Wylie

e-texts produced with BDRC’s OCR application

། རྒྱ་གར་སྐད་དུ། ཨརྱ་མ་ཧཱ་པ་རི་ནིརྦཱ་ཎ་མ་ཧཱ་ཡཱ་ན་སཱུ་དྷུ། བོད་སྐད་དུ། འཕགས་པ་ཡོངས་སུ་མྱ་ངན་ལས་འདས་པ་ཆེན་པོ་ཐེག་པ་ཆེན་པོའི་མདོ། དམ་པོ་དང་པོ། ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གྲོང་ཁྱེར་ཀུ་ཤ་ན། ཆུ་ཀླུང་གསེར་ལྡན་གྱི་འགྲམ་གྱད་ཀྱི་ཉེ ་འཁོར་ཤིང་སཱ་ལ་ཟུང་གི་ཚལ་ན་བཞུགས་ཏེ། དེ་ན་བཅོམ་ལྡན་འདས་དགེ་སློང་བྱེ་བ་འབུམ་ཕྲག་བརྒྱད་བཅུས་བསྐོར་ཅིང་མདུན་གྱིས་བལྟས་ཏེ། དཔྱིད་ཟླ་ཐ་ཆུང་ཉའི་ནང་པར་ཡོངས་སུ་མྱ་ངན་ལས་འདས་པའི ་དུས་དང་ཉེ་བར་གྱུར་པ་ན། སེམས་ཅན་ཐམས་ཅད་ཀྱི་རང་རང་གི་ཡུལ་གྱི་སྐད་དུ།། ཤིན་ཏུ་ཟུར་ཕྱིན་པར་དོན་བརྡ་སྤྲོད་པའི་ཆོ་ག་རྣམས་ཀྱིས་སྲིད་པའི་རྩེ་མོ་མན་ཆད་གོ་བར་མཛད་དེ། དེང་དེ་བཞིན་གཤེགས ་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་ཐམས་ཅད་ལ་ཐུགས་བརྩེ་བོ་ཅན། འཇིག་རྟེན་ཐམས་ཅད་སྐྱོབ་པ། སེམས་ཅན་ཐམས་ཅད་ལ་སྒྲ་གཅན་ཟིན་དང་འདྲ་བར་གཟིགས་པ། ་སྐྱབས་ཆེན་པོའི་གནས་དང་གཞི་པོར་གྱུར་པ། ཐུབ་པ་ཆེན་པོ་ཡོངས་སུ་མྱ་ངན་ལས་འདའ་བར་འགྱུར་རོ་ཞེས་བཀའ་སྩལ་ཏོ།། སེམས་ཅན་ཐམས་ཅད་ཀྱི་ནུབ་ལུང་བསྟན་པ་ཐ་མ་ལ་དེ་ལྟ་བུའི་གསུང ་རྣམས་བྱུང་བར་གྱུར་ཏོ། ། གཞན་ཡང་དེའི་ཚེ་བཅོམ་ལྡན་འདས་ཉིད་ཀྱི་ཞལ་ནས་འོད་ཟེར་སྣ་ཚོགས་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང ་ཤེལ་གྱི་ཁ་དོག་དང་། རྡོའི་སྙིང་པོའི་ཁ་དོག་ལྟ་བུ་དག་བྱུང་སྟེ། འོད་ཟེར་དེ་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དང་། ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་དུ་སེམས་ཅན ་དམྱལ་བ་དང་། དུད་འགྲོ་དང་། ཡི་དགས་དང་། གཤིན་རྗེའི་འཇིག་རྟེན་གྱི་སེམས་ཅན་དེ་དག་ལ་ཕོག་ནས། དེའི་མོད་ལ་ཉོན་མོངས་པའི་མུན་པ་ཐམས་ཅད་དང་བྲལ་ཏེ། ཉེས་སྡིག་ཐམས་ཅད་ཀྱི་རྒྱུན ་ཆད་པར་གྱུར་ཏོ། ། དེ་ནས་མྱ་ངན་ཆེན་པོས་ནོན་ཏེ། ཚིག་མཐུན་པར་ཀྱེ་མ་ཁེབས་སོ་ཁེབས་སོ་ཞེས་ཀྱང་འཛེར་ཏོ།། ཀྱི་ཧུད་ཀྱི་ཧུད་ཅེས་ཀྱང་སྐད་ཆེར་འབོད་ཅིང་། ལག་པ་བརྐྱང་བས་ཀྱང་མགོ་བོ་ལ་རྡོབ ་པར་བྱེད་དེ། འདར་ཞིང་ཤིན་ཏུ་ངུའོ།། དེའི་ཚེ་ས་ཆེན་པོ་ནགས་ཚལ་དང་བཅས། རི་དང་བཅས་པ་རྒྱ་མཚོའི་མཐས་གཏུགས་པ་ཡང་རབ་ཏུ་གཡོས་ཏེ། སེམས་ཅན་དེ་དག་ཀྱང་གཅིག་ལ་གཅིག་འཛིན ་ཅིང་། འདི་སྐད་དུ། གྲོགས་པོ་དག་རིངས། གྱད་ཡུལ་གྱི་གྲོང་ཁྱེར་ཀུ་ཤར་འདོད་འདོང་ངོ་།། དེ་བཞིན་གཤེགས་པའོ་ཞབས་ལ་ཕྱག་འཚལ་ཏེ། ཡོངས་སུ་མྱ་ངན་འདའ་བར་གཤེགས་པ་ལས ་བཟློག་ལ། བསྒྲིམ་མི་དགོས་པར་བསྐལ་པ་འམ། བསྐལ་པ་ལས་ལྷག་པར་ཡང་བཞུགས་པར་གསོལ་བ་གདབ་བོ་ཞེས་འཛེར་ཏོ།། གཅིག་ལ་གཅིག་འཇུས་ནས། འདི་སྐད་དུ་ཀྱེ་མ་འཇིག་རྟེན་སྟོང ་པར་འགྱུར་རོ། ། ཀྱེ་མ་འཇིག་རྟེན་སྟོངས་པར་འགྱུར་རོ།། ཀྱེ་མ་སེམྦ་ཅན་རྣམས་ཀྱི་བསོད་ནམ་ཀྱི་ལས་ཀྱི་རྣམ་པར་སྨིན་པ་ནི་ཟད་དོ།། ལས་མི་བཟད་པར་ནི་བྱུང་ངོ་།། ཚེ་དང་ལྡན་པ་དག་མྱུར་ཅིག། ཚེ་དང་ལྡན་པ་དག་མྱུར་ཅིག། ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེང་གི་ཡུད་ཙམ་འདི་ལ་ཡོངས་སུ་མྱ་ངན་ལས་འདའ་བར་འགྱུར་རོ།། ཀྱེ་མ་འཇིག་རྟེན་སྟོངས་པར་འགྱུར་རོ།། ཀྱེ་མ་འཇིག་རྟེན་སྟོངས་པར ་འགྱུར་རོ། ། དེ་བཞིན་གཤེགས་པ་མི་བཞུག་ན། བདག་ཅག་མགོན་མེད་པ་དང་། རྩ་ལག་མེད་པ་དང་། འཕོད་པར་ཇི་ལྟར་མི་འགྱུར་ཞིང་། བདག་ཅག་གི་ཐེ་ཙོམ་དང་། སོམ་ཉི་ཅི་དང་ཅི་ཡོད་པ་དེ་དང་དེ་དག་ཞུ་བར་བྱའོ་ཞེས་ཀྱང ་འཛར་ཏོ། ། ཉན་ཐོས་ཆེན་པོ་འདི་དག་ཀྱང་དེ་ན་འཁོད་དེ། འདི་ལྟ་སྟེ། གནས་བརྟན་ཀ་ཏྱ་ཡ་ན་ཆེན་པོ་དང་། གནས་བརྟན་པ་ཀུ་ལ་དང་། གནས་བརྟན་ཉེ་དགའ་བོ་དང་། དེ་དག་ལ་སོགས་པ་གཞན ་ངག་ཀྱང་དེ་ན་འཁོད་དེ། དེ་དག་ལ་འོད་ཟེར་གྱིས་ཕོག་ནས། འདར་རབ་ཏུ་འདར། དམ་དམ་རབ་ཏུ་དམ་དམ། འཁྲུགས་རབ་ཏུ་འཁྲུགས། བརྟགས་རབ་ཏུ་བརྟགས། འུར་འུར་རབ་ཏུ་འུར་འུར ་འཁམས་རབ་ཏུ་འཁམས། རྨུགས་རབ་ཏུ་རྨུགས། རིངས་རབ་ཏུ་རིངས་ཏེ། དེ་ལ་སོགས་པ་དག་ཏུ་གྱུར་ནས་ཆས་སོ།། དེའི་ཚེ་དགེ་སློང་ས་ཡ་ཕྲག་བརྒྱད་སོ་ཤིང་ཟོས་ནས་ཕྱིར་བྱུང་སྟེ། གནས ་བརྟན་དེ་དག་ལ་འོད་ཟེར་གྱི་སྣང་བ་ངོ་ཕོག་ནས། ཤིན་ཏུ་རིངས་པར་ཁ་གདོང་བཀྲུས་ཏེ། གཅིག་ལ་གཅིག་འཇུས་སོ།། དེ་བཞིན་གཤེགས་པའི་སྲས་དེ་དག་ཐམས་ཅད་ཀྱང་དགྲ་བཅོམ་པ། དབང་ཐོབ་པ། ་བྱ་བ་བྱས་པ། བྱེད་པ་བྱས་པ། ཅང་ཤེས་པ། གཙོ་བོ་ཆེན་པོ། ཆེན་པོ་སྟོང་པ་ཉིད་ཀྱིས་རང་གི་དོན་ཐོབ་པ། ཙན་དན་ཆེན་པོ་ལྟ་བུའི་གཡོག་འཁོར་དང་ལྡན་པ། སེང་གེ་ཆེན་པོ། ་བུའི་གཡོག་འཁོར་དང་ལྡན་པ་ཤ་སྟ་ག་སྟེ། དེ་ལ་སོགས་པའི་ཡོན་ཏན་དཔག་ཏུ་མེད་པ་དང་ལྡན་པ་དེ་དག་ཐམས་ཅད་སྔ་དྲོ་ཉིམ་འཆར་ཀར་ཡན་ལག་ཐམས་ཅད་ཀྱི་བ་སྤུ་རྒྱ་སྐྱེགས་ཀྱི་ཤིང་གི་མེ་ཏོག་ལྟར་རྩ་དམར་བ་ནི་ལདྲ། ་མིག་ནི་མཆི་མ་ཁྲག་ལྟ་བུས་གང་སྟེ། མཆོག་ཏུ་སྡུག་བསྔལ་བའི་ཚོར་བ་དང་ལྡན་ནས། སེམས་ཅན་ཐམས་ཅད་ལ་ཕན་པ་དང་། བདེ་བ་དང་། སྙིང་བརྩེ་བའི་ཕྱིར་དང་། གདུལ་བར་བྱ་བའི་དབང་གི་དོན་དུ་ཐེག་པ་ཆེན་པོའི ་མཆོག་ཏུ་གསང་བ། སྟོང་པ་ཉིད་ཀྱི་རྣམ་པ་དགོངས་པའི་ཚིག་རྣམ་པ་སྣ་ཚོགས་ཀྱི་ཆོས་ཀྱི་སྒོའི་ཚུལ་བཤད་པར་བྱ་བའི་ཕྱིར་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་འབུམ་བསྐོར་བ་བྱས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ།། དེའི་ཚེ་ཀོ་ཏ་ཀའི་བུ་མོ་རབ་བཟང ་མ་ལ་སོགས་པ་དགེ་སློང་མ་བྱེ་བ་འབུམ་ཕྲག་དྲུག་ཐམས་ཅད་ཀྱང་དགྲ་བཅོམ་པ། ཟག་པ་ཟད་པ། དབང་ཐོབ་པ། བྱ་བ་བྱས་པ་བྱེད་པ་བྱས་པ། ཁུར་བོར་བ། ཉོན་མོངས་པ་མེད་པ། གཙོ་བོ་ཆེན་མོ།། ཆེན་པོ་སྟོང་པ ་ཉིད་ཀྱིས་རང་གི་དོན་ཐོབ་པ་ཤ་སྟག་སྟེ། འདི་ལྟ་སྟེ། ཀོ་ཏ་ཀའི་བུ་མོ་དགེ་སློང་མ་རབ་བཟང་མ་དང་། དགེ་སློང་མ་ཉེ་དགའ་མོ་དང་། དགེ་སློང་མ་རྒྱ་མཚོ་བློ་གྲོས་དང་། དེ་དག་ལ་སོགས་པ་དགེ་སློང་མ་བྱེ་བ་འབུམ ་ཕྲག་དྲུག་སྔ་དྲོ་ཉི་མ་འཆར་ཀར་ཡན་ལག་ཐམས་ཅད་ཀྱི་བ་སྤུ་རྒྱ་སྐྱེགས་ཀྱི་ཤིང་གི་མེ་ཏོག་ལྟར་རྩ་དམར་བ་ནི་ལངས། མིག་ནི་མཆི་མ་ཁྲག་ལྟ་བུས་གང་སྟེ། མཆོག་ཏུ་སྡུག་བསྔལ་བའི་ཚོར་བ་དང་ལྡན་ནས། ་སེམས་ཅན་ཐམས་ཅད་ལ་ཕན་པ་དང་། བདེ་བ་དང་། སྙིང་བརྩེ་བའི་ཕྱིར་དང་། གདུལ་བར་བྱ་བའི་དབང་གི་དོན་དུ། ཐེག་པ་ཆེན་པོའི་མཆོག་ཏུ་གསང་བ། སྟོང་པ་ཉིད་ཀྱི་རྣམ་པ་དགོངས་པའི་ཚིག་རྣམ་པ ་སྣ་ཚོགས་ཀྱི་ཆོས་ཀྱི་སྒོའི་ཚུལ་བཤད་པར་བྱ་བའི་ཕྱིར། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་འབུམ ་བསྐོར་བ་བྱས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ།། འཁོར་དེ་ན་དགེ་སློང་མ་འཁོད་པ་རྣམས་ཀྱང་། བྱང་ཆུབ་སེམས་དཔའ་མི་མཆོག་བཅུ་ཐོབ་པ་ཤ ་སྟག་སྟེ། གདུལ་བའི་དབང་གི་ཕྱིར་བུད་མེད་ཀྱི་གཟུགས་དང་། བུད་མེད་ཀྱི་དབྱིབས་དང་། ཤ་དང་། ཁྲག་དང་། རྒྱུས་པ་མང་པོ་དང་། རུས་པའི་ལུས་འཆང་བ། རྟག་ཏུ་ཚད་མེད་པ་བཞི་བསྒོམ་པ་དང་ལྡན་པ།། ་བདག་ཉིད་ཀྱི་སངས་རྒྱས་ཀྱི་ཡུལ་གྱི་ཆོ་འཕྲུལ་ཆེན་པོའི་དོན་བྱེད་ནུས་པ་ཤ་སྟག་གོ།། གཞན་ཡང་དེའི་ཚེ་བྱང་ཆུབ་སེམས་དཔའ་རྒྱ་མཚོས་བྱིན་ལ་སོགས་པ། བྱང་ཆུབ་སེམས་དཔའ་གངྒཱའི་ཀླུང་གི་བྱེ་མ་སྙེད་ཐམས ་ཅད་ཀྱང་མི་མཆོགས་བཅུ་ཐོབ་པ། ཐབས་ཀྱི་ལུས་འཆང་བ་ཤ་སྟག་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་རྒྱ་མཚོས་བྱིན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས ་མི་ཟད་པ་དང་། དེ་དག་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱང་ཐེག་པ་ཆེན་པོ་ཐོས་པར་འདོད་པ། ཐེག་པ་ཆེན་པོ་ལ་ཞུགས་པ། ཐེག་པ་ཆེན་པོས ་བཀྲེས་པ། ཐེག་པ་ཆེན་པོ་ལ་སྲེད་པ། ཐེག་པ་ཆེན་པོ་ལ་སེར་སྣ་མེད་པ། འཇིག་རྟེན་ཐམས་ཅད་དང་མཐུན་པར་བྱེད་ནུས་པ་ཤ་སྟག་དང་། བདག་ཅག་བརྒལ་ནས་གཞན་བསྒྲལ་བར་བྱའོ་སྙམ་སྟེ། སྔོན ་ཀྱི་བསྐལ་པ་བྱེ་བ་སྙེད་དུ་ཚུལ་ཁྲིམས་ཀྱི་བགྲོད་པའི་དམ་བཅའ་བ་ལེགས་པར་བླངས་པ་འཛིན་པའི་སྤྱད་པ་སྤྱོད་པ་ཤ་སྟག་དང་། དེ་བཞིན་དུ་བདག་ཅག་གྲོལ་ནས་གཞན་དགྲོལ་བར་བྱའོ་སྙམ་པ་དང་། དེ་བཞིན ་དུ་དཀོན་མཆོག་གསུམ་གྱི་གདུང་མི་འཆད་པར་བྱའོ་སྙམ་པ་དང་། ཆོས་ཀྱི་འཁོར་ལོ་བསྐོར་བར་བྱའོ་སྙམ་པ་དང་། གོ་ཆ་ཆེན་པོ་བགོ་བར་བྱའོ་སྙམ་དུ་སེམས་པ་ཤ་སྟག་དང་། དེ་བཞིན་དུ་ཡོན་ཏན་དཔག་ཏུ་མེད་པ ་དང་ལྡན་པ་དང་། བུ་གཅིག་པ་ལ་བྱ་བ་བཞིན་དུ། སེམས་ཅན་ཐམས་ཅད་ལ་སྙོམས་པར་ལྟ་བ་ཤ་སྟག་སྟེ། དེ་དག་ཐམས་ཅད་སྔ་དྲོ་ཉི་མ་འཆར་ཀར་ཡན་ལག་ཐམས་ཅད་ཀྱི་བ་སྤུ་རྒྱ་སྐྱེགས་ཀྱི་ཤིང་གི་མེ་ཏོག ་ལྟར་རྩ་དམར་བ་ནི་ཡངས། མིག་ནི་མཆིམ་ཁྲག་ལྟ་བུས་གང་སྟེ། མཆོག་ཏུ་སྡུག་བསྔལ་བའི་ཚོར་བ་དང་ལྡན་ནས། སེམས་ཅན་ཐམས་ཅད་ལ་ཕན་པ་དང་། བདེ་བ་དང་། སྙིང་བརྩེ་བའི་ཕྱིར་དང་། གདུལ་བར་བྱ་བར ་དབང་གི་དོན་དུ་ཐེག་པ་ཆེན་པོའི་མཆོག་ཏུ་གསང་བ། སྟོང་པ་ཉིད་ཀྱི་རྣམ་པ་དགོངས་པའི་ཆོག་རྣམ་པ་སྣ་ཚོགས་ཀྱི་སྒོའི་ཚུལ་བཤད་པར་བྱ་བའི་ཕྱིར། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་འབུམ་བསྐོར་བ་བྱས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད ་དོ། ཡང་དེའི་ཚེ་བསླབ་པའི་གཞི་ལྔ་བླངས་ཤིང་། ཚུལ་ཁྲིམས་དང་། ཆོ་ག་དང་། ཡོན་ཏན་དང་ལྡན་པའི་དགེ་བསྙེན་འོད་དྲི་མ་མེད་པར་གྲགས་པའི་རྒྱལ་པོ་ལ་སོགས་པ། དགེ་བསྙེན་གངྒཱའི་ཀླུང ་གཉིས་ཀྱི་བྱེ་མ་སྙེད་ཐམས་ཅད་ཀྱང་ཟུང་དང་ཟུང་དུ་ཤེས་པར་འདོད་པ་ཤ་སྟག་སྟེ། སྡུག་བསྔལ་བ་དང་། བདེ་བ་དང་། རྟག་པ་དང་། མི་རྟག་པ་དང་། བདག་ཡོད་པ་དང་། བདག་མེད་པ་དང་། སྟོང་པ་དང་། སྟོང་པ་མ ་ཡིན་པ་དང་། དེ་ཁོ་ན་དང་། དེ་ཁོ་ན་མ་ཡིན་པ་དང་། སྐྱབས་དང་། སྐྱབས་མ་ཡིན་པ་དང་། སེམས་ཅན་དང་། སེམས་ཅན་མེད་པ་དང་། བརྟན་པ་དང་། བརྟན་པ་མ་ཡིན་པ་དང་། ཞི་བ་དང་། ཞི་བ་མ་ཡིན ་པ་དང་། འདུས་བྱས་དང་། འདུས་མ་བྱས་དང་། ཐེར་ཟུག་དང་། ཐེར་ཟུག་མ་ཡིན་པ་དང་། ཡོངས་སུ་མྱ་ངན་ལས་འདས་པ་དང་། ཡོངས་སུ་མྱ་ངན་ལས་འདས་པ་མ་ཡིན་པ་ལ་སོགས་པའི་ཁྱད ་པར་དང་། ཁྱད་པར་དུ་འཕགས་པ་ཤེས་པར་འདོད་པ་ཤ་སྟག་སྟེ། འདི་ལྟ་སྟེ། དགེ་བསྙེན་འོད་དྲི་མ་མེད་པར་གྲགས་པའི་རྒྱལ་པོ་ཞེས་བྱ་བ་དང་། དགེ་བསྙེན་རབ་སྦྱིན་ལ་སོགས་པ། དགེ་བསྙེན ་ཐེག་པ་ཆེན་པོ་ཐོས་པར་འདོད་ལ། ཐོས་ནས་ཀྱང་གཞན་དག་ལ་བསྟན་པར་བྱའོ་སྙམ་དུ་དམ་བཅས་ཤིང་། ཚུལ་ཁྲིམས་བླངས་པ། ཐེག་པ་ཆེན་པོས་སྐོམ་ལ་ངོམས་ནས་ཀྱང་། གཞན་སྐོམ་པ་དག་ངོམས་པར ་བྱའོ་སྙམ་དུ་དམ་བཅས་པ། ཐེག་པ་ཆེན་པོ་ལ་སྲེད་པ། ཐེག་པ་ཆེན་པོ་ལ་སེར་སྣ་མེད་པ། འཇིག་རྟེན་ཐམས་ཅད་དང་མཐུན་པར་བྱེད་ནུས་པ་ཤ་སྟག་དང་། བདག་ཅག་བརྒལ ་ནས་གཞན་བསྐལ་བར་བྱའོ། ། བདག་ཅག་གྲོལ་ནས་གཞན་དགྲོལ་བར་བྱའོ།། དཀོན་མཆོག་གསུམ་གྱི་གདུང་མི་འཆད་པར་བྱའོ།། ཆོས་ཀྱི་འཁོར་ལོ་བསྐོར་བར་བྱའོ་སྙམ་དུ་སློབ་པར་འདོད་པ། གོ་ཆ ་ཆེན་པོ་བགོས་པ། བསླབ་པ་རྣམས་ལ་སེམས་གུས་པ་དང་། དེ་བཞིན་དུ་ཡོན་ཏན་གྲངས་མེད་པ་དང་ལྡན་པ། བུ་གཅོག་པ་ལ་བྱ་བ་བཞིན་དུ། སེམས་ཅན་ཐམས་ཅད་ལ་སྙིང་རྗེ་དང་ལྡན་པ་ཤ་སྟ་ག་སྟེ། དེ་དག་ཀྱང་ཉི ་མ་འཆར་ཀར་དེ་བཞིན་གཤེགས་པའི་གདུང་ཞུགས་ལ་ཞེན་པའི་ཕྱིར། རེ་རེས་ཀྱང་ཙན་དན་དང་། ཨ་ཀ་རུ་དང་། ཐང་ཤིང་གི་མཆོག་དང་། ཙན་དན་ས་མཆོག་པའི་བུད་ཤིང་རྣམས་དང་། ཡམ་སྲེག ་ཤིང་དྲི་བསུང་དང་ལྡན་པ། ཡོན་ཏན་ལྔ་སྟོང་ལྔ་སྟོང་ཁྱེར་ཏེ་འོདྲ་སོ།། དེ་ལ་ཡམ་སྲེག་ཤིང་སྐ་རེ་ཞིང་ཡང་གསེར་གྱི་སྐུད་པ་རིན་པོ་ཆེ་སྣ་བདུན་རིགས་བདུན་དང་ལྡན་པས་སྤྲས་པ་དཀྲིས་པས། རི་མོ་ལ་བྲིས་པ་ཁོ ་ན་བཞིན་དུ་འདུག་པ། རང་བཞིན་གྱིས་གཞོན་ཤ་ཅན་ལེགས་པར་བཅོས་པ་ཤ་སྟ་ག་སྟེ། སྣ་རེ་ཞིང་ཡང་འོད་རྣམ་པ་སྣ་ཚོགས་དང་ལྡན་པའི་ཕུང་པོ་ཆེན་པོ། མདོག་སྔོ་བ་དང་། བར་བར་ཁ་ཅིག་ཏུ་མདོག ་དཀར། ཁ་ཅིག་ཏུ་སྔོ་སྱ། ཁ་གཅིག་ཏུ་རྩ་དམར། ཁ་གཅིག་ཏུ་སེར་བ། མིག་ཏུ་སྡུག་པར་བྱས་པ་ཤ་སྟག་གོ།། བམ་པོ་རེ་རེའི་གཡོགས་མའི་ཕྱར་བུ་ཡང་རིན་པོ་ཆེ་སྣ་བདུན་ལས་བྱས་པ་ཤ་སྟག་གོ།། ཅིངས ་མའི་ཐེ་གུ་མང་པོ་རེ་རེ་ཞིང་ཡང་། ལྡོང་རོས་ཀྱི་མདོག་ལྟ་བུ་དང་། ཟར་མའོ་མེ་ཏོག་གི་མདོག་ལྟ་བུ་དང་། སྔོན་པོ་དང་། སེར་པོ་རྣམས་ཀྱིས་བར་བར་དུ་སྤེལ་བ་ཤ་སྟག་གོ། དེ་ལ་ཆིངས་མའི་ཐེ་གུ་མང་པོ་རེ་ར ་ཞིང་ཡང་གསེར་ཐགས་ཀྱི་མཆོག་རྣམ་པར་དག་པ་ཡུལ་མང་པོར་གྲགས་པ་དག་གིས་སྤེལ་བ་ཤ་སྟག་གོ། དེ་ལ་ཡམ་སྲེག་ཤིང་སྣ་རེ་རེ་ཞིང་ཡང་སྤོས་དྲི་བསུང་ཞིམ་པོ་དང་། མེ་ཏོག་འཕྲེང་བ་དང་། ་གུར་ཀུམ་གྱི་ཕྱེ་མ་དང་ལྡན་པར་བྱས་པ། གསེར་ཐགས་ཀྱིས་གཡོགས་པ། དར་སྣས་བརྒྱན་པ། རིན་པོ་ཆེ་སྣ་བདུན་གྱི་ཤུ་བས་སྔོན་པོ་དང་། སེར་པོ་དང་། སྔོ་སྐྱ་དང་། དཀར་པོ་དང་། བཙོད་ཀ ་ལྟ་བུ་དག་གི་ནང་དུ་བཅུག་པ། ཡུལ་ཀ་ལིང་ཀའི་རས་དང་། ཟར་མའི་རས་དང་། ཟབ་དར་དང་། རྒྱ་དར་གྱི་མཆོག་རྣམས་ཀྱིས་དཀྲིས་པ། མེ་ཏོག་མང་པོས་བརྒྱན་པ། བྱུག་པ་དྲི་བསུང་ཞིམ་པོ་དག་གི ་བྱུགས་པ་ཤ་སྟག་གོ། ། ཡམ་སྲེག་ཤིང་སཱ་རེའི་ཤིང་རྟ་རེ་རེ་ཞིང་ཡང་རིན་པོ་ཆེ་སྣ་བདུན་གྱིས་བརྒྱན་པ། གསེར་གྱིས་མཛེས་པར་བྱས་པ། ཁ་ཅིག་ཏུ་སྔོན་པོ་དང་། དཀར་པོ་དང་། བབ་ལའི་ཁ་དོག་དང ་ཡཾ་ཁྲིའི་ཁ་དོག་པས་ལྷག་པའི་འོད་གསལ་བ་དང་ལྡན་པ་ཤ་སྟག་གོ། ། ཤིང་རྟ་དེ་དག་གི་གཉའ་ཤིང་རྣམས་ཀྱང་རིན་པོ་ཆེ་སྣ་བདུན་གྱིས་བརྒྱན་པ་དང་། དཔེ་མེད་པ། རྟ་ཅང་ཤེས་མགྱོག་པ་དག་དང་སྦྱར་བ་ཤ ་སྟག་གོ། རྟ་དེ་དག་ཀྱང་རླུང་གི་ཤུགས་པས་མགྱོགས་པ། སྤུ་ཁ་ཆུ་སྐྱར་གྱི་མདོག་དང་། ལྡོང་རོས་ཀྱི་མདོག་དང་། སྤྲིན་གྱི་མདོག་ཅན་ཤ་སྟག་སྟེ། ཐབས་དེ་འདྲ་བའི་ཤིང་རྟ་རེ་རེའི་མདུན་ལོགས་དང ་རྒྱབ་ལོགས་དང་། རྒྱབ་ལོགས་སུ་རྒྱལ་མཚན་དང་། བ་དན་བསྒྲེང་སྟེ། རྒྱལ་མཚན་ཐམས་ཅད་ཀྱང་རིན་པོ་ཆེ་ལས་བྱས་པ། གསེར་གྱི་དྲ་བས་གཡོགས་པ་ཤ་སྟག་གོ།། རྒྱལ ་མཚན་གྱི་མདུན་ལོགས་སུ་ཡང་གདུགས་རྩིབས་དང་། རྩ་བ་ནོར་བུ་དྲི་མ་མེད་པའི་འོད་ཅན་ལས་བྱས་པ། མུ་ཏིག་གི་ཆུན་པོ་སྦྱངས་པ་ཤ་སྟག་ཁྱེར་རོ།། གདུགས་རེ་རེའི་མདུན་ལོགས་སུ་ཡང་གསེར་གྱི ་མེ་ཏོག་ཀུ་མུ་ད་དང་། ཨུཏྤ་ལ་དང་། པདྨ་དཀར་པོ་སྡོང་བུ་བེ་ཌཱུཪྻ་ལས་བྱས། ཟེ་བ་རྡོ་རྗེ་ལས་བྱས་པ། བུང་བ་མང་པོ་སྐད་འབྱིན་པ། དྲི་བསུང་ཞིམ་པོ་དང་ལྡན་པ། ཡིད་དུ་འོང་བ། འོད་དང་ལྡན ་པ་ཆེ་བ་མང་པོ་ཤ་སྟག་དང་། ལྡ་ལྡི་ཆེན་པོ་ཤ་སྟག་ཁྱེར་རོ།། ལྔ་ལྡི་ཆེན་པོ་རྣམས་ཀྱི་མདུན་དུ་ཡང་བྱང་ཆུབ་སེམས་དཔའ་སྐྱེས་པའི་རབས་ཀྱི་སྤྱོད་པ་རི་མོར་བྲིས་པ་ཆེན་པོ་དག་ཐོགས་སོ།། ་རི་མོའི་ཟུར་རེ་རེའི་བློ་གཡས་གཡོན་ནས་ཀྱང་། ཟློས་གར་གྱི་གར་སྟབས་ཡུལ་དབུས་ནས་བྱུང་བ་རྣམ་པ་སྣ་ཚོགས་བྱེད་དེ། གར་སྟབས་བྱེད་པ་དེའི་ནང་ན། སིལ་སྙན་རིན་པོ་ཆེ་ལས་བྱས་པའི་ཛ ་རྔཛ་དང་། འཁར་རྔ་དང་། རྔ་ཟླུམ་དང་། པི་ཝང་དང་། གླིང་བུ་དང་། པི་ཝང་རྒྱུད་གཅིག་པ་དང་། རྔ་བོ་ཆེ་དང་། དུང་ལ་སོགས་པ་དག་བདུང་ཞིང་འབུད་དོ།། ཀར་སྟབས་ཀྱི་སིལ་སྙན་དེ་དག་ལྦ ་ཀྱང་ཀྱེ་མ་འཇིག་རྟེན་སྟོངས་པར་འགྱུར་རོ་ཞེས་བྱ་བ་དེ་ལྟ་བུའི་རྣམ་པ་བརྗོད་ཅིང་། གདུང་གདུང་སྐད་དུ་དབྱངས་ལེན་ཏོ།། གར་སྟབས་ཀྱི་སིལ་སྙན་རེ་རེའི་མདུན་དུ་ཡང་མེ་ཏོག་དྲི་ཞིམ་པོ་སྣ་ཚོགས་ནས ་པར་འཚེར་བ་རྣམས་ཀྱི་ཕྱེ་མས་རིན་པོ་ཆེའི་སྐོན་བུ་ལེགས་པར་བཅོས་པ་གཞོན་ཤ་ཅན་དག་གིས་བཀང་བ་ཤ་སྟག་དང་། དེ་མ་ཡིན་པའི་སྐོན་བུ་མང་པོ་བལྟ་ན་སྡུག་པ། གུར་ཀུམ་གྱི་ཕྱེ་མས་བཀང་བ ་མང་པོ་ཤ་སྟག་ཐོགས་སོ། ། དེ་དག་གི་མདུན་དུ་ཡང་བཅོམ་ལྡན་འདས་དགེ་སློང་གི་དགེ་འདུན་གྱི་འཁོར་དང་བཅས་པ་ཁྱབ་པར་འགྱུར་བའི་ཞལ་ཟས་དག་ཁྱེར་ཞིང་འདོང་ངོ་པོ།། ཞལ་ཟས་དེ་དག་ཀྱང་བུ་ད་ཤིང ་ཙན་དན་དམར་པོ་དང་། ཨ་ཀ་རུ་དང་། ཐང་ཤིང་གི་མེ་ཆུང་ངུས་བཙོས་པ་དང་། གངྒཱའི་ཀླུང་གི་ཆུས་བཙོས་པ་ཤ་སྟག་སྟེ། སྐྱུར་བ་དང་། ལན་ཚྭའི་རོ་དང་། མངར་བ་དང་། བསྐ་བ་དང་། ཚ་བ་དང ་ཁ་བའི་རོ་དང་ལྡན་པ། མདངས་སྐྱེད་པ། ཕན་པར་གྱུར་པ་ཤ་སྟག་གོ། སཱ་ལ་ཟུང་གི་དྲུང་གི་ཉེ་འཁོར་ཐམས་ཅད་ཀྱང་གསེར་གྱི་བྱེ་མ་འཇམ་པོས་བཀྲམ་སྟེ། ག་བུ་ཤའི་རས་དང་། སྣམ་བུ་དང ་བཅོས་སྣམ་དང་། དྲེའུ་རྔོག་དང་། ཀ་ལིང་ཀའི་རས་དང་། ཟ་བ་དར་འཇམ་ཞིང་མདོག་དཀར་བ་རྣམས་ཀྱང་བཏིང་ངོ་།། གྲུབ་པའི་གནས་དེའི་བཞི་དཔག་ཚད་སུམ་ཅུ་རྩ་གཉིས་ཁོ་ར་ཁོར་ཡུག་ཀྱང་གུར ་ཀུམ་གྱིས་བྱུགས་སོ། ། བཅོམ་ལྡན་འདས་དགེ་སློང་གི་དགེ་འདུན་དང་བཅས་པའི་སེང་གེར་ཁྲི་ཆེན་པོ་གསེར་ལས་བྱས་པ། རིན་པོ་ཆེ་སྣ་བདུན་གྱིས་སྤྲས་ཤིང་སྣང་བར་བྱས་པ། རི་རབ་ལྟར་ཆེ་ཞིང་འཕང ་མཐོ་བ་དག་ཀྱང་བབཤམས་སོ། ། གཡོག་མ་ཡང་དེ་དག་གི་རྐྱེན་དུ་འཚམ་པ་ཤ་སྟག་གིས་གཡོགས་ཏེ། གསེར་གྱི་དྲིལ་བུ་གཡེར་ཀ་སྠ་སི་ལི་ལི་འཁྲོལ་ཞིང་གི་སླ་འབྱུང་བའི་དྲ་བ་ཅན་གྱི་ཡོལ་བ་རྣམས ་ཀྱིས་ནི་བསྐོར། རྒྱ་དང་སྤུ་སྡུག་ཡུག་ཁྱིམ་ཆེན་པོའི་བླ་རེ་རྣམས་ནི་བྲེལ། གདུགས་དཀར་པོ་རྣམས་ཀྱིས་ནི་ཉི་ཚན་བསྒྲིབས། རྔ་ཡབ་དཀར་པོ་རྣམས་ཀྱིས་ནི་གཡབས། རྒྱབ ་རྟེན་གླང་པོ་ཆེའི་མཆེ་བ་ལ་ཆུ་སྲིན་མ་ཀ་ར་རྟེན་པའི་ཁ་ནས། ཟླ་བ་ཉ་ངའི་འོད་ཟེར་ལྟར་དཀར་བའི་མུ་ཏིག་གི་ཆུན་པོ་འབྱུང་ཞིང་སྦྱངས་པ་ལྡན་པ་རྣམས་ནི་བཅས། ས་ཕྱོགས་རྣམས་ནི་མེ་ཏོག་དྲི་ཞིམ་པོའི་སིལ་ས། ་མས་གཏོར་ཏོ།། དགེ་བསྙེན་དེ་དག་རེ་རེ་ནས་ཀྱང་འདི་སྙམ་འདི་སྙམ་དུ་སེམས་ཏེ། བདག་གིས་སེམས་ཅན་ཐམས་ཅད་ལ་ཟས་འདོད་པ་རྣམས་ལ་ནི་ཟས་སྦྱིན་ནོ།། སྐོམ་འདོད་པ་རྣམས་ལ་ནི་སྐོམ་སྦྱིན་ནོ།། ་མགོ་བོ་དང་མིག་ལ་སོགས་པ་ཡན་ལག་དང་ཉིང་ལག་ཐམས་ཅད་འདོད་པ་རྣམས་ལ་ཡང་ཇི་ལྟར་འདོད་པ་བཞིན་དུ་སྦྱིན་ནོ།། དབུལ་པོ་དང་། བཀྲེན་པ་དང་། འཕོངས་པ་རྣམས་ལ་ཡང་། འདོད་པ་དང་། དུག་དང་། ་གནོད་པ་དང་། མ་བརྟགས་པའི་སྦྱིན་པ་རྣམས་མ་གཏོགས་པར། གང་དང་གང་དག་ཅི་དང་ཅི་འདོད་པ་དེ་དང་དེ་དག་ཆོག་པར་སྦྱར་རོ་སྙམ་དུ་སེམས་ཀྱི། གཞན་ནོ་ཅི་ཡང་མི་སེམས་སོ།། དེ་བཞིན་དུ་དགེ ་བསྙེན་གྱི་སྡེ་ཚན་བྱང་ཆུབ་སེམས་དཔའི་སྤྱོད་པ་ལ་གནས་པ་དེ་དག་ཐམས་ཅད་ཀྱི་བསམས་པ། དེ་བཞིན་གཤེགས་པ་བདག་ཅག་གི་བཤོས་གསོལ་ཏེ། ཡོངས་སུ་མྱ་ངན་ལས་འདའ་བར་བྱའོ།། དེ་བཞིན ་གཤེགས་པ་བདག་ཅག་གི་བྱ་ཤོས་གསོལ་ཏེ། ཡོངས་སུ་མྱ་ངན་ལས་འདས་པར་བྱའོ་སྙམ་སྟེ། སོ་སོ་ནས་དེ་འབའ་ཞིག་སྙིང་ལ་སེམས་ཤིང་། ཡན་ལག་ཐམས་ཅད་ཀྱི་བ་སྤུ་རྒྱ་སྐྱེགས་ཀྱི་ཤིང་གི་མེ་ཏོག ་ལྟར་རྩ་དམར་བ་ནི་ལངས། མིག་ནི་མཆི་མ་ཁྲག་ལྟ་བུས་གང་སྟེ། མཆོག་ཏུ་སྡུག་བསྔལ་བའི་ཚོར་བ་དང་ལྡན་ནས། རང་རང་གི་མཆོད་པའི་ཡོ་བྱད་བུད་ཤིང་དང་། ཡམ་སྲེག་ཤིང་དང་། ཤིང་རྟ་དང་། ་རྒྱལ་མཚན་དང་། གདུགས་དང་། བ་དན་རྣམས་དང་ཆས་ཏེ། ཞལ་ཟས་ཀྱི་མཆོག་གིས་སྦྱར་བའི་སྣོད་རྣམས་ཐོགས་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས ་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་སྤོས་དང་། མེ་ཏོག་འཕྲེང་དང་། ཕྱེ་མ་དང་། ཕྱེ་མ་ཞི་བུ་དང་། གདུགས་དང་། རྒྱལ་མཚན་དང་། བ་དན་དང་། བླ་རེ་རྒྱ་ཆེན་དག་གིས་མཆོད་ནས། ལན ་འབུམ་བསྐོར་བ་བྱས་ཏེ། མིག་ནས་མཆི་མ་རྒྱུན་མི་འཆད་པར་ཆར་བཞིན་དུ་ཕབ་ནས། བདག་ཉིད་ལ་སྡུག་བསྔལ་གྱི་རྣམ་པ་མང་པོ་བྱེད་ཅིང་། ཀྱེ་མ་འཇིག་རྟེན་སྟོངས་པར་འགྱུར་རོ།། ཀྱེ་མ་འཇིག་རྟེན་སྟོངས་པར ་འགྱུར་རོ་ཞེས་དེ་སྐད་དུ་སྐད་ཆེན་པོ་འདོན་ཏེ། དེ་བཞིན་གཤེགས་པའི་ཞབས་དྲུང་ན། སྲོག་ཆགས་ཤི་ཤུ་མ་ར་བཞིན་དུ་འགྲེ་ལྡེག་ཅིང་། གསོལ་བ་འདེབས་ཏེ། བཅོམ་ལྡན་འདས་དེ་བཞིན་གཤེགས་པ་དག ་སློང་གི་དགེ་འདུན་གྱི་འཁོར་དང་བཅས་པས། བདག་གིས་སྦྱར་བའི་བཤོས་གསོལ་བར་ཅི་གནང་། གཅོམ་ལྡན་འདས་བདག་ལ་ཐུགས་བརྩེ་བའི་སླད་དུ། སྦྱིན་པའི་ཐ་མ་དེ་བཞིན་གཤེགས་པས་བཞེས ་སུ་གསོལ་ཞེས་གསོལ་བ་འདེབས་སོ། ། དེ་ནས་བཅོམ་ལྡན་འདས་ཐམས་ཅད་མཁྱེན་བཞིན་དུ་ཅང་མི་གསུང་བར་གྱུར་ཏོ།། དེ་དག་གིས་ལན་གཉིས་ལན་གསུམ་དུ་དེ་སྐད་ཅེས་གསོལ་ཀྱང ་ལན་གཉིས་ལན་གསུམ་དུ་བཅོམ་ལྡན་འདས་ཅང་མི་གསུང་བར་གྱུར་ཏོ། ། དེ་ནས་དགེ་བསྙེན་གྱི་ཚོགས་དེ་དག་རེ་ཐག་ཆད་དེ་ཅང་མི་སེར་བར་འཁོད་ནས། བུ་གཅིག་པ་ཤི་ནས་དུར་ཁྲོད་དུ ་བོར་མ་ཐག་པའི་ཕ་མ་འགྲེ་ལྡོག་པ་བཞིན་དུ་ཤིན་ཏུ་སྡུག་བསྔལ་བར་གྱུར་ཏོ། ། དེ་བཞིན་དུ་དགེ་བསྙེན་དེ་དག་ཐམས་ཅད་མཆོག་ཏུ་སྡུག་བསྔལ་བར་གྱུར་པ་ལས་ལངས་ཏེ། རང་རང་གི་མཆོད་པའི་ཡོ་བྱད་རྣམས ་བསྡུས་ནས་ཕྱོགས་གཅིག་ཏུ་འཁོད་དོ། ། གཞན་ཡང་དེའི་ཚེ་བསླབ་པའི་གཞི་ལྔ་བླངས་ཤིང་ཚུལ་ཁྲིམས་དང་། ཆོ་ག་དང་། ཡོན་ཏན་དང་ལྡན་པ་དང་། དམ་པའི་ཆོས་ཀྱི་གཅེས་པ་འཛིན ་པའི་དགེ་བསྙེན་མཚོང་དཔོན་གྱི་བུ་མོ་འཚོ་བའི་དཔལ་ལ་སོགས་པ་དགེ་བསྙེན་མ་གངྒཱའི་ཀླུང་གསུམ་གྱི་བྱེ་མ་སྙེད་ཐམས་ཅད་ཀྱང་། བུད་མེད་ཀྱི་གཟུགས་ཀྱིས་སེམས་ཅན་བྱེ་བ་ཕྲག་མང་པོ་ངེས་པར་སྒྲོལ་བ། ཁྱིམ་གྱི ་གནས་ལ་སྨོད་པ་ཤ་སྟག་སྟེ། ཡུས་འདི་ནི་ཉེས་པའི་ཁམས་བརྒྱད་ཅུ་རྩ་བཞི་ལས་ལྷགས་པས་བསྡུས་པའོ།། ལུས་འདི་ནི་སྲིན་བུའི་རིགས་བྱེ་བ་ཕྲག་བརྒྱད་ཅུ་རྩ་བཞིའི་ཟས་སོ།། ལུས་འདི་ནི་རྒྱལ་པོའི་ཁྲི་མོན་དུ ་བྲུབས་པའི་དྲི་མནམ་པའོ། ། ལུས་འདི་ནི་ཁྱི་རོ་རུལ་བའི་དྲི་བས་ཀྱང་ལྷག་པར་སྤགས་པའོ།། ལུས་འདི་ནི་སྒོ་དགུ་ནས་མི་གཙང་བ་འཛག་པའོ།། ལུས་འདི་ནི་ཤ་དང་། ཆུ་བ་དང་། རུས་པ་དང་། ཁྲག་དང་། ་པགས་པ་ཞལ་ཞལ་ཅན། རྐང་ལག་གི་ཕྱི་སྒོ་དང་། ར་བ་དང་། བ་གམ་དང་། མིག་གི་སྐར་ཁུང་དང་། མགོ་བོའི་ཡང་ཐོག་ཅན། ཡིད་རྒྱལ་པོ་ལྟ་བུའི་ཕོ་བྲང་གྲོང་ཁྱེར་ལྟ་བུའོ།། ལུས་འདི་ནི་མཁས ་པ་ཐམས་ཅད་ཀྱིས་སྤངས་ཤིང་། བྱིས་པའི་སྐྱེ་བོ་དགའ་བར་བྱེད་པའི་འདོད་ཆགས་པ་དང་། ཞེ་སྡང་དང་། གཏི་མུག་ལ་སོགས་པའི་ཉོན་མོངས་པ་བྱེ་བ་སྙེད་ཀྱི་སྲིན་བུས་བསྟེན་པ། འདམ་བུ་དང་། ཨེ ་རན་ད་དང་། དབུ་པ་དང་། ཆུ་ཤིང་ལྟ་བུར་སྙིང་པོ་མེད་པ། གློག་དང་རི་གཟར་པོའི་འདབ་ཆུའི་དབའ་རླབ་ས་ལྟར་ཤིན་ཏུ་མི་བརྟན་པའོ།། སྒྱུ་མ་དང་སྨིག་རྒྱུ་དང་། བྲག་ཆ་དང་། ཟླ་བའི་གཟུགས ་བརྙན་ལྟར་སླུ་བར་བྱེད་པ། རླུང་ཤུགས་དྲག་པོས་རྣམ་པར་དཀྲུགས་པའི་ཆུའི་ཤུགས་ཀྱིས་བརྐོས་པའི་འགྲམ་གྱི་སྡོང་པོ་ལྟར་གཡངས་ན་འདུག་པའི་ཆོས་ཅན། སྤྱང་ཀི་དང་། ཝ་དང་། བྱ ་རྒོད་དང་། བྱ་རོག་རྣམས་ཀྱི་ཟས་ཡིན་ན། སུ་ཞིག་འདི་ལྟ་བུ་ཚང་བ་ལ་དགའ་བར་བྱེད། རྒྱ་མཚོའི་ཆུ་ཐམས་ཅད་སྦྲའི་རྩེ་མོས་བླངས་ཏེ་བ་གླང་གི་རྨིག་རྗེས་སུ་བླུགས་པར་མི་ནུས་སྲིད་ཀྱི། ལུས་ནད ་བརྒྱ་རྩ་བཞིས་གཟིར་བ་འདི་སྙིང་པོ་མེད་པ་དང་། མི་གཙང་བ་ནི་ཚིག་ཙམ་གྱིས་བསྟན་པར་མི་ནུས་སོ།། ས་ཆེན་པོ་འདི་རྒྱ་ཤུག་གི་འབྲས་བུའི་རུས་པའི་འབྲུ་ཙམ་ཤ་སྟག་ཏུ་བྱས་པ་འམ། ཡུངས་འབྲུ ་ཙམ་མམ། རྡུལ་ཕྲ་རབ་ཀྱི་རྡུལ་ཙམ་ཤ་སྟག་ཏུ་བྱས་པས་ནི་ཟད་པར་འགྱུར་ཡང་སྲིད་ཀྱི། ལུས་འདི་ཡོད་ཀྱི་བར་དུ་འདིའི་ཉེས་དམིགས་ནི་མཐར་ཐུག་པར་མི་འགྱུར་ཏེ། དེ་བས་ན་དམ་པའི་ཆོས་བསྲུང་བའི ་ཕྱིར་འདི་མཆིལ་མ་བཞིན་དུ་དོར་བར་བྱའོ་སྙམ་སྟེ། འདི་ལྟར་དགེ་བསྙེན་མ་དག་ཐམས་ཅད་ཆེན་པོ་སྟོང་པ་ཉིད་དང་། མཚན་མ་མེད་པ་དང་། སྔོན་པ་མེད་པ་བསྒོམས་པས་སེམས་བསྒོམས་པ་ཤ་སྟག་སྷོ། ་འདི་ལྟ་སྟེ། དགེ་བསྙེན་མ་འཚོ་བའི་དཔལ་ཞེས་བྱ་བ་དང་། དགེ་བསྙེན་མ་དཔལ་འཕྲེང་ཞེས་བྱ་བ་དང་། དགེ་བསྙེརྣམས་གཞེས་བྱ་བ་དང་། དེ་ལ་སོགས་པ་ཐམས་ཅད་ཀྱང་ཐེག་པ་ཆེན ་པོ་ཐོས་པར་འདོད་ལ། ཐོས་ནས་ཀྱང་གཞན་དག་ལ་བསྟན་པར་བྱའོ་སྙམ་དུ་དམ་བཅས་པ། བསྲུང་བ་ལྷུར་ལེན་པ། བུད་མེད་ཀྱི་ལུས་ངན་ནོ་སྙམ་དུ་སྨོད་པ་དང་། ལུས་སྙིང་པོ་མེད་དོ་སྙམ་དུ་སྨོད་པ། སོ་སོ།། ་ནས་ཤས་ཆེར་སྒོམ་པ་དང་། འཁོར་བའི་འཁོར་ལོ་གཞིག་གོ་སྙམ་དུ་སེམས་པ་ཤ་སྟག་དང་། ཐེག་པ་ཆེན་པོས་སྐོམ་ལ་ངོམས་ནས་གཞན་སྐོམ་པ་དག་ངོམས་པར་བྱའོ་སྙམ་དུ་དམ་བཅས་པ་ཤ་སྟག་དང་། ཐེག་པ་ཆེན་པོ་ལ ་སྲེད་པ། ཐེག་པ་ཆེན་པོ་ལ་སེར་སྣ་མེད་པ།། འཇིག་རྟེན་ཐམས་ཅད་དང་མཐུན་པར་སློབ་པར་འདོད་པ་དང་། གྲོལ་ནས་གཞན་དགྲོལ་བར་བྱའོ།། བརྒལ་ནས་གཞན་བསྒྲལ་བར་བྱའོ།། དཀོན་མཆོག་གསུམ་གྱི ་གདུང་མི་འཆད་པར་བྱའོ། ། ཆོས་ཀྱི་འཁོར་ལོ་བསྐོར་བར་བྱའོ་སྙམ་དུ་སློབ་པར་འདོད་པ་ཤ་སྟག་དང་། གོ་ཆ་ཆེན་པོ་བགོས་པ། བསླབ་པ་རྣམས་ལ་བརྟུལ་ཞུགས་བརྟན་པ་དང་། དེ་བཞིན་དུ་ཡོན་ཏན་དུ ་མ་དང་ལྡན་པ་དང་། བུ་གཅིག་པ་ལ་བྱ་བ་བཞིན་དུ་སེམས་ཅན་ཐམས་ཅད་ལ་སྙིང་རྗེ་དང་ལྡན་པ་ཤ་སྟག་སྟེ། དེ་དག་ཀྱང་ཉི་མ་འཆར་ཀར་ཤིན་ཏུ་རིངས་པར་གཅིག་ལ་གཅིག་འཇུས་ཏེ། དེ་བཞིན་གཤེགས ་པའི་གདུང་ཞུགས་ལ་བཞེན་པའི་ཕྱིར། ཡམ་སྲེག་ཤིང་དགེ་བསྙེན་པ་རྣམས་ཀྱི་ཉིས་འགྱུར་ཁྱེར་བ་ལས། བཅོམ་ལྡན་འདས་ཀྱིས་ཞལ་ཟས་མ་བཞེས་ནས། བུ་ཤི་བ་བཞིན་དུ་མཆོག་ཏུ་སྡུག་བསྔལ ་པར་གྱུར་ཏེ། ངུས་ནས་ལངས་ཏེ་ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་ལི་ཙ་བྱི་གཞོན་ནུ་གཙང་མ་དྲི་མ་མེད་པའི་སྙིང་པོ་ལ་སོགས་པ་ཡངས་པ་ཅན་ན་གནས་པའི་ལི་ཙ་བྱི་གཞོན ་ནུ་གྲོང་ཁྱེར་གྱི་ནང་ན་གནས་པ་དང་། ཕྱི་རོལ་ན་གནས་པ་དང་བཅས་པ་རྣམས། འཛམ་བུའི་གླིང་ན་གནས་པའི་རྒྱལ་ཕྲན་བློན་པོ་དང་བཅས་པ་གངྒཱའི་ཀླུང་བཞིའི་བྱེ་མ་སྙེད་ཐམས་ཅད་ཀྱང་དམ་པའི་ཆོས ་བསྲུང་བ་ལ་མཁས་པ། ཚུལ་ཁྲིམས་དང་། ཆོ་ག་དང་། ཡོན་ཏན་དང་ལྡན་པ། དམ་པའི་ཆོས་སུན་འབྱིན་ཅིང་རྟགས་ཅན་འཆལ་པ་རྣམས་ཀྱི་སིར་བ་ལྟ་བུར་གྱུར་པ་ཤ་སྟག་ལ། དེ་དག་ཐམས་ཅད་ཀྱང ་འདི་ལྟ་བུར་འདོད་དེ། བདག་ཅག་གི་ནོར་དང་འབྲུའི་ཚོགས་དང་། མཛོད་དང་བང་བའི་ཚོགས་གང་ཡིན་པ་དེ་དག་ཐམས་ཅད་ནི། བདུད་རྩི་མི་ཟད་པར་བྱ་བ་དང་། བདུད་རྩི་གནས་པར་བྱ་བའི་ཕྱིར་ཡིན་གྱིས། ་བདག་ཅག་གིས་དམ་པའི་ཆོས་ལ་ནན་ཏན་བྱའོ།། དམ་པའི་ཆོས་ལ་སུན་འབྱིན་ཅིང་། ལོག་པར་ལྟ་བ་རྣམས་ཀྱི་ལྕེ་གཅད་པར་བྱའོ་ཞེས་ལེགས་པར་དམ་བཅས་པ། ཚུལ་ཁྲིམས་འཆལ་པ། ཚུལ་ཁྲིམ ་ལ་མི་གནས་པ་རྣམས་ནི་གོས་དཀར་པོ་གྱོན་དུ་བཅུག་སྟེ། ཁྱིམ་པའི་ལས་བྱེད་དུ་གཞུག་གོ་སྙམ་དུ་སེམས་བརྟུལ་བ། དམ་པའི་ཆོས་སྐྱུགས་པ་ལ་ནི་བླ་མ་བཞིན་དུ་རིམ་གྲོར་བྱའོ་སྙམ་དུ་དམ་བཅས་པ། དགེ ་འདུན་ལ་ཕན་པ་དང་བདེ་བར་གནས་པར་བྱ་བ་ནི་ཡོངས་སུ་རྫོགས་པར་བྱས་ཏང་དེས་ཆོག་གོ་སྙམ་དུ་སེམས་པ་དང་། ཐེག་པ་ཆེན་པོ་ཐོས་པར་འདོད་ལ་ཐོས་ནས་ཀྱང་གཞན་དག་ལ་བསྟན་པར་བྱའོ་སྙམ་དུ་ཡི་དམ ་བཅས་པ་ལ་བརྟན་པ་དང་། དེ་ལ་སོགས་པའི་ཡོན་ཏན་དཔག་ཏུ་མེད་པ་དང་ལྡན་པ་ཤ་སྟག་སྟེ། འདི་ལྟ་སྟེ། ཡི་ཙ་བྱི་གཞོན་ནུ་གཙང་མ་དྲི་མ་མེད་པའི་སྙིང་པོ་ཞེས་བྱ་བ་དང་། སྒྲིབ་པ ་དག་པ་ཞེས་བྱ་བ་དང་། གངྒཱའི་ཆུ་དྲི་མ་མེད་པས་བྱིན་པ་ཞེས་བྱ་བ་དང་། དེ་ལ་སོགས་པའི་ལོ་ཙ་བྱི་གཞོན་ནུ་དེ་དག་ཀྱང་གཅིག་ལ་གཅིག་འཇུས་ཏེ། རེ་རེས་ཀྱང་གདུག་ཞུགས་ལ་ཞེན་པའི་བུད་ཤིང་ཐང་ཤིང་གི ་མཆོག་དང་། ཙན་དན་དང་། ཨ་ཀ་རུ་རྣམས་དང་། ཡམ་སྲེག་ཤིང་བྱེ་བ་ཕྲག་བརྒྱད་ཅུ་རྩ་བཞི་དང་། མཆོད་པ་སྔ་མའི་ཉིས་འགྱུར་རྣམས་ཁྱེར་ནས། མཆོད་པ་རྣམས་པ་སྦགས་ཏེ། བཅོམ་ལྡན་འདས་ཀྱི་ཐ། ་དུ་དོང་ངོ་།། ལི་ཙེ་བྱི་གཞོན་ནུ་རེ་རེ་ལ་ཡང་གླང་པོ་ཆེ་བརྒྱད་ཁྲི་བཞི་སྟོང་དང་། རྟ་བརྒྱད་ཁྲི་བཞི་སྟོང་དང་། ཤིང་རྟ་བརྒྱད་ཁྲི་བཞི་སྟོང་དང་། ནོར་བུ་ཆུ་ཤེལ་བརྒྱད་ཁྲི་བཞི་སྟོང་དང་ཆས་སོ།། གླང་པོ་ཆེ་རེ་རེའི་མདུ། ་དུ་ཡང་ཆེ་བ་ལ་འོས་པའི་གདུགས་དང་། རྒྱལ་མཚན་དང་། པ་དན་དང་། དར་གྱི་བླ་རེ་ཆེན་པོ་རྣམས་ཐོགས་སོ།། གདུགས་རྣམས་ཀྱི་ནང་ན་ཐུང་ངུ་གང་ཡིན་པ་དེ་ལ་ཡང་ཁོ་ར་ཁོར་ཡུག་ཏུ་དཔག་ཚད་གཅིག་ཡོད ་དོ། ། དར་གྱི་བླ་རེ་ཆེན་པོ་རྣམས་ཀྱི་ནང་ན་ཆུང་ངུ་གང་ཡིན་པ་དེ་ལ་ཡང་ཆུ་ཞེང་དུ་དཔག་ཚད་སུམ་ཅུ་རྩ་གཉིས་ཡོད་དོ།། རྒྱལ་མཚན་རྣམས་ཀྱི་ནང་ན་ཐུང་ངུ་གང་ཡིན་པ་དེ་ལ་ཡང་འཕང་དུ་དཔག་ཚད་བརྒྱ་ཡོད་དོ།། ་བ་དན་རྣམས་ཀྱི་ནང་ན་ཐུང་ངུ་གང་ཡིན་པ་དེས་ཀྱང་དཔག་ཚད་སྟོང་དུ་ཕྱིན་ཏོ།། དེ་ལྟར་དེ་དག་མཆོད་པ་རྣམས་དང་ཆས་ཏེ། བཅོམ་ལྡན་འདས་ཀྱི་ཐད་དུ་དོང་ནས། བཅོམ་ལྡན་འདས་ཀྱི་ཞབས་ལ་མགོ་བོས ་ཕྱག་འཚལ་ཏེ། ཞལ་ཟས་ཕུལ་བ་ལས། བཅོམ་ལྡན་འདས་ཅང་མི་གསུང་སྟེ། མ་བཞེས་ནས། མཆོག་ཏུ་སྡུག་བསྔལ་བར་གྱུར་ཏེ་རེ་ཐག་ཆད་ནས་ལངས་ཏེ། བཅོམ་ལྡན་འདས་ཀྱི་མཐུས་ཏ་ལ་བདུན་གྱི་སྲིད ་ཙམ་དུ་འཕགས་ཏེ་འཁོད་དོ། ། གཞན་ཡང་དེའི་ཚེ་འཛམ་བུ་གླིང་པའི་བློན་པོ་དང་། ཚོང་དཔོན་དང་། ཁྱིམ་བདག་གངྒཱའི་ཀླུང་ལྔའི་བྱེ་མ་སྙེད་ཐམས་ཅད་ཀྱང་ཐེག་པ་ཆེན་པོ་ལ་དད་པ། ཚུལ་ཁྲིམ ་དང་། ཆོ་ག་དང་། ཡོན་ཏན་རྣམ་པར་དག་པ་དང་ལྡན་པ། དམ་པའི་ཆོས་སུན་འབྱིན་པ་རྣམས་ཀྱི་སེར་བ་ལྟ་བུར་གྱུར་པ་ཤ་སྟག་སྟེ། འདི་ལྟ་སྟེ། ཁྱིམ་བདག་གི་རྒྱལ་པོ་རྣམ་པར་སྣང་བྱེད་ཅེས་བྱ་བ་དང ་འགྲོ་བ་སྐྱོང་ཞེས་བྱ་བ་དང་། ཆོས་སྐྱོང་ཞེས་བྱ་བ་དང་། དེ་ལ་སོགས་པ་དག་ཀྱང་དེའི་ཚེ་དེར་ལྷགས་ཏེ། དེ་དག་ཐམས་ཅད་ཀྱིས་ཀྱང་རང་རང་གི་མཆོད་པས། མཆོད་པ་སྔ་མ་རྣམས་ཟིལ་གྱིས་མནན་ནས།། ་བཅོམ་ལྡན་འདས་ལ་མཆོད་པ་ཆེན་པོའི་ཚོགས་ཀྱིས་མཆོད་ནས། ཞལ་ཟས་མ་བཞེས་པའི་ཕྱིར་མཆོག་ཏུ་སྡུག་བསྔལ་བར་གྱུར་ཏེ། རེ་ཐག་ཆད་ནས་ལངས་ཏེ། བཅོམ་ལྡན་འདས་ཀྱི་མཐུས་ཏ་ལ ་བདུན་གྱི་སྲིད་ཙམ་དུ་འཕགས་ཏེ་འཁོད་དོ། ། གཞན་ཡང་དེའི་ཚེ་རྒྱལ་པོ་མ་སྐྱེས་དགྲ་མ་གཏོགས་པར། ཡངས་པ་ཅན་གྱི་རྒྱལ་པོ་ཟླ་བ་དྲི་མ་མེད་པའི་སྙིང་པོ།། གྲོང་ཁྱེར་གྱི་ནང་ན ་གནས་པ་དང་། ཕྱི་རོལ་ན་གནས་པའི་གཡོག་འཁོར་དང་བཅས་པ་ལ་སོགས་པ། འཛམ་བུ་གླིང་ཐམས་ཅད་ཀྱི་གྲོང་ཁྱེར་དང་། རི་ཁྲོད་ཀྱི་གྲོང་དང་། ཡུལ་པོ་ཆེ་དང་། ཁ་ལུངས་ཀྱི་རྒྱལ་པོ ་@གངྒཱའི་ཀླུང་དྲུག་གི་བྱེ་མ་སྙེད་དང་ལྷན་ཅིག་ཏུ་དཔུང་གི་ཚོགས་ཡན་ལག་བཞི་དང་བཅས་ཏེ་ལྷགས་སོ། ། རྒྱལ་པོ་དེ་རྣམས་རེ་རེ་ལ་ཡང་དམག་འཁྲུགས་ཡ་ཕྲག་བཅོ་བརྒྱད་བཅོ་བརྒྱ། ་ཡོད་དོ།། དེ་དག་ལ་གླང་པོ་ཆེ་རྟག་ཏུ་འགྲམ་པ་ནས་རྡུལ་འཛག་པ་དང་། རྟ་རླུང་གི་ཤུགས་པས་ལྷག་པར་མགྱོགས་པ་དག་ཀྱང་ཡོད་དོ།། དེ་དག་གི་མཆོད་པའི་ཡོ་བྱད་གང་ཡིན་པ་དེ་དག་ཀྱང་། མཆོད་པའི་ཡེ ་བྱད་སྔ་མ་དེ་དག་ལས་ཉིས་འགྱུར་གྱིས་ཆེས་བཟང་ལ་ཆེས་མང་སྟེ། དེ་ལྟ་བུའི་མཆོད་པའི་ཕུལ་དག་ཁྱེར་ནས། དཔུང་གི་ཚོགས་ཡན་ལག་བཞི་དང་བཅས་ཏེ་ལྷགས་སོ།། དེ་དག་མཆོད་པ་དེ་རྣམས་ཀྱི་ནང་ན ་གདུགས་ཐུང་ངུ་གང་ཡིན་པ་དེ་ཡང་དཔག་ཚད་བརྒྱད་ཅུ་ཆུ་ཞེང་ག་བ་པར་འདུག་གོ། ། བ་དན་གྱི་ནང་ན་ཆུང་ངུ་གང་ཡིན་པས་ཀྱང་དཔག་ཚད་བརྒྱ་སྟོང་དུ་ཕྱིན་ནོ།། རྒྱལ་མཚན་ཕལ་པ་གང་ཡིན་པ་དེ་ལ་ཡང་འཕང ་དུ་དཔག་ཚད་སུམ་ཅུ་ཡོད་དོ། ། དེ་ལྟར་ཡངས་པ་ཅན་གྱི་རྒྱལ་པོ་ཟླ་བ་དྲི་མེད་པའི་སྙིང་པོ་དང་། ཉི་འོད་ཅེས་བྱ་བ་དང་། དེ་ལ་སོགས་པ་རྒྱལ་པོ་རྣམས་ཉི་མ་འཆར་ཀར་ལྷགས་ཏེ། དེ་དག་ཀྱང་དམ་པའི་ཆོས ་སུན་འབྱིན་ཅིང་རྟགས་ཅད་འཆལ་པ་རྣམས་ཀྱི་སེར་བ་ལྟ་བུར་གྱུར་པ། མཐུས་ཀྱང་སེམས་ཅན་རྣམས་དམ་པའི་ཆོས་ལ་འགོད་པར་བྱེད་པ་དང་། བདག་ཅག་གི་ནོར་དང་འབྲུའི་ཚོགས་དང་། མཛོད་དང ་བང་བའི་ཚོགས་གང་ཡིན་པ་དེ་དག་ནི་དམ་པའི་ཆོས་གནས་པར་བྱ་བའི་ཕྱིར་རོ་སྙམ་དུ་སེམས་པ་ཤ་སྟག་དང་། བདག་ཅག་གིས་དམ་པའི་ཆོས་ལ་ནན་ཏན་བྱའོ།། དམ་པའི་ཆོས་སུན་འབྱིན་པ་རྣམས་ཀྱི་ལྕེ ་ནི་དྲུང་ནས་བཅད་དོ་ཞེས་དམ་བཅས་པ་བརྟན་པོར་བྱས་པ་ཤ་སྟག་དང་། ཐེག་པ་ཆེན་པོ་འདོད་པ་དང་། འཇིག་རྟེན་ཐམས་ཅད་ལ་སྙིང་བརྩེ་བ་ཤ་སྟག་སྟེ། དེ་དག་གི་མཆོད་པ་རྣམས་ཀྱིས་ཡངས་པ་ཅན ་ནས་གྲོང་ཁྱེར་ཀུ་ཤའི་བར་ཐམས་ཅད་ཀུན་ཏུ་གང་བར་གྱུར་ཏོ། ། དེ་དག་གི་གདུགས་ཀྱི་གྲིབ་མ་འདབ་ཆགས་སུ་འདུག་པས་ནི། ཉི་མའི་འོད་ཀྱིས་མི་ཕོག་གོ།། དེ་དག་གི་ཁ་ཟས་ཀྱི་དྲི་བ་སྲུང་གིས་ནི་དཔག་ཚད ་བཞིར་ཁྱབ་གྱུར་ཏེ། དེ་དག་གིས་བཅོམ་ལྡན་འདས་ལ་རང་རང་གིས་སྦྱར་བའི་ཞལ་ཟས་བཞེས་པར་ལན་གསུམ་གྱི་བར་དུ་གསོལ་པ་བཏབ་ཀྱང་། ཞལ་ཟས་མ་བཞེས་ནས་ཡིད་མི་དགའ་སྟེ། ལངས་ནས ་ཕྱོགས་གཅིག་ཏུ་འཁོད་དོ། ། གཞན་ཡང་དེའི་ཚེ་རྒྱལ་པོ་མ་སྐྱེས་དགྲའི་བཙུན་མོ་མ་གཏོགས་པར། ཡངས་པ་ཅན་གྱི་རྒྱལ་པོའི་བཙུན་མོ་འཇིག་རྟེན་གསུམ་ན་མཛེས་མ་ལ་སོགས་པ ་འཛམ་བུ་གླིང་བའི་རྒྱལ་པོ་དང་། ཚོང་དཔོན་དང་། ཁྱིམ་བདག་རྣམས་ཀྱི་ཆུང་མ་གངྒཱའི་ཀླུང་བདུན་གྱི་བྱེ་མ་སྙེད་དང་ལྷན་ཅིག་ཏུ་ལྷགས་ཏེ། དེ་དག་ཐམས་ཅད་ཀྱང་བུད་མེད་ཀྱི་གཟུགས་ཀྱིས་སེམས་ཅན་མང་པོ ་ངེས་པར་སྒྲོལ་བ། རྟག་ཏུ་ལུས་བསྒོམ་པ་དང་ལྡན་པ། ཆེན་པོ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པས་སེམས་རྣམ་པར་དག་པ་ཤ་སྟག་སྟེ། འདི་ལྟ་སྟེ། ཡངས་པ་ཅན་གྱི་རྒྱལ་པོའི ་བཙུན་མོ་འཇིག་རྟེན་གསུམ་ན་མཛེས་མ་ཞེས་བྱ་བ་དང་། བཙུན་མོ་པྲི་ཡང་ཀུ་ཞེས་བྱ་བ་དང་། དེ་ལ་སོགས་པ་ཐམས་ཅད་ཀྱང་སེམས་ཅན་ཐམས་ཅད་ལ་བུ་གཅིག་པ་ལ་བྱ་བ་བཞིན་དུ་སྙིང་རྗེ་དང་ལྡན་པ་ཤ་སྟག་སྟེ། ་གཅིག་ལ་གཅིག་འཇུས་ནས། དེ་བཞིན་གཤེགས་པའི་གདུང་ཞུགས་ལ་ཞེན་པའི་ཕྱིར། ཡམ་སྲེག་ཤིང་རྣམས་ཁྱེར་ཏེ། མཆོད་པ་སྔ་མ་ཐམས་ཅད་རང་རང་གི་མཆོད་པ་རྣམས ་ཀྱིས་ཟིལ་གྱིས་མནན་ནས། བཅོམ་ལྡན་འདས་ལ་ཉིས་འགྱུར་དུ་མཆོད་པ་བྱས་ཏེ། དེ་དག་གི་མཆོད་པའི་ཡོ་བྱད་རྣམས་ཀྱི་རྒྱལ་མཚན་དང་། བ་དན་དང་། གདུགས་རྣམས་ཀྱི་འཕང་དང་། ཆུ་ཞེང་གི་ཚད་ཀྱང ་སྔ་མའི་ཉིས་འགྱུར་པས་ལྷག་གོ། ། ཁ་ཟས་རྣམས་ཀྱི་དྲི་བསུང་ཅན་ནི་དཔག་ཚད་བརྒྱད་དུ་ཁྱབ་པར་གྱུར་ཏེ། བཅོམ་ལྡན་འདས་ལ་ཕྱག་འཚལ་ནས། ཞལ་ཟས་བཞེས་པར་གསོལ་བ་བཏབ་ཀྱང་། ཞལ ་ཟས་མ་བཞེས་ནས། བཅོམ་ལྡན་འདས་ལ་བསྐོར་བར་བྱེད་ཅིང་། སྒྲ་འབལ་ལ། རང་རང་གི་རྒྱན་རྣམས་འཐོར་ཞིང་། སྐད་མི་སྙན་པས་ངུས་ཏེ། བུ་གཅིག་པ་ཤི་བ་བཞིན་དུ་མཆོག་ཏུ་སྡུག་བསྔལ་བར ་གྱུར་ནས། བཅོམ་ལྡན་འདས་ཀྱི་མཐུས་སཱ་ལ་ཟུང་གི་དྲུང་ཉིད་དུ་ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་ལྷ་མིག་ཡངས་ཞེས་བྱ་བ་ལ་སོགས་པ་ལྷའི་ཚོགས་གངྒཱའི་ཀླུང་བརྒྱད་ཀྱི་བྱེ ་མ་སྙེད་དང་ལྷན་ཅིག་ཏུ་ལྷགས་ནས། ལྷ་དེ་དག་གིས་འདི་སྐད་ཅེས་སྨྲས་སོ།། གྲོགས་པོ་དག་ལྟོས། གྲོགས་པོ་དག་ལྟོས། མི་རྣམས་ཀྱི་མཆོད་པའི་ཡོ་བྱད་མཆོག་ཏུ་ཁྱད་པར་དུ་འཕགས་ལ། དེ་བཞིན ་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་མཆོད་པ་དང་བཀུར་སྟི་ཐམས་མཆོད་པར་འདོད་དེ། མི་རྣམས་ཀྱི་ཞལ་ཟས་ཀྱི་ཐ་མ་བཞེས་པའི་ཕྱིར། བཅོམ་ལྡན་འདས་ལ་གསོལ་བ ་འདེབས་ཀྱིས། གྲོགས་པོ་དག་བདག་ཅག་གིས་ཀྱང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་སོ་སོ་ནས་མཆོད་པ་བྱ་ཞིང་། ཐ་མའི་དུས་སུ་ཞལ་ཟས་དབུལ་བར་བྱ་ན། ་དེ་ཝཱར་བདག་ཅག་གིས་ཕུལ་བའི་ནས་ཟས་དེ་བཞིན་གཤེགས་པས་གམས་ཏེ། ཡོངས་སུ་མྱ་ངན་ལས་འདའ་བར་གཤེགས་པར་མཛད་ཅིག་ཀྲ། གྲོགས་པ་དག་སངས་རྒྱས་འབྱུང་བ་ན་ཤིན་ཏུ་དགན་ནོ།། ་དེ་བས་ཀྱང་ཞལ་ཟས་ཀྱི་ཐ་མའི་སྦྱིན་པའི་ཕ་རོལ་ཏུ་ཕྱིན་པ་ཕུན་སུམ་ཚོགས་པ་ནི་ཆེས་དཀོན་ནོ།། ཀྱེ་མ་བཅོམ་ལྡན་འདས་ཡོངས་སུ་མྱ་ངན་ལས་འདས་ན་ནི། འཇིག་རྟེན་སྟོངས་པར་འགྱུར་རོ་ཞེས་སྨྲས་སོ།། ་ལྷ་དེ་དག་ཐམས་ཅད་ཀྱང་ཐེག་པ་ཆེན་པོ་ཐོས་པར་འདོད་ལ། ཐོས་ནས་ཀྱང་གཞན་དག་ལ་བསྟན་ཏོ་སྙམ་དུ་དམ་བཅས་པ། ཐེག་པ་ཆེན་པོས་སྐོམ་པ། ངོམས་ནཱ་ཀྱང་གཞན་སྐོམ་པ་རྣམས་ངོམས་པར་བྱའོ། ་སྙམ་དུ་དམ་བཅས་པ། ཐེག་པ་ཆེན་པོ་ལ་སེར་སྣ་མེད་པ། ཐེག་པ་ཆེན་པོ་ལ་ཕྲག་དོག་དང་། དུས་ཆེ་བ་དང་། འཆབ་པ་དང་། སྒྱུ་མེད་པ། ཐེག་པ་ཆེན་པོ་སུན་འབྱིན་པའི་སེམས་ཅན་རྣམས་ཀྱི་སེར་བ ་ལྟ་བུར་གྱུར་པ། དམ་པའི་ཆོས་བསྲུང་བའི་ཚུལ་ཁྲིམས་བླང་བ། འཇིག་རྟེན་དང་མཐུན་པར་སློབ་པར་འདོད་པ། བདག་ཅག་བརྒལ་ནས་གཞན་བསྒྲལ་བར་བྱའོ།། བདག་ཅག་གྲོལ་ནས་གཞན་དགྲོལ་བར་བྱའོ།། ་ཆོས་ཀྱི་འཁོར་ལོ་བསྐོར་བར་བྱའོ།། དཀོན་མཆོག་གསུམ་གྱི་གདུང་མི་འཆད་པར་བྱའོ་སྙམ་དུ་སློབ་པར་འདོད་པ། གོ་ཆ་ཆེན་པོ་བགོས་པ། བསླབ་པ་རྣམས་ལ་དམ་བཅས་པ་བརྟན་པ་དང་། དེ་བཞིན་དུ་ཡོན ་ཏན་དཔག་ཏུ་མེད་པ་དང་ལྡན་པ། བུ་གཅིག་པ་ལ་བྱ་བ་བཞིན་དུ་འཇིག་རྟེན་ཐམས་ཅད་ལ་སྙིང་རྗེ་ལྟ་བ་ཤ་སྟག་སྟེ། དེ་དག་ཀྱང་ཉི་མ་འཆར་ཀར་སྟོན་པ་ཡོངས་སུ་མྱ་ངན་ལས་འདའ་བའི་གདུང ་ཞུགས་ལ་ཞེན་པའི་ཕྱིར། བུད་ཤིང་དང་ཡམ་སྲེག་ཤིང་རྣམས་ཁྱེར་ཏེ། དེ་དག་ཀྱང་སྔ་མས་ཕུལ་བའི་ཡམ་སྲེག་ཤིང་གི་ཉིས་འགྱུར་ཉིས་འགྱུར་བའི་བཟང་བའི་ལྷ་རྫས་དྲི་བསུང་དང་ལྡན་པ། ཡིད་དུ་འོང་བ་མི་ལ ་དཀོན་པ་ཤ་སྟག་གོ། ཤིང་རྟ་ཡང་རྟའི་མཆོག་མགྱོགས་པ་དག་དང་སྦྱར་བ། དར་ལ་དཀར་པོས་གཡོགས་པ། གཟུགས་དང་དབྱིབས་རི་མོར་བྲི་བར་མི་ནུས་པ། དྲིལ་བུ་གཡེར་ཁ་འི་དྲ་ཅན་གྱི་ཡོལ་བས་བསྐོར་བ། ་དར་ཡུག་ཁྱིམ་ཆེན་པོའི་བླ་རེ་རྒྱ་ཆེན་པོ།། རྩ་བ་རི་མོ་ཅན་དག་ལ་བཙུགས་པ་དང་། གར་སྟབས་དང་། རོལ་མོ་ཡིད་འོང་བ་རྣམས་ཀྱིས་མདུན་དུ་དྲངས་པ། ཁ་ཟས་ཞིམ་པོ་མང་པོ་དག་དང་། སེང་གེའི་ཁྲི་བཻ་ཌཱུ་ཪྻའི ་རྒྱབ་རྟེན་རྩེ་མོ་ནོར་བུའི་འོད་ཀྱིས་སྣང་བར་བྱས་པ། ཞབས་རྟེན་གསེར་ལས་བྱས་པ་དག་ཀྱང་བ་ཤམྦ་པ་དང་། ས་ཕྱོགས་ཀྱང་མེ་ཏོག་དྲི་བསུང་ཞིམ་པོ་སྣ་ཚོགས་ཀྱིས་མཛེས་པར་བྱས་ལ། མེ་ཏོག་གི་སིལ་མ་བཀྲམ་ཞིང ་བཀོད་པ། དཔུང་གི་ཚོགས་ཡན་ལག་བཞི་ཕྱི་བཞིན་འབྲང་བ་ཤ་སྟག་སྟེ། སོ་སོ་ནས་མཆི་མ་ཁྲག་ལྟ་བུ་མི་ཐུབ་ཅིང་། མཆོག་ཏུ་སྡུག་བསྔལ་བས་གདུངས་ནས། སེམས་ཅན་ཐམས་ཅད་ལ་ཕན་པ་དང་། བདེ་བ་དང་། ་སྙིང་བརྩེ་བའི་ཕྱིར།། གདུལ་བར་བྱ་བའི་དབང་གི་དོན་དུ་ཐེག་པ་ཆེན་པོའི་མཆོག་ཏུ་གསང་བ། སྟོང་པ་ཉིད་ཀྱི་རྣམ་པ་དགོངས་པའི་ཆོ་ག་རྣམ་པ་སྣ་ཚོགས་ཀྱི་སྒོའི་ཚུལ་བཤད་པར་བྱ་བའི་ཕྱིར། བཅོམ་ལྡན་འདས་ཀྱི ་ཐད་དུ་དོང་སྟེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས། མཆོད་པ་དང་བཀུར་སྟིའི་མཆོག་རྣམ་པ་མང་པོ་དག་བྱས་ཏེ། བསྐོར་བ་ཡང་བྱས་ནས། བཅོམ་ལྡན་འདས་ཀྱི་འཁོར་རྣམས ་ཀྱི་ཕྱིར་རང་རང་གི་བླ་གོས་ས་ལ་བཏིང་སྟེ། རང་རང་གི་རྒྱན་རྣམས་ཕོག་ཅིང་གཏོར་ནས། རང་རང་གི་སྐྲ་འབབ་ཞིང་སྐད་མི་སྙན་པས་དུ་སྟེ། བཅོམ་ལྡན་འདས་ལ་ཚིག་མཐུན་པར་འདི་སྐད་ཅེས་གསོལ་ཏོ།། བཅོམ ་ལྡན་འདས་ཀྱིས་བདག་ཅག་གིས་སྦྱར་བའི་བཤོས་གསོལ་ཏེ་ཡོངས་སུ་མྱ་ངན་བླ་དའ་བར་མཛད་དུ་གསོལ་ཞེས་ལན་གཉིས་ལན་གསུམ་དུ་གསོལ་བ་བཏབ་ཀྱང་། བཅོམ་ལྡན་འདས་ཀྱིས་མ་བཞེས་ཏེ། ཅང་མི ་གསུང་ན། དེ་དག་རེ་ཐག་ཆད་དེ་ལངས་ནས། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་ཀླུའི་རྒྱལ་པོ་ཕྱོགས་བཞིན་གནས་པ་ཀླུའི་རྒྱལ་པོ་ནོར་རྒྱས་ཀྱི་བུ་དང་། དགའ་བོ་དང་། 1 ་ད་གའ་བོ་ལ་སོགས་པ་ཀླུའི་རྒྱལ་པོ་གངྒཱའི་ཀླུང་དགུའི་བྱེ་མ་སྙེད་ཤིན་ཏུ་རིངས་པར་ཉི་མ་འཆར་ཀར་ལྷ་རྣམས་ཀྱི་མཆོད་པ་ལས་ཀྱང་ཉིས་འགྱུར་བས་ལྷག་པའི་མཆོད་པའི་ཡོ་བྱད་རང་རང་གི་འབྱོར་པ་དང་འཚམ་པ ་དག་ཁྱེར་ནས། བཅོམ་ལྡན་འདས་ཀྱི་ཐད་དུ་དོང་སྟེ། ཕྱག་འཚལ་ནས་ཞལ་ཟས་བཞེས་པར་གསོལ་བ་བཏབ་ཀྱང་། བསམ་པ་བཞིན་དུ་མ་གྲུབ་ནས་ལངས་ཏེ་ཕྱོགས་གཅིག་ཏུ་འཁོད་དོ།། ་གཞན་ཡང་དེའི་ཚེ་རྣམ་ཐོས་ཀྱི་བུ་ལ་སོགས་པ་གནོད་སྦྱིན་གྱི་བདག་པོ་གཡོག་འཁོར་དང་བཅས་པ་གངྒཱའི་ཀླུང་བཅུའི་བྱེ་མ་སྙེད་གཅིག་ལ་གཅིག་འཇུས་ནས། རང་རང་གི་མཆོད་པ་རྣམས་ཀྱིས་ཀླུའི་རྒྱལ་པོ་རྣམས ་མཆོད་པ་སྔ་མ་ཟིལ་གྱིས་མནན་ནས། ཚོགས་ཆེན་པོ་དང་ཆས་ཏེ་ལྷགས་ནས། བཅོམ་ལྡན་འདས་ལ་ཕྱག་འཚལ་ཏེ། ཞལ་ཟས་པཞེས་པར་གསོལ་བ་བཏབ་ཀྱང་། བཅོམ་ལྡན ་འདས་ཀྱིས་ཞལ་ཟས་མ་བཞེས་ནས་ཡིད་མི་དགའ་སྟེ། ལངས་ནས་ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་ནམ་མཁའ་ལྡིང་གི་བདག་པོ་དགྲའི་མཛའ་བོ་ཞེས་བྱ་བ་ལ་སོགས་པ་ནམ ་མཁའ་ལྡིང་གི་རྒྱལ་པོ་གངྒཱའི་ཀླུང་ཉི་ཤུའི་བྱེ་མ་སྙེད་ཀྱིས་རང་རང་གི་མཆོད་པས་གནོད་སྦྱིན་གྱི་རྒྱལ་པོ་སྔ་མ་དག་གི་མཆོད་པ་རྣམས་ཟིལ་གྱིས་མནན་ནས། བཅོམ་ལྡན་འདས་ལ་ཕྱག་འཚལ་ཏེ། ཞལ ་ཟས་པ་ཞེས་པར་གསོལ་བ་བཏབ་ཀྱང་། ཞལ་ཟས་མ་བཞེས་ནས་ཡིད་མི་དགའ་སྟེ། ལངས་ནས་ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་དྲི་ཟའི་བདག་པོ་མིས་བྱིན་གྱི་བུ་ལ་སོགས་པ་དྲི་ཟའི་བདག ་པོ་གངྒཱའི་ཀླུང་སུམ་ཅུའི་བྱེ་མ་སྙེད་ཀྱིས་མཆོད་པ་སྔ་མ་ཐམས་ཅད་པས་ཀྱང་ཆེས་མཆོག་ཏུ་གྱུར་པའི་མཆོད་པ་རྣམས་ཁྱེར་ཏེ་འོངས་ནས། དེ་བཞིན་གཤེགས་པ་ལ་མཆོད་པ་བྱས་ཏེ། རོལ་མོ་སྙན་དགུ་བྱས ་ནས་ཕྱག་འཚལ་ཏེ། བཅོམ་ལྡན་འདས་ལ་ཞལ་ཟས་བཞེས་པར་གསོལ་བ་བཏབ་ཀྱང་། བཅོམ་ལྡན་འདས་ཀྱིས་མ་བཞེས་ནས། དེ་དག་ཀྱང་ཡིད་མི་དགའ་བར་གྱུར་ཏེ། ལངས་ནས་ཕྱོགས་གཅིག་ཏུ ་འཁོད་དོ། ། གཞན་ཡང་དེའི་ཚེ་མི་འམ་ཅིའི་བདག་པོ་ལེགས་མཐོང་ལ་སོགས་པ་མི་འམ་ཅིའི་བདག་པོ་གངྒཱའི་ཀླུང་བཞི་བཅུའི་བྱེ་མ་སྙེད་ལྷགས་ཏེ། སྔ་མ་རྣམས་ཀྱི་མཆོད་པ་དེ་དག་བསྡོམས་པ་པས་ཀྱང་དེ་དག ་རེ་རེའི་མཆོད་པ་ཆེས་ཁྱབ་པར་འཕགས་པར་གྱུར་ཏེ། དེ་དག་ཀྱང་ཞལ་ཟས་མ་བཞེས་ནས། ཡིད་མི་དགའ་བར་གྱུར་ཏེ། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་ལྟོ་འཕྱེ་ཆེན་པོའི་བདག་པོ་ལ། ་མཐོང་ཆེན་པོ་ལ་སོགས་པ་ལྟོ་འཕྱེ་ཆེན་པོའི་བདག་པོ་ག་ངྒཱའི་ཀླུང་ལྔ་བཅུའི་བྱེ་མ་སྙེད་ཀྱིས་མཆོད་པ་སྔ་མའི་ཉིས་འགྱུར་ཁྱེར་བ་ལས། སྔ་མ་བཞིན་དུ་ཞལ་ཟས་མ་བཞེས་ནས། ཡིད་མི་དགའ་ཏེ་ཕྱོགས་གཅིག ་ཏུ་འཁོད་དོ། ། གཞན་ཡང་དེའི་ཚེ་ལྷ་མ་ཡིན་གྱི་བདག་པོ་བདེ་མཆོག་རིགས་ལ་སོགས་པ་ལྷ་མ་ཡིན་གྱི་བདག་པོ་གངྒཱའི་ཀླུང་དྲུག་ཅུའི་བྱེ་མ་སྙེད་ལུས་ཆེ་ཞིང་སྣང་བ་ཆེན་པོ་དང་ལྡན་པ། ལྷ་མ་ཡིན་གྱི་བསམ་པ ་མེད་པ་ཤ་སྟག་གིས་མཆོད་པ་སྔ་མའི་ཉིས་འགྱུར་ཉིས་འགྱུར་གྱི་མཆོད་པ་དག་ཁྱེར་ཏེ་འོ་ནས། བཅོམ་ལྡན་འདས་ལ་ཕྱག་འཚལ་ནས་ཞལ་ཟས་མ་བཞེས་ཏེ། ཡིད་མི་དགའ་བར་གྱུར་ནས་ལངས་ཏེ། ཤིང་སཱ་ལ ་ཟུང་གི་དྲུང་དུ་རང་རང་གི་གཟི་བྱིན་གྱིས་སྣང་བར་བྱས་ཏེ་འཁོད་དོ། ། གཞན་ཡང་དེའི་ཚེ་སྦྱིན་བྱེད་མའི་བུའི་བདག་པོ་གངྒཱའི་ཆུ་དྲི་མ་མེད་པ་རྗེས་བྱིན་ལ་སོགས་པ་སྦྱིན་བྱེད་མའི་བུ་གངྒཱའི་ཀླུང་བདུན་ཅུའི་བྱེ་མ་སྙེད་ལུས ་ཆེ་ཞིང་སྣང་བ་ཆེན་པོ་དང་ལྡན་པ། སྦྱིན་བྱེད་མའི་བུའི་བསམ་པ་མེད་པ་ཤ་སྟག་གིས་མཆོད་པ་སྔ་མ་ཐམས་ཅད་ལས་མཆོད་པ་ཉིས་འགྱུར་ཉིས་འགྱུར་བས་བཟང་བ་དག་ཁྱེར་བ་ལས། སྔ་མ་བཞིན་དུ་ཞལ་ཟས་མ་བཞེས ་ནས། ཡིད་མི་དགའ་བར་གྱུར་ཏེ། ཤིང་སཱ་ལ་ཟུང་གི་དྲུང་དུ་རང་རང་གི་གཟི་བརྗིད་ཀྱིས་སྣང་བར་བྱའོ་ནས། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་སྲིན་པོའི་བདག་པོ་འཇིགས་བྱེད་ལ་སོགས་པ ་སྲིན་པོའི་བདག་པོ་གངྒཱའི་ཀླུང་བརྒྱད་ཅུའི་བྱེ་མ་སྙེད་སྲིན་པོའི་བསམ་པ་མེད་པ་ཤ་སྟག་གིས། གཟི་བརྗིད་ཆེན་པོའི་ཚོགས་ཀྱིས་སཱ་ལ་ཟུང་གི་དྲུང་སྣང་བར་བྱས་ནས། བཅོམ་ལྡན་འདས ་འཕྱག་འཚལ་ཏེ། ཕྱོག་གཅིག་ཏུ་འཁོད་དོ།། གནན་ཡང་དེ་ཚེ་འབྲས་བུའི་ཤིང་གི་བདག་པོ་དྲི་སིལ་ལ་སོག་པ་འབྲས་བུན་ཤིང་གི་བདག་པོ་གདྷཱའི་ཀླུང་དགུ་བཅུའི་བྱེ་མ་སྙེད་ཀྱིས་སྔ་མའི་མཆོད་པ་ཐམ་ཅད་པས་ཉིས་འགྱུར་ཉིས་འགྱུར་གྱིས་ལྷ ་པའི་མཆོད་པའི་ཚོ་ག་ཁྱེར་ནས། ཁུ་བྱུག་པོ་རྒྱགས་པ་རྣམས་དང་། བུང་བ་རྣམས་སྐད་འབྱིན་པ་དང་ལྡན་པའི་མེ་ཏོག་འཚེར་བའི་འཁྲི་ཤིང་མང་པོའི་དོག་པ་དང་། ལོ་མ་ཁ་འབུས་པ་རྣམས་ཀྱིས་ས་ཕྱོགས་བརྒྱན་ཏེ ་ཕྱོགས་གཅིག་ཏུ་འཁོད་དོ། ། གཞན་ཡང་དེའི་ཚེ་རིག་སྔགས་འཆང་གི་རྒྱལ་པོ་སྒྱུ་འཕྲུལ་ཆེན་པོ་ལ་སོགས་པ་རིག་སྔགས་འཆང་གི་རྒྱལ་པོ་གངྒཱའི་ཀླུང་སྟོང་གི་བྱེ་མ་སྙེད་ཀྱིས་མཆོད་པ་སྔ་མའི་ཉིས་འགྱུར ་བས་ལྷག་པའི་མཆོད་པ་དག་ཁྱེར་ནས། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་ལྷ་མོ་འདོད་དགུར་སྒྱུར་བའི་གཟུགས་ཅན་ལེགས་མཐོངས་མ་ལ་སོགས་པ་གངྒཱའི་ཀླུང་བྱེ་བའི་བྱེ་མ་སྙེད་ཀྱིས་ཡངས ་པ་ཅན་གྱི་རྒྱལ་པོའི་བཙུན་མོའི་མཆོད་པའི་ཉེས་འགྱུར་བས་ལྷག་པ་དག་ཁྱེར་ཏེ། རང་རང་གི་རྒྱན་རྣམས་བཅོམ་ལྡན་འདས་ཀྱི་སྤྱན་སྔར་ས་ལ་སྤུངས་ནས། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ ་ལྷའི་བུ་མོ་རམ་བྷ་དང་། ཨུརྠ་ཤི་ལ་སོགས་པ་ལྷའི་བུ་མོ་གངྒཱའི་ཀླུང་བྱེ་བ་ཕྲག་བརྒྱའི་བྱེ་མ་སྙེད་ཀྱིས་མཆོད་པ་སྔ་མའི་ཉིས་འགྱུར་ཉིས་འགྱུར་བས་ཆེས་ལྷག་པར་མང་ཞིང་སྤ་བ་དག་གིས་མདུན་དུ་དྲངས་ཏེ། ་སྔ་མ་བཞིན་དུ་ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་འབྱུང་པོའི་ཚོགས་པ་ཝ་སངས་ལྟར་འཁོར་བ་ཞེས་བྱ་བ་ལ་སོགས་པ་གངྒཱའི་ཀླུང་བྱེ་བ་ཕྲག་སྟོང་གི་བྱེ་མ་སྙེད་སྔ་མ་བཞིན་དུ་ཕྱོགས་གཅིག་ཏུ་འཁོད ་དོ། ། གཞན་ཡང་དེའི་ཚེ་འཇིག་རྟེན་སྐྱོང་བ་བཞིའི་ལྷའི་བུ་གངྒཱའི་ཀླུང་གི་བྱེ་བ་ཕྲག་འབུམ་དང་ལྷན་ཅིག་ཏུ་མཆོད་པ་སྔ་མའི་ཉིས་འགྱུར་ཉིས་འགྱུར་བས་ལྷག་པ་དག་ཁྱེར་ནས། བཅོམ་ལྡན་འདས་ལ་ཕྱག་འཚལ ་ཏེ། ཞལ་ཟས་མ་བཞེས་ནས། སྔ་མ་བཞིན་དུ་ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་རླུང་ལྷ་བཞི་རླུང་གཏོང་བའི་ལྷ་གངྒཱའི་ཀླུང་བྱེ་བ་ཕྲག་འབུམ་དང་ལྷན་ཅིག་ཏུ། དུས་མ་ཡིན་པར་ཡང་ཤིང་ལྗོན ་པ་དང་། འཁྲི་ཤིང་དང་། ཤིང་གེལ་བ་དང་། ནགས་མ་རྣམས་དང་། སྙེ་མ་དང་། མེ་ཏོག་གི་འཁྲི་ཤིང་དང་། བྱུ་རུ་རྣམས་ཀྱིས་ས་ཕྱོགས་རྒྱན་པར་བྱེད་ཅིང་། དུས་ཆོ་ག་ཐམས་ཅད་ཀྱི་མེ་ཏོག་གིས ་དཔལ་རྣམས་ཕྱོགས་སུ་རྒྱས་པར་བྱེད་ལ། ལོ་མ་ཁ་འབུས་པ་རྩ་དམར་བ་རྣམས་ཀྱིས་ཤིང་སཱ་ལ་ཟུང་ཉི་མ་འཆར་ཀའི་འོད་ཟེར་སེར་པོ་ཛ་ཧོར་ཀར་འདུག་པ་བཞིན་དུ་བྱས་ནས། མཆོད་པ་སྔ་མའི་ཉིས ་འགྱུར་བས་ལྷག་པའི་མཆོད་པ་དག་ཁྱེར་ཏེ། བཅོམ་ལྡན་འདས་ལ་མཆོད་པ་བྱས་ནས། སྔ་མ་བཞིན་དུ་ཤིང་སཱ་ལ་ཟུང་གི་དྲུང་དུ་འཁོད་དོ།། གཞན་ཡང་དེའི་ཚེ་ཆར་པ་འབེབས་པའི་ལྷ་གངྒཱའི་ཀླུང ་གི་བྱེ་མ་སྙེད་སྤྲིན་ཆེན་པོ་དང་། ཆུ་སྐྱར་རྣམས་ཕྱི་བཞིན་དུ་འབྲང་ཞིང་གློག་འགྱུ་བའི་གསེབ་ནས་རྨ་བྱའི་མགྲིན་པ་ལྟར་མདོག་སྔོ་བའི་ཆར་གྱི་རྒྱུན་འབབ་ལ། འབྲུག་སྒྲ་དལ་ནས་སྒྲོགས་པའི་སྤྲིན་དང ་ལྡན་པས། ཆར་ཟིམ་བུ་བསིལ་བ་དང་འདྲེས་པའི་མེ་ཏོག་གི་ཆར་འབེབས་ཤིང་། བཅོམ་ལྡན་འདས་ལ་ཕྱག་འཚལ་ཏེ། ཞལ་ཟས་མ་བཞེས་ནས་རེ་ཐག་ཆད་དེ། དེ་བཞིན ་གཤེགས་པའི་གདུང་ཞུགས་ལ་ཞེན་པའི་མེ་གསད་པའི་ཕྱིར་ནམ་མཁའ་ཉིད་ལ་འཁོད་དོ། ། གཞན་ཡང་དེའི་ཚེ་སྤོས་ཀྱི་གླང་པོ་སྒྲ་ཅན་དང་། ལུང་བཏང་མདོག་དང་། སྦྲང་རྩིའི་མདོག་སེལ་དང་། འདོད ་དགུའི་སྤོས་ལྡན་ལ་སོགས་པ་སྤོས་ཀྱི་གླང་པོ་གངྒཱའི་ཀླུང་ཉི་ཤུའི་བྱེ་མ་སྙེད་ཐེག་པ་ཆེན་པོ་འདོད་པ་ཤ་སྟག་གིས་སྟོན་པ་ཡོངས་སུ་མྱ་ངན་ལས་འདའ་བའི་ཕྱིར། གངས་ཀྱི་སྨན་དང་། པདྨའི་རྩ་བ་དང་བུ་ཤིང ་རྟ་ཆེན་པོའི་འཕང་ལོ་ཙམ་ཤ་སྟག་དང་། དགོན་པ་ཆེན་པོ་དག་ནས་པདྨ་དང་། ཨུཏྤ་ལ་དང་། ཀུ་མུ་ད་དང་། པདྨ་དཀར་པོ་དང་། རྩ་བ་དང་། འབྲས་བུ་དང་། རྡོ་གུ་སྠ་ཐ་དད་པ་དུམ་དག་སྣའི་ཐར་ཏོས་ཕྱུང ་ཞིང་ཁྱེར་ཏེ། རླུང་གི་ཤུགས་པས་ཀྱང་ཆེས་མགྱོགས་པ་དང་། ཤིན་ཏུ་རེངས་པར་དབྱར་གྱི་འབྲུག་སྒྲ་བཞིན་དུ་སྒྲོགས་ཤིང་ལྷགས་ནས། པདྨའི་འདབ་མ་བཅེར་བའི་སེང་གེའི་ཁྲིའི་ལྡ་ལྡི་དག་བཤམས་ཏེ། བཅོམ ་ལྡན་འདས་ལ་མཆོད་པ་བྱས་ནས། ཞལ་ཟས་མ་བཞེས་པས་རེ་ཐག་ཆད་དེ། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་སེང་གེ་སེང་གེའི་སྒྲ་སྒྲོགས་ཞེས་བྱ་བ་ལ་སོགས་པ་སེང་གེ་གངྒཱའི་ཀླུང་སུམ་ཅུའི་བྱེ་མ ་སྙེད་སེམས་ཅན་ཐམས་ཅད་ལ་མི་འཇིགས་པ་སྦྱིན་པ་ཤ་སྟག་གིས། སེང་གེའི་རྩ་ལ་ཆེན་པོས་སྤོས་ཀྱི་གླང་པོ་ཆེ་རྣམས་དང་འདྲ་བར་མེ་ཏོག་དང་འབྲས་བུ་རྣམས་ཁྱེར་ཏེ། རིངས་པར་ལྷགས་ནས་ཕྱོགས་གཅིག ་ཏུ་འཁོད་དོ། ། གཞན་ཡང་དེའི་ཚེ་བྱ་ངང་པ་དང་། ཁྲུང་ཁྲུང་དང་། ངུར་པ་དང་། ཀ་དམ་པ་དང་། ཟལ་མོ་དང་། བཞད་དང་། ཁུ་བྲུག་དང་། བ་ལི་ཀ་དང་། ཀ་ལ་བིད་དང་། ཤང་ཤང་ཏེའུ་ལ་སོགས ་པས་ཀྱང་སྤོས་ཀྱི་གླང་པོ་ཆེ་རྣམས་དང་འདྲ་བར་མེ་ཏོག་དང་འབྲས་བུ་ཁྱེར་ཏེ། རང་རང་གི་སྐད་ཕྱུང་ནས་ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་སའི་སྟེང་ན་པ་དང་། མ་ཧ་མོ་དང་། ར་མ་མོ་ཡོད་དོ་ཅོག་གིས ་ཀྱང་ནུ་མ་འོ་མས་བཀང་སྟེ། ཤིན་ཏུ་རིངས་པར་ལྷགས་ནས། ཤིང་སཱ་ལ་ཟུང་གི་དྲུང་ནས་ས་ཕྱོགས་གཤོང་ཞིག་མཐོང་ནས་དེར་རང་རང་གིས་ནུ་མ་འོ་མས་གང་བ་དེ་དག་ལས། འོ་མ་གསེག་མ་དང་། བྱེ་མ་དང ་བ་ཚྭས་མ་འགགས་ཤིང་། ཚ་བའི་སྐྱོན་དུ་འགྱུར་བ་མེད་པ་དག་གཟིགས་ཏེ། འོ་མ་དེ་དག་གི་ནང་ན་སྦྲང་བུ་དག་བསལ་ནས་ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་དྲང་སྲོང་བཟོད་པར་སྨྲ་བ་ལ་སོགས་པ་གླིང ་བཞིན་གནས་པའི་དྲང་སྲོང་མངོན་པར་ཤེས་པ་ལྔ་དང་ལྡན་པ་ཐེག་པ་ཆེན་པོ་འདོད་པ་ཤ་སྟག་ལ། གངྒཱའི་ཀླུང་དཀྲིགས་ཀྱི་བྱེ་མ་སྙེད་རང་རང་རྫུ་འཕྲུལ་གྱི་སྟོབས་ཀྱིས་ཡམ་སྲེག་ཤིང་དང་ཞལ་ཟས་དག་ཁྱེར་ནས ་བཅོམ་ལྡན་འདས་ལ་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་འོད་སྲུངས་ཆེན་པོ་ལ་སོགས་པ་དགེ་སློང་གི་དགེ་འདུན་ཁ་ཅིག་དང་། གནས་བརྟན་ཀུན་དགའ་བོ་ལ་སོགས་པ་མ་གཏོགས ་པར་ཡུལ་ཕྱོགས་ན་གནས་པའི་དགེ་སློང་དང་། དགེ་སློང་མ་ཇི་སྙེད་ཡོང་པ་དེ་དག་ཐམས་ཅད་ཀྱང་མ་ལུས་པར་དེར་ལྷགས་སོ།། གཞན་ཡང་དེའི་ཚེ་རི་རབ་ལ་སོགས་པ་རི་ཆེན་པོ་རྣམས་དང་། འཇིག་རྟེན་གྱི ་བར་མཚམས་ཀྱི་རིགངྒཱའི་ཀླུང་གྲངས་མེད་པའི་བྱེ་མ་སྙེད་ཀྱང་། ཤིང་ལྗོན་པ་དང་། འཁྲི་ཤིང་མང་པོ་ཉི་ཚན་གྱི་གྲིབ་མ་བྱེད་པ་དང་། བྲག་ཟང་ལག་གྲིབ་མ་ཆེ་བ་དང་། ་བྲག་ཁ་ནས་འབབ་པའི་ཆུས་གང་བ་དང་། སྨན་གཤོང་རྡོ་གུ་དང་། རྩ་བ་དང་། འབྲས་བུས་གང་བ་དག་ཀྱང་དེར་ལྷགས་སོ།། ལྷའི་བུ་མཐུ་བོ་ཆེའི་མདུན་མ་ཆེན་པོ་དག་ཀྱང་རི་རབ་དང་བཅས་ཏེ། མཆོད ་པའི་ཕྱིར་ལྷགས་ནས། བཅོམ་ལྡན་འདས་ལ་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་ལྷའི་བུ་མཐུ་བོ་ཆེ་འོད་ཆེན་པོ་རྒྱ་མཚོ་ཆེན་པོ་བཞིའི་ནང་ན་གནས་པ་དང་། ཆུ་ཀླུང་ཆེན ་པོ་དག་གི་ནང་ན་གནས་པ་གངྒཱའི་ཀླུང་གྲངས་མེད་པའི་བྱེ་མ་སྙེད་མཆོད་པ་སྔ་མ་བས་ཆེས་ཉིས་འགྱུར་གྱིས་མཛེས་པའི་མཆོད་པ་སྔོན་དུ་བཏང་ནས། ཉི་མའི་འོད་ཟིལ་གྱིས་མནན་པ་བཞིན་དུ། རང་རང ་གི་འོད་ཀྱིས་ཉི་མའི་འོད་ཟིལ་གྱིས་མནན་ཏེ། ཉི་མ་འཆར་ཀའི་འོད་ཀྱིས་ཤིང་མྱ་ངན་འཚང་གི་ལོ་མ་ཐམས་ཅད་དམར་ལ་མ་མེར་སྣང་བར་བྱེད་པ་བཞིན་དུ། རང་རང་གི་འོད་ཀྱིས་ཆུ་ཀླུང་གསེར་ལྡན་གྱི་ཆུ་ཐམས ་ཅད་དམར་ལམ་མེར་སྣང་བར་བྱས་ནས། བཅོམ་ལྡན་འདས་ལ་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་གྲོང་ཁྱེར་ཀུ་ཤ་ནས། ཤིང་སཱ་ལ་ཟུང་གི་དྲུང་གི་བར་སྐབས་ཀྱི་བར ་སྣང་ལ། ཁང་བཟངས་རིའི་དབང་པོའི་རྩེ་མོ་ལྟ་བུ། ངང་པའི་ཐལ་གོང་ལྟར་དཀར་བ་ཤ་སྟག་གིས་འཁྲིགས་པར་གྱུར་ཏོ།། ས་གཞི་ནི་སྐྱེད་མོས་ཚལ་དང་། རྫིང་བུའི་ཆུ་པདྨས་མཛེས་པར་བྱས་པ་དག་གིས ་གང་བར་འདུག་སྟེ། བྱང་གྱི་སྒྲ་མི་སྙན་གྱི་སྐྱེད་མོས་ཚལ་བས་ཀྱང་ལྷག་པར་མཛེས་སོ།། གཅིག་ཏུ་དགའ་བའི་ཚལ་དང་། ཤིང་རྟ་སྣ་ཚོགས་ཅན་དང་འདྲ་བར་གྱུར་ཏེ། ས་ཕྱོགས་དེ་དག་དེ་ལྟར་དགའ་དགའ ་ལྟར་འདུག་ཀྱང་། ལྷ་དང་། ལྷ་མ་ཡིན་དང་། མི་དེ་དག་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བའི་ཕྱིར་ཤིན་ཏུ་ངུའོ།། གཞན་ཡང་དེའི་ཚེ་རྒྱལ་ཆེན་བཞིའི་རིས་ཀྱི་ལྷ་རྣམས་རང་རང་གི ་འཁོར་ལ་ལ་འདི་སྐད་ཅེས་འཛེར་ཏེ། གྲོགས་པོ་དག་ལྟོས། གྲོགས་པོ་དག་ལྟོས། ལྷ་དང་། ལྷ་མ་ཡིན་དང་། མི་རྣམས་ཀྱིས་དེ་བཞིན་གཤེགས་པའི་མཆོད་པའི་ལས་ཁྱད་པར་བུ་ཕགས་ལ། དེ་བཞིན ་གཤེགས་པ་ལ་ཞལ་ཟས་ཀྱི་ཐ་མ་འབུལ་བ་ལ་བརྩོན་གྱིས་གྲོགས་པོ་དག་བདག་ཅག་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་སོ་སོ་ནས་མཆོད་པར་བྱའོ། ། ་ཞལ་ཟས་ཀྱི་ཐ་མ་ཡང་དབུལ་བར་བྱའོ།། གལ་ཏེ་བདག་ཅག་གིས་ཕུལ་བའི་ཞལ་ཟས་ཀྱི་ཐ་མ་བཅོམ་ལྡན་འདས་ཀྱིས་བཞེས་པར་གྱུར་ན། དེ་ལས་བདག་ཅག་གིས་སྦྱིན་པའི་ཕ་རོལ་ཏུ་ཕྱིན་པ་ཆེན་པོ་ཐོབ ་པར་འགྱུར་རོ། ། ཞེས་དེ་དག་གིས་དེ་སྐད་ཅེས་སྨྲས་ནས། གཡོག་འཁོར་མང་པོ་གྲངས་མེད་པ་དང་བཅས་པས་མཆོད་པ་སྔ་མའི་ཉེས་འགྱུར་གྱི་མཆོད་པ་དང་། ཞལ་ཟས་མང་པོ་དག་ཁྱེར་རོ།། མེ་ཏོག ་མང་པོ་དག་ཀྱང་ཁྱེར་ཏེ། འདི་ལྟ་སྟེ། མནྡ་ར་བ་རྣམ་དང་། མནྡ་ར་བ་ཆེན་པོ་རྣམས་དང་ཀེ་ཀེ་རུ་ཀ་རྣམས་དང་། ཀེ་ཀེ་རུ་ཀ་ཆེན་པོ་རྣམས་དང་། མཉྫུ་ཤ་ཀ་རྣམས་དང་། མཉྫུ་ཤ་ཀ་ཆེན་པོ་རྣམ་དང ་སན་ཏ་ན་ག་རྣམས་དང་། སན་ཏ་ན་ག་ཆེན་པོ་རྣམས་དང་། འོད་ཅན་རྣམས་དང་། འོད་ཅན་ཆེན་པོ་རྣམས་དང་། ཀུན་ཏུ་འོད་ཅན་རྣམས་དང་། འོད་མཐའ་ཡས་པ་རྣམས་དང་། མཛེས། ་སྡུག་རྣམས་དང་། མཛེས་སྡུག་ཆེན་པོ་རྣམས་དང་། དགའ་བྱེད་རྣམས་དང་། དགའ་བྱེད་ཆེན་པོ་རྣམས་དང་། དྲི་མཆོག་རྣམས་དང་། དྲི་མཆོག་ཆེན་པོ་རྣམས་དང་། སྤོས་ཀྱི་ངད་ལྡང་རྣམས་དང ་སྤོས་ཀྱི་ངད་ལྡང་ཆེན་པོ་རྣམས་དང་། ཀུན་ཏུ་ངད་ལྡང་རྣམས་དང་། ཀུན་ཏུ་ངད་ལྡང་ཆེན་པོ་རྣམས་དང་། མཐའ་ཡས་ངད་ལྡང་རྣམས་དང་། མཐའ་ཡས་ངད་ལྡང་ཆེན་པོ་རྣམས་དང་། ལྷ་རྫས་ཀྱི་འདང ་མ་རྣམས་དང་། ཀླུ་ཤིང་གི་མེ་ཏོག་རྣམས་དང་། ཡོངས་འདུ་ས་བརྟོལ་རྣམས་དང་། དེ་ལྟ་བུ་གཞན་དག་ཀྱང་ཁྱེར་ནས། བཅོམ་ལྡན་འདས་ག་ལ་བ་དེར་དོང་སྟེ། ཉི་མའི་གཟི་བྱིན་གྱིས་སྲིན་བུ་མི་ཁྱེར་གྱི་འོད ་ཟིལ་གྱིས་མནན་པ་བཞིན་དུ། རང་རང་གི་གཟི་བྱིན་གྱིས་ཐམས་ཅད་ཀྱི་འོད་ཟིལ་གྱིས་མནན་ཏེ། ཞལ་ཟས་མ་བཞེས་ནས། ཕྱོགས་གཅིག་ཏུ་འབོད་དོ།། གཞན་ཡང་དེའི་ཚེ་ལྷའི་དབང་པོ་བརྒྱ་བྱིན ་སུམ་ཅུ་རྩ་གསུམ་པའི་ལྷ་རྣམས་ཀྱི་འཁོར་དང་བཅས་པས། མཆོད་པ་སྔ་མ་དེའི་ཉིས་འགྱུར་དེའི་རྐྱེན་དུ་འཚམ་པ་དེ་ན་ཡོད་པའི་མེ་ཏོག་གི་སྣ་གྲངས་དུ་མ་ཡིད་དུ་འོང་བ་རྣམས་དང་། ཡིད་དུ་འོང་བ ་ཆེན་པོ་རྣམས་དང་། དྲི་བསུང་ཞིམ་པོ་རྣམས་ཁྱེར་རོ།། ཁང་བཟངས་ཆེན་པོ་རྡོ་ཐལ་གྱི་མདོག་ལྟར་དཀར་བ། ཐེམ་སྐས་ཀྱི་རིམ་པ་དང་ལྡན་པ། སྐར་ཁུང་གི་འཕྲེང་བ་དུ་མ། ཕུག་རོན་ཤུན ་རྩེ་བ་དང་ལྡན་པ་དག་ཀྱང་སྤྲུལ་ནས། བཅོམ་ལྡན་འདས་ག་ལ་བ་དེར་དོང་སྟེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་གལ་བ་དེ་ལོགས་སུ་ཐལ་མོ་སྦྱར ་བ་བཏུང་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་ནི་ཐེག་པ་ཆེན་པོའི་མདོའི་སྡེ་ཚན་སྲུང་བ་ལགས་ན། བདག་ཅག་ལ་ཐུགས་བརྩེ་བའི་སླད་དུ། བདག ་ཅག་གིས་ཕུལ་བའི་ཞལ་ཟས་བཞེས་སུ་གསོལ། དེ་སྐད་ཅེས་གསོལ་ཀྱང་། ཞལ་ཟས་མ་བཞེས་ནས། ཕྱོགས་གཅིག་ཏུ་འཁོད་དོ།། །། འཕགས་པ་ཡོངས་སུ་མྱ ་ངན་ལས་འདས་པ་ཐེག་པ་ཆེན་པོའི་མདོ་ལས་བམ་པོ་གཉིས་པ། དེའི་རྗེས་ལ་མཐར་གྱིས་འདོད་པ་ན་སྤྱོད་པའི་ལྷའི་རིས་དྲུག་པོ་རྣམས་ཀྱིས་སྟེང་གི་བར་སྣང་ལ་མཆོད་པ་དང་། འོད་སྔ་མ ་ལས་ཁྱད་པར་དུ་འཕགས་ནས། བཅོམ་ལྡན་འདས་ག་ལ་བ་དེར་དོང་སྟེ། དེ་དག་གི་མཆོད་པའི་ནང་ན། གདུགས་ཕལ་པ་གང་ཡིན་པ་དེ་ཡང་ཁོ་ར་ཁོར་ཡུག་ཏུ་གླིང་བཞི་པའི་ཁྱོན་ཙམ་མོ།། བ་དན་ཕལ ་པ་གང་ཡིན་པ་དེ་ཡང་རྒྱ་མཚོ་ཆེན་པོ་བཞིའི་མཐར་ཐུག་སྟེ། ཤར་ཕྱོགས་ཀྱི་རྒྱ་མཚོ་ནས། ནུབ་ཕྱོགས་ཀྱི་རྒྱ་མཚོར་མཐར་ཐུག་སྟེ། རླུང་གིས་བསྐྱོད་དམ། རླུང་གིས་ཕྱར་ན། བ་དན་དེ་དག་ལས་པི་ཝ ་གི་སྒྲ་སྙན་པ་ལོང་ནས་འབྱིག་པ་ལྟ་བུར་སྙན་པ་དག་འབྱུང་སྟེ། དེ་དག་བཅོམ་ལྡན་འདས་ལ་ཕྱག་འཚལ་ནས། ཞལ་ཟས་བཞེས་པར་གསོལ་བ་བཏབ་ཀྱང་། བཅོམ་ལྡན་འདས་ཅང་མི་གསུང་ནས ་རེ་ཐག་ཆད་དེ། ཕྱོགས་གཅིག་ཏུ་འཁོད་དོ།། དེའི་ཚེ་སྲིད་པའི་རྩེ་མོར་སྐྱེས་པ་རྣམས་མ་རྟོགས་པར། གོང་མ་གོང་མའི་སེམས་ཅན་གཞན་གང་ཡིན་པ་དེ་དག་ཐམས ་ཅད་བཅོམ་ལྡན་འདས་ལ་མཆོད་པ་བྱ་བའི་ཕྱིར། མཆོད་པ་རྒྱ་ཆེན་པོའི་ཚོགས་དང་ཅས་ཏེ་ལྷགས་ནས། སྔ་མ་བཞིན་དུ་ཕྱོགས་གཅིག་ཏུ་འཁོད་དོ།། མི་མཇེད་ཀྱི་བདག་པོ་ཚངས་པ་ཡང་ཚངས་རིས ་ཀྱི་ལྷའི་བུ་དཔག་ཏུ་མེད་པ་དག་གིས་བསྐོར་ཅིང་མདུན་དུ་བདར་ཏེ། རང་གི་གཟི་བྱིན་གྱིས་ལྷ་ཐམས་ཅད་ཀྱི་གཟི་བྱིན་ཟིལ་གྱིས་མནན་ནས། མཆོད་པའི་ཚོགས་ཆེན་པོ་དགཅས་ཏེ། བཅོམ་ལྡན་འདས་ཀྱི ་ཐད་དུ་དོང་ངོ་། ། དེ་དག་གི་བ་དན་ཕལ་པ་གང་ཡིན་པ་དེ་ཡང་ཚངས་པའི་འཇིག་རྟེན་ནས་འཕྱང་སྟེ། ཤིང་སཱ་ལ་ཟུང་གི་དྲུང་དུ་ཐུག་གོ། དེས་ཀྱང་བཅོམ་ལྡན་འདས་ལ་ཞལ་ཟས་བཞེས་པར་གསོལ་བ ་ལས། བཅོམ་ལྡན་འདས་ཀྱིས་མ་བཞེས་ནས། ཕྱོགས་གཅིག་ཏུ་འཁོད་དོ།། དེ་ནས་དེའི་ཚེ་ལྷ་མ་ཡིན་གྱི་དབང་པོ་ཐག་བཟངས་རིས་ལྷ་མ་ཡིན་གྱི་གཡོག་འཁོར་དཔག་དུ་མེད་པ་དང་བཅས་པས། ་ཚངས་པ་དང་། དབང་པོ་གཉིས་མ་གཏོགས་པར། དེའི་བར་གྱི་ལྷ་ཡོད་དོ་ཅོག་གི་འོད་རང་གི་འོད་ཀྱིས་མོག་མོག་པོར་བྱས་ནས། དེའི་རྐྱེན་དུ་འཚམ་པའི་མཆོད་པའི་ཚོགས་དང་། རྐྱེན་དུ་འཚམ་པའི ་ཞལ་ཟས་དག་དབཅས་ཏེ། བཅོམ་ལྡན་འདས་ཀྱི་ཐད་དུ་སོང་ངོ་།། དེའི་གདུགས་ཕལ་པ་ཡང་ཆུ་ཞེང་དུ་འཇིག་རྟེན་གྱི་ཁམས་ཆུང་ངུ་ཁྱབ་པ་ཙམ་སྟེ། དེས་ཀྱང་བཅོམ་ལྡན་འདས་ལ་ཞལ་ཟས་བ་ཞེས ་པར་གསོལ་བ་ལ། བཅོམ་ལྡན་འདས་ཀྱིས་མ་བཞེས་ནས། ལངས་ཏེ་ཕྱོགས་གཅིག་ཏུ་འདུག་གོ།། དེ་ནས་བདུད་སྡིག་ཅན་ཆུང་མ་གྲངས་མེད་པའི་འཁོར་དང་བཅས་ཏེ། སེམས་ཅན ་དམྱལ་བ་ཐམ་ཅད་ཀྱི་བར་སྲང་ཐམས་ཅད་ཕྱེ་ནས། དེ་དག་ལ་ཆུ་དང་ཁ་ཟས་ལ་སོགས་པ་ཅི་འདོད་པ་བྱིན་ཏེ། དེ་དག་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲན་པར ་གྱིས་ཤིག། སྦྱིན་པའི་ཐ་མ་ལ་རྗེས་སུ་ཡི་རང་བར་གྱིས་ཤིག་ཅེས་སྨྲས་ནས། དེ་དག་ལ་ཁྱེད་བདེ་བར་གྱུར་ཅིག་ཅེས་ཀྱང་དབུགས་ཕྱུང་ངོ་།། སེམས་ཅན་དམྱལ་བའི་གྲོང་ཁྱེར་མཚོན་ཆས་གང་ཞིང་། མེ ་ཆེན་པོ་འབར་བ་རྣམས་སུ་ཡང་སྤྲིན་ཆེན་པོ་བཞིན་དུ་ཆུ་ཆེན་པོ་ཕབ་ནས། སེམས་ཅན་དམྱལ་བ་པ་རྣམས་ཀྱིས་སྔོན་མ་མྱོང་བའི་བདེ་བ་དང་ལྡན་པའི་འདུ་ཤེས་སྐྱེད་དེ། དེ་བཞིན་གཤེགས་པའི་མཐུས།། བདུད ་ཀྱི་སེམས་ཀྱི་གནས་སྐབས་དེ་ལྟ་བུར་གྱུར་ཏོ། ། དེའི་འཁོར་གང་ཡིན་པ་དེ་དག་གིས་ཀྱང་། གཞུ་དང་། རལ་གྲི་དང་། ཐོ་བ་དང་། དགྲ་སྟ་དང་། རྡོ་རྗེ་རྩེ་གཅིག་པ་དང་། མཚོན་ཀམ་པ་ན་དང་། ལྕགས ་ཀྱི་བེ་ར་ཀ་དང་། ལྕགས་མདའ་དང་། ཤ་ཏ་ག་ནི་དང་། མདའ་དང་། འཕང་མདུང་དང་། མདུང་རྩེ་གཅིག་པ་ལ་སོག་པ་མཚོན་ཆ་རྣམས་ཡོངས་སུ་སྤངས་ཏེ། ཆོས་ལྷུར་ལེན་པར་གྱུར་ཏོ།། དེའི་མཆོད ་པ་ཡང་ལྷ་སྔ་མ་རྣམས་ལ་མེད་པ་དེ་ལྟ་བུར་གྱུར་ཏེ། དེའི་གདུགས་ཕལ་བའི་ཆུ་ཞེང་དུ་ཡང་འཇིག་རྟེན་གྱི་ཁམས་པར་མའི་ཁྱོན་ཙམ་མོ།། དེ་ལྟར་དེ་མཐུ་ཆེན་པོ་དང་ལྡན་ཞིང་། རང་གི་ཆུང་མ་རྣམས་ཀྱིས་རྔ ་དས་བྱས་མ་པ་ད་། མ་དས་གས་། ན་པས་ས་ག་། ས་འདུག་ས།། ་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་དང་། འཁོར་དང་བཅས་པས་བདག་ཅག་གིས་ཕུལ་བའི་ཞལ་ཟས་ཞེས་སུ་གསོལ། བཅོམ་ལྡན་འདས་བདག་གིསད་སླན་ཆད་ཐེག་པ་ཆེན་པོའི་སླད་དུ ་ཡི་དམ་བཅས་པར་འཚལ་ཏེ། རིགས་ཀྱི་བུ་འམ། རིགས་ཀྱི་བུ་མོ་གང་སུ་ཡང་རུང་། འཇིགས་པའི་སླད་དུ་འམ། རྙེད་པ་དང་བཀུར་སྟི་འཚལ་བའི་སླད་དུ་འམ། ཐོབ་ཏུ་རེ་བའི་སླད་དུ་འམ། གཞན་གྱིས ་བགྱིད་དུ་སྩལ་བ་འམ། གཞན་གྱིས་ཡིད་བསྲུང་བའི་སླད་དུ་ཡང་རུང་སྟེ། ཐེག་པ་ཆེན་པོ་རྗོད་པར་བགྱིད་ན། དེའི་དོན་དུ་འཇིགས་པ་དང་མི་དགའ་བ་ཐམས་ཅད་བསལ་བའི་གསང་སྔགས་པ་བཤད་པར་འཚལ ་ལོ། ། ཏདྱ་ཐཱ། ཐག་ཀེ། ཊ་ཊ་ར་ཐག་ཀེ། རོ་རུ་རེ། མ་ཧཱ་རོ་རུ་རེ། ཨཱ་ལ་མཱ་ལ། ཏཱ་ལ་སྭཱ་ཧཱ། ཆོས་སྨྲ་བ་འཁྲུལ་པ་དང་། འཇིགས་པ་ས་གནོད་པར་གྱུར་པ་རྣམས་ཆོས་ཀྱི་ཚུལ་ལ་སྤོབས་པ་བསྐྱེད་པར ་བགྱི་བ་དང་། མུ་སྟེགས་པ་རྣམས་མྱོས་པར་བགྱི་བ་དང་། དམ་པའི་ཆོས་བསྲུང་བ་དང་། བདག་དང་གཞན་བསྲུང་བའི་སླད་དུ། བདག་གིས་རང་གི་དམ་ཚིག་གིས་སྨྲས་པའི་གསང་སྔགས་འདི་གླང་པོ་ཆེ ་འཇིགས་པ་འམ། ནགས་ཁུང་གི་འཇིགས་པ་འམ། ཆུ་ཀླུང་གི་འཇིགས་པ་འམ། མེའི་འཇིགས་པ་རྣམས་ཀྱི་ནང་དུ། བསྲུང་བའི་གཟུངས་སྔགས་ཀྱི་དོན་དུ་བརྗོད་པ་གང་ལགས་པ་དེ་དག་ནི་བརྗོད་པ་ཙམ ་གྱིས་ཇི་ལྟར་རུས་སྦལ་རང་གི་ལུས་བསྲུངས་པ་དེ་བཞིན་དུ། བདག་གིས་གཡོ་དང་སྒྱུ་མ་མཆིས་པར། དེ་དག་འཇིགས་པ་ཐམས་ཅད་ལས་བསྲུང་བར་བགྱི། སྟོབས་དང་ལྡན་པར་བགྱིད་ལགས་ན། བཅོམ ་ལྡན་འདས་ཀྱིས་ད་ཞལ་ཟས་འདི་བཞེས་པར་གསོལ་ཞེས་བསྐུལ་ཏོ། ། དེ་ནས་བཅོམ་ལྡན་འདས་ཀྱིས། བདུད་སྡིག་ཅན་ལ་འདི་སྐད་ཅེས་བཀའ་སྩལ་ཏོ།། སྡིག་ཅན་ཁྱོད་ཁ་ཟས་ཀྱི་ཕྱིར ་གསོལ་བ་མ་འདེབས་ཤིག། གསང་སྔགས་ཀྱི་ཚིག་ནི་སེམས་ཅན་ཐམས་ཅད་ལ་ཕན་པའི་ཕྱིར། ཆོས་ཀྱི་སྦྱིན་པར་འགྱུར་བས་ན་བཞེས་པར་བྱའི། ཟང་ཟིང་གི་སྦྱིན་པ་ནི་དེ་ལྟ་མ་ཡིན་གྱིས། སྡིག་ཅན ་ཁྱོད་གསོལ་བ་མ་འདེབས་ཤིག་ཅེས་བཀའ་སྩལ་ནས། བཅོམ་ལྡན་འདས་ཅང་མི་གསུང་བར་གྱུར་ཏོ།། ལན་གཉིས་ལན་གསུམ་གྱི་བར་དུ་ཡང་། བདུད་དང་བདུད་ཀྱི་བུ་མོ་རྣམས་ཀྱིས་བཅོམ་ལྡན་འདས ་ལ་གསོལ་བ་བཏབ་པ་ལས། མ་བཞེས་ཏེ། རེ་ཐག་ཆད་ནས་ཕྱོགས་གཅིག་ཏུ་འཁོད་དོ།། དེ་ནས་དེའི་ཚེ་ལྷའི་བུ་དབང་ཕྱུག་ཆེན་པོ་ལྷའི་བུ་དཔག་ཏུ་མེད་པ། མཐུ་དཔག་ཏུ་མེད་བདག ་གོས་མདུན་དུ་བདར་ཏེ། རང་གི་འོད་ཀྱིས་ཚངས་པ་དང་། ལྷའི་དབང་པོ་དང་། སྒྱུ་མ་ཡིན་དང་། བདུད་ཀྱི་འོད་ནམས་སྐྲག་ཚའི་གོང་བུ་བཞིན་དུ་འོད་མི་གསལ་བར་བྱས་ཏེ། བཅོམ་ལྡན་འདས་ཀྱིས་མ ་བརྒྱ་ཆེན་པ་ཉིས་འགྱུ་ས་འགྱུར་བས་ལྷག་པ་དག་ཁྱེར་ནས། དེ་སང་ས་དེའི་མཆོང་པ་རྣམས་ཀྱི་མིན། གདུགས་པལ་པ་གང་ཡིན་པ་དེ་ཡང་ཅུ་ཞིང་དུ་སྟོང་གསུམ་ཀྱི་སྟོང་ཆེན་པའི་འཇིགས་ཏེ ་ཁམས་ཁྱབ་པར་འདུག་སྟེ། མཆོད་པ་དེ་ལྟ་བུ་སྔོན་དུ་བཏང་ནས། བཅོམ་ལྡན་འདས་ཀྱི་ཐང་དུ་ཕྱིན་ཏེ། ལན་དུ་མ་བསྐོར་བ་བྱས་ནས་ཞབས་ལ་མགོ་བོས་ཕྱག་འཚལ་ཏེ། ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ལ་བདག་མཆོད་པ་བགྱིད་པ་ནི། སྦྲང་བུ་མཆོད་པ་བགྱིད་པ་དང ་འདྲ་སྟེ། བདག་སྦྲང་བུ་དང་འདྲ་བས། བཅོམ་ལྡན་འདས་ལ་མཆོད་པ་བགྱིད་པའི་རྡོ་ག་ལ་ཐོག་གིས་ཀྱང་། བཅོམ་ལྡན་འདས་བདག་ལ་ཐུགས་བརྩེ་བའི་སླད་དུ། ཞལ་ཟས་ཀྱི་ཐ་མ་གསོལ་བར་ཅི ་གནང་། ཞེས་ལན་གཉིས་ཡན་གསུམ་དུ་གསོལ་བ་བཏབ་ཀྱང་། ལན་གཉིས་ལན་གསུམ་དུ་བཅོམ་ལྡན་འདས་ཅང་མི་གསུང་བར་གྱུར་ཏེ། རེ་ཐག་ཆད་ནས་ལངས་ཏེ། ཕྱོགས་གཅིག་ཏུ་འདུག་གོ། ་དེ་ནས་དེའི་ཚེ་སངས་རྒྱས་ཀྱི་ཞིང་འདི་ནས་ཤར་ཕྱོགས་ལོགས་སུ་འཇིག་རྟེན་གྱི་ཁམས་གངྒཱའི་ཀླུང་གྲངས་མེད་པ་གཏམས་ཕྲག་དཀྲིགས་ཀྱི་བྱེ་མ་སྙེད་འདས་པ་ན། འཇིག་རྟེན་གྱི་ཁམས་ཡིད ་འཕྲོག་སྒྲ་སྙན་སུ་ཐུག་ཅེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནམ་མཁའ་དང་མཉམ་པ་ཞེས་བྱ་བ་བཞུགས་ཏེ། དེས་སྲས་ཀྱི་ཐུ་བོ་ཉན་ཐོས། ་ལུས་ཆེན་མཐའ་ཡས་ལ་བཀའ་སྩལ་པ། རིགས་ཀྱི་བུ་ཁྱོད་མི་མཇེད་ཀྱི་འཇིག་རྟེན་གྱི་ཁམས་སུ་སོང་ལ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས ་བྱ་བ་རིང་པ་མི་ཐོགས་པར་ཡོངས་སུ་མྱ་ངན་ལས་འདའ་བར་འགྱུར་གྱིས། རིགས་ཀྱི་པ་ཁྱོད་ཀྱིས་དེ་འདོན་དུ་འཇིག་རྟེན་གྱི་ཁམས་འདི་ནས་གལ་ཟས་ནིམ་པོ་ངན་པདག་ཁྱེར་ཏེ་སོང་ནག། མཆོད་པ་ཆེན་པོ་དག་ཅ ་ཁྱེར་ཏེ་སོང་ལ་དེ་ལ་འདི་སད་དུ། དེ་བཞིན་གཤེགས་པ་བཅོམ་ལྡན་འདས་ཀྱིས་ཞས་ཟས་འདི་གསོལ་ཏེ། ཡོངས་སུ་མྱ་ངན་ལས་སྣདད་འ་བར་མཛད་དུ་གསོལ་ཞེས་གྱིས་ཤིག། ཁྱོད་ཀྱི་ཐེ་ཙོམ་དང་ཡི་ད་གཉིས་ཅིང ་ཅི་ཡོད་པ་དེ་དང་དེ་དག་ཀྱང་། དེ་བཞིན་གཤེགས་པ་དེ་ཁོ་ན་ལ་ལེགས་པར་ནུས་ཤིག་དང་། དེས་ཁྱོད་ལ་ལུང་བསྟན་པར་འགྱུར་རོ་ཞེས་བཀའ་སྩལ་ཏོ།། དེ་ནས་བྱང་ཆུབ་སེམས་དཔའ་སེམས ་དཔའ་ཆེན་པོ་ལུས་ཆེན་མཐའ་ཡས་དེས་ལེགས་སོ་ལེགས་སོ་ཞེས་གསོལ་ནས། དེ་བཞིན་གཤེགས་པ་དེ་ལ་བསྐོར་བ་བྱས་ནས། ཞབས་ལ་མགོ་བོས་ཕྱག་འཚལ་ཏེ། བྱང་ཆུབ་སེམས་དཔའ་སེམས་དཔའ་ཆེན ་པོ་ལུས་ཆེན་པོ་གྲངས་མེད་པས་བསྐོར་ཅིང་མདུན་དུ་བདར་ནས། མི་མཇེད་ཀྱི་འཇིག་རྟེན་གྱི་ཁམས་འདིར་འོངས་སོ།། དེ་ནས་དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་གཡོས་རབ་ཏུ་གཡོས།། ་འགུལ་རབ་ཏུ་འགུལ། འཁྲུགས་རབ་ཏུ་འཁྲུགས། འཁོར་རབ་ཏུ་འཁོར། འུར་འུར་རབ་ཏུ་བུར་འུར། ཤིག་ཤིག་རབ་ཏུ་ཤིག་ཤིག། མེར་མེར་རབ་ཏུ་མེར་མེར། ལྡེམ་ལྡེམ་རབ་ཏུ་ལྡེམ་ལྡེམ་མོ།། ་དེ་དག་ལ་སོགས་པ་བྱས་ཏེ། ས་ཆེན་པོ་རབ་ཏུ་གཡོས་སོ།། དེ་ནས་འཁོར་དེ་དག་གི་ནང་ན་ཚངས་པ་དང་། དབང་པོ་དང་། འཇིག་རྟེན་སྐྱོང་བ་དང་། ལྷ་མ་ཡིན་དང་། དབང་ཕྱུག་ཆེན་པོ་ལ་སོགས་པ་ལྷ་རྣམས་ཀྱིས་ས ་@། གན་དེ་ལྟ་བུར་གྱུར་པ་མཐོང་ནས། སྤྱི་བུང་ཞེས་བྱས་ཏེ། འཇིགས་ཤིང་། ལ་དང་ལྐོགས་བསྐམས་ནས་འབྲོས་པར་ཆས་ཏེ། རང་རང་གི་འོད་ཀྱང་མི་མཐོང་ཞིང་འོད་ཉམས་པར་གྱུར་ཏོ།། ་དེ་ནས་འཁོར་དེ་ཉིད་ཀྱི་ནང་ནས་འཇམ་དཔལ་གཞོན་ནུར་གྱུར་པ་ལངས་ཏེ། ལྷའི་ཚོགས་དེ་དག་ལ་འདི་སྐད་ཅེས་སྨྲས་སོ།། གྲོགས་པོ་དག་མ་འཇིགས་ཤིག་མ་འཇིགས་ཤིག། ཤར་ཕྱོགས་ལོགས ་སུ་འཇིགས་རྟེན་གྱི་ཁམས་གངྒཱའི་ཀླུང་གྲངས་མེད་པ་གཏམས་ཕྲག་དཀྲིགས་ཀྱི་བྱེ་མའི་རྡུལ་ཕྲ་རབ་གྲངས་མེད་པ་སྙེད་འདས་པ་ན། འཇིག་རྟེན་གྱི་ཁམས་ཡིད་འཕྲོག་སྨྲ་སྙན་མུ་ཐུག་ཅེས་བྱ་བ་ཞིག་ཡོད་དེ། དེ་ན་དེ ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནམ་མཁའ་དང་མཉམ་པ་ཞེས་བྱ་བ་ད་ལྟར་བཞུགས་ལ་འཚོ་ཞིང་གཞེས་ཏེ། དེ་བཞིན་གཤེགས་པ་དེས། རང་གིས་སྲས་ཀྱི་ཐུ་བོ་ཉན ་ཐོས་ལ་བོས་ཏེ་བཀའ་སྩལ་པ། རིགས་ཀྱི་བུ་ཁྱོད་མི་མཇེད་ཀྱི་འཇིག་རྟེན་གྱི་ཁམས་སུ་སོང་ལ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་ཡོངས ་སུ་མྱ་ངན་ལས་འདའ་བར་འགྱུར་གྱིས། དེ་དགེ་སློང་གི་དགེ་འདུན་དང་བཅས་པ་ལ་ཞལ་ཟས་ཀྱི་ཐ་མ་ཕུལ་ལ། ཁྱོད་ཀྱི་ཐེ་ཙོམ་དང་ཡིད་གཉིས་ཅི་དང་ཅི་ཡོད་པ་དེ་དག་ཀྱང་ལེགས་པར་ཞུས་ཤིག་དང་། དེས ་ཁྱོད་ལ་ལུང་བསྟན་པར་འགྱུར་རོ་ཞེས་བཀའ་སྩལ་ཏེ། བཅོམ་ལྡན་འདས་དེས། བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ཆེན་མཐའ་ཡས་འདིར་བཏང་སྟེ། བྱང་ཆུབ་སེམས་དཔའ་གྲངས་མེད་པས ་ན་པ། ད་ས་པ་ས་ས་གྶ་། དབ་ས་། དུ་ན་སྡུག་ས་པ་དདུ་། ་དེ་བཞིན་གཤེགས་པ་ལ་མཆོད་པ་མཛད་པ་ལའང་སྟོག་ཤིག་ཅེས་བྱས་ས།། དེ་ནས་འཁོར་དེ་དག་ཐམས་ཅད་ཀྱིས་མེ་ཡང་གངོས་ལ་བདག་གི་གཟུགས་མཐོང་བ་བཞིན་དུ། འཇིག་རྟེན་གྱི་ཁམས་ཐག་རིང ་པོན་བཞུགས་པའི་དེ་བཞིན་གཤེགས་པ་དེ་དང་། འཇིག་རྟེན་གྱི་ཁམས་དེ་མཐོང་། དེ་ནས་འཇམ་དཔལ་གཞོན་ནུར་གྱུར་པས། འཁོར་དེ་དག་ལ་འདི་སྐད་ཅེས་སྨྲས་སོ།། ཛཾ་མྦཱ་ར་ད ་ཀྱིས་འཇིག་རྟེན་གྱི་ཁམས་འདི་དང་། དེ་བཞིན་གཤེགས་པ་འདི་མཐོང་བ་དེ་བཞིན་དུ། ཕྱོགས་བཅུའི་དེ་བཞི་གཤེགས་པ་རྣམས་དང་། འཇིག་རྟེན་གྱི་ཁམས་གཞན་དག་ཀྱང་ལྟོས་ཤིག། དེ་བཞིན ་གཤེགས་པ་རྣམས་ནི་འདི་ལྟར་བདག་ཉིད་ཆེ་བ་ཡིན་ཏེ། རང་རང་གི་གནས་ན་བཞུགས་བཞིན་དུ་ཡང་ཁྱོད་ལ་ཞལ་སྟོན་པར་མཛད་དོ།། འཁོར་དེ་དག་གིས་སྨྲས་པ། ཀྱེ་མ་དེ་བཞིན་གཤེགས་པ་དེ་ལྟར་བདག ་ཉིད་ཆེ་བ་ཡང་ཡོངས་སུ་མྱ་ངན་ལས་འདའ་བར་འགྱུར་བ་ལྟ་ཀྱི་ཧུད་ཅེས་ཟླ་ཞིང་འཁོད་དོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ཆེན་མཐའ་ཡས་བྱང་ཆུབ་སེམས་དཔའ་དཔག་ཏུ་མེད་པ་དག་གིས ་བསྐོར་བ་ཡང་མཐོང་སྟེ། བྱང་ཆུབ་སེམས་དཔའ་དེའི་ལུས་ཀྱི་བ་སྤུའི་བུ་ག་རེ་རེ་ནས་པདྨ་ཆེན་པོ་བྱུང་ངོ་།། པདྨ་ཆེན་པོ་རེ་རེ་ལ་ཡང་གྲོང་ཁྱེར་བདུན་ཁྲི་བརྒྱད་སྟོང་ཡོད་ལ། གྲོང་ཁྱེར་དེ་དག་ཀྱང་ཡུལ་ཡངས་པ ་ཅན་གྱི་ཐག་གྲུ་ཙམ་ཤ་སྟག་སྟེ། རིན་པོ་ཆེ་སྣ་བདུན་གྱི་རབ་དང་། འོབས་བདུན་རིམ་གྱིས་བསྐོར་ལ། ཤིང་ཏ་ལའི་འཕྲེང་བ་བདུན་རིམ་གྱིས་མཛེས་པར་བྱས་པ་ཤ་སྟག་སྟེ། འབྱོར། ་པ་དང་། རྒྱས་པ་དང་། བདེ་བ་དང་ལྡན་ཞིང་དགའ་དགའ་ལྟར་འདུག་ལ། ར་བ་དེ་དག་ཀྱང་འཛམ་བུ་ཆུ་བོའི་གསེར་གྱི་བ་གམ་ཆེན་པོ་ཤ་སྟག་གིས་བསྐོར་ཏེ། བ་གམ་ཐམས་ཅད་ཀྱི་བར་བར་ན་ཡང་ཤིང་ལྗོན་པ ་གཞོན་ཤ་ཅན་འབྲས་བུ་དང་། མེ་ཏོག་དང་ལྡན་པ་སྣ་མང་པོ་དག་ཡོད་དོ།། ཤིང་ལྗོན་པ་དེ་དག་གི་ཡལ་ག་རླུང་གིས་བསྐྱོད་པ་ལས་ཀྱང་། སིལ་སྙན་དགའ་བར་བྱེད་པའི་སྒྲ་སྙན་ཅིང་ཆགས་སུ་རུང་བ་འབྱུང་བ ་སྣ་ལྔ་ལྔ་སྒྲོགས་ཏེ། སྒྲ་དེ་དག་གིས་སེམས་ཅན་དེ་དག་རྩེ་ཞིང་དགའ་དགུར་སྤྱོད་དོ།། འོབས་དེ་དག་ཐམས་ཅད་ཀྱང་ཆུ་བསིལ་ཞིང་ཤེལ་བཞིན་དུ་དང་བདག་གིས་གང་བར་འདུག་སྟེ། དེ་དག་གི་ནང་ཁོར་ཁོར ་ཡུག་ཏུ། སེམས་ཅན་དེ་དག་རིན་པོ་ཆེའི་གྲུ་དག་གིས་བརྒལ་ཞིང་རྒྱུ་བར་བྱེད་དོ།། ཆུ་དེ་དག་ཀྱང་པདྨ་དང་། ཨུཏྤ་ལ་དང་། ཀུ་མུ་ད་ཤིང་རྟའི་འཕང་ལོ་ཙམ་ཤ་སྟག་གིས་བརྒྱན་ཏོ།། འོབས་ཀྱི་ཁོ་ར་ཁོར ་ཡུག་ཀྱང་སྐྱེད་མོས་ཚལ་གྱི་འཕྲེང་བས་མཛེས་པར་བྱས་ཏེ། སྐྱེད་མོས་ཚལ་རེ་རེ་ལ་ཡང་རྫིང་བུ་ཐག་གྲུ་དཔག་ཚད་ཕྱེད་པ་ལྔ་ལྔ་ཡོད་དོ།། རྫིང་བུའི་ཆུ་དེ་དག་ཀྱང་པདྨ་དང་། ཨུཏྤ་ལ་དང་། ཀུ་མུ་ད་ཁ་དོག་སྣ་ཚོས ་དྲི་ཞིམ་པོ་ཤིང་རྟའི་འཕང་ལོ་ཙམ་ཤ་སྟག་གིས་ཁེབས་པར་འདུག་ལ། ཤིང་ལྗོན་པ་མེ་ཏོག་རྒྱས་པའི་འཕྲེང་བས་མཛེས་པར་བྱས་སོ།། སྐྱེད་མོས་ཚལ་ཁོ་ར་ཁོར་ཡུག་ན་ཡང་ངང་ངུར་དང་། ཐལ་མོ་དང་། ཁྲུང་ཁྲུང ་ཤུགས་དག་གིས་པདྨའི་ཟེ་འབྲུ་མྱང་བར་བྱེད་དོ། ། ཁོར་ཁོར་ལུག་གི་སྐྱེད་མོས་ཚལ་དེ་དང་དེ་དག་ན་ཡང་ལང་ཁྱིམ་དག་ཡོད་ལ། ཁང་པ་རེ་རེ་ལ་ཡང་ཆུ་ཞེང་དུ་དཔག་ཚད་བཞི་བ་ནི་ཡོང་ངོ་།། རྩིག་པ་ནི་གསེར་དང ་དངུལ་དང་། བཻ་ཌཱུཪྻ་དང་། ཤེལ་ལས་བྱས། ས་གཞི་ནི་ཀེ་ཀེ་རུ་ལས་གྲུབ་པ་སྟེ། ནོར་བུའི་འཛིན་ཚུར་གྱིས་སྤེལ་ཅིང་། སྣང་བར་བྱས་པའི་མུ་ཏིག་གིདོ་ཤལ་སྤུངས་པ་དང་ལྡན་པ། གསེར་གྱི་རྟ་བབས་ཆེན་པོ་དང་། ་སྐར་ཁུང་དང་། དྲ་བ་དག་གིས་བརྒྱན་པའི་ཁང་བཟངས་མཐོན་པོ།། ས་གཞི་གསེར་གྱི་བྱེ་མ་བདལ་བ་དང་ལྡན་པ་ཤ་སྟག་གོ།། རྫིང་བུ་རྣམས་ཀྱང་འདུལ་བའི་ལམ། གསེར་གྱི་ཐེམ་སྐས་ཐེམ་པ་བཅོ་བརྒྱད་དང་ལྡན་པ་དང་། ་མཐའ་ཐོག་ཐག་གསེར་གྱི་ཆུ་ཤིང་གི་འཕྲེང་བས་མཛེས་པར་བྱས་པ། ལྷའི་ཙན་དན་གྱི་དྲི་བསུང་ཅན་གྱི་ཆུ་དང་ལྡན་པ་ཤ་སྟག་གོ།། གྲོང་ཁྱེར་ཆེན་པོ་དེ་དག་རེ་རེའི་ནང་ན་ཡང་རྒྱལ་པོ་བརྒྱད་ཁྲི་བཞི་སྟོང་བརྒྱད་ཁྲི་བཞི་སྟོང ་སོང་ངོ་། ། དེ་དག་ཐམས་ཅད་ཀྱང་བུད་མེད་ཀྱི་ཚོགས་དཔག་ཏུ་མེད་པ། དཔག་ཏུ་མེད་པ་དག་གིས་བསྐོར་ཅིང་། འདོད་པའི་ཡོན་ཏན་ལྔ་དང་ལྡན་ཏེ། རྩེ་ཞིང་དགའ་ལ་དགའ་དགུར་སྤྱོད་དོ།། སེམས་ཅན ་གཞན་དག་ཀྱང་དེ་དང་འདྲ་སྟེ། ས་ཕྱོགས་ཀ་ཙ་ལིནྡའི་གོས་ལྟར་རེག་ན་བདེ་བ། ཙན་དན་གྱི་ཆུས་ཆག་ཆག་བཏབ་ལ། མེ་ཏོག་གི་སིལ་མས་གཏེར་བ། གཞན་དག་ན་རྩེ་ཞིང་དགའ་ལ་ལ་དགའ་དགུར་སྤྱོད ་དོ། ཁྲོང་ཁྱེར་ཆེན་པོ་དེ་དག་ན་ཐེག་པ་ཆེན་པོའི་སྒྲམ་གཏགས་པར་ཐེག་པ་གཞན་གྱི་མ་མེད་དོ།། པདྨ་ཆེན་པོ་དེ་དག་ལ་ཡང་སེང་གེ་ཁྲིཆེན་པོ། རྐང་པགསེར་དང་། དངུས་དང་། བཻ་ནྡ་། ་ཤེལ་ལས་བྱས་པ། ཀ་ལིང་ཀའི་རས་ཀྱིས་གཡོགས་པ། ཆེ་བ་ལ་འོས་པ། འཇིག་རྟེན་གསུམ་ན་ཕུལ་དུ་བྱ་བ་ཤ་སྟག་གིས་དཀྲིགས་ཏེ། སེང་གེའི་ཁྲི་དེ་དག་ལ་རྒྱལ་པོ ་དག་འཁོད་ཅིང་། སེམས་ཅན་གཞན་དག་ཐེག་པ་ཆེན་པོའི་མདོ་སྡེ་རྣམས་སློབ་པར་བྱེད་དེ། རྒྱལ་པོ་དེ་དག་གི་མདུན་ན་ལ་ལ་ནི་ཡི་གེ་འདྲི། ལ་ལ་ནི་ཀློག། ལ་ལ་ནི་ཁ་ཏོན་སློབ་བོ།། དེ་ལྟར་བྱང་ཆུབ་སེམས་དཔའ ་སེམས་དཔའ་ཆེན་པོ་ལུས་ཆེན་མཐའ་ཡས་ཀྱིས། བ་སྤུའི་ཁུང་བུ་ནས་སྐྱེས་པའི་པདྨ་དག་ལ་འཁོད་པའི་སེམས་ཅན་དེ་དག། འདོད་པའི་ཡོན་ཏན་ལྔའི་དགའ་བ་དང་ལྡན་ཡང་དེ་དག་ཡོངས་སུ་སྤངས་ནས། མྱ་ངན ་གྱིས་གདུངས་ཏེ། སྨྲེ་སྔགས་འདོན་ཅིང་། ཀྱི་ཧུད་ཀྱི་ཧུད་ཅེས་བླ་ཞིང་འཁོད་དོ།། ཉིས་འགྱུར་དུ་མཆོད་པའི་ཚོགས་འབུལ་བར་བྱེད་དོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལུས ་ཆེན་མཐའ་ཡས་བྱང་ཆུབ་སེམས་དཔའ་དཔག་ཏུ་མེད་པས་བསྐོར་ཏེ། དེ་ལྟ་བུའི་འབྱོར་པའི་རྣམ་པ་དག་སྟོན་ཅིང་། མཆོད་པའི་ཚོགས་ཆེན་པོ་དང་། ཞལ་ཟས་རྒྱ་ཆེ་བ་དག་ཁྱེར་ཏེ་འོངས་ནས། ཞལ་ཟས་དེ ་དག་དང་། པདྨ་དེ་དག་གི་དྲི་བསུང་ཚོར་བ་གང་ཡིན་པ་དེ་དག་ཀྱང་ཉོན་མོངས་པ་དང་བྲལ་བར་གྱུར་ཏོ།། བྱང་ཆུབ་སེམས་དཔའི་མཐུ་ཆེན་པོས་འཇིག་རྟེན་གྱི་ཁམས་ཐམས་ཅད་ཀྱང་མཐོང་བར་གྱུར་ཏོ།། བྱང ་ཆུབ་སེམས་དཔའ་སེམས་དཔའ་ཆེན་པོ་ལུས་ཆེན་མཐའ་ཡས་ཀྱི་ཚད་ཀྱང་ནམ་མཁའ་དང་མཉམ་པར་འདུག་སྟེ། སུས་ཀྱང་མཐོང་བར་མི་ནུས་སོ།། དེ་ནས་བྱང་ཆུབ་སེམས་དཔའ་སེམས་དཔའ ་ཆེན་པོ་ལུས་ཆེན་མཐའ་ལས་བཅོམ་ལྡན་འདས་ཀྱི་ཐང་དུ་སོང་སྟེ། ཞབས་ལ་མགོ་ཐོས་ཕྱག་འཚལ་ནས། ཐལ་མོ་སྦྱར་ཏེ་འདི་སྐད་ཅེས་གསོལ་ཏོ།། བདག་གིས་ཕུལ་བསགས་ཟས་བཅོམ་ལྡན་འདས་རྫས ་བཞེས་སུ་གསོལ། དེ་ནས་བཅོམ་ལྡན་འདས་ཅང་མི་གསུང་བར་གྱུར་ཏེ། ལན་གཉིས་ལན་གསུམ་དུ་གསོལ་ཀྱང་། བཅོམ་ལྡན་འདས་ཅང་མི་གསུང་བར་བཞུགས་ནས། བྱང་ཆུབ་སེམས་དཔའ་དེ་ལངས་ཏེ ་ཕྱོགས་གཅིག་ཏུ་འདུག་གོ། ། དེ་བཞིན་དུ་ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་ལོགས་ནས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ཆེན་མཐའ་ཡས་ཞེས་བྱ་བ་འཁོར་གྱི་ཚོགས་ཆེན་པོ ་དང་ལྡན་པ་ཤ་སྟག་ལྷགས་ཏེ། དེ་དག་གིས་པདྨ་དང་། གྲོང་ཁྱེར་གྱི་ཚད་ཀྱང་སྔ་མ་སྔ་མ་ལས་ཉིས་འགྱུར་ཉིས་འགྱུར་གྱིས་ཆེ་བ་དང་། འབྱོར་པ་ཉིས་འགྱུར་ཉིས་འགྱུར་གྱིས་ཆེ་བ་ཤ་སྟག་དང་ཆས་ཏེ། དེ་དག ་དེར་ལྷགས་ནས། བཅོམ་ལྡན་འདས་ལ་པདྨ་དག་གིས་མཆོད་པ་བྱས་ཏེ། སྔ་མ་བཞིན་དུ་ཕྱོགས་གཅིག་ཏུ་འཁོད་དོ།། ཤིང་སཱ་ལ་ཟུང་གི་དྲུང་གྲུབ་པའི་གནས་དེ་ཉིད་ནི། དཀྱིལ་འཁོར་སུམ་ཅུ་རྩ ་གཉིས་ཚད་ཀྱི་ཁྱོན་གྱིས་གཞི་ལ་སེམས་ཅན་མི་འཁོད་པའི་གོ་སྐབས་ཅི་ཡང་མེད་དོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ། དེ་ལྟར་ལུས་ཆེ་བ་རང་རང་གི་གཡོག་འཁོར ་དག་དང་བཅས་པ་དེ་རྣམས་ཀྱང་། ཁཆག་ནི་ས་ཕྱོགས་སྤང་བུའི་ཕྱི་མའི་གྱོན་ཙམ་ལ་འབོང་དོ།། འཆགས་པ་ཀྱི་རྒྱད་ཙམ་ལལའདང།། འཅིག་རྡུས་ཐ་རབ་ས་ཁྱེན་ཙམ་ལ་བག་འ་ས་ས་ལཚ ་@། དོ། འཇིག་རྟེན་གྱི་ཁམས་རྡུལ་ཕྲ་རབ་ཀྱི་རྡུལ་སྙེད་དག་ན། བྱང་ཆུབ་སེམས་དཔའ་འཁོད་པ་གང་ཡིན་པ་དེ་དག་ཀྱང་། ཐབས་དེ་ལྟ་བུར་ཞུགས་ཏེ་འཁོད་དོ།། འཛམ་བུ་གྲངས། ་སེམས་ཅན་ཡང་། ཚེ་དང་ལྡན་པ་འོད་སྲུངས་དང་། གནས་བརྟན་ཀུན་དགའ་བོ་དང་། རྒྱལ་པོ་མ་སྐྱེས་དགྲ་རྣམས་མ་གཏོགས་པར། དེར་མ་འོངས་པ་སུ་ཡང་མེད་དེ། ཐ་ན་མི་གདུག་པ་དང་། སྦྲུལ་གདུག ་པ་དང་། སྡིག་པ་དང་། སྡོམ་ལ་སོགས་པ་ལས་མི་བཟད་པ་བཅུ་དྲུག་བྱེད་པ་ཡན་ཆད་ཀྱང་དེར་ལྷགས་སོ།། སྦྱིན་བྱེད་མའི་བུ་དང་། ལྷ་མ་ཡིན་རྟག་ཏུ་ཁོན་གྱི་བསམ་པ་ཅན་ཐམས་ཅད་ཀྱང་སྡིག་པའི་ལས་སྤང ་ནས། གཅིག་ལ་གཅིག་པུ་དང་། མ་དང་། སྲིང་མོ་དང་འདྲ་བར་སེམས་པར་གྱུར་ཏོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་འཁོད་པའི་སེམས་ཅན་ཐམས་ཅད་ཀྱང་། གཅིག་ལ་གཅིག་པུ ་གཅིག་པ་ལ་བྱས་པ་བཞིན་དུ་བྱམས་པར་བྱེད་དེ། འདོད་ཆེན་པོ་ནི་ས་ཏོགས་སོ།། མི་མཇེད་ཀྱི་འཇིག་རྟེན་གྱི་ཁམས་འདི་སང་དེ་བཞིན་གཤེགས་པའི་མཐུས། བོང་བ་དང་། རྡོ་དང་། གསེགས་དག ་དང་། ཚ་མ་མེད་པར་གྱུར།། བཛིན་པ་བ་མམ་ག་ག་ངས་པ། ནསང་གན་འཇས་པ་དག་དང་ལྡས་འཇིག་རྟེན་གྱི་འནས་པ་ན་དང་འདྲ་བར་ཐར་ཏོ།། སེམས་ཅན་དང ་པདེ་དག་ཐམས་ཅད་ཀྱིས་ཀྱང་དེན་པ་འད་བཞིར་དུ། ཇི་ག་མ་མངོགངས་ལ་རང་གི་གཟུགས་པརྙན་བླང་བ་བཞིན་དུ། དྲིལ་ཐརབ་ཀྱི་རྡུམ་རྙེད་ཀྱི་འཇིག་རྟེད་གྱི་ལམས་དང་། བང་རྒྱམ་ཚན་ཅོ་ད ་ཨང་སྒྲ་ག་ཀྱང་། ན་གགས་པས་ཤཱ་དྷཱ་ཙྪ། ཧཱ། ཧཱ། སྱཱ་དྨ། ག་། ་། ང་། ཁྲེས་ས་བྱུང་གང་ན་པ་དག་པས་།། བྱང་གྲུས་ལ་ས་འདས་ད་ཀྱི་རྣམ་ས་ས་། གས་རྣ་ད ་ཨེས་སྲིལ་གྱིས་ནོན་པར་གྱུར་ཏོ། ། དེ་ནས་ཞྭ་དང་། མི་དང་། རྣམ་ཡིན་དང་བཅས་པའི་འཇིག་རྟེན་གྱིས་འོད་ཟེར་དེ་དག་བཅོམ་ལྡན་འདས་ཀྱིས་ཞལ་དུ་མི་སྣང་བར་གྱུར་པ་མཐོང་ནས། འཇིགས་ཤིང་རྩཝ་ང་ན ་བྱས་ཏེ། རྒྱ་མ་དཔར་བཅོམ་ལྡན་འདས་ཀྱི་འོད་པེར་རྣམས་ཕྱིར་ལོག་ནས་མ་སྤང་བར་འགྱུར་བའི་མ་རིགས་ནས། གོར་མཆག་པར་ཕྱོགས་བཅུངག་ཏུ་བ་པ་རྣམས་ཟིན་ནས། ད་ནི་གདོན་མིབ་པར་དེ་བཞིན་ག་ཤེགྶ ་པ་ཡོངས་སུ་མྱ་ངན་ལས་འདའ་བར་འགྱུར་རོ། ། བཅོམ་ལྡན་འདས་ཀྱིས་གང་ལས་ཀྱང་ཞལ་ཟས་མ་བཞེས་ན། ཀྱེ་མ་སེམས་ཅན་ཐམས་ཅད་ལ་ཚད་མེད་པ་བཞི་སྤངས་སམ། ཅི་སྤྱང་བར་བཞུགས་པར་ཆད་དག ་ཀྱེ་མ་ཅི་ཉི་མ་དང་ཟླ་བ་ནུབ་པམ། ཅི་དམ་པའི་ཆོས་ཀྱི་གྲུ་བྱིང་ངམ། ཀྱི་ཧུད་ཀྱི་ཧུད་ཅེས་བླང་ཤིང་འཁོད་དོ།། དེ་ནས་དེ་དག་རང་རང་ཀྱི་སན་ལག་རྣམས་རྣས་པར་བྱས་པའི་ཁྲག་གོས་ས་གཞི་འདམ་དུ་གྱུར་ཏོ།། ་ཆུ་ཀླུང་གསེར་ལྡན་ཀྱང་ཁྲག་ཏུ་འབབ་པར་གྱུར་ཏོ།། དེ་ནས་འཁོར་དེ་དག་གི་ནང་ན། གྲོང་ཁྱེར་ཀུ་ཤི་བ་མགར་བའི་བུ་དགེ་བསྙེན་སྲུལ་བྱེད་ཅེས་བྱ་བ་དེ། མགར་བའི་བུ་བཅོ་ལྔ་དང་ཐབས ་@#། གཅིག་ཏུ་ལངས་ཏེ། རང་རང་གི་སྤྱོད་ལས་བཅོས་ནས། འཇིག་རྟེན་དགས་བལྟས་ཏེ། བླ་གོས་རྦ་གཅིག་ཏུ་གཔར་ནས། ཐུས་སོ་གཡས་པའི་བླངས་ལ་བཙུགས་ཏེ། བཅོམ། ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། མཚམ་མི་ཐུབ་པ་བཞིན་དུ་ཞབས་ལ་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ནི་སེམས་ཅན ་ཐམས་ཅད་ངེས་པ་བསྐལ་བའི་སླད་དུ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགེ་སློང་གི་དགེ་འདུན་དང་བཅས་པ་ལ་ཞལ་ཟས་ཀྱི་ཐ་མ་འབུལ་བར་འཚལ ་ཏེ། བདག་ནི་མགོན་མ་མཆིས་པ་ལགས། རྩ་ལག་མ་མཆིས་པ་ལགས། སྐྱབས་མ་མཆིས་པ་ལགས། འཕོངས་ཏེ་རེ་བ་ལགས་ན། བཅོམ་ལྡན་འདས་ཀྱིས་བདག་གིས་ཕུལ་བའི་ཞལ་ཟས་བཞེས་ཏེ། ་ཡོངས་སུ་མྱ་ངན་ལས་འདའ་བར་མཛད་དུ་གསོལ། བཅོམ་ལྡན་འདས་དཔེར་གསོལ་ན། ཁྱིམ་བདག་གམ། བྲམ་ཟེ་ཤིན་ཏུ་དབུལ་པོ་འགའ་ཞིག་གཞན་གྱི་ཡུལ་དུ་མཆིས་ལ། བདག་ཉིད་སྤོ་བ་པ་སྐྱེད་དེ ་མཐར་གྱིས་ཞིང་བླས་བརྩམས་ནས། དེས་རྨོན་གླང་རྨོ་སྐྱེན་པ་ཐོང་གཤོལ་དང་སྦྱར་བ་དག་གིས་ཞིང་ལ་རྡོ་དང་། རྔུབ་དང་། ཚེར་མ་མ་མཆིས་པར་བགྱིས་ཏེ། རེ་བ་ཆེན་པོ་བསྐྱེད་ནས། སྤྲིན་ཆེན་པོ་ལས་ཆར ་འབབ་པ་ལ་སྡོད་ཅིང་མཆིས་པ་དེ་བཞིན་དུ། བཅོམ་ལྡན་འདས་བདག་ནི་ལུས་ཀྱི་ཞིང་ལ། ཉེས་པ་གསུམ་དང་། བཞི་དང་བྲལ་བའི་ཡིད་དང་། ངག་གི་རྨོན་གླང་དང་། ཤེས་པའི་ཐོང་གཤོལ་གྱིས་ཉོན་མོངས་པ ་རྣམ་པ་སྣ་ཚོགས་ཀྱི་རྡོ་དང་། རྔུབ་དང་། ཚེར་མ་མ་མཆིས་པར་བགྱིས་ནས། ཁྱོད་ཀྱི་ཆོས་ཀྱི་སྤྲིན་ཆེན་པོ་ལས་ཆོས་ཀྱི་ཆར་འབབ་པ་ལ་སྡོད་ཅིང་མཆིས་ཏེ། དགེ་སློང་གི་དགེ་འདུན་དང་བཅས་པར་སྤྱན་འདྲེན་ན། བདག ་གི་དབུལ་བ་བསལ་བ་དང་། སེམས་ཅན་ཐམས་ཅད་ལ་སྨན་པའི་སླད་དུ། བདག་གིས་ཕུལ་བའི་ཞལ་ཟས་བཞེས་སུ་གསོལ། བདག་ནི་མགོན་མ་མཆིས་པ། སྐྱབས་མ་མཆིས་པ་ལགས་ན། དེ་བཞིན་གཤེགས ་པས་བདག་ལ་སྒྲ་གཅན་ཟིན་བཞིན་དུ་གཟིགས་པར་གསོལ། དེ་ནས་བཅོམ་ལྡན་འདས་ཐམས་ཅད་མཁྱེན་པ། རྒྱལ་བ་གང་ཟག་བླ་ན་མེད་པས། མགར་བའི་བུ་སྐུལ་བྱེད་ལ་འདི་སྐད་ཅེས་བཀའ ་སྩལ་ཏོ། ། སྐུལ་བྱེད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས།། ཁྱོད་ཀྱི་ཞལ་ཟས་ཐ་མ་སྦྱིན་པའི་ཕ་རོལ་ཏུ་ཕྱིན་པ་ཆེན་པོ་བཞེས་པར་མཛད་དོ།། དེ་ནས་ལྷ་དང་། ་མི་དང་། ལྷ་མ་ཡིན་དེ་དག་གིས། སྐུལ་བྱེད་ཀྱིས་ཕུལ་བའི་ཞལ་ཟས་ཀྱི་ཐ་མ་སྦྱིན་པའི་ཕ་རོལ་ཏུ་ཕྱིན་པ་ཆེན་པོ། དེ་བཞིན་གཤེགས་པ་དགེ་སློང་གི་དགེ་འདུན་དང་བཅས་པས་བཞེས་སོ་ཞེས་ཐོས་ནས ་ངོ་མཚར་རྨད་དུ་བྱུང་བའི་ཆོས་ཐོབ་སྟེ། ལེགས་སོ་ཞེས་སྐད་ཆེན་པོ་ཕྱུང་ནས། མགར་བའི་བུ་སྐུས་བྱེད་ལ་འདི་སྐད་ཅེས་སྨྲས་སོ།། ཀྱེ་མ་མགར་བའི་བུ་སྦྲུལ་བྱེད་ཁྱོད་དེ་བ་ཁྱོད་ཀྱིས་མི་ལུས་ཐོབ་པན ་པན་ཐོགས་པར་གྱུར་ཏོ། ། ལེགས་པར་ཐོབ་བོ།། སྐུལ་བྱེད་འཇིག་རྟེན་མ་སུ་དུམ་ཝ་རའི་མེ་ཏོག་ཤིན་དུ་མཛེས་པ་ནི་རིད་པར་དཀའའོ།། དེ་བས་ཀྱང་ཆོས་དེ་བཞིན་གཽ་ཤེགས་པ་འབྱུང་བ་རྙེད་པར་དག ་དེ་བས་ཀྱང་དད་པ་རྙེད་པ་ཤིན་ཏུ་དཀརའོ། ། དེ་བས་ཀྱང་ཆེས་ཆོས་ཟོས་པ་རྙེད་པར་དཀའ་འོ།། དེ་བས་ཀྱང་ཆེས་དེ་བཞིན་གཤེགས་པ་ལས་བཟས་ཀྱི་ཐས་དབུལ་བ་རྙེད་པ། ་དཀའ་འོ།། དེ་བསན་ནམ་པས་ཀྱི་ཐ་མ་སྦྱིན་པའི་ཕ་རོལ་ཏུ་ཕྱིན་པ་ཐོབ་པ་མགར་བའི་བུ་སྐུལ་བྱེད་ཁྱོད་ལ་ཕྱག་འཚལ་ལོ།། དཔེར་ན་སྟོན་ཟླ་འབྲིང་པོའི་ཉལ་སྤྲིན་མེད་པའི་ཚེ། ཟླ་བའི་དཀྱིལ་འཁོར་རྗེ ་མ་མེད་པ་མཛེས་པ་མཐོང་བ་ན། ཟླ་བ་འབའ་ཞིག་མངོན་དུ་སྣང་བ་དེ་བཞིན་དུ། ཁྱོད་ཀྱིས་ཕུལ་བའི་ཞལ་ཟས་ཀྱི་ཐ་མ་དེ་བཞིན་གཤེགས་པས་བཞེས་པ་ནས། ཁྱོད་འབའ་ཞིག་སེམས་ཅན་ཐམས ་ཅད་ལ་མངོན་དུ་སྣང་ངོ་། ། ཁྱོད་ལ་ཡང་དང་ཡང་དུ་ཕྱག་འཚལ་ལོ།། སྐུལ་བྱེད་ཁྱོད་ནི་མིའི་ལུས་བྱེད་བཞིན་དུ། ལྷའི་ཡང་ལྷ་ཡིན་ནོ།། དེ་བཞིན་གཤེགས་པའི་སྲས་སྒྲ་གཅན་ཟིན་དང་འདྲའོ་ཞེས་བྱས ་ནས། ཚིགས་སུ་བཅད་པ་འདི་དག་ཀྱང་སྤྲས་སོ།། ཁྱོད་ནི་མི་མ་ཡིན་ཏེ་ལྷ་མཆོག་ཡིན།། མི་མཆོག་གཙོ་བོ་ཁྱད་པར་འཕགས་པ་སྟེ།། དེ་ཕྱིར་ཁྱོད་ལ་གསོལ་བ་འདི་སྐད་འདེབས།། སྟོན་པ་ཡོངས་སུ་མྱ ་ངན་འདའ་བར་ཆས། ། བདག་ཅག་ཀུན་ལ་བརྩེ་བས་སྦྲུལ་བྱེད་ཁྱོད།། སྐྱེ་བོ་རྣམས་ལ་ཡུན་དུ་ཕན་པའི་ཕྱིར།། འདིར་ནི་སྟོན་པ་དཔག་མེད་མགོན་པོ་ལ།། བཙུགས་ཤིང་རྒྱུན་དུ་བདུད་རྩི་སྟོན་ཅེས་གསོལ། ་སྲིད་ལས་ནམ་གྲོལ་མྱ་ངན་འདའ་བཞེད་ལ།། གལ་ཏེ་ཁྱོད་ཀྱིས་དེ་རིང་མ་གསོལ་ན།། བདག་ཅག་ཐམས་ཅད་མ་རུང་ཤེས་པར་གྱིས།། དེ་ལས་ཕན་ཕྱིར་མགོན་ལ་གསོལ་བ་ཐོབ།། དེ་ནས་ལ་ལ་ཚིག་པས ་གཉིས་ཤི་བ་ལས་ཕྱིར་སོས་ཏེ་གསོན་པོར་འདུག་པ་མཐོང་ན། མཆོག་ཏུ་དགའ་བར་འགྱུར་བ་དེ་ཁོ་ན་བཞིན་དུ། མགར་བའི་བུ་སྐུལ་བྱེད་དེ་མཆོག་ཏུ་དགའ་བར་གྱུར་ནས། ལག་པ་བརྐྱང་སྟེ། བཅོམ་ལྡན་འདས ་ལ་མགོ་བོས་ཕྱག་འཚལ་ནས་ལངས་ཏེ། ཚིགས་སུ་བཅད་པ་འདི་དག་སྨྲས་སོ།། ཀྱེ་མ་དེང་བདག་རྙེད་པ་ལེགས་པར་རྙེད།། མི་ཡི་འཇིག་རྟེན་སྐྱེས་པ་འབྲས་བུ་ཡོད།། ད་ནི་རྙེད་ལ་སོགས་ལས་འབྲལ་མི་འགྱུར ་མི་བཟད་དམྱལ་བར་ཡང་ནི་ལྷུང་མི་འགྱུར། ། དེང་འདིར་རྙེད་པ་ཆེན་པོ་རྙེད་པ་འདི།། གསེར་གྱི་ཕུང་པོ་བས་ཀྱང་ལྷག་པ་ཡིན།། དཔའ་བོ་བདེ་གཤེགས་མགོན་དང་ཕྲད་པས་ན།། ཕྱིན་ཆད་བདག་ནི་དུད་འགྲོས་འཇིག ་པ་མེད། ། སངས་རྒྱས་ལ་ནི་དད་པ་གཏིང་ཟུག་པ།། དེང་རྙེད་ཨུ་དུམ་ཝ་རའི་མེ་ཏོག་བཞིན།། རབ་འཇིགས་ཡི་དགས་འགྲོ་བ་ཡོངས་སྤངས་ཤིང་།། ལྷ་མིན་སྐྱེ་བའི་ས་བོན་མི་བཟད་བཅོམ།། དེ་བཞིན་གཤེས ་འབྱུང་དཀོན་དང་དེ་ཕྲད་པ། ། ཁབ་ཀྱི་རྩེ་མོར་ཡུངས་འབྲུ་ཆགས་པ་བཞིན།། དེ་ལ་ཕ་རོལ་ཕྱི་མཆོག་སྦྱིན་ཕུལ་བས།། རྟག་ཏུ་ལྷ་ཡི་འགྲོ་བར་འཕར་བར་གྱུར།། ཆུ་གནས་པདྨ་ཆུས་མི་ཆགས་པ་ལྟར།། དྲང ་སྲོང་ཆེན་པོ་འཇིག་རྟེན་ཆོས་རྣམས་ཀྱིས། ། ཆགས་མེད་ཕྲད་པས་སྲིད་རྩེའི་ས་བོན་ཀུན།། དྲངས་ཕྱུང་བདག་ནི་འཁོར་བའི་མཚོ་ཆེན་རྒལ།། རྒྱ་མཚོའི་ནང་གི་རུས་སྦལ་ཞར་བའི་མགྲིན།། གཞར་ཤིང་མིག་ཏུ ་ཆུད་དཀའ་འདྲ་བ་ལས། ། བདེ་གཤེགས་དེང་ཕྲད་དེ་ལ་སྦྱིན་པ་ཕུལ།། དེ་ནས་བདག་གིས་ཉོན་མོངས་གསོག་ཀུན་བཅོམ།། ལྷ་རྣམས་ཀྱིས་ནི་ཞལ་ཟས་བཟང་པོ་དག། ཕུལ་ཡང་བདེ་གཤེགས་མ་ངཞེས ་@#། བདག་ལས་ནི།། སེ་རན་ད་སི་མེ་ཏོག་འདྲ་བ་ཞེས་དེས།། བདག་ནི་འཇིག་རྟེན་རབ་མཆོག་དཔལ་ཡོན་ཅན།། ཚངས་པ་བརྒྱ་བྱིན་ལ་སོགས་འཇིག་རྟེན་འདི།། ཐམས་ཅད་ལྤགས ་ཟས་པར་བདག་ལ་མཆོད། ། ཁྲུམ་ཆོག་གནས་སུ་སོན་པ་གང་ཡིན་འདི།། སྐྱེ་བའང་ཉིད་ལ་ནི་བདག་གིས་ཐོག། དེ་ནས་ཐལ་མོ་སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོས་ཏོ།། མགོན། ་ཁྱོད་མྱ་ངན་འདའ་བ་མཐོང་ནས་ནི།། འཇིག་རྟེན་འདི་ཀུན་སྡུག་བསྔལ་གཟིར་བར་གྱུར།། དབང་མེད་ཀྱི་ཧུད་ཅེས་ནི་སྐད་ཆེར་བླ།། འདི་དག་མདོར་རྟག་ཏུ་སྲས་བཞིན་གཟིགས།། ལྷུན་པོའི་གསེར་གྱི་རྩེ་མོ་རབ ་མཐོ་བ། ། མཚོ་ཆེན་དབུས་ན་མཛེས་པར་གནས་པ་ལྟར།། ཆོས་ཀྱི་མངའ་བ་དག་ཁྱོད་ནི་ཆོས་སྟོན་ཅིང་།། དགེ་འདུན་དབུས་སུ་མཛེས་པར་བཞུགས་སུ་གསོལ།། ཇི་ལྟར་ཉི་མ་གཟི་ཅན་ཤར་བ་ན།། འོད་ཟེར་དག ་གིས་སྤྲིན་སྲབ་སེལ་བ་ལྟར། ། དྲང་སྲོང་ཆེན་པོ་ཡེ་ཤེས་སྨོན་ཆེན་གྱིས།། སྐྱེ་བོ་མང་པོའི་མྱ་ངན་དེང་བསལ་མཛོད།། སེམས་ཅན་འདི་དག་དུད་མོས་མིག་སྦྱངས་ཤིང་།། སྡུག་བསྔལ་གཅིག་པུའི་རྒྱ་མཚོའི་གཏིང ་དུ་ཞུགས། ། དེ་དད་པ་རྙེད་དགའ་བསྐྱེད་པང་ཅིང་།། འདིན་མས་བསྡུས་ཚ་ལ་ཨུད་དུ་བརྒྱུགས། ནས་བཅམ་ལྡན་འདས་ཀྱས། རྒྷཱ་རྒྱས་པ། སྐལ་བྱེད་ན་། ་། དེ་ནི་དེ་བཞིན་ཏེ། སངས་རྒྱས་འབྱུང་བ་ནི་ཨུ་དུམ་ཝ་རའི་མེ་ཏོག་བཞིན་དུ་ཤིན་ཏུ་རྙེད་པར་དཀའ་འོ།། དད་པ་ཡང་རྙེད་པར་དཀའོ།། ཆོས་ཐོས་པ་ཡང་རྙེད་པར་དཀརའོ།། དེ་བཞིན་གཤེགས་པ་ཡོངས་སུ་མྱ་ངན། ་ལས་འདར་བའི་ཚེ། གལ་ཟས་ཀྱི་ཐ་མའི་སྦྱིན་པའི་ཕ་རོལ་ཏུ་ཕྱིན་པ་ཕུན་སུམ་ཚོགས་པ་ཡང་རྙེད་པར་དཀའ་འོ།། སྦྲུལ་བྱེད་གཞན་ཡང་ཁྱོད་མདུ་མྱ་ངན་མ་བྱེད་པར། བདག་གིས་དེ་བཞིན་གཤེགས་པ་ལ་གས་པས་། ་ཐ་མའི་སྦྱིན་པའི་ཕ་རོལ་ཏུ་ཕྱིན་པ་ཕུན་སུམ་ཚོགས་པ་ཐོབ་བོ་སྙམ་དུ་དགའ་བ་སྐྱེད་ཅིག། དེ་བཞིན་གཤེགས་པ་ལ་བཅོམ་ལྡན་འདས་བཞུགས་སུ་གསོལ་ཞེས་དེ་སྐད་དུ་ཁྱོད་གསོལ་བ་མ་འདེབས་ཤིག། སངས་རྒྱས་རྣམས ་ཀྱི་ཆོས་ཀྱི་དེ་ཁོ་ན་ཉིད་ལ་རྟོག་ཤིག། མི་རྟག་པ་ཉིད་ལ་འཇུག་པར་གྱིས་ཤིག། འདུ་བྱེད་རྣམ་ཀྱི་རང་བཞིན་ཤེས་པར་གྱིས་ཤིག་ཅེས་བཀའ་སྩས་ནས། ཚིགས་སུ་བཅད་པ་འདི་དག་གསུང་སོ།། ཚེན་ཤིན་ཏུ་རིང་ཡང་འཇིག་པར་འགྱུར།། འདིར་ནི ་ཐམས་ཅད་ངེས་པར་འཆི་བར་འགྱུར། ། འཚོ་བའི་འཇིག་རྟེན་འཇིག་པའི་ཆོས་ཅན་ཡིན།། འབྱོར་པ་ཐམས་ཅད་རྒུད་པར་གཞོལ་བར་འགྱུར།། རྟག་ཏུ་ལང་ཚོ་རྒ་བས་ངེས་པར་འཇོམས།། གཟུགས་བཟང་ནད་མེད་ནད ་ཀྱིས་འཇིག་པར་འགྱུར། ། སྲོག་ནི་འཆི་བས་རྩ་ནས་འབྱིན་པར་བྱེད།། འཇིག་རྟེན་ཀུན་ན་རྟག་པ་ཅི་ཡང་མེད།། དབང་ཕྱུག་མི་རྟག་ཚེ་ཡང་མི་རྟག་སྟེ།། སྐྱེ་བའི་སྡུག་བསྔལ་འཁོར་ལོར་རྟག་ཏུ་འཁོར།། ་འཇིག་རྟེན་གསུམ་ན་བརྟན་པོ་སུ་ཡང་མེད།། སྲིད་པ་དག་ན་འགྲོ་ཀུན་གསོག་ཏུ་འདུག། སྲིད་པ་འཇིག་པའི་ཆོས་ཅན་རབ་གཡོ་བ།། འདི་དག་ན་ནི་བདེ་བཙོ་ཡང་མེད།། རྒ་དང་འཆི་དང་ནང་དང་ཆུང་རྣམས་ཀྱི ་འཇིགས་པས་རྟག་ཏུ་ཀུན་ནས་གཙོ་བར་བྱེད། ། སྲིད་པ་མཐའ་མེད་མི་བཏན་གང་པོ་མེད།། ཐམས་ཅད་གྲ་དང་འཕྲ་བར་ཤེས་པར་གྱིས།། དེན་འཁོར་ནང་ན་མོངས་དྲ་བ་ཡིག། འཇིག་རྟེན་དགྲས་ཏེད་ཀྱི ་བུ་བཞིན། ། འཇིག་རྟེན་དག་ན་ཐེར་ཟུག་གནོད་པའི་གནི།། རྟག་ཏུ་འབྲས་ལྟར་སྡུག་བསྔལ་འབྲེལ་བ་གང་།། མི་གཙང་ལུས་དང་འདོད་པ་དེ་དག་ལ།། ཕན་འདོད་སྡུག་བསྔལ་བས ་འདོད་སུ་ཞིག་དགའ། ། མི་རྟག་འདོད་པ་རྣམས་ལ་ཆགས་པ་མེད།། ཚུལ་བཞིན་རྟོགས་པས་འདོད་ཆགས་བྲལ་བར་འགྱུར།། དེ་ནས་ཡང་དག་མཐོང་ན་འདོད་ཆགས་འབྲལ།། དེ་དག་སྤངས་བཅད་གྲོལ་བ་ཉིད་དུ ་འགྱུར། ། ང་ནི་སྲིད་པའི་ཆུ་ཆེན་ལེགས་པར་བརྒལ།། ང་ནི་སྡུག་བསྔལ་རྣམས་འདས་བདེ་བར་ཞུགས།། དེ་ཕྱིར་ངས་ནི་མཐའ་ཡས་སྤྲོས་མེད་པ།། ཆགས་པ་ཀུན་བསལ་ཐར་པ་ཐོབ་པར་གྱུར།། ང་ལ་རྒ་དང ་ན་དང་འཆི་བ་མེད། ། ང་ལ་རྟག་ཏུ་ཚེ་ཡང་ཟད་པ་མེད།། ང་ནི་མེ་ལྟར་འབར་ཏེ་འགྲོ་འགྱུར་གྱིས།། ཁྱོད་ཀྱིས་ང་ནི་མེད་འགྱུར་མ་སེམས་ཤིག། དེ་བཞིན་གཤེགས་ཉིད་ལྷུན་པོ་འདྲ་བར་ལྟོས།། ང་དེང་ཡང་དག ་མྱ་ངན་འདའ་བར་འགྱུར། ། བདེ་མཆོག་དེ་ནི་ང་ཡི་ཆོས་ཉིད་དེ།། རྒྱལ་རྣམས་སྤྱོད་ཡུལ་ཡིན་གྱི་ཁྱོད་མ་དུ། དེ་ནས་བཅོམ་ལྡན་འདས་ལ། མགར་བའི་བུ་སྐུལ་བྱེད་ཀྱིས་འདི་སྐད་ཅེས་གསོལ ་ཏོ། ། བཅོམ་ལྡན་འདས་དེ་ནི་དེ་ལགས་སོ།། དེ་ནི་དེ་ལགས་ཏེ།། མྱ་ངན་ལས་འདས་པ་ནི་བདག་གིས་ཀྱང་བསམ་གྱིས་མི་ཁྱབ་ལགས་ན།། སྦྲང་བུ་དང་འདྲ་བའི་སེམས་ཅན་ཐེག་པ་དམན་པ་གཞན་དག་གིས་ལྟ་སྨོས ་ཀྱང་ཅི་འཚལ། བཅོམ་ལྡན་འདས་ཀྱེ་མ་བདག་དེ་དུ་བྱང་ཆུབ་སེམས་དཔའ་མི་མཆོག་སྐལ་བ་ཆེན་པོ་དང་ལྡན་པ། མཆོད་པར་འོས་པ། འཇམ་དཔལ་གཞོན་ནུར་གྱུར་པ་ལ་སོགས་པ་དང་། ཟག་པ་ཟད་པ་རྣམས ་ད་ས་པ་ཉྀད་སམ། མ་ན་དས་དཔ་ག་ས། ས་རྟེན་པར་དགས་པཀག་རླུ་བ་བ་མ་དུ་ས་ནད།། དུན་དྷ། ་འདུས་པར་འགྱུར་བ་དེ་བཞིན་དུ། བདག་ཀྱང་དེ་བཞིན་གཤེགས་པའི་མཐུས།། བྱང་ཆུབ་སེམས་དཔའ་སེམས་དཔའི་ཆེན་པོ་རྣམས་ཀྱི་གྲངས་སུ་གཏོགས་ཤིང་། ཡང་དག་པར་འདུས་ལགས་སོ།། བཅོམ་ལྡ ་འདས་བདག་ནི་དེ་བཞིན་གཤེགས་པ་ཡུན་དུ་བཞུགས་པར་འཚལ་གྱི། ཁ་ཟས་ཚོགས་པ་བཞིན་མྱ་ངན་ལས་འདའ་བར་གཤེགས་པ་ནི་མི་འཚལ་ལགས་སོ།། དེ་ནས་དེའི་ཚེ་འཇམ་དཔལ ་གཞོན་ནུར་གྱུར་པས། མགར་བའི་བུ་སྐུལ་བྱེད་ལ་འདི་སྐད་ཅེས་སྨྲས་སོ།། སྐུལ་བྱེད་ཁྱོད་འདི་སྐད་དུ། བདག་ནི་དེ་བཞིན་གཤེགས་པ་ཡུན་དུ་བཞུགས་པར་འཚལ་གྱི། ཁ་ཟས་ཆོག་པ་བཞིན་དུ་མྱ་ངན ་ལས་འདའ་བར་གཤེགས་པ་ནི་མི་འཚལ་ལོ་ཞེས་དེ་སྐད་མ་ཟེར་ཅིག། འདུ་བྱེད་ཀྱི་རང་བཞིན་བལྟ་བར་བྱ་མོད། དེ་ལྟར་ལྟ་བ་གང་ཡིན་པ་དེ་ནི། སྟོང་པ་ཉིད་བསྒོམ་པ་ཡོངས་སུ་རྫོགས་པར་འགྱུར་ཏེ། དམ ་པཔའི་ཆོས་འདོད་པས་ནི་དེ་ལྟར་བསླབ་པར་བྱའོ། ། སྐུལ་བྱེད་ཀྱིས་སྨྲས་པ། བཙུན་པ་འཇམ་དཔལ་འོ་ན་ཇི་ལྟར་དེ་བཞིན་གཤེགས་པ་ལྷའི་ཡང་ལྷའི་མཆོག་ཏུ་གྱུར། གལ་ཏེ་འདུ་བྱེད་དུ ་གྱུར་ན། ལྷའི་ཡང་ལྷར་འོས་པ་མ་ཡིན་ནོ།། འདུ་བྱེད་རྣམས་ནི་ཆུ་བུར་ལྟ་བུར་ཤེས་ཤིང་། ཤིང་རྟའི་འཕང་ལོ་བཞིན་དུ་འཁོར་བ་ཡིན་ནོ།། ལྷ་རྣམས་ནི་མཆོག་ཏུ་ཚེ་རིང་ཞེས་གྲགས་ལ། དེ་བཞིན ་གཤེགས་པས་ནི་ལོ་བརྒྱ་ཡང་མཐུབ་སྟེ། དེ་བས་ན་དེ་བཞིན་གཤེགས་པ་ལྷའི་ཡང་ལྷར་འོས་པ་མ་ཡིན་ནོ།། དཔེར་ན་མི་ལ་ལ་ཞིག་གྲོང་དཔོན་བྱེད་པ་ལས། དེ་མཐར ་གྱིས་དབང་ཕྱུག་ཆེན་པོར་གྱུར་ནས། བློན་པོ་ཆེན་པོའི་དབང་ཕྱུག་ལས་ཀྱང་འདས་ཏེ། རང་གིས་དབང་ཕྱུག་གི་འབྲས་བུ་ཆོས་ཀྱིས་རྙེད་པ་ལ་ལོངས་སྤྱོད་པ་ལས། དེའི་ཕྱིར་ཡང་བསོད་ནམས་ཟད་ཅིང་། དབང ་ཕྱུག་ལས་ཉམས་པར་གྱུར་ནས། གཞན་གྱིས་བཀོལ་ཞིང་བརྙས་པར་འགྱུར་བ། དེ་ཅིའི་ཕྱིར་ཞེ་ན། དབུལ་པོར་གྱུར་པའི་ཕྱིར་རོ།། དེ་དང་འདྲ་བར་གལ་ཏེ་དེ་བཞིན་གཤེགས་པ་འདུ་བྱེད་དུ་འགྱུར་དུ་ཟིན་ན་ནི ་འཆི་བའི་རྒྱུ་ཡིན་པའི་ཕྱིར། ལྷའི་ཡང་ལྷར་འོས་པ་མ་ཡིན་ནོ།། བཙུན་པ་འཇམ་དཔལ་དེ་བས་ན། ལྷའི་ཡང་ལྷ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ། དེ་ལྟར་འདུ་བྱེད་དང་། ་འདྲ་བར་མ་ལྟ་ཞིག། འཇམ་དཔལ་གཞན་ཡང་ཅི་ཁྱོད་ཤེས་བཞིན་དུ་དེ་བཞིན་གཤེགས་པ་ལ་འདུ་བྱེད་ཀྱི་རང་བཞིན་དུ་རྟོག་པར་བྱེད་དམ། འོན་ཏེ་མ་ཤེས་པས་རྟོག་པར་བྱེད། གལ་ཏེ་དེ་བཞིན་གཤེགས་པ་འདུ་བྱེད ་དང་འདྲ་བ་ནི། འཇིག་རྟེན་གསུམ་པོ་དག་ན་ཆོས་ཀྱི་དབང་ཕྱུག་བརྙེས་པ། ལྷའི་ཡང་ལྷ་མཛད་པའོ་འོས་མ་ཡིན་ནོ།། དཔེར་ན་རྒྱལ་པོའི་དབང་པོ་ལ་ལ་ཞིག་ལ་གྱད་སྟོང་གི་མཆོག་ཏུ་གྱུར་པའི་གྱད་ཅིག་ཡོད་ལ། དེ་གྱད ་ཐམས་ཅད་ཀྱིས་མི་ཐུབ་པའི་ཕྱིར། གྱང་སྟོང་ཐུབ་ཅེས་བྱ་བའི་མིང་ཐོབ་སྟེ། དེ་ལ་གྱད་ཟླ་མེད་པའི་ཕྱིར་བླ་ནས་དབང་ཐང་ཆེན་པོ་འགྲུབ་ན། ཅི་གྱད་སྟོང་ཐུབ་པ་དེའི་མིང་དེ་ཐོས་ན་སྐད་གྲགས་པ་དེ་མི་བདེན་པ་ཡིན་ནམ། འོན ་ཏེ་ཡོན་ཏན་ཡོད་ན་ནི། ཡོན་ཏན་ཅན་གྱི་མིང་ཐོབ་པ་ཡིན་ནོ།། དེ་བཞིན་དུ་དེ་བཞིན་གཤེགས་པ་ཡང་།། ཉོན་མོངས་པའི་བདུད་དང་། ཕུང་པོའི་བདུད་དང་། ལྷའི་བུའི་བདུད་དང་། རང་བཞིན་གྱི་བདུད་ཀྱི་གྱད་ཐམས ་ཅད་བཅོམ་པས་ན། གྱང་སྟོང་ཐུབ་བཞིན་དུ། ཡང་དག་པའི་ཡོན་ཏན་གྱི་སྒོ་ནས་འཇིག་རྟེན་གསུམ་པོ་དག་ཏུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་བྱ་བ་ཡིན་གྱིས ་བཙུན་པ་འཇམ་དཔལ་ཁྱོད་དེ་བཞིན་གཤེགས་པ་ལ་འདུ་བྱེད་དང་འདྲ་བར་ཡོངས་སུ་མ་རྟོགས་ཤིག། དཔེར་ན་ལ་ལ་ཞིག་ཕྱུག་ཅིང་ནོར་མང་བའི་རིགས་སུ་སྐྱེ་བ་བླངས་ལ། ཚེ་ཐུང་བར་འགྱུར་བ་ཞིག་སྟེ། དེ་སྐར ་མཁན་དག་གིས་མཐོང་ནས། ཁྱེའུ་འདི་ནི་ཚེ་ཐུང་ངོ་ཞེས་བསྟན་ཏེ། དེའི་ཕ་མས་དེ་སྐད་ཐོས་ན། འདི་ནི་བདག་ཅག་གི་ཁྱིམ་དུ་ཕན་པར་འགྱུར་བ་མ་ཡིན་ནོ་སྙམ་ནས། གྲངས་སུ་ཡང་མི་རྩི་ཞིང་། དེ་ལ་བྱམས ་པར་མི་བྱེད་དོ། ། དེ་ལྟར་སྐྱེས་པ་འམ། བུད་མེད་དམ། ལྷ་འམ། ཚངས་པ་ཡང་རུང་སྟེ། གང་ཚེ་ཐུང་བ་དེ་ལ་ཁྱད་དུ་གསོད་པར་འགྱུར་ན། གལ་ཏེ་དེ་བཞིན་གཤེགས་པ་ཆོས་འབའ་ཞིག་ལ་ཡང་དག་པར ་གཞོལ་བ་ཉིད། འདུ་བྱེད་དུ་གྱུར་ཏུ་ཟིན་ན། འཇིག་རྟེན་ཐམས་ཅད་ཀྱིས་བརྙས་པར་འགྱུར་རོ།། ཆོས་ཐམས་ཀྱི་ནང་ན་ནི། ཕྱིར་ལྟུང་བ་མེད་ཅིང་ཟད་པ་མེད་པ་ལ་ཐར་པ་ཞེས་བཤད་ན། གལ་ཏེ་དེ་ལྟར ་གྱུར་ན་དོན་མེད་པར་འགྱུར་གྱིས། བཙུན་པ་འཇམ་དཔལ་དེ་བཞིན་གཤེགས་པ་འདུ་བྱེད་དུ་གྱུར་ཅེས་དེ་སྐད་མ་གསུང་ཞིག། དཔེར་ན་བུད་མེད་གཞོན་ནུ་དབུལ་མོ།། བཀྲེན་པ། མགོན་མེད་པ། ནང ་ཀྱིས་ཐེབས་པ། བར་མ་དོར་སྡུག་བསྔལ་བར་གྱུར་པ། སྦྲུམ་པས་ཉེན་པ་ཞིག་མགོན་མེད་ཁང་པ་ཞིག་ཏུ་སོང་བ་ལས། བུ་མོ་དེབུ་བྱུང་ནས། དེ་ན་སྔ་ནས་གནས་པ་གཞན་དག ་གིས་དེ་དེའི་ནང་ནས་བསྐྲད་དེ། ཉོན་མོངས་མ་དེ་བུ་བཙས་མ་ཐག་ཏུ་བྱིས་པ་ཁ་མར་ཁྱེར་ནས། ལོ་ལེགས་པའི་ཡུལ་ཞིག་ཏུ་ཆས་ཏེ་སོང་བ་ལས། ལམ་དུ་ཤ་སྦྲང་དང་། སྦྲང་བུ་དང་། རླུང་དང་། ཉི་ཚན་དང ་སྡིག་སྦྲུལ་གྱི་གནོད་པས་ཉེན་པར་གྱུར་ཏེ། གངྒཱའི་ཀླུང་ཆེན་པོ་རྒལ་བར་འདོད་པ་ལས། དེས་རྒལ་བར་མ་ནུས་ཏེ། ཁྱེའུ་དེ་ཁྱེར་བཞིན་དུ་གངྒཱའི་ནང་དུ་གཤེགས་ནས། དེ་བུ་དེ་ལ་བྱམས་པའི་བསོད་ནམས ་ཀྱི་ཁྱད་པར་གྱིས་ལུས་དང་བྲལ་ཏེ། ཤི་བའི་འོག་ཏུ་ཚངས་པའི་འཇིག་རྟེན་དུ་སྐྱེས་ཏེ། བྱམས་པའི་བསོད་ནམས་ཀྱི་ཁྱད་པར་ཇི་ལྟ་བུ་ཞིག་གིས་སྐྱེས་ཞེ་ན། བདག་ནི་ཤི་ཡང་བླའི། ཁྱེའུ་འདི་ཉེ་ཞོ་མེད་པར ་ཐར་པར་བྱའོ་སྙམ་པའི་བསོད་རྣམས་ཀྱི་ཁྱད་པར་གྱིས་སྐྱེས་པ་དེ་བཞིན་དུ། བཙུན་པ་འཇམ་དཔལ་སྐྱེས་བུ་དམ་པ་དམ་པའི་ཆོས་འབྱུང་བར་འདོད་པས། དེ་བཞིན་གཤེགས་པ་འདུ་བྱེད་དུ་གྱུར་པར་བལྟ་བར་མི་བྱ། ་ཞིང་། འདུ་ཤེས་ཀྱང་བསྒྱུར་བར་མི་བྱའོ།། གལ་ཏེ་དེ་ལྟ་བུའི་མིག་ལུས་ལ་མེད་ན་ཡང་། བཅོམ་ལྡན་འདས་ནི་བསམ་གྱི་མི་ཁྱབ་བོ་སྙམ་དུ། ཡང་དག་པའི་ལྟ་བ་ཅན་དུ་བྱའོ།། སེམས་ཅན་ཐམས་ཅད་ལ་ཕན ་པའི་གདམ་ངག་བསྟན་པས་ནི། དེ་བཞིན་གཤེགས་པ་འདུས་མ་བྱས་པ་ཡིན་ནོ་ཞེས་བསྟན་པར་བྱའོ།། དམ་པའི་ཆོས་འབྱིན་པར་བྱེད་པས་ནི། ཇི་ལྟར་བུད་མེད་གཞོན་ནུ་དབུལ་མོས་གངྒཱའི་ཀླུང་ལས་བུ ་བསྒྲལ་བའི་ཕྱིར། རང་གི་སྲོག་དང་བསྔོས་ཏེ། འབད་པ་དེ་བཞིན་དུ་བྱའོ།། དམ་པའི་ཆོས་འབྱུང་བའི་ཐབས་བྱ་བའི་ཕྱིར། དེ་བཞིན་གཤེགས་པ་ནི་འདུས་མ་བྱས་པའོ་སྙམ་དུ་སེམས་བསྐྱེད་པར་བྱའོ།། ་དེ་བཞིན་གཤེགས་པ་འདུས་མ་བྱས་པར་མཐོང་ན། བདག་ཉིད་ཀྱི་དོན་དུ་བྱ་བའི་ཐར་པའི་དོན་རྟོགས་པར་འགྱུར་རོ།། བཙུན་པ་འཇམ་དཔལ་དཔེར་ན་མི་ལ་ལ་ཞིག་ལམ་དུ་འགྲོ་བས་དུབ་པར་གྱུར་ཏེ། ་ཁྱིམ་གྱི་ནང་དུ་ཉལ་བ་ལས། དེའི་ཚེ་ཁྱིམ་དེ་ཐོག་ཐག་ནས་མེ་ཆེན་པོར་འབར་ཏེ། མི་དེ་མེས་ཚིག་པ་ན། ད་ནི་སྲོག་མེད་ཟིན་ནོ་སྙམ་ནས། ངོ་ཚ་ཤེས་པ་དང་། ཁྲེལ་ཡོད་པ་དང་ལྡན་པས། བདག་ཉིད ་གོས་ཀྱིས་དམ་དུ་དཀྲིས་ཏེ། སེམས་དྲན་པ་དང་ལྡན་བཞིན་དུ་ཤི་ནས། དེ་ངོ་ཚ་ཤེས་ཤིང་ཁྲེལ་ཡོད་པར་སེམས་པའི་བསོད་ནམས་ཀྱི་འབྲས་བུས་སུམ་ཅུ་རྩ་གསུམ་པའི་རྒྱལ་སྲིད་ནི་ལན་བརྒྱད་ཅུ་བྱས། ཚང་བའི་རྒྱལ ་སྲིད་ནི་ལན་འབུམ་བྱས། མིའི་འཇིག་རྟེན་དུ་ཡང་འཁོར་ལོས་སྒྱུར་བའི་རྒྱལ་སྲིད་ལན་དུ་མ་བྱས་ཏེ། ངན་སོང་རྣམསུ་ཡང་མི་སྐྱེ་ལ་ལན་མང་དུ་བདེ་བ་གཅིག་ནས་གཅིག་ཏུ་བརྒྱུད་པ་འབའ་ཞིག་ཐོབ་པ་དེ་བཞིན་དུ། འཇམ་དཔལ་ཁྱོད ་སྐྱེས་བུ་དམ་པ་དག་དེ་ལྟར་མཛེས་པར་གྱིས་ཤིག། ངོ་ཚ་ཤེས་པར་གྱིས་ཤིག། དེ་བཞིན་གཤེགས་པ་འདུ་བྱེད་ཀྱི་ཐབས་ལ་འཇུག་པ་སྤྱོད་དུ་མ་ཞུགས་ཤིག། དགེ་སློང་ཚུལ་ཁྲིམས་ཕུན་སུམ་ཆོག ་པ། དེ་བཞིན་གཤེགས་པ་འདུས་མ་བྱས་པ་ལ། དེ་བཞིན་གཤེགས་པ་འདུས་བྱས་པ་ཡིན་ནོ་ཞེས་ཟེར་བ་བས་ནི། མུ་སྟེགས་པར་གྱུར་ཏེ་ཤི་ཡང་བླའོ།། དེ་བཞིན་གཤེགས་པ་འདུས་མ་བྱས་ཡིན་བཞིན་དུ། ་དེ་བཞིན་གཤེགས་པ་འདུས་བྱས་ཡིན་ཞེས་ཟེར་བ་གང་ཡིན་པ་དེ་དག་ནི་བརྫུན་དུ་སྨྲ་བ་ཡིན་ནོ།། དེ་བཞིན་གཤེགས་པ་འདུས་བྱས་ཡིན་ནོ་ཞེས་ཟེར་བ་རྣམས་ནི། རང་གི་ཀྱི ་དང་འདྲ་བར་སེམས་ཅན་དམྱལ་བར་འགྲོ་བར་འགྱུར་རོ། ། བཙུན་པ་འཇམ་དཔལ་དེ་བཞིན་གཤེགས་པ་ལ་འདུས་བྱས་དང་འདྲ་བར་མ་ལྟ་ཞིག། དུ་ཕྱིན་ཆད་འཁོར་བར་རྒྱུ་བ་ན། མི་ཤེས་པ་ལས་བཟླས་ཏེ ་བཅོམ་ལྡན་འདས་ནི་འདུས་མ་བྱས་པའོ་སྙམ་པའོ་ཤེས་པ་འབའ་ཞིག་རྟོགས་པ་གྱིས་ཤིག། དེ་ལྟར་བྱ་བཏང་བསྒོམ་པ་དེའི་འབྲས་བུས་ཁྱོད་མྱུར་བ་ཁོ་ནར་དེ་བཞིན་གཤེགས་པ་བཞིན་དུ། མཚན་སུམ་ཅུ་རྩ ་གཉིས་དང་ལྡན་པར་འགྱུར་རོ། ། དེ་ནས་འཇམ་དཔལ་གཞོན་ནུར་གྱུར་པས། མགར་བའི་བུ་སྐུལ་བྱེད་ལ་འདི་སྐད་ཅེས་སྨྲས་སོ།། ལེགས་སོ་ལེགས་སོ།། ཚེ་རིང་བར་གྱུར་ཅིག། རིག ་ཀྱི་བུས་ནི་དེ་ལྟར་བྱ་བ་ཡིན་ནོ། ། རིགས་ཀྱི་བུ་ཁྱོད་ཀྱིས་དེ་བཞིན་གཤེགས་པ་རྟག་པ་དང་། ཐེར་ཟུག་དང་། འདུས་མ་བྱས་པ་དང་། བརྟན་པར་ཤེས་སོ།། ད་ལྟར་ཁྱོད་ཀྱིས་འདི་ཁོ་ན་ལྟར། འདུས་བྱས་ཁོང ་རླག་ཏུ་གཏང་བའི་སྒོ་ནས་ཤེས་པ་ལས་ན། ཁྱོད་ཀྱང་རིང་པོ་མི་ཐོགས་པར་དེ་བཞིན་གཤེགས་པ་ཇིན་པ་བཞིན་དུ་འགྱུར་རོ།། སངས་རྒྱས་ཉིད་ཀྱིས་ཀྱང་དེ་ལྟར་འུབུ་ཅག་གཉིས་ཀྱིས་ཁྱད་དུ་འཕགས་པར ་བསྔགས་པ་བརྗོད་དོ་ཞེས་བྱིས་བསྔགས་པར་འགྱུར་རོ། ། སྐུལ་བྱེད་དེ་བཞིན་གཤེགས་པའི་བཤོས་སྦྱར་ཅིག། སྦྱིན་པ་ཐམས་ཅད་ཀྱི་ནང་ན་ནི་སྤུར་ཏེ་སྦྱིན་པ་མཆོག་ཡིན་ནོ།། དེ་ལ་སྦྱར་ཏེ་སྦྱིན་ཞེས་བྱ་བ་ན།། ་སྦྱིན་པའི་ཕ་རོལ་ཏུ་ཕྱིན་པ་ཐམས་ཅད་ཀྱིས་བོན་ལས་རྩཝ་ཆུ་འབྱུང་བར་བྱ་བ་བྱོར། གང་གི་ཚེ་དགེ་སློང་དམ། དགེ་སློང་མ་འམ།། དགེ་བསྙེན་ནས། དགེ་བསྙེན་མ་ཡང་ས་སྟེ། དོན་འགའ་ཞིག་ག་ཕྱིར་ལམ་དུ ་ཞུགས་ནས། དུབ་པར་གྱུར་པ་དེ་དག་ལ་ཅི་ཡོད་པ་དང་། དེའི་རྐྱེན་དུ་འཚལ་བ་དང་། བརྟགས་པའི་སྦྱིན་པ་བྱེད་པ་དེ་ནི་སྦྱར་ཏེ་སྦྱིན་པ་ཞེས་བྱའོ།། སྐུལ་བྱེད་དེ་བཞིན་དུ་ཁྱོད་ཀྱིས་ཅི་ཡོང་བ་ལས་ཞལ་ཟས་ཀྱི་ཐམ་མང ་ཡང་རུང་། ཕུང་ཡང་རུང་། དེ་བཞིན་གཤེག་པ་དགེ་སློང་གི་དགེ་འདུན་དང་བཅས་པ་ཁྱད་པར་ཡོད་ཀྱང་རུང་། ཁྱང་བར་མེད་ཀྱང་རུང་སྟེ། འདྲིམ་དུ་ཆུག་ཙོག། བཅོམ་ལྡན་འདས་ཡོངས་སུ་མྱ་ངན་ལས་འདའ་བར ་གཤེགས་སུ་ཉེའོ། ། དེ་ནས་སྐུལ་བྱེད་ཀྱིས་སྨྲས་པ། བཙུན་པ་འཇམ་དཔལ་ཁྱོད་ཁ་ཟས་ལ་ཆགས་སམ་ཅི་ན། ཞལ་ཟས་མང་ཡང་རུང་། ཉུང་ཡང་རུང་དྲིམས་ཤིག་ཅེས། བདག་གི་གཞེན ་འདེབས་པར་བྱེད། བཅོམ་ལྡན་འདས་ཀྱིས་ལོ་དྲུག་གི་བར་དུ་དཀའ་བ་སྤྱོད་པ་མཇ་མ་ཛན། ཅིང་སྐད་ཅིག་ཙམ་ཡང་བཞེས་མི་སྤྱོད་དམ། དེ་བཞིན་གཤེགས་པ་ནི་ཆོས་ཀྱི་སྐུ་ཡིན་ཏེ། ཞལ་ཟས་ཀྱི་སྦྲུམ་ཡིནན། ཅི་བཅོམ་ལྡན་འད། ་ཞལ་བས་གསོལ་ལ། བཅོམ་ལྡན་འདས་ཀྱིས་བཀའ་སྩ་ལ་པ། འཇམ་དཔལ་སྐུལ་བྱེད་ཀྱིས་ཇི་སྐད་སྦས་པ་དེ་ནི་དེ་བཞིན་ནོ།། སྐུལ་བྱེད་ལེགས་སོ་ལེགས་སོ།། ཁྱོད་ནི་ཐེག་པ་ཆེན་པོ་ལ་ཤེས་རབ ་ཆེ་བའོ། ། ཁྱོད་ནི་ཐེག་པ་ཆེན་པོ་ལ་ཤེད་བྱེ་བའོ།། འཇམ་དཔལ་གྱིས་ཀྱང་འདི་སྐད་ཅེས་སྨྲས་སོ།། གལ་ཏེ་དེ་ལྟར་བཞེད་པར་གྱུར་ན། དེ་བཞིན་གཤེགས་པ་སྐུ་ཚེ་རིང་བར་ཤོག་ཅིག། སྐུལ་བྱེད ་ཀྱིས་སྨྲས་པ། ཅི་བདགའ་བའ་ཞིག་ལ་བཅོམ་ལྡན་འདས་མཉེས་སམ། འོན་ཏེ་སེམས་ཅན་ཐམས་ཅད་ལ་ཡང་མཉེས། འདས་དཔལ་གྱིས་སྨྲས་པ། ཙ་བཅོམ་ལྡན་འདས་། ་དང་བདག་དང་སེམས་ཅན་ཐམས་ཅད་ལ་ཡང་མི་མཉེས་སམ། སྐུལ་བྱེད་ཀྱིས་སྨྲས་པ། དེ་སྐད་མ་ཟེར་ཅིག། གང་ལ་མགུ་བ་ཡོད་པ་དེ་ལ་ནི་ཕྱིན་ཅི་ལོག་གི་འདུ་ཤེས་ཡོད་དེ། འུ་བུ་ཅག་ནི་དེ་ལ་སྤྱོད་དོ།། དེ་བཞིན ་གཤེགས་པ་ལ་ནི་མཉེས་པའམ། དགྱེས་པ་མེད་དོ།། འདི་ལྟར་དེ་བཞིན་གཤེགས་པ་ནི་བ་བེའུ་ལ་བྱམས་པའི་ཕྱིར་རྩཝ་ཟོས་ཤིང་ཟོས་ཤིང་། གྲོང་ཉིད་དུ་འོང་བ་དེ་ལྟ་བུའི་བྱམས་པ་དང་ལྡན་པ་མ་ཡིན་གྱིས ་སེམས་ཅན་ཐམས་ཅད་ལ་ཡང་སྒྲ་གཅན་ཟིན་དང་འདྲ་བར་གཟིགས་ཏེ། སངས་རྒྱས་ཀྱི་ཤེས་རབ་ཀྱི་ཡུལ་ནི་དེ་ལྟ་བུ་ཡིན་ནོ།། བཙུན་པ་འཇམ་དཔལ་དཔེར་ན། རྟ་ཅང་ཤེས་དང་སྦྱར་བའི་ཤིང་རྟ ་རྒྱུག་པའི་ཟླ་ལ་བོང་བུའི་ཤིང་རྟ་རྒྱུག་པ་མི་སྲིད་པ་དེ་བཞིན་དུ། འུ་བུ་ཅག་བོང་བུའི་ཤིང་རྟ་དང་འདྲ་བ་དག་གིས་དེ་བཞིན་གཤེགས་པའི་ཤེས་རབ་དང་། འདྲི་བ་དང་། དགོངས་པའི་ཚིགས་དང་། མཉམ ་དུ་འགྲོ་བར་ནུས་རེ་སྐན། དཔེར་ན་ནམ་མཁའ་ལྡིང་དཔག་ཚད་དུ་མར་འགྲོ་བ་ནམ་མཁའ་ལ་གནས་པས། ཆུའི་ནང་ན་ཉ་དང་རུས་སྦལ་འཁོད་པ་རྣམས་མེ་ལོང་གི་ངོས་ལ་རང་གི་གཟུགས་བརྙན་སྣང་བ ་བཞིན་དུ་གསལ་བར་མཐོང་ཡང་། བྱིས་པ་རྣམས་ཀྱང་ནི་མིག་མི་གསལ་བའི་ཕྱིར། དེའི་མིག་གི་རྩ་ལ་བརྗོད་པར་མི་ནུས་པ་དེ་བཞིན་དུ། དེ་བཞིན་གཤེགས་པའི་ཡང་དེ་དང་འདྲའོ།། འཇམ་དཔལ ་གྱིས་སྨྲས་པ། སྐུལ་བྱེད་དེ་ནི་དེ་བཞིན་ཏེ། བདག་གིས་ནི་བྱང་ཆུབ་སེམས་དཔའ་རྣམས་ཀྱི་ཆེ་བ་ཉིད་གླེང་བའི་ཕྱིར་དེ་སྐད་དུ་བརྒལ་བར་ཟད་དོ།། དེ་ནས་དེའི་ཚེ་བཅོམ་ལྡན་འདས་ཀྱི ་ཞལ་ནས་འོད་ཟེར་རྣམ་པ་སྣ་ཚོགས་བཀྱེ་ནས། དེ་དག་གིས་འཇམ་དཔལ་གཞོན་ནུར་གྱུར་པའི་ལུས་ལ་ཕོག་གོ།། དེ་ནས་འཇམ་དཔལ་གྱིས་དེ་རྟོགས་ནས། མགར་བའི་བུ་སྐུལ་བྱེད་ལ་སྨྲས་པ། སྐུལ་བྱེད་དེ། ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་རིངས་ཀྱིས། དུས་སུ་བཅོམ་ལྡན་འདས་ལ་བ་ཤོས་འདྲིམ་དུ་ཆུག་ཅིག། མ་ཐོགས་ཤིག། རྒྱུ་མེད་པར་བཅོམ་ལྡན་འདས་ཀྱི་ཞལ་ནས་འོད་ཟེར་རྣམས་འབྱུང ་པར་མི་འགྱུར་རོ། ། དེ་ནས་སྐུལ་བྱེད་ཅང་མི་ཟེར་བར་འདུག་གོ།། དེ་ནས་བཅོམ་ལྡན་འདས་ཀྱིས། སྐུལ་བྱེད་ལ་འདི་སྐད་ཅེས་བཀའ་སྩལ་ཏོ།། སྐུལ་བྱེད་ང་ཡོངས་སུ་མྱ་ངན་ལས་འདར ་པར་འགྲོར་ཉེ། དགེ་སློང་གི་དགེ་འདུན་ལ་དུས་སུ་ཟས་འདྲིམ་དུ་ཆུག་ཅེས་ལན་གཉིས་ལན་གསུམ་དུ་བཀའ་སྩལ་ཏོ།། དེ་ནས་སྐུལ་བྱེད་ཀྱིས་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན ་འདས་མི་བཞུགས་ན་ནི། འཇིག་རྟེན་སྟོངས་པར་འགྱུར་རོ།། བདག་ཅག་ཐམས་ཅད་ཀྱིས་ངུ་ཞིང་བཅོམ་ལྡན་འདས་ལ་གསོལ་བ་གདབ་བོ།། དེ་ནས་བཅོམ་ལྡན་འདས་ཀྱིས། སྐུལ་བྱེད་ལ་འདི་སྐད་ཅེས་བཀར ་སྲུལ་ཏོ། ། སྐུལ་བྱེད་མ་དུ་ཞིག། དེ་ལྟར་ལུས་ལ་རྨ་མ་འབྱིན་ཞིག། མིའི་ལུས་ཆུ་ཤིང་བཞིན་དུ་སྙིང་པོ་མེད་པར་རྟོགས་ཤིག། སྨིག་རྒྱུ་དང་། དབུ་བ་རྡོལ་བ་དང་། སྒྱུམ་དང་། རྫ་མཁན་གྱིས་བྱས་པའི ་སྣོད་དང་། གློག་ལྟ་བུར་ཁོང་དུ་ཆུད་པར་གྱིས་ཤིག། འདུས་བྱས་ནི་ཉེས་པ་གྲངས་མེད་པའི་འབྱུང་གནས་ཡིན་ནོ་སྙམ་དུ་ཤེས་པར་གྱིས་ཤིག། འདུས་བྱས་ཀྱི་རང་བཞིན་ལ ་ལྟོས་ཤིག། དེ་ནས་བཅོམ་ལྡན་འདས་ལ། སྐུལ་བྱེད་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་དང་སེམས་ཅན་ཐམས་ཅད་ལ་ཐུགས་བརྩེ་བའི་སླད་དུ། དེ་བཞིན ་གཤེགས་པ་ཡུན་རིང་དུ་བཞུགས་སུ་མི་གནང་ན། བདག་ཅིའི་སླད་དུ་མི་དུ་ལགས། འཇིག་རྟེན་སྟོངས་ཀྱིས་མ་མཆིས་སོ།། དེ་ནས་བཅོམ་ལྡན་འདས་ཀྱིས། སྐུལ་བྱེད་ལ་འདི་སྐད་ཅེས ་བཀའ་སྩལ་ཏོ། ། ང་ནི་ཁྱོད་ལ་སྙིང་བརྩེ་བ་དང་། སེམས་ཅན་ཐམས་ཅད་ལ་སྙིང་བརྩེ་བའི་ཕྱིར། ཡོངས་སུ་མྱ་ངན་ལས་འདའ་བར་བྱེད་དེ། འདི་ནི་སངས་རྒྱས་རྣམས་ཀྱི་ཆོས་ཉིད་དང་། འདུས་བྱས་ཀྱི་ཆོས ་ཉིད་དོ། ། འདུ་བྱེད་ཐམས་ཅད་མི་རྟག་གོ་ཞེས་བྱ་བའི་ཕྱིར་ཚོགས་སུ་བཅད་པར་ཁོང་དུ་ཆུད་པར་གྱིས་ཤིག། ཆོས་ཐམས་ཅད་ནི་འདུ་བྱེད་དང་འདྲེས་པའི་ཕྱིར་སྡུག་བསྔལ་བའོ་སྙམ་དུ་རྟོགས་ཤིག། ཆོས ་ཐམས་ཅད་ནི་བདག་མེད་པའོ་སྙམ་དུ་སྤྱོད་ཅིག། མི་བརྟན་པ། བརྙན་མ། ཕྱིན་ཅི་ལོག་པའོ་སྙམ་དུ་སོམས་ཤིག། ལུས་འདི་ནི་ཉེས་དམིགས་མཐའ་ཡས་པ་དང་ལྡན་པའོ་སྙམ་དུ་ཤེས་པར་གྱིས ་ཤིག། འདི་ནི་དབུ་བ་དང་འདྲ་བར་ལྟོས་ལ། མདུ་ཞིག། ཡི་མ་ཆད་ཅིག། དེ་ནས་བཅོམ་ལྡན་འདས་ལ། སྐུལ་བྱེད་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་ནི་དེ ་བཞིན་དུ་འཇལ་ལགས་ན། ཧ་ཅང་སྡུག་བསྔལ་ཆེན་པོ་མི་བཟོད་ལགས་སོ།། བཅོམ་ལྡན་འདས་ཐབས་ཀྱིས་ཡོངས་སུ་མྱ་ངན་ལས་འདའ་བར་མཛད་པ་ལ་ནི། བདག་གློ་བ་རངས་ལགས་སོ།། བཅོམ ་ལྡན་འདས་ཀྱིས་བཀའ་སྩལ་པ། སྐུལ་བྱེད་ལེགས་སོ་ལེགས་སོ།། རིགས་ཀྱི་བུས་ནི་ངའི་མྱ་ངན་ལས་འདས་པ། ཐབས་དེ་ལྟར་བལྟ་བར་བྱའོ།། སྐུལ་བྱེད་སངས་རྒྱས་གཤེགས་པ་ནི་བྱ་བཞད་ཟས་ལ ་འགྲོ་བ་ལྟ་བུར་ཤེས་པར་གྱིས་ཤིག། སྐུལ་བྱེད་ཚེ་རིང་བ་དང་། ཚེ་རིང་བ་མ་ཡིན་པའི་རྟགས་ཤེས་པར་གྱིས་ཤིག། སྐུལ་བྱེད་ཆོས་ཐམས་ཅད་ནི་སྒྱུ་མའི་ཆོས་ཅན་ནོ།། དེ་བཞིན་གཤེགས་པ་ནི་ཆོས ་ཐམས་ཅད་ལ་ཐབས་ཀྱི་ཆོས་ཅན་ཡིན་ལ། དེ་རྣམས་ཀྱིས་ཀྱང་གོས་པར་མི་འགྱུར་བ་དེ་ནི། སངས་རྒྱས་བཅོམ་ལྡན་འདས་རྣམས་ཀྱི་རང་བཞིན་ནོ།། སྐུལ་བྱེད་ཁྱོད་སྲིད་པའི་རྒྱ་མཚོ་ལས་ངེས་པར་བརྒལ ་བར་བྱ་བའི་ཕྱིར། ཞལ་ཟས་སྦྱར་ཏེ་འོན་ཅིག། ལྷ་དང་། ལྷ་མ་ཡིན་དང་། མི་རྣམས་ཀྱིས་ཀྱང་ང་ལ་རང་རང་གི་མཆོད་པ་བྱས་ནས། མི་གཡོ་བའི་བདེ་བ་ཐོབ་པར་གྱུར་ཅིག། ཁྱེད་ཀྱིས་ཀྱང་སྣོད་དུ ་གྱུར་པ་ལ་དུས་སུ་སྦྱིན་པར་གྱིས་ཤིག། མ་ཐོགས་ཤིག། སྣོད་དུ་གྱུར་པ་དང་། ང་དང་དེ་བཞིན་གཤེགས་པ་ཞེས་བྱ་བ་ནི་དོན་ཐ་དད་པ་མ་ཡིན་ནོ།། དེ་ནས་སྐུལ་བྱེད་ཀྱིས་ཀྱང་སེམས ་ཅན་ཐམས་ཅད་ངེས་པར་བསྒྲལ་བའི་ཕྱིར། མགོ་སྨད་དེ་མཆི་མ་ལེགས་ནས་གསོལ་པ། ལེགས་ལགས་སོ།། ལེགས་ལགས་སོ།། བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་དུ ་བདག་གིས་བརྒྱག། དེ་བཞིན་ཤེགས་པ་སོངསས་རྒྱ་ན་ལས་འདས་པ་འོགཏྟ། དཀྵར་བ་ཆུ་བདན། བདག་ཅག་སྡང་བ་དང་འདྲུ་རྣམས་ཀྱི་སུས་སངས་ལགས ་ཐོས་དང་རང་སངས་རྒྱས་ཀྱི་ཡུལ་ཡང་མ་ལགས་སོ་ཞེས་གསོལ་ཏོ། ། དེ་ནས་མྱ་ངན་བྱེད་ཅིང་ངུ་བཞིན་དུ་གཡོག་འཁོར་དང་བཅས་པས་བཅོམ་ལྡན་འདས་ལ་བསྐོར་བ་བྱས་ཏེ། མཆོད་པ་ཆེན་པོའི་ལས་བྱས ་ནས། བཅོམ་ལྡན་འདས་དང་། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ཏེ། ཞལ་ཟས་ལེན་དུ་སོང་ངོ་།། ། འཕགས་པ་ཡོངས་སུ་མྱ་ངན་ལས་འདས་པ་ཐེག་པ ་ཆེན་པོའི་མདོ་ལས། བམ་པོ་གསུམ་པ། དེ་ནས་དེའི་ཚེ་ས་ཆེན་པོ་གཡོས་རབ་ཏུ་གཡོས། འགུལ་རབ་ཏུ་འགུལ། འཁྲུགས་རབ་ཏུ་འཁྲུགས། འཁོར་རབ་ཏུ་འཁོར། འུར་བུར་རབ་ཏུ ་ཐུབུའུར་འུར། ཤིག་ཤིག་རབ་ཏུ་ཤིག་ཤིག། མེར་མེར་རབ་ཏུ་མེར་མེར། ལྡེམ་ལྡེམ་རབ་ཏུ་ལྡེམ་ལྡེམ་མོ།། དེ་ལ་སོགས་པ་བྱས་ཏེ། མི་མཁྲིས་པའི་ནད་ཀྱིས་བརྒྱལ་བའི་གནོད་པས་ཐེབས་པ་བཞིན་དུ ་ས་ཆེན་པོ་འདི་རྒྱ་མཚོ་དུག་ཅན་པའི་མཐས་གཏུགས་པ། ཚངས་པའི་འཇིག་རྟེན་མན་ཆད་ཐོག་ཐག་ཏུ་རབ་ཏུ་གཡོས་སོ།། དེ་ནས་ལྔ་དང་། ལྷ་མ་ཡིན་དང་། མི་དེ་དག་ཐམས་ཅད་མ ་ཆོངས་ཏེ། འཇིགས་ཤིང་སྐྱེ་བུང་ཞེས་བྱས་ནས། ངུ་བཞིན་དུ་ཚིག་མཐུན་པར་ཚིགས་སུ་བཅད་པ་འདི་དག་གསོལ་ཏོ།། མགོན་པོ་ཁྱོད་ལ་བདག་ཅག་རྣམས།། མགོ་བོས་ཕྱག་བཚལ་གསོལ་བ་འཛིས། ་རྒྱལ་བ་ཁྱུ་མཆོག་ཁྱོད་དང་ནི།། བྲལ་ན་བདག་ཅག་མགོན་མེད་འགྱུར།། དེང་ཁྱོད་མྱ་ངན་འདརའ་འགྱུར་འདི་བསམས་ན།། བདག་ཅག་སྡུག་བསྔལ་ཤིན་ཏུ་གཏིང་ཟབ་བྱེང་།། ཐུབ་པ་བདག་ཅག་སྙིང ་ནི་སྟོར་བར་གྱུར། ། པ་བཞོན་རྐུན་ཁྱེར་བེའུ་ལ་ཆགས་པ་བཞིན།། མགོན་མེད་དབུལ་པོའི་མི་ནི་ལ་ལ་ཞིག། ནད་ཀྱིས་ཐེབས་ལ་སྨན་པ་མེད་པ་དང་།། རང་དགར་བྱེད་ཅིང་ཁ་ཟས་གནོད་པ་རྣམས།། ་ཟ་བ་ཇི་ལྟར་མཆི་བར་འགྱུར་བ་བཞིན།། སྐྱེ་བོ་འདི་དག་ཉོན་མོངས་ནད་ཀྱིས་ཐེབས།། ཁྱོད་མེད་ཁྱོད་ཀྱི་ཆོས་ཀྱི་གསོས་མེད་པས།། ལྟ་བའི་ཉེས་པ་བྱེད་འདྲར་འཆི་བར་འགྱུར།། དེ་བས་ཕན་ཕྱིར་འཇིག ་རྟེན་མ་དོར་ཅིག། ཇི་ལྟར་གྲོང་ཁྱེར་རྒྱལ་དང་བྲལ་བ་དང་།། དབུལ་པོ་རྣམས་ལ་མུ་གེ་བྱུང་བ་དང་།། ཇི་ལྟར་དགོན་པར་སྐོམ་གྱིས་གདུངས་པ་བཞིན།། ཁྱོད་འདས་འོག་ཏུ་བདག་ཅག་དེ་འདྲར་འགྱུར།། ་སེམས་ཅན་གཅེས་ཁྱོད་མྱ་ངན་འདའ་བཞེད་པས།། ས་གཞི་རབ་ཏུ་གཡོས་ཤིང་ཕྱོགས་ཀྱང་འཆོལ།། རྒྱ་མཚོ་ཆེན་པོ་དག་ཀྱང་རྣམ་པར་འཁྲུགས།། བདག་ཅག་ཀུན་ཀྱང་སྡུག་ཅིང་བསྔལ་བར་འགྱུར། ་དྲང་སོང་ཆེན་པོ་དང་ཁྱོད་མྱ་ངན་ལས།། འདས་ན་ཉི་མའངས་ལ་ལྷུང་ཡང་དག། རྒྱ་མཚོ་ཆེན་པོ་དག་ཀྱང་བསམ་པར་འགྱུར།། བདག་ཅག་ཀུན་ཀྱང་དེང་དུ་འགུམ་ལགས་གླང་།། ཇི་ལྟར་སྟོབས་ལྡན ་མས་ནི་སྒྲོགས་པ་ནས། ། གླང་ཆེན་ཁྱེར་ཏེ་ནང་དུ་འཛུལ་བགྱིད་པ། ཤིན་ཏུ་ཉོན་མོངས་འགྱུར་བ་དེ་བཞིན་དུ།། བདག་ཅག་ཐམས་ཅད་རབ་ཏུ་ཉོན་མོངས་གྱུར།། ཇི་ལྟར་བུ་གཅིག་འགུས་པར་མི་འཚལ ་བཞིན། ། སྦྱངས་པྱོང་འངར་བདག་ཅག་དེ་མི་འཚལ།། གལ་ཏེ་ཁྱོད་ནི་མྱངན་འདའ་བ་ལས།། མི་བཞེད་བདག་ཅག་ཐམས་ཅད་འཕོངས་པར་བསྒྱུར།། ཁྱོད་ནི་མྱ་ངན་འདས་ལམ ་གཤེགས་མཐོང་བས། ། དུད་འགྲོ་མང་པོའང་གཡར་ངན་ཆེར་བགྱིད་ནི།། བདག་ཅག་ཇི་ལྟར་གཡ་རང་ན་མི་འཚལ་ལགས།། བདག་ཅག་མཆིལ་མ་བཞིན་དུ་མདོར་ཅིག། ཉི་མ་འཆར་ཀར་རང་གི་འོད ་བསལ་བས། ། མུན་ནག་རྣམ་པར་བཅོམ་པ་དེ་བཞིན་དུ།། འཕྲུལ་ཅན་ཁྱོད་ཀྱིས་སྡུག་བསྔལ་མུན་གསལ་ཏེ།། དགེ་འདུན་དབུས་སུ་རི་རབ་བཞིན་དུ་བཞུགས།། བཅོམ་ལྡན་འདས་དཔེར་གསོལ་ན ་རྒྱལ་པོ་ལ་ལ་ཞིག་གི་བུ་སྡུག་ཅིང་འཕངས་པ་ཞིག་མཆིས་ལ། དེས་དེས་ཆོས་ལུགས་ཀྱི་བསྟན་བཅོས་བསླབས་ནས། འདི་སོད་ཅིག་ཅེས་བཀའ་སྩལ་པ་དེ་བཞིན་དུ། བདག་ཅག་བཅོམ་ལྡན་འདས་དམ་པའི་ཆོས ་ཀྱི་འཁོར་ལོས་སྒྱུར་བའི་རྒྱལ་སྲས་རྣམས་ཀྱང་ཡང་དག་པའི་ལྟ་བ་བསྐྱེད་ནས། བཀུམ་གྱིས་མ་མཆིས་ན། བཅོམ་ལྡན་འདས་རྒྱལ་པོའི་བུ་ཇི་ལྟ་བ་དེ་བཞིན་དུ། བདག་ཅག་མི་འགུམ་པར། བཅོམ་ལྡན་འདས ་དེའི་སླད་དུ་ཡུན་རིང་དུ་བཞུགས་སུ་གསོལ། ཇི་ལྟར་ལ་ལ་ཞིག་གཞུང་གིས་རྩོད་པའི་བསྟན་བཅོས་ལ་བསྟན་པ་ན། སྐྲག་པར་འགྱུར་བ་དེ་བཞིན་དུ། ཁྱོད་ཀྱིས་སྐྲག་པར་མ་མཛད་ཅིག། དེ་ཁོ་ན་ཉིད་མཁྱེན ་བཞིན་དུ་བདག་ཅག་སེམས་ཅན་དམྱལ་བར་མཆི་བར་མ་མཛད་ཅིག། དམ་པའི་ཆོས་ཀྱི་བདུད་རྩིའི་བཅུད་ཀྱིས་ཚིམ་པར་མཛད་ཅིང་། དེ་བཞིན་གཤེགས་པ་ཡུན་རིང་དུ་བཞུགས་སུ་གསོལ། ཇི་ལྟར་རྒྱལ་པོ ་བཙོན་རར་གནོད་པའི་ལས་རྣམས་ཀྱིས། དང་པོར་ཉོན་མོངས་པ་ན། ལ་ལ་ཞིག་གིས་ཁྱོད་ཀྱི་ན་ཚ་ཇི་ལྟ་བུ་ཞིག་མྱོང་ཞེས་སྨྲས་ན། དེ་ནི་དེ་བཞིན་ཏེ། གང་གི་ཚེ་བདག་སྡུག་བསྔལ་གྱི་ཚོར་བ་ལས་ཐར་པར་འགྱུར ་བདེའི་ཚེ། མྱ་ངན་ལས་འདས་པ་ཡིན་ཏེ། བདེ་བ་ཉམས་སུ་མྱོང་བར་འགྱུར་རོ་ཞེས་མཆི་བ་དེ་བཞིན་དུ། བདག་ཅག་ཐམས་ཅད་ཀྱང་ཁྱོད་བཞུགས་ན། རྒྱལ་པོའི་བཙོན་ར་ནས་ཐར་པ་བཞིན་དུ་མྱ་ངན་ལས་འདས་པ ་ལགས་ན། དེའི་སླད་དུ་དེ་བཞིན་གཤེགས་པ་ཡུན་རིང་དུ་བཞུགས་སུ་གསོལ། བཅོམ་ལྡན་འདས་དཔེར་གསོལ་ན། སྨན་པ་ཚེའི་རིག་བྱེད་ཡན་ལག་བརྒྱད་པ་ལ་མཁས་པས། བདག་གི་བུ་ལ་ནི་རྒྱུད་ཕྱི་མ་སློབ ་པར་བགྱིད་ཀྱི། སློབ་མ་ལ་ནི་བདག་དང་མཉམ་པར་འགྱུར་དུ་དོགས་ནས། སློབ་པར་མི་བགྱིད་པ་དེ་བཞིན་དུ། ཆོས་ཀྱི་རྒྱལ་པོ་སྨན་པ་ཆེན་པོ་སེར་སྣ་མི་མངའ་བ་ཁྱོད་ཀྱིས་ཐེག་པ་ཆེན་པོའི་རྒྱུད་ཕྱི་མ་ལ་དེ་ལྟན ་མི་མཛད་པར། བཅོམ་ལྡན་འདས་ཡུན་རིང་དུ་བཞུགས་སུ་གསོལ། དེ་བཞིན་དུ་ཤིང་རྟ་ཤིང་རྟའི་རིག་བྱེད་ལ་མཁས་པས། བདག་གི་བུ་ལ་ནི་རྒྱུད་ཕྱི་མ་སྒྲ་གྲག་པར་ཕོག་པའི་དཔྱད་ཐམས་ཅད་སློབ ་པར་བགྱིད་ཀྱི། སློབ་མ་ལ་ནི་སློབ་པར་མི་བགྱིད་པ་དང་། རིག་པའི་གནས་གཞན་དག་ལ་ཡང་དེ་བཞིན་དུ་སྦྱར་རོ།། བཅོམ་ལྡན་འདས་དཔེར་གསོལ་ན། བྱིས་པ་འམ། རྒན་པོའམ། ནད་པ་ལ་ལ ་ཞིག་ལམ་བཟང་པོ་ལས་གོལ་ཏེ། ལམ་ངན་པར་མཆིས་ན། ཤིན་ཏུ་སྡུག་བསྔལ་བར་འགྱུར་བ་དེ་བཞིན་དུ། བཅོམ་ལྡན་འདས་སེམས་ཅན་ལམ་ངན་པར་མཆིས་པ་རྣམས་ལུས་དང་བྲལ་བའི་འོག་ཏུ་སེམས ་@ཅ་དམྱལ་པ་རྣམས་སུ་སྡུག་བསྔལ་མྱོང་བར་འགྱུར་ལགས་ན། བཅོམ་ལྡན་འདས་ལམ་སྟོན་པ་ཡུན་རིང་དུ་བཞུགས་སུ་གསོལ། ཡ་མཚན་ཅན་དགུ་བཅུརྩ་དྲུག་དང་། ཚོགས་ས ་བཅད་པ་བཞི་བཅུ་རྩ་ལྔ་ལ་ཡང་དེ་བཞིན་དུ་རྒྱས་པར་སྦྱར་རོ། ། དེ་ནས་དེའི་ཚེ་བཅོམ་ལྡན་འདས་ཀྱིས། དགེ་སློང་རྣམས་ལ་བཀར་སྩ་ལ་པ། དགེ་སློང་ཁྱེད་ལྷ་དང་མི་རྣམས་ལྟར་བྱིས་པའི ་སྨྲེ་སྔགས་འདོན་པ་དག་མ་བྱེད་པར་བརྩོན་འགྲུས་རྩོམས་ཤིག། དེ་ནས་ལྷ་དང་ལྷ་མ་ཡིན་དང་མི་རྣམས་ཀྱིས་བཅོམ་ལྡན་འདས་ཀྱིས་གསུང་བློ་གྲོས་དང་། དྲན་པ་དང་། དེ་ཁོ་ན་ཉིད་དུ་འགྲོ་བ་ཐོས་ནས ་ཇི་ལྟར་བུ་གཅིག་པ་ཤི་ནས་དུ་ཁྲོད་དུ་བོར་བ་བཞིན་དུ་དེ་དག་སྡུག་བསྔལ་བར་གྱུར་ཏོ། ། དེ་ནས་བཅོམ་ལྡན་འདས་ཀྱིས། དེ་དག་ལ་ཚིགས་སུ་བཅད་དེ་བཀའ་སྩལ་པ། ཁྱེད་རྣམས་ངེས་པར ་བདེར་གྱུར་ཅིག། མྱ་ངན་མ་བྱེད་མ་དུ་ཞིག། འདི་ནི་སངས་རྒྱས་རྣམས་ཀྱི་ཆོས།། ཐམས་ཅད་མི་སྨྲ་འཁོད་པར་གྱིས།། བག་མེད་པར་ནི་མ་གནས་པར།། བག་ཡོད་པ་ལ་དགའ་བར་གྱིས།། ཁྱེད་སྟོང་པར ་དང་སྟོང་པ་མ་ཡིན་པ་འམ། རྟག་པ་དང་མི་རྟག་པ་འམ། སྐྱབས་དང་སྐྱབས་མ་ཡིན་པ་དང་། འགྲོ་བ་དང་མི་འགྲོ་བ་འམ། རྟེན་དང་རྟེན་མ་ཡིན་པ་འམ། ཐེར་ཟུག་དང་ཐེར་ཟུག་མ་ཡིན་པ་འམ། བརྟན ་པ་དང་བརྟན་པ་མ་ཡིན་པ་འམ། སེམས་ཅན་དང་སེམས་ཅན་མེད་པའམ། ཡང་དག་པ་དང་ཡང་དག་པ་མ་ཡིན་པའམ། བདེན་པ་དང་བདེན་པ་མ་ཡིན་པ་འམ། མྱ་ངན་ལས་འདས་པ་དང་མྱ་ངན་ལས ་འདས་པ་མ་ཡིན་པའམ། གསང་བ་དང་གསང་བ་མ་ཡིན་པ་འམ། གཉིས་དང་གཉིས་སུ་མེད་པའམ། དེ་བཞིན་དུ་ཆོས་རྣམ་པ་དུམ་དག། སོས་ཉིའམ། ཡ་གཉིས་སམ། ཐེ་ཙོམ་པ་བ་ཅི་དང་། ་ཅི་ཡོད་པ་དེ་དང་དེ་དག་ཞུས་ཤིག་དང་། ཐམས་ཅད་གཅད་པར་བྱའོ།། བདུད་རྩིའི་མཆོག་ཀྱང་ཁྱེད་ལ་བསྟན་པར་བྱ་སྟེ། དེའི་འོག་ཏུ་ཡོངསུ་མྱ་ངན་ལས་འདའ་བར་བྱའོ།། དགེ་སློང་དག་སངས་རྒྱས ་འབྱུང་བ་རྙེད་པར་དཀའ་འོ། ། མི་ལུས་ཐོབ་པ་རྙེད་པར་དཀའ་འོ།། དལ་བ་ཕུན་སུམ་ཚོགས་པ་རྙེད་པར་དཀའ་འོ།། བཟོད་པ་དང་། ཚུལ་ཁྲིམས་ཕུན་སུམ་ཚོགས་པ་མ་ཞིག་མ་རལ་པ་ཡང་ཤིན་ཏུ ་རྙེད་པར་དཀའ་འོ། ། འཇིག་རྟེན་ན་དགྲ་བཅོམ་པ་ཐོབ་པ་ནི། གསེར་གྱི་བྱེ་མ་དང་། ཨུ་དུམ་ཝ་རའི་མེ་ཏོག་བཞིན་དུ་རྙེད་པར་དཀའ་འོ།། དགེ་སློང་དག་འདི་ལྟ་སྟེ། ས་ནི་ཐམས་ཅད་ཀྱི་སྒོ་ནས། ་སེམས་ཅན་ཐམས་ཅད་ཀྱི་འཚོ་བ་ཡིན་ཏེ། དེ་བཞིན་དུ་ངའི་ཆོས་བསྟན་པ་རྣམ་པ་སྣ་ཚོགས་གསང་བ། ཐར་པའི་གྲོང་ཁྱེར་གྱི་བདུད་རྩིའི་ཟས་ཀྱང་དེ་དང་འདྲ་བར་བལྟ་བར་བྱའོ།། སེམས ་ཅན་ཐམས་ཅད་དང་ངའི་སྲས། དགེ་སློང་ཐམས་ཅད་ལ་དམ་པའི་ཆོས་མང་པོ་བརྟན་པོར་བཞག་གོ།། གཞན་ཡང་སེམས་ཅན་ཐམས་ཅད་ལ་ཕན་པའི་ཕྱིར། དེ་བཞིན་གཤེགས་པའི་ཡོན་ཏན ་ཆེ་བ་ཉིད་བསྒྲགས་ཏེ། ཡི་གེ་འབྲུ་གཅིག་པའི་ཐིག་ལེའི་གཏམ་ཡང་བཞག་ནས། ཡོངས་སུ་མྱ་ངན་ལས་འདའ་བར་བྱའོ།། དེ་ནས་དགེ་སློང་དེ་དག་གིས་དེ་བཞིན་གཤེགས་པ ་@#ཡོངས་སུ་མྱ་ངན་ལས་འདའ་འོ་ཞེས་ཐོས་ནས། མི་དགའ་བར་གྱུར་ཏེ། སྤྱི་བུང་ཞེས་བྱས་ནས། མིག་མཆི་མས་གང་བཞིན་དུ་བཅོམ་ལྡན་འདས་ཀྱི་ཞབས་ལ་མགོ་བོས ་ཕྱག་འཚལ་ཏེ། བཅོམ་ལྡན་འདས་ལ་ལན་མང་དུ་བསྐོར་བ་བྱས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་སྡུག་བསྔལ་བ་དང་། མི་རྟག་པ་དང་། བདག ་མེད་པ་དང་། རྗེས་ཐམས་ཅད་ཀྱི་ནང་ན་གླང་པོ་ཆེའི་རྗེས་ཆེས་མཆོག་ཡིན་པར་བརྟན་ཏོ་ཞེས་གསུངས་ཏེ། དེ་ལྟར་མི་རྟག་པའི་འདུ་ཤེས་བསྟེན་ཅིང་བསྒོམས་ཏེ་མང་དུ་བགྱིས་པས། འདོད་པའི་འདོད ་ཆགས་ཐམས་ཅད་ཟད་པར་འགྱུར། གཟུགས་ཀྱི་འདོད་ཆགས་ཐམས་ཅད་ཟད་པར་འགྱུར། གཟུགས་མེད་པའི་འདོད་ཆགས་ཐམས་ཅད་ཟད་པར་འགྱུར། མ་རིག་པ་ཐམས་ཅད་ཟད་པར་འགྱུར ་ལྷག་པའི་ང་རྒྱལ་ཐམས་ཅད་མ་ལུས་པར་ཡང་དག་པར་ཆད་པར་འགྱུར་ལགས་སོ། ། བཅོམ་ལྡན་འདས་དཔེར་གསོལ་ན། སྟོན་གྱི་དུས་སུ་ཞིང་པས་རྨོས་ཆེར་བཏབ་སྟེ། རྩ་བ་འཛིངས ་པ་ཐམས་ཅད་སེལ་བར་བགྱིད་པ་དེ་བཞིན་དུ། བཅོམ་ལྡན་འདས་མི་རྟག་པའི་འདུ་ཤེས་བསྟེན་ཅིང་བསྒོམས་ཏེ་མང་དུ་བགྱིས་པས། འདོད་པའི་འདོད་ཆགས་ཐམས་ཅད་ཟད་པར་འགྱུར། གཟུགས་ཀྱི ་འདོད་ཆགས་ཐམས་ཅད་ཟད་པར་འགྱུར། གཟུགས་མེད་པའི་འདོད་ཆགས་ཐམས་ཅད་ཟད་པར་འགྱུར། མ་རིག་པ་ཐམས་ཅད་ཟད་པར་འགྱུར། ལྷག་པའི་ང་རྒྱལ་ཐམས་ཅད་མ་ལུས་པར་ཡང ་དག་པར་ཟད་པར་འགྱུར་རོ། ། ཞིང་ལས་ཐམས་ཅད་ཀྱི་ནང་ན་ནི་སྟོན་གྱི་ཞིང་ལས་མཆོག་ཏུ་བསྟན་ཏོ་ཞེས་བྱ་བ་ལ་སོགས་པ་གླང་པོ་ཆེའི་རྗེས་ལྟ་བུའི་མདོ་ལས་འབྱུང་བ་བཞིན་དུ་རྒྱས་པར་སྦྱར་རོ།། ་བཅོམ་ལྡན་འདས་དཔེར་གསོལ་ན། རྒྱལ་པོ་འཆི་བའི་ཚེ། བདག་གིས་བཙོན་ར་བསལ་ཏེ། སེམས་ཅན་རྣམས་བཙོན་རའི་གནོད་པས་ཉོན་མོངས་པ་ལས་ཐར་པར་བགྱིས་ནས ་དེའི་འོག་ཏུ་འཆི་བར་བགྱིད་པ་དེ་བཞིན་དུ། བཅོམ་ལྡན་འདས་ཁྱོད་ཀྱིས་ཀྱང་། སེམས་ཅན་མི་ཤེས་པ་རྣམ་པ་སྣ་ཚོགས་ཀྱི་བཙོན་རར་བྲུབས་པ་རྣམས་ཀྱི་མི་ཤེས་པའི་འཆིང་བ་རྣམས་བཅད་ནས ་དེའི་འོག་ཏུ་ཡོངས་སུ་མྱ་ངན་ལས་འདའ་བར་གཤེགས་སུ་གསོལ། བཅོམ་ལྡན་འདས་གཞན་ཡང་དཔེར་གསོལ་ན། སེམས་ཅན་འབྱུང་པོ་དང་ཤ་ཟའི་གདོན་གྱིས་བརླམས་པ་ལས། སྨན་ཆེན་པོ་དང ་ཕྲད་ན། འབྱུང་པོ་དང་ཤ་ཟའི་གདོན་རྣམས་ཀྱིས་ཐེབས་པ་ཐམས་ཅད་ལས་ཐར་པར་འགྱུར་བ་དེ་བཞིན་དུ། ཁྱོད་དང་མཇལ་ན་ཉན་ཐོས་ཀྱི་ཚོགས་ཐམས་ཅད་མི་ཤེས་པ་རྣམ་པ་སྣ་ཚོགས་ཀྱི་འབྱུང་པོ ་དང་། ཤ་ཟའི་གདོན་རྣམས་ལས་ཡོངས་སུ་ཐར་པར་འགྱུར་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཁོང་དུ་ཆུད་པར་བགྱིད་ལགས་སོ།། བཅོམ་ལྡན་འདས་དཔེར་གསོལ་ན། གླང་པོ་ཆེའི་འདུལ་སྦྱོང་གི ་མཁན་པོས། སྤོས་ཀྱི་གླང་པོ་ཆེ་ཞགས་པ་ཆེན་པོས་བཅིངས་པ་ལས། གླང་པོ་ཆེས་ཞགས་པ་དེ་བཅད་དེ་བྲོས་པ་དེ་བཞིན་དུ། བཅོམ་ལྡན་འདས་བདག་ཅག་ཀྱང་། བདག་ཏུ་འཛིན་པ་དང་། བདག་གིར་འཛིན ་པ་དང་། ཕྲག་དོག་དང་། དང་ན་ཐེན་དང་། སེར་སྣ་དང་། གཡོའི་ཞགས་པ་ཆེན་པོ་བཅད་ནས། གླང་པོ་ཆེའི་བདུལ་སྦྱོང་གི་མཁན་པོ་ཆེན་པོ་དེ་བཞིན་གཤེགས་པའི་ལག་ཏུ་འོངས ་ནས། སེམས་ཅན་ཐམས་ཅད་ལས་དང་ཉོན་མོངས་པའི་གླང་པོ་ལྔ་བཅུ་རྩ་བདུན་ཡོངས་སུ་བསལ་བར་བགྱིའོ།། བཅོམ་ལྡན་འདས་དཔེར་གསོལ་ན། གྲང་བའི་རིམས་ཀྱིས་ཐེབས་པ་སྨན་པ་ཆེན་པོའི་ཐད་དུ ་མཆིས་ན། སྡུག་བསྔལ་ལས་ཐར་པར་འགྱུར་བ་དེ་བཞིན་དུ། བཅོམ་ལྡན་འདས་བདག་ཅག་ཀྱང་། ཉོན་མོངས་པ་དང་། ལོག་པར་ལྟ་བ་དང་། ལོག་པའི་ཚོ་བ་ཉེས་དམིགས་མཐའ་ཡས་པའི་གྲང་བའི ་རིམས་ནད་ཅན་གྱིས་ལུས་དང་ལྡན་པ་ལས། སྨན་པ་ཆེན་པོ་བཅོམ་ལྡན་འདས་ཀྱི་ཐད་དུ་མཆིས་ནས། སྡུག་བསྔལ་ཐམས་ཅད་ལས་རྣམ་པར་ཐར་པར་གྱུར་ཏེ། མི་གཡོ་བའི་བདེ་བ་ཡང་ཐོབ་ལགས་སོ།། ་བཅོམ་ལྡན་འདས་གཞན་ཡང་དཔེར་གསོལ་ན། མི་ཞིག་གིས་འབྲས་སྐྱེ་མས་འཚལ་ཏེ། ར་རོ་བར་གྱུར་ནས། བདག་ཉིད་ཀྱིས་ཀྱང་བདག་ཉིད་མ་འཚལ་ཏེ། ཆོས་ཀྱང་མ་འཚལ། ཆོས་མ་ལགས་པ་ཡང ་མ་འཚལ་ཏེ། འདི་ནི་བདག་གི་མའོ།། འདི་ནི་བདག་གི་སྲིང་མའོ།། འདི་ནི་བདག་གི་བུ་མོའོ་སྙམ་དུ་ཡང་མ་འཚལ་ལོ།། སྣད་ཅིང་བླ་སྟེ། ཕྱིས་དང་གཅིན་གྱིས་རང་གི་ལུས་ཀུན་བསྐོས་ཤིང་མཚ ་པ་ལས། དེའི་འོག་ཏུ་བདག་ཉིད་སངས་ཏེ། གཞི་ཅི་ལས་གྱུར་པ་ལ་མཁས་པར་གྱུར་ནས། ཆང་ནི་ཅིར་ཡང་མི་རུང་ངོ་སྙམ་དུ་སེམས་ཏེ། བདག་ནི་སྡིག་པ་ཐམས་ཅད་ལས་ཐར་ཏོ་སྙམ་ནས། ཆང་འཐུང ་ཁ་ཅིར་ཡང་མི་རུང་བར་ཤས་ཆེར་བསྒོམས་ཏེ་སྤོང་བར་བགྱིད་པ་དེ་བཞིན་དུ། བཅོམ་ལྡན་འདས་འཚོ་བའི་འཇིག་རྟེན་འདི་ནི་ཟློས་གར་མཁན་བཞིན་དུ་ཐོག་མ་མ་མཆིས་པ་ནས། འཁོར་ན་འཁོར་ཞིང་ཡོད ་སུ་འཁྱམ་པ་ན། འདི་ནི་བདག་གི་མའོ།། འདི་ནི་བདག་གི་སྲིང་མོའོ།། འདི་ནི་བདག་གི་བུ་མོའོ་སྙམ་དུ་མ་འཚལ་ནས། མ་དང་། སྲིང་མོ་དང་། བུ་མོ་རྣམས་དང་། ལྷན་ཅིག་ཏུ་འདོད་པའི་འདུ ་ཤེས་སྤྱོད་པར་བགྱིད་དེ། འབྲས་སྐྱེམ་ཀྱིས་ར་རོ་བར་གྱུར་པ་དེ་བཞིན་དུ། སྡུག་བསྔལ་རྙེད་པར་འགྱུར་ལ། དེ་ནས་ངོ་ཚ་ཤེས་པའི་མི་དེ་དག་འབྲས་སྐྱེམས་ཀྱིས་ར་རོ་བ་ལས་སངས་པ་བཞིན་དུ། ཅིར་ཡང ་མི་རུང་བར་ཤས་ཆེར་བསྒོམས་ནས། སྡུག་བསྔལ་ལས་ཡང་དག་པར་འདའ་བར་འགྱུར་ལགས་སོ།། གཞན་ཡང་ཨེ་རན་ད་ལ་ནི་སྙིང་པོ་མཆིས་མི་སྲིད་པ་དེ་བཞིན་དུ། ལུས་འདི་ལ་ཡང་བ་དག་དང ་སེམས་ཅན་དང་། སྲོག་དང་། གང་ཟག་དང་། ཤེད་ལས་སྐྱེས་པ་དང་། ཤེད་བུ་དང་། བྱེད་པ་པོ་མཆིས་མི་སྲིད་དེ། དེ་ལྟ་བུར་བདག་ཅག་གིས་བདག་མ་མཆིས་པའི་འདུ་ཤེས་པསྒོམས་ཏེ ་མང་དུ་བགྱིས་ལགས་སོ། ། དཔེར་གསོལ་ན། ཕུབ་མ་སྨོན་པ་བྱེ་མ་སྙེད་བོར་བ་ནི་ཅིར་ཡང་མི་གཅེས་པ་དེ་བཞིན་དུ། ལུས་འདི་ལ་ཡང་བདག་མ་མཆིས་སོ།། དཔེར་གསོལ་ན། ཁ་སྲལ་གྱིས ་ཏོག་ལ་དྲི་གདའ་བ་མ་མཆིས་པ་དེ་བཞིན་དུ། ལུས་འདི་ལ་ཡང་བདག་མ་མཆིས་ཏེ། དེ་ལྟར་བདག་ཅག་གིས་བདག་མ་མཆིས་པའི་འདུ་ཤེས་བསྒོམས་ཏེ། མང་དུ་བགྱིས་ལགས་སོ།། བཅོམ་ལྡན་འདྲ། ་ཀྱོས་ཀྱང་། དགེ་སློང་དག་ཆོས་ཐམས་ཅད་ནི་བདག་མེད་པ་སྟེ། དེ་ལྟར་སྒོམས་ཤིག་དང་། དེ་ལྟར་བསྒོམས་པ་རྣམས་ཀྱིས་ཀྱང་བདག་ཏུ་འཛིན་པ་སྤོང་བར་འགྱུར་རོ།། བདག་ཏུ ་འཛིན་པ་ཡོངས་སུ་སྤངས་ན། མྱ་ངན་ལས་འདས་པ་ཐོབ་པར་འགྱུར་རོ་ཞེས་བཀའ་སྩལ་ཏེ། བཅོམ་ལྡན་འདས་དེ་ལྟར་ཆོས་ཐམས་ཅད་བདག་མ་མཆིས་པའི་སླད་དུ། བདག་མ་མཆིས་པའི་འདུ་ཤེས ་བསྒོམས་ཏེ། མང་དུ་བགྱིས་ལགས་སོ།། གཞན་ཡང་ཇི་ལྟར་ནམ་མཁའ་བྱའི་རྗེས་གདའ་བ་ནི་མི་སྲིད་པ་དེ་བཞིན་དུ། བདག་མ་མཆིས་པའི་འདུ་ཤེས་བསྒོམས་ན་ལྟ་བ་རྣམ་པ་ཐམས་ཅད་དང་བྲལ ་པབར་འགྱུར་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། བསྒོམ་པ་དེ་ལྟར་བསྒོམ་པ་ཁྱོད་ཀྱིས་ཤེས་སམ། དགེ་སློང་རྣམས་ཀྱིས་གསོལ་པ། བཅོམ་ལྡན་འདས་སྡུག་བསྔལ་དང་། མི་རྟག ་པ་དང་། བདག་མེད་པའི་འདུ་ཤེས་དེ་མ་ལགས་པར་བསྒོམ་ན་ནི། ཇི་ལྟར་མི་ར་རོ་ཞིང་འཁྱམ་པས། ལྷ་ཁང་དང་། སྤོ་དང་། ས་གཞི་དང་། ཉི་མ་དང་། ཟླ་བ་དང་། ཤིང་དང་། རི་རྣམས་མི་འཁོར་བཞིན ་དུ་འཁོར་བར་མཐོང་བ་དེ་བཞིན་དུ། གང་དག་གིས་སྡུག་བསྔལ་དང་། མི་རྟག་པ་དང་། བདག་མེད་པའི་འདུ་ཤེས་མ་བསྒོམ་པའི་སེམས་ཅན་འཇིག་རྟེན་པ་དེ་དག་ནི། ར་རོ་བ་དང་འདྲ་བར་བལྟ་བར་བགྱིའོ།། ་བཅོམ་ལྡན་འདས་བདག་གིས་ནི་ཡང་དག་པར་བསྒོམས་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ནི་དཔེ་འདིའི་དོན་དེ་ངས་བཤད་པར་བྱའོ།། ཁྱེད་ཀྱིས ་ཚིགས་སུ་བཅད་པའི་དོན་འདི་ལ། དོན་ནི་འདིའོ།། ཡི་གེ་ནི་འདིའོ་ཞེས་གསལ་བར་མི་ཤེས་ཏེ། ཇི་ལྟར་མི་ར་རོ་བས་ལྷ་ཁང་དང་། སྤོ་དང་། ས་གནི་དང་། ཉི་མ་དང་། ཟླ་བ་དང་། ཤིང་དང་། རི་རྣམ། ་མི་འཁོར་བཞིན་དུ་འཁོར་བར་མཐོང་བ་དེ་བཞིན་དུ། འདུ་ཤེས་ཕྱིན་ཅི་ལོག་དུ་མས་ཟིན་ཅིང་། ཀུན་ཏུ་རྨོངས་པ་རྣམས་བདག་གོ་སྙམ་པ་དང་། རྟག་གོ་སྙམ་པ་དང་། བདེའོ་སྙམ་པ་དང་། སྡུག་གོ་སྙམ་པའི ་འདུ་ཤེས་ཀུན་ཏུ་སྤྱོད་དོ། ། དེ་ལ་བདག་ཅེས་བྱ་བ་ནི་སངས་རྒྱས་ཞེས་བྱ་བའི་དོན་ཏོ།། རྟག་ཅེས་བྱ་བ་ནི་ཆོས་ཀྱི་སྐུ་ཞེས་བྱ་བའི་དོན་ཏོ།། བདེ་ཞེས་བྱ་བ་ནི་མྱ་ངན་ལས་འདས་པ་ཞེས་བྱ་བའི་དོན་ཏོ།། སྡུག་ཅེས་བྱ ་བ་ནི་ཆོས་ཀྱི་ཆོག་བླ་དག་སོ། ། དགེ་སློང་དག་ཁྱེད་ཀྱིས་བཅོམ་ལྡན་འདས་བདག་ཅག་གིས་ནི། སྡུག་བསྔལ་དང་། མི་རྟག་པ་དང་། བདག་མེད་པའི་འདུ་ཤེས་སྒོམས་ལགས་སོ་ཞེས། རྒྱགས་པ་དང་ང་རྒྱལ ་གྱིས་དྲེགས་པར་མ་བྱེད་ཅིག། དེ་ལྟར་རྣམ་པ་གསུམ་བསྒོམས་པར་གྱུར་ན་ནི། ངའི་བསྟན་པ་ལ་ཁྱེད་ཀྱིས་བསྒོམ་པ་རྣམ་པ་གསུམ་བསྒོམས་པ་དེ། བསྒོམ་པ་དོན་མེད་པར་འགྱུར་རོ།། སྡུག་བསྔལ་ཤེས ་པར་བྱ་བ་སྒོམ་པ་རྣམ་པ་གསུམ་ནི། ཁྱད་པར་དང་། ཁྱད་པར་གྱི་ཡང་ཁྱད་པར་རོ།། སྡུག་བསྔལ་ལ་བདེའོ་སྙམ་དུ་འདུ་ཤེས་པ་ནི་ཕྱིན་ཅི་ལོག་པའོ།། བདེ་བ་ལ་སྡུག་བསྔལ་ལོ་སྙམ་དུ་འདུ་ཤེས་པ་ནི ་ཕྱིན་ཅི་ལོག་པའོ། ། མི་རྟག་པ་ལ་རྟག་གོ་སྙམ་དུ་འདུ་ཤེས་པ་ནི་ཕྱིན་ཅི་ལོག་པའོ།། རྟག་པ་ལ་མི་རྟག་པའོ་སྙམ་དུ་འདུ་ཤེས་པ་ནི་ཕྱིན་ཅི་ལོག་པའོ།། བདག་མེད་པ་ལ་བདག་ཏུ་འདུ་ཤེས་པ་ནི ་ཕྱིན་ཅི་ལོག་པའོ། ། བདག་ཡོད་པ་ལ་བདག་མེད་པར་འདུ་ཤེས་པ་ནི་ཕྱིན་ཅི་ལོག་པའོ།། མི་སྡུག་པ་ལ་སྡུག་གོ་སྙམ་དུ་འདུ་ཤེས་པ་ནི་ཕྱིན་ཅི་ལོག་པའོ།། སྡུག་པ་ལ་མི་སྡུ ་གོ་སྙམ་དུ་འདུ་ཤེས་པ་ནི་ཕྱིན་ཅི་ལོག་པ་སྟེ་ཕྱིན་ཅི་ལོག་བཞི་པོ་འདི་དག་ཡང་དག་པར་མ་ཤེས་པར་ཁྱེད་ཀྱིས་བསྒོམ་པར་བྱ་བ་བསྒོམས་ཏེ་མང་དུ་བྱས་སོ། ། ཁྱེད་ཀྱིས་བདེ་བ་ལ་སྡུག་བསྔལ་བར་བསྒོམས་སོ།། ་རྟག་པ་ལ་མི་རྟག་པ་དང་། བདག་ཡོད་པ་ལ་བདག་མེད་པ་དང་། སྡུག་པ་ལ་མི་སྡུག་པར་བསྒོམས་སོ།། འཇིག་རྟེན་པ་རྣམས་ལ་ཡང་བདེ་བ་དང་། བདག་དང་། རྟག་པ་དང་། སྡུག་པ་རྣམས་ཡོད་དོ།། འཇིག ་རྟེན་ལས་འདས་པ་རྣམས་ལ་ཡང་བདེ་བ་དང་། བདག་དང་། རྟག་པ་དང་། སྡུག་པ་རྣམས་ཡོད་དོ།། འདི་ལ་ཕན་ཚུན་མི་མཐུན་པ་ཡོད་དོ།། ཡི་གེ་ཞེས་བྱ་བ་ནི་འཇིག་རྟེན་པ་ཞེས་བྱའི་ཐ་ཚིག་གོ།། དོན་ཅེས་བྱ་བ་ནི་འཇིག་རྟེན་ལས ་འདས་པའི་ཡེ་ཤེས་སོ། ། དེ་ནས་བཅོམ་ལྡན་འདས་ལ། དགེ་སློང་རྣམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་འདུ་ཤེས་བཞི་ལ་སོགས་པ་ཕྱིན་ཅི་ལོག་དེ་བཞིན་གཤེགས ་པས་ལུགས་སུ་བཞགས་པ་རྣམས་ནི། བདག་ཅག་གིས་ཡུན་རིང་མོ་ཞིག་ནས་མཐོང་ཡང་མཐོང་། བསྒོམ་ཡང་བསྒོམས་ལགས་ན། ད་ཇི་ལྟར་འཚལ་བ་བཀའ་སྩལ་དུ་གསོལ། དེ་བཞིན་གཤེགས ་པ་བསྐལ་པ་འམ། བསྐལ་པ་ལས་ལྷག་པར་ཡང་བཞུགས་སུ་གསོལ། དེ་བཞིན་གཤེགས་པས་ཅི་དང་ཇི་སྐད་དུ་བཀའ་སྩལ་པ་དེ་དང་དེ་བཞིན་དུ་བདག་ཅག་གིས་བགྱི་བར་འཚལ་ལོ།། གལ་ཏེ ་དེ་བཞིན་གཤེགས་པ་བཞུགས་སུ་མི་གནང་ན། བདག་ཅག་ཀྱང་སྦྲུལ་གདུག་པ་དང་ཁྱིམ་གཅིག་གི་ནང་དུ་ལྷན་ཅིག་ཏུ་མཆིས་པར་མི་འཚལ་ཏེ། དེ་བཞིན་གཤེགས་པ་མི་བཞུགས་ན། ཚངས་པར་སྤྱོད་ཅིང་མཆིས་པའི ་རྔོ་མ་ཐོག་གིས། ཁྱོད་ཉིད་ཀྱི་སྐད་བཞིན་དུ་བདག་ཅག་ཀྱང་ཡོངས་སུ་མྱ་ངན་ལས་འདའ་བར་འཚལ་ལོ།། དེ་ནས་བཅོམ་ལྡན་འདས་ཀྱིས། དགེ་སློང་དེ་དག་ལ་འདི་སྐད་ཅེས་བཀའ་སྩལ་། ་དགེ་སློང་དག་ཁྱེད་དེ་སྐད་མ་ཟེར་ཅིག། དགེ་སློང་དག་ངས་འོད་སྲུངས་ཀྱི་ལག་ཏུ་བསྟན་པ་གཏད་པར་བྱ་སྟེ། འདི་ནི་དེ་བཞིན་གཤེགས་པ་དང་འདྲ་བར་དགེ་སློང་རྣམས་ཀྱི་རྟེན་ལྟ་བུར་འགྱུར་རོ།། དགེ་སློང ་རྣམས་དང་སེམས་ཅན་རྣམས་ཀྱི་སྐྱབས་ལྟ་བུར་འགྱུར་རོ། ། དཔེར་ན་རྒྱལ་པོ་གྲོང་ཁྱེར་མང་པོའི་མངའ་བདག་གྲོང་ཁྱེར་གཅིག་ཏུ་སོང་སྟེ། ཁྱིམ་བདག་གཅིག་རྒྱལ་པོར་དབང་བསྐུར་བ་དེ་བཞིན་དུ། འཇིག ་རྟེན་གྱི་ཁམས་འདིར་ངས་འོད་སྲུངས་ཆེན་པོ་ལ་དབང་བསྐུར་རོ། ། དགེ་སློང་དག་ཁྱེད་ཀྱིས་སྡུག་བསྔལ་བ་དང་། མི་རྟག་པ་དང་། བདག་མེད་པ་དང་། མི་སྡུག་པའི་འདུ་ཤེས་ཇི་ལྟར་བསྒོམ་ཞེ་ན། དགེ ་སློང་དག་དཔེར་ན། སོས་ཀའི་དུས་ལ་བབ་པ་ན། སྐྱེ་བོ་རྣམས་ཀྱིས་ནགས་ཚལ་གྱི་ནང་དུ་ཆུ་བསྐྱིལ་ཏེ། རང་རང་རྒྱལ་བའི་ཡོ་བྱད་ཐོགས་ནས། ཆུའི་ནང་དུ་རྩེ་བར་བྱེད་ལ། ཆུ་དེའི་ནང་དུ་གཅིག་གིས་ནོར་བུ ་རིན་པོ་ཆེ་བ་རྒྱ་པ་དང་ལྡན་པ་ཞིག་བཞག་ནས། བཻ་ཌཱུཪྻ་དེ་འདོད་པའི་ཕྱིར། དེ་དག་ཐམས་ཅད་ཀྱིས་རྒྱལ་བ་རྣམས་བོར་ཏེ། ཆུ་དེའི་ནང་དུ་འཛུལ་ནས། དེའི་ནང་ན་གྱོ་མོ་འམ། གསེག་མ་ཅི་ཡོད་པ་དག ་ལ་ནོར་བུ་ཡིན་སྙམ་སྟེ། བླངས་ནས་ནོར་བུ་བདག་གིས་རྙེད་དོ།། བདག་གིས་རྙེད་དོ་ཞེས་ཟེར་ཞིང་། སོ་སོ་ནས་སྟེང་དུ་བྱུང་སྟེ། རྫིང་གི་འགྲམ་དུ་འཁོད་ནས། འདི་ནི་ནོར་བུ་མ་ཡིན་ན། ་སྙམ་པའི་འདུ་ཤེས་སྐྱེས་པར་གྱུར་ལ། རྫིང་དེའི་ཆུ་ཡང་ནོར་བུའི་འོད་ཀྱིས་ཟླ་བའི་འོད་བཞིན་དུ་མཛེས་པར་འདུག་སྟེ། དེ་དག་གིས་མཛེས་པ་དེ་མཐོང་ནས། ཨེ་མ་ནོར་བུ་སྙམ་དུ་ཡོན་ཏན་གྱི་འདུ་ཤེས་སྐྱེ་བར ་འགྱུར་ཏེ། དེ་དག་གི་ནང་ནས་ཐབས་ལ་མཁས་ཤིང་ཡིད་རྣོ་བ་གཅིག་གིས་ནོར་བུ་དེ་ཡང་དག་པར་རྙེད་པ་དེ་བཞིན་དུ། དགེ་སློང་དག་ཁྱེད་ཀྱིས་ཐམས་ཅད་སྡུག་བསྔལ་བའོ།། ཐམས་ཅད་བདག་མེད་པའོ།། ་ཐམས་ཅད་མི་རྟག་པའོ།། ཐམས་ཅད་མི་སྡུག་པའོ་ཞེས་ཐམས་ཅད་ཀྱི་མུ་བཟུང་ནས་བསྒོམས་ཤིང་མང་དུ་བྱས་པ་གང་ཡིན་པ་དེ་དག་ཐམས་ཅད་རྫིང་གི་ནང་གི་གྱོ་མོ་དང་གསེག་མ་བཞིན་དུ་ནོར་ཅིང་དོན་མེད་པར ་གྱུར་ཏ་རེ། སྐྱེས་བུ་ཐབས་ལ་མཁས་པ་བཞིན་དུ་གྱིས་ཤིག། ཁྱེད་ཀྱིས་ཐམས་ཅད་ཀྱི་མུ་བཟུང་ནས། གང་དང་གང་བསྒོམས་པ་དེ་དང་དེ་ཉིད་ལ་བདེ་བ་དང་། བདག་དང་། རྟག་པ་དང་། སྡུག་པ ་ཡོད་དེ་རྣམ་པ་བཞི་པོ་དེ་དག་ནི་ཕྱིན་ཅི་མ་ལོག་པ་ཞེས་བརྗོད་པར་བྱའོ། ། དེ་བས་ན་ནོར་བུ་དང་འདྲ་བར་ཆོས་ཀྱི་དེ་ཁོ་ན་ཉིད་རྟག་པའི་འདུ་ཤེས་སྒོམས་ཤིག། དེ་ནས་བཅོམ་ལྡན་འདས་ལ ་དགེ་སློང་རྣམས་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་ཀྱིས་དགེ་སློང་དག་ཆོས་ཐམས་ཅད་ནི་བདག་མེད་པ་སྟེ། དེ་ལྟར་སྒོམས་ཤིག་དང་། དེ་ལྟར་བསྒོམས་པ་རྣམས་ཀྱིས་ནི་བདག་ཏུ་འཛིན་པ ་སྤོང་བར་འགྱུར་རོ། ། བདག་ཏུ་འཛིན་པ་སྤངས་ནས་མྱ་ངན་ལས་འདས་པ་ཐོབ་པར་འགྱུར་རོགས་བཀའ་སྩལ་ལགས་ན་བཀའ་སྩལ་པ་དེའི་དོན་ཇི་ལྟ་བུ་ལགས། བཅོམ་ལྡན་འདས་དེ་ན ་གཤེགས་པས་དེའི་དོན་རྣམ་པར་དབྱེ་བ་བཀའ་སྩལ་དུ་གསོལ། བཅོམ་ལྡན་འདས་ཀྱིས། དགེ་སློང་དེ་དག་ལ་བཀའ་སྩལ་པ། དགེ་སློང་དག་ལེགས་སོ་ལེགས་སོ།། དགེ་སློང་དག་བདག་གི་ཐེམ ་ངེས་པར་བཅད་པར་འདོད་པས་ནི། དེ་སྐད་ཅེས་དྲི་དགོས་ཏེ་ལེགས་སོ།། དགེ་སློང་དག་དཔེར་ན་གྲོང་ཁྱེར་འགའ་ཞིག་ན་རྒྱལ་པོ་ཤེས་རབ་འཆལ་པ་ཞིག་རྒྱལ་པོ་བྱེད་དེ། རྒྱལ་པོ་དེ་ལ་སྤྱན་པ་ངན་པ ་ཞིག་བདོག་ལ། དེ་ཡང་སྨན་པ་འཆལ་པ་ཞིག་སྟེ། བླ་ནས་དབང་ཐང་ཆེར་དབང་ལ། རྒྱལ་པོས་ཀྱང་བཀུར་བ་ཞིག་ཡོད་པ་དེས། འོ་མ་འབའ་ཞིག་སྨན་ཡིན་པར་འཛིན་ལ། ནད་ཀྱི་གཞི་ནི་མི་ཤེས ་ནས། འོ་མའི་དཔྱད་ལོག་པར་འཛིན་པ་དེ། སྐྱེ་བོ་ཐམས་ཅད་ཀྱི་རླུང་ནད་ཀྱི་སྣ་གྲངས་རྣམས་ལ་ཡང་གཏོང་བར་བྱེད། མཁྲིས་པའི་ནད་རྣམས་དང་། བད་ཀན་གྱི་ནད་རྣམས་ལ་ཡང་གཏོང་བར་བྱེད་དེ ་དེ་དེ་ལྟར་བྱེད་ཀྱང་སྨན་པ་གཅེས་པ་ཁོ་ནར་འགྱུར་ལ། རྒྱལ་པོ་དེ་ཡང་འཆལ་པའི་བྱེ་བྲག་མི་ཕྱེད་པ་ཞིག་གོ།། དེ་ནས་སྨན་པ་ཚེའི་རིག་བྱེད་ཡན་ལག་བརྒྱད་ལ་མཁས་པ། རྒྱུད ་ཕྱི་མ་ཤེས་པ་གཞན་ཞིག་ཡུལ་གཞན་ནས་གསར་དུ་འོངས་ནས། སྨན་པ་དེའི་ཐད་དུ་རྟེན་བཅས་ཏེ་སྨྲས་པ། ཁྱོད་ཀྱི་མིང་ཐོས་ནས་སློབ་པར་འཚལ་བའི་སླད་དུ་བདག་མཆིས་ཀྱིས། ཁྱོད་ཀྱིས་བདག ་གི་མཁན་པོ་མཛད་དུ་གསོལ། དེ་ནས་སྨན་པ་འཆལ་པ་དེས་དེ་སྐད་ཅེས་ཐོས་ནས། སྨན་པ་གསར་དུ་འོངས་པ་དེ་ལ་སྨྲས་པ། ལོ་བཞི་བཅུ་རྩ་བརྒྱད་ཀྱི་བར ་དུ་ང་ལ་ལེགས་པར་བསྒོམས་ཏེ། དཀའ་བ་སྤྱད་པས་རིམ་གྲོ་བགྱིས་ལ། དེའི་འོག་ཏུ་སློབས་ཤིག་དང་། ཁྱོད་སྨན་པར་འགྱུར་རོ།། དེ་ནས་དེས་དེ་བཞིན་དུ་མཉན་ཏེ། དེ་ལྟར་བགྱིའོ་ཞེས་བྱས་ནས ་དེས་མཐར་གྱིས་སྨན་པ་འཆལ་པ་དེ་མགུ་བར་བྱས་ཏེ། རྒྱལ་པོའི་ཕོ་བྲང་དུ་སོང་ནས། རྒྱལ་པོ་དེ་ལ་འདི་སྐད་ཅེས་གསོལ་ཏེ། རྒྱལ་པོ་ཆེན་པོ་ཁྱོད་ཀྱིས་རྟག་ཏུ་བསྟན་ཆོས་ཐམས་ཅད་ལ་བརྩོན་པར་མཛོད ་ཅིག་དང་། དེ་ལྟར་མཛད་ན་རྒྱལ་པོ་རྒྱལ་པོར་འོས་པར་འགྱུར་རོ།། རྒྱལ་པོས་ཀྱང་དེ་ནི་བདེན་ཏེ་རྣར་འོང་ངོ་ཞེས་བྱས་ནས། རྒྱལ་པོ་དེས་སྨན་པ་འཆལ་པ་དེ་དང་སྨན་པ་ཅིག་ཤོས་ཀྱི་བྱེ་བྲག་ཕྱེད་པར་གྱུར་ནས ་སྨན་པ་ངན་པ་དེ་ཡུལ་ཕྱོགས་ནས་བསྐྲད་དེ། སྨན་པ་བཟང་པོ་ཅིག་ཤོས་བཀུར་བར་གྱུར་ལ། དེ་ནས་སྨན་པ་དེས་ད་ནི་དུས་ལ་བབ་བོ་སྙམ་ནས། རྒྱལ་པོ་ལ་འདི་སྐད་ཅེས་གསོལ་ཏེ། རྒྱལ་པོ་ཆེན་པོ་གལ ་ཏེ་བདག་ལ་མཉེས་པར་གྱུར་ན། གསོལ་བ་སྣ་གཅིག་ཅིག་གསོལ་གྱིས། གལ་ཏེ་རྒྱལ་པོ་ཆེན་པོ་ཡང་དགྱེས་པར་ལྟན་གནང་བར་མཛད་དུ་གསོལ། རྒྱལ་པོས། སྨན་པ་ལ་བཀའ་སྩལ་པ། ངའི་ལག ་པ་གཡས་པ་མན་ཆད་ནོར་རོ་ཅོག་ལས་གསོལ་ཅིག། སྨན་པས། རྒྱལ་པོ་ལ་གསོལ་པ། རྒྱལ་པོ་ཆེན་པོའི་སྨན་པ་འཆལ་པ་དེའི་འོ་མའི་དཔྱད་གང་ལག་པ་དེ་ནི། དུག་ཧ་ལ་ཧ་ལ་ལགས་ན། དེས་གླེ ་བར་མ་ཆུད་ཀྱིས། རྒྱལ་པོ་ཁྱོད་ཀྱི་ཡུལ་ཁམས་ཐམས་ཅད་དུ་བཀའ་བཏགས་ལ། སྔོན་གྱི་སྨན་པ་དེའི་འོ་མའི་དཔྱད་གང་ཡིན་པ་དེ་ནི་དུག་ཧ་ལ་ཧ་ལ་ཡིན་གྱིས། སུ་སྨན་དུ་འོ་མ་འཐུང་བ་དེ་མགོ་བོ་བཅད་དོ་ཞེས ་བཀའ་གདགས་པར་གསོལ། དེ་ལྟར་མ་བགྱིས་ན་སེམས་ཅན་རྣམས་དུས་མ་ཡིན་པའི་འཆི་བས་འཆི་བར་འགྱུར་རོ།། བདག་ནི་འཚོ་བར་འགྱུར་བ་དང་། ནད་མ་མཆིས་པར་འགྱུར་བར་འཚལ་ཏེ། ལྷ་བདག ་ནི་གསོལ་བ་དེ་འཚལ་ལགས་སོ། ། དེ་ནས་རྒྱལ་པོས། སྨན་པ་དེ་ལ་བཀའ་སྩལ་པ། དེ་ལྟར་ན་གསོལ་བ་ཆུང་ངུ་ཞིག་གསོལ་ཏེ། བཀའ་གདགས་པར་བྱའོ་ཞེས་བྱས་ནས། བཀའ་ཡང ་བཏགས་སོ། ། དེ་ནས་བཀའ་བཏགས་པ་བཞིན་དུ། ཐམས་ཅད་དུ་ལུགས་སུ་ཆུད་པར་གྱུར་ཏོ།། དེ་ནས་སྨན་པ་དེས། རྒྱལ་པོ་དེ་ལ་ཡང་འདི་སྐད་ཅེས་གསོལ་ཏེ། ད་དུང་ཡང་ལན་གཉིས ་ལན་གསུམ་གྱི་བར་དུ། དེ་བཞིན་དུ་བཀའ་གདགས་པར་གསོལ་ཞེས་བྱས་ནས། སྨན་པ་དེས་རོ་མངར་པ་དང་། སྒྱུར་བ་དང་། ལན་ཚྭའི་རོ་དང་། ཚ་བ་དང་། བསྐ་བ་དང་། ཁ་བ་རྣམས་ཀྱིས་མི་རྣམས ་ཀྱི་ནང་སོས་པར་བྱས་སོ། ། དེ་ནས་རེ་ཞིག་ན་རྒྱལ་པོ་ནད་ཀྱིས་ཐེབས་ནས། སྨན་པ་དེ་བཀུག་སྟེ་བསྒོ་བ། ང་ནི་ཤི་ལ་ཐུག་གིས་རྒྱལ་པོའི་རྐྱེན་དང་འཚལ་བའི་གསོལ་པ་ཅི་འདོད་པ་ཁྱོད་ལ་སྦྱིན་ནོ་ཞེས་བྱས་སོ།། ་དེ་ནས་སྨན་པ་དེས། རྒྱལ་པོ་དེ་ལ་གསོལ་པ། རྒྱལ་པོ་ཆེན་པོ་བདག་ནི་བརྫུན་དུ་སྨྲ་བ་མ་ལགས་སོ།། འོ་མ་ནི་བདུད་རྩི་ལགས་ཏེ། ཁྱོད་ཀྱིས་ཞལ་ཟས་འོ་མ་དང་སྦྱར་བ་གསོལ ་འཚལ་ལོ། དེ་ནས་རྒྱལ་པོ་ངས། སྨན་པ་དེ་ལ་བཀའ་སྩལ་པ། ཅི་ཁྱོད་མཁྲིས་པས་མོངས་པར་བྱས་སམ། འོན་ཏེང་སླུ་བར་བྱེད་དམ་ཅན། སྔར་ནི་འོམ་དྲུག ་ཡིན་ཞེས་ཟེར་ལ། ད་ནི་འོ་མ་སྨན་གྱི་མཆོག་ཡིན་ནོ་ཞེས་ཟེར། ཀྱེ་མ་སྨན་པ་སྔ་མ་བསྐྲད་པས་ཕུང་ངོ་།། དེས་ཀྱང་འོ་མོའི་དཔྱད་བསྔགས་པ་ལས་ན། དེ་ནི་སྨན་པ་ཆེན་པོ་ཡིན་གྱིས། སྨན་པ་ངན་པ་མ་ཡིན་ནོ།། ཁྱོད་ཀྱིས ་མམིའི་དབྱང་བྱས་པ་ནི་ཁྱོད་བདག་བསྐྲད་པའི་རྒྱུ་ཡིན་ནོ་ཞེས་བྱའོ། ། སྤྱན་པས་གསོལ་པ། རྒྱལ་པོ་ཆེན་པོ་དེ་ལྟར་གཞན་དུ་མི་དགོངས་པར་གསོལ། དཔེར་ན་ཤིང་ངམ་རྩིག་པ་སྲིན་བུས་བརྐོས་ཏེ། རིགེའི་འབྲུ་འདྲ་བར་མཐོང ་ཡང་། མཁས་པ་རྣམས་ཀྱིས་སྲིན་བུས་ཡི་གེ་ཤེས་སོ་ཞེས་བརྗོད་པར་མི་བགྱི། ཡི་གེ་སྦྱར་བ་ལྟ་བུར་གྱུར་ཀྱང་། ཡ་མཚན་དུ་གཟུང་བར་མི་བགྱི་བ་དེ་བཞིན་དུ། ཁྱོད་ཀྱི་སྨན་པ་སྔ་མའི་འོ་མའི་དཔྱད་ཀྱི་ལས ་ཀྱང་སྲིན་བུས་བརྐོས་པའི་ཡི་གེ་བཞིན་དུ་བལྟ་བར་བགྱིས་ཏེ། དེ་ནི་འོ་མ་སོ་སོའི་བྱེ་བྲག་ཀྱང་མ་འཚལ་བ་ལགས་སོ།། རྒྱལ་པོས། སྨན་པ་དེ་ལ་སྨྲས་པ། ཀཱ་ཡེ་སྨན་པ་ངན་པ་དེས་འོ་མ་སོ་སོའི་བྱེ་བྲག་ཇི་ལྟར ་མི་ཤེས། སྨན་པས་གསོལ་པ། རྒྱལ་པོ་ཆེན་པོ་འོ་མ་ནི་བདུད་རྩི་ཡང་ལགས། དུག་ཀྱང་ལགས་ཏེ། དེ་ལ་བདུད་རྩི་ཞེས་བགྱི་བ་ནི། བ་གང་བེའུ་ཧ་ཅང་སྟོབས་དང་ལྡན་པ་མ་ལགས་པ་དང་། ཆང་གི ་སྙིགས་མ་མི་འཐུང་བ་དང་། ནགས་ཁུང་དང་། གཤོང་དང་། ཆུ་འདམ་རྫ་བ་ཅན་ན་མི་གནས་པ་དང་། བ་ལང་རྫིས་ནུ་མ་མ་བཞིངས་པ་དང་། རྩ་བརྔས་པ་མ་གསན་པ་དང་། རང་གི་བླུན་འདུག་པ་དང ་མ་ཧེའི་ཁྱུ་དང་ལྷན་ཅིག་མི་འགྲོགས་པ་དང་། དེ་ལ་སོགས་པ་པའི་ཡོན་ཏན་རྣམས་དང་ལྡན་ལ། དེའི་འོ་མ་ལྷག་མ་གཟར་མ་བཅད་པར་རན་ཙམ་དུ་བཞོས་པའི་འོ་མདེ་ནི་ནད་དོ་ཅོག་ཞི་བར་བགྱིད་པ་ལགས་སོ།། ་དེ་ནས་རྒྱལ་པོ་ངོ་མཚར་དུ་གྱུར་ནས། སྨན་པ་དེ་ལ་བཀའ་སྩལ་པ། མཁན་པོ་ད་ནི་ངས་ཁྱོད་ཀྱི་འོ་མའི་དཔྱད་བཟང་པོ་ཡང་ཤེས་སོ།། ངན་པ་ཡང་ཤེས་སོ།། དེ་ནས་རྒྱལ་པོས་བཀའ་བཏགས་ཏེ། འོ་མ་འཐུང ་ཞིག་ཅེས་བསྒོ་བ་དང་། འབངས་ཐམས་ཅད་ཀྱིས་རྒྱལ་པོས་ཕྱིར་ཡང་འོ་མ་འཐུང་ཞིག་ཅེས་བསྒོ་བ་ཐོས་ནས། སེམས་འཁྲུག་ཏེ། ཅི་རྒྱལ་པོ་གདོན་གྱིས་ཐེབས་སམ། འོན་ཏེ་བདག་ཅག་ལ་མཐོ་འཚམ ་མམ་ཞེས་ཟེར་ཞིང་། དེ་ལྟར་གྲོང་ཁྱེར་གྱི་མི་དང་འབངས་ཐམས་ཅད་རྒྱལ་པོའི་དྲུང་དུ་ལྷགས་ཏེ། རྒྱལ་པོས་དེ་དག་མཐོང་ནས་སྨྲས་པ། སྨན་པ་འདི་ན་རེ་འོ་མ་དེ་འདྲའོ་ཞེས་ཟེར་ན། ཁྱེད་གཤེར་ཅི་ཡོད ་ཅེས་བྱས་སོ། ། དེ་ནས་རྒྱལ་པོ་དང་། གྲོང་ཁྱེར་གྱི་མི་དང་། འབངས་ཐམས་ཅད་མགུ་བར་གྱུར་ནས། སྨན་པ་ལ་མི་མཚུངས་པའི་བསྙེན་བཀུར་བྱས་ནས། འོ་མ་དཔྱད་ལ་ཡང་སྟེན་པར་བྱེད་པ་དེ་བཞིན ་དུ། དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་སྨན་པ་བཟང་པོ་དང་འདྲ་བར་འཇིག་རྟེན་དུ་བྱུང་ནས། མུ་སྟེགས་པ་སྨན་པ་ངན་པ་དང་འདྲ་བ་ཐམས་ཅད་ཀྱི་ཟད ་། ། ཐམས་ས་ངས་ལ་ང། དེས་པ་བ་གནས། རྒྱལ་བདུས་ས་དེ། ས་རྣམས་། ང་བྱ་ར། དག་ད། ་སེམས་ཅན་མེད་དོ།། སྲོག་མེད་དོ།། གང་ཟག་མེད་དོ་ཞེས་གསུང་ངོ་།། མུ་སྟེགས་པ་རྣམས་ཀྱིས་བདག་བསྟན་པ་ནི། སྲིན་བུས་བརྐོས་པའི་ཡི་གེ་དང་འདྲ་སྟེ། དེའི་ཕྱིར་ང་སེམས་ཅན་ཐམས ་ཅད་ལ་བདག་མེད་དོ་ཞེས་བསྟན་པ་སྟོན་པར་མཛད་དོ། ། བདག་མེད་པ་ནི་སངས་རྒྱས་ཀྱི་ཆོག་ཡིན་ནོ་ཞེས་ཆོས་ཀྱི་བཀའ་འདོགས་པར་མཛད་ནས། ཡང་གདུལ་བར་བྱ་བ་རྣམས་ཀྱི་དབང་དང་། སེམས ་ཅན་རྣམས་ལ་ཕན་པའི་ཕྱིར། དུས་མཁྱེན་པར་མཛད་ནས། ཆོས་ཐམས་ཅད་བདག་མེད་པར་བསྟན་པའི་སྐབས་དེ་ཉིད་དུ། སྨན་པ་བཟང་པོ་བཞིན་དུ་བདག་ཡོད་དོ་ཞེས་ཡང་དག་པར་སྟོན་པར ་མཛད་དེ། འཇིག་རྟེན་པ་རྣམས་ཀྱི་བདག་མཐེ་བོང་ཙམ་དང་། ཁྲེ་རྒོད་ཀྱི་འབྲུ་ཙམ་ཞེས་བྱ་བ་དེ་ལྟ་བུ་ནི་མ་ཡིན་ནོ།། འཇོག་རྟེན་པ་རྣམས་ཀྱི་བདག་ཏུ་ལྟ་བ་གང་ཡིན་པ་ལྟ་བུའང་མ་ཡིན ་འདིར་ཆོས་ཐམས་ཅད་ནི་བདག་མེད་པ་ཞེས་བྱའོ། ། ཆོས་ཐམས་ཅད་ནི་བདག་མེད་པའང་མ་ཡིན་ཏེ། བདག་ནི་དེ་ཁོ་ན་ཉིད་དོ།། བདག་ནི་རྟག་པ་ཉིད་དོ།། བདག་ནི་ཡོན་ཏན་ཉིད་དོ།། བདག་ནི ་ཐེཟེར་ཟུག་པ་ཉིད་དོ། ། བདག་ནི་བརྟན་པ་ཉིད་དོ།། བདག་ནི་ཞི་བ་ཉིད་དོ་ཞེས་སྨན་པ་བཟང་པོའི་འོ་མ་བཞིན་དུ། དེ་བཞིན་གཤེགས་པའང་དེ་ཁོ་ན་ཉིད་དང་ལྡན་པ་སྟོན་པར་མཛད་དོ།། ་བསྒོམ་པ་ལ། འཁོར་བཞི་པོ་རྣམས་ཀྱིས་བརྩོན་པར་གྱིས་ཤིག། དགེ་སློང་དག་གཞན་ཡང་ཚུལ་ཁྲིམས་ཀྱི་གཞི་པ་གཏོགས་པར། ཐེ་ཙོམ་དང་སོཔཉ་ཅི་འད་དེ་དག་ཅིད་ཅེས་པས་སུམ་གས ་ངས་ལེགས་པར་གསུངས་པས་ཁྱེད་རངས་པར་བྱའོ། ། ང་ནི་བསྒོམ་པ་ཐམས་ཅད་ལས་གྲོལ་བ་དང་། རང་བཞིན་གྱིས་སྟོང་པ་ཆེན་པོ་སྟོན་ཏེ། དགེ་སློང་ཁྱེད་དེ་བཞིན་གཤེགས་པས་བདག ་ཅག་ལ་རང་བཞིན་གྱིས་སྟོང་པ་ཆེན་པོ་མ་བསྟན་ཏོ་ཞེས་དེ་སྐད་མ་ཟེར་ཅིག། དགེ་སློང་དག་གཞན་ཡང་ཚུལ་ཁྲིམས་ཀྱི་གཞི་མ་གཏོགས་པར། ཐེ་ཙོམ་དང་སོམ་ཉེ་ཅི་དང་ཅི་ཡོད་པ་དེ་དག་ཁྱེད་ཀྱིས ་ང་ལ་ཞུས་ཤིག། དེ་ནས་དགེ་སློང་དེ་དག་གིས། བཅོམ་ལྡན་འདས་ལ་འདི་སྐད་ཅེས་གསོལ་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས ་ལ་ཞུ་བ་ནི། བདག་ཅག་གི་ཡུལ་མ་ལགས་ཏེ། བདག་ཅག་གིས་རྔོ་མ་ཐོགས་ལགས་སོ།། སངས་རྒྱས་བཅོམ་ལྡན་འདས་ཀྱང་བསམ་གྱིས་མི་ཁྱབ། ཏིང་ངེ་འཛིན་རྣམས་ཀྱང་བསམ་གྱིས་མི་ཁྱབ ་ཁྱོད་ཀྱི་གདམ་ངག་ཀྱང་བསམ་གྱིས་མི་ཁྱབ་པས་ན། བདག་ཅག་གིས་ཞུ་བའི་རྔོམ་ཐོགས་ལགས་སོ།། བཅོམ་ལྡན་འདས་དཔེར་གསོལ་ན། མི་ལ་ལ་རྒས་ཤིང་འཁོགས་ལ་གཏུགས་པ། ལོ་བ ་ཉི་ཤུ་རྩ་དྲུག་ཡོན་པ། ། ནད་ཀྱིས་ཐེབས་པ། མ་ལ་ཁྲི་ལ་མཆིས་པའི་ནད་པ་ཞིག་མཆིས་ལ། མི་ལ་ལ་ཞིག་གིས་དེའི་སུག་པར་གཏེར་གཏམས་ཏེ། ཀྱེ་མི་ཁྱོད་ཀྱིས་གཏེར་འདི་ལོང་ལ། གང་གི་ཚེ་བདག ་ལོ་བཅུའམ། ལེ་ཉི་ཤུན་བྱེས་ནས་ཕྱིར་འོངས་ཏང་། དེའི་ཚེ་འདི་བདག་ལ་ཕྱིར་བྱིན་ཅིག་ཅེས་ཀྱིས་ནས། དེས་གཏད་དེ་མཆིས་ལ། རྒན་པོ་དེའང་བུ་མ་མཆིས་པ་ཞིག་སྟེ ་མིམེ་དེ་མཆིས་ནས་རིང་པོ་མ་ལགས་པར་མི་རྒན་པོ་དེ་གུམ་ན། མི་དེ་སླར་མཆིས་ཏེ། དེ་དེ་ལྟར་ནོར་གྱི་ཕུང་པོ་ཆེན་པོ་དང་བྲལ་བར་གྱུར་ཀྱང་། སུ་ལའང་ཇི་སྐད་བགྱིར་ཡང་མ་མཆིས་པ་དེ་བཞིན་དུ། བཅོམ་ལྡན ་འདས་ཚུལ་ཁྲིམས་ཀྱི་གཞི་མ་གཏོགས་པར། བདག་ཅག་གིས་ཞུས་པ་དེའང་ཉན་ཐོས་ལ་ཡུན་རིང་དུ་གནས་པར་མི་འགྱུར་ལ། བདག་ཅག་ལའང་ཇི་སྐད་དུ་ཞུ་བའི་ཆ་མ་མཆིས་ལགས་སོ།། བཅོམ ་ལྡན་འདས་ཀྱིས། དེ་དག་ལ་བཀའ་སྩལ་པ། དགེ་སློང་རྣམས་ཀྱིས་ཞུས་པ་ནི། སེམས་ཅན་ཐམས་ཅད་ལ་ཕན་པར་འགྱུར་ཏེ། དེའི་ཕྱིར་ངས་ཞུ་བའི་སྐབས་ཕྱེ་བ་ཡིན་ནོ།། དེ་ནས་དགེ་སློང་རྣམས ་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་དཔེར་གསོལ་ན། མི་གཞོན་ནུ་ལ་ལ་ལོ་ཉི་ཤུ་རྩ་དྲུག་ལོན་ཏེ། ཕྱུག་ཅིང་འཁོར་ཕུན་སུམ་ཚོགས་པ་དང་ལྡན་པ་ཞིག་མཆིས་ལ། མི་ལ་ལ་ཞིག ་གིས་དེའི་སྲེག་པར་གཏེར་གཏམས་ཏེ། འདི་སྐད་དུ། ཀྱེ་བདག་ནི་དོན་གཉེར་དུ་འགྲོ་ཡོས། བདག་ཕྱིར་འོངས་ཏང་། མི་ཁྱོད་ཀྱིས་གཏེར་འདི་བདག་ལ་ཕྱིར་བྱིན་ཅིག་ཅེས་བགྱིས་ནས། མི་དེས་གཏེར་དེས ་ལེགས་པར་སྦས་ཤིང་ལེགས་པར་བསྲུངས་ཏེ། དེ་ལྟར་མཆིས་ནས། སླར་སྩལ་བ་དེ་བཞིན་དུ། བཅོམ་ལྡན་འདས་དམ་པའི་ཆོས་ཀྱི་དབྱིག་ལེགས་པར་གསུངས་པ། དགེ་སློང་ཀུན་དགའ་བོ་ལ་སོགས ་པ་ཉན་ཐོས་ཐམས་ཅད་ལ་གཏད་ན་ནི། ཡུན་རིང་དུ་གནས་པར་མི་འགྱུར་ལགས་སོ།། དེ་ཅིའི་སླད་དུ་ཞེ་ན། འོད་སྲུངས་ཆེན་པོ་ལ་སོགས་པ་ཉན་ཐོས་ཐམས་ཅད་ནི་མི་རྟག་པའི་སླད་དུའོ།། བྱང་ཆུབ་སེམ་དཔའ ་ཞུས་པའི་དབྱིག་བྱང་ཆུབ་སེམ་དཔའ་རྣམ་ལ་གཏད་ན་ནི་ལོ་འབུམ་ཕྲག་མང་པོར་གནས་པར་འགྱུར་ལ། འཕེལ་བར་ཡང་འགྱུར་ཞིང་། བྱང་ཆུབ་སེམས་དཔའ་ཐམས་ཅད་ལའང་སྨན་པར་འགྱུར་ལགས་སོ།། བྱང་ཆུབ་སེམ ་དཔའ་སེམས་དཔའ་ཆེན་པོ་རྣམས་ཀྱིས་ནི། དེ་བཞིན་གཤེགས་པ་ལ་ཞུ་བའི་རྡོ་ཐོགས་ལ། བདག་ཅག་སྦྲང་བུ་དང་འདྲ་བས་ནི། དེ་བཞིན་གཤེགས་པ་ལ་ཞུ་བའི་རྔོ་མི་ཐོག་ལགས་སོ་ཞེས་གསོལ་ནས། ་ཅང་མི་ཟེར་བར་འཁོད་དོ།། དེ་ནས་བཅོམ་ལྡན་འདས་ཀྱིས། དགེ་སློང་དེ་དག་ལ་འདི་སྐད་ཅེས་བཀའ་སྩལ་ཏོ།། དགེ་སློང་དག་ལེགས་སོ་ལེགས་སོ།། དགེ་སློང་དག་ཁྱེད་ཟག་པ ་མེད་པས་ནི་དེ་སྐད་བྱ་བ་ཡིན་ནོ། ། དགྲ་བཅོམ་པས་ནི་དེ་སྐད་བྱ་བ་ཡིན་ཏེ་ལེགས་སོ།། དགེ་སློང་དག་ངས་ཀྱང་ཁྱེད་ཀྱིས་བསམས་པའི་དོན་དེ་སྔ་ནས་བསམས་སོ།། ངའི་ཐེག་པ་ཆེན་པོ་ནི་བྱང་ཆུབ་སེམས ་དཔའི་ལག་ཏུ་གཏད་ན། རྒྱུ་གཉིས་ཀྱིས་ཡུན་རིང་དུ་གནས་པར་འགྱུར་རོ།། དེ་ནས་དེའི་ཚེ་བཅོམ་ལྡན་འདས་ཀྱིས། འཁོར་རྣམས་ལ་བཀའ་སྩལ་པ། རིགས་ཀྱི་བུ་འམ། རིགས་ཀྱི་བུ་མོ་ཆེ་རིང་པོ་དག ་གཞི་གསུམ་མ་གཏོགས་པ་དང་། ཚུལ་ཁྲིམས་ཀྱི་གཞི་མ་གཏོག་པར། ཁྱེད་ཀྱི་ཡིད་གཉིས་དང་། སོམ་ཉི་དང་། ཐེ་ཙོམ་ཅི་ཡོད་པ་ལ་ལ་ཞུས་ཤིག་ཅེས་ལན་གཉིས་ལན་གསུམ་དུ་བཀའ་སྩལ་ཏོ།། ་དེ་ནས་འཁོར་དེ་ཉིད་ཀྱི་ནང་ནས། བྱང་ཆུབ་སེམས་དཔའ་སེམས་དཔའ་ཆེན་པོ་དོང་བུའི་གྲོང་དུ་སྐྱེས་པ། བྲམ་ཟེའི་རིགས་ཆེ་ཞིང་མཐོ་བའི་བུ། འོད་སྲུངས་ཆེན་པོ་དང ་རུས་གཅིག་པ་ཞེས་བྱ་བ་དེ་བཞིན་གཤེགས་པའི་མཐུས་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེར་སོང་ནས་ཕྱག་འཚལ་ཏེ། ལན་འབུམ་བསྐོར་བ་བྱས་ནས། ལྷའི་མཆོད་པའི་ལས་ཆེན་པོ་བྱས ་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གལ་ཏེ་ཞུས་ནས། ཞུ་བ་ལུང་བསྟན་པའི་སད་དུ། བཅོམ་ལྡན ་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་ཕྱོགས་འགའ་ཞིག་ཞུའོ།། བཅོམ་ལྡན་འདྲ ་ཀྱིས་བཀའ་སྩལ་པ། བྱང་ཆུབ་སེམས་དཔའ་སེམས་དཔའ་ཆེན་པོ་བྲམ་ཟེའི་རིགས་ཆེ་ཞིང་མཐོ་བའི་བུ། འོད་སྲུངས་ཆེན་པོ་དང་རུས་གཅིག་པ་ཁྱོད་ཅི་དང་ཅི་འདོད་པ་དེ་བཞིན་གཤེགས་པ་དགྲ་བཅོམ་པ ་ཡང་དག་པར་རྫོགས་པའི་སངས་རྒྱས་ལ་ཞུས་ཤིག་དང་། ངས་ཞུ་བ་ཞུས་པ་དེ་དང་དེ་ལུང་བསྟན་པས། ཁྱོད་ཀྱི་སེམས་རངས་པར་བྱའོ།། དེ་ནས་བཅོམ་ལྡན་འདས་ལ། བྱང་ཆུབ་སེམས ་དཔའ་སེམས་དཔའ་ཆེན་པོ་བྲམ་ཟེའི་རིགས་ཆེ་ཞིང་མཐོ་བའི་བུ། འོད་སྲུངས་ཆེན་པོ་དང་རུས་གཅིག་པས་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པའི་མཐུ་དང་། སེམས ་ཅན་ཐམས་ཅད་ཀྱི་དགེ་བའི་རྩ་བའི་མཐུས་བདག་གིས་ཞུ་བར་ནི་འཚལ་ན། བདག་ནི་སྦྲང་བུ་དང་འདྲ་ལ། དེ་བཞིན་གཤེགས་པ་ནི་ཙན་དན་ལྟ་བུའི་འཁོར་ཆེན་པོ་མངའ་བ་ལགས། སེང་གེ་ལྟ་བུའི་འཁོར། ་ཆེན་པོ་དང་ལྡན་པ་ལགས། བཻ་ཌཱུཪྻ་དང་རྡོ་རྗེ་ཆེན་པོ་ལྟར་མི་ཕྱེད་པའི་སྐུ་མངའ་བ་ལགས། མི་ཕྱེད་པའི་འཁོར་དང་ལྡན་པ་ལགས། ཡེ་ཤེས་རྒྱ་མཚོ་དང་ལྡན་པའི་འཁོར་ཆེན་པོ་མངའ་བ་ལགས། བྱང ་ཆུབ་སེམས་དཔའ་སེམས་དཔའ་ཆེན་པོ་ཁ་ཅིག་ཡོན་ཏན་དཔག་ཏུ་མ་མཆིས་པ་དང་ལྡན་པ་དག་ཀྱང་མཆིས་ཏེ། དེ་ལྟར་དཔག་ཏུ་མ་མཆིས་པའི་འཁོར་མངའ་བའི་དེ་བཞིན་གཤེགས་པ་ལ། དེ་བཞིན་གཤེགས ་པའི་མཐུས་བདག་གིས་ཞུ་བའི་རྔོ་ཐོགས་པར་གྱུར་ན། འདིར་བགྱི་བ་མང་དུ་མཆིས་ཏེ། དེ་བཞིན་གཤེགས་པའི་མཐུས་བདག་སྦྲང་བུ་དང་འདྲ་བས་ཞུ་བར་འཚལ་ལོ་ཞེས་བྱས་ནས། ཚིགས་སུ་བཅད ་དེ་གསོལ་པ། ཐུབ་པ་ཅིས་ན་ཚེ་རིང་འགྱུར།། རྡོ་རྗེ་ལྟ་བུར་ཅིས་འགྱུར་ལགས།། གང་གིས་མི་ཤིགས་ཐོབ་པར་འགྱུར།། ཅི་ནས་ལུས་བརྟན་སྟོབས་ཆེན་འགྱུར།། ཇི་ལྟར་གྱིས་ན་མདོ་སྡེ་འདིའི། ་ཕ་རོལ་ཕྱིན་པར་འགྱུར་བ་ལགས།། ཇི་ལྟར་སྲོག་ཆགས་རྣམས་ཀྱི་སེམས།། སྣ་ཚོགས་རྟོགས་ནས་སྟོན་པར་འགྱུར།། ཐུབ་པ་ཆེན་པོ་ཇི་ལྟར་ན།། རྒྱལ་ཆེན་ཐོབ་ནས་སྐྱབས་སུ་འགྱུར།། ཇི་ལྟར ་དགྲ་བཅོམ་མ་ལགས་ཀྱང་། ། དགྲ་བཅོམ་རྣམས་དང་མཚུངས་པར་འགྱུར།། བཅོམ་ལྡན་ཇི་ལྟར་བགེགས་བགྱིད་པའི།། བདུད་ནི་ཁོང་དུ་ཆུད་པར་འགྱུར།། བདུད་ཀྱི་ཚིག་ཀྱང་འཚལ་བ་དང་། ་རྫོགས་པའི་སངས་རྒྱས་གསུང་ཡང་འཚལ།། འདྲེན་པ་ཇི་ལྟར་དགའ་བཞིན་དུ།། འཕགས་པའི་ལམ་རྣམས་སྟོན་པར་འགྱུར།། དགེ་དང་ཡང་དག་ལྡན་གྱུར་ནས། ་ཕྱིན་ཅི་མ་ལོག་སྟོན་པར་འགྱུར།། ཐུབ་པ་ཆེན་པོ་ཇི་ལྟར་ན།། ལེགས་བྱེད་འགྱུར་བ་བསྟན་དུ་གསོལ།། ཐུབ་པ་བྱང་ཆུབ་སེམས་རྣམས་ཀྱང་།། ཇི་ལྟར་བརྟག་དཀའ་ཁམས་མཐོང་འགྱུར།། ཐུབ ་པ་ཇི་ལྟར་ཡི་གེ་ཡི། ། ཕྱེད་ནི་རྫོགས་པར་འགྱུར་བ་ལགས།། ཇི་ལྟར་བཞད་དང་ཐལ་མོ་ཡི།། སྤྱོད་པ་དག་དང་འདྲ་བར་འགྱུར།། ཇི་ལྟར་ཕུར་བུ་པ་ཝ་སངས།། ཉི་མ་དག་ཏུ་སྐྱེ་བར་འགྱུར།། ཐུབ ་པ་བྱང་ཆུབ་སེམས་དཔའ་རྣམས། ། ཇི་ལྟར་སེམས་ནི་མ་སྐྱེས་པར།། འདིར་ནི་འཇིག་པ་མེད་པར་འགྱུར།། ཇི་ལྟར་ཀ་ཏའི་འབྲས་བུ་འདྲ།། ཇི་ལྟར་ཚེད་དུས་སྐྱེས་པ་ན།། གོས་པ་མ་མཆིས་བགྱིད་པ་དང་། ་ཉེས་པའི་དབྱིངས་སུ་པདྨ་ལྟར།། ཉེས་པ་དག་གིས་མི་གོས་ལགས།། ཇི་ལྟར་བྱང་ཆུབ་སེམས་དཔའ་རྣམས།། ཡུལ་ཁམས་སྨན་པ་ཆེན་པོར་འགྱུར།། ཆུ་འགྲམ་ཀུན་ཏུ་མཉན་པར་འགྱུར།། དེ་འདིར ་བདག་ལ་ལུང་བསྟན་གསོལ། ། ཇི་ལྟར་སྦྲུལ་རྣམས་པགས་པ་རྙིང་།། འདོར་བ་བཞིན་དུ་འགྱུར་བ་ལགས།། རིན་ཆེན་མང་པོའི་འབྱུང་གནས་དང་།། འབྲུ་དང་ཤིང་འདྲ་ཇི་ལྟར་ལགས།། བརྟན་པོ ་དགཉན་ཐོས་དང་། ། རང་སངས་རྒྱས་ཀྱི་བྱང་ཆུབ་ཀྱིས།། སྐུ་གདུང་ཇི་ལྟར་སྟོན་པར་བགྱིད།། མཐའ་ཡས་སྒོ་ཡང་ཇི་ལྟར་སྟོན།། རྒྱལ་སྲས་བརྟུལ་ཞུགས་བརྟན་པོ་རྣམས།། ཇི་ལྟར་མི་ཕྱེད་འཁོར ་དང་ལྡན། ། དེ་དག་འཇིག་རྟེན་དམུས་ལོང་གི། མིག་དང་འདྲ་བར་ཇི་ལྟར་འགྱུར།། ཐུབ་པ་ཆེན་པོ་ཇི་ལྟར་ན།། མགོ་མང་བྱེ་བ་སྟོན་པར་འགྱུར།། ཇི་ལྟར་ཟླ་བ་ཆོས་འདྲ་བར།། འཇིག་རྟེན་ནམ ་ལ་ཆོས་ཀྱང་སྟོན། ། ཇི་ལྟ་བུར་ནི་གཞའ་གསང་དུ།། ཡོངས་སུ་མྱ་ངན་འདས་པ་སྟོན།། ཇི་ལྟར་ལྷ་དང་བདུད་འདྲ་བར།། བརྟན་པར་འགྱུར་ཞིང་དཔའ་བར་འགྱུར།། ཇི་ལྟར་ཆོས་ཀྱི་སྒོ་རྟོགས ་ནས། ཆོས་ཉིད་ཀྱང་ནི་འཚལ་བར་འགྱུར།། ཇི་ལྟར་བྱང་ཆུབ་སེམས་དཔའ་རྣམས།། ནད་མེད་པར་ཡང་འགྱུར་བ་ལགས།། སེམས་ཅན་ཀུན་ལ་སྨན་པའི་ཕྱིར།། དེ་དག་ཇི་ལྟར་དགོངས ་པ་འཆད། ། ཇི་ལྟར་དགེ་བ་ལྷག་མར་བཅས།། ཇི་ལྟར་ཐེ་ཙོམ་སྤོང་བར་འགྱུར།། བློ་གྲོས་ཆེན་པོ་ཇི་ལྟར་ན།། བྱང་ཆུབ་མཆོག་ཏུ་ཉེ་བར་འགྱུར།། ཆེ་ཕྲ་གཟིགས་པ་ཁྱོད་ཉིད་ཀྱིས།། བྱུང ་ཆུབ་སེམས་དཔའི་སྤྱོད་པ་གསུངས། ། ཆོས་རྣམས་དུ་མའི་སྒོ་དག་ཀྱང་།། འདྲེན་པ་ཁྱོད་ཀྱིས་བཀའ་སྩོལ་ཅིག། སེམས་ཅན་ཀུན་གྱི་སྨན་པའོ།། རྐང་གཉིས་རྣམས་ལ་སྨན་སྟོན་ཅིག། ་ཐུབ་པ་ཕུང་པོ་འདི་དག་ལས།། བདག་གིས་ཞུ་བའི་ཡུལ་མ་མཆིས།། བྱང་ཆུབ་སེམས་དཔའ་བརྟན་རྣམས་ཀྱིས།། ཡུལ་ནི་ཐམས་ཅད་མཁྱེན་པ་ལགས།། དེ་ནས ་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་བྲམ་ཟེའི་རིགས་ཆེ་ཞིང་མཐོ་བའི་བུ། འོད་སྲུངས་ཆེན་པོ་དང་རུས་གཅིག་པལ་འདི་སྐད་ཅེས་བཀའ་སྩལ་ཏོ།། རིགས ་ཀྱི་བུ་ལེགས་སོ་ལེགས་སོ། ། རིགས་ཀྱི་བུ་ཁྱོད་ཇི་ལྟར་དེ་བཞིན་གཤེགས་པའི་གསང་བའི་མདོ་ཆེན་པོ་ལས། ཐམས་ཅད་མཁྱེན་པ་དང་། ཐམས་ཅད་མཁྱེན་པ་ནང་འདྲི་བ ་མཛད་པ་བཞིན་དུ་འདྲི་བ་ནི་ལེགས་ཏེ། འཇིག་རྟེན་གྱི་ཁམས་གངྒཱའི་ཀླུང་མང་པོ་གྲངས་མེད་པའི་བྱེ་མ་སྙེད་ཀྱི་ཕ་རོལ་ན། ཐམས་ཅད་མཁྱེན་པ། རང་རང་གི་འཇིག་རྟེན་གྱི་ཁམས་ན་བཞུགས་པ་དག་པ། ་དང་ཐབས་གཅིག་ཏུ་བྱང་ཆུབ་ཀྱི་ཤིང་དྲུང་དུ་བྱང་ཆུབ་ཀྱི་ཕྱིར་ཏེ། བྱང་ཆུབ་ཙམ་པས། དེ་བཞིན་གཤེགས་པའི་གསང་བ་བསྟན་པའི་དོན་དུ་བྱང་ཆུབ་ཀྱི་ཕྱིར་རོལ་པ་དེ་བཞིན་དུ། ཁྱོད་ཀྱང་སེམས་ཅན ་ཐམས་ཅད་ལ་ཕན་པའི་ཕྱིར། ཡོན་ཏན་མིང་གཅིག་པའི་ཚུལ། ཐམས་ཅད་མཁྱེན་པའི་ཡུལ་འདྲི་ཞིང་འདུག་གོ།། དེ་ནས་བཅོམ་ལྡན་འདས་ལ། འོད་སྲུངས་ཆེན་པོ་དང་རུས་གཅིག། ་པས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གིས་ནི་ཐམས་ཅད་མཁྱེན་པའི་ཡུལ་ཞུ་བའི་རྔོ་མི་ཐོགས་མོད་ཀྱི། ཅུང་ཟད་གཅིག་ཞུ་བར་འཚལ་ལོ།། བཅོམ་ལྡན་འདས་དཔེར་གསོལ་ན ་སྦྲང་བུས་གནམ་དང་རྒྱ་མཚོའི་ཕ་མཐར་མཆི་བ་འམ། རྒྱ་མཚོའི་ཆབ་འཚལ་བའི་རྔོ་ཐོགས་པ་དེ་ནི་མི་སྲིད་ལགས་སོ།། བཅོམ་ལྡན་འདས་དེ་བཞིན་དུ་བདག་ནི་སྦྲང་བུ་དང་འདྲ་ལ། བཅོམ་ལྡན་འདས་ནི ་གནམ་དང་རྒྱ་མཚོ་དང་འདྲ་ཞིང་། ཡེ་ཤེས་ཟབ་མོའི་ཆོས་དང་ལྡན་པ་ལགས་སོ།། བཅོམ་ལྡན་འདས་དཔེར་གསོལ་ན། རྒྱལ་པོའི་གཙུག་གི་ནོར་བུ་བཀོད་པས་རང་གི་སྤྱི་བོས་བླངས་པ་དེ་བཞིན་དུ ་བདག་གིས་ཀྱང་ཆོས་བཀའ་སྩལ་པ་ཡང་དག་པར་བླང་བར་འཚལ་ན། ཤེས་རབ་རྒྱ་ཆེ་བ་བསྐྱེད་པའི་སླད་དུ། བཅོམ་ལྡན་འདས་ཀྱིས་བཀའ་སྩལ་དུ་གསོལ། བཅོམ་ལྡན་འདས་ཀྱིས་མཚུད་པ་མེད། ་པ་ཡོངས་སུ་བཤད་དུ་གསོལ། བདག་ཞུ་བར་འཚལ་ལོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཉོན་ཅིག། ལས་གང་གིས་ཀྱང་བྱང་ཆུབ་སེམས་དཔའ་ཆེན་པོ་ཆེ ་རིང་བར་གྱུར་པ་དང་། ལས་གང་གིས་བྱང་ཆུབ་ཀྱི་རྒྱུར་འགྱུར་བ་དེ། གཟུང་བའི་སེམས་ཀྱིས་ཉོན་ཅིག་དང་། ལས་ཀྱི་འབྲས་བུ་དེས་ན། བྱང་ཆུབ་ཀྱི་རྒྱུ་སྐྱེ་བར་འགྱུར་རོ།། ཐོས་ནས་ཀྱང་གཞན་དག། ་ལ་སྟོན་ཅིག། རིགས་ཀྱི་བུ་ངས་ཀྱང་ལས་དེ་བྱས་ཤིང་། གཞན་དག་ལའང་བསྟན་པས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་གྱུར་ཏོ།། རིགས་ཀྱི་བུ་དཔེར་ན་མི་ལ་ལ་ཞིག ་བུ་གཅིག་པ་ཐར་པར་བྱ་བའི་ཕྱིར། རྒྱལ་པོའི་བཙོན་རའི་ནང་དུ་འགྲོ་བ་དེ་བཞིན་དུ། བྱང་ཆུབ་སེམས་དཔའ་ཚེ་རིང་བར་འདོད་པས་ཀྱང་། སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམ ་པར་བྱའོ། ། དེ་ལྟར་བསྒོམས་ན། འཚེ་བ་ཐམས་ཅད་སྤོང་བར་འགྱུར་ལ། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་དང་ལྡན་པར་འགྱུར་ཞིང ་སྲོག་གཅོད་པ་སྤོང་བར་འགྱུར་བ་དང་། ཆོས་སྤྱོད་པར་འགྱུར་རོ།། རིགས་ཀྱི་བུ་གཞན་ཡང་སེམས་ཅན་དཔག་ཏུ་མེད་པ་དག་བསླབ་པའི་གཞི་ལ་འགོད་པར་འགྱུར། དགེ་བ་བཅུའི་ལས་ཀྱི་ལམ་ལའ ་འགོད་པར་འགྱུར་རོ། ། གལ་ཏེ་ནུས་ན་སེམས་ཅན་དམྱལ་བ་དང་། ལྷ་མ་ཡིན་དང་། གཤིན་རྗེའི་འཇིག་རྟེན་དང་། དུད་འགྲོར་སྐྱེས་པ་རྣམས་དང་། ལམ་མི་བཟད་པ་བྱེད་པའི ་སེམས་ཅན་རྣམས་ངེས་པར་བསྒྲལ་བའི་ཕྱིར། འགྲོ་བ་ཐམས་ཅད་ཀྱི་རྗེས་སུ་འཇུག་པར་བྱེད་ཅིང་། གྲོལ་ནས་གཞན་དགྲོལ་བར་བྱའོ་སྙམ་ནས། དེ་ལ་འཛིན་པ་དང་དྲན་པའི་སེམས་དང་ལྡན་པར ་གྱུར་ཏེ། ལེགས་པར་བྱས་པའི་རྣམ་པར་སྨོན་པ་དང་། རྒྱུ་དང་མཐུན་པ་དེས་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་མཆོག་ཏུ་ཚེ་རིང་བར་འགྱུར་ལ། ཡེ་ཤེས་ཀྱི་དབང་ཕྱུག་ཏུ། ་འགྱུར་ཞིང་། འཆི་བ་མེད་པར་འགྱུར་རོ།། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་འོད་སྲུང་ཆེན་པོ་དང་རུས་གཅིག་པས་འདི་སྐད་ཅེས་གསོལ ་ཏོ། ། བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོས་ཅི་ལས་བསམས་ཏེ། སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམ་པར་བགྱི། བཀའ་སྩལ་པ། དེའི ་དོན་ཇི་ལྟ་བུ་ལགས། བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམ་པར་བགྱི་འཚལ་ན། ཚིག་དེ་ནི་མི ་འདོད་པར་བགྱི་བ་ལགས་སོ། ། ཅིའི་སླད་དུ་ཞེ་ན། བཅོམ་ལྡན་འདས་བསྟན་པ་འདི་ལ་སེམས་ཅན་ཁ་ཅིག་ཚུལ་ཁྲིམས་འཆལ་པ་དང་། མཚམས་མ་མཆིས་པར་བགྱིད་པ་དང་། དམ་པའི་ཆོས་སུན ་འབྱིན་པ་དག་ཀྱང་མཆིས་ན། ཅི་ལགས་སེམས་ཅན་དེ་ལྟ་བུ་དག་ལ་བང་བུ་གཅིག་པའི་འདུ་ཤེས་བསྒོམ་པར་བགྱི་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་ཆེན་པོ ་དང་རུས་གཅིག་པ། དེ་ལྟ་ལོས་ཀྱང་མོད། ང་ནི་སེམས་ཅན་ཐམས་ཅད་ལ་སྒྲ་གཅན་ཟིན་བཞིན་དུ་ལྟའོ།། འོད་སྲུངས་ཆེན་པོ་དང་རུས་གཅིག་པས་གསོལ་པ། བཅོམ་ལྡན་འདས་འོ་ན་བསྙེན ་པར་རྫོགས་པའི་འཁོར་དག་པ་རྣམས་ཀྱི་བཅོ་ལྔའི་གསོ་སྦྱོང་ལ་བབ་པའི་ཚེ། བཞོན་ནུ་མ་གྲངས་པ། ལུས་མ་སྦྱངས་པ། བསྙེན་པར་མ་རྫོགས་པ་ཞིག་རྩིག་པའི་གྲཝ་ཞིག་ཏུ་ཡིབ་སྟེ་ཉན་པ་ན ་དེ་ཅིའི་སླད་དུ་བཅོམ་ལྡན་འདས་ཀྱིས་གནང་ནས། གནོད་སྦྱིན་གྱི་རྒྱལ་པོ་ལག་ན་རྡོ་རྗེས་རྡུལ་ཞིབ་མོ་བཞིན་དུ་ཕྱེ་མར་བརླགས་ལགས། ཀྱེ་མ་དེས་དེ་བཀུམ་པ་ནི་ལག་ན་རྡོ་རྗེ་ཧ་ཅང་དྲགས་ལགསོ།། ་དེ་ལྟ་ན་ཇི་ལྟར་བཅོམ་ལྡན་འདས་སེམས་ཅན་ཐམས་ཅད་ལ་སྒྲ་གཅན་ཟིན་དང་འདྲ་བར་གཟིགས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་སྐད་མ་ཟེར་ཅིག། གཞོན ་ནུ་དེ་ནི་སྤྲུལ་པ་ཡིན་ཏེ། དམ་པའི་ཆོས་སུན་འབྱིན་པ་རྣམས་ཚར་གཅད་པ་དང་། བསྐྲད་པར་བྱ་བའི་ཕྱིར། གནོད་སྦྱིན་གྱི་རྒྱལ་པོ་ལག་ན་རྡོ་རྗེས་དེ་ལྟར་བསྟན་པར་ཟད་ཀྱི། དམ་པའི་ཆོས་སུན ་ཕྱུང་ཡང་རུང་། འདོད་ཆེན་པོའང་རུང་སྟེ། གསད་དུ་མི་རུང་ངོ་།། རྒྱུ་སོགས་པའི་སྲོག་གཅོད་པ་ནི་བྱེད་མི་ཕོད་དོ།། རིགས་ཀྱི་བུ་གཞན་ཡང་ཇི་ལྟར་རྒྱལ་པོ་འམ། བློན་པོ་དག་དམ་པའི་ཆོས་སུན ་འབྱིན་པ་རླག་པར་བྱེད་པ་དེ་བཞིན་དུ། ང་ནི་བརླག་པར་བྱ་ཞེས་མི་ཟེར་མོད་ཀྱི། དེ་དག་ཉིད་ཀྱི་ཆོས་མ་ཡིན་པའི་འབྲས་བུ་མངོན་སུམ་དུ་སྨིན་པར་ཟད་དོ།། དེ་བཞིན ་གཤེགས་པ་ཐམས་ཅད་མཁྱེན་པ་ནི། དེ་རྣམས་ཀྱི་དོན་དུ་མི་འཇིགས་པ་སྦྱིན་ཞིང་། འོད་ཟེར་གཅིག་གམ། གཉིས་གཏོང་བར་མཛད་དེ། གལ་ཏེ་འོད་ཟེར་དེས་དེ་དག་ལ་ཕོག་ན་ནི་འཆི་བར ་འགྱུར་ཏེ། དེར་དེ་བཞིན་གཤེགས་པས་ཅི་བྱར་ཡང་མེད་དོ།། རིགས་ཀྱི་བུ་གཞན་ཡང་གལ་ཏེ་ཁྱོད་ཀྱིས་བརྟག་དཀའ་བ་ལྟ་བར་ནུས་པ་བལྟ་ནས། ངས་ཁྱོད་ལ་རྒྱུ་གཞན་ཡང་བསྟན་པར་བྱ་སྟེ། ཡུལ ་སོ་སོ་ན་ཚུལ་ཁྲིམས་དང་། ཆོ་ག་དང་། ཡོན་ཏན་རྣམས་ཐ་དད་པ་ཡོད་ལ། དེར་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་འོག་ཏུ། དགེ་སློང་དག་དམ་པའི་ཆོས་ཁོལ་དུ་འབྱིན་པར ་འདོད་པ་ལ། རྒྱལ་པོས་སྟོན་པ་མེད་པའི་ཕྱིར་གནོད་པ་བྱེད་པ་ལས། རྒྱལ་པོ་ང་རྒྱལ་པོ་གཞན་གྱིས་བཟློག་སྟེ། དེས་མཐུ་ཆུང་བར་བྱས་ནས་རྒྱལ་པོ་དེ་ཆོས་ལ་གནས་པར་གྱུར་ན། རྒྱལ་པོ་ཅིག ་ཤོས་དེ་ལ་བསོད་ནམས་ཆེན་པོར་འགྱུར་ཞེས་ང་སྨྲའོ། ། དེ་ཅིའི་ཕྱིར་ཞེ་ན། རྒྱལ་པོ་ཅིག་ཤོས་ཀྱི་ཉེས་པ་ཆེན་པོའི་གཞི་ཞི་བར་བྱེད་པའི་ཕྱིར་རོ།། རིགས་ཀྱི་བུ་གཞན་ཡང་དཔེར་ན་ཞིང་ངམ་ཁྱིམ་དུ ་དུག་ཤིང་ངམ། སྟེ་ལོང་སྐྱེས་ན། རྩ་ནས་དབྱུང་དགོས་པ་དེ་བཞིན་དུ། ཚུལ་ཁྲིམས་འཆལ་པ་རྣམས་དང་། དམ་པའི་ཆོས་སུན་འབྱིན་པ་རྣམས་བྲན་བཞིན་དུ་ཚར་བཅད་པར་ངས་གནང་ངོ་།། གང ་དག་དེ་རྣམས་ཚར་གཅོད་པར་མི་བྱེད་པ་དེ་དག་ནི། ངའི་བསྟན་པ་ལ་ཤིན་ཏུ་རིང་བ་ཡིན་ནོ།། གང་དག་དེ་རྣམས་ཚར་གཅོད་པར་བྱེད་པ་དེ་དག་ནི། ངའི་སློབ་མ་དང་། ངའི་ཉན་ཐོས་ཡིན་ནོ།། ་འོད་སྲུངས་ཆེན་པོ་དང་རུས་གཅིག་པས་གསོལ་པ། གལ་ཏེ་དེ་བཞིན་གཤེགས་པ་དེ་སྐད་གསུང་ན་ནི། སེམས་ཅན་ཐམས་ཅད་ལ་སྒྲ་ཅན་ཟིན་བཞིན་དུ་གཟིགས་པའང་མ་ལགས ་ཏེའུ་དང་ཙན་དན་ལྟ་བུ་ཞེས་བགྱི་བའི་མིང་ཡང་ཀླག་པར་འགྱུར་ན། དམ་པའི་ཆོས་སུན་འབྱིན་པའི་རྣམས་ཇི་ལྟར་ཚར་གཅོད་པའི་རིགས་ལགས། དེ་བཞིན་གཤེགས་པས་དེ་ལྟར་བགྱིད་དུ་སྩལ་བའི ་མི་རིགས་སོ། ། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་ཆེན་པོ་དང་རུས་གཅིག་པ། དཔེར་ན་ཁྱིམ་བདག་གམ། ཚོང་དཔོན་ནམ། སྡེ་དཔོན་ནམ། བློན་པོ་འམ ་རྒྱལ་པོའང་རུང་བ་ཞིག་གིས་རང་གི་བུ་སྡུག་ཅིང་འཕངས་ལ། མཆོག་ཏུ་མཛེས་ཤིང་། བྱང་གཟུགས་ཕུན་སུམ་ཚོགས་པ་རྣམས་སློབ་དཔོན་གྱི་ལག་ཏུ་གཏད་ནས། སློབ་དཔོན་དེ་ལ་འདི་སྐད་ཅེས ་སྨྲས་ཏེ། བདག་གི་བུ་འདི་རྣམས་འདུལ་བ་དང་། ཆོ་ག་དང་། སྤྱོད་ཡུལ་དང་། རིག་པ་རྣམས་བསླབ་པའི་ཕྱིར་ཁྱོད་ལ་གཏུད་ཀྱིས།། འདི་རྣམས་ཁྱོད་ཀྱིས་འདུལ་བ་དང་། ཆོ་ག་དང་། སྤྱོད་ཡུལ ་དང་། རིག་པ་རྣམས་སློབས་ཤིག། ཚོགས་ཤིག། གལ་ཏེ་བདག་གི་བུ་འདི་བཞི་ལས། གསུམ་ནི་བརྡེག་པ་དང་། བསྡིགས་པ་དང་། ཚར་བཅད་པ་རྣམས་ཀྱིས་ཤི་བར་གྱུར་ལ། གཅིག ་ནི་གསོན་པོར་འདུག་སྟེ། གཅིག་ནི་ལོབས་པར་གྱུར་ན། གསུམ་ནི་ཤི་ཡང་བླ་སྟེ། གསུམ་ནི་ཤི། གཅིག་ནི་ལོབས་པ་དེ། ཅི་སློབ་དཔོན་གྱིས་སྡིག་པའི་ལས་བྱས་ཞེས ་བྱ་འམ། བཅོམ་ལྡན་འདས་དེ་ནི་མ་ལགས་ཏེ། དེ་ལ་ནི་གཉིས་ཀ་ལའང་སྡིག་པའི་ལས་སུ་མི་འགྱུར་ལགས་སོ།། དེ་ཅིའི་སླད་དུ་ཞེ་ན། དེ་ལ་ནི་ཁོན་གྱི་བསམ་པ་མ་མཆིས་ཏེ། དེ་ལྟར་བགྱིས་ན་བསོད ་ནམས་མང་པོ་འཕེལ་བར་འགྱུར་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་བཞིན་དུ། དེ་བཞིན་གཤེགས་པ་ནི་དམ་པའི་ཆོས་སུན་འབྱིན་པའི་སེམས་ཅན་རྣམས་ལ་སྒྲ ་གཅན་ཟིན་བཞིན་དུ་གཟིགས་ཏེ། བུ་རྣམས་སློབ་དཔོན་གྱི་ལག་ཏུ་གཏོང་བ་བཞིན་དུ། རྒྱལ་པོ་དང་། བློན་པོ་དང་། དགེ་བསྙེན་རྣམས་ཀྱི་ལག་ཏུ་གཏོད་པར་མཛད་དོ།། དེ་ནས་རྒྱལ་པོ་དང་། བློན་པོ་དང ་དགེ་བསྙེན་དེ་དག་གིས་བྱིས་པ་གཡེལ་བ་དེ་དག་ཚར་གཅོད་པར་བྱེད་ན། ཅི་དེ་ལ་དེ་བཞིན་གཤེགས་པ་ལ་སྡིག་པའི་ལས་སུ་འགྱུར་ཞེས་བྱ་འམ། བཅོམ་ལྡན་འདས་དེ་ནི་མ་ལགས་ཏེ། རྒྱལ་པོ ་དང་། བློན་པོ་དང་། དགེ་བསྙེན་རྣམས་ལའང་སྡིག་པའི་ལས་སུ་མི་འགྱུར་ན། དེ་བཞིན་གཤེགས་པ་གོས་པ་མི་མངའ་བ་ལྟ་ལ། གོས་པར་ག་ལ་འགྱུར་ཏེ། དེ་ཉིད་ཀྱི་ཡོན་ཏན་དང་སྤྱོད་པ་སྲུངས ་བའི་སྐད་དུ། མ་འདོད་བཞིན་དུ་ཚར་གཅོད་པར་བས་སོ།། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་ན་བུ་གཅིག་པའི་འདུ་ཤེས་བསྒོམ་པ་ཡིན་ཏེ། གང་དག་དེ་ལྟར་བསྒོམ་པ་དེ་དག་གིས་ནི ་གཅིག་པའི་འདུ་ཤེས་སྒོམ་པར་འགྱུར་རོ། ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམ་པར་བྱའོ།། དེ་ལྟར་བྱས་ན་སེམས ་ཅན་ཐམས་ཅད་ལ་ཏིང་ངེ་འཛིན་བསྒོམ་པ་སྒོམ་པར་འགྱུར་རོ། ། དེས་ན་མཆོག་ཏུ་འཚེ་བ་མེད་པ་དག་པར་འགྱུར་ཏེ། དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཚེ་རིང་བ་དང་། མཆོག ་ཚེ་རིང་བ་དང་། ཚེ་རབས་དྲན་པར་འགྱུར་རོ།། འོད་སྲུངས་ཆེན་པོ་དང་རུས་གཅིག་པས་གསོལ་པ། སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམས་ནས། བྱང་ཆུབ་སེམས་དཔའ ་སེམས་དཔའ་ཆེན་པོ་རྣམས་ཚེ་རིང་བར་འགྱུར་ལགས་སམ། བཅོམ་ལྡན་འད་ཀྱིས་བཀའ་སྩལ་པ། དེ་ལྟ་ལོས་ཀྱང་མོད། འོད་སྲུངས་ཆེན་པོ་དང་རུས་གཅིག་པས་གསོལ་པ། བཅོམ་ལྡན་འདས་དཔེར ་གསོལ་ན། ། གཏམ་རྒྱུད་མཁན་ཞིག་གིས་ལྟད་མོ་པའི་འཁོར་གྱི་ནང་དུ། མ་ལ་ཕུང་དུད་བྱ་བའི་རིགས་པའི་གཏམ་སྣ་ཚོགས་བགྱིས་ལ། རང་གི་ཁྱིམ་དུ་མཆིས་ནས། མཆོག་ཏུ་དཀའ་བ་བགྱི་བགྱིད་པའི ་མ་ལ་དབྱུག་པ་དང་། ཕག་དུམ་དང་། བོང་བ་དང་། རྡོ་དག་གིས་གནོད་པ་བགྱིད་པ་དེ་བཞིན་དུ། བཅོམ་ལྡན་འདས་ཉིད་ཀྱིས་བཀའ་སྩལ་པ། སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོས ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཚེ་རིང་བ་དང་། མཆོག་ཏུ་ཚེ་རིང་བ་དང་། ཚེ་རབ་དྲན་པ་དང་། མི་འཆི་བའི་དང་། ཐེར་ཟུག་པ་དང་། བརྟན་པར་གནས་སོ་ཞེས་གསུངས་ན ་ཅིའི་སླང་དུ་བཅོམ་ལྡན་འདས་ཉིད་སྐུ་ཚེ་ཐུང་ལགས། ཅི་སླུ་བར་མཛད་དམ། འོན་ཏེ་བཅོམ་ལྡན་འདས་ཉིད་ཀྱིས་སེམས་ཅན་ཐམས་ལྔ་སྒྲ་གཅན་ཟིན་བཞིན་དུ་གཟིགས་པས་མ ་གཟིགས་སམ། ཀྱེ་མ་བཅོམ་ལྡན་འདས་བཅོམ་ལྡན་འདས་ཀྱིས་ནི་དཀའ་བ་མཛད་དོ།། མིའི་ལྟར་བརྩིན། ལོ་བརྒྱ་ཡང་མི་ཐུབ་སྟེ། དེ་བཞིན་གཤེགས་པ་འདི་ཁོ་ན་ལྟར་སྐུ་ཚེ་ཐུང་བ་ལགས་ན། བཅོམ་ལྡན ་འདས་ཀྱིས་སྔོན་བྱང་ཆུབ་སེམས་དཔའ་མཛད་མཛད་པའི་ཚེ། དེ་སྙེད་ཀྱི་སྲོག་གཅིག་བཅད་ལགས།། དེའི་ཁོ་ན་ལྟར་སྐུ་ཚེ་ཐུང་བ་ལས་ན། དེ་བཞིན་གཤེགས་པ་ཉིད་ཀྱིས་མཆོག་ཏུ་མི་བཟད་པའི་ལས ་མཛད་པ་ལགས་དྲང་། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་ཆེན་པོ་དང་རུས་གཅིག་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་འདི་ཁོ། ་ན་ལྟར་རྒྱ་ཞིག། མ་རྒྱ་ཞིག། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་མཆོག་ཏུ་སྐུ་ཚེ་རིང་ངོ་།། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས ་པའི་སངས་རྒྱས་ནི་མཆོག་ཏུ་བརྟན་པའོ། ། མཆོག་ཏུ་ཞི་བའོ།། མཆོག་ཏུ་ཐེར་ཟུག་པའོ།། མཆོག་ཏུ་རྟག་པའོ།། འོད་སྲུངས་ཆེན་པོ་དང་རུས་གཅིག་པས་གསོལ་པ། བཅོམ་ལྡན་འདས་ཇི་ལྟར ་ན་དེ་བཞིན་གཤེགས་པས་མཆོག་ཏུ་སྐུ་ཚེ་རིང་ལགས། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་ཆེན་པོ་དང་རུས་གཅིག་པ། དཔེར་ན་ཆུ་ཀླུང་གངྒཱ་དང་ཡ་མུན་དང་། སར་ཡུ་དང ་ཧིང་འགུ་ལ་སོགས་པ་ཆུ་ཀླུང་ཆེན་པོ་རྣམས་དང་། ཆུ་བྲན་གཞན་རྣམས་རྒྱ་མཚོ་ཆེན་པོ་ཁོ་ནའི་ནང་དུ་འབབ་པ་དེ་བཞིན་དུ། འོད་སྲུངས་ཆེན་པོ་དང་རུས་གཅིག་པ། ལྷ་ཡུལ་དང་སའི་སྟེང་གི་ཚེའི ་ཆུ་ཀླུང་ཡོད་དོ་ཅོག་ཐམས་ཅད་ནི་དེ་བཞིན་གཤེགས་པའི་རྒྱ་མཚོ་ཁོ་ནར་འབབ་སྟེ། དེ་ལྟར་ན་དེ་བཞིན་གཤེགས་པ་མཆོག་ཏུ་སྐུ་ཚེ་རིང་ངོ་།། འོད་སྲུངས་ཆེན་པོ་དང་རུས་གཅིག་པ། གཞན་ཡང ་འདི་ལྟར་ཆུ་ཀླུང་ཆེན་པོ་བཞི་མ་དྲོས་པའི་ནང་ནས་འབྱུང་བ་དེ་བཞིན་དུ། ཚེ་རིང་བའི་ཚོགས་ཐམས་ཅད་ཀྱང་དེ་བཞིན་གཤེགས་པ་ལས་འབྱུང་ངོ་།། འདི་ལྟར་རྟག་པ་ཐམས་ཅད་ཀྱི་ནང་ན་ནི། ནམ་མཁའ ་མཆོག་ཏུ་རྟག་པ་ཡིན་ལ། དེ་བཞིན་གཤེགས་པའང་ནམ་མཁའ་བཞིན་དུ་རྟག་གོ།། འདི་ལྟར་ཞི་བར་བྱེད་པ་ཐམས་ཅད་ཀྱི་ནང་ན་ནི། མར་འབའ་ཞིག་མཆོག་ཏུ་ཞི་བར་བྱེད་པ་ཡིན་ལ། དེ་བཞིན ་གཤེགས་པ་ཞི་བ་དང་བསིལ་བར་གྱུར་པའང་མར་དང་འདྲ་བའི་ཆོས་སྟོན་ཏོ། ། འོད་སྲུངས་ཆེན་པོ་དང་རུས་གཅིག་པས་གསོལ་པ། བཅོམ་ལྡན་འདས་གལ་ཏེ་དེ་ཞིན་གཤེགས་པ་མཆོག་སྐུ་ཚེ ་རིང་བ་ལགས་ན། སེམས་ཅན་ཐམས་ཅད་ལ་སྨན་པའི་སླད་དུ། བཅོམ་ལྡན་འདས་བསྐལ་པ་འམ། བསྐལ་པ་ལྔ་ལྡག་པར་ཡང་ཡུན་རིང་དུ་བཞུགས་ཤིང་། སྤྲིན་ཆེན་པོ་བཞིན་དུ་དམ་པའི་ཆོས ་ཀྱི་ཆར་ཡང་རབ་ཏུ་དབབ་ཏུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་ཆེན་པོ་དང་རུས་གཅིག་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས ་རྒྱས་རྣམས་ལ་མཐར་ཐུག་པར་འགྱུར་བའི་འདུ་ཤེས་མ་སྐྱེད་ཅིག། འོད་སྲུངས་ཆེན་པོ་དང་རུས་གཅིག་པ། འདི་ན་དགེ་སློང་ངམ། དགེ་སློང་མ་འམ། དགེ་བསྙེན་ནམ།། ་དགེ་བསྙེན་མ་འམ། འདི་ལས་ཕྱི་རོལ་པའང་རུང་སྟེ། མངོན་པར་ཤེས་པ་ལྔ་ལ་དབང་ཐོབ་པ་དེའང་བསྐལ་པ་འམ། བསྐལ་པ་ལས་ལྷག་པར་གནས་ཤིང་། ནམ་མཁའ་ལ་འཆག་པར ་ཡང་བྱེད། ཉལ་བར་ཡང་བྱེད་ལ། མཚན་གྱི་གཡོན་ལོགས་ནས་མེ་དང་འདྲ་བར་འབར་བར་བྱེད་པ་དང་། དེ་བཞིན་དུ་ཆོས་གཞན་དུ་དུད་པ་འཐུལ་བ་ལྟ་བུར་ཡང་སྟོན། ཚེའི་ཚད་ཀྱང་ཇི་སྲིད་དུ ་འདོད་པ་དེ་སྲིད་དུ་སྐུར་བར་བྱེད་དོ། ། མདོར་ན་ཇི་ཙམ་དུ་འདོད་པ་དང་། ཇི་ཙམ་དུ་དགའ་བ་དེ་ཙམ་དུ་སྟོན་པར་བྱེད་དེ། འདི་དག་ནི་མངོན་པར་ཤེས་པ་ལྔ་ལ་དབང་ཐོབ་པའི་ཡོན་ཏན་ཡིན་ནོ།། གལ ་ཏེ་མངོན་པར་ཤེས་པ་ལྔ་ཐོབ་པའང་དེ་ལྟར་བདག་ཉིད་འཚོ་བའི་དབང་ཕྱུག་ལ་དབང་བྱེད་ན། དེ་བཞིན་གཤེགས་པ་དབང་དུ་མ་བསྐྱེད་པ་ལྟ་ཅི་སྟེ། དེ་ལྟ་བུ་ལ་མངའ་མ་མཛད། དེ་བཞིན་གཤེས ་པ་བསྐལ་པ་འམ། བསྐལ་པ་ལས་ལྷག་པར་ཅི་སྟེ་མི་བཞུགས་ཀྱིས། དེ་བཞིན་གཤེགས་པ་རྟག་པ་དང་། བརྟན་པ་དང་། ཐེར་ཟུག་པ་ཡིན་པར་ཁོང་དུ་ཆུད་པར་གྱིས་ཤིག། འཇིག ་རྟེན་འདི་ན་སྤྲུལ་པའི་ལུས་ནི་ཤའི་ལུས་མ་ཡིན་ཏེ། དེང་དེ་བཞིན་གཤེགས་པ་དུག་སྨན་ལ་རྟོན་པའི་སྐུ་ཡོངས་སུ་འདོར་བར་མཛད་དོ་སྙམ་དུའང་ཁོང་དུ་ཆུད་པར་གྱིས་ཤིག། རྟག་པ་དང ་བརྟན་པ་དང་། ཐེར་ཟུག་ཅེས་བྱ་བའི་བསྟན་པ་མཆོག་ལའང་བརྩོན་པར་གྱིས་ཤིག། འོད་སྲུངས་ཆེན་པོ་དང་རུས་གཅིག་པས་གསོལ་པ། གལ་ཏེ་དེ་བཞིན་གཤེགས་པ་རྟག་པ་ལགས་ན། འཇིག ་རྟེན་པ་དང་འཇིག་རྟེན་ལས་འདས་པ་ཁྱད་པར་ཅི་མཆིས་ལགས། འཇིག་རྟེན་པའང་བདག་ཅག་གི་ཚངས་པ་ནི་རྟག་པ་སྟེ། ཐོག་མའི་དུས་ནས་བྱུང་བ་ཡིན་ནོ་ཞེས་མཆིས་པ་དང་ཁྱད་པར་ཅི ་མཆིས། གལ་ཏེ་དེ་བཞིན་གཤེགས་རྟག་པ་ལགས་ན། ཁྱད་པར་མ་མཆིས་པར་འགྱུར་ལགས་སོ།། །། འཕགས་པ་ཡོངས་སུ་མྱ་ངན་ལས་འདས་པ་ཐེག་པ ་ཆེན་པོའི་མདོ་ལས་བམ་པོ་བཞི་པ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དཔེར་ན་ཚོང་དཔོན་ནམ། ཁྱིམ་བདག་གཅིག་ལ་བ་གླང་སྣ་ཚོགས་སྤུ་མདོག་དུ་མ ་རིགས་དང་རྒྱུད་མང་པོ་ཁྱུ་གཅིག་ཅིང་། ལྷས་གཅིག་པ་དུ་མ་བྱེ་བ་སྙེད་ཡོད་ལ། དེས་པ་གླང་དེ་དག་པ་གླང་རྫིའི་ལག་ཏུ་གཏད་དེ། མར་ཞིམ་པོ་ཟ་ལ། བ་གླང་རྫི་རྣམས་ཀྱང་ལྷས་སྐྱོང་ཞིང་། ཞོ ་དང་འོ་མ་སྲུབ་པ་ལས། ཕྱི་ཞིག་ན་པ་གླང་གི་བདག་པོ་དེ་རང་གི་ཚེ་ཟད་ནས་ཤི་སྟེ།། ཤི་བའི་འོག་ཏུ་ནགས་ན་རྒྱུ་བའི་ཚེམ་ཤོད་ཀྱིས་བ་གླང་དེ་དག་ཕྲོགས་ནས། དེ་དག་ཆུང་མ་མེད་པས། རང ་རང་གིས་འོ་མ་སྲུབས་ཏེ། དེ་དག་གིས་བསྲུབས་པ་ལས། འོས་མ་ཡིན་པའི་ཕྱིར། འོ་མ་དེ་དག་ལས་མར་གྱི་དྲིའང་མི་བྲོ་ལ། ཞོར་ཡང་མ་རུང་། དར་བར་ཡང་མ་རུང་། པྲིས་མར་ཡང་མ་རུང་ན ་མར་དུ་ལྟ་ག་ལ་འགྱུར་ཏེ། འོ་མའི་རང་བཞིན་ལས་ཀྱང་ཉམས་ནས། དེ་དག་གིས་དེ་ཆུས་བསླད་དེ། བདག་གིས་མར་ལོངས་སྤྱད་པར་བྱའོ།། བདག་གིས་མར་ལོངས་སྤྱད ་པར་བྱའོ་སྙམ་དུ་སེམས་པ་བཞིན་དུ། འཇིག་རྟེན་པ་སངས་རྒྱས་ཀྱི་ཆོས་ཀྱི་རྒྱུ་མཐུན་པ་ལས་བྱུང་བ། ནོར་དང་ཆོས་རྒྱས་པ་རྣམས་ཀྱང་དེ་དང་འདྲ་སྟེ། གང་གི་ཚེ་སངས་རྒྱས་བཅོམ་ལྡན་འདས་རྣམས་པ ་གླང་གི་ལྷས་ཀྱི་བདག་པོ་བཞིན་དུ། ཡོངས་སུ་མྱ་ངན་ལས་འདས་པའི་འོག་ཏུ་འཇིག་རྟེན་པ་ཆོམ་ཤོད་དང་འདྲ་བ་རྣམས་ཀྱིས་ཀྱང་། ཚུལ་ཁྲིམས་དང་། ཆོ་ག་དང་། འདུལ་བ་དང་། སྤྱོད་ཡུལ་རྣམས། ་དང་། སེམས་ཅན་གྱི་ཁམས་གུང་དུ་བསྒྱུར་ནས། སེམས་ཅན་ཡོད་དོ།། སྲོག་ཡོད་དོ།། གང་ཟག་ཡོད་དོ་སྙམ་དུ་སེམས་ཤིང་། ཐར་པ་ནི་འདི་ལྟ་བུ་ཞིག་གོ།། སྤྱོད་པ་ནི་འདི་ལྟ་བུ་ཞིག་གོ་སྙམ་ནས ་སྤྱོད་པ་དང་། སེམས་ཅན་དང་། ཐར་པར་དང་། རྟག་པ་དང་། དེ་ཁོ་ན་ཉིད་མ་ཤེས་ཏེ། དོན་གཞན་ལ་བརྩོན་པས་ཐར་པའང་མི་འཐོབ་ལ། ཚུལ་ཁྲིམས་དང་། ཆོ་ག་དང་། སྤྱོད་ཡུལ་དང་། འདུལ་བ ་དང་། རྟག་པ་དང་། དེ་ཁོ་ན་ཉིད་ཀྱང་མི་སྙེད་དེ། མི་རྒོད་ཀྱི་མར་བཞིན་དུ་འཇིག་རྟེན་པ་རྣམས་ཀྱིས་ཆོས་ཀྱི་དེ་ཁོ་ན་ཉིད་མི་འཐོབ་ལ། དེ་དག་སེམས་ཅན་ཚངས་པ་སྤྲུལ་པ་ནི་རྟག་གོ་སྙམ་དུ་འཛིན་ཅིང ་བདག་ནི་ཐར་པ་ཡིན་ནོ་སྙམ་དུའང་འཛིན་ལ། ཆོམ་ཤོད་པ་རྣམས་ཀྱི་འོ་མ་བཞིན་དུ་དེ་ཁོ་ན་མི་ཤེས་སོ།། དེ་དག་ཚངས་པར་སྤྱོད་པའི་རྒྱུ་དང་། གཞན་གྱི་ཆུང་མ་སྤངས་པའི་རྒྱུ་དང་། ཕ་མ་ལ་ཕུང་དུད ་བྱས་པའི་རྒྱུས་ན། ཆོམ་ཤོད་པ་རྣམས་ཀྱིས་འོ་མ་མ་རུང་བའི་ལྷག་མ་ཙམ་ཞིག་ཡོད་པ་བཞིན་དུ། མཐོ་རིས་ཀྱི་བདེ་བ་ཆ་ཤས་ཙམ་ཞིག་ཐོབ་སྟེ། ལོངས་སྤྱོད་པར་བྱེད་ལ། དེ་དག་གིས་ཕ་མ་ལ ་ཕུང་དུང་དུ་བྱ་བ་ཇི་ལྟ་བུ་ཡིན་པའང་མི་ཤེས། གསུམ་ལ་སྐྱབས་སུ་འགྲོ་བ་ཇི་ལྟ་བུ་ཡིན་པའང་མི་ཤེས། གཞན་གྱི་ཆུང་མ་སྤང་བ་ཇི་ལྟ་བུ་ཡིན་པའང་མི་ཤེས། རྟག་པ་ཇི་ལྟ་བུ་ཡིན་པའང་མི ་ཤེས་སོ། ། དེ་ལ་སངས་རྒྱས་ཀྱི་སྤྲུལ་པ་ནི་མི་རྟག་པ་ཡིན། བརྫུན་པ་ཡིན་ཏེ། དེས་ན་འཇིག་རྟེན་པ་རྣམས་དེ་བཞིན་གཤེགས་པ་མི་རྟག་གོ།། མི་བརྟན་ནོ་སྙམ་དུ་འཛིན་ཏེ། དེ་བས་ན་མི་རྟག་པའི ་གཉེན་པོར་དེ་བཞིན་གཤེགས་པ་རྟག་གོ་ཞེས་བྱ་བ་ལ་བརྩོན་པར་བྱའོ། ། རིགས་ཀྱི་བུ་དེ་ནས་པ་གླང་གི་ལྷས་དེའི་སྐལ་བ་ཅན་གྱི་འཁོར་ལོ་སྒྱུར་བའི་རྒྱལ་པོ་འཇིག་རྟེན་དུ་བྱུང་ལ། ཆོམ་ཤོད་པ་དེ་དག ་གིས་ཀྱང་། འཁོར་ལོ་སྒྱུར་བའི་རྒྱལ་པོའི་བསོད་ནམས་ཀྱི་མཐུས་དེར་བ་གླང་གཅིག་ཀྱང་མེད་པར་མི་བྱེད་དོ།། དེ་ནས་ནགས་ན་རྒྱུ་བའི་ཆོམ་ཤོད་པ་དེ་དག་གིས་བ་གླང་གི་ལྷས་དེ་བོར་ནས་དེ་འགྲོ་བར ་འགྱུར་རོ། ། དེ་ནས་འཁོར་ལོ་སྒྱུར་བའི་རྒྱལ་པོའི་ཁྱིམ་བདག་རིན་པོ་ཆེས། བ་གླང་གི་ལྷས་དེ་ཉམས་སུ་ལེན་པར་འགྱུར་ཏེ། ཁྱིམ་བདག་རིན་པོ་ཆེ་དེས་རང་གི་བློས་པ་གླང་གི་ལྷས་དེའི་འོ་མའི་དེ་འོན ་ཉིད་ཀྱི་ཐབས་ཤེས་པར་འགྱུར་ལ། བ་རྣམས་ཀྱི་འོ་མའང་འཁོར་ལོ་སྒྱུར་བའི་རྒྱལ་པོའི་བསོད་ནམས་ཀྱིས་ཉིས་འགྱུར་དུ་བཞོར་ཡོད་པ་དེ་བཞིན་དུ། ཆོས་ཀྱི་འཁོར་ལོ་སྒྱུར་བའི་སངས་རྒྱས་འཇིག་རྟེན་དུ ་བྱུང་ནས། བགླང་གི་ལྷས་དང་འདྲ་བའི་འཇིག་རྟེན་པ་ཐམས་ཅད་ཡོངས་སུ་འཛིན་པར་མཛད་པས་ན། རྟག་པའི་སྨ་ནི་དེ་བཞིན་གཤེགས་པ་འབའ་ཞིག་གི་རྗེས་སུ་མཐུན་གྱིས ་འཇིག་རྟེན་པ་ཆོམ་ཤོད་དང་འདྲ་བ་རྣམས་ཀྱིས་ནི་སངས་རྒྱས་ཀྱི་སྒྲ་དང་། རྟག་ཀྱི་གནས་ཀྱང་ཐོས་པར་མི་འགྱུར་རོ།། དེ་བཞིན་གཤེགས་པའི་ཉན་ཐོས་རྣམས་ནི། ཁྱིམ་བདག་རིན་པོ་ཆེ་བཞིན་དུ ་དམ་པའི་ཆོས་ཀྱི་བ་གླང་གི་ལྷས་ཉམས་སུ་ལེན་པར་བྱེད་དེ། སེམས་ཅན་བསོད་ནམས་དང་ལྡན་པ་རྣམས་ཀྱི་དོན་དུ་ཆོས་ཀྱི་འོ་མ་འཇོ་བར་བྱེད་དོ།། རིགས་ཀྱི་བུ་རྒྱུ་དེས་ནི་དེ་བཞིན་གཤེགས་པ ་རྟག་པ་དང་། བརྟན་པ་དང་། ཐེར་ཟུག་པ་ཡིན་ལ། འཇིག་རྟེན་པ་རྣམས་ལ་ནི་རྟག་པའི་ཆོས་མེད་དོ།། རྟག་པའི་སྒྲ་དེ་ནི་དེ་བཞིན་གཤེགས་པ་སངས་རྒྱས་རྣམས་འབའ་ཞིག་ལ་ཡོད་ཅེས ་ངཟེར་རོ། ། དེ་ལྟར་ན་རིགས་ཀྱི་བུ་འམ། རིགས་ཀྱི་བུ་མོ་རྣམས་ཀྱིས་སངས་རྒྱས་བཅོམ་ལྡན་འདས་ནི་རྟག་པའོ།། སངས་རྒྱས་བཅོམ་ལྡན་འདས་ནི་ཐེར་ཟུག་པའོ་ཞེས་དེ་ལྟར་ཤེས་པར་གྱིས ་ཤིག། སེམས་ཅན་གང་དག་རྟག་ཅེས་བྱ་བའི་ཡི་གེ་གཉིས་བསྒོམ་པ་དེ་དག་ནི་རིང་པོ་མི་ཐོགས་པ་ཁོ་ནར་ངའི་གོ་འཕངས་དང་ལྷག་ཆད་མེད་པ་ཐོབ་པར་འགྱུར་རོ།། རིགས་ཀྱི་བུ་གང་གི་ཚེ། ་རྟག་གོ་ཞེས་བྱ་བའི་ཡི་གེ་གཉིས་བསྒོམ་པ་ནུབ་པར་འགྱུར་བ་དེའི་ཚེ། དེ་བཞིན་གཤེགས་པ་ཡོངསུ་མྱ་ངན་འདའ་བར་འགྱུར་ཏེ། དེ་ནི་སངས་རྒྱས་རྣམས་ཀྱི་ཆོས་ཉིད་དོ།། གསོལ་པ། བཅོམ་ལྡན ་འདས་སངས་རྒྱས་རྣམས་ཀྱི་ཆོས་ཉིད་ཅེས་བཀའ་སྩལ་པ་དེའི་དོན་ཅི་ལགས། བཅོམ་ལྡན་འདས་བདག་ནི་ཆོས་གླེངས་པ་འདི་རྟོགས་པར་འཚལ་ན། བཅོམ་ལྡན་འདས་ཀྱིས་ཚིག་འདི་ཇི་ལྟ་བུ་ལག ་པ་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཆོས་ཉིད་ཅེས་བྱ་བ་ནི་ལུས་ཡོངས་སུ་འདོར་བ་སྟེ། ལུས་ཡོངས་སུ་འདོར་བ་ཞེས་བྱ་བ་དེ་ནི་སྤང་བའི་ཚིག་ཡིན་པར ་ཤེས་པར་གྱིས་ཤིག། གསོལ་པ། དེ་བཞིན་གཤེགས་པས་སྐུ་བོར་ནས་སླར་ཡང་སྐུ་ལེན་ཏམ་མི་ལེན་པ་བདག་ཞུ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ ་དེ་སྐད་མ་ཟེར་ཅིག། འདི་ནི་ཆོས་ཉིད་གཅོད་པ་ཡིན་ཏེ། རིགས་ཀྱི་བུང་པར་ན་འདུ་ཤེས་མེད་པ་རྣམས་ལ་གཟུགས་ཀྱི་ཕུང་པོ་གཉིས་མེད་ན། སེམས་ཅན་དེ་དག་ཇི་ལྟར་གནས། ཇི་ལྟར་དགའ། ་ལྟར་སྣང་། དེ་དག་གི་འདུ་ཤེས་ཇི་ལྟར་འཇུག་ཅེས་འདྲི་བ་འདི་ནི། སངས་རྒྱས་ཀྱི་ཡུལ་ཡིན་ནོ།། རིགས་ཀྱི་བུ་འདུ་ཤེས་མེད་པའི་ལྷ་རྣམས་ཀྱི་གཟུགས་དང་། གནས་དང་། སྤྱོད་ལམ་དང ་བདེ་བ་རྣམས་ཇི་ལྟར་བསྟན་པར་བྱ་ཞེས། ཕྱིན་ཆད་དེ་སྐད་མ་འདྲི་ཞིག། འདི་ནི་ཉན་ཐོས་དང་རང་སངས་རྒྱས་ཀྱི་ཡུལ་མ་ཡིན་ཏེ། འདི་ནི་སངས་རྒྱས་ཀྱི་སྤྱོད་ཡུལ་ཡིན་ནོ།། རིགས་ཀྱི་བུ་དེ་ལྟར ་ན་དེ་བཞིན་གཤེགས་པའི་སྐུ་ནི་སངས་རྒྱས་འབའ་ཞིག་གི་ཡུལ་ཡིན་གྱི། ཉན་ཐོས་དང་རང་སངས་རྒྱས་ཀྱི་ཡུལ་མ་ཡིན་ནོ།། དེ་བཞིན་གཤེགས་པ་གང་ན་གནས་པ་དང་། གང་ན་སྣང ་བ་ནི་ཁྱོད་ཀྱི་ཡུལ་ཡང་མ་ཡིན་གྱིས། སངས་རྒྱས་བཅོམ་ལྡན་འདས་ནི་ཐབས་བསམ་གྱིས་མི་ཁྱབ་པའི་སྐུ་ཡིན་ནོ་སྙབ་དུ་ཁྱེད་ཀྱིས་གནས་པར་གྱིས་ཤིག། རིགས ་ཀྱི་བུ་ཆོས་དང་དགེ་སློང་གི་དགེ་འདུན་ལའང་རྟག་པའི་འདུ་ཤེས་ཡང་དང་ཡང་དུ་སྐེམ་པར་གྱི་ཤིག། གཞི་གསུམ་ལ་ཐ་དད་པར་མ་བྱེད་ཅིག། མི་རྟག་པ་འམ། མ་བརྟན་པ་འམ། ཐེར་ཟུག ་པ་མ་ཡིན་པ་འམ། ཞི་བ་མ་ཡིན་པའམ། ཐར་པ་མ་ཡིན་པའི་རྣམ་པར་ཡང་མ་སྒོམས་ཤིག། རིགས་ཀྱི་བུ་འམ། རིགས་ཀྱི་བུ་མོ་གང་དག་གཞི་གསུམ་གྱི་བདག་ཉིད་ཆེན་པོ་ལ་དེ་ལྟར་མི ་སྒོམ་པ་དེ་དག་སྐྱབས་སུ་འགྲོ་བ་ནི་དག་པ་ཡིན་ནོ་ཞེས་ང་ཟེར་རོ། ། དེ་ལྟར་ན་རྟག་པ་བསྒོམ་པ་ན། བསམ་གྱིས་མི་ཁྱབ་སྟེ། རིགས་ཀྱི་བུ་དཔེར་ན་ཤིང་ཡོད་ན་གྲིབ་མ་ཡོད་ཀྱི། ཤིང་མེད་ན་གྲིབ་མ ་མེད་པ་དེ་བཞིན་དུ། དེ་བཞིན་གཤེགས་པ་རྟག་པ་དང་སྐྱབས་སུ་འགྱུར་གྱི། གལ་ཏེ་མི་རྟག་ན། ལྷ་དང་མི་རྣམས་ཀྱི་སྐྱབས་སུ་འོས་པ་མ་ཡིན་ནོ།། གསོལ་བ། བཅོམ་ལྡན་འདས་ཅི་ལགས ་མཚན་མོ་མུན་པའི་ནང་ན། ཤིང་ལྗོན་པའི་གྲིབ་མ་སྣང་ཞེས་བགྱིའམ་མི་སྣང་ཞེས་བགྱི། བཀའ་སྩལ་པ། འོད་སྲུངས་ཆེན་པོ་དང་རུས་གཅིག་པ། ཤིང་ལྗོན་པ་ཡོད་པའི་གྲིབ་མ་ཅིའི་ཕྱིར་མེད ་ཅེས་བརྗོད་པར་བྱའོ། ། དེ་ལྟ་མོད་ཀྱི་ཤའི་མིག་གིས་ནི་མི་མཐོང་སྟེ། དེ་བཞིན་དུ་དེ་བཞིན་གཤེགས་པའང་རྟག་པ་དང་། བརྟན་པ་དང་། ཐེར་ཟུག་པ་ཡིན་ཏེ། ཐེར་ཟུག་པ་ཡིན་གྱིས་ཀྱང་། མཚན་མོ་མུན་པའི ་ནང་ན། ཤིང་ལྗོན་པའི་གྲིབ་མ་ཤའི་མིག་གིས་མ་མཐོང་བ་དེ་བཞིན་དུ། དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་མཛད་པས། རྟག་པ་དང་། བརྟན་པ་དང་། ཐེར་ཟུག་པ་ཡིན་བཞིན ་དུ། མཚན་མོ་མུན་པའི་ནང་ན། ཤིང་ལྗོན་པའི་གྲིབ་མ་ལྟར་མི་སྣང་བ་ལྟར། སེམས་ཅན་རྣམས་དེ་བཞིན་གཤེགས་པ་མོ་རྟག་གོ་སྙམ་དུ་ཡོངས་སུ་རྟག་གོ།། གལ་ཏེ་ད་དང་། ཆོས་དང་། དགེ ་འདུན་རྟག་པའི་འདུ་ཤེས་ཁྱོད་ཀྱི་ཕ་མ་ལ་མེད་ན། གསུམ་ལ་སྐྱབས་སུ་འགྲོ་བ་མ་དག་གོ་ཞེས་ང་ཟེར་རོ།། ཕ་མ་ལ་གཉིས་ལ་གཞི་གསུམ་རྟག་པར་བསྟན་ན་ནི། བྱང་ཆུབ་སེམས་དཔའ་སེམས་དཔའ ་ཆེན་པོ་གསུམ་ལ་སྐྱབས་སུ་སོང་བའི་དགེ་བསྙེན་ཞེས་བྱ་བའི་མིང་ཁྱོད་ཀྱིས་ཐོབ་པར་འགྱུར་རོ། ། གསོལ་པ། དེང་སླན་ཆད་བདུན་རྒྱུད་ཀྱི་རིགས་ཚུན་ཆད་དང་། ཕ་མ་གཉིས་ལ། བཅོམ་ལྡན་འདས ་ཆོས་དང་དགེ་འདུན་རྟག་གོ་ཞེས་བགྱི་བར་འཚལ་ལོ། ། ཀྱེ་མ་སངས་རྒྱས་བཅོམ་ལྡན་འདས་ནི་བསམ་གྱིས་མི་ཁྱབ་བོ་ཞེས་ཀྱང་བསླབ་པར་འཚལ་ལོ།། གཞན་དག་ལའང་བསྟན་པར་འཚལ་ལོ།། ་གང་དག་བདག་གིས་བསྟན་པ་ལྟར་མི་འཛིན་ཅིང་། མི་རྟག་པར་སྨྲ་བའི་སེམས་ཅན་ངན་པ་དེ་དག་ལ་ནི་བདག་གིས་སེར་བ་བཞིན་དུ་བགྱིའོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལག ་སོ་ལེགས་སོ། ། དམ་པའི་ཆོས་བསྲུང་བའི་རིགས་ཀྱི་བུས་ནི་དེ་ལྟར་བྱ་དགོས་ཏེ། རིགས་ཀྱི་བུ་ཁོད་ལེགས་སོ།། དེ་ལྟར་ན་འཚེ་བ་མེད་ལ་ཞུགས་པ་ཡིན་ཏེ། འཚེ་བ་མེད་པའི་ལས་ཀྱི་འབྲས་བུ ་ཆེན་པོ་དེས་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཚེའང་རིང་བར་འགྱུར་ལ། ཚེ་རབས་ཀྱང་དྲན་པར་འགྱུར་རོ།། འཕགས་པ་ཡོངས་སུ་མྱ་ངན་ལས་འདས ་པ་ཐེག་པ་ཆེན་པོའི་མདོ་ལས་འཚེ་བ་མེད་པའི་ཕུང་པོའི་ལེའུ་སྟེ་དང་པོའོ། ། རིགས་ཀྱི་བུ་དེ་ནི་དེ་བཞིན་གཤེགས་པ་རྟག་པའི་སྐུ་དང་། མི་ཤིགས་པའི་སྒྲ་དང་། རྡོ་རྗེའི་སྐུ་དང ་ཤའི་སྐུ་མ་ཡིན་པ་དང་། ཆོས་ཀྱི་སྐུར་ལྟོས་ཤིག། གསོལ་པ། གལ་ཏེ་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་མཛད་ན་ནི། བདག་དེ་ལྟར་མི་ལྟ་ལགས་སོ།། གལ་ཏེ་ཡོངས་སུ ་མྱ་ངན་ལས་འདའ་བར་གྱུར་ན། གཞིག་ཏུ་རུང་བའི་སྐུ་དང་། ཐལ་བའི་སྐུ་དང་། ཤའི་སྐུར་བལྟ་བར་འཚལ་ལོ།། བཀའ་སྩལ་པ། རིགས་ཀྱི་བུ་མིའི་ལྟ་བུར་སོབ་སོབ་པའི་ལུས་དང་། གཞིག ་ཏུ་རུང་བའི་ལུས་ཞེས་དེ་སྐད་མ་ཟེར་ཅིག། འོད་སྲུངས་ཆེན་པོ་དང་རུས་གཅིག་པ། དེ་བཞིན་གཤེགས་པ་ནི་བསྐལ་པ་བྱེ་བ་ཕྲག་དུ་མ་ནས་མི་ཤིགས་པའི་སྐུ་དང་ལྡན་ཞིང་མིའི་ལུས་མ་ཡིན། ལྷའི ་ལུས་མ་ཡིན། སྲིད་པ་ཐམས་ཅད་ཀྱི་ལུས་མ་ཡིན། ཤའི་ལུས་མ་ཡིན་ཏེ། དེ་བཞིན་གཤེགས་པའི་སྐུ་ནི་ལུས་མེད་པ། མ་སྐྱེས་པ། མ་འགགས་པ། ཡོད་པ་མ་ཡིན་པ། འཇུག་པ་མེད་པ།། ་མཐར་ཐུག་པ་མེད་པ། གནས་པ་མེད་པ། རྣམ་པར་ཤེས་པ་མེད་པ། ཀུན་ཏུ་སྤྱོད་པ་མེད་པ། ཤིན་ཏུ་དག་པ། ཅིའང་མ་ཡིན་པ། ཟིན་པ་མ་ཡིན་པ། རྐང་པ་མེད་པ། གནས་པ་མེད་པ། ་འགྱུར་བ་མེད་པ། མྱོང་བ་མེད་པ། མ་འདྲེས་པ། མ་ཤེས། ཤེས་པར་བྱར་མེད་པ། རྣམ་པར་རིག་ཏུ་མི་བཟོད་པ། བསམ་གྱིས་མི་ཁྱབ་པ། བསམ་དུ་མེད་པ། རྣམ་པར་ཤེས་པ་མེད་པ ་སེམས་དང་བྲལ་བ། སེམས་མཉམ་པ་ཉིད། སེམས་མཉམ་པ་ཉིད་དུ་འགྲོ་བ། འབབ་པ་མེད་པ། འོང་བ་དང་འགྲོ་བ་ཡོངས་སུ་ཆད་པ། མ་བཅད་པ། བཅད་དུ་མེད་པ། གླགས་མེད་པ ་རྫས་མ་ཡིན་པ། མ་བྱུང་བ། སྤྱོད་པ་མེད་པ། རྟོག་པ་མེད་པ། མིང་མེད་པ། ཡོངས་སུ་མ་གྲུབ་པ། མྱོང་བ་མ་ཡིན་པ། མི་མངོན་པ། ཡུལ་མེད་པ། གཞི་མེད་པ། མུན་པ་མེད་པ ་སྣང་བ་མེད་པ། ཞི་བ་མ་ཡིན་པ། རབ་ཏུ་ཞི་བ་མ་ཡིན་པ། ཞི་བ་དང་བྲལ་བ། དག་པ། རྣམ་པར་དག་པ། ཅིའང་མེད་པ། ལེན་པ་མེད་པ། ཆགས་པ་མེད་པ། ཉོན་མོངས་པ་མེད་པ། ཉོན་མོང ་པ་དང་བྲལ་བ། མི་གནས་པའི་ཚུལ་གྱིས་གནས་པ། གཟུང་དུ་མེད་པ། འཕོ་བ་མེད་པ། འཕོ་བར་བྱར་མེད་པ། ཆོས་མ་ཡིན་པ། ཆོས་མ་ཡིན་པ་མེད་པ། ཞིང་མ་ཡིན་པ། ཞིང་དུ་མ་གྱུར་པ་མ ་ཡིན་པ། མི་ཟད་པ། ཟད་པར་བྱར་མེད་པ། ཟད་པ་དང་བྲལ་བ། ཟད་པ་མེད་པ། སྐད་ཅིག་པ། སྐད་ཅིག་པ་དང་བྲལ་བ། སྐད་ཅིག་པ་མ་ཡིན་པ། མ་འཁྲུགས་པ། ཡི་གེ་དང་ཐིག་ལེ ་ཡོངས་སུ་སྤངས་པ། སྒྲ་ཡོངས་སུ་སྤངས་པ། བཤད་པ་ཡོངས་སུ་སྤངས་པ། སྒོམ་པ་ཡོངས་སུ་སྤངས་པ། བསམ་པ་ཡོངས་སུ་སྤངས་པ། ལྡན་པ་མ་ཡིན་པ། མི་ལྡན་པ་མ་ཡིན་པ། ཚང ་མེད་པ། ཚད་མེད་པ་མ་ཡིན་པ། འགྲོ་བ་མེད་པ། འོང་བ་མེད་པ། གཉི་སུ་མེད་པ། རྩོམ་པ་མེད་པ། ནུས་པ་མེད་པ། མཚན་མེད་པ། མཚན་གྱིས་རྟོགས་པར་བྱར།། ་མེད་པ། མཚན་གྱིས་བརྒྱན་པ། ཤིན་ཏུ་བརྟན་པ། ཤིན་ཏུ་ཞི་བ། གདུང་བ་བྲལ་བ། ལྟུང་བར་མི་བྱེད་པ། བལྟར་མེད་པ། རྗེ་སུ་ཕྱེ་བ་དེ་བཞིན་ཉིད། དེ་ཁོ་ན་ཉིད། སྒྲོལ་བ་མེད་པའི ་ཚུལ་གྱིས་སེམས་ཅན་ཐམས་ཅད་སྒྲོལ་བ། ཐར་པར་བྱེད་པ་མེད་པའི་ཚུལ་གྱིས་ཐར་པར་བྱེད་པ། དག་པར་བྱེད་པ་མེད་པའི་ཚུལ་གྱིས་དག་པར་བྱེད་པ། གྲོལ་བར་བྱེད་པ་མེད་པའི་ཚུལ་གྱིས ་སྒྲོལ་བར་བྱེད་པ། སྟོན་པ་པོ་གཉིས་སུ་མེད་པའི་ཚུལ་གྱིས་སྟོན་པ་པོ། མཉམ་པ་མེད་པ་དང་མཉམ་པ། དཔག་ཏུ་མེད་པ་དང་མཉམ་པ། ནམ་མཁའ་དང་མཉམ་པ། གནས་མེད་པ་དང་མཉམ་པ ་སྐྱེ་བ་མེད་པ་དང་མཉམ་པ། དམིགས་སུ་མེད་པ་དང་མཉམ་པ། མཉམ་པ་མེད་པ་དང་མཉམ་པར་གྱུར་པ། ཞི་བ། རབ་ཏུ་ཞི་བ། ཉེ་བར་ཞི་བ། རྟེན་མེད་པ། ཆད་པ་མེད་པ།། སྤྱོད་པ་བསྒྱུར་བ། ་མི་ལྡོག་པར་ངེས་པ། འཛིན་པ་ཐམས་ཅད་བཅད་པ། ཕུལ་བ་མེད་པ། གཉིས་སུ་མེད་པ་སྟོན་པ། རྣམ་པར་རིགས་པར་བྱེད་པ་མེད་པའི་ཚུལ་དང་། སྦྱོར་བ་མེད་པའི་ཚུལ་གྱིས། རང ་བཞིན་གྱིས་ངོ་བོ་ཉིད་རིང་པོ་མ་ཡིན་པ། ཟླུམ་པོ་མ་ཡིན་པ། ཕུང་པོས་རབ་ཏུ་ཕྱེ་བ་མ་ཡིན་པ། ཁམས་ཀྱིས་རབ་ཏུ་ཕྱེ་བ་མ་ཡིན་པ། སྐྱེ་མཆེད་ཀྱིས་རབ་ཏུ་ཕྱེ་བ་མ་ཡིན་པ། འདུས་བྱས་ཀྱི ་རྣམ་པར་རྟོག་པ་མེད་པ། འདུས་བྱས་ཀྱི་རྣམ་པར་རྟོག་པའི་གནས་མེད་པ། འཕེལ་བ་མེད་པ། འགྲིབ་པ་མེད་པ། གཞལ་དུ་མེད་པ། གཞལ་དུ་མེད་པ་མ་ཡིན་པ། ནོག་རྣོབ་མ་ཡིན་པ། མཆོད་དུ། ་མེད་པ། མཆོད་དུ་མེད་པ་མ་ཡིན་པ་སྟེ། དེ་ལྟར་དེ་བཞིན་གཤེགས་པའི་སྐུ་ནི་ཡོན་ཏན་དཔག་ཏུ་མེད་ཅིང་། བསམ་གྱིས་མི་ཁྱབ་པ་དང་ལྡན་པ་ཡིན་ལ། སུས་ཀྱང་མ་ཤེས། མ་མཐོང་། མ་ཐོས། བྱེ ་བྲག་མ་ཕྱེད། རྣམ་པར་མ་ཤེས། ཡོད་པ་མ་ཡིན་པ། ཚིག་ཏུ་བརྗོད་དུ་མི་རུང་བ། འཇིག་རྟེན་གྱི་ཁོངས་སུ་མ་འདུས་པ། རྒྱུ་ལས་ཀྱང་མ་བྱུང་། རྒྱུ་མེད་པ་ལས་ཀྱང་མ་བྱུང་བ། སྐུ་དེ་ནི་ཐར ་ཅད་དུ་རྣམ་པར་རྟོག་པ་དང་། རྣམ་པར་རྟོག་པ་མེད་པའི་མཚན་ཉིད་རྣམས་དང་། མཚན་གྱི་གཞི་དང་། མཚན་དང་། བགྲང་བ་དང་། བསྒྲེ་བ་རྣམས་ཀྱིས་རྣམ་པར་རིག་པར་བྱེད་མི་ནུས་ལ ་མྱ་ངན་ལས་འདའ་བར་གཤེགས་པའང་མ་ཡིན། མི་གཤེགས་པའང་མ་ཡིན་ཏེ། དེ་བཞིན་གཤེགས་པ་ནི་ཡོན་ཏན་དཔག་ཏུ་མེད་པ་དང་ལྡན་ནོ།། འོད་སྲུངས་ཆེན་པོ་དང་རུས་གཅིག་པ། ་བཞིན་གཤེགས་པའི་སྐུ་ནི་དེ་བཞིན་གཤེགས་པ་ཉིད་ཀྱིས་མཚན་མའི་དངོས་པོ་རྣམས་ཀྱི་སྒོ་ནས་ཐུགས་སུ་ཆུད་པར་སྤྱོད་ཀྱི། ཉན་ཐོས་དང་རང་སངས་རྒྱས་ཐམས་ཅད་ཀྱིས་ནི་མི་ནུས་སོ།། དེ་བཞིན ་གཤེགས་པ་དེ་ལྟ་བུའི་ཡོན་ཏན་དང་ལྡན་པ། ཤའི་སྐུ་མ་ཡིན་པ་ལ་ཁམ་པའི་སྣོད་བཞིན་དུ། ནད་དམ། གནོད་པ་འམ། འཇིག་པར་ག་ལ་འགྱུར། འཇིག་པ་དང་། ན་བ་དང་། མྱ་ངན ་ལས་འདའ་བར་སྟོན་པ་གང་ཡིན་པ་དེ་ནི། གདུལ་བར་བྱ་བའི་དབང་གི་ཕྱིར་ཡིན་པར་བལྟ་བར་བྱའོ།། དེ་བས་ན་དེང་ཕྱིན་ཆད་དེ་བཞིན་གཤེགས་པའི་སྐུ་རྡོ་རྗེ་ལྟར་མི་ཤིགས ་ཤིང་མཁྲེགས་པར་ཡིད་ལ་གྱིས་ཤིག། གཞན་དག་ལའང་ཤའི་སྐུ་མ་ཡིན་ནོ་ཞེས་སྟོན་ཅིག། དེ་བཞིན་གཤེགས་པ་ནི་ཆོས་ཀྱི་སྐུ་ཡིན་པར་ཁོང་དུ་ཆུད་པར་གྱིས་ཤིག། འོད་སྲུངས་ཆེན་པོ་དང ་རུས་གཅིག་པས་གསོལ་པ། བཅོམ་ལྡན་འདས་དེ་ལྟར་ན། དེ་བཞིན་གཤེགས་པ་ཡོན་ཏན་དེ་ལྟ་བུ་དང་ལྡན་པ་ལ། སྙུན་དང་། མི་རྟག་པ་དང་། འཇིག་པ་ག་ལ་ཞིག་མཆིས་ཏེ། དེང་སྨན ་ཆད་དེ་བཞིན་གཤེགས་པ་ནི་ཆོས་ཀྱི་སྐུ་སྟེ། རྟག་པ་དང་། བརྟན་པ་དང་། ཐེར་ཟུག་པ་དང་། ཞི་བའོ་ཞེས་གཞན་དག་ལའང་བསྟན་པར་འཚལ་ན། རྡོ་རྗེ་ལྟ་བུར་མི་ཤིགས་པའི་སྐུ་འདི་ཇི་ལྟར ་འགྲུབ་པར་འགྱུར་ལགས། སྐུ་འདི་ལྟ་བུ་རྒྱུ་ཅི་ལས་འགྲུབ་ལགས། བཅོམ་ལྡན་འདས་ཀྱིས་བཀའ་སྩལ་པ། ངའི་སྐུ་འདི་ལྟ་བུ་ནི་དམ་པའི་ཆོས་བསྲུང་བའི་བསོད་ནམས་ཀྱི་རྒྱུས་གྲུབ་པ་ཡིན་ནོ།། ་རིགས་ཀྱི་བུ་དམ་པའི་ཆོས་བསྲུང་བའི་དགེ་བསྙེན་གྱིས་ནི་བསླབ་པའི་གཞི་ལྔ་བླང་བར་མི་བྱའོ།། དགེ་བསྙེན་གྱི་འདུལ་བའང་སྤྱད་པར་མི་བྱའོ།། ཚུལ་ཁྲིམས་དང་། ཆོ་ག་དང་། ཡོན་ཏན་དང་ལྡན ་པའི་དགེ་སློང་རྣམས་བསྲུང་བའི་ཕྱིར། མདའ་གཞུ་དང་། རལ་གྲི་དང་། མདུང་ཐུང་ཁ་ལེབ་ལག་ཏུ་ཐོགས་པར་བྱའོ།། གསོལ་པ། དགེ་སློང་དག་ལས་སྲུངས་མ་དང་ལྷན་ཅིག་མི་འཁོད་པར ་གཅིག་པུ་ཤིང་དྲུང་དུ་སྟན་བཏིང་བ་མཆིས་པ་གང་ལགས་པ་དེ་དག་ནི་དགེ་སློང་ཞེས་བགྱི་བ་ལགས་སོ། ། སྲུངས་མ་དང་ལྷན་ཅིག་འཁོད་པ་གང་ལགས་པ་དེ་དག་ནི། ཁྱིམ་བདག་མགོ་རེག་ཅེས་བགྱིད ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱིམ་བདག་མགོ་རེག་ཅེས་དེ་སྐད་མ་ཟེར་ཅིག། འདི་ན་དགེ་སློང་ལ་ལ་མལ་སྟན་གསར་པ་ལ་འདུག་ཅིང་། ཅི་དེ་ཟན་ཟོས་ནས ་གཅིག་པུ་ཕྱོག་གཅིག་ནས་མི་སྨྲ་བར་འདུག་སྟེ། བསམ་གཏན་བྱེད་ལ། ལུས་ཀྱི་རང་བཞིན་ལའང་ལྟ་བར་བྱེད་དོ།། སེམས་ཅན་འོངས་པ་རྣམས་ཀྱང་སྦྱིན་པའི་གཏམ་དང་། ཚུལ་ཁྲིམས་ཀྱི་གཏམ ་དང་། བསོད་ནམས་ཀྱི་གཏམ་དང་། བསོད་ནམས་ཀྱི་རྣམ་པར་སྨིན་པའི་གཏམ་དང་། ཆོག་ཤེས་པ་དང་། བསྙུང་བའི་ཆོས་སྟོན་ལ། སེང་གེའི་སྒྲ་སྒྲོགས་པར་ཡང་མི་བྱེད། སེང་གེ་ལྟ་བུའི་འཁོར ་ཡང་མི་འཆང་། རྟག་ཅན་འཆལ་པ་ཚར་གཅད་པའི་ཕྱིར་ཡང་སྟོན་པར་མི་བྱེད་པའི་དགེ་སློང་དེ་ནི། སྐྱེ་བོ་ཐམས་ཅད་ལ་ཕན་པའི་ཕྱིར་ཞུགས་པའང་མ་ཡིན། བདག་ལ་ཕན་པའི་ཕྱིར་ཞུགས་པའང ་མ་ཡིན་ཏེ། ཉོན་མོངས་པ་ཞན་པ་ཡིན་པས། ཚུལ་ཁྲིམས་དང་ལྡན་པ་ཚངས་པར་སྤྱོད་པ་ཙམ་དུ་ཟད་དོ།། དགེ་སློང་ཚུལ་ཁྲིམས་དང་ལྡན་པ་དགེ་བའི་ཆོས་ཅན་གཞན་ཞིག་གནས་གཞན་ཞིག་ན་མལ ་སྟན་གསར་པ་ལ་འདུག་ཅིང་། སེང་གེའི་སྒྲ་སྒྲོགས་ཏེ། སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་གསུང་རབ་ཡན་ལག་དགུ། མདོའི་སྡེ་དང་། དབྱངས་ཀྱིས་བསྙད་པའི་སྡེ་དང ་ལུང་བསྟན་པའི་སྡེ་དང་། ཚོགས་སུ་བཅད་པའི་སྡེ་དང་། ཆེད་དུ་བརྗོད་པའི་སྡེ་དང་། དེ་ལྟ་བུ་བྱུང་བའི་སྡེ། སྐྱེས་པ་རབས་ཀྱི་སྡེ་དང་། ཤིན་ཏུ་རྒྱས་པའོ་སྡེ་དང་། རྨད ་དུ་བྱུང་བའི་ཆོས་ཀྱི་སྡེ་རྣམས་སྟོན་ཏེ། མདོ་འདི་ལ་དགེ་སློང་བྲན་དང་། བྲན་མོ་དང་། བ་གླང་དང་། མ་ཧེ་ལ་སོགས་པ་རྫས་ངན་པ་འཆང་བ་རྣམས་ཆད་པས་བཅད་པར་བཤད་པ་ནི། བདག་ཅག་གི་རྐྱེན་དུ ་འཚམ་པ་ཡིན་ཏེ། མདོ་ཆེ་གེ་མོ་ཞིག་ལས་ཀྱང་རབ་ཏུ་བྱུང་བ་རྫས་ངན་པ་འཆང་བ་རྣམས་བཅོམ་ལྡན་འདས་ཀྱིས་རྒྱལ་པོ་ཆེ་གེ་མོ་ཞིག་ལ་ཆད་པས་གཅོད་དུ་བཅུག་སྟེ། ཚུལ་ཁྲིམས་འཆལ་པ་རྣམས་ནི་གོས་སྐྱ་བོ ་གྱོན་དུ་བཅུག་གོ་ཞེས་སྟོན་ཅིང་། དེ་དེ་ལྟར་སེང་གེའི་སྒྲ་སྒྲོག་པ་ལ། ཚུལ་ཁྲིམས་འཆལ་པ་རྣམས་ཀྱིས་དཀྲུགས་མ་བྱས་ཏེ། སྲོག་བཅད་དུ་ཟིན་ཀྱང་། དགེ་སློང་དེ་ལ་ནི་ཚུལ་ཁྲིམས་དང་ལྡན་པ། བདག ་ལ་ཕན་པ་དང་། གཞན་ལ་ཕན་པ་ལ་ཞུགས་པ་ཞེས་ང་ཟེར་རོ།། རྒྱུ་དེས་ན་རྒྱལ་པོ་དང་། བློན་པོ་དང་། དགེ་བསྙེན་རྣམས་ལ་དམ་པའི་ཆོས་བསྲུང་བའི་ཕྱིར། ངས་དགེ་སློང་རྣམས་སྲུང་བར་ཡང་གནང ་ཁྱིམ་བདག་མགོ་རེག་རྣམས་ཆད་པས་གཅོད་དུའང་གནང་ངོ་། ། དེ་ལ་ཚུལ་ཁྲིམས་འཆལ་པ་གང་ཡིན་པ་དེ་དག་ནི། ཁྱིམ་བདག་མགོ་རེག་ཅེས་བྱ་སྟེ། དེ་ནི་ཚུལ་ཁྲིམས་དང་ལྡན་པའི་ཆོག་བླ་དགས་མ་ཡིན་ནོ།། ་རིགས་ཀྱི་བུ་སྔོན་བྱུང་བ་འདས་པའི་དུས་ན། བསྐལ་པ་གྲངས་མེད་པའི་སྔོན་རོལ་དུ་གྲོང་ཁྱེར་ཀུ་ཤི་ཉིད་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས ་དགའ་སྐྱེད་ཅེས་བྱ་བ་འཇིག་རྟེན་དུ་བྱུང་སྟེ། དེའི་ཚེ་འཇིག་རྟེན་གྱི་ཁམ་འདི་བདེ་བ་ཅན་བཞིན་དུ་ཡད་པར་གྱུར་ཏེ། དེའི་ཚེ་སེམས་ཅན་བདེ་བ་ཅན་གྱི་བྱང་ཆུབ་སེམས་དཔའ་རྣམས་བཞིན་དུ། བྲུ་བས་ཉམ ་ཆུང་བ་མེད་དོ། ། དེ་ནས་དེ་བཞིན་གཤེགས་པ་དེ་ལོ་བྱེ་བ་ཕྲག་དུ་མ་བཅུགས་བཞུགས་ནས། གྲོང་ཁྱེར་འདི་ཉིད་དང་། གནས་འདི་ཉིད་དུ་མྱ་ངན་ལས་འདས་སོ།། དེ་ནས་དེའི་བསྟན་པ་ལོ་བྱེ་བ་ཕྲག་དུ་མ ་བར་དུ་གནས་གནས་ནས། གང་གི་ཚེ་བསྟན་པ་དེའི་ལྷག་མ་ལོ་བཞི་བཅུ་ལས་པ། དེའི་ཚེ་དམ་པའི་ཆོས་ནུབ་ཏུ་ཆའི་དུས་ན། དགེ་སློང་སངས་རྒྱས་བྱིན་ཞེས་བྱ་བ་གཡོག་འཁོར་མང་པོ་དང་ལྡན་པ། སང ་གེའི་སྒྲ་སྒྲོགས་པ། གསུང་རབ་ཡན་ལག་དགུའི་ཆོས་སྟོན་པ་ཞིག་བྱུང་སྟེ། དེ་བྲན་དང་། བྲན་མོ་དང་། བ་གླང་དང་། མ་ཧེ་ལ་སོགས་པ་རྫས་ངན་པ་འཆང་བ། ཟློག་པའི་ཆོས་སྟོན་པ། ཚུལ་ཁྲིམ ་འཆལ་པ། སྡང་བའི་སེམས་དང་ལྡན་པ་རྣམས་ཀྱིས་ཐོས་ནས། བསད་པའི་སེམས་བསྐྱེད་དེ། ཚུལ་ཁྲིམས་འཆལ་པའི་ཕྱོགས་རྣམས་གཅིག་ཏུ་བསྡོངས་ནས། མཚོན་ཆ་སྣ་ཚོགས་ལག་ན་ཐོད ་ཏེ། དགེ་སློང་དེའི་ཐད་དུ་དོང་ངོ་།། ངའང་དེའི་ཚེ་རྒྱལ་པོ་སྲིད་སྦྱིན་ཞེས་བྱ་བར་གྱུར་ཏེ། རྒྱལ་པོ་དེས་གཏམ་དེ་ཐོས་ན། དམ་པའི་ཆོས་སྲུང་བའི་ཕྱིར། དགེ་སློང་དེའི་ཐད་དུ་སོང་སྟེ། དེ་དག་དང ་གཡུལ་བཀྱེའོ། ། དེ་ནས་ཆོས་སྨྲ་བ་དེ་དག་གིས་མ་ཚུགས་སོ།། རྒྱལ་པོ་དེ་ནི་རལ་གྲི་དང་། མདུང་ཐུང་དང་། ཁ་ལེབ་དང་། རྡོ་རྗེ་རྩེ་གཅིག་པ་དང་། མདའ་རྣམས་ཀྱིས་ལུས་ལ་མ་གཙགས་པའི་ས་མཚམས ་ཉུངས་འབྲུ་ཙམ་ཡང་མེད་པར་གྱུར་ཏོ། ། དེ་ནས་དགེ་སློང་དེས་རྒྱལ་པོ་དེ་དེ་ལྟར་གྱུར་པ་མཐོང་ནས། ལེགས་སོ་ཞེས་སྨྲས་ཏེ། དམ་པའི་ཆོས་བསྲུང་བས་ནི་དེ་ལྟར་བྱ་དགོས་སོ།། ་ཁྱོད་ནི་ཆོས་དཔག་ཏུ་མེད་པའི་སྐལ་པ་ཅན་དུ་འགྱུར་རོ་ཞེས་བྱས་སོ།། དེ་ནས་རྒྱལ་པོ་དེས། དགེ་སློང་དེའི་ཆོག་ཐོས་ནས་ཤི་བའི་འོག་ཏུ་དེ་བཞིན་གཤེགས་པ་མི་འཁྲུགས་པའི་འཇིག་རྟེན་གྱི་ཁམས་སུ་སྐྱེས ་སོ། ། དེར་སེམས་ཅན་གང་རྗེས་སུ་ཡི་རང་བར་གྱུར་པ་རྣམས་དང་། གཡུལ་འགྱེད་འགྱེད་པ་གང་ཡིན་པ་དེ་དག་ཐམས་ཅད་ཀྱིས་ཀྱང་བྱང་ཆུབ་ཐོབ་པར་གྱུར་ཏོ།། དེ་བཞིན་གཤེགས་པ་མི་འཁྲུགས ་པ་འཇིག་རྟེན་གྱི་ཁམས་མངོན་པར་དགའ་བ་ཞེས་བྱ་བའི་འཇིག་རྟེན་གྱི་ཁམས་སུ། དེ་བཞིན་གཤེགས་པ་མི་འཁྲུགས་པ་རྣམ་པར་ཤེས་པ་ཞེས་བྱ་བ་ཞིག་ཀྱང་བྱུང་ངོ་།། དགེ་སློང་སངས་རྒྱས་བྱིན་ཡང ་རྒྱལ་པོ་དེ་ཤི་བའི་རྗེས་ལ་ཤི་ནས་དེ་བཞིན་གཤེགས་པ་མི་འཁྲུགས་པའི་བསྟན་པ་ལ་ཉན་ཐོས་ཀྱི་མཆོག་ཏུ་གྱུར་ཏོ། ། རྒྱལ་པོ་ཆེན་པོ་དེའང་ཉན་ཐོས་གཉིས་པར་གྱུར་ཏོ།། དེ་ལྟར་ན་དམ་པའི་ཆོས ་ནུབ་པའི་ཚེ། དམ་པའི་ཆོས་བསྲུང་བར་བྱའོ།། དེའི་ཚེ་རྒྱལ་པོར་གྱུར་པ་དེ་ནི་ང་ཡིན་ནོ།། དགེ་སློང་དེ་ནི་སངས་རྒྱས་འོད་སྲུངས་ཡིན་ཏེ། དེ་ནི་ཡོངས་སུ་མྱ་ངན་ལས་འདས་སོ།། དེ་ལྟར ་ན་དམ་པའི་ཆོས་བསྲུང་བའི་འབྲས་བུ་ནི་དཔག་ཏུ་མེད་དེ། འབྲས་བུ་རྣམ་པར་དག་པ་དེས་ན། ངའང་རྨ་བྱ་མདོངས་རི་མོ་ཅན་མང་པོས་བརྒྱན་པ་ལྟ་བུར་གྱུར་ཏེ། མི་ཤིགས་པའི་སྐུ་དང་། ཆོས་ཀྱི་སྐུ། ་བརྙེད་པར་གྱུར་ཏོ།། འོད་སྲུངས་ཆེན་པོ་དང་རུས་གཅིག་པས་གསོལ་པ། དེ་བཞིན་གཤེགས་པ་ནི་རྡོལ་བརྐོས་པའི་ཡི་གེ་བཞིན་དུ་རྟག་པའི་སྐུ་དང་ལྡན་པ་ལགས་སོ།། བཀའ་སྩལ་པ ་རིགས་ཀྱི་བུ་དེ་བས་ན་དམ་པའི་ཆོས་བསྲུང་བར་འདོད་པས་ནི། དགེ་སློང་ངམ། དགེ་སློང་མ་འམ། དགེ་བསྙེན་ནམ?། དགེ་བསྙེན་མ་གང་ན་ཡོད་པ་དེར་བསྲུང་བར་བྱའོ།། དགེ་བསྙེན་དམ་པའི ་ཆོས་བསྲུང་བའི་འབྲས་བུ་ནི་རྒྱ་ཆེའོ། ། རིགས་ཀྱི་བུ་དེ་བས་ན་དགེ་སློང་རྣམས་མཚོན་ཆ་ལག་ན་ཐེག་པའི་དགེ་བསྙེན་དག་གིས་མདུན་དུ་བདར་ཏེ་རྒྱུ་བར་བྱའོ།། ཐེག་པ་ཆེན་པོ་འདི་ལ་ནི་དགེ ་བསྙེན་གྱི་བསྒྲུབ་པའི་གཞི་ལྔ་བླང་བར་མི་བྱ་སྟེ། དམ་པའི་ཆོས་བསྲུང་བའི་ཕྱིར། ལག་ན་མཚོན་ཆ་ཐོགས་ཤིང་དགེ་སློང་རྣམས་བསྲུང་བར་བྱའོ།། གསོལ་པ། ཅི་ལགས། དགེ་སློང་གང ་དག་དེ་ལྟ་བུའི་དགེ་བསྙེན་དག་ལག་ན་མཚོན་ཆ་ཐོགས་པ་དང་ལྷན་ཅིག་འགྲོགས་ཤིང་རྒྱུ་བ་དེ་དག་སློབ་དཔོན་ལགས་སམ། འོན་ཏེ་སློབ་དཔོན་མ་ལགས། ཚུལ་ཁྲིམས་འཆལ་པ་ཞེས་བགྱི་འམ ་འོན་ཏེ་མི་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་འོག་ཏུ། ནང་འཁྲུག་འབྱུང་བ་དང་། ཡུལ་བཅོམ་པ་དག ་འབྱུང་བར་འགྱུར་ཏེ། དུས་ངན་པར་གྱུར་པ་དེའི་ཚེ་མུ་གོའི་ཉེས་པས་ཕལ་ཆེར་རབ་ཏུ་འབྱུང་ཞིང་མགོ་རེག་ཏུ་འགྱུར་ཏེ། དེ་དག་གི་དགེ་སློང་ཚུལ་ཁྲིམས་དང་། ཆོ་ག་དང་། ཡོན་ཏན་དང་། སྤྱོད་པ ་ཕུན་སུམ་ཚོགས་པ་དང་ལྡན་པ་དག་སྐྲོད་པར་འགྱུར། གསོད་པར་འགྱུར་ཏེ། དེར་དགེ་སློང་ཚུལ་ཁྲིམ་དང་ལྡན་པ་རྣམས་ཀྱིས་གྲོང་དང་། གྲོང་ཁྱེར་དང་། རི་ཁྲོད་ཀྱི་གྲོང་དག་ཏུ ་ཇི་ལྟར་རྒྱུ་བར་བྱ་སྟེ། དེ་ལྟ་བུ་དག་གི་དུས་ན། དགེ་སློང་ཚུལ་ཁྲིམས་དང་ལྡན་པ། སློབ་དཔོན་དུ་གྱུར་པ་རྣམས་ལམ་དུ་འགྲོ་བ་ན། རང་གི་སྲོག་བསྲུང་བའི་ཕྱིར། མཚོན་ཆ་ལག་ན་ཐོགས་པ་དག་དེར་འགྲོ་བར ་ངས་གནང་ངོ་། ། དགེ་བསྙེན་རྣམས་དང་། ཁྱིམ་བདག་དང་། རྒྱལ་པོ་དང་། བློན་པོ་རྣམས་ཀྱིས་དགེ་སློང་ཚུལ་ཁྲིམས་དང་ལྡན་པ་བསྲུང་བའི་ཕྱིར། མཚོན་ཆ་འཆང་བ་དེའང་ཚུལ་ཁྲིམས་ཡིན་ཞེས་པ ་ཟེར་ཏེ། འོན་ཀྱང་གསད་པར་ནི་མི་བྱའོ།། དགག་པའི་ཕྱིར་མཚོན་ཆ་བཅང་བར་བྱ་སྟེ། དེ་ནི་མཆོག་ཏུ་མཁས་པའི་ཚུལ་ཁྲིམ་ཡིན་ནོ།། སློབ་དཔོན་ནི་ཐེག་པ་ཆེན་པོའི་གདམས་ངག་སྟོན་པ་དང་། ཡང་དག ་པའི་ལྟ་བ་དང་། རུང་བ་མ་ཡིན་པའི་གདུགས་དང་། འབྲུ་མར་གྱི་སྣོད་དང་། འབྲས་བུའི་རྣམ་གྲངས་རྣམས་སྤངས་པ་དང་། རྒྱལ་པོ་དང་བློན་པོ་རྣམས་ལ་མི་བསྟེན་པ་དང་། རྙེད་པའི་ཕྱིར་སྦྱིན་པ་པོ་རྣམས ་ལ་དགའ་བ་དང་། སྙན་པར་སྨྲ་བ་མ་ཡིན་པ་དང་། སྤྱོད་ལམ་ཕུན་སུམ་ཚོགས་པ་དང་། ཚུལ་མེད་པའི་དགེ་སྦྱོང་གི་དངོས་པོ་སེལ་བ་དང་། ཚུལ་ཁྲིམས་དང་ལྡན་པ་དང་། དགེ་བའི་ཆོས་ཅན་དང་། ་རྒྱ་མཚོ་དང་འདྲ་བའི་བློ་གྲོས་འཆང་བ་དང་། བྱད་གཟུགས་དང་། ཆ་བྱད་དང་། རྙེད་པ་དང་། བཀུར་སྟི་གཞན་མི་འདོད་པ་དང་། ཆོག་ཤེས་ཤིང་ཡོ་བྱད་བསྲུངས་པ་སྟོན་པ་གང་ཡིན་པ་སྟེ། དེ་ནི ་སློབ་དཔོན་ཞེས་བྱའོ། ། དེ་ནི་འཁོར་རྙེད་པ་དང་། བཀུར་སྟི་འདོད་པའི་རང་གི་འཁོར་གྱི་དགེ་འདུན་གང་ཡིན་པ་དེ་དག་ནི་ཟློག་པར་བྱེད་དོ།། དེ་ལྷ་དགེ་འདུན་ལའང་རྣམ་པ་གསུམ་སྟེ། ཚུལ་ཁྲིམས་འཆལ ་པ་དང་། འདྲེས་པ་དང་། བྱིས་པའི་དགེ་འདུན་དང་། རང་བཞིན་གྱི་དགེ་འདུན་ནོ།། དེ་ལ་ཚུལ་ཁྲིམས་འཆལ་པ་དང་འདྲེས་པའི་དགེ་འདུན་ནི་དེས་ཟློག་པར་བྱེད་དོ།། ཚུལ་ཁྲིམས་འཆལ་པ་དང་འདྲེས ་པའི་དགེ་འདུན་ཞེས་བྱ་བ་ནི། ཚུལ་ཁྲིམས་འཆལ་པ་རྣམས་འབའ་ཞིག་དང་མཐུན་པར་བྱེད་དོ།། དེ་དག་ཚར་གཅོད་པར་མི་བྱེད་ཅིང་། ཟང་ཟིང་གི་ཕྱིར་དེ་དག་དང་ལྷན་ཅིག་ཏུ་སྤྱོད་པ་མཐུན་པར་བྱེད་པ ་གང་ཡིན་པ་སྟེ། ཚུལ་ཁྲིམས་དང་ལྡན་དུ་ཟིན་ཀྱང་། དེ་དག་དང་ལྷན་ཅིག་གནས་པས། ཚུལ་ཁྲིམས་འཆལ་པ་ཁོ་ན་ཡིན་པའི་གྲངས་སུ་འགྲོ་བར་འགྱུར་རོ།། འདི་ནི་ཚུལ་ཁྲིམས་འཆལ་པ་དང་། ་འདྲེས་པ་ཞེས་བྱ་སྟེ། དེའི་ཚུལ་མེད་པ་ཟློག་པར་བྱེད་པའི་ཕྱིར་སློབ་དཔོན་ཞེས་བྱའོ།། བྱིས་པའི་དགེ་འདུན་ཞེས་བྱ་བ་ནི། དགོན་པ་པ་དང་། བསོད་སྙོམས་པ་ཞན་པ་དང་། རྨུགས་པ་རྣམས་ཡིན ་ཏེ། སྐབས་འབྱེད་པ་དང་། གསོ་སྦྱོང་རྣམས་ཀྱི་དུས་སུ་རང་གི་འཁོར་ཉི་ཚེ་དག་པར་བྱེད་ཀྱི། ཚུལ་ཁྲིམས་འཆལ་པ་རྣམས་དག་པར་བྱེད་པ་དེ་དག་དང་ལྷན་ཅིག་ཏུ་འདྲེ་བར་གནས་པ་དེ་ནི་བྱིས་པའི་དགེ ་འདུན་ཞེས་བྱ་སྟེ། རྨུགས་པ་དེ་དག་གིས་ཚུལ་མ་ཡིན་པ་སེལ་བར་བྱེད་པའི་ཕྱིར་སློབ་དཔོན་ཞེས་བྱའོ།། རང་བཞིན་གྱི་དགེ་འདུན་ནི་བདུད་བྱེ་བ་སྙེད་ཀྱིས་ཀྱང་མི་ཤོགས་པ་ཡིན་ཏེ། དེ་ནི་བྱང་ཆུབ ་སེམས་དཔའི་དགེ་འདུན་རང་བཞིན་གྱིས་རྣམ་པར་དག་པའོ། ། ཚུལ་ཁྲིམས་འཆལ་པའི་དགེ་འདུན་རྣམ་པ་གཉིས་ཟློག་པར་བྱེད་པ་གང་ཡིན་པ་དེ་དག་ནི། སློབ་དཔོན་ཞེས་བྱའོ།། ་འདུལ་བ་འཛིན་པ་ཞེས་བྱ་བ་ནི། གདུལ་བར་བྱ་བའི་དབང་གིས་བསླབ་པའི་གཞི་དེ་དང་དེ་དག་ཤེས་ཏེ། རྔམས་ཆེན་པོའང་ཤེས་སོ།། རྔམས་ཆུང་ངུའང་ཤེས་སོ།། འདུལ་བ་མ་ཡིན་པ་ནི་བརྩན ་པར་མི་བྱེད་དོ། ། འདུལ་བ་ནི་བརྩན་པར་བྱེད་དོ།། གདུལ་བར་བྱ་བའི་དབང་ཇི་ལྟར་ཤེས་ཤེ་ན། བྱང་ཆུབ་སེམས་དཔའ་གདུལ་བར་བྱ་བའི་དབང་གིས་གྲོང་ཁྲོད་དུ་འགྲོ་བ་ཡོད་དོ།། དེ་ནི་བུད ་མེད་དང་གར་མཁན་མོའི་འདུན་ཁང་དང་། ཡུགས་མོའི་ཁྱིམ་དང་། སྨད་འཚོང་མའི་ཁྱིམ་མ་ཏོགས་པར། ཁྱིམ་གྱི་ནང་ངམ། འདུན་ཁང་གང་དུ་འགྲོ་འདོད་ཀྱང་རུང་སྟེ། དེ་ལ་དེར་འགྲོ་བའི་དུས ་ངེས་པ་མེད་དོ། ། བྱང་ཆུབ་སེམས་དཔའི་དགེ་སློང་གིས་ནི། ལོ་གྲངས་མང་པོ་ཡང་གྲོང་ཁྲོད་དུ་རྒྱུ་བར་བཟོད་ཀྱི། ཉན་ཐོས་ཀྱི་དགེ་སློང་གིས་ནི་མི་བཟོད་དོ།། རྔམས་ཆེན་པོ་དང་། རྔམས ་ཆུང་ངུ་ཇི་ལྟར་ཤེས་ཤེ་ན། རྔམས་ཆེན་པོ་ཞེས་བྱ་བ་ནི། དེ་བཞིན་གཤེགས་པས་དོན་གྱི་དམིགས་བྱུང་བ་གང་གཟིགས་ན། དེ་ལྟར་གཟིགས་པའི་འོག་ཏུ། ཕས་ཕམ་པ་བཞི་པོ་འདི་ལྟ་བུ་ཕྱིན ་ཚད་མ་བྱེད་ཅིག། གལ་ཏེ་ཁྱེད་ཀྱིས་བྱས་ན། རབ་ཏུ་དབྱུང་དུ་མེད་པར་འགྱུར་རོ་ཞེས་བསླབ་པའི་གཞི་འཆའ་བར་མཛད་པ་དེ་ནི་རྔམས་ཆེན་པོ་ཞེས་བྱའོ།། རྔམས་ཆུང་ངུ་ཞེས་བྱ་བ་ནི་འདི་ན་ལ་ལ ་ཞིག་གིས་དོན་གྱི་དམིགས་བྱུང་བ་གཅིག་གཅིག་གིས་བྱས་ལ། བསླབ་པའི་གཞི་དེ་དམ་པོར་མ་བྱས་པ། དེ་བཞིན་གཤེགས་པས་ལན་གསུམ་གྱི་བར་དུ་གཟིགས་ཀྱང་བསླབ་པའི་གཞི ་གཞན་འཆའ་བར་མཛད་དེ། དེནི་ཕྱིར་གསོ་བ་ཚང་བ་ཞེས་བྱ་སྟེ། རྔམས་ཆུང་ངུ་ཞེས་བྱའོ།། དེའང་ལྷག་མ་དང་བཅས་པའི་འདུལ་བ་ནི་བརྩན་པར་བྱེད་དོ།། རུང་བ་མ་ཡིན་པའི་སྦྱིན་པ ་ཕན་ཡོན་གང་ལས་བྱུང་བའི་འདུལ་བ་དེ་ནི་བརྩན་པར་མི་བྱེད་དེ། འདུལ་བ་ལ་སློབ་པར་བྱེད་དོ།། ཚུལ་ཁྲིམས་འཆལ་པ་ནི་ཚུལ་ཁྲིམས་སྤངས་ལ། ཆོས་གོས་རྣམས་དང་བཅས ་ཤིང་གཞི་ཆེན་པོ་ཡིན་ནོ། ། དེ་ནི་དེའི་འདུལ་བའང་བརྩན་པར་མི་བྱེད་ལ། གང་འདུལ་བ་ལ་སྣང་བ་དེ་ལ། དེ་མཆོག་ཏུ་ཆོག་ཤེས་པར་བྱེད་དོ།། སངས་རྒྱས་ཀྱི་གསུང་རབ་ལས ་གང་རྐྱེན་དུ་འཚམ་པ་སྟོན་པར་བྱེད་དོ། ། དེ་ལས་བཏུས་པ་དེ་ལའང་འདུལ་བ་ཞེས་དུ་ཟེར་ཏེ། དེ་ནི་འདུལ་བ་འཛིན་པ་ཡིན་ནོ།། ཡི་གེ་གཅིག་ཀྱང་ཤེས་ཏེ། གང་ཡི་གེ་གཅིག་ཤེས ་པ་དེ་ལྟ་བུ་ནི། འཇིག་རྟེན་ན་འདུལ་བ་འཛིན་པ་ཡིན་ཏེ། འདི་ན་མདོ་སྡེ་པ་འདུལ་བ་འཛིན་པ་ཞེས་བྱའོ།། དེ་ལྟར་ན་དེ་བཞིན་གཤེགས་པའི་བསྟན་པ་ནི་དཔག་ཏུ་མེད་དོ།། དེ་བཞིན་གཤེ ་པ་ནི་བསམ་གྱིས་མི་ཁྱབ་བོ། ། གསོལ་པ། བཅོམ་ལྡན་འདས་དེ་བཞིན་གཤེགས་པ་ལྷ་ལོས་ཀྱང་བསམ་གྱིས་མི་ཁྱབ་ལགས། རྟག་པ་དང་། བརྟན་པ་དང་། ཐེར་དྲུག་པ་དང་། ཞི་བ ་ལགས་ཏེ། བསམ་གྱིས་མི་ཁྱབ་བོ་ཞེས་གཞན་དག་ལའང་བསྟན་པར་འཚལ་ལོ།། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་ཆེན་པོ་དང་རུས་གཅིག ་པ་ལེགས་སོ་ལེགས་སོ། ། དེ་བཞིན་གཤེགས་པ་ནི་རྡོ་རྗེ་ལྟར་མི་ཤིགས་པའི་སྐུ་འཛིན་པ་ལ་ཞུགས་པ་ཡིན་ཏེ། དེ་ལྟ་ཡང་དག་པའི་ལྟ་བ་དང་། བསླབ་པ་ལ་གུས་པར་བྱའོ།། དེ་བཞིན ་གཤེགས་པ་རྡོ་རྗེ་ལྟར་མི་ཤིགས་པའི་སྐུ་དང་ལྡན་པར། ཡང་དག་པར་ལྟ་བའི་བྱང་ཆུབ་སེམས་དཔའ་སེམས་དཔའ་ཆེན་པོས་ནི། ཇི་ལྟར་མེ་ལོང་གི་ངོས་ལ་རང་བཞིན་གྱི་གཟུགས་བརྙན་སྣང་བ། ་དེ་བཞིན་དུ། དོན་དམ་པའི་སྐུ་བསལ་བར་མཐོང་ངོ་།། འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས། རྡོ་རྗེ་ལྟར་མི་ཤིག་པའི་སྐུའི་ཕུང་པོ་ཞེས་བྱ་བའི་ལེའུ་སྟེ་གཉིས་པའོ།། ་། རིགས་ཀྱི་བུ་གཞན་ཡང་ད་ནི་མདོ་འདིའི་མིང་དང་། ཡོན་ཏན་དང་། ཚུལ་ཡང་དག་པར་གཟུང་བར་གྱིས་ཤིག། མདོ་འདིའི་མིང་ཐོས་ན། སེམས་ཅན་རྣམས་འགྲོ་བ ་བཞིར་འགྲོ་བ་པར་འགྱུར་བ་དེ་ནི་མི་སྲིད་དེ། མདོ་ཆེན་པོ་འདིའི་ཡོན་ཏན་དང་ཚུལ་སངས་རྒྱས་མང་པོས་བསྟན་པ་དེ་ལྟ་བུ་ངས་བསྟན་པར་བྱའོ།། གསོལ་པ། བྱང་ཆུབ་སེམས་དཔའ་སེམས་དཔའ ་ཆེན་པོ་རྣམས་ཇི་ལྟར་མདོ་འདིའི་མིང་ཡང་དག་པར་འཛིན་པ་ལགས། ཇི་ལྟར་མདོ་འདིའི་མིང་འཛིན་པའི་གྲངས་སུ་གཏོགས་པ་ལགས། བཀའ་སྩལ་པ། མདོ་འདིའི་ཡོངས་སུ་མྱ་ངན་ལས་འདས ་པ་ཆེན་པོ་ཞེས་བྱ་སྟེ། ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ།། ཡོངས་སུ ་དག་པ། ཡོངས་སུ་བྱང་བ། རྡོ་རྗེ་ལྟ་བུའི་གཏེར་དང་། ཆེ་བར་གྲགས་པ་ཡིན་ནོ།། རིགས་ཀྱི་བུ་དཔེར་ན་གངྒཱ་དང་ཡ་མུན་ལ་སོགས་པ་ཆུ་ཀླུང་བརྒྱད་ནི་རྒྱ་མཚོ་ཆེན་པོ་ཁོ་ནར་འབབ་པ་དེ་བཞིན་དུ ་ཉོན་མོངས་པ་རྣམ་པ་སྣ་ཚོགས་བྱེ་བ་སྙེད་ཀྱི་རང་བཞིན་གྱི་བདུད་ལ་སོགས་པ་བདུད་ཐམས་ཅད་ལས་རྣམ་པར་རྒྱལ་བ་ནི། ཡོངས་སུ་མྱ་ངན་ལས་འདས་པ་ཆེན་པོ་ལུས་འདོར་ཞིང་འཆི་བ། འདི་ཁོ་ན་ཉིད ་དུ་འདུ་བར་འགྱུར་ཏེ། དེ་བས་ན་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ།། གཞན་ཡང་དཔེར་ན་སྨན་དཔྱད་རིག་པ་གསུམ་ལ་སོགས་པའི་རིག་པ་རྣམས་ནི། རང་རང་གི་རྒྱུད་ཕྱི་མ་ཁོ་ནའི་ཁོངས ་སུ་འདུ་བར་འགྱུར་བ་དེ་བཞིན་དུ། དེ་བཞིན་གཤེགས་པས་གསུངས་པའི་དགོངས་པའི་ཆོ་ག་གསང་བའི་ཆོས་ཀྱི་སྒོ་རྣམ་པ་སྣ་ཚོགས་ཐམས་ཅད་ཀྱང་། ཡོངས་སུ་མྱ་ངན་ལས་འདས་པ་ཆེན་པོ་ཁོ་ནའི ་ཁོངས་སུ་འདུ་བར་འགྱུར་བས་ན། དེའི་ཕྱིར་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ།། དཔེར་ན་དབྱར་གྱི་དུས་ཞིང་པས་གཤོལ་ཆེན་པོས་རྨོས་ཏེ། ས་བོན་བཏབ་ནས། ས་བོན་འགྲུབ་པར ་འདོད་ལ། གྲུབ་ནས་ནི་ཐམས་ཅད་གྲུབ་པའི་མཐར་ཐུག་པ་དེ་ཡིན་པའི་ཕྱིར། འདོད་པ་མེད་པར་འགྱུར་བ་དེ་བཞིན་དུ། སེམས་ཅན་རྣམས་ཀྱིས་མདོ་ཐམས་ཅད་ཀྱི་ཏིང་ངེ་འཛིན་བསྒོམས་ཟིན ་ནས་ཀྱང་། མདོ་གཞན་གྱི་བཅུད་འདོད་པར་བྱེད་ལ། མདོ་འདིའི་བཅུད་ནི་ཐམས་ཅད་གྲུབ་པའི་མཐར་ཐུག་པ་དང་། འདིས་སེམས་ཅན་ཐམས་ཅད་སྲིད་པ་ཐམས་ཅད་ལ ་རྒལ་བར་འགྱུར་བ་ཡིན་ནོ། ། རིགས་ཀྱི་བུ་དཔེར་ན་རྗེས་ཀྱི་སྣ་གྲངས་ཅི་ཡང་རུང་བ་དེ་དག་ཐམས་ཅད་ནི། གླང་པོ་ཆེའི་རྗེས་ཀྱི་ཁོངས་སུ་འདུ་བར་འགྱུར་ཏེ། གླང་པོ་ཆེའི་རྗེས་ནི་དེ་དག་གི་ནང་ན་མཆོག་ཅེས་བྱ ་རབ་མཆོག་ཅེས་བྱ། གཙོ་བོ་ཞེས་བྱ་བ་དེ་བཞིན་དུ། རིགས་ཀྱི་བུ་མདོ་འདི་ཏིང་ངེ་འཛིན་ཅིའང་རུང་བ་དེ་དག་ཐམས་ཅད་ནི་ཡོངས་སུ་མྱ་ངན་ལས་འདས་པ་ཆེན་པོ་ཁོ་ནའི་ཁོངས་སུ་འདུ་བར་འགྱུར་ཏེ། མདོའི ་ཏིང་ངེ་འཛིན་ཐམས་ཅད་ཀྱི་ནང་ན། ཡོངས་སུ་མྱ་ངན་ལས་འདས་པའི་མདོ་ཆེན་པོ་མཆོག་ཅེས་བྱ། རབ་མཆོག་ཅེས་བྱ། གཙོ་བོ་ཞེས་བྱའོ།། རིགས་ཀྱི་བུ་གཞན་ཡང་དཔེར་ན་སྟོན་གྱི་དུས་སུ་ལོ་ཏོག་བཏབ ་པ་ནི། རྨོས་ཐམས་ཅད་ཀྱི་མཆོག་ཅེས་བྱ། རབ་མཆོག་ཅེས་བྱ། གཙོ་བོ་ཞེས་བྱ་བ་དེ་བཞིན་དུ། ཡོངས་སུ་མྱ་ངན་ལས་འདས་པའི་མདོ་ཆེན་པོའི་རྟག་པ་ཉིད་ཀྱི་གཤོལ་ཆེན་པོས་རྨོས་པ་ནི། མདོ་ཐམས ་ཅད་ཀྱི་མཆོག་ཅེས་བྱ། རབ་མཆོག་ཅེས་བྱ། གཙོ་བོ་ཞེས་བྱའོ།། དེ་བཞིན་དུ་ཐམས་ཅད་ལའང་སྦྱར་བར་བྱ་སྟེ། འདིར་དཀར་པོའི་ཕྱོགས་ཀྱི་ཐབས་དང་སྦྱོར་རོ།། ཉན་ཐོས་ཀྱི་ཐེག་པའི་ཡང་དག ་པར་ལྡན་པའི་མདོའི་རྣམ་པར་དབྱེ་བའང་འདིར་སྦྱར་བར་བྱའོ། ། རིགས་ཀྱི་བུ་གཞན་ཡང་དཔེར་ན་མཁྲིས་པ་རྒྱས་པའི་ནད་ཀྱིས་ཐེབས་པ་ལ་ནི། མར་དང་། མངར་བ་བརྒྱད་ཀྱི་སྨན་འབའ་ཞིག་ལྷག ་པར་ཕན་པ་དེ་བཞིན་དུ། དེ་བཞིན་གཤེགས་པའི་དགོངས་པའི་ཆོག་གི་མཁྲིས་པ་རྒྱས་པའི་ནད་ཀྱིས་ཟིན་པ་ལའང་ཐེག་པ་ཆེན་པོའི་མདོ་སྡེ་དང་མྱ་ངན་ལས་འདས་པ་ཆེན་པོའི་མངར་བ་བརྒྱད་ཀྱི་སྨན་འབའ ་ཞིག་ལྷག་པར་ཕན་ཏེ། འདིར་མང་རབ་བརྒྱད་གང་ཞེ་ན། རྟག་པ་དང་། བརྟན་པ་དང་། ཐེར་ཟུག་དང་། ཞི་བ་དང་། བསོལ་བའི་རང་བཞིན་དང་། རྒ་བ་མེད་པ་དང་། འཆི་བ་མེད་པ་དང་། དྲི་མ་མེད་པ་དང་བདེ་བ་སྟེ་འདི། ་རྣམས་ནི་འདིར་མངར་བ་བརྒྱད་ཅེས་བྱ་སྟེ། གང་གི་ཕྱིར་མངར་བ་ཆེན་པོ་ཡིན་པས་ན། དེའི་ཕྱིར་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ།། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས ་མིང་དང་། ཡོན་ཏན་དང་། ཚུལ་དེ་ལ་གནས་ན། ཡོངས་སུ་མྱ་ངན་ལས་འདས་པ་རྣམ་པ་དུ་མ་སྟོན་ཏེ། དེ་བས་ན་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ།། རིགས་ཀྱི་བུ་འམ། རིགས་ཀྱི ་བུ་མོ་ཡོངས་སུ་མྱ་ངན་ལས་འདས་པ་ཆེན་པོ་འདིས། མྱ་ངན་ལས་འདའ་བར་འདོད་པས་ནི། དེ་བཞིན་གཤེགས་པ་དང་། ཆོས་དང་། དགེ་འདུན་རྟག་གོ་ཞེས་བྱ་བ་ལ་བརྩོན་པར་བྱའོ།། རིགས ་ཀྱི་བུ་འམ། རིགས་ཀྱི་བུ་མོ་ཡོངས་སུ་མྱ་ངན་ལས་འདས་པ་ཆེན་པོའི་སྤྱད་པ་སྤྱོད་པར་འདོད་པས་ནི། དེ་བཞིན་གཤེགས་པ་རྟག་གོ་ཞེས་བྱ་བ་ལ་བརྩོན་པར་བྱའོ།། གསོལ་པ། ཀྱེ་བཅོམ་ལྡན ་འདས་དེ་བཞིན་གཤེགས་པ་བསམ་གྱིས་མི་ཁྱབ་ལགས་སོ། ། ཆོས་བསྟོན་པ་བསམ་གྱིས་མི་ཁྱབ་ལགས་སོ།། དགེ་འདུན་ཡོན་ཏན་གྱི་ཚོགས་དང་ལྡན་པ་བསམ་གྱིས་མི་ཁྱབ་ལགས་སོ།། ་དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་འདིའང་བསམ་གྱིས་མི་ཁྱབ་ལགས་སོ།། འདི་ལ་གང་དག་བཀའ་བཞིན་དུ་བྱེད་པ་དག་ནི། ཡང་དག་པར་འཛིན་པའི་སེམ ་ཅན་ལགས་སོ། ། དེ་དག་ནི་མཆོད་རྟེན་ལྟ་བུ་ལགས་སོ།། གཞན་ནི་མྱ་ངན་དུ་བགྱི་བ་ལགས། མི་ཤེས་པའི་དགོན་པ་ན་འཁོད་པ་ལགས་སོ།། འཕགས་པ་ཡོངས་སུ་མྱ་ངན་ལས་འདས་པ་ཐེག ་པ་ཆེན་པོའི་མདོ་ལས། མདོའི་མིང་གི་གཏན་ཚོགས་དང་ཡོན་ཏན་གྱི་ཚུལ་གྱི་ལེའུ་ཞེས་བྱ་སྟེ་གསུམ་པའོ།། ། རིགས་ཀྱི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ ་རྣམས་ནི། མྱ་ངན་ལས་འདས་པ་ཐེག་པ་ཆེན་པོའི་མདོ་ཆེན་པོ་ལས། ཆོས་ཀྱི་སྣ་གྲངས་རྣམ་པ་བཞི་སྟོན་པར་བྱེད་དེ། སྣ་གྲངས་རྣམ་པ་བཞི་གང་ཞེ་ན། རང་གི་ལྷག་པའི་བསམ་པ་ཞེས་བྱ་བ་དང ་གཞན་གྱི་ལྷག་པའི་བསམ་པ་ཞེས་བྱ་བ་དང་། འདྲི་བའི་དབང་ཞེས་བྱ་བ་དང་། དོན་གྱི་དམིགས་བྱུང་བའི་དབང་ཞེས་བྱ་སྟེ། བཞི་པོ་ནི་དེ་དག་ཡིན་ནོ།། དེ་ལ་རང་གི་ལྷག་པའི་བསམ་པ ་ཞེས་བྱ་བ་ནི། དེ་བཞིན་གཤེགས་པས་གང་ལ་གཟིགས་ནས་ཆོས་སྟོན་པར་མཛད་པ་སྟེ། དཔེར་ན་ཤིང་གི་ཕུང་པོ་འབར་ཞིང་སྣང་བར་གྱུར་པ་གཟིགས་ནས། དགེ་སློང་དག་གང་དག་དེ་བཞིན ་གཤེགས་པ་ལས་གསང་བ་སྣ་ཚོགས་ཐོས་ནས། འདི་ནི་བདུད་ཀྱིས་སྨྲས་པ་ཡིན་ནོ་ཞེས་གཞན་དག་ལ་ཟེར་ཞིང་། རང་བཟོའི་ཆོག་འབྲུ་སྣ་ཚོགས་རྣམས་ལ་དེ་བཞིན་གཤེས་པས་གསུངས་པ་ཡིན ་ནོ་ཞེས་བྱས་ནས། སངས་རྒྱས་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ནི་མི་རྟག་གོ་ཞེས་ཟེར་བ་བས་ནི། ཤིང་གི་ཕུང་པོ་འབར་བ་འདི་ལ་ཀུན་ནས་རེག་ཅིང་པང་དུ་བླངས་ཀྱང ་བླའོ། ། གང་དག་བདུད་ཀྱིས་སྨྲས་པའོ་ཞེས་ཟེར་བ་དང་། གང་དག་ཕྱིན་ཅི་ལོག་གི་ཆོས་དེ་འཛིན་པར་བྱེད་པ་དེ་དག་ནི་བརྫུན་དུ་སྨྲ་བའོ།། དེ་བཞིན་གཤེགས་པ་མི་རྟག་གོ་ཞེས་བྱ་བའི་ཚིག་སྨྲ་བ་པས ་ནི། ཤིང་གི་ཕུང་པོ་འབར་བ་འདི་ལ་ལྕེས་ཀུན་ནས་རེག་པར་བྱས་ཏེ་ཤིའང་བླའོ།། ཚོགས་དེ་ནི་མཉན་པར་ཡང་མི་བྱའོ།། དེ་བཞིན་གཤེགས་པ་རྟག་པའོ་ཞེས་འདོགས་མི་ནུས་པ་དེ་དག་ནི་མྱ་ངན ་དུ་བྱ་བ་ཡིན་ནོ། ། སངས་རྒྱས་བཅོམ་ལྡན་འདས་ནི་བསམ་གྱིས་མི་ཁྱབ་བོ།། དེ་བཞིན་དུ་དེའི་རྗེས་སུ་བསྟན་པ་དང་། ཉན་ཐོས་ཀྱི་དགེ་འདུན་ཡང་བསམ་གྱིས་མི་ཁྱབ་བོ་སྙམ་དུ་གཟུང་བར་བྱའོ།། ་དེ་ལ་སོགས་པ་ཤིང་གི་ཕུང་པོ་འབར་བ་ཞེས་བྱ་བ་མན་ཆད་ནི། རང་གི་ལྷག་པའི་བསམ་པ་ཞེས་བྱ་བའི་སྣ་གྲངས་སོ།། གཞན་གྱི་ལྷག་པའི་བསམ་པ་ཞེས་བྱ་བ་ནི། བཅོམ་ལྡན་འདས་ཆོས་སྟོན ་ཅིང་བཞུགས་པ་ན། བུད་མེད་གཞོན་ནུ་གསར་དུ་བུ་བྱུང་བ་ལ་ལ་ཞིག་བཅོམ་ལྡན་འདས་ཀྱི་ཐད་དུ་འོངས་ནས། ཕྱོགས་གཅིག་ཏུ་འདུག་སྟེ། སེམས་ཤིང་འདུག་གོ།། དེ་ནས་བཅོམ་ལྡན་འདས་ཀྱིས ་དེའི་བསམ་པ་ཐུགས་སུ་ཆུད་ནས་ཆོས་སྟོན་པར་མཛད་དེ། དཔེར་ན་བུད་མེད་བུ་ལ་བྱམས་པའི་ཐབས་མཁས་པས། ཇི་ཙམ་འཇུ་ནུས་པའི་དྲོད་ཤེས་ནས། རང་གི་མཛུབ་མོའི་ཐོར་ངོས་བདག་གི་བུ་ཆུང ་དུ་མར་ལྡག་ཏུ་བཅུག་པ་བཞིན་ནོ་ཞེས་གསུངས་སོ། ། དེ་ནས་བུད་མེད་དེས་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་འདས་ཀྱིས་ནི་བདག་གི་སེམས་ཀྱི་རྟོག་པ་ཐུས ་སུ་ཆུད་ན། ལྷག་ཆད་མེད་པར་བཀའ་སྩལ་ཏེ། བདག་སློབ་ཏུ་སྩལ་བ་ཁོ་ན་བཞིན་ལགས་སོ།། བཅོམ་ལྡན་འདས་བདག་གིས་དེང་བྱིས་པ་ལ་མཛུབ་མོའི་ཐོར་ཏོར་ཆབ་མར་སྩལ་བ་དྲགས་པར་གྱུར་ཏེ ་དེས་ན་འདི་མ་ཞུ་བར་གྱུར་ལགས་སོ། ། བཅོམ་ལྡན་འདས་ཅི་ལགས། བདག་གི་ཁྱེའུ་འདི་ཚེ་རིང་བར་འགྱུར་རམ། འོན་ཏེ་ཐུང་བར་འགྱུར་བ་བཅོམ་ལྡན་འདས་དེ་བཞིན་གཤེགས་པས་བསྟན་དུ་གསོལ། ་བཀའ་སྩལ་པ། ཁྱེད་ཀྱི་བུ་ནི་བདེ་བ་དང་ལྡན་ཞིང་། ཚེ་རིང་བར་འགྱུར་རོ།། དེ་ནས་བུད་མེད་དེ་མགུ་བར་གྱུར་ནས། གསོལ་པ། ཁྱོད་ཀྱི་བདེན་པའི་ཚིག་གིས་བདག་ཤིན་ཏུ་མགུ་ལགས་སོ།། དེ་ལྟར ་དེ་བཞིན་གཤེགས་པ་ནི་གདུལ་བར་བྱ་བའི་དབང་ལ་གཟིགས་ཤིང་། འཇུ་བ་དང་མི་འཇུ་བའི་ཉམ་སྟོབས་དང་སྦྱར་ནས། ཆོས་ཐམས་ཅད་བདག་མེད་པ་དང་། སྡུག་བསྔལ་བར་སྟོན་པ་མཛད་དོ།། གལ་ཏེ ་བཅོམ་ལྡན་འདས་ཀྱིས་སྟོབས་ཆེ་ཆུང་དང་མ་སྦྱར་བར་སེམས་ཅན་རྣམས་ལ་རྟག་པའི་གསང་བ་བསྟན་པ་ལགས་ན། ཆབ་མར་མ་ཞུ་བ་དང་འདྲ་བར་སེམས་ཅན་རྣམས་ཆབ་འཚལ་བར་འགྱུར་ལགས་སོ།། ་བཀའ་སྩལ་པ། ཆེ་ཞེ་ལེགས་སོ་ལེགས་སོ།། རིགས་ཀྱི་བུ་མོས་ནི་དེ་ལྟར་བྱ་དགོས་སོ།། ཆེ་ཞེ་གཞན་ཡང་གང་གི་ཚེ་ཁྱོད་ཀྱི་བུ་གོམ་པ་འདོར་ནུས་པར་གྱུར་པ་དེའི་ཚེ། ཁ་ཟས་སྡུམ་པ་གང་དང་གང ་བྱིན་པ་དེ་དང་དེ་འཇུ་ནུས་པར་འགྱུར་རོ། ། བཅོམ་ལྡན་འདས་དེ་ནི་བཀའ་མེད་།། བཀའ་སྩལ་པ། ཅི་དང་པོའི་ཁ་ཟས་ཀྱིས་མགུ་བར་འགྱུར་རམ། གསོལ་པ། བཅོམ་ལྡན་འདས་དེ་ནི་མ་ལགས་སོ།། ་བཀའ་སྩལ་པ། ཆེ་ཞེ་དེ་བཞིན་དུ་གང་གི་ཚེ། ངའི་ཉན་ཐོས་རྣམས་བྱིས་པ་ཆུང་ངུ་ཉུང་ངུ་ཟ་བ་དང་འདྲ་བ་དེའི་ཚེ་ནི། ང་མར་དང་འདྲ་བའི་སྡུག་བསྔལ་དང་། མི་རྟག་པ་དང་། སྟོང་པ་དང་། བདག་མེད་པའི་བསྟན་པ་སྟོན་ཏོ།། གང་གི ་ཚེ་ཁྱོད་ཀྱི་བུ་སྐྱེས་པ་བཞིན་དུ། ཉན་ཐོས་ཆེན་པོར་གྱུར་ཏེ། སྟོབས་ཆེར་སྐྱེས་ཤིང་། ཐེག་པ་ཆེན་པོ་འདོད་པར་གྱུར་པ་དེའི་ཚེ་ནི། ངའང་རོ་དྲུག་དང་ལྡན་པའི་ཁ་ཟས་ཆེན་པོ་དང་འདྲ་བའོ་ཡོངས་སུ་མྱ་ངན་ལས ་འདས་པ་ཆེན་པོའི་མདོ་ཆེན་པོ་སྟོན་ཏོ། ། དེ་ལ་རོ་དྲུག་པོ་རྣམས་གང་ཞེ་ན། སྡུག་བསྔལ་གྱི་སྦྱར་དང་། མི་རྟག་པའི་ལན་ཚྭ་དང་། བདག་མེད་པའི་ཚེ་བ་དང་། བདེ་བའི་མངར་བ་དང་། བདག་ཡོད་པའི་བས ་བ་དང་། རྟག་པའི་ཁ་བ་རྣམས་ཏེ། རོ་དྲུག་པོ་འདི་རྣམས་ཉོན་མོངས་པའི་བུད་ཤིང་དང་། སྒྱུ་མའི་མེས་བཙོས་པའི་ཟས། ཡོངས་སུ་མྱ་ངན་ལས་འདས་པ་ཆེན་པོའི་དེ་ཁོ་ན་ཉིད་ཀྱི་འབྲས་ཆན་ཞིམ་པོ་ངའི ་ཉན་ཐོས་རྣམས་ཟ་བར་འགྱུར་རོ། ། ཆེ་ཞེ་གཞན་ཡང་དཔེར་ན་ཁྱོད་གཞན་གྱིས་བོས་སམ། གཞན་གྱིས་གཙུང་པུད་བཅའ་བའི་ཕྱིར་གྲོང་གཞན་དུ་འགྲོ་བར་འདོད་པ་ན། བུ་ངན་པ་རྣམས་བོར་ཏེ། བུ་བཟང ་པོ་རྣམས་བླངས་ནས། གཏེར་གསང་བ་རྣམས་སྟོན་པར་བྱེད་དམ། བཅོམ་ལྡན་འདས་དེ་ནི་བཀའ་མང་དེ། བུ་ངན་པ་ཚུལ་མ་མཆིས་པ། ནོར་གྱི་སྐལ་པ་ཅན་མ་ལགས་པ། དེ་དག་ལ་ནི་བདག་ནོར ་སྟོན་པར་མི་བགྱིད་ལགས་ཀྱི། བདག་ནི་བུ་བཟང་པོ་ཁྱིམ་སོ་ཟིན་པ། ཁྱིམ་གྱི་དོན་གྲུབ་པ། རྫས་བསྟན་པར་འོས་པ། དེ་དག་ལ་སྟོན་པར་བགྱིད་ལགས་སོ།། བཀའ་སྩལ ་པ། ཆེ་ཞེ་དེ་བཞིན་དུ་གང་གི་ཚེ་ཡོངས་སུ་མྱ་ངན་ལས་འདས་པ་ཆེན་པོར་འགྲོ་བའི་བྱ་བ་བྱེད་པ་དེའི་ཚེ། དེ་བཞིན་གཤེགས་པ་གསང་བ་སྣ་ཚོགས་ཀྱི་དགོངས་པའི་ཚིག་མ་ལུས་པར་ཉན་ཐོས་རྣམས ་ལ་སྟོན་ཏོ། ། དེར་སྲས་རྣམས་ལ་དད་པ་སྦྱིན་པར་མཛད་དོ།། ཆེ་ཞེ་དཔེར་ན་ལྗོད་བྱས་སུ་སོང་བ་ན་བུ་ངན་པ་རྣམས་ཁྱོད་མ་ཤི་བར་ཤའོ་སྙམ་དུ་སེམས་སམ། བཅོམ་ལྡན་འདས་དོན་བཀའ་མད་དོ།། ་བཀའ་སྩལ་པ། དེ་ནས་ཁྱོད་ཕྱིར་འོངས་པོ་དེ་དག་གིས་མཐོང་བ་དེ་བཞིན་དུ། ཆེ་ཞེང་ལ་མི་རྟག་གོ་སྙམ་དུ་འདུ་ཤེས་མ་བྱེད་ཅིག། དེང་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར ་འགྱུར་རོ་ཞེས། ཤི་བའི་འདུ་ཤེས་བཞིན་དུ་དེ་ལྟར་མ་འཛིན་ཅིག། གང་དག་རྟག་ཏུ་དེ་བཞིན་གཤེགས་པ་རྟག་པ་དང་། བརྟན་པ་དང་། ཐེར་ཟུག་པའོ་སྙམ་དུ་འཛིན་པ་དེ་དག་གི་ཁྱིམ་ན་ནི་དེ་བཞིན ་གཤེགས་པ་བཞུགས་ཏེ། འདོནི་གཞན་གྱི་ལྷག་པའི་བསམ་པ་ཞེས་བྱའོ།། འདྲི་བའི་དབང་ཞེས་བྱ་བ་ནི། འདོན་ལ་ལ་ཞིག་དེ་བཞིན་གཤེག་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཞུ ་པར་བྱེད་དེ། བཅོམ་ལྡན་འདས་ཇི་ལྟར་བགྱིས་ནས། བདག་གིས་སུ་ལའང་ཅིའངམ་སྩལ་བར་འཇོག་རྟེན་དུ་སྦྱིན་པ་པོར་གྲགས་པའི་གཏམ་སྙན་པ་ཐོབ་པར་འགྱུར་ལགས། དེ་བཞིན་གཤེགས་པས་དེ ་ལ་འདི་སྐད་ཅེས་བཀའ་སྩལ་ཏོ། ། ཆགས་པ་མེད་པ་ལ་བྲན་དང་བྲན་མོ་བླང་བར་སྟོབས་ཤིག། གཏན་དུ་ཚངས་པར་སྤྱོད་པ་ལ་བུ་མོའི་སྨྱོན་པ་གྱིས་ཤིག། ཤ་མི་བ་བ་ལ་ཤ་ཟར་ཆུག་ཅིག། ཆང་མ ་འཐུང་བ་ལ་ཆང་འཐུང་དུ་ཆུགཅིག། དུས་སུ་ཟ་བ་ལ་དུས་མ་ཡིན་པར་ཟས་བྱིན་ཅིག། མེ་ཏོག་འཕྲེང་དང་། རྒྱན་མི་ཐོགས་པ་ལ་ཕྱེ་མ་དང་། སྤོས་དང་། མེ་ཏོག་དང་། བདུག་པ་རྣམས་བྱིན་ཅིག། ་དག་གི་དུས་ཤེས་པར་གྱིས་ལ། མགྲོན་དུ་བོས་ཤིག་དང་། ཁྱོད་ཀྱིས་དེ་ལྟར་བྱས་ན། འཇིག་རྟེན་འདིར་སྦྱིན་པ་དག་གི་རྒྱལ་པོ་ཡིན་ཞེས་གྲགས་པ་ཆེན་པོར་འགྱུར་ཏེ། བསོད་ནམས་འཕེལ་བར་ནི ་མི་འགྱུར་རོ། ། །། འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས་བམ་པོ་ལྔ་པ།། དེ་ནས་འོད་སྲུངས་ཆེན་པོ་དང་རུས་གཅིག་པས ་འདི་སྐད་ཅེས་གསོལ་ཏོ། ། ཤ་མི་འཚལ་བ་ལ་གཟུང་བ་ནི་ཆེད་ཆེར་བགྱི་བ་ལགས་ན། ཤ་མི་འཚལ་བ་ཤ་འཚལ་དུ་སྩལ་ན། ནོངས་པར་མི་འགྱུར་ལགས་སམ། བཀའ་སྩལ་པ། རིགས་ཀྱི་བུ ་ལེགས་སོ་ལེགས་སོ། ། ཁྱོད་ཀྱིས་ངའི་དགོངས་པ་རིག་སྟེ། དམ་པའི་ཆོས་བསྲུང་བས་ནི་དེ་ལྟར་བྱ་དགོངས་སོ།། རིགས་ཀྱི་བུ་ད་ཕྱིན་ཆད་ངའི་ཉན་ཐོས་རྣམས་ཤ་ཟ་བར་མི་གནང་ངོ་།། ཡུལ་འཁོར་གྱི་བསོད ་སྙོམས་ནི་བུའི་ཤ་དང་འདྲའོ་ཞེས་བྱ་ན། ཤ་བཟའ་བར་ངས་ཇི་ལྟར་གནང་། ཤ་ཟ་བ་ནི་བྱམས་པ་ཆེན་པོ་ཆད་པར་འགྱུར་རོ་ཞེས་ངས་བསྟན་ཏོ།། གསོལ་པ། བཅོམ་ལྡན་འདས་འོ་ན་ཇི་ལྟར་མུ་གསུ། ་ཡོངས་སུ་དག་པའི་ཤ་བཟའ་བར་གནང་བ་ལགས། བཀའ་སྩལ་པ། མུ་གསུམ་ཡོངས་སུ་དག་པ་འདི་ནི། ངས་རིམས་ཀྱིས་བསླབ་པའི་གཞི་བསྡམ་པའི་ཕྱིར་དེང་ངས་པོར ་རོ། ། གསོལ་པ་བཅོམ་ལྡན་འདས་ཅི་ལས་དགོངས་ཏེ། དོན་ཆེད་ཀྱི་མུ་དགུ་དང་། ཤ་རྣམ་པ་བཅུ་སྤང་བ་བཀའ་སྩལ་ལགས། བཀའ་སྩལ་པ། ཚིག་བཞག་པ་དེ་དག་ཀྱང་། ཤ་མི་བཟའ ་བཔར་བསྡམས་པའི་ཕྱིར་བཅད་དོ། ། གསོལ་པ། བཅོམ་ལྡན་འདས་ཅི་ལས་དགོངས་ཏེ། ཤ་དང་ཉ་ཤ་བཟའ་བའང་ཁ་ཟས་བཟང་པོར་གསུངས་ལགས། བཀའ་སྩལ་པ། ངས་ནི་ཤ་དང་ཉ་ཤ ་ཁ་ཟས་བཟང་པོར་མ་གསུངས་ཀྱི། ངས་ནི་བུ་རམ་ཤིང་དང་། འབྲས་སཱ་ལུ་དང་། འབྲུ་དང་། གྲོ་དང་། ནས་དང་། སྲན་སྡེའུ་དང་། སྲན་གྲེའུ་རྣམས་དང་། མངར་བག་ཀར་དང་། ལི་ཀ་ར་དང་། སྦྲང ་རྩི་དང་། མར་དང་། འོ་མ་དང་། འབྲུ་མར་རྣམས་ཁ་ཟས་བཟང་པོར་གསུངས་སོ།། ངས་ནི་ལུས་གཡོག་པའི་ཕྱིར། གོས་སྣ་ཚོགས་ཀྱང་ཁ་དོག་ངན་པར་བསྒྱུར་བར་བྱའོ་ཞེས་བསྟན་ན། ཤ་ཟ་བའི་རོ་ལ ་ཆགས་པ་ལྟ་ཅི་སྨོས། གསོལ་པ། དེ་ལྟར་ན་ནི་བའི་བཅུད་རྣམ་ལྔ་དང་། ཏིལ་དང་། འབྲུ་མར་ཤིང་གི་ཁུ་བ་དང་། དུང་དང་། ཟབ་དར་ལ་སོགས་པའང་ཁྲིམས་སུ་བཅའ་བའི་རོགས་ལགས་སོ།། བཀའ་སྩལཔ ་གཅེར་བུ་པའི་ལྟ་བ་མ་འཛིན་ཅིག། ང་ནི་འདུ་ཤེས་གཞན་གྱིས་ད་ཁྱོད་ལ་བསླབ་པའི་གཞི་བཅའ་བར་བྱ་སྟེ། མུ་གསུམ་གྱི་ཤའང་མི་བཟའ་བར་བསྡམས་སོ།། དོན་ཆེད་དུ་བྱས་པ་ཁྱོད་ཀྱིས་རིག་པ་དེའང་བསྡམས ་སོ། ཤ་རྣམ་པ་བཅུ་ལ་མ་གཏོགས་པ་དེའང་སྤངས་སོ།། ཤི་བའི་ཤའང་སྤངས་སོ།། ཤ་ཟ་བ་ནི་འགྲོ་འང་རུང་། འདུག་ཀྱང་རུང་སྟེ། སྲོག་ཆགས་ཐམས་ཅད་དེའི་དྲི་ཚོར་ནས་དེས་འཇིགས་ཏེ། དཔེན ་ནམིས་ཤིང་ཀུན་ནམ་སྒོག་སྒྱུ་ཟོས་ན། མི་འོ་ཅོག་གི་སེམས་མ་དད་པར་འགྱུར་ཞིང་། མི་མཐུན་པར་འགྱུར་ལ། མི་མང་པོ་འཚོགས་པའམ། སྐྱེ་བོ་མང་པོས་གང་བའི་ནང་དུ་སེམས་ཅན་དེ་དག་གིས་ཆེ་གེ་མོ ་ཞིག་གིས་ཟོས་སོ་ཞེས་ཤེས་པ་དེ་བཞིན་དུ། སྲོག་ཆགས་ཐམས་ཅད་ཀྱིས་ཤ་ཟ་བའི་མོ་ངོ་ཤེས་ཏེ། དེ་དག་གིས་དྲི་ཚོར་ནས། འཆི་བའི་འཇིགས་པས་སྐྲག་པར་འགྱུར་ཏེ། དེ་རྒྱུ་ཞིང་འགྲོ་བ་ན ་ཆུ་དང་། སྐམ་ས་དང་། ནམ་མཁའ་ལ་གནས་པའི་སྐྱེ་བོ་རྣམས་སྐྲག་སྟེ། བདག་ཅག་འདིས་བསད་དེ་འོངས་སྙམ་ནས། འཁམས་པས་ཀྱང་འཆི་བར་འགྱུར་རོ།། རྒྱུ་དེ་དག་གིས་ན། བྱང་ཆུབ ་སེམས་དཔའ་སེམས་དཔའ་ཆེན་པོ་རྣམས་ཤམི་ཟའོ། ། གདུལ་བར་བྱ་བའི་དབང་གོས་ནི་ཤ་ཟ་བ་ལྟ་བུར་ཡང་སྟོན་མོད་ཀྱི། ཁ་ཟས་ཐ་མལ་པ་ཡང་མི་ཟ་ན། ཤལྟ་ཅི་སྨོས། རིགས་ཀྱི་བྱུང་འདས་པས ་འོག་ཏུ་ལོ་བརྒྱ་ཕྲག་མང་པོ་འདས་པ་ན། རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་རྣམས་མེད་པར་གྱུར་ལ། དམ་པའི་ཆོས་གཏན་ཞིག་པའི་ཚེ། དགེ ་སློང་འདུལ་བ་དང་མ་མོ་འཛིན་པ་རྟོག་པ་སྣ་ཚོགས་ཅན་རང་གི་ལུས་གསོ་བར་བྱེད་པ། ཤ་སྣ་ཚོག་གཅེས་པར་འཛིན་པ། ཁམས་འཁྲུགས་པ་དང་། བཀྲེས་པ་དང་སྐོམ་པས་གཟིར་བ། ཆ་ལུགས ་འཇིགས་འཇིགས་ལྟར་འདུག་པ། བ་གླང་རྫི་འདྲ་བ། བྱ་བ་འདྲ་བ། ཆོས་གོས་ཚོན་ཅན་གྱི་རྟགས་འཆང་། བྱི་མའི་བརྟུལ་ཞུགས་སྤྱོད་པ། བདག་ནི་དགྲ་བཅོམ་པ་ཡིན་ནོ། ་ཞེས་ཁས་འཆེ་ལ་གནོད་པ་མང་པོས་ཉེན་པ། རང་གི་གཅིན་དང་ཕྱི་སས་ལུས་གོས་པ། ཐུབ་པ་བཞིན་དུ་ཆ་ལུགས་བཟང་པོར་འཆོས་པ། དགེ་སྦྱོང་མ་ཡིན་པར་དགེ་སྦྱོང་ལྟར་འཆོས་པ། དམ་པའི་ཆོས། ་ལྟར་བཅོས་མའི་ཡི་གེ་འཆང་བ་དག་འབྱུང་བར་འགྱུར་ཏེ། དེ་དག་གིས་ངས་བཅས་པའི་འདུལ་བ་དང་། ཆོ་ག་དང་། སྤྱོད་ཡུལ་དང་ལྡན་པའི་ཚུལ་དང་། རུང་བ་མ་ཡིན་པ་ལ་ཆགས་པ་ལས་རྣམ་པར་གྲོལ ་བ་ཐར་པའི་དེ་ཁོ་ན་ཉིད་ཀྱི་ཡི་གེ་བཤིག་ནས། འདུལ་བ་དང་མདོ་སྡེ་སོ་སོ་ནས་ཅི་དགའ་མགུར་འཆོས་ཤིང་སྨྲ་བར་བྱེད་དེ། འདི་ལྟར་བདག་ཅག་གིས་འདུལ་བ་ལས། བཅོམ་ལྡན་འདས་ཀྱིས་ཤའི་བཅུད་ཀྱི ་སྦྱིན་པ་ནི་རུང་བ་ཡིན་ནོ་ཞེས་གསུངས་སོ་ཞེས་ཟེར་ཞིང་། ཤཱཀྱའི་བུའི་དགེ་སྦྱོང་རྣམས་བདག་ཉིད་ཀྱིས་རང་བཟོར་བྱེད་ཅིང་འགལ་བར་སྨྲ་བ་དག་འབྱུང་བར་འགྱུར་རོ།། རིགས་ཀྱི་བུ་གཞན་ཡང་རུང་བ་མ་ཡིན ་པའི་འབྲས་རྗེན་པ་དང་། ཤ་དང་། ཉ་ཤ་ལེན་པ་དང་། སྣམས་སུ་སྦྱོར་བ་དང་། འབྲུ་མར་གྱི་སྣོད་དང་། གདུགས་བྱེད་པ་དང་། ལྷམ་བྱེད་པ་དང་། རྒྱལ་པོ་ལ་སྟེན་པ་དང་། མོ་ཡིག་འཆང་བ་དང ་སྨན་པའི་སྤྱད་ལ་བརྩོན་པ་དང་། བྲན་དང་། བྲན་མོ་དང་། གསེར་དང་། དངུལ་དང་། བུ་རུ་དང་། དུང་དང་། མན་ཤེལ་དང་། མུ་ཏིག་གཽ་དོ་ཤལ་དང་། ཤིང་ཐོག་རྣམས་ལེན་པ་དང་། རིགས་པ་དང ་རི་མོ་མཁན་དང་། གཟུགས་མཁན་དང་། སྐྱེད་ཤིང་འཛུགས་པ་དང་། གསང་སྔགས་དང་། སྨན་དང་། བྱིས་པའི་རྩེད་མོ་དང་། གར་ཐབས་ཀྱི་ཡན་ལག་དང་། མིག་འཕྲུལ་དང་། རེངས་པར་བྱ་བའི་ཕྱིར ་སྦྱོར་བ་དང་། གླུ་གར་དང་། མེ་ཏོག་འཕྲེང་དང་། སོ་རྩི་དང་། སྨན་མར་ཆེན་པོ་བསྐོལ་བ་དང་། སྤོས་དང་། བྱུག་པ་འཆང་བ་དང་། འགྲོས་འཆོས་པ་རྣམས་སློབ་པ་དང་། སྒེག་པའི་སྦྱོར་བ་ལ་བརྩོན ་པ་དག་འབྱུང་བར་འགྱུར་ཏེ། དེ་དག་སྤངས་པ་ལ་ནི་དགེ་སློང་ཞེས་ང་ཟེར་རོ།། གསོལ་པ། བཅོམ་ལྡན་འདས་འོ་ན་ཇི་ལྟར་བགྱི་ལགས། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ ་བསྙེན་མ་གཞན་གྱིས་སྩལ་བས་འཚོ་བ་རྣམས་ཀྱིས་ཡུལ་གང་མ་བརྟགས་པའི་ཟས་མོད་པ་དེར། བསོད་སྙོམས་ཤ་དང་འདྲེས་པ་ཇི་ལྟར་དག་པར་བགྱི་ལགས། བཀའ་སྩལ་པ། རིགས་ཀྱི་བུ་ཅི་ནས་འདུལ ་བ་དང་མི་འགལ་བར་ཆུས་བཀྲུས་ཏེ་བཟའ་བར་བྱའོ་ཞེས་ངས་བསྟན་ཏོ། ། ཡུལ་དེ་ལྟ་བུ་ན་ཟས་དང་སྐོམ་ཤའི་ཟས་ཀྱིས་ཤས་ཆེར་འདྲེས་པར་སྣང་བ་དེ་ལྟ་བུ་ནི་སྤང་བར་བྱའོ།། སྣོད་གཅིག་ལ་གཅིག་རེག་སྟེ་། ་ཁ་ཟས་དངོས་མ་འདྲེས་པ་དེ་ལ་ནི་ཉེས་པ་མེད་དོ།། ཤ་འམ། ཉ་ཤ་འམ། རི་དགས་ཀྱི་ཤ་འམ། རྨིག་པ་རྐམ་པོ་འམ། ཤའི་བག་གཞན་གྱིས་འབགས་པ་རྣམས་ཀྱང་ལྟུང་བྱེད་དུ་འགྱུར་རོ་ཞེས་པ ་ཟེར་རོ། ། སྔར་ནི་དོན་གྱི་དམིགས་བྱུང་བའི་སྐབས་སུ་བསྟན་ཏོ།། ད་འདིར་ནི་ཤ་ཟ་བ་ལས་གནོད་པར་འགྱུར་བར་ངས་བསྟན་ཏོ།། འདི་ནི་ང་ཡོངས་སུ་མྱ་ངན་ལས་འདའ་བའི་ཚེ། མང་དུ་བཤད་པ་ཡིན་ཏེ། ་འདི་ནི་འདྲི་བའི་དབང་ཞེས་བྱའོ།། དེ་ལ་དོན་གྱི་དམིགས་བྱུང་བའི་དབང་ཞེས་བྱ་བ་ནི་དགེ་སློང་ངག། དགེ་སློང་མ་འམ། དགེ་བསྙེན་ནམ། དགེ་བསྙེན་ནམ་དག་ང་ལ་འདི་སྐད་ཅེས་འདྲི་བར་བྱེད་དེ ་དེ་བཞིན་གཤེགས་པས་ཐོག་མར་མགོ་གཅིག་ཁོ་ནར་བཀའ་སྩལ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས། ཀོ་ས་ལའི་རྒྱལ་པོ་གསལ ་རྒྱལ་ལ་དོན་དང་ཚིག་འདི་རྣམས་ཅིའི་སླད་དུ་བཀའ་མ་སྩལ། བཅོམ་ལྡན་འདས་དེ་བཞོན་གཤེགས་པས་ཆོས་ཀྱི་སྒོ་དེ་ལྟར་བཀའ་སྩལ་པ་ནི། ལེགས་པར་གསུང་བ་མ་ལགས་སོ་ཞེས་ཟེར་ན་ཉེས་པར་འགྱུར། ་རོ་ཞེས་ང་ཟེར་རོ།། སྲུང་བ་ཞེས་བྱ་བ་ནི་ཇི་སྐད་བཤད། འདུལ་བ་ཞེས་བྱ་བ་ནི་ཇི་སྐད་བཤད། སོ་སོར་ཐར་པ་ཞེས་བྱ་བ་ནི་ཇི་སྐད་བཤད་ཅེ་ན། ཉེས་པ་གཞན་ཡང་དུ་མ་ཡོད་དེ། དེ་དག་ཉོན་ཅིག། དེ་ལ ་དེ་སོ་སོར་ཐར་པ་ཇི་སྐད་བཤད་ཅེ་ན། སོ་སོར་ཐར་པ་ཞེས་བྱ་བ་ནི། ཆོག་ཤེས་པ་དང་། ཡོ་བྱད་བསྙུངས་པ་དང་། ལེན་པ་མེད་པའོ།། གཅིག་ཏུ་ན་སོ་སོར་ཐར་པ་ཞེས་བྱ་བ་ན། གཉིས་ཀའི་དོན་ལས་གསོ ་པབར་བྱེད་པའི་ཕྱིར་རོ། ། ལོག་པའི་ཚིག་ལས་གྲོལ་བར་བྱེད་པས་ན་ཐར་པའོ།། སྲུང་བ་ཞེས་བྱ་བ་ནི་རུང་བ་མ་ཡིན་པ་ཐམས་ཅད་ཀྱི་འཚོ་བས་འགྲོ་བ་བཞི་པོ་རྣམས་སུ་ལྷུང་བར་བྱེད་པ་དང་། སེམས་ཅན ་དམྱལ་བ་མནར་མེད་པ་ལ་སོགས་པའི་འཇིགས་པའི་གནས་ཐམས་ཅད་དུ་བཙོ་བར་འགྱུར་བ་དེ་ལས་སྲུང་བའི་ཕྱིར་རོ། ། འདུལ་བ་ཞེས་བྱ་བ་ནི་ཐོབ་པར་བྱེད་པ་དང་། འདུལ་བར་བྱེད་པ་དང་། ཆོ་ག་སྟོན ་པའི་ཕྱིར་དང་། རྫས་ངན་པ་ལེན་པ་ལ་དེ་བར་འབྱུང་བ་མེད་པའི་ཕྱིར། རྫས་ངན་པ་ལེན་པའང་མེད། རྫས་ངན་པ་སྨྱོན་པའང་མེད་པ་དེ་ནི་འདུལ་བ་ཞེས་བྱའོ།། འོ་ན་འདུལ་བའི་བསླབ་པའི་གཞི་དེ་ཅིའི་ཕྱིར ་ཅིག་ཅར་མ་བཅས་ཤེ་མདོའི་ཚེ་ལ་ཅིག་ཕས་པ་བཞིའི་ཉེས་པ་བྱུང་བ་དག་ཀྱང་ཡོད། དགེ་འདུན་གྱི་ལྕགས་བཅུ་གསུམ་གྱིཞེས་པ་བྱུང་བ་དག་ཀྱང་ཡོད། སྤང་བའི་ལུང་བ་སུམ་ཅུའི་ཉེས་པ་བྱུང་བ་དག་ཀྱང་ཡོད་ལྷུང་བའི་ཚེ་དགུ་བཅུརྩ ་གཅིག་གོ་རྗེ་བ་བྱུང་བ་དག་ཀྱང་ཡོད། སོ་སོར་བཤག་པ་བཞིའི་ཉེས་པ་བྱུང་བ་དག་ཀྱང་ཡོད། བསླབ་པ་མང་པོའི་ཆོས་ཀྱི་ཉེས་པ་བྱུང་བ་དག་ཀྱང་ཡོད། རྩོད་པ་ཞི་བར་བྱ་བ་བདུན་གྱི་ཉེས་པ་བྱུང་བ་དག་ཀྱང་ཡོད། རྟག་ཏུ་བསླབ་པ་ཐམས ་ཅད་ལས་འགལ་བར་བྱེད་པ་དག་ཀྱང་ཡོད། མཚམས་མེད་པ་བྱེད་པ་དག་ཀྱང་ཡོད། མདོ་སྡེ་སྤོང་བ་དག་ཀྱང་ཡོད། འདོད་ཆེན་པོའི་མཐར་ཐུག་པའི་རྒྱུའི་མཚན་ཉིད་རྫོགས་པ་དག་ཀྱང་ཡོད་དེ། འདི་ན། ་དགེ་སློང་སྡིག་པའི་ལས་བྱེད་པ། ཆོས་ཐམས་ཅད་ལས་ཐལ་བ། དེ་དག་གཞན་དག་གིས་བ་སྐུལ་ནའང་བདག་ཉིད་མཁས་པ་ཡིན་པའི་མངོན་པའི་ང་རྒྱལ་བྱེད་ཅིང་འཆགས་པར་མི་བྱེད་དེ། གསོར་རུང་བའང། ་གསང་སྟེ། གསོར་མི་རུང་བར་བྱེད་པ་དག་ཀྱང་ཡོད། ཁ་ཅིག་ནི་རུས་སྦལ་གྱི་ལུས་བཞོན་དུ་སྦེད་པའང་ཡོད་དེ། དེ་ལྟ་བདག་གིས་ཉེས་པ་ཡུན་རིང་དུ་བཅབས་པས། ཉེས་པ་འབྱུང་ཞིང་། སྡིག་པ་བསགས ་པར་འགྱུར་བས་ན། དེའི་ཕྱིར་དེ་བཞིན་གཤེགས་པ་ཐམས་ཅད་མཁྱེན་པ་ཡིན་པས་སྡིག་པ་ཅན་རྣམས་ལ་གནས་རེ་རེ་ནས་འདྲི་བར་མཛད་དོ།། ཐོག་མ་ཁོ་ནར་གཅིག་བཅས་པ་ན། བསླབ་པའི་གཞི་ཐམས་ཅད ་ཅོག་ཅར་འཆའ་བར་མི་མཛད་དོ། ། གསོལ་པ། དེ་བཞིན་གཤེགས་པས་མཁྱེན་བཞིན་དུ་དེ་དག་མནར་མེད་པ་ཤིན་ཏུ་འཇིགས་པའི་སར་བཏང་བ་མཛད་དམ་ཅི་ལགས། དཔེར་གསོལ་ན ་འགྲོན་པོ་དག་ཅིག་ཤུལ་དུ་ཞུགས་ཏེ་ཤུལ་དྲང་པོར་འཚལ་བ་ལས། དེར་ཤུལ་གཅིག་ནི་ལོགས་ཤིག་ཏུ་མཆི་བ་ལགས་ལ། དེ་དག་གིས་ཀྱང་ཤུལ་བོར་ཏེ་ལོག་པར་ཞུགས་ཤིང་མ་རུང་བར་གྱུར་ཀྱང་། བདག ་ཅག་ནི་ཤུལ་ལོག་པར་ཞུགས་སོ་སྙམ་དུ་མ་ཚོར་ནས། འདི་ནི་ཤུལ་བཟང་པོ་ལགས་སོ་སྙམ་དུ་འཛིན་ཅིང་དོང་ལ་ཕས་རྒྱུ་བའི་འགྲོན་པོའང་མ་མཐོང་བ་དེ་བཞིན་དུ། ཆོས་ལ་རྨོངས་པའི་སེམས་ཅན་དམ་པའི་ཆོས་ཀྱི ་དེ་ཁོ་ན་ཉིད་མ་མཐོང་བ་རྣམས་ལ་བཅོམ་ལྡན་འདས་ཀྱིས་ཐོག་མ་ཁོ་ནར་ཤུལ་བསྟན་འཚལ་བ་ལས་སྔར་ནོངས་པ་རྔམས་ཆེ་ཆུང་མ་བསྟན་པས། དགེ་སློང་རྣམས་ཉེས་པ་རྣམས་ཀྱི་ནང་དུ་ལྷུང་བར་འགྱུར་ན། འདི་ལྟར ་བཅོམ་ལྡན་འདས་བདེན་པའི་འགྲོན་པོ་བདེན་པའི་ལམ་གྱི་ཁྱད་པར་ཡང་དག་པར་གཟིགས་པ། ཆོས་ཀྱི་ལམ་གྱི་ཡོན་ཏན་གྱི་ཁྱད་པར་གྱི་ཕན་ཡོན་ཡང་དག་པར་གཟིགས་པ། ལྷའི་ཡང་ལྷ་བཅོམ་ལྡན་འདས་ཀྱིས་དེའི ་ཆེད་དུ་བསླབ་པའི་གཞི་བཅའ་བ་བསྟན་དུ་གསོལ། བཀའ་སྩལ་པ། འོད་སྲུངས་ཆེན་པོ་དང་རུས་གཅིག་པ་ཁྱོད་དེ་བཞིན་གཤེགས་པ་ལ་དེ་སྐད་མ་ཟེར་ཅིག། དེ་བཞིན་གཤེགས་པ་ནི་ཡོན་ཏན་གྱི་ཁྱད་པར ་གྱི་ཆོས་བཅུ་ཡང་དག་པར་གཟིགས་པ་ཡོན་ལ། སེམས་ཅན་ཐམས་ཅད་ལའང་སྒྲགཅན་ཟིན་བཞིན་དུ་གཟིགས་ན། ཇི་ལྟར་དགེ་སློང་རྣམས་མནར་མེད་པར་འགྲོ་བར་མཛད། དེ་བཞིན་གཤེགས་པ་ནི་གལ་ཏེ ་སེམས་ཅན་གཅིག་གི་རྒྱུད་དེ་འདྲ་བ་ཞིག་གཟིགས་ནའང་དེ་ངེས་པར་བསྒྲལ་བའི་ཕྱིར། བསྐལ་པ་འམ་བསྐལ་པ་ལས་ལྷག་པར་ཡང་སེམས་ཅན་དམྱལ་བར་བཞུགས་སྤྱོད་ན། ཐུགས་བརྩེ་བ་དང་ལྡན་པ་ཇི་ལྟར་ཉིད་ཀྱི ་སྲས་རྣམས་ལ་སླུ་བར་མཛད། འོད་སྲུངས་ཆེན་པོ་དང་རུས་གཅིག་པ། དཔེར་ན་གྲོང་ཁྱེར་རམ། རི་ཁྲོད་ཀྱི་གྲོང་ཞིག་ན་ཐ་ག་པ་ཞིག་ཡོད་ན། དེ་ནི་དེར་རས་བཏག་པའི་ཡོ་བྱད་ཐགས་ཆ་གང་ཁ་རྒལ་བ་འདོར་བར་བྱེད་པ ་དང་དཔེར་ན་འཁོར་ལོས་སྒྱུར་བའི་རྒྱལ་པོ་ནི་ཐོག་མ་ཁོ་ནར་དགེ་བ་བཅུའོ་ལས་ཀྱི་ལམ་རྣམས་ཅིག་ཅར་སྦྱོང་བར་མི་བྱེད་ཀྱི། སེམས་ཅན་གང་དང་གང་ཆོས་མ་ཡིན་པ་ལ་རྟེན་པ་དེ་དང་དེ་དག་འཁོར་ལོ་རིན་པོ་ཆེས་བཏུལ ་ནས་དམ་པའི་ཆོས་ལ་འགོད་པ་དེ་བཞིན་དུ། སངས་རྒྱས་བཅོམ་ལྡན་འདས་ཀྱང་ཐོག་མ་ཁོ་ནར་སོ་སོར་ཐར་པའོ་བསླབ་པའི་གཞི་ཅིག་ཅར་འཆའ་བར་མི་མཛད་ཀྱི། དགེ་སློང་གང་དང་གང་གིས་ཉེས་པ་ཅི་དང་ཅི་བྱས ་པའི་དོན་གྱི་དམིགས་བྱུང་བ་དེ་དང་དེ་གླེང་གཞིར་མཛད་ནས། བསླབ་པའོ་གཞི་འཆའ་བར་མཛད་ལ། སེམས་ཅན་ཆོས་འདོད་པ་གང་ཡིན་པ་རྣམས་ཀྱིས་དེ་དང་དེ་མཐོང་ན་ཡིད་ཆེས་པར་འགྱུར་ཏེ། དེ་དག་དབང་དུ ་འཇོག་གོ། ། དེ་ལྟར་ན་ཤིན་ཏུ་བརྟག་པར་དཀའ་བའིའོ་ཆོས་ཡང་དག་པར་གཟིགས་ནས། ཐ་ག་པ་དང་འཁོར་ལོས་སྒྱུར་བའི་རྒྱལ་པོའི་ཆོས་ཉིད་ཇི་ལྟ་བ་བཞིན་དུ་ཆོས་ཀྱི་འཁོར་ལོ་བསྐོར་བའི་སངས་རྒྱས་རྣམས་ཀྱི་ཆོས ་ཉིད་ཀྱང་དེ་དང་འདྲ་སྟེ། དེ་ལྟར་ན་སངས་རྒྱས་བཅོམ་ལྡན་འདས་རྣམས་བསམ་གྱིས་མི་ཁྱབ་བོ།། ཆོས་བསྟན་པའང་བསམ་གྱིས་མི་ཁྱབ་བོ།། དེ་བཞིན་དུ་ཉན་པ་པོ་རྣམས་དང་། ཡིད་ཆེས་པ་རྣམས་ཀྱང་བསམ་གྱིས ་@མི་ཁྱབ་སྟེ། འདི་ནི་དོན་གྱི་དམིགས་བྱུང་བའི་དབང་ཞེས་བྱའོ།། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་དོན་གྱི་དམིགས་བྱུང་བའི་ཕྱིར་དང་། ང་ཡོངས་སུ་མྱ་ངན་ལས་འདབ་པར ་ཕྱིར་ཆོས་ཀྱི་སྣ་གྲངས་འདི་བཞོས་ཆོས་སྟོན་པར་བྱེད་དེ། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་ནི་དོན་གྱི་དམིགས་བྱུང་བའི་དབང་ཞེས་བྱ་བ་ཡིན་པར་རིག་པར་བྱའོ།། བདག་གིས་ལྷག་པའོ་བས ་པ་ཞེས་བྱ་བ་ནི་དེང་ངའི་ལྷག་པའི་བསམ་པས་བསྟན་པ་བཤད་པས་ན། བདག་གིས་ལྷག་པའི་བསམ་པ་ཞེས་བྱ་བའང་ཡོངས་སུ་མྱ་ངན་ལས་འདས་པའི་མདོ་ཆེན་པོ་ཡིན་པར་རིག་པར་བྱའོ།། གཞན་གྱི་ལྷག ་པའི་བསམ་པ་ཞེས་བྱ་བའང་ངས་དགེ་སློང་རྣམས་ཀྱི་བསམ་པ་རྟོགས་ནས། ང་ནི་རྟག་གོ་ཞེས་བསྟན་པས་ན། གཞན་གྱི་ལྷག་པའི་བསམ་པའང་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོར་རིག་པར་བྱེའོ། ་འདྲི་བའི་དབང་ཞེས་བྱ་བའང་བྱང་ཆུབ་སེམས་དཔའ་སེམས་དཔའ་ཆེན་པོ་མཆོག་ཏུ་ཆ་ཕྲ་བའི་ཡེ་ཤེས་དང་ལྡན་པ། འོད་སྲུངས་ཆེན་པོ་དང་རུས་གཅིག་པ་ཁྱོད་ཀྱི་དབང་དུ་བྱས་ནས། ཉན་ཐོས་དང་རང་སངས་རྒྱས ་ཐམས་ཅད་ཀྱི་སྔོན་མ་ཐོས་པའི་ཚིག་ཡི་གེ་འབྲུ་གཅིག་པའི་ཐིག་ལེའི་གཏམ། དགོངས་པའི་ཚིག་གསང་བ་སྣ་ཚོགས་བསྟན་པས་ན། དེའི་ཕྱིར་འདྲི་བའི་དབང་ཡང་ཡོངས་སུ་མྱ་ངན་ལས་འདས་པ་ཆེན་པོའོ ་མདོ་ཆེན་པོ་ཡིན་པར་རིག་པར་བྱའོ། ། དེ་ལ་ལ་ལ་ཞིག་འདི་ལྟར་ན་ནི་སླུ་བར་འགྱུར་ལ། འདི་ལྟར་ན་ནི་སླུ་བར་མི་འགྱུར་རོ་སྙམ་དུ་རྟོག་སྷོ། དཔེར་ན་མི་ལ་ལ་ཞིག་ནམ་མཁའ་ཞེས་ཀྱང་ཟེར། སྟོང་པ ་ཞེས་ཀྱང་ཟེར། ཅིའང་མེད་པ་ཞེས་ཀྱང་ཟེར། ཐེགས་པ་མེད་པ་ཞེས་ཀྱང་ཟེར་ཏེ། དེ་དེ་སྐད་ཟེར་ན། གཞན་དག་ལ་སླུ་བ་མ་ཡིན་ནོ།། དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི ་ལས། རིགས་ཀྱི་བུ་འམ། རིགས་ཀྱི་བུ་མོ་བཅོམ་ལྡན་འདས་ཀྱིས་གསུངས་པའི་རྟག་པ་འདི་ལ་མོས་ནས། ཆོས་ཀྱི་སྒྲ་གྲངས་བཞི་པོ་རྣམས་རྗོད་པར་བྱེད་ན། གཞན་དག་ལ་སྒྲུབ་མ་ཡིན་ནོ།། ལྕགས ་ཀྱི་གར་བུ་མེ་འབར་བ། རྡུང་བའི་ཚེ་ན་ཁད་ཀྱིས་ནི།། གྲངས་པར་གྱུར་ཀྱང་མེ་ཡི་དྲོད།། གང་དུ་སོང་བ་མི་རིག་ལྟར།། དེ་བཞིན་ཡང་དག་རྣམ་གྲོལ་བ།། འདོད་པའི་འདམ་དང་ཆུ་བོ་བརྒལ།། མི་གཡོ་བདེ་བ ་ཐོབ་རྣམས་ཀྱང་། ། གང་དུ་སོང་བ་གདགས་སུ་མེད།། ཡང་བཀའ་སྩལ་པ། རིགས་ཀྱི་བུ་དེ་ལྟར་ཁྱོད་དེ་བཞིན་གཤེགས་པ་རྣམས་མེད་པར་འགྱུར་བའི་འདུ་ཤེས་སུ་ལྟ་བས་སྤོང་མི་དགའ་བ་མ་བྱེད་ཅིག ་ལྕགས་དང་ལྕགས་ཞེས་བྱ་བ་ནི་དོན་ཐ་དད་པ་མ་ཡིན་ཏེ། ལྕགས་མེར་འབར་བ་ལས་གྲངས་པར་གྱུར་པ་བཞིན་དུ། དེ་བཞིན་གཤེགས་པ་རྣམས་མེད་པར་འགྱུར་བའི་གནས་མེད་དོ།། ལྕགས་མེར་འབར་བ་ལས ་གྲངས་པ་བཞིན་དུ། ཉོན་མོངས་པའི་རྣམ་པ་ཞི་བར་འགྱུར་མོད་ཀྱི། གང་གི་ཚེ་ལྕགས་མེར་འབར་བ་གྲངས་པར་འགྱུར་བ་ན། ཚ་ཚ་འཕྲོ་བ་ཐམས་ཅད་དང་བཅས་ཏེ་མེད་པར་འགྱུར་ན་ནི། དེའི་ཚེ་དེ་བཞིན ་གཤེགས་པའང་མི་རྟག་པར་འགྱུར་ན། ལྕགས་དེ་འོད་དང་བཅས་པ་མེད་པར་འགྱུར་བ་ནི་མ་སོད་ངོ་དོ།། དེ་བཞིན་དུ་དེ་བཞིན་གཤེགས་པའང་མྱ་ངན་ལས་འདས་པ་ཆེན་པོ་འོད་དང་བཅས་ཏེ་མི་རྟག་པར ་འགྱུར་བ་ནོ་མོ་སྲིང་དེ། ཇི་ལྟར་ལྕགས་ཀྱི་མེ་གྲངས་པར་འགྱུར་བ་དེ་བཞིན་དུ། དེ་བཞིན་གཤེགས་པའང་བསྐལ་པ་མང་པོ་གྲངས་མེད་པ་བྱེ་བ་སྙེད་དུ་བསགས་པའི་ཉོན་མོངས ་པའི་རྣམ་པ་ཟད་ནས། རྟག་པ་དང་། བརྟན་པ་དང་། ཐེར་ཟུག་པར་འགྱུར་ཏེ། དེ་ལྟར་ན་ཡང་དག་པར་རྣམ་པར་གྲོལ་བའི་དེ་བཞིན་གཤེགས་པ་ནི། རྟག་པ་དང་། བརྟན་པ་དང་། ཐེར་ཟུག་པ ་ཡིན་ནོ། ། འདོད་པའི་འདམ་ནི་ཉོན་མོངས་པ་རྣམ་པ་རྣམས་ཞེས་བྱ་བའི་དོན་ཏེ། ཉོན་མོངས་པའི་འདམ་དེ་ལས་བསྐལ་པ་གྲངས་མེད་པས་རྒལ་ན། དེའི་ཕྱིར་དེ་བཞིན་གཤེགས་པ་ཡོངས་སུ་མྱ་ངན་ལས ་འདས་པ་ལ། དེ་བཞིན་གཤེགས་པའི་གནས་གདགས་པར་མི་ནུས་ཏེ། དེ་བས་ན། ཡང་དག་ཤེས་པས་རྣམ་གྲོལ་བ།། འདོད་པའི་འདམ་དང་ཆུ་བོ་བརྒལ།། མི་གཡོ་བདེ་བ་ཐོབ་རྣམས་ཀྱང་།། གང ་དུ་སོང་བ་གདགས་སུ་མེད། ། གསོལ་པ། བཅོམ་ལྡན་འདས་ཅི་ལགས། ཇི་ལྟར་ལྕགས་གྲངས་པར་གྱུར་ཀྱང་། སླད་ཀྱི་ཡང་ཞུགས་ཀྱིས་ཚ་བར་འགྱུར་བ་བཞིན་དུ། གལ་ཏེ་དེ་བཞིན་གཤེགས ་པའང་དེ་དང་འདྲ་བར་འགྱུར་ན་ནི། མི་རྟག་པར་འགྱུར་ལགས་སོ།། བཀའ་སྩལ་པ། དེ་བཞིན་གཤེགས་པ་ནི་རྟག་སྟེ། བདག་ཉིད་མེ་ལྟ་བུར་གྱུར་ནས། ལྕགས་དང་འདྲ་བའི་སེམས་ཅན་མང་པོ ་རྣམས་ཡེ་ཤེས་ཀྱི་མེས་བརྡ་སྤྲད་ནས་ཡང་དག་པ་མ་ཡིན་པའི་ཉོན་མོངས་པ་རྣམས་ཟད་པར་མཛད་དོ། ། གསོལ་པ། བཅོམ་ལྡན་འདས་ལེགས་སོ་ལེགས་སོ།། དེ་བཞིན་གཤེགས་པའོ་རྟག། ་པ་ཉིད་མ་ལུས་པར་བཤད་དུ་གསོལ། བཀའ་སྩལ་པ། རིགས་ཀྱི་བུ་གཞན་ཡང་དཔེར་ན་འཁོར་ལོས་སྒྱུར་བའི་རྒྱལ་པོ་རང་གི་བཙུན་མོའི་འཁོར་དུ་སོང་བ་ལས་ཐང་ཅིག་སྐྱེད་མོས་ཚལ་གཞན་ཞིག། ་ཏུ་བྱུང་སྟེ། དེ་དེར་སོང་ནས་རྩེ་བར་བྱེད་པ་ན། གང་གི་ཚེ་རྒྱལ་པོ་དེ་བཙུན་མོའོ་འཁོར་ནས་མི་སྣང་བར་གྱུར་པ་དེའི་ཚེ་ཤིའོ་སྙམ་པའི་འདུ་ཤེས་བསྐྱེད་པར་མི་བྱའོ།། རིགས་ཀྱི་བུ་དེ་བཞིན་དུ་དེ་བཞིན་གཤེགས ་པ་ནི་ཆོས་ཉིད་ལས་ཉམས་པར་མི་འགྱུར་ཏེ། རྒྱལ་པོ་དང་འདྲ་བར་འཛམ་བུའི་གླིང་དུ་དེ་བཞིན་གཤེགས་པ་མི་རྟག་པར་གྱུར་ཏོ་ཞེས་གྲངས་པའི་འདུ་ཤེས་བསྐྱེད་པར་མི་བྱའོ།། ཇི་ལྟར་རྒྱལ་པོ་བཙུན་མོའི་འཁོར ་ནས་སྐྱེད་མོས་ཚལ་དུ་སོང་སྟེ་རྩེ་བ་དེ་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་ཉོན་མོངས་པའི་རྣམ་པ་ཉིད་ཀྱི་བཙུན་མོའི་འཁོར་ལྟ་བུ་ལས་ངེས་པར་བྱུང་སྟེ། ཉོན ་མོངས་པ་མེད་པར་བཅོམ་ལྡན་འདས་གཟུངས་སྣ་ཚོགས་དང་། བྱང་ཆུབ་ཀྱི་ཡན་ལག་གི་མེ་ཏོག་སྣ་ཚོགས་དང་ལྡན་པའི་སྐྱེད་མོས་ཚལ་དུ་གཤེགས་ནས། དེ་བཞིན་གཤེགས་པ་ཉོན་མོངས་པ་དང་བྲལ་བ་ཉིད་ཀྱིས ་སྐུའི་ཐབས་སྟོན་པ་སྣ་ཚོགས་ཀྱིས་རོལ་པར་མཛད་དོ། ། གསོལ་པ། དེ་བཞིན་གཤེགས་པ་བསྐལ་པ་གྲངས་མེད་པ་བྱེ་བ་སྙེད་ཀྱི་ཉོན་མོངས་པ་རྒྱ་མཚོ་ངས་པར་བརྒལ་ཅེས་བགྱི་བ་འདི་ལ་གཏན་ཚིགས་བཀའ་སྩལ ་འཚལ་ལོ། ། ད་ལྟར་མངོན་སུམ་དུ་དེ་བཞིན་གཤེགས་པ་སྒྲ་གཅན་ཐོན་གྱི་མ་དང་ལྷན་ཅིག་ཏུ་འདོད་པ་རྣམས་བསྟེན་པ་དང་། སྒྲ་གཅན་ཟིན་གྱི་ཡབ་ཏུ་གྱུར་པར་ཡང་བསྟན་ཏེ། དེ་བས་ན་དེ་བཞིན་གཤེགས་པ་ནི ་བསྐལ་པ་དུ་མ་བྱེ་བ་སྙེད་ཀྱིས་འདོད་པའི་ཆུ་བོ་ལས་ངེས་པར་བརྒལ་བ་མ་ལགས་སོ། ། བཀའ་སྩལ་པ། རིགས་ཀྱི་བུ་ཁྱོད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས ་པའི་སངས་རྒྱས་ནི་ད་ལྟར་མངོན་སུམ་དུ་སྒྲ་གཅན་ཟིན་གྱི་མ་དང་ལྷན་ཅིག་ཏུ་འདོད་པ་རྣམས་བསྟེན་པ་དང་། སྒྲ་གཅན་ཟིན་གྱི་ཡབ་ཏུ་གྱུར་པར་ཡང་བསྟན་ཏེ། དེ་བས་ན་དེ་བཞིན་གཤེགས་པ་ནི་བསྐལ་པ་དུ་མ་བྱེ་བ་སྟེ། ་ཀྱི་འདོད་པའི་ཆུ་བོ་ལས་ངེས་པར་བརྒལ་བ་མ་ཡིན་ནོ་ཞེས་དེ་སྐད་མ་ཟེར་ཅིག། ཡོངས་སུ་མྱ་ངན་ལས་འདྲ་བ་ཆེན་པོ་ནི་རྟག་པ་ཆེན་པོ་ཞེས་བྱ་སྟེ། སེམས་གུད་དུ་མ་གཡེང་བར་ཉོན་ལ། ཐོས་ནས་ཀྱང་གཞན་དག་ལ ་སྟོན་ཅིག། དེས་སྐྲག་པར་ཡང་མ་བྱེད་ཅིག། ཡོངས་སུ་མྱ་ངན་ལས་འདས་པ་ཆེན་པོ་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ནི། རིའི་རྒྱལ་པོ་རི་རབ་དེ་ལྟར་མཐོ་ཞིང་། དེ་ལྟར་ཐག་གྲུ ་ཆེ་བ་ཡུངས་འབྲུའི་ཁོང་དུ་འཇུག་པར་བྱེད་ལ། རི་རབ་ལ་གནས་པའི་སེམས་ཅན་རྣམས་ལའང་གནོད་པར་མི་འགྱུར་ཏེ། སེམས་ཅན་དེ་དག་གིས་བདག་ཅག་གང་དུ་སོང་། གང་དུ་ཁྱེར། གང་དུ་བཅུག་སྙམ་དུ་མི ་ཤེས་ཤིང་མི་མཐོང་ངོ་། ། སེམས་ཅན་གཞན་དག་གིས་ནི། བྱང་ཆུབ་སེམས་དཔའ་སེམས་དཔའ་ཆེན་པོ་འདིས་རིའི་རྒྱལ་པོ་རི་རབ་ཡུངས་འབྲུའི་ཁོང་དུ་བཅུག་སྟེ་སྦས་སོ་སྙམ་དུ་ཡང་དག་པར་ཤེས་ཤིང་ཡང་དག ་དག་པར་མཐོང་ངོ་། ། དེ་ནས་ཡང་དེ་རང་གི་གནས་སུ་འཇོག་པར་བྱེད་དེ། མདོ་ཆེན་པོ་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཡུལ་ན་དེ་ལྟ་བུ་ཡོན་ནོ།། རིགས་ཀྱི་བུ་དེ་བས་ཀྱང་ལྷག ་པར་ཡོངས་སུ་མྱ་ངན་ལས་འདས་པ་ཆེན་པོ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡུངས་འདྲུའི་ཁོང་དུ་འཇུག་པར་བྱེད་ལ། སེམ ་ཅན་གཅིག་ལའང་གནོད་པར་མི་འགྱུར་ཏེ། སེམས་ཅན་དེ་དག་གིས་བདག་ཅག་གང་དུ་སོང་། གང་དུ་ཁྱེར། གང་དུ་བཅུག་སྙམ་དུ་མི་ཤེས་ཤིང་མི་མཐོང་ངོ་།། སེམས་ཅན་གཞན་དག་གིས་ནི་འདིས་འདི་ལྟར་བྱས ་སོ་སྙམ་དུ་ཡང་དག་པར་ཤེས་ཤོང་། ཡང་དག་པར་རྗེས་སུ་མཐོང་ངོ་།། དེ་ནས་ཡང་རང་གི་གནས་སུ་འཇོག་པར་བྱེད་དོ།། རིགས་ཀྱི་བུ་གཞན་ཡང་ཡོངས་སུ་མྱ་ངན་ལས་འདས་པ་ཆེན་པོ་འདི་ལ་གནས་པའི ་བྱང་ཆུབ་སེམས་དཔའ་སེམས་དཔའ་ཆེན་པོས་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རང་གི་བ་སྤུའི་ཁུང་བུར་འཇོག་པར་བྱེད་ལ། སེམས་ཅན་གཅིག་ལའང་གནོད་པར་མི་འགྱུར་ཏེ། སེམས ་ཅན་དེ་དག་གིས་བདག་ཅག་གང་དུ་སོང་། གང་དུ་ཁྱེར། གང་དུ་བཅུག་སྙམ་དུ་མོ་ཤེས་ཤིང་མི་མཐོང་ངོ་།། སེམས་ཅན་གཞན་དག་གིས་ནི་འདིས་འདི་ལྟར་བྱས་སོ་སྙམ་དུ་ཡང་དག་པར་ཤེས་ཤིང་ཡང་དག་པར ་མཐོང་ངོ་། ། རིགས་ཀྱི་བུ་གཞན་ཡང་ཡོངས་སུ་མྱ་ངན་ལས་འདས་པ་ཆེན་པོ་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ནི། འཇིག་རྟེན་གྱི་ཁམས་འདི་ན་འདུག་བཞིན་དུ། ཕྱོགས ་བཅུའི་འཇིག་རྟེན་གྱི་ཁམས་རྣམས་ཁབ་ཀྱི་རྩེ་མོས་རྒྱ་ཤུག་གི་ལོ་མ་བཞིན་དུ་བླངས་ཏེ། འཇིག་རྟེན་གྱི་ཁམས་གཞན་དུ་འདོར་བར་བྱེད་ལ། སེམས་ཅན་གཅིག་ལའང་གནོད་པར་མི་འགྱུར་ཏེ། སེམས ་ཅན་དེ་དག་གིས་བདག་ཅག་གང་དུ་སོང་། གང་དུ་ཁྱེར། གང་དུ་བཅུག་སྙམ་དུ་མི་ཤེས་ཤིང་མི་མཐོང་ངོ་།། སེམས་ཅན་གཞན་དག་གིས་ནི་འདིས་དེ་ལྟར་བྱས་སོ་སྙམ་དུ ་ཡང་དག་པར་ཤེས་ཤིང་། ཡང་དག་པར་མཐོང་ངོ་།། དེ་ནས་ཡང་དེ་རང་གི་གནས་སུ་འཇོག་པར་བྱེད་དོ།། རིགས་ཀྱི་བུ་གཞན་ཡང་ཡོངས་སུ་མྱ་ངན་ལས་འདས་པ་ཆེན་པོ་འདི་ལ་གནས་པའི ་བྱང་ཆུབ་སེམས་དཔའ་སེམས་དཔའ་ཆེན་པོས་ནི། ཕྱོགས་བཅུའི་འཇིག་རྟེན་གྱི་ཁམས་རྣམས་ལག་པ་གཡས་པས་བླངས་ཏེ། རྫ་མཁན་གྱི་འཁོར་ལོ་བཞིན་དུ་འཇིག་རྟེན་གྱི་ཁམས་རྡུལ་ཕྲམ ་རྡུལ་སྙེད་ཀྱི་ཕ་རོལ་གྱི་ཡང་ཆེས་ཕ་རོལ་ཏུ་འཕེན་པར་བྱེད་ལ། སེམས་ཅན་གཅིག་ལའང་གནོད་པར་མི་འགྱུར་ཏེ། སེམས་ཅན་དེ་དག་གིས་བདག་ཅག་གང་དུ་སོང་། གང་དུ་ཁྱེར། གང་དུ་བཅུག་སྙམ། ་དུ་མི་ཤེས་ཤིང་མི་མཐོང་ངོ་།། སེམས་ཅན་གཞན་དག་གིས་ནི་འདིས་འདི་ལྟར་བྱས་སོ་སྙམ་དུ་ཡང་དག་པར་ཤེས་ཤིང་ཡང་དག་པར་མཐོང་ངོ་།། དེ་ནས་ཡང་དེ་རང་གི་གནས་སུ་འཇོག་པར་བྱེད་དོ།། ་རིགས་ཀྱི་བུ་གཞན་ཡང་ཡོངས་སུ་མྱ་ངན་ལས་འདས་པ་ཆེན་པོ་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ནི། ཕྱོགས་བཅུའི་འཇིག་རྟེན་གྱི་ཁམས་རྣམས་རང་གི་ལུས་ལ་འཇུག་པར ་བྱེད་ལ། སེམས་ཅན་གཅིག་ལའང་གནོད་པར་མི་འགྱུར་ཏེ། སེམས་ཅན་དེ་དག་གིས་བདག་ཅག་གང་དུ་སོང་། གང་དུ་ཁྱེར། གང་དུ་བཅུག་སྙམ་དུ་མི་ཤེས་ཤིང་མི་མཐོང་ངོ་།། སེམས་ཅན་གཞན་དག ་གིས་ནི་འདིས་འདི་ལྟར་བྱས་སོ་སྙམ་དུ་ཡང་དག་པར་ཤེས་ཤིང་ཡང་དག་པར་མཐོང་ངོ་། ། དེ་ནས་ཡང་རང་གི་གན་སུ་འཇོག་པར་བྱེདོ།། རིག་ཀྱི་བུ་གཞན་ཡང་ཡོངས་སུ་མྱ་ངན་ལས་འདས་པ་ཆེན་པོ་ལ་གནས་པའི་བྱང་ཆུབ་སེམ ་དཔའ་སེམས་དཔའ་ཆེན་པོས་ནི། ཕྱོགས་བཅུའི་འཇིག་རྟེན་གྱི་ཁམས་རྣམས་རྡུལ་ཕྲ་རབ་ཀྱི་ཁོང་དུ་འཇུག་པར་བྱེད་ལ། སེམས་ཅན་གཅིག་ལའང་གནོད་པར་མི་འགྱུར་ཏེ། སེམས་ཅན་དེ་དག་གིས་བདག ་ཅག་གང་དུ་སོང་། གང་དུ་ཁྱེར། གང་དུ་བཅུག་སྙམ་དུ་མི་ཤེས་ཤིང་མི་མཐོང་ངོ་།། སེམས་ཅན་གཞན་དག་གིས་ནི་འདིས་འདི་ལྟར་བྱས་སོ་སྙམ་དུ་ཡང་དག་པར་ཤེས་ཤིང་ཡང་དག་པར་མཐོང་ངོ་།། ་དེ་ནས་ཡང་དེ་རང་གི་གནས་སུ་འཇོག་པར་བྱེད་དོ།། ཡོངས་སུ་མྱ་ངན་ལས་འདས་པ་ཆེན་པོ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ནི་དེ་ལ་སོགས་པ་སྒྱུ་འཕྲུལ་ཆེན་པོའོ་སྟོབས་རྣམ་པ ་སྣ་ཚོགས་སྟོན་པས་ན་མྱ་ངན་ལས་འདས་པ་ཆེན་པོ་ཞེས་བྱའོ། ། ཡོངས་སུ་མྱ་ངན་ལས་འདས་པ་ཆེན་པོ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སེམས་ཅན་ཐམས་ཅད་ཀྱིས་ཀྱང་འདི་འདྲ ་བཞོག་གོ། དེ་འདྲ་བ་ཞིག་གོ། འདི་ལྟར་བྱའོ།། འདི་ལྟ་བུ་ཞིག་བྱས་སོ་སྙམ་དུ་ཤེས་པར་མི་ནུས་ན། རིགས་ཀྱི་བུ་ཁྱོད་ཀྱིས་དེ་བཞིན་གཤེགས་པས་འདོད་པ་རྣམས་སྤྱད་དོ།། སྒྲ་གཅན་ཟིན་གྱི་པར ་གྱུར་ཏོ་སྙམ་དུ་ཤེས་རེ་སྐན། རིགས་ཀྱི་བུ་གཞན་ཡང་དེང་ངས་ཡོངས་སུ་མྱ་ངན་ལས་འདས་པ་ཆེན་པོ་ལ་གནས་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གང་ན། ཉི་མ་དང་ཟླ་བ་ཐེར་འབུམ་ཡོད་པ ་དང་། འཛམ་བུའི་གླིང་ཐེར་འབུམ་ཡོད་པའི་སྟོང་ཁམས་དག་ཏུ་ཆོ་འཕྲུལ་ཆེན་པོ་བསྟན་པར་བྱའོ།། དེ་ལ་སྟོང་གསུམ་གྱི་སྟོང་ཆེན་པོར་འཇིག་རྟེན་གྱི་ཁམས་ནི། དཔའ་བར ་འགྲོ་བའི་ཏོང་ངེ་འཛིན་གྱི་ལུགས་བཞིན་དུ་རྒྱས་པར་སྦྱར་བར་བྱའོ། ། ང་ནི་སྟོང་གསུམ་གྱི་སྟོང་ཆེན་པོའི་འཛག་རྟེན་གྱི་ཁམས་སུ་འཛམ་བུའི་གླིང་ལ་ལར་ནི་ཡོངས་སུ་མྱ་ངན་ལས་འདས་པ་ཆེན་པོ་བྱེད་པ་ལྟ་བུར ་སྟོན་ལ། ཡོངས་སུ་མྱ་ངན་ལས་འདས་པ་ཆེན་པོར་གཏན་དུ་ཡོངས་སུ་མྱ་ངན་ལས་འདའ་བར་ཡང་མི་བྱེད་དོ།། འཛམ་བུ་གླིང་ལ་ལར་ནི་ངས་པ་མ་གཉིས་ཀྱི་ཟླ་མཚན་གྱི་དུས་སུ་མངལ་དུ་སྐྱེ་བར་སྟོན་ཏོ ་དེ་གཉིས་ཀྱིས་ཀྱང་བདག་ཅག་གཉིས་ཀྱི་བུར་འགྱུར་རོ་སྙམ་དུ་ཡང་དག་པར་ཤེས་སོ། ། ང་ནི་བསྐལ་པ་མང་པོ་བྱེ་བ་ཕྲག་གྲངས་མེད་པ་ནས་ལན་འགའ་ཡང་འཁྲིག་པ་ལས་མ་སྐྱེས་ཏེ། འཁྲིག་པ་ལས་སྐྱེས་པའོ།། ་ལུས་ལས་བརྒལ་བའི་ན། ཤའི་ལུས་མ་ཡིན་གྱིས། ཆོས་ཀྱི་སྐུ་ཡིན་ནོ།། འཁྲིག་པའི་མངལ་དུ་འཇུག་པ་འདི་ནི། འཇིག་རྟེན་དང་མཐུན་པར་བྱ་བའི་ཐབས་ཙམ་དུ་ཟད་དོ།། རིགས་ཀྱི་བུ་འཛམ་བུ་གླིང་ལ ་ལར་ནི་ང་བུ་བཙའ་བའི་པང་དུ་བུར་སྐྱེ་བར་ཡང་སྟོན་ཅིང་། སྐྱེད་མོས་ཚལ་གྱི་གནས་སུ་བུ་བཙའ་བའི་བུ་ལྟ་བུར་གྱུར་ཏེ། སྐྱེན་པར་ལངས་ནས་བྱང་ཕྱོགས་སུ་ཁ་བལྟས་ཏེ། གོམ་པ་བདུན་བོར་ནས། ལྷ་དང ་མི་དང་། ལྷ་མ་ཡིན་དང་བཅས་པའི་འཇིག་རྟེན་གྱི་བླ་ན་མེད་པར་འགྱུར་བར་བྱའོ་ཞེས་ཟེར་ཏེ། སེམས་ཅན་རྣམས་ཀྱིས་ནི་བྱིས་པ་བཙས་མ་ཐག་ཏུ་གོམ་པ་བདུན་འདོར་བ་སྔན་ཆད་བདག་གིས་མ་མཐོང་སྟེ། ་ཀྱེ་མ་བདག་གི་བུ་ནི་ལྷའི་བུ་ཞིག་གོ་སྙམ་དུ་ཡང་དག་པར་ཤེས་སོ།། སེམས་ཅན་མང་པོ་གཞན་དག་ཀྱང་ངོ་མཚར་དུ་འཛིན་ཏེ། འོན་ཀྱང་ང་ནི་བསྐུལ་པ་བྱེ་བ་ཕྲག་གྲངས་མེད་པ་ནས་བྱིས་པའི་དངོས་པོ་ལས་ལོག ་པས་ནམས་ཀྱང་བྱིས་པར་མ་གྱུར་ཏེ། ད་ནི་ཆོས་ཀྱི་སྐུ་ཡིན་གྱིས། རུས་པ་དང་། རྒྱུས་པ་དང་། ཤ་དང་། ཁྲག་གི་ལུས་མ་ཡིན་ལ། བྱིས་པར་འགྱུར་བའང་སྟོན་པ་འདི་ནི། འཇིག་རྟེན་དང་མཐུན ་པར་བྱ་བ་ཙམ་དུ་ཟད་དོ། ། ཕང་ནས་ལངས་ཏེ་ལྷོའི་ཕྱོགས་ཆ་ལོགས་སུ་གོམ་པ་བདུན་བོར་ནས། འཇིག་རྟེན་ཐམས་ཅད་དུ་ཡོན་གནས་སུ་འགྱུར་བར་བྱའོ་ཞེས་ཟེར་རོ།། ནུབ་ཀྱི་ཕྱོགས་ཆ་ལོགས་སུ་གོམ ་པ་བདུན་བོར་ནས། སྐྱེ་བ་དང་། རྒ་བ་དང་། ན་བ་དང་། འཆི་བ་རྣམས་སྤངས་ཏེ། ལུས་ཀྱི་ཐ་མར་གཏུགས་པར་བྱའོ་ཞེས་ཟེར་རོ།། ཤར་ཕྱོགས་སུ་བལྟས་ཏེ་གོམ་པ་བདུན་བོར་ནས། སེམས་ཅན་ཐམས་ཅད ་ཀྱི་ཐོག་མར་འགྲོ་བར་བྱའོ་ཞེས་ཟེར་རོ། ། ཕྱོགས་མཚམས་རྣམས་སུ་གོམ་པ་བདུན་བོར་ནས། ཉོན་མོངས་པ་རྣམ་པ་སྣ་ཚོགས་ཀྱི་རང་བཞིན་གྱི་བདུད་བཅོམ་སྟེ། དགྲ་བཅོམ་པ་ཡང་དག་པར་རྫོག་པར ་སངས་རྒྱས་སུ་འགྱུར་བར་བྱའོ་ཞེས་ཟེར་རོ། ། སྟེང་གི་ཕྱོགས་ཆ་ལོགས་སུ་གོམ་པ་བདུན་བོར་ནས། མྱུར་དུ་ནམ་མཁའ་བཞིན་དུ་རུང་བ་མ་ཡིན་པའི་ཆོས་ཐམས་ཅད་ཀྱིས་ལུས་མི་གོས་པར་བྱའོ་ཞེས་ཟེར་རོ།། ་འོག་གི་ཕྱོགས་ཆ་ལོགས་སུ་གོམ་པ་བདུན་བོར་ནས། སེམས་ཅན་དམྱལ་བ་ཐམས་ཅད་ཀྱི་སེམས་ཅན་དམྱལ་བའི་མེ་གསད་པའི་ཕྱིར། སྤྲིན་ཆེན་པོ་ལྟར་ཆོས་ཀྱི་ཆར་དབབ་པར་བྱ་སྟེ། དེ་དག་བདེ་བ ་། དང་ལྡན་པར་བྱའོ།། ཚུལ་ཁྲིམས་འཆལ་པ་རྣམས་ལ་ནི། སེར་བ་ལྟ་བུར་འགྱུར་བར་བྱའོ་ཞེས་ཟེར་རོ།། འཛམ་བུའི་གླིང་ལ་ལར་ནིང་གཙུང་པུད་འཆའ་བར་སྟོན་ཏེ། སེམས ་ཅན་རྣམས་ཀྱིས་བྱིས་པའི་གཙུག་པུད་བཅས་སོ་སྙམ་དུ་ཡང་དག་པར་ཤེས་མོད་ཀྱི། ལྷ་དང་བཅས་པའི་འཇིག་རྟེན་ན། ངའི་མགོ་བོ་ནས་འཛིན་ཅིང་སྒྲ་གཅོད་ནུས་པའི་མི་སུའང་མེད་དེ། སྔོན་བསྐལ་པ་གྲངས་མེད ་པ་ནས་ཀྱང་། ང་གཙུད་པུད་བཅའ་བའི་མཐར་གཏུགས་ཟིན་པས་ནི། སྥུ་གཱི་འི་སྒྲ་ཆོད་པར་འགྱུར་བ་ནི་མི་སྲིད་དོ།། འདི་ནི་འཇིག་རྟེན་དང་མཐུན་པར་བྱ་བའི་ཙམ་དུ་ཟད་དེ། གཙུག་པུད་བཅའ་བ་ནི་བྱིས ་པ་འབའ་ཞིག་ལ་བྱ་བ་ཡིན་ནོ། ། འཛམ་བུ་གླིང་ལ་ལར་ནིང་དབང་ཕྱུག་ཆེན་པོའི་ལྷ་ཁང་དུ་འགྲོ་བའང་སྟོན་ཏེ། དེར་དབང་ཕྱུག་ཆེན་པོ་དང་། ཚངས་པ་དང་། འཇིག་རྟེན་སྐྱོང་བ་རྣམས་ཀྱིས་ང་མཐོང་ན ་ངའི་ཞབས་ལ་ཕྱག་འཚལ་ཏེ་ཐལ་མོ་སྦྱར་ཞིང་འདུག་གོ། ང་ནི་སྔོན་བསྐལ་པ་བྱེ་བ་ཕྲག་གྲངས་མེད་པ་ནས་ཀྱང་། ལྷ་དང་། མི་དང་། ལྷ་མ་ཡིན་རྣམས་ཀྱི་ལྷའི་ཡང་ལྷ་ཡིན་པས་ན། ནམས་ཀྱང་དབང ་ཕྱུཕྱག་ཆེན་པོའི་ལྷ་ཁང་དུ་མི་འགྲོ་སྟེ། དེར་འགྲོ་བ་ལྟ་བུར་བསྟན་པ་འདི་ན། འཇིག་རྟེན་དང་མཐུན་པའི་བྱ་བ་ཙམ་དུ་ཟད་དོ།། འཛམ་བུ་གླིང་ལ་ལར་ནི་ངས་རྣ་བ་དབུག་པ་བསྟན་མོད་ཀྱི། ངའི་རྣ་བ་འབིགས ་ནུས་པའི་མི་མེད་དོ། ། འཛམ་བུའི་གླིང་ལ་ལར་ནི་ངས་རྣ་ཆ་གདུབ་ཀོར་སེང་གེ་ཅན་ཐོགས་པར་བསྟན་ཏེ། དེས་སེམས་ཅན་རྣམས་ཀྱིས་བྱིས་པ་འདི་ནི་རྣ་ཆ་གདུབ་ཀོར་སེང་གེ་ཅན་ཐོགས་པའོ་སྙམ་དུ་ཡང་དག ་པར་ཤེས་མོད་ཀྱི། ང་ནི་སྔོན་བསྐལ་པ་བྱེ་བ་ཕྲག་གྲངས་མེད་པ་ནས་ཀྱང་བོས་པའི་དངོས་པོ་ལས་ཀྱང་ལོག་པས་ན། ངལ་རྣ་ཆ་གདུབ་ཀོར་སེང་གེ་ཅན་བཏགས་པ་མེད་དོ།། ན་ཆ་བདུ་བཀོར་སེང་གེ་ཅན་ཐོས ་པར་བསྟན་པ་ནི། འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ།། འཛམ་བུའི་གླིང་ལ་ལར་ནི་ངས་ཡི་གེ་སློབ་པའི་སར་འགྲོ་བ་བསྟན་མོད་ཀྱི། འཇིག་རྟེན་གསུམ་ན་ངའི་མཁན་པོར་རུང་བ་མ་མཐོང་སྟེ། ་ང་ཉིད་སེམས་ཅན་ཐམས་ཅད་ཀྱི་མཁན་པོ་ཡིན་ནོ།། དེ་བས་ན་ངའི་མིང་ཐམས་ཅད་མཁྱེན་པ་ཞེས་བྱའོ།། ང་ནི་བསྐལ་པ་བྱེ་བ་ཕྲག་གྲངས་མེད་པ་ནས་ཡི་གེ་སློབ་པའི་ས་ན་གནས་པ་ལས་འདས་ཏེ ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བརྙེས་ན། འོན་ཀྱང་སེམས་ཅན་རྣམས་ཀྱིས་ཁྱེའུ་འདི་ཡི་གེ་སློབ་པའི་སར་སོང་ངོ་སྙམ་དུ་ཡང་དག་པར་ཤེས་ཏེ། འདི་ནི་འཇིག་རྟེན་དང་མཐུན་པར་བྱ་བ ་ཙམ་དུ་ཟད་པར་ཁོང་དུ་ཆུད་པར་གྱིས་ཤིག། འཛམ་བུའི་གླིང་ལ་ལར་ནི་ངས་གླང་པོ་ཆེ་དང་། རྟ་དང་། ཤིང་རྟ་དང་། དཔུང་བུ་ཆུང་དང་། རིན་པོ་ཆེ་སྣ་ཚོགས་དང་། གཏེར་དང་། རྒྱལ་སྲིད་ཀྱི་དབང ་ཕྱག་རྣམས་ཀྱང་བསྟན། རྒྱལ་ཚབ་བྱེད་པའང་བསྟན་ཏེ། ངས་ནི་སྔོན་བསྐལ་པ་བྱེ་བ་ཕྲག་གྲངས་མེད་པ་ནས་ཀྱང་འདོད་པའི་ལོངས་སྤྱོད་རྣམས་སྤངས་མོད་ཀྱི། སེམས་ཅན་རྣམས་ཀྱིས་རྒྱལ་ཚབ་ནི ་འདོད་པ་རྣམས་ལ་ལོངས་སྤྱོད་དོ་སྙམ་དུ་ཡང་དག་པར་ཤེས་སོ། ། འཛམ་བུའི་གླིང་ལ་ལར་ནི་ངས་འཁོར་ལོས་སྒྱུར་བའི་རྒྱལ་པོར་གྱུར་པ་བསྟན་ཏེ། ངས་ནི་བསྐལ་པ་བྱེ་བ་ཕྲག་གྲངས་མེད་པ ་ནས་ཆོས་ཀྱི་འཁོར་ལོ་བསྐོར་ཏེ། ངས་དེ་བུའི་ཤ་བཞིན་དུ་བོར་ནས། རྒྱལ་སྲིད་ཀྱི་ལོངས་སྤྱོད་ཡོངས་སུ་འཛིན་པ་སྤངས་ན། འོན་ཀྱང་སེམས་ཅན་རྣམས་ཀྱིས་འཁོར ་ལོས་སྒྱུར་བའི་རྒྱལ་པོ་སྙམ་དུ་ཡང་དག་པར་ཤེས་ཏེ། འདི་ནི་འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ།། འཛམ་བུའི་གླིང་ལ་ལར་ནི་ངས་རྒན་པོ་དང་། ནད་པ་དང་། ཤི་བ་མཐོང་ནས་སྐྱོ་བར ་གྱུར་ཏེ། གར་ཐབས་ལྟ་བུའི་བདེ་བ་ཐམས་ཅད་སྤངས་ནས། རབ་ཏུ་འབྱུང་བསྟན་ཏེ། སེམས་ཅན་རྣམས་ཀྱིས་ཀྱེ་མ་གཞོན་ནུ་ནི་རབ་ཏུ་བྱུང་ངོ་སྙམ་དུ་ཡང་དག་པར་ཤེས་སོ།། ངས་ནི་བསྐལ་པ་བྱེ་བ ་ཕྲག་གྲངས་མེད་པ་ནས་རབ་ཏུ་བྱུང་བའི་བྱ་བ་མཐར་གཏུགས་ཟིན་མོད་ཀྱི། སྐྱོ་བར་གྱུར་ནས་རབ་ཏུ་འབྱུང་བ་ལྟ་བུར་སྟོན་པ་ནི། འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ།། ངས་བསྙེན་པར་རྫོགས ་པ་ལྟ་བུར་བསྟན་པ་དེའང་འཇིག་རྟེན་ངེས་པར་བསྒྲལ་བའི་ཕྱིར་རོ། ། ངས་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་ཉིད་ལ་སོགས་པ་དང་། མཐར ་གྱིས་གནས་པའི་སྙོམས་པར་འཇུག་པ་རྣམས་ཀྱང་བསྟན་ཏེ། སེམས་ཅན་རྣམས་ཀྱིས་ཀྱེ་མ་མྱུར་བ་ཁོ་ནར་བླ་ན་མེད་པའི་དགྲ་བཅོམ་པར་གྱུར་ཏེ། སྙམ་དུ་ཡང་དག་པར་ཤེས་སོ།། ང་ནི་བསྐལ ་པ་བྱེ་བ་ཕྲག་གྲངས་མེད་པ་ནས་ཀྱང་དགྲ་བཅོམ་པའི་བྱ་བ་མཐར་གཏུགས་ཟིན་མོད་ཀྱི། བྱང་ཆུབ་ཀྱི་ཤིང་དྲུང་དུ་རྩཝ་བཏིང་བ་ལ་འདུག་པ་དང་། བདུད་འདུལ་བར་བསྟན་པ་འདི་ནི་འཇིག་རྟེན་ངེས ་པར་བསྒྲལ་བའི་ཕྱིར་ཏེ། བདུད་ཕམ་པར་བྱས་ནས།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ་སྙམ་དུ་སེམས་ཅན་རྣམས་ཀྱིས་ཡང་དག་པར་ཤེས་སོ།། ངས་ནི་བསྐལ་པ་བྱེ་བ་གྲང ་མེད་པ་ནས་ཉོན་མོངས་པའི་རྣམ་པ་དང་། ལྷ་དང་རང་གཞིན་གྱི་བདུད་ཕམ་པར་བྱས་ནས་བདུད་རྩིའི་མཆོག་རྟོགས་སོ།། ངས་ནི་བཤང་བ་དང་། གཅི་བ་དང་། དབུགས་རྔུབ་པ་དང་། ་དབུགས་འབྱུང་བའི་བྱ་བ་སྟོན་མོད་ཀྱི། ངའི་ལུས་ལ་རྒྱ་བ་དང་། འཐུན་པ་དང་། རྣམ་པར་སྨིན་པ་མེད་དོ།། སེམས་ཅན་རྣམས་ཀྱིས་ནི་མི་དང་འདྲའོ་སྙམ་དུ་ཡང་དག་པར་ཤེས་ཏེ། འདི་ནི་འཇིག ་རྟེན་དང་མཐུན་པར་བྱ་བ་ཙམ་དུ་ཟད་དོ། ། སེམས་ཅན་རྣམས་ཀྱིས་ང་ཁ་ཟས་ཟའོ་སྙམ་དུ་ཡང་དག་པར་ཤེས་མོད་ཀྱི། ངའི་ལུས་ལ་བཀྲེས་པས་ཉམ་ཆུང་བ་མེད། འདི་ནི་འཇིག་རྟེན་དང་མཐུན ་པར་བྱ་བ་ཙམ་དུ་ཟད་དོ། ། ངས་ནི་བསྐལ་པ་བྱེ་བ་ཕྲག་གྲ་མེད་པ་ནས་ཤེས་རབ་ཀྱི་ཕ་རོལ་ཏུ་ཕྱིན་པ་བསྒྲུབས་ཏེ། སྲིད་པ་རྣམ་པར་སྤངས་ཀྱང་ཉལ་བ་ལྟ་བུར་སྟོན་ཏེ། འོན་ཀྱང་ངའི་ལུས་ལ་གཉིད ་དང་སྐྱིགས་བུ་དང་། གླལ་བ་དང་། རུ་ཤིང་ན་བ་དང་། ཀླད་པ་ན་བ་རྣམས་མེད་དོ།། ཉལ་བར་བྱེད་པ་ནི་འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ།། འགྲེང་བ་དང་། འཆག་པ་དང་། ་རྐང་པ་རྐྱང་བ་དང་། ལུས་ཀྱི་སྤྱོད་ལམ་བྱེད་པར་སྣང་མོད་ཀྱི། ངའི་ལུས་ལ་དེ་ལྟ་བུའི་གནོད་པ་རྣམས་མེད་དོ།། རྐང་པ་འཁྲུ་བ་དང་། སྣུམ་གྱིས་བྱུག་པ་དང་། ཆུ་སྤྱད་པ་དང་། སོ་ཤིང ་ཟ་བ་དང་། མིག་སྨན་གྱིས་སྐུད་པར་སྣང་མོད་ཀྱི། ངའི་ལུས་ལ་དེ་ལྟ་བུའི་གནོད་པ་རྣམས་མེད་དོ།། རྐང་པ་པདྨའི་མདོག་འདྲ་བ་དང་། ཁ་ནས་ཨུཏྤ་ལའི་དྲི་འབྱུང་བ་དང་། ་མིག་དཔེ་མེད་པར་བཟང་བ་དེ་དག་འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ།། སེམས་ཅན་རྣམས་ཀྱིས་ནི་ཐམས་ཅད་མིའི་ཚུལ་དང་འདྲའོ་སྙམ་དུ་ཡང་དག་པར་ཤེས་སོ།། ཕྱག་དར་ཁྲོད་ཀྱི། ་གོས་ས་ལས་བླངས་ཏེ་འཁྲུ་བ་ལྟ་བུར་སྣང་མོད་ཀྱི། ང་ལ་དེ་དགོས་པ་མེད་དོ།། སེམས་ཅན་རྣམས་ཀྱིས་ནི་མིའི་དངོས་པོར་ཡང་དག་པར་ཤེས་ཏེ། སྒྲ་གཅན་ཟིན་གྱི་ཕར་བསྟན་པ་དང ་ཟས་གཙང་དང་། སྒྱུ་འཕྲུལ་པ་མར་བསྟན་པའང་འཇིག་རྟེན་གྱི་དོན་ཡིན་ནོ།། འཇིག་རྟེན་གྱི་བདེ་བ་མྱོང་ནས་ངེས་པར་བྱུང་སྟེ་ནགས་ཚལ་དུ་རབ་ཏུ་བྱུང་བ་དང་། རྒྱལ་པོའི་བུ་གོའུ་ཏ་མ་ཞེས་བྱ་བ་ནི ་འདོད་པ་དང་། འདོད་པ་མ་ཡིན་པ་དང་། བདེ་བ་དང་། བདེ་བ་མ་ཡིན་པ་བྱེ་བྲག་ཕྱེད་པར་གྱུར་ནས་མྱ་ངན་ལས་འདས་པའི་བདེ་བ་ཚོལ་ལོ་ཞེས་བྱ་བ་འདིའང། བྱིས་པའི་སེམས་ཅན་རྣམས ་ངེས་པར་བསྒྲལ་བའི་ཕྱིར་རོ། ། དེ་བཞིན་གཤེགས་པ་ནི་འཁྲིག་པ་ལས་བྱུང་བ་མ་ཡིན་ཏེ། སྒྲ་གཅན་ཟིན་གྱི་བར་གྱུར་པ་བསྟན་པ་དང་། རང་གི་ཕ་མ་བསྟན་པའང་འཇིག་རྟེན་དང་མཐུན་པར་བྱ་བ་ཙམ ་དུ་ཟད་དོ། ། ལྷ་དང་། མི་དང་། ལྷ་མ་ཡིན་རྣམས་ཀྱིས་ནི་མོའི་དེ་བཞིན་གཤེགས་པའོ་སྙམ་དུ་ཡང་དག་པར་ཤེས་སོ།། རིགས་ཀྱི་བུ་འཛམ་བུའི་གླིང་ལ་ལར་ནི་ང་ཡང་དང་ཡང་དུ་ཡོངས་སུ་མྱ་ངན ་ལས་འདའ་བ་ལྟ་བུར་སྟོན་ཏེ། འོན་ཀྱང་གཏན་དུ་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདའ་བར་མི་བྱེད་དོ།། རེས་འགའ་ནི་སེམས་ཅན་རྣམས་དེ་བཞིན་གཤེགས་པ་རྨོངས་སོ་སྙམ ་དུ་ཡང་དག་པར་ཤེས་མོད་ཀྱི། དེ་བཞིན་གཤེགས་པ་ནི་དུས་ཐམས་ཅད་དུ་རྟག་པ་དང་། བརྟན་པ་དང་། ཐེར་ཟུག་པ་ཡིན་ཏེ། ཡོངས་སུ་མྱ་ངན་ལས་འདའ་བར་སྟོན་པ་ནི། སངས་རྒྱས་རྣམས ་ཀྱི་ཆོས་ཉིད་དོ། ། འཛམ་བུའི་གླིང་ལ་ལར་ནི་སྐྱེ་བར་སྟོན་ཏེ།། སེམས་ཅན་རྣམས་ཀྱིས་སྐྱེས་སོ་སྙམ་དུ་ཡང་དག་པར་ཤེས་སོ།། ང་ནི་བསྐལ་པ་བྱེ་བ་ཕྲག་གྲངས་མེད་པ་ནས་བྱ་བ་བྱས་ཟིན་མོད་ཀྱི ་དེར་ཡང་གོ་འཕང་ཐམས་ཅད་ཀྱི་དོན་ཐོབ་པའི་མཐར་ཐུག་པར་བསྟན་ཏེ། འདི་ནི་འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ།། འཛམ་བུའི་གློང་ལ་ལར་ནི་ངས་ཚུལ་ཁྲིམས་འཆལ་པ་འམ། ཕམ་པ་བྱུང ་བ་ལྟ་བུར་བསྟན་ཏེ། སེམས་ཅན་རྣམས་ཀྱིས་ཀྱེ་མ་ལམ་པ་བྱུང་བའོ་སྙམ་དུ་ཡང་དག་པར་ཤེས་མོད་ཀྱི། ང་ལ་ནི་སྔན་ཆད་གཡེལ་བར་གྱུར་པ་མེད་དོ།། འཛམ་བུའི་གླིང་ལ་ལར་ནི་ངས་བདག་ཉིད་དེ་བཞིན། ་གཤེགས་པ་ལ་ངན་སེམས་ཀྱིས་ཁྲ་ཕྱུང་བ་དང་། དགྲ་བཅོམ་པ་གསོད་པ་དང་། ཕ་མ་གསོད་པ་དང་། བདག་ཉིད་དགེ་འདུན་གྱི་དབྱེན་བྱེད་པར་སྟོན་ཏེ། སེམས་ཅན་རྣམས་ཀྱིས་ཀྱེ་མ་སེམས་ཅན་འདི་ནི་མཚམས་མེད ་བལྔའི་ལས་བྱེད་པ་ཡིན་ནོ་སྙམ་དུ་ཡང་དག་པར་ཤེས་མོད་ཀྱི། ངབང་དེ་ལྟ་བུའི་ལས་བྱེད་པ་མ་ཡིན་ལ། ལྷ་དང་བཅས་པའི་འཇིག་རྟེན་ནའང་སུས་ཀྱང་དགེ་འདུན་འབྱེད་མི་ནུས་སོ།། འཛམ་བུའི ་གླིང་ལ་ལར་ནི། ངས་དམ་པའི་ཆོས་སྤོང་བ་དང་། བདག་ཉིད་འདོད་ཆེན་པོར་སྟོན་ཏེ། སེམས་ཅན་རྣམས་ཀྱིས་ཀྱེ་མ་སེམས་ཅན་འདི་ནི་དམ་པའི་ཆོས་སྤོང་བ་དང་། འདོད ་ཆེན་པོའོ་སྙམ་དུ་ཡང་དག་པར་ཤེས་ལ། འདོད་ཆེན་པ་ལྟ་བུར་བསྟན་པ་ནི། མ་འོངས་པའི་སེམས་ཅན་རྣམས་ཀྱི་ཕྱིར་ཏེ། འཇིག་རྟེན་པ་ནི་རྟག་ཏུ་འདོད་ཆེན་པ་ཡིན་གྱི། སངས་རྒྱས་ནི་འདོད་ཆེན ་པ་མ་ཡིན་ནོ། ། འཛམ་བུའི་གླིང་ལ་ལར་ནི། ངས་དམ་པའི་ཆོས་འཛིན་པར་བསྟན་ཏེ། སེམས་ཅན་རྣམས་ཀྱིས་ཀྱེ་མ་དམ་པའི་ཆོས་ཀྱི་ཕྱོགས་འཛིན་པའོ་སྙམ་དུ་ཡང་དག་པར་ཤེས་སོ།། འདི་ནི ་སངས་རྒྱས་རྣམས་ཀྱི་རང་བཞིན་ཏེ། འདི་ནི་ཆོས་ཉིད་ཡིན་པས་ངོ་མཚར་ཆེ་བ་མེད་དོ།། འཛམ་བུའི་གླིང་ལ་ལར་ནི། ང་བདུད་བགེགས་བྱེད་པ་ལྟ་བུར་སྟོན་ཏེ།། སེམས་ཅན་རྣམས་ཀྱིས་ནི་ཀྱེ་མ་བདུད ་སྡིག་ཅན་སྙམ་དུ་ཡང་དག་པར་ཤེས་ལ། པདྨ་ཆུས་མི་གོས་པ་བཞིན་དུ་ང་ལ་བདུད་ཀྱི་ཉེས་པས་མི་གོས་སོ།། འཛམ་བུའི་གླིང་ལ་ལར་ནི། ང་བུད་མེད་ཀྱི་གཟུགས་ཀྱིས་འཚང་རྒྱ་བར་སྟོན་ཏེ ་སེམས་ཅན་ཡིད་གཉིས་ཟ་བ་རྣམས་ཀྱིས་བུད་མེད་འཚང་རྒྱ་བར་བྱེད་དོ་སྙམ་དུ་ཡང་དག་པར་ཤེས་ལ། ། དེ་བཞིན་གཤེགས་པ་ནི་རྟག་ཏུ་སྐྱེས་པ་ཁོ་ན་ཡིན་བཞིན་དུ། སེམས་ཅན་རྣམས་གདུལ་བའི་ཕྱིར ་གཉིས་ཀར་ཡང་སྟོན་ཏོ། ། དེ་བཞིན་དུ་གཟུགས་དུ་མའི་ཐབས་ཀྱི་ཕྱོགས་ལ་འཇུག་པ་བསྟན་ཏེ། དེ་དག་ཐམས་ཅད་ཀྱང་འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ།། འཛམ་བུའི་གླིང ་པར་ནི། ངས་འགྲོ་བ་བཞི་པོ་རྣམས་སུ་སྐྱེ་བར་བསྟན་ཏེ། དེའི་ལས་བྱེད་པའང་མ་ཡིན་ནོ།། དུད་འགྲོའི་སྐྱེ་གནས་སུ་འཇུག་པའང་འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ།། འཛམ་བུའི ་གླིང་ལ་ལར་ནི། ངས་ཚངས་པའི་གཟུགས་བསྟན་ཏེ། ཚངས་པ་ལ་དད་པའི་སེམས་ཅན་རྣམས་ལ་བགེགས་བྱ་བ་བསྟན་ནས། དམ་པའི་ཆོས་ལ་འགོད་པར་བྱེད་ལ། དེའི་ལས་བྱེད་པའང་མ ་ཡིན་ཏེ། སེམས་རྣམས་ཀྱིས་ཚངས་པའི་བདག་པོའོ་སྙམ་དུ་ཡང་དག་པར་ཤེས་སོ།། དེ་བཞིན་དུ་ལྷ་ཐམས་ཅད་ཀྱི་གནས་སུ་དེའི་གཟུགས་ཀྱིས་བགེགས་བྱས་ནས། སེམས་ཅན་ཐམས་ཅད་དམ། ་པའི་ཆོས་ལ་འགོད་པར་བྱེད་དེ། སེམས་ཅན་རྣམས་ཀྱིས་ལྷ་ཐམས་ཅད་ཀྱི་གནས་ཀྱི་བདག་པོའོ་སྙམ་དུ་ཡང་དག་པར་ཤེས་སོ།། འཛམ་བུའི་གླིང་ལ་ལར་ནི། ངས་སྨད་འཚོང་མ་རྣམས་ངེས་པར ་བསྒྲལ་བའི་ཕྱིར། སྨད་འཚོང་མའི་ཁྱིམ་དུ་འགྲོ་བར་བསྟན་ལ། ང་ལ་འདོད་པའི་ཉེས་པའང་མི་སྐྱེ་སྟེ། ཆུའི་ནང་གི་པདྨ་བཞིན་དུ་ང་ལ་འདོད་པ་རྣམས་ཀྱི་ཉེས་པས་མི་གོས་སོ།། ང་ནི་འདོད་པ་ལ ་ཆགས་པའི་སེམས་ཅན་རྣམས་འདོད་པའི་ཆུ་བོ་ལས་ངེས་པར་བསྒྲལ་བའི་ཕྱིར། བཞི་མདོ་དང་སུམ་མདོ་ཐམས་ཅད་དུའང་སྣང་མོད་ཀྱི། དེའི་ལས་བྱེད་པའང་མ་ཡིན་ཏེ། སེམས་ཅན་རྣམས་ཀྱིས ་ནི་འདི་ནི་ཡུལ་རྒྱུ་བ་ཡིན་ནོ་སྙམ་དུ་ཡང་དག་པར་ཤེས་སོ། ། འཛམ་བུའི་གླིང་ལ་ལར་ནི། ང་རོལ་མོ་པ་རྣམས་དམ་པའི་ཆོས་ལ་གཟུད་པའི་ཕྱིར་ང་རོལ་མོའི་གནས་སུ་འགྲོ་བར་བྱེད་མོད་ཀྱི། ང་ནི་ལས ་དེ་བྱེད་པའང་མ་ཡིན་ནོ། ། འཛམ་བུའི་གླིང་ལ་ལར་ནི། བྱིས་པ་རྣམས་ངེས་པར་བསྒྲལ་བའི་ཕྱིར། ཡི་གེ་སློབ་པའི་སར་སོང་སྟེ། གྲཝ་དཔོན་བྱེད་ཅིང་བྱིས་པ་རྣམས་སློབ་པར ་བྱེད་དོ། ། འཛམ་བུའི་གླིང་ལ་ལར་ནི།། སེམས་ཅན་དེ་དག་བསྒྲལ་བའི་ཕྱིར། ང་ཆང་འཐུང་བར་བྱེད།། རྒྱན་པོས་རྩེ་བར་བྱེད། གཡེངས་པ་ལ་དགའ་བར་བྱེད་དེ། ལས་ཆེན་པོ་དེ་དག་བྱེད་མོད་ཀྱི། ་ང་ནི་ལས་དེ་བྱེད་པའང་མ་ཡིན་ལ། སེམས་ཅན་རྣམས་ཀྱིས་འདི་ནི་ལས་དེ་བྱེད་པ་ཡིན་ནོ་སྙམ་དུ་ཡང་དག་པར་ཤེས་སོ།། འཛམ་བུའི་གླིང་ལ་ལར་ནི། བྱ་རྒོད་དང་ཁཱ་ཏ་རྣམས་ངེས་པར་བསྒྲལ་བའི ་ཕྱིར། ང་དུར་ཁྲོད་དུ་འགྲོ་བར་བྱེད་མོད་ཀྱི། དེ་རང་ལྟ་བའི་འདུ་ཤེས་མི་འཇུག་གོ།། འཛམ་བུའི་གླང་ལ་ལར་ནི། དམ་པའི་ཆོས་གནས་པར་བྱ་བའི་ཕྱིར། ཁྱིམ་བདག་ཏུའང་སྟོན་ཏོ།། དམ ་པའི་ཆོས་སྐྱོང་བ་དང་འཇིག་རྟེན་སྐྱོང་བའི་ཕྱིར། བློན་པོ་རྣམས་ཀྱི་ནང་དུ་བློན་པོར་བཀུར་རོ།། གཞོན་ནུ་རྣམས་ལ་དམ་པའི་ཆོས་ཡང་དག་པར་བསྟན་པའི་ཕྱིར། གཞོན་ནུ་རྣམས་ཀྱི་ནང་དུ་གནོ ་ནུར་བཀུར་རོ། ། དམ་པའི་ཆོས་ཀྱི་རྒྱལ་པོའི་ཆོས་ལུགས་ཡང་དག་པར་བསྟན་པའི་ཕྱིར། རྒྱལ་པོ་རྣམས་ཀྱི་ནང་དུ་རྒྱལ་པོར་བཀུར་རོ།། འཛམ་བུའི་གླིང་ལ་ལར་ནི། ནད་ཀྱི་བར་གྱི་བསྐལ་པའི ་ནང་དུ། སེམས་ཅན་རྣམས་ལ་སྨན་བྱིན་ནས།། དེ་དག་དམ་པའི་ཆོས་ལ་འཛུད་པར་བྱེད་དེ། སེམས་ཅན་རྣམས་ཀྱིས་ནད་ཀྱི་བར་གྱི་བསྐལ་བའོ་སྙམ་དུ་ཡང་དག་པར་ཤེས་སོ།། འཛམ་བུའི་གླིང ་ལ་པར་ནི། མུ་གེའི་བར་གྱི་བསྐལ་པའི་ནང་དུ། བཀྲེས་ཤིང་ཉམ་ཆུང་བའི་སེམས་ཅན་རྣམས་བདུད་རྩིའི་ཟས་ཀྱིས་ཚིམ་པར་བྱས་ནས། དམ་པའི་ཆོས་ལ་འཛུད་པར་བྱེད་དེ། སེམས་ཅན ་རྣམས་ཀྱི་མུ་གེའི་བར་གྱི་བསྐལ་པའོ་སྙམ་དུ་ཡང་དག་པར་ཤེས་སོ། ། འཛམ་བུའི་གླིང་ལ་ལར་ནི། མཚོན་གྱི་བར་གྱི་བསྐལ་པ་བསྟན་ཏེ། དེ་དག་འཚོགས་ཤིང་གཅིག་ལ་གཅིག་གསོད་པའི་དུས་ལ ་བབ་པ་ན། དེ་དག་དམ་པའི་ཆོས་ལ་འཛུད་པར་བྱེད་དེ། སེམས་ཅན་རྣམས་ཀྱིས་མཚོན་གྱི་བར་གྱི་བསྐལ་བའོ་སྙམ་དུ་ཡང་དག་པར་ཤེས་སོ།། འཛམ་བུའི་གླིང་ལ་ལར་ནི། སེམས་ཅན ་རྟག་པའི་འདུ་ཤེས་ཅན་རྣམས་ལ་མི་རྟག་པའི་འདུ་ཤེས་བསྟན་པའི་ཕྱིར། བསྲེག་པའི་བསྐལ་པ་བསྟན་ཏེ། སེམས་ཅན་རྣམས་ཀྱིས་བསྲེག་པའི་བསྐལ་པའོ་སྙམ་དུ་ཡང་དག་པར་ཤེས ་སོ་འཛམ་བུའི་གླིང་ལ་ལར་ནི། སེམས་ཅན་རྣམས་ལ་སྒྲ་སྐད་བསྟན་ཏེ། དེ་དག་སྒྲ་སྐད་ཀྱིས་དྲངས་ནས་ངེས་པར་སྒྲོལ་བར་བྱེད་དོ།། འཛམ་བུའི་གླིང་ལ་ལར་ནི། སེམས་ཅན་རྣམས ་ངེས་པར་བསྒྲལ་བའི་ཕྱིར། བདག་ཉིད་ཁམས་བཞི་པོ་རྣམས་སུ་སྒྱུར་བར་བྱེད་ཅིང་། སེམས་ཅན་རྣམས་ཀྱི་ནད་བསལ་བའི་ཕྱིར། བདག་ཉིད་སྨན་དང་ཤིང་ཐམས་ཅད་དུ་སྒྱུར་བར་བྱེད་དོ།། ་འཛམ་བུའི་གླིང་ལ་ལར་ནི། ཡ་མཚན་ཅན་ཐམས་ཅད་ཀྱི་ནང་དུ་རབ་ཏུ་འབྱུང་བར་ཡང་སྟོན་ཏེ། ཐམས་ཅད་དུ་མཁན་པོ་བྱེད་ཅིང་མཆོད་པར་འགྱུར་རོ།། དེ་བཞིན་གཤེགས་པ་ནི་སྔོན། ་བསྐལ་པ་བྱེ་བ་ཕྲག་གྲངས་མེད་པ་ནས་རབ་ཏུ་འབྱུང་བ་དེ་ཁོ་ན་ཉིད་ཀྱི་དོན་མཐར་ཐུག་ཟིན་བཞིན་དུ། ཡ་མཚན་ཅན་ཐམས་ཅད་ཀྱི་ནང་དུ་རབ་ཏུ་འབྱུང་བར་སྟོན་ཏེ། དེ་དག ་བར་བསྒྲལ་བའི་ཕྱིར་རོ། ། དེ་བཞིན་གཤེགས་པ་ནི་རྟག་ཏུ་རང་བཞིན་གྱི་སྐུར་གནས་མོད་ཀྱི། སེམས་ཅན་ཐམས་ཅད་ངེས་པར་བསྒྲལ་བའི་ཕྱིར། བཟོའི་གནས་ཐམས་ཅད་དུའང་སློབ ་དཔོན་བྱེད་དེ། རིག་སྔགས་དང་། གསང་སྔགས་དང་། སྤྲུལ་པ་ཐམས་ཅད་ཀྱང་སྟོན་ལ། ཡ་མཚན་ཅན་ཐམས་ཅད་ཀྱི་རྒྱགས་པ་དང་ང་རྒྱལ་བཅོམ་ནས། དེ་དག་ལ་ཤིང་བ་ལ ་ལྟ་བུར་སྙིང་པོ་མེད་པ་ཡང་དག་པར་སྟོན་ཅིང་། དེ་དག་དམ་པའི་ཆོས་ལ་འཛུད་པར་བྱེད་པ་འདི་ནི། འཇིག་རྟེན་དང་མཐུན་པར་བྱ་བ་ཡིན་ཏེ། དེར་སེམས་ཅན་ལྟ་བུའི་འདུ་ཤེས་ཅན ་རྣམས་ཀྱིས། སེམས་ཅན་འདི་ནི་འཇིག་རྟེན་པའོ་སྙམ་དུ་ཡང་དག་པར་ཤེས་མོད་ཀྱི། དེ་བཞིན་གཤེགས་པ་ནི་འཇིག་རྟེན་པ་མ་ཡིན་གྱི། འཇིག་རྟེན་ལས་འདས་པའི་ཆོས་གཟིགས་པ ་ཡིན་ནོ། ། འཛམ་བུའི་གླིང་ལ་ལར་ནི། འཇིག་རྟེན་དང་མཐུན་པར་བྱ་བས་ངེས་པར་བསྒྲལ་བའི་ཕྱིར། བྲན་དང་བྲན་མོར་ཡང་སྟོན་ཏེ། སེམས་ཅན་རྣམས་ཀྱི་བྲན་དང་བྲན་མོའོ་སྙམ ་དུ་ཡང་དག་པར་ཤེས་པ་དེ་ནི། རིགས་དམའ་བར་སྟོན་པ་ཡིན་ནོ།། འཛམ་བུའི་གླིང་ལ་ལར་ནི། ངས་འཇིག་རྟེན་པའི་བྱ་བ་ཐམས་ཅད་བསྟན་ཏེ། སེམས་ཅན་རྣམས་ཀྱིས་སེམས་ཅན ་འདི་ནི་འཇིག་རྟེན་གྱུར་བྱེད་པ་ཡིན་ནོ་སྙམ་དུ་ཡང་དག་པར་ཤེས་སོ། ། དེ་ལྟར་སྟོན་དུ་ཟིན་ཀྱང་དེ་བཞིན་གཤེགས་པ་ནི་ལས་དེ་བྱེད་པ་མ་ཡིན་ཏེ། འཇིག་རྟེན་ཐམས་ཅད་དང་མཐུན་པར་བྱ་བ ་ནི་འཇིག་རྟེན་བསྒྲལ་བའི་ཕྱིར་རོ། ། དེ་བཞིན་དུ་བྱང་གི་སྒྲ་མི་སྙན་དང་། ཤར་གྱི་ལུས་འཕགས་དང་། ནུབ་ཀྱི་བ་གླང་སྤྱོད་རྣམས་དང་། སྲིད་པ་ཉི་ཤུ་རྩ་ལྔ་དག་ཏུའང་འཇིག་རྟེན་པ ་དང་མཐུན་པར་བྱ་བའི་སྒོ་ནས་དེ་དང་དེ་དག་དེ་བཞིན་དུ་སྦྱར་ཏེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བརྗོད་པའང་དཔའ་བར་འགྲོ་བའི་ཏིང་ངེ་འཛིན་གྱི་ལུགས་བཞིན་དུ་སྦྱར་བར ་བྱའོ། ། དེ་བཞིན་གཤེགས་པས་བྱ་བ་ཆེན་པོ་ཐམས་ཅད་བསྟན་པའི་ཕྱིར། ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱ་སྟེ། འདི་ལ་གནས་བྱང་ཆུབ་སེམས་དཔའ་སེམས་དཔའ ་ཆེན་པོ་ནི། བྱ་བ་ཆེན་པོ་ཐམས་ཅད་དང་། ཆོ་འཕྲུལ་ཆེན་པོ་དང་། མི་འཇིགས་པ་འགོད་པར་བྱེད་པས་ན་རྟག་པ་ཆེན་པོ་ཞེས་བྱ་སྟེ། ཇི་ལྟར་བྱེད་ཅེས་དྲི་བར་མི་བྱའོ།། དེ་བཞིན་གཤེ ་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། སྒྲ་གཅན་ཟིན་གྱི་ཕར་གྱུར་པར་བསྟན་པའི་ཐབས་ལ་འཇུག་པ་ལྟ་བུས་འཇོག་རྟེན་དང་མཐུན་པར་མཛད་དོ་སྙམ་དུ་ཁོང་དུ ་ཆུད་པར་བྱ་སྟེ། བསྐལ་པ་བྱེ་བ་ཕྲག་དུ་མ་ནས་འདོད་པའི་ཆུ་བོ་ལས་བརྒལ་ཟིན་པས་ན། དེའི་ཕྱིར་དེ་བཞིན་གཤེགས་པ་ནི། རྟག་པ་དང་། བརྟན་པ་དང་། ཐེར་ཟུག་པ་ཡིན་ནོ།། གསོལ་པ ་འདིར་ཇི་ལྟར་མར་མེ་གུམ་པ་གང་དུ་མཆི་བའི་གནས་གདགས་སུ་མ་མཆིས་པར་བཀའ་སྩལ་པ་དེ་བཞིན་དུ། དེ་བཞིན་གཤེགས་པའི་མྱ་ངན་ལས་འདས་པའི་གནས་ཀྱང་དེ ་དང་འདྲ་བར་གསུངས་ན། ཇི་ལྟར་དེ་བཞིན་གཤེགས་པ་རྟག་པ་དང་། བརྟན་པ་དང་།། ཐེར་ཟུག་པ་ལགས། བཀའ་སྩལ་པ། རིགས་ཀྱི་བུ་མྱ་ངན་ལས་འདས་པ་ནི་མར་མེའི་གནས་དང་འདྲ ་བར་མ་བཤད་དེ། རིགས་ཀྱི་བུ་འདི་ལྟར་སྐྱེས་པ་འམ། བུད་མེད་གང་ཡང་རུང་བ་ཞག་གིས་སྣོད་ཆེན་པོ་འམ། ཆུང་ངུའང་རུང་སྟེ། མར་རམ་ཏིལ་མར་གྱིས་བཀང་ནས་མར་མེ་སྤར་ན ་མར་མེའི་མེ་ལྕེ་དེ་ཏིལ་མར་ཇི་སྲིད་ཡོད་པ་དེ་སྲིད་དུ་འབར་ལ། ། ཏིལ་མར་ཟད་ནས་མར་མེ་ཟད་པར་འགྱུར་རོ།། དེ་ལ་ཉོན་མོངས་པ་ཟད་པ་ནི། མར་མེ་ཟད་པ་དང་འདྲ་བར་བསྟན། དེ་བཞིན ་གཤེགས་པ་ནི་སྣོད་བཞིན་དུ་རྟག་པ་ཡིན། ། ཉོན་མོངས་པ་ཟད་པ་ནི་མར་མེ་དང་ཏིལ་མར་དང་འདྲ་ན། ཅི་སྣོད་ཀྱང་མར་མེ་དང་མགོ་མཉམ་དུ་མེད་པར་འགྱུར་རམ། གསོལ་པ། བཅོམ་ལྡན ་འདས་དེ་ནི་མ་ལགས་ཏེ། སྣོད་ནི་མ་མཆིས་པར་མི་འགྱུར་ལགས་ན། ཅི་ལགས། དེ་བཞིན་གཤེགས་པའང་སྣོད་དང་འདྲ་བ་རབས་པར་འགྱུར་རམ། གལ་ཏེ་དེ་བཞིན་གཤེགས་པའང་ཏིལ་མར་གྱི ་སྣོད་དང་འདྲ་ན་ནི། ། དེ་བཞིན་གཤེགས་པའང་ཟད་པར་འགྱུར་བར་བཀའ་སྩལ་པར་མི་འགྱུར་ལགས་སམ། བཀའ་སྩལ་པ།། དེ་བཞིན་གཤེགས་པ་ནི་སྣོད་དང་འདྲ་བ་མ་ཡིན་ཏེ ་མཆོག་ཏུ་རྟག་པ་གང་ཡིན་པ་དེ་ན་དེ་བཞིན་གཤེགས་པ་སྟེ། དེ་བས་ན་མྱ་ངན་ལས་འདས་པ་ནི་རྟག་ཏུ་མཆོག་ཏུ་བདེ་བ་ཡིན་ནོ།། རིགས་ཀྱི་བུ་གཞན་ཡང་མར་མེའི་གནས་དང་འདྲ་བ ་ནི་དགྲ་བཅོམ་པ་ཡིན་ཏེ། དེ་བས་ན་མྱ་ངན་ལས་འདས་པའི་གནས་དགྲ་བཅོམ་པ་ཉིད་ཐོབ་པ་ནི་འབྲས་བུའི་མཆོག་ཅེས་བྱའོ།། དགྲ་བཅོམ་པ་ཐམས་ཅད་ནི་ཟང་ཟིང་གི་ཞེན་པ་དང་བྲལ ་ཏེ་ཟང་ཟའི་མེད་པ་དང་མར་མེའི་གནས་བཞིན་དུ་མཐར་ཐུག་པ་དང་ཟང་ཟའི་མེད་པ་ལ་དགའ་བ་ཡིན་ནོ། ། ཕྱིར་མི་འོང་བའང་ཟང་ཟིང་མེད་པའི་དོན་ཡིན་པར་ངས་དགོངས་པའི་ཚིག ་གོས་བསྟན་ཏེ། མྱ་ངན་ལས་འདས་པའི་གནས་ནི་མ་ཡིན་ནོ།། གསོལ་པ། ཕྱིར་མི་འོང་བ་ཞེས་བཀའ་སྩལ་པ་དེའི་དོན་ཅི་ལགས། བཀའ་སྩལ་པ། ཡང་སྲིད་པ་ལེན་པ་གང་ཡིན ་པ་དེ་ནི་ཕྱིར་མི་འོང་བ་ཞེས་བྱའོ། ། གསོལ་པ། བཅོམ་ལྡན་འདས་ཕྱིར་མི་འོང་བ་ཞེས་བགྱི་བ་ལགས་ན། ཕྱིར་མི་འོང་བ་གང་ལགས་པ་དེ་ལའང་ཡང་སྲིད་པ་ལེན་པ་མཆིས་པར་འགྱུར་ན། ་ཅིའི་སླད་དུ་ཕྱིར་མི་འོང་བའང་སླར་འདིར་རང་བཞིན་གྱི་མི་གཙང་བའི་སྲིད་བུ་འཚལ་བའི་ལུས་ཅན་དུ་སྐྱེ་བར་མི་འགྱུར་ལགས། བཀའ་སྩལ་པ། ལུས་དེ་ནི་མི་ལེན་མོད་ཀྱི།། དུག་སྨན ་བཞིན་དུ་ལུས་ལེན་ཏོ། ། དེ་བས་ན་ཕྱིར་མི་འོང་བ་ཞེས་བྱའོ།། ཕྱིར་མི་འོང་བ་ཞེས་བྱ་བ་ནི། ལུས་ཞེས་བྱ་བའི་ཐ་ཚིག་གོ།། ཕྱིར་མི་འོང་བ་ཞེས་བྱ་བ་ནི། ཕན་ཚུན་འགྲོ་ཞེས་བྱ་བའི་ཐ་ཚིག ་གོར་གསོལ་པ། བཅོམ་ལྡན་འདས་ཅི་ལགས། བཅོམ་ལྡན་འདས་ཀྱི་བསྟན་པ་ལ་གསང་བ་མཆིས་སམ། དགོངས་པའི་ཚིག་དགོངས་པའི་ཚིག་ཅེས་གསང་བར་མི་མཛ ་དུ་གསོལ། བཅོམ་ལྡན་འདས་ཅི་ལགས། སངས་རྒྱས་ཀྱི་གསུང་མིག་འཕྲུལ་མཁན་གྱི་འཁྲུལ་འཁོར་དང་། སྒྱུ་མ་མཁན་གྱིས་བགྱིས་པའི་འཁྲུལ་འཁོར་གྱི་སྒྱུ་མའི་བུད་མེད་དང་འདྲ་ལགས་སམ། ་བཀའ་སྩལ་པ། ངའི་བསྟན་པ་ལ་ནི་གསང་བ་མེད་དེ། སངས་རྒྱས་ཀྱི་གསུང་ནི་སྟོན་གྱི་ཟླ་བ་རྒྱས་པ་བཞིན་དུ་སྐྱོན་མེད་པ་དང་། མཚན་མས་མ་བཏབ་པ་དང་། རྨོངས་པ་མེད་པ་དང ་གསང་བ་དང་། ། གསང་ཆེན་དང་བྲལ་བ་དང་། གསལ་བ་ཡིན་ནོ།། །། འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས་བམ་པོ་དྲུག་པ། ་རིགས་ཀྱི་བུ་དཔེར་ན་ཁྱིམ་བདག་བྲན་གཟའ་ཅན་ནོར་བྱེ་བ་བདོག་པ་ཞིག་ལ་བུ་གཅིག་པ་སྡུག་ཅིང་འཕངས་ལ། གཅེས་ཤིང་ཡིད་དུ་འོང་བ་ཞིག་ཡོད་དེ། དེས་བུ་དེ་ལ་བུའི་སློབ་དཔོན ་ལས་ཕྱིར་བཀུག་ནས། བུ་ལ་བྱམས་པའི་ཕྱིར་བདག་ཉིད་ཀྱིས་བསྒྲིམས་ཏེ་ཡི་གེ་ཕྱེད་པ་སློབ་པར་བྱེད་ན། དེས་བསྒྲིམས་ཏེ་ཡི་གེ་ཕྱེད་པ་བསླབས་སུ་ཟིན་ཀྱང་། ཅི་བརྡ་སྤྲོད་པའི་དོན་གྱི་བྱེ ་བྲག་སྟོན་པར་ནུས་སམ། བསྟན་པར་ནུས་སུ་ཟིན་ཀྱང་། ཅི་དེས་ཡི་གེ་ཕྱེད་པ་བསླབས་པས། བརྡ་སྤྲོད་པའི་དོན་ཤེས་པར་འགྱུར་རམ། ཅི་ཁྱིམ་བདག་བྲན་གཟའ་ཅན་རང་གི་བུ་ལ ་གསང་བར་བྱེད་དམ། གསོལ་པ། བཅོམ་ལྡན་འདས་དེ་ནི་མ་ལགས་ཏེ། བུའི་ཤེས་པའི་རྩ་ལ་དང་། ཡིད་རྣོ་རྟུལ་དེ་འདྲ་བ་དང་། ཤེས་པའི་རྩ་ལ་དང་མི་ལྡན་པའི་རྒྱུས་ན། དེ་ལ་གསབ ་བ་དང་འདྲ་བར་གདའ་བར་འགྱུར་ལགས་སོ། ། དེ་ལ་ཡིད་མི་བདེ་བ་དང་། གཡོ་ང་། སེར་སྣ་གང་ལགས་པ་དེ་ནི་གསང་བ་ལགས་པར་རིག་པར་བགྱིའོ།། དད་པ་དང་དགའ་བས་བུ ་གཅིག་པའི་འདུ་ཤེས་དང་ལྡན་པ་གང་ལགས་པ་དེ་ནི། གསང་བ་ཞེས་མི་བགྱི་ལགས་སོ།། བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། རིགས་ཀྱི་བུ་ཁྱོད་ལེགས་སོ།། སྡང ་བ་དང་། གཡོ་དང་། སེར་སྣ་དང་ལྡན་པ་གང་ཡིན་པ་དེ་ནི་གསང་བ་ཡིན་ཏེ། དེའི་སྟོབས་དང་བྱམས་པས་ཀྱང་། ཁྱིམ་བདག་བྲན་གཟའ་ཅན་དེ་སྟོན་པར་མི་བྱེད་པ་དེ་བཞིན་དུ། ཁྱིམ་བདག ་བྲན་གཟའ་ཅན་ལྟར་ང་སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམ་པ་དང་ལྡན་མོད་ཀྱི། བྱིས་པ་དེ་དག་གིས་མི་བཟོད་པའི་ཕྱིར། ང་དགོངས་པའི་ཚིག་མི་སྟོན་ཏེ། ངས་ཡི་གེ། ་བྱེད་པ་འདྲ་བར་ནི་གསུང་རབ་ཡན་ལག་དགུ་བསྟན་ཏོ།། བརྡ་སྤྲོད་པ་དང་འདྲ་བར་ནི། སྟོབས་བཅུ་དང་། འཕགས་པའི་བདེན་པ་བཞི་དང་། འཕགས་པའི་ལམ་ཡན་ལག་བརྒྱད ་པ་དང་། ཐེག་པ་ཆེན་པོ་ཤིན་ཏུ་རྒྱས་པའི་བརྡ་སྤྲོད་པར་བསྟན་ཏོ།། རིགས་ཀྱི་བུ་གཞན་ཡང་གང་གི་ཚེ་ཡི་གེ་ཕྱེད་པ་བསླབས་ནས། སྒྲ་རིག་པའི་འོས་སུ་གྱུར་པ་དེའི་ཚེ། ་ཁྱིམ་བདག་བྲན་གཟའ་ཅན་གྱི་གལ་ཏེ་བརྡ་སྤྲོད་པའི་དོན་སློབ་པར་མ་བྱེད་ན་ནི། དེ་ལྟར་ན་སེར་སྣ་བྱེད་པའི་ཕྱིར་གསང་བ་ཞེས་བྱའོ།། གལ་ཏེ་བརྡ་སྤྲོད་པའི་དོན་བསྟན ་ནནི། བྱིས་པས་བརྡ་སྤྲོད་པ་རྫོགས་པར་ལོབས་པར་འགྱུར་བ་དེ་བཞིན་དུ། ངའང་ཉན་ཐོས་རྣམས་ལ་ཇི་སྲིད་དུ་ཐེག་པ་ཆེན་པོའི་སྣོད་དུ་མ་གྱུར་པ་དེ་སྲིད་དུ་གསུང་རབ་ཡན་ལག་དགུ་སྟོན་ཏེ། ་གལ་ཏེ་ངས་སེམས་ཅན་སྣོད་དུ་གྱུར་པ་རྣམས་ལ་ཐེག་པ་ཆེན་པོ་བསླབ་པ་གསང་བར་བྱས་ན་ནི། དེ་ལྟར་ན་ང་ལ་བརྡ་སྤྲོད་པ་དང་འདྲ་བར་བྱས་སོ་ཞེས་སྨྲ་བའི་རིགས་སོ།། ད་ནི་ངས་བརྡ ་སྨོསྤྱོད་པ་དང་འདྲ་བར་དེ་བཞོན་གཤེགས་པ་རྟག་པ་དང་བརྟན་པར་བསྟན་ཏེ། ཁྱིམ་བདག་བྲན་གཟའ་ཅན་དང་འདྲ་བར་རང་གི་སྲས་ཚར་ཕྱིན་པར་མཛད་དེ། དེ་ལྟར་ན་རིག་པ་ཐམས ་ཅད་ཚར་ཕྱིན་པར་བྱེད་པ་བཞིན་དུ་ཚར་ཕྱིན་པར་བྱེད་དོ། ། རིགས་ཀྱི་བུ་གཞན་ཡང་དཔེར་ན་དབྱར་གྱི་སྤྲིན་ཆེན་པོ་རྣམས་འབྲུག་ཀྱང་དི་རི་རིར་སྒྲོགས་ཤིང་ཆར་ཆེན་པོ་འབེབས་སུ་ཟིན ་ཀྱང་སེམས་ཅན་ཁ་ཅིག་གོས་ས་བོན་མ་སྐྱེས་ན། ཅི་དེ་ལ་སྤྲིན་ཆེན་པོ་རྣམས་ཀྱིས་ཉེས་སམ། ཅི་སྤྲིན་ཆེན་པོ་རྣམས་ཆར་མི་འབེབས་སམ། དེ་བཞིན་དུ་དེང་ངས་ཡོངས་སུ་མྱ་ངན ་ལས་འདས་པ་ཆེན་པོ་གསང་ཆེན་མ་ལུས་པར་བསྟན་ཀྱང་། སེམས་ཅན་སྣོད་དུ་མ་གྱུར་པ་གང་ཡིན་པ་དེ་དག་གིས་མི་ཐོས་སོ།། ཡང་བཀའ་སྩལ་པ། གང་དག་ལ་ནི ་ཡོངས་བསགས་མེད། ། གང་དག་གིས་ནི་ཟས་མི་རྟོགས།། མཁའ་ལ་བྱ་རྣམས་རྗེས་འདྲ་བ།། དེ་དག་རྗེས་བཅད་དཀའ་བ་ཡིན།། བསྟན་པ་འདི་འདིའི་དོན་ཇི་ལྟ་བུ་ཞེ་ན། སུ་དག་ལ་ནི།། ་ཡོངས་བསགས་མེད།། སུ་དག་གི་ནི་ཟས་མི་རྟོགས།། གང་དག་གི་ནི་རྗེས་བཅད་དཀའ།། སུ་སོང་གང་སུ་སོང་བ་ན།། དེ་དག་རྗེས་བཅད་དཀའ་བ་ཡིན།། དེ་ལ་རིན་པོ་ཆེ་ལ་སོགས ་པ་ནི་བསགས་པའོ། ། ཡོངས་ཞེས་བྱ་བ་ནི་ཕྲད་ཀྱི་བྱེ་བྲག་གི་ཚིག་གོ།། ཡོངས་སུ་ཤེས་བྱ་བ་ནི་བསྡུས་པའི་དོན་ཏེ། འདིར་རྫས་བཟང་པོ་བསྒྲུབ་པའི་ཐ་ཚིག་གོ།། བསགས་པ་ཞེས་བྱ་བ་དང་།། ནོར་ཞེས ་བྱ་བ་ནི་དོན་གཅིག་གོ། ། གང་དག་ནོར་ཡོངས་སུ་བསགས་པར་བྱེད་པ་དེ་ནི། དེ་དག་གི་ཡོངས་སུ་བསགས་པ་ཞེས་བྱའོ།། དེ་ལ་ཡོངས་སུ་བསགས་པ་ཞེས་བྱ་བ་ནི་རྣམ་པ་གཉིས་ཏེ། འདུས་བྱས ་ཡོངས་སུ་བསགས་པ་དང་། འདུས་མ་བྱས་ཡོངས་སུ་བསགས་པའོ།། དེ་ལ་ཉན་ཐོས་ནི་འདུས་བྱས་ཡོངས་སུ་བསགས་པའི་རྣམ་པའོ།། དེ་བཞིན་གཤེགས་པ་ནི་འདུས་མ་བྱས་པ་ཡོངས་སུ ་བསགས་པའི་རྣམ་པའོ། ། དགེ་འདུན་ནི་རྣམ་པ་གཉིས་ཏེ། འདུས་བྱས་ཀྱི་དགེ་འདུན་དང་། འདུས་མ་བྱས་ཀྱི་དགེ་འདུན་ནོ།། དེ་ལ་འདུས་བྱས་ཀྱི་དགེ་འདུན་ཞེས་བྱ་བ་ནི། ཉན་ཐོས་ཀྱི་དགེ ་འདུན་ཡིན་ཏེ། ཉན་ཐོས་ཀྱི་དགེ་འདུན་ལ་ནི་ཡོངས་སུ་བསགས་པའང་མེད་ན། བྲན་དང་བྲན་མོ་ལ་སོགས་པ་རྫས་ངན་པ་རྣམས་དང་། མཛོད་དང་བང་བ་ཡོངས་སུ་འཛིན་པ་ལྟ་ག་པ་ཡོད་དེ། ་བོས་མ་ཡིན་པས་ན། དེ་དག་ནི་ཡན་ཚྭ་དང་ཏིལ་ཙམ་ཡང་ཡོངས་སུ་བསགས་པར་མི་བྱེད་དོ།། གང་དག་བཅོམ་ལྡན་འདས་ཀྱིས་བདག་ཅག་པ་བྲན་དང་བྲན་མོ་ལ་སོགས་པ་འཆང ་དུ་གནང་ངོ་ཞེས་ཟེར་བ་དེ་དག་གི་ལྕེ་ནི་ལྐུགས་པར་འགྱུར་སྲིད་དོ། ། ཉན་ཐོས་དེ་དག་ནི་ཡོངས་སུ་བསགས་པ་མེད་པའི་རྣམ་པ་ཡིན་ཏེ། དེ་དག་ནི་ཟས་ཡོངས་སུ་ཤེས་པའོ།། གང་དག་ཟས་ལ་ཞེན་པ ་མེད་པ་དེ་དག་ནི་ཟས་ཡོངས་སུ་ཤེས་པ་ཡིན་ནོ། ། དེ་དག་ནི་འགྲོ་བའི་ལམ་དུ་རྗེས་བཅད་པ་དཀའ་འོ།། དེ་དག་ནི་མྱུར་བ་ཁོ་ནར་སངས་རྒྱས་ཉིད་དུ་ཉེ་བར་གནས་སོ།། དེ་དག་གི་འགྲོ་བ་ནི་རྗེས་བཅད ་པ་དཀའ་འོ་ཞེས་དེ་བཞིན་གཤེགས་པ་གསུང་ངོ་། ། ཡང་བཀའ་སྩལ་པ། གལ་ཏེ་འདུས་བྱས་ཀྱི་དགེ་འདུན་ལའང་ཡོངས་སུ་བསགས་པ་མེད་ན། འདུས་མ་བྱས་པའི་དགེ་འདུན་ལ ་ལྟ་ག་ལ་ཡོད། འདུས་མ་བྱས་པའི་དགེ་འདུན་ནི་དེ་བཞིན་གཤེགས་པ་ལ་གསང་བའི་ཆོས་བསྟན་པ་ག་ལ་ཡོད། གསང་བ་གང་ཡིན་པ་དེ་ནི་ཡོངས་སུ་བསགས་པའོ།། རྗེས་བཅད་དུ་མེད་པ ་ནི་མི་གཡོ་བའི་བདེ་བ་སྟེ། མྱ་ངན་ལས་འདས་པའི་དོན་ཏོ།། དེ་ལ་ནི་ན་མཁའ་ཡང་མེད། ལོ་དང་། ཉི་མ་དང་། ཟླ་བ་རྣམས་ཀྱིས་ཀྱང་བྱར་མེད། མཇུག་རིངས་དང་། སྐར་མའི་ཚོགས ་རྣམས་དང་། རི་རྣམས་དང་། དུས་དང་། སྤྲིན་རྣམས་ཀྱང་མེད་དེ། སྐྱེ་བའི་རྒྱུན་ཆད་པ། འཆི་བ་དང་། ན་བ་དང་། རྒ་བ་དང་། སྲིད་པ་ཉི་ཤུ་རྩ་ལྔ་སྤངས་པ། སྡུག་བསྔལ་གྱི་རྣམ ་པ་དང་། ། ཉོན་མོངས་པ་དང་བྲལ་བ་སྟེ། དེ་བཞིན་གཤེགས་པ་རྟག་པ་དང་། བརྟན་པ་དང་། བདེ་བ་དང་། མི་གཡོ་བ་དང་། གནས་མེད་པ་ནི་ཡོངས་སུ་མྱ་ངན་ལས་འདས་པ་སྟེ། དེར་འགྲོ་བའི།། ་ཕྱིར་དེང་དེ་བཞིན་གཤེགས་པ་གྲོང་ཁྱེར་ཆེན་པོར་གཤེགས་སོ།། ཆེན་པོ་ཞེས་བྱ་བ་དང་། ཆེ་བ་ཞེས་བྱ་བ་ནི་དོན་གཅིག་གོ།། ཆེན་པོ་ཞེས་བྱ་བ་ནི་ལྷག་མ་དང་བཅས་པའི་ཚིག་བླ་དྭགས་ཏེ། ་འདི་ན་མི་ལ་ལ་ཚེ་དཔག་མེད་པར་གྱུར་ན། མི་དེ་སྐྱེས་བུ་ཆེན་པོ་ཞེས་བྱ་བའི་གྲངས་སུ་གཏོགས་ཏེ། གལ་ཏེ་ཆོས་དང་ལྡན་ན། མི་དེ་སྐྱེས་བུ་ཐམས་ཅད་ཀྱི་མཆོག་ཡིན་ནོ།། ཡང་འདིར་སྐྱེས་བུ།། ་ཆེན་པོའི་རྣམ་པར་རྟོག་པ་བརྒྱད་ཀྱིས་སྐྱེས་བུ་གཅིག་པུར་འགྱུར་ཏེ། སྐྱེས་བུ་ཆེན་པོ་དུ་མ་ཡོད་པའི་ནང་ན། གང་ལ་སྐྱེས་བུ་ཆེན་པོའི་རྣམ་པར་རྟོག་པ་བརྒྱད་ཡོད་པ་དེ་ནི་སྐྱེས་བུ་ཆེན་པོ་ཐམས་ཅད ་ཀྱི་ནང་ནའང་སྐྱེས་བུ་ཆེན་པོའོ་ཞེས་ངས་བཤད་པས་ན་དེའི་ཕྱིར་ཆེ་བ་ཞེས་བྱའོ། ། ལྷག་མ་དང་བཅས་པའི་མྱ་ངན་ལས་འདས་པ་ཞེས་བྱ་བ་ལ། གང་ལ་སྨན་བྱེད་པ་དེ་ནི་མྱ་ངན་ལས་འདས་པའོ།། ་དེ་ཅིའི་ཕྱིར་ཞེ་ན། རིགས་ཀྱི་བུ་དཔེར་ན་འདི་ན་མི་ལ་ལ་ཞིག་གདུག་པའི་ཟུག་རྔུས་ཕོག་སྟེ། བབ་རྡོའི་གནོད་པས་ཐེབས་ནས། བབ་རྡོའི་གནོད་པས་ཐེབས་པའི་མི་དེ་ཟུག་རྔུ་འབྱིན་པའི་སྨན་པ ་ཆེན་པོ་ཞིག་གིས་གསོས་ཏེ། གདུག་པའི་ཟུག་རྔུ་བསལ་ནས་བདེ་བར་བྱས་ཏེ། དེ་གནོད་པ་མེད་པ་མ་ཁོ་ན་བཞིན་དུ་བྱས་ནས། སྨན་པ་དེས་མི་དེ་བོར་ཏེ། ཡུལ་གཞན་ནམ། གྲོང་གཞན་ནམ། ་ཁྱིམ་གཞན་གང་ན་རྨས་པ་ཡོད་པ་དང་། གང་ན་རྨའི་ལས་བྱར་ཡོད་པ་དེ་ན་གནས་པ་དེ་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས ་སྨན་པ་ཆེན་པོ་ཟུག་རྔུ་འབྱིན་པས་ཀྱང་། འཛམ་བུ་གླེང་པའི་སེམས་ཅན་བསྐལ་པ་བྱེ་བ་ཕྲག་གྲངས་མེད་པ་ཚུན་ཆད་ནས། འདོད་ཆགས་དང་། ཞེ་སྡང་དང་། གཏི་མུག་ལ་སོགས་པ་ཉོན། ་མོངས་པའི་དུག་གིས་ཕོག་པའི་སེམས་ཅན་ཤིན་ཏུ་རྨས་པ་ཐམས་ཅད་ཀྱི་ཟུག་རྔུ་རྣམས་ཐེག་པ་ཆེན་མདོའི་སྡེ་ཚན་སྣ་ཚོགས་ཀྱི་དགེ་བའི་རྩ་བའི་སྨན་རྣམས་ཀྱིས་གསོ་བར་མཛད་དོ།། གསོས་ནས ་ཀྱང་དེ་རྣམས་མྱ་ངན་ལས་འདས་ཏེ། གང་ནས་སེམས་ཅན་རྨས་པ་རྣམས་ཡོད་པ་དེར། བཅོམ་ལྡན་འདས་ཡང་དག་པར་སྣང་བར་འགྱུར་རོ།། དེ་བས་ན་མྱ་ངན་ལས་འདས་པ་ཆེན་པོ་ནི། ཡང་དག ་པའི་དོན་ལ་རྟོག་པ་ཡིན་ནོ། ། ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱ་བ་ནི་སྲིད་པ་ཐམས་ཅད་ན་ཐར་པའི་གྲོང་ཁྱེར་གྱི་ཆོ་ག་བླ་དགས་ཡིན་ཏེ། གང་ལ་གདུལ་བར་བྱ་བ་རྣམས་ཡོད་པ་དེར་རྫོགས ་བར་སངས་རྒྱས་པར་སྣང་བ་འདི་ནི་ཆོ་ག་གྲགས་པའོ། ། གསལ་བའོ།། ཡང་དག་པའི་དོན་ནི་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ།། གསོལ་པ། བཅོམ་ལྡན་འདས་ཅི་ལགས། སྨན ་བས་རྨས་པ་ཐམས་ཅད་སོས་པར་བགྱིས་ནས། ཡུལ་དང་། གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་གཞན་གང་ན་རྨས་པ་རྣམས་མཆིས་པ་དེར་སྣང་བར་འགྱུར་རོ་ཞེས་བགྱི་ལགས་སམ། ་བཀའ་སྩལ་པ། རིགས་ཀྱི་བུ་སྲོག་ཆགས་རྨས་པ་ཐམས་ཅད་ཀྱི་ནད་གསོ་བར་བྱེད་ཅེས་དེ་སྐད་མ་ཟེར་ཅིག། གསོར་མི་རུང་བའི་སེམས་ཅན་གཞན་རྣམས་ནི་གསོ་བར་མི་བྱེད་དོ།། དེ་ཅིའི་ཕྱིར་ཞེ་ན།། ་དེ་དག་གི་ནད་ནི་གསོར་མི་རུང་བ་ཡིན་ཏེ། དེ་བཞིན་དུ་དེ་བཞིན་གཤེགས་པ་ནི་གསོར་མི་རུང་བའི་ནད་འདོད་ཆེན་པོ་མ་གཏོགས་པར། ནད་པ་ཐམས་ཅད་གསོ་བར་མཛད་དེ། གང་མྱ་ངན་ལས ་འདས་པ་དེ་དག་གསོས་པ་ཡིན་ནོ། ། གསོལ་པ། ཐར་པ་ཇི་ལྟ་བུ་ལགས། གཟུགས་ཅན་ལགས་སམ། གཟུགས་མ་མཆིས་ལགས། བཀའ་སྩལ་པ། ཁ་ཅིག་ནི་གཟུགས་ཅན་ནོ།། ་ཁ་ཅག་ནི་གཟུགས་ཅན་མ་ཡིན་པ་སྟེ། གཟུགས་ཅན་མ་ཡིན་པ་ནི་ཉན་ཐོས་དང་རང་སངས་རྒྱས་རྣམས་ཀྱིའོ།། སངས་རྒྱས་བཅོམ་ལྡན་འདས་རྣམས་ཀྱི་ནི་གཟུགས་ཅན་ཡིན་ནོ།། ཐར་པ་དེ་ནི ་གཟུགས་དང་གཟུགས་མེད་པ་ཡིན་ལ། གཟུགས་མ་ཡིན་ནོ་ཞེས་བྱར་ཡང་མི་རུང་ངོ་།། གསོལ་བ། ཅིའི་སླད་དུ་ལགས། བཀའ་སྩལ་པ། འོད་སྲུངས་ཆེན་པོ་དང་རུས་གཅིག་པ ་དཔེར་ན་འདུ་ཤེས་མེད་འདུ་ཤེས་མེད་མིན་གྱི་ལྷ་རྣམས་ཀྱི་ལུས་ནི་གཟུགས་དང་གཟུགས་མེད་པ་ཡིན་ལ། གཟུགས་ཡིན་ནོ་ཞེས་བྱར་ཡང་མི་རུང་བ་བཞིན་ནོ།། གསོལ་བ།། འདུ་ཤེས་མེད་འདུ ་ཤེས་མེད་མིན་གྱི་ལྷ་རྣམས་གཟུགས་དང་། གཟུགས་མ་མཆིས་པ་ལགས་ལ། གཟུགས་ཀྱང་མ་ལགས་ན། དེ་དག་ཇི་ལྟར་མ་མཆིས་པ་དང་། ཇི་ལྟར་རྒྱུ་བ་བསྟན་དུ་གསོལ། བཀའ ་སྩལ་པ། འདི་ནི་སངས་རྒྱས་ཀྱི་ཡུལ་ཡིན་ཏེ། ཉན་ཐོས་དང་རང་སངས་རྒྱས་ཀྱི་ཡུལ་མ་ཡིན་གྱིས་ཞོག་ཅིག། དེ་བཞིན་དུ་ཐར་པའང་གཟུགས་དང་གཟུགས་མེད་པ་ཡིན་ལ། ་གཟུགས་ཀྱང་མ་ཡིན་པས་ན། སངས་རྒྱས་ཀྱི་ཡུལ་ཡིན་གྱི། ཉན་ཐོས་དང་རང་སངས་རྒྱས་ཀྱི་ཡུལ་མ་ཡིན་ནོ།། གསོལ་པ། བཅོམ་ལྡན་འདས་དེ་བཞིན་གཤེགས་པས་ཡོངས་སུ་མྱ་ངན་ལས ་འདས་པ་ཆེན་པོའི་ཚུལ་གྱི་ཐར་པ་བསྟན་དུ་གསོལ། བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། ཐར་པ་ཞེས་བྱ་བ་ནི་འཆིང་བ་ཐམས་ཅད་དང་བྲལ་བའོ།། ཡང་བཀའ ་སྩལ་པ། ཐར་ཞེས་བྱ་བ་གང་ཡིན་པ་དེ་ནི། མ་སྐྱེས་པའི་ཕྱིར། དེ་ནི་འཆིང་བ་ཐམས་ཅད་དང་ཤིན་ཏུ་བྲལ་བ་སྟེ། ཇི་ལྟར་ལ་མ་ཕྲད་པའི་ཡོན་ཏན་ལས་བུ་སྐྱེ་བ་དེ་བཞིན་དུ ་སྐྱེས་པ་མ་ཡིན་ཏེ། ཐར་པ་ནི་རང་གི་ཡུལ་དུ་གནས་པའོ།། མ་སྐྱེས་པ་ཞེས་བྱ་བ་ནི། འདི་ལྟར་མར་གྱི་སྙིང་ཁུ་རང་བཞིན་གྱིས་རང་གི་ངོ་བོ་ཉིད་དུ་འདུག་པ་དེ་བཞིན་དུ། དེ་བཞིན ་གཤེགས་པ་ནི་ཡབ་ཡུམ་འཁྲིག་པ་ལས་བྱུང་བའང་མ་ཡིན་ལ། དེ་བཞིན་གཤེགས་པས་ནི་གདུལ་བར་བྱ་བའི་དབང་གིས་ཡབ་ཡུམ་གཉིས་ཀྱང་བསྟན་ཏོ།། ཐར་པ་གང་ཡིན་པ་དེ་ནི་དེ་བཞིན ་གཤེགས་པ་སྟེ། མ་བྱུང་བར་བྱུང་བའི་ཕྱིར་རོ།། དཔེར་ན་སྲན་སྡེའུ་འམ་སྲན་ཟེའུ་དཔྱིད་ཟླ་ར་བའི་ངོ་འམ། དབྱར་གྱི་དུས་སམ། སྟོན་ཟླ་ཐ་ཆུང་གི་ངོ་ལ་ས་བོན་བཏབ་ན་དེ་དག་ལས ་མྱུ་གུ་འབྱུང་བར་འགྱུར་བ་བཞིན་དུ། ཐར་པ་ནི་དེ་ལྟ་མ་ཡིན་ནོ།། མ་བྱུང་བ་གང་ཡིན་པ་དེ་ནི་ཐར་པའོ།། ཐར་པ་གང་ཡིན་དེ་ནི་དེ་བཞིན་གཤེགས་པ་སྟེ་མ་བྱུང་བའོ།། དེ་བཞིན་གཤེགས ་པ་ནི་མ་བྱུང་བ་ཁོ་ན་སྟེ། དེ་བཞིན་གཤེགས་པ་ནི་མྱུ་གུ་ཡོད་པ་དང་མེད་པར་འགྱུར་བ་དེ་བཞིན་དུ་ཡོངས་སུ་བརྟག་པར་མི་བྱའོ།། དེ་བཞིན་གཤེགས་པ་ནི་རང་བཞིན་གྱིས་མ་བྱུང་བ་སྟེ། ་དེ་བས་ན་མ་བྱུང་བའོ།། མ་བྱུང་བ་ཞེས་བྱ་བ་ནི་མ་བྱས་པའོ།། མ་བྱས་པ་ཞེས་བྱ་བ་ནི་ཇི་ལྟར་གྲོང་ཁྱེར་དང་། གྲཝའི་ཡང་ཐོག་དང་། སྒོ་ཁང་བྱེད་པ་དེ་བཞིན་དུ། ཐར་པ་ནི་དེ་ལྟ་མ་ཡིན ་ཏེམ་བྱས་པ་གང་ཡིན་པ་དེ་ནི་ཐར་པའོ། ། དེ་ནི་དེ་བཞིན་གཤེགས་པའོ།། འདུས་མ་བྱས་པ་འདུས་མ་བྱས་པ་ཞེས་བྱ་བ་ནི།། ཇི་ལྟར་རྫ་མཁན་གྱིས་སྣོད་བྱས་ནས། དེའི་འོག་ཏུ་ཞིག ་པར་འགྱུར་བ་བཞིན་དུ། ཐར་པ་ནི་དེ་ལྟ་མ་ཡིན་ནོ།། ཐར་པ་ནི་སྐྱེ་བའང་མེད། འགག་པའང་མེད་དོ།། ཐར་པ་གང་ཡིན་པ་དེ་བཞིནི་གཤེགས་པ་སྟེ། སྐྱེ་བའང་མེད། འཆི ་བའང་མེད་དོ། ། གང་སྐྱེ་བ་མེད་པ་དང་། མ་ཞོག་པ་དང་། རྒ་བ་མེད་པ་དང་། འཆི་བ་མེད་པ་དང་། འདུས་མ་བྱས་པ་དེ་ནི་དེ་བཞིན་གཤེགས་པ་སྟེ། དེ་བས་ན་དེ་བཞིན་གཤེགས ་པ་ནི་ཡོངས་སུ་མྱ་ངན་ལས་འདས་པ་ཆེན་པོར་འགྲོ་བའོ། ། རྒ་བ་མེད་པ་དང་འཆི་བ་མེད་པ་ཞེས་བྱ་བ་ནི། མགོ་དཀར་བ་དང་། རྒ་བ་དང་། ན་བ་དང་། འཆི་བའི་ཆོས་དང་། འདུས ་བྱས་ཀྱི་རང་བཞིན་གྱི་རྟོག་པ་དེ་ལྟ་བུ་ནི་ཐར་པ་མ་ཡིན་གྱི། གང་ལ་གོང་དུ་སྨོས་པ་རྣམས་མེད་པ་ཐར་པ་ཡིན་ཏེ། དེ་བས་ན་རྒ་བ་མེད་པ་ཞེས་བྱའོ།། ཐར་པ་གང་ཡིན་པ་དེ་ནི ་དེ་བཞིན་གཤེགས་པ་སྟེ། དེ་བཞིན་གཤེགས་པ་ལ་ནི་མགོ་དཀར་བ་དང་། རྒ་བ་དང་། འདུས་བྱས་ཀྱི་རྣམ་པར་འགྱུར་བ་མེད་དོ།། དེ་བས་ན་དེ་བཞིན་གཤེགས་པ་ནི་རྒ་བ་མེད་པའི་སྐུ ་ཡིན་ན། ། འཆི་བར་ལྟག་ལ་འགྱུར།། ནད་མེད་པ་ནད་མེད་པ་ཞེས་བྱ་བ་ནི། གློ་བུར་གྱི་ནད་བཞི་བརྒྱ་རྩ་བཞིས་གནོད་པར་གྱུར་པ་དང་། ཉེས་དམིགས་དུ་མ་དང་ལྡན་པའི་ལུས་གང ་ལ་མེད་པ་དེ་ལྟ་བུའི་རང་བཞིན་ཡིན་ཏེ། དེ་བས་ན་ཐར་པ་ནི་ནད་མེད་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པ་སྟེ། དེ་བཞིན་གཤེགས་པ་ལའང་ནད་ཀྱི་བག་ཡོང་མེད་ན། ་ཆོས་ཀྱི་སྐུ་ལྟ་ལ་ན་ག་ལ་ཡོད། དེ་བས་ན་དེ་བཞིན་གཤེགས་པ་ནི་ནད་མེད་པའོ།། འཆི་བ་མེད་པ་འཆི་བ་མེད་པ་ཞེས་བྱ་བ་ནི། གང་ལ་མིའི་ལུས་བཞིན་དུ་འཆི་བ་མེད་པའོ།། དེ་ནི ་ཐར་པ་ཡིན་ཏེ། དེ་ལ་ནི་དུས་འདི་ཙམ་གྱིས་ན་ཟད་པའི་མཐར་འགྱུར་པའམ། འཚོ་བའི་མཐར་འགྱུར་རོ་ཞེས་བྱ་བའི་མིང་ཡང་མེད་དེ། འཆི་བ་དང་བྲལ་བ་ནི་ཐར་པའོ།། ཐར་པ ་གང་ཡིན་པ་དེ་ནི་དེ་བཞིན་གཤེགས་པའོ། ། དེ་ལྟ་བུའི་ཡོན་ཏན་དང་ལྡན་པ་ལ་འཆི་བར་འགྱུར་བ་ཞེས་བྱ་བ་དེ་ནི་མི་སྲིད་དེ། ཀླུ་རྡོ་རྗེ་ལྟར་མཁྲེགས་པ་མི་རྟག་པར་ག་ལ་ཞིག་འགྱུར་ཏེ། ་དེ་བས་ན་འཆི་བ་མེད་པ་ནི་དེ་བཞིན་གཤེགས་པའོ།། ཉོན་མོངས་པ་ཅན་ཉོན་མོངས་པ་ཅན་ཞེས་བྱ་བ་ལ། ཐར་པ་ནི་ནུར་ནུར་པོ་མི་གཙང་བས་མ་རུང་བར་གྱུར་པ་མ་ཡིན་ཏེ། ཐར་པ་ནི། ་ཇི་ལྟར་མེ་ཏོག་ཀུ་མུ་ཏ་དཀར་པོ་བཞིན་དུ་གསལ་བའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། འདོད་པའི་ཉེས་པ་སྣ་ཚོགས་བསྟན་པ་ནི་ཐབས་ཡིན་པར་བལྟ་བར་བྱའོ།། དེ ་བས་ན་དེ་བཞིན་གཤེགས་པ་ནི་ཉོན་མོངས་པ་ཅན་མ་ཡིན་ནོ། ། ཟག་པ་མེད་པ་ཟག་པ་མེད་པ་ཞེས་བྱ་བ་ནི། རྨ་མེད་པའི་དོན་ཏེ། དེ་ནི་ཐར་པ་ཡིན་ནོ།། ཐར་པ་གང་ཡིན་པ་དེ་ནི་དེ་བཞིན ་གཤེགས་པ་སྟེ། དེ་བས་ན་ཟག་པ་མེད་པ་ཞེས་བྱའོ།། གནོད་པ་མེད་པ་གནོད་པ་མེད་པ་ཞེས་བྱ་བ་ནི། ཇི་ལྟར་བཀྲེས་པས་གཡོས་བྱེད་པ་མ་མཐོང་ན། གནོད་པར་འགྱུར་བ་དེ་བཞིན ་དུ་ཐར་པ་ནི་དེ་ལྟ་མ་ཡིན་ཏེ། གནོད་པ་མེད་པ་གང་ཡིན་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཞི་བ་ཞི་བ་ཞེས་བྱ་བ་ནི། འཇིག་རྟེན་པ་རྣམས་ཀྱིས ་ནི་ལྷའི་གཟུགས་ལ་ཞི་བ་ཞེས་བྱ་བས་ན། དེ་ནི་བརྫུན་ཏེ། ཐར་པ་མ་ཡིན་ནོ།། རང་བཞིན་གྱིས་ཞི་བ་གང་ཡིན་པ་དེ་ནི་དེ་བཞིན་གཤེགས་པ་སྟེ། གང་གི་ཕྱིར་སེམས་ཅན་ཐམས་ཅད་ཀྱི ་ཞི་བའི་མཆོག་ཡིན་པས་ན་དེའི་ཕྱིར་ཞིབ་ཞེས་བྱའོ། ། ཞི་བ་གང་ཡིན་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། བདེ་བ་བདེ་བ་ཞེས་བྱ་བ་ནི། ཇི་ལྟ་ཆོམ་རྐུན་གྱིས ་འཇིགས་ནས། ལམ་བདེ་བར་འགྲོ་བ་བཞིན་དུ། ཐར་པ་ནི་དེ་ལྟ་མ་ཡིན་ཏེ། རང་བཞིན་གྱིས་བདེ་བ་དེ་ལ་ནི་འཇིགས་པའི་མིང་ཡང་མེད་དེ། དེ་བས་ན་བཅོས་མ་མ་ཡིན་པའི ་བདེ་བ་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། སེམས་ཅན་ཐམས་ཅད་ལ་བདེ་བ་བྱེད་པ་ནི་དེ་བཞིན་གཤེགས་པའོ།། གཉེན་པོ་མེད་པ་གཉེན་པོ་མེད་པ་ཞེས་བྱ་བ་ལ ་གཉེན་པོ་མེད་པ་ཞེས་བྱ་བ་ལ། གཉེན་པོ་མེད་པ་ཞེས་བྱ་བ་ནི། ཇི་ལྟར་རྒྱལ་པོ་ཤིར་དོགས་ཤིང་འཇིགས་པ་བཞིན་དུ། ཐར་པ་ནི་དེ་ལྟ་མ་ཡིན་ཏེ། ཐར་པ་ནི་ཡེ་རང་བཞིན་གྱིས་གཉེན་པོ ་མེད་པའོ། ། གཉེན་པོ་མེད་པ་ཞེས་བྱ་བ་ནི། འཁོར་ལོ་སྒྱུར་བའི་རྒྱལ་པོ་ལྟ་བུ་སྟེ། དེ་ལ་གཞན་སླར་འཇིགས་པར་བྱེད་ནུས་པ་སུའང་མེད་དེ། ཡོད་མི་སྲིད་དོ།། དེ་བཞིན་དུ་ཐར་པ ་ལའང་ཐར་པའི་ཆོས་གཞན་ཟླར་གྱུར་པ་མེད་དེ། ཡོད་མི་སྲིད་དོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། དེ་བཞིན་གཤེགས་པ་ཆོས་ཀྱི་འཁོར་ལོ་བསྐོར་བ་ནི་དགྲ་གཞན ་མེད་པ་དེ་བས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་གཉེན་པོ་མེད་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། མྱ་ངན་མེད་པ་མྱ་ངན ་མེད་པ་ཞེས་བྱ་བ་ནི། གང་ལ་མྱ་ངན་མེད་པ་སྟེ། ཇི་ལྟར་རྒྱལ་པོ་དཀྲུགས་མ་བྱེད་པའི་རྒྱལ་པོ་གཞན་གྱིས་རྒྱལ་སྲིད་ཕྲོགས་ཏེ། ཡུལ་འཁོར་བཅོམ་ཞིང་བཤོག་པ་ནི་ཤིན་ཏུ་མྱ་ངན་གྱིས ་ཐེབས་པ་བཞིན་དུ། མྱ་ངན་ལས་འདས་པ་ནི་དེ་ལྟ་མ་ཡིན་ཏེ། ཇི་ལྟར་རྒྱལ་པོ་གཞན་གྱིས་མ་ཚུགས་ཏེ་དགྲ་དང་བྲལ་བར་གྱུར་ནས་མྱ་ངན་མེད་པ་བཞིན་དུ། ཐར་པ་ཐོབ་པ་རྣམས་ཀྱང་མྱ། ་ངན་མེད་པའོ།། ཐར་པ་གང་ཡིན་པ་དེ་ནི་མྱ་ངན་ལས་འདས་པའོ།། མྱ་ངན་ལས་འདས་པ་གང་ཡིན་པ་དེ་ནི་དེ་བཞིན་གཤེགས་པའོ།། མྱ་ངན་དང་བྲལ་བ་མྱ་ངན་དང་བྲལ་བ་ཞེས་བྱ་བ ་ནིཇི་ལྟར་བུད་མེད་རང་གི་བུ་དམག་ཏུ་སོང་ནས་ཤིའོ་ཞེས་ཐོས་པ་ལས་ཕྱིར་འོངས་པ་མཐོང་ན་མྱ་ངན་དང་བྲལ་བར་འགྱུར་བ་བཞིན་དུ། མྱ་ངན་ལས་འདས་པ་དེ་ནི་དེ་ལྟ་མ་ཡིན་ཏེ། ཐར ་པ་ནི་རྟག་ཏུ་མྱ་ངན་དང་བྲལ་བའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། རྡུལ་མེད་པ་རྡུལ་མེད་པ་ཞེས་བྱ་བ་ལ། རྡུལ་ཞེས་བྱ་བ་ནི་ས་རྡུལ་དང་ཉལ་ཉི་ལ་ཡིན་ཏེ། ཇི་ལྟར ་དཔྱིད་ཀྱི་དུས་ཕྱི་དྲོ་རླུང་ལངས་པས། རྡུལ་བསླང་བ་བཞིན་དུ། ཐར་པ་ནི་དེ་ལྟ་མ་ཡིན་ནོ།། རྡུལ་མེད་པ་རྡུལ་མེད་པ་ཞེས་བྱ་བ་ནི། ཇི་ལྟར་རྒྱལ་པོའི་གཙུག་གི་ནོར་བུ་དག་པ་དེ་བཞིན ་དུ་རང་བཞིན་གྱིས་རྡུལ་མེད་པ་ནི་ཐར་པའོ། ། ཐར་པ་ཀང་ཡིན་པ་དེ་ནི་དེ་བཞིན་གཤེགས་པའོ།། རྡུལ་དང་བྲལ་བ་རྡུལ་དང་བྲལ་བ་ཞེས་བྱ་བ་ནི། ཇི་ལྟར་ན་གསེར་ཡོངས་སུ་དག་པ་སྟེ། ་གསག་མ་དང་རྡོ་མེད་པར་གྱུར་པ་དབྱིག་ཏུ་རེད་པ། རང་བཞིན་དུ་གྱུར་པ་དེ་བཞིན་དུ། སྐྱོན་བྱང་བའི་རང་བཞིན་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། སོབ་སོམ། ་པོ་མ་ཡིན་པ། སོབ་སོབ་པོ་མ་ཡིན་པ་ཞེས་བྱ་བ་ནི། ལམ་པའི་ཞོའི་བུམ་པ་གས་པ་བཞིན་དུ། ཐར་པ་ནི་དེ་ལྟ་མ་ཡིན་ཏེ། ལྕགས་དང་རྡོ་རྗེའི་བུམ་པ་བཞིན་དུ་སོབ་སོང་པོ ་མ་ཡིན་པ་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། སོབ་སོབ་པོ་མ་ཡིན་པའི་ཆོས་ཅན། སོབ་སོབ་པོ་མ་ཡིན་པའི་ཆོས་ཅན་ཞེས་བྱ་བ་ནི། ཇི་ལྟར་ཨེ་རན་དའི་འབྲས ་བུ་བརྡས་ནས་སོས་ཀའི་དུས་སུ་ཁང་ཐོག་ཏུ་བཏིང་ན་ཀུན་ནས་ཙེ་གཙེག་ཟེར་ཞིང་། ཀུན་ནས་འགས་པ་དེ་བཞིན་དུ། ཐར་པ་ནི་དེ་ལྟ་མ་ཡིན་ནོ།། སོབ་སོབ་པོ་མ་ཡིན་པའི་ཆོས་ཅན་ཞེས་བྱ་བ་ནི། ་ཇི་ལྟར་ལྕགས་དང་རྡོ་རྗེའི་བུམ་པ་ཤིང་རྟ་པ་སྟོང་གིས་མདས་འཕངས་ཀྱང་ཕིགས་པར་མི་ནུས་པ་དེ་བཞིན་དུ། སོབ་སོབ་པོ་མ་ཡིན་པའི་ཆོས་ཅན་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན ་གཤེགས་པའོ། ། ཅི་བྱར་ཡང་མེད་པ་ཅི་བྱར་ཡང་མེད་པ་ཞེས་བྱ་བ་ནི། ཇི་ལྟར་མི་དབུལ་པོ་ཞིག་ལ་བུ་ཡོན་ཆགས་པ་ལས་ཕྱུག་པོའི་ལག་ཏུ་འོངས་ནས་ཉོན་མོངས་སུ་ཟིན་ཀྱང་། ཅིའང ་འཇལ་དུ་མེད་ནས་བཏང་བ་བཞིན་དུ། ཐར་པ་དེ་ལྟ་མ་ཡིན་ཏེ། ཙོ་བྱར་ཡང་མེད་པ་ཞེས་བྱ་བ་ནི། ཇི་ལྟར་མི་ནོར་བྱེ་བ་བདོག་པ་སུའི་བུ་ལོན་ཡང་མ་ཆགས་པ་དེ་བཞིན་དུ། ཆོས་བྱེ་བ་ཕྲག ་མང་པོ་བདོག་པའི་མཆོག་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཅི་བྱར་ཡང་མེད་པའི་ཆོས་ཅན། ཅི་བྱར་ཡང་མེད་པའི་ཆོས་ཅན་ཞེས་བྱ་བ་ནི། ཇི་ལྟར་མི ་དབུལ་པོས་རང་གི་ཁྱིམ་ན་ག་ལ་ནའང་ནོར་མེད་དེ། བདག་གིས་སྦྱིན་པོ་བླང་ངོ་སྙམ་ནས། དེས་སེམས་ལོངས་སུ་ཆུད་པ་བཞིན་དུ། ཐར་པ་ནི་དེ་ལྟ་མ་ཡིན་ཏེ། ཙཾ་བྱར་ཡང་མེད་པའི་ཆོས་ཅན ་ཞེས་བྱ་བ་ནི། ཇི་ལྟར་ཁྱིམ་བདག་ནོར་བྱེ་བ་བདོག་པ་ཉི་མ་དང་། ཟླ་བ་ལའང་རག་མ་ལུས་ཏེ། དེ་ལྟར་འབྱོར་པ་དང་ལྡན་པའི་ཁྱིམ་བདག་གིས་ནི་ཉི་མ་ལྡན་ནེར་འདུག་གོ་ཞེ་འམ། ཟླ་བ་ཤར ་ཏོ་ཞེས་བྱ་བའི་སྒྲའང་མི་ཐོས་སོ། ། དེ་ལྟར་མཆོག་ཏུ་སྐྱིད་པའི་ཁྱིམ་བདག་འཁོར་ལོས་སྒྱུར་བའི་རོགས་སུ་སྐྱེས་པ་དེ་ནི། ཕྱི་སྲིད་དུ་བྱ་བའི་ཕྱིར་གཞན་ལས་སྦྱིན་པོ་ལེན་ཅེ་འམ། ཡང་ན་གཞན ་གྱིས་འདི་ནི་ཕ་རོལ་ལས་སྦྱིན་པོ་ལེན་ཅིང་ཟའོ་ཞེས་བརྗོད་པ་མེད་དེ། དེ་ནི་མི་སྲིད་དོ།། དེ་བཞིན་དུ་ཐར་པའང་ཐར་པའི་གཞན་ལེན་ཏོ་ཞེས་བྱ་བ་དེ་ནི་མི་སྲིད་དོ།། དེ་བས་ན་ཅི་བྱར་ཡང་མེད་པའི ་ཆོས་ཅན་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། གནོད་པ་མེད་པ་གནོད་པ་ཞེས་བྱ་བ་ནི་ཇི་ལྟར་སོས་ཀའི་དུས་སུ་ཧ་ཅང་ཚ་ཆེས་པ་བསྟེན་པ་དང་། དབྱར་གྱི་དུས ་སུ་ཧ་ཅང་མངར་ཆེས་པ་བསྟེན་པ་དང་། དགུན་གྱི་དུས་སུ་ཧ་ཅང་བསིལ་ཆེས་པ་བསྟེན་པས། བདག་ཉིད་གནོད་པ་རྣམས་ཀྱིས་ཉེན་པ་དེ་ལས་གནོད་པ་རྣམས་འབྱུང་བ་བཞིན་དུ། ཐར་པ་ནི ་དེ་ལྟར་ནད་མང་པོས་གནོད་པར་འགྱུར་བ་མ་ཡིན་ནོ། ། གཞན་ཡང་གནོད་པ་ཞེས་བྱ་བ་ནི། ཇི་ལྟར་ཤ་དང་ཉ་ཤ་ཟོས་པའི་འོག་ཏུ་འོ་མ་འཐུང་བ་ནི་འཆི་བར་འགྱུར་བ་བཞིན་དུ། ཐར་པ་ནི་གནོད ་པའི་ཆོས་ཅན་མ་ཡིན་ནོ། ། གནོད་པ་མེད་པ་ཞེས་བྱ་བ་ནི། ཇི་ལྟར་ཁ་ཟས་མཐུན་པ་ཟབས་རོ་ཞོམ་པའང་མྱོང་ལ། བདུད་རྩིའང་ཟོས་པར་འགྱུར་བ་བཞིན་དུ ་ཐར་པ་ནི་བཞིན་གྱིས་བདུད་རྩི་ལྟ་བུ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། གནོད་པ་མེད་པའི་ཆོས་ཅན་གནོད་པ་མེད་པའི་ཆོས་ཅན་ཞེས་བྱ ་བ་ནི་ང་ཇི་ལྟར་ང་རྒྱལ་གྱིས་ཁེངས་པའི་མི་ང་རྒྱལ་གྱིས་དྲེགས་ཤིང་མྱོས་ནས་ང་མི་འཆིའོ་སྙམ་སྟེ། སྦྲུལ་དང་སྟག་ལ་འཛིན་དུ་རྩོལ་བ་ལས། དེས་ཟིན་ནས་དུས་མ་ཡིན་པའི་འཆི་བས་འཆི་བར ་འགྱུར་བ་དེ་བཞིན་དུ། ང་རྒྱལ་གྱི་ཁེངས་པ་ནི་ཐར་པར་མི་འགྱུར་རོ།། གནོད་པ་མེད་པའི་ཆོས་ཅན་ཞེས་བྱ་བ་ནི། ཇི་ལྟར་འཁོར་ལོ་སྒྱུར་བའི་རྒྱལ་པོའི་འཁོར་བ་རིན་པོ་ཆེའི་གཟི་བརྗིད་ཀྱིས་སྲོག ་ཆགས་གདུག་པ་སྦུར་བུ་དང་། སྦྲུལ་དང་། ཀན་བྷ་དང་། སྡོམ་ལ་སོགས་པའི་རིགས་དགུ་བཅུ་རྩ་དྲུག་པོ་རྣམས་ཀྱིས་ཐག་རིང་པོ་ནས་དེའི་དྲི་ཚོར་བ་ཙམ་གྱིས་འཁར་བ་རིན་པོ་ཆེའི་རང་བཞིན་གྱི་དྲིས ་སྐྲག་ནས་དུག་མེད་པར་འགྱུར་བ་དེ་བཞིན་དུ། ཐར་པ་ནི་རང་བཞིན་གྱིས་སྲིད་པའི་ཉེས་པ་ཉི་ཤུ་རྩ་ལྔ་དང་བྲལ་བ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཉེན་མེད་པ་ཉེན ་མེད་པ་ཞེས་བྱ་བ་ལ། ཐར་པ་ནི་ཨེ་ལ་སྔོན་པོ་དང་ལྗང་ཁུའི་མདོག་ལྟ་བུ་མ་ཡིན་ནོ།། ཉེན་མེད་པ་ཞེས་བྱ་བ་ནི། ཇི་ལྟར་ན་མཁའ་ལ་ཉེན་མེད་པ་བཞིན་དུ། ཐར་པའང་དེ་དང་འདྲ་སྟེ། ཐར་པ ་གང་ཡིན་པ་དེ་ནི་དེ་བཞིན་གཤེགས་པའོ། ། ཉེན་མེད་པའི་ཆོས་ཅན་ཉེན་མེད་པའི་ཆོས་ཅན་ཞེས་བྱ་བ་ནི། ཇི་ལྟར་རྟེན་ལ་མར་མེ་ཉེན་དུ་འགྱུར་བ་བཞིན་དུ། ཐར་པ་ནི་དེ་ལྟ་མ་ཡིན ་ཉེན་མེད་པའི་ཆོས་ཅན་ཞེས་བྱ་བ་ནི། ཇི་ལྟར་ཟླ་བའི་འོད་སེམས་ཅན་ཐམས་ཅད་ལ་ཉེན་མེད་པ་བཞིན་དུ། ཐར་པའང་དེ་དང་འདྲ་སྟེ། སེམས་ཅན་ཐམས་ཅད་ལ་ཉེན་མེད་པའི ་ཚུལ་ཅན་ཡིན་ནོ། ། དེ་བས་ན་ཉེན་མེད་པ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཅིའང་མེད་པ་ཅིའང་མེད་པ་ཞེས་བྱ་བ་ནི། ཇི་ལྟར་མིའི་མཛའ་བོ་དང་དགྲ ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཅིའང་མེད་པ་ཞེས་བྱ་བ་ནི། ཇི་ལྟར་འཁོར་ལོས་སྒྱུར་བའི་རྒྱལ་པོ་ལ་དགྲ་ཡོད་ཅེས་བྱ་བ་ནི་མི་སྲིད་དོ།། ཐར་པའང་དེ་དང་འདྲའོ།། ཐར་པ་གང ་ཡིན་པ་དེ་ནི་དེ་བཞིན་གཤེགས་པའོ། ། ཅིའང་མེད་པ་ཞེས་བྱ་བ་ནི། ཇི་ལྟར་རས་དཀར་པོ་དགོས་པ་འགའི་ཕྱིར་བསྒྱུར་ན།། སྔོན་པོ་དང་དམར་པོར་འགྱུར་བ་བཞིན་དུ། ཐར་པ་ནི ་དེ་ལྟ་མ་ཡིན་ནོ། ། ཅིའང་མེད་པ་ཞེས་བྱ་བ་ནི། ཇི་ལྟར་ཀླུ་ཤིང་གི་མེ་ཏོག་དྲིང་བར་འགྱུར་བ་འམ། སྔོན་པོར་འགྱུར་མི་སྲིད་པ་བཞིན་དུ། ཐར་པའང་དེ་དང་འདྲ་སྟེ། ཅུང་ཟད ་ཅོག་ཡོད་དོ་ཞེས་བྱ་བ་མི་སྲིད་དེ། མེ་ཏོག་དེའི་དྲི་གཅིག་པུ་ཁོ་ནར་ཟད་པ་བཞིན་ནོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ངོ་མཚར་ངོ་མཚར་ཞེས་བྱ་བ་ནི། ཇི་ལྟར ་ཆུའི་ནང་ན་པདྨ་ཡོད་པ་ངོ་མཚར་མི་ཆེ་བ་བཞིན་དུ། ཐར་པ་ནི་དེ་ལྟ་མ་ཡིན་ཏེ། ངོ་མཚར་ཞེས་བྱ་བ་ནི། ཇི་ལྟར་མེའི་ནང་དུ་མེ་ཏོག་པདྨ་རྒྱས་པ་མཐོང་ན་དགའ་བ ་སྐྱེ་བ་དེ་བཞིན་དུ། ཐར་པ་ཡོད་ན་དགའ་བ་སྐྱེ་བར་འགྱུར་རོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། རྨད་དུ་བྱུང་བ་རྨད་དུ་བྱུང་བ་ཞེས་བྱ་བ་ནི། ཇི་ལྟར་བྱིས་པའི་སོ་རྣམས ་ཕྱིས་སྐྱེས་པ་དེ་བཞིན་དུ། ཐར་པ་ནི་དེ་དུས་ལ་བབ་པ་དང་དུས་ལ་མ་བབ་པ་ལས་འགྱུར་བ་མེད་དོ།། ཡ་མཚན་ཞེས་བྱ་བ་ནི། ཇི་ལྟར་འདོད་ཆེན་པ་རྣམས་ཀྱི་འདོད་ཆེན་པར་ལྷུང་བ། ་སངས་རྒྱས་སུ་འགྱུར་ཞེས་བྱ་བ་ནི་མི་སྲིད་དོ།། གང་གི་ཚེ་དམ་པའི་ཆོས་ལ་དད་པ་དང་ལྡན་པ་འམ། དགེ་བསྙེན་དུ་གྱུར་པ་དེའི་ཚེ་ཐར་པ་ཟད་པར་འགྱུར་རོ་ཞེས་བྱ་བ་ནི་མི་སྲིད་དེ། ཁམས ་དེ་ནི་རང་བཞིན་གྱིས་རྨད་དུ་བྱུང་བའོ། ། དེ་བས་ན་ཐར་པ་ནི་རྨད་དུ་བྱུང་བ་ཞེས་བྱའོ།། འདོད་ཆེན་པའི་ལྟར་དེ་བཞིན་གཤེགས་པ་ནི་ཟད་པ་མེད་པའོ།། དགེ་བའི་རྩ་བའི་སེམས་ལ་དམིགས། ་པ་ལ་ནི་ཆོས་རྣམས་སྐྱེ་བ་མེད་དེ། སྐྱེ་བ་མེད་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། དཔག་ཏུ་མེད་པ་དཔག་ཏུ་མེད་པ་ཞེས་བྱ་བ་ནི། ཇི་ལྟར་འབྲུའི་ཕུང་པོ ་འམ་པ་འབྲས་སཱ་ལུའི་ཕུང་པོ་གཞལ་དུ་ཡོད་པ་བཞིན་དུ། ཐར་པ་ནི་དེ་ལྟ་མ་ཡིན་ནོ།། དཔག་ཏུ་མེད་པ་ཞེས་བྱ་བ་ནི། ཇི་ལྟར་རྒྱ་མཚོའི་ཆུ་དཔག་ཏུ་མེད་པ་བཞིན་དུ། ཐར་པའང་དེ་དང ་འདྲ་བར་དཔག་ཏུ་མེད་དོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཚད་མེད་པའི་ཆོས་ཅན་ཚད་མེད་པའི་ཆོས་ཅན་ཞེས་བྱ་བ་ནི། ཇི་ལྟར་སེམས་ཅན་རྣམས་ཀྱི་ལས་ཀྱི་རྣམ་པར ་སྨིན་པ་ཚད་ཡོད་པའི་ཆོས་ཅན་ཡིན་པ་བཞིན་དུ། ཐར་པ་ནི་དེ་ལྟ་མ་ཡིན་ཏེ། ཚད་མེད་པའི་ཆོས་ཅན་ཞེས་བྱ་བ་ནི། ཇི་ལྟར་སེམས་ཅན་རྣམས་ཀྱི་འཁོར་བའི་མཐའ་ལས་ངེས་པར་འབྱུང ་བ་ཚད་མེད་པ་བཞིན་དུ། ཐར་པའང་དེ་དང་འདྲའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། མཆོག་དང་ཕུལ་དང་གཙོ་བོ་ཞེས་བྱ་བ་ནི། གང་ལ་མཆོག་དང་། ཕུལ་དང ་གཙོ་བོར་གྱུར་པའི་ཐར་པ་གཞན་མེད་པ་སྟེ། ཇི་ལྟར་རྒྱ་མཚོ་ཆེན་པོ་ལ་དེ་དང་འདྲ་བའི་ཆུ་ཆེན་པོ་གཞན་མེད་པ་བཞིན་དུ། ཐར་པའང་དེ་དང་འདྲ་སྟེ། ཐར་པ་རང་ཉིད་མཆོག་དང ་ཕུལ་དང་། གཙོ་བོ་ཡིན་ནོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། རབ་རབ་ཅེས་བྱ་བ་ནི། ཇི་ལྟར་ནམ་མཁའི་གོང་ན་ནམ་མཁའ་གཞན་ནམ། ནམ་མཁའ་ལས་ལྷག ་པའི་ཆོས་གཞན་མེད་པ་དེ་བཞིན་དུ། ཐར་པའི་གོང་ན་ཐར་པའི་ཆོས་གཞན་མེད་དེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཀུན་ཏུ་རབ་ཀུན་ཏུ་རབ་ཅེས་བྱ་བ་ནི། ཇི་ལྟར་ནི ་དགས་ཐམས་ཅད་ལས་འདས་པ་ནི་སེང་གེའི་ས་ཡིན་པ་དེ་བཞིན་དུ་ཐར་པ་ནི་ཆོས་ཐམ་ཅད་པ་འདས་ཏེ། གཅིག་པུ་འོད་གསལ་པའོ།། ཐར་པ་གང་ཡིན་བ་དེན་དེ་བཞིན་གཤེགས་པའོ།། བླ་མ་བླ་མ་ཞེས་བྱ་བ་ནི། ཇི་ལྟར་ཕྱོགས ་ཐམས་ཅད་ཀྱི་ནང་ན་བྱང་ཕྱོགས་མཆོག་ཅེས་བྱ་བ་བཞིན་དུ། ཐར་པའང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། བླ་ན་མེད་པའི་ཡང་བླན།། ་མེད་པ་ཞེས་བྱ་བ་ནི། ཇི་ལྟར་ཡུལ་ཐམས་ཅད་ཀྱི་ནང་ན་བྱང་ཕྱོགས་པ་ལ་ཡུལ་བླ་ན་མེད་པ་ཞེས་བྱ་བ་བཞིན་དུ། ཐར་པའང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན ་གཤེགས་པའོ། ། ངེས་པ་ངེས་པ་ཞེས་བྱ་བ་ནི། ཇི་ལྟར་ལྷ་རྣམས་དང་མི་རྣམས་ཀྱི་འཆི་བ་ནི་ངེས་ལ། སྲོག་ནི་མ་ངེས་པ་སྟེ། ཐར་པ་ནི་ལྷ་དང་མི་རྣམས་ཀྱི་འཆི་བར་ངེས་པ ་བཞིན་དུ། ངེས་པ་དང་གནས་པའི་ཆོས་ཅན་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། མི་བརྟན་པ་མ་ཡིན་པ་མི་བརྟན་པ་མ་ཡིན་པ་ཞེས་བྱ་བ་ནི། ཇི་ལྟར་འདམ་བུ ་དང་ཨཻ་རནད་དང་། དབུ་བ་རྣམས་མི་བརྟན་པ་བཞིན་དུ། ཐར་པ་ནི་དེ་ལྟ་མ་ཡིན་ནོ།། མི་བརྟན་པ་ཞེས་བྱ་བ་ནི་མར་གྱི་ཉིད་ཁྲུ་ལྟ་བུའོ།། ཐར་པ་ནི་མི་བརྟན་པ་མ་ཡིན་པའོ།། ་ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། འཇིགས་པའི་ཆོས་ཅན་མ་ཡིན་པ་འཇིགས་པའི་ཆོས་ཅན་མ་ཡིན་པ་ཞེས་བྱ་བ་ནི། ཇི་ལྟར་རྟོག་ངོས་ལ་སྦྲང་བུ་འཁོད་པ་རྣམས་ལ ་ཅིག་ནི་འབྱར། ཁ་ཅིག་ནི་འཁོད། ཁ་ཅིག་ནི་འགྲོ། ཁ་ཅིག་ནི་རྩེ་བ་བཞིན་དུ། ཐར་པ་ནི་དེ་སྙ་མ་ཡིན་ནོ།། འཇིགས་པའི་ཆོས་ཅན་མ་ཡིན་པ་ཞེས་བྱ་བ་ནི། ཛཾ་ལྟར་རི་མོ ་མཁན་གྱིས་རི་མོ་བྲིས་པའི་རྩིག་ངོས་ལ་དེ་དག་འཁོད་པར་མི་ནུས་ཤིང་། འབྱར་བར་མི་འགྱུར་བ་དེ་བཞིན་དུ། ཐར་པ་ནི་ཉེས་པ་ཐམས་ཅད་ཀྱིས་མི་གོས་པ་སྟེ། ཐར་པ་གང་ཡིན་པ་དེ་ནི ་དེ་བཞིན་གཤེགས་པའོ། ། མཐའ་ཡས་པ་མཐའ་ཡས་པ་ཞེས་བྱ་བ་ལ། ཐར་པ་ནི་གྲོང་ཕྲག་ལྟ་བུ་མ་ཡིན་ཏེ། མཐའ་ཡས་པ་ནི་ཇི་ལྟར་ནམ་མཁའ་ལ་མཐའ་མེད་པ་དེ་བཞིན་དུ། བདེ ་བའི་རྣམ་པ་མཐའ་ཡས་པ་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། བསྟན་དུ་མེད་པ་བསྟན་དུ་མེད་པ་ཞེས་བྱ་བ་ནི། ཇི་ལྟར་ནམ་མཁའ་ལ་བྱའི་རྗེས་མི་སྣང ་བ་བཞིན་དུ། ཐར་པ་ནི་བརྟག་པར་དཀའ་བ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཟབ་མོ་ཟབ་མོ་ཞེས་བྱ་བ་ནི། ཤིན་ཏུ་ཤ་ཐང་བས་འཇུག་པའི་ཆོས་ཅན་ཡིན་ཏེ། ་ཇི་ལྟར་ཕ་མ་དཀའ་བ་བྱེད་པའི་ཡོན་ཏན་རྣམས་ཤིན་ཏུ་ཤ་ཐང་བས་འཇུག་པའི་སྒོ་ནས་ཤིན་ཏུ་ཟབ་པ་དེ་བཞིན་དུ། ཐར་པ་ནི་ཟབ་པ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས ་པའོ། ། ཤིན་ཏུ་བལྟ་དཀའ་བ་ཤིན་ཏུ་བལྟ་དཀར་བ་ཞེས་བྱ་བ་ནི། ཇི་ལྟར་མིས་རང་གི་མགོ་བོའི་སྟེང་ཤིན་ཏུ་བལྟ་དཀའ་བ་དེ་བཞིན་དུ། ཐར་པ་ནི་ཉན་ཐོས་དང་རང་སངས་རྒྱས་ཐམས་ཅད་ཀྱིས ་ཀྱང་ཤིན་ཏུ་བལྟ་བར་དཀའ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། གནས་མེད་པ་གནས་མེད་པ་ཞེས་བྱ་བ་ནི། ཁྱིམ་དང་ནམ་མཁའི་ཚིག་བླ་དགས་ཏེ། ཐར་པ་ནི་དེ་ལྟ་མ་ཡིན ་ནོ། གནས་མེད་པ་ཞེས་བྱ་བ་ནི་གོ་སྐབས་མེད་པའི་ཚིག་བླ་དགས་ཏེ། གང་ལ་སྲིད་པའི་གནོད་པ་ཉི་ཤུ་རྩ་ལྔ་མེད་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན ་གཤེགས་པའོ། ། ཉོན་མོངས་པ་མེད་པ་ཉོན་མོངས་པ་མེད་པ་ཞེས་བྱ་བ་ནི། ཇི་ལྟར་མིའི་ཆང་བར་སྐྱུ་རུ་ར་གཟུང་དུ་ཡོད་པ་བཞིན་དུ། ཐར་པ་ནི་དེ་དང་འདྲ་བར་ཙའང་གཟུང་དུ་མེད་དོ།། ཉོན ་མོངས་པ་མེད་པ་ཞེས་བྱ་བ་ནི། ཇི་ལྟར་སྒྱུ་མ་མཁན་གྱིས་སྤྲུལ་པའི་སྒྱུ་མ་ལ་ནི་ཅིའང་གཟུང་དུ་མེད་པ་བཞིན་དུ། ཐར་པའང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ། ་སྐྱོན་མེད་པའི་ལུས་སྐྱོན་མེད་པའི་ལུས་ཞེས་བྱ་བ་ནི། ཇི་ལྟར་མིའོ་ལུས་ལ་སྨེ་བ་དང་། ཤུ་བ་དང་། མཛེ་དང་། པགས་པའི་ནད་དང་། སྐྱོན་རྣམས་མེད་པར་འགྱུར་བ་བཞིན་དུ། ་ཐར་པ་ནི་དེ་ལྟ་མ་ཡིན་ནོ།། སྐྱོན་མེད་པའི་ལུས་ཞེས་བྱ་བ་ནི། ཇི་ལྟར་བའི་འོ་མ་རང་བཞིན་གྱིས་མདོག་གཅིག་པ་བཞིན་དུ། ཐར་པའང་མཚན་ཉིད་གཅིག་པ་སྟེ། ཐར་པ་གང་ཡིན་པ ་དེ་ནི་དེ་བཞིན་གཤེགས་པའོ། ། དག་པ་དག་པ་ཞེས་བྱ་བ་ནི། ཇི་ལྟར་རྙོག་པའི་དྲི་མ་དང་འདྲེས་པའི་ཆུའི་ནང་དུ་ཀ་ཏ་ཀའི་འབྲས་བུ་བརྡར་ན་ཆུའི་རང་བཞིན་དུ་དག་པར་འགྱུར་བ་བཞིན ་དུང་ཐར་པ་ནི་དེ་ལྟ་མ་ཡིན་ནོ། ། དག་པ་ཞེས་བྱ་བ་ནི། ཇི་ལྟར་ནམ་མཁའ་ལ་ཆར་བའི་ཆུ་རོ་གཅིག་ཅིང་རྣམ་པར་དག་པ་བཞིན་དུ། ཐར་པའང་དེ་དང་འདྲ་སྟེ། ཐར་པ་གང་ཡིན་པ ་དེ་ནི་དེ་བཞིན་གཤེགས་པའོ། ། གྲོལ་བ་གྲོལ་བ་ཞེས་བྱ་བ་ལ། ཐར་པ་ནི་ཟླ་བ་ཚེས་བཅོ་ལྔའི་དྲི་མ་མེད་པ་དང་འདྲ་སྟེ། ཟླ་བ་སྤྲིན་གྱིས་ཡོགས་པ་ལྟ་བུ་མ་ཡིན་ནོ།། ཐར་པ་གང་ཡིན་པ་དེ ་ནི་དེ་བཞིན་གཤེགས་པའོ། ། ཞི་བ་ཞི་བ་ཞེས་བྱ་བ་ནི།། ཇི་ལྟར་སེམས་ཅན་རིམས་ནད་ཀྱིས་ཐེབས་པ་ལ། རིམས་ནད་དང་བྲལ་བར་གྱུར་པ་བཞིན་དུ། ཐར་པ་ནི་དེ་ལྟ་མ་ཡིན་ཏེ། ཞི་བ ་ཞེས་བྱ་བ་ལ། ཐར་པ་ནི་སེམས་ཅན་ནད་མེད་ཅིང་གནོད་པ་མེད་པ་བཞིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། མཉམ་པ་ཉིད་མཉམ་པ་ཉིད་ཅེས་བྱ་བ་ནི། ཇི་ལྟར་ཡུག་ཐུག ་རཱ་གཉིས་ཕན་ཚུན་འཐབ་པ་ན། སྟོབས་མཉམ་པ་བཞིན་དུ། ཐར་པ་ནི་དེ་ལྟ་མ་ཡིན་ཏེ། ཇི་ལྟར་མ་དང་བུ་མཐུན་པར་སྨྲ་བ་དེ་བཞིན་དུ། ཐར་པའང་དེ་དང་འདྲ་སྟེ། ཐར་པ་གང་ཡིན་པ་དེ ་ནི་དེ་བཞིན་གཤེགས་པའོ། ། ཉེ་བར་ཞི་བ་ཉེ་བར་ཞི་བ་ཞེས་བྱ་བ་ལ། གནས་ཀྱི་མཆོག་དེ་ཐོབ་པ་ནི། གནས་གཞན་འདོད་མི་སྲིད་དོ།། ཆོ་ག་མི་ཤེས་པ་ཞེས་བྱ་བ་ནི། ཇི་ལྟར ་ཉམ་ཆུང་བའི་ཚེ། ཁ་ཟས་ཀྱི་མཆོག་ཟོས་པའི་འོག་ཏུ། དར་བ་བཏུང་བའི་སེམས་སྐྱེས་པར་འགྱུར་བ་བཞིན། ཐར་པ་ནི་དེ་ལྟ་མ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན ་གཤེགས་པའོ། ། ཆད་པ་ཆད་པ་ཞེས་བྱ་བ་ནི། སྲེད་པའི་ཞགས་པ་ལྟ་བུའི་ནང་གི་འདོད་པ་ཆད་པ་གང་ཡིན་པ་དེ་ནི་ཆད་པའི་སྒོ་ནས་ཐར་པ་ཡིན་ནོ།། ཐར་གང་ཡིན་པ་དེ་ནི་དེ་བཞིན ་གཤེགས་པའོ། ། ཕ་རོལ་ཕ་རོལ་ཞེས་བྱ་བ་ནི། ཇི་ལྟར་ཆུ་ཀླུང་ལ་ཚུ་རོལ་དང་ཕ་རོལ་གྱི་འགྲམ་གཉིས་ཡོད་པ་བཞིན་དུ། ཐར་པ་ནི་དེ་ལྟ་མ་ཡིན་ཏེ། ཐར་པ་ནི ་རོལ་ཡིན་ནོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཆུ་ཀླུང་བཞིན་ཞེས་བྱ་བ་ལ། ཆུ་ཀླུང་ཉིད་དཔེར་རུང་བར་ཟད་ཀྱི། འཇིག་རྟེན་ན་ཆུ་ཀླུང་གཞན་དཔེར་རུང་བ་མེད་དོ།། ་ཆུ་ཀླུང་ཞེས་བྱ་བ་ནི་རྒྱ་མཚོ་ལ་བྱ་སྟེ། ཆུ་ཀླུང་ཐམས་ཅད་ཀྱི་ནང་ན་རྒྱ་མཚོ་འབའ་ཞིག་ཆུ་ཀླུང་ཡིན་པས་ན། རྒྱ་མཚོ་ནི་ཆུ་ཀླུང་ཞེས་བྱ་བའི་གྲངས་སུ་གཏོགས་སོ།། ཆུ་ཀླུང ་ཞེས་བྱ་བ་ནི་སྒྲ་ཆེན་པོ་སྒྲོགས་པོའི་ཕྱིར་ཏེ། ཐར་པ་ནི་ཆུ་ཀླུང་རྒྱ་མཚོའི་ཕ་རོལ་དང་འདྲའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། བཟང་པོ་ཞེས་བྱ་བ་ནི། གང ་ལ་ཀོ་ཤ་ཏ་ཀཽའི་འབྲས་བུའི་རོ་ཚ་བ་མེད་པ་སྟེ། ཐར་པ་ནི་ཀོ་ཤ་ཏ་ཀཾའི་འབྲས་བུ་ལྟ་བུ་མ་ཡིན་གྱི། ཐར་པ་ནི་རྒུན་འབྲུམ་ལྟ་བུ་ཡིན་ནོ།། ཐར་པ་གང་ཡིན་པ་དེ་ནི་དེ་བཞིན་གཤེགས ་པའོ། ། ཇི་ལྟར་སྙན་པ་རྩི་དང་སྨན་ཐམས་ཅད་ཀྱིས་སེམས་གནས་པར་བྱས་ནས་ནད་དོ་ཅོག་སེལ་བ་དེ་བཞིན་དུ། ཐར་པའང་ཉེས་པ་ཐམས་ཅད་དང་བྲལ་བའོ།། ཐར་པ་གང་ཡིན ་པདེ་ནི་དེ་བཞིན་གཤེགས་པའོ། ། འདུན་པ་དྲག་པོ་འདུན་པ་དྲག་པོ་ཞེས་བྱ་བ་ནི། ཇི་ལྟར་གྲོང་ཆུང་ངུར་སྐྱེ་བོ་ཕལ་པོ་སྐབས་མེད་པ་དེ་བཞིན་དུ། ཐར་པ་ནི་དེ་ལྟ་མ་ཡིན་ཏེ། ཐར་པ ་གང་ཡིན་པ་དེ་ནི་དེ་བཞིན་གཤེགས་པའོ། ། སྲེད་པ་དང་དགའ་བ་ཟད་པ་ཞེས་བྱ་བ་ནི། སྒྱུ་མ་སྤྲུལ་པ་དང་བྲལ་བ་ལྟ་བུ་སྟེ། གང་ལ་སྐྱེས་པ་དང་། བུད་མེད་འཁྲིག་པའི་ཆོས་ཅན་རྣམས ་ཀྱིས་ཕན་ཚུན་དུ་གཏམ་ཟེར་བ་ཡོད་པ་དེ་བཞིན་དུ། ཐར་པ་ནི་དེ་ལྟ་མ་ཡིན་ཏེ། རང་བཞིན་གྱིས་ངོ་བོ་ཉིད་ཀྱིས་ཆོས་ཅན། འདོད་ཆགས་དང་། ཞེ་སྡང་དང་། གཏི་མུག་དང་བྲལ ་བ་གང་ཡིན་པ་དེ་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། སྐོམ་པ་འདུལ་བ་སྐོམ་པ་འདུལ་བ་ཞེས་བྱ་བ་ནི། གང་ལ་སྲེད་པའི་བག་ཙམ་ཡང་མེད་པའོ།། ཡི ་དགས་ཀྱི་སྲེད་པ་མེད་པ་ཆོས་ཀྱི་སྲེད་པའོ། ། ཆོས་ཀྱི་སྲེད་པ་ཞེས་བྱ་བ་ནི་སེམས་ཅན་ཐམས་ཅད་ལ་སྙིང་བརྩེ་བའོ།། ཐར་པ་ནི་ཡི་དགས་ཀྱི་སྲེད་པ་ལྟ་བུ་མ་ཡིན་ཏེ། བདག་དང་བདག་གིར ་འཛིན་པ་དང་བྲལ་བ་དེ་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། འགོག་པ་འགོག་པ་ཞེས་བྱ་བ་ནི་ཐར་པ་སྟེ། སྲིད་པ་ལ་ཞེན་པ་མེད་པའོ།། ཐར་པ་གང་ཡིན ་པ་དེ་ནི་དེ་བཞིན་གཤེགས་པའོ། ། གནས་གནས་ཞེས་བྱ་བ་ནི་ཐར་པ་སྟེ། སྲིད་པ་ཐམས་ཅད་ལས་ངེས་པར་སྒྲོལ་ཞིང་སྐྱོབ་པ་ཡིན་ནོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ། ་སྐྱབས་སྐྱབས་ཞེས་བྱ་བ་ནི། ཇི་ལྟར་དེ་བཞིན་གཤེགས་པ་ལ་སྐྱབས་སུ་སོང་ནས་སྐྱབས་གཞན་མི་ཚོལ་བ་ལྟ་བུའོ།། ཇི་ལྟར་རྒྱལ་པོ་ལ་སྐྱབས་སུ་འགྲོ་བ་མི་བརྟན་པ་བཞིན་དུ། ཐརཔ ་ནི་དེ་ལྟ་མ་ཡིན་ཏེ། བདེ་བ་བརྟན་པ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། དཔུང་གཉེན་དཔུང་གཉེན་ཞེས་བྱ་བ་ནི། ནགས་ལུང་དགོན་པ ་མཆོག་ཏུ་འཇིགས་པ་བཞིན་དུ། ཐར་པ་ནི་དེ་ལྟ་མ་ཡིན་ཏེ། ཇི་ལྟར་རི་དགས་ཀྱི་རྒྱལ་པོའི་དཔུང་གཉེན་རི་དྭགས་གཞན་རྣམས་ལ་མེད་པ་བཞིན་ནོ།། རི་དགས་ཀྱི་རྒྱལ་པོ་ནི་འཆི་བས་འཇིགས་པ ་ཐམས་ཅད་ཀྱིས་འཇིགས་པ་མེད་པ་དེ་བཞིན་དུ། ཐར་པ་དཔུང་གཉེན་ཡིན་ནོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། བདེ་བ་བདེ་བ་ཞེས་བྱ་བ་ནི། རིན་པོ་ཆེའི་གླིང་དང ་འདྲ་སྟེ། དེ་བཞིན་དུ་ཐར་པ་ནི་ཆོས་ཀྱི་འབྱུང་ལུང་ངོ་།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཉམ་ང་བ་མེད་པ་ཉམ་ང་བ་མེད་པ་ཞེས་བྱ་བ་ནི། ཇི་ལྟར་སྟག་གིས ་འཇིགས་ཤིང་སྐྲག་ནས་ཁྲོན་པར་སོང་བའི་འོག་ཏུ། ཁྲོན་པའི་ནང་ནས་བདག་འབྱིན་ནུས་པ་སུ་ཡོད་ཅེས་ཟེར་བ་བཞིན་དུ། ཐར་པ་ནི་ཁྲོན་པ་ལྟ་བུ་མ་ཡིན་ནོ།། ཉམ་ང་བ་མེད་པ་ཞེས་བྱ ་བ་ནི་ཇི་ལྟར་གྲུ་ཆག་པ་ལས་གྲུ་གཞན་ཞིག་རྙེད་དེ། རྒྱ་མཚོ་ཆེན་པོ་ལས་ངེས་པར་བརྒལ་ནས། ཉམ་ང་བ་མེད་ཅིང་བདེ་བར་འགྱུར་བ་དེ་བཞིན་དུ། ཐར་པ་ནི་ཉམ་ང་བ་མེད་པའོ།། ཐར་པ ་གང་ཡིན་པ་དེ་ནི་དེ་བཞིན་གཤེགས་པའོ། ། གནས་བཅོམ་པ་ཞེས་བྱ་བ་ནི། གོ་སྐབས་ཟད་པ་སྟེ། ཇི་ལྟར་འོ་མ་ལས་ཞོ་འབྱུང་།། ཞོ་ལས་མར་གསར་བྱུང་། མར་གསར་ལས་ཞུན་མར་འབྱུང་།། ་ཞུན་མར་ལ་ས་མར་གྱི་སྙིང་ཁུ་འབྱུང་བ་བཞིན་དུ། ཐར་པ་ནི་གནས་ཐམས་ཅད་ཡོངས་སུ་ཆད་པ་སྟེ། མར་གྱི་སྙིང་ཁུ་ལྟར་རང་བཞིན་དུ་གནས་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས ་པའོ། ང་རྒྱལ་འདུལ་བ་ང་རྒྱལ་འདུལ་བ་ཞེས་བྱ་བ་ནི། ཇི་ལྟར་སའི་མངའ་བདག་རྒྱལ་པོ་ང་ནི་རྒྱལ་པོ་ཐམས་ཅད་ཀྱི་མཆོག་ཡིན་ནོ་སྙམ་པའི་ང་རྒྱལ་འདུལ་བ་བཞིན་དུ། ཐར་པ་ནི་དེ་ལྟ་མ ་ཡིན་ཏེ། ཐར་པ་ནི་ང་རྒྱལ་མེད་ཅིང་ང་རྒྱལ་དུ་འཛིན་པ་མེད་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། རྒྱགས་པ་འདུལ་བ་རྒྱགས་པ་འདུལ་བ་ཞེས་བྱ་བ་ནི། གང་ལ་འཁྲིག ་པའི་འདུན་པའི་མིང་ཡང་མེད་པ་དེ་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། མ་རིག་པ་འདུལ་བ་མ་རིག་པ་འདུལ་བ་ཞེས་བྱ་བ་ནི། ཇི་ལྟར་འོ་མ་ལས་གཅིག་ནས ་གཅིག་ཏུ་བརྒྱུད་དེ། དྲི་མའི་ཉེས་པ་གང་དང་གང་ཟད་པར་གྱུར་པ་དེ་དང་དེ་ལས་མར་གྱི་སྙིང་ཁུ་འབའ་ཞིག་འབྱུང་བར་འགྱུར་བ་དེ་བཞིན་དུ། མ་རིག་པ་ལས་མ་རིག་པ་འབའ་ཞིག་འབྱུང་བར ་འགྱུར་ཏེ། མ་རིག་པ་གང་ཡིན་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། དབེན་པ་དབེན་པ་ཞེས་བྱ་བ་ནི། གང་ལ་ཟླ་བའི་ཆོས་གཞན་མེད་པ་སྟེ། གླང ་པོ་ཆེའི་དགོན་པ་ན་གླང་པོ་ཆེ་གཅིག་པུ་རྒྱུ་ཞིང་། གཅིག་པུ་གནས་པ་བཞིན་དུ། ཐར་པའང་དེ་དང་འདྲའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། རྣམ་པར་སྤོང་བ་རྣམ། ་པར་སྤོང་བ་ཞེས་བྱ་བ་ནི། བདག་མེད་པ་གཟུང་བར་བསྟན་ཏེ། དེ་ནི་དེ་བཞིན་གཤེགས་པའི་སྙིང་པོ་ལ་འཇུག་པའོ།། ཇི་ལྟར་ཨེ་རན་ད་དང་འདམ་བུའི་སྡོང་བུ་ནི་འབྲས་བུ་མ ་གཏོགས་པར། ཐོག་ཐག་ཏུ་སྙིང་པོ་མེད་པ་དེ་བཞིན་དུ། ལྷ་དང་། མི་དང་། ལྷ་མ་ཡིན་གྱི་ལུས་ཐམས་ཅད་ནི། དེ་བཞིན་གཤེགས་པའི་སྙིང་པོ་མ་གཏོགས་པར། ཐམས་ཅད་ཨེ་རན་ད་དང ་འདམ་བུ་བཞིན་དུ་སྙིང་པོ་མེད་དོ། ། སྲིད་པའི་སྙིང་པོ་མེད་པ་ཐམས་ཅད་རྣམ་པར་སྤངས་པ་ནི་ཐར་པའོ།། ཐར་པ་ནི་རང་ལ་བརྡ་སྤྲོད་པ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ་སྤོང་བ་སྤོང་བ་ཞེས་བྱ་བ་ནི། ལ་ཟས་མ་ཞུ་བས། ཁ་ཟས་མ་ཚོས་པ་སྤོང་བ་བཞིན་དུ། སྲིད་པ་ཐམས་ཅད་བཅད་པ་དང་སྤངས་ཏེ། དེ་ལྟར་ན་ཐར་པ་ནི་མཁས་པའོ།། ཐར་པ་གང་ཡིན། ་པ་དེ་ནི་དེ་བཞིན་གཤེགས་པའོ།། རང་གི་སངས་རྒྱས་ཀྱི་ཆོས། སངས་རྒྱས་ཀྱི་ཆོས་ཞེས་བྱ་བ་ནི། ཇི་ལྟར་ཀླུ་ཤིང་གི་མེ་ཏོག་པ་མཁལ་གྱི་མེ་ཏོག་མ་ཡིན་པ་བཞིན་དུ། ཐར་པའང ་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཁམས་ཁམས་ཞེས་བྱ་བ་ནི། ཁམས་དེ་ནི་སེམས་ཅན་ཐམས་ཅད་ཀྱི་ཁམས་སོ།། སྲོག་དེ་ནི་སེམས་ཅན་ཐམས ་ཅད་ཀྱི་སྲོག་གོ། ། ཐར་པའང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། སྐྱེ་མཆེད་སྐྱེ་མཆེད་ཅེས་བྱ་བ་ནི། གང་ལ་འབྱུང་བའི་སྒོ་ཡོད་པ་སྟེ། བདག་མེད ་པ་བསྒོམས་ནས། བདག་གི་ལམ་ལ་འཇུག་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། དགེ་བ་དགེ་བ་ཞེས་བྱ་བ་ནི། ཇི་ལྟར་རྗེས་སུ་བསྟན་པར་བྱ་བ་རྣམས ་ལ་བླ་མའི་ཚིག་བཅག་ཏུ་མེད་པ་ལྟ་བུའོ། ། དགེ་བ་ཞེས་བྱ་བ་ནི། ལེགས་པ་ཡིན་ཏེ། དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། འཛག་རྟེན་ལས་འདས་པ ་འཇིག་རྟེན་ལས་འདས་པ་ཞེས་བྱ་བ་ནི། ཆོས་ཐམས་ཅད་ཀྱི་ནང་ན་གནས་ཀྱི་དམ་པ་སྟེ། དེ་ནི་ཐར་པའོ།། ཇི་ལྟར་ཁུ་བཅུད་ཐམས་ཅད་ཀྱི་ནང་ན་མཆོག་ནི་བའི་འོ་མ་ཡིན་པ་བཞིན་དུ ་འཇིག་རྟེན་ལས་འདས་པ་དེ་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། མི་གཡོ་བ་མི་གཡོ་བ་ཞེས་བྱ་བ་ནི། ཇི་ལྟར་སྒོ་གཏན་གྱི་རྟེན་མ་ཕྱོགས་བཞིའི་རླུང་གིས་བསྐྱོད ་མི་ནུས་པ་དེ་བཞིན་དུ། ཐར་པའང་དེ་དང་འདྲ་བར་གཏན་བཞིན་མོ་གཡོ་བ་ཡིན་ནོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། རྒྱ་མཚོའི་རླབས་ནི་མི་བརྟན་པའི་རང་བཞིན་ཅན ་ཡིན་ཏེ། ཐར་པ་ནི་དེ་ལྟ་མ་ཡིན་ནོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། གནས་གནས་ཞེས་བྱ་བ་ནི། རྒྱལ་པོའི་ཕོ་བྲང་ཁང་བཟངས་འཕན་སྐྱོན་མེད་པ་དེའང་བཅོས ་མ་ཡིན་ནོ། ། ཐར་པ་ནི་དེ་ལྟ་མ་ཡིན་ཏེ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ངེས་པ་ངེས་པ་ཞེས་བྱ་བ་ནི། ཇི་ལྟར་འཛམ་བུ་ཆུ་བོའི་གསེར་སྐྱོན་མེད་ཅིང་། ཐམས་ཅད ་དུ་ལས་སུ་རུང་བ་བཞིན་དུ། ཐར་པའང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཐར་པ་ནི་བྱིས་པའི་སྤྱོད་པ་ལྟ་བུ་མ་ཡིན་ནོ།། ཐར་པ ་གང་ཡིན་པ་དེ་ནི་དེ་བཞིན་གཤེགས་པའོ། ། ཤིན་ཏུ་སྦྱངས་པ་ཤིན་ཏུ་སྦྱངས་པ་ཞེས་བྱ་བ་ནི། ཇི་ལྟར་རྒྱལ་སྲིད་ཀྱི་དབང་ཕྱུག་ཐོབ་ནས། མཐུ་ཆེ་ཞིང་བག་ཡངས་སུ་འདུག་པ་བཞིན ་དུ་ཕུང་པོ་ཡོངས་སུ་སྤངས་པ་ནི་ཐར་པ་ཡིན་ནོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། མཐར་ཐུག་པ་མཐར་ཐུག་པ་ཞེས་བྱ་བ་ནི། ཉོན་མོངས་པ་མི་གཙང་བ་ཟད་པ་སྟེ། ་ཐར་པ་ནི་རྒྱལ་པོའི་བཙོན་ར་ནས་ཕྱིན་པའི་མི་དང་འདྲའོ།། ཐར་པ་གང་ཡིན་པ་དེ་ནི་དེ་བཞོན་གཤེགས་པ་སྟེ། བཅོས་མ་མ་ཡིན་པའི་བདེ་བའོ།། འདོད་ཆགས་དང་ཞེ་སྡང་དང་གཏི་མུག ་སྤོང་བ། འདོད་ཆགས་དང་ཞེ་སྡང་དང་གཏི་མུག་སྤོང་བ་ཞེས་བྱ་བ་ནི་གསུམ་གྱིས་བཏང་བ་སྟེ། ཇི་ལྟར་མི་སྤྲུལ་གདུག་པས་ཟིན་པས། བདག་ཉིད་སོས་པར་བྱ་བའི་ཕྱིར་བད་ཀན་སྐྱུག་པར ་བྱེད་པ་བཞིན་དུ། ཉོན་མོངས་པའི་བད་ཀན་ཟད་པ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཉོན་མོངས་པ་སྤོང་བ་ཉོན་མོངས་པ་སྤོང་བ་ཞེས་བྱ་བ་ནི། སྤྲུལ ་གདུག་པ་འདྲ་བའི་ཉོན་མོངས་པ་ཟད་པ་ནི་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཕུང་པོ་སྤོང་བ་ཕུང་པོ་སྤོང་བ་ཞེས་བྱ་བ་ནི། སྡུག་བསྔལ་ཐམས་ཅད ་བོར་ཏེ་ཤས་ཆེར་བདེ་བ་ནི་ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། ། འདོད་ཆགས་དང་ཞེ་སྡང་དང་གཏི་མུག་ཟད་པ། འདོད་ཆགས་དང་ཞེ་སྡང་གཏི་མུག་ཟད་པ་ཞེས ་བྱ་བ་ནི། གསུམ་ཟད་པར་བྱས་ཏེ་རྩ་ནས་བཏོན་པ་ནི་ཐར་པའོ།། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། ཕུང་པོ་ཐམས་ཅད་སྤངས་པ་ཕུང་པོ་ཐམས་ཅད་སྤངས ་པ་ཞེས་བྱ་བ་ནི། ཉེས་པ་ཐམས་ཅད་སྤངས་པ་སྟེ། ལེགས་པར་མཐོང་བའི་ཕྱིར་རོ།། དེ་ནི་ཐར་པ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། འདུས ་བྱས་ཐམས་ཅད་སྤངས་པའི་དོན། འདུས་བྱས་ཐམས་ཅད་སྤངས་པའི་དོན་ཞེས་བྱ་བ་ནི། ཐར་པ་སྟེ་དགེ་བ་ཐམས་ཅད་བསྒྲུབ་པའོ།། ཐར་པ་གང་ཡིན་པ་དེ་ནི་དེ་བཞིན ་གཤེགས་པའོ། ། ལམ་ཆད་པ་ལམ་ཆད་པ་ཞེས་བྱ་བ་ནི། བདག་མེད་པ་བསྒོམས་ནས། རྒྱུན་མི་འཆད་པའི་ཚུལ་གྱིས་བདག་མེད་པ་འཛིན་པ་དང་། བདག་བསྒོམས་ནས ་རྒྱུན་མི་འཆད་པའི་ཚུལ་གྱིས་བདག་འཛིན་པ་དང་། གཉིས་ཀའི་ཕྱོགས་བསྒོམས་ནས། སངས་རྒྱས་ཀྱི་ཁམས་གང་ཡིན་པ་དེ་ནི་ཡོད་དོ་ཞེས་དེ་འཛིན་པ་གང་ཡིན་པ་དེ་ནི་ཐར ་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། སྟོང་པ་ཉིད་སྟོང་པ་ཉིད་ཅེས་བྱ་བ་ནི། གང་གི་ཚེ་བཙལ་ཀྱང་ཅིའང་མ་རྙེད་པ་སྟེ། ཅིའང་མེད་པ་ཞེས་བྱ་བ་ནི་གཅེར ་བུ་པ་རྣམས་ལའང་ཡོད་མོད་ཀྱི། ཐར་པ་ནི་དེ་ལྟ་མ་ཡིན་ནོ།། སྟོང་པ་ཉིད་ཅེས་བྱ་བ་ནི། ཇི་ལྟར་སྦྲང་རྩི་དང་། ཞུན་མར་དང་། འབྲུ་མར་དང་། ཆུ་དང ་ཞོའི་བུམ་པ་རྣམས་ལ་ཞོ་ཡོད་ཀྱང་རུང་། མེད་ཀྱང་རུང་། ཞོའི་བུམ་པ་ཞེས་བྱ་བ་དང་། དེ་བཞིན་དུ་སྦྲང་རྩི་དང་ཆུ་ཡོད་ཀྱང་རུང་། མེད་ཀྱང་རུང་།། སྦྲང་རྩི་དང་ཆུའི་བུམ་པ་ཞེས ་བྱ་བ་ནི། ཅི་དེ་ལ་བུམ་པ་སྟོང་པ་ཞེས་བྱ་བམ། དེ་དག་མེད་པ་ལ་བུམ་པ་རང་ཉིད་སྟོང་ངམ། གཟུགས་ཀྱང་ཡོད། ཁ་དོག་ཀྱང་ཡོད་ན་ཇི་ལྟར་སྟོང་ཞེས་བྱ།། ཐར་པ་ནི་དེ་ལྟ་བུར་སྟོང་པ ་མ་ཡིན་ཏེ། ཐར་པ་ལ་ནི་གཟུགས་དང་ཁ་དོག་ཕུན་སུམ་ཚོགས་པའང་ཡོད་ན། ཇི་ལྟར་ཞོའི་བུམ་པ་སྟོང་པ་མ་ཡིན་དུ་ཟིན་ཀྱང་ཞོ་མེད་པའི་ཕྱིར་སྟོང་པ་ཞེས་བྱ་བ་བཞིན་དུ། ཐར་པའང ་སྟོང་པ་མ་ཡིན་བཞིན་དུ་སྟོང་པ་ཞེས་བྱ་སྟེ། གཟུགས་ཡོད་བཞིན་དུ་ཇི་ལྟར་སྟོང་པ་ཞེས་བྱ་ཞེ་ན། སྟོང་པ་ཞེས་བྱ་བ་ནི། ཉོན་མོངས་པའི་རྣམ་པ་དང་། སྲིད་པའི་ཐ་སྙད་ཉི་ཤུ་རྩ་ལྔ་དང ་སྡུག་བསྔལ་དང་། འཇིག་རྟེན་གྱི་ཆོས་ལུགས་དང་། ཆོ་ག་དང་། སྤྱོད་ཡུལ་འབྱུང་བ་རྣམས་མེད་པའི་ཕྱིར་ཞོའི་བུམ་བཞོ་མེད་པ་བཞིན་དུ། ཐར་པ་ལ་སྟོང་པ་ཞེས་བྱ་སྟེ། དེ་ལ་ནི་བུམ ་བའི་གཟུགས་མི་གཡོ་བ་བཞིན་དུ། ཤས་ཆེར་བདེ་བ་དང་། དགའ་བ་དང་། རྟག་པ་དང་། བརྟན་པ་དང་། ཐེར་ཟུག་དང་། འཇིག་རྟེན་ལས་འདས་པའི་ཆོས་དང་། ཆོ་ག་དང ་སྤྱོད་ཡུལ་རྣམས་ཡོད་དོ། ། ཐར་བ་ནི་བུམ་པའི་གཟུགས་བཞིན་དུ་རྟག་པ་དང་།། བརྟན་པ་དང་། ཐེར་ཟུག་པ་མ་ཡིན་གྱི། བུམ་པ་ནི་ཆག་པར་གྱུར་ཏེ། རྒྱུའི་སྒོ་ནས་གཞག་པ་ཙམ་དུ ་ཟད་དོ། ། ཐར་པ་ནི་བྱས་པ་མ་ཡིན་པའི་ཕྱིར་ཆག་པར་མི་འགྱུར་ལ། ཐར་པ་གང་ཡིན་པ་དེ་ནི་བཅོས་མ་མ་ཡིན་པའི་ཁམས་ཡིན་ཏེ། དེ་ནི་དེ་བཞིན་གཤེགས་པའོ།། སྲེད་པ་ཟད་པ ་སྲེད་པ་ཟད་པ་ཞེས་བྱ་བ་ནི། སངས་རྒྱས་སུ་གྱུར་པའི་མོད་ལ་བདག་དབང་པོར་གྱུར་ཅིག་ཅེའམ། དབང་ཕྱུག་ཆེན་པོ་འམ། མི་མཇེད་ཀྱི་བདག་པོ་ཚངས་པར་གྱུར་ཅིག་ཅེས་བྱ་བའི་སྲེད ་པ་དང་འདོད་པ་གཞན་དེ་ན་མེད་དེ། ཡོད་ཅེས་བྱ་བ་འམ་སྐྱེ་བར་འགྱུར་ཞེས་བྱ་བ་ནི་མི་སྲིད་དོ།། སྲེད་པ་ཟད་པ་གང་ཡིན་པ་དེ་ནི་སངས་རྒྱས་སོ།། དེ་ནི་ཐར་པའོ།། ཐར་པ་གང་ཡིན ་བདེ་ནི་དེ་བཞིན་གཤེགས་པའོ། ། འདོད་ཆགས་དང་བྲལ་བ་འགོག་པ་འདོད་ཆགས་དང་བྲལ་བ་འགོག་པ་ཞེས་བྱ་བ་ནི། སྲིད་པ་ཐམས་ཅད་པ་ཞེན་པ་དང་འདོད་པ་མ་ལུས་པ། ལུས་མེད་པ། ་ལྷག་པ་མེད་པ། ཐམས་ཅད་ལས་འདོད་ཆགས་དང་བྲལ་བ་རྣམས་གཏན་དུ་རབ་ཏུ་ཞི་བར་གྱུར་པ་ནི་ཐར་པ་ཡིན་ཏེ། འཆིང་བ་ཐམས་ཅད་འགོག་པའོ།། དེ་ལྟར་འགོག་པ་གང་ཡིན་པ་དེན ་ཐར་པའོ། ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ།། མྱ་ངན་ལས་འདས་པ་མྱ་ངན་ལས་འདས་པ་ཞེས་བྱ་བ་ནི། ཇི་ལྟར་རི་དགས་ཀྱི་ཁྱུ་རྔོན་པའི་ལག་ནས་ཤོར་བ་འཆི་བས་འཛག ་ཤིང་སྐྲག་ནས་ཐབས་ཅི་ཡོད་པས་རྒྱུག་ཅིང་། དྲང་སྲོང་གི་གནས་སུ་ཕྱིན་ནས་བདེ་བར་འགྱུར་ཞིང་དབུགས་ཕྱིན་པར་འགྱུར་བ་དེ་བཞིན་དུ། ཇི་ལྟར་དབུགས་ཕྱིན་ཅིང་བདེ ་བར་འགྱུར་བ་དེ་ལྟ་བུར། སེམས་ཅན་མང་པོ་མྱ་ངན་ལས་འདས་པ་ཟད་མི་ཤེས་པ། སྲིད་པ་མངོན་པར་འདུ་བྱེད་པ་དང་། ཉོན་མོངས་པའི་རྣམ་པའི་དགྲ་ཐམས་ཅད་ཀྱི་ལག་ནས་ཐལ་ཏེ་ཤོར་ནས། ་འཆི་བས་འཇིགས་ཤིང་སྐྲག་སྟེ། ཐབས་ཅི་ཡོད་པས་རྒྱུག་ཅིང་ཆོས་ཀྱི་དྲང་སྲོང་གི་གནས་དེ་བཞིན་གཤེགས་པ་ཐུབ་པའི་བཞུགས་ཡུལ་ཟླ་མེད་པའི་སྐྱབས་སུ་དོང་ནས་དབུགས་ཕྱིན་པར་གྱུར་ཏེ། ་དེ་དག་གང་གི་ཚེ་དབུགས་ཕྱིན་ཅིང་བདེ་བར་གྱུར་པ་དེ་ནི་མྱ་ངན་ལས་འདས་པ། ཟད་མི་ཤེས་པའི་མྱ་ངན་ལས་འདས་པའོ།། །། འཕགས་པ་ཡོངས་སུ་མྱ་ངན ་ལས་འདས་པ་ཆེན་པོའི་མདོ་ལས་བམ་པོ་བདུན་པ། དེ་ནས་བཅོམ་ལྡན་འདས་ལ། འོད་སྲུངས་ཆེན་པོ་དང་རུས་གཅིག་པས་འདི་སྐད་ཅེས་གསོལ་ཏོ།། གལ་ཏེ་དེ་ལྟ་ལགས་ན ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་མཁྱེན་པ་རྣམས་མ་མཆིས་པའི་སླད་དུ། ལུས་ཡོངས་སུ་གཏོང་བའི་སྒོ་ནས་མྱ་ངན་ལས་འདས་པ་མཆོག་ཏུ་བདེ་བ་ཐོབ་པར་མི་འགྱུར ་གསུམ་ལ་སྐྱབས་སུ་མཆིས་པ་རྣམས་མྱ་ངན་ལས་འདའ་བར་མི་འགྱུར་ལགས་སོ། ། བཀའ་སྩལ་པ། ཇི་ལྟར་མི་བརྒྱལ་བ་ལས་སངས་པའི་དྲུང་དུ་མི་དག་སོང་སྟེ། ཁྱོད་སངས་ཤིང ་བདེ་བར་གྱུར་ཏམ་ཞེས་དྲིས་ན། དེ་སངས་ནས་བདག་སངས་ཏེ་བདེ་བར་གྱུར་ཏོ་ཞེས་ཟེར་ཏེ། དེ་བརྒྱལ་བ་ལས་སངས་པ་བཞིན་དུ། སྲིད་པ་ཉི་ཤུ་རྩ་ལྔ་པོ་ཐམས་ཅད་ལས་གྲོལ་ནས། སངས་རྒྱས། ་རྒྱ་ཡོངས་སུ་མྱ་ངན་ལས་འདས་པ་ཐོབ་པ་ཡིན་ནོ།། མཆོག་ཏུ་བདེ་བ་ཞེས་བྱ་བ་ནི། དེར་ཟད་མི་ཤེས་པའི་འདུ་ཤེས་ཀྱི་མཆོག་ཏུ་བདེ་བའི་རྣམ་པ་མང་བ་གང་ཡིན་པ་སྟེ། དེ་ན་ཡོངས་སུ་མྱ་ངན། ་ལས་འདས་པ་ཡིན་ནོ།། དེ་ནི་ཐར་པ་ཡིན་ནོ།། མཆོག་ཏུ་བརྟན་པ་དང་། མི་གཡོ་བ་དང་། བདེ་བ་དང་། རྟག་པ་མྱོང་བ་གང་ཡིན་པ་དེ་ནི་ཐར་པའོ།། ཐར་པ་གང་ཡིན་པ་དེ་ནི་དེ།། ་བཞིན་གཤེགས་པའོ།། དེ་ནས་བཅོམ་ལྡན་འདས་ལ། འོད་སྲུངས་ཆེན་པོ་དང་རུས་གཅིག་པས་འདི་སྐད་ཅེས་གསོལ་ཏོ།། མ་སྐྱེས་པ་དང་། མ་བྱུང་བ་གང་ལགས ་པ་དེ་ཐར་པ་ལགས། དེ་དེ་བཞིན་གཤེགས་པ་ལགས་ཞེས་བགྱིའམ། བཅོམ་ལྡན་འདས་ཀྱིས་བཀའ་སྩམ་པ། རིགས་ཀྱི་བུ་དེ་ལྟ་ལོས་ཀྱང་སྟེ། དེ་ནི་ཐར་པ་ཡིན་ནོ།། དེ་ནི་དེ་བཞིན ་གཤེགས་པ་ཡིན་ནོ། ། གསོལ་པ། འོ་ན་ནམ་མཁའི་ཁམས་ཀྱང་མ་སྐྱེས་པ། མ་བྱུང་བ་ལགས་ན། ཐར་པའང་དེ་དང་འདྲ། དེ་བཞིན་གཤེགས་པའང་དེ་དང་འདྲ་ཞེས་བགྱི་འམ། ་བཀའ་སྩམ་པ། དེ་ལྟ་མ་ཡིན་ཏེ། ཐར་པ་ནི་ནམ་མཁའི་ཁམས་དང་འདྲ་བ་མ་ཡིན་ནོ།། གསོལ་བ། འོ་ན་ཇི་ལྟ་བུ་ལགས། བཀའ་སུམ་པ། རིགས་ཀྱི་བུ་དཔེར་ན་བྱ་ཤང་ཤང་ཏེའུ ་འམ་ཀ་ལ་བིངྐ་གང་གི་ཚེ་སྐད་འབྱིན་པ་དེའི་ཚེ། ཁྭ་ལྟར་སྐད་འབྱིན་ཅེས་བྱ་བ་འམ། གསོལ་བ། བཅོམ་ལྡན་འདས་དེ་ནི་མ་ལགས་ཏེ། བྱ་གཞན་རྣམས་ཀྱི་སྐང ་ནིདེ་དག་གི་སྐད་ཀྱི་དཔེར་ཡང་མི་རུང་ལགས་སོ། ། ལཱའི་སྐད་ནི། ཤང་ཤང་ཏེའུ་དང་། ཀ་ལ་བིངྐའི་སྐད་ཀྱི་བརྒྱའི་ཆར་ཡང་མི་སྤྱོད། སྟོང་གི་ཆར་ཡང་མི་སྤྱོད། གྲངས་དང ་ཆ་དང་། དཔེ་དང་། རྒྱུར་ཡང་མི་བཟོད་ལགས་སོ།། བྱ་དེ་དག་ནི་དཔེ་མ་མཆིས་པ་ལགས་སོ།། བཅོམ་ལྡན་འདས་དེ་བཞིན་གཤེགས་པའི་གསུང་ནི་རྒྱུའི་སྒོ་ནས་དཔེ་མ་མཆིས་པ ་ལགས་སོ། ། བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། རིགས་ཀྱི་བུ་ཁྱོད་ཀྱིས་དེ་ལྟར་བཤད་པར་བྱ་བའི་རིགས་ཏེ་ལེགས་སོ་ལེགས་སོ།། དེ་བས་ན་ཐར་པ་གང་ཡིན་པ་དེ ་ནིདེ་བཞིན་གཤེགས་པའོ། ། ཐར་པའི་རྒྱུ་དང་དཔེ་གཞན་ནི་ལྷ་དང་། མི་དང་།། ལྷ་མ་ཡིན་དང་བཅས་པའི་འཇིག་རྟེན་ན་མེད་དེ། དཔེ་མེད་བཞིན་དུ་གདུལ་བར་བྱ་བའི་དབང་གིས་ཡོན་ཏན ་འདི་འདྲའོ། ། དེ་འདྲའོ་ཞེས་དཔེས་བསྟན་ཏོ།། ཐར་པའི་དཔེ་ནི་དེ་བཞིན་གཤེགས་པ་ཡིན་ཏེ། དེ་ཅིའི་ཕྱིར་ཞེ་ན། དེ་བཞིན་གཤེགས་པ་གང་ཡིན་པ་དེ་ནི་ཐར་པའོ།། ཐར་པ་ཡང ་ཡིན་པ་དེ་ནི་དེ་བཞིན་གཤེགས་པ་སྟེ། འདི་ལ་གཉིས་སུ་བྱར་མེད་ཅིང་། ཐ་དད་པར་བྱར་མེད་དོ།། རིགས་ཀྱི་བུ་དཔེར་ན་དཔེ་མེད་བཞིན་དུ་རྒྱུའི་དོན་གྱིས་དཔེར་ལེན་པའང་ཡོད་དེ། ཀྱེ་མ ་བཞིན་བཟང་ཁྱོད་ཟླ་བ་ཉ་བ་བཞིན་ཞེས་བྱ་བ་དང་། གླང་པོ་ཆེ་བཟང་ཁྱད་གངས་ཀྱི་རི་བཞིན་ཞེས་བྱ་མོད་ཀྱི་ཅི་ཟླ་བ་བཞིན་དང་འདྲའམ། བཞིན་ཡང་ཟླ་བ་དང་འདྲ་འམ། ཅི་གླང་པོ་ཆེ ་རི་དང་འདྲ་འམ། རྀའང་གླང་པོ་ཆེ་དང་འདྲ་བམ། རིགས་ཀྱི་བུ་དེ་བཞིན་དུ། ཐར་པའང་དཔེ་མེད་བཞིན་དུ་སེམས་ཅན་ངེས་པར་བསྒྲལ་བའི་ཕྱིར། འདིར་རྒྱུའི་དབང་གིས་དཔེས་བསྟན ་པར་རིག་པར་བྱའོ། ། ཆོས་ཀྱི་དེ་ཁོ་ན་ཉིད་ཀྱང་རྒྱུའི་དབང་གིས་ཆོས་ཀྱི་དེ་ཁོ་ན་ཉིད་དུ་རིག་པར་བྱའོ།། གསོལ་བ། པི་སླད་དུ་དེ་བཞིན་གཤེགས་པ་རྣམ་པ་གཉིས་སུ་སྟོན་ལགས། བཀའ ་སྐུལ་པ། རིགས་ཀྱི་བུ་གཞན་ཡང་དཔེར་ན་མི་ལ་ལ་ཞིག་རལ་གྲི་ཐོགས་ནས་པས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསད་དོ་སྙམ་སྟེ། གསོད་པར ་བྱེད་ལ། དེ་བཞིན་གཤེགས་པ་ནི་ལོག་པ་ཅུང་ཟད་ཀྱང་མི་མཛད་དེ། ཞུམ་པ་མེད་ཅིང་དགྱེས་བཞིན་དུ་བཞུགས་ན། ཅི་མི་དེ་མཚམས་མེད་པ་བྱེད་པ་ཞེས་བྱ་འམ། འོན་ཏེ་མི་བྱ། ་གསོལ་པ། དངོས་པོའི་སྒོ་ནས་མཚམས་མེད་པ་བགྱིད་པ་ཞེས་མི་བགྱི་ལགས་སོ།། དེ་ཅིའི་སླད་དུ་ཞེ་ན། བསགས་པའི་ཁམས་མ་བཤིག་པས་ན། དངོས་པོའི་སྒོ་ནས་མཚམས་མེད ་པ་བགྱིད་པ་མ་ལགས། དེ་བཞིན་གཤེགས་པའི་སྐུ་ལ་ནི་བསགས་པའི་ཁམས་ཀྱི་བག་ཀྱང་མ་མཆིས་ཏེ། ཆོས་ཀྱི་ཁམས་ལགས་ན། ཇི་ལྟར་བཀྲོངས་སུ་རུང་། དེ་བས་ན་སེམས་བསྐྱེད། ་པ་དང་བསྐུལ་པ་ཙམ་ལས། མཚམས་མེད་པར་བགྱི་བ་བགྱིད་པ་ཞེས་བགྱི་སྟེ། འདིར་རྒྱུའི་དབང་གིས་ཆོས་ཀྱི་དེ་ཁོ་ན་ཉིད་རིག་པར་བགྱི་བ་ལགས་སོ།། བཀའ་སྩལ། ་པར་རིགས་ཀྱི་བུ་ལེགས་སོ་ལེགས་སོ།། ངས་ཀྱང་ཚིག་དེ་སྐད་དུ་སྨྲ་བར་བསམས་སོ།། རིགས་ཀྱི་བུ་གཞན་ཡང་འདི་ནི་མི་སྡིག་ཅན་པ་ལ་ཞིག་བདག་གིས་མ་བསད་དོ་སྙམ་ནས། ་དགོན་པ་ཞིག་ན་ཁྲེ་རྒོད་དང་སྲན་ཆུང་གི་གཡུལ་དུ་བྱ་ར་བྱས་ནས་མ་དེར་འོངས་པ་དང་། ཁྱོད་ཀྱིས་ངའི་ཐུག་པ་ལེགས་པར་ཁྱེར་ཏེ་མ་འོངས་སོ་ཞེས་ཟེར་ཏེ། དགྲ་སྟ་བརྡར་ནས ་བསད་པར་བྱས་པ་དང་། དགྲ་སྟ་བརྡར་བའི་བར་དེའི་སྐབས་སུ། དེའི་མ་སྐྲག་ནས། སོག་མའི་ཕུང་པོའི་ནང་དུ་ཞུགས་སོ།། དེ་ནས་དེས་དགྲ་སྟ་ཐོགས་ཏེ། སོག་མའི་ཕུང་པོ་ལ ་བསྣུན་ནས། ད་ནི་བདག་གི་མ་ཤིའོ་སྙམ་སྟེ། མི་གཞན་གྱིས་འཇིགས་ནས། སོག་མ་ལེགས་པར་མ་བརྟགས་སོ།། དེ་ནས་མ་དེ་དེའི་ནང་ནས་བྱུང་སྟེ་སོང་ངོ་།། དེ་ནས་དེ་བདག ་གི་མ་ཤི་ཟིན་ནོ་སྙམ་སྟེ། སེམས་དགའ་བར་གྱུར་ན། མཚམས་མེད་པ་བྱེད་པ་ཞེས་བྱ་འམ། འོན་ཏེ་མི་བྱ།། གསོལ་པ། མ་གསོད་པ་ཞེས་མི་བགྱི་ལེགས་སོ།། ཡང་གསོལ་པ། ་ཅི་ལགས། མཚམས་མ་མཆིས་པའི་ལས་ཀྱི་རྒྱུའི་དངོས་པོ་ཞུ་བར་འཚལ་ལམ། བཀའ་སྩམ་པ། ཕ་མའི་ཕུང་པོ་བཤིག་པས་མཚམས་མེད་པ་བྱེད་པ་ཞེས་བྱ་བས་དེའི་ཕྱིར། དེ ་མཚམས་མེད་པ་བྱེད་པ་ནི་མ་ཡིན་གྱིས། མ་གསོད་པའི་སེམས་བསྐྱེད་པ་བསུམ་པས་ན། མཚམས་མེད་པ་བྱེད་པ་དང་འདྲ་བ་ཡིན་ནོ།། ཕུང་པོ་དང་། ཁམས་དང་། སྐྱེ་མཆེད་ཀྱི་དངོས ་པོ་མ་བཤིག་གི་བར་དུ། མཚམས་མེད་པ་བྱེད་པ་རྫོགས་པ་ཞེས་མི་བྱ་སྟེ། འདིར་རྒྱུའི་དབང་གིས་ཆོས་ཀྱི་དེ་ཁོ་ན་ཉིད་རིག་པར་བྱའོ།། གསོལ་པ། བཅོམ་ལྡན་འདས་ལེགས་ལགས ་སོ་ལེགས་ལགས་སོ། ། དེ་ལྟར་རྒྱུའི་དབང་གིས་རིག་པར་ཡང་བགྱི། རིག་པར་ཡང་མི་བགྱི་ལགས་སོ།། བཀའ་སྩལ་པ། རིགས་ཀྱི་བུ་དེ་བཞིན་དུ། ངས་རྒྱུའི་དབང་གིས་ཐར་པ ་བརྗོད་པ་ཡིན་ནོ། ། རྒྱུའི་སྒོ་ནས་མྱ་ངན་པས་འདས་པ་ཡོན་ཏན་དཔག་ཏུ་མེད་པ་དང་ལྡན་པ། དཔེ་མེད་པ་ཁོ་ན་ཡིན་ནོ།། དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོར་འགྲོ ་བའང་ཡོན་ཏན་དཔག་ཏུ་མེད་པ་དང་ལྡན་པ་ཡིན་ནོ། ། དེང་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པར་མཛད་དོ།། དེ་བས་ན་ཡོངས་སུ་མྱ་ངན་ལས་འདས་པ་ཆེན་པོའི་དོན་ནི་དེ ་ཡིན་ནོ། ། གསོལ་པ། དེ་བཞིན་གཤེགས་པ་ནི་ཟད་པར་འགྱུར་བ་མ་ལགས་སོ།། དེ་བཞིན་གཤེགས་པ་ནི་སྐུ་ཚེ་ཟད་མི་ཤེས་པ་ལགས་པར་བལྟ་བར་བགྱིའོ།། བཀའ་སྩལ་པ ་རིགས་ཀྱི་བུ་ལེགས་སོ་ལེགས་སོ། ། དམ་པའི་ཆོས་བསྲུང་བས་ནི་དེ་སྐད་བྱ་བའི་རིགས་སོ།། བདག་གི་ཐེ་ཙོམ་ངེས་པར་བྱེད་འདོད་པས་ནི། དེ་ལྟར་བྱ་བའི་རིགས་སོ།། དེ་ལྟར་ན་བྱང ་ཆུབ་སེམས་དཔའ་སེམས་དཔའ་ཆེན་པོ་ནི་སྣ་གྲངས་འདི་བཞིས་ཆོས་སྟོན་པར་བྱེད་དོ། ། འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས། བྱང་ཆུབ ་སེམས་དཔའ་སྣ་གྲངས་བཞིས་ཆོས་སྟོན་པའི་ལེའུ་སྟེ་བཞི་པའོ། ། །། ཡོངས་སུ་མྱ་ངན་ལས་འདས་པ་ཆེན་པོའི་མདོ་འདི་ལ་དམ་པའི་ཆོས་ཀྱི་ཚུལ་ཐོབ་པ་དང་། དམ་པའི། ་ཆོས་འབྱིན་པ་དང་། རྟེན་དུ་གྱུར་པའི་གང་ཟག་བཞི་ཡོད་དེ། སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བའི་ཕྱིར་འཇིག་རྟེན་དུ་འབྱུང་ངོ་།། བཞི་གང་ཞེ་ན། ཀུན་ནས་ཉོན་མོངས ་པའི་རང་བཞིན་ཅན་གྱི་མི་གང་ཟག་དེ་ལྟ་བུ་སྐྱེ་བོ་མང་པོ་ལ་བདེ་བ་དང་། སྐྱེ་བོ་མང་པོ་ལ་ཕན་པའི་ཕྱིར་འཇིག་རྟེན་དུ་འབྱུང་སྟེ། འདི་ནི་གང་ཟག་དང་པོའོ།། རྒྱུན་དུ་ཞུགས་པའི ་འབྲས་བུ་དང་། ལན་ཅིག་ཕྱིར་འོང་བའི་འབྲས་བུ་དང་ལྡན་པའི་གང་ཟག་དེ་ལྟ་བུ་དང་ལྡན་པ་ནི་གཉིས་པའོ།། ཕྱིར་མི་འོང་བ་ནི་གསུམ་པའོ།། དགྲ་བཅོམ་པ་ནི་བཞི་པ་སྟེ། གང་ཟག ་བཞི་པོ་འདི་རྣམས་ནི་རྟེན་དུ་གྱུར་པ་ཡིན་ནོ། ། དེ་ལ་སོ་སོའི་སྐྱེ་བོ་ཞེས་བྱ་བ་ནི། གང་བདག་ཉིད་ཚུལ་ཁྲིམས་དང་། ཆོ་ག་དང་། ཡོན་ཏན་དང་ལྡན་པར་གྱུར་ན། ཆོས་འབྱིན་པར ་བྱེད་པ་དང་། དེ་བཞིན་གཤེགས་པའི་རྩ་བ་དང་ལྡན་པ་གང་ཡིན་པ་དེ་དག་ཐོག་མ་ཁོ་ནར་རྒྱས་པར་བྱེད་ཅིང་། དོན་ཡང་རྟོགས་པར་བྱེད་ལ། ཆོས་འདི་ནི་འདོད་ཆེན་ཆུང་བ་ཡིན་གྱི། ་ཆོས་འདི་ནི་འདོད་ཆེན་ཆེ་བའི་མ་ཡིན་ནོ་ཞེས་དོན་བརྡ་སྤྲོད་པར་བྱེད་པ་དང་། སྐྱེས་བུ་ཆེན་པོའི་རྣམ་པར་རྟོག་པ་བརྒྱད་སྟོན་པར་བྱེད་པ་དང་། ཉེས་པ་བྱུང་ན་དེ་ལས་བསླང་བའི་ཕྱིར་གཞན ་དག་ལ་འཆགས་པར་བྱེད་པ་དང་། བྱང་ཆུབ་སེམས་དཔའི་སྤྱད་པ་སྤྱོད་པ་ནི། དགོངས་པའི་ཚོགས་ལ་མཁས་ཤིང་དམ་པའི་ཆོས་འབྱིན་པར་བྱེད་པ་འདི་ནི་གང་ཟག་དང་པོ་སྟེ། སོ་སོའི་སྐྱེ ་བོའི་གྲངས་སུ་གཏོགས་མོད་ཀྱི། འདི་ནི་སོ་སོའི་སྐྱེ་བོ་ཐོས་པ་དང་མི་ལྡན་པ་མ་ཡིན་ཏེ། བརྒྱད་པའི་སོ་སོའི་སྐྱེ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པ་རྣམས ་ཀྱིས་སངས་རྒྱས་སུ་འགྱུར་བར་གསུང་སྟེ། ལུང་བསྟན་པས་ལུང་བསྟན་པ་ཡིན་ནོ།། དེ་ལ་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་ཞེས་བྱ་བ་ནི། གང་ཐོབ་ནས་དམ་པའི་ཆོས ་འདྲི་བ་དང་། འཆང་བ་དང་། འབྲལ་བར་འགྱུར་མི་སྲིད་པ་དང་། གཞན་དག་ལའང་སངས་རྒྱས་ཀྱིས་གསུངས་པ་མ་ཡིན་པ་རང་བཟོའི་ཚིག་དང་། ཡི་གེ་སྣ་ཚོགས་དང་། བྲན ་དང་བྲན་མོ་ཡོངས་སུ་འཛིན་པ་སྟོན་མི་སྲིད་པ་སྟེ། རྒྱུན་དུ་ཞུགས་པ་དང་། ལན་ཅིག་ཕྱིར་འོང་བའི་གྲངས་སུ་ནི་གཏོགས་མོད་ཀྱིས། རྒྱུན་དུ་ཞུགས་པ་དང་། ལན་ཅིག་ཕྱིར་འོང ་བ་ནི་མ་ཡིན་ནོ། ། དེ་ལྟར་ས་དང་པོ་དང་། གཉིས་པ་དང་། གསུམ་པ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་མངོན་སུམ་དུ་ལུང་བསྟན་པས། སངས་རྒྱས་ཀྱི་གནས་སུ་སངས་རྒྱས། ་སུ་འགྱུར་བ་ལུང་བསྟན་ཏོ།། ཕྱིར་མི་བོང་བ་ཞེས་བྱ་བ་ནི་ཆོས་དེ་ཐོབ་ནས། འབྲལ་མི་སྲིད་པ་དང་། གཞན་དག་ལའང་སངས་རྒྱས་ཀྱིས་གསུངས་པ་མ་ཡིན་པ། རུང་བ་མ་ཡིན་པ། རུང་བ ་མ་ཡིན་པའི་མདོ་རང་བཟོ་སྣ་ཚོགས་ཀྱི་ཆོག་དང་། ཡི་གེ་དང་། བྲན་དང་། བྲན་མོ་ལ་སོགས་པ་ཡོངས་སུ་འཛིན་པ་སྟོན་མི་སྲིད་པ་དང་། གློ་བུར་གྱི་ཉེ་བའི་ཉོན་མོངས་པ་རྣམས་ཀྱིས་དེ་ལ་གནོད་པར་འགྱུར་མི ་སྲིད་པ་དང་། ། ནང་གི་ཉོན་མོངས་པ་རྣམས་ཀྱིས་དེ་ལ་གནོད་པར་འགྱུར་མི་སྲིད་པ་དང་། དེ་བཞིན་གཤེགས་པའི་ཁམས་བཅབས་ཏེ། ཆོས་སྟོན་མི་སྲིད་པ་དང་། ཁམས་བཞིའི་སྦྲུལ་གདུག་པ་ལ་རྟེན་པའི ་གློ་བུར་གྱི་ནད་རྣམས་ཀྱིས་དེ་ལ་གནོད་པ་བྱེད་པར་འགྱུར་མི་སྲིད་པ་དང་། བདག་ཏུ་སྨྲ་བའང་ཡིན། བདག་མེད་པར་སྨྲ་བ། ཚར་གཅོད་པའང་ཡིན་ལ། འཇིག་རྟེན་པའི་བདག་རྣམ་པར་སྤང་བ ་དང་འཇིག་རྟེན་པའི་བྱ་བ་རྣམས་ཀྱིས་ཀྱང་འཇིག་རྟེན་ན་མཐུན་པ་བྱེད་པ་དང་། ཐེག་པ་ཆེན་པོ་མ་ཡིན་པའི་ཐེག་པ་གཞན་འབར་པར་བྱེད་མི་སྲིད་པ་དང་། སྲིན་བུའི་རིགས་བརྒྱད ་ཅུ་དང་། ཉོས་དམིགས་ཆེན་པོའི་ལུས་འཛིན་པ་མ་ཡིན་པ་དང་། འདོད་པའི་བསམ་པ་རྣམ་པར་སྤངས་པ་དེའི་ལུས་ལ་རྨི་ལམ་དུའང་ཁུ་ཆུ་འབྱུང་མི་སྲིད་པ་དང་། འཆི་བའི་འཇོག ་བ་རྣམས་འོངས་པ་མཐོང་ན་འཇིགས་མི་སྲིད་པའོ། ། གང་ཟག་དེ་ལྟ་བུ་ནི་ཕྱིར་མི་འོང་བ་ཞེས་བྱ་སྟེ། གང་ཟག་གསུམ་པའོ།། དེའང་ངེས་པར་ཕྱིར་མི་འོང་བ་ཞེས་བྱ་སྟེ། ་གང་ཟག་དེ་ནི་ཕྱིར་མི་འོང་བ་ཐོབ་པ་ཞེས་ཀྱང་མི་བྱའོ།། སྔར་བསྟན་པའི་ཡོན་ཏན་རྣམས་ཀྱང་ཡོད་ལ། འདིར་སྐྱེས་ནའང་སྔར་བསྟན་པའི་ཉེས་པ་རྣམས་ཀྱིས་མི་གོས་སོ།། བྱང་ཆུབ ་སེམས་དཔའ་སེམས་དཔའ་ཆེན་པོ་ནི་འོང་བ་དང་འགྲོ་བའི་ཚུལ་གྱིས་རྒྱུ་བར་བྱེད་ཀྱང་ཕྱིར་མི་འོང་བའི་གྲངས་སུ་གཏོགས་ཏེ། སེམས་བསྐྱེད་མ་ཐག་པའི་ལུང་བསྟན་པས་སངས་རྒྱས་སུ ་ལུང་བསྟན་པ་དང་། སེམས་བསྐྱེད་མ་ཐག་ཏུ་རིང་པོ་མི་ཐོགས་པར་སངས་རྒྱས་སུ་འགྱུར་བ་ཡིན་ཏེ། གང་ཟག་དེ་ལྟ་བུ་ནི་གང་ཟག་གསུམ་པའོ།། དགྲ་བཅོམ་པ་ཟག་པ་ཟད་པ་ནི་གང ་ཟག་བཞི་པ་སྟེ། དགྲ་བཅོམ་པ་ཞེས་བྱ་བ་ནི་ཉོན་མོངས་པ་མེད་པ། ཁུར་བོར་བ། རང་གི་དོན་གྱི་བྱ་བ་བྱས་པ། དོན་གྲུབ་པ། ས་བཅུ་ཐོབ་པ་ཞེས་བྱ་བའི་དོན་ཏོ།། དོན་གཞན ་ཡང་རྒྱས་པར་བྱེད་དེ། མི་སྐྱེ་བའི་ཆོས་ལ་བཟོད་པའི་ལུང་བསྟན་པས་བསྟན་པ་དང་། བདག་ཉིད་ཀྱིས་ཇི་ལྟར་ནུས་པའི་གཟུགས་དང་། ཇི་ལྟར་འདོད་པའི་གཟུགས་མངོན་པར ་སྤྲུལ་པར་བྱེད་པ་དང་། གང་གིས་ལུས་ཀྱིས་སངས་རྒྱས་སུ་འགྱུར་བར་འདོད་པ་དེའི་ལུས་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་བར་བྱེད་དེ། ་ཡོན་ཏན་འདི་རྣམས་དང་ལྡན་པ་ནི་དགྲ་བཅོམ་པ་ཞེས་བྱ་སྟེ། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི་ལ་གང་ཟག་བཞི་པོ་འདི་རྣམས་སྐྱེ་བོ་མང་པོ་ལ་ཕན་པ་དང་། སྐྱེ ་པོ་མང་པོ་ལ་བདེ་བའི་ཕྱིར་འཇིག་རྟེན་དུ་འབྱུང་ངོ་། ། དེ་དག་ནི་དེ་བཞིན་གཤེགས་པ་བཞིན་དུ་དྷ་དང་མི་རྣམས་ཀྱི་སྟོན་པ་ཡིན་ཏེ། བཞི་ཅར་ཡང་སྐྱེས་བུ་ཚད་མ་ཡིན་ནོ། ་རྟེན་དུ་གྱུར་པ་ཡིན་ནོ།། གསོལ་པ། གང་ཟག་བཞི་པོ་དེ་དག་ནི་བདག་གི་ཚད་མའང་ལགས། དེ་དག་ནི་རྟེན་དུ་གྱུར་པའང་མ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་ཀྱིས ་ཁྱིམ་པ་དག་གདངས་ཅན་ལས་བརྩམས་ཏེ་བདུད་ཚར་བཅད་པར་བཀའ་སྩལ་པའི་ཚེ། གལ་ཏེ་ལྟ་འམ། བདུད་དོམ། ཚངས་པའང་རུང་སྟེ། ང་དང་འདྲ་བར་ལུས་མཚན་སུམ་ཅུརྩ ་གཉིས་དང་། དཔེ་བྱད་བཟང་པོ་བརྒྱད་ཅུས་བརྒྱན་པ་དང་། འོད་འདོམ་གང་དང་ལྡན་པ་དང་། བཞིན་མཛོད་སྤུས་བརྒྱན་པའི་སངས་རྒྱས་ཀྱི་སྐུའི་ཚུལ་གྱིས་འོངས་སུ་ཟིན་ཀྱང་དེ་ཁྱོད ་ཀྱིས་ཚར་ཆོད་ཅིག་ཅེས་ངས་གནང་སྟེ། སྡིག་ཅན་ཁྱོད་འདི་ལྟར་དགྲ་བཅོམ་པའི་གཟུགས་ཀྱིས་དགྲ་བཅོམ་པ་བཞིན་དུ་བདག་ཉིད་མ་འདུག་ཅིག། སྡིག་ཅན་ཁྱོད་ནམ་མཁའ་ལ་ཉམ ་བར་བྱེད་ཅིང་། གློ་གཡོན་ཕྱོགས་ནས་མེ་འབར་བར་བྱེད་པ་དང་། གཡས་ཕྱོགས་ནས་ཆུ་འབེབས་པ་དང་། མེ་བཞིན་དུ་འབར་ཞིང་གཟི་བྱིན་དང་ལྡན་ལ་དུད་པར་འཐུལ་དུ་ཟིན་ཀྱང ་ང་ཁྱོད་ཀྱི་ཚིག་མིཉན་ནོ། ། ཡིད་ཆེས་པར་ཡང་མི་བྱེད་དོ།། གསུང་རབ་ཡན་ལག་དགུ་ལྟ་བུ་སྟོན་དུ་ཟིན་ཀྱང་། ང་དད་པར་མི་བྱེད་དོ་ཞེས་གྱིས་ཤིག། རིགས་ཀྱི་བུ་ཁྱེད་དེ་ལྟར ་དོགས་ན་ངའང་ཚར་ཆོད་ཅིག། རིགས་ཀྱི་བུ་དཔེར་ན་མཚན་མོ་མུན་པའི་ནང་དུ་ཁྱི་རྐུན་འོངས་པ་ཚོར་ན། ཁྱིམ་བདག་མོ་འམ། ཟན་མོས་དེ་ལ་འདི་སྐད་དུ་ཁྱི་རྐུན་ཁྱོད་ངས་མ་བསད་པར ་སྦྱིན་པར་ཕྱིར་སོང་ཞིག་ཅེས་བྱས་ནས་ཁྱི་རྐུན་དེས་དེ་སྤྱད་ཐོས་པ་དང་། ཀྱོར་བརྒྱུགས་ཏེ་སོང་ལ་བྱིན་རྒྱུད་ཀྱང་ཁྱིམ་དེར་མི་འོང་བ་དེ་བཞིན་དུ། ཁྱོད་ཀྱིས་བདུད་སྡིག་ཅན་གྱི་རྐུན་བཞིན་དུ ་ཚར་ཆོད་ལ། སྡིག་ཅན་དེ་ལྟར་མ་བྱེད་པར་ངས་བཅིང་བ་རྣམ་པ་ལྔས་མ་བཅིངས་པར་སྐྱེན་པར་ཕྱིར་སོང་ཞིག་ཅེས་དེ་ལ་དེ་སྐད་གྱིས་ཤིག་དང་། དེས་དེ་སྐད་ཐོས་མ་ཐག་ཏུ་ཁྱི ་རྐུན་བཞིན་དུ་ཕྱིར་ལྡོག་པར་འགྱུར་ཏེ། དེ་ལྟར་བདུད་ཚར་གཅོད་པར་བྱེད་པ་གང་ཡིན་པ་དེ་དག་ནི་དམ་པ་ཡིན་ཏེ། མྱ་ངན་ལས་འདས་པའི་དྲུང་ཁོ་ན་ན་འདུག་གོ་ཞེས།། བཅོམ་ལྡན ་འདས་ཀྱིས་ཁྱིམ་བདག་གདངས་ཅན་ལས་གླེངས་ཏེ་བདུད་ཚར་གཅོད་པ་ན་བཀའ་སྩལ་ལགས་ན། བཅོམ་ལྡན་འདས་ཅིའི་སླད་དུ་གང་ཟག་བཞི་པོ་རྣམས་རྟེན་དུ་གྱུར་པར་གཞོག་པར་མཛད་ལགས།། ་བདག་ནི་དེ་རྣམས་ལ་མི་ཉན་ཅིང་གློབ་མི་ཆེས་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་ནི་དེ་བཞོན་ཏེ། ངས་ཇི་སྐད་སྨྲས་པ་དེ་ནི་དེ་ཁོ་ན་བཞིན་ནོ།། དེ་ལྟ་མོད་ཀྱི ་ངས་བདུད་ཚར་བཅད་པར་སྨྲས་པ་ནི་བྱིས་པ་ཉན་ཐོས་ཀྱི་ཐེག་པ་པ་ཤའི་མིག་དང་ལྡན་པ་རྣམས་ཀྱི་དོན་དུ་སྨྲས་པ་ཡིན་གྱི། ཐེག་པ་ཆེན་པོ་པ་རྣམས་ཀྱི་དོན་དུ་བདུད་ཚར་བཅད་པར་སྨྲས་པ་མ་ཡིན་ནོ།། ་ཉན་ཐོས་ཀྱི་ཐེག་པ་པ་རྣམས་ལའང་ལྷའི་མིག་དང་ལྡན་པ་དག་ཡོད་མོད་ཀྱི། དེ་དག་ནི་ཤའི་མིག་ཅེས་བྱ་བའི་གྲངས་སུ་གཏོགས་སོ།། ཐེག་པ་ཆེན་པོ་པ་རྣམས་ཀྱང་ཤ ་མིག་དང་ལྡན་པ་དག་ཡོད་མོད་ཀྱི། དེ་དག་ནི་སངས་རྒྱས་ཀྱི་སྤྱན་ཞེས་བྱ་བའི་གྲངས་སུ་གཏོགས་སོ།། དེ་ཅིའི་ཕྱིར་ཞེ་ན། ཐེག་པ་ཆེན་པོ་སངས་རྒྱས་ཀྱི་ཐེག་པའི་མདོའི་དེ་ཁོ་ན་ཉིད་འཛིན་པའི་ཕྱིར་རོ།། ་རིགས་ཀྱི་བུ་གཞན་ཡང་དཔེར་ན་མི་དཔའ་བོ་ཡུལ་ཕྱོགས་སུ་གྲངས་པ་སྙིང་སྟོབས་ཅན་རྟུལ་ཕོད་པ་འགའ་ཞིག་ཡོད་ལ། དེ་ལ་མི་སྔར་མ་འགའ་ཞིག་རྟེན་ཏེ། སྔར་མ་དེ་དཔའ་བོ་དེ་ལ་དཔའ་སློབ་པ་ན་དེ ་ལ་བསྒོ་བ། ཀྱེ་མི་ཁྱོད་དཔའ་བོར་འགྱུར་བར་འདོད་ན་རལ་གྲིའི་སོ་གཏམས་པའི་སྟེང་དུ་འགྲོ་བར་གྱིས་ཤོག། གང་དང་གང་གི་ཚེ་འཐབ་པ་དེ་དང་དེའི་ཚེ། སུས་ཀྱང་མི་འཇིགས་པར་གྱིས་ཤིག ་བྷའང་རུང་། གཏུམ་པོའང་རུང་སྟེ། རྩཝ་ཙམ་དུ་ལྟོས་ཤིག། སྙིང་སྟོབས་དང་རྟུལ་ཕོད་པ་ལ་བརྩོན་པར་གྱིས་ཤིག། རུབ་ངན་པ་ཁ་ཅིག་དཔའ་བོའི་ཆ་ལུགས་སུ་བསྒྱུར་ནས་དཔའ་བོའི ་མཚོན་ཆ་ཐོགས་ཏེ་ཨུར་མོའི་རལ་གྲི་ཤུབས་ནས་ཕྱུང་ནས། ཕྱེ་མར་རློག་པ་ལྟར་བྱེད་ཅིང་འོང་ལ་རལ་གྲི་གཅིག་ལ་གཅིག་བརྡབས་པ་ལས་མེ་སྟག་འཕྲོ་བར་བྱེད་དེ། ཁུས་འདེབས་ཤིང་ཁྲོམ ་གྱི་ནང་དུ་འོང་བ་དེ་ལྟ་བུ་དག་མཐོང་ནས་མ་འབྲོས་ཤིག་དང་། རུང་ངན་པ་གང་ཡིན་པ་དེ་དག་གིས་ཀྱང་དེ་དག་མཐོང་ན། འདི་དག་ནི་དཔའ་བོ་ཡིན་ནོ་སྙམ་དུ་རིག་ནས་ཁྱི་རྐུན་བཞིན་དུ་འབྱེར་བར ་འགྱུར་ལ། རུབ་བཟང་པོ་གང་ཡིན་པ་དེ་དག་ནི་ཁྲེལ་གྱིས་དོགས་ཏེ་འཕེན་པར་བྱེད་དོ།། རུ་བ་ངན་པ་དེ་དག་ནི་དེ་དག་གིས་སྐྲག་ནས་འབྱེར་བར་འགྱུར་བ་དེ་བཞིན་དུ། དེ་བཞིན་གཤེགས་པའང་ཅན།། ་ཐོས་ཀྱི་ཐེག་པ་པ་རྣམས་དཔའ་བོ་སློབ་པར་མཛད་དེ། ཁྱེད་བདུད་སྡིག་ཅན་རུབ་སྔར་མ་ལྟ་བུས་མ་འཇིགས་པར་དཔའ་སློབ་པ་བཞིན་དུ་རྡུལ་ཕོད་པར་གྱིས་ཤིག་དང་། བདུད་ཡིད་མི་བདེ་བར ་འགྱུར་རོ་ཞེས་སྟོན་ཏོ། ། རིགས་ཀྱི་བུ་གཞན་ཡང་རིགས་ཆེན་པོ་དཔའ་བོ་འམ། དཔའ་བོའི་བུ་ལ་ལ་ཞིག་སུ་ལའང་དཔའ་མ་བསླབས་ཏེ། དེའི་སློབ་དཔོན་སུའང་མེད་བཞིན་དུ། དེ་རང ་བཞིན་གྱིས་དཔའ་ལ་རིགས་ཀྱི་ཆོས་ལུགས་སུ་གྱུར་པ་རང་གིས་དཔའ་རིགས་ཀྱིས་རྐྱེན་དུ་འཚམ་པར་དཔའ་བ་དེ་བཞིན་དུ། ཐེག་པ་ཆེན་པོ་པ་སྐྱེས་པ་འམ། བུད་མེད་དམ། ཁྱེའུ་འམ ་བུ་མོའང་རུང་སྟེ། དེ་དགགིས་དགོངས་ཏེ་གསུངས་པའི་མདོའི་ཚིག་སྣ་ཚོགས་ཐོས་ན། དེ་མི་སྐྲག་མི་དངང་བ་དེ་དག་ནི་སྔོན་སངས་རྒྱས་དུ་མ་ལ་བསྙེན་བཀུར་བྱེད་བྱེད་པ་ཡིན་ཏེ། ་དེ་ནས་དེ་དག་གིས་ཐེག་པ་ཆེན་པོ་འདི་ཁོང་དུ་ཆུད་ནས་མངོན་པར་དད་པར་འགྱུར་ཏེ། བདུད་དམ་བདུད་བྱེ་བའང་རུང་།། དེ་དག་མཐོང་ན་ཐེག་པ་ཆེན་པོ་པ་རྣམས་སྐྲག་པར་མི་འགྱུར་ཏེ ་ཅུང་ཟད་ཀྱང་ཡ་མཚན་དུ་མི་འཛིན་ཏོ། ། དཔེར་ན་སྦྲུལ་འཛིན་པའི་མི་ལ་ལ་ཞིག་གིས་སྨན་གནོད་སེལ་དང་སྔགས་ཀྱི་མཐུས་སྦྲུལ་གདུག་པ་རྣམས་ཀྱི་དུག་མེད་པར་བྱེད་ལ། དེ་དག་གིས ་འཛེགས་པ་དེ་བཞིན་དུ། བདུད་བྱེ་བ་རྣམས་ཀྱང་ཐེག་པ་ཆེན་པོའི་མདོའི་ཚིག་གི་སྔགས་ཀྱི་གཟི་བྱིན་དང་མཐུས་རྒྱགས་པ་མེད་པར་འགྱུར་རོ།། རིགས་ཀྱི་བུ་གཞན་ཡང ་ཀླུའི་སྦྲུལ་གདུག་པ་རྣམས་ཀྱིས་ནི་གླང་པོ་ཆེ་དང་། སྟག་དང་། གཟིག་དང་། ཁྱི་རྣམས་ཀྱང་བལྟས་པ་ཙམ་གྱིས་སྐྲག་པར་བྱེད་དེ། ཁ་ཅིག་ནི་འཆི་བར་ཡང་འགྱུར། ཁ་ཅིག་ནི་ཤིར ་དོགས་ནས་སྒྲ་ཐོས་པ་ཙམ་གྱིས་ཀྱང་འབྱེར་བར་འགྱུར་རོ། ། མི་ཁ་ཅིག་ནི་ཀླུ་བཾ་སྦྲུལ་གདུག་པ་དང་། ནམ་མཁའ་ལྡིང་དང་། གླང་པོ་ཆེ་དང་། སེང་གེ་དང་། སྟག་རྣམས་ཀྱང ་ཞོན་ཏེ་རྒྱུ་བར་བྱེད་པའང་ཡོད་དོ། ། མཽ་ཁ་ཅིག་ནི་ཀླུ་དང་། ནམ་མཁའ་ལྡིང་དང་། སེང་གེ་དང་། སྲིན་པོ་དེ་དག་མཐོང་ན་རྒྱགས་པ་མེད་པར་འགྱུར་ཏེ། མི་སྦར་མ་དེ་དང་འདྲ་བར ་ཉན་ཐོས་དང་རང་སངས་རྒྱས་རྣམས་ནི་བདུད་མཐོང་ན་སྐྱུག་པར་འགྱུར་ན། བདུད་ནི་དེ་དག་གིས་འཇིགས་པ་མེད་དེ། བདུད་ཀྱི་ལས་ཀྱང་བྱེད་དོ།། ཐེག་པ་ཆེན་པོ་པ་རྣམས་ནི་བདུད ་ལ་ཞོན་ཏེ་དེ་དག་གི་གཟི་བྱིན་ཆེན་པོ་དང་། སྟོབས་ཆེན་པོ་དང་། སྙིང་སྟོབས་བཏུལ་ནས་ཆོས་སྟོན་པར་བྱེད་དེ། ཀྲུ་ལ་སོགས་པ་དང་འདྲ་བའི་བདུད་སྟོབས་པོ་ཆེ་དེ་དག་སྐྲག་ནས། མཽད ་ལ་དམ་པའི་ཆོས་ལ་དགའ་བར་འགྱུར་ཏེ། འདི་སྐད་དུ་དཕྱིན་ཆད་དམ་པའི་ཆོས་ཀྱི་བར་ཆད་མི་བགྱིད་དོ་ཞེས་ཀྱང་ཟེར་རོ།། ཉན་ཐོས་ཀྱི་ཐེག་པ་པ་རྣམས་ནི་ཉོན་མོངས་པའི་རྣམ་པས ་སྐྲག་གོ། ། ཐེག་པ་ཆེན་པོ་པ་རྣམས་ནི་ཉོན་མོངས་པ་རྣམས་ཆུང་བར་འཛིན་ཏེ། དེ་ལྟར་ན་ཐེག་པ་ཆེན་པོ་པ་རྣམས་ནི་རྟུལ་ཕོད་པ་ཡིན་ནོ།། དེ་བས་ན་སྔར་བཤད་པའི་རྒྱུ་ནི་དེ་ཡིན་ཏེ ་ཉན་ཐོས་ཀྱི་ཐེག་པ་པ་རྣམས་ཀྱི་དོན་དུ་ངས་བདུད་ཚར་བཅད་པར་བསྟན་པ་ཡིན་ནོ། ། དེ་ལྟར་ན་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་ནི་མཆོག་ཏུ་བཟོད་པར་དཀའ་འོ།། ་ཀྱེ་མ་མདོ་སྡེ་ཆེན་པོ་འདི་དང་དེ་བཞིན་གཤེགས་པ་རྟག་ཅེས་བྱ་བ་ཐོས་ནས་ཡིད་ཆེས་པར་བྱེད་པ་གང་ཡིན་པ་དེ་དག་ནི་མཆོག་ཏུ་དཀའ་བ་བྱེད་པ་ཡིན་ཏེ། འཇིག་རྟེན་ན་ཨུ་དུམ་ཝ་རའི ་མེ་ཏོག་བཞིན་དུ་ཤིན་ཏུ་དཀོན་ནོ། ། ང་འདས་པའི་འོག་ཏུ་མདོ་སྡེ་ཆེན་པོ་འདི་ཤིན་ཏུ་རྙེད་དཀའ་བར་འགྱུར་ཏེ། མ་འོངས་པའི་དུས་ན་སེམས་ཅན་གང་དག་མདོ་སྡེ་ཆེན་པོ་འདི་ཐོས་པར ་བྱ་བའི་ཕྱིར་སྒྲུབ་པར་བྱེད་པ་དེ་དག་ནི་སེམས་ཅན་མང་པོས་སྤོང་བར་འགྱུར་རོ། ། གསོལ་པ། ཡུན་ཇི་སྲིད་ཅིག་ནས་སེམས་ཅན་རྣམས་ཀྱིས་སྤོང་བར་འགྱུར་ལགས། སེམས་ཅན་ཇི་ལྟ ་བུ་དག་ནི་དམ་པའི་ཆོས་འབྱིན་པར་འགྱུར་ལགས་བཀའ་སྩལ་པ། རིགས་ཀྱི་བུ་ང་འདས་པའི་འོག་ཏུ་ལོ་བཞི་སྟོང་གི་བར་དུ་འཛམ་བུ་གླིང་དུ་སྤྱོད་པར་འགྱུར་ཏེ། དེའི་རྗེས་ལ་སའི་འོག ་ཏུ་ནུབ་པར་འགྱུར་རོ། ། རིགས་ཀྱི་བུ་དཔེར་ན་ཡུལ་གང་ན་བུ་རམ་ཤིང་དང་། འབྲས་སཱ་ལུ་དང་། འབྲུ་དང་། སྦྲང་རྩི་དང་། ཀ་ར་དང་། བའི་འོ་མ་དང་། མར་གྱི་སྙིང་ཁུ་རྣམས ་མོད་པ་དེ་ཉིད་ན་སེམས་ཅན་རྣམ་པར་སྨིན་པས་དམན་ཞིང་བསོད་ནམས་མ་བྱས་པ་གཞན་དག་ཀྱང་ཡོད་དེ། དེ་དག་འདི་སྐད་དུ། བདག་ཅག་གི་ལུས་ཀྱི་ཁམས་འདི་ནི། ་ཁ་ཟས་བཟང་པོ་ཟོས་ན་ནད་དུ་འགྱུར་རོ་ཞེས་ཟེར་ནས། ཅི་རྩེ་དང་། ཁྲེ་དང་། ཁྲེ་རྒོད་རྣམས་ཟ་བར་བྱེད་དོ།། ཡུལ་དེ་ཉིད་ན་གཞན་ལ་ཅོག་ན། ཙི་རྩེ་དང་། ཁྲེ་དང་། ཁྲེ་རྒོད་རྣམས ་ཀྱི་མིང་ཡང་ཐོས་པར་མི་འདོད་དེ། བུ་རམ་ཤིང་དང་། འབྲས་སཱ་ལུ་དང་། འབྲུ་རྣམས་འབའ་ཞིག་ཟ་བར་བྱེད་པ་དེ་བཞིན་དུ། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ ་འདིའང་སེམས་ཅན་གཞན་ཁ་ཅིག་ཐོས་པར་ཡང་མི་འདོད་དེ། བསོད་ནམས་མ་བྱས་པ་རྣམས་ཅི་རྩེ་དང་། ཁྲེ་དང་། ཁྲོ་རྒོད་ཟ་ཞིའི། བུ་རམ་ཤིང་དང་། འབྲས་སཱ་ལུ་ལ ་སྡང་བ་བཞིན་དུ། ཉན་ཐོས་ཀྱི་ཐེག་པ་པ་རྣམས་ཐེག་པ་ཆེན་པོ་ལ་སྡང་བར་འགྱུར་རོ།། དེ་ལ་ཉན་པ་བསོད་ནམས་བྱེད་བྱེད་པ་གཞན་ཁ་ཅིག་ནི་འབྲས་སཱ་ལུ་ཟ་བ་བཞིན་དུ་ཐེག་པ་ཆེན་པོ ་བར་འགྱུར་རོ། ། རིགས་ཀྱི་བུ་དཔེར་ན་རི་ཁྲོད་གཅོང་རོང་ཡུལ་ངན་གནས་པའི་རྒྱལ་པོ་རྣམས་བུ་རམ་ཤིང་དང་འབྲས་སཱ་ལུ་རྣམས་ལྡན་པར་ཡོད་དུ་ཟིན་ཀྱང་། འབྲུ་འདི་རྣམས་ནི་དཀོན ་བ་ཡིན་ཏེ། ཟད་ན་མི་རུང་ངོ་སྙམ་ནས་བདག་ཅག་མི་ཟ་བར། ཙི་རྩི་དང་། ཁྲེ་དང་། ཁྲེ་རྒོང་པ་ཞིང་། བུ་རམ་ཤིང་དང་། འབྲས་སཱ་ལུ་དང་། འབྲུ་རྣམས་ནི་ཤིང་རྟ་རྣམས ་བཀང་ནས་རྒྱལ་པོ་ཆེན་པོ་ལ་འབུལ་བར་བྱེད་དེ། དེ་ན་སེམས་ཅན་གཞན་དག་རང་གི་ཡུལ་ན་འབྲས་སཱ་ལུ་ལ་སོགས་པ་སྟོན་མ་མཐོང་དུ་ཟིན་ཀྱང་རྒྱལ་པོའི་ལོངས་སྤྱོད་ཀྱི་མཐུས་ཟ་བར ་བྱེད་དོ། ། རིགས་ཀྱི་བུ་དེ་བཞིན་དུ། གང་ན་གང་ཟག་ཆོས་ཀྱི་སྡེ་དཔོན་བྱེད་པ་བཞི་པོ་དེ་དག་གནས་པ་དེ་ཉིད་དུ། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་གཅིག་ཀྱང ་འཇིག་རྟེན་དུ་བྱུང་ངམ། ཡང་ན་གང་ན་གནས་ཀྱང་རུང་སྟེ། དེར་དོན་དུ་དེ་དག་གི་ཐེག་པ་ཆེན་པོའི་མདོའི་སྡེ་ཚན་དག་གླ་རྔན་གྱིས་འདྲི་ཞིང་འདྲིར་འཇུག་སྟེ། བསྒྲུབས་ནས ་གླེགས་བམ་ཕྱི་ཚས་སུ་བཅུག་སྟེ། རྙེད་པ་དང་བཀུར་སྟིའི་ཕྱིར་རམ། ཆོས་སྤྱོད་པའི་ཕྱིར་རམ། རྟེན་བཅའ་བའི་ཕྱིར་བསྐུར་བར་བྱེད་དེ། བྱང་ཆུབ་སེམས་དཔའ་སེམས་དཔ ་ཆེན་པོ་དེ་ལ་བསྙེན་བཀུར་བྱེད་ཅིང་། སྐྱེ་བོ་མང་པོ་ཐེག་པ་ཆེན་པོའི་བཅུད་ཀྱིས་ལོངས་སྤྱོད་པར་འགྱུར་ཏོ།། རྒྱལ་པོའི་མཐུས་འབྲས་སཱ་ལུ་ཟ་བ་བཞིན་དུ། བྱང་ཆུབ་སེམས་དཔའ ་སེམས་དཔའ་ཆེན་པོ་དེའི་གཟི་བརྗིད་ཀྱི་མཐུས། སེམས་ཅན་རྣམས་ཀྱི་སྔོན་མ་ཐོས་པའི་ཚིག་གི་ཡི་གེ་འབྲུ་གཅིག་པའི་ཐིག་ལེ་ཐོས་པར་འགྱུར་རོ།། ཡོངས་སུ་མྱ་ངན་ལས་འདས་པ ་ཆེན་པོའི་མདོ་ཆེན་པོ་ས་ཕྱོགས་གང་ན་སྤྱོད་པའི་ས་ཕྱོགས་ནི་རྡོ་རྗེའི་རང་བཞིན་དུ་འགྱུར་རོ། ། སེམས་ཅན་དེ་དག་ཀྱང་རྡོ་རྗེའི་རང་བཞིན་དུ་འགྱུར་རོ་ཞེས་ང་ཟེར་རོ།། སེམས་ཅན་ཕལ ་པ་བསོད་ནམས་ཆུང་ངུ་རྣམས་ཐེག་པ་ཆེན་པོ་ཐོས་ན་ཐེག་པ་ཆེན་པོའི་མདོའི་སྡེ་ཚན་གྱི་དོན་འཛིན་པར་མི་བྱེད་དེ། ཐོས་ན་དོན་འཛིན་པར་མི་བྱེད་པའི་སེམས་ཅན་གང་། ་ཡིན་པ་དེ་དག་ནི་ཁྲེ་རྒོད་ཟབ་བཞིན་དུ་མྱ་ངན་དུ་བྱ་བ་ཡིན་ནོ།། གསོལ་པ།། དེ་བཞིན་གཤེགས་པ་འདས་ནས་ལོ་བཞི་སྟོང་གི་བར་དུ། འཛམ་བུ་གློང་དུ་གནས་པའི་རྗེས་ལ་སའི་འོག་ཏུ ་ནུབ་པར་གྱུར་ནས། ཡུན་ཇི་སྲིད་ཅིག་ན་སླར་ཡང་འབྱུང་བར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གང་གི་ཚེ་ངའི་དམ་པའི་ཆོས་ཀྱི་མཇུག་ལ ་ལོ་བརྒྱད་ཅུ་ལུས་པར་གྱུར་ཏེ། དམ་པའི་ཆོས་ནུབ་ཏུ་ཆ་བ་ན། ཡོངས་སུ་མྱ་ངན་ལས་འདས་པ་ཆེན་པོའི་མདོའི་མ་ཆེན་པོ་འདི་འཛམ་བུ་གླིང་དུ་འབྱུང་བར་འགྱུར་ཏེ། ལོ་བཞི་བཅུའི ་བར་དུ་དམ་པའི་ཆོས་ཀྱི་ཆར་ཕ་བ་ནས་ནུབ་པར་འགྱུར་རོ། ། གསོལ་པ། དམ་པའི་ཆོས་ནུབ་པའི་དུས་དང་། ཚུལ་ཁྲིམས་ཅན་ཟད་པའི་དུས་དང་། དམ་པའི་ཆོས་མ་ཡིན་པ་རྣམ་པར ་འཕེལ་བའི་དུས་དང་། སྒྲུབ་པ་མ་མཆིས་པའི་དུས་ན་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི་འབྱུང་བའི་ཚེ། འདི་ཉན་པ་ནི་ཅི་འདྲ་བ་དག་ཅིག་འབྱུང་བར་འགྱུར་ལགས ་འཆང་བ་ནི་ཙོ་འདྲ་བ་དག་ཅིག་ལགས་ཀློག་པ་ནི་ཙོ་འདྲ་བ་དག་ཅིག་ལགས། སུ་དག་ནི་སྲུང་བར་འགྱུར། འཛིན་པར་འགྱུར། མཆོད་པ་བགྱིས་ནས་སྟོན་པར་འགྱུར་ལགས། ་འདྲིར་འཇུག་པ་ནི་ཅི་འདྲ་བ་དག་ཅིག་ལགས་པ་དེ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སེམས་ཅན་ཐམ་ཅད་ལ་སྨན་པའི་སླད་དུ་བཀའ ་སུམ་དུ་གསོལ། བྱང་ཆུབ་སེམས་དཔའ་ཡང་དག་པར་སློབ་པར་འཚལ་བའང་མཆིས་ཏེ། དེ་དག་གིས་ཐོས་ན་ཅི་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཡོངས ་སུ་ཉམས་པར་མི་འགྱུར་བར་སྒྲུབ་པར་འགྱུར་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། རིགས་ཀྱི་བུ་ཁྱོད་དོན་འདི་འདྲི་བ་ནི ་ལེགས་སོ། ། རིགས་ཀྱི་བུ་གང་དག་གིས་སངས་རྒྱས་ཆུ་ཀླུང་གསེར་གྱི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི། ཕྱི་མའི་དུས་ན་བྱང་ཆུབ་ཀྱི་སེམས་ཉམས་སུ་ལེན་པར ་གྱུར་ཏེ། ཉམས་སུ་མི་ལེན་པར་མི་འགྱུར་རོ།། མདོ་སྡེ་སྤོང་བར་ཡང་མི་འགྱུར་རོ།། གང་དག་གིས་སངས་རྒྱས་གངྒཱའི་ཀླུང་གི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི།། ་ཕྱི་མའི་དུས་ན་མཚུངས་པ་མེད་པ། སྤོང་བའི་སེམས་སྐྱེད་པར་མི་བྱེད་དོ།། མོས་པར་བྱེད་ཅིང་དེར་ཚིག་གིས་སྐྱེ་བོ་ཐམས་ཅད་ལ་རྒྱས་པར་གོ་བར་བྱེད་པར་འགྱུར་རོ།། གང་དག ་གིས་སངས་རྒྱས་གངྒཱའི་ཀླུང་གཉིས་ཀྱི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི། ཕྱི་མའི་དུས་ནའང་བྱང་ཆུབ་ཏུ་སེམས་སྐྱེད་པར་འགྱུར་ཏེ། སྤོང་བར་མི་འགྱུར་རོ།། ་གང་དག་གིས་སངས་རྒྱས་གངྒཱའི་ཀླུང་གསུམ་གྱི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི། ཕྱི་མའི་དུས་ན་མཚུངས་པ་མེད་པ་སྤོང་བར་མི་བྱེད་དེ། ལུང་ནོད ་བཔར་བྱེད། ཉན་པར་བྱེད། འདྲི་བར་བྱེད་ལ་དོན་ནི་རྟོགས་པར་མི་འགྱུར་རོ།། གང་དག་གིས་སངས་རྒྱས་གངྒཱའི་ཀླུང་བཞིའི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི། ཕྱི་མའི ་དུས་ནའང་བྱང་ཆུབ་ཏུ་སེམས་སྐྱེད་པར་འགྱུར་ཏེ། མཚུངས་པ་མེད་པ་སྤོང་བར་མི་བྱེད་ཅིང་། ལུང་ནོད་པར་བྱེད། ཉན་པར་བྱེད། འདྲི་བར་བྱེད་ལ། དོན་ནི་བཅུ་དྲུག་ཆ་གཅིག་རྟོགས་པར་འགྱུར ་ཏེང་དོན་རྫོགས་པར་རྟོགས་པར་མི་འགྱུར་རོ། ། གང་དག་གིས་སངས་རྒྱས་གངྒཱའི་ཀླུང་ལྔའི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི།། ཕྱི་མའི་ཚེ་མཚུངས་པ་མེད་པ་སྤོང་བར ་མི་འགྱུར་ཏེ། ལུང་ནོད་པར་བྱེད། ལྟ་བར་བྱེད། འདྲི་བར་བྱེད་དེ། བྲིས་ནས་ཀྱང་བདག་ཉིད་འཆང་བར་བྱེད་ལ། དོན་ནི་བརྒྱད་ཆ་གཅིག་རྟོགས་པར་འགྱུར་ཏེ། དོན་རྫོགས་པར ་རྟོགས་པར་མི་འགྱུར་རོ། ། གང་དག་གིས་སངས་རྒྱས་གངྒཱའི་ཀླུང་དྲུག་གི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི། ཕྱི་མའི་དུས་ན་མཚུངས་པ་མེད་པ་སྤོང་བར་མི་བྱེད་དེ། ་ལུང་ནོད་པར་བྱེད། འདྲི་བར་བྱེད། བྲིས་ནས་ཀྱང་འཛིན་པར་བྱེད་ལ། དོན་ནི་བཞི་ཆ་གཅིག་རྟོགས་པར་འགྱུར་ཏེ། དོན་རྫོགས་པར་རྟོགས་པར་མི་འགྱུར་རོ།། གང་དག་གིས ་སངས་རྒྱས་གངྒཱའི་ཀླུང་བདུན་གྱི་བྱེ་མ་སྙེད་ལ་བྱང་ཆུབ་ཏུ་སེམས་བསྐྱེད་པ་དེ་དག་ནི། ཕྱི་མའི་དུས་ན་མཚུངས་པ་མེད་པ་སྤོང་བར་མི་བྱེད་དེ། ལུང་ནོད་པར་བྱེད། འདྲི་བར་བྱེད།། བྲིས ་ནས་ཀྱང་འཛིན་པར་བྱེད་ལ། དོན་ནི་ཕྱེད་རྟོགས་པར་འགྱུར་ཏེ། དོན་རྫོགས་པར་རྟོགས་པར་མི་འགྱུར་རོ།། གང་དག་གོས་སངས་རྒྱས་གངྒཱའི་ཀླུང་བརྒྱད་ཀྱི་བྱེ་མ་སྙེད་ལ་བྱང་ཆུབ ་ཏུ་སེམས་བསྐྱེད་པ་དེ་དག་ནི། ཕྱི་མའི་དུས་ན་མཚུངས་པ་མེད་པ་སྤོང་བར་མི་བྱེད་དེ། ལུང་ནོད་པར་བྱེད། ཉན་པར་བྱེད། འདྲི་བར་བྱེད།། བྲིས་ནས་འཛིན་པར་བྱེ། འཆང་བར ་བྱེད་ཀློག་པར་བྱེད། སྟོན་པར་བྱེད། སྤང་བར་བྱེད། སྲུང་བར་བྱེད། འཆད་པར་བྱེད་དེ། འཇིག་རྟེན་ཐམས་ཅད་ལ་སྙིང་བརྩེ་བའི་ཕྱིར། གླེགས་བམ་རྣམས་ལ་མཆོད་པ་དང ་བཀུར་སྟི་བྱེད། གཞན་དག་ཀྱང་བྱེད་དུ་འཇུག་ཅིང་བླ་མ་ལ་གུས་པ་ལྟ་བུར་ལྟ་བར་བྱེད་ལ། དོན་ཡང་རྫོགས་པར་རྟོགས་པར་འགྱུར་ཏེ། བཅོམ་ལྡན་འདས་ནི་རྟག་པ་དང་། བརྟན་པ་དང ་ཐེར་ཟུག་པ་དང་། མི་གཡོ་བ་དང་། ཤིན་ཏུ་བདེ་བའོ་ཞེས་བྱ་བ་དང་། སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་དོ་ཞེས་སྟོན་པར་བྱེད་དོ།། དེ་ལྟར་ན་སྔོན་སངས ་རྒྱས་དུ་མ་ལ་བསྙེན་བཀུར་བྱེད་བྱེད་པའི་སེམས་ཅན་རྣམས་ནི་དམ་པའི་ཆོས་འབྱིན་པར་འགྱུར་ཞིང་། དམ་པའི་ཆོས་ཀྱི་ཕྱོགས་འཛིན་པར་འགྱུར་རོ།། གང་དག་གིས་ད་ལྟར་བྱང་ཆུབ ་དུ་སེམས་བསྐྱེད་པ་དེ་དག་ནི། ཕྱི་མའི་དུས་ན་དམ་པའི་ཆོས་འབྱིན་པར་འགྱུར་ཞིང་། དམ་པའི་ཆོས་ཀྱི་ཕྱོགས་འཛིན་པར་འགྱུར་ཏེ། དེའི་ཚེ་སེམས་ཅན་དེ་ལྟ་བུ ་དག་འབྱུང་བར་འགྱུར་གྱིས། རིགས་ཀྱི་བུ་ཁྱོད་མ་འོངས་པའི་དུས་ན་སེམས་ཅན་དམ་པའི་ཆོས་འབྱིན་པ་རྣམས་ལ་དེ་ལྟར་མ་ལྟ་ཞིག། གང་དག་གིས་ད་ལྟར་བྱང་ཆུབ་ཏུ་སེམས་བསྐྱེད་པ ་དེ་དག་ནི། མ་འོངས་པའི་དུས་ནའང་བྱང་ཆུབ་ཏུ་སེམས་བསྐྱེད་ནས་དམ་པའི་ཆོས་འབྱིན་པར་བྱེད་པར་ཤེས་པར་གྱིས་ཤིག། རིགས་ཀྱི་བུ་གང་དག་ང་ཡོངས་སུ་མྱ་ངན་ལས་འདས་པ་ཆེན ་པོས་ཡོངས་སུ་མྱ་ངན་ལས་འདས་པ་ལ་ཡོད་མོ་དགའ་བར་མི་བྱེད་ཅིང་། རབ་ཏུ་དགའ་བར་བྱེད་དེ། སངས་རྒྱས་བདག་ཅག་གི་རྙེད་པ་དང་བཀུར་སྟི་ལ་བགེགས་བྱེད་པ་དེ་ད་ནི་གྲོངས ་པར་འགྱུར་གྱིས་བདག་ཅག་དགའ་འོ་སྙམ་སྟེ། དེ་ལྟར་སངས་རྒྱས་གྲོངས་པར་འགྱུར་རོ་སྙམ་ནས་རབ་ཏུ་དགའ་སྟེ། ཡིད་མི་དགའ་བར་མི་བྱེད་པ་དེ་དག་ནི་དེའི་ཚེ་གཡེལ་བར་འགྱུར ་ཏེཆོས་གོས་ཀྱི་མཚན་མ་ཅན་མདོ་སྡེ་སྤོང་བར་འགྱུར་བར་ཤེས་པར་གྱིས་ཤིག། སེམས་ཅན་གང་དག་ཡོན་ཏན་དཔག་ཏུ་མེད་པ་དང་ལྡན་པ་དེ་དག་ནི་ཐེག་པ་ཆེན་པོ་ཐོས་ན་མངོན ་བར་དད་པར་འགྱུར་ཏེ། དམ་པའི་ཆོས་འདོད་པའི་རིགས་ཀྱི་བུ་དེ་དག་ནི་སྡིག་པའི་ལས་གྲངས་མེད་པ་བྱས་པ་རྣམས་ཀླད་པ་ན་བ་དང་། རིམས་ཀྱིས་གདུང་བ་དང་། ཟུག་རྔུ་དང་། ་སྐུར་བ་ཙམ་གྱིས་འབྱང་བར་འགྱུར་རོ།། གཞན་ཡང་ཕྱི་མའི་དུས་ན་གཞན་གྱིས་བརྙས་པར་འགྱུར་བ་དང་། མདོག་ངན་པར་འགྱུར་བ་དང་། མལ་ཆ་དང་། སྟན་དང་། ཁ་ཟས ་ངན་པར་འགྱུར་བ་དང་། རྙེད་པ་མེད་པར་འགྱུར་བ་དང་། དབུལ་བའི་རིགས་སུ་སྐྱེ་བ་དང་། ཕལ་པའི་རིགས་སུ་སྐྱེ་བ་དང་། ལོག་པར་ལྟ་བའི་རིགས་སུ་སྐྱེ་བ་དང་། རྒྱལ་པོ་འཁྲུག ་བ་དང་། ཡུལ་འཁྲུག་པ་དང་། སྡུག་པའི་དངོས་པོ་འཁྲུག་པ་དང་། དགེ་བའི་བཤེས་གཉེན་མི་མཐོང་བ་དང་། གོས་དང་། ཟས་དང་། མལ་ཆ་དང་། སྟན་དང་། ནད ་གསོས་དང་། སྨན་ཟོང་མེད་པ་དང་། རྙེད་པ་ཆུང་བ་དང་། བཀྲེས་པ་དང་། སྐོམ་པས་ཉམ་ཆུང་བའི་གནོད་པ་དང་ལྡན་པ་དང་། སྐྱེ་བོ་ཕལ་པས་དགའ་བར་བྱ་བ་དང་། རྒྱལ ་པོ་དང་། བློན་པོ་དང་། ཕོ་བྲང་འཁོར་གྱི་མི་རྣམས་ཀྱིས་ཆོས་ཀྱི་གཏམ་མི་འཛིན་པ་དང་། ཆོས་སྨྲ་བའི་ཕྱོགས་མི་བྱེད་པ་དང་། བློན་པོ་དང་། སྡེ་དཔོན་གང་དག་ཕྱོགས་དང་མགོན ་བྱེད་དུ་རེ་བ་དེ་དག་ཀྱང་སོ་ཤིག་གཏོལ་མེད་པར་འགྱུར་བ་དང་། དམ་པའི་ཆོས་ཀྱི་ཕྱོགས་མི་བྱེད་པ་དང་། བཟང་ནའང་མི་མཛེས་པ་དང་། བལྟ་ན་སྡུག་ནའང་བལྟ་ན་མི་སྡུག་པར་འགྱུར ་ཏེདེ་ལྟར་ན་ངའི་ཉན་ཐོས་གང་དག་འཇིག་རྟེན་ན་མདོ་སྡེ་ཆེན་པོ་སྟོན་པ་རྣམས་ནི་དཀའ་བ་བྱེད་པ་ཡིན་ནོ། ། རིགས་ཀྱི་བུ་དཔེར་ན་ལྟོ་བུར་ཤིན་ཏུ་སྟུག་པོའང་ཉི་མ་མ་ཤར་གྱི་བར་དུ་ནི་གནས ་ལ་ཉི་མ་ཤར་མ་ཐག་ཏུ་ནི་མ་ལུས་པར་སངས་པར་འགྱུར་བ་དེ་བཞིན་དུ། རིགས་ཀྱི་བུ་སེམས་ཅན་དེ་དག་གི་སྡིག་པ་གྲངས་མེད་པའང་གང་གི་ཚེ་ཡོངས་སུ་མྱ་ངན་ལས ་འདས་པ་ཆེན་པོའི་ཉི་མ་མ་ཤར་གྱི་བར་དུ་ནི་གནས་ལ། གང་གི་ཚེ་ཡོངས་སུ་མྱ་ངན་ལས་འདས་པ་ཆེན་པོའི་ཉི་མ་ཤར་བ་དེའི་ཚེ་ནི། སྡིག་པ་དེ་དག་མ་ལུས་པར་འབྱུང་བར་འགྱུར་རོ།། རིགས ་ཀྱི་བུ་གཞན་ཡང་དཔེར་ན་ལ་ལ་ཞིག་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འདོད་ལ། ད་དུང་གཞོན་ནུའི་ཚུལ་ཁྲིམས་ཀྱང་མ་བླངས་པར། མི་ལ་ལ་ཞིག་གིས་དེ་བཞིན་གཤེགས་པ་ལ ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་བ་དེའི་ཚེ། ཁྱིམ་པ་དེའང་ཆོས་གོས་བགོས་ནས་དེ་བཞིན་གཤེགས་པའི་ཉན་ཐོས་རྣམས་དང་ཐབས་ཅིག་ཏུ་གྲོང་གི་ནང་དུ་སོང་སྟེ་བཀོད་ན ་དེ་བཞིནི་གཤེགས་པའི་ཉན་ཐོས་ཀྱི་དགེ་འདུན་གྱི་གྲངས་སུ་གཏོགས་པ་དེ་བཞིན་དུ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་མདོ་སྡེ་འདི་ལ་སློབ་པ་ནི། བྱང་ཆུབ ་སེམས་དཔའ་སེམས་དཔའ་ཆེན་པོ་ས་བཅུ་ཐོབ་པ་རྣམས་ཀྱི་གྲངས་སུ་གཏོགས་སོ། ། འདི་ལས་ཕྱི་རོལ་ཏུ་གྱུར་པ་རྫས་ཀྱིས་བྲིད་པའི་ཕྱིར་རམ། གཏམ་ཟླར་བྱས་པའི་ཕྱིར་རམ། རྙེད ་པ་དང་། བཀུར་སྟི་དང་། ཚིགས་སུ་བཅད་པ་འདོད་པའི་ཕྱིར་ཐོས་པ་ཙམ་དུ་ཟད་དེ་མདོ་སྡེ་སྤོང་བར་མི་བྱེད་ན། ང་རྒྱལ་གྱི་དབང་གིས་སྤོང་བ་མ་གཏོགས་པར། སེམས་ཅན་གཞན་དེ ་དག་ནི་སངས་རྒྱས་དགྲ་བཅོམ་པ་རྣམས་ཀྱི་ཡང་དག་པར་རྫོགས་པའི་བྱང་ཆུབ་གང་ཡིན་པ་དེ་རིམས་ཀྱིས་ཐོབ་པར་འགྱུར་རོ། ། རིགས་ཀྱི་བུ་དེ་བས་ན་སྔར་བསྟན་པའི་གང་ཟག་བཞི་པོ་རྣམས ་རྟེན་དུ་གྱུར་པ་ཡིན་ཏེ། ། དེ་དག་གིས་སངས་རྒྱས་ཀྱིས་གསུངས་པ་མ་ཡིན་པའི་མདོ་སྡེ་ལ་སངས་རྒྱས་ཀྱིས་གསུངས་སོ་ཞེས་སྟོན་མི་སྲིད་དེ། སྐབས་མེད་དོ།། དེ་བས་ན་རྟེན་དུ་གྱུར་པ་ཡིན ་ནོགང་ཟག་བཞི་པོ་འདི་རྣམས་ཀྱི་ནང་ནས་གཅིག་ཙམ་གཅིག་ནའང་དེ་ལ་མཆོད་པར་གྱིས་ཤིག། སྲུང་བར་གྱིས་ཤིག། གསོལ་པ། དེ་ལ་ཇི་ལྟར་མཆོད་པར་འཚལ། བཀའ ་སྒྲུབ་པ། གང་ཟག་དེ་ནི་བདག་གི་སྲོག་ཡོངས་སུ་བཏང་ནས། དམ་པའི་ཆོས་འབྱིན་པ་ཡིན་གྱིས། དེ་ལས་དམ་པའི་ཆོས་སྲུང་བ་ལ་བསླབ་པར་གྱིས་ཤིག། བསླབས་ནས་ཀྱང་སློབ ་དཔོན་དེ་ལ་མཆོད་པ་གྱིས་ཤིག། ཉན་ཐོས་ཀྱི་ཐེག་པ་ལས་ཀྱང་ངས་བསྟན་ཏེ། རྒན་ནམ་ཡང་ན་གཞོན་ཀྱང་རུང་།། གང་ལས་ཆོས་འདི་རྟོགས་འགྱུར་བ།། བྲམ་ཟེ་སྲེག་སྦྱིན་མེ ་བཞིན་དུ། ། དེ་ལ་བཀུར་སྟི་ཕྱག་ཀྱང་བྱ།། རྒན་ནམ་ཡང་ན་གཞོན་ཀྱང་རུང་།། གང་ལས་ཆོས་ནི་རྟོགས་འགྱུར་བ།། དབང་ཆེན་ལྷ་ལ་བྱེད་པ་བཞིན།། དེ་ལ་བཀུར་སྟི་ཕྱག་ཀྱང་བྱ།། ་ཞེས་བསྟན་པ་ཡིན་ནོ།། གསོལ་པ།། སློབ་དཔོན་ལ་མཆོད་པ་བགྱིས་པ་ནི་རིགས་ལགས་ན། དགེ་སློང་རྒན་པོ་ཚུལ་ཁྲིམས་དང་ལྡན་པས་གསར་བུ་ལ་ཕྱག་བགྱི་བ་ནི་མི་རིགས་ཏེ། འདི ་ནི་དཔྱད་འཚལ་ལགས་སོ། ། ཅི་ལགས། གལ་ཏེ་དགེ་སློང་རྒན་པོ་གསར་བུ་ལ་སློབ་ནའང་དེས་གསར་བུ་ལ་ཕྱག་བགྱི་འཚལ་ལམ། གལ་ཏེ་གསར་བུ་ལ་ཕྱག་བགྱི་འཚལ ་བར་གྱུར་ན་ནི། དེ་ལྟར་ན་རྒན་པོ་དེ་ཚུལ་ཁྲིམས་དང་ལྡན་པའི་དགེ་སློང་མ་ལགས་པར་འགྱུར་ལགས་སོ།། གཞན་ཡང་གླེང་འཚལ་བ་མཆིས་ཏེ། གལ་ཏེ་དགེ་སློང་རྒན་པོ་ནི་ཚུལ་ཁྲིམས ་འཆལ་པ་ལགས། གསར་བུ་ནི་ཚུལ་ཁྲིམས་དང་ལྡན་པ་ལགས་ལ། དེ་ལས་ཆོས་ཀྱི་དེ་ཁོ་ན་ཉིད་རྟོགས་པར་འགྱུར་ན། ཅི་ལགས། གསར་བུས་གློ་བར་ཆུད་བཞིན་དུ་རྒན་པོ་ཚུལ་ཁྲིམས ་འཆལ་པ་ལ་ཕྱག་བགྱི་འཚལ་ལམ། གཞན་ཡང་གླེང་འཚལ་བ་མཆིས་ཏེ། ཙི་ལགས། ཁྱིམ་ན་གནས་པ་ལས་ཆོས་རྟོགས་པར་འགྱུར་ནའང་། ཁྱིམ་ན་གནས་པ་ལ་ཕྱག་བགྱི་འཚལ ་ལམ་ཧ་ཅང་ཞེས་ཆེར་བགྱི་བར་མི་རོགས་ལགས་སོ། ། ཁྱིམ་ན་གནས་པ་རྣམས་ནི་རབ་ཏུ་བྱུང་བའི་མཆོད་པའི་འོས་དང་ཡོན་གནས་མ་ལགས་སོ།། བསྟན་པ་འདི་ལ་ནི་གཞོན་ནུས་རྒན ་པོ་རྣམས་ལ་མཆོད་པ་བགྱི་བའི་འོས་ལགས་སོ། ། རྒན་པོ་མཆོད་པའི་འོས་ཞེས་བགྱི་བ་ནི་བསྙེན་པར་རྫོགས་པ། འདུལ་བ་དང་། ཆོ་ག་དང་། སྤྱོད་ཡུལ་ལ་གནས་པ་ལགས་ལ། བཅོམ ་ལྡན་འདས་ཀྱིས་ཀྱང་ཚུལ་ཁྲིམས་འཆལ་བ་རྣམས་ནི་ཞིང་གི་ནང་ན་ཞིང་གི་རྡོ་དང་འདྲའོ་ཞེས་གསུངས་ནད་ནི། རྒན་ནམ་ཡང་ན་གཞོན་ཡང་རུང་།། གང་ལས་ཆོས་ནི་རྟོགས་འགྱུར་བ།། དབང ་ཆེན་ལྷ་ལ་བྱ་བ་བཞིན། ། དེ་ལ་བཀུར་སྟི་ཕྱག་ཀྱང་བྱ།། ཞེས་ཀྱང་གསུང་ངམ། ཚིག་གི་དོན་འདི་གཉིས་ནི་དཔྱད་འཚལ་ལགས་སོ།། དེ་མ་ལགས་ན། དེ་ལྟར་བགྱིས་ཀྱང་དམ་པའི་གནས ་སུ་འགྱུར་ལགས་སོ། ། བཅོམ་ལྡན་འདས་དགེ་སློང་ཚུལ་ཁྲིམས་དང་ལྡན་རྣམས་བསླུ་བར་མཛད་ལགས་སམ། འདི་ལ་ནོངས་པ་མང་དུ་མཆིས་ལགས་ན། བཅོམ་ལྡན་འདས་ཀྱིས་མདོ་མང ་པོ་དག་ལས་ཚུལ་ཁྲིམས་འཆལ་པ་རྣམས་ཆད་པས་བཅད་པར་བཀའ་སྩལ་ན་ཅི་ལགས། དེ་བཞིན་གཤེགས་པས་འདིར་དགོངས་ཏེ་གསུངས་སམ། བཅོམ་ལྡན་འདས་ཀྱིས་བཀའ་སྩལ ་པང་རྒན་ནམ་ཡང་ན་གཞོན་ཡང་རུང་། ། གང་ལས་ཆོས་ནི་རྟོགས་འགྱུར་བ།། དབང་ཆེན་ལྷ་ལ་བྱ་བ་བཞིན།། དེ་ལ་བཀུར་སྟི་ཕྱག་ཀྱང་བྱ།། ཞེས་བྱ་བ་ནི། མ་འོངས་པའི་དུས ་ཀྱི་བྱང་ཆུབ་སེམས་དཔའ་རྣམས་ཀྱི་ཕྱིར་ངས་བསྟན་པ་ཡིན་གྱི། ཉན་ཐོས་ཀྱི་ཐེག་པ་པ་རྣམས་ཀྱི་ཕྱིར་དེ་སྐད་བསྟན་པ་ནི་མ་ཡིན་ནོ།། རིགས་ཀྱི་བུ་ངས་སྔར་བསྟན་པའི་དམ་པའི ་ཆོས་ནུབ་པའི་དུས་དང་། ཚུལ་ཁྲིམས་དང་ལྡན་པ་འགྲིབ་པའི་དུས་དང་། ཚུལ་ཁྲིམས་འཆལ་པའི་ཕྱོགས་རྣམ་པར་འཕེལ་བའི་དུས་དང་། ངེས་པར་གྲོལ་བ་དང་། ཆགས་པ ་མེད་པ་ཟད་པའི་དུས་དང་། བྲན་དང་བྲན་མོ་ལ་སོགས་པ་རྫས་ངན་པ་དུ་མ་ཡོངས་སུ་འཛིན་པར་བྱེད་པའི་དུས་ན། སྐྱེས་བུ་བཞིའི་ནང་ནས་གཅིག་ཙམ་ཡང་བྲན་དང་བྲན་མོ་ལ་སོགས ་བ་རྫས་ངན་པ་དུ་མ་ཡོངས་སུ་འཛིན་པའི་དགེ་འདུན་གྱི་ནང་དུ་ཁྱིམ་ནས་ཁྱིམ་མེད་པར་རབ་ཏུ་བྱུང་ནས། དེ་རྣམས་ཀྱིས་རུང་བ་དང་། རུང་བ་མ་ཡིན་པ་དང་། འདུལ ་བ་དང་། འདུལ་བ་མ་ཡིན་པའི་བྱེ་བྲག་ཀྱང་ཤེས།། དེ་དག་གི་གཡེལ་བ་དང་། བདག་ཉིད་ཀྱི་ཉེས་པ་མང་པོའི་གཞིའང་ཤེས་ཏེ། སྤྱོད་པ་འདི་ནི་བཅོམ་ལྡན་འདས་ཀྱི་སྤྱོད་པ་མ་ཡིན་ནོ་སྙམ་དུའང ་ཤེས་ན། ཡུལ་དང་དུས་ལ་བལྟས་ཏེ་གསར་བུ་རྣམས་ལས་གསུང་རབ་ཡན་ལག་དགུ་སློབ་པར་བྱེད་ཅིང་། དེ་དག་ཕམ་པ་བྱུང་བར་ཤེས་སུ་ཟིན་ཀྱང་དམ་པའི་ཆོས་འབྱུང་བར་བྱའོ་སྙམ ་སྟེ་ཁ་རོག་པར་འདུག་ནས། དེ་འབའ་ཞིག་སེམས་ཤིང་དམ་པའི་ཆོས་བསྲུང་བ་ཁོ་ནའི་ཕྱིར་འཇིག་རྟེན་དུ་འབྱུང་ངོ་།། རིགས་ཀྱི་བུ་དཔེར་ན་གཞིག་གི་རྒྱལ་པོ་ཞིག་ཤི་ནས་དེའི་བུ་རྣམས ་ཀྱི་ནང་ན་རྒྱལ་པོ་ནུས་པ་མེད་དེ། རྒྱལ་པོ་དེ་ཉིད་ཀྱི་ཁམས་ཀྱི་གདོལ་པ་འབྲུག་སྒྲ་ལྟ་བུའི་སིལ་སྙན་དང་ལྡན་པ་ཞིག་གིས་གདོལ་པ་དག་དེད་དེ། མཐུས་རྒྱལ་སྲིད་ཕྲོགས་ནས་རྒྱལ་པོ་བྱེད་ལ། ་གདོལ་པ་དེའང་རང་བཞིན་གྱིས་ནོར་དང་ལྡན་པ་ཞིག་སྟེ། དེ་ནས་གདོལ་པ་དེ་རྒྱལ་པོ་བྱེད་པ་ན་བྲམ་ཟེ་དང་ཁྱིམ་བདག་དེ་ན་གནས་པ་རྣམས་གདོལ་པས་བཀོལ་ན་མི་རུང་ངོ་སྙམ་ནས་ཡུལ་བོར་ཏེ ་གང་ན་རྒྱལ་པོའི་རིགས་རྒྱལ་པོ་བྱེད་པའི་ཡུལ་དེར་འགྲོ་བར་བྱེད་ལ། བྲམ་ཟེ་དང་ཁྱིམ་བདག་གཞན་ཁ་ཅིག་ནི་བདག་གི་ཡུལ་འདོར་མ་ཡོད་ནས་ཇི་ལྟར་ཤིང་གང་དུ་སྐྱེས་པ་དེ་ཉིད་དུ ་སྐམ་པར་འགྱུར་བ་བཞིན་དུ། དེ་དག་ཀྱང་ཤིང་དང་འདྲ་བར་ཡུལ་དེ་ཉིད་ན་འཁོད་དོ།། དེ་ནས་གདོལ་པ་དེས་མི་མང་པོ་བྱེར་རོ་སྙམ་ནས། གདོལ་པ་རྣམས་ལམ་ཐམས་ཅད་བསྲུང་དུ་བཅུག ་ས་ཏེ་མི་ལྷག་མ་རྣམས་བསྲུང་བའི་ཕྱིར་ཡང་བྲམ་ཟེ་གཙང་སྦྲ་ཅན་རིག་བྱེད་ཀྱི་མཐར་ཕྱིན་པ་གང་ངའི་རྒྱལ་སྲིད་ཀྱི་ཕྱེད་ལོངས་སྤྱོད་པར་འདོད་པ་དེས་ནི་ངའི་མདུན་ན་འདོན་གྱིས་ཤིག་ཅེས ་བསྒྲགས་ཏེ། དེ་ལྟར་གྲོང་ཁྱེར་དུ་ཞག་བདུན་གྱི་བར་དུ་རྔ་བོ་ཆེ་བརྡུངས་ཀྱང་། བྲམ་ཟེ་གཙང་སྦྲ་ཅན་གདོལ་པའི་བླ་མཁྱེན་བྱེད་པ་སུ་ཡོད་ཅེས་ཟེར་ཏེ། སུའང་མ་བཏུབ་བོ།། ་དེ་ནས་གདོལ་པ་དེས་བསྒོ་བ། གལ་ཏེ་སུའང་དེ་ལྟར་བྱེད་དུ་མི་བཏུབ་ན་བྲམ་ཟེ་ཐམས་ཅད་གདོལ་པའི་ཁྱིམ་དུ་གདོལ་པ་རྣམས་དང་ལྷན་ཅིག་ཏུ་ཟན་ཟོ་ཞིག། ཉོལ་ཞིག། གལ ་ཏེ་མི་བཏུབ་ན་དེའང་ངས་ནན་གྱིས་བྱེད་དུ་གཞུག་གོ། ། དེ་སྟེ་ལ་ལ་ཞིག་བཏུབ་ན་ནི་ངས་རྒྱལ་སྲིད་ཀྱི་ཕྱེད་ཀྱང་སྦྱིན་ནོ།། སུམ་ཅུ་རྩ་གསུམ་པའི་ལྷ་རྣམས་ཀྱི་བདུད་རྩི་འཐུངས་ན་ལྷར་འགྱུར། ་བ་ཐོབ་པར་འགྱུར་བ་འཇིག་རྟེན་ན་དཀོན་པ་གང་ཡིན་པ་དེང་དང་ལྷན་ཅིག་ཏུ་འཐུངས་ལ་ལྷུར་འགྱུར་བར་བྱའོ་ཞེས་བསྒོའོ།། དེ་ནས་དེར་བྲམ་ཟེ་གཞོན་ནུ་གཙང་སྦྲ་ཅན་ཐོར་ཙུགས་དང ་ལྡན་པ། རིག་བྱེད་ཀྱི་མཐར་ཕྱིན་པ་གཞོན་ནུ་ཚངས་པར་སྤྱོད་པ་ཞིག་བསྒོ་བ་དེ་ཐོས་ནས་རང་གི་ཐོར་ཚུགས་བཤིག་སྟེ། གདོལ་པ་དེའི་ཐད་དུ་སོང་ནས་དེ་ལ་ཕྱག་འཚལ་ཏེ་སྨྲས ་པ་ང་རྒྱལ་པོའི་ཞེལ་རྫ་ནས་བཀའ་ཅི་སྩལ་པ་དེ་བཞིན་དུ་བགྱིའོ་ཞེས་བྱས་ཏེ། དེ་ནས་རྒྱལ་པོ་དེས་དེ་མདུན་ན་འདོན་དུ་དབང་བསྐུར་ཏོ།། དེ་ནས་བྲམ་ཟེ་རྣམས་ན་རེ ་གདོལ་པའི་མདུན་ན་འདོན་པར་ཁས་བླངས་པ། ངན་པ་འདི་ངན་པ་འདི་ཞེས་འཛེར་ཏོ།། དེ་ནས་དེ་བཞིན་དུ་རྒྱལ་པོས་དེ་ལ་རྒྱལ་སྲིད་ཀྱི་ཕྱེད་བྱིན་ནས་དེ་དང་ལྷན་ཅིག་ཏུ་རྒྱལ་པོ་བྱེད་དོ།། ་། དེ་ནས་སྐབས་ཤིག་ཏུ་བྲམ་ཟེ་དེས། གདོལ་པའི་རྒྱལ་པོ་དེ་ལ་སྨྲས་པ། རྒྱལ་པོ་ཆེན་པོ་བདག་གིས་བྲམ་ཟེའི་ཚུལ་བོར་ནས་ཁྱོད་ཀྱི་མདུན་ན་འདོན་བགྱི་བར་ཁས ་བླངས་ཏེ། ཁྱོད་ལ་རིག་པ་རེ་རེ་ནས་བསླབ་སྙམ་ན་ཁྱོད་ད་དུང་བདག་ལ་ཐུགས་མི་བརྟན་ནམ། དེ་ནས་རྒྱལ་པོ་དེས། དེ་ལ་སྨྲས་པ། ཁྱོད་ལང་ཅི་སྟེ་ཡིད་མི་རྟོན།། དེ་ལྟ་བུའི་ཡོན ་ཏན་དང་ལྡན་པ་ཁྱོད་ལ་ཡིད་རྟོན་གྱིས། ད་ནི་རྒྱལ་པོ་ཤི་བ་དེའི་བདུད་རྩིའི་བུམ་པ་འདི་ཕྱེད་ཕྱེད་མཉམ་དུ་བཏུང་ངོ་ཞེས་བྱས་སོ།། དེ་ནས་ཐོག་མ་ཁོ་ནར་བློན་པོ་དེས་འཐུངས་པའི་འོག་ཏུ། ་བདུད་རྩི་དེའི་ནང་དུ་ཐབས་ཀྱིས་བཏུང་བ་གཞན་བླུགས་ནས་རྒྱལ་པོ་དེས་འཐུང་བ་དང་། བརྒྱལ་ཏེ་ཤི་བ་བཞིན་དུ་འདུག་གོ།། དེ་ནས་བྲམ་ཟེ་དེས། རྒྱལ་པོ་སྔ་མའི་བུ་རྒྱལ་པོ་ནུས་པ་རྒྱལ་པོར་བཅུག ་ནས་སྨྲས་པ། རྒྱལ་སྲིད་འདི་ལོང་ལ་ཆུད་མ་ཟོས་པར་གྱིས་ཤིག། གདོལ་པ་ནི་རྒྱལ་སྲིད་འདི་ལ་རྒྱལ་པོའི་འོས་མ་ཡིན་ཏེ་ཁྱོད་ཉིད་རྒྱལ་པོར་འོས་པ་ཡིན་ནོ།། གདོལ་པས་རྒྱལ་པོ ་བྱ་བ་ནི་མི་སྲིད་དོ་ཞེས་བྱས་སོ། ། དེ་ནས་གདོལ་པ་དེ་བརྒྱལ་བ་ལས་སངས་པར་འགྱུར་བའི་སྨན་བྱིན་ཏེ། སོས་པར་བྱས་ནས་དེ་སྤྱུགས་ཏེ་འགལ་བ་བྱེད་པའི་ཆད་པས་བཅད་དོ།། དེ་ལྟར་ཐམ ་ཟེ་དེས་རྒྱལ་སྲིད་སླར་བཙུགས་ཏེ། གདོལ་པ་དེ་སྤྱུགས་ན། དེ་བྲམ་ཟེ་ལས་ཉམས་པར་ཡང་མ་གྱུར་ལ། བྲམ་ཟེ་དང་ཁྱིམ་བདག་རྣམས་ཀྱང་འདི་ནི་བྱང་ཆུབ་སེམས་དཔའ་སེམས་དཔའ ་ཆེན་པོ་ཡིན་ནོ་ཞེས་ཟེར་ཞིང་དེ་ལ་ལེགས་སོ་ལེགས་སོ་ཞེས་བྱས་ཏེ། མཆོད་པར་བྱེད་པ་དེ་བཞིན་དུ། བྱང་ཆུབ་སེམས་དཔའ་ཡང་ང་འདས་པའི་འོག་ཏུ་དམ་པའི་ཆོས་འབྱུང་བའི ་དོན་དུ་ཐབས་ཅིའང་བྱེད་དེ། རྫས་ངན་པ་ལ་འདུན་ཅིང་སྤྱོད་པ་ངན་པ་དང་ལྡན་པའི་དགེ་འདུན་གྱི་ནང་དུ་ཚུལ་ཁྲིམས་འཆལ་པ་དག་དང་ཚུལ་མཐུན་པའང་སྟོན་ཏེ། ཚུལ་ཁྲིམས་འཆལ ་བདེ་རྣམས་ཀྱི་ཆོས་གོས་དང་། གླེགས་བམ་དང་། ཡོ་བྱད་དེ་རྣམས་དེ་དག་ལས་ཕྲོགས་ནས་དགེ་སློང་ཚུལ་ཁྲིམས་དང་ལྡན་པ་རྣམས་ལ་སྦྱིན་པར་གང་གོས་ནུས་པ་དང་། བསྒྲུབ ་པ་དང་། གཙོ་བོ་དང་། འབྲུ་བསྡུ་བའང་བསྟེན་ཏེ། རུང་བ་མ་ཡིན་པ་བརྒྱད་ཀྱི་དངོས་པོ་ལེན་པར་བྱེད་པ་རྣམས་མེད་པར་བྱེད་པ་གང་གིས་ནུས་པ་དང་། བྲམ་ཟེས་གདོལ་པའི་རྒྱལ ་པོ་ལ་བྱས་པ་བཞིན་དུ་དེ་དག་དང་ལྷན་ཅིག་ཏུ་སྐབས་དབྱེ་བ་དང་། གསོ་སྦྱོང་དང་། ཐལ་མོ་སྦྱར་བས་བཏུད་པའི་ལས་བྱེད་ཅིང་འགལ་བ་བྱེད་པ་ཚར་གཅོད་པར་གང་གིས་ནུས་པ་དང ་གཡེལ་བ་རྣམས་ཀྱང་དག་པའི་དགེ་འདུན་དུ་བསྒྱུར་ཞིང་སྐྱེ་བོ་མང་པོ་ལ་ཕན་པའི་ཕྱིར། ཐེག་པ་ཆེན་པོའི་མདོའི་སྡེ་ཚན་སྟོན་པར་གང་གིས་ནུས་པའི་བྱང་ཆུབ་སེམས། ་དཔའ་སེམས་དཔའ་ཆེན་པོ་གང་ཡིན་པ་དེའི་ཆེད་ཚོགས་སུ་བཅད་པ་དེ་དག་གསུངས་པ་ཡིན་ཏེ། དེ་ལྟར་བྱེད་པ་ལ་ནི་དམ་པའི་ཆོས་འབྱིན་པའི་ཕྱིར་བྲམ་ཟེ་དང་ཁྱིམ་བདག་རྣམས་མགུ ་བར་འགྱུར་ཏེ། བྲམ་ཟེ་ཡིན་བཞིན་དུ་འདིས་རྒྱལ་སྲིད་དང་དམ་པའི་ཆོས་བཙུགས་སོ་སྙམ་ནས་དེ་ལ་མཆོད་པ་བྱེད་དོ།། གང་དེ་ལྟར་སྟོན་པ་འདི་ནི། བྱང་ཆུབ་སེམས་དཔའ་ཁོ་ན་ཡིན ་ཏེ། ཐབས་དང་སྦྱར་ཞིང་བྱེད་པས་ན་དེ་ལ་ཉེས་པ་བསྐྱེད་པར་མི་བྱའོ།། དེ་ལ་ཉེས་པ་བསྐྱེད་ན། ཕྱིར་ཉེས་པ་ཐོབ་པར་འགྱུར་ཏེ། བཤགས་པར་འོས་པའི་ཉེས་པ་ལྟ་བུར་འགྱུར ་ཡ་ང་རྒྱལ་གྱི་དབང་གིས་འཆགས་པར་ཡང་མི་བྱེད་དོ། ། བྱང་ཆུབ་སེམས་དཔའ་སློབ་དཔོན་དེ་ནི་མཆོག་ཏུ་གཡེལ་བ་ལྟ་བུར་སྟོན་ཀྱང་ཉེས་པར་མི་འགྱུར་ཏེ། དགོངས་པའི་ཚིག། ་འདི་ནི་བྱང་ཆུབ་སེམས་དཔའི་ཆེད་དུ་བསྟན་ཏེ། རྒན་ནམ་ཡང་ན་གཞོན་ཡང་རུང་།། གང་ལས་ཆོས་ནི་རྟོགས་འགྱུར་བ།། བྲམ་ཟེ་སྲེག་སྦྱིན་མེ་བཞིན་དུ།། དེ་ལ་བཀུར་སྟི་ཕྱག ་ཀྱང་བྱ། ། རྫོགས་སངས་རྒྱས་ཀྱིས་བསྟན་པ་ཡིན།། ཆོས་ནི་གང་ལས་རྟོགས་འགྱུར་བ།། དབང་ཆེན་ལྷ་ལ་བྱ་བ་བཞིན།། དེ་ལ་བཀུར་སྟི་ཕྱག་ཀྱང་བྱ།། ཞེས་བྱ་བ་ནི།། ཉན་ཐོས ་རྣམས་ཀྱི་ཆེད་དུ་བསྟན་པ་མ་ཡིན་གྱི། བྱང་ཆུབ་སེམས་དཔའ་རྣམས་ཀྱི་ཆེད་དུ་བསྟན་པ་ཡིན་ནོ།། གསོལ་པ། བཅོམ་ལྡན་འདས་ཅི་ལགས། བྱང་ཆུབ་སེམས་དཔའ་གཡེལ་བ་དེ་ལྟ ་དག་བསྙེན་པར་རྫོགས་པར་རུང་ངམ། འོན་ཏེ་མི་རུང་ལགས། བཅོམ་ལྡན་འདས་ཀྱིས་བཀའ་སྩམ་པ། རིགས་ཀྱི་བུ་དེ་སྐད་མ་ཟེར་ཅིག། དེ་ཉིད་དེ་དག་གིས་བསྙེན་པར་རྫོགས་པ་ཡིན ་ཏེ་དེ་དག་གི་ཉེས་པ་གང་དང་གང་བཤགས་པ་དེ་དག་ནི། བཤགས་པ་བཟོས་པ་ཡིན་ནོ།། རིགས་ཀྱི་བུ་དཔེར་ན་རྫིང་རྙིང་པ་རལ་བའི་ཆུ་ནི་ཐམས་ཅད་ཟགས་པར་འགྱུར་རོ།། དེ་ཅིའི་ཕྱིར ་ཞེ་ན་པ་སྐྱེ་བོ་ཆོས་བཞིན་དུ་བྱེད་པ་རྣམས་ནི་འགྲོ་བས། སྐྱེ་བོ་ཆོས་བཞིན་དུ་མི་སྲིད་པ་རྣམས་ནི་འཕེལ་བའི་ཕྱིར་རོ།། གལ་ཏེ་རྫིང་དེ་ལ་ལ་ཞིག་གིས་ཕྱིར་བཅོས་ན་ན། དེས་ན་དེའི་ནང ་ནས་ཆུ་འཛག་པར་མི་འགྱུར་བ་དེ་བཞིན་དུ། བྱང་ཆུབ་སེམས་དཔའ་ཡང་། དགེ་སློང་ཚུལ་ཁྲིམས་དང་ལྡན་པ་རྣམས་མེད་པའི་ཕྱིར་དང་། དགེ་འདུན་གྱི་བསྒྲུབ་པ་ཉམ་པའི་ཕྱིར་དང་། ་ཐེག་པ་ལ་གཡེལ་བ་ཡོངས་སུ་འཕེལ་བའི་ཕྱིར། གཡེལ་བ་རྣམས་དང་ལྷན་ཅིག་ཏུ་བསྙེན་པར་རྫོགས་པ་དང་། སྐབས་འབྱེད་པ་དང་། གསོ་སྦྱོང་དང་། ཐལ་མོ་སྦྱར་བས ་འདུད་པའི་ལས་བྱེད་པས་རྫིང་ཟགས་པ་བཞིན་དུ། ཚུལ་ཁྲིམས་དང་། ཆོ་ག་ཟགས་པར་འགྱུར་མོད་ཀྱི། རིགས་ཀྱི་བུ་བྱང་ཆུབ་སེམས་དཔའ་དམ་པའི་ཆོས་འབྱིན་པར་འདོད ་པ་རྒྱལ་ཁྲིམས་དང་ལྡན་པའི་མི་ནི་རྫོང་བཅོས་པ་བཞིན་དུ། དེ་ཉིད་བསྙེན་པར་རྫོགས་པ་ཡིན།། དྲི་མ་མེད་པ་དང་བཤགས་པས་བདག་ཉིད་དག་པར་བྱས་ནས་མདོ་སྡེ་དང་། ་འདུལ་བའི་དེ་ཁོ་ན་ཉིད་ཀྱིས་རྫིང་བཅོས་པ་བཞིན་དུ་འཆོས་པར་བྱེད་དོ།། །། འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ལས་བམ་པོ་བརྒྱད་པ། ་གསོལ་པ། བཅོམ་ལྡན་འདས་ཀྱིས་ཨ་མྲའི་འབྲས་བུ་རྣམ་པ་བཞི་ལྟ་བུའི་མདོ་ལས་གསུངས་པའི་ཚུལ་ཁྲིམས་དང་ལྡན་པ་དང་། ཚུལ་ཁྲིམས་འཆལ་པ་དེ་ཇི་ལྟར་རྟོགས ་བར་བགྱི་ལགས། བཀའ་སྩལ་པ། རིགས་ཀྱི་བུ་ཚུལ་ཁྲིམས་དང་ལྡན་པ་དང་། ཚུལ་ཁྲིམས་འཆལ་པ་ནི། ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ཆེན་པོ་ལས ་རྟོགས་པར་བྱའོ། ། གསོལ་བ། ཇི་ལྟར་རྟོགས་པར་བགྱི་ལགས། བཀའ་སྩམ་པ། ཁྱིམ་བདག་ཞིང་པ་ལ་ལ་ཞིག་གིས་འབྲས་སཱ་ལུ་དང་། འབྲུ་དང་། ཁྲེ་རྒོད་ཀྱི་ཞིང་ལ་ཐོག་མ ་ཁོ་ནར་ཞིང་གི་རྡོ་དང་། སྙེ་ལོང་མ་རྣམས་བསལ་དེ་དག་པར་བྱས་པ་དེ་ལ། དེ་ཕྱིན་ཆད་ནས་ནམ་འབྲས་བུར་མ་གྱུར་ཀྱི་བར་དུ། ཤའི་མིག་གིས་ཞོག་གི་གྲངས་སུ་རྩི་བར་བྱེད་ལ། ་འབྲས་བུར་གྱུར་པའི་ཚེ་ན། ཕུབ་མ་དང་། ཁོང་སྟོང་དང་། འབྲས་བུ་དང་སྙིང་པོའི་བྱེ་བྲག་དང་། འདི་ནི་འབྲུ་ཡིན་ནོ།། འདི་ནི་འབྲུ་མ་ཡིན་ནོ་སྙམ་དུ་ཡང་དག ་པར་ཤེས་པ་དེ་བཞིན་དུ། གཞི་ཆེན་པོ་བརྒྱད་ནི་དགེ་འདུན་གྱི་སྐྱོན་ཡིན་ཏེ། དེ་རྣམས་ཞིང་གི་རྡོ་དང་སྟེ་ལོང་བཞིན་དུ་བསལ་ནས། དེའི་འོག་ཏུ་ཤའི་མིག་གིས་དགེ་འདུན་གྱི་ནང ་དུ་ཚུལ་ཁྲིམས་དང་ལྡན་པའི་དགེ་སློང་གི་གྲངས་སུ་རྩི་བར་བྱེད་དོ། ། སུའང་རུང་སྟེ་ནམ་སྐྱོན་ཅན་དུ་མ་གྱུར་པ་དང་། ཡོན་ཏན་གྱི་འབྲས་བུ་གསལ་བར་མ་གྱུར་ཀྱི་བར་དུ ་འདི་ནི་འབྲུའོ། ། འདི་ནི་འབྱུ་ངན་པའོ་ཞེས་བྱ་བ་དེ་ལྟ་བུར་ཤའི་མིག་གིས་རྟོགས་པར་མི་ནུས་ཏེ། དེའི་དུས་ཀྱི་བར་སྐབས་སུ་ནི་ཞིང་བཞིན་དུ་དགེ་འདུན་གྱི་གྲངས་སུ་མགོ་མཉམ ་དུ་རྩི་བར་འགྱུར་རོ། ། དེ་ཅིའི་ཕྱིར་ཞེ་ན། ཞིང་གི་སྐྱོན་ནི་ཞིང་གི་རྡོ་ཡིན་ལ། དགེ་འདུན་གྱི་སྐྱོན་ནི་གཞི་ཆེན་པོ་བརྒྱད་ཡིན་པའི་ཕྱིར་རོ།། ཉེས་པའི་མཆོག་སྦྲུལ་གདུག་པ ་ལྟ་བུ་དང་བྲལ་བའི་དགེ་འདུན་ནི་ཞིང་ཞེས་བྱ་སྟེ། དགེ་སློང་སུའང་རུང་ཞིང་རྣམ་པར་དག་པ་ལྟ་བུར་གྱུར་པ་དེ་ནི་ལྷ་བཞིན་དུ་མཆེད་པར་བྱ་བ་དང་ཡོན་གནས་སུ་བྱ་བ་ཡིན་ནོ།། འབྲས ་བུར་གྱུར་པ་དེའི་སྔ་རོལ་ཏུ་ནི་ཤའི་མིག་གིས་སྐྱོན་དང་ཡོན་ཏན་རྟོགས་པར་མི་ནུས་སོ། ། རིགས་ཀྱི་བུ་གཞན་ཡང་དཔེར་ན་གྲོང་གི་ས་ཁོར་ཅིག་གི་ནང་ན་ཤིང་ཀ་ར་ཀ་མང་པོའང་ཡོད།། དེའི ་ནང་ན་ཤིང་ཏེན་ཏུ་ཀ་གཅིག་ཀྱང་ཡོད་ལ། ཏེན་ཏུ་ཀའི་ཤིང་དེ་ལའང་འབྲས་བུ་ཡོད། ཀ་ར་ཀའི་ཤིང་དེ་དག་ལའང་འབྲས་བུ་ཡོད་པ་ལས། དེ་ནས་བུ་མོ་གཞོན་ནུ་དབུལ་མོ་ཤིང ་ཐོག་ཁྲུ་བ་ཞིག་གིས་ཏེན་ཏུ་ཀའི་འབྲས་བུ་བཏུས་ནས་ཀ་ར་ཀའི་འབྲས་བུའང་དེའི་བཅུ་འགྱུར་ཙམ་དུ་བཏུས་ཏེ། ཏེན་ཏུ་ཀའི་འབྲས་བུ་ཡིན་ནོ་སྙམ་ནས། ་རྣམས་ཀྱིས་སྐོན་པ་བཀང་སྟེ། གྲོང་དེ་ཉིད་དུ་འཚོང་བར་བྱེད་ལ། དེ་ནས་བྱིས་པ་རྣམས་ཀྱིས་འབྲས་བུ་རྣམ་པ་གཉིས་ཀ་ཏེན་དུ་ཀའི་འབྲས་བུ་ཡིན་ནོ་སྙམ་ནས། ཉོས་ཏེ་ཟོས་པ་དང་ཤིའོ ་དེན་བྱེ་བྲག་ཕྱེད་པའི་མི་ཏེན་ཏུ་ཀའི་འབྲས་བུ་ཟ་འདོད་པ་གང་ཡིན་པ་དེ་དག་གིས་ནི་བུ་མོ་གཞོན་ནུ་དེ་ལ་ལེགས་པར་དྲིས་ཏེ། ཆེ་ཞེ་འདི་དག་ཕྱོགས་གང་ལོགས་ནས་བླངས་ཞེས་བྱས་པ་དང་། ་དེས་དེ་དག་ལ་ཕྱོགས་བསྟན་ཏེ། དེ་དག་ལ་ཕྱོགས་བསྟན་པ་དང་། དེ་ནི་ཀ་ར་ཀའི་ཤིང་ནི་མང་ལ། ཏེན་ཏུ་ཀའི་ཤིང་ནི་གཅིག་པུ་ལས་མེད་པར་ཤེས་ཏེ། འདི་དག་ནི་དེ་ནས་བླངས་སོ་སྙམ ་དུ་རིག་ལ། ཏེན་ཏུ་ཀའི་འབྲས་བུ་དེ་དག་བཙལ་ཏེ་མ་རྙེད་ནས། ཀ་ར་ཀའི་འབྲས་བུས་འཇིགས་ཤིང་སྐྲག་སྟེ། འཇིགས་པ་དེ་ཉིད་ཀྱིས་འཕྱ་བར་བྱེད་ཅིང་མ་ཉོས་པར་ཕྱིར་དོང་བ་དེ ་བཞིན་དུ། རིགས་ཀྱི་བུ་དགེ་འདུན་གང་དག་གཞི་ཆེན་པོ་བརྒྱད་ཤེས་བཞིན་དུ་སྤྱོད་པར་བྱེད་པ་དེར། གལ་ཏེ་ཚུལ་ཁྲིམས་དང་ལྡན་པའི་དགེ་སློང་དག་འཁོད་ན། དེ་དག་ནི་ཇི་ལྟར་ཀ་ར་ཀའི་ཚལ ་ན་ཏེན་ཏུ་ཀའི་ཤིང་འདུག་པ་བཞིན་དུ་དེ་དག་མཐོང་ན། ཚུལ་ཁྲིམས་དང་ལྡན་པ་ཡིན་དུ་ཟིན་ཀྱང་། དགེ་བསྙེན་ཤེས་རབ་ཅན་གྱིས་དེ་དག་ལ་ཕྱག་མི་བྱ་ཞིང་མཆོད་པའི་གནས་སུ་མི་བྱའོ།། ་གལ་ཏེ་དེ་དག་ལ་ཕྱག་བྱ་བར་འདོད་ན། ཅི་ཁྱེད་གཞི་ཆེན་པོ་བརྒྱད་ལེན་པར་བྱེད་དམ་འོན་ཏེ་ལེན་པར་མི་བྱེད་ཅེས་དྲིས་ནས་གདོད་ཕྱག་བྱ་སྟེ། ལེན་པར་བྱེད་པ་གང་ཡིན་པ་དེ་དག་དང་ལན ་ཅིག་སྐབས་དབྱེ་བ་དང་། གསོ་སྦྱོང་གི་ལས་རྣམས་བྱེད་དམ་མི་བྱེད་ཅེས་དྲི་བར་བྱའོ།། གལ་ཏེ་འདི་སྐད་ཅེས་ཟེར་ཏེ། དགེ་འདུན་གྱི་གཞི་ཆེན་པོ་བརྒྱད་ནི་ལེན་པར་བྱེད་དེ། བཅོམ ་ལྡན་འདས་སེམས་ཅན་ཐམས་ཅད་ལ་ཐུགས་བརྩེ་བས་ཀྱང་། རྒྱལ་བུ་རྒྱལ་བྱེད་ཀྱི་ཚལ་དུ་གསེར་དངུལ་དག་བཞེས་སོ་ཞེས་ཟེར་ལ། དེའི་ནང་ན་ཁ་ཅིག་ནི་ལེན་པར་མི་བྱེད་དེ ་བདག་ཅག་ནི་ལེན་པར་བྱེད་པ་དག་དང་ལྷན་ཅིག་ཏུ་སྐབས་འབྱེད་པ་དང་། གསོ་སྦྱོང་དང་། ཐལ་མོ་སྦྱར་བས་བཏུད་པའི་ལས་ཀྱང་མི་བྱེད། ཐུག་པའང་མི་འཐུང་། དེ་དག ་ལས་རྙེད་པ་དང་བཀུར་སྟིའང་མ་ལེན་ནོ་ཞེས་ཟེར་བ་དང་། ལྷའི་ཡང་ལྷ་སངས་རྒྱས་བཅོམ་ལྡན་འདས་དེས་ཀྱང་བཞེས་ན་དགེ་འདུན་གྱིས་བཞེས་པ་ལ་མི་བཟོད་པ་ཅི་ཡོད་ཅེས་དེ་སྐད ་ཟེར་དུ་ཟིན་ཀྱང་། དེ་དག་དང་ལྷན་ཅིག་ཏུ་ཁྱེད་སྐབས་འབྱེད་པ་དང་། གསོ་སྦྱོང་དང་ཐལ་མོ་སྦྱར་བས་གདུད་པའི་ལས་མ་བྱས་གྲང་ཞེས་སྨྲ་བར་བྱ་སྟེ། གལ་ཏེ་ཚིག་ཉན་དུ་བཏུབ་པ་དེ ་དག་ནི་ཡང་དག་པའི་མདོ་སྡེ་ཤེས་པ་ཡིན་ནོ། ། ལེན་པར་བྱེད་པ་བྱིས་པ་དང་འདྲ་བ་དེ་དག་ནི་སེམས་ཅན་དམྱལ་བ་ཡིན་པར་རིག་པར་བྱ་སྟེ།། སེམས་ཅན་དེ་དག་ནི་བྱིས་པ་འཆི་བ་དང་འདྲའོ།། ་རིགས་ཀྱི་བུ་གཞན་ཡང་དཔེར་ན་གྲོང་ཁྱེར་ཆེན་པོ་ཞིག་གི་སྤོས་ཀྱི་ཚོང་དུས་དག་ན། སྤོས་མ་དུ་ར་ག་དང་། གཞན་ཡང་སྤོས་ཀྱི་སྣ་གྲངས་དང་། སྨན་རྣམས་ཚོང་པ ་དག་འཚོང་བར་བྱེད་ལ། དེ་ན་ཉོ་བའི་སེམས་ཅན་རྣམས་ཀྱིས་གངས་ཀྱི་རི་ལས་བྱུང་བའི་སྨན་ཅི་འདྲ་བ་མི་ཤེས་ནས། དེ་དག་གིས་དྲིས་ཏེ། གལ་ཏེ་གངས་ཀྱི་རི་ལས་བྱུང་བའི་སྤོས་མ ་དུར་ག་ལྟ་ཅུང་ཟད་ཅི་ཡོད་བྱིན་ཅིག་ཅེས་བྱས་པ་དང་། དེས་གངས་ཀྱི་རི་ལས་བྱུང་བའི་སྤོས་ལྟར་བཅོས་པ་ལ། གངས་ཀྱི་རི་ལས་བྱུང་བའི་སྤོས་ཡིན་ནོ་ཞེས་བྱས་ཏེ་བྱིན་ནས།། དེ་དག ་གིས་འདི་ནི་གངས་ཀྱི་རི་ལས་བྱུང་བ་ཡིན་ནོ་སྙམ་དུ་ཡང་དག་པར་ཡིད་ཆེས་ཏེ། བཅོས་མའི་སྤོས་རྣམས་ལེན་པར་བྱེད་པ་དེ་བཞིན་དུ། ཚུལ་ཁྲིམས་འཆལ་པ་འམ། ཚུལ་ཁྲིམས་དང་ལྡན ་པབའང་རུང་སྟེ། དེ་དག་ལ་འདི་དག་ནི་ཉན་ཐོས་ཀྱི་དགེ་འདུན་ཡང་དག་པ་ཡིན་ནོ།། འདི་དག་ནི་དགེ་འདུན་དག་པ་ཡིན་ནོ།། འདི་དག་ནི་དགེ་འདུན་མཐུན་པ་ཡིན་ནོ་སྙམ་དུ་བསམས་ཏེ།། ་ཤའི་མིག་དང་ལྡན་པའི་དགེ་བསྙེན་དེས་དེ་དག་ལ་ཕྱག་ཀྱང་བྱའོ།། སྦྱིན་པའང་སྦྱིན་པར་བྱའོ།། ཤའི་མིག་དང་ལྡན་པའི་དགེ་བསྙེན་གྱིས་སྤྲོས་ཀྱི་ཚོང་དུས་སུ་གངས་ཀྱི་རོ་ལས་བྱུང་བའི ་སྨན་བཞིན་དུ། བཅོས་མ་མ་ཡིན་པ་རྟོགས་པར་དཀའ་འོ།། དེ་བཞིན་དུ་ལྷའི་མིག་མེད་པ་བྱེ་བྲག་མི་ཕྱེད་པས། གངས་ཀྱི་རི་ལས་བྱུང་བའི་སྨན་བཞིན་དུ་འདི་ནི་ཚུལ་ཁྲིམས་དང་ལྡན ་པའོ། འདི་ནི་ཚུལ་ཁྲིམས་འཆལ་པའོ།། དགེ་འདུན་འདི་དག་ནི་གཞི་ཆེན་པོ་བརྒྱད་ཀྱི་ཉེས་པ་དང་བྲལ་བ་མ་ཡིན་ནོ་སྙམ་དུ་རྟོགས་པར་མི་ནུས་སོ།། ཚུལ་ཁྲིམས་དང་ལྡན་པ་དང་ཚུལ་ཁྲིམས ་འཆལ་པ་ནི་ལྷའི་མིག་དང་ལྡན་པ་རྣམས་ཀྱི་ཡུལ་ཡིན་གྱི། ཤའི་མིག་དང་ལྡན་པ་རྣམས་ཀྱི་ཡུལ་མ་ཡིན་ནོ།། གལ་ཏེ་མ་དག་པ་མཐོང་ན་ནི། ཇི་སྲིད་དུ་བཤགས་སུ་རུང་བའི་ཉེས་པ་བྱུང་བ་མ ་བཤགས་ཀྱི་བར་དུ་དེ་དག་ལ་ཕྱག་ཀྱང་མི་བྱའོ། ། སྦྱིན་པའང་སྦྱིན་པར་མི་བྱའོ།། གཞི་ཆེན་པོ་བརྒྱད་ལེན་པའི་དགེ་འདུན་དག་ལ་ཇི་སྲིད་དུ་བདག་ཉིད་ཀྱི་ཉེས་པ་བཤགས་སུ་རུང་བ་མ་བཤག ་པས་གངས་ཀྱི་རི་ལས་བྱུང་བའི་སྨན་བཞིན་དུ་དག་པར་མ་གྱུར་ཀྱི་བར་དུ་གོས་ཚོན་ཆེན་བགོས་པ་ཙམ་ལ་ཡིད་བསྟན་ཏེ་ཕྱག་མི་བྱའོ། ། དེ་དག་ལ་སྦྱིན་པའང་སྦྱིན་པར་མི་བྱའོ།། གསོལ་པ ་བཅོམ་ལྡན་འདས་ལེགས་ལགས་སོ། ། ལེགས་ལགས་སོ།། བཅོམ་ལྡན་འདས་ཀྱིས་བཀའ་འདི་ནི་ལེགས་པར་གསུངས་པ་ལགས་ཏེ། དེ་རྡོ་རྗེ་རིན་པོ་ཆེ་བཞིན་དུ་སྤྱི་བོར་གནོན་པར་འཚལ ་ལོའདི་ལ་བཅོམ་ལྡན་འདས་ཀྱིས་གསུངས་པ། དགེ་སློང་དག་བཞི་པོ་འདི་དག་ནི་རྟེན་བཞི་ཡིན་ཏེ། བཞི་གང་ཞེ་ན། དགེ་སློང་དག་ཁྱེད་ཀྱི་རྟེན་ནི་ཆོས་ཉིད་ཡིན་གྱི།། གང་ཟག ་མ་ཡིན་ནོ། ། དགེ་སློང་དག་ཁྱེད་ཀྱི་རྟེན་ནི་ངེས་པའི་དོན་ཡིན་གྱི། དྲང་བའི་དོན་མ་ཡིན་ནོ།། དགེ་སློང་དག་ཁྱེད་ཀྱི་རྟེན་ནི་ཡེ་ཤེས་ཡིན་གྱི། རྣམ་པར་ཤེས་པ་མ་ཡིན་ནོ།། དགེ ་ཐོང་དག་ཁྱེད་ཀྱི་རྟེན་ནི་དོན་ཡིན་གྱི། ཡི་གེ་མ་ཡིན་ནོ།། བདག་ཅག་ལ་ནི་རྟེན་བནི་པོ་འདི་དག་ཚད་མ་ཡིན་གྱི། གང་ཟག་བཞི་པོ་རྣམས་ཚད་མ་མ་ཡིན་ནོ་ཞེས་བ ་བ་ལེགས་པར་གསུངས་སོ། ། བཀའ་སྩལ་པ། ཆོས་ཉིད་ཅེས་བྱ་བ་ནི། དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའོ།། དེ་བཞིན་གཤེགས་པ་ནི་རྟག་པ་དང་། བརྟན་པ ་དང་ཐེར་ཟུག་པའོ་ཞེས་བྱ་བ་འདི་ནི་སངས་རྒྱས་ཐམས་ཅད་ཀྱི་ཆོས་ཉིད་དོ། ། དེ་བཞིན་གཤེགས་པ་མི་རྟག་པར་མཐོང་བ་གང་ཡིན་པ་དེ་དག་ནི། ཆོས་ཉིད་མི་ཤེས་པ་ཡིན་ནོ་ཞེས་ང ་ཟེར་རོ། ། དེ་དག་ནི་གང་ཟག་ཡིན་ནོ་ཞེས་ཟེར་རོ།། དེ་དག་ནི་ཚད་མ་མ་ཡིན་ནོ་ཞེས་ད་ཟེར་རོ།། དེ་མ་ཡིན་པའི་གང་ཟག་བཞི་པོ་རྣམས་ནི་ཚད་མ་ཡིན་ནོ།། ་གང་ཟག་བཞི་པོ་དགོངས་པའི་ཚིག་ལ་མཁས་པ་དང་། དེ་བཞིན་གཤེགས་པའི་གསང་བའི་དེ་ཁོ་ན་ཉིད་ཤེས་པ་དང་། རྟག་པ་ཡིན་པར་ཤེས་པ་གང་ཡིན་པ་དེ་དག་ནི་དེ་བཞིན་གཤེས ་པ་མི་རྟག་གོ་ཞེས་སེམས་བསྐྱེད་ཀྱང་མི་སྲིད་དེ། གང་ཟག་བཞི་པོ་དེ་དག་ནི་རང་ཉིད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡིན་ནོ།། སེམས་ཅན ་གཞན་གང་དག་དེ་བཞིན་གཤེགས་པ་རྟག་གོ་ཞེས་བྱ་བའི་དགོངས་པའི་ཚིག་ཐམས་ཅད་ལ་མཁས་པའི་གང་ཟག་དེ་དག་ཀྱང་ཚད་མ་དང་རྟེན་དུ་གྱུར་པ་ཡིན་ནོ་ཞེས་ང་ཟེར་ན། བཞི་པོ་དེ ་དག་ལྟ་རྟེན་ཅི་སྟེ་མ་ཡིན། དགེ་སློང་དག་ཁྱེད་ཀྱི་རྟེན་ནི་ཆོས་ཉིད་ཡིན་ཏེ། ཉན་ཐོས་རྣམས་ཀྱི་མངོན་པར་ཤེས་པ་ཞེས་བྱ་བའི་དོན་དང་ཆོས་ཉིད་མ་བརྗེད་པར་གྱིས་ཤིག་ཅེས་བྱ་བའི་དོན་ཏོ།། ་ཆོས་ཉིད་ཅེས་བྱ་བ་ནི། དེ་བཞིན་གཤེགས་པ་རྟག་གོ་ཞེས་བྱ་བ་ལ་བརྩོན་པར་བྱ་བ་ཡིན་གྱི། གང་ཟག་ལ་བརྩོན་པ་མ་ཡིན་ནོ།། གལ་ཏེ་གང་ཟག་ཚུལ་ཁྲིམས་འཆལ་པ་ཟང་ཟིང་ལ ་བརྐམ་པ་རྣམས་དེ་བཞིན་གཤེགས་པ་མི་རྟག་གོ་ཞེས་ཟེར་ན། གང་ཟག་དེ་དག་ནི་ཚད་མ་མ་ཡིན་ཏོ་ཞེས་བྱ་བའི་དོན་ནོ།། དགེ་སློང་དག་ཁྱེད་ཀྱི་རྟེན་ནི་ངེས་པའི་དོན་ཡིན་གྱི། དྲང་བའི ་དོན་མ་ཡིན་ནོ་ཞེས་བྱ་བ་ལ། ངེས་པ་ཞེས་བྱ་བ་ནི་ཐེག་པ་ཆེན་པོ་པ་རྣམས་ཡིན་ཏེ། དགོངས་པའི་ཚིག་དེ་བཞིན་གཤེགས་པའི་གསང་བ་ཐོས་ན་ཐེ་ཙོམ་གྱི་ཉེས་པ་མེད་པའི་ཕྱིར་ངེས ་བཔ་ཞེས་བྱ་བ་སྟེ། ཡེ་ཤེས་ཀྱི་རྒྱ་མཚོ་ཆེན་པོ་ལས་བརྒལ་ཅིང་དེ་ལས་བྱུང་ཞེས་བྱ་བའི་དོན་ཏོ།། ངེས་པའི་ཡེ་ཤེས་ནི་ཐེག་པ་ཆེན་པོ་ཞེས་བྱ་སྟེ། ཐོགས་པ་མེད་པའི་ཡེ་ཤེས ་པ་བྱའོ། ། ཐོགས་པའི་ཡེ་ཤེས་ནི་ཉན་ཐོས་ཀྱི་ཐེག་པ་པའོ།། ངེས་པའི་ཡེ་ཤེས་ནི་ཡེ་ཤེས་ཆེན་པོ་དང་། ཐེག་པ་ཆེན་པོ་ཞེས་བྱ་སྟེ། བྱང་ཆུབ་སེམས་དཔའ་གང་དག་དེ་བཞིན། ་གཤེགས་པ་རྟག་པར་ཡང་དག་པར་ཁོང་དུ་ཆུད་པ་དེ་དག་ངེས་པར་བྱེད་པས་ན། དེའི་ཕྱིར་བྱང་ཆུབ་སེམས་དཔའ་རྣམས་ཀྱི་ཚིག་ནི་ཚད་མ་ཡིན་གྱི། དྲང་བའི་དོན་ནི་དེ་ལྟ་མ་ཡིན་ནོ།། ་དེ་བཞིན་གཤེགས་པ་ནི་ཤའི་སྐུ་ཡིན་ཏེ་བུད་ཤིང་ཟད་པའི་མེ་བཞིན་དུ་ཡོངས་སུ་མྱ་ངན་ལས་འདས་སོ་ཞེས་བྱ་བ་འདི་ནི་ཉན་ཐོས་ཀྱི་ཐེག་པ་ཡིན་ཏེ་ཚད་མ་མ་ཡིན་ནོ།། ་མདོ་སྡེ་དེ་དག་ནི་གདུལ་བར་བྱ་བའི་དབང་གིས་གསུངས་པ་ཡིན་ཏེ། ཉན་ཐོས་ཀྱི་ཐེག་པ་ནི་ཡི་གེ་ཕྱེ་སྦྱར་བ་དང་འདྲ་ཞིང་བྱེ་བྲག་ཏུ་འབྱེད་པ་ཡིན་ཏེ། སློབ་དཔོན་བྱེད་པ་མ་ཡིན ་ནོ། ། ཉན་ཐོས་ཀྱི་ཐེག་པ་པ་རྣམས་ནི་དྲང་བའི་དོན་རྣམས་ཀྱི་གྲངས་སུ་གཏོགས་སོ།། ཡེ་ཤེས་ལས་གསུངས་པའི་དེ་བཞིན་གཤེགས་པའི་ཆེ་བ་ཉིད་ཁོང་དུ་མ་ཆུད་པའི་ཤེས་པ ་གང་ཡིན་པ་དེ་ནི་ཉན་ཐོས་ཀྱི་ཐེག་པ་ཡིན་ཏེ། དེ་བས་ན་དྲང་བའི་དོན་ནི་ཚད་མ་མ་ཡིན་ནོ།། གང་ཟག་བཞི་པོ་དེ་དག་ནི་ཚད་མ་མ་ཡིན་ཏེ། ངེས་པའི་དོན་ཡིན་གྱི། དྲང་བའི ་དོན་མ་ཡིན་ནོ། ། དེ་བས་ན་དེ་དག་ནི་རྟེན་དུ་གྱུར་པ་དང་ངེས་པའི་དོན་ཡིན་ནོ།། དགེ་སློང་དག་ཁྱེད་ཀྱི་རྟེན་ནི་ཡེ་ཤེས་ཡིན་ནོ་ཞེས་བྱ་བ་ནི་དེ་བཞིན་གཤེགས་པའི་ཚིག་བླ་དགས་སོ།། ་ཆོས་ཀྱི་སྐུ་གང་ཡིན་པ་དེ་ནི་ཚད་མ་མ་ཡིན་ནོ།། ཐབས་ཀྱི་སྐུ་གང་ཡིན་པ་དེ་ནི་ཚད་མ་མ་ཡིན་ནོ།། ཐབས་ཀྱི་སྐུལ་བལྟས་ན་དེ་བཞིན་གཤེགས་པའི་སྐུ་ལ་ཕུང་པོ་དང་། ཁམས་དང་། ་སྐྱེ་མཆེད་རྣམས་ཇི་ལྟར་ཡོད། གལ་ཏེ་མེད་ནའང་སྐུ་གདུང་གི་ཕུང་པོ་ག་ལས་འོངས། དེ་བས་ན་སྐུ་གདུང་གི་ཕྱིར་འཇིག་རྟེན་ན་མཆོད་རྟེན་འབྱུང་ཡོད་ཀྱི། ཆོས་ཀྱི་སྐུ་ནི་འབྱུང་བ་མེད ་དོ། དེ་བཞིན་གཤེགས་པ་ཤའི་སྐུའོ་ཞེས་བྱ་བ་ནི་རྣམ་པར་ཤེས་པ་བརྟག་པ་ལ་བསྟན་ཏེ། རྣམ་པར་ཤེས་པ་ནི་ཚད་མ་མ་ཡིན་ནོ།། དེ་བས་ན་རྣམ་པར་ཤེས་པ་ཚད་མ་མ་ཡིན་ཞེས་བྱའོ།། ་སེམས་ཅན་གང་དག་དེ་ལྟར་རྟོག་པ་དེ་དག་ཀྱང་ཚད་མ་མ་ཡིན་ནོ།། དེ་ལྟ་བུའི་མདོ་སྡེ་རྣམས་ཀྱང་ཚད་མ་མ་ཡིན་ནོ།། དགེ་སློང་དག་ཁྱེད་ཀྱི་རྟེན་ནི་དོན་ཡིན་ནོ་ཞེས་བྱ་བ་ལ་དོན་ཅེས་བྱ་བ་ནི ་གསལ་བའི་དོན་ཏོ། ། གསལ་བའི་དོན་ཅེས་བྱ་བ་ནི་སྣང་བའི་དོན་ཏོ།། སྣང་བའི་དོན་ཅེས་བྱ་བ་ནི་ཞན་པ་མ་ཡིན་པའི་དོན་ཏོ།། ཞན་པ་མ་ཡིན་པའི་དོན་ཅེས་བྱ་བ་ནི་དེ་བཞིན་གཤེགས་པ་རྟག ་ཅེས་བྱ་བའི་དོན་ཏོ། ། དེ་བཞིན་གཤེགས་པ་རྟག་པའི་དོན་ཅེས་བྱ་བ་ནི་ཆོས་རྟག་པའི་དོན་ཏོ།། ཆོས་རྟག་པའི་དོན་ཅེས་བྱ་བ་ནི་དགེ་འདུན་རྟག་པའི་དོན་ཏེ། དོན་ནི་དེ་ཡིན་ནོ།། རྟེན་ནི་དེ་ཡིན ་ནོ། ཡི་གེ་མ་ཡིན་ནོ་ཞེས་བྱ་བ་ནི་ཆོག་མི་ཤེས་པ་དང་། ཡོ་བྱད་མ་བསྙུངས་པ་དང་། འདོད་ཆེན་དང་། ཚུལ་འཆོས་པ་དང་། ཁ་གསག་བྱེད་པར་འགྱུར་བའི་རང་བཟོའི་ཡི་གེ་དང་། ་ཚིག་སྣ་ཚོགས་སངས་རྒྱས་ཀྱིས་གསུངས་པ་མ་ཡིན་པའི་མདོ་སྡེ་རྣམས་ཡིན་ཏེ། བཅོམ་ལྡན་འདས་ཀྱིས་བདག་ཅག་ལ་ཐུགས་བརྩེ་ནས་མུ་གེ་བྱུང་བའི་ཚེ། ཉིད་ཀྱི་སྲས་རྣམས་ཉོན ་མོངས་པར་མི་འགྱུར་བར་མཛད་པའི་ཕྱིར། བྲན་དང་བྲན་མོ་ལ་སོགས་པ་དང་། གཡོས་སུ་བྱས་པ་རྣམ་པ་དུ་མ་གནང་བའི་བསླབ་པའི་གཞི་གསུངས་ཏེ། བྲན་དང་བྲན་མོ་ལ་སོགས ་བ་དང་། གསེར་དངུལ་དང་། བ་གླང་དང་། མ་ཧེ་དང་། འབྲུ་རྣམས་བསྡུ་བ་དང་། ཉོ་འཚོང་དང་། ཞིང་རྨོ་བ་ལ་སོགས་པ་ངས་གནང་ངོ་ཞེས་གསུངས་སོ་ཞེས ་བྱ་བ་ལ་སོགས་པ་དེ་དག་ནི་ཡི་གེ་ཞེས་བྱ་སྟེ། དེ་ལྟ་བུའི་མདོ་སྡེ་དང་། འདུལ་བ་ནི་ཚད་མ་མ་ཡིན་ནོ།། དེ་བས་ན་ཡི་གེ་འདོན་པའི་གང་ཟག་དེ་དག་ཀྱང་ཚད་མ་མ་ཡིན་ཏེ། དེའི་ཕྱིར་དགེ ་སློང་དག་ཁྱེད་ཀྱི་རྟེན་ནི་དོན་ཡིན་ནོ་ཞེས་གསུངས་སོ། ། དོན་མེད་པ་ཞེས་བྱ་བ་ནི་གཞི་གསུམ་ལ་འཇིག་པ་དང་། ལྟུང་བ་དང་། རྣམ་པར་འཐོར་བ་དང་། རྣམ་པར་འཇིག་པ ་ལ་སོགས་པའི་མི་རྟག་པ་ཉིད་ཡོད་པར་ལྟ་བ་སྟེ། འདི་ནི་དོན་མེད་པ་ཞེས་བྱའོ།། འདི་ནི་ཡི་གེ་ཞེས་བྱའོ།། དེ་བས་ན་དགེ་སློང་དག་ཁྱེད་ཀྱི་རྟེན་ནི་དོན་ཡིན་གྱི། ཡི་གེ་མ་ཡིན་ནོ། ་ཞེས་གསུངས་སོ།། དོན་གྱི་ཕྱོགས་ནི་ཐེག་པ་ཆེན་པོ་པ་རྣམས་ཡིན་ཏེ། དེ་བས་ན་ཐེག་པ་ཆེན་པོ་པ་རྣམས་ཚད་མ་ཡིན་གྱི། འདི་ལས་ཕྱི་རོལ་པ་ཡི་གེ་ལ་བརྟེན་པ་རྣམས་ནི་དེ་ལྟ་མ ་ཡིན་ཏེ། དེ་བས་ན་དེ་དག་ནི་རྟེན་མ་ཡིན་མོད་ཀྱི། ཤའི་མིག་དང་ལྡན་པ་རྣམས་ཀྱི་ཕྱིར་བཞག་པ་ཡིན་ནོ།། གསོལ་པ། སྔར་བཀའ་སྩལ་པའི་གང་ཟག་བཞི་པོ་རྣམས་རྟེན་དུ་གྱུར་པ ་ཞེས་བགྱི་ལགས་སམ། བཀའ་སྩལ་པ། རིགས་ཀྱི་བུ་དེ་ནི་དེ་བཞིན་ཏེ། བཞི་པོ་རྣམས་རྟེན་ཡིན་པར་རིག་པར་བྱའོ།། དེ་མ་ཡིན་པ་བཞི་པོ་རྣམས་ནི་བདུད་ཡིན་ནོ་ཞེས་ང་ཟེར་རོ།། ་གསོལ་པ། ཅིའི་སླད་དུ་དེ་ལྟར་ལགས། བཀའ་སྩལ་པ། དེ་དག་ནི་བདུད་ཀྱིས་སྨྲས་པའི་མདོ་སྡེ་འཛིན་པའི་ཕྱིར་རོ།། གསོལ་པ། དེ་ཛི་ལྟ་བུ་ལགས། བཀའ་སྩལ་པ། ཇི་དྷར ་བདུད་བཞི་དེ་བཞིན་གཤེགས་པ་ལ་སྔོ་ཞིང་། འདི་ནི་བདུད་ཀྱིས་སྨྲས་པ་ཡིན་གྱི། སངས་རྒྱས་ཀྱིས་གསུངས་པ་མ་ཡིན་ནོ།། སེམས་ཅན་འདི་དག་ནི་བདུད་དང་མཐུན་པར་བྱེད་པ་ཡིན ་གྱི་སངས་རྒྱས་དང་མཐུན་པར་བྱེད་པ་མ་ཡིན་ནོ་ཞེས་ཟེར་བ་ལྟ་བུའོ། ། གསོལ་པ། བཅོམ་ལྡན་འདས་བདག་ནི་བདུད་ཀྱིས་སྨྲས་པ་དང་། སངས་རྒྱས་ཀྱིས་གསུངས་པ་ཁོང་དུ་ཆུད ་པར་འཚལ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བདུད་སྡིག་ཅན་གྱིས་ནི་ང་འདས་པའི་འོག་ཏུ་ལོ་བདུན་བརྒྱ་ལོན་པ་དང་། ངའི་བསྟན་པ་ཕྱེ་ཞིང་ཕྱེ་ཞིང ་བཤིག་པར་འགྱུར་ཏེ། དམ་པའི་ཆོས་ནུབ་པའི་ཚེ། བདུད་སྡིག་ཅན་ཟག་པ་ཅན་གྱིས་ཟག་པ་མེད་པ་ལྟ་བུར་བསྒྱུར་ཏེ་བྱ་བའི་རྟགས་ཀྱི་ཚུལ་སྦེད་པ་བཞིན་དུ། དགེ་སློང་གི་གཟུགས ་དང་དགེ་སློང་མའི་གཟུགས་དང་། དགེ་བསྙེན་གྱི་གཟུགས་དང་། དགེ་བསྙེན་མའི་གཟུགས་དང་། རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། ་དགྲ་བཅོམ་པ་དང་། རང་སངས་རྒྱས་ཀྱི་གཟུགས་དང་། སངས་རྒྱས་ཀྱི་གཟུགས་ཀྱིས་བཤིག་པར་གྱུར་ཏེ། དེ་འདི་སྐད་ཅེས་ཟེར་ཞིང་སངས་རྒྱས་ནི་དགའ་ལྡན་གྱི་གནས་ནས་ཤི ་འཕོས་ཏེ། རྒྱལ་པོ་ཟས་གཙང་དང་བཙུན་མོ་སྒྱུ་འཕྲུལ་ཕྲད་པ་ན་ཟླ་མཚན་གྱི་བྱེ་བྲག་གིས་འཁྲོག་པའི་ཆོས་ལས་སྐྱེས་སོ་ཞེས་ཟེར་ལ། དེ་བཞིན་གཤེགས་པ་ནི ་འཁྲིག་པ་ལས་སྐྱེ་མི་སྲིད་དོ། ། དེ་ལ་མིང་ཙམ་དུ་སྐྱེས་པ་ལས་སྔོན་དཀའ་ཐུབ་སྤྱད་པའི་ཡོན་ཏན་གྱིས་ལྷ་དང་། མི་དང་། ལྷ་མ་ཡིན་དང་བཅས་པའི་འཇིག་རྟེན་གྱིས་མཆོད་ཅིང་རྗེད་པར ་འགྱུར་ཏེ། བདག་གི་ཆུང་མ་དང་འདོད་རྣམ་པ་སྣ་ཚོགས་ཀྱི་སྦྱིན་པ་བྱོན་པས་ན་སངས་རྒྱས་སུ་གྱུར་ཏོ་ཞེས་ཟེར་བ་དེ་ལྟ་བུ་ནི་བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཡིན་པར་རིག་པར ་བྱའོ། ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ནི། གདུལ་བར་བྱ་བའི་དབང་གིས་སྐྱེས་པ་ལྟ་བུར་བདག་ཉིད་ཀྱིས་བསྟན་མོད་ཀྱི། འཁྲིག་པ་ལས་སྐྱེས་པ་ནི ་མ་ཡིན་ནོ། ། དེ་བཞིན་གཤེགས་པས་ཡབ་ཡུམ་གཉིས་ཡོད་པ་ལྟ་བུར་བསྟན་པ་འདི་ནི་འཇིག་རྟེན་དང་མཐུན་པར་མཛད་པ་ཡིན་ནོ་ཞེས་ཟེར་བ་དེ་ལྟ་བུ་ནི། དེ་བཞིན་གཤེགས་པས་གསུངས་པའི ་མདོ་སྡེ་དང་། འདུལ་བ་ཡིན་པར་རིག་པར་བྱའོ།། བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི་བདུད་དང་མཐུན་པར་བྱེད་པར་ཡིན་པ་ན ་རིག་པར་བྱའོ། ། སངས་རྒྱས་ཀྱིས་གསུང་བའི་མདོ་སྡེ་དང་། འདུལ་བ་ཚད་མར་བྱེད་པ་གང་ཡིན་པ་དེ་དག་ནི་བྱང་ཆུབ་སེམས་དཔའ་ཡིན་པར་རིག་པར་བྱའོ།། དེ་བཞིན་གཤེགས་པ་འཇིག་རྟེན་དུ་བྱུང་ནས ་ཕྱོགས་དང་ཕྱོགས་མཚམས་རྣམས་སུ་གོམ་པ་བདུན་བདུན་གཤེགས་པར་བསྟན་ཏོ་ཞེས་བྱ་བ་འདི་ནི་ཡིད་ཆེས་པར་བྱར་མི་རུང་སྟེ། དེ་ལྟ་བུའི་མདོ་སྡེ་དང་། འདུལ་བ་ནི་བདུད་ཀྱིས་སྨྲས ་པ་ཡིན་པར་རིག་པར་བྱའོ། ། དེ་བཞིན་གཤེགས་པ་བྱུང་ནས་ཕྱོགས་དང་ཕྱོགས་མཚམས་རྣམས་སུ་གོམ་པ་བདུན་བདུན་གཤེགས་པར་བསྟན་པ་ནི། དེ་བཞིན་གཤེགས་པའི་ཐབས་ཀྱི་སྐུ ་བ་ཡིན་ནོ་ཞེས་ཟེར་བ་དེ་ལྟ་བུ་ནི་སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཡིན་པར་རིག་པར་བྱའོ།། བདུད་ཀྱིས་སྤྲས་པའི་མདོ་སྡེ་དང་། འདུལ་བ་ཚད་མར་བྱེད་པའི་སེམས་ཅན ་གང་ཡིན་པ་དེ་དག་ནི་བདུད་དང་མཐུན་པར་བྱེད་པ་ཡིན་པར་རིག་པར་བྱའོ། ། སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི་བྱང་ཆུབ ་སེམས་དཔའ་ཡིན་པར་རིག་པར་བྱའོ། ། དེ་བཞིན་གཤེགས་པ་ལྷ་ཁང་དུ་གཤེགས་ཏེ་བྱོན་ནས་ལྷ་རྣམས་ཀྱི་ཞབས་ལ་ཕྱག་བཞེས་ཏེ། ལྷ་རྣམས་ནི་དེ་བཞིན་གཤེགས་པའི་ཞབས་ལ་མགོ ་བོས་ཕྱག་འཚལ་ལོ། ། ལྷ་རྣམས་ལ་མཆོད་པ་མཛད་པའི་འོག་ཏུ་དེ་བཞིན་གཤེགས་པར་གྱུར་ནས་མངོན་པར་སངས་རྒྱས་ཏེ། ལྷ་རྣམས་ནི་སྔ། འདི་ནི་འཕྱིས་པས་ན། དེའི་ཕྱིར་མངོན ་པར་རྫོགས་པར་སངས་རྒྱས་པ་ཞེས་བྱའོ་ཞེས་ཟེར་བ་ལ་སོགས་པ་ནི་བདུད་ཀྱིས་སྨྲས་པ་ཡིན་པར་རིག་པར་བྱའོ། ། དེ་བཞིན་གཤེགས་པ་ལྷ་ཁང་དུ་གཤེགས་ཏེ་བྱོན་པ་མཐོང་ནས། དབང ་ཕྱུག་ཆེན་པོ་དང་། ཚངས་པ་དང་། བརྒྱ་བྱིན་ལ་སོགས་པ་ལྷ་ཐམས་ཅད་ཀྱིས་ཐལ་མོ་ལེགས་པར་སྦྱར་ཏེ་ཞབས་ལ་སྤྱི་བོས་གཏུགས་སོ་ཞེས་ཟེར་བ་དེ་ལྟ་བུ་ནི་དེ་བཞིན། ་གཤེགས་པས་གསུངས་པའི་མདོ་སྡེ་དང་། འདུལ་བ་ཡིན་པར་རིག་པར་བྱའོ།། བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི ་བདུད་དང་མཐུན་པར་བྱེད་པ་ཡིན་པར་རིག་པར་བྱའོ། ། སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཚད་མར་བྱེད་པ་གང་ཡིན་པ་དེ་དག་ནི་བྱང་ཆུབ་སེམས་དཔའ་ཡིན ་པར་རིག་པར་བྱའོ། ། དེ་བཞིན་གཤེགས་པ་རྒྱལ་ཚབ་ཏུ་གྱུར་ཏེ། ཉེ་འདབ་ཀྱི་རྒྱལ་པོའི་བུ་མོ་དག་དང་ལྷན་ཅིག་ཏུ་འདོད་པ་ཤིན་ཏུ་བསྟེན་ཏོ་ཞེས་ཟེར་བ་ལ་སོགས་པ་ནི་བདུད་ཀྱིས་སྨྲས ་པའི་མདོ་སྡེ་དང་། འདུལ་བ་ཡིན་པར་རིག་པར་བྱའོ།། དེ་བཞིན་གཤེགས་པས་ནི་ལྷའི་བུ་མོ་རབ་བྷ་ལྟ་བུའི་བུད་མེད་དག་ཀྱང་མཚོལ་མ་བཞིན་དུ་བོར་ནས་ཁྱིམ་ནས་ཁྱིམ་མེད་པར ་རབ་ཏུ་བྱུང་ངོ་ཞེས་ཟེར་བ་དེ་ལྟ་བུའི་མདོ་སྡེ་དང་། འདུལ་བ་ནི་སངས་རྒྱས་ཀྱིས་གསུངས་པ་ཡིན་པར་རིག་པར་བྱའོ།། བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཚད་མར་བྱེད་པའི ་སེམས་ཅན་གང་ཡིན་པ་དེ་དག་ནི་བདུད་དང་མཐུན་པར་བྱེད་པ་ཡིན་པར་རིག་པར་བྱའོ། ། སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཚད་མར་བྱེད་པ་གང་ཡིན་པ་དེ་དག ་ནི་བྱང་ཆུབ་སེམས་དཔའ་ཡིན་པར་རིག་པར་བྱའོ། ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་འཇིག་རྟེན་ཐམས་ཅད་ལ་ཐུགས་བརྩེ་བའི་ཕྱིར། རྒྱལ་བུ ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་པར་དབྱིག་དང་། གསེར་དང་། བྲན་དང་། བྲན་མོ་དང་། བ་གླང་དང་། མ་ཧེ་དང་། ར་དང་། ལུག་དང་། བྱ་གག་དང ་ཕག་དང་། ཁྱི་དང་། བྱོ་ལ་དང་། སྦྲུལ་དང་། ནེའུ་ལེ་དང་། ཟངས་དང་། ལྕགས་ཟངས་དང་། ནོར་བུ་དང་། མུ་ཏིག་དང་། དུང་དང་། མན་ཤེལ་དང་། བྷུ་རུ་དང་། ས་ལེ ་སྦྲམ་དང་། དངུལ་དང་། ནོར་དང་། འཚོག་ཆས་རྣམ་པ་སྣ་ཚོགས་དང་། ཞིང་ས་དང་། ཚོང་དུས་དང་། སྲང་དང་། ཉོ་འཚོང་བྱེད་པ་དང་། ཁྱེའུ་དང་། བུ་མོ་དང ་མཛོད་དང་། བང་བ་རྣམས་བཞེས་སོ་ཞེས་ཟེར་བ་དེ་ལྟ་བུ་ནི་བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཡིན་པར་རིག་པར་བྱའོ།། རྒྱལ་བུ་རྒྱལ་བྱེད་ཀྱི་ཚལ་ན་འདམ་བུ་དང་། ཨེ ་རན་དའི་ཚལ་དང་། ཤིང་བི་རྫུ་མརྡའི་དྲུང་ན་བཞུགས་པའི་ཚེ། བྲམ་ཟེ་ལུག་དཔལ་དང་། ཀོ་ས་ལའི་རྒྱལ་པོ་གསལ་རྒྱལ་ལས་བརྩམས་ཏེ་བཀའ་སྩལ་པ། དབྱིག་དང་། གསེར་དང་། ་བྲན་དང་། བྲན་མོ་དང་། བགྲང་དང་། མ་ཧེ་དང་། ར་དང་། ཕུག་དང་། བྱ་གག་དང་། ཕག་དང་། ཁྱི་དང་། བྱིལ་དང་། སྦྲུལ་དང་། ནེའུ་ལེ་དང་། ཟངས་དང ་ལྕགས་ཟངས་དང་། ནོར་བུ་དང་། མུ་ཏིག་དང་། དུང་དང་། མན་ཤེལ་དང་། བྱུ་རུ་དང་། ས་ལེ་སྦྲམ་དང་། དངུལ་དང་། ནོར་དང་། འཚོག་ཆས་རྣམ་པ་སྣ ་ཚོགས་འཆང་བ་དང་། ཚོང་དུས་དང་། སྲང་དང་། ཉོ་འཚོང་བྱེད་པ་དང་། ཁྱེའུ་དང་། བུ་མོ་དང་། མཛོད་དང་། བང་བ་འཆང་བ་དང་། རང་ལག་དར་ཏེ་གཡོས་བྱེད་པ་དང་། ་འཚེད་པ་དང་། འཚེད་དུ་འཇུག་པ་དང་། ལྟས་དང་། ཡན་ལག་གི་རིག་པ་དང་། མོ་ཡིག་དང་། ཁ་ཏོན་འདོན་པ་དང་། བྱ་ལྟས་ཤེས་པ་དང་། སྒྲ་གཅན་དང་། ཉི་མ་དང་། ་ཟླ་བ་དང་། པ་ཝ་སངས་དང་། གཟའ་ལྷག་རྒྱུ་བ་དང་། མེ་ཏོག་གི་ཤོང་རྟ་དང་། ལག་སྲུབས་ལྟ་བ་དང་། རྨི་ལྟས་དང་། སྐྱེས་པ་དང་། བུད་མེད་དང་། མ་ནིང་གི་མཚན་ལྟ་བ་དང་། ་སྒྱུ་རྩལ་དྲུག་ཅུ་རྩ་བཞི་དང་། རིག་པའི་གནས་བཅོ་བརྒྱད་དང་། མཁན་བཟོ་དང་། བཟོའི་ལས་ཐམས་ཅད་སྟོན་པ་དང་། སྲུང་གཏམ་བྱེད་པ་དང་། སྤོས་ཀྱི་ཕྱེ་མས་འདེབས་པ་དང ་མེ་ཏོག་དང་། བདུག་པ་དང་། སྤོས་དང་། མེ་ཏོག་འཕྲེང་དང་། བྱུག་པ་འཆང་བ་དང་། མགོ་བོ་ལ་པོ་བྱེད་པ་དང་། ཚུལ་འཆོས་པ་དང་། ཁ་གསག་བྱེད་པ་དང་། ཆོག་མི་ཤེས་པ ་དང་འདོད་ཆེན་ཅན་དང་། འདུ་འཛི་ལ་དགའ་བ་དང་། སྨྲ་འདོད་པ་དང་། ནོར་དང་། འབྲུ་དང་། ཤ་དང་། ཉ་ཤ་དང་། དུག་སྦྱོར་བ་དང་། སྤོས་ཀྱི་ཏིལ་མར་དང་། སྨན་གྱི་སྦུ ་བུ་དང་། གདུགས་དང་། ལྷམ་དང་། ཏ་ལའི་ལོ་མའི་བསིལ་ཡབ་དང་། ཆ་སྣོད་དང་། བུ་དོན་དང་། བེང་པུང་འཆང་བ་དང་། ཤིང་ཐོག་སྡུད་པ་དང་། སོ་རྩི་དང་། སྨན་མར ་དང་བཙོ་བའི་ཕྱེ་མ་བཟང་པོ་དང་། ཀ་ཀོ་ལ་དང་། འབྲས་བུ་ཚ་བ་སྟེན་པ་དང་། རྒྱལ་པོ་ལ་བསྟེན་པ་དང་། གཞན་ལ་བསྟེན་པ་དང་། དྲོད་མི་ཐུབ་པ་དང་། མི་སྨྲ་བ་དང་། བུད ་མེད་ཀྱི་ལྟར་རྟོག་པའི་ཤས་ཆེ་བ་དང་། མང་དུ་སྨྲ་བ་དང་། ངུ་བ་དང་། བཟང་ངན་དཔྱོད་པ་དང་། སུན་འབྱིན་པ་དང་། འགྲོས་འཆོས་པ་དང་། གོས་དཀར་པོ་དང་། ཨར་མོ་ནིག ་དང་ཁང་བཟངས་དང་། གཙང་ཁང་ཕྱུར་པོའི་ལས་ལ་སོགས་པ་བྱེད་པ་དང་། རུང་བ་མ་ཡིན་པ་དང་། རྫས་ངན་པ་ཡོངས་སུ་འཛིན་པ་དང་། སྦྱིན་པའི་བསྔགས་པ་བརྗོད་པ་དང ་ཆང་བསྟེན་པ་དང་། སྨད་འཚོང་མའི་ཁྱིམ་དུ་འགྲོ་བ་རྣམས་དང་། དེ་ལྟ་བུ་བྱེད་པ་དམ་པ་མ་ཡིན་པ། ཚུལ་ངན་པ་དང་ལྡན་པ་དེ་དག་ལ་ནི་གོས་དཀར་པོ་དག་བྱིན་ལ། འཇིག་རྟེན་པའི ་ལས་རྣམས་བྱེད་དུ་གཞུག་པར་ངས་གནང་ངོ་། ། ཡང་ན་འབྲས་སཱ་ལུའི་ཞིང་གི་རྡོ་བསལ་བ་བཞིན་དུ། ཡུལ་ཕྱོགས་ནས་བསྐྲད་པར་ངས་གནང་ངོ་ཞེས་ཟེར་བ་དེ་ལྟ་བུའི་མདོ་སྡེ་དང་འདུལ ་བ་ནི་སངས་རྒྱས་ཀྱིས་གསུངས་པ་ཡིན་པར་རིག་པར་བྱའོ། ། བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི་བདུད་དང་མཐུན་པར་བྱེད། ་པ་ཡིན་པར་རིག་པར་བྱའོ།། སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཚད་མར་བྱེད་པ་གང་ཡིན་པ་དེ་དག་ནི་བྱང་ཆུབ་སེམས་དཔའ་ཡིན་པར་རིག་པརརཱ། ་བྱའོ།། དེ་བཞིན་གཤེགས་པ་ནི། ཚངས་པ་དང་། འབྱུང་པོ་དང་། སྐེམ་བྱེད་གཞོན་ནུ་དང་། འཇིག་རྟེན་གྱི་མེས་པོ་དང་། ཀ་ཏ་ཡ་ན་ལ་སོགས་པའི་ལྷའི་གནས་ཐམས་ཅད་དུ་དེ་དག་གི ་རྒྱགས་པ་གཞོམ་པའི་ཕྱིར་མི་གཤེགས་ཏེ་གཤེགས་མི་སྲིད་དོ། ། ཡང་མཚན་ཅན་ཐམས་ཅད་ཀྱི་ནང་དུ་རབ་ཏུ་མི་འབྱུང་ངོ་།། སེམས་ཅན་ཐམས་ཅད་ཀྱི་ཀུན་ཏུ་རྟོག་པ་སྟོན་པ་མ་ཡིན་ནོ།། ་གསང་སྔགས་དང་། རིག་སྔགས་ཐམས་ཅད་མི་འཆང་ངོ་།། ཕོལ་པོ་དང་། བྲན་དང་། བྲན་མོ་དང་། འདུམ་པ་དང་། འཐབ་པ་སྦྱོར་བར་མི་མཛད་དོ།། སྐྱེས་པ་དང་། བུད ་མེད་དང་། སྨན་དང་། རྒྱལ་པོ་དང་། བློན་པོ་གཅེས་པར་མི་མཛད་དོ།། གལ་ཏེ་དེ་བཞིན་གཤེགས་པ་དེ་ལྟ་བུར་གྱུར་ན། དེ་བཞིན་གཤེགས་པའང་མ་ཡིན་ཏེ། ལོག་པར་ལྟ་བ་ཞེས ་བརྗོད་པར་བྱའོ། ། དེ་བཞིན་གཤེགས་པ་ནི་སྟེའུ་དང་ཙན་དན་དུ་མཚུངས་ཏེ། སུ་ལའང་ཚར་གཅོད་པར་ཡང་མི་མཛད། ཕན་འདོགས་པར་ཡང་མི་མཛད་དོ།། དེ་བས་ན་དེ་བཞིན་པ ་པ་ནི་དབུ་མའི་ལམ་གཟིགས་པ་ཞེས་བྱའོ་ཞེས་ཟེར་བ་དེ་ལྟ་བུ་ནི་མགོ་རྨོངས་པར་བྱེད་པའི་མདོ་སྡེ་བདུད་ཀྱིས་སྨྲས་པ་ཡིན་པར་རིག་པར་བྱའོ། ། དེ་བཞིན་གཤེགས་པ་ནི་ལྷའི་གནས་ཐམས ་ཅད་དུ་གཤེགས་སོ། ། ཡ་མཚན་ཅན་ཐམས་ཅད་ཀྱི་ནང་དུ་རབ་ཏུ་འབྱུང་ངོ་།། སེམས་ཅན་ཐམས་ཅད་ཀྱི་ཀུན་ཏུ་རྟོག་པ་རྟོན་ཏོ།། གསང་སྔགས་དང་། རིག་སྔགས་དང་། སྨན་ནོ་ཅོག། ་བུར་གྱུར་པ་དེ་དག་སྦྱོར་བར་མཛད་དོ།། འདུན་པའི་ནང་དང་། རོལ་མོའོ་གནས་སུ་གཤེགས་སོ།། བྲན་དང་། བྲན་མོ་དང་། སེམས་ཅན་ཐམས་ཅད་སྡུད་པར་མཛད་དོ།། ་གཞོན་ནུ་དང་། གཞོན་ནུ་མ་དང་། བཙུན་མོའི་འཁོར་དང་། ཕོ་བྲང་འཁོར་གྱི་མི་དང་། ཡུལ་མི་དང་། ཁྱིམ་བདག་དང་། བྲམ་ཟེ་དང་། ཡི་དགས་དང་། མགོན་མེད ་པ་དང་། སྐྱེས་པ་དང་། བུད་མེད་རྣམས་ཀྱི་ལུས་རྣམ་པ་སྣ་ཚོགས་ཀྱང་སྟོན་ལ། འཇིག་རྟེན་ཐམས་ཅད་སྡུག་བསྔལ་ལས་བསྒྲལ་བའི་ཕྱིར། དེ་དང་དེར་གཤེགས་པ་ནའང་པདྨ ་ཆུས་མི་ཆགས་པ་བཞོན་དུ་ལྟ་བ་རྣམས་ཀྱིས་གོས་པར་མི་འགྱུར་བར་ཁོང་དུ་ཆུད་པར་བྱ་སྟེ། འདི་ནི་འཇིག་རྟེན་ཐམས་ཅད་དང་མཐུན་པར་མཛད་པ་ཡིན་ནོ།། ཞེས་ཟེར་བ་དེ་ལྟ་བུ་ནི ་སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཡིན་པར་རིག་པར་བྱའོ།། བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི ་བདུ་དང་མཐུན་པར་བྱེད་པ་ཡིན་པར་རིག་པར་བྱའོ། ། སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཚད་མར་བྱེད་པ་གང་ཡིན་པ་བྱང་ཆུབ་སེམས་དཔའ་ཡིན་པར་བྱའོ།། འདི ་ལྟར་ངེད་ཀྱི་འདུལ་བ་ལས་ནི་སྡིག་པ་དང་། ཉེས་བྱས་དང་། ཉེས་པ་ཡང་བ་དང་། ལྕི་བ་དང་། ཉེས་པ་སྦོམ་པོ་རང་བཞིན་གྱིས་སྤང་བར་བྱ་བ་ཡིན་པའི་ཕྱིར། ་སྤང་བར་བཅོམ་ལྡན་འདས་ཀྱིས་གསུངས་ཏེ། དེ་ལྟ་བུ་ནི་ངེད་ཀྱི་འདུལ་བ་དང་མཐུན་པ་ཡིན་གྱི། ངེད་ཀྱི་འདུལ་བ་དང་མཐུན་པ་མ་ཡིན་ན། ཅིའི་ཕྱིར་བདག་ཅག་ཉིད་ཀྱི ་འདུལ་བ་ལས་འགལ་བར་བྱས་ཏེ། ཁྱེད་ཀྱིས་འདུལ་བ་བླང་བར་བྱ།། ཁྱེད་ཀྱིས་འདུལ་བ་ནི་རང་བཟོར་བྱས་པ་ཡིན་ལ། ངེད་ཀྱི་འདུལ་བ་ནི་བཅོམ་ལྡན་འདས་ཀྱིས ་གསུངས་པ་ཡིན་ནོ། ། བཅོམ་ལྡན་འདས་ཀྱིས་ནི་གསུང་རབ་ཡན་ལག་དགུ་ལས་ཕྱག་རྒྱ་དགུ་མཛད་ཅེས་གྲག་སྟེ། བཅོམ་ལྡན་འདས་ཀྱིས་ཕྱག་རྒྱ་དགུ་པོ་དེ་རྣམས་ཀྱི་ཕྱུག་རྒྱས ་བཏབ་བོ། ། བདག་ཅག་གིས་ནི་ཤིན་ཏུ་རྒྱས་པ་ཞེས་བྱ་བའི་སྒྲ། ཚིག་དང་། ཡི་གེ་དང་། ཐིག་ལེ་གཅིག་ཀྱང་སྔོན་མ་ཐོས་སོ།། བཅོམ་ལྡན་འདས་ཀྱིས་མདོ་སྡེ་ངུ་ཞོག ་གསུངས། མདོ་སྡེ་བཅུ་ཛ་ག་གསུངས་སམ། བདག་ཅག་གི་གསུང་རབ་ལ་ནི་ཤིན་དུ་རྒྱས་པ་ཞེས་བྱ་བའི་སྒྲའང་མེད་དོ།། འདི་དག་ནི་མ་ལུས་པར་ལྷས་བྱིན་གྱིས་བྱས་པ་ཡིན་ཏེ། ་དོན་ཐམས་ཅད་རུང་བར་བྱས་ནས་རྩོད་པར་བྱེད་དེ། ཤིན་ཏུ་རྒྱས་པ་ནི་རང་གིས་རང་བཟོར་བྱས་པས་མི་བཙན་གྱི། ངེད་ཀྱི་འདུལ་བ་ནི་དམ་པ་ཡིན་ནོ།། ངེད་ནི་འདི་ལྟ་བུ་ཡིན་ནོ།། ་ངེད་ཀྱི་ནི་འདི་ལྟ་བུ་ཡིན་ནོ་ཞེས་བསྟན་པ་མ་རུང་བར་བྱ་བའི་ཕྱིར་སྦྱར་བ་ཤིན་ཏུ་རྒྱས་པ་སྤོང་བར་བྱེད་པ་འདི་ནི་བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཡིན་པར་རིག་པར་བྱའོ།། ་མ་འོངས་པའི་དུས་ནའང་ངེད་ཀྱི་འདུལ་བ་ནི་འདི་ལྟ་བུ་ཡིན་ནོ།། ངེད་ཀྱི་འདུལ་བ་ལས་ནི་བཅོམ་ལྡན་འདས་ཀྱིས་འདི་སྐད་ཅེས་གསུངས་སོ་ཞེས་ལོག་པའི་འདུལ་བ་དང་། མདོ་སྡེ་སྨྲ ་བའི་དགེ་སློང་དག་འབྱུང་བར་འགྱུར་རོ། ། ངས་ནི་ཐེག་པ་ཆེན་པོ་གསུང་རབ་ཡན་ལག་དགུ་ལས་རྒྱུད་ཕྱི་མ་ཐེག་པ་ཆེན་པོ་ཤིན་ཏུ་རྒྱས་པར་བསྟན་ཏོ།། ངའི་དྲུང་ན་ལྷན་ཅིག་ཏུ་བསྒྲུབ་པ་གང ་ཡིན་པ་དེ་དག་ནི་ལོག་པའི་འདུལ་བ་དང་། ལྟ་བ་སྨྲ་བ་མ་ཡིན་ནོ།། ངའི་བསྟན་པ་ནི་རུང་བ་མ་ཡིན་པ་ཐམས་ཅད་སྤངས་པ་རྣམ་པར་དག་པ། དྲི་མ་མེད་པ། ཟླ་བ་ཉ་བ་དང་འདྲ་བ་ཡིན།། ་ཏེམདོ་སྡེ་རེ་རེ་དང་། འདུལ་བ་རེ་རེ་དང་། བསླབ་པའི་གཞི་རེ་རེའི་དོན་གངྒཱའི་ཀླུང་གི་བྱེ་མ་སྙེད་དུ་བསྟན་ལ། དེ་དག་ཀྱང་སྒྲའི་རྣམ་གྲངས་རྣམ་པ་སྣ་ཚོགས་ཀྱིས་བསྟན་ཏོ།། ་ངེད་ཀྱི་འདུལ་བ་ལ་བསླབ་པའི་གཞི་གང་དང་གང་མེད་པ་དེ་དང་དེ་དག་ནི་བཅོམ་ལྡན་འདས་ཀྱིས་མ་གསུངས་སོ་ཞེས་དེ་སྐད་ཟེར་བ་གང་ཡིན་པ་དེ་དག་ནི་ཉེས་པ་འབྱུང་བར་འགྱུར་རོ།། ་གང་དག་བདག་ཅག་གིས་གཟུང་བས་མི་ཡང་སྟེ། ཆོག་ཤེས་པ་དང་། ཡོ་བྱད་བསྙུངས་པ་ལྷུར་ལེན་པ་དང་། སངས་རྒྱས་ཀྱིས་གསུངས་པ་ཡིན་པར་འོས་པ་གང་དང་གང་ཡིན་པ་དེ ་དང་དེ་དག་ནི་སེམས་ཅན་ཐམས་ཅད་ལ་ཕན་པ་དང་། ཐུགས་བརྩེ་བའི་ཕྱིར་ཐེག་པ་ཆེན་པོའི་ཚུལ་དུ་གསུངས་པས་ན། བདག་གིས་ཀྱང་ཤིན་ཏུ་རྒྱས་པ་ཞེས་བྱ་བ་བཤད་པར ་བྱའོ། ཞེས་ཟེར་བ་དེ་ལྟར་དམ་འཆའ་བར་བྱེད་པ་གང་ཡིན་པ་དེ་དག་གི་སྟོན་པ་ནི་ང་ཡིན་གྱི། དེ་མ་ཡིན་པ་རྣམས་ཀྱི་སྟོན་པ་ནི་ང་མ་ཡིན་ནོ།། དེ་དག་ནི་ངའི་ཕྱིར་རབ་ཏུ་བྱུང་བ་མ་ཡིན་ཏེ། དེ་དག ་ཐམས་ཅད་ནི་མུ་སྟེགས་པའི་བུ་ཡིན་ནོ་ཞེས་ཟེར་བ་དེ་ལྟ་བུ་ནི་སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཡིན་པར་རིག་པར་བྱའོ་ཞེས་དེ་སྐད་སྨྲོས་ཤིག། བདུད་ཀྱིས ་སྨྲས་པའི་མདོ་སྡེ་དང་། འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི་བདུད་དང་མཐུན་པར་བྱེད་པ་ཡིན་པར་རིག་པར་བྱའོ།། སངས་རྒྱས་ཀྱིས་གསུངས་པའི་མདོ་སྡེ་དང་། ་འདུལ་བ་ཚད་མར་བྱེད་པ་གང་ཡིན་པ་དེ་དག་ནི་བྱང་ཆུབ་སེམས་དཔའ་ཡིན་པར་རིག་པར་བྱའོ།། དེ་བཞིན་གཤེགས་པ་ནི་ཡོན་ཏན་དཔག་ཏུ་མེད་པ་དང་ལྡན་པ་མ་ཡིན་ནོ།། མི་རྟག་གོ། ་ཡོངས་སུ་མྱ་ངན་ལས་འདས་པའོ།། སྟོང་པར་གྱུར་པའོ།། བདག་མེད་པ་སྟོན་པའོ།། འཇིག་རྟེན་དང་མཐུན་པར་བྱེད་པ་མ་ཡིན་ནོ།། ཞེས་ཟེར་བ་དེ་ལྟ་བུའི་མདོ་སྡེ་ནི་བདུད་ཀྱིས་སྨྲས་པའི ་མདོ་སྡེ་དང་། འདུལ་བ་ཡིན་པར་རིག་པར་བྱའོ།། སངས་རྒྱས་བཅོམ་ལྡན་འདས་ནི་བསམ་གྱིས་མི་ཁྱབ་ཅིང་། ཡོན་ཏན་བསམ་གྱིས་མི་ཁྱབ། དཔག་ཏུ་མེད་གྲངས་མེད་པ་དང་ལྡན་པ་ཡིན་ནོ།། རྟག་པའོ།། ་། བརྟན་པའོ།། ཐེར་ཟུག་པའོ་ཞེས་ང་ཟེར་རོ་ཞེས་དེ་སྐད་སྨྲས་པ་ལ་ནི་ཏ་ལའི་མགོ་བཅད་པ་བཞིན་དུ་ཕམ་པར་གྱུར་ཞེས་བརྗོད་པར་མི་བྱའོ།། ཕམ་པའི་ཆོས་བཞི་ཞེས་བྱ་བ་ནི་བཅོམ་ལྡན་འདས་ཀྱིས་གསུངས་པ ་རྣམ་པ་བཞི་ཅར་ལྟ་ཅི་སྨོས་ཏེ། ཕམ་པ་བཞིའི་ནང་ནས་ཕམ་པ་གང་ཡང་རུང་བ་ཞིག་བྱུང་ནའང་རྡོ་ཆག་པའི་འཕྲོ་བཞིན་དུ་འགྱུར་རོ་ཞེས། རྒྱུད་ཕྱི་མའི་ཡང་ཕྱི་མ་གཞུང་རྫོགས་པ་ལས། མིའི་ཆོས་ལས ་བླ་མར་གྱུར་པའི་སྐབས་ནས་གསུངས་པ་ཡིན་ནོ། ། དེ་ཅིའི་ཕྱིར་ཞེ་ན། བདག་གི་ནི་འབྲས་བུ་ཐོབ་པ་ཡིན་ནོ་ཞེས་འཆབ་པའི་དོན་ཏོ།། རྒྱུད་ཕྱི་མའི་ཡང་ཕྱི་མ་ལས་མིའི་ཆོས་སུ་དབབ་པ་ངས་གསུངས་པ་ནི།། ་འདི་ན་དགེ་སློང་འདོད་པ་ཉུང་བ་ཆོག་ཤེས་པ་ལ་ལ་ཞིག་གནས་པ་དེ། རྒྱལ་པོ་འམ། རྒྱལ་པོའི་བློན་པོ་ཆེན་པོ་དག་གིས་མཐོང་ན། འབྲས་བུ་ཐོབ་པ་ཡིན་པར་སེམས་ཏེ། ཚིགས་སུ་བཅད་པའི་ཚུལ་སྦྱར་བའི ་ཐབས་རྣམ་པ་སྣ་ཚོགས་ཀྱིས་སྟོན་པར་བྱེད་ཅིང་། བཙུན་པ་འདི་ནི་ལུས་དང་བྲལ་ཏེ་ཤི་བའི་འོག་ཏུ་སངས་རྒྱས་སུ་འགྱུར་རོ་ཞེས་ཟེར་བ་དགེ་སློང་དེས་དེ་དག་ལས་མངོན་སུམ་དུ་ཐོས་ནས་འདི་སྐད་ཅེས་ཟེར་ཏེ། ་འབྲས་བུ་མ་ཐོབ་པའི་གང་ཟག་ལ། འབྲས་བུ་ཐོབ་པ་བཞིན་དུ་སྟོན་པར་མ་བྱེད་ཅིག། ཆེ་འདོད་པ་ནི་སངས་རྒྱས་ཀྱིས་སྨད་དོ།། ཅང་མི་སྨྲ་བ་ནི་སངས་རྒྱས་ཀྱི་ས་བསྔགས་སོ།། བདག་ནི་ཇི་སྲིད་འཚོང་བར ་དུའང་ཆོས་འདི་ལྟ་བུ་ལ་དགའ་བ་མ་ཡིན་གྱིས། འདི་ལྟར་བདག་ཆེ་འདོད་པ་ལ་གཞག་པར་མ་བྱེད་ཅིག། བདག་ནི་འབྲས་བུ་ཐོབ་པ་མ་ཡིན་པར་བདག་ཉིད་ཀྱིས་ཤེས་སོ་ཞེས་ཟེར་བ་དང་། རྒྱལ་པོ་ཤེས་རབ་ཅན་གྱིས ་བཙུན་པ་འདི་ནི་འབྲས་བུ་ཐོབ་པ་སྟེ། སངས་རྒྱས་ཡིན་ནོ་སྙམ་ནས་འཇིག་རྟེན་ཐམས་ཅད་དུ་མཁས་པ་རྣམས་ཀྱི་ནང་དུ་རྫོགས་པར་བྱེད་ཅིང་། བཙུན་མོ་འཁོར་དང་སྲས་རྣམས་པང་། ་སྙན་སྔགས་བཞིན་དུ་མདོ་རྣམས་སློབ་ཏུ་འཇུག་སྟེ། དེ་ལྟར་བྱས་ནའང་སྟོན་པར་བྱེད་པའི་རྒྱལ་པོ་དང་། བློན་པོ་རྣམས་པ་བསོད་ནམས་མང་དུ་འལ་ལ་བར་འགྱུར་རོ།། དགེ་སློང་དེ་ནི་ཚངས་པར་སྤྱོད་པ་ཚུལ་། ་དང་ལྡན་པ་ཙམ་དུ་ཟད་དེ། དགེ་སློང་དེའང་ཕན་པ་བྱུང་བ་མ་ཡིན་ནོ་ཞེས་ང་ཟེར་རོ།། མིའི་ཆོས་ལས་བླ་མར་གྱུར་པ་བྱེད་པ་མ་ཡིན་ཏེ། ཚུལ་ཁྲིམས་དང་ལྡན་པ། འདོད་པ་ཉུང་བ་ཞེས་ང་ཟེར་རོ།། ་དེ་ལྟར་སྟོན་དུ་ཟིན་ཀྱང་། རང་གི་དད་པའི་སེམས་དང་བས་ན་སངས་རྒྱས་ཀྱི་གསུང་རབ་དང་མཐུན་པར་བྱེད་པའི་དགེ་སློང་ལ་ནི་ཉེས་པ་ཅུང་ཟད་ཀྱང་མེད་དོ་ཞེས་ང་ཟེར་རོ།། གཞན་ཡང་འདི་ན་དགེ་སློང ་ལ་ལ་དེ་བཞིན་གཤེགས་པའི་སྙིང་པོའི་མདོ་སྡེ་ཆེན་པོ་སྟོན་པར་བྱེད་དེ། སེམས་ཅན་ཐམས་ཅད་ལ་ནི་སངས་རྒྱས་ཀྱི་ཁམས་ཡོད་ལ། ཁམས་དེ་རང་རང་གི་ལུས་ལ་འཆང་སྟེ། སེམས་ཅན་རྣམས ་ཀྱི་ཉོན་མོངས་པའི་རྣམ་པ་ཟད་པར་བྱས་ནས་སངས་རྒྱས་སུ་འགྱུར་ཏེ། འདོད་ཆེན་པོ་ནི་མ་གཏོགས་སོ།། དེ་ལ་རྒྱལ་པོ་འམ། རྒྱལ་པོའི་བློན་པོ་འགའ་ཞིག་འདི་སྐད་ཅེས་ཟེར་ཏེ། དགེ ་སློང་ཁྱོད་སངས་རྒྱ་བར་འགྱུར་རམ་མི་འགྱུར། སངས་རྒྱས་ཀྱི་ཁམས་ཁྱོད་ལ་ཡོད་དམ་མེད་ཅེས་ཟེར་བ་ལ། དགེ་སློང་དེ་ན་རེ། ཚེ་དང་ལྡན་པ་བདག་སངས་རྒྱས་སུ་འགྱུར་རམ་མི་འགྱུར ་བ་ལྟ་སུས་ཤེས་མོད་ཀྱིས། འོན་ཀྱང་བདག་གི་ལུས་ལ་སངས་རྒྱས་ཀྱི་ཁམས་ནི་ཡོད་དོ་ཞེས་ཟེར་རོ།། དེ་ནས་དེས། དགེ་སློང་དེ་ལ་སྨྲས་པ། དགེ་སློང་ཁྱོད་འདོད་ཆེན་པ་ཁོ་ན་མ་ཡིན་ན ་བདག་ནི་སངས་རྒྱས་སུ་འགྱུར་སྙམ་དུ་སོམས་ཤིག། དེ་ནས་དགེ་སློང་དེ་ལ་སྨྲས་པ། ཚེ་དང་ལྡན་པ་ཆོས་དེ་ནི་བདག་གི་ལུས་ལ་གོར་མ་ཆག་པར་ཡོད་དོ་ཞེས་གལ་ཏེ་དེ་སྐད་ཅེས་ཟེར་ན ་དགེ་སློང་དེ་ལ་མིའི་ཆོས་ལས་བླ་མར་གྱུར་པའི་ཉེས་པ་ཡོད་ཅེས་བྱ་འམ། མེད་ཅེས་བྱ་ཞེ་ན། ཁམས་ཡོད་དུ་ཟིན་ཀྱང་སྦྱིན་པ་དང་། ཚུལ་ཁྲིམས་དང་། ཤེས་པ་དང་། ཆོས་དང་ལྡན་པ ་རྣམས་ལ་ཡོད་པར་ཟད་དོ་ཞེས་བརྗོད་པར་བྱའོ། ། གཞན་ཡང་དགེ་སློང་རབ་ཏུ་བྱུང་ནས་སེམས་པར་བྱེད་དེ། ཀྱེ་མ་བདག་སངས་རྒྱས་སུ་འགྱུར་རམ་མི་འགྱུར་སྙམ་པ་འམ། བདག་གིས་ནི ་སངས་རྒྱས་ཉིད་ཐོབ་པར་འགྱུར་བར་མངོན་ནོ་སྙམ་དུ་སེམས་ན་འབྲས་བུ་མ་ཐོབ་ཏུ་ཟིན་ཀྱང་བསོད་ནམས་མང་པོ་འཕེལ་བར་འགྱུར་རོ། ། གལ་ཏེ་དེ་ལྟ་ཡིན་ན། དགེ་སློང་ཐམས་ཅད་ཀྱང་མིའི ་ཆོས་བླ་མར་འགྱུར་རོ། ། དེ་ཅིའི་ཕྱིར་ཞེ་ན། ངས་བསྐལ་པ་བྱེ་བ་ཕྲག་བརྒྱད་ཅུའི་བར་དུ་རུང་བ་མ་ཡིན་དངོས་པོ་ཡོངས་སུ་འཛིན་པ་སྤོང་སྟེ། ཆོ་ག་ཤེས་པ་དང་། ཡོ་བྱད་བསྙུངས ་པའི་མཆོག་ལ་གནས་ནས་དེ་བཞིན་གཤེགས་པའི་སྙིང་པོ་ཡོད་པར་བསྒོམས་ཏེ། མངོན་པར་རྫོགས་པར་སངས་རྒྱས་ནས་ཆོས་ཀྱི་ཕུང་པོ་འབུམ་སྟོན་པའི་སངས་རྒྱས་བཅོམ་ལྡན་འདས ་སྙིང་རྗེ་ཆེན་པོ་དང་ལྡན་པར་གྱུར་པའི་ཕྱིར་རོ་ཞེས་ཟེར་བ་དེ་ལྟ་བུ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ས་གསུངས ་པའི་མདོ་སྡེ་དང་། འདུལ་བ་ཡིན་པར་རིག་པར་བྱའོ།། བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཚད་མར་བྱེད་པའི་སེམས་ཅན་གང་ཡིན་པ་བདུད་དང་མཐུན་པར་བྱེད་པ་ཡིན་པ ་རིག་པར་བྱའོ། ། སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཚད་མར་བྱེད་པ་གང་ཡིན་པ་དེ་དག་ནི། བྱང་ཆུབ་སེམས་དཔའ་ཡིན་པར་རིག་པར་བྱའོ།། ཕམ་པ ་བཞིའང་མེད། དགེ་འདུན་གྱི་ལྷག་མ་བཅུ་གསུམ་ཡང་མེད། མ་ངེས་པ་གཉིས་ཀྱང་མེད།། སྤང་བའི་ལྟུང་བྱེད་སུམ་ཅུའང་མེད། ལྟུང་བྱེད་འབའ་ཞིག་པ་དགུ་བཅུ་རྩ་གཅིག་ཀྱང་མེད ་སོ་སོར་བཤགས་པར་བྱ་བ་བཞིའང་མེད། ། བསླབ་པར་བྱ་བ་མང་པོའང་མེད།། རྩོད་པ་ཞི་བར་བྱ་བའི་ཆོས་བདུན་ཡང་མེད།། ཉེས་བྱས་རྣམས་ཀྱང་མེད། ཉེས་པ་སྦོམ་པོ་རྣམས་ཀྱང ་མེད་མཚམས་མེད་པ་དང་། འདོད་ཆེན་པའང་མེད་དེ། སྔར་སྨོས་པའི་བསླབ་པའི་གཞི་དེ་རྣམས་མེད་བཞིན་དུ། གལ་ཏེ་འགལ་བར་བྱས་པས། དགེ་སློང་དག་སེམས་ཅན་དམྱལ ་བར་འགྲོ་བར་འགྱུར་ན། དེ་དག་ནི་མུ་སྟེགས་ཅན་ཡིན་ནོ།། གང་དག་ལ་དེ་རྣམས་མེད་ན། དེ་ལྟ་ན་ནི་མཐོ་རིས་སུ་འགྲོ་བར་འགྱུར་རོ།། བཅོམ་ལྡན་འདས་ཀྱིས་བསྡོགས་པའི་ཕྱིར་འདུབ ་བ་ལས་བསླབ་པའི་གཞི་རྣམས་བཀའ་སྩལ་ཏོ། ། མི་ཚངས་པར་སྤྱོད་པ་བསྟེན་པར་འདོད་པ་གང་ཡིན་པ་དེ་ནི། གོས་ཚོན་ཅན་དང་ཆོས་གོས་སྤངས་ཏེ་གོས་དཀར་པོ་བགོས་ནས། དེ་ལྟ་བུ ་བྱས་པའི་འོག་ཏུ་དེ་བདག་ཉིད་ཀྱིས་བསམས་པ། བདག་གིས་ནི་རང་གི་ཡོན་ཏན་ཆུང་བའི་ཕྱིར་མནོག་ཆུང་བའི་འདོད་པ་བསྟེན་གྱིས་མེད་དོ།། འོན་ཀྱང་བཅོམ་ལྡན་འདས་བཞུགས་པའི ་ཚེའང་དགེ་སློང་དག་གིས་འདོང་པ་རྣམས་བསྟེན་ནས་མཐོ་རིས་དང་། ཐར་པ་ཐོབ་པར་འགྱུར་ན། ཅི་བདག་ཆོས་ཉིད་ལ་ཞུགས་པ་ཡིན་ནམ། འདི་ནི་གནས་ནས་ལུགས་ཀྱིས་ཡོད་པ་ཁོ་ནའོ་། ་དུ་དེ་ལྟར་སྒོམ་པའི་དགེ་སློང་ནི་ཕམ་པ་བྱུང་དུ་ཟིན་ཀྱང་། ཐར་པ་ཐོབ་པར་འགྱུར་རོ།། བསླབ་པའི་གཞི་ལྔ་ལས་འགལ་བར་བྱས་པ་དང་། རུང་བ་མ་ཡིན་པ་ཐམས་ཅད་ཡོངས་སུ་བཟུང ་བ་ཡང་དེ་དང་འདྲའོ། ། དེ་བཞིན་གཤེགས་པས་ཉེས་བྱས་ཀྱི་ཉེས་པ་བྱུང་བས་ཀྱང་སུམ་ཅུ་རྩ་གསུམ་པའི་ལྷ་རྣམས་ཀྱི་ལོ་གྲངས་པས་ཀྱང་ལྷག་པར་ལོ་བརྒྱད་ཁྲིའི་བར་དུ་སེམས་ཅན ་དམྱལ་བར་བཅོས་པར་འགྱུར་རོ་ཞེས་གསུང་མོད་ཀྱི། དེའང་བསྡིགས་པར་ཟད་དེ། ཕམ་པ་ལས་ན་གཅིག་གིས་དམའ་བ་ཉེས་པ་སྦོམ་པོའི་སྐྱོན་གང་ཡིན་པ་དེའང་མི་བཟང་བ་མ་ཡིན་ཏེ། ་འདུལ་བ་འཛིན་པ་མང་པོ་རྣམས་ཀྱིས་བརྫུན་དུ་སྨྲས་མོད་ཀྱི། དེ་ནི་མི་བརྩན་ནོ་ཞེས་དེ་བཞིན་གཤེགས་པས་གསུངས་སོ་ཞེས་ཟེར་བ་དེ་ལྟ་བུའི་མདོ་སྡེ་དང་འདུལ་བ་ནི་བདུད་ཀྱིས་སྨྲས་པ ་ཡིན་པར་རིག་པར་བྱའོ། ། བསླབ་པའི་གཞི་ཐམས་ཅད་ཀྱི་ནང་ན་ནི། ཉེས་བྱས་ཆུང་བ་ཡིན་ལ། དེ་ལྟར་ཆུང་བའི་ཉེས་བྱས་བྱུང་དུ་ཟིན་ཀྱང་། བདག་མ་བྱུང ་ཞེས་སྙམ་པར་བྱེད་དེ། ཉེས་པ་བྱུང་བ་རུས་སྦལ་བཞིན་དུ་སྦེད་པར་བྱེད་པ་དེ་ལྟ་བུའི་གང་ཟག་ལ་བསྟེན་པར་མི་བྱའོ།། བརྫུན་དུ་སྨྲ་བའི་ཆོས་གཅིག་འགལ་བར་བྱས་པའི་སྐྱེ་བོ་འཇིག་རྟེན་ཕ་རོལ ་སྤངས་ན་མི་བྱ་བ་ཅིའང་མེད་དེ། མི་བྱ་བའི་བག་ཅིའང་མི་སྟེན་པ་མི་སྟེན་པ་མེད་ཅེས་བྱ་བའི་དོན་ཏོ།། སངས་རྒྱས་ཀྱི་བསྟན་པ་ནི་དེ་ལྟར་ཆ་ཕྲ་བ་ཡིན་ན། ཉེས་པ་མི་སྡོམ་པར་ལྟ་ག་ལ་མཛད ་གལ་ཏེ་དེ་ཙམ་ཡང་སྡོམ་པར་མི་བྱེད་པ་ནི་མཆོག་ཏུ་མ་བསྡམས་པ་ཡིན་ནོ། ། ཅི་ཞིག་བཟུང་སྟེ་ཚུལ་ཁྲིམས་བསྲུང་ཞེ་ན། སངས་རྒྱས་ཀྱི་ཁམས་ཡོད་ལ། གསུང་ར་བ་ཡན་ལག་དགུའི་ཚུལ ་གྱིས་སངས་རྒྱས་སུ་འགྱུར་བའི་རྟོག་པ་གཅིག་པུས་སེམས་ཅན་ཐམས་ཅད་ལ་སངས་རྒྱས་ཀྱི་ཁམས་ཡོད་དོ་ཞེས་བྱ་བ་དང་། ཤིན་ཏུ་རྒྱས་པ་ལས་བདག་མེད་པའི་མཆོག་ཡོད་དོ་ཞེས་སྨྲ་བ ་ནི་གསུང་རབ་ཡན་ལག་དགུའི་ཚུལ་གྱིས་མདོ་སྡེ་སྤོང་བ་མ་ཡིན་ནོ། ། གཞན་དུ་ན་ནི་དེ་ལྟར་འགྱུར་རོ།། གསོལ་པ། སེམས་ཅན་ཐམས་ཅད་ལ་སངས་རྒྱས་ཀྱི་ཁམས་མཆིས་པར་གསུང ་རབ་ཡན་ལག་དགུ་ལས་ངེས་པར་བསྟན་ན། གང་ཟག་ཏུ་ལྟ་བར་ཇི་ལྟར་མི་འགྱུར་ལགས། བདག་གིས་ཐོས་པ་བཞིན་དུ་ཇི་ལྟར་གཟུང་བར་བགྱི། དེ་ལྟར་ན་ནི་མིའི་ཆོས་ལས་བླ་མར ་ཡང་འགྱུར་ལགས་སོ། ། བཀའ་སྩལ་པ། ཇི་ལྟར་རྒྱ་མཚོའི་ནང་ན་རིན་པོ་ཆེ་ཡོན་ཏན་བརྒྱད་དང་ལྡན་པ་སྣ་ཚོགས་མེད་དོ་ཞེས་སྨྲས་པ་དེ་བཞིན་དུ། གསུང་རབ་ཡན་ལག་དགུ་ཤིན་ཏུ་རྒྱས་པའི། ་ཡེ་ཤེས་ཀྱི་རྒྱ་མཚོ་ཆེན་པོ་ལ་སངས་རྒྱས་ཀྱི་ཁམས་མེད་དོ་ཞེས་ཟེར་བའང་དེ་དང་འདྲ་སྟེ། སངས་རྒྱས་ཀྱི་གསུང་འདི་ནི་དེ་དག་གི་ཡུལ་མ་ཡིན་ལ། སངས་རྒྱས་ཀྱི་གསུང་ནི་སེམས་ཅན ་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་དོ་ཞེས་བྱ་བའི་གཏན་ཚིགས་དང་། རྟགས་རྣམས་ཀྱི་སྒོ་ནས་ཉན་ཐོས་དང་རང་སངས་རྒྱས་ཐམས་ཅད་ཀྱི་ཡུལ་ཡང་མ་ཡིན་པར་མངོན་ནོ།། ་ཐེག་པ་ཆེན་པོ་ལས་ནི་བདག་དང་། སྲོག་བཤིག་པའང་མེད་དེ། དེ་བས་ན་སངས་རྒྱས་ནི་དབུ་མའི་ལམ་ཞེས་བྱའོ།། གང་དག་བདག་གི་ལུས་ལ་སངས་རྒྱས་ཀྱི་ཁམས་ཡོད་དེ། བདག་གིས ་སངས་རྒྱས་ཐོབ་པར་འགྱུར་མོད་ཀྱི། ཉོན་མོངས་པ་ཟད་པར་བྱ་དགོས་སོ་ཞེས་དེ་སྐད་ཟེར་བ་དེ་དག་ནི་ངའི་ཉན་ཐོས་ཡིན་ནོ།། ཅིག་ཤོས་ནི་མིའི་ཆོས་ལས་བླ་མར་གྱུར་པའི་ཉེས་པ་བྱུང་བ་ཡིན་ནོ། ་ཞེས་ང་ཟེར་རོ།། ངས་དེ་སྐད་ཅེས་བསྟན་པའི་ཕྱིར། འདི་སྐད་ཅེས་ཟེར་ཏེ། བཅོམ་ལྡན་འདས་ཀྱི་དམ་པའི་ཆོས་ཐོབ་པར་འགྱུར་བའི་སངས་རྒྱས་ཀྱི་ས་ནས་གཟིགས་པས་ན། བདག ་ཀྱང་སངས་རྒྱས་བཅོམ་ལྡན་འདས་སུ་འགྱུར་རོ་ཞེས་ཟེར་བ་གང་ཡིན་པ་དེ་མིའི་ཆོས་ལས་བླ་མའི་ཉེས་པར་འགྱུར་རམ་ཞེ་ན། མིའི་ཆོས་ལས་བླ་མར་གྱུར་པའི་ཉེས་པར་མི་འགྱུར་ཏེ། དེ་ནི ་རིམ་གྱིས་སངས་རྒྱས་སུ་འགྱུར་རོ་ཞེས་ང་ཟེར་རོ། ། དེ་ལྟར་ན་སངས་རྒྱས་ཀྱི་གསུང་ནི་ཆ་ཕྲ་ཞིང་ཟབ་པ་ཡིན་ནོ།། གསོལ་པ་འདི་ན་རྒྱལ་པོ་ལ་ལ་ཞིག་འདི་སྐད་ཅེས་མཆི་སྟེ། ་ཇི་ལྟར་ན་དགེ་སློང་མིའི་ཆོས་ལས་བླ་མར་གྱུར་པའི་ཉེས་པ་བྱུང་བ་ཞེས་བགྱི་ཞེས་མཆི་བ་ལ་ལན་གདབ་འཚལ་ལགས་སོ།། བཀའ་སྩལ་པ། འདི་ན་དགེ་སློང་རྙེད་པ་དང་བཀུར་སྟིའི་ཕྱིར་རམ། ་ཟང་ཟིང་གི་ཕྱིར་ཚུལ་འཆོས་པ་དང་། ཁ་གསག་བྱེད་པ་ཡོད་དོ།། ཇི་ལྟར་བྱས་ན་བདག་བསོད་སྙོམས་པ་ཡིན་པས་གཞན་དག་གོས་ཤེས་པར་འགྱུར་ཞིག་གུ། དེ་ལྟར་བྱས་དང་རྙེད་པ་ཐོབ ་པར་འགྱུར་རོ་སྙམ་སྟེ། བསྔགས་པ་འདོད་པ་རྨོངས་པའི་རང་བཞིན་ཅན་དུ་གྱུར་པས། བདག་གིས་འབྲས་བུ་མ་ཐོབ་པར། བདག་གིས་འབྲས་བུ་ཐོབ་པར་གཞན་གྱིས་ཤེས་པར་བྱའོ།། ་བདག་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་།། ཕྱིར་མི་འོང་བ་དང་། དགྲ་བཅོམ་པ་ཡིན་པར་གཞན་དག་གིས་ཤེས་པར་བྱའོ།། དགེ་བསྙེན་མདུན་ན་འཁོད་པ་རྣམས་ཀྱང ་བོ་ཐམས་ཅད་ཀྱིས་བདག་དེ་ལྟ་བུ་ཡིན་པར་ཤེས་པར་འགྱུར་བའི་ཚིག་སྨྲར་གཞུག་གོ་སྙམ་ནས། ཆོས་ཐོས་པར་བྱ་བའི་ཕྱིར་མ་ཡིན་པར་ཡིད་ལ་བྱེད་པ་དེ་ལྟ་བུས་རྙེད་པ་དང་། བཀུར་སྟི་དང་། ་བླ་མའི་མཆོད་པ་དང་། ཕྱག་བྱ་བ་དང་། ཟང་ཟིང་གི་ཕྱིར་དགྲ་བཅོམ་པ་འདྲ་བར་ཕན་ཚུན་ལྟ་བུའི་ཐབས་དང་། མིག་འཛུམ་པ་དང་། འགྲོས་རྣམས་འཆོས་པར་བྱེད་ཅིང ་ཆོས་གོས་དང་། སྣམ་སྦྱར་དང་། ལྷུང་བཟེད་རྣམས་འཆང་ལ། མལ་ཆ་དང་། སྟན་གསར་པའི་སྟེང་ན་འདུག་པ་དང་། སྐྱེ་བོ་དག་གིས་བདག་གི་དགེ་སློང་བཟང་པོ་དགེ་སློང་དཀའ་ཐུབ ་ཅན་ཡིན་ནོ་ཞེས་བརྗོད་པར་འགྱུར་བར་བྱའོ། ། འོན་ཏང་བདག་འཁོར་དང་སློབ་མ་དག་དང་ལྡན་པར་འགྱུར་རོ།། དེ་ནས་སྡེ་ཚན་བཅས་པ་དང་། བཟའ་བ་དང་། བཅའ་བ་དང་། བལྡག ་བ་དང་། བཏུང་བའི་ཡོ་བྱད་རྣམས་རྙེད་པར་འགྱུར་རོ།། བུད་མེད་རྣམས་ཀྱིས་ཀྱང་བཀུར་བར་འགྱུར་རོ་སྙམ་པའི་སེམས་ཀྱིས་རྟོག་པས། ནང་མི་དང་གཡོག་འཁོར་རྣམས་ལ་ཤེས་པར་བྱེད ་དེ་དེ་ལྟ་བུར་འཆབ་པའི་དགེ་སློང་ངམ། དགེ་སློང་མ་ནི་མིའི་ཆོས་ལས་བླ་མར་གྱུར་པའི་ཉེས་པ་བྱུང་བ་ཡིན་ནོ་ཞེས་ང་ཟེར་རོ།། གཞན་ཡང་འདི་ན་དགེ་སློང་ལ་ལ་དམ་པའི་ཆོས་འབྱུང་བར་བྱའོ།། ་སྙམ་པའི་སེམས་ཀྱིས་མ་ལ་ཆ་དང་སྟན་གསར་པ་ལ་འདུག་ཅིང་། སྐྱེ་བོ་ཐམས་ཅད་ཀྱིས་ཀྱང་ཀྱེ་མ་དགེ་སློང་འདི་ནི་དགེ་བ་བཟང་པོ་ཞིག་གོ་སྙམ་དུ་བདག་དགྲ་བཅོམ་པ་མ་ཡིན་པར་དགྲ་བཅོམ་པ་དང ་འདྲ་བར་ཤེས་པར་བྱའོ། ། བདག་དེ་ལྟ་བ་ཡིན་པར་ཤེས་པ་དང་། དགེ་སློང་མང་པོ་དག་བདག་གི་འཁོར་དུ་འགྱུར་ལ། འདི་ལས་ཕྱི་རོལ་པ་དག་ཀྱང་དགེ་བསྙེན་དུ་འགྱུར་རོ།། ཚུལ་ཁྲིམས ་འཆལ་པ་རྣམས་ཀྱང་ཞུམ་པར་འགྱུར་རོ། ། དེ་ནས་བདག་གིས་དམ་པའི་ཆོས་ཀྱང་དབྱུང་བར་བྱའོ།། དེ་བཞིན་གཤེགས་པའི་ཆེ་བ་རྣམས་ཀྱང་བསྟན་པར་བྱའོ།། ཤིན་ཏུ་རྒྱས་པའི་མདོ་སྡེ ་རྣམས་ཀྱང་བསྒྲག་པར་བྱའོ། ། སེམས་ཅན་ཐམས་ཅད་ཀྱང་ངེས་པར་བསྒྲལ་བར་བྱའོ།། འདུལ་བ་དང་འདུལ་བ་མ་ཡིན་པའི་བྱེ་བྲག་ཀྱང་བྱེད་པར་བྱའོ།། བདག ་ལ་སངས་རྒྱས་སུ་འགྱུར་བའི་ས་བོན་དེ་བཞིན་གཤེགས་པའི་སྙིང་པོ་ཞེས་བྱ་བ་ཡོད་དེ། བདག་གིས་སངས་རྒྱས་ཐོབ་པར་འགྱུར་རོ།། བདག་གིས་ཉོན་མོངས་པའི་རྣམ་པ་རྣམས་རྣམ་པར ་གཞོམ་པར་བྱའོ། ། དགེ་བསྙེན་ཁྱེད་རྣམས་ལའང་སངས་རྒྱས་ཀྱི་ཁམས་ཡོད་དེ།། བདག་ཅག་ཀུན་ཀྱང་སངས་རྒྱས་སུ་འགྱུར་ཞིང་། དེ་བཞིན་གཤེགས་པའི་ས་ཐོབ་པར་འགྱུར་རོ།། ་ཉོན་མོངས་པའི་རྣམ་པ་རྣམས་ཟད་པར་བྱའོ་སྙམ་དུ་སེམས་པ་དེ་ལྟ་བུ་ནི་དམ་པའི་ཆོས་ཀྱི་རྟོག་པའི་སྒོ་ནས་བྱང་ཆུབ་སེམས་དཔའ་ཡིན་ཏེ། མིའི་ཆོས་ལས་བླ་མར་གྱུར་པའི་ཉེས་པ་བྱུང་བ་མ་ཡིན་ནོ།། ་ཞེས་ང་ཟེར་རོ།། ཉེས་བྱས་ཀྱི་ཉེས་པ་བྱུང་བས་ཀྱང་སུམ་ཅུ་རྩ་གསུམ་པའི་ལྷ་རྣམས་ཀྱི་ལོ་གྲངས་པས་ཀྱང་ལྷག་པར་ལོ་བརྒྱད་ཁྲིའི་བར་དུ་སེམས་ཅན་དམྱལ་བར་བཙོས་པར་འགྱུར་ན ་ཉེས་པ་སྦོམ་པོ་ལྟ་ཅི་སྨོས་ཏེ། ཐེག་པ་ཆེན་པོ་འདི་ལ་ནི་ཉེས་པ་སྦོམ་པོའི་ཉེས་པ་བྱུང་བ་དང་བསྟེན་པར་མི་བྱའོ།། ཉེས་པ་སྦོམ་པོ་ཞེས་བྱ་བ་ནི།། བཅོམ་ལྡན་འདས་ཀྱིས ་མཆོད་རྟེན་བསྲུང་བའི་ཕྱིར། གཞན་གྱིས་ཡོངས་སུ་བཟུང་བ་ལ་མེ་ཏོག་གི་འཕྲེང་བ་བཏགས་པ་དེ་བརྙོངས་ནས། སྲད་བུ་དགོས་པའི་ཕྱིར་ལེན་པར་བྱེད་དེ། དགེ་སློང ་རྣམས་ལ་འཛེམ་སྟེ། དགེ་སློང་རྣམས་ལ་མ་དྲིས་པར་དགེ་སློང་གིས་བླངས་ན་ཉེས་པ་སྦོམ་པོའི་བརྐུ་བའི་སེམས་ཀྱིས་མཆོད་རྟེན་བཤིག་ནའང་ཉེས་པ་སྦོམ་པོའི་ཉེས་པ་ཅན་དུ ་འགྱུར་ཏེ། དེ་ལྟ་བུ་དག་དང་བསྟེན་པར་མི་བྱའོ།། འདི་ན་ཁྱིམ་བདག་གམ། བློན་པོ་ལ་ལ་ཞིག་གིས་གལ་ཏེ་ཆོས་ཀྱི་བསམ་པས་སྐུ་གདུང་ལ་བཀུར་སྟིར་བྱ་བ་འམ། ལགུ ་དགོས་པའི་ཕྱིར། མཆོད་རྟེན་རྙིང་པ་བཤིག་སྟེ། བླངས་ནས་ཁྱིམ་བདག་གམ། བློན་པོ་དེས་མཆོད་རྟེན་དེ་ལས་གསེར་དངུལ་ཞིག་བྱུང་ན། དེ་དགེ་སློང་འགའ་ཞིག་གི་ལག ་ཏུ་གཏད་པ་ལས། དགེ་སློང་དེས་དེ་བླངས་ཏེ། བདག་གི་ནོར་དུ་བྱས་ལ་རྩོད་པར་བྱེད་ན་དགེ་སློང་དེ་ལ་ལེགས་པ་མ་ཡིན་ནོ།། དགེ་བསྙེན་དེ་དག་ནི་ཆོས་ལ་གནས་པ་ཡིན་ནོ།། ་དགེ་སློང་དེ་ནི་ཡིད་བརྟན་དུ་མི་རུང་སྟེ་བསྟེན་པར་མི་བྱའོ།། མ་ནིང་ཡིན་པར་ཤེས་པར་བྱའོ།། མཚན་གཉིས་པར་ཤེས་པར་བྱའོ།། མཚན་གཉིས་པ་ཞེས་བྱ་བ་ནི་གང་ལ་མཚན་གཉིས ་ཡོད་པ་སྟེ། གང་གི་ཚེ་སྐྱེས་པའི་འདོད་ཆགས་སྐྱེས་པ་དེའི་ཚེ་ནི། བུད་མེད་དང་འདོད་པ་སྤྱོད་པར་བྱེད་ལ། གང་གི་ཚེ་བུད་མེད་ཀྱི་འདོད་ཆག་སྐྱེས་པ་དེའི་ཚེ་ནི། སྐྱེས་པ་དང་འདོད་པ་སྤྱོད་པར་བྱེད་དོ།། ་དེ་བས་ན་མཚན་གཉིས་པ་ཞེས་བྱ་སྟེ། དེ་དང་ཡང་བསྟེན་པར་མི་བྱའོ།། དེ་ལྟར་དེ་ལྟ་བུ་དག་དང་ཡང་བསྟེན་པར་མི་བྱ་ན། བསླབ་པའི་གཞི་ལྔའི་ངེས་པ་བྱེད་པ་དེ་དག་ལྟ་ག་ལ་བསྟེན་དུ་ག ་ལ་རུང་། ། ། འཕགས་པ་ཡོངས་སུ་མྱ་ངན་ལས་འདས་པ་ཆེན་པོ་ཐེག་པ་ཆེན་པོའི་མདོ་བྲམ་པོ་དགུ་པ། དགེ་སློང་རྣམས་ཀྱིས ་ནི་ཐོག་མར་དགེ་སྦྱོང་གི་ཆོས་ཀྱིས་ཐོག་སྦུར་རྣམས་ལའང་སྙིང་རྗེ་བྱའོ། ། དགེ་སྦྱོང་ཆོས་ཀྱིས་རྐང་གི་དྲི་བྲོ་བའི་བཏུང་བའང་སྤང་བར་བྱའོ།། དགེ་སྦྱོང་གི་ཆོས་ཀྱིས་རྨི་ལམ་དུའང་བརྫུན་དུ་སྔ ་བའི་སེམས་བསྐྱེད་པར་མི་བྱའོ། ། དགེ་སྦྱོང་གི་ཆོས་ཀྱིས་རྨི་ལམ་དུའང་བུད་མེད་དང་ཕྲད་པའི་སེམས་བསྐྱེད་པར་མི་བྱའོ།། གསོལ་པ། ཅི་ལགས། རྨི་ལམ་དུ་བུད་མེད་དང་ཕྲད་པར་གྱུར་ན། ་མི་ཚངས་པར་སྤྱོད་པའི་ནོངས་པར་འགྱུར་ལགས་སམ། བཀའ་སྩལ་པ། མི་འགྱུར་ཏེ། གལ་ཏེ་བློ་གྲོས་དང་། དྲན་པ་དང་ལྡན་པ་འདོད་པ་དྲི་ང་ལ་མི་ཚངས་པར་སྤྱད་པའི་སེམས་མི་སྐྱེད ་ནདེ་ནི་ཉོན་མོངས་པ་དང་བུད་མེད་ཀྱི་གཏམ་སྨད་པས། རྟོག་པ་ཡང་དག་པར་ཆད་པའི་ཕྱིར་སེམས་སྐྱེད་མི་སྲིད་དོ།། རྨི་ལམ་དུ་ཕྲད་པར་གྱུར་ནའང་། ནང་པར་སད་ན་མུ་གེ་བྱུང་བའི་ཚེ་དགེ། ་སློང་གོས་རང་གི་བུའི་ཤའི་ཟས་ཟོས་པ་བཞིན་དུ་འགྱོད་པར་འགྱུར་ན། དེ་ལ་གཙང་ངོ་སྙམ་པའི་བློ་ལྟ་ག་ལ་འབྱུང་། གལ་ཏེ་སེམས་སྐྱེས་ནས་ཡང་ཕྱིར་གཞིལ་བར་བྱའོ་ཞེས་ཟེར་བ ་དེ་ལྟ་བུའི་ཆོས་ཀྱི་སྒོ་ནི། སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཡིན་པར་རིག་པར་བྱའོ།། བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཚད་མར་བྱེད་པའི ་སེམས་ཅན་གང་ཡིན་པ་དེ་དག་ནི་བདུད་དང་མཐུན་པར་བྱེད་པ་ཡིན་པར་རིག་པར་བྱའོ། ། སངས་རྒྱས་ཀྱིས་གསུངས་པའི་མདོ་སྡེ་དང་། འདུལ་བ་ཚད་མར་བྱེད་པ་གང་ཡིན་པ་དེ་དག་ནི་བྱང་ཆུབ ་སེམས་དཔའ་ཡིན་པར་རིག་པར་བྱའོ། ། དཔའ་བོའི་འདུག་སྟངས་དང་། མི་སྨྲ་བར་འདུག་པ་དང་། གཡང་སར་མཆོང་བ་དང་། དུགཟང་དང་། སྨྱུང་བར་འདུག་པ་དང་། བདག་ཉིད ་འཆིང་བར་བྱེད་པ་དང་། བདག་ཉིད་གསོད་པར་བྱེད་པ་དང་། ཞེ་ནོམ་བྱེད་དུ་འཇུག་པ་དང་། རིག་སྔགས་དང་། གསང་སྔགས་ཟློས་པ་དང་། སྐྲུན་པའི་ལས་བྱེད་པར་བཅོམ་ལྡན་འདས ་ཀྱིས་གནང་ངོ་། ། གདོལ་པའི་བུ་དང་། མ་ནིང་དང་། མཚན་གཉིས་པ་དང་། ཡན་ལག་ཉམས་པ་ཐམས་ཅད་རབ་ཏུ་འབྱུང་བར་བཅོམ་ལྡན་འདས་ཀྱིས་གནང་ངོ་།། དེ་བཞིན་གཤེགས་པས ་ནི་བའི་བཅུད་རྣམ་ལྔ་དང་། སྦྲང་རྩི་དང་། འབྲུ་མར་ལ་སོགས་པ་དང་། ཟབ་དར་དང་། དུང་དང་། ལྷམ་དང་། འབྲུ་ལ་སོགས་པ་སྤངས་ཏེ། ཤིང་ངོ་ཅོག་ལ་སྲོག་དང་འདུ་ཤེས་ཡོད་པར ་གཟིགས་ན། ཡོངས་སུ་མྱ་ངན་ལས་འདས་སོ་ཞེས་ཟེར་བ་དེ་ལྟ་བུ་ནི། བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཡིན་པར་རིག་པར་བྱ་སྟེ།། དཔའ་བོའི་འདུག་སྟངས་ཀྱིས་གནས་པ་དང་། ་འཆག་པ་ལ་སོགས་པ་ཆོས་ཀྱི་བྱ་བ་རྣམས་ནི་མ་གཏོགས་སོ།། དུག་ཟ་བ་དངག་། མེར་མཆོང་བ་དང་། སྦྱང་བར་འདུག་པ་དང་། གཡང་སར་མཆོད་བ་དང་། བདག་ཉིད་འཆིང་བར་བྱེད་པ་དང་། བདག ་ཉིད་གསོད་པར་བྱེད་པ་དང་། ཞེ་ནོམ་བྱེད་དུ་འཇུག་པ་དང་། རིག་སྔགས་དང་། གསང་སྔགས་ཟློས་པ་དང་། བསྐྲུན་པའི་ལས་བྱེད་པ་རྣམས་ནི་ངས་མ་གནང་ངོ་།། བའི་བཅུན། ་རྣམ་ལྔ་དང་། སྦྲང་རྩི་དང་། འབྲུ་མར་ལ་སོགས་པ་དང་། ཟབ་དར་དང་། དུང་དང་། ལྷ་མ་དང་། འབྲུ་ལ་སོགས་པ་ལ་ཤའི་འདུ་ཤེས་མེད་པ་དང་། ཤིང་ཐམས་ཅད་ལ་སྲོག་མེད་པའི་འདུ ་ཤེས་དང་། སེམས་པའི་འདུ་ཤེས་མེད་པར་ངས་གནང་ངོ་།། གཞན་དུ་ལྟ་བ་གང་ཡིན་པ་དེ་དག་ནི། མུ་སྟེགས་ཅན་གྱི་ཉན་ཐོས་ཡིན་ནོ།། ངའི་བཀའ་བཞིན་དུ་བྱེད་པ་གང་ཡིན་པ་དེ་དག་ནི་ངའི ་ཉན་ཐོས་ཡིན་ནོ་ཞེས་ང་ཟེར་རོ། ། ཁམས་བཞི་ལ་ནི་སྲོག་དང་འདུ་ཤེས་ཡོད་ཅེས་ང་མི་ཟེར་རོ་ཞེས་ཟེར་བ་དེ་ལྟ་བུའི་མདོ་སྡེ་དང་འདུལ་བ་ནི། སངས་རྒྱས་ཀྱིས་གསུངས་པ་ཡིན་པར་རིག་པར་བྱའོ།། ་བདུད་ཀྱིས་སྨྲས་པའི་མདོ་སྡེ་དང་། འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི་བདུད་དང་མཐུན་པར་བྱེད་པ་ཡིན་པར་རིག་པར་བྱའོ།། སངས་རྒྱས་ཀྱིས་གསུངས ་པའི་མདོ་སྡེ་དང་། འདུལ་བ་ཚད་མར་བྱེད་པ་གང་ཡིན་པ་དེ་དག་ནི་བྱང་ཆུབ་སེམས་དཔའ་ཡིན་པར་རིག་པར་བྱའོ།། རིགས་ཀྱི་བུ་འདི་ནི་ངས་བདུད་ཀྱིས་སྨྲས་པ་དང་། སངས་རྒྱས ་ཀྱིས་གསུངས་པའི་བྱེ་བྲག་རྒྱས་པར་བསྟན་པ་ཡིན་ནོ། ། གསོལ་པ། བཅོམ་ལྡན་འདས་བདག་ནི་དེང་གདོད་སངས་རྒྱས་ཀྱི་བཀའ་བཞིན་ལ་ཞུགས་ལགས་སོ།། བཀའ་སྩལ་པ། རིགས ་ཀྱི་བུ་ལེགས་སོ་ལེགས་སོ། ། རིགས་ཀྱི་བུ་ཁྱོད་ལེགས་ཏེ། མཁས་པས་ནི་དེ་ལྟར་བྱ་དགོས་སོ།། ཡང་བཀའ་སྩལ་པ། རིགས་ཀྱི་བུ་འདི་ནི་སྡུག་བསྔལ་ལོ་ཞེས་བྱ་བ་ནི། འཕགས་པ ་རྣམས་ཀྱི་བདེན་པ་ཞེས་མི་བྱ་སྟེ། སྡུག་བསྔལ་དེའང་གང་ཞེ་ན། སྡུག་བསྔལ་ཞེས་བྱ་བ་ནི་བགླང་དང་། བོང་བུ་ལ་སོགས་པ་དང་། སེམས་ཅན་དམྱལ་བ་པ་རྣམས་ལའང་ཡོད་དེ། གལ་ཏེ་སྡུག ་བསྔལ་དེ་བདེན་པ་ཡིན་དུ་ཟིན་ན་དེ་རྣམས་ཀྱིའང་བདེན་པ་ཡིན་པར་འགྱུར་རོ། ། སྡུག་བསྔལ་ཞེས་བྱ་བ་འདི་ནི། ཀྱེ་མ་སྡུག་བསྔལ་ཤེས་པ་ཞེས་བྱ་བ་ལ་དེ་བཞིན་གཤེགས་པ་རྟག་པའོ།། ཆོས ་ཀྱི་སྐུ་ཡིན་ཏེ་ཤའི་སྐུ་མ་ཡིན་ནོ་ཞེས་དེ་བཞིན་གཤེགས་པའི་ཆེ་བ་ཉིད་ཤེས་པ་ནི། སྡུག་བསྔལ་ཤེས་པའོ།། དེ་མ་ཐོབ་ཀྱི་བར་དུ་སེམས་ཅན་རྣམས་ཆོས་མ་ཡིན་པ་ལ་ཆོས་ཡིན་ནོ་སྙམ་དུ་ཡོངས ་སུ་བརྟགས་ནས་འཁོར་བའི་འཁོར་ལོ་ཤིན་ཏུ་སྡུག་བསྔལ་བའི་གནས་སུ་ཡུན་རིང་པོར་སྡུག་བསྔལ་ཉམས་སུ་མྱོང་ནས་ངན་འགྲོར་འགྲོ་བར་འགྱུར་རོ། ། གང་གི་ཚེ་དེ་བཞིན་གཤེགས་པ་རྟག་པར ་ཤེས་པ་དེའི་ཚེ་ནི་ཡིག་འབྲུ་གཉིས་པོ་ཇི་ལྟ་བུར་ཐོས་ཀྱང་རུང་སྟེ། བདེ་འགྲོར་འགྲོ་བར་འགྱུར་རོ།། དེ་ནས་ཐར་པའང་ཐོབ་པར་འགྱུར་རོ།། དེས་ན་འདི་ནི་རྫུ་འཕྲུལ་གྱི་བདེ་བ་ཡིན་ནོ་སྙམ ་དུ་རང་གིས་རྟོགས་པར་འགྱུར་ཏེ། དེ་བཞིན་གཤེགས་པ་རྟག་ཅེས་བྱ་བ་ཐོས་པ་ཙམ་གྱིས་རྒྱུ་དེས་ནི་བདག་འདིར་འོངས་སོ།། དེ་བཞིན་གཤེགས་པ་རྟག་པར་མ་ཤེས་ཀྱི་བར་དུ་ནི་ཡུན་དེ ་སྲིད་ཀྱི་བར་དུ་བདག་སྡུག་བསྔཔ་རྣམས་ཀྱི་ནང་དུ་འཁོད་དོ། ། དེ་ནི་སྡུག་བསྔལ་ཤེས་སོ་ཞེས་བྱ་བ་འདི་ནི་བདེན་པ་ཡིན་ནོ།། གཞན་དག་ནི་སྡུག་བསྔལ་བསྒོམ་པའི་དོན ་མེད་པའོ། ། འདི་ནི་སྡུག་བསྔལ་ཀུན་འབྱུང་བའོ་ཞེས་བྱ་བ་ནི་ཆོས་ཀྱི་དེ་ཁོ་ན་ཉིད་མ་ཤེས་ནས་ཆོས་ལ་དགོས་པའི་ཕྱིར་བྲན་དང་བྲན་མོ་ལ་སོགས་པ་རྫས་ངན་པ་དུ་མ་ལེན་པར་བྱེད་ཅིང་། ་ཆོས་མ་ཡིན་པ་ལ་ཆོས་ཡིན་ནོ་སྙམ་དུ་འཛིན་ཏེ། དམ་པའི་ཆོས་ནུབ་པར་བྱེད་ཅིང་། དམ་པའི་ཆོས་མི་སྣང་བར་བྱེད་པར་འགྱུར་ཏེ། དམ་པའི་ཆོས་གནས་པར་བྱ་བའི་ཐབས་མི་ཤེས ་པས་འདི་ལྟར་འཛིན་ཏེ། དམ་པའི་ཆོས་འཇིག་པར་འགྱུར་ཞེས་བྱ་བ་མེད་དོ་སྙམ་ནས། དེའི་འབྲས་བུས་འཁོར་བའི་སྡུག་བསྔལ་རྣམས་ཀྱི་ནང་དུ་ཡོངས་སུ་འཁྱམ་མོ།། དེ་ནས་མཐོ ་རིས་དང་ཐར་པ་ཐོབ་པར་འགྱུར་ཏེ། མཐོ་རིས་དང་ཐར་པ་ཐོབ་པའི་སྡུག་བསྔལ་ཀུན་འབྱུང་བའི་དེ་ཁོ་ན་ཉིད་བདག་གིས་མ་ཤེས་པས་དམ་པའི་ཆོས་འཇིག་པའི་རྒྱུར་གྱུར་ཏེ། ཉེས་པར་སྨྲས ་བའི་ཚིག་གིས་ཡུན་འདི་སྲིད་ཀྱི་བར་དུ་ཉོན་མོངས་པར་གྱུར་ཏོ་སྙམ་དུ་ཤེས་པ་འདི་ནི་སྡུག་བསྔལ་ཀུན་འབྱུང་བ་ཤེས་པ་ཞེས་བརྗོད་པར་བྱའོ། ། གཞན་དག་གི་ནི་དེ་ལྟ་མ་ཡིན་ནོ།། འདི་ནི་སྡུག ་བསྔལ་འགོག་པ་ཞེས་བྱ་བ་ལ། སྟོང་པ་ཉིད་བསྒོམ་པ་ནི་གཏན་དུ་སྟོང་པ་ཉིད་བསྒོམ་པ་ཐམས་ཅད་ཟད་པ་དེ་བཞིན་གཤེགས་པའི་སྙིང་པོ་མེད་པར་བྱེད་པ་དེ་ལྟ་མ་ཡིན་ཏེ། སྡུག་བསྔལ་འགོག ་བ་བསྒོམ་པ་ནི། ཡམཚན་ཅན་ཐམས་ཅད་ལའང་དོན་དང་འགལ་བའི་སྟོང་པ་ཉིད་ཡོད་དེ། དེ་རྣམས་ཀྱིའང་སྡུག་བསྔལ་བགོག་པ་ཞེས་བྱ་བར་འགྱུར་རོ།། སེམས་ཅན་ཐམས་ཅད་ལ་ནི་དེ་བཞིན། ་གཤེགས་པའི་སྙིང་པོ་ཡོད་དེ། དེ་ནི་གསལ་བར་མི་མངོན་ནོ།། གང་གི་ཚེ་ཉོན་མོངས་པ་ཟད་པའི་ཚེ། དེ་བཞིན་གཤེགས་པའི་སྙིང་པོ་ལ་འཇུག་པ་ཁྱེད་ཀྱིས་མཐོང་བར་འགྱུར་རོ།། གང་གི་ཚེ ་ས་ཨེམས་གཅིག་བསྐྱེད་པའི་ལས་ཀྱི་འབྲས་བུས་བདག་གིས་ཆོས་ཀྱི་དབང་ཕྱུག་རྟག་པ་དང་བདེ་བ་འཐོབ་བོ་སྙམ་དུ་ཁྱེད་ཀྱིས་ཤེས་པར་གྱུར་པ་དེ་ནི་སྡུག་བསྔལ་འགོག་པ་བསྒོམ་པར་བྱ་བ་ལ་བསྒོམས་པ་ཡིན ་ནོ། དེ་བཞིན་གཤེགས་པའི་སྙིང་པོ་བདག་མེད་པར་སྒོམས་ཤིག། གཏན་དུ་སྟོང་པ་ཉིད་བསྒོམས་པས་ནི་སྡུག་བསྔལ་རྣམས་མ་འགགས་པར་ཕྱེ་མ་ལེབ་མར་མོའི་ནང་དུ་སོང་བ་བཞིན་དུ་འགྱུར་རོ།། དེ ་ལྷ་མ་ཡིན་པར་དེ་བཞིན་གཤེགས་པའི་སྙིང་པོ་ཡོད་པར་བསྒོམས་པའི་སེམས་ཅན་རྣམས་ནི་ཉོན་མོངས་པ་རྣམས་ཡོད་བཞིན་དུ་ཉོན་མོངས་པའི་རྣམ་པ་འགོག་པར་བྱེད་དོ། ། དེ་ཅིའི་ཕྱིར་ཞེ་ན ་དེ་བཞིན་གཤེགས་པའི་སྙིང་པོའི་རྐྱེན་གྱི་ཕྱིར་ཏེ། དེ་ཤེས་པ་ནི་ཡང་དག་པར་རྫོགས་པའི་སངས་རྒྱས་ཀྱི་བཀའ་ལས་སྡུག་བསྔལ་འགོག་པའི་ཚིག་བདེན་པ་ཞེས་བྱའོ།། གཞན་ནི་བསྒོམ་པ་མ ་ཡིན་པ་ལ་བསྒོམས་པའོ། ། འདི་ནི་སྡུག་བསྔལ་འགོག་པར་འགྱུར་བའི་ལམ་ཞེས་བྱ་བ་ནི། དེ་བཞིན་གཤེགས་པ་དང་། ཆོས་དང་། དགེ་འདུན་དང་། ཐར་པ་རྣམས་ཏེ། འདི་ལྟར་དེ ་རྣམས་ལ་ཕྱིན་ཅི་ལོག་ཏུ་གྱུར་པའི་དངོས་པོ་ནི་ཐར་པའོ། ། ཐར་པ་ལ་ཡང་ཅི་བང་མེད་དོ་སྙམ་པ་དེ་ནི་འདི་ལྟར་སྒྱུ་མར་འདུག་སྟེ། འཁོར་བའི་སྡུག་བསྔལ་གྱི་ནང་དུ་ཡོངས་སུ་འཁྱམ་པ ་ཡིན་པ་ལ། བསྒོམ་ཉེས་པ་དེའི་འབྲས་བུས་ནི་ཡུན་རིང་པོར་སྡུག་བསྔལ་ཉམས་སུ་མྱོང་བར་འགྱུར་རོ།། ད་ནི་བདག་གིས་དེ་བཞིན་གཤེགས་པ་དང་། ཆོས་དང་། དགེ་འདུནན་དང་། ཐར་པ ་རྣམས་རྟག་པ་དང་། བརྟན་པ་དང་། ཟེར་ཟུག་པ་དང་། འཇིག་པར་མི་འགྱུར་བར་སེམས་གཅིག་བསྐྱེད་པའི་འབྲས་བུས་དབང་ཕྱུག་རྟག་པའི་འབྲས་བུ་ཐོབ་བོ།། ཕྱིན་ཅིཚེ་ལོག་བཞི་བོ་སྡུག ་བསྔལ་དང་། བདག་མེད་པ་དང་། མི་གཙང་བ་རྣམས་ཆོས་མ་ཡིན་པ་ལ་ཆོས་ཡིན་ནོ་སྙམ་དུ་འཛིན་པས་ལྟ་བ་ངན་པའི་འབྲས་བུ་མྱོང་བ་འདི་ནི། སྡུག་བསྔལ་འགོག་པ་ར་འགྱུར་བའི་ལམ ་ཞེས་བྱའོ། ། གཞི་གསུམ་རྟག་པར་བསྒོམ་པ་བསྒྲུབ་པའི་ཕྱིར། མི་རྟག་པ་བསྒོམ་པ་གང་ཡིན་པ་དེ་དག་ནི་མི་བདེན་པ་ལ་བསྒོམ་པ་ལ་བསྒོམས་པ་ཡིན་ནོ།། དེ་ལྟར་རྟག་པར་བསྒོམ་པ་བགང་ཡིན ་པ་དེ་དག་ནི་ངའི་ཉན་ཐོས་ཡིན་ཏེ། འཕགས་པའི་བདེན་པ་བཞི་ཤེས་པའོ་ཞེས་ང་ཟེར་རོ།། འདི་རྣམས་ནི་བ་ལགས་པའི་བདེན་པ་བཞི་ཡོན་པར་རིག་པར་བྱའོ།། གསོལ་པ། བཅོམམ་ལྡན ་འདས་པ་ལགས་པའི་བདེན་པ་བཞིའི་ལམ་འདིའི་ཚུལ་གྱིས་བསྒོམ་པར་བགྱི་བ་བདག་གིས་ད་གཟོད་རྟོགས་ལགས་སོ། ། བཀའ་སྩལ་པ། སྡུག་བསྔལ་ལ་བདེ་བར་འདུ་ཤེས་རབ་ནི་ཕྱིན་ཅི་ལ་ལོག་ཡིན ་ནོར་ང་བདེ་བ་ལ་སྡུག་བསྔལ་བར་འདུ་ཤེས་པ་ནི་ཕྱིན་ཅི་ལོག་ཡིན་ནོ། ། དེ་ལ་དེ་བཞིན་གཤེགས་པ་མི་རྟག་ཅེས་བྱ་བ་དེ་ནི་སྡོག་པ་དང་སྡུག་བསྔལ་ཡོན་ནོ།། དེ་བཞིན་གགཤེགས་པ་བུ་ད་ཤིང་ཟད་པའི ་མེ་བཞིན་དུ་ཡོངས་སུ་མྱ་ངན་ལས་འདས་སོ་ཞེས་བྱ་བ་དེ་ནི་སྡིག་པ་དང་སྡུག་བསྔལ་ཡིན་ནོ། ། སྡུག་བསྔལ་མ་ཡིན་ནོ་ཞེས་བདག་ཉིད་སྒོམ་པར་བྱེད་པ་དང་། དེ་བཞིན་པགཤེགས་པ། མི་རྟག་གོ་ཞེས ་བྱ་བ་འདི་ནི་ཕྱིན་ཅི་ལོག་ཡིན་ནོ། ། བདེ་བ་ལ་སྡུག་བསྔལ་བར་འདུ་ཤེས་པ་ནི་ཕྱིན་ཅི་ལོག་ཡིན་ཏེ། དེ་བཞིན་གཤེགས་པ་རྟག་གོ་ཞེས་བསྒོམས་ན་གང་ཟག་ཏུ་ལྟ་བར་འགྱུར་དུ་འོངང་ངོ་སྙམ་ནས ་བསྒོམ་པ་འདི་ནི་སྡུག་བསྔལ་བའོ་སྙམ་པ་ནི་བདེ་བར་འདུ་ཤེས་པ་རྣམས་ཀྱི་ཕྱིན་ཅི་ལོག་ཡིན་ཏེ། འདི་ནི་ཕྱིན་ཅི་ལོག་དང་པོའོ།། མི་རྟག་པ་ལ་རྟག་པར་འདུ་ཤེས་པ་ནི་ཕྱིན་ཅི་ལོག་ཡོན་ནོ།། ་རྟག་པ་ལ་མི་རྟག་པར་འདུ་ཤེས་པ་ནི་ཕྱིན་ཅི་ལོག་ཡིན་ནོ།། དེ་ལ་གཏན་དུ་སྟོང་པ་ཉིད་བསྒོམས་ན་མི་ཚེ་ཐུང་བར་འགྱུར་རོ་སྙམ་ནས་དེའི་ཕྱིར་མི་རྟག་པ་ཉིད་ལ་སྟོང་པག་མ་ཡིན་པར་རབསྒོམས་ན ་བསྒོམས་པ་དེའི་འབྲས་བུས་ཚེ་རིང་བར་འགྱུར་རོ་སྙམ་པ་དེའང་ཕྱིན་ཅི་ལོག་ཡིན་ཏེ། འདི་ནི་ཕྱིན་ཅི་ལོག་གཉིས་པའོ།། བདག་མེད་པ་ལ་བདག་ཏུ་འདུ་ཤེས་པ་ནི་ཕྱིན་ཚེ་ཅི་ལོག་ཡིན་ན་ནོ།། བདག་ཡོད། ་བ་ལ་བདག་མེད་པར་འདུ་ཤེས་པ་ནི་ཕྱིན་ཅི་ལོག་ཡིན་ནོ།། དེ་ལ་འཇིག་རྟེན་པ་རྣམས་ལ་བདག་ཡོད་ཅེས་པ་སྟེ། འཇིག་རྟེན་དུ་སངས་རྒྱས་ཀྱི་གསུང་ལའང་བདག་ཡོད་པས་མ་ཡིན་ཏེ། དེ་བཞིན ་གཤེགས་པའི་སྙིང་པོའི་མིང་ཡང་མེད་དོ་ཞེས་བདག་མེད་པ་བསྒོམ་པ་འདི་ནི་ཕྱིན་ཅི་ལོག་གསུམ་པའོ། ། མི་གཙང་བ་ལ་གཙང་བར་འདུ་ཤེས་པ་ནི་ཕྱིན་ཅི་ལོག་ཡིན་ནོ།། གཙང ་བ་ལ་མི་གཙང་བར་འདུ་ཤེས་པ་ནི་ཕྱིན་ཅི་ལོག་ཡིན་ནོ། ། དེ་ལ་དེ་བཞིན་གཤེགས་པ་རྟག་སྟེ་ཤའི་སྐུ་མ་ཡིན་པ་ལ་ཤའི་སྐུ་ཡིན་ཏེ། ཤ་དང་། ཁྲག་དང་། རྒྱུས་སྦྲེལ་བ་ཡིན་ནོ།། མི་གཙང་བའོ།། ་ཆོས་དང་དགེ་འདུན་གཉིས་ཀྱང་ཐར་པ་ཐོབ་ནས་མི་སྣང་བར་འགྱུར་རོ་སྙམ་པ་ནི་གཙང་བ་ལ་མི་གཙང་བར་ཕྱིན་ཅི་ལོག་པ་ཡིན་ནོ།། བདག་གི་ལུས་ཐམས་ཅད་ནི་མི་གཙང་བ་ཡིན་ཏེ། གཙང ་ཞེས་བྱ་བ་ཅིའང་མེད་ན། བདག་གི་ལུས་ནི་གཙང་ངོ་སྙམ་དུ་བསྒོམ་པ་ནི་མི་གཙང་བ་ལ་གཙང་ངོ་སྙམ་དུ་འཛིན་པ་ཡིན་ནོ།། བདག་ཀྱང་གང་ན་ཅིའང་མེད་པ་དེར་འགྲོའོ་སྙམ་པ་ནི་གཙང་བ་ལ་མི ་གཙང་ངོ་སྙམ་དུ་སྒོམ་པ་རྨོངས་པར་བྱེད་པའི་ཆོས་ཡིན་ཏེ། འདི་ནི་ཕྱིན་ཅི་ལོག་བཞི་པ་ཡིན་པར་རིག་པར་བྱའོ།། གསོལ་པ། བཅོམ་ལྡན་འདས་བདག་ནི་ད་གཟོད་ཡང་དག་པའི་ལྟ་བ་ཅན་དུ ་གྱུར་ཏེ། འདི་སྲིད་ཀྱི་བར་དུ་ལོག་པར་ལྟ་བར་གྱུར་ལགས་སོ།། བཅོམ་ལྡན་འདས་ཅི་ལགས། སྲིད་པ་ཉི་ཤུ་རྩ་ལྔ་ལ་བདག་མཆིས་ཞེས་བགྱི་འམ། མ་མཆིས་ཞེས་བགྱི། བཀའ ་སྩལ་པ། བདག་ཅེས་བྱ་བ་ནི་དེ་བཞིན་གཤེགས་པའི་སྙིང་པོའི་དོན་ཏོ།། སངས་རྒྱས་ཀྱི་ཁམས་ནི་སེམས་ཅན་ཐམས་ཅད་ལ་ཡོད་མོད་ཀྱིས། དེའང་ཉོན་མོངས་པའི་རྣམ་པ་རྣམས་ཀྱིས་བསྒྲིབ ་ཏེ་བདག་ཉིད་ལ་ཡོད་བཞིན་དུ་སེམས་ཅན་རྣམས་ཀྱིས་མཐོང་བར་མི་ནུས་སོ། ། འདི་ལྟ་སྟེ། དཔེར་ན་གྲོང་ཁྱེར་ཆེན་པོ་ཞིག་ན་དབུལ་པོའི་ཁྱིམ་ཞིག་ན་གསེར་གྱི་གཏེར་ཟད་མི་ཤེས་པ་ཞིག་ཡོད ་ལ་དེ་ན་བུད་མེད་དབུལ་མོ་ཞིག་འདུག་པ་དེས་ཀྱང་བདག་གི་ཁྱིམ་གྱི་ས་འོག་ན་གཏེར་ཡོད་པར་མི་ཤེས་ཏེ། དེར་ཐབས་དང་ལྡན་པའི་མི་ཞིག་གིས་བུད་མེད་དེ་ལ་སྨྲས་པ། སྲུ་ཚུར་ཤོག། ་བདག་གིས་ཁྱོད་ལ་གླ་སྦྱིན་གྱིས། བདག་གི་ཞིང་ལས་བྱེད་དུ་སོང་ཞིག་ཅེས་བྱས་པ་དང་། དེས་དེ་ལ་སྨྲས་པ། ཇོ་བོ་བདག་མི་མཆིའོ།། གལ་ཏེ་ཁྱོད་ཀྱིས་བདག་གི་བུ་ལ་གཏེར་བསྟན ་ནནི་གཟོད་བདག་མཆི་བར་འཚལ་ལོ་ཞེས་འཐད་པས་གྲུབ་པའི་ཚིག་སྨྲས་པ་དང་། དེས་དེ་ལ་སྨྲས་པ། སྲུ་བདག་གི་བུ་ཁྱོད་ལས་སྐྱེས་མ་ཐག་ཏུ་བདག་གིས་རིན་པོ་ཆེ་དང་གསེར་གྱི ་གཏེར་ཟད་མི་ཤེས་པ་སྦྱིན་པར་བྱའོ། ། དེ་ནས་དེས། དེ་ལ་སྨྲས་པ། ཁྱོད་ཀྱིས་ག་ལ་བྱིན་ཏེ་བདག་ལ་མཐོ་བཙམ་པར་ཟད་དོ།། དེ་ནས་དེས། དེ་ལ་སྨྲས་པ། ཁྱོད་ཉིད་ཀྱི་ཁྱིམ་ན་གཏེར ་ཡོད་མོད་ཀྱི། ཁྱོད་བདག་ཀྱང་མི་ཤེས་ན་གཞན་གྱིས་ལྟ་ཤེས་པར་ག་ལ་ནུས། དེ་ནས་དེ་བདག་གིས་ཐོབ་པར་འཚལ་ལོ་ཞེས་དེ་དེ་ལ་གསོལ་བ་འདེབས་སོ།། དེ་ནས་དེས་ཁྱིམ་དེའི་ནང་ནས་གཏེར ་དེ་བརྐོས་ནས་དེ་ཉིད་ལ་བྱིན་ནོ། ། དེ་ནས་དེས་དེ་མཐོང་ནས་ངོ་མཚར་དུ་གྱུར་ཏེ་དེ་ལ་སྐྱབས་སུ་སོང་བ་དེ་བཞིན་དུ། རིགས་ཀྱི་བུ་དེ་བཞིན་གཤེགས་པའི་སྙིང་པོ་ནི་སེམས་ཅན་ཐམས་ཅད་ལ་ཡོད་ལ ་མཐོང་བར་མི་ནུས་པ་ཙམ་དུ་ཟད་དེ། བུད་མེད་དབུལ་མོ་དེ་ཉིད་ལ་གཏེར་ཡོད་པ་དང་འདྲའོ།། རིགས་ཀྱི་བུ་དངས་སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་དོ། ་ཞེས་ཡང་དག་པར་བསྟན་པར་བྱ་སྟེ། ཇི་ལྟར་དབུལ་མོ་དེས་གཏེར་ཆེན་པོ་ཡོད་པར་བསྟན་ཀྱང་མི་ཤེས་པ་དེ་བཞིན་དུ། སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་པའང་ཉོན ་མོངས་པའི་རྣམས་པས་བསྒྲིབས་པས་སེམས་ཅན་རྣམས་ཀྱིས་མི་ཤེས་ཤིང་། མ་མཐོང་ནས། དེ་དག་ལ་དེ་བཞིན་གཤེགས་པས་བསྟན་ཏེ། དེ་དག་མགུ་ནས་དེ་བཞིན་གཤེགས་པ ་ལ་སྐྱབས་སུ་འགྲོའོ། ། གསོལ་པ། བཅོམ་ལྡན་འདས་སངས་རྒྱས་ཀྱི་ཁམས་མཆིས་པར་ད་བདག་གིས་རྟོགས་ཏེ། གདམས་ངག་སྟོན་པར་མཛད་པའི་དེ་བཞིན་གཤེགས་པ ་ཉིད་ནི་ཐབས་དང་ལྡན་པའི་མི་དེ་དང་འདྲ་བར་བལྟ་བར་བགྱི། སེམས་ཅན་ཐམས་ཅད་ནི་བུད་མེད་དབུལ་མོ་དང་འདྲ་བར་བལྟ་བར་བགྱིའོ།། བཀའ་སྩལ་པ། རིགས་ཀྱི་བུ ་གཞན་ཡང་དཔེར་ན་བུད་མེད་གཅིག་ཡོད་ལ་དེའི་བུ་ཤིན་ཏུ་ཆུང་བ་ནད་པ་ཞིག་ཡོད་དེ། དེའི་སྐབས་སུ་བུད་མེད་དེས་སྨན་པ་བཀུག་ནས། སྨན་པ་དེ་བྱིས་པ་དེ་ལ་ཀ་ར་དང་སྦྱར ་བའི་སྨན་མར་བླུད་ནས་དེའི་མ་ལ་བསྒོ་བ། ཆེ་ཞེ་ཁྱོད་ཀྱིས་སྨན་མར་མ་ཞུ་བའི་བར་དུ་བྱིས་པ་ལ་ནུ་མ་མ་བླུད་ཅིག་ཅེས་བྱས་ནས་བུད་མེད་དེས་ནུར་མི་གཞུག་པར་བྱ་བའི་ཕྱིར། བདག ་གི་ནུ་མ་གཉིས་ནིམ་པའི་ལོ་མ་བཏགས་པ་འདའ་གུས་བསྐུས་ནས་རང་གི་བུ་ལའང་འདི་སྐད་ཅེས་བསྒོ་སྟེ། བུ་གཅིག་ངའི་ནུ་མ་དུག་གིས་བསྐུས་ཀྱིས། བུ་གཅིག་ཁྱོད་མ་ནུ་ཞིག་ཅེས་བྱས་སོ།། ་དེ་ནས་ཁྱེའུ་དེ་སྐོམ་སྟེ། ནུ་མ་བཏུང་ངོ་སྙམ་དུ་བསམས་ནའང་ནུ་མ་ནིམ་པའི་ལོ་མའི་དྲི་བྲོ་ནས་ངུས་ཏེ་ཆོ་གའི་མཐར་མ་ཕྱིན་གྱི་བར་དུ་རང་སྡོད་དོ།། དེ་ནས་ཆོ་ག་ཟིན་ནས་བུད་དེས་རང་གི་ནུ་མ ་གཉིས་ཆུས་བཀྲུས་བུ་དེ་ལ་སྨྲས་པ། ཀྱེ་བུ་གཅིག་ད་ནི་ནུ་མ་ནུས་ཤིག་ཅེས་བྱས་ན་ཁྱེའུ་དེས་དུག་ཡོད་སྙམ་སྟེ་ནུར་མ་བཏུབ་ནས་ངུ་ཞིང་འདུག་སྟེ། ལྟ་ཡང་མི་ལྟའོ།། དེ་ནས་ཡང་སྨྲས་པ། ་སྔར་ནི་ཁྱོད་ཀྱི་སྨན་མར་དེ་མ་ཞུ་བ་ལ་ཐོགས་ཏེ་ནུ་མ་ནུར་མི་གཞུག་པའི་ཕྱིར་ངས་ནུ་མ་གཉིས་ནིམ་པའི་ལོ་མའི་འདའ་གུས་བསྐུས་ཏེ། ཁྱོད་ལ་གནོད་པར་འགྱུར་ཞིང་ཤིར་དོགས་ནས་ནུར་མ ་བཅུག་པ་ཡིན་གྱིས། ད་ནི་ནུ་ཞིག་ཅེས་བྱས་ནས་ནུར་བཅུག་སྟེ། དེས་ཀྱང་དལ་བུས་ནུ་མ་ནུས་སོ།། རིགས་ཀྱི་བུ་དེ་བཞིན་དུ་ངས་ཀྱང་སྔར་ནི་གདུལ་བར་བྱ་བའི་དབང་གིས་བྱིས་པའི་སྨན ་མར་ཞུ་བར་བྱ་བ་བཞིན་དུ། དགེ་སློང་རྣམས་ཀྱིས་འཇིག་རྟེན་པའི་ལྟ་བ་གཞོམ་པར་བྱ་བའི་ཕྱིར་དང་། འཇིག་རྟེན་ལས་འདས་པའི་ཆེ་བ་ཉིད་ཡང་དག་པར་བསྟན་པའི་ཕྱིར་དང་། འཇིག ་རྟེན་པོའི་བདག་གི་དེ་ཁོ་ན་ཉིད་བརྫུན་པར་ཡང་དག་པར་བསྟན་པའི་ཕྱིར་དང་། བདག་མེད་པ་བསྒོམས་པར་ལུས་རྣམ་པར་དག་པར་བྱ་བའི་ཕྱིར་དགེ་སློང་དག་ཆོས་ཐམས་ཅད་བདག་མེད་པར་སྒོམས ་ཤིག་དེ་ལྟར་བསྒོམས་དང་ངར་འཛིན་པ་སྤོང་བར་འགྱུར་རོ། ། ངར་འཛིན་པ་ཡོངས་སུ་སྤངས་ནས་མྱ་ངན་ལས་འདས་པ་ཐོབ་པར་འགྱུར་རོ་ཞེས་བྱས་ཏེ། ཇི་ལྟར་བྱིས་པའི་མས་རང ་གི་ནུ་མ་ནིམ་པའི་ལོ་མའི་འདའ་གུས་བསྐུས་པ་དེ་བཞིན་དུ། ངས་ཀྱང་ཆོས་ཐམས་ཅད་བདག་མེད་པར་སྟོང་པ་ཉིད་དུ་སྒོམས་ཤིག་ཅེས་བྱས་སོ།། ཇི་ལྟར་བྱིས་པའི་མ་དེས་ཕྱིས་རང་གི་ནུ་མ་བཀྲུས་ཏེ་བུ ་ལ་སྨྲས་པ། སྔར་ནི་ཁྱོད་ཀྱི་སྨན་མར་ཞུ་བར་བྱ་བའི་ཕྱིར་ནུ་མ་ནུར་མ་བཅུག་གིས། ད་ནི་ནུས་ཤིག་ཅེས་ཟེར་བ་དེ་བཞིན་དུ། ངས་ཀྱང་འཇིག་རྟེན་པའི་ཆོས་ལས་བསྒྱུར་བའི་ཕྱིར་དེ་སྐད་ཅེས ་བསྟན་ཏེ་དེ་བདག་མེད་དོ་ཞེས་བྱས་ནས། ད་ནི་ང་དེ་བཞིན་གཤེགས་པའི་སྙིང་པོ་ཡོད་དོ་ཞེས་སྟོན་གྱིས། དགེ་སློང་དག་བྱིས་པ་བཞིན་དུ་མ་སྐྲག་པར། ཇི་ལྟར་བྱིས་པ་དེས་བརྟག་ནས་ཕྱིར ་ཡང་མའི་ནུ་བར་བྱེད་པ་དེ་བཞིན་དུ། དགེ་སློང་དག་ཁྱེད་ཀྱིས་ཀྱང་བདག་ཅག་ལ་དེ་བཞིན་གཤེགས་པའི་སྙིང་པོ་ཡོད་དོ་སྙམ་དུ་བརྟགས་ནས་བསྒོམ་པ་ལ་བརྩོན་པར་བྱོས་ཤིག་དང་ད་བསྟན་ཏོ།། ། ་གསོལ་པ། འདི་ན་བྱིས་པ་བཙས་མ་ཐག་ཏུ་ཤེས་པ་ཆུང་བ། ཤེས་པ་མ་མཆིས་པ་ནི་གསལ་བར་འགྱུར་བའི་མི་རིགས་ལགས་སོ།། གལ་ཏེ་བདག་མཆིས་ན་ནི་ཤེས་པ་དང་བློ་གྲོས་དང་ཡང ་ལྡན་པའི་རིགས་ལགས་སོ། ། གལ་ཏེ་ཤེས་པཞན་པ་ལགས་ན་ནི། གསལ་བར་འགྱུར་བའང་མི་རིགས་པས་ནི་བདག་མ་མཆིས་ཞེས་མཆི་ལགས་སོ།། དེ་ཅིའི་སླད་དུ་ཞེ་ན། བདག་རྟག ་པ་ལགས་ན་སྐྱེས་སླན་ཆད་འགུམ་པའི་མི་རིགས་སོ། ། གལ་ཏེ་དེ་བཞིན་གཤེགས་པའི་ཁམས་རྟག་པ་ལགས་ན་ཐ་དད་པའི་བྱེ་བྲག་ཀྱང་དེ་ལ་སྣང་སྟེ། བྲམ་ཟེ་དང་། རྒྱལ་རིགས་དང་རྗེ། ་རིགྲི་དང་། དམང་རིགས་དང་། གདོལ་པ་དང་། དུད་འགྲོའི་སྐྱེ་གནས་སུ་གྱུར་པའི་ལས་ཀྱི་བྱེ་བྲག་རྣམས་ལས་སྐྱེས་པའི་བྱེ་བྲག་ཐ་དད་པ་དག་ཀྱང་སྣང་ལགས་སོ།། གལ་ཏེ་བདག་མཆིས་ན། བྱེ་བྲག ་མ་མཆིས་པའི་བདག་ནི་མཉམ་པ་ཉིད་ལགས་ཏེ། དེ་ལྟར་ན་དེ་ལ་ཁམས་མ་མཆིས་ལགས་སོ།། གལ་ཏེ་ཁམས་མ་མཆིས་ན། གསོད་པ་དང་། ཕ་རོལ་གྱི་ནོར་རྐུ་བ་དང་། འཁྲིག་པ ་ལ་སོགས་པ་མི་དགེ་བ་བཅུའི་ལས་ཀྱི་ལམ་རྣམས་ལ་ཅིའི་སླད་དུ་འཇུག་ལགས། ཆང་འཐུངས་པས་ཅིའི་སླད་དུ་ར་རོ་བར་འགྱུར་ལགས། གལ་ཏེ་སེམས་ཅན་གྱི་ཁམས་རྟག་པ་ལགས ་ནདེ་ལྟར་ན་འོན་པ་རྣམས་ཀྱང་རྣ་བས་ཐོས་པར་འགྱུར་བའི་རིགས། ལོང་བ་རྣམས་ཀྱང་མཐོང་བར་འགྱུར་བའི་རིགས། ལྐུགས་པ་རྣམས་ཀྱང་སྨྲ་མཁས་པར་འགྱུར་བའི་རིགས ་ལགས་སོ། ། གལ་ཏེ་བདག་སེམས་ཅན་གྱི་ཁམས་དེ་རྟག་པ་ལགས་ན། བད་ཀན་དང་། ནུར་ནུར་པོ་དང་། སྔོན་པོ་དང་། སེར་པོའི་ཚོགས་རྣམས་བདག་གང་ནང་ན་གནས་ལགས ་བདག་དེའང་དེ་རྣམས་ཀྱི་གོ་སྐབས་གང་ན་གནས་ལགས། འོན་ཏེ་རླན་དང་འདྲ་བར་ཐམས་ཅད་དུ་གནས་ལགས་སམ། གལ་ཏེ་དེ་ལྟ་ན་ནི་མི་གཡུལ་དུ་མཆིས་པའི་རྣ་བ་དང་སྣ་ཆད་ན ་བདག་དེའི་ཡང་ཉིང་ལག་ཉམས་པར་འགྱུར་བ་འམ་ལག་རྡུམ་དུ་འགྱུར་བའི་རིགས་ལགས་སོ། ། བཀའ་སྩལ་པ། རིགས་ཀྱི་བུ་དཔེར་ན་རྒྱལ་པོ་ལ་ལ་ཞིག་གིས་གྱད་ཀྱི་དཔྲལ ་བའི་སྨིན་མཚམས་སུ་རིན་པོ་ཆེའི་རྡོ་རྗེ་བཏགས་པ་ལས། བྱད་དེ་གྱད་གཞན་ཞིག་དང་སྟོབས་འགྱེད་དེ། དེ་གཉིས་ལུག་བཞིན་དུ་འགྱེད་པ་ལས། གྱད་ཅིག་ཤོས་ཀྱི་མགོ་བོས་བརྡུངས་ཏེ་ཀྱང ་དེའི་དཔྲལ་བ་བསྣད་པར་བྱས་ནས་སྨིན་མཚམས་ཀྱི་རྒྱན་རིལ་གྱིས་ནང་དུ་ནུབ་པར་བྱས་ན་གྱད་དེས་མ་ཚོར་ཏེ་བདག་གིས་རྡོ་རྗེ་གར་གཞག་ཅིག་གུ་སྙམ་སྟེ། དེས་སྨན་པ་བཀུག་ནས་རྨ་ལ་འཆོས་སུ ་བཅུག་གོ། ། སྨན་པ་དེའང་ཐབས་མཁས་ཤིང་ཡིད་རྣོ་བ་ཞིག་སྟེ། རྨ་འདི་ནི་ནོར་བུ་དེ་ལས་གྱུར་ཏོ་སྙམ་དུ་ཤེས་ནས། རྡོ་རྗེ་དེ་དཔྲལ་བའི་ནང་དུ་ནུབ་ཅིང་འདུག་གོ་སྙམ་སྟེ། དེས་བྱེད་དེ ་ལཀྱེ་མི་ཁྱོད་ཀྱི་ནོར་བུ་དེ་གར་སོང་ཞེས་དྲིས་པ་དང་། དེས་སྨན་པ་དེ་ལ་སྨྲས་པ། ཀྱེ་མ་སྨན་པ་སྨིན་མཚམས་ཀྱི་རྒྱུན་རྡོ་རྗེ་དེ་སྟོར་ཏེ་གོར་མ་ཆག་གོ། ཀྱི་ཧུད་བདག་གིས་གབ་ཙེའི ་ནང་དུ་བཅུག་གམ། གར་བཅུག་པ་མི་ཤེས་ཏེ། སྦོམ་བུའི་ནང་དུ་བཙལ་ནའང་མ་རྙེད་དོ།། ཀྱི་ཧུད་ལུང་གིས་མེད་དོ།། ཆུའི་ཆུ་བུར་བཞིན་དུ་མེད་པར་གྱུར་ན། ཅིའི་སྒྱུ་མ་ལྟ ་བུར་གྱུར་ཏམ་ཞེས་ཟེར་རོ། ། དེ་ནས་དེ་ལ་སྨན་པས་སྨྲས་པ། ཀྱེ་མི་ཁྱོད་དེ་ལྟར་མྱ་ངན་མ་བྱེད་ཅིག། ཁྱོད་ཀྱི་རྡོ་རྗེ་དེ་ནི་རྨའི་ནང་དུ་ནུབ་ནས་ཤ་དང་། ཁྲག་དང་། རྣག་གི་ནང ་ན་འབར་ཞིང་འདུག་སྟེ། ཁྱོད་སྟོབས་འགྱེད་པ་ལ་ཡིད་བྲེལ་ནས་མ་ཚོར་བར་ཟད་དོ་ཞེས་སྨན་པ་དེས་དེ་སྐད་བྱས་ཀྱང་ཡིད་མ་ཆེས་ཏེ། འོ་ན་རྣག་ཁྲག་དང་བཅས་ཏེ་ཅིའི་ཕྱིར་མ་བྱུང་། ་ཡང་ན་ཆུབ་ལ་ཐོགས་ཏེ་འདུག་གམ། ཁྱོད་དེ་སྐད་དུ་མ་སྨྲ་ཞིག་ཅེས་སྨན་པ་ལ་གྱད་ཀྱིས་དེ་སྐད་སྨྲས་སོ།། དེ་ནས་སྨན་པ་དེས་རྡོ་རྗེ་དེ་ཕྱུང་ནས་དེ་ལ་བསྟན་ཏེ། དེས་མཐོང་ནུས་ངོ་མཚར་དུ་གྱུར ་བདེ་བཞིན་དུ། སེམས་ཅན་ཐམས་ཅད་ལ་དེ་བཞོན་གཤེགས་པའི་སྙིང་པོ་ཡོད་མོད་ཀྱི། སེམས་ཅན་རྣམས་ཀྱིས་ནི་དེ་མི་ཤེས་ཏེ། མི་དགེ་བའི་གྲོགས་པོ་ལ་བསྟེན་པའི་ཉེས་པ་དང་། ་འདོད་ཆགས་དང་། ཞེ་སྡང་དང་། གཏི་མུག་གི་ཞོན་པས་སེམས་ཅན་རྣམས་སེམས་ཅན་དམྱལ་བ་དང་། དུད་འགྲོ་དང་། ཡི་དགས་དང་། ལྷ་མ་ཡིན་དང་། གདོལ་པ་དང་།། ་བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་རྣམས་སུ་སྐྱེ་བར་འགྱུར་རོ།། བདག་གིས་ཉེས་པའི་སྟོབས་དང་། འདོད་ཆགས་དང་། ཞེ་སྡང་དང་། གཏི ་མུག་གིས་མི་ཤེས་པས། སེམས་ཅན་རྣམས་གླེན་པ་དང་། འོན་པ་དང་། ལོང་བ་དང་། ལག་རྡུམ་དང་། གཞོགས་སྐམ་དང་། དྲི་མ་སྣ་ཚོགས་ཀྱིས་གོས་པ་དང་། མིག་སེར ་བ་དང་། སྲན་སྡེའུའི་མདོག་ལྟར་འདུག་པ་དང་། མེ་ཏོག་ཀུ་རན་ཏ་ཀའི་མདོག་ལྟར་འདུག་པ་དང་། མིག་དམར་སེར་དུ་འདུག་པ་དང་། སྲིད་པ་ཉི་ཤུ་རྩ་ལྔ་དག་ཏུ་རྣམ་པ་སྣ་ཚོགས ་སུ་འགྱུར་རོ། ། ཇི་ལྟར་གྱད་དེ་རང་གི་ལུས་ལ་རྡོ་རྗེ་འདུག་ཀྱང་འདུ་ཤེས་ཉམས་པས་སྦྱོར་བའི་འདུ་ཤེས་སུ་རྟོག་པ་དེ་བཞིན་དུ། སེམས་ཅན་འཇིག་རྟེན་པ་རྣམས ་བདག་གི་དེ་ཁོ་ན་ཉིད་མ་རྟོག་པ་དང་། མི་དགེ་བའི་གྲོགས་པོའི་དབང་དུ་གྱུར་པ་དང་། དགོངས་པའི་ཚིག་མི་ཤེས་པ་དང་། བདག་ཡོད་བཞིན་དུ་བདག་མེད་པར་སྒོམ་པར་བྱེད་དོ།། ་བདག་མེད་པ་མི་བསྒོམ་པ་རྣམས་ནི་འཇིག་རྟེན་པའི་བདག་སྒོམ་པར་བྱེད་དོ།། ཇི་ལྟར་འཇིག་རྟེན་པའི་ཡོད་དོ་ཞེས། བདག་གི་དེ་ཁོ་ན་ཉིད་མ་རྟོག་པ་བཞིན་དུ་འཇིག་རྟེན་ལས་འས་པའི ་ཡང་དེ་དང་འདྲ་སྟེ། མི་དགེ་བའི་གྲོགས་པོ་ལ་བསྟེན་པ་དང་། དགོངས་པའི་ཚིག་གི་མཐའ་མི་ཤེས་པས་བདག་མེད་དོ་བདག་མེད་དོ་ཞེས་བསྒོམ་བཞིན་དུ་བདག་མེད་པ་དེ་ཁོ་ན་ཉིད་མི ་ཤེས་ཏེ། བདག་ག་ལ་ཡོད།། གང་ན་གནས་ཙ་རྫ་མ་འདུག་པ་ལྟ་བུ་ཞིག་གམ། འོན་ཏེ་རླན་ལྟ་བུར་ཁྱབ་པར་འདུག་གམ། གྱད་རྨོངས་པའི་སྨིན་མཚམས་ཀྱི་རྒྱན་ལྟ ་བུར་འདུག་གམ་སྙམ་པ་ལ། སྨན་པ་བཞིན་དུ་དེ་བཞིན་གཤེགས་པས་དེ་དག་ལ་འདི་སྐད་དུ། བདག་ནི་ཐམས་ཅད་དུ་གནས་པ་མ་ཡིན་ལ། རིན་པོ་ཆེ་རྡོ་རྗེ་ལྟར་འོད་གསལ་ཞིང་ཉོན ་མོངས་པའི་རྣམ་པས་བསྒྲིབས་པ་ཡིན་ནོ་ཞེས་བཀའ་སྩལ་ཏེ། དེ་སྐད་ཅེས་བཀའ་སྩལ་པ་ལ་སེམས་ཅན་རྣམས་ཡིད་ཆེས་པར་འགྱུར་ལ་ཉོན་མོངས་པ་ཟད་པར་བྱ་དགོས་པ་ཙམ་དུ་ཟད་དེ། ་དེ་ནས་རྡོ་རྗེ་བཞིན་དུ་དེ་བཞིན་གཤེགས་པའི་སྙིང་པོ་མཐོང་བར་འགྱུར་རོ།། རིགས་ཀྱི་བུ་དེ་ལྟར་ན་དེ་བཞིན་གཤེགས་པའི་སྙིང་པོ་ནི་དཔག་ཏུ་མེད་དོ།། གཞན་ཡང་རིགས་ཀྱི་བུ་དཔེར་ན་བངས་ཀྱི ་རི་ལ་བཅུད་ཀྱི་ཁམས་བུང་བའི་བཅུད་ཅེས་བྱ་བ་ཞིག་ཡོད་དེ། དེ་ཤིང་གེལ་བའི་ནགས་སྟུག་པོས་གཟིངས་ཤིང་འདུག་ཀྱང་དེ་དྲི་བསྲུང་གི་མངོན་ཏེ། སྔོན་འཁོར་ལོས་སྒྱུར་བའི་རྒྱལ་པོ་ཞིག་གིས ་དེའི་དོན་དུ་ངོས་སོ་སོ་ནས་ཝ་བཙུགས་ནས། བཅུད་ཀྱི་ཁམས་དེ་ལས་ཝ་པ་ལའི་ཁ་ནས་ནི་ཁུ་བ་སྒྱུར་བ་འབྱུང་། ལ་ལའི་ཁ་ནས་ནི་ལན་ཚྭའི་རོ་འབྱུང་། ལ་ལའི་ཁ་ནས་ནི་མངར་བ་འབྱུང་། ་པ་ལའི་ཁ་ནས་ནི་རོ་ཚ་བ་འབྱུང་། ལ་ལའི་ཁ་ནས་ནི་ལ་བ་འབྱུང་། ལ་ལའི་ཁ་ནས་ནི་བསྐུ་བ་འབྱུང་སྟེ། བཅུད་ཀྱི་ཁམས་དེ་ལྟ་བུ་ནགས་ཀྱི་ནང་ན་ནམ་མཁའ་ལ་ལྡིང་ངོ་།། བཅུད་རོ ་གཅིག་པུ་དེ་འདྲ་བ་ལས་རོ་ཐ་དད་པ་རྣམ་པ་སྣ་ཚོགས་འབྱུང་ལ། རོ་དེ་དག་ཀྱང་ཕན་ཚུན་འདྲེ་བར་མི་འགྱུར་ཏེ། བཅུད་ཀྱི་ཁམས་དེའང་ཟླ་བའི་དཀྱིལ་འཁོར་བཞིན་དུ་ཡོངས་སུ་ཁྱབ་པར ་འདུག་གོ། ། དེ་དེ་ལྟར་འདུག་ཀྱང་སེམས་ཅན་གཞན་དག་གོ་ནི་ཤིང་གེལ་བའི་ནགས་དེའི་ནང་དུ་ཞུགས་ཏེ་འཇོར་དག་གིས་བརྐོས་ཀྱང་སེམས་ཅན་སྐལ་བ་ཆུང་ངུ་རྣམས་ཀྱིས་ཐོབ་པར་མི་འགྱུར་ལ། ་འཁོར་ལོས་སྒྱུར་བའི་རྒྱལ་པོས་ནི་བསོད་ནམས་ཀྱི་མཐུས་ཐོབ་པར་འགྱུར་བ་དེ་བཞིན་དུ། རིགས་ཀྱི་བུ་དེ་བཞིན་གཤེགས་པའི་སྙིང་པོ་ནི་བཅུད་ཀྱི་ཁམས་དང་འདྲ་ལ། ཉོན་མོངས ་བའི་རྣམ་པས་བསྒྲིབས་ཤིང་འདུག་སྟེ། སངས་རྒྱས་སུ་འགྱུར་བའི་རྒྱུར་རོ་གཅིག་ཏུ་ཟིན་ཀྱང་དེ་ལས་སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པས་རོ་མང་པོར་འགྱུར ་ཏེ་སྐྱེས་པ་དང་། བུད་མེད་དང་། མ་ནིང་རྣམས་འབྱུང་བར་འགྱུར་རོ།། དེ་བཞིན་གཤེགས་པའི་ཁམས་དེ་ནི་སྐྱེས་བུའི་རང་བཞིན་ཡིན་ཏེ། དེ་བས་ན་སྲོག་བཅད་པས་སྲོག་ཆགས ་གསད་པར་མི་འགྱུར་རོ། ། གལ་ཏེ་སྲོག་ཆགས་གསད་པར་འགྱུར་ན་ནི་འཚོ་བ་པོ་གཏན་མེད་པར་བྱས་པར་འགྱུར་ལ། འཚོ་བ་པོ་གཏན་མེད་པར་འགྱུར་བ་ནི་མི་སྲིད་དོ།། དེ་ལ་འཚོ་བ་པོ་ཞེས ་བྱ་བ་ནི་དེ་བཞིན་གཤེགས་པའི་སྙིང་པོ་ཡིན་ལ། མཁས་པ་དེ་ནི་གཞོག་པ་འམ། གསད་པ་འམ། གཏན་མེད་པར་བྱར་མི་ནུས་ལ། སངས་རྒྱས་ཉིད་མ་ཐོབ་ཀྱི་བར་དུ་ཤིན་ཏུ་རྣམ་པར་དག ་པར་མཐོང་བར་ཡང་མི་ནུས་སོ། ། དེ་བས་ན་སྲོག་ཆགས་གསོད་པའི་མི་མེད་དོ།། གསོལ་པ། མ་མཆིས་ཞེས་བགྱིར་མི་རུང་སྟེ། གལ་ཏེ་མ་མཆིས་སུ་ལགས་ན་སྲོག་ཆགས་བཀུམ་པས ་སྡིག་པར་མི་འགྱུར་བའི་རིགས་ལགས་སོ། ། བཀའ་སྩལ་པ། ཡོད་དོ་ཞེས་བརྗོད་པར་བྱ་སྟེ། ཇི་ལྟ་ཞེ་ན། ཕྱི་རོལ་གྱི་བསགས་པའི་ཁམས་ཤིང་གེལ་བ་དང་འདྲ་བ་དེ་བསད་པ་ལ ་སྲོག་གཅོད་པ་ཞེས་བྱ་སྟེ། དེ་བས་ན་སྲོག་བཅད་པས་དེ་སྡིག་པའི་ཚོགས་ཀྱིས་ངན་འགྲོར་འགྲོ་བར་འགྱུར་ལ། ལས་ངན་པའི་རྣམ་པར་སྨིན་པས་བྲམ་ཟེ་དང་། རྒྱལ་རིགས་དང་། རྗེའུ ་རིགས་དང་། དམངས་རིགས་དང་། གདོལ་པ་དང་། བྷ་དང་། རི་དགས་དང་། མཚན་ཐ་དད་པ་གསུམ་གྱི་མིང་དང་། བློ་ཐ་དད་པ་དང་། སྲིད་པ་ཉི་ཤུ་རྩ་ལྔ་དག་ཏུ་སེམས་ཅན་རྣམས ་ཉིང་མཚམས་སྦྱོར་བར་འགྱུར་རོ། ། འཇིག་རྟེན་པ་རྣམས་ཀྱིས་བདག་ནི་ལྡུམ་བུ་ཤ་མ་ཀའི་འབྲས་བུ་ཙམ་དང་། འབྲས་ཀྱི་འབྲུ་ཙམ་དང་། མཐེ་བོ་ཙམ་ཞེས་བྱ་བ་ལ་སོགས་པར་རྟོགས་པ་སྟེ། ་མི་བདེན་པའི་རྟོག་པ་ཡིན་ནོ།། འཇིག་རྟེན་ལས་འདས་པའི་རྟོག་པ་ནི་སངས་རྒྱས་ཀྱི་ཁམས་ཡོད་པར་རྟོག་པ་གང་ཡིན་པ་སྟེ། དོན་དམ་པའི་བདེན་པའི་རྟོག་པ་ཡིན་ནོ།། རིགས་ཀྱི་བུ་གཞན་ཡང ་དཔེར་ན་གཏེར་གྱི་འབྱུང་ཁུང་གི་དཔྱད་ཤེས་པའི་མིས་འཇོར་རམ་བརྐོ་བའི་སྤྱད་གཞན་དག་གིས་གཏེར་བརྐོས་ན་རྡོ་དང་གསེག་མ་ཐམས་ཅད་ནི་ཕྱེ་མར་རློག་པར་ནུས་ལ། རྡོ་རྗེ་ནི་ནམས་ཀྱང་ཅུང་ཟད་ཀྱང ་ཆོད་པར་མི་ནུས་ཏེ། མཚོན་ཆ་ཐམས་ཅད་ཀྱིས་ཀྱང་རྡོ་རྗེ་རིན་པོ་ཆེ་མི་ཆོད་པ་དེ་བཞིན་དུ། རོགས་ཀྱི་བུ་དེ་བཞིན་གཤེགས་པའི་སྙིང་པོ་སྐྱེ་བ་པོའི་བདག་ནི་ལྷ་དང་བདུད་བྱེ་བ་སྙེད་ཀྱིས་ཀྱང་མཚོན་ཆ ་ཐམས་ཅད་ཀྱིས་གཅད་པར་མི་ནུས་ལ། བསགས་པའི་ཁམས་ནི་རྡོ་རྗེ་དང་གསེག་མ་བཞིན་དུ་ཕྱེ་མར་རློག་ནུས་སོ།། དེ་བཞིན་གཤེགས་པའི་སྙིང་པོ་འཚོ་བ་པོ་ནི་རྡོ་རྗེ་རིན་པོ་ཆེ་དང་འདྲ་སྟེ། ་དེ་བས་ན་མི་རྣམས་ཀྱི་སྲོག་བཅད་པས་འཚོ་བ་འཇིག་པར་འགྱུར་ཏེ། དེའི་ཕྱིར་བསགས་པའི་ཁམས་བཤོག་པས་སྲོག་ཆགས་གསད་པར་འགྱུར་རོ།། རིགས་ཀྱི་བུ་དེ་ལྟར་ན་སངས་རྒྱས་ཀྱི ་བསྟན་པ་ཤིན་ཏུ་རྒྱས་པ་ནི་མཆོག་ཏུ་ཆ་ཕྲ་སྟེ། བདུད་རྩིབ་མཆོག་ཀྱང་ཡིན་ནོ།། དུག་གི་མཆོག་ཀྱང་ཡིན་ནོ།། གསོལ་བ། བཅོམ་ལྡན་འདས་ཅི་ལས་དགོངས་ཏེ། ཤིན་ཏུ ་རྒྱས་པ་ནི་བདུད་རྩིའི་མཆོག་ཀྱང་ལགས། དུག་གི་མཆོག་ཀྱང་ལགས་ཞེས་བཀའ་སྩལ་ལགས། བཀའ་སྩལ་པ། རིགས་ཀྱི་བུ་ཁྱོད་དགོངས་པའི་ཚིག་འདི་ཤེས་པར་འདོད་དམ། གསོལ་པ། ་བཅོམ་ལྡན་འདས་དགོངས་པའི་ཚིག་གསུང་གི་མཆོག་ཤེས་པར་འཚལ་ལགས་སོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚོགས་སུ་བཅད་པ་འདི་དག་བཀའ་སྩལ་ཏོ།། ཁ་ཅིག ་བདུད་རྩི་འཐུངས་པས་འཆི་མི་འགྱུར། ། ཁ་ཅིག་གིས་ནི་འཐུངས་ནས་འཆི་བར་འགྱུར།། ཁ་ཅིག་དུག་འཐུངས་པས་ཀྱང་འཆི་མི་འགྱུར།། ལ་གཅིག་གིས་ནི་འཐུངས་ན་འཆི་བར་འགྱུ།། ཐེག ་པ་ཆེན་པོ་འདི་ལ་ནི། ། ཆགས་མེད་ཡེ་ཤེས་བདུད་རྩི་ཡིན།། མཚུངས་པ་མེད་པའི་ཡེ་ཤེས་མཆོག། དེ་ཉིད་དུག་ཡིན་ཞེས་ཀྱང་བསྟན།། ཞུ་བའི་འོག་ཏུ་ཟ་བ་ལ།། མར་གྱི་ཉིང་ཁུ་སྦྲང ་རྩི་དང་། ། ཀ་ར་རྣམས་ནི་བདུད་རྩི་བཞིན།། མ་ཞུ་ཟ་ལ་དུག་ཏུ་འགྱུར།། དེ་བཞིན་རབ་རྒྱས་བདུད་རྩིའི་མཆོག། དགོངས་པའི་ཚིག་པ་མི་མཁས་ཤིང་།། བྱིས་པའི་བློ་དང་ལྡན་རྣམས་ལ།། ་མི་བཟད་པ་ཡི་དུག་ཏུ་འགྱུར།། རང་རྒྱལ་ཉན་ཐོས་རྣམས་ཀྱང་ནི།། རྟག་ཏུ་དེ་དང་འདྲ་བ་ཡིན།། ཐེག་ཆེན་སྨན་མཆོག་དེ་དག་ལ།། བ་ཡི་འོ་མ་འཐུངས་པ་བཞིན།། བྱང་ཆུབ་སེམས་དཔའ ་འཇིགས་མེད་པ། ། མི་མཆོག་བརྟན་པོ་དེ་དག་ནི།། ཐེག་པ་ཆེན་པོས་ངེས་པར་འབྱུང་།། འོད་སྲུངས་དེ་ལྟར་ཤེས་ནས་ནི།། བདུད་རྩི་རྟག་པ་ཁམས་ཀྱི་དབྱིངས།། དེ་ལ་དེང་འདིར་སྐྱབས ་མཆོག་སོང་། ། བདུད་རྩིའི་མཆོག་གི་ཁམས་དེ་ནི།། ང་ཡི་ཁམས་ཡིན་སེམས་ཅན་ཁམས།། རྟག་ཏུ་ང་ལ་སྐྱབས་སོང་ན།། སྐྱབས་གསུམ་བདག་ཉིད་ཁམས་སུ་འགྱུར།། ང་ཡི་སྐུལ ་ཁམས་ཡོད་ཀྱིས། ། བདག་ཉིད་འདི་ལ་ཁྱོད་ཞུགས་ཤིག། སངས་རྒྱས་ཆོས་དང་དགེ་འདུན་རྣམས།། ང་ཡི་ཁམས་ཀྱི་རང་བཞིན་ཏེ།། གསུམ་པོ་རིན་ཆེན་མཆོག་ཡིན་ཞེས།། བཅོམ ་ལྡན་འདས་ཀྱིས་ཚིག་བཤད་གསུངས། ། གསོལ་པ། འཇིགས་མེད་ཇི་ལྟར་སྐྱབས་མཆི་ག། བདག་གིས་གློ་བར་མ་ཆུད་ལགས།། དཀོན་མཆོག་གསུམ་ཡང་མ་འཚལ་ཏེ།། བདག་མེད ་ལ་ནི་ཇི་ལྟར་མཆི། ། སངས་རྒྱས་སྐྱབས་སུ་མཆི་ན་ཡང་།། ཇི་ལྟར་དབུགས་ནི་ཕྱིན་པར་འགྱུར།། ཅི་ཡི་སླད་དུ་མི་རྣམས་ནི།། ཆོས་ལ་སྐྱབས་སུ་མཆི་བར་བགྱིད།། ཅི་ཞིག་གིས ་ནི་རང་དགར་འགྱུར། ། ཅི་ཞིག་གོས་ནི་མོ་འགྱུར་ལགས།། དགེ་འདུན་ལ་ནི་སྐྱབས་མཆིན།། སྐྱབས་གསུམ་མཆོག་ཏུ་ཇི་ལྟར་འགྱུར།། མ་འོངས་པ་ན་སངས་རྒྱས་ཉིད།། ཡང་དག ་བདེན་པར་ཇི་ལྟར་ཐོབ། ། ཕྱི་མའི་དོན་དུ་སྐྱབས་ཀྱི་གཞི།། གསུམ་པོ་དག་ཀྱང་ཇི་ལྟ་བུ།། ཐེམ་སྐས་ལྟ་བུར་བདག་གིས་མཐོང་།། ཡེ་ཤེས་གུད་ན་གཞན་མ་མཆིས།། བུ་སྐྱེས ་པ་ནི་མ་མཆིས་པར། ། བུ་ཞེས་ཀྱང་ནི་ཇི་སྐད་བགྱི།། བུ་ཆགས་ན་ནི་སྐྱེ་འགྱུར་ཏེ།། བསམ་དང་ལས་ཀྱི་དོན་ཀྱང་མཆིས།། ཐུབ་པ་ཁྱོད་ནི་ཅི་གསུང་ང་།། བློ་མེད ་རྣམས་ཀྱིས་མི་རྟོགས་ཏེ། ། འཁོར་བའི་བཙོན་རར་ཐམས་ཅད་ཀྱང་།། འཁོར་ལོ་གཅིག་ཏུ་འཁྱམ་པར་འགྱུར།། དེ་ཕྱིར་དེ་དག་མིང་ཙམ་གྱི།། དགེ་བསྙེན་དུ་ཡང་མི་འགྱུར་ལགས།། ་ཐུབ་པ་བདག་ལ་ཕྱེ་སྟེ་གསུངས།། ཐེ་ཙོམ་མྱུར་དུ་གཅད་པར་གསོལ།། ཡེ་ཤེས་ཆེ་ལྡན་དེ་བཞིན་གཤེགས།། དགོངས་པ་ཅི་འདྲ་བསྟན་དུ་གསོལ།། བཅོམ་ལྡན་འདས་ཀྱིས་བཀའ་སྩལ ་པ་བྱང་ཆུབ་སེམས་དཔའ་སེམས་དཔའ་ཆེ། ། འོད་སྲུངས་ཆེན་པོ་དམ་པ་མཆོག། དགོངས་པ་དེ་ཡང་བསྟན་པར་བྱ།། ཁྱོད་ཀྱི་ཐེ་ཙོམ་གཅད་པར་བྱ།། སངས་རྒྱས་ལ་ནི་སྐྱབས ་སོང་བས། ། དགེ་བསྙེན་ཉིད་ནི་ཐོབ་པར་འགྱུར།། ལྷ་རྣམས་དེ་དག་ཐམས་ཅད་ནི།། དེ་ཚེ་དེ་ཡི་སྐྱབས་མ་ཡིན།། ཆོས་ལ་སྐྱབས་སུ་སོང་ན་ཡང་།། འདིར་ནི་འཚེ་བ་སྤོང་བར ་འགྱུར། ། དགེ་འདུན་ལ་ཡང་སྐྱབས་སོང་ན།། དེ་བཞིན་དགེ་བསྙེན་དག་ཏུ་འགྱུར།། དེས་ན་འདི་ལས་ཕྱི་རོལ་རྣམས།། དེ་ཡི་ཡོན་གནས་མ་ཡིན་ལ།། ཇི་ལྟར་འཇིགས་པ་མེད་པ ་རྣམས། ། སྐྱབས་ཀྱི་གཞི་གསུམ་ཐོབ་པར་འགྱུར།། གསོལ་པ། དེའི་ཕྱིར་དངོས་གསུམ་འཇིགས་པ་ལ།། བདག་ནི་སྐྱབས་སུ་མཆི་བར་བགྱི།། འདི་ཉིད་དམ་པ་རྣམས་ཀྱི་ལམ།། ་འདི་ཉིད་སངས་རྒྱས་ཆོས་ཉིད་ལགས།། ཐུབ་པ་ཆེན་པོ་རྟག་ཏུ་ཡང་གཞི་གསུམ་པོ་ནི་མཉམ་པ་ཉིད།། བདུག་ཀྱང་ཁྱོད་དང་འདྲ་བར་ནི།། གནས་འདིར་བླན་མེད་པ་ལགས། ལ་མན། ་བདེ་བར་གཤེགས་པས་བསྔགས་པ་སྟེ།། དེར་མཆིས་པ་ན་ཡང་དག་བཞུགས་པ་ལས།། ཀུན་ཏུ་སྤྱད་ཀྱང་དེ་ཡིས་ངེས་པར་འབྱུང་།། ལམ་འདི་བདེ་བར་གཤེགས་པས་བསྔགས་པ་སྟེ། ་དེ་ཕྱིར་བདག་ཀྱང་སངས་རྒྱས་རྣམས་ཀྱི་ལམ།། ལམ་མཆོག་རྒྱ་ཆེན་འདིར་ནི་མཆི་བར་བགྱི།། གལ་ཏེ་བདུད་ནི་བདུད་རྩི་དེང་སྩོལ་ཀྱང་།། སྲིད་པ་དག་ན་བདག་ནི་སྐྱབས་མི་མཆི།། དེ་ནས ་བཅོམ་ལྡན་འདས་ཀྱིས། དེ་ལ་འདི་སྐད་ཅེས་བཀའ་སྩལ་ཏོ།། ཁྱོད་བྱིས་པ་ཉན་ཐོས་ཀྱི་ཐེག་པ་པ་བཞིན་དུ་མ་འཛིན་ཅིག། གཅིག་པུ་ལ་སྐྱབས་སུ་སོང་ཞིག། ཡེ་ཤེས་འདི་ལ་ནི་སྐྱབས ་གསུམ་མེད་དེ། ཆོས་དང་དགེ་འདུན་འདུ་བའང་མེད་དོ།། སངས་རྒྱས་ཉིད་ཆོས་ཀྱང་ཡིན། དགེ་འདུན་ཡང་ཡིན་ཏེ། དེ་བཞིན་གཤེགས་པ་ཉིད་གཞི་གསུམ་པ་ཡིན་ནོ།། ཉན་ཐོས ་ཀྱི་ཐེག་པ་པ་ལས་ནི་བྱིས་པ་རྣམས་ནི་འཇིག་རྟེན་པའི་ལྟ་བ་བསལ་བའི་ཕྱིར། གཞི་གསུམ་པ་བཞག་གོ།། གལ་ཏེ་ཁྱོད་འཇི་རྟེན་པ་དང་མཐུན་པར་བྱེད་ན་དེའི་ཚུལ་གྱིས་སྐྱབས་ཀྱི་གཞི་གསུམ ་དུ་འགྲོ་བར་གྱིས་ལ། བདག་སངས་རྒྱས་ལ་སྐྱབས་སུ་སོང་ནས། སྐུ་གཅིག་པར་གྱུར་ཅིག། དེ་ནས་སངས་རྒྱས་ཉིད་དུ་གྱུར་ནས་དེ་བཞིན་གཤེགས་པའི་རླབས་བྱེད་པར་གྱུར་ཅིག། དེ་བཞིན ་གཤེགས་པ་དང་མཉམ་པར་གྱུར་ནས་སངས་རྒྱས་རྣམས་ལ་ཐལ་མོ་བཏུད་པར་མི་བྱའོ། ། བདག་སེམས་ཅན་ཐམས་ཅད་ཀྱི་སྐྱབས་ཆེན་པོ་ལྟ་བུར་གྱུར་ཅིག། བདག་གིས ་ཆོས་ཀྱི་སྐུའང་མི་གཏང་བར་སངས་རྒྱས་ཀྱི་ཁམས་དང་མཆོད་རྟེན་ལ་ཕྱག་བྱའོ། ། ཕྱག་བྱེད་མི་འདོད་པའི་སེམས་ཅན་ཐམས་ཅད་ཀྱི་མཆོད་རྟེན་ལྟ་བུར་བདག་གྱུར་ཅིག། བདག་གི་ལུས་སེམས ་ཅན་ཐམས་ཅད་ཀྱིས་ཕྱག་བྱ་བའི་གནས་སུ་གྱུར་ཅིག། བདག་ཆོས་ལ་སྐྱབས་སུ་སོང་ནས་ཆོས་ཀྱི་སྐུར་གྱུར་ཅིག། དེ་ཁོ་ན་ཉིད་མ་ཡིན་པའི་ཆོས་སྒོམ་པའི་སེམས་ཅན་ཐམས་ཅད་བདག ་གི་མདའ་གཅིག་ནས་གཅིག་ཏུ་བརྒྱུད་པ་བཞིན་དུ་བྱེད་པར་གྱུར་ཅིག། བདག་དགེ་འདུན་ལ་སྐྱབས་སུ་སོང་ནས་སྦྲང་བུ་དང་འདྲ་བའི་དགེ་འདུན་རྣམས་ཀྱི་སྐྱབས་ལྟ་བུར་གྱུར་ཅིག། བདག་སྐྱབས་སུ་འགྲོ ་བ་ལ་འཇུག་པའི་ཚུལ་གྱིས་སེམས་ཅན་རྣམས་ཀྱི་སངས་རྒྱས་དང་། ཆོས་དང་། དགེ་འདུན་ལྟ་བུར་གྱུར་ཅིག། བདག་དམུས་ལོང་དང་འདྲ་བའི་དགེ་འདུན་རྣམས་ཀྱི་མིག་ལྟ་བུར ་གྱུར་ཅིག། བདག་ལ་ཉན་ཐོས་དང་རང་སངས་རྒྱས་སྦྲང་བུ་དང་འདྲ་བ་ཐམས་ཅད་སྐྱབས་སུ་འོང་བར་ཤོག་ཅིག་ཅེས་གྱིས་ཤིག། རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སེམས ་དཔའ་ཆེན་པོ་རྣམས་ནི་བྱིས་པ་རྣམས་ལ་སྡིག་པའི་ཕུང་པོ་ཟད་མི་ཤེས་པ་ལྟ་བུའང་ཡིན་ནོ། ། མཁས་པ་རྣམས་ལ་ནི་དེ་དག་ཉིད་སངས་རྒྱས་ལྟ་བུའང་ཡིན་ནོ།། དཔེར་ན་དཔའ་བོ་ཡང་དག ་བ་ནི་གཡུལ་དུ་འཐབ་པ་ན་འདི་སྙམ་དུ་སེམས་ཏེ། བདག་གིས་དཔའ་བོ་ཐམས་ཅད་ཕམ་པར་བྱས་ནས་ཐམས་ཅད་བདག་ལ་སྐྱབས་སུ་འོང་བར་བྱའོ་སྙམ་དུ་སེམས་པ་དང་། དཔེར་ན ་རྒྱལ་པོའི་བུ་ནི་རྒྱལ་པོ་བརྗེ་བའི་སྐབས་སུ་རྒྱལ་པོའི་བུ་ཐམས་ཅད་ལས་འདས་པར་བྱས་ཏེ་བདག་གི་རྒྱལ་པོ་བྱའོ། ། བདག་རྒྱལ་པོའི་བུ་ཐམས་ཅད་ཀྱི་མངའ་བདག་ཏུ་འགྱུར་བར་བྱའོ།། ་བདག་ལ་དེ་དག་སྐྱབས་སུ་འོང་བར་བྱའོ།། བདག་གིས་དམན་པའི་སེམས་བསྐྱེད་པར་མི་བྱའོ་སྙམ་དུ་སེམས་པ་ལྟ་བུ་སྟེ། དཔའ་བོ་རྣམས་དང་། རྒྱལ་པོ་དང་། བློན་པོའང་རུང ་སྟེ་ཤིན་ཏུ་མཆོག་ཏུ་གྱུར་པས་ཁྱད་པར་དུ་འཕགས་པ་དེ་ལྟ་བུའི་རང་བཞིན་ཅན་རྣམས་ནི་རང་གི་ཡོན་ཏན་དང་འཚམ་པའི་བྱ་བ་སྒྲུབ་པར་བྱེད་དོ། ། རིགས་ཀྱི་བུ་དེ་བཞིན་དུ་བྱང་ཆུབ ་སེམས་དཔའ་སེམས་དཔའ་ཆེན་པོ་ནི། གཞི་གསུམ་ལས་འདས་པར་འགྱུར་བའི་སེམས་དང་ལྡན་པ་ཡིན་ནོ།། དེ་བས་ན་རྒྱལ་པོའི་བུ་དང་དཔའ་བོ་བཞིན་དུ་མི་འཇིགས་པར་སྙིང ་སྟོབས་སྐྱེད་ཅིག་དང་། ངས་གཞི་གསུམ་ཐ་དད་པ་མེད་པ་དང་། གསུམ་གྱི་ནང་ན་དེ་བཞིན་གཤེགས་པ་དམ་པ་ཡིན་པར་ངས་བསྟན་ཏོ།། ལུས་ཐམས་ཅད་ཀྱི་ནང་ན་མགོ་བོ་གཙོ་བོ་ཡིན ་པ་དེ་བཞིན་དུ། སངས་རྒྱས་ཉིད་གཙོ་བོ་ཡིན་ལ། ཇི་ལྟར་ལུས་ལས་མགོ་བོ་གུད་ན་འདུག་པབང་མ་ཡིན། གལ་བགུད་ན་འདུག་པའང་མ་ཡིན། རྐང་བཀུང་ན་འདུག་པའང་མ་ཡིན་དེ་བཚན ་སངས་རྒྱས་གུད་ན་འདུག་པའང་མ་ཡིན། ཆོས་གུད་ན་འདུག་པའང་མ་ཡིན། དགེ་འདུན་གུད་ན་འདུག་པའང་མ་ཡིན་ནོ།། འོན་ཀྱང་ཐ་དད་དུ་དབྱེ་བ་ནི་བྱོས་པ་རྣམས་ངེས ་པབར་བསྒྲལ་བའི་ཕྱིར་ཐེམ་སྨྲས་དང་འདྲ་བར་བསྟན་པ་ཡིན་ནོ། ། ཆོས་ཀྱི་དེ་ཁོ་ན་ཉིད་དུ་ན་ནི་གཞི་གསུམ་པོ་ལ་ཐ་དད་དུ་དབྱེ་བར་མ་ལྟ་ཞིང་། བྱས་པ་བཞིན་དུ་རྨོངས་པར་བྱེད་པའི་ཚིག་རྣམས ་མ་འཛིན་ཞིག། ཨུར་མོའི་རལ་གྲི་བཞིན་དུ་སེམས་རྣོ་བར་གྱིས་ཤིག། ཡེ་ཤེས་ཆེན་པོ་དང་ལྡན་པར་གྱིས་ཤིག། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ ་སེམས་དཔའ་ཆེན་པོ་འོད་སྲུངས་ཆེན་པོ་དང་རུས་གཅིག་པས་འདི་སྐད་ཅེས་གསོལ་ཏོ། ། དཔའ་བོ་ཆེན་པོ་བཅོམ་ལྡན་འདས་གློ་བར་ཆུད་བཞིན་དུ་བྱང་ཆུབ་སེམས་དཔའི་སྤྱོད་པ་དྲི་མ་མེད་པ ་བཤད་པར་གསོལ་བའི་སླད་དུ་བདག་གིས་ཞུ་ལགས་སོ། ། བཅོམ་ལྡན་འདས་ཀྱེ་མ་བྱང་ཆུབ་སེམས་དཔའི་སྤྱོད་པ་ཐེག་པ་ཆེན་པོ་བླ་ན་མེད་པ་ཤིན་ཏུ་རྒྱས་པ་ཨུར་མོའི་རལ་གྲི་ལྟ་བུ་ལེགས ་པར་བཀའ་སྩལ་ཏོ། ། ཀྱེ་མ་ལེགས་པར་བཞག་གོ།། བྱང་ཆུབ་སེམས་དཔའ་སྤྱོད་པ་བཤད་པ་ཐོས་ནས། བདག་གིས་ཀྱང་སེམས་ཅན་ཐམས་ཅད་ལ་བསྟན་པར་འཚལ་ལོ།། སེམས ་ཅན་སུའང་རུང་སྟེ་དེ་བཞིན་གཤེགས་པའི་སྙིང་པོ་རྟོགས་པར་བགྱི་བའི་སླད་དུ་མདོ་འདི་པ་མངོན་པར་དད་པ་རྣམས་ནི་རང་ཉིད་སྐྱབས་གསུམ་ལགས་ཏེ། དེས་ནི་བདག་ཉིད་ལ་སྐྱབས་སུ་མཆི ་བར་བགྱིའོ། ། གཞི་གསུམ་པ་ལ་ནི་མི་དགོས་ལགས་སོ།། དེ་ཅིའི་སླད་དུ་ཞེ་ན། དེ་བཞིན་གཤེགས་པའི་སྙིང་པོ་སངས་རྒྱས་ཀྱི་ཁམས་མཆིས་པའི་སླད་དུའོ།། རྣམ་པར་བརྟགས ་ནས་བདག་གི་ལུས་ལ་སངས་རྒྱས་ཀྱི་ཁམས་མཆིས་སོ་ཞེས་བརྗོད་པར་བགྱིའོ། ། དེ་ལྟར་འཚལ་ནས་དེས་སྐྱབས་གསུམ་དུའང་མཆི་བར་མི་བགྱི་སྟེ། དེ་ཉིད་ཆོས་དང་དགེ་འདུན་གྱི་སྦྱངས ་སུ་གྱུར་པ་དང་། ཉན་ཐོས་དང་རང་སངས་རྒྱས་རྣམས་ཀྱིས་རྟག་ཏུ་ཕྱག་བགྱི་བའི་གནས་ལགས་སོ།། དེ་བས་ན་ཐེག་པ་ཆེན་པོ་བསྒྲུབ་པ་བརྩམ་པར་བགྱིའོ།། དེ་ལྟར་ན་སངས་རྒྱས་ཀྱི ་ཁམས་དང་། མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་ནི་བསམ་གྱིས་མི་ཁྱབ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལེགས་སོ། ་ལེགས་སོ།། ཤེས་པ་རྣོན་པོས་ནི་དེ་ལྟར་བྱ་དགོས་སོ།། རིགས་ཀྱི་བུ་གཞན་ཡང་དེ་བཞིན་གཤེགས་པའི་སྙིང་པོ་ལ་འཇུག་པ་ངས་བཤད་པར་བྱའོ།། གལ་ཏེ་བདག་བརྟན་པ་དང་ཐེར ་ཟུག་པ་ཡིན་ན་ནི་སྡུག་བསྔལ་གྱི་མཐའ་ཡོད་པར་མི་འགྱུར་ལ། གལ་ཏེ་བདག་མེད་ནའང་ཚངས་པར་སྤྱོད་པ་ཐམས་ཅད་དོན་མེད་པར་འགྱུར་རོ།། ཆོས་ཐམས་ཅད་བདག་མེད་པ་ཡིན་ན་ནི ་དེ་ལྟར་ན་ཆད་པར་ལྟ་བར་འགྱུར་ལ། བདག་བརྟན་པ་ཡིན་ན་ནི་རྟག་པར་ལྟ་བར་འགྱུར་རོ།། ཆོས་ཐམས་ཅད་མི་རྟག་པ་ཡིན་ན་ནི་དེ་ལྟར་ན་ཆད་པར་ལྟ་བར་འགྱུར་ལ། ཆོས་ཐམ ་ཅད་རྟག་པ་ཡིན་ན་ནི་རྟག་པར་ལྟ་བར་འགྱུར་རོ། ། ཆོས་ཐམས་ཅད་སྡུག་བསྔལ་བ་ཡིན་ན་ནི་ཆད་པར་ལྟ་བར་འགྱུར་ལ། ཆོས་ཐམས་ཅད་བདེ་བ་ཡིན་ན་ནི་རྟག་པར་ལྟ། ་བར་འགྱུར་རོ།། ཆོས་ཐམས་ཅད་རྟག་པར་བསྒོམ་ན་ནི་ཆད་པར་འཛིན་པར་འགྱུར་ལ། ཐམས་ཅད་ཆད་པར་བསྒོམ་ན་ནི་མྱུར་དུ་རྟག་པར་འཛིན་པར་འགྱུར་རོ།། དཔེར་ན་སྲིན་བུ་པདང ་རྣམས་མིའི་མགོ་བོ་ལ་མྱུར་དུ་ཟ་ཞིང་། མྱུར་དུ་གནས་ཙོག་ཤོས་འདོར་བ་དེ་བཞིན་དུ། རྟག་པར་བསྒོམ་ན་ནི་ཐམས་ཅད་འཛིན་པས་སྲིན་བུ་པད་པ་བཞིན་དུ་འགྱུར་རོ།། དེ་བས་ན། ་མི་དགེ་བའི་ཆོས་གཞན་དག་ལ་ནི་སྡུག་བསྔལ་བར་བསྒོམ་པར་བྱའོ།། དགེ་བའི་ཆོས་གཞན་དག་ལ་ནི་བདེ་བར་བསྒོམ་པར་བྱའོ།། ཉོན་མོངས་པའི་རྣམ་པ་ལ་སོགས་པའི་ཆོས་གཞན ་དག་ལ་ནི་བདག་མེད་པར་བསྒོམ་པར་བྱའོ། ། མྱ་ངན་ལས་འདས་པ་ལ་ནི་གཞི་དང་གནས་མེད་པའི་ཕྱིར་དེ་བཞིན་གཤེགས་པའི་སྙིང་པོ་ལ་སོགས་པ་ཆོས་གཞན་དག་ལ་ནི་བདག་ཡོད་པར ་བསྒོམ་པར་བྱའོ། ། ལོངས་སྤྱོད་ལ་སོགས་པ་ཆོས་གཞན་དག་ལ་ནི་མི་རྟག་པར་བསྒོམ་པར་བྱའོ།། དེ་བཞིན་གཤེགས་པའི་ཆོས་ལ་སོགས་པ་ཆོས་གཞན་དག་ལ་ནི་རྟག་པར་བསྒོམ་པར ་བྱའོ། ། གཞོགསུམ་དང་ཐར་པའི་དེ་ཁོ་ན་ཉིད་ནི་སྲིན་བུ་པད་པ་ཟ་བ་ལྟ་བུ་མ་ཡིན་ནོ།། སངས་རྒྱས་ཀྱི་གསུང་ནི་དབུ་མའི་ལམ་ཡིན་ནོ་ཞེས་ཤེས་པར་གྱིས་ཤིག། སངས་རྒྱས་བཅོམ་ལྡན ་འདས་ཀྱིས་ནི་ཆད་པ་དང་རྟག་པ་གཉིས་ཀའི་མཐའ་སྤངས་པ་དབུ་མའི་ལམ་དུ་གསུངས་སོ། ། བླུན་པོ་རྣམས་ནི་སངས་རྒྱས་ཀྱི་གསུང་ལ་རྨོངས་ཏེ། ཕོ་བའི་དྲོད་ཆུང་བ་རྣམས་མར་ཆེར་ཟ་བ་བཞིན ་དུ་མྱུར་དུ་མཐའ་གཉིས་སུ་ལྟ་བར་འགྱུར་ལ། ཡོད་ཅེས་བྱ་བའང་མ་གྲུབ། མེད་ཅེས་བྱ་བའང་མི་འཐད་དོ།། དཔེར་ན་སྨན་པ་རྣམས་ནི་མཁྲིས་པ་ལ་སོགས་པའི་ཁམས་རྣམས་འཁྲུགས ་ཏེ་ཕན་ཚུན་མི་མཐུན་དུ་ཟིན་ཀྱང་མཁྲིས་པའི་ནད་ལ་ནི་མཁྲིས་པ་ཞི་བར་བྱེད། རླུང་ཤས་ཆེ་བ་ལ་ནི་རླུང་སེལ་བར་བྱེད། བད་ཀན་ལ་ནི་བད་ཀན་མེད་པར་བྱེད། ཆ་འདུས་པ་ལ་ནི ་ཆ་འདུས་པའི་གཉེན་པོ་བྱེད་དེ། ཕན་ཚུན་མི་མཐུན་པར་འགྱུར་བར་ཡང་མི་བྱེད་ལ། བདེ་བའང་སྐྱེད་པར་བྱེད་པ་དེ་བཞིན་དུ། སྨན་པ་ལྟར་ཉོན་མོངས་པའི་རྣམ་པའི་ནད་མཐའ ་ཡས་པ་རྣམས་མཐར་གྱིས་བསལ་ཏེ་ཡང་དག་པའི་ཁམས་ཀྱང་གསོ་བར་གྱིས་ཤིག། ཡང་དག་པའི་ཁམས་ཞེས་བྱ་བ་ནི་དེ་བཞིན་གཤེགས་པའི་སྙིང་པོ་སྟེ། སངས་རྒྱས་ཀྱི་ཁམས ་ཞེས་བྱ་བ་ཡིན་གྱི། ཁམས་ཐམས་ཅད་སྤངས་ཏེ་རྟག་པ་དང་བརྟན་པ་ལ་ནན་ཏན་གྱིས་ཤིག། ཤེས་རབ་ཅན་རྣམས་ཀྱིས་ནི་ཡོད་པ་ལའང་ཆགས་པར་མི་བྱའོ།། མེད་ཅེས་བྱ་བའང་བརྫུན ་དུ་སྨྲས་པ་ལས་བྱུང་བ་ཡིན་ན། ཡོད་ཅེས་བྱ་བའང་ཁ་རོག་སྟེ་ཁས་བླང་བར་མི་བྱའོ།། རྩོད་པར་ཡང་མི་བྱ་སྟེ། འདི་དག་རང་བཞིན་གྱིས་ཆོས་ཉིད་དུ་ཤེས་པར་བྱའོ།། ཐུན་པོ་ད ་པའི་ཚིག་མི་ཤེས་པ་རྣམས་ཀྱིས་ནི་ངའི་ལུས་ལ་བདེ་བའི་ས་བོན་དེ་ལྟ་བུ་ཡོད་བཞིན་དུ། སྡུག་བསྔལ་བར་བསྟན་པའི་ཕྱིར་རྟག་ཏུ་རྩོད་པར་བྱེད་དེ། ཐམས་ཅད་བཟུང ་བས་བྱིས་པ་རྣམས་ངའི་ལུས་མི་བརྟན་ནོ་སྙམ་དུ་སེམས་ཤིང་རྟོག་པར་བྱེད་དོ། ། མི་རྟག་པ་ལ་བསྟན་ན་ནི་བྱིས་པ་རྣམས་རྫ་མཁན་གྱི་སྣོད་བཞིན་དུ་མི་རྟག་གོ་སྙམ་དུ་འཛིན་ཏོ།། ཤེས་རབ་ཅན ་རྣམས་ཀྱིས་ནི་ངའི་ལུས་ལ་ཆོས་ཀྱི་སྐུའི་ས་བོན་དེ་ལྟ་བུ་ཡོད་དོ་སྙམ་དུ་ཤེས་པས་ཐམས་ཅད་འཛིན་པར་མི་བྱེད་དོ། ། བདག་མེད་པ་བསྟན་ན་ནི་བྱིས་པ་རྣམས་བསྟན་པ་བདག་མེད་དོ་སྙམ་དུ་འཛིན ་ཏོ། ། ཤེས་རབ་ཅན་རྣམས་ཀྱིས་ནི་ཐ་སྙད་དུ་ཡོད་དོ་སྙམ་དུ་ཤེས་ཏེ་ཐེ་ཙོམ་མེད་དོ།། དེ་བཞིན་གཤེགས་པའི་སྙིང་པོ་ནི་སྟོང་པ་ཡིན་ནོ་ཞེས་བསྟན་ན་ནི། བྱོས་པ་རྣམས་ཆད་པ ་འཇིགས་སུ་རུང་བ། ཡོན་པོ་སྒོམ་པར་བྱེད་དོ།། ཤེས་རབ་ཅན་རྣམས་ཀྱིས་ནི་རྟག་པ་དང་། བརྟན་པ་དང་། ཐེར་ཟུག་པ་དེ་སྒྱུ་མ་ཙམ་དུ་ཡོད་པར་ཤེས་སོ།། ཐར་པར་བསྟན ་ན་ནི་བྱིས་པ་རྣམས་སངས་རྒྱས་རྣམས་ཀྱིས་ཐར་པ་བརྙེས་ནས་མེད་པར་འགྱུར་རོ་སྙམ་དུ་འཛིན་ཏོ། ། ཤེས་རབ་ཅན་རྣམས་ཀྱིས་ནི་སངས་རྒྱས་བྱོན་པ་དང་། གཤེགས་པ་ཡོད་པར་ཤེས ་ཏེ་མིའི་སེང་གེ་བྱོན་ཏོ་ཞེས་ཟེར་རོ། ། བྱིས་པ་རྣམས་ནི་མ་རིག་པའི་རྐྱེན་གྱིས་འདུ་བྱེད་རྣམས་ཞེས་བྱ་བ་ལ་གཉིས་སུ་འཛིན་ཏོ།། ཤེས་རབ་ཅན་རྣམས་ཀྱིས་ནི་མ་རིག་པ་དང་རིག་པ་ཐ་དད་། ་པ་གཉིས་སུ་མེད་པར་ཤེས་སོ།། བྱིས་པ་རྣམས་ནི་འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་ཞེས་བྱ་བ་ལ་གཉིས་སུ་འཛིན་ཏོ།། ཤེས་རབ་ཅན་རྣམས་ཀྱིས་ནི་འདུ་བྱེད་རྣམས་དང ་འདུ་བྱེད་པ་མེད་པ་ཐ་དད་པ་གཉིས་སུ་མེད་པར་ཤེས་སོ། ། དེ་བཞིན་དུ་བྱིས་པ་རྣམས་ནི་དགེ་བ་དང་མི་དགེ་བ་ཐམས་ཅད་ལ་ཐ་དད་པ་གཉིས་སུ་འཛིན་ཏོ།། ཤེས་རབ་ཅན་རྣམས་ཀྱིས་ནི ་གཉིས་སུ་མེད་པར་ཤེས་སོ་ཞེས་གསུངས་སོ། ། བྱིས་པ་རྣམས་ནི་ཁ་ན་མ་ཐོ་བ་དང་ལན་མ་ཐོ་བ་མེད་པ་ལ་གཉིས་སུ་འཛིན་ཏོ།། ཤེས་རབ་ཅན་རྣམས་ཀྱིས་ནི་དེ་བཞིན་དུ་མེད་པར་ཤེས ་སོ་ཞེས་གསུངས་ཏེ། དེ་ནི་ཤེས་རབ་ཅན་རྣམས་ཀྱི་རང་བཞིན་ཡིན་ནོ།། བྱིས་པ་རྣམ་ནི་ལམ་དང་ལམ་ཡིན་པ་ཞེས་བྱ་བ་ལ་གཉིས་སུ་འཛིན་ཏོ།། ཤེས་རབ་ཅན་རྣམས་ཀྱིས་ནི་གཉིས ་སུ་མེད་པར་ཤེས་སོ་ཞེས་གསུངས་ཏེ། དེ་ནི་ཤེས་རབ་ཅན་རྣམས་ཀྱིས་རང་བཞིན་ཡིན་ནོ།། བྱིས་པ་རྣམས་ནི་ཆོས་ཐམས་ཅད་ནག་པོ་དང་། དཀར་པོའོ་ཞེས་བྱ་བ་ལ་གཉིས་སུ་འཛིན ་ཏོ། ཤེས་རབ་ས་རྣམས་ཀྱིས་ནི་གཉིས་སུ་མེད་པར་ཤེས་སོ་ཞེས་གསུངས་ཏེ། དེ་ནི་ཤེས་རབ་ཅན་རྣམས་ཀྱིས་རང་བཞིན་ཡིན་ནོ།། བྱིས་པ་རྣམས་ནི་ཆོས་ཐམས་ཅད་སྡུག་བསྔལ་བ་དང་། ་བདེ་བ་ཐ་དད་པ་གཉིས་སུ་སྒོམ་པར་བྱེད་དོ།། ཤེས་རབ་ཅན་རྣམས་ནི་གཉིས་སུ་མེད་པར་བསྒོམ་མོ་ཞེས་གསུངས་ཏེ། དེ་ནི་ཤེས་རབ་རྣམས་ཀྱིས་རང་བཞིན་ཡིན་ནོ།། བྱིས་པའི་བློ་ཅན ་རྣམས་ནི་དེ་བཞིན་གཤེགས་པའི་སྙིང་པོ་ལ་འདུས་བྱས་ཐམས་ཅད་མི་རྟག་པའོ་ཞེས་སྒོམ་པར་བྱེད་དོ། ། ཤེས་རབ་ཅན་རྣམས་ཀྱིས་ནི་གཉིས་སུ་མེད་པར་ཤེས་སོ་ཞེས་གསུང ་ཏེདེ་ནི་ཤེས་རབ་ཅན་རྣམས་ཀྱིས་རང་བཞིན་ཡིན་ནོ། ། བྱིས་པ་རྣམས་ནི་སངས་རྒྱས་ཀྱི་བདག་མེད་པར་འཛིན་ཏོ།། ཤེས་རབ་ཅན་རྣམས་ཀྱིས་ནི་བདག་ཡོད་པ་དང་། བདག་མེད་པར་གཉིས ་སུ་མེད་ཤེས་ཏེ། དེ་ནི་ཤེས་རབ་ཅན་རྣམས་ཀྱིས་རང་བཞིན་ཡིན་ནོ།། དེ་བཞིན་གཤེགས་པའི་སྙིང་པོ་དཔག་ཏུ་མེད་པ། སངས་རྒྱས་ཀྱིས་བསྔགས་པའི་བསོད་ནམས་ཐམས་ཅད ་བསྡུས་པའི་མདོ་ལས་ངས་བསྟན་ཏོ། ། བདག་ཡོད་པ་དང་བདག་མེད་པ་གཉིས་སུ་མེད་པར་གཟུང་བར་བྱའོ།། རིགས་ཀྱི་བུ་བསོད་ནམས་ཐམས་ཅད་བསྡུས་པའི་མདོ་དང་། ཤེས་རབ་ཀྱི ་ཕ་རོལ་ཏུ་ཕྱིན་པའི་མདོ་ཆེན་པོ་ལས། གཉིས་སུ་མེད་པ་ལ་འཇུག་པའི་སྣང་བ་དེ་ཉིད་ལས་བདག་ཡོད་པ་དང་། བདག་མེད་པ་གཉིས་སུ་མེད་པར་ངས་བསྟན་པ་དེ་རྗེས་སུ་དྲན་པར ་གྱིས་ཤིག། ། འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས་བམ་པོ་བཅུ་པ། དཔེར་ན་འོ་མ་ལས་ཞོ་འབྱུང་། ་ལས་མར་འབྱུང་། མར་ལས་ཞུན་མར་འབྱུང་། ཞུན་མར་ལས་མར་གྱི་ཉིང་ཁུ་འབྱུང་ན། དེ་ལ་ཅི་ཞོ་དེ་འོ་མའི་དངོས་པོ་དང་མགོ་མཉམ་དུ་འབྱུང་མ། འོན་ཏེ་ཞོ་རང་ཉིད་འབྱུང་ངམ། ་དེ་བཞིན་དུ་ཅི་མར་དེ་ཞོའི་དངོས་པོ་དང་མགོ་མཉམ་དུ་བྱུང་ངམ། འོན་ཏེ་མར་རང་ཉིད་བྱུང་ངམ། དེ་བཞིན་དུ་ཅི་ཞུན་མར་དེ་མར་གྱི་དངོས་པོ་དང་མགོ་མཉམ་དུ་བྱུང་ངམ། འོན་ཏེ་ཞུན ་མར་རང་ཉིད་བྱུང་ངམ། དེ་བཞིན་དུ་ཅི་མར་གྱི་ཉིང་ལུ་དེ་ཞུན་མར་གྱི་དངོས་པོ་དང་མགོ་མཉམ་དུ་བྱུང་ངམ། འོན་ཏེ་མར་གྱི་ཉིང་ཁུ་རང་ཉིད་བྱུང་ངམ། འོན་ཏེ་སྣུམ་དེ་གཞན ་ཞིག་ནས་བྱུང་ངམ། གལ་ཏེ་གཞན་ཞིག་ལས་བྱུང་ན། དེ་ལྟ་ན་གང་ལས་བྱུང་། དེ་སྟེ་འོ་མ་མེད་པར་ཞོ་བྱུང་ན་ནི། འོ་མ་མི་དགོས་པར་འགྱུར་རོ།། གལ་ཏེ་དེ་ལྟ་ན་ནི་རང་བཞིན ་ཅན་དུ་འགྱུར་ལ། ཞོའི་རྒྱུ་དང་རྟགས་གཉིས་ཀྱང་སྣང་ངོ་།། དེ་བས་ན་གཅིག་ནས་གཅིག་ཏུ་བརྒྱུད་དེ་བྱུང་བའང་ཡིན་ལ། དངོས་པོ་དེ་དག་དང་མགོ་མཉམ་དུ་གཅིག་ནས་གཅིག་ཏུ་བརྒྱུད ་དེ་བྱུང་ཞེས་ཀྱང་མི་བྱའོ། ། གལ་ཏེ་དངོས་པོ་དེ་དག་དང་མགོ་མཉམ་དུ་མ་བྱུང་ནའང་། དེ་ལྟར་ན་ཡེ་མེད་དམ། བ་ལས་བྱུང་བའི་ཞུན་མར་ཡང་གཞན་ལས་བྱུང་བ་མ་ཡིན་ལ། རང ་བཞོན་ཅན་དེའང་ཐམས་ཅད་ལ་ཡོད་མོད་ཀྱི། འོན་ཀྱང་ཉེས་པས་བསྤོབས་པ་དང་། ཕན་ཚུན་འདྲེས་པའི་ཚུལ་དུ་འདུག་པའི་ཕྱིར་མི་མངོན་ཏེ། བའི་ཟས་ཀྱི་ཉེས་པས་འོ་མ་ཁྲག ་གི་རླིང་བ་ཟོལ། བས་ཤིང་ཡར་ཟོས་ན་ནི་འོ་མ་མངར་བ་འབྱུང་ངོ་།། རྫ་རོ་ཚ་བ་ཟོས་ན་ནི་འོ་མ་རོ་ཚ་བ་འབྱུང་ངོ་།། གངས་ཀྱི་རོལ་ཏུའི་རིགས་སྐུམ་ཅན་ཞེས་བྱ་བ་ཞིག་ཡོད་དེ། བས ་དེ་ཟོས་ན་ནི་འོ་མ་མར་གྱི་ཉིང་ལུའི་རང་བཞིན་ཁོ་ནར་འབྱུང་སྟེ། དཀར་བའང་མ་ཡིན། སྔོ་བའང་མ་ཡིན། དམར་བའང་མ་ཡིན། སྔོ་སྐྱབང་མ་ཡིན་པ ་མར་གྱི་ཉིང་ཁུའི་རང་བཞིནི་ཁོ་ནར་བྱུང་སྟེ། དེ་ལྟར་རྩཝའི་བྱེ་བྲག་གི་སེ་བོ་མ་མདོག་ངན་པ་དང་། མདོག་བཟང་པོར་འགྱུར་པ་དེ་བཞིན་དུ། མ་རིག་པ་དང་རིག་པ་གཉིས་སུ་མེད་མོད་ཀྱིས། ་སེམས་ཅན་རྣམས་ཀྱི་ལས་ཀྱི་ཉེས་པས་རིག་པ་གང་ཡིན་པ་དེ་ཉིད་མ་རིག་པ་ལྟ་བུར་གྱུར་ཏེ། དགེ་བ་དང་མི་དགེ་བའི་ཆོས་ཐམས་ཅད་ཀྱང་གཉིས་སུ་མེད་པ་ཁོ་ནའོ།། དེ་བས་ན་སྔར་བསྟན ་པ་ཁོ་ན་བཞིན་དུ། དེ་བཞིན་གཤེགས་པའི་སྙིང་པོ་ནི་མར་གྱི་ཉིང་ཁུ་ལྟ་བུའི་རང་བཞིན་ཅན་ཡིན་མོད་ཀྱི། ཉོན་མོངས་པའི་རྣམ་པའི་ཉེས་པས་གཞན་དུ་སྣང་བར་འགྱུར་རོ།། དཔེར་ན་རྒྱ་མཚོའོ།། ་ཆུ་ནི་ལན་ཚྭའི་དོན་གཅིག་པུ་བྱེད་པར་ཟད་མོད་ཀྱི། ལན་ཚྭའི་དོན་གཅིག་པུ་བྱེད་པའོ་ཞེས་བརྗོད་པར་མི་བྱ་སྟེ། རྒྱ་མཚོའི་ནང་ན་འོ་མའི་རྒྱ་མཚོ་ཞེས་བྱ་བའང་ཡོད་དོ།། གངས་ཀྱི་རི་ལའང ་སྨན་མོད་པའི་ཕྱིར་ཡོན་ཏན་ལས་སྨོས་ཏེ། གངས་ཀྱི་རི་ལ་ནི་དུག་ཀྱང་ཡོད་མོད་ཀྱི། འོན་ཀྱང་སྨན་གཙོ་བོར་སྨོས་པ་དེ་བཞིན་དུ་ལུས་འདི་ཡང་དེ་དང་འདྲ་སྟེ། སྦྲུལ་གདུག་པ་ལྟ་བུའི་ཁམས ་བཞིའི་དུག་དང་ལྡན་མོད་ཀྱི། སྨན་གྱི་རྒྱལ་པོ་དེ་བཞིན་གཤེགས་པའི་སྙིང་པོ་དེ་ཡོད་པས་ན། དེ་བཞིན་གཤེགས་པའི་སྙིང་པོ་ཐོག་མ་ནས་བཅོས་མ་མ་ཡིན་པའི་ཁམས་ཡིན་ལ། ཉོན ་མོངས་པ་རྣམས་ནི་གློ་བུར་དུ་བྱུང་བ་ཡིན་ཏེ། སངས་རྒྱས་སུ་འགྱུར་བར་འདོད་པ་སུའང་རུང་བ་རྣམས་ཀྱིས་ནི་ཉོན་མོངས་པའི་རྣམ་པ་རྣམས་གཞོམ་པར་བྱའོ།། དཔེར་ན་ནམ་མཁའ ་ལས་འབྲུག་སྒྲ་གྲག་ན་ཤ་མོ་མྱུར་དུ་སྐྱེ་བར་འགྱུར་ལ། སོས་ཀན་ནི་ཤ་མོའི་མིང་ཡང་མེད་དེ། འབྲུག་སྒྲས་འཐོན་པར་འགྱུར་བ་དེ་བཞིན་དུ། དེ་བཞིན་གཤེགས་པའི་སྙིང་པོའང་ཉོན ་མོངས་པའི་རྣམ་པས་བསྒྲིབས་པས་བདག་མེད་པ་བཞིན་དུ་སྣང་ལ། མདོ་ཆེན་པོ་འདི་ཐོས་པ་གང་ཡིན་པ་དེ་དག་ཡོངས་སུ་མྱ་ངན་ལས་འདས་པ་ཆེན་པོ་ཐོས་མ་ཐག་ཏུ། ཤ་མོ་བཞིན ་དུ་དེ་བཞིན་གཤེགས་པའི་སྙིང་པོའི་ཤེས་པ་སྐྱེ་བར་འགྱུར་རོ། ། མདོ་སྡེ་ཐམས་ཅད་དང་ཏིང་ངེ་འཛིན་ཐམས་ཅད་ནི་སོས་ཀའི་དུས་དང་འདྲ་སྟེ། མདོ་སྡེ་ཐམས་ཅད་དང་ཏིང་ངེ་འཛིན ་ཐམས་ཅད་ཐོས་པས་ནི། དེ་བཞིན་གཤེགས་པའི་སྙིང་པོ་ཡོད་པར་ཡང་དག་པར་མི་ཤེས་སོ།། དབྱར་གྱི་ནམ་ལ་ཤ་མོ་སྐྱེ་བ་བཞོན་དུ། ཡོངས་སུ་མྱ་ངན་ལས་འདས་པ་ཆེན་པོའི་མདོ ་ཆེན་པོ་འདི་ལས་དགོངས་པའི་ཚིག་གསང་བ་ཐམས་ཅད་འབྱུང་སྟེ། མདོ་སྡེ་འདི་ཐོས་མ་ཐག་ཏུ་དབྱར་གྱི་ནམ་ལ་ཤ་མོ་སྐྱེ་བ་བཞིན་དུ་སེམས་ཅན་གྱིས་དེ་བཞིན་གཤེགས་པའི་སྙིང་པོ་ཡོད ་པར་ཡང་དག་པར་ཤེས་པར་འགྱུར་རོ། ། དེ་ལ་དོན་ཆེན་པོ་རྒྱས་པར་བྱེད་པས་ན་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱ་སྟེ། ཡོངས་སུ་མྱ་ངན་ལས་འདས་པ་ཆེན་པོའི་མདོ ་ཆེན་པོ་འདི་ལ་སློབ་པ་གང་ཡིན་པ་དེ་དག་ནི་ང་ལ་དྲིན་དུ་གཟོ་བ་ཡིན་ནོ། ། གསོལ་པ། བཅོམ་ལྡན་འདས་ཀྱེ་མ་དེ་བཞིན་གཤེགས་པའི་སྙིང་པོ་ནི་ཉན་ཐོས་དང་རང ་སངས་རྒྱས་ཐམས་ཅད་ཀྱིས་མཐོང་བར་ཤིན་ཏུ་དཀའ་བ་དང་། རྗེས་སུ་ཤེས་པར་ཤིན་ཏུ་དཀའ་བ་དང་། བཟོད་པར་ཤིན་ཏུ་དཀའ་བ་ལགས་སོ།། བཅོམ་ལྡན་འདས་ཀྱིས ་བཀའ་སྩལ་པ། རིགས་ཀྱི་བུ་དེ་ནི་དེ་བཞིན་ནོ།། རིགས་ཀྱི་བུ་དེ་ནི་དེ་བཞིན་ཏེ། ངའང་དེ་ཁོ་ན་སྐད་ཟེར་རོ།། གསོལ་པ། ཇི་ལྟར་མཐོང་བར་དཀའ་བ་ལགས། བཀའ་སྩལ ་པ་རིགས་ཀྱི་བུ་དཔེར་ན་ལོང་བ་བརྒྱ་ཞིག་ཡོད་ལ། ལོང་བ་དེ་དག་མིག་གིས་མཐོང་བར་འདོད་པའི་ཕྱིར་སྨན་པ་ཆེན་པོ་མིག་མཁན་ཞིག་གཉེར་ནས། སྨན་པ་དེས་དེ་དག་གི་དཔྱད ་བྱས་ཏེ། དེ་དག་གི་མིག་བྲིས་ཡོག་པ་བསལ་ནས་རང་གིསོར་མོ་གཅིག་བསྟན་ཏེ། རེ་རེ་ལ་འདི་སྐད་དུ་ཀྱེ་མི་ཁྱོད་ཀྱིས་ངའི་སོར་མོ་ལྟོས་ཤིག་དང་། ཁྱོད་ཀྱིས་དཔྱད་ལེགས་སམ་མ་ལེགས ་པ་མངོན་ནོ་ཞེས་ཟེར་རོ། ། དེ་ནས་དཔྱད་བྱས་སུ་ཟིན་ཀྱང་དེའི་སོར་མོ་ཐབས་ཇི་ལྟར་བསྟན་ཀྱང་མི་དེས་མ་མཐོང་ངོ་།། དེ་ནས་ལན་གཉིས་ལན་གསུམ་གྱི་བར་དུ་བསྟན་པ་དང་དེའུ་མ་མཐོང ་སྟེ་མཐོང་བ་དེ་བཞིན་དུ། རིགས་ཀྱི་བུ་ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡོངས་སུ་སྦྱང་བའི་དཔྱད་ཐམས་ཅད་བྱས་པ་རྣམས་ཀྱང་དེ་དང་འདྲ་སྟེ། དེ་ལྟར ་ཡོངས་སུ་སྦྱང་བ་བྱས་ཀྱང་། མི་དེ་དང་འདྲ་བར་བདག་ཉིད་ལ་དེ་བཞིན་གཤེགས་པའི་སྙིང་པོ་ཡོད་པར་ལན་གཉིས་ལན་གསུམ་གྱི་བར་དུ་ངས་བསྟན་པ་དང་དེའུ་མ་མཐོང་སྟེ། མཐོང ་ནས་འདི་སྐད་ཅེས་ཟེར་ཏེ། བདག་ཅག་ཀྱང་ཡུན་འདི་སྲིད་ཀྱི་བར་དུ་བདག་མེད་པའི་འཁོར་ལོ་གཅིག་པུས་ཡོངས་སུ་བསྐོར་ན། ཉན་ཐོས་དང་རང་སངས་རྒྱས་རྣམས་ཀྱིས་ལྟ་མཐོང་རེ་སྐན ་ཞེས་ཟེར་ཏེ། རིགས་ཀྱི་བུ་དེ་ལྟར་ན་ངའི་ཁམས་ཀྱི་བསྟན་བཅོས་ལ་འཇུག་པ་ནི་མཐོང་བར་དཀའ་བ་ཡིན་ནོ།། རིགས་ཀྱི་བུ་གཞན་ཡང་དཔེར་ན་མི་ལ་ལ་ཞིག་གིས་ནམ་མཁའ་ལ་ངང ་བ་སྦྲེངས་ཤིང་ལྡིང་བ་མཐོང་ནས། དེས་དེ་ལྟར་མཐོང་ནས་ཐེ་ཙོམ་སྐྱེས་ཏེ། ཅི་འདི་ནམ་མཁའ་ཡིན་ནམ། འོན་ཏེ་ངང་པ་ལྡིང་བ་ཡིན་ཇི་གུ་སྙམ་པ་ལས། དེས་ལེགས་པར་བརྟགས ་ན་ངང་པ་ལྡིང་བ་ཡིན་པར་འོལ་ཕྱིར་མཐོང་བ་དེ་བཞིན་དུ། ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་བདག་ཅག་གིས་རང་རང་ལ་དེ་བཞིན་གཤེགས ་པའི་སྙིང་པོ་ཡོད་པར་འོལ་ཕྱིར་མཐོང་ངོ་སྙམ་དུ་སེམས་ན། ཉན་ཐོས་དང་རང་སངས་རྒྱས་ཐམས་ཅད་ཀྱིས་ལྟ་མཐོང་རེ་སྐན། དཔེར་ན་མི་ལ་ལ་ལམ་དུ་ཞུགས་པ་ལས་མཁྲིས་པ་འཁྲུགས ་ཏེ་ཕྱོགས་བསླད་ནས་ལེགས་པར་བརྟགས་ན་ཡམ་དང་གཟུགས་འོལ་བྱར་མཐོང་བ་དེ་བཞིན་དུ། ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་ལེགས ་པར་བརྟགས་ན་རང་གི་ལུས་ལ་དེ་བཞིན་གཤེགས་པའི་སྙིང་པོ་བྱས་པ་མ་ཡིན་པའི་ཁམས་ཡོད་པ་འོལ་བྱར་མཐོང་བར་ཟད་དོ། ། དཔེར་ན་འགྲོན་པོ་ལ་ལ་ཞིག་སྐོམ ་གྱིས་གདུངས་ནས་དབྱེ་དགོན་པ་ན་ཆུ་མི་རྙེད་དེ། ཆུ་འདོད་ཅིང་འདུག་པ་ལས་ཤིང་ཀ་ན་བྱ་གར་འཁོད་པ་དག་མཐོང་ནས། ཅི་འདི་ཁང་བཟངས་ཤིག་ཡིན་ནམ། འོན་ཏེ་ནམ་མཁའ་ཡིན ་སྙམ་པ་ལས། ལེགས་པར་བརྟགས་ན་བྱ་གར་ཡིན་པར་བོ་ལ་བྱིར་མཐོང་བ་དེ་བཞིན་དུ། རིགས་ཀྱི་བུ་ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་རང ་གི་ལུས་ལ་དེ་བཞིན་གཤེགས་པའི་སྙིང་པོ་ཡོད་བཞིན་དུ་ཡོད་པར་འོལ་ཕྱིར་མཐོང་བར་ཟད་དོ། ། རིགས་ཀྱི་བུ་དཔེར་ན་རྒྱ་མཚོའི་ཀླུར་ཞུགས་པའི་མིས་དཔག་ཚད་མང་པོ་ཞིག་གི་ཕ་རོལ་ནས་གྲོང ་ཁྱེར་གྱི་ནང་ན་ཁང་བཟངས་དཀར་པོ་ཞིག་མཐོང་ནས་འདི་སྙམ་དུ་རྟོག་སྟེ། ཅི་འདི་ནམ་མཁའ་ཡིན་ནམ་ཁང་བཟངས་ཡིན་ཛཾ་གུ་སྙམ་པ་ལས། ལེགས་པར་བརྟགས་ན་འོལ་བྱིར་མཐོང ་བཔ་དེ་བཞིན་དུ། ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་རང་གི་ལུས་ལ་སངས་རྒྱས་ཀྱི་ཁམ་ཡོད་བཞིན་དུ་ཡོད་པར་རོལ་ཕྱིར་མཐོང་བར་ཟད་དོ།། རིགས ་ཀྱི་བུ་དཔེར་ན་རྒྱལ་པོའི་བུ་གཞོན་ནུ་སྒྱིད་བདེ་བར་འདུག་པ་ཞིག་མཚན་ཡལ་ནངས་སུ་རོལ་མོ་ལ་ལྟད་མོ་ལྟ་བ་ལས་ལངས་ཏེ། ཉི་མའི་འོད་ཀྱིས་མིག་འཁྲུགས་པར་གྱུར་པས་ལེགས་པར་བརྟག ་ན་རང་གི་སྐ་རགས་འོལ་ཕྱིར་ཙམ་དུ་མཐོང་བ་དེ་བཞིན་དུ། ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་རང་གི་ལུས་ལ་སངས་རྒྱས་ཀྱི་ཁམས་ཡོད་པར ་བོལ་བྱིར་མཐོང་བར་ཟད་དོ། ། དཔེར་ན་རྒྱལ་པོའི་ཞམ་རིང་ལ་ལ་ཞིག་མཚན་མོ་མུན་ནག་སྤྲིན་སྟུག་པོས་འཁྲིགས་པའི་ནང་ན་རྒྱལ་པོའི་ཕོ་བྲང་ནས་བྱུང་སྟེ་རང་གི་ཁྱིམ་དུ་འགྲོ་བ་ན་གློག་འགྱུ ་བའི་སྐབས་སུ་གླང་ཁྱ་བ་མདུན་ལོགས་ནས་འོང་བ་མཐོང་ནས་འདི་སྙམ་དུ་རྟོག་སྟེ། ཅི་སྤྲིན་ནམ། འོན་ཏེ་ཁྱིམ་མམ། སྒོ་ལང་ངམ། ཡང་ཐོག་ཅིག་གམ་སྙམ་པ་ལས། ལེགས ་པར་བརྟགས་ན་འོལ་ཕྱིར་མཐོང་བ་དེ་བཞིན་དུ། ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་། རང་གི་ལུས་ལ་སངས་རྒྱས་ཀྱི་ཁམས་ཡོད་བཞིན ་དུ་བདག་གི་ལུས་ལ་དེ་བཞིན་གཤེགས་པའི་སྙིང་པོ་ཡོད་དོ་སྙམ་དུ་འོལ་ཕྱིར་མཐོང་བར་ཟད་དོ། ། དཔེར་ན་དགེ་སློང་ཚུལ་ཁྲིམས་བསྲུངས་པ་ལ་གུས་པ་ལ་ལ་ཞིག་གིས་ཆུ་སྲོག་ཆགས་མེད ་པལ་རང་གི་བློས་སྲོག་ཆགས་ཡོད་པར་མཐོང་ནས་འདི་སྙམ་དུ་རྟོག་སྟེ། ཅི་སྲོག་ཆགས་ཡིན་ནམ། འོན་ཏེ་རྡུལ་ཡིན་ནམ། ཡང་ན་གློ་བུར་དུ་འོངས་པའི་རྡུལ་ལམ། སྲོག་ཆགས ་ཤིག་གམ་སྙམ་པ་ལས། ལེགས་པར་བརྟགས་ན་འོལ་བྱོར་མཐོང་བ་དེ་བཞིན་དུ། ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་རང་གི་ལུས ་པ་དེ་བཞིན་གཤེགས་པའི་སྙིང་པོ་ཡོད་བཞིན་དུ་ཡོད་པར་རོལ་གྱིར་མཐོང་བར་ཟད་དོ། ། དཔེར་ན་མིལ་ལ་ཎྜ་དྲོ་ལྷོ་བུར་འཕྲིགས་པ་ན་ཕན་ཚུན་འགྲོ་བ་ལས་བྱིས་པ་དག ་མཐོང་ནས་འདི་སྙམ་དུ་རྟོག་སྟེ། ཅི་བ་གླང་ངམ། མ་ཧེ་འམ། འོན་ཏེ་བྱ་རྒོད་དམ་སྙམ་པ་ལས། དེའི་འོག་ཏུ་བྱིས་པ་ཡིན་པར་རོལ་ཕྱིར་མཐོང་བ་དེ་བཞིན་དུ། ས་བཅུ་ཐོབ་པའི ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་། རང་གི་ལུས་ལ་དེ་བཞིན་གཤེགས་པའི་སྙིང་པོ་ཡོད་བཞིན་དུ་ཡོད་པར་འོལ་ཕྱིར་མཐོང་བར་ཟད་དོ།། དཔེར་ན ་བ་ཡང་ཆུབ་སེམས་དཔའི་གཟུགས་རས་ཆེན་པོ་ལ་བྲིས་པ་མཚན་མོ་མུན་པའི་ནང་དུ་བཀྲམ་པ་ལ་མི་མིག་ཡོད་པ་དེ་དག་གིས་བརྟགས་ན་ཅི་སངས་རྒྱས་ཀྱི་སྐུ་གཟུགས་ཤིག་ཡིན་ནམ ་འོན་ཏེ་ཟོང་རས་དམར་པོ་ཞིག་ཀམ། འོན་ཏེ་དབང་ཕྱུག་ཆེན་པོ་དང་། ཚངས་པའི་གཟུགས་ཤིག་གམ་སྙམ་པ་ལས། དེའི་འོག་ཏུ་བྱང་ཆུབ་སེམས་དཔའི་གཟུགས་ཡིན་པར་འོལ ་བྱིཕྱིར་མཐོང་བ་དེ་བཞིན་དུ། རིགས་ཀྱི་བུ་ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་རང་གི་ལུས་ལ་དེ་བཞིན་གཤེགས་པའི་སྙིང་པོ་ཡོད་བཞིན་དུ ་ཡོད་པར་འོལ་ཕྱིར་མཐོང་བར་ཟད་དོ། ། རིགས་ཀྱི་བུ་དེ་ལྟར་ན་དེ་བཞིན་གཤེགས་པའི་སྙིང་པོ་ནི་མཐོང་བར་ཤིན་ཏུ་དཀའ་སྟེ། དེ་བཞིན་གཤེགས་པའི་ཡུལ་ཡིན་གྱི། ཉན་ཐོས་དང ་རང་སངས་རྒྱས་ཀྱི་ཡུལ་མ་ཡིན་ནོ། ། རིགས་ཀྱི་བུ་དེ་ལྟར་ན་ངའི་བསྟན་པ་ནི་མཁས་པས་རིག་པར་བྱ་བ་ཡིན་ཏེ། འཇིག་རྟེན་ཐམས་ཅད་དང་མི་མཐུན་ནོ།། གསོལ་པ། གས་ཏེ་དེ་ལྟ་ལགས་ན་ཤའི ་མིག་དང་ལྡན་པ་རྣམས་ཀྱིས་ཆ་ཕྲ་བ་ཇི་ལྟར་བལྟ་བར་བགྱི་ལགས། བཀའ་སྩལ་པ། འདུ་ཤེས་མེད་འདུ་ཤེས་མེད་མིན་གྱི་ལྷ་རྣམས་ཀྱང་ཇི་ལྟར་བལྟ་བར་བྱ། འདི་ནི་སངས་རྒྱས ་ཉིད་ཀྱི་ཡུལ་ཡིན་གྱི། ཉན་ཐོས་དང་རང་སངས་རྒྱས་ཐམས་ཅད་ཀྱི་ཡུལ་མ་ཡིན་ཏེ། དེ་དག་གིས་ནི་མདོ་འདི་རྗེས་སུ་མཐུན་པ་ལས་ཡིད་ཆེས་པར་བྱའོ།། དེ་ལྟར་བྱས་ཏང་དེ་དག ་ཀྱང་ཡང་དག་པའི་ལྟ་བ་ཅན་དུ་འགྱུར་རོ། ། རིགས་ཀྱི་བུ་དེ་ལྟར་ན་ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདིའི་ཚུལ་གྱིས ་བདག་གི་ལུས་ལ་དེ་བཞིན་གཤེགས་པའི་སྙིང་པོ་ཡོད་པར་ཡིད་ཆེས་པར་བྱ་སྟེ། མདོ་སྡེ་དང་རྗེས་སུ་མཐུན་པར་བརྩོན་པར་བྱའོ།། དེ་བཞིན་གཤེགས་པའི་སྙིང་པོ་ནི་དེ་བཞིན་གཤེགས ་པའི་ཡུལ་ཡིན་གྱི། ཉན་ཐོས་དང་རང་སངས་རྒྱས་ཀྱི་ཡུལ་མ་ཡིན་ནོ།། གསོལ་པ། བཅོམ་ལྡན་འདས་འཇིག་རྟེན་པ་རྣམས་ལའང་སེམས་ཅན་གྱི་ཁམས་གང་ཟག་གཞག་པ་མཆིས ་ལགས་སོ། ། བཀའ་སྩལ་པ། རིགས་ཀྱི་བུ་དཔེར་ན་མི་གཉིས་ཤིག་མཛའ་སྟེ། གཅིག་ནི་རྒྱལ་པོའི་བུ། གཅིག་ནི་དབུལ་པོའི་བུ་ཞིག་ཡིན་ལ། དེ་གཉིས་ཕན་ཚུན་བྱམས་པས ་གཅིག་གི་ཁྱིམ་དུ་གཅིག་འགྲོ་ཞིང་རྩེ་བར་བྱེད་ལ། དེ་ནས་མི་དབུལ་པོ་དེས་རྒྱལ་པོའི་བུ་དེའི་རལ་གྲི་དེ་ལ་མདོག་བཟང་པོ་མཐོང་བ་ལས། རྒྱལ་པོའི་བུ་དེས་རལ་གྲི་དེ་ཁྱེར་ཏེ་ཡུལ ་གཞན་དུ་སོང་ངོ་། ། དེ་ནས་མི་དབུལ་པོ་དེ་མཚན་མོ་མགོན་མེད་པའི་རྟེན་ཁང་ཞིག་ཏུ་ཉལ་བ་ལས་བརྡོལ་ཏེ་རལ་གྲི་རལ་གྲི་ཞེས་ཟེར་ནས། དེའི་ཚིག་གྲོང་སྲུངས་རྣམས་ཀྱིས་ཐོས་ནས་རྒྱལ་པོ་ལ་གསོལ ་ཏེང་རྒྱལ་པོ་དེས་མི་དེ་བཀུག་ནས་ཀཱ་ཡེ་རལ་གྲི་དེ་ཅི་འདྲ་བ་ཞིག། ག་ལས་འོངས་ཞེས་སྨྲས་པ་དང་། དེས་སྐབས་དེའི་གཏམ་རྒྱལ་པོ་དེ་ལ་གསོལ་ནས། ལྷ་གལ་ཏེ་བདག་གིས་བརྐུས་པར་གྱུར་ན ་བདག་རྐང་ལག་འདི་དག་གཅད་དུ་གསོལ། བདག་གིས་ནི་མཛའ་བོ་དང་ལྷན་ཅིག་རྩེ་བའི་ཚེ་མཐོང་བར་བྱས་ཏེ། རེག་ཀྱང་མ་རེག་ལགས་སོ་ཞེས་བྱས་སོ།། དེ་ནས་རྒྱལ་པོ་དེས། དེ་ལ ་སྨྲས་པ། རལ་གྲི་དེ་དབྱིབས་དང་མདོག་ཅི་འདྲ་བ་ཞིག་ཅེས་བྱས་ནས། དེས་རྒྱལ་པོ་ལ་གསོལ་པ། ལྷ་རལ་གྲི་དེ་ནི་ར་རུ་འདྲ་བ་ཞིག་ལགས་སོ་ཞེས་བྱས་སོ།། དེ་ནས་རྒྱལ་པོ་དེས་མི་དེ ་བཏང་སྟེ་མི་ཁྱོད་མ་འཇིགས་ཤིག་མ་འཇིགས་ཤིག། སྦྱིན་པར་གར་དགའ་བར་སོང་ཞིག། ཁྱོད་ཀྱིས་སྔོན་རལ་གྲི་དེ་རྒྱལ་པོའི་ཕོ་བྲང་འདིར་མཐོང་ཡང་མ་མཐོང་སྟེ། རྒྱལ་པོའི་བུས་རང ་གི་ཡུལ་དུ་ཚོང་དུས་ནས་རྙེད་པ་ལྟ་ཞིག་སྟེ། དེ་ནི་རྒྱལ་པོས་ཀྱང་རྙེད་པར་དཀའ་འོ་ཞེས་བྱས་སོ།། དེ་ནས་རྒྱལ་པོ་དེས་མདུན་ན་འདོན་པ་དང་བློན་པོ་རྣམས་ལ་རལ་གྲི་དེ་མཐོང་ངམ་ཞེས་བྱས ་ནས་ཤིའོ། ། གཞན་ཡང་ཆེའོ་ཅོག་གིས་རལ་གྲི་དེ་བཙལ་ཀྱང་མ་རྙེད་དོ།། དེ་ནས་རྒྱལ་པོའི་བུ་གཞན་ཞིག་རྒྱལ་སར་བཅུག་ནས་དེས་རལ་གྲི་དེ་རྙེད་དོ།། གཞན་དག་ནི་མ་རྙེད་བཞིན་དུ་རྒྱལ་པོ ་བྱེད་དོ། ། དེ་ལྟར་གཅིག་ནས་གཅིག་ཏུ་བརྒྱུད་པའི་རྒྱལ་པོ་དེ་དག་གོས་ནི་རལ་གྲི་དེ་མ་མཐོང་སྟེ། རལ་གྲི་དེ་འདི་ལྟ་བུ་འདི་འདྲ་བ་ཞིག་གོ། ལུག་རུ་འདྲ་བ་ཞིག་གོ།། ར་རུ་འདྲ་བ་ཞིག་གོ་སྙམ ་དུ་རྟོག་པར་བྱེད་དོ། ། ལ་ཅིག་ནི་ཅི་དགའ་དགུར་རྟོགས་པར་བྱེད་པ་དེ་བཞིན་དུ། བྱང་ཆུབ་སེམས་དཔའ་སེམས་དཔའ་ཆེན་པོའང་མཐའི་རྒྱལ་པོའི་བུ་དེ་དང་འདྲ་བར་འཇིག་རྟེན་དུ་བྱུང་སྟེ། ་བདག་གི་དེ་ཁོ་ན་ཉིད་བསྟན་ནས་འཆི་བར་བྱེད་དོ།། དེ་ནས་བློ་ཆུང་བ་གང་ཡིན་པ་དེ་དག་ནི་སེམས་ཅན་ཐམས་ཅད་ལ་བདག་འདི་ལྟ་བུ་ཞིག་འདི་འདྲ་བ་ཞིག་ཡོད་དོ་སྙམ་སྟེ། ལོག་པར་མཐོང་ནས་ཤེས་རབ་མེད་པ ་རྣམས་ལ་རྨི་ལམ་དུ་མི་རྨིས་པ་བཞིན་དུ་སྟོན་པར་བྱེད་དོ། ། འཇིག་རྟེན་པ་དེ་དག་གིས་ཀྱང་དེ་སྐད་དུ་ཐོས་ནས་རང་གི་ལུས་ལ་བདག་གི་ཁམས་ཡོད་དོ་སྙམ་དུ་རྟོག་པར་བྱེད་ལ། དེ་དག་གིས ་བདག་དེའི་རང་བཞིན་ནི་མི་ཤེས་སོ། ། དེ་ལྟར་བྱང་ཆུབ་སེམས་དཔའི་ཚིག་ཐོས་ནས་ལོག་པར་བཟུང་སྟེ་རལ་གྲི་ར་རུ་འདྲ་བར་རྟོག་པ་དེ་བཞིན་དུ་རྣམ་པ་མང་པོར་རྟོག་པར་བྱེད་དོ།། འཇིག་རྟེན ་པ་རྣམས་སྐྱེས་བུ་མཐེ་བོ་ཙམ་ཞེས་བྱ་བ་དང་། ལྡུམ་བུ་ཤ་ཀའི་འབྲས་བུ་ཙམ་དང་། འབྲས་ཀྱི་འབྲུ་ཙམ་ཞིག་སྙིང་ལ་གནས་ཏེ་འབར་རོ་ཞེས་ལོག་པར་རྟོག་པར་བྱེད་དེ། དེ་དག་གི་ལྟ་བ་དེ་ནི ་ལོག་པར་ལྟ་བ་གཅིག་ནས་གཅིག་ཏུ་བརྒྱུད་དེ་འོངས་པ་ཡིན་ཏེ། དོན་དུ་འགྱུར་བ་དང་བདེ་བར་འགྱུར་བ་མ་ཡིན་ནོ།། དེ་བས་ན་ངས་བདག་མེད་པ་བསྟན་ཏོ།། འོན་ཀྱང ་རུང་ཡང་འཇིག་རྟེན་པ་རྣམས་བདག་ཡོད་སྙམ་དུ་ལོག་པར་རྟོག་པར་བྱེད་དོ། ། རིགས་ཀྱི་བུ་དེ་བས་ནི་དེ་ཡང་ངའི་བསྟན་པ་ལས་རལ་གྲི་ཡང་དག་པ་དང་འདྲ་བར་བདག་ནི་འདི་ལྟ་བུ་ཞིག་གོ་ཞེས ་དེ་བཞིན་གཤེགས་པའི་སྙིང་པོ་ངས་བཤད་པར་བྱའོ། ། ལེགས་པར་སྨྲས་པ་ཆོས་དང་འཚམ་པ་གང་ཡིན་པ་དེ་ནི་འཇིག་རྟེན་པ་རྣམས་ཀྱི་ཡོན་ནའང་འཇིག་རྟེན་ལས་འདས་པ་ཡིན་པར་རིག་པར ་བྱའོ། ། འཇིག་རྟེན་པའི་ནང་ན་རྣམ་པ་ཐམས་ཅད་དུ་ཆོས་ཀྱི་མཆོག་ནི་བྱང་ཆུབ་སེམས་དཔས་སྤྲུལ་པ་ཡིན་པར་རིག་པར་བྱ་སྟེ། བསྟན་བཅོས་སམ། རིག་སྔགས་སམ། གསང་སྔགས་ཅིའང ་རུང་བ་དེ་དག་ཐམས་ཅད་ནི་རྫོགས་པའི་སངས་རྒྱས་ཀྱིས་གསུངས་པ་ཡིན་པར་ཤེས་པར་གྱིས་ཤིག། གསོལ་པ། བཅོམ་ལྡན་འདས་ཀྱིས་ཡི་གེའི་ཕྱི་མོ་ཇི་ལྟར་བཀའ་སྩལ་ལགས། བཅོམ ་ལྡན་འདས་ཀྱིས་བཀའ་སྩམ་པ། ཡི་གེའི་ཕྱི་མོ་ཐམས་ཅད་ནི་ཐོག་མར་ཡི་གེ་ཕྱེད་པ་སྤྲུལ་ཏེ། བྱིས་པ་རྣམས་ལ་རིག་སྔགས་དང་། གསང་སྔགས་དང་། ཆོས་ཀྱི་དེ་ཁོ་ན་ཉིད་དང་། ཕུང ་པོ་ཐམས་ཅད་ཀྱི་གཟུངས་སུ་འགྱུར་བའི་ཕྱིར་རོ། ། དེའང་དམ་པའི་ཆོས་ཀྱི་ཚུལ་གྱི་ཡོ་གེའི་ཕྱི་མོ་བསླབས་ན་ཆོས་དང་ཆོས་མ་ཡིན་པའི་བྱེ་བྲག་ཕྱེད་པར་འགྱུར་བའི་ཕྱིར་ངས་སྤྲུལ་པ་ཡིན་གྱི ་ཆོས་མ་ཡིན་པའི་ཕྱིར་ནི་མ་ཡིན་ནོ། ། གསོལ་པ། ཡི་གེ་ཞེས་བགྱི་བའི་དོན་གང་ལགས། བཀའ་སྩལ་པ། སྒྲ་བཅུ་བཞི་ལ་ནི་ཡི་གེ་ཞེས་བྱ་སྟེ། གང་གི་ཕྱིར་ཡི་གེ་ཐམས་ཅད་ངེས་པ་ཡིན ་པའི་ཕྱིར་ཏེ། མི་ཟད་པའི་དོན་ཏོ།། ཡི་གེའི་སྒྲ་བཅུ་བཞི་ཞེས་བྱ་བ་གང་གིས་མི་ཕྱེད་པའི་དོན་གང་ཡིན་ཞེ་ན། མི་ཟག་པའི་དོན་ཏོ།། ཡི་གེ་ཞེས་བྱ་བ་ནི་དེ་བཞིན་གཤེགས་པའི་དོན་ཏོ།། ་དེ་བཞིན་གཤེགས་པ་ནི་རྡོ་རྗེའི་སྐུ་མི་ཕྱེད་པ་ཡིན་ཏེ། དེ་བཞིན་གཤེགས་པ་ལ་སྒོ་དགུ་ནས་འཛག་ཅེས་བྱ་བའང་མེད་ལ། སྒོ་དགུ་པོ་ཉིད་ཀྱང་མེད་དོ།། དེ་བས་ན་མི་ཟག་པའི་དོན་ནི་དེ་བཞིན ་གཤེགས་པའི་སྟེ། ངེས་པ་ཡིན་པའི་ཕྱིར་ཡི་གེ་ཞེས་བྱ་བ་སྟེ། བྱས་པ་མ་ཡིན་པའི་དོན་ཏོ།། ཨ་ཞེས་བྱ་བ་ནི་བཀྲ་ཤིས་ཀྱི་དོན་ཏེ། གཞི་གསུམ་ཞེས་བྱ་བའི་ཐ་ཚིག་གོ།། ཡང ་ཨ་ཞེས་བྱ་བ་ནི་འཕགས་པ་རྣམས་ཀྱི་ཡེ་ཤེས་ཀྱི་ཆོག་བླ་དགས་སོ། ། འཕགས་པ་གང་དག་ཡིན་ཞེ། འཇིག་རྟེན་ན་ཕྱུག་པ་དང་། ཆགས་པ་མེད་པ་དང་། རུང་བ་ཐམས་ཅད ་ཀྱིས་ཆོག་པར་འཛིན་པ་གང་ཡིན་པ་རྣམས་དང་། སེམས་ཅན་ཐམས་ཅད་སྲིད་པའི་རྒྱ་མཚོ་ཐམས་ཅད་ལས་ངེས་པར་སྒྲོལ་བ་གང་ཡིན་པ་དེ་དག་ལ་ནི་འཕགས་པ་ཞེས་བྱའོ།། ཨཱ་ཞེས་བྱ་བ ་ནི་ཆོས་ལུགས་སུ་སྟོན་པ་སྟེ། ཆོ་ག་དང་། སྤྱོད་ཡུལ་དང་། འདུལ་བ་དང་། འཇིག་རྟེན་དང་མཐུན་པར་འཇུག་པ་ཞེས་བྱ་བས་ན་དོན་ཐ་དད་པ་མ་ཡིན་ནོ།། ཡང་ཨ་ཞེས་བྱ་བས་དོན ་ཅི་ཞིག་རྒྱས་པར་བྱེད་ཅེ་ན། འཕགས་པ་རྣམས་ལ་བརྟེན་ནས་སེམས་ཅན་ཐམས་ཅད་ཀྱིས་ཆོ་ག་དང་། སྤྱོད་ཡུལ་དང་། བ་མ་དང་། སློབ་དཔོན་དང་། འདུལ ་བ་གཅེས་པ་ཡིན་པར་ཤེས་ཤིང་། འདི་ནི་ཆོས་ཉིད་ཡིན་ནོ་སྙམ་དུ་ཤེས་པར་འགྱུར་བའོ།། འཕགས་པ་གང་ཡིན་པ་དེ་དག་ནི།། རིགས་ཀྱི་བུ་འམ། རིགས་ཀྱི་བུ་མོ་ཐེག་པ་ཆེན་པོ་ལ་ཞུགས ་པ་རྣམས་ཏེ། དགེ་སློང་ཚུལ་ཁྲིམས་དང་ལྡན་པ་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་འཕགས་པ་ཞེས་བྱའོ།། ཡང་ཨ་ཞེས་བྱ་བ་ནི་ཁྲིམས་སུ་སྟོན་པ ་སྟེཁྲིམས་ཞེས་བྱ་བ་ནི་ཀྱེ་མི་ཁྱོད་ཚུར་ཤོག། ཁྱོད་ཀྱིས་ཚུལ་མ་ཡིན་པ་བྱས་ཀྱི། ཕྱིན་ཆད་དེ་ལྟར་མ་བྱེད་ཅིག་ཅེས་བྱ་བ་དེ་ལྟ་བུ་ཚུལ་མ་ཡིན་པ་རྣམས་དེའི་ཚེ་དྲན་པར་བྱེད་པའི་དོན་ཏོ།། ་ཨི་ཞེས་བྱ་བ་ནི་འདི་ཞེས་བྱ་བའི་དོན་ཏེ། བསྟན་པ་འདི་ནི་ཚངས་པར་སྤྱོད་པ་ཟླ་བ་ཉ་བ་བཞིན་དུ་དྲི་མ་མེད་ཅིང་རྣམ་པར་དག་པའོ།། བསྟན་པ་འདི་ནི་བཅོམ་ལྡན་འདས་ཀྱིའོ།། འདི་ནི་བྱོས་ཤོག ་འདི་ནི་དོན་ཡོད་པའོ། ། འོད་ནི་དོན་མེད་པའོ།། འདི་ནི་བདུད་ཀྱིས་སྨྲས་པའོ།། འདི་ནི་སངས་རྒྱས་ཀྱིས་གསུངས་པའོ་སྙམ་དུ་ཉམས་སུ་མྱོང་བར་བྱ་བའི་དོན་ཏོ།། ཨཱི་ཞེས་བྱ་བ་ནི་དབང ་ཕྱུག་སྟེ། ངའི་བསྟན་པ་འདི་ནི་དབང་ཕྱུག་དང་། དབང་ཕྱུག་ཆེན་པོ་དང་། ཚངས་པ་དང་། ཤིན་ཏུ་དཀོན་པའོ།། དབང་ཕྱུག་ནི་ཆོས་སྐྱོང་བ་སྟེ། ཆོས་སྐྱོང་བས་ན་རྒྱལ་པོའོ།། ་དེའི་ཕྱིར་དེ་ལ་འཇིག་རྟེན་སྐྱོང་བ་ཞེས་བྱའོ།། ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་ཆེན་པོ་འདི་ནི། སེམས་ཅན་གཞན་དག་གི་དོན་གྱི་ཕྱིར་དབང་ཕྱུག་རྣམས་ཀྱིས་ཞུས་སོ།། དབ ་ཕྱུག་རྣམས་ཀྱིས་ཡོངས་སུ་བཟུང་ངོ་། ། དབང་ཕྱུག་རྣམས་ཀྱིས་བཤད་དོ།། དབང་ཕྱུག་རྣམས་ཀྱིས་དམ་པའི་ཆོས་མཆོག་ཏུ་འབར་བར་བྱེད་དོ།། དབང་ཕྱུག་རྣམས་ཀྱི་ཕྱིར་ངས་བསྟན་ཏེ། ་ངས་ཅི་བསྟན་ཅེ་ན། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་བསྟན་ཏོ།། དེ་བས་ན་དབང་ཕྱུག་དབང་ཕྱུག་དང་ལྡན་པ་རྣམས་ཀྱི་ཤིན་ཏུ་རྒྱས་པ་ཡིན་ཏེ། འདི་ལ་ཕྲག་དོག་བྱེད ་བ་རྣམས་ནི་ཞིང་ལ་ཞིང་གི་ངོ་བསལ་བ་བཞིན་དུ་ཚར་གཅད་པར་བྱའོ། ། དེ་ལ་སོགས་པའི་དོན་དུ་མ་རྒྱས་པར་བྱེད་པ་ན་དེའི་ཕྱིར་ངས་ཨཱི་ཞེས་བྱ་བ་བསྟན་ཏོ།། ཨུ་ཞེས་བྱ་བ་ནི་རྒྱུད་ཕྱི་མ་སྟེ། ་མདོ་སྡེ་འདིས་མདོ་སྡེ་ཐམས་ཅད་ཀྱི་དོན་ཕྱི་མའི་ཡང་ཕྱི་མ་བསྟན་ཏོ།། ངས་ཉན་ཐོས་དང་རང་སངས་རྒྱས་ཐམས་ཅད་ཀྱིས་སྔོན་མ་ཐོས་པའི་ཡི་གེ་གཅིག་པ་འམ་ཐིག་ལེ་གཅིག་བསྟན་ཏོ།། ་མདོ་ཆེན་པོ་འདི་ནི་མཆོག་དམ་པ་ཡིན་ཏེ། དཔེར་ན་བྱང་གི་སྒྲ་མི་སྙན་གྱི་སེམས་ཅན་རྣམས་བསོད་ནམས་དང་ལྡན་པ་དེ་བཞིན་དུ། མདོ་སྡེ་ཆེན་པོ་འདི་ཉན་པ་གང་ཡིན་པ་དེ་དག་ནི ་འཇིག་རྟེན་ལས་འདས་པ་སྟེ། དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་པར་རིག་པར་བྱའོ།། དེ་བས་ན་ཆེ་བ་ཞེས་བྱ་སྟེ། རྒྱུད་ཕྱི་མ་ཞེས་བྱ་བའི་དོན་ཏོ།། ་བས་ན་ཨུ་ཞེས་བྱ་བ་ནི་ངས་དེ་ལྟར་བསྟན་ཏོ།། ཨཱུ་ཞེས་བྱ་བ་ནི་བའི་ནུར་སོང་ལྟ་བུའི་དོན་ཏེ། དཔེར་ན་བའི་འོ་མ་ཞོམེ་པ་བཞིན་དུ་མདོ་སྡེ་འདིའི་རོའང་དེ་དང་འདྲའོ།། ་མདོ་སྡེ་འདི་ལས་དེ་བཞིན་གཤེགས་པའི་སྙིང་པོ་བསྟན་པ་སྤོང་བར་བྱེད་པ་གང་ཡིན་པ་དེ་དག་ནི་བ་གླང་དང་འདྲ་སྟེ། དཔེར་ན་དྲིན་དུ་མི་གཟོ་བ་བདག་གིས་བདག་བསད་པར་སེམས་པས་དེ་དག ་མཆོག་ཏུ་མྱ་ངན་དུ་བྱ་བ་དེ་བཞིན་དུ། དེ་བཞིན་གཤེགས་པའི་སྙིང་པོ་སྤངས་ནས། བདག་མེད་པ་སྟོན་པའི་སེམས་ཅན་གང་ཡིན་པ་དེ་དག་ནི་མཆོག་ཏུ་མྱ་ངན་དུ་བྱ་བ་ཡིན་པར་རིག་པར་བྱའོ།། ་དེ་བས་ན་ཨཱུ་ཞེས་བྱའོ།། ཨེ་ཞེས་བྱ་བ་ནི་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་ཞེས་བྱ་བ་འདི་ནི་སངས་རྒྱས་རྣམས་ཀྱི་ཆོས་ཉིད་དེ། དེ་བས་ན་ཨེ་ཞེས་བྱའོ།། ཨཻ་ཞེས་བྱ་བ་ནི་དེ ་བཞིན་གཤེགས་པའི་དོན་ཏེ། ཨེ་ཞེས་བྱ་བ་ནི་འོང་བ་དང་འགྲོ་བའི་དོན་ཡིན་པས་ན། ཇི་ལྟར་སོང་བ་དེ་བཞིན་དུ་འོངས་པས་ན། དེའི་ཕྱིར་ཨཻ་ཞེས་བྱའོ།། ཨོ་ཞེས་བྱ་བ་ནི་ཉོན་མོངས་པ་རྣམས ་ཀྱི་དོན་ཏེ། སྨན་དུ་འགྱུར་བས། མི་ལས་དེ་བཞིན་གཤེགས་པར་འགྱུར་རོ།། དེ་བས་ན་ཨོ་ཞེས་བྱའོ།། ཨོཾ་ཞེས་བྱ་བ་ནི་ཐེག་པ་ཆེན་པོའི་དོན་ཏེ། སྒྲ་བཅུ་བཞི་པོ་ཐམས་ཅད་ཀྱི་མཇུག་ནི་ཨོཾ ་ཡིན་པས་ན་ཐེག་པ་ཆེན་པོའི་རྒྱུད་ཐམས་ཅད་ཀྱི་རྒྱུད་ཕྱི་མའི་ཡང་ཕྱི་མ་ཞེས་བྱ་སྟེ། དེ་བས་ན་ཨོཾ་ཞེས་བྱའོ།། ཨ~ཾ་ཞེས་བྱ་བ་ནི་ངའི་བསྟན་པ་ལ་རུང་བ་མ་ཡིན་པ་ཐམས་ཅད་བཟློག་པ་དང་། གསེ ་དང་དངུལ་སྤངས་པ་སྟེ། དེ་བས་ན་བཟློག་པའི་དོན་དུ་ཨཾ་ཞེས་བྱའོ།། ཨ་ཞེས་བྱ་བ་ནི་ཐེག་པ་མཆོག་གི་དོན་ཏེ། དེ་བས་ན་ཨ་ཞེས་བྱ་སྟེ། དེ་བཞིན་དུ་སངས་རྒྱས་ཀྱིས་གསུངས་པའི ་མདོ་སྡེ་ཐམས་ཅད་དང་། རྒྱུད་ཐམས་ཅད་ཀྱི་མཐའ་ནི་ཐེག་པ་ཆེན་པོ་ཡིན་ནོ།། ཀ་ཞེས་བྱ་བ་ནི་སྙིང་རྗེས་སེམས་ཅན་ཐམས་ཅད་ལ་སྒྲ་གཅན་ཟིན་བཞིན་དུ་ལྟ་བའི་དོན་ཏེ། བདག་གིས ་སེམས་ཅན་ཐམས་ཅད་ཀྱི་དོན་བྱའོ་སྙམ་དུ་དེ་ལྟར་བསམ་པར་བྱ་བ་ཡིན་པས་ན་དེའི་ཕྱིར་ཀ་ཞེས་བྱའོ། ། ལ་ཞེས་བྱ་བ་ནི་དེ་བཞིན་གཤེགས་པའི་གསང་བའི་དོན་ཏེ། མི་བཟུངས་པ ་རྣམས་ཀྱིས་ཤེས་པར་མི་ནུས་པས་ན་དེའི་ཕྱིར་ལ་ཞེས་བྱའོ། ། ག་ཞེས་བྱ་བ་ནི་སྙིང་པོའི་དོན་ཏེ། སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་པས་ན་དེའི་ཕྱིར་ག་ཞེས ་བྱའོ། ། གྷ་ཞེས་བྱ་བ་ནི་དེ་བཞིན་གཤེགས་པའི་གསུང་རྟག་ཅེས་བྱ་བའི་དོན་ཏེ།། དེ་བས་ན་དེ་བཞིན་གཤེགས་པ་ནི་རྟག་པ་ཡིན་ནོ།། ང་ཞེས་བྱ་བ་ནི་འདུ་བྱེད་འཇིག་ཅེས་བྱ་བའི་དོན་ཏེ ་དེ་བས་ན་ང་ཞེས་བྱའོ། ། ཙ་ཞེས་བྱ་བ་ནི་སྤྱོད་པའི་དོན་ཏེ། སེམས་ཅན་ཐམས་ཅད་ཡོངས་སུ་སྨིན་པར་བྱ་བས་ན་དེའི་ཕྱིར་ཙ་ཞེས་བྱའོ།། ཚ་ཞེས་བྱ་བ་ནི་དེ་བཞིན་གཤེགས་པ་དཀར ་པོའི་ཆོས་རྣམས་ཀྱི་གདུགས་གཅིག་པ་ལམ་མེར་བཞུགས་པ་ཡིན་ཏེ། དེ་བས་ན་ཚ་ཞེས་བྱའོ།། ཛ་ཞེས་བྱ་བ་ནི་ཛ་དང་འདྲ་བར་ཐར་པ་དེ་ཞིགས་པ་མ་ཡིན་ཏེ། དེ་བས་ན་ཛ་ཞེས་བྱའོ།། ་ཛྙཱ་ཞེས་བྱ་བ་ནི་ཉོན་མོངས་པ་རྣམས་སྐྱེན་པར་སྤྲུགས་པར་བྱ་བའི་དོན་ཏེ། དེ་བས་ན་ཛྙཱ་ཞེས་བྱའོ།། ཉ་ཞེས་བྱ་བ་ནི་དེ་ཁོ་ན་ཉིད་ཀྱི་ཆོས་ཤེས་པའི་ཚིག་བླ་དགས་ཏེ། དེ་བས ་ནཏ་ཞེས་བྱའོ། ། ཊ་ཞེས་བྱ་བ་ནི་ཊ་བཞིན་དུ་འཛམ་བུ་གླིང་ཁ་ཅིག་ཏུ་དེ་བཞིན་གཤེགས་པ་མཚུངས་པ་མེད་པའི་སྐུ་སྟོན་པར་མཛད་དེ། དེ་བས་ན་ཊ་ཞེས་བྱའོ།། ཐ་ཞེས་བྱ་བ་ནི་ཆོས་ཀྱི་སྐུའི་དོན ་ཏེ། ཐ་བཞིན་དུ་ཡོངས་སུ་རྫོགས་པས་ན་དེའི་ཕྱིར་ཐ་ཞེས་བྱའོ།། ཌ་ཞེས་བྱ་བ་ནི་དགེ་འདུན་གཞོན་ནུ་ཞེས་བྱ་བའི་དོན་ཏེ། ནུབ་པར་མི་འགྱུར་བའི་ཕྱིར་ཌ་ཞེས་བྱའོ།། ཌྷ་ཞེས་བྱ་བ་ནི་ངོ་ཚ་མི་ཤེས ་པའི་དོན་ཏེ། བླ་མ་རྣམས་ལ་དྲིན་དུ་མི་གཟོ་བས་ན་དེའི་ཕྱིར་ཌྷ་ཞེས་བྱའོ།། ཎ་ཞེས་བྱ་བ་ནི་འདི་ལས་ཕྱི་རོལ་པ་རྣམས་འཕགས་པ་མ་ཡིན་པའི་དོན་ཏེ། དེ་བས་ན་ཎ་ཞེས་བྱའོ།། ཏ་ཞེས་བྱ་བ་ནི ་སྲིད་པ་ཐམས་ཅད་དུ་ལྟུང་བ་ལས་བཟློག་པའི་དོན་ཏེ། དེ་བས་ན་ཏ་ཞེས་བྱའོ།། ཐ་ཞེས་བྱ་བ་ནི་མི་ཤེས་པའི་དོན་ཏེ། དར་གྱི་སྲིན་བུ་བཞིན་དུ་དཀྲིས་པས་ན་དེའི་ཕྱིར་ཐ་ཞེས་བྱའོ།། ད ་ཞེས་བྱ་བ་ནི་ཐེག་པ་ཆེན་པོ་ལ་བརྩོན་པར་བྱ་བ་ལ་དགའ་བར་གྱིས་ཤིག་པའི་དོན་ཏེ། དེ་བས་ན་ད་ཞེས་བྱའོ།། དྷཱ་ཞེས་བྱ་བ་ནི་གཞི་གསུམ་རི་རབ་བཞིན་དུ་བརྟན་ཞིང་ནུབ་པར་མི་འགྱུར ་བའི་དོན་ཏེ། དེ་བས་ན་དྷ་ཞེས་བྱའོ།། ན་ཞེས་བྱ་བ་ནི་གཞི་གསུམ་གྲོང་ཁྱེར་གྱི་སྒོ་གཏན་གྱི་རྟེན་མ་བཞིན་དུ་ཤིན་ཏུ་བརྟན་པས་ན་དེའི་ཕྱིར་ན་ཞེས་བྱའོ།། པ་ཞེས་བྱ་བ་ནི་ཕྱིན་ཅི ་ལོག་གི་དོན་ཏེ། གཞི་གསུམ་ནུབ་པར་མི་འགྱུར་བ་ལ་བདག་ཉིད་ཡོངས་སུ་རྨོངས་པར་འགྱུར་བས་ན་དེའི་བྱོར་པ་ཞེས་བྱའོ།། པ་ཞེས་བྱ་བ་ནི་འཇིག་རྟེན་ཐམས་ཅད་འཇོག་པའི་དོན་ཏེ། ་འཇིག་རྟེན་འཇིག་པ་ན་གཞོག་སུམ་འཇིག་པར་འགྱུར་རོ་ཞེས་ཟེར་བ་ནི་བདག་ཉིད་ཀྱི་འབྲས་བུ་འཇིག་པར་བྱེད་པ་སྟེ། བསྒྲུབ་པ་ལས་ཉམས་པས་ན་དེའི་ཕྱིར་ལ་ཞེས་བྱའོ།། བ་ཞེས་བྱ་བ་ནི ་དེ་བཞིན་གཤེགས་པ་རྣམས་ཀྱི་སྟོབས་རྣམས་ཀྱི་ཆོག་བླ་དགས་ཏེ། སྟོབས་བཅུ་དང་ལྡན་པས་ན་དེའི་ཕྱིར་བ་ཞེས་བྱའོ།། བྷ་ཞེས་བྱ་བ་ནི་བྱང་ཆུབ་སེམས་དཔའ་རྣམས་ནི་དམ་པའི་ཆོས ་ཀྱི་ཁུར་ཁྱེར་བ་ཡིན་ནོ་ཞེས་བྱ་བའི་དོན་ཏེ། དེ་བས་ན་བྷ་ཞེས་བྱའོ།། མ་ཞེས་བྱ་བ་ནི་ངེས་པར་རང་གི་ལུར་ཁྱེར་བར་བྱེད་པ་འདི་ནི་བྱང་ཆུབ་སེམས་དཔའ་རྣམས་ཀྱི་ཆོས་ལུགས་ཡིན་ཏེ། ་དེ་བས་ན་མ་ཞེས་བྱའོ།། ཡ་ཞེས་བྱ་བ་ནི་དོན་བཞི་པོ་རྣམས་བྱང་ཆུབ་སེམས་དཔས་བྱ་དགོས་པས་ན་དེའི་ཕྱིར་ཡ་ཞེས་བྱའོ།། ར་ཞེས་བྱ་བ་ནི་འདོད་ཆགས་དང་། ཞེ་སྡང་དང་། གཏི་མུག ་གི་འཇིགས་པ་བསལ་བས་དེ་ཁོ་ན་ཉིད་ཀྱི་ཆོས་ལ་འཇུག་པས་ན་དེའི་ཕྱིར་ར་ཞེས་བྱའོ། ། ལ་ཞེས་བྱ་བ་ནི་ཉན་ཐོས་ཀྱི་ཐེག་པ་ལས་གྱེན་དུ་བསྐྱོད་ནས་ཐེག་པ་ཆེན་པོའི་མི་གཡོ་བ་ཉིད་བརྩམ ་བར་བྱ་བ་ཡིན་པས་ན་དེའི་ཚོར་ལ་ཞེས་བྱའོ། ། ཝ་ཞེས་བྱ་བ་ནི་འཇིག་རྟེན་ཐམས་ཅད་ཀྱི་རོག་སྔགས་དང་། གསང་སྔགས་དང་། སྨན་རྣམས་བྱང་ཆུབ་སེམས་དཔའ་མཆོག་རྣམས་ཀྱིས ་བསྟན་པས་ན་དེའི་ཕྱིར་ཝ་ཞེས་བྱའོ། ། ཤ་ཞེས་བྱ་བ་ནི་ཟུག་རྔུ་གསུམ་དང་བྲལ་བའི་དོན་ཏེ། དེ་བས་ན་ཤ་ཞེས་བྱའོ།། ར་ཞེས་བྱ་བ་ནི་ཡོངས་སུ་རྫོགས་པའི་དོན་ཏེ། ་མདོ་སྡེ་ཆེན་པོ་འདི་ཐོས་ན་ཤིན་ཏུ་རྒྱས་པ་ཐམས་ཅད་ཐོས་པར་འགྱུར་བས་ན་དེའི་ཕྱིར་ཥ་ཞེས་བྱའོ།། ས་ཞེས་བྱ་བ་ནི་དམ་པའི་ཆོས་དབྱུང་བའི་སེམས་ཀྱི་དོན་ཏེ། དེ་བས་ན་ས་ཞེས་བྱའོ།། ཧ་ཞེས ་བྱ་བ་ནི་ཀྱེ་མ་བདག་གིས་འཁོར་བ་མཐར་གཏུགས་སོ། ། ཀྱེ་མ་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་འོ་སྙམ་དུ་དགའ་བ་དང་ཡོངས་སུ་གདུང་བའི་དོན་ཏེ།། དེ་བས་ན་ཧ་ཞེས་བྱའོ།། ཀྵ ་ཞེས་བྱ་བ་ནི་བདུད་ཀྱི་དོན་ཏེ། བདུད་བྱེ་མ་སྙེད་ཀྱིས་ཀྱང་དགེ་འདུན་དབྱེ་བར་མི་ནུས་མོད་ཀྱི། དེ་བཞིན་གཤེགས་པ་ནི་འཇིག་རྟེན་དང་མཐུན་པར་མཛད་པ་སྟོན་ཏོ།། ཡང་ཀྵ་ཞེས་བྱ་བ་ནི་འཇིག་རྟེན ་ཐམས་ཅད་དང་མཐུན་པར་བྱ་བའི་ཕྱིར། མ་ལ་སོགས་པ་བསྟེན་པའི་དོན་ཏེ། དེ་བས་ན་ཀྵ་ཞེས་བྱའོ།། རྀ་རཱྀ་ལྀ་ལཱྀ་ཞེས་པའི་ཡི་གེ་བཞི་པོ་འདི་རྣམས་ཀྱིས་ནི། སངས་རྒྱས་དང་། ཆོས་དང་། དགེ ་འདུན་དང་། གཉེན་པོ་སྟོན་པའི་དོན་བཞི་རྒྱས་པར་བྱེད་དོ།། འཇིག་རྟེན་དང་མཐུན་པར་བྱ་བ་དེ་ནི་གཉེན་པོ་ཡིན་ཏེ། དཔེར་ན་ལྷས་བྱིན་གྱིས་དགེ་འདུན་ཕྱེ་བ་ལྟ་བུའོ།། དགེ་འདུན་ཕྱེ་བ་སྟོན་པ་ན་བསླབ ་བའི་གཞི་བཅང་པའི་ཕྱིར་ཚུལ་གཞན་དག་ཀྱང་སྤྲུལ་ཏེ། ཐབས་སྟོན་པ་དེ་མཐོང་ན་ཤེས་རབ་ཅན་སྐྲག་པར་མི་བྱ་བ་འདི་ནི་འཇིག་རྟེན་དང་མཐུན་པར་བྱ་བ་ཡིན་ནོ་སྙམ་དུ་ཡིད་ཆེས་པར་བྱ་སྟེ། དེ་ས ་ན་རྀ་རཱྀ་ལྀ་ལཱྀ་ཞེས་བྱའོ། ། མཆུ་གཉིས་འབྱུང་བ་དང་། ལྕེ་དྲུང་ནས་འབྱུང་བ་དང་ཁ་སྣ་གཉིས་ནས་འབྱུང་བ་དང་རིང་པོ་དང་རྒྱུད་རིང་དུ་དྲང་བ་རྣམས་ནི་དོན་དང་ལྷན་ཅིག་ཏུ་སྦྱར་བ་ཡིན་ནོ།། ཡི ་རྣམས་ལྷན་ཅིག་ཏུ་སྦྱར་བས་ནི་བྱེད་པ་ལ་འཇུག་པར་འགྱུར་རོ། ། ལྕེ་དང་སོ་ལ་སོགས་པ་རྣམས་ནི་ལུས་ཀྱི་ཁམས་ཡིན་ཏེ། ཁམས་དེའང་རང་བཞིན་གྱིས་ཡོངས་སུ་དག་པའོ།། ཕུང་པོ་དང་། ཁམས་དང་། ་སྐྱེ་མཆེད་རྣམ་པ་སྣ་ཚོགས་དེ་དག་ལྟ་བུའང་མགོ་མཉམ་དུ་ཆོས་ཀྱི་དེ་ཁོ་ན་ཉིད་དུ་ཉེ་བར་ཞི་བར་ཡོངས་སུ་ཞའོ།། དེ་བཞིན་གཤེགས་པའི་སྙིང་པོས་ཁྱབ་པའི་ཁམས་དེའི་གཟི་བརྗིད་ཀྱིས་ལྷན་ཅིག་ཏུ་སྦྱར་བས་བྱེད་པ ་ལ་འཇུག་པར་འགྱུར་ཏེ། དེ་བས་ན་ཡི་གེ་ཕྱེད་པ་ཞེས་བྱའོ།། རྒྱུད་ཐམས་ཅད་དང་། གསང་སྔགས་ཐམས་ཅད་དང་། ཆོས་ཐམས་ཅད་ནི་ཡི་གེའི་ཕྱི་མོ་སྦྱར་བའི་ཐ་སྙད་ཡིན་ཏེ། དེ་བས་ན་དེ ་བཞིན་གཤེགས་པ་དང་ཐར་པ་དེ་ཁོ་ན་ཉིད་དུ་མཐོང་ངོ་། ། ཡི་གེ་བརྗོད་པ་དང་། རྟོག་པའི་འདུ་ཤེས་དང་། ཡི་གེ་དང་འབྲུའི་འདུ་ཤེས་དེ་ཉིད་སྤངས་པ་ན་དེ་བཞིན་གཤེགས་པ་དང་ཐར་པ་སྟེ།། དེ་བས་ན ་ཐར་པ་ནི་ཐམས་ཅད་དུ་གྲོལ་བ་དང་། རབ་ཏུ་གྲོལ་བ་ཡིན་ནོ།། དེ་བཞིན་གཤེགས་པ་དེ་ཉིད་ཡི་གེ་ཕྱེད་པའི་ཆོས་ཀྱི་དོན་ཁོ་ནའི་ཕྱིར་བྱུང་བ་ཡིན་ནོ་སྙམ་དུ་ཡང་དག་པར་ཤེས་པ་གང་ཡིན་པ་དེ་དག་ནི་ཡི ་གེ་ཤེས་པ་ཞེས་བྱའོ། ། གཞན་དག་ནི་ཡི་གེ་ཕྱེད་པ་ཤེས་པ་ཞེས་བྱའོ།། ཡི་གེ་མེད་པ་གང་དག་ཡིན་ཞེ་ན། ཆོས་མ་ཡིན་པ་བསྟེན་པ་གང་ཡིན་པ་རྣམས་སོ།། ཆོས་ལ་བསྟེན་པ་ཡིན་དུ ་ཟིན་ཀྱང་། དེ་བཞིན་གཤེགས་པ་རྟག་པ་དང་། གཞི་གསུམ་པོ་དང་། ཐར་པ་ཐེར་ཟུག་པ་དང་། མདོ་སྡེ་དང་། མདོ་སྡེ་མ་ཡིན་པ་དང་། འདུལ་བ་དང་། འདུལ ་བ་མ་ཡིན་པ་དང་། བདུད་ཀྱིས་སྨྲས་པ་དང་། སངས་རྒྱས་ཀྱིས་གསུངས་པའི་བྱེ་བྲག་མི་ཕྱེད་པ་གང་ཡིན་པ་དེ་དག་ཐམས་ཅད་ནི་ལོང་ན་ཡི་གེ་མེད་པ་ཞེས་ང་ཟེར་རོ།། རིགས་ཀྱི་བུ་དེ་བས་ན་ཁྱོད ་ཀྱིས་ཚུལ་འདི་དག་ལས་ཡི་གེ་ཕྱེད་པ་རྣམས་སློབས་ཤིག་དང་། དེ་ལྟར་བྱས་ན་ཡི་གེ་ཤེས་པ་ཞེས་བྱ་བའི་གྲངས་སུ་རྟོགས་པར་འགྱུར་རོ།། གསོལ་པ། བཅོམ་ལྡན་འདས་བདག་གིས་གྲངས ་སུ་ཆུད་པར་བགྱི་སྟེ། དེ་ལྟར་འཚལ་བས་ནི་ཡི་གེ་བྱེད་པ་རྣམས་བསླབ་པར་བགྱི་འཚལ་ལགས་སོ།། བཅོམ་ལྡན་འདས་བདག་གིསང་བཟོད་སློབ་དཔོན་གྱི་མཆོག་ཁྱོད་ལྟ་བུ་རྙེད་ལགས་སོ།། ་བཅོམ་ལྡན་འདས་བདག་ནི་ད་གཟོད་ཡིག་རྩིས་ཀྱི་གནས་སུ་ཞུགས་ལགས་སོ།། བཀའ་སྩམ་པ། རིགས་ཀྱི་བུ་ལེགས་སོ་ལེགས་སོ།། དམ་པའི་ཆོས་འདོད་པས་ནི་དེ་ལྟར་འདོད་པར་བྱ ་དགོས་སོ། ། རིགས་ཀྱི་བུ་དེ་ལ་ཐལ་མོ་ཞེས་བྱ་བ་ནི། རྣམ་པ་གཉིས་ཏེ། སྡུག་བསྔལ་དང་། མི་རྟག་པ་དང་། བདག་མེད་པ་རྣམས་ཀྱི་ཟིལ་མོ་རྣམས་དང་། བཟང་དང་འགྲོགས་པ ་ཐལ་མོ་རྣམས་ཏེ། དེ་ནི་བྱའི་དོན་ཏོ།། གསོལ་པ། སྡུག་བསྔལ་དང་། མི་རྟག་པ་དང་། བདག་མེད་པ་ལ་ཇི་ལྟར་ཟལ་མོ་ཞེས་བགྱི་ལགས། བཀའ་སྩལ་པ། ཆོས་ཁ་ཅིག་ནི་མི་རྟག ་ལང་ཆོས་ཁ་ཅིག་ནི་རྟག་པའི་ཕྱིར་དང་། ཆོས་ལ་ཅིག་ནི་སྡུག་བསྔལ་ཡ། ཆོས་ལ་ཅིག་ནི་བདེ་བའི་ཕྱིར་དང་། ཆོས་ཁ་ཅིག་ནི་བདག་མེད་ལ། ཆོས་ཁ་ཅིག་ནི་བདག་ཡོད་པའི་ཕྱིར་ཏེ ་དཔེར་ན་བུ་ར་མ་ཤིང་དང་། འབྲས་སཱ་ལུ་དང་། འབྲུ་དང་། ཁྲེ་དང་། ཁྲེ་རྒོད་དང་། སྲན་མ་དང་། སྲན་སྣེའུ་དང་། སྲན་གྲེའུ་ལ་སོགས་པ་འབྲུའི་སྣ་གྲངས་རྣམས་མེ་ཏོག་གི་དུས་ནས་འབྲས ་བུའི་དུས་ཀྱི་བར་དུ་ནི་མི་རྟག་པའི་ཁོངས་སུ་འདུས་སོ། ། ཕུབ་མ་མེད་པར་གྱུར་ནས་ནི། སེམས་ཅན་ཐམས་ཅད་ལ་ལན་འདོགས་པར་འགྱུར་ཡ། འབྲུའི་གྲངས་ཀྱི་ཁོངས་སུ་འདུས་ཏེ ་དེས་ན་རྟག་པ་ཞེས་བྱའོ། ། ཅིའི་ཕྱིར་ཞེ་ན། རང་བཞིན་དུ་གྱུར་པའི་ཕྱིར་རོ།། གསོལ་པ། བཅོམ་ལྡན་འདས་ཅི་ལགས། དེ་དག་སླད་ཀྱིས་མ་མཆིས་པར་མི་འགྱུར་ལགས་སམ ་དེ་དག་སླད་ཀྱིས་མ་མཆིས་པར་མི་འགྱུར་བ་བཞིན་དུ་དེ་བཞིན་གཤེགས་པ་རྟག་ཅེས་བགྱི་ལགས་སམ། བཀའ་སྩལ་པ། དེ་བཞིན་གཤེགས་པ་རི་རབ་བཞིན་ཞེས་དཔེར་བླང་མོད་ཀྱི། རིའི་རྒྱབ ་པོ་རི་རབ་ཀྱང་འཇིག་པའི་བསྐལ་པས་འཇིག་པར་འགྱུར་བ་བཞིན་དུ་དེ་བཞིན་གཤེགས་པ་ལ་ཁྱོད་དེ་ལྟར་མ་འཛིན་ཅིག། མྱ་ངན་ལས་འདས་པ་མ་གཏོགས་པར་འཇིག་རྟེན་ཐམས་ཅད་ན ་འཇིག་པར་མི་འགྱུར་བ་ཅུང་ཟད་ཀྱང་མེད་ཀྱིས་འཇིག་རྟེན་དང་མཐུན་པའི་ཚུལ་གྱིས་ཀུན་རྫོབ་ཀྱི་ཐ་སྙད་ཀྱི་རྗེས་སུ་འཇུག་པར་གྱིས་ཤིག། གསོལ་པ། བཅོམ་ལྡན་འདས་ལེགས་སོ།། ་ལེགས་སོ།། བཀའ་སྩལ་པ། རིགས་ཀྱི་བུ་དེ་བཞིན་དུ་མདོ་སྡེ་ཐམས་ཅད་དང་། ཏིང་ངེ་འཛིན་ཐམས་ཅད་ཀྱི་བསྒོམ་པ་བསྒོམས་པའི་འབྲས་བུ་ཡོངས་སུ་མྱ་ངན་ལས་འདས ་པ་ཆེན་པོའི་མདོ་ཆེན་པོ་འདི་སེམས་ཅན་རྣམས་ཀྱིས་ནམ་མཐོས་ཀྱི་བར་དུ་ནི་མི་རྟག་པའི་ཁོངས་སུ་འདུས་སོ། ། མདོ་སྡེ་རིན་པོ་ཆེ་འདི་ཐོས་ནས་ནི། རིགས་ཀྱི་བུ་འམ། རིགས་ཀྱི་བུ་མོ་རྣམས ་ཉོན་མོངས་པ་དང་བཅས་པའི་ཡིན་དུ་ཟིན་ཀྱང་། ཉོན་མོངས་པ་མེད་པའི་ཁོངས་སུ་འདུས་ལ། སེམས་ཅན་ཐམས་ཅད་ལ་ཕན་འདོགས་པར་ཡང་འགྱུར་ཏེ། ཅིའི་ཕྱིར་ཞེ་ན། བདག ་ལ་དེ་བཞིན་གཤེགས་པའི་སྙིང་པོ་ཡོད་པར་ཤེས་པའི་ཕྱིར་རོ། ། མཆོག་ཏུ་རྟག་པར་ཤེས་ནས་ཀྱང་དེ་དག་འཇུག་པར་འགྱུར་རོ།། རིགས་ཀྱི་བུ་གཞན་ཡང་དཔེར་ན་ཤིང་ཨ་མྲ་འམ། ཤིང་ཏ ་ལའང་རུང་སྟེ། མེ་ཏོག་གི་དུས་ནས་འབྲས་བུའི་དུས་ཀྱི་བར་དུ་ནི་མི་རྟག་པའི་ཆོས་ཀྱི་ཁོངས་སུ་འདུས་སོ།། འབྲས་བུ་སྨོན་པར་གྱུར་ནས་ནི། སེམས་ཅན་ཐམས་ཅད་ལ་ཕན་འདོགས ་པར་འགྱུར་ཏེ། རྟག་པའི་ཆོས་ཀྱི་ཁོངས་སུ་འདུས་པར་འགྱུར་རོ།། རིགས་ཀྱི་བུ་དེ་བཞིན་དུ་མདོ་སྡེ་ཐམས་ཅད་དང་། ཏིང་ངེ་འཛིན་ཐམས་ཅད་ཀྱི་བསྒོམ་པ་བསྒོམས་པའི་འབྲས་བུ་ཡོངས ་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འོད་སེམས་ཅན་རྣམས་ཀྱིས་ནམ་མ་ཐོས་ཀྱི་བར་དུ་ནི་མི་རྟག་པའི་ཁོངས་སུ་འདུས་སོ། ། མདོ་སྡེ་རིན་པོ་ཆེ་འདི་ཐོས་ནས་ནི་རིགས་ཀྱི་བུ་འམ ་རིགས་ཀྱི་བུ་མོ་རྣམས་ཉོན་མོངས་པ་དང་བཅས་པ་ཡིན་དུ་ཟིན་ཀྱང་། ཉོན་མོངས་པ་མེད་པའི་ཡོངས་སུ་འདུས་ལ། སེམས་ཅན་ཐམས་ཅད་ལའང་ཕན་འདོགས་པར་འགྱུར་ཏེ། ཅིའི་ཕྱིར ་ཞེན། བདག་ལ་དེ་བཞིན་གཤེགས་པའི་སྙིང་པོ་ཡོད་པར་ཤེས་པའི་ཕྱིར་རོ།། མཆོག་ཏུ་རྟག་པར་ཤེས་ནས་ཀྱང་དེ་དག་འཇུག་པར་འགྱུར་རོ།། རིགས་ཀྱི་གཞན་ཡང་དཔེར་ན་གསེར་ལུང ་ངམ་ཟངས་ལུང་ཡང་རུང་སྟེ། བརྐོ་བའི་དུས་ཀྱི་བར་དུ་ནི་མི་རྟག་པའི་ཁོངས་སུ་འདུས་སོ།། གསེག་མ་དང་། རྡོ་དང་། སྐྱོན་རྣམས་མེད་པར་གྱུར་ནས་ནི། སེམས་ཅན་ཐམས་ཅད་ལ་ཕན ་འདོགས་པར་འགྱུར་ཏེ། རྟག་པའི་རྫས་རིན་པོ་ཆེའི་ཁོངས་སུ་འདུས་སོ།། རིགས་ཀྱི་བུ་དེ་བཞིན་དུ་མདོ་སྡེ་ཐམས་ཅད་དང་། ཏིང་ངེ་འཛིན་ཐམས་ཅད་ཀྱི་བསྒོམ་པ་བསྒོམས་པའི་འབྲས་བུ ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི་སེམས་ཅན་རྣམས་ཀྱིས་ནམ་མ་ཐོས་ཀྱི་བར་དུ་ནི་མི་རྟག་པའི་ཁོངས་སུ་འདུས་སོ། ། མདོ་སྡེ་རིན་པོ་ཆེ་འདི་ཐོས་ནས་ནི་རིགས་ཀྱི་བུའམ ་རིགས་ཀྱི་བུ་མོ་རྣམས་ཉོན་མོངས་པ་དང་བཅས་པ་ཡིན་དུ་ཟིན་ཀྱང་། ཉོན་མོངས་པ་མེད་པའི་ཁོངས་སུ་འདུས་ལ། སེམས་ཅན་ཐམས་ཅད་ལའང་ལྡན་འདོགས་པར་འགྱུར་ཏེ། དེ་ཅིའི་ཕྱིར ་ཞེ་ན། བདག་ལ་དེ་བཞིན་གཤེགས་པའི་སྙིང་པོ་ཡོད་པར་ཤེས་པའི་ཕྱིར་རོ།། མཆོག་ཏུ་རྟག་པར་ཤེས་ནས་ཀྱང་དེ་དག་འཇུག་པར་འགྱུར་རོ།། རིགས་ཀྱི་བུ་གཞན་ཡང་དཔེར་ན་བུ་རམ ་ཤིང་ངམ། ཏིལ་ཡང་རུང་སྟེ། ཁུ་བ་དང་མར་དུ་གྱུར་པའི་དུས་ཀྱི་བར་དུ་ནི་མི་རྟག་པའི་ཁོངས་སུ་འདུས་སོ།། བུ་རམ་ཤིང་གི་ཚོགས་མ་དང་། ཏིལ་གྱི་ཚོགས་མ་མེད་པར ་གྱུར་ནས་ནི། སེམས་ཅན་ཐམས་ཅད་ལའང་ཕན་འདོགས་པར་འགྱུར་ལ། རྫས་རྟག་པའི་ཁོངས་སུའང་འདུས་པར་འགྱུར་རོ།། རིགས་ཀྱི་བུ་དེ་བཞིན་དུ་མདོ་སྡེ་ཐམས་ཅད་དང་། ཏིང་ངེ་འཛིན ་ཐམས་ཅད་ཀྱི་བསྒོམ་པ་བསྒོམས་པའི་འབྲས་བུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི་སེམས་ཅན་རྣམས་ཀྱིས་མཐོས་ཀྱི་བར་དུ་ནི་མི་རྟག་པའི་ཡོངས་སུ་འདུས་སོ། ། མདོ་རྗེ ་རིན་པོ་ཆེ་འདི་ཐོས་ནས་ནི། རིགས་ཀྱི་བུ་འམ། རིགས་ཀྱི་བུ་མོ་རྣམས་ཉོན་མོངས་པ་དང་བཅས་པ་ཡིན་དུ་ཟིན་ཀྱང་། ཉོན་མོངས་པ་མེད་པའི་ཁོངས་སུ་འདུས་ལ། སེམས་ཅན་ཐམས་ཅད ་ལའང་ཕན་འདོགས་པར་འགྱུར་ཏེ། དེ་ཅིའི་ཕྱིར་ཞེ་ན། བདག་ལ་དེ་བཞིན་གཤེགས་པའི་སྙིང་པོ་ཡོད་པར་ཤེས་པའི་ཕྱིར་རོ།། མཆོག་ཏུ་རྟག་པར་ཤེས་ནས་ཀྱང་དེ་དག་འཇུག་པར་འགྱུར་རོ།། རིགས ་ཀྱི་བུ་གཞན་ཡང་དཔེར་ན་ཆུ་ཀླུང་ཐམས་ཅད་ནི་རྒྱ་མཚོའི་ཁོངས་སུ་འདུས་སོ། ། རིགས་ཀྱི་བུ་དེ་བཞིན་དུ་མདོ་སྡེ་ཐམས་ཅད་དང་། ཏིང་ངེ་འཛིན་ཐམས་ཅད་དང་། ཐེག་པ་ཆེན་པོ་ནི་ཡོངས་སུ་མྱ་ངན ་ལས་འདས་པ་ཆེན་པོའི་མདོ་ཆེན་པོ་འདིའི་ཁོངས་སུ་འདུས་སོ། ། དེ་ཅིའི་ཕྱིར་ཞེ་ན། འདི་ལས་དེ་བཞིན་གཤེགས་པའི་སྙིང་པོ་ཤིན་ཏུ་ཡོངས་སུ་མཐར་ཐུག་པ་གསལ་བར་བསྟན་པའི་ཕྱིར་ཏེ། ་མཆོག་ཏུ་མཐར་ཕྱིན་པ་གང་ཡིན་པ་དེ་ནི་རྒྱུ་ཞེས་བྱའོ།། དེ་བས་ན་ཆོས་ལ་ཅིག་ནི་མི་རྟག་ལ། ཆོས་ཁ་ཅིག་ནི་རྟག་ཅེས་བྱའོ།། གསོལ་པ། སངས་རྒྱས་ལའང་མྱ་ངན་གྱི་ཟུག་རྔུ་མཛད་པ ་མངའ་འོ་ཞེས་སྨོས་ཏེ། རྫོགས་པའི་སངས་རྒྱས་ཀྱི་ནི་མོའི་མྱ་ངན་ལྟ་བུའང་མ་ལགས། ལྷའི་མྱ་ངན་ལྟ་བུའང་མ་ལགས། བདུད་ཀྱི་མྱ་ངན་ལྟ་བུའང་མ་ལགས། སངས་རྒྱས་ནི་དུད་འགྲོར ་སྐྱེས་པ་ལྟ་བུར་ཡང་མྱ་ངན་མི་མཛད་ལགས་ན། ཇི་ལྟ་བུ་ཞིག་ལགས། བཀའ་སྩལ་པ། འདུ་ཤེས་མེད་པ་རྣམས་ཀྱི་འདུ་ཤེས་ཀྱང་ཇི་ལྟ་བུ་ཞིག། འདུ་ཤེས་མེད་ན་ནི་བསོན་པའི ་ཡང་མི་རོགས་ཏེ། འདུ་ཤེས་མེད་པ་རྣམས་ནི་གསོན་པོ་ཡོན་ནོ།། ཕུང་པོ་དང་། ཁམས་དང་། སྐྱེ་མཆེད་རྣམས་མེད་པ་དེ་དག་ལ་འདུ་ཤེས་ག་ལ་ཞིག་ཡོད་དེ། དཔེར་ཤིང་རྣམ ་ལ་ལྷ་རྣམས་གནས་མོད་ཀྱི། ལྷ་དེ་དག་ཤིང་གི་ཡལ་ག་རྣམས་སམ། རྩ་བ་རྣམས་གང་ན་གནས་པ་མི་མངོན་པ་དེ་བཞིན་དུ་བསྟན་པའང་ཟབ་བོ།། དེ་བཞིན་གཤེགས་པའང་ཟབ་བོ།། ་སྒྲ་གཅན་ཟིན་ལ་བྱ་བ་བཞིན་དུ་བྱམས་པས་རྟག་ཏུ་མྱ་ངན་བྱེད་པ་ནི་འདུ་ཤེས་མེད་འདུ་ཤེས་མེད་མིན་གྱི་ལྷ་རྣམས་མྱ་ངན་བྱེད་པ་དང་འདྲའོ།། དེ་དག་ནི་སངས་རྒྱས་རྣམས་ཀྱི་སྤྱོད་ཡུལ ་ཡིན་ཏེ། སངས་རྒྱས་རྣམས་ནི་དེ་ལྟ་བུ་ཡིན་ནོ།། སངས་རྒྱས་རྣམས་ཀྱི་ཆོས་ཉིད་ཅི་འདྲ་བ་དང་། སྐུ་ཅི་འདྲ་བ་དང་། རང་བྱུང་རྣམས་ཀྱི་གསུང་ཅི་འདྲ་བ་དང་། ཐུགས་ཅི་གྲ། ་བ་ནི་སངས་རྒྱས་རྣམས་ཀྱིས་སངས་རྒྱས་ཀྱི་མཁྱེན་པར་ཟད་དེ། ཡིད་ཀྱི་རང་བཞིན་ལ་མྱ་ངན་ག་ལ་ཡོད།། མྱ་ངན་མེད་ནའང་བསྟན་པ་ཤིན་ཏུ་རྒྱས་པ་ཅི་ཡོད་པ་དང ་འགལ་ལོ། ། མྱ་ངན་མེད་དོ་ཞེས་ན་ནི་སྒྲ་གཅན་ཟིན་དང་འདྲ་བར་གཟིགས་ཞེས་བྱ་བ་བརྫུན་པར་འགྱུར་རོ།། ཆོས་ཐམས་ཅད་བརྫུན་པའོ་ཞེས་བྱ་བ་ནི་བསམ་གྱིས་མི་ཁྱབ་པར་བསྟན་ཏོ།། ་དེ་བཞིན་དུ་སངས་རྒྱས་བཅོམ་ལྡན་འདས་ཀྱང་བསམ་གྱིས་མི་ཁྱབ་བོ།། ཆོས་ཀྱང་བསམ་གྱིས་མི་ཁྱབ་བོ།། བསྟན་པའང་བསམ་གྱིས་མི་ཁྱབ་སྟེ།། དེ་ལྟར་ན་སངས་རྒྱས་རྣམས་ཀྱི ་ཡང་དག་པའི་ཆོས་ཉིད་ནི་དེ་ཡིན་ནོ། ། ཇི་སྲིད་དུ་ནམ་མཁའ་ཡིན་པ་དེ་སྲིད་དུ་ཁྱིམ་གནས་པའང་མེད། ཀ་བའང་མེད། རྡུལ་ཡང་མེད་དེ། ནམ་མཁའི་ངོ་བོ་ཉིད་ཁོ་ནར་འདུག་པ་དེ ་མཐོང་ནས་བྱིས་པའི་རང་བཞིན་ཅན་རྣམས་ཀྱིས་ནམ་མཁའ་ཇི་ལྟར་འདུག་པ་དེ་བཞིན་དུ་སེམས་ཡོངས་སུ་བསྒྱུར་བར་བྱའོ། ། དེ་ལྟར་བསམ་གྱིས་མི་ཁྱབ་པ་ལ་མྱ་ངན་ག་ལ་ཡོད། མྱ་ངན ་མེད་པར་ཡང་སྒྲ་གཅན་ཟིན་བཞིན་དུ་གཟིགས་ཞེས་བྱ་བ་དོན་མེད་པར་འགྱུར་ཏེ། དེ་བཞིན་གཤེགས་པའི་མྱ་ངན་ནི་ནམ་མཁའ་དང་འདྲའོ།། སྒྱུ་མ་ལ་སེམས་བཞིན་མེད་པ་བཞིན་དུ་དེ་བཞིན ་གཤེགས་པ་ལ་མྱ་ངན་མངའ་ཞེས་བྱ་བ་དེའང་སྒྱུ་མའི་ཚུལ་ཙམ་དུ་ཟད་ན། ཡོངས་སུ་མྱ་ངན་ལས་འདས་པ་ལྟ་ལ་མྱ་ངན་ག་ལ་ཡོད། མི་རྟག་པ་ལ་ནི་མྱ་ངན་ཡོད་དེ། དེ་དག་གི་སེམས ་པས་གྱུར་པ་ཡིན་ནོ། ། དེ་བས་ན་དེ་བཞིན་གཤེགས་པ་ནི་རྟག་གོ།། མི་རྟག་པ་ལ་ནི་མྱ་ངན་ཡོད་ན་དེ་བཞིན་གཤེགས་པ་ནི་མི་རྟག་པ་མ་ཡིན་པས་ན་མྱ་ངན་ཡོད་ཅེས་བྱ་བ་དང་། མེད་ཅེས་བྱ་བར ་རྟོགས་པར་མི་ནུས་ཏེ། དེ་བཞིན་གཤེགས་པ་ནི་མྱ་ངན་དང་བྲལ་བ་ཡིན་ནོ།། དམའ་བས་ནི་དམའ་བཤེས་ཀྱི། དམའ་བས་འབྲིང་མི་ཤེས་སོ།། འབྲིང་གིས་ཀྱང་འབྲིང་ཤེས་ཀྱི་འབྲིང ་གིས་རབ་མི་ཤེས་སོ། ། རབ་ཀྱིས་ནི་དམའ་བ་དང་། འབྲིང་དང་། རབ་རྣམས་ཤེས་སོ།། ཉན་ཐོས་དང་རང་སངས་རྒྱས་རྣམས་ཀྱིས་ནི་རང་གི་སའི་བདག་ཤེས་པར་ཟད་དོ།། སངས་རྒྱས ་རྣམས་ཀྱིས་ནི་ཐམས་ཅད་ཐུགས་སུ་ཆུད་དེ། དེ་བས་ན་ཡང་དག་པར་རྫོགས་པའི་སངས་རྒྱས་རྣམས་ནི་ཡེ་ཤེས་སྒྲིབ་པ་མི་མངའ་བ་ཞེས་བྱའོ།། དེ་ལྟར་ན་ལྷ་ཡུལ་དང་སའི་སྟེང་དག་ཏུ་སྒྱུ་མ ་རྣམ་པ་སྣ་ཚོགས་སྟོན་ཏོ། ། དེ་ལྟར་སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་དང་མཐུན་པར་སྟོན་ཏོ་སྙམ་དུ་ཤེས་ནས། ཤའི་མིག་དང་ལྡན་པའི་བྱས་པ་རྣམས་ཀྱིས་ཀྱང་ཐོགས་པ་མེད ་པའི་ཡེ་ཤེས་ཐོབ་པར་བྱ་བའི་ཕྱིར་མཁས་པའི་ཤེས་པ་ལ་གནས་པར་བྱའོ། ། དེ་ལྟར་ན་མྱ་ངན་དང་མྱ་ངན་མེད་པ་ཞེས་བྱ་བ་ནི་རྫོགས་པའི་སངས་རྒྱས་ཀྱིས་རྟགས་པ་ཡིན་གྱིས། བྱིས་པ་རྣམས ་ཀྱི་ཡུལ་མ་ཡིན་ནོ། ། དེ་བས་ན་ཆོས་ཁ་ཅིག་ནི་བདག་ཡོད་ལ། ཆོས་ཁ་ཅིག་ནི་བདག་མེད་དེ། འདི་ནི་ཟལ་མོ་ལྟ་བུར་བསྟན་པ་ཡིན་ནོ།། རིགས་ཀྱི་བུ་གཞན་ཡང་སངས་རྒྱས་ཀྱི་སྤྱོད་ཡུལ ་བྱ་བ་ཞད་ཟས་ལ་འགྲོ་བ་ལྟ་བུ་བསྟན་པར་བྱ་སྟེ། དཔེར་ན་བྱ་བཞད་རྣམས་དང་ཐལ་མོ་རྣམས་ནི་དབྱར་ཆུ་ཀླུང་རྣམས་ཀྱི་ཆུ་ཤིན་ཏུ་གྲུབ་པའི་ཚེ་རང་གི་སྒོ་ངའི་ཆོས་བྱ་བའི ་ཕྱིར་ཐང་ཀ་ལས་གཞི་བརྟན་པོར་གནས་འཆའ་བར་བྱེད་ལ། སྤྱོད་ཡུལ་གང་ཡིན་པ་དེར་འདོང་བར་བྱེད་དེ། དེ་ནི་དེ་དག་གི་ཆོས་ཉིད་དོ།། དེ་བཞིན་དུ་དེ་བཞིན་གཤེགས་པ་དགྲ་བཅོམ ་པ་ཡང་དག་པར་རྫོགས་པའི་སངས་རྒྱས་ཀྱང་སྐྱེས་ནས་སེམས་ཅན་བྱེ་བ་ཕྲག་མང་པོ་དམ་པའི་ཆོས་ལ་བཀོད་དེ། བཞད་དང་ཟལ་མོ་བཞིན་དུ་གདུལ་བར་བྱ་བ་ཇི་སྙེད་ཡོད་པ་དེ་དག་གི་དོན ་རྣམས་བྱས་ཟིན་ནས། གདུལ་བར་བྱ་བ་གཞན་དག་ག་ལ་ཡོད་པ་དེར་སྣང་བར་འགྱུར་རོ།། དེ་ལྟར་ན་ཆོས་ཁ་ཅིག་ནི་སྡུག་བསྔལ་ལ། ཆོས་ཁ་ཅིག་ནི་བདེ་ཞེས་བྱ་སྟེ། འདུ་བྱེད ་གང་ཡིན་པ་དེ་དག་ནི་སྡུག་བསྔལ་བ་དང་འཇིག་པ་ཡིན་ནོ། ། མྱ་ངན་ལས་འདས་པ་གང་ཡིན་པ་དེ་ནི་མཆོག་ཏུ་བདེ་བ་ཡིན་ཏེ། འདུ་བྱེད་སྤངས་པའི་ཕྱིར་བདེ་བ་དང་ལྡན་ནོ།། གསོལ་པ། ་དེ་ཇི་ལྟ་བུ་ལགས། བཀའ་སྩལ་པ། ཇི་ལྟ་བ་བཞིན་ནོ།། གསོལ་པ། མྱ་ངན་ལས་འདས་པ་ཐོབ་པའི་སེམས་ཅན་རྣམས་ཇི་ལྟར་བདེ་བ་ལགས། བཀའ་སྩལ་པ། རིགས་ཀྱི ་བུངས་བསྟན་པ་ལ། རྒ་བ་དང་འཆི་བ་ནི་འདུ་བྱེད་རྣམས་ལས་བྱུང་བའོ།། བག་ཡོད་པ་ནི་འཆི་བ་མེད་པའི་གནས་སོ།། བག་མེད་པ་ནི་འཆི་བའི་གནས་སོ།། བག་ཡོད་པ་དང་ལྡན་པ ་རྣམས་ནི་འཆི་བར་མི་འགྱུར་རོ། ། བག་མེད་པ་དང་ལྡན་པ་རྣམས་ནི་རྟག་ཏུ་ཤི་བ་དང་འདྲའོ།། བག་མེད་པ་གང་ཡིན་པ་དེ་ནི་འདུ་བྱེད་ཡིན་ཏེ། དེ་ནི་མཆོག་ཏུ་སྡུག་བསྔལ་བའོ།། ་ངན་ལས་འདས་པ་ནི་འཆི་བ་མེད་པའོ།། བག་མེད་པ་དང་ལྡན་པ་རྣམས་ནི་འདུ་བྱེད་དུ་གྱུར་པ་ཡིན་ཏེ། དེ་དག་ནི་མཆོག་ཏུ་སྡུག་བསྔལ་བའོ།། མྱ་ངན་ལས་འདས་པ་གང་ཡིན་པ་དེ་དག ་ནི་འཆི་བ་མེད་པ་ཡིན་ནོ་ཞེས་ང་ཟེར་རོ། ། བག་ཡོད་པ་དང་ལྡན་པ་གང་ཡིན་པ་དེ་དག་ནི་འདུ་བྱེད་དུ་གྱུར་པ་མ་ཡིན་ཏེ། དེ་དག་ནི་འདུ་བྱེད་རྣམས་ལ་སྤྱོད་ཀྱང་རྒ་བ་མེད་པ་དང་། འཆི་བ་མེད ་དང་ང་གཞིག་ཏུ་མེད་པ་ཞེས་ང་ཟེར་རོ། ། དེ་ལ་བག་མེད་པ་དང་ལྡན་པ་རྣམས་ནི་གང་ཡིན། བག་ཡོད་པ་དང་ལྡན་པ་རྣམས་ནི་གང་ཡིན་ཞེ་ན། འཇིག་རྟེན་པ་རྣམས་ནི་བག་མེད་པ་དང ་ལྡན་པ་ཡིན་ཏེ་ཤི་བ་དང་འདྲའོ། ། འཇིག་རྟེན་ལས་འདས་པ་རྣམས་ནི། རྒ་བ་མེད་པ་དང་། འཆི་བ་མེད་པའོ།། བག་ཡོད་པ་དང་ལྡན་པ་རྣམས་ནི་མྱ་ངན་ལས་འདས་པ་མཆོག་ཏུ་བདེ་བ ་ཐོབ་པའོ། ། དེ་བས་ན་ཆོས་ཁ་ཅིག་ནི་སྡུག་བསྔལ་ལ། ཆོས་ཁ་ཅིག་ནི་བདེ་བ་ཡིན་ནོ་ཞེས་ངས་བསྟན་ཏོ།། ཆོས་ཁ་ཅིག་ནི་བདག་མེད་ལ། ཆོས་ཁ་ཅིག་ནི་བདག་ཡོད་པ་ནི་དཔེར་ན ་ས་ལ་འདུག་པའི་མི་ལྷའི་མིག་མེད་པས་ནམ་མཁའ་ལ་བྱ་འཕུར་བའི་རྗེས་མི་མཐོང་བ་དེ་བཞིན་དུ། ཉོན་མོངས་པ་ལ་གནས་པ་རྣམས་ཀྱིས་བདག་ཉིད་ལ་སྙིང་པོའི་མཆོག་ཡོད་པ ་བདག་གིས་མི་མཐོང་སྟེ། དེ་བས་ན་ངས་དགོངས་པའི་ཚིག་གིས་བདག་མེད་དོ་ཞེས་བསྟན་ཏོ།། ལྷའི་མིག་མེད་པའི་མི་རྣམས་ཀྱིས་ནི་བདག་ལ་བདག་ཡོད་དུ་ཟིན་ཀྱང་མི ་མཐོང་སྟེ། ཉོན་མོངས་པ་ཡིན་ནོ་ཞེས་ང་ཟེར་རོ།། ཉོན་མོངས་པའི་རྣམ་པའི་འདུ་བྱེད་རྣམས་གང་ཡིན་པའི་ཆོས་དེ་བདག་ནི་མི་རྟག་པ་ཞེས་བྱའོ།། དེ་བས་ན་ཆོས་ཁ་ཅིག་ནི་མི་རྟག་པའོ།། ་ཞེས་ངས་བསྟན་ཏོ།། རྒྱུ་དེས་ནི། ཤེས་རབ་ལྡན་པ་རི་ཀར་འདུག་པ་ཡིས།། བྱིས་པ་ས་ལ་འདུག་པ་ལེགས་པར་མཐོང་།། ཤེས་རབ་ཁང་བཟངས་སྟེང་ན་འདུག་པ་ཡིན།། མྱ་ངན ་མེད་ཀྱང་སྐྱེ་དགུ་མྱ་ངན་མཐོང་། ། ཞེས་བྱ་བ་ལྟ་བུ་སྟེ། དེ་ལྟར་ཉོན་མོངས་པའི་རྣམ་པ་བཅད་ནས་ཤེས་རབ་ཅན་རི་ཀ་ན་གནས་པས་ཉོན་མོངས་པའི་རྣམ་པ་དང་འབྲེལ་བའི་བྱིས་པ་མཐོང། ་བ་བཞིན་ནོ།། གསོལ་པ། ཤེས་རབ་ཡང་ཐོག་མཆིས་པ་གང་དག་ལགས།། མྱ་ངན་མ་མཆིས་གང་ལགས་འཇིག་རྟེན་ན།། མྱ་ངན་མ་མཆིས་མྱ་ངན་འདས་པ་ལ། མྱ་ངན་དག་ནི་ཇི་ལྟར ་མཆིས་པར་འགྱུར། ། གལ་ཏེ་སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་ན་བྱིས་པ་རྣམས་ཀྱིས་ཇི་ལྟར་མཐོང་ལགས། ཤེས་རབ་ཀྱི་ཁང་བཟངས་ཀྱི་སྟེང་དུ་ཡང་ཇི་ལྟར ་བཞུགས་ལགས། མི་རི་ཀ་ན་མཆིས་པས་ནི་མཐོང་དུ་རུང་སྟེ། འདི་ནི་མཆིས་ན་གདོད་རུང་བ་ལགས་ན་ཡོངས་སུ་མྱ་ངན་ལས་འདས་པས་ཇི་ལྟར་མཐོང་ལགས། བཀའ་སྩལ་པ། ་ཤེས་རབ་ཀྱི་ཁང་བཟངས་ནི་མྱ་ངན་ལས་འདས་པའོ།། མྱ་ངན་མེད་པ་དེ་ནི་དེ་བཞིན་གཤེགས་པའོ།། མྱ་ངན་གྱི་གས་ཆེ་བ་ནི་སྐྱེ་དགུ་རྣམས་ཡིན་ཏེ། དེ་དག་ནི་མྱ་ངན་ཅན་ཡིན་ལ། ་དེ་བཞིན་གཤེགས་པ་ནི་མྱ་ངན་མེད་པའོ།། རི་ཞེས་བྱ་བ་ནི་ཐར་པ་ཡིན་ཏེ། རི་རབ་བཞིན་དུ་བརྟན་པའི་ཕྱིར་རོ།། ས་ཞེས་བྱ་བ་ནི་འདུ་བྱེད་རྣམས་སོ།། བྱིས་པ་ཐམས་ཅད་ནི་ས་ལ ་འཁོད་པའོ། ། ཤེས་རབ་ཅན་ཞེས་བྱ་བ་ནི་རྫོགས་པའི་སངས་རྒྱས་ཀྱི་དོན་ཏེ། དེ་བཞིན་གཤེགས་པ་ནི་མྱ་ངན་མེད་ཅིང་བརྟན་པའི་ཕྱིར་རོ།། སངས་རྒྱས་ནི་མྱ་ངན་ཅན་གྱི་ནང་ན་མྱ་ངན་མེ ་པ་སྟེ། སེམས་ཅན་རྣམས་ཀྱི་མྱ་ངན་གྱི་ཟུག་རྔུ་སེལ་བའོ།། གསོལ་པ། གལ་ཏེ་དེ་བཞིན་གཤེགས་པ་མྱ་ངན་ལས་མ་འདས་ན་ནི་ད་དུང་མྱ་ངན་མངའ་སྟེ། རྫོགས་པར་སངས་མ་རྒྱས ་པ་ཞེས་བྱའོ། ། བཀའ་སྩལ་པ། རྒྱུ་ཡོད་དེ། གང་ན་གདུལ་བར་བྱ་བ་རྣམས་ཡོད་པ་དེར་ནི་རྫོགས་པའི་སངས་རྒྱས་སྣང་སྟེ་དེར་སྐྱེ་བ་ལྟ་བུར་སྟོན་ཏོ།། དེ་བས་ན་དེ་བཞིན་གཤེགས་པ ་ནི་རྟག་པ་ཡིན་ཏེ། སངས་རྒྱས་བྱ་བཞད་དང་ཟལ་མོ་ལྟ་བུ་ཞེས་བྱའོ།། ། འཕགས་ཡོངས་སུ་མྱ་ངན་ལོས་འདས་པ་ཐེག་པ་ཆེན་པོའི་མདོ་ལས་བམ་པོ་བཅུ ་གཅིག་པ། རིགས་ཀྱི་བུ་དཔེར་ན་ཟླ་བ་ནི་ཉོན་པར་སྣང་བ་ན་ཁ་ཅིག་ཏུ་ལྟུང་བ་ལྟ་བུ་སྣང་སྟེ། དེ་ནས་སེམས་ཅན་རྣམས་ཀྱིས་ཟླ་བ་ལྷུང་ངོ་སྙམ་དུ་འཛིན་ཏོ།། ཟླ་བ་ནི་མེད ་པར་མི་འགྱུར་ཏེ། གླིང་གཞན་དུ་འཆང་བར་འགྱུར་ལ། དེར་ཡང་ཟླ་བ་སྐྱེས་པ་མེད་དོ།། སེམས་ཅན་རྣམས་ཀྱིས་ནི་ཟླ་བ་ཤར་ཏོ་སྙམ་དུ་འཛིན་ཏེ། ཟླ་བ་ནི་ལྷུང ་བ་ལྟ་བུར་སྣང་ཡང་འཇིག་པར་མི་འགྱུར་ལ། འཆར་བ་ལྟ་བུར་སྣང་ཡང་སྐྱེ་བ་མེད་དེ། རིའི་རྒྱལ་པོ་རི་རབ་ཀྱིས་བསྒྲིབས་པས་མི་སྣང་བར་ཟད་ལ། ཟླ་བ་ནི་རང་བཞིན་གྱིས་སྐྱེས་ཟིན་པ་ཡིན ་ཏེ། སྣང་བྱེད་རྣམས་ཀྱི་ཆོས་ཉིད་ནི་དེ་ཡིན་ནོ།། དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམ ་ནའཛམ་བུ་གླིང་ལ་ལར་ནི་ཕ་མ་ཕྲད་པ་ལས་སྐྱེས་པར་ཡང་སྣང་སྟེ། སེམས་ཅན་རྣམས་ཀྱིས་སྐྱེས་སོ་སྙམ་དུ་འཛིན་ལ། དེ་བཞིན་གཤེགས་པ་ལ་ནི་སྐྱེས་པ་མེད་དོ།། འཛམ ་བུ་གླིང་ལ་ལར་ནི་ཡོངས་སུ་མྱ་ངན་ལས་འདའ་བ་ལྟ་བུར་སྣང་ལ། དེ་བཞིན་གཤེགས་པ་ལ་ནི་འཆི་བ་མེད་དོ།། སེམས་ཅན་རྣམས་ཀྱིས་ནི་ཤིའོ་སྙམ་དུ་འཛིན་ཏེ། དེ་བཞིན་གཤེགས ་པམི་ལྟུང་བ་དང་། སྐྱེ་བ་ལྟ་བུར་སྣང་ཡང་མེད། འཚོ་བའང་མེད་དོ།། གདུལ་བར་བྱ་བའི་དབང་གིས་ནི་ཟླ་བ་བཞིན་དུའང་རྒྱུ་བར་མཛད་དོ།། ཟླ་བ་ནི་ཀློང་བཞི་ཁ་ཅིག་ཏུ་ཟླ་བ་ཉ་བ ་ཡོངས་སུ་རྒྱས་པ་ལྟ་བུར་སྣང་སྟེ། སེམས་ཅན་རྣམས་ཀྱིས་ཟླ་བ་ཉའོ་སྙམ་དུ་འཛིན་ཏོ།། ཟླ་བ་ནི་གླིང་ཁ་ཅིག་ཏུ་ཡི་གེ་དང་འདྲ་བར་ཟླ་བ་ཚེས་པའང་སྣང་སྟེ། འཛམ་བུ་ཐོང་པ་རྣམས་ཀྱིས ་དེང་ཟླབ་ཆེས་གཅིག་ཡོན་ནོ་སྙམ་དུ་འཛིན་ཏོ། ། དེ་ནས་ཟླ་བ་རྗེད་པར་འཛིན་ཏོ།། དེ་ནས་ཆེས་བཅོ་ལྔ་ཡིན་ནོ་སྙམ་སྟེ། སྒྲུབཉ་བར་འཛིན་ཏོ།། བཅིག་གིས་ནི་ཟླ་བ་མྱེད་ཡིན་པར་འཛིན ་ཏེཟླ་བ་ཕྱེད་དུ་འགྱུར་ཞིང་འཆར་བ་ཡང་མེད། ལྟུང་བའང་མེད་དེ། ཟླ་བ་ནི་རོ་རབ་ཀྱི་རྐྱེན་གྱིས་དེ་ལྟར་སྣང་ངོ་།། རིགས་ཀྱི་བུ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ ་ཡང་དག་པར་རྫོགས་པའི་སངས་རྒྱས་ཀྱང་། འཛམ་བུ་གླིང་ལ་ལར་ནི་ཡོངས་སུ་མྱ་ངན་ལས་འདའ་བ་ལྟ་བུར་སྣང་སྟེ། སེམས་ཅན་རྣམས་ཀྱིས་དེ་བཞིན་གཤེགས་པ་ཡོངས་སུ་མྱ་ངན་ལས ་འདས་སོ་སྙམ་དུ་འཛིན་ཏོ། ། འཛམ་བུ་གླིང་ལ་ལར་ནི་ཟླ་བ་ཚེས་པ་བཞིན་དུ་སྐྱེ་བ་ལྟ་བུར་སྣང་སྟེ། སེམས་ཅན་རྣམས་ཀྱིས་ཁྱེའུ་འདི་སྐྱེས་སོ་སྙམ་དུ་འཛིན་ཏོ།། ཟླ་བ་ཚེས་གཉིས་དང་འདྲ ་བར་ནི་ལྷའི་ཐང་དུ་འགྲོ་བར་འཛིན་ཏོ། ། ཟླ་བ་ཚེས་གསུམ་དང་འདྲ་བར་ནི་ཡི་གེ་སློབ་པའི་སར་འགྲོ་བར་འཛིན་ཏོ།། ཟླ་བ་ཚེས་བརྒྱད་ལྟ་བུར་ནི་རབ་ཏུ་འབྱུང་བར་སྟོན་ཏོ།། ཟླ་བ་ཉ་བ་ལྟ ་བུར་ནི་འོད་ཀྱིས་མུན་པ་བསལ་བ་བཞིན་དུ་བདུད་བྱེ་བ་སྙེད་བརླག་ནས་ལམ་མེར་བཞུགས་སོ། ། ཟླ་བ་ནུབ་པ་ལྟ་བུར་ནི་ཡོངས་སུ་མྱ་ངན་ལས་འདའ་བར་སྟོན་ཏེ། ཟླ་བ་གཟའ་རྣམས ་ཀྱིས་བསྐོར་བ་བཞོན་དུ་མཚན་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་བརྒྱན་ཏོ། ། དེར་ཁ་ཅོག་གིས་ནི་ལྷུང་བར་འཛིན་ཁ་ཅིག་གིས་ནི་སྐྱེ་བར་འཛིན་ལ། སྐྱེས་པའང་མེད། ་འགག་པའང་མེད་དེ། དེ་བཞིན་གཤེགས་པ་ནི་ཟླ་བ་ཉ་བ་བཞིན་དུ་དུས་ཐམས་ཅད་དུ་རྟག་པ་ཡིན་ནོ།། དེ་བས་ན་དེ་བཞིན་གཤེགས་པ་རྟག་པ་དང་བརྟན་པ་ཞེས་བྱའོ།། ་དཔེར་ན་ཟླ་བ་ནི་ཐམས་ཅད་དུ་སྣང་སྟེ། ཆུ་དང་། དགོན་པ་དང་། ཁྱིམ་དང་། གྲོང་ཁྱེར་དང་། ཆུར་ཆུས་གང་བ་རྣམས་དང་། ཁྲོན་པ་དང་། གཞན་ཡང་དཔག་ཚད་སྟོང ་སྲིད་དུའང་རུང་། སེམས་ཅན་རྣམས་གང་དུ་འགྲོ་བ་དེ་དག་ཐམས་ཅད་དུ་སྣང་སྟེ། དེར་བྱིས་པ་རྣམས་ཀྱི་ཡིད་ལ་ཟླ་བ་འདི་ནི་བདག་ཁོ་ནའི་ཕྱི་བཞིན་འབའ་ཞིག་ཏུ་འོང་ངོ་སྙམ་དུ་འཛིན་ཏོ།། ་གང་གང་གི་ཚེ་ཁྱིམ་གྱི་ནང་དུ་མཐོང་བ་དེའི་ཚེ་ནི། ད་ནི་འདི་ན་སྣང་ན་དེ་ཟླ་བ་འདི་དེ་ཉིད་ཡིན་ནམ་འོན་ཏེ་གཞན་ཞིག་ཡིན་ཞིག་གུ་སྙམ་དུ་རྟོག་གོ།། དེ་ལ་བྱིས་པ་ཁ་ཅིག་གིས་ནི་ཟླ་བ་ཆུར ་ཙམ་དུ་འཛིན་ཏོ། ། བར་མ་རྣམས་ཀྱིས་ནི་ཤིང་རྟའི་འཕང་ལོའི་ཚད་ཙམ་དུ་འཛིན་ཏོ།། རབ་རྣམས་ཀྱིས་ནི་ཟླ་བ་དཔག་ཚད་ལྔ་བཅུ་པ་ཙམ་ལ་ཟླུམ་པོ་ཡིན་པར་ཤེས་སོ།། དུད་འགྲོ ་རྣམས་ཀྱིས་ནི་ཟླ་བ་སྲིན་བུ་མེ་ཁྱེར་ཙམ་དུ་མཐོང་སྟེ། སྐྱེ་གནས་ཐམས་ཅད་ལྡན་པའི་དུད་འགྲོ་རྣམས་ཀྱིས་ནི་ཟླ་བ་ལ་རང་རང་གི་རྣམ་པར་ཤེས་པས་བརྟགས་ནས་སོ་སོར་མཐོང་ངོ་།། ་དེ་བཞིན་དུ་དེ་བཞིན་གཤེགས་པའང་འཇིག་རྟེན་དུ་བྱུང་ན་ཐམས་ཅད་དུ་སྣང་སྟེ། སེམས་ཅན་ཁ་ཅིག་གིས་ནི་དེ་བཞིན་གཤེགས་པ་ཟླ་བ་དང་འདྲ་བར་འཛིན་ཏེ། བདབ་ལ་ཐུགས་བརྩེ ་བར་ཕྱིར་བདག་གི་ཁྱིམ་གྱི་ཕུགས་སུ་བཞུགས་སོ་སྙམ་མོ། ། དུད་འགྲོ་རྣམས་ཀྱིས་ནི་རང་རང་གི་སྐྱེ་གནས་ཀྱི་ལུས་ལྟ་བུར་མཐོང་ངོ་།། སེམས་ཅན་ལྐུགས་པ་རྣམས་ཀྱིས་ནི་དེ་བཞིན ་གཤེགས་པ་ལྐུགས་པར་མཐོང་ངོ་། ། འོན་པ་དང་ལག་རྡུམ་རྣམས་ཀྱིས་ཀྱང་བདག་ཉིད་དང་འདྲ་བར་མཐོང་ངོ་།། སྐད་དང་། འདུ་ཤེས་དང་། ཡི་གེ་ཐ་དད་པ་རྣམས་ཀྱིས་ཀྱང ་བདག་ཅག་དང་འདྲའོ་སྙམ་དུ་འཛིན་ཏེ་བདག་གི་སྐད་དུ་སྨྲའོ། ། བདག་གི་འདུ་ཤེས་དང་མཐུན་ནོ།། བདག་གིས་ཁ་ཟས་ཟའོ་སྙམ་དུ་འཛིན་ཏོ།། ལུས་ཆེ་བ་རྣམས་ཀྱང་དེ་བཞིན ་གཤེགས་པ་ནི་བདག་ཅག་དང་འདྲའོ་སྙམ་དུ་འཛིན་ནོ། ། ཁ་ཅིག་གིས་ནི་ཉན་ཐོས་དང་རང་སངས་རྒྱས་ཡིན་ནོ་སྙམ་དུ་འཛིན་ཏོ།། ཁ་ཅིག་གིས་ནི་ཡ་མཚན་ཅན་ཐམས་ཅད་ཀྱི་ནང་དུ་རབ་ཏུ་བྱུང ་བར་མཐོང་ངོ་། ། ཁ་ཅིག་གིས་ནི་དེ་བཞིན་གཤེགས་པ་བདག་ཅག་གི་ཕྱིར་འཇིག་རྟེན་དུ་བྱུང་ངོ་སྙམ་དུ་འཛིན་ཏོ།། དཔེར་ན་ཟླ་བ་རང་བཞིན་དུ་གནས་པས་སོ་སོའི་རང་བཞིན་དུ་ཐམས ་ཅད་མགུ་བར་བྱེད་པ་དེ་བཞིན་དུ། དེ་བཞིན་གཤེགས་པའང་ཆོས་ཀྱི་སྐུ་ཡིན་བཞིན་དུ་ཐབས་ཀྱི་དུག་སྨན་གྱི་སྨན་གྱི་སྡོང་པོ་དང་འདྲ་བར་འཛིན་ཅིང་སེམས་ཅན་རྣམས་མགུ་བར་མཛད་དེ། ་འཇིག་རྟེན་ཐམས་ཅད་དང་མཐུན་པར་མཛད་པ་དག་གིས་སྐྱེས་པའི་རབས་སྟོང་ཕྲག་མང་པོ་སྟོན་པར་མཛད་དོ།། དེ་བས་ན་དེ་བཞིན་གཤེགས་པ་ནི་ཐམས་ཅད་དུ་སྐྱེ་བ་སྟོན་པའི་ཕྱིར ་སྐྱེས་པའི་རབས་ཀྱི་ཟླ་བ་ཞེས་བྱའོ། ། དེ་བས་ན་དེ་བཞིན་གཤེགས་པ་རྟག་པ་དང་བརྟན་པ་ཡིན་ནོ།། རིགས་ཀྱི་བུ་གཞན་ཡང་དཔེར་ན་ཟླ་བ་དང་ལྷ་མ་ཡིན་གྱི། ་དབང་པོ་སྒྲ་གཅན་ཕྲད་པའི་ཚེ། འཇིག་རྟེན་པ་རྣམས་ཀྱིས་ཟླ་བ་གཟས་ཟིན་ཏོ།། སྒྲ་གཅན་ནི་ཟླ་བ་ལ་འཛིན་པར་ཡང་མི་བྱེད་ལ། དེས་ནི་དེ་ལ་ཟ་བར་ཡང་མི་ནུས་ཏེ། སྒྲ ་གཅན་གྱི་ལག་པས་ཟླ་བ་བསྒྲིབས་ནས་འོད་མི་སྣང་བྱེད་པར་ཟད་དེ། ཟླ་བ་ལ་རྨ་ཡང་མེད། ཉོན་མོངས་པའང་མེད་དོ།། ཇི་ཙམ་དུ་སྒྲ་གཅན་གྱི་ལག་པས་ཟླ་བ་བཀབ་པ་དེ་ཙམ་དུ ་ཟླ་བའི་འོད་མི་སྣང་བར་འགྱུར་ལ་སྒྲ་གཅན་གྱིས་ཟླ་བ་བཏང་བའི་ཚེ་ནི་ཁ་ནས་འབྱུང་བ་ལྟ་བུར་སྣང་སྟེ། མི་རྣམས་ཀྱིས་ཟླ་བ་ནི་སྡུག་བསྔལ་ཞིང་འདུག་གོ་སྙམ་དུ་འཛིན་ཏེ ་ཟླ་བ་ནི་རང་བཞིན་ཁོ་ནར་འདུག་བཞིན་དུ་བདག་ཉིད་སྒྲ་གཅན་དང་ལྷན་ཅིག་ཏུ་འདུག་པར་སྟོན་ཏེ། འདི་ནི་འཇིག་རྟེན་གྱི་ཆོས་ཉིད་དོ།། སྒྲ་གཅན་བྱེ་བ་སྙེད་ཀྱིས་ཀྱང་ཟླ་བ་གསད་པ ་འམ་གཞིག་པར་མི་ནུས་ཏེ། ཟླ་བ་རང་ཉིད་དེ་ལྟར་སྟོན་ཏོ།། དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉིད་ཟླ་བ་ལྟ་བུར་སྟོན་པར་མཛད་དེ ་མ་འོངས་པའི་དུས་ཀྱི་དོན་དུ་ངན་སེམས་ཀྱིས་ཁྲག་ཕྱུང་བའི་མཚམས་མེད་པའི་ལས་བསྟན་པའི་ཕྱིར། དེ་ལ་སོགས་པ་འདོད་ཆེན་པོའི་མཐའ་དང་། དགེ་འདུན་གྱི་དབྱེན་གྱི་ཆོས་ཐ ་དང་པའང་སྟོན་པར་མཛད་དོ། ། དེ་བཞིན་གཤེགས་པའི་སྐུ་ལ་ནི་བདུད་བྱེ་བ་ཕྲག་འབུམ་གྱིས་ཀྱང་ཁྲག་དབྱུང་བར་མི་ནུས་ལ། དེ་བཞིན་གཤེགས་པའི་སྐུ་ལ་ནི་ཁྲག་དང་། རུས་པ་དང་།། ་རྒྱུས་པའང་མེད་དེ། སྡུག་བསྔལ་བའི་བག་ཀྱང་མེད་དོ།། སེམས་ཅན་རྣམས་ཀྱིས་ནི་གཞི་གསུམ་མ་རུང་ངོ་།། དེ་བཞིན་གཤེགས་པ་ལ་རྨ་ཕྱུང་ངོ་སྙམ་དུ་འཛིན་ཏོ།། དེ་བཞིན་གཤེགས ་པ་ནི་རང་བཞིན་ཁོ་ནར་བཞུགས་མོད་ཀྱིས། དེ་ལྟར་འཇིག་རྟེན་དང་མཐུན་པར་སྟོན་ཏོ།། འདི་ལྟ་སྟེ། མི་ལ་ལས་མི་ཞིག་ལ་འབྲེང་བ་འམ་དབྱུག་པས་བསྣུན་ཏེ་ཁྲག་ཕྱུང་ངམ་གསད ་པའི་སེམས་ཀྱིས་དེ་བསད་ནས། དེའི་འོག་ཏུ་དེ་བཞིན་གཤེགས་པས་ལས་དེ་བཙན་པར་མཛད་པར་དགོངས་ཏེ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ན་མོ་དེའི་སེམས ་ཐུགས་སུ་ཆུད་ནས་མཚམས་མེད་པའི་ལས་ཡང་དག་པར་སྟོན་པར་མཛད་དོ། ། དེ་ལྟར་ན་དེ་བཞིན་གཤེགས་པ་ནི་མ་འོངས་པའི་དོན་གྱི་ཕྱིར་ལས་ཀྱི་རྣམ་པར་དབྱེ་བ་སྟོན་པར་མཛད་དོ།། ་དཔེར་ན་སྨན་པ་ལ་ལ་ཞིག་གོས་རང་གི་བུ་ལ་རྩ་བའི་མིང་གི་རྣམ་གྲངས་སློབ་པར་བྱེད་དེ། འདི་ནི་རྩ་བ་ལྔའི་འདི་ནི་འ་བའོ་ཞེས་རྩ་བའི་རྣམ་པར་དབྱེ་བ་དག་གི་སྒོ་ནས་ངོ་སྟོན་པར་བྱེད་དེ། ་ཁྱེའུ་དེས་ཀྱང་དེ་ལྟར་བསླབས་ནས་རྩ་བའི་རྣམ་པར་བྱེ་བ་ཤེས་པར་གྱུར་ལ། དེ་ནས་སྨན་པ་དེ་ཤི་ནས་ཁྱེའུ་དེ་ན་རེ། ཀྱི་ཧུད་པ་ཅིག་ཁྱོད་ཀྱིས་བདག་རྩ་བའི་རྣམ་པར་དབྱེ་བ ་བསླབས་ཏེ་རྩ་བ་ནི་འདི་འདྲ་བོ་ལོ་མ་ནི་འདི་འདྲའོ་ཞེས་དེ་སྐད་ཟེར་བ་བཞིན་དུ་དེ། དེ་བཞིན་གཤེགས་པས་ཀྱང་བསླབ་པའི་གཞི་ཐམས་ཅད་ཀྱི་སྒྲུབ་པ་སྤྲུལ་པར་མཛད་དེ། གསོར། ་རུང་བ་དང་། གསོར་མི་རུང་བ་དང་། མཚམས་མེད་པ་དང་། མདོ་སྡེ་སྤོང་བ་དང་། འདོད་ཆེན་པའི་མཐའ་རྣམས་སྟོན་པར་མཛད་དེ། མ་འོངས་པའི་དུས་ན་འདི་ལྟ་བུར་འགྱུར་རོ་ཞེས་བྱ་བའི་དོན་ཏོ།། དེ་ནས་དེ ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་དགེ་སློང་རྣམས་ཀྱིས་སྨན་པའི་བུ་བཞིན་དུ་དེ་བཞིན་གཤེགས་པས་མདོ་སྡེ་ལས་འདི་སྐད་ཅེས་བཀའ་སྩལ་ཏེ། ལས་འདི་ནི་འདི་ཡིན་ནོ་སྙམ་དུ་ཤེས་སོ།། དཔེར ་ནཟླ་བ་ལ་གཟའ་འཇུག་པ་ན་མི་རྣམས་ཀྱིས་ནི་ཟླ་བ་དྲུག་ཅིང་ཟླ་བ་ལ་གཟའི་འཇུག་པར་ཤེས་སོ། ། སྟེང་གི་ལྷ་རྣམས་ཀྱིས་ནི་ཉིན་གཅིག་བཞིན་དུ་ཟླ་བ་ལ་གཟའ་འཇུག་པར་ཤེས་ཏེ། དེ་ཅོའི་ཕྱིར་ཞེ་ན། དེ ་དག་གི་ལོ་ཚའི་རིང་ལ། མི་རྣམས་ཀྱི་ལོ་ཚོགས་ཐུང་བའི་ཕྱིར་རོ།། རིགས་ཀྱི་བུ་དེ་བཞིན་དུ་ལྷ་རྣམས་དང་མི་རྣམས་ཀྱིས་ནི་དེ་བཞིན་གཤེགས་པ་སྐུ་ཚེ་ཐུང་ངོ་སྙམ་དུ་འཛིན་ཏོ།། ཇི་ལྟར་ལྷ་གོང་མ་གོང་མ་རྣམས་ཀྱིས ་སྐད་ཅིག་སྐད་ཅིག་ལ་ཟླ་བ་ལ་གཟའ་འཇུག་པར་འཛིན་པ་དེ་བཞིན་དུ། ལྷ་གོང་མ་གོང་མ་རྣམས་ཀྱིས་སྐད་ཅིག་སྐད་ཅིག་ལ་དེ་བཞིན་གཤེགས་པས་ཡོངས་སུ་མྱ་ངན་ལས་འདས་པ་བྱེ་བ་སྙེད་ཀྱང་སྟོན་པར་མཛད་དེ། ་ཉོན་མོངས་པ་དང་། ལུང་པོ་དང་། ལྷ་དང་། འཆི་བདག་གི་བདུད་བྱེ་བ་སྙེད་ཀྱང་སྟོན། སྐྱེས་པའི་རབས་སྟོང་སྙེད་ཀྱང་སྟོན་པ་དང་། འཇིག་རྟེན་དང་མཐུན་པར་བྱ་བ་མང་པོ་དག་སྟོན་པར་ཤེས་སོ།། དེ་ལྟར་ན་དེ ་བཞིན་གཤེགས་པ་ནི་དཔག་ཏུ་མེད་པ་ཡིན་ཏེ། དེ་བས་ན་རྟག་པ་དང་བརྟན་པ་ཡིན་ནོ།། དཔེར་ན་ཟླ་བ་ནི་སེམས་ཅན་ཐམས་ཅད་ཀྱི་ཡིད་དུ་འོང་ཞིང་བལྟ་ན་སྡུག་པ་ཡིན་པས་ན་དེའི་ཕྱིར་མིང་ཟླ་བ་ཞེས་བྱའོ།། ་འདོད་པའི་དབང་དུ་གྱུར་པ། འདོད་ཆགས་དང་། ཞེ་སྡང་དང་། གཏི་མུག་སྤྱོད་པ་རྣམས་ཀྱི་ཡིད་དུ་འོང་བ་ནི་མ་ཡིན་ནོ།། དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས ་ཀྱང་རང་བཞིན་གྱིས་སེམས་ཅན་ཆོས་འདོད་པ་རྣམས་ཀྱི་ཡིད་དུ་འོང་བ་དང་། མཆོག་ཏུ་བལྟ་ན་སྡུག་པ་ཡིན་ནོ།། སྡང་བའི་སེམས་དང་ལྡན་པ་གཞན་དག་གི་ཡིད་དུ་འོང་བ་ནི་མ་ཡིན་ཏེ། དེ་བས་ན་དེ་བཞིན་གཤེགས ་པ་ཟླ་བ་དང་འདྲ་བ་ཡིན་ནོ། ། དཔེར་ན་ཉི་མ་དུས་ཚོགས་གསུམ་དུ་འགྱུར་ཞིང་འཕོ་སྟེ། དགུན་དང་། དབྱར་དང་། སོས་ཀའི་དུས་གསུམ་དུ་རྒྱུ་བར་བྱེད་ལ། དགུན་ནི་ཉི་མ་མྱུར་བ་ཁོ་ནར་འགྲོའོ།། ་དབྱར་ནི་ཉི་མ་འབྲིང་ཙམ་དུ་འགྲོའོ།། སོས་ཀའོ་ནི་ཉི་མ་རིང་དུ་ཐོགས་ཤིང་འགྲོ་སྟེ། འོད་ཤིན་ཏུ་ཚའོ།། དེ་བཞིན་དུ་དེ་བཞིན་གཤེགས་པའང་འཇིག་རྟེན་གསུམ་དུ་སྐྱེ་བ་རྣམ་པ་གསུམ་སྟོན་པར་མཛད་དེ། ་སེམས་ཅན་ཚེ་ཐུང་བ་རྣམས་ཀྱི་ནང་དུ་ནི་མཆོག་ཏུ་སྐུ་ཚེ་ཐུང་བར་སྟོན་ཏོ།། སེམས་ཅན་རྣམས་ཀྱིས་སངས་རྒྱས་སྐུ་ཚེ་ཐུང་ངོ་སྙམ་དུ་འཛིན་ཏོ།། ཉན་ཐོས་ཀྱི་ཐེག་པ་པ་རྣམས་ལ་ནི་དགུན་གྱི་ཉི་མ་བཞིན་དུ་སྐུ་ཚེ་ཐུང་བར་སྟོན་ཏོ།། ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ནི་དབྱར་གྱི་ཉི་མ་བཞིན་དུ་སྐུ་ཚེ་འབྲིང་དུ་སྟོན་ཏོ།། སངས་རྒྱས་རྣམས་ལ་ནི་སོས་ཀའི་ཉི་མ་བཞིན་དུ་བསྐལ་པ་འམ་བསྐལ་པ་ལས་ལྷག་པར་བཞུགས་པར་སྣང་ངོ་།། ་རིགས་ཀྱི་བུ་ཐེག་པ་ཆེན་པོ་འདི་ལས་དགོངས་པའི་ཚིག་དེ་བཞིན་གཤེགས་པའི་གསང་བའི་དམ་པའི་ཆོས་ཀྱི་ཆ་རངས་ཡང་དག་པར་བརྟན་པར་བྱ་སྟེ། མ་འོངས་པའི་དུས་ན་དམ་པའི་ཆོས་ཐེབ་པ་ཆེན ་པོ་མདོའི་སྡེ་ཚན་གྱི་ཕན་པའི་གདམས་ངག་སྟོན་པ་གང་ཡིན་པ་དེ་དག་ནི་དབྱར་གྱི་ནམ་གྱི་སྤྲིན་དང་འདྲ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་པར་རིག་པར་བྱའོ།། ཉན་ཐོས་དང་རང་སངས་རྒྱས་རྣམས་ནི ་དགོངས་པའི་ཚིག་ཐོས་ན་དགུན་གྱི་གྲང་ནད་ཀྱིས་ཐེབས་པ་དང་འདྲ་སྟེ། དེའི་ཕྱིར་ངས་སྐུ་ཚེ་ཐུང་བ་དང་ངེས་པར་མྱོང་བར་འགྱུར་བ་ཡང་དག་པར་བསྟན་ཏོ།། སངས་རྒྱས་ཀྱི་ཚེ་བསྟན་པ། སངས་རྒྱས་ཀྱི་གནས་རྒྱ་ཆེན ་པོ་ལས་ནི་སོ་ས་ཀའི་ཉི་མ་བཞིན་དུ་ངས་རྟག་པ་དང་བརྟན་པར་བསྟན་ཏོ། ། ང་ནི་ཉི་མ་བཞིན་དུ་གང་དུའང་ལྟུང་བ་མེད་དོ།། ཉི་ཟླའི་ཆོས་ཉིད་ཀྱང་སྤྱོད་དོ།། དེ་ལྟར་ན་དེ་བཞིན་གཤེགས་པ་ནི་འཇིག་རྟེན་གསུམ་དུ་ཡང་དག་པར་སྣང ་སྟེ་འདི་ནི་སངས་རྒྱས་རྣམས་ཀྱི་ཆོས་ཉིད་དོ། ། རིགས་ཀྱི་བུ་གཞན་ཡང་པ་ཝ་སངས་དང་། ལུར་བུ་དང་། མིག་དམར་དང་། མཇུག་རིངས་དང་། གཟའ་ལྷག་ལ་སོགས་པ་ཉི་མ་དང་། ཟླ་བ་གཉིས་དང་། ལྷན་ཅིག ་འགྲོ་བ་ན་སེམས་ཅན་རྣམས་ཀྱིས་བལྟ་བར་མི་ནུས། དེ་དག་ཀྱང་ལྡོག་པར་ཡང་མི་འགྱུར། ལྟུང་བར་ཡང་མི་འགྱུར་ཏེ། དེ་དག་གི་ཆོས་ཆ་ཕྲ་ལ། ཉི་མ་དང་ཟླ་བའི་འོད་ཤིན་ཏུ་ཆེ་བས་ཟིལ་གྱིས་ནོན་པའི་ཕྱིར་རོ།། དེ་བཞིན ་དུ་དེ་བཞིན་གཤེགས་པ་ནི་རྟག་ཏུ་ཉན་ཐོས་དང་རང་སངས་རྒྱས་ཀྱི་གཟའི་ཚོགས་རྣམས་དང་ལྷན་ཅིག་ཏུ་སྐྱེ་བ་ལྟ་བུར་ཡང་སྟོན་ལ། ཡོངས་སུ་མྱ་ངན་ལས་འདའ་བར་ཡང་སྟོན་མོད་ཀྱི། ཉན་ཐོས་དང་རང་སངས་རྒྱས་དེ ་དག་མི་རྟག་པའང་མ་ཡིན། ། མི་བརྟན་པའང་མ་ཡིན་ཏེ། དེ་དག་ནི་རྟག་པ་དང་བརྟན་པ་ཡིན་དུ་ཉིན་པར་གྱི་གཟའ་དང་འདྲ་བར་སེམས་ཅན་གྱིས་མཐོང་བར་མི་ནུས་སོ།། ཉི་མ་དང་འདྲ་བ་འདི་ནི་སངས་རྒྱས་རྣམས་ཀྱི་ཆོས ་ཉིད་ཡིན་ནོ། ། དཔེར་ན་ཉི་མ་དང་ཟླ་བ་སྟི་ཁྱི་ཡོགས་པའི་ཚེ་མི་སྣང་སྟེ། སེམས་ཅན་རྣམས་ཀྱིས་མི་སྣང་ངོ་སྙམ་དུ་འཛིན་མོད་ཀྱི། གཉིས་མེད་པར་ཡང་མི་འགྱུར་རོ།། རིགས་ཀྱི་བུ་དེ་བཞིན་དུ་དེ་བཞིན་གཤེགས་པ ་འཇིག་རྟེན་ན་མི་བཞུགས་པའི་ཚེ་ཉི་ཟླ་སྤྲིན་གྱི་གཡོགས་པ་བཞིན་དུ་གཞི་གསུམ་འཇིག་པ་ལྟ་བུར་སྣང་མོད་ཀྱི། གཞི་གསུམ་མེད་པར་ཡང་མི་འགྱུར་ལ། རྟག་པ་དང་། བརྟན་པ་དང་། ཐེར་ཟུག་པར ་འདུག་བཞིན་དུ་ཉེས་པ་རྣམས་ཀྱིས་ཀྱང་གོས་པར་མི་འགྱུར་བ་འདི་ནི་སངས་རྒྱས་རྣམས་ཀྱི་ཆོས་ཉིད་དོ། ། རིགས་ཀྱི་བུ་དཔེར་ན་ཟླ་བ་ཡར་གྱི་ངོབང་མ་ཡིན། མར་གྱི་ངོའང་མ་ཡིན་པ་གནམ་སྟོང་གི་ཉི་མ་དང་ཟླ་བ་མེད ་པའི་སྐབས་སུ། གཟའ་མཇུག་རིངས་གཟི་བརྗིད་དྲག་པོ་དང་ལྡན་པ་ཞེས་བྱ་བ་ཤར་ནས། འཇིག་རྟེན་ཐམས་ཅད་ཀྱིས་མ་ཚོར་བར་སྐད་ཅིག་གཅིག་ལོན་ལ་མི་སྣང་བར་འགྱུར་རོ།། རིགས་ཀྱི་བུ་དེ་བཞིན་དུ ་རང་སངས་རྒྱས་རྣམས་ཀྱང་སངས་རྒྱས་རྣམས་མི་བཞུགས་པའི་ཚེ། གནམ་སྟོང་གོ་ཉིན་པར་གཟའ་མཇུག་རིངས་འཆར་བ་བཞིན་དུ་བྱུང་ནས། སེམས་ཅན་བྱེ་བ་ཕྲག་མང་པོ་དམ་པའི་ཆོས་ལ་བཀོད་ནས་མི་སྣང ་བར་འགྱུར་ལ། མཇུག་རིངས་ཀྱང་རྟག་ཏུ་ཡོད་དེ། སེམས་ཅན་རྣམས་ཀྱིས་ནི་མཐོང་བར་མི་ནུས་སོ།། དེ་བཞིན་དུ་རང་སངས་རྒྱས་རྣམས་ཀྱང་རྟག་ཏུ་ཡོད་བཞིན་དུ་དེ་དག་སེམས་ཅན་རྣམས་ཀྱིས་མཐོང་བར་མི་ནུས ་ཏེ་བདག་ཉིད་ཡང་དག་པར་སྟོན་ཅིང་མི་མངོན་པར་བྱེད་པ་འདི་ནི་དེ་དག་གི་ཆོས་ཉིད་དོ། ། རིགས་ཀྱི་བུ་དཔེར་ན་ཉི་མ་ཤར་ནས་ལྷོ་བུ་མེད་པར་འགྱུར་དེ་བཞིན་དུ། ཡོངས་སུ་མྱ་ངན་ལས་འདས། ་པ་ཆེན་པོའི་མདོ་ཆེན་པོ་འདི་བྱུང་ན་ཐོས་པ་ཙམ་གྱིས་ཀྱང་ཕམ་པ་རྣམས་དང་མཚམས་མེད་པའི་ལས་རྣམས་ཀྱི་སྡིག་པའི་ཕུང་པོ་མྱུར་དུ་མེད་པར་འགྱུར་རོ།། དེ་ལྟར་ན་ཡོངས་སུ་མྱ་ངན་ལས་འདས་པ་ཆེན་པོའི ་མདོ་ཆེན་པོ་བསམ་གྱིས་མི་ཁྱབ་པའི་ཡུལ་འདི་ནི་དེ་བཞིན་གཤེགས་པའི་སྙིང་པོ་སྟོན་པ་ཡིན་པའི་ཕྱིར་དཔག་ཏུ་མེད་དོ། ། དེ་བས་ན་རིགས་ཀྱི་བུ་འམ། རིགས་ཀྱི་བུ་མོ་རྣམས་ཀྱིས་དེ་བཞིན་གཤེགས་པ ་རྟག་གོ། ། དམ་པའི་ཆོས་ནུབ་པར་མི་འགྱུར་རོ།། དགེ་འདུན་མེད་པར་མི་འགྱུར་རོ་སྙམ་དུ་མདོའི་ཤེས་པ་ལ་དེ་ལྟར་བརྩོན་པར་བྱའོ།། དེ་ལྟར་བྱས་ཏང་དེ་དག་ཀྱང་ང་དང་འདྲ་བར་སངས་རྒྱས་ཀྱི་གནས ་སུ་སོན་པར་འགྱུར་རོ། ། གསོལ་པ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཇི་ལྟ་བུ་ལགས། བཀའ་སྩལ་པ། སེམས་བསྐྱེད་པའང་རུང་། སེམས་མ་བསྐྱེད་པའང་རུང་སྟེ། བྱང ་ཆུབ་སེམས་དཔའ་སེམས་དཔའ་ཆེན་པོ་རྣམས་སུ་འགྱུར་རོ། ། གསོལ་པ། དེ་ཇི་ལྟ་བུ་ལགས། བཀའ་སྩལ་པ། རིགས་ཀྱི་བུ་དཔེར་ན་དགུན་མར་འཁྱགས་པ་ཉི་ཚན་གྱིས་ཀྱང་བཞུ་མི་ནུས་པ་དེ་བཞིན་དུ། ་མདོ་སྡེ་དང་ཏིང་ངེ་འཛིན་ཐམས་ཅད་བསྒོམ་པར་བྱ་བ་བསྒོམས་པའི་འབྲས་བུའི་སྒོ་ནས་ནི་སེམས་བསྐྱེད་པ་རྣམས་ཀྱིས་ཀྱང་བྱང་ཆུབ་ཐོབ་པར་མི་འགྱུར་རོ།། སེམས་མ་བསྐྱེད་པས་ཀྱང་བྱང་ཆུབ་ཐོབ་པར་མི ་འགྱུར་རོ། ། དེ་ཅིའི་ཕྱིར་ཞེ་ན། དགུན་ཉི་མ་བཞིན་དུ་བརྩོན་འགྲུས་ཞན་པའི་ཕྱིར་རོ།། མདོ་སྡེ་བསྒོམ་པར་བྱ་བ་བསྒོམས་པའི་འབྲས་བུའི་མཆོག་ནི་དཔེར་ན་སོས་ཀའི་ཉི་མ་ཚ་བའི་ཚེ་ཉི་མ་མཤར་བར་མཿ ་མོའང་མར་ཤིན་ཏུ་འཕྱགས་པའང་ཞུ་བར་བྱེད་ལ། རྒྱ་མཚོ་ཆེན་པོའང་དྲོ་བར་བྱེད་དོ།། དེ་བཞིན་དུ་རིགས་ཀྱི་འམ། རིགས་ཀྱི་བུ་མོ་གང་དག་གོས་ཡོངས་སུ་མྱ་ངན་ལས་འདས་པ་ཆེན་པོའི་མདོ་འདི་ཐོས་མ་ཐག་ཏུ་འགྲན་ཏོ། ་དུ་བྱས་ཀྱང་རུང་། གཞན་གྱིས་བྱེད་དུ་བཅུག་ཀྱང་རུང་། གཞན་གྱིས་དྲིང་འཇོག་ཀྱང་རུང་། རྙེད་པ་དང་། བཀུར་སྟི་དང་། ཚོགས་སུ་བཅད་པའི་དོན་དུ་བྱས་ཀྱང་རུང་སྟེ། བདག་ལ་བྱང་ཆུབ་མི་དགོས་སོ་སྙམ་པ ་འམ་སེམས་སྐྱེད་པར་ཡང་མི་འདོད་དུ་ཟིན་ཀྱང་གང་ཟག་དེ་འདྲ་བ་དག་གི་ལུས་ཀྱི་བ་སྤུའི་ལུང་བུ་ཐམས་ཅད་དུ་བྱང་ཆུབ་ཀྱི་རྒྱུ་སོས་ཀའི་ཉི་མ་བཞིན་དུ་འཇུག་པར་འགྱུར་རོ། ། དེ་བས་ན་རིགས་ཀྱི་བུ་དེ་དག་ནི། བྱང ་ཆུབ་སེམས་དཔའ་སེམས་དཔའ་ཆེན་པོ་ཡིན་ནོ་ཞེས་ངཟེར་རོ། ། དེ་ལྟར་ན་བྱང་ཆུབ་ཟད་མོ་ཤེས་པའི་མདོ་སྡེ་ཆེན་པོ་འདིནི་བསོད་ནམས་ཀྱི་ཕུང་པོ་ཆེན་པོ་ཡིན་ཏེ། དེ་བས་ན་ཆེན་པོ་ཞེས་བྱའོ།། སྔ་བ་དང་། ཡངས ་བ་དང་། སོས་ཀའི་ཉི་མ་བཞིན་དུ་གཟི་བརྗིད་དང་ལྡན་པ་ཡིན་ཏེ། དེ་བས་ན་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ།། བ་ཅིའི་ཕྱིར་ཞེ་ན། འདི་ལས་དེ་བཞིན་གཤེགས་པའི་སྙིང་པོ་རྟག་པ་བརྟན་པའི་ཕྱིར ་རོ། རིགས་ཀྱི་བུ་གཞན་ཡང་སྐར་མ་དང་སྲིན་བུ་མེ་ཁྱེར་གྱི་འོད་ནི་ཉི་ཟླའི་འོད་ལས་འདས་ཏེ། ཐལ་ལེར་སྣང་བར་མི་འགྱུར་རོ།། ཉི་ཟླའི་འོད་ནི་འོད་ཐམས་ཅད་ལས་འདས་ཏེ་ལམ་མེར་འདུག་གོ།། དེ་བཞིན་དུ ་གཞན་གྱི་འོད་རྣམས་ནི་མདོ་སྡེ་ཐམས་ཅད་དང་། ཏིང་ངེ་འཛིན་ཐམས་ཅད་བསྒོམ་པར་བྱ་བ་བསྒོམས་པའི་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འོད་ལས་འདས་ཏེ་ཐལ་ལེ་མ ་འདུག་གོ། ། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོའི་འོད་ནི་འོད་ཐམས་ཅད་ལས་འདས་ཏེ་ས་ལེར་སྣང་ལ། སེམས་ཅན་ཐམས་ཅད་ཀྱི་སྤུ་དྲུང་དུ་ཞུགས་ནས་བྱང་ཆུབ་ཀྱི་སེམས་མི་དགོས་སོ་སྙམ་སྟེ། ་མ་བསྐྱེད་དུ་ཟིན་ཀྱང་བྱང་ཆུབ་ཀྱི་རྒྱུ་ངེས་པར་ཐོབ་པར་འགྱུར་ཏེ། དེ་བས་ན་མིང་ཡང་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ།། གསོལ་པ། བྱང་ཆུབ་ཀྱི་སེམས་མི་དགོས་པར་འཛིན་ཀྱང་སེམས་ཅན་ཐམས་ཅད ་ཀྱི་ལུས་ཀྱི་བ་སྤུའི་ལུང་བུ་ཐམས་ཅད་དུ་ཞུགས་ནས། བྱང་ཆུབ་ཀྱི་རྒྱུ་མངོན་པར་འགྲུབ་པར་འགྱུར་ཞེས་བགྱི་བ་འདི་ལ་གཏན་ཚིགས་བཀའ་སྩལ་འཚལ་ལགས་སོ།། བཅོམ་ལྡན་འདས་བསྟན་པ་ཕམ་པ་བགྱིད ་པ་དང་། མཚམས་མ་མཆིས་པ་བགྱིད་པ་དང་། མདོ་སྡེ་སྤོང་བ་དང་འདོད་ཆེན་པ་དག་ཀྱང་གདའ་ལགས་ན། གལ་ཏེ་སེམས་མ་བསྐྱེད་དེ་མི་དགོས་པར་འཛིན་ཀྱང་བྱང་ཆུབ་པའི་བྱང་ཆུབ་ཀྱི་རྒྱུར་དུ་ལགས་ན ་སངས་རྒྱས་ཀྱིས་གསུངས་པ་ལ་བྱེ་བྲག་ཅི་མཆིས་ཏེ། ཡང་ན་བཞི་པོ་དེ་དག་མ་མཆིས་ཞེས་བཤད་འཚལ་ལགས་སོ།། ཡང་ན་དེས་སྡིག་པ་འབྱང་བར་འགྱུར་ཞེས་བཤད་འཚལ་ལགས་སོ།། བཅོམ་ལྡན ་འདས་ཀྱིས་བཀའ་སྩལ་པ། འདོད་ཆེན་པ་མ་གཏོགས་པ། ཡོངས་སུ་མྱ་ངན་ལས་འདས་པ་ཆེན་པོའི་མདོ་འདི་རྣ་ལམ་དུ་གྲག་ཅིང་ཐོས་པ་ཙམ་གྱིས་ཀྱང་ཐམས་ཅད་ལ་བྱང་ཆུབ་ཀྱི་རྒྱུ་ཡོད་པར་འགྱུར་ཏེ ་། སངས་རྒྱས་གྲངས་མེད་པ་ལ་བཀུར་སྟི་བྱས་པ་རྣམས་ཀྱིས་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི་ཐོས་པར་ནུས་ལ། དགེ་བའི་རྩ་བ་ངན་ངོན་མ་ཡིན་པས་བྱང་ཆུབ་ཀྱི་རྒྱུ་འཐོབ་པར་འགྱུར་རོ།། ་དེབས་ན་དེ་བཞིན་གཤེགས་པའི་སྙིང་པོ་ཡང་དག་པར་སྟོན་པའི་ཕྱིར་མདོ་ཆེན་པོ་མཐུ་ཆེ་བ་ཡིན་ནོ།། གསོལ་པ། སེམས་མ་བསྐྱེད་དེ། མི་དགོས་པར་འཛིན་པས་ཇི་ལྟར་བྱང་ཆུབ་པའི་བྱང་ཆུབ་ཀྱི་རྒྱུར་འགྱུར་ལགས ་བཀའ་སྩལ་པ། བྱང་ཆུབ་ཏུ་སེམས་བསྐྱེད་ནས་མི་དགོས་པར་འཛིན་ཅིང་མདོ་སྡེ་ཁྱད་དུ་གསོད་པ་གང་ཡིན་པ་དེ་དག་ལ་ནི། རྨི་ལམ་དུ་སྲིན་པོ་ཆེན་པོ་འཇིགས་པའི་གཟུགས་ཅན་གྱིས་བསྡིགས་ཏེ། འདི་སྐད་དུ ་ངས་མ་གསད་པར་སྦྱིན་པར་བྱང་ཆུབ་ཏུ་སེམས་སྐྱེད་ཅིག་ཅེས་ཀྱང་ཟེར་རོ། ། དེ་ནས་དེ་དག་རྨི་ལམ་དུ་འཇིགས་ཤིང་སྐྲག་སྟེ། སད་ནས་ནང་པར་བྱང་ཆུབ་ཏུ་སེམས་སྐྱེད་པར་བྱེད་དེ། དེ་དག་ཤི་ནས་སེམས ་ཅན་དམྱལ་བ་རྣམས་སུ་གཅོད་པ་འམ། ཡི་དགས་ཀྱི་འཇིག་རྟེན་ནམ། མཐོ་རིས་སུ་སྐྱེས་ནས་ཀྱང་རུང་སྟེ། རྗེས་སུ་དྲན་ནས་དེའི་འོག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོར་འགྱུར་རོ།། དེ་ལྟར་ན་ཡོངས་སུ་མྱ་ངན་ལས ་འདས་པ་ཆེན་པོའི་མདོ་ཆེན་པོ་འདི་ནི་མཐུ་ཆེ་སྟེ། མི་དགོས་པར་འཛིན་ཅིང་སེམས་མ་བསྐྱེད་ཀྱང་བྱང་ཆུབ་ཀྱི་རྒྱུ་སྐྱེད་པར་བྱེད་དོ།། རྒྱུ་ནི་དེ་ཡིན་ནོ།། རྐྱེན་ནི་དེ་ཡིན་ཏེ། ཐེག་པ་ཆེན་པོ་འདི་ལ་རྒྱུ་མེད་པ་མ་ཡིན་ནོ།། ་དེ་བས་ན་ངའི་བསྟན་པ་ནི་སངས་རྒྱས་ཀྱིས་གསུངས་པ་ཞེས་བྱའོ།། རིགས་ཀྱི་བུ་གཞན་ཡང་ནམ་མཁའ་ལས་སྤྲིན་ཆེན་པོ་ཆེར་འབེབས་པ་ན། ས་ཆེན་པོ་ཆུས་གང་བར་འགྱུར་ལ། གྲམ་པའི་ས་ཕྱོགས་སུ་ནི ་ཆར་ཆེན་པོ་བབ་ཏུ་ཟིན་ཀྱང་། ཆུ་ཅུང་ཟད་ཀྱང་གནས་པར་མི་འགྱུར་ཏེ། གར་གཞོལ་བར་འབབ་ལ། བབས་ནས་ཀྱང་དེར་གནས་པར་འགྱུར་ཏེ། སེམས་ཅན་ཐམས་ཅད་ལའང་ཕན་འདོགས ་པར་འགྱུར་བ་དེ་བཞིན་དུ། མདོ་སྡེ་ཆེན་པོ་འདི་ལས་དམ་པའི་ཆོས་ཀྱི་ཆར་འབབ་མོད་ཀྱི། འདོད་ཆེན་པ་ལ་ནི་བྱང་ཆུབ་ཀྱི་རྒྱུ་སྐྱེ་བར་མི་འགྱུར་ཏེ། སྐྱེ་མི་སྲིད་དོ།། གཞན་དག་ལ་ནི་ས་གཞོལ་བའི་ཆུ་བཞིན་དུ་སྐྱེད་པར་བྱེད་དོ།། ་རིགས་ཀྱི་བུ་གཞན་ཡང་དཔེར་ན་སྲན་སྡེའུ་འམ། སྲན་གྲེའུ་འམ། སྲན་ནམ་སྤའི་ས་བོན་ཚིག་པ་རྣམས་ལ་སྤྲིན་ཆེན་པོའི་ཆར་སྟོང་དུ་བབ་ཀྱང་མྱུ་གུ་སྐྱེ་བར་མི་ནུས་ཏེ། དེ་དག་ལ་མྱུ་གུ་འབྱུང་མི་སྲིད་དོ།། དེ ་བཞིན་དུ་འདོད་ཆེན་པ་རྣམས་ཀྱིས་ཡོངས་སུ་མྱ་ངན་ལས་འདས་པ་ཆེན་པོ་འདི་ཐོས་སུ་ཟིན་ཀྱང་བྱང་ཆུབ་ཀྱི་རྒྱུ་འཐོབ་མི་སྲིད་དོ། ། དེ་དག་ནི་དགེ་བའི་རྩ་བ་ཟད་པ་ཡིན་པའི་ཕྱིར་ས་བོན་ཆོག་པ་དང་འདྲའོ།། ་རིགས་ཀྱི་བུ་དཔེར་ན་ཀ་ཏ་ཀའི་འབྲས་བུ་ཆུ་རྙོག་མ་ཅན་གྱི་ནང་དུ་བཅུག་ན་རྙོག་མ་བསལ་ཏེ་ཆུ་དང་བར་བྱེད་པ་དེ་བཞིན་དུ། ཡོངས་སུ་མྱ་ངན་ལས་འདས་པའི་མདོ་ཆེན་པོ་འདིའང་ཀ་ཏ་ཀའི་འབྲས་བུ་བཞིན་དུ ་སེམས་ཅན་རྣམས་ཀྱི་ལམ་པ་རྣམས་དང་། མཚམས་མེད་པའི་ལས་རྣམས་ཀྱི་ལས་ཀྱི་འདམ་རྫབ་དང་། རྙོག་མ་བསལ་ནས་བྱང་ཆུབ་ཀྱི་རྒྱུ་ལ་འགོད་པར་བྱེད་དེ། འདོད་ཆེན་པ་ནི་མ་གཏོགས་སོ།། ཀ་ཏ་ཀའི་འབྲས ་བུས་ཀྱང་རྙོག་མ་དང་བར་བྱེད་པར་ཟད་ཀྱི། ལོ་སྟོང་གི་བར་དུ་བརྡར་དུ་ཟིན་ཀྱང་འདམ་རྫབ་དེ་ལས་ཆུ་དབྱུང་བར་ནི་མི་ནུས་སོ།། དེ་བཞིན་དུ་འདོད་ཆེན་པའང་དགེ་བའི་རྩ་བ་ཟད་ཅིང་གཞི་མེད་པར་གྱུར་པ་ཡིན་པ།། ་དེས་ན་ཡོངས་སུ་མྱ་ངན་ལས་བདས་པ་ཆེན་པོ་འདི་ལོ་བྱ་བར་ཐོས་སུ་ཡིན་ཀྱང་། བྱང་ཆུབ་ཀྱི་རྒྱུ་བསྐྱེད་པར་སོང་ཡེ་མི་ནུས་ཏེ། དེ་ལ་དགེ་བ་མེད་པའི་ཕྱིར་རོ།། རིགས་ཀྱི་བུ་དཔེར་ན་དུག་སྨན་གྱི་སྡོང་པོ་ལྡན་གྱི་རྒྱལ་པོ་ཆེན་པོ།། ་ནི་དར་བ་འམ། བུ་རམ་མམ། ཞུན་མར་རམ། བོ་མ་འམ། ཆུ་དང་སྦྱར་ཏམ། ཕྱེ་མ་འམ། འདའ་གུ་འམ། ཐུག་པར་བྱས་སམ། ཁ་བསྐུས་སམ། དུད་པས་བདུགས་སམ། མིག་བསྐུས་སམ། དྲི་ཚོར་རམ། ་མཐོང་ངམ། རེག་པར་གྱུར་ཀྱང་རུང་སྟེ། སེམས་ཅན་ཐམས་ཅད་ཀྱི་ནད་སེལ་བར་བྱེད་ལ། ཤིང་ལྗོན་པ་དེ་འདི་སྙམ་དུ་བདག་གི་ལོ་མ་ཁྱེར་ན་རུང་ངོ་རྩ་བ་ཁྱེར་ན་མི་རུང་ངོ་སྙམ་པ་འམ། བདག་གི་རྩ་བ་ཁྱེར་ན་རུང་ངོ་ལོ ་མ་ཁྱེར་ན་མི་རུང་ངོ་སྙམ་པ་འམ། སྡོང་བུ་ཁྱེར་ན་རུང་ངོ་ཤུན་ལྤགས་ཁྱེར་ན་མི་རུང་ངོ་སྙམ་པ་འམ། ཤུན་ལྤགས་ཁྱེར་ན་རུང་ངོ་སྡོང་བུ་ཁྱེར་ན་མི་རུང་ངོ་སྙམ་དུ་མི་སེམས་ཏེ། དེ་དེ་ལྟར་སེམས་མི་བསྐྱེད་མོད་ཀྱི། འོན་ཀྱང་དེ་ནི ་སྨན་ཁོ་ན་ཡིན་ཏེ་ནད་ཐམས་ཅད་སེལ་བར་བྱེད་དོ། ། རིགས་ཀྱི་བུ་དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདིའང་སེམས་ཅན་ཐམས་ཅད་ཀྱི་སྡིག་པའི་ལས་ཀྱི་ནད་རྣམས་སེལ་བར་བྱེད་དེ། ཕམ ་པར་བྱེད་པ་རྣམས་ཀྱང་རུང་། མཚམས་མེད་པ་བྱེད་པ་རྣམས་ཀྱང་རུང་། འདི་ལས་ཕྱི་རོལ་པ་རྣམས་ཀྱང་རུང་སྟེ། བྱང་ཆུབ་དགོས་པར་མི་འཛིན་ཅིང་། སེམས་མ་བསྐྱེད་ཀྱང་བྱང་ཆུབ་ཀྱི་རྒྱུ་སྐྱེད་པར་བྱེད་དོ།། དེ་ཅིའི ་ཕྱིར་ཞེ་ན། སྡིག་པ་ཐམས་ཅད་ཀྱི་དུག་སྨན་གྱི་སྡོང་པོའི་སྨན་ནི་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་ཡིན་པའི་ཕྱིར་རོ།། ལུས་བསྒོས་པ་རྣམས་ཀྱང་རུང་། ལུས་མ་བསྒོས་པ་རྣམས་ཀྱང་རུང་སྟེ། མདོ་སྡེ་འདི་ནི ་མིང་ཙམ་ཐོས་པའང་མདོ་སྡེ་འདི་ནི་ཡོད་དོ་སྙམ་དུ་ཤེས་ན་སྡིག་པའི་ནད་ཐམས་ཅད་འབྱུང་བར་འགྱུར་རོ། ། གསོར་མི་རུང་བའི་ནད་ཨ་ན་ཀ་ལ་ཞེས་བྱ་བ་དེ། ཇི་ལྟར་བྱས་ཀྱང་གསོར་མི་རུང་ངོ་།། ་ཅིའི་ཕྱིར་ཞེ་ན། དེ་ནི་འཆི་བར་འགྱུར་བའི་ནད་ཡིན་པའི་ཕྱིར་ཏེ། རུས་མ་ཡིན་པར་འཆི་བའི་ནད་མ་ཡིན་ནོ།། དེ་བཞིན་དུ་འདོད་ཆེན་པའང་མདོ་སྡེ་འདིས་བྱང་ཆུབ་ཏུ་གཞོག་པར་མི་ནུས་ཏེ། དེ་ནི་རྒྱུ་མེད་པ་དང་ཤི་བ་ཡིན་པའི ་ཕྱིར་རོ། ། དཔེར་ན་ལག་མཐིལ་རྨ་མེད་པ་ལ་དུག་གིས་མི་ཚུགས་ལ།། རྨ་ཡོད་པ་ལ་ནི་ཚུགས་པར་འགྱུར་བ་དེ་བཞིན་དུ། འདིར་ཡང་འདོད་ཆེན་པོཔ་ལ་བྱང་ཆུབ་ཀྱི་རྒྱུ་མི་སྐྱེའོ།། དེ་ལ་རྨ་ཞེས་བྱ་བ་ནི་བྱང་ཆུབ་ཀྱི་རྒྱུའོ།། ་དུག་ཅེས་བྱ་བ་ནི་མཆོག་ཏུ་བདེ་བའོ།། ལག་མཐིལ་རྨ་མེད་པ་ལྟ་བུ་ནི་འདོད་ཆེན་པ་སྡིག་ཅན་ཡིན་ནོ།། དཔེར་ན་རྡོ་རྗེ་རིན་པོ་ཆེ་གཟི་བྱིན་ཆེན་པོ་ནི་ཅེས་ཀྱང་བཅག་མི་ནུས་ལ། སྣ་གྲངས་གཞན་ཐམས་ཅད་ནི་དེས་ཆོམས ་པར་འགྱུར་མོད་ཀྱི། ལུག་རུ་ནི་མི་ཆོད་དོ།། དེ་བཞིན་དུ་ཡོངས་སུ་མྱ་ངན་པས་འདས་པའི་མདོ་ཆེན་པོ་འདིས་ཀྱང་ཤིན་ཏུ་སྡིག་པའི་ལས་བྱེད་པ་འདོད་ཆེན་པ་ནི་བྱང་ཆུབ་ཏུ་གཞག་པར་མི་ནུས་ཏེ། རྒྱུ་མེད་པའི་ཕྱིར་རྡོ་རྗེ་ལུག ་རུལ་མི་ཚུགས་པ་བཞིན་ནོ། ། དཔེར་ན་ཤིང་སཱ་ལ་ཀི་དང་། དོང་ཀའི་ཤིང་དང་། ཀ་ན་ཀ་པྲ་བྷ་དང་། ཤིང་བལ་གྱི་ཤིང་དང་། བལ་མི་ཀི་དང་། ཀར་ན་བལ་ལ་དང་། སྐན་ད་སྟ་བ་དང་། ཀེཏ་ཀི་དང་། པད་ཏྲ་ཀ་དང ་བི་ནར་དང་། རོ་ཅན་རྣམས་ནི་བཅད་དེ་དུམ་བུར་གཏུབས་ནས་ཁྱེར་ཏེ་ཁྱིམ་དུ་བཞག་ཀྱང་གལ་ཏེ་ཆུའི་རླན་དང་ཕྲབ་ཕན་ཆད་མྱུར་དུ་སྐྱེ་བར་འགྱུར་ཏེ། ལོ་མ་ལ་འབུ་བ་དང་། སྙོམ་དང་ལྡན་ཞིང་ཡལ་ག་དང་། སྡོང་བུ་དང་ལྡན ་ཏེརྔ་ཤིང་ལྗོན་པ་ཞེས་བྱ་བའི་གྲངས་སུ་གཏོགས་པར་འགྱུར་རོ། ། དེ་བཞིན་དུ་བསྟན་པ་འདི་ལའང་ཕམ་པ་བྱེད་པ་རྣམས་དང་། མཚམས་མེད་པ་བྱེད་པ་རྣམས་ཤིང་ཏ་ལའི་མགོ་བཅད་པ་བཞིན་དུ་གྱུར་པ་ལས། མདོ་སྡེ་འདི ་ཐོས་མ་ཐག་ཏུ། སེམས་བསྐྱེད་པ་དགོས་པར་མི་འཛིན་གྱིས་ཀྱང་མི་མཆོག་དེ་དག་ནི་ཤིང་ས་ལ་ཀི་དང་། དོང་ཀའི་ཤིང་ལ་སོགས་པ་བཞིན་དུ་བྱང་ཆུབ་ཏུ་འཁྲུང་བར་འགྱུར་རོ།། དཔེར་ན་སེང་ལྡེང་དང་ཏིན་ཏུ་ཀའི ་ཤིང་ལྗོན་པ་རྣམས་ནི་བཅད་ཕན་ཆད་ས་བོན་ཚིག་པ་བཞིན་དུ་སྐྱེ་བར་མི་འགྱུར་བ་དེ་བཞིན་དུ། འདོད་ཆེན་སེམས་ཅན་རྣམས་ཀྱིས་ཀྱང་མདོ་སྡེ་འདི་ལན་མང་དུ་ཐོས་ཀྱང་ས་བོན་ཚིག་པ་བཞིན་དུ་བྱང་ཆུབ་ཏུ་འཁྲུང ་བར་མི་འགྱུར་རོ། ། དཔེར་ན་སྤྲིན་ཆེན་པོ་ལས་ཆར་བབ་ཏུ་ཟིན་ཀྱང་ས་ཕྱོགས་ཕྱིལ་པོར་འདུག་པ་ལ་ཆུ་མི་ཆགས་པ་དེ་བཞིན་དུ། མདོ་སྡེ་ཆེན་པོའི་སྤྲིན་འདི་ལས་ཆོས་ཀྱི་ཆར་བབ་མོད་ཀྱི། འདོད་ཆེན་པ་ལ་བྱང ་ཆུབ་ཀྱི་རྒྱུ་མི་ཆགས་ཏེ། དོ་ན་རྡོ་རྗེ་བཞིན་དུ་སྐྱིལ་པོར་འདུག་པའི་ཕྱིར་རོ།། འདོད་ཆེན་པ་རྣམས་ཀྱིས་ནི་དགེ་བ་བྱས་པ་ནི་མི་མཐོང་གི། སྨད་པ་དང་གཤུང་བའི་སྡིག་པ་གང་ཡིན་པ་དེ་ནི་མཐོང་ངོ་།། ལེགས་པ་བྱས་པའི ་བྱང་ཆུབ་ཀྱི་དོན་ཏོ། ། མི་འོང་བ་ནི་མི་ཕྲད་པའི་དོན་ཏོ།། དགོངས་པ་ནི་དགེ་བའི་དོན་ཏོ།། དགོངས་པ་ལས་ཁྱད་པར་དུ་འཕགས་པའི་དགེ་བ་སུལ་མི་འོང་ཞེ་ན། ལས་བཟང་པོ་ནི་འདོད་ཆེན་པ་ལ་མི་འོང་ངོ་།། ་དགེ་བའི་སེམས་སུ་ལ་མི་འོང་ཞེ་ན། འདོད་ཆེན་པ་ཞེས་གྲགས་པ་ནི་དགེ་བ་མེད་པའི་སེམས་ཅན་ང་རྒྱལ་གྱི་དབང་དུ་གྱུར་པ་ཡིན་ཏེ། འདོད་ཆེན་པ་དེ་ལ་མི་འོང་ངོ་།། བཞིའི་ཡན་ལག་ཅི་ཞེ་ན། མདོ་སྡེ་སྤོང་བའོ།། ་དེ་བས་ན་མདོ་སྡེ་སྤོང་བ་ནི་འཇིགས་སུ་རུང་བ་ཡིན་ཏེ་དེས་འཇིགས་པར་གྱིས་ཤིག། དེ་ཡི་ཕྱིར་ན་མཁས་པ་བརྟན་པོ་རྣམས།། ལམ་པོ་ཆེ་ན་འདུ་བྱེད་ཡོད་པས་འཇིགས།། བྱིས་པ་རྣམས་ནི ་ལམ་ཆེན་འཇིགས་པ་མེད། ། ང་རྒྱལ་དབང་གིས་མི་བཟད་འགྲོ་བར་འགྱུར།། ངེདེས་ན་བློ་ངན་རྣམས་ཀྱིས་དེ་མི་འཐོབ།། སྤྲེའུ་རྣམས་ཟླ་བ་རྙེབ་པར་བྱེད་པ་བཞིན།། མི་ཡི་དབང་པོ་ལམ་ཆེན་ཞུགས ་པ་ལྟར། ། མཁས་པ་བརྟན་པོ་རྣམས་ཀྱིས་ཐོབ་པར་འགྱུར།། གང་གིས་བྱས་པ་མི་མཐོང་ཞེ་ན། འདོད་ཆེན་པ་སྡིག་ཅན་གྱིས་བྱས་པ་མི་མཐོང་སྟེ།། དེས་འཁོར་བའི་མཐའི་བར་གྱི་བྱས་པ་མི་མཐོང་ངོ་།། ་ངས་དེའི་དོན་མདོར་བསྡུས་ཏེ་བསྟན་གྱིས། མཆོག་ཏུ་འཇིགས་སུ་རུང་བས་འཇིགས་པར་གྱིས་ཤིག། གང་གི་ཚེ་སེམས་ཅན་ཐམས་ཅད་སེམས་རྩེ་གཅིག་ཏུ་མཐུན་པར་གྱུར་ཏེ་བླ་ན་མེད་པ་ཡང་དག་པར་རྫོགས ་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་སྲིད་ན། ། དེའི་ཚེ་འདོད་ཆེན་པ་སྡིག་ཅན་བྱང་ཆུབ་མཆོག་ཏུ་མངོན་པར་རྫོགས་པར་འཚང་རྒྱ་ཡང་སྲིད་པ་ཞིག་ན། དེ་ནི་བྱིས་པ་མི་མཐོང་བ་ཡིན་ཏེ། དཔའ་བོ ་ཁྱོད་ཀྱིས་དེ་ལྟར་ཤེས་པར་གྱིས་ཤིག། སུའི་བྱས་པ་ཆུད་མི་ཟ་ཞེ་ན། དེ་བཞིན་གཤེགས་པའི་བྱས་པ་ཆུད་མི་ཟའོ།། གང་གི་ཚེ་འཁོར་བ་ན་གནས་པའི་སེམས་ཅན་ཐམས་ཅད་བླ་ན་མེད་པ་ཡང་དག་པར ་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་དེའི་ཚེ། དེ་བཞིན་གཤེགས་པའི་བྱས་པ་ཆུད་ཟ་བར་འགྱུར་ཏེ། དེའི་ཚེ་གཏན་དུ་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན ་ལས་འདས་ནས། མར་མེདང་ཤིང་ཟད་པའི་མེ་བཞིན་དུ་སངས་རྒྱས་མི་རྟག་པར་འགྱུར་རོ།། དེ་བཞིན་དུ་འདོད་ཆེན་པའི་སྡིག་པའི་ལས་ཀྱང་སྡུད་པ་དང་གཤུང་བ་ཡིན་ནོ།། བྱང་ཆུབ་ཀྱི་རྒྱུ་བསོད་ནམས་གང་ཡིན་པ་དེ ་གལ་ཏེ་བྱང་ཆུབ་སེམས་དཔའ་སྤོང་བར་བྱེད་པ་དེའང་ཐེག་པ་ཆེན་པོ་ལས་སྨད་པ་དང་གཤུང་བ་ཞེས་བྱའོ། ། དེ་སྟེ་མི་སྤོང་ན་ནི།། དེ་ལྟ་ན་རྫོགས་པའི་སངས་རྒྱས་ཞེས་བྱ་བའི་མིང་ཡང་ཐོགས་པར་འགྱུར་ཏེ། དེ་ནི་སངས་རྒྱས ་རྣམས་ཀྱི་ཆོས་ཉིད་དོ། ། འོ་མ་དང་ནི་སྡིག་པའི་ལས།། མོད་ལ་ལྡང་བར་མི་འགྱུར་ཏེ།། མེ་ནི་ཐལ་བས་གཡོགས་པ་ལ།། བྱིས་པ་སོང་ན་ཚིག་པ་བཞིན།། འདོད་ཆེན་པ་ལོང་པ་གཅིག་པུ་དགྲ་བཅོམ་པ་ཡིན་པར་འདོད་པ་ནི་ལམ་མི ་བཟད་པ་ཆེན་པོར་འགྲོ་འདོད་དོ། ། བྱམས་པ་དང་ལྡན་པའི་དགྲ་བཅོམ་པ་ཡིན་པར་འདོད་ལ་ཤིན་ཏུ་རྒྱས་པ་སུན་དབྱུང་བར་འདོད་དེ་དགྲ་བཅོམ་པ་ཡིན་པར་འདོད་ཅིང་། ཉན་ཐོས་ཀྱི་ཐེག་པ་སུན་ཕྱུང་ནས་ང་ནི་བྱང་ཆུབ་སེམས ་དཔའ་སྟེ་ཤིན་ཏུ་རྒྱས་པ་སྟོན་པ་ཡིན་ནོ། ། སེམས་ཅན་ཐམས་ཅད་པ་དེ་བཞིན་གཤེགས་པའི་སྙིང་པོ་ཡོན་ཏན་རྣམས་ཡོད་དེ། སངས་རྒྱས་ཡོད་དོ་ཞེས་ཟེར་ཞིང་སངས་རྒྱས་སུ་ལུང་སྟོན་པར་བྱེད་དེ། ང་དང་ཁྱེད་ཀྱིས ་ཉོན་མོངས་པའི་རྣམ་པ་ཆུའི་བུམ་པ་བཞིན་དུ་གཞོམ་པར་བྱའི། ། ཐེ་ཙོམ་མེད་པར་བྱང་ཆུབ་བསྒོམ་པར་བྱའོ།། མདོ་སྡེའི་མན་ངག་ནི་དེ་ལྟ་བུ་ཡིན་ནོ་ཞེས་ཟེར་རོ།། དཔེར་ན་རྒྱལ་པོའི་ཕོ་ཉ་བཙང་ཞིང་སྙིང་ཉེ་ལ་སྨྲ ་མཁས་ཤིང་གཟི་བྱིན་ཆེ་བ་དགྲའི་ནང་དུ་རང་གི་སྲོག་དང་བསྔོས་ཏེ་རྒྱལ་པོ་ལ་ཚིག་རྫོགས་པར་སྨྲ་བ་དེ་བཞིན་དུ། ཤེས་རབ་ཅན་ཤིན་ཏུ་རྒྱས་པ་གཅེས་པར་འཛིན་པ་ནི་བྱིས་པ་རྣམས་ཀྱི་ནང་དུ་རང་གི་སྲོག་དང་བསྔོས ་ནས་སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་པས་སངས་རྒྱས་སུ་ལུང་རྟོན་པར་བྱེད་དོ། ། དགོན་ས་མདོ་སྡེ་སྤོང་བ་བྱིས་པ་བླུན་པོ་དགྲ་བཅོམ་པ་ཡིན་པར་འདོད་པ་གང་ཡིན་དེས ་དགྲ་བཅོམ་པ་དང་འདྲ་བར་ལྟ་ཞིང་སེམས་ཅན་ཆེན་པོ་དང་འདྲ་བར་ལྟ་སྟེ། འདོད་ཆེན་པ་དགེ་སློང་སྡིག་ཅན་དེ་དགོན་པ་ན་གནས་ཤིང་བདག་ཉིད་དགྲ་བཅོམ་པ་དང་འདྲ་བར་རྩི་བར་བྱེད་དེ། དགོན་པ་ན་གནས་པའི་དགེ་སློང ་རྣམས་གཞན་གྱིས་བོས་པ་མི་བཟོད་ལ། རྐྱེན་བཞི་ལས་ཤིན་ཏུ་རྒྱས་པ་ནི་བདུད་ཀྱིས་སྨྲས་པ་ཡིན་ནོ།། བཅོམ་ལྡན་འདས་ནི་མི་རྟག་གོ། ཆོས་དང་དགེ་འདུན་ཡང་མེད་པར་འགྱུར་རོ།། དམ་པའི་ཆོས་མེད་པར་འགྱུར ་བའི་ལྟས་དེ་ལྟ་བུ་དག་སྣང་ངོ་ཞེས་བྱ་བ་འདི་ཐེག་པ་ཆེན་པོ་ལས་ལེགས་པར་བཤད་དོ་ཞེས་ཟེར་ཏེ། དེ་སྐད་དུ་དམ་པའི་ཆོས་མ་ཡིན་པ་སྨྲ་བ་ནི་འོ་མ་བཞིན་མོད་ལ་ལྡང་བར་མི་འགྱུར་ཏེ། མེ་ཐལ་བས་བཀབ་པ་ལ ་བབ་པ་བཞིན་དུ་བྱིས་པ་འདོད་ཆེན་པ་རྣམས་ཕྱིས་ཚིག་པར་འགྱུར་རོ། ། དེ་ལྟ་ན་སངས་རྒྱས་ཀྱི་བསྟན་པ་ཐེག་པ་ཆེན་པོ་ཆེ་ཕྲ་བ་ཡིན་ཏེ། མདོ་སྡེ་འདི་ནི་ཀ་ཏ་ཀའི་འབྲས་བུ་དང་འདྲའོ།། རིགས་ཀྱི་བུ་དཔེར་ན་མེ་ཏོག་པདྨ ་ཁ་ཟུམས་པ་ཉི་མའི་འོད་ཀྱིས་ཕོག་མ་ཐག་ཏུ་ལ་འབྱེ་བ་དེ་བཞིན་དུ། ཡོངས་སུ་མྱ་ངན་ལས་འདས་པ་ཆེན་པོ་འདི་ཐོས་མ་ཐག་ཏུ། བྱང་ཆུབ་ཀྱི་སེམས་མིང་ཙམ་བསྐྱེད་པའང་མི་དགོས་པར་འཛིན་པའི་སེམས ་ཅན་ཐམས་ཅད་ཀྱང་དབང་མེད་པར་བྱང་ཆུབ་ཀྱི་རྒྱུ་སྤུ་དྲུང་ཐམས་ཅད་དུ་འཇུག་པར་འགྱུར་རོ། ། འདོད་ཆེན་པ་རྣམས་ལའང་དེ་བཞིན་གཤེགས་པའི་སྙིང་པོ་ཡོད་མོད་ཀྱི། འོན་ཀྱང་གཡོགས་མ་ཤིན་ཏུ་སྡུག་པར་འདུས ་གོང་དདཔེར་ན་དར་གྱི་སྲིན་བུ་རང་ཉིད་ཀྱི་ཀུན་ནས་དཀྲིས་ཏེ་སྒོ་མ་བཏོད་པར་ཕྱིར་འབྱུང་མི་ནུས་པ་དེ་བཞིན་དུ། དེ་བཞིན་གཤེགས་པའི་སྙིང་པོའང་དེའི་ལས་ཀྱི་ཉེས་པས་འདོད་ཆེན་པའི་ལོང་ནས་དབྱུང་བར་མི་ནུས་སོ།། དེ་བས ་ན་འཁོར་བའི་མཐའ་ལས་བྱང་ཆུབ་ཀྱི་རྒྱུ་མི་འཐོབ་བོ། ། དེ་བས་ན་རིགས་ཀྱི་བུ་དཔེར་ན་པདྨ་དང་། ཨུཏྤ་ལ་དང་། ཀུ་མུ་ད་དང་། པདྨ་དཀར་པོ་རྣམས་འདམ་གྱི་ནང་ནས་སྐྱེས་ནས་ཀྱང་འདམ་གྱིས་མི་གོས་པ་དེ་བཞིན་དུ ་མདོ་སྡེ་ཆེན་པོ་ལའང་ཐེག་པ་ཆེན་པོ་པ་རྣམས་ཉོན་མོངས་པ་དང་བཅས་པ་ཡིན་དུ་ཟིན་ཀྱང་ཉོན་མོངས་པ་མེད་པའི་གྲངས་སུ་གཏོགས་སོ། ། ཅིའི་ཕྱིར་མི་གོས་ཤེ་ན། དེ་བཞིན་གཤེགས་པའི་སྙིང་པོའི་བྱིན་གྱི་རླབས ་ཀྱིས་མི་གོས་སོ། ། དཔེར་ན་བསེར་བུ་བསིལ་བ་ལངས་པའི་ཚེ། དབང་མེད་པར་སེམས་ཅན་ཐམས་ཅད་ཀྱི་སྤུ་དྲུང་ཐམས་ཅད་དུ་ཞུགས་ནས་ཚ་བ་ཐམས་ཅད་ཞི་བར་བྱེད་པ་དེ་བཞིན་དུ། མདོ་ཆེན་པོ་འདིའང་སེམས་ཅན་ཐམ། ་ཅད་ཀྱི་སྤུ་དྲུང་ཐམས་ཅད་ཞུགས་ནས། དབང་མེད་པར་བྱང་ཆུབ་ཀྱི་རྒྱུ་ལ་འཇོག་པར་བྱེད་དེ། འདོད་ཆེན་པ་སེམས་བསྐྱེད་པ་དགོས་པར་མི་འཛིན་པ་ནི་མ་གཏོགས་སོ།། རིགས་ཀྱི་བུ་དཔེར་ན་སྨན་པ་ཚེའི་རིག་བྱེད་ཡན་ལག ་བརྒྱད་པ་མཁས་པ་ནི་ནད་པ་ཐམས་ཅད་གསོ་བར་བྱེད་མོད་ཀྱི། གསོར་མི་རུང་བ་ནི་གསོ་བར་མི་ནུས་པ་དེ་བཞིན་དུ། མདོ་སྡེ་དང་ཏིང་ངེ་འཛིན་ཐམས་ཅད་ཀྱང་འདོད་ཆགས་དང་། ཞེ་སྡང་དང་། གཏི་མུག་གི་ནད་ཀྱིས ་ཐེབས་པ་ཐམས་ཅད་གསོ་བར་བྱེད་ལ། ཉོན་མོངས་པའི་ཟུག་རྔུ་ཐམས་ཅད་ཀྱང་སེལ་བར་བྱེད་མོད་ཀྱི།། ཕམ་པ་བྱེད་པ་རྣམས་དང་མཚམས་མེད་པ་བྱེད་པ་རྣམས་ནི་གསོ་པར་མི་ནུས་སོ།། དཔེར་ན་སྨན་པ་ཚེའི་རིག་བྱེད ་ཡན་ལག་བརྒྱད་ཀྱི་རྒྱུད་ཕྱི་མ་ཤེས་པ་ནི། སེམས་ཅན་ཐམས་ཅད་ཀྱི་ནད་གསོ་བར་བྱེད་མོད་ཀྱི། དེས་ཀྱང་འཆི་བའི་དུས་ལ་བབ་པའི་ནད་གསོ་མི་ནུས་པ་དེ་བཞིན་དུ། ཡོངས་སུ་མྱ་ང ་ལས་འདས་པ་ཆེན་པོའི་མདོ་ཆེན་པོ་འདིའང་སེམས་ཅན་ཐམས་ཅད་ཀྱི་ཉོན་མོངས་པའི་ནད་ཐམས་ཅད་བསལ་ནས་སེམས་ཅན་རྣམས་བྱང་ཆུབ་ཀྱི་རྒྱུ་ལ་འགོད་པར་བྱེད་མོད་ཀྱི། འཆི་བའི་དུས་ལ་བབ་པ་ལྟ་བུའི ་འདོད་ཆེན་པ་ནི་མ་གཏོགས་སོ། ། དཔེར་ན་མི་དམུས་ལོང་གིས་ཉི་ཟླའི་འོད་ཀྱང་མི་ཤེས་ན། གསལ་བར་ལྟ་ག་ལ་མཐོང་སྟེ། སྨན་པ་ཆེན་པོས་ཀྱང་མིག་རྟུལ་བ་རྣམས་ཀྱི་མིག་བཅོས་ནས་མཐོང་བ་བྱེད་པར་ཟད་དེ། ་དམུས་ལོང་ནི་མ་གཏོགས་སོ།། དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདིའང་། ལོང་བ་ལྟ་བུའི་ཉན་ཐོས་དང་རང་སངས་རྒྱས་ཐམས་ཅད་ཀྱི་མིག་བཅོས་ནས་མྱུར་བ་ཁོ་ནར་ཐེག་པ་ཆེན་པོའི་མིག ་མཐོང་བར་བྱེད་ལ། ཕམ་པ་བྱེད་པ་རྣམས་དང་། མཚམས་མེད་པ་སེམས་སྐྱེད་མི་དགོས་པར་འཛིན་པ་རྣམས་ཀྱང་བྱང་ཆུབ་ལ་འགོད་པར་བྱེད་མོད་ཀྱི། ཤིན་ཏུ་དམུས་ལོང་དུ་འདུག་པ་འདོད་ཆེན་པ་ནི་མ ་གཏོགས་སོ། ། རིགས་ཀྱི་བུ་དཔེར་ན་སྨན་པ་ཆེན་པོ་ཆེའི་རིག་བྱེད་ཡན་ཡག་བརྒྱད་ཀྱི་རྒྱུད་ཕྱི་མ་ཤེས་པ་ནི་སྨན་སྣར་བླུགས་པ་དང་། ཁོང་དུ་བཏུང་བ་དང་། ལུས་བསྒྲུབ་དང་། དུད་པས་བསག་པ་ལས་རྣམས ་ཀྱིས་སེམས་ཅན་ཐམས་ཅད་ཀྱི་ནད་སེལ་བར་བྱེད་དེ། མགོན་མེད་པ་རྣམས་དང་བདག་ཅག་ལ་སྨན་མི་དགོས་སོ་སྙམ་སྟེ་སེམས་མི་སྐྱེད་པ་རྣམས་ཀྱང་། ཁྱིམ་བདག་གི་ནང་ངམ། རྩཝ་དག་གི་ཁྲོད་དུ་བཞག་སྟེ། ་སྔགས་དང་། སྨན་དང་། སྨན་གནོད་སེལ་གྱི་མཐུས་དུག་རྣམས་དང་ནད་རྣམས་སེལ་བར་བྱེད་ལ། བུད་མེད་སྦྲུ་མ་མ་བུ་བཙའ་བར་འདོད་ན། བ་ཙར་མི་བཏུབ་པ་རྣམས་ཀྱང་སྨན་གནོད་སེལ་གྱི་མཐུས་བདེ་བར ་བཙའ་བར་བྱེད་ལ། བྱིས་པའང་ནད་མེད་པར་བྱེད་པ་དེ་བཞིན་དུ། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི་གླེགས་བམ་དུ་བྱས་པ་སེམས་ཅན་ཐམས་ཅད་ཀྱང་ཁྱིམ་ན་འཆང་བ་དེ་དག་ཀྱང་ཐེག་པ་ཆེན ་པོའི་མཐུས་བདེ་བར་བྱེད་ལ། མདོ་ཆེན་པོ་འདིས་བྱང་ཆུབ་སེམས་དཔའ་སེམས་དཔའ་ཆེན་པོར་ཡང་འགྱུར་རོ།། ལམ་པ་བྱེད་པ་རྣམས་དང་། མཚམས་མེད་པ་སེམས་སྐྱེད་མི་དགོས་པར་འཛིན་པ་རྣམས་ཀྱང ་བྱང་ཆུབ་ལ་དགོད་པར་བྱེད་དེ། འདོད་ཆེན་པ་ཤི་བ་དང་འདྲ་བ་ནི་མ་གཏོགས་སོ།། གསོལ་པ། ཕམ་པ་བྱེད་པ་རྣམས་དང་། མཚམས་མ་མཆིས་པ་མི་བཟད་པ་ཏ་ལའི་མགོ་བཅད་པ་དང་འདྲ་བ་དེ་དག་བདག ་ཅག་གིས་བྱང་ཆུབ་ཏུ་སེམས་སྐྱེད་མི་དགོས་སོ་སྙམ་དུ་འཛིན་ན་སེམས་མ་སྐྱེད་པར་དེ་དག་ལ་བྱང་ཆུབ་ཀྱི་རྒྱུ་ཇི་ལྟར་སྐྱེ་བར་འགྱུར་ལགས། བཀའ་སྩལ་པ། རིགས་ཀྱི་བུ་དེ་དག་ནི་རྨི་ལམ་དུའང་རུང་། ཤི་བའི་འོག ་ཏུའང་རུང་སྟེ། སེམས་ཅན་དམྱལ་བ་རྣམས་སུ་གཙེས་པ་ན་འདི་སྙམ་དུ་སེམས་ཏེ། བདག་ཅག་གིས་ནི་མ་ལེགས་པ་བྱས་སོ།། གལ་ཏེ་འདི་ནས་ཐར་པར་འགྱུར་བ་ཞིག་ཡོད་ན་ནི་ཤིན་ཏུ་འཇིགས་པ་འདི་མཐོང་བས ་བདག་ཅག་གང་དང་གང་དུ་སྐྱེས་པ་དེ་དང་དེར་བྱང་ཆུབ་ཏུ་སེམས་བསྐྱེད་པར་བྱའོ་སྙམ་སེམས་ཏེ། དམ་པའི་ཆོས་འབྱུང་བར་སེམས་པ་ནི་འབྲས་བུ་ཆེ་བ་ཡིན་ནོ།། དཔེར་ན་བྱིས་པ་ལ་ལ་ཤེད་བྱེ་ནས་བདག་ཉིད་ཤེས ་པར་བྱེད་ཅིང་། འདི་ལྟར་བདག་མའི་མངལ་ན་འདུག་པའི་ཚེ། སྨན་པ་འདིས་སྔགས་དང་སྨན་གནོད་སེལ་གྱི་མཐུས་བདག་གིས་མ་བདེ་བར་བྱས་ན་སྲོག་འད་ནི་ཁྱོད་ཀྱི་དྲིན་ནོ།། ཀྱེ་མ་བདག་གི ་མ་གང་གིས་བདག་ཟླ་བ་བཅུ་གཉིས་ཀྱི་བར་དུ་མངལ་ན་འཆང་ཞིང་ཤིན་ཏུ་ཉོན་མོངས་པར་གྱུར་ནས། དེའི་འོག་ཏུ་དེས་བདག་ཤིན་ཏུ་ཚེགས་ཆེན་པོས་བཙས་པ་དང་། བདག་མངལ་གྱི་དྲི་མ་ལྡན་ལྗིན་དང་ཁྲག་གྲི་གཡོགས ་པ་བཀྲུས་པ་དང་། བདག་གི་མཆུ་ལ་ཆུ་ནལ་ནལ་པོས་གཤེར་བར་འདུག་པ་ལ་འོ་བྱས་པ་དང་། ཐབས་ཅི་ཡོད་པས་གསོས་པ་ནི་མཆོག་ཏུ་དཀའ་བ་བྱེད་བྱེད་པ་ཡིན་ཏེ། ད་ནི་ཁྱོད་ཀྱི་བཀའ་དྲིན་ལ་བདག་སྐྱེས ་པས་བླ་མའི་མཆོད་པ་བྱ་དགོས་ཏེ་དེ་དང་འཚམ་པར་བྱའོ་ཞེས་ཟེར་བ་དེ་བཞིན་དུ། ཕམ་པ་བྱེད་བྱེད་པ་རྣམས་དང་། མཚམས་མེད་པ་བྱེད་བྱེད་པ་རྣམས་འཆི་བའི་ཚེ་དྲན་པ་མ་བརྗེད་པའི་འབྲས་བུས་ལྷའི ་འཇིག་རྟེན་དུ་སྐྱེ་བར་འགྱུར་ཏེ། དེ་ནས་ལམ་པ་བྱེད་བྱེད་པ་དང་། མཚམས་མེད་པ་བྱེད་བྱེད་པའང་དྲན་པ་མ་བརྗེད་པའི་འབྲས་བུས་སེམས་ཅན་དམྱལ་བ་འམ་མིའི་འཇིག་རྟེན་དུ་བྱང་ཆུབ་ཀྱི་རྒྱུར་འགྱུར་ཏེ། འདོད་ཆེན་པ་ནི། ་མ་གཏོགས་སོ།། དཔེར་ན་སྨན་པའི་མི་སྨན་པའི་བུ་རྒྱུད་ཕྱི་མ་ཤེས་པས་སྦྲུལ་གདུག་པ་དང་། མིག་གདུག་པ་དང་། ཀླུ་བྱ་གག་ཅེས་བྱ་བ་ལ་སོགས་པ་སྨན་གནོད་སེལ་དང་རིག་སྔགས་ཀྱི་མཐུས་རང་གི་ལྷམ་ལ ་དབང་བྱ་བ་བཞིན་དུ་བཏུལ་ནས་དུག་མེད་པར་བྱེད་དེ། ཀླུ་ཤིན་ཏུ་དྲག་པོ་ནི་མ་གཏོགས་སོ།། དེ་བཞིན་དུ་མདོ་སྡེ་ཆེན་པོ་སྨན་གནོད་སེལ་དང་འདྲ་བ་འདིས་ཀྱང་ཕམ་པ་བྱེད་པ་རྣམས་དང་། མཚམས་མེད་པའི ་ལས་བྱེད་པའི་སྡིག་ཅན་གྱི་ཀླུ་མཆོག་ཏུ་དྲག་པ་སེམས་སྐྱེད་མི་དགོས་པར་འཛིན་པ་རྣམས་བཏུལ་ནས་བྱང་ཆུབ་ཀྱི་གནས་ཆེན་པོར་འགོད་པར་བྱེད་དེ། དེ་བས་ན་སེམས་ཅན་ཐམས་ཅད་ཀྱི་བདེ་བ་སྐྱེད་པའི་ཕྱིར་ཡོངས ་སུ་མྱ་ངན་ལས་འདས་པ་ཆེན་པོའི་མིང་སྨན་གནོད་སེལ་ཆེན་པོ་ཡོན་ཏན་གྱི་ཚུལ་ཅན་ཞེས་བྱ་སྟེ། འདོད་ཆེན་པོའི་ཀླུ་དྲག་པོ་མི་བཟད་པ་ནི་མ་གཏོགས་སོ།། དཔེར་ན་སྨན་པས་དུག་སྨན་ཟུག་རྔུ་འབྱིན་པའི་སྨན་གྱི་རྒྱལ་པོ ་བསྒྲུབས་ཏེ། དེས་རྔ་བོ་ཆེ་ལ་བསྐུས་ནས་ཕོ་བྲང་འཁོར་དུ་རྔ་དེ་བརྡུངས་ན། སྒྲ་དེའི་མཐུས་སྐྱེ་བོ་ཇི་སྙེད་ཀྱིས་སྒྲ་ཐོས་པ་དེ་དག་གི་ཟུག་རྔུ་ཐམས་ཅད་འབྱུང་བར་འགྱུར་ཏེ། དེ་ཉིད་ན་འཆི་བའི་དུས་ལ་ཉེ་བ་རྣམས་ཀྱིས་ནི་འབྱུང་བར་མི་འགྱུར་རོ།། ། ་དེ་ཅིའི་ཕྱིར་ཞེ་ན། དེ་དག་གི་ལས་ཀྱི་རྣམ་པར་སྨིན་པ་མི་བཟད་པ་ཡོད་པའི་ཕྱིར་རོ།། དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོའི་སྒྲ་གང་དུ་ཐོས་ཀྱང་རུང་སྟེ། འདུ་བྱེད་ཀྱི་ཕོ་བྲང་འཁོར་ན་གནས་པའི ་སེམས་ཅན་ཐམས་ཅད་ཀྱི་འདོད་ཆགས་དང་། ཞེ་སྡང་དང་། གཏི་མུག་གི་ཟུག་རྔུ་རྣམས་འབྱིན་པར་བྱེད་ལ། འདུ་བྱེད་པ་མེད་པར་ཡང་བྱེད་དོ།། ཕོ་བྲང་འཁོར་ན་གནས་པ་དེ་དག་གི་ཡིད་ལ་འདི་སྙམ་དུ་ཟུག་རྔུ་འབྱུང་བར་མི ་འགྱུར་རོ་སྙམ་དུ་སེམས་ཀྱི། དེ་དག་གི་ཡིད་ལ་ཟུག་རྔུ་རྣམས་འབྱུང་བར་འགྱུར་རོ་སྙམ་དུ་ཇིག་སེམས་སམ། དེ་བཞིན་དུ་ཅིག་ཤོས་རྣམས་ལའང་འདོད་ཆགས་དང་། ཞེ་སྡང་དང་། གཏི་མུག་གི་ཟུག་རྔུ་རྣམས་འབྱུང་བར ་འགྱུར་རོ་སྙམ་པའི་སེམས་མེད་དེ། དེ་དག་གི་སེམས་ནི་འདོད་པ་རྣམས་ལ་གནས་སོ།། དེ་བཞིན་དུ་ལམ་པ་བྱེད་པ་རྣམས་དང་། མཚམས་མེད་པའི་ལས་བྱེད་པ་སེམས་སྐྱེད་མི་དགོས་པར་འཛིན་པ་རྣམས་ཀྱི་ཡང ་བྱང་ཆུབ་ཀྱི་རྒྱུ་སྐྱེད་པར་བྱེད་དེ། འདོད་ཆེན་པོ་འཆི་བའི་དུས་ལ་བབ་པ་དང་འདྲ་བ་ནི་མ་གཏོགས་སོ།། རིགས་ཀྱི་བུ་དཔེར་ན་མཚན་མོ་མུན་པའི་ནང་ན་འཛམ་བུ་གླིང་བའི་སེམས་ཅན་རྣམས་ཅིང ་ལས་ལ་སོགས་པའི་ལས་བྱ་བ་ལ་འཇུག་པ་མེད་དེ་ཉི་མ་འཆར་བ་སྡོད་ཅིང་འཁོད་དོ། ། དེ་བས་ཉི་མ་ཤར་བ་དང་ཞིང་ལས་ལ་སོགས་པ་བྱེད་པ་ལ་འཇུག་གོ།། དེ་བཞིན་དུ་ཐེག་པ་ཆེན་པོ་པ་རྣམས་ཀྱིས་ཀྱང་མདོ་སྡེ་དང་། ཏིང་ངེ ་འཛིན་ཐམས་ཅད་ཐོས་ཤིང་བསྒོམས་ནས། ཞིང་ལས་བྱེད་འདོད་པའི་སེམས་ཅན་མཚན་མོ་སྡོད་པ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོའི་ཉི་མ་འཆར་བ་སྡོད་དོ།། དེ་ནས་མདོ་ཆེན་པོ་འདི་ལ ་དགོངས་པའི་ཚིག་ཐོས་ནས་དམ་པའི་ཆོས་ཀྱི་གནས་སུ་ལས་རྩོམ་པར་བྱེད་དོ། ། དེ་ནས་ཞིང་ལས་ཇི་ལྟར་བྱས་པ་ལ་ཆར་ཆེན་པོ་བབས་པས་ལོ་ཏོག་སྐྱེ་བར་འགྱུར་ལ། ལོའང་ལེགས་པར་འགྱུར་རོ།། དེ་བཞིན་དུ་དམ་པའི ་ཆོས་ཀྱི་ཞིང་ལས་བྱས་པ་ལ་དེ་བཞིན་གཤེགས་པའི་སྙིང་པོའི་མདོ་སྡེ་ཆེན་པོའི་སྤྲིན་ཆེན་པོ་ལས་ཐོས་པའི་ཆོས་ཀྱི་ཆར་བབས་ན། རིམས་ནད་རྣམ་པ་བརྒྱད་ལས་རྣམ་པར་གྲོལ་བ་དང་། བདེ་བ་དང་། ལོ་ལེགས་པ་དང ་ཡིད་དུ་འོང་བར་བྱེད་པའི་ལུང་བསྟན་པ་ཆེན་པོའི་ལོ་ཏོག་སྐྱེ་བར་འགྱུར་ཏེ། དམ་པའི་ཆོས་པདྨ་དཀར་པོའི་མདོ་ཆེན་པོ་ལས། ཉན་ཐོས་ཆེན་པོ་བརྒྱད་ཅུ་དཔྱིད་ཟླ་ར་བ་ལ་འབྲུ་རྣམས་མཐར་ཐུག་པ་བཞིན་དུ་ལུང་བསྟན ་པ་ཆེན་པོའི་ལོ་ཏོག་སྐྱེ་བའི་མཐར་ཐུག་པ་དང་འདྲ་བར་འགྱུར་ཏེ། འདོད་ཆེན་པ་ནི་མ་གཏོགས་སོ།། ། འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས་བམ ་པོ་བཅུ་གཉིས་པ། རིགས་ཀྱི་བུ་དཔེར་ན་སྨན་པ་ཆེན་པོས་འབྱུང་པོས་ཟིན་པ་འམ། སྦྲུལ་གྱིས་ཟིན་པའི་དོན་དུ་སྨན་གྱི་རི་ལུ་འམ། སྨན་གནོད་སེལ་རྒྱང་གྲགས་མང་པོ་ཞིབ་ཏུ་བསྐུར་ཏེ་འདི་སྐད ་དུསྨན་འདི་མྱུར་དུ་ཁྱེར་ལ་ཁྱེར་ནས་ཀྱང་དེའི་དཔྱད་གྱིས་ཤིག་དང་། དེ་ལྟར་བྱས་ན་དེའི་ལྷ་དང་། ཀླུ་དང་། གནོད་སྦྱིན་དང་། སྲིན་པོའི་གདོན་རྣམས་མེད་པར་འགྱུར་རོ།། དེ་སྟེ་མ་ཁྱེར་ན་བདག་ཉིད་འགྲོ་བར་བྱའོ།། དཔེར ་ནམ་ཏོར་ཆུད་ཟོས་ན་མི་རུང་ངོ་ཞེས་ཟེར་ལ། དེ་ནས་སྨན་པ་འམ་སྨན་པའི་འཕྲིན་པ་དེ་ཐག་རིང་པོ་ཞིག་ནས་མཐོང་ནས། སྔགས་དེའི་གཟི་བྱིན་དང་མཐུས་གནོད་པ་ཐམས་ཅད་ཞི་བར་འགྱུར་ཏེ། དེའང་བདེ་བར ་འགྱུར་བ་དེ་བཞིན་དུ། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་མཐུ་ཆེ་བ་འདི་ཡི་གེར་བྲིས་པ་ཞིག་ག་ཞིག་གནས་ན་ཡོད་དོ་ཞེས་དགེ་སློང་ངམ། དགེ་སློང་མ་འམ། འདི་ལས་ཕྱི་རོལ་པ་གཞན་གྱིས ་ཤེས་སམ། གཞན་གྱིས་ཐོས་ན་དེ་དག་གི་བྱང་ཆུབ་ཀྱི་རྒྱུར་འགྱུར་ལ། ཕམ་པ་བྱེད་པ་དང་། མཚམས་མེད་པའི་ལས་བྱེད་པའི་འབྱུང་པོ་དང་ཤ་ཟའི་གདོན་གྱིས་ཟིན་པ་ཇི་སྙེད་ཀྱིས་ཐོས་ཀྱང་རུང་སྟེ། དེ་དག་ཐམས ་ཅད་སྨན་པ་ཆེན་པོ་མཐོང་བ་བཞིན་དུ་གདོན་དང་བྲལ་ཏེ་བྱང་ཆུབ་སེམ་དཔའ་ཆེན་པོར་འགྱུར་རོ། ། ཅིའི་ཕྱིར་ཞེ་ན། དེ་བཞིན་གཤེགས་པ་རྟག་པའི་མདོ་སྡེ་ཆེན་པོའི་མཐུའི་རྒྱུས་དེ་ལྟར་འགྱུར་ཏེ། དེ་ལྟ་ན་གང་དག ་གིས་མདོ་སྡེ་ཆེན་པོ་གླེགས་པ་མ་ལ་བྲིས་པ་བཀླགས་སམ། ཐོས་སམ། དྲིས་ཀྱང་རུང་།། དེ་དག་ལྟ་བྱང་ཆུབ་སེམས་དཔའ་སེམས་དཔའ་ཆེན་པོར་ཅི་སྟེ་མི་འགྱུར། འདོད་ཆེན་པོ་ནི་མ་གཏོགས་སོ།། དཔེར ་ན་འོན་པས་བླ་མི་ཐོས་པ་དེ་བཞིན་དུ། འདོད་ཆེན་པས་ཀྱང་མདོ་སྡེ་འདི་ཐོས་པར་མི་ནུས་ཏེ། དེ་ལ་རྒྱུ་མེད་པའི་ཕྱིར་རོ།། རིགས་ཀྱི་བུ་གཞན་ཡང་དཔེར་ན་སྨན་པ་ཚེའི་རིག་བྱེད་ཡན་ལག ་བརྒྱད་ཀྱི་རྒྱུད་ཕྱི་མ་ཤེས་པ་ཞིག་གིས་རྒྱལ་པོ་ཆེན་པོ་མཐོང་ནས། རྒྱལ་པོ་ཆེན་པོ་ཁྱེད་གྲོངས་ལ་ཐུག་པ་ཙམ་གྱི་སྙུན་གྱིས་ཐེབས་པར་འགྱུར་རོ་ཞེས་ལུང་བསྟན་པ་དང་། རྒྱལ་པོ་དེས། དེ་ལ་བཀའ་སྩལ་པ། ཁྱོད་ཀྱིས ་མཐོང་བར་ནད་ཚབས་པོ་ཆེ་འབྱུང་བར་ཇི་ལྟར་ཤེས། དེ་ནས་སྨན་པ་དེས། རྒྱལ་པོ་ལ་གསོལ་བ། གལ་ཏེ་ཐུགས་མི་ཆེས་ན་སྨན་གསོལ་ཅིག་དང་མངོན་ནོ་ཞེས་བྱས་ན། འོན་ཀྱང་རྒྱལ་པོ་དེ་སྨན་འཐུང་དུའང་མ་བཏུབ་བོ། ་དེ་ནས་སྨན་པ་ཆེན་པོ་དེས་རིག་པའི་སྟོབས་ཀྱི་གཞང་ཀར་གཞང་འབྲུམ་འཐོན་པར་བྱས་སོ།། དེ་ནས་རྒྱལ་པོ་དེས་གཞང་འབྲུམ་དེ་དག་མཐོང་ནས་སྐྲག་ཅིང་མི་དགའ་སྟེ་སྤྱི་བུང་ཞེས་བྱས་ནས་སྨན་པའི་ཚིག་བདེན་ནོ་སྙམ་དུ ་སེམས་ཏེ། གཞང་འབྲུམ་འཐོན་པར་ཤེས་ནས་ཀྱེ་མ་སྨན་པའི་རིག་པའི་སྟོབས་ངོ་མཚར་ཏོ་སྙམ་སྟེ་སྨན་པ་དེ་ལ་ལ་མ་ལ་གུས་པར་བྱ་བ་བཞིན་དུ་བཀུར་སྟི་བྱེད་པ་དེ་བཞིན་དུ། ཡོངས་སུ་མྱ་ངན་ལས་འདས་པ་ཆེན་པོའི ་མདོ་ཆེན་པོ་འདི་ནི། སེམས་སྐྱེད་མི་དགོས་པར་འཛིན་པའི་སེམས་ཅན་ཐམས་ཅད་ལའང་སྨན་པ་ཆེན་པོས་རྒྱལ་པོ་ལ་བྱ་བ་བཞིན་དུ་བདེ་བླག་ཏུ་བྱང་ཆུབ་ཀྱི་རྒྱུ་ལ་འཇོག་པར་བྱེད་དེ། དེ་དག་ལ་རྨི་ལམ་དུའམ་འཆི ་བའི་ཚེའང་རུང་སྟེ། སེམས་ཅན་དེ་དག་གིས་མི་ཤེས་བཞིན་དུ་བྱང་ཆུབ་ཀྱི་རྒྱུ་འཇུག་པར་འགྱུར་རོ།། འདོད་ཆེན་པ་ནི་མ་གཏོགས་ཏེ། སྨན་པ་ཆེན་པོས་ཀྱང་འདི་ནི་གསོར་མི་རུང་ངོ་སྙམ་ནས་ལས་མི་བཟད་པ་དང་ལྡན ་པའི་འཆི་བར་འགྱུར་བའི་ནད་གསོ་བར་མི་བྱེད་དོ། ། འཆི་བར་འགྱུར་བ་དང་འདྲ་བ་ནི་འདོད་ཆེན་པ་ཡིན་ནོ།། རིགས་ཀྱི་བུ་དཔེར་ན་སྨན་པ་ཚེའི་རིག་བྱེན་ཡན་ལག་བརྒྱད་ཀྱི་རྒྱུད་ཕྱི་མ་ཤེས་པ་ཞིག་གིས་རང་གི་བུ་ཐོག ་མར་རྒྱུད་ཀྱི་ཡན་ལག་ཐང་དང་། ཆུ་དང་། རི་ལས་སྐྱེས་པའི་སྨན་རྣམས་སློབ་པར་བྱེད་ཀྱི། ཐོག་མ་ཡན་ལག་སློབ་པ་ཙམ་ན་རྒྱུད་ཕྱི་མ་སློབ་པར་མི་བྱེད་དེ། གང་གི་ཚེ་ཚེའི་རིག་བྱེད་ཡན་ལག་རྒྱུད་བསླབས་ཟིན་པ་དེའི་ཚེན ་རྒྱུད་ཕྱི་མ་ལས། སྔགས་དང་སྨན་གྲུབ་པའི་ལས་སློབ་པའི་ལས་བྱེད་པ་དེ་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་ཉིད་ཀྱི་སྲས་དགེ་སློང་དག་ལ་ཐོག་མའི་ཡན་ལག ་ཉོན་མོངས་པའི་རྣམ་པ་སྦྱང་བ་དང་། ལུས་སྙིང་པོ་མེད་པར་བསྒོམ་པ་དང་། ཐའ་དང་། ཆུ་དང་། རི་ལས་སྐྱེས་པ་ལ་ལྟ་བུ་རྣམ་པ་གསུམ་བསྒོམ་པ་སློབ་པར་མཛད་དོ།། དེ་ལ་ཐང་ཞེས་བྱ་བ་ནི་ལུས་ཀྱི་སྡུག་བསྔལ ་རྣམ་པ་དུ་མ་རྣམས་སོ། ། ཆུ་ཞེས་བྱ་བ་ནི་ལུས་འདི་ཆུའི་ཆུ་བུར་མི་རྟག་པའོ།། རྀ་ཞེས་བྱ་བ་ནི་ཉོན་མོངས་པའི་རྣམ་པ་རྣམས་ལ་བདག་མེད་པ་སྟེ། དེ་བས་ན་དེ་བཞིན་གཤེགས་པ་ནི་ལུས་འདི་ནི་བདག་མེད་པའོ་ཞེས་སློབ ་བར་མཛད་དོ། ། གལ་ཏེ་དགེ་སློང་རྣམས་ཀྱིས་གསུང་རབ་ཡན་ལག་དགུའི་དོན་མ་མཐོང་ན་ནི་ཐེག་པ་ཆེན་པོའི་མཆོག་འདི་སློབ་པར་མི་མཛད་དོ།། ད་ནི་སྨན་པ་ཆེན་པོ་བཞིན་དུ་དེ་བཞིན་གཤེགས་པ་གསུང་རབ་ཡན་ལག་དག ་ལ་དོན་གྱི་བྱ་བ་བྱས་ཟིན་པའི་དགེ་སློང་རྣམས་ལ་དེ་བཞིན་གཤེགས་པའི་སྙིང་པོའི་རྒྱུད་ཕྱི་མ་ལས་དེ་བཞིན་གཤེགས་པའི་སྙིང་པོ་རྟག་གོ་ཞེས་སྟོན་པར་མཛད་དོ། ། དེ་ལྟར་དེ་བཞིན་གཤེགས་པ་ཡོངས་སུ་མྱ་ངན་ལས་འདས ་པ་ཆེན་པོའི་མདོ་ཆེན་པོ་སྟོན་པ་ཐོས་ན་སེམས་སྐྱེད་མི་དགོས་པ་འཛིན་པའི་སས་ཅན་རྣམས་ལའང་བྱང་ཆུབ་ཀྱི་རྒྱུར་འགྱུར་ཏེ། འདོད་ཆེན་པ་ནི་མ་གཏོགས་སོ།། རིགས་ཀྱི་བུ་དེ་ལྟར་ན་ཡོངས་སུ་མྱ ་ངན་ལས་འདས་པ་ཆེན་པོའི་མདོ་ཆེན་པོ་འདི་ནི་དེ་ལྟར་བསམ་གྱིས་མི་ཁྱབ་སྟེ། སྨན་པ་ཆེན་པོ་བཞིན་དུ་སྨན་པ་རྣམས་ཀྱི་མཆོག་ཏུ་གྱུར་པ་ཡིན་ཏེ། མདོ་སྡེ་འདི་ནི་མདོ་སྡེའི་རྒྱལ་པོའི་མཆོག་ཡིན་ནོ།། རིགས་ཀྱི་བུ ་གཞན་ཡང་གྲུ་ནི་སེམས་ཅན་ཐམས་ཅད་བསྒྲལ་བའི་ཕྱིར། ཕ་རོལ་གྱི་འགྲམ་ནས་ཚུ་རོལ་གྱི་འགྲམ་དུ་འོང་ཞིང་། ཚུ་རོལ་གྱི་འགྲམ་ནས་ཕ་རོལ་གྱི་འགྲམ་དུ་འགྲོ་བ་དེ་བཞིན་དུ། དེ་བཞིན་གཤེགས་པའང་ཡོངས་སུ་མྱ ་ངན་ལས་འདས་པ་ཆེན་པོས་ཡོངས་སུ་མྱ་ངན་ལས་འདས་ནས། གྲུ་ཕ་རོལ་ཏུ་འགྲོ་བ་བཞིན་དུ་སེམས་ཅན་རྣམས་སྒྲོལ་དུ་གཤེགས་ཏེ། གང་དང་གང་ན་གདུལ་བར་བྱ་བ་རྣམས་ཡོད་པ་དེ་དང་དེར་རྫོགས་པའི་སངས ་རྒྱས་སྟོན་པར་མཛད་དོ། ། དེ་བས་ན་ཇི་ལྟར་གྲུ་གང་དང་གང་དུ་སེམས་ཅན་བསྒྲལ་བར་འདོད་པ་དེ་དང་དེར་འགྲོ་བ་བཞིན་དུ་དེ་བཞིན་གཤེགས་པའང་དེ་དང་འདྲ་སྟེ། དེ་བས་ན་མཉན་པ་ཆེན་པོ་ཞེས་བྱའོ།། དེ་བས་ན་དེ ་བཞིན་གཤེགས་པ་རྟག་པ་དང་བརྟན་པ་ཡིན་ནོ། ། གྲུ་ཡོད་ན་མཉན་པས་སྒྲོལ་བར་བྱེད་ལ། དེ་བཞིན་གཤེགས་པ་རྟག་པར་ཡོད་པ་དང་། ད་དུང་དུ་སེམས་ཅན་སྒྲོལ་ཞིང་སྐྱེ་བར་འགྱུར་རོ།། རིགས་ཀྱི་བུ་གཞན་ཡང་དེ་བར་ན་རྒྱུ ་མཚོ་ཆེན་པོའི་ནང་དུ་གྲུ་བོ་ཆེ་འགྲོ་བ་རླུང་དང་ཕྲད་ན་དྲང་པོར་འགྲོ་ཞིང་། སྐད་ཅིག་ཙམ་གྱིས་དཔག་ཚད་དུ་མར་འགྲོ་ལ། གལ་ཏེ་རླུང་དང་མ་ཕྲད་ན་ནི་ལོ་དུ་མར་ཡང་མལ་གཅིག་ན་འདུག་པ་འམ་ཡང་ན་བུབ་པར་འགྱུར་བ་དེ་བཞིན ་དུ་མོ་ཤེས་པའི་རྒྱ་མཚོ་ཆེན་པོར་ལྷུང་བའི་སེམས་ཅན་རྣམས་ཀྱང་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོའི་རླུང་གི་རྒྱལ་པོ་དང་ཕྲད་ན་ནི་གྲུ་བཞིན་དུ་མྱུར་བ་ཁོ་ནར་བྱང་ཆུབ་ཀྱི་ཕ་རོལ་ཏུ་ཕྱིན་པར་འགྱུར་རོ། ། ་གང་དག་མདོའི་རླུང་གི་རྒྱལ་པོ་འདི་དང་མ་ཕྲད་པ་དེ་དག་ནི་གྲུ་རྒྱ་མཚོ་ཆེན་པོར་བུབ་པ་བཞིན་དུ་འཁོར་བའི་འཁོར་ལོར་རླག་པར་འགྱུར་རོ།། རིགས་ཀྱི་བུ་གཞན་ཡང་དཔེར་ན་རྒྱ་མཚོ་ཆེན་པོ་འཇིགས་པའི་གནས་སུ་རླུང ་དང་ཕྲད་ན་ད་ནི་ཤི་བ་ཉིད་འདི་ཡིན་ནོ་སྙམ་སྟེ། དཀོས་ཐག་པར་གྱུར་པའི་སེམས་ཅན་རྣམས་མི་ཤེས་བཞིན་དུ་རླུང་གི་རྒྱལ་པོས་ཡུད་ཙམ་གྱིས་ཁྱེར་ནས་དེ་དག་འདི་སྙམ་དུ་སེམས་ཏེ། ཀྱེ་མ་བདག་ཅག་ཐར་པར་གྱུར་པ ་འདི་ནི་ངོ་མཚར་ཆེའོ་སྙམ་པ་དེ་བཞིན་དུ། མདོ་ཆེན་པོ་འདིའི་མདོའི་རླུང་གི་རྒྱལ་པོ་འདི་འང་མི་ཤེས་པའི་རྒྱ་མཚོ་ཆེན་པོ་ན་འཁོད་པའི་སེམས་ཅན་བྱང་ཆུབ་ཏུ་སེམས་སྐྱེད་མི་དགོས་པར་འཛིན་པ་རྣམས་མི་ཤེས་བཞིན་དུ་བྱང་ཆུབ་ཀྱི་རྒྱུ་ལ་འགོད། ་བར་བྱེད་དོ།། རིགས་ཀྱི་བུ་གཞན་ཡང་དཔེར་ན་སྦྲུལ་གྱིས་པགས་པ་རྙིང་པ་བོར་ན། ཇིག་ཤི་འམ། མེད་པར་སོང་བ་ཡིན་ནམ། གསོལ་པ། བཅོམ་ལྡན་འདས་དེ་ནི་མ་ལགས་སོ།། བཀའ་སྩལ་པ། རིགས་ཀྱི་བུ་དེ ་བཞིན་དུ་དེ་བཞིན་གཤེགས་པའང་པགས་པ་རྙིང་པ་འདོར་བ་བཞིན་དུ། ཐབས་ཀྱི་སྐུ་དུག་སྨན་གྱི་སྡོང་པོ་རྙིང་པ་སྤོང་བར་མཛད་པ་ལ་ཇི་ག་དེ་བཞིན་གཤེགས་པ་མི་རྟག་པར་འགྱུར་རམ། གསོལ་པ། བཅོམ་ལྡན ་འདས་དེ་ནི་མ་ལགས་ཏེ། སྤྲུལ་པགས་པ་བརྗེ་བ་བཞིན་དུ་འཛམ་བུ་གླིང་ཁ་ཅིག་ཏུ་ཐབས་ཀྱི་སྐུ་གཞན་བོར་ནས་ཐབས་ཀྱི་སྐུ་གཞན་སྟོན་པར་མཛད་ལགས་སོ།། བཀའ་སྩལ་པ། རིགས་ཀྱི་བུ་དེ་བས་ན་དེ་བཞིན་གཤེགས ་བརྟག་པ་ཡིན་ནོ། ། རིགས་ཀྱི་བུ་གཞན་ཡང་དཔེར་ན་གསེར་མགར་གྱིས་གསེར་གྱི་འབྱུང་གནས་ནས་གསེར་བཞུ་སྟེ། སྐྱོན་དང་བྲལ་བར་གྱུར་ནས་རྒྱན་བཟང་པོ་ཅི་དང་ཅི་འདྲ་ལྟ་བུའི་གཟུགས ་སུ་འདོད་པ་གསེར་མགར་བྱེད་དུ་བཅུག་ན་དེ་དང་དེ་ལྟ་བུར་བྱེད་པ་དེ་བཞིན་དུ། དེ་བཞིན་གཤེགས་པས་ཀྱང་སྲིད་པ་ཉི་ཤུ་རྩ་ལྔ་དག་ཏུ་གདུལ་བར་བྱ་བ་རྣམས་ཅི་དང་ཇི་ལྟ་བུར་འདོད་པ་དེ་དང་དེ་ལྟ་བུའི་ཐབས་ཀྱི ་གཟུགས་མངོན་པར་སྤྲུལ་ནས་སེམས་ཅན་རྣམས་སྒྲོལ་བར་མཛད་དོ། ། དེ་བས་ན་དེ་བཞིན་གཤེགས་པའི་སྐུ་ནི་མཐའ་ཡས་ཏེ་རྟག་པ་ཡིན་ནོ།། རིགས་ཀྱི་གཞན་ཡང་དཔེར་ན་ཨ་མྲའི་ཤིང་ངམ། འཛམ་བུའི་ཤིང ་ཡང་རུང་། དུས་ཚོགས་རྣམ་པ་གསུམ་གྱི་དབང་གིས་འགྱུར་ཏེ། རེས་འགའ་ནི་སྦལ་མིག་བྱེ་བ་དང་། ལོ་མ་ལ་འབུ་བར་འགྱུར་རོ།། རེས་འགའ་ནི་ལོ་མ་རྒྱས་ཤིང་གྲིབ་མ་བསིལ་བར་འགྱུར་རོ།། རེས་འགའ་ནི་ཤིང ་སྐམ་པོ་བཞིན་དུ་ལོ་མ་ལྷགས་པར་འགྱུར་ན། ཇི་ག་ཤིང་དེ་དག་ཤི་ཞེས་བྱ་བ་འམ། གསོལ་པ། བཅོམ་ལྡན་འདས་དེ་ནི་མ་ལགས་སོ།། བཀའ་སྩལ་པ། རིགས་ཀྱི་བུ་དེ་བཞིན་དུ་དེ་བཞིན་གཤེགས་པ་དགྲ ་བཅོམ་པ་ཡང་དག་པར་རྫོགས་པའི་སངས་རྒྱས་ཉིད་གདུལ་བར་བྱ་བའི་དབང་གིས་འཇིག་རྟེན་གསུམ་དུ་འཇིག་རྟེན་གསུམ་གྱི་ཐབས་ཀྱི་སྐུ་རྣམ་པ་གསུམ་སྟོན་པར་མཛད་དེ། སྐྱེ་བ་ལྟ་བུ་དང་། འཚོ་ཞིང་བཞུགས་པ ་ལྟ་བུ་དང་། ཡོངས་སུ་མྱ་ངན་ལས་འདའ་བ་ལྟ་བུར་སྟོན་ན། ཇིག་དེ་བཞིན་གཤེགས་པ་མི་རྟག་པ་ཡིན་ནམ། གསོལ་པ། བཅོམ་ལྡན་འདས་དེ་ནི་མ་ལགས་སོ།། བཀའ་སྩལ་པ། རིགས་ཀྱི་བུ་དེ་བས་ན་དེ་བཞིན ་གཤེགས་པ་རྟག་པ་ཡིན་ནོ། ། རིགས་ཀྱི་བུ་དེ་ལྟར་ན་དེ་བཞིན་གཤེགས་པའི་སྐུ་དང་། དེ་བཞིན་གཤེགས་པའི་དགོངས་པའི་ཚིག་ཀྱང་ཤེས་པར་ནུས་པར་དཀའ་འོ།། དཔེར་ན་རྒྱལ་པོ་ལ་ལ་ཞིག་གིས་རང་གི་བློན་པོ་ལ་སྲིན ་དུབ་འོན་ཅིག་ཅེས་དེ་སྐད་བསྒོ་ན། ། དེ་ལ་སྲིན་དུ་པ་ཞེས་བྱ་བ་ནི། ལན་ཚྭ་དང་། སྐོམ་སྣོད་དང་། རལ་གྲི་དང་། རྟ་རྣམས་ལ་བྱ་སྟེ། འདི་བཞིའི་མིན་སྲིན་དུ་བ་ཞེས་བྱ་ན། དེ་ལྟར་མཽང་གཅིག་ལ་དོན ་མང་པོ་ཡོད་པས། གང་གི་ཚེ་རྒྱལ་པོ་བཤོས་གསོལ་བ་ན་སིན་དུ་པ་ཞེས་ཟེར་ན་ནི། དེའི་ཚེ་བློན་པོས་སོན་དུ་པའི་ལན་ཚྭ་ཡིན་པར་རིག་ནས་ལན་ཚྭ་འབུལ་བར་བྱེད་དོ།། གང་གི་ཚེ་རྒྱལ་པོ་བཤོས་གསོལ་ཟིན ་ནས་སིན་དུ་པ་ཞེས་ཟེར་ན་ནི། དེའི་ཚེ་བློན་པོས་སྐོམ་སྣོད་ཡིན་པར་རིག་ནས་སྐོམ་སྣོད་འབུལ་བར་བྱེད་དོ།། གང་གི་ཚེ་རྒྱལ་པོས་སྐྱེད་མོས་ཚལ་དུ་འགྲོ་བའི་ཚེ་སིན་དུ་པ་ཞེས་ཟེར་ན་ནི། དེའི་ཚེ་བློན་པོས་རྟ་ཡིན་པར ་རོག་ནས་རྟ་འབུལ་བར་བྱེད་དོ། ། གང་གི་ཚེ་རྒྱལ་པོ་འཐབ་པའི་ཚེ་སིན་དུ་བ་ཞེས་ཟེར་ན་ནི། དེའི་ཚེ་བློན་པོས་རལ་གྲི་ཡིན་པར་རིག་ནས་རལ་གྲི་འབུལ་བར་བྱེད་དེ། དེ་ལྟར་རྒྱལ་པོའི་དགོངས་པའི་ཚིག་རྣམ ་བབཞི་བློན་པོ་རྣམས་ཀྱིས་ཁོང་དུ་ཆུད་པར་འགྱུར་རོ། ། རིགས་ཀྱི་བུ་དེ་བཞིན་དུ་ཐེག་པ་ཆེན་པོ་འདི་ལའང་མི་རྟག་པ་བཞི་ཞེས་བྱ་བ་ཡོད་པར་ཐེག་པ་ཆེན་པོ་བློན་པོ་དང་འདྲ་བས་དེ་བཞིན་དུ་རིག་པར་བྱ་སྟེ། གང ་གི་ཚེ་དེ་བཞིན་གཤེགས་པ་འཇིག་རྟེན་དུ་བྱུང་ནས་སངས་རྒྱས་ཡོངས་སུ་མྱ་ངན་ལས་འདའ་འོ་ཞེས་སྟོན་ན། དེའི་ཚེ་ཐེག་པ་ཆེན་པོ་པས་མི་རྟག་པ་སྟོན་ཏོ་སྙམ་དུ་ཤེས་པར་བྱ་སྟེ། མི་རྟག་པའི་འདུ་ཤེས་བསྒོམ་པར་བྱའོ།། ་གང་གི་ཚེ་དེ་བཞིན་གཤེགས་པ་དམ་པའི་ཆོས་ནུབ་པ་དང་། ཞིག་པར་འགྱུར་རོ་ཞེས་སྟོན་ན་ནི།། དེའི་ཚེ་སྡུག་བསྔལ་སྟོན་ཏོ་སྙམ་དུ་ཤེས་པར་བྱ་སྟེ། སྡུག་བསྔལ་བསྒོམ་པར་བྱའོ།། གང་གི་ཚེ ་བཞིན་གཤེགས་པ་དགེ་སློང་རྣམས་དང་། དགེ་སློང་མ་རྣམས་ལ་ངའི་ལུས་ལ་ནད་ཆེན་པོ་མཐའ་ཡས་པས་གཟིར་ཏོ།། དགེ་འདུན་འཇིག་པར་འགྱུར་རོ་ཞེས་སྟོན་ན་ནི། དེའི་ཚེ་བདག་མེད་པ་སྟོན་ཏོ་སྙམ་དུ་ཤེས་པར་བྱ། ་སྟེ། བདག་མེད་པ་སྒོམ་པ་བསྒོམ་པར་བྱའོ།། གང་གི་ཚེ་དེ་བཞིན་གཤེགས་པ་ཐར་པ་ནི་མཚན་མ་མེད་པ་དང་། སྟོང་པ་ཉིད་དང་། ཅིའང་མེད་པའོ་ཞེས་སྟོན་ན་ནི། དེའི་ཚེ་ཐར་པ་ནི་སྲིད་པ་ཉི་ཤུ་རྩ་ལྔ་དང་བྲལ་བ་ཡིན་ནོ། ་ཞེས་སྟོན་པར་ཤེས་པར་བྱ་སྟེ། དེ་བས་ན་སྟོང་པ་ཞེས་བྱའོ།། གང་གི་ཕྱིར་དེ་ལ་སྡུག་བསྔལ་མེད་པས་ན་དེའི་ཕྱིར་སྡུག་བསྔལ་ཅིའང་མེད་པ་དང་། མཆོག་ཏུ་བདེ་བ་དང་། མཚན་མ་མེད་པ་ཡིན་ནོ།། གང་གི ་ཕྱིར་དེ་ལ་མི་རྟག་པ་དང་། མི་བརྟན་པ་དང་། ཐེར་ཟུག་མ་ཡིན་པ་དང་།། ཞི་བའི་རང་བཞིན་མ་ཡིན་པ་མེད་པས་ན་དེའི་ཕྱིར་ཐར་པ་ནི་རྟག་པ་དང་། བརྟན་པ་དང་། ཐེར་ཟུག་པ་དང་། ཞི་བ་སྟེ། དེ་ཉིད ་དེ་བཞིན་གཤེགས་པ་ཡིན་ནོ། ། གང་གི་ཚེ་དེ་བཞིན་གཤེག་པ་སེམ་ཅན་ཐམས་ཅད་དེ་བཞིན་གཤེགས་པའི་སྙིང་པོ་ཡོད་དོ་ཞེས་སྟོན་ན། དེའི་ཚེ་ཡང་དག་པར་རྟག་པ་བསྒོམ་པ་བསྒོམ་པར་བྱའོ།། དགེ་སློང ་གང་དག་དེ་ལྟར་བསྒོམ་པ་དེ་དག་ནི་ངའི་ཉན་ཐོས་ཡིན་ནོ་ཞེས་ང་ཟེར་རོ། ། རྒྱལ་པོའི་བློན་པོ་བཞིན་དུ་དགོངས་པའི་ཚིག་ལ་མཁས་པ་ཡིན་ནོ་ཞེས་བཟེར་རོ།། དེ་ལྟར་རྒྱལ་པོའི་ལུགས་ལའང་དགོངས་པའི ་ཚིག་ཡོད་ན། ངའི་བསྟན་པ་ལ་དགོངས་པའི་ཚིག་ག་ལ་ཞིག་མེད་དེ། མཁས་པ་དག་གིས་དེ་ལྟར་རིག་པར་བྱའོ།། ངའི་བསྟན་པ་ནི་འཇིག་རྟེན་ཐམས་ཅད་དང་མི་མཐུན་ནོ།། རིགས་ཀྱི་བུ་གཞན་ཡང་དཔེར་ན་ཤིང་པ ་ལ་ཤ་དང་། མྱ་ངན་འཚང་དང་། དོང་ཀའི་ཤིང་རྣམས་ནི་ཆར་པ་དཀོན་པའི་ཚེ་མེ་ཏོག་ཀྱང་ངན་པར་འགྱུར། འབྲས་བུའང་ངན་པར་འགྱུར་རོ།། ཆུ་དང་ཐང་ལས་སྐྱེས་པའི་མེ་ཏོག་གཞན་རྣམས་ཁྲུན་ཐུང ་བ་དང་། མདོག་ངན་པ་དང་། གཟི་བྱིན་ཆུང་པ་དང་། དྲི་ཆུང་བར་འགྱུར་ཏེ། དེ་ལྟར་ན་མ་འོངས་པའི་དུས་ན་མེ་ཏོག་དང་། སྨན་རྣམས་གཟི་བྱིན་དང་དྲི་ལ་སོགས་པ་ཉམས་པར་འགྱུར་རོ།། རིགས་ཀྱི་བུ་དེ ་བཞིན་དུ་ང་འདས་པའི་འོག་ཏུ་མ་འོངས་པའི་དུས་ན་དུས་ངན་པ་འབྱུང་བའི་ཚེ་དམ་པའི་ཆོས་འཇིག་པ་ན། སེམས་ཅན་རྣམས་བསོད་ནམས་ཆུང་བའི་ཕྱིར་ཆར་པ་དཀོན་པའི་ཚེ་མེ་ཏོག་གཟི་བྱོན་མེད་པར་འགྱུར ་བ་དེ་བཞིན་དུ། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདིའི་དགོངས་པའི་ཚིགས་སུ་བཅད་པའི་དོན་འཇིག་རྟེན་དུ་བརྡ་སྤྲོད་པའི་ཚིགས་སུ་བཅད་པ་དང་། ཚིག་དང་ཚིག་སིལ་བུའི་ཕྱེད་ཙམ་སྤྱོད ་པར་འགྱུར་རོ། ། དགེ་སློང་སྡིག་ཅན་རྣམས་ཀྱིས་ཀྱང་རང་ལ་མཐུ་མེད་པས་དགོངས་པའི་ཚིག་གསང་བའི་ཚོགས་སུ་བཅད་པ་བདུད་རྩིའི་ཚིག་རྣམས་བོར་ནས་གཞན་འདོན་པར་བྱེད་དེ། རྐུན་པོ་དག་གིས་ཕུབ་མ ་ཁུང་དུ་ཁྱེར་ལ་ཆེ་བ་ལ་འོས་པའི་རིན་པོ་ཆེ་འདོར་བ་བཞིན་དུ། དགེ་སློང་གཡེལ་བ་རྣམས་ཀྱང་མདོ་འདིའི་ཚིགས་སུ་བཅད་པ་དགོངས་པའི་ཚིག་རྣམས་འདོར་བར་བྱེད་དོ།། ཀྱེ་མ་མ་འོངས་པའི་དུས་མཆོག་ཏུ ་འཇིགས་ཤིང་མཆོག་ཏུ་སྐྲག་ཏུ་རུང་བ་འབྱུང་བར་འགྱུར་རོ། ། ཀྱེ་མ་མ་འོངས་པའི་སེམས་ཅན་ཤིན་ཏུ་དཔལ་ཡོན་ཆུང་པ་དག་འབྱུང་བར་འགྱུར་ཏེ། དེ་དག་ནི་མདོ་སྡེ་ཆེན་པོ་འདི་ཉན་པར་མི ་འགྱུར་རོ། ། གང་དག་ཉན་པར་བྱེད་པ་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་ཏེ། དེ་ཁོ་ན་ཉིད་ཀྱི་དོན་འཛིན་པར་འགྱུར་གྱི། ཡི་གེ་ལྷུར་མི་འཛིན་ཏོ།། མདོ་སྡེའི་དོན་ཇི་སྙེད་ཡོད་པ་དེ་ཁོ་ན་སྙེད ་གཞན་དག་ལ་སྟོན་པར་བྱེད་ཀྱི། དོན་མེད་པ་རྟོག་པར་མི་བྱེད་དོ།། རིགས་ཀྱི་བུ་དཔེར་ན་ཕྱུགས་རྫི་མོ་ཞིག་གིས་ལེ་ཕྱིན་པར་བྱ་བའི་ཕྱིར་འོ་མའི་གཞི་ལས་ཆུ་བུ་རམ་དང་སྦྱར་བས་བསླད་དེ་ཕྱུགས་ཀྱི་གནས་ནས ་འོ་མའི་བུམ་པ་ཁྱེར་ཏེ་སོང་ནས་དེས་ཕྱུགས་རྫི་མོ་ཟླ་ལ་བཙོངས་ལ། དེ་ནས་ཕྱུགས་རྫི་མོ་ཟླ་དེས་ཀྱང་འོ་མ་དེ་ཆུ་ཉིས་འགྱུར་གྱིས་བསླད་ནས་བར་ལོང་མ་ལ་བཙོངས། བར་ལོང་མ་དེས་ཀྱང་འོ་མ་དེ་ཆུ་ཉིས་འགྱུར་གྱིས་བསླང་ནས་པར ་ལོང་མའི་ཟླ་ལ་བཙོངས། བར་ལོང་མ་དེའི་ཟླ་དེས་ཀྱང་ཆུ་ཉིས་འགྱུར་གྱིས་བསླང་ནས་གྲོང་ཁྱེར་རམ་ཚོང་དུས་སུ་ཉོ་བའི་མི་ཞིག་གི་བུའི་གཙུག་པུད་འཇོག་པའི་དུས་སྟོན་གྱི་འོ་ཐུག་བྱ་བའི་ཕྱིར་འདི་ནི་དཀོན་པ་ཡིན་ནོ ་སྙམ་སྟེ། འོ་མ་དེ་ཉོས་ནས་འོ་མ་ཆུས་བསླད་པ་དེས་འོ་ཐུག་བཙོས་ནས་ཟས་ཀྱི་མཆོག་དེ་རོ་ཆུང་བར་འགྱུར་རོ།། འོན་ཀྱང་རོ་དྲོ་བ་ཐམས་ཅད་ཀྱི་ནང་ན་བའི་བཅུད་རྣམས་གཙོ་བོ་ཡིན་ལ། དེའི་ནང་ནའང ་འོམ་དམ་པ་ཡིན་པས་ན་ཟས་ཀྱི་མཆོག་དེ་རོ་ཚ་བ་བས་ཆེས་སྟོང་འགྱུར་གྱིས་ཞོམ་མོ། ། རིགས་ཀྱི་བུ་དེ་བཞིན་དུ་ང་འདས་པའི་འོག་ཏུ་ལོ་བརྒྱ་ཕྲག་དུ་མ་ལོན་པ་ན་གང་གི་ཚེ་དམ་པའི་ཆོས་གནས་པའི་ལྷག་མ་ལོ་བརྒྱད་ཅུ ་ལུས་པ་དེའི་ཚེ། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི་འཛམ་བུ་གླིང་དུ་སྤྱོད་པར་འགྱུར་ཏེ། དེའི་ཚེ་དེ་ལྟར་མདོ་སྡེ་སྤྱོད་པ་དེ་ལས་དགེ་སློང་སྡིག་ཅན་མཆོག་ཏུ་གཡེལ་བ་དམ་པའི་ཆོས་ཀྱི་མེ་ཏོག་གི་དྲི ་མེད་པར་བྱེད་པ་རྣམས་ཀྱིས་གླེགས་པམ་འཆོས་པར་བྱེད་དེ། མདོ་སྡེ་འདི་ཀློག་པ་ན། དོན་དང་ཚིག་རྟོགས་པར་དཀའ་བ། དགོངས་པའི་ཚིག་གསང་བ་རྣམས་ལས། ན་དང་། མ་དང་། ཀུ་ལ་སོགས་པ ་དགག་པའི་ཡི་གེ་རྣམས་བོར་ཞིང་གཞན་འདོན་པར་བྱེད་དོ། ། དགེ་སློང་རང་གི་རྙེད་པ་སྒྲུབ་པ། རུང་བ་མ་ཡིན་པའི་རྫས་འཆང་བ་དེ་དག་ནི་བདུད་ཀྱི་ཕྱོགས་ཡིན་ཏེ། ཕྱུགས་རྫི་མོས་བུ་རམ་གྱི་ཆུས་པོ་མ་བསླད་པ་བཞིན་དུ ་མདོ་སྡེ་འདི་མ་རུང་བར་བྱེད་དོ། ། གཞན་ཡང་ཀློག་མི་ཤེས་པ་དང་། ཆོས་སྨྲ་བ་ངན་པ་དང་། ཡི་གེ་པ་ངན་པའི་ཉེས་པ་དང་། ཆོས་ལ་མི་གནས་པ་དང་། བླ་མ་ལ་སྲོ་ཞུ་མི་བྱེད་པ་དང་། མི་ངན་པས་ཁྱད་དུ་སད ་པ་དང་། ཚས་ཉེས་པ་དང་། ཡུན་རིངས་པ་དང་། ལག་བརྒྱད་པའི་ཉེས་པས་ཚིག་དང་དོན་ཕྱེད་ཕྱེད་ཙམ་དུ་གྱུར་པ་སྤྱོད་ཅིང་། མདོ་སྡེའི་ལྷག་མ་ཆུང་ཤས་ཙམ་ཞིག་ལུས་པར་ཟད་དོ།། བར་ལོང་མ་ལས་ཉིང་ཏོང ་ཉོས་པའི་བའི་འོ་མས་ཟས་ཀྱི་མཆོག་བཅོས་པ་རོ་མེད་པར་གྱུར་ཀྱང་། ཟས་ཀྱི་མཆོག་དེ་ནི་རོ་བྲོ་བ་ཐམས་ཅད་ཀྱི་དམ་པ་ཡིན་པ་དེ་བཞིན་དུ། མདོ་སྡེ་ཆེན་པོ་འདིའང་དེ་ལྟར་ལྷག་མ་ཆུང་ཤས་ཞིག་ལུས་པར་ཟད་མོད་ཀྱི། ཉན ་མ་པ་རྗེམས་ཅ་ས་ཉིང་ཡུར་གྱིས་ཅི་བ་གྱུར་པ་ན། ཅ་ཕྱི་བ།། འོད་སྡེ་དང་། ཏིང་འཛི་མམས་ཅ་མས་སུ་ཀྱ་པ་འདས་པའི་མདྷ་ན་པས་ན ་གན་ལས་འདས་པ་ཆེན་པོ་མཆོག་ཅེས་བྱ་སྟེ། མིང་ཆེ་བ་ཡིན་ནོ།། རིགས་ཀྱི་བུ་གཞན་ཡང་རིགས་ཀྱི་བུ་འམ། རིགས་ཀྱི་བུ་མོས་སྐྱེས་པའི་རང་བཞིན་དུ་འགྱུར་བར་བསྒོམ་པར་བྱའོ།། ་ཅིའི་ཕྱིར་ཞེ་ན། བུད་མེད་ཀྱི་རང་བཞིན་ནི་ཆོས་མ་ཡིན་པ་ཐམས་ཅད་ཀྱི་རྒྱུའི་སྒོ་ནས་འབྱུང་ལུང་ཡིན་ཏེ། དཔེར་བྱ་ན་སྦྲང་བུའི་གཅིན་གྱིས་ནི་རྣམས་ཀྱང་ས་ཆེན་པོ་རླན་པར་ཡང་མི་འགྱུར། ངོམས་པར་ཡང་མི་འགྱུར། ་བ་དེ་བཞིན་དུ། བུད་མེད་རྣམས་ཀྱང་ནམས་ཀྱང་འདོད་པས་ངོམས་པར་མི་འགྱུར་ཏེ། བུད་མེད་ནི་གལ་ཏེ་ས་ཆེན་པོ་རྒྱ་ཤུག་གི་རུས་པ་ཙམ་མམ། ཡུངས་འབྲུ་ཙམ་གྱི་རི་ལུར་བྱས་པ་དེ་ལ། རི་ལུ་ཇི་སྙེད་པ་ཡོད་པ་དེ་སྙེད ་ཀྱི་སྐྱེས་པ་དང་ལྷན་ཅིག་ཏུ་འདོད་པས་ཞེས་པར་སྟོན་དུ་ཟིན་ཀྱང་། སྦྲང་བུའི་གཅིན་གྱིས་ས་བརླན་ཞིང་ངོམས་པར་མི་འགྱུར་བ་དེ་བཞིན་དུ། བུད་མེད་རྣམས་འདོད་པས་ངོམས་པར་མི་འགྱུར་རོ།། རིགས་ཀྱི་བུ་གཞན ་ཡང་བུད་མེད་ནི་ཇི་ལྟར་མི་བཟད་པ་ཉོན་ཅིག། བུད་མེད་ནི་གལ་ཏེ་སྐྱེས་པ་གངྒཱའི་ཀླུང་གི་བྱེ་མ་སྙེད་དམ། གཏམས་སྙེད་དམ། དཀྲིགས་སྙེད་དང་ལྷན་ཅིག་ཏུ་འདོད་པ་ཞེན་པར་བསྟེན་དུ་ཟིན་ཀྱང་སྤང ་བུའི་གཅིན་གྱིས་ས་བརླན་ཞིང་ངོམས་པར་མི་འགྱུར་བ་དེ་བཞིན་དུ། བུད་མེད་རྣམས་འདོད་པས་ངོམས་པར་མི་འགྱུར་རོ།། རིགས་ཀྱི་བུ་གཞན་ཡང་དཔེར་ན་རྒྱ་མཚོ་ཆེན་པོ་ནི་ཆར་འབབ་པའི་ཆུ ་དང་ཆུ་ཀླུང་རྣམས་ཀྱི་ཆུ་དེར་འབབ་ཀྱང་ངོམས་པ་མེད་པ་དེ་བཞིན་དུ། བུད་མེད་རྣམས་ཀྱང་འདོད་པས་ངོམས་པ་མེད་དོ།། རིགས་ཀྱི་བུ་གཞན་ཡང་དཔེར་ན་མེ་ཏོག་གི་ཤིང་མྱ་ངན་འཚང་དང་། ་རོང་ཀའི་ཤིང་དང་། པ་ཏ་ལ་ལ་སོགས་པ་མེ་ཏོག་རྒྱས་པ་ན། བུང་བ་རྣམས་མེ་ཏོག་གི་ཁུ་བས་ངོམས་པར་མི་འགྱུར་ཏེ། བུང་བ་རྣམས་ཀྱིས་མཁས་པ་དང་། ཆ་ཕྲ་བ་དང་། ཟབ་མོར་མེ་ཏོག་གི་ཁུ་བ་འཐུང ་ཁར་བྱེད་པ་དེ་བཞིན་དུ། བུད་མེད་རྣམས་ཀྱིས་ཀྱང་སྐྱེས་པ་རྣམས་ཀྱི་ནོར་དང་། འདོད་པ་དང་། ཁུ་བ་རྣམས་འཐུང་བར་བྱེད་དེ། བུང་བ་བཞིན་དུ་ངོམས་པར་མི་འགྱུར་རོ།། རིགས་ཀྱི་བུ་དེ་བས་ན་ཡོངས་སུ་མྱ་ངན ་ལས་འདས་པ་ཆེན་པོ་འདི་ཐོས་ནས་བུད་མེད་ཀྱི་རང་བཞིན་ལ་མ་ཆགས་པའི་སེམས་སྐྱེད་བར་བྱ་སྟེ། སྐྱེས་པའི་རང་བཞིན་དུ་འགྱུར་བར་སེམས་བསྐྱེད་པར་བྱའོ།། ཅིའི་ཕྱིར་ཞེ་ན། མདོ་འདི་ནི་སྐྱེས་པའི་རང་བཞིན་དེ ་བཞིན་གཤེགས་པའི་སྙིང་པོ་ཡང་དག་པར་སྟོན་པ་ཡིན་པའི་ཕྱིར་རོ། ། སྐྱེས་པའི་རང་བཞིན་ནི་མི་ཞེས་བྱའོ།། དེ་བཞིན་གཤེགས་པའི་རང་བཞིན་ནི་སྐྱེས་པའོ།། འཇིག་རྟེན་ན་སྐྱེས་པ་ཡོད་པ་གང་ཡིན་པ་དེ ་དག་ཀྱང་། བདག་ཉིད་ལ་དེ་བཞིན་གཤེགས་པའི་སྙིང་པོ་ཡོད་པར་མི་ཤེས་པའི་ཕྱིར། སྐྱེས་པའི་རང་བཞིན་མ་ཡིན་ནོ།། དེ་བཞིན་གཤེགས་པའི་སྙིང་པོ་མི་ཤེས་པ་གང་ཡིན་པ་དེ་དག་ནི་བུད་མེད་ཡིན་ནོ་ཞེས ་དང་ཟེར་རོ། ། དེ་བཞིན་གཤེགས་པའི་སྙིང་པོ་བདག་ལ་ཡོད་སྙམ་དུ་ཡང་དག་པར་ཤེས་པ་གང་ཡིན་པ་དེ་དག་ནི་སྐྱེས་པའི་མཆོག་ཏུ་གཏོགས་ཏེ། བུད་མེད་ཡིན་དུ་ཟིན་ཀྱང་སྐྱེས་པའི་མཆོག་ཏུ་གཏོགས་སོ།། དེ་ལྟར་ན ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདི་ནི་དེ་བཞིན་གཤེགས་པའི་སྙིང་པོ་སྟོན་པའི་ཕྱིར་དཔག་ཏུ་མེད་པ་ཡིན་ནོ། ། རིགས་ཀྱི་བུ་འམ། རིགས་ཀྱི་བུ་མོ་མདོ་སྡེའི་གནས་འདི་མྱུར་དུ་རྟོགས་པར་འདོད ་པས་ནི་དེ་བཞིན་གཤེགས་པའི་སྙིང་པོ་ལ་བརྩོན་པར་བྱའོ། ། གསོལ་པ། བཅོམ་ལྡན་འདས་དེ་ནི་དེ་ལགས་སོ།། བཅོམ་ལྡན་འདས་དེ་ནི་དེ་ལགས་ཏེ། བདག་ཀྱང་དེང་དུ་དེ་བཞིན་གཤེགས ་བའི་སྙིང་པོ་བསྒོམ་པའི་སླད་དུ་སྐྱེས་པའི་རང་བཞིན་ལ་ཞུགས་ལགས་སོ། ། མངོན་པར་ཕྱེ་ལགས་སོ།། བརྡ་མཇལ་བར་བགྱིས་ལགས་སོ།། བཀའ་སྩལ་པ།། རིགས་ཀྱི་བུ་ལེགས་སོ་ལེགས་སོ།། འཇོག་རྟེན་དང་མཐུན ་བར་བྱེད་པས་ནི་དེ་ལྟར་བལྟ་བར་བྱའོ། ། གསོལ་པ། བཅོམ་ལྡན་འདས་འཇིག་རྟེན་དང་འཐུན་པ་མ་ལགས་སོ།། བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། དེ་ལྟར་བུང་བ་ཤིང་གི་མེ་ཏོག་ཟ་བ་བཞིན་དུ། ་ཟབ་མོའི་ཆོས་ཀྱི་ཟས་བཟའ་བར་བྱའོ།། རིགས་ཀྱི་བུ་གཞན་ཡང་དཔེར་ན་སྦྲང་བུའི་གཅིན་ཉུང་ཆེས་པས་ས་ཆེན་པོ་ངོམས་པར་མི་འགྱུར་བ་དེ་བཞིན་དུ། སྦྲང་བུའི་གཅིན་དང་འདྲ་བར་མ་འོངས་པའི་དུས་ན་མ ་སྡེ་ཆེན་པོ་འདི་འཇིག་རྟེན་དུ་ཆུང་ཤས་ཙམ་ཞིག་སྤྱོད་པར་འགྱུར་ཏེ། དམ་པའི་ཆོས་འཇིག་པའི་ཐ་མར་སྦྲང་བུའི་གཅིན་ས་ཆེན་པོ་ལ་སོང་བ་བཞིན་དུ་ཟད་པར་འགྱུར་རོ།། འདི་ནི་དམ་པའི་ཆོས་ནུབ་པའི་ལྟས་བདུན་པ་སྟེ། ལྟས ་གཞན་ཡང་ཡོད་པར་མཁས་པས་ཤེས་པར་བྱའོ། ། རིགས་ཀྱི་བུ་གཞན་ཡང་དཔེར་ན་དབྱར་ཟད་པའི་མཇུག་དགུན་གྱི་ཟླ་བ་དང་པོ་ནི་སྟོན་ཞེས་བྱ་སྟེ། སྟོན་གྱི་དུས་ལ་བབ་པ་ན། མ་སྨིན་པ་སྨིན་པར་བྱེད་པའི་ཕྱིར ་སྤྲིན་རྣམས་ཀྱིས་ཆར་ཕབ་ནས་མྱུར་བ་མྱུར་བར་འགྱེས་པར་བྱེད་པ་དེ་བཞིན་དུ། མདོ་ཆེན་པོ་འདིའང་སྟོན་གྱི་སྤྲིན་གྱིས་ཆར་ཕབ་ནས་མྱུར་དུ་འགྱེས་པ་བཞིན་དུ། ལྷོ་ཕྱོགས་སུ་སོང་ནས་ཡོངས་སུ་མྱ་ངན་ལས་འདས་པ་ཆེན་པོའི་དགོངས ་པ་ཆེན་པོ་དགོངས་པའི་ཚིག་ཐམས་ཅད་ཆོས་ཀྱི་ཆར་འབེབས་སོ། ། དེ་ནས་ལྷོ་ཕྱོགས་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་དམ་པའི་ཆོས་འཇིག་པར་ཤེས་ནས། དགུན་གྱི་དུས་རང་ཉེ་བར་གྱུར་པའི་སྤྲོན ་བཞིན་དུ་ཁ་ཆེའི་ཡུལ་དུ་སོང་ནས་ས་ལ་ནུབ་པར་འགྱུར་ཏེ། ཐེག་པ་ཆེན་པོའི་མདོ་སྡེ་ཤིན་ཏུ་རྒྱས་པ་བདུད་རྩིའི་མཆོག་གི་དམ་པའི་ཆོས་ཐམས་ཅད་ནུབ་པར་འགྱུར་རོ།། ད་ལྟར་ནི་དེ་བཞིན་གཤེགས་པས་མཁྱེན་པའི་མ་སྡེ་འདི ་ལག་ཏུ་འོངས་མོད་ཀྱི། དམ་པའི་ཆོས་ནུབ་པར་འགྱུར་རོ་སྙམ་དུ་བྱང་ཆུབ་སེམས་དཔའ་སེམས་དཔའ་ཆེན་པོ་མི་མཆོག་རྣམས་ཀྱིས་ཤེས་པར་བྱའོ།། གསོལ་པ། དེ་བཞིན་གཤེགས་པ་དང་། རང་སངས་རྒྱས་དང ་ཉན་ཐོས་དང་། བྱང་ཆུབ་སེམས་དཔའི་ཁམས་ཐ་དད་པ་མ་མཆིས་པ་སེམས་ཅན་ཐམས་ཅད་ཀྱིས་བདེ་བླག་ཏུ་རྟོགས་པར་བགྱི་བའི་སླད་དུ་བཅོམ་ལྡན་འདས་ཀྱིས་གསལ་ཞིང་ཟུར་ཕྱིན་པར་བཀའ་སྩལ་དུ་གསོལ། བཅོམ ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དཔེར་ན་ཁྱིམ་བདག་གམ། ཁྱིམ་བདག་གི་བུ་ཞིག་ལ་བགླང་གི་ལྷས་མང་པོ་ཡོད་དེ། བ་གླང་སྤུལ་དོག་ཐ་དད་པ་དག་བདོག་ལ། དེའི་ནང་ན་བ་སྔོན་མོ་དག་ཀྱང་ཡོད་དེ ་དེ་དག་པ་རྫི་གཅིག་འཚོར་བཅུག་གོ། ། དེ་ནས་ཁྱིམ་བདག་དེས། ལན་ཅིག་གཅིག་ན་རང་གི་ལྷ་མཆོད་པའི་ཕྱིར་བ་གླང་གི་ལྷས་རྣམས་གཅིག་ཏུ་བསྡུས་ནས་འོ་མ་འཇོར་བཅུག་གོ།། དེ་ནས་པོ་མ་དེ་དག་དུང་གི་མདོག་བཞིན་དུ ་དཀར་པོར་འདུག་པ་མཐོང་ནས་ངོ་མཚར་དུ་བཟུང་ནས་བསམས་པ། འདི་ནི་བ་འདི་དག་སྤུ་ལ་ཐ་དད་པར་འདུག་ན། བསྔོན་མོ་འདི་རྣམས་ཀྱི་འོ་མའང་སྔོན་པོར་མི་འདུག་ལ། དཀར་པོ་རྣམས་ཀྱིའང་དེ་དང་འདྲ་སྟེ་དུང ་གི་མདོག་ལྟར་འདུག་གོ་སྙམ་མོ། ། དེ་ནས་ཕྱིས་དེས་རྟོགས་ཏེ་སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པའི་རྒྱུ་ལས་གྱུར་པ་ཡིན་པར་བལྟ་བར་བྱའོ་སྙམ་མོ།། རིགས་ཀྱི་བུ་དེ་བཞིན་དུ་ཉན་ཐོས ་དང་རང་སངས་རྒྱས་དང་། དེ་བཞིན་གཤེགས་པ་ཐམས་ཅད་ཀྱི་རང་བཞིན་ཡང་འོ་མ་དང་འདྲའོ།། དེ་ཅིའི་ཕྱིར་ཞེ་ན། དེ་དག་ནི་ཟག་པ་ཟད་པའི་ཕྱིར་རོ།། སེམས་ཅན་ཐམས་ཅད་ཀྱིས་ནི། ཉན་ཐོས་དང་། རང ་སངས་རྒྱས་དང་། དེ་བཞིན་གཤེགས་པ་ཐམས་ཅད་ཀྱི་རང་བཞིན་ཐ་དད་པ་དང་དབྱིབས་ཐ་དད་པར་འཛིན་མོད་ཀྱི། དེ་དག་གིས་ཀྱང་ཁྱིམ་བཞིན་དུ་མཐར་གྱིས་ཤེས་པར་འགྱུར་རོ།། རིགས་ཀྱི་བུ་དཔེར་ན་གསེར ་ལུཁུང་ངམ། ཟངས་ཀྱི་ལུང་ནས་རྡོ་དང་གསེག་མ་མེད་པའི་གསེར་གྱི་རང་བཞིན་རིན་ཐང་མེད་པ་འབྱུང་བ་དེ་བཞིན་དུ། ཉན་ཐོས་དང་། རང་སངས་རྒྱས་དང་། དེ་བཞིན་གཤེགས་པ་ཐམས་ཅད་ཀྱང་གསེར་དང་འདྲ ་བར་རིན་ཐང་དང་རང་བཞིན་གཅིག་གོ། ། ཅིའི་ཕྱིར་ཞེ་ན། རྡོ་དང་གསེག་མ་ལྟ་བུའི་ཉོན་མོངས་པ་དང་བྲལ་བའི་ཕྱིར་ཏེ། དེ་བས་ན་སངས་རྒྱས་ཀྱི་ཡེ་ཤེས་འདི་ལ་ནི་དབྱེར་མེད་དོ།། སེམས་ཅན་ཐམས་ཅད་ལ་སངས་རྒྱས ་ཀྱི་ཁམས་ཡོད་པའང་དེ་དང་འདྲ་སྟེ། ཁྱིམ་བདག་གི་འོ་མ་ཇི་ལྟ་བ་བཞིན་དུ་དེ་དག་གིས་ཀྱང་དེ་བཞིན་གཤེགས་པའི་སྙིང་པོའི་མདོ་སྡེ་ཐོས་ནས་ཉོན་མོངས་པའི་རྣམ་པ་ཟད་པར་བྱས་ཏེ། སངས་རྒྱས་ཀྱི་ཁམས ་རྟོགས་པར་འགྱུར་རོ། ། གསོལ་པ། བཅོམ་ལྡན་འདས་ཅི་ལགས། སེམས་ཅན་ཐམས་ཅད་དང་དེ་བཞིན་གཤེགས་པ་རྣམས་ཐ་དད་པ་མ་མཆིས་ལགས་སམ། གལ་ཏེ་དེ་བཞིན་གཤེགས་པ་བསྟན་པ ་དེ་ལྟར་སྟོན་པར་འགྱུར་ན་འདི་ལ་སྐྱོན་ཆེན་པོ་མཆིས་ཏེ། ད་དེའི་གཏན་ཚིགས་བཀའ་སྩལ་འཚལ་ལགས་སོ།། སེམས་ཅན་ཐམས་ཅད་དང་། རང་སངས་རྒྱས་རྣམས་ལྟ་ཞོག་ལགས་ཀྱི། དེ་ལྟ་ན་ཤཱ་རིའི་བུ ་དང་མོའུ་འགལ་གྱི་བུ་གཉིས་ཅིའི་སླད་དུ་ཉན་ཐོས་ཀྱི་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདས་ལགས། རང་སངས་རྒྱས་རྣམས་ཀྱང་ཅིའི་སླད་དུ་རང་སངས་རྒྱས་རྣམས་ཀྱི་ཡོངས་སུ་མྱ་ངན ་ལས་འདའ་བས་ཡོངས་སུ་མྱ་ངན་ལས་འདའ་བར་བགྱིད་ལགས། བྱང་ཆུབ་སེམས་དཔའ་རྣམས་ཀྱང་ཅིའི་སླད་དུ་བྱང་ཆུབ་སེམས་དཔའི་ཡོངས་སུ་མྱ་ངན་ལས་འདས་པ་ཆེན་པོས་ཡོངས་སུ་མྱ་ངན་ལས་འདས་པར ་བགྱིད་ལགས། ། བཀའ་སྩལ་པ། སངས་རྒྱས་རྣམས་ཀྱིས་ཡོངས་སུ་མྱ་ངན་ལས་འདས་པ་ཆེན་པོ་ནི་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་རྣམས་ཀྱི་མ་ཡིན་ཏེ། ཡོངས་སུ་མྱ ་ངན་ལས་འདས་པ་ཆེན་པོ་འདི་ལ་ནི་སངས་རྒྱས་རྣམས་མ་གཏོགས་པར་གཞན་དག་གི་གནས་མེད་དོ། ། གསོལ་པ། ཇི་ལྟ་བུ་ལགས། བཀའ་སྩལ་པ། དེ་བཞིན་གཤེགས་པ་ནི་བསྐལ་པ་བྱེ་བ་ཕྲག་གྲངས་མེད ་པ་མང་པོ་ཞིག་ན་དེ་བཞིན་གཤེགས་པ་འབྱུང་བར་སྟོན་པར་མཛད་ན། དེ་བཞིན་གཤེགས་པ་དང་། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་རྣམས་ལ་ཁྱད་པར་ཅི་ཡོད་ཅེ་ན། རིགས ་ཀྱི་བུ་དེ་བཞིན་གཤེགས་པའི་མྱ་ངན་ལས་འདས་པ་གསང་བ་ལ་དགྲ་བཅོམ་པ་རྣམས་ཀྱི་གནས་མེད་དོ་ཞེས་ངས་བསྟན་ཏེ། དེ་ནི་གནས་མེད་པ་ཡིན་ནོ།། དེ་བས་ན་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདིའི་ཚུལ ་གྱིས་ཡོངས་སུ་མྱ་ངན་ལས་འདས་པ་ཆེན་པོ་ལ་གནས་མེད་དོ། ། དེ་བས་ན་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ།། གསོལ་པ།། ཐ་དད་པ་ཁོ་ནར་གདའ་ལགས་སོ།། བཀའ་སྩམ ་པ་ཇི་ལྟར་སྣང་། གསོལ་པ། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་རྣམས་ཀྱང་ཡོངས་སུ་མྱ་ངན་ལས་འདས་པ་ཆེན་པོས་ཡོངས་སུ་མྱ་ངན་ལས་འདས་པར་འགྱུར་ཏེ། ཆུ་ཀླུང ་རྣམས་རྒྱ་མཚོར་འབབ་པ་བཞིན་དུ་དེ་དག་གི་གནས་ཀྱང་དེ་དག་ལགས་སོ། ། དེ་བས་ན་དེ་དག་ཀྱང་རྟག་པ་ཞེས་བགྱིའོ།། བཀའ་སྩལ་པ། དེ་དག་ནི་ངའི་མཆོག་ཏུ་རྟག་པ་ཡིན་ནོ།། གསོལ་པ། བཅོམ་ལྡན་འདས ་ཁམས་ཐ་དད་པ་མ་མཆིས་པ་དང་ཐ་དད་པ་ཇི་ལྟ་བུ་ལགས། བཀའ་སྩམ་པ། གནས་སྐབས་ཐ་དད་དོ།། གསོལ་པ། ཇི་ལྟ་བུ་ལགས། བཀའ་སྩལ་པ། དཔེར་ན་བའི་པོ་མ་ནི་མཆོག་ཏུ་མངར་བ་ཡིན་ཏེ། ་ཁམས་ཀྱང་དེ་དང་འདྲའོ།། ཉན་ཐོས་རྣམས་དང་། རང་སངས་རྒྱས་རྣམས་ཀྱི་ཁམས་ནི་ཞོ་དང་འདྲའོ།། བྱང་ཆུབ་སེམས་དཔའ་རྣམས་ཀྱི་ཁམས་ནི་མར་དང་འདྲའོ།། སངས་རྒྱས་རྣམས་ཀྱི་ཁམས་ནི་མར་གྱི་ཉིང ་ཁུ་དང་འདྲ་སྟེ། དེ་ལྟར་ཡོངས་སུ་མྱ་ངན་ལས་འདས་པ་ཆེན་པོ་ལས་གདམས་ངག་སྟོན་པའི་དེ་བཞིན་གཤེགས་པས་རྣམ་པ་བཞིར་བསྟན་ཏོ།། གསོལ་པ། བཅོམ་ལྡན་འདས་སེམས་ཅན་ཐམས་ཅད་ཀྱི་ཁམས་ཇི་ལྟ་བུ ་ལགས། བཀའ་སྩལ་པ། པ་བེའུ་འབྲངས་མ་ཐག་པའི་འོ་མ་ཁྲག་དང་འདྲེས་པ་བཞིན་དུ། ཉོན་མོངས་པའི་ཁྲག་དང་འདྲེས་པའི་ཁམས་དེས། དེ་བཞིན་གཤེགས་པའི་ཁམས་མར་གྱི་ཉིང་ཁྭ་དང་འང་བ་ལབ་པ ་འདུག་གོ། ། གསོལ་བ། བཅོམ་ལྡན་འདས་ཀྱི་ཀུ་ཤའི་གྲོང་ཁྱེར་འདི་ན་གནས་པའི་གདོལ་པ་འཇིག་རྟེན་གྱི་ཁམས་འདིར་སངས་རྒྱས་སྟོང་དང་ལྷན་ཅིག་ཏུ་དེ་དག་གི་ནང་དུ་དེ་བཞིན་གཤེགས་པ་གཅིག་པུར་འགྱུར་ཏེ། དེ ་བཞིན་གཤེགས་པ་རབ་ཏུ་དགའ་བ་ཞེས་བྱ་བར་འགྱུར་ཏེ། སེམས་སྐྱེད་པ་གཅིག་ལོ་ནས་དུས་འདི་ཅོག་ན་མྱུར་དུ་སངས་རྒྱས་སུ་འགྱུར་ཞེས་སངས་རྒྱས་སུ་ལུང་བསྟན་པས་ལུང་བསྟན་ལགས་ན། ཅིའི་སླད་དུ། ཤཱ་རིའི་བུ་དང ་མོའུ་འགལ་གྱི་བུ་གཉིས་ཆེས་མྱུར་དུ་སངས་རྒྱས་སུ་འགྱུར་བར་སངས་རྒྱས་སུ་ལུང་བསྟན་པས་ལུང་མ་བསྟན་ལགས། ། བཀའ་སྩལ་པ། ཉན་ཐོས་དང་། རང་སངྱས་དང་། བྱང་ཆུབ་སེམས་དཔའ་ཁ་ཅིག། ་དམ་པའི་ཆོས་འབྱུང་བའི་ཕྱིར་ཡུན་རིང་པོར་སྨོན་ལམ་འདེབས་པའང་ཡོད། ཁ་ཅིག་ནི་མྱུར་བར་སྨོན་ལམ་འདེབས་པའང་ཡོད་དེ། ང་ནི་དེའི་སྨོན་ལམ་གྱི་དབང་གིས་ནི་ཆེས་མྱུར་བར་སངས་རྒྱས་ཀྱི་གནས་མཆོག་ཏུ་ལུང ་སྟོན་པར་བྱེད་དོ། ། རིགས་ཀྱི་བུ་གཞན་ཡང་མཉན་པ་ཆེན་པོ་ལ་ལ་ཞིག་གདོལ་པའི་གྲོང་ཁྱེར་དུ་སོང་སྟེ། རིན་པོ་ཆེ་རིན་ཐང་མེད་པ་འཚོང་བ་ལས། གདོལ་པ་བྱེ་བྲག་མི་ཕྱེད་པ་དེ་དག་གིས་རིན་པོ་ཆེ་དེ་མཐོང་ན ་འཕྱས་འདོགས་ཤིང་འཐིང་སླད་བྱེད་དེ། མཉན་པས་རིན་ཆེ་བ་ཡིན་ནོ་ཞེས་བྱས་ཀྱང་དེ་དག་གིས་བརྡ་མི་ཕྲད་ནས་འདི་ནི་ཤེལ་ཡིན་ནོ་ཞེས་དེ་སྐད་ཀྱང་ཟེར་རོ།། རིགས་ཀྱི་བུ་དེ་བཞིན་དུ་ངས་ཀྱང་ཉན་ཐོས་རྣམས་ལ་གལ་ཏེ། ་སངས་རྒྱས་ཀྱི་གནས་སུ་མྱུར་དུ་སངས་རྒྱས་སུ་ལུང་བསྟན་པས་ལུང་བསྟན་དུ་ཟིན་ཀྱང་ནོར་བུ་དཀོན་པ་འཚོང་བའི་མཉན་པ་བཞིན་དུ་འགྱུར་རོ།། གདོལ་པ་རྣམས་ལྟ་བུ་ནི་མ་འོངས་པའི་དུས་ན་དགེ་སྦྱོང་བླུན་པོ་གཡེལ་བ། ་དགེ་བའི་རྩ་བ་སྤངས་པ། འཚོ་བས་འཕོངས་པ། བཀྲེས་ཤིང་སྐོམ་པས་གཟིར་བ། མུ་གེས་མནར་བ། རང་གིས་ལུས་ཙམ་གཙོ་བོར་བྱེད་པ། འཚོ་བ་དོན་དུ་གཉེར་བ། མི་བརྟན་པ་རྣམས ་འབྱུང་བར་འགྱུར་བ་དེ་དག་ཡིན་ཏེ། དེ་དག་གིས་ངའི་ཉན་ཐོས་ལུང་བསྟན་པ་ཐོས་ན་འཕྱས་འདོགས་ཤིང་བཤེ་བར་འགྱུར་ལ། བརྡ་མི་ཕྲད་པ་ནས་ཚུལ་ཁྲིམས་འཆལ་བ་ཡིན་ནོ་ཞེས་བླ་བར་བྱེད་དོ།། ངའི་ཉན་ཐོས་དེ་དག་ནི་དགེ། ་སྤྱོད་མ་ཡིན་ཏེ། གདོལ་པ་རྣམས་དང་མཉན་པ་ཇི་ལྟ་བ་བཞིན་ནོ།། རིགས་ཀྱི་བུ་དེ་བས་ན་ང་ནི་སེམས་ཅན་མྱུར་བའི་སྨོན་ལམ་ཅན་རྣམས་ནི་སངས་རྒྱས་སུ་ལུང་སྟོན་པར་བྱེད་དོ།། དམ་པའི་ཆོས་འབྱུང་བའི་སྦྱོར་བཅ ་དེ་དག་ནི་ཇི་ལྟར་འདོད་པ་བཞིན་དུ་ཡུན་རིང་མོ་ཞིག་གིས་སངས་རྒྱས་ཀྱི་གནས་སུ་ལུང་སྟོན་པར་བྱེད་དོ། ། གསོལ་པ། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་གཡོག་འཁོར་མི་ཕྱེད་པ་དང་ལྡན་པར ་འགྱུར་ལགས། བཀའ་སྩལ་པ། བྱང་ཆུབ་སེམས་དཔའ་མི་མཆོག་རྣམས་ནི་དམ་པའི་ཆོས་དབྱུང་བར་བྱའོ་སྙམ་དུ་དེའི་སྦྱོར་བ་བརྟན་པོར་བྱས་ན། གཡོག་འཁོར་མི་ཕྱེད་པ་དང་ལྡན་པར་འགྱུར་རོ།། གསོལ་པ ་སེམས་ཅན་མ་རུངས་པ། འཇིགས་སུ་རུང་བ། ལྕེ་དང་། རྐན་དང་། ལྐོག་མ་ཚིག་པ་རྣམས་ཅི་ལས་འགྱུར་ལགས།། བཀའ་སྩལ་པ། གཞི་གསུམ་མི་ཤེས་པ་གང་ཡིན་པ་དེ་དག་ནི། སེམས་ཅན་མ་རུངས་པ། འཇིགས ་སུ་རུང་བ། ལྕེ་དང་། རྐན་དང་། ལྐོག་མ་ཆོག་པར་འགྱུར་རོ།། དཔེར་ན་མི་དང་དུད་འགྲོ་ལྕེ་ཚིག་པ་རྣམས་ཀྱིས་རོ་དྲུག་སྟེ། མངར་བ་དང་། སྐྱུར་བ་དང་། ལན་ཚྭའི་རོ་དང་། ཚ་བ་དང་། ལ་བ་དང་། བསྐབ ་། རྣམས་ཟ་བ་ན། རོའི་བྱེ་བྲག་མི་ཕྱེད་པ་དེ་བཞིན་དུ། སེམས་ཅན་མི་ཤེས་པ་ལྕེ་དང་། རྐན་དང་། ལྐོག་མ་ཚིག་པ། མ་རུངས་པ། འཇིགས་སུ་རུང་བ། གཞི་གསུམ་པ་རྟག་པར་མི་ཤེས་པ་གང་ཡིན་པ་དེ་དག་ནི། ་ལྕེ་དང་། རྐན་དང་། ལྐོག་མཆོག་པ་ཞེས་བྱའོ།། རིགས་ཀྱི་བུ་གཞན་ཡང་དེ་བཞིན་གཤེགས་པ་རྟག་པར་མི་ཤེས་པ་གང་ཡིན་པ་དེ་དག་ནི་དམུས་ལོང་གི་མཆོག་ཡིན་ནོ་ཞེས་ངཟེར་རོ།། དེ་བཞིན་གཤེགས་པ་རྟག་པར ་ཤེས་པ་གང་ཡིན་པ་དེ་དག་ནི་ཤའི་མིག་དང་ལྡན་པ་ཡིན་དུ་ཟིན་ཀྱང་ལྷའི་མིག་དང་ལྡན་པ་ཡིན་ནོ་ཞེས་ང་ཟེར་རོ། ། རིགས་ཀྱི་བུ་གཞན་ཡང་མདོ་སྡེ་འདི་ཐོས་ནས་དེ་བཞིན་གཤེགས་པ་རྟག་པར་ཤེས་ཤིང་ཁོང་དུ་ཆུད་པ ་གང་ཡིན་པ་དེ་དག་ནི་ལྷའི་མིག་དང་ལྡན་པ་ཡིན་ནོ་ཞེས་ང་ཟེར་རོ། ། ལྷའི་མིག་དང་ལྡན་པ་ཡིན་དུ་ཟིན་ཀྱང་དེ་བཞིན་གཤེགས་པ་རྟག་པར་མི་ཤེས་པ་གང་ཡིན་པ་དེ་དག་ནི་ཤའི་མིག་དང་ལྡན་པ་ཡིན་ནོ་ཞེས་ང་ཟེར་རོ།། དེ་དག་ནི་ད་དུང་བསྐལ ་དབྱེ་བ་མང་པོར་ཡང་བདག་གི་མགོ་མཇུག་ཅི་འདྲ་བའང་མཐོང་བ་འམ་བསྟན་མི་ནུས་ཏེ། དེ་བས་ན་དེ་དག་ནི་དེ་བཞིན་གཤེགས་པ་བརྟག་པར་བསྒོམས་པ་དང་བྲལ་བའི་ཕྱིར་ཤའི་མིག་དང་ལྡན་པ་ཞེས་ཟེར་རོ།། རིགས་ཀྱི ་བུ་གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་འཇིག་རྟེན་ཐམས་ཅད་ཀྱི་ལམ་ལྟ་བུ་ཡིན་ནོ། ། ཅིའི་ཕྱིར་ཞེ་ན། སེམས་ཅན་རྐང་གཉིས་དང་རྐང་མངས་ཐམས་ཅད་ལ་རང ་གི་ཡུལ་བཞིན་དུ་ཆོས་སྟོན་ཅིང་། ཚིག་གཅིག་གིས་སེམས་ཅན་ཐམས་ཅད་ཀྱིས་རང་རང་གི་ཡུལ་བཞིན་དུ་ཤེས་པར་འགྱུར་ཏེ། ཀྱེ་མ་བདག་ཅག་གི་རང་བཞིན་དང་། འདུ་ཤེས་རྣམ་རྟོག་པར་བྱ་བའི་ཕྱིར་ཆོས་སྟོན་ཏོ་སྙམ། ་དུ་འཛིན་ཏོ།། རིགས་ཀྱི་བུ་གཞན་ཡང་དཔེར་ན་ཁྱིམ་བདག་གམ་ཚོང་དཔོན་ཡང་རུང་སྟེ། རང་གི་བུ་ཟླ་བ་བཅུ་དྲུག་ལོན་པ་དང་། ལྷན་ཅིག་ཏུ་ལྐུགས་པ་བཞིན་དུ་སྨྲ་བར་བྱེད་དེ། དེའི་དབང ་གིགིས་བུ་དེའི་མིའི་སྐད་སློབ་པར་བྱེད་ན། ཅི་དེའི་ཕ་ལྐུགས་པ་ཞེས་བྱ་འམ། གསོལ་པ། བཅོམ་ལྡན་འདས་དེ་ནི་མ་ལགས་ཏེ། བུ་དེའི་དབང་གིས་བགྱིད་པར་བལྟ་ལགས་སོ།། བཀའ་སུམ་པ། རིགས་ཀྱི་བུ ་དེ་བཞིན་དུ་དེ་བཞིན་གཤེགས་པའང་ལྐུགས་པ་བཞིན་དུ་གསུང་སྟེ། སེམས་ཅན་ཐམས་ཅད་དམ་པའི་ཆོས་ལ་དགོད་པའི་ཕྱིར་དེ་ལྟ་བུའི་སྐུ་སྟོན་པར་མཛད་ན། ཅི་དེ་བཞིན་གཤེགས་པའང་ལྐུགས་པ་ཞེས་བྱ་འམ། ་གསོལ་པ། བཅོམ་ལྡན་འདས་དེ་ནི་ལེགས་ཏེ། དེ་བཞིན་གཤེགས་པ་ནི་རྟག་ཏུ་སེང་གེའི་སྒྲ་སྒྲོགས་པ་ལགས་ན། ལྐུགས་པ་ལྟར་གསུང་བ་དེ་ནི་འཇིག་རྟེན་དང་མཐུན་པར་མཛད་པར་བལྟ་བར་བགྱི་ལགས་སོ།། ་དེ་ནས་དེའི་ཚེ་བཅོམ་ལྡན་འདས་ཀྱིས་ཉིད་ཀྱི་ཞལ་ནས་འོད་ཟེར་སྣ་ཚོགས་བཀྱེ་སྟེ། འོད་ཟེར་དེ་དག་གིས་མགར་བའི་བུ་ཙུན་ད་ལ་ཕོག་ནས། ཀྱེ་མ་དེ་བཞིན་གཤེགས་པ་ལ་ཕྱིན་ཆད་དབུལ་དུ་མེད་པའི་སྦྱིན་པ་ནི་དཀོན ་པ་ཡིན་ནོ་སྙམ་ནས། ཤིན་ཏུ་རིངས་པར་དེ་བཞིན་གཤེགས་པ་དགེ་སློང་གི་དགེ་འདུན་དང་བཅས་པ་ཚིམ་པར་འགྱུར་བའི་ཞལ་ཟས་སྦྱར་ཏེ། རང་གི་འཁོར་རྣམས་དང་ལྷན་ཅིག་ཏུ་རིང་བར་འཛམ་བུ་ཆུ་ཀླུང་གི་གིསར་དྲི་མ་མེད ་བའི་སྣོད་དཀྱིལ་དུ་ནོར་བུའི་འབུར་མཐོན་པོ་འོད་ཅན་གྱིས་སྤྲས་པ་རྣམས་དང་། ཁ་ཅིག་ནི་དངུལ་གྱི་སྣོད་རིན་པོ་ཆེ་སྣ་ཚོགས་ཀྱིས་སྤྲས་པ་རྣམས་ཞལ་ཟས་སྐྱུ་རུམ་སྣ་ཚོགས་དང་སྦྱར་བས་བཀང་བ་དང་། མཆོད་པའི་ཡོ་བྱད་མང ་པོ་དག་ཁྱེར་ནས་གྲོང་ཁྱེར་གྱི་བར་ནས་བྱུང་སྟེ་བཅོམ་ལྡན་འདས་ག་ལ་བ་དེར་ཆས་སོ། ། དེ་ནས་ལྷའི་བུ་མཐུ་ཆེན་པོ་དང་ལྡན་པ་རྣམས་ཀྱིས་མགར་བའི་བུ་ཙུན་ད་ལ་བསྐོར་ནས་འདི་སྐད་ཅེས་སྨྲས་སོ།། ཙུན་པ་རེ་ཞིག་ཞལ ་ཟས་མ་དབུལ་བར་དེ་བཞིན་གཤེགས་པ་ཐང་ཅིག་ཞོག་ཅིག་ཅེས་བྱས་སོ། ། དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་འོད་ཟེར་དག་བཀྱེ་སྟེ། འོད་ཟེར་དེ་དག་གིས་ལྷའི་བུ་རྣམས་ལ་ཕོག་ནས་ཙུན་ད་བཏང་ངོ་།། ་དེ་ནས་ལྷ་ལ་སོགས་པ་དེར་འདུས་པ་གང་ཡིན་པ་དེ་དག་ཐམས་ཅད་ཀྱིས་བཅོམ་ལྡན་འདས་ལ་མཆོད་པ་ཆེན་པོ་བྱས་ཏེ། ཙུན་ད་དང་ལྷན་ཅིག་ཏུ་བཅོམ་ལྡན་འདས་ཀྱི་ཐད་དུ་དོང་ནས་འདི་སྐད་ཅེས་གསོལ་ཏོ།། དགེ་སློང ་རྣམས་ཀྱི་གདུགས་ཚོད་ལ་བབ་ན་གནང་བར་མཛད་དུ་གསོལ། དེ་ནས་དགེ་སློང་རྣམས་ཀྱིས་གདུགས་ཚོད་ལ་བབ་པར་ཤེས་ནས་སྤྱོད་ལམ་བཟང་པོར་བྱས་ཏེ། ལྷུང་བཟེད་ལག་ཏུ་བླངས་ནས་སྡོད་དོ།། དེ་ནས་མགར་བའི ་བུ་ཙུན་དས་སེང་གེའི་ཁྲི་སྣ་ཚོགས་ཚིག་ཏུ་བཟླས་ཏེའང་མི་ནུས་པ། འཇིག་རྟེན་གྱི་ཁམས་བདེ་བ་ཅན་གྱི་རྐྱེན་དུ་རུང་བ་ལྟ་བུ་དག་ཀྱང་བཤམས། ཞལ་ཟས་ཀྱང་སྟ་གོན་བྱས་ནས་བཅོམ་ལྡན་འདས་ལ་འདི་སྐད་ཅེས ་གསོལ་ཏོ། ། དེ་བཞིན་གཤེགས་པ་བསྐལ་པ་འམ། བསྐལ་པ་ལས་ལྷག་པར་ཡང་ཡུན་རིང་དུ་བཞུགས་སུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཙུན་དགལ་ཏེ་ང་ཡུན་རིང་དུ་འདུག་པར་འདོད་ན ་སྦྱིན་པའི་ཕ་རོལ་ཏུ་ཕྱིན་པ་ཐ་མའི་དུས་ལ་བབ་ཀྱི་མྱུར་དུ་ཕུལ་ཅིག། དེ་ནས་ལྷ་དང་། མི་ཐམས་ཅད་དང་། བྱང་ཆུབ་སེམས་དཔའ་རྣམས་ཀྱིས་འདི་སྐད་ཅེས་སྨྲས་སོ།། ཀྱེ་མཙུན་ད་སྤྱོད་དེ་བ་འདིས་ཕུལ་བའི་ཞལ་ཟས ་དེ་བཞིན་གཤེགས་པས་གསོལ་བར་ཆད་པ་ལྔ། བདག་ཅག་ནི་དཔལ་ཡོན་མེད་དེ། བདག་ཅག་གིས་ཞལ་ཟས་སྔ་གོན་བྱས་པ་ནི་དོན་མེད་པར་གྱུར་ཏོ།། དེ་ནས་བཅོམ་ལྡན་འདས་ཀྱིས་ཉིད ་བ་སྤུའི་ཕུང་བུ་ཐམས་ཅད་ནས་བ་སྥུ་རེ་རེའི་ལུང་བུ་ནས་ཀྱང་སངས་རྒྱས་རེ་རེ་མངོན་དུ་སྤྲུལ་ནས། དེར་འཁོར་རེ་རེའི་ནང་དུའང་དེ་བཞིན་གཤེགས་པ་རེ་རེ་དགེ་སློང་གི་དགེ་འདུན་དང་བཅས་པ་བཤོས་གསོལ་བ་ལྟ་བུར་བརྟན ་ཏོརདེ་བཞིན་གཤེགས་པ་ཉིད་ནི་ཙུན་དས་ཕུལ་བའི་ཞལ་ཟས་གསོལ་ལོ། ། ཙུན་དས་འབྲས་སཱ་ལུ་ཡུལ་མ་ག་དྷཱའི་ན་ལི་ཏ་བརྒྱད་ལས་ཞལ་ཟས་སྦྱར་བའང་དེ་བཞིན་གཤེགས་པའི་མཐུས་དགེ་སློང་གི་དགེ་འདུན ་ཐམས་ཅད་ཞལ་ཟས་ཀྱིས་ཁྱེད་པར་མཛད་དོ། ། དེ་ནས་ཙུན་དའང་དགའ་བར་གྱུར་ཏེ། བདག་གི་སྦྱིན་པ་དེ་བཞིན་གཤེགས་པའི་དགེ་སློང་གི་དགེ་འདུན་དང་བཅས་པས་གསོལ་ནས་ཡོངས་སུ་མྱ་ངན་ལས་འདའ་བར་མཛད ་དོ་སྙམ་མོ། ། འཁོར་དེ་དག་ཐམས་ཅད་ཀྱང་འདི་སྙམ་དུ་སེམས་ཏེ། བདག་ཅག་གོས་ཕུལ་བའི་ཞལ་ཕས་དེ་བཞིན་གཤེགས་པས་བཞེས་ཀྱིས། ཙུན་དའི་མ་བཞེས་སོ།། བདག་ཅག་གིས་ཕུལ་བའི་ཞལ་ཟས ་གསོལ་ནས་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་མཛད་དོ་སྙམ་སྟེ། མཆོག་ཏུ་དགའ་བར་གྱུར་ཏོ།། འཁོར་ཆེན་པོ་དེ་ན་དེ་བཞིན་གཤེགས་པ་རྣམས་བཤོས་གསོལ་ཞིང་བཞུགས་པའི་བར་མཚམ ་སྨྱུང་བུའི་རྩེ་མོའི་ཁྱོན་ཙམ་གྱིས་ཆོད་པར་སྣང་ངོ་། ། ཁ་ཅིག་ནི་ཁབ་ཀྱི་རྩེ་མོའི་ཁྱོན་ཙམ་གྱིས་ཕྱོགས་དག་ན་བཞུགས་ཤིང་ཞལ་ཟས་དང་མཆོད་པ་རྣམས་འདྲ་བར་མངའ་བར་སྣང་ངོ་།། དེ་ནས་དེའི་ཚེ་ལྷ་དང ་མི་དང་། ལྷ་མ་ཡིན་དེ་དག་ངུ་ཞིང་ཆོ་ངེ་འདོན་པར་བྱེད་དེ། བདག་ཅག་གིས་སོ་སོ་ནས་ཕུལ་བའི་ཞལ་ཟས་གསོལ་ནས་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་འོ།། ཕྱིན་ཆད་བདག་ཅག་གིས་སུ་ལ་ཞལ ་ཟས་དབུལ་བར་བྱ། བདག་ཅག་ནི་མགོན་དང་བྲལ་ཏེ་མགོན་མེད་པར་འགྱུར་རོ་ཞེས་འཛེར་ཏོ།། དེ་ནས་བཅོམ་ལྡན་འདས་ཀྱིས། འཁོར་དེ་དག་ཐམས་ཅད་ལ་ཚིགས་སུ་བཅད་པ་འདི་དག་གསུངས་སོ།། ་། འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས་བམ་པོ་བཅུ་གསུམ་པ་སྟེ་ཐ་མའོ།། སངས་རྒྱས་ཆོས་ཉིད་འདི་ཡིན་གྱིས།། གདུང་ཞིང་ངུ་བར་མ་བྱེད ་ཅིག་རང་ནི་མྱ་ངན་འདའ་བ་ན། ། བསྐལ་པ་བྱེ་བ་ཟད་པར་འགྱུར།། ང་ཡི་རྟག་བདེ་དམ་པ་ཡི།། མྱ་ངན་འདའ་བ་ང་ལས་ཉོན།། ང་ནི་ཁ་ཟས་མི་ཟ་སྟེ།། བྲུ་བ་ཚ་བ་ཡོང་གིས་མེད།། སེམས་ཅན་ཀུན་ལ་ཕན་བདེ ་བའི་རྗེས་སུ་ཡི་རང་ངས་བཤད་ཀྱིས། ། ཐོས་ནས་ཡང་དག་རྫོགས་སངས་རྒྱས།། རྟག་པ་དེ་ཉིད་ཤེས་པར་གྱིས།། གང་ཚེ་འུག་པ་བྱ་རོག་རྣམས།། ཤིང་གཅིག་ལ་ནི་གནས་ནས་ཀྱང་།། སྤུན་དང་བུ་དང་འདྲ ་བར་ནི། ། ཕན་ཚུན་རྟག་ཏུ་ཚིམ་པར་བྱེད།། དེ་ཚེ་སྒྲ་གཅན་ཟིན་བཞིན་དུ།། དེ་བཞིན་གཤེགས་པས་སེམས་ཅན་གཟིགས།། སེམས་ཅན་ཀུན་གྱི་མཆོག་གྱུར་པ།། གཏན་དུ་མྱ་ངན་འདའ་བས་གྲོངས།། གང ་ཚེ་སྦྲུལ་དང་ནེའུ་ལེ་དག། ཤིང་གཅིག་དྲུང་དུ་གནས་ནས་ཀྱང་།། སྤུན་དང་བུ་དང་འདྲ་བར་ནི།། ཕན་ཚུན་རྟག་ཏུ་ཚིམ་པར་བྱེད།། དེ་ཚེ་སྐྲག་ཅན་ཟིན་བཞིན་དུ།། དེ་བཞིན་གཤེགས་པས་སེམས་ཅན་གཟིགས། ་སེམས་ཅན་ཀུན་གྱི་མཆོག་གྱུར་པ།། གཏན་དུ་མྱ་ངན་འདའ་བས་གྲོངས།། གང་ཚེས་པ་ཏ་པ་ར་ན་ཡིན།། མེ་ཏོག་བར་ཤིའི་དྲིར་འགྱུར་ཞིང་།། ཀ་ར་ཀ་ཡི་ཤིང་རྣམས་ལས།། ཏིན་ཏུ་ཀ་ཡི་འཕྲས ་བུ་འབྱུང་། ། དེ་ཚེ་སྒྲ་གཅན་ཟིན་བཞིན་དུ།། དེ་བཞིན་གཤེགས་པས་སེམས་ཅན་གཟིགས།། སེམས་ཅན་ཀུན་གྱི་མཆོག་གྱུར་པ།། གཏན་དུ་མྱ་ངན་འདའ་བས་གྲོངས།། གང་ཚེ་སྡིག་ཅན་འདོད་ཆེན་པོ།། བྱང ་ཆུབ་མངོན་པར་རྫོགས་འཚང་རྒྱ། ། མཆོག་ཏུ་བདེ་བ་ཐོབ་ནས་ཀྱང་།། ཉེས་པ་ཐམས་ཅད་རྣམ་སྤངས་པ།། དེ་ཚེ་སྒྲ་གཅན་ཟིན་བཞིན་དུ།། དེ་བཞིན་གཤེགས་པས་སེམས་ཅན་གཟིགས།། སེམས་ཅན་ཀུན་གྱི ་མཆོག་གྱུར་པ། ། གཏན་དུ་མྱ་ངན་འདའ་བས་གྲོངས།། གང་ཚེ་སེམས་ཅན་ཐམས་ཅད་ནི།། བསམ་པ་མཐུན་པར་གནས་གྱུར་ཏེ།། བྱང་ཆུབ་མཆོག་ཏུ་རྫོགས་སངས་རྒྱས།། ཉེས་པ་ཐམས་ཅད་རྣམ་སྤངས་པ།། ་དེ་ཚེ་སྒྲ་གཅན་ཟིན་བཞིན་དུ།། དེ་བཞིན་གཤེགས་པས་སེམས་ཅན་གཟིགས།། སེམས་ཅན་ཀུན་གྱི་མཆོག་གྱུར་པ།། གཏན་དུ་མྱ་ངན་འདའ་བས་གྲོངས།། གང་ཚེ་སྦྲང་བུའི་གཅིན་ཙམ་གྱིས།། རྒྱ་མཚོ་བ་མི་ཡི་མཐ ་ཀླས་པ། ། ནགས་ཚལ་ར་རྣམས་བཅས་པ་ཡི།། ས་གཞི་ངོམས་པར་གྱུར་པ་ན།། དེ་ཚེ་སྣགཅན་ཟིན་བཞིན་དུ།། དེ་བཞིན་གཤེགས་པས་སེམས་ཅན་གཟིགས།། སེམས་ཅན་ཀུན་གྱི་མཆོག་གྱུར་པ།། གཏན་དུ་རྒྱ ་ངན་འདའ་བས་གྲོངས། ། དེ་བས་ན་ཆོས་དང་ལྡན་པ། ཆོས་ལ་གུས་པ་ཁྱེད་མྱ་ངན་མ་བྱེད་ཅིག། མདུ་ཞིག། དེ་བཞིན་གཤེགས་པ་ནི་རང་ལ་དབང་ཡོད་ཀྱིས་མི་རྟག་པའི་འདུ་ཤེས་མ་བྱེད་པར་རྟག་པ་དང་། ཐེར་ཟུག་པ ་དང་མཆོག་ཏུ་བརྟན་པ་ཡིན་པར་ཡང་དག་པར་ལྟོས་ཤིག། གཞི་གསུམ་རྟག་པའི་གསང་སྔགས་ཀྱི་སྦ་བ་དང་། བསྲུང་བ་འདི་སྲུང་བར་གྱིས་ཤིག། གཞི་གསུམ་རྟག་པའི་གསང་སྔགས་ཀྱིས་ནི། གནམ་ལྕགས ་ཀྱིས་ཚིག་པའི་ཤིང་རྣམས་ཀྱང་སྐྱེ་བར་འགྱུར་ཏེ། ཡལ་ག་ཕྲེའུ་དང་། སྦལ་མིག་བྱེ་བ་དང་། ལོ་མ་ལ་འབུས་པ་དང་ལྡན་པར་འགྱུར་རོ།། འཁོར་བཞི་པོ་ལས་གཞི་གསུམ་རྟག་པར་རྗེས་སུ་ཡི་རང་བའི་གཏམ་འདི་ཕན ་ཚུན་ཐོས་ནས། ། བྱང་ཆུབ་ཀྱི་སེམས་སྐྱེ་མི་དགོས་པར་འཛིན་ཀྱང་གཞི་གསུམ་མཆོག་ཏུ་རྟག་པའི་རྒྱུས་ན། བྱང་ཆུབ་ཀྱི་རྒྱུར་སྐྱེ་བར་འགྱུར་ཏེ། འདི་ནི་སངས་རྒྱས་ཀྱི་རྗེས་སུ་ཡི་རང་བ་ཞེས་བྱའོ།། གཞི་གསུམ་རྟག་པ་ལས ་བྱུང་བའི་རྗེས་སུ་ཡི་རང་བ་འདི་དགེ་སློང་ངམ། དགེ་སློང་མ་གང་དག་སེམས་ཅན་རྣམས་ལ་སྟོན་པར་བྱེད་པ་དེ་དག་ནི་ཡུལ་འཁོར་གྱི་བསོད་སྙོམས་ཟ་བར་འོས་པ་ཡིན་ནོ།། ཅིག་ཤོས་དག་ནི་འོས་པ་མ་ཡིན་ནོ།། ཇི་ལྟར་རྗེས་སུ་ཡི་རང་བ ་འདིས་གདོལ་པདེ་འཇིག་རྟེན་ཐམས་ཅད་དུ་བདེ་བར་གྱུར་པའི་ཆོས་ཀྱི་བདེན་པ་དེས་ན། དམ་པའི་ཆོས་འདོད་པ་རྣམས་ལ་བགེགས་མེད་པ་དང་། གནོད་པ་མེད་པར་གྱུར་ཅིག། དེ་ནས་ལྷ་དང་། ལྷ་མ་ཡིན་དང ་ང་བཅས་པའི་འཇིས་རྟེན་གྱིས་དེ་བཞིནི་གཤེགས་བརྟམ་པར་འོང་དུ་ཆུ་གས། རང་ཏུ་དད་པཔའི་སེམས་དང་། དགེ་པའི་སེམས་དང་། སློར་པ་དང་ཐམ་པའི་སེམས་དང་། གསོལ་བམེད་པའི་སེམས་དང་། བང ་ཁལ་བྱེ་བ་ལྟ་བུའི་བཞིན་དང་ལྡན་པར་གྱུར་ནས་ལྷའི་མཆོད་པ་ཆེན་པོའི་ལས་བྱས་ཏེ། མེ་ཏོག་དང་། ཕྱེ་མ་དང་། བདུག་པ་དང་། སྤོས་ཀྱིས་བསྒོ་བ་ལ་སོགས་པས་གཏོར་ཏོ།། སིལ་སྙན་ལ་སོགས་པའང ་དཀྲོལ་ཏོ། ། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་འོད་སྲུངས་ཆེན་པོ་དང་རུས་གཅིག་པ་ལ་བཀའ་སྩམ་པ། རིགས་ཀྱི་བུ་ཁྱོད་ཀྱིས་དེང་འདིར་ངོམ ་རྨད་དུ་བྱུང་བ་ཅི་མཐོང་། གསོལ་པ། བཅོམ་ལྡན་འདས་བདག་གིས་སྔོན་ལན་འགའ་ཡང་མ་མཐོང་བའི་ངོ་མཚར་རྨད་དུ་བྱུང་བ་མཐོང་སྟེ། འཁོར་རེ་རེས་ཕུལ་བའི་ཞལ་ཟས་དེ་བཞིན་གཤེགས་པ་རེ་རེ་དགེ ་སློང་གི་དགེ་འདུན་དང་བཅས་པས་གསོལ་བ་མཐོང་ལགས་སོ། ། འཁོར་འདི་ནི་སྦྲང་བུའི་རྩེ་མོ་ཙམ་གྱི་ཁྱོན་དག་ལའང་ཇི་ལྟར་བཤམས་པའི་གདན་དག་དེ་བཞིན་གཤེགས་པ་སྐུ་ཆེན་པོ་དུ་མ་བདེ་བར་བཞུགས་ཏེ། རྗེས ་སུ་ཡི་རང་བ་བཅུ་གསུམ་གྱི་ཚིགས་སུ་བཅད་པ་དག་སྟོན་ཅིང་བཞུགས་པ་མཐོང་ལགས་སོ། ། སེམས་ཅན་ཐམས་ཅད་ཀྱིས་ནི་སྒྱུ་འཕྲུལ་འདི་མ་འཚལ་ཏེ། བཅོམ་ལྡན་འདས་ནི་བདག་གིས་ཕུལ་བའི་ཞལ་ཟས་གསོལ་ཞིང ་བཞུགས་སོ་སྙམ་དུ་འཛིན་ལགས་སོ། ། མི་མཆོག་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་ལ་སོགས་པས་ནི། ཙུན་དས་དེ་ལྟར་འབྲས་སཱ་ལུ་ཡུལ་མག་དྷི་ན་ལི་ཏ་བརྒྱད་ལས་ཐལ ་ཟས་སྦྱར་བའང་རྡུལ་ཙམ་ཡང་དགེ་སློང་གི་དགེ་འདུན་གྱིས་མི་གསོལ་བ་དང་། ། དེ་བཞིན་གཤེགས་པ་ཞལ་ཟས་མི་གསོལ་བའི་ཡ་མཚན་རྨད་དུ་བྱུང་བ་འདི་ཡང་དག་པར་འཚལ་ཏེ། འདི་ནི་ཐབས་ཙམ་དུ་མཛད ་པར་བས་སོ་སྙམ་དུ་སེམས་ལགས་སོ། ། ཉན་ཐོས་ཀྱི་ཚོགས་རྣམས་ཀྱིས་ནི་ཀྱེ་མ་དེ་བཞིན་གཤེགས་པ་ནི་དཔག་ཏུ་མེད་པ་དང་། ག་པ་ལགས་སོ་སྙམ་དུ་མ་འཚལ་ལགས་སོ།། དེ་ནས་བཅོམ་ལྡན་འདས་ཀྱིས། མགར་བའི ་བུ་ཙུན་ད་ལ་བཀའ་སྩལ་པ། ཙུན་ད་ཁྱོད་ཀྱིས་ངོ་མཚར་རྨད་དུ་བྱུང་བ་ཅི་མཐོང་། གསོལ་པ། བཅོམ་ལྡན་འདས་སྔར་ནི་དེ་བཞིན་གཤེགས་པ་མཚན་གྱི་མཆོག་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད། ་ཅུ་མངའ་བ་དུ་མ་མཐོང་བ་ལས། ད་ནི་རང་རང་གི་བསྒྱུར་ནས་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ཆེན་པོ་ལུས་ཆེན་པོ་དག་ཏུ་སྣང་ལགས་སོ།། དེ་བཞིན་གཤེགས་པས་དུག་སྨན་གྱི་སྡོང་པོ ་ལྟ་བུའི་སྐུ་གཅོག་པུར་གྱུར་ཏེ་བྱང་ཆུབ་སེམས་དཔའ་རྣམས་ཀྱིས་བསྐོར་བར་གདའ་ལགས་སོ། ། བཀའ་སྩལ་པ། སངས་རྒྱས་སྔ་མ་གང་ཡིན་པ་དེ་དག་ནི་སེམས་ཅན་ཐམས་ཅད་ལ་ཕན་པ་དང་། བདེ་བ་དང་། ་ཡིད་དགའ་བར་བྱ་བ་དང་། བསོད་ནམས་མི་ཟད་པར་བྱ་བའི་ཕྱིར་སྤྲུལ་པ་ཡིན་ཏེ། སྒྱུ་འཕྲུལ་འདི་ནི་བྱང་ཆུབ་སེམས་དཔའ་རྣམས་མ་གཏོགས་པར་སེམས་ཅན་རྣམས་ཀྱིས་མི་ཤེས་སོ།། དེ་ལྟར་ན་བྱང་ཆུབ ་སེམས་དཔའི་སྤྱོད་པ་ནི་དཔག་ཏུ་མེད་དོ། ། དེ་ལྟར་ན་བྱང་ཆུབ་སེམས་དཔའ་ཆེན་པོ་རྣམས་ནི་དཔག་ཏུ་མེད་དོ།། བྱང་ཆུབ་སེམས་དཔའ་མི་མཆོག་རྣམས་ལ་ནི་སངས་རྒྱས་ཀྱིས་རྣམ་པར་འཕྲུལ་པའི་མཐུ་ཡོད་དོ།། ་མགར་བའི་བུ་ཙུན་དའང་བྱང་ཆུབ་སེམས་དཔའ་སེམས་དཔའ་ཆེན་པོ་ས་བཅུ་ཐོབ་པ་ཡིན་ཏེ། བྱང་ཆུབ་སེམས་དཔའ་རྣམས་ཀྱི་མཆོག་གི་མཐར་ཐུག་པ་ནི་དེ་ལྟ་བུ་ཡིན་ནོ།། འོད་སྲུངས་ཆེན་པོ་དང་རུས ་གཅིག་པས་གསོལ་པ། བཅོམ་ལྡན་འདས་དེ་ནི་དེ་ལགས་ཏེ། བྱང་ཆུབ་སེམས་དཔའ་རྣམས་ཀྱི་ནང་ན་མི་མཆོག་ཙུན་ད་ལ་བདག་རྗེས་སུ་ཡི་རང་ལགས་སོ།། བཅོམ་ལྡན་འདས་ད་ནི་མདོ་སྡེ་རྣམས་བཤད ་པའི་སླད་དུ་སྣང་བ་མཛད་པའི་རིགས། བཅོམ་ལྡན་འདས་ཅི་ལགས། མདོ་སྡེ་ཐམས་ཅད་ལྷག་མ་མཆིས་པའི་དོན་ལགས་སམ། འོན་ཏེ་ལྷག་མ་མ་མཆིས་པའི་དོན་ལགས། བཀའ་སྩལ་པ། ་ལྷག་མ་ཡོད་པའི་དོན་ཀྱང་ཡིན། ལྷག་མ་མེད་པའི་དོན་ཀྱང་ཡིན་ནོ།། གསོལ་པ། སྦྱིན་པ་ཀུན་ཏུ་བསྔགས་པ་ཡིན།། སྦྱིན་པ་གང་དུའང་སྨད་མེད།། ཅེས་བགྱི་བ་འདིར་ལྷག་མ་མཆིས་པའི་དོན་དུ་ཇི་ལྟར་བཤད་ལག།། ་ཚོཚིགས་སུ་བཅད་པའི་དོན་ནི་གང་ལགས། ཚུལ་ཁྲིམས་ལྡན་པ་དང་། ཚུལ་ཁྲིམས་འཆལ་པའི་བྱེ་བྲག་ནི་ཅི་མཆིས། བཀའ་སྩལ་པ། གཅིག་མ་གཏོགས་པར་སྦྱིན་པ་ནི་ཐམས་ཅད་དུ་བསྔགས་སོ།། གསོལ ་པམ་གཏོགས་པ་གང་ལགས། བཀའ་སྩལ་པ། མདོ་སྡེ་འདི་ལས་ཚུལ་ཁྲིམས་འཆལ་པར་བརྩི་བ་གང་ཡིན་པའོ།། གསོལ་པ། བཅོམ་ལྡན་འདས། བཅོམ་ལྡན་འདས་ལ་དེང་བདག་འདི་ཁོ་ན ་ཞུ་ལགས་ན་མྱུར་དུ་བཀའ་སྩལ་དུ་གསོལ། བཀའ་སྩལ་པ། འདོད་ཆེན་པ་མ་གཏོགས་པར་སྦྱིན་པ་ནི་ཐམས་ཅད་དུ་བསྔགས་པ་ཡིན་ནོ།། གསོལ་པ། འདོད་ཆེན་པ་ཇི་ལྟ་བུ་ལགས། བཀའ་སྩལ་པ། ་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མའང་རུང་སྟེ། ཚིག་ངན་པས་མདོ་སྡེ་སྤངས་ནས་ཕྱིས་བཟོད་པར་གསོལ་བར་ཡང་མི་བྱེད་པ་དེ་ལྟ་བུ་གང་ཡིན་པ་དེ་ནི་འདོད་ཆེན་པའི ་ལམ་དུ་ཞུགས་པ་ཡིན་ནོ། ། ཕམ་པ་བཞི་བྱུང་བ་རྣམས་དང་། མཚམས་མེད་པ་ལྔ་བྱེད་བྱེད་པ་གང་ཡིན་པ་དེ་དག་ནི་བདག་ཅག་འཇིགས་པའི་གནས་ས་སགས་སོསམ་ཤེས་ཀྱང་འཇིགས་པར ་དམ་པའི་ཆོས་ཀྱི་ཕྱོགས་ཀྱང་མི་འཛིན། དམ་པའི་ཆོས་དབྱུང་ངོ་སྙམ་དུ་འབད་པར་ཡང་མི་བྱེད་ལ། དེ་ཉིད་ཀྱི་བསྔགས་པ་མ་ཡིན་པའང་རྗོད་པར་བྱེད་པ་དེ་དག་ཀྱང་འདོད་ཆེན་པའི་ལམ་དུ་ཞུགས་པ་ཡིན་ནོ།། ་སངས་རྒྱས་མེད་དོ།། ཆོས་མེད་དོ།། དགེ་འདུན་མེད་པ་ཞེས་ཟེར་བ་གང་ཡིན་པ་དེ་དག་ཀྱང་འདོད་ཆེན་པའི་ལམ་དུ་ཞུགས་པ་ཡིན་ནོ་ཞེས་ང་ཟེར་ཏེ། འདོད་ཆེན་པ་དེ་དག་མ་གཏོགས་པར་སྦྱིན་པ་ཐམས་ཅད་དུ་བསྔགས་སོ།། ་གསོལ་པ། དེ་ལ་ཚུལ་ཁྲིམས་འཆལ་པ་ཞེས་བགྱི་བ་གང་དག་ལགས། བཀའ་སྩལ་པ། ཕམ་པ་བཞི་བྱེད་བྱེད་པ་རྣམས་དང་། མཚམས་མེད་པ་ལྔ་བྱེད་བྱེད་པ་རྣམས་དང་། མདོ་སྡེ་སྤོང་བར་བྱེད་པ་དེ་དག ་ཉིད་དོ། ། གསོལ་པ། བཅོམ་ལྡན་འདས་ཅི་ལགས། དེ་དག་རྟག་ཏུ་ཚུལ་ཁྲིམས་འཆལ་བ་ཁོ་ན་ལགས་སམ། བཀའ་སྩལ་པ། འདི་ལ་རྒྱུ་ཡོད་དེ། དེས་ན་ཡེ་རྟག་པའང་ཡོད་དོ།། ཡེ་མི་རྟག་པའང་ཡོད་དེ། ་གང་དག་གོས་ཚོན་ཅན་གྱི་རྟགས་ཅན་རྣམས་དང་ལྷན་ཅིག་ཏུ་མི་གནས་ཤིང་། ཀྱེ་མ་བདག་ཅག་ནི་ཕམ་པ་བྱུང་བ་ཡིན་ཏེ། བདག་ཅག་གིས་ཉེས་པ་བྱས་སོ་སྙམ་ནས་འཇིགས་པར་ལྟ་ལ། དེ་དག་དམ་པའི་ཆོས་དབྱུང ་བར་བྱའོ་སྙམ་ནས་ཉམས་སུ་ལེན་པར་བྱེད་ཅིང་། དམ་པའི་ཆོས་ཀྱི་ཕྱོགས་འཛིན་པ་རྣམས་ཀྱི་བསྔགས་པ་བརྗོད་པར་བྱའོ།། ཆོས་མ་ཡིན་པའི་ཕྱོགས་རྣམས་ནི་ཚར་གཅད་པར་བྱའོ།། མཚུངས་པ་མེད་པའི་མད ་སྡེ་རྣམས་ནི་གདོན་པར་བྱའོ་སྙམ་དུ་བརྩོན་པར་བྱེད་པ་གང་ཡིན་པ་དེ་དག་ནི་ཚུལ་ཁྲིམས་འཆལ་པ་ཡིན་ནོ་ཞེས་ང་མི་ཟེར་རོ། ། ཅིའི་ཕྱིར་ཞེ་ན། རིགས་ཀྱི་བུ་དཔེར་ན་ཉི་མ་ཤར་ན་ལྷོ་བུར་གྱི་རྡུབ་སངས་པར་འགྱུར་བ་དེ ་བཞིན་དུ། མདོ་སྡེ་ཆེན་པོའི་ཉི་མ་འདི་ཤར་བ་ན་དེ་ལྟར་སྒོམ་པར་བྱེད་པར་སེམས་ཅན་རྣམས་ཀྱི་སྡིག་པའི་ཕུང་པོ་གྲངས་མེད་པ་བྱས་པ་རྣམས་ཟད་པར་འགྱུར་ཏེ། དེ་ལྟར་ན་དམ་པའི་ཆོས་འབྱིན ་ནི་འབྲས་བུ་ཆེ་བ་ཡིན་ནོ། ། མཚམས་མེད་པ་བྱེད་བྱེད་པ་རྣམས་དང་། མདོ་སྡེ་སྤོང་བ་གང་ཡིན་པ་དེ་དག་གལ་ཏེ་ཀྱེ་མ་བདག་ཅག་གིས་མདོ་སྡེ་སྤོང་བ་བྱས་པ་འདི་ནི་བདག་ཅག་རླག་པར་འགྱུར་བ་ཡིན་ཏེ། ཉེས་པ་བྱས་སོ་སྙམ ་འགྱོད་ཅིང་གདུང་བར་གྱུར་ནས་བདག་ཅག་གི་སྐྱབས་ནི་མདོ་སྡེ་འདི་ཉིད་ཡིན་ཏེ། འཁྲས་གཞན་མ་མཐོང་ངོ་སྙམ་དུ་སེམས་སྐྱེད་པར་བྱེད་ན་དེ་དག་ནི་ཟླ་བ་ཕྱེད་དམ། ཟླ་བ་གཅིག་གམ། དུས་སྲིད་ཀྱི་བར་དུ་མདོ་སྡེ་ལ ་སྐྱབས་སུ་མ་སོང་བའི་བར་དུ་ནི། དེ་དག་ལ་བྱིན་པ་འབྲས་བུ་ཆུང་བར་འགྱུར་རོ།། གང་གི་ཚེ་མདོ་སྡེ་ལ་སྐྱབས་སུ་སོང་བ་དེའི་ཚེ་ནི་དེ་དག་ཀྱང་ཡོན་གནས་སུ་འགྱུར་རོ།། གལ་ཏེ་མཚམས་མེད་པ་བྱེད་བྱེད་པའང་འགྱོད་དེ། ་ཀྱེ་མ་བདག་གིས་མི་རིགས་པ་བྱས་ཀྱི། བདག་གིས་དམ་པའི་ཆོས་དབྱུང་བར་བྱའོ་སྙམ་དུ་སེམས་ན། དེའང་མཚམས་མེད་པ་བྱེད་བྱེད་པ་མ་ཡིན་པར་རིག་པར་བྱ་སྟེ། དེ་ལ་ནི་ཆུང་ངུ་ཞིག་བྱིན་ནའང་འབྲས་བུ་ཡོད་དོ།། མཆོག་ཏུ་ཚུལ ་ཁྲིམས་འཆལ་པ་ཅིག་ཤོས་དེ་དག་ལ་བྱིན་པ་ནི་འབྲས་བུ་ཅུང་ཟད་ཀྱང་མེད་དོ། ། རིག་ཀྱི་བུ་གཞན་ཡང་ལམ་པ་བྱེད་བྱེད་པས་ཇི་ལྟར་བྱ་བ་ཉོན་ཅིག། ཕམ་པ་བྱེད་བྱེད་པས་ནི་ཆོས་ཀྱི་དེ་ཁོ་ན་ཉིད་དེ། དེ་བཞིན་གཤེགས་པའི ་སྙིང་པོ་ཁོང་དུ་ཆུད་པར་བྱས་ན་དམ་པའི་ཆོས་དབྱུང་བར་བྱའོ་སྙམ་དུ་བསམ་ན་དེ་ལ་བྱིན་པའང་ཆེས་ཁྱད་པར་ཅན་དུ་འགྱུར་རོ། ། རིགས་ཀྱི་བུ་དཔེར་ན་བུད་མེད་སྦྲུམ་མ་ཞིག་ཡུལ་འཁྲུགས་ནས་ཡུལ་གཞན་དུ་སོང་སྟེ། ལྷ་ཁང ་ཞིག་གི་ནང་དུ་བུ་ཁྱེའུ་ཞིག་བཙས་ཏེ་དེ་བདེ་བར་གྱུར་ནས་ཁྱེའུ་དེ་ཁྱེར་ཏེ། བདག་གི་ཡུལ་ཞི་བར་གྱུར་པའི་འོག་ཏུ་དེ་ལོགས་སུ་ཆས་པ་ལས། ཆུ་ཀླུང་ཆེན་པོ་ཞིག་དང་ཕྲད་ནས་ཆུ་དེ་བརྒལ་བ་ན་བུ་དང་བཅས་ཏེ་ཆུའི་ནང་དུ ་ཉམ་ཐག་པར་གྱུར་ནས། བདག་ནི་ཤིབང་བླའི། ཁྱེའུ་འདི་ཐར་བར་བྱའོ་སྙམ་ནས། དེས་དེའི་དོན་དུ་འབད་པ་ལས་བུ་དང་ལྷན་ཅིག་ཏུ་ཤི་ནས་སྔོན་མཆོག་ཏུ་འཇིགས་པའི་ལས་བྱས་སུ་ཟིན་ཀྱང་བུ་ལ་བྱམས་ཤིང་ཐར་པར ་བྱའོ་སྙམ་པའི་འབྲས་བུས་མཐོ་རིས་སུ་སྐྱེས་པ་དེ་བཞིན་དུ། ཕམ་པ་བྱེད་བྱེད་པ་དང་། མཚམས་མེད་པ་བྱེད་བྱེད་པ་ལས་དམ་པའི་ཆོས་འབྱིན་པར་བྱེད་པ་དེ་དག་ནི། སྔོན་སྡིག་པའི་ལས་བྱས་སུ་ཟིན་ཀྱང་དམ་པའི་ཆོས ་འབྱིན་པའི་འབྲས་བུས་བུད་མེད་དེ་དང་འདྲ་བར་སེམས་ཅན་ཐམས་ཅད་ཀྱི་ཡོན་གནས་སུ་འགྱུར་ཏེ། དམ་པའི་ཆོས་འབྱིན་པའི་འབྲས་བུ་ནི་དེ་ལྟར་ཆེའོ།། གསོལ་པ། བཅོམ་ལྡན་འདས་འདོད་ཆེན་པོ་འདོད་ཆེན་པར ་ལྷུང་བར་གྱུར་པ་ལས། སླད་ཀྱིས་གཞི་གསུམ་ལ་འཆགས་པར་བགྱིད་ཅིང་བཟོད་པར་གསོལ་བར་བགྱིད་ན་ཅི་ལགས། དེ་ལ་སྩལ་བའང་འབྲས་བུ་ཆེ་བར་མི་འགྱུར་ལགས་སམ། བཀའ་སྩལ་པ། རིགས་ཀྱི་བུ ་དེ་སྐད་མ་ཟེར་ཅིག། དཔེར་ན་མི་ལ་ལ་ཞིག་གིས་ཤིང་ཐོག་ཨ་མྲ་ཟོས་ནས་རུས་པ་ས་ལ་བོར་བའི་འོག་ཏུ་དེས་འདི་སྙམ་དུ་བསམས་ཏེ། ནང་གི་ཚིག་གུ་ཞིམ་ཡང་དག་སྙམ་ནས། དེས་དེའི་ཕྱི་རོལ་རུས་པ་བོར་ཏེ ་ཚིག་གུ་ཟོས་པ་དང་། དེས་དེའི་རོ་མི་ཞོམ་པར་ཚོར་ནས་ཡང་བོར་རོ།། དེ་ནས་དེས་ཀྱི་ཧུད་བདག་གིས་ས་བོན་མ་རུང་བར་བྱས་སོ་སྙམ་དུ་བསམས་ནས། ས་བོན་དེ་ཕྱིར་རུས་པའི་ནང་དུ་བཅུག་ནས་ས་བརྐོས་པའི་འོག་ཏུ་བཅུག ་ཨུ0f7f། ཁོམ་དང་མམ་ཐུ་བྱུགས་པ་ཆེན་བ་ན་གདུ་ས་པན་དན་མདྲང་བར་བྱས་པ་སྡེ་བ་མྱི་ར། སྐྱེ་འི་སྲིང་པོ།། ནས་རྗེས་པོན་ནི་འདྲ་བར་བྱས་ས ་མི་འགྱུར་རོ་སྙམ་ནས། ངལ་བར་གྱུར་ཏེ་ཅང་མི་ཟེར་བར་འདུག་པ་དེ་བཞིན་དུ། འདོད་ཆེན་པ་ལའང་ས་བོན་མེད་དེ། འདོད་ཆེན་པ་འཆགས་ཤིང་བཟོད་པ་གསོལ་བའི་སེམས་བསྐྱེད་པ་ནི་མི་སྲིད་དོ།། ་བས་ན་འདོད་ཆེན་པ་དེ་ལྟ་བུ་ལ་ནི་ཐམས་ཅད་དུ་སྦྱིན་པ་འབྲས་བུ་ཆེ་བ་མ་ཡིན་ནོ།། དགྲ་བཅོམ་རྣམས་ལ་ཕུལ་བའི་འབྲས་བུའང་ཐ་དད་ངོ་།། རང་སངས་རྒྱས་རྣམས་ལ་ཕུལ་བའི་འབྲས་བུའང་ཐ ་དད་དོ། ། དེ་བཞིན་གཤེགས་པ་རྣམས་ལ་ཕུལ་བའི་འབྲས་བུའང་ཐ་དད་དོ།། དེ་བས་ན་ཐམས་ཅད་དུ་སྦྱིན་པའི་འབྲས་བུ་བྱ་བ་མ་ཡིན་ནོ།། གསོལ་པ།། ཅིའི་སླད་དུ་བཅོམ་ལྡན་འདས་ཀྱིས་ཚིགས་སུ ་བཅད་པ་འདིའི་དོར་རྣམ་པ་གཉིས་སུ་བཀའ་སྩལ་ལགས། ། བཀའ་སྩལ་པ། རྒྱུ་ལས་འགྱུར། སྔོན་རྒྱལ་པོའི་ཁབ་ཀྱི་དགེ་བསྙེན་དད་པ་མེད་པ་གཅེར་བུ་པ་ལ་དགའ་བ་ཞིག་ཡོད་པ་དེས། དེ་ལ་སྦྱིན་པ་བྱ ་བཅིར་འགྱུར་བ་དྲིས་པ་དེའི་ཚེ་དེ་དྲང་བའི་ཕྱིར་སྦྱིན་པ་ཀུན་ཏུ་བསྔགས་པ་ཡིན་ཞེས་བྱ་བའི་རིགས་སུ་བཅད་པ་དེ་དེ་ལ་བསྟན་ཏོ། ། ད་ནི་བྱང་ཆུབ་སེམས་དཔའ་རྣམས་ཀྱི་དོན་དུ་ཚིགས་སུ་བཅད་པའི་དོན་དགོངས ་པའི་ཚིག་སུ་བསྟན་ཏེ། དུས་ཐམས་ཅད་དུ་ཚོགས་སུ་བཅད་པའི་དོན་འདྲ་བར་བསྟན་པ་མ་ཡིན་ནོ།། ཐམས་ཅད་ཅེས་བྱ་བ་ནི་སྐས་དང་སྦྱར་ཏེ། ཚིག་གི་ལྷག་མ་ཡོད་པར་རིག་པར་བྱའོ།། བྱང་ཆུབ་སེམས ་དཔའི་མི་མཆོག་གིས་ནི་ཚུལ་ཁྲིམས་འཆལ་པ་རྣམས་ཞིང་གི་རྗེ་བཞིན་དུ་ཚར་གཅད་པར་བྱའོ། ། རིགས་ཀྱི་བུ་གཞན་ཡང་ངས་སྔོན་ཚིགས་སུ་བཅད་པ་འདི་བསྟན་ཏེ། འདི་ལྟ་སྟེ། ཆུ་ཀླུང་ཆུ་ཀུན་གྱ་གྱུར་འབབ ་ནགས་ཚལ་ཀུན་ནི་ཤིང་ཉིད་ཡིན། ། བུད་མེད་ཀུན་ལ་གཡོ་རྒྱུ་ཡོད།། དབང་ཕྱུག་ཐམས་ཅད་བདེ་བ་ཡིན།། བུད་མེད་རྣམས་ཀྱི་སེམས་ནི་གཡོ་སྒྱུ་ཅན་དང་། འཇིགས་སུ་རུང་བ་ཡིན་ནོ།། ་ནས་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་སླར་ཚིགས་སུ་བཅད་དེ་གསོལ་པ། ཆུ་ཀུན་གྱ་གྱུར་འབབ་མ་ལགས ་ནགས་ཚལ་ཀུན་ཀྱང་ཤིང་མ་ལགས། ། བུད་མེད་ཀུན་ལའང་གཡོ་མ་མཆིས།། དབང་ཕྱུག་ཀུན་ཀྱང་བདེ་མ་ལགས།། དེ་བས་བཅོམ་ལྡན་འདས་ཀྱིས་ཆོས་ཀྱི་སྒོ་དེ་སྐད་དུ་བཀའ་སྩལ་པ་ནི་ལེགས་པར་བཀའ ་སྩལ་པ་མ་ལགས་ཏེ། འདི་ལ་རྒྱུ་ཅི་མཆིས་པ་བཀའ་སྩལ་འཚལ་ལགས་སོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ནི་གླིང་ཐ་དད་པ་ནུབ་ཀྱི་བ་གླང་སྤྱོད་ཅེས་བགྱི་བ་མཆིས་ཏེ། དེ་ན་ཆུ་ཀླུང ་གི་མིང་དྲང་པོར་འབབ་ཅེས་བགྱི་བ། ཤིང་མཁན་གྱི་ཐིག་སྐུད་བཞིན་དུ་ནུབ་ཕྱོགས་ཀྱི་མཚོ་ནས་ཤར་ཕྱོགས་ཀྱི་རྒྱ་མཚོར་དྲང་པོར་འབབ་པ་ཞིག་མཆིས་ལ། ཐམས་ཅད་ཅེས་བགྱི་བ་ནི་ཤིན་ཏུ་རྒྱས་པའི་ལུང ་ལས་ལྷག་མ་ཡོད་པའི་དོན་ལགས་པར་བཅོམ་ལྡན་འདས་ཀྱིས་བཀའ་སྩལ་ན། ཆུ་ཀླུང་དྲང་པོར་འབབ་ཅེས་བགྱི་བ་དེ་ཤིན་ཏུ་རྒྱས་པའི་ལུང་གི་མདོ་གང་ལས་བཤད་པ་བཅོམ་ལྡན་འདས་བདེན་པ་གསུང་བས་བཀའ ་@#། ། སྩལ་དུ་གསོལ།། དཔེར་ན་ནོར་གྱི་འཐུང་ཁུང་གི་རྒྱས་མ་ངན་འབྱུང་ཁུང་ལ་མི་མཁས་པ་ཞིག་གིས་དེ་ཁོན་ན་གསེར་མཆིས་བཞིན་དུ། འདིག་སེར་མ་མཆིས་སོ་ཞེས་མཆིས་པས་ནི། གནས་ཀྱི་ཕྱོགས་མའི་ཕྱེ ་བྲག་ཙམ་ཉི་ཚེ་ཤེས་པར་བགྱི་ལགས་སོ། ། ནགས་ཚལ་ཀུན་ནི་ཤིང་ཉིད་ཡིན་ནོ་ཞེས་བགྱི་བ་ནི། ལྷག་མ་ཡོད་པའི་དོན་ལགས་ན། ནགས་ཚལ་རྣམ་པ་མང་དུ་མཆིས་ཏེ། འདི་ལྟ་སྟེ། གསེར་དང་བཻ་ཌཱུརྱའི་ནགས་ཚུལ ་ཡང་མཆིས་ལགས་སོ། ། དེ་བཞིན་དུ་བུད་མེད་ཀུན་ལ་གཡོ་རྒྱུ་ཡོད་ཅེས་བགྱི་བའང་ལྷག་མ་ཡོད་པའི་དོན་ལགས་ཏེ། བུད་མེད་ལའང་ཚུལ་ཁྲིམས་དང་ལྡན་པ་དང་། འདོད་ཆགས་དང་བྲལ་བ་དང་། སེར ་སྣ་མ་མཆིས་པ་དུ་མ་མཆིས་ལགས་སོ། ། དབང་ཕྱུག་ཐམས་ཅད་བདེ་བ་ཡིན་ཞེས་བགྱི་བ་དེའང་ལྷག་མ་ཡོད་པའི་དོན་ལགས་ཏེ། དབང་ཕྱུག་ཅེས་བགྱི་བ་ནི་འཁོར་ལོས་སྒྱུར་བའི་རྒྱལ་པོ་དང་སངས་རྒྱས ་རྣམས་དབང་ཕྱུག་གི་མཆོག་ལགས་མོད་ཀྱི། དེ་དག་ཀྱང་འཆི་འཕོའི་དབང་དུ་འགྱུར་ཞིང་ཟད་པའི་ཆོས་ཅན་ལགས་ན། ཚངས་པའི་དབང་ཕྱུག་འདི་དག་ཀྱང་ལྟུང་བའི་ཆོས་ཅན་ལགས་ཏེ། དེ་བས་ན་དེ ་དག་ནི་དབང་ཕྱུག་མ་ལགས་ཞེས་བདག་མཆི་ལགས་སོ། ། རྟག་པ་དང་བརྟན་པའི་དབང་ཕྱུག་གང་ལགས་པ་དེ་ནི། མྱ་ངན་ལས་འདས་པ་མཆོག་ཏུ་བདེ་བའི་དབང་ཕྱུག་ལགས་སོ།། བཀའ་སྩལ ་པ། འཇམ་དཔལ་དཔེར་ན་སྨན་པ་ཞིག་གིས་ཁྱིམ་བདག་གི་བུ་ཞིག་གི་གསོ་བར་བྱེད་དེ། སྨན་མར་བསྐོལ་ནས་དེ་འཐུང་དུ་བཅུག་པ་ན་ནད་པ་དེ་མར་མང་དུ་འཐུང་བར་སྩོལ་ལོ།། དེ་ནས་སྨན ་པ་དེས། དེ་ལ་སྨྲས་པ། ཉམ་སྟོབས་དང་ལྡན་པས་ནི་མར་མང་དུ་བཏུང་པར་སྩལ་ཀྱང་དེས་འཇུ་བར་ནུས་ཀྱི། ཁྱོད་ནི་ཉམ་སྟོབས་མེད་པས་མར་ཧ་ཅང་མང་དུ་མ་འཐུང་ཞིག། མར་ནི་ནུད་སེལ ་བའང་ཡིན་མོད་ཀྱི། མང་དུ་འཐུངས་ན་དེ་ཉིད་ཀྱིས་ཁྱོད་ཡེ་འདྲེག་ཏུ་འཆི་བར་འགྱུར་རོ་ཞེས་བྱས་ན། ཅི་སྨན་པ་ཕན་པར་འདོད་པ་དེས་སྙིང་བརྩེ་བ་དེས་ཡང་དག་པའི་དོན་དེ་མ་རུང་བར་བྱས་པ་ཡིན་ནམ།། ་དེ་བཞིན་དུ་སངས་རྒྱས་བཅོམ་ལྡན་འདས་ཀྱིས་ཀྱང་རྒྱལ་པོ་དང་། བློན་པོ་དང་། བཙུན་མོ་རྣམས་ཀྱི་ང་རྒྱལ་བསལ་བ་དང་། ཀོ་ས་ལའི་རྒྱལ་པོ་གསལ་རྒྱལ་གྱི་བཙུན་མོ་རྣམས་གཞན་དང་གཡེམ་པ་ལ་འཇིག ་པ་དང་སྐྱོ་བ་སྐྱེད་པའི་ཕྱིར། སྨན་པ་བཞིན་དུ་དེ་བཞིན་གཤེགས་པས་རྒྱལ་པོ་གསལ་རྒྱལ་ལས་བརྩམས་ནས། ཆུ་ཀླུང་ཆུ་ནི་གྱ་གྱུར་འབབ་ཅེས་ཚིགས་སུ་བཅད་པ་འདི་དག་བཀའ་སྩལ་ཏེ། ཆུ་ཀླུང་གྱ་གྱུར་འབབ ་ཅེས་བྱ་བ་ལ་དེ་བཞིན་གཤེགས་པ་འཁྲུལ་པ་མི་མངའ་འོ། ། གང་གི་ཚེ་འཁྲུལ་པ་ཞིག་ཏུ་གྱུར་ན་གནམས་ལོག་པར་འགྱུར་རོ།། དེ་བས་ན་ཐམས་ཅད་སྨོས་ཏེ་བསྲུངས་པ་ནི་ལྷག་མ་ཡོད་པའང་མེད། ལྷག་མ ་མེད་པ་དང་འདྲ་བར་གསུངས་སོ། ། འཇམ་དཔལ་བྱང་ཆུབ་སེམས་དཔའི་ཁྱུ་མཆོག་དམ་པ་ཁྱོད་ཀྱིས་སེམས་ཅན་ཐམས་ཅད་ལ་ཕན་པའི་ཕྱིར་ཤེས་རབ་རྒྱས་པར་བྱེད་པ་འདི་ལེགས་སོ་ལེགས་སོ།། དེ་ནས ་འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ལ་ཡང་ཚིགས་སུ་བཅད་དེ་གསོལ་པ། བདག་གིས་བྱས་དང་མ་བྱས་རྣམས།། བརྟག་པར་བྱ་ཡི་གཞན་དག་གིས། བྱས་དང་མ་བྱས་རྣམས་དང་ནི།། ་གཞན་གྱི་མི་མཐུན་བརྟག་མི་བྱ།། ཞེས་བཅོམ་ལྡན་འདས་དེ་བཞིན་གཤེགས་པས་ཆོས་ཀྱི་སྒོ་སྐད་དུ་བཀའ་སྩལ་པ་ནི། ལེགས་པར་བཀའ་སྩལ་པ་མ་ལགས་ཏེ། འདི་ལ་ཅིའི་སླད་དུ་དེ་སྐད ་ཅེས་བཀའ་སྩལ་པའི་རྒྱུ་བཀའ་སྩལ་འཚལ་ལགས་སོ། ། བཅོམ་ལྡན་འདས་ཀྱིས་གསུངས་རབ་ཡན་ལག་དགུ་ལས་འདྲི་ན་གཅེར་བུ་པ་སེམས་ཅན་དམྱལ་བ་ཐམས་ཅད་དང་། ཡ་མཚན་ཅན་དགུ་བཅུ་རྩ་དྲུག་པོ ་རྣམས་ནི་ལམ་ངན་པར་ཞུགས་པ་ཡིན་ནོ། ། སངས་རྒྱས་ཀྱི་སྲས་ཐམས་ཅད་ནི་མྱ་ངན་ལས་འདས་པ་ལ་ཞུགས་པ་ཡིན་ནོ།། དྲང་པོ་དང་། ཚུལ་ཁྲིམས་དང་། ཆོ་ག་དང་ལྡན་པ་དང་། དབང་པོ་ཐུལ་བ ་གང་ཡིན་པ་དེ་དག་ཐམས་ཅད་ནི་མཐོ་རིས་སུ་འགྲོ་བ་དང་ཆོས་ཀྱི་སྤྱོད་ཡུལ་ཅན་ཡིན་ནོ་ཞེས་བདག་བསྟོད་པ་དང་། གཞན་སྨོད་པ་དང་། གཞན་གཤུད་བ་བཀའ་སྩལ་ཏེ། བཅོམ་ལྡན་འདས་ཀྱིས་ད་ལྟར་གཞན ་དང་མི་མཐུན་པ་རྣམས་ཀྱང་བཀའ་སྩལ་པ། གཞན་དག་དང་མི་མཐུན་པ་ཞེས་བགྱི་བའང་མ་ལགས་པ་དེ་ཇི་ལྟ་བུ་ལགས།། དེ་ནས་བཅོམ་ལྡན་འདས་ཀྱིས། འཇམ་དཔལ་གཞོན་ནུར ་གྱུར་པ་ལ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུ་ངས། གཞན་གྱི་མི་མཐུན་རྟག་མི་བྱ།། ཞེས་བསྟན་པ་དེ་གང་ལས་ནི་བརྩམས། ཅིའི་ཕྱིར་ནི་བསྟན་ཅེ་ན། མ་སྐྱེས་དགྲ་ལས་བརྩམས་ནས་བསྟན ་པ་ཡིན་ཏེ། སངས་རྒྱས་བཅོམ་ལྡན་འདས་ནི་རྒྱུ་མེད་པར་དོན་དང་འགལ་བ་སྟོན་པར་མི་མཛད་ཀྱི། རྒྱུ་དང་བཅས་རྐྱེན་དང་བཅས་པར་མཛད་དེ། སྔོན་མ་སྐྱེས་དགྲས་པ་བསད་ནས་ངའི་ཐད་དུ་འོངས ་ནས་འདི་ལྟར་བརྙས་སཔས་སུ་དྲི་བ་ཛིས་ཏེ། ཅི་ལགས། བཅོམ་ལྡན་འདས་ཐམས་ཅད་མཁྱེན་པ་ལགས་སམྦྷ། འོན་ཏུ་ཐམས་ཅད་མཁྱེན་པ་མ་ལགས། གལ་ཏེ་ཐམས་ཅད་མཁྱེད་པ་ལགས་ན ་ཅིའི་སླད་དུ་ལྷ་སྦྱིན་རབ་ཏུ་བྱུང་ལགས། དེ་ཚེ་རབས་སྟོང་ཕྲག་མང་པོར་ཕྱི་གཞིན་འབྱུང་ཞིང་གནོད་པ་བགྱིད་པར་གཟིགས་ན། ད་ལྟར་ཡང་རྒོལ་དུ་འོང་བར་ཐམས་ཅད་མཁྱེན་པ་ཁྱོད་ཇི་ལྟར་མ་ག ་ཞེས་ཟེར་ནས་ངས་དེ་ལ་འདི་སྐད་དུ། གཞན་གྱི་མི་མཐུན་བརྟག་མི་བྱ།། ཞེས་ཚིགས་སུ་བཅད་པ་བསྟན་ཏེ། དེ་ནི་རྒྱལ་པོ་ཆེན་པོ་ཁྱོད། བདག་གིས་ཕ་བསད་དེ་མཚམས་མེད་པའི་ལས་ཀྱི་རབ་ཏུ ་དུག་ཆེན་པོ་བྱས་པ་དེ་སྦྱང་བར་གྱིས་ཤིག། རྒྱལ་པོ་གཞན་གྱི་ཉེས་པ་ལ་མ་རྟོག་པར་དེ་ལྟ་བུ་ཁོང་དུ་རུད་པར་གྱིས་ཤིག་ཅེས་བྱས་སོ།། གཞན་ཡང་མི་མཐུན་པ་བརྟག་པར་ཡང་བྱ་སྟེ། ཚུལ་ཁྲིམས ་དང་ཆོ་ག་ལ་བསྟན་པ་གང་ཡིན་པ་དེ་དག་གི་སྐྱོན་བརྟག་པ་ལྷུར་བླང་བར་བྱ་སྟེ། དེ་ནི་སངས་རྒྱས་ཀྱི་བསྟན་པ་ཡིན་ནོ།། གཞན་གྱི་མི་མཐུན་པ་ལ་རྟོག་པ་རྣམས་ཀྱིས་ནི་བདག་དང་གཞན་དག་གིས་བྱས་པ ་དང་རྣ་མ་བྱས་པ་ནི་བདག་དང་གཞན་དག་གི་ཡིན་པར་ཤེས་པར་བྱའོ། ། དེ་ལྟ་བུའི་ཚུལ་གྱིས་གཞན་གྱིས་བྱས་པ་རྟག་ཏུ་ཡང་དག་པར་མཐོང་བ་གང་ཡིན་པ་དེ་དག་ནི་ངའི་ཉན་ཐོས་ཡིན་ནོ་ཞེས་ང་ཟེར ་རོ། དེ་ནས་ཡང་བཅོམ་ལྡན་འདས་ཀྱིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། ཆད་པ་གང་གིས་ཐམས་ཅད་སྐྲག། ཀུན་ལ་སྲོག་ནི་འཕངས་པ་ཡིན། བདག་གི། ་ཉམས་ལས་དཔག་བྱ་ཞིང་།། བརྡེག་པར་མི་བྱ་གསད་མི་བྱ།། དེ་ནས་བཅོམ་ལྡན་འདས་ལ། འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། ཆད་པས་ཐམས ་ཅད་སྐྲག་མི་འགྱུར། ། སྲོག་ཀྱང་ཀུན་ལ་འཕངས་མ་ལགས།། བདག་གི་ཉམས་ལས་དཔག་འགྱུར་ཞིང་།། ཐབས་ཀྱིས་བགྱི་བ་རྟོགས་པར་བགྱི།། དེ་བས་ན་བཅོམ་ལྡན་འདས་ཀྱིས་ཆོས་ཀྱི་སྒོ་དེ་སྐད་དུ ་བཀའ་སྩལ་པ་ནི་ལེགས་པར་བཀའ་སྩལ་པ་མ་ལགས་ཏེ། དགྲ་བཅོམ་དང་ནི་འཁོར་ལོས་སྒྱུར།། གླང་རྟེན་བུད་མེད་རིན་ཆེན་དྲང་།། ཁྱིམ་བདག་རིན་ཆེན་རྟ་རྣམས་ནི།། གནོད་པ་ཅིས་ཀྱང་མི་ཚུགས ་སོ། ། ཁདི་རྣམས་ལ་ནི་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ན་སུས་ཀྱང་གནོད་པར་བགྱིད་པའི་རྔོ་མི་ཐོགས་ཏེ། དགྲ་དྲག་ཤུལ་གྱི་སྟོབས་ཅན་རྣམས་ཀྱིས་ཀྱང་དེ་དག་ལ་གནོད་པས ་འཇིགས་མི་སྲིད་ལགས་སོ། ། དེ་དག་ནི་ལྷ་དང་། བདུད་དང་། ཚངས་པ་རྣམས་ཀྱིས་ཀྱང་མི་འཇིགས་ལགས་སོ།། དེ་བས་ན་སེམས་ཅན་དེ་དག་ནི་ཅིས་ཀྱང་མི་ཚུགས་པ་ཞེས་བགྱི་ལགས་སོ།། ་གཡུལ་ངོར་གཅིག་ཏུ་དཔའ་བ་དང་། གཅིག་ཏུ་ཁྱིམ་ཐ་བ་ལ་མི་འཁུ་བའི་ཆུང་མ་དང་། སེང་གེ་དང་། སིནྡ་དུ་པའི་རྟ་ཅང་ཤེས་དང་། དགེ་སློང་ཚུལ་ཁྲིམས་དང་ལྡན་པ་འདི་རྣམས་ནི་གནོད་པས ་ཚུགས་པ་ལགས་ཀྱི་ཀྱང་ཅིས་ཀྱང་མི་འཇིགས་ལགས་སོ། ། དེ་ལ་ཆང་པ་དག་གིས་ཐམས་ཅད་སྐྲག། ཅེས་བགྱི་བ་ནི་འདིར་ལྷག་མ་ཡོད་པའི་དོན་ལགས་པས་ན་མདོར་བསྡུས་པ་ལགས་སོ།། ་བདག་གི་ཉམས་ལས་དཔག་བྱ་ཞིང་།། ཞེས་བགྱི་བ་དེའང་ལྷག་མ་ཡོད་པའི་དོན་ལགས་ཏེ། དགྲ་བཅོམ་པ་རྣམས་ནི་བདག་དང་མི་མའམ་མེ་ཞེས་དེ་ལྷུར་འཇིག་རྟེན་དུ་གྲགས་ལགས་སོ།། གལ་ཏེ་དགྲ་བཅོམ ་པ་རྣམས་ཀྱི་བདག་ཏུ་འདུ་ཤེས་པ་དང་། དགྲ་བཅོམ་པ་རྣམས་ཀྱི་སྲོག་ཏུ་འདུ་ཤེས་པ་བསྲུངས་པ་ལགས་སོ་ཞེས་དེ་ལྟར་ལྟ་བའི་བློ་ཆུང་ངུ་རྣམས་ཀྱི་ནི། དགྲ་བཅོམ་པ་གནས་ངན་པར་བཞག་པ་ལགས་ཏེ།། ། ་དེ་ལྟར་བགྱིས་པའི་སྲོག་ཏུ་འདུ་ཤེས་པའི་ལྟ་བ་ངན་པས་རྨོངས་པའི་འབྲས་བུས་མྱུར་དུ་མནར་མེད་སྐྱེ་བར་འགྱུར་ལགས་སོ།། གཅིག་ཏུ་ན་གལ་ཏེ་དགྲ་བཅོམ་པ་རྣམས་གསང་པའི་སེམས་བསྐྱེད་དུ་ལགས ་ཀྱང་སེམས་ཅན་དེ་དག་གིས་གསོད་པར་འགྱུར་མི་སྲིད་དེ། སེམས་ཅན་མང་པོ་ལོག་ཀྱང་དེ་དག་གསོད་པའི་རྔོ་མི་ཐོགས་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། སྲོག་རུགས་རྣམས ་ལ་སྙིང་བརྩེ་བའི་ཕྱིར་བདག་དང་འདྲ་བར་བལྟའོ། ། དགྲ་བཅོམ་པ་ནི་འཚེ་བ་མེད་པའི་སྒོ་ནས་དཔག་ཏུ་མེད་པ་དང་། མ་རུངས་པ་མེད་པར་བལྟ་བར་བྱ་སྟེ། དེ་དག་ལ་གསད་པའི་སེམས་བསྐྱེད ་པར་མི་བྱའོ། ། དེ་ལྟར་ན་སངས་རྒྱས་ནི་རྒྱུ་མེད་པར་དོན་དང་འགལ་བར་མི་སྟོན་ཏེ། ཚིགས་སུ་བཅད་པ་འདི་ནི་རྒྱལ་པོའི་ཁབ་ཀྱི་རི་དགས་ཀྱི་རྔོན་པ་ལས་བརྩམས་ནས་བསྟན་ཏེ། དེས་རི་དགུས ་བསད་ནས་ཤ་དང་ལྡན་པའི་ཟས་ཀྱི་སྦྱིན་པ་ལ་སྤྱན་དྲངས་ན་ས། ངས་ཀྱང་དེས་སྤྱན་དྲངས་པ་ལ་གནང་ནས་སྒྲ་གཅན་ཟིན་དང་འདྲ་བར་བལྟ་བའི་ཚུལ་གྱིས་ཚིགས་སུ་བཅང་པ་འདི་སྐད་ཅེས ་བྱས་སོ། ། ཆང་པ་དག་གིས་ཐམས་ཅད་སྐྲག། ཀུན་ལ་སྲོག་ནི་འཕངས་པ་ཡིན།། བདག་གི་ཉམས་ལས་དཔག་བྱ་ཞིང་།། བརྡེག་པར་མི་བྱ་གསད་མི་བྱ།། མིག་རྒྱང་རིང་དུ་ལྟོས་ལ། ་རིང་དུ་འཚོ་བར་གྱིས་ཤིག། འཚེ་བ་མེད་པའི་རྟགས་ཀྱི་དོན་ཁོང་དུ་ཆུད་པར་གྱིས་ཤིག། བྱང་ཆུབ་སེམས་དཔའ་རྣམས་ཀྱི་ནང་ན་མོའི་ཁྱུ་མཆོག་འཇམ་དཔལ་ལེགས་སོ་ལེགས་སོ།། སེམས་ཅན་ཐམས ་ཅད་ལ་ཕན་པའི་ཕྱིར། དགོངས་པའི་ཚིག་འདི་དྲིས་པ་དེ་ནི་ལེགས་སོ།། དེ་ནས་བཅོམ་ལྡན་འདས་ལ། འཇམ་དཔལ་གཞོན་ནུར་གྱུར་པས་ཚིགས་སུ་བཅད་དེ་འདི་སྐད་ཅེས་གསོལ་ཏོ།། མ་ལ་མཆོད ་པའི་ཚུལ་གྱིས་ནི། ། ཕ་མ་གཉིས་ལ་མཆོད་བགྱིས་ན།། བླ་མ་ལ་ཡང་གུས་གྱུར་ལ།། མནར་མེད་འཇིགས་པར་ཇི་ལྟར་མཆིས།། དེ་ནས་བཅོམ་ལྡན་འདས་ཀྱིས་ཚིགས་སུ་བཅད་དེ་འདི་སྐད་ཅེས་བཀའ ་སྩལ་ཏོ། ། འདྲིར་ནི་སྲིད་པ་མ་ཞེས་བྱ།། གཏི་མུག་ལ་ནི་ཕ་ཞེས་བྱ།། ཆོས་འདི་གཉིས་ལ་གང་མཆོད་པ།། དེ་ནི་མནར་མེད་འཇིགས་པར་འགྲོ།། དེ་ནས་བཅོམ་ལྡན་འདས་ཀྱིས། ཡང་འཇམ་དཔལ་གཞོན ་ནུར་གྱུར་པ་ལ་ཚིགས་སུ་བཅད་པ་འདི་སྐད་ཅེས་བཀའ་སྩལ་ཏོ། ། གཞན་གྱི་དབང་གྱུར་ཐམས་ཅད་སྡུག། རང་དབང་ཅན་ནི་ཐམས་ཅད་བདེ།། ང་རྒྱལ་དབང་གྱུར་ཀུན་མི་བཟད་།། དགའ་བ་ཐམས་ཅད་བཟང་བ ་ཡིན། ། དེ་ནས་བཅོམ་ལྡན་འདས་ལ། འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་ཆོས་ཀྱི་སྒོ་དེ་སྐད་དུ་བཀའ་སྩལ་པ་ནི་ལེགས་པར་བཀའ་སྩལ་པ་མ་ལགས ་ཏེ། འདི་ནི་ཁྱིམ་བདག་ལ་ལ་ཞིག་བདག་གི་བུ་བྱིས་པའི་སློབ་དཔོན་ལ་གཏད་ན་ཅི་ལགས། ཁྱེའུ་དེ་གཞན་གྱི་དབང་དུ་གྱུར་པ་ཞེས་མི་བགྱི་ལགས་སམ། དེ་ལ་གཞན་གྱི་དབང་དུ་གྱུར་པ་མ་ལགས་སོ་ཞེས ་བགྱིས་ནའང་དོན་དང་འགལ་བར་འགྱུར་ལ། དེའང་རང་དབང་ཅན་ལགས་སོ་ཞེས་བགྱིས་ནའང་དོན་དང་འགལ་བར་འགྱུར་ཏེ། ཆོས་འདི་ནི་ཤིན་ཏུ་བརྟག་དཀའ་བ་ལགས་སོ།། འདི་ན་རྒྱལ་པོའི་བུ་ལ ་ལ་བཅོས་སུ་མི་རུང་བར་འགྱུར་ཏེ། དེ་ཅིའང་སློབ་མི་འཚལ་ནས་རང་དགའ་དང་རང་ཉམས་དུ་འཁྱམ་པ་དེ་ལ་རང་དབང་ཅན་མ་ལགས་ཞེས་བགྱིས་ན་ནི་དོན་དང་ཚབས་ཆེར་འགལ་བར་འགྱུར་ལ། ་གཞན་གྱི་དབང་དུ་གྱུར་ཏོ་ཞེས་བགྱིས་ན་ནི་དོན་དང་འགལ་བར་འགྱུར་ཏེ། ཆོས་འདི་ནི་ཤིན་ཏུ་བརྟག་དཀའ་བ་ལགས་སོ།། གཞན་གྱི་དབང་གྱུར་ཅེས་བགྱི་བའི་ཚིག་བླ་དགས་ནི། དེ་རང་དབང་དུ་གྱུར་ན ་སྡིག་པ་བགྱིད་པ་དང་འགུམ་པར་འགྱུར་བས་ན། བཀའ་སྩལ་པ་འདི་ནི་ལྷག་མ་ཡོད་པའི་དོན་ལགས་ཏེ། དེ་བས་ན་གཞན་གྱི་དབང་དུ་གྱུར་པ་ཐམས་ཅད་སྡུག་པའང་མ་ལགས། རང་དབང་ཅན་ཐམས ་ཅད་བདེ་བའང་མ་ལགས་སོ། ། ང་རྒྱལ་དབང་གྱུར་ཀུན་མི་བཟད་།། ཅེས་བགྱི་བ་དེའང་ལྷག་མ་ཡོད་པའི་དོན་ལགས་ཀྱི། ང་རྒྱལ་གྱི་དབང་དུ་གྱུར་པ་ཀུན་མི་བཟད་པའང་མ་ལགས་ཏེ། འདི་ནི་ལ་ལ ་ཞིག་ང་རྒྱལ་གྱི་དབང་གིས་རབ་ཏུ་བྱུང་ན་ཅི་ལགས། རབ་ཏུ་བྱུང་བ་དེ་ང་རྒྱལ་གྱི་དབང་དུ་གྱུར་པ་ཀུན་མི་བཟད་པ་ཅེས་བགྱི་ལགས་སམ། དེ་ནི་ང་རྒྱལ་མ་མཆིས་པ་དང་། བསོད་ནམས་དང་ལྡན་པ་དང་། ་ཚུལ་ཁྲིམས་དང་ཆོ་ག་དང་ལྡན་པ་དང་། དབང་པོ་བསྲུངས་པ་ལགས་ཏེ། དེ་བས་ན་ང་རྒྱལ་གྱི་དབང་དུ་གྱུར་པ་ཀུན་མི་བཟད་པའང་མ་ལགས་སོ།། དགའ་བ་ཐམས་ཅད་བཟང་། ་བ་ཡིན།། ཞེས་བགྱི་བ་དེའང་ལྷག་མ་ཡོད་པའི་དོན་ལགས་ཀྱི། དགའ་བ་ཐམས་ཅད་ཀྱང་བཟང་བ་མ་ལགས་ཏེ། བསྟན་པ་འདི་ལ་ཕམ་པ་བྱུང་བ་རྣམས་གོས་ཚེན་ཅན་གྱི་རྟགས་ཅན་རྣམས་དང ་ལྡན་ཅིག་འཁོད་པ་བདག་ཉིད་ཀྱིས་རུང་བར་མཐོང་ཡང་། སེམས་ཅན་དམྱལ་བ་རྣམས་སུ་སྐྱེ་བར་འགྱུར་ཏེ། དེ་ལྟ་བུ་དག་ལ་བཟང་ཞེས་བགྱིས་ན་དོན་དང་འགལ་བར་འགྱུར་ལགས་སོ།། ཕམ་པ་བྱེད་བྱེད ་པ་དེ་དག་གོས་དཀར་པོ་གྱོན་དུ་འཇུག་པ་དེ་དག་ནི་བཟང་པོའི་མཆོག་དོན་རྒྱ་ཆེན་པོ་བགྱིད་པ་ལགས་སོ། ། ཕམ་པ་བགྱིད་པ་རྣམས་ནི་མི་བཟང་བ་ཞེས་བགྱི་བ་སྟེ། དེ་དག་ཕུལ་བར་བགྱིད་པ་དེ་དག་ནི ་བཟང་བ་ཞེས་བགྱིའོ། ། དེ་བས་ན་དགའ་བ་ཐམས་ཅད་བཟང་བ་མ་ལགས་ན། ལྷའི་ཡང་ལྷ་སངས་རྒྱས་དེ་བཞིན་གཤེགས་པས་ཅི་ལས་དགོངས་ཏེ་དེ་སྐད་བཀའ་སྩལ་པ་ལགས།། དེ་ནས་བཅོམ་ལྡན ་འདས་ཀྱིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། སངས་རྒྱས་ནི་རྒྱུ་མེད་པར་དོན་དང་འགལ་བ་མི་གསུང་གི། རྒྱུ་དང་བཅས་པ་རྐྱེན་དང་བཅས་པར་གསུང་སྟེ། རྒྱལ ་པོའི་ཁབ་ན། ཁྱིམ་བདག་ཀོ་ཏ་ཀའི་བུ་མོ་རབ་བཟང་མ་པའི་ཁྱིམ་དུ་སོང་ནས་རབ་ཏུ་འབྱུང་བའི་སེམས་སྐྱེས་ཏེ། དེ་བཞིན་གཤེགས་པའི་ཐད་དུ་སོང་ནས་བུད་མེད་དུ་གྱུར་པ་ནི་གཞན་གྱི་དབང་དུ་གྱུར ་པ་ཡིན་ལ། སྐྱེས་པར་གྱུར་པ་ནི་རང་དབང་ཅན་ཡིན་ནོ་སྙམ་དུ་བསམས་ནས། དེ་བཞིན་གཤེགས་པ་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་སོང་སྟེ། དེའི་རྟོགས་པ་ཐུགས་སུ་རླུང ་ནས། བཅོམ་ལྡན་འདས་ཀྱིས། གཞན་གྱི་དབང་གྱུར་ཐམས་ཅད་སྡུག། ཅེས་ཚིགས་སུ་བཅད་པ་དེ་སྐད་གསུངས་སོ།། བྱང་ཆུབ་སེམས་དཔའ་རྣམས་ཀྱི་ནང་ན་མིའི་ཁྱུ་མཆོག་འཇམ་དཔལ་ལག ་སོ་ལེགས་སོ། ། སེམས་ཅན་ཐམས་ཅད་ལ་ཕན་པའི་ཕྱིར། དགོངས་པའི་ཚིག་འདི་ང་ལ་ཞུས་པ་ལེགས་སོ།། དེ་ནས་བཅོམ་ལྡན་འདས་ཀྱིས། ཡང་འཇམ་དཔལ་གཞོན་ནུར་གྱུར་པ་ལ་ཚིགས་སུ ་བཅད་དེ་བཀའ་སྩལ་པ། ཐམས་ཅད་ཟས་ལ་རྟེན་པ་ཡིན།། སེར་སྣ་མེད་པ་ཐམས་ཅད་གཡོ།། ཟས་ཀྱི་ཉེས་པས་ནང་དུ་འགྱུར།། ཚངས་པར་སྤྱོད་པ་འགྲོགས་ན་བདེ།། འཇམ་དཔལ་གྱིས ་གསོལ་པ། བཅོམ་ལྡན་འདས་ཅི་ལགས། ཙུན་དའི་སྦྱིན་པ་ཆེར་གསོལ་ནས་ཞལ་ཟས་ཀྱི་ཉེས་པས་བསྙེངས་ལགས་སམ། དེ་ནས་བཅོམ་ལྡན་འདས་ཀྱིས། འཇམ་དཔལ་ལ་འདི་སྐད་ཅེས ་བཀའ་སྩལ་ཏོ། ། སེམས་ཅན་ཐམས་ཅད་ཀྱང་ཟས་ལ་རྟེན་པ་མ་ཡིན་ནོ།། སེར་སྣ་མེད་པ་ཐམས་ཅད་ཀྱང་གཡོ་བ་མ་ཡིན་ནོ།། ཐམས་ཅད་ལའང་ཟས་ཀྱི་ཉེས་པས་ནང་དུ་འགྱུར་བ་ཡིན་ནོ།། ་ཆོས་སྤྱོད་པ་རྣམས་དང་འགྲོགས་སོ་ཅོག་ཀྱང་བདེ་བ་མ་ཡིན་ནོ།། འཇམ་དཔལ་གང་གི་ཚེ་ཁྱོད་ནད་ཀྱིས་ཐེབས་པ་དེའི་ཚེ། ངའང་ནད་ཀྱིས་ཐེབས་སོ།། དགྲ་བཅོམ་དང་ནི་རང་སངས་རྒྱ།། ། ་བྱང་ཆུབ་སེམས་དཔའ་དེ་བཞིན་གཤེགས།། དེ་དག་རྟག་ཏུ་ཟས་མེད་དེ།། དེ་ནི་སངས་རྒྱས་ཆོས་ཉིད་དོ།། དགྲ་བཅོམ་པ་རྣམས་དང་། རང་སངས་རྒྱས་རྣམས་དང་། བྱང་ཆུབ ་སེམས་དཔའ་རྣམས་དང་། དེ་བཞིན་གཤེགས་པ་རྣམས་ནི་ཞལ་ཟས་ཀྱང་མི་གསོལ་ལ།། སྦྱིན་པ་འབུམ་ཕྲག་མང་པོའང་བཞེས་པར་མཛད་དོ།། སྦྱིན་པ་བླང་བར་བྱ་བའི་གདམས་ངག་ཀྱང་སྟོན ་པར་མཛད་དེ། ། སེམས་ཅན་རྣམས་སེམས་ཅན་དམྱལ་བ་དང་། དུད་འགྲོ་དང་། ཡི་དགས་ཀྱི་རྒྱ་མཚོ་ལས་ངེས་པར་བསྒྲལ་བའི་ཕྱིར་སྦྱིན་པའི་ཕ་རོལ་ཏུ་ཕྱིན་པ་བསྔགས་པར་ཡང་མཛད་ལ། ་གསོལ་བར་ཡང་མི་མཛད་དོ།། དེ་བཞིན་གཤེགས་པ་ལོ་དྲུག་གི་བར་དུ་དཀའ་བ་སྤྱད་པས་ཉམ་ཆུང་བར་གྱུར་ཏོ་ཞེས་སངས་རྒྱས་ལ་སེམས་ཅན་ཐམས་ཅད་དང་འདྲ་བར་བལྟ་བར་མི་བྱའོ།། འདོད ་པའི་ཆུ་བོ་ལས་བརྒལ་བ་དེ་དག་ནི་བརྟན་པོ་ཡིན་ཏེ། དཔའ་བོ་དེ་དག་ནི་མིའི་ཡུལ་ལོ་སྤྱོད་པ་མ་ཡིན་ནོ།། དེ་བཞིན་དུ་ངའི་ཉན་ཐོས་རྣམས་ཀྱི་སྟོབས་དང་སྤྱོད་ཡུལ་ཡང་བསམ་གྱིས་མི་ཁྱབ་བོ།། ་སེམས་ཅན་ཐམས་ཅད་ཟས་ལ་རྟེན་ཅེས་བྱ་བའང་ལྷག་མ་ཡོད་པའི་དོན་ཡོད་པར་ཤེས་པར་བྱའོ།། སེར་སྣ་མེད་པ་ཐམས་ཅད་གཡོ་བ་ཡིན་ཞེས་བྱ་བ་འདིའང་ལྷག་མ་ཡོད་པའི་དོན་ཡིན་ཏེ། ་བདག་ལ་སེར་སྣ་བྱེད་པ་མི་གཡོ་བའི་བདེ་བར་འགྲོ་བ་དམ་པ་འགའ་ཡང་ཡོད་དོ།། ཐམས་ཅད་ཟས་ཀྱི་ཉེས་པས་ནང་དུ་འགྱུར་ཞེས་བྱ་བ་དེའང་ལྷག་མ་ཡོད་པའི་དོན་ཡིན་ཏེ། ཚེར་མས ་ཟུག་པ་ལ་སོགས་པའི་ནང་གློ་བུར་དག་ཀྱང་ཡོད་དོ། ། ཆོས་སྤྱོད་པ་རྣམས་དང་འགྲོགས་པ་ཐམས་ཅད་བདེ་བ་ཞེ་བྱ་བ་དེའང་ལྷག་མ་ཡོད་པའི་དོན་ཏེ། འཇིག་རྟེན་པ་རྣམས་ལའང་ཆོས་འཛིན་པ ་དང་འཚམ་པའི་ཆོས་རྣམ་པ་མང་པོ་དག་ཡོད་དེ། དེ་དག་ལའང་བྱ་བ་སྣ་ཚོགས་ཡོད་མོད་ཀྱི། སྨྱུང་བ་རྣམ་པ་སྣ་ཚོགས་ཅན་ལུས་ཉོན་མོངས་པ་དེ་དག་དང་གལ་ཏེ་ལ་ལ་ཞིག་འགྲོགས་པར་གྱུར་ན་ཅི་བདེ ་བ་ལ་སྟེན་པར་འགྱུར་རམ། དེ་ལྟར་ན་ནི་དོན་དང་འགལ་བར་འགྱུར་རོ།། དེ་བས་ན་སངས་རྒྱས་ནི་རྒྱུ་མེད་པར་དོན་དང་འགལ་བར་སྟོན་པར་མི་མཛད་དེ། གདུལ་བར་བྱ་བའི་དབང་གིས་རྒྱུ་དང་བཅས། ་རྐྱེན་དང་བཅས་པར་སྟོན་པར་ཤེས་པར་གྱིས་ཤིག། འཇིག་རྟེན་ལས་འདས་པའི་ཆོས་ནི་མཆོག་ཏུ་བདེ་བ་ཡིན་ནོ།། ཚིགས་སུ་བཅད་པ་འདི་ནི་གྲོང་ཁྱེར་གྱེན་དུ་རྒྱལ་ཞེས་བྱ་བའི་བྲམ་ཟེ་ལུག་དཔལ་ཞེ ་བྱ་བ་ལས་བརྩམས་ནས་བསྟན་པ་ཡིན་ཏེ། བྲམ་ཟེ་ལུག་དཔལ་ཞག་བཞི་པའི་སྤྱད་པ་བྱེད་ཅིང་། ངའི་ཐད་དུ་འོངས་ནས་ངས་དེའི་ཞག་བཞི་པའི་སྨྱུང་བའི་ལྟ་བ་བསལ་བའི་ཕྱིར། སེམས ་ཅན་ཐམས་ཅད་ཟས་ལ་རྟེན་ཅེས་བྱ་བའི་ཚིགས་སུ་བཅད་པ་འདི་བསྟན་ཏོ། ། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་འོད་སྲུངས་ཆེན་པོ་དང་རུས་གཅིག་པས ་འདི་སྐད་ཅེས་གསོལ་ཏོ། ། བཅོམ་ལྡན་འདས་ཐམས་ཅད་མ་ལུས་པ་ཇི་ལྟ་བུ་ལགས། ཐམས་ཅད་ཅེས་བགྱི་བའང་ཇི་ལྟ་བུ་ལགས། བཀའ་སྩལ་པ། མ་ལུས་པའི་དོན་ནི་དགེ་བའི་ཕྱོགས ་ཐམས་ཅད་རྟག་པའོ། ། བདེ་བའོ་ཞེས་བྱ་བ་ལྟ་བུའོ།། དེ་ལྟར་ན་ཁ་ཅིག་ནི་ལྷག་མ་ཡོད་པའོ།། ཁ་ཅིག་ནི་ལྷག་མ་མེད་པ་ཡིན་པར་ཆོས་འདོད་པའི་རིགས་ཀྱི་བུས་རིག་པར་བྱའོ།། ་གསོལ་པ། ཀྱེ་མ་དེ་བཞིན་གཤེགས་པ་ནི་སེམས་ཅད་ཐམས་ཅད་ལ་སྒྲ་གཅན་ཟིན་བཞིན་དུ་གཟིགས་པ་ལགས་ཏེ་བདག་ཤིན་ཏུ་རངས་ལགས་སོ།། བཀའ་སྩལ་པ། རིགས་ཀྱི་བུ་ལེགས ་སོ་ལེགས་སོ། ། དེ་ལྟར་ཆ་ཕྲ་བར་བརྟག་དགོས་སོ།། གསོལ་པ། བཅོམ་ལྡན་འདས་ད་ནི་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོའི་བསོད་ནམས་ཇི་ལྟར་སྐྱེ་བ་བཀའ་སྩལ་དུ ་གསོལ། བཀའ་སྩལ་པ། སངས་རྒྱས་ཀྱི་ཡུལ་འདི་ནི་བསམ་གྱིས་མི་ཁྱབ་པའི་ཕྱིར་ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་། མདོ་སྡེ་འདིའི་མིང་ཡང་ཚིག་ཙམ་དུའང་ཉན་པ་རྣམས ་ལ་བརྗོད་པར་མི་ནུས་སོ། ། དེ་ནས་བཅོམ་ལྡན་འདས་ལ་ལྷ་དང་། མི་དང་། ལྷ་མ་ཡིན་རྣམས་ཀྱིས་རླིག་མཐུན་པར་ཚིགས་སུ་བཅད་དེ་གསོལ་པ། སངས་རྒྱས་བསམ་ཡས་བསམ་ཡས ་ཆོས་གསུང་བ། ། ཆོས་དང་དགེ་འདུན་རྟག་ཏུ་ཁྱོད་ལ་རྟེན།། དེ་ཕྱིར་དགེ་སློང་འོད་སྲུངས་ཀུན་དགའ་བོ།། མ་མཆིས་བར་དུ་མགོན་པོ་བཞུགས་པར་གསོལ།། བེ་དེ་ཧ་ཡི་རྒྱལ་པོ་མ་སྐྱེས་དགྲ།། ཁྱོད་ཀྱི ་མཛའ་མཆོག་ཐུགས་འདྲ་ཆེ་བ་ཡང་། ། ད་དུང་མ་མཆིས་མཐར་ཐུག་ཁྱོད་མ་གཤེགས།། ཀུན་མཁྱེན་ཁྱོད་ཀྱིས་བདག་ཅག་ཐེ་ཙོམ་ཆོད།། དེ་ནས་བཅོམ་ལྡན་འདས་ཀྱིས། དེ་དག་ལ་འདི་སྐད ་ཅེས་བཀའ་སྩལ་ཏོ། ། ང་ཡི་སྲས་མཆོག་ཐུ་བོ་འོད་སྲུངས་དང་།། བློ་ལྡན་ཀུན་དགའ་ཁྱོད་ཀྱི་ཐེ་ཙོམ་གཅོད།། ཁྱོད་ཀྱིས་ང་ཡི་ཞལ་ལྟོས་རྟག་པ་དང་།། མི་རྟག་ཤེས་བྱོས་མྱ་ངན་མ་བྱེད་ཅིག། ་དེ་ནས་འཁོར་དེ་དག་ཐམས་ཅད་ཀྱིས་བཅོམ་ལྡན་འདས་ལ་མཆོད་པ་ཆེན་པོ་བྱས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོ་ལམ་བཏབ་ནས། དེར་སེམས་ཅན་གངྒཱའི་ཀླུང་གཏམས ་ཕྲག་དཀྲིགས་སྙེད་ཀྱི་བྱེ་མའི་གྲངས་སྙེད་ཀྱིས་སེམས་བསྐྱེད་ནས་བྱང་ཆུབ་སེམས་དཔའི་ས་དང་པོའི་གནས་ཐོབ་བོ། ། དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་དང་། བྲམ་ཟེ་ཆེ་ཞིང་མཐོ་བ་འོད ་སྲུངས་ཆེན་པོ་དང་རུས་གཅིག་པ་ལ་བཀའ་སྩལ་ཏེ། མགར་བའི་བུ་ཙུན་ད་བྱང་ཆུབ་ཏུ་དབང་བསྐུར་ནས། བྱང་ཆུབ་སེམས་དཔའ་དེ་གསུམ་ལ་བཀའ་སྩལ་པ། རིགས་ཀྱི་བུ་དག་བག་ཡོད་པར་གྱིས ་ཤིག། བག་ཡོད་པར་གྱིས་ཤིག། ང་སྐེད་པའི་ནད་དྲག་པོས་བཏབ་སྟེ། གཞོན་ནུ་དག་ང་རེ་ཞིག་ཐབས་ཀྱི་ནང་ཕོ་བྲང་དུ་ཉལ་བར་འདོད་ཀྱིས་ཉལ་དུ་ཆུག་ཅིག། འཇམ་དཔལ་ཁྱོད་ཀྱིས་འཁོར ་ཐམས་ཅད་ལ་ཆོས་སྟོན་ཅིག། སེང་གེའི་སྒྲ་སྒྲོགས་ཤིག། གནས་བརྟན་འོད་སྲུངས་ཆེན་པོ་དང་། ཀུན་དགའ་བོ་གཉིས་མ་འོངས་ཀྱི་བར་དུ་ངས་ཁྱོད་ལ་བསྟན་པ་འདི་གཏད་ཀྱིས། ནམ་འོངས་པ ་ན་དེ་གཉིས་ལ་གཏོད་ཅིག་ཅེས་དེ་སྐད་ཅེས་བཀའ་སྩལ་ནས། བཅོམ་ལྡན་འདས་གདུལ་བར་བྱ་བའི་དབང་གིས་ནད་པའི་ཚུལ་དུ་བཞུགས་པར་བསྟན་པ་སྟེ་གཟིམས་ཁང་ལེགས་སུ་ཟུར་གྱིས་གཟིས ་སོ། ཡོངས་སུ་མྱ་ངན་ལས་འདས་པ་ཆེན་པོའི་མངོཚོན་པོ།། དམ་པའི་ཆོས་གསུང་རབ་ཐམས་ཅད་ཀྱི་སྙིང་པོར་གྱུར་པ་རྒྱུད་ཕྱི་མ་ལྟ་བུ། རྟོགས་པར་དཀའ་བའི་ཆོས་ཀྱི་འཐུང ་གནས། གཅིག་ཏུ་དེ་བཞིན་གཤེགས་པའི་སྙིང་པོ་སྟོན་པའི་སྲོལ། ལེའུ་ཉི་ཁྲི་སྔ་སྟོན་ཡོད་པ་ལས་ལྷ་དང་། མི་དང་། ལྷ་མ་ཡིན་དང་། མི་འམ་ཅི་དང་། རིག་སྔགས་འཆང་དང་སྲིན ་པོ་ལ་སོགས་པ་འདུས་པ་ཞུས་པ་ཞེས་བྱ་བའི་ལེའུ། འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མ་རྫོགས་སོ།། ། ཤོ་ལོ་ཀ་སུམ་སྟེང་བརྒྱད་བརྒྱ་མཆིས ་