| Wylie | e-texts produced with BDRC’s OCR application |
རྒྱ་གར་སྐད་དུ། པྲ་སེ་ན་ཛིད་གཱ་ཐཱ། བོད་སྐད་དུ། གསལ་རྒྱལ་གྱི་ཚོགས་སུ་བཅད་པ། དཀོན་མཆོག་གསུམ་པ་ཕྱག་འཚལ་ལོ།། ་རྒྱལ་པོ་གསལ་རྒྱལ་གདུགས་དང་ཅོད་པན་དང་།། རྔ་ཡབ་རལ་གྲི་ནོར་བུ་ལྷམ་བཞག་སྟེ།། ཐལ་མོ་སྦྱར་ཅིང་ལེགས་པར་ཕྱག་འཚལ་ནས།། འཇིག་རྟེན་མགོན་པོ་ལ་ནི་ཞུ་བ་ཞུས།། ཕན་པར་དགོད ་པ་ཐུགས་རྗེའི་བདག་ཉིད་ཅན། ། དེ་བཞིན་གཤེགས་རྣམས་མྱ་ངན་འདས་པ་ན།། མཆོད་པ་བགྱིས་པས་བློ་མཆོག་ཇི་ལྟ་བུར།། སྲིད་པ་གཞན་དུ་མི་རྣམས་བདེ་བ་ཐོབ།། བཅོམ་ལྡན་མི་ཡི ་སེང་གེ་སྔ་ཕྱིའི་མཐའི། ། ཆོས་རྣམས་ཀུན་ལ་མངོན་སུམ་སྤྱན་གྱུར་པས།། ཀུན་དགའ་བཟང་པོ་ཡི་ནི་མངོན་སུམ་དུ།། གསལ་རྒྱལ་ཞུས་ལན་འདི་དག་བཀའ་སྩལ་པ།། ཇི་ལྟར་རྒྱལ་བ་རྣམ ་ལ་མི་རྣམས་ཀྱིས། ། མཆོད་པ་བྱས་པས་སྲིད་པ་གཞན་དག་ཏུ།། རྣམ་སྨིན་འདོད་པ་རྒྱ་ཆེན་སྣ་ཚོགས་འཐོབ།། གསོལ་བའི་དོན་དེ་རྒྱལ་པོས་མཉན་པར་གྱིས།། བཅོམ་ལྡན་འདས་ཀྱི་མཆོད ་རྟེན་རྣམས་དང་ནི། ། སྐུ་གཟུགས་རྣམས་ལ་རྡུལ་ཕྲན་ཅི་སོང་བ།། དེ་ཡི་གྲངས་སྙེད་དེ་བྱེད་མི་རྣམས་ཀྱིས།། ལྷ་ཡུལ་ས་སྟེང་ངེས་པར་རྒྱལ་སྲིད་འཐོབ།། གཟུགས་དང་གཟུགས་མེད་ཁམས ་ཀྱི་ཏིང་ངེ་འཛིན། ། ཕུན་སུམ་ཚོགས་པའི་ས་མཆོག་ཀུན་མྱོང་ནས།། མཐའ་མར་སྐྱེ་དང་རྒ་ལ་སོགས་པ་ཡི།། སྡུག་བསྔལ་མེད་པའི་སངས་རྒྱས་གོ་འཕང་འཐོབ།། སུ་དག་འདིར་ནི་རྒྱལ ་བའི་གཟུགས་བྱེད་པ། ། དེ་དག་གཟུགས་བཟང་ཡིད་འོང་ཡོན་ཏན་ལྡན།། དབང་པོ་བསྡམས་ཤིང་འོད་འབར་ཉི་མ་བཞིན།། འཇིག་རྟེན་དག་ན་མིག་ཏུ་སྡུག་པར་འགྱུར ་སུ་དག་བདེ་བར་གཤེགས་པའི་གཟུགས་བྱེད་པ། ། དེ་ཡི་ལུས་ནི་དྲི་མ་མེད་པ་དང་།། པདྨའི་སྙིང་པོ་ལྟ་བུར་འཇམ་ཞིང་ཡངས།། ནད་དང་མྱ་ངན་སྡུག་བསྔལ་འཇིགས་ལས་ཐར།། སུ་དག་འཇིག ་རྟེན་མགོན་པོའི་གཟུགས་བྱེད་པ། ། བྲན་དུ་མི་སྐྱེ་མངག་གཞུག་སྐྱེ་མི་འགྱུར།། དབུལ་པོར་མི་འགྱུར་རོགས་དམར་མི་འགྱུར་ཞིང་།། དབང་པོ་རྣམས་ཀྱང་ཉམས་པར་ཡོང་མི་འགྱུར།། ཐུབ་དབང ་མཆོད་རྟེན་བྱེད་པའི་མི་རྣམས་ནི། ། མྱ་ངན་ཡོངས་མེད་ལུས་ཀུན་བརྟན་པ་དང་།། ལོངས་སྤྱོད་མཆོག་ལྡན་རིན་ཆེན་མཛོད་དང་ལྡན།། དགྲ་ཡི་ཚོགས་རྣམས་ཀྱང་ནི་ཐུབ་པར་འགྱུར།། རྒྱལ ་བའི་མཆོད་རྟེན་སྲོག་ཤིང་ཕུལ་བ་ཡིས། ། ཆོས་ལ་རྗེས་འཐུན་ཆོས་ལ་སྒྲུབ་པ་དང་།། ཚུལ་ཁྲིམས་ཐོས་དང་བཟོད་པའི་མཆོག་དང་ལྡན།། འཇིག་རྟེན་དག་ན་དོན་ཀུན་འགྲུབ་པར་འགྱུར། མཆོད ་རྟེན་མཆོག་ལ་གདུགས་བརྩེགས་ཕུལ་བ་ཡིས། ། ལྷ་དང་མི་ཡི་ནང་དུ་སྐྱེ་བ་དང་།། སྲེད་མེད་བུ་ཡི་ལུས་འདྲ་ལུས་ཀུན་བརྟན།། བཀུར་སྟི་བྱ་བའི་ཡོན་ཏན་ལྡན་པར་འགྱུར།། ཐུབ་དབང་མཆོད ་རྟེན་རྡོ་ཐལ་བྱུགས་པ་ཡིས། ། ལྷ་མིའི་འཇིག་རྟེན་དག་ན་ཚེ་རིང་ཞིང་།། ལུས་སེམས་ནད་དང་མྱ་ངན་ཆུང་སྤངས་ཏེ།། རྟག་ཏུ་སྐྱིད་ཅིང་ནོར་གྱིས་ཕྱུག་པར་འགྱུར།། གསར་དངུལ་སྤ་བའི་གླེགས་མས ་གཡོགས་པ་ཡི། ། ཐུབ་པའི་དབང་པོའི་མཆོད་རྟེན་བྱས་པ་ཡིས།། མི་རྣམས་སྲིད་པའི་ཁྱད་པར་གཞན་དག་ཏུ།། ལུས་མཁྲེགས་འོད་ཀྱང་འབར་ཞིང་མཛེས་པར་འགྱུར།། སུ་དག་ལ་ལ་མཆོད ་རྟེན་སྐུ་གཟུགས་ལ། ། དད་པའི་སེམས་ཀྱིས་བླ་བྲེ་འབུལ་བྱེད་པ།། དེ་དག་ས་སྟེང་རྒྱ་མཚོའི་མཐའ་ཀླས་པ།། མ་ལུས་གནོད་མེད་རྒྱལ་གཅིག་དབང་བྱེད་འགྱུར།། བདེ་གཤེགས་མཆོད་རྟེན ་དག་ལ་དགའ་བཞིན་དུ། ། རྣམ་མང་རྒྱ་ཆེན་གདུགས་ནི་བཏགས་པ་ཡིས།། ལྷ་མིའི་འཇིག་རྟེན་དག་ན་གདུགས་འདྲ་བར།། ལྷ་དང་མི་ཡི་དབང་པོ་ལྟ་བུར་འགྱུར།། མི་རྣམས་སུ་དག་སྐུ ་གདུང་སྙིང་པོ་ཅན། ། དྲི་མེད་བསོད་ནམས་འབྱུང་གནས་གྱུར་པ་ལ།། བ་དན་མཛེས་པ་སྣ་ཚོགས་འདོགས་པ་དག། མཐུ་དང་ལྡན་ཞིང་སྲིད་གསུམ་མཆོད་གནས་འགྱུར།། བདེ་གཤེགས ་མཆོད་རྟེན་ཅོད་པན་བཏགས་པ་ཡིས། ། མི་དབང་དཔལ་དང་ལྷ་ཡི་དཔལ་ཐོབ་ཅིང་།། བདེ་བའི་མཆོག་ཀྱང་ཉམས་སུ་མྱོང་གྱུར་ནས།། རྣམ་པར་གྲོལ་བའི་ཅོད་པན་ཁྱད་པར་འཐོབ།། ་རྒྱལ་བའི་མཆོད་རྟེན་དག་ལ་དྲིལ་ཕུལ་བས།། ཚིག་བརྩན་གྲགས་པ་ཆེན་པོ་དག་དང་ལྡན།། ཚངས་པའི་སྒྲ་དབྱངས་ཡིད་འོང་སྐྱེ་བ་དྲན།། དེ་དག་གིས་ནི་རྒྱན་རྣམས་སྣ་ཚོགས་འཐོབ།། ་མཁས་པ་སུ་དག་བདེ་གཤེགས་མཆོད་རྟེན་ལ།། དད་པའི་སེམས་ཀྱིས་འཕྲེང་བ་འདོགས་བྱེད་པ།། གསེར་འཕྲེང་རིན་ཆེན་མང་པོས་ལེགས་སྤྲས་པ།། བསོད་ནམས་ལེགས་ལྡན་དེ་ཡི ་མགོ་ལ་ཐོགས། ། སྟོན་པའི་མཆོད་རྟེན་དག་ལ་རྒྱན་འཕྱང་འདོགས།། དེ་དག་དོ་ཤལ་རྒྱན་འཕྲེང་ནོར་བུ་དང་།། གདུ་བུ་དག་དང་དཔུང་རྒྱན་མཆོག་རྣམས་ཀྱིས།། ་ལུས་བརྒྱན་འཇིག་རྟེན་དག་ན་རྒྱུ་བར་འགྱུར།། སུ་དག་བདེ་བར་གཤེགས་པའི་མཆོད་རྟེན་ལ།། ས་དང་ལྕི་བ་ཉུག་པ་དེ་དག་ནི།། ལྷ་དང་མིར་སྐྱེ་ལུས་མདོག་སྡུག་པ་དང་།། རྣམ་དག་རྨ་མེད ་བདེ་དང་ལྡན་པར་འགྱུར། ། ཐུབ་དབང་མཆོད་རྟེན་བྱི་ངོར་བྱས་པ་ཡིས།། ཤིན་ཏུ་བལྟ་ན་སྡུག་ཅིང་མིག་ཏུ་མཛེས།། བྱད་བཞིན་བཟང་ཞིང་པདྨའི་མདོག་དང་ལྡན།། སྲེད་པའི་སྐྱོན་རྣམས ་དང་ཡང་བྲལ་བར་འགྱུར། ། སུ་དག་སྤྲོས་མཆོག་སྦྱར་བའི་འབྲུ་མར་གྱིས།། བདེ་བར་གཤེགས་པའི་མཆོད་རྟེན་ཉུག་བྱེད་པ།། དེ་དག་སྤོས་ཀྱིས་མཆོད་ཅིང་ཙན་དན་གྱིས།། ལུས་བྱུགས ་ཉི་མའི་འོད་དང་འདྲ་བར་འགྱུར། ། མི་རྣམས་གང་དག་ཐུབ་དབང་མཆོད་རྟེན་ལ།། སྤོས་ཆུ་གཙང་ཞིང་དང་བས་ཁྲུས་གསོལ་བ།། དེ་དག་ལུས་ལ་དྲི་མ་མེད་པ་དང་།། གདུང་བ་མེད་ཅིང ་མདོག་འཇམ་མྱ་ངན་མེད། ། སུ་ཞིག་སངས་རྒྱས་མཆོད་རྟེན་སྐུ་གཟུགས་ཁང་།། ཚོན་རྩི་སྣ་ཚོགས་རྣམས་ཀྱིས་མཛེས་བྱེད་པ།། དེ་ནི་བདེ་གཤེགས་མངའ་བའི་ཡོན་ཏན་རྣམས།། སྣ ་ཚོགས་ལྡན་པ་ཀུན་གྱིས་བརྩེགས་པར་འགྱུར། ། སུ་དག་དཔྱོད་ཀའི་དུས་སུ་གཙང་མའི་ཆུས།། མཆོད་རྟེན་ཉེ་འཁོར་རྡུལ་རྣམས་ནི་བྱེད་པ།། དེ་ལ་བུད་མེད་རྣམས་ནི་དགའ་བཞིན་དུ། ་རྡུལ་ཡབ་གསེར་གྱི་ཡུ་བ་ཅན་གྱིས་གཡོ་བ།། དཀོན་མཆོག་གསུམ་ཕྱིར་མི་རྣམས་གང་དག་གིས།། འཕགས་པ་དགྱེས་པའི་དཀྱིལ་འཁོར་བྱས་པས་ནི།། རྐང་ལག་སོར་མོ་དྲ་བར་འབྲེལ ་བ་དང་། ། ཡན་ལག་ཐམས་ཅད་ཀྱང་ནི་སྐྱོན་མེད་འགྱུར།། སུ་དག་དཀོན་མཆོག་གསུམ་ལ་མེ་ཏོག་དང་།། འབྲས་བུ་གསར་ཏོག་བྱུང་བ་འབུལ་བྱེད་པ།། དེ་དག་འགྲོ་བ་རྣམས་སུ་འཁོར ་བ་ན། ། རོ་མཆོག་ཀུན་ཐོབ་མི་རྗེའི་སྟོབས་དང་ལྡན།། འཕྲེང་བ་མེ་ཏོག་རྒྱ་ཆེན་ཆར་རྣམས་ཀྱིས། སུ་དག་འདིར་ནི་རྒྱལ་བའོ་གཟུགས་ལ་མཆོད།། དེ་དག་ལྷ་དང་མི་ཡི་འཇིག་རྟེན་དུ།། ་ཆ་བྱད་ཡིད་འོང་སྣ་ཚོགས་ལེགས་པར་བརྒྱན།། སངས་རྒྱས་མཆོད་རྟེན་དག་ལ་དྲི་ཞིམ་ཕུལ།། བདུག་སྤོས་རྒྱ་ཆེན་མང་པོ་ལྡན་སྦྱར་དང་།། ཨ་ཀ་རུ་ཡི་བདུག་སྤོས་ཕུལ་བ་ཡི།། དེ་ཡི ་ལུས་ཀུན་སྤོས་དང་ལྡན་པར་འགྱུར། ། སུ་དག་བདེ་བར་གཤེགས་པའི་མཆོད་རྟེན་ལ།། དགའ་བཞིན་རྔ་ཡབ་རྣམས་ནི་འབུལ་བྱེད་པ།། ཐུབ་དཀའ་རྒྱན་རྣམས་སྙིང་རྗེ་རྔ་ཡབ་ཐོགས། ་ཆེ་བ་དེ་ལ་ཚུར་ཡང་གཡོབ་པར་བྱེད།། ཤིན་ཏུ་དྲི་མེད་ཟླ་བ་ཉ་འདྲ་བའི།། མེ་ལོང་སྡུག་གུ་ཐམས་ཅད་མཁྱེན་ལ་ཕུལ།། དེ་དག་ཚེ་རབས་བརྒྱུད་པ་རྣམས་སུ་ཡང་།། ལྷ་མིའི་རྣམས ་ཀྱིས་ལྟ་བར་འོས་པར་འགྱུར། ། སུ་དག་བདེ་བར་གཤེགས་པའི་མཆོད་རྟེན་ལ།། མཆོད་པའི་ཁྱད་པར་ཅི་འདོད་ཅི་འབྱོར་པ།། མཚམ་པར་འབྲེལ་བྱེད་དེ་དག་དྲི་མེད་ཅིང་།། མྱ་ངན་མེད་པའི ་བླ་མེད་བྱང་ཆུབ་འཐོབ། ། མི་རྣམས་ཀྱང་དག་སངས་རྒྱས་མཆོད་རྟེན་ནམ།། སྒྲ་གཟུགས་དག་ལ་མགོས་གཏུགས་གུས་ཕྱག་འདུལ།། དེ་དག་ལྷ་རྣམས་དང་ནི་མམ ་ཀྱིས། ། ཆེར་ཡང་ཆེ་བར་བཀུར་བའི་གནས་སུ་འགྱུར།། སུ་ཞིག་དད་པས་ཐུབ་པའི་མཆོད་རྟེན་ནམ།། སྐུ་གཟུགས་དག་ལ་སྐོར་བར་བྱེད་པ་དེ།། ཕྱི་མའི་ཚེ་ལ་དགྲ་ཆེན་རྣམས་ཀྱིས་བཏུང་།། ་བཟང་པོའི་སྣོད་འགྱུར་ཡོན་ཏན་རྣམས་དང་ལྡན།། མི་རྣམས་སུ་དག་དགའ་བཞིན་གུས་པ་ཡིས།། བླ་མེད་མཆོད་རྟེན་རྣམས་དང་སྐུ་གཟུགས་ལ།། ལུས་ཀྱིས་ལས་རྣམས་བྱེད་པ་དེ་དག ་ནི། ། སྲིད་པ་ཀུན་ཏུ་མཛོད་རྣམས་ཤིན་ཏུ་རྒྱས།། རྒྱལ་བའི་མཆོད་རྟེན་རོལ་མོའི་སྒྲ་ཕུལ་བས།། ཟབ་ཅིང་རིགས་པའི་སྤོབས་པ་ཕུན་སུམ་ཚོགས།། ཡན་ལག་ལྔ་རྫོགས་ཡིད་འོང ་ཚིག་དང་ལྡན། ། སྒྲ་སྐད་དག་གིས་འཇིག་རྟེན་འགེངས་པར་བྱེད།། སུ་དག་རྒྱལ་བའི་གདུང་ལྡན་སྟོང་བྱེད་པ།། དེ་དག་གླིང་བུའི་སྒྲ་དང་གླུ་སྙན་དང་།། སྒྲ་སྙན་ཡིད་དུ་འོང་བ་ཐོབ་པ་དང་།། ་སོ་སོ་ཡང་དག་རིག་པའང་ཐོབ་པར་འགྱུར།། མི་རྣམས་གང་དག་རྩཝ་ཤིང་སོ་ཕག་གིས།། འཇིག་རྟེན་བླ་མའི་སྤྱི་གཔ་རིག་པས་བྱེད།། ཡང་ན་གཞན་དག་བྱེད་དུ་འཇུག་ཀྱང་རུང་།། ་དེ་དག་འགྲོ་བ་རྣམས་ཀྱི་སྐྱབས་འདྲར་འགྱུར།། མི་རྣམས་གང་དག་རྒྱལ་བའི་གཙང་ཁང་བྱེད།། དེ་དག་འགྲོ་བ་རྣམས་སུ་འཁོར་བ་ན།། ལྷ་དབང་གནས་འདྲའི་ཁང་ཁྱིམ་འོད་འབར ་བ། ། དུས་ཚིགས་ཀུན་ཏུ་བདེ་ལྡན་ཐོབ་པར་འགྱུར།། མཐོ་རིས་ལས་བཟངས་འབྲས་བུའི་གནས་རྣམས་སུ།། བསྐལ་པར་རྒ་མེད་རྟག་ཏུ་དགའ་བ་བཞིན།། རྩེན་པར་བྱེད་ཅིང་མྱ་ངན ་མེད་པ་དང་། ། ཐ་མར་ཞི་བའི་གོ་འཕང་ཐོབ་པར་འགྱུར།། གང་དག་འཇའ་ཁུགས་འདྲ་བའི་རྟ་བབ་མཛེས།། ཐུབ་པའི་ཆབ་སྒོར་སྒྲེང་བྱེད་དེ་དག་ནི།། སྲིད་པ་གཞན་དུ་ཁང་ཁྱིམ་སྒོ་དང ་བཅས། ། རྣམ་པར་བརྒྱན་པ་རྣམས་ནི་ཐོབ་པར་འགྱུར།། མི་རྣམས་གང་དག་སྟོན་པར་སྐུ་གདུང་ཁང་།། བསྲུང་ཕྱིར་དད་པས་འོབས་དང་སྒོ་འཛུགས་པ།། དེ་དག་ཚེ་རབས་གཞན་དུ ་དགྲ་རྣམས་ཀྱིས། ། དཔལ་ཡོན་རྣམས་དང་དཔྲལ་བར་ཡོང་མི་ནུས།། མི་རྣམས་སུ་དག་མཆོད་རྟེན་བརྙིངས་པ་རྣམས།། གཞན་གྱི་ངོར་བྱེད་མ་ཡིན་རང་གིས་བློས།། རལ་ཚེམས་བྱེད་པའི ་སྐྱེ་བོ་དེ་དག་ནི། ། ལུས་བཟངས་ཡོན་ཏན་དམ་པས་བརྒྱན་པར་འགྱུར།། རྒྱལ་བའི་མཆོད་རྟེན་མེ་ཏོག་རྙིང་བསལ་བས།། འདོད་ཆགས་ཆགས་མེད་ཞེ་སྡང་སྡང་མེད་འགྱུར།། གཏི་མུག་རྨོངས ་མཽམིང་ལྟ་ངན་ཆགས་མི་འགྱུར། ། མི་རྣམས་རབ་ཏུ་དགའ་ཞིང་སྐྱིད་པར་འགྱུར།། སུ་དག་གླང་ཆེན་དྲིལ་སྦྱངས་སྨྲ་བར་བརྒྱན།། དུལ་བའི་རྟ་དང་སྦྱར་བའི་ཤིང་རྟ་དང་།། སྟོན་པ་དང་ནི ་འཕགས་པའི་ཚོགས་ལ་འབུལ། ། དེ་དག་བླ་མེད་ཐེག་ཆེན་ཐོབ་པར་འགྱུར།། སྐྱེ་བོ་དེ་དག་འཇིག་རྟེན་མགོན་པོ་ལ།། རིན་ཆེན་འབར་བ་ཡིད་དང་འཐད་པ་རྣམས།། འབུལ་བ་དེ་དག་རིན ་ཆེན་བདུན་པོ་དང་། ། བྱང་ཆུབ་ཡན་ལག་དྲི་མེད་རིན་ཆེན་ཐོབ།། རྒྱལ་བའི་མཆོད་རྟེན་ལ་ནི་གོས་ཕུལ་བས།། བསོད་ནམས་བྱམས་པའི་ངོ་ཚའི་གོས་གྱོན་ཏེ།། ་དགའ་ཞིང་ཡོན་ཏན་ཀུན་ལྡན་སེར་སྣ་མེད།། མདོག་ཀྱང་འཇམ་ཞིང་ཁ་དོག་གསེར་འདྲར་འགྱུར།། དཔེ་མེད་མཆོད་རྟེན་མར་མེ་ཕུལ་བ་ཡིས།། ཨུཏྤལ་སྔོན་པོ་ཁ་ཕྱེ་བདབ་འདྲའི་མིག། གསལ ་ཞིང་སྡུག་ལ་མིག་གི་དཀྱུས་རིང་མཛེས། ། དྲི་མ་མེད་པ་ལྷ་ཡི་མིག་དང་ལྡན།། སུ་དག་མཆོད་རྟེན་མར་མེ་མངར་བ་འབུལ།། དེ་དག་མིག་ཏུ་སྡུག་ཅིང་མཛོད་རབ་རྒྱས།། མིག་གི་དཀྱུས་རིང་མཐོན ་ཀའི་མདོག་དང་ལྡན། ། སྐྱེས་པ་བུད་མེད་དག་གིས་བལྟ་བར་འོས།། མཚན་མོ་ཐུབ་ཆེན་སྤྱན་སྔར་ཐལ་སྦྱར་འཁོད།། འབྱོར་དང་འཚམ་པར་མར་མེ་སྡོང་པོ་འབུལ།། དེ་དག་སྲིད་པ་གཞན ་དུ་འབྲས་བུར་ལྡན། ། རིན་ཆེན་རགས་པའི་འོད་ལྡན་ལུས་ཀྱང་འཐོབ།། རྒྱལ་ལ་ཕུལ་བའི་མོར་མེ་འཆི་བ་ན།། དག་པའི་སེམས་ཀྱིས་འདིར་ནི་དགའ་བཞིན་དུ།། སྙིང་པོ་སྐུལ་པར་བྱེད་པ་དེ ་དག་ནི། ། སྤྱན་ལྔ་དག་ཀྱང་ངེས་པར་ཐོབ་པར་འགྱུར།། མི་རྣམས་གང་དག་དགེ་བའི་སེམས་ལྡན་པས།། རྒྱལ་བའི་མཆོད་རྟེན་གཞན་གྱིས་བྱས་པ་ལ།། རྗེས་སུ་ཡི་རང་དོན་དེ་མ་བྱས་ཀྱང་།། ་མདོར་ན་དེ་དག་གིས་ཀྱང་བྱས་པར་འགྱུར།། ཚུལ་ཁྲིམས་ལྡན་པ་ཕྱོགས་ནས་ལྷགས་པ་ལ།། སུ་དག་དགའ་བཞིན་མལ་སྟན་བྱིན་བྱེད་པའི།། མི་རྣམས་འགྲོ་བ་དག་ཏུ་འཁོར་བ་ན།། སེང ་གེའི་ཁྲི་དང་སྟན་གྱི་མཆོག་རྣམས་ཐོབ། ། སུ་དག་རབ་ཏུ་བྱུང་དང་འཚམ་པ་ཡི།། ཁ་ཟས་བཟང་པོ་དགེ་འདུན་སྦྱིན་བྱེད་པ།། དེ་དག་འཁོར་བའི་དགོན་པར་གནས་པ་ན།། ཁ་ཟས་ཁ་དོག་རོ ་ལ་སོགས་ལྡན་འཐོབ། ། སུ་དག་རབ་ཏུ་བྱུང་དང་འཚམ་པ་ཡི།། བཏུང་བ་རྒྱ་ཆེན་རབ་ཏུ་སྦྱིན་བྱེད་པ།། དེ་དག་འཁོར་བའི་དགོན་པར་གནས་པ་ན།། བཏུང་བ་ཁ་དོག་རོ་ལ་སོགས་ལྡན་འཐོབ།། ་སུ་དག་འཇིག་རྟེན་བླ་མས་གསུངས་པ་ཡི།། དམ་ཆོས་ཚུལ་བཟང་ཐོས་ན་ཉམས་སུ་ལེན།། དེ་དག་ཉོན་མོངས་ཆུ་རླབས་འཇིགས་པ་ཡི།། སྲིད་པའི་རྒྱ་མཚོ་མྱུར་དུ་རྒལ་བར་འགྱུར།། རྒྱལ་པོ ་དགེ་བའི་ལས་འདི་ཐམས་ཅད་ནི། ། འཁོར་བའི་བདེ་བ་སྣ་ཚོགས་སྨིན་ནས་སུ།། སངས་རྒྱས་ཀྱི་ནི་བྱང་ཆུབ་དམ་པ་ནི།། འབྲས་བུ་བདེ་བླག་ཁོ་ནར་འགྲུབ་པར་འགྱུར།། དེ་ནས་རབ་དགའ ་མདངས་དང་ལྡན་པ་ཡིས། ། དྲང་སྲོང་དགེ་འདུན་བསྐོར་བ་བྱས་ནས་ཀྱང་།། ཐུབ་དབང་ཞབས་ལ་མགོ་བོས་ཕྱག་འཚལ་ཏེ།། རྒྱལ་པོ་རྒྱལ་བྱེད་ཚལ་ནས་བྱུང་བར་གྱུར།། གསལ་རྒྱལ་གྱི ་ཚིགས་སུ་བཅད་པ་རྫོགས་སོ། ། །། རྒྱ་གར་སྐད་དུ། ཨཱརྱ་ས་བེའི་ད་ལ་ལྱ་སཾ་གྲ་ཧ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་རྣམ ་