་སློང་དེ་དག་དེ་སྐད་སྨྲས་པ་ཐོས་ནས། དེ་བཞིན་དུ་བཅོམ ་ལྡན་འདས་ལ་རྒྱས་པར་གསོལ་པ་དང་། ། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ།། སྔོན་འདས་པའི་དུས་ན་འདི་དག་གི་ཕྱིར་ཡི་དམ་ཆེན ་པོབོ་བཅས་ཏེ་ནམ་མངོན་པར་སངས་རྒྱས་ན། སྔར་འདི་དག་གི་དོན་བྱ་བར་ཤོག་ཅིག་ཅེས་དམ་བཅས་སོ།། དགེ་སློང་རྣམས་ཀྱིས་དེ་སྐད་ཅེས་ཐོས་ནས། བཅོམ་ལྡན་འདས་ཀྱིས་སྔོན་ཐུགས་དམ་ཇི་ལྟར ་བཅས་པ་ཐུགས་བརྩེ་བར་དགོངས་ཏེ། རྒྱས་པར་བསྟན་དུ་གསོལ། བཅོམ་ལྡན་འདས་ཀྱིས། དགེ་སློང་རྣམས་ལ་བཀའ་སྩལ་པ། ཁྱེད་རྟག་པར་ཉོན་ལ་ཤིན་ཏུ་ཡིད་ལ་ཟུང་ཞིག་དང་། ་ཁྱེད་ལ་བསྟན་པར་བྱའོ།། སྔོན་འདས་པའི་བསྐལ་པ་ཚད་མེད། གྲངས་མེད། དཔག་ཏུ་མེད། བསམ་གྱིས་མི་ཁྱབ། བརྗོད་ཀྱིས་མི་ལང་བ་འདས་པའི་སྔ་རོལ་ན། ཡུལ་ཝཱ་རཱ་ཎཱ་སི་ཞེས ་བྱ་བར་རྒྱལ་པོ་རྩོད་བྱུང་ཞེས་བྱ་བ་ཞིག་བྱུང་སྟེ། དེའི་ཚེ་ཡུལ་དེ་ན་དྲང་སྲོང་བཟོད་པ་ཅན་ཞེས་བྱ་བ་འཁོར་སློབ་མ་ལྔ་བརྒྱ་དང་རིའི་ནགས་ན་གནས་ཤིང་བཟོད་པ་སྒོམ་མོ།། དེའི་ཚེ་ན་རྒྱལ་པོ་དེ་བཙུན ་མོ་དང་ཕོ་བྲང་གི་སླས་དང་། བློན་པོར་བཅས་ཏེ་རི་ལ་རོལ་ཏུ་གཤེགས་པ་ལས་གནས་ཤིག་ཏུ་མཉེལ་ཏེ་གཟིམས་པ་དང་། ཕོ་བྲང་སླས་རྣམས་སྔོན་དུ་དོང་ནས་གནས་དང་མེ་ཏོག་རྣམས ་ལྟ་ཞིང་སོང་སོང་བ་ལས། དྲང་སྲོང་བཟོད་པ་ཅན་ལུས་དྲང་པོར་བཞག་སྟེ་ཤིན་ཏུ་སེམས་ཤིང་འདུག་པར་མཐོང་ནས། དེ་ལ་དད་པའི་སེམས་སྐྱེས་ཏེ། མེ་ཏོག་སྣ་ཚོགས་ཀྱིས་གཏོར་རོ།། ་བཙུན་མོ་དེ་དག་དེའི་མདུན་དུ་འཁོད་དེ་ཆོས་ཀྱང་མཉན་ཏོ།། རྒྱལ་པོ་གཟིམས་པ་ལས་སད་ནས་བཙུན་མོ་རྣམས་མི་སྣང་བ་དང་། བློན་པོ་བཞི་དང་བཙུན་མོ་བཙལ་བ་ལས། བཙུན་མོ་རྣམས ་དྲང་སྲོང་གི་མདུན་ན་འཁོད་པ་མཐོང་ནས། དྲང་སྲོང་དེ་ལ་འདི་སྐད་ཅེས་སྨྲས་སོ།། ཁྱོད་སྐྱེ་མཆེད་མཐའ་ཡས་ཀྱི་ཏིང་ངེ་འཛིན་བཞི་ཐོབ་བམ། སྨྲས་པ། མཐོ་བ ་བོ། སྨྲས་པ། འོ་ན་ཁྱོད་ཚད་མེད་པ་བཞི་ཐོབ་བམ། མ་ཐོབ་བོ།། སྨྲས་པ། འོ་ན་ཁྱོད་བསམ་གཏན་བཞི་ཐོབ་བམ། དེ་ཡང་མ་ཐོབ་བོ་ཞེས་སྨྲས་པ་དང་། རྒྱལ་པོ་དེ་ལ་ཁྲོས་ཏེ། ་ཡོན་ཏན་འདི་དག་ཁྱོད་ཀྱིས་གང་ཡང་མ་ཐོབ་ན། ཁྱོད་ནི་མ་རབས་ཐ་མལ་པ་ཡིན་ཏེ། བུད་མེད་རྣམས་དང་དབེན་པ་སྐྱབས་ཡོད་པའི་གནས་ན་འདུག་པ་ཇི་ལྟར་ཡིད་ཆེས་སུ་རུང་། རྟག་ཏུ ་འདི་ན་གནས་པ་འདི་ཁྱོད་སུ་ཞིག། ལས་ཅི་ཞིག་བྱེད་ཅེས་སྨྲས་པ་དང་། དྲང་སྲོང་གིས་རྒྱལ་པོ་དེ་ལ་བདག་ནི་འདི་ན་བཟོད་པ་སྒོམ་མོ་ཞེས་སྨྲས་སོ།། དེ་ནས་རྒྱལ་པོས་རལ་གྲི་ཕྱུང་སྟེ། ཁྱོད ་བཟོད་པ་སྒོམ་ཞེ་ན། བཟོད་དམ་མི་བཟོད་སད་དོ་ཞེས་དྲང་སྲོང་གི་ལག་པ་གཉིས་བཅད་དེ་ཁྱོད་སུ་ཡིན་ཞེས་དྲིས་ན། བདག་ནི་བཟོད་པ་ཅན་ནོ་ཞེས་སྨྲས་སོ།། དེ་ནས་རྐང་པ་གཉིས་བཅང་ན ་འོན་ཀྱང་བཟོད་པ་ཅན་ནོ་ཞེས་སྨྲས་སོ། ། དེའི་ཚེ་ན་གནམ་ས་རྣམ་པ་དྲུག་ཏུ་གཡོས་ནས། ཉེ་གནས་ལས་བརྒྱ་ཙམ་ཡང་ནམ་མཁའ་ལ་འཕུར་ཏེ། དེར་ལྷགས་ནས་སློབ་དཔོན་དེ་ལ་འདི་ལྟ ་བུའི་སྡུག་བསྔལ་ཉམས་སུ་མྱོང་ན། བཟོད་པའི་སེམས་ཉམས་པར་མ་གྱུར་ཏམ་ཞེས་སྨྲས་སོ།། དྲང་སྲོང་གིས་སྨྲས་པ། བདག་གི་སེམས་མ་གྱུར། མ་ཉམས་སོ་ཞེས་སྨྲས་པ ་དང་རྒྱལ་པོ་ཡང་དངང་སྐྲག་ནས་དྲང་སྲོང་ལ་སྨྲས་པ། ཁྱོད་བཟོད་པ་ཅན་ཡིན་པར་ཅིས་ཡིད་ཆེས་པར་འགྱུར། དྲང་སྲོང་གིས་སྨྲས་པ། བདག་གིས་སྨྲས་པའི་ཚིག་བརྫུན་པ་མ་ཡིན་ཏེ། བདེན ་ན་བདེན་པ་དེས་ཁྲག་འོ་མར་གྱུར་ཅིང་ཡན་ལག་བཅད་པ་ཡང་སྔ་སོ་བཞིན་གྱུར་ཅིག་ཅེས་སྨྲས་མ་ཐག་ཏུ། ཁྲག་འོ་མར་གྱུར་ནས་ཡན་ལག་ཀྱང་སྔ་སོ་བཞིན་དུ་གྱུར་ཏོ།། རྒྱལ་པོས་དེ་ལྟར་བཟོད ་པ་དང་ལྡན་པར་མཐོང་ནས། ལྷག་པར་འཇིགས་སྐྲག་སྟེ། བདག་ཅིའི་སླད་དུ་དྲང་སྲོང་ཆེན་པོ་ལ་གནོད་པ་བགྱིས། བདག་ལ་ཐུགས་བརྩེ་བར་དགོངས་ཏེ། འགྱོད་ཚངས་བྱ་བར ་གནོང་ཞིག་ཅེས་གསོལ་ཏོ། ། དྲང་སྲོང་གིས་སྨྲས་པ། ཁྱོད་ནི་བུད་མེད་ཀྱི་ཕྱིར་མཚོན་ཐོགས་ནས་བདག་གི་ཡན་ལག་བཅང་མོད་ཀྱི། བདག་གིས་བཟོད་པ་ནི་ས་དང་འདྲ་བས། ཕྱིས ་མངོན་པར་སངས་རྒྱས་པ་ན་ཤེས་རབ་ཀྱི་རལ་གྲིས་ཁྱོད་ཀྱི་དུག་གསུམ་ཆོད་པར་ཤོག་ཅིག་ཅེས་སྨྲས་སོ། ། དེའི་ཚེ་ན་རི་དེའི་ལྷ་དང་ཀླུ་རྣམས་ཀྱིས་དྲང་སྲོང་དེ་ལ་རྒྱལ་པོ་དེ་འཚེ་ཞིང་གནོད་པར ་བྱས་པ་མཐོང་ནས། སོ་སོ་ནས་ཁྲོས་ཏེ་སྤྲིན་བསྡུས་ནས་འབྲུག་དང་། སེར་བ་དང་། གནམ་ལྕགས་པབ་སྟེ། རྒྱལ་པོ་འཁོར་དང་བཅས་པ་བསད་པར་བྱས་པ་ལས། དྲང་སྲོང ་གིས་ཁྱེད་ངའི་ཕྱིར་འདི་ལྟ་བུའི་གནོད་པ་དང་འཚེ་བ་མ་བྱེད་ཅིག་ཅེས་བསྒོའོ། ། རྒྱལ་པོ་དེས་དེར་འགྱོད་ཚངས་བྱས་ནས། དྲང་སྲོང་དེ་རྟག་ཏུ་ཕོ་བྲང་དུ་སྤྱན་དྲངས་ནས་མཆོད་པ་བྱས་སོ།། ་དེའི་ཚེ་ན་སློབ་པ་གཞན་ལ་ཞུགས་པའི་ཀུན་ཏུ་རྒྱུ་སྟོང་ཙམ་ཞིག་དྲང་སྲོང་བཟོད་པ་ཅན་ལ་རྒྱལ་པོ་དེ་དང་ཅིང་མོས་པ་མཐོང་ནས་ཕྲག་དོག་སྐྱེས་ཏེ་བདེན་པ་མི་སྣང་བའི་གནས ་ནས་ས་རྡུལ་དང་། བཅོག་ཅིང་སྨེ་བའི་བག་གིས་དྲང་སྲོང་དེ་ལ་གཏོར་རོ།། དེའི་ཚེ་ན་ཀུན་ཏུ་རྒྱུ་ང་ལ་སས་གཏོར་བ་བརྒྱ་ཕྲག་བཅུ་པོ་དེ་ནི་ད་ལྟར་གྱི་ཆུ་བོ་འོད་སྲུངས་ལ་སོགས་པའི་དགེ་སློང་བརྒྱ་ཕྲག ་བཅུ་ཡིན་ཏེ། དེའི་ཚེ་ན་ཡི་དམ་བཅས་ནས་བདག་བཟོད་པ་བསྒོམ་པ་རྒྱུན་མི་འཆད་པ་འདིས་ནམ་མངོན་པར་སངས་རྒྱས་པ་ན་བདུད་རྩིའི་ཆུས་ཁྱེད་ཀྱི་རྡུལ་དང་དྲི་མ་བཀྲུས་ཏེ། འདོད་པའི་བཙོག་པ ་ཡོངས་སུ་དག་པར་ཤོག་ཅིག་ཅེས་དམ་བཅས་སོ། ། དགེ་སློང་དག་དེའི་ཚེ་ན་དྲང་སྲོང་བཟོད་པ་ཅན་དེ་ཤེས་པར་འདོད་ན་གཞན་དུ་མ་སེམས་ཤིག། དེ་ནི་ད་ལྟར་ང་ཡིན་ནོ།། རྒྱལ་པོ་རྩོད ་བྱུང་དང་། བློན་པོ་བཞི་ནི་ཀཽ་དི་ནྱ་ལ་སོགས་དགེ་སློང་རྟེན་ལྔ་ཡིན་ནོ།། དེའི་ཚེ་བཟེད་པ་བསྒོམས་པ་ན་འདི་དག་གི་དོན་སྔར་བྱའོ་ཞེས་དམ་བཅས་པས་མངོན་པར་སངས་རྒྱས་ནས། ་སྔར་འདི་དག་སྡུག་བསྔལ་ལས་ཡོངས་སུ་གྲོལ་བར་མཛད་དོ།། དགེ་སློང་གི་རྣམས་སངས་རྒྱས་ཀྱིས་གསུངས་པ་ལ་རྗེས་སུ་ཡི་རང་ནས་མངོན་པར་དགའ་འོ།། བཟོད་པའི་ལེའུ ་སྟེ་བཅུ་གཅིག་པའོ། ། །། བམ་པོ་གསུམ་པ།། ། རྒྱལ་པོ་བྱམས་པའི་སྟོབས་ཀྱིས་སྦྱིན་པའི་ལེའུའོ།། འདི་སྐད་བདག་གིས་ཐོས་པ ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ཀུན་དགའ་བོ་བསོད་སྙོམས་ཀྱི་བྱ་བ་བྱས་ནས། ཚལ ་ཞིག་གི་ནང་ན་བསམ་གཏན་དུ་འདུག་སྟེ། འདི་སྙམ་དུ་རྟོག་པ་སྐྱེས་སོ།། སངས་རྒྱས་བཅོམ་ལྡན་འདས་འཇིག་རྟེན་དུ་གཤེགས་པ་ངོ་མཚར་ཆེ་སྟེ། སེམས་ཅན་མང་པོ་ཡང་རབ་ཏུ་བདེ་བ ་ལ་བཀོད། ཀོའུ་དི་ནྱ་ལ་སོགས་པའི་དགེ་སློང་རྟེན་ལྔ་དགེ་བའི་རྩ་བ་ཅིར་བསྔོས་ན། ཆོས་ཀྱི་སྒོ་རྣམ་པར་ཕྱེ་མ་ཐག་ཏུ་འཇུག་པར་གྱུར། ཆོས་ཀྱི་རྔ་བརྡུངས་མ་ཐག་ཏུ་ཐོག་མར་ཐོས་པར ་གྱུར་ཆོས་ཀྱི་བདུད་རྩིས་ཐོག་མར་ངོམས་པར་གྱུར་སྙམ་རྟོག་པ་སྐྱེས་ཏེ། འདུག་པ་ལས་ལངས་ནས་སངས་རྒྱས་ག་ལ་བ་དེར་སོང་ནས་ཕྱིན་པ་དང་། ཇི་ལྟར་བསམ་པ་བཞིན་དུ་བཅོམ ་ལྡན་འདས་ལ་གསོལ་ཏོ། ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཀོའུ་རི་ནྱ་ལ་སོགས་པ་ནི་སྔོན་འདས་པའི་དུས་ན་ཡང་ངས་ཤ་དང་ཁྲག་གིས་བཀྲེས་སྐོམ་པ ་ལས་ཆོག་པར་བྱིན་ཏེ། བདེ་བར་བྱས་པས་དེ་བས་ན་ང་མངོན་པར་སངས་རྒྱས་ནས་ཀྱང་སྔར་རྣམ་པར་གྲོལ་བ་ལ་བཀོད་དེ། རྒྱུ་དང་རྐྱེན་མེད་པ་ནི་མ་ཡིན་ནོ།། ཚེ་དང་ལྡན་པ་ཀུན་དགའ ་བོས་བཅོམ་ལྡན་འདས་ལ་གསོལ་པ། སྔོན་འདས་པའི་དུས་ན་ཇི་ལྟ་བུར་བཀྲེས་སྒོམ་པ་ལས་བདེ་བ་མཛད་པ་བསྟན་དུ་གསོལ། འཁོར་མང་པོ་འདི་དག་གིས་ཐོས་ན་རྟོགས་པར་འགྱུར་རོ།། ། ་བཅོམ་ལྡན་འདས་ཀྱིས་བཀའ་སྩལ་པ། སྔོན་འདས་པའི་དུས་ན་བསྐལ་པ་གྲངས་མེད་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་བྱམས་པའི་སྟོབས་ཞེས་བྱ་བ ་འཛམ་བུའི་གླིང་གི་རྒྱལ་ཕྲན་བརྒྱད་ཁྲི་བཞི་སྟོང་སྙེད་ལ་དབང་བྱེད་པ་ཞིག་བྱུང་ངོ་། ། རྒྱལ་པོ་དེ་ལ་བཙུན་མེ་ནི་སྟོང་ཕྲག་ཉི་ཤུ་ཡོད། བློན་པོ་ནི་སྟོང་ཕྲག་ཉི་ཤུ་ཡོད་དོ།། རྒྱལ་པོ་དེ་བྱམས ་པ་དང་སྙིང་རྗེར་ལྡན་ཏེ། ཚད་མེད་པ་བཞི་སྤྱོད་ཅིང་འགྲོ་བ་ཐམས་ཅད་ལ་སྙིང་བརྩེ་བས་དགེ་བ་བཅུས་སྲིད་འཛིན་ཏེ། ཐམས་ཅད་ཀྱིས་བཀུར་བ། ཡུལ་ན་དགྲ་མེད་ཅིང་ལོ་ལེགས་པ ་འབྱོར་པ་བདེ་བ་སྐྱིད་པ་དང་ལྡན་པ་སྟེ། རིམས་གཏོང་བའི་ཡི་དགས་དག་མིའི་ཁྲག་དང་མདངས་འཕྲོག་ཅིང་ཟ་བ་ལས། དེའི་ཚེ་ན་ཡུལ་མི་ཐམས་ཅད་ལུས་དང་། ངག་དང་། ཡིད་བསྲུང ་སྟེ་དགེ་བ་བཅུ་ལ་གནས་པས། ཡི་དགས་མ་རུངས་པ་དག་བཟའ་བ་མ་རྙེད་ནས། ཀུན་ལྟོགས་ཏེ་མཐུ་མེད་པར་གྱུར་ཏོ།། དེའི་ཚེ་གནོད་སྦྱིན་ལྔ་ཞིག་རྒྱལ་པོའི་དྲུང་དུ་འོངས་ནས་འདི ་སྐད་ཅེས་སྨྲས་སོ། ། བདག་ཅག་གི་ཟས་ནི་མིའི་མདངས་དང་ཁྲག་ལ་བལྟོས་ཏེ། ལུས་དང་སྲོག་འཚོ་བ་ལས་རྒྱལ་པོས་བཀར་བཏགས་ཏེ། ཐམས་ཅད་དགེ་བཅུ་ལ་གནས་པས་བདག ་ཅག་ཟས་དང་སྐོམ་མི་རྙེད་དེ་ཉམ་ཐག་ནས་སྲོག་ལ་བབ་བོ། ། རྒྱལ་པོ་ཆེན་པོ་བདག་ཅག་ལ་ཡང་ཐུགས་མི་བརྩེ་འམ་ཞེས་གསོལ་ནས། རྒྱལ་པོས་ཀྱང་དེ་དག་ལ་སྙིང་བརྩེ་བའི་ཕྱིར་ལུས་ཀྱི ་ཡན་ལག་ལྔ་ལས་རྩ་ལྔ་བཅད་ནས། གནོད་སྦྱིན་རྣམས་སོ་སོ་ནས་སྣོད་བཟེད་དེ་ཁྲག་ལས་ངོམས་པར་འཐུང་དུ་བཅུག་གོ། དེ་དག་ཁྲག་གིས་ངོམས་ནས་ཤིན་ཏུ་དགའ་བར་གྱུར་ཏོ།། དེ་དག་ཁྲག་གིས ་ངོམས་ནས་དགེ་བ་བཅུ་ལ་ཅི་ནུས་སུ་སྤྱོད་ཅིག་ཅེས་བསྐུལ་ནས། ད་ལྟར་ངའི་ལུས་ལ་ཁྲག་ཕྱུང་སྟེ་ཁྱེད་ངོམས་ཤིང་བདེ་བར་བྱས་པ་ལྟར། ཕྱིས་མངོན་པར་སངས་རྒྱས་པ་ན། ཆོས་ཀྱི་སྐུའི ་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་ཀྱིས་ཁྱེད་ཀྱི་དུག་གསུམ་བསལ་ཏེ། འདོད་པས་གདུངས་པ་ལས་ཤིན་ཏུ་བདེ་བའི་མྱ་ངན་ལས་འདའ་བ་ལ་འགོད་པར་ཤོག་ཅིག ་ཅེས་སྨྲས་སོ། ། ཀུན་དགའ་བོ་དེའི་ཚེ་དེའི་དུས་ན། རྒྱལ་པོ་བྱམས་པའི་སྟོབས་དེ་ནི་ད་ལྟར་ང་ཡིན་ནོ།། གནོད་སྦྱིན་ལྔ་པོ་ནི་ཀོའུ་དི་ནྱ་ལ་སོགས་པ་དགེ་སློང་ལྔ་ཡིན་ནོ།། ངས ་གང་ནས་གང་དུ་སྐྱེས་པར་དེ་དག་ཐོག་མར་བསྒྲལ་བར་སྨོན་ལམ་བཏབ་བོ། ། དེ་བས་ན་ངས་ཐོག་མར་ཆོས་བསྟན་མ་ཐག་ཏུ་རྣམ་པར་གྲོལ་བར་གྲོལ་བར་གྱུར་ཏོ།། ཚེ་དང་ལྡན་པ་ཀུན་དགའ་བོ་དང་། ་འཁོར་མང་པོ་རྣམས་སངས་རྒྱས་ཀྱིས་གསུངས་པ་ལ་ཡི་རང་ནས་མངོན་པར་དགའ་འོ།། རྒྱལ་པོ་བྱམས་པའི་སྟོབས་ཀྱིས་སྦྱིན་པའི་ལེའུ་སྟེ་བཅུ་གཉིས་པའོ།། །། ་སྟོན་པ་དྲུག་བཏུལ་བའི་ལེའུ་ནི། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ནི་བྱ་ཀ་ལན་ཏ་ཀ་གནས་པ་འོང་མའི་ཚལ་ན་དགེ་སློང་གི་འདུན་ཆེན་པོ ་བརྒྱ་ཕྲག་ཕྱེད་དང་བཅུ་གསུམ་དང་ཐབས་ཅིག་ཏུ་བཞུགས་སོ། ། དེའི་ཚེ་ན་རྒྱལ་པོ་གཟུགས་ཅན་སྙིང་པོ་འབྲས་བུ་དང་པོ་ཐོབ་པས་དད་པ་དང་། བསྙེན་བཀུར་བྱ ་བའི་སེམས་སྔོན་པས་ཀྱང་ལྷག་པར་གྱུར་ནས། བཅོམ་ལྡན་འདས་དང་དགེ་སློང་གི་དགེ་འདུན་ལ་མཆོད་པའི་ཡོ་བྱད་རྣམ་པ་བཞི་རྟག་ཏུ་འབུལ་ཏེ། སྐྱེ་བོ་མང་པོ་དག་ཀྱང་མཐུན་པར་དགེ་བ་ལ ་སྤྲོའོ། ཡུལ་རེ་ན་རྫོགས་བྱེད་ལ་སོགས་པ་སྟོན་པ་དྲུག་སྔར་བྱུང་བས་ངན་པར་ལྟ་བ་ལེག་པར་སྟོན་ཏེ། འགྲོ་བ་མང་པོ་བསླུས་པས་དེ་ལ་གང་བསླད་པར་མཐོང་བ་དག་ནི་ངན་པར་ལྟ་བ་ལ་ཡིད་ཆེས ་པས་སྡིག་པ་ཅན་གྱི་ཕྱོགས་མང་ཞིང་རྒྱས་པར་གྱུར་ཏོ། ། རྒྱལ་པོ་དེའི་གཅུང་ཞིག་ཀྱང་སྟོན་པ་དྲུག་ལ་ཡིད་ཆེས་པས་ངན་པར་ལྟ་བ་ལ་ཞེན་ཏེ། ཐར་པའི་ལམ་ཡིན་པར་བཟུང་ནས། ལེངས ་སྤྱོད་ཅི་བདོག་པ་གཏུགས་ཏེ་དེ་ལ་འབུལ་ཏེ། སངས་རྒྱས་བཅོམ་ལྡན་འདས་ཉི་མ་ལྟ་བུར་ཤར་བ། ཤེས་རབ་ཀྱིས་ཀུན་ཏུ་ལྷམ་མེར་མཛད་ཀྱང་ངན་པར་ལྟ་བས་གླགས་པས་དེ་ལ་མོས་པའི ་སེམས་མེད་དོ། ། རྒྱལ་པོ་གཟུགས་ཅན་སྙིང་པོ་དེས། དེ་ལ་ལྷག་པར་སྡུག་པར་འཛིན་པས་ཐབས་ཀྱིས་སངས་རྒྱས་ལ་བསྙེན་བཀུར་བྱ་བར་བསྐུལ་ན་ཡང་། ངན་པར་ལྟ་བ་ལ་ཞེན་པས་བསྒོ ་བ་བཞིན་དུ་མ་བྱས་སོ། ། སངས་རྒྱས་ལ་མཆོད་པ་གྱིས་ཤིག་ཅེས་ཡང་དང་ཡང་བསྐུལ་ན། བདག་ལ་ཡང་སྟོན་པ་ཡོད་དེ། གོའུ་ཏ་མ་ལ་བསྙེན་བཀུར་མི་བྱེད་དོ།། འོན་ཀྱང་རྒྱལ ་པོའི་བཀའ་ཚུལ་གྱིས་ཅག་པར་རིགས་པ་མ་ཡིན་པས་མཆོད་སྟོན་ཆེན་པོ་བཤམས་ནས། མ་བོས་པར་གང་རང་འོངས་པ་ལ་བསོད་སྙོམས་སྦྱིན་ནོ་ཞེས་བྱས་ནས། མཆོད་པའི་ཡོ་བྱད་བཤམས་ཏེ ་སྟན་བཏིང་ནས་སྟོན་པ་དྲུག་ནི་འབོད་པ་བཏང་ཏེ། དེ་མ་ཐག་ཏུ་ལྷགས་ནས་གྲལ་གྱི་ཐོག་མ་ལ་འདུག་གོ།། སངས་རྒྱས་དང་དགེ་འདུན་རྣམས་རང་མ་བྱོན་པས་རྒྱལ་པོ་གང་ན་བ་དེར་སོང་ནས ་འདི་སྐད་ཅེས་གསོལ་ཏོ། ། དགེ་སྦྱོང་གོའུ་ཏ་མ་སྤྱན་དྲོངས་ཤིག་ཅེས་ཡང་དང་ཡང་བཀའ་སྩལ་ཏོ།། བདག་གིས་མཆོད་པ་བཤམས་ཏེ་གདུགས་ཚོད་ལ་བབ་ན་ཅིའི་སླད་དུ་མི་གཤེགས། ་རྒྱལ་པོས་བཀའ་སྩལ་པ། ཁྱོད་ཉིད་སྤྱན་འདྲེན་དུ་འགྲོ་མི་ནུས་ན་ཡང་མི་ཞིག་གདུགས་ཚོད་ལ་བབ་བོ་ཞེས་སྤྱན་འདྲེན་པ་ཐོང་ཞིག། རྒྱལ་པོའི་གཅུང་གིས་ཀྱང་སྤྱན་འདྲེན་དུ་བཏང་བ་ལས། བཅོམ ་ལྡན་འདས་འཕགས་པའི་དགེ་འདུན་དང་བཅས་ཏེ་གཤེགས་ནས་གྲལ་རིམས་བཞིན་དུ་བཞུགས་སོ། ། བཅོམ་ལྡན་འདས་ཀྱི་བྱིན་གྱིས་སྟོན་པ་དྲུག་གྲལ་གྱི་ལྷག་ན་འདུག་པ་ཡང་གྲལ་གྱི་ཐ་མར་སོང་ངོ་།། ་སྟོན་པ་དྲུག་ངོ་ཚ་ཞིང་སྐྱེངས་ནས་ལངས་ཏེ་གྲལ་གྱི་ལྷག་ཏུ་འདུག་ན་ཡང་། མ་ཚོར་བར་གྲལ་གྱི་མཇུག་ཏུ་སོང་སྟེ། དེ་བཞིན་དུ་ལན་གསུམ་གྱི་བར་དུ་གྲལ་གྱི་གོང་དུ་སོང་ཡང་། ད་དུང་གྲལ་གྱི་འོག་ན ་འདུག་པར་གྱུར་ནས། མཐུ་མེད་པར་གྱུར་ཏེ་སྐྱེངས་བཞིན་དུ་གྲལ་གྱི་ཐ་མར་འདུག་གོ།། ཡོན་བདག་གིས་གནས་བརྟན་ལ་ཆུ་བྲིམས་ནས། བཅོམ་ལྡན་འདས་ཀྱིས་སྔར་ཁྱོད་ཀྱི་སྟོན་པ་ལ་ཆུ ་བྲིམས་ཤིག་ཅེས་བཀའ་སྩལ་པ་དང་། ཡོན་བདག་གིས་ཆུ་སྣོད་ཐོགས་ཏེ་སྟོན་པ་དྲུག་ལ་ཆུ་བྲིམས་ན། ཆུ་སྣོད་ཀྱི་ཁ་འགགས་ཏེ་ཆུ་འབྱུང་དུ་མ་བཏུབ་པས། ཕྱིར ་ཡང་སངས་རྒྱས་ནས་མཐར་གྱིས་གསོལ་ན། ཆུ་ཡང་བྱུང་སྟེ་ལག་པ་བཀྲུས་སོ།། ལག་པ་བཀྲུས་ནས་སྦྱིན་བདག་གིས་བསོད་སྙོམས་ཐོགས་ཏེ་སྨོན་ལམ་གདབ་པར་གསོལ་ན། བཅོམ ་ལྡན་འདས་ཀྱིས། སྦྱིན་བདག་ལ་འདི་སྐད་ཅེས་བཀའ་སྩལ་ཏོ།། ཐོག་མ་ཡང་ངེད་ཀྱི་ཕྱིར་མ་ཡིན་པས། ད་ཡང་ཁྱོད་ཀྱི་སྟོན་པ་ལ་སྨོན་ལམ་གདབ་པར་གསོལ་ཅིག་ཅེས་བཀའ་སྩལ་ནས ་སྦྱིན་བདག་དེ་སྟོན་པ་དྲུག་གི་མདུན་དུ་སོང་སྟེ་སྨོན་ལམ་གདབ་པར་གསོལ་ན། སྟོན་པ་དྲུག་ཁ་འ་ཐམས་ནས་སྨྲ་མ་ནུས་ཏེ། སངས་རྒྱས་ལ་གསོལ་ཅིག་ཅེས་ལག་བརྡ་བྱས་སོ།། དེ་ནས་བཅོམ ་ལྡན་འདས་ཀྱིས་ཀྱང་ཚངས་པའི་དབྱངས་ལྟ་བུའི་གསུང་གིས་སྨོན་ལམ་བཏབ་བོ། ། སྨོན་ལམ་བཏབ་ནས། སྦྱིན་བདག་གིས་བསོད་སྙོམས་གནས་བརྟན་ལ་བྲིམ་པ་ལས། བཅོམ་ལྡན་འདས ་ཀྱིས་སྔར་ཁྱོད་ཉིད་ཀྱི་སྟོན་པ་ནས་བྲིམས་ཤིག་ཅེས་བཀའ་སྩལ་པ་དང་། འགྲིམ་པ་རྣམས་ཀྱིས་སྟོན་པ་དྲུག་ལ་བྲིམས་ཞེས་བྱས་ན། ཞལ་ཟས་རྣམས་སྟེང་གི་ནམ་མཁའ་ལ་འཕགས་ཏེ་བྲིམ ་དུ་མེད་པར་གྱུར་ཏོ། ། དེ་ནས་སངས་རྒྱས་ལོགས་སུ་འགྲིམ་དུ་ཆས་པ་དང་། ཞལ་ཟས་ཀྱང་སོ་སོའི་ལག་ཏུ་འོངས་སོ།། མཐར་གྱིས་བྲིམས་ཏེ། སངས་རྒྱས་དང་དགེ་འདུན་བསོད་སྙོམས་ཀྱི་བྱ་བ ་བྱས་ནས། ཁ་ལག་བཀྲུས་ཏེ་ཕྱིར་ཡང་གདན་ལ་བཞུགས་ནས། ཆོས་བསྟན་པར་གསོལ་ཏོ།། དེ་ལ་ཡང་བཅོམ་ལྡན་འདས་ཀྱིས་ཁྱོད་ཉིད་ཀྱི་སྟོན་པ་དྲུག་ལ་སྟོན་པར་གསོལ་ཅིག་ཅེས་བཀའ ་སྩལ་ཏོ། ། སྟོན་པ་དྲུག་ཀྱང་ཁའ་ཐམས་ནས། སངས་རྒྱས་ལ་གསོལ་ཅིག་ཅེས་ལག་བརྡར་བྱས་སོ།། དེ་ནས་བཅོམ་ལྡན་འདས་ཀྱིས་ཤིན་ཏུ་མཉེན་ཞིང་འཇམ་པའི་གསུང་ཕྱུང་སྟེ། འཁོར ་མང་པོ་ལ་ཆོས་ཀྱི་མཚན་ཉིད་རྣམ་པར་ཕྱེ་སྟེ་བསྟན་པས་འཁོར་མང་པོའི་ཡིད་ཚིམ་པར་གྱུར་ཏེ། སངས་རྒྱས་ཀྱིས་གསུངས་པ་ཐོས་ནས། ཐམས་ཅད་ཀྱིས་རྟོགས་ཤིང་ཁོང་དུ་ཆུད་ཅིང་། གཟུགས ་ཅན་སྙིང་པོའི་གཅུང་ནི་ཆོས་ལ་ཆོས་ཀྱི་མིག་རྣམ་པར་དག་པར་གྱུར་ཏོ། ། འཁོར་གཞན་དག་ནི་འབྲས་བུ་དང་པོ་ནས་འབྲས་བུ་གསུམ་པའི་བར་དུ་ཐོབ་ནས་རབ་ཏུ་བྱུང་སྟེ་ཟག་པ་ཟད་དོ།། ལ་ལ་ནི ་བླ་ན་མེད་པའི་བྱང་ཆུབ་ཏུ་སེམས་བསྐྱེད་དེ། ཕྱིར་མི་ལྡོག་པའི་ས་ལ་གནས་པར་གྱུར་ནས་ཇི་ལྟར་སྨོན་པ་བཞིན་དུ་ཡོངས་སུ་རྫོགས་པས། སོ་སོ་ནས་ཡང་དག་པ་གང་ཡིན་པ་ཤེས་ཤིང་རྟོགས་ཏེ ་དཀོན་མཆོག་གསུམ་ལ་དད་ཅིང་མོས་ཀྱི། སྟོན་པ་དྲུག་མི་འདོད་དེ་དེ་ལ་བསྙེན་བཀུར་མི་བྱེད་པར་གྱུར་ཏོ།། དེ་ནས་སྟོན་པ་དྲུག་པོ་ཤིན་ཏུ་སེམས་འཁྲུགས་ནས་ཁྲོས་ཏེ་དབེན་པའི་ས་ཕྱོགས་སུ ་དོང་ནས་རྟོག་པ་ལ་ཞུགས་སོ། ། དེ་ནས་བདུད་སྡིག་ཏོ་ཅན་འདི་སྙམ་དུ་སེམས་པར་གྱུར་ཏེ། བདག་གིས་ཡུན་རིང་ཞིག་ན། དགེ་སྦྱོང་གོའུ་ཏ་མ་ལ་བགེགས་བྱས་ནས་སྐབས ་མ་རྙེད་ཀྱིས། ད་ནི་བདག་གིས་ཅི་ནས་ཀྱང་བགེགས་བྱའོ་སྙམ་བསམས་ནས། བདུད་སྡིག་ཅན་རྫོགས་བྱེད་ལྟ་བུར་བདག་མངོན་པར་སྤྲུལ་ནས། ཕྱུག་ལྷས་ཀྱི་བུ ་མསྐ་རི་དང་། རྣམ་པར་སྨྲ་བའི་བུ་ཀུན་ནས་རྒྱལ་བ་དང་། སྐྲའི་ལ་བ་ཅན་མི་ཕམ་པ་དང་། ཀ་ཏྱ་ཡ་ན་ནོག་ཅན་དང་། གཉེན་གྱི་བུ་གཅེར་བུ་གང་ན་བ་དེར་སོང་སྟེ་ཕྱིན་པ་དང་། དེ་དག་གི ་མདུན་དུ་མེ་འབར་བ་དང་། ཆུ་འབབ་པ་དང་། ཀློག་འབྱུང་བར་ཆོ་འཕྲུལ་སྟོན་པ་ལ་ཞུགས་པ་དང་། དེ་དག་གིས་རྫོགས་བྱེད་ཁྱད་ཀྱིས་ཡོན་ཏན་རྣམ་པ་མང་པོ་འདི་ལྟ་བུ་ཐོབ་པས། ་པ་ཐོབ་བོ།། དེ་རྣམས་ཀྱིས་སོ་སོ་ནས་འདི་སྙམ་དུ་བསམ་མོ།། བདག་གཅིག་པུ་མ་གཏོགས་པར་འདི་དག་ཐམས་ཅད་ནི་རྫུ་འཕྲུལ་ཆེ་བ་མཐུ་ཆེ་བར་སོ་སོར་སྟོན་ཏོ་སྙམ་བསམས་སོ།། ་དེ་ནས་དུས་ཕྱི་ཞིག་ན་རྫོགས་བྱེད་ལ་སོགས་པ་སྟོན་པ་དྲུག་འདུན་ཁང་དུ་འདུས་ཤིང་ལྷགས་ནས། གཏམ་འདི་ལྟ་བུ་དག་སྐབས་སུ་སྨྲ་སྟེ། བདག་ཅག་རྣམས་ལ་སྔོན་ནི་རྒྱལ་པོ་དང་། བློན་པོ ་དང་བྲམ་ཟེ་དང་། ཁྱིམ་བདག་ཕྱུག་པོ་དང་། ཚོང་དཔོན་དང་། དེད་དཔོན་དག་གིས་རིམ་གྲོ་བྱས། བཀུར་སྟི་བྱས། མཆོད་པར་བྱས་ཤིང་། བདག་ཅག་གིས་གོས་དང་། ཟས ་དང་མལ་སྟན་དང་། ནད་ཀྱི་རྐྱེན་རྩི་དང་། ཡོ་བྱད་རྣམས་རྙེད་པར་གྱུར་ན། ད་ནི་དགེ་སྦྱོང་ཤཱཀྱའི་བུ་འདི་ལ་རིམ་གྲོ་དང་བཀུར་སྟི་བྱེད་དེ། གོས་དང་། ཟས་དང་། མལ་སྟན་དང ་ནད་ཀྱི་རྐྱེན་རྩི་དང་། ཡོ་བྱད་རྣམས་ཀྱང་རྙེད་པར་མ་གྱུར་གྱིས། ད་ནི་བདག་ཅག་རྣམས་ཀྱིས་དགེ་སྦྱོང་གོའུ་ཏ་མ་མིའི་བླ་མའི་ཆོས་ཀྱི་ཆོ་འཕྲུལ་ལ་དགུག་གོ།། དེ་སྟེ་དགེ་སྦྱོང་གོའུ་ཏ་མས་མིའི་བླ ་མའི་ཆོས་ཀྱི་ཆོ་འཕྲུལ་གཅིག་སྟོན་པ་ལ་ཞུགས་ན། བདག་ཅག་གིས་གཉིས་བསྟན་ཏོ།། དགེ་སྦྱོང་གོའུ་ཏ་མས་གཉིས་ན། བདག་ཅག་གིས་བཞིའོ།། དགེ་སྦྱོང་གོའུ་ཏ་མས་བཞིན། བདག ་ཅག་གིས་བརྒྱད་དོ། ། དགེ་སྦྱོང་གོའུ་ཏ་མས་བརྒྱད་ན། བདག་ཅག་གིས་བཅུ་དྲུག་གོ། དགེ་སྦྱོང་གོའུ་ཏ་མས་བཅུ་དྲུག་ན། བདག་ཅག་གིས་སུམ་ཅུ་རྩ་གཉིས་སུའོ།། དགེ་སྦྱོང་གོའུ་ཏ ་མས་རྗེས་ཇི་སྙེད་དུ་མིའི་བླ་མའི་ཆོས་ཀྱི་ཆོ་འཕྲུལ་བསྟན་པ་ལ། བདག་ཅག་གིས་ཉིས་འགྱུར་སུམ་འགྱུར་དུ་ལྟ་བ་མར་མིའི་བླ་མའི་ཆོས་ཀྱི་ཆོ་འཕྲུལ་བསྟན་པར་བྱའོ།། དེ་ནས་རྫོགས་བྱེད་ལ ་སོགས་པ་སྟོན་པ་དྲུག་རྒྱལ་པོ་གཟུགས་ཅན་སྙིང་པོ་ག་ལ་བ་དེར་སོང་སྟེ་དྲུང་དུ་ཕྱིན་པ་དང་། རྒྱལ་པོ་གཟུགས་ཅན་སྙིང་པོ་ལ་རྒྱལ་བ་དང་ཚེ་རིང་བར་ཤོག་ཅིག་ཅེས་བརྗོད་ནས་འདི་སྐད་ཅེས་སྨྲས་སོ།། ་ལྷ་བདག་ཅག་རྣམས་ནི་ཆོ་འཕྲུལ་དང་ལྡན་ཞིང་ཤེས་པར་སྨྲ་བ་ལགས་ན། དགེ་སྦྱོང་གོའུ་ཏ་མ་ཡང་བདག་ཉིད་ཆོ་འཕྲུལ་དང་ལྡན་ཞིང་ཤེས་པར་སྨྲའོ་ཞེས་མཆི་ན། ཤེས་པར་སྨྲ་བ་ནི་ཤེས་པར ་སྨྲ་བ་དང་ལྷན་ཅིག། མིའི་བླ་མའི་ཆོས་ཀྱི་ཆོ་འཕྲུལ་འགྲན་དུ་གཞུག་པའི་རིགས་ཀྱིས། བདག་ཅག་སྤྲོད་ཅིག་ཅེས་སྨྲས་པ་དང་། རྒྱལ་པོ་གཟུགས་ཅན་སྙིང་པོས་བགང་ངེ་འདི་སྐད་ཅེས་སྨྲས་། ་ཁྱེད་རྣམས་རེ་གླེན། སངས་རྒྱས་ནི་ཡོན་ཏན་ཆེ་བ། རྫུ་འཕྲུལ་ཆེ་བ། ཆོ་འཕྲུལ་ཐོགས་པ་མེད་པ་ཡིན་ན། ཁྱེད་འདྲ་བ་ནི་སྲིན་བུ་མེ་ཁྱེར་ཉི་མ་ལ་འགྲན་པའམ། ་བ་རྨིག་གི་ཆུ་རྒྱ་མཚོ་དང་བསྐྲུན་པ་འམ། ཝ་སྔར་མ་སེང་གེ་དང་འགྲན་པ་འམ། བྱི་བྲུན་རི་རབ་ལྷུན་པོ་ལ་འཕང་མཐོ་བ་འགྲན་པ་དང་འདྲ་སྟེ། ཆེ་ཆུང་ཁྱད་ཞུགས་པར་མངོན་པས་ངན་པར་ལྟ་བ ་ཁྱེད་ཧ་ཅང་ཡང་གླེན་ཆེས་སོ། ། སྟོན་པ་དྲུག་གིས་ཡང་སྨྲས་པ། མངོན་རྟགས་ཕྱིས་འབྱུང་བ་རྒྱལ་པོས་མ་གཟིགས་ཏེ། བདག་ཅག་གིས་ཆོ་འཕྲུལ་ཆེན་པོ་འགྲན་ན་མངོན་ཏེ། བསྐྲུན ་པའི་འོག་ཏུ་གང་རྒྱལ་བ་མངོན་ནོ། ། རྒྱལ་པོས་སྨྲས་པ། འགྲན་འདོད་ན་ལྷ་འགྲན་ལ་རག་སྟེ། ཁྱེད་སྐྱེངས་ཀྱིས་དོགས་སོ།། ཁྱེད་ཆོ་འཕྲུལ་འགྲན་པར་གྱུར་ན། ངེད་ཀྱང་ཁྱེད་ཀྱི ་ཆོ་འཕྲུལ་མཐོང་བར་གྱིས་ཤིག། སྟོན་པ་དྲུག་གིས་སྨྲས་པ། ང་སྟེ་ཞག་བདུན་ན་ཆོ་འཕྲུལ་འགྲན་གྱིས། གར་འགྲན་པའི་ས་ཕྱོགས་བྱི་ངོར་མཛོད་ཅིག་ཅེས་སྨྲས་སོ།། ་སྟོན་པ་དྲུག་གིས་དེ་སྐད་ཅེས་སྨྲས་ནས། ཕྱིར་དོང་བའི་འོག་ཏུ་རྒྱལ་པོ་གཟུགས་ཅན་སྙིང་པོ་སངས་རྒྱས་གང་ན་བ་དེར་སོང་ནས་བྱིན་པ་དང་། འདི་སྐད་ཅེས་གསོལ་ཏོ།། སྟོན་པ་དྲུག་ནི་བཅོམ་ལྡན ་འདས་ལ་ཆོ་འཕྲུལ་འགྲན་ནོ་ཞེས་མཆི་སྟེ། བདག་གིས་བཀག་ན་ཡང་མ་བཏུབ་ཀྱིས། བཅོམ་ལྡན་འདས་ཀྱིས་ཆོ་འཕྲུལ་གྱི་མཐུ་བསྟན་ཏེ་ངན་པར་ལྟ་བ་ལས་བཟློག་ནས། དགེ་བ་ལ་དགོད་དུ ་གསོལ། ཆོ་འཕྲུལ་སྟོན་པ་ཡང་བདག་ཅག་གིས་མཐོང་བར་མཛད་དུ་གསོལ། བཅོམ་ལྡན་འདས་ཀྱིས། རྒྱལ་པོ་གཟུགས་ཅན་སྙིང་པོ་ལ་འདི་སྐད་ཅེས་བཀའ་སྩལ་ཏོ།། ང་བདག་དུས་མཁྱེན ་གྱིས་གང་དུ་འགྲན་པའི་གནས་ཡངས་པ་ཞིག་ཏུ་བི་དོར་གྱིས་ཤིག་ཅེས་བཀའ་སྩལ་ནས། རྒྱལ་པོ་གཟུགས་ཅན་སྙིང་པོས་བློན་པོ་ལ་བཀའ་སྩལ་ཏེ། གནས་ཡངས་པ་བདེ་བ་ཞིག་ཏུ་ཕྱག་བདར ་བྱས་ནས། སེང་གེའི་ཁྲི་བཤམས་རྒྱལ་མཚན་དང་བ་དན་བཙུགས་ཏེ་ཤིན་ཏུ་མཛེས་པར་བརྒྱན་ནོ།། དེ་ལྟར་ཆོ་འཕྲུལ་འགྲན་པར་བྱས་པའི་དུས་སུ་དེའི་ཉིན་པར་ཐམས་ཅད་མཐོང་དུ་རེའོ།། ་དེའི་ཚེ་ན་དེ་བཞིན་གཤེགས་པ་དགེ་འདུན་དང་བཅས་པ་རྒྱལ་པོའི་ཁབ་ནས་གཤེགས་ཏེ་ཡངས་པ་ཅན་དུ་བཞུད་དོ།། ཡངས་པ་ཅན་ན་ལི་ཙ་བྱི་དང་། མི་མང་པོས་དེ་བཞིན་གཤེགས་པ་བསུའོ།། ་རྒྱལ་པོའི་ཁབ་ཀྱི་མི་རྣམས་ཀྱིས། བཅོམ་ལྡན་འདས་ཡངས་པ་ཅན་དུ་གཤེགས་པ་ཡང་གདོད་ཤེས་ཤིང་རྟོགས་ནས། སྟོན་པ་དྲུག་ཀྱང་འདི་སྐད་དུ། དགེ་སློང་གོའུ་ཏ་མའི་ཆོ་འཕྲུལ་གྱིས ་བདག་ཅག་ལ་མི་ཐུབ་བོ་ཞེས་བྱས་ན། ཁྱོད་ཡིད་མི་ཆེས་ཏེ་ཆོ་འཕྲུལ་འགྲན་པའི་དུས་བྱས་པ་ལས། བྱོལ་ནས་ཡངས་པ་ཅན་དུ་བྲོས་སོ་ཞེས་བསྒྲགས་ཏེ། སྟོན་པ་དྲུག་ང་རྒྱལ་ལྷག་པར ་སྐྱེས་ནས་སོ་སོ་ནས་སྤྲོ་བ་བསྐྱེད་དེ་བསྙེགས་སུ་དོང་ངོ་། ། དེའི་ཚེ་ན་རྒྱལ་པོ་གཟུགས་ཅན་སྙིང་པོ་ཡང་ཐེག་པ་ལྔ་བརྒྱ་བཤམས་ཏེ། རྒྱལ་པོ་དང་རྒྱལ་པོའི་འཁོར་ཁྲི་ཕྲག་བཅུ་བཞི་སྙེད་ཀྱང་འཚེ ་བའི་རྒྱགས་ཀྱང་ཁྱེར་ནས། བཅོམ་ལྡན་འདས་ཀྱི་རྗེས་སུ་ཡུལ་ཡངས་པ་ཅན་དུ་དོང་ངོ་།། སྟོན་པ་དྲུག་ཀྱང་ཡུལ་ཡངས་པ་ཅན་དུ་ཕྱིན་ནས། ལི་ཙ་བྱི་རྣམས་ལ་འདི ་སྐད་ཅེས་སྨྲས་སོ། ། བདག་ཅག་དགེ་སྦྱོང་གོའུ་ཏ་མ་དང་ཆོ་འཕྲུལ་འགྲན་པར་གནང་ན། ད་སྟེ་ཞག་བདུན་ན་ཚེ་འཕྲུལ་འགྲན་པར་བགྱིའོ།། དེ་ནས་ལི་ཙ་བྱི་རྣམས་བཅོམ་ལྡན་འདས་གང་ན ་བ་དེར་དོང་སྟེ་འདི་སྐད་ཅེས་གསོལ་ཏོ། ། གླེན་པ་ཆེན་པོ་སྟོན་པ་དྲུག་ནི་ཡོན་ཏན་དང་ལྡན་སྙམ་སྟེ། དེ་བཞིན་གཤེགས་པ་དང་ཆོ་འཕྲུལ་འགྲན་ནོ་ཞེས་མཆི་ན། བཅོམ་ལྡན་འདས་ཀྱིས་ཚར ་གཅད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ང་ཉིད་དུས་མཁྱེན་ཏེ།། དེ་ནས་ལ་ཙི་བྱི་རྣམས་ཡུལ་མི་དག་དང་ཡོ་བྱད་རྒྱལ་པོ་གཟུགས་ཅན་སྙིང་པོ་བཞིན་དུ་སྦྱར་ཏེ། སང་ལྷ ་བུར་འགྲན་པ་ལས་དི་རིང་ལྟ་བུར་བཅོམ་ལྡན་འདས་དགེ་འདུན་དང་བཅས་ཏེ། ཡུལ་ཀོའུ་ཤ་མ་བིར་གཤེགས་སོ།། ཀོའུ་ཤམ་བིའི་རྒྱལ་པོ་ཨུད་ཏྲ་ཡ་ན་ཞེས་བྱ་བས་ཀྱང་བློན་པོ་དང་བཅས་ཏེ། ་དེ་བཞིན་གཤེགས་པ་བསུའོ།། ཡངས་པ་ཅན་གྱི་མི་རྣམས་སང་ལྟ་བུར་དེ་བཞིན་གཤེགས་པ་ལ་ཕྱག་འཚལ་དུ་དོང་བ་ལས། ཀོའུ་ཤམ་བིར་གཤེགས་སོ་ཞེས་ཐོས་པ་དང་། སྟོན་པ་དྲུག་པོས ་ཀྱང་བཅོམ་ལྡན་འདས་གཤེགས་སོ་ཞེས་ཐོས་ནས་སྔར་བས་ལྷག་པར་ང་རྒྱལ་སྐྱེས་སོ། ། ཡང་བཅོམ་ལྡན་འདས་གར་གཤེགས་པར་དོང་ངོ་།། དེའི་ཚེ་ལི་ཙ་བྱི་རྣམས་ཀྱང་ཐེག་པ་ལྔ་བརྒྱ ་བཤམས་ནས། འཁོར་ཁྲི་ཕྲག་བདུན་དང་། གཟུགས་ཅན་སྙིང་པོའི་འཁོར་དུ་བཅས་ཏེ་ཀེའུ་ཤམ་བིར་སངས་རྒྱས་དང་། སྟོན་པ་དྲུག་ཚེ་འཕྲུལ་འགྲན་པ་ལ་ལྟར་དོང་ངོ་།། སྟོན་པ་དྲུག ་པོ་ཀེའུ་ཤམ་བིར་ཕྱིན་ནས། རྒྱལ་པོ་ཨུད་དྲ་ཡ་ན་ལ་གཏམ་སྔ་མ་བྱས་ཏེ། དགེ་སྦྱོང་གེའུ་ཏ་མ་འདི་སྡོད་དུ་མ་བཏུབ་ནས། བདག་ཅག་ལ་བྱོལ་གྱིས། རྒྱལ་པོས་བདག་ཅག་དང་ཆོ་འཕྲུལ ་འགྲན་པའི་དུས་ཐོབ་ཅིག་ཅེས་གསོལ་པ་དང་། ཨུད་དྲ་ཡ་ནས། སངས་རྒྱས་ལ་འདི་སྐད་ཅེས་གསོལ་ཏོ།། སྟོན་པ་དྲག་ནི་བཅོམ་ལྡན་འདས་དང་ཆོ་འཕྲུལ་འགྲན་ནོ་ཞེས་མཆིན་མཁྱེན་ཏམ། ་བཅོམ་ལྡན་འདས་ཀྱིས་བཀའ་སྩལ་པ། ང་ཉིད་དུས་མཁྱེན་ཏོ།། དེ་ནས་ཨུད་དྲ་ཡ་ནས་ཀྱང་རྒྱལ་པོ་གཟུགས་ཅན་སྙིང་པོ་བཞིན་དུ་སྦྱར་ཏེ་བཤམས་པ་དང་། བཅོམ་ལྡན་འདས་ཡང་དགེ་སློང ་གི་དགེ་འདུན་དང་བཅས་ཏེ། ཡུལ་ཝར་གྱིར་གཤེགས་སོ།། ཝར་གྱིའི་རྒྱལ་པོ་ཤུན་ཙིན་ད་ལས་ཀྱང་མི་མང་པོ་དང་དེ་བཞིན་གཤེགས་པ་བསུའོ།། ཀེའུ་ཤམ་བིའི་མི་རྣམས་ཀྱིས་ཀྱང་། ་དེ་བཞིན་གཤེགས་པ་ཡུལ་ཝར་གྱིར་གཤེགས་པ་གཟོད་ཐོས་ཏེ། སྟོན་པ་དྲུག་ཀྱང་ཇི་བཞིན་སོང་ངོ་།། དེའི་ཚེ་རྒྱལ་པོ་ཨུད་དྲ་ཡ་ན་འཁོར་སྟོང་ཕྲག་བརྒྱད་ཁྲི་དང་། རྒྱལ་པོ་གཟུགས་ཅན ་སྙིང་པོ་ལ་སོགས་པ་ཐམས་ཅད་འགྲོགས་ཏེ་ཡུལ་ཝར་གྱིར་གཤེགས་སོ། ། དེ་ནས་སྟོན་པ་དྲུག་པོས་རྒྱལ་པོ་ཤུན་ཙིན་ད་ལ། བདག་ཅག་དགེ་སློང་གོའུ་ཏ་མ་ལ་ཚེ་འཕྲུལ་འགྲན་པར་གྱིས་ཤིག་ཅེས ་གསོལ་པ་དང་། རྒྱལ་པོ་དེས་ཀྱང་དེ་བཞིན་དུ་གསོལ་ནས། བཅོམ་ལྡན་འདས་ཀྱིས་ང་ཉིད་དུས་མཁྱེན་ཏོ་ཞེས་བཀའ་སྩལ་ཏོ།། རྒྱལ་པོ་དེས་ཀྱང་ཡོ་བྱད་སྦྱར ་ཏེ་བཤམས་པ་དང་། བཅོམ་ལྡན་འདས་དགེ་སློང་གི་དགེ་འདུན་དང་བཅས་ཏེ། ཡུལ་ཐིག་ཆ་ཤི་རིར་གཤེགས་ནས། ཡུལ་དེའི་རྒྱལ་པོ་ཨིན་དྲ་བ་མི་ཞེས་བྱ་བས་འཁོར་མང་པོ་དང་དེ་བཞིན ་གཤེགས་པ་བསུའོ། ། དེའི་ཚེ་རྒྱལ་པོ་ཤུན་ཙིན་ད་ལ་འཁོར་ཁྲི་ཕྲག་ལྔ་དང་། རྒྱལ་པོ་གཟུགས་ཅན་སྙིང་པོ་ལ་སོགས་པ་ཐམས་ཅད་དང་འགྲོགས་ཏེ་ཡུལ་ཐིག་ཆ་ཤི་རིར་དོང་ངོ་།། ་སྟོན་པ་དྲུག་པོ་ཡང་ཡུལ་དེར་ཕྱིན་ནས། རྒྱལ་པོ་ཨིན་དྲ་བ་མི་ལ་སྐད་ཆེན་པོར་དགེ་སྦྱོང་གོའུ་ཏ་མ་དང་བདག་ཅག་ཆོ་འཕྲུལ་འགྲན་པར་གྱིས་ཤིག་ཅེས་ཟློག་མ་ཐུབ་བོ།། དེའི་ཚེ་ཨིན་དྲ་བ་མིས་བཅོམ ་ལྡན་འདས་གང་ན་བ་དེར་སོང་ནས་དེ་བཞིན་དུ་གསོལ་པ་དང་། བཅོམ་ལྡན་འདས་ང་ཉིད་དུས་མཁྱེན་ཏེ་ཞེས་བཀའ་སྩལ་ཏོ།། དེ་ནས་རྒྱལ་པོ་དེས་ཀྱང་ཡོ་བྱད་བཤམས་ཏེ་དུས་ལ་བབ་པ་དང་།། ་བཅོམ་ལྡན་འདས་དགེ་སློང་གི་དགེ་འདུན་དང་བཅས་ཏེ། ཡུལ་བཱ་རཱ་ཎཱ་སོར་གཤེགས་སོ།། ཡུལ་དེའི་རྒྱལ་པོ་ཚངས་བྱིན་ཞེས་བྱ་བས་ཀྱང་འཁོར་མང་པོ་དང་བཅས་ཏེ་དེ་བཞིན་གཤེགས་པ ་བསུའོ། ། ཐིག་ཆ་ཤི་རིའི་མི་དག་དེ་བཞིན་གཤེགས་པ་བཞུད་པར་གདོད་ཤེས་ནས། སྟོན་པ་དྲུག་ཀྱང་དེའི་རྗེས་སུ་དོང་ངོ་།། རྒྱལ་པོ་ཨིན་དྲ་བ་མིས་ཀྱང་འཁོར་ཁྲི་ཕྲག་དྲུག་དང་བཅས ་ཏེ། རྒྱལ་པོ་གཟུགས་ཅན་སྙིང་པོ་ལ་སོགས་པ་རྒྱལ་པོ་ཐམས་ཅད་དང་འགྲོགས་ཏེ་གནས་དེར་སོང་ངོ་།། སྟོན་པ་དྲུག་ཀྱང་དེར་ཕྱིན་ཏེ། དེ་བཞིན་དུ་རྒྱལ་པོ་དེ་ལ་གསོལ་ནས། རྒྱལ་པོ་ངས ་ཀྱང་དེ་བཞིན་དུ་གསོལ་པ་དང་། ང་ཉིད་དུས་མཁྱེན་ཏོ་ཞེས་བཀའ་སྩལ་ཏོ།། དེ་ནས་རྒྱལ་པོ་དེས་ཀྱང་ཡོ་བྱད་སྦྱར་ཏེ་བཤམས་པ་ལས། བཅོམ་ལྡན་འདས་དགེ་སློང་གི་དགེ་འདུན་དང ་བཅས་ཏེ་ཡུལ་སེར་སྐྱར་གཤེགས་སོ། ། ཡུལ་སོར་སྐྱའི་ཤཱཀྱའི་རིགས་རྣམས་གཅིག་གིས་གཅོག་སྦྲན་ནས། ཐམས་ཅིང་འདུས་ཏེ་དེ་བཞིན་གཤེགས་པ་བསུའོ།། ཡུལ་བཱ་རཱ་ཎཱ་སིའི་མི་རྣམས ་ཀྱིས་ཀྱང་། དེ་བཞིན་གཤེགས་པ་བཞུད་པར་གཟོད་རྟོགས་ནས། སྟོན་པ་དྲུག་པོ་ཡང་དེའི་རྗེས་སུ་དོང་ངོ་།། རྒྱལ་པོ་ཚངས་པས་སྦྱིན་འཁོར་ཁྲི་ཕྲག་བརྒྱད་ཅུ་དང་། གཟུགས་ཅན ་སྙིང་པོ་ལ་སོགས་ཏེ་རྒྱལ་པོ་དྲུག་ཆར་ཡང་འཁོར་དང་བཅས་ཏེ། བཅོམ་ལྡན་འདས་གང་དུ་གཤེགས་པའི་རྗེས་སུ་དོང་ངོ་།། སྟོན་པ་དྲུག་ཀྱང་དེར་ཕྱིན་པ་དང་། ཤཱཀྱའི་རིགས་རྣམས ་ལ་དགེ་སྦྱོང་གོའུ་ཏ་མ་དང་ཆོ་འཕྲུལ་འགྲན་པར་བྱས་པ་ལས། ངེད་ཀྱི་མཐུ་ཆེ་བས་བྱོལ་ལོ་ཞེས་ཡེངས་མ་གཏམ་བྱས་སོ།། དེ་ནས་ཤཱཀྱའི་རིགས་རྣམས་ཀྱིས་དེ་བཞིན་དུ། བཅོམ་ལྡན་འདས ་ལ་གསོལ་པ་དང་། བཅོམ་ལྡན་འདས་ཀྱིས་ང་ཉིད་དུས་མཁྱེན་ཏོ་ཞེས་བཀའ་སྩལ་ཏོ།། དེ་ནས་ཤཱཀྱའི་རིགས་རྣམས་ཀྱིས་ཀྱང་ཡོ་བྱད་སྦྱར་ཅིང་བཤམས་པ་དང་། བཅོམ་ལྡན་འདས་དགེ ་སློང་གི་དགེ་འདུན་དང་བཅས་པ་མཉན་དུ་ཡོད་པར་གཤེགས་སོ། ། དེའི་ཚེ་མཉན་དུ་ཡོད་པའི་རྒྱལ་པོ་གསལ་རྒྱལ་ཡང་འཁོར་དང་བཅས་ཏེ། དེ་བཞིན་གཤེགས ་པ་བསུའོ། ། ཤཱཀྱའི་རིགས་རྣམས་ཀྱང་དེ་བཞིན་གཤེགས་པ་བཞུད་པར་གཟོད་རྟོགས་ཏེ། སྟོན་པ་དྲུག་པོས་ཀྱང་རྗེས་སུ་བསྙེགས་སོ།། ཤཱཀྱའི་རིགས་རྣམས་ཀྱང་འཁོར་ཁྲི་ཕྲག ་དགུ་དང་རྒྱལ་པོ་གཟུགས་ཅན་སྙིང་པོ་ལ་སོགས་ཏེ་རྒྱལ་པོ་རྣམས་དང་། འཁོར་རྣམས་ཀྱིས་མཉན་དུ་ཡོད་པའི་ལྗོངས་ཡོངས་སུ་གང་ངོ་།། སྟོན་པ་དྲུག་པོ་ཡང་དེར་ཕྱིན་ནས། རྒྱལ ་བོ་གསལ་རྒྱལ་ལ་འདི་སྐད་དུ། དགེ་སྦྱོང་གོའུ་ཏ་མ་དང་བདག་ཅག་ཆོ་འཕྲུལ་འགྲན་པར་དུས་བྱས་པ་ལས། དུས་ལ་བབ་པ་དང་འབྱོལ་ཞིང་བྲོས་ཏེ། ད་ནི་འཁོར་མང་པོ་ཡང་རྒྱལ་པོའི་ཡུལ ་དུ་ཚོགས་ཀྱིས། རྒྱལ་པོ་ཆེན་པོས་བདག་ཅག་འགྲན་དུ་ཆུག་ཅིག་ཅེས་གསོལ་པ་དང་། རྒྱལ་པོ་གསལ་རྒྱལ་གྱིས་བགད་དེ་འདི་སྐད་དུ། བཅོམ་ལྡན་འདས་ཀྱི་ཡོན་ཏན་ངོ་མཚར་ཆེ་བ་ནི ་བསམ་གྱིས་མི་ཁྱབ་ན། ཅིའི་ཕྱིར་ཁྱེད་ལྟ་བུ་མ་རབས་ཅི་ཡང་མི་ཤེས་པ། ཆོས་ཀྱི་རྒྱལ་པོ་ཆེན་པོ་དང་ཆོ་འཕྲུལ་འགྲན་པར་བྱེད་ཅེས་བསྒོའོ།། འོན་ཀྱང་སྟོན་པ་དྲུག་པོ་དག་དྲོད་མི་ཐུབ ་ང་རྒྱལ་སྙེམས་པས་རྒྱལ་པོ་གསལ་རྒྱལ་བཅོམ་ལྡན་འདས་ག་ན་བ་དེར་སོང་ནས་འདི་སྐད་ཅེས་གསོལ་ཏོ། ། སྟོན་པ་དྲུག་པོ་དག་ཆོ་འཕྲུལ་འགྲན་པར་ཡང་དང་ཡང་བསྐུལ་གྱིས ་བཅོམ་ལྡན་འདས་ཀྱིས་ཚར་བཅད་དེ་ཚེ་འཕྲུལ་གྱི་བྱེ་བྲག་དབྱེ་བར་གསོལ། བཅོམ་ལྡན་འདས་ཀྱིས་ང་ཉིད་དུས་མཁྱེན་ཏོ་ཞེས་བཀའ་སྩལ་པ་དང་། རྒྱལ་པོ་གསལ་རྒྱལ་གྱིས་བློན་པོ་རྣམ ་ལ་བཀའ་སྩལ་ཏེ། ཆོ་འཕྲུལ་འགྲན་པའི་གནས་བསྐམས་ཤིང་ཕྱག་བདར་བྱས། མེ་ཏོག་དང་སྤོས་མང་དུ་བཤམས་ཏེ་སེང་གེའི་ཁྲི་བཙུགས་ནས། བ་དན་དང་རྒྱལ་མཚན་ལ་སོགས་པས ་བརྒྱན་ཏེ་འཁོར་མང་པོ་བསྡུས་སོ། ། དེའི་ཚེ་དཔྱིད་ཟླ་ར་བ་ཚེས་གཅིག་གི་ཉིན་པར་བཅོམ་ལྡན་འདས་ཆོ་འཕྲུལ་འགྲན་པའི་གནས་སུ་གཤེགས་པ་དང་། རྒྱལ་པོ་གསལ་རྒྱལ་གྱིས ་མཆོད་པའི་ཡོ་བྱད་དང་ཞལ་ཟས་བཤམས་ཏེ། བཅོམ་ལྡན་འདས་ལ་ཕྱག་དར་ཏེ་ཕུལ་ལོ།། བཅོམ་ལྡན་འདས་ཀྱིས་ཚེམས་ཤིང་གསོལ་ནས། ཚེམས་ཤིང་ས་ལ་བཙུགས་སོ།། ་ས་ལ་བཙུགས་མ་ཐག་ཏུ་སྐྱེས་ནས་ཡལ་ག་དང་ལོ་མ་རྒྱས་པ་མཐོ་ཚད་དཔག་ཚད་ལྔ་བརྒྱ་པར་གྱུར་ཏེ། ཡལ་ག་དང་ལོ་མ་ཁོ་ར་ཁོར་ཡུག་ཀྱང་དཔག་ཚད་ལྔ་བརྒྱ་ཁེབས་སོ།། དེ་མ་ཐག་ཏུ ་མེ་ཏོག་ཤིང་རྟའི་འཕང་ལོ་ཙམ་སྐྱེས་ནས། འབྲས་བུ་བྲེ་ལྔ་ཤོང་བའི་བུམ་པ་ཙམ་དུ་གྱུར་ཏེ། རྩ་བ་དང་། ཡལ་ག་དང་། འདབ་མ་ལ་སོགས་པ་ཐམས་ཅད་རིན་པོ་ཆེ་སྣ་བདུན་དུ ་གྱུར་ནས། ཁ་དོག་རྣམ་པ་སྣ་ཚིགས་སུ་འཚེར་ཞིང་འབར་ཏེ། ཉི་ཟླའི་འོད་ཀྱང་ཟིལ་གྱིས་གནོན་ཏོ།། གང་གིས་འབྲས་བུ་དེ་ཟོས་ན་བདུད་རྩིའི་རོ་བས་ཀྱང་ལྷག་སྟེ། དྲི་བསུང་གིས ་ཀུན་ཏུ་མངད་པས། དྲིས་ཕོག་པ་ཐམས་ཅད་ཀྱང་བདེ་ཞིང་ཚིམ་པར་གྱུར་ཏོ།། རླུང་བསུང་ཅན་གྱིས་ཡལ་ག་དང་ལོ་མ་ལ་རེག་ན། ཤིན་ཏུ་ཡིད་དུ་འོང་བའི་ཆོས ་ཀྱི་སྒྲ་བྱུང་ངོ་། ། མི་ཐམས་ཅད་ཀྱིས་ཤིང་དེ་ལ་ཤིན་ཏུ་དད་པའི་སེམས་སྐྱེས་ཏེ། དེ་ནས་བཅོམ་ལྡན་འདས་ཀྱིས་ཆོས་བསྟན་པས་ཐམས་ཅད་ཀྱི་ཡིད་དང་མཐུན་ཏེ། འབྲས་བུ་ཐོབ་པ་དང ་ལྷར་སྐྱེ་བ་ཡང་རབ་ཏུ་མང་ངོ་། ། དེའི་ཕྱི་ཉིན་རྒྱལ་པོ་ཨུད་དྲ་ཡ་ནས་སྤྱན་དྲངས་ནས། དེའི་ཚེ་དེ་བཞིན་གཤེགས་པས་སྐུའི་གཡས་གཡོན་དུ་རིན་པོ་ཆེའི་རི་གཉིས་ཤིག་སྤྲུལ་ཏེ། ཤིན་ཏུ ་མཐོ་བོ་མཛེས་པ་རིན་པོ་ཆེ་རྣམ་པས་ཚོགས་ཀྱི་ཁ་དོག་ལྟར་འཚེར་བ། ཤིང་རྣམ་པ་སྣ་ཚོགས་རི་དེ་ལ་སྐྱེས་པ། མེ་ཏོག་དང་འབྲས་བུ་རབ་ཏུ་རྒྱས་པ། སྤ་སང་ཤིན་ཏུ་སྙན་པ་འབྱུང་བ། རི ་གཅིག་གི་རྩེ་མོ་ལ་འབྲས་རོ་བརྒྱ་དང་ལྡན་པ་འཇམ་ཞིང་མངར་བ་བྱུང་སྟེ། མི་མང་པོ་དག་ཡིད་བཞིན་དུ་དེ་ལ་ཚིམ་པར་ཟའོ།། རི་གཅིག་གི་རྩེ་མོ་ལ་རྩཝ་ཤིན་ཏུ་འཇམ་པ་དང་མངར་བ་སྐྱེས་ཏེ། ་དུད་འགྲོའི་སྐྱེ་གནས་རྣམས་དེ་ལ་ཡིད་བཞིན་དུ་ཟ་ཞིང་ཚིམ་པ་སྤྲུལ་ཏེ། བཅོམ་ལྡན་འདས་ཀྱིས་དེ་དག་ལ་ཅི་རིགས་སུ་ཆོས་བསྟན་པས་སེམས་རྣམ་པར་གྲོལ་ཏེ། བླ་ན་མེད་པའི་བྱང་ཆུབ་ཏུ ་སེམས་བསྐྱོད་པ་དང་། མཐོ་རིས་ཀྱི་ལྷར་སྐྱེས་པའི་གྲངས་ཀྱང་རབ་ཏུ་མང་ངོ་།། དེའི་ཕྱི་ཉིན་རྒྱལ་པོ་ཤུན་ཙིན་ད་ལས་སྤྱན་དྲངས་ཏེ་མཆོད་པ་སྦྱར་རོ།། བཅོམ་ལྡན་འདས་ཀྱིས་ཞལ་བསལ ་ནས་ཞལ་བསིལ་བའི་ཆུ་སླར་ས་ལ་དོར་བ་རིན་པོ་ཆེའི་རྫིང་དུ་གྱུར་ནས། ཁོ་ར་ཁོར་ཡུག་དཔག་ཚད་ཉིས་བརྒྱ་ཡོད་པ། རིན་པོ་ཆེ་སྣ་བདུན་གྱིས་རྣམ་པར་སྤྲས་པ། ཁ་དོག་རྣམ་པ་སྣ་ཚོས ་སུ་འཚེར་བ། རྫིང་བུ་དེའི་ཆུ་ཡོན་ཏན་བརྒྱད་དང་ལྡན་པ། རྫིང་གི་ཞབས་ཀྱང་རིན་པོ་ཆེ་སྣ་བདུན་གྱི་བྱེ་མས་བརྡལ་བ། པདྨ་ཆེ་ཁྱང་ཤིང་རྟའི་འཁོར་ལོ་ཙམ་རྣམ་པ་སྣ་ཚོགས་ཀྱིས་གང་བ་ལ ་འདི་ལྟ་སྟེ། པདྨ་སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ལེ་བརྒན་དང་། མརྒད་ལ་སོགས་པའོ།། པདྨ་དེའི་དྲི་ཡང་ཀུན་ཏུ་མངང་ཅིང་བྲོ་ལ། པདྨའི་ཁ ་དོག་ཇི་ལྟ་བ་བཞིན་དུ་འོད་ཟེར་འཚེར་ཏེ། དེའི་འོད་ཟེར་གྱིས་གནམ་ས་ཀུན་སྣང་བར་བྱས་ཏེ། འཁོར་མང་པོ་ཐམས་ཅད་ཀྱང་རིན་པོ་ཆེའི་རྫིང་དེ་ལ་ལྟ་ཞིང་རབ་ཏུ་དགའ་ནས་བསྟོད་ངོ་།། དེ་ནས ་བཅོམ་ལྡན་འདས་ཀྱིས་འཁོར་མང་པོ་ཡོ་བྱད་སྦྱར་ནས། ཆོས་རྣམ་པ་སྣ་ཚོགས་བསྟན་ཏེ་གོ་ཞིང་རྟོགས་པར་མཛད་ནས། ལ་ལ་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ།། ལ་ལ་ནི ་འབྲས་བུ་ཐོབ་ནས་མཐོ་རིས་ཀྱི་ལྷར་སྐྱེས་ཏེ། བསོད་ནམས་ཀྱི་ལས་བསྐྱེད་པ་ཡང་དཔག་ཏུ་མེད་དོ།། དེའི་ཕྱི་ཉིན་རྒྱལ་པོ་ཨིན་དྲ་བ་མིས་མཆོད་པའི་ཡོ་བྱད་བཤམས་ཏེ། སངས་རྒྱས ་སྤྱན་དྲངས་སོ། ། བཅོམ་ལྡན་འདས་ཀྱིས་དེའི་ཉན་པར་རིན་པོ་ཆེའི་རྫིང་དེའི་ངོས་བཞིན་ཡུར་བ་ཆེན་པོ་བརྐྱང་བརྒྱད་ཡོད་ལ། ཕྱིར་ཡང་འཁོར་ཞིང་རྫིང་ཉིད་དུ་འབབ་པ་དང་། ཆུ་འབབ ་པའི་སྒྲ་ལས་དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་དང་། རྣམ་པར་ཐར་པ་གསུམ ་དང་མངོན་པར་ཤེས་པ་དྲུག་དང་། ཕ་རོལ་ཏུ་ཕྱིན་པ་དྲུག་དང་། སྙིང་རྗེ་ཆེན་པོ་དང་། བྱམས་པ་ཆེན་པོ་དང་། ཚད་མེད་པ་བཞི་ལ་སོགས་ཏེ་ཆོས་རྣམ་པ་སྣ་ཚོགས་ཀྱི་སྒྲ་འབྱུང་ཞིང ་ཆོས་ཀྱི་སྒྲ་དེ་ལས་ཆུད་ཅིང་རྟོགས་ནས། སངས་རྒྱས་སུ་འགྱུར་བའི་འབྲས་བུ་དང་། མཐོ་རིས་ཀྱི་ལྷར་སྐྱེ་བ་དང་། བསོད་ནམས་ཀྱི་ལས་བསྐྱེད་པ་ཡང་རབ་ཏུ་མང་ངོ་།། དེའི་ཕྱི་ཉིན་རྒྱལ ་བོཔོ་ཚངས་བྱིན་གྱིས་སྤྱན་དྲངས་ཏེ་མཆོད་པའི་ཡོ་བྱད་བཤམས་སོ། ། དེའི་ཉིན་པར་བཅོམ་ལྡན་འདས་ཀྱི་ཞལ་གྱི་སྒོ་ནས་གསེར་གྱི་མདོག་ལྟ་བུའི་འོད་ཟེར་བཀྱེ་ནས། སྟོང་ཆེན་པོའི་འཇིག་རྟེན ་གྱི་ཁམས་ཀུན་ཏུ་སྣང་བར་བྱས་ཏེ། འོད་དེས་རེག་པའི་སེམས་ཅན་ཐམས་ཅད་གདུག་པ་གསུམ་དང་སྒྲིབ་པ་ལྔ་དང་བྲལ་ཏེ། ལུས་དང་སེམས་རབ་ཏུ་བདེ་བ་ནི། ཇི་ལྟར་དགེ་སློང་དག་བསམ ་། གཏན་གསུམ་པ་ཐོབ་པ་དང་འདྲའོ།། འཁོར་མང་པོ་རྣམས་སངས་རྒྱས་ཀྱི་ཡོན་ཏན་ལ་མོས་པས། བཅོམ་ལྡན་འདས་ཀྱིས་ཆོས་བསྟན་ཏེ། བླ་ན་མེད་པའི་བྱང་ཆུབ་ཏུ་སེམས་བསྐྱེད་པ་དང་། ་མཐོ་རིས་ཀྱི་ལྷར་སྐྱེས་པ་དང་། བསོད་ནམས་ཀྱི་ལས་བསྐྱེད་པ་ཡང་གྲངས་མེད་།། དེ་ཕྱི་ཉོན་ལི་ཙ་བྱི་རྣམས་ཀྱིས་སྤྱན་དྲངས་ནས་མཆོད་པའི་ཡོ་བྱད་སྦྱར་ཏེ།། དེའི་ཉིན་པར་བཅོམ་ལྡན ་འདས་ཀྱིས་འཁོར་མང་པོ་དེ་དག་ཐམས་ཅད་གཅིག་གིས་བསམ་པ་གཅིག་གིས་ཤེས་པར་བྱས་ཏེ། སོ་སོའི་དགེ་བ་དང་མི་དགེ་བའི་ལས་ཀྱང་རྟོགས་པར་བྱས་ནས་སོ་སོ་ནས་དགའ་སྟེ། སངས ་རྒྱས་ཀྱི་ཡོན་ཏན་བསྔགས་སོ། ། དེ་དག་ལ་བཅོམ་ལྡན་འདས་ཀྱིས་དམ་པའི་ཆོས་བསྟན་པས་ཁོང་དུ་ཆུད་ཅིང་རྟོགས་ནས་སངས་རྒྱས་སུ་སྨོན་ལམ་འདེབས་པ་དང་། འབྲས་བུ་ཐོབ་པ་དང་། མཐོ ་རིས་ཀྱི་ལྷར་སྐྱེ་བར་སྨོན་པ་ཡང་གྲངས་མེད་དོ། ། དེའི་ཕྱི་ཉིན་ཤཱཀྱའི་རིགས་རྣམས་ཀྱིས་སངས་རྒྱས་སྤྱན་དྲངས་ཏེ། བཅོམ་ལྡན་འདས་ཀྱིས་དེའི་ཉིན་པར་འཁོར་དེ་དག་ཐམས་ཅད་སོ་སོ་ནས་འཁོར ་ལོས་སྒྱུར་བའི་རྒྱལ་པོར་བསྒྱུར་ཏེ། རིན་པོ་ཆེ་སྣ་བདུན་དང་། བུ་སྟོང་དུ་ལྡན་པར་སྤྲུལ་ནས། རྒྱལ་ཕྲན་དང་། བློན་པོ་རྣམས་ཀྱིས་བསྟི་སྟང་བྱས་པར་མཐོང་སྟེ། སོ་སོ་ནས་ངོ་མཚར་རྨད ་དུ་སྤྲོ་བ་སྐྱེས་ནས། སྤྲོ་བ་དེ་ལ་བཅོམ་ལྡན་འདས་ཀྱིས་ཆོས་རྣམ་པར་ཕྱེ་ཞིང་བསྟན་པས་སོ་སོའི་ཡིད་ཚིམ་པར་གྱུར་ཏེ། བླ་ན་མེད་པའི་བྱང་ཆུབ་ཏུ་སེམས་བསྐྱེད་ནས་འབྲས་བུ་ཐོབ་པ་དང་། ལྷ ་དང་མིར་སྐྱེས་པ་གྲངས་མེད་པར་གྱུར་ཏོ། ། དེའི་ཕྱི་ཉིན་བརྒྱ་བྱིན་གྱིས་སངས་རྒྱས་སྤྱན་དྲངས་ཏེ། སེང་གེའི་ཁྲི་བཤམས་ནས། བཅོམ་ལྡན་འདས་དེ་ལ་བཞུགས་པ་དང་། བརྒྱ་བྱིན་ནི་གཡོན ་ནས་མཆོད་པ་བྱེད། ཚངས་པའི་རྒྱལ་པོ་ནི་གཡས་ནས་མཆོད་པ་བྱེད་དོ།། འཁོར་མང་པོ་རྣམས་ཀྱང་ཅང་མི་སྨྲ་བར་འཁོད་པ་ལས། བཅོམ་ལྡན་འདས་ཀྱི་ཕྱག་གིས་སེང་གེའི་ཁྲི་ལ་མནན་པ་དང་།། ་སེང་གེའི་ཁྲི་ལས་གླང་པོ་ཆེའི་སྐད་ལྟ་བུའི་སྒྲ་ཆེན་པོ་ཞིག་བྱུང་བ་དང་། དེ་མ་ཐག་ཏུ་སྲིན་པོ་ཆེན་པོ་ལྔ་ཞིག་བྱུང་ནས། སྟོན་པ་དྲུག་གི་ཁྲི་དྲངས་ནས་བཤིག་གོ།། ཕྱག ་ན་རྡོ་རྗེས་ནི་རྡོ་རྗེའི་རྩེ་མོ་ལ་མེ་འབར་བ་ཐོགས་ཏེ། སྟོན་པ་དྲུག་གི་མགོར་གཟས་སོ།། སྟོན་པ་དྲུག་པོ་འཇིགས་སྐྲག་ནས་བྱེར་ཞིང་བྲོས་ཏེ་སྐྱེངས་ནས། ཁ་ཅིག་ནི་ཆུར་མཆོངས་ཏེ་ཚེ་འཕོས་སོ།། ་སྟོན་པ་དྲུག་གི་འཁོར་ལས་སྟོང་ཕྲག་དགུ་བཅུ་ནི་སངས་རྒྱས་ལ་སྐྱབས་སུ་གསོལ་ནས། རབ་ཏུ་འབྱུང་བར་གསོལ་བ་དང་། བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་པས། ་སྒྲ་དང་ཁ་སྤུ་རང་བྱི་སྟེ་དགེ་སློང་དུ་གྱུར་ཏོ།། བཅོམ་ལྡན་འདས་ཀྱིས་དེ་དག་ལ་ཅི་རིགས་པར་ཆོས་བསྟན་པས་ཟག་པ་ཀུན་ཟད་དེ། ཉོན་མོངས་པ་ལས་རྣམ་པར་གྲོལ་ནས་དགྲ་བཅོམ་པར་གྱུར་ཏོ།། ་དེ་ནས་བཅོམ་ལྡན་འདས་ཀྱིས་སྐུའི་བ་སྤུའི་བུག་བརྒྱད་ཁྲི་ནས་འོད་ཟེར་བཀྱེ་ནས། ནམ་མཁའ་ཡོངས་སུ་གང་བར་མཛད་དེ། འོད་ཟེར་དེ་དག་རེ་རེའི་ཐོག་མ་ལ་པདྨོ་ཆེན་པོ་རེ་རེ་སྤྲུལ་ནས། པདྨ་དེ ་ངག་རེ་རེའི་སྟེང་ནི་སྤྲུལ་པའི་སངས་རྒྱས་འཁོར་དང་བཅས་པ་དམ་པའི་ཆོས་སྟོན་པ་རེ་རེ་སྤྲུལ་ཏེ། འཁོར་མང་པོ་ཀུན་གྱིས་སྤྲུལ་པ་དེ་ལྟ་བུ་མཐོང་བར་བྱས་པས་ལྷག་པར་དང་བའི་སེམས་སྐྱེས་ཏེ། ་ལ་བཅོམ་ལྡན་འདས་ཀྱིས་ཅི་རིགས་པར་ཆོས་བསྟན་པས། དེ་དག་ལས་ཁ་ཅིག་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དེ། ཁ་ཅིག་ནི་འབྲས་བུ་ཐོབ་ནས་ལྷ་དང་མིར་སྐྱེ་བའི་བསོད་ནམས་ཀྱི ་ཚོགས་བསྐྱེད་པ་ཡང་གྲངས་མེད་དོ། ། དེའི་ཕྱི་ཉིན་ཚངས་པའི་རྒྱལ་པོས་སངས་རྒྱས་སྤྱན་དྲངས་ཏེ། བཅོམ་ལྡན་འདས་ཀྱི་སྐུ་ཚངས་ལྷ་ལ་ཐུག་གི་བར་དུ་ཤིན་ཏུ་མཐོ་བ་ལྷང་ངེ་ལྷམ་མེར ་བཞུགས་པ་སྤྲུལ་ནས་འོད་ཟེར་ཆེན་པོས་གནས་ས་ཀུན་ཏུ་སྣང་ཞིང་གསལ་བར་མཛད་དེ། ཐམས་ཅད་ཀྱིས་མཐོང་བ་དང་། གསུང་ཡང་ཐོས་པར་གྱུར་ནས། དེ་ལ་བཅོམ་ལྡན་འདས་ཀྱིས ་ཅི་རིགས་སུ་ཆོས་རྣམ་པ་སྣ་ཚོགས་ཕྱེ་ཞིང་བསྟན་པས་འཁོར་མང་པོ་བླ་ན་མེད་པའི་བྱང་ཆུབ་ཏུ་སེམས་བསྐྱེད་པ་ནས། འབྲས་བུ་ཐོབ་པ་དང་། ལྷ་དང་མིར་སྐྱེ་བའི་དགེ་བའི་རྩ་བ་བསྐྱེད་པ་ཡང ་གྲངས་མེད་དོ། ། དེའི་ཕྱི་ཉིན་རྒྱལ་ཆེན་བཞིའི་རྒྱལ་པོས་སྤྱན་དྲངས་ཏེ། དེའི་ཚེ་ན་བཅོམ་ལྡན་འདས་ཀྱིས་འཁོར་མང་པོ་དེ་དག་ཐམས་ཅད་ཀྱིས། བཅོམ་ལྡན་འདས་ཀྱི་སྒྲ་རྒྱལ་ཚོན་བཞིའི ་རིས་ནས། སྲིད་པའི་རྩེ་མོ་ལ་ཐུག་གི་བར་དུ་སྐུས་ཡོངས་སུ་གང་བར་མཐོང་བར་མཛད་ནས། སྐུ་དེ་དག་ལས་འོད་ཟེར་ཆེན་པོ་འབྱུང་ཞིང་འཁོར་རྣམས་ལ་ཅི་རིགས་སུ་དམ་པའི་ཆོས་སྟོན་པ་ཡང་གསལ ་བར་ཐོས་ཤིང་མཐོང་བར་མཛད་ནས། འཁོར་དེ་དག་ལྷག་པར་དགའ་བ་སྐྱེས་ཏེ། ཅི་རིགས་སུ་ཆོས་བསྟན་ནས་བླ་ན་མེད་པའི་བྱང་ཆུབ་ཏུ་སེམས་བསྐྱེད་པ་ནས། འབྲས་བུ་ཐོབ་པ་དང་། ལྷ ་དང་མིའི་དགེ་བའི་རྩ་བ་བསྐྱེད་པ་ཡང་གྲངས་མེད་དོ། ། དེའི་ཕྱི་ཉིན་ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་སྤྱན་དྲངས་ཏེ། བཅོམ་ལྡན་འདས་དེའི་ཉིན་པར་སེང་གེའི་ཁྲི་ལ་བཞུགས ་བཞིན་དུ་སྐུ་མི་སྣང་བར་མཛད་ནས་འོད་ཟེར་ཆེན་པོ་བཀྱེ་སྟེ། ཤིན་ཏུ་འཇམ་པའི་གསུང་གིས་དམ་པའི་ཆོས་རྣམ་པར་ཕྱེ་ཞིང་བསྟན་ཏེ་འཁོར་མང་པོ་དེ་དག་གིས་ཐོས་པར་བྱས ་ནས་ལ་ལ་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དེ། ཕྱིར་མི་ལྡོག་པའི་ས་ལ་གནས། ལ་ལ་ནི་འབྲས་བུ་ཐོབ། ལ་ལ་ནི་ལྷ་དང་མིར་སྐྱེ་བའི་བསོད་ནམས་བསྐྱེད་པ་ཡང་གྲངས་མེད ་དོ། དེའི་ཕྱི་ཉིན་ཁྱིམ་བདག་ཙིར་ཏས་སངས་རྒྱས་སྤྱན་དྲངས་ཏེ། བཅོམ་ལྡན་འདས་དེའི་ཉིན་པར་བྱམས་པའི་ཏིང་ངེ་འཛིན་ལ་བཞུགས་ནས། གསེར་གྱི་མདོག་ལྟ་བུའི་འོད་ཟེར་བཀྱེ་སྟེ། ་སྟོང་ཆེན་པོའི་འཇིག་རྟེན་གྱི་ཁམས་ཀུན་འོད་ཀྱིས་སྣང་བར་བྱས་ནས། འོད་ཀྱིས་རེག་པའི་སེམས་ཅན་དེ་དག་ཐམས་ཅད་གདུག་པ་གསུམ་གྱི་སེམས་ཀུན་ཞི་ནས་སྙིང་རྗེའི་སེམས་སྐྱེས་ཏེ། སེམས ་ཅན་ཐམས་ཅད་གཅིག་ལ་གཅིག་པ་ལྟ་བུ་འམ། མ་ལྟ་བུ་འམ། བུ་ཕོ་ལྟ་བུ་འམ། ནུ་བོ་ལྟ་བུར་མཛའ་ཞིང་སྡུག་པར་གྱུར་ཏེ། དེའི་འོག་ཏུ་ཆེས་རྣམ་པ་སྣ་ཚོགས་བསྟན་པས། བླ་ན་མེད ་པའི་བྱང་ཆུབ་ཏུ་སེམས་བསྐྱེད་དེ། ཕྱིར་མི་ལྡོག་པའི་ས་ལ་གནས་པ་དང་། འབྲས་བུ་ཐོབ་པ་དང་། ལྷ་དང་མིར་སྐྱེ་བའི་དགེ་བའི་རྩ་བ་བསྐྱེད་པ་ཡང་གྲངས་མེད་དོ།། དེའི་ཕྱི་ཉིན་རྒྱལ་པོ ་ཤུན་ཙིན་ང་ལས་སངས་རྒྱས་ཡང་སྤྱན་དྲངས་ཏེ། བཅོམ་ལྡན་འདས་དེའི་ཉིན་པར་སེང་གེའི་ཁྲི་ལ་བཞུགས་ནས་སྐུའི་ལྟེ་བ་ནས་འོད་ཟེར་གཉིས་ཤིག་ཕྱུང་སྟེ། སྐུ་ལས་འདོམ་བདུན་ཙམ་དུ ་འཕགས་ནས། དེའི་སྟེང་ན་པདྨ་རེ་རེ་ཡོད་དེ། པདྨ་ལ་སྤྲུལ་པའི་སངས་རྒྱས་སྤྲུལ་ཏེ། སྤྲུལ་པའི་སངས་རྒྱས་དེ་དག་གི་ལྟེ་བ་ནས་ཀྱང་འོད་ཟེར་བྱུང་སྟེ། རྣམ་པ་གཉིས་སུ་གྱེས་ནས ་འདོམ་བདུན་ཙམ་དུ་འཕགས་ཏེ་པདྨ་ཡང་ཡོད་ལ། པདྨའི་སྟེང་ན་སྤྲུལ་པའི་སངས་རྒྱས་ཀྱང་བཞུགས་ཏེ། དེ་བཞིན་དུ་མཐར་གྱིས་སྟོང་ཆེན་པོའི་འཇིག་རྟེན་གྱི་བར་དུ་དེ་དང་འདྲ་བ་ཤ་སྟག་སྤྲུལ་ཏེ། ་འཁོར་མང་པོ་ཐམས་ཅད་དེ་ལྟ་བུ་དག་མཐོང་ནས་ངོ་མཚར་དུ་གྱུར་ཏེ། བཅོམ་ལྡན་འདས་ཀྱིས་དེ་ལ་ཅི་རིགས་པར་ཆོས་བསྟན་པས། བླ་ན་མེད་པའི་བྱང་ཆུབ་ཏུ་སེམས་བསྐྱེད་པ་དང་། ཕྱིར་མི ་ལྡོག་པའི་ས་ལ་གནས་པ་དང་། འབྲས་བུ་ཐོབ་པ་དང་། ལྷ་དང་མིར་སྐྱེ་བ་ཡང་གྲངས་མེད་དོ།། དེའི་ཕྱི་ཉིན་རྒྱལ་པོ་ཨུད་དྲ་ཡ་ནས་སངས་རྒྱས་སྤྱན་དྲངས་ཏེ། བཅོམ་ལྡན་འདས ་ལ་རྒྱལ་པོ་ཨུད་དྲ་ཡ་ནས་མེ་ཏོག་གིས་གཏོར་བ་དང་། གཏོར་བའི་མེ་ཏོག་རྣམས་དེ་མ་ཐག་ཏུ་རིན་པོ་ཆེའི་ཤིང་རྟ་སྟོང་ཉིས་བརྒྱ་ལྔ་བཅུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན ་ཏུ་སྣང་ཞིང་ཐམས་ཅད་ཀྱིས་མཐོང་བར་བྱས་སོ། ། དེ་ལ་བཅོམ་ལྡན་འདས་ཀྱིས་ཅི་རིགས་པར་ནད་པ་ལ་སྨན་བཏང་བ་བཞིན་དུ་དམ་པའི་ཆོས་བསྟན་པས། ཁ་ཅིག་ནི་བླ་ན་མེད་པའི་བྱང་ཆུབ ་ཏུ་སེམས་བསྐྱེད་དེ། ཕྱིར་མི་ལྡོག་པའི་ས་ལ་གནས་པ་དང་། ལྷ་དང་མིར་སྐྱེ་བ་ཡང་གྲངས་མེད་དོ།། དེའི་ཕྱི་ཉིན་རྒྱལ་པོ་གཟུགས་ཅན་སྙིང་པོས་སངས་རྒྱས་སྤྱན་དྲངས་ཏེ། བཅོམ་ལྡན ་འདས་ཀྱིས། རྒྱལ་པོ་དེ་ལ་སྔར་འདི་སྐད་ཅེས་བཀའ་སྩལ་ཏོ།། རྒྱལ་པོས་ཞལ་ཟས་ཀྱི་སྣོད་སྦྱོར་ཅིག། གདུགས་ཚོད་ཀྱི་དུས་ལ་བབ་པ་ན། སྣོད་ཀུན ་ཞལ་ཟས་རོ་བརྒྱ་དང་ལྡན་པ་རྣམ་པ་སྣ་ཚོགས་རང་གང་སྟེ། འཁོར་མང་པོ་ཐམས་ཅད་ལ་ཆོག་པར་གྱུར་ཏོ།། དེ་དག་ཟོས་ནས་ལུས་དང་སེམས་རབ་ཏུ་བདེ་བར་གྱུར་ཏོ།། དེ་ནས་བཅོམ་ལྡན་འདས ་ཀྱི་ཕྱོགས་ལ་བསྟན་པ་དང་། སེམས་ཅན་དམྱལ་བ་བཅོ་བརྒྱད་དག་ན་སེམས་ཅན་ཚད་མེད་པ་སྙེད་སྡུག་བསྔལ་མྱོང་བ་མཐོང་བ་དང་། དེ་དག་སོ་སོ་ནས་འདི་སྐད་ཅེས་སྨྲས་ཏེ། བདག་ཅག ་གིས་སྔོན་སྡིག་པ་འདི་ལྟ་བུ་ཞིག་བྱས་པས། སྡུག་བསྔལ་འདི་ལྟ་བུ་མྱོང་བར་གྱུར་ཏོ་ཞེས་སྨྲས་ཏེ། འཁོར་མང་པོ་ཐམས་ཅད་ཀྱིས་ཐོས་ཤིང་མཐོང་བར་བྱས་ནས། ཐམས་ཅད་སྙིང་བརྩེ ་པབའི་སེམས་སྐྱེས་ཏེ། དངངས་ནས་བ་སྤུ་ལངས་པ་ཙམ་དུ་སྐྲག་པར་གྱུར་ཏེ། དེ་ལ་བཅོམ་ལྡན་འདས་ཀྱིས་ཅི་རིགས་སུ་ཆོས་བསྟན་ཏེ་དེ་དག་གི་སེམས་ཚིམ་པར་གྱུར་ནས། ལ་ལ་ནི་བླ་ན་མེད་པའི ་བྱང་ཆུབ་ཏུ་སེམས་བསྐྱེད། ལ་ལ་ནི་ཕྱིར་མི་ལྡོག་པའི་ས་ལ་གནས་ཏེ། ལྷ་དང་མིར་སྐྱེ་བའི་དགེ་བའི་རྩ་བ་བསྐྱེད་པ་ཡང་གྲངས་མེད་དོ།། སེམས་ཅན་དམྱལ་བ་པ་དག་གིས་སངས་རྒྱས་མཐོང ་ཞིང་ཆོས་ཐོས་པའི་རྐྱེན་གྱིས་ཤིན་ཏུ་དད་པའི་སེམས་སྐྱེས་ཏེ། དེ་དག་ཚེའི་དུས་བྱས་ནས་ཐམས་ཅད་ལྷ་དང་མོར་སྐྱེས་སོ།། དེ་ནས་རྒྱལ་པོ་གཟུགས་ཅན་སྙིང་པོས་པུས ་མོ་གཉིས་ས་ལ་བཙུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ལ་ངོ་མཚར་ཆེ་བའི་མཚན་སུམ་ཅུ་རྩ་གཉིས་མངའ་བ་སྐུའི་མཚན་གཞན་ནི་ལྟར་ཡང་སྣང་ན། དེ་བཞིན ་གཤེགས་པའི་ཞབས་ཀྱི་མཐིལ་ན་འཁོར་ལོའི་མཚན་མངའ་བ། འཁོར་རྣམས་ལ་བསྟན་དུ་གསོལ་ཞེས་གསོལ་པ་དང་། བཅོམ་ལྡན་འདས་ཀྱིས་ཞབས་བརྐྱང་སྟེ། འཁོར་མང་པོ་ཐམས་ཅད ་ལ་ཞབས་ཀྱི་མཐིལ་ན་འཁོར་ལོའི་མཚན་མངའ་བ་ཐམས་ཅད་ལ་བསྟན་ཏོ། ། འཁོར་ཐམས་ཅད་ཀྱིས་ཞབས་ཀྱི་འོག་གི་འཁོར་ལོའི་མཚན་རི་མོ་བྲིས་པ་ལྟ་བུར་ཤིན་ཏུ་གསལ་བར་ཡང་མཐོང་ནས་སྐྱོ་མི ་ཤེས་པར་ལྟ་འདོད་དེ་ལྷག་པར་དགའ་བའི་སེམས་སྐྱེས་ནས། ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། སྔོན་བཅོམ་ལྡན་འདས་ཀྱིས་བསོད་ནམས་ཅི་ཞིག་མཛད་ན། འདི་ལྟ་བུའི ་འཁོར་ལོའི་མཚན་དང་ལྡན་པར་གྱུར། བཅོམ་ལྡན་འདས་ཀྱིས། རྒྱལ་པོ་ལ་བཀའ་སྩལ་པ། ངས་སྔོན་འདས་པའི་དུས་ན་དགེ་བ་བཅུའི་ལས་བདག་གིས་ཀྱང་བྱས། གཞན་ཡང ་བྱེད་པར་བསྐུལ་བས་འདི་ལྟ་བུའི་མཚན་ཤིན་ཏུ་གསལ་བ་དང་ལྡན་པར་གྱུར་ཏོ། ། དེ་ནས་རྒྱལ་པོས། ཡང་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཀྱིས་དགེ་བ་བཅུ་ལ་ཇི་ལྟར ་མཛད་པ་དང་། གཞན་དག་དགེ་བ་བཅུ་ལ་ཇི་ལྟར་བྱེད་པར་བསྐུལ་བ། ཐུགས་བརྩེ་བར་དགེངས་ཏེ་བསྟན་དུ་གསོལ།། བཅོམ་ལྡན་འདས་ཀྱིས། རྒྱལ་པོ་ལ་བཀའ་སྩལ་པ། ཤིན་ཏུ ་རྟག་པར་ཉོན་ལ་ཡིད་ལ་ཟུང་ཞིག་དང་བསྟན་པར་བྱའོ། ། སྔོན་འདས་པའི་བསྐལ་པ་གྲངས་མེད་ཚད་མེད་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་ཆེན་པོ་ཤ་ཏ ་ནི་མི་ཞེས་བྱ་བ་རྒྱལ་ཕྲན་བརྒྱད་ཁྲི་བཞི་སྟོང་ལ་དབང་བྱེད་དེ། གྲོང་ཁྱེར་ནི་ཁྲི་ཕྲག་བཅུ་ཡོད་པ། བློན་པོ་ཆེན་པོ་ནི་སྟོང་ཕྲག་བཅུ་ཡོད་དེ། རྒྱལ་པོ་དེ་ལ་བཙུན་མོ་སྟོང་ཕྲག་ཉི་ཤུ་ཡོད་ཀྱང་སྲས ་གཅིག་ཀྱང་མེད་པས་རྒྱལ་པོ་རབ་ཏུ་མི་དགའ་སྟེ། གདུང་འཚོབ་པ་ཡང་མེད་སྙམ་ནས་ཤིན་ཏུ་མྱ་ངན་གྱིས་ནོན་ཏེ། ལྷ་བཙུན་ཀུན་ལ་མཆོད་ནས་ཕྱིས་དུས་གཞན་ཞིག་ན། བཙུན་མོ་ཆེན་མོ ་སུ་ལི་པ་ལ་ཞེས་བྱ་བ་སེམས་ཅན་དང་ལྡན་པར་གྱུར་ཏེ། དེ་ཚུན་ཆད་བཙུན་མོ་ཡང་ཡིད་གཞུངས་ཤིང་མཁས་པ་དང་མཉེན་ངེས་པས། འགྲོ་བ་མང་པོ་ཡང་དགེ་བ་ལ་དགོད་པར་བོགས་ནས། ཕྱིས ་། ཟླ་བ་ཚང་བ་དང་བུ་ཁྱེའུ་གཅིག་བཙས་ཏེ། བྱད་གཟུགས་ལེགས་པ། བལྟ་ན་སྡུག་པ། ཕལ་ལས་འཕགས་པར་བཟང་བ། བ་སྤུའི་བུ་ག་ཀུན་ནས་འོང་འབྱུང་བ་ཞིག་བཙས་ཏེ། རྒྱལ་པོ ་ཡང་བུ་དེ་ལ་ཤིན་ཏུ་སྡུག་པར་སེམས་པས་སྐྱོ་མི་ཤེས་པ་ཙམ་དུ་རྟོགས་ཏེ། མཚན་མཁན་ལ་བསྟན་ནས། མཚན་མཁན་གྱིས་ཀྱང་མཚན་བཟང་ངན་བརྟགས་ན། ཁྱེའུ་འདི་ནི་ཤིན་ཏུ་ངོ ་མཚར་ཆེའོ་ཞེས་དགའ་བསྐྱེས་ནས། ཁྱེའུ་འདི་ནི་མཚན་དང་སྦྱར་ན། གླིང་བཞི་ལ་དབང་བར་འགྱུར་རོ་ཞེས་རྒྱལ་པོ་ལ་སྤྲས་པ། རྒྱལ་པོ་ཡང་རབ་ཏུ་དགའ་ནས། མཚན་མཁན་ལ་ཁྱེའུ་འདི ་འདི་ལ་མིང་ཐོགས་ཤིག་ཅེས་སྨྲས་པ་དང་། མཚན་མཁན་གྱིས་རྒྱལ་པོ་ལ་ཁྱེའུ་འདི་རུམ་དུ་ཞུགས་རས་ངོ་མཚར་ཆེ་བའི་ལྷས་ཅི་བྱུང་ཞེས་དྲིས་ན། ཁྱེའུའི་མ་ལྷག་པར་ཡིད་གཞུངས་ཤིང་མཉེན་ངེས་པ ་དང་དགེ་བར་དགོད་པ་ལ་དགའ་བར་གྱུར་ཏོ་ཞེས་སྨྲས་ནས། མཚན་མཁན་གྱིས་ཁྱེའུའི་མིང་ཤེས་རབ་འོད་ཅེས་བཏགས་ཏེ། རྒྱལ་ཚབ་ཏུ་དབང་བསྐུར་ཏེ། མཁས་པའི་བློ་དང་ལྡན་ཏེ་གཞན ་བས་འཕགས་པར་གྱུར་ཏོ། ། དེ་ནས་དུས་ཕྱི་ཞིག་ན་རྒྱལ་པོ་ཆེན་པོ་ཆེ་འཕོས་ནས། བློན་པོ་རྣམས་ཀྱིས་རྒྱལ་བུ་དེ། རྒྱལ་པོར་དབང་བསྐུར་བར་གསོལ་བ་དང་། རྒྱལ་བུས་བློན་པོ་རྣམས་ལ་ངས ་ནི་རྒྱལ་པོ་མི་ནུས་སོ་ཞེས་བསྒོའོ། ། བློན་པོ་རྣམས་ཀྱིས་གསོལ་པ། ང་རྒྱལ་པོ་ཆེན་པོ་གྲོངས་ཏེ་རྒྱལ་བུ་མ་ལགས་པ། རྒྱལ་བུ་གཞན་འགའ་ཡང་མེད་དོ།། ང་རྒྱལ་བུས་རྒྱལ་པོ་མི་མཛད་ན། སུ ་ཞིག་རྒྱལ་པོར་གཞུག་ཅེས་གསོལ་པ་དང་། རྒྱལ་བུས་སྨྲས་པ། འཇིག་རྟེན་པ་འདི་དག་ནི་མི་རིགས་པའི་སྡིག་པའི་ཆེས་བྱེད་དེ། བསད་པ་དང་ཆད་པས་གཅད་པའི་ལས་བྱས་ནས། ཁོ་བོ་ལ་ཁ་ན ་མཐོ་བའི་ལས་མི་ཆུང་སྟེ། གལ་ཏེ་ཁྱེད་ཡུལ་མི་ཐམས་ཅད་ཀྱིས་དགེ་བ་བཅུའི་ལས་བྱེད་ནུས་ན། ཁོ་བོས་ཡང་རྒྱལ་པོ་བྱའོ་ཞེས་བསྒོའོ།། བློན་པོ་རྣམས་ཀྱིས་གསོལ་པ། འདི་ནི་ལེགས་ཏེ ་རྒྱལ་སར་གཤེགས་ཏེ་དབང་མཛོད་ཅིག་དང་། དགེ་བ་བཅུའི་ལས་ཀྱི་ལམ་ཐམས་ཅད་བགྱིད་པར་བཀར་གདགས་སོ་ཞེས་གསོལ་ནས། མོད་ལ་རྒྱལ་བུ་ཡང་རྒྱལ་སར་གཤེགས་ནས ་མི་ཐམས་ཅད་དགེ་བ་བཅུའི་ལས་ཀྱི་ལམ་སྤྱོད་པར་ཡིད་མཐུན་ཏེ་བཀའ་བཞིན་དུ་བྱས་སོ། ། དེའི་ཚེ་བདུད་ཀྱི་རྒྱལ་པོས་ཕྲག་དོག་བྱས་ཏེ། རྒྱལ་པོའི་སྲིད་མི་རུང་བར ་བྱ་བའི་ཕྱིར། རྐུ་ཡིག་བྲིས་ནས་རྒྱལ་ཕྲན་ཀུན་ལ་སྤྲིང་སྟེ། སྔར་དགེ་བ་བྱོས་ཤིག་ཅེས་བཀར་བཏགས་པ་ནི། དགེ་བ་བྱས་ཀྱང་མངོན་རྟགས་མེད་དེ། བདག་ཉོན་མོངས་པ་ལས་ཕན ་པའི་དོན་མེད་ཀྱིས། ད་ཕྱིན་ཆད་ཡིད་བཞིན་དུ་མི་དགེ་བ་བཅུ་ལ་བག་མེད་པར་སྤྱོད་ཅིག་ཅེས་སྤྲིང་བའི་རྐུ་ཡིག་རྒྱལ་ཕྲན་རྣམས་ཀྱི་ལག་ཏུ་འོངས་ནས་རྒྱལ་ཕྲན་རྣམས་ངོ་མཚར་དུ་གྱུར་ཏེ།། རྒྱལ ་པོ་ཆེན་པོ་ཅིའི་ཕྱིར་སྡིག་པའི་ལས་བྱེད་པར་བསྐུལ་སྙམ་ནས། འདི་ནི་རིགས་པ་མ་ཡིན་ཏེ། ཡིད་མ་ཆེས་པར་རྒྱལ་པོ་ལ་ཞུས་པ་དང་། རྒྱལ་པོས་དེ་སྐད་ཅེས་ཐོས་ནས་དངངས་ཤིང་ངོ ་མཚར་དུ་གྱུར་ཏོ། ངས་ནི་འདི་སྐད་དུ་བསྒོ་བ་མེད་ན། ཅིའི་ཕྱིར་འདི་འདྲ་བར་གྱུར་ཅེས་དངངས་ནས། རྒྱལ་པོ་ཉིད་ཡུལ་ཀུན་ཏུ་གཤེགས་ཏེ། མི་མང་པོ་སྔོན་ལས་གྱུར་ཏམ་མ་གྱུར་པ་རྟོག ་ཏུ་གཤེགས་གཤེགས་པ་ལས་བདུད་ཀྱི་རྒྱལ་པོས་ལམ་ཀ་ན་མི་ཞིག་མདོང་ཆེན་པོ་རབ་ཏུ་འབར་བའི་ནང་ན་སྡུག་བསྔལ་གྱིས་སྙིང་རྗེ་བ་སྐད་དུ་འབོད་པའི་སྒྲ་རྒྱལ་པོས་ཐོས་པར་སྤྲུལ་ནས། རྒྱལ ་པོ་ཡང་དེའི་ཐང་དུ་གཤེགས་ཏེ། ཁྱོད་སུ་ཞིག་ཅི་ཉེས་ཞེས་དྲིས་ན། མི་དེས་སྨྲས་པ། བདག་གིས་སྔོན་གྱི་མོ་དག་དགེ་པ་བཅུ་ལ་བཀོད་པས་དེ་ཤིན་ཏུ་མི་བཟང་པའི་སྡུག་བསྔལ་འདི་ལྟ་བུ་མྱོང ་ཞབར་གྱུར་ཏོ། ། རྒྱལ་པོས་སྨྲས་པ། དགེ་བ་བྱེད་པར་བསྐུལ་བས་སྡུག་བསྔལ་མྱོང་བ་ནི་ཆོས་མེད་དེ། དགེ་བ་བྱེད་པར་བསྐུལ་བས་ཁྱོད་འདི་ལྟར་སྡུག་བསྔལ་མྱོང་བར་གྱུར་ན། དགེ་བ་བྱེད་པར ་བསྐུལ་ནས། དགེ་བ་བྱས་པ་དེ་དག་དགེ་བའི་འབྲས་བུ་ཐོབ་བམ། སྨྲས་པ། དེ་ནི་དགེ་བའི་འབྲས་བུ་ཐོབ་སྟེ། དགེ་བ་བྱེད་པར་བསྐུལ་བ་འབའ་ཞིག་སྡུག་བསྔལ་འདི་ལྟ་བུ་མྱོང་ངོ་།། རྒྱལ ་པོས་དེ་སྐད་ཅེས་ཐོས་ནས་ཤིན་ཏུ་དགའ་སྟེ། འདི་སྐད་ཅེས་སྨྲས་སོ།། མི་ཕ་རོལ་པོས་དགེ་བའི་འབྲས་བུ་ཐོབ་པར་འགྱུར་ན་ལྷ་སྡུག་བསྔལ་མྱོང་ཡང་བླ་སྟེ། འགྱོད་པ་མེད་དོ་ཞེས་སྨྲས་པ་དང ་བདུད་ཀྱི་རྒྱལ་པོས་ཐོས་ནས་དེ་མ་ཐག་ཏུ་དེ་དག་མི་སྣང་བར་བྱས་སོ། ། དེ་ནས་རྒྱལ་པོ་ཡུལ་ཀུན་ཏུ་གཤེགས་ཏེ། དགེ་བ་བཅུའི་ལས་ཀྱི་ལམ་ཀུན་ཏུ་བསྒྲགས་ཏེ། འབངས་ཐམས་ཅད་ལུས ་དང་། ངག་དང་ཡིད་ཀྱི་སྒོ་ནས་དགེ་བ་ལ་འདུན་ཏེ། ཐམས་ཅད་ཀྱི་ཡོན་ཏན་བསྔགས་པས་དེའི་ཚེ་གསེར་གྱི་འཁོར་ལོ་དང་། རིན་པོ་ཆེ་སྣ་བདུན་དང་ལྡན་ནས། གླིང་བཞི་ཀུན་ཏུ ་གཤེགས་ཏེ། དགེ་བ་ལ་འགོད་པ་ལྷུར་བྱས་སོ།། དེའི་ཚེ་དེའི་དུས་ན་རྒྱལ་པོ་ཆེན་པོ་དེ་ནི་ད་ལྟར་ངའི་ཡབ་ཟས་གཙང་མ་ཡིན་ནོ།། དེའི་ཚེ་དེའི་དུས་ན་རྒྱལ་པོ་དེའི་མ་ནི་ཡུམ་ལྷ་མཛེས་ཡིན་ནོ།། ་རྒྱལ་པོ་ཤེས་རབ་འོད་མི་མང་པོ་དགེ་བ་བཅུ་ལ་བཀོད་པ་ནི་ང་ཡིན་ཏེ། དེའི་ཚེ་དེའི་དུས་ན་ཡང་ང་ཉིད་དགེ་བ་བཅུ་ཉམས་སུ་བླངས་ཏེ། གཞན་དག་ཀྱང་དགེ་བ་བཅུ་ལ་བཀོད་པས། དེའི་ཕྱིར་ང་འདིར ་ཞབས་ཀྱི་འོག་ན་འཁོར་ལོ་རྩིབས་སྟོང་དང་ལྡན་པའི་མཚན་དང་ལྡན་པར་གྱུར་ཏེ། ། དེ་ནས་རྒྱལ་པོ་གཟུགས་ཅན་སྙིང་པོས་ཀྱང་། བཅོམ་ལྡན་འདས ་ལ་འདི་སྐད་ཅེས་གསོལ་ཏོ། ། སྟོན་པ་དྲུག་པོ་མྱོས་ཤིང་བསླད་པའི་འཁོར་དུ་བཅས་པ་རང་གི་ཚེད་མི་འཛིན་ཏེ། རྙེད་པ་དང་གྲགས་པ་ལ་ཆགས་ནས་ཕྲག་དོག་གི་སེམས་སྐྱེས་ཏེ། བཅོམ་ལྡན ་འདས་ལ་ཆོ་འཕྲུལ་འགྲན་པར་གསོལ་པ། བཅོམ་ལྡན་འདས་ཀྱིས་གཅིག་མཛད་ན། བདག་ཅག་གིས་གཉིས་བགྱིའོ་ཞེས་མཆི་བ་ལས། བཅོམ་ལྡན་འདས་ཀྱིས་ཆོ་འཕྲུལ་བསམ་གྱིས ་མི་ཁྱབ་པ་བསྟན་ཀྱང་། སྟོན་པ་དྲུག་གིས་ཆོ་འཕྲུལ་གཅིག་ཙམ་ཡང་སྟོན་མ་ནུས་ཏེ། ངོ་ཚ་ཞིང་སྐྱེངས་ནས་ཆུར་མཆོངས་ཏེ་གུམ་པ་འདི་དག་ནི་ཧ་ཅང་ཡང་མྱོས་ཤིང་འཁྲུལ་ཏོ་སྙམ་བགྱིད་དོ།། ་བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་སྟོན་པ་དྲུག་པོ་འདི་དག་རྙེད་པ་དང་གྲགས་པའི་ཕྱིར་ང་དང་འགྲན་པར་འདོད་ནས་སྲོག་དང་བྲལ་བ་འདི་འབའ་ཞིག་ཏུ་མ་ཟད་དེ། སྔོན ་འདས་པའི་དུས་ན་ཡང་ང་དང་འགྲན་པར་འདོད་པ་ལས་ལུས་དང་སྲོག་གི་བར་དུ་ཡང་ཡལ་ལོ། ། དེ་ནས་རྒྱལ་པོ་གཟུགས་ཅན་སྙིང་པོས་པུས་མོ་གཉིས་ས་ལ་བཙུགས་ཏེ། བཅོམ་ལྡན་འདས་ལ་འདི ་སྐད་ཅེས་གསོལ་ཏོ། ། སྔོན་འདས་པའི་དུས་ན་བཅོམ་ལྡན་འདས་ཀྱིས་སྟོན་པ་དྲུག་དང་འགྲན་པ་བདག་ཅག་ལ་བསྟན་དུ་གསོལ། བཅོམ་ལྡན་འདས་ཀྱིས། རྒྱལ་པོ་ལ་བཀའ་སྩལ་པ། རྒྱལ ་པོ་ཆེན་པོ་རྟག་པར་ཉོན་ལ་ཡིད་ལ་ཟུང་ཞིག། སྔོན་འདས་པའི་བསྐལ་པ་ཚད་མེད་གྲངས་མེད་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་མ་ཧ་ཤ་ཀུ་ལི་ཞེས་བྱ་བ། རྒྱལ་ཕྲན་ལྔ་བརྒྱ་ལ་དབང་བྱེད་པ ་ཞིག་བྱུང་སྟེ། རྒྱལ་པོ་དེ་ལ་བཙུན་མོ་ལྔ་བརྒྱ་ཡོད་ཀྱང་། ཁྱེའུ་རིགས་འཚེབ་པ་གཅིག་ཀྱང་མེད་པས་རྒྱལ་པོ་དེས་འདི་སྙམ་དུ་བསམས་སོ།། ང་ནི་རྒས་འཁོགས་ཏེ་བུ་གཅིག་ཙམ་ཡང་རིགས་འཚོ་བ ་པ་མེད་ན། གལ་ཏེ་ང་འདས་པའི་འོག་ཏུ་རྒྱལ་ཕྲན་རྣམས་གཅིག་ལ་གཅིག་མི་ཉན་ཅིང་དམག་འདྲེན་ཏེ། སེམས་ཅན་རྣམས་ཀྱང་མཉེས་པར་འཆི་ལ། སྲིད་ཀྱང་འཁྲུགས་པར་འགྱུར་རོ་སྙམ ་བསམས་ནས། མྱ་ངན་གྱིས་ཡིད་གདུངས་ཏེ་སེམས་ཁོངས་སུ་ཆུད་དོ།། དེའི་ཚེ་ན་བརྒྱ་བྱིན་ལྷའི་དབང་པོས་རྒྱང་མ་ནས་རྒྱལ་པོ་དེ་མི་དགའ་ཞིང་སེམས་ཁོངས་སུ་ཆུད་པ་མཐོང་ནས། ནམ་མཁའ ་ལས་བབས་ཏེ་སྨན་པ་ཞིག་ཏུ་སྤྲུལ་ནས་རྒྱལ་པོའི་གན་དུ་སོང་སྟེ། རྒྱལ་པོ་ཁྱོད་ཅིའི་ཕྱིར་འདི་ལྟར་ཡི་མུག་ཅིང་མི་དགའ་ཞེས་དྲིས་པ་དང་། རྒྱལ་པོས་ཀྱང་སྔ་མ་བཞིན་དུ་གཏམ་བྱས་སོ།། སྤྲུལ ་པའི་སྨན་པས། རྒྱལ་པོ་ལ་སྤྲས་པ། རྒྱལ་པོ་ཁྱེད་མྱ་ངན་མ་བྱེད་ཅིག། བདག་ནི་ཁྱོད་ཀྱི་ཕྱིར་གངས་ཀྱི་རི་ལ་སོང་ནས། གངས་ཀྱི་རི་ལས་སྨན་རྣམ་པ་མང་པོ་བཏུས་ཏེ། བཙུན་མོ་དག་ཟར ་བཅུག་ན་ཟོས་མ་ཐག་ཏུ་བཙུན་མོ་ཀུན་སེམས་ཅན་དང་ལྡན་པར་འགྱུར་བར་བགྱིའོ། ། རྒྱལ་པོས་དེ་སྐད་ཅེས་སྨྲས་པ་ཐོས་ནས། ཚིག་འདིས་ནི་བདག་གི་མྱ་ངན་སངས་པར་བྱེད་དོ་སྙམ་བསམས་ནས། ་སྨན་པ་ལ་ཁྱོད་ཀྱིས་འདི་ལྟར་ནུས་ན་ཤིན་ཏུ་ལེགས་སོ་ཞེས་སྨྲས་སོ།། དེའི་ཚེ་ན་སྤྲུལ་པའི་སྨན་པ་དེ་གངས་ཀྱི་རི་ལ་སོང་ནས། སྨན་རྣམ་པ་མང་པོ་བཏུས་ཏེ་ཁུར་དུ་ཁྱེར ་ནས་ཕྱིར་རྒྱལ་པོའི་ཕོ་བྲང་དུ་འོངས་སོ། ། དེ་ནས་སྨན་རྣམས་འོ་མ་ལ་སྐོལ་ཏེ། བཙུན་མོ་ཆེན་མོ་ལ་བྱིན་པ་དང་། བཙུན་མོ་ཆེན་མོས་སྨན་དེ་མནམ་ཞིང་ཡིད་མ་ཆེས་པས་འཐུང་དུ་མ་བཏུབ་པ་དང་། ་སྤྲུལ་པའི་སྨན་པ་ཡང་ཕྱིར་ལྷའི་གནས་སུ་སོང་ངོ་།། སྨན་དེ་ལ་བཙུན་མོ་ཆུང་ངུ་གཞན་དག་གིས་འཐུངས་ཏེ། བཙུན་མོ་དེ་དག་འཐུངས་ནས་རིང་པོར་མ་ལོན་པར་སོ་སོ་ནས་སེམས་ཅན་དང་ལྡན་པར་གྱུར་ཏེ། ་དེ་དག་གི་དེ་བཞིན་དུ་བཙུན་མོ་ཆེན་མོ་ལ་སྨྲས་པ་དང་། བཙུན་མོ་ཆེན་མོ་འགྱེད་དེ་མི་དགའ་ནས་སྨན་དེའི་ལྷག་མ་ཅི་ཡོད་ཅེས་དྲིས་ན། ཟད་དོ་ཞེས་སྨྲས་སོ།། འོ་ན་སྨན་གྱི་ཚིགས་མ་ཙམ་ཡོད་དམ ་ཞེས་དྲིས་ན། སྨན་གྱི་ཚིགས་མ་ནི་ཡོད་དོ་ཞེས་སྨྲས་སོ།། དེ་ནས་བཙུན་མོ་ཆེན་མོས་སྨན་གྱི་ཚོགས་མ་འོ་མའི་ནང་དུ་སྐོལ་ཏེ་འཐུངས་པ་དང་། རིང་པོར་མ་ལོན་པར་སེམས་ཅན་དང་ལྡན་པར་གྱུར་ཏེ། ་བཙུན་མོ་གཞན་དག་སྨན་སྔར་འཐུངས་པ་ནི་ཟླ་བ་ཚང་བས་སོ་སོ་ནས་ཁྱེའུ་ཤ་སྟག་བཙས་ཏེ་བཟང་བ་བལྟ་ན་སྡུག་པའོ།། རྒྱལ་པོ་རབ་ཏུ་དགའ་ནས་བཙུན་མོ་ཆེན་མོ་སྲས་ནམ་བཙའ་བ་འབའ་ཞིག་སེམས ་སོ། བཙུན་མོ་ཆེན་མོ་ཡང་ཟླ་བ་ཚང་ནས་ཁྱེའུ་ཞིག་བཙས་ཏེ། བྱད་བཞིན་མི་སྡུག་པ་ཤིང་དུམ་ལྟ་བུ་ཞིག་བཙས་པས། རྒྱལ་པོ་དང་བཙུན་མོ་མི་དགའ་སྟེ། བུའི་མིང་ཡང་སྡོང་དུམ་ཞེས ་བཏགས་སོ། ། དེ་ནས་གསོས་སྐྱེས་ཏེ། ཆེར་སྐྱེས་ནས་ཕུ་བོ་རྣམས་ནི་ཐམས་ཅད་ཆུང་མ་ལེན་ཏེ། རྒྱལ་བུ་སྡོང་དུམ་འབའ་ཞིག་ཆུང་མ་མ་བླངས་སོ།། དུས་གཞན་ཞིག་ན་ཕ་རོལ་པོའི་རྒྱལ། ་པོས་དམག་དྲངས་ནས་ཉེ་བར་འོངས་པ་དང་། རྒྱལ་བུ་ལྔ་བརྒྱས་ཀྱང་དམག་གི་ཚོགས་བཤམས་ཏེ། ཕ་རོལ་པོའི་དམག་ལ་རྒོལ་དུ་སོང་སོང་བ་ལས། གཡུལ་འཕམ་ནས་ཕྱིར་ཕོ་བྲང་དུ་བྲོས ་ཏེ་འོངས་སོ། ། རྒྱལ་བུ་སྡོང་དུམ་གྱིས། ཕུ་བོ་རྣམས་ལ་སྨྲས་པ། ཁྱེད་ཅིའི་ཕྱིར་འདི་ལྟར་འཇིགས་སྐྲག་སྟེ་འབྲོས་ཞེས་དྲིས་ན། ཕུ་བོ་རྣམས་ཀྱིས་སྤྲས་པ། ངེད་དམག་དང་བཅས་ཏེ་ཕ ་རོལ་པོའི་དམག་ལ་རྒོལ་དུ་སོང་སོང་བ་ལས་གཡུལ་འཕམ་ནས་ཕ་རོལ་པོའི་དམག་གིས་བངས་ནས་བྲོས་པ་ཡིན་ནོ། ། རྒྱལ་བུ་སྡོང་དུམ་གྱིས་སྨྲས་པ། དགྲ་དེ་ཙམ་གྱིས་བདག་ཅག་ལ་སྔོ་བར ་མི་ནུས་ཀྱིས། བདག་ཅག་གི་མེས་པོའི་གཞུ་དང་དུང་ད་ལྟར་ལྷའི་རྟེན་གྱི་ནང་ན་ཡོད་པ་འོན་ཅིག་དང་། བདག་དེ་དག་ལ་རྒོལ་དུ་འགྲོའོ་ཞེས་སྨྲས་སོ།། རྒྱལ་བུ་དེའི་མེས་པོ་ནི་འཁོར་ལོས ་སྒྱུར་བའི་རྒྱལ་པོ་ཡིན་ཏེ། མི་མང་པོ་བཟློག་ནས་འཁོར་ལོས་སྒྱུར་བའི་གཞུ་ཡང་པོར་བཏེག་སྟེ། རྒྱལ་བུ་ལ་ཕུལ་ལོ།། རྒྱལ་བུས་གཞུ་བླངས་ཏེ་བརྡུངས་ནས་གཞུ་རྒྱུད་སྦྲེངས་པའི་སྒྲ་འབྲུག ་སྐད་ཟེར་ཏེ། དཔག་ཚད་བཞི་བཅུའི་བར་དུ་ཐོས་པར་གྱུར་ཏོ།། དེ་ནས་རྒྱལ་བུས་གཞུ་དང་དུང་ཐོགས་ཏེ་གཅིག་པུ་དགྲ་ལ་རྒོལ་དུ་སོང་ནས། སྔར་དུང་བུས་ཏེ་དུང་གི་སྒྲ་གནས་ལྕགས་འབབ་པ ་སྐད་གྲག་པས་ཕ་རོལ་པོའི་དམག་གིས་ཐོས་པ་ཙམ་གྱིས་འཇིགས་སྐྲག་སྟེ་ཐམས་ཅད་དུ་བྱེར་རོ། ། དེ་ནས་རྒྱལ་བུ་ཡང་ཕྱིར་ལོག་ནས། རྒྱལ་པོ་དང་བཙུན་མོས་གདོད ་སྡུག་པར་བསམས་ཏེ། རྒྱལ་བུའི་ཆུང་མ་བླང་བར་བྱས་སོ།། དེའི་ཚེ་ན་རྒྱལ་པོ་ལུ་ཤི་པ་ཙ་ཞེས་བྱ་བ་ལ་བུ་མོ་ཞིག་ཡོད་དེ། འཇིག་རྟེན་ན་དཀོན་པར་བཟང་ངོ་ཞེས་ཐོས་ནས། རྒྱལ་པོས་ཕོ་ཉ ་བཏང་སྟེ་བུ་མོ་མནའ་མར་བླངས་ནས། རྒྱལ་བུའི་ནང་ན་བྱད་གཟུགས་གཟང་བ་གཅིག་མག་པ་ཡིན་ནོ་ཞེས་བསྟན་ཏེ། རྒྱལ་པོ་དེས་ཀྱང་བུ་མོ་སྦྱིན་པར་བྱས་སོ།། དེ་ནས་རྒྱལ་པོ་རབ་ཏུ་དགའ་ནས། མནའ ་མ་བསུ་བའི་ཡོ་བྱད་བཤམས་ཏེ། རྒྱལ་བུ་སྡོང་དུམ་ཉིད་ཀྱང་ཆུང་མ་བསུར་བཏང་ནས། ཉིན་པར་ཆུང་མ་དང་མ་ཕྲད་པར་གྱིས་ལ། མཚན་མོ་ཕྲད་པར་གྱིས་ཤིག་ཅེས་བསྒོ་ནས་བཏང་ངོ་།། དེ་ནས་དུས ་གཞན་ཞིག་ན་བུ་མོ་དེ་ཕུ་ནུ་མོ་གཞན་དག་དང་ཕྲད་ནས་སོ་སོ་ནས་ཁྱོའི་ཡོན་ཏན་ཅི་ཡོད་པ་སྨྲས་པ་དང་། རྒྱལ་བུ་སྡོང་དུམ་གྱི་ཆུང་མས་ཀྱང་ཁྱོ་ལ་བསྟོད་ངོ་།། ཁོ་མོའི་ཁྱོ་ནི་དཔའ་ལ་སྟོབས་ཀྱང་གྱང་དང ་མཉམ་སྟེ། ལུས་ཀྱི་ཤ་ཡང་ཤིན་ཏུ་འཇམ་མོ་ཞེས་སྨྲས་པ་དང་། པུ་ནུ་མོས་སྨྲས་པ། ཁྱོད་ནི་མ་སྡུ་ཞིག། ཁྱོད་ཀྱི་ཁྱོ་ནི་ཤིན་ཏུ་ཡང་མི་སྡུག་སྟེ། སྡོང་དུམ་དང་འདྲ་བས་ཇི་སྟེ་ཁྱོད་ཉིན་པར ་མཐོང་ན་དངངས་པར་འགྱུར་རོ་ཞེས་སྨྲས་སོ། ། སྡོང་དུམ་གྱི་ཆུང་མས་ཕུ་ནུ་མོ་དག་གིས་དེ་སྐད་སྨྲས་པ་ཐོས་ནས་ཡིད་ལ་གཟུང་སྟེ། མཚན་མོ་མེ་མར་སྦས་ནས། ཁྱོག་ཉིད་ཀྱིས་ལོག་པའི་འོག་ཏུ་མེ་མར ་བྱུང་སྟེ་བལྟས་ན། ཤིན་ཏུ་མི་སྡུག་པར་མཐོང་ནས་དངངས་སྐྲག་སྟེ། མོད་ལ་ཕྱིར་པ་མའི་ཡུལ་དུ་བྲོས་སོ།། རྒྱལ་བུ་སྡོང་དུམ་གྱིས་ནམ་ལངས་ནས་གདོང་ཚོར་ཏེ་མི་དགའ་ནས་གཞུ་དང་དུང་ཐོགས ་ཏེ་ཆུང་མའི་ཡུལ་དུ་བསྙེགས་སུ་སོང་ངོ་། ། ཡུལ་དེར་ཕྱིན་ནས་བློན་པོ་ཞིག་ལ་གནས་ཤིང་འདུག་འདུག་པ་ལས། དུས་གཞན་ཞིག་ན་རྒྱལ་ཕྲན་དྲུག་གི་རྒྱལ་པོས་ཀྱང་རྒྱལ་པོ་ལུ་ཤི་བ་ཙ་ལ་ལ། བུ ་མོ་བཟང་མོ་ཞིག་ཡོད་དོ་ཞེས་ཐོས་ནས་སོ་སོ་ནས་དམག་དང་བཅས་ཏེ་བུ་མོ་སློང་དུ་འོངས་སོ། ། དེའི་ཚེ་རྒྱལ་པོ་ལུ་ཤི་བ་ཙ་མི་དགའ་ནས། བློན་པོ་རྣམས་བསྡུས་ཏེ་བགྲོས་ནས། གལ་ཏེ་བུ་མོ་འདི་རྒྱལ ་པོ་གཅིག་ལ་བྱིན་ན་གཅིག་མི་དགའ་ཞིང་ཁོན་དུ་འཛིན་པས། ཇི་ལྟར་བྱས་ན་དགྲ་འདི་དག་མེད་པར་འགྱུར་ཞེས་བགྲོས་པ་དང་། བློན་པོ་གཅིག་གིས་བུ་མོ་འདི་དུམ་བུ་དུམ་བུར་བྱས་ལ་རེ་རེ་བྱིན་ན། དེ་དག ་གི་ཡིད་ཚིམ་པར་འགྱུར་རོ་ཞེས་སྨྲས་སོ། ། བློན་པོ་ཁ་ཅིག་གིས་ནི་འདི་སྐད་དུ། ལ་ལ་ཞིག་གིས་དམག་འདི་དག་བཟློག་ནུས་ན་བུ་མོ་ཡང་ཆུང་མར་སྦྱིན་ལ། ཡུལ་ཕྱེད་ཀྱང་བྱ་དགར་སྦྱིན་ནོ་ཞེས ་བཀར་བཏགས་ན་རུང་ངོ་ཞེས་སྨྲས་སོ། ། རྒྱལ་པོས་ཀྱང་གྲོས་དེ་མཉན་ཏེ་བཀར་བཏགས་པ་དང་། དེའི་ཚེ་ན་རྒྱལ་བུ་སྡོང་དུམ་གཞུ་དང་དུང་ཐོགས་ཏེ། གྲོང་ཁྱེར་གྱི་ཕྱི་རོལ་ཏུ་ཕ་རོལ་གྱི་དགྲ་གང་ན་འདུས ་པར་སོང་ནས་དུང་བུས་ཏེ། གཞུ་རྒྱུད་སྦྲེངས་པ་ཙམ་གྱིས་ཕ་རོལ་གྱི་དམག་ཐམས་ཅད་སྐྲག་ནས་འགུལ་ཡང་མ་ནུས་སོ།། དེ་ནས་དེ་དག་གི་དམག་གི་ནང་དུ་སོང་ནས། རྒྱལ་པོ་དྲུག་ཆར་གྱི་མགོ་བཅད་དེ། ་ཅོད་པན་བླངས་ནས་དམག་དེ་རྣམས་ཀྱང་འཁོར་དུ་བསྡུས་སོ།། རྒྱལ་པོ་ལུ་ཤི་བ་ཙ་རབ་ཏུ་དགའ་སྟེ། བུ་མོ་ཡང་ཆུང་མར་བྱིན་ནས་རྒྱལ་པོ་ཆེན་པོར་བཅུག་སྟེ། རྒྱལ ་པོ་དྲུག་གི་སྲིད་གཅིག་ཏུ་བསྡུས་ནས་དམག་གི་ཚོགས་དང་བཅས་ཏེ། ཆུང་མ་དང་འགྲོགས་ནས་ཕྱིར་བདག་གི་ཡུལ་དུ་འོངས་སོ།། རྒྱལ་པོ་ཡབ་ཀྱིས་སྲས་ཀྱིས་ཕྱིར་འོངས་སོ་ཞེས་ཐོས་ནས་ཕྱི་རོལ་ནས ་བསུ་སྟེ། རྒྱལ་སྲིད་ཀྱང་བུ་ལ་བྱིན་པ་ལས་བྱེད་དུ་མ་བཏུབ་ནས་ཕྱིར་ཡབ་ལ་བདར་ཏེ། སྔོན་བཞིན་དུ་ཆུང་མ་དང་ལྷན་ཅིག་ཏུ་འདུག་ནས། ཆུང་མ་ལ་ཁྱོད་ཅིའི་ཕྱིར་མཚན་མོ་ཁོ་བོ་བོར་ཏེ་འབྲོས་ཞེས ་དྲིས་ན། ཁྱོད་མི་སྡུག་ཆེས་ནས་མི་མ་ཡིན་སྙམ་སྟེ་སྐྲག་ནས་བྲོས་སོ།། དེ་ནས་རྒྱལ་བུས་མེ་ལོང་བླངས་ཏེ། མེ་ལོང་གི་ནང་དུ་བལྟས་ན། བདག་གི་བཞིན་ཤིན་ཏུ་མི་སྡུག་པར་མཐོང་སྟེ། ལུས་དེ ་ལ་ལྷ་མི་འདོད་པ་ཙམ་དུ་སྐྱོ་ནས་ཚལ་ཞིག་གི་ནང་དུ་སོང་སྟེ་འཆི་བར་བྱས་པ་ལས། བརྒྱ་བྱིན་ལྷའི་དབང་པོས་རྒྱང་མ་ནས་མཐོང་སྟེ་དེའི་དྲུང་དུ་འོངས་ཏེ། ཅིའི་ཕྱིར་ཁྱེད་འཆི་ཞེས་དྲིས་ན། རྒྱལ་བུས་དེ ་བཞིན་དུ་སྨྲས་པ་དང་། བརྒྱ་བྱིན་གྱིས་སྤྲོ་བ་བསྐྱེད་དེ། རིན་པོ་ཆེའི་ནོར་བུ་གཅིག་བྱིན་ནས་འདི་སྐད་ཅེས་སྨྲས་སོ།། ཁྱོད་རྟག་ཏུ་ནོར་བུ་འདི་སྤྱི་བོ་ལ་ཐོགས་ཤིག་དང་། ང་དང་འདྲ་བར་བཟང ་ཞིང་མཛེས་པར་འགྱུར་རོ་ཞེས་བསྒོ་ནས། རྒྱལ་བུས་ནོར་བུ་སྤྱི་བོ་ལ་བཏགས་མ་ཐག་ཏུ། བདག་གི་ལུས་སྔོན་ལས་མཛེས་པར་ཚེར་ནས་ཕྱིར་ཕོ་བྲང་གི་ནང་དུ་འོངས་ནས་གཞུ་དང་དུང་བླངས་ཏེ། ་རོལ་ཏུ་རྩེར་འགྲོ་བ་ལས་ཆུང་མས་ངོམ་ཤེས་ཏེ། འདི་སྐད་ཅེས་སྨྲས་སོ།། ཁྱོད་སུ་ཞིག་འདི་ལ་མ་རེག་ཅིག། ཁོ་མོའི་ཁྱོ་འོངས་ན་གནོད་པར་གྱུར་ཏ་རེ། ཆུང་མ་ལ་སྨྲས་པ། ང་ནི་ཁྱོད་ཀྱི་ཁྱོ་ཡིན ་ནོ་ཞེས་སྨྲས་ན། ཆུང་མས་ཡིད་མ་ཆེས་ཏེ། འདི་སྐད་ཅེས་སྨྲས་སོ།། ཁོ་མོའི་ཁྱོ་ནི་ཤིན་ཏུ་ཡང་མི་སྡུག་སྟེ། ཁྱོད་ནི་ཤིན་ཏུ་ཡང་བཟང་བ་ཞིག་ན། ཇི་ལྟར་ཁོ་མོའི་ཁྱོ་ཞེས་སྨྲས་པ་དང་། ་རྒྱལ་བུས་སྤྱི་བོའི་ནོར་བུ་བཀྲོལ་མ་ཐག་ཏུ་ཕྱིར་མི་སྡུག་པར་མཐོང་ནས་རབ་ཏུ་དགའ་སྟེ། ཅིའི་ཕྱིར་འདི་ལྟར་གྱུར་ཅེས་དྲིས་ན། རྒྱལ་བུས་ཅིའི་ཕྱིར་དེ་ལྟར་གྱུར་པར་རྒྱས་པར་གཏམ་བྱས་ནས། དེ ་ཕྱིན་ཆད་ཁྱོ་ཤུག་གཉིས་མཛའ་སྟེ། རྒྱལ་བུའི་མིང་སྡོང་དུམ་ཞེས་བྱ་བ་ཡང་རྗེས་ནས་རྒྱལ་བུ་སུ་ལ་ཤན་ཞེས་བཏགས་སོ།། དེ་ནས་དུས་གཞན་ཞིག་ན་རྒྱལ་བུ་དེས་འདི་སྙམ་དུ་བསམས་སོ།། ་ད་ནི་དམག་དང་བཅས་ཏེ་ཕོ་བྲང་ཞིག་བྱའོ་སྙམ་དུ་བསམས་ནས། གང་ན་ས་གཞི་ཡངས་ཤིང་མཉམ་པ་ཞིག་ཏུ་སོང་སྟེ། འདིར་ཕོ་བྲང་གྱིས་ཤིག་ཅེས་བསྒོ་བ་དང་། ཀླུའི་རྒྱལ་པོ་བཞི་ཞིག་མིར ་སྤྲུལ་ནས། འདིར་ཕོ་བྲང་མཛད་ན་ཅི་ལས་མཛད་ཅེས་དྲིས་ན། རྒྱལ་བུ་སུ་ལ་ཤན་གྱིས་སྨྲས་པ། ས་ལས་བྱའོ་ཞེས་བསྒོ་བ་དང་། ཀླུའི་རྒྱལ་པོ་བཞིས་ཅིའི་ཕྱིར་རིན་པོ་ཆེ་ལས་མི་མཛད་ཅེས ་སྨྲས་སོ། ། སྨྲས་པ། ཕོ་བྲང་ཆེན་པོ་ཞིག་བྱ་དགོས་ན་རིན་པོ་ཆེ་དེ་སྙེད་ཅིག་ག་ལས་རྙེད་ཅེས་སྨྲས་པ་དང་། ཀླུའི་རྒྱལ་པོས་བདག་ཅག་གིས་དབུལ་ལོ་ཞེས་སྨྲས་ནས། དེའི་ངོས་བཞིར་ཆུ་མིག་རེ་རེ ་སྤྲུལ་ཏེ། འདི་སྐད་ཅེས་སྨྲས་སོ།། ཤར་ཕྱོགས་ལོགས་ཀྱི་ཆུ་མིག་ལས་བཅུས་ཏེ་བྱས་ན་བཻ་ཌཱུཪྻར་འགྱུར་རོ།། ལྷོ་ཕྱོགས་ཀྱི་ཆུ་མིག་ལས་བཅུས་ཏེ་བྱས་ན་ཐམས་ཅད ་གསེར་དུ་འགྱུར་རོ། ། ནུབ་ཕྱོགས་ངོས་ཀྱི་ཆུ་མིག་ལས་བཅུས་ཏེ་བྱས་ན་ཐམས་ཅད་དངུལ་དུ་འགྱུར་རོ།། བྱང་ཕྱོགས་ངོས་ཀྱི་ཆུ་མིག་ལས་བཅུས་ཏེ་བྱས་ན་ཐམས་ཅད་ཤེལ་དུ་འགྱུར་རོ་ཞེས་སྨྲས་ཏེ། ་རྒྱལ་བུས་ཀྱང་དེ་དག་གིས་སྤྲས་པ་བཞིན་དུ་ཆུ་མིག་ལས་བཅུས་ན་དེ་བཞིན་དུ་གྱུར་ཏེ། དེ་ནས་ཕོ་བྲང་གི་ར་བ་ཁོ་ར་ཁོར་ཡུག་དཔག་ཚད་བཞི་བརྒྱ་པ་བྱས་ནས། དེའི་ནང་ན་ཕོ་བྲང་དཔག་ཚད་བཞི་བཅུ་པ ་གཅིག་བྱས་ཏེ། ལམ་གྱི་སྲང་ན་ཁང་བུ་བརྩེག་མ་དང་། སྐྱེད་ཤིང་དང་། ཁྲུས་ཀྱི་རྫིང་བུ་ཡང་རིན་པོ་ཆེ་སྣ་བཞི་ལས་བྱས་སོ།། བཟང་ཁྱད་ལྷའི་ཕོ་བྲང་དང་འདྲ་བར་བྱས་ནས། ཟིན་མ་ཐག་ཏུ་རིན་པོ ་ཆེ་སྣ་བདུན་ཡང་ཡོད་པར་གྱུར་ཏེ། གླིང་བཞི་ལ་དབང་བྱེད་ཅིང་དགེ་བ་རྒྱས་པར་བྱས་སོ།། རྒྱལ་པོ་ཆེན་པོ་དེའི་ཚེ་དེའི་དུས་ན་རྒྱལ་པོ་མ་ཧ་ཤ་ཀུ་ལ་ནི་ད་ལྟར་ངའི་ཡབ་ཟས་གཙང་མ་ཡིན་ནོ།། དེའི་ཚེ་དེའི ་དུས་ན་རྒྱལ་པོའི་བཙུན་མོ་ནི་ད་ལྟར་ངའི་ཡུམ་ལྷ་མཛེས་ཡིན་ནོ། ། རྒྱལ་བུ་མི་སྡུག་པ་སྡོང་དུམ་ནི་ད་ལྟར་ང་ཡིན་ནོ།། དེའི་ཚེ་ན་དེའི་ཆུང་མ་དེ་ནི་སྐྱེ་དགུའི་བདག་མོ་ཡིན་ནོ།། དེའི་ཚེ་ན་ཆུང་མ་དེའི་ཕ་རེ་ནི་འོད ་སྲུངས་ཡིན་ནོ། ། རྒྱལ་པོ་དྲུག་གིས་དམག་དྲངས་ཏེ་བུ་མོ་འདོད་པ་དེ་དག་ནི་སྟོན་པ་དྲུག་པོ་འདི་དག་ཡིན་ཏེ། དེའི་ཚེ་དེའི་དུས་ན་ཡང་ང་དང་གཟུགས་ལ་རྩོད་པས། ངས་དེ་དག་ཀུན་བསང་དེ་དམག་གི ་ཚོགས་ཀྱང་འཁོར་དུ་བསྡུས་པས། ད་ལྟར་གྱི་བར་དུ་རྙེད་པ་དང་གྲགས་པ་ལ་ཕྲག་དོག་བྱེད་པའི་ཕྱིར་ང་དང་འགྲན་པར་འདོད་ཀྲུང་ཚེ་འཕྲུལ་མེད་དེ་བསམ་པ་ལྟར་མགྱུར་པས་ཆུར་ཤི་བ་ཡིན་ནོ།། ་དེས་ན་དེ་དག་གི་འཁོར་ཁྲི་ཕྲག་དགུ་བཅུ་ཡང་ངའི་འཁོར་དུ་བསྡུས་ནས་ངའི་ཉེ་གནས་སུ་གྱུར་ཏོ།། དེ་ནས་རྒྱལ་པོ་གཟུགས་ཅན་སྙིང་པོས། བཅོམ་ལྡན་འདས་ལ་འདི་སྐད་ཅེས་གསོལ། ་ཏོ། རྒྱལ་པོ་སྡོང་དུམ་དེ་སྔོན་བསོད་ནམས་ཅི་ཞིག་བགྱིས་པས་འདི་ལྟར་མཐུ་སྟོབས་ཆེ་ལ་ཤིན་ཏུ་མི་སྡུག་པར་གྱུར། བཅོམ་ལྡན་འདས་ཀྱིས། རྒྱལ་པོ་ལ་བཀའ་སྩལ། རྒྱུ་ཡོང་རྐྱེན ་ཡོད་དེ་བསྟན་པར་བྱའོ། ། སྔོན་འདས་པའི་བསྐལ་པ་གྲངས་མེད་དཔག་ཏུ་མེད་པའི་ཕ་རོལ་ན། འཛམ་བུའི་གླིང་འདིར་ཡུལ་བཱ་རཱ་ཎཱ་སི་ཞེས་བྱ་བ་ན། དྲང་སྲོང་རི་ཞེས་བྱ་བ་ལ་རང་སངས་རྒྱས་གཅིག ་ཅིག་གནས་ཏེ། རང་སངས་རྒྱས་དེ་ལ་རླུང་ནད་ཡོད་པས། རླུང་ནད་ཀྱིས་སྨན་འབྲུ་མར་འཐུང་དགོས་པ་ལས། འབྲུ་མར་འཚག་པའི་ཁྱིམ་དུ་སོང་ནས་འབྲུ་མར་བསླངས་པ་དང་། འབྲུ་མར་འཚག ་པ་དེས་དེ་ལ་ཁྲོས་ཏེ། མགོ་དང་ཤིང་དུམ་འདྲ་བ། རྐང་ལག་དང་ཤིང་ཚལ་འདྲ་བ་འདི་ལས་བྱེད་དུ་ནི་མི་བཏུབ་ཀྱིས། ཞོ་གཅིག་ནམ་གཅིག་ཀྱང་འབྱིན་དུ་མི་བཏུབ་པར་སློངས་མོ་འབའ་ཞིག ་ལ་འཚོ་བ་བལྟོས་པ་འདི་ཞེས་སྤྱོས་ཤིང་བརྒྱད་ནས། འོན་ཀྱང་མར་གྱི་ཚིགས་མ་ཕུལ་ལོ།། རང་སངས་རྒྱས་དེས་མར་གྱི་ཚིགས་མ་ཐོབ་ནས་སྒོར་བྱུང་སྟེ་ཕྱིར་འགྲོ་བ་ལས། སྒོ་རྩར་མར་འཚག་པ ་དེའི་ཆུང་མ་དང་ཕྲད་ནས། རང་སངས་རྒྱས་དེ་ལ་དད་པའི་སེམས་སྐྱེས་ཏེ། སྐྱེས་བུ་ཁྱོད་གར་གཤེགས། མར་གྱི་ཚིགས་མ་འདི་ཅི་ཞིག་མཛད་ཅེས་དྲིས་པ་དང་། རང་སངས ་རྒྱས་དེས་ཀྱང་དེ་བཞིན་དུ་དྲང་པོར་གཏམ་བྱས་ནས། ཆུང་མ་དེས་རང་སངས་རྒྱས་དེ་ཕྱིར་བོས་ཏེ་ཁྱིམ་དུ་ཁྲིད་ནས་ལྷུང་བཟེད་བླངས་ཏེ། འབྲུ་མར་ལྷུང་བཟེད་བཀང་སྟེ་ཕུལ་ནས། ཁྱོ་ལ་འདི་སྐད་ཅེས ་སྨྲས་སོ། ། ཁྱོད་ཀྱིས་སྐྱེས་བུ་འདི་ལ་མར་གྱི་ཚིགས་མ་ཕུལ་བ་ཤིན་ཏུ་ཉེས་ཀྱིས། ཁའི་ཉེས་པ་འགྱོད་ཚངས་གྱིས་ཤིག་ཅེས་བསྒོ་ནས། མི་ངས་ཀྱང་འགྱོད་པའི་སེམས་སྐྱེས་ཏེ། འགྱོད་ཚངས ་བྱས་ནས་ཁྱོ་ཤུག་ཡིད་མཐུན་པར་རང་སངས་རྒྱས་དེ་ལ་འདི་སྐད་ཅེས་གསོལ་ཏོ། ། བཙུན་པ་དེ་སླན་ཆད་མར་དགོས་ན་ཡང་རྟག་ཏུ་ལོང་ཞིག་ཅེས་སྨྲས་ནས། རང་སངས་རྒྱས་དེས་ཀྱང་རྟག་ཏུ་དེའི ་ཁྱིམ་ནས་མར་བླངས་ཏེ། དེ་དག་གིས་བྱས་པ་གཟོ་བའི་ཕྱིར་དེ་དག་གི་དྲུང་དུ་ཆོ་འཕྲུལ་བསྟན་ཏེ། སྟེང་གི་ནམ་མཁའ་ལ་འཕགས་ནས། ཆུ་འབབ་པ་དང་། མེ་འབྱུང་བ་དང་། ཆོ་འཕྲུལ་རྣམ་པ ་སྣ་ཚོགས་བསྟན་ཏེ། མར་འབུལ་བའི་ཁྱོ་ཤུག་གཉིས་ཀྱིས་དེ་ལྟ་བུའི་ཆོ་འཕྲུལ་མཐོང་ནས། ལྷག་པར་དགའ་ཞིང་ངང་པའི་སེམས་སྐྱེས་ཏེ། མི་དེས་ཆུང་མ་ལ་སྨྲས་པ། ཁྱོད་ཀྱིས་མར་ཕུལ ་བའི་བསོད་ནམས་ཅི་ཡོད་པ་ཁོ་བོ་དང་ཐུན་མོང་དུ་གྱུར་ཏེ། བདག་ཅག་ཁྱོ་ཤུག་ཏུ་ཤོགཅིག་ཅེས་སྤྲས་པ་དང་། ཆུང་མས་སྤྲས་པ། ཁྱོད་ཀྱིས་སེས་བུ་ཆེན་པོ་ལ་ཚིག་ངན་པ་སྨྲས་ཏེ། མར ་ཚིགས་ས་ཕུལ་ནས་ངང་པའི་སེམས་མེད་པས་གང་དུ་སྐྱེས་ཀྱང་ཤིན་ཏུ་མི་སྡུག་པར་འོང་ན། ཁྱོད་དང་ཇི་ལྟར་ཁྱོ་ཤུག་ཏུ་བྱ་ཞེས་སྨྲས་པ་དང་། ཁྱོས་སྨྲས་པ། ཁོ་བོས་རྟག་ཏུ་ཉོན་མོངས་ཏེ་མར ་འཆག་པའི་ལས་བྱས་ན། ཅིའི་ཕྱིར་ཁྱོད་ཀྱི་སྦྱིན་པའི་འབྲས་བུ་ང་དང་ཐུན་མོང་དུ་མི་སྔོ།། ང་མི་ཉན་གྱིས་ཁྱོད་དང་ཁྱོ་ཤུག་ཏུ་བྱ་དགོས་སོ།། ཆུང་མས་སྨྲས་པ། ཇི་སྟེ་ཁྱོད་དང་ཁྱོ་ཤུག་ཏུ་གྱུར། ་ན་ཁྱོད་མི་སྡུག་ཆེས་ནས། ཁོ་མོས་ཁྱོད་དོར་ཏེ་མཚན་མོ་བྲོས་སུ་འོང་ངོ་།། ཁྱོས་སྨྲས་པ། ཇི་སྟེ་ཁྱོད་བྲོས་ན་ཡང་ངས་ཕྱི་བཞིན་བསྙེགས་ལ་ཁྱོད་ཐོབ་པར་བྱས་ནས་ཕྱིར་འོང་ངོ་ཞེས། ་ཁྱོད་ཤུག་གཉིས་གཅིག་ལ་གཅིག་སྨྲས་ནས། རང་སངས་རྒྱས་དེ་ལ་ལུས་དང་སྲོག་ཕྱོགས་ནས་འགྱོད་ཚངས་བྱས་སོ།། དེའི་ཚེ་ན་རང་སངས་རྒྱས་དེས། ཁྱོ་ཤུག་དེ་གཉིས་ལ་འདི་སྐད་ཅེས ་བསྒོའོ། ། ཁྱེད་ཁྱོ་ཤུག་གཉིས་ཀྱིས་ངལ་མར་བྱིན་པས་ན་ངའི་ནད་སོས་ཀྱིས། ཁྱོ་ཤུག་གཉིས་ཀྱི་ཅིར་སྨོན་པ་སྨྲོས་ཤིག། དེ་བཞིན་དུ་འགྲུབ་པར་འགྱུར་རོ་ཞེས་བསྒོ་བ་དང་། མི་ཁྱེ་ཤུག ་དེ་གཉིས་རབ་ཏུ་དགའ་ནས། པུས་མོ་ས་ལ་བཙུགས་ཏེ་འདི་སྐད་ཅེས་སྨོན་ལམ་བཏབ་བོ།། བདག་ཅག་ཁྱོ་ཤུག་གཉིས་ལྷ་འམ། མི་འམ། གང་དུ་སྐྱེས་ཀྱང་ཡིད་བཞིན་དུ་གྲུབ་པར་གྱུར ་ཅིག་ཅེས་སྨོན་ལམ་བཏབ་བོ། ། རྒྱལ་པོ་ཆེན་པོ་དེའི་ཚེ་དེའི་དུས་ན་མར་འཚག་པའི་མི་དེ་ནི་རྒྱལ་བུ་སྡོང་དུ་མ་ཡིན་ནོ།། དེའི་ཆུང་མ་ནི་སྡོད་དུམ་གྱི་ཆུང་མ་ཉིད་ཡིན་ནོ།། དེའི་ཚེ་ན་རང་སངས་རྒྱས་ལ། ་སྡོང་དུམ་དང་འདྲ་ཞེས་ཚིག་ངན་པ་སྨྲས་ཏེ། ཁྲོས་བཞིན་བླ་མར་གྱི་ཚིགས་མ་བྱིན་པས། སྐྱེ་བ་ཐམས་ཅད་དུ་ཤིན་ཏུ་མི་སྡུག་པར་གྱུར་ཏོ།། ཕྱིས་འགྱོད་ཚངས ་བྱས་ཏེ་མར་བཟང་པོ་ཕུལ་བས་སྐྱེ་བ་ཐམས་ཅད་དུ་ཕྱིས་བཟང་ཞིང་སྡུག་པར་གྱུར་ཏོ། ། མར་ཕུལ་བས་ན་སྐྱེ་བ་ཐམས་ཅད་དུ་མཐུ་སྟོབས་དང་ལྡན་ཏེ་ཐམས་ཅད་ཐུབ་པར་གྱུར་ཏོ།། དེའི ་བསོད་ནམས་ཀྱིས་ནི་འཁོར་ལོས་སྒྱུར་བའི་རྒྱལ་པོར་གྱུར་ཏེ། གླིང་བཞི་ལ་དབང་ཞིང་འདོད་པ་ལྔ་ལ་ཡིད་བཞིན་དུ་སྤྱོད་པར་གྱུར་ཏོ།། དགེ་བ་དང་སྡིག་པའི་ལས་རྣམ་པར་སྨིན་པ་ནི་ནམ ་ཡང་མེད་པར་མི་འགྱུར་ཏེ། དེ་བས་ན་ལུས་དང་། ངག་དང་། ཡིད་ཀྱི་ལས་བསྲུང་བ་ལ་ནན་ཏན་བྱའོ།། བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། རྒྱལ་པོ་གཟུགས ་ཅན་སྙིང་པོ་ལ་སོགས་ཏེ། རྒྱལ་པོ་དང་། བློན་པོ་དང་། འཁོར་རྣམ་བཞི་དང་། ལྷ་དང་། ཀླུ་ལ་སོགས་པས་ཐོས་ནས། ལ་ལ་ནི་རྒྱུན་དུ་ཞུགས་པའི་འབྲས་བུ་ཐོབ། ་ལ་ལ་ནི་ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པའི་འབྲས་བུ་ཐོབ། ལ་ལ་ནི་རང་སངས་རྒྱས་ཀྱི་དགེ་བའི་རྩ་བ་བསྐྱེད། ལ་ལ་ནི་བླ་ན་མེད་པའི་བྱང་ཆུབ ་ཏུ་སེམས་བསྐྱེད་དོ། ཕྱིར་མི་ལྡོག་པའི་ས་ལ་གནས་པར་གྱུར་ནས། འཁོར་དེ་དག་ཐམས་ཅད་བཅོམ་ལྡན་འདས་ཀྱིས་གསུངས་པ་ལ་ཡི་རོང་ནས་མངོན་པར་དགའའོ།། སྟོན་པ ་དྲུག་བཏུལ་བའི་ལེའུ་སྟེ་བཅུ་གསུམ་པའོ། ། ། བབ་པོ་བཞི་པ།། གཅན་གཟན་ཀུ་ཏས་ལུས་ཀྱི་སྦྱིན་པ་བྱས་པའི་ལེའུའོ།། འདི་སྐད་བདག ་གིས་ཐོས་པ་དུས་གཅིག་ན། བཅོམ་ལྡན་འདས་ཀྱིས་རྒྱལ་པོའི་ཁབ་བྱ་རྒོད་སྤུངས་པའི་རི་ལ་བཞུགས་སོ།། དེའི་ཚེ་བཅོམ་ལྡན་འདས་ཀྱི་སྐུ་ལ་བསེར་མའི་བསྲུན་གྱིས་བཟུང་ནས། སྨན ་པ་འཚོ་བྱེད་ཀྱིས་སྨན་རྣམ་པ་སུམ་ཅུ་རྩ་གཉིས་དང་མར་དུ་སྦྱར་ཏེ། ཉིན་རེ་རེ་ཞིང་སྦྱར་སྨན་སྲང་སུམ་ཅུ་རྩ་གཉིས་གཉིས་གསོལ་ལོ།། ལྷ་སྦྱིན་མ་རུངས་པ་ཕྲག་དོག་གི་སེམས་སྐྱེས་ནས། ་སངས་རྒྱས་དང་མཉམ་མོ་ཞེས་བསྒྲགས་ཏེ། བཅོམ་ལྡན་འདས་ཀྱིས་གསོལ་བ་ཐོས་ནས། སྨན་འདོད་ཅིང་སངས་རྒྱས་དང་འདྲ་བར་བྱ་བའི་ཕྱིར་སྨན་པ་འཚོ་བྱེད་ལ། བཅོམ་ལྡན་འདས ་གསོལ་བའི་སྨན་ང་ལ་ཡང་སྦྱོར་ཏེ་བྱིན་ཅིག་ཅེས་བསྒོའོ། ། དེ་ནས་འཚོ་བྱེད་ཀྱིས་སྨན་སྦྱར་ཏེ་ལྷ་སྦྱིན་ལ་བྱིན་ནས། ཉིན་རེ་ལ་སྲང་བཞི་བཞི་ཐོང་ཞིག་ཅེས་བསྒོ་བ་དང་། ལྷ་སྦྱིན་གྱིས་ང ་ལྟར་བཅོམ་ལྡན་འདས་ཉིན་རོ་ཞིང་སྲང་དུ་དུ་གསོལ་ཞེས་དྲིས་སོ། ། འཚོ་བྱེད་ཀྱིས་བཅོམ་ལྡན་འདས་ནི་ད་ལྟར་ཉིན་རེ་ཞིང་སྲང་སུམ་ཅུ་རྩ་གཉིས་གཉིས་གསོལ་ལོ་ཞེས་སྤྲས་པ་དང་། ལྷ་སྦྱིན་གྱིས ་ཁོ་བོ་ལ་ཡང་ཉིན་རེ་ཞིང་སྲང་སུམ་ཅུ་རྩ་གཉིས་གཉིས་བྱིན་ཅིག་ཅེས་བསྒོ་བ་དང་། འཚོ་བྱེད་ཀྱིས་སྤྲས་པ། དེ་བཞིན་གཤེགས་པའི་སྐུ་དང་ཁྱོད་ནི་མི་འདྲ་སྟེ། ཁྱོད་ཀྱིས་མང་དུ་ཟོས་ན་མི ་ཞུ་བས་གདོན་མི་ཟ་བར་ཕྱིས་ནང་དུ་འགྱུར་རོ་ཞེས་སྨྲས་པ་དང་། ལྷ་སྦྱིན་གྱིས་སྨྲས་པ། ཇི་ཙམ་ཟོས་ན་ཁུ་བའི་དྲོང་ཁོ་བོ་ལ་ཡོད་དེ། ཁོ་བོ་དང་སངས་རྒྱས་སུ་བྱེ་བྲག ་ཅི་ཡོད་ཅེས་སྨྲས་ནས། སངས་རྒྱས་དང་འདྲ་བར་ཉིན་གཅིག་ལ་སྨན་སྲང་སུམ་ཅུ་རྩ་གཉིས་གཉིས་བཏང་ནས། སྨན་མ་ཞུ་སྟེ་རྩ་ཀུན་ཏུ་ཟུག་ནས་ཉམ་ཐག་སྟེ། ཤིན་ཏུ་སྡུག་བསྔལ་བའི་སྐད ་ཕྱུང་ནས་འབོད་འགྲོགས་སོ། ། དེ་ལ་བཅོམ་ལྡན་འདས་ཐུགས་བརྩེ་བར་དགོངས་ཏེ། རྒྱང་མ་ནས་ཕྱག་བརྐྱང་ནས་ལྷ་སྦྱིན་གྱི་མགོ་ལ་བྱུགས་པས་མོད་ལ་སྨན་ཀུན་ཞུ་ནས་ཚ་བའི་སྡུག་བསྔལ་དང་བྲལ ་བར་གྱུར་ཏེ། ལྷ་སྦྱིན་གྱིས་བཅོམ་ལྡན་འདས་ཀྱི་ཕྱག་ཡིན་པར་ཤེས་པས་འདི་སྐད་ཅེས་སྨྲས་སོ།། རྒྱལ་བུ་དོན་གྲུབ་ཀྱིས་ཤེས་པའི་རྩལ་དུ་སྨན་ཡང་བསླབས་ཏེ། སྨན་ལ་ཡང་མཁས་པ་ལྟ་སྟེམ ་འདོད་དོ་ཞེས་སྨྲས་སོ། ། དེའི་ཚེ་ན་ཀུན་དགའ་བོས་དེ་སྐད་ཅེས་སྨྲས་པ་ཐོས་ནས་ཤིན་ཏུ་མི་དགའ་སྟེ། པུས་མོ་ས་ལ་བཙུགས་ནས། བཅོམ་ལྡན་འདས་ལ་འདི་སྐད་ཅེས་གསོལ ་ཏོ། ། ལྷ་སྦྱིན་འདི་ནི་བཀའ་དྲིན་མི་འཚལ་ཏེ། བཅོམ་ལྡན་འདས་ཀྱིས་དེ་ལ་ཐུགས་བརྩེ་བར་དགོངས་ནས། དེའི་ནང་ཡོངས་སུ་བསལ་ཀྱང་སླར་མི་དགེ་བའི་སེམས་ཀྱིས་ཚིག་མི་དགོས་པ་སྨྲས ་ཏེརྟག་ཏུ་བཅོམ་ལྡན་འདས་ལ་བསྔོའོ། ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། ལྷ་སྦྱིན་གྱིས་ད་ལྟར་འདི་འབའ་ཞིག་ཏུང་ལ་མི་དགེ་བའི་སེམས་བསྐྱེད་ནས་ངལ ་། གནོད་པར་བྱེད་པར་མ་ཟད་ཀྱིས། སྔོན་འདས་པའི་དུས་ན་ཡང་ང་ལ་སྡིག་པའི་སེམས་བསྐྱེད་དེ་ང་བསད་པར་གྱུར་ཏོ།། ཀུན་དགའ་བོས། བཅོམ་ལྡན་འདས་ལ་གསོལ་པ། འདས་པའི་དུས ་ན་ལྷ་སྦྱིན་གྱིས་ཇི་ལྟར་གྱིས་པ་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྔོན་འདས་པའི་དུས་བསྐལ་པ་གྲངས་མེད་དཔག་ཏུ་མེད་པའི་ཕ་རོལ་ན། འཛམ་བུའི་གླིང་འདིར ་ཡུལ་བཱ་རཱ་ཎཱ་སི་ཞེས་བྱ་བ་ན་རྒྱལ་པོ་ཚངས་བྱིན་ཞེས་བྱ་བ་ཁྲོ་ཞིང་གཏུམ་ལ་སྙིང་རྗེ་མེད་དེ། འདོད་ཆགས་དང་ཞེ་སྡང་ཆེ་བ། སྡིག་པའི་ལས་ཀྱིས་གཙེ་ཞིང་གསོད་པ་ལ་དགའ་བ་ཞིག་བྱུང ་ངོངོ། དེའི་ཚེ་ན་རྒྱལ་པོ་དེའི་རྨི་ལམ་དུ་གཅན་གཟན་ལུས་ཀྱི་སྤུ་གསེར་གྱི་མདོག་ལྟར་འདུག་ལ། སྤུའི་ཐོག་མ་ལ་གསེར་ལྟ་བུའི་འོད་བྱུང་ཞིང་། གཡས་གཡོན་ཐམས་ཅད་ཀྱང་གསེར ་གྱི་མདོག་ཏུ་སྣང་བར་བྱེད་པའི་གཅན་གཟན་གཅིག་ཅིག་རྨིས་ནས། དེ་མ་ཐག་ཏུ་སད་དེ་འདི་སྙམ་དུ་བདག་གིས་རྨི་ལམ་ན་མཐོང་བ་འདི་ནི་གདོན་མི་ཟ་བར་ཡོད་ཀྱིས། རྔོན་པ་དག་དེའི་པགས ་པ་འཚོལ་དུ་གཞུག་གོ་སྙམ་བསམས་ནས། རྔོན་པ་རྣམས་བསྡུས་ཏེ་འདི་སྐད་ཅེས་བསྒོའོ།། ཁོ་བོའི་རྨི་ལམ་དུ་གཅན་གཟན་གསེར་གྱི་མདོག་ཅན་སྤུའི་ཐོག་མ་ལ་གསེར་གྱི་འོང་ལྟ་བུ་འབྱུང ་ཁ་ཅིག་རྨིས་ཏེ། འདི་ལྟ་བུ་ཞིག་ཡུལ་འདི་ན་ཡོད་དུ་ངེས་ཀྱིས། ཁྱེད་རྣམས་ཀྱིས་ཀུན་ཏུ་འཚོལ་ལ་དེའི་པགས་པ་བཤུས་ཏེ་ང་ལ་ཕུལ་ཅིག་དང་། ཁྱེད་ཀྱི་བུ་ཚ་རབས་བདུན་ཚུན་ཆད་སྐྱོང ་ཅིང་བདེ་བར་བྱའོ། ། གལ་ཏེ་སྙིང་ནས་མ་བཙལ་ལམ། ལེ་ལོ་ཞིག་བྱས་ཏེ་མ་རྙེད་ན། ཁྱེད་རྣམས་རྩ་བརྒྱུད་ཚུན་ཆད་མེད་པར་བྱའོ་ཞེས་བསྒོའོ།། དེ་ནས ་རྔོན་པ་དེ་དག་ཤིན་ཏུ་མི་དགའ་སྟེ། དབེན་པའི་ཕྱོགས་གཅིག་ཏུ་ཐམས་ཅད་འདུས་ནས་འདི་སྐད་ཅེས་བགྲོས་སོ།། རྒྱལ་པོས་རྨིས་པའི་གཅན་གཟན་དེ་ནི་གནའ་ནས་མ་མཐོང་སྟེ། གལ ་ཏེ་བདག་ཅག་གིས་མ་རྙེད་ན། རྒྱལ་པོའི་བཀའ་ཁྲིམས་གཉན་པས་བདག་ཅག་གསོན་པར་མི་འགྱུར་རོ་ཞེས་བགྲོས་ནས། ལྷག་པར་མི་དགའ་བའི་སེམས་སྐྱེས་ཏེ། ཡང་འདི་སྐད་ཅེས ་སྨྲས་སོ། ། ཤིང་ཀུང་འདི་ན་སྦྲུལ་གདུག་པ་དང་གཅན་གཟན་མ་རུངས་པ་མང་བས། ལམ་རིང་པོར་འགྲོ་ཞིང་སྲོག་མི་འཕངས་པར་དོན་བསྒྲུབ་ཏུ་ནི་སྲོག་དང་བསྔོས་སུ་ཡང་མི་ནུས་པས། ་བདག་ཅག་གི་ནང་ན་མི་གང་གིས་ནུས་པ་གཅིག་ཅིག་ཚོལ་དུ་གཏང་ངོ་།། གལ་ཏེ་མི་དེས་མཐོང་བར་གྱུར་ན། གདོད་བདག་ཅག་སྦྲན་པར་བྱས་ན་ལེགས་སོ་ཞེས་སྨྲས་ནས། མི་ཞིག་ལ་འདི ་སྐད་ཅེས་སྨྲས་སོ། ། ཁྱོད་སྲོག་དང་བསྔོས་ཏེ་ཀུན་ཏུ་འཚོལ་དུ་སོང་ཞིག། གལ་ཏེ་རྙེད་ན་ངེད་སྤྱི་ལས་ནོར་བཀྲལ་ཏེ་མང་དུ་སྦྱིན་ནོ།། ཇི་སྟེ་ཁྱོད་ཕྱིར་མ་འཁོར་ན་ཡང་། ཁྱོད་ཀྱི་བུ་ངང་ཆུང ་མ་ལ་སྦྱིན་ནོ་ཞེས་སྨྲས་ནས། མི་དེས་ཀྱང་འདི་སྙམ་དུ་བདག་ནི་མི་མང་པོ་འདི་དག་གི་ཕྱིར་ལུས་དང་སྲོག་ཡལ་ཡང་བླའོ་སྙམ་བསམས་ནས། འགྲོ་བའི་ཡོ་བྱད་བཤམས་ཏེ། རི་དང་ཚལ་ཉམ ་ང་བར་ཀུན་ཏུ་འཆོལ་དུ་སོང་སོང་བ་ལས། ཡུན་རིང་ཞིག་ལོན་པས་ཤིན་ཏུ་ཉམ་ཐག་ནས། དབྱར་ཚ་བའི་དུས་སུ་བྱེ་མཚབ་པུས་མོ་ནུབ་ཙམ་ཞིག་ཏུ་ཕྱིན་ནས། ངལ་ཆང་དེ་སྐོམ་གྱིས་གདུངས ་པས་སྲོག་ཆད་ལ་ཐུག་ནས་འདི་སྐད་ཅེས་སྨྲས་སོ། ། སྙིང་རྗེ་དང་ལྡན་པ་སུ་ཞིག་བདག་འདི་ལྟར་སྡུག་བསྔལ་བའི་ལུས་དང་སྲོག་གི་སྐྱབས་སུ་འགྱུར་བ་ཡོད་དམ་ཞེས་སྤྲས་པ་དང་། དེའི་ཚེན ་དེ་ལ་གཅན་གཟན་ཀུན་ཏ་ཞེས་བྱ་བ་ལུས་ཀྱི་སྤུ་མདོག་གསེར་གྱི་ཁ་དོག་ལྟར་འདུག་ལ། སྤུའི་ཐོག་མ་ལ་གསེར་གྱི་འོད་འབྱུང་བ་ཞིག་ཡོད་པ་དེས་རྒྱང་མ་ནས་མི་ངེས་སྨྲས་པའི་ཚིག་ཐོས་ནས་ཤིན་ཏུ ་སྙིང་བརྩེ་བའི་སེམས་སྐྱེས་ཏེ། གང་ན་ཆུ་མིག་གྲང་མོ་ཡོད་པའི་ནང་དུ་ལུས་བཅུག་ནས་མི་དེའི་དྲུང་དུ་འོངས་ཏེ། མི་དེ་ལ་ཕངས་པས་འཁྱུད་ནས་ཅུང་ཟད་ཅིག་ཉམ་བརྟས་པ་དང་། ཆུ་འགྲམ་དུ་ཁྲིད ་དེ་བཀྲུས་ནས་ཤིང་ཐོག་བཏུས་ཏེ་ཟར་བཅུག་གོ། ། དེ་ནས་མི་དེ་སོར་ཆུད་ནས་འདི་སྙམ་དུ་བསམས་སོ།། གཅན་གཟན་འདི་ནི་རྒྱལ་པོ་འདོད་པ་ཁོ་ན་ཡིན་ན། བདག་སྲོག་དང་བྲལ་བ་ལས ་སྲོག་གི་སྐྱབས་བྱས་ཏེ། དྲིན་དུ་གཟོ་བ་ཅུང་ཟད་ཀྱང་མ་བྱས་པས་འདི་ལ་བསད་པའི་སེམས་ཇི་ལྟར་ཀྱང་སྐྱེད། གལ་ཏེ་མ་རྙེད་ན་ནི་རྔོན་པ་དེ་དག་གཉེན་དང་བཅས་པ་ཐམས་ཅད་གྱོང་ལ་ཐོགས་པར ་འགྱུར་རོ་སྙམ་བསམས་ནས། མི་དགའ་ཞིང་འདུག་པ་ལས། གཅན་གཟན་གྱིས་ཁྱོད་ཅིའི་ཕྱིར་འདི་ལྟར་མི་དགའ་ཞེས་དྲིས་ནས། མཆི་མ་ལྷགས་ནས་རྒྱས་པར་སྨྲས་པ་དང་། ཀུན ་ཏ་ས་འདི་སྐད་ཅེས་སྨྲས་སོ། ། འདི་ལ་ཁྱོད་མི་དགའ་བར་མ་བྱེད་ཅིག། ངའི་པགས་པ་འདི་ཐོབ་སླ་བ་ཡིན་ཏེ། ཁོ་བོས་བསམས་ནས་ཚེ་སྔ་མ་ལ་ལུས་གྲངས་མེད ་པ་ཞིག་བཏང་ཡང་། ལུས་ཀྱི་བསོད་ནམས་སུ་འགྱུར་བའི་ལས་མ་བྱས་ཏེ། ལུས་ཀྱི་པགས་པ་འདིས་དེ་དག་གི་སྲོག་བསྐྱབ་བོ་ཞེས་སྨྲས་ནས། རབ་ཏུ་དགའ་བའི་སེམས་སྐྱེས་ཏེ། ཁྱོད ་ཀྱིས་ཁོ་བོའི་སྲོག་མ་བཅད་པར་པགས་པ་བཤུས་ཏེ་ཁྱེར་ཅིག། འགྱོད་པའི་སེམས་མེད་པར་ཁྱོད་ལ་སྦྱིན་ནོ།། དེའི་ཚེ་ན་རྔོན་པ་ངེས་པགས་པ་དལ་གྱིས་བཤུས་ནས། ཀུན་ཏས་འདི་སྐད ་ཅེས་སྨོན་ལམ་བཏབ་བོ། ། བདག་གི་པགས་པ་འདི་ཁྱོད་ལ་བྱིན་ཏེ། མི་མང་པོ་འཕོངས་པའི་སྲོག་བསྐྱབས་པའི་བསོད་ནམས་འདིས་སེམས་ཅན་ཐམས་ཅད་ལ་བསྔོས་ཏེ། བདག་བླ་ན་མེད་པ ་བྱང་ཆུབ་ཏུ་མངོན་པར་འཚང་རྒྱ་ཞིང་། སེམས་ཅན་ཐམས་ཅད་འཁོར་བའི་སྡུག་བསྔལ་ལས་བསྒྲལ་ནས། མྱ་ངན་ལས་འདའ་བའི་བདེ་བ་ལ་འགོད་པར་ཤོག་ཅིག་ཅེས་སྨོན་ལམ་བཏབ་བོ།། ་དེའི་ཚེ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས་ཏེ། ལྷའི་ཕོ་བྲང་ཀུན་ལྡེག་ཅིང་གཡོས་ནས་ལྷ་རྣམས་དངངས་ཏེ་བལྟས་ན། བྱང་ཆུབ་སེམས་དཔས་ལུས་ཀྱི ་པགས་པ་སྦྱིན་པ་བྱས་པ་མཐོང་ནས་ནམ་མཁའ་ལས་བབས་ཏེ། ཀུན་ཏ་གང་ན་བར་ལྷགས་ནས། ལྷ་རྫས་ཀྱི་མེ་ཏོག་གིས་གཏོར་ཏེ་མཆོད་པ་བྱས་ནས་མཆི་མཆར་བཞིན་དུ་ཕབ་བོ།། པགས ་པབབ་ཤུས་ནས་སོང་བའི་འོག་ཏུ་ཤ་རློན་པ་དེ་ལ་ཁྲག་ཀུན་ནས་ཟག་ཅིང་སྦྲང་མ་དང་། གྲོག་མ་ལ་སོགས་པ་སྟོང་ཕྲག་བརྒྱད་ཅུ་སྙིང་དེའི་ལུས་ལ་འདུས་ནས། ཐམས་ཅད་དེའི་ལུས་ལ་ཟ་ཞིང་དེ་དག ་དོག་ཏུ་དོགས་པས་ལུས་ཀྱང་མི་འགུལ་ཏེ། ལུས་ཀྱི་སྦྱིན་པ་བྱས་ནས་དེ་ཉིད་དུ་ཚེའི་དུས་བྱས་སོ།། སྦྲང་མ་དང་སྲིན་བུ་བྱང་ཆུབ་སེམས་དཔའི་ཤ་ལ་ཟོས་པ་རྣམས་ཀྱང་ཚེ་འཕོས་ནས་ཐམས་ཅད ་མཐོ་རིས་ཀྱི་ལྷར་སྐྱེས་སོ། ། དེའི་ཚེ་ན་རྔོན་པ་དེས་པགས་པ་དེ་ཁྱེར་ཏེ་རྒྱལ་པོ་ལ་ཕུལ་ནས། རྒྱལ་པོ་རབ་ཏུ་དགའ་སྟེ། འདི་ལྟ་བུ་ཤིན་ཏུ་འཇམ་པ་ནི་ཟླ་མེད་དོ་ཞེས་རྟག་ཏུ་ཉལ་བའི་སྟན་དུ ་བཏིང་ནས་དེ་ལ་ཉལ་ལོ། ། ཀུན་དགའ་བོ་འདི་ལྟར་རིག་པར་གྱིས་ཤིག། དེའི་ཚེ་དེའི་དུས་ན་གཅན་གཟན་ཀུན་ཏ་དེ་ནི་ང་ལྟར་ང་ཡིན་ནོ།། རྒྱལ་པོ་ཚངས་སྦྱིན་དེ་ནི་ལྷ་སྦྱིན་ཡིན་ནོ།། སྲིན་བུ ་སྟོང་ཕྲག་བརྒྱད་ཅུ་ནི་ང་ཐོག་མར་མངོན་པར་སངས་རྒྱས་ཏེ་ཆོས་ཀྱི་འཁོར་ལོ་བསྐོར་བ་ན། འབྲས་བུ་ཐོབ་པའི་ལྷའི་སྲས་པོ་བརྒྱད་ཁྲི་པོ་ཡིན་ནོ།། ལྷ་སྦྱིན་གྱིས་དེའི་ཚེ་ན་ཡང་ང་བསང་ངེ་ད་ལྟར་གྱི་བར་དུ ་ཡང་ང་ལ་སྡིག་པའི་སེམས་ཀྱིས་གསོད་པར་སེམས་སོ། ། བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། ཚེ་དང་ལྡན་པ་ཀུན་དགའ་བོ་དང་། འཁོར་མང་པོ་རྣམས་དགེ་བའི་ཆོས་ལ་འདུན་ཏེ། ་ལ་ལ་ནི་རྒྱུན་དུ་ཞུགས་པའི་འབྲས་བུ་དང་། ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པའི་འབྲས་བུ་ཐོབ་བོ།། ལ་ལ་ནི་རང་སངས་རྒྱས་ཀྱི་དགེ་བའི་རྩ་བ་བསྐྱེད།། ་ལ་ལ་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་ནས། ཕྱིར་མི་ལྡོག་པའི་ས་ལ་གནས་པར་གྱུར་ཏོ།། བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ནས ་མངོན་པར་དགའའོ། ། གཅན་གཟན་ཀུན་ཏས་ལུས་ཀྱི་སྦྱིན་པ་བྱས་པའི་ལེའུ་སྟེ་བཅུ་བཞི་པའོ།། ། རབ་ཏུ་བྱུང་བའི་ཡོན་ཏན་བསྔགས་པའི་ལེའུའོ།། གང་ཞིག ་རབ་ཏུ་བྱུང་ན་དེའི་བསོད་ནམས་ནི་རབ་ཏུ་མང་སྟེ། བདག་གི་བུ་འམ། བུ་མོ་འམ། བྲན་ཁོལ་ལས་གང་ཡང་རུང་བར་རབ་ཏུ་འབྱུང་བར་གནང་ངམ། བདག་ཉིད་རབ་ཏུ་བྱུང་ན། དེའི་ཚེ ་བསོད་ནམས་ནི་དཔག་ཏུ་མེང་ངོ་། ། གང་ཞིག་སྦྱིན་པ་བྱས་པའི་བསོད་ནམས་དེ་ནི་སྐྱེ་བ་བཅུའི་བར་དུ་ལོངས་སྤྱོད་མྱོང་བར་འགྱུར་ཏེ། གནམ་རིམ་པ་དྲུག་གི་ལྷར་ཡང་དང་ཡང་དུ་ལན་སྟོང་སྐྱེ ་བབས། མི་གཅིག་རབ་ཏུ་ཕྱུང་ངམ། བདག་ཉིད་རབ་ཏུ་བྱུང་ན། བསོད་ནམས་འདི་ནི་སྔ་མ་བས་མཆོག་ཏུ་ཆེའོ།། དེ་ཅིའི་ཕྱིར་ཞེ་ན། སྦྱིན་པ་བྱས་པའི་བསོད་ནམས་ནི་ཟད་པའི་མཐའ ་ཡོད་ཀྱི་རབ་ཏུ་བྱུང་བའི་བསོད་ནམས་ནི་དཔག་ཏུ་མེད་མཐའ་མེད་དོ། ། གཞན་ཡང་ཚུལ་ཁྲིམས་བསྲུངས་པའི་བསོད་ནམས་ཀྱིས་མངོན་པར་ཤེས་པ་ལྔ་དང་ལྡན་པའི་དྲང་སྲོང་དང་། མཐོ ་རིས་ཀྱི་ལོངས་སྤྱོད་ཚངས་པའི་འཇིག་རྟེན་གྱི་བར་དུ་མྱོང་བར་འགྱུར་གྱི། སངས་རྒྱས་ཀྱི་བསྟན་པ་ལ་རབ་ཏུ་འབྱུང་བའི་བསོད་ནམས་ནི་བསམ་གྱིས་མི་ཁྱབ་སྟེ། མྱ་ངན་ལས་འདས་པའི་བར་དུ ་བསོད་ནམས་ཟད་མི་ཤེས་སོ། ། གལ་ཏེ་ཁ་ཅོག་གིས་རིན་པོ་ཆེ་སྣ་བདུན་ལས་བྱས་པའི་མཆོད་རྟེན་མཐོ་ཁྱད་སུམ་ཅུ་རྩ་གསུམ་གནས་ལ་ཐུག་པར་བྱས་པའི་བསོད་ནམས་ཀྱིས་ཀྱང་རབ་ཏུ ་བྱུང་བའི་བསོད་ནམས་ཙམ་མི་ཕོད་དོ། ། དེ་ཅིའི་ཕྱིར་ཞེ་ན། རིན་པོ་ཆེ་སྣ་བདུན་གྱི་མཆོད་རྟེན་ནི། གླེན་པ་མ་རུངས་པ་དག་གིས་བཤིག་པར་འགྱུར་གྱི། རབ་ཏུ་བྱུང་བའི་བསོད་ནམས་ནི། ་གཞིག་ནུས་པ་མེད་དོ།། དགེ་བའི་ཆོས་འདོད་ན་སངས་རྒྱས་ཀྱི་ཆོས་མ་གཏོགས་པ་འདི་ལས་ལྷག་པའི་ཆོས་གཞན་མེད་དོ།། དཔེར་ན་ལོང་བ་བརྒྱའི་མིག་སྨན་པ་མཁས་པ་ཞིག་གིས་ཕྱེ་སྟེ། ་ཅིག་ཅར་མཐོང་བར་བྱས་པ་དང་། གཞན་ཡང་མི་བརྒྱ་ཞིག་མིག་དབྱུང་བ་ལ་ཐུག་པ་ལས། མཐུ་དང་ལྡན་པ་གཅིག་གིས་མིག་དབྱུང་བ་དེ་དག་དེ་ལས་ཐར་པར་བྱས་པ་དང་། མི་འདི་གཉིས་ཀྱི ་བསོད་ནམས་ནི་དཔག་ཏུ་མེད་མོད་ཀྱི། འོན་ཏེ་གཞན་རབ་ཏུ་ཕྱུང་ངམ། བདག་རབ་ཏུ་བྱུང་བའི་བསོད་ནམས་ཙམ་མི་ཕོད་དོ།། དེ་ཅིའི་ཕྱིར་ཞེ་ན། དེ་གཉིས་ཀྱིས་དེ་དག་གི་མིག་བྱིན་པ་ནི། ་འཇིག་རྟེན་གྱི་ཕན་པ་དང་བདེ་བ་ཙམ་ཐོབ་པར་ཟད་ལ། ཤའི་མིག་གི་རང་བཞིན་ནི་འཇིག་པའི་རང་བཞིན་ཅན་ནོ།། གཞན་རབ་ཏུ་ཕྱུང་ངམ། བདག་རབ་ཏུ་བྱུང་ན་གཅིག་གིས་ཙོག་བསྟན ་ཅིང་དྲངས་པས། སེམས་ཅན་གྱི་བསྐལ་པའི་མཐར་བླ་ན་མེད་པའི་ཤེས་རབ་ཀྱི་མིག་ཏུ་འགྱུར་ཏེ། ཤེས་རབ་ཀྱི་མིག་གི་རང་བཞིན་ནི་བསྐལ་པའི་བར་དུ་འཇོག་པར་མི་འགྱུར་རོ།། དེའི ་བསོད་ནམས་ཀྱིས་ལྷ་དང་མིའི་ནང་ན་བདེ་བའི་ལོངས་སྤྱོད་ཟད་མི་ཤེས་པ་མཐར་ཐུག་པ་མེད་པ། ཡིད་བཞིན་དུ་མྱོང་ཞིང་མཐར་ཡང་མངོན་པར་འཚང་རྒྱའོ།། དེ་ཅིར ་ཕྱིར་ཞེ་ན། རབ་ཏུ་བྱུང་བའི་ཆོས་ནི་བདུད་ཀྱི་འཁོར་མེད་པར་བྱེད་ཅིང་། སངས་རྒྱས་ཀྱི་གདུང་གསོབ་པར་བྱེད་དེ། སྡིག་པ་མི་དགེ་བའི་ཆོས་མེད་པར་བྱེད་ཅིང་། དགེ་བའི་ཆོས་སྐྱེད་པར ་བྱེད་དོ། ། ཁ་ན་མ་ཐོ་བའི་དྲི་མ་མེད་པར་བྱེད་ཅིང་། བླ་ན་མེད་པའི་བསོད་ནམས་ཀྱི་ལས་སྐྱེ་བར་བྱེད་དེ། དེ་བས་ན་བཅོམ་ལྡན་འདས་ཀྱིས་རབ་ཏུ་བྱུང་བའི་བསོད་ནམས་ནི་རི་རབ་ལྷུན་པོ་པས ་མཐོ་རྒྱ་མཚོ་བས་གཏིང་ཟབ་སྟེ། ནམ་མཁའ་བས་རྒྱ་ཆེའོ་ཞེས་གསུངས་སོ།། གལ་ཏེ་སུ་ཞིག་རབ་ཏུ་བྱུང་བའི་བགེགས་དང་བར་ཆད་བྱས་ཏེ་བསམས་པ་ལྟར་མ་གྲུབ་ན། དེའི་ཁན ་མ་ཐོ་བའི་ལས་ཤིན་ཏུ་ལྕི་བ་ནི་དཔེར་ན་མི་ཞིག་མུན་ཁྲོད་དུ་སོང་ན་ཅི་ཡང་མི་མཐོང་བ་དང་འདྲ་བར། དེའི་སྡིག་པའི་རྣམ་པར་སྨིན་པ་ཡང་དེ་དང་འདྲ་སྟེ། ཤིན་ཏུ་མི་སྣང་བའི་མུན་པ་ནག་པོའི ་སེམས་ཅན་དམྱལ་བར་ལྷུང་ངོ་། ། དཔེར་ན་རྒྱ་མཚོའི་ནང་དུ་ཆུ་བོ་དང་ཆུ་བྲན་ཐམས་ཅད་འབབ་པ་ལྟར། མི་དེའི་སྡིག་པའི་རྣམ་པར་སྨིན་པ་ཡང་དེ་དང་འདྲ་སྟེ། ཉེས་པ་ཐམས་ཅད་དེའི་ལུས ་ལ་འདྲའོ། ། དཔེར་ན་རི་རབ་ལྷུན་པོ་ནི་བསྐལ་པའི་མེ་བྱུང་ན། ལྷག་མ་མི་ལུས་པར་ཚིག་པ་དང་འདྲ་བར། དེ་ཡང་སེམས་ཅན་དམྱལ་བའི་མེས་འཚོག་ནས་ལྷག་མ་མི་ལུས་པ་ཡང་དེ་དང་འདྲའོ།། ་གཞན་རབ་ཏུ་འབྱུང་བར་གནང་ངམ། གལ་ཏེ་བདག་རབ་ཏུ་བྱུང་ན། དེའི་བསོད་ནམས་ནི་རབ་ཏུ་ཆེའོ།། རབ་ཏུ་བྱུང་བ་ནི་མདོ་སྡེའི་ཆུ་ཡོངས་སུ་དག་པས་ཀུན་ནས་ཉོན་མོངས་པའི་དྲི་མ ་ཐམས་ཅད་བཀྲུས་ཏེ། འཁོར་བའི་སྡུག་བསྔལ་ཡོངས་སུ་བསལ་ནས། མྱ་ངན་ལས་འདས་པའི་རྒྱུར་འགྱུར་རོ།། འདུལ་བའི་རྐང་པས་ཚུལ་ཁྲིམས་ཡོངས་སུ་དག་པའི་ས་ལ་འཆག ་ཅིང་ཆོས་མངོན་པའི་མིག་གིས་འཇིག་རྟེན་གྱི་དགེ་བ་དང་། སྡིག་པ་ལ་ལྟ་ཞིང་ཡིད་བཞིན་དུ་འཕགས་པའི་ལམ་བརྒྱད་ལ་འགྲོ་སྟེ། མྱ་ངན་ལས་འདའ་བའི་གྲོང་ཁྱེར་དུ་ཕྱིན་པར་བྱེད་དོ།། ་དེ་བས་ན་རྒན་པོ་འམ། གཞོན་ནུ་རབ་ཏུ་བྱུང་ངམ། རབ་ཏུ་འབྱུང་བར་གནང་ངམ། བདག་རབ་ཏུ་བྱུང་ན་དེའི་བསོད་ནམས་མཆོག་ཏུ་ཆེའོ།། དེའི་ཚེ་བཅོམ་ལྡན་འདས ་རྒྱལ་པོའི་ཁབ་བྱ་ཀ་ལན་ཏ་ཀ་གནས་པ་འོད་མའི་ཚལ་ན་བཞུགས་སོ། ། དེའི་ཚེ་རྒྱལ་པོའི་ཁབ་ན་ཁྱིམ་བདག་དཔལ་སྐྱེས་ཞེས་བྱ་བ་ལོ་བརྒྱ་ལོན་པ་ཞིག་གིས་རབ་ཏུ་འབྱུང་བའི་ཡོན་ཏན་འདི ་ལྟར་ཚད་མེད་དེ་ཞེས་ཐོས་ནས། འདི་སྙམ་དུ་བདག་ཅིའི་ཕྱིར་སངས་རྒྱས་ཀྱི་བསྟན་པ་ལ་རབ་ཏུ་མི་འབྱུང་སྙམ་བསམ་ནས། ཆུང་མ་དང་། བུ་དང་། བྲན་ཁོལ་ལ་ང་ནི་རབ་ཏུ་འབྱུང་ངོ་ཞེས་བྱས་སོ།། ་མི་དེ་རྒས་འཁོགས་པས་ཁྱིམ་བདག་གང་གིས་མི་ཐམས་ཅད་སྐྱོ་སྟེ། དགོས་པ་མེད་དོ་སྙམ་ནས་རབ་ཏུ་འབྱུང་ངོ་ཞེས་ཐོས་པ་དང་། དེ་དག་དགའ་སྟེ་མྱུར་དུ་འགྲོ་བའི་རིགས་ཀྱིས་དུས་ལ་བབ་བོ་ཞེས ་སྨྲས་སོ། ། དེ་ནས་ཁྱིམ་བདག་དེ་ཁྱིམ་ནས་བྱུང་སྟེ་འོད་མའི་ཚལ་དུ་བཅོམ་ལྡན་འདས་ལ་རབ་ཏུ་འབྱུང་བར་གསོལ་དུ་སོང་ནས། འོད་མའི་ཚལ་དུ་ཕྱིན་པ་དང་། དགེ ་སློང་རྣམས་ལ་སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་ལྷ་དང་མི་ལ་ཕན་པའི་དོན་རྒྱས་པར་མཛད་པ་ག་ལ་བཞུགས་ཞེས་དྲིས་སོ། ། དགེ་སློང་རྣམས་ཀྱིས་སངས་རྒྱས་བཅོམ་ལྡན་འདས ་རྣམས་ནི་འགྲོ་བ་མང་པོ་ལ་ཕན་པའི་དོན་དུ་རྒྱུ་ཞིང་གཞན་དུ་གཤེགས་སོ་ཞེས་སྨྲས་སོ། ། ཁྱིམ་བདག་དེས་ཡང་དགེ་སློང་རྣམས་ལ་སངས་རྒྱས་སྟོན་པ་ཆེན་པོའི་མཁས་པ་དང་ཤེས་རབ་ཏུ་ལྡན ་པའི་མཆོག་སུ་ཡིན་ཞེས་དྲིས་པ་དང་། དགེ་སློང་རྣམས་ཀྱིས་བཙུན་པ་ཤཱ་རིའི་བུ་ཡིན་ནོ་ཞེས་བསྟན་ཏོ།། རྒན་པོ་དེ་འཁར་བ་ལ་བརྟེན་ཏེ། ཤཱ་རིའི་བུ་གང་ན་བ་དེར་སོང་ནས་ཕྱིན་པ་དང ་འཁར་བ་བོར་ནས་ཕྱག་འཚལ་ཏེ། འདི་སྐད་ཅེས་གསོལ་ཏོ།། བཙུན་པ་བདག་རབ་ཏུ་འབྱུང་བར་གནོང་ཞིག། བཙུན་པ་ཤཱ་རིའི་བུས་བརྟགས་ན། ཁྱིམ་བདག་འདི་རྒས་པས་སློབ ་པ་དང་བསམ་གཏན་དང་། དགེ་འདུན་གྱི་ལས་བྱ་བ་རྣམ་པ་གསུམ་ལས་ཉམས་ཏེ། མི་ནུས་སོ་སྙམ་བསམས་ནས་འདི་སྐད་ཅེས་སྨྲས་སོ།། ཁྱོད་ཕྱིར་སོང་ཞིག་དང་། ཁྱོད་ནི ་རྒས་འཁོགས་ཏེ་དུས་ལས་ཡོལ་གྱི། རབ་ཏུ་འབྱུང་དུ་མི་རུང་ངོ་ཞེས་བསྒོའོ།། དེ་ནས་མཐར་གྱིས་འོད་སྲུངས་ཆེན་པོ་དང་། ཨུ་བ་ལི་དང་། མ་འགགས་པ་ལ་སོགས་ཏེ། དགྲ་བཅོམ ་པ་ཆེན་པོ་དེ་དག་ཀུན་གྱི་དྲུང་དུ་སོང་ནས་གསོལ་བ་བཏབ་པ་ལས། དེ་དག་ཀུན་གྱིས་ཁྱོད་སྔར་སུ་ལ་ཡང་གསོལ་བ་མ་བཏབ་བམ་ཞེས་དྲིས་ན། བདག་གིས་སྔར་བཙུན་པ་ཤཱ་རིའི་བུ་ལ་གསོལ། ་བ་བཏབ་བོ།། འོ་ན་ཇི་སྐད་ཟེར། དེ་ན་རེ་ཁྱོད་རྒས་འཁོགས་ཏེ་དུས་ལས་ཡོལ་བས་འབྱུང་དུ་མི་རུང་ངོ་ཞེས་མཆིའོ།། དགེ་སློང་དེ་དག་གིས་སྨྲས་པ། ཤཱ་རིའི་བུ་ལྟ་བུ་མཁས་པ་དང ་ཤེས་རབ་ཀྱི་མཆོག་དེས་ཀྱང་མ་གནང་ན། བདག་ཅག་ཀྱང་དེ་དང་འདྲ་སྟེ་གནང་བ་མེད་དོ།། དཔེར་ན་སྨན་པ་མཁས་པ་སྨན་དཔྱད་ལ་མཁས་པས་ནད་པ་བརྟགས་ཏེ་སྨན་དཔྱད་མི་བྱེད་པར ་སྤོང་ན་སྨན་པ་ཆུང་ངུ་གཞན་དག་ཀྱང་གསོ་བར་མི་བྱེད་དེ། དེ་ལ་ངེས་པར་འཆི་བའི་མཚན་མ་ཡོད་པར་རྟོགས་པའི་ཕྱིར་རོ།། ཤཱ་རིའི་བུ་བློ་དང་ལྡན་པས་ཀྱང་མ་གནང་ན། དགེ་སློང ་གཞན་ཡང་དེ་དང་འདྲ་སྟེ། གནང་བ་མེད་དོ་ཞེས་བསྒོའོ།། ཁྱིམ་བདག་དེ་དགེ་སློང་རྣམས་ཀྱིས་རབ་ཏུ་འབྱུང་བར་མ་གནང་བས། འོད་མའི་ཚལ་ནས་ཕྱིར་བྱུང་སྟེ། སྒོའི་ཐེམ་པ་ལ་འདུག ་ནས་སྐད་ཆེན་པོ་ཕྱུང་སྟེ་སྨྲེ་སྔགས་འདོན་ཅིང་ངུས་སོ། ། བདག་ཐོག་མ་སྐྱེས་ནས་ཉེས་པ་ཆེན་པོ་ནི་མ་བྱས་ན། ཅིའི་ཕྱིར་བདག་རབ་ཏུ་འབྱུང་བར་མི་གནང་། ཨུ་པ་ལ་ལྟ་བུ་འདྲེག་མཁན ་ཁས་བྱུང་བ་དང་། མོ་དེ་ལྟ་བུ་ཕྱག་དར་བ་ངན་སྐྱུགས་འདོར་བ་ལས་བྱུང་བ་དང་། སོར་འཕྲེང་ཅན་ལྟ་བུ་མི་གྲངས་མེད་པ་གསང་པ་དང་། ཨ་སི་ཀི་ལྟ་བུ་མི་རྒོད་མ་རུངས་པ་དེ་དག་ལ་སོགས ་བ་ཡང་རབ་ཏུ་བྱུང་ན། བདག་ལ་ཉེས་པ་ཅི་ཞིག་ཡོད་དེ་རབ་ཏུ་འབྱུང་དུ་མ་གནང་ཞེས་སྨྲས་པ་དང་། བཅོམ་ལྡན་འདས་དེའི་དྲུང་དུ་གཤེགས་ཏེ། སྐུ་མངོན ་པར་བསྟན་ནས་འོད་གཟེར་གྱིས་ལྷུང་ངེ་ལྷམ་མེར་གསལ་ཏེ། མཚན་དང་དཔེ་བྱད་ཀྱིས་བརྒྱན་པས། བརྒྱ་བྱིན་ལྷའི་དབང་པོ་རིན་པོ་ཆེ་སྣ་བདུན་གྱི་རྒྱལ་མཚན་ལྟར་མངོན་དུ་གཤེགས་ཏེ ་ཁྱིམ་བདག་དཔལ་སྐྱེས་ལ་ཁྱོད་ཅིའི་ཕྱིར་དུ་ཞེས་བཀའ་སྩལ་ཏོ། ། དེའི་ཚེ་ཁྱིམ་བདག་དེས་སངས་རྒྱས་ཀྱི་གསུང་ཚངས་པའི་དབྱངས་ལྟ་བུར་ཐོས་ནས། རབ་ཏུ་དགའ་མགུ ་རངས་པ་ནི་བྱིས་པ་ཕ་མ་མཐོང་བ་ཙམ་དུ་དགའ་སྟེ། ལུས་སླད་ལྔ་ས་ལ་གཏུགས་ནས། སངས་རྒྱས་ལ་ཕྱག་འཚལ་ཏེ། འདི་སྐད་ཅེས་གསོལ་ཏོ།། སེམས་ཅན་གྱི་ནང་ན་མི་འགུམ ་པ་དང་མི་རྒད་བགྱིད་པ་དང་། བརྫུན་དུ་སྨྲ་བ་པ་དང་། སྐུར་རླུང་འདེབས་པའི་མ་ས་དག་ཀྱང་རབ་ཏུ་བྱུང་ན། བདག་འབའ་ཞིག་དངོས་སྡིག་ཅི་མཆིས་ན། སངས་རྒྱས་ཀྱི་བསྟན ་པ་ལ་རབ་ཏུ་འབྱུང་བར་མ་གནང་ན། བདག་གི་ཁྱིམ་གང་གིས་མི་ཡང་བདག་རྒས་འཁོགས་པས་སྐྱོ་བར་གྱུར་ཏེ་དགོས་པ་མེད་དོ་ཞེས་མཆི་བས། གལ་ཏེ་སངས་རྒྱས་ཀྱི་བསྟན་པ་ལ་རབ་ཏུ ་འབྱུང་བར་མ་གནང་ན། སླར་ཁྱིམ་དུ་མཆིས་ཀྱང་གདོན་མི་འཚལ་བར་བདག་ཁྱིམ་དུ་འདུག་ཏུ་མི་སྦྱོར་བས། གང་དུ་ཡང་མཆི་བའི་གནས་མ་མཆིས་ཏེ། འདི་ཉིད་དུ་ངེས་པར་སྲོག་དང་འབྲལ ་བར་འགྱུར་རོ། ། དེ་ནས་བཅོམ་ལྡན་འདས་ཀྱིས། ཁྱིམ་བདག་དཔལ་སྐྱེས་ལ་བཀའ་སྩལ་པ། ནམ་མཁའ་ལ་ལག་པ་བཏེག་པ་ལ་འདི་ནི་རབ་ཏུ་འབྱུང་ངོ་།། འདི་ནི་རབ་ཏུ་མི་འབྱུང ་ངོ་ཞེས་ངེས་པར་སུ་ཞིག་སྒྲ། ཁྱིམ་བདག་གིས་གསོལ་པ། བཅོམ་ལྡན་འདས་ཆོས་ཀྱི་འཁོར་ལོས་སྒྱུར་བའི་རྒྱལ་པོའི་འཁོར་མཁས་པའི་མཆོག། སངས་རྒྱས་ཀྱི་འོག་ཏུ་ཆེ་བ་འཇིག་རྟེན་རྒྱ ་དེད་དཔོན་ཤཱ་རིའི་བུས་བདག་བསྟན་པ་ལ་རབ་ཏུ་འབྱུང་བར་མ་གནང་ངོ་། ། དེ་ནས་བཅོམ་ལྡན་འདས་ཀྱིས་ཐུགས་རྗེ་ཆེན་པོས་ཇི་ལྟར་བུ་བསྲི་ཞུ་ཆེ་བ་ལ་ཕ་མ་ཚིག་སྙན་པར་སྨྲ་བ་བཞིན་དུ། ཁྱིམ ་བདག་དཔལ་སྐྱེས་དེའི་སྤྲོ་བ་བསྐྱེད་ནས། འདི་སྐད་ཅེས་བཀའ་སྩལ་ཏོ།། ཁྱོད་མྱ་ངན་མ་བྱེད་ཅིག་ངས་ཁྱོད་རབ་ཏུ་དབྱུང་ངོ་།། ཤཱ་རིའི་བུས་ནི་བསྐལ་པ་གྲངས་མེད་པ་གསུམ་གྱི་བར་དུ་བརྩོན ་འགྲུས་སུ་དཀའ་བ་སྤྱོད་ཅིང་། བསྐལ་པ་བརྒྱར་བསོད་ནམས་བྱས་པ་མ་ཡིན། ཤཱ་རིའི་བུས་སྐྱེ་བ་ཐམས་ཅད་དུ་ཤིན་ཏུ་སྤྱོད་པ་དཀའ་བ། མགོ་བཅད་པ་དང་། མིག་ཕྱུང་བ་དང་། རུས ་བ་དང་། ཤ་དང་ཁྲག་དང་། པགས་པ་དང་། རྐང་པ་དང་། ལག་པ་དང་། རྣ་བ་དང་། སྣ་བཅད་དེ་སྦྱིན་པ་བྱས་པ་མ་ཡིན། ཤཱ་རིའི་བུས་ནི་སྟག་མོ་ལ་ལུས་སྦྱིན་པ་དང་། ་མེ་དོང་དུ་མཆོང་བ་དང་། ལྕགས་གཟེར་སྟོང་ལུས་ལ་བཏབ་པ་དང་། ལུས་ལ་མར་མེ་སྟོང་བཙུགས་པ་མ་ཡིན། ཤཱ་རིའི་བུས་ནི་ཡུལ་དང་། གྲོང་ཁྱེར་དང་། ཆུང་མ་དང་། བུ་དང་། ་བྲན་པོ་དང་། བྲན་མོ་དང་། གླང་པོ་ཆེ་དང་། རྟ་དང་། རིན་པོ་ཆེ་སྣ་བདུན་གྱི་སྦྱིན་པ་བྱས་པ་མ་ཡིན། ཤཱ་རིའི་བུས་བསྐལ་པ་གྲངས་མེད་པ་ཐོག་མ་ལ ་སངས་རྒྱས་བརྒྱད་ཁྲི་བརྒྱད་སྟོང་ལ་བསྙེན་བཀུར་བྱས་པ་དང་། བསྐལ་པ་བར་མ་གྲངས་མེད་པ་ལ་སངས་རྒྱས་དགུ་ཁྲི་དགུ་སྟོང་ལ་བསྙེན་བཀུར་བྱས་པ་དང་། བསྐལ་པ་ཐ་མ་གྲངས་མེད ་བ་ལ་སངས་རྒྱས་ཁྲི་ཕྲག་བཅུ་ལ་བསྙེན་བཀུར་བྱས་ཤིང་རབ་ཏུ་བྱུང་ནས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱས་པ་མ་ཡིན། ཤཱ་རིའི་བུ་ནི་ཆོས་ལ་དབང་དུ་གྱུར ་པ་མ་ཡིན་ན་ཅིའི་ཕྱིར་འདི་ནི་རབ་ཏུ་དབྱུང་གི། འདི་ནི་རབ་ཏུ་དབྱུང་བར་མི་རིགས་སོ་ཞེས་སྨྲས། ང་འབའ་ཞིག་ནི་ཆོས་ལ་དབང་མཛད་དེ། ཕ་རོལ་ཏུ་ཕྱིན་པ་དྲུག་གིས་བཏེག་ཅིང་།། བཟོད ་པའི་གོ་ཆ་བགོས་ཏེ་བྱང་ཆུབ་ཀྱི་ཤིང་དྲུང་དུ་རྡོ་རྗེའི་གདན་ལ་བཞུགས་ནས། བདུད་ཀྱི་སྡེ་རྣམས་བཏུལ་ཏེ་མངོན་པར་སངས་རྒྱས་པས་ང་དང་མཉམ་པ་མེད་དོ།། དེ་བས་ན་ཁྱོད་ངའི་ཕྱི་བཞིན ་དུ་ཤོག་ཅིག་རབ་ཏུ་དབྱུང་ངོ་ཞེས། དེ་ལྟར་བཅོམ་ལྡན་འདས་ཀྱིས་ཐབས་རྣམ་པ་སྣ་ཚོགས་ཀྱིས་སྤྲོ་བ་བསྐྱེད་པས། མྱ་ངན་ཀུན་ཞི་ནས་རབ་ཏུ་དགའ་བའི་སེམས་བསྐྱེད་དེ། སངས་རྒྱས་ཀྱི ་ཕྱི་བཞིན་དུ་གཙུག་ལག་ཁང་གི་ནང་དུ་སོང་ངོ་། ། དེ་ནས་བཅོམ་ལྡན་འདས་ཀྱིས་མོའུ་འགལ་ཡན་ཆེན་པོ་ལ། ཁྱིམ་བདག་འདི་ནི་རབ་ཏུ་ཕྱུང་ཞིག་ཅེས་བཀའ་སྩལ་ཏོ།། དེ་ཅིའི་ཕྱིར་ཞེ་ན། ་སེམས་ཅན་ནི་ལས་གང་དང་མཐུན་པ་དེས་འདུལ་བར་འགྱུར་ཏེ། གང་སངས་རྒྱས་དང་ལས་མཐུན་པ་ལ་ནི་གཞན་གྱིས་འདུལ་བར་མི་འགྱུར་རོ།། གང་གཞན་དང་ལས་མཐུན་པ་དེ་ལ ་ཡང་སངས་རྒྱས་ཀྱིས་འདུལ་བར་མི་འགྱུར་ཏེ། གང་ཞིག་ཤཱ་རིའི་བུ་དང་ལས་མཐུན་ན། མོའུ་འགལ་དང་། འོད་སྲུངས་དང་། མ་འགགས་པ་དང་། ན་བུན་ལ་སོགས་པ་ཉེ ་གནས་གཞན་ཐམས་ཅད་ཀྱིས་འདུལ་བར་མི་འགྱུར། དེ་བཞིན་དུ་གང་དང་གང་ལས་མཐུན་པ་དེ་ལ་གཞན་གྱིས་འདུལ་བར་མི་འགྱུར་རོ།། དེའི་ཚེ་མོའུ་འགལ་ཡ་ནས་ཀྱང་ཁྱིམ་བདག ་འདི་ནི་རྒས་འཁོགས་ཏེ། ཁ་ཏོན་སློབ་པ་དང་། བསམ་གཏན་དང་། དགེ་འདུན་གྱི་ལས་བྱེད་མི་ནུས་ཏེ་ལས་བྱས་པ་གསུམ་ལས་ཉམས་སོ་སྙམ་བསམས་ཀྱང་། ཆོས་ཀྱི་རྒྱལ ་པོ་བཅོམ་ལྡན་འདས་ཀྱིས་རབ་ཏུ་ཕྱུང་ཞིག་ཅེས་བཀའ་སྩལ་པས། ཚུལ་གྱིས་བཟློག་ཏུ་མི་རུང་ངོ་སྙམ་བསམས་ནས་རབ་ཏུ་ཕྱུང་སྟེ་བསྙེན་པར་རྫོགས་སོ།། མི་འདིས་ཚེ་རབས་སྔ་མ ་ལ་ཐར་པར་འགྱུར་བའི་རྒྱུ་ཡང་བསྐྱེད། ཆོས་ཀྱི་ལྕགས་ཀྱུས་ཟིན་པ་ནི་ཇི་ལྟར་ཉ་མཆིལ་པ་ལ་ཐོགས་ན། གདོན་མི་ཟ་བར་ཕྱིར་འབྱུང་བ་ལྟར་ཐར་པའི་རྒྱུ་ཡང་བསྐྱེད། དགེ་བའི་ཚོགས ་ཀྱང་བསགས་པས། ཉིན་མཚན་དུ་བརྩོན་འགྲུས་བསྐྱེད་དེ། ཀློག་པ་དང་འདོན་པ་ལ་གོམས་ཤིང་། མདོ་སྡེ་དང་། འདུལ་བ་དང་། ཆོས་མངོན་པ་རྒྱས་པར་ཁོང་དུ་ཆུད་ཅིང ་རྟོགས་པར་གྱུར་ན། རྒས་འཁོགས་པས་ཚུལ་བཞིན་དུ་རིམ་གྲོ་དང་། བསྟི་སྟང་དང་། བསུ་སྐྱེལ་དང་། བླ་བ་ལ་གསོང་པོར་སླ་བ་དང་། ཕྱག་འཚལ་བ་ན། ་མི་ནུས་སོ།། དེ་ལ་དགེ་སློང་གཞོན་ནུ་སྔར་རབ་ཏུ་བྱུང་བ་གྲལ་མཐོ་བ་དག་འདི་སྐད་དུ། དགེ་སློང་རྒན་པོ་འདི་འདོན་པ་དང་། ཀློག་པ་དང་། སློབ་པ་ལ་སྙེམས་ཏེ། བདག་ལ ་ཁ་ཀུར་སྟི་ཡང་མི་བྱེད་དོ་སྙམ་ནས་རྟག་ཏུ་འཚེ་བར་གྱུར་ཏོ། ། དེ་ནས་དགེ་སློང་རྒན་པོ་དེས་འདི་སྙམ་དུ་བསམས་སོ།། བདག་ཁྱིམ་ན་འདུག་པའི་ཚེ་ནི་ཆུང་མ་དང་བུས་གཙེས། ད་རབ ་ཏུ་བྱུང་ནས་དེ་ལྟ་བུའི་བག་མེད་པར་གྱུར་སྙམ་ན། ད་ཡང་དགེ་སློང་གཞོན་ནུ་འདི་དག་གིས་གཙེས་ན། སྔོན་ཉེས་པ་ཅི་ཞིག་བྱས་ཞེས་སྡུག་བསྔལ་གྱིས་གདུངས་ཏེ། བདག་ང་ཤི་ཡང ་རུང་སྙམ་བསམས་ནས། ཚལ་དེའི་འགྲམ་ན་ཆུ་ཆེན་པོ་ཞིག་འབབ་པའི་འགྲམ་དུ་སོང་ནས། ཆོས་གོས་ཕུད་དེ་ཤིང་གི་ཡལ་ག་ལ་བཀལ་ནས་པུས་མོ་ས་ལ་བཙུགས་ཏེ་མཆི་མ་བླགས ་ནས་འདི་སྙམ་དུ་ཡི་དམ་བཅས་སོ། ། བདག་ནི་སངས་རྒྱས་དང་། ཆོས་དང་། དགེ་འདུན་ཡོངས་སུ་སྤོང་བ་མ་ཡིན་གྱི། ལུས་འདི་འབའ་ཞིག་གཏོང་ངོ་།། བདག་གིས་སྦྱིན ་པ་བགྱིས་པ་དང་། ཚུལ་ཁྲིམས་བསྲུངས་པ་དང་། བརྩོན་འགྲུས་བརྩམས་པ་དང་། མདོ་སྡེ་ཁ་ཏོན་བྱས་པའི་བསོད་ནམས་ཀྱིས་བདག་གི་ལུས་འདི་དང་བྲལ་ནས་བཙན་ཞིང་ཕྱག་ལོ ་ལོངས་སྤྱོད་དང་ལྡན་པ་འཁོར་འདུས་པའི་རིགས་སུ་སྐྱེས་ཏེ། བདག་དགེ་བའི་ཆོས་ལ་འཇུག་པའི་བགེགས་མི་བྱེད་པ་དང་། རྟག་ཏུ་དཀོན་མཆོག་གསུམ་དང་ཕྲད་པ་དང་། རབ ་ཏུ་འབྱུང་ཞིང་ཆོས་ལ་ནན་ཏན་དུ་བྱེད་པ་དང་། སློབ་དཔོན་མཁས་པ་དང་ཕྲད་དེ། མྱ་ངན་ལས་འདའ་བ་ཡང་སྟོན་པར་ཤོག་ཅིག་ཅེས་དམ་བཅས་ནས། གང་ན་ཆུ་དྲག་པོ་འབབ ་ཅིང་ཟབ་པ་གློང་འཁྱིལ་པ་དང་དཔའ་རྒོད་པར་མཆོང་བར་གཟས་སོ། ། དེའི་ཚེ་ན་མོའུ་འགལ་གྱིས་ལྷའི་མིག་གིས་བདག་གི་ཉེ་གནས་རྒན་པོ་དེ་ད་ལྟར་ཅི་ཞིག་བྱེད་སྙམ་བལྟས་ན། བདག་གི ་ཉེ་གནས་དེ་ཆུ་ལ་མཆོང་བར་མཐོང་ནས། ཆུར་མ་ཕྱིན་པར་རྫུ་འཕྲུལ་གྱི་མཐུས་བླངས་ནས་འགྲམ་དུ་བཞག་སྟེ། ཆོས་ཀྱི་སྲས་ཁྱོད་ཅི་ཞིག་བྱེད་ཅེས་དྲིས་པ་དང་། རྒན་པོ་ངོ་ཚ་ཞིང ་སྐྱེངས་ནས་ཇི་སྐད་དུ་ལན་གདབ་སྙམ་བསམས་ནས། གལ་ཏེ་བདག་གིས་བརྫུན་བྱས་ཏེ། སློབ་དཔོན་བསླུས་ན་སློབ་དཔོན་བསླུས་པས་སྐྱེ་བ་ཐམས་ཅད་དུ་ལྕེའི་དབང་པོ་མེད་པའི་ཁ ་ནོ་མ་ཐོ་བ་དང་བཅས་པར་འགྱུར་རོ། ། ཇི་སྟེ་བདག་གིས་རྫུན་དུ་སྨྲས་ན་ཡང་སློབ་དཔོན་ལ་མངོན་པར་ཤེས་པ་མངའ་བས་རྟོགས་པར་འགྱུར་རོ།། གང་འཇིག་རྟེན་ན་མཁས་པའི་ཤེས ་རབ་དང་ལྡན་ལ་རང་བཞིན་གྱིས་དྲང་ལ་གཡོ་སྒྱུ་མེད་ན་ལྷ་རྣམས་ཀྱིས་བཀུར་བར་འགྱུར་རོ། ། མཁས་པའི་ཤེས་རབ་དང་ལྡན་པ་གཡོ་སྒྱུ་ཞིག་ཡོད་ན་ཡང་གཞན་གྱི་སློབ་དཔོན་དུ་མི ་རུང་སྟེ་མི་བཀུར་བར་འགྱུར་རོ། ། གལ་ཏེ་ཤེས་པ་མེད་ཀྱང་གཡོ་སྒྱུ་མེད་དེ་དྲང་ན། གཞན་གྱི་དོན་བྱེད་མི་ནུས་ཀྱང་བདག་གི་དོན་བྱེད་པར་འགྱུར་རོ།། གལ ་ཏེ་གླེན་པ་གཏི་མུག་ཅན་ཡང་ཡིན་ལ་གཡོ་སྒྱུ་ཡོད་ན་ཐམས་ཅད་ཀྱི་དགྲ་མ་རུངས་པ་ཡིན་ཏེ། ཅི་སྨྲས་ཀྱང་འདི་ནི་བརྫུན་དུ་སྨྲ་བ་སྟེ་སླུ་བ་ཡིན་ནོ་ཞེས་ཟེར་རོ།། གལ་ཏེ་ཚིག་བདེན་པ་ཞིག ་སྨྲས་ན་ཡང་ཀུན་གྱིས་ཡིད་མི་ཆེས་ཏེ། དེ་བས་ན་བདག་གིས་སློབ་དཔོན་ལ་བརྫུན་དུ་སྨྲས་ཏེ་བསླུས་ན་མི་རིགས་མི་ག་ཤས་གང་བངན་པ་སྨྲའོ་སྙམ་བསམས་ནས། སློབ་དཔོན་ལ་འདི ་སྐད་ཅེས་སྨྲས་སོ། ། བདག་ཁྱིམ་གྱིས་སྐྱོ་སྟེ། ཁྱིམ་མ་ཡིན་པར་རབ་ཏུ་བྱུང་ནས་དབེན་པ་ཞི་བར་འཚལ་ན། ད་ཡང་མི་བདེ་བར་གྱུར་ནས་བདག་འགུམ་སྙམ་མོ།། མོའུ་འགལ ་གྱིས་དེ་སྐད་ཅེས་སྨྲས་པ་ཐོས་ནས། འདི་ལ་ནི་སྐྱེ་བ་དང་ཤི་བའི་འཇིགས་པ་ཞིག་གིས་མ་བསྡིགས་ན། རབ་ཏུ་བྱུང་བའི་དོན་མེད་པར་འགྱུར་རོ་སྙམ་བསམས་ནས། དེ་ལ་ངའི་ཆོས་གོས ་ཀྱི་མཐའ་མ་འདི་ལ་དམ་དུ་ཟུང་ལ་མ་བཏང་ཞིག་ཅེས་སྨྲས་ནས། སྟེང་གི་ནམ་མཁའ་ལ་འཕགས་པ་ནི་རླུང་གིས་སྐུར་མ་བུས་པ་ལྟར་རྫུ་འཕྲུལ་གྱིས་ལག་ན་སྤུ་ཉག་མ་གཅིག་ཙམ་ཁྱེར་བ་དང ་འདྲ་བར་ཡིད་བཞིན་དུ་ཕྱིན་ཏོ། ། གཞན་ཡང་བྱ་ཁྲས་བྱེའུ་ཕྲུག་ཁྱེར་བ་ལྟར་མོའུ་འགལ་གྱི་བུ་རྫུ་འཕྲུལ་གྱིས་ནམ་མཁའ་ལ་འཕགས་ནས། སྐྱེས་བུས་ལག་ངར་བསྐུམ་པ་ལས་བརྐྱང་བ ་ཙམ་གྱིས་རྒྱ་མཚོའི་འགྲམ་དུ་ཕྱིན་ཏོ། ། རྒྱ་མཚོའི་འགྲམ་དེ་ན་བུད་མེད་ཚེ་འཕོས་མ་ཐག་པ་རོ་ཤིན་ཏུ་མཛེས་པ། བཟང་བ། མངའ་བྱང་ལེགས་པ་མཚན་དང་ལྡན་པ་ལ། སྦྲུལ ་ཞིག་ཁའི་ནང་དུ་ཞུགས་ནས་སྣའི་ནང་ནས་བྱུང་། མིག་གི་ནང་ནས་ཞུགས་ནས་རྣ་བའི་ནང་དུ་བྱུང་བ། མོའུ་འགལ་གྱིས་རབ་ཏུ་བརྟགས་ནས་སོང་ངོ་།། དགེ་སློང་དཔལ་སྐྱེས་ཀྱིས ་བུད་མེད་འདི་ལྟ་བུ་མཚན་དང་ལྡན་པ་སུ་ཡིན་ཞེས་ཞུས་ན། ནམ་དུས་ལ་བབ་ན་བསྟན་ཏོ་ཞེས་སྨྲས་ཏེ་ཡང་སོང་བ་དང་། བུད་མེད་གཅིག་ཅིག་ཟངས་པོ་ཆེ་ཞིག་བཙུགས་ཏེ་ཟངས་ཀྱི ་ནང་དུ་ཆུ་བླུག་ནས། འོག་ཏུ་མེ་བོ་ཆེ་བུས་ཏེ་ཆུ་ཁོལ་བ་དང་གོས་ཕུད་ནས་ནང་དུ་ཞུགས་ཏེ། དེ་མ་ཐག་ཏུ་སྐྲ་དང་སྤུ་ཀུན་བྱི་ནས། ཤ་ཡང་ཚོས་ཏེ་རུས་པ་ཡང་བྱེ་ནས་ཆུ་ལུད་པས་རུས་པ ་རྣམས་ཕྱིར་བྱུང་ངོ་། ། རུས་པ་དེ་དག་རླུང་གིས་བུས་པ་དེ་མ་ཐག་ཏུ་མི་ཞིག་ཏུ་གྱུར་ནས་ཟངས་ཀྱི་ནང་ནས་ཤ་ཕྱུང་སྟེ་ཟ་བ་ཞིག་མཐོང་ངོ་།། དགེ་སློང་དཔལ་སྐྱེས་སྐྲག་སྟེ་བ་སྤུ་ཡང་ལངས ་ནས་སློབ་དཔོན་ལ་ཤ་ཟ་བ་འདི་སུ་ཡིན་ཞེས་ཞུས་ན། མོའུ་འགལ་གྱིས་དུས་ལ་བབ་ན་བསྟན་ཏོ་ཞེས་སྨྲས་པ་དང་། ཡང་སོང་སོང་བ་ལས། ཤིང་ཆེན་པོ་ཞིག་ལ་ལོ་མ་དང་ཡལ་གའི ་བར་དུ་ཁབ་ཀྱི་རྩེ་མོ་ཙམ་གཟུགས་པའི་ས་སྟོང་པ་ཙམ་ཡང་མེད་པར་སྲིན་བུ་མང་པོ་ཟ་བ་ལ། སྐད་ཆེན་པོར་ངུ་ཞིང་འབོད་པའི་སྒྲ་ཀུན་ཏུ་གྲགས་པ་སེམས་ཅན་དམྱལ་བའི་སྒྲ་འདྲ་བ་ཞིག་ཐོས ་ནས་འདི་ལྟ་བུའི་སྒྲ་མི་སྙན་པ་སུའི་ལགས་ཞེས་ཞུས་ནས། མོའུ་འགལ་གྱིས་དུས་ལ་བབ་ན་བསྟན་ཏོ་ཞེས་སྨྲས་སོ།། དེ་ནས་ཡང་མིའི་ལུས་ལ་གཅན་གཟན ་གྱི་མགོ་ཅན་དུ་འདུག་པའི་ཡི་དགས་མང་པོས་མི་ཞིག་ལ་འཁོར་བར་བསྐོར་ཏེ། ལག་ན་མདའ་གཞུ་ཐོགས་ཤིང་མདའ་དེ་ལ་མེ་འབར་བཞིན་དུ་ཀུན་གྱིས་མདིལ་མདབ་འཕངས་ནས་གཅིག་ཏུ་འབར ་པར་མཐོང་སྟེ། འདི་ལྟ་བུའི་སྡུག་བསྔལ་མི་ཟད་པ་མྱོང་བར་ཡང་འབྲོས་པའི་གནས་མེད་པ་འདི་སུ་ལགས་ཞེས་ཞུས་ན། སློབ་དཔོན་གྱིས་རེ་ཞིག་སྡོད་ཅིག་དུས་ལ་བབ་ན་བསྟན་ཏོ་ཞེས ་བསྒོའོ། ། དེ་ནས་ཡང་སོང་སེང་བ་ལས། རིང་ཞིག་ལོན་པ་དང་། རི་ཆེན་པོ་ཞིག་གི་དྲུང་ན་རལ་གྲི་མཚོན་རྣོན་པོ་སོ་གྱེན་དུ་གཏམས་ཏེ་བཙུགས་པ་ལ། མི་ཞིག་རིའི་རྩེ་མོ་ནས ་ཐུར་དུ་རྒྱུགས་ཏེ། རལ་གྲི་དང་མཚོན་གྱིས་ཟུག་ཅིང་རལ་ནས་ཕྱིར་ཡང་རལ་གྲི་དང་མཚོན་ས་ལ་བཙུགས་ཏེ། དེ་བཞིན་དུ་མི་ངལ་བར་རྒྱུག་པ་མཐོང་ནས། འདི་ལྟ་བུ་སུ་ལགས ་ཞེས་ཞུས་ནས། སློབ་དཔོན་གྱིས་དུས་ལ་བབ་ན་བསྟན་ཏོ་ཞེས་བསྒོའོ།། དེ་ནས་ཡང་སོང་སོང་བ་ལས། རུས་པའི་རི་ཆེན་པོ་མཐོ་ཁྱད་དཔག་ཚད་བདུན་བརྒྱ་པ་ཉི་མ་ཡང་བསྒྲིབ ་ཅིང་རྒྱ་མཚོ་ཡང་གྲིབ་མས་མུན་པར་གྱུར་པ་དེ་ལ། མོའུ་འགལ་འཛེགས་ཏེ་རྩི་བ་རུས་གཅིག་གི་སྟེང་ནས་ཕན་ཚུན་དུ་འགྲོ་བའི་ཕྱི་བཞིན་དུ་བདག་ཀྱང་སོང་བ་མཐོང་ནས་འདི་སྙམ་དུ་བསམས ་སོ། ། བདག་ནི་སློབ་དཔོན་དང་དེའུ་རེ་བྲལ་གྱིས། སྔར་མཐོང་བའི་དངོས་པོ་དེ་དག་ཞུའོ་སྙམ་བསམ་ནས། སློབ་དཔོན་ལ་བདག་གིས་སྔར་མཐོང་བའི་དངོས་པོ་དེ་དག་བསྟན་དུ ་གསོལ་ཞེས་ཞུས་པ་དང་། མོའུ་བགལ་གྱིས་ཀྱང་ད་དུས་ལ་བབ་ཀྱིས་ཁྱོད་ལ་བསྟན་ཏོ།། སྔར་མཐོང་བའི་བུད་མེད་དེ་ཤེས་པར་འདོད་ན། དེ་ནི་རྒྱལ་པོའི་ཁབ་ན་སར་ཕག་ཆེན་པོ། ་ཞེས་བྱ་བའི་ཆུང་མ་ཡིན་ཏེ། བྱད་བཞིན་བཟང་བས་ཁྱིམ་ཐབ་ཀྱང་ལྷག་པར་བྱམས་སོ།། དེའི་ཚེ་ན་སར་ཕག་དེ་རྒྱ་མཚོར་འཇུག་པ་ལས་ཆུང་མ་གཏོང་མ་ཕོད་ནས་ཆུང་མ་ཡང་ཁྲིད་དེ་ཚེ།། ་པ་ལྔ་བརྒྱ་ཙམ་དང་རྒྱ་མཚོར་ཞུགས་ནས། དེའི་ཆུང་མ་རྟག་ཏུ་ཤིང་གསུམ་མགོ་བསྡུས་ཏེ་མདུང་ཁྱིམ་ལྟར་བྱས་ནས་དེ་ལ་མེ་ལོང་བཞག་སྟེ། མེ་ལོང་ལ་ལྟ་བ་ན་བདག་གིས་བྱད་བཞིན ་བཟང་བར་མཐོང་ནས་ཤིན་ཏུ་ཆགས་པ་སྐྱེས་སོ། ། དེའི་ཚེ་ན་རྒྱ་མཚོའི་ནང་ནས་རུས་སྦལ་ཆེན་པོ་ཞིག་གིས་གྲུ་བརྫིས་ནས་གྲུ་ཞིག་སྟེ། ཚོང་པ་ལྔ་བརྒྱ་ཙམ་དང་ཐམས་ཅད་ཚེའི་དུས་བྱས ་སོ། ། རྒྱ་མཚོའི་ཆོས་ཉིད་ཀྱིས་རོ་ཞག་ཏུ་ལོན་པར་མི་གནས་པས་ཆུས་ཕུལ་ཏེ་རྒྱ་མཚོའི་འགྲམ་དུ་ཕྱིན་ཏོ།། སེམས་ཅན་དག་ནི་ཚེའི་དུས་བྱེད་པ་ན་ཅི་ལ་ཆགས་པ་དེར་སྐྱེ་བར་འགྱུར་རོ།། ་འོ་ན་སུ་ཞིག་སེམས་ཅན་དམྱལ་བར་སྐྱེ་བར་དགའ་ན། སེམས་ཅན་དམྱལ་བར་མང་དུ་སྐྱེས་པར་གྱུར། སྤྲས་པ། སེམས་ཅན་གང་དཀོན་མཆོག་གསུམ་གྱི་ནོར་རྐུས་སམ། ཕ་མའི ་ལོངས་སྤྱོད་རྐུས་སམ། མིའི་སྲོག་གཅོད་པའི་ཁ་ན་མ་ཐོ་བ་ཆེན་པོ་བྱས་ན། ཤིན་ཏུ་འབར་བའི་སེམས་ཅན་དམྱལ་བར་ལྟུང་བར་འགྱུར་ཏེ། མི་དེ་རླུང ་ངམ་གྲང་ནད་ཀྱིས་གཟིར་བས་ཡིད་ལ་མེ་འདོད་པར་བསམས་སོ། ། མེའི་ནང་དུ་འགྲོ་བར་བསམས་མ་ཐག་ཏུ་ཚེའི་དུས་བྱས་ནས། ཤིན་ཏུ་འབར་བའི་སེམས་ཅན་དམྱལ་བར་འགྲོའོ།། ་དེ་ལ་གང་སངས་རྒྱས་ལ་ཕུལ་བའི་མར་མེ་འམ། རིན་པོ་ཆེ་རྐུས་སམ། དགེ་འདུན་གྱི་སྒྲོན་མ་འམ། ཤིང་རྐུས་སམ། དགེ་འདུན་གྱི་གནས་ཁང་བཤིག་གམ། ཆོས་འཆང ་པའི་འདུན་ཁང་བཤིག་གམ། དགུ་ན་གྲང་བའི་དུས་སུ་ཕ་རོལ་པོའི་གོས་འཕྲོགས་སམ། མཐུ་ཡོད་པས་ལྷགས་པའི་ནང་དུ་བྲན་པ་འམ། བྲན་མོ་འམ། མི་གཞན་གྱི་གོས ་འཕྲོགས་ཏེ་ཆུ་བླུགས་སམ། གཞན་གྱི་གོས་བཤུས་ཤིང་འཕྲོགས་ན། ཁ་ན་མ་ཐོ་བའི་ལས་ཀྱི་སྡིག་པ་འདིས་ཆབ་བྲོན་གྱི་སེམས་ཅན་དམྱལ་བར་ལྟུང་སྟེ། མི་དེ་ཚ་བའི ་ནད་ཀྱིས་གཟིར་ཏེ་རྟག་ཏུ་བསིལ་ཞིང་གྲང་བའི་གནས་སེམས་ཏེ། གྲང་བར་འདོད་པས་དུས་བྱས་མ་ཐག་ཏུ་སེམས་ཅན་དམྱལ་བ་དེར་སྐྱེས་ཏེ། ཨུཏྤ་ལ་དང་། པདྨོ་དང ་ཀུ་མུ་ཏ་དང་། པུན་དར་ཀའི་སེམས་ཅན་དམྱལ་བ་ཡང་དེ་དང་འདྲའོ།། གྲང་བའི་སེམས་ཅན་དམྱལ་བ་ན་སྡུག་བསྔལ་མྱོང་བ་ནི། ལུས་ཀྱི་ཤ་ཀུན་ཁམ་ཚང་ཁམ་ཚང་དུ་ཡོས་རྗེ ་བ་ལྟར་ཆད་ཅིང་གས་ནས། མགོ་དང་རུས་པ་ཡང་དུམ་དུ་བརྒྱ་སྟོང་དུ་ཆད་ཅིང་གས་པར་འགྱུར་རོ།། སེམས་ཅན་གང་སེར་སྣ་བྱེད་ཅིང་གཞན་གྱི་འཚོ་བ་བཅད་དེ་ལྟོགས་སུ་བོར་བ་དང་། ་ཁ་ཟས་དུས་བཞིན་མི་སྟེར་ན་ཡི་དགས་ཀྱི་ཁམས་སུ་ལྟུང་སྟེ། མི་དེ་ཁ་ཟས་མི་ཆུད་ཅིང་སྐྱུག་བྲོ་བའི་ནད་ཀྱིས་བཏབ་ན། ནད་གཡོག་གམ་བཤེས་གཉེན་གྱིས་ཁ་ཟས་རྣམ་པ་མང་པོ་དང ་སྦྱར་ཏེ་འདི་ནི་མངར་རོ། ། འདི་ནི་སྦྱར་རོ།། འདི་ནི་བསོད་པའོ།། འདི་ནི་འཇུ་སླ་བའོ་ཞེས་ནན་གྱིས་བསྟབ་ན། ནད་པ་དེ་ཁྲོས་ཏེ་བདག་ཁ་ཟས་འདི་མིག་གིས་མི་མཐོང་བའི་དུས་ཡོད ་དམ་སྙམ་པསམས་ནས། དེ་ཚེའི་དུས་བྱས་མ་ཐག་ཏུ་ཡི་དགས་ཀྱི་ཁམས་སུ་ལྟུང་ངོ་།། སེམས་ཅན་གང་གླེན་པ་གཏི་མུག་ཅན། དཀོན་མཆོག་གསུམ་ལ་མ་དད་པ། འཕགས་པ་ལ ་སྐུར་པ་འདེབས་པ་ནི་དུད་འགྲོའི་སྐྱེ་གནས་སུ་སྐྱེས་ཏེ། དེ་ཡང་ནད་ཀྱིས་གཟིར་བ་ན་སྐུར་ཏེ་ཉལ་ནི་ཤེས་ཀྱི། འཕྲེས་ཏེ་ཉལ་མི་ཤེས་ལ། དགེ་བའི་ཕྱོགས་གཏམ་སྙན་པ་ཐོས་མི་འདོད། ་ན་ནད་གཡོག་གིས་ཀྱང་གདོན་མི་ཟ་བར་ཚེ་འཕོ་བར་ཤེས་པ་ན། ནད་གཡོག་གིས་ཀྱང་ཁྱེད་ཆོས་ཉོན་ཅིག། ཁྲིམས་ཀྱང་ནོས་ཤིག། སྐུ་གཟུགས་དང་དགེ་སློང་དག་ཀྱང་མཐོང་བར ་བྱས་ལ་དེ་ལ་སྦྱིན་པ་ཡང་བྱོས་ཤིག་ཅེས་བསྐུལ་ན། དེ་ལ་མ་དང་མི་དགའ་སྟེ། ནན་གྱིས་བསྐུལ་མ་བཏབ་པ་དང་། དེ་ཁྲོས་ནས་བདག་དཀོན་མཆོག་གསུམ་དང་དགེ་བའི་མིང ་ཡང་མི་ཐོས་པ་ཞིག་ཏུ་སོང་ན་ཅི་མ་རུང་ཞེས་སྨྲས་ནས། ཚེའི་དུས་བྱས་མ་ཐག་ཏུ་དུད་འགྲོའི་སྐྱེ་གནས་སུ་སྐྱེའོ།། དེ་ལ་གང་ལྷ་དང་མིའི་རྒྱུར་གྱུར་པའི་དགེ ་ཕྱོགས་ལ་བརྩོན་པ་དེ་ནི་ནད་ཀྱིས་ཀྱང་ཤིན་ཏུ་གདུངས་པར་མི་འགྱུར་ཏེ། ཚེའི་དུས་བྱེད་པ་ན་སེམས་ཀྱང་མི་འཁྲུག་གི། ནད་གཡོག་དང་བཤེས་གཉེན་གྱིས་འཆི་བར་རྟོགས་ནས། ཁྱོད ་དམ་པའི་ཆོས་ཐོས་འདོད་དམ། སྐུ་གཟུགས་མཐོང་བར་འདོད་དམ། དགེ་སློང་དག་ལས་མདོ་སྡེ་དང་ཚིགས་སུ་བཅད་པ་དག་ཉན་པར་འདོད་དམ། ཁྱོད་ཚུལ་ཁྲིམས་ནོད་པར་དགའ་འམ། ་སངས་རྒྱས་དང་དགེ་འདུན་ལ་ལོངས་སྤྱོད་འབུལ་བར་དད་དམ་ཞེས་བསྐུལ་ན། དེ་དག་ཀུན་ལ་དད་དོ་ཞེས་ཟེར་རོ།། གཞན་ཡང་སངས་རྒྱས་ཀྱི་སྐུ་གཟུགས་ལ་ཡོན་ཕུལ་ན་འཚང་རྒྱ་བར ་འགྱུར་རོ། ། ཆོས་ལ་མཆོད་ཅིང་ལོངས་སྤྱོད་ཕུལ་ན། གང་ནས་གང་དུ་སྐྱེ་བའི་གནས་ཐམས་ཅད་དུ་ཤེས་རབ་དང་ལྡན་ཏེ། ཆོས་ཀྱི་མཚན་ཉིད་ཁོང་དུ་ཆུད་ཅིང་རྟོགས་པར་འགྱུར་རོ།། ་དགེ་འདུན་ལ་ལོངས་སྤྱོད་ཀྱི་སྦྱིན་པ་བྱས་ན། གང་ནས་གང་དུ་སྐྱེས་ཀྱང་རིན་པོ་ཆེ་དང་ལོངས་སྤྱོད་ཆེན་པོ་དང་། ཡིད་བཞིན་དུ་ལྡན་པར་འགྱུར་ཞེས་ནད་པ་ལ་གཏམ་བྱས་ན། ནང ་པ་རབ་ཏུ་དགའ་མགུ་རེངས་ཏེ། བདག་སྐྱེ་བ་ཐམས་ཅད་དུ་དཀོན་མཆོག་གསུམ་དང་ཕྲད་ཅིང་ཆོས་ཐོས་པ་དང་། ཆོས་ཐོས་ནས་ཀྱང་ཁོང་དུ་ཆུད་ཅིང་རྟོགས་པར་གྱུར་ཅིག་ཅེས་སྨོན ་ལམ་བཏབ་ནས་ཚེའི་དུས་བྱེད་དེ་མིའི་ནང་དུ་སྐྱེའོ། ། གང་ཞིག་ལྷར་སྐྱེ་བའི་རྒྱུར་འགྱུར་བའི་དགེ་བའི་ཕྱོགས་རྒྱ་ཆེར་བསྐྱེད་པ། སྦྱིན་པ་དང་ཚུལ་ཁྲིམས་རྣམ་པར་དག་པ། ཆོས་ཉན། ་པར་དགའ་བ་དགེ་བ་བཅུ་སྤྱོད་པའི་གང་ཟག་དེ་ནི་དུས་བྱེད་པ་ན་བདེ་བར་ཉལ་བཞིན་དུ་སངས་རྒྱས་ཀྱི་སྐུ་གཟུགས་དང་། ལྷའི་ཕོ་བྲང་དང་། ལྷའི་བུ་མོ་དག་མཐོང་ཞིང་ལྷའི་རོལ་མོ་དག ་ཐོས་ཏེ་མདངས་ཤིན་ཏུ་བཟང་བ་དང་ལག་པ་གྱེན་དུ་འདེགས་པ་ནི། ཚེའི་དུས་བྱས་ནས་མཐོ་རིས་ལྷའི་ནང་དུ་སྐྱེའོ།། ཁྱིམ་བདག་སར་ཕག་གི་ཆུང་མ་དེ་བདག་གི་ལུས་ལ་ཆགས ་པས་ཚེའི་དུས་བྱས་མ་ཐག་ཏུ་ཕྱིར་ཡང་བུད་མེད་ཀྱི་ལུས་དེ་ལ་སྦྲུལ་དུ་སྐྱེས་ཏེ། སྦྲུལ་དེ་ལས་ཚེའི་དུས་བྱས་ནས་སེམས་ཅན་དམྱལ་བ་ཆེན་པོ་སྡུག་བསྔལ་དཔག་ཏུ་མེད་པ་མྱོང་བར ་འགྱུར་རོ། ། དགེ་སློང་དེས་ཡང་སློབ་དཔོན་ལ་གསོལ་པ། བདག་གི་ཤི་ལ་ཟ་བའི་བུད་མེད་དེ་སུ་ལགས། མོའུ་འགལ་གྱིས་སྨྲས་པ། མཉན་དུ་ཡོད་པ་ན་དགེ་བསྙེན་མ་ཞིག ་ལ་བྲན་མོ་ཞིག་ཡོད་དོ། ། དགེ་བསྙེན་མ་དེས་ཚུལ་ཁྲིམས་རྣམ་པར་དག་པའི་དགེ་སློང་ཞིག། དབྱར་ཟླ་བ་གསུམ་མཆོད་པ་འབུལ་བར་སྤྱན་དྲངས་ནས་ཕྱོགས་གཅིག་ཏུ་གནས་ཁང ་བྱས་ཏེ་བཞག་ནས། ཉིན་གཅིག་བཞིན་དུ་ཁ་ཟས་རོ་བརྒྱ་དང་དྲི་བསུང་དུ་ལྡན་པ་སྣ་ཚོགས་སྦྱར་ཏོ།། དྲོ་ཁར་དུས་སུ་བྲན་མོ་དེ་སྐྱེལ་དུ་བཏང་ངོ་།། བྲན་མོ་དེས་དབེན་པར་ཕྱིན་པ་དང ་ཞིམ་པོ་རྣམས་ཟོས་ནས། ལྷག་མ་དགེ་སློང་དེ་ལ་ཕུལ་ལོ།། བྱིས་དགེ་བསྙེན་མས་བྲན་མོ་དེ་མདོག་བཟང་ཞིང་ཤ་སྐྱེས་པར་མཐོང་ནས། བྲན་མོ་ལ ་ཁྱོད་དགེ་སློང་ལ་འབུལ་བའི་ཁ་ཟས་ལྷག་མར་མ་བྱས་སམ་ཞེས་དྲིས་ན། ཇོ་མོ་བདག་ལ་ཡང་དད་པའི་ཤས་ཅུང་ཟད་ཅིག་མཆིས་ཏེ། ངན་པར་བལྟ་བ་ནི་མ་ལགས་ན། ཅིའི་སླད ་དུ་དགེ་སློང་ལ་འབུལ་བའི་ཁ་ཟས་ལྷག་མར་བགྱིད། དགེ་སློང་གིས་མ་ཡོག་པའི་ལྷག་མ་བདག་ལ་སྩལ་བ་འཚལ་ཏོ།། ཇི་སྟེ་བདག་གིས་འཚལ་བར་གྱུར་ན། བདག་གར་སྐྱེ ་གར་སྐྱེས་ཀྱང་བདག་གི་ཤ་ལ་བདག་ཟ་བར་ཤོག་ཅིག་ཅེས་སྨྲས་པ་དེའི་རྒྱུ་དེའི་རྐྱེན་གྱིས། སྔར་རྣམ་པར་སྨིན་པ་མི་བཟད་པ་འདི་མྱོང་ནས་སེམས་ཅན་དམྱལ་བ་ཆེན་པོར་དཔག་ཏུ་མེད ་པའི་སྡུག་བསྔལ་གདོད་མྱོང་བར་འགྱུར་རོ། ། དགེ་སློང་དེས་གསོལ་པ། ཤིང་ཆེན་པོ་ལ་སྲིན་བུ་མང་པོ་ཟ་ཞིང་མི་སྙན་པའི་སྒྲ་ཆེན་པོ་གྲག་པ་དེ་སུ་ཞིག་ལགས། སྤྲས་པ། ལི ་ཏ་ཞེས་བྱ་བ་དགེ་འདུན་གྱི་ལས་བྱེད་པའི་དགེ་སློང་དེ་ཡིན་ཏེ། དགེ་འདུན་གྱི་དཀོར་ལ་སྤྱོད་ཅིང་། མེ་ཏོག་དང་། འབྲས་བུ་དང་། བཟའ་བ་དང་། བཏུང་བ་དག་ཁྱིམ་པའི ་ཕྱོགས་ལ་བྱིན་པས། རྣམ་པར་སྨིན་པ་མི་བཟད་པ་འདི་མྱོང་ནས། ཚེའི་དུས་བྱས་མ་ཐག་ཏུ་སེམས་ཅན་དམྱལ་བ་ཆེན་པོར་སྐྱེས་ཏེ། ཤིང་ལ་ཟ་བའི་སྲིན་བུ་དེ་དག་ནི་དགེ་སློང ་གིས་བྱིན་པ་ཐོབ་པའི་མི་རྣམས་ཡིན་ནོ། ། དགེ་སློང་དེས་ཡང་གསོལ་པ། མི་ཞིག་ལ་མི་མང་པོས་བསྐོར་ཏེ་མདས་བཙགས་ནས་ལུས་གཅིག་ཏུ་འབར་བ་དེ་སུ་ལགས། མོའུ ་འགལ་གྱིས་སྨྲས་པ། མི་སྔོན་རྔོན་པ་བྱེད་བྱེད་དེ་རི་དགས་མང་དུ་བསད་པས་སྡུག་བསྔལ་འདི་ལྟ་བུ་མྱོང་བར་གྱུར་ཏེ། དེ་ནས་ཚེ་འཕོས་ནས་སེམས་ཅན་དམྱལ་བ་ཆེན་པོར་སྐྱེས་ཏེ། དེ ་ལས་ཐར་པའི་དུས་ཤིན་ཏུ་དཀའ་འོ། ། དགེ་སློང་གིས་ཡང་གསོལ་པ། རི་ཆེན་པོ་ལས་རལ་གྲི་དང་མཚོན་ཁར་རྒྱུག་པ་དེ་སུ་ལགས། མོའུ་འགལ་གྱིས་སྤྲས་པ། རྒྱལ་པོའི་བློན ་པོ་ཤིན་ཏུ་དཔའ་བ་ཡིན་ཏེ། རེ་ཞིག་མཚོན་རྣོན་པོ་དང་། རལ་གྲི་དང་། མདུང་དང་། ཤ་ག་ཏིའི་ཁར་རྒྱུག་སྟེ། དེ་ནས་ཚེ་འཕོས་ནས་སེམས་ཅན་དམྱལ་བ་ཆེན་པོར་སྡུག་བསྔལ ་ཡུན་རིང་པོར་མྱོང་བར་འགྱུར་རོ། ། དགེ་སློང་དེས་ཡང་གསོལ་པ། རུས་པའི་རི་ཆེན་པོ་དེ་སུའི་ལགས། མོའུ་འགལ་གྱིས་སྨྲས་པ། ཁྱོད་ཤེས་པར་འདོད་ན་དེ་ནི ་ཁྱོད་ཀྱི་ལུས་སྔ་མའི་རུས་པ་ཡིན་ནོ། ། དགེ་སློང་གིས་དེ་སྐད་ཅེས་ཐོས་ནས་ཤིན་ཏུ་སྐྲག་སྟེ་བ་སྤུ་ཀུན་ལངས་ནས་རྡུལ་ཡང་བྱུང་སྟེ། སློབ་དཔོན་ལ་སྨྲས་པ། བདག་གི་སྙིང་མ་གས ་པར་སྔོན་གྱི་ལས་ཀྱི་རྒྱུ་དང་རྐྱེན་བསྟན་དུ་གསོལ། མེའུ་འགལ་གྱིས་སྨྲས་པ། སྐྱེ་ཤིར་འཁོར་བ་ནི་མཐའ་དང་མུ་མེད་དེ། དགེ་སྡིག་ལས་ཀྱང་ཞིག་ཅིང་མེད་པར་མི་འགྱུར་བས་ལས ་ཅི་དང་ཅི་བྱས་པ་རྣམ་པར་སྨིན་པ་ཡང་དེ་དང་དེ་དག་གདོན་མི་ཟ་བར་མྱོང་བར་འགྱུར་རོ། ། སྔོན་འདས་པའི་དུས་ན་འཛམ་བུའི་གླིང་འདིར། རྒྱལ་པོ་ཆོས་ཀྱིས ་འཕགས་ཞེས་བྱ་བ་ཞིག་ཡོད་དེ། སྦྱིན་པ་དང་ཚུལ་ཁྲིམས་ལ་དགའ་བ། ཆོས་ཉན་པར་མོས་པ། ཤིན་ཏུ་སྙིང་རྗེའི་སེམས་དང་ལྡན་པ། རང་བཞིན་གྱིས་མི་གཏུམ་པ། ་སེམས་ཅན་གྱི་སྲོག་མི་གཅོད་པ། རྒྱལ་པོའི་མཚན་དང་ལྡན་པ། དམ་པའི་ཆོས་ཀྱི་སྲིད་ཀྱིས་འཚོ་བ། ལོ་ཉི་ཤུ་ཙམ་ལོན་པ་དང་ངལ་བ་ཞིག་གི་སྐབས་སུ་མི་དང་མིག་མངས་ཞིག ་རྩེ་བ་ལས། མི་ཞིག་ལ་ཉེས་པ་ཆེན་པོ་བྱུང་ནས། བློན་པོ་རྣམས་ཀྱིས་མི་ཞིག་ཁྲིམས་ལས་འགལ་བའི་ཉེས་པ་ཆེན་པོ་བགྱིས་ན། ཇི་ལྟར་བགྱི་ཞེས་གསོལ་པ། རྒྱལ་པོ་མིག ་མངས་ལ་ཡེངས་པས། རྒྱལ་པོས་ཁྲིམས་བཞིན་དུ་གྱིས་ཤིག་ཅེས་བསྒོ་ནས། བློན་པོ་རྣམས་ཀྱིས་ཁྲིམས་དང་སྦྱར་ན་བསད་པ་ལ་ཐུག་པས་མི་བསད་ངོ་།། རྒྱལ་པོས་མིག་མངས ་རྩེ་བ་ཟིན་ནས་བློན་པོ་ལ་ཉེས་པ་བྱེད་པའི་མི་དེ་ག་རེ་ཞལ་ཆེ་བཅད་དོ་ཞེས་བྱས་ན། བློན་པོ་རྣམས་ཀྱིས་བདག་ཅག་གིས་ཁྲིམས་དང་སྦྱར་ཏེ་བཀུམ་ལགས་སོ་ཞེས་སྨྲས་སོ།། རྒྱལ་པོས ་དེ་སྐད་ཅེས་སྨྲས་པ་ཐོས་ནས། འཁམས་ཏེ་ས་ལ་འགྱེལ་བ་དང་། བློན་པོ་རྣམས་ཀྱིས་ཆུས་བཏབ་ནས་ཕྱིར་ལངས་ནས་མཆི་མ་བླགས་ཏེ་འདི་སྐད་ཅེས་སྨྲས་སོ།། ཕོ་བྲང་གི་སླས ་དང་གླང་པོ་ཆེ་དང་། རྟ་དང་། རིན་པོ་ཆེ་སྣ་བདུན་ལ་སོགས་པ་ཐམས་ཅད་ནི་འདིར་ལུས་ཀྱི། ང་འབའ་ཞིག་སེམས་ཅན་དམྱལ་བར་སྡུག་བསྔལ་མྱོང་བར་འོང་བ་ལྟ། བདག ་རྒྱལ་པོ་མ་བྱས་པའི་ཚེ་ན་ཡང་ཕོ་བྲང་འདི་ན་རྒྱལ་པོའི་སྲིད་འཚོ་ཞིང་བཞུགས་བཞུགས། བདག་རིང་པོར་མི་ཐོགས་པ་ཤི་ན་ཡང་དེ་བཞིན་དུ་རྒྱལ་པོའི་སྲིད་འཚོ་བར་འགྱུར་ཏེ། བདག་ནི ་མི་བསད་པས་ན་རིགས་ངན་གྱི་རྒྱལ་པོ་ཡིན་ཏེ། སྐྱེ་བ་ཐམས་ཅད་དུ་བདག་གར་འགྲོ་བར་འགྱུར། ད་ནི་རྒྱལ་པོ་ཡང་མི་འདོད་དོ་ཞེས་སྨྲས་ནས། རྒྱལ་པོའི་ཐབས་བཏང་སྟེ་རི་ལ ་བདག་བསྲུང་ཞིང་འདུག་པ་ལས། རྒྱལ་པོ་དེ་ཚེའི་དུས་བྱས་ནས་རྒྱ་མཚོ་ཆེན་པོར་ཆུ་སྲིན་ཞིག་ཏུ་སྐྱེས་ཏེ། ལུས་ཆེ་ཁྱད་དཔག་ཚད་བདུན་བརྒྱ་ཡོད་དོ།། རྒྱལ་པོ་འམ། བློན་པོ ་ཡང་རུང་། མཐུ་རྩལ་སྙེམས་ཏེ་སེམས་ཅན་གྱི་སྲོག་གཅོད་དམ། འདོད་པ་དང་བྱེ་བྲལ་བའི་ལས་བྱས་སམ། སེམས་ཅན་ལ་འཚེ་བའི་ལས་བྱས་ན། ཤི་མ་ཐག་ཏུ་ཕལ་ཆེར་ཆུ ་སྲིན་དུ་སྐྱེ་སྟེ། དེའི་ལུས་ལ་སྲིན་བུ་མང་པོ་གནས་སོ།། དེའི་ལུས་གཡའ་བས་ཤིལ་གྱི་རི་ལ་སྙོགས་ཤིང་དྲུད་པས་སྲིན་བུ་མང་པོ་ཤི་བའི་ཁྲག་གིས་རྒྱ་མཚོའི་ནང་རྒྱང་གྲགས་བརྒྱ་ཙམ ་དམར་པོར་བྱས་སོ། ། སྡིག་པའི་ལས་དེས་དེ་དག་ཏུ་ཚེ་འཕོས་ནས་ཀྱང་སེམས་ཅན་དམྱལ་བ་ཆེན་པོར་ལྟུང་བར་འགྱུར་རོ།། ཆུ་སྲིན་དེ་ལན་ཅིག་གཉིད་ཀྱིས་ལོག་ན་ལོ་བརྒྱས་ལན་ཅིག ་སངས་ཏེ་བཀྲེས་པ་དང་སྐོམ་པས་ཉེན་ནས། ཁ་གདངས་པ་དང་། རྒྱ་མཚོའི་ཆུ་ཁར་འགྲོ་བ་ནི་ཆུ་ཆེན་པོ་རྒྱ་མཚོར་འབབ་པ་དང་འདྲའོ།། དེའི་ཚེ་ན་ཚོང་པ་ལྔ་བརྒྱ ་ཙམ་ཞིག་རྒྱ་མཚོར་ཞུགས་ཏེ་རིན་པོ་ཆེ་ལེན་དུ་སོང་བ་ལས། ཆུ་སྲིན་ཁ་གདངས་པ་དང་ཕྲད་ནས་གྲུ་ཡང་ཤིན་ཏུ་མགྱོགས་པར་ཆུ་སྲིན་གྱི་ཁ་འདོད་པར་སོང་ངོ་།། ཚོང་པ་རྣམས་སྐད་ཆེན་པོ་ཕྱུང ་སྟེ་ངུས་ནས་གཅིག་ལ་གཅིག་འདི་སྐད་ཅེས་སྨྲས་སོ། ། བདག་ཅག་ནི་གདོན་མི་ཟ་བར་འཆི་བར་འགྱུར་གྱིས། སོ་སོ་ནས་ཅི་ལ་བརྟེན་པ་དྲན་པར་གྱིས་ཤིག་ཅེས་སྨྲས་པ་དང་། དེ་དག་ལ ་ལ་ནི་སངས་རྒྱས་དང་། ཆོས་དང་། དགེ་འདུན་གྱི་མཚན་ནས་བརྗོད། ཁ་ཅིག་ནི་འཇིག་རྟེན་གྱི་ལྷ་དང་། རི་དང་། གཙང་པོ་དང་། ལྷ་མ་སྲིན་དང་། ཕ་མ་དང་། ཆུང ་མ་དང་བུ་དང་། ཕུ་ནུ་དང་། གཉེན་པའི་མིང་ནས་བོས་ཏེ། བདག་ཅག་ནི་དེང་མཐོང་བ་ཐ་མ་འདི་ལས་འཛམ་བུའི་གླིང་གཏན་མི་མཐོང་ངོ་ཞེས་སྨྲས་སོ།། དེའི་ཚེ་དེ་དག་ཆུ ་སྲིན་གྱི་ཁར་སོང་བ་དང་། ཐམས་ཅད་ཀྱིས་དུས་གཅིག་ཏུ་སངས་རྒྱས་ལ་ཕྱག་འཚལ་ལོ་ཞེས་བརྗོད་པ་དང་། ཆུ་སྲིན་གྱིས་སངས་རྒྱས་ལ་ཕྱག་འཚལ་ལོ་ཞེས་བརྗོད་པའི་སྒྲ་ཐོས ་མ་ཐག་ཏུ་ཁ་བཙུམས་ཏེ། ཆུ་འབབ་པ་ཡང་ཆད་པར་གྱུར་ནས། ཚོང་པ་དེ་དག་འཆི་བ་ལས་སོས་པར་གྱུར་ཏོ།། ཆུ་སྲིན་དེ་ལྟོགས་ནས་དེ་ཉིད་དུ་ཚེ་འཕོས་ཏེ། རྒྱལ་པོའི་ཁབ་ཏུ ་སྲིན་བུ་ཞིག་ཏུ་སྐྱེས་སོ། ། ཆུ་སྲིན་གྱི་རོ་རྒྱ་མཚོའི་ངོགས་སུ་ཕྱུང་ནས། ཉི་མས་གདུངས་ཆར་པས་རླན་ཏེ་ཤ་ཟད་པར་གྱུར་པའི་རུས་པ་དེ་ནི་རི་འདི་ཡིན་ནོ།། དཔལ་སྐྱེས་འདི་ལྟར་རིག་པར ་གྱིས་ཤིག། དེའི་ཚེ་དེའི་དུས་ན་རྒྱལ་པོ་ཆོས་ཀྱིས་འཕགས་ནི་ཁྱེད་ཡིན་ནོ།། མི་བསད་པའི་རྐྱེན་གྱིས་རྒྱ་མཚོ་ཆེན་པོར་ཆུ་སྲིན་དུ་སྐྱེས་སོ།། ཁྱོད་ཀྱིས་ང་ཡང་ཕྱིར་མིའི་ལུས་ཐོབ་པ ་འདིས་འཁོར་བ་ལ་རྒྱབ་ཀྱིས་མ་ཕྱོགས་ན། འདི་ནས་ཚེ་འཕོས་མ་ཐག་ཏུ་སེམས་ཅན་དམྱལ་བར་ལྷུང་སྟེ་ཐར་པར་ཤིན་ཏུ་དཀའ་འོ།། དགེ་སློང་དཔལ་སྐྱེས་བདག་གི་ལུས་རྙིང་པ་ཡང ་མཐོང་དེ་སྐད་ཅེས་བསྟན་པ་ཡང་ཐོས་ནས་འཁོར་བས་ཤིན་ཏུ་སྐྲག་སྟེ། གང་ལ་ནན་ཏན་བྱེད་བྱེད་པའི་ཆོས་དེ་ལ་མཐར་གྱིས་ཡིད་ལ་བྱས་ནས་སེམས་རྩེ་གཅིག་པ་ལ་གནས་ཏེ། ་ལུས་རྙིང་པ་མཐོང་བས་མི་རྟག་པའི་ཆོས་ཁོང་དུ་ཆུད་དེ། འཁོར་བ་ལ་རྒྱབ་ཀྱིས་ཕྱོགས་པར་རྟོགས་ནས། ཀུན་ནས་ཉོན་མོངས་པའི་ཟག་པ་ཐམས་ཅད་ཟད་དེ་དགྲ་བཅོམ་པར་གྱུར ་ཏོ། མོའུ་འགལ་ཡང་ཤིན་ཏུ་དགའ་ནས་སྨྲས་པ། ཆོས་ཀྱི་སྲས་པོ་ཁྱོད་ཀྱིས་ནི་བྱ་བ་ཐམས་ཅད་ཡིད་ལ་བྱས་ཀྱི། སྔར་འདིར་འོངས་པ་ནི་ངའི་མཐུས་འོངས་སོ།། ད་ནི་ཕྱིར་ཁྱོད ་བདག་གི་མཐུས་འདོང་ངོ་ཞེས་སྨྲས་ནས། དེའི་ཚེ་མོའུ་འགལ་སྟེང་གི་ནམ་མཁའ་ལ་འཕགས་པ་དང་། དགེ་སློང་དཔལ་སྐྱེས་ཀྱང་སློབ་དཔོན་གྱི་ཕྱི་བཞིན་དུ་འོངས་པ་ནི་བྱའི་ཕྱི་བཞིན ་དུ་ཕྲུག་གུ་འབྲང་བ་འདྲ་བར་འོད་མའི་ཚལ་གང་ན་བར་འོངས་སོ། ། དེའི་ཚེ་ན་དགེ་སློང་གཞོན་ནུ་དག་དགྲ་བཅོམ་པར་མི་ཤེས་པས་སྔོན་བཞིན ་དུ་དཔལ་སྐྱེས་ལ་མཐོ་བཙམས་ཀྱང་། སྤྱོད་ལམ་མ་ཉམས་ཏེ་ཅང་མི་སྨྲའོ།། བཅོམ་ལྡན་འདས་ཀྱིས་དེ་ལྟར་གྱུར་པ་མཁྱེན་ནས། དགེ་སློང་གཞོན་ནུ་རྣམས་ཀྱིས་འདིའི་ལས་མི ་འབྱུང་བ་དང་། དགེ་སློང་རྒན་པོའི་ཡོན་ཏན་གྲགས་པར་བྱ་བའི་ཕྱིར། འཁོར་མང་པོའི་ནང་དུ་དགེ་སློང་དཔལ་སྐྱེས་ལ་ཚུར་ཤོག་ཅིག་ཅེས་བཀའ་སྩལ་ནས། ཁྱོད་རྒྱ་མཚོའི་ངོགས་སུ ་ཕྱིན་ཏམ་ཞེས་བཀའ་སྩལ་ཏོ། ། དཔལ་སྐྱེས་ཀྱིས་གསོལ་པ། བདག་རྒྱ་མཚོའི་ངོགས་སུ་མཆིས་སོ།། རྒྱ་མཚོའི་ངོགས་སུ་ཅི་དང་ཅི་མཐོང་བ་སྨྲོས་ཤིག་ཅེས་བཀའ་སྩལ་ནས ་དགེ་སློང་གིས་ཅི་དང་ཅི་མཐོང་བ་རྒྱས་པར་གསོལ་བ་དང་། བཅོམ་ལྡན་འདས་ཀྱིས་ལེགས་སོ་ལེགས་སོ་ཞེས་བྱ་བ་གནང་ནས། དཔལ་སྐྱེས་ཁྱོད་ཀྱིས་མཐོང་བ་དེ་དག་ནི་བདེན་ནོ།། ་ཁྱོད་ཀྱིས་ད་ནི་འཁོར་བའི་སྡུག་བསྔལ་ཡོངས་སུ་སྤངས་ཏེ་ཡོངས་སུ་མྱ་ངན་ལས་འདས་པའི་བདེ་བ་ཐོབ་ནས། ལྷ་དང་མིར་བཅས་པའི་འཇིག་རྟེན་གྱི་མཆོད་པའི་གནས་སུ་གྱུར་ཏོ།། ་དགེ་སློང་ཁྱོད་ཀྱིས་བྱ་བ་ཐམས་ཅད་ཡོངས་སུ་རྫོགས་སོ་ཞེས་བཀའ་སྩལ་ནས། དགེ་སློང་གཞོན་ནུ་དེ་དག་གིས་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་ཐོས་ནས། ཤིན ་ཏུ་འགྱོད་ཅིང་མི་དགའ་བ་སྐྱེས་ནས། འདི་ལྟ་བུ་མཁས་པ་ཤེས་རབ་ཅན་འཕགས་པ་ལ། བདག་ཅག་ཤེས་རབ་མེད་པས་འཚེ་བ་དང་མཐོ་བཙམས་པ་བགྱིས་སོ།། བདག ་ཅག་ནི་ཁ་ན་མ་ཐོ་བའི་རྣམ་པར་སྨིན་པ་མྱོང་བར་འགྱུར་རོ་ཞེས་སྨྲས་ནས། དགེ་སློང་གཞོན་ནུ་དག་དགེ་སློང་དཔལ་སྐྱེས་གང་ན་བ་དེར་སོང་ནས་ཕྱིན་པ་དང་། ལུས་སྨད་ལྔ་ས་ལ ་གཏུགས་ཏེ་ཕྱག་བྱས་ནས་འདི་སྐད་ཅེས་སྨྲས་སོ། ། སྐྱེས་བུ་དམ་པ་དག་ནི་སྙིང་རྗེ་དང་ལྷན་ཅིག་སྐྱེས་ཏེ། བཙུན་པ་ཁྱོད་སྐྱེས་པ་ཡང་སྙིང་རྗེ་ཆེན་པོ་དང་ལྷན་ཅིག་སྐྱེས་པ་ལགས་ན།། ་བདག་ཅག་ལ་ཐུགས་བརྩེ་བའི་སླད་དུ། བདག་ཅག་ཁྱོད་ལ་མཐོལ་ཚངས་བགྱིའོ་ཞེས་སྨྲས་པ་དང་། དགེ་སློང་དེས་ཀྱང་བདག་གི་ལུས་ལ་ཡང་མི་དགའ་བའི་བསམ་པ་མེད་ཀྱིས། ་ཚངས་པར་གྱུར་ཅིག་ཅེས་སྨྲས་སོ།། དེ་ནས་དགེ་སློང་དཔལ་སྐྱེས་ཀྱིས། དགེ་སློང་གཞོན་ནུ་དེ་རྣམས་ཤིན་ཏུ་འགྱོད་ཅིང་གནོང་བཀུར་བའི་སེམས་དང་ལྡན་པར་རྟོགས་ནས། དགེ ་སློང་དེ་དག་ལ་དམ་པའི་ཆོས་བསྟན་ཏོ། ། དེ་དག་གིས་འཁོར་པོ་ལ་རྒྱབ་ཀྱིས་ཕྱོགས་པའི་ཆོས་ཐོས་ནས་བརྩོན་པ་དང་འབད་པས་ནན་ཏན་བྱས་ཏེ། ཀུན་ནས་ཉོན་མོངས་པའི་ཟག ་པ་ཀུན་ཟད་ནས་དགྲ་བཅོམ་པར་གྱུར་ཏོ། ། དེ་ནས་ཁྱིམ་བདག་དཔལ་སྐྱེས་ཀྱང་རྒྱལ་པོའི་ཁབ་ཏུ་ཤིན་ཏུ་གྲགས་པར་གྱུར་ཏེ། ཀུན་གྱི་ངོ་མཚར་ཡ་མཚན་དུ་ཁྱིམ་བདག་རྒན་པོ་ཅི ་ཡང་མི་ནུས་པ་ཡང་། སངས་རྒྱས་ཀྱི་བསྟན་པ་ལ་རབ་ཏུ་བྱུང་ནས་དགྲ་བཅོམ་པར་གྱུར་ཏེ། འདི་ལྟ་བུའི་དམ་པའི་ཆོས་ཀྱང་སྟོན་ཏོ་ཞེས་བརྗོད་དོ།། དེའི་ཚེ ་རྒྱལ་པོའི་ཁབ་དེ་ན་གནས་པའི་མི་དག་ཕལ་ཆེར་བསམ་པ་དག་པའི་སེམས་སྐྱེས་ནས། ཁ་ཅིག་ནི་བུ་དང་། བུ་མོ་དང་། བྲན་པོ་དང་། བྲན་མོ་ལ་སོགས་པ་རབ་ཏུ་འབྱུང་བར་གནང་ངོ་།། ་ཁ་ཅིག་ནི་བདག་ཉིད་རབ་ཏུ་འབྱུང་བར་གསོལ་ནས་ཐམས་ཅད་རབ་ཏུ་དགའ་སྟེ་རྗེས་སུ་ཡི་རང་བར་གྱུར་ཏོ།། དེ་བས་ན་རབ་ཏུ་འབྱུང་བའི་ཡོན་ཏན་ནི་ཚད་མེད་མཐའ་མེད་དེ། དཔལ་སྐྱེས།། ་ལྟ་བུ་ལོ་བརྒྱ་ལེན་ནས་རབ་ཏུ་བྱུང་ནས། དེ་ལྟ་བུའི་ཡོན་ཏན་ཆེན་པོ་དང་ལྡན་པར་གྱུར་ན། གཞོན་ནུ་དར་ལ་བབ་པ་རབ་ཏུ་བྱུང་ནས་འབྲས་བུ་ཆེན་པོ་མཆོག་དས་པ་རྙེད་པ་ལྟ་ཅི་སྨོས་ཏེ། ་ཆོས་ལ་བརྩོན་པ་དག་ནི་རབ་ཏུ་འབྱུང་བར་བྱའོ།། རབ་ཏུ་བྱུང་བའི་ཡོན་ཏན་བསྔགས་པའི་ལེའུ་སྟེ་བཅོ་ལྔ་པའོ།། །། བམ་པོ་ལྔ་པ།། ་དགེ་ཚུལ་གྱིས་ཚུལ་ཁྲིམས་བསྲུང་བའི་ལེའུའོ།། ཚུལ་ཁྲིམས་བསྲུང་བ་དག་ནི་ལུས་དང་སྲོག་སྟེར་ཀྱང་བླའི་ནམ་དུ་ཡང་ཚུལ་ཁྲིམས་ཉམས་པར་མི་བྱེད་དོ།། དེ་ཅིའི་ཕྱིར་ཞེ ་ན་ཚུལ་ཁྲིམས་ནི་བྱང་ཆུབ་ཏུ་འཇུག་པའི་རྩ་བ་ཟག་པ་མེད་པའི་མཆོག། མྱ་ངན་ལས་འདའ་བའི་བདེ་བར་འགྲོ་བའི་ལམ་མོ།། ཚུལ་ཁྲིམས་དག་པར་བསྲུང་བའི་བསོད་ནམས ་ནི་ཚད་མེད་དཔག་ཏུ་མེད་དོ། ། དཔེར་ན་རྒྱ་མཚོ་ཆེན་པོ་ཚད་མེད་མཐའ་མེད་དོ།། ཚུལ་ཁྲིམས་བསྲུང་བའི་བསོད་ནམས་ཀྱང་ཚད་མེད་མཐའ་མེད་དོ།། དཔེར་ན་རྒྱ་མཚོ་ནི་ལྷ་མ ་ཡིན་དང་། རུས་སྦལ་དང་། ཆུ་སྲིན་དང་། ཆུའི་རིས་སུ་གཏོགས་པའི་སེམས་ཅན་ཆེན་པོའི་གནས་སུ་གྱུར་པ་ལྟར། ཚུལ་ཁྲིམས་ཀྱང་དེ་དང་འདྲ་སྟེ། ཐེག་པ་གསུམ ་ལ་གནས་པའི་སྐྱེ་བོ་ཆེན་པོ་མང་དུ་གནས་སོ། ། དཔེར་ན་རྒྱ་མཚོའི་ནང་ན་གསེར་དང་། དངུལ་དང་། བཻ་ཌཱུཪྻ་ལ་སོགས་ཏེ་རིན་པོ་ཆེ་མང་པོ་ཡོད་པ་བཞིན་དུ། ཚུལ་ཁྲིམས་ཀྱི ་རྒྱ་མཚོ་ཡང་དེ་དང་འདྲ་སྟེ། མི་རྟག་པ་བཞི་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། བསམ་གཏན་དང་། ཏིང་ངེ་འཛིན་ལ་སོགས་པའི་རིན་པོ་ཆེ་མང་པོ ་ཡོད་དོ། ། དཔེར་ན་རྒྱ་མཚོ་ཆེན་པོའི་གཏིང་ཡང་རྡོ་རྗེ་ཡིན་ལ། མཐའ་མ་ཡང་རྡོ་རྗེའི་རིས་བསྐོར་ཏེ། ཆུ་བོ་བཞི་འབབ་ཀྱང་མི་འགྲིབ་མི་འདུད་པ་ལྟར། ཚུལ་ཁྲིམས་ཀྱི ་རྒྱ་མཚོ་ཡང་དེ་དང་འདྲ་སྟེ། འདུལ་བ་རྡོ་རྗེ་ལྟ་བུས་ནི་གཏིང་བྱས། ཆོས་མངོན་པའི་རིས་ནི་མཐའ་བསྐོར། མདོ་སྡེ་བཞི་ཆུ་བོ་ལྟ་བུར་འབབ་ཀྱང་འཕེལ་བ་ཡང་མེད། འགྲིབ ་བ་ཡང་མེད་དོ། ། རྒྱ་མཚོ་ཅིའི་ཕྱིར་མི་འདུད་ཅེ་ན། མཚམས་མེད་པའི་སེམས་ཅན་དམྱལ་བའི་མེས་རྒྱ་མཚོ་སྐམ་པས། དེའི་ཕྱིར་རྒྱ་མཚོ་མི་འདུད་ངོ་།། ཆུ་བོ་རྟག་ཏུ་འབབ ་པས་ནི་མི་འགྲིབ་བོ། ། ཚུལ་ཁྲིམས་ཀྱི་རྒྱ་མཚོ་ཡང་བག་ཡོད་པས་མི་སྐྱེ། ཡོན་ཏན་དང་ལྡན་པས་མི་འགྲིབ་བོ།། དེ་བས་ན་གང་ཚུལ་ཁྲིམས ་བསྲུང་བ་དེའི་ཡོན་ཏན་ནི་རབ་ཏུ་མང་བར་རིག་པར་བྱའོ། ། བཅོམ་ལྡན་འདས་མྱ་ངན་ལས་འདས་ནས་ཡུལ་ཨན་ཏ་ཞེས་བྱ་བ་ན། དགེ་སློང་བསོད་སྙོམས་པ ་དགོན་པ་ལ་གནས་པར་དགའ་བ་སྤྱོད་ལམ་དང་ལྡན་པ་ཞིག་ཡོད་དོ། ། དགེ་སློང་བསོད་སྙོམས་པ་ནི་སངས་རྒྱས་ཀུན་གྱིས་བསྔགས་ཀྱི། ཕལ་གྱི་ནང་ན་གནས་པ་མ་ཡིན ་ནོ། ། དེ་ཅིའི་ཕྱིར་ཞེ་ན། དགེ་སློང་བསོད་སྙོམས་པ་ནི་འདོད་པ་ཆུང་ཞིང་ཆོག་ཤེས་ཏེ། ཅི་ཡང་མི་སོགས་ཤིང་ཟ་གཅིག་པ། བླ་གབ་མེད་པ། ཆོས་གོས་གསུམ་ལ ་སོགས་པ་སྤྱོད་དེ། བཙུན་པའོ།། གཙོ་བོའོ།། དགེ་འདུན་གྱི་ནང་ན་གནས་པའི་དགེ་སློང་ནི་འདོད་པ་མང་བ་ཆོག་མི་ཤེས་པ་ལ་སོགས་པ། ཆགས་པ་སེར་སྣ་བྱེད་པ ་ཅི་ལ་ཡང་ཆགས་པས། གྲག་པ་ཆེན་པོ་ཐོབ་པར་མི་འགྱུར་རོ།། དགེ་སློང་བསོད་སྙོམས་པ་དེ་ཡང་ཡོན་ཏན་སྤྱོད་པ་དང་ལྡན་ཏེ། དགེ་སྦྱོང་གི་འབྲས་བུ་ཐོབ་ནས་མངོན་པར ་ཤེས་པ་དྲུག་དང་། རིག་པ་གསུམ་དང་། རྣམ་པར་ཐར་པ་བརྒྱད་ལ་གནས་ཏེ། སྤྱོད་ལམ་ཤིན་ཏུ་མཛེས་པས་ཀུན་ཏུ་གྲགས་པར་གྱུར་ཏོ།། དེའི་ཚེ་ཡུལ་ཨན་ཏ་ཞེས ་བྱ་བ་ན། དགེ་བསྙེན་དཀོན་མཆོག་གསུམ་ལ་དད་པ། སྲོག་མི་གཅོད་པ། མ་བྱིན་པར་མི་ལེན་པ། འདོད་པ་ལོག་པར་མི་གཡེམ་པ། བརྫུན་དུ་མི་སྨྲ་བ། སྤྱོ་བའི།། ་ཁུ་བ་ཆང་མི་འཐུང་བའི་ཚུལ་ཁྲིམས་ལྔ་བསྲུང་བ། ཡོན་ཏན་དང་ལྡན་པ་ཞིག་ཡུལ་དེ་ན་འདུག་པ་ལས། དགེ་བསྙེན་དེས་དགེ་སློང་བསོད་སྙོམས་པ་དེའི་ཚེ་གཅིག་གི་བར་དུ ་འཚོ་བ་སྦྱར་ཏེ། འཚོ་བ་སྦྱར་བའི་བསོད་ནམས་ནི་མྱོང་བར་འགྱུར་རོ་སྙམ་ནས། གལ་ཏེ་བདག་གི་ཁྱིམ་དུ་སྤྱན་དྲངས་ཏེ། ལམ་དུ་གྲང་བ་དང་ཚ་བས་ཉོན་མོངས་ཏེ་སྒོམ་པའི ་བཔར་ཆད་དུ་ཡང་འགྱུར་ལ། ། ཕྱིས་རྣམ་པར་སྨིན་པ་མྱོང་བ་ན་ཡང་། བདག་གིས་བསམས་ཤིང་དོན་དུ་གཉེར་བས་ཐོབ་པར་འགྱུར་རོ།། གལ་ཏེ་འཚོ་བ་གནས་སུ་བསྐྱལ་ན། ་ཕྱིས་རྣམ་པར་སྨིན་པ་ཡང་དོན་དུ་གཉེར་མི་དགོས་པར་ཐོབ་པར་འགྱུར་རོ་སྙམ་བསམས་ནས། དགེ་བསྙེན་དེ་དད་པའི་སེམས་ཀྱིས་ཞལ་ཟས་རོ་བརྒྱ་དང་ལྡན་པ། དྲི་བསུང་དང་ཁ་དོག ་དང་ལྡན་པ་སྣ་ཚོགས་བཤམས་ཏེ་ཉིན་གཅིག་བཞིན་དུ་སྐྱེལ་ཏོ། ། དགེ་སྦྱོང་ལ་བཟང་ངན་རྣམ་པ་བཞི་བརྟག་དཀའ་བ་ནི། ཇི་ལྟར་ཨ་མྲའི་འབྲས་བུ་སྨིན་ནམ་མ་སྨིན་པ་བརྟག ་དཀའ་བ་བཞིན་ནོ། ། དགེ་སློང་ཁ་ཅིག་སྤྱོད་ལམ་ཤིན་ཏུ་མཛེས་ཤིང་། གོམ་པ་དལ་གྱིས་འགྲོ་ལ་གཉའ་ཤིང་གང་ལས་མི་ལྟ་ཡང་། ནང་འདོད་ཆགས་དང་། ཞེ་སྡང་དང་། ་གཏི་མུག་དང་བཅས་ལ་ཆོས་མ་ཡིན་པ་སྤྱོད་ཅིང་། ཚུལ་ཁྲིམས་ཉམས་པ་ཡང་ཡོད་དེ། དེ་ནི་ཨ་མྲའི་འབྲས་བུ་ཕྱི་རོལ་སྦྱིན་ལྷ་ནང་མ་སྨིན་པ་དང་འདྲ། ་དགེ་སློང་ཁ་ཅིག་ནི་ཕྱི་རོལ་གྱི་སྤྱོད་པ་རྩིང་ལ་སྤྱོད་ལམ་དང་མི་ལྡན་པ་ཡང་། ནང་དགེ་སྦྱོང་གི་སྤྱོད་པ་དང་ཡོན་ཏན་དུ་ལྡན་ཏེ། བསམ་གཏན་དང་། ཏིང་ངེ་འཛིན་དང་། ཤེས་ར ་ཏུ་ལྡན་པ་ཡོད་དེ། དེ་ནི་ཨ་མྲའི་འབྲས་བུ་ནང་སྨིན་ལ་ཕྱི་རོལ་མ་སྨིན་པ་དང་འདྲའོ།། དགེ་སྦྱོང་ཁ་ཅིག་ནི་སྤྱོད་ལམ་རྩིང་ལ་ཉེས་པ་བྱེད་ཅིང་ཚུལ་ཁྲིམས་ཀྱང་ཉམས་ལ། ནང ་ཡང་འདོད་ཆགས་ཞེ་སྡང་གཏི་མུག་དང་། སེར་སྣ་དང་། ཕྲག་དོག་ཏུ་བཅས་པ་ཡང་ཡོད་དོ། དེ་ནི་ཨ་མྲའི་འབྲས་བུ་ཕྱི་རོལ་ཀྱང་མ་སྨིན་ལ་ནང་ཡང་མ་སྨིན་པ་དང་འདྲའོ།། ་དགེ་སློང་ཁ་ཅིག་ནི་སྤྱོད་ལམ་མཛེས་ཤིང་ཚུལ་ཁྲིམས་དང་ལྡན་ལ། ནང་ཡང་དགེ་སློང་གི་ཡོན་ཏན་དང་། ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་ཏུ་ལྡན་པ ་ཡང་ཡོད་དེ། དེ་ནི་ཨ་མྲའི་འབྲས་བུ་ཕྱི་ནང་གཉིས་ཀ་སྨིན་པ་དང་འདྲའོ།། བསོད་སྙོམས་པའི་དགེ་སློང་དེ་ཕྱི་ནང་གཉིས་ཀ་དང་ལྡན་པ་ཡང་དེ་དང་འདྲ་སྟེ། ཡོན་ཏན་དང ་སྤྱོད་པ་ཡོངས་སུ་རྫོགས་པས་ཐམས་ཅད་རིམ་གྲོ་དང་བཀུར་སྟི་བྱེད་དོ། ། དེའི་ཚེ་ན་ཡུལ་དེ་ནི་ཁྱིམ་བདག་དཀོན་མཆོག་གསུམ་ལ་ཤིན་ཏུ་དད་པ་ཞིག་ལ་བུ་ཁྱེའུ་ཞིག་ཡོད་དེ། ་དེས་འདི་སྙམ་དུ་བསམས་སོ།། བདག་གི་བུ་འདི་རབ་ཏུ་དབྱུང་གིས། སྟོན་པ་མཁས་པ་ཞིག་ལ་བཅོལ་ཏོ།། དེ་ཅིའི་ཕྱིར་ཞེ་ན། དགེ་བའི་བཤེས་གཉེན་ལ་བརྟེན་པ་ནི་དགེ་བ་ཡང་། ་འཕེལ་བར་འགྱུར། སྡིག་པའི་གྲོགས་པོ་ལ་བརྟེན་པ་ནི་སྡིག་པའི་ཆོས་སྐྱེ་བར་འགྱུར་ཏེ། དཔེར་ན་རླུང་གི་རང་བཞིན་ནི་སྟོང་མོད་ཀྱི། ཙན་དན་གྱི་ཚལ་ལམ། ཙམ་པ་ཀའི་ཚལ ་ལས་འོངས་ན། རླུང་དེ་ལས་དྲི་བསུང་ཞིམ་པོ་བྲོའོ།། གལ་ཏེ་མན་མོ་ཞིང་བཙོག་པ་འམ། རོ་སུངས་པའི་ཕྱོགས་ནས་འོངས་ན། རླུང་དེ་ཡང་མནམ་མོ།། དཔེར་ན་གོས་གས ་པ་ཡང་སྤོས་ཀྱི་སྣོད་དུ་གཞུག་ན། གོས་དེ་ལ་ཡང་སྤོས་བྲོའོ།། གལ་ཏེ་མནམ་པ་སུངས་པའི་གནས་སུ་བཞག་ན། གོས་དེ་ཡང་མནམ་མོ།། དགེ་བའི་བཤེས་གཉེན་ལ ་བརྟེན་ན་དགེ་བ་ཡང་ཉིན་གཅིག་བཞིན་འཕེལ་གྱིས། སྡིག་པའི་གྲོགས་པོ་ལ་རྟེན་ན་སྡིག་པ་སྐྱེ་ཞིང་འཕེལ་བར་འགྱུར་གྱིས། དེ་བས་ན་བདག་གི་བུ་འདི་ཡང་དགེ་སློང་བཙུན་པ ་འདི་ལ་ཕུལ་ཏེ། རབ་ཏུ་འབྱུང་ངོ་སྙམ་བསམས་ནས། དགེ་སློང་དེ་གང་ན་བ་དེར་སོང་སྟེ་འདི་སྐད་ཅེས་སྨྲས་སོ།། བདག་གི་བུ་འདི་རབ་ཏུ་འབྱུང་བར་དད་ཀྱིས། བཙུན་པས ་ཐུགས་བརྩེ་བར་དགོངས་ཏེ་རབ་ཏུ་དབྱུང་བར་གསོལ་ཏོ། ། གལ་ཏེ་མི་གནང་ན་སླར་ཡང་ཁྱིམ་དུ་ཁྲིད་དེ་མཆིའོ།། དེ་ནས་དགེ་སློང་གིས་རྫུ་འཕྲུལ་གྱིས་མིག་གིས་བརྟགས་ན། ཁྱེའུ་འདི ་རབ་ཏུ་བྱུང་ན་ཚུལ་ཁྲིམས་དག་པར་བསྲུངས་ཤིང་། སངས་རྒྱས་ཀྱི་ཆོས་འཕེལ་བར་རྟོགས་ནས་རབ་ཏུ་ཕྱུང་སྟེ་དགེ་ཚུལ་དུ་བྱས་སོ།། དེའི་ཚེ་ན་འཚོ་བ་སྦྱོར་བའི ་དགེ་བསྙེན་དེ་ལ་ཁྱིམ་བདག་མཛའ་བོ་གཅིག་ཡོད་དེ། ཁྱིམ་བདག་དེས་དུས་ཀྱི་སྟོན་མོ་ཞིག་སྦྱར་ནས་དགེ་བསྙེན་དེ་དང་། ཆུང་མ་དང་། བུ་དང་། བྲན་པོ་དང་། བྲན་མོ་དང ་ཁྱིམ་གང་གི་མི་ཀུན་པོས་སོ། ། ཕྱིད་ཉིན་མགྲོན་དུ་འགྲོ་བ་ལས། དགེ་བསྙེན་དེས་འདི་སྙམ་དུ་བསམས་སོ།། བདག་ཅག་ཀུན་མགྲོན་དུ་འགྲོ་ན། ཁྱིམ་འདི་སུས་བསྲུང་། གལ ་ཏེ་ནན་གྱིས་འགའ་ཞིག་བཞག་ན། དེའི་སྒོར་ཕ་མ་སྟེ་སྐལ་བ་ཆད་པར་འགྱུར་གྱིས། དེ་ལ་སུ་ཞིག་འདུག་པར་དགའ་ན། མགྲོན་ལས་ཕྱིར་འཁོར་མ་ཐག་ཏུ་དྲིན་གཟོ་ཞིང་ལན ་བྱའོ་ཞེས་སྨྲས་པ་དང་། དགེ་བསྙེན་དེའི་བུ་མོ་ཞིག་ཡོད་པས། དེས་པ་ལ་འདི་སྐད་ཅེས་སྨྲས་སོ།། ཁྱིམ་མི་འདི་དག་ཐམས་ཅད་མགྲོན་དུ་མཆི་བར་བགྱིས་ཏེ། བདག་གིས ་ཁྱིམ་བསྲུང་ངོ་ཞེས་སྨྲས་ནས། ཕས་ཀྱང་ཤིན་ཏུ་ལེགས་སོ་ལེགས་སོ།། ཁྱོད་ཀྱིས་ཁྱིམ་བསྲུངས་ན། ཁྱོད་ཀྱི་མ་དང་མི་འདྲ་བ་མེད་དེ་སྟོར་བ་འམ། ཉེས་པ་འབྱུང་གིས་མི ་དོངོགས་སོ་ཞེས་སྨྲས་ནས། ཁྱིམ་གང་གི་མི་ཀུན་མགྲོན་དུ་དོང་ངོ་།། བུ་མོས་ཀྱང་སྒོ་རྣམས་དམ་དུ་བཅད་དེ་གཅིག་པུ་ཁྱིམ་ན་འདུག་གོ། དེའི་ཉིན་པར་དགེ་བསྙེན་དེ་བྲལ་བས་བསོད ་སྙོམས་བསྐྱལ་བ་བརྗེད་ནས། དེའི་ཚེ་ན་དགེ་སློང་དེ་འདི་སྙམ་དུ་ཉི་མ་ཡང་ཡོལ་ལ་ཁང་ན། ཁྱིམ་པ་ལ་དོན་མང་བས་བརྗེད་པ་སྲིད་དམ། ཟན་མི་ཟ་བར་མི་རིགས་ཀྱིས། ལེན་དུ ་བཏང་ངོ་སྙམ་བསམས་ནས། དགེ་ཚུལ་དེ་ལ་བསྒོ་བ། ཁྱོད་སྤྱོད་ལམ་ཤིན་ཏུ་བསྡམས་ཏེ། བཅོམ་ལྡན་འདས་ཀྱིས་གསུངས་པ་ལྟར། གྲོང་ནས་བསོད་སྙོམས་ལོང་ཞིག། ་ཇི་ལྟར་བུང་བ་རྣམས་མེ་ཏོག་གི་ཁ་དོག་དང་བསུང་ལ་མི་གནོད་པ་བཞིན་ཆགས་པར་མ་བྱེད་པར། ཁྱིམ་ནས་བསོད་སྙོམས་ལོང་ཞིག། གཟུགས་དང་། སྒྲ་དང་། དྲི་དང་། རོ ་དང་རེག་བྱ་ལ་མ་ཆགས་པར་དབང་པོ་རྣམས་སྲུངས་ཤིག། གལ་ཏེ་ཚུལ་ཁྲིམས་བསྲུངས་ན་གདོན་མི་ཟ་བར་འབྲས་བུ་ཐོབ་པར་འགྱུར་གྱི། ལྷ་སྦྱིན་ལྟ་བུ་མདོ་སྡེ་མང་དུ་ཁ་དོན ་ཤེས་ཀྱང་ཉེས་པ་བྱས་ཏེ་ཚུལ་ཁྲིམས་ཉམས་པས། མཚམས་མེད་པའི་སེམས་ཅན་དམྱལ་བར་སྐྱེས་སོ།། ཀོ་ཀ་ལི་ཀ་ལྟ་བུ་སྐུར་པ་འདེབས་ཤིང་ཚུལ་ཁྲིམས་ཉམས་པས་དེ ་ཡང་སེམས་ཅན་དམྱལ་བར་སྐྱེས་སོ། ། ཙུའུ་ལི་པ་ན་ཏ་ལྟ་བུ་ཚིགས་སུ་བཅད་པ་གཅིག་ལས་མི་ཤེས་མོད་ཀྱི། ཚུལ་ཁྲིམས་བསྲུངས་པས་དགྲ་བཅོམ་པར་གྱུར་ཏོ།། ཚུལ་ཁྲིམ ་ནི་མྱ་ངན་ལས་འདའ་བའི་སྒོར་འཇུག་ཅིང་ཤིན་ཏུ་བདེ་བའི་རྒྱུར་འགྱུར་ཏེ། དཔེར་ན་བྲམ་ཟེའི་ཆོས་ཀྱིས་ཟླ་བ་གསུམ་མམ། ཟླ་བ་བཞིའི་བར་དུ་མཆོད་སྟོན་བྱེད་དེ། དེ་ཡང་བྲམ་ཟེ ་མཁས་པ་རིག་པ་དང་ལྡན་པ། ཚུལ་ཁྲིམས་བསྲུངས་པ་ཚངས་པར་སྤྱོད་པ་དག་འབོད་ཀྱི། ཐམས་ཅད་ནི་མ་ཡིན་ནོ།། གང་སྟོན་མོ་ལ་འོང་བ་ལག་པའི ་ཁྲིག་མ་ལ་ཀིའུ་ལིའི་རྒྱས་འདེབས་སོ། ། བྲམ་ཟེ་གཅིག་ཅིག་ཡོན་ཏན་དང་ལྡན་ཡང་རང་བཞིན་གྱིས་སྲེད་པ་ཅན་ཞིག་ཡིན་པས། སྦྲང་རྩི་དང་དང་ར་བ་ལ་ཆགས་པས། འཁྲིག་མ། ་ལ་རྒྱས་བཏབ་པ་བལྡགས་ཏེ་མི་སྣང་བར་བྱས་སོ།། ཕྱིད་ཉིན་སྟོན་མོ་ལ་འདུས་ནས་སྒོ་བས་རྒྱ་བལྟས་ན། ཀུན་ཏུ་རྒྱུ་དེ་ལ་རྒྱ་མེད་པར་གྱུར་ནས། སྒོ་བས་ཀྱང་ནང་དུ་མ་བཏང་ནས། ་ཁྱོད་ཀྱི་རྒྱ་ག་རེ་ཞེས་དྲིས་ན་མངར་བས་བལྡགས་ཏེ་མེད་པར་བྱས་སོ་ཞེས་སྨྲས་སོ།། ཀུན་ཏུ་རྒྱུ་དེ་མངར་བ་ཅུང་ཟད་ཙམ་ལ་ཆགས་པས། ཟླ་བ་བཞིའི་སྟོན་མོ་ཁ་ཟས་ཁ་དོག་དང་དྲི་བསུང ་དུ་ལྡན་ཞིང་། རོ་ཞིམ་པོ་རྣམ་པ་སྣ་ཚོགས་དང་། ཡོན་རིན་པོ་ཆེ་མང་པོ་ཡང་ཤོར་གྱིས། ཁྱོད་ཀྱང་དེ་ལྟ་བུར་ཅུང་ཟད་ཙམ་ལ་ཆགས་པའི་ཕྱིར། ཚུལ་ཁྲིམས་ཀྱི་རྒྱ་ཉམས་པར་མ ་བྱེད་ཅིག། ལྷ་དང་མིའི་འདོད་པ་ལྔའི་རོ་ཞིམ་པོ་དང་། ཟག་པ་མེད་པ་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། མྱ་ངན་ལས་འདའ་བའི་བདེ་བ་དང་། ཆོས ་རིན་པོ་ཆེ་ཚད་མེད་པ་དག་སྟོར་བར་གྱུར་ཏ་རེ། དུས་གསུམ་གྱི་སངས་རྒྱས་ཀྱི་ཚུལ་ཁྲིམས་ཉམས་ཤིང་། དཀོན་མཆོག་གསུམ་དང་། སློབ་དཔོན་དང་། དགེ་འདུན་གྱི་རིགས ་སུན་པར་མ་བྱེད་ཅིག་ཅེས་བསྒོ་ནས། སློབ་དཔོན་གྱི་རྐང་པ་ལ་ཕྱག་འཚལ་ཏེ་དེའི་ཁྱིམ་དུ་སོང་ངོ་།། དེར་ཕྱིན་པ་དང་སྒོ་བརྡུངས་ནས། བུ་མོས་སུ་ཡིན་ཞེས་བོས་སོ།། དགེ་ཚུལ ་གྱིས་བདག་སློབ་དཔོན་གྱི་བསོད་སྙོམས་ལན་དུ་འོངས་སོ་ཞེས་སྨྲས་པ་དང་། བུ་མོ་དེ་རབ་ཏུ་དགའ་ནས། ད་ནི་རེ་བ་རྙེད་དོ་སྙམ་ནས་སྒོ་ཕྱེའོ།། དགེ་ཚུལ་ནང་དུ་འོངས་པ་དང་། བུ། ་མོ་དེ་ཡང་ལོ་བཅུ་དྲུག་ལས་མ་ལོན་ཏེ། མངའ་བྱད་ལེགས་པ་བལྟ་ན་སྡུག་པ་མཛེས་པ་བཟང་བ་ཞིག་སྟེ། འདོད་ཆགས་ཀྱིས་བསླུས་པ་རྣམས་དགེ་ཚུལ་དེའི་མདུན་དུ་བསླུ་བ་མང་པོ ་བྱས་ཏེ། ཤིན་ཏུ་འདོད་པས་དགེ་ཚུལ་དེ་ལ་བརྟགས་སོ།། དགེ་ཚུལ་དེ་འདི་སྙམ་དུ། བུ་མོ་འདི་རླུང་ནད་ལངས་སམ། སྨྱོས་སམ། འོན་ཏེ་བུ་མོ་འདི་འདོད་ཆགས་ཀྱིས་གདུངས ་ཏེ་འདོད་ཆགས་ཀྱི་མེས་ངའི་ཚུལ་ཁྲིམས་འཚིག་པར་བྱེད་དམ་སྙམ་བསམས་ནས། སྤྱོད་ལ་མ་ཤིན་ཏུ་བསྡམས་ཏེ། མདངས་ཀྱང་མ་གྱུར་པར་འདུག་གོ། བུ་མོ་དེས་ལུས ་སྨད་ལྔ་ས་ལ་གཏུགས་ཏེ་ཕྱག་བྱས་ནས། དགེ་ཚུལ་ལ་འདི་སྐད་ཅེས་སྨྲས་སོ།། བདག་རྟག་ཏུ་རེ་བ་ཡང་དེང་གི་དུས་སུ་གྲུབ་བོ།། བདག་ཁྱོད་ལ་སྨྲ་བ་ཞིག་ཡོད་དེ། རྟག་ཏུ ་དྲན་ན་སྐབས་མ་རྙེད་དོ། ། ཁྱོད་ཀྱང་རྟག་ཏུ་བདག་ལ་དགོངས་པ་དྲན་ན། བདག་གི་རེ་བ་བསྐང་དུ་གསོལ། ཁྱིམ་འདིའི་ནང་ན་རིན་པོ་ཆེ་དང་། གསེར་དང་། དངུལ་དང ་བང་མཛོད་མང་བ་ནི་རྣམ་ཐོས་ཀྱི་བུའི་གཏེར་དང་འདྲ་བར་ཡོད་ཀྱང་བདག་པོ་མེད་ཀྱིས། ཁྱོད་ཁྱིམ་དང་བཅས་པའི་བདག་པོ་མཛད་དུ་གསོལ། བདག་ཁྱོད་ཀྱི ་ཁོལ་མོ་བགྱིས་ཏེ་བཀུར་སྟི་དང་རིམ་གྲོ་བགྱིས། འདི་ལས་མི་འགལ་ཞིང་བདག་གི་རེ་བ་བསྐང་དུ་གསོལ། དགེ་ཚུལ་གྱིས་བསམས་པ། བདག་གིས་སྡིག་པའི་ལས་ཅི་ཞིག ་བྱས་ན། འདི་ལྟ་བུའི་རྐྱེན་སྡིག་པ་དང་ཕྲད་པར་གྱུར། བདག་ལུས་དང་སྲོག་ཡལ་ཡང་བླའི། དུས་གསུམ་གྱི་སངས་རྒྱས་ཀྱིས་བཅས་པའི་ཚུལ་ཁྲིམས་ཉམས་པར་མི་བྱའོ།། སྔོན ་དགེ་སློང་དག་སྤྲད་འཚོང་མའི་ནང་དུ་ཕྱིན་ཀྱང་། མེའི་དོང་དུ་མཆོངས་ཀྱང་བླའི། ཚུལ་ཁྲིམས་ཉམས་པར་མི་བྱེད་དོ།། གཞན་ཡང་དགེ་སློང་དག་ནི་མི་རྒོད་ཀྱིས་བཅོམ་ནས་རྩ་ལ་བཏགས ་ཏེ། རླུང་གིས་བཤུད་ཅིང་ཉི་མས་བསྲེགས་པ་དང་། སྲིན་བུ་མང་པོ་ཟ་ཡང་ཚུལ་ཁྲིམས་བསྲུང་བའི་ཕྱིར་རྩཝ་གཅོད་ཅིང་མི་འགྲོའོ།། བྱ་གག་གིས་ནོར་བུ་མིང་པ་དགེ་སློང་གིས་མཐོང ་ཡང་ཚུལ་ཁྲིམས་བསྲུང་བའི་ཕྱིར་སྡུག་བསྔལ་མྱོང་བར་བྱེད་ཀྱི་གཏམ་མི་ཟེར་རོ། ། གྲུ་ཞིག་པ་ལས་དགེ་སློང་གིས་ཤིང་ལེབ་ལ་འཇུབ་ཡང་། ཚུལ་ཁྲིམས་བསྲུང་བའི་ཕྱིར་ཤིང་ལེབ ་དེ་དགེ་སློང་གྲོགས་པོ་གྲལ་མཐོ་བ་ལ་ཕུལ་ནས། རྒྱ་མཚོར་ཤི་བ་ལ་སོགས་པ་དེ་དག་འབའ་ཞིག་སངས་རྒྱས་ཀྱི་ཉེ་གནས་ཚུལ་ཁྲིམས་བསྲུང་བ་ཡིན་གྱི། བདག་ཅག་གིས་བསྲུང་བ་མ། ་ཡིན་ནམ། དེ་བཞིན་གཤེགས་པ་ཡང་དེ་འབའ་ཞིག་གི་སྟོན་པ་ཡིན་གྱི། བདག་ཅག་གི་སྟོན་པ་མ་ཡིན་ནམ། དཔེར་ན་ཙམ་པ་ཀའི་མེ་ཏོག་ཟར་མ་དང་ལྷན་ཅིག་ཏུ་བཙིར་ན། ཙམ། ་པ་ཀའི་དྲི་ཞམ་པོ་ཡང་ཟར་མའི་མར་ལ་བྲོ་བར་འགྱུར་ཏེ། བདག་ནི་དེ་ལྟ་མ་ཡིན་གྱི། དགེ་བའི་བཤེས་གཉེན་གྱིས་ཡོངས་སུ་ཟིན་ན། ཅིའི་ཕྱིར་དེང་འདིར་སྡིག་པ་མི་དགེ་བའི་ཆོས་བྱེད ་པར་འགྱུར། ལུས་དང་སྲོག་ཡལ་ཡང་བླའི་ནམ་དུ་ཡང་ཚུལ་ཁྲིམས་ཉམས་ཤིང་སངས་རྒྱས་དང་། ཆོས་དང་། དགེ་འདུན་དང་། ཕ་མ་དང་། སློབ་དཔོན་དང་། བླ་མའི ་རིགས་སུན་པར་མི་བྱའོ། ། ཡང་བསམ་པ། གལ་ཏེ་བདག་བྲོས་ན་ནི། བུ་མོ་དེ་འདོད་ཆགས་ཀྱིས་གདུངས་པས་ཁྲེལ་བ་དང་ངོ་ཚ་བ་ཡང་མེད་དེ། ཕྱི་རོལ་ཏུ་བདག་ཟིན་ནས་བདག ་ལ་སྐུར་པ་འདེབས་པར་འགྱུར་ཏེ། གྲོང་མི་དག་གིས་མཐོང་ན་རིགས་སུན་འབྱིན་པར་འགྱུར་གྱིས། བདག་ནི་ངེས་པར་ཁང་པ་འདི་ཉིད་དུ་ཚེ་འཕོ་བར་བྱའོ་སྙམ་དུ་བསམས་ནས། བུ་མོ ་དེ་ལ་འདི་སྐད་ཅེས་སྨྲས་སོ། ། སྒོ་དག་དམ་དུ་ཆོད་ཅིག། བདག་ནི་ཁང་པ་གཅིག་གི་ནང་དུ་བྱ་བ་ཅུང་ཟད་ཅིག་ཡོད་པ་དེ་བྱས་ནས། ཁྱོད་དང་ཕྲད་པར་བྱའོ་ཞེས་བསྒོ་ནས། བུ་མོ་ཕྱི ་ཞིག་ཏུ་སོང་བའི་འོག་ཏུ། དགེ་ཚུལ་ཁང་པ་གཅིག་གི་ནང་དུ་ཞུགས་ནས་སྒོ་གཏན་དམ་དུ་བཅུག་སྟེ། ནང་ནས་སྤུ་གྲི་རྙེད་པས་རབ་ཏུ་དགའ་སྟེ། ལུས་ལ་གྱོན་པའི་གོས་རྣམས་ཀྱང ་ཕུད་ནས་གདང་བུ་ལ་གཟར་ཏེ་ཐལ་མོ་སྦྱར་ནས། གྲོང་ཁྱེར་ཀུ་ཤེ་གང་ན་བར་སངས་རྒྱས་མྱ་ངན་ལས་འདས་པའི་གནས་ལོགས་སུ་པུས་མོ་བཙུགས་ནས ་འདི་སྐད་ཅེས་ཡི་དམ་བཅས་སོ། ། བདག་ནི་སངས་རྒྱས་དང་། ཆོས་དང་། དགེ་འདུན་སྤོང་བ་མ་ལགས། མཁན་པོ་དང་སློབ་དཔོན་སྤོང་བ་མ་ལགས། ཚུལ་ཁྲིམས་སྤོང་བ ་ལགས་ཀྱི། ཚུལ་ཁྲིམས་བསྲུང་བའི་སླད་དུ་ལུས་འདི་སྤོང་ངོ་།། བདག་གར་སྐྱེས་གར་སྐྱེས་ཀྱང་སངས་རྒྱས་ཀྱི་བསྟན་པ་ལ་རབ་ཏུ་འབྱུང་བ་དང་། ཚངས་པར་སྤྱོད་པ་རྣམ་པར ་དག་པ་དང་། ཟག་པ་ཟད་པ་དང་། འབྲས་བུ་གྲུབ་པར་གྱུར་ཅིག་ཅེས་སྨོན་ལ་མི་བཏབ་ནས། རང་ག་བགུལ་པ་བཅད་དེ་ཚེ་འཕོས་སོ།། ཁྲག་གིས་ས་ཡོག་ནས་ལུས་ཀྱང ་ཁྲག་གིས་དམར་པོར་གྱུར་ཏོ། ། དེའི་ཚེ་ན་བུ་མོ་དེ་ད་རི་ཐོགས་སྙམ་ནས། སྒོ་དྲུང་དུ་སོང་སྟེ་བོས་ན་ཅང་མི་ཟེར་རོ།། བུ་མོས་སྒོ་བྱ་སྟེ་བལྟས་རས། ཚེ་འཕོས་ཟིན་པ་མཐོང་ན ་བསམས་པ་བཞིན་དུ་མ་གྱུར་པས་འདོད་པའི་སེམས་ཀྱང་ཞི་སྟེ། བུ་མོ་དེ་ཤིན་ཏུ་མི་དགའ་བས་གདུངས་པས་སྒྲ་ཡང་བཤིག། བདག་གི་གདོང་ཡང་སེན་མོས་བྲང་དེ་ས་ལ་འགྲོ ་ཞིང་ངུའོ། ། བུ་མོའི་ཕ་མ་སྟོན་མོ་ལས་ཕྱིར་ལོག་ནས་སྒོ་བརྡུངས་ཏེ་བོས་ན། བུ་མོ་ཅང་མི་སྦ་བས། མི་ཞིག་ནང་དུ་བཏང་སྟེ་སྒོ་འབྱེང་དུ་བཅུག་ནས། བུ་མོ་དེ་དེ་ལྟ་བུར་གྱུར་པ ་མཐོང་བ་དང་། བུ་མོ་ལ་སྨྲས་པ། ཁྱོད་ཅི་ཉེས་གཅིག་གིས་ཀྱལ་ཀ་བྱས་ཏེ། ཁྱོད་ཀྱི་རིགས་སུན་པར་བྱས་སམ་ཞེས་དྲིས་ན། བུ་མོ་ཅང་མི་སྨྲ་བར་འདི་སྙམ་དུ་བསམས་སོ།། ་བདག་གིས་དྲང་པོར་སྨྲས་ན་ནི་རབ་ཏུ་ངོ་ཚ་བ་ཞིག། གལ་ཏེ་དགེ་ཚུལ་གྱིས་ཀྱིལ་ཀ་བྱས་ཤེས་སྨྲས་ན་ནི། འཕགས་པ་ལ་སྐུར་པས་སེམས་ཅན་དམྱལ་བར་ལྟུང་སྟེ། སྡུག་བསྔལ ་མང་པོ་མྱོང་བར་འགྱུར་གྱིས། མ་སླུ་བར་དྲང་པོར་སྨྲའོ་སྙམ་བསམས་ནས། བདག་གཅིག་པུ་ཁང་པ་སྲུངས་ཞིང་མཆིས་པ་ལས། དགེ་ཚུལ་དེ་སློབ་དཔོན་གྱི་བསོད་སྙོམས་ལེན་དུ ་འོངས་ནས། བདག་གི་འདོད་ཆགས་ཀྱི་མེ་མཆེད་པས་དགེ་ཚུལ་ལ་བརྟགས་ན། ཚུལ་ཁྲིམས་བསྲུང་བ་ཞིག་པས། སེམས་འགྱུར་དུ་མ་བཏུབ་སྟེ། དགེ་ཚུལ་དེ་ཐབས་བྱས་ནས ་ཁང་པའི་ནང་དུ་ཞུགས་ཏེ་ཚེ་འཕོས་པར་གྱུར་ཏོ། ། བདག་གི་ལུས་བཙོག་པ་འདིས་སྣོད་ཡོངས་སུ་དག་པ་མ་རུང་བར་བྱས་པའི་སྟེང་དུ་ཁ་ན་མ་ཐོ་བའི་ཉེས་པ་བགྱིས་པས་བདག་མི་དགའ་འོ།། ་དེ་སྐད་ཅེས་སྨྲས་པ་དང་། བུ་མོའི་ཕས་ཐོས་ནས་ཀྱང་ངོ་མཚར་དུ་གྱུར་ཏོ།། དེ་ཅིའི་ཕྱིར་ཞེ་ན། ཀུན་ནས་ཉོན་མོངས་པ་ནི། ཆོས་ཉིད་ཀྱི་དེ་དང་འདྲ་བར་རྟོགས་པའི་ཕྱིར་རོ།། དུ ་མོ་ལ་སྨྲས་པ། ཆོས་ཐམས་ཅད་མི་རྟག་པ་ཡིན་གྱིས། མྱ་ངན་མ་བྱེད་ཅིག་ཅེས་བསྒོ་ནས། ཁང་པར་ཞུགས་ཏེ་བལྟས་ན། དགེ་ཚུལ་གྱི་རུས་བུ་ཙན་དན་དམར་པོ་ལྟར་ཁྲག་གིས་བགོས་པ ་མཐོང་ནས་ཕྱག་བྱས་ཏེ། སངས་རྒྱས་ཀྱི་ཚུལ་ཁྲིམས་བསྲུང་བའི་ཕྱིར་ལུས་དང་སྲོག་ལ་ཡང་མི་ལྟ་བ་ལེགས་སོ་ཞེས་བསྔགས་སོ།། དེའི་ཚེ་ན་རྒྱལ་པོ་དེའི་ཡུལ། ་ཁྲིམས་ཀྱིས། དགེ་སློང་དག་ཁྱིམ་པའི་ཁྱིམ་དུ་ཚེ་འཕོས་ན། གསེར་གྱི་དོང་ཚེ་སྟོང་སླར་ཕུལ་ལོ།། དེའི་ཚེ་དགེ་བསྙེན་དེ་ཡང་གསེར་གྱི་དོང་ཚེ་སྟོང་ཁྱེར་ནས་ཕོ་བྲང་དུ་སོང་སྟེ། རྒྱལ ་པོ་ཆེན་པོ་བདག་ལ་ནོངས་པ་བྱུང་གིས། དོང་ཚེ་འདི་དག་བཞེས་ཤིག་ཅེས་གསོལ་པ་དང་། རྒྱལ་པོས་དེ་ལ་བཀའ་སྩལ་པ། ཁྱོད་ནི་ཡུལ་ཕྱོགས་ན་དཀོན་མཆོག་གསུམ་ལ་དང ་ཅིང་དམ་པའི་ཆོས་ལ་མོས་པས་རང་བཞིན་གྱིས་དྲངས་ལ། སྤྱོད་པ་ཉམ་འོག་ཏུ་ཆུད་པ་ནི་ཁྱོད་གཅིག་པུར་ཟད་ན། ཁྱོད་ལ་ཉེས་པ་ཅི་ཞིག་བྱུང་། དགེ་བསྙེན་གྱིས་བདག་གི་བུ་མོ་ནི ་སྨད་དེ་དགེ་ཚུལ་གྱིས་ཇི་ལྟར་ཚུལ་ཁྲིམས་བསྲུང་བའི་ཡོན་ཏན་ནི་བསྔགས་ནས། ཇི་ལྟར་གྱུར་པ་རྒྱས་པར་གསོལ་ཏོ།། རྒྱལ་པོས་བཀའ་སྩལ་པ། དགེ་ཚུལ་ཚུལ་ཁྲིམས ་བསྲུང་བའི་ཕྱིར་ལུས་དང་སྲོག་ལ་ཡང་མ་བལྟས་པར་ཟད་ཀྱི། ཁྱོད་ལ་ཉེས་པ་མེད་ཀྱིས། དོང་ཚེ་ཁྱེར་ལ་ཕྱིར་ཁྱིམ་དུ་སོང་ཞིག། ང་ཡང་ཁྱོད་ཀྱི་ཁྱིམ་དུ་དགེ་ཚུལ་དེ་ལ་མཆོད ་པ་ཞིག་བྱེད་དུ་འོང་ངོ་ཞེས་བཀའ་སྩལ་ནས། གསེར་གྱི་རྔ་བརྡུངས་ཏེ། འཁོར་ཐམས་ཅད་འདུས་ལ་ཞབས་འབྲིང་དུ་ཆོས་ཤིག། དགེ་བསྙེན་དེའི་ཁྱིམ་དུ་འདེང་ངེ་ཞེས་བཀར ་བཏགས་སོ། ། དེ་ནས་རྒྱལ་པོ་དེའི་ཁྱིམ་དུ་གཤེགས་ཏེ། དགེ་ཚུལ་གྱི་རུས་བུ་ཙན་དན་དམར་པོ་ལྟར་ཁྲག་གིས་བགོས་པ་གཟིགས་ནས་ཕྱག་འཚལ་ཏེ། ཡོན་ཏན་བསྔགས ་ནས་རིན་པོ་ཆེ་སྣ་ཚོགས་ཀྱིས་བརྒྱན་པའི་ཤིང་རྟ་ལ་རུས་བུ་བཞག་ནས་གང་ན་ཐང་བུ་བདེ་བ་ཀུན་གྱིས་མཐོང་བའི་གནས་སུ་སོང་སྟེ། སྤོས་ཀྱི་ཤིང་གིས་བསྲེགས་ནས་མཆོད་པ་བྱས་སོ།། ་བུ་མོ་དེ་ཡང་འཇིག་རྟེན་ན་དཀོན་པར་ཤིན་ཏུ་བཟང་མོ་ཞིག་སྟེ། བུ་མོ་དེ་ཡང་གནས་མཐོ་བ་ཀུན་གྱིས་མཐོང་བ་ཞིག་ཏུ་བཞག་སྟེ། འཁོར་མང་པོ་ཐམས་ཅད་ཀྱིས་ལེགས་པར་མཐོང ་བར་བྱས་ཏེ། མི་མང་པོ་ལ་འདི་སྐད་ཅེས་བཀའ་སྩལ་ཏོ།། བུ་མོ་འདི་ནི་འདི་ལྟར་གཟུགས་བྱད་ལེགས་ཤིང་ཤིན་ཏུ་བཟང་བ་མཛེས་པ་འདི་ལ་འདོད་ཆགས་དང་བྲལ་བ་སུ་ཞིག་ཆགས་པར ་མི་འགྱུར་ན། དགེ་ཚུལ་འདི་འབྲས་བུ་ཡང་མ་ཐོབ་སྟེ། སྐྱེ་བ་དང་འཇིག་པར་བཅས་པའི་ལུས་ཅན་འདིས་ཀྱང་ཚུལ་ཁྲིམས་ཀྱི་ཕྱིར་ལུས་དང་སྲོག་གཏོང་ཕོད་པ་ནི། ངོ་མཚར་ཡ་མཚན ་དུ་ཆེའོ་ཞེས་བསྒྲགས་ནས། དེའི་སློབ་དཔོན་ཡང་སྤྱན་དྲངས་ཏེ། འཁོར་མང་པོ་ལ་དམ་པའི་ཆོས་སྟོན་དུ་བཅུག་ནས། འཁོར་དེའི་ནང་ན་འདུས་པ་ཐམས་ཅད་ཀྱིས་ཆོས་བསྟན ་པ་ཐོས་ནས། ཁ་ཅིག་ནི་རབ་ཏུ་བྱུང་ཞིང་ཚུལ་ཁྲིམས་བསྲུང་བར་གསོལ་ཏོ།། ཁ་ཅིག་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དེ། ཐམས་ཅད་རྗེས་སུ་ཡི་རངས་ནས་མངོན ་པར་དགའའོ། ། དགེ་ཚུལ་གྱིས་ཚུལ་ཁྲིམས་བསྲུངས་པའི་ལེའུ་སྟེ་བཅུ་དྲུག་པའོ།། ། ཁྱིམ་བདག་དབང་པོ་མེད་པའི་ལེའུའོ།། དེའི ་ཚེ་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་ཆེན་པོའི་དགེ་འདུན་དང་ཐབས་ཅིག་ཏུ་བཞུགས་ཏེ་ཆོས་སྟོན་ཏོ།། དེའི་ཚེ། ་ཡུལ་དེ་ན་ཁྱིམ་བདག་ཆེན་པོ་བྱུག་པ་ནོར་མང་བ། གསེར་དང་། དངུལ་དང་། རིན་པོ་ཆེ་སྣ་བདུན་དང་། གླང་པོ་ཆེ་དང་། རྟ་དང་། བ་གླང་དང་། ལུག་དང་། བྲན་པོ་དང ་བྲན་མོ་དང་། ལས་བྱེད་པའི་མི་རབ་ཏུ་མང་བ། བང་མཛོད་རབ་ཏུ་མང་བ། བང་མཛོད་རབ་ཏུ་གང་བ་ཞིག་ལ། བུ་ཁྱེའུ་ནི་མེད་མོད་ཀྱི། བུ་མོ་ནི་ལྔ་ཡོད་དེ། དེ་ཡང་མངའ ་བྱད་མཛེས་པ་ཤེས་པའི་བློ་དང་ལྡན་པ་ཤ་སྟག་གོ། དེའི་ཚེ་ཁྱིམ་བདག་དེའི་ཆུང་མ་སྦྲུམ་མ་ལས་ཁྱིམ་བདག་དེ་ཚེ་འཕོས་པར་གྱུར་ཏོ།། དེའི་ཚེ་ན་རྒྱལ་པོའི་ཡུལ་ཆོས་ཀྱིས་བུ་པོ་མེད་ན། ་ལོངས་སྤྱོད་ཅི་བདོག་པ་ཐམས་ཅད་རྒྱལ་པོས་བཞེས་ཏེ། རྒྱལ་པོས་ཀྱང་བློན་པོ་ཆེན་པོ་གཅིག་གིས་དེའི་ནོར་ཕྱུགས་དང་ལོངས་སྤྱོད་ཅི་ཡོད་པ་ཐམས་ཅད་རྩིས་ཏེ། སླར་བཞེས་པར་བཀ ་སྩལ་པ་དང་། བུ་མོ་དེ་དག་གིས་བསམས་པ། བདག་ཅག་གི་མའི་རུམ་མི་བདེ་བ་ཕོ་འམ་མོ་ཡང་གཏོལ་མེད་དེ། བུ་མོ་ཞིག་བཙས་ན་ནི། ནོར་ཕྱུགས་ཀྱང་རྒྱལ་པོས་བཞེས་པར་ཟད ་ན་གལ་ཏེ་ཁྱེའུ་ཞིག་བྱུང་ན། ཁོ་ནོར་བདག་དངོས་ཡིན་ནོ་སྙམ་བསམས་ནས། རྒྱལ་པོ་ལ་འདི་སྐད་ཅེས་གསོལ་ཏོ།། བདག་ཅག་གི་ཕ་གུམ་པས་བུ་ཕོ་མ་མཆིས་པའི་སླད་དུ། ནོར ་ཕྱུགས་རྒྱལ་པོ་ས་བ་ཞེས་པ་འདི་ད་ལྟར་བདག་ཅག་གི་མའི་རུམ་མི་བདེ་བ་བྱེ་བྲག་མ་བྱེའི་བར་དུ་བཞག་ཅིང་། བུ་མོ་ལགས་ན་བཞེས་པས་ཀྱང་སླེབས་ཏེ། གལ་ཏེ་ཁྱེའུ་ཞིག་ལགས་པར ་གྱུར་ན་ནོར་བདག་དངོས་ལགས་སོ། ། རྒྱལ་པོ་རབ་གསལ་རྒྱལ་དེ་ཡང་དྲང་ཞིང་ཆོས་ཀྱིས་སྲིད་འཚོ་བས། བུ་མོ་དེ་དག་གིས་གསོལ་བ་བཞིན་དུ་བྱས་སོ།། དེ་ནས་རིང་པོར་མ་ལོན་པར ་ཟླ་བ་དགུ་ཚང་ནས་བུ་ཕོ་ཞིག་བྱུང་སྟེ། དེ་ལ་རྣ་བ་མེད། མིག་ཀྱང་མེད། ལྕེ་ཡང་མེད། རྐང་ལག་ཀྱང་མེད་དེ། ཕོ་མཚན་འབའ་ཞིག་ཡོད་པའི་གོང་གོང་པོ་ཞིག་བྱུང་བས། དེའི། ་མིང་ཡང་མན་འཛི་བྱི་ལི་ཞེས་བྱ་བར་བཏགས་སོ།། དེ་ནས་བུ་མོ་དེ་དག་གིས་ཁྱེའུ་ཞིག་བྱུང་ངོ་ཞེས་གསོལ་པ་དང་། རྒྱལ་པོ་དེས་བསམས་པ། མིག་དང་། རྣ་བ་དང་། སྣ་དང་། ་ལྕེ་དང་རྐང་ལག་ལ་སོགས་པ་ཡོད་པས་ནི་ནོར་བདག་ཏུ་མི་འགྱུར་གྱི། གང་ཕོ་མཚན་དང་ལྡན་པ་དེས་ནོར་བདག་ཏུ་འགྱུར་ཏེ། བུ་འདི་ལ་ཡང་ཕོ་མཚན་ཡོད་པས་པའི་ནོར་བདག་ཏུ ་འགྱུར་རོ་ཞེས་འདི་སྙམ་དུ་བསམས་ནས། བུ་མོ་དེ་དག་ལ་ནོར་ཕྱུགས་དང་ལོངས་སྤྱོད་ཅི་བདོག་པ་ཁྱོད་ཀྱི་མིང་པོ་དབང་སྟེ། མི་བཞེས་སོ་ཞེས་བཀའ་སྩལ་ཏོ།། དེའི་ཚེ་ན་བུ་མོ་ཆེན་མོ ་རིགས་མཐུན་པ་ལ་བག་མར་བཏང་ནས། བུ་མོ་དེས་ཁྱིམ་བདག་དེ་ལ་བཀུར་སྟི་བསྐྱེད་ནས་སྟན་གདིང་བ་དང་། མལ་བྱེད་པ་དང་། ཕྱག་བདར་དང་། ཁ་ཟས ་སྦྱོར་བ་དང་། བསུ་བ་དང་། སྐྱེལ་བ་དང་། ཕྱག་འཚལ་བ་དང་། གསོང་པོར་སྨྲ་བ་ལ་སོགས་པའི་ལས་བྱེད་པ་ཐམས་ཅད་ལ། ཇི་ལྟར་བྲན་མོ་དག་རྗེ་བོའི་ལས་བྱེད་པ་བཞིན ་དུབུ་མོ་དེ་ཡང་ཁྱིམ་ཐབ་དེའི་བཀུར་སྟི་བྱེད་པས། ཁྱིམ་ཐབ་ཀྱིས་ཆུང་མ་ལ་འདི་སྐད་ཅེས་སྨྲས་སོ།། ཁྱོ་ཤུག་ཅེས་བྱ་བ་བདག་ཅག་ཏུ་མ་ཟད་དེ། ཀུན་ལ་ཡང་སྲིད་ན་ཁྱོད་འབའ ་ཞིག་ཅིའི་ཕྱིར་འདི་ལྟར་བྱེད་ཅེས་སྨྲས་སོ། ། ཆུང་མས་སྨྲས་པ། བདག་གི་ཕ་ལ་ནོར་ཕྱུགས་གྲངས་མེད་པ་ཞིག་ཡོད་དེ། གུམ་པའི་འོག་ཏུ་བུ་མོ་ལྔ་ཡོད་ཀྱང་། ནོར་ཐམས་ཅད ་རྒྱལ་པོས་བཞེས་པར་ཆད་པ་ལས་མའི་རུམ་མི་བདེ་བ་ཟླ་བ་ཚང་ནས་མིང་པོ་བཙས་ན་མིག་ཀྱང་མེད། རྣ་བ་དང་། ལྕེ་དང་། རྐང་པ་དང་། ལག་པ་ཡང་མེད་དེ། སྐྱེས་པའི ་མཚན་མ་འབའ་ཞིག་ཡོད་པས་ནོར་བདག་ཏུ་གྱུར་ཏོ། ། དེ་བས་ན་དབང་པོ་ཅི་ཡོད་ཀྱང་སྐྱེས་པའི་མཚན་གཅིག་ཙམ་ཡང་མི་ཕོད་དེ། བདག་ཁྱོད་ལ་བཀུར་སྟི་བྱེད་པ་ཡིན་ནོ།། ་ཁྱིམ་བདག་དེས་ཆུང་མས་སྤྲས་པ་ཐོས་ནས། ངོ་མཚར་དུ་གྱུར་ཏེ་ཆུང་མ་དང་འགྲོགས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས ་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་ཅིའི་སླད་དུ་ཁྱིམ་བདག་གི་བུ་དེ་ལ་མིག་དང་། རྣ་བ་དང་། སྣ་དང་། ལྕེ་དང་། རྐང་པ་ཡང་མ་མཆིས་ཏེ། བཙས་མ་ཐག ་ཏུ་ཤིན་ཏུ་ཕྱུག་པོའི་ཁྱིམ་དུ་ནོར་གྱི་བདག་པོར་གྱུར། བཅོམ་ལྡན་འདས་ཀྱིས། ཁྱིམ་བདག་ལ་བཀའ་སྩལ་པ། ཁྱོད་ཀྱིས་འདི་དག་ཞུས་པ་ལེགས་ཀྱིས། ཤིན་ཏུ་རྟག ་པར་ཉོན་ལ་ཡིད་ལ་ཟུང་ཞིག་དང་། ཁྱོད་ལ་བསྟན་ཏོ་ཞེས་བཀའ་སྩལ་ནས། ཁྱིམ་བདག་གིས་དེ་བཞིན་ཐོས་པར་འཚལ་ལོ་ཞེས་གསོལ་ཏོ།། བཅོམ་ལྡན་འདས་ཀྱིས་བཀའ ་སྩལ་པ་སྔོན་འདས་པའི་དུས་ན། ཁྱིམ་བདག་གཅིག་ལ་བུ་ཁྱེའུ་སྤུན་གཉིས་ཤིག་ཡོད་དེ། གཅིག་ནི་སྦྱིན་པ་ཞེས་བྱ། གཅིག་ནི་ཚུལ་ཁྲིམས་ཞེས་བྱ་སྟེ། ཁྱེའུ་སྤུན ་གཉིས་ཆུང་ངུ་ནས་ཆུ་གང་དང་ཁྲེལ་ལྟས་ཆེ་ལ་ཚིག་བདེན་པར་སྨྲ་བ། རྟག་ཏུ་སྦྱིན་པ་ལ་དགའ་བ། དབུལ་འཕོངས་པ་ལ་མགོན་བྱེད་དེ། དེ་ལྟར་དད་པ་ཆེ་ཞིང་དགེ་བས་ཡུལ་མིས ་ཀྱང་བསྔགས་ཏེ། རྒྱལ་པོས་ཀྱང་ཞལ་ཆེ་བར་བཅུག་ནས། ཉེས་པ་དང་མ་ཉེས་པ་སྦྱོང་ངོ་།། དེའི་ཚེ་ན་རྒྱལ་པོ་ཡུལ་ཁྲིམས་ཀྱིས་ཡུལ་མི་དག་གཅིག་ལ་གཅིག་ཅི་བསྐྱིས་ཀྱང་ཞལ ་ཆེ་བའི་དྲུང་དུ་ལྷགས་ནས་དཔང་འཛུགས་ཀྱི། གཏན་ཚིགས་གཞན་མི་ཟེར་རོ།། དེའི་ཚེ་ཚོང་པ་ཞིག་རྒྱ་མཚོར་འགྲོ་བ་ལས་དེའི་ནུ་བོ་ཚུལ་ཁྲིམས་ཞེས་བྱ་བ་ལས་ནོར་དབྱིག་མང་པོ ་ཞིག་བསྐྱིས་ཏེ་ཅི་དགོས་པར་སྤྱོད་དོ། ། དེའི་ཚེ་ན་ཚུལ་ཁྲིམས་དེ་ལ་བུ་གཅིག་པུ་ཞིག་ཡོད་པ་ཡང་། གཞོན་ལ་ཆུང་བས་ཚུལ་ཁྲིམས་ཀྱིས་བུ་ཡང་ཁྲིད ་ཅི་དང་ཅི་སྦྱིན་པར་བྱས་པའི་ནོར་རྫས་ཀྱང་ཁྱེར་ནས་ཕུ་བོའི་གན་དུ་སོང་སྟེ། འདི་སྐད་དུ་ཚོང་བ་འདིས་བདག་ལ་ནོར་འདི་སྙེད་ཅིག་སྔ་བསྦྱིན་དུ་འཚལ་ཏེ། རྒྱ་མཚོ་ནས་ནམ་སླར་འཁོར ་བ་ན་སྩལ་བར་བགྱིས་པ། གལ་ཏེ་བདག་གུམ་ན་ཡང་བུ་ལ་སྩལ་བར་བགྱིས་ཀྱིས། གཅེན་མཁྱེན་པར་མཛོད་ཅིག། ཕུ་བོས་ཀྱང་དེ་བཞིན་དུ་བྱའོ་ཞེས་སྨྲས་སོ།། དེ་ནས་རིང ་པོར་མ་ལོན་པར་ཁྱིམ་བདག་ཚུལ་ཁྲིམས་དེ་ཚེའི་དུས་བྱས་སོ། ། ཚོང་དཔོན་དེ་ཡང་རྒྱ་མཚོའི་ནང་དུ་རླུང་གིས་གྲུ་ཁྱེར་ནས། གྲུ་ཞིག་སྟེ་ཚོང་པ་འབའ་ཞིག་ཤིང་ལེབ་ཅིག་ལ་འཇུས་ནས ་ཕྱིར་ཡུལ་དུ་ཕྱིན་ཏོ། ། དེའི་ཚེ་ན་ཁྱིམ་བདག་གིས་ཀྱང་ཚོང་པ་དེ་གྲུ་ཞིག་ནས་ནོར་ནི་འཁྱམས་ཀྱི། གཅིག་པུ་ཕྱིར་འཁོར་ཏེ། བདག་གི་ནོར་རྫས་འདི་སྙེད་ཅིག་ཆགས་མོད་ཀྱི ་བ་དར་མེད་དོ་སྙམ་བསམས་སོ། ། དེ་ནས་ཡང་ཚོང་པ་དེས་གཞན་ལ་བསྐྱི་བརྙ་བྱས་ནས། ཕྱིར་རྒྱ་མཚོར་ཞུགས་པ་དང་། ནོར་བུ་རིན་པོ་ཆེ་མང་དུ་རྙེད་དེ་བདེ་བར་ཕྱིར་འཁོར་ནས་འདི ་སྙམ་དུ་བསམས་སོ། ། ཁྱིམ་བདག་གི་བུ་འདི་སྔར་ཡང་བདག་ལ་བུ་ལོན་མོ་དད་པ་ལས་ན། མི་འདི་ཆུང་ཆེས་པས་གལ་ཏེ་ན་བརྗེད་དེ་མི་དྲན་ནམ། འོན་ཏེ་བདག་ལ་ཅི་ཡང་མི་བདོག ་པས་བུ་ལོན་མི་འདོད་པ་བགམ་མོ་སྙམ་བསམས་ནས་རྟ་བཟང་པོ་ཞིག་ལ་ཞོན་ཏེ། གོས་རིན་པོ་ཆེ་གྱོན་ནས་ཚོང་དུས་སུ་སོང་ངོ་།། ཁྱིམ་བདག་གི་བུ་དེས་ཀྱང་ཚོང་པ་དེ་གོས་བཟང་པོ ་གྱོན་ཞིང་རྟ་བཟང་པོ་ཞོན་པ་མཐོང་ནས་བསམས་པ། འདི་ནི་ལོངས་སྤྱོད་དང་ལྡན་པར་གྱུར་པ་ལྟ། བུ་ལོན་བདའ་འོ་སྙམ་ནས། མི་ཞིག་ལ་བུ་ལོན་ཆགས་པའི་རྣམས་ད་ཕྱིར་མི་སྦྱིན་ནས ་ཞེས་སྤྲིང་ནས། དེས་ཀྱང་དེ་བཞིན་དུ་བྱའོ་ཞེས་སྨྲས་སོ།། དེ་ནས་ཚོང་པ་དེས་བསམས་པ། ཁྱིམ་བདག་འདི་ལས་ནོར་དབྱིག་མང་དུ་བསྐྱིས་པས། བདག་ལ་ལོངས་སྤྱོད་ཅི་བདོག ་པ་ཐམས་ཅད་གཏུགས་ཀྱང་མི་འཁོར་ཏེ། བདག་གིས་ཐབས་ཤིག་བྱའོ་སྙམ་བསམས་ནས། ཚོང་པ་དེ་ནོར་བུ་རིན་པོ་ཆེ་གཅིག་ཐོགས་ཏེ། ཞལ་ཆེ་བ་དེའི་ཆུང་མའི་གན་དུ་སོང་ནས ་འདི་སྐད་ཅེས་གསོལ་ཏོ། ། བཙུན་མོ་མཁྱེན་པར་མཛོད་ཅིག། བདག་གིས་སྔོན་ཁྱིམ་བདག་ཚུལ་ཁྲིམས་ལས་ནོར་རྫས་ཅུང་ཟད་ཅིག་བསྐྱིས་ཏེ། ད་ཁྱིམ་བདག་གི་བུ་བདག་ལ་བུ་ལོན ་དེད་ན་ནོར་བུ་རིན་པོ་ཆེ་སྲང་ཁྲི་རི་བ་འདི་བཞེས་ཏེ། ཞལ་ཆེ་བ་ལ་བདག་ཅག་གཉིས་འདྲིར་འོངས་ན། མ་མཐོང་ངོ་ཞེས་བྱ་བར་གསོལ་བར་གྱིས་ཤིག་ཅེས་གསོལ་ཏོ།། ཆུང་མས་སྨྲས ་པ་བདག་གི་ཁྱིམ་ཐབ་འདི་ནི་ཤིན་ཏུ་དྲང་སྟེ། བརྫུན་མི་ཟེར་བས་མི་བཏུབ་ཏུ་ངེས་ན། འོན་ཀྱང་གསོལ་བར་བྱའོ་ཞེས་ནོར་བུ་བླངས་ཏེ། ཁྱིམ་ཐབ་ནུབ་མོ་སླར་འཁོར་བ་དང་། ་ཚོང་པས་གསོལ་བ་བཞིན་དུ་རྒྱས་པར་སྨྲས་སོ།། ཁྱིམ་ཐབ་ཀྱིས་སྨྲས་པ། བདག་ནི་ཆུ་གང་དང་ཁྲེལ་ལྟས་ཀྱིས་འཚོ་སྟེ། བརྫུན་མི་ཟེར་བས་ཀྱང་ཞལ་ཆེ ་བར་བཅུག་གོ། ། གལ་ཏེ་བདག་གིས་བརྫུན་སྨྲས་ན་ནི། རིགས་པ་དང་གཤའ་བ་མ་ཡིན་ནོ་ཞེས་སྨྲས་སོ།། ཕྱི་དེ་ཉིན་ཡང་ཚོང་པ་འོངས་ནས། ཆུང་མས་ཀྱང་དེ་བཞིན་དུ་གཏམ ་རྒྱས་པར་སྨྲས་ཏེ། ནོར་བུ་ཕྱིར་བྱིན་པ་ལས་ཚོང་པ་དེས། ནོར་བུ་ར་ན་པོ་ཆེ་སྲང་སྟོང་ཕྲག་ཉི་ཤུ་རི་བ་གཅིག་ཡང་ཕུལ་ཏེ། འདི་སྙམ་དུ་དོན་ཅུང་ཟད་ཀྱི་ཕྱིར་ཚིག་གཅིག་ཙམ་སྨྲས ་པས་སྲང་སྟོང་ཕྲག་སུམ་ཅུ་རྙེད་པར་འགྱུར་རོ། ། ཕ་རོལ་པོ་ནི་ཆེ་བོ་ཡ་ནི་ཏེ། རྒྱལ་བར་གྱུར་ན་ཡང་དོང་ཚེ་གཅིག་ཙམ་ཡང་ཐོབ་པར་མི་འགྱུར་རོ་ཞེས་སྨྲས་ནས། འདི་ནི་རིགས ་པ་ཡིན་ནོ་སྙམ་སྟེ། ནོར་བུ་རིན་པོ་ཆེ་ལ་ཆགས་པས་ཚོང་པས་བཅོལ་བ་སྒྲུབ་པར་ཁས་བླངས་ཏེ། དགོངས་སུ་ཁྱིམ་ཐབ་ཕྱིར་འཁོར་བ་དང་། ཁར་རྩང་བདག་གིས་གསོལ་བ་དེ་རུང ་བ་དང་འདྲ་ན་དེ་བཞིན་མཛད་དུ་གསོལ། ཁྱིམ་བདག་གིས་སྨྲས་པ། འདི་ནི་རིགས་པ་མ་ཡིན་ཏེ། བདག་བརྫུན་མི་ཟེར་བས་ཞལ་ཆེ་བར་བཅུག་གོ།། གལ་ཏེ་བརྫུན་ཞིག་སྨྲས་ན། ་ཡང་ཚེ་འདི་ལ་འཇིག་རྟེན་པ་ཀུན་གྱིས་ཡིད་ཆེས་པར་མི་འགྱུར། ཚེ་ཕྱི་མ་ལ་ཡང་བསྐལ་པ་གྲངས་མེད་པའི་བར་དུ་སྡུག་བསྔལ་མྱོང་བར་འགྱུར་རོ་ཞེས་བསྒོའོ།། དེའི་ཚེ ་ན་ཁྱིམ་བདག་དེ་ལ་བུ་ཁྱེའུ་འགྲོ་མི་ནུས་པ་གོག་ཙམ་ཞིག་ཡོད་དེ། ཁྱིམ་བདག་གི་ཆུང་མས། ཁྱིམ་བདག་ལ་འདི་སྐད་ཅེས་སྨྲས་སོ།། བདག་ནི་ཁྱོད་དང་ཁྱོ་ཤུག་ཏུ་གྱུར་པས ་སྲོག་ལ་བབ་པ་ཞིག་སྨྲས་ན་ཡང་མི་བཟློགས་སུ་རེ་ན། འདི་ལྟ་བུའི་དོན་ཆུང་ངུ་གཅིག་ལ་ཡང་ཚིག་བརྟུལ་ཏེ་ངོ་ཟློག་ན། བདག་གསོན་ཏེ་ཡང་ཅི་རུང་། བདག་གི་གསོལ་བ་བཞིན་དུ། ་མ་གྱུར་ན། བུ་ཡང་བསད་ལ་དེའི་འོག་ཏུ་བདག་ཀྱང་འཆིའོ།། ཁྱིམ་བདག་གིས་དེ་སྐད་ཅེས་སྨྲས་པ་ཐོས་ནས། དཔེར་ན་མི་བརྣངས་པ་སྐྱུག་ཏུ་མེད་ལ། མིང་དུ་ཡང་མེད་པ ་ལྟར་བ་དག་ལ་བུ་འདི་གཅིག་པུར་ཟད་དེ། གལ་ཏེ་ཤི་བར་གྱུར་ན་ནོར་གྱི་བདག་པོ་ཡང་མེད་པར་འགྱུར་ན། གལ་ཏེ་བུད་མེད་ཀྱིས་སྨྲས་པ་བཞིན་དུ་བྱས་ན་ཡང་། འཇིག་རྟེན་པ་ཀུན ་གྱིས་སྨྲས་པ་ཡིད་མི་ཆེས་ཏེ། མ་འོངས་པའི་དུས་སུ་ཡང་སྡུག་བསྔལ་མང་པོ་མྱོང་བར་འགྱུར་རོ་སྙམ་ནས། མ་རངས་བཞིན་དུ་ཆུང་མས་སྨྲས་པ་བཞིན་བྱས་པས། ཆུང་མ་ཡང ་རབ་ཏུ་དགའ་ནས་ཚོང་པ་ལ་བུ་ངའི་ཁྱོས་ཀྱང་གནང་གིས། དེ་བཞིན་དུ་གྱིས་ཤིག་ཅེས་བསྒོའོ།། ཚོང་པ་ཡང་རབ་ཏུ་དགའ་ནས་ཕྱིར་ཁྱིམ་དུ་སོང་སྟེ། གླང་པོ་ཆེན་པོ་གཅིག་རིན་པོ་ཆེ ་སྣ་ཚོགས་ཀྱིས་བརྒྱན་ནས་གོས་རིན་པོ་ཆེ་གྱོན་ཏེ། གླང་པོ་ཆེ་དེ་ལ་ཞོན་ནས་ཚོང་དུས་སུ་འོངས་སོ།། ཁྱིམ་བདག་གི་བུ་དེས་དེ་ལྟ་བུ་མཐོང་ནས་དགའ་སྟེ། ཡིད་ལ་ད་ནི་མི་འདི་ལོངས ་སྤྱོད་མང་པོ་དང་ལྡན་གྱིས། བདག་གི་བུ་ལོན་བདའ་བོ་སྙམ་བསམས་ནས་དྲུང་དུ་སོང་སྟེ། སར་ཕག་ལ་འདི་སྐད་ཅེས་སྨྲས་སོ།། ཁྱིམ་བདག་མཁྱེན ་ཏམ་བདག་གི་བུ་ལོན་ཆགས་པའི་རྣམས་ད་ལྟར་སྩོལ་ཞིག་ཅེས་སྨྲས་ན། ཁྱིམ་བདག་དེ་དངས་པ་ལྟར་བྱེད་དེ། ཁྱོད་ཀྱི་བུ་ལོན་ཆགས་སུ་མི་དྲན་ནོ།། བུ་ལོན་ཅིག་ཞིག ་ཆགས་སུ་མཐོང་ངོ་ཞེས་སྨྲས་སོ། ། ཁྱིམ་བདག་གི་བུས་སྨྲས་པ། ལོ་དང་ཟླ་བའི་ངོ་ཆེ་གེ་མོ་ཞིག་ལ། བདག་གི་ཕ་ལས་ནོར་བསྐྱིས་ཏེ། བདག་གི་ལག་ནས་ནོར་ཁྱེར་བར་ཞལ ་ཆེ་བ་ཡང་ཤེས་ན། ཅིའི་ཕྱིར་བསྙོན་ཅེས་སྨྲས་སོ།། ཚོང་པས་སྨྲས་པ། བདག་གིས་ནི་ཁྱོད་ཀྱི་ནོར་བསྐྱིས་པར་མི་དྲན་ནོ།། མཐོང་བ་ཞིག་ཡོད་ན་མཐོང་བའི་ཐད་དུ་གཏུག་ཏུ ་འདོང་ངོ་ཞེས་སྨྲས་ནས། ཞལ་ཆེ་བའི་ཐད་དུ་ཕྱིན་ནས། མི་འདིས་སྔོན་བདག་གི་ཕ་ལས་ནོར་འདི་སྙེད་ཅིག་བསྐྱིས་ཏེ། ཁུ་བོས་ཀྱང་མཐོང་ན། མི་འདིས་བདག་གི་ཕ་ལས་ནོར ་མ་འཚལ་ལམ་ཞེས་དྲིས་ན། ། བུ་བོས་ཀྱང་བདག་ལ་གཏོལ་མེད་ཅེས་སྨྲས་སོ།། ཚ་བོ་དངངས་ནས་དེའི་ཚེ་ན་བདག་གི་ནོར་ཅི་བསྐྱིས་པ། ཁུ་བོས་ལག་པས་བསྔོས་ཏེ་མི་འདི་ལ་བྱིན་པ་མི ་དྲན་ནམ། སྤྲས་པ། དེ་ལྟ་བུ་མེད་དོ་ཞེས་སྨྲས་སོ།། དེ་ནས་ཁྱེའུ་དེ་ཁུ་བོ་ལ་ཁྲོས་ནས། ཁྱོད་དྲང་བའི་ཕྱིར་ཀུན་གྱི་ཞལ་ཆེ་བར་རྒྱལ་པོས་བཅུག་སྟེ། ཡུལ་མི་ཐམས་ཅད ་ཀྱིས་དྲང་པོ་ཞེས་བྱས་ན། བདག་ཚ་བོ་ལ་ཡང་འདི་ལྟར་བྱེད་ན། གཞན་དག་ལ་ཐོག་ཏུ་མ་བབ་ཅིང་གཏམ་ལས་ཆང་ལས་ཆད་པས་ལྟ་ཅི་སྨོས་ཏེ། འདི་བདེན་ནམ་བརྫུན་པ་དེའུ་རེ ་མངོན་ནོ་ཞེས་སྨྲས་སོ། ། བཅོམ་ལྡན་འདས་ཀྱིས། ཁྱིམ་བདག་ལ་བཀའ་སྩལ་པ། དེའི་ཚེ་ན་ཞལ་ཆེ་བ་དེ་ཤེས་པར་འདོད་ན་གཞན་ཡིན་ནོ་སྙམ་དུ་མ་སེམས་ཤིག། དེ་ནི་མན་འཛི ་བྱི་ལི་དབང་པོ་རྣམས་མེད་པ་ཡིན་ནོ། ། དེའི་ཚེ་ན་བརྫུན་གཅིག་བྱས་པས་སེམས་ཅན་དམྱལ་བ་ཆེན་པོར་སྐྱེས་ནས་སྡུག་བསྔལ་སྣ་ཚོགས་མྱོང་སྟེ། དམྱལ་བ་ལས་ཐར་ནས་སྐྱེ་བ ་ལྔ་བརྒྱའི་བར་དུ་དབང་པོ་ཅི་ཡང་མེད་པའི་ཤ་གོང་གོང་པོར་སྐྱེས་སོ། ། དེའི་ཚེ་ན་སྦྱིན་པ་ལ་དགའ་བའི་དབང་གིས་རྟག་ཏུ་ཕྱུག་པོའི་ཁྱིམ་དུ་སྐྱེས་ནས་ནོར་གྱི་བདག་པོར་གྱུར་ཏོ།། དགེ་བའི ་ལས་དང་སྡིག་པའི་ལས་ནི་ཡུན་རིང་པོར་ལོན་ཀྱང་མེད་ཅིང་ཞིག་པར་མི་འགྱུར་རོ། ། དེ་བས་ན་ཁྱེད་རྣམས་བརྩོན་འགྲུས་སུ་ལུས་དང་། ངག་དང་། ཡིད་བསྡམས་ཏེ་སྡིག་པ་ནི་མི ་བྱའོ། ། དེའི་ཚེ་འཁོར་མང་པོ་རྣམས་བཅོམ་ལྡན་འདས་ཀྱིས་གསུངས་པ་ཐོས་ནས། ལ་ལ་ནི་འབྲས་བུ་དང་པོ་ནས་འབྲས་བུ་བཞི་པའི་བར་དུ་ཐོབ་པར་གྱུར། ལ་ལ་ནི་བླ་ན ་མིང་པའི་བྱང་ཆུབ་ཏུ་སེམས་བསྐྱེད་དེ་རྗེས་སུ་ཡི་རངས་ནས་མངོན་པར་དགའ་འོ། ། ཁྱིམ་བདག་དབང་པོ་མེད་པའི་ལེའུ་སྟེ་བཅུ་བདུན་པའོ།། །། དབུལ་མོས ་རས་བྱིན་པའི་ལེའུའོ། ། དེའི་ཚེ་ན་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་གི་དགེ ་འདུན་ལ་ཆོས་སྟོན་ཅིང་བཞུགས་སོ། ། དེའི་ཚེ་ན་ཡུལ་དེ་ན་ཁྱིམ་བདག་གཅིག་གི་ཆུང་མ་ཞིག་ལ་བུ་མོ་ཞིག་བཙས་ནས། བུ་མོ་གཞན་པས་འཕགས་པར་བཞིན་བཟང་བ་བལྟ་ན་སྡུག་པ་མཛེས ་པ་ཞིག་སྟེ། ཐོག་མ་བཙས་ནས་རས་དཀར་པོ་འཇམ་པོས་དཀྲིས་ཏེ་བྱུང་ངོ་།། དེ་ལ་ཕ་མ་ཡ་མཚན་དུ་གྱུར་ཏེ། མཚན་མཁན་ལ་བསྟན་ནས། མཚན་མཁན་གྱིས་བལྟས་ཏེ ་བསོད་ནམས་ཆེན་པོ་དང་ལྡན་པར་རྟོགས་ནས། མིང་ཡང་དཀར་མོ་ཞེས་བཏགས་སོ།། བུ་མོ་དཀར་མོ་ཇི་ཙམ་དུ་སྐྱེས་པ་བཞིན་རས་ཀྱང་ལུས་ཀྱི་ཚད་དུ་སྐྱེས་སོ།། བུ་མོ་དེ་ཕྱིས ་ཆེར་སྐྱེས་ནས་ཡུལ་མི་ལས་མང་དུ་ཆུང་མར་སློང་བ་དང་། ཕ་མས་ཀྱང་བུ་མོ་བག་མར་བཏང་བའི་ཡོ་བྱད་རྒྱན་བརྡུང་སྙམ་ནས། མགར་བ་གཉེར་ཏེ་གསེར་དངུལ་གཅལ་ཏོ།། བུ ་མོས་གསེར་དངུལ་གཅལ་བ་མཐོང་ནས། འདི་ནི་ཅི་ཞིག་བྱ་ཞེས་ཕ་མ་ལ་དྲིས་པ་དང་། འདི་ནི་ཁྱོད་བག་མར་བཏང་བའི་རྒྱན་རྣམས་བརྡུང་ངོ་ཞེས་སྨྲས་སོ།། བུ་མོས་སྨྲས་པ། བདག ་ནི་རབ་ཏུ་འབྱུང་བར་དད་ཀྱིས། བག་མར་མཆི་བར་མི་དགའ་འོ།། ཕ་མས་ཀྱང་བུ་མོའི་ཡིད་དང་སྦྱར་ནས་དེ་མ་ཐག་ཏུ་རས་ཕྱུང་སྟེ། ཆོས་གོས་དྲུབ་པར་བཤམས་པ་ལས། བུ་མོས ་རས་འདི་ཅི་ཞིག་བྱ་ཞེས་དྲིས་པ་དང་། ཁྱོད་ཀྱི་གོས་དྲུབ་བོ་ཞེས་སྨྲས་སོ།། བུ་མོས་སྨྲས་པ། བདག་གོས་གྱོན་པ་ཡོད་ཀྱིས་དྲུབ་མི་དགོས་སོ།། བདག་བཅོམ་ལྡན་འདས་གང་།། ་ན་བཞུགས་པར་ཁྲིད་དེ་འདོང་ངོ་ཞེས་སྨྲས་ནས། བཅོམ་ལྡན་འདས་ཀྱི་སྤྱན་སྔར་ཁྲིད་དོ།། སངས་རྒྱས་གང་ན་བ་དེར་ཕྱིན་པ་དང་། བཅོམ་ལྡན་འདས་ལ་མགོ་བོས་སྤང་ཕྱག་འཚལ ་ཏེ། རབ་ཏུ་འབྱུང་བར་གསོལ་ཏོ།། བཅོམ་ལྡན་འདས་ཀྱིས་ཀྱང་ལེ་གོས་པར་འོངས་སོ་ཞེས་བཀའ་སྩལ་པས། སྐྲ་རང་བྱི་སྟེ་ལུས་ལ་གྱོན་པའི་གོས་དཀར་པོ་ཡང་ཆོས་གོས་སྨད ་སྔར་གྱུར་ནས། དགེ་སློང་མ་སྐྱེ་དགུའི་བདག་མོ་ལ་གཏད་དོ།། དགེ་སློང་མ་དེས་བརྩོན་འགྲུས་བརྩམས་པས། རིང་པོར་མ་ལོན་པར་དགྲ་བཅོམ་པར་གྱུར་ཏོ།། ཀུན ་དགའ་བོས། བཅོམ་ལྡན་འདས་ལ་གསོལ་པ། དགེ་སློང་མ་དཀར་མོ་སྔོན་བསོད་ནམས་ཅི་བགྱིས་ན། ཁྱིམ་བདག་གི་ཁྱིམ་དུ་སྐྱེས་ཏེ་ལུས་ལ་རས་ཀྱང་མཆིས་ལ། རབ་ཏུ་བྱུང་ནས ་རིང་པོ་མ་ལགས་པར་དགྲ་བཅོམ་པར་གྱུར། བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། སྔོན་འདས་པའི་དུས་ན་སངས་རྒྱས་གསོད་སྐྱབས་འཇིག་རྟེན་དུ་གཤེགས ་ཉེ་གནས་དང་བཅས་ནས་སེམས་ཅན་གྱི་དོན་ལ་གཤེགས་པ་ལས། ཡུལ་མི་ཐམས་ཅད་ཀྱིས་མཆོད་པ་རྒྱས་པར་བྱས་སོ།། དེའི་ཚེ་དགེ་སློང་གཅིག་ཅིག་འགྲོ་བ་མང་པོའི ་དོན་དུ་ཡུལ་མི་ཐམས་ཅད་སངས་རྒྱས་ལ་ཆོས་ཉན་པ་དང་སྦྱིན་པ་བྱེད་པར་བསྐུལ་ལོ། ། དེའི་ཚེ་ན་བུད་མེད་འདའ་ནི་ཀ་ཞེས་བྱ་བ་རབ་ཏུ་དབུལ་ཕོངས་པ་ཞིག་སྟེ། ་ཁྱོ་ཤུག་གཉིས་ལ་གོས་སུ་རས་ཡུག་གཅིག་ལས་མི་བདོག་སྟེ། ཁྱོ་དོན་གཉེར་དུ་འགྲོ་ན་རས་ཁྱོ་གྱོན་ཏེ། ཆུང་མ་སྒྲེན་མོར་རྩའི་སྟེང་ན་འདུག་གོ། ཆུང་མངོན་གཉེར་ན་རས་ཆུང་མས ་གྱོན་ཏེ། ཁྱོ་རྩཝ་ཕུང་གི་ནང་ན་སྒྲེན་མོར་འདུག་གོ།། ཕྱིས་ཀུན་གྱི་དོན་བྱེད་པའི་དགེ་སློང་དེ། དེའི་སྒོར་འོངས་ནས་བུད་མེད་དེ་དང་ཕྲད་དེ། བུད་མེད་དེ་ལ་ཁྱོད་སངས་རྒྱས་ལ་ཕྱག ་འཚལ་དུ་སོང་ཞིག། ཡོན་ཕུལ་ཅིག། ཅེས་སྦྱིན་པའི་ཡོན་ཏན་བསྔགས་ཏེ། སེར་སྣ་བྱེད་པའི་རྣམ་པར་སྨིན་པ་བསྟན་ནས། སངས་རྒྱས་འཇིག་རྟེན་དུ་འབྱུང་བར་དཀའ་བ་དང་། ་ཆོས་ཐོས་པར་དཀའ་བ་དང་། མི་ལུས་ཐོབ་པར་དཀའ་ཞེས་པའི་གཏམ་རྒྱས་པར་བྱས་ནས་ཆོས་ཉན་དུ་སང་ཞིག་ཅེས་བསྐུལ་བ་དང་། བུད་མེད་དེས་སྨྲས་པ། བཙུན་པ་ཅུང་ཟད་བཞུག ་ཤིག་བདག་སླར་མཆིའོ་ཞེས་སྨྲས་ནས། ཁང་པའི་ནང་དུ་སོང་སྟེ། ཁྱོ་ལ་འདི་སྐད་ཅེས་སྨྲས་སོ།། སྒོ་ན་དགེ་སློང་ཞིག་ཁྱོད་སངས་རྒྱས་ལ་ཕྱག་འཚལ་དུ་སོང་ཞིག། ཆོས་ཉོན་ཅིག། ་སྦྱིན་བགྱིས་ཤིག་ཅེས་མཆིའོ།། བདག་ཅག་ཆེ་སྔ་མ་ལ་སྦྱིན་པ་མ་བྱས་པས་འདི་ལྟར་དབུལ་འཕོངས་པར་གྱུར་ཏོ།། ད་ཡང་ཅི་ཞིག་གིས་ཚེ་ཕྱི་མའི་ཚོགས་སུ་འགྱུར་བར་བྱ། ཁྱོས ་སྨྲས་པ་འདི་ལ་ནི་སྦྱིན་པར་འོས་ན། བདག་ཅག་དབུལ་འཕོངས་ཏེ་ཅི་ཡང་མེད་ན་ཅི་ཞིག་སྦྱིན་པར་བྱ། ཆུང་མས་སྨྲས་པ། ཚེ་སྔ་མ་ལ་ཡང་སྦྱིན་པ་མ་བྱས་པས། འདི་ལྟར ་དབུལ་བར་གྱུར་ན། ད་ཡང་སྦྱིན་པ་མ་བྱས་ན་ཚེ་ཕྱི་མ་ལ་གར་འགྲོ་སྟེ། བདག་ནི་སྦྱིན་པ་ཞིག་བྱེད་ཀྱིས་ཁྱོད་ཀྱིས་གནོང་ཞིག། ཁྱོས་བསམས་པ་འདི་ལ་ནི་ནོར་ཁུང་པ་ཞིག་ཡོད་པ་གང ་སྟེ། སྦྱིན་པ་གྱིས་ཤིག་ཅེས་སྨྲས་པ་དང་། ཆུང་མས་བདག་གི་རས་འདི་སྦྱིན་པར་དགའ་བོ་ཞེས་སྨྲས་སོ།། ཁྱོས་སྨྲས་པ། བདག་ཅག་ཁྱོ་ཤུག་གཉིས་ལ་རས་འདི་ལས་མེད་དེ ་འདིས་དོན་གཉེར་ཞིང་འཚོ་བར་ཟད་ན། ད་སྦྱིན་པར་བྱས་ན་གཉིས་ཀ་སྡོད་དམ། ཆུང་མས་སྨྲས་པ། མི་གཅིག་སྐྱེས་པ་ཚེ་འཕོ་བ་ཡོད་པས་འདི་མ་བྱིན་ཡང་ཚེ་འཕོ་ལ། བྱིན ་ཡང་ཚེ་འཕོ་བས་ཉིས་ན་སྦྱིན་པ་བྱས་ཏེ་ཚེ་འཕོས་ན། ཚེ་ཕྱི་མ་ལ་རེ་བ་ཡོད་པས་སྦྱིན་པ་བྱས་ན་ཚེ་འཕོས་ཀྱང་བླའོ།། ཁྱོ་ཡང་དགའ་བཞིན་དུ་སྦྱིན་པ་གྱིས་ཤིག་ཅེས་བསྒོ་ནས ་ཆུང་མ་ཕྱི་རོལ་ཏུ་སོང་སྟེ། དགེ་སློང་ལ་འདི་སྐད་ཅེས་སྨྲས་སོ།། བཙུན་པ་ཅུང་ཟད་མོ་གཟིགས་ཤིག། བདག་སྦྱིན་པ་བགྱིའོ་ཞེས་སྨྲས་པ་དང་། དགེ་སློང་གིས་ཁྱོད་སྦྱིན་པ་བྱེད་ན་མངོན ་སུམ་དུ་ལག་གིས་བྱིན་ཅིག། སྦྱིན་པའི་ཚིགས་བཅད་བྱའོ་ཞེས་བསྒོའོ།། བུད་མེད་དེས་སྨྲས་པ། ལུས་ལ་རས་འདི་ལས་མེད་དོ།། འོག་ན་གོས་གཞན་མེད་ན་བུད་མེད་ཀྱི་ལུས ་བཙོག་པ་དྲི་མ་མནམ་པོ་འདི་གཟིགས་པར་མི་འོས་ཀྱིས། ནང་ནས་དབུལ་ལོ་ཞེས་སྨྲས་པ་དང་། ནང་རོལ་ནས་རས་ཕུད་དེ་དགེ་སློང་དེ་ལ་ཕུལ་ལེ།། ་དགེ་སློང་དེས་སྦྱིན་པའི་ཚོགས་བཅད་བྱས་ནས། རས་དེ་ཐོགས་ཏེ་སངས་རྒྱས་གང་ན་བར་ཕྱིན་པ་དང་། བཅོམ་ལྡན་འདས་ཀྱིས། དགེ་སློང་ལ་དེ་ལ་བུད་མེད་ཀྱིས་ཕུལ་བའི་རས་དེ་འོན ་ཅིག་ཅེས་བཀའི་སྩལ་ཏོ། ། དགེ་སློང་དེས་ཀྱང་རས་དེ་སངས་རྒྱས་ལ་ཕུལ་ནས། བཅོམ་ལྡན་འདས་ཀྱིས་ཕྱག་གིས་བཞེས་སོ།། རས་རྙིངས་ཤིང་དྲི་མས་གོས་པས། རྒྱལ་པོའི ་འཁོར་རྣམས་རས་དྲི་མ་ཅན་ཕྱག་ཏུ་བཞེས་པ་ལ་འཕྱའོ། ། བཅོམ་ལྡན་འདས་ཀྱིས་འཁོར་མང་པོའི་བསམ་པ་མཁྱེན་ནས་འདི་སྐད་ཅེས་བཀའ་སྩལ་ཏོ།། ངས་བལྟས་ན་འཁོར་འདིའི ་ནང་ན་སྦྱིན་པ་རྣམ་པར་དག་པ་ནི་འདི་ལས་འདའ་བ་མེད་དོ་ཞེས་བཀའ་སྩལ་ཏོ། ། འཁོར་མང་པོ་ངོ་མཚར་དུ་གྱུར་ཏོ།། དེ་ནས་རྒྱལ་པོའི་བཙུན་མོ་རབ་ཏུ་དགའ་སྟེ། ལུས་ལ་གྱོན་པའི ་གོས་དང་རྒྱན་རྣམས་ཕུད་ནས་བུད་མེད་དེ་ལ་བསྐྱལ་ཏོ། ། རྒྱལ་པོས་ཀྱང་གོས་དང་རྒྱུན་ཕུད་ནས་དེའི་ཁྱིམ་ཐབ་ལ་བསྐྱལ་ཏེ། ཁྱོ་ཤུག་གཉིས་འཁོར་གྱི་ནང་དུ་ཤེག་ཅིག་ཅེས་བསྒོའོ།། ་སངས་རྒྱས་གསོད་སྐྱབས་ཀྱིས་འཁོར་མང་པོ་ལ་ཆོས་བསྟན་པས་ཕལ་ཆེར་རྣམ་པར་གྲོལ་བར་གྱུར་ཏོ།། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་པཱ། དེའི་ཚེ་དེའི་དུས་ན ་བུད་མེད་དབུལ་མོ་དེ་ནི་དགེ་སློང་མ་དཀར་མོ་ཡིན་ནོ། ། དེའི་ཚེ་ན་བསམ་པ་དག་པས་རས་བྱིན་པའི་དབང་གིས་བསྐལ་པ་དགུ་ཅུ་རྩ་གཅིག་གི་བར་དུ་གང་ནས་གང་དུ་སྐྱེས་ཀྱང་རྟག་ཏུ་རས ་དང་བཅས་སུ་སྐྱེས་ཏེ། བྲེལ་འཕོངས་པ་མེད་ཅིང་ཡིད་བཞིན་དུ་འབྱོར་པར་གྱུར་ཏོ།། སངས་རྒྱས་དེ་ལས་དམ་པའི་ཆོས་ཐོས་ནས། རྣམ་པར་གྲོལ་བར་སྨོན་ལམ་བཏབ་པས་འདིར ་ང་དང་ཕྲད་དེ་དགྲ་བཅོམ་པར་གྱུར་ཏོ། ། དེ་བས་ན་ཁྱེད་ཀྱང་ཆོས་མཉན་པ་དང་སྦྱིན་པ་བྱེད་པ་ལ་བརྩོན་འགྲུས་གྱིས་ཤིག་ཅེས་བཀའ་སྩལ་ནས། འཁོར་མང་པོ་བཅོམ་ལྡན་འདས་ཀྱིས་དེ ་སྐད་གསུངས་པ་ལ་ཡི་རངས་ནས་མངོན་པར་དགའ་འོ། ། དབུལ་མོས་རས་བྱིན་པའི་ལེའུ་སྟེ་བཅོ་བརྒྱད་པའོ།། །། བྲན་མོ་དབུལ་མོས་ཀ་ཏྱ་ཡ་ན་ལ་དབུལ་བཙོངས ་པའི་ལེའུའོ། ། དེའི་ཚེ་ན་བཙུན་པ་ཀ་ཏྱ་ཡ་ན་ཆེན་པོ་ཡུལ་ཨ་བ་དེ་ན་འདུག་པ་ལས། ཡུལ་དེ་ན་ཁྱིམ་བདག་ལོངས་སྤྱོད་དང་ལྡན་པ་སེར་སྣ་ཅན་སྙིང་རྗེ་མེད་པ་ཞིག་ལ་བྲན་མོ་རྒན་མོ་ཞིག་ཡོད་དེ། ་བྲན་མོ་དེ་ངན་ལས་ཐམས་ཅད་བྱེད་ཀྱང་གོས་ནི་ལུས་ལ་མི་གཡོག། ཟས་ནི་ཁར་མི་མྱོང་སྟེ། རྟག་ཏུ་བརྡེག་འཚོགས་པས། རྒན་མོ་མ་བཟོད་དེ་སྲོག་འདོར་དུ་འགྲོ་སྙམ་ནས། བུམ་པ ་ཐོགས་ཏེ་ཆུ་ཆུར་སོང་བ་ལས་ཆུ་འགྲམ་ན་སྐད་ཆེན་པོ་ཕྱུང་སྟེ་ངུས་སོ། ། ཀ་ཏྱ་ཡ་ན་དེར་འོངས་ཏེ་རྒན་མོ་ཅིའི་ཕྱིར་འདི་ལྟར་མི་དགའ་ཞེས་དྲིས་པ་དང་། འཕགས་པ་བདག་རྒས་པའི་སྟེང་དུ་ལས ་ནི་ཆེ། བགོ་བ་དང་བཟའ་བ་ནི་མེད། དབུལ་འཕོངས་པས་ཅིའི་ཕྱིར་མི་འགུམ་སྙམ་མི་དགའ་སྟེ་ངུའོ།། ཀ་ཏྱ་ཡ་ནས་སྨྲས་པ། རྒན་མོ་ཁྱོད་དབུལ་བཙོང་ན་ཅི་ཉེས ་རྒན་མོས་སྨྲས་པ། དབུལ་ཇི་ལྟར་བཙོང་། སུ་ཞིག་དབུལ་ཉོ་ཞེས་སྨྲས་པ་དང་། ཀ་ཏྱ་ཡ་ནས་དབུལ་བཙོང་དུ་རུང་ངོ་ཞེས་ལན་གསུམ་གྱི་བར་དུ་བསྒོ་བ་དང་། དབུལ་འདི་ཇི་ལྟར་བཙོང་དྲིའོ ་སྙམ་ནས། དབུལ་ཇི་ལྟར་བཙོང་དུ་རུང་ཞེས་དྲིས་སོ།། ཀ་ཏྱ་ཡ་ནས་སྨྲས་པ། ཇི་སྟེ་དབུལ་བཙོང་ཡང་དག་ན། ངས་བསྟན་པ་བཞིན་དུ་གྱིས་ཤིག་ཅེས་བསྒོ་བ་དང་། འཕགས་པ་དེ ་བཞིན་དུ་བགྱིའོ་ཞེས་གསོལ་ཏོ། ། ཀ་ཏྱ་ཡ་ནས་སྨྲས་ཕ། ཁྱོད་སྔར་ཁྲུས་གྱིས་ཤིག། བཀྲུས་པའི་འོག་ཏུ་སྦྱིན་པ་གྱིས་ཤིག། རྒན་མོས་སྨྲས་པ། བདག་ལ་ལྷན་པ་ཙམ་གྱི་རྒྱུ ་ཡང་མེད་ན་ཅི་ཞིག་སྦྱིན་པར་བྱ། བུམ་པ་འདི་ནི་ཇོ་མོའི་ཡིན་ཏེ་དབང་མ་མཆིས་སོ།། ཀ་ཏྱ་ཡ་ནས་སྨྲས་པ། ཁྱོད་ལྷུང་བཟེད་ཀྱི་ནང་ཆུ་གཙང་མས་ཁོང་ལ་ང་ལ་ཕུལ་ཅིག། ངས་སྦྱིན ་པའི་ཚིགས་སུ་བཅད་པར་བྱའོ། ། ཀ་ཏྱ་ཡ་ནས་ཆུ་བླངས་ནས་སྦྱིན་པའི་ཚོགས་བཅད་ཀྱང་བྱས། བསླབ་ཚིགས་ཀྱང་བྱིན། སངས་རྒྱས་ཀྱི་མཚན་ནས་ཀྱང་བརྗོད་དུ་བཅུག་སྟེ། ཡོན་ཏན ་རྣམ་པ་སྣ་ཚོགས་སུ་བསྔགས་ནས། རྒན་མོ་ཁྱོད་ལ་འདུག་པོའི་གནས་ཡོད་དམ། རྒན་མོས་སྤྲས་པ། བདག་ལ་གནས་མ་མཆིས་ཏེ། འཐབ་པ་དང་། གཏུན་བརྡུང་བ་དང ་ལས་བྱེད་པའི་གནས་ཉིད་ན་ཉལ་ལོ། ། བར་འགའ་ནི་ལུད་ཕུང་གི་སྟེང་ནའང་ཉལ་ལོ།། ཀ་ཏྱཱ་ཡ་ནས་སྨྲས་པ། ཁྱོད་ངན་ལས་བྱེད་པ་ལ་འགྱོད་པ་དང་མི་དགའ་བར་མ་བྱེད་པར་བརྩོན ་འགྲུས་སུ་ལས་བྱོས་ལ། ཇོ་མོ་བསྙལ་བའི་འོག་ཏུ་དལ་གྱིས་ཇོ་མོའི་སྒོ་ཕྱེ་སྟེ།། སྒོ་ཕག་གམ་གྲ་ཞིག་ཏུ་རྩཝ་གཙང་མ་བཏིང་བ་ལ་འདུག་ནས་གཞན་མ་སེམས་པར་སངས་རྒྱས་ཡིད་ལ་བྱོས་ལ ་དྲན་པར་གྱིས་ཤིག། དེ་ནས་རྒན་མོས་བསྟན་པ་བཞིན་དུ་བྱས་ནས། རིང་པོ་མ་ལོན་པར་མཚན་མོ་འདུག་བཞིན་ཚེ་འཕོས་ནས་སུམ་ཅུ་རྩ་གསུམ་གྱི་ལྷར་སྐྱེས་སོ།། དེའི་ཇོ་མོ་ནང་པར ་སྔར་ལངས་ནས། ཁྱིམ་གྱི་ནང་ན་བྲན་མོ་ཚེ་འཕོས་པར་མངོན་ནས་ཁྲོས་ཏེ། རྒན་མོ་འདི་ཁྱིམ་ནང་དུ་མ་བཏང་ན་ཅིའི་ཕྱིར་འདིར་ཚེ་འཕོས་ཞེས་གཤེ་ནས། རྐང་པ་ལ་རྩ་ཐག་གིས་བཏག ་ཏེ་བཤལ་ནས་དུར་ཁྲོད་དུ་བསྐྱལ་ལོ། ། དེའི་ཚེ་ན་ལྷའི་སྲས་པོ་ཞིག་ལ་ལྷའི་བུ་མོ་ལྔ་བརྒྱས་བསྐོར་ཏེ་རྩེ་དགའ་བ་ལས་ཚེ་འདས་ནས། རྒན་མོ་དེ་ལྷའི་སྲས་མོའི་ནང་དུ་སྐྱེས་སོ།། ལྷར ་སྐྱེ་བ་དག་དབང་པོ་རྣོན་པོས་ནི། བདག་ཅིའི་རྐྱེན་གྱིས་ལྷར་སྐྱེས་པར་ཤེས་སོ།། དབང་པོ་བརྟུལ་པོས་ནི་མི་ཤེས་ཏེ། རྒན་མོ་དེ་ཡང་ཅིའི་ཕྱིར་ལྷར་སྐྱེས་པ་ནི་མི་སེམས་ཀྱིས། བདེ་བ ་འབའ་ཞིག་ལ་ཆགས་སོ། ། དེའི་ཚེ་ན་ཤཱ་རིའི་བུ་སུམ་ཅུ་རྩ་གསུམ་གནས་ན་འདུག་པ་དེས། ཁྱོད་ཅིའི་རྐྱེན་གྱིས་ལྷར་སྐྱེས་པ་ཤེས་སམ་ཞེས་དྲིས་པ་དང་། བདག་གིས་མི་ཤེས་སོ་ཞེས ་སྨྲས་ནས། ཤཱ་རིའི་བུས་ལྷའི་མིག་གིས་བལྟས་ན། ཇི་ལྟར་ལྷར་སྐྱེས་པ་མཐོང་བར་བྱས་སོ།། དེ་ནས་ལྷའི་སྲས་མོ་ལྔ་བརྒྱ་ཙམ་དང་དུར་ཁྲོད་དུ་ལྷགས་ཏེ་རུས ་བུ་ལ་ལྷའི་མེ་ཏོག་གིས་གཏོར། སྤོས་ཀྱིས་མཆོད་པ་བྱས་སོ།། ལྷའི་འོད་ཀྱིས་གྲོང་ཁྱེར་དེ་དག་སྣང་བ་ཆེན་པོས་སྣང་བར་གྱུར་ནས། དེའི་ཇོ་མོ་ལ་སོགས་པ་ཡ་མཚན་དུ་གྱུར་ཏེ། མི་མང ་པོ་དང་ལྟར་དོང་བ་ལས། ལྷ་མང་པོ་རྒན་མོའི་རུས་བུ་ལ་མཆོད་པ་བྱེད་པ་མཐོང་ནས། ལྷ་རྣམས་ལ་ཁྱེད་ཅིའི་ཕྱིར་རུས་བུ་འདི་ལ་མཆོད་པ་བྱེད། འདི་ནི་གསོན་པོའི་ཚེ་ཡང་བཙོག་པས་ཀུན ་གྱིས་མི་འདོད་ན། དེ་ཚེ་འཕོས་པའི་རུས་བུ་ལ་ལྟ་ཅི་སྨོས་ཞེས་སྨྲས་སོ།། དེའི་ཚེ་ན་ལྷའི་སྲས་པོ་རྣམས་ཀྱིས་ཇི་ལྟར་ལྷར་སྐྱེས་པའི་གཏམ་རྒྱས་པར་བྱས་ནས། ཀ་ཏྱ་ཡ་ན་གང་ན ་བ་དེར་སོང་སྟེ་དེར་ཕྱིན་པ་དང་། ཀ་ཏྱ་ཡ་ནས་ལྷའི་སྲས་པོ་དེ་དག་ལ། སྦྱིན་པ་དང་། ཚུལ་ཁྲིམས་དང་། མཐོ་རིས་སུ་སྐྱེ་བ་ལ་སོགས་ཏེ། དམ་པའི་ཆོས་ཀྱི་གཏམ་རྒྱས་པར་བྱས།། ་མི་གཙང་བའི་ཆོས་དང་འབྱུང་བའི་ཆོས་བསྟན་པས། ལྷའི་སྲས་པོ་དེ་དག་རྡུལ་དང་བྲལ་དྲི་མ་དང་བྲལ་ཏེ། ཆོས་ལ་ཆོས་ཀྱི་མིག་རྣམ་པར་དག་པར་གྱུར་ནས་ཕྱིར་ལྷའི་གནས་སུ་དོང་ངོ་།། ། ་འཁོར་མང་པོ་རྣམས་ཀྱང་ཆོས་བསྟན་པ་ཐོས་ནས། སོ་སོ་ནས་འབྲས་བུ་དང་པོ་ནས་འབྲས་བུ་བཞི་པའི་བར་དུ་ཐོབ་པར་གྱུར་ཏེ། རྗེས་སུ་ཡི་རངས་ནས་མངོན་པར་དགའ་འོ།། བྲན་མོ ་དབུལ་མོས་ཀ་ཏྱ་ཡན་ལ་དབུལ་བཙོངས་པའི་ལེའུ་སྟེ་བཅུ་དགུ་པའོ། ། ། གསེར་ལྷའི་ལེའུའོ།། འདི་སྐད་བདག་གིས་ཐོས་པ་གཅིག་ན། བཅོམ་ལྡན་འདས་མཉན ་ཡོད་ན་རྒྱལ་བུ་རྒྱ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ན་ཡུལ་དེ་ན་ཁྱིམ་བདག་རབ་ཏུ་ཕྱུག་པ། ལོངས་སྤྱོད་ཆེ་བ། ནོར་བུ་རིན་པོ་ཆེས་པང་མཛ ་གང་བ་ཞིག་ཡོད་དེ། རིགས་མཉམ་པ་ལས་ཆུང་མ་བླངས་ནས། དེའི་ཆུང་མ་ལ་བུ་ཁྱེའུ་གསེར་གྱི་མདོག་ལྟ་བུ་ཞིག་བཙས་ཏེ། མཚན་མཁན་གྱིས་བལྟས་ནས། དེའི་མིང་གསེར ་ལྷ་ཞེས་བཏགས་སོ། ། ཁྱེའུ་དེ་བཙས་པ་ན། ཁྱེའུ་དེའི་ཁྱིམ་དུ་ཁྲོན་པ་ཆུ་ཞེང་གབ་པ། ཆུ་ཞེང་ཁྲུ་བརྒྱད་པ། གཏིང་ཟབ་ཁྱད་ཀྱང་ཁྲུ་བརྒྱད་པ་ཞིག་རང་བྱུང་ཏེ། ཁྲོན་པ་དེའི་ཆུ ་བཅུས་ནས་མིའི་ཡིད་བཞིན་དུ་འབྱུང་སྟེ། གང་གོས་འདོད་པ་ལ་གོས་འབྱུང་། བཟའ་བ་དང་བཏུང་བ་འདོད་པ་ལ་བཟའ་བ་དང་བཏུང་བ་འབྱུང་། གསེར་དངུལ་དང་ནོར་བུ་རིན་པོ ་ཆེ་འདོད་པ་ལ་གསེར་དངུལ་དང་ནོར་བུ་རིན་པོ་ཆེ་འབྱུང་། ། ཅི་དང་ཅི་འདོད་པ་དེ་དག་ཐམས་ཅད་ཡིད་བཞིན་དུ་འབྱུང་ངོ་།། ཁྱེའུ་དེ་གསོས་བསྐྱེད་དེ་ཆེར་གྱུར་པ་དང་། རིག་པའི ་གནས་ཀྱང་ལོབས་ནས། ཁྱིམ་བདག་དེ་རབ་ཏུ་དགའ་སྟེ། ཁྱེའུ་དེའི་ཆུང་མ་བཙལ་ལོ་སྙམ་བསམས་ན། ཁྱེའུ་དེའི་ཆུང་མ་ཡང་ཁྱེའུ་དེ་དང་འདྲ་བར་གསེར་གྱི་མདོག་ཅན། བཟང་། ་བ་མཛེས་པ་ཕལ་བས་ལྷག་པ་ཞིག་བཙལ་བར་བསམས་ཏེ། ཡུལ་ཀུན་ཏུ་མནའ་མ་འཚོལ་ལོ།། དེའི་ཚེ་ཡུལ་ཙམ་པ་ན་ཁྱིམ་བདག་རབ་ཏུ་ཕྱུག་པ་ཞིག ་ལ་བུ་མོ་གསེར་གྱི་འོད་ཅེས་བྱ་བ་ཞིག་ཡོད་དེ། བུ་མོ་དེ་ཡང་གསེར་གྱི་མདོག་ཅན་ཤིན་ཏུ་འཚེར་བ། པགས་པ་ཤིན་ཏུ་སྲབ་པ། རུས་པ་ཕྲ་བ་ཞིག་སྟེ། ཐོག་མ་བཙས་པའི ་ཆེཚེ་ཡང་ཁྱིམ་ནས་ཁྲོན་པ་ཆུ་ཞེང་དང་གཏིང་འདྲ་བར་ཁྲུ་བརྒྱད་པ་གཅིག་རང་བྱུང་སྟེ། ཁྲོན་པ་དེ་ལས་ཀྱང་རིན་པོ་ཆེ་སྣ་ཚོགས་དང་། གོས་དང་། བཟའ་བ་དང་། བཏུང་བ་ལ་སོགས ་པ་ཅི་དང་ཅི་འདོད་པ་དེ་དག་ཡིད་བཞིན་དུ་རང་བྱུང་ངོ་། ། ཁྱིམ་བདག་དེས་ཀྱང་འདི་སྙམ་དུ་བདག་གི་བུ་མོ་བཟང་མོ་འདི་ནི། བུ་མོ་འདི་དང་འདྲ་བར་ལུས་གསེར་གྱི་མདོག་ཅན། ཤིན ་ཏུ་འཚེར་བ་བཟང་བ་མཛེས་པ་གཅིག་ལ་བཏང་ངོ་སྙམ་བསམས་པ་གཅིག་དང་ཕྲད་དེ། བུ་མོའི་གཏམ་ཡང་ཁྱེའུས་ཐོས། ཁྱེའུའི་གཏམ་ཡང་བུ་མོས་ཐོས་ནས། ཁྱིམ་བདག་གཉིས ་གཉེན་བྱ་བར་འཐམས་ཏེ། སྟོན་མོ་བྱ་བར་འཐམས་ནས། བུ་མོ་མཉན་ཡོད་དུ་ཁྲིད་དདེ། མཉན་ཡོད་དུ་གསེར་ལྷའི་ཁྱིམ་དུ་ཕྱིན་ནས། གསེར་ལྷས་སངས་རྒྱས་དང་དགེ་འདུན ་རྣམས་བཤོས་ལ་སྤྱན་དྲངས་ཏེ། བཅོམ་ལྡན་འདས་ཀྱང་དགེ་འདུན་དང་བཅས་ཏེ་བཤོས་ལ་གཤེགས་ནས། གསེར་ལྷ་ཁྱོ་ཤུག་གཉིས་ལ་དམ་པའི་ཆོས་རྒྱས་པར་བསྟན་ཏེ། གསེར ་ལྷ་ཁྱོ་ཤུག་དང་ཁྱིམ་བདག་ཁྱོ་ཤུག་གཉིས་ཀྱིས་བཅོམ་ལྡན་འདས་ལས་ཆོས་ཐོས་ནས། བསྐལ་པ་ཁྲི་ཕྲག་ཉི་ཤུའི་སྡིག་པ་མི་དགེ་བ་ཤིན་ཏུ་འབར་བ་ཀུན་ཞི་ནས་སེམས་རྣམ ་པར་དག་པས་ཆོས་རྟོགས་ཏེ། རྒྱུན་དུ་ཞུགས་པའི་འབྲས་བུ་ཐོབ་པར་གྱུར་ཏོ།། དེ་ནས་བཅོམ་ལྡན་འདས་སླར་གཙུག་ལག་ཁང་དུ་གཤེགས་པ་དང་། གསེར་ལྷ་དང་གསེར་ལོ། ་ཁྱོ་ཤུག་གཉིས་ཀྱང་ཕ་མ་ལ་རབ་ཏུ་འབྱུང་བར་གསོལ་ནས། ཕ་མས་ཀྱང་གནང་སྟེ། གཉིས་ཀ་སངས་རྒྱས་གང་ན་བ་དེར་དོང་སྟེ་དེར་ཕྱིན་པ་དང་། སངས་རྒྱས་ཀྱི་ཞབས་ལ ་སྤྱི་བོས་ཕྱག་འཚལ་ནས་བདག་ཅག་གཉིས་རབ་ཏུ་འབྱུང་ངོ་ཞེས་གསོལ་བ་དང་། བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་པས། སྐྲ་དང་ཁ་སྤུ་རང་བྱི་སྟེ ་ངུར་སྨྲིག་གྱོན་པའི་དགེ་སློང་དུ་གྱུར་ནས། གསེར་ལྷ་ནི་དགེ་སློང་གི་དགེ་འདུན་གྱི་ནང་དུ་སོང་ངོ་།། གསེར་འོད་ནི་སྐྱེ་དགུའི་བདག་མོ་ལ་གཏད་དོ།། གཉིས་ཀ་རིང་པོ་མ་ལེན་པར ་དགྲ་བཅོམ་ནས་རིག་པ་གསུམ་དང་། མངོན་པར་ཤེས་པ་དྲུག་དང་། རྣམ་པར་ཐར་པ་བརྒྱད་ལ་སོགས་ཏེ། ཡོན་ཏན་ཐམས་ཅད་དང་ལྡན་པར་གྱུར་ཏོ།། དགེ ་སློང་དག་ཐེ་ཚོམ་དུ་གྱུར་ནས། ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་དགེ་སློང་གསེར་ལྷ་དང་། གསེར་འོང ་གཉིས་སྔོན་ལས་ཅི་བགྱིས་ན། ཐོག་མ་བཙས་ནས་འདི་ལྟར་ནོར་རིན་པོ་ཆེ་དང་ལོངས་སྤྱོད་ཐམས་ཅད་དང་ལྡན་ཏེ། ཁྲོན་པ་ལས་ཀྱང་ཐམས་ཅད་ཀྱི་རེ་བ ་ཡོངས་སུ་སྐོང་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། སྔོན་འདས་པའི་བསྐལ་པ་དགུ་བཅུ་རྩ་གཅིག་གི་ཕ་རོལ་ན། སངས་རྒྱས་རྣམ་པར་གཟིགས་ཞེས་བྱ་བ་འཇིག ་རྟེན་དུ་གཤེགས་ནས། དེ་མྱ་ངན་ལས་འདས་པའི་འོག་ཏུ་དེའི་བསྟན་པ་ལ་ཞུགས་པའི་དགེ་སློང་དག་གྲོང་ཁྱེར་དང་ལྗོངས་རྒྱུ་ཞིང་སེམས་ཅན་གྱི་དོན་བྱེད་དེ། དེ་དག་ལ་ཁྱིམ་བདག ་རིགས་ཆེ་ཞིང་མཐོ་བ་ཀུན་གྱིས། ཆོས་གོས་དང་བསོད་སྙོམས་མི་བྲལ་བར་བྱིན་ནོ།། དེའི་ཚེ་ཁྱིམ་བདག་དབུལ་པོ་ཁྱོ་ཤུག་གཉིས་ཤིག་གིས་འདི་སྙམ་དུ་བསམས་སོ།། བདག་ཅག ་གཉིས་པ་མ་ཡོད་པའི་ཚེ། ནོར་རིན་པོ་ཆེ་དང་ལོངས་སྤྱོད་དུ་ལྡན་ཏེ། བང་མཛོད་ཡོངས་སུ་གང་ཡང་འཕགས་པའི་དགེ་འདུན་དང་མ་ཕྲད། ང་འདི་ལྟར་འཕོངས་བྲེལ་ཏེ་ཅི་ཡང་མི ་བདོག་ནས་རྩཝ་ཕུང་གི་སྟེང་ན་ཉལ་ཞིང་། བྲེ་གང་ཕུལ་གང་ཡང་མི་བདོག་པའི་ཚེ། དགེ་འདུན་གཤེགས་ནས་ཁྱིམ་བདག་ཕྱུག་པོ་དེ་ཀུན་ཆོས་གོས་དང་བསོད་སྙོམས་འབུལ་ན། བདག ་ཅག་ནི་ཅི་ཡང་དབུལ་དུ་མེད་དོ་སྙམ་དུ་བསམས་ཏེ། རབ་ཏུ་མི་དགའ་ནས་ངུས་སོ།། ཁྱིམ་ཐབ་ངུས་པའི་མཆི་མ་ཆུང་མའི་ལག་པར་ལྷུང་ནས། ཆུང་མས་ཁྱིམ་ཐབ་ལ་ཁྱོད་ཅིའི་ཕྱིར་ངུ ་ཞེས་སྨྲས་པ་དང་། ཁྱོད་མི་ཤེས་སམ། གྲོང་ཁྱེར་འདིར་འཕགས་པའི་དགེ་འདུན་དག་གཤེགས་ཏེ། ཁྱིམ་བདག་ཕྱུག་པོ་དེ་ཀུན་མཆོད་པ་བྱེད་ན། བདག་ཅག་འབའ་ཞིག་ཅི ་ཡང་དབུལ་དུ་མེད་དེ། ད་འདིར་མ་ཕུལ་ན་སྐྱེ་བ་ཕྱི་མ་ལ་གར་འགྲོ་སྙམ་སྟེ་མི་དགའ་འོ།། ཆུང་མས་སྨྲས་པ། ཁྱོད་སོང་ལ་བདག་ཅག་གི་མཛོད་ཁང་རྙིང་དུ་ཚོལ་ཞིག་དང་། ལུས། ་པ་ཅུང་ཟད་ཡོད་ཀྱང་སྲིད་ཀྱིས། གལ་ཏེ་སྣ་འགའ་ཞིག་རྙེད་ན་དབུལ་ལོ་ཞེས་སྨྲས་ནས། མཛོད་ཁང་རྙིང་དུ་བཙལ་ན། གསེར་གྱི་དོང་ཚེ་ལུས་པ་གཅིག་རྙེད་དོ།། ཆུང་མ་ལ་ཡང་མེ ་ལོང་གཅིག་ཅིག་ཡོད་དེ། ཁྱོ་ཤུག་གཉིས་ཀྱིས་བུམ་པ་གསར་པ་གཅིག་ཅིག་ཀྱང་ཉོས་ནས། བུམ་པའི་ནང་ཆུ་གཙང་མས་བཀང་སྟེ། གསེར་གྱི་དོང་ཚེ་གཅིག་ནང་དུ་བཅུག་ནས། མེ ་ལོང་གིས་ཁ་བཅད་དེ། ཆུའི་བུམ་པ་ཐོགས་ནས་དགེ་འདུན་ལ་ཕུལ་ལོ།། དགེ་འདུན་གྱིས་ཀྱང་བཞེས་ནས། ཆུ་དེ་ལ་ཁ་ཅིག་གིས་ནི་འཐུངས། ཁ་ཅིག་གིས་ནི་ཁ་ལག་དང་ལྷུང ་བཟེད་བཀྲུས་ཏེ། ཁྱིམ་བདག་ཁྱོ་ཤུག་གཉིས་དེར་དགེ་འདུན་གྱིས་སྤྱད་པ་མཐོང་ནས། རབ་ཏུ་དགའ་མགུ་རངས་ཏེ་ཕྱིར་ཁྱིམ་དུ་སོང་ངོ་།། དེ་ནས་རིང་པོ་མ་ལོན་པར་ནད་ཀྱིས་བཏབ་ནས། ་ཁྱོ་ཤུག་གཉིས་ཚེ་འཕོས་ཏེ་སུམ་ཅུ་རྩ་གསུམ་གྱི་ལྷར་སྐྱེས་སོ།། ཀུན་དགའ་བོ་དེའི་ཚེ་དེའི་དུས་ན། དབུལ་པོ་ཁྱོ་ཤུག་གཉིས་ཆུའི་བུམ་པ་ཕུལ་བ་དེ་ནི་གསེར་ལྷ་ཁྱོ་ཤུག་གཉིས་ཡིན་ནོ།། ་སྔོན་ཆུ་བུམ་པ་གང་དང་། གསེར་གྱི་དོང་ཚེ་དང་། མེ་ལོང་གཅིག་ཕུལ་བས་སྐྱེ་བ་ཐམས་ཅད་དུ་བཟང་ཞིང་མཛེས་པ་དང་། མདོག་གསེར་གྱི་ཁ་དོག་ཅན་དུ ་རྟག་ཏུ་འཚེར་བར་གྱུར་ཏོ། ། དེ་ལྟར་བསྐལ་པ་དགུ་བཅུ་རྩ་གཅིག་གི་བར་དུ་དེ་འདྲ་བར་གྱུར་ཏོ།། དེའི་ཚེ་ན་ཤིན་ཏུ་དང་བའི་སེམས་ཀྱིས་ཕུལ་བས། ད་འདིར་འཁོར་བའི་མཐར་ཕྱིན་ཏེ། ་དགྲ་བཅོམ་པར་གྱུར་ཏོ།། ཀུན་དགའ་བོ་དེ་བས་ན། བསོད་ནམས་ཀྱི་ཕྱོགས་སུ་འགྱུར་བའི་ལས་ནི་གང་ཡང་མི་བྱར་མི་རུང་ངོ་།། དབུལ་པོ་དེས་སྦྱིན་པ་ཅུང་ཟད་བྱས་པས་བསོད་ནམས ་ཀྱི་ཕུང་པོ་ཚད་མེད་པ་འདི་ལྟ་བུ་དག་ཐོབ་པར་གྱུར་ཏོ། ། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཀུན་དགའ་བོ་དང་། འཁོར་མང་པོའི་རྣམས་སྦྱིན་པའི་བསོད ་ནམས་ཀྱི་ཚོགས་བསགས་པའི་སེམས་སྐྱེས་ཏེ་རྗེས་སུ་ཡི་རང་ནས་མངོན་པར་དགའ་འོ། ། གསེར་ལྷའི་ལེའུ་སྟེ་ཉི་ཤུའོ།། ། རིགས་གཉིས་པའི་ལེའུའོ།། ་འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ཡུལ་དེ་ན ་ཁྱིམ་བདག་ཕྱུག་པོ་ཞིག་རིགས་མཉམ་པ་ལས་ཆུང་མ་བླངས་ནས་བུ་མེད་པས་ཤིན་ཏུ་མི་དགའ་སྟེ། ལྷ་ཀུན་ལ་གསོལ་བ་བཏབ་པ་ལས། ཕྱེ་ཞིག་ན་ཆུང་མ་སེམས་ཅན་དང་ལྡན ་པར་གྱུར་ཏེ། ཟླ་བ་ཚང་ནས་ཁྱེའུ་ཞིག་བཙས་སོ།། ཁྱེའུ་དེ་ཡང་མཛེས་ཤིང་སྡུག་པ་ཞིག་སྟེ། ཕ་མ་དང་གཉེན་བཤེས་ཀུན་དགའ་ནས་བཙས་སྟེན་བྱས་ནས། ཆུ་བོ་ཞིག་གི་འགྲམ ་དུ་འདུས་ཏེ་བཙས་སྟོན་ཟོས་སོ། ། ཆུ་འགྲམ་ན་བཙས་སྟོན་ཟ་བའི་ཚེ། ཀུན་གྱིས་ཁྱེའུ་བལྟ་བའི་ཕྱིར་གཅིག་གི་པང་བར་ཁྱེའུ་བླངས་ནས། ཡང་གཅིག་གི་པང་པར་ཕྱིན་ཏོ།། དེ་བཞིན་དུ། ་གཅིག་ནས་གཅིག་ཏུ་བརྒྱུད་པའི་ཚེ། གཅིག་གིས་ལེ་ལོ་བྱས་ནས་བུ་ཤོར་ཏེ་ཆུར་ལྷུང་ནས་ཆུས་ཁྱེར་ཏོ།། ཁྱེའུའི་བསོད་ནམས་ཀྱི་མཐུས་ལས་མ་ཟད་པས། ཚོམ་འཕོས་པར་ཉ་ཞིག ་གིས་མིང་ནས། ཉའི་ལྟོ་ན་གསོན་པོར་འདུག་གོ། ཆུ་བོ་དེའི་མཇུག་ན་ཡང་གྲོང་ཞིག་ཡོད་དེ། གྲོང་དེ་ན་ཡང་ཁྱིམ་བདག་ཕྱུག་པོ་བུ་མེད་པ་ཞིག་འདུག་གོ། ཁྱིམ་བདག་དེའི་བྲན་ཞིག་ཆུ། ་བོཔོའི་འགྲམ་ན་ཉ་གཤོར་བ་ལས། ཉས་བུ་མིད་པ་ཟིན་ནས་ལྟོ་བཀས་པ་དང་། ལྟོ་ནས་བུ་ཁྱེའུ་ཞིག་བྱུང་ནས། བྲན་དེས་ཁྱེར་ཏེ་ཇོ་མོ་ལ་ཕུལ་ལོ།། ཁྱིམ་བདག་གི་ཆུང་མས་ཁྱེའུ ་དེ་བླངས་ཏེ་བལྟས་ན། ཁྱེའུ་མཚན་དང་ལྡན་པ་བཟང་པོ་ཞིག་སྟེ། རབ་ཏུ་དགའ་ནས་བདག་ཅག་གིས་ལྷ་ཀུན་ལ་གསོལ་བ་བྱས་པའི་རྟགས་འདི་ཡིན་ནོ་སྙམ་ནས། མ་མ་ལ་གཏད ་དེ་གསོས་སོ། ། དེའི་གྲོང་ལྟག་མའི་ཁྱིམ་བདག་གིས། གྲོང་འོག་མའི་ཁྱིམ་བདག་གིས་ཉའི་ལྟོ་ནས་བུ་ཞིག་རྙེད་དོ་ཞེས་ཐོས་ནས། དེ་ནི་གདོན་མི་ཟ་བར་བདག་གི་བུ་ཆུར་ལྷུང་བ་ཡིན ་ནོ་སྙམ་སྟེ། དེའི་ཐད་དུ་སོང་ནས་འདི་ནི་ངའི་བུ་ཡིན་གྱིས་ཕྱིར་བྱིན་ཅིག་ཅེས་སྨྲས་སོ།། དེས་སྨྲས་པ། འདི་ནི་ཁྱོད་ཀྱི་མ་ཡིན་ཏེ། བདག་ལ་བུ་མེད་པས ་ལྷ་ཀུན་ལ་གསོལ་བ་བཏབ་ནས། ལྷས་བྱིན་པའི་བུ་ཡིན་ཏེ། ཉའི་ལྟོ་ནས་རྙེད་དོ་ཞེས་སྨྲས་སོ།། ཁྱིམ་བདག་དེ་གཉིས་རྩོད་ནས། རྒྱལ་པོ་ཞལ་ཆེ་བར་གསོལ་ཏོ།། དེ་ལ ་ཁྱེའུའི་ཕ་མས་ནི་འདི་བདག་གི་བུ་ཡིན་ཏེ། ཆུའི་འགྲམ་ནས་ཆུར་ལྷུང་བ་འདི་ཡིན་ནོ་ཞེས་སྨྲས་སོ།། ཁྱིམ་བདག་གཅིག་གིས་ཁྱེའུ་འདི་བདག་གིས་ཉ་ཟིན་པའི་ལྟོ་ནས་རྙེད་དེ། ཁྱེད ་ཀྱི་བུ་མ་ཡིན་ནོ་ཞེས་སྨྲས་ནས། རྒྱལ་པོས་དེ་གཉིས་ཀའི་ཚུལ་དང་སྦྱར་ཏེ་ཁྱེའུ་འདི་ཁྱེད་གཉིས་ཀས་ཐུན་མོང་དུ་གསོས་ལ། ཆེར་སྐྱེས་ནས་ཁྱེད་གཉིས་ཀྱིས་བུའི་ཆུང་མ་རེ་རེ་ལེང ་ཞིག། ཆུང་མ་གཉིས་ལས་བུ་གང་ལས་བྱུང་བ་སོ་སོར་ཁྱེར་ཅིག་ཅེས་བཅད་དོ།། དེ་ནས་ཁྱིམ་བདག་གཉིས་ཀྱིས་ཀྱང་། རྒྱལ་པོས་ཞལ་ཆེ་བཅད་པ་བཞིན་དུ་ཁྱེའུ་ཐུན་མོང་དུ་གསོས ་ནས་ཅིས་ཀྱང་མི་བྲེལ་བར་བྱས་སོ། ། དེ་ནས་ཁྱེའུ་དེ་ཆེར་སྐྱེས་ནས་ཕ་མ་གཉིས་ལ་འདི་སྐད་ཅེས་གསོལ་ཏོ།། བདག་བཙས་མ་ཐག་ཏུ་ཆུར་ལྷུང་བ་དང་ཉས་མིང་པ་ལ་སོགས་ཏེ། སྡུག ་བསྔལ་རྣམ་པ་སྣ་ཚོགས་མྱོང་ཡང་བདག་མ་གུམ་པས་བདག་ནི་རབ་ཏུ་འབྱུང་བར་དད་ཀྱིས་གནོང་ཞིག་ཅེས་སྦས་སོ། ། ཁྱེའུ་དེའི་ཕ་མ་གཉིས་ཀ་ཡང་བུ་སྡུག་གཅེས་པས་ངོ་མཆོད་ནས་རབ་ཏུ ་འབྱུང་བར་གནང་བ་དང་། ཁྱེའུ་དེས་སངས་རྒྱས་གང་ན་བ་དེར་སོང་ནས་དེར་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བདག་སངས་རྒྱས་ཀྱི་བསྟན་པ ་ལ་རབ་ཏུ་འབྱུང་ངོ་ཞེས་གསོལ་ཏོ། ། དེ་ལ་བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་པས། སྐྲ་དང་ཁ་སྤུ་རང་བྱི་ནས་དགེ་སློང་དུ་གྱུར་ཏེ། མིང་ཡང་རིགས་གཉིས ་པ་ཞེས་བཏགས་སོ། ། དགེ་སློང་རིགས་གཉིས་པ་ལ། བཅོམ་ལྡན་འདས་ཀྱིས་དམ་པའི་ཆོས་བསྟན་ནས། སྡུག་བསྔལ་གྱི་མཐར་ཕྱིན་ཏེ། དེ་ཉིད་དུ་དགྲ་བཅོམ་པར་གྱུར་ཏོ།། ་དེ་ལ་དགེ་སློང་དག་ཐེ་ཚོམ་སྐྱེས་ཏེ། ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དགེ་སློང་རིགས་གཉིས་པ་འདི་སྔོན་དགེ་བའི་རྩ་བ་ཅི ་བསྐྲུ་ན་ན། ཆབ་ཏུ་ལྷུང་སྟེ་ཉའི་ལྟོར་མཆིས་ཀྱང་གུམ་པར་མ་གྱུར། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། ཁྱོད་རྟག་པར་ཉོན་ཅིག། སྔོན་སངས་རྒྱས་རྣམ་པར ་གཟིགས་ཞེས་བྱ་བ་འཇིག་རྟེན་དུ་གཤེགས་ཏེ། སྐྱེ་བོ་མང་པོ་ལ་ཆོས་སྟོན་ཏོ།། དེའི་ཚེ་ཁྱིམ་བདག་ཁ་ཅིག་ཀྱང་འཁོར་དེར་འོངས་ཏེ། བཅོམ་ལྡན་འདས་ཀྱིས་སྦྱིན་པ་བྱིན་པའི་བསོད་ནམས ་དང་ཚུལ་ཁྲིམས་བསྲུངས་པའི་ཡོན་ཏན་ལ་སོགས་པ་རྒྱ་ཆེར་བསྟན་པ་ཐོས་ནས། ཤིན་ཏུ་དགའ་མགུ་རངས་ཏེ་བསམ་པ་དག་པའི་དད་པ་སྐྱེས་ནས། སངས་རྒྱས་དེ་ལས་སྲོག་མི་གཅོད ་པ་ལ་སོགས་པའི་བསྒྲུབ་ཚོགས་གསུམ་མནོས་ནས་དང་ཚེ་གཅིག་ཕུལ་ལོ། ། དེའི་དབང་གིས་གང་ནས་གང་དུ་སྐྱེས་ཀྱང་ལོངས་སྤྱོད་དང་རིན་པོ་ཆེར་ལྡན་ཏེ། འཕོངས ་པ་མེད་པར་གྱུར་ཏོ། ། ཀུན་དགའ་བོ་དེའི་ཚེ་དེའི་དུས་ན། ཁྱིམ་བདག་དེ་ནི་དགེ་སློང་རིགས་གཉིས་པ་འདི་ཡིན་ཏེ། སངས་རྒྱས་ལ་དྲོང་ཚེ་གཅིག་ཕུལ་བས་བསྐལ་བ་དགུ་བཅུ་རྩ་གཅིག ་གི་བར་དུ་ལོངས་སྤྱོད་ཆེན་པོ་དང་ལྡན་པར་གྱུར། ད་ལྟར་གྱི་ཚེ་འདི་ལ་ཡང་ཕ་མ་གཉིས་ཀྱི་ཁྱིམ་ན་ལོངས་སྤྱོད་བདོག་པ་དབང་བར་གྱུར་ཏེ། སྲོག་མི་གཅོད་པའི་བསླབ་ཚིགས་མནོས ་བས་ཆུར་ལྷུང་སྟེ། ཉའི་ལྟོར་སོང་ཡང་མ་ཤིའོ།། དཀོན་མཆོག་གསུམ་ལ་སྐྱབས་སུ་སོང་བསང་དང་ཕྲད་ནས་དགྲ་བཅོམ་པར་གྱུར་ཏོ།། དེའི་ཚེ་ཀུན་དགའ་བོ་དང་། འཁོར་མང ་པོ་རྣམས་སངས་རྒྱས་ཀྱིས་བསྟན་པ་ལ་རྗེས་སུ་ཡི་རང་ནས་མངོན་པར་དགའ་འོ། ། རིགས་གཉིས་པའི་ལེའུ་སྟེ་ཉི་ཤུ་རྩ་གཅིག་པའོ།། །། བམ་པོ ་དྲུག་པ། རྒྱལ་པོ་ཟླ་འོད་ཀྱིས་མགོ་བྱིན་པའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་ཡངས་པ་ཅན་གྱི་ཨ་མྲའི་ཚལ་ན ་བཞུགས་སོ། ། དེའི་ཚེ་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། རྫུ་འཕྲུལ་གྱི་རྐང་པ་བཞི་ཐོབ་ན། བསྐལ་པ་གཅིག་གི་བར ་དུ་འཇིག་རྟེན་ན་གནས་པར་འགྱུར་ཏེ། ངས་ཀྱང་རྫུ་འཕྲུལ་གྱི་རྐང་པ་བཞི་ཤིན་ཏུ་བསྒོམས་ན། ད་དེ་བཞིན་གཤེགས་པ་འཇིག་རྟེན་ན་སྐུ་ཚེ་ཇི་སྲིད་ཀྱི་བར་དུ་བཞུགས་པའི་རིགས་ཞེས ་ལན་གསུམ་གྱི་བར་དུ་སྨྲས་ན། དེའི་ཚེ་ན་ཀུན་དགའ་བོ་བདུད་ཀྱིས་བསླུས་པས། བཅོམ་ལྡན་འདས་ཀྱི་བཀའ་ཐོས་བཞིན་དུ་ཅང་མི་སྨྲ་བར་འདུག་གོ།། ཡང་བཅོམ་ལྡན་འདས་ཀྱིས ་ཀུན་དགའ་བོ་ལ་ཁྱོད་ལོངས་ལ་དབེན་པར་སོང་སྟེ་ཤིན་ཏུ་སོམས་ཤིག་ཅེས་བཀའ་སྩལ་ནས། ཀུན་དགའ་བོ་འདུག་པ་ལས་ལངས་ཏེ་ཚལ་ཞིག་ཏུ་སོང་ངོ་།། ཀུན་དགའ་བོ་སོང་བའི་འོག ་ཏུ་བདུད་ཀྱི་རྒྱལ་པོ་སྡིག་ཏོ་ཅན་འོངས་ནས། བཅོམ་ལྡན་འདས་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་ཡུན་རིང་དུ་འཇིག་རྟེན་ན་བཞུགས་ཏེ། གདུལ་བའི་རིགས་པ ་ཡང་གངྒཱའི་ཀླུང་གི་བྱེ་མ་སྙེད་བཏུལ་ནས། འཁོར་བ་ལས་ཡོངས་སུ་འདས་པའི་དོན་ཡང་མཛད་ལགས་ལ། ད་སྐུ་ནས་ཀྱང་བགྲོས་ཀྱིས། མྱ་ངན་ལས་འདའ་བར་གཤེགས་པའི ་རིགས་སོ་ཞེས་གསོལ་ཏོ། ། དེ་ནས་བཅོམ་ལྡན་འདས་ཀྱིས་ས་ཉུང་ཟད་ཅིག་བླངས་ཏེ། ཕྱག་གི་སེན་མོའི་སྟེང་དུ་བཞག་ནས། བདུད་སྡིག་ཏོ་ཅན་ལས་ཆེན་པོའི་ས་མང་ངམ། ་སེན་མོའི་སྟེང་གི་ས་མང་ཞེས་བཀའ་སྔལ་ནས། བ་དང་སྡིག་རར་གྱིགསོལ་པ། ས་ཆེན་པོའི་ས་རབ་ཏུ་མང་གི། སེན་མོའི་སྟེང་གི་ས་མང་བ་མ་ལགས་སོ།། བཅོམ་ལྡན་འདས ་ཀྱིས་བཀའ་སྩལ་པ། ངས་བཏུལ་བའི་སེམས་ཅན་ནི་སེན་མོའི་སྟེང་གི་ས་དང་འདྲའོ།། གང་མ་བཏུལ་བ་ནི་ས་ཆེན་པོ་དང་འདྲའོ།། བཅོམ་ལྡན་འདས ་ཀྱིས་བདུད་སྡིག་ཏོ་ཅན་ལ་བཀའ་སྩལ་པ། ད་སྟེ་ཟླ་བ་གསུམ་ན་ང་ཡོངས་སུ་མྱ་ངན་ལས་འདའ་བོ་ཞེས་བཀའ་སྩལ་པ། བདུད་སྡིག་ཏོ་ཅན་གྱིས་ཐོས་ནས་རབ་ཏུ་དགའ་མགུ ་རངས་ཏེ་ཕྱིར་དོང་ངོ་། ། དེའི་ཚེ་ཀུན་དགའ་བོ་ཚལ་གྱི་ནང་ན་གཉིད་ལོག་ནས། རྨི་ལམ་དུ་ཤིང་ཆེན་པོ་ནམ་མཁའི་ཁམས་ཀུན་ཏུ་ཡོག་པ། ཡལ་ག་དང་། ལོ་མ་དང་། མེ་ཏོག ་དང་འབྲས་བུ་ཤིན་ཏུ་རྒྱས་པ། འགྲོ་བ་ཐམས་ཅད་ལ་ཕན་པའི་དོན་དུ་འགྱུར་བ། ཤིང་དེ་ལ་ཡོན་ཏན་བརྗོད་ཀྱིས་མི་ལང་བ། རྣམ་པ་སྣ་ཚོགས་དང་ལྡན་པ་ཞིག་རྨིས་ཏེ། རིང་པོ ་མ་ལོན་པར་རླུང་ཆེན་པོ་ལངས་ནས། ཡལ་ག་དང་ལོ་མ་ཀུན་གྲུགས་ཏེ། རྡུལ་བཞིན་དུ་འཐོར་ནས་ཀྱང་སྟོབས་པོ་ཆེའི་གནས་སུ་མེད་པར་གྱུར་ཏེ། འགྲོ་བ་ཐམས་ཅད་ཤིན་ཏུ་མྱ ་ངན་བྱེད་པ་སྙམ་རྨིས་ནས། སད་པ་དང་མི་བདེ་ཞིང་སྐྲག་པར་གྱུར་ཏེ། འདི་སྙམ་དུ་བསམས་སོ།། བདག་གིས་ལྷ་དང་མི་ཐམས་ཅད་ལ་ཕན་པའི་དོན་དུ་འགྱུར་བའི་ཤིང་ཆེན་པོ་ཡོན ་ཏན་ཐམས་ཅད་དང་ལྡན་པ་གཅིག་རྨིས་ན། རིང་པོ་མ་ལོན་པར་རླུང་ཆེན་པོས་གཏོར་ཏེ་མེད་པར་བྱས་པ་འདི་བཅོམ་ལྡན་འདས་ནི་ཤིང་ཆེན་པོ་དང་འདྲ་བ་ཐམས་ཅད་ཀྱི་སྐྱབས་སུ་གྱུར་ན། ་ཅི་བཅོམ་ལྡན་འདས་མྱ་ངན་ལས་འདའ་བར་མི་དགོངས་སམ་སྙམ་བསམས་ནས་ཤིན་ཏུ་སྐྲག་སྟེ། བཅོམ་ལྡན་འདས་གང་ན་བར་འོངས་ནས། ཞབས་ལ་སྤྱི་བོས་ཕྱག་འཚལ་ཏེ། ་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བདག་ཚལ་ན་མཆིས་པ་ལས་རྨི་ལམ་འདི་ལྟ་བུ་ཞིག་རྨིས་ན། ཅི་བཅོམ་ལྡན་འདས་མྱ་ངན་ལས་འདའ་བར་མི་དགེངས་སམ། ་བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། དེ་དེ་བཞིན་ནོ།། ཁྱོད་ཀྱིས་སྤྲས་པ་བཞིན་ཏེ། ང་ང་སྟེ་ཟླ་བ་གསུམ་ན་མྱ་ངན་ལས་འདའ་འོ།། གང་རྫུ་འཕྲུལ ་གྱི་རྐང་པ་བཞི་ཐོབ་པ་ནི་བསྐལ་པ་གཅིག་གི་བར་དུ་གནས་ཏེ། ང་ཡང་རྫུ་འཕྲུལ་གྱི་རྐང་པ་བཞི་ཤིན་ཏུ་བསྒོམས་ན། ད་དེ་བཞིན་གཤེགས་པ་སྐུ་ཚེ་ཇི་སྲིད་ཀྱི་བར་དུ་བཞུགས་པའི ་རིགས་ཞེས་ཁྱོད་ལ་དྲིས་ན། ལན་གསུམ་གྱི་བར་དུ་དྲིས་ཀྱང་ཁྱོད་སྨྲར་མ་བཏུབ་སྟེ། ཁྱོད་སོང་བའི་འོག་ཏུ་བདུད་ཀྱི་རྒྱལ་པོ་སྡིག་ཏེ་ཅན་འོངས་ཏེ། མྱ་ངན་ལས་འདའ་བར་གསེལ ་ནས་ངས་ཀྱང་དེ་བཞིན་དུ་གནང་ངོ་། ། ཀུན་དགའ་བོས་དེ་སྐད་ཅེས་བཀའ་སྩལ་པ་ཐོས་ནས། རབ་ཏུ་མི་དགའ་ཞིང་མྱ་ངན་གྱིས་གདུངས་ཏེ་ལུས་མི་བཟོད་པར་གྱུར་ཏོ།། ཉེ་གནས་རྣམས ་ཀྱིས་གཅིག་ལ་གཅིག་སྦྲན་ནས། ཐམས་ཅད་ཀྱང་མྱ་ངན་གྱིས་གདུངས་ཏེ། བཅོམ་ལྡན་འདས་གང་ན་བར་ལྷགས་སོ།། དེ་ལ་བཅོམ་ལྡན་འདས་ཀྱིས། ཀུན་དགའ་བོ་དང་ཉེ་གནས ་རྣམས་ལ་བཀའ་སྩལ་པ། རྟག་ཅེས་བྱ་བ་སུ་ཡིན་ཐམས་ཅད་ལ་རྟག་པ་མེད་དེ། ཁྱོད་ཀྱི་ཕྱིར་བྱ་བ་ཀུན་མཛད་དེ། བསྟན་པ་ཡང་བསྟན་ཟིན་པས། ཁྱེད ་རྣམས་མྱ་ངན་མ་བྱེད་པར་བརྩོན་འགྲུས་སུ་ནན་ཏན་གྱིས་ཤིག་ཅེས་བཀའ་སྩལ་ནས། དེའི་ཚེ་ན་ཚེ་དང་ལྡན་པ་ཤཱ་རིའི་བུས་དེ་སྐད་དུ་བཅོམ་ལྡན་འདས་མྱ་ངན་ལས་འདའ་འོ་ཞེས་ཐོས་པ ་དང་མྱ་ངན་དུ་གྱུར་ཏེ། དེ་བཞིན་གཤེགས་པ་མྱ་ངན་ལས་འདའ་བ་ཧ་ཅང་ཡང་མྱུར་ཆེས་སོ།། ལྷ་དང་བཅས་པའི་འཇིག་རྟེན་ཐམས་ཅད་མདོངས་ཤིང་མགོན་མེད་པར་གྱུར་ཏོ་ཞེས་སྨྲས་ཏེ། ་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བདག་ནི་བཅོམ་ལྡན་འདས་མྱ་ངན་ལས་འདའ་བ་མཐོང་བར་མི་བཟོད་དེ། ཅི་ནས་ཀྱང་བདག་སྔར་མྱ་ངན་ལས་འདའ་འོ་ཞེས་ལན་གསུམ ་གྱི་བར་དུ་གསོལ་ཏོ། ། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་ཁྱོད་དུས་ལ་བབ་པར་ཤེས་ན། འཕགས་པ་ཐམས་ཅད་ནི་ཞི་བས་མྱ་ངན་ལས་འདའ་འོ་ཞེས་བཀའ་སྩལ ་ཏོ། ཤཱ་རིའི་བུས་ཀྱང་བཅོམ་ལྡན་འདས་ལས་གནང་བའི་ལུང་ཐོབ་ནས། གོས་ཚགས་བཅོས་ནས་པུས་མོས་བཅོམ་ལྡན་འདས་ལ་ལན་བརྒྱ་ཙམ་བསྐོར་ཏེ། ཚིགས་སུ་བཅད་པ་རྣམ ་པ་མང་པོས་བསྟོད་ནས། སངས་རྒྱས་ཀྱི་ཞབས་དང་ཕྱག་ནས་བཟུང་སྟེ། ལན་གསུམ་གྱི་བར་དུ་སྤྱི་བོས་ལ་གཏུགས་ནས། ཐལ་མོ་སྦྱར་ཏེ་འདི་སྐད་དུ་བདག་གིས་ནང་གི་ཐ་མར་ཡང ་བཅོམ་ལྡན་འདས་མཐོང་ངོ་ཞེས་སྨྲས་ནས། བསྟི་སྟང་དང་བཅས་ནས་མཆི་ཕྱག་འཚལ་ཏེ། ཉེ་གནས་དག་ཚུལ་གྱུན་ཏེ་དང་། རྒྱལ་པོའི་ཁབ་སྔོན་སྐྱེ་བའི་གནས་གང་ན་བར་སོང་ངོ་།། ་དེར་ཕྱིན་པ་དང་དགེ་ཚུལ་གྱུན་ཏེ་ལ་བསྒོ་བ། ཁྱོད་སོང་ལ་གྲོང་ཁྱེར་དང་། གྲོང་རྡལ་དང་། རྒྱལ་པོའི་ཕོ་བྲང་དང་། བློན་པོའི་གནས་དང་། ཡོན་བདག་བ་ཤེས་པའི་གནས་ཀུན་ཏུ ་སོང་ལ་དེ་དག་ལ་ང་མཆི་ཕྱག་འཚལ་ལོ་ཞེས་སྒོ་ཞིག། དེ་ནས་དགེ་ཚུལ་ཀུན་ཏེ་སློབ་དཔོན་གྱིས་བསྒོ་བ་བཞིན་དུ་ཀུན་ཏུ་སོང་ནས་འདི་སྐད་དུ། བདག་གི་མཁན་པོ་ཤཱ་རིའི་བུ་འདིར་གཤེས ་ཏེ་མྱ་ངན་ལས་འདའ་བར་གཤེགས་ཀྱིས། ཁྱེད་གནང་བར་འདོད་ན་ཀུན་ཤོག་ཅིག་ཅེས་བསྒོའོ།། དེའི་ཚེ་ན་རྒྱལ་པོ་མ་སྐྱེས་དགྲ་དང་། ཁྱིམ་བདག་རིགས་ཆེ་ཞིག་མཐོ་བ་དང་། ་ཡོན་བདག་གི་རིགས་རྣམས་དགེ་ཚུལ་གྱིས་བསྒོ་བ་ཐོས་ནས། ཐམས་ཅད་མི་དགའ་ཞིང་མྱ་ངན་གྱིས་གདུངས་པར་གྱུར་ཏེ། ཐམས་ཅད་ཚིག་མཐུན་པར་འདི་སྐད་ཅེས་སྨྲས་སོ།། ་བཙུན་པ་ཤཱ་རིའི་བུ་ཆོས་ཀྱི་གཙོ་བོ་ཆེན་པོ་འགྲོ་བ་མང་པོའི་བཤེས་གཉེན་དུ་གྱུར་པ་ད་མྱ་ངན་ལས་འདའ་བ་ནི་ཧ་ཅང་ཡང་སྔ་ཆེས་སོ་ཞེས་སྨྲས་ནས། དེ་དག་མྱུར་བར་ཤཱ་རིའི་བུ་གང་ན་བར ་ལྷགས་ཏེ། ཕྱག་བྱས་ནས་འདི་སྐད་ཅེས་སྨྲས་སོ།། བཙུན་པ་སྐུ་ཚེ་ཡོངས་སུ་གཏོང་སྟེ་མྱ་ངན་ལས་འདའ་འོ་ཞེས། བདག་ཅག་ལ་སོགས་པ་འགྲོ་བ་མང་པོ་ནི་མགོན་དང་དཔུང ་གཉེན་མེད་པར་འགྱུར་རོ། ། དེ་ནས་ཤཱ་རིའི་བུས། འཁོར་མང་པོ་ལ་སྨྲས་པ། ཐམས་ཅད་མི་རྟག་པ་སྟེ། སྐྱེ་བ་ཡང་མཐར་འཆི་ལ ་ཁམས་གསུམ་ནི་སྡུག་བསྔལ་བ་དང་བཅས་པས་ན་གང་ཞིག་བདེ་བར་འགྱུར། ཁྱེད་ནི་སྔོན་གྱི་དགེ་བའི་རྩ་བ་ལས་སངས་རྒྱས་འཇིག་རྟེན་དུ་གཤེགས་པ་དང་ཡང་ཕྲད་སོང ་ཀྱི་མདོ་སྡེ་དང་ཆོས་ཐོས་པ་ཡང་ཤིན་ཏུ་ཡང་དཀའ། མི་ལུས་ཐོབ་པ་ཡང་ཤིན་ཏུ་དཀའ་བ་ཡིན་གྱིས། བསོད་ནམས་ཀྱི་ཚོགས་སུ་འགྱུར་ཞིང་འཁོར་བ་ལས ་གྲོལ་བའི་ལས་ལ་བརྩོན་པར་གྱིས་ཤིག་ཅེས། ཐབས་མཁས་པ་རྣམ་པ་སྣ་ཚོགས་ཀྱིས་འཁོར་མང་པོ་ལ་ཇི་ལྟར་ན་བ་ལ་སྨན་གཏོང་བ་བཞིན་དུ་རྒྱ་ཆེར་བསྟན་ཏེ། འཁོར་མང ་པོས་ཆོས་བསྟན་པ་ཐོས་ནས། ཁ་ཅིག་ནི་འབྲས་བུ་དང་པོ་ནས། འབྲས་བུ་གསུམ་པའི་བར་དུ་ཐོབ་པར་གྱུར། ཁ་ཅིག་ནི་རབ་ཏུ་བྱུང་ནས་དགྲ་བཅོམ་པར་གྱུར། ཁ་ཅིག ་ནི་རང་སངས་རྒྱས་སུ་གྲུབ་པར་ཡི་དམ་བཅས་ཏེ། ཆོས་བསྟན་པ་ཐོས་ནས་ཕྱག་འཚལ་ཏེ་སོ་སོར་དོང་ངོ་།། དེ་ནས་ཤཱ་རིའི་བུ་དེའི་ནུབ་མི་ནམ་གྱི་ཆ་སྨང་ལ་ལུས་དང་སེམས་དྲང ་པོར་བཞག་སྟེ། སེམས་རྩེ་གཅིག་ཏུ་བསམ་གཏན་དང་པོ་ལ་ཞུགས་སོ།། བསམ་གཏན་དང་པོ་ལས་བྱུང་ནས། བསམ་གཏན་གཉིས་པ་ལ་ཞུགས་བསམ ་གཏན་གཉིས་པ་ལས་བྱུང་ནས། བསམ་གཏན་གསུམ་པ་ལ་ཞུགས། བསམ་གཏན་གསུམ་པ་ལས་བྱུང་ནས། བསམ་གཏན་བཞི་པ་ལ་ཞུགས། བསམ ་གཏན་བཞི་པ་ལས་བྱུང་ནས། ནམ་མཁའ་མཐའ་ཡས་སྐྱེ་མཆེད་ཀྱི་ཏིང་ངེ་འཛིན་ལ་ཞུགས། ནམ་མཁའ་མཐའ་ཡས་སྐྱེ་མཆེད་ཀྱི་ཏིང་ངེ་འཛིན་ལས་བྱུང་ནས། རྣམ ་ཤེས་མཐའ་ཡས་སྐྱེ་མཆེད་ཀྱི་ཏིང་ངེ་འཛིན་ལ་ཞུགས། རྣམ་ཤེས་མཐའ་ཡས་སྐྱེ་མཆེད་ཀྱི་ཏིང་ངེ་འཛིན་ལས་བྱུང་ནས། ཅུང་ཟད་མེད་པའི་སྐྱེ་མཆེད་ཀྱི་ཏིང་ངེ་འཛིན་ལ་ཞུགས། ་ཅུང་ཟད་མེད་པའི་སྐྱེ་མཆེད་ཀྱི་ཏིང་ངེ་འཛིན་ལས་བྱུང་ནས། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་ཏིང་ངེ་འཛིན་ལ་ཞུགས། འདུ་ཤེས་མེད་འདུ་ཤེས་མེང ་མིན་གྱི་སྐྱེ་མཆེད་ཀྱི་ཏིང་ངེ་འཛིན་ལས་བྱུང་ནས། འགོག་པའི་ཏིང་ངེ་འཛིན་ལ་ཞུགས།། འགོག་པའི་ཏིང་ངེ་འཛིན་ལས་བྱུང་ནས། མྱ་ངན་ལས་འདའ་བར ་ཞུགས་སོ། ། དེའི་ཚེ་ན་བརྒྱ་བྱིན་ལྷའི་དབང་པོས།། ཤཱ་རིའི་བུ་མྱ་ངན་ལས་འདས་པར་ཤེས་ནས། ལྷའི་འཁོར་བརྒྱ་སྟོང་མང་པོ་དང་། སོ་སོ་ནས་མེ་ཏོག་དང ་སྤོས་ལ་སོགས་པ་མཆོད་པའི་ཡོ་བྱད་ཐོགས་ཏེ་ཕྱོགས་དེར་ལྷགས་ནས། སྟེང་གི་ནམ་མཁའ་ལ་བར་མཚམས་མེད་པར་འཁོད་དེ། མཆི་མ་ཆར་བཞིན་དུ་བླགས་ནས། མེ་ཏོག་གིས་པུས་མོ་ནུབ་ཙམ་དུ་གཏོར་ཏོ།། ་འདི་སྐད་དུ་བཙུན་པ་ཤཱ་རིའི་བུའི་ཤེས་རབ་ནི་ཟབ་ཁྱད་ཀྱང་རྒྱ་མཚོ་ཙམ་སྟེ། ཇི་ལྟར་རིགས་པའི་བློ་དང་ལྡན། གསུང་གི་སྤོབས་པ་ནི་ཆུ་མིག་དང་འདྲ་སྟེ། ཚུལ ་ཁྲིམས་དང་། ཏིང་ངེ་འཛིན་དང་། ཤེས་རབ་ཏུ་ལྡན། ཆོས་ཀྱི་གཙོ་བོ་ཆེན་པོ་དེ་བཞིན་གཤེགས་པའི་རྗེས་སུ་ཆོས་ཀྱི་འཁོར་ལོ་རྒྱས་པར་བསྐོར་བ་དེང་མྱ་ངན་ལས་འདའ་བ་ནི་ཧ་ཅང ་ཡང་སྔ་ཆེས་སོ། ། གྲོང་ཁྱེར་དེའི་ནང་དང་ཕྱི་རོལ་ན་འདུག་པའི་མི་ཐམས་ཅད་ཀྱིས་ཤཱ་རིའི་བུ་མྱ་ངན་ལས་འདས་སོ་ཞེས་ཐོས་ནས། ཐམས་ཅད་ཀྱིས་མར་དང་འབྲུ་མར་བསུང་ཅན་དང་། ་སྤོས་དང་། མེ་ཏོག་དང་། མཆོད་པའི་ཡོ་བྱད་ཐོགས་ཏེ་ཐམས་ཅད་ལྷགས་ནས། ལུས་ཀྱིས་མི་བཟོད་པར་མྱ་ངན་གྱིས་གདུངས་ཏེ། སོ་སོ་ནས་ཐོགས་པའི་ཡོན་གྱིས་མཆོད་པ་བྱས ་སོ། ། དེ་ནས་བརྒྱ་བྱིན་ལྷའི་དབང་པོས་བི་ཤྭ་ཀར་མ་ལ་བསྒོ་བ། ཁྱོད་ཀྱིས་རིན་པོ་ཆེ་མང་པོས་བརྒྱན་པའི་ཤིང་རྟ་སྦྱོར་ཅིག། ཤཱ་རིའི་བུའི་སྤུར་བཞག་པར་བྱའོ་ཞེས་བསྒོའོ།། དེ་ནས ་ལྷ་དང་ཀླུ་དང་། གནོད་སྦྱིན་དང་། རྒྱལ་པོ་དང་། བློན་པོ་དང་། ཡུལ་གྱི་མི་ཐམས་ཅད་ཀྱིས་ཆོ་ངེས་བཏབ་སྟེ། གང་ན་ཐང་བདེ་བར་བསྐྱལ་ཏོ།། བརྒྱ་བྱིན་ལྷའི་དབང ་བོས་གནོད་སྦྱིན་རྣམས་ལ་ཁྱེད་ཀྱིས་རྒྱ་མཚོའི་ངོགས་ནས་གླང་མགོའི་ཙན་དན་ལོང་ཞིག་ཅེས་བསྒོས་ནས། གནོད་སྦྱིན་རྣམས་ཀྱིས་རྒྱ་མཚོའི་ངོགས་ནས་ཙན་དན་བླངས་ཏེ་སྤུངས་ནས། ་དེའི་སྟེང་དུ་སྤུར་བཞག་སྟེ། མར་དང་འབྲུ་མར་གྱིས་གཏོར་ནས་མེ་བཏང་ངོ་།། འཁོར་དེ་དག་ཀུན་གྱིས་ཕྱག་འཚལ་ཏེ་ཕྱིར་དོང་ངོ་།། མེ་ཤི་བའི་འོག་ཏུ་དགེ་ཚུལ་གྱུན་ཏེས། སློབ་དཔོན ་གྱི་རིང་བསྲེལ་དང་། ལྷུང་བཟེད་དང་། ཆོས་གོས་གསུམ་ཐོགས་ཏེ། སངས་རྒྱས་གང་ན་བར་སོང་ནས། ཞབས་ལ་མགོ་བོས་ཕྱག་འཚལ་ཏེ། པུས་མོའི་ལྷ་ང་ས་ལ་བཙུགས ་ནས་བདག་གི་སློབ་དཔོན་ནི་མྱ་ངན་ལས་འདས་ཏེ་དེའི་རིང་བསྲེལ་དང་། ཆོས་གོས་དང་། ལྷུང་བཟེད་ནི་འདི་ལགས་སོ་ཞེས་གསོལ་ཏོ།། དེའི་ཚེ་ན་ཀུན་དགའ་བོ ་དགེ་ཚུལ་གྱིས་སྨྲས་པ་ཐོས་ནས། མྱ་ངན་གྱིས་ཤིན་ཏུ་ཡིད་གདུངས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཤཱ་རིའི་བུ་ཚོགས་ཀྱི་གཙོ་བོ་ཆེན་པོ་ཡང་མྱ་ངན་ལས་འདས ་ན་བདག་ཅག་གིས་སུ་ལ་ག་ནས་བཅའ་ཞིང་སྐྱབས་སུ་མཆི་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་མྱ་ངན་ལས་འདས་ཀྱང་། ཚུལ་ཁྲིམས་དང་། ཏིང ་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་གཟིགས་པ་དང་། ཆོས་ཀྱི་སྐུ་ནི་མྱ་ངན་ལས་མ་འདས་སོ།། ཤཱ་རིའི་བུ་ནི་ད་ལྟར་འབའ་ཞིག ་ང་མྱ་ངན་ལས་འདའ་བ་ལ་མཐོང་བར་མིག་མི་བཟོད་དེ། སྔར་མྱ་ངན་ལས་འདས་པ་འདིར་མ་ཟད་ཀྱི། སྔོན་འདས་པའི་དུས་ན་ཡང་། ང་ཚེ་འཕོ་བ་ལ་མིག་མ་བཟོད་ནས་སྔར་ཚེ་འཕོས་སོ།། ་ཀུན་དགའ་བོས་ཐལ་མོ་སྦྱར་ཏེ། བཅོམ་ལྡན་འདས་ལ་གསོལ་པ། སྔོན་བཅོམ་ལྡན་འདས་སྐུ་ཚེ་སྔ་མ་ལ་ཡང་སྔར་གུམ་ནས། ཕྱིས་གཤེགས་པའི ་དངོས་པོ་རྒྱས་པར་བསྟན་དུ་གསོལ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། སྔོན་འདས་པའི་བསྐལ་པ་ཚད་མེད། གྲངས་མེད། བསམ་གྱིས་མི་ཁྱབ ་པ་འདས་པའི་སྔ་རོལ་ན། འཛམ་བུའི་གླིང་འདིར་ཡུལ་ཆེན་པོ་ཞིག་ན། རྒྱལ་པོ་ཟླ་འོད་ཅེས་བྱ་བ། འཛམ་བུའི་གླིང་ལ་དབང་བ། རྒྱལ་ཕྲན་བརྒྱད་ཁྲི་བཞི་སྟོང་དང་། ལྗོངས ་སྟོང་ཕྲག་བཅུའི་ནང་ན། གྲོང་ཁྱེར་ཁྲི་ཕྲག་བརྒྱད་ཅུ་ལ་དབང་བྱེད་པ་ཞིག་བྱུང་ངོ་།། རྒྱལ་པོ་དེ་ལ་བཙུན་མོ་སྟོང་ཕྲག་ཉི་ཤུ་ཡོད་དེ། བཙུན་མོ་ཆེན་མོ་ནི་མེ་ཏོག་སྦྱིན་ཞེས་བྱ། བཙུན་མོ། ་རབ་འོག་ནི་སྤྱན་ཆེན་མོ་ཞེས་བྱ་སྟེ། རྒྱལ་པོ་དེ་ལ་རྒྱལ་བུ་ལྔ་བརྒྱ་སྙེད་ཡོད་དོ།། རྒྱལ་བུ་ཐུ་བོ་རྒྱལ་ཚབ་ནི་ཚུལ་ཁྲིམས་བཟང་པོ་ཞེས་བྱ། རྒྱལ་པོ་བཞུགས་པའི་ཕོ་བྲང་ནི་འཚོ་བ་བཟང ་པོ་ཞེས་བྱ་སྟེ། ཕོ་བྲང་དེ་ཆུ་ཞེང་གབ་པར་དཔག་ཚད་བཞི་བརྒྱ་ཡོད་དོ།། གསེར་དང་། དངུལ་དང་། བཻ་ཌཱུཪྻ་དང་། ཤེལ་ལས་སོ།། སྐྱེད་མོས་ཚལ་གྱི་ནང་ན་གསེར་དང་། ་དངུལ་དང་། བཻ་ཌཱུཪྻ་དང་། ཤེལ་གྱི་ཤིང་ཚར་བཞི་ཡོད་དེ། ཁ་ཅིག་གི་ཡལ་ག་ནི་གསེར། ལོ་མ་ནི་དངུལ། ཁ་ཅིག་གི་ཡལ་ག་ནི་དངུལ། ལོ་མ་ནི་གསེར། ཁ་ཅིག ་གི་ཡལ་ག་ནི་བཻ་ཌཱུཪྻ། ལོ་མ་ནི་ཤེལ། ཁ་ཅིག་གི་ཡལ་ག་ནི་ཤེལ། ལོ་མ་ནི་བཻ་ཊུཪྻ་སྟེ། རིན་པོ་ཆེའི་རྫིང་རྣམས་ཀྱང་གསེར་དང་། དངུལ་དང་། བཻ་ཌཱུཪྻ་དང་། ཤེལ་ལས ་བྱས་རྫིང་གི་ཞབས་ཀྱང་རིན་པོ་ཆེ་སྣ་བཞིའི་བྱེ་མས་བརྡལ་ཏེ། རྒྱལ་པོའི་ཕོ་བྲང་དང་ཉེ་བའི་ཚེ། ཁོ་ར་ཁོར་ཡུག་དཔག་ཚད་བཞི་བཅུའི་བར་དུ། གསེར་དང་། དངུལ་དང་། ་བཻ་ཌཱུཪྻ་དང་། ཤེལ་གྱིས་ཆལ་པར་བཀང་ངོ་།། ཡུལ་དེ་ན་གནས་པའི་མི་རྣམས་བདེ་ཞིང་སྐྱིད་པ། ལོ་ལེགས་པ། ལོངས་སྤྱོད་འབྱོར་པ། རིན་པོ་ཆེ་དམ་པ་གྲངས་མེད་པ་བདོག་པར ་གྱུར་ཏོ། ། དེའི་ཚེ་ན་རྒྱལ་པོ་དེ་ཕོ་བྲང་ན་འདུག་པ་ལས་རྟག་ཏུ་འདི་སྙམ་དུ་བསམ་པ་སྐྱེས་སོ།། འཇིག་རྟེན་ན་གནས་པ་དག་བཙན་ཞིང་ཆེ་བ་ལ་ཐམས་ཅད་བཀུར་སྟི་བྱེད་པར་འགྱུར་སྙམ་བསམས ་མ་ཐག་ཏུ། འདོད་པ་ལྔའི་ལོངས་སྤྱོད་དམ་པ་ཡིད་བཞིན་དུ་གྲུབ་སྟེ། འདི་ལྟར་འབྲས་བུ་མཆོག་ཐོབ་པ་ཡང་སྔོན་བསོད་ནམས་ཀྱི་ཚོགས་བསྐྱེད་པ་ལས་གྱུར་ཏོ།། དཔེར་ན་ཞིང་པ་དག ་ཀྱང་དཔྱིད་ས་བོན་མང་དུ་བཏབ་ན། སྟོན་མང་དུ་བསྡུར་ཡོད་དོ་སྙམ་དུ་རེ་བ་ཡོད་དོ།། བདག་ཀྱང་དེ་དང་འདྲ་སྟེ། སྔོན་བསོད་ནམས་ཀྱི་ཚོགས་བསྐྱེད་པས། ད་ལྟར་འདི་ལྟ་བུ་གྲུབ ་པར་གྱུར་ཏོ། ། ད་ལྟའི་ངས་སུ་ས་བོན་མ་བསྐྱེད་ན། ཕྱིས་རེ་བ་མེད་དོ་སྙམ་བསམས་ནས། བློན་པོ་རྣམས་ལ་ད་ནི་བདག་གིས་རིན་པོ་ཆེ་དང་། ལོངས་སྤྱོད་ཀྱིས་ཀྱང་ཀུན་ལ་སྦྱིན་པའི ་ཕྱིར་གྲོང་ཁྱེར་གྱི་སྒོ་དང་། ཚོང་དུས་ཀྱི་མདོར་སྤུངས་ཏེ། སེམས་ཅན་ལ་ཡིད་བཞིན་དུ་ཅི་འདོད་པ་སྦྱིན་པར་བྱའོ།། གཞན་ཡང་རྒྱལ་ཕྲན་བརྒྱད་ཁྲི་བཞི་སྟོང་སྙེད ་ཡོད་པ་ལ་ཡང་། བང་མཛོད་ཅི་ཡོད་པ་ཐམས་ཅད་འགྲོ་བ་མང་པོ་ལ་སྦྱིན་པར་བཀར་གདགས་སོ་ཞེས་བསྒོ་ནས། གསེར་གྱི་རྒྱལ་མཚན་བསྒྲེང་སྟེ། གསེར་གྱི་རྔ་བརྡུངས་ནས། ཕྱོགས ་སུ་རྒྱས་པར་ཀུན་གྱིས་ཐོས་ཤིང་ཤེས་པར་ཤིན་ཏུ་བསྒྲགས་སོ། ། དེའི་ཚེ་ན་ཡུལ་དེ་ན་འཁོད་པའི་དགེ་སྦྱོང་དང་། བྲམ་ཟེ་དང་། དབུལ་འཕོངས་པ་དང་། མགོན་མེད་པ་དང་། རྒན ་པོ་ལོངས་སྤྱོད་ཀྱིས་བྲེལ་པ་ཐམས་ཅད་སྤྲིན་བཞིན་དུ་འདུས་ཏེ། གང་གོས་འདོད་པ་ལ་གོས། ཟས་འདོད་པ་ལ་ཟས། གསེར་དངུལ་དང་ནོར་རིན་པོ་ཆེ་འདོད་པ་ལ། གསེར་དངུལ་དང་ནོར ་རིན་པོ་ཆེ། ནད་པ་རྣམས་ལ་ནི་ནད་ཀྱི་རྐྱེན་སྨན་ལ་སོགས་ཏེ། ཅི་འདོད་པ་ཡིད་བཞིན་དུ་བྱིན་ནོ།། དེའི་ཚེ་ན་འཛམ་བུ་གླིང་ན་འཁོད་པའི་འགྲོ་བ་ཐམས་ཅད་རྒྱལ་པོའི་བཀའ་དྲིན་གྱིས། ཐམས ་ཅད་བདེ་ཞིང་སྐྱིད་པས་གླུ་ལེན་བྲོ་བརྡུང་། ཚིགས་སུ་བཅད་པས་བསྟོད་དོ།། རྒྱལ་པོ་དེའི་མིང་སྙན་པ་མཐའ་འོག་ཀུན་ཏུ་གྲགས་ནས་བཀའ་མི་ཉན་པ་མེད་དོ།། དེའི་ཚེ་ན་ཡུལ་གྱི་མཐའ ་འཁོབ་ན་རྒྱལ་པོ་ཆུང་ངུ་བྱི་མ་སེ་ན་ཞེས་བྱ་བ་ཞིག། རྒྱལ་པོ་ཟླ་འོད་ལ་ཕྲག་དོག་སྐྱེས་ནས། བདེ་བར་ཉལ་དུ་མེད་དེ་གཉིད་ཀྱང་མི་བྲོ་ནས་འདི་སྙམ་དུ་བསམས་སོ།། རྒྱལ་པོ་ཟླ་འོད་མེད་པར ་མ་བྱས་ཀྱི་བར་དུ་བདག་གི་མིང་གྲགས་པར་མི་འགྱུར་གྱིས། བདག་གི་ཡུལ་ཕྱོགས་ན་འཁོད་པའི་ཀུན་ཏུ་རྒྱུ་དག་བོས་ནས། ཀུན་ཏུ་སྒྲུབ་ཏུ་གཞུག་པའི་ཐབས་བྱའོ་སྙམ་བསམས་ནས། བདག ་གི་ཡུལ་ན་འཁོད་པའི་ཀུན་ཏུ་རྒྱུ་བོས་ནས། ཁ་ཟས་རོ་བརྒྱ་དང་ལྡན་པ་རྣམ་པ་སྣ་ཚོགས་སྦྱར་ཏེ། བསྟི་སྟང་དང་བཅས་པ་ཟླ་བ་གསུམ་གྱི་བར་དུ་མཆོད་པ་བྱས་ནས། ཀུན་ཏུ་རྒྱུ་རྣམས་ལ་འདི ་སྐད་ཅེས་སྨྲས་སོ། ། ང་ནི་མྱ་ངན་གྱིས་ནོན་ཏེ་ཉིན་མཚན་དུ་མི་བདེན། ཁྱེད་ནི་ཆོས་སྤྱོད་པ་ཡིན་ཏེ། མཆོད་པའི་གནས་ཡིན་ན། ངའི་མྱ་ངན་མེད་པར་བྱ་བའི་ཐབས་སོམས་ཤིག། བྲམ ་ཟེ་རྣམས་ཀྱིས་སྤྲས་པ། རྒྱལ་པོ་ཅིའི་སླད་དུ་ཐུགས་ངན་མཛད་པ་བདག་ཅག་ལ་གསུངས་ཤིག། ཅི་ནུས་ཀྱིས་རྒྱལ་པོའི་ཐུགས་ངན་མ་མཆིས་པར་བགྱིའོ།། རྒྱལ་པོས་སྨྲས་པ། རྒྱལ་པོ་ཟླ ་འོད་དེ་ཡོན་ཏན་ཀུན་ཏུ་གྲགས་པས་ཐམས་ཅད་ཀྱིས་བསྙེན་བཀུར་བྱེད་ན། ང་འབའ་ཞིག་ཡོན་ཏན་མ་གྲགས་ཏེ། རྒྱལ་པོ་དེ་མེད་པར་བྱ་བར་དགའ་ན། ཁྱེད་ལ་ཐབས་ཅི་ཡོད་པ་སྤྲོས ་ཤིག། བྲམ་ཟེ་རྣམས་ཀྱིས་དེ་སྐད་བསྒོ་བ་ཐོས་ནས། སོ་སོ་ནས་གཅིག་ལ་གཅིག་འདི་སྐད་ཅེས་སྨྲས་སོ།། རྒྱལ་པོ་ཟླ་འོད་དེ་ནི་སྙིང་རྗེ་དང་ལྡན་ཏེ། འགྲོ་བ་ཐམས་ཅད་ལ་དྲིན་གྱིས་ཁྱབ ་ཅིང་དབུལ་འཕོངས་པ་ལ་ཡང་ཕ་མ་ལྟ་བུར་གྱུར་པས། བདག་ཅག་ནི་ཚེ་འཕོ་བ་ཐུག་ཀྱང་དེ་ལ་འཁུ་ཞིང་གནོད་པ་བྱེད་མི་ནུས་སོ་ཞེས་སྦས་ནས། འཚོ་བ་ལ་ཡང་མ་བལྟས་ཏེ་སོ་སོར་གྱིས་སོ།། ་རྒྱལ་པོ་བྱི་མ་སེ་ན་དེ་སྐད་སྨྲས་པ་ཐོས་ནས་ལྷག་པར་མི་དགའ་སྟེ། འདི་སྐད་ཅེས་བཀར་བཏགས་སོ།། གང་སུ་ཡང་རུང་བའི་ཕྱིར་རྒྱལ་པོ་ཟླ་བོད་ཀྱི་མགོ་བཅང་དེ་འོངས་ན། ་རྒྱལ་སྲིད་ཕྱེད་ཀྱང་སྦྱིན་ཞིང་བུ་མོ་ཡང་ཆུང་མར་སྦྱིན་ནོ་ཞེས་བཀར་བཏགས་པ་དང་། དེའི་ཚེ་ན་རི་བྲགས་ཀྱི་གྲོང་ན་བྲམ་ཟེ་ལེའུ་དེ་ཙ་ཞེས་བྱ་བས། རྒྱལ་པོ་དེ་གང་ན་བར་འོངས་ནས་རབ་ཏུ་དགའ་སྟེ། ་འདི་སྐད་དུ་བདག་གིས་ནི་རྒྱལ་པོས་དགོངས་པ་བཞིན་དུ་བསྒྲུབ་ནུས་སོ་ཞེས་གསོལ་ཏོ།། རྒྱལ་པོས་སྨྲས་པ། དེ་ལྟར་བསྒྲུབ་ནུས་ན་ཉི་མ་གང་ལ་འགྲོ་བར་བྱ། བྲམ་ཟེས་སྨྲས་པ། བདག་གི ་ལམ་བརྒྱགས་གསོལ་ཅིག་དང་། ད་སླན་ཆད་ཞག་བདུན་ན་མཆི་བར་བགྱིའོ་ཞེས་གསོལ་པ་དང་། བྲམ་ཟེ་དེ་དག་ཞག་བདུན་གྱི་བར་དུ་བདག་གི་ལུས་བསྲུང་བའི་སྔགས་བྱས་ནས། རྒྱལ་པོ ་ལ་མཆི་ཕྱག་འཚལ་ཏེ། ལམ་དུ་ཞུགས་ནས་སོང་ངོ་།། དེའི་ཚེ་ན་རྒྱལ་པོ་ཟླ་འོད་ཀྱི་ཡུལ་དུ་ལྟས་ངན་རྣམ་པ་སྣ་ཚོགས་བྱུང་སྟེ། ས་ཀུན་གས་པ་དང་། གློག་འགྲུ་བ་དང་། སྐར་མད་བ་ལྟུང ་བ་དང་ཉིན་མཚན་ཡུལ་རྨུས་པ་དང་། འབྲུག་དྲག་པོ་དང་། སེར་བ་དང་། གནམ་ལྕགས་དང་། བྱ་མང་པོ་ནམ་མཁའ་ལ་སྙིང་རྗེ་བའི་སྐད་ཟེར་ཞིང་། ནམ་མཁའ་ལས་རང ་ལྟུང་བ་དང་། སྟག་དང་། གཟིག་དང་། སྤྱང་ཀི་དང་། གཅན་གཟན་དང་། རི་དགས་ལ་སོགས་པ་དཀྱུ་མཆོང་ཞིང་སྐད་བེར་བ་དང་། རྒྱལ་ཕྲན་བརྒྱད་ཁྲི་བཞི་སྟོང་གི་རྨི་ལམ་དུ་རྒྱལ ་པོ་ཆེན་པོའི་གསེར་གྱི་རྒྱལ་མཚན་ཆག་པ་དང་། གསེར་གྱི་རྔ་རལ་བར་རྨིས་སོ།། བློན་པོ་ཟླ་བ་ཆེན་པོ་ཞེས་བྱ་བའི་རྨི་ལམ་དུ་ཡི་དགས་ཤིག་གིས་རྒྱལ་པོའི་གསེར་གྱི་ཅོད་པན་འཕྲོགས་པ ་སྙམ་རྨིས་ཏེ། ཐམས་ཅད་ཀྱང་ལུས་ཀྱིས་མི་བཟོད་པ་ཙམ་དུ་མྱ་ངན་གྱིས་ནོན་པར་གྱུར་ཏོ།། དེའི་ཚེ་ན་གྲོང་ཁྱེར་གྱི་སྒོ་བསྲུང་བའི་ལྷས། བྲམ་ཟེ་དེ་རྒྱལ་པོའི་མགོ་སློང་བ་ལ་འོངས་པར་རྟོགས ་ནས་དེ་མྱོས་ཤིང་བསླད་པར་བྱས་ཏེ། གྲོང་ཁྱེར་གྱི་སྒོ་ནས་མ་བཏང་བས། བྲམ་ཟེ་དེས་གྲོང་ཁྱེར་ལ་ལན་དུ་མ་བསྐོར་ཀྱང་ནང་དུ་མ་ཆུད་དོ།། དེ་ནས་གནས་གཙང་མའི་རིས་ཀྱི་ལྷས་ཀྱང ་རྒྱལ་པོ་ཟླ་འོད་མགོ་བོ་སྦྱིན་པ་བྱས་ན། སྦྱིན་པའི་ཕ་རོལ་ཏུ་ཕྱིན་པ་རྫོགས་པར་འགྱུར་བ་ཤེས་ནས་རྨི་ལམ་དུ་རྒྱལ་པོ་ལ་སྦྲན་ཏོ།། རྒྱལ་པོ་ཆེན་པོ་ཐམས་ཅད་ཀྱི་ཡིད་དང་མི་འགལ་བར་སྦྱིན་པ ་སྦྱིན་ནོ་ཞེས་ཡི་དམ་བཅས་ན། ད་ལྟར་སློང་བ་གྲོང་ཁྱེར་གྱི་སྒོར་འོངས་ཏེ། ནང་དུ་འོང་བའི་དབང་མེད་དོ་ཞེས་སྦྲན་ཏོ།། སད་ནས་ངོ་མཚར་དུ་གྱུར་ཏེ། བློན་པོ་ཟླ་བ་ཆེན་པོ་ལ་ཁྱོད་སོང་ལ་གྲོང ་ཁྱེར་གྱི་སྒོ་ནས་སུ་འོང་ཡང་རུང་། མ་དགག་པར་ཐོང་ཞིག་ཅེས་སྒོ་ཞིག། ཟླ་བ་ཆེན་པོ་གྲོང་ཁྱེར་གྱི་སྒོར་འོངས་པ་དང་། གྲོང་ཁྱེར་གྱི་སྒོ་བསྲུང་བའི་ལྷས་ལུས་མངོན་པར་བསྟན་ཏེ། ཟླ་བ་ཆེན་པོ ་ལ་འདི་སྐད་ཅེས་སྨྲས་སོ། ། བྲམ་ཟེ་ཞིག་ཡུལ་གཞན་ནས་འོངས་ཏེ། སྡིག་པའི་སེམས་ཀྱིས་རྒྱལ་པོའི་མགོ་བོ་སློང་དུ་འོངས་པས་ནང་དུ་མ་བཏང་བ་ཡིན་ནོ།། བློན་པོས་སྨྲས་པ། གལ ་ཏེ་དེ་ལྟར་བདེན་ན་གནོད་པའི་ལྟས་ཆེན་པོ་ཡིན་ཏེ། འོན་ཀྱང་རྒྱལ་པོའི་བཀའ་བཅག་ཏུ་མི་རུང་ངོ་ཞེས་བསྒོའོ།། དེ་ནས་གྲོང་ཁྱེར་བསྲུང་བའི་ལྷས་ཀྱང་བྲམ་ཟེ་དེ་ནང ་དུ་བཏང་ངོ་། ། བློན་པོ་ཟླ་བ་ཆེན་པོས་འདི་སྙམ་དུ་བསམས་སོ།། བྲམ་ཟེ་འདི་ནི་གདོན་མི་ཟ་བར་རྒྱལ་པོའི་མགོ་སློང་བར་འགྱུར་གྱིས། རིན་པོ་ཆེ་སྣ་བདུན་ལས་སྣ་གཅིག་ཀྱང་མགོ་ལྔ་བརྒྱ ་ལྔ་བརྒྱ་བྱས་ཏེ། མགོ་བོ་འདི་དག་གིས་རྒྱལ་པོའི་མགོ་བླུའོ་སྙམ་བསམས་ནས་སྦྱོར་དུ་བཅུག་གོ།། དེ་ནས་བྲམ་ཟེ་དེ་རྒྱལ་པོའི་ཕོ་བྲང་དུ་འོངས་ཏེ་སྐད་ཆེན་པོར་འདི་སྐད་ཅེས་སྨྲས་སོ།། བདག་ནི་ཡུལ་གྱི ་མཐའ་འཁོབ་ནས་མཆིས་ཏེ། རྒྱང་མ་ནས་རྒྱལ་པོ་ཆེན་པོ་ནི་ཐམས་ཅད་ཡོངས་སུ་གཏོང་ལ། ཕ་རོལ་པོའི་ཡིད་དང་མི་འགལ་བར་མཛད་དོ་ཞེས་ཡོན་ཏན་ཆེན་པོ་ཐོས་ནས། ལས་རིང་པོ་ནས་དགོས ་བ་འདོད་པའི་སླད་དུ་འདིར་མཆིས་སོ། ། རྒྱལ་པོས་དེ་སྐད་ཅེས་སྨྲས་པ་ཐོས་ནས། རབ་ཏུ་དགའ་རངས་ཏེ་ཕྱག་འཚལ་ནས་ངལ་བར་མ་གྱུར་ཏམ་ཞེས་དྲིས་ཏེ། ནོར་ཅི་འདོད་པ་དང་། ཡུལ་ལམ། ་སྲིད་དམ། གྲོང་ཁྱེར་རམ། ཆུང་མ་འམ། བུ་པོ་འམ། བུ་མོ་འམ། རིན་པོ་ཆེའམ། ཐེག་པ་འམ། གླང་པོ་ཆེའམ། རྟ་འམ། རིན་པོ་ཆེ་སྣ་བདུན་ནམ། བྲན་པོའམ། བྲན ་སོའམ་ལས་བྱེད་པའི་མི་འམ། ཅི་འདོད་པ་ཐམས་ཅད་སྦྱིན་ནོ་ཞེས་སྨྲས་སོ།། བྲམ་ཟེས་སྤྲས་པ། ཕྱི་རོལ་གྱི་ལོངས་སྤྱོད་ཀྱི་སྦྱིན་པ་ནི་སྦྱིན་པའི་བསོད་ནམས་སུ་འགྱུར་མོད་ཀྱི། སྦྱིན་པ་རྒྱ་ཆེན ་པོར་མི་འགྱུར་ཏེ། གང་ལུས་ཀྱི་ཤ་སྦྱིན་པ་བསོད་ནམས་ཀྱི་མཆོག་ཡིན་པས། བདག་ནི་རྒྱལ་པོའི་དབུ་འཚལ་བའི་སླད་དུ་ལམ་རིང་པོ་ནས་འདིར་མཆིས་ཀྱིས། ཡིད་དང་མི་འགལ་བར་མཛད་ན་སྦྱིན ་པ་མཛོད་ཅིག་ཅེས་གསོལ་པ་དང་། རྒྱལ་པོས་དེ་སྐད་ཅེས་སྨྲས་པ་ཐོས་ནས། དཔེ་མེད་པར་དགའ་བར་གྱུར་ཏོ།། བྲམ་ཟེས་སྨྲས་པ། བདག་ལ་དབུ་སྩལ་ན། ནམ་སྩལ་བ་བཀའ་སྩལ་དུ ་གསོལ་རྒྱལ་པོས་བཀའ་སྩལ་པ། ད་སྟེ་ཞག་བདུན་ན་ཁྱོད་ལ་མགོ་སྦྱིན་ནོ་ཞེས་བསྒོའོ།། དེ་ནས་བློན་པོ་ཟླ་བ་ཆེན་པོས་རིན་པོ་ཆེ་སྣ་བདུན་ལ་བྱས་པའི་མགོ་རྣམས་ཁྱེར་ཏེ་འོངས་ནས། བྲམ ་ཟེའི་མདུན་དུ་ལྟོ་བ་ས་ལ་ཕབ་སྟེ་འདི་སྐད་ཅེས་སྨྲས་སོ། ། རྒྱལ་པོའི་དབུ་ནི་ཤ་དང་། ཁྲག་དང་། རུས་པ་སྟེ། མི་གཙང་བ་ཡིན་ན་ཅི་ཞིག་ཏུ་རུང་། རིན་པོ་ཆེ་སྣ་བདུན་གྱི་མགོ་འདི་དག་གིས ་བརྗེའོ། ། རིན་པོ་ཆེ་སྣ་བདུན་གྱི་མགོ་འདི་དག་གིས་ཁྱོད་ཚེ་གཅིག་ཏུ་ཕྱུག་པར་འགྱུར་རོ།། བྲམ་ཟེས་སྨྲས་པ། བདག་ལ་འདི་དག་མི་དགོས་ཀྱི། རྒྱལ་པོའི་དབུ་དགོས་ཀྱིས་བདག་གི་རེ་བ་སྐོངས ་ཤིག། ཟླ་བ་ཆེན་པོས་ཐབས་རྣམ་པ་སྣ་ཚོགས་ཀྱིས་གསོལ་བ་བཏབ་ཀྱང་མ་བཏུབ་པས། མྱ་ངན་གྱིས་ནོན་ཏེ་འཁམས་ནས་སྙིང་བདུན་དུགས་ཏེ་ཚེ་འཕོས་སོ།། དེའི་ཚེ་ན་རྒྱལ་པོ་ངེས་བློན་པོ ་ཞིག་གླང་པོ་ཆེ་དཔག་ཚད་བརྒྱད་སྟོང་དུ་འགྲོ་བ་ལ་བསྐྱོན་ནས། རྒྱལ་ཕྲན་ཐམས་ཅད་ལ་སྦྲན་ཏེ། ད་སྟེ་ཞག་བདུན་ན་རྒྱལ་པོ་ཟླ་འོད་བྲམ་ཟེ་ལ་དབུའི་སྦྱིན་པ་མཛད་ཀྱིས། མཐོང་བར་འདོད་པ ་ཐམས་ཅད་མྱུར་དུ་ཤོག་ཅིག། དེའི་ཚེ་ན་རྒྱལ་ཕྲན་བརྒྱད་ཁྲི་སྙེད་པོ་ཐམས་ཅད་དེ་མ་ཐག་ཏུ་ལྷགས་ཏེ། རྒྱལ་པོའི་སྤྱན་སྔར་འོངས་ནས་ལྟོ་བས་ལ་བབ་སྟེ་འདི་སྐད་ཅེས་གསོལ ་ཏོ། ། འཛམ་བུའི་གླིང་གི་སེམས་ཅན་ཐམས་ཅད་ནི་རྒྱལ་པོའི་བཀའ་དྲིན་གྱིས། ཐམས་ཅད་བདེ་སྐྱིད་དེ་གནོད་པ་མ་མཆིས་ན། མི་གཅིག་གི་སླད་དུ་འགྲོ་བ་ཐམས་ཅད་ཡོངས་སུ་སྤང་བར་མི ་རིགས་ཀྱིས། བདག་ཅག་ལ་ཐུགས་བརྩེ་བའི་སླད་དུ་དབུའི་སྦྱིན་པ་མི་མཛད་པར་གསོལ་ཏོ།། བློན་པོ་ཆེན་པོ་སྟོང་ཕྲག་བཅུས་ཀྱང་ལྟོ་བ་ས་ལ་ཕབ་སྟེ། བདག་ཅག་ལ་ཐུགས་བརྩེ་བའི་སླང ་དུདབུའི་སྦྱིན་པ་མི་མཛད་པར་གསོལ་ཏོ། ། བཙུན་མོ་སྟོང་ཕྲག་ཉི་ཤུས་ཀྱང་ལུས་ས་ལ་ཕབ་ནས། རྒྱལ་པོ་ལ་འདི་སྐད་ཅེས་གསོལ་ཏོ།། བདག་ཅག་ལ་ཡང་ཐུགས་བརྩེ་བར་དགོངས་ཏེ ་དབུའི་སྦྱིན་པ་མི་མཛད་པར་གསོལ་ཞེས་སྨྲས་སོ། ། རྒྱལ་བུ་ལྔ་བརྒྱ་རྣམས་ཀྱང་ངུས་ནས། བདག་ཅག་ལ་མགོན་དང་སྐྱབས་མ་མཆིས་ན་ཐུགས་བརྩེ་བར་དགོངས་ཏེ། དབུའི་སྦྱིན་པ་མི་མཛད ་ཅིང་བདོག་ཅག་ཀྱང་མི་རྗེས་སླེབས་པར་བསྐྱེད་པར་གསོལ་ཞེས་སྨྲས་སོ། ། དེ་ནས་རྒྱལ་པོ་ཆེན་པོས། བློན་པོ་དང་། བཙུན་མོ་དང་། སྲས་རྣམས་ལ་འདི་སྐད་ཅེས་བཀའ་སྩལ་ཏོ།། ཐོག ་མ་མེད་པ་ནས་ལུས་འདི་གཁོར་བན་འཁོར་ཞིང་ཡུན་རིང་པོར་སེམས་ཅན་དམྱལ་བན་འདུག་པཆིམ། ཉིས་གཅིག་ལ་ཡང་ལན་དུ་བནིག་ཆེ་འཕོས་ནས། ལུས་འ་བུད་པས་ལལ་ཆུ་དང་། མ ་ཀྱི་ཁྲི་དང་། ཆུ་ཚན་ཁོལ་མ་དང་། ངན་སྐྱུགས་དང་། མེའི་ཤིང་རྟ་དང་། མེ་དོང་ལ་སོགས་པའི་སེམས་ཅན་དམྱལ་བར་ཡུན་རིང་པོར་སྡུག་བསྔལ་མྱོང་སྟེ། བཙོ་བ་དང་བསྲེག་པ་ལ་སོགས ་པས་ལུས་འདི་གྲངས་མེད་པར་ཆུད་ཟོས་ཀྱང་བསོད་ནམས་འགའ་ཙམ་ཡང་མེད་དོ། ། གལ་ཏེ་དུད་འགྲོའི་སྐྱེ་གནས་སུ་སྐྱེས་ན། གཅིག་ལ་གཅིག་འཆའ་ཞིང་ཟ་བ་དང་། གཞན་གྱིས་བསད་དེ ་ཀུན་གྱིས་ཟོས་པ་དང་། ཚེ་བཕོས་ནས་རུལ་ཞིང་མྱགས་པ་ཡང་གྲངས་མེད་དེ། དེ་ལྟར་ལུས་འདི་ཆུད་ཟོས་ཀྱང་བསོད་ནམས་སུ་གྱུར་པ་མེད་དོ།། ཡི་དགས་ཀྱི་ཁམས་སུ་སྐྱེས་ན་ལུས་ལ་མེ་འབར ་ཏེ། འཁོར་ལོས་མགོ་བཅད་མ་ཐག་ཏུ་ཕྱིར་ཡང་སོས་པ་གྲངས་མེད་པ་ཞིག་མྱོང་སྟེ། དེ་ལྟར་ལུས་ཆུད་ཟོས་ཀྱང་བསོད་ནམས་སུ་གྱུར་པ་མེད་དོ།། གལ་ཏེ་མིར་སྐྱེས་ན་ཡང་ནོར་དང་བུད་མེད་ཀྱི ་ཕྱིར་ཁྲོ་བརྔམ་པས། མིག་བགྲད་དེ་གཅིག་ལ་གཅིག་འཚེ་ཞིང་གསོད་པ་དང་། གཡུལ་ངོར་ལྷགས་ནས་གཅིག་ལ་གཅིག་གསོད་དེ། དེ་ལྟར་ལུས་ཆུད་ཟོས་པ་དང་། འདོད་ཆགས་དང་། ཞེ་སྡང་དང་། ་གཏི་མུག་གི་ལུས་གྲངས་མེད་པ་ཞིག་བོར་ཡང་བསོད་ནམས་སུ་མ་གྱུར་ཏེ། བདག་གི་ལུས་འདི་ཡོངས་སུ་གཏང་བར་བྱའོ།། བདག་གི་ལུས་འདི་ནི་མི་གཙང་བ་རྣམ་པ་སྣ་ཚོགས་ཀྱི་ཕུང་པོ་སྟེ། རིང ་པོ་མི་ཐོགས་པར་འཇིག་ཅིང་འབྲལ་བར་འགྱུར་བས། མི་བརྟན་ཞིང་བཙོག་པའི་མགོ་འདིས་ཕན་པའི་དོན་ཆེན་པོར་འགྱུར་ན། ཅིའི་ཕྱིར་སྦྱིན་པར་མི་བྱ། ངའི་མགོ་བོ་འདི་བྲམ་ཟེ་དེ་ལ་བྱིན་ཏེ། བསོད ་ནམས་དེས་བླ་ན་མེད་པའི་བྱང་ཆུབ་སྒྲུབ་བོ། ། ནམ་མངོན་པར་སངས་རྒྱས་ན་ཡོན་ཏན་ཕུན་སུམ་ཚོགས་པར་འགྱུར་ཏེ། ཐབས་མཁས་པས་ཁྱེད་ཀྱང་སྡུག་བསྔལ་ལས ་བཟླའོ། ། ངས་སྦྱིན་པ་བྱས་པ་འདིས་མངོན་པར་འཚང་རྒྱ་ཡིས། བླ་ན་མེད་པའི་བྱང་ཆུབ་ཀྱི་སེམས་ལ་ཁྱད་པར་ཆད་དང་བགེགས་པ་བྱེད་ཅིག། རྒྱལ་ཕྲན་དང་། བློན་པོ་དང་། བཙུན་མོ་དང ་སྲས་རྣམས་དེ་སྐད་ཅེས་བཀའ་སྩལ་པ་ཐོས་ནས་ཅང་མི་སྨྲ་བར་འཁོད་དོ། ། དེ་ནས་རྒྱལ་པོ་ཆེན་པོས། བྲམ་ཟེ་དེ་ལ་སྨྲས་པ། ད་མགོ་བོ་བསླང་བའི་དུས་ལ་བབ་ཀྱིས། དེ་ལོང་ཞིག་ཅེས་སྦ ་སོ། ། བྲམ་ཟེས་གསོལ་པ། ད་ལྟར་རྒྱལ་པོ་ལ་བློན་པོ་ལ་སོགས་པ་འཁོར་མང་པོས་བསྐོར་ཏེ། བདག་གཅིག་པུས་རྒྱལ་པོའི་དབུ་བཅད་པའི་མཐུ་མ་མཆིས་ཏེ་ཐུགས་མི་ཐུབ་བོ།། བདག ་ལ་སྩལ་བར་ཆད་ན། རྒྱབ་ཀྱི་སྐྱེད་མོས་ཚལ་དུ་གཤེགས་སོ་ཞེས་གསོལ་ཏོ།། དེ་ནས་རྒྱལ་པོ་ཆེན་པོས་རྒྱལ་ཕྲན་དང་། རྒྱལ་བུ་རྣམས་ལ་བསྒོ་བ། ཁྱེད་ང་ལ་བསྙེན་བཀུར་བྱེད་ན། ་བྲམ་ཟེ་འདི་ལ་གནོད་པའི་ཀྱལ་ཀ་མ་བྱེད་ཅིག་ཅེས་བསྒོ་ནས། བྲམ་ཟེ་དང་འགྲོགས་ཏེ། རྒྱལ་པོ་སྐྱེད་མོས་ཚལ་དུ་སོང་ངོ་།། དེ་ནས་བྲམ་ཟེ་དེས། རྒྱལ་པོ་ལ་གསོལ་པ། རྒྱལ་པོ་ནི་སྐུ ་གཞོན་ཏེ་རིང་ཡང་གྱད་དང་མཉམ་པས། ཚ་བ་མ་བཟོད་དེ་ཕྱིར་ཡང་འགྱོད་ཀྱང་སྲིད་ཀྱིས། རྒྱལ་པོའི་དབུ་ཤིང་ཞིག་ལ་བཏགས་ཏེ་གདོང་དགུམ་པར་འཚལ་ལོ།། དེ་ནས་རྒྱལ་པོ་གང་ན་ཤིང ་ཡལ་ག་བརྟན་ཞིང་ལོ་མས་ཀུན་ཏུ་ཁེབས་པ་ཞིག་ལ་མགོ་བཏགས་ནས། པུས་མོ་བཙུགས་ཏེ་བྲམ་ཟེ་ལ་འདི་སྐད་ཅེས་སྨྲས་སོ།། ཁྱོད་ཀྱིས་ངའི་མགོ་ཆོད་ལ། ཕྱིར་ཡང་ངའི་ལག་ཏུ་བཞག ་ནས་ངའི་ལག་ནས་ལོང་ཞིག། ངས་ཁྱོད་ལ་མགོ་སྦྱིན་པའི་བསོད་ནམས་འདི་ནི་བདུད་དམ་ཚངས་པ་འདོད་པ་མ་ཡིན། བརྒྱ་བྱིན་ནམ། འཁོར་ལོས་སྒྱུར་བའི་རྒྱལ་པོ་འམ། ཁམས ་གསུམ་གྱི་བདེ་བའི་ལོངས་སྤྱོད་འདོད་པའི་ཕྱིར་མ་ཡིན་གྱི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདོད་དེ། འགྲོ་བ་མང་པོ་སྐྱོང་ཞིང་མྱ་ངན་ལས་འདའ་བའི་བདེ་བ་ལ་དགོད་པའི་ཕྱིར ་རོ། དེའི་ཚེ་ན་བྲམ་ཟེ་དེས་རལ་གྲི་ཕྱར་ཏེ་གདབ་ཅེས་བྱས་པ་དང་། ཤིང་གི་ལྷ་དེ་རབ་ཏུ་མི་དགའ་བར་གྱུར་ནས། ཅིའི་ཕྱིར་མི་འདི་གསོད་པའི་ལས་བྱེད་སྙམ་ནས། བྲམ་ཟེའི་རྣ་དྲུང་དུ་ཐལ ་མོ་གཅིག་བསྣུན་པས་རྐང་ལག་མ་ཚུགས་ཏེ་ས་ལ་འགྱེལ་ཏོ། ། དེ་ནས་རྒྱལ་པོ་དེས་ཡང་ཤིང་གི་ལྷ་ལ་བལྟས་ཏེ་སྨྲས་པ། སྔོན་འདས་པའི་དུས་ན་ཤིང་འདི་ལ་མགོ་བོ་དགུ་བརྒྱ་དགུ་བཅུ་རྩ ་དགུ་སྙེད་ཀྱིས་སྦྱིན་པ་བྱས་ཏེ། ད་མགོ་བོ་འདིས་སྦྱིན་པ་སྟོང་དུ་ཚང་སྟེ། སྦྱིན་པའི་ཕ་རོལ་ཏུ་ཕྱིན་པ་ཡང་ཡོངས་སུ་རྫོགས་ཀྱིས། ངའི་བླ་ན་མེད་པའི་བྱང་ཆུབ་ཀྱི་སེམས་ཀྱི་བར་ཆད་མ་བྱེད ་ཅིག། དེའི་ཚོན་ཤིང་གི་ལྷ་དེས་རྒྱལ་པོས་སྤྲས་པ་ཐོས་ནས། བྲམ་ཟེ་དེ་ཕྱིར་སོར་ཆུད་པར་བྱས་ཏེ། བྲམ་ཟེ་དེ་ས་ལས་ལངས་ནས་རལ་གྲི་ཐོགས་ཏེ་རྒྱལ་པོའི་མགོ་བཅད་དོ།། མགོ་ལག ་ཏུ་ལྷུང་བ་ནས་ཆེན་པོ་ཡང་རྣམ་པ་དྲུག་ཏུ་གཡོས། ལྷའི་ཕོ་བྲང་ཡང་འགུལ་ཞིང་ལྡེག་གོ།། མི་བདེ་བར་གྱུར་ནས། ངོ་མཚར་ཡ་མཚན་དུ་གྱུར་ཏེ། ཀུན་གྱིས ་བྱང་ཆུབ་སེམས་དཔས་འགྲོ་བ་ཐམས་ཅད་ཀྱི་ཕྱིར་མགོའི་སྦྱིན་པ་བྱས་པར་མཐོང་ནས། ཐམས་ཅད་འདུས་ཤིང་ཚོགས་ཏེ། ངོ་མཚར་རོ་ཞེས་མཆི་མ་ཆར་བཞིན་དུ་བབ་སྟེ། ངུས་ནས་འདི ་སྐད་ཅེས་སྨྲས་སོ། ། རྒྱལ་པོ་ཟླ་བོད་ཀྱིས་མགོའི་སྦྱིན་པོ་བྱས་ནས། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་གྱུར་ཏོ་ཞེས་ཀུན་ཏུ་གྲགས་པར་གྱུར་ནས། རྒྱལ་པོ་བྱི་མ་སེ་ནས་ཐོས་ནས ་མི་དགའ་ཆེས་ཏེ་འཁམས་ནས་སྙིང་གས་ཏེ་ཚེ་འཕོས་སོ། ། དེའི་ཚེ་བྲམ་ཟེས་རྒྱལ་པོ་ལ་མགོ་ཁྱེར་ཏེ་སོང་བའི་ཚེ། རྒྱལ་ཕྲན་དང་། བློན་པོ་དང་། བཙུན་མོ་དང་། རྒྱལ་བུ་རྣམས་ལུས་ས ་ལ་བརྡབས་ཏེ་ཆོ་ངེས་བཏབ་ནས། ལ་ལ་ནི་ཁྲག་ཏུ་སྐྱུགས་ཏེ་ཚེ་འཕོས་སོ།། ཁ་ཅིག་ནི་ཅི་ཡང་མི་དྲན་པར་མྱོས་སོ།། ཁ་ཅིག་ནི་རང་གི་སྒྲ་ཀུན་འབལ་ཏོ།། ལ་ལ་ནི་རང་གི་གོས་ཀུན་དྲལ། ་ཁ་ཅིག་ནི་ལག་པ་གཉིས་ཀྱིས་རང་གི་གདོང་ཀུན་ཕྲད་ནས་ཚེ་ངེས་འདེབས་ཤིང་ས་ལ་འགྲེའོ།། དེའི་ཚེ་ན་བྲམ་ཟེ་དེས་རྒྱལ་པོའི་དབུ་མི་སྡུག་ཅིང་མནམ་མོ་ཞེས་མི་འདོད་ནས་ས་ལ་བོར་ཏེ་སོང་བ ་དང་དེ་ལ་བྲམ་ཟེ་ཁ་ཅིག་གིས་ཁྱོད་ནི་ཤིན་ཏུ་གདུག་པ་ཅན་ཡིན་པ་ལྟ། ཐོག་མ་ནས་དགོས་པ་མེད་ན་བསླངས་ཏེ་ཅི་བྱ་ཞེས་སྤྱོས་སོ།། བྲམ་ཟེ་དེ་ལམ་དུ་ཞུགས་ཏེ་སོང་བ་ལས་ཕྲད་པ ་ཐམས་ཅད་ཀྱིས་སྤྱོས་ནས་ཁ་ཟས་མ་སྟེར་ཏེ་ཤིན་ཏུ་ཉམ་ཐག་པར་གྱུར་ལ། ལམ་ནས་རྒྱལ་པོ་བྱི་མ་སེ་ན་ཡང་ཚེ་འཕོས་པའི་གཏམ་ཐོས་པས་ཐོག་མ་རེ་བའི་སེམས་ལྟར་མ་གྱུར་པས། མྱ་ངན ་གྱིས་ཡི་མུག་སྟེ་སྙིང་བདུན་དུ་གས་ནས་ཁྲག་ཏུ་སྐྱུགས་ཏེ་ཚེ་འཕོས་སོ། ། རྒྱལ་པོ་བྱི་མ་སེ་ན་དང་། བྲམ་ཟེ་གཉིས་ཀ་ཚེ་འཕོས་ནས། མཚམས་མེད་པའི་སེམས་ཅན་དམྱལ་བར་སྐྱེས་སོ།། ་རྒྱལ་པོ་དེའི་མྱ་ངན་གྱིས་གདུངས་ཏེ་ཚེ་འཕོས་པ་རྣམས་ནི་མཐོ་རིས་ཀྱི་ལྷར་སྐྱེས་སོ།། ཀུན་དགའ་བོ་དེའི་ཚེ་དེའི་དུས་ན་རྒྱལ་པོ་ཟླ་འོད་དེ་ནི་ད་ལྟར་ང་ཡིན་ནོ།། རྒྱལ་པོ་བྱི་མ་སེ་ན་དེ་ནི་བདུད་སྡིག་ཏོ། ་ཅན་ཡིན་ནོ།། དེའི་དུས་ན་བྲམ་ཟེ་དེ་ནི་ལྷ་སྦྱིན་ཡིན་ནོ།། དེའི་ཚེ་ན་ཤིང་གི་ལྷ་དེ་ནི་མོ་འགལ་ཡིན་ནོ།། དེའི་ཚེ་ན་བློན་པོ་ཟླ་བ་ཆེན་པོ་དེ་ནི་ཤཱ་རིའི་བུ་ཡིན་ཏེ། དེའི་ཚེ་ཡང་ང་ཚེ་འཕོ་བར་མི ་བཟོད་ནས་སྔར་ཚེ་འཕོས་སོ། ། དེང་གི་དུས་འདིར་ཡང་ང་མྱ་ངན་ལས་འདའ་བ་མཐོང་བར་མི་བཟོད་ནས། སྔར་མྱ་ངན་ལས་འདས་པ་ཡིན་ནོ།། བཅོམ་ལྡན་འདས་ཀྱིས་དེ་སྐད་ཅེས་གསུངས ་ནས་ཚེ་དང་ལྡན་པ་ཀུན་དགའ་བོ་དང་། འཁོར་གཞན་དག་སྐད་མཐུན་པར་དེ་བཞིན་གཤེགས་པའི་ཡོན་ཏན་ནི་ངོ་མཚར་རྨད་དོ་ཞེས་བསྔགས་ནས། བསྒོམ་པ་ལ་ནན་ཏན་བྱས་པས། ་ཁ་ཅིག་དགེ་སྦྱོང་གི་འབྲས་བུ་བཞི་ཐོབ་པར་གྱུར་ཏོ།། ཁ་ཅིག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་གྱུར་ཏེ་གསུངས་པ་ལ་རྗེས་སུ་ཡི་རང་ནས་མངོན་པར་དགའ་འོ།། རྒྱལ་པོ་བླ ་འོད་ཀྱིས་མགོ་བྱིན་པའི་ལེའུ་སྟེ་ཉི་ཤུ་གཉིས་པའོ། ། བློན་པོ་རི་དགས་ཀྱི་བུ་བདུན་གྱི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན ་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ན་རྒྱལ་པོ་གསལ་རྒྱལ་ལ་བློན་པོ་རི་དགས་ཞེས་བྱ་བ་ཡོད་དེ། རབ ་ཏུ་ཕྱུག་པ་ལོངས་སྤྱོད་ཆེ་བ་དེ་ལ་བུ་ཕོ་བདུན་ཡོད་དོ། ། བུ་ཕོ་དྲུག་ནི་ཆུང་མ་ལོན་གྱི། ནང་གི་བུ་ཐ་ཆུང་གཅིག་ཆུང་མ་མ་ལོན་པས་འདི་སྙམ་དུ་བསམས་སོ།། བདག་ནི་རྒས་འཁོགས་ཏེ་བུ ་གཅིག་པུ་ཆུང་མ་མ་ལོན་པ་འདི་ནི་བཟང་མོ་མཆོག་གཅིག་བཙལ་ལོ་སྙམ་བསམས་ནས། དེའི་ཚེ་ན་ཁྱིམ་བདག་དེ་ལ་བྲམ་ཟེ་མཛའ་ཞིང་བཤེས་པ་ཞིག་ཡོད་དེ། དེ་དང་ཕྲད་ནས་གཏམ་དུ་གླེངས ་པ་བདག་གི་བུ་ནང་གི་ཆུང་ངུ་འདི་ད་རུང་ཆུང་མ་མ་ལོན་ཏེ། སུ་ལ་ཡང་བསླང་མི་ཤེས་ན། ཁྱོད་ནི་ཡུལ་ཀུན་ཏུ་ཡང་ཕྱིན་ན། བུ་མོ་བཟང་ཞིང་མཛེས་པ། བློ་དང་ལྡན་པ། ཚེ་དང་དབང ་ཐང་ཡོད་པ་ལྟ་ཅི་མཐོང་། བདག་གི་བུ་འདིའི་ཡིད་དུ་འོང་བ་ཅིག་ཁྱོད་ཀྱིས་བཙལ་དགོས་སོ་ཞེས་སྨྲས་པ་དང་། བྲམ་ཟེ་དེས་ཀྱང་དེ་བཞིན་དུ་བྱའོ་ཞེས་སྨྲས་ནས། ཀུན་ཏུ་རྒྱུ་ཞིང་འཚོལ་བ་ལས།། ་ཡུལ་ཤིང་རི་ཤིག་ཏ་ཞེས་བྱ་བ་ན། བུ་མོ་ལྔ་བརྒྱ་ཞིག་འགྲོགས་ཏེ་རྩེ་བ་ལས། མེ་ཏོག་བཟང་པོ་བཏུས་ནས། སངས་རྒྱས་ལ་མཆོད་པའི་འཕྲེང་བ་བྱེད་པ་མཐོང་ངོ་།། བྲམ་ཟེ་དེས་བུ་མོ་དེ ་ངག་གར་སོང་བའི་ཕྱི་བཞིན་བལྟས་ན། བུ་མོ་དེ་དག་ཆུ་ཆུང་ངུ་ཞིག་འབབ་པ་ལས། གཞན་ཐམས་ཅད་ནི་ལྷམ་ཕུད་ཀྱི། བུ་མོ་གཅིག་ཅིག་ལྷམ་ཡང་མ་ཕུད་པར་ཆུ་བརྒལ་ཏོ།། དེ་ནས་ཡང ་སོང་སོང་བ་ལས་ཆུ་ཆེན་པོ་ཞིག་རྒལ་ན། བུ་མོ་གཞན་ནི་གོས་ཕུད་ནས་ཆུར་ཞུགས། བུ་མོ་དེ་འབའ་ཞིག་གོས་ཀྱང་མ་ཕུད་པར་ཆུ་བརྒལ་ཏོ།། དེ་ནས་ཚལ་ཞིག་གི་ནང་དུ་ཕྱིན་ནས། བུ་མེ ་གཞན་ནི་ཤིང་ཁར་འཛེག་ཅིང་མེ་ཏོག་འཐོག་ན། བུ་མོ་དེ་འབའ་ཞིག་ས་ལས་བཏུས་ན་གཞན་པས་མང་དུ་རྙེད་དོ།། དེ་ནས་བྲམ་ཟེ་དེ་བུ་མོའི་དྲུང་དུ་སོང་སྟེ། ཁྱོད་ལ་ཐེ་ཚོམ་འདྲི་ན། ཁྱོད ་ཀྱིས་ད་ལན་ལེགས་པར་ལན་ཐོབ་ཅིག་ཅེས་སྨྲས་སོ། ། བུ་མོས་ཀྱང་ཐེ་ཙོམ་ཡོད་ན་དྲིས་ཤིག་ཅེས་སྨྲས་པ་དང་། བྲམ་ཟེས་དྲིས་པ། བུ་མོ་ཁྱོད་ཆུ་བརྒལ་བ་ན་བུ་མོ་གཞན་གྱིས་ནི་ལྷམ་ཕུང ་ནས་ཆུ་བརྒལ། བུ་མོ་ཁྱོད་འབའ་ཞིག་ལྷམ་ཡང་མ་ཕུད་པར་ཆུ་བརྒལ་ན། ཁྱོད་ལ་བསམ་པ་གཞན་ཅི་ཡོད། བུ་མོས་སྨྲས་པ། ཁྱོད་ཀྱི་ཐེ་ཙོམ་ནི་ངོ་མཚར་ཆེ་བ་ཡང་མ་ཡིན་ནོ།། བདག ་ས་སྐམ་པོ་ལ་འགྲོ་བའི་ཚེ། རྐང་པའི་འོག་ཏུ་ཅི་འགྲོ་བ་མིག་གིས་བལྟར་ཡོད་པས། ཚེར་མ་འམ། རྡོ་འམ། གྱོ་མོ་འམ། མི་བདེ་བའི་བག་ཡོད་ན་བྱོལ་ཏེ་འགྲོའོ།། ཆུའི་གཏིང་ན ་ཅི་ཡོད་པ་མིག་གིས་བལྟར་མེད་དོ། ། གལ་ཏེ་ཚེར་མ་འམ། སྦྲུལ་ལམ། སྲིན་བུ་གདུག་པ་དག་བརྫིས་ན། རྐང་པ་ལ་གནོད་པར་འགྱུར་གྱིས་དོགས་པས་ལྷམ་མ་ཕུད་པ་ཡིན་ནོ།། ་བྲམ་ཟེས་སྨྲས་པ། འོ་ན་ཅིའི་ཕྱིར་གོས་དང་བཅས་སུ་ཆུལ་འབོག། བུ་མོས་སྤྲས་པ། བུད་མེད་ཀྱི་ལུས་ལ་མཚན་བཟང་པོ་དང་ངན་པ་ཡོད་པས། གོས ་བརྫེས་ཏེ་ཆུར་ཞུགས་ན་གཞན་གྱིས་མཐོང་སྟེ། མཚན་བཟང་ན་ནི་ཅང་མི་ཟེར་གྱི། མཚན་ངན་ན་འཕྱ་བར་འགྱུར་བས། བདག་གིས་གོས་མ་བརྫེས་པ་ཡིན་ནོ།། བྲམ་ཟེས་སྤྲས་པ། ་འོ་ན་ཁྱོད་ཅིའི་ཕྱིར་གཅིག་པུ་ཤིང་ཁར་མི་འཇོག། བུ་མོས་སྨྲས་པ། གལ་ཏེ་ཤིང་ཁར་འཛེགས་ན། ཤིང་གི་ཡལ་ག་ཆག་གམ་ལྷུང་ན། ལུས་ལ་གནོད་པར་འགྱུར་བས་ཤིང་ཁར ་མ་འཛེགས་པ་ཡིན་ནོ། ། བུ་མོ་དེ་ནི་རྒྱལ་པོ་རབ་གསལ་གྱི་གཅུང་སྟོབས་ཀྱི་གྲོགས་པོ་ཞེས་བྱ་བའི་བུ་མོ་ཡིན་ཏེ། རྒྱལ་པོའི་གཅུང་དེ་སྔོན་ཉེས་པ་ཞིག་བྱུང་བས་ཡུལ་དེ་ནས་བསྐྲང་དེ་ཡུལ ་འདིར་འོངས་ནས། ལྷ་འཚམས་མ་ཆུང་མར་བླངས་པ་ལས་བཙས་པའི་བུ་མོ་ཡིན་ནོ།། བྲམ་ཟེས་སྨྲས་པ། བུ་མོ་ཁྱོད་ནི་ཤིན་ཏུ་ཡང་མཁས་ཤིང་མཛེས་མ་ཞིག་ན། ཁྱོད་ལ་ཕ་མ ་ཡོད་དམ། བུ་མོས་སྨྲས་པ། ཡོད་དོ།། འོ་ན་འགྲོགས་ཏེ་ཁྱོད་ཀྱི་ཁྱིམ་དུ་འདོང་ངོ་ཞེས་སྨྲས་ནས། དེའི་སྒོར་ཕྱིན་པ་དང་། བུ་མོ་ནང་དུ་སོང་སྟེ་ཕ་མ་ལ་སྨྲས་པ། སྒོ་ན་བྲམ་ཟེ ་ཞིག་ཡབ་དང་མཇལ་འཚལ་ལོ་ཞེས་མཆིའོ། ། བུ་མོའི་ཕ་སྒོར་བྱུང་ནས་གཅིག་ལ་གཅིག་བདེ་འམ་ཞེས་ནད་དྲིས་ཏེ། ད་གཟོད་ཀྱི་བུ་མོ་འདི་ཁྱོད་ཀྱི་བུ་མོ་ཡིན་ནམ་ཞེས་སྨྲས་སོ།། སྤྲས ་པ་བདག་གི་བུ་མོ་ཡིན་ནོ། ། འོ་ན་བདག་པོ་ཡོད་དམ། སྨྲས་པ། བདག་པོ་མེད་དོ།། བྲམ་ཟེས་སྨྲས་པ། མཉན་དུ་ཡོད་པ་ན་བློན་པོ་ཆེན་པོ་རི་དགས་ཞེས་བྱ་བ་ཁྱོད་ཤེས་སམ།། ་སྨྲས་པ་བདག་དང་ཤེས་སོ།། བྲམ་ཟེས་སྨྲས་པ། བློན་པོ་དེའི་བུ་ནང་གི་ཆུང་ངུ་བྱད་གཟུགས་ལེགས་ཤིང་ཡིད་གཞུངས་པ་ཞིག་ཡོད་དེ།། ཁྱོད་ཀྱི་བུ་མོ་ཆུང་མར་སློང་ངོ་།། ་དེས་སྨྲས་པ། དེ་ནི་རིགས་ཆེ་ཞིང་མཐོ་བ་ཡིན་ཏེ། གལ་ཏེ་བུ་མོ་དེ་འདོད་ན་ལྷ་ཁྱོད་ཀྱི་བསམ་པ་ལྟར་བྱའོ་ཞེས་སྨྲས་ནས། བྲམ་ཟེ་དེས་ཀྱང་གྲོགས་པོ་ཕྱིར་འགྲོ་བ་ལ་མཉན་དུ་ཡོད ་པ་ར་བྲམ་ཟེའི་ཐོག་ཏུ་ཡི་གེ་སྤྲིང་ངོ་། ། བྲམ་ཟེའི་ཐོག་ཏུ་ཡི་གེ་འོངས་ནས་བག་མ་བ་སུ་བའི་རྟ་དང་ཤིང་རྟ་ལ་སོགས་པ་བཤམས་ནས། ཡུལ་ཤི་རི་ཏིག་ཏར་ཆས་སོ།། དེར་ཕྱིན་དུ ་ཉེ་བ་དང་། སྔར་མི་གཅིག་སྒྲོན་དུ་བཏང་ནས། དེས་ཀྱང་བུ་མོ་བག་མར་གཏང་བའི་སྟོན་མོ་བཤམས་ཏེ། བུ་མོ་བག་མར་བཏང་ངོ་།། དེ་དག་གིས་བུ་མོ་ཐོབ་ནས་མཉན་ཡོད་དུ ་འགྲོ་བ་ན། བུ་མོ་དེའི་མས་མི་མང་པོའི་ནང་དུ་བུ་མོ་དེ་ལ་འདི་སྐད་ཅེས། ཁྱོད་དེང་ཕྱིན་ཆད་རྟག་ཏུ་གོས་བཟང་པོ་གྱོན་ཞིང་ཁ་ཟས་ཞིམ་པོ་ཟོ་ཞིག། ཉིན་གཅིག་བཞིན་དུ་རྒྱུན་མ་ཆད ་པར་མེ་ལོང་ལ་ལྟོས་ཤིག་ཅེས་བསྒོ་ནས། བུ་མོས་ཀྱང་དེ་བཞིན་དུ་བགྱིའོ་ཞེས་སྤྲས་པ་དང་། གྱོས་པོ་དེ་མ་རངས་ཏེ། འདི་སྙམ་དུ་བསམས་སོ།། མི་གཅིག་སྐྱེས་པ་སྐྱེང་སྡུག་ཀྱང ་མི་རྟག་ན། གོས་བཟང་པོ་དང་ཁ་ཟས་ཞིམ་པོ་རྟག་ཏུ་ག་ལས་རྙེད། རྒྱུན་དུ་མེ་ལོང་ལ་ལྟོས་ཤིག་པ་ཡང་རིགས་པ་མ་ཡིན་ནོ་སྙམ་བསམས་ནས། སོ་སོར་མཆི་ཕྱག། ་འཚལ་ཏེ་གྱེས་སོ།། དེ་དག་ཐམས་ཅད་འགྲོགས་ཏེ་ལམ་དུ་ཞུགས་ནས་ཕྱིར་ཡུལ་དུ་དོང་བ་ལས། བར་ན་ཁང་པ་བཟང་པོ་བསིལ་བ་ཞིག་ཡོད་དེ། དེ་དག་ལས་སྔར་དོང་བ་དག་ཁང་པ་དེ་ན་བ ་ཞིང་འཁོད་དོ། ། བག་མ་སར་པ་ཡང་ཕྱིས་དེར་འོངས་ནས། གྱོས་པོ་ལ་འདིའི་འོག་ན་བཞུགས་སུ་མི་རུང་གིས། མྱུར་དུ་ཐང་བུ་ལ་བཞུད་དོ་ཞེས་གསོལ་པ་དང་། མནའ་མས་སྨྲས་པ་བཞིན ་དུ་ཐང་བུ་ལ་བྱུང་ངོ་། ། གཡོག་ཁ་ཅིག་འགྲོར་མ་བཏུབ་སྟེ་ཁང་པའི་འོག་ན་འདུག་པ་ལས། རིང་པོ་མ་ལོན་པར་བ་གླང་དང་རྟ་དག་ཅིག་དེར་འོངས་ནས། ཀ་བ་ལ་བསྙོགས་པ་དང་། ཁང ་བ་རྡི་བ་ནས་ཁང་པའི་འོག་ན་འདུག་པ་དག་དོག་གོ། ། གྱོས་པོས་བསམས་པ། བདག་སྲོག་དང་བྲལ་བ་ལས་ཐར་པར་བྱས་པ་ནི། མནའ་མ་འདི་ཡིན་ནོ་སྙམ་ནས། མནའ་མ་ལ་ལྷག་པར ་བྱམས་པའི་སེམས་སྐྱེས་སོ། ། དེ་ནས་ཡང་སོང་སོང་བ་ལས། ཆུ་ཤོད་ཅིག་ཏུ་རྩཝ་དང་ཆུར་ལྡན་པ་ཞིག་ཏུ་བཏབ་པ་ལས། མནའ་མ་ཕྱིས་འོངས་ནས་ཆུ་ཤོང་འདིར་བཞུགས་སུ་མི་རུང་གིས ་མྱུར་དུ་འཕོས་ཤིག་ཅེས་གསོལ་པ་དང་། ལོགས་ཤིག་ཏུ་འཕོས་མ་ཐག་ཏུ་གྲུ་ཆར་དྲག་པོ་བབ་ནས། སྔར་བཏབ་པའི་ཆུ་ཤོད་དུ་ཤ་ཆེན་པོ་བྱུང་ངོ་།། གྱོས་པོས་བསམས་པ། བདག ་སྲོག་དང་བྲལ་བ་ལས་མནའ་མ་འདིས་ལན་གཉིས་ཀྱི་བར་དུ་ཐར་པར་བྱས་སོ་སྙམ་བསམས་ནས། ཆས་ཏེ་སོང་བ་ལས་ཡུལ་དུ་ཕྱིན་ཏོ།། དེ་ནས་གཉེན་པ་རྣམས་ལྷགས་ཏེ། དགའ་བའི་གཏམ ་བྱས་ནས་སྟོན་མོ་ཆེན་པོ་བྱས་ཏེ། ཉི་མ་གཅིག་གི་བར་དུ་དགའ་བའི་རྩེད་མོ་བྱས་སོ།། མགྲོན་ཀུན་གྱེས་པའི་འོག་ཏུ་མནའ་མ་རྣམས་བཀུག་སྟེ་འདི་སྐད་ཅེས་བསྒོའོ།། ཁོ་བོ་ནི་ན་སོ་རྒས་ཏེ་ལས་རྣམས་ཀྱིས ་སྐྱོན་མནའ་མ་ཁྱེད་ལ་ཁྱིམ་གྱི་ལས་དང་ནོར་རྫས་ཀྱི་མཛོད་རྣམས་གཏད་དགོས་ན། ཁྱེད་གང་གིས་བང་མཛོད་ཀྱི་ལྡེ་མིག་བཅང་བར་བྱ་ཞེས་དྲིས་ན། མནའ་མ་ཆེན་མོ་དྲུག་ཆར་གྱིས་མི་ནུས་སོ་ཞེས ་གསོལ་ན། ནངས་ཀྱི་ཆུང་ངུས་ནི་བདག་གིས་ནུས་སོ་ཞེས་གསོལ་ཏོ།། དེ་ནས་ཁྱིམ་བདག་གིས་ཀྱང་བང་མཛོད་ཐམས་ཅད་ཀྱི་ལྡེ་མིག་གཏད་ཏེ། མནའ་མས་ཀྱང་དེ་བཞིན་དུ་ཉམས་སུ་བླངས ་ནས་ནང་པར་ནི་སྔར་ལངས་ཤིང་ཁང་པའི་ནང་ཀུན་ཕྱག་བ་དར་བྱས་ནས། ཆག་ཆག་གིས་བཏབ་བོ།། དེ་ནས་ཁ་ཟས་ཀྱི་གཡོས་བྱས་ནས། སྔར་གྱོས་སྐྱུག་ལ་སོགས་པ་ཆེ་རིམ་གྱིས་ཟན་བྱིན ་ནོ། དེའི་འོག་ཏུ་བྲན་ཁོལ་དང་ལས་བྱེད་རྣམས་ལ་ཟན་བྱིན་ནས། སོ་སོར་ལས་ལ་བཙུད་དེ། གཟོད་བདག་ཟན་ཟའོ།། རྟག་ཏུ་དེ་འདྲ་བར་བྱེད་པས། གྱེས་པོས་ཀྱང་བདག་གི་མནའ ་མ་འདི་ནི་གཞན་དང་མི་འདྲ་སྟེ། ཐ་མལ་བ་ནི་མ་ཡིན་ན། ཅིའི་ཕྱིར་བུ་མོ་བདག་གི་མས་བསྒོ་བ་ལྟར་མི་བྱེད་སྙམ་ནས། འདི་སྐད་ཅེས་སྨྲས་སོ།། ཁྱོད་ཁྱིམ་ནས་ཆས་པའི་ཚེ། ཁྱོད ་ཀྱི་མས་རྟག་ཏུ་གོས་བཟང་པོ་གྱོན་ལ་ཁ་ཟས་ཞིམ་པོ་ཟོ་ཞིག། རྟག་ཏུ་མེ་ལོང་ལ་ལྟོས་ཤིག་ཅེས་བྱ་བ་ཅིའི་ཐ་ཚིག་ཅེས་དྲིས་ན། མནའ་མས་པུས་མོ་ས་ལ་བཙུགས ་ཏེ་འདི་སྐད་ཅེས་གསོལ་ཏོ། ། བདག་གི་མས་གོས་བཟང་པོ་གྱོན་ཅིག་ཅེས་བསྒོ་བ་ནི། སྟེང་དུ་གྱོན་པའི་བཞག་གོས་ལྟ་བུ་ལ་རྟག་ཏུ་བག་བྱ་ཞིང་མ་རྙིངས་པར་གྱིས་ཤིག། མགྲོན་ནམ་ཕྱི ་མི་དག་འོངས་ན་གོས་མ་ངན་ཅིག་ཅེས་འཆིའོ། ། རྟག་ཏུ་ཁ་ཟས་ཞིམ་པོ་ཟོ་ཞིག་པ་ནི། ཁ་ཟས་ཞིམ་པོ་དང་བསོད་པ་ལ་བགྱི་བ་མ་ལགས་ཀྱི། སུ་བས་ཀྱང་ཕྱིས་ཟོས་ན་བཀྲེས་པས་ཁ་ཟས ་ཀུན་ཞིམ་མོ་ཞེས་མཆིའོ། ། རྟག་ཏུ་མེ་ལོང་ལ་ལྟོས་ཤིག་ཅེས་བསྒོ་བ་ནི། འཁར་བ་འམ་ལྕགས་ཀྱི་མེ་ལོང་ལ་ལྟ་བ་མ་ལགས་ཀྱི་སྔར་ལོངས་ལ་ཕྱི་ནང་གི་ཕྱག་བདར་བྱ་བ་དང་། ཆག ་ཆག་གདབ་པ་དང་། ཁྲི་སྟན་གདིང་བ་ལ་སོགས་པ་ལས་བྱ་བ་རྣམས་ལེགས་པར་གྱིས་ཤིག་ཅེས་མཆི་སྟེ། བདག་གི་མས་བསྒོ་བ་ནི་འདི་ལྟ་བུ་ལགས་སོ་ཞེས་གསོལ་པ་དང་། མནའ་མ ་དེ་ལ་ལྷག་པར་བྱམས་ཏེ། ཁྱིམ་གྱི་ལས་ཐམས་ཅད་གཏད་ནས། ཐམས་ཅད་བདེ་ཞིང་སྐྱིད་པར་གྱུར་ཏོ།། དེའི་ཚེ་ན་བྱ་དག་ཅིག་རྒྱ་མཚོའི་གླིང་ནས་འབྲས་ཟ་བ་ལས། འབྲས་ཀྱི་སྟེ། ་མཁྱེར་ཏེ་འཕུར་བ་ལས། རྒྱལ་པོའི་ཕོ་བྲང་གི་ཐད་ཀར་ཕྱིན་ནས། འབྲས་ཀྱི་སྙེ་མ་དག་ཅིག་ཤོར་ཏེ་ཕོ་བྲང་གི་ཟད་ཀར་ལྷུང་ངོ་།། འབྲས་ཀྱི་སྙེ་མ་དེ་གཅིག་གིས་རྒྱལ་པོ་ལ་ཕུལ་ནས། ་རྒྱལ་པོས་ཀྱང་འབྲས་བཟང་པོ་འདི་ལྟ་བུ་ནི་སྨན་དུ་རུང་དུ་ངེས་ཀྱིས་ས་བོན་དུ་བྱའོ་སྙམ་ནས། བློན་པོ་ཀུན་ལ་ཤས་ཤས་སུ་བགོས་ཏེ་རྨོས་ཤིག་ཅེས་བསྒོའོ།། དེའི་ཚེ་ཁྱིམ་བདག་དེས་ཀྱང་ཉུང ་ཞིག་ཐོབ་ནས་ཕྱིར་ཁྱིམ་དུ་འོངས་ཏེ། མནའ་མ་ལ་འབྲས་འདི་རྨོས་ཤིག་ཅེས་བསྒོའོ།། མནའ་མ་དེས་ཀྱང་བསྒོ་བ་བཞིན་དུ་བྲན་ཁོལ་ལ་གཞན་བཏབ་ནས། ཞིང་གཤིན་པར་རྨོས་ན་དེ་བཞིན ་དུ་ལེགས་པར་སྐྱེས་ཏེ་འབྲས་མང་ཞིག་བྱུང་ངོ་། ། གཞན་གྱིས་རྨོས་པ་ནི་ལས་སུ་ལེགས་པར་མ་བྱས་པས་གཅིག་ཀྱང་མ་སྐྱེས་སོ།། དེའི་ཚེ་ན་རྒྱལ་པོའི་བཙུན་མེ་ནད་ཀྱིས་བཏབ་པ་ལས། སྨན ་པས་དཔྱད་བྱས་ནས། ན་བ་འདི་ལ་རྒྱ་མཚོའི་གླིང་གི་འབྲས་བྱིན་ན་འཚོའོ་ཞེས་དཔྱད་བྱས་སོ།། རྒྱལ་པོས་ཀྱང་རྒྱ་མཚོའི་གླིང་གི་འབྲས་ཤིག་སོ་སོ་ནས་རྨེད་དུ་བཅུག་པ་དྲན་ནས། རྒྱ་མཚོའི ་གླིང་གི་འབྲས་ཤིག་རྨེད་དུ་བཅུག་པ་ཡོད་དམ་མེད་ཅེས་འདྲི་ན། བློན་པོ་ཁ་ཅིག་གིས་ནི་འབྲས་རྨོས་པ་མ་སྐྱེས་སོ་ཞེས་མཆིའོ།། ཁ་ཅིག་གིས་ནི་འབྲས་ཀུན་བྱི་བས་འཚལ་ཏེ་མ་མཆིས་སོ་ཞེས ་མཆིའོ། ། དེའི་ཚེ་ན་ཁྱིམ་བདག་དེ་ཡང་ཕྱིར་ཁྱིམ་དུ་སོང་ནས། མནའ་མ་དེ་ལ་སྔོན་འབྲས་ཤིག་རྨོར་བཅུག་པ་སྐྱེས་སམ་མ་སྐྱེས། རྒྱལ་པོའི་བཙུན་མོ་ནད་ཀྱིས་བཏབ་སྟེ་སྨན་དུ་དགོས་སོ།། ་མནའ་མས་གསོལ་པ། འབྲས་རྨོས་པ་རབ་ཏུ་ལེགས་ཏེ། མི་གཅིག་གི་སྨན་དུ་མ་བས་ཀྱི་ཡུལ་གཅིག་གི་མི་ཡང་སོས་པ་ཙམ་མཆིས་སོ།། ཁྱིམ་བདག་ངེས་འབྲས་དེ་ལས་ཤས་ཅིག། ་རྒྱལ་པོ་ལ་ཕུལ་ནས། རྒྱལ་པོས་ཀྱང་འབྲས་དེས་བཙུན་མོའི་སྨན་བྱས་ནས། བཙུན་མོ་ཡང་སོས་ཏེ། རྒྱལ་པོ་རབ་ཏུ་དགའ་ནས་བྱ་དགའ་མང་དུ་བྱིན་ནོ།། ་དེའི་ཚེ་ཤ་རི་ཤིག་ཏའི་རྒྱལ་པོ་དང་། ཡུལ་མཉན་ཡོད་ཀྱི་རྒྱལ་པོ་གཉིས་གཅིག་ལ་གཅིག་མི་དགའ་བས་རྟག་ཏུ་མི་འདུམ་མོ།། དེའི་ཚེ་ན་ཤི་རི་ཤིག་ཏའི་རྒྱལ་པོས། མཉན་ཡོད་ཀྱི ་རྒྱལ་པོ་དེ་ལ་བློན་པོ་མཁས་པ་མཛངས་ཤིང་བློ་དང་ལྡན་པ་ཡོད་དམ་མེད་བགམ་མོ་སྙམ་ནས་ཕོ་ཉ་གཅིག་ཡུལ་མཉན་ཡོད་དུ་བཏང་སྟེ། ཕོ་ཉ་དེ་ལ་རྒོད་མ་མ་སྨད་གཉིས་མ་དང་བུ་འདྲ་བ་སྤུ ་མདོག་གཅིག་པ། བྱེ་བྲག་མི་ཕྱེད་པ་མ་སྤད་གཉིས་བཀྲི་སྟེ། མ་ནི་གང་། བུ་ནི་གང་ཡིན་པ་བྱེ་བྲག་ཕྱེ་ཞིག་ཅེས་སྤྲིང་ངོ་།། རྒྱལ་པོ་དང་བློན་པོ་རྣམས་ཀྱིས་བལྟས་ན་གཅིག་གིས ་ཀྱང་བྱེ་བྲག་མ་ཕྱེད་དོ། ། དེ་ནས་ཁྱིམ་བདག་དེ་ཁྱིམ་དུ་འོངས་པ་དང་། མནའ་མས་གཏམ་ཅི་གསན་ཞེས་ཞུས་པ་དང་། གཏམ་འདི་ལྟ་བུ་དག་གྲག་གོ་ཞེས་མནའ་མ་ལ་རྒྱས་པར་གཏམ ་བྱས་སོ། ། མནའ་མས་གསོལ་པ། འདི་ནི་ཤིན་ཏུ་ཡང་རིག་པར་སླའོ།། རྒོད་མ་མ་སྤད་གཉིས་ཐོགས་ལ་ལྷན་ཅིག་ཏུ་རྩཝ་བཟང་པོ་ཞིག་བྱིན་ཅིག་དང་། མ་གང་ཡིན་པ་དེ་ནི་རྩཝ་མཆུས ་འཕུལ་ཏེ་བུ་ལ་སྟོབས་སོ། ། ཁྱིམ་བདག་གིས་མནའ་མས་སྤྲས་པ་བཞིན་དུ་རྒྱལ་པོ་ལ་གསོལ་ནས། རྒྱལ་པོས་ཀྱང་རྩཝ་བྱིན་ཏེ་བལྟས་ན་དེ་བཞིན་དུ་གྱུར་ཏེ། མ་དང་བུ་ཡང་རྟོགས་ནས་ཕོ ་ཉ་དེ་ལ་མ་ནི་འདིའོ། ། བུ་ནི་འདིའོ་ཞེས་སྨྲས་པས། དེ་བཞིན་དུ་སྨྲས་པ་བདེན་ཏེ་མ་ནོར་རོ་ཞེས་མཆིའོ།། དེ་ནས་ཕོ་ཉ་ཡུལ་དུ་སོང་ནས་རྒྱལ་པོ་ལ་དེ་བཞིན་དུ་རྒྱས་པར་གསོལ་ཏོ།། ་དེ་ནས་ཡང་ཕོ་ཉ་གཅིག་བཏང་སྟེ། སྦྲུལ་སྦོམ་ཕྲ་དང་རིང་ཐུང་མཉམ་ལ་འདྲ་བ་གཉིས་ཤིག་བསྐུར་ནས། སྦྲུལ་འདི་གཉིས་ལ་ཕོ་གང་ཡིན་པ་དང་། མོ་གང་ཡིན་པ་བྱེ་བྲག་ཕྱེ ་ཞིག་ཅེས་བསྒོའོ། ། རྒྱལ་པོ་རབ་གསལ་རྒྱལ་དང་བློན་པོ་རྣམས་འདུས་ཏེ་དཔྱད་ན། གཅིག་གིས་ཀྱང་མ་རྟོགས་སོ།། དེ་ནས་ཁྱིམ་བདག་དེས་ཁྱིམ་དུ་མནའ་མ་ལ་དྲིས་པ། མནའ ་མས་བསྟན་པ། རས་འཇམ་པོ་ཞིག་ཐིང་ལ། སྦྲུལ་དེའི་སྟེང་དུ་ཞོག་ཅིག་དང་། གང་མོ་ཡིན་པ་དེ་ནི་ཅང་མི་འགུལ་བར་ཉལ་ལོ།། གང་པོ་ཡིན་པ་དེ་ནི་མི་བཟོད་དེ་འདུག་ཏུ་མི ་བཏུབ་པའི་རིགས་སོ། ། ཅི་མངོན་ཞེ་ན། གང་མོར་གྱུར་པ་ནི་འཇམ་ཞིང་ཡང་བ་ལ་ཆགས་སོ།། གང་པོར་གྱུར་པ་ནི་རང་བཞིན་གྱིས་ཁྲོ་བས་འཇམ་པོ་ལ་མི་བཟོད་དེ། ཉལ་དུ་མི ་བཏུབ་པས་དེས་རྟོགས་པར་འགྱུར་རོ། ། ཁྱིམ་བདག་དེས་ཀྱང་རྒྱལ་པོ་ལ་དེ་བཞིན་དུ་གསོལ་ཏེ། མནའ་མས་སྨྲས་པ་བཞིན་དུ་བྱས་ན། ཕོ་གང་ཡིན་པ་དང་། མོ་གང་ཡིན་པ་བྱེ ་བྲག་ལེགས་པར་བྱེད་དེ། ཕོ་ཉ་བ་དེ་ལ་འདི་ནི་ཕ་ཡིན་ནོ།། འདི་ནི་མོ་ཡིན་ནོ་ཞེས་བསྒོ་ན། དེ་བཞིན་ཏེ་མ་ནོར་རོ་ཞེས་མཆིའོ།། དེ་ནས་རྒྱལ་པོ་དེ་ཤིན་ཏུ་དགའ་ནས། དེ་ལ་ནོར ་རིན་པོ་ཆེ་མང་དུ་བྱ་དགར་བྱིན་ནོ། ། དེ་ནས་ཡང་ཤིང་འདོམ་དོ་པ་སྦོམ་ཕྲ་མཉམ་པ། ཁྱད་པར་མེད་པ། འཛེར་པ་དང་། སྟ་རེ་དང་། སྟེའུའི་རྗེས ་མེད་པ་གཅིག་བསྐུར་ཏེ། ཤིང་འདིའི་མགོ་མཇུག་གང་ཡིན་པ་བྱེ་བྲག་ཕྱེ་ཞིག་ཅེས་བསྒོའོ།། རྒྱལ་པོ་དང་བློན་པོ་རྣམས་འདུས་ཏེ་དཔྱད་ན། གཅིག་གིས་ཀྱང་མ་ཤེས་ཏེ། ཁྱིམ ་བདག་དེས་ཡང་མནའ་མ་ལ་དྲིས་ན། འདི་ནི་ཤིན་ཏུ་ཡང་སླ་སྟེ། ཤིང་འདིའི་མགོ་མཇུག་རྟོགས་པར་འདོད་ན། ཆུའི་ནང་དུ་ཞེག་ཅིག་དང་། རྩ་བ་ནི་ཐུར་དུ་ནུབ་ཀྱི། མགོ་ནི་ཕྱིར། ་བྱུང་བའི་རིགས་སོ།། ཁྱིམ་བདག་དེས་ཀྱང་རྒྱལ་པོ་ལ་དེ་བཞིན་དུ་གསོལ་ཏེ། མནའ་མས་སྨྲས་པ་དེ་བཞིན་དུ་བྱས་ན། མགོ་མཇུག་རྟོགས་པར་གྱུར་ཏེ། འདི་ནི་མགོའོ།། ་འདི་ནི་རྩ་བའོ་ཞེས་བསྒོ་ན། ཕོ་ཉས་ཀྱང་དེ་བཞིན་ཏེ་བདེན་ནོ་ཞེས་སྨྲས་སོ།། དེ་ནས་རྒྱལ་པོ་རབ་ཏུ་དགའ་ནས་ཕོ་ཉད་ལ་བྱ་དགའ་མང་དུ་བྱིན་ནོ།། ཕོ་ཉ་དེ་ཕྱིར་ཡུལ་དུ་ཕྱིན་ནས། ་རྒྱལ་པོ་དེ་ལ་རྒྱས་པར་གསོལ་པ་དང་། རྒྱལ་པོ་དེས་ཕོ་ཉ་ལ་རིན་པོ་ཆེ་མང་དུ་བསྐུར་ཏེ། རྒྱལ་པོ་ཆེན་པོ་དེ་ལ་བློན་པོ་མཛངས་པ་བློ་དང་ལྡན་པ་ཡོད་ཀྱིས། འདི་དག་ཕུལ་ལ་ཕྱིན་ཆད ་འདུམ་པར་བྱའོ་ཞེས་བསྒོ་ནས། རྒྱལ་པོ་རབ་གསལ་རྒྱལ་གྱིས་དེ་ལྟ་བུར་གྱུར་པ་ལ་རབ་ཏུ་དགའ་སྟེ། ཁྱིམ་བདག་དེ་ལ་ཁྱོད་ཀྱིས་དེ་དག་ཇི་ལྟར་རྟོགས་ཤིང་ཤེས་ཞེས་བཀའ ་སྩལ་ཏོ། ། ཁྱིམ་བདག་གིས་གསོལ་པ། འདི་ནི་བདག་གིས་རྟོགས་པ་མ་ལགས་ཀྱི། བདག་གི་མནའ་མ་བློ་དང་ལྡན་པ་ཞིག་མཆིས་པ་དེས་རྟོགས་སོ།། རྒྱལ་པོས་དེ་སྐད་ཅེས ་གསོལ་པ་གསན་ནས་རབ་ཏུ་དགའ་སྟེ། ཁྱིམ་བདག་གི་མནའ་མ་དེ་ད་ཕྱིན་ཆད་ང་དང་མིང་སྲིད་དུ་བྱའོ་ཞེས་བཀའ་སྩལ་ཏོ།། ཁྱིམ་བདག་གི་མནའ་མ་དེ་ལ་ཕྱིས་སེམས་ཅན་དང་ལྡན་པར ་གྱུར་ཏེ་ཟླ་བ་དགུ་ཚང་ནས་སྒོ་ང་སུམ་ཅུ་རྩ་གཉིས་བྱུང་སྟེ། སྒོ་ང་རེ་རེའི་ནང་ནས་བུ་ཁྱེའུ་མངའ་བྱད་ལེགས་པ། བལྟ་ན་སྡུག་པ་བཟང་བ་རེ་རེ་བྱུང་ངོ་།། བུ་དེ་དག་ཆེར་སྐྱེས་ནས ་དཔའ་ཁྱད་ཟླ་མེད་དེ། མི་གཅིག་གིས་ཀྱང་མི་སྟོང་ཐུབ་པར་གྱུར་ཏོ།། དེའི་ཕ་མ་ཡང་བུ་དེ་དག་ལ་རབ་ཏུ་སྡུག་པར་སེམས་ཏེ། ཡུལ་མི་ཐམས་ཅད་ཀྱང་དེ་དག་ལ་བག་བྱེད་དོ།། ་ཕྱིས་ཡུལ་དེ་ན་རིགས་ཆེ་ཞིང་མཐུན་པ་ཆེ་ཞིང་མཐོ་བ་ལས་ཆུང་མ་ཡང་བླངས་སོ།། དེའི་ཚེ་ན་ལྷ་འཚམས་མ་དད་པའི་སེམས་དང་ལྡན་པས། སངས་རྒྱས་དང་དགེ་འདུན་སྤྱན་དྲངས ་ཏེ། བཅོམ་ལྡན་འདས་ཀྱིས་ཆོས་བསྟན་པས། ཁྱིམ་གང་གི་མི་ཐམས་ཅད་ཀྱིས་རྒྱུན་དུ་ཞུགས་པར་གྱུར་ན། ཁྱེའུ་ནང་གི་ཐ་ཆུང་འབའ་ཞིག་གིས་འབྲས་བུ་མ་ཐོབ་སྟེ། ཁྱེའུ་དེ་གླང ་པོ་ཆེ་ལ་ཞོན་ནས་གྲོང་ཁྱེར་གྱི་ཕྱི་རོལ་ཏུ་རྩེར་སོང་བ་ལས། གྲོང་ཁྱེར་དེའི་ཕྱི་རོལ་ན་ཆུ་ཆེན་པོ་ཞིག་འབབ་པ་ལ་ཟམ་པ་ཆེན་པོ་ཞིག་ཡོད་དེ། ཁྱེའུ་དེ་ཟམ་པའི་སྟེང་དུ་ཕྱིན་པ་དང་། བློན་པོ ་ཆེན་པོའི་བུ་ཞིག་ཀྱང་ཤིང་རྟའི་ནང་ན་འདུག་སྟེ། ཕྱི་རོལ་ནས་ནང་དུ་འོང་བ་དང་། ཟམ་པའི་སྟེང་དུ་ཕྲད་པ་ལས་གཉིས་ཀ་ཚེ་རིགས་སྙེམས་ནས་གཅིག་གིས་གཅིག ་ལ་མ་བྱོལ་ལོ། ། ལྷ་འཚམས་མའི་བུ་ཁྲོས་ནས་གླང་པོ་ཆེ་ལ་ཞོན་བཞིན་དུ། བློན་པོ་ཆེན་པོའི་བུ་ཤིང་རྟ་དང་བཅས་པ་ཟམ་པའི་འོག་ཏུ་བོར་རོ།། བློན་པོའི་བུ་དེ་ལུས་དང་རྐང་ལག་སྣང ་ནས་ངུས་ཏེ། ཕྱིར་ཁྱིམ་དུ་འོངས་ནས། ཕ་མ་ལ་འདི་སྐད་དུ་ལྷ་འཚམས་མའི་བུས། བདག་མ་ནོངས་པར་འདི་ལྟར་གནོད་པ་བགྱིས་ནས། ལུས་ཀུན་སྣང་ངོ་ཞེས་གསོལ་ཏོ།། ་བློན་པོ་ཆེན་པོ་དེ་ཤིན་ཏུ་མི་དགའ་བར་གྱུར་ནས། བུ་ལ་དེ་དག་ནི་ཤིན་ཏུ་ཡང་སྟོབས་ཆེ་བའི་སྟེང་དུ་རྒྱལ་པོ་དང་གཉེན་པས་རྩོད་པར་དཀའ་ན། འོན་ཀྱང་དེ་ལ་ནི་དགུ་ལྟེ་ཞིག་བྱའོ་སྙམ་ནས། ་རིན་པོ་ཆེ་སྣ་བདུན་ལས་བྱས་པའི་འཁར་བ་སུམ་ཅུ་རྩ་གཉིས་ཤིག་བྱས་ཏེ། འཁར་བའི་ནང་དུ་རལ་གྲི་སོ་རྣོན་པོ་རེ་རེ་བཅུག་ནས། ཁྱེའུ་སུམ་ཅུ་རྩ་གཉིས་པོ་དེ་ལ་རེ་རེ་བྱིན་ནས་འདི་སྐད ་ཅེས་བསྒོའོ། ། ཁྱོད་ནི་གཞོན་དར་ལ་བབ་པས་རྩེ་བའི་དུས་ལ་བབ་སྟེ། ཁྱེད་ཀྱི་ཕྱིར་རྩེ་བའི་རྐྱེན་དུ་འཁར་བ་འདི་དག་བྱས་ཀྱིས། ཁྱེད་རྣམས་ཐོགས་ལ་རྩེ་ཞིག་ཅེས་བསྒོའོ།། ཁྱེའུ་དེ ་དག་ཀྱང་ཤིན་ཏུ་དགའ་ནས། འཁར་བ་དེ་དག་བླངས་ནས་རེ་རེ་ཐོགས་སོ།། རྒྱལ་པོའི་ཁྲིམས་ཀྱིས་རྒྱལ་པོ་དང་ཕྲད་པ་ན་མཚོན་ཐོགས་སུ་མི་གནང་ངོ་།། དེ་དག་འཁར་བ་ཐོགས་ཏེ་རྒྱལ ་པོའི་ཞམ་འབྲིང་ན་འཁོད་པས། བློན་པོ་དེས་རྒྱལ་པོ་ལ་འདི་སྐད་དུ་ཕྲ་མ་གསོལ་ཏོ།། ལྷ་འཚམས་མའི་བུ་སུམ་ཅུ་རྩ་གཉིས་པོ་དེ་ནི་གཞོན་ཤིང་དར་ལ་བབ་སྟེ། སྟོབས་ཀྱིས་མི་གཅིག ་གིས་ཀྱང་སྟོང་ཐུབ་པ་དེ་དག་ནི་རྒྱལ་པོ་ལ་གནོད་པ་ཞིག་བགྱི་བར་སེམས་སོ་ཞེས་གསོལ་ཏོ། ། འོན་ཀྱང་རྒྱལ་པོ་དེ་ལ་ཐུགས་མ་ཆེས་པ་མེད་པ་ལས། བློན་པོས་ཡང་གསོལ་པ། བདག་གིས ་སྔར་གསོལ་བ་འདི་བདེན་ཏེ་བརྫུན་མ་ལགས་པས་བརྟག་ཏུ་གདའ་འོ། ། ཁྱེའུ་འདི་དག་གི་ལག་ན་ཐོགས་པའི་འཁར་བའི་ནང་ན་རལ་གྲི་རེ་རེ་མཆིས་པས་གནོད་པ་བགྱིད་དུ་མངོན་ནོ།། བློན་པོས ་གསོལ་པ་བཞིན་དུ་ཁྱེའུ་དེ་དག་གི་འཁར་བ་བལྟས་ན་མཚོན་ཡོད་པར་གྱུར་ནས། གཅིག་གཅིག་ནས་བོས་ཏེ། གྱད་ཀྱིས་བཟུང་ནས་ཀུན་བསང་ངོ་།། ཁྱེའུ་དེ་དག་གི་མགོ་བཅང་དེ། ཁྱེའུའི ་མགོ་སུམ་ཅུ་རྩ་གཉིས་སྒྲོམ་གཅིག་གི་ནང་དུ་བཅུག་ནས། ཁ་ལེགས་པར་བཅད་དེ་སྲིང་མོའི་སྟེང་དུ་བསྐུར་རོ།། དེའི་ཚེ་ན་ཁྱེའུ་དེ་དག་གི་མས། སངས་རྒྱས་དང་དགེ་འདུན་སྤྱན་དྲངས་ཏེ ་རྒྱལ་པོས་སྒྲོམ་བསྐུར་ཏེ་འོངས་པ་ལ། འདིའི་ནང་ན་མཆོད་པ་བྱེད་པའི་འཐུང་མ་ཞིག་ཡོད་ཡང་དག་སྙམ་ནས་སྒྲོམ་ཁ་ཕྱེ་བ་ལས། བཅོམ་ལྡན་འདས་ཀྱིས་སྒྲོས་རེ་ཞིག་ཁ་མ་ཕྱི་བར། ཞལ ་ཟས་གསོལ་ལགས་ནས་གཟོད་ཕྱེ་ཞིག་ཅེས་བཀའ་སྩལ་ཏོ། ། དེ་ནས་ཞལ་ཟས་གསོལ་ནས། བཅོམ་ལྡན་འདས་ཀྱིས་ཁྱེའུའི་མལ་ཆེས་བསྟན་པ། ལུས་འདི་ནི་མི་རྟག་པ་སྟེ། སྡུག ་བསྔལ་བ་སྟོང་པ། བདག་མེད་པ། སྙིང་པོ་མེད་པ། རིང་པོ་མི་ཐོགས་པ། ཀུན་ནས་ཉོན་མོངས་པས་བཅིངས་ཤིང་གླགས་པ་དང་། སྡུག་བསྔལ་གྱིས། ་གཟིར་བ་སྟེ། འདོད་པ་དང་བྱེ་བྲལ་བའི་མྱ་ངན་གྱིས། ལུས་འདི་ཆུད་ཟོས་ཀྱང་ཕན་པ་མེད་དེ། གང་མཁས་པ་ཤེས་རབ་ཅན་གྱིས་ནི་དོན་འདི་རྟོགས་པར་འགྱུར་རོ་ཞེས་བཀའ་སྩལ་པ ་དང་ལྷ་འཚམས་མས་ཀྱང་དོན་རྟོགས་ནས། ལན་ཅིག་ཕྱིར་མི་ལྡོག་པའི་འབྲས་བུ་ཐོབ་པར་གྱུར་ཏེ། རབ་ཏུ་དགའ་མགུ་རངས་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི ་སྐད་ཅེས་གསོལ་ཏོ། ། བཅོམ་ལྡན་འདས་བདག་ལ་ཐུགས་བརྩེ་བའི་སླད་དུ། བདག་ཅག་གིས་གསོལ་བ་འདི་བཞི་ཞིག་གནང་བར་མཛད་དུ་གསོལ། བདག་ཅག་གིས་གསོལ་བ་བཞི་ལ། ་གཅིག་ནི་དགེ་སློང་ནད་པ་རྣམས་ལ་ནད་ཀྱི་རྐྱེན་སྨན་དང་། བཟའ་བ་དང་། བཏུང་བ་ཡིད་བཞིན་དུ་སྩལ་བ་དང་། གཉིས་ནི་དགེ་སློང་ནད་པའི་གཡོག་བགྱི་བའི་བཟའ་བ་དང་བཏུང་བ ་ཡིད་བཞིན་དུ་སྦྱར་བ་དང་། གསུམ་དུ་ན་དགེ་སློང་འགྲོན་པོའི་ཡོ་བྱད་སྦྱར་བ་དང་། བཞིར་ན་དགེ་སློང་འགྲོན་དུ་འགྲོ་བའི་རྒྱགས་དང་ཡོ་བྱད་སྦྱར་བར་འཚལ་ལོ།། དེ་ཅིའི་ཕྱིར་ཞེ་ན། ་དགེ་སློང་ནད་པ་དག་ནི་ནད་ཀྱི་རྐྱེན་སྨན་དང་། བཟའ་བ་དང་། བཏུང་བ་མི་ལྡན་ན་ནད་འཚོ་དཀའ་སྟེ། གལ་ཏེ་ན་ཚེའི་བར་ཆད་དུ་ཡང་འགྱུར་རོ།། དགེ་སློང་ནད་གཡོག་ཀྱང་ཁ ་ཟས་མེད་པའི་རྐྱེན་གྱིས་བསོད་སྙོམས་བགྱིད་དོ། ། བསོད་སྙོམས་ལ་དུས་མ་མཆིས་ཏེ། གལ་ཏེ་འཕྱིས་སམ། འདོད་པ་མ་རྙེད་ན་ནད་པ་ཞེ་སྡང་སྐྱེས་ཏེ། ནད་འཚོ་བར་དཀའ ་བས་དེ་ལ་ཡང་ཁ་ཟས་དབུལ་བར་འཚལ་ལོ། ། ཤུལ་རིང་པོ་ནས་མཆིས་པའི་དགེ་སློང་ཡུལ་མ་འདྲིས་ཏེ། བཤེས་མ་མཆིས་པས་བསོད་སྙོམས་བགྱིད་དོ།། བསོད་སྙོམས ་བགྱིད་པ་ན། ཁྱི་འམ་མ་རུངས་པས་གཙེས་ཏེ། ཞེ་སྡང་སྐྱེས་ན་བཟོད་པ་ཉམས་པར་འགྱུར་བས། དེ་ལ་ཡང་ཁ་ཟས་དབུལ་བར་འཚལ་ལོ།། དགེ་སློང་འགྲོན་དུ་མཆི་བ་གྲོགས་དང་ལྡན ་ཡང་ལམ་བརྒྱགས་མ་མཆིས་པས་གྲོགས་དང་བྲལ་ན། ཤུལ་དུ་གཅན་གཟན་མང་པོ་འམ། མི་རྒོད་མ་རུངས་པ་མཆིས་ཏེ། གཅིག་པུ་སོང་ན་དེ་ཡང་ལུས་ཀྱི་བར་ཆད་དུ་འགྱུར་བས། ་དེའི་དགོས་པ་ཡང་སྦྱར་བར་འཚལ་ལོ།། དེའི་ཚེ་བཅོམ་ལྡན་འདས་ཀྱིས་ལྷ་འཚམས་མས་གསོལ་བ་བཞི་པོ་གསན་ནས། ཤིན་ཏུ་ལེགས་སོ་ཞེས་བསྔགས་ཏེ། ཁྱོད་ཀྱིས་གསོལ་བ ་བཞི་པོ་འདིའི་བསོད་ནམས་རྒྱ་ཆེན་པོ་ནི། སངས་རྒྱས་ལ་མཆོད་པ་བྱས་པ་དང་ཐ་མི་དད་དོ་ཞེས་བཀའ་སྩལ་ནས། དགེ་འདུན་དང་བཅས་ཏེ་སླར་རྒྱལ་བུ་རྒྱལ་བྱེད་ཀྱི་ཚལ་དུ་གཤེགས་སོ།། ། ་བཅོམ་ལྡན་འདས་སླར་གཤེགས་པའི་འོག་ཏུ་སྒོམ་ཕྱེ་བ་བལྟས་ན། བུའི་མགོ་སུམ་ཅུ་རྩ་གཉིས་ཡོད་པ་མཐོང་ནས། འདོད་པ་དང་བྲལ་བའི་ཕྱིར་མི་དགའ་བས་གདུངས་པར་ནི་མ་གྱུར ་གྱི་འདི་སྐད་དུ་ཀྱེ་མ་མི་གཅིག་སྐྱེས་པ་ལ་ཚེ་ཟད་པ་ཡོད་དེ་རིང་པོར་མ་ཐོགས་སོ། ། ང་ཡང་རྒྱུད་ལྔ་གང་དུ་སྡུག་བསྔལ་མྱོང་བར་གྱུར་ཅེས་སྨྲས་སོ།། ཁྱེའུ་སུམ་ཅུཿ། ་གཉིས་ཀྱི་མའི་རིགས་སུ་ཉེ་བ་རྣམས་དེ་ལྟར་གྱུར་པ་ཐོས་ནས་ཤིན་ཏུ་མི་དགའ་སྟེ། ཞེ་སྡང་སྐྱེས་ནས་འདི་སྐད་དུ་རྒྱལ་པོ་ཆེན་པོ་ནི། འདི་ལྟར་མི་མཉེས་པ་ཀུན་བསད་ཀྱིས། དམག་བསོག ་ལ་དགྲ་བྱ་བར་འདོང་ངོ་ཞེས་སྨྲས་ནས། དམག་གི་དཔུང་བསགས་ཏེ་རྒྱལ་པོའི་ཕོ་བྲང་བསྐོར་རོ།། དེའི་ཚེ་ན་རྒྱལ་པོ་དེ་སྐྲག་ནས། སངས་རྒྱས་གང་ན་བར་བྲོས་སོ།། དེ་དག་གིས་དེ་སྐད ་ཅེས་ཐོས་ནས། དམག་གི་དཔུང་གིས་རྒྱལ་བུ་རྒྱལ་བྱེད་ཀྱི་ཚལ་ཡང་བསྐོར་རོ།། དེའི་ཚེ་ན་ཀུན་དགའ་བོས་རྒྱལ་པོ་རབ་གསལ་རྒྱལ་གྱིས། ལྷ་འཚམས་མའི་བུ་སུམ ་ཅུ་རྩ་གཉིས་བསད་དེ། མའི་རིགས་སུ་གཏོགས་པ་རྣམས་ཀྱིས་ཤ་གཉེར་དུ་འོངས་སོ་ཞེས་ཐོས་ནས། པུས་མོ་ས་ལ་བཙུགས་ཏེ་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད ་ཅེས་གསོལ་ཏོ། ། བཅོམ་ལྡན་འདས་ཅིའི་རྒྱུ་ཅིའི་རྐྱེན་གྱིས། མི་སུམ་ཅུ་རྩ་གཉིས་རྒྱལ་པོས་ཅིག་ཅར་དུ་བཀུམ་པར་གྱུར། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། ་ལྷ་འཚམས་མའི་བུ་སུམ་ཅུ་རྩ་གཉིས་པོ་འདི་དང་འབའ་ཞིག་ཏུ་རྒྱལ་པོས་ཅིག་ཅར་དུ་བསད་པར་མ་ཟང་ངོ་དོ།། མི་སུམ་ཅུ་རྩ་གཉིས་པོ་ཅིའི་ཕྱིར་ཅིག་ཅར་ཚེ་འཕོས་པ་ཁྱོད་ལ་རྒྱས་པར་བསྟན་གྱིས ་ལེགས་པར་ཉོན་ལ་ཡིད་ལ་ཟུང་ཞིག་ཅེས་བཀའ་སྩལ་ནས། ཀུན་དགའ་བོས་ཀྱང་དེ་བཞིན་དུ་བགྱིའོ།། ཐོས་པར་འཚལ་ལོ་ཞེས་གསོལ་ཏོ།། བཅོམ་ལྡན་འདས་ཀྱིས། ཀུན་དགའ ་བོ་ལ་བཀའ་སྩལ་པ། སྔོན་འདས་པའི་དུས་ན་མི་སུམ་ཅུ་རྩ་གཉིས་པོ་འདི་གཅིག་ལ་གཅིག་དགའ་ཞིང་བཤེས་པ་དང་། ཡིད་གཅུགས་པར་གྱུར་ནས། དེ་དག་གྲོས་མཐུན་པར་ཕ་རོལ་གཞན ་གྱི་བ་གླང་གཅིག་བརྐུས་སོ། ། དེའི་ཚེ་ཡུལ་དེ་ན་རྒན་མོ་དབུལ་མོ་བུ་ཚ་ཡང་མེད་པ་གཅིག་ཡོད་དོ།། བ་གླང་རྐུ་བའི་རྣམས་རྒན་མོ་དེའི་ཁྱིམ་དུ་ཁྲིད་དེ་འོངས་ནས། བསད་པར་བྱས་པ་དང ་རྒན་མོ་ཡང་དགའ་རངས་ནས། ཤིང་ལ་སོགས་ཏེ་ཤ་འཚེད་པའི་ཡོ་བྱད་སྦྱར་ཏོ།། མི་དེ་དག་གིས་དེར་བ་གླང་གསོད་པ་ན། བ་གླང་དེ་ཡང་གསོད་པར་ཤེས་ནས་མདུད་པར་བཟུང་སྟེ། ་ཁྱེད་ཀྱིས་དང་བསད་པས་ན་མ་འོངས་པའི་དུས་སུ་ཡང་། ཇི་སྟེ་འབྲས་བུ་ཐོབ་ན་ཡང་མི་གཏང་སྟེ། གསོད་པར་ཤོག་ཅིག་ཅེས་དམ་བཅས་མ་ཐག་ཏུ་བ་གླང་དེ་མི་རྣམས་ཀྱིས་བསད་ནས ་ཁ་ཅིག་ནི་བཅོས་ཁ་ཅིག་ནི་བསྲེགས་ཏེ་ཟོས་རྒན་མོ་ཡང་བ་གླང་གི་ཤས་འགྲངས་ནས་རབ་ཏུ་དགའ་སྟེ། སྔན་ཆད་ཀྱང་དེ་ལྟ་བུའི་མགྲོན་ཅིག་འོངས་ན། དེང་ལས་ཕན་ཐོགས་པ ་ནི་མེད་དོ་ཞེས་སྨྲས་སོ། ། དེའི་ཚེ་དེའི་དུས་ན་བ་གླང་དེ་ནི་རྒྱལ་པོ་རབ་གསལ་རྒྱལ་ཡིན་ནོ།། དེའི་དུས་ན་བ་གླང་རྐུ་བ་ནི་ལྷ་འཚམས་མའི་བུ་སུམ་ཅུ་རྩ་གཉིས་པོ་ཡིན་ནོ།། དེའི་ཚེ་ན་རྒན་མོ་ཁྱིམ ་བདག་མོ་དེ་ནི་དེ་དག་གི་མ་ཡིན་ཏེ། རྣམ་པར་སྨིན་པའི་འབྲས་བུ་དེ་ཚེ་རབས་ལྔ་བརྒྱའི་བར་དུ་རྟག་ཏུ་བསད་པར་གྱུར་ཏེ། དེའི་དུས་ན་རྒན་མོ་དེ་རྗེས་སུ་ཡི་རང་ཞིང ་དགའ་བ་ཙམ་གྱིས་རྟག་ཏུ་དེ་དག་གི་མ་བྱས་ནས་མྱ་ངན་གྱིས་རབ་ཏུ་གདུངས་པར་གྱུར་ཏེ། ང་འདིར་ང་དང་ཕྲད་ནས་འབྲས་བུ་ཐོབ་པར་གྱུར་ཏོ།། ཀུན་དགའ་བོས་ཀྱང་ཐལ་མོ ་སྦྱར་ཏེ། བཅོམ་ལྡན་འདས་ལ་གསོལ་པ། དེ་དག་གིས་ནི་བསོད་ནམས་ཅི་ཞིག་བགྱིས་ན། རིགས་ཆེ་ཞིང་མཐོ་བ་དང་། ལོངས་སྤྱོད་དང་ལྡན་པ་དང་། དཔའ་ཞིང་ཉམ་རྩལ་དང ་ལྗོན་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། སྔོན་འདས་པའི་དུས་ན་སངས་རྒྱས་འོད་སྲུངས་འཇིག་རྟེན་དུ་གཤེགས་པའི་རྨི། རྒན་མོ་དཀོན་མཆོག་གསུམ་ལ་ཤིན་ཏུ་དང ་བཞིག་ཡོད་དེ། སྤོས་མང་དུ་ཉོས་ནས་མར་དང་སྦྱར་ཏེ་རྟག་ཏུ་མཆོད་རྟེན་ལ་སྲུད་དོ།། ལམ་ཀ་ཞིག་ན་མཆོད་རྟེན་ལ་སྲུད་པ་ལས། མི་སུམ་ཅུ་རྩ་གཉིས་ཤིག་དེར་ལྷགས་ནས། རྒམ ་མོ་མཆོད་རྟེན་ལ་སྲུང་པའི་གྲོགས་བྱས་ཏེ། རྒན་མོ་དེས་ཀྱང་མི་སུམ་ཅུ་རྩ་གཉིས་པོ་ལ་ཁྱེད་ཀྱིས་ཁོ་མོ་མཆོད་རྟེན་སྐུད་པ་བསྟངས་པའི་བསོད་ནམས་ཀྱིས་གང་ནས་གང་དུ་སྐྱེས་ཀྱང་མངའ་བྱང ་ལེགས་པ་དང་། མཐུ་རྩལ་དང་ལྡན་པར་གྱུར་ཅིག་ཅེས་སྤྲས་ནས། དེ་དག་ཀྱང་རབ་ཏུ་དགའ་བཞིན་དུ་མཆོད་རྟེན་སྲུང་པའི་ལས་བྱས་ནས་འདི་སྐད་ཅེས་སྨྲས་སོ།། བདག་ཅག་ནི་རྒན་མོ ་འདིའི་དབང་གིས་བསོད་ནམས་ཀྱི་ལས་བསྐྱེད་པར་གྱུར་ཏོ། ། གང་ནས་གང་དུ་སྐྱེས་ཀྱང་ཆོ་རིགས་མཐོ་ཞིང་བཙན་ཕྱུག་པ་དང་། ལོངས་སྤྱོད་དང་ལྡན་པ་དང་། རྒན་མོ་འདི་ཡང་རྟག་ཏུ་བདག། ་ཅག་གི་མར་གྱུར་ཏེ། བདག་ཅག་ཀྱང་འདིའི་བུར་གྱུར་པ་དང་། རྟག་ཏུ་སངས་རྒྱས་དང་། ཆོས་ཐོས་པ་དང་མི་འབྲལ་ཏེ། འབྲས་བུ་ཡང་མྱུར་དུ་ཐོབ་པར་ཤོག་ཅིག་ཅེས་སྨོན་ལམ་བཏབ་བོ།། ་རྒན་མོས་ཀྱང་དེ་བཞིན་དུ་གྱུར་ཅིག་ཅེས་སྦས་པས། ཚེ་རབས་ལྔ་བརྒྱའི་བར་དུ་མ་རིགས་མཐོ་ཞིང་བཙུན་པར་གྱུར་ཏོ།། དེའི་མངོའི་དུས་ནརྒན་མོང་ནི་ད་ལྟར་ཁྱེའུ་དེ་དག་གི་མ་ཡིན་ནོ།། དཿ ་དུས་ན་མི་སུམ་ཅུ་རྩ་གཉིས་པོ་ནི་ཁྱེའུ་སུམ་ཅུ་རྩ་གཉིས་པོ་ཡིན་ནོ། ། དེའི་ཚེ་དམག་གི་དཔུང་རྣམས་སངས་རྒྱས་ཀྱིས་གསུངས་པ་ཐོས་ནས་ཞེ་སྡང་གི་སེམས་ཞི་སྟེ། འདི་སྐད་དུ་རྒྱལ་པོ་ཆེན་པོས ་ཀྱང་མ་ཉེས་ཀྱི། མི་འདི་དག་གི་སྔོན་གྱི་འབྲས་བུ་རྣམ་པར་སྨིན་པ་སྟེ། བ་གླང་གཅིག་བསད་པ་ཙམ་གྱིས་འདི་ལྟ་བུར་གྱུར་ཏོ།། རྒྱལ་པོ་རབ་གསལ་རྒྱལ་འདི་ནི་བདག་ཅག་གི་ཇོ་བོ ་ཡིན་ནོ། ཅིའི་ཕྱིར་འདི་ལ་འཁུ་ཞིང་གནོད་པར་སེམས་ཞེས་སྨྲས་ནས། མཚོན་ཆ་བོར་ཏེ་རྒྱལ་པོ་ལ་བབས་ནས་ཉེས་པ་བཤགས་པས། རྒྱལ་པོས་ཀྱང་གྱོད་མ་རྨས་པར་བཏང་ངོ་།། ་དེའི་ཚེ་བཅོམ་ལྡན་འདས་ཀྱིས་སྔོན་བྱུང་བ་འདི་དང་། གླེང་གཞི་འདིས་འཁོར་བཞི་པོ་ལ་དམ་པའི་ཆོས་རྒྱས་པར་བསྟན་ཏོ།། དགེ་བའི་ལས་ནི་བརྩོན་འགྲུས་སུ་བྱ་བའི་རིགས་དང་། མི ་དགེ་བའི་སྡིག་པའི་ཆོས་ནི་མི་བྱ་བའི་རིགས་པ་ཡང་བསྟན། འཕགས་པའི་བདེན་པ་བཞི་ཡང་རྒྱས་པར་བསྟན་པས། འཁོར་མང་པོ་རྣམས་ཀྱིས་ཐོས་ནས་ཐམས་ཅད། ་ཀྱིས་འབྲས་བུ་ཐོབ་པ་འགྱུར་ཏོ།། བཅོམ་ལྡན་འདས་ཀྱིས་གསུངས་པ་ལ་ཡི་རང་ནས་མངོན་པར་དགའ་འོ།། བློན་པོ་རི་དགས་ཀྱི་བུ་བདུན་གྱི་ལེའུ་སྟེ་ཉི་ཤུ་གསུམ་པའོ།། ་། བམ་པོ་བདུན་པ།། ། ཀ་བི་ན་ཆེན་པོའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན ་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྤྲིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ན་ཡུལ་དེའི་རྒྱལ་པོ་གསལ་རྒྱལ་ཞེས་བྱའོ།། དེའི་ལྷོ་ཕྱོགས་ན་ཡུལ་གསེར ་གྱིས་ཞེས་བྱ་བ་ཞིག་ཡོད་དེ། རྒྱལ་པོ་ནི་ཀ་པི་ན་ཞེས་བྱའོ།། རྒྱལ་པོ་དེའི་སྲས་རྒྱལ་ཚབ་ནི་ཀ་པི་ན་ཆེན་པོ་ཞེས་བྱའོ།། རྒྱལ་པོ་ཡབ་ནོངས་ནས། སྲས་རྒྱལ་ཚབ་རྒྱལ་སར་གཤེགས ་ཏེ། དེ་ཡང་རང་བཞིན་གྱིས་ཡིད་གཞུངས་ལ་བློ་གསལ་ཏེ། དཔའ་ཞིང་མཐུ་རྩལ་ཆེན་པོ་དང་ལྡན་ནོ།། དེ་ལ་དམག་གི་ཚོགས་སྟོང་ཕྲག་སུམ་ཅུ་རྩ་དྲུག་ཡོད་དེ། དམག་དེ་དག་གར ་བབ་ཀྱང་རླུང་ཆེན་པོ་དང་འདྲ་བར་ཕས་རྒོལ་བ་མི་ཐུལ་བ་མེད་དེ། ཡུལ་གྱི་དབུས་ཀྱི་རྒྱལ་པོ་དང་ནི་མ་འགྲུལ་ཏོ།། ཕྱིས་ཚོང་པ་དག་ཅིག་ཡུལ་གསེར་སར་ཕྱིན་ནས། རས་འཇམ་པོ ་བཟང་པོ་ཡུག་བཞི་ཞིག་རྒྱལ་པོ་དེ་ལ་ཕུལ་ལོ། ། རྒྱལ་པོས་ཀྱང་བཞེས་ནས་ཚོང་པ་དེ་ལ། འདི་ལྟ་བུ་ནོར་བཟང་པོ་ག་ལས་འོངས་ཞེས་དྲིས་པ་དང་། ཚོང་པས་ཀྱང་འདི་ནི་ཡུལ་གྱི་དབུས་ནས ་མཆིས་སོ་ཞེས་གསོལ་ཏོ། ། རྒྱལ་པོ་དེས་སྨྲས་པ། ཡུལ་གྱི་དབུས་ཞེས་བྱ་བ་ནི་གང་། ཡུལ་གྱི་དབུས་ཀྱི་མིང་ནི་ཙི་ཞེས་བྱ། ཚོང་པས་གསོལ་པ། ཡུལ་གྱི་དབུས་ཀྱི་མིང་ནི་རྒྱལ ་པོའི་ཁབ་ཅེས་ཀྱང་བྱ། མཉན་ཡོད་ཅེས་ཀྱང་བྱ་སྟེ། དེ་ལ་སོགས་པ་ཡུལ་གྱི་མིང་གཞན་ཀྱང་མང་དུ་མཆིས་སོ།། རྒྱལ་པོས་སྨྲས་པ། རྒྱལ་པོ་དེ་དག་ཅིའི་ཕྱིར་ང་ལ་ཕྱག་འཚལ་ཞིང་དང ་འབུལ་དུ་མི་འོང་། ཚོང་པས་གསོལ་པ། རྒྱལ་པོ་དེ་དག་ཀྱང་སོ་སོའི་རྒྱལ་སྲིད་འཛིན་ཅིང་ཡུལ་གྱི་ཚིས་བགྱིས་པས་འདིར་མི་མཆིའོ།། རྒྱལ་པོ་དེས་བསམས་པ། ངའི་མཐུ་དང ་བྱིན་གྱིས་ནི་གནམ་མཐའ་འོག་ཐམས་ཅད་ཀྱང་ཐུལ་ན། ཅིའི་ཕྱིར་རྒྱལ་པོ་འདི་དག་ང་ལ་ཕྱག་འཚལ་ཞིང་དཔྱ་འབུལ་དུ་མི་འོང་། ད་ནི་ངའི་མཐུ་དང་བྱིན་གྱིས་དེ་དག་ཀྱང་དབབ་བོ་སྙམ་ནས། ཚོང ་པ་དེ་ལ་སྨྲས་པ། ཡུལ་དབུས་ཀྱི་རྒྱལ་པོའི་ནང་ན་རྒྱལ་པོ་གང་ཆེ། ཚོང་པས་སྨྲས་པ། མཉན་ཡོད་ཀྱི་རྒྱལ་པོ་ནང་ན་ཆེའོ།། དེ་ནས་རྒྱལ་པོ་ངེས་མཉན་ཡོད་དུ་ཕོ་ཉ་བཏང་སྟེ། རྒྱལ་པོ ་གསལ་རྒྱལ་ལ་འདི་སྐད་ཅེས་སྤྲིང་ངོ་། ། ངའི་མཐུ་དང་བྱིན་གྱིས་འཛམ་བུའི་གླིང་དུ་གཏོགས་པ་ཀུན་ལ་དབང་ན། ཁྱོད་ཅིའི་ཕྱིར་ཕོ་ཉ་ཡང་འགྲུལ་བ་མི་བྱེད། ད་ཡང་ཁྱོད་ཀྱི་སྟེང་དུ་ཕོ་ཉ་བཏབ ་བ་ཡིན་གྱིས། ཁྱོད་ཉལ་བའི་ཚེ་ངའི་མིང་ཐོས་ན་འདུག་པའི་རིགས་སོ།། འདུག་པའི་ཚེ་ཐོས་ན་ལྡང་བའི་རིགས་སོ།། ལྡང་བའི་ཚེ་ཐོས་ན་མིང་མི་ཁོམ་པར་ཕྱིར་འདོར། ་བའི་རིགས་སོ།། ཁྲུས་བྱེད་པའི་འཕྲོ་ལ་ཐོས་ན་སྒྲ་ཡང་ཕྱིར་སྡུད་པའི་རིགས་སོ།། སྡོད་པའི་ཚེ་ཐོས་ན་རྒྱུག་པར་རིགས་ཀྱིས། ད་སྟེ་ཞག་བདུན་ན་འདིར་ང་དང་ཕྲད་དུ་ཤོག་ཅིག། དེ་ལྟར ་མ་བྱས་ན་དམག་དྲངས་ཏེ་ཁྱོད་ཀྱི་ཡུལ་མེད་པར་བྱའོ་ཞེས་སྤྲིང་ངོ་། ། རྒྱལ་པོ་གསལ་རྒྱལ་གྱིས་དེ་སྐད་ཅེས་སྤྲིང་བ་ཐོས་ནས་མི་དགའ་ཞིང་དངངས་ཏེ། བཅོམ་ལྡན་འདས་གང་ན་བར་སོང་ནས། ་དེ་བཞིན་དུ་རྒྱས་པར་གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོས་ཀྱང་ཕྱིར་ཕོ་ཉ་དེ་ལ་རྒྱལ་པོའི་ནང་ན་ང་མི་ཆེ་སྟེ། ང་བས་ཀྱང་རྒྱལ་པོ་ཆེ་བ་ཞིག་ཡོད་དོ་ཞེས་གྱིས་ཤིག ་གསལ་རྒྱལ་གྱིས་ཀྱང་བཅོམ་ལྡན་འདས་ཀྱི་བཀའ་བཞིན་དུ། འཇིག་རྟེན་ན་འཕྲུལ་གྱི་རྒྱལ་པོ་ཞིག་འདི་ནས་མི་རིང་བ་ཞིག་ན་བཞུགས་ཀྱིས། ཁྱོད་ཉིད་དེར་སོང་ལ་ཁྱོད་ཀྱི་རྒྱལ་པོས་སྤྲིང་བ་བཞིན ་དུ་གྱིས་ཤིག་ཅེས་བསྒོ་ནས། ཕོ་ཉ་དེ་རྒྱལ་བུ་རྒྱལ་བྱེད་ཀྱི་ཚལ་དུ་སོང་ངོ་།། དེའི་ཚེ་ན་བཅོམ་ལྡན་འདས་འཁོར་ལོས་སྒྱུར་བའི་རྒྱལ་པོར་སྤྲུལ་ཏེ། བློན་པོ་ཆེན་པོར་ཡང་མོའུ་འགལ་སྤྲུལ་ནས། ་རིན་པོ་ཆེ་སྣ་བདུན་དང་ལྡན་པར་བཞུགས་སོ།། ཀུན་དཀའི་ར་བ་ཡང་རིན་པོ་ཆེར་བསྒྱུར་ནས། ར་བའི་ཕྱི་རོལ་ན་རིན་པོ་ཆེའི་འོབས་རིམ་པ་བདུན་དང་། འོབས་ཀྱི་བར་ན་རིན་པོ་ཆེ་སྣ་བདུན ་གྱི་ཤིང་དཀྲིགས་ཏེ། ཁ་དོག་རྣམ་པ་སྣ་ཚོགས་ཀྱི་པདྨ་གྲངས་མེད་པ། ལྷམ་མེ། ལྷང་ངེ། ལྷན་ནེར་འཚེར་བ་དང་། ར་བའི་ནང་ན་རིན་པོ་ཆེ་སྣ་ཚོགས་ལས་བྱས་པའི་ཕོ་བྲང་ན། རྒྱལ ་བོཔོ་ཤིན་ཏུ་བྱིན་ཆེ་བར་བཞུགས་པར་སྤྲུལ་ཏོ། ། ཕོ་ཉད་དེ་སྤྲུལ་པའི་ཕོ་བྲང་དུ་འོངས་ནས། རྒྱལ་པོ་ཆེན་པོ་མཐོང་བ་ཙམ་གྱིས་འཇིགས་སྐྲག་པར་གྱུར་ཏེ། འདི་སྐད་དུ་བདག་གི་རྒྱལ་པོའི ་བྱིན་དང་བསོད་ནམས་ཀྱིས་ནི་འདི་ལ་མི་ཐུབ་ན། འོན་ཀྱང་སྤང་བའི་ཡི་གེ་དབུལ་ལོ་སྙམ་ནས་ཡི་གེ་ཕུལ་ལོ།། འཕྲུལ་གྱི་རྒྱལ་པོས་ཡི་གེ་བླངས་ནས་རྡོག་པའི་འོག་ཏུ་བཅུག་སྟེ། ཕོ་ཉ་ལ ་འདི་སྐད་ཅེས་བཀའ་སྩལ་ཏོ། ། ང་ནི་རྒྱལ་པོ་ཆེན་པོ་སྟེ་གླིང་བཞི་ལ་དབང་བ་ཡིན་ན། ཁྱོད་ཀྱི་རྒྱལ་པོ་གླེན་པ་དེ་ཅིའི་ཕྱིར་བཀའ་མི་ཉན་ཁྱོད་མྱུར་དུ་ཕྱིར་སོང་ལ་ངས་འདི་སྐད་ཅེས་བཀ ་སྩལ་ཏོ་ཞེས་གྱིས་ཤིག། ཁྱོད་ཀྱི་ཕོ་ཉ་ཕྱིར་འོངས་ནས། ངའི་བཀའ་ཐོས་པ་ཙམ་གྱིས་གལ་ཏེ་ཉལ་བ་ལས་ཐོས་ན་ལྡང་བའི་རིགས། འདུག་པ་ལས་ཐོས་ན་འགྲེང་བའི་རིགས། འགྲོ ་བ་ལས་ཐོས་ན་རྒྱུག་པའི་རིགས་ཀྱིས། ང་སྟེ་ཞག་བདུན་ན་འདིར་ཕྱག་འཚལ་དུ་མ་འོངས་ཏེ་བཀའ་བཅག་པར་གྱུར་ན་ཁྲིམས་དང་སྦྱར་རོ་ཞེས་གྱིས་ཤིག། ཕོ་ཉ་དེས་བཀའ་སྩལ་པ་བཞིན ་དུ་ཕྱིར་སོང་ནས། བདག་གི་ཡུལ་དུ་ཕྱིན་པ་དང་། གསེར་སའི་རྒྱལ་པོ་ལ་ཅི་མཐོང་བ་དང་། ཅི་སྤྲིང་བ་རྒྱས་པར་གསོལ་ཏོ།། རྒྱལ་པོས་དེ་སྐད་ཅེས་སྤྲིང་བ་ཐོས་ནས་འགྱོད་པར་གྱུར ་ཏེཅི་དབང་བའི་རྒྱལ་ཕྲན་རྣམས་དང་ཆས་ཏེ་རྒྱལ་པོའི་ཐད་དུ་འདོང་ངོ་སྙམ་སྟེ། འོན་ཀྱང་ཐལ་བྱུང་དུ་འགྲོ་བར་མི་རིགས་ཀྱི། ད་རུང་ཡང་ལན་ཅིག་བགས ་མོ་སྙམ་ནས། སྔར་ཕོ་ཉ་གཅིག་བཏང་སྟེ། རྒྱལ་པོ་ཆེན་པོ་ལ་བདག་ཕྱག་འཚལ་དུ་མཆི་ན། བདག་དབང་བའི་རྒྱལ་ཕྲན་ཁྲི་བྲག་སུམ་ཅུརྩདྲུག་མཆིས་ན། དེ་དག་དང་རིལ་གྱིས་མཆིངས། ་བྱེཕྱེད་དང་མཆི་བ་བཀའ་སྩོལ་ཅིག་ཅེས་མཆིའོ།། རྒྱལ་པོ་ཆེན་པོས་ཀྱང་ཕྱིར་དེ་ལ་རྒྱལ་ཕྲན་ཕྱེད་དང་ཆས་ཏེ་ཤོག་ཅིག་ཅེས་བསྒོ་བ་དང་། གསེར་སའི་རྒྱལ་པོ་རྒྱལ་ཕྲན་ཁྲི་བརྒྱད་སྟོང་དང ་བཅས་ཏེ་མཉན་ཡོད་དུ། རྒྱལ་པོ་སྤྲུལ་པའི་སྤྱན་སྔར་ལྷགས་ནས་ཕྱག་འཚལ་ཏེ་འདི་སྙམ་བསམས་སོ།། རྒྱལ་པོ་ཆེན་པོ་འདིའི་བྱད་གཟུགས་ནི་བདག་པས་ལྷག་ཀྱང་། མཐུ་སྟོབས ་ནི་བདག་ཙམ་མི་ཕོད་དོ་སྙམ་བསམས་པ་དང་། འཕྲུལ་གྱི་རྒྱལ་པོས་བློན་པོ་རིན་པོ་ཆེ་ལ་ཁྱོད་ཀྱི་གཞུ་གསེར་སའི་རྒྱལ་པོ་ལ་བྱིན་ཅིག་ཅེས་བཀའ་སྩལ་ཏོ།། རྒྱལ་པོ་དེས་ཀྱང་བླང་ཞེས་བྱས་ན ་མ་ཐེག་གོ། ། དེ་ནས་འཕྲུལ་གྱི་རྒྱལ་པོས་བླངས་ཏེ། མཐེའུ་ཆུང་གིས་གཞུ་བདུངས་ཏེ། གསེར་སའི་རྒྱལ་པོ་ལ་གཞུ་འདི་ཁོང་ཞིག་ཅེས་བཀའ་སྩལ་ནས། གསེར་སའི་རྒྱལ་པོས ་བསྣམས་ན། གཞུ་རྒྱུད་ཀྱང་མ་བསྐུལ་ཏོ།། དེ་ནས་འཕྲུལ་གྱི་རྒྱལ་པོས་བླངས་ཏེ་དྲངས་ན། གཞུ་རྒྱུད་སྦྲེངས་པ་ཙམ་གྱིས་སྟོང་ཆེན་པོའི་འཇིག་རྟེན་གྱི་ཁམས་ཀྱང་འགུལ་ཞིང་གཡོས ་སོ། དེ་ནས་མདའ་བླངས་ཏེ་མདའ་གཅིག་འཕངས་ན། འཕངས་མ་ཐག་ཏུ་མངའ་ལྔར་གྱུར་ཏེ། མདའ་དེ་དག་གི་རྩེ་མོ་ལ་འོད་གཟེར་གྲངས་མེད་པ་བྱུང་ནས། པདྨ་ཤིང་རྟའི་འཕང་ལོ ་ཙམ་རེ་རེ་ཡང་ཡོད་པར་གྱུར་ཏེ། པདྨ་རེ་རེ་ལ་ཡང་འཁོར་ལོས་སྒྱུར་བའི་རྒྱལ་པོ་རིན་པོ་ཆེ་སྣ་བདུན་དང་ལྡན་པ་རེ་རེ་ཡོད་པར་གྱུར་ཏོ།། འོད་གཟེར་དེ་དག་གིས་སྟོང་གསུམ་གྱི་སྟོང་ཆེན་པོའི ་འཇིག་རྟེན་གྱི་ཁམས་ཀྱང་སྣང་བར་བྱས་ནས། ལམ་རྒྱུད་ལྔའི་སེམས་ཅན་ཐམས་ཅད་ལ་ཕན་པའི་དོན་དུ་མ་གྱུར་པ་མེད་དོ།། ལྷ་རྣམས་ཀྱི་གནས་སུ་འོད་གཟེར་དེ་མཐོང་སྟེ། ཆོས་སྟོན ་པའི་གསུང་ཡང་གྲག་པར་གྱུར་ནས། དེ་དག་གི་ལུས་དང་སེམས་ཡོངས་སུ་དག་སྟེ། ཁ་ཅིག་ནི་རྒྱུན་དུ་ཞུགས་པ་ནས་དགྲ་བཅོམ་པའི་བར་དུ་ཐོབ་པར་གྱུར་ཏོ།། ཁ་ཅིག་ནི་བླ་ན་མེད་པ་ཡང་དག ་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། ། ཁ་ཅིག་ནི་ཕྱིར་མི་ལྡོག་པའི་ས་ལ་གནས་པར་གྱུར་ཏོ།། མིའི་རྒྱུད་དུ་གཏོགས་པའི་སེམས་ཅན་སངས་རྒྱས་ཀྱི་འོད་གཟེར་མཐོང་ཞིང་ཆོས་སྟོན་པ་ཐོས ་པ་རྣམས་རབ་ཏུ་དགའ་མགུ་རངས་ཏེ། ཁ་ཅིག་ནི་རྒྱུན་དུ་ཞུགས་པ་ནས་ལན་ཅིག་ཕྱིར་ལྡོག་པ་དང་། རབ་ཏུ་བྱུང་ཞིང་དགྲ་བཅོམ་པའི་བར་དུ་ཐོབ་པར་གྱུར་ཏོ།། སེམས་ཅན་གྲངས་མེད་པ་ནི ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། ཕྱིར་མི་ལྡོག་པའི་ས་ལ་གནས་པར་གྱུར་ཏོ།། ཡི་དགས་ཀྱི་རྒྱུད་དུ་གཏོགས་པ་དག་ནི། སངས་རྒྱས་ཀྱི་འོད་གཟེར་གྱིས་རེག ་ཅིང་ཆོས་ཐོས་པས། ཐམས་ཅད་ཁ་ཟས་ཀྱིས་འགྲངས་པར་གྱུར་ཏེ། ལུས་དང་སེམས་ལ་གདུང་བ་མེད་ཅིང་སིམ་པར་གྱུར་ནས། ཐམས་ཅད་སྙིང་རྗེའི་སེམས་སྐྱེས ་ཏེ། སངས་རྒྱས་ལ་བསྙེན་བཀུར་བྱས་པས་ཡི་དགས་ལས་རྣམ་པར་གྲོལ་ནས་ལྷ་དང་མིར་སྐྱེས་སོ།། དུད་འགྲོའི་སྐྱེ་གནས་སུ་གཏོགས་པའི་སེམས་ཅན་རྣམས་ནི། སངས་རྒྱས་ཀྱི་འོད་གཟེར་རོ ་མཐོང་བས་འདོད་ཆགས་དང་ཞེ་སྡང་གི་སེམས་ཞི་སྟེ། གཏི་མུག་གིས་ལྡོངས་པ་ཡང་སད་པར་གྱུར་ནས། ཐམས་ཅད་སངས་རྒྱས་ལ་དགའ་ཞིང་དད་པས་དུད་འགྲོ་ལས་རྣམ་པར་གྲོལ་ཏེ་ལྷ་དང་མིར ་སྐྱེས་སོ། ། སེམས་ཅན་དམྱལ་བའི་སེམས་ཅན་ལ་སངས་རྒྱས་ཀྱི་འོད་གཟེར་གྱིས་རེག་པས། གྲང་བ་ནི་དྲོ་བར་གྱུར། དྲོ་བ་ནི་གྲང་བར་གྱུར། སྡུག་བསྔལ་གྱིས་གདུངས་པ་ཡང་རྒྱུན་ཆད་པར་གྱུར་ཏེ། ་ལུས་དང་སེམས་རབ་ཏུ་དགའ་བས་སངས་རྒྱས་ལ་དད་པར་གྱུར་ཏེ། སེམས་ཅན་དམྱལ་བ་ལས་ཐར་ནས་ལྷ་དང་མིར་སྐྱེས་སོ།། དེའི་ཚེ་ན་རྒྱལ་པོ་ཀ་པི་ན་ཆེན་པོ་དང་། གསེར་སའི་རྒྱལ་ཕྲན་རྣམས ་ཀྱིས་རྫུ་འཕྲུལ་འདི་ལྟ་བུ་དག་མཐོང་བས། ཤིན་ཏུ་དད་པའི་སེམས་ཀྱིས་བབས་ཤིང་དད་པས་རྡུལ་དང་བྲལ། དྲི་མ་དང་བྲལ་ཏེ། ཆོས་ལ་ཆོས་ཀྱི་མིག་རྣམ་པར་དག་པར་གྱུར་ཏོ།། རྒྱལ་ཕྲན ་ཁྲི་བརྒྱད་སྟོང་རྣམས་ཀྱང་སེམས་ཚིམ་པར་གྱུར་ཏོ། ། དེ་མ་ཐག་ཏུ་སངས་རྒྱས་ཀྱི་རྫུ་འཕྲུལ་བསྡུས་ཏེ། ཕྱིར་ཡང་སངས་རྒྱས་ཀྱི་སྐུར་དགེ་སློང་གི་དགེ་འདུན་གྱིས་མདུན་དང་རྒྱབ་ཏུ་བསྐོར་ཏེ་བཞུགས་པར ་བསྟན་ཏོ། ། དེ་ནས་གསེར་སའི་རྒྱལ་པོ་དེ་ཡང་བཅོམ་ལྡན་འདས་ལ་རབ་ཏུ་འབྱུང་བར་གསོལ་བ་དང་། བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་པས། སྒྲ་དང་ཁ་སྤུ་རང་བྱི ་སྟེངུར་སྨྲིག་གྱོན་པའི་དགེ་སློང་དུ་གྱུར་ནས། ཆོས་ཡིད་ལ་བྱས་པས་ཟག་པ་ཟང་དེ་དགྲ་བཅོམ་པར་གྱུར་ཏོ།། དེ་ནས་ཀུན་དགའ་བོས། བཅོམ་ལྡན་འདས་ལ་གསོལ་པ། གསེར ་སའི་རྒྱལ་པོ་འདིས་སྔོན་བསོད་ནམས་ཅི་བགྱིས་ན། འདི་ལྟར་རིགས་ཆེ་ཞིང་མཐོ་ལ་ཡོན་ཏན་འཕགས་པར་ཆེ་ཞིང་། སངས་རྒྱས་བཅོམ་ལྡན་འདས་དང་ཕྲད་ནས་དེ་མ་ཐག་ཏུ་ཟག་པ་ཟད་པར་གྱུར། བཅོམ ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། སེམས་ཅན་དག་ནི་སྤྱོ་བཞིན་དུ་ལས་ཀྱི་འབྲས་བུ་རྣམ་པར་སྨིན་པར་གྱུར་ཏོ།། སྔོན་འདས་པའི་དུས་ན་སངས་རྒྱས་འོད་སྲུངས་འཇིག་རྟེན ་དུ་གཤེགས་ཏེ། སངས་རྒྱས་དེ་མྱ་ངན་ལས་འདས་ནས། ཁྱིམ་བདག་གཅིག་གིས་མཆོད་རྟེན་བརྩིགས་ཏེ་དགེ་འདུན་གྱི་གནས་ཁང་བྱས་ནས། འཚོ་བའི་ཡོ་བྱད་རྣམ་པ་བཞི་ཡང་སྦྱར་ཏེ། ཡུན ་རིང་པོ་ཞིག་ལོན་པ་དང་། མཆོད་རྟེན་དེ་ཡང་ཞིག། འཚོ་བའི་ཡོ་བྱད་ཁྲི་སྟན་དང་། གོས་དང་། ཁ་ཟས་ཀྱང་རྒྱུན་ཆད་པར་གྱུར་ཏོ།། དེ་ནས་ཁྱིམ་བདག་དེ་ལ་བུ་དགེ་སློང་ཞིག་ཡོད་པ་དེས་མི་མང ་པོ་ལ་ཆོས་བཤད་དེ། ཕྱིར་ཡང་མཆོད་རྟེན་གསོས་ནས། གོས་དང་། མལ་ཆ་དང་། བཟའ་བ་དང་། བཏུང་བ་དང་། ཁྲི་སྟན་ལ་སོགས་པ་འཚོ་བའི་ཡོ་བྱད་སྦྱར་ཏོ།། མི་དེ་དག་ཀྱང་སེམས ་ཡིད་མཐུན་པར་འཚོ་བའི་ཡོ་བྱད་སྦྱར་ཏེ། འདི་སྐད་དུ་སྨོན་ལམ་བཏབ་བོ།། བདག་ཅག་ཀྱང་མ་འོངས་པའི་དུས་སུ་བཙན་ཞིང་ཕྱུག་པ་དང་། ཚེ་རིང་བ་དང་། སངས་རྒྱས། ་འཇིག་རྟེན་དུ་གཤེགས་པ་དང་ཕྲད་དེ། ཆོས་ཐོས་ནས་འབྲས་བུ་ཡང་མ་ལུས་པར་ཐོབ་པར་གྱུར་ཅིག་ཅེས་སྨོན་ལམ་བཏབ་བོ།། ཀུན་དགའ་བོ་དེའི་ཚེ་དེའི་དུས་ན། ཁྱིམ་བདག་གི་བུ་དགེ་སློང་དེ་ནི་ཡུལ ་གསེར་སའི་རྒྱལ་པོ་ཀ་པི་ན་ཆེན་པོ་ཡིན་ནོ། ། དེས་ཆོས་བསྟན་ཏེ་མཆོད་རྟེན་གསོ་བ་དང་། འཚོ་བའི་ཡོ་བྱད་བསྟངས་པ་ནི་རྒྱལ་ཕྲན་ཁྲི་བརྒྱད་སྟོང་སྙེད་པོ་འདི་ཡིན་ནོ།། བཅོམ་ལྡན་འདས་ཀྱིས་དེ་སྐད་ཅེས ་བཀའ་སྩལ་ནས། འཁོར་མང་པོ་རྣམས་ཕྱིར་མི་ལྡོག་པའི་སེམས་བསྐྱེད་དེ་ཡི་རང་ནས་མངོན་པར་དགའ་འོ།། ཀ་པི་ན་ཆེན་པོའི་ལེའུ་སྟེ་ཉི་ཤུ་བཞི་པའོ།། །། དགེ་སློང ་མ་ཨུཏྤ་ལའི་ལེའུའོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། རྒྱལ་པོ ་གསལ་རྒྱལ་ནི་ནོངས། རྒྱལ་ཚབ་བཻ་ཌཱུཪྻ་རྒྱལ་སར་གཤེགས་ཏེ། རྒྱལ་པོའི་ནང་ན་ཆོས་བཞིན་རྒྱལ་པོ་བྱེད་པ་མ་ཡིན་པས། གླང་པོ་ཆེའི་རྨིག་པས་མི་བརྫིས་ཏེ་བསད་པ་ཡང་གྲངས་མེད་དོ།། ་དེའི་ཚེ་ན་རིགས་ཆེ་ཞིང་བཙུན་པའི་བུད་མེད་དག་ཅིག་དེ་ལྟ་བུ་དག་མཐོང་ནས། ཁྱིམ་ལ་མི་དགའ་བར་གྱུར་ཏེ། ཐམས་ཅད་རབ་ཏུ་བྱུང་ནས་དགེ་སློང་མར་གྱུར་ཏོ།། རབ་ཏུ་བྱུང་བ་དེ་དག་ལ་ལ་ནི་ཤཱཀྱ ་རིགས་ལ་ལ་ནི་རྒྱལ་རིགས་ཡིན་ཏེ། དཔེ་མེད་པར་མངའ་བྱང་ལེགས་པ་བལྟ་ན་སྡུག་པ། རིགས་ཆེ་བ་ལྔ་བརྒྱ་སྙེད་འདོད་པ་ཡོངས་སུ་སྤངས་ཏེ། རབ་ཏུ་བྱུང་བས་ཡུལ་མི་ཐམས་ཅད་ཀྱང་དེ ་ལ་དགའ་སྟེ་འཚོ་བ་སྦྱར་ཏོ། ། དགེ་སློང་མ་དེ་དག་གཅིག་ལ་གཅིག་འདི་སྐད་དུ། བདག་ཅག་ནི་རབ་ཏུ་བྱུང་ཡང་ཆོས་ཀྱི་བདུད་རྩིའི་རོ་མ་མྱོང་སྟེ། འདོད་ཆགས་དང་། ཞེ་སྡང་དང་། གཏི་མུག་ཞི ་བར་མ་བྱས་ན་མི་རུང་གིས། དྲུག་སྡེ་མ་བསྙེན་དགའ་མོའི་ཐད་དུ་ཆོས་ཉན་དུ་འདོང་ངོ་ཞེས་སྨྲས་ནས་དེ་གང་ན་བར་སོང་སྟེ་ཕྱིན་པ་དང་ཕྱག་འཚལ་ནས་འདི ་སྐད་དུ་བདག་ཅག་ནི་རབ་ཏུ་བྱུང་ཡང་ཆོས་ཀྱི་བདུད་རྩིའི་རོ་མ་མྱོང་ན། བདག་ཅག་ལ་བསྟན་དུ་གསོལ་ཞེས་སྨྲས་པ་དང་། དྲུག་སྔ་མས་བསམས་པ། བདག་གིས་འདི་དག་ཆོས་དང་ཚུལ་ཁྲིམས་ལས ་ཕྱིར་བཟློག་སྟེ། འདི་དག་གི་ཆོས་གོས་དང་ལྷུང་བཟེད་ཐོབ་པར་གྱུར་ན་རེ་ལེགས་སྙམ་ནས་འདི་སྐད་ཅེས་བསྒོའོ།། ཁྱེད་རྣམས་ནི་རིགས་ཆེ་ཞིང་མཐོ་བ་སྟེ། རིན་པོ་ཆེ་སྣ་བདུན་དང་། གླང་པོ ་ཚེ་དང་རྟ་དང་། བྲན་ཕོ་དང་། བྲན་མོ་དང་། ལས་བྱེད་པའི་མི་དང་། ཞིང་དང་། འཚོ་བའི་ཡོ་བྱད་ཀྱིས་མི་བྲེལ་ན། ཅིའི་ཕྱིར་དེ་དག་ཡོངས་སུ་སྤངས་ཏེ། དགེ་སློང་མར་ཞུགས་ནས ་འདི་ལྟར་ཉོན་མོངས་ཤིང་སྡུག་བསྔལ་དང་བསྔོས་ཏེ། སངས་རྒྱས་ཀྱི་བསླབ་པ་ལ་འཇུག་པར་བྱེད་ཉེས་ན་ཕྱིར་ཁྱིམ་དུ་སོང་སྟེ། ཁྱིམ་ཐབ་དང་། བུ་དང་། བུ་མོར་ལྡན་པར་ལྷན་ཅིག་ཏུ་ཡིད་བཞིན ་དུ་རྩེ་དགའ་ཞིང་ཚེ་འདི་ལ་ཡང་སྐྱིང་པ་མྱོང་བར་བྱས་ལ། སྦྱིན་པ་ཡང་ཡིད་བཞིན་དུ་བྱས་ན་ལེགས་སོ་ཞེས་བསྒོའོ།། དགེ་སློང་མ་རྣམས་དེ་སྐད་ཅེས་སྨྲས་པ་ཐོས་ནས་མ ་དགའ་སྟེ་ངུས་ནས་ཕྱིར་དོང་ངོ་། ། དེ་ནས་དགེ་སློང་མ་དེ་དག། དགེ་སློང་མ་ཨུཏྤ་ལའི་མདོག་གང་ན་འདུག་པར་སོང་ནས་དེར་ཕྱིན་པ་དང་། ཨུད་པ་ལའི་མདོག་ལ་ཕྱག་འཚལ་ཏེ། ཆོས་བཞིན་དུ ་བསྐྲུན་གསོལ་ནས་འདི་སྐད་ཅེས་སྨྲས་སོ། ། བདག་ཅག་ཁྱིམ་ན་མཆིས་པ་ན་ཁྱིམ་གྱི་ལས་ཀྱིས་བསླུས། ད་རབ་ཏུ་བྱུང་ན་ཡང་འདོད་པའི་དབང་དུ་གྱུར་ནས། ཉོན་མོངས་པ་ལས་ཐར་པར་མི ་ནུས་ན་བདག་ཅག་ལ་ཐུགས་བརྩེ་བའི་སླད་དུ་དམ་པའི་ཆོས་བསྟན་དུ་གསོལ། ཨུཏྤ་ལས་སྨྲས་པ། ཁྱེད་ཅི་དང་ཅི་འདོད་པ་འདས་པ་འམ། མ་འོངས་པའམ། ད་ལྟར་གྱི་དངོས་པོ་གང ་ཡང་རུང་བ་དྲིས་ཤིག་དང་ངས་བསྟན་པར་བྱའོ། ། དགེ་སློང་མ་རྣམས་ཀྱིས་འདས་པ་དང་། མ་འོངས་པ་རེ་ཞིག་ཞོག་ལ་ད་ལྟར་གྱི་བསྟན་ཏེ། བདག་ཅག་གི་ཐེ་ཚོམ་དགྲོལ་དུ་གསོལ། ཨུད་པ ་ལས་སྨྲས་པ། འདོད་ཆགས་ནི་མེ་དང་འདྲ་སྟེ་རི་ལུང་འཚིག་པར་བྱེད་དོ།། རྩཝ་འཁྲི་འཁྲི་དང་འདྲ་སྟེ་མཆེད་པར་འགྱུར་རོ།། འདོད་ཆགས་ཀྱི་དབང་གིས་གཅིག་ལ་གཅིག་འཚེ་ཞིང་གནོད་པར་བྱེད་དེ།། ་དེ་ལ་ཡུན་རིངས་ན་ངན་སོང་གསུམ་དུ་ལྷུང་སྟེ་ཐར་པའི་དུས་མེད་དོ།། ཁྱིམ་ན་གནས་པ་ནི་སྡུག་པ་ལ་ཆགས་ཏེ། འདོད་པ་དང་། བྱེ་བྲལ་བ་དང་། སྐྱེ་བ་དང་། རྒ་བ་དང་། ན་བ་དང་། འཆི ་བ་དང་རྒྱལ་པོའི་ཁྲིམས་ཀྱིས་གཙེ་བའི་སྡུག་བསྔལ་རྒྱུན་མི་འཆད་པར་མྱོང་སྟེ། ཚེ་འཕོས་ནས་ཕྱིར་ཡང་སོས་པ་ཙམ་དུ་ལུས་དང་སེམས་གདུངས་ཏེ། ཁྱིམ་གྱིས་གླགས་ཤིང་བཅིངས་པ་ནི ་བཙོན་ར་བས་ཀྱང་དམ་མོ། ། བདག་ཀྱང་ཀུན་ཏུ་རྒྱུ་བའི་རིགས་སུ་སྐྱེས་ཏེ། ཁོ་མོའི་ཕ་མ་ཡང་རིགས་ཆེ་ཞིང་བཙུན་པས་ཁོ་མོ་ཡང་ཀུན་ཏུ་རྒྱུ་རིགས་ཆེ་བ། མང་དུ་ཐོས་པ་མཁས་པ་རིག་བྱེད ་དང་ལྡན་པ་ཞིག་ལ་བག་མར་བཏང་ནས། དེའི་ཆུང་མ་བྱེད་དེ། དེའི་བུ་ཡང་ཡོད་པར་གྱུར་ཏོ།། ཕྱིས་གྱོས་སྒྱུག་ཚེ་འཕོས་པའི་འོག་ཏུ་ཁོ་མོ་ལ་སེམས་ཅན་ཡོད་པར་གྱུར་ནས། ཁྱིམ་ཐབ་ལ ་འདི་སྐད་ཅེས་བྱས་སོ། ། ཁོ་མོ་ལ་སེམས་ཅན་ཡོད་དེ་ཟླ་བ་ཡང་ཚང་དུ་ཉེ། གལ་ཏེ་འདིར་བུ་བཙས་ན་བཙོག་ཅིང་མི་བཏུབ་ཀྱིས། ཁོ་མོའི་ཕ་མའི་ཁྱིམ་དུ་བཙར་འགྲོའོ་ཞེས་བྱས་ན། ཁོ་མོ་ལ ་ལེགས་སོ་ཞེས་ཟེར་ཏེ། ཁྱོ་ཤུག་གཉིས་འགྲོགས་ནས་བུ་ཞིག་ཀྱང་ཁྲིད་དེ། ཕ་མ་འདོད་པར་སོང་བ་ལས། ལམ་ཕྱེད་ཙམ་དུ་ཕྱིན་པ་དང་། མངལ་མི་བདེ་བར་གྱུར་ནས། ཤིང ་གཅིག་གི་དྲུང་དུ་ནམ་ཕྱེད་ཙམ་ན་བུ་བཙས་སོ། ། ཁོ་མོའི་ཁྱིམ་ཐབ་ཀྱང་ལོགས་ཤིག་ན་ཉལ་བ་ལས་མཚན་མོ་སྦྲུལ་གྱིས་ཟིན་ཏོ།། མཚན་མོ་བོས་ན་ཅང་མི་གྲག་ནས་ནམ་ལངས་ཏེ་བལྟས་ན། ་ཁྱིམ་ཐབ་ཀྱང་སྦྲུལ་གདུག་པས་ཟིན་པས་ཚེ་འཕོས་ཏེ་ལུས་ཀྱང་ཞིག་པར་གྱུར་ཏོ།། དེའི་ཚེ་ན་ཁོ་མོ་འཁམས་ཏེ་ས་ལ་འགྱེལ་པ་དང་། བུ་ཆེན་པོ་ཡང་ཕ་སྦྲུལ་གྱིས་བསད་པ་མཐོང་ནས་སྐད ་ཕྱུང་སྟེ་ངུས་པས། བུ་ངུས་པའི་སྐད་ཀྱིས་ཁོ་མོ་ཡང་ཕྱིར་སངས་ནས། བུ་ཆེན་པོ་ནི་ཁུར་དུ་ཐོགས། བུ་ཆུང་ནི་པང་བར་ཁྱེར་ཏེ་ངུ་ཞིང་སོང་སོང་བ་ལས་ལམ་ཡང ་དབེན་པ་ཞིག་སྟེ། མི་བགའ་ཡང་མི་འགྲུལ་པས་གྲོགས་ཀྱང་མ་རྙེད་དོ།། བར་ན་ཆུ་ཆེན་པོ་གཅིག་ཡོད་དེ། ཆུའི་ཁ་ཚོན་ཡང་ཆེ་ལ་ཟབ་པས། བུ་གཉིས་ཀ་མ་ཐེག་ནས། བུ་ཆེན་པོ་ནི། ་ཆུའི་ཚུ་རོལ་ཏུ་བཞག། བུ་ཆུང་ངུ་ཁྱེར་ཏེ་ཕ་རོལ་ཏུ་བསྐྱལ་ནས། ཕྱིར་ཆེན་པོ་བསུར་འོངས་པ་དང་། བུ་ཡང་མ་འོང་བ་མཐོང་ནས། ཆུའི་ནང་དུ་ཞུགས་ཏེ་ཆུས་ཁྱེར་བ་ལས་ཁེ་མོས་བསྙེགས ་ནསྟོབས་ཆུང་བས་མ་ཟིན་ཏེ་ཆུས་ཁྱེར་རོ། ། དེ་ནས་ཕྱིར་ཕ་རོལ་ཏུ་ཕྱིན་ཙམ་ན། བུ་ཆུང་ངུ་ཡང་སྤྱང་ཀིས་ཟོས་ཏེ། ཁྲག་ཅུང་ཟད་ཙམ་ས་ལ་སྣང་ངོ་།། དེར་ཡང་འཁམས་ནས་རིང་ཞིག ་ལོན་ཏེ་ཕྱིར་སངས་པ་དང་། ལམ་དུ་ཞུགས་ཏེ་སོང་སོང་བ་ལས། ཀུན་ཏུ་རྒྱུ་ཁོ་མོའི་ཕ་དང་ཉེ་ཞིང་བཤེས་པ་ཞིག་དང་ཕྲད་ནས། ཀུན་ཏུ་རྒྱུ་དེས་ཁྱོད་ཅི་ཉེས་ན་འདི་ལྟར་ཉོན་མོངས་པར་གྱུར ་ཅེས་དྲིས་ན། ཁོ་མོས་ཀྱང་ཇི་ལྟར་གྱུར་པ་རྒྱས་པར་གཏམ་བྱས་པ་དང་། ཀུན་ཏུ་རྒྱུ་དེ་ཡང་ངུས་ནས། ཁོ་མོས་ཕ་མའི་གཏམ་དྲིས་ན། ཁྱེད་ཀྱི་ཁྱིམ་དུ་དེ་བར་མེ་ཤོར་ནས་ཕ་མ་དང ་ཁྱིམ་གང་གི་མི་ཐམས་ཅད་མེས་འཚིག་གོ་ཞེས་ཟེར་རོ། ། དེ་སྐད་ཅེས་སྨྲས་པ་ཐོས་ནས། ཁོ་མོ་འཁམས་ཏེ་ས་ལ་འགྱེལ་ཏོ།། དེ་ནས་ཀུན་ཏུ་རྒྱུ་དེས་བསླང་སྟེ། ཁྱིམ་དུ་ཁྲིད་ནས་ཁོ་མོ་ལ ་བུ་བཞིན་དུ་བྱམས་ཤིང་འདུག་པ་ལས། ཡང་ཀུན་ཏུ་རྒྱུ་གཅིག་གིས་ཆུང་མར་བླངས་ཏེ་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་པ་ལས། སེམས་ཅན་དང་ལྡན་པར་གྱུར་ཏེ། ཟླ་བ་ཚང་ནས ་བུ་འབྱུང་དུ་ཉེ་བ་ན། ཁྱིམ་ཐབ་གཞན་གྱི་ཁྱིམ་དུ་ཆང་ལ་བོས་ནས། དེའི་འོག་ཏུ་བདག་བུ་བཙས་ཏེ་སྒོ་དམ་དུ་བཅད་ནས་བུ་འཆིར་བ་ལས། ཁྱིམ་ཐབ་ཆང་གིས་མྱོས་ཏེ་སྒོ་བརྡུངས་པ་དང་། ་སྒོ་འབྱེད་པ་མེད་པས་ཁྲོས་ཏེ་སྒོ་བཅག་ནས་ནང་དུ་འོངས་པ་དང་། ཁོ་མོ་ཡང་བརྡེགས། བདག་གིས་བུ་བཙས་སོ་ཞེས་བྱས་ན། བུ་ཡང་བསད་དེ་མར་གྱི་ནང་དུ་བརྡོས་ནས། ཁོ་མོ་ཡང་ཟར ་བཅུག་གོ། བུའི་ཤ་ཟ་མ་ཕོད་དེ་མ་ཟོས་པས། ཡང་བརྡེགས་ནས་ནན་གྱིས་ཟར་བཅུག་གོ།། ཟོས་པའི་འོག་ཏུ་ཁྱིམ་ཐབ་ཀྱང་སངས་ནས། བདག་བསོད་ནམས་མེད་ཅིང་ལས་ངན་ནོ་སྙམ ་བསམས་ནས། ཁྱིམ་ཐབ་དོར་ཏེ་ཡུལ་བཱ་རཱ་ནཱ་སེར་བྲོས་སོ།། ཡུལ་བཱ་རཱ་ནཱ་སེའི་ཕྱི་རོལ་ན་ཤིང་ཞིག་གི་དྲུང་ན་འདུག་པ་ལས། གྲོང་དེའི་ཁྱིམ་ཐབ་གཞོན་ནུ་ཞིག་གསར་དུ་ཆུང་མ་ཚེ ་འཕོས་ནས། གྲོང་ཁྱེར་དེའི་ཕྱི་རོལ་ཏུ་ཆུང་མའི་རུས་བུ་སྦས་ནས། ཁྱིམ་བདག་དེ་ཆུང་མ་དེ་ལ་ཆགས་པས། རུས་བུའི་དྲུང་ན་ངུ་ཞིང་འདུག་པ་ལས། བདག་གི་དྲུང་དུ་འོངས་ཏེ། ཁོ་མོ ་ལ་ཁྱོད་གཅིག་པུ་ཅི་བྱེད་ཅེས་དྲིས་སོ། ། ཁོ་མོས་ཀྱང་དེ་བཞིན་དུ་གཏམ་བྱས་པ་ལས། ཁྱིམ་བདག་དེས་སྐྱེད་མོས་ཚལ་དུ་ཁྲིད་དེ། ཁོ་མོ་ལ་ཆུང་མ་བྱའོ་ཞེས་སྨྲས་ནས། ཁོ་མོས་ཀྱང་དེ ་བཞིན་དུ་རུང་ངོ་ཞེས་སྨྲས་སོ། ། ཁྱོ་ཤུག་ཏུ་འདུས་ནས་རིང་པོ་མ་ལོན་པར་ཁྱིམ་བདག་ནད་ཀྱིས་བཏབ་སྟེ་ཚེ་འཕོས་ནས། དེའི་ཚེ་ན་ཡུལ་ཆོས་ཀྱིས་གསོན་པའི་ཚེ། ་ཁྱོ་ཤུག་མངའ་བ་རྣམས་ཁྱི་ཚ་འཕོས་ན། ཆུང་མ་ཡང་གསོན་པོར་དང་ལྷན་ཅིག་ཏུ་དུར་དུ་འདུག་གོ།། ཁོ་མོ་ཡང་དེ་ལྟར་དུར་དུ་བཅུག་ནས། ནུབ་མདུར་རྒན་འོངས་ཏེ་དུར་བུས་པ་དང་། ་རྐུན་གྱི་དཔོན་པོས་ཁོ་མོ་བཟང་བར་མཐོང་བས། དེས་ཀྱང་ཆུང་མར་བྱས་སོ།། རིང་པོ་མ་ལོན་པར་བརྐུར་སོང་བ་ལས། རྒྱལ་པོས་བསད་ནས་རྐུན་ཟླ་རྣམས་ཀྱིས་རུས་བུ་བཀུར་བཀུར་ཏེ ་ཁོ་མོ་དང་ལྷན་ཅིག་ཡང་དུར་དུ་བཅུག་གོ། དུར་ན་ཞག་གསུམ་འདུག་འདུག་པ་ལས་སྤྱང་ཀིས་དུར་བྲུས་ནས། ཁོ་མོ་ཡང་དུར་ནས་བྱུང་སྟེ་འདི་སྙམ་དུ་བསམས་སོ།། ཁོ་མོས་སྔོན་སྡིག་པ་ཅི ་ཞིག་བྱས་ན། འདི་འདྲ་བར་ལན་དུ་མ་ཤི་བ་ལས་ཕྱིར་སོས་པར་གྱུར། སྔོན་ཐོས་ན་ཤཱཀྱའི་རིགས་ཀྱི་སྲས་ཤིག་མངོན་པར་བྱང་ཆུབ་ནས། མཚན་ཡང་སངས་རྒྱས་ཞེས་བྱ་སྟེ། འདས ་པ་དང་མ་འོངས་པ་ཀུན་མཁྱེན་ནོ་ཞེས་གྲགས་ན། ད་ནི་དེ་ལ་སྐྱབས་སུ་འགྲོའོ་སྙམ་བསམས་ནས། རྒྱལ་བུ་རྒྱལ་ཕྱེད་ཀྱི་ཚལ་གང་ན་བར་ལོགས་སུ་སོང་བ་དང་། རྒྱང་མ་ནས་དེ་བཞིན ་གཤེགས་པ་མེ་ཏོག་གི་སྡོང་པོ་རྒྱས་པ་ལྟ་བུ་འམ། སྐར་མའི་ནང་ན་ཟླ་བ་ལྟ་བུར་མཐོང་ངོ་།། དེའི་ཚེ་ན་བཅོམ་ལྡན་འདས་ཀྱིས་ཀྱང་ཐོགས་པ་མེད་པའི་ཡེ་ཤེས་ཀྱིས་བདག་གདུལ་བའི ་དུས་ལ་བབ་པར་མཁྱེན་ནས་བཞེངས་ཏེ་ཁོ་མོ་བསུའོ། ། ཁོ་མོ་སྒྲེན་མོར་འདུག་པ་ངོ་ཚ་སྟེ། ལག་པས་ནུ་མ་བཀབ་ནས་ས་ལ་འདུག་གོ། དེ་ནས་བཅོམ་ལྡན་འདས་ཀྱིས་ཀུན་དགའ ་བོ་ལ་བཀའ་སྩལ་པ། བུད་མེད་འདི་ལ་གོས་སྐོན་ཞིག་ཅེས་བཀའ་སྩལ་པ་དང་། ཁོ་མོས་གོས་གྱོན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བདག་ལ ་ཐུགས་བརྩེ་བར་དགོངས་ནས། བདག་རབ་ཏུ་འབྱུང་བར་གནོང་ཞིག་ཅེས་གསོལ་པ་དང་། བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་ཏེ། བུད་མེད་འདི་སྐྱེ་དགུའི་བདག ་མོ་ལ་གཏོད་དེ། རབ་ཏུ་ཕྱུང་ཞིག་ཅེས་བཀའ་སྩལ་ཏོ།། དེ་ནས་སྐྱེ་དགུའི་བདག་མོས་ཁོ་མོ་རབ་ཏུ་ཕྱུང་ནས། ཁོ་མོ་ལ་བདེན་པ་བཞི་པོའི་ཆོས་བསྟན་ནས། ཁོ་མོས་ཐོས་མ་ཐག་ཏུ ་བརྩོན་འགྲུས་སུ་ནན་ཏན་བྱས་པས་དགྲ་བཅོམ་པ་ཐོབ་སྟེ། འདས་པ་དང་། མ་འོངས་པ་དང་། ད་ལྟར་གྱི་བྱ་བ་ཀུན་རྟོགས་པར་གྱུར་ཏོ།། དགེ་སློང་མ་རྣམས་ཀྱིས་ཡང ་སྨྲས་པ། སྔོན་ལས་ཅི་བགྱིས་ན་དེ་ལྟ་བུའི་རྣམ་པར་སྨིན་པ་མྱོང་བ་སྟོན་ཅིག་ཅེས་སྨྲས་པ་དང་། དགེ་སློང་མ་ཨུད་པ་ལས་ཁྱེད་རྟག་པར་ཉོན་ཅིག། ཁྱེད་ལ་བསྟན་ཏོ་ཞེས་སྨྲས་སོ།། སྔོན ་འདས་པའི་དུས་ཡུན་རིང་པོ་ཞིག་ན། ཁྱིམ་བདག་ཤིན་ཏུ་ཕྱུག་པ་ཞིག་ལ་བུ་མེད་པ་ལས་ཆུན་མ་ཞིག་བླངས་ཏེ། ཆུན་མ་དེ་ལ་ཤིན་ཏུ་བྱམས་པས། རིང་པོ་མ་ལོན་པར་ཆུན་མ་དེ་སེམས ་ཅན་དང་ལྡན་པར་གྱུར་ཏོ། ། ཟླ་བ་ཚང་ནས་བུ་ཁྱེའུ་ཞིག་བཙས་ཏེ། ཁྱོ་ཤུག་གཉིས་དེ་ལ་བྱམས་ཤིང་སྡུག་པར་འཛིན་ཏོ།། དེ་ནས་ཆུང་མ་ཆེན་མས་འདི་སྙམ་དུ ་བསམས་སོ། ། ཁོ་མོ་ནི་རིགས་ཆེ་ཞིང་བཙུན་མོད་ཀྱི། བུ་མེད་པས་རིགས་འཚོབ་པ་མེད་དོ།། གལ་ཏེ་ཁྱེའུ་འདི་ཆེར་སྐྱེས་ན་རིགས་འཚོབ་ཅིང་ནོར་དང་ལོངས་སྤྱོད་ཀྱི་བདག་པོར་འགྱུར་ཏེ་བདག ་ལ་མི་སྟེར་ཅིང་། བདག་སྡུག་པར་འགྱུར་རོ་སྙམ་ཕྲག་དོག་སྐྱེས་ཏེ་བསད་པར་བསམས་ནས། བུ་ཁྱེའུའི་འཚོགས་མར་ཁབ་ཀྱིས་བཙུགས་ཏེ་རྨ་ཡང་མི་སྣང་བར་བྱས་སོ།། ཁྱེའུ་ཡང་རིང ་པོར་མ་ལོན་པར་ཚེ་འདས་པ་དང་། ཆུན་མ་འཁམས་ནས་ཆེན་མ་ལ། ཁྱོད་ཀྱིས་ངའི་བུ་བསད་དོ་ཞེས་བརྒལ་ཏོ།། ཆེན་མས་བསྙོན་ནས་འདི་སྐད་ཅེས་མནའ་བོར་རོ།། ཁོ་མོས ་ཁྱོད་ཀྱི་བུ་བསད་པར་གྱུར་ན། ཁོ་མོ་སྐྱེ་བ་ཐམས་ཅད་དུ་ཁོ་མོའི་ཁྱོ་སྦྲུལ་གདུག་པས་བསད་པར་ཤོག་ཅིག། བུ་ཞིག་ཡོད་ན་ཡང་ཆུས་ཁྱེར་བ་དང་། སྤྱང་ཀིས་ཟ་བར་ཤོག་ཅིག། ཁོ་མོའི ་ལུས་ཀྱང་གསོན་པོར་དུར་དུ་བཅུག་ཅིང་བུའི་ཤ་ཟ་བར་ཤོག་ཅིག། ཕ་མའི་ཁྱིམ་དུ་མེ་ཤོར་ཏེ་ཐམས་ཅད་འཚིག་པར་ཤོག་ཅིག་ཅེས་སྨྲས་སོ།། དེའི་ཚེ་ན་དེ་སྐད་ཅེས་མནའ་བོར་བའི་ཆེན ་མ་དེ་ནི་ཁོ་མོ་ཡིན་ཏེ། དེ་དག་ཐམས་ཅད་ལུས་ཀྱིས་མྱོང་བར་གྱུར་ཏོ།། དགེ་སློང་མ་དེ་དག་གིས་ཡང་སྨྲས་པ། བསོད་ནམས་ཅི་ཞིག་བྱས་ན། སངས་རྒྱས་མཐོང ་ཞིང་སངས་རྒྱས་ཀྱིས་བསུ་ནས་རབ་ཏུ་བྱུང་སྟེ། འཁོར་བའི་མཐར་ཕྱིན་པར་གྱུར། ཨུད་པ་ལས་སྤྲས་པ། སྔོན་བཱ་རཱ་ནཱ་ས་འདིར་རི་དྲང་སྲོང་ལྷགས་ཞེས་བྱ་བ་ན་རང་སངས་རྒྱས་དང་། ་ཉན་ཐོས་དང་། མུ་སྟེགས་ཅན་མངོན་པར་ཤེས་པ་ལྔ་དང་ལྡན་པ་མང་དུ་གནས་སོ།། དེའི་ཚེ་ན་རང་སངས་རྒྱས་དག་ཅིག་བསོད་སྙོམས་ལ་གྲོང་དུ་གཤེགས་པ་དང་། ཁྱིམ་བདག་གི་ཆུང་མ་ཞིག་གིས ་མཐོང་ནས་རབ་ཏུ་དགའ་སྟེ། བསོད་སྙོམས་ཕུལ་ནས་མཆོད་པ་བྱས་སོ།། དེ་ནས་རང་སངས་རྒྱས་དེ་ནམ་མཁའ་ལ་འཕགས་ཏེ། ལུས་ལ་མེ་འབར་བ་དང་། ཆུ་འབབ་པ་དང་། འགྲོ ་བ་དང་ཉལ་བ་དང་། འདུག་པའི་རྫུ་འཕྲུལ་བསྟན་ནས། ཁྱིམ་བདག་གི་ཆུང་མ་དེས། ཁོ་མོ་ཡང་མ་འོངས་པའི་དུས་སུ་འདི་འདྲ་བ་ཐོབ་པར་གྱུར་ཅིག་ཅེས་སྨོན་ལམ་བཏབ་བོ།། ་དེའི་ཚེ་ན་སྨོན་ལམ་བཏབ་པའི་ཁྱིམ་བདག་གི་ཆུང་མ་དེ་ནི་ཁོ་མོ་ཡིན་ནོ།། དེའི་ཕྱིར་དེ་བཞིན་གཤེགས་པ་དང་ཕྲད་ནས་སེམས་རྣམ་པར་གྲོལ་ཏེ་དགྲ་བཅོམ་པ་ཐོབ་བོ།། འདི་ལྟར་དགྲ་བཅོམ་པ ་ཐོབ་མོད་ཀྱི། ལྕགས་ཚ་བའི་ཐུར་མ་སྤྱི་བོ་ནས་ཟུག་ནས་རྐང་མཐིལ་དུ་བྱུང་སྟེ། རྟག་ཏུ་འདི་ལྟ་བུའི་གནོད་པ་མྱོང་ངོ་།། དེའི་ཚེ་ན་རིགས་ཆེ་ཞིང་མཐོ་བའི་དགེ་སློང་མ་ལྔ་བརྒྱ་སྙེད་ཀྱིས་དེ་སྐད་ཅེས ་སྤྲས་པ་ཐོས་ནས། ལུས་དང་སེམས་སྐྱེ་གཡའ་སྟེ། འདོད་པ་ལ་མེ་མ་མུར་གྱི་ཕུང་པོ་ལྟར་རྟོགས་ནས། འདོད་ཆགས་ཀྱི་སེམས་ཡོངས་སུ་ཟད་དེ། ཁྱིམ་གྱི་སྡུག་བསྔལ་ལ་བཙོན་ར་བས ་ཀྱང་ལྷག་པར་རྟོགས་ཏེ། དྲི་མ་ཀུན་ཟད་ནས་དུས་གཅིག་ཏུ་ཏིང་ངེ་འཛིན་ལ་ཞུགས་ཏེ་དགྲ་བཅོམ་པར་གྱུར་ཏོ།། དགེ་སློང་མ་དེ་དག་གིས་ཚིག་མཐུན་པར། དགེ་སློང ་མ་ཨུད་པ་ལ་ལ་བདག་ཅག་ནི་འདོད་ཆགས་ཀྱིས་ཀུན་ནས་བཅིངས་ཤིང་གླགས་པ་ལས། ཁྱོད་ཀྱིས་ཆོས་བསྟན་པས་འཁོར་བའི་མཐར་ཕྱིན་པར་གྱུར་ཏོ་ཞེས་སྨྲས་སོ།། དེ་ནས་བཅོམ་ལྡན་འདས ་ཀྱིས་དགེ་སློང་མ་ཨུད་པ་ལས་ནི་ལེགས་པར་བསྟན་ཏོ། ། གང་ཆོས་སྟོན་པ་ནི་གཅིག་གིས་གཅིག་བསྟན་ཏེ་འབྲས་བུ་ཐོབ་ན། སངས་རྒྱས་ཀྱི་སྲས་ཡང་དག་པ་ཞེས་བསྔགས་སོ།། དེ་སྐད ་ཅེས་གསུངས་པ་ལ་འཁོར་མང་པོ་རྗེས་སུ་ཡི་རང་ནས་མངོན་པར་དགའ་འོ། ། དགེ་སློང་མ་ཨུད་པ་ལའི་ལེའུ་སྟེ་ཉི་ཤུ་ལྔ་པའོ།། །། ཤུ་དོ་ལ་གར་ནེའི་ལེའུའོ།། ་འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་ཀ་ལན་ད་ཀ་གནས་པ་འོད་མའི་ཚལ་ན་བཞུགས་སོ།། དེའི་ཚེ་ཚེ་དང་ལྡན་པ་ཀུན་དགའ་བོ་འདུག་པ་ལས་ལངས ་ནས་གོས་ཚགས་བཅོས་ཏེ་པུས་མོ་ས་ལ་བཙུགས་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀོའུ་དི་ནྱ་ལ་སོགས་པ་དགེ་སློང་རྟེན་ལྔ་པོ་འདི་ཅིའི་རྒྱུ་ཅིའི་རྐྱེན་གྱིས ་བཅོམ་ལྡན་འདས་ཀྱིས་འཇིག་རྟེན་དུ་ཆོས་ཀྱི་འཁོར་ལོ་བསྐོར་མ་ཐག་ཏུ་ཆོས་ཀྱི་བདུད་རྩི་སྔར་མྱོང་བ་བསྟན་དུ་གསོལ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། དགེ་སློང ་ལྔ་པོ་འདི་དག་སྔོན་ཡང་ངའི་ཤ་སྔར་ཟོས་ཏེ་བདེ་བར་གྱུར་པས་འདིར་ཡང་ཆོས་ཀྱི་རོ་ཐོག་མར་མྱོང་སྟེ། རྣམ་པར་གྲོལ་བར་གྱུར་ཏོ།། ཀུན་དགའ་བོས་ཡང་། བཅོམ་ལྡན་འདས ་ལ་གསོལ་པ། དགེ་སློང་འདི་ལྔས་སྔོན་ཅི་བགྱིས་པ་བསྟན་དུ་གསོལ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། སྔོན་འདས་པའི་བསྐལ་པ་ཚད་མེད། གྲངས་མེད། ་བསམ་གྱིས་མི་ཁྱབ་པ་འདས་པའི་སྔ་རོལ་ན་འཛམ་བུའི་གླིང་འདིརའི་རྒྱལ་པོ་ཤུ་དོ་ལ་ག་ར་ནེ་ཞེས་བྱ་བ་བྱུང་སྟེ། འཛམ་བུའི་གླིང་གི་རྒྱལ་ཕྲན་བརྒྱད་ཁྲི་བཞི་སྟོང་སྙེད་ལ་དབང་བྱེད་དོ།། དེའི་ཚེ་ན ་ཡུལ་དེར་ལོ་བཅུ་གཉིས་ཀྱི་བར་དུ་ཆར་མི་འབབ་བོ་ཞེས་ལྟས་མཁན་གྱིས་ལུང་བསྟན་ནས། རྒྱལ་པོས་དེ་སྐད་ཅེས་ཐོས་པ་དང་། རབ་ཏུ་མྱ་ངན་གྱིས་ཡི་མུག་པར་གྱུར་ཏེ། འདི་ལྟར་མུ་གེ ་ཆེན་པོ་བྱུང་ན། མི་མང་པོ་འདི་དག་ལ་ལོ་དེ་སྙེད་ཀྱི་ཁ་ཟས་ཇི་ལྟར་རྙེད་སྙམ་ནས། རྒྱལ་ཕྲན་དང་བློན་པོ་ཀུན་བསྡུས་ཏེ་བགྲོས་ན། བང་བ་ན་འབྲུ་ཇི་སྙེད་ཡོད་པ་དང་། ད་ལྟར་མི་ཇི་སྙེད་ཡོད ་པབརྩིས་སུ་སྦྱར་ན། ལོ་བཅུ་གཉིས་ཀྱི་བར་དུ་མི་རེ་པུ་ལ་རེའི་ཐད་དུ་བརྩིས་ན་ཡང་། ལོ་བཅུ་གཉིས་མི་ཐུབ་བོ་ཞེས་དྲིལ་བསྒྲགས་སོ།། དེ་ནས་ཕྱི་ཕྱིར་ཡང་མུ་གེ་ཆེ་བར་གྱུར་ཏེ། ཚེ་འཕོས ་པ་ཡང་མང་ནས། རྒྱལ་པོ་དེས་ཇི་ལྟར་བྱས་ན། མི་མང་པོ་འཚོ་བར་འགྱུར་སྙམ་བསམས་ཏེ། བཙུན་མོ་དང་ཕོ་བྲང་སླས་སུ་བཅས་ཏེ། སྐྱེད་མོས་ཚལ་དུ་འཆག་ཏུ་སོང་བ་ལས་བསྟི་བའི ་གནས་ཤིག་ཏུ་ཕྱིན་ནས། བཙུན་མོ་དང་མི་མང་པོ་ཀུན་གཉིད་ཀྱིས་ལོག་པའི་འོག་ཏུ་ཉལ་བ་ལས་ལངས་ནས། ཕྱོགས་བཞིར་ཕྱག་འཚལ་ཏེ། འདི་ལྟ་བུའི་ཡི་དམ ་བཅས་སོ། ། ཡུལ་འདིར་མུ་གེ་བྱུང་བས་ཐམས་ཅད་བཟའ་བ་མེད་པར་གྱུར་ཏེ། ལྟོགས་ཀྱིས་བདག་གི་ལུས་འདི་བཏང་སྟེ། ཚེ་འཕོས་པའི་འོག་ཏུ་ཉ་ཆེན་པོ་ཞིག་ཏུ་སྐྱེས་ནས། ཐམས་ཅད ་བདག་གི་ཤ་ལ་ཟ་ཞིང་ཀུན་འགྲངས་པར་ཤོག་ཅིག་ཅེས་སྨོན་ལམ་བཏབ་ནས། ཤིང་ཞིག་ལ་འཛེགས་ཏེ། ཤིང་ཁ་ནས་ལུས་གཡང་དུ་བཏང་ངོ་།། དེར་ཚེ་འཕོས་ནས་ཆུ་ཆེན་པོར་བརྫུས་ཏེ་སྐྱེས ་པའི་ཉ་ཆེན་པོ་དཔག་ཚད་ལྔ་བརྒྱ་པ་ཞིག་ཏུ་གྱུར་ཏོ། ། དེའི་ཚེ་ཡུལ་དེ་ན་ཤིང་མཁན་མི་ལྔ་ཞིག་ཆུ་འགྲམ་དུ་ཤིང་ཐུར་དོང་བ་ལས་ཉ་ཆེན་པོ་དེ་མཐོང་ནས། ཉ་དེས་མིའི་སྐད་དུ་འདི་སྐད་ཅེས་སྨྲས་སོ།། ་ཁྱེད་བཀྲེས་ན་ངའི་ཤ་ལ་ཆོད་དེ་ཅི་འདོད་པ་ཟོ་ཞིག། འགྲངས་ནས་ཀྱང་ཅི་ཐེག་པ་ཁྱིམ་དུ་ཁྱེར་ཅིག། ཁྱེད་ཀྱིས་སྔར་ངའི་ཤ་ཟོས་ཏེ་འགྲངས་པས་ན། ཕྱིར་མངོན་པར་སངས་རྒྱས་ནས་ཀྱང་ཐོག་མར ་ཁྱེད་ཆོས་ཀྱི་ཟས་མྱོང་བར་བྱའོ། ། ཡུལ་མི་དག་ལ་གང་བཀྲེས་པ་ཐམས་ཅད་ཀྱིས་ཀྱང་ཅི་དགའ་བར་ངའི་ཤ་ལ་ལོང་ཞིག་ཅེས་སྒོ་ཞིག། དེའི་ཚེ་མི་ལྔ་པོས་ཤ་བཅད་དེ་ཟོས་ནས་ཡུལ་མི་སྦྲན་ཏེ། ་དེ་ནས་གཅིག་གིས་གཅིག་སྦྲན་པས་འཛམ་བུའི་གླིང་གི་མི་ཐམས་ཅད་འདུས་ཏེ། དེའི་ཤ་ལ་བཅད་ཅིང་ཟོས་སོ།། རྩིབ་ལོགས་གཅིག་ཟངད་ཙམ་ན། རྩིབ་ལོགས་ངོས་གཅིག་རང་བསྒྱུར་ཏེ། ་སྟེང་མ་ཟད་ན་འོག་མ་ཡང་དེ་བཞིན་དུ་སྐྱེའོ།། དེ་བཞིན་དུ་སྟེང་འོག་བསྒྱུར་ཞིང་ལོ་བཅུ་གཉིས་ཀྱི་བར་དུ་ཐམས་ཅད་ཀྱིས་ཤ་བཅད་ཅིང་ཟོས་ནས། ཐམས་ཅད་དེ་ལ་སྙིང་རྗེ་བའི་སེམས་སྐྱེས་པས ་དེའི་ཤ་ཟོས་པ་དེ་དག་ཐམས་ཅད་ཆེའི་དུས་བྱས་པ་ཡང་མཐོ་རིས་ཀྱི་ལྷར་སྐྱེས་སོ། ། ཀུན་དགའ་བོ་དེའི་ཚེ་དེའི་དུས་ན་རྒྱལ་པོ་ཉར་གྱུར་པ་དེ་ནི་ད་ལྟར་ང་ཡིན་ནོ།། ཤིང་མཁན་ལྔ་པོ་ཐོག་མར་ངའི་ཤ ་བཅང་དེ་ཟོས་པ་ནི། དགེ་སློང་ཀོའུ་དི་ནྱ་ལ་སོགས་པ་ལྔ་པོ་ཡིན་ནོ།། སྐྱེ་བོ་མང་པོ་ཕྱིས་ངའི་ཤ་ཟོས་པ་ནི་ལྷའི་སྲས་པོ་བརྒྱད་ཁྲི་དང་། ངའི་ཉེ་གནས་རྣམ་པར་གྲོལ་བ་རྣམས་ཡིན་ནོ།། དེའི ་ཚེ་ན་སྔར་མི་ལྔ་པོ་དེ་ལ་བྱིན་ཏེ། འཚོ་བས་སྲོག་སྐྱབས་པས་འདིར་ཡང་སྔར་ཆོས་བསྟན་ཏེ། ཆོས་ཀྱི་སྐུའི་ཡན་ལག་གིས་དུག་གསུམ་གྱི་མེ་ཞི་བར་བྱས་སོ།། ཀུན་དགའ་བོ་དང་འཁོར་མང་པོ ་རྣམས་བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ནས་མངོན་པར་དགའ་འོ། ། ཤུ་དོ་ལ་གར་ནེའི་ལེའུ་སྟེ་ཉི་ཤུ་དྲུག་གོ།། རྒྱལ་པོ་ཨ་ཤོ་ཀའི་ལེའུའོ།། ་འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ན་བཅོམ་ལྡན་འདས་ཀུན་དགའ་བོ་དང ་བསོད་སྙོམས་ལ་གཤེགས་པ་ལས། ལ་མ་ཀ་ན་བྱིས་པ་དག་ཅིག་ས་ལ་ཁང་བུ་དང་། བང་མཛོད་དང་། རིན་པོ་ཆེར་བསྔོས་ནས་རྩེ་ཞིང་འཁོད་དོ།། དེ་ལ་ཁྱེའུ་གཅིག་ཅིག་གིས་སངས ་རྒྱས་རྒྱང་མ་ནས་གཤེགས་པ་མཐོང་ནས་རབ་ཏུ་དགའ་སྟེ། སྦྱིན་པ་བྱ་བར་བསམས་ནས། བང་བ་ཞེས་བསྔོས་པའི་ས་ལས་སྙིམ་པ་གང་བླངས་ཏེ། སངས་རྒྱས ་ལ་དབུལ་བར་གཟས་པ་ལས། ཁྱེའུ་ཆུང་སངས་རྒྱས་ཆེས་པས་མ་སླེབ་ནས། གྲོགས་ཁྱེའུ་གཅིག་ལ་ཁྱོད་ས་ལ་དགུ་ཞིག། ཁོ་བོ་ཁྱོད་ཀྱི་སྟེང་དུ་འགྲེང་སྟེ་ལྷུང་བཟེད་དུ་བླུག་གོ་ཞེས ་སྤྲས་ནས། གྲོགས་པོས་ཀྱང་དེ་བཞིན་དུ་བྱའོ་ཞེས་སྨྲས་ཏེ། ཁྱེའུ་དེས་གྲོགས་པོའི་ཕྲག་པ་ལ་འཛེགས་ཏེ། ས་སྙིམ་པ་གང་སངས་རྒྱས་ལ་ཕུལ་ལོ།། སངས་རྒྱས་ཀྱིས་ཀྱང་ལྷུང ་བཟེད་སྨད་ནས་ས་ཕུལ་བ་བཞེས་སོ། ། བཞེས་ནས་ཀུན་དགའ་བོ་ལ་གཏད་དེ། ས་འདི་འཇིམ་པར་གྱིས་ལ་གཙུག་ལག་ཁང་ལ་བྱུགས་ཤིག་ཅེས་བཀའ་སྩལ་ཏོ།། ཀུན་དགའ་བོ་བྲེ ་ཆུང་ངུས་དགའ་བའི་སེམས་ཀྱིས་ང་ལས་ཕུལ་ཏེ་གཙུག་ལག་ཁང་ལ་བསྐུས་པས། དེའི་བསོད་ནམས་ཀྱིས་ང་མྱ་ངན་ལས་འདས་ནས། ལོ་བརྒྱ་ལོན་པའི་འོག་ཏུ་རྒྱལ་པོ་ཨ་ཤོ་ཀ་ཞེས་བྱ ་བར་འགྱུར་རོ། ། ཁྱེའུ་ཅིག་ཤོས་ནི་དེའི་བློན་པོར་འགྱུར་ཏེ། འཛམ་བུའི་གླིང་ལ་དབང་བྱེད་ཅིང་། དཀོན་མཆོག་གསུམ་གྱི་ཡོན་ཏན་ཀྱང་ཡུལ་ཐམས་ཅད་དུ་བསྒྲགས་ནས། རིང་བསྲེལ ་ལ་ཡང་རྒྱས་པར་མཆོད་པར་བྱེད་དེ། འཛམ་བུའི་གླིང་དུ་མཆོད་རྟེན་བརྒྱད་ཁྲི་བཞི་སྟོང་ཅིག་ཅར་བྱེད་པར་འགྱུར་རོ།། ཀུན་དགའ་བོ་དགའ་མགུ་རངས་ནས། བཅོམ་ལྡན་འས ་ལ་འདི་སྐད་ཅེས་གསོལ་ཏོ། ། དེ་བཞིན་གཤེགས་པས་སྔོན་བསོད་ནམས་ཅི་ཞིག་མཛད་པས། རིང་བསྲེལ་ལ་ཡང་མཆོད་རྟེན་དེ་སྙེད་ཅིག་བགྱིད་པར་འགྱུར། བཅོམ་ལྡན་འདས་ཀྱིས་བཀའ ་སྩལ་པ། བརྟག་པར་ཉོན་ལ་ཤིན་ཏུ་ཡིད་ལ་ཟུང་ཞིག་དང་། ཁྱོད་ལ་བསྟན་པར་བྱའོ།། སྔོན་བསྐལ་པ་གྲངས་མེད་པ་འདས་པ་ན། འཛམ་བུའི་གླིང་འདིར་རྒྱལ་པོ་གསལ་ཐུལ ་ཞེས་བྱ་བ། རྒྱལ་ཕྲན་བརྒྱད་ཁྲི་བཞི་སྟོང་སྙེད་ལ་དབང་བྱེད་པ་ཞིག་བྱུང་ངོ་།། དེའི་ཚེ་ན་སངས་རྒྱས་པུར་ཤ་ཞེས་བྱ་བ་འཇིག་རྟེན་དུ་བྱུང་སྟེ། རྒྱལ་པོ་དེས་བློན་པོ་དང་བཅས་སུ་ཡོ་བྱད་རྣམ ་བཞི་སྦྱར་ཏེ། སངས་རྒྱས་དང་དགེ་སློང་གི་དགེ་འདུན་ལ་ཕུལ་ལོ།། དེའི་ཚེ་རྒྱལ་པོ་དེ་དང་ཡུལ་མི་རྣམས་ནི་རྟག་ཏུ་སངས་རྒྱས་དང་ཕྲད་དེ་ཕྱག་འཚལ་བ་དང་བསྙེན་བཀུར་བྱེད་ཀྱི། རྒྱལ ་ཕྲན་གཞན་དག་ནི་བསོད་ནམས་ཀྱང་མི་བྱེད་པས། མཐའ་འཁོབ་ཀྱི་རྒྱལ་ཕྲན་དང་ཡུལ་མི་དག་བསོད་ནམས་བྱེད་དུ་གཞུག་པའི་ཕྱིར། སངས་རྒྱས་ཀྱི་སྐུ་གཟུགས་བྲིས་ལ། རྒྱལ ་ཕྲན་ལ་སྦྱིན་ནོ་སྙམ་བསམས་ནས། རི་མོ་མཁན་མང་པོ་བསྡུས་ཏེ། སངས་རྒྱས་ཀྱི་སྐུ་གཟུགས་རི་མོ་ལ་བྲིས་ཤིག་ཅེས་བསྒོ་བ་དང་། རི་མོ་མཁན་དག་སངས་རྒྱས་ཀྱི་སྤྱན་སྔར་སོང ་སངས་རྒྱས་ཀྱི་མཚན་བལྟས་ནས། རི་མོ་བྲིས་པ་ལས་མཚན་གཅིག་བྲིས་ནས། གཅིག་མི་འདྲ་བར་གྱུར་ཏེ། རི་མོ་མཁན་གྱིས་རི་མོ་བྲི་བར་མ་ནུས་སོ།། སངས་རྒྱས་ཉིད་ཀྱིས ་ཚོན་རྩི་སྦྱར་ཏེ། སྐུ་གཟུགས་གཅིག་བྲིས་ནས། རི་མོ་མཁན་རྣམས་དེ་ལ་བལྟས་ཏེ། སྐུ་གཟུགས་མཚན་དང་ལྡན་པ་བརྒྱད་ཁྲི་བཞི་སྟོང་བྲིས་ནས། རྒྱལ ་ཕྲན་རེ་རེ་ལ་སྐུ་གཟུགས་རེ་རེ་བསྐུར་ཏེ། སྐུ་གཟུགས་དེ་ལ་རྒྱལ་པོ་དང་ཡུལ་མི་ཐམས་ཅད་ཀྱིས་མེ་ཏོག་དང་། སྤོས་དང་། ཡོ་བྱད་ཐམས་ཅད་ཀྱིས་མཆོད་དེ་ཕྱག་ཚོལ་ཞིག་ཅེས་བསྒོའོ།། ་རྒྱལ་ཕྲན་དེ་དག་དང་ཡུལ་མི་དེ་དག་གིས་དེ་བཞིན་གཤེགས་པའི་སྐུ་གཟུགས་མཐོང་ནས། རབ་ཏུ་དགའ་མགུ་རངས་ཏེ་བསྙེན་བཀུར་བྱས་སོ།། དེའི་ཚེ་ན་རྒྱལ་པོ་གསལ་ཐུབ་དེ་ནི་ད་ལྟར ་ཡིན་ཏེ། དེ་ལྟར་དེ་བཞིན་གཤེགས་པའི་སྐུ་གཟུགས་བརྒྱད་ཁྲི་བཞི་སྟོང་བྲིས་ཏེ། རྒྱལ་ཕྲན་ཀུན་ལ་སྤེལ་བའི་བསོད་ནམས་ཀྱིས། གང་ནས་གང་དུ་སྐྱེས་ཀྱང་མཐོ་རིས་སུ་བརྒྱ་བྱིན་ལྷའི ་དབང་པོར་སྐྱེས་ཏེ། བྱད་གཟུགས་བཟང་བ་དང་། མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་ཐོབ་སྟེ་མངོན་པར་སངས་རྒྱས་སོ།། མྱ་ངན་ལས་འདས་ནས་ཀྱང་རིང་བསྲེལ ་ལ་མཆོད་རྟེན་བརྒྱད་ཁྲི་བཞི་སྟོང་སྙེད་བྱས་པར་གྱུར་ཏོ། ། བཅོམ་ལྡན་འདས་ཀྱིས་དེ་སྐད་ཅེས་གསུངས་པ་ལ། ཀུན་དགའ་བོ་དང་འཁོར་མང་པོ་མངོན་པར་དགའ་ནས་རྗེས་སུ་ཡི་རང་ངོ་།། རྒྱལ ་པོ་ཨ་ཤོ་ཀའི་ལེའུ་སྟེ་ཉི་ཤུ་བདུན་པའོ། ། །། གསེར་གྱི་བུམ་པའི་ལེའུ་འོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན ་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་དགེ་སློང་དག་དབྱར་སོ་སོར་ཚུལ་དུ་ཞུགས་ནས། ཚུལ་ནས་བྱུང་བ་དང་། བཅོམ་ལྡན་འདས ་གང་ན་བར་ལྷགས་སོ། ། བཅོམ་ལྡན་འདས་དགེ་སློང་དག་དང་ཡུན་རིང་དུ་མ་ཕྲད་པས། དེ་དག་ལ་ཐུགས་བརྩེ་བར་དགོངས་ཏེ། འཁོར་ལོ་རྩིབས་སྟོང་དང་ལྡན་པའི་ཕྱག་བཏེག་སྟེ། ་དགེ་སློང་དེ་དག་ལ་བསྟི་སྦྱང་དང་བཅས་པས་བྱེད་ན་པར་མགྱུར་ཏམ། བསོན་སྙོམས་ཀྱིས་མ་བྲེལ་ལས་ཞེས་བཀའ་སྩལ་པ་དང་། དེ་བཞིན་གཤེགས་པ་ཡོན་ཏན་ཆེན་པོ་དང་ལྡན་པ།། ་དགེ་སློང་རྣམས་ལ་བསྟི་སྟང་མཛད་པར་དགེ་སློང་ཀུན་དགའ་བོས་མཐོང་ནས་ངོ་མཚར་དུ་གྱུར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ནི ་འཇིག་རྟེན་གྱི་གཙོ་བོ། ། ཡོན་ཏན་དཔག་ཏུ་མ་མཆིས་པ། ཡེ་ཤེས་བསམ་གྱིས་མི་ཁྱབ་པ་ལགས་ན། ཅིའི་སླད་དུ་ཐུགས་སྨད་དེ་དགེ་སློང་རྣམས་ལ་བསྟི་སྟང་མཛད་ཅེས་གསོལ་པ་དང་།། ་བཅོམ་ལྡན་འདས་ཀྱིས། ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། སྔོན་བསྐལ་པ་གྲངས་མེད། ཚད་མེད། བསམ་གྱིས་མི་ཁྱབ་པ་འདས་པ་ན། འཛམ་བུའི་གླིང་འདིར ་ཡུལ་བཱ་རཱ་ནཱ་སེ་ན། ཁྱིམ་བདག་སོ་ཚོས་ལ་མཁས་པ་ཞིག་ཡོད་དེ། ནོར་ཅི་རྙེད་ཀྱང་གསེར་དུ་བསྒྱུར་ནས། གསེར་གྱི་བུམ་པ་གཅིག་བྱས་ཏེ་ས་འོག་ཏུ་སྦས་སོ།། དེ་བཞིན་དུ་ནོར་རྫས་ཅི། ་རྙེད་ཀྱང་ལུས་ལ་མི་སྤྱོད་དེ། གསེར་དུ་བསྒྱུར་ནས་ཕྱིས་རིང་ཞིག་ལོན་པ་དང་། གསེར་གྱི་བུམ་པ་སྔ་ཕྱིར་བསགས་པ་བདུན་དུ་གྱུར་ནས། ཐམས་ཅད་ས་འོག་ཏུ ་སྦས་སོ། ། ཁྱིམ་བདག་དེ་ཕྱིས་ནད་ཀྱིས་བཏབ་ནས་ཚེའི་དུས་བྱས་པ་དང་། གསེར་གྱི་བུམ་པ་ལ་ཆགས་པས་སྦྲུལ་གདུག་པ་ཞིག་ཏུ་སྐྱེས་ཏེ། གསེར་དེ་ལ་བསྲུང་ངོ་།། ཕྱིས་ཡུན་རིང ་ཞིག་ལོན་པ་དང་། གྲོང་ཁྱེར་དེ་ཡང་ཞིག་ནས་སུ་ཡང་མི་གནས་ཏེ་ས་སྟོང་དུ་གྱུར་ཏོ།། སྦྲུལ་དེ་ཡང་ལོ་གྲངས་མང་དུ་ལོན་པས་ཚེའི་དུས་བྱས་ནས། ཕྱིར་ཡང་དེ་ཉིད་ཀྱི་ལུས་སུ་སྐྱེས་ཏེ། ་གསེར་གྱི་བུམ་པ་ལ་འཁྲི་ཞིང་ཉལ་ལོ།། དེ་བཞིན་དུ་ལོ་ཁྲི་ཕྲག་དུ་མ་ལོན་པ་དང་། ནང་གི་སྐྱེ་བ་ཐ་མ་ལ་ལུས་དེས་སྐྱེ་སྟེ་འདི་སྙམ་དུ་བསམས་སོ།། བདག་ནི་གསེར་འདི་ལ་ཆགས་པས་འདི ་འདྲ་བའི་ལུས་སུ་མི་སྡུག་པ་མྱོང་བར་གྱུར་གྱིས། ད་ནི་བསོད་ནམས་ཀྱི་ཞིང་ལ་ཕུལ་ནས་ལམ་དང་ཉེ་བར་སོང་སྟེ། རྩ་ཁྲོད་དུ་ལུས་སྦས་ལ་མི་དག་འོངས་ན་འབོད་དོ་སྙམ་སྟེ། དེའི་ཚེ་སྦྲུལ་གདུག ་པ་དེས་མི་གཅིག་ལམ་ནས་འོང་བ་མཐོང་ནས། སྦྲུལ་གྱིས་མི་དེ་ལ་བོས་པ་དང་། མི་དེས་བོས་པའི་སྒྲ་ཐོས་ནས་ཕན་ཚུན་བལྟས་ན་ཅང་མི་སྣང་བས་ལམ་དུ་ཞུགས་ཏེ་སོང་སོང་བ་ལས། སྦྲུལ ་གྱིས་ཡང་བོས་ཏེ། ཀྱེ་ཁོ་བོའི་དྲུང་དུ་སྙེན་ཅིག་ཅེས་སྨྲས་སོ།། མི་དེས་སྨྲས་པ། ཁྱོད་ཀྱིས་ཁོ་བོ་བོས་ཏེ་ཅི་ཞིག་བྱ། ཁྱོད་ནི་ཤིན་ཏུ་གདུག་པ་ཅན་ཡིན་པས་ཁོ་བོ་བསད་དུ་འོང་ངོ་།། ་སྦྲུལ་གྱིས་ཁོ་བོས་གནོད་པར་བྱ་ན། ཁྱོད་དྲུང་དུ་མ་འོངས་ཀྱང་གནོད་པ་བྱེད་ནུས་སོ་ཞེས་སྨྲས་པ་དང་། མི་དེ་སྐྲག་ནས་སྦྲུལ་གྱི་དྲུང་དུ་བསྙེན་ཏོ།། སྦྲུལ་གྱིས་སྨྲས་པ། ཁོ་བོ་ལ་འདི་ན་གསེར ་གྱི་བུམ་པ་གཅིག་ཡོད་ཀྱིས། ཁྱོད་ལ་བསོད་ནམས་ཤིག་བྱ་བར་བཅོལ་ན་ནུས་སམ། ཇི་སྟེ་མ་བྱས་ན་ཁྱོད་ལ་གནོད་པ་བྱའོ།། མི་དེས་ཁོ་བོས་ནུས་སོ་ཞེས་སྨྲས་པ་དང་། སྦྲུལ་གྱིས་མི་དེ།། ་གསེར་གྱི་བུམ་པའི་དྲུང་དུ་ཁྲིད་དེ། གསེར་གྱི་བུམ་པ་གཅིག་བསྐུར་ཏེ་འདི་སྐད་ཅེས་སྨྲས་སོ།། ཁྱོད་གསེར་འདི་ཁྱེར་ལ་དགེ་འདུན་རྣམས་ལ་མཆོད་སྟོན་ཞིག་གསོལ་ཅིག། མཆོད་སྟོན་གསོལ ་བའི་ཉིན་པར་ཁོ་བོ་ཡང་འོང་གིས་བསུ་ཞིག་ཅེས་བསྒོའོ། ། དེ་ནས་མི་དེ་གསར་ཁུར་དུ་ཁྱེར་ཏེ་དགེ་འདུན་གྱི་གནས་སུ་སོང་ནས། དགེ་སློང་གི་གཙང་སྦྱོར་ལ་གསེར་ཕུལ་ཏེ། འདི་ནི་སྦྲུལ་གདུག ་པ་ཞིག་གི་གསེར་ལགས་ཀྱིས། གསེར་འདིས་དགེ་འདུན་ལ་མཆོད་སྟོན་གསོལ་ཅིག་ཅེས་མཆིའོ།། གསེར་འདིས་མཆོད་སྟོན་སྦྱར་ཏེ། མཆོད་སྟོན་ནམ་གསོལ་བཞག་དུས་བརྩིས་ནས། ་དེའི་ཉིན་པར་མི་དེ་གཟེབ་ཅིག་ཐོགས་ཏེ། སྦྲུལ་གདུག་པ་དེ་གང་ན་འདུག་པ་དེར་སོང་ངོ་།། སྦྲུལ་གདུག་པ་དེས་ཀྱང་མི་དེ་འོང་བ་མཐོང་ནས་རབ་ཏུ་དགའ་བར་གྱུར་ཏེ། མི་དེས་སྦྲུལ་གཟེབ་ཀྱི ་ནང་དུ་བཅུག་ནས་ཁྱེར་ཏེ་སོང་བ་ལས་ལམ་དུ་མི་གཅིག་དང་ཕྲད་དེ། མི་དེས་ཁྱོད་གང་ནས་འོངས་ཞེས་ལན་གསུམ་གྱི་བར་དུ་དྲིས་ཀྱང་། སྦྲུལ་ཐོགས་པ་དེས་ཅང་མ་སྨྲས་པས། སྦྲུལ་དེ་ཁྲོས ་ནས་གདུག་པ་འབྱུང་བ་ལས་འདི་སྙམ་དུ་བསམས་སོ། ། མི་འདི་ཅི་ཞིག་ཉེས་ན། ཕ་རོལ་པོས་ལན་གསུམ་གྱི་བར་དུ་དྲིས་ན། གཏམ་གྱི་ལན་ཡང་མི་སྟེར་སྙམ་སྟེ། ་ཕྱིར་ཡང་ཁྲོས་ནས་གདུག་པ་འབྱུང་བ་ལས་ཕྱིར་བཀག་སྟེ། ཡང་འདི་སྙམ་དུ་བསམས་སོ།། མི་འདི་བདག་གི་ཕྱིར་བསོད་ནམས་བྱེད་ན། བྱས་པ་གཟོ་བའི་དྲིན་ཡང་དྲན་པར་མ་བྱས་པར ་གདུག་པ་མི་དབྱུང་ངོ་སྙམ་བསམས་ཏེ། མི་འདི་བདག་ལ་ཕན་པའི་དོན་བྱེད་ཀྱིས། ཉེས་པ་ཞིག་བྱས་ན་ཡང་བཟོད་པར་བྱའོ་ཞེས་ས་དབེན་པར་ཕྱིན་པ་དང་། རེ་ཞིག་ས་ལ་ཞོག་ཅིག་ཅེས་སྨྲས ་ནས་མི་དེས་སྦྲུལ་དེ་ལ་སེམས་སྤད་དེ། བདག་གི་ཉེས་པ་འགྱོད་ཅིང་བཤགས་སོ་ཞེས་སྨྲས་ནས། ཕྱིར་ཡང་ཁུར་དུ་ཁྱེར་ཏེ་དགེ་འདུན་གྱི་གནས་སུ་ཕྱིན་པ་དང་། དགེ་འདུན་དག་ཀྱང ་གདུགས་ཚོད་ཀྱི་དུས་ལ་བབ་པས། མི་དེས་དགེ་འདུན་ལ་མེ་ཏོག་བྲིམས་ཏེ། སྦྲུལ་དེ་དད་པའི་སེམས་ཀྱིས་མེ་ཏོག་འགྲིམ་པ་ལ་བལྟའོ།། དེ་ནས་དགེ་འདུན་དག་ཟས་ཀྱི་བྱ་བ་བྱས་ནས་ཁ་ལག ་བཀྲུས་ཏེ་སྦྲུལ་དེ་ལ་ཆོས་བཤད་དོ། ། སྦྲུལ་དེ་རབ་ཏུ་དགའ་ནས། གསེར་གྱི་བུམ་པ་དྲུག་ཀྱང་དགེ་འདུན་ལ་ཕུལ་ཏེ། བསོད་ནམས་ཀྱི་ལས་བྱས་ནས་དེ་ནས་ཚེ་འཕོས་སོ།། ཚེའི་དུས ་བྱས་ནས་དེའི་བསོད་ནམས་ཀྱིས་སུམ་ཅུ་རྩ་གསུམ་གྱི་ལྷར་སྐྱེས་སོ། ། ཀུན་དགའ་བོ་དེའི་ཚེ་ན་སྦྲུལ་ཁུར་དུ་ཁྱེར་བའི་མི་དེ་ནི་ད་ལྟར་ང་ཡིན་ནོ།། སྦྲུལ་གདུག་པ་དེ་ནི་ཤཱ་རིའི་བུ་ཡིན་ནོ།། འདས ་པའི་དུས་ན་ཡང་ཁུར་དུ་སྦྲུལ་ཁྱེར་བ་ལས་སྦྲུལ་གྱིས་སྤྱོས་ཏེ། དེ་ལ་ཡང་སེམས་སྤང་བས། ད་ཡང་དགེ་སློང་རྣམས་ལ་སེམས་སྤད་བ་ཡིན་ནོ།། ཀུན་དགའ་བོ་ལ་སོགས་པ་སངས་རྒྱས ་ཀྱིས་གསུངས་པ་ལ་ཡི་རང་ནས་མངོན་པར་དགའ་བོ། ། གསེར་གྱི་བུམ་པའི་ལེའུ་སྟེ་ཉི་ཤུ་བརྒྱད་པའོ།། །། བྲམ་ཟེ་མོ་བདེ་བའི་ལེའུའོ།། འདི་སྐད་བདག ་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་ཀ་ལན་ད་ཀ་གནས་པ་འོད་མའི་ཚལ་ན་དགེ་སློང་གྲངས་མེད་པ་དང་ཐབས་ཅིག་ཏུ་བཞུགས་སོ།། དེའི་ཚེ་ཡུལ་དེ་ན་བྲམ་ཟེ་ཤིན ་ཏུ་དབུལ་ཞིང་འཕོངས་པ་ཅི་ཡང་མི་བདོག་པ་ཞིག་ཡོད་དེ། བྲམ་ཟེ་དེ་འཕོངས་ཆེས་ནས་ཀུན་ལ་ཇི་ལྟར་བྱས་ན། ཚེ་འདི་ཉིད་ལ་ལོངས་སྤྱོད་དང་ལྡན་པར་འགྱུར་ཞེས་དྲིས་སོ།། དེ་ལ་མི་ཞིག ་གིས་སྨྲས་པ། ཅི་ཁྱོད་མི་ཤེས་སམ། སངས་རྒྱས་བཅོམ་ལྡན་འདས་ཞེས་བྱ་བ་ད་ལྟར་འཇིག་རྟེན་དུ་གཤེགས་ཏེ། སེམས་ཅན་ཐམས་ཅད་ལ་ཕན་པའི་དོན་མཛད་དོ།། དེའི་ཉེ་གནས ་འོད་སྲུངས་ཆེན་པོ་དང་། མོའུ་འགལ་ཡ་ན་དང་། ཤཱ་རིའི་བུ་དང་། མ་འགགས་པ་ལ་སོགས་པ་འཕགས་པ་བཞི་ཡང་རྟག་ཏུ་དབུལ་འཕོངས་པ་ལ་ཕན་པའི་དོན་བྱེད་ཀྱིས། གལ་ཏེ། ་ཁྱོད་དད་པའི་སེམས་ཀྱིས་འཕགས་པ་དེ་དག་ལ་ཞལ་ཟས་ཀྱིས་མཆོད་ན། འཕགས་པ་དེ་དག་ནི་ཚེ་འདི་ཉིད་ལ་ཁྱོད་ཅི་དང་ཅི་འདོད་པ་དེ་དང་དེ་དག་དང་ལྡན་པར་མཛད་དོ་ཞེས་སྨྲས་སོ།། ་དེའི་ཚེ་ན་བྲམ་ཟེས་མི་དེས་སྨྲས་པ་ཐོས་ནས་རབ་ཏུ་དགའ་སྟེ། ཀུན་ཏུ་རྒྱུ་ཞིང་སློང་མོ་དང་ཀླུ་ཟོས་ནས་ནོར་ཅུང་ཟད་ཅིག་རྙེད་དེ། ཕྱིར་ཁྱིམ་དུ་འོངས་ནས་ཞལ་ཟས་སྦྱར ་ཏེ། འཕགས་པ་རྣམས་སྤྱན་དྲངས་ནས་བཤོས་གསོལ་ཏོ།། འཇིག་རྟེན་འདི་ཉིད་ལ་ཕན་པར་རེའོ།། དེའི་ཚེ་ན་བྲམ་ཟེ་དེའི་ཆུང་མ་བདེ་བ་ཞེས་བྱ་བ་དེས་དགེ་འདུན་བཤོས་གསོལ་ནས། ་ཉིན་ཞག་གཅིག་པའི་བསླབ་ཚིག་མནོས་སོ།། དེའི་ཚེ་ན་རྒྱལ་པོ་གསལ་རྒྱལ་འཆག་ཏུ་སོང་སོང་བ་ལས། ཕྱིར་འོངས་པའི་ལམ་དུ་ཉེས་བྱེད་པའི་བཙོན་ཞིག་ལམ་ཀ་ན་ཤིང་ལ་བཅིངས་ཤིང ་འདུག་པ་མཐོང་ངོ་། ། བཙོན་དེས་རྒྱལ་པོ་གཤེགས་པ་མཐོང་ནས་ངུས་ཏེ་ཁ་ཟས་ཤིག་བསླངས་པ་དང་། རྒྱལ་པོས་ཀྱང་སྦྱིན་ནོ་ཞེས་བྱས་ནས་ཕྱིར་ཕོ་བྲང་དུ་གཤེགས་པ་དང་། བརྗེད ་བ་ལས་དེའི་ནུབ་མོ་ནམ་པྱད་ཙམ་ན། བཙོན་ལ་ཁ་བས་སྦྱིན་པར་བྱས་པ་དྲན་ཏེ་ཁ་ཟས་བསྒྲལ་བར་བྱས་ནས། ཕོ་བྲང་ནང་གི་མོ་ནི་གཅིག་ཀྱང་འགྲོ་ཕོང་པ་མེད་དེ། ནས་ཕྱེད་ན་ཁ་བས་བསྐུར་དུ ་ལམ་ན་འདྲེ་གདོན་དང་སྲིན་པོས་འཇིགས་པས། སྲོག་དང་བསྔོས་ཏེ་འགྲོ་ནུས་པ་མེད་དོ།། དེའི་ཚེ་ན་རྒྱལ་པོ་མེ་དེའི་སྡུག་བསྔལ་བ་དང་བཀྲེས་པས་ཉེན་པ་དྲན་ནས། དེ་ལ་ཤིན་ཏུ་སྙིང་བརྩེ་སྟེ ་ངའི་ཡུལ་འདི་ན་སུ་ཞིག་བཙོན་དེ་ལ་ཁ་ཟས་སྐྱེ་ལ་ནུས་ན། གསེར་སྲང་སྟོང་སྦྱིན་ནོ་ཞེས་བསྒྲགས་ཀྱང་འགྲོ་ནུས་པ་མ་བྱུང་ངོ་།། དེའི་ཚེ་ན་བྲམ་ཟེའི་ཆུང་མ་བདེ་བ་དེས་གཏམ་དུ་ཐོས་ན་འཇིག་རྟེན་པ ་སུ་ཡང་རུང་སྟེ། ཉིན་ཞག་གཅིག་པའི་བསླབ་ཚིག་བརྒྱད་མནོས་ན། འདྲེ་གདོན་ལ་སོགས་པས་མི་བརྫི་སྟེ། གདོན་ཐམས་ཅད་ཀྱིས་གནོད་པ་བྱེད་མི་ནུས་སོ་ཞེས་ཐོས་ཀྱིས། བདག་ནི་རྒྱལ ་པོས་གར་བཏང་བར་འགྲོའོ་སྙམ་བསམས་ནས་ཆས་སོ། ། དེ་ནས་རྒྱལ་པོས་བདེ་བ་ལ་ཁྱོད་ཁ་ཟས་འདི་དག་ཁྱེར་ལ། ཆེ་གེ་མོ་ཞིག་ན་བཙོན་འདུག་པ་དེ་ལ་བྱིན་ཅིག་དང་། གསེར་སྲང་སྟོང ་སྦྱིན་ནོ་ཞེས་དམ་བཅས་སོ། ། དེ་ནས་བདེ་བ་རྒྱལ་པོའི་བཀའ་བཞིན་དུ་ཁ་ཟས་ཐོགས་ཏེ། ཚུལ་ཁྲིམས་དྲན་པར་བྱས་ནས་ལམ་དུ་ཞུགས་ཏེ་སོང་སོང་བ་ལས། གྲོང་ཁྱེར་གྱི་ཕ་རོལ་ཏུ་སྲིན་མོ ་ལམ་པ་དང་ཕྲད་དོ། ། དེའི་ཚེ་སྲིན་མོ་དེ་བུ་ལྔ་བརྒྱ་གསར་དུ་བཙས་པས་བཀྲེས་སྐོམ་གྱིས་ཉེན་ཏེ། བདེ་བ་འོངས་པར་མཐོང་ནས་བཟའ་བར་གཟས་སོ།། དེའི་ཚེ་དགེ་བསྙེན་མ་ཚུལ་ཁྲིམས་མ ་ཉམས་པས་སྲིན་མོ་མཐོང་ནས་ཕྱིར་སྐྲག་སྟེ། དགེ་བསྙེན་མ་ཁྱོད་ཁྱེར་བའི་ཁ་ཟས་ལས་ཅུང་ཟད་ཅིག་བསླང་ངོ་ཞེས་སྨྲས་པ་དང་། དགེ་བསྙེན་མས་ཀྱང་ཉུང་ངུ་མ་ཞིག་བྱིན་ཏེ། བྱིན་པ་ཉུང་མོང ་ཀྱི་སྲིན་མོའི་མཐུས་མང་དུ་སྤྲུལ་ནུས་པས། སྲིན་མོ་མ་སྨད་ཤིན་ཏུ་འགྲངས་པར་གྱུར་ཏོ།། དེ་ནས་སྲིན་མོས་དགེ་བསྙེན་མ་ལ། ཁྱོད་ཀྱི་མིང་ཅི་ཞེས་དྲིས་པ་དང་། ཁོ་མོ་ནི་བདེ་བའོ།། ་ཞེས་སྨྲས་སོ།། འོ་ན་ཁོ་མོ་མ་སྨད་ཀྱང་ལྟོགས་པ་ལས་ཁྱོད་ཀྱིས་གསོས་ཀྱིས། ཁོ་མོ་འདུག་པ་འདི་ན་གསེར་བུམ་པ་གང་ཡོད་ཀྱིས་ཕྱིར་ལྡོག་པའི་ལམ་དུ་ཁྱེར་ཅིག། ཁྱོད་པར་འགྲོ་ན་ཁོ་མོའི ་ནུ་མོ་ཨ་ལམ་པ་ཡང་ལམ་ཀ་ན་འདུག་སྟེ། ཁྱོད་དང་ཕྲད་ཀྱིས་ཁོ་མོའི་འབྲིན་དུ་ཁྱོད་བདེ་འམ། ཁོ་མོ་ཡང་བུ་ལྔ་བརྒྱ་བདེ་བར་བཙས་སོ་ཞེས་གྱིས་ཤིག། དེ་ནས་དགེ ་བསྙེན་མ་ལམ་དུ་ཞུགས་ཏེ་སོང་སོང་བ་ལས། རིང་པོ་མ་ལོན་པར་ཨ་ལམ་པ་དང་ཕྲད་ངོ་།། ཨ་ལམ་པ་ལ་ཕུ་མོའི་འཕྲིན་སྤྲིང་བ་དང་། བུ་ལྔ་བརྒྱ་བདེ་བར་བཙས་སོ་ཞེས་གཏམ་བྱས་པ་དང་། ་ཨ་ལམ་པ་དགའ་སྟེ། དགེ་བསྙེན་མ་ལ་ཁྱོད་ཁོ་མོའི་ཕུ་མོའི་འཕྲིན་དང་གཏམ་སྙན་བྱས་པ་ལེགས་ཀྱིས། ཁོ་མོ་འདུག་པའི་གནས་འདི་ན་གསེར་བུམ་པ་གང་ཡོད་ཀྱིས། ཕྱིར་ལོག་པའི ་ལམ་དུ་ཁྱེར་ཅིག། ཁོ་མོ་ཅག་གི་མིང་པོ་གཅིག་ཀྱང་ལ་མ་ཀ་ན་འདུག་གིས། དེ་དང་ཕྲད་ན་ཁོ་མོ་ཅག་སྤུན་གཉིས་ཀྱི་འཕྲིན་དང་བུ་ལྔ་བརྒྱ་བཙས་པའི་གཏམ་ཡང་གྱིས་ཤིག་ཅེས་བསྒོ་ནས་སོང་ངོ་།། དེ་ནས ་ཡང་རིང་པོར་མ་བྱིན་པར་སྲིན་མོ་གཉིས་ཀྱི་མིང་པོ་དང་ཕྲད་དེ། དེ་ལ་སྲིན་མོ་གཉིས་ཀྱི་འཕྲིན་དང་བུ་ལྔ་བརྒྱ་ཡང་བདེ་བར་བཙས་པའི་གཏམ་བྱས་ནས། དེ་ཡང་རབ་ཏུ་དགའ་སྟེ། ཁྱོད་ཁོ་བོའི ་སྲིང་མོ་གཉིས་ཀྱི་འཕྲིན་བྱས་པ་ལེགས་ཀྱིས། ཁོ་བོ་འདུག་པའི་གནས་འདི་ན་གསེར་བུམ་པ་གང་ཡོད་ཀྱིས། ཕྱིར་ལྡོག་པའི་ལམ་དུ་ཁྱེར་ཅིག་ཅེས་བསྒོའོ།། དེ་ནས་དགེ་བསྙེན་མ་ཆས ་ཏེ་སོང་སོང་བ་ལས། བཙོན་དེའི་དྲུང་དུ་ཕྱིན་ཏེ་ཁ་ཟས་བསྟོད་ནས། ཕྱིར་ལྡོག་པའི་ལམ་དུ་གསེར་བུམ་པ་གསུམ་ཡང་རྙེད་དོ།། རྒྱལ་པོས་ཀྱང་གསེར་སྲང་སྟོང་བྱ་དགར་བྱིན་པས། ་བྲམ་ཟེ་དབུལ་པོ་ཁྱོ་ཤུག་གཉིས་ཡུལ་དེ་ན་ཤིན་ཏུ་ཕྱུག་ཅིང་རིན་པོ་ཆེ་མང་བར་གྱུར་ཏོ།། རྒྱལ་པོས་ཀྱང་དེ་བསོད་ནམས་ལས་གྱུར་པར་ཤེས་ནས་བློན་པོར་བཅུག་སྟེ། ཤིན་ཏུ་ཕྱུག་པར་གྱུར ་བས་ལྷག་པར་བསོད་ནམས་བྱེད་པ་ལ་དང་པོའི་སེམས་སྐྱེས་ཏེ། སངས་རྒྱས་དང་དགེ་འདུན་སྤྱན་དྲངས་ནས་མཆོད་པ་ཆེན་པོ་བྱས་སོ།། དེ་ལ་བཅོམ་ལྡན་འདས་ཀྱིས་ཆོས་བསྟན་པས ་སེམས་རྣམ་པར་གྲོལ་ཏེ། རྒྱུན་དུ་ཞུགས་པའི་འབྲས་བུ་ཐོབ་བོ།། འཁོར་མང་པོ་དང་ཀུན་དགའ་བོ་ལ་སོགས་པ་སངས་རྒྱས་ཀྱིས་གསུངས་པ་ལ་རྗེས་སུ་ཡི་རང་ནས་མངོན་པར་དགའ་འོ།། ་བྲམ་ཟེ་མོ་བདེ་བའི་ལེའུ་སྟེ་ཉི་ཤུ་དགུ་པའོ།། །། བམ་པོ་བརྒྱད་པ།། ། སྦྱིན་པ་ཆེན་པོ་རྒྱ་མཚོར་ཞུགས་པའི་ལེའུ་ནི། འདི་སྐད་བདག་གིས་ཐོས ་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་སྤུངས་པའི་རི་ལ། དགེ་སློང་ཆེན་པོའི་དགེ་འདུན་བརྒྱ་ཕྲག་ཕྱེད་དང་བཅུ་གསུམ་དང་ཐབས་ཅིག་ཏུ་བཞུགས་སོ།། དེའི་ཚེ་ན་བཅོམ ་ལྡན་འདས་ཀྱིས། ཚེ་དང་ལྡན་པ་ཀུན་ཤེས་ཀོའུ་དི་ནྱ་ལ་སོགས་པ་ལ། བསྙེན་བཀུར་བྱ་བའི་གཡོག་གཅིག་དགོས་སོ་ཞེས་བཀའ་སྩལ་པ་དང་། དེ་ནས་ཀུན་ཤེས་ཀོའུ་དི་ནྱ་སྟན་ལས ་ལངས་ཏེ། བླ་གོས་ཕྲག་པ་གཅིག་ཏུ་བྱས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས། བཅོམ་ལྡན་འདས་ལ་བདག་གིས་བསྙེན་བཀུར་ཡིད་བཞིན་དུ་བགྱི ་ཤིང་ཆོས་གོས་དང་ལྷུང་བཟེད་བཟུང་ངོ་ཞེས་གསོལ་པ་དང་། བཅོམ་ལྡན་འདས་ཀྱིས་ཀོའུ་ངི་མ་ཁྱོངད་ཉིད་ཀྱང་རྒས་འཁོགས་ཏེ། ཁྱོད་ཉིད་ལ་ཡང་བསྙེན་པསར ་བྱེད་པ་དགོས་ཀྱིས། ཀོའུ་དི་ནྱ་ཁྱོད་ཉིད་སྟན་ལ་འདུག་ཅིག་ཅེས་བཀའ་སྩལ་ཏོ།། དེ་བཞིན་དུ་འོད་སྲུངས་དང་། ཤཱ་རིའི་བུ་དང་། མོའུ་འགལ་ཡ་ན་ལ་སོགས་པ། ཉེ་གནས་ལྔ ་བཅུ་སྐྱེད་ཀུན་གྱིས་བཅོམ་ལྡན་འདས་ལ་བསྙེན་བཀུར་བགྱིའོ་ཞེས་གསོལ་ན་ཡང་གཅིག་ཀྱང་མ་གནང་ངོ་། ། དེ་ནས་ཚེ་དང་ལྡན་པ་མ་འགགས་པས། བཅོམ་ལྡན་འདས་ཀྱི་བསྙེན་བཀུར་ཙྪ ་བའི་དགེ་སློང་གང་ལ་དགྱེས་སྙམ་བརྟགས་ན། བཅོམ་ལྡན་འདས་ཀྱི་ཐུགས་ཀུན་དགའ་བོ་ལ་དགྱེས་པ་ནི། འདི་ལྟ་སྟེ། ཁང་པ་བརྩེགས་པའི་ཤར་ཕྱོགས་ཀྱི་སྐར་ཁུང་ནས། ཉི་མོའི ་འོད་གཟེར་བྱུང་བ་ན་ནུབ་ཕྱོགས་ཀྱི་ངོས་ལ་ཤར་ཅིང་ལྷན་པ་བཞིན་དུ། བཅོམ་ལྡན་འདས་ཀྱི་ཐུགས་ཀུན་དགའ་བོ་ལ་དགོངས་ཤིང་དགྱེས་པར་ཉེ་གནས་ཀུན་གྱིས་རྟོགས་ནས། ཚེ་དང་ལྡན ་པ་ཤཱ་རིའི་བུ་དང་། མོའུ་འགལ་གྱི་བུ་ཆེན་པོ་གཉིས་ཀུན་དགའ་བོ་གང་ན་བ་དེར་སོང་སྟེ་དྲུང་དུ་ཕྱིན་པ་དང་། ཀུན་དགའ་བོ་དང་ལྷན་ཅིག་ཏུ་ཡིད་མགུ་ཞིང་དགའ་བའི་གཏམ་རྣམ་པ་དུ་མ་བྱས ་ནས་ཕྱོགས་གཅིག་ཏུ་འཁོད་དོ། ། ཕྱོགས་གཅིག་ཏུ་འཁོད་ནས། ཤཱ་རིའི་བུ་དང་མོའུ་འགལ་ཡ་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་ཀུན་དགའ ་བོ་བཅོམ་ལྡན་འདས་ལ་བསྙེན་བཀུར་བྱ་བར་དད་དམ། བཅོམ་ལྡན་འདས་ཀྱང་ཁྱོད་ཀྱིས་བསྙེན་བཀུར་བྱ་བར་དགྱེས་ཏེ། དེ་བཞིན་གཤེགས་པ་ལ་བསྙེན་བཀུར་བྱས་ན། ཁྱོད་ལ་ཕན་པའི ་དོན་ཆེར་འགྱུར་རོ། ། བཙུན་པ་ཤཱ་རིའི་བུ་བདག་ནི་བཅོམ་ལྡན་འདས་ལ་བསྙེན་བཀུར་བྱེད་པར་མི་དད་དོ།། དེ་ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་ནི་བསྒྲུབ་པར་དཀའ། བཟོད ་པར་དཀའ་འོ། ། འདི་ལྟ་སྟེ། མེ་འབར་བ་ནི་བསྒྲུབ་པར་དཀའ། བཟོད་པར་ཡང་དཀའ་བ་ཡིན་ཏེ། དེ་ལྟར་དེ་བཞིན་དུ་སངས་རྒྱས་བཅོམ་ལྡན་འདས་ལ་བསྒྲུབ་པར་དཀའ། བཟོད་པར ་དཀའ་བས་ན། བདག་སངས་རྒྱས་བཅོམ་ལྡན་འདས་ལ་བསྙེན་བཀུར་བགྱིད་པར་མི་དད་དོ།། དེ་ནས་ཚེ་དང་ལྡན་པ་མོའུ་འགལ་ཡ་ནའི་བུ་ཆེན་པོས། ཀུན་དགའ་བོ་ལ་འདི་སྐད་ཅེས་སྨྲས ་སོ། ། ཀུན་དགའ་བོ་ཁྱོད་ལ་བཅོམ་ལྡན་འདས་དགོངས་ཤིང་དགྱེས་པ་ནི། འདི་ལྟ་སྟེ། ཁང་པ་བརྩེགས་པའི་ཤར་ཕྱོགས་ཀྱི་སྐར་ཁུང་ནས། ཉི་མའི་འོད་གཟེར་བྱུང་ན་ནུབ་ཕྱོགས ་ཀྱི་རྩིག་ངོས་ལ་ཤར་ཅིང་ལྷན་པ་བཞིན་དུ། བཅོམ་ལྡན་འདས་ཀྱི་ཐུགས་ཀྱང་། ཀུན་དགའ་བོ་ཁྱོད་ཀྱིས་བསྙེན་བཀུར་བྱ་བར་དགྱེས་ཀྱིས་དད་པར་གྱིས་ཤིག། དེ་བཞིན་གཤེགས་པ་ལ ་བསྙེན་བཀུར་བྱས་ན། ཁྱོད་ལ་ཕན་པའི་དོན་ཆེར་འགྱུར་རོ་ཞེས་སྨྲས་སོ།། བཙུན་པ་མོའུ་འགལ་ཡ་ན་ཆེན་པོ་ཇི་སྟེ། བདག་ལ་བཅོམ་ལྡན་འདས་ཀྱིས་འདོད་པ་འདི་གསུམ་གནང་ན། ་བཅོམ་ལྡན་འདས་ལ་བསྙེན་བཀུར་བགྱི་བར་དད་དོ།། འདི་ལྟ་སྟེ། བཅོམ་ལྡན་འདས་མི་གསོལ་བའི་ན་བཟའ་བ་དག་འཆང་དུ་མི་སྩལ་བ་དང་། བཅོམ་ལྡན་འདས ་མི་གསོལ་བའི་བཤོས་ཀྱི་ལྷག་མ་བདག་ལ་མི་འཚལ་བ་དང་། བདག་དུས་མ་མཆིས་པར་བཅོམ་ལྡན་འདས་ཀྱི་སྤྱན་སྔར་མཆིར་གནང་བར་བགྱི་ན་ནི། བཅོམ་ལྡན་འདས་ལ་བསྙེན་བཀུར ་བགྱི་བར་དད་དོ། ། དེ་ནས་ཚེ་དང་ལྡན་པ་ཤཱ་རིའི་བུ་དང་། མོའུ་འགལ་ཡ་ན་ཆེན་པོས། ཚེ་དང་ལྡན་པ་ཀུན་དགའ་བོ་བསྙེན་བཀུར་བྱེད་དུ་དད་པར་བྱས་ནས། བཅོམ་ལྡན་འདས་གང་ན ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བདག་ཅག་གིས་བཅོམ་ལྡན་འདས་ལ་བསྙེན་བཀུར་བགྱིད་པར། ཚེ་དང་ལྡན་པ་ཀུན་དགའ་བོ་དད་པར ་བགྱིས་ན་བཅོམ་ལྡན་འདས་ཀྱིས་བདག་ལ་འདོད་པ་འདི་གསུམ་གནང་ན། གདོད་བདག་གིས་བཅོམ་ལྡན་འདས་ལ་བསྙེན་བཀུར་བགྱི་བར་དང་ངོ་ཞེས་མཆིའོ།། བཅོམ་ལྡན་འདས ་ཀྱིས་བཀའ་སྩལ་པ། ལེགས་སོ་མོའུ་འགལ་ཡ་ནའི་བུ། དགེ་སློང་ཀུན་དགའ་བོ་དེ་ནི་མཁས་པ་ཅན་ཏེ། ཚངས་པ་མཚུངས་པར་སྤྱོད་པ་རྣམས་སྨད་པའི་ཚིག་དང་། རྗེས་སུ ་སྨད་པའི་ཚིག་གི་ཆོས་ཕྱིས་འབྱུང་བར་མཐོང་བས་ན། བདག་ལ་ཚངས་པ་མཚུངས་པར་སྤྱོད་པ་རྣམས་འདི་སྐད་དུ། དགེ་སློང་ཀུན་དགའ་བོ་ནི་གོས་དང་ཟས་ཀྱི་ཕྱིར་སྟོན་པ་ལ་བསྙེན ་བཀུར་བྱེད་དོ་ཞེས་སྨྲ་བར་འགྱུར་བའི་ཕྱིར། མོའུ་འགལ་གྱི་བུ་དེ་ནི་དགེ་སློང་ཀུན་དགའ་བོའི་ངོ་མཚར་རྨད་དུ་བྱུང་བའི་ཆོས་སོ།། དགེ་སློང་ཀུན་དགའ་བོ་ནི་མཁས་པ་ཅན་ཏེ། དུས་ཤེས ་ཤིང་དུས་རིག་པ་ལགས་ཤིང་། དུས་ཤེས་པར་འགྱུར་བ་ནི། བཅོམ་ལྡན་འདས་ལ་འཁོར་རྣམ་བཞི་བལྟ་བར་འགྲོ་བའི་དུས་ལ་བབ་པ་དང་། དུས་ལ་མ་བབ་པ་དང་། གཞན ་ཡང་མུ་སྟེགས་ཅན་ཀུན་ཏུ་རྒྱུ་རྣམས་བཅོམ་ལྡན་འདས་ཀྱི་སྤྱན་སྔར་འགྲོ་བའི་དུས་ལ་བབ་པ་དང་། དུས་ལ་མ་བབ་པ་དང་། གཞན་ཡང་མུ་སྟེགས་ཅན་ཀུན་ཏུ་རྒྱུ་འདི་དག་ནི། བཅོམ།། ་ལྡན་འདས་ཀྱིས་གསུངས་པ་ལ་ལན་ལྗོན་པར་སྤོབས་སོ།། འདི་དག་ནི་ལན་ལྡོན་པར་མི་སྤོབས་སོ།། བཅའ་བ་དང་བཟའ་བ་འདི་ནི། བཅོམ་ལྡན་འདས་ལ་བདེ་ཞིང་བསོད་པར ་འགྱུར་འདི་ནི་བདེ་ཞིང་བསོད་པར་མི་འགྱུར་བར་ཤེས་པའི་ཕྱིར་ཏེ། མོའུ་འགལ་གྱི་བུ་འདི་ནི་དགེ་སློང་ཀུན་དགའ་བོའི་ངོ་མཚར་རྨད་དུ་བྱུང་བའི་ཆོས་སོ།། ་དེ་ནས་ཤཱ་རིའི་བུ་དང་། མོའུ་འགལ་གྱི་བུ་གཉིས་ཀྱིས། ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ལ་བསྙེན་བཀུར་བྱེད་པར་དད་པར་བྱས་པ་དང་། བཅོམ་ལྡན་འདས་ཀྱིས ་ཀྱང་ཀུན་དགའ་བོ་ནི་མཁས་པ་ཅན་ཏེ། དུས་ཤེས་ཤིང་དུས་རིག་གོ་ཞེས་བསྔགས་པས། དགེ་སློང་རྣམས་ཐེ་ཚོམ་སྐྱེས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ་དགེ་སློང་ཀུན་དགའ་བོ་འདི་ཅིའི་རྒྱུ་ཅིའི་རྐྱེན་གྱིས་དུས་དང་ཚོད་ལ་མཁས་པར་གྱུར། བཅོམ་ལྡན་འདས་ཀྱིས། ཤཱ་རིའི་བུ་ལ་བཀའ་སྩལ་པ། སྔོན་འདས ་པའི་བསྐལ་པ་ཚད་མེད་གྲངས་མེད་པའི་ཕ་རོལ་ན། རྒྱལ་པོ་ཆེན་པོ་འཛམ་བུའི་གླིང་གི་རྒྱལ་ཕྲན་བརྒྱད་ཁྲི་བཞི་སྟོང་ལ་དབང་བྱེད་པ་ཞིག་བྱུང་ངོ་།། དེའི་ཚེ་གྲོང་ཁྱེར་བ་རུ་ད་ཞེས་བྱ་བ་ན་བྲམ ་ཟེ་ནྱ་གྲོ་དྷ་ཞེས་བྱ་བ་ཞིག་ཡོད་དེ། མཁས་པ་རིག་པ་དང་ལྡན་པ། སྦྲང་དང་། གཙུག་ལག་དང་། སྐར་མ་ལ་མཁས་པ་ཞིག་པས། རྒྱལ་པོའི་སྟོན་པ་བྱེད་དེ། རྒྱལ་ཕྲན་བརྒྱད་ཁྲི ་བཞི་སྟོང་སྙེད་ཀྱང་དེ་ལ་རྒྱལ་པོ་ཆེན་པོ་དང་འདྲ་བར་བསྙེན་བཀུར་བྱེད་དེ། བསྒོ་བའི་ཚིག་ཀྱང་ཉན་ཏོ།། བྲམ་ཟེ་དེ་ཕྱུག་ཁྱད་རྣམ་ཐོས་ཀྱི་བུ་དང་འགྲན་ཏེ། དེ་ལ་བུ་མེད་པས་རྟག་ཏུ་མི ་དགའ་སྟེ། སེམས་ཁོངས་སུ་ཆུད་ཅིང་འདུག་པ་ལས་ཇི་ལྟར་བྱས་ན་བུ་ཡོད་པར་འགྱུར་ཞེས། ཚངས་པ་དང་། བརྒྱ་བྱིན་དང་། དབང་ཕྱུག་དང་། ཉི་ཟླ་དང་། སྐར་མ་དང ་རི་དང་ཆུ་དང་། ནགས་ཀྱི་ལྷ་ཀུན་ལ་མཆོད་ཅིང་རྗེད་དེ། ལོ་བཅུ་གཉིས་ལོན་ནས། ཆུང་མ་ཆེན་མ་སེམས་ཅན་དང་ལྡན་པར་གྱུར་ཏེ། བུད་མེད་མཁས་པ་དག་ནི་སེམས་ཅན་དང ་ལྡན་མ་ཐག་ཏུ་བུ་ཁྱེའུ་འམ། བུ་མོ་ཡིན་པ་ངེས་པར་རྟོགས་པས། དེ་ཡང་ཁྱེའུ་ཡིན་པར་ཤེས་ནས་བྲམ་ཟེ་ལ་གཏམ་སྨྲས་སོ།། བྲམ་ཟེ་དེ་དེ་སྐད་སྨྲས་པ་ཐོས་ནས་རབ་ཏུ་དགའ་ར ་ཏེ། ཆུང་མའི་རིམ་གྲོ་ལྷག་པར་ཆེར་སྐྱེད་དོ།། དེ་ནས་ཟླ་བ་དགུ་ཚང་ནས་ཁྱེའུ་ཞིག་བཙས་ཏེ། གསེར་གྱི་མདོག་ཅན་སྒྲ་མཐོན་མཐིང་དུ་འདུག་པ་བཟང་བ་མཛེས་པ་མཚན་དང་ལྡན་པ་ཞིག ་གོ། ། དེ་ནས་བཙས་སྟོན་བྱས་ནས་མཚན་མཁན་བཀུག་སྟེ་མཚན་བལྟས་ནས། མིང་སྦྱིན་པ་ཆེན་པོ་ཞེས་བཏགས་སོ།། ཁྱེའུ་དེ་རིམ་གྱིས་ཆེར་སྐྱེས་ནས། དབྱར་དགུན་དང་སྟོན་དཔྱིད་ཀྱི ་གནས་ཀྱང་སོ་སོར་བྱས་ཏེ་ལོངས་སྤྱོད་བྱེད་དུ་བཅུག་གོ། ། ཁྱེའུ་དེ་ཡང་ཡིད་གཞུངས་ཤིང་མཁས་པའི་བློ་དང་ལྡན་པ་ཞིག་པས་རིག་བྱེད་དང་། གཙུག་ལག་རྣམ་པ་བཅོ་བརྒྱད་ལ་སོགས་ཏེ། ་སྒྱུ་རྩལ་གང་ཡང་མི་ཤེས་པ་མེད་དོ།། ཕྱིས་སྦྱིན་པ་ཆེན་པོས་ཕ་མ་ལ་གསོལ་ཏེ། བདག་ཕྱི་རོལ་ཏུ་འཆག་ཅིང་ལྟད་མོ་ལྟར་འགྲོའོ་ཞེས་བྱས་པ་དང་། དེའི་ཕ་མས་ཀྱང་བུ་འཆག་ཏུ ་འགྲོའོ་ཞེས་ལམ་སྲང་ཕྱག་བ་དར་བྱེད་དུ་བཅུག་སྟེ། རྒྱལ་མཚན་དང་བ་དན་བསྒྲེང་ནས་མེ་ཏོག་གིས་གཏོར་ཏེ། བདུག་སྤོས་ཀྱིས་བདུག་པ་ལ་སོགས་པ་ཡོ་ལང་བཤམས་ནས། སྦྱིན་པ ་ཆེན་པོ་གླང་པོ་རིན་པོ་ཆེ་སྣ་བདུན་གྱིས་བརྒྱན་པ་ལ་བསྐྱོན་ཏེ། དྲིལ་བསྒྲགས། རྔ་བརྡུངས། རོལ་མོ་དང་། སིལ་སྙན་དཀྲོལ་ཏེ། འཁོར་བརྒྱ་སྟོང་སྙེད་ཀྱིས་བསྐོར་ནས ་གྲོང་ཁྱེར་གྱི་ཕྱི་རོལ་ཏུ་སོང་ངོ་། ། ཡུལ་མི་ཐམས་ཅད་ལམ་གྱི་གཡས་གཡོན་དུ་ཁང་བུ་བརྩེགས་མའི་སྟེང་ནས་མིག་མི་འཛུམས་པར་བལྟ་ཞིང་། འདིའི་བྱིན་དང་གཟི་བརྗོད་ནི་ཚངས ་པ་དང་འདྲའོ་ཞེས་བསྒྲགས་སོ། ། དེ་ནས་སོང་སོང་བ་ལས། མུ་ཏོ་བ་དག་གོས་ཧྲུལ་པོ་གྱོན་ཅིང་སྣོད་ཆག་པ་དག་ཐོགས་ཏེ་ཅུང་ཟད་བསླང་ངོ་ཞེས་འབོད་པ། ་སྦྱིན་པ་ཆེན་པོས་ཐོས་ནས་དེ་དག་ལ་ཁྱེད་ཅིའི་ཕྱིར་འདི་ལྟར་ཉོན་མོངས་ཤིང་སྡུག་ཅེས་དྲིས་སོ།། དེ་ལ་ཁ་ཅིག་ནི་འདི་སྐད་དུ། བདག་ཅག་ལ་ཕ་མ་དང་། ཕུ་ནུ་དང་། བུ་སྨང་དང་། གཉེན ་བཤེས་མ་མཆིས་པས་སྡུག་གོ་ཞེས་ཟེར་རོ། ། དེ་ལ་ཁ་ཅིག་ནི་བདག་ཅག་ཡུན་རིངས་སུ་ནད་ཀྱིས་བཏབ་པས་མི་སོས་ཏེ་སྡུག་གོ་ཞེས་ཟེར་རོ།། དེ་ལ་ཁ་ཅིག་ནི་བདག་ཅག་བག་མ་བྱས་པས་ཆོམ་པོས ་བཅོམ་སྟེ། ཅི་ཡང་མི་བདོག་པས་སློངས་མོ་བྱེད་དོ་ཞེས་ཟེར་རོ།། སྦྱིན་པ་ཆེན་པོས་དེ་སྐད་སྨྲས་པ་ཐོས་ནས་མཆི་མ་དཀུ་སྟེ་སོང་ངོ་།། དེ་ནས་ཡང་ཕ་ཟད་ཅིག་ན། ཤན་པ་དག་ཅིག་སྲོག་ཆགས ་བབསད་ནས་པགས་པ་བ་ཤུ་བ་དང་བསྐལ་གཏུབ་པ་དག་མཐོང་ངོ་། ། སྦྱིན་པ་ཆེན་པོས་ཨེ་མ་ཧོ། འདི་དག་ཅི་བྱེད་ཅེས་དྲིས་ན། བདག་ཅག་ནི་ཕ་མེས་བརྒྱུད་ཀྱིས་འདི་འདྲ་བའི་གསོད ་བའི་ལས་བྱེད་དེ། འདི་མ་བྱས་ན་མི་འཚོའོ་ཞེས་ཟེར་རོ།། དེ་ལ་སྦྱིན་པ་ཆེན་པོ་ངོ་མཚར་དུ་གྱུར་ནས་ལྷ་མི་འདོད་པར་སོང་ངོ་།། དེ་ནས་ཕ་ཟད་དུ་ཕྱིན་པ་དང་། ཞིང་བ་དག་ཞིང་རྨོས ་ཏེ། ཞིང་རྨོས་པའི་ཤུལ་ན་སྲིན་བུ་མང་དུ་བྱུང་བ་ལ། བྱ་མང་པོ་དང་སྦྲུལ་དག་ཐུ་ཞིང་ཟ་བ་མཐོང་བ་དང་། འདི་དག་ཅི་བྱེད་ཅེས་དྲིས་ན། བདག་ཅག་ནི་ཞིང་རྨོས་ཏེ་ས་གློགས་པའི་ཤུལ ་དུ་ས་བོན་བཏབ་ན། ཕྱིས་མང་དུ་སྐྱེས་ཏེ། དེས་འཚོ་ཞིང་རྒྱལ་པོའི་དཔྱ་ཡང་འབུལ་ལོ་ཞེས་ཟེར་རོ།། སྦྱིན་པ་ཆེན་པོས་དེ་ལ་ཡང་ངོ་མཚར་དུ་གྱུར་ནས་ཕ་ཟད་སོང་བ་དང་། རྔོན་པ་དག་བྱ། ་རྒྱ་བྲེས་པ་དང་རྙི་བཙུགས་ནས་བྱ་རྣམས་གཤོར་བ་དང་། སེམས་ཅན་དག་བྱ་རྒྱ་དང་རྙིས་ཟིན་ནས་ལུས་རྡེབས་ཤིང་འཐེན་ཀྱང་མ་ཤོར་ཏེ། སྙིང་རྗེ་བའི་སྐད་ཕྱུང་ནས་ཤིན་ཏུ་འཇིགས་སྐྲག ་པ་དག་མཐོང་ནས། ཁྱེད་ཅི་བྱེད་ཅེས་དྲིས་ན། བདག་ཅག་ཀྱང་བརྒྱུད་ཀྱིས་འདི་འདྲ་བ་གསོད་པའི་ལས་བྱེད་པས་འཚེའོ་ཞེས་ཟེར་རོ།། སྦྱིན་པ་ཆེན་པོས་དེ་སྐད་ཅེས་སྨྲས་པ་ཐོས་ནས། ་ཤིན་ཏུ་ཡི་མུག་སྟེ་ཡང་བ་ཟད་སོང་བ་དང་། ཉ་པ་དག་ཉ་རྒྱས་ཉ་བཅུས་ནས་མང་དུ་ཟིན་ཏེ། ཐང་ལ་ཕུང་པོར་སྤུངས་ནས་ད་དུང་ཡང་འགུལ་བ་དག་མཐོང་ནས། འདི་དག་ཅི་བྱེད་ཅེས ་དྲིས་ན། བདག་ཅག་བརྒྱུད་ཀྱི་ལས་གཞན་མི་བྱེད་ཀྱི། འདི་ལྟར་ཉ་བ་ཤོར་ཞིང་འཚོ་བར་བྱེད་དོ་ཞེས་ཟེར་རོ།། སྦྱིན་པ་ཆེན་པོས་འདི་ལྟ་བུ་དག་མཐོང་ནས་འདི་སྙམ་དུ་བསམས་སོ།། ་སེམས་ཅན་འདི་དག་ནི་དབུལ་འཕོངས་པས། བགོ་བ་དང་བཟའ་བའི་ཕྱིར་འདི་ལྟ་བུའི་ཁ་ན་མ་ཐོ་བའི་ལས་གསོད་པ་ལ་སོགས་པ་བྱེད་དེ། འདི་དག་ནི་ཚེ་འཕོས་མ་ཐག་ཏུ་ངན་སོང་གསུམ ་དུ་ལྷུང་སྟེ། མུན་པ་ནས་མུན་པར་འགྲོ་ཞིང་ཐར་པའི་དུས་མེད་དོ་སྙམ་པ་སམས་ནས། ཕྱིར་ཁྱིམ་དུ་འོངས་ཏེ་ཉིན་མཚན་དུ་དེ་སེམས་ཤིང་མི་དགའ་ནས། ཕའི་དྲུང་དུ་སོང་སྟེ། པ་ལ ་བདག་གསོལ་བ་ཞིག་མཆིས་ཀྱིས་གནོང་ཞིག་ཅེས་སྨྲས་སོ། ། ཕས་ཀྱང་བུ་ཁྱོད་ཅི་ཟེར། ཁྱོད་སྦ་བ་བཞིན་དུ་བྱའོ་ཞེས་སྨྲས་སོ།། ཡབ་བདག་སྔོན་ཕྱི་རོལ་ཏུ་འཆག ་ཏུ་མཆིས་པ་ལས། མི་མང་པོ་གོས་དང་ཁ་ཟས་ཀྱི་ཕྱིར་ཐམས་ཅད་ཉོན་མོངས་ཏེ། གཅིག་ལ་གཅིག་གསོད་པ་དང་། བརྫུན་དང་། དབང་ཟ་བ་དང་། མི་དགེ་བའི་ལས་རྣམ་སྣ་ཚོགས་བགྱི། ་པ་མཐོང་ནས། དེ་དག་ལ་སྦྱིན་པ་བགྱིད་པར་བསམས་ཀྱིས། ཡབ་ཀྱི་བང་མཛོད་ཆེན་པོ་ལས་འཕོངས་བྲེལ་བ་དག་གི་ཕྱིར། ཡིད་བཞིན་དུ་སྤྱོད་དུ་གནོང་ཞིག། ཕས་སྤྲས་པ། ངས་བང ་མཛོད་དང་། རིན་པོ་ཆེ་མང་དུ་བསགས་པ་ཐམས་ཅད་ཁྱོད་ཀྱི་ཕྱིར་བྱས་པར་ཟད་ན། ཅིའི་ཕྱིར་ཁྱོད་ཟེར་བ་མི་ཉན་ཅེས་སྨྲས་སོ།། དེ་ནས་སྦྱིན་པ་ཆེན་པོས་ཕས་གནང་བའི་ལུང་ཐོབ་ནས། ཡུལ ་མི་ཐམས་ཅད་ལ་སྦྱིན་པ་ཆེན་པོ་སྦྱིན་གཏོང་ཆེན་པོ་བྱེད་ཀྱིས། ཐམས་ཅད་འདུས་ཤིང་ཤོག་ཅིག་ཅེས་བསྒྲགས་སོ།། དེའི་ཚེ་དགེ་སྦྱོང་དང་། བྲམ་ཟེ་དང་། དབུལ་ཞིང་འཕོངས་པ། མགོན ་མེད་པ་དང་། ནད་པ་ལ་སོགས་ཏེ། གྲོང་ཁྱེར་གྱི་ཕྱི་རོལ་ན་ལམ་ཐོག་ཐག་ཏུ་གང་ངོ་།། དེ་དག་ཀྱང་དཔག་ཚད་བརྒྱ་དང་། ཉིས་བརྒྱ་དང་། སུམ་བརྒྱ་དང་། བཞི་བརྒྱ་དང་། ལྔ་བརྒྱ ་དང་དཔག་ཚད་སྟོང་གི་ལམ་ནས་འོངས། ཁ་ཅིག་ནི་དཔག་ཚད་ཉིས་སྟོང་དང་། སུམ་སྟོང་། བཞི་སྟོང་། ལྔ་སྟོང་ནས་དཔག་ཚད་ཁྲིའི་བར་དུ་ལྷགས་ཏེ། དེ་དག་སྤྲིན་བཞིན་དུ་འདུས ་ནས་ཐམས་ཅད་ལ་ཡིད་བཞིན་དུ་སྦྱིན་པ་ནི། གོས་འདོད་པ་ལ་གོས། ཟས་འདོད་པ་ལ་ཟས། རིན་པོ་ཆེ་གསེར་དང་། དངུལ་དང་། བཻ་ཌཱུཪྻ་དང་། མུ་ས་ར་གལ་བ་དང་། བཞོན ་པ་དང་ཐེག་པ་དང་། ཁྱོགས་དང་། སྐྱེད་མོས་ཚལ་དང་། ཞིང་དང་། རྐང་འགྲོས་ལ་སོགས་ཏེ། ཡིད་བཞིན་དུ་སྦྱིན་པ་བྱས་སོ།། དེ་ལྟར་སྦྱིན་པ་ལ་ཞུགས་ཏེ། ཡུན་རིང་། ་ཞིག་ལོན་པ་དང་། བང་མཛོད་སུམ་ཆ་གཅིག་ཟད་ནས། མཛོད་སྲུངས་ཀྱིས། བྲམ་ཟེ་ལ་འདི་སྐད་ཅེས་སྨྲས་སོ།། སྲས་ཀྱིས་བང་མཛོད་ནས་སྦྱིན་པ་བྱས་ནས། སུམ་ཆ་གཅིག་ནི་ཟང ་སུམ་གཉིས་ལས་མ་ལུས་ན། ཕན་ཚུན་འགྲུལ་པའི་སྐྱེས་དང་ཚོང་ཟོང་ཅི་ལས་བགྱིད། དགོངས་ཤིག་ཅེས་སྨྲས་སོ།། ཁོ་བོ་ནི་བུ་འདི་ལ་བྱམས་པས་ངོ་མི་ཟློགས་ཀྱིས། བང་མཛོད ་སྟོངས་ཀྱང་བླའོ་ཞེས་བསྒོའོ། ། དེ་ནས་ཡང་རིང་ཞིག་ལོན་པ་དང་། བང་མཛོད་སུམ་གཉིས་ནི་ཟད། སུམ་ཆ་ཙམ་ལུས་པ་དང་། མཛོད་སྲུངས་ཀྱིས་ཡང་བྲམ་ཟེ་ལ། ད་ནི་བང་མཛོད ་སུམ་གཉིས་ཙམ་ནི་ཟད། སུམ་ཆ་ཙམ་ལས་མ་ལུས་ན། ཕན་ཚུན་སྐྱེས་བསྐུར་བ་དང་ཚོང་ཟོང་ཅི་ལས་བྱ་ཞེས་སྨྲས་སོ།། བྲམ་ཟེ་དེས་བསྒོ་བ། ཁོ་བོའི་བུ་སྡུག་ཆེས་ཏེ་ངོ་མི་ཟློགས་པས ་སྤྲ་མི་ཕོད་ཀྱིས། ཁྱོད་བདག་གིས་ཐབས་ཅི་ལེགས་སུ་བྱོས་ལ། བྲལ་ཅིང་མི་ཁོམ་པ་ལྟར་ཐ་སྙད་ཐོགས་ཤིག། མཛོད་སྲུངས་ཀྱིས་བྲམ་ཟེ་ལས་ལུང་ཐོབ་ནས། མཛོད་སྒོ་བཅད་དེ། ་དོན་གཉེར་དུ་སོང་ངོ་།། དེ་ནས་སློང་བ་དག་སྦྱིན་པ་ཆེན་པོའི་ཐད་དུ་ལྷགས་ནས། བར་འགའ་ནི་མཛོད་སྲུངས་མི་རྙེད་དེ་མཛོད་སྒོ་མི་ཕྱེད། གལ་ཏེ་མཛོད་སྲུངས་འོངས ་ན་ཡང་ཡིད་བཞིན་དུ་མི་སྟེར་བས། སྦྱིན་པ་ཆེན་པོས་འདི་སྙམ་དུ་བསམས་སོ།། འདི་ལྟར་གྱུར་པ་འདི་ནི་མཛོད་སྲུངས་ཀྱིས་ཐུགས་མི་ཐུབ་ཀྱི། ཕའི་མན་ངག་འོངས་ཀྱིས། ཡོང་ཡང་བུས ་པའི་བང་མཛོད་སྟོངས་པར་བྱ་བར་མི་རིགས་ཀྱིས། བདག་གིས་ད་ཐབས་ཅི་ཞིག་བྱས་ན་རིན་པོ་ཆེ་ཡིད་བཞིན་དུ་རྙེད་དེ། སྐྱེ་བོ་མང་པོ་ལ་ཕན་ཐོགས་པར་འགྱུར་བ་བསམས་ནས། མི་དག་ལ ་འདི་སྐད་དྲིས་སོ། ། འཇིག་རྟེན་ན་ལས་ཅི་ཞིག་བྱས་ན། རིན་པོ་ཆེ་ཡིད་བཞིན་དུ་རྙེད་དེ། ནོར་དབྱིག་མང་དུ་རྙེད་ཅིང་ཟད་མི་ཤེས་པར་འགྱུར་ཞེས་དྲིས་པ་དང་། ཁ་ཅིག་ནི་ཞིང་མང་དུ་རྨོས ་ནནོར་དབྱིག་མང་པོར་འགྱུར་རོ་ཞེས་ཟེར་རོ། ། ཁ་ཅིག་ནི་རྐང་འགྲོས་སྤེལ་ཏེ་ཁེ་སྤོགས་བྱས་ན་ནོར་མང་དུ་རྙེད་དོ་ཞེས་ཟེར་རོ།། ཁ་ཅིག་ནི་ལམ་རིང་པོར་ཚོང་སྤོགས་བྱས་ན་ནོར་མང་དུ་རྙེད་། ་ཞེས་ཟེར་རོ།། ཁ་ཅིག་ནི་རྒྱ་མཚོར་ཞུགས་ཏེ་ནོར་བུ་རིན་པོ་ཆེ་བླངས་ན་རིན་པོ་ཆེ་མང་དུ་འགྱུར་རོ་ཞེས་ཟེར་རོ།། སྦྱིན་པ་ཆེན་པོས་དེ་དག་གིས་སྤྲས་པ་ཐོས་ནས། ཞིང་རྨོ་བ་དང་། རྐང་འགྲོས ་སྤེལ་བ་དང་། ལམ་རིང་པོར་ཚོང་ལ་འགྲོ་བ་ནི་ངའི་ཆ་མ་ཡིན་གྱི། རྒྱ་མཚོར་འཇུག་པ་འབའ་ཞིག་ངའི་ཆའོ་ཞེས་སྤྲས་ནས། རྒྱ་མཚོར་འཇུག་གོ་སྙམ་བསམས་ཏེ། ཕ་མ་ལ་འདི་སྐད་ཅེས ་སྤྲས་སོ། ། བདག་ནི་རྒྱ་མཚོ་ནས་རིན་པོ་ཆེ་མང་པོ་བླངས་ཏེ། དབུལ་འཕོངས་པ་ལ་སྦྱིན་པ་ཡིད་བཞིན་དུ་བགྱིའོ།། བདག་རྒྱ་མཚོར་རིན་པོ་ཆེ་ལེན་དུ་མཆིར་གནོང་ཞིག་ཅེས་སྨྲས་སོ།། དེའི ་ཕ་མས་དེ་སྐད་ཅེས་སྨྲས་པ་ཐོས་ནས། འཁམས་ཏེ་བུ་ལ་འདི་སྐད་ཅེས་སྨྲས་སོ།། འཇིག་རྟེན་ན་དབུལ་འཕོངས་པ་དག་ནི་བློ་མེད་དེ། ལུས་དང་སྲོག་དང་བསྔོས་ནས་འགྲོ་བར་བྱེད་དོ།། ་ཁྱོད་ཅིས་འཕོངས་ན་དེ་ལྟ་བུར་སེམས། ཁྱོད་སྦྱིན་པ་བྱེད་འདོད་ན། ཁྱིམ་ན་ཡོད་པའི་ནོར་ཐམས་ཅད་སྦྱིན་པ་བྱོས་ཤིག། རྒྱ་མཚོར་ནི་འགྲོར་མི་རུང་སྟེ། རྒྱ་མཚོའི་ནང་ན་ཆུ་རླབས་དང་། ་དཔའ་གློང་འཁྱིལ་བ་དང་། ཆུ་སྲིན་དང་། ཀླུ་གདུག་པ་དང་། སྲིན་མོ་དང་། རི་ཆུའི་མདོག་ཅན་ལ་སོགས་ཏེ། ཤིན་ཏུ་ཡ་ང་བའི་བགེགས་མང་དུ་ཡོད་པས་ཐར་པར་དཀའ་ན། ་ཁྱོད་ཅིས་འཕོངས་ན་སྲོག་དང་སྔོ་བར་བྱེད། འདི་ལ་ནི་ཉན་པ་མེད་ཀྱིས་མ་སེམས་པར་འདུག་ཅིག་ཅེས་བསྒོའོ།། སྦྱིན་པ་ཆེན་པོས་དེ་སྐད་ཅེས་བསྒོ་བ་ཐོས་ནས། བསམས་པ་བཞིན ་དུ་མ་གྲུབ་པས་ཡི་དམ་བཅས་ཏེ། བསམས་པ་འདི་མ་གྲུབ་ཀྱི་བར་དུ་ཕ་མའི་མདུན་དུ་ས་ལ་ཁ་བུབ་ཏུ་ཉལ་ཏེ་མི་ལྡང་ངོ་སྙམ་བསམས་ནས། ཡབ་ཡུམ་གྱིས་མཁྱེན་པར་མཛོད་ཅིག ་བདག་ནི་བསམས་པ་བཞིན་དུ་མ་གྲུབ་ཀྱི་བར་དུ། ཁ་བུབ་ཏུ་ཉལ་བ་འདི་ལས་མི་ལྡང་ངོ་ཞེས་སྨྲས་སོ།། དེ་ནས་པ་མ་མི་དགའ་སྟེ། གཉེན་བཤེས་དང་བགྲོས་ནས། རྒྱ་མཚོའི ་ནང་དུ་བགེགས་ཡང་བ་མང་དུ་ཡོད་པའི་གཏམ་ཡང་བྱས། བདག་ཀྱང་རྨང་བས་ལོ་བཅུ་གཉིས་ཀྱི་བར་དུ་ལྷ་ཀུན་ལ་མཆོད་དེ། ཁྱོད་ལྟ་ཞིག་ངའི་བུར་སྐྱེས་ན། ་ངེད་མ་དོར་བར་ཟན་ཟོ་ཞིག་ཅེས་ཞག་གཅིག་ཞག་གཉིས་ནས། ཞག་དྲུག་གི་བར་དུ་ཚིག་རྣམ་པ་སྣ་ཚོགས་ཀྱིས་གྲོས་བཏབ་ཀྱང་མཉན་ཏེ། སྔར་ཇི་སྐད་སྨྲས་པ་ལས་མ་ཟློགས་སོ།། ཕ་མ ་སྒྲག་ནས་ཡང་འདི་སྐད་ཅེས་སྨྲས་སོ། ། བདག་གི་བུ་འདི་ཐོག་མ་ནས་ད་ཙམ་གྱི་བར་དུ་བྱ་བར་བརྩམས་པ་མཐར་མ་གྲུབ་ཀྱི་བར་དུ་མི་གཏོང་བས། རྒྱ་མཚོར་བཏང་ན་བརྒྱ་ལ་ཕྱིར་ལྡོག་ཀྱང ་སྲིད་ཀྱི་མ་བཏང་ན་ཞག་བདུན་ལོན་ནས་འཕྲལ་དུ་བྱེ་བྲག་འབྱེ་སྟེ། ད་ནི་བཏང་དགོས་སོ་སྙམ་བགྲོས་ནས་བུའི་དྲུང་དུ་སོང་སྟེ་ལག་པ་ནས་བཟུང་ནས། བུ་ལོངས་ལ་ཟན་ཟོ་ཞོག ་ཡིད་བཞིན་དུ་འགྲོ་བར་གནང་ངོ་ཞེས་སྤྲས་པ་དང་། སྦྱིན་པ་ཆེན་པོ་ཡང་ལངས་ཏེ། བཟའ་བ་ཟོས་བཏུང་བ་འཐུངས་སོ།། དེ་ནས་ཕྱི་རོལ་ཏུ་བྱུང་སྟེ། མི་མང་པོ་ལ་ཁོ་བོ་རྒྱ་མཚོར་རིན་པོ ་ཆེ་ལེན་དུ་འགྲོའོ། ། ཁྱེད་སུ་འགྲོར་དགའ་བ་རྣམས་དང་འགྲོགས་ཏེ་འདོང་གིས། དེད་དཔོན་ཡང་ཁོ་བོས་བྱས་ལ། ཡོ་བྱད་ཀྱང་ཁོ་བོས་སྦྱར་རོ་ཞེས་བསྒྲགས་སོ།། དེའི་ཚེ་ན་མི་ཝཱ ་བརྒྱ་ཙམ་ཡང་འགྲོ་བར་ཁས་བླངས་ནས། སོ་སོ་ནས་ཡོ་བྱད་སྦྱར་ཏེ། ནམ་འགྲོ་བའི་དུས་ཀྱང་བྱས་ནས། དུས་བཞིན་དུ་ལམ་དུ་ཞུགས་ཏེ་ཆས་སོ།། ལམ་དུ་འཇུག་པའི་ཚེ། ་ཕ་མ་དང་། རྒྱལ་པོ་དང་། རྒྱལ་བུ་དང་། བློན་པོ་ལ་སོགས་ཏེ། ཡུལ་མི་ཐམས་ཅད་ཀྱིས་ཀྱང་བསྐྱལ་ནས་རྫོངས་བཏབ་བོ།། ཕ་མས་ཀྱང་ངུས་ཏེ་ཕྱི་ཕྱག་བྱས་ནས། ཞག་དུ ་མའི་ལམ་འདས་པ་དང་འབྲོག་སྟོང་དུ་ཕྱིན་ཏེ། ནུབ་མོའི་དགོངས་མལ་དུ་མི་རྒོད་ཀྱིས་བཅོམ་ནས་ནོར་རྫས་ཀུན་ཕྲོགས་སོ།། དེ་ནས་སོང་སོང་བ་ལས་གྲོང་ཁྱེར་ཤུ་པར་ཞེས་བྱ་བར ་བྱིཕྱིན་ནས། གྲོང་ཁྱེར་དེ་ན་བྲམ་ཟེ་ཀ་བི་ལི་ཞེས་བྱ་བ་དང་ཕྲད་དེ། བྲམ་ཟེ་དེའི་ཁྱིམ་དུ་སོང་ནས། བྲམ་ཟེ་དེ་ལས་སྦྱིན་པ་ཆེན་པོས་གསེར་སྲང་སུམ་སྟོང་བསླང་བར་བྱས་སོ།། དེའི་ཚེ་ན ་བྲམ་ཟེ་དེ་ལ་བུ་མོ་གསེར་གྱི་མདོག་ཅན་སྒྲ་མཐོན་མཐིང་ཁར་འདུག་པ། རྒྱལ་ཕྲན་བརྒྱད་ཁྲི་བཞི་སྟོང་སྙེད་ཀྱི་རྒྱལ་བུ་ཐམས་ཅད་ཀྱིས་བསླངས་ན་ཡང་མ་སྟེར་བ་གཅིག་ཡོད་དེ། དེའི་ཚེ་ན ་སྦྱིན་པ་ཆེན་པོ་བྲམ་ཟེའི་སྒོར་སོང་སྟེ། བྲམ་ཟེ་ཀ་བི་ལི་འདུག་གམ་ཞེས་དྲིས་པའི་ཚེ། བུ་མོ་ཁྱིམ་གྱི་ནང་ནས་སྦྱིན་པ་ཆེན་པོའི་སྐད་ཐོས་པ་ཙམ་གྱིས། སྒོ་ཕྱི་ན་སྐད་གྲག་པ་འདི་ཁོ་མོའི་ཁྱིམ ་ཐཐོབ་ཡིན་ནོ་ཞེས་ཕ་མ་གཉིས་ལ་སྨྲས་སོ། ། དེ་ནས་བྲམ་ཟེ་དེ་སྒོར་བྱུང་ནས་ཕྲད་པ་དང་། ཁྱེའུ་དེ་ལ་འདི་ནི་ངེས་པར་གཞན་པས་འཕགས་སོ་སྙམ་བསམས་ཏེ། ཁྱེའུ་ངེས་གསེར་བསླངས ་པ་དང་བྲམ་ཟེས་ཀྱང་སྦྱིན་པར་གནང་ནས། ལག་པ་ཡ་གཅིག་ཏུ་གསེར་ཐོགས། ལག་པ་ཡ་གཅིག་གིས་བུ་མོ་ཁྲིད་དེ། བུ་མོ་འདི་ཡང་ཁྱོད་ཀྱི་ཆུང་མར་སྦྱིན་གྱིས་ལོང་ཞིག་ཅེས ་སྨྲས་པ་དང་། སྦྱིན་པ་ཆེན་པོས་སྨྲས་པ། བདག་ནི་རྒྱ་མཚོ་ཆེན་པོར་རིན་པོ་ཆེ་ལེན་དུ་འགྲོ་སྟེ། རྒྱ་མཚོའི་ནང་ན་བགེགས་ཤིན་ཏུ་མང་བས། ཁོ་བོ་འཁོར་རམ་མི ་འཁོར་གྱི་གཏོལ་མེད་དེ། ཁྱོད་ཀྱི་བུ་མོ་ཆུང་མར་ལེན་པའི་ཐུགས་མི་ཐུབ་བོ།། བྲམ་ཟེས་སྨྲས་པ། ཁྱོད་བདེ་བར་འཁོར་ན་བུ་མོ་འདི་ཆུང་མར་ལོང་ཞིག་ཅེས་སྨྲས་པ་དང་། སྦྱིན་པ་ཆེན ་པོས་ཀྱང་ཕྱིར་འཁོར་ན་དེ་བཞིན་དུ་བྱའོ་ཞེས་སྨྲས་སོ། ། དེ་ནས་བྲམ་ཟེས་ཀྱང་གསེར་སྲང་སུམ་སྟོང་དང་། གཞན་ཡང་ཡོ་བྱད་ཅི་དགོས་པ་ཀུན་སྦྱར་ཏེ། དེ་ནས་ཆས་པས་རྒྱ་མཚོའི་ངོགས ་སུ་ཕྱིན་ཏོ། ། དེ་ནས་གྲུ་བཅོས་ཏེ་གྲུའི་ནང་དུ་ཞུགས་ནས། དེ་ནས་ཐག་པ་བདུན་གྱིས་བརྟོད་དེ། གྲུའི་ནང་ནས་འདི་སྐད་ཅེས་སྨྲས་སོ།། རྒྱ་མཚོའི་ནང་ན་བགེགས་འདི་དག་ཡོད་དེ། འདི ་ལྷསྟྭ~ཾ། རླུང་ནག་པོ་དང་། སྲིན་པོ་དང་། ཆུའི་དབའ་རླབས་འཁྱིལ་བ་དང་། ཀླུ་གདུག་པ་དང་། ཆུའི་མདོག་ལྟ་བུའི་རི་དང་། ཆུ་སྲིན་ལ་སོགས་པའི་བགེགས་ཡང་བ་མང་དུ་ཡོང ་ཀྱིས་ཁྱེད་ལས་འགྲོར་མ་དད་པ་ཞིག་ཡོད་ན་འདི་ལས་ཕྱིར་ལོག་ཅིག། ཕྱིས་འགྱོད་པར་གྱུར་ཏ་རེ། གལ་ཏེ་ལུས་དང་སྲོག་ལ་མི་ལྟ་སྟེ། ཕ་མ་དང་། ཕུ་ནུ་དང་། བུ་དང ་ཆུང་མ་དང་། གཉེན་བཤེས་ལ་མ་ཆགས་པ་འདིང་ངོ་།། གལ་ཏེ་བདེ་བར་ཕྱིན་ན་རིན་པོ་ཆེ་སྣ་བདུན་གྱིས་བུ་ཚ་རབས་བདུན་ཚུན་ཆད་ཕྱག་པར་འགྱུར་ཏེ། ལོངས་སྤྱོད་ཟད་མི་ཤེས་པར ་འགྱུར་རོ། ། ཞེས་སྨྲས་ནས་ཐག་པ་གཅིག་བཅད་དོ།། དེ་བཞིན་དུ་ཉི་མ་བདུན་གྱི་བར་དུ་ཉིན་རེ་ལན་རེ་དེ་སྐད་སྨྲས་ནས། བརྟོད་ཐག་རེ་རེ་བཅད་དེ་རླུང་དང་སྦྱར་ཏེ། གཡོར་ཤིང་བསྒྲང ་བས་མགྱོགས་ཁྱད་མདའ་བཞིན་སོང་ངོ་། ། དེ་ནས་ཚོང་པ་དག་དང་རིན་པོ་ཆེའི་གླིང་དུ་ཕྱིན་ནས། སྦྱིན་པ་ཆེན་པོ་མང་དུ་ཐོས་པས་རིན་པོ་ཆེ་བརྟག་པ་ལ་ཡང་ཤིན་ཏུ་མཁས་ཏེ། རིན་པོ་ཆེ་བཟང ་ངན་དང་། ལྕི་ཡང་དང་། ཇི་ཙམ་རི་བའི་རིན་ཐང་ཕན་ཚུན་ཚོང་པ་རྣམས་ལ་བསྟན་ནས། རིན་པོ་ཆེ་ཁ་དོག་འདི་ལྟ་བུ་ནི་ཡང་མོད་ཀྱི་རིན་ཆེའོ།། རིན་པོ་ཆེ་འདི་དག་ནི་ལྕི་ཡང་རིན་ཆུང་གིས ་མ་ལེན་ཅིག། ཧ་ཅང་ཡང་མང་ཆེས་ན་གྲུ་ལྕི་བས་འབྱིང་ངོ་།། ཧ་ཅང་ཉུང་ཆེས་ན་ཡང་ཉོན་མོངས་ཏེ་སོང་སོང་བའི་དོན་མེད་པས། འདི་ཙམ་ཞིག་ནི་རན་ནོ་ཞེས་བྱ་བ་ལ་སོགས་པའི་ཚད་ཀྱང ་བསྟན་ནས། རིན་པོ་ཆེ་གྲུར་བརྫངས་ཏེ། ཅི་ལ་ཡང་མ་རག་ནས། ད་ཕྱིར་འདོང་ངོ་ཞེས་ཆས་པ་དང་། སྦྱིན་པ་ཆེན་པོ་གྲུའི་ནང་དུ་འོང་དུ་མ་བཏུབ་ནས། ཚོང་པ་རྣམས་ལ་ཁོ་བོ་ནི་ཀླུའི་རྒྱལ ་པོའི་ཕོ་བྲང་ནས། ཡིད་བཞིན་གྱི་ནོར་བུ་རིན་པོ་ཆེ་མ་ཐོབ་ཀྱི་བར་དུ་མི་ལྡོག་གོ་ཞེས་སྨྲས་སོ།། དེ་ནས་ཚོང་པ་རྣམས་ཀྱིས་ངུས་ཏེ། མྱ་ངན་གྱིས་ཡི་མུག་ནས་འདི་སྐད་ཅེས་སྨྲས་སོ།། བདག ་ཅག་ཚོང་པ་འདི་རྣམས་ནི། སྐྱེས་བུ་དེད་དཔོན་ཁྱོད་ཀྱི་གཡོག་ཏུ་འོངས་ཏེ། ང་ཁྱོད་ཀྱིས་འདིར་དོར་ཏེ་མི་འགྲོ་ན། བདག་ཅག་ཀྱང་ཕྱིར་ཁྱིམ་དུ་མི་ཕྱིན་ཏེ། ཐམས་ཅད་འཁྱམས་པར ་འགྱུར་རོ། ། སྦྱིན་པ་ཆེན་པོས་སྨྲས་པ། ཚོང་པ་ཁྱེད་ཀྱང་མི་ཉེས་པར་ཡུལ་དུ་ཕྱིན་པར་ཁོ་བོས་ཀྱང་སྨོན་ལམ་གདབ་བོ་ཞེས་པོག་པོར་ལག་ཏུ་བླངས་ཏེ། ཕྱོགས ་བཞིར་མཆོད་ནས་འདི་སྐད་ཅེས་སྨྲས་སོ། ། བདག་ནི་རིན་པོ་ཆེ་བླངས་ཏེ། སེམས་ཅན་འཕོངས་པ་ལ་སྦྱིན་པར་མ་ཟད་ཀྱི། དེ་ལྟར་སྦྱིན་པ་བྱེད་པའི་བསོད་ནམས་དེས་སངས་རྒྱས་སུ་འགྲུབ ་པའི་ཕྱིར་རོ། ། བདག་གིས་སྨྲས་པ་འདི་བདེན་ཏེ་སྨོན་ལམ་བཞིན་དུ་འགྲུབ་ན། ཚོང་པ་འདི་དག་རིན་པོ་ཆེ་དང་བཅས་པ་ཉེ་ཞོ་མེད་པར་འཛམ་བུའི་གླིང་དུ་བདེ་བར་ཕྱིན་པར་ཤོག་ཅིག་ཅེས་སྨོན ་ལམ་བཏབ་ནས། ཐག་པ་བཅད་དེ་གཡོར་ཤིང་བསྒྲེང་ནས་ཕྱིར་འཛམ་བུའི་གླིང་དུ་བདེ་བར་དོང་ངོ་།། དེ་དག་སོང་བའི་འོག་ཏུ་སྦྱིན་པ་ཆེན་པོ་ཆུར་ཞུགས་ཏེ་སོང་བ་ལས། ཞག་བདུན ་གྱི་བར་དུ་ནི་པུས་མོ་ཙམ་ལས་མ་ནུབ་བོ། ། དེ་ནས་ཡང་ཞག་བདུན་གྱི་བར་དུ་ནི་བརླ་དྲུང་ཙམ་ལས་མ་ནུབ་བོ།། དེ་ནས་ཡང་ཞག་བདུན་སོང་བ་ལས་སྐུད་པ་ཙམ་ལས་མ་ནུབ་བོ།། ཞག ་བདུན་ལེན་གྱི་བར་དུ་ནི་ཕྲག་པ་ཙམ་དུ་ཕྱིན་ཏོ། ། དེ་ནས་ཞག་བདུན་ནི་རྒྱལ་ལོ།། དེ་ནས་རི་ཞིག་གི་དྲུང་དུ་ཕྱིན་པ་དང་། ཤིང་ལ་འཇུས་ཏེ་རི་ལ་འཛེགས་ནས། ཞག་བདུན་གྱིས ་རྩེ་མོར་ཕྱིན་ཏོ། ། རི་རྩེར་ཞག་བདུན་སོང་སོང་ནས། ཡང་ཞག་བདུན་གྱིས་ཤོང་དུ་ཆུ་འགྲམ་དུ་ཕྱིན་ཏོ།། ཆུ་འགྲམ་དུ་ཕྱིན་པ་དང་། ཆུའི་ནང་ན་པདྨ་གསེར་གྱི་མདོག་ཅན་ཡོད་པ་ལ། ་སྦྲུལ་གདུག་པས་པདྨའི་རྩ་བ་ལ་དཀྲིས་ཤིང་འདུག་པ་མཐོང་ངོ་།། དེ་ནས་བྱང་ཆུབ་སེམས་དཔའ་སྐྱིལ་མོ་ཀྲུང་བཅས་ཏེ་འདུག་ནས། སེམས་རྩེ་གཅིག་ཏུ་བྱམས་པའི་ཏིང་ངེ་འཛིན་ལ ་ཞུགས་ཏེ། སྦྲུལ་གདུག་པ་འདི་དག་ཀྱང་སྔོན་ཞེ་སྡ་དང་ཕྲག་དོག་བྱས་པའི་རྐྱེན་གྱིས་འདི་ལྟ་བུའི་ལུས་མི་སྡུག་པ་མྱོང་ངོ་སྙམ་ལྷག་པར་དེ་ལ་སྙིང་བརྩེ་བའི་སེམས་སྐྱེས་པས། སྦྲུལ་གདུག ་པ་དེའི་གདུག་པ་ཀུན་ཞི་ནས། བྱང་ཆུབ་སེམས་དཔའ་པདྨ་དེའི་སྟེང་ནས་གོམ་པ་དོར་ཏེ་སོང་སོང་བ་ལས། ཞག་བདུན་གྱིས་སྦྲུལ་གདུག་པ་དེ་དག་ལས་རྟོལ་ཏོ།། དེ་ནས་ཡང་སོང ་སོང་བ་ལས་སྲིན་པོ་དང་ཕྲད་ནས། སྲིན་པོ་དེ་དག་མིའི་དྲི་ཚོར་བས་ཀུན་ཏུ་འཚོལ་ལོ།། དེ་ནས་བྱང་ཆུབ་སེམས་དཔའ་སེམས་རྩེ་གཅིག་ཏུ་བྱམས་པའི་སེམས་ཀྱིས་བརྟགས་པས ་སྲིན་པོ་དེ་དག་འཇམ་པའི་ཚིག་གིས་སྐྱེས་བུ་ཁྱོད་གང་ནས་འོངས། གང་དུ་འགྲོ་ཞེས་དྲིས་སོ།། དེ་ལ་སྦྱིན་པ་ཆེན་པོས་ཁོ་བོ་ནི་ཡིད་བཞིན་ནོར་བུ་རིན་པོ་ཆེ་འཚོལ་དུ་འོངས་སོ་ཞེས་སྨྲས་སོ།། ་དེ་ནས་སྲིན་པོ་དེ་དག་རབ་ཏུ་དགའ་སྟེ། འདི་ནི་བསོད་ནམས་ཆེན་པོ་དང་ལྡན་པ་ཞིག་གོ་སྙམ་བསམས་ནས། འདི་ནི་ད་དུང་ཀླུའི་ཕོ་བྲང་ལས་ཤིན་ཏུ་རིང་སྟེ། ནམ་ཡང་མི་བྱིན་པས་ཉོན ་མོངས་པར་འགྱུར་གྱིས། མཐུ་ཞིག་བསྟངས་ཏེ་བསྐྱལ་ལོ་སྙམ་ནས། ནམ་མཁའ་ལ་ཁྱེར་ཏེ་དཔག་ཚད་བཞི་བརྒྱའི་ཕ་རོལ་ཏུ་ཕྱིན་ནས། ཕྱིར་ཡང་ས་ལ་བཞག་གོ།། སྦྱིན་པ་ཆེན་པོ ་དེ་ནས་ཡང་སོང་སོང་བ་ལས། རིང་པོ་མ་ལོན་པར་དངུལ་གྱི་མཁར་ཞིག་མཐོང་ནས། ཀླུའི་གནས་ཡིན་ནོ་སྙམ་བསམས་ཏེ་ཉེ་བར་སོང་ངོ་།། མཁར་དེའི་ཕྱི ་རོལ་པོ་བས་རིམ་པ་བདུན་གྱིས་བསྐོར་ཏེ། འོབས་ཀྱི་ནང་ན་སྦྲུལ་གདུག་པ་འཇིགས་སུ་རུང་བས་གང་ངོ་།། སྦྱིན་པ་ཆེན་པོས་དེ་དག་མཐོང་ནས། སྦྲུལ་གདུག་པ་འདི་དག་ནི་སྔོན་ཞེ་སྡང་ཆེ ་བའི་ལན་གྱིས། འདི་ལྟ་བུའི་ལུས་འཇིགས་སུ་རུང་བ་མྱོང་བར་གྱུར་ཏོ་སྙམ་སྟེ། དེ་ལ་བུ་གཅིག་པ་དང་འདྲ་བར་བྱམས་ཤིང་སྙིང་རྗེ་བའི་སེམས་སྐྱེས་ཏེ། དེ་ལྟར་བྱམས་པའི་སེམས ་བསྐྱེད་པས། སྦྲུལ་གྱི་གདུག་པ་ཡང་ཞི་བར་གྱུར་ནས། སྦྲུལ་དེ་དག་བརྫིས་ཏེ་ཀླུའི་མཁར་དུ་སོང་ངོ་།། མཁར་དེ་ལ་ཀླུ་གཉིས་ཀྱིས་དཀྲིས་ཏེ། ཀླུའི་མགོ་མཁར་སྒོ་ལ་བསྟན་ཏོ།། ་ཀླུ་དེ་གཉིས་ཀྱིས་སྦྱིན་པ་ཆེན་པོ་མཐོང་ནས། མགོ་བཏེག་སྟེ་གདུག་པ་འབྱིན་པ་ལས། སྦྱིན་པ་ཆེན་པོས་བྱམས་པའི་སེམས་བསྐྱེད་པས། གདུག་པ་ཡང་ཞི་ནས་མགོ་སྨད་དེ་ཉལ་ལོ།། ་སྦྱིན་པ་ཆེན་པོས་ཀླུའི་མགོ་ལ་བརྫིས་ནས། མཁར་གྱི་ནང་དུ་སོང་བ་དང་། མཁར་གྱི་ནང་ན་ཀླུ་ཞིག་རིན་པོ་ཆེ་སྣ་བདུན་གྱི་གཞལ་མེད་ཁང་ན་འདུག་པ་མཐོང་ངོ་།། ཀླུའི་རྒྱལ་པོ་ངེས ་བྱང་ཆུབ་སེམས་དཔའ་མཐོང་བ་དང་། དངངས་ཏེ་འདི་སྙམ་དུ་བསམས་སོ།། ངའི་གནས་འདི་འོབས་རིམ་པ་བདུན་གྱིས་བསྐོར་ཏེ། འོབས་ཀྱི་ནང་ན་སྦྲུལ་གདུག་པས་གང་བས ་། ཀླུ་དང་གནོད་སྦྱིན་མ་ཡིན་པ་གཞན་གང་ཡང་འདིར་འོང་བའི་ཐུགས་མི་ཐུབ་ན། འདི་ལྟ་བུ་སུ་ཞིག་ཡིན་སྙམ་སྟེ་འདུག་པ་ལས་ལངས་ནས་བསུ་སྟེ། བསྟི་སྟང་དང་བཅས་པས་ཕྱག་བྱས་ནས ་རིན་པོ་ཆེའི་ཁྲི་ལ་བཞག་སྟེ། ཁ་ཟས་རྣམ་པ་སྣ་ཚོགས་བྱིན་ནོ།། ཁ་ཟས་ཟོས་ནས་ཁྱོད་འདིར་ཅི་ལ་འོངས། ཇི་ལྟར་ཕྱིན་ཅེས་དྲིས་སོ།། བྱང་ཆུབ་སེམས་དཔས་སྤྲས་པ། འཛམ་བུའི ་གླིང་གི་མི་དག་ནི་དབུལ་འཕོངས་པས། ནོར་དང་། གོས་དང་། ཟས་ཀྱི་ཕྱིར། གཅིག་ལ་གཅིག་རྣམ་པ་སྣ་ཚོགས་ཀྱིས་འཚེ་ཞིང་གནོད་པ་བྱེད་དེ། ཚེ་འཕོས་མ་ཐག་ཏུ་ངན་སོང་གསུམ། ་དུ་ལྟུང་ངོ་།། བདག་ནི་དེ་དག་ལ་སྙིང་བརྩེ་སྟེ། དེ་དག་གི་མགོན་བྱ་བའི་ཕྱིར། ལམ་རིང་པོ་ནས་ཉོན་མོངས་པ་དང་བསྔོས་ཏེ། རྒྱལ་པོ་ཆེན་པོ་ཁྱོད་ལ་ནོར་བུ་རིན་པོ་ཆེ་སློང་དུ་འོངས་སོ།། ཡིད ་བཞིན་གྱི་ནོར་བུ་རིན་པོ་ཆེས་སེམས་ཅན་ལ་ཕན་གདགས་པའི་བསོད་ནམས་ཀྱིས་མངོན་པར་འཚང་རྒྱ་བར་འཚལ་གྱིས། བདག་གི་ཡིད་དང་མི་འགལ་བར་རིན་པོ་ཆེ་སྩལ་བར་གསོལ་ལོ།། ཀླུའི ་རྒྱལ་པོས་སྨྲས་པ། ཡིད་བཞིན་གྱི་ནོར་བུ་རིན་པོ་ཆེ་ནི་ཤིན་ཏུ་ཡང་རྙེད་དཀའ་བ་ཡིན་ཏེ། ཁྱོད་དོན་འདིའི་ཕྱིར་འོངས་ན་འདིར་ཟླ་བ་གཅིག་ཅིག་འདུག་སྟེ། བདག་གི་མཆོད་པ་ཅུང་ཟད་པ་ཞེས ་ལ་བདག་ཅག་ལ་ཆོས་ཀྱང་བསྟན་ན། ཡིད་བཞིན་གྱི་ནོར་བུ་རིན་པོ་ཆེ་ཡང་སྦྱིན་ནོ་ཞེས་བྱས་པ་དང་། བྱང་ཆུབ་སེམས་དཔས་ཀྱང་དེ་བཞིན་དུ་བྱའོ་ཞེས་སྨྲས་སོ།། དེ་ནས་ཀླུའི་རྒྱལ་པོས ་ཉིན་གཅིག་བཞིན་དུ། ཁ་ཟས་རོ་བརྒྱ་དང་ལྡན་པ་རྣམ་པ་སྣ་ཚོགས་སྦྱར་ཏེ་ཕུལ་ནས། རོལ་མོས་བྱང་ཆུབ་སེམས་དཔའ་ལ་མཆོད་།། བྱང་ཆུབ་སེམས་དཔས ་ཀྱང་དེ་ལ་དྲན་པ་ཉེ་བར་གཞག་པའི་ཆོས་ཀྱི་ཡན་ལག་ཟླ་བ་གཅིག་གི་བར་དུ་བསྟན་ནས། ཕྱིར་འགྲོའོ་ཞེས་བྱས་པ་དང་། ཀླུའི་རྒྱལ་པོ་དགའ་ནས་སྤྱི་བོའི་གཙུག་ཕུད་ལས་ཡིད་བཞིན་གྱི ་ནོར་བུ་རིན་པོ་ཆེ་བཀྲོལ་ཏེ་ཕུལ་ལོ། ། སྐྱེས་བུ་ཆེན་པོ་འགྲོ་བ་ལ་ཕན་པའི་དོན་དུ་ཡི་དམ་ལ་ཤིན་ཏུ་བརྟན་པ་ཁྱོད་གདོན་མི་ཟ་བར་འཚང་རྒྱའོ།། ནམ་མངོན་པར་སངས་རྒྱས་པ་ན། བདག ་ཀྱང་ཁྱོད་ཀྱི་ཉེ་གནས་མཆོག་ཏུ་གྱུར་ཅིག་ཅེས་སྤྲས་སོ། ། དེ་ནས་ཀླུའི་རྒྱལ་པོ་ལ་ནོར་བུ་རིན་པོ་ཆེ་འདི་ལ་མཐུ་སྟོབས་ཅི་ཡོད་ཅེས་དྲིས་ན། སྤྲས་པ། ནོར་བུ་འདི་ནི་དཔག་ཚད་ཉིས་སྟོང་ཁོ་ར ་ཁོར་ཡུག་ཏུ་དགོས་པ་ཐམས་ཅད་ཆར་བཞིན་དུ་འབེབས་ནུས་སོ། ། བྱང་ཆུབ་སེམས་དཔས་བསམས་པ། ནོར་བུ་རིན་པོ་ཆེ་འདི་མཐུ་སྟོབས་ཆེ་མོད་ཀྱི། འོན་ཀྱང་བདག་གིས་བསམས་པའི ་དོན་ཆེན་པོ་སྒྲུབ་ནུས་པ་མ་ཡིན་ནོ་སྙམ་བསམས་ནས། ཀླུའི་རྒྱལ་པོ་འཁོར་དང་བཅས་པས་བསྐྱལ་ཏེ་སོང་ངོ་།། དེ་ནས་ཡང་སོང་སོང་བ་ལས་རྒྱང་མ་ནས་བཻ་ཌཱུཪྻ་སྔོན་པོའི་མཁར་ཅིག་མཐོང་ངོ་།། ་མཁར་དེ་འདོད་པར་སོང་བ་དང་། མཁར་དྲུང་དུ་ཕྱིན་ན། མཁར་དེ་ཡང་འོབས་རིམ་པ་བདུན་གྱིས་བསྐོར་རོ།། འོབས་ཀྱི་ནང་ན་སྦྲུལ་གདུག་པས་ཡོངས་སུ་གང་ངོ་།། བྱང་ཆུབ་སེམས ་དཔས་སྦྲུལ་གདུག་པ་དེ་དག་ལ་སྙིང་བརྩེ་ཞིང་བྱམས་པའི་སེམས་བསྐྱེད་པས། སྦྲུལ་གྱི་གདུག་པ་ཞི་ནས་སྦྲུལ་དེ་དག་ལ་བརྫིས་ཏེ་སོང་ངོ་།། མཁར་སྒོར་བྱིན་པ་དང་། ཀླུ་གཉིས་ཤིག་མཁ ་སྒོ་ན་ཉལ་བ་ཡང་བྱང་ཆུབ་སེམས་དཔའ་སྙིང་བརྩེ་ཞིང་བྱམས་པའི་སེམས་ཀྱིས། ཀླུའི་གདུག་པ་ཞི་ནས་མགོ་ལ་བརྫིས་ཏེ་མཁར་གྱི་ནང་དུ་སོང་ངོ་།། དེའི་མཁར་དེ་ན་ཀླུའི་རྒྱལ་པོ་གཅིག། ་རིན་པོ་ཆེ་སྣ་བདུན་གྱི་གཞལ་མེད་ཁང་ན་འདུག་པས། རྒྱང་མ་ནས་བྱང་ཆུབ་སེམས་དཔའ་མཐོང་ནས། འདི་སྙམ་དུ་བདག་གི་གནས་འདི་ལ་འོབས་རིམ་པ་བདུན་གྱིས་བསྐོར་ཏེ། འོབས་ཀྱི་ནང ་ན་སྦྲུལ་གདུག་པས་གང་བས། ཀླུ་དང་གནོད་སྦྱིན་མ་ཡིན་པ་གཞན་སུ་ཡང་འོང་བའི་ཐུགས་མི་ཐུབ་ན། མི་འདི་ལྟ་བུ་སུ་ཡིན། གང་ནས་འོངས་སྙམ་སྟེ་ཡ་མཚན་དུ་གྱུར་ནས། བསུ་སྟེ ་བསྟི་སྟང་དང་བཅས་པས་ཕྱག་བྱས་ནས། རིན་པོ་ཆེའི་གདན་ལ་བཞག་གོ།། དེ་ནས་ཁ་ཟས་རོ་བརྒྱ་དང་ལྡན་པ་རྣམ་པ་སྣ་ཚོགས་སྦྱར་ཏེ་ཕུལ་ནས། བྱང་ཆུབ་སེམས་དཔས་ཁ་ཟས་ཟོས་པའི ་འོག་ཏུ་ཁྱོད་འདིར་ཅི་ལ་འོངས། དོན་ཅི་ཡོད་ཅེས་དྲིས་སོ།། བྱང་ཆུབ་སེམས་དཔས་སྨྲས་པ། བདག་ནི་རྒྱལ་པོ་ཁྱོད་ལ་ཡིད་བཞིན་གྱི་ནོར་བུ་རིན་པོ་ཆེ་སློང་དུ་འོངས་སོ།། ཀླུས་སྨྲས་པ ་རིན་པོ་ཆེ་ནི་ཤིན་ཏུ་ཡང་རྙེད་པར་དཀའ་སྟེ། ཁྱོད་འདོད་པ་ཡང་དག་ན། ཁོ་བོས་གསོལ་བ་བཞིན་དུ་ཟླ་བ་གཉིས་ཤིག་འདིར་འདུག་སྟེ། བདག་ཅག་ལ་བྱང་ཆུབ་སེམས་དཔའི་སྤྱོད་པ་བསྟན ་ནས་བདག་ཅག་གི་མཆོད་པ་བཞེས་ན། རིན་པོ་ཆེ་ཡང་སྦྱིན་ནོ་ཞེས་བྱས་པ་དང་། སྦྱིན་པ་ཆེན་པོས་ཀྱང་དེ་བཞིན་དུ་བྱའོ་ཞེས་སྨྲས་སོ།། དེ་ནས་ཀླུའི་རྒྱལ་པོས་ཟླབ ་གཉིས་ཀྱི་བར་དུ། ཁ་ཟས་རོ་བརྒྱ་དང་ལྡན་པ་རྣམ་པ་སྣ་ཚོགས་སྦྱར་ཏེ་ཕུལ་ནས། རོལ་མོ་སྣ་ཚོགས་ཀྱིས་མཆོད་དེ། བྱང་ཆུབ་སེམས་དཔས་ཀྱང་དེ་དག་ལ་རྫུ་འཕྲུལ་གྱི་རྐང་པ་བཞིའི་ཆོས ་ཀྱི་རྣམ་གྲངས་ཟླ་བ་གཉིས་ཀྱི་བར་དུ་བསྟན་ཏེ། ཕྱིར་འགྲོ་བར་བསམས་ནས། ཀླུའི་རྒྱལ་པོས་ཀྱང་ཡིད་བཞིན་གྱི་ནོར་བུ་རིན་པོ་ཆེ་བཀྲོལ་ཏེ་ཕུལ་ནས། སྐྱེས་བུ་ཆེན་པོ་ཡི་དམ་ལ ་ཤིན་ཏུ་བརྟན་པ་ཁྱོད་གདོན་མི་ཟ་བར་འཚང་རྒྱའོ། ། ནམ་མངོན་པར་སངས་རྒྱས་པ་ན། བདག་ཀྱང་ཁྱོད་ཀྱི་ཉེ་གནས་བགྱིའོ་ཞེས་སྨྲས་པ་དང་། དེ་བཞིན་དུ་གྱུར་ཅིག་ཅེས་སྨྲས་སོ།། ་ནོར་བུ་རིན་པོ་ཆེ་འདི་ལ་མཐུ་སྟོབས་ཅི་ཡོད་ཅེས་དྲིས་ན། ནོར་བུ་འདི་ནི་དཔག་ཚད་བཞི་སྟོང་ཁོ་ར་ཁོར་ཡུག་ཏུ་ཅི་འདོད་པ་ཐམས་ཅད་ཆར་བཞིན་དུ་འབེབས་སོ་ཞེས་སྨྲས་སོ།། བྱང་ཆུབ ་སེམས་དཔས་ཡང་འདི་སྙམ་དུ་རིན་པོ་ཆེ་འདི་མཐུ་སྟོབས་ཆེ་མོད་ཀྱི། བདག་གི་བསམ་པ་གྲུབ་པ་མ་ཡིན་ནོ་སྙམ་ནས། ཀླུའི་འཁོར་གྱིས་སྒོའི་ཕྱི་རོལ་ཏུ་བྱང་ཆུབ་སེམས་དཔའ་བསྐྱལ ་ཏོ། དེ་ནས་ཡང་སོང་སོང་བ་ལས་རྒྱང་མ་ནས་གསེར་གྱི་མཁར་རབ་ཏུ་འཚེར་བ་ཞིག་མཐོང་ནས། བྱང་ཆུབ་སེམས་དཔའ་དེའི་དྲུང་དུ་སོང་ནས་ཕྱིན་པ་དང་། མཁར་དེ་ཡང་འོབས་རིབ ་བ་བདུན་གྱིས་བསྐོར་ཏེ། འོབས་ཀྱི་ནང་ན་སྦྲུལ་གདུག་པས་ཡོངས་སུ་གང་བ་མཐོང་ངོ་།། བྱང་ཆུབ་སེམས་དཔའ་ཡང་བྱམས་པའི་སེམས་བསྐྱེད་པས། སྦྲུལ་གྱི་གདུག་བཞི ་ནས་དེ་ལ་བརྫིས་ཏེ་སོང་ངོ་། ། མཁར་དེ་ལ་ཡང་ཀླུ་གཉིས་ཤིག་འཁྱིལ་ཏེ་མགོ་སྒོ་རོལ་དུ་བསྟན་ནས་ཉལ་བ། བྱང་ཆུབ་སེམས་དཔས་མཐོང་ནས། མགོ་བཏེག་སྟེ་གདུག་པ་འབྱིན་པ། ་ལས་བྱང་ཆུབ་སེམས་དཔས་སྙིང་བརྩེ་ཞིང་བྱམས་པའི་སེམས་བསྐྱེད་པས། གདུག་པ་ཞི་ནས་དེའི་མགོ་ལ་བརྫིས་ཏེ་མཁར་གྱི་ནང་དུ་སོང་ངོ་།། མཁར་གྱི་ནང་ན་ཀླུའི་རྒྱལ་པོས ་རིན་པོ་ཆེའི་གཞལ་མེད་ཁང་ནས་བྱང་ཆུབ་སེམས་དཔའ་རྒྱང་མ་ནས་མཐོང་ནས་འདི་སྙམ་དུ། བདག་གི་གནས་འདི་ནི་འོ་བས་རིམ་པ་བདུན་གྱིས་བསྐོར་ཏེ། འོབས་ཀྱི་ནང་ན་སྦྲུལ་གདུག ་པས་གང་བས། ཀླུ་དང་གནོད་སྦྱིན་མ་གཏོགས་པར་གཞན་གང་ཡང་འོང་བའི་ཐུགས་མི་ཐུབ་ན། མི་འདི་སུ་ཡིན་གང་ནས་འོངས་སྙམ་ངོ་མཚར་དུ་བཟུང་སྟེ། རྒྱང་མ་ནས་བསུ་ནས ་བསྟི་སྟང་དང་བཅས་པས་ཕྱག་འཚལ་ཏེ། རིན་པོ་ཆེའི་གདན་ལ་འདུག་ཏུ་བཅུག་གོ། དེ་ནས་ཁ་ཟས་རོ་བརྒྱ་དང་ལྡན་པ་རྣམ་པ་སྣ་ཚོགས་སྦྱར་ཏེ་ཕུལ་ནས། ཁ་ཟས་ཟོས་པའི་འོག་ཏུ ་ཁྱོད་སུ་ཞིག་གང་ནས་འོངས་ཞེས་དྲིས་སོ། ། དེ་ལ་བྱང་ཆུབ་སེམས་དཔས་བདག་ནི་འཛམ་བུའི་གླིང་ནས་མཆིས་ཏེ། འཛམ་བུའི་གླིང་གི་སེམས་ཅན་དག་བསོད་ནམས་ཆུངས་པས་ནོར་དང ་ཟས་དང་། སྐོམ་གྱི་ཕྱིར་གཅིག་ལ་གཅིག་རྣམ་པ་སྣ་ཚོགས་པས་འཚེ་ཞིང་གསོད་དེ། མི་དགེ་བ་བཅུའི་ལས་རྫོགས་པར་བྱེད་པས། ཚེ་འཕོས་མ་ཐག་ཏུ་ངན ་སོང་གསུམ་དུ་ལྟུང་ཞིང་སྡུག་བསྔལ་མང་པོ་མྱོང་བར་འགྱུར་བས། བདག་ནི་དེ་དག་ལ་སྙིང་བརྩེ་སྟེ་མགོན་བྱ་བའི་ཕྱིར། རྒྱལ་པོ་ཆེན་པོ་ཁྱོད་ལ་ཡིད་བཞིན་གྱི་ནོར་བུ་རིན་པོ་ཆེ་སློང་དུ་འོངས་སོ།། ་ཀླུའི་རྒྱལ་པོས་སྨྲས་པ། ཡིད་བཞིན་གྱི་ནོར་བུ་རིན་པོ་ཆེ་ནི་རྙེད་པར་སླ་བ་མ་ཡིན་ཏེ། སྐྱེས་བུ་ཁྱོད་བདག་ལ་རེ་སྟེ་འོངས་ན། བདག་གི་གནས་འདིར་ཟླ་བ་བཞི་ཞིག་འདུག་སྟེ། བདག ་ཅག་གི་མཆོད་པ་བཞེས་ན། རིན་པོ་ཆེ་ཡང་དབུ་ལ་ལོ་ཞེས་བྱས་པ་དང་། བྱང་ཆུབ་སེམས་དཔས་ཡང་དེ་བཞིན་དུ་བགྱིའོ་ཞེས་སྨྲས་ནས། ཀླུའི་རྒྱལ་པོས་ཟླ་བ་བཞིའི་བར་དུ་ཁ་ཟས ་རོ་བརྒྱ་དང་ལྡན་པ་རྣམ་པ་སྣ་ཚོགས་སྦྱར་ཏེ་ཕུལ་ནས། རོལ་མོ་མང་པོས་ཀྱང་མཆོད་དོ།། དེ་ལ་བྱང་ཆུབ་སེམས་དཔས་ཆོས་ཀྱི་རྣམ་གྲངས་རྒྱ་ཆེར་ཕྱེ་ཞིང་བསྟན་པས། ཀླུའི་རྒྱལ ་པོ་རབ་ཏུ་དགའ་སྟེ། ཀླུ་གཞན་དང་གནོད་སྦྱིན་གཞན་ལ་མི་ལྟོས་པར། ཡོ་བྱད་ཐམས་ཅད་ཀྱང་ཡིད་བཞིན་དུ་སྦྱར་ཏོ།། དེ་ལྟ་བུའི་ཚུལ་དུ་ཟླ་བ་བཞི་བྱས་ནས། བྱང་ཆུབ་སེམས ་དཔའ་འགྲོ་བར་ཆས་པ་དང་། ཀླུའི་རྒྱལ་པོས་གཙུག་ཕུད་ནས་ཡིད་བཞིན་གྱི་ནོར་བུ་རིན་པོ་ཆེ་བཀྲོལ་ཏེ། བྱང་ཆུབ་སེམས་དཔའ་ལ་ཕུལ་ནས་སྐྱེས་བུ་ཆེན་པོ་ཡི་དམལ་བརྟན་པ་ཁྱོད ་གདོན་མི་ཟ་བར་འཚང་རྒྱའོ། ། ནམ་མངོན་པར་སངས་རྒྱས་པ་ན། བདག་ཀྱང་ཉེ་གནས་མཆོག་ཏུ་གྱུར་ཏེ། བསྙེན་བཀུར་བྱེད་པར་ཤོག་ཅིག་ཅེས་སྨོན་ལམ་བཏབ་བོ།། བྱང་ཆུབ ་སེམས་དཔས་ཀྱང་དེ་བཞིན་དུ་གྱུར་ཅིག་ཅེས་སྨྲས་ནས། ནོར་བུ་རིན་པོ་ཆེ་འདི་ལ་མཐུ་སྟོབས་ཇི་ཙམ་ཞིག་ཡོད་ཅེས་དྲིས་སོ།། ཀླུའི་རྒྱལ་པོས་སྨྲས་པ། རིན་པོ་ཆེ་འདི་ནི་དཔག་ཚད་བརྒྱད།། ་སྟོང་ཁོ་ར་ཁོར་ཡུག་ཏུ་རིན་པོ་ཆེ་ཆར་བཞིན་འབེབས་ཏེ། ཅི་འདོད་པ་ཐམས་ཅད་འབབ་བོ་ཞེས་སྨྲས་པ་དང་། བྱང་ཆུབ་སེམས་དཔའ་གདོད་དགའ་ནས་འདི་སྙམ་དུ། འཛམ་བུ ་གླགླིང་གིས་ཁྱོན་ནི་དཔག་ཚད་བདུན་སྟོང་ལས་མེད་དེ། ནོར་བུ་རིན་པོ་ཆེ་འདིས་ནི་བདག་གི་རེ་བ་སྐོང་ངོ་སྙམ་བསམས་ནས། སྔ་ཕྱིར་རྙེད་པའི་རིན་པོ་ཆེ་གསུམ་ཆར་གོས་ཀྱི་མཐའ་མར ་ཕུར་ཏེ་མཁར་གྱི་སྒོར་བྱུང་བ་དང་། ཀླུའི་རྒྱལ་པོ་འཁོར་དང་བཅས་པས་བསྐྱལ་ནས་སོ་སོར་དོང་ངོ་།། བྱང་ཆུབ་སེམས་དཔས་པ་ཟད་ཅིག་ཏུ་ཕྱིན་ནས། ནོར་བུ་རིན་པོ་ཆེ་རྣམས་ལག ་ཏུ་ཐོགས་ནས་འདི་སྐད་ཅེས་སྨོན་ལམ་བཏབ་བོ། ། ནོར་བུ་འདི་ཡིད་བཞིན་གྱི་ནོར་བུ་རིན་པོ་ཆེ་ཡིན་ཡང་དག་ན། བདག་ནམ་མཁའ་ལ་འཕུར་བར་གྱུར་ཅིག་ཅེས་སྨྲས་སོ།། དེ་སྐད ་ཅེས་སྨྲས་མ་ཐག་ཏུ་ནམ་མཁའ་ལ་འཕུར་ཏེ། རྒྱ་མཚོའི་བགེགས་ལས་ཐར་ནས། རྒྱ་མཚོའི་ངོགས་སུ་ཕྱིན་པར་གྱུར་ཏེ། དེ་ན་ཅུང་ཟད་བསྟི་ཞིང་ངལ་སོས་པའི་མལ་དུ་གཉིད་ཀྱིས ་ལོག་པ་དང་། དེའི་ཚེ་རྒྱ་མཚོའི་ཀླུ་བྲན་རྣམས་འདི་སྐད་ཅེས་བགྲོས་སོ།། རྒྱ་མཚོ་འདི་ན་ནོར་བུ་རིན་པོ་ཆེ་འདི་གསུམ་ལས་མེད་དེ། གསུམ་ཆར་མི་འདིས་ཁྱེར ་གྱིས་ནོར་བུ་འདི་ནི་ཡོན་ཏན་དང་ལྡན་པས་བདག་ཅག་ལ་ཡང་དགོས་ཀྱིས་ཕྱིར་བརྐུའོ་ཞེས་བགྲོས་ནས། བྱང་ཆུབ་སེམས་དཔའ་གཉིད་ཀྱིས་ལོག་པའི་ཚེ་ན་ཡིད་བཞིན་གྱི་ནོར་བུ་རིན་པོ ་ཆེཚེཀླུ་རྣམས་ཀྱིས་ཕྱིར་བརྐུས་སོ། ། བྱང་ཆུབ་སེམས་དཔའ་སད་ནས་བལྟས་ན། ནོར་བུ་རིན་པོ་ཆེ་མེད་པས་འདི་སྙམ་དུ་བསམས་སོ།། འདི་ནི་གདོན་མི་ཟ་བར་རྒྱ་མཚོའི་ཀླུས་བརྐུས ་ཀྱིས་བདག་གིས་མཐུ་ཅི་ཡོད་པས་རྒྱ་མཚོའི་ཆུ་བནུས་ཏེ་བསྐམས་པར་བྱའོ་སྙམ་བསམས་ཏེ། ནོར་བུ་ཕྱིར་མ་ཐོབ་ཀྱི་བར་དུ་ལག་པ་སྟོང་པར་མི་འགྲོའོ་སྙམ་ཡི་དམ་བཅས་ནས། ་མཚོའི་ངོགས་སུ་སོང་སྟེ་རུས་སྦལ་གྱི་ཁོག་པ་ཞིག་བླངས་ནས་ལག་པ་གཉིས་ཀྱིས་རྒྱ་མཚོའི་ཆུ་བཅུས་སོ།། དེའི་ཚེ་ན་རྒྱ་མཚོའི་ལྷས་དེའི་བསམ་པ་ཤེས་ནས་དེ་ལ་འདི་སྐད་ཅེས་སྨྲས་སོ།། ་རྒྱ་མཚོ་འདི་ནི་གཏིང་ཟབ་ཅིང་ཡངས་ཏེ། དཔག་ཚད་སྟོང་ཕྲག་སུམ་བརྒྱ་སུམ་ཅུ་ཡོད་པས། གལ་ཏེ་འཛམ་བུའི་གླིང་གི་མི་ཐམས་ཅད་ལོག་ཀྱང་། རྒྱ་མཚོ་སྐམས་པར་བྱེད་མི་ནུས་ན། ་ཁྱོད་གཅིག་པུས་ནུས་པ་ལྟ་ཅི་སྨོས་ཏེ་དོན་མེད་དོ།། བྱང་ཆུབ་སེམས་དཔས་སྨྲས་པ། མི་གཅིག་གིས་སྙིང་ནས་ལས་སུ་བྱས་ན་ཅི་ཡང་མི་འགྲུབ་པ་མེད་དེ། བདག་གི་རིན་པོ་ཆེ་རྙེད ་པ་དེས་འགྲོ་བ་ཐམས་ཅད་ལ་ཕན་པ་དང་བདེ་བ་བྱ་བར་བསམས་ཏེ། དེའི་བསོད་ནམས་ཀྱིས་མངོན་པར་འཚང་རྒྱ་བར་འགྱུར་ཏེ། དེ་ལ་སེམས་མ་ཞུམ་ན། ཅིའི་ཕྱིར་རྒྱ་མཚོ་འདི ་བསྐམས་པར་མི་ནུས་ཞེས་སྨྲས་སོ། ། དེའི་ཚེ་ན་ལྷ་ཁྱབ་འཇུག་ལ་སོགས་པས། རྒྱང་མ་ནས་བྱང་ཆུབ་སེམས་དཔའ་གཅིག་པུ་ལུས་ཡིད་མཐུན་པར་རྒྱ་མཚོའི་ཆུ་བཅུས་ཏེ། འགྲོ་བ ་མང་པོའི་དོན་དུ་དཀའ་བ་བྱེད་པ་མཐོང་ནས། དེ་དག་བྱང་ཆུབ་སེམས་དཔའ་ལ་བསྣང་ངོ་སྙམ་བསམས་ཏེ། གཅིག་ནས་གཅིག་ཏུ་སྦྲན་ནས། ཐམས་ཅད་བྱང་ཆུབ་སེམས་དཔའི་དྲུང་དུ ་ལྷགས་ཏེ། བྱང་ཆུབ་སེམས་དཔའ་སྣོད་ཀྱིས་ཆུ་བཅུ་པ་མཐོང་ནས། ལྷ་དེ་དག་ཐམས་ཅད་སོ་སོའི་གོས་ཕུད་དེ། ཆུར་བསྙུགས་ནས་ལན་ཅིག་བསྒུགས་ཏེ་ཕྱིར་ཕྱུང་བས། རྒྱ་མཚོའི ་ཆུ་དཔག་ཚད་བཞི་བཅུ་བྲིའོ། ། ཡང་ལན་གཉིས་བསྙུགས་པས་དཔག་ཚད་བརྒྱད་ཅུ་བྲིའོ།། ལན་གསུམ་བསྙུགས་པས་དཔག་ཚད་བརྒྱ་ཉི་ཤུ་བྲི་ནས། ཀླུ་དེ་དག་འཇིགས་སྐྲག་སྟེ། ་བྱང་ཆུབ་སེམས་དཔའི་དྲུང་དུ་ལྷགས་ནས་འདི་སྐད་དུ་ཟོང་ཞིག། རྒྱ་མཚོའི་ཆུ་སྐམས་པར་མ་བྱེད་ཅིག་ཅེས་སྨྲས་པ་དང་། བྱང་ཆུབ་སེམས་དཔས་བཏང་ངོ་།། དེ་ནས་ཀླུ་རྣམས་ཀྱིས ་བྱང་ཆུབ་སེམས་དཔའ་ལ་ཁྱེད་ཀྱི་ནོར་བུ་རིན་པོ་ཆེ་འདི་ཅི་ཞིག་ཏུ་དགོས། སྨྲས་པ། བདག་གིས་སེམས་ཅན་ལ་ཕན་པའི་དོན་དུ་དགོས་སོ།། ཀླུས་སྨྲས་པ། སེམས་ཅན་ལ་ཕན ་པའི་དོན་དུ་དགོས་ན། རྒྱ་མཚོའི་ནང་ན་ཡང་སེམས་ཅན་མང་དུ་ཡོད་ན། ཅིའི་ཕྱིར་བསྐུར་ཞེས་སྨྲས་སོ།། སྨྲས་པ། རྒྱ་མཚོའི་ནང་ན་གནས་པ་ཡང་སེམས ་ཅན་ཡིན་མོད་ཀྱི། དེ་ལ་འཕོངས་པའི་སྡུག་བསྔལ་ཡད་དེ། འཛམ་བུ་གླིང་གི་སེམས་ཅན་དག་ནི་ནོར་གྱི་ཕྱིར། གཅིག་གིས་གཅིག་རྣམ་པར་འཚེ་ཞིང་གནོད་པ་བྱེད་དེ། མི་དགེ་བ་བཅུ་རྫོགས་པར ་བྱེད་པས། ཚེ་འཕོས་ནས་ཀུན་སེམས་ཅན་དམྱལ་བར་སྐྱེ་སྟེ། བདག་ནི་དེ་དག་ལ་སྙིང་བརྩེ་བའི་ཕྱིར་རིན་པོ་ཆེ་འདི་དགོས་སོ་ཞེས་སྨྲས་པ་དང་། ཀླུ་རྣམས་ཀྱིས་ནོར་བུ་རིན་པོ་ཆེ་ཕྱུང་སྟེ། ་སླར་ཕུལ་ལོ།། རྒྱ་མཚོའི་ལྷས་བྱང་ཆུབ་སེམས་དཔའ་དེ་ལྟར་བརྩོན་འགྲུས་ལ་བརྟན་པ་མཐོང་ནས། འདི་ནི་གདོན་མི་ཟ་བར་འཚང་རྒྱའོ་སྙམ་སེམས་ཏེ། ནམ་མངོན་པར་སངས་རྒྱས་པ་ན། ་བདག་ཀྱང་ཉེ་གནས་ཀྱི་མཆོག་ཏུ་གྱུར་ཅིག་ཅེས་སྨོན་ལམ་བཏབ་བོ།། དེ་ནས་བྱང་ཆུབ་སེམས་དཔས་རིན་པོ་ཆེ་ཕྱིར་ཐོབ་ནས། སྟེང་གི་ནམ་མཁའ་ལ་འཕུར་ཏེ་གནས་སུ་འོངས་ནས། སྔར ་གྱི་ཚོང་པ་གྲོགས་པོ་རྣམས་ཡོད་དམ། བདེ་བར་ཕྱིན་ཏམ་ཞེས་དྲིས་སོ།། ཚོང་པ་གྲོགས་པོ་དག་བདེ་བར་ཕྱིན་ནས། དེ་དག་གཅིག་ལ་གཅིག་དགའ་ནས་གྲོགས་པོ་རྣམས་ཀྱིས་ངོ་མཚར ་ཡ་མཚན་དུ་བཟུང་ངོ་། ། དེ་ནས་བྲམ་ཟེ་ཀ་པི་ལིའི་སྒོར་སོང་ནས། བྱང་ཆུབ་སེམས་དཔའ་རྒྱ་མཚོ་ནས་ཕྱིར་ལོག་གོ་ཞེས་ཐོས་ནས་ཐམས་ཅད་ཀྱིས་སྒོར་བསུ་སྟེ། རབ་ཏུ་དགའ་ནས་ཚོང་པ ་གྲོགས་པོ་རྣམས་དང་བཅས་པ་ལ་དགའ་སྟོན་ཆེན་པོ་བྱས་སོ། ། དེའི་ཚེ་བྱང་ཆུབ་སེམས་དཔས་རིན་པོ་ཆེ་ཐོགས་ཏེ་ཁྱིམ་དུ་འོངས་པ་དང་། བྲམ་ཟེ་དེའི་བང་མཛོད་ཐམས་ཅད་ཡོངས་སུ་གང་བར ་གྱུར་ཏོ། དེ་ནས་བྲམ་ཟེ་ཀ་པི་ལིས་རིན་པོ་ཆེ་སྣ་ཚོགས་ཀྱིས་བུ་མོ་བརྒྱན་ནས་རིན་པོ་ཆེའི་ཆུ་སྣོད་བསྐུར་ཏེ། བྱང་ཆུབ་སེམས་དཔའི་ལུས་དང་རྐང་ལག་བཀྲུས་ནས། བུ་མོའི་ལག་པ་ནས ་བཟུང་སྟེ་བྱང་ཆུབ་སེམས་དཔའ་ལ་གཏད། བྱང་ཆུབ་སེམས་དཔས་ཀྱང་བཞེས་ནས། བྲམ་ཟེ་རབ་ཏུ་དགའ་སྟེ། བུ་མོའི་གཡོག་ཏུ་བུ་མོ་ལྔ་བརྒྱ་དང་། གླང་པོ་ཆེ་ལྔ་བརྒྱ་ཡང་རིན་པོ་ཆེས ་བརྒྱན་ཏེ་རོལ་མོ་བྱས་ནས། བྱང་ཆུབ་སེམས་དཔའ་ལ་བརྫངས་སོ།། དེའི་ཚེ་ན་སྦྱིན་པ་ཆེན་པོའི་ཕ་མ་བུ་དང་བྲལ་བའི་འོག་ཏུ་རྟག་ཏུ་ངུ་བས། ཕ་མ་གཉིས་ཀའི་མིག་ལྡོངས་པར་གྱུར ་ཏེ། བུ་རྒྱ་མཚོ་ནས་ལོག་པ་དང་ཕ་མ་དང་ཕྲད་ནས། བུས་ཕ་མ་ལ་ཕྱག་འཚལ་ཏེ། ལག་པ་ནས་འཇུས་ནས་བུ་ཡིན་པར་རྟོགས་སོ།། སྦྱིན་པ་ཆེན་པོ་ཁྱོད་ཀྱིས་ངེང་བོར་ཏེ་སོང ་བའི་འོག་ཏུ་མིག་ཀྱང་ལྗོངས་སོ། ། ཁྱོད་རྒྱ་མཚོར་སོང་སོང་ནས་ཅི་རྙེད་ཅེས་དྲིས་པ་དང་། སྦྱིན་པ་ཆེན་པོས་ནོར་བུ་རིན་པོ་ཆེ་ཕའི་ལག་ཏུ་བྱིན་ཏེ། བདག་གིས་འདི་རྙེད་ངོ་ཞེས་སྨྲས་ནས། ་ཕས་ལག་ཏུ་བླངས་ཏེ་བསྣམས་ནས། འདི་ལྟ་བའི་རྡོ་བ་ནི་ངའི་མཛོད་ན་སྔོན་ཡང་མང་དུ་ཡོད་ན། འདི་ལྟར་ཉོན་མོངས་པ་དང་བསྔོ་ཅི་དགོས་ཞེས་སྨྲས་སོ།། དེ་ནས་བྱང་ཆུབ་སེམས་དཔས ་ནོར་བུ་ཕྱིར་བླངས་ཏེ། ཕ་མའི་མིག་ཕྱིས་པ་ཙམ་གྱིས་ཇི་ལྟར་རླུང་དྲག་པོས་སྤྲིན་བུས་པ་བཞིན་དུ། ཕ་མ་གཉིས་ཀྱི་མིག་ཀྱང་གསལ་བར་མཐོང་བར་གྱུར་ཏོ།། ་དེ་ནས་ཕ་མ་གཉིས་དགའ་སྟེ། འདི་ནི་ནོར་བུ་རིན་པོ་ཆེ་ཡིན་ཡང་དག་པ་ལྟ་སྟེ། ཉོན་མོངས་པའི་དོན་ཡོད་པར་གྱུར་ཏོ་ཞེས་སྨྲས་སོ།། དེ་ནས་ཡང་སྦྱིན་པ་ཆེན་པོས་རིན་པོ་ཆེ་ཐོགས་ཏེ། ་ཁྱོད་ཡིད་བཞིན་གྱི་ནོར་བུ་རིན་པོ་ཆེ་ཡིན་ཡང་དག་ན། ཁོ་བོའི་ཕ་མའི་འོག་ཏུ་རིན་པོ་ཆེ་སྣ་བདུན་གྱི་གདན་འབྱུང་ཞིང་། རིན་པོ་ཆེའི་བླ་རེས་སྟེང་ཁེབས་པར་ཤོག་ཅིག་ཅེས་སྨོན་ལམ་བཏབ ་མ་ཐག་ཏུ་དེ་བཞིན་དུ་གྲུབ་ནས། རྒྱལ་པོའི་བང་མཛོད་ཐམས་ཅད་ཀྱང་གང་བར་གྱུར་ཏོ།། དེ་ནས་རྒྱལ་པོས་ཕོ་ཉ་གཅིག་གླང་པོ་ཆེ་དཔག་ཚད་བརྒྱད་དུ་འགྲོ་བ་ཞིག་ལ་བསྐྱོན་ཏེ། འཛམ ་བུའི་གླིང་གི་མི་ཐམས་ཅད་ལ་སྦྱིན་པ་ཆེན་པོས་རྒྱ་མཚོ་ནས་ཡིད་བཞིན་གྱི་ནོར་བུ་རིན་པོ་ཆེ་རྙེད་དེ། ནོར་བུ་ཡོན། ན་ཅན་དེས་ད་སྟེ་ཞག་བདུན་ན། རིན་པོ་ཆེ་ལ་སོགས་པ་གོས་དང་། ་ཟས་དང་། དགོས་པའི་ཡོ་བྱད་ཐམས་ཅད་ཆར་བཞིན་དུ་འབེབས་ཀྱིས། སོ་སོ་ནས་ཅི་བདེ་བར་ལོང་ཞིག་ཅེས་བསྒྲགས་སོ།། དེ་ལྟར་ཀུན་ཏུ་བསྒྲགས་ནས། སྦྱིན་པ་ཆེན་པོ་ཁྲུས ་བྱས་ཏེ་གོས་གསར་པ་བགོས་ནས། ག་ལའི་ཐང་བུ་མཉམ་པོར་རྒྱལ་མཚན་བཙུགས་ཏེ། ཡིད་བཞིན་གྱི་ནོར་བུ་རིན་པོ་ཆེ་རྒྱལ་མཚན་གྱི་རྩེ་མོ་ལ་བཏགས་ནས། བོག་པོར་ལག ་ཏུ་བླངས་ནས་འདི་སྐད་ཅེས་སྨོན་ལམ་བཏབ་བོ། ། འཛམ་བུའི་གླིང་གི་མི་དག་ནི་དབུལ་འཕོངས་པ་ཤ་སྟག་སྟེ། དེ་དག་ལ་ཕན་གདགས་དགོས་ཀྱིས། ཡིད་བཞིན་གྱི་ནོར་བུ་རིན་པོ་ཆེ་ཡིན་ཏེ། ་མི་བརྫུན་ན། སོ་སོ་ནས་ཅི་དང་ཅི་དགོས་པ་དེ་དང་དེ་དག་ཐམས་ཅད་ཡིད་བཞིན་དུ་ཆར་ལྟར་ཕོབ་ཅིག་ཅེས་སྨྲས་མ་ཐག་ཏུ་ཕྱོགས་བཞི་ནས་རླུང་ནག་པོ་གཡོས་ནས། དེ་མ་ཐག་ཏུ་མི་གཙང ་བའི་ཉལ་ཉིལ་ཐམས་ཅད་འཕྱགས་ཏེ། ཆར་ཟིམ་བུ་མི་དྲག་པ་ཞིག་ཕབ་ནས། རྡུལ་མི་འཐུལ་པར་བྱས་པའི་འོག་ཏུ་ཐོག་མར་བཟའ་བ་དང་བཏུང་བ་རོ་བརྒྱ་དང་ལྡན་པ་རྣམ་པ་སྣ་ཚོགས་ཆར ་བཞིན་དུ་བབ་བོ། ། དེ་ནས་འབྲུ་རྣམས་ཆར་བཞིན་དུ་བབ་བོ།། དེ་ནས་གོས་ཆར་བཞིན་དུ་བབ་བོ།། དེ་ནས་རིན་པོ་ཆེ་ཆར་བཞིན་དུ་བབ་སྟེ། འཛམ་བུའི་གླིང་ནི་རིན་པོ་ཆེའི་ཕུང་པོས་ཡོངས ་གང་ནས་རིན་པོ་ཆེ་དག་གསེག་མ་འམ་གྱོ་མོ་ལྟ་བུར་བྱས་ཏེ། བྱང་ཆུབ་སེམས་དཔས་དེ་ལྟར་ཀུན་ཆོག་པར་བྱས་ནས། འཛམ་བུའི་གླིང་གི་མི་རྣམས་ལ་འདི་ཞེས་བསྒོའོ།། འཛམ་བུའི་གླིང ་གི་སེམས་ཅན་དག་ནི་གོས་དང་། ཟས་དང་། ནོར་གྱི་ཕྱིར་གཅིག་ལ་གཅིག་གསོད་ཅིང་རྣམ་པ་སྣ་ཚོགས་ཀྱིས་གཙེས་པས། སྡིག་པ་མི་དགེ་བའི་ཆོས་འབའ་ཞིག་བྱེད་དེ། ཚེའི་དུས་བྱས ་ནས་ངན་སོང་གསུམ་དུ་ལྷུང་སྟེ། མུན་པ་ནས་མུན་པར་འགྲོ་བས། བདག་ནི་དེ་དག་ལ་སྙིང་བརྩེ་བའི་ཕྱིར། རྒྱ་མཚོའི་བགེགས་དང་ཉོན་མོངས་པ་མང་དུ་ཁྱད་དུ་བསད་དེ། ཁྱེད་རྣམས་བདེ ་བར་བྱ་བའི་ཕྱིར་རྒྱ་མཚོ་ནས་ནོར་བུ་རིན་པོ་ཆེ་བླངས་ནས། ད་ཁྱེད་ཀུན་ཅིས་ཀྱང་མི་བྲེལ་ཏེ་བདེ་བར་གྱུར་གྱིས། ཁྱེད་རྣམས་དགེ་བ་བཅུའི་ལས་ཀྱི་ལམ་ལ་ལུས་དང ་ངག་དང་། ཡིད་བསྡུས་ཏེ་བརྩོན་པར་གྱིས་ཤིག་ཅེས། ཐབས་རྣམ་པ་སྣ་ཚོགས་ཀྱི་སྒོ་ནས་བསྟན་ཅིང་བསྐུལ་ཏོ།། དེ་ལྟར་བསྟན་ཅིང་བསྐུལ་ཏེ། དགེ་བ་བཅུའི་ལས་ཀྱི་ལམ་ལ་ནན་ཏན་བྱེད་དུ ་བཅུག་པས། འཛམ་བུའི་གླིང་གི་མི་དག་ཚེ་འཕོས་ནས་མཐོ་རིས་ཀྱི་ལྷར་སྐྱེས་སོ།། དེའི་ཚེ་དེའི་དུས་ན། དེའི་ཕ་བྲམ་ཟེ་ནྱ་གྲོ་དྷ་ནི་ད་ལྟར་ངའི་ཡབ་ཟས་གཙང་མ་ཡིན་ནོ།། དེའི་མར་གྱུར་པ་ནི་ད་ལྟར ་ངའི་ཡུམ་ལྷ་མཛེས་ཡིན་ནོ། ། སྦྱིན་པ་ཆེན་པོ་ནི་ང་ཉིད་ཡིན་ནོ།། དངུལ་གྱི་མཁར་ན་འདུག་པའི་ཀླུ་དེ་ནི་ཤཱ་རིའི་བུ་ཡིན་ནོ།། བཻ་བྷུཪྻའི་མཁར་ན་འདུག་པའི་ཀླུ་དེ་ནི་མོའུ་འགལ་ཡ་ན་ཡིན ་ནོ། ། གསེར་གྱི་མཁར་ན་འདུག་པའི་ཀླུ་དེ་ནི་ཀུན་དགའ་བོ་ཡིན་ནོ།། རྒྱ་མཚོའི་ལྷ་དེ་ནི་མ་འགགས་པ་ཡིན་ནོ།། ཀུན་དགའ་བོ་འདི་ཀླུའི་རྒྱལ་པོ་བྱེད་པ་ན་ཡང་ང་ལ་བསྙེན་བཀུར་བྱས་ཏེ་དུས་ལ ་མཁས་ད་ལྟར་གྱི་བར་དུ་ཡང་དུས་ལ་མཁས་ཀྱིས། འདོད་པ་གསུམ་ཡང་ཡིད་བཞིན་དུ་གནང་ངོ་ཞེས་བཀའ་སྩལ་པ་དང་། ཀུན་དགའ་བོ་དགའ་མགུ་རངས་ནས། པུས་མོའི་ལྷ་ང་ས་ལ ་བཙུགས་ཏེ། བདག་གིས་ནམ་འཚེའི་བར་དུ་དེ་བཞིན་གཤེགས་པ་ལ་བསྙེན་བཀུར་བགྱིའོ་ཞེས་གསོལ་ཏོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། འཁོར་མང་པོ་རྣམས ་ལ་ལ་ནི་རྒྱུན་དུ་ཞུགས་པའི་འབྲས་བུ་ཐོབ་པ་ནས། དགྲ་བཅོམ་པའི་འབྲས་བུའི་བར་དུ་ཐོབ་བོ།། ལ་ལ་ནི་རང་སངས་རྒྱས་སུ་གྱུར། ལ་ལ་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ།། ལ་ལ་ནི། ་ཕྱིར་མི་ལྡོག་པའི་ས་ཐོབ་ནས་རྗེས་སུ་ཡི་རངས་ཏེ་མངོན་པར་དགའ་འོ།། སྦྱིན་པ་ཆེན་པོ་རྒྱ་མཚོར་ཞུགས་པའི་ལེའུ་སྟེ་སུམ་ཅུ་པའོ།། ། རྒྱལ་པོ་མེ་ལོང་གདོང་གི་ལེའུའོ། ་འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ནྱ་གྲོ་དྷའི་ཚལ་ན་བཞུགས་སོ།། དེའི་ཚེ་ན་བཅོམ་ལྡན་འདས་ཚངས་པ་དང་། བརྒྱ་བྱིན་ལ་སོགས་པས ་བསྐོར་ཞིང་བཞུགས་པ་ལས། བཅོམ་ལྡན་འདས་ཀྱི་མཚན་དང་། དཔེ་བྱད་དང་། གསེར་གྱི་མདོག་ལྟ་བུའི་སྐུ་ལ་འཁོར་མང་པོ་ཐམས་ཅད་ངོ་མཚར་དུ་འཛིན་ཏེ་བསྟོད་ཅིང་བསྔགས ་སོ། ། དེ་ལྟར་བཅོམ་ལྡན་འདས་འཁོར་མང་པོ་ལས་འཕགས་ཏེ་ཐམས་ཅད་ཀྱི་མཆོག་གཙོ་བོར་གྱུར་པས། དགེ་སློང་དག་ཐེ་ཙོམ་དུ་གྱུར་ནས། བཅོམ་ལྡན་འདས་ལ ་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ད་ལྟར་འདི་འབའ་ཞིག་ཏུ་འཁོར་ཀུན་ལས་འཕགས་ཏེ་མཆོག་གཙོ་བོར་གྱུར་པ་མ་ཡིན་གྱི། སྔོན་འདས་པའི་དུས་ན་ཡང་འདི ་དག་ཀུན་ལས་འཕགས་ཏེ་གཙོ་བོར་གྱུར་ཏོ། ། དེ་ནས་དགེ་སློང་དག་གིས་སྔོན་ཇི་ལྟར་གཙོ་བོར་གྱུར་པ་བསྟན་པར་གསོལ་པ་དང་། དེ་ལ་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། ་སྔོན་འདས་པའི་དུས་བསྐལ་པ་གྲངས་མེད། དཔག་ཏུ་མེད། བསམ་གྱིས་མི་ཁྱབ་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་ཆེན་པོ་རྒྱལ་ཕྲན་བརྒྱད་ཁྲི་བ ་སྟོང་ལ་དབང་བྱེད་པ་ཞིག་བྱུང་སྟེ། དེ་ལ་བུ་ནི་ལྔ་བརྒྱ་ཡོད་དོ།། དུས་ཕྱི་ཞིག་ན་བཙུན་མོ་ཆེན་མོ་ལས་བུ་གཅིག་བཙས་ཏེ། ལུས་གསེར་གྱི་ཁ་དོག་ཅན་སྐྲ་མཐོན་མཐིང་ལྟ་བུ་ལག་མཐིལ ་ན་འཁོར་ལོ་རྩིབས་སྟོང་དང་ལྡན་པའི་མཚན་ཡོད་པ། རྐང་པ་གཡོན་གྱི་མཐིལ་ན་རྟའི་རི་མོ་ཡོད་པ། རྐང་པ་གཡས་ཀྱི་མཐིལ་ན་གླང་པོ་ཆེའི་རི་མོ་ཡོད་པ། བསོད་ནམས་དང་མཚན་དུ ་ལྡན་པ་ཞིག་བཙས་ཏེ། མིང་ཡང་མེ་ལོང་གདོང་ཞེས་བྱ་བར་བཏགས་སོ།། རྒྱལ་པོ་ཆེན་པོ་དེ་ནད་ཀྱིས་བཏབ་སྟེ་ཚེའི་དུས་བྱེད་དུ་ཉེ་བ་ན། བློན་པོ་རྣམས་ཀྱིས་སྲས་འདི་རྣམས་ཀྱི་ནང་ན ་རྒྱལ་ཚབ་ཏུ་གང་བཞུགས། རྒྱལ་པོའི་དབང་གང་ལ་བསྐུར་ཞེས་ཞུས་པ་དང་། རྒྱལ་པོ་དེས་ཡོན་ཏན་དང་མཚན་རྣམ་པ་འདི་བཅུ་དང་ལྡན་ན། རྒྱལ་པོར་ཆུག་ལ་དབང་བསྐུར་ཅིག་ཅེས ་བསྒོའོ། ། བཅུ་གང་ཞེ་ན། འདི་ལྟ་སྟེ། ལུས་ཀྱི་མདོག་གསེར་ལྟ་བུ་ལ་སྒྲ་མཐེན་མཐིང་དུ་འདུག་པ་དང་། ལག་པ་གཉིས་ཀྱི་མཐིལ་ན་འཁོར་ལོའི་མཚན་ཡོད་པ་དང་། རྐང་པ ་གཡས་ཀྱི་མཐིལ་ན་གླང་པོ་ཆེ་བ་རི་མོ་ཡོད་པ་དང་། རྐང་པ་གཡོན་པིའི་མཐིལ་ན་རྟའི་རི་མོ་ཡོད་པ་དང་། རྒྱལ་པོའི་གོས་བསྐོན་ན་ལུ་དང་འཚམ་ཞིང་མི་ཆེ་མི་ཆུང་བ་དང་། རྒྱལ་པོའི་སྟན་ལ ་འདུག་ན་གཟི་བརྗིད་དང་མཐུར་ལྡན་པ་དང་། རྒྱལ་ཕྲན་རྣམས་ཀྱིས་བཀུར་སྟི་རིམ་གྲོ་ཆེར་བྱེད་དེ། བཙུན་མོ་དང་པོ་བྲང་སླས་རྣམས་ཀྱང་དེ་ལ་དགའ་ཞིང་ཕྱག་བྱེད་པ་དང་། ལྷ་རྣམས ་ཀྱི་རྟེན་དུ་ཁྲིད་ན་ལྷ་རྣམས་ཀྱིས་ཕྱིར་ཕྱག་བྱ་བ་དང་། ཡོན་ཏན་དང་བསོད་ནམས་ཀྱི་མཐུས་རིན་པོ་ཆེ་སྣ་བདུན་གྱི་ཆར་འབེབས་ཤིང་ཐམས་ཅད་ཀྱི་ཡིད་ཚིམ་པར་བྱེད་པ་དང་། བཙུན་མོ ་ཆེན་མོ་ལས་བཙས་པ་དང་བཅུ་སྟེ། ཡོན་ཏན་འདི་དག་དང་ལྡན་ན། རྒྱལ་པོར་དབང་སྐུར་ཅིག་ཅེས་བསྒོ་ནས། མི་རྟག་པ་མངོན་སུམ་དུ་གྱུར་ཏེ་ཚེ་འཕོས་སོ།། དེ་ནས་རྒྱལ་བུ་དང་། ་བློན་པོ་རྣམས་འདུས་ཏེ། རྒྱལ་བུ་ནང་གི་ཆེན་པོ་ནས་མཐར་གྱིས་ཡོན་ཏན་བཅུ་གང་ལ་ཡོད་པ་བརྟགས་ན། རྒྱལ་བུ་གཞན་ཐམས་ཅད་ནི་ལུས་ཀྱང་གསེར་ལྟ་བུའི་མདོག་ཅན་མ་ཡིན། ་སྒྲ་མཐོན་མཐིང་དུ་འདུག་པ་མ་ཡིན། ལག་པའི་མཐིལ་ན་འཁོར་ལོའི་མཚན་ཡོད་པ་མ་ཡིན། རྐང་པའི་མཐིལ་ན་གླང་པོ་ཆེ་དང་རྟའི་རི་མོ་ཡོད་པ་མ་ཡིན། རྒྱལ་པོའི་གོས་དང་འཚམ་པ ་མ་ཡིན་རྒྱལ་པོའི་གདན་ལ་བཞག་པ་ན་དངངས་པ་ལྟར་འགྲེང་བར་གྱུར། རྒྱལ་ཕྲན་དང་བློན་པོ་རྣམས་བསྟི་སྟང་དང་ཕྱག་མི་བྱེད་དེ། བཙུན་མོ་དང་པོ་བྲང་སླས་རྣམས་དགའ་བ་དང ་ཕྱག་བྱ་བ་མ་ཡིན། ལྷའི་རྟེན་དུ་ཁྲིད་ན་ལྷ་རྣམས་ཕྱག་བྱ་བ་མ་ཡིན། རིན་པོ་ཆེའི་ཆར་འབེབས་ནུས་པ་མ་ཡིན། བཙུན་མོ་ཆེན་མོའི་སྲས་ཀྱང་མ་ཡིན་ཏེ། རྒྱལ་བུ་ལྔ་བརྒྱ་ལས ་མཚན་གཅིག་ཙམ་དང་ལྡན་པ་འགའ་ཡང་མ་བྱུང་སྟེ། སྲས་ནང་གི་ཐ་ཆུང་འབའ་ཞིག་ལུས་གསེར་གྱི་མདོག་ཅན་ལ། སྐྲ་མཐོན་མཐིང་གི་མདོག་ལྟ་བུ། ལག་པ། ་གཉིས་ཀྱི་མཐིལ་ན་འཁོར་ལོའི་མཚན་དང་ཡང་ལྡན་རྐང་པའི་མཐིལ་ན་གླང་པོ་ཆེ་དང་རྟའི་རི་མོ་ཡང་ཡོད། གོས་དང་ལུས་སུ་འཚམས། རྒྱལ་པོའི་གདན་ལ་བཞག་ན་གཟི་བརྗིད་དང ་བྱིན་ཆེ་རྒྱལ་ཕྲན་ཐམས་ཅད་ཀྱིས་བསྟི་སྟང་དང་བཅས་པས་ཕྱག་བྱེད་ཅིང་། བཙུན་མོ་དང་སླས་རྣམས་ཀྱང་དགའ་བས་ཕྱག་བྱེད། ལྷའི་རྟེན་དུ་འོངས་ན་ལྷ་རྣམས་ཕྱག་བྱེད། རིན ་པོ་ཆེ་ཕོབ་ཅིག་ཅེས་སྨྲས་མ་ཐག་ཏུ་ཆར་བཞིན་དུ་འབབ། བཙུན་མོ་ནང་གི་ཆེན་མོ་ལས་བཙས་ཏེ། མཚན་རྫོགས་པར་ལྡན་པས། རྒྱལ་ཕྲན་དང་བློན་པོ་རྣམས་ཀྱིས་རྒྱལ་པོར་དབང ་བསྐུར་ཏེ། ཚེས་བཅོ་ལྔའི་ནང་པར་ཉི་མ་ཐོག་མར་ཤར་བ་ན། གསེར་གྱི་འཁོར་ལོ་རྩིབས་སྟོང་དང་ལྡན་པ། ཆེ་ཁྱད་དཔག་ཚད་གཅིག་པ་ཤར་ཕྱོགས་ནས་འོངས་ཏེ། དེ་ལ་པུས་མོ ་བཙུགས་ནས། གལ་ཏེ་བདག་ཡོན་ཏན་དང་ལྡན་ཏེ་རྒྱལ་པོར་འགྱུར་ན། འཁོར་ལོ་འདི་བདག་གི་དྲུང་དུ་ཉེ་བར་ཤོག་ཅིག་ཅེས་སྨྲས་པ་དང་། ནམ་མཁའི་ཕྱོགས་ནས་ཉེ་བར་འོངས ་སོ། གླང་པོ་རིན་པོ་ཆེ་ནི་རི་སྤོས་ཀྱི་ངད་ཅན་ནས་འོངས་ཏེ། མཇུག་མ་ལ་ནོར་བུས་བརྒྱན་པ། རྒྱལ་པོ་དེ་ལ་ཞོན་ནས་ནམ་མཁའ་ལ་འཕུར་ཏེ། ཉི་མ་ཕྱེད་ཀྱིས་གླིང་བཞི་ནས ་འཁོར་ཏོ། ། གལ་ཏེ་རྐང་པས་འགྲོ་ན་རྐང་པའི་རྗེས་གང་རེག་པར་གསེར་གྱི་བྱེ་མར་འགྱུར་རོ།། རྟ་རིན་པོ་ཆེ་ནི་ཁ་དོག་མཐིང་ཀ་ལ་རྔ་རྔོག་དམར་བ། རིན་པོ་ཆེ་སྣ་བདུན་འབབ་པ། རྒྱལ་པོ་དེ ་ལ་ཞོན་ནས་ཟན་གཅིག་བཟའ་རན་ཙམ་གྱིས་གླིང་བཞི་ནས་འཁོར་ཏེ་མི་ངལ་མི་དུབ་བོ། ། ནོར་བུ་རིན་པོ་ཆེ་ནི་འོད་ཟེར་ཉིན་མཚན་དུ་གསལ་ཏེ། རྒྱང་གྲགས་བརྒྱ་ཉི་ཤུ་ཚུན་ཆད་འོད་ཀྱིས་སྣང ་བབར་བྱེད་ལ། རིན་པོ་ཆེ་སྣ་བདུན་གྱི་ཆར་བཞིན་དུ་འབབ་ཅིང་ཐམས་ཅད་ལ་སྦྱིན་པར་བྱེད་དོ།། བུད་མེད་རིན་པོ་ཆེ་ནི་བཟང་བ་མཛེས་པ། རྒྱལ་པོའི་ཡིད་ཚིམ་པར་བྱེད་དོ།། ཁྱིམ་བདག ་རིན་པོ་ཆེ་ནི་རྒྱལ་པོའི་རིན་པོ་ཆེ་སྣ་བདུན་ཅི་དགོས་པ་ཡིད་བཞིན་དུ་སྦྱོར་ཏེ། ཟད་མི་ཤེས་པར་བྱེད་དོ།། བློན་པོ་རིན་པོ་ཆེ་ནི་རྒྱལ་པོ་ལ་དཔུང་རྣམ་བཞི་དགོས་ན། བལྟས་པ་ཙམ་གྱིས་དཔུང ་གི་ཚོགས་རྣམས་འདུས་ཏེ་རྩལ་དང་མཐུར་ལྡན་ནོ། ། དེ་ལྟར་རིན་པོ་ཆེ་སྣ་བདུན་དང་ལྡན་ནས། དེ་འདི་སྙམ་དུ་སེམས་སོ།། ཐབས་འདི་ལྟ་བུ་ཐོབ་པ་ཡང་སྔོན་གྱི་བསོད་ནམས་ལས་སྐྱེས ་ཀྱིས་རྒྱལ་པོའི་གདུང་བརྒྱད་མི་འཆད་པར་བྱའོ་སྙམ་བསམ་མོ། ། སྤོས་ཆུས་ཁྲུས་བྱས་ཏེ། གོས་གསར་པ་གཙང་མ་བགོས་ནས། ལག་ན་པོག་པོར་ཐོགས་ཏེ། ཤར་ཕྱོགས ་ལེགས་སུ་པུས་མོ་ས་ལ་བཙུགས་ནས་འདི་སྐད་ཅེས་སྨྲས་སོ། ། ཤར་ཕྱོགས་ན་སྐྱེས་བུ་འཕགས་པ་བཞུགས་པ་རྣམས། བདག་གསོལ་བ་བཞིན་དུ་གཤེགས་སུ་གསོལ་ཞེས་སྨྲས་པ་དང་། ་ཤར་ཕྱོགས་ནས་རང་སངས་རྒྱས་ཉི་ཁྲི་སྙེད་རྒྱལ་པོའི་ཕོ་བྲང་དུ་གཤེགས་སོ།། ལྷོ་དང་། ནུབ་དང་། བྱང་ཕྱོགས་སུ་ཡང་དེ་བཞིན་དུ་གསོལ་བ་དང་། དེ་དག་ཀྱང ་སོ་སོ་ནས་རང་སངས་རྒྱས་ཉི་ཁྲི་སྙེད་རྒྱལ་པོའི་ཕོ་བྲང་དུ་གཤེགས་སོ། ། དེ་ནས་རྒྱལ་པོ་དང་བློན་པོ་རྣམས་ཀྱིས་ཡོ་བྱད་རྣམ་བཞི་སྦྱར་ཏེ་མཆོད་པ་བྱས་སོ།། དེ་ནས་རྒྱལ་ཕྲན་བརྒྱད་ཁྲི་བཞི་སྟོང ་སྙེད་ཕྱིར་ཡུལ་དུ་འགྲོ་བར་གསོལ་ཏེ། ཕྱི་ཕྱག་འཚལ་བ་ན། རྒྱལ་ཕྲན་རྣམས་ཀྱིས་འཕགས་པ་རྣམས་ལ། ཤས་ཀྱི་བདག་ཅག་ཀྱང་མཆོད་པར་འཚལ་ཏེ། བསོད་ནམས་བགྱིའོ་ཞེས ་གསོལ་པ་དང་། རྒྱལ་པོ་དང་བློན་པོ་རྣམས་ཀྱིས་ལོ་བརྒྱད་ཁྲི་བཞི་སྟོང་གི་བར་དུ། རང་སངས་རྒྱས་བརྒྱད་ཁྲི་ལ་ཡིད་བཞིན་དུ་མཆོད་ནས། ཚེའི་དུས་བྱས་ནས་མཐོ་རིས་ཀྱི་ལྷར་སྐྱེས་སོ།། ་དགེ་སློང་དག་དེའི་ཚེ་རྒྱལ་པོ་མེ་ལོང་གདོང་དེ་ནི་ད་ལྟར་ང་ཡིན་ནོ།། རྒྱལ་པོ་དེའི་ཕ་ནི་ངའི་ཡབ་ཟས་གཙང་མ་ཡིན་ནོ།། བཙུན་མོ་ཆེན་མོ་དེ་ནི་ངའི་ཡུམ་ལྷ་མཛེས་ཡིན་ནོ།། རྒྱལ་པོ་ལྔ་བརྒྱ ་ནིཤཱཀྱའི་རིགས་ལྔ་བརྒྱ་ཡིན་ནོ། ། དེའི་ཚེ་ན་ཡང་ཐམས་ཅད་ཀྱི་མཆོག་གཙོ་བོར་གྱུར་ཏེ། ད་སངས་རྒྱས་ནས་ཀྱང་མཚན་དང་ལྡན་པའི་མཆོག་གཙོ་བོར་གྱུར་ཏོ།། འཁོར་མང་པོ་རྣམས་སངས ་རྒྱས་ཀྱིས་གསུངས་པ་ལ་རྗེས་སུ་ཡི་རིངས་ནས་མངོན་པར་དགའ་འོ། ། རྒྱལ་པོ་མེ་ལོང་གདོང་གི་ལེའུ་སྟེ་སུམ་ཅུ་གཅིག་པའོ།། ། ལེགས་འཚོལ་དང་ཉེས་འཚོལ། ་གྱི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། ་དེའི་ཚེ་ན་ལྷ་སྦྱིན་རབ་ཏུ་བྱུང་མོད་ཀྱི། རྙེད་པ་ལ་ཆགས་པས་མཚམས་མེད་པའི་ལས་རི་བསྙིལ་ནས་སངས་རྒྱས་མནན་པ་དང་། ཞབས་ལ་ཤིང་གི་ཚལ་པ་འཛུགས་པ་དང་། གླང་པོ་ཆེ ་དམིགས་པ་གཏང་བ་དང་། འདུམ་པའི་དགེ་འདུན་གྱི་དབྱེན་བྱས་པ་དང་། ཟག་པ་ཟད་པའི་དགེ་སློང་མ་བསད་པ་དང་། མི་དགེ་བའི་ལས་འདི་དག་བྱས་ནས། སྐྱེ་བ་ཕྱི་མའི་རྣམ་པར ་སྨིན་པས་འཇིགས་ཏེ། མུ་སྟེགས་ཅན་གྱི་སྟོན་པ་དྲུག་གི་ཐད་དུ་སོང་ནས་དྲིས་སོ།། སྟོན་པ་དྲུག་གིས་ཀྱང་ངན་པར་ལྟ་བའི་ཆོས་སྡིག་པ་བྱས་ཀྱང་སྡིག་པར་མི་འགྱུར་ལ། དགེ་བ་བྱས ་ཀྱང་བསོད་ནམས་སུ་མི་འགྱུར་བའི་ཆོས་བསྟན་ནས། དེ་ལ་ཡིད་ཆེས་ཏེ་དགེ་བའི་རྩ་བ་བཅད་དོ།། དེའི་ཚེ་ན་ཀུན་དགའ་བོས་ཕུ་ནུ་བོ་ལ་སྙིང་བརྩེ་བའི་ཕྱིར། རྟག་ཏུ་མི་དགའ་སྟེ་ངུས ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏེ། ། ལྷ་སྦྱིན་གཏི་མུག་ཅན་ནི་མི་དགེ་བའི་ལས་ཁ་ན་མ་ཐོ་བ་བགྱིས་ཏེ། དགེ་བའི་རྩ་བ་བཅད་ནས་ཤཱཀྱའི་རིགས་ཀྱང་སུན་པར་བགྱིས ་བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། ལྷ་སྦྱིན་འདི་ནི་ཚེ་འདི་འབའ་ཞིག་ལ་རྙེད་པ་དང་གྲགས་པའི་ཕྱིར། དགེ་བའི་རྩ་བ་བཅད་པར་མ་ཟད་ཀྱི། འདས ་པའི་དུས་ན་ཡང་རྙེད་པ་དང་གྲགས་པའི་ཕྱིར། ལུས་དང་སྲོག་ཀྱང་སྟོར་བའི་ལས་བྱས་སོ།། དེ་ལ་དགེ་སློང་དག་ཐེ་ཚོམ་དུ་གྱུར་ནས། ཀུན་དགའ ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། ལྷ་སྦྱིན་གྱིས་འདས་པའི་དུས་ན་རྙེད་པ་དང་གྲགས་པའི་སླད་དུ། ལུས་དང་སྲོག་སྟོར་བའི་ལས་བགྱིས་པ་ཇི་ལྟ་བུ་ལགས་ཞེས ་གསོལ་པ་དང་། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སྔོན་འདས་པའི་དུས་ན་བསྐལ་པ་གྲངས་མེད། དཔག་ཏུ་མེད། བསམ་གྱིས་མི་ཁྱབ་པའི ་ཕ་རོལ་ན། འཛམ་བུའི་གླིང་འདིར་ཡུལ་བཱ་རཱ་ནཱ་སེ་ན། བྲམ་ཟེ་མ་ཧ་ཡ་ཡི་ཞེས་བྱ་བ་ཡོད་དེ། དེ་རིགས་མཉམ་པ་ལས་ཆུང་མ་བླངས་ནས་རིང་པོ་མ་ལོན་པར་ཆུང་མ་སེམས་ཅན་དང་ལྡན་པར ་གྱུར་ཏེ། ཟླ་བ་དགུ་ཚང་ནས་བུ་ཁྱེའུ་ཞིག་བཙས་སོ།། དེ་ནས་བཙས་སྟོན་ཆེན་པོ་བྱས་ནས། བུའི་མིང་ཡང་ལེགས་འཚོལ་ཞེས་བྱ་བར་བཏགས་ཏེ། མ་མ་ལ་གཏད་ནས་གསོས་སོ།། ་དེ་ནས་ཡང་སེམས་ཅན་དང་ལྡན་པར་གྱུར་ཏེ། སྔོན་མ་དེ་མཉེན་ཞིང་དེས་པ་ལས། སེམས་ཅན་དང་ལྡན་པའི་འོག་ཏུ་གཏུམ་ཞིང་ཁྲོ་བར་གྱུར་ཏོ།། དེ་ནས་ཟླ་བ་ཚང་ནས་ཁྱེའུ་ཞིག་བཙས་ཏེ། ་དེ་ལྟར་མ་ཡང་སྔོན་ལས་གྱུར་པས་བུའི་མིང་ཡང་ཉེས་འཆོལ་ཞེས་བྱ་བར་བཏགས་ཏེ། མ་མ་ལ་གཏད་ནས་གསོས་སོ།། ཁྱེའུ་སྤུན་གཉིས་ཕྱིས་ཆེར་སྐྱེས་ནས་སྤུན་གཉིས་རྒྱ་མཚོར་རིན་པོ་ཆེ་ལེན ་བར་དད་དེ། སོ་སོ་ནས་གྲོགས་དང་འཁོར་ལྔ་བརྒྱ་ལྔ་བརྒྱ་རྙེད་ནས་སྔ་ཕྱིར་ལམ་དུ་ཞུགས་སོ།། ལམ་རིང་བས་ན་ཞག་བདུན་གྱི་གནས་སུ་མ་ཕྱིན་པར་བརྒྱགས་ཆད་དེ་སྲོག་དང་བྲལ་དུ་ཉེ་ནས ་ལེགས་འཚོལ་དང་གྲོགས་ཚོང་པ་རྣམས་ཉམ་ཐག་སྟེ། ཐམས་ཅད་ལྷ་རྗེད་ཅིང་། ལྷ་རྣམས་ལ་མཆོད་པ་བྱེད་དོ།། དེ་ནས་འབྲོག་སྟོང་དེ་ན་རྒྱང་མ་ནས་སྐྱེད་ཤིང་བཟང་པོ་གཅིག་མཐོང་ནས། ་ཐམས་ཅད་སྐྱེད་ཤིང་གི་དྲུང་དུ་ལྷགས་པ་དང་། ཤིང་གི་དྲུང་ན་ཆུ་མིག་བཟང་པོ་གཅིག་ཀྱང་ཡོད་དེ། ཚོང་པ་རྣམས་ཆུ་མིག་དེ་ལ་འཐུངས་ནས། བདག་ཅག་གི་ལྷ་མཆོད་པའི་རྟགས་འདིའོ། ་ཞེས་སྨྲས་པ་དང་། ལྷ་མངོན་དུ་སྨྲ་སྟེ་སྐྱེད་ཤིང་གི་ཡལ་ག་ཆོ་ག་ཅིག་དང་། འདོད་པ་ཐམས་ཅད་འབྱུང་ངོ་ཞེས་བསྒོའོ།། དེ་ནས་ཡལ་ག་གཅིག་བཅག་པ་དང་། བཏུང་བ་ཞིམ་པོ་བྱུང་ངོ་།། ། ་དེ་ནས་ཡལ་ག་གཅིག་བཅག་པ་དང་། ཁ་ཟས་རོ་བརྒྱ་དང་ལྡན་པ་ཐམས་ཅད་བྱུང་ནས། དེ་དག་ཀུན་གྱིས་ཚིམ་པར་ཟོས་སོ།། ཡང་ཡལ་ག་གཅིག་བཅག་པ་དང་། གོས་རྣམ་པ་སྣ ་ཚོགས་བྱུང་ངོ་། ། དེ་ནས་ཡལ་ག་གཅིག་བཅག་པ་དང་། ནོར་བུ་རིན་པོ་ཆེ་སྣ་ཚོགས་བྱུང་སྟེ། ཁལ་ཐམས་ཅད་ལོངས་སོ།། དེ་ནས་ཉེས་འཚོལ་ལ་སོགས་པ་ཡང་དེར་ལྷགས་ཏེ ་སྔ་མས་ཡལ་ག་བཅག་པ་ལས། རིན་པོ་ཆེ་སྣ་ཚོགས་ཁལ་ལོངས་པ་རྙེད་པ་མཐོང་ནས། འདི་སྙམ་དུ་བསམས་སོ།། སྔ་མ་འདི་དག་གིས་ཡལ་ག་ལས་ཀྱང་རིན་པོ་ཆེ་ཆོག་པར་རྙེད་ན། ཤིང ་འདིའི་རྩ་བ་ཕྱུང་ན་ནི་རིན་པོ་ཆེ་སྣ་ཚོགས་མང་དུ་རྙེད་དོ་སྙམ་བསམས་ནས་ཤིང་གི་རྩ་བ་རྐོ་བར་གཟས་སོ། ། དེ་ནས་ལེགས་འཚོལ་མི་དགའ་སྟེ་སྨྲས་པ། བདག་ཅག་ནི་འཕོངས ་ཏེ་སྲོག་དང་བྲལ་བ་ལ་ཤིང་འདིས་བདག་ཅག་གི་སྲོག་གསོས་ཀྱིས། ཁྱོད་ཤིང་འདི་མ་གཅོད་ཅིག་ཅེས་སྨྲས་ན། ཉེས་འཚོལ་མཉན་ཏེ་ཤིང་གི་རྩ་བ་འབྱིན་ཏེ། དེ་ནས་ལེགས་འཚོལ་ཡང་མཐོང ་མི་འདོད་པས། ཁལ་དང་ཆས་ཏེ་སོང་བའི་འོག་ཏུ། ཤིང་གི་རྩ་བ་ནས་སྲིན་པོ་ལྔ་བརྒྱ་བྱུང་སྟེ། ཉེས་འཚལ་དང་ཚོང་པ་ཀུན་ཟོས་སོ།། ཀུན་དགའ་བོ་དེའི་ཚེ་དེའི་དུས་ན། ལེགས་འཚོལ་དེ ་ནི་ད་ལྟར་ང་ཡིན་ནོ། ། དེའི་ཕ་ནི་ད་ལྟར་ངའི་ཡབ་ཟས་གཙང་མ་ཡིན་ནོ།། དེའི་མ་ནི་ད་ལྟར་ངའི་ཡུམ་ལྷ་མཛེས་ཡིན་ནོ།། ཉེས་འཚོ་ལ་ནི་ད་ལྟར་གྱི་ལྷ་སྦྱིན་འདི་ཡིན་ཏེ། ཀུན་དགའ་བོ་ལྷ་སྦྱིན ་གྱིས་ད་ལྟར་འབའ་ཞིག་ང་ལ་གནོད་པ་བྱེད་པར་བ་ཟད་དེ། རྙེད་པ་དང་གྲགས་པའི་ཕྱིར། སྐྱེ་བ་ཐམས་ཅད་དུ་ང་ལ་གནོད་པ་བྱས་ན། ངས་ཕན་པའི་ཆོས་བསྟན་ཏོ།། ཕན་པ་བྱས་ཀྱང ་ལྷ་སྦྱིན་ནིང་ལ་དགྲར་འཛིན་ཏོ། ། བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། འཁོར་མང་པོ་རྣམས་རྗེས་སུ་ཡི་རང་སྟེ་མངོན་པར་དགའ་འོ།། ལེགས་འཆོལ་དང་ཉེས་འཚལ་གྱི ་ལེའུ་སྟེ་སུམ་ཅུ་གཉིས་པའོ། ། །། བམ་པོ་དགུ་པ།། རྒྱལ་བུ་དགེ་དོན་གྱི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། ་བཅོམ་ལྡན་འདས་རྒྱལ་པོའི་ཁབ་བྱ་རྒོད་སྤུངས་པའི་རི་ལ་དགེ་སློང་ཆེན་པོའི་དགེ་འདུན་དང་ཐབས་ཅིག་ཏུ་བཞུགས་སོ།། དེའི་ཚེ་ན་ཚེ་དང་ལྡན་པ་ཀུན་དགའ་བོས་ལྷ་སྦྱིན་གྱིས་ཐབས་རྣམ་པ་སྣ་ཚོགས ་ཀྱིས་དེ་བཞིན་གཤེགས་པ་ལ་གནོད་པ་བྱ་བར་བསམས་ཀྱང་། དེ་བཞིན་གཤེགས་པ་ནི་ལྷ་སྦྱིན་དང་སྒྲ་གཅན་འཛིན་གཉིས་ལ་མི་འདྲ་བ་མེད་པར་དགོངས་ཏེ། རྟག་ཏུ་དེ་ལ་ཐུགས་བརྩེ ་བར་དགོངས་ནས། བཅོམ་ལྡན་འདས་ལ་ཞུས་པ་དང་། བཅོམ་ལྡན་འདས་ཀྱིས། ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། ལྷ་སྦྱིན་འདིས་དུས་འདི་ཉིད་ན་ང་ལ་གནོད་སེམས ་བསྐྱེད་པར་མ་ཟད་དེ། སྐྱེ་བ་གཞན་དུ་ཡང་ང་ལ་གནོད་སེམས་བསྐྱེད་དོ།། དགེ་སློང་དག་ཐེ་ཚོམ་དུ་གྱུར་ནས། ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས ་གསོལ་ཏོ། ། ལྷ་སྦྱིན་འདིས་སྐྱེ་བ་གཞན་དག་ན། བཅོམ་ལྡན་འདས་ལ་གནོད་པ་ཇི་ལྟར་བགྱིས་ཞེས་གསོལ་པ་དང་། བཅོམ་ལྡན་འདས་ཀྱིས། ཀུན་དགའ་བོ་ལ་འདི་སྐད་ཅེས ་བཀའ་སྩལ་ཏོ། ། སྔོན་འདས་པའི་དུས་བསྐལ་པ་གྲངས་མེད། ཚད་མེད། དཔག་ཏུ་མེད། བསམ་གྱིས་མི་ཁྱབ་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་རིན་ཆེན་ཀོ་ཆ་ཞེས་བྱ། ་བ་རྒྱལ་ཕྲན་ལྔ་བརྒྱ་ལ་དབང་བྱེད་པ་ཞིག་བྱུང་ངོ་།། དེ་ལ་བཙུན་མོ་དང་ཕོ་བྲང་སླས་ལྔ་བརྒྱ་སྙེད་ཡོད་ཀྱང་བུ་མེད་དེ། ཉི་ཟླའི་ལྷ་ལ་སོགས་ཏེ། ལྷ་ཐམས་ཅད་ལ་གསོལ་བ་བྱས ་ནས་ལོ་མང་དུ་ལོན་ཡང་བུ་མེད་ནས་མི་དགའ་བར་གྱུར་ཏེ། འདི་སྙམ་དུ་བསམས་སོ།། བདག་ལ་བུ་ནི་གཅིག་ཀྱང་མེད་ཀྱིས། དེའུ་རེ་ཚེ་ཟད་པས་རྒྱལ ་ཕྲན་ལྔ་བརྒྱ་ཡང་གཅིག་ལ་གཅིག་མི་ཉན་ན། ཐམས་ཅད་འཁྲུགས་ནས་ཡུལ་མི་བདེ་བར་འགྱུར་རོ་སྙམ་སེམས་ཁོངས་སུ་ཆུད་དེ། ལག་པ་འགྲམ་པ་ལ་བརྟེན་ནས་འདུག་པ་ལས། ་དེའི་ཚེ་ན་ལྷ་ཞིག་རྒྱལ་པོའི་བསམ་པ་ཤེས་ནས། རྨི་ལམ་དུ་རྒྱལ་པོ་ལ་འདི་སྐད་ཅེས་བསྒོའོ།། ཕོ་བྲང་གི་ཕྱི་རོལ་ཚལ་གྱི་ནང་ན་དྲང་སྲོང་གཉིས་ཡོད་དེ། གཅིག་གི་ལུས་གསེར་གྱི ་མདོག་ཅན་དུ་འདུག་གིས། དེའི་གན་དུ་སོང་ལ་གསོལ་བ་ཐོབ་ཅིག་དང་། བུར་སྐྱེ་བར་འགྱུར་རོ་ཞེས་བསྒོ་མ་ཐག་ཏུ་གཉིད་ལོག་པ་ལས་སད་ནས། དྲང་སྲོང་གཉིས་གང་ན་འཇུག་པ ་འཚོལ་དུ་སོང་སྟེ། དྲང་སྲོང་དེ་དང་ཕྲད་ནས། བདག་ལ་རྒྱལ་པོའི་རིགས་འཚོབ་པ་མེད་ཀྱིས། ཁྱོད་བདག་གི་རིགས་སུ་སྐྱེས་ཏེ། རིགས་སོབས་ཤིག་ཅེས་གསོལ་བ་བཏབ་ནས། ་དྲང་སྲོང་དེས་དེ་བཞིན་དུ་བྱའོ་ཞེས་སྨྲས་སོ།། དྲང་སྲོང་གཅིག་གིས་ཀྱང་བདག་ཀྱང་ཁྱོད་ཀྱི་རིགས་སུ་སྐྱེ་བར་བྱའོ་ཞེས་སྨྲས་པ་དང་། རྒྱལ་པོ་རབ་ཏུ་དགའ་ནས། ཁྱོད་ཀྱང་བདག་གི་རིགས ་སུ་སྐྱེ་བར་ཤོག་ཅིག་ཅེས་སྨྲས་སོ། ། དེ་ནས་རྒྱལ་པོ་ཕྱིར་ལོག་ནས་དུས་ཕྱི་ཞིག་ན། དྲང་སྲོང་གསེར་གྱི་མདོག་ཅན་དེའི་ཚེའི་དུས་བྱས་ནས། བཙུན་མོ་ཆེན་མོའི་མངལ་དུ་སྐྱེས་ཏེ། བུད་མེད ་མཁས་པ་ནི་བུ་ཡོད་པར་ཤེས། བུ་ཕོར་ཤེས། བུ་མོར་ཤེས་ཏེ། བདག་ལ་ངེས་པར་བུ་ཕོ་ཡོད་དོ་ཞེས་རྒྱལ་པོ་ལ་སྨྲས་ནས། རྒྱལ་པོས་ཀྱང་བཙུན་མོའི་རིམ་གྲོ་བསྐྱེད་དེ། ཟླ་བ ་དགུ་ཚང་ནས་བུ་ཁྱེའུ་གསེར་གྱི་མདོག་ཅན་སྒྲ་མཐོན་མཐིང་ལྟར་འདུག་པ། མཚན་དང་ལྡན་པ་ཅིག་བཙས་སོ།། རྒྱལ་པོ་རབ་ཏུ་དགའ་ནས་བཙས་སྟོན་བྱས་ཏེ། མཚན་མཁན་གྱིས ་མཚན་བལྟས་ནས། བུའི་མིང་ཡང་དགེ་དོན་དུ་བཏགས་སོ།། དེ་ནས་ཡང་བཙུན་མོ་གཅིག་ཀྱང་སེམས་ཅན་དང་ལྡན་པར་གྱུར་ཏེ། དྲང་སྲོང་ཅིག་ཤོས་ཀྱང་ཚེའི་དུས་བྱས་ནས་བཙུན་མོ་དེའི ་མངལ་དུ་སྐྱེས་སོ། ། དེ་ནས་ཡང་བཙས་སྟོན་བྱས་ཏེ། མཚན་མཁན་གྱིས་མཚན་བལྟས་ནས། ཁྱེའུའི་མིང་སྡིག་དོན་དུ་བཏགས་སོ།། རྒྱལ་པོ་བུ་ལ་བྱམས་ཤིང་སྡུག་པས། བུ ་འདུག་པའི་གནས་དབྱར་དགུན་དང་། སྟོན་དཔྱིད་སོ་སོར་བྱས་ཏེ། བགས་ཀྱིས་ཆེར་སྐྱེས་ནས། རིག་པ་བཅོ་བརྒྱད་ལ་སོགས་ཏེ། གཙུག་ལག་ཐམས་ཅད་ལ་མཁས་པར་གྱུར་ཏེ། བྱིས ་དགེ་དོན་གྱིས་རྒྱལ་པོ་ལ་གསོལ་ཏེ། བདག་ཕྱི་རོལ་ཏུ་འཆག་ཅིང་ལྟད་མོ་ལྟར་འགྲོའོ་ཞེས་བྱས་པ་དང་། དེའི་ཕ་མས་ཀྱང་བུ་འཆག་ཏུ་འགྲོའོ་ཞེས་ལམ་སྲང་ཕྱག་བདར་བྱེད་དུ་བཅུག་སྟེ།། ་རྒྱལ་མཚན་དང་བ་དན་བསྒྲེང་ནས་མེ་ཏོག་གིས་གཏོར་ཏེ། བདུག་སྤོས་ཀྱིས་བདུག་པ་ལ་སོགས་པ་ཡོ་ལང་བཤམས་ནས། དགེ་དོན་གླང་པོ་ཆེ་རིན་པོ་ཆེ་སྣ་བདུན་གྱིས་བརྒྱན་པ་ལ་བསྐྱོན་ཏོ།། ་དྲིལ་བསྒྲགས། རྔ་བརྡུངས། རོལ་མོ་དང་སིལ་སྙན་དཀྲོལ་ཏེ། རྒྱ་བརྒྱ་སྟོང་སྙེད་ཀྱིས་བསྐོར་ནས་གྲོང་ཁྱེར་གྱི་ཕྱི་རོལ་ཏུ་དོང་ངོ་།། ཡུལ་མི་ཐམས་ཅད་ལམ ་གྱི་གཡས་གཡོན་ན་ཁང་བུ་བརྩེགས་པའི་སྟེང་ནས་མིག་མི་འཛུམས་པར་ལྟ་ཞིང་། འདིའི་བྱིན་དང་གཟི་བརྗིད་ནི་ཚངས་པ་དང་འདྲའོ་ཞེས་བསྒྲགས་སོ།། དེ་ནས་སོང་སོང་བ་ལས། མུ་ལྟོ་བ ་དག་ཅིག་གོས་ཧྲུལ་པོ་གྱོན་ཞིང་སྣོད་ཆག་པ་ཐོགས་ཏེ། ཅུང་ཟད་བསླང་ངོ་ཞེས་འབོད་པ་དགེ་དོན་གྱིས་ཐོས་ནས། དེ་དག་ལ་ཁྱེད་ཅིའི་ཕྱིར་འདི་ལྟར་ཉོན་མོངས་ཤིང་སྡུག་ཅེས་དྲིས་སོ།། དེ་ལ་ཁ ་ཅིག་ནི་འདི་སྐད་དུ། བདག་ཅག་ལ་ཕ་མ་དང་། ཕུ་ནུ་དང་། བུ་སྤང་དང་། གཉེན་བཤེས་མ་མཆིས་པར་སྡུག་གོ་ཞེས་ཟེར་རོ།། དེ་ལ་ཁ་ཅིག་ནི་བདག་ཅག་ཡུན་རིངས་སུ་ནད་ཀྱིས་བཏབ་པས ་མི་སོས་ཏེ་སྡུག་གོ་ཞེས་ཟེར་རོ། ། དེ་ལ་ཁ་ཅིག་ནི་བདག་ཅག་བག་མ་བྱས་པས་ཆོམ་པོས་བཅོམ་སྟེ། ཅི་ཡང་མི་བདོག་པས་སློངས་མོ་བྱེད་ཅེས་ཟེར་རོ།། དགེ་དོན་གྱིས་དེ་སྐད་ཅེས་སྨྲས་པ་ཐོས་ནས ་མཆི་མ་དཀུ་སྟེ་སོང་ངོ་། ། དེ་ནས་ཡང་ཕ་ཟད་ཅིག་ན་ཤན་པ་དག་ཅིག་སྲོག་ཆགས་བསད་ནས་པགས་པ་བ་ཤུ་བ་དང་བསྔལ་གཏུབ་པ་དག་མཐོང་ངོ་།། དགེ་དོན་གྱིས་ཨེ་མའོ་འདི་དག་ཅི་བྱེད་ཅེས་དྲིས ་ན་བདག་ནི་ཕ་མེས་བརྒྱད་ཀྱིས་འདི་འདྲ་བའི་གསོད་པའི་ལས་བྱེད་དེ། འདི་མ་བྱས་ན་མི་འཚོའོ་ཞེས་ཟེར་རོ།། དེ་ལ་དགེ་དོན་ངོ་མཚར་དུ་གྱུར་ནས་ལྷ་མི་འདོད་པར་སོང་ངོ་།། དེ་ནས་ཡང ་ཟང་ཕྱིན་པ་དང་། ཞིང་པ་དག་ཞིང་རྨོས་ཏེ། ཞིང་རྨོས་པའི་ཤུལ་ན་སྲིན་བུ་མང་དུ་བྱུང་བ་ལ། བྱ་མང་པོ་དང་སྦྲུལ་དག་ཐུ་ཞིང་ཟ་བ་མཐོང་ནས། འདི་དག་ཅི་བྱེད་ཅེས་དྲིས་ན། བདག་ཅག ་ནི་ཞིང་རྨོས་ཏེ། ས་སློངས་པའི་ཤུལ་དུ་ས་བོན་བཏབ་ན་ཕྱིས་མང་དུ་སྐྱེས་ཏེ། དེས་འཚོ་ཞིང་རྒྱལ་པོའི་དབྱར་ཡང་འབུལ་ལོ་ཞེས་ཟེར་རོ།། དགེ་དོན་དེ་ལ་ཡང་ངོ་མཚར་དུ་གྱུར་ནས། ཕ་ཟང ་སོང་བ་དང་། རྔོན་པ་བྱ་རྒྱ་བྲེས་པ་དང་རྙི་བཙུགས་ནས་བྱ་རྣམས་གཤོར་བ་དང་། སེམས་ཅན་དག་བྱ་རྒྱ་དང་རྙིས་ཟིན་ནས། ལུས་རྡེབས་ཤིང་འཐེན་ཀྱང་མ་ཤོར་ཏེ། སྙིང་རྗེ་བའི་སྐད་ཕྱུང ་ནས་ཤིན་ཏུ་འཇིགས་སྐྲག་པ་དག་མཐོང་ནས། ཁྱེད་ཅི་བྱེད་ཅེས་དྲིས་ན། བདག་ཅག་ཀྱང་བརྒྱུད་ཀྱིས་འདི་འདྲ་བའི་གསོད་པའི་ལས་བྱེད་པས་འཚོའོ་ཞེས་ཟེར་རོ།། དགེ་དོན་གྱིས་དེ་སྐད་ཅེས ་སྨྲས་པ་ཐོས་ནས་ཤིན་ཏུ་ཡི་མུག་སྟེ། ཡང་ཕ་ཟད་སོང་བ་དང་། ཉ་པ་དག་ཉ་རྒྱས་ཉ་བཅུས་ནས་མང་དུ་ཟིན་ཏེ་ཐང་བུ་ལ་ཕུང་པོར་སྤུངས་ནས་ད་དུང་ཡང་འགུལ་བ་དག་མཐོང་ནས། འདི་དག་ཅི ་བྱེད་ཅེས་དྲིས་ན། བདག་ཅག་ཀྱང་བརྒྱད་ཀྱིས་ལས་གཞན་མི་བྱེད་ཀྱི། འདི་ལྟར་ཉག་ཤོར་ཞིང་འཚོ་བར་བྱེད་དོ་ཞེས་ཟེར་རོ།། དགེ་དོན་གྱིས་འདི་ལྟ་བུ་དག་མཐོང་ནས་འདི་སྙམ་དུ་བསམས ་སོ། ། སེམས་ཅན་འདི་དག་ནི་དབུལ་འཕོངས་ནས། བགོ་བ་དང་བཟའ་བའི་ཕྱིར། འདི་ལྟ་བུའི་ཁ་ན་མ་ཐོ་བའི་ལས་གསོད་པ་ལ་སོགས་པ་བྱེད་དེ། འདི་དག་ནི་ཚེ་འཕོས་མ་ཐག་ཏུ་ངན ་སོང་གསུམ་དུ་ལྷུང་སྟེ། བུན་པ་ནས་མུན་པར་འགྲོ་ཞིང་ཐར་པའི་དུས་མེད་དོ་སྙམ་དུ་བསམས་ནས་ཕྱིར་ཁྱིམ་དུ་འོངས་ཏེ། ཉིན་མཚན་དུ་དེ་སེམས་ཤིང་མི་དགའ་ནས ་ཕའི་དྲུང་དུ་སོང་སྟེ། ཕ་ལ་ཡབ་བདག་གསོལ་བ་ཞིག་མཆིས་ཀྱིས་གནོང་ཞིག་ཅེས་སྨྲས་སོ།། ཕས་ཀྱང་བུ་ཁྱོད་ཅི་ཟེར། ཁྱོད་སྨྲས་པ་བཞིན་དུ་བྱའོ་ཞེས་སྨྲས་སོ།། ཡབ་བདག་སྔོན ་ཕྱི་རོལ་ཏུ་འཆག་ཏུ་མཆིས་པ་ལས། མི་མང་པོ་གོས་དང་ཟས་ཀྱི་ཕྱིར་ཐམས་ཅད་ཉོན་མོངས་ཏེ། གཅིག་ལ་གཅིག་གསོད་པ་དང་། བརྫུན་དང་། དབང་ཟ་བ་དང་། མི་དགེ ་བའི་ལས་རྣམ་པ་སྣ་ཚོགས་བགྱིད་པ་མཐོང་ནས། དེ་དག་ལ་སྦྱིན་པ་བགྱི་བར་བསམས་སོ།། ཡབ་ཀྱི་བང་མཛོད་ཆེན་པོ་ལས་བྲེལ་ཅིང་འཕོངས་པ་དག་གི་ཕྱིར་ཡིད་བཞིན་དུ་སྤྱོད་དུ་གནོང་ཞིག ་པས་སྨྲས་པ། ངས་ནི་རིན་པོ་ཆེ་དང་བང་མཛོད་མང་དུ་བསགས་པ་ཐམས་ཅད་ཁྱོད་ཀྱི་ཕྱིར་བྱས་པར་ཟད་ན། ཅིའི་ཕྱིར་ཁྱོད་ཟེར་བ་བཞིན་མི་ཉན་ཅེས་སྨྲས་སོ།། དེ་ནས་དགེ་དོན་གྱིས་ཕས ་གནང་བའི་ལུང་ཐོབ་ནས། ཡུལ་མི་ཐམས་ཅད་ལ་དགེ་དོན་ནི་སྦྱིན་པ་ཆེན་པོ་བྱེད་ཀྱིས་ཐམས་ཅད་འདུས་ཤིང་ཤོག་ཅིག་ཅེས་བསྒྲགས་སོ།། དེའི་ཚེ་ན་དགེ་སྦྱོང་དང་། བྲམ་ཟེ་དང ་དབུལ་ཞིང་འཕོངས་པ་མགོན་མེད་པ་དང་། ནད་པ་ལ་སོགས་ཏེ། གྲོང་ཁྱེར་གྱི་ཕྱི་རོལ་ན་ལམ་ཐོག་ཐག་ཏུ་གང་ངོ་།། དེ་དག་ཀྱང་དཔག་ཚད་བརྒྱ་དང་། ཉིས་བརྒྱ་དང་། སུམ་བརྒྱ་དང ་བཞི་བརྒྱ་དང་། ལྔ་བརྒྱ་དང་། དཔག་ཚད་སྟོང་གི་ལམ་ནས་འོངས། ཁ་ཅིག་ནི་དཔག་ཚད་ཉིས་སྟོང་། སུམ་སྟོང་། བཞི་སྟོང་། ལྔ་སྟོང་དང་། དཔག་ཚད་ཁྲིའི་བར་ནས་ལྷགས ་ཏེ་སྤྲིན་བཞིན་དུ་འདུས་ནས་ཐམས་ཅད་ལ་ཡིད་བཞིན་དུ་སྦྱིན་པ་ནི། གོས་འདོད་པ་ལ་གོས། ཟས་འདོད་པ་ལ་ཟས། རིན་པོ་ཆེ་གསེར་དང་། དངུལ་དང་། བཻ་ཌཱུཪྻ་དང་། མུ་ས་ར ་གལ་བ་དང་། བཞོན་པ་དང་། ཐེག་པ་དང་། ཁྱོགས་དང་། སྐྱེད་མོས་ཚལ་དང་། ཞིང་དང་། རྐང་འགྲོས་ལ་སོགས་ཏེ་ཡིད་བཞིན་དུ་སྦྱིན་པར་བྱས་སོ།། དེ་ལྟར་སྦྱིན་པ་ལ ་ཞུགས་ཏེ་ཡུན་རིང་ཞིག་ལོན་པ་དང་། བང་མཛོད་སུམ་ཆ་གཅིག་ཟད་ནས། མཛོད་སྲུངས་ཀྱིས། རྒྱལ་པོ་ལ་འདི་སྐད་ཅེས་སྨྲས་སོ།། སྲས་ཀྱིས་བང་མཛོད་ལ་སྦྱིན་པར་བགྱིས་ནས ་སུམ་ཆ་ནི་བས། སུམ་གཉིས་ལས་མ་ལུས་ན། ཕན་ཚུན་དུ་འགྲུལ་བའི་སྐྱེས་དང་། ཚོང་ཟོང་ཅི་ལས་བགྱི་དགོངས་ཤིག་ཅེས་སྨྲས་སོ།། ང་ནི་སྲས་འདི་ལ་བྱམས་པས་མི་ཟློགས ་ཀྱིས་བང་མཛོད་སྟོངས་ཀྱང་བླའོ་ཞེས་སྨྲའོ། ། དེ་ནས་ཡང་རིང་ཞིག་ལེན་པ་དང་། བང་མཛོད་སུམ་གཉིས་ནི་ཟད། སུམ་ཆ་ཙམ་ལུས་པ་དང་། མཛོད་སྲུངས་ཀྱིས་ཡང་རྒྱལ་པོ་ལ་ད་ནི ་བང་མཛོད་སུམ་གཉིས་ཙམ་ནི་བས། སུམ་ཆ་ཙམ་ལས་མ་ལུས་ན། ཕན་ཚུན་སྐྱེས་བསྐུར་བ་དང་། ཚོང་བོང་ཅི་ལས་བགྱི་ཞེས་སྨྲས་སོ།། རྒྱལ་པོས་དེ་ལ་བསྒོ་བ། ངའི་སྲས་སྡུག་ཆེས་ཏེ ་ངོ་མི་ཟློགས་པས་སྒྲ་མི་ཕོད་ཀྱིས། ཁྱོད་ཀྱིས་ཐབས་ཅི་ལེགས་སུ་བྱོས་ལ། བྲེལ་ཅིང་མི་ཁོམ་པ་ལྟར་ཐ་སྙད་ཐོགས་ཤིག། མཛོད་སྲུངས་ཀྱིས་རྒྱལ་པོ་ལས་ལུང་ཐོབ ་ནས་མཛོད་སྒོ་བཅད་དེ་དོན་གཉེར་དུ་སོང་ངོ་། ། དེ་ནས་སློང་བ་དག་དགེ་དོན་གྱི་ཐད་དུ་ལྷགས་ནས། བར་འགའ་ནི་མཛོད་སྲུངས་མི་རྙེད་དེ་མཛོད་སྒོ་མི་ཕྱེད། གལ་ཏེ་མཛོད་སྲུངས་འོངས་ན་ཡང ་ཡིད་བཞིན་དུ་མི་སྟེར་བས། དགེ་དོན་གྱིས་འདི་སྙམ་དུ་བསམས་སོ།། འདི་ལྟར་གྱུར་པ་འདི་ནི་མཛོད་སྲུངས་ཀྱིས་ཐུགས་མི་ཐུབ་ཀྱི། ཡབ་ཀྱི་མན་ངག་འོངས་ཀྱིས་ཡོང་ཡང་བུས་ནི ་པའི་བང་མཛོད་སྟོངས་པར་བྱ་བ་མི་རིགས་ཀྱི་བདག་གིས་ད་ཐབས་ཅི་ཞིག་བྱས་ན་རིན་པོ་ཆེ་ཡིད་བཞིན་དུ་རྙེད་དེ། སྐྱེ་བོ་མང་པོ་ལ་ཕན་འདོགས་པར་འགྱུར་སྙམ་བསམས་ནས། མི་དག ་ལ་འདི་སྐད་ཅེས་དྲིས་སོ། ། འཇིག་རྟེན་ན་ལས་ཅི་ཞིག་བྱས་ན་ནོར་དབྱིག་མང་དུ་རྙེད་ཅིང་ཟད་མི་ཤེས་པར་འགྱུར་ཞེས་དྲིས་པ་དང་། ཁ་ཅིག་ནི་ཞིང་ཆེར་རྨོས་ན་ནོར་དབྱིག་མང་པོར་འགྱུར ་ཞེས་ཟེར་རོ། ། ཁ་ཅིག་ནི་རྐང་འགྲོས་སྤེལ་ཏེ་སྤོགས་བྱས་ན་ནོར་མང་དུ་རྙེད་དོ་ཞེས་ཟེར་རོ།། ཁ་ཅིག་ནི་ལམ་རིང་པོར་ཚོང་སྤོགས་བྱས་ན་ནོར་མང་དུ་རྙེད་ཅེས་ཟེར་རོ།། ཁ་ཅིག་ནིནྱ ་མཚོར་ཞུགས་ཏེ་ནོར་བུ་རིན་པོ་ཆེ་བླངས་ན་རིན་པོ་ཆེ་མང་དུ་འགྱུར་རོ་ཞེས་མེ་རོ། ། དགེ་དོན་གྱིས་དེ་དག་གིས་སྦས་པ་ཐོས་ནས། ཞིང་རྨོ་བ་དང་། རྐང་འགྲོས་སྤེལ་བ་དང་། ལས་རིང་པོར་ཚང ་ལ་འགྲོ་བ་ནི་ངའི་ཆ་མ་ཡིན་གྱི། རྒྱ་མཚོར་འཇུག་པ་འབའ་ཞིག་ངའི་ཆ་ཡིན་ནོ་ཞེས་སྨྲས་ནས། རྒྱ་མཚོར་འཇུག་གོ་སྙམ་དུ་བསམས་ཏེ། ཕ་མ་ལ་འདི་སྐད་ཅེས་སྨྲས་སོ།། བདག་ནི་རྒྱ་མཚོ་ནས་རིན་པོ་ཆེ་མང་དུ་བླངས་ཏེ་དབུལ ་འཕོངས་པ་ལ་སྦྱིན་པ་ཡིད་བཞིན་དུ་བགྱིའོ། ། བདག་རྒྱ་མཚོར་རིན་པོ་ཆེ་ལེན་དུ་མཆིར་གནོང་ཞིག་ཅེས་སྨྲས་སོ།། དེའི་ཕ་མས་དེ་སྐད་ཅེས་སྨྲས་པ་ཐོས་ནས་འཁམས་ཏེ་བུ་ལ་འདི་སྐད་ཅེས ་སྨྲས་སོ། ། འཇིག་རྟེན་ན་དབུལ་འཕོངས་པ་དག་ནི་བློ་མེད་དེ། ལུས་སྲོག་དང་བསྔོས་ནས་འགྲོ་བར་བྱེད་དོ།། ཁྱོད་ཅིས་འཕོངས་ན་དེ་ལྟ་བུར་སེམས་ཏེ། ཁྱོད་སྦྱིན་པ་བྱེད་འདོད་ན ་ཁྱིམ་ན་ཡོད་པའི་ནོར་ཐམས་ཅད་སྦྱིན་པར་བྱོས་ཤིག། རྒྱ་མཚོར་ནི་འགྲོར་མི་རུང་སྟེ། རྒྱ་མཚོའི་ནང་ན་ཆུ་རླབས་དང་། དཔའ་གློང་འཁྱིལ་བ་དང་། ཆུ་སྲིན་དང་། ཀླུ་གདུག་པ་དང་། ་སྲིན་མོ་དང་། རི་ཆུའི་མདོག་ཅན་ལ་སོགས་པ་ཤིན་ཏུ་ཡང་བའི་བགེགས་མང་དུ་ཡོད་པས་ཐར་པར་དཀའ་ན། ཁྱོད་ཅེས་འཕོངས་ཏེ་སྲོག་དང་སྔོ་བར་བྱེད། འདི་ལ་ནི་ཉན་པ་མེད་ཀྱིས། ་མ་སེམས་པར་འདུག་ཅིག་ཅེས་བསྒོའོ།། དགེ་དོན་གྱིས་འདི་སྐད་ཅེས་བསྒོ་བ་ཐོས་ནས། བསམས་པ་བཞིན་དུ་མ་གྲུབ་པས་ཡི་དམ་བཅས་ཏེ། བསམ་པ་འདི་མ་གྲུབ་ཀྱི་བར་དུ་ཕ ་མའི་མདུན་དུ་ས་ལ་ཁ་སྦུབ་ཏུ་ཉལ་ཏེ་མི་ལྡང་ངོ་སྙམ་བསམས་ནས། ཡབ་ཡུམ་གྱིས་མཁྱེན་པར་མཛོད་ཅིག། བདག་ནི་བསམ་པ་བཞིན་མ་གྲུབ་ཀྱི་བར་དུ་ཁ་སྦུབ་ཏུ་ཉལ་བ་འདི་ལས་མི ་ལྡང་ངོ་ཞེས་སྨྲས་སོ། ། དེ་ནས་ཕ་མ་མི་དགའ་སྟེ་གཉེན་བཤེས་དང་བགྲོས་ནས། རྒྱ་མཚོའི་ནང་ན་བགེགས་ཡང་བ་མང་དུ་ཡོད་པའི་གཏམ་ཡང་བྱས། བདག་ཀྱང ་དམང་བས་ལོ་བཅུ་གཉིས་ཀྱི་བར་དུ་ལྷ་ཀུན་ལ་མཆོད་དོ། ། ཁྱེད་ལྟ་ཞིག་ངའི་ལྷའི་བུར་སྐྱེས་ན། ངེད་མ་དོར་བར་ཟན་ཟོ་ཞིག་ཅེས་ཞག་གཅིག། ཞག་གཉིས་ནས། ཞག་དྲུག་གི་བར་དུ་ཚིག ་རྣམ་པ་སྣ་ཚོགས་ཀྱིས་གྲེས་བཏབ་ཀྱང་མཉན་ཏེ། སྔར་ཇི་སྐད་སྨྲས་པ་ལས་མ་ཟློགས་སོ།། ཕ་མ་དངངས་ནས་ཡང་འདི་སྐད་ཅེས་བགྲོས་སོ།། བདག་གི་བུ་འདི་ཐོག་མ་ནས་ད་ཙམ་གྱི་བར ་དུབྱ་བར་བརྩམས་པ་མཐར་མ་གྲུབ་ཀྱི་བར་དུ་མི་གཏོང་བས། རྒྱ་མཚོར་བཏང་ན་གལ་ཏེ་ན་ཕྱིར་ལྡོག་ཀྱང་སྲིད་ཀྱི་མ་བཏང་ན་ཞག་བདུན་ལོན་ནས་འཕྲལ་དུ་བྱེ་བྲག་འབྱེ་སྟེ། ད་ནི་བཏང ་དགེས་སོ་སྙམ་བགྲོས་ནས། བུའི་དྲུང་དུ་སོང་སྟེ་ལག་པ་ནས་བཟུང་ནས། བུ་ལོང་ལ་ཟན་ཟེ་ཞོག། ཡིད་བཞིན་དུ་འགྲོ་བར་གནང་ངོ་ཞེས་སྨྲས་པ་དང་། དགེ་དོན་ཡང་ལངས་ཏེ་ཟ་བ་ཟོས ་བཏུང་བ་འཐུངས་སོ། ། དེ་ནས་ཕྱི་རོལ་ཏུ་བྱུང་སྟེ་མི་མང་པོ་ལ་ཁོ་བོ་རྒྱ་མཚོར་རིན་པོ་ཆེ་ལེན་དུ་འགྲོའོ།། ཁྱེད་སུ་འགྲོ་བར་དགའ་བ་རྣམས་ཀྱང་འགྲོགས་ཏེ་འདོང་གིས། དེད་དཔོན་ཡང་ཁོ་བོས ་བྱས་ལ་ཡོ་བྱད་ཀྱང་ཁོ་བོས་སྦྱར་རོ་ཞེས་བསྒྲགས་སོ། ། དེའི་ཚེ་ན་ཡུལ་དེ་ན་ཚོང་བ་ལྔ་བརྒྱ་སྙེད་ཀྱིས་བདག་ཅག་ཀྱང་རྒྱ་མཚོར་རིན་པོ་ཆེ་ལེན་དུ་མཆིའོ་ཞེས་ཐམས་ཅད་འདུས་ནས་ཆས་སོ།། ་དེའི་ཚེ་ཡུལ་དེ་ན་ཚོང་པ་དེད་དཔོན་རྒན་པོ་ཞིག་སྔན་ཆད་ཀྱང་རྒྱ་མཚོར་ལན་དུ་མ་བྱིན་པ་ཞིག་ཡོད་དེ། རྒྱལ་བུ་ཉིད་དེའི་གན་དུ་སོང་ནས་འདི་སྐད་ཅེས་སྨྲས་སོ།། ཁོ་བོ་རྒྱ་མཚོར་འགྲོ་བའི་ས ་མཁན་དུ་འགྲོ་དགོས་ཀྱིས། ཁྱོད་ཀྱང་ཆོས་ཤིག་ཅེས་བསྒོ་བ་དང་། དེད་དཔོན་གྱིས་བདག་ནི་རྒས་ཞོམ་པའི་སྟེང་དུ་མིག་གཉིས་ཀྱིས་ཀྱང་མི་མཐོང་བས་འགྲོ་མི་ནུས་སོ་ཞེས་སྨྲས་སོ།། དེ་ནས་རྒྱལ ་བུ་ཕའི་ཐད་དུ་སོང་སྟེ། རྒྱལ་པོ་ལ་འདི་སྐད་ཅེས་གསོལ་ཏོ།། དེད་དཔོན་རྒན་པོ་ཞིག་མཆིས་པ་སྔན་ཆད་ཀྱང་རྒྱ་མཚོར་ལན་དུ་མ་ཞིག་ཕྱིན་ཏོ།། རྒྱ་མཚོའི་རྒྱུས་མཆིས་ཀྱིས། བདག་རྒྱ ་མཚོར་མཆི་བའི་ས་མཁན་དུ་བཀའ་སྩོལ་ཅིག་ཅེས་གསོལ་པ་དང་། རྒྱལ་པོ་ཉིད་དེད་དཔོན་ལོང་བའི་གན་དུ་སོང་ནས། དེད་དཔོན་ལོང་བ་ལ་འདི་སྐད་ཅེས་བསྒོའོ།། རྒྱལ་བུ་རྒྱ་མཚོར་འགྲོ ་འདོད་དེ། ངེད་ཀྱིས་འགྲོར་མི་རུང་བའི་གྲེས་རེ་ལྟ་ཞིག་བཏབ་ན་མཉན་གྱིས། རྒྱལ་བུ་རྒྱ་མཚོར་འགྲོ་བའི་ས་མཁན་དུ་ཁྱོད་སོང་ཞིག་ཅེས་བཀའ་སྩལ་པ་དང་། དེད་དཔོན་གྱིས་འདི་སྐད་ཅེས ་གསོལ་ཏོ། ། བདག་རྒས་ཞོམ་པའི་སྟེང་དུ་མིག་གཉིས་ཀྱང་ལྗོངས་མོད་ཀྱི། ང་རྒྱལ་པོས་བཀའ་སྩལ་ན་བཀའ་མི་གཅོག་གོ་ཞེས་གསོལ་ཏོ།། དེ་ནས་རྒྱལ་པོ་ཕོ་བྲང་དུ་འོངས་ནས་ངའི ་བུ་དང་རྒྱ་མཚོར་འགྲོ་སུ་བོད་ཅེས་བསྒོ་བ་དང་། རྒྱལ་བུ་སྡིག་དོན་ཡང་བདག་ཕུ་བོའི་གཡོག་ཏུ་མཆིའོ་ཞེས་གསོལ་ཏོ།། རྒྱལ་པོས་བསམས་པ། གཞན་སོང་བ་བས་ནུ་བོ་སོང་ན་ཕན ་ཡང་སྲིད་སྙམ་ནས། ནུ་བོ་ཡང་འགྲོར་གནང་ངོ་།། དེ་ནས་རྒྱལ་བུས་གསེར་སྲང་སུམ་སྟོང་ཞིག་ཕྱུང་སྟེ། སྲང་སྟོང་ནི་གྲུའི་ཟོང་དུ་བྱས། སྲང་ཉིས་སྟོང་ནི་འཕྲལ ་དུ་དགོས་པའི་ཡོ་བྱད་དུ་སྦྱར་ཏེ། ཆས་ནས་རྒྱལ་པོ་དང་བཙུན་མོ་ལ་སོགས་པ་ཐམས་ཅད་ཀྱིས་བསྐྱལ་ཏོ།། དེ་ནས་རྒྱ་མཚོའི་ངོགས་སུ་ཕྱིན་ནས་གྲུར་ཞུགས་ཏེ། ཐག་པ་བདུན་གྱིས་བརྗོད་ནས ་རླུང་ཕྱོགས་དང་སྦྱར་ཏེ། འགྲོ་བའི་ཚོང་པ་རྣམས་འདི་སྐད་ཅེས་སྨྲས་སོ།། རྒྱ་མཚོའི་ནང་གི་བགེགས་རྣམ་པ་སྣ་ཚོགས་ཡོད་དེ། སྔ་ཕྱིར་འདོང་བ་ནི་རབ་ཏུ་ཡང་མང་ན། ཕྱིར་འཁོར་བ་ནི་ཉུང་རབ་བོ།། ་དེ་ལས་ཐེ་ཚོམ་ཟ་བ་ཡོད་ན་ཕྱིར་དེངས་ཤིག། གལ་ཏེ་ལུས་དང་སྲོག་ལ་མི་ལྟ། ཕ་མ་དང་། བུ་དང་། ཆུང་མ་དང་། གཉེན་བཤེས་དག་ལ་ཡང་མ་ཆགས་ཏེ། རིན་པོ་ཆེའི་གླིང་དུ་ཕྱིན་ནས་ཕྱིར ་ཡང་བདེ་བར་འཁོར་ན། བུ་ཚ་རབས་བདུན་ཚུན་ཆད་ནོར་གྱིས་མི་བྲེལ་བར་འགྱུར་རོ་ཞེས་བསྒྲགས་ནས་ཐག་པ་གཅིག་བཅད་དོ།། དེ་བཞིན་དུ་ཉི་མ་བདུན་གྱི་བར་ཉིན་རེ་ལན་རེ་དེ་སྐད་ཅེས་བསྒོ་ནས ་ཐག་པ་རེ་རེ་བཅད་དེ། རླུང་ཕྱོགས་སུ་བབ་པ་ལ་གཡོར་ཤིང་བསྒྲེང་སྟེ་མགྱོགས་ཁྱད་མདའ་བཞིན་དུ་སོང་ངོ་།། དེ་ནས་རིན་པོ་ཆེའི་གླིང་དུ་ཕྱིན་ནས། རྒྱལ་བུ་རིན་པོ་ཆེ་བརྟག་པ་ལ་ཤིན་ཏུ ་མཁས་པས། རིན་པོ་ཆེ་བཟང་ངན་དང་མང་ཉུང་གི་ཚད་ཀྱང་བསྟན་ནས་སོ་སོ་ནས་རིན་པོ་ཆེ་འཚལ་ལོ།། དེད་དཔོན་དང་གཉིས་གྲུ་ཆུང་གཅིག་གི་ནང་དུ་ཞུགས་ནས་ཚོང་པ་ཕལ་རྣམས་རེར ་བོར་རོ། ། དེ་ནས་སོང་སོང་བ་ལས་དེད་དཔོན་གྱིས་ད་ནི་རི་དཀར་པོ་ཞིག་ཡོད་པའི་རིགས་འདྲ་མཐོང་ངམ་ཞེས་དྲིས་སོ།། རྒྱལ་བུས་ཀྱང་དེ་འདྲ་བ་ཞིག་སྡང་ངོ་ཞེས་སྨྲས་པ་དང་། དེ་ནི་དངུལ་གྱི ་རི་ཡིན་ནོ་ཞེས་ཟེར་རོ། ། དེ་ནས་ཡང་སོང་སོང་བ་ལས། ད་ནི་རི་སྔོན་པོ་ཞིག་སྣང་བའི་རིགས་ན་མཐོང་ངམ་ཞེས་དྲིས་ན། དེ་འདྲ་བ་ཞིག་སྣང་ངོ་ཞེས་སྨྲས་པ་དང་། དེ་ནི་བཻ་ཌཱུཪྻའི་རི་ཡིན ་ནོ་ཞེས་སྨྲས་སོ། ། དེ་ནས་ཡང་སོང་སོང་བ་ལས། ད་ནི་རི་སེར་པོ་ཞིག་སྣང་བའི་རིགས་སོ་ཞེས་དྲིས་ན། རི་སེར་པོ་འདྲ་བ་ཞིག་སྣང་ངོ་ཞེས་སྨྲས་པ་དང་། དེ་ནི་གསེར་གྱི་རི་ཡིན་ནོ་ཞེས་སྨྲས ་སོ། ། དེ་ནས་གསེར་གྱི་རིའི་དྲུང་དུ་ཕྱིན་ཏེ། གསེར་གྱི་བྱེ་མའི་སྟེང་དུ་འདུག་ནས། དེད་དཔོན་དེས་འདི་སྐད་ཅེས་སྨྲས་སོ།། བདག་ནི་རྒས་ཞོམ་སྟེ་ང་ནི་འགྲོ་མི་ཕོད་པས། ང་འདི་ཉིད་དུ ་ཚེའི་དུས་བྱས་པར་འགྱུར་གྱིས། ཁྱོད་འདི་ནས་ཡང་སོང་ཞིག་དང་། མདུན་ན་རིན་པོ་ཆེ་སྣ་བདུན་གྱི་མཁར་ཞིག་དང་ཕྲད་པའི་རིགས་ཀྱིས། གལ་ཏེ་མཁར་སྒོ་བཅད་ཅིང་འདུག་ན། སྒོ་དྲུང་།། ་ནརྡོ་རྗེའི་གཏུན་ཞིག་ཡོད་པའི་རིགས་ཀྱིས། རྡོ་རྗེའི་གཏུན་གྱིས་མཁར་གྱི་སྒོ་རྡུངས་ཤིག་དང་། ནང་ནས་ལྷ་མོ་ལྔ་བརྒྱ་ཞིག་སོ་སོ་ནས་རིན་པོ་ཆེ་ཐོགས་ནས་འབུལ་དུ་འོང་ངོ་།། དེ་ལ་ལྷ་མོ ་གཅིག་ཅིག་ཀྱང་རིན་པོ་ཆེ་སྔོན་པོ་གཅིག་ཐོགས་ཤིང་འབུལ་དུ་འོང་གིས། དེ་ནི་ཡིད་བཞིན་གྱི་ནོར་བུ་རིན་པོ་ཆེ་ཡིན་ནོ།། ཐོབ་མ་ཐག་ཏུ་མ་ཤོར་བར་དམ་དུ་ཟུང་ཞིག། བུ་མོ་གཞན་དག་གི་ནོར ་བུ་རིན་པོ་ཆེ་ཡང་ལོང་ཞིག། དབང་པོ་རབ་ཏུ་སྡོམ་ལ་དེ་དག་དང་མ་སྨྲ་ཞིག། བདག་ནི་ཉམ་ཐག་སྟེ་འདིར་ཚེ་འཕོས་ན་དྲིན་དྲན་པར་གྱིས་ལ། འདི་ཉིད་དུ་རུས་བུ་སྤོས་ཏེ། ་སོང་ཞིག་ཅེས་བསྒོ་མ་ཐག་ཏུ་ཚེའི་དུས་བྱས་སོ།། དེ་ནས་དེད་དཔོན་གྱིས་རུས་བུ་གསེར་གྱི་བྱེ་མའི་ནང་དུ་སྦས་ནས་བསྒོ་བ་བཞིན་དུ་སོང་ནས། རིང་པོ་མ་ལོན་པར་རིན་པོ་ཆེ་སྣ་བདུན་གྱི་བར་ཞིག་གི ་དྲུང་དུ་བྱིན་ཏོ། ། སྒོ་ཡང་དམ་དུ་བཅང་བ་ལས། དྲུང་ན་རྡོ་རྗེའི་གཏུན་འདུག་པ་བླངས་ཏེ་སྒོ་བརྡུང་བ་དང་། སྒོ་ཡང་རང་བྱེ་ནས། ལྷ་མོ་ལྔ་བརྒྱ་སོ་སོ་ནས་རིན་པོ་ཆེ་ཐོགས་ཏེ་འབུལ་བར་བྱེད ་དོ། ནང་གི་ལྷ་མོ་སྔ་མ་གཅིག་གི་ལག་ན་ནོར་བུ་སྔོན་པོ་ཞིག་ཐོགས་ཏེ་སྨྲས་པ་བཞིན་བླངས་ནས། གོས་ཀྱི་ཐ་མར་ཕུར་ཏེ། དེ་མ་ཐག་ཏུ་ཕྱིར་ལོག་གོ།། རྒྱལ་བུ་དང་བྲལ་བའི་འོག་ཏུ ་རྒྱལ་བུ་སྡིག་དོན་གྱིས་ཚོང་པ་རྣམས་ལ། རིན་པོ་ཆེ་མང་དུ་ལོང་ཞིག་ཅེས་བྱས་པས། ཚོང་པ་རྣམས་ཀྱིས་མང་དུ་བླངས་ནས། རིན་པོ་ཆེ་མངས་པས་གྲུ་ཡང་བར་འགའ་ནི་ནུབ། བར་འགའ་ནི ་བྱུང་ནས། རྒྱལ་བུ་དགེ་དོན་འབའ་ཞིག་ནི་ཡིད་བཞིན་གྱི་ནོར་བུ་ཡོད་པས་ཆུར་མ་ནུབ་བོ།། རྒྱལ་བུ་སྡིག་དོན་སྐྲག་ནས། དགེ་དོན་ལ་བདག་ལ་ཡང་སྐྱོབས་ཤིག་ཅེས་སྨྲས་པ་དང་། སྡིག ་དོན་ཡང་ཁྲིད་དེ་རྒྱ་མཚོ་རྒལ་ཏོ། ། དེ་ནས་སྐམ་སར་ཕྱིན་པ་དང་། སྡིག་དོན་གྱིས་ཕུ་བོ་ལ་འདི་སྐད་ཅེས་སྨྲས་སོ།། བདག་ཅག་སྤུན་གཉིས་ཕ་མ་དང་བྲལ་ཏེ་རྒྱ་མཚོར་རིན་པོ་ཆེ་ལེན་དུ་དོང་བ ་ལས་མ་སྟེས་ཏེ། རིན་པོ་ཆེ་དང་བྲལ་ནས་ལག་པ་སྟོང་པར་ཁྱིམ་དུ་འགྲོ་བ་ནི་ངོ་ཚའོ།། རྒྱལ་བུ་དགེ་དོན་རང་བཞིན་གྱིས་དྲང་བས། ནུ་བོ་ལ་བདག་ཅག་གིས་རིན་པོ་ཆེ་ཐོབ་ན་ཅིའི་ཕྱིར་ངོ་ཚ་ཞེས ་སྨྲས་སོ། ། རིན་པོ་ཆེ་ཇི་ལྟ་བུ་ཞིག་རྙེད། བདག་ལ་སྟོན་ཅིག་ཅེས་སྨྲས་པ་དང་། ཕུ་བོས་རིན་པོ་ཆེ་བཀྲོལ་ཏེ་ནུ་བོ་ལ་བསྟན་ཏོ།། ནུ་བོས་རིན་པོ་ཆེ་མཐོང་ནས་འདི་སྙམ་དུ་བསམས་སོ།། ་པབཔ་དག་གི་ཕ་མ་ཡང་བུ་འདྲ་བ་ལས་སུ་བོ་ལ་བྱམས་ཏེ། བདག་ལ་མི་བྱམས་པའི་སྟེང་དུ། ངེད་གཉིས་འགྲོགས་ཏེ་ར་ན་པོ་ཆེ་ལེན་དུ་སོང་བ་ལས། ཕུ་བོས་ནི་རིན་པོ་ཆེ་རྙེད་ཀྱི། བདག ་གིས་ནི་ཅི་ཡང་མ་རྙེད་པས། ད་ཁྱིམ་དུ་འོངས་ན་བདག་ལ་དེ་བས་ཀྱང་མི་བྱམས་པར་འགྱུར་གྱིས། བདག་གིས་ཕུ་བོ་ག་ཉིད་ལོག་པའི་ཚེ་བསད་ལ་ནོར་བུ་རིན་པོ་ཆེ་ཁྱེར་ཏེ་འགྲོའོ།། ག་ལ ་ཏེ་ཕ་མས་དྲིས་ན། ཕུ་བོ་ནི་རྒྱ་མཚོའི་ནང་དུ་ནུབ་བོ་ཞེས་བྱའོ་སྙམ་བསམས་ནས། ཕུ་བོ་ལ་འདི་སྐད་ཅེས་སྨྲས་སོ།། བདག་ཅག་སྤུན་གཉིས་རིན་པོ་ཆེ་ཐོགས་ཏེ། གཉིས་ཀ་ཅིག་ཅར ་ཉལ་བ་མི་རིགས་ཀྱི། རེས་ཀྱིས་ཉལ་ལ་མེལ་ཙེ་བྱའོ་ཞེས་སྨྲས་པ་དང་། ཕུ་བོས་ཀྱང་དེ་བཞིན་དུ་བྱའོ་ཞེས་སྨྲས་ཏེ། སྤུན་གཉིས་རེས་ཀྱིས་མེལ་ཙེ་བྱེད་དོ།། དེ་ནས་ནུབ་ཅིག་ཕུ་བོ ་སྔར་མེལ་ཙེ་བྱེད་པ་ལས། མེལ་ཙེ་ཐུན་ཀོར་ནས་ཀྱང་རུང་ཞིག་ལངས་སུ་མ་བཏུབ་བོ།། ཕུ་བོ་ཡང་ཡུན་རིངས་སུ་མེལ་ཙེ་བྱས་ནས། ནུ་བོ་གདོད་ལངས་ཏེ། ཕུ་བོ་ཡུན་རིངས་སུ་འདུག ་པས་གཉིད་བྲོ་ནས། ལོག་པའི་འོག་ཏུ་ཚལ་གྱི་ནང་ནས་ཚེར་མ་རིང་པོ་གཉིས་ཤིག་བླངས་ནས། ཕུ་བོ་གཉིད་ལོག་པའི་མིག་ཏུ་ཚེར་མ་རེ་རེ་བཙུགས་ཏེ། ་རིན་པོ་ཆེ་ཁྱེར་ནས་བྲོས་སོ།། དགེ་དོན་དངངས་ནས་ཆོམ་པོ་བྱུང་ངོ་ཞེས་བོས་ན་ཅང་མི་ཟེར་ཏེ། དེ་ནས་ཤིང་གི་ལྷ་མོ་ཞིག་གིས་ཁྱོད་ཀྱི་ཆོམ་པོ་ནི་སྡིག་དོན་ཡིན་ནོ་ཞེས་སྨྲས་སོ།། དེ་ནས ་དགེ་དོན་མིག་ན་བ་མ་བཟོད་ནས་འབོད་འབྲོགས་ཏེ་གོག་ཅིང་སོང་སོང་བ་ལས། ཡུལ་ལི་ཤི་བ་དེ་དང་ཉེ་བར་ཕྱིན་ནས། བ་གླང་རྫི་བ་གླང་ལྔ་བརྒྱ་ཙམ་འཚོ་བ་དང་ཕྲད་ངོ་དོ།། བ་གླང་དེའི་ནང ་ནས་ཁྱུ་མཆོག་གཅིག་གིས། རྒྱལ་བུ་ལྡོངས་པ་མཐོང་ནས། རྒྱལ་བུའི་མིག་ལ་ལྕེས་པ་ལྡགས་སོ།། དེ་ནས་བ་གླང་ཀུན་ཀྱང་དེར་འདུས་པས། རྫིའུ་ཡང་དེ་ལྟར་འོངས་ནས། མི ་ཞིག་ས་ལ་འགྲེ་བ་ལ་མཐོང་ནས་དྲུང་དུ་བརྟགས་ན། མིག་ཏུ་ཚེར་མ་ཟུག་པ་མཐོང་ནས། ཚེར་མ་གཉིས་དལ་གྱིས་ཕྱུང་སྟེ་གནས་སུ་ཁྲིད་དོ།། དེ་ནས་འོ་མ་དང་སྣུམ་གྱིས་རྨ་ཁ་བསྐུས་ནས།། ་ཁ་ཟས་ཀྱིས་བསྟོད་དེ་གསོས་སོ།། དེ་ནས་ཕྱི་ཞིག་ན་རྨ་ཡང་བགས་ཀྱིས་སོས་ནས། ད་ནི་འགྲོའོ་ཞེས་བྱས་པ་དང་། བ་གླང་རྫིས་མ་བཏང་ངོ་།། དེ་ནས་ཡང་ཕྱི་ཞིག་ན་རྨ་ཡང་ལེགས་པར ་སོས་ནས། ད་ནི་གྲོང་ཁྱེར་འོ་ནིར་འགྲོའོ་ཞེས་བྱས་ནས། མཐར་གྱིས་གྲོང་ཁྱེར་ཉེ་བར་བསྐྱལ་ཏེ། བདག་ལ་རོལ་མོའི་ཆི་བྱང་གི་མ་ཞེས་བྱ་བ་གཅིག་བྱིན་ཅིག་ཅེས་བྱས་པ་དང་། རྫི་འུས་རོལ་མོའི ་ཆ་བྱང་གིམ་ཞིག་བྱིན་ནོ། ། དེ་ནས་རྒྱལ་བུ་རོལ་མོ་བྱེད་ཅིང་གླུ་དང་ཚིག་སྙན་པར་སྦྱར་ཏེ་བླངས་པས་ཐམས་ཅད་དེ་ལ་ཉན་ཏེ། ཀུན་གྱིས་ཟས་དང་སྐོམ་བསྐྱལ་བས། དེ་ན་སྤྲང་པོ་ལྔ་བ ་ཡང་རྒྱལ་བུ་ལ་བརྟན་ཏེ་གསོས་སོ། ། ཕྱི་ཞིག་ན་རྒྱལ་པོ་དེའི་སྐྱེད་མོས་ཚལ་བསྲུང་བ་ཞིག་དེར་འོངས་ནས། རོལ་མོ་སྙན་པ་ཐོས་པ་དང་དེ་ལ་དགའ་སྟེ་ཁྱོད་ངའི་སྐྱེད་མོས་ཚལ་དུ་རོལ་མོ ་བྱེད་ཅིང་སྐྱེད་མོས་ཚལ་ཡང་བསྲུངས་ན་མི་ནུས་སམ་ཞེས་དྲིས་ན། བདག་མིག་ལོང་བས་མི་ནུས་སོ་ཞེས་སྨྲས་སོ།། དེས་སྨྲས་པ། ཁྱོད་མིག་མི་མཐོང་ཡང་བླའི། ཤིང་གི་ཁ ་ནས་ཐ་གུ་ལ་དྲིལ་བུ་བཏགས་ཏེ། བྱའི་སྐད་བྱུང་ན་ཐ་གུ་དྲངས་པས་ཆོག་གིས། ངའི་སྐྱེད་མོས་ཚལ་དུ་འདོང་ངོ་ཞེས་སྨྲས་ནས་ཁྲིད་དོ།། རྒྱལ་བུ་དེ་ཚལ་དེ་ན་འདུག་ཅིང་རོལ་མོ ་བྱེད་དོ། ། དེའི་ཚེ་ན་སྡིག་དོན་ཕྱིར་ཡུལ་དུ་འོང་བ་དང་། རྒྱལ་པོས་ཁྱོད་ཀྱི་ཕུ་བོ་དང་ཚོང་པ་གཞན་དག་ག་རེ་ཞེས་དྲིས་ན། བདག་གི་ཕུ་བོ་དགེ་དོན་དང་ཚོང་པ་གཞན་ནི་རིན་པོ་ཆེ ་མང་དུ་རྙེད་ནས་གྲུ་དང་བཅས་སུ་ཆུར་ནུབ་བོ། ། བདག་ནི་རྒྱལ་འཚལ་བས་བདག་འབའ་ཞིག་ཐར་རོ་ཞེས་སྨྲས་པ་དང་། རྒྱལ་པོ་ཡབ་དང་བཙུན་མོ་གཉིས་འཁམས་ནས་ས་ལ ་འགྱེལ་ཏོ། ། ཡུལ་ན་མི་འཁོད་པ་གཞན་དག་ཀྱང་དེ་སྐད་ཅེས་ཐོས་ནས་ངོ་མཚར་དུ་གྱུར་ཏེ་མྱ་ངན་གྱིས་བརྣངས་སོ།། རྒྱལ་པོ་ཡབ་དང་བཙུན་མོ་ཡང་མྱ་ངན་གྱིས་ཡིད་གདུངས ་ནས་སྡིག་དོན་ཁྱོད་ཀྱང་ཕུ་བོ་དང་ལྷན་ཅིག་ལོག་ན་ཅི་ཉེས་ཞེས་བསྒོའོ། ། རྒྱལ་བུ་དགེ་དོན་བཞུགས་པའི་ཚེ་བྱ་ངང་པ་གཅིག་གསོས་པ་དེ་ལ་རྒྱལ་པོས ་འདི་སྐད་ཅེས་བསྒོའོ། ། རྒྱལ་བུ་དགེ་དོན་རྒྱ་མཚོར་རིན་པོ་ཆེ་ལེན་དུ་སོང་བ་ལས། རྒྱ་མཚོར་ནུབ་སྟེ་དོག་ཅེས་ཟེར་གྱིས། ཁྱོད་རྟོག་ཅིང་འཆོལ་དུ་སོང་ཞིག་ཅེས་བསྒོ་ནས། ཡི་གེ ་བྲིས་ཏེ་མགུལ་དུ་བཏགས་ནས་སོང་ངོ་། ། དེ་ནས་བྱ་ངང་པ་ཀུན་ཏུ་འཕུར་ཞིང་འཚལ་འཚལ་བ་ལས། སྐྱེད་མོས་ཚལ་དེ་ན་རྒྱལ་བུའི་སྐད་གྲག་ནས། དེར་བབས་ཏེ་བལྟས་ན་རྒྱལ ་བུ་དེ་ན་འདུག་པ་དང་ཕྲད་དོ། ། རྒྱལ་བུས་ཀྱང་ངང་པོའི་སྐད་ཤེས་པས། མགུལ་ནས་ཡི་གེ་བཀྲོལ་ཏེ་ཀློག་ཏུ་བཅུག་གོ། དེ་ནས་ཡི་གེ་ལན་བྲིས་ནས་སྡིག་དོན་གྱིས་ཇི་ལྟར་མཱི་ཏུ་ཚེར ་མ་བཙུགས་ཏེ་བྲོས་པ་ཡང་ཞིབ་ཏུ་སྤྲིང་ངོ་། ། དེའི་ཚེ་ན་རྒྱལ་པོ་ལི་ཤི་བར་དེ་ལ། བུ་མོ་བཟང་མོ་འཇིག་རྟེན་ན་དཀོན་པ་ཞིག་ཡོད་དེ། བུ་མོ་དེ་སྐྱེད་མོས་ཚལ་དུ་འཆག་ཏུ་སོང ་སོང་བ་ལས། རྒྱལ་བུ་དགེ་དོན་དེ་ན་འདུག་པ་དང་ཕྲད་ནས། རྒྱལ་བུ་དགེ་དོན་སྒྲ་ནི་འཛིངས། གདོང་ལ་ནི་དྲི་མས་གང་། གོས་ངན་པ་གྱོན ་ཞིང་ཤིང་དྲུང་ན་འདུག་པ་མཐོང་ནས། བུ་མོ་དེ་ལ་ཆགས་ཏེ་ཕན་ཚུན་གར་ཡང་མ་སོང་བར་དེའི་དྲུང་དུ་འདུག་སྟེ་གཏམ་བྱས་སོ།། དྲོལ་བབས་ནས་རྒྱལ་པོས་བུ་མོ་བོས་ན། བདག་གི ་འཚལ་མ་འདིར་སྐྱོལ་ཅིག་མི་མཆིའོ་ཞེས་མཆིའོ། ། དེ་ནས་རྒྱལ་པོས་ཡང་ཟན་བསྐྱལ་བ་དང་། བུ་མོས་རྒྱལ་བུ་ལ་བདག་ཅག་གཉིས་ལྷན་ཅིག་ཟན་ཟའོ་ཞེས་བྱས་པ་དང་། རྒྱལ་པོས ་བདག་ནི་ལོང་བ་སྤྲང་པོ་ལགས་པས། རྒྱལ་པོའི་སྲས་མོ་དང་ལྷན་ཅིག་འཚལ་མ་འཚལ་དུ་མི་རུང་ངོ་།། གལ་ཏེ་རྒྱལ་པོས་གསན་ན་བདག་ལ་གྱོད་མཆི་བས་མི་རུང་ངོ་ཞེས་སྨྲས་སོ།། བུ ་མོས་སྨྲས་པ། ཁྱོད་བདག་དང་ཟན་ལྷན་ཅིག་མི་ཟ་ན། བདག་ཀྱང་ཟན་མི་ཟའོ་ཞེས་ལན་དུ་མའི་བར་དུ་སྨྲས་པ་དང་། དེ་ནས་ལྷན་ཅིག་ཟན་ཟོས་ཏེ་གཏམ་ཡང་ལེགས་པར་བྱས་ནས། དེ་ལ ་བུ་མོ་ཆགས་ཏེ་གཞན་དུ་གོམ་པ་གཅིག་ཀྱང་འགྲོར་མ་བཏུབ་བོ། ། དེ་ནས་ཉི་མ་ནུབ་ཏུ་ཉེ་ནས་རྒྱལ་པོས་བུ་མོ་ཕྱིར་ཤོག་ཅིག་ཅེས་སྦྲན་པ་དང་། བུ་མོས་ཕྱིར་འདི་སྐད་ཅེས་གསོལ་ཏོ།། བདག་ནི ་སྐྱེད་མོས་ཚལ་བསྲུང་བ་འདིའི་ཆུང་མར་དགའ་བས་གཞན་སུ་ཡང་མི་འཚལ་ལོ། ། ཡབ་རྒྱལ་པོ་བདག་གིས་བསམ་པ་འདི་ལས་མི་བསྒྱུར་དུ་གསོལ་ཞེས་སྤྲིང་བ་དང་། རྒྱལ་པོས་དེ་སྐད་ཅེས ་གསོལ་པ་ཐོས་ནས། བུ་མོའི་ངོམ་ཟློགས་ཏེ། འདི་ནི་ངོ་མཚར་ཡ་མཚན་དུ་ཆེའོ།། བུ་མོ་འདི་རྒྱལ་པོ་རིན་ཆེན་གོ་ཆའི་མནའ་མར་བླངས་ཏེ། རྒྱལ་བུ་རྒྱ་མཚོ་ནས་མ་འཁོར་བར ་སྤྲང་པོ་འདི་ལྟ་བུ་ཞིག་གི་ཆུང་མར་བརྟེན་པ་འདི་ནི་ངའི་རིགས་སུན་ཏེ། ངའི་མགོ་ཡང་བཏེག་ཏུ་མེད་པར་བྱེད་པ་འདི་ནི་ངོ་མཚར་ཆེ་ཞེས་ཡང་འབོད་དུ་བཏང་བ་ལས། བུ་མོ་ཚིག་སྔ་མ་ལས ་མ་འགྱུར་ཏེ་འོང་དུ་མ་བཏུབ་བོ། ། དེ་ནས་རྒྱལ་པོ་བུ་མོ་ལ་བྱམས་པས་ངོ་མ་ཟློགས་ནས་གཉིས་ཀ་བ་སུ་སྟེ། ཕོ་བྲང་གི་ནང་དུ་ཁྲིད་ནས་ཤུག་ཏུ་བསྡུས་སོ།། ་དེ་ནས་ཞག་དུ་མ་ཞིག་ལོན་པ་དང་། བུ་མོ་ཉིན་པར་ནི་རྟག་ཏུ་སོང་། ནུབ་མོ་ཕྱིར་འོང་བས། རྒྱལ་བུ་དོགས་པ་སྐྱེས་ཏེ། ཆུང་མ་ལ་འདི་སྐད་ཅེས་སྨྲས་སོ།། ཁྱོད་བདག་གི་ཆུང་མ་བྱ་ཞེས། ་ཤུག་ཏུ་འདུས་ན། ཉིན་པར་ནི་རྟག་ཏུ་འགྲོ། མཚན་མོ་འབའ་ཞིག་ནི་ཕྱིར་འོང་ན། འདིར་མི་རྟག་པ་ལས་ན། ཁྱོད་གཞན་དུ་སེམས་པ་ཡོད་དུ་ངེས་སོ་ཞེས་སྨྲས་པ་དང་། བུ་མོས ་དམ་བཅས་པ། བདག་ལ་ཁྱོད་འབའ་ཞིག་སེམས་ཏེ། བསམ་པ་གཞན་པ་སྤུ་ཙམ་ཡང་མེད་དོ།། བདག་གིས་སྨྲས་པའི་ཚིག་བདེན་ན། བདེན་པར་སྨྲས་པ་འདིས་ཁྱོད་ཀྱི ་མིག་ཡ་གཅིག་གིས་མཐོང་བར་ཤོག་ཅིག་ཅེས་སྨྲས་མ་ཐག་ཏུ། མིག་ཡ་གཅིག་མཐོང་བར་གྱུར་ཏོ།། དེ་ནས་གཏམ་དེ་དག་གླེངས་ནས། རྒྱལ་བུ་ལ་ཁྱོད་ཀྱིས་ཕ་མ་ཡུལ་གང་ན་འདུག ་ཅེས་དྲིས་པ་དང་། རྒྱལ་བུས་ཆུང་མ་ལ་སྨྲས་པ། ཁྱོད་ཀྱི་རྒྱལ་པོ་རིན་ཆེན་གོ་ཆ་ཞེས་བྱ་བ་ཞིག་ཐོས་སམ། ཆུང་མས་སྨྲས་པ། བདག་གིས་ཐོས་སོ།། འོ་ན་དེ་ནི་བདག་གི་ཕ ་ཡིན་ནོ། ། རྒྱལ་བུ་དགེ་དོན་ཞེས་བྱ་བ་ཐོས་སམ། ཆུང་མས་སྨྲས་པ། ཐོས་སོ།། འོ་ན་རྒྱལ་བུ་དགེ་དོན་དེ་ནི་བདག་ཡིན་ནོ་ཞེས་སྨྲས་པ་དང་། ཆུང་མ་དངངས་ནས། འོ་ན་ཁྱོད ་ཅིའི་ཕྱིར་འདི་ལྟར་ཉོན་མོངས་པར་གྱུར་ཅེས་དྲིས་པ་ལས། རྒྱལ་བུས་ཇི་ལྟར་གྱུར་པ་ཞིབ་ཏུ་གཏམ་བྱས་པ་དང་། བུ་མོས་རྒྱལ་བུ་ལ་འདི་སྐད་ཅེས་སྨྲས་སོ།། རྒྱལ་བུ་སྡིག་དོན་གྱིས་ཁྱེད ་ཀྱི་མིག་ཕྱུང་བ་འདི་ནི་འཇིག་རྟེན་གང་ན་ཡང་མི་སྲིད་ན། ཁྱོད་དེ་དང་ཕྲད་ན་ཇི་ལྟར་བྱ་སྙམ། རྒྱལ་བུས་སྨྲས་པ། སྡིག་དོན་གྱིས་ངའི་མིག་ཕྱུང་བ་ཉེས་མོད་ཀྱི། བདག་ནི་དེ་ལ་ཅུང ་ཟད་ཀྱང་མི་དགའ་བ་འམ། ཁོན་དུ་འཛིན་པ་མེད་དོ།། ཆུང་མས་སྨྲས་པ། འདི་ནི་ཤིན་ཏུ་ཡང་ཡིད་ཆེས་པར་དཀའ་སྟེ། གནོད་པ་འདི་ལྟ་བུ་བྱས་ཀྱང་མི་དགའ་བ་མེད་ཅེས་སྨྲས་པ ་ནི་ཚིག་ཏུ་མི་རུང་ངོ་། ། རྒྱལ་བུས་སྨྲས་པ། བདག་ནི་རྒྱལ་བུ་སྡིག་དོན་ལ་མི་དགའ་བ་སྤུ་ཉག་མ་ཙམ་ཡང་མེད་དོ།། བདག་གི་ཚིག་འདི་བདེན་ན། བདེན་པའི་ཚིག་གིས་བདག་གི ་མིག་འོད་ཡ་གཅིག་ཀྱང་མཐོང་བར་གྱུར་ཅིག་ཅེས་སྨྲས་པ་དང་། མིག་ཡ་གཅིག་ཀྱང་གསལ་བར་མཐོང་བར་གྱུར་ཏོ།། དེ་ལྟར་རྒྱལ་བུའི་མིག་གཉིས་ཀྱང་མཐོང་ནས། མཚན་དང་བྱིན ་ཡང་གཞན་པས་ལྷག་པར་ཆེ་བས། བུ་མོ་དགའ་ནས་ཡབ་རྒྱལ་པོ་གང་ན་འདུག་པར་སོང་སྟེ། འདི་སྐད་ཅེས་སྨྲས་སོ།། ཡབ་ཀྱིས་རྒྱལ་པོ་རིན་ཆེན་གོ་ཆའི་སྲས་རྒྱལ་བུ་དགེ་དོན་མཁྱེན ་ཏམརྒྱལ་པོས་སྤྲས་པ། ངས་ཤེས་སོ།། འོ་ན་རྒྱལ་པོ་གཟིགས་བཞེད་དམ། རྒྱལ་བུ་དེ་ད་ལྟར་ག་རེ་ཞེས་དྲིས་པ་དང་། བུ་མོས་སྤྲས་པ། ད་ལྟར་བདག་གིས་ཁྱིམ་ཐ ་བགྱིད་པ་ཉིད་ལགས་སོ་ཞེས་གསོལ་ཏོ། ། རྒྱལ་པོས་བུ་མོ་ལ་བགད་དེ། བུ་མོ་འདི་སྐྱོས་སམ། འོན་ཏེ་མི་དྲན་ནམ་ཅི་ཉེས་ན། རྒྱལ་བུ་དེ་ནི་རྒྱ་མཚོ་ནས ་ཕྱིར་མ་འཁོར་ན། སྤྲང་པོ་ལ་རྒྱལ་བུ་དགེ་དོན་ཡིན་ཞེས་སྨྲ། བུ་མོས་ཡང་གསོལ་པ། ཐུགས་མི་ཆེས་ན་བརྟག་ཏུ་གསོལ་ཞེས་སྨྲས་པ་དང་། རྒྱལ་པོས་ལྟར་བྱིན་ན་རྒྱལ་བུ ་དངོས་ཡིན་ཏེ། ལྟོ་བ་ས་ལ་ཕབ་ནས་བདག་གིས་ངོ་མ་ཤེས་པ་ནོངས་ཀྱིས་འགྱོད་དོ་ཞེས་སྨྲས་སོ།། དེ་ནས་རྒྱལ་པོ་དེས་གསང་སྟེ་རྒྱལ་བུ་དགེ་དོན་ལམ་སྲང་ཞིག་ཏུ་བསྐྱལ་ནས། དགེ ་དོན་རྒྱ་མཚོ་ནས་གདོད་འཁོར་བ་སྐད་བསྒྲགས་ཏེ། བློན་པོ་རྣམས་དང་རྒྱལ་བུ་དགེ་དོན་བསུ་ནས་ཕོ་བྲང་དུ་འོངས་པ་དང་། གདོང་བུ་མོ་ཡང་ཆུང་མར་བྱིན་པ་སྐད་དུ་བསྒྲགས་སོ།། དེའི་ཚེ ་ན་བྱ་ངང་པ་ཡང་ཡི་གེ་དང་ཕྱིར་ཡུལ་དུ་ཕྱིན་ཏེ། ཡི་གེ་བཀླགས་ནས་རྒྱལ་བུ་དགེ་དོན་ཡང་འདུག་པར་ཤེས་ནས། སྡིག་དོན་ཡང་བཙོན་དུ་བཟུང་། རྒྱལ་པོ་ལི་ཤི་བར་གྱི་སྟེང་དུ ་ཡང་ཕོ་ཉ་བཏང་ནས། ངའི་བུ་དགེ་དོན་ཁྱོད་ཀྱི་ཡུལ་དུ་འོངས་ཏེ་ཉོན་མོངས་ཤིང་བདུག་ཅེས་ཐོས་ཀྱིས། སྔར་མ་སྦྲན་པ་ཡང་ཉེས་སོ།། ད་ཡང་གླང་པོ་ཆེ་དང་རྟའི་ཚོགས་མང ་པོས་སྐྱོལ་ཅིག། མ་བསྐྱལ་ན་ང་ཉིད་ཀྱང་འོང་ངོ་ཞེས་སྤྲིང་ངོ་།། དེའི་ཚེ་རྒྱལ་བུ་དགེ་དོན་གྱིས་ཕྱག་རྫིའི་དྲིན་དྲན་པའི་ཕྱིར། རྒྱལ་པོ་ལི་ཤི་བར་ལ་གསོལ་ནས། གླང་པོ་ཆེ ་དང་རྟ་དང་། གོས་དང་། ཁང་ཁྱིམ་དང་། ཞིང་འབྲོག་དང་། གསེར་དངུལ་དང་། རིན་པོ་ཆེ་དང་། བྲན་པོ་དང་། བྲན་མོ་དང་། ལས་བྱེད་པའི་མི་ལ་སོགས་ཏེ། བྱ ་དགའ་མང་དུ་བྱིན་ནས། རྩེ་གཅིག་ཏུ་བདེ་ཞིང་སྐྱིད་པར་བྱས་སོ།། དེ་ནས་རྒྱལ་པོ་རིན་ཆེན་གོ་ཆའི་ཕོ་ཉ་ཡང་དེར་ཕྱིན་ནས། རྒྱལ་པོ་ལི་ཤི་བར་གྱིས་གླང་པོ་ཆེ་ལྔ་བརྒྱ་ཙམ་རིན་པོ་ཆེས་བརྒྱན ་ཏེ། གཡོག་ལྔ་བརྒྱ་དང་། བུ་མོའི་གཡོག་གཞོན་ནུ་ལྔ་བརྒྱ་དང་། ཤིང་རྟ་ལྔ་བརྒྱ་སྙེད་ཀྱང་བརྫངས། རྒྱལ་པོ་ཉིད་ཀྱང་བློན་པོ་དང་བཅས་ཏེ། འཁོར་བརྒྱ་སྟོང་དུ་མས་རོལ་མོ ་སྣ་ཚོགས་བྱས་ཏེ་བུ་མོ་བསྐྱལ་ཏོ། ། ཕོ་ཉ་སླར་ཕྱིན་ནས་རྒྱལ་པོ་རིན་ཆེན་གོ་ཆ་ཡང་། བཙུན་མོའི་འཁོར་དང་བཅས་ཏེ་རྒྱལ་བུ་བསུའོ།། རྒྱལ་བུ་དང་ཕྲད་པའི་ཚེ་བཞོན་པ་ལས་བབས ་ནས་ཕ་མ་ལ་ཕྱག་འཚལ་ཏེ། ལག་པ་ནས་འཇུས་ཏེ་བསྙུན་གསོལ་ནས། རོལ་མོ་བྱས་ཏེ་ཕོ་བྲང་དུ་སོང་ངོ་།། དེ་ནས་རྒྱལ་བུ་དགེ་དོན་གྱིས་སྡིག་དོན་ག་རེ་ཞེས་སྨྲས་པ་དང་། ་ད་ལྟར་བཙོན་དུ་བཟུང་ངོ་ཞེས་སྨྲས་སོ།། དེ་ནས་རྒྱལ་བུ་སྡིག་དོན་ཐོང་ཞིག་ཅེས་གསོལ་པ་དང་། ཉེས་པ་ཆེན་པོ་བྱས་ཀྱིས་བཏང་མི་རུང་ངོ་ཞེས་བསྒོའོ།། དེ་ལྟར་རྒྱལ་བུ་སྡིག ་དོན་མ་བཏང་ན། བདག་ཀྱང་ཕོ་བྲང་དུ་མི་མཆིའོ་ཞེས་གསོལ་ནས། སྡིག་དོན་ཡང་བཏང་ངོ་།། དེ་ནས་སྡིག་དོན་ཡང་ཕུ་བོ་ལ་ཕྱག་འཚལ་ཞིང་བསུར་འོངས་ནས། སྤུན་གཉིས ་གཅིག་ལ་གཅིག་འཇུས་ཏེ། ནུ་བོ་ལ་སྦྱར་བས་ཀྱང་ལྷག་པར་བྱམས་པར་གྱུར་ནས། ཐམས་ཅད་ངོ་མཚར་དུ་འཛིན་ཏོ།། དེ་ནས་ཕོ་བྲང་གི་ནང་དུ་འོངས་ནས ་རིན་པོ་ཆེ་ག་རེ་ཞེས། བགས་ཀྱིས་དལ་གྱིས་དྲིས་པ་དང་། འོངས་པའི་ལམ་དུ་ས་རྐོས་ནས་སྦས་སོ་ཞེས་ཟེར་རོ།། དེ་ནས་ལེན་དུ་བཏང་ན་མ་རྙེད་པ་ལས། དགེ་དོན་དང་འགྲོགས ་ཏེ་གནས་སུ་ཕྱིན་མ་ཐག་ཏུ། དགེ་དོན་གྱིས་མཐོང་ནས་རྙེད་དོ།། དེ་ནས་རིན་པོ་ཆེ་རྣམས་རྙེད་དེ་ཕོ་བྲང་དུ་འོངས་ནས། རྒྱལ་ཕྲན་ལྔ་བརྒྱ་ཀུན་ལ་ཡང་རེ་རེ་བྱིན་ཏེ། གཅིག་པུ་ཞིག་ཕྱིར་བཞག ་པ་ལག་ཏུ་ཐོགས་ཏེ། འདི་སྐད་ཅེས་སྨོན་ལམ་བཏབ་བོ།། རིན་པོ་ཆེ་འདི་ཡིད་བཞིན་གྱི་ནོར་བུ་ཡིན་ཡང་དག་ན། བདག་གི་ཕ་མ་འདུག་པའི་ཁྲི་རིན་པོ་ཆེ་སྣ་བདུན་གྱི་ཁྲིར་གྱུར་ཅིག། རིན་པོ ་ཚེ་སྣ་བདུན་གྱི་གདུགས་ཀྱང་ཡོང་བར་གྱུར་ཅིག་ཅེས་སྨྲས་མ་ཐག་ཏྲ་དུ་བཞིན་དུ་གྱུར་ཏོ། ། དེ་ནས་ཡང་འང་སྐད་དུ། རྒྱལ་པོའི་བང་མཛོད་དང་། བློན་པོའི་བང་མཛོད་ལས་བདག་གིས་སྟོན ་སྦྱིན་པ་བགྱིས་ཏེ། གོང་པ་རྣམས་ཐམས་ཅད་ཕྱིར་གང་བར་ཤོག་ཅིག་ཅེས་སྦས་ནས།། དེ་ཕྱོགས་སུ་བསྟན་པ་ཙམ་གྱིས་བང་མཛོད་ཐམས་ཅད་རིན་པོ་ཆེས་ཡོངས་སུ་གང་བར་གྱུར་ཏོ།། ་དེ་ནས་དྲིལ་བསྒྲགས་ཏེ། ད་ཕྱིན་ཆད་ཞག་བདུན་ན་རྒྱལ་བུ་དག་དོན་རིན་པོ་ཆེ་སྣ་བདུན་གྱི་ཆར་འབེབས་ཀྱིས་ཐམས་ཅད་འདུས་ཤིག་ཅེས་བསྒོ་ནས། རྒྱལ་བུ་དགེ་དོན་སྤོས་ཆུས་ལུས་བཀྲུས ་ས་གསར་པ་གཙང་མ་གྱོན་ནས། རྒྱལ་མཚན་གྱི་རྩེ་མོ་ལ་ཡིད་བཞིན་གྱི་ནོར་བུ་རིན་པོ་ཆེ་བཏགས་ཏེ། ལག་ན་པོག་པོར་ཐོགས་ཤིང་ཕྱོགས་བཞིར་ཕྱག་བྱས་ནས་འདི་སྐད་ཅེས་སྤྲས། ་སོ། ནོར་བུ་འདི་ཡིད་བཞིན་གྱི་ནོར་བུ་རིན་པོ་ཆེ་ཡིན་ཡང་དག་ན། ཐམས་ཅད་དུ་ཅི་འདོད་པ་ཐམས་ཅད་ཆར་བཞིན་དུ་ཕོབ་ཅིག་ཅེས་སྨྲས་མ་ཐག་ཏུ། ཕྱོགས་བཞི་ནས་སྤྲིན་ལངས་ནས་རླུང ་གིས་མི་གཙང་བ་ཕྱག་བདར་བྱས་ཏེ། ཐོག་མར་ཆར་ཟིམ་བུ་བབས་ནས་རྡུལ་མི་སྣང་བར་བྱས་སོ།། དེ་ནས་ཁ་ཟས་རོ་བརྒྱ་དང་ལྡན་པ་རྣམ་པ་སྣ་ཚོགས་བབ་བོ།། དེ་ནས་གོས་རྣམས་བབ ་། བོ། དེ་ནས་རིན་པོ་ཆེ་སྣ་བདུན་བབ་ནས་ཡུལ་ཐམས་ཅད་དུ་གང་ངོ་།། དེའི་ཚེ་ན་ཐམས་ཅད་ཀྱིས་རིན་པོ་ཆེ་དང་གསེག་མ་འདྲ་བའི་སེམས་སུ་གྱུར་ནས། དེ་ལ་རྒྱལ་བུས་འདི་ཞེས་བསྒོའོ།། ་ཁྱེད་ཀྱི་དགོས་པ་ཐམས་ཅད་ཡིད་བཞིན་གྱིས་ཐོབ་པས། ད་ནི་བྲེལ་བ་འམ་འཕོངས་པ་མེད་པར་གྱུར་གྱིས། སོ་སོ་ནས་ལུས་དང་། ངག་དང་། ཡིད་བསྡམས་ཏེ། དགེ་བ་བཅུའི་ལས ་ཀྱི་ལམ་ལ་བརྩོན་པར་གྱིས་ཤིག་ཅེས་བསྒོ་ནས། ཐམས་ཅད་ཀྱིས་བསྒོ་བ་བཞིན་དུ་དགེ་བ་བཅུ་ལ་ནན་ཏན་བྱས་ཏེ་སྡིག་པ་མ་བྱས་པས། ཚེ་འཕོས་ནས་མཐོ་རིས་ཀྱི་ལྷར་སྐྱེས་སོ།། ་ཀུན་དགའ་བོ་དེའི་ཚེ་དེའི་དུས་ན་རྒྱལ་པོ་རིན་ཆེན་གོ་ཆ་ནི། ད་ལྟར་ངའི་ཡབ་ཟས་གཙང་མ་ཡིན་ནོ།། རྒྱལ་པོའི་བཙུན་མོ་ནི་ད་ལྟར་ངའི་ཡུམ་ལྔ་མཛེས་ཡིན་ནོ།། རྒྱལ་བུ་དགེ་དོན ་དེ་ནི་ད་ལྟར་ང་ཡིན་ནོ། ། རྒྱལ་པོ་ལི་ཤི་བར་དེ་ནི་ད་ལྟར་འོད་སྲུངས་ཡིན་ནོ།། དེའི་ཚེ་ན་རྒྱལ་བུའི་ཆུང་མར་གྱུར་པ་དེ་ནི་ད་ལྟར་སྐྱེ་དགུའི་བདག་མོ་ཡིན་ནོ།། རྒྱལ ་བུ་སྡིག་དོན་དེ་ནི་ད་ལྟར་ལྷ་སྦྱིན་ཡིན་ནོ། ། འཛམ་བུའི་གླིང་གི་མི་ལ་ངའི་དྲིན་གྱིས་ཁྱབ་པ་ནི། ང་ཐོག་མར་སངས་རྒྱས་པ་ན་ལྷའི་དབང་པོ་བརྒྱད་ཁྲི་འོངས་པ་དང་། ངའི་ཉེ་གནས་སུ་ལུང ་བསྟན་པ་རྣམས་ཡིན་ནོ། ། ཀུན་དགའ་བོ་དེའི་ཚེ་ན། དེ་ལྟར་ང་ལ་གནོད་པ་ཆེན་པོ་བྱས་ཀྱང་། དེ་ལ་སྙིང་བརྩེ་བའི་སེམས་སྐྱེས་ན། ང་མངོན་པར་སངས་རྒྱས་ནས་ཉོན་མོངས་པའི་སྒྲིབ་པ ་ནིཟད་ཐུགས་རྗེ་ཆེན་པོས་རྒྱས་པར་ཁྱབ་པས་ན། གནོད་པ་ཅུང་ཟད་ཅིག་བྱས་པ་ལས་ཐུགས་རྗེ་བ་ལྟ་ཅི་སྨོས། བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། འཁོར་མང་པོ་ལ ་ལ་ནི་རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པ་ཉིད་ཐོབ་བོ།། ཁ་ཅིག་ནི་རང་སངས་རྒྱས་སུ་གྱུར། ཁ་ཅིག་ནི་བླ་ན་མེད་པའི་བྱང་ཆུབ་ཏུ ་སེམས་བསྐྱེད་དོ། ། དེ་སྐད་ཅེས་གསུངས་པ་ལ་ཐམས་ཅད་ཡི་རངས་ནས་མངོན་པར་དགའ་འོ།། རྒྱལ་བུ་དགེ་དོན་གྱི་ལེའུ་སྟེ་སུམ་ཅུ་གསུམ་པའོ།། ། ཁྱིམ་བདག ་སྡུམས་བྱེད་ཀྱི་ལེའུའོ། ། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དག ་ར་བ་ན་དགེ་སློང་གི་དགེ་འདུན་ཆེན་པོ་བརྒྱ་ཕྲག་ཕྱེད་དང་བཅུ་གསུམ་དང་ཐབས་ཅིག་ཏུ་བཞུགས་སོ། ། དེའི་ཚེ་ཡུལ་དེ་ན་སྤྲང་པོ་ལྔ་བརྒྱ་ཞིག་རྟག་ཏུ་སངས་རྒྱས་དང་དགེ་འདུན་ལ་བརྟེན ་ཏེ་འཚོའོ། ། ཕྱིས་སྤྲང་པོ་དེ་དག་འདི་སྙམ་དུ་སེམས་སོ།། ད་བདག་ཅག་སངས་རྒྱས་ཀྱི་བསྟན་པ་ལ་རབ་ཏུ་འབྱུང་ངོ་སྙམ་ནས། སངས་རྒྱས་གང་ན་བ་དེར་ལྷགས་ཏེ། བཅོམ་ལྡན་འདས ་ལ་འདི་སྐད་ཅེས་གསོལ་ཏོ། ། བདག་ཅག་ནི་སངས་རྒྱས་དང་དགེ་འདུན་གྱི་ཐུགས་རྗེས་འཚོ་བར་གྱུར་ཏེ། དདེ་བདག་ཅག་རབ་ཏུ་འབྱུང་ངོ་ཞེས་གསོལ་པ་དང་། དེ་ལ་བཅོམ་ལྡན་འདས་ཀྱིས་འདི། ་སྐད་ཅེས་བཀའ་སྩལ་ཏོ།། ངས་བསྟན་པའི་ཆོས་ནི་རྣམ་པར་དག་པ་སྟེ། བཙན་ཉེན་དང་ཕྱག་དབུལ་མེད་དོ།། དཔེར་ན་ཆུ་དང་བས་ནི་བཙན་ཉེན་དང་། ཕྱུག་དབུ་ལ་དང་། བཟང ་ངན་ཀུན་འཁྲུ་སྟེ། ཆུས་བཀྲུས་ན་མི་འདག་པ་མེད་དོ།། དཔེར་ན་མེ་དང་འདྲ་སྟེ། རི་དང་། བྲག་དང་། གནམ་སའི་བར་ན་དངོས་པོ་ཆེན་པོ་དང་། ཆུང་ངུ་གང་ཡང་མི་འཚིག་པ ་མེད་དོ། ། གཞན་ཡང་ངའི་ཆོས་ནི་ནམ་མཁའ་དང་འདྲ་སྟེ། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དང་། ཕྱུག་པོ་དང་། དབུལ་པོ་དང་། གང་སུ་ཡང་རུང ་མི་ཆུད་པ་མེད་དེ། ཡིད་བཞིན་དུ་སྤྱོད་དུ་གནང་ངོ་།། ཞེས་སྤང་པོ་རྣམས་ཀྱིས་ཐོས་ནས་རབ་ཏུ་དགའ་མགུ་རངས་ཏེ། ལྷག་པར་སངས་རྒྱས་ལ་རབ་ཏུ་འབྱུང་ངོ་ཞེས་གསོལ་པ་དང ་བཅོམ་ལྡན་འདས་ཀྱིས་བདེ་བར་འོངས་སོ་ཞེས་བཀའ་སྩལ་བཙམ་གྱིས། སྒྲ་དང་ཁ་སྤུ་རང་བྱི་སྟེ་ངུར་སྨྲིག་གྱོན་པའི་དགེ་སློང་དུ་གྱུར་ནས་བསྙེན་པར་རྫོགས་སོ།། ་བཅོམ་ལྡན་འདས་ཀྱིས་ཆོས་བསྟན་ནས་ལུས་དང་སེམས་རྣམ་པར་གྲོལ་ཏེ། ཟག་པ་ཟད་ནས་དགྲ་བཅོམ་པར་གྱུར་ཏོ།། དེའི་ཚེ་ན་ཡུལ་དེ་ན་གནས་པའི་ཁྱིམ་བདག་དང་ཚོང་དཔོན་རིགས ་ཆེ་ཞིང་མཐོ་བ་རྣམས། མུལ་ཏོ་བ་དག་སངས་རྒྱས་ཀྱི་བསྟན་པ་ལ་རབ་ཏུ་ཕྱུང་ངོ་ཞེས་ཐོས་ནས། བརྙས་ཤིང་དཔྱས་པར་གྱུར་ཏེ་འདི་སྐད་དུ། གལ་ཏེ་བདག་ཅག་བཅོམ་ལྡན་འདས་དང་།། ་འཕགས་པའི་དགེ་འདུན་སྤྱན་འདྲེན་ཅིང་བསོད་ནམས་བྱེད་ན། རིགས་ངན་མུལ་ཏོ་བ་ལས་རབ་ཏུ་བྱུང་བ་དེ་དག་ཇི་ལྟ་བུ་བདག་ཅག་གི་སྟན་ལ་བཞག་ཅིང་སྣོད་ལ་འབག་པར་བྱ་ཞེས་སྨྲས ་སོ། ། དེའི་ཚེ་ན་རྒྱལ་བུ་རྒྱལ་བྱེད་ཀྱིས་སངས་རྒྱས་དང་དགེ་འདུན་རྣམས་བཤོས་ལ་སྤྱན་དྲངས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། སངས་རྒྱས་དང་དགེ་འདུན་རྣམས ་སྤྱན་འདྲེན་གྱི། མུལ་ཏོ་བ་གསར་དུ་ཞུགས་པ་རྣམས་ནི་མ་ལགས་སོ།། ཕྱིད་ཉིན་གདུགས་ཚོད་ཀྱི་ཐད་ཀར་སངས་རྒྱས་དང་དགེ་འདུན་སྤྱན་དྲངས་པར་གཤེགས་ནས། མུལ་ཏོ་བའི ་དགེ་སློང་མ་བོས་པ་རྣམས་ལ་འདི་སྐད་ཅེས་བཀའ་སྩལ་ཏོ། ། ཁྱེད་ནི་ཡོན་བདག་གིས་མ་བོས་ཀྱིས། བྱང་གི་སྒྲ་མི་སྙན་དུ་དེང་ལ། ས་བོན་མ་བཏབ་མ་རྨོས་པར་རང་སྐྱེས་པའི་འདྲ ་ལོང་ལ། ཡོན་བདག་གི་ཁྱིམ་དུ་བར་ཤོག་ཅིག་ཅེས་བཀའ་སྩལ་ཏོ།། དགེ་སློང་དེ་དག་བཀའ་སྩལ་བ་བཞིན་དུ། དགྲ་བཅོམ་པའི་རྫུ་འཕྲུལ་གྱིས་བྱུང་གི་སྒྲ་མི་སྙན་དུ་སོ་སོ་ནས་འབྲས་ཀྱུ ་ལྷུང་བཟེད་པ་ཀང་སྟེ། སྤྱོད་ལམ་མཛེས་པར་སྟེང་གི་ནམ་མཁའ་ལས་ངང་པའི་རྒྱལ་པོ་ལྟར་རྒྱལ་བུ་རྒྱལ་བྱེད་ཀྱི་ཁྱིམ་དུ་ལྷགས་ནས་རིམ་བཞིན་དུ་འཁོད་དེ་འབྲས་ལ་ཟའོ།། ་དེའི་ཚེ་ན་རྒྱལ་བུ་རྒྱལ་བྱེད་ཀྱིས་དགེ་སློང་དེ་དག་སྤྱོད་ལམ་མཛེས་པར་རྫུ་འཕྲུལ་གྱི་སྟོབས་ཀྱིས་ནམ་མཁའ་ལས་འོངས་པར་མཐོང་ནས་ལྷག་པར་དགའ་རངས་ཏེ་ངོ་མཚར་རྨད་དུ་གྱུར་ནས། བཅོམ ་ལྡན་འདས་ལ་འདི་ལྟ་བུའི་འཕགས་པ་གཟི་བརྗིད་དང་ཡོན་ཏན་དུ་ལྡན་པ་སྤྱོད་ལམ་མཛེས་པར་ལྷགས་པ་ཕྱོགས་གང་ནས་མཆིས་ཞེས་གསོལ་པ་དང་། བཅོམ་ལྡན་འདས་ཀྱིས། རྒྱལ ་བུ་རྒྱལ་བྱེད་ལ་འདི་སྐད་ཅེས་བཀའ་སྩལ་ཏོ། ། འདི་དག་ཤེས་པར་འདོད་ན་ལེགས་པར་ཉོན་ཅིག་དང་། ཁྱོད་ལ་བསྟན་པར་བྱའོ།། དགེ་སློང་འདི་དག་ནི་རྒྱལ་བུས་མ་བོས་པའི་དགེ་སློང ་དག་ཡིན་ཏེ། རྒྱལ་བུས་མ་བོས་པས་སོ་སོ་ནས་བྱང་གི་སྒྲ་མི་སྙན་ནས་འབྲས་བླངས་ནས་ཟ་བ་ཡིན་ནོ།། དེ་ནས་རྒྱལ་བུ་རྒྱལ་བྱེད་ཀྱིས་དེ་སྐད་ཅེས་གསུངས་པ་ཐོས་ནས་ཤིན་ཏུ་ངོ་ཚ་ཞིང ་འགྱོད་དེ། བདག་ནི་གཏི་མུག་གིས་ལྡོངས་པས། འཕགས་པའི་ངོ་མ་འཚལ་ཏོ་ཞེས་སྨྲས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱི་ཡོན་ཏན ་ནི་བསམ་གྱིས་མི་ཁྱབ་སྟེ། སྤྲང་པོ་འདི་དག་ནི་ཡུལ་འདི་ན་ཤིན་ཏུ་ཡང་རིགས་ཆུང་ཞིང་ངན་པ་ལགས་ན། འདིར་འཇིག་རྟེན་འདིའི་བདེ་བ་ཡང་ཐོབ་ལ ་ཡུན་རིང་པོའི་དོན་ཡང་རྙེད་པར་གྱུར་ཏེ། བཅོམ་ལྡན་འདས་འཇིག་རྟེན་དུ་གཤེགས་པ་ནི་དོན་འདི་དག་འབའ་ཞིག་གི་སླད་དུ་གཤེགས་སོ།། གཞན་ཡང་བཅོམ ་ལྡན་འདས་སྤྲང་པོ་འདི་དག་སྔོན་དགེ་བའི་རྩ་བ་ཅི་བསྲུངས་ཤིང་། བསོད་ནམས་ཀྱི་ལས་གང་ལ་ནན་ཏན་བགྱིད་པས། བཅོམ་ལྡན་འདས་དང་ཕྲད་དེ་རྣམ་པར་གྲོལ་བར་གྱུར། སྡིག ་པ་ཅི་བགྱིས་ན་ཐོག་མ་བཙས་ནས་སྤྲང་པོར་སྐྱེས་ཏེ་དབུལ་འཕོངས་པར་གྱུར། བཅོམ་ལྡན་འདས་ཀྱིས། རྒྱལ་བུ་རྒྱལ་བྱེད་ལ་བཀའ་སྩལ་པ། སྔོན་འདས་པའི་བསྐལ་པ་ཚད་མེད ་གྲངས་མེད་པ་བསམ་གྱིས་མི་ཁྱབ་པ་འདས་པའི་ཕ་རོལ་ན། འཛམ་བུའི་གླིང་འདིར་གྲོང་ཁྱེར་བཱ་རཱ་ནཱ་སེ་ཞེས་བྱ་བ་ན། རི་དྲང་སྲོང་ལྷགས་ཞེས་བྱ་བ་ལ། སྔོན་ཡང་སངས་རྒྱས་མང་པོ ་བཞུགས་བཞུགས་ཏེ། སངས་རྒྱས་འཇིག་རྟེན་དུ་མ་གཤེགས་པ་ན་ཡང་། རང་སངས་རྒྱས་དག་དེ་ན་གནས་ཏེ། རི་དེ་ལ་རང་སངས་རྒྱས་མེད་ན་ཡང་། ལྔ་མངོན་པར་ཤེས་པའི་དྲང ་སྲོང་དག་གནས་སོ། ། དེའི་ཚེ་ན་རི་དེ་ལ་དྲང་སྲོང་ཉིས་སྟོང་ཞིག་གནས་ཏེ། ཕྱི་ཞིག་ན་ལྟས་མཁན་དག་གིས་ལོ་བཅུ་གཉིས་ཀྱི་བར་དུ་ཆར་མི་འབབ་བོ་ཞེས་ལུང་བསྟན་པ་དང་། དེའི་ཚེ་ན་ཡུལ ་དེ་ན་ཁྱིམ་བདག་ཕྱུག་པོ་ལོངས་སྤྱོད་དང་ལྡན་པ་སྡུམས་བྱེད་ཅེས་བྱ་བའི་དྲུང་དུ་སོང་སྟེ། ཁྱིམ་བདག་དེ་ལ་བདག་ཅག་རབ་ཏུ་བྱུང་བ་སྟོང་པོ་འདི་དག་གི་ལོ་བཅུ་གཉིས་ཀྱི་བར་དུ་ཟས་དང་སྐོམ ་ཡོད་དམ། དེས་སྨྲས་པ། བདག་ཅག་ལ་མཆིས་ཀྱིས། འཕགས་པ་རྣམས་གུད་དུ་མི་གཤེགས་པར་བཞུགས་སུ་གསོལ་ལོ།། དེ་ནས་དྲང་སྲོང་སྟོང་ཡང་དེར་ལྷགས་ནས། ཁྱིམ ་བདག་སྡུམས་བྱེད་ལ། བདག་ཅག་ཀྱང་ལོ་བཅུ་གཉིས་ཀྱི་བར་དུ་ཟས་དང་སྐོམ་དགོས་སོ་ཞེས་སྨྲས་པ་དང་། ཁྱིམ་བདག་གིས་བང་མཛོད་བསྲུང་བ་ལ། འཕགས་པ་འདི་རྣམས་ཀྱི ་འཚོ་བ་ལོ་བཅུ་གཉིས་ཀྱི་བར་དུ་འབྱོར་ཏམ་ཞེས་དྲིས་ན། མཛོད་སྲུངས་ཀྱིས་འབྱོར་ཏོ་ཞེས་གསོལ་ནས། ཁྱིམ་བདག་དེས་དྲང་སྲོང་ཉིས་སྟོང་གི་འཚོ་བ་སྦྱོར་བའི་ལས་མི་ལྔ་བརྒྱ་བསྐོས ་ནས་བསོད་སྙོམས་སྦྱོར་དུ་བཅུ་གོ། དེའི་ཚེ་ན་ལས་མི་དག་བསོད་སྙོམས་ཀྱི་གཡོས་བྱེད་པ་ལ་ཡུན་རིངས་པས་སྐྱོ་སྟེ་འདི་སྐད་ཅེས་སྨྲས་སོ།། བདག་ཅག་འདི་ལྟར་རྟག་ཏུ་ཉོན་མོངས་པར ་གྱུར་པ་ནི། སྤྲང་པོ་འདི་དག་གི་ཕྱིར་རོ་ཞེས་སྨྲས་སོ།། དེའི་ཚེ་ན་ཁྱིམ་བདག་གིས། གདུགས་ཚོད་ལ་རྟག་ཏུ་སྤྱན་འདྲེན་པའི་ལས་མི་གཅིག་ཅིག་བསྐོས་སོ།། སྤྱན་འདྲེན་དེ་ལ་ཁྱི ་ཞིག་ཡོད་དོ། ། ཁྱི་དེ་ཡང་རྟག་ཏུ་སྤྱན་འདྲེན་གྱི་ཕྱི་བཞིན་དུ་འགྲོ་བ་ལས། ཉིན་གཅིག་སྤྱན་འདྲེན་པ་བརྗེད་པ་དང་། ཁྱི་དེ་གདུགས་ཚོད་ཀྱི་དུས་སུ་དྲང་སྲོང་དེ་དག་གི་དྲུང་དུ་སོང་ནས ་སྐད་ཆེན་པོ་ཕྱུང་སྟེ་ཟུག་པ་དང་། དྲང་སྲོང་དེ་དག་ཀྱང་ཁྱི་ཐུགས་པ་ཐོས་ནས། གདུགས་ཚོད་ལ་བབ་པར་ཤེས་ཏེ་བསོད་སྙོམས་ལ་གཤེགས་སོ།། ཕྱི་ཞིག་ན ་དྲང་སྲོང་དེ་དག་བསོད་སྙོམས་ཀྱི་བྱ་བ་བྱས་ནས། ཁྱིམ་བདག་ལ་འདི་སྐད་ཅེས་སྨྲས་སོ།། ཁྱིམ་བདག་ད་ནི་ཆར་པ་འོང་གིས། ཞིང་པ་དག་ཞིང་གི་ལས་བྱེད་དུ་ཆུག་ཅིག་ཅེས་བསྒོ་བ་དང་། ཁྱིམ ་བདག་གིས་ཀྱང་ཞིང་པ་རྣམས་ཞིང་ལས་བྱེད་དུ་བཅུག་སྟེ། ནས་དང་། གྲོ་དང་། འབྲུ་མང་ཞིག་རྨོས་སོ།། དེ་ནས་ཕྱི་ཞིག་ན་འབྲུ་རྨོས་པའི་རྣམས་ཐམས་ཅད་ཀུ་བར་སྐྱེས་ནས་ཁྱིམ་བདག ་ཡ་མཚན་དུ་གྱུར་ཏེ། དྲང་སྲོང་རྣམས་ལ་འདི་དག་དོན་མེད་པར་མི་འགྱུར་རམ་ཞེས་སྨྲས་པ་དང་། དྲང་སྲོང་གིས་སྨྲས་པ། དོན་མེད་པར་མི་འགྱུར་གྱིས། དུས་སུ་ཆུ་བཅུ་པ་ལ་སོགས ་ཏེ་ལས་བྱོས་ཤིག་ཅེས་སྨྲས་སོ། ། ཕྱིས་རིང་པོ་མ་ལོན་པར་ཀུ་བ་ཀུན་ཆེར་སྐྱེས་ནས་བཀས་ཏེ་བལྟས་ན། ཅི་དང་ཅི་སྨོས་པ་བཞིན་དུ་དེ་དང་དེ་དག་ཀུ་བའི་ནང་ཀུན་གང་བར་སྐྱེས་ཏེ། ཁྱིམ ་བདག་རབ་ཏུ་དགའ་མགུ་ནས། བང་བ་ཀུན་ཀྱང་གང་བར་གྱུར་ཏོ།། ལས་བྱེད་པའི་མི་ལྔ་བརྒྱ་པོ་ཡང་དེ་ལྟ་བུ་དག་མཐོང་ནས་འགྱོད་པའི་སེམས་སྐྱེས་ཏེ། བདག་ཅག་གིས་ནི་ཚིག་ངན་པས ་འཕགས་པ་ལ་སྨད་དོ་ཞེས་འགྱོད་ཚངས་བྱས་ཏེ། སོ་སོ་ནས་བདག་ཅག་ཀྱང་མ་འོངས་པའི་དུས་ན། འཕགས་པ་དང་ཕྲད་ཅིང་རྣམ་པར་གྲོལ་བར་གྱུར་ཅིག་ཅེས་སྨོན་ལམ་བཏབ་བོ།། སྤང ་པོ་ལྔ་བཅུ་པོ་འདི་ཚིག་ངན་པ་སྨྲས་པས། སྐྱེ་བ་ལྔ་བརྒྱའི་བར་དུ་རྟག་ཏུ་སྤྲང་པོར་གྱུར་ཏོ།། འགྱོད་ཚངས་བྱས་ཏེ་སྨོན་ལས་བཏབ་པས། ང་དང་ཕྲད་དེ་འཁོར་བའི་མཐར་ཕྱིན་ཏེ། ་རྒྱལ་བུ་འདི་ལྟར་རིག་པར་བྱའོ།། དེའི་ཚེ་དེའི་དུས་ན་ཁྱིམ་བདག་ཕྱུག་པོ་སྡུམས་བྱེད་དེ་ནི་ང་ཡིན་ནོ།། བང་མཛོད་སྲུང་བ་དེ་ནི་རྒྱལ་བུ་རྒྱལ་བྱེད་ཡིན་ནོ།། ཉིན་གཅིག ་བཞིན་དུ་སྤྱན་འདྲེན་པ་དེ་ནི་རྒྱལ་པོ་ཨུ་ཏྲ་ཡ་ན་ཡིན་ནོ། ། དེའི་ཚེ་ཁྱི་དེ་ནི་ཁྱིམ་བདག་སྐད་སྙན་ཡིན་ཏེ། དེའི་དབང་གིས་སྐྱེ་བ་ཐམས་ཅད་དུ་སྐད་སྙན་པར་གྱུར་ཏོ།། དེའི་ཚེ་ན་ལས་བྱེད་པའི ་མི་ལྔ་བརྒྱ་པོ་ནི། དགྲ་བཅོམ་པ་ལྔ་བརྒྱ་པོ་འདི་དག་ཡིན་ནོ།། བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། འཁོར་མང་པོ་རྣམས་ཁ་ཅིག་གིས་འབྲས་བུ་དང་པོ་ཐོབ་པ་ནས། ་འབྲས་བུ་བཞི་པའི་བར་དུ་ཐོབ་པར་གྱུར་ཏོ།། ཁ་ཅིག་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་ནས། བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རངས་ནས་མངོན་པར་དགའ་འོ།། ་ཁྱིམ་བདག་སྡུམས་བྱེད་ཀྱི་ལེའུ་སྟེ་སུམ་ཅུ་བཞི་པའོ།། ། བམ་པོ་བཅུ་པ།། རྒྱལ་པོ་མིག་འབྱེད་ཀྱི་ལེའུའོ།། འདི་སྐད་བདག་གིས་ཐོས ་པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། སྐྱེ་བོ་མང་པོ་ལ་དམ་པའི་ཆོས་སྟོན་ཏོ།། དེའི་ཚེ ་ན་གྲོང་ཁྱེར་གྱི་མི་ཀུན་ཆོས་ཉན་དུ་ཆས་པ་དང་། གྲོང་དེ་ན་བྲམ་ཟེ་ལོང་བ་གཅིག་ཅིག་ལམ་ཀ་ན་འདུག་པ་ལས་མི་མང་པོ་སོང་བ་ལས། ཁྱེད་མྱུར་བར་གར་འདོང་ཞེས ་དྲིས་སོ། ། མི་རྣམས་ཀྱིས་སྨྲས་པ། ཁྱོད་ནི་མ་ཐོས་སམ། དེ་བཞིན་གཤེགས་པ་འཇིག་རྟེན་དུ་བྱུང་སྟེ། ད་ལྟར་ཡུལ་འདི་ན་བཞུགས་ཤིང་ཆོས་སྟོན་ཏོ།། དེ་བཞིན་གཤེགས་པ་འཇིག ་རྟེན་དུ་བྱུང་བ་དང་ཕྲད་པར་ཤིན་ཏུ་དཀའ་བས། བདག་ཅག་ནི་སངས་རྒྱས་ལ་ཆོས་ཉན་དུ་འགྲོའོ་ཞེས་སྨྲས་སོ།། བྲམ་ཟེ་དེ་སྐད་རྣམ་པ་བརྒྱད་ལ་ཤིན་ཏུ་མཁས་པ་ཞིག་སྟེ། སྐད་ཕྱུང་བ་ཙམ ་གྱིས་དབང་ཐང་དང་ཚེ་ཇི་ཙམ་པ་རྟོགས་སོ། ། བརྒྱད་གང་ཞེ་ན། བྱ་བང་ལྟ་བུའི་སྐད་དང་། ཁྭ་ལྟ་བུའི་སྐད་དང་། སྐད་འཛེར་འཛེར་པོ་དང་། གླང་པོ་ཆེའི་སྐད་དང་། རྔའི་སྐད་དང་། ་འབྲུག་གི་སྐད་དང་། དྲིལ་སྐད་དང་། ཚངས་པའི་སྐད་དང་བརྒྱད་དོ།། བྱ་བང་ལྟ་བུའི་སྐད་དུ་སྨྲ་བ་ནི་ཁྲེལ་ལྟས་མེད་དེ། བྱས་པ་དྲིན་དུ་མི་གཟོའོ།། ཁྭ་ལྟ་བུའི་སྐད་དུ་སྨྲ་བ་ནི་ཁྲོ ་ཞིང་གཏུམ་ལ་གསོད་པ་ལ་དགའ་ཞིང་སྙིང་རྗེ་མེད་དོ། ། སྐད་འཛེར་འཛེར་པོ་ནི་ཕོ་དག་མོ་སྐད་དུ་སྨྲ་བ་དང་། མོ་དག་ཕོ་སྐད་དུ་སྨྲ་བ་སྟེ། དེ་ནི་དབང་ཐང་མེད་ཅིང་དབུལ་བ་དང་མ་རབས་སོ།། ་གླང་པོ་ཆེའི་སྐད་དུ་སྨྲ་བ་ནི་རང་བཞིན་གྱིས་དྲང་ཞིང་གཉེན་བཤེས་ལ་ཕན་འདོགས་པར་སེམས་སོ།། རྔ་སྐད་དུ་སྨྲ་བ་ནི་སྒྲ་མཁས་བློ་མྱུར་ལ་རིག་པ་འཛིན་ཏེ་རྒྱལ་པོའི་སྟོན་པའོ།། འབྲུག་སྐད་དུ་སྦ་བ ་ནི་མཁས་པའི་བློ་དང་ལྡན་ཞིང་ཆོས་མཁས་སོ། ། དྲིལ་སྐད་དུ་སྨྲ་བ་ནི་ཕྱུག་ཅིང་ལོངས་སྤྱོད་དང་ལྡན་ལ་གསེར་སྲང་བརྒྱ་སྟོང་མང་པོ་བདོག་པའོ།། ཚངས་པའི་སྐད་དུ་སྨྲ་བ་ནི་བསོད་ནམས་དང ་དབང་ཐང་ཆེན་པོ་དང་ལྡན་ཏེ། ཁྱིམ་ན་འདུག་ན་ནི་འཁོར་ལོས་སྒྱུར་བའི་རྒྱལ་པོར་འགྱུར། རབ་ཏུ་བྱུང་ན་ནི་གདོན་མི་ཟ་བར་འཚང་རྒྱའོ།། དེའི་ཚེ་ན་བྲམ་ཟེ་དེས་མི་དེ་རྣམས་ལ། བདག་ནི ་སྐད་ལ་ཤིན་ཏུ་མཁས་ཏེ། ཡང་དག་པར་སངས་རྒྱས་ཡིན་ན་ཚངས་པའི་སྐད་དང་ལྡན་པའི་རིགས་ཀྱིས། ཁོ་བོ་ཡང་ཁྲིད་ལ་འགྲོགས་ཏེ་འདོང་ངོ་།། དེ་དག་གིས་ཀྱང་བྲམ་ཟེ་ལོང་བ་དེ་ཁྲིད ་ནས་སོང་སོང་བ་ལས། ཕྱོགས་དེར་ཉེ་བར་འོངས་པ་དང་། སངས་རྒྱས་ཀྱི་གསུང་ཚངས་པའི་དབྱངས་ཐོས་ནས། ལོང་བ་དགའ་མགུ་རངས་ཏེ། དད་པ་སྐྱེས་པས་མིག་གཉིས་རང་བྱེ ་ནས་སངས་རྒྱས་ཀྱི་སྐུ་གསེར་གྱི་མདོག་ཅན་མཚན་སུམ་ཅུ་རྩ་གཉིས་ཀྱིས་བརྒྱན་པ། ཉི་མའི་འོད་ལྟར་ཤིན་ཏུ་གསལ་བ་མཐོང་ནས། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག ་འཚལ་ཏེ། ཚད་མེད་པའི་དགའ་བ་སྐྱེས་ནས། བཅོམ་ལྡན་འདས་ཀྱིས་ཆོས་བསྟན་ཏེ། སྤྲོ་བ་བསྐྱེད་པས་སྡིག་པ་མི་དགེ་བའི་ལས་ཁྲི་ཕྲག་ཉི་ཤུ་ཟད་དེ། རྒྱུན་དུ་ཞུགས་པའི་འབྲས་བུ ་ཐོབ་ནས། ཤེས་རབ་ཀྱི་མིག་དང་ལྡན་པར་གྱུར་པས། བསྟན་པ་ལ་རབ་ཏུ་འབྱུང་བར་གསོལ་ཏོ།། དེ་ནས་བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་ནས། ་དགེ་སློང་དུ་གྱུར་ཏེ། ཅི་རིགས་པའི་ཆོས་བསྟན་པས་དགྲ་བཅོམ་པར་གྱུར་ཏོ།། འཁོར་མང་པོ་ཐེ་ཙོམ་དུ་གྱུར་ནས། ཚེ་དང་ལྡན་པ་ཀུན་དགའ་བོ ་འདུག་པ་ལས་ལངས་ཏེ་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་འགྲོ་བ་མང་པོའི་དོན་མཛད་པ། མདོངས་པ་ཐམས་ཅད་ལ་ཐུགས་རྗེ་བའི ་ནང་ན་བྲམ་ཟེ་དམུས་ལོང་འདི་ལ་ལྷག་པར་ཐུགས་རྗེ་ཆེའོ། ། བྲམ་ཟེ་མདོངས་པ་གཅིག་ཤའི་མིག་ཀྱང་ཐོབ་ལ། ཤེས་རབ་ཀྱི་མིག་ཀྱང་ཐོབ་པར་གྱུར་ཏོ།། བཅོམ་ལྡན་འདས་ཀྱིས། ་ཀུན་དགའ་བོ་ལ་བཀའ་སྩལ་པ། བྲམ་ཟེ་ལོང་བ་འདི་ལ་དུས་འདི་འབའ་ཞིག་ཏུ་མིག་བྱིན་པར་མ་ཟད་དེ། འདས་པའི་དུས་ན་ཡང་མིག་བྱིན་ནོ།། ཀུན་དགའ་བོས་གསོལ་པ། བཅོམ ་ལྡན་འདས་འདས་པའི་དུས་ན། ཇི་ལྟ་བུར་མིག་སྩལ་བ་ལེགས་པར་བསྟན་དུ་གསོལ། བཅོམ་ལྡན་འདས་ཀྱིས་བཀབ་སྩལ་པ། སྔོན་འདས་པའི་བསྐལ་པ་གྲངས་མེད་པ་ཚད་མེད། ་དཔག་ཏུ་མེད། བསམ་གྱིས་མི་ཁྱབ་པའི་ཕ་རོལ་ན། འཛམ་བུའི་གླིང་འདིར་ཡུལ་པུ་ཀ་ལ་ད་ཞེས་བྱ་བ་ན། རྒྱལ་པོ་མིག་འབྱེད་ཅེས་བྱ་བ་ཞིག་ཡོད་དོ།། རྒྱལ་པོ་དེ་བྲག་དང་རྩིག་པ ་ལ་ཡང་ཐོགས་པ་མེད་པར་དཔག་ཚད་བཞི་བཅུ་ཚུན་ཆད་མཐོང་བས། མིག་འབྱེད་ཅེས་བྱ་བར་བཏགས་ཏེ། འཛམ་བུའི་གླིང་གི་རྒྱལ་ཕྲན་བརྒྱད་ཁྲི་བཞི་སྟོང་ཀུན་ལ་དབང་བྱེད་དོ།། རྒྱལ་པོ་དེ ་ལ་བཙུན་མོ་དང་ཕོ་བྲང་སྲས་ཉི་ཁྲི་ཡོད་དེ། རྒྱལ་བུ་ནི་ལྔ་བརྒྱ་སྙེད་ཡོད་དོ།། རྒྱལ་ཚབ་ནི་ཚུལ་ཁྲིམས་བཟང་པོ་ཞེས་བྱ་སྟེ། རྒྱལ་པོ་དེ་ཚུལ་བཞིན་དུ་རྒྱལ་པོ་བྱེད་པས། ཐམས་ཅད་ལ་བུ ་གཅིག་པ་དང་འདྲ་བར་སེམས་ཏེ། རླུང་དང་ཆར་དུས་ལས་མི་ཡོལ་བས་ལོ་ལེགས་ཏེ་ཐམས་ཅད་བདེ་སྐྱིད་དོ།། དེ་ནས་རྒྱལ་པོ་དེ་དབེན་པ་ཞིག་ན་འདི་སྙམ་དུ་སེམས་པར་གྱུར་ཏོ།། བདག་ནི ་ཚེ་སྔ་མའི་བསོད་ནམས་ཀྱིས་མིའི་རྒྱལ་པོར་གྱུར་ཏེ། ནོར་རིན་པོ་ཆེ་དང་ལོངས་སྤྱོད་ཆེན་པོ་དང་ལྡན་ཞིང་ཐམས་ཅད་ཀྱིས་ངག་མཉན་པ་ནི། ཇི་ལྟར་རྩཝ་འཇམ་པོ་ལ་རླུང་གིས་བཏབ་ན། ཕྱོགས ་གཅིག་ཏུ་ཉལ་བ་བཞིན་ནོ། ། ཚེ་འདི་ལ་ཡང་ཕྱི་མའི་འབྲས་བུ་མ་བསྐྱེད་ན་སྡུག་བསྔལ་བར་འགྱུར་ཏེ། དཔེར་ན་ཞིང་པ་དག་དཔྱིད་མང་དུ་རྨོས་ན། སྟོན་ཡང་མང་དུ་བསྡུར་ཡོད་པས། བདག ་ཀྱང་ཚེ་འདིའི་དཔྱིད་ས་བོན་མ་བཏབ་ན། ཚེ་ཕྱི་མའི་སྟོན་ཐོག་བསྡུར་མེད་པས། ད་ནི་ལེ་ལོ་བྱ་བར་མི་རིགས་ཀྱི་བསོད་ནམས་ཀྱི་ཞིང་ལ་ས་བོན་རྒྱས་པར་གདབ་བོ་སྙམ་བསམས་ནས། བློན ་པོ་ལ་འདི་སྐད་ཅེས་བཀའ་སྩལ་ཏོ། ། ངའི་དཀོར་བང་མཛོད་ཐམས་ཅད་ཕྱུང་ལ། གྲོང་ཁྱེར་གྱི་སྒོ་དང་ལམ་སྲང་མི་མང་པོ་འདུ་བའི་གནས་སུ་ཐམས་ཅད་སྤུངས་ལ། འགྲོ་བ་མང་པོ་ལ་སྦྱིན ་པར་བྱའོ། ། རྒྱལ་ཕྲན་བརྒྱད་ཁྲི་བཞི་སྟོང་གི་བང་མཛོད་ཀྱང་ཐམས་ཅད་ལ་ཡིད་བཞིན་དུ་བྱིན་ཅིག་ཅེས་བསྒོ་ནས། གསེར་གྱི་རྒྱལ་མཚན་བསྒྲེང་། དྲིལ་ཆེན་པོ་བསྒྲགས་ཏེ། འཛམ་བུའི་གླིང ་གི་དགེ་སྦྱོང་དང་། བྲམ་ཟེ་དང་། དབུལ་འཕོངས་པ་དང་། རྒས་པ་དང་། ན་བའི་རྣམས་ཐམས་ཅད་འདུས་ཤིག། ཅི་དང་ཅི་འདོད་པ་ཐམས་ཅད་ཡིད་བཞིན་དུ ་སྦྱིན་ནོ་ཞེས་བསྒྲགས་སོ། ། དེའི་ཚེ་ན་འབངས་ཐམས་ཅད་ཀྱང་རྒྱལ་པོ་ཆོས་བཞིན་བྱེད་པས། དེ་ལ་དགའ་སྟེ་བསྟོད་ཅིང་སྙན་པར་སྒྲོགས་སོ།། མཐའ་འཁོབ་ཀྱི་རྒྱལ་ཕྲན་པ་ལ་ད་བར་ནེ་ཞེས་བྱ།། ་བ་ཞིག། རྒྱལ་པོ་དེའི་བཀའ་མི་ཉན་པར་གྱུར་ཏོ།། ཆོས་མ་ཡིན་པས་རྒྱལ་པོ་བྱེད་དོ།། རྒྱལ་ཕྲན་དེ་ལ་བློན་པོ་མཁས་པ། བློ་དང་ལྡན་པ་ལོ་ད་དཱ་ར་ཞེས་བྱ་བ་ཞིག་ཡོད་དེ། བློན ་པོ་དེས་རྒྱལ་པོ་ལ་འདི་སྐད་ཅེས་གསོལ་ཏོ། ། རྒྱལ་པོ་ནི་ཡིད་ཐུང་ལ་གཏུམ་སྟེ། སྔ་བསམ་ཕྱི་མནོ་མེད་པས་ཕྱིས་འགྱོད་པར་འགྱུར་རོ།། རྒྱལ་པོ་མིག་འབྱེད་ནི་ཤིན་ཏུ་སྙིང་རྗེ་ཆེ་བ་དང ་ལྡན་པས། འཛམ་བུའི་གླིང་གི་མི་ཐམས་ཅད་ལ་དྲིན་གྱིས་ཁྱབ་སྟེ། རྒྱལ་པོ་ཐམས་ཅད་དེའི་བཀའ་ཉན་ན། རྒྱལ་པོ་འབའ་ཞིག་གིས་དེ་ལ་བསྔོ་བའི་མི་རིགས་ཀྱི། དེའི་བཀའ ་ཉན་ན་བུ་ཚ་བརྒྱུད་དུ་བདེ་བར་འགྱུར་རོ་ཞེས་གསོལ་པ་དང་། ཕྱིར་བློན་པོ་དེ་ལ་ཁྲོས་ནས་གྲོས་མ་ཉན་ཏོ།། དེ་ནས་བློན་པོ་དེ་ཡང་མི་དགའ་ནས་འདི་སྙམ་དུ་བསམས་སོ།། རྒྱལ་པོས་ཆོས ་མ་ཡིན་པ་དང་མི་རིགས་པ་བྱས་པས། བདག་གིས་ཕན་པའི་གྲོས་བཏབ་ན་ཁྲོས་ཏེ་མཉན་ཏོ།། རྒྱལ་པོ་འདི་ལ་ནི་འབངས་ཐམས་ཅད་ཀྱང་མི་དགའ་བས། མེད་པར་བྱའོ་སྙམ ་བསམས་ནས། གྲོས་བྱས་པ་ལས་གསང་ཤོར་ནས། རྒྱལ་པོས་དམག་བཟློག་སྟེ་འཛིན་དུ་བཅུག་གོ། བློན་པོ་དེས་ཀྱང་འཕྲིགས་ནས་རྟ་མགྱོགས་པ་ལ་ཞོན་ཏེ་བྲོས་སོ།། དམག་གི ་དཔུང་གིས་ཕྱི་བཞིན་བདས་ནས་སླེབ་པ་དང་། བློན་པོ་དེ་འཕོངས་སྐྱེན་པ་ཞིག་པས། འཕྲལ་དུ་མི་བཅོ་བརྒྱད་མདའ་འཕངས་ཏེ་བསད་དོ།། དེ་ནས་བསྙེགས་མས་ཡང་བསྙེགས་མ་ནུས ་པས་བློན་པོ་དེ་ཡང་མིག་འབྱེད་ཀྱི་ཡུལ་དུ་ཕྱིན་ཏེ། རྒྱལ་པོ་མིག་འབྱེད་ལ་ཕྱག་འཚལ་ནས་གཏམ་བྱས་ཏེ། རྒྱལ་པོ་དགའ་བས་དེའི་བློན་པོར་བཅུག་གོ། དེ་ནས་རྒྱལ་པོ་དེས་བཀའ ་མི་ཉན་ནོ་ཞེས་གསོལ་ནས། བློན་པོ་རྣམས་ལ་རྒྱལ་པོ་དེ་ང་དབང་བ་ལ་མ་གཏོགས་སམ་ཞེས་དྲིས་ན། དེ་ཡང་རྒྱལ་པོ་མངའ་འོ་ཞེས་གསོལ་ཏོ།། དེ་ནས་བློན་པོ་དེས་དཔུང་གི་ཚོགས ་བསྡུས་ཏེ། རྒྱལ་པོ་དེ་དབབ་པར་གསོལ་པ་དང་། རྒྱལ་པོས་ཀྱང་དེ་བཞིན་དུ་གནང་ངོ་།། དེ་ནས་དཔུང་གི་ཚོགས་མཆོག་རྣམས་བསྡུས་ཏེ། བ་ལ་ང་བར་ནེའི་ཡུལ་དུ་འདོང་ངོ ་ཞེས་འགྲོ་བའི་ཞག་དུས་ཕོག་གོ། ། དེའི་ཚེ་རྒྱལ་པོ་དེས་ཀྱང་དཔུང་གི་ཚོགས་བདག་གི་ཡུལ་དུ་འོང་ངོ་ཞེས་ཐོས་ནས་རབ་ཏུ་མི་དགའ་སྟེ། སེམས་ཁོང་དུ་ཆུད་ནས་ཅི་བྱ་བའི་གཏོལ་མེད་དེ། ་གོས་དྲི་མ་ཅན་བགོས་ནས་མུན་ཁང་དུ་ཞུགས་སོ།། དེའི་ཚེ་ཡུལ་དེ་ན་བྲམ་ཟེ་མ་རུངས་པ་ཞིག་ཡོད་པ་དེས། རྒྱལ་པོ་ལ་ཁྱོད་ཅི་མི་དགའ་ན། འདི་ལྟར་མྱ་ངན་བྱེད་ཅེས་དྲིས་པ་དང་། ་རྒྱལ་པོས་སྨྲས་པ། ཁྱོད་མ་ཐོས་སམ། ཁོ་བོའི་བློན་པོ་ལོ་དཱ་ར་བྲོས་པ་རྒྱལ་པོ་མིག་འབྱེད་ཀྱི་ཡུལ་དུ་སོང་ནས། ཕྱིར་ཁོ་བོའི་ཡུལ་དུ་དམག་འདྲེན་ནོ་ཞེས ་ཟེར་བས་ད་བདག་མི་དགའ་འོ། ། གལ་ཏེ་དམག་དྲངས་ནས་བདག་ཅག་ཀྱང་མེད་པར་འགྱུར་རོ་ཞེས་སྨྲས་པ་དང་། བྲམ་ཟེས་སྨྲས་པ། བློན་པོ་རྣམས་སྡུས་ཤིག་དང་། གྲོས་བགྱིའོ། ་ཞེས་གསོལ་ཏོ།། དེ་ནས་བློན་པོ་དང་བྲམ་ཟེ་བསྡུས་ཏེ། བྲམ་ཟེས་སྨྲས་པ། རྒྱལ་པོ་མིག་འབྱེད་དེ་བདག་གི་ཕ་མ་མ་གཏོགས་པར་གཞན་ཅི་ལ་ཡང་མི་ཆགས་ཏེ། སྦྱིན་པ་བྱེད་དེ་ཞེས ་ཐོས་ཀྱིས། ཡུལ་དེ་ན་བྲམ་ཟེ་ལོང་བ་ཞིག་ཡོད་པ་དེ། རྒྱལ་པོ་དེ་ལ་མིག་ཡ་གཅིག་སློང་དུ་བཏང་ངོ་།། གལ་ཏེ་མིག་བྱིན་ན་དམག་ཀྱང་མི་འདྲེན་པར་འགྱུར་རོ་ཞེས་བསྒོས་ཏེ། རྒྱལ ་པོ་ལ་གསོལ་པ་དང་། རྒྱལ་པོས་ཀྱང་དེ་བཞིན་དུ་བྱའོ་ཞེས་སྨྲས་ནས། བྲམ་ཟེ་ལོང་བ་བཏང་ངོ་།། བྲམ་ཟེ་ལོང་བ་འོངས་ནས། རྒྱལ་པོས་ལོང་བ་ལ་འདི་སྐད་ཅེས་སྨྲས་སོ།། ་ཁོ་བོ་ཁྱོད་ལ་བསྒྲུབ་ཏུ་གསོལ་བ་ཞིག་ཡོད་ཀྱིས་ཁྱོད་ཀྱིས་བྱ་དགོས་སོ་ཞེས་བསྒོ་བ་དང་། བྲམ་ཟེ་ལོང་བས་སྨྲས་པ། བདག་མིག་གཉིས་ཀ་མདོངས་ན། ཇི་སྲིད་སྒྲུབ་ཏུ་ནུས་ཞེས ་གསོལ་ཏོ། ། རྒྱལ་པོས་བསྒོ་བ། རྒྱལ་པོ་མིག་འབྱེད་དཔུང་གི་ཚོགས་བཤམས་ཏེ་འདིར་འོངས་པས། ཁོ་བོ་ནི་གཞོན་པས་འབྲོས་ཀྱང་ཐར་ན། ཁྱོད་མིག་མེད་པ་གར་འབྲོས། རྒྱལ ་པོ་དེ་སྦྱིན་པ་གཏོང་བ་ལ་ཕ་རོལ་གྱི་ཡིད་དང་མི་འགལ་བར་གཏོང་ངོ་ཞེས་གྲག་གིས། ཁྱོད་སོང་ལ་དེའི་མིག་སློངས་ཤིག་དང་། གལ་ཏེ་སྟེར་ན་དམག་ཀྱང་མི་འོང་བར་འགྱུར་གྱིས། ཁྱོད་མིག ་སློང་དུ་སོང་ཞིག་ཅེས་བསྒོ་བ་དང་། བྲམ་ཟེས་བདག་མིག་མི་མཐོང་ན། ཇི་ལྟར་མཆི་ཞེས་གསོལ་ཏོ།། རྒྱལ་པོས་བསྒོ་བ། ཁྱོད་སོང་ཞིག་དང་། ལམ་བརྒྱགས་དང་། ལམ་འདྲེན ་པ་དང་ཡོ་བྱད་གཞན་ཡང་ཅི་དགོས་པ་སྦྱར་རོ། ། གལ་ཏེ་མིག་ཐོབ་ན་བྱ་དགའ་ཡང་ཆེར་སྦྱིན་ནོ་ཞེས་བསྒོ་ནས་སོང་ངོ་།། དེའི་ཚེ་ན་རྒྱལ་པོ་མིག་འབྱེད་ཀྱི་ཡུལ་དུ་ལྟས་ངན་རྣམ་པ་སྣ ་ཚོགས་བྱུང་ངོ་། ། འདི་ལྟ་སྟེ། གནམ་གྲུས་པ་དང་། གནམ་ལྕགས་འབབ་པ་དང་། སྐར་མདའ་ལྟུང་བ་དང་། ནམ་རྨུས་པ་དང་། གནམ་ལྕགས་བབ་ནས་ས་ཀུན་གས་པ་དང་། ་བྱ་རྣམས་ནམ་མཁའ་ལ་ངུ་བའི་སྐད་འབྱིན་ཅིང་ས་ལ་ལྟུང་བ་དང་། སེང་གེ་དང་། སྟག་དང་། ཕར་སྦྱང་དག་སྙིང་རྗེ་བའི་སྐད་འབྱིན་ཅིང་མིའི་ནང་དུ་འོངས་ཏེ། ས་ལ་འགྲེ་བ་ལ ་སོགས་པའི་ལྟས་ངན་སྣ་ཚོགས་པར་བྱུང་ངོ་། ། དེ་ནས་བྲམ་ཟེ་ལོང་བ་ཡང་མཐར་གྱིས་ཡུལ་དེར་ཕྱིན་ཏེ། ཕོ་བྲང་གི་སྒོར་འོངས་ནས་སྐད་ཆེན་པོར་འདི་སྐད་ཅེས་སྨྲས་སོ།། བདག་ནི ་ཡུལ་གཞན་ནས་འདིར་མཆིས་ཏེ། རྒྱལ་པོ་ཁྱེད་ཀྱི་ཡོན་ཏན་ཀུན་ཏུ་གྲགས་པ་ནི། སློང་བ་འོངས་ན་ཅི་ཡང་གཏོང་སྟེ། སློང་བའི་ཡིད་དང་མི་འགལ་བར་མཛད་ཅེས་ཐོས་པས། ཉོན ་མོངས་པ་དང་བསྔོས་ཏེ་འདིར་སློང་དུ་འོངས་ཀྱིས། ཅི་འདོད་པ་བྱིན་ཅིག་ཅེས་སྨྲས་སོ།། རྒྱལ་པོས་དེ་སྐད་ཅེས་སྨྲས་པ་ཐོས་ནས་བསུ་སྟེ། ཁྱོད་ལམ་ན་ངལ་བར ་མ་གྱུར་ཏམ། ཉོན་མ་མོངས་སམ། བདེ་བར་འོངས་སམ་ཞེས་སྤྲོ་བའི་ཚིག་སྨྲས་ནས། རྒྱལ་སྲིད་དམ། རིན་པོ་ཆེ་འམ། རྟ་འམ། ཐེག་པ་འམ། གོས་སམ། བཟའ་བ་འམ། ་བཏུང་བ་འམ། ནད་ཀྱི་རྐྱེན་རྩི་འམ། ཅི་དང་ཅི་དགོས་པ་སློངས་ཤིག་དང་། དེ་དང་དེ་དག་ཆོག་པར་སྦྱིན་ནོ་ཞེས་སྨྲས་པ་དང་། བྲམ་ཟེས་སྨྲས་པ། ཕྱི་རོལ་གྱི་ཟང་ཟིང་བྱིན་པས་ནི་བསོད ་ནམས་ཀྱི་དམ་པར་མི་འགྱུར་གྱི། ནང་གི་སྦྱིན་པ་བྱས་ན་འབྲས་བུ་ཆེ་སྟེ། བདག་མིག་སྟོར་ནས་ཡུན་རིང་དུ་ལོན་པས། རྟག་ཏུ་མདོངས་ཤིང་འཐོམ་པར་གྱུར་གྱིས། བདག་ནི་རྒྱལ་པོའི ་སྤྱན་འཚལ་ལོ་ཞེས་སྨྲས་སོ། ། དེ་སྐད་ཅེས་སྨྲས་པ་ལ། རྒྱལ་པོ་རབ་ཏུ་དགའ་ནས། བྲམ་ཟེ་ལ་ཁྱོད་མིག་འདོད་ན་སྦྱིན་ནོ་ཞེས་བསྒོའོ།། བྲམ་ཟེས་སྨྲས་པ། རྒྱལ་པོས་བདག་ལ་སྩལ ་ནནམ་སྩལ་ཅེས་སྨྲས་པ་དང་། ད་སྟེ་ཞག་བདུན་ན་མིག་སྦྱིན་ནོ་ཞེས་བསྒོ་ནས་དྲིལ་བསྒྲགས་ཏེ། རྒྱལ་ཕྲན་བརྒྱད་ཁྲི་བཞི་སྟོང་ཡང་སྦྲན་ཏོ།། རྒྱལ་པོ་མིག་འབྱེད་ང་སྟེ་ཞག་བདུན་ན། བྲམ་ཟེ་ལ ་མིག་གིས་སྦྱིན་པ་བྱེད་ཀྱིས། ལྷ་འདོད་པ་རྣམས་ཐམས་ཅད་ཤོག་ཅིག་ཅེས་བསྒོའོ།། དེའི་ཚེ་ན་འཛམ་བུའི་གླིང་གི་མི་དག་དེ་སྐད་བསྒོ་བ་ཐོས་ནས། ཐམས་ཅད་མྱུར་བར་དེར་ལྷགས་སོ།། རྒྱལ ་ཕྲན་བརྒྱད་ཁྲི་བཞི་སྟོང་སྙེད་ཀྱང་སོ་སོའི་བློན་པོ་དང་ཆས་ཏེ། རྒྱལ་པོའི་ཐད་དུ་ལྷགས་ནས། ལྟོ་བ་ས་ལ་ཕབ་སྟེ་མཆི་མ་བླགས་ནས་འདི་སྐད་ཅེས་གསོལ་ཏོ།། བདག་ཅག་འཛམ་བུའི་གླིང་གི་མི ་ཐམས་ཅད་རྒྱལ་པོ་ལ་བརྟེན་པས་འཚོ་ན། ཅིའི་སླད་དུ་མི་གཅིག་གི་ཕྱིར་བདག་ཅག་ཀུན་སྤངས་ཞེས་གསོལ་ཏོ།། བློན་པོ་རྣམས་དང་། བཙུན་མོ་དང་། ཕོ་བྲང་གི་སླས་རྣམས་ཀྱང་ངུས་ནས། ་བདག་ཅག་ལ་མགོན་མ་མཆིས་སོ།། ཐུགས་བརྩེ་བའི་སླད་དུ་སྤྱན་གྱི་སྦྱིན་གཏོང་མཛད་པའི་ཐུགས་སླར་བཟློག་ཏུ་གསོལ། མགོ་བོ་ས་ལ་རྡེབས་ཤིང་ས་ལ་ཁ་སྦུབ་ཏུ་ཉལ་ནས། བྲམ་ཟེ་མི་གཅིག་གི ་སླད་དུ་བདག་ཅག་ཀུན་མ་སྤངས་ཤིག་ཅེས་གསོལ་ནས་ཆོ་ངེས་འདེབས་སོ། ། རྒྱལ་བུ་ལྔ་བརྒྱ་རྣམས་ཀྱང་ངུས་ནས། བདག་ཅག་ལ་མགོན་མ་མཆིས་སོ།། ཐུགས་བརྩེ་བའི་སླད་དུ་སྤྱན་གྱི་སྦྱིན ་གཏོང་མཛད་པའི་ཐུགས་སླར་བཟློག་ཏུ་གསོལ། རྒྱལ་ཚ་བ་ཚུལ་ཁྲིམས་བཟང་པོས་འདི་སྐད་ཅེས་གསོལ་ཏོ།། རྒྱལ་པོ་ཡབ་ཀྱི་སྦྱིན་པར་བདག་གི་མིག་འདི་སྩལ་དུ་གསོལ། བདག་གུམ་པ་ནི ་ཚོད་མཆིས་ཀྱི། ཡབ་སྤྱན་མི་མངའ་བར་གྱུར་ན། འཛམ་བུའི་གླིང་གི་མི་ཐམས་ཅད་མགོན་མ་མཆིས་ཏེ། དཔུང་གཉེན་མེད་པར་འགྱུར་རོ་ཞེས་གསོལ་པ་དང་། རྒྱལ་པོས་རྒྱལ་ཕྲན་དང ་བློན་པོ་དང་། བཙུན་མོ་དང་། རྒྱལ་བུ་རྣམས་ལ་འདི་སྐད་ཅེས་བསྒོའོ།། ང་ནི་སྐྱེ་བ་ཡུན་རིང་པོར་ལུས་འདིས་སྐྱེ་བ་ཅི་ཡང་མྱོང་སྟེ། རུས་པ་སྤུངས་ན་རི་རབ་བས་མཐོ། ཁྲག་བསགས་ན་རྒྱ ་མཚོ་བཞི་པས་མང་། མའི་ནུ་ཞོ་འཐུངས་པ་ཡང་ཆུ་བོ་བཞི་པས་ཆེ་སྟེ། འདོད་པ་དང་བྱེ་བྲལ་ནས་ངུས་པའི་མཆི་མ་ཡང་རྒྱ་མཚོ་དང་མཉམ་མོ།། སེམས་ཅན་དམྱལ་བར ་ཡང་བསྲེགས་པ་དང་། བཙོས་པ་དང་། མིག་ཕྱུང་བའི་གྲངས་ཀྱང་ཤིན་ཏུ་མང་། ཡི་དགས་ཀྱི་ཁམས་སུ་ལུས་རྣམ་པ་སྣ་ཚོགས་མྱོང་སྟེ། ལུས་ལ་མེ་འབར་བ་ནས་ལུས་དང་མིག་བཅས་སུ་འཚིག ་པ་ཡང་གྲངས་མེད། དུད་འགྲོའི་སྐྱེ་གནས་སུ་གཅིག་ལ་གཅིག་གསོད་ཅིང་འཆའ་བས་ཀྱང་ལུས་གྲངས་མེད་པ་ཞིག་ཆུད་ཟོས། མིའི་ནང་དུ་སྐྱེས་པ་ན་ཤི་མ་རན་པར་ཤི་བའི་གྲངས་ནི་མང་། ཚེའི ་མཐར་ཐུག་པའི་དུས་ན་ཉུང་སྟེ། འདོད་པ་ལ་ཆགས་པས་གཅིག་ལ་གཅིག་གསོད་ཅིང་གནོད་པར་བྱེད་དོ།། དེར་ཡང་ལུས་དང་མིག་གྲངས་མེད་པ་ཞིག་ཆུད་གཟན་ན། གལ་ཏེ་ལྷར་སྐྱེས་ན་ཡང ་རིང་པོར་མི་ཐུབ་སྟེ། མདོར་ན་ཁམས་གསུམ་གྱི་རྒྱུད་དྲུག་ཏུ་འདོད་ཆགས་དང་། ཞེ་སྡང་དང་། གཏི་མུག་གི་རྡུལ་ཕྲ་མོ་སྙེད་ཀྱི་ལུས་ཆུད་ཟོས་ན། ལན་འགའ་ཡང་སྦྱིན་པ་མ་བྱས་ཏེ། སངས་རྒྱས ་ཀྱི་བྱང་ཆུབ་བཙལ་མ་མྱོང་ངོ་། ། ཤིན་ཏུ་བཅོག་ཅིང་མནམ་པའི་མིག་འདི་དེའུ་རེ་རུལ་ཞིང་འཇིག་པས། ད་སྦྱིན་པ་བྱ་བའི་རིགས་ཀྱི། མི་སྦྱིན་པའི་མོ་རིགས་ཏེ། ཤའི་མིག་འདི་བྱིན་ལ་སངས ་རྒྱས་ཀྱི་རྣམ་པ་ཐམས་ཅད་མཁྱེན་པའི་སྤྱན་ཐོབ་པར་བྱའོ། ། ནམ་ངའི་སྨོན་ལམ་འདི་གྲུབ་ན། ཁྱེད་ལ་ཡང་རྣམ་པར་དག་པའི་ཆོས་ཀྱི་མིག་སྦྱིན་པར་བྱའོ།། ཁྱེད་ངའི་བླ་ན་མེད་པའི་བྱང་ཆུབ ་ཀྱི་སེམས་ཀྱི་བར་དུ་མ་གཅོད་ཅིག་ཅེས་བསྒོ་བ་དང་། འཁོར་ཐམས་ཅད་ཅང་མི་ཟེར་བར་འཁོད་དོ།། དེ་ནས་བློན་པོ་རྣམས་ལ་ཁྱེད་ལས་གཅིག་གིས་ངའི་མིག་ཕྱུང་ཞིག་ཅེས་བསྒོ་ན། དེ་དག ་གིས་བདག་ཅག་གི་ལུས་རྡུལ་དུ་བགྱིས་ཀྱང་། རྒྱལ་པོའི་བ་སྤུ་གཅིག་ཙམ་ཡང་འབྱིན་མི་བོད་ན། རྒྱལ་པོའི་སྤྱན་ལ་ལག་དར་ལྟ་ཅི་སྨོས་ཞེས་གསོལ་ཏོ།། རྒྱལ་པོས་ཡང་བསྒོ་བ། ཁྱེད ་ཀྱི་མི་གང་ཤ་མདོག་ག་ནག་ལ། མིག་འོག་ནས་མིག་ཚུགས་སུ་ལྟ་བ་གཅིག་ཚོལ་ཅིག་ཅེས་བསྒོ་བ་དང་། ཤ་གཙུག་དེ་འདྲ་བ་གཅིག་རྙེད་ནས། རྒྱལ་པོས་དེའི་ལག་ཏུ་གྲི་བྱིན་ཏེ། ངའི་མིག ་ཕྱུང་ཞིག་ཅེས་བསྒོ་ན། དེས་རྒྱལ་པོའི་མིག་ཡ་གཅིག་ཕྱུང་སྟེ་རྒྱལ་པོའི་ལག་ཏུ་བཞག་གོ།། རྒྱལ་པོས་མིག་ལག་ཏུ་བཞག་ནས་འདི་སྐད་ཅེས་སྨོན་ལམ་བཏབ་བོ།། བདག་གི་མིག་སྦྱིན་པ ་བྱིན་པ་འདིས་མངོན་པར་འཚང་རྒྱ་བར་ཤོག་ཅིག། གལ་ཏེ་མངོན་པར་འཚང་རྒྱ་ན། བྲམ་ཟེ་ལོང་བ་འདི་ངའི་མིག་ཐོབ་མ་ཐག་ཏུ་མཐོང་བར་གྱུར་ཅིག་ཅེས་སྨོན་ལམ་བཏབ་མ་ཐག་ཏུ། རྒྱལ ་པོས་མིག་ཐོགས་པ་བྲམ་ཟེའི་མིག་ཏུ་བཅུག་གོ། དེ་ནས་མོད་ལ་མཐོང་བར་གྱུར་ཏེ། རྒྱལ་པོ་ལ་འདི་སྐད་ཅེས་གསོལ་ཏོ།། རྒྱལ་པོའི་མིག་སྦྱིན་པ་འདིས་བདག་མཐོང་བར་གྱུར་ཏེ། མཐོང་བ ་འདིས་འཚལ་གྱིས། ཡ་གཅིག་ནི་མི་འཚལ་ལོ་ཞེས་གསོལ་ཏོ།། རྒྱལ་པོས་བསྒོ་བ། ཁོ་བོས་མིག་གཉིས་ཀ་ཁྱོད་ལ་སྦྱིན་པར་བྱས་པས་ཡ་གཅིག་བཞག་ན་སྔར་སྨྲས་པ་དང་འགལ་ལོ ་ཞེས་བསྒོ་ནས། མིག་ཡ་གཅིག་ཀྱང་ཕྱུང་སྟེ་ལག་ཏུ་བླངས་ནས། སྨོན་ལམ་སྔ་མ་བཞིན་དུ་བཏབ་བོ།། བྲམ་ཟེའི་མིག་ཏུ་བཅུག་ནས་བྲམ་ཟེའི་མིག་གཉིས་ཀས ་མཐོང་བར་གྱུར་ཏོ། ། དེའི་ཚེ་ན་གནམ་ས་ཀུན་ཡང་གཡོས། ལྷའི་ཕོ་བྲང་ཀུན་ཡང་འགུལ་ཞིང་ལྡེག་སྟེ། ལྷ་རྣམས་ངོ་མཚར་དུ་གྱུར་ནས། ཐམས་ཅད་ཀྱིས་བྱང་ཆུབ་སེམས་དཔས་མིག ་གིས་སྦྱིན་པ་བྱས་པར་མཐོང་ནས་སྟེང་གི་ཕྱོགས་ཀྱི་ནམ་མཁའ་ལ་ལྷགས་ཏེ། ལྷ་རྫས་ཀྱི་མེ་ཏོག་དང་སྤོས་ཀྱིས་མཆོད་པ་བྱས་ནས་ལེགས་སོ་ལེགས་སོ་ཞེས་བསྟོད་དོ།། བརྒྱ་བྱིན་ཡང ་དེར་འོངས་ཏེ། བྱང་ཆུབ་སེམས་དཔའ་ལ་འདི་སྐད་ཅེས་སྨྲས་སོ།། འདི་ལྟར་ཤིན་ཏུ་སྤྱོད་དཀའ་བ་བྱ་བ་འདིས་རྣམ་པར་སྨིན་པའི་ལན་ཅི་ཞིག་འདོད། བྱང་ཆུབ་སེམས་དཔས་སྨྲས་པ། ་བདུད་ཀྱི་རྒྱལ་པོ་འམ། ཚངས་པ་འམ། བརྒྱ་བྱིན་ནམ། རྒྱལ་ཆེན་བཞི་འམ། འཁོར་ལོས་སྒྱུར་བའི་རྒྱལ་པོ་ལ་སོགས་ཏེ། ཁམས་གསུམ་གྱི་བདེ་བ་འདོད་པ་མ་ཡིན་གྱི ་བསོད་ནམས་འདིས་མངོན་པར་བྱང་ཆུབ་ནས། སེམས་ཅན་ཐམས་ཅད་མྱ་ངན་ལས་འདའ་བའི་བདེ་བ་ལ་དགོད་པའི་ཕྱིར་རོ།། བརྒྱ་བྱིན་གྱིས་ཡང་སྨྲས་པ། འདི་ལྟར་མིག་ཕྱུང་བ་འདི ་རབ་ཏུ་སྡུག་བསྔལ་བར་གྱུར་ན་འགྱོད་པ་འམ། ཁྲོ་བའི་སེམས་མ་བྱུང་ངམ། རྒྱལ་པོས་སྨྲས་པ། འགྱོད་པ་ཡང་མེད། ཁྲོ་བའི་བག་ཀྱང་མེད་དོ།། བརྒྱ་བྱིན་གྱིས་སྤྲས་པ། ་བདག་གིས་བལྟས་ན་མིག་གཉིས་ནས་ཁྲག་ཟག་ཅིང་མདོག་ཀྱང་འགྱུར་བཞིན་དུ། འགྱོད་པ་མེད་ཅེས་ཟེར་བ་འདིས་ཡིད་ཆེས་པར་དཀའ་འོ།། རྒྱལ་པོས་སྨྲས་པ། བདག་གིས་མིག་བྱིན ་པ་འདི་ལ་འགྱོད་པ་ཡང་མེད་ལ། བླ་ན་མེད་པའི་བྱང་ཆུབ་ཀྱང་ཐོབ་པར་འགྱུར་ཞེ་ན། བདེན་པར་སྨྲས་པ་འདིས་བདག་གི་མིག་གཉིས་སྔོན་བཞིན་མཐོང་བར་གྱུར་ཅིག་ཅེས་སྨྲས་མ་ཐག་ཏུ།། ་མིག་གཉིས་སྔོན་པས་ཀྱང་གསལ་བར་གྱུར་པས། དེའི་ཚེ་ན་ལྷ་དང་མི་ཐམས་ཅད་རབ་ཏུ་དགའ་ཞིང་མགུ་རངས་པར་གྱུར་ཏོ།། དེ་ནས་རྒྱལ་པོས་བྲམ་ཟེ་ལ་བསྒོ་བ། ངས་མིག་བྱིན་པས ་ཁྱོད་ཀྱང་མཐོང་བར་གྱུར་གྱིས། ནམ་སངས་རྒྱས་པ་ན་ཡང་ཁྱོད་ལ་ཆོས་ཀྱི་མིག་སྦྱིན་པར་བྱའོ།། རིན་པོ་ཆེ་འདི་དག་ཀྱང་ཁྱེར་ལ་ཕྱིར་སོང་ཞིག་ཅེས་བསྒོའོ།། བྲམ་ཟེ་མིག་དང་རིན་པོ་ཆེ ་ཐོབ་ནས་ཕྱིར་ཆས་ཏེ་ཡུལ་དུ་ཕྱིན་པ་དང་། རྒྱལ་པོ་ཉིད་ཀྱིས་ཀྱང་བསུ་ནས། ཕྲད་མ་ཐག་ཏུ་མིག་ཐོབ་བམ་ཞེས་དྲིས་སོ།། བྲམ་ཟེས་སྨྲས་པ། མིག་ཀྱང་ཐོབ་ནས་བདག་ཀྱང་འདི་ལྟར ་མཐོང་བར་གྱུར་ཏོ། ། རྒྱལ་པོས་སྨྲས་པ། འོ་ན་ད་ལྟར་ཚེ་འཕོས་སམ་སོས། སྨྲས་པ། ལྷ་རྣམས་དེར་ལྷགས་ནས་སྨོན་ལམ་བཏབ་པས། མིག་གཉིས་སྔོན་པས་ཀྱང་གསལ་བ ་མཐོང་བར་གྱུར་ཏོ། ། རྒྱལ་པོ་བ་ལ་ད་བར་ནེས་དེ་སྐད་ཅེས་སྤྲས་པ་ཐོས་ནས། འཁམས་ཏེ་སྙིང་གས་ཏེ་ཚེ་འཕོས་སོ།། ཀུན་དགའ་བོ་དེའི་ཚེ་དེའི་དུས་ན་རྒྱལ་པོ་ཨུ་ད་ལ་ཞེས་བྱ་བ་དེ་ནི་ང ་ལྟར་ང་ཡིན་ནོ། ། བ་ལ་དབར་ནེ་ལྷ་སྦྱིན་ཡིན་ནོ།། བྲམ་ཟེ་མིག་སློང་བ་དེ་ནི་ད་ལྟར་གྱི་བྲམ་ཟེ་ལོང་བ་དགྲ་བཅོམ་པ་ཐོབ་པ་ཡིན་ཏེ། སྔོན་ཡང་མིག་བྱིན་པ་ནས། ་ད་ལྟར་གྱི་བར་དུ་ཡང་ཤེས་རབ་ཀྱི་མིག་བྱིན་ཏེ་ཁྱེད་ཀྱི་ཕྱིར་སྐྱེ་བ་ཐམས་ཅད་དུ་དཀའ་བ་སྤྱད་ནས་མངོན་པར་སངས་རྒྱས་སོ།། ཁྱེད་ཀྱང་འབྱུང་བའི་ལམ་ལ་བརྩོན་འགྲུས་གྱིས་ཤིག། བཅོམ་ལྡན ་འདས་ཀྱིས་དེ་སྐད་ཅེས་བཀའ་སྩལ་ནས། འཁོར་མང་པོའི་རྣམས་ཁ་ཅིག་གིས་རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པ་ཐོབ ་པར་གྱུར་ཏོ། ། ཁ་ཅིག་གིས་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ།། ཀུན་དགའ་བོ་དང་འཁོར་མང་པོ་རྣམས་བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ནས་མངོན་པར ་དགའ་འོ། ། རྒྱལ་པོ་མིག་འབྱེད་ཀྱི་ལེའུ་སྟེ་སུམ་ཅུ་ལྔ་པའོ།། །། མི་གདུང་བ་སོར་འཕྲེང་ཅན་གྱི་ལེའུའོ།། འདི་སྐད་བདག་གིས་ཐོས་པའི་དུས་གཅིག་ན། ་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ན་རྒྱལ་པོ་གསལ་རྒྱལ་ལ། བློན་པོ་མཁས་པ་རིགས་དང་ལྡན ་པ་བཙན་ཕྱུག་པ་ཞིག་ཡོད་དེ། དེའི་ཆུང་མ་སེམས་ཅན་དང་ལྡན་པར་གྱུར་ནས། བུ་ཁྱེའུ་མཚན་དང་ལྡན་པ། བྱང་གཟུགས་ལེགས་པ། དཔེ་ཟླ་མེད་པ་ཞིག་བཙས་ཏེ། མཚན ་མཁན་བོས་ནས་བུ་བསྟན་པ་དང་། མཚན་མཁན་དགའ་བའི་མདངས་ཀྱིས་འདི་སྐད་ཅེས་སྨྲས་སོ།། བུ་འདི་ནི་བསོད་ནམས་ཀྱི་མཚན་དང་ལྡན་ཏེ། ཀུན་ལས་འཕགས་པར་ཡིང་གཞུངས ་ལ་མཁས་པའི་བློ་དང་ལྡན་ནོ། ། ཁྱེའུའི་ཕས་དེ་སྐད་ཅེས་ཐོས་ནས་ཁྱེའུའི་མིང་ཇི་སྐད་གདགས་ཞེས་དྲིས་པ་དང་། མཚན་མཁན་གྱིས་ཁྱེའུ་འདི་མངལ་དུ་ཆགས་ནས་ཡ་མཚན་དུ་གྱུར་པ་ཅི་ཡོད ་ཅེས་དྲིས་སོ། ། བློན་པོས་སྨྲས་པ། ཁྱེའུ་འདིའི་མ་སྔོན་རང་བཞིན་འཇམ་ཞིང་ངེས་པ་ཙམ་མ་ཡིན་པ་ལས། བུ་འདི་མངལ་དུ་ཆགས་ནས་ལྷག་པར་འཇམ་ཞིང་ངེས་ཏེ། གཞན་གྱི་ཡོན་ཏན ་དང་ལེགས་པ་བརྗོད་པར་དགའ་ཡི། ཉེས་པ་བརྗོད་པར་མི་དགའ་ལ། ཉོན་མོངས་པ་འཕོངས་པ་ལ་བྱམས་ཤིང་བརྩེ་བར་གྱུར་ཏོ།། མཚན་མཁན་གྱིས་སྨྲས་པ། འདིའི་བུའི་ཡོན ་ཏན་ཡིན་ཏེ། བུའི་མིང་ཡང་མི་གདུང་བ་ཞེས་བཏགས་སོ།། དེ་ནས་གསོས་བསྐྱེད་དེ་ཆེར་སྐྱེས་ནས། སྟོབས་ཀྱང་གྱད་སྟོབས་པོ་ཆེའི་ཚད་དུ་ཕྱིན་ཏེ། གཅིག་པུས་མི་སྟོང་ཡང་ཐུབ་ལ ་ནམ་མཁའ་ལ་བྱ་འཕུར་བ་ཡང་མཆོངས་པས་ཟིན་ཏེ། མགྱོགས་ཁྱད་ཀྱང་རྟ་དང་བང་མཉམ་ནས། བུ་དེ་ལ་ལྷག་པར་སྡུག་ཅིང་བྱམས་པར་གྱུར་ཏེ། དེའི་ཚེ་ཡུལ་དེ་ན་བྲམ་ཟེ་མཁས་པའི ་རིགས་དང་ལྡན་པ་མང་དུ་ཐོས་པ། གཙུག་ལག་ལ་མཁས་པ་ཞིག་ཡོད་དེ། བྲམ་ཟེ་དེ་ལ་སློབ་མ་ལྔ་བརྒྱ་ཙམ་རྟག་ཏུ་རྗེས་སུ་སློབ་བོ།། དེའི་ཚེ་བློན་པོ་དེས་ཀྱང་བུ་ཁྲིད་དེ་བྲམ་ཟེ་ལ་གཏད ་ནས་སློབ་ཏུ་བཅུག་གོ། ། ཁྱེའུ་མི་གདུང་བ་སློབ་པ་ལ་འགྲུས་པས། ཉི་མ་གཅིག་བསླབས་ན། གཞན་ལོར་བསླབས་པ་བས་མཁས་ཏེ། རིང་པོ་མ་ལོན་པར་ཐམས ་ཅད་ཁོང་དུ་ཆུད་ཅིང་རྟོགས་པར་གྱུར་ཏོ། ། སློབ་དཔོན་བྲམ་ཟེ་དེས་ཀྱང་དེ་ལ་ལྷག་པར་ཡིད་རྟོན་ཏེ། རྟག་ཏུ་འགྲོགས་ཤིང་ལྷན་ཅིག་འདུག་པས་སློབ་མ་གཞན་དག་ཀྱང་དེ་ལ་བསྟི་སྟང་བྱེད་དོ།། ་དེའི་ཚེ་ན་སློབ་དཔོན་བྲམ་ཟེ་དེའི་ཆུང་མས་ཁྱེའུ་དེའི་བྱད་གཟུགས་བཟང་ཞིང་ལེགས་པ་དང་། བསླབས་པ་ཡང་གཞན་པས་ལྷག་པར་མཁས་པར་མཐོང་ནས། དེ་ལ་ཆགས་ཏེ་ཡིད་ལ་བཟུང་ཡང ་སློབ་མ་རྣམས་དང་མི་འབྲལ་ཏེ། ཉིན་མཚན་འགྲོགས་པས་གཏམ་བྱ་བའི་སྐབས་མེད་དེ། བསམས་པ་ལྟར་མ་གྱུར་པས་རྟག་ཏུ་ཡིད་ལ་གཅགས་པར་གྱུར་ཏོ།། དུས་ཕྱི་ཞིག་ན་སྦྱིན་བདག་གཅིག་གིས ་སློབ་དཔོན་དེ་དང་སློབ་མར་བཅས་སུ་ཟླ་བ་གསུམ་གྱི་བར་དུ་འཚོ་བ་སྦྱར་ནས་མགྲོན་དུ་གཉེར་ཏོ། ། དེའི་ཚེ་ན་སློབ་དཔོན་བྲམ་ཟེ་ཆུང་མ་དང་གཉིས་སུ་འདི་སྐད་ཅེས་བགྲོས་སོ།། ཁོ་བོའི་སློབ་མ་དང་བཅས ་སུ་སྦྱིན་བདག་གིས་ཟླ་བ་གསུམ་གྱི་བར་དུ་འཚོ་བ་སྦྱར་རོ་ཞེས་བོས་ཀྱིས་ད་སློབ་མ་ལས་གཅིག་ཅིག་ཕྱིན་ལས་སུ་བསྐོས་ཏེ་བཞག་པའི་རིགས་སམ་ཞེས་ཆུང་མ་ལ་སྨྲས་པ་དང་། ཆུང་མ་དགའ་ནས ་བྲམ་ཟེ་ལ་འདི་སྐད་ཅེས་སྨྲས་སོ། ། ཁྱིམ་གྱི་སོ་རྩིས་དང་བྱ་བ་མང་པོ་ལ་ཤེས་པ་མཁས་པ་དང་ལྡན་པ་གཅིག་ཅིག་བྱ་དགོས་པས་ཁྱེའུ་མི་གདུང་བ་ཡིད་བརྟན་ཏེ། ཕྱིར་བཞག་པའི་རིགས་སོ་ཞེས ་སྨྲས་ནས། བྲམ་ཟེས་ཀྱང་ཁྱེའུ་མི་གདུང་བ་ཁྱོད་ཕྱིར་འདུག་ལ་ཁྱིམ་གྱི་སོ་རྩིས་དང་ཞལ་ལྟ་བྱོས་ཤིག། ཁོ་བོ་ནི་སྦྱིན་བདག་གིས་བོས་པས་འགྲོའོ་ཞེས་བསྒོའོ།། ཁྱེའུ་མི་གདུང་བ་ཡང་སློབ་དཔོན ་གྱིས་བསྒོ་བ་བཞིན་དུ་ཕྱིར་འདུག་གོ། དེའི་ཚེ་སློབ་དཔོན་བྲམ་ཟེ་སློབ་མ་དང་བཅས་ཏེ་སོང་བའི་འོག་ཏུ། བྲམ་ཟེའི་ཆུང་མ་དེ་རབ་ཏུ་དགའ་མགུ་ནས་ཤིན་ཏུ་ཕྱི་བདར་བྱས་ཏེ། བསླུ་བའི་རྣམ་པས ་ཁྱེའུ་དང་སྨྲས་ཀྱང་མི་གདུང་བ་བསྲན་བཙུགས་ཏེ་སེམས་མ་གྱུར་ཏོ། ། དེ་ནས་འདོད་ཆགས་ཀྱི་སེམས་སྐྱེས་པས་ཚིག་དྲང་པོར་སྨྲས་ཏེ། ཁོ་མོ་ནི་ཁྱོད་ལ་ཆགས་ཀྱང་སྔན་ཆད་ནི་སྐབས་མེད་དོ།། ་ད་ནི་སློབ་དཔོན་ཡང་སོང་ནས་ཆེད་དུ་ཁྱོད་ཕྱིར་བཞག་པ་ཡིན་ཏེ། ད་ནི་དབེན་ཞིང་སྐབས་ལ་བབ་ཀྱིས་ཁོ་མོའི་ཡིད་དང་སྦྱོར་ཅིག་ཅེས་བསྒོའོ།། མི་གདུང་བས་སྨྲས་པ། བདག་ནི་བྲམ་ཟེ་ཡིན།། ་པས་བྲམ་ཟེའི་ཆོས་ཀྱིས་སློབ་དཔོན་གྱི་ཆུང་མ་དང་ཉལ་དུ་མི་རུང་སྟེ། གལ་ཏེ་འདི་འདྲ་བ་ཞིག་བྱས་ན། བྲམ་ཟེ་མ་ཡིན་པས་བདག་ཤི་ཡང་བླའི། འདི་ནི་མི་ཕོད་དོ་ཞེས་སྨྲས་པ་དང་། ་སློབ་དཔོན་གྱི་ཆུང་མ་རེ་བ་ལྟར་མ་གྱུར་པས། ངོ་ཚ་ཞིང་སྐྱེངས་ནས་ཁོན་དུ་བཟུང་སྟེ་དཀུ་ལྟོ་བྱ་བར་བསམས་ནས། ཕྱིས་སློབ་དཔོན་ཕྱིར་འོང་དུ་ཉེ་བ་ན། གོས་ཀྱང་དྲལ་གདོང་ཡང་སྦར་མོས ་བྲང་ནས། ས་རྡུལ་གྱིས་གོས་ཤིང་སྤ་བབ་པ་ལྟར་ཅང་མཽ་སྨྲ་བར་ས་ལ་ཉལ་ལོ།། དེ་ནས་སློབ་དཔོན་བྲམ་ཟེ་ཕྱིར་འོངས་ནས་ཁྱིམ་དུ་ཞུགས་པ་དང་། ཆུང་མ་དེ་འདྲ་བར་འདུག་པ་མཐོང་ནས། ་ཅིའི་ཕྱིར་ཁྱོད་འདི་ལྟར་གྱུར་ཅེས་དྲིས་པ་དང་། ཆུང་མས་མཆི་མ་བླགས་ཏེ། དྲི་བའི་རིན་མི་ཆོག་གོ་ཞེས་སྨྲས་སོ།། སློབ་དཔོན་བྲམ་ཟེས་ཅི་ཉེས་པ་སྨྲོས་ཤིག། ་ཅེས་ནན་གྱིས་དྲིས་པ་དང་། ཆུང་མ་ངུས་ཏེ་འདི་སྐད་ཅེས་སྨྲས་སོ།། ཁྱོད་ཀྱིས་རྟག་ཏུ་བསྟོད་པའི་མི་གདུང་བ་ནི། ཁྱོད་སོང་བའི་འོག་ཏུ་རྟག་པར་ཁོ་མོ་ལ་ཉལ་བར་བཀུག་སྟེ། ཁོ་མོ་མ ་བཏུབ་པས། ཁོ་མོའི་གོས་ཀྱང་དྲལ། གདོང་ལ་ཡང་རྨ་བྱུང་བ་ཡིན་ཏེ། ཁྱོད་ལ་འདི་ལྟ་བུའི་སློབ་མ་བདོག་གམ། བྲམ་ཟེས་དེ་སྐད་ཅེས་ཐོས་ནས་ཤིན་ཏུ་ཁྲོས་ཏེ་ཆུང་མ་ལ་འདི་སྐད ་ཅེས་སྨྲས་སོ། ། མི་གདུང་བ་འདི་སྟོབས་ནི་གཅིག་པུས་སྟོང་ཡང་ཐུབ་ལ་བློན་པོ་ཆེན་པོའི་བུ་ཡིན་ཏེ། ཆོ་རིགས་བཙུན་པས་ཉེས་པ་ཞིག་བྱ་ན་ཡང་། བགས་ཀྱིས་བྱ་དགོས་སོ་ཞེས་སྨྲས ་ནས་མི་གདུང་བའི་དྲུང་དུ་སོང་སྟེ། ཅི་རིགས་པར་སྙན་པའི་ཚིག་གིས་སྤྲོ་བ་བསྐྱེད་ནས། ཁོ་བོ་སོང་བའི་ཕྱི་ན་ལས་ཆེན་པོ་དང་ཉོན་མ་མོངས་སམ་ཞེས་གཏམ་དྲིས་ནས་འདི་སྐད་ཅེས་བསྒོའོ།། ་ཁྱོད་ཀྱིས་སྔ་ཕྱིར་ཁོ་བོ་ལ་ཆུ་གང་གིས་སྙིང་ཉེ་སྟེ། ཁྱོད་ཀྱི་དྲིན་རྟག་ཏུ་དྲན་པས། ད་ནི་ཁྱོད་ལ་གསང་བའི་ཆོས་གཅིག་པུ་ཞིག་ཡོད་པས། སྔོན་ཆད་མ་བསྟན་པ་ཁྱོད་ལ་བསྟན་གྱིས།། གལ ་ཏེ་ཁྱོད་ཀྱིས་དེ་བཞིན་དུ་བྱས་ན། གདོན་མི་ཟ་བར་ཚངས་པའི་ལྷར་སྐྱེའོ་ཞེས་སྨྲས་སོ།། ཁྱེའུ་མི་གདུང་བ་པུས་མོ་ས་ལ་བཙུགས་ཏེ་བསྟན་པར་གསོལ་བ་དང་། མི་གདུང་བ་ལ་འདི་སྐད་ཅེས་བསྒོའོ།། ་ཁྱོད་ཉིན་ཞག་བདུན་གྱིས་དགེ་བ་བསྲུངས་ཏེ། མི་སྟོང་གི་མགོ་བཅད་ནས་སོར་མོ་རེ་རེ་ཞིག་བླངས་ལ། སོར་མོ་སྟོང་གིས་ལུས་ཀྱི་འཕྲེང་བ་བྱས་ན། དེའི་ཚེ་ཚངས་པའི་ལྷ་མངོན་སུམ་དུ་མཐོང་སྟེ། ་འཕོས་མ་ཐག་ཏུ་ཚངས་པའི་ལྷར་སྐྱེའོ་ཞེས་བསྟན་ཏོ།། ཁྱེའུ་མི་གདུང་བས་སློབ་དཔོན་གྱིས་དེ་སྐད་ཅེས་བསྟན་པ་ཐོས་ནས་ཐེ་ཙོམ་སྐྱེས་ཏེ། སློབ་དཔོན་ལ་འདི་སྐད་ཅེས་གསོལ་ཏོ།། སྲོག་བཅད ་པས་ཚངས་པའི་ལྷར་སྐྱེ་བ་ནི་རིགས་པ་མ་ལགས་སོ། ། སློབ་དཔོན་གྱིས་སྨྲས་པ། ཁྱོད་ནི་ཁོ་བོའི་སློབ་མ་ཡིན་ན། ཅི་ཁོ་བོས་བསྟན་པའི་མན་ངག་ལ་ཡིད་མི་ཆེས་སམ། ཇི་སྟེ་ཡིད་མི་ཆེས ་ཁྲེལ་ལྟས་ཡོད་པ་མ་ཡིན་ཏེ། འདིར་མ་འདུག་པར་གར་དགའ་བར་སོང་ཞིག་ཅེས་བསྒོ་ནས། གསང་སྔགས་ཀྱིས་བཏབ་སྟེ་རལ་གྲི་གཅིག་ས་ལ་བཙུགས་སོ།། སྔགས་ཀྱིས་བཏབ་པས། ཁྱེའུ ་དེ་ཁྲོས་པའི་སེམས་སྐྱེས་ཏེ། སློབ་དཔོན་གྱིས་ཁྲོས་པར་རིག་ནས་རལ་གྲི་ལག་ཏུ་བྱིན་ནོ།། མི་གདུང་བ་རལ་གྲི་ཐོགས་ནས་སྒོར་བརྒྱུགས་ཏེ་མི་ཕྲད་དགུ་བསད་ནས། སོར་མོ་བཅད་དེ་ལུས་ཀྱི ་འཕྲེང་བར་བཏགས་པས། ཀུན་གྱིས་སེར་འཕྲེང་ཅན་དུ་བཏགས་སོ།། ཀུན་ཏུ་གསོད་ཅིང་ཞག་བདུན་དུ་ཕྱིན་པའི་ཉིན་པར་སོར་མོ་དགུ་བརྒྱ་དགུ་བཅུ་རྩ་དགུ་ནི་རྙེད་ཀྱི། སོར་མོ་གཅིག་གཅིག ་གིས་བསྣན་ན་བསང་བའི་གྲངས་ཀྱང་སྟོང་དུ་ཚངས་པ་ལས། ཐམས་ཅད་བྲོས་ཤིང་གབ་པས་གཅིག་ཀྱང་མི་རྒྱུ་སྟེ། ཀུན་ཏུ་བཙལ་ཀྱང་མ་རྙེད་དོ།། ཞག་བདུན་གྱི་བར་དུ་ཁ་ཟས་མ་ཟོས ་བས་ཁྱེའུའི་མ་བུ་ལ་སྙིང་བརྩེ་སྟེ། ཁ་ཟས་སྐྱེལ་དུ་བཏང་ན་ཐམས་ཅད་འཇིགས་པས་གཅིག་ཀྱང་མ་སྤོབས་སོ།། དེ་ནས་ཁྱེའུའི་མ་ཉིང་ཁ་ཟས་ཐོགས་ཏེ་བུའི་དྲུང་དུ་སོ། ་བ་ལས་རྒྱང་མ་ནས་མ་འོངས་པ་མཐོང་བ་དང་། མའི་ཐོག་ཏུ་བརྒྱུགས་ཏེ་གསད་པར་གཟས་པ་ལས། དེ་ལ་མས་སྲི་ཞུ་མེད་པ་ཁྱོད་ཅི་ལོག་པར་བསམས་ཏེ། མཚམས་མེད་པའི་ལས་བྱེད་ཅིང ་མ་གསོད་དམ་ཞེས་སྨྲས་པ་དང་། ཕྱིར་མ་ལ་འདི་སྐད་ཅེས་སྨྲས་སོ།། བདག་ནི་སློབ་དཔོན་གྱིས་བསྟན་པ་བཞིན་དུ་ཉིན་ཞག་བདུན་གྱིས་སོར་མོ་སྟོང་ཞིག་ཁ་སྐོང་སྟེ། སོར་མོ་སྟོང་དུ་ཁ་སྐང ་ན་ཚངས་པའི་ལྷར་སྐྱེ་བས། སོར་མོ་གྲངས་མ་ཚང་སྟེ་མི་བྱར་མི་རུང་བས་ད་གསད་དགོས་སོ་ཞེས་སྨྲས་པ་དང་། དེ་ལ་ཁྱེའུའི་མས་ད་འདི་ལྟར་གྱུར་ན། ཁོ་མོ་མི་གསད་པར་སོར་མོ་བཅད་དུ་མི ་རུང་ངམ་ཞེས་བསྒོ་བའི་ཚེ། བཅོམ་ལྡན་འདས་ཀྱིས་རྒྱང་མ་ནས་གདུལ་བའི་དུས་ལ་བབ་པར་གཟིགས་ཤིང་མཁྱེན་ནས། དགེ་སློང་ཞིག་ཏུ་སྤྲུལ་ཏེ་དེའི་ཕྱོགས་སུ་གཤེགས་སོ།། སོར ་འཕྲེང་ཅན་གྱིས་དགེ་སློང་མཐོང་བ་དང་མ་མ་གསོད་པར་བྱས་པ་བཏང་ནས། དགེ་སློང་གི་ཐོག་ཏུ་མཆོངས་ཏེ་གསོད་པར་གཟས་སོ།། སངས་རྒྱས་ཀྱིས་དེ་ལྟར་འོངས་པ་གཟིགས་ནས་ཞབས་ཀྱིས ་དལ་གྱིས་གཤེགས་ཀྱང་སོར་འཕྲེང་ཅན་མཐུ་སྟོབས་གཏུགས་ཏེ་བརྒྱུགས་ཀྱང་མ་སླེབས་ནས། རྒྱང་མ་ནས་དགེ་སློང་ཁྱོད་ཅུང་ཟད་ཅིག་སྡོད་ཅིག་ཅེས་བོས་སོ།། བཅོམ་ལྡན་འདས་ཀྱིས་ཀྱང ་རྒྱང་མ་ནས་ང་ནི་རྟག་ཏུ་སྡོད་ན། ཁྱོད་ཉིད་མི་སྡོད་དོ་ཞེས་བཀའ་སྩལ་པ་དང་། སོར་འཕྲེང་ཅན་གྱིས་ཇི་ལྟར་ན་ཁྱོད་ནི་སྡོད་ལ་ཁོ་བོ་ནི་མི་སྡོད་ཅེས་སྨྲས་པ་དང་། བཅོམ་ལྡན་འདས་ཀྱིས ་འདི་སྐད་ཅེས་བཀའ་སྩལ་ཏོ། ། ངའི་དབང་པོ་རྣམས་ནི་རྟག་ཏུ་ཞི་ཞིང་ཏིང་ངེ་འཛིན་གྱི་དབང་ཐོབ་པས་སྡོད་དོ།། ཁྱོད་ནི་སློབ་དཔོན་སྡིག་པས་ལོག་པར་བསྟན་ཏེ། སྡིག་པ་ལ་ཡིད་ཆེས་ནས་ཁྱོད ་ཀྱི་སེམས་ཀྱང་བསླུས་ཏེ་མི་སྡོད་པས། ཉིན་མཚན་དུ་གསོད་པའི་ལས་བྱེད་དེ། སྡིག་པ་མཐའ་མེད་པའི་ལས་བྱེད་དོ།། སོར་འཕྲེང་ཅན་གྱིས་ཐོས་པ་ཙམ་གྱིས་སེམས་ཀྱིས་རྟོགས་ཤིང་ཆུང་དེ ་རལ་གྲི་ས་ལ་བོར་ནས། རྒྱང་མ་ནས་སྐྱབས་སུ་གསོལ་ལོ་ཞེས་ཕྱག་འཚལ་ཏོ།། དེ་ནས་བཅོམ་ལྡན་འདས་ཀྱང་དེར་གཞེས་ཏེ། སངས་རྒྱས་ཀྱི་སྐུར་སྤྲུལ་ནས་འོད་གཟེར་ལྷང་ངེ་ལྷམ་མར ་མཚན་སུམ་ཅུ་རྩ་གཉིས་ཀྱིས་གསལ་བར་བརྒྱན་པ་བསྟན་ཏོ། ། སོར་འཕྲེང་ཅན་གྱིས་སངས་རྒྱས་ཀྱི་སྐུ་འོད་གཟེར་དང་མཚན་དུ་ལྡན་པ་མཐོང་ནས། ལུས་ས་ལ་བརྡབས་ཏེ་ཉེས་པ་འཐོལ་ཞིང ་འགྱོད་ནས། བཅོམ་ལྡན་འདས་ཀྱིས་ཆོས་བསྟན་པས། ཆོས་ལ་ཆོས་ཀྱི་མིག་རྣམ་པར་དག་པར་གྱུར་ཏོ།། དད་པས་རབ་ཏུ་འབྱུང་བར་གསོལ་བ་དང་། བཅོམ་ལྡན་འདས་ཀྱིས་ལེགས ་པར་འོངས་སོ་ཞེས་བཀའ་སྩལ་པས། སྐྲ་དང་ཁ་སྤུ་རང་བྱི་སྟེ་དགེ་སློང་དུ་གྱུར་ཏོ།། དེ་ལ་བཅོམ་ལྡན་འདས་ཀྱིས་ཅི་རིགས་པར་ཆོས་བསྟན་པས། སེམས་ཀྱི་དྲི་མ་ཀུན་ཟད་ནས་དགྲ་བཅོམ ་བར་གྱུར་ཏེ། བཅོམ་ལྡན་འདས་ཀྱིས་རྒྱལ་བུ་རྒྱལ་བྱེད་ཀྱི་ཚལ་དུ་ཁྲིད་དོ།། དེའི་ཚེ་ཡུལ་དེ་ན་གནས་པའི་མི་ལ་སོགས་པ་སྲོག་ཆགས་ཐམས་ཅད་སོར་འཕྲེང་ཅན ་གྱི་མིང་ཐོས་པ་ཙམ་གྱིས་མི་སྐྲག་པ་མེད་དེ། མི་དང་སྲོག་ཆགས་སྦྲུམ་མ་རྣམས་ཀྱང་སྐྲག་པས་བུ་བཙའ་བའི་ཐུགས་མི་ཐུབ་བོ།། དེའི་ཚེ་བ་གླང་མོ་ཞིག་བུ་མི་ཕྱིན་པ་དང་། བཅོམ་ལྡན་འདས ་ཀྱིས་སོར་འཕྲེང་ཅན་ལ་བཀའ་སྩལ་ཏེ། ཁྱོད་པ་གླང་མོའི་དྲུང་དུ་སོང་ལ་འདི་སྐད་དུ་བདག་ཐོག་མ་སྐྱེས་ནས་ད་ཙམ་གྱི་བར་དུ་མི་གཅིག་ཀྱང་མ་བསད་དོ་ཞེས་བདེན་པའི་ཚིག་སྨྲོས་ཤིག་ཅེས་བཀའ ་སྤྲུལ་པ་དང་། སོར་འཕྲེང་ཅན་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བདག་གིས་ནི་མི་ཡང་མང་དུ་བཀུམ་ན། ཇི་སྐད་དུ་མ་བཀུམ་ཞེས་བགྱི། བཅོམ་ལྡན་འདས ་ཀྱིས་བཀའ་སྩལ་པ། ཁྱོད་ནི་འཕགས་པའི་ཆོས་ལས་སྐྱེས་མ་ཐག་པ་ཞེས་བྱའོ།། དེ་ནས་སོར་འཕྲེང་ཅན་གོས་ཚགས་བཅོས་ཏེ། བཅོམ་ལྡན་འདས་ཀྱིས་བཀའ་སྩལ་པ་བཞིན ་དུ་བ་གླང་མོའི་དྲུང་དུ་སོང་སྟེ། དེ་སྐད་སྨྲས་པས་བདེ་བར་བཙས་ནས། སོར་འཕྲེང་ཅན་ཡང་ཕྱིར་གནས་སུ་འོངས་སོ།། རྒྱལ་པོ་གསལ་རྒྱལ་དཔུང་གི་ཚོགས་དང་བཅས ་ཏེ། སོར་འཕྲེང་ཅན་འཛིན་དུ་ཆས་པ་ལས། དཔུང་གི་ཚོགས་འགྲོ་བའི་ལམ་རྒྱལ་བུ་རྒྱལ་བྱེད་ཀྱི་ཚལ་ན་དགེ་སློང་ལུས་ཆུང་ཞིང་མི་སྡུག་པ་དབྱངས་སྙན་པ་ཞིག་ཡོད་དེ། གཙུག་ལག་ཁང ་ན་དབྱངས་བྱེད་པ་དཔུང་གི་ཚོགས་ཀྱིས་ཐོས་ནས་སྐྱོ་མི་ཤེས་པ་ཙམ་དུ་ཉན་འདོད་དོ། ། གླང་པོ་ཆེ་དང་རྟ་ཡང་རྣ་བ་བཏུད་ནས་འགྲོར་མི་བཏུབ་པར་ཉན་ནོ།། རྒྱལ་པོས་ཡ་མཚན་དུ་གྱུར།། ་ཏེ། ཅིའི་ཕྱིར་གླང་པོ་ཆེ་དང་རྟ་ལ་སོགས་པ་འགྲོར་མི་བཏུབ་ཅེས་སྨྲས་པ་དང་། དབྱངས་སྙན་པ་ཉན་འདོད་པའི་ཕྱིར་འགྲོར་མི་བཏུབ་བོ་ཞེས་གསོལ་ཏོ།། རྒྱལ་པོས་སྨྲས་པ། དུང ་འགྲོའི་གནས་སུ་སྐྱེས་པ་ཡང་འདི་ལྟར་ཆོས་ཉན་པར་དགའ་ན། བདག་ཅག་མིའི་ནང་དུ་སྐྱེས་པ་ལྟ་ཅི་སྨོས་ཏེ། སྐད་ཅིག་མཉན་པར་བྱའོ་ཞེས་རྒྱལ་བུ་རྒྱལ་བྱེད་ཀྱི་ཚལ་དུ་སོང་ནས། གླང་པོ ་ཆེ་ལས་བབས་ཏེ་རལ་གྲི་ཡང་བཀྲོལ། གདུགས་ཀྱང་བཞག་ནས། བཅོམ་ལྡན་འདས་གང་ན་བཞུགས་པའི་སྤྱན་སྔར་སོང་སྟེ་ཕྱིན་པ་དང་། སྤྱི་བོས་ཕྱག་འཚལ་ནས། བཅོམ་ལྡན་འདས ་ལ་འདི་སྐད་ཅེས་གསོལ་ཏོ། ། དགེ་སློང་དབྱངས་ཤིན་ཏུ་སྙན་པ་འདི་སུ་ལགས་ལྟ་བར་འཚལ་ཏེ། ཀར་ཤ་པ་ཎ་སྟོང་ཕྲག་བརྒྱད་ཅུ་ཞིག་ཀྱང་འབུལ་ལོ་ཞེས་གསོལ་བ་དང་། བཅོམ་ལྡན་འདས ་ཀྱིས། རྒྱལ་པོ་ལ་འདི་སྐད་ཅེས་བཀའ་སྩལ་ཏོ།། སྔར་སྦྱིན་པ་བྱིན་པའི་འོག་ཏུ་ཕྲད་པར་བྱའོ།། གལ་ཏེ་སྔར་ཕྲད་ན་ཀར་ཤ་པ་ཎ་གཅིག་ཙམ་ཡང་སྦྱིན་མི་འདོད་པར་འགྱུར་རོ།། ་དེ་ནས་རྒྱལ་པོ་དང་དགེ་སློང་དུ་ཕྲད་ནས་ཧ་ཅང་མི་སྡུག་ལ་ཐུང་ཆེས་པས། ཀར་ཤ་པ་ཎ་གཅིག་ཙམ་ཡང་སྦྱིན་པའི་སེམས་མ་སྐྱེས་ཏེ། རྒྱལ་པོས་པུས་མོ་ས་ལ་བཙུགས་ནས། བཅོམ་ལྡན ་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་དགེ་སློང་འདིའི་ལུས་ཤིན་ཏུ་མི་སྡུག་ཅིང་ཐུང་ལ་དབྱངས་ཤིན་ཏུ་སྙན་པ་འདི་སྔོན་ལས་ཅི་ཞིག་བགྱིས་ན ་འདི་ལྟ་བུའི་རྣམ་པར་སྨིན་པ་ཐོབ་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ལེགས་པར་ཉོན་ལ་ཤིན་ཏུ་ཡིད་ལ་ཟུང་ཞིག་དང་བསྟན་པར་བྱའོ།། སྔོན་འདས་པའི་དུས་ན་སངས ་རྒྱས་འོད་སྲུངས་ཞེས་བྱ་བ་འཇིག་རྟེན་དུ་གཤེགས་ཏེ་སེམས་ཅན་གྱི་དོན་མཛད་ནས། མྱ་ངན་ལས་འདས་པའི་འོག་ཏུ་རྒྱལ་པོ་ཀི་ལི་བྱི་ཞེས་བྱ་བས་རིང་བསྲེལ་བསྡུས་ཏེ་མཆོད་རྟེན་བརྩེགས་པར ་བྱས་པ་ལས། ཀླུའི་རྒྱལ་པོ་བཞི་ཞིག་མིར་སྤྲུལ་ཏེ་རྒྱལ་པོའི་དྲུང་དུ་ལྷགས་ནས། རིང་བསྲེལ་གྱི་ཕྱིར་མཆོད་རྟེན་བརྩིག་པ་འདི་རིན་པོ་ཆེ་ལས་བགྱིའམ། ས་ཟན་ལས་བགྱི་ཞེས་གསོལ ་ཏོ། རྒྱལ་པོས་སྨྲས་པ། མཆོད་རྟེན་ནི་ཆེན་པོར་བརྩིག་དགོས་ན། རིན་པོ་ཆེ་མང་པོ་མེད་པས་ས་ལས་བྱ་དགོས་ཏེ། གྲུ་བཞི་ངོས་གཅིག་ཀྱང་དཔག་ཚད་ལྔར་ཕྱིན་པ། འཕང་དུ་མཐོ ་ཚད་དཔག་ཚད་ཉི་ཤུ་ཡོད་པ་ཀུན་ཏུ་སྣང་བ་གཅིག་བརྩིག་དགོས་སོ། ། ཀླུའི་རྒྱལ་པོ་དེ་བཞིས། རྒྱལ་པོ་ལ་འདི་སྐད་ཅེས་སྨྲས་སོ།། བདག་ཅག་བཞི་ནི་ཀླུའི་རྒྱལ་པོ་ཡིན་ཏེ། རྒྱལ་པོ ་མཆོད་རྟེན་བྱེད་པས། བདག་ཅག་ཀྱང་རིན་པོ་ཆེས་བསྟང་སྙམ་མོ།། རྒྱལ་པོས་དེ་སྐད་ཅེས་སྤྲས་པ་ཐོས་ནས་རབ་ཏུ་དགའ་མགུ་རངས་ཏེ། འདི་ལྟར་བསྟང་བ་ལེགས་སོ་ཞེས་སྤྲས་པ་དང་། ་ཀླུ་རྣམས་ཀྱིས་ཡང་འདི་སྐད་ཅེས་གསོལ་ཏོ།། གྲོང་ཁྱེར་ངོས་བཞིའི་ཕྱི་རོལ་ན་ཆུ་མིག་ཆེན་པོ་བཞི་ཞིག་ཡོད་དེ། ཤར་ཕྱོགས་ངོས་ཀྱི་བུ་མིག་ལས་བཅུས་ཏེ་ཕ་གྲ་བྱས་ན་ཐམས་ཅད་བཻཌཱུཪྻ་སྡོམ ་པོར་འགྱུར་རོ། ། ལྷོ་ཕྱོགས་ངོས་ཀྱི་ཆུ་མིག་ལས་བཅུས་ཏེ་ཕ་གུ་བྱས་ན་ཐམས་ཅད་གསེར་དུ་འགྱུར་རོ།། ནུབ་ཕྱོགས་ངོས་ཀྱི་ཆུ་མིག་ལས་བཅུས་ཏེ་ཕ་གུ་བྱས་ན་ཐམས་ཅད་དངུལ་དུ་འགྱུར་རོ།། ་བྱང་ཕྱོགས་ངོས་ཀྱི་ཆུ་མིག་ལས་བཅུས་ཏེ་ཕ་གུ་བྱས་ན་ཐམས་ཅད་ཤེལ་དཀར་པོར་འགྱུར་རོ་ཞེས་སྨྲས་ཏེ། རྒྱལ་པོས་དེ་སྐད་ཅེས་སྤྲས་པ་ཐོས་ནས། ལྷག་པར་དགའ་མགུ་རངས་ཏེ། ངོས ་བཞིའི་ལག་དཔོན་རེ་རེ་བསྐོས་ནས་སོ་རེ་རེ་བྱེད་དུ་བཅུག་པ་ལས། ངོས་གསུམ་གྱི་ལག་དཔོན་གྱིས་མཆོད་རྟེན་ཟིན་དུ་ཉེ་བ་ཙམ་ན། ངོས་གཅིག་གི་ལག་དཔོན་གྱིས་ལེ་ལོ་བྱས་པས་ཟིན་དུ་མི་ཉེ་སྟེ། ་རྒྱལ་པོ་ཉིད་མཆོད་རྟེན་བྱེད་པ་ལ་ལྟར་འོངས་ནས། ལེ་ལོ་བྱས་པ་དེ་ལ་ཁྱོད་ཀྱིས་ལས་ལེགས་པར་མ་བྱས་པས་མ་ཟིན་ཏེ། ཆང་པས་གཅོད་དོ་ཞེས་བསྒོ་བ་དང་། མི་དེ་རྒྱལ་པོ་ལ་ཁྲོས་ནས་འདི ་ལྟ་བུའི་མཆོད་རྟེན་ཧ་ཅང་ཡང་ཆེས་པ་འདི་ནམ་ཡང་མི་ཟིན་ནོ་ཞེས་གསོལ་ཏོ། ། དེ་ནས་རྒྱལ་པོས་ནན་ཐུར་བསྐྱེད་པ་ཀུན་གྱིས་ཉིན་མཚན་བརྩོན་འགྲུས་བྱས་ནས་དུས་གཅིག་ཏུ་ཅིག་ཅར་ཟིན་ནོ།། མཆེ ་རྟེན་ངོ་མཚར་དུ་མཐོ་ལ་རིན་པོ་ཆེ་རྣམས་འཚེར་ཞིང་དབྱིབས་ཀྱང་ལྷག་པར་ལེགས་པས། ལག་དཔོན་ཁྲོས་པས་ཡང་ཤིན་ཏུ་དགའ་ནས་སྔར་ཉེས་པའི་རྣམས་འགྱོད་ཅིང་བཤགས་ཏེ། གསེར་གྱི ་དྲིལ་བུ་གཅིག་མཆོད་རྟེན་གྱི་རྩེ་མོ་ལ་བཏགས་ནས། འདི་སྐད་ཅེས་སྨོན་ལམ་བཏབ་བོ།། བདག་གང་ནས་གང་དུ་སྐྱེས་ཀྱང་སྒྲ་སྐད་ཤིན་ཏུ་སྙན་ཅིང་འགྲོ་བ ་ཐམས་ཅད་ཀྱིས་ཐོས་པ་དང་དགའ་བར་ཤོག་ཅིག། མ་འོངས་པའི་དུས་སུ་སངས་རྒྱས་ཤཱཀྱ་ཐུབ་པ་དང་ཕྲད་དེ་འཁོར་བ་ལས་རྣམ་པར་གྲོལ་བར་ཤོག་ཅིག་ཅེས་སྨོན་ལམ་བཏབ་བོ།། རྒྱལ་པོ ་ཆེན་པོ་དེའི་ཚེ་དེའི་དུས་ན་ངོས་གཅིག་གི་ལག་དཔོན་མཆོད་རྟེན་ཧ་ཅང་ཆེས་སོ་ཞེས་ཁྲོས་པ་དེ་ནི་དགེ་སློང་འདི་ཡིན་ཏེ། དེའི་ཚེ་ཁྲོས་བཞིན་དུ་མཆོད་རྟེན་ཧ་ཅང་ཆེས་སོ་ཞེས་སྨྲས་པ་ཙམ་གྱིས་རྟག་ཏུ ་ལུས་ཐུང་ལ་མི་སྡུག་པར་གྱུར་ཏོ། ། ཕྱིས་དགའ་བའི་སེམས་ཀྱིས་དྲིལ་བུ་ཕུལ་ནས་མཆོད་རྟེན་ལ་བཏགས་ཏེ་སྒྲ་སྐད་སྙན་པ་དང་ང་དང་ཕྲད་པར་ཤོག་ཅིག་ཅེས་སྨོན་ལམ་བཏབ་པས། སྐྱེ ་བ་ལྔ་བརྒྱའི་བར་དུ་སྒྲ་སྐད་རབ་ཏུ་སྙན་ཏེ་ད་འདིར་ང་དང་ཕྲད་ནས་རྣམ་པར་གྲོལ་བ་ཐོབ་པར་གྱུར་ཏོ། ། རྒྱལ་པོས་དེ་སྐད་ཅེས་གསུངས་པ་ཐོས་ནས། ཕྱིར་འགྲོ་བར་ཆས། ་པ་ལས་བཅོམ་ལྡན་འདས་ཀྱིས་རྒྱལ་པོ་ཆེན་པོ་ཁྱོད་གར་འགྲོ་ཞེས་བཀའ་སྩལ་པ་དང་། རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཡུལ་འདི་ན་དགྲ་མ་རུངས་པ་སོར ་འཕྲེང་ཅན་ཞེས་བགྱི་བ་མི་ཀུན་བསད་ནས་མ་འོས་པར་གནོད་པར་བགྱིས་པས། བདག་ཅག་དེ་ལ་དམག་རྒོལ་དུ་མཆིའོ།། བཅོམ་ལྡན་འདས་ཀྱིས་བཀའ་སྩལ་པ། སོར་འཕྲེང་ཅན ་ནི་ད་ལྟར་གྲོག་སྦུར་ཡང་མི་གསོད་ན། གཞན་གསོད་པ་ལྟ་སྨོས་ཀྱང་ཅི་དགོས། རྒྱལ་པོ་དེས་ད་ཙམ་བཅོམ་ལྡན་འདས་ཀྱིས་མ་བཏུལ་ལམ་སྙམ་བསམས་པ་དང་། བཅོམ་ལྡན་འདས ་ཀྱིས་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། ། སོར་འཕྲེང་ཅན་ནི་ད་ལྟར་རབ་ཏུ་བྱུང་ནས་དགྲ་བཅོམ་སྟེ། ཉེས་པའི་སྐྱོན་ཐམས་ཅད་ཟད་ནས་ད་ལྟར་གནས་ཁང་ན་འདུག་གོ།། ་རྒྱལ་པོ་དེ་དང་ཕྲད་པར་འདོད་ན་དེ་དང་སྤྲད་དོ་ཞེས་བཀའ་སྩལ་ཏེ།། སོར་འཕྲེང་ཅན་གྱི་གནས་ཁང་གི་སྒོར་ཕྱིན་ནས། དགེ་སློང་སོར་འཕྲེང་ཅན་གནས་ཁང་གི་ནང་ན་ལུང་བ་བསལ་བའི་སྒྲ ་ཆུང་བ་ཐོས་པ་ཙམ་གྱིས་སྔར་མི་མང་པོ་བསད་པ་དྲན་ཏེ། འཇིགས་སྐྲག་ནས་འཁམས་ཏེ་ས་ལ་འགྱེལ་ཏོ།། དེ་ནས་རིང་ཞིག་ལོན་པ་དང་། ཕྱིར་ལངས་ཏེ་བཅོམ་ལྡན་འདས་གང་ན ་བཔ་དེར་སོང་ནས། ཇི་ལྟར་འཁམས་པ་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས། རྒྱལ་པོ་ལ་འདི་སྐད་ཅེས་བཀའ་སྩལ་ཏོ།། རྒྱལ་པོ་ཆེན་པོ་ལེགས ་པར་ཉོན་ཅིག་དང་། སྔོན་འདས་པའི་དུས་ན་འཛམ་བུའི་གླིང་འདིར་ཡུལ་བཱ་རཱ་ནཱ་སི་ཞེས་བྱ་བ་ན་བྱ་ཤིན་ཏུ་གདུག་པ་ཞིག་ཡོད་དེ། ཟས་སུ་ཡང་སྲིན་བུ་གདུག་པ་འབའ་ཞིག་ཟའོ།། ་ལུས་ཀྱང་ཤིན་ཏུ་གདུག་པས་རེག་གམ་ཉེར་ཡང་མི་བཟོད་དེ། གར་འཕུར་ཞིང་འགྲོ་བའི་དུས་ན་སེམས་ཅན་ཡོད་པ་ཀུན་ཡང་དོག་ལ། ཤིང་ཡང་ཀུན་ཏུ་བསྐམས་པར་འགྱུར་རོ།། ་དེའི་བྱ་གདུག་པ་དེ་ཚལ་ཞིག་གི་ནང་དུ་ཕྱིན་ནས། ཤིང་ཁར་འདུག་སྟེ་སྐད་ཕྱུང་བ་ལས། དེའི་ཚེ་ཤིང་དེའི་དྲུང་ན་གླང་པོ་ཆེའི་རྒྱལ་པོ་ཞིག་ཡོད་དེ། བྱ་གདུག་པའི ་སྐད་ཐོས་པ་ཙམ་གྱིས་འཁམས་ནས་ས་ལ་འགྱེལ་ཏོ། ། རྒྱལ་པོ་ཆེན་པོ་དེའི་ཚེ་དེའི་དུས་ན་བྱ་གདུག་པ་དེ་ནི་དེ་ལྟར་གྱི་སོར་འཕྲེང་ཅན་ཡིན་ནོ།། གླང་པོ་ཆེའི་རྒྱལ་པོ་དེ་ནི་རྒྱལ་པོ་ཉིད་ཡིན་ནོ།། ་བཅོམ་ལྡན་འདས་སོར་འཕྲེང་ཅན་འདི་ནི་ཁྲོ་གཏུམ་པས་སེམས་ཅན་དེ་སྙེད་ཅིག་བསད་དེ། ད་བཅོམ་ལྡན་འདས་ཀྱིས་དགེ་བ་ལ་བཞག་གོ།། བཅོམ་ལྡན་འདས་ཀྱིས་བཀའ་སྩལ་པ། ་རྒྱལ་པོ་ཆེན་པོ་དགེ་སློང་སོར་འཕྲེང་ཅན་འདི་ད་ལྟར་གྱི་དུས་འབའ་ཞིག་ན་མི་མང་པོ་བསད་དེ་ངས་བཏུལ་བར་མ་ཟད་དེ། སྔོན་འདས་པའི་དུས་ན་ཡང་སོར་འཕྲེང་ཅན་གྱིས་མི་འདི་དག་ཀུན་བསད་པ་ལས ་ངས་བཏུལ་ཏེ། དགེ་བ་ལ་སེམས་པར་གྱུར་ཏོ།། རྒྱལ་པོས་ཡང་གསོལ་པ། བཅོམ་ལྡན་འདས་སྔོན་འདས་པའི་དུས་ན་ཡང་འདི་དག་བསད་པ་དང་། བཅོམ་ལྡན་འདས་ཀྱིས་བཏུལ་བའི ་དངོས་པོ་རྣམ་པར་ཕྱེ་སྟེ་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྔོན་འདས་པའི་དུས་ན་བསྐལ་པ་གྲངས་མེད་པའི་ཕ་རོལ་ན། འཛམ་བུའི་གླིང་འདིར་ཡུལ་བཱ་རཱ་ནཱ་སི ་ཞེས་བྱ་བ་ན། རྒྱལ་པོ་བ་ལ་མ་དར་ཞེས་བྱ་བ་ཞིག་བྱུང་ངོ་།། དེའི་ཚེ་རྒྱལ་པོ་དེ་དཔུང་རྣམ་བཞི་དང་བཅས་ཏེ་ཚལ་གྱི་ནང་དུ་རྩེར་སོང་སོང་བ་ལས་རི་དགས་དང་ཕྲད་དེ། རི་དགས་ཀྱི་ཕྱི་བཞིན ་རྒྱུག་རྒྱུག་པ་ལས། རྒྱལ་པོ་གཅིག་པུ་འཁོར་དང་བྲལ་ཏེ་ཚལ་སྟུག་པོར་ཕྱིན་ནས། དེའི་ཚེ་རྒྱལ་པོ་ངལ་ནས་རྟ་ལས་བབས་ཏེ་འདུག་པ་ལས། ཚལ་སྟུག་པོ་དེའི་ནང་ན་སེང་གེ་མོ་ཞིག་གནས ་པ་འདོད་ཆགས་ཀྱིས་ཉེན་ནས་སོང་སོང་བ་ལས་ཚལ་གྱི་ནང་ན་རྒྱལ་པོ་གཅིག་པུ་འདུག་པ་དང་ཕྲད་ནས། སེང་གེ་མོ་ལྷག་པར་འདོད་ཆགས་སྐྱེས་ཏེ། རྒྱལ་པོ་ལ་བསྙེན་ནས་མཇུག་མ་བཏེག་སྟེ་བསྙེགས ་སོ། ། རྒྱལ་པོས་ཀྱང་འདོད་ཆགས་སྐྱེས་པར་རིག་ནས་འདི་སྙམ་དུ་བསམས་སོ།། འདི་ནི་ག་ཅན་གཟན་ཁྲོ་བ་ཡིན་ཏེ། བདག་གསད་པའི་མཐུ་ཡང་ཡོད་པས། གལ་ཏེ་ཡིད་བཞིན་དུ་མ ་བྱས་ན་བདག་གི་སྲོག་ལ་དམའ་འོ་སྙམ་ནས། སྐྲག་བཞིན་དུ་སེང་གེ་མོ་ལ་འདོད་པ་སྤྱད་དོ།། དེ་ནས་སེང་གེ་མོ་ཕྱིར་སོང་བའི་འོག་ཏུ་གཡོག་རྣམས་ཀྱང་ལྷགས་ཏེ། རྒྱལ་པོ་བ་སུ་ནས་ཕོ་བྲང། ་དུ་ཁྲིད་དོ།། དེའི་ཚེ་སེང་གེ་མོ་དེ་སྦྲུམ་མར་གྱུར་ཏེ་ཟླ་བ་ཚངས་ནས་བུ་ཞིག་བྱུང་ནས། ལུས་གཟུགས་ནི་ཐམས་ཅད་མི་དང་འདྲ་སྟེ། རྐང་པ་འབའ་ཞིག་ཁྲ་བོར་འདུག་གོ། སེང་གེ་མོས་ཀྱང ་རྒྱལ་པོའི་བུ་ཡིན་པར་དྲན་ནས་རྒྱབ་ཏུ་བཀལ་ཏེ་རྒྱལ་པོའི་ཐད་དུ་བསྐྱལ་ཏོ། ། རྒྱལ་པོས་ཀྱང་བདག་གི་བུ་ཡིན་པར་ཤེས་ཏེ་གསོས་བསྐྱེད་ནས་དེའི་རྐང་པ་བཀྲ་བའི་ཕྱིར་མིང་ཡང་རྐང་བཀྲ་ཞེས ་བཏགས་སོ། ། གསོས་བསྐྱེད་དེ་ཚད་དུ་ཕྱིན་པར་སྐྱེས་པ་དང་། ཤིན་ཏུ་དཔའ་ཞིང་རྟུལ་བོད་པར་སྐྱེས་སོ།། ཕ་རྒྱལ་པོ་ཚེ་འཕོས་པའི་འོག་ཏུ་རྒྱལ་པོའི་དབང་ཐོབ་ནས་བཙུན་མོ་གཉིས ་བླངས་སོ། ། དེ་ལ་བཙུན་མོ་གཅིག་ནི་རྒྱལ་རིགས་སོ།། གཅིག་ནི་བྲམ་ཟེའི་རིགས་སོ།། ཕྱིས་རྐང་བཀྲ་དེ་སྐྱེད་མོས་ཚལ་དུ་འཆག་ཏུ་སོང་ནས། བཙུན་མོ་གཉིས་ལ ་འདི་སྐད་ཅེས་བསྒོའོ། ། བཙུན་མོ་གཉིས་ལས་གང་ངའི་ཕྱི་བཞིན་མགྱོགས་པར་འོངས་ཏེ། གང་ང་དང་སྔར་ཕྲད་པ་དེ་ལ་ནི་ཉི་མ་གཅིག་གི་བར་དུ་ལྷན་ཅིག་ཏུ་རྩེ་དགའ་ཞིང་ཡོངས་སུ་སྤྱད་དོ།། ་གང་ཕྱིས་འོང་བ་དེ་ནིང་དང་ཕྲད་དུ་མི་འདོད་དོ་ཞེས་བསྒོ་ནས། རྒྱལ་པོ་དེ་སོང་བའི་འོག་ཏུ་བཙུན་མོ་གཉིས་ཀྱང་རྒྱན་གྱིས་བརྒྱན་ཏེ། བཞོན་པ་བཤམས་ནས་དུས་གཅིག་ཏུ་ཆས་སོ།། ལམ ་གྱི་བར་ན་ལྷའི་རྟེན་ཞིག་ཡོད་པ་ལ། བཙུན་མོ་བྲམ་ཟེའི་རིགས་ཅན་བཞོན་པ་ལས་བབས་ཏེ། ཕྱག་བྱས་ནས་མྱུར་དུ་སོང་བ་ལས་འཕྱིས་པར་གྱུར་ཏོ།། དེ་ནས་རྒྱལ་པོས་ཀྱང་སྔར་སྨྲས་པ་བཞིན ་དུ་མ་བསྟེན་ཏོ། ། དེ་ནས་བཙུན་མོ་དེ་ཞེ་སྡང་སྐྱེས་ནས། ལྷ་ལ་ཁྲོས་ཏེ་བདག་ནི་ཁྱོད་ལ་ཕྱག་འཚལ་བའི་བར་དུ་འཕྱིས་ནས་རྒྱལ་པོས་མ་འདོད་དོ།། གལ་ཏེ་ལྷ་ཁྱོད་ལ་མཐུ་ཞིག་ཡོད་ཡང་དག ་ན། ཅིའི་ཕྱིར་ངའི་སྐྱབས་མི་བྱེད་ཅེས་ཤིན་ཏུ་ཁྲོ་རྔ་མ་ནས་ཡིད་ལ་འདི་སྙམ་དུ་གནོད་པར་བྱ་བར་བསམས་སོ།། རྒྱལ་པོ་དེ་ཕྱིར་ཕོ་བྲང་དུ་འོངས་ནས། བཙུན་མོས་འདི་སྐད་ཅེས་གསོལ་ཏོ།། ་བདག་ཉི་མ་གཅིག་ཅིག་ཅི་དགའ་བར་བགྱིད་དུ་གནང་བར་དབང་སྐུར་ཅིག་ཅེས་གསོལ་པ་དང་། རྒྱལ་པོས་ཀྱང་དེ་བཞིན་དུ་གནང་ངོ་ཞེས་བསྒོ་བ་དང་། མི་མང་པོ་བཟློག་སྟེ་ལྷའི་མཆོད་རྟེན་བཅོམ་ནས། ་ས་ཡང་བསྙམས་སོ།། དེ་ནས་ལྷའི་རྟེན་སྲུང་བའི་ལྷ་དེ་ཤིན་ཏུ་མི་དགའ་སྟེ་འཁྲུགས་ནས། རྒྱལ་པོ་ལ་གནོད་པར་བྱ་བར་བསམས་ཏེ་ཕོ་བྲང་གི་ནང་དུ་སོང་བ་ལས། ཕོ་བྲང་སྲུང་བའི་ལྷ་དེས ་ནང་དུ་མ་བཏང་ངོ་། ། དེའི་ཚེ་ན་དྲང་སྲོང་གཅིག་ཅིག་རི་དྲང་སྲོང་ལྷགས་ཞེས་བྱ་བ་ལ་གནས་ཏེ། རྒྱལ་པོ་རྐང་བཀྲ་དྲང་སྲོང་དེ་ལ་མཆོད་པ་བྱེད་པས་ཉིན་གཅིག་བཞིན་དུ་ནམ་མཁའ་ལ་འཕུར་ཞིང ་ཕོ་བྲང་དུ་འོངས་ཏེ། ཟས་བཟང་པོ་ནི་མི་འདོད་ཀྱི། ཟས་ཐ་མལ་པ་ཙམ་ཟོས་ནས་ཕྱིར་འགྲོའོ།། ཉི་མ་གཅིག་ཅིག་དྲང་སྲོང་དེ་མི་འོང་བར་ལྷ་དེས་ཤེས་པས། དྲང་སྲོང་གི་ལུས་སུ་སྤྲུལ ་ཏེ་ཕོ་བྲང་གི་ནང་དུ་འགྲོ་བར་བསམས་པ་ལས། ཕོ་བྲང་སྲུང་བའི་ལྷས་ཤེས་ནས་ནང་དུ་མ་བཏང་བ་དང་། སྒོ་ནས་བོས་ཏེ་ནང་དུ་འོང་ངོ་ཞེས་བྱས་པ་དང་། རྒྱལ་པོས་ཐོས་ནས་དྲང་སྲོང་ཕྱི་རོལ ་ནས་འབོད་པ་མྱུར་དུ་ནང་དུ་ཤོག་ཅིག་ཅེས་བཀའ་སྩལ་པ་དང་། ཕོ་བྲང་སྲུང་བའི་ལྷས་ཀྱང་རྒྱལ་པོའི་བཀའ་བཞིན་དུ་མ་བགགས་ཏེ་ནང་དུ་བཏང་ངོ་།། ནང་དུ་འོངས་པ་དང་དྲང་སྲོང་གི ་སྟན་ལ་འདུག་ནས། རྒྱལ་པོས་ཀྱང་རྟག་ཏུ་ཁ་ཟས་ཇི་ཙམ་ཟ་བ་སྦྱར་ཏེ་ཕུལ་ལོ།། དེའི་ཚེ་ན་དྲང་སྲོང་སྤྲུལ་པ་དེ་ཁ་ཟས་ཟར་མ་བཏུབ་ན། རྒྱལ་པོ་ལ་འདི་སྐད་ཅེས་སྨྲས་སོ།། ཁ་ཟས ་འདི་ནི་ངན་ཆེས་ཀྱིས། ཤའམ་ཉ་ཤ་མང་ནི་མི་ཟའོ་ཞེས་སྨྲས་པ་དང་། རྒྱལ་པོས་ཀྱང་འདི་སྐད་ཅེས་བསྒོའོ།། དྲང་སྲོང་ཆེན་པོ་སྔན་ཚད་ནི་ཁ་ཟས་ཐ་མལ་པ་ཟ་བས་ན་ཤ་དང་ཉམ་སྦྱར ་བ་ཡིན་ནོ། ། དྲང་སྲོང་སྤྲུལ་པས་སྨྲས་པ། ད་ཕྱིན་ཆད་ནི་ཁ་ཟས་ངན་པ་འདི་དག་མི་འདོད་ཀྱིས། ཤ་དང་ཉ་སྦྱོར་ཅིག་ཅེས་སྨྲས་ནས་སོང་ངོ་།། དེ་ནས་རྒྱལ་པོས ་ཀྱང་དྲང་སྲོང་སྤྲུལ་པས་སྨྲས་པ་བཞིན་དུ་ཤ་དང་ཉ་སྦྱར་ནས། ཕྱིད་ཉིད་དྲང་སྲོང་རྙིང་པ་འོངས་པ་ལ་ཕུལ་ལོ།། དྲང་སྲོང་དེ་ཞེ་སྡང་སྐྱེས་ཏེ་རྒྱལ་པོ་དེ་ལ་ཁྲོས་པ་དང་། རྒྱལ་པོས་ཀྱང་དྲང ་སྲོང་ལ་འདི་སྐད་ཅེས་སྨྲས་སོ། ། དྲང་སྲོང་ཆེན་པོ་ཁོར་རྩང་འོངས་པ་ན་ཁ་ཟས་འདི་ལྟ་བུ་སྦྱོར་ཅིག་ཅེས་མ་བསྒོ་འམ། དྲང་སྲོང་གིས་སྨྲས་པ། ཁར་རྩང་ན་བས་ཉི་མ་གཅིག་ཟན་བཅད་དེ་མ་འོངས ་པ་ཡིན་ན་དེ་སྐད་ཅེས་སུས་བསྒོ། ། ཁྱོད་ཀྱིས་ང་ལ་བརྙས་པས་འདི་ལྟ་བུར་བྱས་པ་ཡིན་གྱིས། རྒྱལ་པོ་ཁྱོད་ལོ་བཅུ་གཉིས་ཀྱི་བར་དུ་མི་ཤ་འབའ་ཞིག་ཟ་བར་གྱུར་ཅིག་ཅེས་སྨྲས་ནས་སོང་ངོ་།། ་དེ་ནས་ཉིན་གཅིག་རྒྱལ་པོའི་གཡོས་མཁན་གྱིས་ཤ་མ་འབྱོར་ནས་འཕྲལ་དུ་ཤ་གཞན་མ་རྙེད་དེ། བུས་པའི་རོ་ཞིག་དང་ཕྲད་ནས། ཤ་འདི་ཡང་རུང་ངོ་སྙམ་བསམས་ཏེ། མགོ་དང ་རྐང་ལག་བཅད་ནས་གཡོས་སུ་བྱས་ཏེ་སྤོས་སྣ་ཚོགས་བཏབ་ནས་རྒྱལ་པོ་ལ་བྱིན་ནོ། ། རྒྱལ་པོས་ཀྱང་ཤད་ཟོས་ནས་སྔོན་གྱི་ཤ་བས་ལྷག་པར་ཞིམ་མོ་ཞེས་གཡོས་མཁན་ལ་སྔན་ཆད་ཀྱི་ཤ་འདི ་ལྟ་བུའི་རོ་མེད་དེ། ཤ་འདི་ནི་ལྷག་པར་ཞིམ་ན་ཅིའི་ཤ་ཞེས་དྲིས་པ་དང་། གཡོས་མཁན་སྐྲག་ནས་ལྟོ་བ་ས་ལ་ཕབ་སྟེ། རྒྱལ་པོ་ལ་འདི་སྐད་ཅེས་གསོལ་ཏོ།། གལ་ཏེ་རྒྱལ་པོས ་གྱོད་མི་སྦྲན་དྲང་པོར་གསོལ་ལོ་ཞེས་སྨྲས་པ་དང་། རྒྱལ་པོས་ཀྱང་ཁྱོད་ཀྱིས་དྲང་པོར་སྨྲས་ན་གྱོད་མི་སྨྲའོ་ཞེས་བསྒོའོ།། གཡོས་མཁན་གྱིས་སྤྲས་པ། བདག་ཅག་གིས་འཕྲལ་ལ་ཤ་ག་ཞ ་བལྟས་པས་མ་རྙེད་ནས། བུས་པ་ཆུང་ངུ་གུམ་པའི་རོ་ཞིག་རྙེད་ན་གཡོས་སུ་བགྱིས་ཏེ་གསོལ་བ་ལས། རྒྱལ་པོས་མཁྱེན་པར་གྱུར་ཏོ།། རྒྱལ་པོས་བསྒོ་བ། ཤ་འདི་ནི་ལྷག་པར་ཞིམ ་གྱིས་ད་ཕན་ཆ་ད་ཤ་འདི་ལྟ་བུ་རྟག་ཏུ་སྦྱོར་ཅིག་ཅེས་བསྒོ་བ་དང་། གཡོས་མཁན་གྱིས་འདི་སྐད་ཅེས་གསོལ་ཏོ།། སྔར་ནི་བྱིས་པ་གུམ་པའི་རོ་ཞིག་རྙེད་དེ་གཡོས་སུ་བྱས་པ་ལགས་ཀྱི ་འདི་ལས་ནི་མི་རྙེད་དོ་ཞེས་གསོལ་ཏོ། ། རྒྱལ་པོས་ཡང་བསྒོ་བ། ད་ཕྱིན་ཆད་ཀྱང་ཁྱེད་ཀྱིས་གསང་ཐུབ་ཅིང་གཞན་གྱིས་མ་ཚོར་བར་ལོང་ཞིག་དང་ང་ལ་དབང་ཡོད་དོ་ཞེས་བསྒོའོ།། གཡོས ་མཁན་གྱིས་ཀྱང་རྒྱལ་པོས་བསྒོ་བ་བཞིན་དུ་མཚན་མོ་གསང་སྟེ་བརྐུས་ནས་བསད་དེ་ཉིན་གཅིག་བཞིན་དུ་གཡོས་སུ་བྱས་སོ། ། དེའི་ཚེ་ན་གྲོང་ཁྱེར་དེའི་མི་དག་ཕལ་ཆེར་ཚེ་ངེས་འདེབས་ཤིང་། ་བུ་སྟོར་ཏོ་ཞེས་གཅིག་ནས་གཅིག་ཏུ་གྲགས་ཏེ། ཅིའི་ཕྱིར་འདི་ལྟར་གྱུར་ཅེས་བློན་པོ་རྣམས་འདུས་ཏེ་བགྲོས་ནས། མཚན་མོ་ལམ་དང་མདོ་མདོར་མེལ་ཙེ་བྱས་ཏེ་བལྟས་ན། རྒྱལ་པོའི་གཡོས ་མཁན་གྱིས་བུ་ཆུང་ངུ་བརྐུས་ཏེ་ཁྱེར་བ་ཟིན་ནས་བཅིངས་ཏེ་རྒྱལ་པོའི་སྤྱན་སྔར་ཁྲིད་ནས། སྔ་ཕྱིར་བུ་ཆུང་འདི་སྙེད་ཅིག་སྟོར་ཏོ་ཞེས་གསོལ་བ་དང་། རྒྱལ་པོ་ཅང་མི་སྦ་བར་གྱུར་ཏོ།། དེ་བཞིན་དུ ་ལན་གསུམ་གྱི་བར་དུ་གསོལ་ཀྱང་མི་སྨྲ་བ་ལས། ད་བདག་ཅག་གིས་ཉེས་པ་བྱེད་བྱེད་པ་ཟིན་ཏེ། ཉེས་པར་མངོན་ན་ཞལ་ཆེ་གཅོད་པའི་རིགས་ཀྱི། མི་སྨྲ་བའི་མི ་རིགས་སོ་ཞེས་གསོལ་པ་དང་། རྒྱལ་པོས་ངས་བསྒོ་བ་ཡིན་ནོ་ཞེས་སྨྲས་སོ།། དེ་ནས་བློན་པོ་རྣམས་མི་དགའ་སྟེ་ཁོ་ན་དུ་བཟུང་ནས་སོ་སོར་དོང་ངོ་།། ཕྱི་རོལ་ཏུ་ཕྱིན་པ་དང་གཅིག་ལ་གཅིག ་འདི་སྐད་ཅེས་སྨྲས་སོ། ། རྒྱལ་པོས་ནི་བདག་ཅག་ལ་སོགས་པའི་བུ་ཀུན་ཟོས་པས་དགྲ་ཡིན་ཏེ། མི་ཤ་ཟ་བའི་རྒྱལ་པོ་དང་ལྷན་ཅིག་སྲིད་གཅིག་ཏུ་བྱར་མི་རུང་གི། གནོད་པར་འགྱུར་བའི་དགྲ་འདི། ་ལྟ་བུ་ནི་མེད་པར་བྱ་བའི་རིགས་སོ་ཞེས་ཐམས་ཅད་གྲོས་མཐུན་ནས། རྒྱལ་པོ་གསོད་པའི་གྲོས་བྱས་སོ།། གྲོང་ཁྱེར་གྱི་ཕྱི་རོལ་ན་སྐྱེད་མོས་ཚལ་ཞིག་ཡོད་དེ། དེ་ན་རྫིང་བུ་ཞིག་ཡོད་པའི་ནང་ན ་རྒྱལ་པོ་ཉིན་གཅིག་བཞིན་དུ་ཁྲུས་བྱེད་དུ་འགྲོ་བ་ལས། བློན་པོ་རྣམས་ཀྱིས་སྐྱེད་མོས་ཚལ་གྱི་ནང་དུ་དཔུང་གི་ཚོགས་སྦས་ནས། རྒྱལ་པོ་རྫིང་བུར་ཞུགས་ཏེ་ཁྲུས་བྱེད་པ་ན་དཔུང་གི་ཚོགས་མང ་པོས་བསྐོར་ནས་བཟུང་སྟེ་གསང་པར་བྱས་པ་ལས། རྒྱལ་པོ་དེ་སྐྲག་ནས་དཔུང་གི་ཚོགས་ལ་འདི་སྐད་ཅེས་སྤྲས་སོ།། ཅིའི་ཕྱིར་ཁྱེད་ཀྱིས་ང་ལ་བསྐོར་ཏེ་འཛིན་དུ་རྒོལ་ཞེས་བྱས་པ་དང་། བློན་པོ ་རྣམས་ཀྱིས། རྒྱལ་པོ་ལ་འདི་སྐད་ཅེས་སྨྲས་སོ།། རྒྱལ་པོ་ཞེས་བྱ་བ་ནི་འབངས་མང་པོ་གསོ་བ་ཡིན་ན། རྒྱལ་པོས་འབངས་ཀྱི་བུ་ཀུན་ཟོས་པས། འབངས་ཐམས་ཅད་གནས་མེད་པར་གྱུར་ཏེ ་སྡུག་བསྔལ་མི་བཟོད་པས། དརྒྱལ་པོ་ཁྱོད་གསོད་དོ།། རྒྱལ་པོས་སྨྲས་པ། འདི་ལྟར་བྱས་པ་ངས་ན་ཉེས་མོད་ཀྱི། དབྱིན་ཆད་འདི་ལྟར་མི་བྱས། འདིའི་ཚེ་གཏང་དུ་རུང་ངམ་མི་རུང་། ་ཞེས་བསྒོ་བ་དང་། བློན་པོ་རྣམས་ཀྱིས་འདི་སྐད་ཅེས་སྨྲས་སོ།། གལ་ཏེ་ག་ནམ་ལས་ཁ་བ་ནག་པོ་བབ་བམ། ཁྱོད་ཀྱི་མགོ་ལ་སྦྲུལ་ནག་པོ་སྐྱེས་ཀྱང་བཏང་བ་མེད་ཀྱིས་ད་མ་སྨྲ་ཞིག། ་རྒྱལ་པོ་རྐང་བཀྲས་ཀྱང་བློན་པོས་སྨྲས་པའི་ཚིག་ཐོས་ནས། ད་ནི་གདོན་མི་ཟ་བར་སྲོག་དང་བྲལ་ལོ་སྙམ་སྟེ། ཡང་བློན་པོ་ལ་འདི་སྐད་ཅེས་སྨྲས་སོ།། ད་ནི་ཁྱེད་ཀྱིས་གསོད་པར་ནི་ཆང་ན་སྐུད ་ཅིག་ཁོ་ན་ཞིག་ཁོ་བོ་བདེ་བར་སེམས་སུ་ཆུག་ལ་གདོད་སོད་ཅིག་ཅེས་བསྒོའོ། ། དེ་ནས་བློན་པོས་ཀྱང་ཅུང་ཟད་པ་སྡད་དེ་སེམས་སུ་བཅུག་པ་དང་། རྒྱལ་པོ་དེས་ཡིད་ལ་འདི་སྙམ་དུ་དམ་བཅས་སོ།། ། ་བདག་གིས་སྔན་ཆད་དགེ་བ་ཅི་བྱས་པ་དང་། རྒྱལ་པོའི་སྲིད་ཆོས་བཞིན་བྱས་པ་དང་། དྲང་སྲོང་ལ་སྦྱིན་པ་བྱས་པའི་བསོད་ནམས་ཅི་ཡོད་པ་ཐམས་ཅད་ཀྱི་མཐུས། ནམ་མཁའ་ལ་འཕུར ་བའི་སྲིན་པོར་གྱུར་ཅིག་ཅེས་བསྔོས་ཏེ། དེ་སྐད་ཅེས་སྨྲས་ནས། བསྔོས་མ་ཐག་ཏུ་སྲིན་པོར་གྱུར་ཏེ་སྟེང་གི་ནམ་མཁའ་ལ་འཕགས་ནས། བློན་པོ་རྣམས་ལ་འདི་སྐད་ཅེས་སྨྲས་སོ།། ་ཁྱེད་ཀྱི་མཐུས་བསྡོངས་ཏེ་ང་ལ་གསོད་པར་བྱས་ཀྱང་ངའི་བསོད་ནམས་ཀྱིས་རང་སོས་པར་གྱུར་ཏེ། ད་ཕྱིན་ཆད་ནི་ཁྱེད་བཟོད་པར་བྱོས་ཤིག། ཁྱེད་ཀྱི་ཆུང་མ་དང་བུ་གང་སྡུག་ཅིང་འཕངས་པ ་བཟའ་བར་བྱའོ་ཞེས་སྨྲས་ནས། འཕུར་ཏེ་རི་ལ་བབས་ནས་ཕྱིན་ཆད་མིའི་ནང་དུ་མི་ལ་ཟ་བར་གྱུར་ཏོ།། མི་མང་པོ་ཡང་འཇིགས་སྐྲག་ནས་རྟག་ཏུ་འཁྲས་ཤིང་གབ་བོ།། ་དེ་ནས་སྲིན་པོ་མི་ལ་ཟ་ཞིང་སྲིན་པོ་མང་དུ་བསྡོངས་ནས་འཁོར་དང་གཡོག་ཀྱང་མང་བར་གྱུར་ཏེ། ཕྱིས་སྲིན་པོའི་འཁོར་རྣམས་ཀྱིས། སྲིན་པོ་རྐང་བཀྲ་ལ་འདི་སྐད་ཅེས་གསོལ་ཏོ།། བདག་ཅག ་ནི་ཁྱོད་ཀྱི་འཁོར་དང་གཡོག་ཏུ་གྱུར་ན། བདག་ཅག་ལ་སྟོན་མོ་ཆེན་མོ་གཅིག་ཅིག་བྱིན་ཅིག་ཅེས་གསོལ་པ་དང་། སྲིན་པོ་རྐང་བཀྲས་ཀྱང་དེ་བཞིན་དུ་གནང་ནས། རྒྱལ་པོ་ལྔ་བརྒྱ་བསད་དེ ་སྟོན་མོ་བྱ་བར་བགྲོས་ནས་སོ་སོ་ནས་རྒྱལ་པོ་བླངས་ཏེ་བྲག་ཕུག་ཏུ་བཅུག་གོ། ། བཞི་བརྒྱ་དགུ་བཅུ་རྩ་དགུ་ནི་རྙེད་ཀྱི། རྒྱལ་པོ་གཅིག་ཅིག་མ་ཚང་བ་ལས། རྒྱལ་པོ་དེ་དག་བྲག་ཕུག་ན་གཅིག་ལ ་གཅིག་འདི་སྐད་ཅེས་སྨྲའོ། ། བདག་ཅག་ནི་ད་འཕོངས་ཏེ་སྐྱབས་སུ་འགྱུར་བ་ཡང་མེད་ན། གལ་ཏེ་སུ་ཏ་སོ་མ་ཐབས་དང་ལྡན་པ་དེ་འདིར་འོངས་ན་བདག་ཅག་ཐར་ཡང་སྲིད་ཀྱིས། སུ་ཏ་སོ་མ་འདིར ་འོངས་པར་སྲིན་པོ་ལ་གསོལ་བ་བྱའོ་ཞེས་བགྲོས་ནས། སྲིན་པོའི་རྒྱལ་པོ་ལ་འདི་སྐད་ཅེས་གསོལ་ཏོ།། རྒྱལ་པོ་ཁྱོད་སྟོན་མོ་མཛད་ན། བདག་ཅག་མིའི་རྒྱལ་པོ་འབའ་ཞིག་བསད་དེ་སྟོན ་མོ་བྱས་པས་སྟོན་མོ་བཟང་པོར་མི་འགྱུར་གྱི། སུ་ཏ་སོ་མ་ཞེས་བགྱི་བ་ཡོན་ཏན་ཆེན་པོ་དང་ལྡན་ཏེ། དེ་རྙེད་ན་གདོད་སྟོན་མོ་བཟང་པོར་འགྱུར་རོ་ཞེས་གསོལ་བ་དང་། སྲིན་པོའི་རྒྱལ་པོས ་འདི་ལྟ་བུ་ཞིག་ཅི་དཀའ་ཞེས་སྨྲས་ནས། ནམ་མཁའ་ལ་འཕུར་ཏེ་སུ་ཏ་སོ་མ་ལེན་དུ་སོང་ངོ་།། དེའི་ཚེ་སུ་ཏ་སོ་མ་བུ་མོ་གཞོན་ནུ་དང་གྲོང་ཁྱེར་གྱི་ཕྱི་རོལ་ཏུ་ཁྲུས་བྱེད་དུ་འགྲོ་བ་ལས། ལམ ་དུ་བྲམ་ཟེ་སློང་བ་ཞིག་དང་ཕྲད་དེ་སྦྱིན་པར་བྱས་ནས། བྲམ་ཟེ་ལ་འདི་སྐད་ཅེས་སྨྲས་སོ།། བདག་ད་ཁྲུས་ཤིག་བྱེད་དུ་འགྲོ་སྟེ། ཕྱིར་ལོག་ནས་སྦྱིན་པ་བྱའོ་ཞེས་སྨྲས་ནས། ཁྲུས་བྱེད་དུ ་སོང་བ་ལས། ཁྲུས་བྱེད་ས་ནི་སྲིན་པོའི་རྒྱལ་པོ་འོངས་ཏེ་བྲག་ཕུག་ཏུ་ཁྱེར་རོ།། དེའི་ཚེ་ན་སུ་ཏ་སོ་མ་མི་དགའ་སྟེ་ངུས་པ་དང་། རྐང་བཀྲས་འདི་སྐད་ཅེས་སྨྲས་སོ།། ཁྱོད་ནི་གཞན་པས ་ལྷག་པར་ཡོན་ཏན་དང་ལྡན་པའི་མཆོག་གོ་ཞེ་ན། སྐྱེས་བུ་ཆེན་པོ་ནི་ཅིས་ཀྱང་མི་སྐྲག་པ་ཡིན་ན། ཅིའི་ཕྱིར་མི་དགའ་སྟེ་བུས་པ་ཆུང་ངུ་ལྟར་དུ་ཞེས་སྨྲས་སོ།། སུ་ཏ་སོ་མས་སྲིན་པོ་ལ་སྨྲས།། ། ་པབདག་ལུས་ལ་ཆགས་ཤིང་སྲིན་པོའི་འཇིགས་པས་མི་དགའ་བ་མ་ཡིན་གྱི། བདག་ནི་ཐོག་མ་ནས་བརྫུན་སྨྲ་མ་མྱོང་ན། ད་ཅི་ཁྲུས་ལ་འགྲོ་བའི་ལམ་དུ་བྲམ་ཟེ་སློང་བ་ཞིག་དང་ཕྲད་དེ། ་བདག་གིས་ཀྱང་ཁྲུས་བྱས་ནས་ཕྱིར་ལོག་སྟེ་སྦྱིན་པ་སྦྱིན་ནོ་ཞེས་སྨྲས་ནས། ཁྲུས་བྱེད་དུ་སོང་བ་ལས། རྒྱལ་པོ་ཁྱོད་ཀྱིས་བདག་འདིར་ཁྱེར་ཏེ་འོངས་པས་བདག་གིས་བརྫུན་སྨྲས་སོ་སྙམ་སྟེ། ་མི་དགའི། ལུས་དང་སྲོག་ལ་ཆགས་པ་ནི་མ་ཡིན་ན། རྒྱལ་པོ་ཁྱོད་བདག་ལ་ཐུགས་བརྩེ་བའི་ཕྱིར་ཞག་བདུན་ཞིག་བཤོལ་ཏེ། བྲམ་ཟེ་དེ་ལ་སྦྱིན་པར་བྱས་ནས། ཕྱིར་ཡང་འགུམ་དུ ་མཆིའོ་ཞེས་གསོལ་ཏོ། ། སྲིན་པོས་སྨྲས་པ། ཁྱོད་ད་བཏང་ན་ཕྱིར་འོང་དུ་བཏུབ་བམ། སྨྲས་པ། གལ་ཏེ་མ་འོངས་ན་ཡང་ཁྱོད་ཀྱིས་བླང་བའི་མཐུ་ཡོད་དོ། ་ཞེས་སྨྲས་ནས་ཕྱིར་བཏང་ངོ་།། སུ་ཏ་སོ་མ་ཕྱིར་ཡུལ་དུ་ཕྱིན་ཙམ་ན། བྲམ་ཟེ་དེ་ཡང་ད་དུང་འདུག་སྟེ་རབ་ཏུ་དགའ་ནས་བྲམ་ཟེ་ལ་སྦྱིན་པ་བྱིན་ནོ།། བྲམ་ཟེ་དེས་ཀྱང་སུ་ཏ་སོ་མ་རིང་པོར་མི ་ཐོགས་པར་སྲོག་དང་འབྲལ་བར་འགྲོ་བས། ཕྱིར་ཡུལ་ལ་ཆགས་ཏེ་མི་དགའ་བར་ཤེས་ནས། དེ་ལ་ཚིགས་སུ་བཅད་དེ་སྨྲས་པ། བསྐལ་པའི་མཐའ་ལ་ཐུག་པ་ན།། གནམ་དང་ཀླུང་ཡང ་རབ་འབར་ཏེ། ། རི་རབ་ལྷུན་པོ་རྒྱ་མཚོ་ཡང་།། ཐམས་ཅད་ཐལ་བ་ཉིད་དུ་འགྱུར།། ལྷ་དང་ཀླུ་དང་ལྷ་མ་ཡིན།། ཐམས་ཅད་འཇིག་ཅིང་ཉམས་ཡལ་ཏེ།། གནམ་དང་ས་ཡང ་མེད་འགྱུར་ན། ། རྒྱལ་སྲིད་ལྟ་ཞིག་ག་ལ་རྟག། སྐྱེ་དང་རྒ་དང་ན་ཤི་ཡི།། འཁོར་བའི་མཐའ་ནི་ཟད་མི་ཤེས།། རེ་ཞིང་འདོད་པ་མ་གྲུབ་ན།། མྱ་ངན་གྱིས་ནི་གནོད་པར་འགྱུར།། ་འདོད་པ་སྐྱོན་དུ་རབ་ཆེ་སྟེ།། ཉེས་པ་གཞན་ནས་འོངས་པ་མིན།། ཁམས་གསུམ་སྡུག་བསྔལ་བཅས་པས་ན།། ཡུལ་སྲིད་ཡིད་བརྟན་རུང་རེ་སྐན།། ཡོད་པ་ཡེ་ནས་མེད་པ་སྟེ།། ། ་རྒྱུ་དང་རྐྱེན་གྱིས་སྒྲུབ་པར་འགྱུར།། དར་བ་ཡོད་ན་རྒུད་པ་ཡོད།། བདེན་པ་ངེས་པར་བརྫུན་འགྱུར་རོ།། སོ་སོའི་སྐྱེ་བོ་ཐ་མ་ཐོམ་དག། སྒྱུ་མ་ལ་ནི་ཀུན་གནས་ཏེ།། ཁམས ་གསུམ་ཇི་ལྟར་སྟོང་བཞིན་དུ། ། ཡུལ་གྱི་སྲིད་ཀྱང་དེ་བཞིན་ནོ།། རྣམ་པར་ཤེས་ལ་གཟུགས་མེད་དེ།། གདུག་པའི་སྤྲུལ་བཞི་ལ་གནས་ཏེ།། མ་རིག་པ་ལས་སྐྱེས་པ་ལ།། བདེ་བའི ་གནས་སུ་ཀུན་འཛིན་ཏོ། ། གཟུགས་ལ་རྟག་པའི་བདག་མེད་དེ།། སེམས་ལ་རྟག་པའི་ཁྱིམ་ཡོད་མིན།། ལུས་དང་སེམས་ཀྱང་བྲལ་འགྱུར་ན།། ཡུལ་སྲིད་ལྟ་ཞིག་ཡོད་རེ་སྐན།། དེའི ་ཚེ་སུ་ཏ་སོམས་ཚིགས་སུ་བཅད་དེ་སྨྲས་པ་འདི་ཐོས་ནས་དོན་ཡིད་ལ་བསམས་པས་ཤིན་ཏུ་དགའ་སྟེ། རྒྱལ་ཚབ་རྒྱལ་པོར་བཅུག་ནས། བློན་པོ་རྣམས་ལ་མཆི་ཕྱག་བྱས་ཏེ་འཐམས་པ་བཞིན ་དུ་ཕྱིར་འགྲོ་བར་བྱས་པ་ལས། བློན་པོ་རྣམས་ཀྱིས་འདི་སྐད་ཅེས་གསོལ་ཏོ།། རྒྱལ་པོ་རྐང་པཀྲས་མ་བསྙེངས་ཤིག། བདག་ཅག་གིས་བསམས་ན། རྒྱལ་པོའི་སྐུ་བསྲུང་བའི་སླད ་དུ་ལྕགས་ཀྱི་ཁང་པ་བྱས་ལ། རྒྱལ་པོ་དེའི་ནང་དུ་ཞུགས་ན་རྐང་བཀྲ་དཔའ་མོད་ཀྱི། ཅི་བགྱིར་ཡང་མ་མཆིས་སོ།། རྒྱལ་པོས་བློན་པོ་རྣམས་དང་མི་མང་པོ་རྣམས་ལ་བསྒོ་བ། མི ་གཅིག་སྐྱེས་པ་ལ་བརྫུན་མི་ཟེར་བའི་ཁྲེལ་ལྷས་དགོས་ཏེ། བརྫུན་སྨྲས་ན་གསོན་ཡང་དགའ་བ་མ་ཡིན་པས་ཐོག་མ་འ་ཐམས་པ་ནས་ཚེ་འཕོས་ཀྱང་བླའི། བརྫུན་སྨྲས་ཏེ་གསོན་པར་མི ་འདོད་དོ་ཞེས་ཁྲེལ་ལྷས་བྱས་པའི་ལེགས་པ་རྣམ་པ་སྣ་ཚོགས་དང་། རྫུན་སྨྲ་བའི་སྐྱོན་མང་པོ་སྨྲས་པ་དང་། བློན་པོ་རྣམས་ཀྱང་མྱ་ངན་གྱིས་བརྣངས་ཏེ་ཚིག་མེད་པར་གྱུར་ཏོ།། དེ་ནས་ཐམས ་ཅད་ཀྱིས་རྒྱལ་པོ་བསྐྱལ་ནས་ཐམས་ཅད་ཀྱིས་ཆོ་ངེས་བཏབ་སྟེ་བརྒྱལ་ཞིང་འཁམས་པར་གྱུར་ཏོ། ། སུ་ཏ་སོ་མ་ལམ་དུ་ཞུགས་ཏེ་སོང་བའི་ཚེ། སྲིན་པོ་རྐང་བཀྲ ་ཡང་སུ་ཏ་སོ་མ་དེར་འོང་བའི་དུས་ཡིན་ནོ་སྙམ་བསམས་ནས། རིའི་རྩེ་མོར་བྱུང་སྟེ་བལྟས་པ་དང་། སུ་ཏ་སོ་མ་ལམ་ན་རྒྱང་མ་ནས་སྲོག་འདོར་དུ་འོང་བ་མཐོང་ངོ་།། དེ་ནས་ཉེ་བར་འོངས་ཏེ ་བལྟས་ན། སྔོན་པས་ཀྱང་ལྷག་པར་དགའ་བའི་མདངས་ཡོད་པས། སྲིན་པོས་རྒྱལ་པོ་ལ་འདི་སྐད་ཅེས་སྨྲས་སོ།། སྲོག་འདོར་དུ་འོང་བ་ལྟ་ལ་དགའ་བ་ཅི་ཞིག་ཡོད་དེ། ཁྱོད་འཚོ་བ ་གཏོང་བ་ལ་སྲོག་ཀྱང་མི་འཕངས་སམ། ཁྱོད་ཡུལ་དུ་ཕྱིན་ནས་ཕན་པའི་དོན་ཅི་ཞིག་རྙེད་ན་འདི་ལྟར་དགའ་ཞེས་དྲིས་སོ།། སུ་ཏ་སོ་མས་སྨྲས་པ། རྒྱལ་པོ་ཆེན་པོ་ཁྱོད་ཀྱིས་ཐུགས ་བག་མཛད་དེ། བདག་གི་འཚོ་བ་ཞག་བདུན་དུ་བཤོལ་ནས། བདག་གིས་སྔར་དམ་བཅས་པ་ལས་མ་འགལ་ཏེ་སྦྱིན་པ་ཆེན་པོ་ཡང་བྱས། དམ་པའི་ཆོས་ཀྱང་ཐོས་ནས་ཡིད་ལ་བཅགས ་ཏེ་བསམས་པ་གྲུབ་པས་ན། འདིར་སྲོག་བཏང་ཡང་གསོན་པ་བས་དགའ་བོ་ཞེས་སྨྲས་སོ།། རྒྱལ་པོ་རྐང་བཀྲས་སྤྲས་པ། ཁྱོད་ཀྱིས་ཆོས་ཅི་ཞིག་ཐོས་པ་ཁོ་བོ་ལ་ཡང་སྨྲོས་ཤིག་ཅེས ་བསྒོ་བ་དང་། སུ་ཏ་སོ་མས་ཚིགས་སུ་བཅད་པ་ཇི་སྐད་དུ་ཐོས་པ་དེ་ཡང་སྨྲས། དེ་མ་ཡིན་པ་གཞན་ཡང་གསོད་པའི་ཁ་ན་མ་ཐོ་བའི་སྡིག་པ་དང་མི་དགེ་བའི་རྣམ་པར་སྨིན་པ་ཡང་ཐམས་ཅད ་ཐབས་མཁས་པས་རྒྱ་ཆེར་སྤྲས། སྲོག་མི་གཅོད་པའི་ཡོན་ཏན་དང་། བསོད་ནམས་རྒྱ་ཆེན་པོ་དང་། བྱམས་པའི་སེམས་ཀྱང་རྒྱས་པར་བསྟན་པས། རྒྱལ་པོ་རྐང་བཀྲ་རབ་ཏུ་དགའ་རངས ་ནས་སྤྱི་བོས་ཕྱག་འཚལ་ནས་བསྟན་པ་བཞིན་དུ་ཕྱིན་ཆད་སྲོག་གཅོད་པ་བཏང་ནས། རྒྱལ་པོ་བྲག་ཕུག་ཏུ་བཅུག་པའི་རྣམས་ཀྱང་སོ་སོར་ཡུལ་ཡུལ་དུ་བཀྱེའོ།། དེ་ནས་སུ་ཏ་སོམས་དཔུང ་གི་ཚོགས་བཤམས་ནས། རྒྱལ་པོ་རྐང་བཀྲ་བ་སུ་སྟེ་ཕྱིར་ཡང་རྒྱལ་པོར་བཅུག་གོ། དེར་ནི་དྲང་སྲོང་གིས་དམོད་པ་བོར་བའི་ལོ་བཅུ་གཉིས་ཀྱང་ཚང་བས། དེ་ཕྱིན་ཆད་མི་ཤ་ཡང་མི་ཟ་སྟེ་སྔོན ་བཞིན་དུ་རྒྱལ་པོ་བྱས་སོ། ། རྒྱལ་པོ་ཆེན་པོ་དེའི་ཚེ་དེའི་དུས་ན་སུ་ཏ་སོ་མ་རེ་ནི་ད་ལྟར་ང་ཡིན་ནོ།། རྒྱལ་པོ་རྐང་བཀྲ་དེ་ནི་ད་ལྟར་སོར་འཕྲེང་ཅན་ཡིན་ནོ།། དེའི་ཚེ་ལོ་བཅུ་གཉིས་ཀྱི་བར་དུ་རྐང ་བཀྲས་མི་ཟོས་པ་རྣམས་ནི། སོར་འཕྲེང་ཅན་གྱིས་གསང་པའི་མི་རྣམས་ཡིན་ནོ།། མི་འདི་དག་ཀྱང་གང་ནས་གང་དུ་སྐྱེས་པར་རྟག་ཏུ་སོར་འཕྲེང་ཅན་གྱིས་བསད་པར་གྱུར་ལ། ངས་ཀྱང་སྐྱེ་བ་ཐམས ་ཅད་དུ་དགེ་བ་ལ་བཀོད་པར་གྱུར་ཏོ། ། ངས་སྔོན་དུ་དྲན་པ་སྔོན་མ་རབས་བྱེད་པའི་ཚེ་ཡང་གསོད་པ་ལས་བཟློག་ནུས་ན། ད་མངོན་པར་སངས་རྒྱས་ཏེ་ཡོན་ཏན་ཕུན་སུམ་ཚོགས་ལ ་སྡིག་པ་ཡོངས་སུ་སྤངས་ན། འདི་དག་འདུལ་བར་གྱུར་པ་ལྟ་ཅི་སྨོས། རྒྱལ་པོས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། མི་འདི་དག་སྔོན་ཅི་ཞིག་བགྱིས་ན། སྐྱེ་བ་ཐམས་ཅད ་དུ་སོར་འཕྲེང་ཅན་གྱིས་རྟག་ཏུ་བསད་པར་གྱུར། བཅོམ་ལྡན་འདས་ཀྱིས། རྒྱལ་པོ་ལ་བཀའ་སྩལ་པ། རྒྱལ་པོ་ཆེན་པོ་ལེགས་པར་ཉོན་ཅིག་དང་བསྟན་པར་བྱའོ།། ་སྔོན་འདས་པའི་བསྐལ་པ་གྲངས་མེད་པའི་ཕ་རོལ་ན། འཛམ་བུའི་གླིང་འདིར་ཡུལ་བཱ་རཱ་ནཱ་སི་ན་རྒྱལ་པོ་པ་ལ་དར་ཞེས་བྱ་བ་ཞིག་བྱུང་སྟེ། རྒྱལ་པོ་དེ་ལས་བུ་གཉིས་ཡོད་དེ། བྱང་གཟུགས ་ལེགས་པ། བལྟ་ན་སྡུག་པ། རྩལ་དང་ལྡན་པའོ།། དེའི་ཚེ་སྲས་ཆུང་ངུ་ཤོས་ཀྱིས་འདི་སྙམ་དུ་བསམས་སོ།། གལ་ཏེ་བདག་གི་ཕ་ཚེ་འཕོས་ན་ཕུ་བོ་རྒྱལ་པོར་འགྱུར་རོ།། བདག ་གཞོན་པས་རྒྱལ་པོ་ཡང་མི་འཐོབ་ན། མིར་སྐྱེས་ལ་རྒྱལ་པོ་མ་ཐོབ་ན་ཐ་མལ་པར་འདུག་ན་ཡང་ཅི་རུང་། དབེན་པར་སོང་ནས་དྲང་སྲོང་གི་ལམ་བཙལ་ལོ་སྙམ་བསམས་ནས། རྒྱལ་པོའི་ཐད ་དུ་སོང་སྟེ་ཡབ་རྒྱལ་པོ་ལ་འདི་སྐད་ཅེས་གསོལ་ཏོ། ། བདག་ནི་རི་དབེན་པར་དྲང་སྲོང་གི་ལམ་བཙལ་བར་དགའ་འོ།། བདག་ལ་སྡུག་པར་འཛིན་ན་བསམ་པ་འདི་ལས་མ་ཟློག་ཅིག་ཅེས་ཡང ་དང་ཡང་གསོལ་པ་དང་། རྒྱལ་པོས་ཀྱང་དེ་བཞིན་དུ་གནང་ནས་རི་དབེན་པར་སོང་ངོ་།། དེ་ནས་ལོ་མང་ཞིག་ལོན་པ་དང་། རྒྱལ་པོ་ཡབ་ཚེ་འཕོས་ནས་ཕུ་བོ་རྒྱལ་སར་གཤེགས་སོ།། ་ཕུ་བོ་ཡང་རྒྱལ་སར་ཞུགས་ནས་རིང་པོར་མ་ལོན་པར་ནད་ཀྱིས་བཏབ་ནས་ཚེ་འཕོས་ཏེ་རིགས་འཚོ་བ་པའི་མི་མེད་དོ།། བློན་པོ་རྣམས་འདུས་ནས་ཇི་ལྟར་བྱ་བ་བགྲོས་པ་དང་། དེ་ལ་བློན་པོ་གཅིག ་གིས་འདི་སྐད་ཅེས་སྨྲས་སོ། ། རྒྱལ་པོ་ཆེན་པོའི་སྲས་ཆུང་ངུ་གཅིག་རྒྱལ་པོ་ལ་གསོལ་ཏེ། ད་ལྟར་རི་ལ་དྲང་སྲོང་བྱེད་ཅིང་འདུག་གིས། དེ་སྤྱན་དྲངས་ལ་རྒྱལ་པོར་གཞུག་གོ་ཞེས་སྨྲས་པ་དང་། ་བློན་པོ་རྣམས་ཀྱིས་དེ་འདྲ་བ་ཞིག་ངེས་པར་ཡོད་དམ། དེ་འདྲ་བ་ཞིག་ཡོད་ན་ལྷ་སྤྱན་དྲངས་ལ་རྒྱལ་པོར་གཞུག་གོ་ཞེས་བགྲོས་ནས། རི་ལ་རྒྱལ་བུ་འཚོལ་དུ་དོང་ངོ་།། དེ་དག་རྒྱལ་བུ་དང ་ཕྲད་ནས་བདག་ཅག་ལ་རྒྱལ་པོ་མེད་དེ། ཁྱོད་ཀྱིས་རྒྱལ་པོ་བྱ་དགོས་ཀྱིས་འདོང་ངོ་ཞེས་སྨྲས་པ་དང་། དྲང་སྲོང་གིས་ཚིག་འདི་ནི་འཇིགས་སུ་རུང་སྟེ། ཁོ་བོ་ནི་དབེན་པ་འདི་ན་རབ་ཏུ་བདེ ་སྟེ་མྱ་ངན་ཅི་ཡང་མེད་དོ། ། འཇིག་རྟེན་པ་ནི་རང་བཞིན་གྱིས་མ་དུལ་བ་ཡིན་པས་རྒྱལ་པོ་ལ་ཡང་གསོད་དེ། བདག་གིས་མི་ནུས་སོ།། བློན་པོ་རྣམས་ཀྱིས་སྨྲས་པ། རྒྱལ་པོའི ་གདུང་ཆད་དེ་གདུང་འཚོབ་པ་མེད་པས། དྲང་སྲོང་ཁྱོད་འབའ་ཞིག་རྒྱལ་པོའི་གདུང་ལ་གཏོགས་པ་ཡིན་ཏེ། ཡུལ་མི་ཐམས་ཅད་ཀྱང་མགོན་མེད་པར་གྱུར་གྱིས། འགྲོ་བ་མང་པོ་ལ ་ཐུགས་བརྩེ་བའི་ཕྱིར་རྒྱལ་པོར་གཤེགས་སུ་གསོལ་ཞེས་སྨྲས་པ་དང་། དྲང་སྲོང་གིས་ཀྱང་མ་བཟོད་ནས། བློན་པོ་རྣམས་ཀྱིས་གསོལ་བ་བཞིན་དུ་ཕྱིར་ཡུལ་དུ་འོངས་ཏེ་རྒྱལ་པོ་བྱས་སོ།། ། ་དྲང་སྲོང་དེ་ཆུང་ངུ་ནས་འདོད་ཆགས་དང་མ་འབགས་པ་ལས། སྲིད་འཚོ་ཞིང་བགས་ཀྱིས་བུད་མེད་དང་འབགས་པས་འདོད་ཆགས་ལྷག་པར་ཆེ་བར་གྱུར་ཏེ། ཉིན་མཚན་དུ་འདོད་ཆགས ་ལ་བག་མེད་པས་འདི་སྐད་བཀར་བཏགས་སོ། ། ངའི་ཡུལ་མི་ལས་བུ་མོ་ཡོད་པ་རྣམས་བག་མར་གཏོང་བ་ན། སྔར་ང་དང་སྤྲད་པའི་འོག་ཏུ་གདོང་བག་མར ་ཐོང་ཞིག་ཅེས་བཀར་བཏགས་སོ། ། ཡུལ་ན་བུད་མེད་བཟང་མོ་སྡུག་གུ་ཡིད་དུ་འོང་བ་ཐམས་ཅད་ལ་ཡང་མི་རིགས་པ་སྤྱོད་དོ།། དེའི་ཚེ་བུད་མེད་གཅིག་ཅིག་མི་མང་པོ་ཚོགས་པའི ་བདུན་དུ་སྒྲེན་མོར་བྱུང་སྟེ་གཅིན་གཅིས་པ་དང་། ཐམས་ཅད་ཀྱིས་བག་མེད་དོ་ངོ་ཚ་མི་ཤེས་པ་འདི་ཅི་བྱེད་ཅེས་སྨྱོས་པ་དང་། བུད་མེད་དེས་འདི་སྐད་ཅེས་སྨྲས་སོ།། བུད་མེད་ཀྱིས་བུད་མེད ་ཀྱི་ནང་དུ་གཅིན་གཙོ་བ་ལ་ངོ་ཚར་ཅི་ཞིག་ཡོད་དེ། ཁྱེད་ཀྱང་གཅིག་གི་མདུན་དུ་གཅིག་གིས་གཅིན་གཅིས་ཀྱང་ངོ་མ་ཚེ་ན། ཁོ་མོ་བུད་མེད་དུ་འདྲ་བའི་ནང་དུ་གཅིས་པ་ལ་ངོ་ཚར་ཡང་ཅི་ཞིག ་ཡོད་མི་མང་པོས་སྨྲས་པ། ཁྱོད་ཀྱིས་འདི་སྐད་སྨྲས་པ་འདི་ནི་ཅིའི་ཐ་ཚིག་ཅེས་སྨྲས་པ་དང་། བུད་མེད་དེས་འདི་སྐད་ཅེས་སྨྲས་སོ།། ཡུལ་འདི་ན་རྒྱལ་པོ་གཅིག་པུ་ནི་སྐྱེས་པ་ཡིན ་གྱི་གཞན་ཡུལ་མི་ཐམས་ཅད་ནི་བུད་མེད་ཡིན་དུ་ངེས་སོ། ། ཁྱེད་ཀུན་སྐྱེས་པ་ཡིན་ན་དེ་འདྲ་བའི་མི་རིགས་པ་རྒྱལ་པོ་བྱེད་པའི་མི་རིགས་སོ།། དེ་ནས་མི་མང་པོ་ངོ་ཚ་ཞིང་སྐྱེངས་པར་གྱུར། ་བུད་མེད་འདི་སྨྲ་བ་ནི་བདེན་ཏེ་རིགས་པ་མ་ཡིན་པས། རྒྱལ་པོ་འདི་མེད་པར་བྱའོ་ཞེས་བགྲོས་ནས་ཐམས་ཅད་གྲོས་མཐུན་ཏེ། རྒྱལ་པོ་སྐྱེད་མོས་ཚལ་དུ་ཁྲུས་ལ་འགྲོ་བའི་ཚེ ་གསོད་པར་བྱས་སོ། ། དེ་ནས་སྐྱེད་མོས་ཚལ་དུ་དཔུང་གི་ཚོགས་སྦས་ནས། རྒྱལ་པོ་རྫིང་བུར་འོངས་པའི་ཚེ་ཐམས་ཅད་ལོག་ནས་བཟུང་སྟེ་གསོད་པར་བྱས་སོ།། རྒྱལ་པོ་སྐྲག་ནས་ཁྱེད ་རྣམས་ཅི་བྱེད་ཅེས་སྨྲས་པ་དང་། བློན་པོ་རྣམས་ཀྱིས་འདི་སྐད་ཅེས་སྨྲས་སོ།། རྒྱལ་པོ་ནི་ཆོས་བཞིན་མི་བྱེད་དོ།། འདོད་ཆགས་ཀྱིས་མྱོས་ནས་ཡུལ་མི་ཐམས་ཅད་ཀྱང་རིགས་སུན་ཅིང་སྤ་བབ ་སྟེ། བདག་ཅག་མ་བཟོད་ཆེས་ནས་ཁྱོད་མེད་པར་བྱ་སྟེ། རྒྱལ་པོ་མཛངས་པ་གཟོད་བཙལ་ལོ་སྙམ་མོ།། རྒྱལ་པོས་དེ་སྐད་ཅེས་ཐོས་ནས་སྐྲག་པར་གྱུར་ཏེ། བློན་པོ་རྣམས་ལ་འདི་སྐད ་ཅེས་སྨྲས་སོ། ། སྔོན་ཆད་ནི་བདག་གིས་ཉེས་པ་བདེན་གྱིས། ཕྱིན་ཆད་དེ་ལྟར་མི་བྱ་ན་གཏང་དུ་རུང་ངམ་མི་རུང་ཞེས་བསྒོ་བ་དང་། བློན་པོ་རྣམས་ཀྱིས་འདི་སྐད་ཅེས་སྨྲས་སོ།། གལ་ཏེ ་གནམ་ལས་ཁ་བ་ནག་པོ་བབ་བམ། མགོ་ལ་སྦྲུལ་གདུག་པ་སྐྱེས་ཀྱང་མི་བཏང་གིས་མ་སྨྲ་ཞིག་ཅེས་བསྒོའོ།། རྒྱལ་པོས་དེ་སྐད་ཅེས་སྨྲས་པ་ཐོས་ནས། ད་ནི་གདོན་མི་ཟ་བར་གསད ་དོ་སྙམ་སྟེ། ཁྲོས་ནས་བློན་པོ་རྣམས་ལ་འདི་སྐད་ཅེས་སྨྲས་སོ།། ང་སྔོན་རི་ལ་འདུག་སྟེ་འཇིག་རྟེན་ལ་མི་དགའ་བ་ལས་ནན་གྱིས་རྒྱལ་པོར་བཅུག་སྟེ་ད་ནི་ང་ལ་གསོད་དོ།། གར་སྐྱེས་གར ་སྐྱེས་ཀྱང་ཁྱེད་དང་ཕྲད་དེ་ཁྱེད་ཀྱང་ངས་གསོད་པར་ཤོག་ཅིག་ཅེས་དམ་བཅས་སོ། ། དེ་ལྟར་དམ་བཅས་མོད་ཀྱི། འོན་ཀྱང་མ་གནང་སྟེ་བསང་ངོ་།། རྒྱལ་པོ་ཆེན་པོ་དེའི་ཚེ་དེའི་དུས་ན་རྒྱལ ་བོ་དྲང་སྲོང་དེ་ནི་ད་ལྟར་སོར་འཕྲེང་ཅན་ཡིན་ནོ། ། དེའི་ཚེ་དེའི་དུས་ན་མི་མང་པོ་གྲོས་མཐུན་པར་རྒྱལ་པོ་གསོད་གསོད་པ་ནི། སོར་འཕྲེང་ཅན་གྱིས་གསད་པའི་མི་འདི་དག ་ཡིན་ཏེ། རྟག་ཏུ་སོར་འཕྲེང་ཅན་གྱིས་བསད་པར་གྱུར་ཏོ།། རྒྱལ་པོས་ཡང་པུས་མོ་ས་ལ་བཙུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དགེ་སློང་སོར ་འཕྲེང་ཅན་འདི་མི་འདི་སྙེད་ཅིག་བསད་ན། ད་འབྲས་བུ་ཐོབ་པའི་འོག་ཏུ་རྣམ་པར་སྨིན་པ་མྱོང་བར་འགྱུར་རམ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་སྡིག་པ་བྱས་ན ་རྣམ་པར་སྨིན་པ་ངེས་པར་མྱོང་སྟེ། དགེ་སློང་འདི་ཡང་ད་ལྟར་གནས་ཁང་ན་སེམས་ཅན་དམྱལ་བའི་མེ་བ་སྤུའི་ཁུང་ཀུན་ནས་འབར་ཏེ། སྡུག་བསྔལ་མི་བཟད་པ་མྱོང་ཞིང་འདུག་གོ།། དེ་ནས ་བཅོམ་ལྡན་འདས་ཀྱིས་འཁོར་མང་པོ་ལ་སྡིག་པའི་ལས་བྱས་ན། ངེས་པར་སྡིག་པ་རྣམ་པར་སྨིན་པར་རྟོགས་པར་བྱ་བའི་ཕྱིར། དགེ་སློང་གཅིག་ལ་འདི་སྐད་ཅེས་བཀའ་སྩལ་ཏོ།། དགེ ་སློང་ཁྱོད་སོང་ལ་ལྡེ་མིག་ཁྱེར་ཏེ་དགེ་སློང་སོར་འཕྲེང་ཅན་གྱི་སྒོའི་བུ་གུར་ཆུག་ཅིག་ཅེས་བཀའ་སྩལ་ནས། དགེ་སློང་གིས་བཀའ་བཞིན་དུ་ལྡེ་མིག་ཐོགས་ཏེ་སྒོའི་བུ་གུར་བཅུག་ན། དེ་མ་ཐག ་ཏུ་ཞུའོ། ། དགེ་སློང་དེ་དང་ངས་སྐྲག་ནས། ཕྱིར་བཅོམ་ལྡན་འདས་ཀྱི་སྤྱན་སྔར་འོངས་ཏེ། དེ་བཞིན་གསོལ་པ་དང་། བཅོམ་ལྡན་འདས་ཀྱིས། དགེ་སློང་དག་ལ་འདི་སྐད ་ཅེས་བཀའ་བྲལ་ཏོ། ། སྡིག་པ་བྱས་པའི་རྣམ་པར་སྨིན་པ་ནི་འདི་ཡིན་ནགས་བཀའ་སྩལ་ཏོ།། རྒྱལ་པོ་དང་འཁོར་ཡང་པོ་རྣམས་མེད་ཆེས་པར་གྱུར་ཏོ།། དེ་ནས་མ་ང་། ་ལྡན་པ་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དགེ་སློང་སར་འཕྲེང་ཅན་སྔོན་ལེགས་པཀྱི་ཞིག་བགྱིས་ན། སརྦྦ་སྟོབས་ཀྱང་ཆེན་པོའི་སྦུབས་དང་མཉམའི ་རྩལ་ཆེ་བ་བྱ་ལྟར་མགྱོགས་པར་གྱུར། ལེགས་པ་ཅི་ཞིག་བགྱིས་ན་བཅོམ་ལྡན་འདས་དང་ཟུད་དེ། འཁོར་བ་ལས་གྲོལ་བར་གྱུར་པ། འཁོར་མང་པོ་ལ་ཐུགས་བརྩེ་བའི་སླད་དུ་བསྣུན ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཁྱེད་ལེགས་པར་ཉོན་ཅིག། སྔོན་འདས་པའི་དུས་ན་སངས་རྒྱས་འོད་སྲུངས་ཀྱི་ཚེ། དགེ་སློང་གཅིག་ཅིག་གང་ཟག་གི་ལས ་བྱེད་པ་ལས། འབྲུའི་བལ་དག་ཅིག་དེད་ཅིང་སོང་སོང་བ་ལས་ལམ་དུ་ཆར་རབས་ནོན་ཏེ་བྱོལ་བའི་གནས་མེད་པས། འབྲུ་དང་སྡོང་དུ་བཅས་ཏེ་ཐམས་ཅད་གཤེར་བར་གྱུར་ཏོ།། དེ ་ནི་དགེ་སློང་དེ་མགྱོགས་པར་འགྲོ་འདོད་པ་ལས། མཐུ་ཚུངས་པས་འགྲོ་བྲལ་ཏེ་མརྫོགས་པར་མ་གྱུར་པས། འདི་སྐད་ཅེས་སྨོན་ལས་བཏབ་བོ།། བདག་མ་འོངས་པའི་དུས་ན་མཐུ་ཀྱོ ་ནིམི་སྟོང་དང་མཉམ་ཞིང་ལུས་ཡང་ལ། འགྲོ་མགྱོགས་ཁྱད་བྱ་འབུར་བ་དང་འདྲ་བ་ཤོག་ཅིག། མ་འོངས་པའི་དུས་ན་སངས་རྒྱས་ཤཱཀྱ་ཐུབ་པ་འཇིག་རྟེན་དུ་གཤེགས་པ་དང་ཕྲད་དེ། འཁོར། ་བ་ལས་གྲོལ་བར་གྱུར་ཅིག་ཅེས་སྨོན་ལམ་བཏབ་བོ།། ཀུན་དགའ་བོ་དེ་ལ་གཞན་དུ་མ་སེམས་ཤིག། དེའི་ཚེ་གང་ཟག་གི་ལས་བྱེད་པའི་དགེ་སློང་དེ་ནི་ད་ལྟར་གྱི་དགེ་སློང ་སོར་བཕྲེང་ཅན་ཡིན་ཏེ། དེའི་ཚེ་རབ་ཏུ་བྱུང་ནས་ཚུལ་ཁྲིམས་བསྲུང་སྟེ་དགེ་འདུན་གྱི་ལས་བྱས་པས། སྨོན་ལམ་བཞིན་དུ་གང་ནས་གང་དུ་སྐྱེས་ཀྱང་བྱང་གཟུགས་བཟང་བ་དང་། མཐུ་སྟོབས ་དང་རྩལ་ཆེ་བར་གྱུར་ཏེ། ང་དང་ཕྲད་པར་སྨོན་པས་འཁོར་བ་ལས་གྲོལ་བར་གྱུར་ཏོ།། དེའི་ཚེ་ན་ཀུན་དགའ་བོ་དང་། དགེ་སློང་རྣམས་དང་། རྒྱལ་པོ་དང་། འཁོར ་མང་པོའི་རྣམས། བཅོམ་ལྡན་འདས་ཀྱིས་རྣམ་པར་སྨིན་པའི་འབྲས་བུ་གསུངས་པ་ཐོས་ནས། ཐམས་ཅད་ཀྱིས་བརྩོན་འགྲུས་བསྐྱེད་དེ་བདེན་པ་བཞི་ཡིད་ལ་བྱས་པས། ལ་ལ་ནི་རྒྱུན་དུ ་ཞུགས་པ་དང་། ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པར་གྱུར་ཏོ།། ལ་ལ་ནི་རང་སངས་རྒྱས་ཀྱི་དགེ་བའི་རྩ་བ་བསྐྱེད་དོ།། ལ་ལ་ནི་བླ་ན་མེད་པའི་བྱང་ཆུབ་ཏུ ་སེམས་བསྐྱེད་དོ། ། ཕྱིར་མི་ལྡོག་པའི་ས་ལ་གནས་པར་གྱུར་ཏོ།། ཐམས་ཅད་ལུས་དང་། ངག་དང་། ཡིད་དགེ་བ་ལ་འདུན་ཏེ། བཅོམ་ལྡན་འདས་ཀྱིས་གསུངས་པ་ལ་རྗེས་སུ ་ཡི་རང་ནས་མངོན་པར་དགའ་འོ། ། མི་གདུང་བ་སོར་འཕྲེང་ཅན་གྱི་ལེའུ་སྟེ་སུམ་ཅུ་རྩ་དྲུག་པའོ།། །། བམ་པོ་བཅུ་གཅིག་པ།། དབུལ་མོ ་བསྙེན་དགའ་མོའི་ལེའུའོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས ་སོ། ། དེའི་ཚེ་ཡུལ་དེ་ན་བུད་མེད་བསྙེན་དགའ་མོ་ཞེས་བྱ་བ་དབུལ་འཕོངས་པ། འཚོ་བ་སློངས་མོ་ལ་བལྟོས་པ་ཞིག་ཡོད་དེ། བུད་མེད་དེས་རྒྱལ་པོ་དང་། བློན་པོ་དང་། མི་མང་པོས་སོ། ་སོ་ནས་སངས་རྒྱས་དང་དགེ་འདུན་ལ་མཆོད་པ་བྱས་པ་མཐོང་ནས་འདི་སྙམ་དུ་བསམས་སོ།། བདག་གིས་སྔོན་སྡིག་པ་ཅི་ཞིག་བྱས་ན་འདི་ལྟར་དབུལ་ཞིང་རིགས་ངན་པར་སྐྱེས་ཏེ། ད་བསོད ་ནམས་ཀྱི་ཞིང་དང་ཕྲད་ཀྱང་ས་བོན་མི་བདོག་སྙམ་ནས་ཤིན་ཏུ་ཡི་ཆད་དེ་འགྱོད་པ་སྐྱེས་ནས། ཉི་མ་གཅིག་གི་བར་དུ་ཐོག་ཐག་བསླངས་ན་དོང་ཚེ་གཅིག་ལས་མ་རྙེད་དེ། དོང་ཚེ་གཅིག་པོ་དེ་ཐོགས ་ནས་མར་འཚོང་བའི་ཁྱིམ་དུ་སོང་སྟེ་མར་ཞིག་ཉོ་བར་བྱས་སོ། ། མར་འཚོང་བའི་ཁྱིམ་བདག་གིས་སྨྲས་པ། དོང་ཚེ་གཅིག་གི་མར་ཉོ་བ་འདི་ཧ་ཅང་ཡང་ཉུང་ཆེས་ན། ཁྱོད་ཀྱིས་ཅི་ཞིག་བྱ ་ཞེས་དྲིས་པ་དང་། བསྙེན་དགའ་མོས་ཀྱང་དྲང་པོར་གཏམ་བྱས་པས། མར་འཚོང་བའི་བདག་པོ་སྙིང་བརྩེ་སྟེ་མར་ལྷག་པར་བྱིན་ནོ།། བསྙེན་དགའ་མོས་པར་དེ་ཐོབ་ནས་རབ་ཏུ་དགའ ་གཙུག་ལག་ཁང་དུ་སོང་ནས་བཅོམ་ལྡན་འདས་ལ་དབུལ་ལོ་ཞེས། སངས་རྒྱས་ཀྱི་སྤྱན་སྔར་མེ་མར་བཙུགས་ཏེ་སྨོན་ལམ་འདི་སྐད་ཅེས་བཏབ་བོ།། བདག་ད་ལྟར་དབུལ ་འཕོངས་ཏེ་མེ་མར་ཆུང་ངུ་མ་འདིས་སངས་རྒྱས་ལ་མཆོད་དོ། ། བསོད་ནམས་འདིས་མ་འོངས་པའི་དུས་སུ་བདག་ཤེས་རབ་ཀྱི་མར་མེ་དང་ལྡན་ཏེ། སེམས་ཅན་ཐམས ་ཅད་ཀྱི་མུན་པའི་དྲི་མ་བསལ་བར་ཤོག་ཅིག་ཅེས་སྨོན་ལམ་བཏབ་ནས་ཕྱིར་གནས་སུ་སོང་ངོ་། ། དེའི་མཚན་མོ་མེ་མར་གཞན་ནི་ཟད་ཀྱི། བསྙེན་དགའ་མོའི་མེ་མར་གཅིག་པུ་ནི་ནམ་ནངས ་ཀྱི་བར་དུ་འབར་རོ། ། དེའི་ཚེ་ན་མོའུ་འགལ་ཡ་ན་དུས་འཛིན་པའི་རེས་ལ་བབ་པས་ནམ་ལངས་ནས། མེ་མར་གཅིག་པུ་ཞིག་ལྷག་པར་གསལ་ཏེ་མར་དང་སྙིང་པོ་ཡང་མ་ཉམས། གསར ་དུ་བཙུགས་མ་ཐག་པ་འདྲ་ནས་འདི་སྙམ་དུ་བསམས་སོ། ། ཉིན་པར་ནི་མེ་མར་བཙུགས་ཀྱང་ཕན་པ་མེད་ཀྱིས་གསད་དོ་སྙམ་ནས། གསད་པར་གཟས་ན་མ་སོད་དོ།། དེ་ནས་ལག་དར་ཏེ ་གསད་པར་གཟས་ན་ཡང་མ་སོང་དེ་མ་ཉམས་སོ། ། དེ་ནས་གོས་ཀྱིས་གསད་པར་གཟས་ནས་ཡང་མ་སོད་པ། བཅོམ་ལྡན་འདས་ཀྱིས་གཟིགས་ནས། མོའུ་འགལ་ལ་འདི་སྐད་ཅེས ་བཀའ་སྩལ་ཏོ། ། ཁྱོད་ཀྱིས་མེ་མར་འདི་གསད་སྙམ་སེམས་སམ། མེ་མར་འདི་ནི་ཁྱོད་ཀྱིས་མི་སོད་དོ།། ཁྱོད་ཉན་ཐོས་ཀྱིས་སྐུལ་ཞིང་བསྐྱོད་ནུས་པ་ཡང་མ་ཡིན་ནོ།། གལ་ཏེ་ཁྱོད ་ཀྱིས་རྒྱ་མཚོ་ཆེན་པོ་བཞིའི་ཆུ་ཕབ་བམ། རྫི་རླུང་ཡུག་བུས་ཀྱང་སོད་པར་མི་འགྱུར་རོ།། དེ་བས་ན་མེ་མར་འདི་ནི་ཀུན་གྱི་དོན་རྒྱ་ཆེན་པོར་བྱེད་པ་བསམ་པ་ཆེན་པོ་བསྐྱེད་པས་ཕུལ་བ་ཡིན་ནོ།། ་བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། བསྙེན་དགའ་མོ་ཡང་བཅོམ་ལྡན་འདས་ཀྱི་སྤྱན་སྔར་འོངས་ཏེ། ཞབས་ལ་སྤྱི་བོས་ཕྱག་འཚལ་བ་དང་། དེའི་ཚེ་བཅོམ་ལྡན་འདས་ཀྱིས། ་ལུང་བསྟན་ཏེ། ཁྱོད་མ་འོངས་པའི་དུས་བསྐལ་པ་གྲངས་མེད་པ་གཉིས་འདས་ནས་མངོན་པར་སངས་རྒྱས་ཏེ། མཚན་ཡང་མར་མེ་འོད་ཅེས་བྱ་སྟེ་དབང་བཅུ་དང་ལྡན་པར་འགྱུར་རོ།། ་དེའི་ཚེ་ན་བསྙེན་དགའ་མོས། བཅོམ་ལྡན་འདས་ཀྱིས་ལུང་བསྟན་པ་ཐོབ་ནས། རབ་ཏུ་དགའ་སྟེ་པུས་མོ་གཉིས་ས་ལ་བཙུགས་ནས། རབ་ཏུ་འབྱུང་བར་གསོལ་ཏེ། བཅོམ ་ལྡན་འདས་ཀྱིས་ཀྱང་རབ་ཏུ་འབྱུང་བར་གནང་ངོ་། ། ཚེ་དང་ལྡན་པ་ཀུན་དགའ་བོ་དང་། མོའུ་འགལ་གྱི་བུས་བུད་མེད་དབུལ་མོས་ལུང་བསྟན་པ་ཐོབ་སྟེ་རབ་ཏུ་འབྱུང་བ་མཐོང་ནས ་པུས་མོ་གཉིས་ས་ལ་བཙུགས་ཏེ་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བསྙེན་དགའ་མོ་དབུལ་མོ་འདི་སྔོན་ལས་ཅི་ཞིག་བགྱིས་ན། དེ་སྲིད་ཀྱི་བར ་དབུལ་འཕོངས་ཏེ་འཚོ་བ་ཡང་མི་རྙེད་པར་གྱུར། ཅི་ཞིག་བགྱིས་ན་བཅོམ་ལྡན་འདས་དང་ཕྲད་དེ། འཁོར་རྣམ་བཞིས་མཆོད་པ་བྱ་བར་དགའ་བར་འགྱུར། བཅོམ་ལྡན་འདས་ཀྱིས། ཀུན་དགའ ་བོ་ལ་བཀའ་སྩལ་པ། སྔོན་འདས་པའི་དུས་ན་སངས་རྒྱས་འོད་སྲུངས་འཇིག་རྟེན་དུ་གཤེགས་ཏེ། དེའི་ཚེ་ན་ཁྱིམ་བདག་གི་ཆུང་མ་ཞིག་གིས་སངས་རྒྱས་དང་དགེ་སློང་གི་དགེ་འདུན་དུ ་བཅས་པ་སྤྱན་དྲངས་པ་ལས། སྔར་བུད་མེད་དབུལ་མོ་ཞིག་གིས་སྤྱན་དྲངས་ཏེ་གཤེགས་སུ་གནང་ངོ་།། བུད་མེད་དབུལ་མོ་དེ་ཡང་ལན་ཅིག་ཕྱིར་མི་ལྡོག་པ་ཐོབ། ་བཞིག་སྟེ། དེའི་ཚེ་ན་ཁྱིམ་བདག་གི་ཆུང་མ་དེ་བཙན་ཞིང་ཕྱུག་པ་དང་ཆོ་རིགས་སྙེམས་པས། དབུལ་མོས་སྔར་སྤྱན་དྲངས་པ་ལ་བརྙས་སྨད་པས་འདི་སྐད་ཅེས་སྨྲས་སོ།། བཅོམ་ལྡན་འདས ་ཅིའི་སླད་དུ་བདག་གིས་སྤྱན་དྲངས་པར་སྔར་མི་གཤེགས་པར། སྤང་མོས་སྤྱན་དྲངས་པར་གཤེགས་ཞེས་ཚིག་ངན་པ་སྨྲས་ཏེ། འཕགས་པ་ལ་བརྙས་སྨད་པས། སྐྱེ་བ་ལྔ་བརྒྱའི ་བར་དུ་རྟག་ཏུ་དབུལ་འཕོངས་པ་འཚོ་བ་སློངས་མོ་ལ་བལྟོས་པའི་རིགས་སུ་སྐྱེས་སོ། ། ཕྱིད་ཉིན་སངས་རྒྱས་དང་དགེ་འདུན་ལ་དད་པས་མཆོད་དེ་དགའ་བས་ན། ད་སངས་རྒྱས་དང་ཕྲད་དེ།། ་རབ་ཏུ་བྱུང་ནས་ལུང་བསྟན་པ་ཡིན་ནོ།། དེའི་ཚེ་འཁོར་མང་པོའི་རྣམས་སངས་རྒྱས་ཀྱིས་གསུངས་པ་ལ་རབ་ཏུ་དགའ་བར་གྱུར་ཏོ།། དེའི་ཚེ་རྒྱལ་པོ་དང་། བློན་པོ་དང་། ་མི་མང་པོ་དག་གིས་བུད་མེད་དབུལ་མོས་སངས་རྒྱས་ལ་མེ་མར་གཅིག་ཕུལ་བས། སངས་རྒྱས་སུ་ལུང་བསྟན་ཏོ་ཞེས་ཐོས་ནས། ཐམས་ཅད་ཀྱིས་བཀུར་སྟི་བྱས་ཏེ་འཚོ་བའི་ཡོ་བྱད་མཆོག ་རམ་པ་རྣམ་བཞི་ཆོག་པར་སྦྱར་ཏེ་ཕུལ་ལོ། ། དེའི་ཚེ་ན་ཡུལ་དེའི་ཁྱེའུ་དང་། བུ་མོ་ཡ་རབས་དང་། མ་རབས་ཐམས་ཅད་ཀྱིས་མེ་མར་བསུང་ཅན་སྦྱར་ཏེ། རྒྱལ་བུ་རྒྱལ་བྱེད་ཀྱི་ཚལ་དུ ་བཅོམ་ལྡན་འདས་ལ་ཕུལ་ལོ། ། མེ་མར་འབུལ་བའི་མི་མང་པོས་མེ་མར་གྱི་རྒྱལ་བུ་རྒྱལ་བྱེད་ཀྱི་ཚལ་ཀུན་ཡོངས་སུ་གང་སྟེ། ཕྱོགས་བཞི་ནས་སྐར་མ་ནམ་མཁའ་ལ་སྣང་བ་དང་འདྲ་བར་ཉིན་གཅིག། ་བཞིན་དུ་ཕུལ་ཏེ། དེ་ལྟ་བུར་རྒྱུན་མ་ཆད་པར་ཉིན་ཞག་བདུན་གྱི་བར་དུ་ཕུལ་ལོ།། དེའི་ཚེ་ན་ཀུན་དགཔ་བོ་ཤིན་ཏུ་དགའ་ནས་ངོ་མཚར་དུ་གྱུར་ཏེ། བཅོམ་ལྡན་འདས་ཀྱི་ཡོན་ཏན་ནི་འདི་རྩེད ་ཅིག་མངའ་བོ་ཞེས་བསྔགས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་སྔོན་ཅི་ཞིག་བགྱིས་ན། འདི་ལྟ་བུའི་མེ་མར་ཚད་མེད་པ་དང་ལྡན་པར་གྱུར། ་བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། སྔོན་འདས་པའི་དུས་ན་འཛམ་བུའི་གླིང་འདིར་རྒྱལ་པོ་ཀ་སི་ཀི་ཞེས་བྱ་བ་ཞིག་བྱུང་སྟེ། རྒྱལ་ཕྲན་བརྒྱད་ཁྲི་བའི་སྟོང་སྙེད་ལ ་དབང་བྱེད་པ་རྒྱལ་པོའི་བཙུན་མོ་ཆེན་མོ་ལ་སྲས་གཅིག་བྱུང་སྟེ། ལུས་ཀྱི་མདོག་གསེར་ལྟ་བུར་འདུག་ལ། མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུར་ལྡན་ཏེ། སྤྱི་བ ་ལ་རིན་པོ་ཆེ་ཁ་དོག་གསལ་བ་བལྟ་ན་མིག་སྦྲིད་པ་གཅིག་ཡོད་དེ། མཚན་མཁན་པོས་ནས་བཟང་ངན་བརྟགས་ཏེ་མིང་གདགས་པ་ལས། མཚན་མཁན་གྱིས་བལྟས་ན་མཚན་ངོ་མཚར ་དུ་བབང་བས། ལག་པ་བཏེག་ནས་ཤིན་ཏུ་ལེགས་སོ་ཤིན་ཏུ་ལེགས་སོ་ཞེས་སྤྲས་ཏེ། རྒྱལ་བུ་འདི་ནི་འཇིག་རྟེན་ན་ལྷ་དང་མིའི་ནང་ན་བསྲུན་དུ་མེད་དོ།། གལ་ཏེ་ཁྱིམ་ན་གནས ་ན་འཁོར་ལོས་སྒྱུར་བའི་རྒྱལ་པོར་འགྱུར་རོ། ། གལ་ཏེ་རབ་ཏུ་བྱུང་ན་མངོན་པར་འཚང་རྒྱའོ་ཞེས་སྨྲས་ཏེ། མཚན་མཁན་གྱིས་རྒྱལ་པོ་ལ་འདི་སྐད་ཅེས་གསོལ་ཏོ།། ་རྒྱལ་བུ་འདི་ཐོག་མ་བཙས་པ་ན་ངོ་མཚར་ཡ་མཚན་གྱི་ལྷས་ཅི་ཞིག་བྱུང་ཞེས་དྲིས་ན། རྒྱལ་བུ་འདི་བཙས་པའི་ཚེ་སྤྱི་བོ་ན་རིན་པོ་ཆེ་ཤིན་ཏུ་གསལ་བ་ཞིག་ཡོད་དོ་ཞེས་སྨྲས་ནས། རྒྱལ ་བུའི་མིང་ཡང་རིན་ཆེན་གཙུག་ཕུད་ཅེས་བཏགས་སོ། ། ཕྱིས་ཆེར་སྐྱེས་ནས་རབ་ཏུ་བྱུང་སྟེ། བྱང་ཆུབ་ལ་ནན་ཏན་བྱས་ནས་མངོན་པར་སངས་རྒྱས་ཏེ། སེམས་ཅན་གྲངས་མེད་པའི་དོན་བྱས ་སོ། ། དེའི་ཚེ་ན་རྒྱལ་པོ་ཡབ་ཀྱིས་སངས་རྒྱས་དང་དགེ་སློང་གི་དགེ་འདུན་དང་བཅས་པར་ཟླ་བ་གསུམ་གྱི་བར་དུ་སྤྱན་དྲངས་ནས། དེའི་ནང་ན་དགེ་སློང་འཕགས་པའི་གཉེན་ཞེས་བྱ་བ་ཞིག། ་ཟླ་བ་གསུམ་གྱི་བར་དུ་མེ་མར་སྦྱོར་བའི་ཡོན་བདག་ཏུ་ཁས་བླངས་ནས། ཉིན་གཅིག་བཞིན་དུ་གྲོང་ཁྱེར་དུ་སོང་སྟེ། ཚོང་དཔོན་དང་། ཁྱིམ་བདག་དང་། མི་མང་པོ་ལས་མར་དང་། འབྲུ།། ་མར་དང་། མེ་མར་གྱི་སྙིང་པོ་བསླངས་སོ།། དེའི་ཚེ་ན་རྒྱལ་པོ་དེ་ལ་བུ་མོ་ཐུབ་པ་ཞེས་བྱ་བ་ཞིག་ཡོད་དེ། ཡང་ཐོག་གི་སྟེང་ནས་དགེ་སློང་དེ་ཉིན་གཅིག་བཞིན་དུ་གྲོང་རྒྱུ་ཞིང་ཉོན་མོངས་པ ་མཐོང་ནས། དེ་ལ་སྙིང་བརྩེ་སྟེ་མི་ཞིག་མངགས་ནས། བཙུན་པ་ཁྱོད་ཅི་ཞིག་སྒྲུབ་ན་རྟག་ཏུ་འདི་ལྟ་བུར་ཉོན་མོངས་ཞེས་དྲིས་ན། དགེ་སློང་དེས་འདི་སྐད་ཅེས་སྨྲས་སོ།། བདག་ནི་ཟླ ་བ་གསུམ་གྱི་བར་དུ་སངས་རྒྱས་དང་དགེ་འདུན་གྱི་མེ་མར་སྦྱོར་བའི་ཡོན་བདག་ཏུ་ཁས་བླངས་ཏེ། དེ་བས་ན་གྲོང་རྒྱུ་ཞིང་དགེ་བསྙེན་རྣམས་ལས་མར་དང་། འབྲུ་མར་དང་། མར་གྱི ་སྙིང་པོ་དང་། མར་མེ་འཛུགས་པའི་ཡོ་བྱད་རྣམས་སློང་ངོ་ཞེས་བུ་མོ་ལ་སྤྲིངས་པ་དང་། བུ་མོ་དེ་རབ་ཏུ་དགའ་ནས། དགེ་སློང་འཕགས་པའི་གཉེན་ལ་འདི་སྐད་ཅེས་བསྒོའོ།། ད་ཕྱིན ་ཆད་འདི་ལྟར་ཀུན་ཏུ་འགྲོ་མོ་དགོས་ཀྱིས། མེ་མར་གྱི་ཡོ་བྱད་ཐམས་ཅད་ཁོ་མོས་སྦྱར་གྱིས་ལོང་ཞིག་ཅེས་བསྒོ་བ་དང་། དགེ་སློང་དེ་ཡང་དེ་ལྟར་བྱའོ་ཞེས་སྨྲས་ནས། དེ་ཕྱིན་ཆད་རྟག ་ཏུ་མེ་མར་དང་། འབྲུ་མར་དང་། མར་མེའི་ཡོ་བྱད་ཀུན་སྦྱར་ཏེ་གཙུག་ལག་ཁང་དུ་བསྐྱལ་ཏོ།། དགེ་སློང་འཕགས་པའི་གཉེན་གྱིས་དེ་ལྟར་ཉིན་གཅིག་བཞིན་དུ་མར་མེ་ཕུལ་ཏེ། ་ཀུན་ལ་ཕན་པའི་དོན་རྒྱ་ཆེན་པོའི་སེམས་བསྐྱེད་པས། བཅོམ་ལྡན་འདས་ཀྱིས་ལུང་བསྟོན་ཏེ། མ་འོངས་པའི་དུས་ན་བསྐལ་པ་གྲངས་མེད་པ་འདས་ནས་མངོན་པར་འཚང་རྒྱ་སྟེ། ་མཚན་ཡང་མར་མེ་མཛད་ཅེས་བྱ་བར་ལུང་བསྟན་ནས། མཚན་ཅུང་ཟད་དང་ལྡན་པར་གྱུར་ཏོ།། རྒྱལ་པོའི་བུ་མོ་ཐུབ་པས། དགེ་སློང་འཕགས་པའི་གཉེན་ལ་ལུང་བསྟན་ཏོ་ཞེས་ཐོས ་ནས་འདི་སྙམ་དུ་བསམས་སོ། ། སངས་རྒྱས་ལ་ཕུལ་བའི་མར་མེ་ནི་བདག་གིས་སྦྱར་ཏེ། དགེ་སློང་དེས་བསྐུལ་མ་ཙམ་བྱས་ཀྱང་ལུང་བསྟན་ན། བདག་ལ་ནི་ལུང་མ་བསྟན་ཏོ་སྙམ ་བསམས་ནས། བཅོམ་ལྡན་འདས་གང་ན་བར་སོང་སྟེ། དེ་བཞིན་དུ་དྲང་པོར་གསོལ་ནས། བཅོམ་ལྡན་འདས་ཀྱིས་ལུང་བསྟན་ཏོ།། བུ་མོ་ཐུབ་པ་ཁྱོད་མ ་འོངས་པའི་དུས་ན། བསྐལ་པ་གྲངས་མེད་པ་དགུ་བཅུ་རྩ་གཉིས་འདས་ནས་མངོན་པར་འཚང་རྒྱ་སྟེ། མཚན་ཡང་ཤཱཀྱ་ཐུབ་པ་ཞེས་བྱ་བར་མཚན་བཅུ་དང་ལྡན་པར་ལུང་བསྟན་ཏོ།། ་དེ་ལྟར་རྒྱལ་པོའི་བུ་མོས་ཀྱང་སངས་རྒྱས་ལས་ལུང་བསྟན་པ་ཐོབ་པས་རབ་ཏུ་དགའ་བ་སྐྱེས་པར་གྱུར་ཏེ། སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ནས། རབ་ཏུ་འབྱུང་བར་གསོལ ་ཏོ། བཅོམ་ལྡན་འདས་ཀྱིས་ཀྱང་རབ་ཏུ་འབྱུང་བར་གནང་ནས། བར་ཆད་མེད་པར་བརྩོན་འགྲུས་རྩོམ་མོ།། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། ་དེའི་ཚེ་དེའི་དུས་ན་དགེ་སློང་འཕགས་པའི་གཉེན་ནི། སྔོན་འདས་པའི་སངས་རྒྱས་མར་མེ་མཛད་ཡིན་ནོ།། རྒྱལ་པོའི་བུ་མོ་ཐུབ་པ་ནི་ད་ལྟར་ང་ཡིན་ཏེ། སྔོན་མར་མེ་ཕུལ་བས་བསྐལ་པ ་གྲངས་མེད་པའི་བར་དུ་ལྷ་དང་མིའི་འཇིག་རྟེན་ན་བསོད་ནམས་མྱོང་སྟེ། གཟུགས་ཀྱང་གཞན་པས་འཕགས་པར་བཟང་སྟེ། ད་མངོན་པར་སངས་རྒྱས་ནས་ཀྱང་མར་མེ་མང་པོ་དང་ལྡན ་བར་གྱུར་ཏོ། ། བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། འཁོར་མང་པོའི་རྣམས་ལ་ལ་ནི་འབྲས་བུ་དང་པོ་ནས། འབྲས་བུ་བཞི་པའི་བར་དུ་ཐོབ་བོ།། ལ་ལ་ནི་རང་སངས ་རྒྱས་སུ་དགེ་བའི་རྩ་བ་བསྐྱེད་དོ། ། ལ་ལ་བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ།། ཚེ་དང་ལྡན་པ་ཀུན་དགའ་བོ་དང་། འཁོར་མང་པོ་བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི ་རང་ནས་མངོན་པར་དགའ་འོ། ། དབུལ་མོ་བསྙེན་དགའ་མོའི་ལེའུ་སྟེ་སུམ་ཅུ་རྩ་བདུན་པའོ།། །། བ་ཤེ་ཙིར་གྱི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། ་བཅོམ་ལྡན་འདས་རྒྱལ་པོའི་ཁབ་བྱ་རྒོད་སྤུངས་པའི་རི་ལ་བཞུགས་སོ།། དེའི་ཚེ་ཡུལ་དེ་ན་ཁྱིམ་བདག་ཤི་རི་ཙི་ཞེས་བྱ་བ་ཤིན་ཏུ་ཕྱུག་ཅིང་ལོངས་སྤྱོད་དང་ལྡན་པ། རིན་པོ་ཆེ་སྣ་བདུན་གྱིས ་བང་མཛོད་གང་བ་ཞིག་ཡོད་དེ། རིགས་མཉམ་པ་ལས་ཆུང་མ་བླངས་ནས། དུས་ཕྱི་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏེ། ཟླ་བ་ཚང་ནས་བུ་ཁྱེའུ་སྡུག་པ། མཛེས་པ། འཇིག ་རྟེན་ན་དཔེ་མེད་པ་གཅིག་བཙས་ཏེ། ཕ་མ་ཤིན་ཏུ་བྱམས་པས་མཚན་མཁན་པོས་ཏེ་མཚན་བལྟས་ན། མཚན་མཁན་གྱིས་ཀྱང་ཁྱེའུ་འདི་ནི་བསོད་ནམས་ཀྱི་མཚན་དང་ལྡན་ཏེ། རིགས ་ཀྱང་འཚོབ་པར་འགྱུར་རོ་ཞེས་སྨྲས་པ་དང་། ཁྱེའུའི་ཕ་མ་ལྷག་པར་དགའ་ནས། མཚན་མ་ཁ་ན་དེ་ལ་བུའི་མིང་ཐོགས་ཤིག་ཅེས་སྨྲས་པ་དང་། མཚན་མཁན་གྱིས་སྨྲས་པ། བུ་འདི ་ཡོད་པར་གྱུར་ནས་ལྟས་སམ། ཡ་མཚན་ཅི་བྱུང་ཞེས་དྲིས་ན། སྨྲས་པ་གཞན་ནི་མེད་ཀྱི། ཁྱེའུའི་མ་སྔོན་སྨྲ་མི་མཁས་པ་ལ། ཁྱེའུ་འདི་ཡོད་ཚུན་ཆད་སྨྲ་མཁས་པར་གྱུར་ཏོ་ཞེས་བྱས ་བ་དང་། ཟླབ་ང་པ་ས་བརྟགས་སོ།། གམས་པ། པ་ས་ནས་ཡི་ག་ཟུངས་ཚལ་ད་བལྡན་པར་ཐར་ཏོ།། དུས་གའམ་ག་ཀྱིས་པ་ཞུགས་ས ་དང་རྗེ་དང་སངས་བ་ལས། གས་ངན་པ་ཞིག་གི་ཁྱིམ་ན་བུམ་སྡུག་ཀུམ་ཚུལ་དུ་ཤེས་པ་གཙུག་ཡོད་པ་མཐོང་ནས། དེ་ལ་ཆགས་ཏེ་གྲང་ས་བྱུང་བར་བྱམམས་ནས། བྱ་རྒྱམ ་མ་ཏེ་བུ་མོ་དེ་བདག་གི་ཆུང་བར་ཡང་ཞིག་ཅེས་སྨྲས་སོ། ། བམས་སྨྲས་པ། བདག་ཅག་ནམ་རིགས་བརྟན་པ་ཡིན་ཏེ། རྔ་མོ་དེ་རིགས་ཆུང་ཞིང་ངན་པ་ཡིན། དེ་ལྟར་ཆུང་མར ་ཞེས་བྱས་པ་དང་། ལྕེའུ་རབ་ཏུ་མི་དགའ་ནས། ཕམ་ལ་ཡང་འདི་སྐད་ཅེས་སྨྲས་སོ།། ཚེ་རིགས་ལ་ས་ལྟ་བར་བུ་མོ་ཉིད་ཅི་འདྲ་བ་ལས་བདག་གི་ཆུང་ས་ལ་ལོང་ཞིག། གལ་ཏེ་ཆུང་མར་མཐ ་ན་བདག་ཀྱང་འབུམ་མོ་ཞེས་སྨྲས་པ་དང་། བམས་ཀྱང་བ་ངོ་མཟློགས་པས་བུ་མོ་ཐང་དུ་བཏང་ངོ་།། བུ་མའི་བམས་སྨྲས་པ། ཁྱོད་ན་ཆ་རགས་བཙུད་པ་ཡིན་ཏེ། བདག་ཅག་ནི་རིགས ་ཆུང་ཞིང་ངན་པ་ཡིན་པས་གཉེན་ན་ཡང་མ་ཡིན་ན། འི་ཕྱིར་བུ་མོ་སྲུང་ཞེས་བྱས་སོ།། འོན་ཀྱང་ཁྱེའུ་དབུ་མོ་དེ་ལ་ཆགས་སོ།། ཡང་བསྐུར་ཏེ་བླ་མ་སོང་དུ་བཏང་བ་དང་། བུ་མའི་ཐམས་འ ་རྐད་ཅེས་སྨྲམས། ། གས་ཏེ་བདག་གིསག་པར་བྱ་བ་ལ་རྩལ་སྣ་ཆགས་ཀྱང་ཡོད་ལ། ཀླུ་དང་། གར་དང་། ཕྲེད་མའི་བགཅི་ཡང་གིས་ཤིང་རྒྱལ་བཙལ་དགྱེས་པ་ཀུན་ཤེས་ན་གཉེན ་ཞེས་སྨྲས་པ་དང་། ཁྱེའུ་དེ་རོལ་མོ་ལ་སོགས་པ་སློབ་པ་ལ་ངོ་ཚ་བ་དང་བསྔོས་ནས། རིང་པོར་མ་ལོན་པར་ཀུན་བྱང་བར་བསླབས་སོ།། དུས་གཞན་ཞིག་ན་རྒྱལ་པོས་རོལ་མོ་བྱས་ཏེ། རྩལ་ཆེ ་བ་ཀུན་བསགས་ནས་ཤིང་འཛེག་པ་དང་། མཆོངས་པ་དང་། ཐག་འཛེག་ལ་སོགས་པ་རྩེད་མོ་སྣ་ཚོགས་བྱེད་པ་ལས། ཁྱིམ་བདག་གི་བུ་ཡང་དེར་འོངས་ནས་ཐག་པ་ལ་འཛེགས་ཏེ། ཐག ་པ་ལ་རྒྱུག་ཅིང་ཐག་འཛེག་བྱས་པ་དང་། རྒྱལ་པོ་ཡེངས་ཏེ་མ་མཐོང་བས་གདོང་བྱོས་ཤིག་ཅེས་བསྒོའོ།། ཁྱེའུ་ངལ་བས་ཐག་འཛེག་བྱས་པ་དང་། ཐག་པའི་དབུས་ཙམ་དུ་ཕྱིན་ནས་ཐག ་པ་ལས་ལྷུང་སྟེ། ཤིན་ཏུ་སྐྲག་པས་སྐྱབས་མེད་དོ་ཞེས་སྨྲས་སོ།། དེའི་ཚེ་མོའུ་འགལ་གྱི་བུ་དེར་འོངས་ནས་ས་ལ་མ་ལྷུང་བར་བཟུང་སྟེ་འདི་སྐད་ཅེས་སྨྲས་སོ།། ཁྱོད་ང་ལུས་དང་སྲོག ་མ་བྲལ་བར་རབ་ཏུ་འབྱུང་ངམ་འོན་ཏེ་ས་ལ་ལྷུང་སྟེ་བུ་མོ་ཆུང་མར་བླང་བར་བྱ། སྨྲས་པ། སྲོག་མ་ཡ་ལ་ན་ཆུང་མ་མི་འདོད་དོ་ཞེས་སྨྲས་པ་དང་། མོའུ་འགལ་གྱིས་ནམ་མཁའ་ལ་ས ་གཞི་མཉམ་པར་སྤྲུལ་ནས་བདེ་བར་བཞག་པ་དང་། ཁྱེའུ་དེ་འཇིགས་པ་མེད་པར་གྱུར་ཏེ། བདེ་བར་ས་ལ་བཞག་པས་ཁྱེའུ་རབ་ཏུ་དགའ་ནས། མོའུ་འགལ་གྱི་ཕྱི་བཞིན་བཅོམ་ལྡན་འདས ་གང་ན་བ་དེར་སོང་ངོ་། ། དེར་བྱིན་པ་དང་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། སངས་རྒྱས་ལ་མཆོད་པ་བྱས་སོ།། དེའི་ཚེ་ན་བཅོམ་ལྡན་འདས་ཀྱིས་སྦྱིན་པའི་གཏམ་དང་། ་ཚུལ་ཁྲིམས་ཀྱི་གཏམ་དང་། མཐོ་རིས་ཀྱི་ལྷར་སྐྱེ་བའི་གཏམ་དང་། འདོད་པ་མི་གཙང་བ་དང་། རབ་ཏུ་བྱུང་བ་ནི་བདེའོ་ཞེས་རྒྱས་པར་བསྟན་པས། ཡིད ་རྣམ་པར་གྲོལ་ཏེ་འབྲས་བུ་དང་པོ་ཐོབ་ནས། བཅོམ་ལྡན་འདས་ལ་རབ་ཏུ་འབྱུང་ཞིང་། དམ་པའི་ཆོས་སློབ་པར་གསོལ་བ་དང་། བཅོམ་ལྡན་འདས་ཀྱིས་གནང་ནས། སྐྲ་དང་ཁ་སྤུ ་རང་བྱི་སྟེ་དགེ་སློང་དུ་གྱུར་ནས། དགེ་སྦྱོང་གི་ཆོས་ལ་ནན་ཏན་བྱས་པས་ཟག་པ་ཀུན་ཟད་དེ་དགྲ་བཅོམ་པར་གྱུར་ཏོ།། དེ་ནས་ཚེ་དང་ལྡན་པ་ཀུན་དགའ་བོས། བཅོམ་ལྡན ་འདས་ལ་འདི་སྐད་ཅེས་གསོལ་ཏོ། ། དགེ་སློང་འདི་བུ་མོ་དེ་དང་སྔོན་གྱི་ལས་ཇི་ལྟར་མཐུན་ན། ལུས་སྲོག་ལ་འབབ་ཀྱི་བར་དུ་ཆགས་པར་གྱུར། མོའུ་འགལ་གྱི་བུ་ལ་དགེ་བའི་རྩ་བ་ཅི ་ཞིག་བསྐྱེད་ན་སྲོག་སྐྱབས་པའི་རྐྱེན་གྱིས་མཐར་དགྲ་བཅོམ་པར་གྱུར་པ་བསྟན་དུ་གསོལ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། སྔོན་འདས་པའི་བསྐལ་པ ་ཚད་མེད་པ་འདས་པའི་ཕ་རོལ་ན། ཡུལ་བཱ་རཱ་ནཱ་སི་འདིར་ཁྱིམ་བདག་གཅིག་ལ་བུ་སྡུག་ཅིང་བཟང་བ་དཔེ་མེད་པ་གཅིག་བཙས་སོ།། དེའི་ཚེ་ན་ཁྱིམ་བདག་དེའི་ཁྱིམ་དུ་རྒྱ་མཚོ་ནས་མི་ཞིག་འོས ་ནས་ཁྱིམ་བདག་དེ་ལ་བྱ་སྒོང་གཅིག་ཅིག་ཕུལ་ལོ། ། ཁྱིམ་བདག་གིས་ལག་ཏུ་བླངས་པ་དང་། རིང་པོ་མ་ལོན་པར་སྒོ་ངགས་ནས་བྱ་ཕྲུག་ཚང་མ་གཅིག་བྱུང་ངོ་།། ཁྱིམ་བདག་གིས ་བྱ་ཕྲུག་དེ་བུ་ལ་བྱིན་ནས་ཆེར་སྐྱེས་པ་དང་། གཅིག་ལ་གཅིག་ཆགས་ཏེ། ཁྱིམ་བདག་གི་བུ་ཕན་ཚུན་དུ་ལྟད་མོ་ལ་འགྲོ་ན། བྱ་དེའི་རྒྱབ་ལ་འདུག་ནས་བྱས་ཁྱེར་ཞིང་ནམ་མཁའ་ལ་འཕུར་ཏེ་འགྲོ། ་ནམ་སྐྱོན་ཕྱིར་ཡང་ཁྱིམ་དུ་འོངས་ཏེ། དེ་བཞིན་དུ་ཉིན་གཅིག་བཞིན་དུ་འཕྱན་དུ་འགྲོའོ།། དེ་ནས་རིང་ཞིག་ལོན་པ་དང་། དུས་གཞན་ཞིག་ན་རྒྱལ་པོ་གཞན་ཞིག་གི་ཡུལ་དུ་རོལ་མོ་བྱེད་དོ་ཞེས ་ཐོས་ནས། ཁྱེའུ་དེ་བྱ་དེ་ལ་ཞོན་ཏེ་ཡུལ་ཕ་རོལ་པོར་ལྟད་མོ་ལྟར་སོང་ནས། བྱ་ཤིང་ཀར་བཞག་སྟེ་ཁྱེའུ་ནི་ལྟད་མོ་ལྟར་ཞུགས་སོ།། ལྟད་མོ་ལྟ་བའི་ལམ་དུ་རྒྱལ་པོའི་བུ་མོ་དང་ཕྲད་ནས། ་རྒྱལ་པོའི་བུ་མོ་ལ་ཆགས་ཏེ་བུ་མོ་དང་ཉལ་ནས་ཕྱིས་གསང་ཤོར་ཏེ། རྒྱལ་པོས་ཟིན་ནས་གསོད་བཅུག་པ་ལས། ཁྱིམ་བདག་གི་བུས་འདི་སྐད་ཅེས་གསོལ་ཏོ།། བདག་ལ་མཚོན་གྱིས ་དགུ་མ་ཡང་ཅི་འཚལ། བདག་ཉིད་ཤིང་ཁར་འཛེགས་ཏེ་ཤིང་ཁ་ནས་གཡང་དུ་འགུམ་པར་གསོལ་པ་དང་། རྒྱལ་པོས་ཀྱང་དེ་བཞིན་དུ་གནང་ནས། ཁྱེའུ་ཤིང་ཁར་འཛེགས་ཏེ་བྱ་ལ་ཞོན ་ནས་འཕུར་ཏེ་སོང་བ་ལས་བྱ་དེས་སྲོག་ཐར་པར་བྱས་སོ། ། ཀུན་དགའ་བོ་དེའི་ཚེ་དེའི་དུས་ན་ཁྱིམ་བདག་གི་བུ་དེ་ནི་བ་ཤེ་ཅིར་ཡིན་ནོ།། རྒྱལ་པོའི་བུ་མོ་དེ་ནི་བུ་མོ་འདི་ཡིན་ནོ།། བྱ་དེ་ནི་མོའུ ་འགལ་གྱི་བུ་ཡིན་ཏེ། འདས་པའི་དུས་ན་ཡང་འདོད་ཆགས་ཀྱི་རྐྱེན་གྱིས་ཚེ་ཟང་བ་ལས་ཐར་བར་བྱས་སོ།། ད་ཡང་འདོད་ཆགས་ཀྱི་དབང་གིས་ཚེ་ཟད་པ་ལས་མོའུ་འགལ་གྱི་བུས་བདེ ་བར་བྱས་སོ། ། དགེ་སློང་འདི་ཡིད་གཞུངས་ཤིང་ཟག་པ་མེད་པའི་འབྲས་བུ་ཐོབ་པ་ནི། སྔོན་འདས་པའི་དུས་ན་བཱ་རཱ་ན་སི་འདིར་ཁྱིམ་བདག་གཅིག། ་ཅིག་ལ་རང་སངས་རྒྱས་ཞིག་གིས་བསོད་སྙོམས་བསླངས་པ་ལས། ཁྱིམ་བདག་དེས་བསོད་སྙོམས་ཕུལ་ཏེ་ཆོས་བསྟན་པར་གསོལ་བ་དང་། དེའི་ཚེ་རང་སངས་རྒྱས་དེས་ཆོས ་སྟོན་མི་ནུས་སོ་ཞེས་སྨྲས་ན། ལྷུང་བཟེད་ནམ་མཁའ་ལ་བསྒྱུར་ནས་འབུར་ཏེ་སོང་ངོ་།། དེ་ནས་ཁྱིམ་བདག་དེས་འདི་སྙམ་དུ་བསམས་ཏེ། སྐྱེས་བུ་འང་རྫུ་འཕྲུལ་གྱི་མཐུ་ནི་ཆེན་དམ་པའི ་ཆོས་སྟོན་མི་ནུས་པ་ལྟ། བདག་མ་འོངས་པའི་དུས་སུ་འཕགས་པ་དང་བྲད་དེ། སྐྱེས་བུ་འདི་ལས་ལྷག་པར་དམ་པའི་ཆོས་སྟོན་པ་ལ་ཟད་མི་ཤེས་པར་ཤོག་ཅིག་ཅེས་སྨོན་ལམ་བཏབ་བོ།། ་དེའི་རྐྱེན་གྱིས་ཡིད་གཞུངས་ཤིང་དགྲ་བཅོམ་པའི་འབྲས་བུ་ཐོབ་པ་ཡིན་ནོ།། བཅོམ་ལྡན་འདས་ཀྱིས་དེ་སྐད་ཅེས་གསུངས་པ་ལ་འཁོར་མང་པོ་རྣམས་མངོན་པར་དགའ་ནས། ཁ་ལ་ནི་རྒྱུན ་དུ་ཞུགས་པའི་འབྲས་བུ་དང་། ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པའི་འབྲས་བུ་ཐོབ་བོ།། ཁ་ཅིག་ནི་རང་སངས་རྒྱས་ཀྱི་དགེ་བའི་རྩ་བ་བསྐྱེད། ཁ་ཅིག་ནི་བྱང ་ཆུབ་ཏུ་སེམས་བསྐྱེད་དེ། བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ངོ་།། བ་ཤ་ཙོར་གྱི་ལེའུ་སྟེ་སུམ་ཅུ་རྩ་བརྒྱད་དོ།། ཁྱིམ་བདག་དབྱིག་པ་ཅན། ་གྱི་ལེའུ་འོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི ་ཚེ་ཡུལ་དེ་ན་བྲམ་ཟེ་བྱིན་ཏེ་ལོ་ཤུ་ཤ་ཞེས་བྱ་བ་ཞིག་ཡོད་དེ། བྲམ་ཟེ་དེའི་ཆུང་མ་དེ་རབ་ཏུ་མི་སྡུག་ཅིང་མིག་གཉིས་ཀྱང་མི་མཐོང་སྟེ། མི་མཐོང་བ་དེ་ལ་བུ་པོ་ནི་མེད་ཀྱི། བུ་མོ་བདུན་ཡོད་དེ ་རབ་ཏུ་དབུལ་འཕོངས་སོ། ། བྲམ་ཟེའི་བུ་མོ་དེ་དག་ཀྱང་སོ་སོར་བག་མར་བཏང་སྟེ། ཕྱིས་མག་པ་དག་འདུས་ནས་བྲམ་ཟེའི་ཆུང་མ་ཡང་ཁྲོ་ཞིང་གཏུམ་མོ་ཞིག་སྟེ། བུ་མོ་དང་མག་པ་དག ་སློང་བ་ལ་ཁྲོས་ནས་བུ་མོ་དག་ཀྱང་ཕྱིར་མ་ལ་གཤེའོ། ། དེའི་ཚེ་ན་ཞིང་དག་ཀྱང་བརྡ་རན་ནས། ཁྱིམ་ཚེས་ལ་བ་གླང་ཞིག་བརྙས་ཏེ་ཞིང་ཐོག་ཏུ་སོང་སོང་བ་ལས། ལེགས་པར་མ་བསྲུངས ་པས་སྟོར་ཏོ། ། དེའི་ཚེ་བྱིན་ཏེ་ལོ་ཤུ་ཤས་འདི་སྙམ་དུ་བསམས་སོ།། བདག་གིས་སྔོན་ཉེས་པ་ཅི་ཞིག་བྱས་ན། ཁྱིམ་དུ་འོངས་ན་ནི་ཆུང་མས་རྟག་ཏུ་སྤྱོ་ཞིང་བུ་མོ་བདུན་དང་མག་པ ་རྣམས་ཀྱིས་འདུག་ཏུ་མི་སྟེར། ང་ཁྱིམ་ཚེས་ཀྱི་བ་གླང་བརྙས་ན་ནི་སྟོར་བར་གྱུར་ཏེ། བདག་གིས་བཙལ་ཀྱང་མ་རྙེད་ན་ཇི་ལྟར་བྱ་སྙམ་མྱ་ངན་གྱིས་ཡི་མུག་སྟེ་འདུག་འདུག་པ་ལས། རྒྱང ་མ་ནས་དེ་བཞིན་གཤེགས་པ་ཤིང་དྲུང་ན་དབང་པོ་ཀུན་ཞི་ཞིང་བདེ་བར་བཞུགས་པ་མཐོང་ངོ་། ། བྲམ་ཟེ་དེས་འཁར་བ་ལ་སྐོམ་ཚུགས་བཅས་ཏེ་རྒྱངས་ཆད་ཀྱི་བར་དུ་བརྟགས་ནས་ཡང ་འདི་སྙམ་དུ་བསམས་སོ། ། དགེ་སྦྱོང་གོའུ་ཏ་མ་ནི་རབ་ཏུ་བདེ་སྐྱིད་དོ།། དེ་ལ་ནི་ཆུང་མས་སྐྱོ་བ་ཡང་མེད། བུ་མོ་ངན་པས་དང་མག་པས་གཙེ་བ་ཡང་མེད།། ཞིང ་བརྡ་རན་ཏེ་གླང་བརྙ་ཡང་མི་དགོས་ཏེ། མྱ་ངན་མེད་དོ་སྙམ་བསམས་ནས། བཅོམ་ལྡན་འདས་ཀྱིས་དེའི་བསམ་པ་ཐུགས་ཀྱིས་མཁྱེན་ནས་འདི་སྐད་ཅེས་བཀའ་སྩལ་ཏོ།། ཁྱོད་ཀྱི་བསམ ་པ་བཞིན་ཏེ་ང་ལ་ཡང་དག་པར་ཉེས་པའི་སྐྱོན་གང་ཡང་མེད། ཆུང་མ་ངན་པ་ཡང་མེད་ན། གཤེ་ཞིང་སྤྱོ་བ་ལྟ་ཅི་སྨོས། བུ་མོ་བདུན་གྱི་འཚེ་བ་ཡང་མེད། མག་པ་ཁྱིམ་དུ་འདུ་བ་ཡང ་མེད་ཞིང་བརྡ་རན་པ་དང་གླང་སྟོར་བའི་མྱ་ངན་བྱེད་པ་ཡང་མེད་དོ། ། ཁྱོད་རབ་ཏུ་འབྱུང་བར་དགའ་འམ་ཞེས་བཀའ་སྩལ་པ་དང་། བྲམ་ཟེས་བཅོམ་ལྡན་འདས་ལ་འདི་སྐད་ཅེས་གསོལ ་ཏོ། བདག་ད་ལྟར་ཁྱིམ་ལ་དུང་ཙམ་དུ་འཛིན་ཏེ། ཆུང་མ་དང་བུ་མོ་ལ་དགྲ་ཙམ་དུ་སེམས་སོ།། བཅོམ་ལྡན་འདས་ཀྱིས་རབ་ཏུ་འབྱུང་བར་གནང་ན་བདག་རབ་ཏུ་འབྱུང་ངོ་ཞེས་གསོལ་པ་དང་། ་བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་པས། སྒྲ་དང་ཁ་སྤུ་རང་བྱི་སྟེ་དགེ་སློང་དུ་གྱུར་ཏོ།། དེ་ནས་བཅོམ་ལྡན་འདས་ཀྱིས་ཅི་རིགས་པར་ཆོས་བསྟན་ནས། དེ་ཉིད ་དུ་དྲི་མ་ཀུན་ཟད་དེ་དགྲ་བཅོམ་པར་གྱུར་ཏོ། ། དེ་ནས་ཀུན་དགའ་བོས། བཅོམ་ལྡན་འདས་ལ་གསོལ་པ། ལེགས་སོ་བཅོམ་ལྡན་འདས་སེམས་ཅན་གྱི་དོན་མཛད་པ ་བསམ་གྱིས་མི་ཁྱབ་བོ། ། བྲམ་ཟེ་འདིས་སྔོན་ལེགས་པ་ཅི་ཞིག་བགྱིས་ན། ཉེས་པའི་སྐྱོན་ཀུན་དང་བྲལ་ཏེ་རས་དཀར་པོ་གཙང་མ་ལ་ཚོན་ཞེ་ན་སླ་བ་ལྟར་དགེ་བ་ལ་ཕན་པའི་དོན་ཐོབ་པར ་གྱུར། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། བྲམ་ཟེ་འདི་ལ་ད་ལྟར་འབའ་ཞིག་ངས་ཕན་བཏགས་ཏེ་བདེ་བར་བྱས་པར་མ་ཟད་ཀྱི། སྔོན་འདས་པའི་དུས་ན ་ཡང་ཉེས་པ་ཀུན་ལས་ཐར་ཅིང་བདེ་བར་བྱས་སོ། ། ཀུན་དགའ་བོས་གསོལ་པ། འདས་པའི་དུས་ན་བྲམ་ཟེ་འདི་ལ་ཇི་ལྟར་བདེ་བར་མཛད་པ་རྒྱས་པར་བསྟན་དུ་གསོལ། བཅོམ་ལྡན ་འདས་ཀྱིས་བཀའ་སྩལ་པ། ཁྱོད་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཞིག་དང་། ཁྱོད་ལ་བསྟན་པར་བྱའོ།། ཀུན་དགའ་བོས་གསོལ་པ། དེ་བཞིན་དུ་ཐོས་པར་འཚལ ་ལོ་ཞེས་གསོལ་པ་དང་། བཅོམ་ལྡན་འདས་ཀྱིས། ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། སྔོན་འདས་པའི་བསྐལ་པ་གྲངས་མེད་ཚད་མེད་པའི་ཕ་རོལ་ན་རྒྱལ་པོ་མཛེས ་པ་ཞེས་བྱ་བ་ཞིག་བྱུང་སྟེ། ཆོས་བཞིན་དུ་སྲིད་འཚོའོ།། དེའི་ཚེ་ཡུལ་དེ་ན་བྲམ་ཟེ་དབྱིག་པ་ཅན་ཞེས་བྱ་བ་ཞིག་འདུག་སྟེ། རབ་ཏུ་དབུལ་འཕོངས་པ་བཟའ་བ་དང་བགོ་བ་མེད་པ་ཞིག་གོ།། ་དེ་ནས་ཁྱིམ་བདག་གཅིག་ལ་གླང་ཞིག་བརྙས་ཏེ་ཉིན་པར་སྤྱད་ནས། གླང་དེ་ཁྲིད་དེ་ཁྱིམ་བདག་དེའི་ཁྱིམ་དུ་སོང་བ་དང་། དེ་ན་ཁྱིམ་བདག་ནི་ཟན་ཟ་སྟེ། དབྱིག་པ་ཅན་གྱིས་གླང་དེ་ཁྱིམ ་གྱི་ནང་དུ་བཏང་བ་དང་། གླང་སྒོ་གཞན་དུ་སོང་ནས་སྟོར་ཏོ།། ཁྱིམ་བདག་དེ་ཟན་ཟོས་ནས་ལངས་པ་དང་། དེ་ན་གླང་མ་མཐོང་ནས་དེས་དབྱིག་པ་ཅན་ལ་གླང ་ག་རེ་ཞེས་བྱས་པ་དང་། དེས་སྨྲས་པ། ཁྱོད་ཀྱི་ཁྱིམ་དུ་བཏང་ངོ་།། ཁྱོད་ཀྱིས་ངའི་གླང་བོར་གྱིས། གླང་སླར་བྱིན་ཅིག་ཅེས་སྨྲས་པ་དང་། དེས་སྨྲས་པ། ངས་མ་བོར་རོ།། ་ནས་གཉིས་འགྲོགས་ཏེ་རྒྱལ་པོའི་ཐད་དུ་འདོང་བ་དང་། འུ་བུ་ཅག་གི་རིགས་པ་དང་མི་རིགས་པ་རྟོགས་སོ་ཞེས་སྨྲས་ནས་དེ་གཉིས་དོང་བ་དང་། མི་གཞན་ཞིག་གི་རྟ་རྒོད་མ་ཞིག་བྲོས་ནས ་དེས་དབྱིག་པ་ཅན་ལ་སྨྲས་པ། རྟ་རྒོད་མ་མ་གཏང་ཞེས་སྨྲས་ནས། དེས་རྡོ་བ་ཞིག་བླངས་ཏེ་འཕངས་པ་དང་། རྟའི་རྐང་པ་ལ་ཕོག་ནས་རྐང་པ་ཆག་གོ།། དེས་སྨྲས་པ། ཁྱོད་ཀྱི ་ངའི་རྟ་བསད་ཀྱིས་ངའི་རྟ་བྱིན་ཅིག། ཅིའི་ཕྱིར་རྟ་སྦྱིན། དེས་སྨྲས་པ། ཚུར་ཤོག་རྒྱལ་པོའི་དྲུང་དུ་འདོང་དང་། དེའུ་བུ་ཅག་གི་ཞལ་ཆེ་གཅོད་དོ་ཞེས་སྨྲས་ནས། དེ་དག་དེར་སོང ་བ་དང་དབྱིག་པ་ཅན་དེ་འབྲོས་པར་བརྩམས་ཏེ། དེས་རྩིག་པ་ཞིག་གི་སྟེང་ནས་མཆོངས་པ་དང་། དེའི་དྲུང་ན་ཐ་ག་པ་ཞིག་ཐགས་འཐག་ཅིང་འདུག་པའི་སྟེང་དུ་ལྷུང་ནས། ཐག་པ་དེ་ཚེ ་འཕོས་ནས། ཐ་ག་པའི་ཆུང་མས་དབྱིག་པ་ཅན་དེ་གཟུང་ནས། ཁྱོད་ཀྱིས་ངའི་ཁྱོ་བསད་ཀྱིས། ངའི་ཁྱོ་བྱིན་ཅིག་ཅེས་སྨྲས་པ་དང་། ངས་ཁྱོད་ཀྱི་ཁྱོ་ཇི་ལྟར་སྦྱིན་ཞེས་སྨྲས་ནས། ་ཚུར་ཤོག་རྒྱལ་པོའི་དྲུང་དུ་འདོང་དང་། དེའུ་བུ་ཅག་གི་ཞལ་ཆེ་གཅོད་དོ་ཞེས་དེ་དག་དོང་བ་ལས། ལམ་གྱི་བར་དེ་ན་ཆུ་བོ་གཏིང་ཟབ་པ་ཞིག་ཡོད་དེ། ཆུ་དེའི་ནང་ན་ཚུར་ཤིང་མཁན་ཞིག ་སྟེའུ་ཁ་ན་ཁྱེར་ཏེ་འོང་ངོ་། ། དེ་ལ་དབྱིག་པ་ཅན་གྱིས་ཆུའི་གཏིང་ཇི་ཙམ་ཞེས་དྲིས་པ་དང་། ཆུ་གཏིང་ཟབ་བོ་ཞེས་སྨྲས་པས། སྟེའུ་ཆུར་ལྷུང་སྟེ་སྟེའུ་དེ་མ་རྙེད་པ་དང་། དེས་དབྱིག ་པ་ཅན་བཟུང་ནས་ཁྱོད་ཀྱིས་ངའི་སྟེའུ་ཆུར་བསྐུར་རོ། ། དེས་སྨྲས་པ། ངས་མ་བསྐུར་རོ།། ཚུར་ཤོག་རྒྱལ་པོའོ་དྲུང་དུ་འདོང་དང་། དེའུ་བུ་ཅག་གི་ཞལ་ཆེ་གཅོད་དོ་ཞེས་སྨྲས་ནས། ་དོང་ངོ་།། དེ་ལུས་ངལ་ནས་ཆང་འཚོང་གི་ཁྱིམ་དུ་སོང་སྟེ་ཆང་བསླངས་ནས། ཆང་འཚོང་བ་དེ་ལ་བུ་པོ་ཞིག་བཙས་ཏེ། བུ་གོས་ཀྱིས་གཡོགས་ཏེ་བསྙལ་བ་ལས། དབྱིག་པ་ཅན་དེའི་སྟེང ་དུ་འདུག་པ་དང་། ཁྱེའུ་དེ་སྲོག་དང་བྲལ་བར་གྱུར་ཏོ།། དེས་ཀྱང་དབྱིག་པ་ཅན་དེ་བཟུང་སྟེ། ཁྱོད་ཀྱིས་ངའི་བུ་བསད་ཀྱིས། ངའི་བུ་བྱིན་ཅིག། དེས་སྨྲས་པ། ངས་ནི་མ་བསད་ན། ་ཁྱོད་ཀྱི་བུ་ངས་ཇི་ལྟར་སྦྱིན། དེས་ཚུར་ཤོག་རྒྱལ་པོའི་དྲུང་དུ་འདོང་དང་། དེའུ་བུ་ཅག་གི་ཞལ་ཆེ་གཅོད་དོ་ཞེས་སྨྲས་ནས། དེ་དག་དོང་བ་ལས་གནས་གཞན་ཞིག་ན་ཤིང་ཤ་ཀོ་ཏ་ཀ་ལ་བྱ ་རོག་གཅིག་འདུག་པ་དེས་དབྱིག་པ་ཅན་དེ་མཐོང་ནས་གར་འགྲོ་ཞེས་སྨྲས་པ་དང་། ང་ནི་མི་འགྲོ་ན་འདི་དག་གིས་ང་ཁྲིད་དོ།། གང་དུ་ཁྲིད། རྒྱལ་པོའི་དྲུང་དུའོ།། འོ་ན་ཁོ་བོའི་འཕྲིན་ཞིག། ་ཀྱང་རྒྱལ་པོ་ལ་བྱོས་ཤིག། གནས་འདི་ཞེས་བགྱི་བ་ན་ཤིང་ཤ་ཀོ་ཏ་ཀ་དེ་ལ་བྱ་རོག་གཅིག་འདུག་པ། བདག་ཤིང་གཞན་གྱི་ཁ་ན་འདུག་པའི་ཚེ་སྐད་མི་སྙན་ལ ་ཤིང་འདིའི་ཁར་འོངས་ན་སྐད་ངོ་མཚར་དུ་སྙན་ན། དེ་ཅིའི་ཕྱིར་ཞེས་དེ་སྐད་མཆིའོ་ཞེས་སྨྲོས་ཤིག། དེ་ནས་ཡང་གནས་གཞན་ཞིག་ཏུ་སྦྲུལ་ཞིག་གིས་མཐོང་ནས། སྔ་མ་བཞིན་དུ་བདག་གི ་འཕྲིན་འདི་ཡང་ཞུས་ཤིག། བདག་ནམ་ཁུང་ནས་ཕྱིར་འབྱུང་བའི་ཚེ་ནི་བདེ། སླར་འཇུག་པའི་ཚེ་ནི་སྡུག་བསྔལ་ན། ཅིའི་ཕྱིར་དེ་ལྟར་གྱུར་ཅེས་ཞུས་ཤིག། དེ་དག་དོང་བ་ལས་གནས ་གཞན་ཞིག་ན་ན་ཆུང་གཞོན་ནུ་ཞིག་གིས་མཐོང་ནས། སྔ་མ་བཞིན་དུ་ཁོ་མོའི་འཕྲིན་ཡང་ཞུས་ཤིག། ནམ་ཁོ་མོ་ཕའི་ཁྱིམ་ན་འདུག་པའི་ཚེ་ན་གྱོས་པོའི་ཁྱིམ་འདོད། གྱོས་པོའི་ཁྱིམ་ན་འདུག ་པའི་ཚེ་ཕའི་ཁྱིམ་འདོད་ན། ཅིའི་ཕྱིར་དེ་ལྟར་གྱུར་ཞེས་ཞུས་ཤིག་ཅེས་སྨྲས་ནས། དེ་དག་དོང་བ་ལས་རྒྱལ་པོའི་དྲུང་དུ་ཕྱིན་པ་དང་། དེ་དག་རྒྱལ་པོའི་རྐང་པ་ལ་མགོ་བོས་ཕྱག་འཚལ་ཏེ། ཕྱོགས ་གཅིག་ཏུ་འདུག་གོ། ། དེ་ནས་རྒྱལ་པོས་དེ་དག་ལ་ཁྱེད་ཅི་ལ་འོངས་ཞེས་དྲིས་པ་དང་། དེ་དག་གིས་དབྱིག་པ་ཅན་དང་ཁྱིམ་བདག་རྩོད་པ་དེ་དག་ཐམས་ཅད་སྨྲས་སོ།། རྒྱལ་པོས་དབྱིག་པ་ཅན་ལ ་སྦས་པ་ཁྱོད་ཀྱིས་གླང་བརྙས་སམ། བརྙས་སོ།། འོ་ན་ཕྱིར་བྱིན་ནམ། གླང་བདག་གིས་མཐོང་བར་བྱིན་ཏེ་ཁས་ནི་མ་གཏད་དོ།། རྒྱལ་པོས་སྤྲས་པ། དབྱིག་པ་ཅན་འདས་གླང ་ཕྱིར་བྱིན་ཏེ་མ་སྨྲས་པས་ལྕེ་ཆོད་ཅིག། ཁྱིམ་བདག་ཀྱང་གླང་འོངས་པར་མཐོང་ལ་མ་བཏགས་པས་ན་མིག་ཕྱུང་ཞིག་ཅེས་བཅད་དོ།། ཁྱིམ་བདག་གིས་སྨྲས་པ། དབྱིག་པ་ཅན་གྱིས་གཅིག་ཏུ ་ན་བདག་གི་གླང་འཕྲོགས། གཉིས་སུ་ན་བདག་གི་མིག་ཕྱུང་བ་བས་དབྱིག་པ་ཅན་རྒྱལ་བར་གྱུར་པ་བླའོ།། མི་གཅིག་གིས་ལྷ་དབྱིག་པ་ཅན་འདིས་བདག་གི་རྟ་རྒོད་མ་བཀུམ་མོ་ཞེས་སྨྲས ་པ་དང་རྒྱལ་པོས་དབྱིག་པ་ཅན་ལ་ཁྱོད་ཀྱིས་རྟ་ཇི་ལྟར་བསད་ཅེས་དྲིས་ན། བདག་ལམ་དུ་ཞུགས་ཏེ་མཆི་མཆི་བ་ལས། མི་འདི་རྟ་མ་གཏང་ཞིག་ཅེས་མཆི་ནས་བདག་གིས་རྡོ་བ་གཅིག་བླངས ་ཏེ་འཕངས་པ་ལས་རྟ་གུམ་མོ། ། རྒྱལ་པོས་སྨྲས་པ། རྟ་བདག་གིས་རྟ་མ་གཏང་ཞིག་ཅེས་སྨྲས་པས། རྟ་བདག་ནི་ལྕེ་ཆོད་ཅིག། དབྱིག་པ་ཅན་ནི་རྡོ་བ་འཕངས་པས་ལག་པ་ཆོད་ཅིག། ་མི་དེས་སྨྲས་པ། གཅིག་ཏུ་ན་བདག་གི་རྟ་བསད། གཉིས་སུ་ན་བདག་གི་ལྕེ་གཅད་པ་བས་དབྱིག་པ་ཅན་རྒྱལ་བར་གྱུར་བླའོ།། ཤིང་མཁན་གྱིས་སྨྲས་པ། དབྱིག་པ་ཅན་གྱིས་བདག་ལ ་ཆུའི་གཏིང་ཇི་ཙམ་དུ་ཟབ་ཅེས་དྲིས་པས། ཁ་ན་སྟེའུ་ཐོགས་པ་ཆུར་ལྷུང་ངོ་ཞེས་གསོལ་པ་དང་། རྒྱལ་པོས་སྨྲས་ཏེ། རྫས་ཅི་ཁྱེར་ཡང་ཕྲག་པ་ལ་བཀུར་བའི་རིགས་ཀྱི། ཁ་ནས ་ཁྱེར་བས་ཤིང་མཁན་གྱི་མདུན་སོ་གཅིག་ཆོག་ཅིག། དབྱིག་པ་ཅན་ནི་ཆུ་གཏིང་ཟབ་བམ་ཞེས་དྲིས་པས་ལྕེ་ཆོད་ཅིག། ཤིང་མཁན་གྱིས་སྤྲས་པ། གཅིག་ཏུ་ན་བདག་གི་སྟེའུ་སྟོར། གཉིས ་སུན་བདག་གི་སོ་བཅག་པ་བས་དབྱིག་པ་ཅན་རྒྱལ་བར་གྱུར་བླའོ། ། ཆང་འཚོང་མས་སྨྲས་པ། དབྱིག་པ་ཅན་གྱིས་བདག་གི་བུ་བསད་དོ།། དབྱིག་པ་ཅན་གྱིས ་སྨྲས་པ་བདག་ངལ་བས་ཆང་སློང་དུ་མཆིས་ནས་སྟན་ལ་མ་བལྟས་པར་སྟན་ལ་འདུག་པས། འོག་ན་བུ་མཆིས་པར་མ་ཚོར་ཏེ་བུ་གུམ་མོ།། རྒྱལ་པོས་སྨྲས་པ། ཆང་འཚོང་མ་ཁྱོད་བུ ་གོར་བསྙལ་ལ་གོས་ཀྱིས་མི་མངོན་པར་གཡོགས་པས་ཉེས་སོ། ། དབྱིག་པ་ཅན་ཁྱོད་སྟན་ལ་མི་རྟོག་པར་འདུག་པ་ཡང་ཉེས་ཀྱིས། དབྱིག་པ་ཅན་ཁྱོད་ཁྱོར་བྱོས་ལ་བུ་ཡོད་པར་གྱིས་ཤིག་ཅེས ་སྨྲས་སོ། ། ཆང་འཚོང་མས་སྨྲས་པ། གཅིག་ཏུ་ན་བདག་གི་བུ་བསད། གཉིས་སུ་ན་ཁྱོར་བྱིན་པ་བས་དབྱིག་པ་ཅན་རྒྱལ་བར་གྱུར་བླའོ།། ཐ་ག་པའི་ཆུང་མས་སྨྲས་པ། དབྱིག་པ་ཅན ་གྱིས་བདག་གི་ཁྱོ་བཀུམ་མོ། ། དབྱིག་པ་ཅན་གྱིས་སྨྲས་པ། བདག་ལ་དགྲ་མངས་པས་འཇིགས་ཏེ་རྩིག་པ་རྒལ་ནས་བྲོས་པ་ལས། ཕག་ན་མི་ཡོད་པས་མ་མཐོང་སྟེ་གུམ་མོ།། རྒྱལ ་པོས་སྨྲས་པ། སོང་ལ་འདི་ཉིད་ཁྱོད་ཀྱི་ཁྱོར་གྱིས་ཤིག། དེས་སྨྲས་པ། གཅིག་ཏུ་ན་བདག་གི་ཁྱོ་བསད། གཉིས་སུ་ན་བདག་གི་ཁྱོར་བྱ་བ་བས་དབྱིག་པ་ཅན་རྒྱལ་བར་གྱུར་བླའོ།། ་དེ་དག་སོ་སོ་ནས་ཞལ་ཆེ་བཅད་དེ་དབྱིག་པ་ཅན་ཡུས་བྱིན་ནས་ཉེས་པ་ཀུན་ལས་ཐར་ཏོ།། རྒྱལ་པོ་དེ་ལ་ཡང་བུད་མེད་གཉིས་ཤིག་བུ་གཅིག་ལ་སྟོད་དེ། རྒྱལ་པོ་བློ་མཁས་པས་བརྟགས ་ནས་བུད་མེད་གཉིས་ལ་འདི་སྐད་ཅེས་སྨྲས་སོ། ། ཁྱེད་གཉིས་ཀྱིས་བུའི་ལག་པ་རེ་རེ་ནས་བཟུང་སྟེ་དྲོངས་ལ། གང་གིས་ཐོབ་པ་བུ་ཁྱེར་ཅིག་ཅེས་བསྒོ་བ་དང་། བུའི་མ་མ་ཡིན་པ་ཡིས་ནི ་བུ་ལ་སྙིང་རྗེ་མེད་པས་སྣད་ཀྱིས་མི་དོགས་ཏེ་མཐུ་ཅི་ཡོད་པས་དྲངས་སོ། ། བུའི་མ་གང་ཡིན་པ་དེས་ནི་བུ་ལ་བྱམས་པས་སྣད་ཀྱིས་དོགས་ཏེ། སྟོབས་ཀྱིས་ཐུབ་ཀྱང་དྲག་ཏུ་མི་འདྲེན་ནོ།། ་རྒྱལ་པོས་ཀྱང་རྟོགས་ནས་དྲག་ཏུ་དྲངས་པ་དེ་ལ་འདི་ནི་ཁྱོད་ཀྱི་བུ་མ་ཡིན་ཏེ། བུད་མེད་ཅིག་ཤོས་ཀྱི་བུ་ཡིན་པས་ན་དྲང་པོར་སྨྲོས་ཤིག་ཅེས་བྱས་པ་དང་། དལ་གྱིས་འདྲེན་པའི་བུ་ཡིན་པར་གྱུར ་ཏེ་བུ་ཁྱེར་རོ། ། དེ་ནས་ཡང་མི་གཉིས་ཤིག་རས་ཡུག་གཅིག་ལ་སྟོད་དེ་རྒྱལ་པོའི་དྲུང་དུ་འོངས་པ་ལས། རྒྱལ་པོས་བརྟགས་ནས་ཞལ་ཆེ་གོང་མ་བཞིན་དུ་བཅད་དོ།། དེ་ནས་དབྱིག་པ་ཅན ་གྱིས་རྒྱལ་པོ་ལ་འདི་སྐད་ཅེས་གསོལ་ཏོ། ། འདི་དག་གིས་བདག་བཟུང་སྟེ་ཁྲིད་ཅིང་མཆི་བ་ན། སྦྲུལ་ཞིག་གི་འཕྲིན་དུ་འདི་སྐད་ཅེས་མཆིའོ།། བདག་ཁུང་བུ་ནས་ཕྱིར་འབྱུང་བའི་ཚེ་ནི་བདེ ་སླར་འཇུག་པའི་ཚེ་ནི་སྡུག་བསྔལ་ན། ཅིའི་ཕྱིར་དེ་ལྟར་གྱུར་པ་ཞུས་ཤིག་ཅེས་མཆིའོ།། རྒྱལ་པོས་སྨྲས་པ། སྦྲུལ་དེ་ལ་ཁྱོད་ཀྱིས་འདི་སྐད་ཅེས་གྱིས་ཤིག། ཁྱོད་མི་ཁྲོ་ཞིང་བཀྲེས་པས ་ཁུང་ནས་བྱུང་བའི་ཚེ་ནི་བདེའོ། ། ཕྱིར་བྱུང་ནས་ཁ་ཟས་མང་དུ་ཟོས་ལ་བྱ་རྣམས་ཀྱིས་གཙེས་པས། ཁྱོད་ཁྲོས་ཏེ་སྦོམ་པོར་གྱུར་པས་སླར་འཇུག་པའི་ཚེ་ཁུང་བུ་ལ་ཐོགས་ནས་སྡུག་བསྔལ་ལོ་ཞེས ་གྱིས་ཤིག། ཁྱོད་ཀྱིས་དེ་སྟེ་ཁ་ཟས་ཀྱི་ཚོད་ཤེས་ལ་མི་ཁྲོ་ན། ཇི་ལྟར་ཕྱིར་འབྱུང་བ་དང་འདྲ་བར་བདེ་བར་འཇུག་གོ་ཞེས་སྨྲོས་ཤིག། དེ་ནས་ན་ཆུང་གཞོན་ནུའི་འཕྲིན་སྨྲས ་པ་དང་རྒྱལ་པོས་སྤྲས་པ། ན་ཆུང་གཞོན་ནུ་དེ་ལ་ཁྱོད་ཀྱི་ཕའི་ཁྱིམ་ན་མཛའ་བོ་འདུག་སྟེ། ནམ་གྱེས་པོའི་ཁྱིམ་ན་འདུག་པ་དེའི་ཚེ་ན། མཛའ་བོ་ལ་ཆགས་པས་ཕའི་ཁྱིམ་དུ་འགྲོ་འདོད ་དོ། ནམ་པའི་ཁྱིམ་ན་འདུག་པ་དེའི་ཚེ་ནི་མཛའ་བོ་ལ་སྐྱོ་སྟེ། ཁྱོ་ལ་ཆགས་པས་གྱོས་པོའི་ཁྱིམ་དུ་འགྲོ་འདོད་པ་ཡིན་གྱིས། གནས་གཅིག་སྤོངས་ལ་གཅིག་ལེགས་པར་ཟུང་ཞིག་དང ་དེ་ལྟ་བུའི་གནོད་པ་མེད་པར་འགྱུར་རོ་ཞེས་སྨྲོས་ཤིག། གནས་གཞན་ཞིག་ན་ཤིང་ཤ་ཀོ་ཏ་ཀ་ལ་བྱ་རོག་གཅིག་འདུག་པའི་འཕྲིན་སྨྲས་པ་དང་། རྒྱལ་པོས་སྨྲས་པ། ཤིང་དེའི་འོག ་ན་གསེར་ཡོད་པས་ཁྱོད་ཀྱི་སྐད་སྙན་པ་ཡིན་ནོ། ། ཤིང་གཞན་གྱི་དྲུང་ན་གསེར་མེད་པས་སྐད་མི་སྙན་ནོ་ཞེས་གྱིས་ཤིག། རྒྱལ་པོས་དབྱིག་པ་ཅན་ལ་སྨྲས་པ། ཁྱོད་ལ་ཉེས་པ་མང་དུ་བྱུང ་ཡང་ངས་བཏང་ངོ་། ། ཁྱོད་ནི་དབུལ་འཕོངས་ཀྱིས། ཤིང་གི་འོག་ན་གསེར་གྱི་གཏེར་ཡོད་པ་ཁྱོད་རྐོས་ལ་ཁྱེར་ཅིག། དབྱིག་པ་ཅན་གྱིས་རྒྱལ་པོས་བསྒོ་བ་བཞིན་དུ་སོ་སོའི་འཕྲིན་ཡང་བསྒོ ་ནས་ཤིང་དྲུང་ནས་གསེར་ཡང་ཕྱུང་སྟེ་ཁྱེར་རོ། ། དེ་ཕྱིན་ཆད་སོ་ཆེས་ཚུགས་ནས་ཅིས་ཀྱང་མི་བྲེལ་ཏེ། ཚེ་གཅིག་ཏུ་ཕྱུག་ཅིང་བདེ་སྐྱིད་པར་གྱུར་ཏོ།། ཀུན་དགའ་བོ ་དེའི་ཚེ་དེའི་དུས་ན་རྒྱལ་པོ་མཛེས་པ་ཅན་དེ་ལ་གཞན་དུ་མ་སེམས་ཤིག་ད་ལྟར་ང་ཡིན་ནོ། ། དེའི་ཚེ་དེའི་དུས་ན་བྲམ་ཟེ་དབྱིག་པ་ཅན་དེ་ནི་བྲམ་ཟེ་ཕྱིན་ཏེ་ལོ་ཤུ་ཤ་ཡིན་ནོ།། ངས་སྔོན་ཡང་སྡུག ་བསྔལ་ཐམས་ཅད་ལས་ཐར་པར་བྱས་ཏེ། རིན་པོ་ཆེ་བྱིན་ནས་བདེ་སྐྱིད་པར་བྱས་སོ།། ད་མངོན་པར་སངས་རྒྱས་ནས་ཀྱང་སྡུག་བསྔལ་ལས་ཐར་པར་བྱས་ཏེ། ཟད་མི་ཤེས་པའི་ཆོས་རིན ་པོ་ཆེའི་གཏེར་བྱིན་ནོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་འཁོར་མང་པོ། བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ནས ་མངོན་པར་དགའ་འོ། ། ཁྱིམ་བདག་དབྱིག་པ་ཅན་ཞེས་བྱ་བའི་ལེའུ་སྟེ་སུམ་ཅུ་དགུ་པའོ།། །། བྲམ་ཟེ་ཤི་ཚིར་ཞེས་བྱ་བའི་ལེའུའོ།། འདི་སྐད་བདག་གིས་ཐོས ་པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ཡུལ་དེ་ན་བྲམ་ཟེ་ཤི་ཙཽར་ཞེས་བྱ་བ་ཆོ ་རིགས་བཙུན་པ་ཕྱུག་པ་ཞིག་ཡོད་དེ། བུ་མེད་པར་སྟོན་པ་དྲུག་གི་ཐད་དུ་སོང་སྟེ་དྲིས་པ་དང་། སྟོན་པ་དྲུག་གིས་ཀྱང་ཁྱོད་ལ་བུའི་མཚན་ཡོང་མེད་དོ་ཞེས་སྨྲས་སོ།། དེ་ནས་བྲམ་ཟེ་ཕྱིར ་ཁྱིམ་དུ་འོངས་ནས་གོས་དྲི་མ་ཅན་གྱོན་ཏེ། མྱ་ངན་གྱི་ཁང་བུར་ཞུགས་ནས་མི་དགའ་སྟེ་འདི་སྙམ་དུ་བསམས་སོ།། བདག་ལ་བུ་ནི་མེད་ཀྱི། གལ་ཏེ་ནང་གཅིག་ཚེའི་དུས་བྱས་ན་ཁྱིམ་དང ་ནོར་རྫས་བཅས་སུ་རྒྱལ་པོས་བཞེས་སོ་སྙམ་བསམས་ནས། རབ་ཏུ་མི་དགའ་ཞིང་འདུག་གོ།། དེའི་ཚེ་ན་བྲམ་ཟེ་དེའི་ཆུང་མ་དགེ་སློང་མ་དང་བཤེས་སོ།། དགེ་སློང ་མ་དེ་བྲམ་ཟེ་དེའི་ཁྱིམ་དུ་འོངས་ནས། བྲམ་ཟེ་དེ་ཤིན་ཏུ་མི་དགའ་ཞིང་མྱ་ངན་གྱིས་ཡི་མུག་པར་མཐོང་ནས། ཆུང་མ་ལ་ཁྱོད་ཀྱི་ཁྱོ་ཅིའི་ཕྱིར་མི་དགའ་ཞེས་དྲིས་པ་དང་། བྲམ་ཟེའི་ཆུང་མས ་སྨྲས་པ། བདག་ཅག་ལ་བུ་མེད་དེ་སྟོན་པ་དྲུག་ལ་དྲིས་ན། ཁྱོད་ལ་བུ་མཚན་མེད་དོ་ཞེས་བསྒོ་བས་མི་དགའ་ཞིང་མྱ་ངན་བྱེད་དོ།། དེ་ནས་དགེ་སློང་མ་དེས་སྨྲས་པ། སྟོན་པ་དྲུག་ནི་ཐམས ་ཅད་ཤེས་པ་མ་ཡིན་ན། དེས་ལས་ཀྱི་རྒྱུ་རྐྱེན་ག་ལ་ཞིག་རིག། དེ་བཞིན་གཤེགས་པ་འཇིག་རྟེན་ན་བཞུགས་ཏེ། ཐམས་ཅད་རྟོགས་ཤིང་མཁྱེན་པས་འདས་པ་དང་། མ་འོངས་པ་ལ ་ཐོགས་པ་མེད་ན། ཅིའི་ཕྱིར་བུ་ཡོད་དམ་མེད་ཅེས་མི་འདྲིའོ་ཞེས་བསྒོའོ།། དགེ་སློང་མ་དེ་ཕྱིར་སོང་ནས་བྲམ་ཟེའི་ཆུང་མས་ཁྱོལ་དེ་སྐད་ཅེས་སྨྲས་པ་དང་། བྲམ་ཟེ་དེ་དགའ་རངས་ནས་རྟོགས ་ཤིང་ཁོང་དུ་ཆུད་པར་གྱུར་ཏེ། དེ་མ་ཐག་ཏུ་གོས་སར་པ་བགོས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ཏེ། བཅོམ་ལྡན ་འདས་བདག་གི་མཚན་དང་དབང་ཐང་གིས་བུ་མཆིས་སམ་ཞེས་གསོལ་བ་དང་། བཅོམ་ལྡན་འདས་ཀྱིས་བྲམ་ཟེ་དེ་ལ་ཁྱོད་ལ་བུ་ཡོད་པར་འགྱུར་ཏེ། བསོད་ནམས་དང་ཡང་ལྡན་ལ། ་ཆེར་སྐྱེས་ནས་རབ་ཏུ་འབྱུང་བ་ལ་དགའ་བར་འགྱུར་རོ་ཞེས་བཀའ་སྩལ་ཏོ།། བྲམ་ཟེས་དེ་སྐད་ཅེས་བཀའ་སྩལ་པ་ཐོས་ནས་རབ་ཏུ་དགའ་མགུ་རངས་ཏེ། བུ་ཡོད་པར་གྱུར་ན་ལྷ་རབ་ཏུ ་བྱུང་ཡང་བླ་སྟེ། སྡུག་བསྔལ་མེད་དོ་ཞེས་སྨྲས་ནས། བཅོམ་ལྡན་འདས་དང་དགེ་སློང་གི་དགེ་འདུན་རྣམས་བཤོས་ལ་གཤེགས་པར་སྤྱན་དྲངས་པ་དང་། བཅོམ་ལྡན་འདས་ཀྱིས་ཅང ་མི་གསུང་བར་གཤེགས་སུ་གནང་སྟེ། ཕྱིད་ཉིན་གདུགས་ཚོད་ལ་བབ་ནས། སངས་རྒྱས་དང་དགེ་འདུན་བཅས་སུ་བྲམ་ཟེ་དེའི་ཁྱིམ་དུ་གཤེགས་ནས། གདན་བཏིང་བ་ལ་བཞུགས་ཏེ། ་བྲམ་ཟེ་ཁྱོ་ཤུག་གིས་བསྟི་སྟང་དང་བཅས་པས་བསོད་སྙོམས་གསོལ་ཏོ།། བསོད་སྙོམས་གསོལ་ནས་སངས་རྒྱས་དང་དགེ་འདུན་བཅས་སུ་སླར་གཤེགས་པ་དང་། དེའི་བར་ན་ནེའུ་གསིང ་ཞིག་ཡོད་དེ། ཆུ་མིག་ཤིན་ཏུ་གཙང་མ་ཞིག་ཡོད་པ་ལ། བཅོམ་ལྡན་འདས་དང་དགེ་སློང་གི་དགེ་འདུན་རྣམས་མཉེལ་བ་ཤོལ་ཏེ། སོ་སོ་ནས་ཆུ་མིག་དེ་ལ་བཅུས་ནས་ལྷུང་བཟེད་དང་རྐང ་ལག་བཀྲུས་སོ། ། དེ་ནས་སྤྲེའུ་ཞིག་དེར་འོངས་ཏེ། ཀུན་དགའ་བོ་ལས་ལྷུང་བཟེད་བླངས་པ་དང་། བཅག་གིས་དོགས་པས་ཀུན་དགའ་བོས་ལྷུང་བཟེད་མ་སྟེར་བ་ལས། བཅོམ་ལྡན ་འདས་ཀྱིས་ཀུན་དགའ་བོ་ལྷུང་བཟེད་སྤྲེའུ་ལ་བྱིན་ཅེས་བཀའ་སྩལ་ཏོ། ། དེ་ནས་ཀུན་དགའ་བོས་ལྷུང་བཟེད་སྤྲེའུ་ལ་བྱིན་པ་དང་། སྤྲེའུས་ཤིང་ཀ་ནས་སྦྲང་རྩི་བླངས་ཏེ་ལྷུང་བཟེད་བཀང ་ནས་བཅོམ་ལྡན་འདས་ལ་ཕུལ་ལོ། ། བཅོམ་ལྡན་འདས་ཀྱིས་སྦྲང་རྩིའི་ནང་གི་མི་གཙང་བ་ཕྱུང་ཞིག་ཅེས་བཀའ་སྩལ་པ་དང་། སྤྲེའུས་སྲིན་བུའི་རོ་ལ་སོགས་པ ་བསལ་ཏེ་ཕུལ་ལོ། ། བཅོམ་ལྡན་འདས་ཀྱིས་སྦྲང་རྩིའི་ལྷུང་བཟེད་བཞེས་ནས། སྦྲང་རྩི་ཆུ་དང་སྦྱོར་ལ་གསོལ་ཅིག་ཅེས་བཀའ་སྩལ་ནས། ཆུ་དང་སྦྱར་ཏེ་བཅོམ་ལྡན་འདས་ལ་ཕུལ ་ལོང་བཅོམ་ལྡན་འདས་ཀྱིས་བཞེས་ནས་དགེ་སློང་གི་དགེ་འདུན་རྣམས་ལ་ཡང་བགོས་ཏེ་བྱིན་ནས་ཐམས་ཅད་ངོམས་པར་གྱུར་ཏོ། ། དེའི་ཚེ་སྤྲེའུ་དེས་འདི་ལྟ་བུ་དག་མཐོང་ནས་རབ་ཏུ ་དགའ་སྟེ་མཆོངས་པ་དང་། གར་བྱས་པ་དང་གཡང་དུ་ལྷུང་སྟེ་ཚེའི་དུས་བྱས་ནས་དེ་མཐག་ཏུ་བྲམ་ཟེའི་བུར་སྐྱེས་ཏེ། བྲམ་ཟེ་དེའི་ཆུང་མ་སེམས་ཅན་དང་ལྡན་པར་གྱུར་ཏེ། ཟླ་བ་ཚང་ནས་བུ། ་ཁྱེའུ་བཟང་བ་བལྟ་ན་སྡུག་པ་གཅིག་བཙས་སོ།། ཐོག་མ་བཙས་པའི་ཚེ་ཁྱིམ་གྱི་ནང་ན་སྣོད་ཅི་ཡོད་པ་དེ་དག་ཐམས་ཅད་ཀྱི་ནང་ན་སྦྲང་རྩིས་གང་བར་གྱུར་ཏོ།། བྲམ་ཟེ་ཁྱོ་ཤུག་རབ་ཏུ་དགའ་ནས ་མཚན་མཁན་པོས་ཏེ་མཚན་བལྟས་སོ། ། མཚན་མཁན་གྱིས་ཁྱེའུ་འདི་བཙས་པ་ན་ལྷས་ས་མ་ཡ་མཚན་ཅི་ཞིག་བྱུང་ཞེས་དྲིས་ན། ཐོག་མ་བཙས་པའི་ཚེ་སྦྲང་རྩིས་གང་ངོ་ཞེས་སྨྲས་ནས། བུའི ་མིང་ཡང་སྦྲང་རྩི་མཆོག་ཅེས་བྱ་བར་བཏགས་སོ། ། དེ་ནས་གསོས་བསྐྱེད་དེ་ཆེར་སྐྱེས་པ་དང་། ཕ་མ་ལ་རབ་ཏུ་འབྱུང་བར་གསོལ་ཏོ།། ཕ་མས་བུ་ལ་ཆགས་པས་མ་བཏང་ངོ་།། ཁྱེའུས་ཡང ་ནས་ཡང་དུ་གསོལ་ཏེ། ཕ་མས་བདག་གི་བགེགས་བགྱིས་ན་བདག་འགྲུས་ཐོད་ཀྱིས། འདྲ་འདིའི་ནང་ན་འཚམ་པོད་དོ་ཞེས་སྨྲས་སོ།། དེ་ནས་ཁྱེའུའི་ཕ་མས་བགྲོས་ཏེ། སྔོན་བཅོམ་ལྡན ་འདས་ཀྱིས་ཀྱང་རབ་ཏུ་འབྱུང་ངོ་ཞེས་ལུང་བསྟན་ཏེ། ད་བར་ཆད་བྱས་ན་སྲོག་དང་བྲལ་དུ་འོང་གིས་གནང་བར་བྱའོ་ཞེས་གྲོས་བྱས་ནས། བུ་ལ་ཁྱོད་ཡིད་བཞིན་དུ་རབ་ཏུ་འབྱུང་བར་གནང་ངོ་། ་ཞེས་བསྒོའོ།། དེ་ནས་ཁྱེའུ་དགའ་མགུ་རངས་ཏེ། བཅོམ་ལྡན་འདས་གང་ན་བར་སོང་སྟེ་ཕྱིན་པ་དང་། ཞབས་ལ་སྤྱི་བོས་ཕྱག་འཚལ་ཏེ་རབ་ཏུ་འབྱུང་བར་གསོལ་ཏོ།། བཅོམ་ལྡན་འདས ་ཀྱིས་ཀྱང་ལེགས་པར་འོངས་སོ་ཞེས་བཀའ་སྩལ་པས། སྐྲ་དང་ཁ་སྤུ་རང་བྱི་སྟེ་དགེ་སློང་དུ་གྱུར་ཏོ།། དེ་ནས་བདེན་པ་བཞིའི་ཆོས་རྒྱས་པར་བསྟན་པས་སེམས་རྣམ་པར་གྲོལ་ཏེ། ཟག་པ ་ཀུན་ཟད་ནས་དགྲ་བཅོམ་པར་གྱུར་ཏོ། ། དགེ་སློང་དག་དང་ཕན་ཚུན་སེམས་ཅན་ཀུན་གྱི་དོན་ལ་འགྲོ་བའི་ཚེ། གལ་ཏེ་སྐོམ་མམ་ངལ་ན་ནམ་མཁའ་ལ་ལྷུང་བཟེད་བོར་བས་སྦྲང་རྩིས་རང ་གང་སྟེ་ཀུན་དང་ཐུན་མོང་དུ་འཐུང་ངོ་། ། དེ་ནས་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དགེ་སློང་སྦྲང་རྩི་མཆོག་གིས་སྔོན་བསོད་ནམས་ཙ ་ཞིག་བགྱིས་ན། རབ་ཏུ་བྱུང་ནས་རིང་པོ་མ་ལོན་པར་དགྲ་ཡང་བཅོམ་ལ་བསམས་པ་ཡིད་བཞིན་དུ་ཐོབ་པར་གྱུར། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། ཀུན ་དགའ་བོ་ཁྱོད་སྔོན་བྲམ་ཟེ་ཤི་ཙིར་གྱིས་བོས་པ་དྲན་ནམ། གསོལ་པ། དྲན་ནོ།། ཀུན་དགའ་བོ་ཁྱོད་ཀྱིས་ཟས་ཀྱི་བྱ་བ་བྱས་ནས་ནེའུ་གསིང་ལ་བསྟི་བ་ན་སྤྲེའུ་ཞིག ་གིས་ཁྱོད་ལས་ལྷུང་བཟེད་བླངས་ཏེ་སྦྲང་རྩིས་བཀང་ནས་ང་ལ་ཕུལ་བ་དང་། སྤྲེའུ་དགའ་ནས་མཆོངས་པ་དང་། གར་བྱས་པ་ལས་གཡང་དུ་སོང་སྟེ་ཚེ་བརྗེས་པ་དྲན་ནམ། གསོལ་པ། ་དྲན་ནོ། ཀུན་དགའ་བོ་དེའི་ཚེ་ན་སྦྲང་རྩི་ཕུལ་བའི་སྤྲེའུ་དེ་ནི། དགེ་སློང་སྦྲང་རྩི་མཆོག་འདི་ཡིན་ནོ།། སངས་རྒྱས་མཐོང་ནས་དགའ་བའི་སེམས་ཀྱིས་སྦྲང་རྩི་ཕུལ་བས་བྲམ་ཟེ་དེའི་བུར་སྐྱེས་ཏེ། ་བྱད་གཟུགས་བཟང་བ་དང་། རབ་ཏུ་བྱུང་ནས་ཀྱང་ཟག་པ་མེད་པར་གྱུར་ཏོ།། དེ་ནས་ཀུན་དགའ་བོས་པུས་མོའི་ལྷ་ང་ས་ལ་བཙུགས་ནས། ཡང་བཅོམ་ལྡན་འདས་ལ ་འདི་སྐད་ཅེས་གསོལ་ཏོ། ། དགེ་སློང་འདིས་ཉེས་པ་ཅི་ཞིག་བགྱིས་ན་སྤྲེའུའི་ནང་དུ་སྐྱེས་པར་གྱུར། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། སྔོན་འདས་པའི་དུས ་ན་སངས་རྒྱས་འོད་སྲུངས་འཇིག་རྟེན་དུ་གཤེགས་པའི་ཚེ། དགེ་སློང་གསར་ཞུགས་གཞོན་ནུ་ཞིག་གིས། དགེ་སློང་ཞིག་ཡུར་བ་ཞིག་ལ་མཆོངས་པ་མཐོང་ནས། འདི་སྐད་དུ་ཁྱོད་ནི་རབ ་ཏུ་མྱུར་ཏེ་སྤྲེའུ་དང་འདྲའོ་ཞེས་སྨྲས་པ་དང་། དགེ་སློང་དེས་ཐོས་ནས་དེ་ལ་འདི་སྐད་ཅེས་སྨྲས་སོ།། ཁྱོད་ཀྱིས་ང་ཤེས་སམ། སྨྲས་པ། ཁྱོད་ནི་སངས་རྒྱས་འོད་སྲུངས་ཀྱི་དགེ ་སྐྱོང་ཡིན་ན། ཅིའི་ཕྱིར་མི་ཤེས། དགེ་སློང་དེས་ཡང་སྨྲས་པ། ཁྱོད་ང་ལ་མ་འཕྱ་ཞིག། ང་ནི་མིང་ཙམ་གྱི་དགེ་སྦྱོང་མ་ཡིན་ཏེ། དགེ་སྦྱོང་གི་འབྲས་བུ་བཞི་ཡང་ངས་ཐོབ་བོ་ཞེས་བསྒོ ་བ་དང་དགེ་སློང་གཞོན་ནུ་དེ་དངངས་ཏེ་བ་སྤུ་ཡང་ལངས་ནས་ལུས་སྤང་ལྔ་ས་ལ་གཏུགས་ཏེ་འགྱོད་ཚངས་གསོལ་ཏོ། ། དེ་ལྟར་འགྱོད་ཚངས་བྱས་པས་ནི་སེམས་ཅན་དམྱལ་བར་མ་སྐྱེས ་སོ། ། དགྲ་བཅོམ་པ་ལ་འཕྱ་བས་ནི་སྐྱེ་བ་ལྔ་བརྒྱའི་བར་དུ་རྟག་ཏུ་སྤྲེའུར་སྐྱེས་སོ།། སྔོན་ཡང་རབ་ཏུ་བྱུང་སྟེ་ཚུལ་ཁྲིམས་བསྲུངས་པས། དང་དང་ཕྲད་ནས་བཀྲུས་པ་བཞིན་དུ་སྡུག ་བསྔལ་ཀུན་ཟད་དོ། ། ཀུན་དགའ་བོ་དེའི་ཚེ་དེའི་དུས་ན་དགེ་སློང་གཞོན་ནུ་དེ་ད་ལྟར་སྦྲང་རྩི་མཆོག་ཡིན་ནོ།། དེའི་ཚེ་ན་ཀུན་དགའ་བོ་དང་འཁོར་མང་པོའི་རྣམས་སངས ་རྒྱས་ཀྱིས་གསུངས་པ་ཐོས་ནས་ཀུན་གྱིས་འདི་སྐད་ཅེས་སྨྲས་སོ། ། ལུས་དང་། ངག་དང་། ཡིད་ཀྱི་ལས་ནི་མི་བསྲུང་དུ་མི་རུང་ངོ་།། དགེ་སློང་འདི་ཡང་ངག་གི་ལས་མ་བསྲུངས་པས་ལས ་རྣམ་པར་སྨིན་པ་དེ་ལྟ་བུ་མྱོང་ངོ་། ། བཅོམ་ལྡན་འདས་ཀྱིས་ཀུན་དགའ་བོ་ལ་ཁྱོད་ཀྱིས་སྨྲས་པ་བཞིན་ནོ་ཞེས་བཀའ་སྩལ་ནས། བདེན་པ་བཞི་རྒྱས་པར་བསྟན་ཏེ། ལུས་དང་། 8 ་དང་ཡིད་ཀྱི་ལས་རྣམ་པར་དག་ཅིང་སེམས་ཀྱི་དྲི་མ་དང་བྲལ་བས། ཁ་ཅིག་ནི་རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པ་ཐོབ ་བར་གྱུར་ཏོ། ། ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། ལ་ལ་ནི་ཕྱིར་མི་ལྡོག་པའི་ས་ལ་གནས་པར་གྱུར་ཏོ།། བཅོམ ་ལྡན་འདས་ཀྱིས་གསུངས་པ་ལ་འཁོར་མང་པོ་དག་རྗེས་སུ་ཡི་རང་ནས་མངོན་པར་དགའ་འོ། ། བྲམ་ཟེ་ཤི་ཙིར་ཞེས་བྱ་བའི་ལེའུ་སྟེ་བཞི་བཅུ་པའོ།། །། ཁྱིམ་བདག ་དན་བྱི་ལི་ཞེས་བྱ་བའི་ལེའུའོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་ཀ་ལན་ང་ཀ་གནས་པ་འོད་མའི་ཚལ་ན་བཞུགས་སོ།། དེའི་ཚེ ་ཡུལ་ཀོ་ས་ལ་ན་ཁྱིམ་བདག་ད་མ་ཤེ་ཙིར་ཞེས་བྱ་བ་ཕྱག་པ། བཙན་པ། རིགས་ཆེ་བ་ཞིག་ཡོད་དེ། དེ་ལ་བུ་མེད་ནས་ལྷ་དང་ཀླུ་ལ་སོགས་ཏེ། ལྷ་ཐམས་ཅད་ཀྱི་རྟེན་ལ་མཆོད་པ་བྱས ་ནས་བུ་བསླངས་སོ། ། ཁྱིམ་བདག་དེས་ལྷ་ཀུན་ལ་སྙིང་ནས་མཆོད་དེ་བུ་བསླངས་པས། ཕྱིས་དེའི་ཆུང་མ་སེམས་ཅན་དང་ལྡན་པར་གྱུར་ཏེ། ཟླ་བ་ཚང་ནས་བུ་ཁྱེའུ་བཟང་བ་བལྟ་ན་སྡུག་པ ་འཇིག་རྟེན་ན་དཀོན་པ་ཞིག་བྱུང་སྟེ། མཚན་མཁན་ལ་བསྟན་ནས་མཚན་བལྟས་སོ།། མཚན་མཁན་གྱིས་ཀྱང་མཚན་དང་སྦྱར་ཏེ། བུའི་མིང་ཡང་ངན་བྱི་ལི་ཞེས་བྱ་བར་བཏགས་སོ།། གསོས ་བསྐྱེད་དེ་ར་བྱས་པ་དང་། རྒྱལ་པོ་གསལ་རྒྱལ་གྱིམ་གནས་ཀྱི་འུ་དེ་རྒྱལ་པས་པའི་བོར་རྒྱལ་པོར་བཅུག་གོ།། དེ་ལྟར་པའི་གི་རྒྱལ་པོ་དབང་བཀུར་བས། ཁང་ཀྱིས་སུན་རིན་འི་མ་བདུན ་དུ་གྱུར་ཏེ། བང་མཛོད་མང་པོ་ཡང་ཐམས་ཅད་ཡོངས་སུ་གང་ནས་ཅི་ཡང་ཡོད་པར་གྱུར་ཏོ།། དེའི་ཚེ་རྒྱལ་པོའི་སྲས་བཻ་ཌཱུཪྻ་ཞེས་བྱ་བ་ཚ་བའི་ནད་ཀྱིས་བཏབ་སྟེ། སྨན་པས་སྨན་དཔྱད་བྱས ་ནསྨན་དུ་གོར་ཤིར་ཤ་ཙན་དན་གྱིས་ལུས་བསྐུས་ན་འཚོའོ་ཞེས་སྨྲས་ཏེ། རྒྱལ་པོས་ཡུལ་མི་ལ་འདི་སྐད་ཅེས་བཀར་བཏགས་སོ།། ཁྱེད་སུ་ལ་གོར་ཤིར་ཤ་ཙན་དན་ཡོད་ན་རྒྱལ་པོ་ལ་ཕུལ ་ཅིག་དང་། བྱ་དགར་གསེར་སྲང་སྟོང་སྦྱིན་ནོ་ཞེས་ཀུན་ཏུ་བསྒོ་ན། གཅིག་ཙམ་ལ་ཡང་མ་བྱུང་ངོ་།། དེའི་ཚེ་ན་གཅིག་གིས་རྒྱལ་པོ་ལ་འདི་སྐད་ཅེས་སྨྲས་སོ།། ཡུལ་ཀོ་ས་ལར་ཁྱིམ་བདག་ངན ་བྱི་ལིའི་ཁྱིམ་ན་མང་དུ་ཡོད་དོ་ཞེས་སྤྲས་པ་དང་། རྒྱལ་པོ་ཉིད་རྟའི་ཐེག་པ་ལ་ཞོན་ཏེ་ཙན་དན་སློང་དུ་ཆས་སོ།། ཁྱིམ་བདག་དེའི་སྒོར་ཕྱིན་པ་དང་། ཁྱིམ་བདག་དེའི་སྒོ་ན་སྒོ་སྲུང་དག་གིས་རྒྱལ ་པོ་གསལ་རྒྱལ་འདིར་གཤེགས་ཏེ། ད་ལྟར་ཕྱི་རོལ་ན་བཞུགས་སོ་ཞེས་སྨྲས་པ་དང་། ཁྱིམ་བདག་དེ་རབ་ཏུ་དགའ་ནས་སྒོར་བྱུང་སྟེ་རྒྱལ་པོ་ནང་དུ་བསུས་སོ།། རྒྱལ་པོས་སྒོར་ཕྱིན་ཏེ་བལྟས ་ན་སྒོ་ཉིད་ཀྱང་དངུལ་ལས་བྱས་ཏེ། སྒོའི་ནང་རོལ་ན་བུད་མེད་མཛེས་ཤིང་སྡུག་པ་འཇིག་རྟེན་ན་ཟླ་མེད་པ་ཞིག་དངུལ་གྱི་ཁྲི་ལ་འདུག་སྟེ་དངུལ་གྱི་སྐུད་པ་འཁལ་ལོ།། དྲུང་ན་ན་ཅུང་བཟང་མོ་བཅུ་ཡང ་གཡོག་བྱེད་དེ། རྒྱལ་པོས་དེ་མཐོང་ནས་ཁྱིམ་བདག་ལ་འདི་ཁྱོད་ཀྱི་ཆུང་མ་ཡིན་ནམ་ཞེས་དྲིས་ན། མ་ཡིན་ཏེ་སྒོ་སྲུང་བའི་བྲན་མོ་ཡིན་ནོ་ཞེས་སྨྲས་སོ།། འོ་ན་ན་ཅུང་བཟང་མོ་འདི་དག་ཅི་ལ ་དགོས་ཞེས་དྲིས་ན། འདི་ནི་ཕྱི་ནང་དུ་བླུག་པའི་མངག་གཞུག་པ་ཡིན་ནོ་ཞེས་སྨྲས་སོ།། དེ་ནས་ཡང་སྒྲོ་རིམ་པ་གཅིག་གི་ནང་དུ་ཕྱིན་ཏེ་བལྟས་ན་སྒོ་ནི་བཻ་ཌཱུཪྻ་མཐོན ་མཐིང་ལས་བྱས་ཏེ། སྒོའི་ནིང་རོལ་ན་ན་ཅུང་བཟང་མོ་བལྟ་ན་སྡུག་པ་སྔ་མ་བས་ཀྱང་ལྷག་པ། གཡོག་ན་ཅུང་མོ་ཡང་སྔ་མ་བས་ཕྱེད་ཀྱིས་མང་བ་ཞིག་འདུག་གོ། དེ་ནས་ཡང་སྒོ་རིམ་གཅིག་ཏུ་ཕྱིན། ་ཏེ་བལྟས་ན་སྒོ་ཡང་གསེར་ལས་བྱས་ཏེ། སྒོའི་ནང་རོལ་ན་ན་ཅུང་བཟང་མོ་བལྟ་ན་སྡུག་པ་སྔ་མ་བས་ཀྱང་ཤིན་ཏུ་ལྷག་པ་ཞིག་གསེར་གྱི་ཁྲི་ལ་འདུག་སྟེ། གསེར་གྱི་ཐགས་འཐག་གོ།། གཡས ་གཡོན་ན་ན་ཅུང་མོ་གཡོག་བྱེད་པ་ཡང་སྔ་མ་བས་ཤིན་ཏུ་མང་བས། ཁྱིམ་བདག་དེ་ལ་འདི་ཁྱོད་ཀྱི་ཆུང་མ་ཡིན་ནམ་ཞེས་དྲིས་ན། འདི་ཡང་མ་ཡིན་ནོ་ཞེས་སྨྲས་སོ།། དེ་ནས་ཁྱིམ་གྱི་ནང་དུ། ་ཕྱིན་ཏེ་བལྟས་ན་ས་གཞི་ཀུན་བཻ་ཌཱུཪྻ་ལས་བྱས་པས་ཤིན་ཏུ་གསལ་བ་ནི་ཆུའི་མདོག་དང་འདྲ་སྟེ། སྟེང་གི་ཁང་པ་ལ་གཅན་གཟན་གྱི་གཟུགས་དང་། ཆུ་སྲིན་དང་། ཉ་ལ་སོགས་པའི ་གཟུགས་དཔྱངས་ཏེ། རླུང་གིས་བསྐྱོད་ནས་འགུལ་བས་གཟུགས་བརྙན་ས་གཞི་ལ་སྣང་ངོ་།། རྒྱལ་པོས་ཡང་དག་པར་ཆུ་ཡིན་སྙམ་བསམས་ཏེ། འདི་སྐད་ཅེས་སྨྲས་སོ།། ཅི་གུང་ན ་ས་མེད་དམ་ཅི་ཉེས་ན་ཁང་པིའི་ནང་དུ་རྫིང་བུ་བསྐྱིལ་ཞེས་སྨྲས་སོ། ། དན་བྱི་ལིས་སྨྲས་པ། འདི་ནི་ཆུ་མ་ལགས་ཏེ་བཻ་ཌཱུཪྻ་མཐོན་མཐིང་ངོ་ཞེས་སྨྲས་ནས། ལག་གི་གདུ་བུ་ཕུད་དེ་སྟེང་དུ ་བོར་རོ། རྒྱལ་པོས་དེ་ལྟ་བུ་གཟིགས་ནས་ཁང་པའི་ནང་དུ་གཤེགས་ཏེ། རིན་པོ་ཆེ་སྣ་བདུན་གྱི་ཁང་པའི་ནང་དུ་བཻ་ཌཱུཪྻ་མཐོན་མཐིང་གི་ཁྲི་བཤམས་ནས་རྒྱལ་པོ་བཞུགས་སུ་གསོལ་ཏོ།། ་ཁྱིམ་བདག་གི་ཆུང་མ་ཡང་དེ་ན་འདུག་པ་ལས་མིག་ནས་མཆི་མ་བྱུང་བ་དང་། རྒྱལ་པོས་ཅིའི་ཕྱིར་མིག་ནས་མཆི་མ་བྱུང་། ང་འོངས་པས་མི་དགའ་འམ་ཞེས་དྲིས་ན། ཁྱིམ་བདག་གི་ཆུང་མས ་གསོལ་པ། རྒྱལ་པོ་འདིར་གཤེགས་པ་ནི་ལེགས་ཏེ་དགའ་ན། རྒྱལ་པོའི་ན་བཟའ་ལ་དུད་པ་ཅུང་ཟད་ཅིག་བྲོ་བས་མིག་ནས་མཆི་མ་བྱུང་གི། རྒྱལ་པོ་མཐོང་མི་འཚལ་བ་ནི་མ་ལགས་སོ།། ་རྒྱལ་པོས་སྨྲས་པ། ཅི་ཁྱོད་ཀྱི་ཁྱིམ་ན་མེ་ཙམ་ཡང་མི་འབུད་དམ། སྨྲས་པ། མེ་མ་མཆིས་སོ།། འོ་ན་ཁ་ཟས་ཅི་ཞིག་གིས་གཡོ། སྨྲས་པ། ཁ་ཟས་ནི་བསམས་པ་ཙམ་གྱིས་ཁ ་ཟས་རོ་བརྒྱ་དང་ལྡན་པ་རང་བྱུང་ངོ་། ། རྒྱལ་པོ་ན་རེ། མཚན་མོ་མུན་པའི་ནང་དུ་ཅི་ཞིག་གིས་མཐོང་བར་འགྱུར། སྤྲས་པ། ནོར་བུ་རིན་པོ་ཆེས་སྣང་བར་འགྱུར་རོ།། སྒོ་བཅད་ན་ཡང ་སྐར་ཁུང་ནས་ནོར་བུ་རིན་པོ་ཆེའི་འོད་ཀྱིས་ཉིན་མོ་དང་འདྲ་བར་སྣང་ངོ་། ། དེ་ནས་དན་བྱི་ལིས་པུས་མོ་གཉིས་ས་ལ་བཙུགས་ཏེ། རྒྱལ་པོ་ཆེན་པོ་ཅིའི་སླད་དུ་འོ་བརྒྱལ་ཏེ་འདིར་གཤེགས ་ཞེས་གསོལ་པ་དང་། རྒྱལ་པོས་འདི་སྐད་ཅེས་སྨྲས་སོ།། ངའི་བུ་བེ་ཌཱུཪྻ་ཚ་བའི་ནད་ཀྱིས་བཏབ་ནས་སྨན་པས་དཔྱད་དེ། སྨན་དུ་གོར་ཤིར་ཤ་ཙན་དངན་དགོས་སོ་ཞེས་ཟེར་ནས། འདིར་ཁྱོད ་ལ་སློང་དུ་འོངས་སོ་ཞེས་སྨྲས་པ་དང་། ཁྱིམ་བདག་དེ་རབ་ཏུ་དགའ་ནས་རྒྱལ་པོ་ཉིད་བང་མཛོད་དུ་གཤེགས་སུ་གསོལ་ཏེ། རིན་པོ་ཆེ་སྣ་བདུན་ལ་སོགས་པ་ནོར ་དབྱིག་ཐམས་ཅད་ཀྱང་བསྟན། ཙན་དན་གྱི་ཕུང་པོ་ཚད་མེད་པ་དག་ཀྱང་བསྟན་ནས། ཅི་བཞེད་པ་བཞེས་ཤིག་ཅེས་གསོལ་པ་དང་། རྒྱལ་པོས་སྨྲས་པ། ང་ལ་སྲང་གཉིས་ལས་མི ་དགོས་ཀྱིས་བྱིན་ཅིག་ཅེས་སྨྲས་པ་དང་། ཁྱིམ་བདག་གིས་ཅི་བཞེད་པ་ཕུལ་ལོ།། དེ་ནས་རྒྱལ་པོ་སླར་གཤེགས་པ་དང་། ཁྱིམ་བདག་དེ་ལ་ཁྱོད་སངས་རྒྱས་དང་ཕྲད་དུ་སོང་ཞིག་ཅེས ་བསྒོའོ། ། ཁྱིམ་བདག་དེས་སྤྲས་པ། སངས་རྒྱས་ཞེས་བྱ་བ་ཇི་ལྟ་བུ། རྒྱལ་པོས་སྨྲས་པ། ཅི་ཁྱོད་མ་ཐོས་སམ། གྲོང་ཁྱེར་སེར་སྐྱའི་རྒྱལ་པོ་ཟས་གཙང་མའི་སྲས་རྒ་བ་དང་། ་ན་བ་དང་། ཤི་བ་ལས་སྐྱོ་ནས་རབ་ཏུ་བྱུང་སྟེ། བྱང་ཆུབ་ལ་ནན་ཏན་བྱས་པས་མངོན་པར་སངས་རྒྱས་ཏེ་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་སྐུ་བརྒྱན་ནས། རྫུ ་འཕྲུལ་གྱི་རྐང་པ་དང་། ཡེ་ཤེས་ནི་དཔེ་ཟླ་མེད་དེ་ལྷ་དང་མིའི་གཙོ་བོར་གྱུར་པས་སངས་རྒྱས་ཞེས་བྱའོ།། ཁྱིམ་བདག་གིས་དེ་སྐད་ཅེས་སྨྲས་པ་ཐོས་ནས། ཤིན་ཏུ་དད་པའི་སེམས ་སྐྱེས་ཏེ། རྒྱལ་པོ་ལ་སངས་རྒྱས་ད་ལྟར་གང་ན་བཞུགས་ཞེས་གསོལ་པ་དང་། རྒྱལ་པོས་སྤྲོས་པ། ད་ལྟར་རྒྱལ་པོའི་ཁབ་འོད་མའི་ཚལ་ན་བཞུགས་སོ།། རྒྱལ་པོ་གཤེགས ་མ་ཐག་ཏུ་ཁྱིམ་བདག་དེ་ཡང་སངས་རྒྱས་གང་ན་བཞུགས་པ་དེར་སོང་ནས་ཕྱིན་པ་དང་། སངས་རྒྱས་ཀྱི་སྐུ་ལ་བརྟགས་ན་རྒྱལ་པོ་ཀུན་པས་ཀྱང་ཤིན་ཏུ་ལྷག་པར་མཐོང་ནས་དགའ་མགུ་རངས ་ཏེ། མགོ་བོས་ཕྱག་འཚལ་ནས་སྙུན་གསོལ་ཏོ།། དེ་ལ་བཅོམ་ལྡན་འདས་ཀྱིས་ཅི་རིགས་པར་ཆོས་བསྟན་པས། ཁྱིམ་བདག་དེ་ཡང་རྒྱུན་དུ་ཞུགས་པ་ཐོབ་པར་གྱུར་ཏེ། དེ་པུས་མོ ་གཉིས་ས་ལ་བཙུགས་ནས་བཅོམ་ལྡན་འདས་ལ་རབ་ཏུ་འབྱུང་བར་གསོལ་ཏོ། ། བཅོམ་ལྡན་འདས་ཀྱིས་ཀྱང་ལེགས་པར་འོངས་སོ་ཞེས་བཀའ་སྩལ་པ་དང་། སྐྲ་དང་ཁ་སྤུ་རང་བྱི་སྟེ་དགེ་སློང ་དུ་གྱུར་ཏོ། ། དེ་ནས་ཡང་བདེན་པ་བཞིའི་ཆོས་ཅི་རིགས་པར་བསྟན་པས་སེམས་ཀྱི་དྲི་མ་ཡོངས་སུ་དག་སྟེ་དགྲ་བཅོམ་པར་གྱུར་ཏོ།། དེ་ནས་ཀུན་དགའ་བོ་དང་འཁོར་མང་པོའི་རྣམས ་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། དགེ་སློང་ངན་བྱི་ལི་འདི་བསོད་ནམས་ཅི་ཞིག་བགྱིས་ན་མིའི་ནང་དུ་སྐྱེས་ལ། ལྷའི་ལོངས་སྤྱོད་དང་ལྡན་ཡང་ཁྱིམ་ལ་མ་ཆགས་ཏེ།། ་རབ་ཏུ་འབྱུང་བར་དགའ་ནས་དེ་མ་ཐག་ཏུ་འབྲས་བུ་ཐོབ་པར་གྱུར། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། ཤིན་ཏུ་ལེགས་པར་ཉོན་ཅིག། སྔོན་འདས་པའི་བསྐལ ་པ་དགུ་བཅུ་རྩ་གཅིག་འདས་པའི་ཕ་རོལ་ན། སངས་རྒྱས་རྣམ་པར་གཟིགས་པ་ཞེས་བྱ་བ་འཇིག་རྟེན་དུ་གཤེགས་ཏེ། སངས་རྒྱས་དེ་མྱ་ངན་ལས་འདས་ནས་གཟུགས་བརྙན་ལ་ཆོས་སྤྱོད་པའི་ཚེ།། ་དགེ་སློང་ལྔ་བརྒྱ་ཙམ་ཞིག་ལྷན་ཅིག་ཏུ་འདི་སྐད་ཅེས་དམ་བཅས་སོ།། བདག་ཅག་གིས་དབེན་པའི་གནས་ཤིག་བཙལ་ལ་བྱང་ཆུབ་ཀྱི་ལམ་བསྒོམ་མོ་ཞེས་བྱས་ནས། ཚལ ་ཞིག་གི་ནང་ན་གསིང་མ་དང་ཆུ་མིག་ཡོད་པ་ཞིག་ཏུ་དབེན་པའི་གནས་བཅས་ཏེ། དགེ་སློང་དེ་དག་ཡིད་མཐུན་པར། དགེ་སློང་གཅིག་ཅིག་ལ་འདི་སྐད་ཅེས་གསོལ་བ་བཏབ་བོ།། བདག་ཅག ་གི་གནས་འདི་གྲོང་ཁྱེར་དང་རིང་བས་ཐམས་ཅད་བསོད་སྙོམས་ལ་འགྲོ་བ་ཀུན་ཉོན་མོངས་ཀྱིས། ཁྱོད་བསོད་ནམས་བྱ་བའི་ཕྱིར་ཁྱོད་ཀྱིས་དེ་ཀྱི་བསོད་སྙོམས་སློངས་ལ་བྱིན་ཅིག་ཅེས་སྨྲས་པ་དང་། ་དགེ་སློང་དེས་ཀྱང་དེ་ལྟར་བྱའོ་ཞེས་ཁས་བླངས་ནས་རྟག་ཏུ་གྲོང་དུ་སོང་སྟེ། སྦྱིན་བདག་མང་པོ་ལ་ཆོས་བསྟན་ནས་བསོད་སྙོམས་བསླངས་སོ།། དེའི་ནང་ན་མི་བཞི་ཞིག་ལུས་ལས་སུ ་རུང་བས་བསྒོམས་ནས་ཞག་དགུ་བཅུ་ལོན་པ་དང་འབྲས་བུ་ཐོབ་པར་གྱུར་ཏེ། དེ་དག་ཡིད་མཐུན་པར་དགེ་སློང་བསོད་སྙོམས་སློང་བ་ལ་འདི་སྐད་ཅེས་བསྒོའོ།། བདག་ཅག་ནི་ཁྱོད་ཀྱི་ཕྱིར ་རབ་ཏུ་བདེ་སྟེ་ཐོག་མ་རེ་བའི་ཏིང་ངེ་འཛིན་ཡང་ཐོབ་ཀྱིས། ཁྱོད་ཅིར་སྨོན་པ་ངེད་ལ་བྱོས་ཤིག་དང་། ཁྱོད་ཀྱི་རེ་བ་བསྐང་ངོ་ཞེས་བསྒོའོ།། དེའི་ཚེ་དགེ་སློང་དེ་ཡང་རབ་ཏུ་དགའ་ནས་འདི་སྐད ་ཅེས་སྨྲས་སོ། ། བདག་མ་འོངས་པའི་དུས་ན་ལྷ་འམ་མིར་སྐྱེས་ཀྱང་ཕྱུག་ཅིང་ལོངས་སྤྱོད་དང་ལྡན་ཏེ། ཅི་དགོས་པ་ཐམས་ཅད་ཆེད་དུ་ལས་མ་བྱས་པར་ཐམས་ཅད་རང་སྐྱེས་པར་གྱུར་ཅིག ་སློབ་དཔོན་འཕགས་པ་དང་ཕྲད་ནས་ཁྱེད་པས་ཀྱང་བརྒྱ་འགྱུར་སྟོང་འགྱུར་དུ་ཆོས་ཐོས་ནས་སེམས་ཡོངས་སུ་དག་ཅིང་། འབྲས་བུ་ཐོབ་པར་གྱུར་ཅིག་ཅེས་སྨོན་ལམ་བཏབ་བོ།། བཅོམ་ལྡན ་འདས་ཀྱིས། ཀུན་དགའ་བོ་ལ་བཀའ་སྩལ་བ། དེའི་ཚེ་དེའི་དུས་ན་དགེ་སློང་དན་བྱི་ལིས་དགེ་སློང་གྲོགས་པོ་བཞིའི་བསོད་སྙོམས་སྦྱར་བས། བསྐལ་པ་དགུ་བཅུ་རྩ་གཅིག་གི་བར་དུ ་ལྷ་དང་མིའི་ནང་ན་ཚེ་རིགས་བཙུན་པར་སྐྱེས་ཏེ། དབུལ་ཞིང་འཕོངས་པའི་རིགས་སུ་མ་སྐྱེས་སོ།། ད་ཡང་ང་མཐོང་བ་ཙམ་གྱིས་འབྲས་བུ་ཐོབ་པར་གྱུར་ཏོ།། དེའི་ཚེ་ན་ཀུན་དགའ་བོ་དང་རིག ་སློང་རྣམས། བཅོམ་ལྡན་འདས་ཀྱིས་གསུངས་པ་ཐོས་ནས། སོ་སོ་ནས་བརྩོན་འགྲུས་བརྩམས་པས་འབྲས་བུ་དང་པོ་ནས། འབྲས་བུ་བཞི་པའི་བར་དུ་ཐོབ་བོ།། ཁ་ཅིག་ནི་རྒྱ་ཆེན་པོའི ་སེམས་བསྐྱེད་དེ་ཕྱིར་མི་ལྡོག་པའི་ས་ལ་གནས་པར་གྱུར་ཏོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་ལ་སོ་སོ་ནས་རྗེས་སུ་ཡི་རང་སྟེ་མངོན་པར་དགའ་འོ།། ཁྱིམ་བདག་ངན ་བྱི་ལི་ཞེས་བྱ་བའི་ལེའུ་སྟེ་བཞི་བཅུ་རྩ་གཅིག་པའོ། ། །། གླང་པོ་སྐྱོང་གི་ལེའུ་འོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན ་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ཡུལ་མ་ག་དྷ་ན་ཁྱིམ་བདག་གཅིག་ལ་བུ་ཞིག་བཙས་ཏེ། བཟང་བ་བལྟ་ན་སྡུག་པ ་མཚན་དང་ལྡན་པ་ཞིག་གོ། ། ཁྱེའུ་དེ་ཐོག་མ་བཙས་པ་ན་བང་མཛོད་ཀྱི་ནང་ནས་གསེར་གྱི་གླང་པོའི་ཕྲུག་གུ་ཞིག་རང་བྱུང་ངོ་།། ཁྱེའུའི་ཕ་མ་དེས་དེ་ལྟ་བུ་བྱུང་བ་མཐོང ་ནས་རབ་ཏུ་དགའ་སྟེ་མཚན་མཁན་ལ་བསྟན་ནས། མཚན་མཁན་གྱིས་ཀྱང་ཁྱེའུ་འདི་བསོད་ནམས་ཀྱི་མཚན་དང་ལྡན་པར་རྟོགས་ཏེ། ཁྱེའུ་འདི་ཐོག་མ་བཙས་པ་ན་ངོ་མཚར་ཆེ་བའི་ལྷས་ཅི ་བྱུང་ཞེས་དྲིས་སོ། ། ཁྱེའུའི་ཕ་མས་སྨྲས་པ། ཁྱེའུ་འདི་བཙས་པ་ན་མཛོད་ཀྱི་ནང་ནས་གསེར་གྱི་གླང་པོ་ཆེའི་ཕྲུག་གུ་གཅིག་རང་བྱུང་ངོ་ཞེས་སྤྲས་པ་དང་། ཁྱེའུའི་མིང་ཡང་གླང་པོ་སྐྱོང ་ཞེས་བཏགས་སོ། ། ཁྱེའུ་ཇི་ཙམ་དུ་ཆེར་སྐྱེས་པ་བཞིན། གསེར་གྱི་གླང་པོ་ཆེའི་ཕྲུག་གུ་ཡང་སྐྱེས་ཏེ། ཁྱེའུ་འགྲོ་ན་གླང་པོ་ཆེའི་ཕྲུག་གུ་ཡང་འགྲོ་སྟེ། རྟག་ཏུ་འགྲོགས་སོ།། གླང ་པོ་ཆེའི་ཕྲུག་གུའི་གཅིན་རྟག་ཀྱང་གསེར་དུ་འབྱུང་ངོ་། ། གླང་པོ་སྐྱོང་ཆེར་སྐྱེས་ནས་ཁྱིམ་བདག་གི་བུ་ལྔ་བརྒྱ་ཙམ་དང་རྟག་ཏུ་ལྷན་ཅིག་རྩེ་སྟེ་གཅིག་ལ་གཅིག་ཡིད་གཅུགས་པས། ཕྱི་ཞིག་ན་བུས ་པ་དེ་དག་སོ་སོ་ནས་ཁྱིམ་ཁྱིམ་ན་ངོ་མཚར་ཆེ་བ་ཅི་ཡོད་པའི་གཏམ་བྱས་པ་དང་། དེ་ལ་ཁ་ཅིག་ནི་ངའི་ཁྱིམ་ན་ཁྲི་སྟན་དང་ཉལ་བའི་མལ་ཆ་ལ་སོགས་པ་ཐམས་ཅད་རིན་པོ་ཆེ་སྣ་བདུན་ལས་བྱས་སོ།། ་ཞེས་ཟེར་རོ།། ཁ་ཅིག་ནི་ངའི་ཁྱིམ་དང་སྐྱེད་མོས་ཚལ་ལ་སོགས་པ་ཐམས་ཅད་ཀྱང་རིན་པོ་ཆེ་ཞེས་ཟེར་རོ།། ཁ་ཅིག་ནི་ངའི་བང་མཛོད་རྟག་ཏུ་རིན་པོ་ཆེ་དམ་པས་ཡོངས་སུ་གང་ངོ་ཞེས་ཟེར་ཏེ། ་ཀུན་གྱིས་སོ་སོ་ནས་ཡ་མཚན་ཅི་ཡོད་པ་རྣམ་པ་སྣ་ཚོགས་ཀུན་སྨྲས་པ་དང་། དེ་ནས་གླང་པོ་སྐྱོང་གིས་ཀྱང་བདག་ཐོག་མ་བཙས་པ་ན་གསེར་གྱི་གླང་པོ་ཆེའི་ཕྲུག་གུ་གཅིག་ཀྱང་རང་བྱུང་སྟེ། ་ཁོ་བོ་ཇི་ཙམ་དུ་སྐྱེས་པ་བཞིན་དུ་གླང་པོ་ཆེའི་ཕྲུག་གུ་ཡང་དེ་བཞིན་དུ་སྐྱེས་ཏེ། ཁོ་བོས་བསམས་པ་བཞིན་དུ་འགྲོ་ལ། གླང་པོ་ཆེ་དེ་ལ་ཞོན་ནས་ལྷད་མོ་ལྟ་བ་ལ་སོགས་པ་གར་ཡང་ཡིད་བཞིན་དུ ་མགྱོགས་པར་འགྲོ་སྟེ། གཅ་ནི་རྟུག་ཀྱང་གསེར་དུ་འབྱུང་ངོ་ཞེས་སྨྲས་པ་དང་། དེའི་ཚེ་རྒྱལ་བུ་མ་སྐྱེས་དགྲ་ཡང་དེ་ན་འདུག་སྟེ། གླང་པོ་སྐྱོང་གིས་སྨྲས་པ་ཐོས་ནས། འདི་སྙམ་དུ་བདག ་ནམ་རྒྱལ་པོར་གྱུར་པ་ན་ད་བྲོག་གོ་སྙམ་བསམས་ཏེ། ཕྱིས་རྒྱལ་པོར་གྱུར་ནས་གླང་པོ་སྐྱོང་བཀུག་སྟེ། ཁྱོད་ཀྱི་གླང་པོ་ཆེ་འོན་ཅིག་ཅེས་བསྒོའོ།། དེ་ནས་གླང་པོ་སྐྱོང་གི་ཕ་མས་བུ ་ལ་འདི་སྐད་ཅེས་སྨྲས་སོ། ། མ་སྐྱེས་དགྲ་ལྟ་བུ་ཁྲོ་ཞིང་གཏུམ་ལ་འདོད་ཆེན་ཆེ་བ་མེད་དེ། བདག་གི་ཕ་ཡང་གསོད་ན། གཞན་ལྷ་ཅི་སྨོས་ཏེ། ང་ཁྱོད་ཀྱི་གླང་པོ་ཆེ་འཕྲོག་པར་བྱས་ཀྱིས ་གླང་པོ་ཆེ་སྦྱིན་དགོས་སོ། ། བུས་སྨྲས་པ། བདག་གི་གླང་པོ་ཆེ་འདི་ནི་སུས་ཀྱང་འབྲོག་མི་ནུས་སོ་ཞེས་སྨྲས་ནས།། བ་སྤང་གཉིས་གླང་པོ་ཆེ་ལ་ཞོན་ཏེ་རྒྱལ་པོའི་ཕོ་བྲང་གི་སྒོར་འོངས་པ་དང་། ་སྒོ་སྲུང་བ་དག་གིས་རྒྱལ་པོ་ལ་གསོལ་ཏོ།། རྒྱལ་པོས་ཀྱང་གླང་པོ་སྐྱོང་སྤང་གཉིས་གླང་པོ་ཆེ་ལས་མ་བབས་པར་ནང་དུ་ཤོག་ཅིག་ཅེས་བསྒོ་བ་དང་། གླང་པོ་སྐྱོང་སྤང་གཉིས་གླང་པོ་ཆེ་ལ་ཞེན ་ཏེ་ཕོ་བྲང་གི་ནང་དུ་འོངས་ནས་གདོད་བབས་སོ། ། དེ་ནས་རྒྱལ་པོ་ལ་ཕྱག་བྱས་ཏེ་བདེ་བར་གྱུར་ཅིག་ཅེས་སྨྲས་པ་དང་། རྒྱལ་པོ་རབ་ཏུ་དགའ་ནས་སྟན་བཏིང་བ་ལ ་འདུག་ཏུ་བཅུག་སྟེ། བཟའ་བ་དང་བཏུང་བ་བྱིན་ནོ།། དེ་སྐད་ཅེས་སྨྲས་པའི་འོག་ཏུ་ཕྱིར་འགྲོ་ཞེས་བྱས་པ་དང་། གླང་པོ་སྐྱོང་ལ་གསེར་གྱི་གླང་པོ་ཞོག་ལ་བདག་ཅག་ཕྱིར་དེང་ཞིག་ཅེས་བསྒོའོ།། ་དེ་ནས་གླང་པོ་སྐྱོང་ཡང་རྒྱལ་པོའི་བཀའ་བཞིན་དུ་གླང་པོ་ཆེ་ཕྱིར་བཞག་ནས། བ་སྤང་གཉིས་རྐང་པས་སོང་སྟེ་སྒོར་ཕྱིན་པ་ཙམ་ན། རིང་པོར་མ་ལོན་པར་གླང་པོ་ཆེ་དེ་ཡང་དེ་ཉིད་དུ་སའི་ནང་དུ་ནུབ ་ནས་སྒོའི་ཕྱི་རོལ་དུ་གླང་པོ་སྐྱོང་གི་མདུན་དུ་བྱུང་ངོ་། ། གླང་པོ་སྐྱོང་སྤད་གཉིས་དེ་ལ་ཕྱིར་ཞོན་ཏེ་ཁྱིམ་དུ་སོང་ནས་དེ་འདི་སྙམ་དུ་བསམས་སོ།། རྒྱལ་པོ་ཡང་ཆོས་བཞིན་བྱེད་པ་མ་ཡིན་ཏེ། མ ་ཉེས་པ་དག་ཀྱང་ཁྲིམས་དང་སྦྱོར་བས། བདག་ཀྱང་མ་སྟེས་ན་གླང་པོ་ཆེ་འདིའི་ཕྱིར་སྲོག་ལ་དམའ་བར་འོང་གིས། ད་ལྟར་བཅོམ་ལྡན་འདས་འཇིག་རྟེན་ན་འགྲོ་བ་མང་པོ་ལ་བདེ་བའི་དོན་མཛད ་པ་དེའི་དྲུང་དུ་སོང་ལ། ཁྱིམ་ནས་བྱུང་ཞིང་ཚངས་པར་སྤྱོད་པ་ལ་དགའ་བར་བྱའོ་སྙམ་བསམས་ནས། ཕ་མ་ལ་རབ་ཏུ་འབྱུང་བར་གསོལ་པ་དང་། ཕ་མས་ཀྱང་རབ་ཏུ་འབྱུང་བར་གནང་ནས ་མཆི་ཕྱག་འཚལ་ཏེ། གསེར་གྱི་གླང་པོ་ལ་ཞོན་ནས་རྒྱལ་བུ་རྒྱལ་བྱེད་ཀྱི་ཚལ་གང་ན་བར་སོང་ངོ་།། བཅོམ་ལྡན་འདས་ཀྱི་སྤྱན་སྔར་ཕྱིན་པ་དང་། ཞབས་ལ་མགོ་བོས་ཕྱག་འཚལ་ཏེ་ཇི ་ལྟར་གྱུར་པ་རྒྱས་པར་གསོལ་ནས། བཅོམ་ལྡན་འདས་ཀྱིས་ལེགས་པར་འོངས་སོ་ཞེས་བཀའ་སྩལ་པས། སྐྲ་དང་ཁ་སྤུ་རང་བྱི་སྟེ་དགེ་སློང་དུ་གྱུར་ཏོ།། དེ་ལ་བཅོམ་ལྡན་འདས་ཀྱིས ་བདེན་པ་བཞིའི་ཆོས་ཅི་རིགས་པར་བསྟན་པས་དགྲ་བཅོམ་པར་གྱུར་ཏོ། ། དགེ་སློང་གླང་པོ་སྐྱོང་ཡང་དགེ་སློང་གྲོགས་གཞན་དང་ལྷན་ཅིག་གང་ན་འདུག་ཀྱང་རུང་སྟེ། གསེར་གྱི་གླང་པོ་ཆེ་རྟག་ཏུ་དྲུང་ན ་འདུག་གོ། ། དེའི་ཚེ་ན་ཡུལ་མ་ཉན་དུ་ཡོད་པ་ན་འཁོད་པའི་མི་རྣམས་ཀྱིས་གསེར་གྱི་གླང་པོ་ཆེ་བལྟ་བའི་ཕྱིར་མི་ཐམས་ཅད་དེར་འདུ་བར་གྱུར་ནས། རྣལ་འབྱོར་སྤྱོད་པ་ལ་འདུ་འཛི་མང་བར་གྱུར ་ཏེ། དགེ་སློང་དག་གིས། བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དེའི་ཕྱིར། དགེ་སློང་གླང་པོ་སྐྱོང་ལ་འདི་སྐད་ཅེས་བཀའ་སྩལ་ཏོ།། ཁྱོད་ཀྱི་གླང་པོ་ཆེ་ལ་ལྷ ་བ་མང་པོ་འདུ་བས་མི་དབེན་པར་གྱུར་གྱིས་མྱུར་དུ་སྤོངས་ཤིག་ཅེས་བཀའ་སྩལ་པ་དང་། གླང་པོ་སྐྱོང་གིས་གསོལ་པ། བདག་གིས་ཀྱང་ཐོག་མ་ནས་སྤང་བར་བསམས་ན་འགྲེར་མ ་བཏུབ་བོ། ། བཅོམ་ལྡན་འདས་ཀྱིས་ཡང་བཀའ་སྩལ་པ། ཁྱོད་གླང་པོ་ཆེ་ལ་ལན་གསུམ་འདི་སྐད་ཅེས་སྨྲོས་ཤིག། ང་ནི་སྐྱེ་བའི་ཕྱོགས་ཟད་དེར་ཕྱིན་ཆད་མི་དགོས་སོ་ཞེས་སྒོ་ཞིག་རང་མེད ་པར་འགྱུར་རོ། ། གླང་པོ་སྐྱོང་གིས་ཀྱང་བཅོམ་ལྡན་འདས་ཀྱི་བཀའ་བཞིན་དུ་གླང་པོ་ཆེ་ལ་ད་ནི་མི་དགོས་སོ་ཞེས་ལན་གསུམ་གྱི་བར་དུ་སྨྲས་པས། གསེར་གྱི་གླང་པོ་ཆེ་ཡང་སའི་ནང་དུ ་ནུབ་བོ། ། དེ་ལ་དགེ་སློང་དག་ངོ་མཚར་དུ་གྱུར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དགེ་སློང་གླང་པོ་སྐྱོང་འདི་སྔོན་བསོད་ནམས ་ཅི་ཞིག་བགྱིས། བསོད་ནམས་ཀྱི་ཞིང་ཇི་ལྟ་བུ་ལ་དགེ་བའི་རྩ་བ་ཇི་ལྟ་བུ་ཞིག་བསྐྱེད་ན། འདི་ལྟ་བུའི་འབྲས་བུའི་རྣམ་པར་སྨིན་པར་གྱུར། བཅོམ་ལྡན་འདས་ཀྱིས། ཀུན་དགའ་བོ་དང་། ་དགེ་སློང་རྣམས་ལ་འདི་སྐད་ཅེས་བཀའ་སྩལ་ཏོ།། སོ་སོའི་སྐྱེ་བོ་གང་ཡང་རུང་། དཀོན་མཆོག་གསུམ་གྱི་བསོད་ནམས་ཀྱི་ཞིང་ལ་དགེ་བའི་ས་བོན་ཅུང་ཟད་ཅིག་བཏབ་ན་འབྲས་བུ་ཚད་མེད ་པ་འཐོབ་པར་འགྱུར་རོ། ། སྔོན་འདས་པའི་དུས་ན་སངས་རྒྱས་འོད་སྲུངས་འཇིག་རྟེན་དུ་གཤེགས་པའི་ཚེ། མིའི་ཚེ་ལོ་སྟོང་ཕྲག་ཉི་ཤུའི་བར་དུ་གནས་སོ།། སངས་རྒྱས་དེ་སེམས་ཅན ་གྱི་དོན་བྱས་ནས་མྱ་ངན་ལས་འདས་པའི་འོག་ཏུ་རིང་བསྲེལ་ལ་མཆོད་རྟེན་མང་དུ་བྱས་སོ། ། དེའི་ཚེ་མཆོད་རྟེན་གཅིག་ཅིག་གི་ནང་ན་བྱང་ཆུབ་སེམས་དཔའ་ཐོག་མ་དགའ་ལྡན་གྱི་གནས་ནས་བབས ་ཏེ་ཡུམ་གྱི་ལྷུམས་སུ་གཤེགས་པའི་ཚེ། བཅིབས་པ་གླང་པོ་ཆེ་དེའི་མཆོད་རྟེན་ཞིག་ཀྱང་ཡོད་དེ། དེའི་ཚེ་ན་གླང་པོ་ཆེའི་གཟུགས་ཅུང་ཟད་ཅིག་ཞིག་ནས། དེ་ལ་མི་ཞིག་ཕྱག་འཚལ་དུ ་འོངས་ཏེ། གླང་པོ་ཆེའི་གཟུགས་ཅུང་ཟད་ཅིག་ཞིག་པ་དེ་མཐོང་ནས་འདི་སྙམ་དུ་བསམས་སོ།། འདི་ནི་བྱང་ཆུབ་སེམས་དཔའི་བཅིབས་པའི་ཐེག་པ་ཡིན་ཏེ། འདི་ལྟར་ཞིག་པར་གྱུར་གྱིས ་བདག་གིས་སླར་གསོའོ་སྙམ་བསམས་ནས་འཇི་བ་ཞིག་སྦྱར་ཏེ། བསྐུས་པའི་སྟེང་དུ་ལྡོང་རོས་ཀྱིས་བསྐུས་ནས་འདི་སྐད་ཅེས་སྨོན་ལམ་བཏབ་བོ།། བདག་མ་འོངས་པའི་དུས་སུ་རྟག་ཏུ་ཆོ ་རིགས་བཙུན་ཞིང་ལོངས་སྤྱོད་ཟད་མི་ཤེས་པ་དང་ལྡན་པར་ཤོག་ཅིག་ཅེས་སྨོན་ལ་མ་བཏབ་བོ། ། མི་དེ་ཚེ་འཕོས་ནས་མཐོ་རིས་ཀྱི་ལྷར་སྐྱེས་ཏེ། ལྷ་ལས་ཚེའི་དུས་བྱས་ནས་མིའི་འཇིག་རྟེན ་དུ་སྐྱེས་ཏེ། རྟག་ཏུ་ཚེ་རིགས་བཙུན་པ་དང་ལོངས་སྤྱོད་དང་ལྡན་ཞིང་བྱད་གཟུགས་འཕགས་པར་བཟང་སྟེ། གསེར་གྱི་གླང་པོ་ཆེས་རྟག་ཏུ་བསྲུངས་པར་གྱུར་ཏོ།། བཅོམ་ལྡན་འདས་ཀྱིས།། ་ཀུན་དགའ་བོ་ལ་བཀའ་སྩལ་པ། དེའི་ཚེ་དེའི་དུས་ན་གླང་པོ་ཆེ་གསོས་པའི་མི་དེ་ནི་ད་ལྟར་དགེ་སློང་གླང་པོ་སྐྱོང་ཡིན་ཏེ། དེའི་ཚེ་ན་གླང་པོ་ཆེ་གསོས་པས་དེ་ཚུན་ཆད་ལྷ་དང་མིའི་ནང་ན་ལོངས ་སྤྱོད་ཆེན་པོ་དང་ལྡན་པར་གྱུར་ཏོ། ། དཀོན་མཆོག་གསུམ་ལ་གུས་ཤིང་བསྟི་སྟང་བྱས་པས། ད་ལྟར་ང་དང་ཕྲད་དེ་བསྟན་པ་ལ་རབ་ཏུ་བྱུང་ནས་སེམས་ཀྱི་དྲི་མ་ཀུན་ཟད་དེ་དགྲ་བཅོམ་པར ་གྱུར་ཏོ། ། ཚེ་དང་ལྡན་པ་ཀུན་དགའ་བོ་དང་འཁོར་མང་པོའི་རྣམས། བཅོམ་ལྡན་འདས་ཀྱིས་གསུངས་པ་འདི་ཐོས་ནས། ཐམས་ཅད་ཀྱིས་དོན་རྟོགས་ཤིང་ཁོང་དུ་ཆུད་དེ། ལ་ལས ་ནི་རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པ་ཐོབ་པར་གྱུར་ཏོ།། ཁ་ཅིག་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དེ་ཕྱིར་མི་ལྡོག་པའི ་ས་ལ་གནས་སོ། ། བཅོམ་ལྡན་འདས་ཀྱིས་གསུངས་པ་ལ་འཁོར་མང་པོ་མངོན་པར་དགའ་ནས་རྗེས་སུ་ཡི་རང་ངོ་།། གླང་པོ་སྐྱོང་གི་ལེའུ་སྟེ་བཞི་བཅུ་རྩ་གཉིས ་པའོ། ། དབམ་པོ་བཅུ་གཉིས་པ།། །། བྲམ་ཟེས་ལྷན་པ་ཕུལ་བའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས ་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་བཅོམ་ལྡན་འདས་ཀྱིས་ཀུན་དགའ་བོ་ཞབས་འབྲིང་དུ་ཁྲིད་དེ་བསོད་སྙོམས་ལ་གཤེགས ་པ་ན་བཅོམ་ལྡན་འདས་གསོལ་བའི་ན་བཟའ་ལ་རྡོལ་བ་ཅུང་ཟད་ཅིག་ཡོད་དེ། དེ་ཡང་སེམས་ཅན་འདུལ་བའི་རིགས་པའི་དོན་དུ་དགོངས་སོ།། བསོད་སྙོམས་བསླངས་ནས་སླར་གཤེགས ་པའི་ཚེ། བྲམ་ཟེ་གཅིག་ཅིག་འོངས་ནས་བཅོམ་ལྡན་འདས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་ཀྱི་མཚན་ལྷང་ངེ་ལྷན་ནེར་གསལ་བ་ལ་བརྟགས་ནས། བཅོམ་ལྡན་འདས་ཀྱི་ན་བཟའ ་ཅུང་ཟད་ཅིག་རྡོལ་བ་དེ་མཐོང་བ་དང་། སྦྱིན་པ་བྱ་བར་བསམས་ཏེ། ཁྱིམ་ན་རས་དཀར་པོ་ཞིག་ཡོད་པ་ལས་དུམ་བུ་གཅིག་བཅད་ནས་བཅོམ་ལྡན་འདས་ལ་ཕུལ་ཏེ། རས་ཀྱི་དུམ་བུ་འདི་ན ་བཟའི་ལྷན་པ་མཛོད་ཅེས་གསོལ་ཏོ། ། བཅོམ་ལྡན་འདས་ཀྱིས་ཀྱང་དེ་ལ་ཐུགས་བརྩེ་བའི་སླད་དུ་བཞེས་པ་དང་། བྲམ་ཟེ་རབ་ཏུ་དགའ་ནས་མགུ་རངས་པར་གྱུར་ཏོ།། བཅོམ་ལྡན་འདས་ཀྱིས ་དེ་ལ་ཐུགས་བརྩེ་བའི་སླད་དུ་ལུང་བསྟན་ཏེ། བྲམ་ཟེ་ཁྱོད་མ་འོངས་པའི་དུས་ན་བསྐལ་པ་གྲངས་མེད་པ་བརྒྱ་འདས་ནས་མངོན་པར་འཚང་རྒྱ་སྟེ། མཚན་ཡང་མངོན་པར་ཤེས་པ་བཟང་པོ་ཞེས་བྱ་སྟེ། ་སྟོབས་བཅུ་རྫོགས་པར་འགྱུར་རོ་ཞེས་ལུང་བསྟན་པ་དང་རབ་ཏུ་དགའ་ནས་སོང་ངོ་།། དེའི་ཚེ་ཡུལ་དེ་ན་ཆོ་རིགས་བཙུན་པའི་ཚོང་དཔོན་དང་ཁྱིམ་བདག་ལ་སོགས་པས་འདི་སྙམ་དུ་བསམས་སོ།། ་ཅིའི་སླད་དུ་བཅོམ་ལྡན་འདས་སྦྱིན་པ་ཅུང་ཟད་ཙམ་གྱི་ལན་རབ་ཏུ་ཆེ་བ་བྱིན་སྙམ་བསམས་ནས། སོ་སོ་ནས་རས་དཀར་པོ་གཤེགས་ཏེ། དེ་བཞིན་གཤེགས་པའི་ར་བཟའ་རྣམ་པ་སྣ་ཚོགས་བྱས ་ནས་སངས་རྒྱས་ལ་ཕུལ་ལོ། ། ཀུན་དགའ་བོས། བཅོམ་ལྡན་འདས་ལ་གསོལ་པ། བཅོམ་ལྡན་འདས་ཀྱིས་སྔོན་དགེ་བའི་རྩ་བ་ཅི་ཞིག་མཛད་ནས། ཐམས་ཅད་ཀྱིས ་ན་བཟའ་མང་པོ་ཕུལ་ཞེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། ཁྱོད་ལེགས་པར་ཉོན་ལ་ཤིན་ཏུ་ཡིད་ལ་ཟུང་ཞིག་དང་ཁྱོད་ལ་བསྟན་པར་བྱའོ།། ་སྔོན་འདས་པའི་བསྐལ་པ་གྲངས་མེད་ཚད་མེད་པའི་ཕ་རོལ་ན། སངས་རྒྱས་རྣམ་པར་གཟིགས་ཞེས་བྱ་བ་འཇིག་རྟེན་དུ་གཤེགས་ཏེ། འཁོར་སྟོང་ཕྲག་དགུ་བཅུ་དང་ལྷན་ཅིག་ཏུ་བཞུགས་སོ།། ། ་དེའི་ཚེ་རྒྱལ་པོ་ནི་བན་འདུ་ཞེས་བྱ་སྟེ། དེའི་བློན་པོ་ཆེན་པོ་གཅིག་གིས་སངས་རྒྱས་དང་དགེ་འདུན་དུ་བཅས་ཏེ་ཟླ་བ་གསུམ་གྱི་བར་བཞུགས་པར་སྤྱན་དྲངས་ནས། བཅོམ་ལྡན་འདས་ཀྱིས་ཀྱང ་དེ་བཞིན་དུ་གནང་བ་དང་། བློན་པོ་དེ་ཕྱིར་ཁྱིམ་དུ་འོངས་ནས་ཡོ་བྱད་རྣམས་སྦྱོར་ཞིང་གཤོམ་མོ།། དེའི་ཚེ་རྒྱལ་པོས་ཀྱང་སངས་རྒྱས་དང་དགེ་འདུན་སྤྱན་དྲངས་པར ་བསམས་ཏེ། སངས་རྒྱས་གང་ན་བར་སོང་སྟེ་ཕྱིན་པ་དང་། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་དང་འཕགས་པའི་དགེ་འདུན་དུ་བཅས་ཏེ་ཟླ་བ་གསུམ ་གྱི་བར་དུ་བདག་གི་མཆོད་པ་བཞེས་ཤིག་ཅེས་གསོལ་པ་དང་། བཅོམ་ལྡན་འདས་ཀྱིས། རྒྱལ་པོ་ལ་འདི་སྐད་ཅེས་བཀའ་སྩལ་ཏོ།། ངས་སྔར་བློན་པོ་ཆེན་པོས་སྤྱན་དྲངས་པར་གཤེགས་པར ་བྱ་སྟེ། སྐྱེས་བུ་ཆེན་པོའི་ཆོས་ཀྱིས་སྔར་གནང་བ་ལས་འགལ་བར་བྱར་མི་རུང་ངོ་།། དེ་ནས་རྒྱལ་པོ་ཕྱིར་ཕོ་བྲང་དུ་འོངས་ཏེ་བློན་པོ་ཆེན་པོ་ལ་འདི་སྐད་ཅེས་བསྒོའོ།། ཡུལ་འདི་ན་ང་ལས་ཆེ་བ ་མེད་དེ་བཅོམ་ལྡན་འདས་ངའི་ཡུལ་ན་བཞུགས་པས། ངས་སྔར་མཆོད་པ་བྱ་བར་བསམས་ཏེ། སྤྱན་དྲངས་ནས་སྔར་ཁྱོད་ཀྱིས་སྤྱན་དྲངས་ཞེས་གསུང་གིས་ཁྱོད་རེ་ཞིག་སྡོད་ཅིག། ངས ་སྔར་སྤྱན་དྲངས་པའི་འོག་ཏུ་ཁྱོད་ཀྱིས་སྤྱན་དྲོངས་ཤིག་ཅེས་བསྒོ་བ་དང་། བློན་པོ་ཆེན་པོ་དེས། རྒྱལ་པོ་ལ་འདི་སྐད་ཅེས་གསོལ་ཏོ།། ལྷ་ཁྱོད་ཀྱིས་བདག་གི་ལུས་དང་སྲོག་ཀྱང་མི་ཉེས་པར་གཉའ ་སྤྱོད་ལ་དེ་བཞིན་གཤེགས་པ་ཡང་རྟག་ཏུ་བཞུགས་པ་དང་། རྒྱལ་པོའི་ཡུལ་ཡང་རྟག་ཏུ་བདེ་སྐྱིད་ཅིང་། ཡེ་འདྲོག་མི་འབྱུང་བར་གཉའ་སྤྱོད་ན་བདག་ཀྱང་རེ་ཞིག་སྡོད་དོ་ཞེས་གསོལ་པ་དང་།། ་རྒྱལ་པོས་འདི་ན་མི་རུང་ངོ་སྙམ་བསམས་ནས། བདག་ཅག་གཉིས་ཉིན་རེས་ཀྱིས་སྤྱན་དྲང་ངོ་ཞེས་བསྒོ་ནས། ཉི་མ་གཅིག་ནི་རྒྱལ་པོས་སྤྱན་དྲངས། ཉི་མ་གཅིག་ནི་བློན་པོས་སྤྱན་དྲངས་ཏེ་གཏས ་ཀའི་རེ་བ་བསྐང་ངོ་། ། དེའི་ཚེ་བློན་པོ་ཆེན་པོ་དེས་དེ་བཞིན་གཤེགས་པ་ལ་ཆོས་གོས་སྤད་གསུམ་ཕུལ་ནས། དགེ་འདུན་སྟོང་ཕྲག་དགུ་བཅུ་རྣམས་ལ་ཡང་ཆོས་གེས་བདུན་པར ་རེ་སྦྱར་ཏེ་ཕུལ་ལོ། ། ཀུན་དགའ་བོ་དེའི་ཚེ་དེའི་དུས་ན་བློན་པོ་ཆེན་པོས་ཆོས་གོས་སྦྱར་ཏེ། སངས་རྒྱས་དང་དགེ་འདུན་རྣམས་ལ་ཕུལ་བའི་དེ་ལ་གཞན་དུ་མ་སེམས་ཤིག། དེ་ནི་ད་ལྟར་ང་ཡིན་ཏེ། ་ངས་ནི་སྐྱེ་བ་ཐམས་ཅད་དུ་བསོད་ནམས་བྱེད་པ་ལ་སྐྱོ་བ་མེད་པས། དེ་དག་ཐམས་ཅད་ཀྱི་རྣམ་པར་སྨིན་པ་ཡང་མྱོང་ནས་ཆུང་མ་ཟོས་སོ།། ཀུན་དགའ་བོ་ལ་སོགས་པ་འཁོར་མང་པོའི་རྣམས ་བཅོམ་ལྡན་འདས་ཀྱིས་གསུངས་པ་ཐོས་ནས། བསོད་ནམས་ཀྱི་ལས་བྱེད་པ་ལ་བརྩོན་པར་གྱུར་ཏེ། མངོན་པར་དགའ་ནས་རྗེས་སུ་ཡི་རང་ངོ་།། བྲམ་ཟེས་ལྡན་པ་ཕུལ་བའི་ལེའུ ་སྟེ་བཞི་བཅུ་རྩ་གསུམ་པའོ། ། སངས་རྒྱས་ཐོག་མ་བྱམས་པའི་སེམས་བསྐྱེད་པའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས ་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་བ་ན་བཞུགས་སོ། ། དེའི་ཚེ་དགེ་སློང་དག་དབྱར་ཚུལ་ནས་བྱུང་ནས། བཅོམ་ལྡན་འདས་ག་ལ་བ་དེར་སོང་སྟེ་བྱོན་པ ་བཅོམ་ལྡན་འདས་ལ་ཕྱག་འཚལ་ནས། བསྲུང་བ་མི་མངའ་འམ་ཞེས་སྤུན་གསོལ་ཏོ།། བཅོམ་ལྡན་འདས་ཀྱིས་ཀྱང་བྱམས་པའི་ཐུགས་ཀྱིས་སྤོ་བ་བསྐྱེད་དེ། དགེ ་སློང་ཁྱེད་སྡུག་བསྔལ་བར་མ་གྱུར་ཏམ་ཞེས་ཤིན་ཏུ་ཐུགས་བརྩེ་ཞིང་བྱམས་པའི་ཐུགས་ཀྱིས་བཀའ་སྩལ་པ་དང་། ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ་འདི་ལྟར་བཅོམ་ལྡན་འདས་ཀྱིས་དགེ་སློང་དག་ལ་ཐུགས་རྩེ་ཞིང་བྱམས་པའི་ཐུགས་བསྐྱེད་ནས་ཡུན་ཇི་སྲིད་ཅིག་ལགས། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ ་ཁྱོད་ཤེས་པར་འདོད་ན་ཁྱོད་ལ་བསྟན་པར་བྱའོ། ། སྔོན་འདས་པའི་དུས་བསྐལ་པ་གྲངས་མེད་པ་བརྗོད་དུ་མེད་པའི་ཕ་རོལ་ན། སྡིག་པ་བྱས་པའི་མི་གཉིས་ཤིག་སེམས་ཅན ་དམྱལ་བར་ལྷུང་སྟེ། དམྱལ་བའི་སྲུངས་མ་བས་ལྕགས་ཀྱི་ཤིང་རྟ་འདྲེན་དུ་བཅུག་ནས། ལྕགས་ཐོས་བརྡེགས་ཏེ་ཕན་ཚུན་མིང་ལ་བར་རྒྱུག་ཏུ་བཅུག་གོ། དེ་ལ་མི་གཅིག་སྟོབས་ཆུང་སྟེ ་འདྲེན་མ་ནུས་ནས་བུབ་པ་དང་། ལྕགས་ཀྱི་ཐོ་བས་བརྡེགས་ཏེ་ཚེ་བརྗེས་ནས་ཕྱིར་སོས་སོ།། གྲོགས་པོ་ཟླ་གཅིག་གིས་དེ་ལྟ་བུའི་སྡུག་བསྔལ་མཐོང་ནས་བྱམས་ཤིང་སྙིང་རྗེ་བའི་སེམས ་སྐྱེས་ཏེ། དམྱལ་བའི་སྲུངས་མ་བ་ལ་འདི་སྐད་ཅེས་སྨྲས་སོ།། བདག་འབའ་ཞིག་གིས་ཤིང་རྟ་འདི་དྲང་གིས། མི་འདི་ཐོང་ཞིག་ཅེས་སྨྲས་པ་དང་། སྲུངས་མ་ཁྲོས་ནས་ལྕགས་ཀྱི་ཐོ་བས ་བརྡེགས་ཏེ། དེར་ཚེ་བརྗེས་པ་དང་སུམ་ཅུ་རྩ་གསུམ་གྱི་ལྷར་སྐྱེས་སོ།། ཀུན་དགའ་བོ་དེའི་ཚེ་དེའི་དུས་ན་སེམས་ཅན་དམྱལ་བ་ན་འདུག་པ་ལས། བྱམས་ཤིང་སྙིང་བརྩེ་བའི་སེམས ་བསྐྱེད་པ་དེ་ནི་ད་ལྟར་ང་ཡིན་ནོ། ། ངས་དེའི་ཚེ་སེམས་ཅན་དམྱལ་བ་ན་དེ་ལ་ཐོག་མར་སྙིང་རྗེ་བའི་སེམས་བསྐྱེད་དེ། སེམས་ཅན་ཐམས་ཅད་ལ་ཡང་དེ་ཙམ་གྱི་བར་དུ་ཐུགས་བརྩེ་ཞིང་བྱམས ་པོའི་སེམས་བསྐྱེད་དོ། ། ཀུན་དགའ་བོ་དང་འཁོར་མང་པོའི་རྣམས་བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ནས་མངོན་པར་དགའ་འོ།། སངས་རྒྱས་ཐོག་མ་བྱམས་པའི་སེམས ་བསྐྱེད་པའི་ལེའུ་སྟེ་བཞི་བཅུ་རྩ་བཞི་པའོ། ། །། རྒྱལ་པོ་སྤྱི་བོ་སྐྱེས་ཀྱི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན ་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་ཆེན་པོའི་དགེ་འདུན་བརྒྱ་ཕྲག་ཕྱེད་དང་བཅུ་གསུམ་དང་ཐབས་ཅིག་ཏུ་བཞུགས་སོ།། དེའི་ཚེ་བཅོམ་ལྡན ་འདས་ཀྱིས་དགེ་སློང་དག་འཇོ་སྒེག་ཅིང་རྙེད་པ་དང་གྲགས་པ་ལ་ཆགས་ནས། ལྷག་པར་བྱས་པ་མང་དུ་འཆང་ཞིང་ཆོག་མི་ཤེས་པར་སོགས་པར་གྱུར་པ། བཅོམ་ལྡན་འདས་ཀྱིས་གཟིགས་ནས། ་དགེ་སློང་རྣམས་ལ་རྙེད་པ་ལ་ཆགས་པའི་སྐྱོན་འདི་དག་གསུངས་སོ།། གང་རྙེད་པ་ལ་ཆགས་པ་ནི་ལུས་ཞིག་ནས་ཚེ་འཕོས་མ་ཐག་ཏུ་ངན་སོང་གསུམ་དུ་ལྷུང་སྟེ། སྡུག་བསྔལ་ཚད་མེད་པ་མྱོང་བར ་འགྱུར་རོ། ། དེ་བས་ན་ངས་མངོན་དུ་དྲན་པ་སྔོན་འདས་པའི་དུས་ན་འདོད་པའི་དབང་གིས་ལྟུང་བར་གྱུར་ཏེ་སྡུག་བསྔལ་མང་པོ་མྱོང་ངོ་།། དེ་ནས་ཀུན་དགའ ་བོས་པུས་མོ་ས་ལ་བཙུགས་ཏེ་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། སྔོན་བཅོམ་ལྡན་འདས་འདོད་པ་ལ་ཆགས་པའི་དབང་གིས་ལྷུང་བར་གྱུར་པ་ཇི་ལྟ་བུ་ལགས ་བཅོམ་ལྡན་འདས་ཀྱིས་བཀའ་སྩལ་པ། སྔོན་འདས་པའི་བསྐལ་པ་ཚད་མེད་མཐའ་ཡས་བསམ་གྱིས་མི་ཁྱབ་དཔག་ཏུ་མེད་པ་གྲངས་མེད་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་ཆེན་པོ་གུ ་ས་ལི་ཞེས་བྱ་བ། འཛམ་བུའི་གླིང་གི་རྒྱལ་ཕྲན་བརྒྱད་ཁྲི་བཞི་སྟོང་ལ་དབང་བྱེད་དེ། བཙུན་མོ་དང་ཕོ་བྲང་སླས་ནི་སྟོང་ཕྲག་ཉི་ཤུ་ཡོད་དོ།། བློན་པོ་ཆེན་པོ་ནི་སྟོང་ཕྲག་བཅུ་ཡོད་དོ།། དུས་གཞན ་ཞིག་ན་རྒྱལ་པོའི་སྤྱི་བོ་ལ་སྒོ་ང་འདྲ་བའི་ཆུ་བུར་གཅིག་བྱུང་སྟེ། གསལ་བ་ཡོངས་སུ་དག་པ་ན་ཚ་མེད་པའོ།། བགས་ཀྱིས་ཇེ་ཚེ་ཇེ་ཆེར་སྐྱེས་ཏེ་ཀུ་བ་ཙམ་དུ་གྱུར་པ་དང་། བཀས་ན་ནང་ནས་ཁྱེའུ ་བལྟ་ན་སྡུག་པ། མཚན་དང་ལྡན་པ། སྒྲ་མཐོན་མཐིང་དུ་འདུག་པ། ལུས་ཀྱི་མདོག་གསེར་ལྟ་བུར་སྣང་བ་གཅིག་བྱུང་བར་གྱུར་ཏེ། མཚན་མཁན་གྱིས་བལྟས་ནས། བུ་འདི་ནི་ངོ་མཚར ་ཆེ་བའི་ཡོན་ཏན་གྱི་མཚན་དང་ལྡན་ཏེ། གདོན་མི་ཟ་བར་འཁོར་ལོས་སྒྱུར་བའི་རྒྱལ་པོར་འགྱུར་ཞིང་གླིང་བཞི་ལ་དབང་བར་འོང་ངོ་ཞེས་སྨྲས་ནས། ཁྱེའུའི་མིང་ཡང་སྤྱི་བོ་སྐྱེས་ཞེས་བཏགས་སོ།། ་ཆེར་སྐྱེས་ནས་ཡོན་ཏན་དང་ལྡན་པས་རྒྱལ་པོས་ཀྱང་ཡུལ་གཅིག་གི་རྒྱལ་ཕྲན་དུ་བཅུག་གོ། དུས་གཞན་ཞིག་ན་རྒྱལ་པོ་ཆེན་པོ་ནད་ཀྱིས་བཏབ་པ་དང་། རྒྱལ་ཕྲན་ཀུན་འདུས་ནས་ནད་གཡོག་དང ་དཔྱད་བྱས་ཀྱང་མ་ཕན་ཏེ་ཚེའི་དུས་བྱས་སོ། ། དེ་ནས་རྒྱལ་ཕྲན་རྣམས་འདུས་ཏེ་སྤྱི་བོ་སྐྱེས་དེ་གང་ན་འདུག་པར་སོང་ནས་ཕྱིན་པ་དང་། འདི་སྐད་ཅེས་སྨྲས་སོ།། རྒྱལ་པོ་ཆེན་པོ་ནི་སྐུ་ཚེའི་དུས ་བྱས་ཀྱིས། ཁྱོད་རྒྱལ་པོ་ཆེན་པོར་གཤེགས་སུ་གསོལ་ཞེས་སྨྲས་པ་དང་། སྤྱི་བོ་སྐྱེས་ཀྱིས་འདི་སྐད་ཅེས་སྨྲས་སོ།། གལ་ཏེ་ང་རྒྱལ་པོར་འགྱུར་བའི་བསོད་ནམས་དང་དབང་ཐང་ཞིག་ཡོད་ན།། ་རྒྱལ་ཆེན་བཞི་དང་བརྒྱ་བྱིན་ལ་སོགས་པས་ང་ལ་གསོལ་བ་བཏབ་སྟེ་དབང་བསྐུར་བར་ཤོག་ཅིག་ཅེས་སྤྲས་མ་ཐག་ཏུ། རྒྱལ་ཆེན་བཞིའི་རྒྱལ་པོ་ཡང་བབས་ནས། རིན་པོ་ཆེའི་བུམ་པ་སྤོས་ཆུས ་བཀང་བ་ཐོགས་ཏེ་སྤྱི་བོར་བླུགས་ནས་དབང་བསྐུར་རོ། ། བརྒྱ་བྱིན་ལྷའི་དབང་པོ་ཡང་བབས་ནས། རིན་པོ་ཆེའི་ཅོད་པན་ཕུལ་ཏེ་མགོ་ལ་བཞག་ནས་ཡོན་ཏན་བསྔགས་སོ།། དེ་ནས་རྒྱལ་ཕྲན ་རྣམས་ཀྱིས་དབུས་ཀྱི་ཡུལ་ཆེན་པོར་གཤེགས་པར་གསོལ་པ་དང་། སྤྱི་བོ་སྐྱེས་ཀྱིས་ཡང་འདི་སྐད་ཅེས་སྨྲས་སོ།། བདག་ལ་རྒྱལ་པོར་འགྱུར་བའི་དབང་ཐང་ཞིག་ཡོད་ན། ཡུལ་ས་ངའི་དྲུང་དུ ་འོང་བའི་རིགས་ཀྱིས། ང་ཡུལ་ས་བསྙེགས་སུ་མི་འགྲོའོ་ཞེས་སྨྲས་པ་དང་། དེ་མ་ཐག་ཏུ་ཡུལ་ཆེན་པོའི་རྒྱལ་པོའི་ཕོ་བྲང་དང་། སྐྱེད་མོས་ཚལ་དང་། ཁྲུས་ཀྱི་རྫིང་བུ་ལ་སོགས་ཏེ་དགོས་པ ་ཐམས་ཅད་དེར་བྱུང་བར་གྱུར་ནས། གསེར་གྱི་འཁོར་ལོ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། བུད་མེད་རིན་པོ་ཆེ་དང་། བློན་པོ་རིན་པོ་ཆེ་དང ་ཁྱིམ་བདག་རིན་པོ་ཆེ་ལ་སོགས་པ་ཐམས་ཅད་འདུས་ནས་གླིང་བཞི་ལ་དབང་བྱེད་པའི་འཁོར་ལོས་སྒྱུར་བའི་རྒྱལ་པོར་གྱུར་ཏེ་ཆོས་བཞིན་དུ་སྲིད་འཚེའོ། ། དེ་ནས་མི་མང་པོ་དག་ས་རྐོ་ཞིང་ཞིང་རྨོད་པ་མཐོང ་ནས་བློན་པོ་རྣམས་ལ་འདི་དག་ཅི་བྱེད་ཅེས་བཀའ་སྩལ་པ་དང་། སྨྲས་པ། ཇི་ཙམ་དུ་སྲོག་དང་བཅས་པ་ཐམས་ཅད་ཟས་ཀྱིས་འཚོ་བས། འདི་དག་ནི་ཞིང་རྨོས་ནས་འཚོ་བར་བྱེད་དོ།། དེ་ནས་རྒྱལ ་བོས་འདི་སྐད་ཅེས་སྨྲས་སོ། ། གལ་ཏེ་ང་ལ་རྒྱལ་པོར་འགྱུར་བའི་བསོད་ནམས་ཀྱི་དབང་ཐང་ཞིག་ཡོད་ན། ལས་བྱ་མི་དགོས་པར་རོ་བརྒྱ་དང་ལྡན་པའི་ཟས་རང་ཡོད་པར་གྱུར་ཏེ། ཐམས་ཅད་ཆོག་ཅིང ་འགྲངས་ནས་བཀྲེས་པ་དང་། སྐོམ་པ་མེད་པར་གྱུར་ཅིག་ཅེས་སྨྲས་སོ།། དེ་སྐད་ཅེས་སྨྲས་མ་ཐག་ཏུ་བཟའ་བ་དང་བཏུང་བ་ཡོད་པར་གྱུར་ཏོ།། དེ་ནས་ཡང་འཆག་ཏུ་སོང་སོང་བ་ལས། ཐ་ག ་མ་དག་ཅིག་འཁལ་བ་དང་འཐག་པ་དག་མཐོང་ནས། འདི་དག་ཅི་བྱེད་ཅེས་དྲིས་པ་དང་། སྨྲས་པ། ཁ་ཟས་ནི་རང་ཡོད་པར་གྱུར་ན། ལུས་རྒྱན་པའི་གོས་མེད་དེ། འདི་དག་ནི་བགོ་བའི ་གོས་བྱེད་དོ། ། དེ་ནས་རྒྱལ་པོས་ཡང་འདི་སྐད་ཅེས་སྨྲས་སོ།། གལ་ཏེ་བདག་ལ་རྒྱལ་པོར་འགྱུར་བའི་དབང་ཐང་ཞིག་ཡོད་ན། བགོ་བའི་གོས་རང་ཡོད་པར་གྱུར་ཏེ། དབུལ་འཕོངས་པ ་ཐམས་ཅད་ཀྱང་གོས་ཀྱིས་ཆོག་པར་ཤོག་ཅིག་ཅེས་སྨྲས་སོ། ། དེ་སྐད་ཅེས་སྨྲས་པ་ཐག་ཏུ། ཤིང་ཐམས་ཅད་ལས་བགོ་བའི་གོས་ཁ་དོག་རྣམ་པ་སྣ་ཚོགས་དང་ལྡན་པ་རང་སྐྱེས་ཏེ། མི་ཐམས་ཅད ་ཀྱི་གོས་ཀྱང་ཟད་མི་ཤེས་པ་བྱུང་ངོ་། ། དེ་ནས་ཡང་རྒྱལ་པོ་འཆག་ཅིང་སོང་སོང་བ་ལས། མི་དག་རོལ་མོའི་ཆ་བྱད་ཐོགས་པ་མཐོང་ནས། འདི་དག་ཅི་ཡིན་ཞེས་དྲིས་པ་དང་། སྨྲས་པ། ཁ ་ཟས་དང་བགོ་བའི་གོས་ནི་ཆོག་པར་ཡོད་ན། རོལ་མོ་མང་པོ་མེད་དེ། འདི་དག་རང་དགའ་ཞིང་རྩེ་བའི་རོལ་མོ་ཡིན་ནོ།། རྒྱལ་པོས་སྨྲས་པ། གལ་ཏེ་བདག་ལ་རྒྱལ་པོའི་དབང་ཐང་ཞིག་ཡོད ་ན། རོལ་མོ་དམ་པའི་ཆ་བྱད་ཐམས་ཅད་རང་ཡོད་པར་གྱུར་ཅིག་ཅེས་སྨྲས་མ་ཐག་ཏུ། ཤིང་ཐམས་ཅད་ཀྱི་ཡལ་ག་ལས་རོལ་མོའི་ཆ་བྱད་མང་པོ་འཕྱང་སྟེ། རོལ་མོ་འདོད་པ་ཞིག་ཡོད་ན། རང ་འཁྲོལ་ཞིང་སྙན་པ་དང་། ཐོས་པ་ཙམ་གྱིས་དགའ་རངས་པར་གྱུར་ཏོ།། རྒྱལ་པོའི་བསོད་ནམས་དང་དབང་ཐང་ཆེན་པོས་ནམ་མཁའ་ལས་རིན་པོ་ཆེ་སྣ་བདུན་ཆར་བཞིན་དུ་བབ་སྟེ། ཡུལ་ཀུན ་གང་ནས་རྒྱལ་པོས་བློན་པོ་དག་ལ་འདི་ལྟར་གྱུར་པ་སུའི་ཡོན་ཏན་ཞེས་དྲིས་པ་དང་། བློན་པོ་རྣམས་ཀྱིས་འདི་སྐད་ཅེས་སྨྲས་སོ།། འདི་ནི་རྒྱལ་པོའི་ཡོན་ཏན་དང་སེམས་ཅན་གྱི་བསོད་ནམས་ཀྱིས ་འདི་ལྟར་གྱུར་ཏོ་ཞེས་སྨྲས་པ་དང་། རྒྱལ་པོས་ཡང་འདི་སྐད་ཅེས་སྨྲས་སོ།། གལ་ཏེ་སེམས་ཅན་གྱི་བསོད་ནམས་ཀྱི་མཐུ་ཡིན་ན་ནི། རིན་པོ་ཆེ་འདི་དག་ཀུན་ཏུ་འབབ་པར་གྱུར་ཅིག། ་གལ་ཏེ་ང་ལ་བའ་ཞིག་གི་དབང་ཐང་ཡིན་ན་ནི། ཕོ་བྲང་གི་ནང་འབའ་ཞིག་ཏུ་བོབས་ཤིག་ཅེས་སྨྲས་པ་དང་། གཞན་ཀུན་ན་བབ་པ་ནི་ཆད་ཀྱི། ཕོ་བྲང་གི་ནང་འབའ ་ཞིག་ན་ཉིན་ཞག་བདུན་གྱི་བར་དུ་བབ་བོ། ། རྒྱལ་པོ་སྤྱི་བོ་སྐྱེས་ཀྱིས་འཛམ་བུའི་གླིང་དུ་ལོ་བརྒྱད་ཁྲི་བཞི་སྟོང་གི་བར་དུ་འདོད་པ་ལྔ་ལ་སྤྱོད་པ་ལས། དུས་གཞན་ཞིག་ན་ཕོ་བྲང་གི་སྒོར་གནོད་སྦྱིན ་གཅིག་བྱུང་སྟེ་སྐད་ཆེན་པོར་འདི་སྐད་ཅེས་སྨྲས་སོ། ། ཤར་ཕྱོགས་ན་ཤར་གྱི་ལུས་འཕགས་གླིང་ཞེས་བྱ་བ་ཡོད་དེ། དེ་ན་ཡང་བདེ་སྐྱིད་ལ་དཔེ་མེད་པར་བཟང་གིས། རྒྱལ་པོ་ཆེན་པོ་དེར་ཡང ་རོལ་ཅིང་གཤེགས་པའི་རིགས་སོ་ཞེས་སྨྲས་པ་དང་། རྒྱལ་པོ་ཡང་དེར་འགྲོ་བར་དགའ་ནས། གསེར་གྱི་འཁོར་ལོ་ནམ་མཁའ་ལ་འཕགས་པ་དང་། བློན་པོ་དང་རིན་པོ་ཆེ་སྣ་བདུན་ལ ་སོགས་པ་ཡང་རྗེས་སུ་འཕགས་ཏེ། ཤར་ཕྱོགས་ཀྱི་ལུས་འཕགས་གླིང་དུ་ཕྱིན་ཏོ།། རྒྱལ་ཕྲན་ཕྱག་མི་འཚལ་བ་རྣམས་ཀྱང་ཐམས་ཅད་ཕྱག་འཚལ་ནས། ལུས་འཕགས་གླིང་དུ ་འདོད་པ་ལྔ་ལ་ལོ་སྟོང་ཕྲག་བརྒྱད་ཅུའི་བར་དུ་ལོངས་སྤྱོད་དོ། ། དེ་ནས་གནོད་སྦྱིན་གྱིས་ཡང་འདི་སྐད་ཅེས་སྨྲས་སོ།། ནུབ་ཕྱོགས་ན་ནུབ་ཀྱི་བ་གླང་སྤྱོད་ཅེས་བྱ་བ་ཡོད་དེ། དེ་ན་ཡང་རབ་ཏུ་བདེ ་སྒྱིད་ཀྱིས། རྒྱལ་པོ་ཆེན་པོ་ཡང་དེར་གཤེགས་པའི་རིགས་སོ་ཞེས་སྨྲས་སོ།། རྒྱལ་པོ་དེ་ཡང་དེར་འགྲོ་བར་དགའ་ནས། ནུབ་ཀྱི་བ་གླང་སྤྱོད་དུ་ལོ་སྟོང་ཕྲག་བཅུ་བཞིའི་བར་དུ་བདེ་བ་ལ་ལོངས ་སྤྱོད་དོ། ། དེ་ནས་ཡང་གནོད་སྦྱིན་གྱིས་འདི་སྐད་ཅེས་སྨྲས་སོ།། བྱང་ཕྱོགས་ན་བྱང་གི་སྒྲ་མི་སྙན་ཞེས་བྱ་བ་ཡོད་དེ། དེ་ན་གནས་པའི་མི་དག་འབྱོར་པ་ལོ་ལེགས་པ་ལོངས་སྤྱོད་དང་ལྡན་གྱིས། ་རྒྱལ་པོ་ཡུལ་དེར་གཤེགས་པའི་རིགས་སོ་ཞེས་སྨྲས་པ་དང་། རྒྱལ་པོ་འགྲོ་བར་དགའ་ནས། བྱང་གི་སྒྲ་མི་སྙན་དུ་འདོད་པ་ལྔའི་དམ་པ་ལ་ལོ་སྟོང་ཕྲག་བཅོ་བརྒྱད་ཀྱི་བར་དུ་ལོངས་སྤྱོད་པར་གྱུར་ཏོ།། ་དེ་ནས་དུས་ཕྱི་ཞིག་ན་གནོད་སྦྱིན་གྱིས་འདི་སྐད་ཅེས་སྨྲས་སོ།། རྒྱལ་ཆེན་བཞིའི་རིགས་ཀྱི་རྒྱལ་པོའི་གནས་ཀྱང་རབ་ཏུ་བདེ་བ་ནི་ཚད་བྱ་བར་ཡང་དཀའ་འོ།། རྒྱལ་པོ་དར་ཡང་གཤེགས་པའི ་རིགས་སོ་ཞེས་སྨྲས་པ་དང་། རྒྱལ་པོ་དང་། བློན་པོ་དང་། དཔུང་གི་ཚོགས་རྣམ་བཞི་དང་བཅས་ཏེ་ནམ་མཁའ་ལ་འཕགས་ཏེ་དོང་ངོ་།། རྒྱལ་ཆེན་བཞིའི་རིགས་ཀྱི་རྒྱལ་པོས་རྒྱང་མ་ནས ་མཐོང་བ་དང་། འཇིགས་སྐྲག་ནས་དཔུང་གི་ཚོགས་བཤམས་ཏེ་ཕྱི་རོལ་ཏུ་བྱུང་བ་དང་། ཅི་བྱར་ཡང་མེད་ནས་ཕྱིར་གནས་སུ་དོང་ངོ་།། སྤྱི་བོ་སྐྱེས་དེར་ཡང་ལོ་སྟོང་ཕྲག་བཅུའི་བར་དུ་འདོད་པ་ལ ་ལོངས་སྤྱད་ནས། ཡང་འདི་སྙམ་དུ་སུམ་ཅུ་རྩ་གསུམ་གྱི་ལྷའི་རིགས་སུ་འགྲོ་བར་བསམས་ནས། འཁོར་དང་བཅས་སུ་སྟེང་གི་ནམ་མཁའ་ལ་འཕགས་ཏེ་སུམ་ཅུ་རྩ་གསུམ་གྱི་ལྷའི་རིགས ་སུ་སོང་ངོ་། ། དེའི་ཚེ་དྲང་སྲོང་ལྔ་བརྒྱ་ཙམ་ཞིག་རི་རབ་ལྷུན་པོའི་སུལ་ན་གནས་པ་ལས། རྒྱལ་པོའི་གླང་པོ་ཆེ་དང་རྟའི་གཅིན་རྟུག་ལྷུང་བས་དྲང་སྲོང་དེ་དག་གི་ལུས་ལ་རེག་པར་གྱུར་ནས། དེ་དག ་གཅིག་ལ་གཅིག་འདི་ཅི་ཡིན་ཞེས་དྲིས་པ་དང་། དྲང་སྲོང་མཁས་པ་བློ་དང་ལྡན་པ་ཞིག་གིས། དྲང་སྲོང་གཞན་དག་ལ་འདི་སྐད་ཅེས་སྨྲས་སོ།། རྒྱལ་པོ་སྤྱི་བོ་སྐྱེས་ཡར་སུམ ་ཅུ་རྩ་གསུམ་གྱི་ལྷའི་རིགས་སུ་སོང་ཞེས་ཟེར་གྱིས། འདི་ནི་གདོན་མི་ཟ་བར་དེ་དག་གི་གླང་པོ་ཆེ་དང་རྟའི་མ་གཙང་བ་ཡིན་ནོ་ཞེས་སྨྲས་ནས། དྲང་སྲོང་རྣམས་ཁྲོས་ཏེ་གསང་སྔགས་དང་ཕྱག་རྒྱ་བཅིངས ་པས་རྒྱལ་པོ་སྤྱི་བོ་སྐྱེས་དང་འཁོར་མང་པོ་འགྲོར་མེད་པར་བྱས་སོ། ། རྒྱལ་པོས་ཀྱང་དེ་ལྟར་ཤེས་ཤིང་རིག་ནས་འདི་སྐད་ཅེས་དམ་བཅས་སོ།། གལ་ཏེ་བདག་ལ་བསོད་ནམས་དང་དབང་ཐང་ཞིག་ཡོད ་ནདྲང་སྲོང་དེ་དག་ངའི་ཐད་དུ་ལྷགས་ཏེ་ངལ་མཆོད་པར་ཤོག་ཅིག་ཅེས་སྨྲས་ནས། རྒྱལ་པོའི་ཡོན་ཏན་ཆེན་པོའི་བྱིན་དང་ཤུགས་ཀྱིས། དྲང་སྲོང་ལྔ་བརྒྱ་ཙམ་པོ་རིལ་གྱིས་དེར་ལྷགས་ནས་གཡོག་བྱས ་ཏེ་བཅས་སུ་སུམ་ཅུ་རྩ་གསུམ་གྱི་ལྷའི་རིགས་སུ་དོང་ངོ་། ། ཡར་མ་ཕྱིན་པར་རྒྱང་མ་ནས་ལྷའི་ཕོ་བྲང་ཡིད་དུ་འོང་བ་ཤིན་ཏུ་དཀར་པོར་སྣང་བ་ལྷང་ངེ་ལྷམ་མེར་མཐོང་བར་གྱུར་ཏོ།། ལྷའི་ཕོ་བྲང་ཡིད་དུ་འོང ་བ་ལ་སྒོ་ཆེན་པོ་བརྒྱ་ཕྲག་བཅུ་གཉིས་ཡོད་དེ། ལྷ་རྣམས་འཇིགས་དངངས་ནས་སྒོ་རྣམས་བཅད་དེ་ལྕགས་ཀྱི་གཏན་པ་སུམ་རིམ་བཅུག་གོ།། སྤྱི་བོ་སྐྱེས་དཔུང་གི་ཚོགས་དང་བཅས་སུ་ཐོགས་པ་མེར ་པར་དེར་ཕྱིན་པ་དང་། རྒྱལ་པོས་དུང་བུས་ཏེ་གཞུ་བདུངས་ནས་གཞུ་རྒྱུད་སྦྲེངས་པ་དང་། ལྷའི་ཕོ་བྲང་གི་སྒོ་བརྒྱ་ཕྲག་བཅུ་གཉིས་དུས་གཅིག་ཏུ་རང་དབྱེ་བ་དང་། བརྒྱ་བྱིན་གྱིས་ཕྱི་རོལ་ནས་བསུ་སྟེ། ་ལྷའི་ཕོ་བྲང་དུ་ཁྲིད་ནས་བརྒྱ་བྱིན་གྱི་སྟན་ཕྱེད་ལ་འདུག་ཏུ་བཅུག་གོ།། ལྷའི་དབང་པོ་དང་། མིའི་དབང་པོ་གཉིས་བྱད་གཟུགས་འདྲ་སྟེ། དང་པོ་མཐོང་བ་དག་གིས་བྱེ་བྲག་མི་ཕྱེད་ན། ལྟ་བའི་མགྱོགས ་བུལ་གྱིས་རྟོགས་སོ། ། རྒྱལ་པོས་ལྷའི་ཕོ་བྲང་དུ་འདོད་པ་ལྔའི་དམ་པ་ལས། ལྷའི་དབང་པོ་བརྒྱ་སུམ་ཅུ་རྩ་དྲུག་བ་རྗེས་ཀྱི་བར་དུ་ལོངས་སྤྱོད་དོ།། ལྷའི་དབང་པོ་ནང་གི་ཐ་མ་དེ་བྱང་ཆུབ་སེམས་དཔའ་འོད ་སྲུངས་ཞེས་བྱ་བ་སྟེ། དེའི་ཚེ་ལྷ་མ་ཡིན་གྱི་རྒྱལ་པོས་ལྷ་རྣམས་ལ་དམག་དྲངས་ནས་བརྒྱ་བྱིན་དང་འཐབ་པ་ལས། བརྒྱ་བྱིན་གྱིས་མ་ཐུབ་ནས་དཔུང་གི་ཚོགས་དང་ཕྱིར་གནས་སུ་བྲོས་སོ།། དེ་ནས་སྤྱི ་བོ་སྐྱེས་ཕྱིར་བྱུང་སྟེ་དུང་བུས་གཞུ་རྒྱུད་སྦྲེངས་པས། ལྷ་མ་ཡིན་གྱི་དམག་རྣམས་དེ་མ་ཐག་ཏུ་བྱེར་རོ།། དེའི་ཚེ་སྤྱི་བོ་སྐྱེས་ཀྱིས་འདི་སྙམ་དུ་བསམས་སོ།། བདག་གི་མཐུ་སྟོབས་ནི་གང་དང་ཡང་མི ་མཉམ་ན། དེ་བརྒྱ་བྱིན་དང་ཐུན་མོང་དུ་འདུག་པ་ཙ་རུང་། ཉིས་ན་བསད་ལ་ང་འབའ་ཞིག་གིས་བྱས་ན་ལེགས་སོ་སྙམ། སྡིག་པའི་སེམས་བསྐྱེད་མ་ཐག་ཏུ་ནམ་མཁའ་ལས་ལྷུང་ནས། སྔོན་གྱི ་ཕོ་བྲང་རྙིང་གི་དྲུང་དུ་ལྷུང་སྟེ་སྲོག་དང་བྲལ་ལ་ཁང་པ་ཙམ་དུ་ཉམ་ཐག་པར་གྱུར་ཏོ། ། དེ་ནས་མི་དག་ལྷགས་ཏེ་འདི་སྐད་ཅེས་དྲིས་སོ།། གལ་ཏེ་འཇིག་རྟེན་གྱི་ཁྱིམ་པ་དག་རྒྱལ་པོ་སྤྱི་བོ་སྐྱེས་ཇི་ལྟར་ཚེའི་དུས ་བྱས་ཞེས་འདྲིན། ། བདེག་ཅག་གིས་དེ་ལ་ཇི་སྐད་ཅེས་བྱ། སྤྲས་པ། གལ་ཏེ་དེ་སྐད་ཅེས་འདྲི་བ་ཡོད་ན། དེ་ལ་འདི་སྐད་ཅེས་གྱིས་ཤིག། རྒྱལ་པོ་སྤྱི་བོ་སྐྱེས་ནི་འདོད་པའི་དབང་གིས་ཚེ་འཕོས་སོ།། ་དེས་གླིང་བཞི་ལ་ལོ་སྟོང་ཕྲག་བཞི་བཅུའི་བར་དུ་དབང་བྱས་ཏེ། ཉིན་ཞག་བདུན་གྱི་བར་དུ་རིན་པོ་ཆེ་ཡང་ཆར་བཞིན་བབ། ལྷའི་རིས་གཉིས་སུ་ཕྱིན་ཀྱང་ཆོ་ག་མ་ཤེས་པས ་ནམ་མཁའ་ལས་ལྷུང་སྟེ་ཚེ་འཕོས་སོ་ཞེས་བྱོས་ཤིག། དེ་བས་ན་དགེ་སློང་དག་རྙེད་པ་དང་གྲགས་པ་ནི་ཡང་དག་པར་ཉེས་པའི་སྐྱོན་ཆེན་པོ་སྟེ། ཅི་ནས་ཀྱང་རིང་དུ་སྤངས་པར་སོམས་ལ། ཡང་དག ་པར་བྱང་ཆུབ་ལ་ནན་ཏན་གྱིས་ཤིག། དེ་ནས་ཀུན་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། རྒྱལ་པོ་སྤྱི་བོ་སྐྱེས་དེ་སྔོན་བསོད་ནམས་ཅི་ཞིག་བགྱིས་ན་འདི་ལྟ ་བུའི་འབྲས་བུ་ཆེན་པོ་ཐོབ་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། སྔོན་འདས་པའི་བསྐལ་པ་གྲངས་མེད་བསམ་གྱིས་མི་ཁྱབ་པ་འདས་པའི་ཕ་རོལ་ན། སངས་རྒྱས་པུར་ཤ་ཞེས་བྱ་བ ་འཇིག་རྟེན་དུ་གཤེགས་ཏེ། འཁོར་དང་བཅས་སུ་འཇིག་རྟེན་གྱི་དོན་མཛད་དོ།། དེའི་ཚེ་བྲམ་ཟེའི་བུ་ཞིག་ཆུང་མ་ལེན་སྙམ་སྟེ། འཇིག་རྟེན་པའི་ཆོས་ཀྱིས་ཆུང་མ་ལེན་ན། སྲན་མ་སྤར་གང ་བླངས་ཏེ་གཏོར་བའི་རིགས་སོ། ། ཁྱེའུ་དེ་ཡང་སྲན་མ་ཐོགས་ཏེ་འཐོར་དུ་སོང་སོང་བ་ལས། ལམ་དུ་བཅོམ་ལྡན་འདས་དང་ཕྲད་ནས་སེམས་ཡིད་དགའ་སྟེ། ལག་ན་སྲན་མ་ཐོགས་པ་དག་བཅོམ་ལྡན ་འདས་ལ་གཏོར་བ་དང་། འབྲུམ་བུ་བཞི་ལྷུང་བཟེད་ཀྱི་ནང་དུ་སོང་ངོ་།། འབྲུམ་བུ་གཅིག་ནི་དབུའི་སྤྱི་བོར་ཆགས་སོ།། བསོད་ནམས་ཀྱི་རྒྱུ་དང་རྐྱེན་དེ་ཙམ་གྱིས་བསོད་ནམས་ཆེན་པོ་ཐོབ་སྟེ། སྲན ་མ་འབྲུ་བཞི་ལྷུང་བཟེད་ཀྱི་ནང་དུ་སོང་བས་གླིང་བཞི་ལ་དབང་བྱེད་པར་གྱུར་ཏོ། ། འབྲུམ་བུ་གཅིག་སྤྱི་བོ་ལ་ཆགས་པས་ལྷ་རིམ་པ་གཉིས་ཀྱི་ལོངས་སྤྱོད་མྱོང་བར་གྱུར་ཏོ།། དེའི་ཚེ་ན་ཉེ་གནས་རྣམས་ཀྱིས་སངས ་རྒྱས་ཀྱིས་གསུངས་པ་ཐོས་ནས། ལ་ལ་ནི་འབྲས་བུ་དང་པོ་ནས་གཉིས་པ་དང་། གསུམ་པ་དང་། དགྲ་བཅོམ་པའི་བར་དུ་ཐོབ་པར་གྱུར་ཏོ།། འཁོར་མང་པོའི་རྣམས་བཅོམ་ལྡན་འདས་ཀྱིས ་གསུངས་པ་ལ་རྗེས་སུ་ཡི་རང་ནས་མངོན་པར་དགའ་འོ། ། རྒྱལ་པོ་སྤྱི་བོ་སྐྱེས་ཀྱི་ལེའུ་སྟེ་བཞི་བཅུ་ལྔ་པའོ།། ། བུ་མོ་སུ་མ་ནའི་བུ་བཅུའི་ལེའུའོ།། འདི་སྐད་བདག་གིས་ཐོས ་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ན་ཁྱིམ་བདག་མགོན་མེད་ཟས་སྦྱིན་གྱི་བུ་མོ་ཐ་ཆུང ་སུ་མ་ན་ཞེས་བྱ་བ་མངའ་བྱད་མཛེས་ཤིང་བལྟ་ན་སྡུག་པ་ཞིག་ཡོད་དེ། བུའི་ནང་ན་བུ་མོ་ཐ་ཆུང་དེ་ལ་ནང་ན་བྱམས་པས་གར་འགྲོ་ཡང་ཁྲིད་དོ།། དུས་གཞན་ཞིག་ན་ཁྱིམ་བདག་སངས་རྒྱས་ལ་ཕྱག་འཚལ ་དུ་སོང་བ་དང་། བུ་མོ་ཡང་ཕྱི་བཞིན་སོང་ནས། བུ་མོ་དེས་སངས་རྒྱས་མཐོང་བ་དང་ལྷག་པར་དགའ་བའི་སེམས་སྐྱེས་ཏེ། སྤོས་ཀྱིས་སངས་རྒྱས་བཞུགས་པའི་གནས་ཀུན་བྱུགས་པར་བསམས་པ ་དང་དེའི་ཚེ་བུ་མོ་དེའི་ལག་ན་ཨ་འབྲའི་འབྲས་བུ་ཞིག་ཐོགས་པ་ལས། བཅོམ་ལྡན་འདས་ཀྱིས་འོན་ཅིག་ཅེས་བཀའ་སྩལ་པ་དང་། བུ་མོས་ཀྱང་དེ་མ་ཐག་ཏུ་བཅོམ་ལྡན་འདས་ཀྱི་ཕྱག་ཏུ ་ཕུལ་ལོ་བཅོམ་ལྡན་འདས་ཀྱིས་ཨ་འབྲའི་འབྲས་བུ་བཞེས་ནས། སྤོས་དམ་པའི་མིང་རྣམ་པ་མང་པོ་བྲིས་ཏེ་བུ་མོའི་ལག་ཏུ་ཕྱིར་བྱིན་ནོ།། དེ་ནས་བུ་མོ་པ་དང་བཅས ་སུ་ཕྱིར་ཁྱིམ་དུ་འོངས་ནས། ཚོང་དུས་སུ་སོང་སྟེ་བཅོམ་ལྡན་འདས་བཞེད་པའི་སྤོས་རྣམ་པ་སྣ་ཚོགས་ཉོས་ནས། ཕྱིར་ཡང་རྒྱལ་བུ་རྒྱལ་བྱེད་ཀྱི་ཚལ་དུ་སོང་སྟེ། ཉིན་གཅིག་བཞིན་དུ་སྤོས་བརྡར ་ནས་གནས་ཀུན་ཉུག་གོ། ། དུས་གཞན་ཞིག་ན་ཡུལ་ཏིག་ཙ་ཤི་རིའི་རྒྱལ་པོས་བུ་གཅིག་རྒྱལ་པོའི་ཁབ་ཏུ་མངགས་ནས་འཕྱན་ཅིང་སོང་སོང་བ་ལས། མཐར་གྱིས་རྒྱལ་བུ་རྒྱལ་བྱེད་ཀྱི་ཚལ་དུ་ཕྱིན་པ ་དང་བུ་མོ་སྤོས་བརྡར་ཞིང་འདུག་པ་མཐོང་ནས་བུ་མོ་དེ་ལ་ཆགས་ཏེ་ཆུང་མར་བླང་བར་བསམས་ནས། རྒྱལ་པོ་གསལ་རྒྱལ་ལ་བུ་མོ་དེ་ཆུང་མར་བསླངས་པ་དང་། རྒྱལ་པོས་དེ་སུའི་བུ་མོ་ཡིན། ་ཞེས་སྨྲས་ན། དེ་ནི་ཁྱིམ་བདག་མགོན་མེད་ཟས་སྦྱིན་གྱི་བུ་མོ་ཡིན་ཞེས་སྨྲས་སོ།། འོ་ན་ང་ལ་གསོལ་ཀྱང་མི་ཕན་གྱིས། བུ་མོ་ཉིད་ཀྱི་ཕ་མ་ལ་གསོལ་ཅིག་ཅེས་བསྒོའོ།། རྒྱལ་བུ་ངེས་རྒྱལ ་པོ་ལ་དུས་ཀྱིས་གསོལ་པ་དང་། རྒྱལ་པོས་ཀྱང་དེ་བཞིན་དུ་གྱིས་ཤིག་ཅེས་བསྒོ་བ་དང་། རྒྱལ་བུ་དེས་བདག་གི་གཡོག་དང་འཁོར་ཀུན་ཕྱིར་ཡུལ་དུ་བཏང་ནས་གླང་པོ་ཆེ་གཅིག་པུ་ཕྱིར་བཞག་གོ ་དུས་གཞན་ཞིག་ན་རྒྱལ་བུ་རྒྱལ་བྱེད་ཀྱི་ཚལ་དུ་སོང་ནས་བུ་མོ་སུ་མ་ན་བརྐུས་ཏེ་གླང་པོ་ཆེ་ལ་བསྐྱོན་ནས་བྲོས་པ་དང་། མགོན་མེད་ཟས་སྦྱིན་གྱིས་བསྙེགས་ན་ཡང་མ་སླེབས་ཏེ། ཕྱིར་ཡུལ་དུ་ཕྱིན ་ནས་ཆུང་མར་བྱས་སོ། ། དེ་ནས་ཆུང་མ་དེ་སེམས་ཅན་དང་ལྡན་པར་གྱུར་ཏེ། ཕྱིས་ཟླ་བ་ཚང་ནས་སྒོ་ང་བཅུ་ཞིག་བཙས་སོ།། སྒོ་ང་བཅག་པ་དང་། སྒོ་ང་རེ་རེ་ནས་བུ་ཁྱེའུ་བལྟ་ན་སྡུག་པ་མཛེས ་ཤིང་བཟང་བ་གཞན་ལས་འཕགས་པ་རེ་རེ་བྱུང་ངོ་། ། བུ་དེ་དག་ཆེར་སྐྱེས་ནས་དཔའ་ཞིང་རྩལ་ཆེ་བས། རི་དགས་གསོད་པ་ལ་དགའ་བར་གྱུར་པ་དང་། ཁྱེའུའི་མས་འདི་ལྟར་རི་དགས་གསོད་པར ་མ་བྱེད་ཅིག་ཅེས་བསྒོ་ནས། བུ་རྣམས་ཀྱིས་མ་ལ་འདི་སྐད་ཅེས་སྨྲས་སོ།། རི་དགས་གཤོར་བ་ལས་དགའ་བ་མེད་དེ། ད་བདག་ཅག་གི་མས་གསོད་དུ་མི་གནང་བ་ལས་ན། བདག་ཅག་ལ ་སྡང་བ་ལྟ། མས་སྨྲས་པ། ཁོ་མོ་ནི་ཁྱེད་ལ་སྡང་བ་མ་ཡིན་གྱི། ཁྱེད་ལ་བྱམས་པའི་ཕྱིར་རི་དགས་གསོད་དུ་མ་བཅུག་པ་ཡིན་ནོ།། འདི་ལྟ་སྟེ། སྲོག་གཅོད་པའི་སྡིག་གིས་སེམས་ཅན ་དམྱལ་བར་ལོ་བརྒྱ་སྟོང་དུ་མའི་བར་དུ་སྡུག་བསྔལ་མྱོང་སྟེ། རྟག་ཏུ་ཤ་བའི་མགོ་ཅན་དང་། ལུག་གི་མགོ་ཅན་དང་། རི་བོང་གི་མགོ་ཅན་ལ་སོགས་ཏེ། རི་དགས་སྣ་ཚོགས་ཀྱི་མགོ་ཅན་དུ་གྱུར ་ནས་དམྱལ་བའི་སྲུངས་མས་ལོ་གྲངས་མེད་པའི་བར་དུ་གསོད་པར་འགྱུར་རོ། ། ཀལ་ཏེ་དེ་ལས་ཐར་པར་འདོད་ན་ཡང་། སྡིག་པའི་ལས་དེ་ལས་མི་ཐར་རོ།། བུ་རྣམས་ཀྱིས་སྨྲས་པ། ་ཇི་ལྟར་ཁྱོད་ཀྱིས་བསྒོ་བ་བཞིན་དུ་བྱ་ན། འདི་སྐད་དུ་བསྒོ་བ་འདི་གཞན་ལས་གསན་ནམ། ཁྱོད་ཉིད་ཀྱིས་བསམས་ཏེ་སྤྲས། ཚིག་འདི་ནི་ཁོ་མོས་སངས་རྒྱས་ལས་ཐོས་སོ་ཞེས་སྤྲས་པ་དང་། བུ་རྣམས ་ཀྱིས་སངས་རྒྱས་ཞེས་བྱ་བ་ཅི་ཡིན་སྟོན་ཅིག་ཅེས་སྨྲས་སོ། ། ཅི་ཁྱེད་ཀྱིས་མ་ཐོས་སམ། རྒྱལ་པོ་ཡབ་ཟས་གཙང་མའི་སྲས་སྐུ་མཛེས་ཤིང་བཟང་བ་འཁོར་ལོས་སྒྱུར་བའི་རྒྱལ ་པོར་འགྱུར་བ་ལས། རྒ་བ་དང་། ན་བ་དང་། ཤི་བ་མ་འདོད་དེ། རབ་ཏུ་བྱུང་ནས་ལམ་བསྒོམས་པས་སྨོན་ལམ་བཞིན་དུ་གྲུབ་སྟེ། བླ་ན་མེད་པའི་འབྲས་བུ་ཐོབ་ནས་སྐུ་ཁྲུ་བཅུ་དྲུག་པ ་མཚན་དང་དཔེ་བྱད་ཀྱིས་ཡོངས་སུ་བརྒྱན་པ། རིག་པ་གསུམ་དང་མངོན་པར་ཤེས་པ་དྲུག་ཏུ་ལྡན་པ། སྔ་མ་འདས་པ་ཤེས་པ་ཡང་མཐའ་མེད་ལ། ཕྱིས་འབྱུང་བ་ཤེས་པ་ཡང་མཐའ་མེད ་དེ་དུས་གསུམ་ནི་ལག་མཐིལ་ན་འབྲས་བུ་བཞག་པ་དང་འདྲའོ་ཞེས་སྨྲས་པ་བུ་རྣམས་ཀྱིས་ཐོས་ནས་རབ་ཏུ་དགའ་སྟེ། སངས་རྒྱས་དེ་ད་ལྟར་འདི་ནས་ཉེ་རིང་ཇི་ཙམ་ཞིག་ན་བཞུགས་པ་མཐོང་བར ་རུང་ངམ་ཞེས་སྨྲས་པ་དང་། མས་སྨྲས་པ། ད་ལྟར་མཉན་ཡོད་ན་བཞུགས་ཏེ་མཐོང་དུ་རུང་ངོ་།། བུ་རྣམས་ཀྱིས་སྨྲས་པ། འོ་ན་བདག་ཅག་སངས་རྒྱས་བལྟར་འགྲོའོ་ཞེས་གསོལ་པ་དང་། བུའི ་མས་ཀྱང་གནང་ནས་བུ་རྣམས་ཅིག་ཅར་མཉན་ཡོད་དུ་དོང་ངོ་། ། དེར་ཕྱིན་པ་དང་མེས་པོ་མགོན་མེད་ཟས་སྦྱིན་གྱིས་མཐོང་ནས་རབ་ཏུ་དགའ་མགུ་རངས་ཏེ། ཚ་བོ་རྣམས་ཁྲིད་དེ་རྒྱལ་བུ་རྒྱལ་བྱེད་ཀྱི ་ཚལ་དུ་དེ་བཞིན་གཤེགས་པ་བལྟར་དོང་ངོ་། ། བུས་པ་དེ་དག་གིས་སངས་རྒྱས་ཀྱི་མཚན་སྔོན་ཐོས་པ་བས་སྟོང་གྱུར་གྱིས་ལྷག་པར་བཟང་བ་མཐོང་ནས་ཤིན་ཏུ་དགའ་བར་གྱུར་ཏོ།། དེ་ནས་བཅོམ་ལྡན ་འདས་ཀྱིས་ཅི་རིགས་པར་ཆོས་བསྟན་པས། ཁྱེའུ་བཅུ་ཅར་དུས་གཅིག་ཏུ་ཆོས་ལ་ཆོས་ཀྱི་མིག་རྣམ་པར་དག་པར་གྱུར་ནས། སངས་རྒྱས་ལ་རབ་ཏུ་འབྱུང་བར་གསོལ་པ་དང་། བཅོམ་ལྡན་འདས། ་ཀྱིས་བྱིས་པ་རྣམས་ཁྱེད་ཀྱི་ཕ་མས་གནང་ངམ་ཞེས་བཀའ་སྩལ་ན། བདག་ཅག་གིས་ད་དུང་མ་གསོལ་པ་དང་། ཕ་མས་མ་གནང་གི་བར་དུ་རབ་ཏུ་འབྱུང་དུ་མི་གནང་ངོ་ཞེས་བཀའ་སྩལ་ཏོ།། དེ་ནས ་མགོན་མེད་ཟས་སྦྱིན་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བདག་ནི་འདི་དག་གི་མེས་པོ་ལགས་ཏེ། བདག་གི་ཚ་བོ་ལ་ནི་བདག་ཀྱང་དབང་བས། བདག་གིས་རབ་ཏུ་འབྱུང ་བར་གནང་ངོ་ཞེས་གསོལ་པ་དང་། བཅོམ་ལྡན་འདས་ཀྱིས་ཀྱང་དེ་བཞིན་དུ་གནང་ནས། སྒྲ་དང་ཁ་སྤུ་རང་བྱི་སྟེ་དགེ་སློང་དུ་གྱུར་ཏོ།། དགེ་སྦྱོང་གི་ལམ་ལ་དེ་དག་གིས་བརྩོན་འགྲུས་བསྐྱེད་པས ་ཐམས་ཅད་དགྲ་བཅོམ་པར་གྱུར་ཏོ། ། དགེ་སློང་བཅུ་པོ་གཅིག་ལ་གཅིག་ལྷག་པར་དགའ་བས། འགྲོ་ན་ཡང་ལྷན་ཅིག་འགྲོ། འདུག་ན་ཡང་ལྷན་ཅིག་འདུག་སྟེ། ཡུལ་མི་ཐམས་ཅད་ཀྱང་དགའ ་ནས་རྗེས་སུ་ཡི་རང་ངོ་། ། དེ་ནས་ཀུན་དགའ་བོས། བཅོམ་ལྡན་འདས་ལ་གསོལ་པ། དགེ་སློང་བཅུ་པོ་འདིས་བསོད་ནམས་ཅི་ཞིག་བགྱིས་ན། ཆོ་རིགས་བཙུན་པར་སྐྱེས་ལ་བྱང ་གཟུགས་བཟང་བ་དང་། བཅོམ་ལྡན་འདས་དང་མཇལ་ནས་སྡུག་བསྔལ་གྱི་མཐར་ཕྱིན་པར་གྱུར། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། སྔོན་འདས་པའི་དུས་བསྐལ ་པ་དགུ་བཅུ་རྩ་གཅིག་གི་ཕ་རོལ་ན། སངས་རྒྱས་ཐམས་ཅད་སྐྱོབ་ཅེས་བྱ་བ་འཇིག་རྟེན་དུ་གཤེགས་ཏེ། སེམས་ཅན་གྱི་དོན་མཛད་ནས་མྱ་ངན་ལས་འདས་ཏེ། རིང་བསྲེལ ་རྒྱས་པར་སྤེལ་ནས་མཆོད་རྟེན་ཚད་མེད་པ་སྙེད་བྱས་སོ། ། དེའི་ཚེ་ན་མཆོད་རྟེན་གཅིག་ཅིག་ཞིག་རལ་དུ་གྱུར་ནས། རྒན་མོ་གཅིག་ཅིག་གིས་གསོ་ཞིང་འདུག་པ་ལས། མི་འགྲོན་པོ་བཅུ་ཞིག་དེར ་ལྷགས་ཏེ་མཐོང་བ་དང་། རྒན་མོ་ལ་ཁྱོད་ཅི་བྱེད་ཅེས་སྨྲས་སོ།། རྒན་མོས་སྨྲས་པ། འདི་ནི་མཆོད་གནས་ཀྱི་མཆོད་རྟེན་ཡིན་ཏེ། འདི་བཅོས་ན་བསོད་ནམས་ལྷག་པར་ཆེ་བས། དགེ་བའི་འབྲས ་བུ་འདོད་པའི་ཕྱིར་འདི་འཆོས་སོ། ། གཞོན་ནུ་དེ་དག་ཀྱང་རྒན་མོས་སྨྲས་པ་ལ་རབ་ཏུ་དགའ་ནས། བདག་ཅག་གིས་ཀྱང་བསྟང་ངོ་ཞེས་སྨྲས་ནས། མཆོད་རྟེན་བཅོས་པའི་འོག་ཏུ་གཞོན་ནུ་བཅུ་ཅར ་རྒན་མོའི་བུར་སྐྱེ་བར་གྱུར་ཅིག་ཅེས་སྨོན་ལམ་བཏབ་པས། དེ་ཚུན་ཆད་བསྐལ་པ་དགུ་བཅུ་རྩ་གཅིག་གི་བར་དུ་ལྷ་དང་མིའི་ནང་དུ་ལྷན་ཅིག་སྐྱེས་ནས་བདེ་བ་ལ་ལོངས་སྤྱོད་དེ། དངོས་པོ་འདི་གསུམ་གྱིས་མི ་གཞན་ལས་རྟག་ཏུ་འཕགས་སོ། ། གསུམ་གང་ཞེ་ན། བྱད་གཟུགས་བཟང་ཞིང་མཛེས་པ་དང་། ཀུན་གྱིས་བཀུར་བ་དང་། རྟག་ཏུ་ཚེ་རིང་ཞིང་དེ་སྲིད་ཀྱི་བར་དུ་སེམས་ཅན་དམྱལ་བར་མི་ལྟུང ་བའོ། ། རདང་དང་ཕྲད་ནས་རྡུལ་དང་དྲི་མ་ཀུན་བཀྲུས་ཏེ་དགྲ་བཅོམ་པར་གྱུར་ཏོ།། དེའི་ཚེ་དེའི་དུས་ན་རྒན་མོ་དེ་ནི་བུ་མོ་སུ་མ་ན་ཡིན་ནོ།། མི་གཞོན་ནུ་བཅུ་པོ་དེ་ནི་དགྲ་བཅོམ་པ་འདི་བཅུ་ཡིན་ནོ།། ་བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། འཁོར་མང་པོའི་རྣམས་ལ་ལ་ནི་རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པ་ཐོབ་བོ།། ཁ ་ཅིག་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་ནས་ཕྱིར་མི་ལྡོག་པའི་ས་ལ་གནས་པར་གྱུར་ཏེ། སངས་རྒྱས་ཀྱིས་གསུངས་པ་ལ་རྗེས་སུ་ཡི་རངས་ནས་མངོན་པར་དགའ་འོ།། བུ་མོ་སུ་མ་ནའི་བུ ་བཅུའི་ལེའུ་སྟེ་བཞི་བཅུ་རྩ་དྲུག་པའོ། ། ། ཨུ་པ་གུབ་ཏའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ཡུལ་དེ་ན་ཀུན་ཏུ་རྒྱུ་ཨུ་པ་གུབ་ཏ་ཞེས་བྱ་བ། ཡིད་གཞུངས་ཤིང་ཤེས་པ་མང་བ་ནི་འདས་པ་དང་ད་ལྟར་ལ་མཁས ་པ་ཞིག་སྟེ། བཅོམ་ལྡན་འདས་གང་ན་བར་སོང་ནས་རབ་ཏུ་འབྱུང་ངོ་ཞེས་གསོལ་ཏོ།། གལ་ཏེ་བདག་རབ་ཏུ་བྱུང་ནས་ཤེས་རབ་དང་སྤོབས་པ་ཤཱ་རིའི་བུ་དང་མཉམ་ན་རབ་ཏུ་འབྱུང་གི། དེ་ཙམ ་མི་ཕོད་ན་ཕྱིར་ཁྱིམ་དུ་མཆིའོ་ཞེས་གསོལ་པ་དང་། བཅོམ་ལྡན་འདས་ཀྱིས་དེ་ཙམ་མི་ཕོད་དོ་ཞེས་བཀའ་སྩལ་ནས། ཀུན་ཏུ་རྒྱུ་དེ་རབ་ཏུ་འབྱུང་དུ་མ་བཏུབ་ནས་ཕྱིར་ཁྱིམ་དུ་སོང་ངོ་།། བཅོམ ་ལྡན་འདས་ཀྱིས་དུས་གཞན་ཞིག་ན། འཁོར་མང་པོ་ལ་འདི་སྐད་ཅེས་བཀའ་སྩལ་ཏོ།། ང་མྱ་ངན་ལས་འདས་ནས་ལོ་བརྒྱ་ལེན་པ་དང་། བྲམ་ཟེ་འདི་རབ་ཏུ་བྱུང་ནས་མངོན་པར་ཤེས་པ་དྲུག ་དང་ཤེས་རབ་ཏུ་ལྡན་ཏེ། སེམས་ཅན་རྡུལ་སྙེད་ཅིག་གི་དོན་བྱེད་པར་འགྱུར་རོ།། བཅོམ་ལྡན་འདས་མྱ་ངན་ལས་འདས་ཀར་ཀུན་དགའ་བོ་ལ་ཡང་འདི་སྐད་ཅེས ་བཀའ་སྩལ་ཏོ། ། ང་མྱ་ངན་ལས་འདས་ནས་མདོ་སྡེའི་སྡེ་སྣོད་ཐམས་ཅད་ཁྱོད་ལ་གཏད་ཀྱིས། ཁྱོད་ཀྱིས་གཟུངས་སུ་ཟུང་ལ་རྒྱས་པར་བྱོས་ཤིག་ཅེས་བཀའ་སྩལ་ནས། བཅོམ་ལྡན་འདས ་མྱ་ངན་ལས་འདས་པའི་འོག་ཏུ་ཀུན་དགའ་བོས་ཆོས་ཀྱི་སྡེ་སྣོད་ཀུན་བཟུང་ངོ་། ། ཀུན་དགའ་བོ་ལུས་ཡོངས་སུ་གཏོང་བ་ན། ཉེ་གནས་ཡ་ཤེ་ཀེའི་ཀི་ལ་འདི་སྐད་ཅེས་བསྒོའོ།། ང་འདས་པའི ་འོག་ཏུ་མདོ་སྡེ་ཀུན་ཁྱོད་ལ་གཏད་ཀྱིས་གཟུངས་སུ་ཟུང་ཞིག་ཅེས་བསྒོ་ནས། ཡང་འདི་སྐད་ཅེས་སྨྲས་སོ།། ཡུལ་བཱ་རཱ་ནཱ་སི་ན་ཁྱིམ་བདག་གུབ་ཏེ་ཞེས་བྱ་བ་ལ། བུ་ཨུ་པ་གུབ་ཏ་ཞེས་བྱ་བ་ཞིག ་ཡོད་ཀྱིས། ཁྱོད་ཀྱིས་སློངས་ལ་རབ་ཏུ་ཕྱུང་ཞིག། ཁྱོད་འདས་པའི་འོག་ཏུ་ཆོས་ཀྱང་དེ་ལ་གཏོད་ཅིག་ཅེས་བསྒོའོ།། ཀུན་དགའ་བོ་འདས་པའི་འོག་ཏུ་ཡ་ཤེའི་ཀིས་དམ་པའི་ཆོས་བཟུང་སྟེ། ་འཇིག་རྟེན་ན་སེམས་ཅན་གྱི་དོན་མང་དུ་བྱས་སོ།། དེ་ནས་བཱ་རཱ་ནཱ་སིའི་གྲོང་ཁྱེར་དུ་སོང་སྟེ། ཁྱིམ་བདག་དེ་དང་བཤེས་པར་བྱས་ནས་ཡང་དང་ཡང་དེའི་ཁྱིམ་དུ་སོང་སྟེ་ཡིད་གཅུགས་པར་བྱས་སོ།། ་ཁྱིམ་བདག་དེ་ལ་བུ་ཁྱེའུ་ཞིག་བཙས་ནས། མིང་ཨུ་པ་གུབ་ཏ་ཞེས་བྱ་བར་བཏགས་ཏེ། ཆུང་ངུ་ཤེད་མ་བྱེ་བ་ནས་ཡ་ཤེའི་ཀིས་བསླངས་ཏེ་རབ་ཏུ་དེ་འབྱུང་བར་བྱས་པ་ལས། ཁྱིམ་བདག ་གིས་འདི་སྐད་ཅེས་སྨྲས་སོ། ། བདག་འདོད་པའི་བུ་འདི་འདྲ་བ་ཞིག་ཡོད་དེ། རིགས་འཚེ་བ་སྙམ་པས་མི་རུང་ངོ་།། གལ་ཏེ་ཡང་གཅིག་བཙས་ན་གདོད་སྦྱིན་ནོ།། ཕྱིས་དུས་གཞན་ཞིག་ན ་ཡང་བུ་གཅིག་བཙས་ནས་མིང་ནན་ཏ་གུབ་ཅེས་བཏགས་སོ། ། དེ་ནས་ཡ་ཤེའི་ཀི་ཡང་དེར་སོང་སྟེ་བུ་བསླངས་པ་དང་། ཁྱིམ་བདག་གིས་ཡང་འདི་སྐད་ཅེས་སྨྲས་སོ།། བུ་ཆེན་པོ་ནི་ཕྱི་རོལ་གྱི ་བྱ་བ་བསྒྲུབ་དགོས། ཆུང་ངུ་ནི་ནང་གི་བྱ་བ་བསྒྲུབ་ན་གདོད་བདེ་བར་འགྱུར་རོ།། ཞེས་ཚོད་དུ་མ་བཏུབ་སྟེ། ཕྱིས་ཡང་བུ་གཅིག་བཙས་ནས་གདོད་དབུལ་ལོ་ཞེས་སྨྲས་སོ།། ཡ་ཤེའི་ཀཽ་ནི་དགྲ ་བཅོམ་པའི་ནང་ན་རིག་པ་གསུམ་དང་ལྡན་ཏེ། སེམས་ཅན་གྱི་དབང་པོ་ལ་མཁས་པས་ཁྱེའུ་དེ་གཉིས་ལ་བརྟགས་ན། རབ་ཏུ་འབྱུང་བའི་སྐལ་བ་ཡོད་པ་མི་དྲན་ནས་མ་བསྐུལ་བར་བཞག་གོ།། ་དེ་ནས་ཡང་ཁྱིམ་བདག་དེ་ལ་བུ་གཅིག་བཙས་ན། བྱད་གཟུགས་ལེགས་པ་བལྟ་ན་སྡུག་པ་ཞིག་སྟེ། ཡང་ཁྱིམ་བདག་གི་ཐད་དུ་སོང་ནས་བུ་བསླངས་པ་དང་། ཡང་འདི་སྐད་ཅེས་སྨྲས་སོ།། ་བུ་ད་དུང་ཆུང་བས་གཡོག་བྱེད་ཀྱང་མི་ནུས་ལ། བདག་ཅག་ཀྱང་དབུལ་བས་བསྟང་དུ་མེད་དེ། རེ་ཞིག་སྡོད་ཅིག་ནམ་སྐྱེས་ན་སྦྱིན་ནོ་ཞེས་སྨྲས་སོ།། དེ་ནས་ཆེར་སྐྱེས་ནས་ཤེས་པ་དང་ལྡན་པར ་གྱུར་ཏེ། ཕས་ཀྱང་ནོར་རྫས་ལག་ཏུ་གཏད་ནས་ཚོང་བྱེད་དུ་བཅུག་གོ།། དུས་གཞན་ཞིག་ན་ཡ་ཤེའི་ཀི་ཉིད་དེའི་དྲུང་དུ་སོང་སྟེ་ཆོས་བསྟན་ནས་སེམས་རྩེ་གཅིག་ཏུ་ཡིད་ལ་བྱེད་དུ་བཅུག་སྟེ། དགེ ་བའི་རྟོག་པ་བྱུང་ན་རྡེའུ་དཀར་རུ་གཅིག་བཞག། མི་དགེ་བའི་རྟོག་པ་བྱུང་ན་རྡེའུ་ནག་གུ་གཅིག་ཞོག་ལ། དུས་དུས་སུ་གང་མང་བརྩིས་ཤིག་ཅེས་བསྒོའོ།། ཨུ་པ་གྲུབ་ཏས ་ཀྱང་བསྒོ་བ་བཞིན་དུ་དགེ་བ་དང་མི་དགེ་བའི་རྟོག་པ་བྱུང་བ་ལས་རྡེའུ་བཞག་སྟེ་རྡེའུ་བརྩིས་ན། ཐོག་མ་ནི་རྡེའུ་ནག་གུ་མང་རབ་ལ་དཀར་རུ་ཉུང་རབ་བོ།། དེ་ནས་ཡང་བགས་ཀྱིས་དཀར་གནག ་མཉམ་མོ། ། དེ་ནས་ཡིད་ལ་བྱ་བ་མ་བཏང་བས་རྡེའུ་ནག་གུ་ནི་མེད་ཀྱི། རྡེའུ་དཀར་རུ་འབའ་ཞིག་ཏུ་གྱུར་ཏེ། དགེ་བ་ལ་རྟོག་པ་གྲུབ་ནས་འབྲས་བུ་དང་པོ་ཐོབ་པར་གྱུར་ཏོ།། དེའི་ཚེ་གྲོང་ཁྱེར ་དེན་སྨད་འཚོང་མ་ཞིག་གིས་བྲན་མོ་གཅིག་མངགས་ཏེ། ཨུ་པ་གུབ་ཏ་ལས་མེ་ཏོག་ཉོར་བཏང་ངོ་།། ཨུ་པ་གུབ་ཏ་རང་བཞིན་གྱིས་དྲང་བས། བྲན་མོ་དེ་ལ་མེ་ཏོག་རྒྱལ་བར་བྱིན་ཏེ་མ་རངས་པ་མེད ་པར་བྱས་སོ། ། བྲན་མོ་དེ་མེ་ཏོག་གི་རྣམས་ཁྱེར་ཏེ་ཇོ་མོ་ལ་ཕུལ་བ་དང་། ངོ་མཚར་ཆེར་བཟུང་སྟེ་བྲན་མོ་ལ་འདི་སྐད་ཅེས་སྨྲས་སོ།། སྔར་མེ་ཏོག་ཉོས་པའི་རིན་དང་དེང་ཉེས་པའི་རིན་དུ་འདྲ་ན། ་སྔར་ནི་ཅིའི་ཕྱིར་ཉུང་ལ་ད་སྟེ་ཇི་སྟེ་མང་། སྔ་མའི་ཚེ་ན་ཁྱོད་ཀྱིས་ང་བསླུས་སམ། བྲན་མོས་སྨྲས་པ། དེང་གི་མེ་ཏོག་འཚོང་བའི་བདག་པོ་དེ་ངོ་མཚར་དུ་དྲངས་ལ་དེས་ཏེ། གཡོ་སྒྱུ་མེད་པས་མང་དུ ་ཁུགས་པ་ཡིན་ནོ། ། སྐྱེས་བུ་དེ་གཟུགས་བྱད་བཟང་ཞིང་མཛེས་པས། རྗེ་མོས་གཟིགས་ན་ཡང་དགྱེས་པར་འགྱུར་རོ་ཞེས་སྨྲས་པ་དང་། སྨང་འཚོང་མས་དེ་འབོང་དུ་བཏང་ངོ་།། ཨུ་པ་གུབ་ཏ་འོང་དུ ་མ་བཏུབ་ནས། ཡང་དང་ཡང་བོས་ཀྱང་འགྲོར་མ་བཏུབ་བོ།། དེའི་ཚེ་སྨད་འཚོང་མ་དེ་རྒྱལ་བུ་ཞིག་དང་འགྲུལ་ཏེ། རྒྱལ་བུ་དེའི་གོས་རིན་པོ་ཆེ་ལ་ཆགས་པས། གསང་སྟེ་རྒྱལ་བུ་བསད་ནས་རོ་སྦས ་སོ། དེ་ནས་རྒྱལ་པོས་ཁྱིམ་དག་བཙལ་བ་དང་། སྨད་འཚེང་མའི་ཁྱིམ་ནས་རྒྱལ་བུའི་རོ་རྙེད་དེ། སྨད་འཚོང་མ་དེའི་རྐང་ལག་ཀྱང་གཏུབས། རྣ་བ་དང་སྣ་ཡང་བཅང་ནས་ཤིང་ཀར་བཏགས ་ཏེ་དུར་ཁྲོད་དུ་བཙུགས་སོ། ། དེ་ལྟར་བྱས་ཀྱང་ད་དུང་སྲོག་མ་ཆད་པས། ཨུ་པ་གུབ་ཏ་དེའི་དྲུང་དུ་སོང་བ་དང་། སྨད་འཚོང་མས་འདི་སྐད་ཅེས་སྨྲས་སོ།། སྔོན་སྡུག་པའི་ཚེ་ནི་འོང་དུ་མ་བཏུབ་ལ། ་ད་མ་རུང་བར་གྱུར་པའི་འོག་ཏུ་གར་འགྲོ་ཞེས་སྨྲས་པ་དང་། ཨུ་པ་གུབ་ཏས་སྨྲས་པ། ཁྱོད་ཀྱི་མངའ་བྱད་འདོད་པའི་ཕྱིར་འདིར་འོངས་པ་མ་ཡིན་གྱི། ཁྱོད་ལ་སྙིང་བརྩེ་བའི་ཕྱིར་འདིར་འོངས་སོ། ་ཞེས་སྨྲས་ནས། མི་རྟག་པའི་ཆོས་རྣམ་པ་བཞི་པོ་འདི་དག་བསྟན་ཏོ།། ལུས་འདི་ནི་མི་གཙང་བ། སྡུག་བསྔལ་བ། སྟོང་པ། བདག་མེད་པ་སྟེ། རེ་རེ་ནས་བརྟགས་ཤིང་ཡིད་བརྟན་དུ་མི ་རུང་ངོ་། གང་གླེན་པ་གཏི་མུག་ཅན་ནི་དེ་ལ་ཆགས་སོ།། སྨད་འཚོང་མས་ཆོས་དེ་དག་ཐོས་ནས། ཆོས་ལ་ཆོས་ཀྱི་མིག་རྣམ་པར་དག་པར་གྱུར་ཏོ།། ཨུ་པ་གུབ་ཏ་ནི་ཕྱིར་མི་ལྡོག་པའི་འབྲས ་བུ་ཐོབ་བོ། ། དེ་ནས་ཡ་ཤེའི་ཀིས་ཁྱིམ་བདག་དེ་ལས་གཞོན་ནུ་བསླངས་ནས་རབ་ཏུ་དབྱུང་ངོ་ཞེས་བྱས་པ་དང་། ཁྱིམ་བདག་གིས་ཀྱང་དེ་བཞིན་དུ་ཕུལ་ནས། གཙུག་ལག་ཁང་དུ་ཁྲིད་དེ་ཁྲིམས ་། བཅུ་ཕོག་གོ།། དེ་ནས་ལོ་ཉི་ཤུ་ཚངས་པ་དང་བསྙེན་པར་རྫོགས་སོ།། བསྙེན་པར་རྫོགས་པའི་ཚེ་གསོལ་བ་དང་བཞིའི་ལས་བྱས་ནས་དགྲ་བཅོམ་པར་གྱུར་ཏེ། རིག་པ་གསུམ ་དང་མངོན་པར་ཤེས་པ་དྲུག་དང་ལྡན་པ། སྨྲ་བ་ལ་སྤོབས་པ་ཟད་མི་ཤེས་པར་གྱུར་ནས། མི་མང་པོ་བསྡུས་ཏེ་ཆོས་བསྟན་པར་བྱས་པ་དང་། དེའི་ཚེ་བདུད་སྡིག་ཏོ་ཅན་གྱིས་འཁོར་མང་པོའི ་ནང་དུ་གསེར་གྱི་དོང་ཙེ་ཆར་བཞིན་དུ་ཕབ་པས། མི་ཀུན་དོང་ཙེ་ལ་སྟོད་ནས་ཆོས་མཉན་དུ་མེད་པར་བྱས་སོ།། དེའི་ཕྱིར་ཉིན་འཁོར་མང་པོ་བསྡུས་ཏེ་ཆོས་བསྟན་པར་བྱས་པ་ལས། བདུད་སྡིག ་ཏོ་ཅན་གྱིས་མེ་ཏོག་གི་འཕྲེང་བའི་ཆར་ཕབ་པས་ཀུན་གྱི་སེམས་དཀྲུགས་སོ། ། དེའི་ཚེ་ཕྱིད་ཉིན་འཁོར་མང་པོ་བསྡུས་ཏེ་ཆོས་བསྟན་པར་བྱས་པ་ལས། བདུད་ཀྱི་རྒྱལ་པོས་གླང་པོ་ཆེ་མཐོན་མཐིང ་ཁ་ལྟ་བུ་ཁ་ནས་མཆེ་བ་དྲུག་བྱུང་ལ། མཆེ་བ་རེ་རེ་ལ་ཡང་རྫིང་བུ་རེ་རེ་ཡོད་པ། རྫིང་བུ་རེ་རེའི་ནང་ན་མེ་ཏོག་བདུན་བདུན་ཡོད་པ། མེ་ཏོག་རེ་རེའི་ནང་ན་ཤེལ་གྱི་བུ་མོ་བདུན་བདུན་ཡོད་པ། བུ ་མོ་དེ་དག་ཀྱང་སོ་སོ་ནས་རོལ་མོ་བྱེད་དེ། གླང་པོ་ཆེ་དེ་ཡང་གོམ་པ་དལ་གྱིས་འཁོར་གྱི་ནང་དུ་འགྲོ་བ་བསྟན་པ་དང་། མི་ཐམས་ཅད་དེ་ལ་བལྟ་བས་ཆོས་ལ་མི་འདུན་ནོ།། དེའི་ཕྱིར་ཉིན་འཁོར ་རྣམས་བསྡུས་ཏེ་ཆོས་བསྟན་པར་བྱས་པ་ལས། བདུད་ཀྱི་རྒྱལ་པོས་ན་ཅུང་བཟང་མོ་ཤིན་ཏུ་མཛེས་ཤིང་བཟང་བ་གཅིག་འཁོར་གྱི་ནང་དུ་འོངས་པ་སྤྲུལ་ནས། མི་ཀུན་དེ་ལ་མིག་མི་འཛུམས་པར་བལྟ ་སྟེ་ཆོས་ཉན་པ་བརྗེད་དོ། ། དེ་མ་ཐག་ཏུ་ཡེ་ཤེའི་ཀིས་སྤྲུལ་པའི་བུད་མེད་ཀེང་རུས་དཀར་པོར་སྤྲུལ་ནས། མི་མང་པོས་མཐོང་བ་དང་། མི་ཀུན་གདོད་ཆོས་ཉན་པས་འབྲས་བུ་ཐོབ་པ་ཡང་རབ་ཏུ ་མང་ངོ་། ། བཙུན་པ་དེ་དག་ལ་ཐོག་མ་ནས་ཁྱི་ཞིག་ཡོད་དེ། ཉིན་གཅིག་བཞིན་དུ་ཆོས་བསྟན་པ་ལ་རྣ་བ་གཏད་དེ་མཉན་པས། ཁྱི་དེ་ཚེ་བརྗེས་ནས་ལྷའི་རིས་དྲུག་པར་སྐྱེས་ཏེ། བདུད་སྡིག་ཏོ་ཅན ་དང་སྟན་གཅིག་ལ་འདུག་གོ། ། བདུད་ཀྱི་རྒྱལ་པོས་ལྷ་དེ་ལ་འདི་ནི་ཡོན་ཏན་ཆེན་པོ་དང་ལྡན་ཏེ། ང་དང་མཉམ་ན་འདི་གང་ནས་ཚེ་འཕོས་ཏེ་འདིར་སྐྱེས་པ་བརྟག་གོ་སྙམ་སྟེ། བརྟགས་པ་དང་ཁྱི ་ལས་སྐྱེས་པར་མཐོང་ནས། དགེ་སློང་གིས་ང་བ་སྐྱེངས་ཏེ་སྨ་ཕབ་བོ་སྙམ་ནས། རྒྱང་མ་ནས་བཙུན་པ་ཏིང་ངེ་འཛིན་དུ་ཞུགས་པ་མཐོང་ནས། རིན་པོ་ཆེའི་ཅོད་པ་ན་ཞིག་བཙུན་པའི་མགོ་ལ་བཞག ་གོ། ། ཏིང་ངེ་འཛིན་ལས་ལངས་པ་དང་། མགོ་ལ་ཅོད་པ་ན་ཡོད་པར་རྟོགས་ནས་སུས་བཞག་སྙམ་བརྟགས་ན། བདུད་སྡིག་ཏོ་ཅན་གྱིས་བཞག་པར་རྟོགས་ནས། རྫུ་འཕྲུལ་གྱི་མཐུས་བདུད ་སྡིག་ཏོ་ཅན་དེར་བཀུག་སྟེ། ཁྱི་རོ་གཅིག་མགོའི་འཕྲེང་བར་སྤྲུལ་ནས། སྡིག་ཏོ་ཅན་ལ་འདི་སྐད་ཅེས་སྨྲས་སོ།། ཁྱོད་ཀྱིས་ང་ལ་ཅོད་པན་བྱིན་པའི་ལན་དུ་ཁྱོད་ལ་འཕྲེང་བ་གཅིག་ཅིག་སྦྱིན་གྱིས ་བ་ཞེས་ཤིག་ཅེས་སྨྲས་པ་དང་། བདུད་སྡིག་ཏོ་ཅན་གྱིས་བླངས་ཏེ་འཕྲེང་བར་བཏགས་ནས་ཕྱིར་གནས་སུ་སོང་ངོ་།། གནས་སུ་ཕྱིན་ཏེ་བརྟགས་ན་མགོ་ལ་འཕྲེང་བ་བཞག་པ་ཁྱི་རོ་ཡིན་པར་མཐོང་ནས ་མི་འདོད་དོ། ། དོར་བར་བྱས་པ་ལས་མཐུ་སྟོབས་ཅི་ཡོད་པ་གཏུགས་ཀྱང་དོར་མ་ནུས་སོ།། དེ་ནས་བརྒྱ་བྱིན་གྱི་ཐད་དུ་སོང་སྟེ། མི་གཙང་བ་འདི་འོར་ཅིག་ཅེས་སྨྲས་ན། ་བརྒྱ་བྱིན་གྱིས་སྨྲས་པ། འདི་ལྟ་བུ་སུས་བྱས་པ་ཉིད་ཀྱིས་དོར་ནུས་ཀྱི། བདག་ལ་ནི་དོར་ནུས་པའི་མཐུ་མེད་དོ།། བདུད་སྡིག་ཏོ་ཅན་གྱིས་ལྷ་ཀུན་དང་། ཚངས་པའི་རྒྱལ་པོའི་བར་དུ་བདག་གིས་མི ་གཙང་བ་འདི་འོར་ཅིག་ཅེས་སྨྲ་ན། སྔ་མས་སྨྲས་པ་དང་འདྲ་སྟེ། ངེད་ལ་འདི་དོར་བའི་མཐུ་མེད་དོ་ཞེས་སྨྲས་པས། ཅི་བྱར་མི་རུང་ནས་ཕྱིར་བཙུན་པའི་དྲུང་དུ་འོངས་ནས་འདི་སྐད་ཅེས་སྨྲས་སོ།། ་སངས་རྒྱས་བཅོམ་ལྡན་འདས་ནི་ཡོན་ཏན་ཆེན་པོ་དང་ལྡན་པ་བདེན་ཏེ། བྱམས་པའི་ཐུགས་ཕྱོགས་གཅིག་ཏུ་མ་གྱུར་ཏོ།། ཁྱེད་ཉན་ཐོས་རྣམས་ནི་འཇིགས་སུ་རུང་བ་མ་རུང་བའོ།། ཅི་མངོན་ཞེ་ན། ་ངས་སྔོན་ཡི་དགས་ཀྱི་དཔུང་ཁྲི་ཕྲག་བརྒྱད་ཅུ་བ་སོགས་ཏེ། བྱང་ཆུབ་སེམས་དཔའ་ལ་བསྐོར་ནས་བྱང་ཆུབ་ལས་ཉམས་པར་བྱ་བར་བརྒལ་བ་ལས། འོན་ཀྱང་ཐུགས་རྗེ་བསྐྱེད་དོ།། བདག་ལ་དགྲར ་མི་དགོངས་སོ། ། ད་བདག་གིས་ཀྱལ་ཀ་ཅུང་ཟད་ཅིག་བྱས་པས་ལན་དུ་འདི་འདྲ་བར་བྱས་སོ།། ཨུ་པ་གུབ་ཏས་སྤྲས་པ། ཁྱོད་ཟེར་བ་བདེན་ཏེ། སངས་རྒྱས་དང་ངར་བསྐྲུན་ན་བརྒྱ་འགྱུར་སྟོང ་འགྱུར་དུ་ཡང་དཔེ་བྱར་མི་རུང་སྟེ། རི་རབ་ལྷུན་པོ་ཉུངས་ཀར་དང་བསྐྲུན་པ་འམ། རྒྱ་མཚོ་ཆེན་པོ་དང་བ་རྨིག་གི་ཆུར་བསྐྲུན་པ་འམ། སེང་གེའི་རྒྱལ་པོ་དང་། ཝ་ར་བསྐྲུན་པ་དང་འདྲ་སྟེ། ཆེ་ཆུང་གི ་ཁྱད་བསྐྱེད་དུ་མེད་དོ། ། ཁོ་བོ་ནི་དུས་ངན་པའི་ཐ་མར་སྐྱེས་ཏེ། དེ་བཞིན་གཤེགས་པ་ཡང་མ་མཐོང་ན། ཁྱོད་ཀྱི་རྫུ་འཕྲུལ་གྱིས་སངས་རྒྱས་ཀྱི་སྐུར་སྤྲུལ་ནུས་སོ་ཞེས་ཐོས་ཀྱི། ཁྱོད་ཀྱིས་ཁོ ་བོཔོ་མཐོང་བར་སྟོན་ཅིག་བལྟ་བར་བྱའོ། ། བདུད་ཀྱི་རྒྱལ་པོས་སྤྲས་པ། ངས་དེ་འདྲ་བར་སྤྲུལ་གྱིས་ཁྱོད་ཕྱག་མ་བྱེད་ཅིག། སྨྲས་པ། ཕྱག་མི་བྱེད་དོ།། དེ་ནས་བདུད་ཀྱི་རྒྱལ་པོས་ཀྱང་སངས ་རྒྱས་ཀྱི་སྐུར་སྤྲུལ་ཏེ། སྐུ་ཆེན་པོ་ཁྲུ་བཅུ་དྲུག་པ། གསེར་གྱི་མདོག་ཅན་མཚན་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་བརྒྱན་པ། འོད་གཟེར་ལྷམ་མེ་ལྷན་ནེར་གསལ་བ། ཉི་ཟླ་བས ་ཀྱང་ལྷག་པར་སྤྲུལ་པ་དང་། ཨུ་པ་གུབ་ཏ་རབ་ཏུ་དགའ་ནས་ཕྱག་བྱ་བར་གཟས་པ་དང་། བདུད་ཀྱི་རྒྱལ་པོ་ཕྱིར་ཡང་བདུད་ཀྱི་ལུས་སུ་བསྒྱུར་ནས། ཨུ་པ་གུ་བ་ཏ་ལ་བཙུན་པ་ཁྱོད་ཕྱག་མི་བྱ ་པབར་བྱས་ན། ཅིའི་ཕྱིར་ཕྱག་བྱེད་ཅེས་སྨྲས་སོ།། ཨུ་པ་གུབ་ཏས་སྨྲས་པ། ཁོ་བོ་སངས་རྒྱས་ལ་ཕྱག་བྱེད་ཀྱི། ཁྱོད་ལ་ཕྱག་མི་བྱེད་དོ།། བདུད་ཀྱི་རྒྱལ་པོས་སྨྲས་པ། བཙུན་པས ་བདག་ལ་ཐུགས་བརྩེ་བའི་སླད་དུ། ཁྱི་རོ་འདི་མ་མཆིས་པར་མཛོད་ཅིག། ཨུ་པ་གུབ་ཏས་སྨྲས་པ། ཁྱོད་ཉིད་སྙིང་བརྩེ་བའི་སེམས་བསྐྱེད་དེ། སེམས་ཅན་ཀུན་གྱི་སྐྱབས་བྱོས་ཤིག་དང ་ཁྱི་རོ་ལས་རིན་པོ་ཆེའི་འཕྲེང་བར་འགྱུར་རོ། ། གལ་ཏེ་མི་དགེ་བའི་ལས་སྡིག་པའི་བསམ་པ་སྐྱེས་ན། ཁྱི་རོ་ཉིད་ལས་མི་འགྱུར་རོ་ཞེས་སྨྲས་པ་དང་། བདུད་ཀྱི་རྒྱལ་པོ་སྐྲག་ནས་རྟག་ཏུ་དགེ ་བའི་སེམས་བསྐྱེད་དོ། ། དེའི་ཚེ་ན་བཙུན་པ་ཨུ་པ་གྲུབ་ཏ་འབྲས་བུ་ཐོབ་པའི་འོག་ཏུ་སེམས་ཅན་བཏུལ་ཏེ། འབྲས་བུ་བཞི་ཐོབ་པར་བྱས་པའི་གྲངས་ནི་འབྲས་བུ་ཐོབ ་པ་མི་རེ་ཚུལ་ཤིང་སོར་བཞི་པ་རེ་རེ་བྱས་པའི་ཚུལ་ཤིང་དེ་ལྟ་བུས། ཁང་པ་མཐོ་ཁྱད་ཚེག་དྲུག་ཅུ་པ་ཆུ་ཞེང་གབ་པར་ཡང་ཚེག་དྲུག་ཅུ་པའི་ནང་ཡོངས་སུ་གང་ངོ་།། དེ་ནས་མི་མང་པོ་ཀུན་གྱིས ་བསྟོད་ཅིང་བསྔགས་ཏེ། ཁྱོད་ཀྱི་ཡོན་ཏན་ནི་རྒྱ་ཆེ་བས། སེམས་ཅན་བཏུལ་བའི་གྲངས་ཀྱང་དཔག་ཏུ་མེད་དོ་ཞེས་སྨྲས་སོ།། ཨུ་པ་གུབ་ཏས་སྤྲས་པ། ཁོ་བོ་དུད་འགྲོ་བྱེད། ་པའི་ཚེ་ན་ཡང་སེམས་ཅན་དག་བཏུལ་ཏེ། འཕགས་པའི་འབྲས་བུ་ཐོབ་པར་བྱས་ན། ད་ལྟར་གྱི་དུས་ན་བཏུལ་བ་ལྟ་ཅི་སྨོས། འཁོར་མང་པོས་སྨྲས་པ། སྔོན་ཇི་ལྟ་བུར་སེམས་ཅན་དག ་བཏུལ་བ་བདག་ཅག་ལ་བསྟན་དུ་གསོལ། ཨུ་བ་གུབ་ཏས་སྨྲས་པ། སྔོན་འདས་པའི་དུས་ན་བཱ་རཱ་ནཱ་སི་འདིར་དྲང་སྲོང་ལྷགས་པའི་རི་ལི། རང་སངས་རྒྱས་ལྔ་བརྒྱ་ཞིག་གནས་སོ།། ་དེའི་ཚེ་ནི་སྤྲེའུ་ཞིག་ཉིན་གཅིག་བཞིན་དུ་མཆོད་པ་དབུལ་ཞིང་སྤྱོད་ལམ་ལ་བལྟའོ།། རང་སངས་རྒྱས་དེ་དག་ཕྱིས་གཞན་དུ་དོང་ནས། ཀུན་ཏུ་རྒྱུ་ལྔ་བརྒྱ་ཞིག་དེ་ན་གནས་སོ།། ཀུན་ཏུ་རྒྱུ་དེ་དག ་ལ་ལ་ནི་ཉི་མ་དང་ཟླ་བ་ལ་མཆོད། ལ་ལ་ནི་མེ་ལྷ་ལ་མཆོད་དོ།། ཉི་མ་དང་ཟླ་བ་ལ་མཆོད་པ་ནི།། ཉི་ཟླ་ལོགས་སུ་རྐང་པ་ལ་གཅིག་གིས་འགྲེང་ངོ་།། མེ་ལྷ་ཅན་ནི་ནང་པར་སྔ་དྲོ་ཞིང་མེ་འབུང་།། ་དེའི་ཚེ་ན་སྤྲེའུ་དེས་འགྲེང་བ་དེ་དག་གི་རྐང་པ་ནས་ལག་པ་ཡ་གཅིག་གིས་བཟུང་སྟེ་འཐུར་དུ་དྲངས་སོ།། མེ་འབུད་པ་དག་གི་མེ་བསད་ནས་ལུས་དྲང་པོར་འདུག་སྟེ་བསམས་པ་ཡིད་ལ་བྱེད་དོ།། དེ ་ནས་ཀུན་ཏུ་རྒྱུ་དེ་རྣམས་གཅིག་ལ་གཅིག་འདི་སྐད་ཅེས་སྨྲས་སོ། ། སྤྲེའུ་འདིས་བདག་ཅག་ཀྱང་སྤྱོད་ལམ་འདི་ལྟ་བུར་འདུག་ཅིག་ཅེས་བྱ་བའི་ཐ་ཚིག་སྟེ། བདག་ཅག་ཀྱང་སོ་སོ་ནས་ལུས་དྲང ་པོར་བསྲང་སྟེ་དོན་ལ་བརྟག་གོ་ཞེས་བྱས་ནས། དེ་དག་དེ་ལྟར་བྱས་མ་ཐག་ཏུ་སེམས་ཀྱིས་ཁོང་དུ་ཆུད་ཅིང་རྟོགས་ཏེ། རང་སངས་རྒྱས་སུ་གྱུར་ཏོ།། དེའི་ཚེ་དེའི་དུས་ན་སྤྲེའུ་དེ་ནི་དེ་ལྟར་ང ་ཡིན་ནོ། ། འཁོར་རྣམས་ཀྱིས་སྨྲས་པ། འོ་ན་ཅིའི་ཕྱིར་སྤྲེའུའི་ལུས་སུ་གྱུར། ཨུ་པ་གུབ་ཏས་སྨྲས་པ། སྔོན་འདས་པའི་བསྐལ་བ་དགུ་བཅུ་རྩ་གཅིག་གི་ཕ་རོལ་ན། སངས ་རྒྱས་རྣམ་པར་གཟིགས་འཇིག་རྟེན་དུ་གཤེགས་ཏེ། དགེ་སློང་རྣམས་ནི་བཱ་རཱ་ནཱ་སི་ན་དྲང་སྲོང་ལྷགས་པའི་རི་ལ་གནས་སོ།། དེའི་ཚེ་ན་འབྲས་བུ་ཐོབ་པའི་དགེ་སློང་གཅིག་རིའི་རྩེ་མོར་མགྱོགས ་པཔར་སོང་བ་དང་། དེ་ལ་དགེ་སློང་གཞོན་ནུ་ཞིག་གིས། དགེ་སློང་དེ་ནི་མགྱོགས་ཁྱད་སྤྲེའུ་དང་འདྲའོ་ཞེས་སྨྲས་ཏེ། དེའི་རྒྱུ་དེའི་རྐྱེན་གྱིས་སྐྱེ་བ་ལྔ་བརྒྱའི་བར་དུ་སྤྲེའུའི་ལུས་ཐོབ་པར་གྱུར་ཏོ།། དེ་བས ་འཁོར་བཞི་པོ་དག་ངག་གི་ལས་ཡོངས་སུ་བསྡམས་ཏེ་མི་དགོས་པ་མི་སྨྲའོ། ། ཨུ་པ་གུབ་ཏས་ཆོས་འདི་བསྟན་པའི་ཚེ། འཁོར་མང་པོ་རྣམས་ལ་ལ་ནི་རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག ་པ་དང་། ཕྱིར་མི་ལྡོག་པ་དང་། དགྲ་བཅོམ་པའི་འབྲས་བུ་ཐོབ་བོ།། ཁ་ཅིག་ནི་རང་སངས་རྒྱས་སུ་དགེ་བའི་རྩ་བ་བསྐྱེད་དོ།། ཁ་ཅིག་ནི་བྱང་ཆུབ་ཏུ་སེམས་བསྐྱེད་དེ། ་ཕྱིར་མི་ལྡོག་པར་གྱུར་པ་ཡང་དཔག་ཏུ་མེད་དོ།། དེ་སྐད་ཅེས་སྨྲས་པ་ལ་རྗེས་སུ་ཡི་རངས་ནས་མངོན་པར་དགའ་འོ།། ཨུ་པ་གུབ་ཏའི་ལེའུ་སྟེ་བཞི་བཅུ་རྩ་བདུན་པའོ།། ། ་ང་པ་ལྔ་བརྒྱ་ལྷར་སྐྱེས་པའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་བཱ་རཱ་ནཱ་སི་ན་བཞུགས་སོ།། དེའི་ཚེ་བཅོམ་ལྡན་འདས་ཚལ་ཞིག་གི་ནང་ནེའུ་གསིང་དང ་ལྡན་པ་ཞིག་ན། ལྷ་དང་། མི་དང་། འཁོར་རྣམ་པ་བཞི་ལ་དམ་པའི་ཆོས་སྟོན་ཏོ།། དེའི་ཚེ་སྟེང་གི་ནམ་མཁའ་ལ་བྱ་ངང་པ་ལྔ་བརྒྱ་ཙམ་ཞིག་འཕུར་པ་ལས། བཅོམ་ལྡན་འདས་ཀྱི་གསུང ་ཤིན་ཏུ་སྙན་པ་ཐོས་ནས། དགའ་ཞིང་མོས་ཏེ་ནམ་མཁའ་ལ་ལྡིང་ཞིང་བཅོམ་ལྡན་འདས་ཀྱི་སྤྱན་སྔར་འབབ་པར་འདོད་པ་ལས། དེའི་ཚེ་རྔོན་པ་དག་ཅིག་གིས་ས་ཕྱོགས་དེར་བྱ་རྒྱ་བྲེས་པས། ངང་པ ་ལྔ་བརྒྱ་ཙམ་པོ་བྱ་རྒྱས་ཟིན་ནས་རྔོན་པས་བསང་བ་དང་། ཐམས་ཅད་སུམ་ཅུ་རྩ་གསུམ་གྱི་ལྷའི་རིས་སུ་ཕ་མའི་པུས་མོའི་སྟེང་ནས་ཁྱེའུ་ལོ་བརྒྱད་ལོན་པ་ཙམ་དུ་སྐྱེས་ཏེ། བྱད་གཟུགས་བཟང་བ། བལྟ ་ན་སྡུག་པ། འོད་གཟེར་གྱིས་ཀུན་ཏུ་སྣང་བ། གསེར་གྱི་རི་ལྟར་གསལ་ཞིང་དག་པར་གྱུར་ནས། དེ་དག་འདི་སྙམ་དུ་བདག་ཅག་ཅིའི་རྐྱེན་གྱིས་ལྷར་སྐྱེས་སྙམ་བསམས་པ་དང་། སྔོན་གྱི་གནས ་དྲན་པར་གྱུར་ཏེ། ཆོས་གསུངས་པའི་སྒྲ་ཐོས་པས་ལྷར་སྐྱེས་པར་རིག་ནས། དེ་དག་དེའི་ཚེ་ནམ་མཁའ་ལས་བབས་ཏེ། ལྷ་རྫས་ཀྱི་མེ་ཏོག་དང་སྤོས་ལ་སོགས་པ་ཐོགས་ནས། འཛམ་བུའི ་གླིང་གི་ཡུལ་བཱ་རཱ་ནཱ་སི་ན། བཅོམ་ལྡན་འདས་གང་ན་བཞུགས་པར་ལྷགས་སོ།། ལྷའི་འོད་ཀྱིས་བཅོམ་ལྡན་འདས་བཞུགས་པའི་གནས་ཀུན་རིན་པོ་ཆེ་ལྟར་སྣང་བར་བྱས་ནས། དུས་གཅིག་ཏུ ་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། ཐལ་མོ་སྦྱར་ནས་འདི་སྐད་ཅེས་གསོལ་ཏོ།། བདག་ཅག་གིས་བཅོམ་ལྡན་འདས་ཆོས་སྟོན་པའི་གསུང་ཐོས་པ་ཙམ་གྱིས་གནས་དམ་པར་སྐྱེས ་ཀྱིས་ད་ཡང་བདག་ཅག་ལ་ཐུགས་བརྩེ་བའི་སླད་དུ་དམ་པའི་ཆོས་སྟོན་ཅིག་ཅེས་གསོལ་པ་དང་། བཅོམ་ལྡན་འདས་ཀྱིས་བདེན་པ་བཞིའི་ཆོས་བསྟན་ཏེ། ལྷ་དེ་དག་གིས་རྟོགས་ནས་རྒྱུན་དུ ་ཞུགས་པའི་འབྲས་བུ་ཐོབ་བོ། ། དེ་དག་དེ་ཕྱིན་ཅད་ངན་སོང་གསུམ་དུ་མི་ལྟུང་བར་གྱུར་ཏོ།། ཕྱིར་ལྷའི་རིས་སུ་དོང་ནས་སྐྱེ་བ་བདུན་གྱིས་ཟག་པ་ཀུན་ཟད་པར་གྱུར་ཏོ།། དེ་ནས ་ཀུན་དགའ་བོས། བཅོམ་ལྡན་འདས་ལ་གསོལ་པ། མདང་གསུམ་ལྷ་དག་གི་འོད་གཟེར་གྱིས་ཀུན་སྣང་བར་བགྱིས་ནས། བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་ལྷགས་པའི་ལྷ་དེ་དག ་གང་ནས་མཆིས་པ་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཁྱོད་ལེགས་པར་ཉོན་ལ་ཤིན་ཏུ་ཡིད་ལ་ཟུང་ཞིག་དང་ངས་བསྟན་པར་བྱའོ།། ང་ཁར་རྩང་ཚལ་ཞིག་ན་ལྷ ་དང་མི་རྣམས་དང་། འཁོར་རྣམ་པ་བཞི་ལ་ཆོས་སྟོན་པའི་ཚེ། ངང་པ་ལྔ་བརྒྱ་ཙམ་ཞིག་ཆོས་གསུང་བའི་སྒྲ་ལ་རད་ནས་དགེ་བའི་སེམས་སྐྱེས་ཏེ། ངའི་ཐང་དུ་སོང་བ ་ལས་མ་ཕྱིན་པར་རྔོན་པས་ཟིན་ཏེ་ཐམས་ཅད་བསད་དོ། ། ཆོས་ཀྱི་སྒྲ་ལ་དད་པའི་དགའ་བའི་སེམས་ཀྱིས་སུམ་ཅུ་རྩ་གསུམ་གྱི་ལྷའི་རིས་སུ་སྐྱེས་ནས། སྔོན་གྱི་གནས་དྲན་པས་ང་ལ་ཕྱག་འཚལ་དུ་འོངས ་སོ། དེ་ནས་ཀུན་དགའ་བོས་བཅོམ་ལྡན་འདས་ཀྱིས་གསུངས་པ་ཐོས་ནས་རབ་ཏུ་དགའ་མགུ་རངས་ཏེ། ངོ་མཚར་རྨད་དོ་ཞེས་བསྔགས་ནས་འདི་སྐད་ཅེས་གསོལ་ཏོ།། བཅོམ་ལྡན་འདས་འཇིག ་རྟེན་དུ་གཤེགས་པ་ནི་ངོ་མཚར་རྨད་དེ། ཆོས་ཀྱི་ཆར་གྱིས་མ་ངོམས་པ་མ་མཆིས་སོ།། ཆུང་ངུ་ན་དུད་འགྲོའི་སྐྱེ་གནས་ལྟ་བུ་ཡང་ཆོས་ཐོས་པས་བསོད་ནམས་ཐོབ་ན། མི་ལྟ་ཞིག་ཅེས་སྨོས་ཏེ། ་དད་པའི་སེམས་ཀྱིས་གཟུངས་སུ་བཟུང་བའི་བསོད་ནམས་ཀྱི་འབྲས་བུ་བས་བརྒྱ་སྟོང་གིས་ལྷག་སྟེ། དཔེར་བགྱིར་མ་མཆིས་སོ།། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། ་ལེགས་སོ་ལེགས་སོ།། ཁྱོད་ཀྱིས་སྤྲས་པ་བཞིན་དུ་བཅོམ་ལྡན་འདས་འཇིག་རྟེན་དུ་གཤེགས་པ་ནི། ཀུན་ལ་ཕན་པ་དང་བདེ་བའི་དོན་དུ་འགྱུར་ཏེ། ཀུན་ཏུ་བདུད་རྩིའི་ཆར་ཕབ་ནས་འགྲོ ་བ་མང་པོ་ངོམས་པར་བྱེད་དོ། ། དེ་བས་ན་ཁྱོད་ཀྱིས་སེམས་རྩེ་གཅིག་ཏུ་སངས་རྒྱས་ཀྱི་བསྟན་པ་ལ་ནན་ཏན་གྱིས་ཤིག། བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། ཀུན་དགའ་བོ་དང་འཁོར ་མང་པོའི་རྣམས་རྗེས་སུ་ཡི་རང་སྟེ་མངོན་པར་དགའ་འོ། ། ངང་པ་ལྔ་བརྒྱ་ལྷར་སྐྱེས་པའི་ལེའུ་སྟེ་བཞི་བཅུ་རྩ་བརྒྱད་པའོ།། ། སེང་གེ་ཡི་དམ་བརྟན་ཞེས་བྱ་བའི་ལེའུའོ།། ་འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་སྤུངས་པའི་རི་ལ་བཞུགས་སོ།། དེའི་ཚེ་ན་ལྷ་སྦྱིན་གྱིས་བཅོམ་ལྡན་འདས་ལ་རྟག་ཏུ་ངན་སེམས་བསྐྱེད་ནས ་དེ་བཞིན་གཤེགས་པ་མེད་པར་བྱས་ལ། ལྷ་སྦྱིན་ཉིད་སངས་རྒྱས་ཡིན་ནོ་ཞེས་བསྒྲགས་པའི་ཕྱིར། རྒྱལ་པོ་མ་སྐྱེས་དགྲ་ཕ་གསོད་དུ་བཅུག་ནས། སངས་རྒྱས་སར་པ་དང་། རྒྱལ་པོ་སར ་པས་ཡུལ་གྱི་སྲིང་བཅས་ན་མ་ལེགས་སམ་ཞེས་སྨྲས་པ། རྒྱལ་པོ་མ་སྐྱེས་དགྲས་མཉན་ཏེ་ཕ་བསད་ནས་བདག་ཉིད་རྒྱལ་པོར་བཞུགས་སོ།། དེའི་ཚེ་ཡུལ་མི་དག་དགེ་སློང་ཀུན་ལ་ངན་སེམས ་སྐྱེས་ནས་མཐོང་ཡང་མི་འདོད་པར་གྱུར་ཏོ། ། དུས་གཞན་ཞིག་ན་དགེ་སློང་དག་གྲོང་དུ་བསོད་སྙོམས་སློང་དུ་སོང་སོང་བ་ལས། ཡུལ་མི་དག་ཁྲོས་ཏེ་གཏམ་ཡང་མ་སྟེར་ནས། ལྷུང་བཟེད ་སྟོང་པར་ཕྱིར་ལོག་སྟེ་བྱ་རྒོད་སྤུངས་པའི་རི་ལ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ལྷ་སྦྱིན་གྱིས་སྡིག་པ་མི་དགེ་བའི་ལས་བགྱིས་པས། ཡོན་བདག་ཀུན་དགེ་སློང་ལ ་ངན་སེམས་སྐྱེས་སོ་ཞེས་གསོལ་པ་དང་། བཅོམ་ལྡན་འདས་ཀྱིས། ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། སེམས་ཅན་གང་ཞིག་དགེ་སྦྱོང་ངུར་སྨྲིག་གྱོན་པ་ལ་ངན་སེམས་བསྐྱེད་ན། ་མི་དེ་ནི་འདས་པའི་སངས་རྒྱས་དང་། རང་སངས་རྒྱས་དང་། དགྲ་བཅོམ་པ་ལ་ངན་སེམས་བསྐྱེད་དོ།། མ་འོངས་པའི་སངས་རྒྱས་དང་། རང་སངས་རྒྱས་དང ་དགྲ་བཅོམ་པ་ལ་ངན་སེམས་བསྐྱེད་པ་ཡིན་ནོ། ། ད་ལྟར་བཞུགས་པའི་སངས་རྒྱས་དང་། རང་སངས་རྒྱས་དང་། དགྲ་བཅོམ་པ་ལ་ངན་སེམས་བསྐྱེད་པ་ཡིན་པར་རིག་པར་བྱའོ།། དེ་ལྟར ་དུས་གསུམ་གྱི་འཕགས་པ་ལ་ངན་སེམས་བསྐྱེད་པས། སྡིག་པའི་ལས་ཁ་ན་མ་ཐོ་བའི་འབྲས་བུ་ཚད་མེད་པ་སྨིན་པར་འགྱུར་རོ།། དེ་ཅིའི་ཕྱིར་ཞེ་ན། ཆོས་གོས་ངུར་སྨྲིག་ནི་དུས་གསུམ་གྱི ་འཕགས་པ་རྣམས་ཀྱི་རྒྱལ་མཚན་ཡིན་ཏེ། སེམས་ཅན་གང་ཞིག་སྒྲ་དང་ཁ་སྤུ་བྲེགས་ནས་ཁ་དོག་བསྒྱུར་བའི་ཆོས་གོས་གྱོན་ན། དེ་ནི་རིང་པོར་མི་ཐོགས་པར་སྡུག་བསྔལ་ཀུན་ལས་སེམས ་རྣམ་པར་གྲོལ་ཏེ། ཟག་པ་མེད་པའི་ཡེ་ཤེས་ཐོབ་ཅིང་། འགྲོ་བ་ཐམས་ཅད་ཀྱི་མགོན་སྐྱབས་དང་དཔུང་གཉེན་དུ་འགྱུར་རོ།། སེམས་ཅན་གང་ཞིག་རབ་ཏུ་འབྱུང་ཞིང་ཁ་དོག་བསྒྱུར་བའི ་ཆོས་གོས་གྱོན་པ་ལ་དད་པའི་སེམས་བསྐྱེད་ན། བསོད་ནམས་དཔག་ཏུ་མེད་པ་ཐོབ་པར་འགྱུར་རོ།། ཀུན་དགའ་བོ་ང་ཡང་སྔོན་རབ་ཏུ་བྱུང་བ་ཆོས་གོས་ཁ་དོག་བསྒྱུར་བ་གྱོན་པ ་ལ་དད་པའི་སེམས་སྐྱེས་ཏེ་བསྟི་སྟང་བྱས་པས་མངོན་པར་སངས་རྒྱས་སོ། ། ཀུན་དགའ་བོས་གསོལ་པ། བཅོམ་ལྡན་འདས་ཀྱིས་སྔོན་ཁ་དོག་བསྒྱུར་བའི་ཆོས་གོས་གསོལ་ཅིང་རབ་ཏུ་བྱུང ་བ་ལ་བསྟི་སྟང་ཇི་ལྟར་བགྱིས་པ་བསྟན་དུ་གསོལ། ཐོས་པར་འཚལ་ལོ།། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་ལེགས་པར་ཉོན་ལ་ཡིད་ལ་ཟུང་ཞིག་དང་། ཁྱོད་ལ་བསྟན། ་པར་བྱའོ།། ཀུན་དགའ་བོ་སྔོན་འདས་པའི་བསྐལ་པ་ཚད་མེད་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་ཆེན་པོ་དེ་བྱི་ཞེས་བྱ་བ་ཞིག་བྱུང་སྟེ། རྒྱལ་ཕྲན་བརྒྱད་ཁྲི་བཞི་སྟོང་སྙེད་ལ་དབང ་བྱེད་དོ། ། དེའི་ཚེ་འཇིག་རྟེན་ན་སངས་རྒྱས་ཀྱི་ཆོས་ནི་མེད་དེ། རང་སངས་རྒྱས་དག་ཅིག་རི་དང་ཚལ་ན་གནས་པ་ནམ་མཁའ་ལས་རྒྱུ་ཞིང་སེམས་ཅན་གྱི་དོན་བྱེད་དོ།། དེའི་ཚེ་ན་རི་དགས་དག་དེ་ལ་བསྙེན ་བཀུར་བྱེད་དེ། སེང་གེ་ཡི་དམ་བརྟན་པ་ཞེས་བྱ་བ་ལུས་ཀྱི་སྤུ་གསེར་གྱི་མདོག་ལྟར་འདུག་པ་ཤིན་ཏུ་འཚེར་བ་ཞིག་ཀྱང་དེ་ན་འདུག་སྟེ། ཟས་སུ་འབྲས་བུ་དང་རྩཝ་ཟའི་སེམས་ཅན་ནི་མི་གསོད། ་དོ། དེའི་ཚེ་རྔོན་པ་ཞིག་གིས་མཐོང་ནས་རབ་ཏུ་དགའ་སྟེ། དེ་བདག་གིས་བདེ་བ་ཐོབ་ཀྱིས། སེང་གེ་འདི་བསད་ལ་པགས་པ་རྒྱལ་པོ་ལ་ཕུལ་ན། གདེན་མི་ཟ་བར་དབུལ་བློར་རོ་སྙམ་བསམས ་ཏེ། དུས་གཞན་ཞིག་ན་སྐྲ་བྲེགས་ཆོས་གོས་གྱོན་ནས། མདའ་གཞུ་མཚན་དུ་བཅུག་སྟེ་སེང་གེ་གང་ན་འདུག་པར་སོང་ངོ་།། དེའི་ཚེ་ན་སེང་གེ་དེ་གཉིད་ལོག་སྟེ་ཉལ་བ་ལས། རྔོན་པས་དུག ་མདའ་འཕངས་སོ། ། དེ་ནས་སེང་གེ་སད་ནས་རྔོན་པ་བསྙེགས་པ་དང་། ཆོས་གོས་གྱོན་པ་མཐོང་ནས་འདི་སྙམ་དུ་བསམས་སོ།། མི་འདི་ལྟ་བུ་ནི་འཇིག་རྟེན་ན་ཡུན་དུ་མི་གནས་ཏེ། རིང ་པོར་མ་ཐོགས་པར་སྡུག་བསྔལ་ཀུན་ལས་རྣམ་པར་གྲོལ་ལོ། ། དེ་ཅིའི་ཕྱིར་ཞེ་ན། ཁ་དོག་བསྒྱུར་བའི་ཆོས་གོས་འདི་ནི་འདས་པ་དང་། མ་འོངས་པ་དང་། ད་ལྟར་རྒྱ ་འཕགས་པ་རྣམས་ཀྱི་རྒྱལ་མཚན་ཡིན་ཏེ། བདག་གིས་གནོད་པ་བྱས་ན་དུས་གསུམ་གྱི་འཕགས་པ་རྣམས་ལ་ངན་སེམས་བསྐྱེད་པ་ཡིན་ནོ་སྙམ་བསམས་ཏེ། གསད་པའི་སེམས་བཏང་བ ་དང་དུག་མངས་ཞེན་པས། ལུས་དང་སྲོག་བྲལ་བ་ལ་ཐུག་ནས་ཚིག་འདི་སྐད་ཅེས་སྨྲས་སོ།། ཡ་ལ་ལ་བ་ཤ་ས་སྭཱ་ཧཱ། ཞེས་སྨྲས་པའི་ཚེ་གནམ་ས་ཀུན་གཡོས་ནས་སྤྲིན་མེད་པར ་ཆར་པ་བབ་སྟེ། ལྷ་རྣམས་ཀྱིས་ལྷའི་མིག་གིས་བརྟགས་ན། འཇིག་རྟེན་འདིར་རྔོན་པས་བྱང་ཆུབ་སེམས་དཔའ་སེང་གེའི་ཚུལ་དུ་བཞུགས་པ་བསང་བ་མཐོང་ནས། སྟེང་གི་ནམ་མཁའ ་ལས་ལྷ་རྫས་ཀྱི་མེ་ཏོག་ཆར་བཞིན་དུ་ཕབ་སྟེ། སེང་གེའི་རོ་ལ་མཆོད་པ་བྱས་སོ།། དེའི་ཚེ་རྔོན་ཕས་སེང་གེའི་པགས་པ་བཤུས་ནས། ཁྱིམ་དུ་འོངས་ཏེ་རྒྱལ་པོ་དེ་བྱི་ལ་ཕུལ་ནས། བྱ ་དགའ་གསོལ་བ་དང་། རྒྱལ་པོས་འདི་སྙམ་དུ་བསམས་སོ།། ཡི་གེ་དང་གཙུག་ལག་ལས་དུད་འགྲོ་གང་གི་སྤུ་མདོག་གསེར་ལྟར་འདུག་ན་ངེས་པའི་བྱང་ཆུབ་སེམས་དཔའ་ཡིན་ཏེ། སྐྱེས་བུ་ཆེན ་པོ་ཡིན་ནོ་ཞེས་འབྱུང་ན། ཅིའི་ཕྱིར་རྔོན་པ་འདི་ལ་བྱ་དགའ་སྦྱིན། གལ་ཏེ་བྱིན་ན་བདག་ཀྱང་གསོད་གསོད་པ་དང་ཐ་མི་དད་དོ་སྙམ་བསམས་ནས། དེའི་ཚེ་རྔོན་པས་ཡང་བསྐུལ་བ་དང་། རྒྱལ་པོས ་ཀྱང་ཉུང་ཞིག་བྱིན་ནས་རྔོན་པ་ལ་འདི་སྐད་ཅེས་སྨྲས་སོ། ། སེང་གེ་འདི་གསོད་པའི་ཚེ་ངོ་མཚར་ཆེ་བ་འམ་ལྟས་ཅི་ཞིག་བྱུང་ཞེས་དྲིས་ན། ཁ་ནས་ཡི་གེ་འབྲུ་བརྒྱད་པོ་འདི་སྨྲས་ཏེ། གནམ་ས ་ཡང་གཡོས་ནས་སྤྲིན་མེད་པར་ཆར་པ་བབ་ཅིང་ལྷ་རྣམས་ཀྱིས་མེ་ཏོག་ཕབ་བོ། ། དེའི་ཚེ་རྒྱལ་པོས་འདི་སྐད་ཅེས་སྨྲས་པ་ཐོས་ནས། ཤིན་ཏུ་མི་དགའ་སྟེ་ངང་པའི་སེམས་སྐྱེས་ནས། བློན་པོ་དང ་སྔ་རབས་ཀྱི་རྒན་པོ་ཤེས་པ་བློ་དང་ལྡན་པ་ཀུན་བསོགས་ཏེ། སེང་གེས་སྨྲས་པའི་ཚིག་བཤད་ན། གཅིག་གིས་ཀྱང་མ་གོ་མ་ཤེས་སོ།། གནས་དབེན་པ་ཞིག་ན་དྲང་སྲོང་ཤ་མ་ཞེས་བྱ་བ་མཁས། ་བ་རིག་པ་དང་ལྡན་པ་ཞིག་ཡོད་དེ། རྒྱལ་པོས་དྲང་སྲོང་དེ་སྤྱན་དྲངས་ནས་དྲིས་པ་དང་། དྲང་སྲོང་དེས་འདི་སྐད་ཅེས་བཤད་དོ།། ཡ་ལ་ལ་ཞེས་བྱ་བའི་དོན་ནི། སྐྲ་བྲེགས་ལ་ཆོས་གོས ་ཁ་དོག་བསྒྱུར་བ་གྱོན་པ་འབའ་ཞིག་སྐྱེ་ཤི་ལས་མྱུར་དུ་ཐར་ཏོ་ཞེས་ཟེར་རོ། ། བ་ཤ་ས་ཞེས་ཟེར་བའི་དོན་ནི། སྐྲ་བྲེགས་ཏེ་ཆོས་གོས་ཁ་དོག་བསྒྱུར་བ་གྱོན་པ་ཐམས་ཅད་འཕགས་པའི་མཚན ་ཡིན་ཏེ། མྱ་ངན་ལས་འདའ་བ་དང་ཉེ་བའོ་ཞེས་ཟེར་རོ།། སྭཱ་ཧཱ་ཞེས་བྱ་བའི་དོན་ནི། སྐྲ་བྲེགས་ཏེ་ཆོས་གོས་ཁ་དོག་བསྒྱུར་བ་གྱོན་ན། ལྷ་དང་མི་དང་འཇིག་རྟེན་དུ་བཅས་པ་ཐམས་ཅད་ཀྱིས ་བཀུར་སྟི་བྱའོ་ཞེས་བྱ་བའི་དོན་ནོ། ། དེའི་ཚེ་དྲང་སྲོང་གིས་དེ་སྐད་ཅེས་སྨྲས་པ་དང་། རྒྱལ་པོ་རབ་ཏུ་དགའ་ནས། རྒྱལ་ཕྲན་བརྒྱད་ཁྲི་བཞི་སྟོང་མང་པོ་ཡང་བསྡུས་ཏེ། རིན་པོ་ཆེ་སྣ་བདུན་གྱི་ཤིང ་། རྟ་ཆེན་པོ་བཅས་ནས། སེང་གེའི་པགས་པ་སྟེང་དུ་བཞག་སྟེ། ཐམས་ཅད་ཀྱིས་མཐོང་བར་བྱས་ནས་མེ་ཏོག་གིས་མཆོད་དེ་ཕྱག་འཚལ་དུ་བཅུག་གོ།། དེ་ནས་གསེར ་གྱི་སྒྲོམ་བྱས་ནས། སེང་གེའི་པགས་པ་ནང་དུ་བཅུག་སྟེ་མཆོད་རྟེན་བྱས་སོ།། དེའི་ཚེ་མི་མང་པོ་དགེ་བར་སེམས་པ་དེ་དག་ཐམས་ཅད་ཚེ་འཕོས་པའི་འོག་ཏུ་མཐོ་རིས་ཀྱི་ལྷར་སྐྱེས་སོ།། ཀུན ་དགའ་བོ་དེའི་ཚེ་སེང་གེ་དེས་ཆོས་གོས་ཁ་དོག་བསྒྱུར་བ་གྱོན་པའི་མ་ལ་དགེ་བའི་སེམས་བསྐྱེད་པས། བསྐལ་པ་ཁྲི་ཕྲག་བཅུའི་བར་དུ་འཁོར་ལོས་སྒྱུར་བའི་རྒྱལ་པོ་བྱས་ནས། སེམས་ཅན་ཀུན ་བདེ་བ་བྱིན་ཏེ་བསོད་ནམས་ཀྱི་ལས་རྒྱས་པར་བྱས་ནས་མངོན་པར་སངས་རྒྱས་སོ། ། དེའི་ཚེ་དེའི་དུས་ན་སེང་གེ་ཡི་ངམ་བརྟན་པ་དེ་ལ་གཞན་དུ་མ་སེམས་ཤིག། དེ་ནི་དེ་ལྟར་ང་ཡིན་ནོ།། དེའི་ཚེ། ་དེའི་དུས་ན་རྒྱལ་པོ་དེ་བྱི་སེང་གེའི་པགས་པ་ལ་མཆོད་པ་བྱས་པས། བསྐལ་པ་ཁྲི་ཕྲག་བཅུའི་བར་དུ་ལྷ་དང་མིའི་མཆོག་ཏུ་གྱུར་ནས། དགེ་བ་ཀུན་བྱས་པ་དེ་ནི་བྱང་ཆུབ་སེམས་དཔའ་བྱམས་པ་ཡིན།། ་དེའི་ཚེ་དེའི་དུས་ན་དྲང་སྲོང་དེ་ནི་ཤཱ་རིའི་བུ་ཡིན་ནོ།། རྔོན་པ་དེ་ནི་ལྷ་སྦྱིན་ཡིན་ནོ།། དེའི་ཚེ་འཁོར་མང་པོ་དག་བཅོམ་ལྡན་འདས་ཀྱིས་དེ་སྐད་ཅེས་གསུངས་པ་ཐོས་ནས། ་རབ་ཏུ་དགའ་སྟེ་འདི་སྐད་ཅེས་གསོལ་ཏོ།། བདག་ཅག་གིས་འཕགས་པར་མི་ཤེས་པས་ངན་སེམས་སྐྱེས་ཀྱིས། དེ་བཞིན་གཤེགས་པས་བདག་ཅག་ལ་ཐུགས་བརྩེ་བའི་སླད་དུ། སྡིག་པར ་མི་འགྱུར་བར་འགྱོད་ཚངས་འཚལ་ལོ་ཞེས་གསོལ་པ་དང་། བཅོམ་ལྡན་འདས་ཀྱི་ཐུགས་རྗེ་ཆེན་པོས་བདེན་པ་བཞིའི་ཆོས་བསྟན་ཏེ། སྔོན་རྒྱུ་གང་དང་མཐུན་པ་བཞིན་དུ་འབྲས་བུ་ཐོབ་ནས། ་ལ་ནི་རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པ་ཐོབ་བོ།། ལ་ལ་ནི་བླ་ན་མེད་པའི་བྱང་ཆུབ་ཏུ་སེམས་བསྐྲད་དེ། བཅོམ་ལྡན་འདས་ཀྱིས ་གསུངས་པ་ལ། ཀུན་དགའ་བོ་དང་འཁོར་རྣམ་བཞི་མངོན་པར་དགའ་ནས་རྗེས་སུ་ཡི་རང་ངོ་།། སེང་གེའི་ཡི་དམ་བརྟན་ཞེས་བྱ་བའི་ལེའུ་སྟེ་བཞི་བཅུ་རྩ་དགུ་པའོ།། །། ་སྲིན་བུའི་རྒྱུ་བསྟན་པའི་ལེའུའོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་སྤུངས་པའི་རི་ལ་བཞུགས་སོ།། དེའི་ཚེ་གྲོང་ཁྱེར་དེ་དང་མི་རིང་བ ་ཞིག་ན་ཆུའི་ལྟེང་ཀ་མི་གཙང་བ་ཞིག་ཡོད་དེ། མི་མང་པོ་བ་ཤང་གཅི་དང་མི་གཙང་བ་ཐམས་ཅད་དེར་འདོར་ཏེ། ལྟེང་ཀའི་ནང་ན་སྲིན་བུ་ཆེན་པོ་སྦྲུལ་དང་འདྲ་བ་རྐང་པ་བཞི་ཡོད་པ་གཅིག་ཅིག་ཡོད་དེ། ་ཆུའི་ནང་ན་ཕན་ཚུན་རྒྱུག་ཅིང་བར་འགའ་ནི་ཕྱིར་འབྱུང་། བར་འགའ་ནི་ཆུའི་གཏིང་དུ་འགྲོ་སྟེ། ལོ་མང་པོར་དེ་ན་གནས་ཤིང་སྡུག་བསྔལ་ཚད་མེད་པ་མྱོང་ངོ་།། དུས་གཞན་ཞིག་ན་བཅོམ་ལྡན་འདས ་དགེ་སློང་མང་པོས་བསྐོར་ཏེ་མདུན་དུ་བདར་ནས་ལྟེང་ཀ་དེའི་ངོགས་སུ་གཤེགས་ཏེ། སྲིན་བུ་དེ་གཟིགས་པ་དང་། སྲིན་བུ་དེའི་སྔོན་གྱི་རྒྱུ་ཁྱེད་ཅག་སུས་ཤེས་ཞེས་བཀའ་སྩལ་པ་དང་། དགེ་སློང ་རྣམས་ཀྱིས་བསམས་ཀྱང་སྲིན་བུ་དེའི་སྔོན་ཅི་བྱས་པ་གཅིག་ཅིག་གིས་ཀྱང་མ་རྟོགས་ནས། བདག་ཅག་ལས་གང་ཡང་འཚལ་བ་མ་མཆིས་སོ་ཞེས་གསོལ་ཏོ།། ་བཅོམ་ལྡན་འདས་ཀྱིས་བཀའ་སྩལ་པ། ཁྱེད་ལེགས་པར་ཉོན་ལ་ཡིད་ལ་ཟུང་ཞིག་དང་། སྲིན་བུ་འདིའི་སྔོན་གྱི་རྒྱུ་བཤད་པར་བྱའོ།། སྔོན་འདས་པའི་དུས་ན་སངས་རྒྱས་རྣམ་པར་གཟིགས ་ཞེས་བྱ་བ་འཇིག་རྟེན་དུ་གཤེགས་ཏེ། སེམས་ཅན་གྱི་དོན་མཛད་ནས་མྱ་ངན་ལས་འདས་སོ།། སངས་རྒྱས་དེའི་བསྟན་པ་ལ་དགེ་སློང་སྟོང་ཕྲག་བཅུ་ཞིག་ཚངས་པར་སྤྱོད་པ་ཡོངས་སུ་དག་པར་སྤྱོད ་དེ་དགོན་པའི་རི་ཞིག་ལ་གནས་པ་ལས། གཡས་གཡོན་ན་མེ་ཏོག་གི་ཤིང་དང་འབྲས་བུའི་ཤིང་རབ་ཏུ་རྒྱས་ཤིང་། ཤིང་གི་བར་ན་ཆུ་མིག་དང་ཁྲུས་ཀྱི་རྫིང་བུ་དང་ལྡན་པ་ཤིན་ཏུ་དགའ་བའི ་གནས་ཤིག་ཡོད་དོ། ། དེའི་ཚེ་ན་དགེ་སློང་དག་སྤྱོད་པ་ལ་བརྩོན་ཞིང་ནན་ཏན་བྱེད་པས། ཐམས་ཅད་ཀྱིས་འབྲས་བུ་དང་པོ་ནས། འབྲས་བུ་བཞི་པའི་བར་དུ་ཐོབ་སྟེ་སོ་སོའི་སྐྱེ་བོ་མང་ངོ་།། ་དུས་གཞན་ཞིག་ན་ཚོང་པ་ལྔ་བརྒྱ་ཙམ་ཞིག་རྒྱ་མཚོར་རིན་པོ་ཆེ་ལེན་དུ་དོང་བ་ལས་ལམ་དུ་ཞུགས་ཏེ། ལ་མ་ཡོགས་སུ་རི་དེ་ལ་ལྷགས་ནས་དགེ་སློང་དག་སྤྱོད་པ་ལ་ཤིན་ཏུ་བརྩོན་པ་མཐོང་ནས། ་ཚོང་པ་རྣམས་བགྲོས་ཏེ་མཆོད་པ་ཞིག་བྱ་བར་བསམས་པ་ལས། ཡོན་བདག་མངས་པས་སྐབས་མ་རྙེད་དེ་བསམས་པ་བཞིན་དུ་མ་གྲུབ་ནས། དགེ་འདུན་ལ་མཆི་ཕྱག་འཚལ་ཏེ། རྒྱ་མཚོར ་དོང་ནས་འདི་སྐད་ཅེས་སྨྲས་སོ། ། གལ་ཏེ་བདག་ཅག་ཉེ་ཞོ་མོད་པར་བདེ་བར་འཁོར་ནས་མཆོད་པར་བགྱིའོ་ཞེས་གསོལ་པ་དང་། དགེ་འདུན་རྣམས་ཀྱང་ཅང་མི་གསུང་སྟེ། ཚོང་པ་རྣམས་རྒྱ ་མཚོར་ཞུགས་སོ། ། ཚོང་བ་དེ་དག་རྒྱ་མཚོ་ནས་རིན་པོ་ཆེ་མང་དུ་རྙེད་དེ། བདེ་བར་འཁོར་ནས་དགེ་འདུན་དེ་དག་ལ་རིན་པོ་ཆེའི་དམ་པ་རིན་ཆེ་བ་ཞིག་དགེ་འདུན་རྣམས་ལ་བསོད་སྙོམས་ཀྱི་ཟོང་དུ ་ཕུལ་ལོ། དེ་ནས་དགེ་སློང་རྣམས་ཀྱིས་རིན་པོ་ཆེ་དེ་བཞེས་ནས། དགེ་འདུན་གྱི་ལས་བྱེད་པའི་དགེ་སློང་ཞིག་ལ་གཏད་དོ།། ཕྱིས་དགེ་འདུན་དག་བསོད་སྙོམས་ཀྱིས་བྲེལ་བར་གྱུར་ནས། རིན་པོ ་ཆེ་དེ་བསོད་སྙོམས་སུ་བཙོང་སྙམ་སྟེ། ལས་བྱེད་པའི་དགེ་སློང་དེ་ལ་ཚོང་པས་ཕུལ་བའི་རིན་པོ་ཆེ་འོན་ཅིག་ཅེས་བསྒོ་ན། དགེ་སློང་དེས་སྨྲས་པ། ཚོང་པས་རིན་པོ་ཆེ་དེ་ང་ལ་བྱིན་དུ་ཟད་ཀྱིས ་ཁྱེད་ཀུན་ལ་མ་བྱིན་ནོ། ། དགེ་འདུན་གྱིས་དགེ་སློང་དེ་ལ་རིན་པོ་ཆེ་དེ་ནི་ཚོང་བས་དགེ་འདུན་ལ་ཕུལ་ནས་ཁྱོད་སྦེད་དུ་བཅུག་གོ།། ཁྱོད་ལ་བྱིན་པ་མ་ཡིན་ནོ་ཞེས་བསྒོ་བ་དང་། དགེ་སློང་དེ་ཁྲོས ་ནས་ཁྱེད་སྐྱུག་པ་ལ་ཟ་ཟ་བའམ། རིན་པོ་ཆེ་དེ་ནི་ཁོ་བོའི་ཡིན་གྱིས་མ་ཟེར་ཅིག་ཅེས་སྨྲས་སོ།། དེ་ནས་དགེ་འདུན་རྣམས་ཀྱང་དགེ་སློང་དེ་ཁྲོས་ནས་ངན་སེམས་སྐྱེས་པ་མཐོང་ནས་སོ་སོར་གྱེས་སོ།། ་དེ་ལྟར་དགེ་འདུན་ལ་ངན་སེམས་ཀྱིས་ཚིག་ངན་པ་སྨྲས་པས། ལུས་ཞིག་སྟེ་ཚེ་འཕོས་ནས་མཚམས་མེད་པའི་སེམས་ཅན་དམྱལ་བ་ཆེན་པོར་ལྷུང་སྟེ། ངན་སྐྱུགས་ཀྱི་ནང་ན་བསྐལ་པ་དགུ་བཅཝ ་རྩ་གཅིག་གི་བར་དུ་འགྲེ་འགྲེའོ། ། དེ་ལས་ཐར་ནས་ད་འདིར་ངན་སྐྱུགས་ཀྱི་ཁུང་དུ་སྐྱེས་ཏེ། ལོ་མང་དུ་ཁོན་ཡང་ད་དུང་མཐར་རོ།། འདི་ལྟ་སྟེ། སྔོན་འདས་པའི། ་སངས་རྒྱས་གཙུག་ཏོར་ཅན་གྱིས་ཀྱང་། དགེ་སློང་གི་དགེ་འདུན་དང་འདིར་གཤེགས་ནས་ཉེ་གནས་རྣམས་ལ་བསྟན་ཏེ། སྔོན་ཅི་ལས་གྱུར་པ་བསྟན་ཏོ།། དེ་ནས་ཡང་སངས་རྒྱས་ཐམས་ཅད ་སྐྱོབ་ཀྱང་། དགེ་སློང་གི་དགེ་འདུན་དང་བཅས་ཏེ་དེར་གཤེགས་ནས། སྔོན་ཅི་ལས་གྱུར་པ་བསྟན་ཏོ།། དེ་ནས་ཚེ་འཕོས་ནས་ཕྱིར་ཡང་སེམས་ཅན་དམྱལ་བར་སྐྱེས་ཏེ། ལོ་ཁྲི་ཕྲག་གྲངས ་མེད་པ་ཞིག་ལོན་ནས་ཕྱིར་ཡང་ཁུང་འདིར་སྐྱེས་སོ། ། དེའི་འོག་ཏུ་སངས་རྒྱས་ལོག་པར་དད་སེལ་ཀྱང་། དགེ་སློང་གི་དགེ་འདུན་དང་བཅས་སུ་འདིར་གཤེགས་ནས་སྔོན་གྱི་ལོ་རྒྱུས་བསྟན་ཏོ།། ་དེའི་འོག་ཏུ་སངས་རྒྱས་གསེར་ཐུབ་ཀྱང་འདིར་གཤེགས་སོ།། དེའི་འོག་ཏུ་སངས་རྒྱས་འོད་སྲུངས་ཡང་ཉེ་གནས་རྣམས་དང་འདིར་གཤེགས་ཏེ་སྔོན་གྱི་ལོ་རྒྱུས་བསྟན་ཏོ།། ད་སངས་རྒྱས་བདུན ་པོའི་ཐ་མ་ལ། སངས་རྒྱས་ཤཱཀྱ་ཐུབ་པ་ང་ཡང་ཁྱེད་ལ་འདིར་སྲིན་བུ་འདི་བསྟན་ཏེ། དེ་བཞིན་དུ་བསྐལ་པ་བཟང་པོའི་སངས་རྒྱས་སྟོང་པོ་ཀུན་ཉེ་གནས་དང་བཅས་ཏེ་འདིར་གཤེགས་ནས ་སྲིན་བུ་འདིས་སྔོན་ཅི་བྱས་པའི་ལོ་རྒྱུས་སྟོན་པར་འགྱུར་རོ། ། དགེ་སློང་རྣམས་བཅོམ་ལྡན་འདས་ཀྱིས་གསུངས་པ་ཐོས་ནས། ལུས་ཀྱི་སྤུ་ཀུན་ལངས་ནས་སོ་སོ་ནས་ལུས་དང་། ངག་དང་། ཡིད ་ཀྱི་ལས་ཤིན་ཏུ་བསྲུང་བར་གྱུར་ཏོ། ། བཅོམ་ལྡན་འདས་ཀྱིས་གསུངས་པ་ལ་འཁོར་མང་པོ་རྗེས་སུ་ཡི་རང་ནས་མངོན་པར་དགའ་འོ།། སྲིན་བུའི་རྒྱུ་བསྟན་པའི་ལེའུ་སྟེ་ལྔ་བཅུ་པའོ།། ་། དགེ་སྦྱོང་ཀྱུན་ཏེ་ཞེས་བྱ་བའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི ་ཀུན་དགའ་ར་བ་ན་བཞུགས་སོ། ། དེའི་ཚེ་ཚེ་དང་ལྡན་པ་ཤཱ་རིའི་བུ་ཉིན་མཚན་དུས་གསུམ་དུ་ལྷའི་མིག་གིས་སེམས་ཅན་གང་ལ་འདུལ་བའི་སྐལ་བ་ཡོད་པ་རྟོག་སྟེ། གདུལ་བ་རིགས་པ་ཡོད་ན་དེར ་འགྲོ་འོ། དུས་གཞན་ཞིག་ན་ཚོང་པ་དག་ཅིག་ཡུལ་གཞན་དུ་ཚོང་ལ་འདོང་བས་ཁྱི་གཅིག་ཁྲིད་དོ།། ལམ་དུ་ཁྱི་དེས་ཚོང་པ་ཞིག་གི་ཤ་བརྐུས་པ་དང་། ཚོང་པ་དེ་ཁྲོས་པས་ཁྱིའི་རྐང་པ་བཅག ་ནས་འབྲོག་སྟོང་པར་བོར་ཏེ་སོང་ངོ་། ། དེ་ནས་ཤཱ་རིའི་བུས་ལྷའི་མིག་གིས་བརྟགས་ན་ཁྱི་དེ་ལྟོགས་པ་མཐོང་ནས། ཆོས་གོས་གྱོན་ལྷུང་བཟེད་ཐོགས་ཏེ། བསོད་སྙོམས་བསླང་ནས་དེ་མ་ཐག་ཏུ ་ནམ་མཁའ་ལ་འཕུར་ཏེ། ཁྱིའི་གན་དུ་སོང་ནས་བྱམས་ཤིང་སྙིང་བརྩེ་བའི་སེམས་བསྐྱེད་དེ་ཁ་ཟས་ཀྱིས་ཁྱི་དེ་བསྙོད་དོ།། ཁྱི་དེ་ཁ་ཟས་ཟོས་ནས་ལྷག་པར་དགའ་སྟེ། ཤཱ་རིའི་བུས་ཁྱིལ་དམ་པའི ་ཆོས་བསྟན་ནས། ཁྱི་དེ་ཡང་དེར་ཚེ་འཕོས་ཏེ་མཉན་དུ་ཡོད་པར་བྲམ་ཟེ་ཞིག་གི་བུར་སྐྱེས་སོ།། དུས་གཞན་ཞིག་ན་ཤཱ་རིའི་བུ་གཅིག་པུ་བསོད་སྙོམས་ལ་སོང་སྟེ། བྲམ་ཟེ་དེའི་སྒོར་ཕྱིན་པ་དང་། ་བྲམ་ཟེ་དེས་ཤཱ་རིའི་བུ་ལ་ཅིའི་ཕྱིར་གཅིག་པུ་འགྲོ་བར་བྱེད། དགེ་ཚུལ་ཡང་མེད་དམ་ཞེས་སྨྲས་པ་དང་། ཤཱ་རིའི་བུས་སྨྲས་པ། བདག་ལ་དགེ་ཚུལ་མེད་པས་གཅིག ་བུ་འགྲོ་བ་ཡིན་ནོ། ། ཁྱོད་ལ་བུ་གཅིག་ཡོད་ཅེ་ན། བདག་ལ་སྦྱིན་དུ་རུང་ངམ་ཞེས་སྨྲས་སོ།། བྲམ་ཟེས་སྨྲས་པ། བདག་ལ་གྱུན་ཏེ་ཞེས་བྱ་བ་ཞིག་ཡོད་དེ། ད་དུང་ན་སོ་གཞེན་ཏེ་ཆུང་བས ་ཅི་ཡང་མི་ནུས་ཀྱི། ནམ་སྐྱེས་པ་ན་སྦྱིན་ནོ་ཞེས་སྨྲས་སོ།། ཤཱ་རིའི་བུས་དེ་སྐད་ཅེས་སྨྲས་པ་ཐོས་ནས་ཡིད་ལ་བཟུང་སྟེ། ཕྱིར་རྒྱལ་བུ་རྒྱལ་བྱེད་ཀྱི་ཚལ་དུ་འོངས་སོ།། ཕྱིས་དེ་ལོ་བདུན་ལོན ་བ་དང་བྲམ་ཟེའི་ཁྱིམ་དུ་སོང་སྟེ། བྲམ་ཟེ་དེ་ལ་བུ་བསླངས་པ་དང་། བྲམ་ཟེ་དེས་ཀྱང་ཤཱ་རིའི་བུ་ལ་ཕུལ་ལོ།། ཤཱ་རིའི་བུས་ཀྱང་བུ་དེ་བཞེས་ནས་རྒྱལ་བུ་རྒྱལ་བྱེད་ཀྱི་ཚལ་དུ་ཁྲིད་དེ་དགེ་ཚུལ་དུ ་བཅུག་ནས། དམ་པའི་ཆོས་རྣམ་པ་སྣ་ཚོགས་བསྟན་པས་སེམས་རྣམ་པར་གྲོལ་ཏེ། དགྲ་བཅོམ་པར་གྱུར་ནས་མངོན་པར་ཤེས་པ་དྲུག་དང་། ཡོན་ཏན་ཀུན་དང་ལྡན་པར་གྱུར་ཏོ།། དུས་གཞན ་ཞིག་ན་དགེ་ཚུལ་གྱུན་ཏེ་ཤེས་རབ་ཀྱི་སྟོབས་ཀྱིས་ཚེ་སྔ་མ་ལ་ཅི་ཞིག་བྱས་པས། ལུས་འདི་ཐོབ་ནས་སློབ་དཔོན་དང་ཕྲད་དེ་འབྲས་བུ་ཐོབ་པར་གྱུར་པ་བརྟགས་ན། ཚེ་སྔ་མ་ལ་ཁྱི་ལྟོགས་པ་ཞིག ་བྱེད་པ་ལས། བདག་གི་སློབ་དཔོན་ཤཱ་རིའི་བུའི་དྲིན་གྱིས་མིའི་ལུས་དང་འབྲས་བུ་ཐོབ་པར་མཐོང་ཞིང་། རྟོགས་ནས་རབ་ཏུ་དགའ་སྟེ་འདི་སྙམ་དུ་བསམས་སོ།། བདག་ནི་སློབ་དཔོན་འདིའི་དྲིན ་གྱིས་སྡུག་བསྔལ་ལས་ཐར་པར་གྱུར་ཏོ། ། ད་བདག་ནམ་འཚོའི་བར་དུ་སློབ་དཔོན་གྱི་བསྙེན་བཀུར་བྱ་བའི་ཕྱིར་དགེ་ཚུལ་བྱའི། བསྙེན་པར་རྫོགས་པར་མི་བྱའོ་སྙམ་བསམས་སོ།། ་དེའི་ཚེ་ཀུན་དགའ་བོས། བཅོམ་ལྡན་འདས་ལ་གསོལ་པ། དགེ་ཚུལ་འདིས་སྔོན་འདས་པའི་དུས་ན་སྡིག་པའི་ལས་ཅི་བགྱིས་པས་ཁྱིའི་ལུས་སུ་གྱུར། དགེ་བའི་རྩ་བ་ཅི་བགྱིས་ན་རྣམ་པར་གྲོལ ་བར་གྱུར། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། སྔོན་འདས་པའི་དུས་ན་སངས་རྒྱས་འོད་སྲུངས་ཀྱི་ཚེ། དགེ་སློང་དག་ཅིག་ལྷན་ཅིག་འཁོད་པ་ལས། དགེ་ཚུལ་གཞོན་ནུ ་སྐད་སྙན་པ་ཞིག་ཡོད་དེ། བསྟོད་པ་དང་དབྱངས་བྱེད་ན་ཐམས་ཅད་ཐོས་པར་དགའ་འོ།། དེའི་ཚེ་ན་དགེ་སློང་རྒན་པོ་ཞིག་ཡོད་པ་སྐད་མི་སྙན་ཏེ། འོན་ཀྱང་བསྟོད་ར་དང་ཚིགས་སུ་བཅད་པ་དབྱངས ་དང་བཅས་ཏེ་བྱེད་དོ། ། དགེ་སློང་རྒན་པོ་དེ་ནི་དགྲ་བཅོམ་པ་ཞིག་སྟེ། དགེ་སློང་གི་ཡོན་ཏན་ཐམས་ཅད་དང་ལྡན་ནོ།། དུས་གཞན་ཞིག་ན་དགེ་སློང་གཞོན་ནུ་དབྱངས་སྙན་པ་དེས། དགེ་སློང ་རྒན་པོ་དབྱངས་མི་སྙན་པ་དེ་ལ། ཁྱོད་ཀྱི་དབྱངས་ནི་ཁྱི་སྐད་ཟུག་པ་དང་འདྲའོ་ཞེས་སྨང་བའི་ཚིག་སྨྲས་སོ།། དེ་ནས་དགེ་སློང་རྒན་པོ་དེས་དགེ་སློང་གཞོན་ནུ་ཁ་ཁྱོད་ཀྱིས་ང་ཤེས་སམ་ཞེས་དྲིས་ན ་སྤྲས་པ་ཁོ་བོས་ཏེ་པོར་ཤེས་ཏེ་ཁྱོད་ནི་སངས་རྒྱས་འོད་སྲུངས་ཀྱི་ཚེ་དགེ་སློང་གནས་བརྟན་ཡིན་ནོ། ། སྨྲས་པ། བདག་ནི་དགྲ་བཅོམ་པ་སྟེ། དགེ་སྦྱོང་གི་ཡོན་ཏན་ཐམས་ཅད་དང་ལྡན་ནོ་ཞེས ་བྱས་པ་དང་། དགེ་སློང་གཞོན་ནུ་དེ་འཇིགས་སྐྲག་སྟེ་འགྱོད་ནས་དེ་ལ་འཐོལ་ཚངས་བྱས་སོ།། དགེ་སློང་རྒན་པོས་ཀྱང་ཚངས་པ་བྱིན་མོད་ཀྱིས། ཚིག་ངན་པ་སྨྲས་པའི ་རྐྱེན་གྱིས་སྐྱེ་བ་ལྔ་བརྒྱའི་བར་དུ་རྟག་ཏུ་ཁྱིར་སྐྱེས་སོ། ། རབ་ཏུ་བྱུང་སྟེ་ཚུལ་ཁྲིམས་བསྲུངས་པས་འདིར་ང་དང་ཕྲད་ནས་རྣམ་པར་གྲོལ་བར་གྱུར་ཏོ།། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས ་གསུངས་ནས། ཀུན་དགའ་བོ་དང་འཁོར་མང་པོ་རྗེས་སུ་ཡི་རང་སྟེ་མངོན་པར་དགའ་འོ།། དགེ་སྦྱོང་ཀུན་ཏེ་ཞེས་བྱ་བའི་ལེའུ་སྟེ་ལྔ་བཅུ་རྩ་གཅིག་པའོ།། ། མཛངས ་བླུན་ཞེས་བྱ་བའི་མདོ་རྫོགས་སོ། ། །། རྒྱ་ནག་ལས་འགྱུར་བར་སྣང་ངོ་།། རྒྱ་གར་སྐད་དུ། གཎྜཱི་སཱུ་ཏྲ། བོད ་