Wylie

e-texts produced with BDRC’s OCR application

མཁན་པོ་ཟ་བར་མ་དང་། ཞུ་ཆེན་གྱི་ལོ་སྔོ་བ་བན་དྷེ་ས་ཤེས་སྡེ་ལ་སོགས་པས་བསྒྱུར་ཅིང་ནུས་ཏེ་གཏན་ལ་བབ་པ།། རྒྱུ་གར་སྐད་དུ། གྱི ་ཤེ་ཤ་ཙིན་ཏི་བྲཧྨ་པ་རི་བྲིད་ཚ་ན་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་ཚངས་པ་ཁྱད་པར་སེམས་ཀྱིས་ཞུས་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་ཀ་ལན་ཏ་ཀ་གནས་པའི་འོད་མའི་ཚལ་ན། དག ་སློང་སྟོང་ཕྲག་དྲུག་ཅུ་རྩ་བཞིའི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སྟོང་ཕྲག་བདུན་ཅུ་རྩ་གཉིས་དང་ཐབས་ཅིག་ཏུ་བཞུགས་ཏེ། ཐམས་ཅད་ཀྱང་མངོན་པར་ཤེས་པས་མངོན་པར་ཤེས ་པ། གཟུངས་ཐོབ་པ། སྤོབས་པ་ཐོགས་པ་མེད་པ། ཏིང་ངེ་འཛིན་ཐོབ་པ། མངོན་པར་ཤེས་པས་རྣམ་པར་རོལ་ཅིང་སྤོབས་པ་མི་འཇིགས་པ་དང་ལྡན་པ། ཆོས་ཐམས་ཅད་ཀྱི་ངོ་བོ་ཉིད་སྟོན་པ་ལ་མཁས་པ། ་མི་སྐྱེ་བའི་ཆོས་ལ་བཟོད་པ་ཐོབ་པ་རྣམས་ལ་འདི་ལྟ་སྟེ། གཞོན་ནུར་གྱུར་པ་འཇམ་དཔལ་དང་། གཞོན་ནུར་གྱུར་པ་ལག་ན་རིན་པོ་ཆེ་དང་། གཞོན་ནུར་གྱུར་པ་ལག་ན་ཕྱག་རྒྱ་རིན་པོ་ཆེ་དང་། གཞོན་ནུར ་གྱུར་པ་རིན་པོ་ཆེ་དཔལ་དང་། གཞོན་ནུར་གྱུར་པ་ནམ་མཁའ་མཛོད་དང་། གཞོན་ནུར་གྱུར་པ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་དང་། གཞོན་ནུར་གྱུར་པ་དྲ་བ་ཅན ་གྱི་འོད་དང་། གཞོན་ནུར་གྱུར་པ་རྣམ་པར་བསྒྱིངས་པ་དང་། གཞོན་ནུར་གྱུར་པ་དཔལ་གྱི་སྙིང་པོ་དང་། གཞོན་ནུར་གྱུར་པ་བདོག་པ་ཐམས་ཅད་ཡོངས་སུ་གཏོང་བ་དང་། གཞོན་ནུར་གྱུར་པ་པདྨ་བཀོད་པ ་དང་། གཞོན་ནུར་གྱུར་པ་སེང་གེ་དང་། གཞོན་ནུར་གྱུར་པ་ཟླ་འོད་དང་། གཞོན་ནུར་གྱུར་པ་ཟླ་བའི་ཟེར་གྱི་འོད་དང་། གཞོན་ནུར་གྱུར་པ་བློ་གྲོས་མཆོག་དང་། གཞོན་ནུར་གྱུར་པ་རྒྱན་ཐམས་ཅད་བཀོད་པ ་དང་། བཟང་སྐྱོང་ལ་སོགས་པ་སྐྱེས་བུ་དམ་པ་བཅུ་དྲུག་ལ་འདི་ལྟ་སྟེ། བཟང་སྐྱོང་དང་། 1དཀོན་མཆོག་འབྱུང་གནས་དང་། དེད་དཔོན་མཆོག་དང་། རྣམིས་བྱིན་དང་། ཕུག་སྦས་དང་། ཆུས ་བྱིན་དང་། 6དབང་བྱིན་དང་། དབང་པོས་བྱིན་དང་། བླ་མའི་བློ་གྲོས་དང་། ཁྱད་པར་བློ་གྲོས་དང་། བློ་གྲོས་འཕེལ་དང་། 1མཐོང་བ་དོན་ཡོད་དང་། 12་ཤིན་ཏུ་ཡང་དག་ཞུགས་དང་། 3 ་རབ་ཀྱི་རྩལ་གྱིས་རྣམ་པར་གནོན་པ་དང་ཁྲོ་གྲོས་མཐའ་ཡས་དང་། བརྩོན་པ་མི་གཏོང་བ་དང་། ཉི་མའི་སྙིང་པོ་དང་། ས་འཛིན་དང་། དེ་ལྟ་བུ་ལ་སོགས་པ་བྱང་ཆུབ་སེམས་དཔའ་སྟོང་ཕྲག་བདུན་ཅུ་རྩ ་གཉིས་དང་། རྒྱལ་པོ་ཆེན་པོ་བཞི་དང་། བརྒྱ་བྱིན་ལྷའི་དབང་པོ་ལ་སོགས་པ་སུམ་ཅུ་རྩ་གསུམ་པའི་ལྷ་རྣམས་དང་། མཚེ་མ་དང་། དགའ་ལྡན་དང་། འཕྲུལ་དགའ་དང་། གཞན ་འཕྲུལ་དབང་བྱེད་ཀྱི་ལྷ་རྣམས་དང་། ཚངས་པ་ལ་སོགས་པ་ཚངས་པའི་རིས་ཀྱི་སྐུ་བརྒྱད་སྟོང་དང་། དེ་མ་ཡིན་པ་གཞན་གཟི་བརྗིད་ཆེ་བ། གཟི་བརྗིད་ཆེ་བའི་ལྷ་དང་། ཀླུ་དང་། གནོད་སྦྱིན་དང་། ་དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་རྣམས་དང་ཡང་ཐབས་ཅིག་སྟེ། དེ་ནས་བཅོམ་ལྡན་འདས་འཁོར་བརྒྱ་སྟོང་དུ་མས ་བསྐོར་ཅིང་མདུན་དུ་བདར་ནས་ཆོས་སྟོན་ཏོ། ། དེ་ནས་བྱང་ཆུབ་སེམས་དཔའ་གཞོན་ནུར་གྱུར་པ་དྲ་བ་ཅན་གྱི་འོད་བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རབ་ཏུ་གཡོ་བར་བྱས་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས ་ཀུན་གྱི་སེམས་ཅན་ཐམས་ཅད་ལ་བལྟས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ། བཅོམ་ལྡན་འདས་ཀྱིས་བདག་ལ་སྐབས་ཕྱེ་ན ་བདགྲ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱོགས་འགའ་ཞིག་ཞུའོ། ། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས། བྱང ་ཆུབ་སེམས་དཔའ་དྲ་བ་ཅན་གྱི་འོད་ལ་འདི་སྐད་ཅེས་བཀའ་སྩལ་ཏོ། ། དྲ་བ་ཅན་གྱི་འོད་ཁྱོད་ཅི་དང་ཅི་འདོད་པ་དེ་བཞིན་གཤེགས་པ་ལ་དྲིས་ཤིག་དང་། དྲིས་པ་དེ་དང་དེ་ཉིད་ལུང་བསྟན་པས་ངས་ཁྱོད ་ཀྱི་སེམས་རངས་པར་བྱའོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ།། བཅོམ་ལྡན།། ་འདས་ཀྱི་སྐུ་ནི་བལྟ་བས་ཆོག་མི་ཤེས་པ་ཁ་དོག་ཉི་མ་བྱེ་བ་ཁྲག་ཁྲིག་བརྒྱ་སྟོང་པས་ལྷག་པ་ལགས་ཏེ། བཅོམ་ལྡན་འདས་བདག་ནི་གང་དེ་བཞིན་གཤེགས་པའི་སྐུ་བལྟ་བ་འམ། བརྟག་པར་ནུས་པ་འདི་ནི་ངོ ་མཚར་ཏོ་སྙམ་བགྱིད་དོ། ། བཅོམ་ལྡན་འདས་ཡང་དག་ནི་དེ་བཞིན་གཤེགས་པའི་སྐུ་བལྟ་བ་འམ། རྟོག་པ་དེ་དག་ཐམས་ཅད་ནི་སངས་རྒྱས་ཀྱི་མཐུའོ་སྙམ་བགྱིད་དོ།། བཅོམ་ལྡན་འདས་ཀྱིས་བཀའ ་སྩལ་པ། དྲ་བ་ཅན་གྱི་འོད་ཇི་སྐད་ཟེར་བ་དེ་བཞིན་ཏེ། དེ་བཞིན་གཤེགས་པས་སྐབས་མ་ཕྱེ་བར་དེ་བཞིན་གཤེགས་པའི་སྐུ་བལྟ་བ་འམ་བརྟགས་པར་མི་ནུས་སོ།། དེ་ཅིའི་ཕྱིར་ཞེ་ན། དྲ་བ་ཅན་གྱི་འོད་དེ ་བཞིན་གཤེགས་པ་ལ་རབ་ཏུ་ཞི་བའི་རྣམ་པར་བཀོད་པ་ཞེས་བྱ་བའི་འོད་ཟེར་ཡོད་དེ། འོད་ཟེར་དེས་རེག་པའི་སེམས་ཅན་རྣམས་དེ་བཞིན་གཤེགས་པའི་སྐུ་ལ་ལྟ་ཞིང་རྟོགས་ལ། དེ་དག་གི་མིག་གི་དབང་པོ ་འང་ཉམས་པར་མི་འགྱུར་རོ། ། དྲ་བ་ཅན་གྱི་འོད་དེ་བཞིན་གཤེགས་པ་ལ་མི་འཇིགས་པའི་སྤོབས་པ་ཞེས་བྱ་བའི་འོད་ཟེར་ཡོད་དེ། འོད་ཟེར་དེས་རེག་པའི་སེམས་ཅན་རྣམས་དེ་བཞིན་གཤེགས་པ་ལ་ཀུན ་འདྲི་ཞིང་ཕྱིར་འདྲི་བར་ཡང་བྱེད་དོ། ། དྲ་བ་ཅན་གྱི་འོད་དེ་བཞིན་གཤེགས་པ་ལ་དགེ་བའི་རྩ་བ་བསགས་པ་ཞེས་བྱ་བའི་འོད་ཟེར་ཡོད་དེ། འོད་ཟེར་དེས་རེག་པའི་སེམས་ཅན་རྣམས་འཁོར་ལོས་སྒྱུར་བའི ་རྒྱལ་པོའི་སྲིད་ཐོབ་པར་བྱ་བའི་ཕྱིར་དེ་བཞིན་གཤེགས་པ་ལ་ཀུན་འདྲིའོ། ། དེ་བཞིན་དུ་སྦྱར་ཏེ། འོད་ཟེར་དགེ་བའི་རྣམ་པ་བཀོད་པ་ཞེས་བྱ་བའི་འོད་ཟེར་དེས་རེག་པའི་སེམས་ཅན་རྣམས་བརྒྱ་བྱིན་ཐོབ་པར་བྱ། ་བའི་ཕྱིར། དེ་བཞིན་གཤེགས་པ་ལ་ཀུན་འདྲིའོ།། འོད་ཟེར་བདག་པོ་ཐོབ་པ་ཞེས་བྱ་བའི་འོད་ཟེར་དེས་རེག་པའི་སེམས་ཅན་རྣམས་ཚངས་པའི་འཇིག་རྟེན་དུ་སྐྱེ་བར་བྱ་བའི་ཕྱིར། དེ་བཞིན་གཤེགས ་པ་ལ་ཀུན་འདྲིའོ། ། འོད་ཟེར་ཉོན་མོངས་པ་མེད་པར་གྱུར་པ་ཞེས་བྱ་བའི་འོད་ཟེར་དེས་རེག་པའི་སེམས་ཅན་རྣམས་དེ་བཞིན་གཤེགས་པ་ལ་ཉན་ཐོས་ཀྱི་ཐེག་པ་ཀུན་འདྲིའོ།། འོད་ཟེར་རྩེ་གཅིག་པ ་དབེན་པ་དང་ལྡན་པ་ཞེས་བྱ་བའི་འོད་ཟེར་དེས་རེག་པའི་སེམས་ཅན་རྣམས་དེ་བཞིན་གཤེགས་པ་ལ་རང་སངས་རྒྱས་ཀྱི་ཐེག་པ་ཀུན་འདྲིའོ། ། འོད་ཟེར་ཐམས་ཅད་མཁྱེན་པའི་ཡེ་ཤེས་སུ་དབང་བསྐུར ་ཐོབ་པ་ཞེས་བྱ་བའི་འོད་ཟེར་དེས་རེག་པའི་སེམས་ཅན་རྣམས་དེ་བཞིན་གཤེགས་པ་ལ་ཐེག་པ་ཆེན་པོ་སངས་རྒྱས་ཀྱི་ཐེག་པ་ཀུན་འདྲིའོ། ། འོད་ཟེར་ཁྱད་པར་དུ་འགྲོ་བ་ཞེས་བྱ་བའི་འོད་ཟེར་དེས་དེ་བཞིན ་གཤེགས་པ་བྱོན་པ་འམ་བཞུད་པའི་ཞབས་ཀྱི་མཐིལ་གྱིས་སེམས་ཅན་གང་ལ་རེག་པ་དེ་དག་ཤི་འཕོས་མ་ཐག་ཏུ་བདེ་འགྲོ་མཐོ་རིས་ཀྱི་འཇིག་རྟེན་དུ་སྐྱེའོ། ། རྒྱན་ཐམས་ཅད་བཀོད་པ་ཞེས་བྱ་བའི ་འོད་ཟེར་དེ། དེ་བཞིན་གཤེགས་པ་གྲོང་དུ་གཤེགས་པ་ན་འབྱིན་ཏེ། དེར་དེ་བཞིན་གཤེགས་པའི་འོད་དེས་སེམས་ཅན་སུ་དག་ལ་རེག་པ་དེ་དག་ཐམས་ཅད་བདེ་བའི་མཆོག་དང་ལྡན་པར་འགྱུར་རོ།། རྒྱན ་ཐམས་ཅད་བཀོད་པའང་གྲོང་ཁྱེར་དེར་འབྱུང་བར་འགྱུར་རོ། ། རྣམ་པར་འཐོར་བ་ཞེས་བྱ་བའི་འོད་ཟེར་དེས་ནི་དེ་བཞིན་གཤེགས་པ་འཇིག་རྟེན་གྱི་ཁམས་མཐའ་ཡས་མུ་མེད་པ ་རབ་ཏུ་གཡོ་བར་བྱེད་དོ། ། བདེ་བ་སྟོན་པ་ཞེས་བྱ་བའི་འོད་ཟེར་དེས་ནི་སེམས་ཅན་དམྱལ་བའི་སེམས་ཅན་རྣམས་ཀྱི་སེམས་ཅན་དམྱལ་བའི་སྡུག་བསྔལ་མེད་པར་བྱེད་དོ།། འོད་ཟེར་བྱམས་པ་ལས་འཕགས ་པ་ཞེས་བྱ་བ་དེས་ནི། བྱོལ་སོང་གི་སྐྱེ་གནས་སུ་སོང་བའི་སེམས་ཅན་རྣམས་གཅིག་ལ་གཅིག་ཟ་བ་མེད་པར་བྱེད་དོ།། འོད་ཟེར་རབ་ཏུ་སིམ་པར་བྱེད་པ་ཞེས་བྱ་བ་དེས་ནི། གཤིན་རྗེའི་འཇིག་རྟེན་པའི ་སེམས་ཅན་རྣམས་ཀྱི་གཤིན་རྗེའི་འཇིག་རྟེན་གྱི་སྡུག་བསྔལ་མེད་པར་བྱེད་དོ། ། དྲི་མ་མེད་པ་ཞེས་བྱ་བའི་འོད་ཟེར་དེས་ནི། སེམས་ཅན་མདོངས་པའི་རྣམས་མིག་ཐོབ་པར་འགྱུར་རོ།། རྣ་བའི་རྗེས ་སུ་འཐུན་པ་ཞེས་བྱ་བའི་འོད་ཟེར་དེས་ནི་སེམས་ཅན་འོན་པ་རྣམས་རྣ་བ་ཐོབ་པར་འགྱུར་རོ། ། རྣམ་པར་སྤོངས་པ་ཞེས་བྱ་བའི་འོད་ཟེར་དེས་ནི། སེམས་ཅན་མི་དགེ་བ་བཅུའི་ལས་ཀྱི་ལམ་ལ་གནས་པ ་རྣམས་དགེ་བ་བཅུའི་ལས་ཀྱི་ལམ་ཐོབ་པར་འགྱུར་རོ། ། ངོ་ཚ་ཤེས་པ་ཞེས་བྱ་བའི་འོད་ཟེར་དེས་ནི་སེམས་ཅན་མྱོས་པའི་རྣམས་དྲན་པ་ཐོབ་པར་འགྱུར་རོ།། མེད་པར་འགྱུར་བ་ཞེས་བྱ་བའི་འོད་ཟེར ་དེས་ནི། སེམས་ཅན་ལོག་པར་ལྟ་བ་ཅན་རྣམས་ཡང་དག་པར་ལྟ་བ་ཐོབ་པར་འགྱུར་རོ།། རབ་ཏུ་གཏོང་བ་ཞེས་བྱ་བའི་འོད་ཟེར་དེས་ནི་སེམས་ཅན་སེར་སྣ་ཅན་རྣམས་གཏོང་བ་ཐོབ་པར་འགྱུར་རོ།། ་ཡོངས་སུ་གདུང་བ་མེད་པ་ཞེས་བྱ་བའི་འོད་ཟེར་དེས་ནི་སེམས་ཅན་ངན་པའི་ངང་ཚུལ་ཅན་རྣམས་ཚུལ་ཁྲིམས་ཐོབ་པར་འགྱུར་རོ།། ཕན་པ་དང་ལྡན་པ་ཞེས་བྱ་བའི་འོད་ཟེར་དེས་ནི་སེམས་ཅན་གནོད་པར་སེམས ་པ་རྣམས་བཟོད་པ་ངེས་པ་ཐོབ་པར་འགྱུར་རོ། ། འབར་བ་ཅན་ཞེས་བྱ་བའི་འོད་ཟེར་དྭ་ནི། སེམས་ཅན་ལེ་ལོ་ཅན་རྣམས་བརྩོན་འགྲུས་ཐོབ་པར་འགྱུར་རོ།། རྩེ་གཅིག་པ་ཞེས་བྱ་བའི་འོད་ཟེར་དེས་ནི། ་སེམས་ཅན་དྲན་པ་ཉམས་པ་རྣམས་བསམ་གཏན་ཐོབ་པར་འགྱུར་རོ།། ཡེ་ཤེས་ཞེས་བྱ་བའི་འོད་ཟེར་དེས་ནི། སེམས་ཅན་འཆལ་པའི་ཤེས་རབ་ཅན་རྣམས་ཤེས་རབ་ཐོབ་པར་འགྱུར་རོ།། རྙོག་པ་མེད ་པ་ཞེས་བྱ་བའི་འོད་ཟེར་དེས་ནི། སེམས་ཅན་མ་དད་པ་རྣམས་དད་པ་ཐོབ་པར་འགྱུར་རོ།། ཀུན་འཛིན་པ་ཞེས་བྱ་བའི་འོད་ཟེར་དེས་ནི། སེམས་ཅན་ཐོས་པ་ཉུང་བ་རྣམས་ཐོས་པ་ཐོབ་པར་འགྱུར་རོ།། སྤྱོད་པ་དང ་ལྡན་པ་ཞེས་བྱ་བའི་འོད་ཟེར་དེས་ནི། སེམས་ཅན་ངོ་ཚ་བ་དང་འཛེམ་པ་མེད་པའི་རྣམས་ངོ་ཚ་ཤེས་པ་དང་ཁྲེལ་ཡོད་པ་ཐོབ་པར་འགྱུར་རོ།། སྐྱོ་བ་ཞེས་བྱ་བའི་འོད་ཟེར་དེས་ནི་སེམས་ཅན་འདོད་ཆགས་སྤྱོད་པ་རྣམས ་ཀྱི་འདོད་ཆགས་འཇོམས་པར་འགྱུར་རོ། ། དགའ་བ་ཞེས་བྱ་བའི་འོད་ཟེར་དེས་ནི་སེམས་ཅན་ཞེ་སྡང་སྤྱོད་པ་རྣམས་ཀྱི་ཞེ་སྡང་འཇོམས་པར་འགྱུར་རོ།། སྣང་བ་ཅན་ཞེས་བྱ་བའི་འོད་ཟེར་དེས་ནི། སེམས་ཅན་གཏི ་མུག་སྤྱོད་པ་རྣམས་རྟེན་ཅིང་འབྲེལ་པར་འབྱུང་བ་ཁོང་དུ་ཆུད་པར་འགྱུར་རོ། ། ཀུན་ཏུ་འགྲོ་བ་ཞེས་བྱ་བའི་འོད་ཟེར་དེས་ནི། སེམས་ཅན་ཆ་མཉམ་པར་སྤྱོད་པ་རྣམས་ཆ་མཉམ་པར་སྤྱོད་པ་སྤོང་བར་འགྱུར་རོ།། ་དྲ་བ་ཅན་གྱི་འོད་དེ་བཞིན་གཤེགས་པ་ལ་གཟུགས་ཐམས་ཅད་སྟོན་པ་ཞེས་བྱ་བའི་འོད་ཟེར་ཡོད་དེ། འོད་ཟེར་དེས་རེག་པའི་སེམས་ཅན་རྣམས་དེ་བཞིན་གཤེགས་པའི་སྐུ་ཁ་དོག་སྣ ་ཚོགས་ཁ་དོག་དུ་མ་ཁ་དོག་བརྒྱ་སྟོང་དུ་མ་བས་ལྷག་པར་མཐོང་བར་འགྱུར་རོ། ། དྲ་བ་ཅན་གྱི་འོད་ངས་དེ་བཞིན་གཤེགས་པའི་འོད་ཟེར་ལས་བརྩམས་ཏེ། བསྐལ་པ་འམ། བསྐལ་པ་ལས་ལྷག་པར ་བཤད་ཀྱང་། དེ་བཞིན་གཤེགས་པའི་འོད་ཟེར་གྱི་རྣམ་པ་དང་ལྡན་པའི་ཆོས་བསྟན་པ་ཡོངས་སུ་ཟད་པར་མི་འགྱུར་ཏེ། དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས ་ནི་འོད་ཟེར་གྱི་ཡོན་ཏན་མཐའ་ཡས་མུ་མེད་པ་དང་ལྡན་པ་ཡིན་ནོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ།། ་བཅོམ་ལྡན་འདས་འདི་ལྟར་དེ་བཞིན་གཤེགས་པའི་སྐུའི་བཀོད་པ་ཚད་མ་མཆིས་པར་བསྟན་པ་འདི་དང་། ཐབས་མཁས་པ་བསམ་གྱིས་མི་ཁྱབ་པ་དང་ལྡན་པའི་ཆོས་བསྟན་པ་ངོ་མཚར་ཏོ།། བཅོམ་ལྡན་འདས ་འོད་ཟེར་འདི་དག་ནི་བདག་ཅག་གིས་སྔོན་མ་ཐོས་ཏེ། ཇི་ལྟར་བཅོམ་ལྡན་འདས་ཀྱིས་བཤད་པའི་དོན་བདག་འཚལ་བ་ལྟར་ན། བཅོམ་ལྡན་འདས་བྱང་ཆུབ་སེམས་དཔའ་གང་ལ་ལ་འོད་ཟེར་འདི་དག་གི་མིང ་ཐོས་ནས། དད་པ་རྙེད་པར་འགྱུར་བ་དེ་དག་ཐམས་ཅད་ཡང་དག་པར་རྫོགས་པའི་སངས་རྒྱས་ཀྱི་འོད་ཟེར་འདི་ལྟ་བུས་རབ་ཏུ་སྣང་བར་བགྱིད་པའི་སྐུ་དང་ལྡན་པ་འགྱུར་རོ།། ཡང་བཅོམ་ལྡན་འདས་དེ་བཞིན་གཤེགས ་པས་འོད་ཟེར་གང་གིས་སངས་རྒྱས་ཀྱི་ཞིང་གཞན་གྱི་བྱང་ཆུབ་སེམས་དཔའ་རྣམས་བསྐུལ་མ་ཐག་ཏུ་མི་མཇེད་ཀྱི་འཇིག་རྟེན་གྱི་ཁམས་འདིར་མཆི་བར་འགྱུར་བ་དང་། བྱང་ཆུབ་སེམས་དཔའ་སུ་དག་འདྲི་བ་དང ་ལུང་བསྟན་པ་དང་། བཤད་པ་ལ་མཐར་ཕྱིན་པ་རྣམས་མཆིས་ནས་དེ་བཞིན་གཤེགས་པ་ལ་ཀུན་ཞུ་ཞིང་བསྙེན་བཀུར་བགྱིད་པ་དང་སླར་ཞུ་བར་འགྱུར་བའི་འོད་ཟེར་བྱང་ཆུབ་སེམས་དཔའ་བསྐུལ་བ་ཞེས་བགྱི ་བ་གཏང་དུ་གསོལ། དེ་ནས་བཅོམ་ལྡན་འདས་ཀྱིས་དེའི་ཚེ་འོད་གང་གིས་འཇིག་རྟེན་གྱི་ཁམས་མཐའ་ཡས་མུ་མེད་པ་སྣང་བར་འགྱུར་བའི་འོད་ཟེར་དེ་ལྟ་བུ་སྐུ་ལས་ཕྱུང་སྟེ། བྱང་ཆུབ་སེམས་དཔའ ་རྣམས་འོད་དེས་བསྐུལ་མ་ཐག་ཏུ་མི་མཇེད་ཀྱི་འཇིག་རྟེན་གྱི་ཁམས་འདིར་ཕྱིན་པར་གྱུར། ། དེ་ནས་སངས་རྒྱས་ཀྱི་ཞིང་འདི་ནས་ཤར་ཕྱོགས་སུ་སངས་རྒྱས་ཀྱི་ཞིང་བརྒྱ་སྟོང་ཕྲག་གངྒཱའི་ཀླུང ་བདུན་ཅུ་རྩ་གཉིས་ཀྱི་བྱེ་མ་སྙེད་འདས་པ་ན། ཡོངས་སུ་དག་པ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་ཟླ་བའི་འོད་ཅེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས ་ད་ལྟར་བཞུགས་པ་འཚོ་ཞིང་གཞེས་ཏེ། བྱང་ཆུབ་སེམས་དཔའ་འབའ་ཞིག་ལ་ཆོས་ཀྱང་འཆད་པའི་སངས་རྒྱས་ཀྱི་ཞིང་དེ་ནས། ཕྱིར་མི་ལྡོག་པའི་བྱང་ཆུབ་སེམས་དཔའ་ཆེན་པོ་ཚངས་པ་ཁྱད་པར་སེམས ་ཞེས་བྱ་བ་དེ་འོད་དེས་བསྐུལ་མ་ཐག་ཏུ། བཅོམ་ལྡན་འདས་དེ་བཞིན་གཤེགས་པ་ཟླ་བའི་འོད་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་དེའི་ཞབས་ལ་མགོ་བོས་ཕྱག་འཚལ་ནས། བཅོམ ་ལྡན་འདས་དེ་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་འཇིག་རྟེན་དུ་སྣང་བ་ཆེན་པོ་འདི་འབྱུང་བའི་རྒྱུ་གང་ལགས། རྐྱེན་གང་ལགས། བཅོམ་ལྡན་འདས་དེས་འདི ་སྐད་ཅེས་བཀའ་སྩལ་ཏོ། ། ཚངས་པ་སངས་རྒྱས་ཀྱི་ཞིང་འདི་ནས་ནུབ་ཕྱོགས་ན། སངས་རྒྱས་ཀྱི་ཞིང་བརྒྱ་སྟོང་ཕྲག་གངྒཱའི་ཀླུང་བདུན་ཅུ་རྩ་གཉིས་ཀྱི་བྱེ་མ་སྙེད་འདས་པ་ན། མི་མཇེད་ཅེས་བྱ ་པའི་འཇིག་རྟེན་གྱི་ཁམས་ཡོད་དེ། དེ་ན་ཤཱཀྱ་ཐུབ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ད་ལྟ་ན་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན ་ཏོ། ། དེ་བཞིན་གཤེགས་པ་དེས་འདི་ལྟ་སྟེ། ཕྱོགས་བཅུའི་བྱང་ཆུབ་སེམས་དཔའ་རྣམས་བསྡུ་བའི་ཕྱིར་སྐུ་ལས་འོད་འདི་བཏང་ངོ་།། དེ་ནས་བཅོམ་ལྡན་འདས་ལ། ཚངས་པ་ཁྱད་པར ་སེམས་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་དེ་བཞིན་གཤེགས་པ་དེ་དག་གཟིགས་པར་བཞེད་ན། མི་མཇེད་ཀྱི་འཇིག་རྟེན་གྱི་ཁམས་དེར་བཅོམ་ལྡན་འདས་ཤཱཀྱ་ཐུབ་པ་དེ་ལ་བལྟ། ་བ་དང་། ཕྱག་འཚལ་བ་དང་། བསྙེན་བཀུར་བགྱི་བ་དང་། ཀུན་ཞུ་བ་དང་། སྒུར་ཞུ་བའི་སླད་དུ་བདག་མཆིའོ།། བཅོམ་ལྡན་འདས་དེས་བཀའ་སྩལ་པ། ཚངས་པ་ད་ལྟར་མི་མཇེད་ཀྱི ་འཇིག་རྟེན་གྱི་ཁམས་དེར་བྱང་ཆུབ་སེམས་དཔའ་བྱེ་བ་ཕྲག་མང་པོའང་ཕྱིན་གྱིས། དེའི་དུས་ལ་དབབ་པར་ཤེས་ན་ཁྱོད་སོང་ཞིག། ཚངས་པ་སངས་རྒྱས་ཀྱི་ཞིང་དེར་ལྷག་པའི་བསམ་པ་བཅུ་རྣམ ་ཀྱིས་གནས་པར་བྱའོ། ། བཅུ་གང་ཞེ་ན། སྙན་པར་སྨྲ་བ་དང་། ངན་དུ་སྨྲ་བ་རྣམས་ལ་ཁོང་ཁྲོ་བ་མེད་པའི་སེམས་དང་། སྙན་པ་ཐོས་པ་དང་། མི་སྙན་པ་ཐོས་པ་ལ་བྱམས་པའི་སེམས ་དང་། དུས་ཐམས་ཅད་དུ་སེམས་ཅན་རྣམས་ལ་སྙིང་རྗེ་བའི་སེམས་དང་། སེམས་ཅན་རབ་འབྲིང་ཐ་མ་རྣམས་ལ་ཡང་དག་པར་སྦྱོར་བ་དང་། རི་མོ་བྱེད་པ་དང་བརྙས་པར་བྱེད་པ་རྣམས་ལ་སེམས ་མཉམ་པ་དང་། གཞན་གྱི་ལྟུང་བའི་འཁྲུལ་པ་ཐམས་ཅད་ལ་ཉེས་པར་མི་ལྟ་བ་དང་། ཐེག་པ་སྣ་ཚོགས་ལ་རོ་གཅིག་པ་དང་། ངན་སོང་གི་སྡུག་བསྔལ་ཐམས་ཅད་ཀྱི་སྒྲས་མི་སྐྲག་པ་དང་། བྱང ་ཆུབ་སེམས་དཔའ་ཐམས་ཅད་ལ་སྟོན་པར་འདུ་ཤེས་པ་དང་། སངས་རྒྱས་ཀྱི་ཞིང་སྙིགས་མ་ལྔ་ཅན་ན་དེ་བཞིན་གཤེགས་པ་མཐོང་བ་ལ་ངོ་མཚར་དུ་འདུ་ཤེས་པ་སྟེ། ཚངས་པ་ལྷག་པའི་བསམ ་པ་བཅུ་པོ་དེ་དག་གིས་སངས་རྒྱས་ཀྱི་ཞིང་དེར་གནས་པར་བྱའོ། ། དེ་ནས་བཅོམ་ལྡན་འདས་ལ། ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱི་སྤྱན་སྔར ་བདག་སེང་གེའི་སྒྲ་མི་སྒྲོག་སྟེ། འོན་ཀྱང་བདག་གི་སྤྱོད་པ་གང་ལགས་པའི་སྤྱོད་པ་འདི་ལ་བཅོམ་ལྡན་འདས་ཉིད་མངོན་སུམ་དུ་གྱུར་པས། བཅོམ་ལྡན་འདས་བདག་གི་ལྷག་པའི་བསམ་པ་དེ་དག ་ཀྱང་རྣམ་པར་སྦྱང་ཞིང་མཉམ་པར་གཞག་པའི་བྱེ་བྲག་གིས་ཀྱང་སངས་རྒྱས་ཀྱི་ཞིང་དེར་གནས་པར་བགྱིའོ། ། དེ་ནས་བཅོམ་ལྡན་འདས་དེ་བཞིན་གཤེགས་པ་ཟླ་འོད་ཀྱི་སངས་རྒྱས་ཀྱི་ཞིང་དེའི ་བྱང་ཆུབ་སེམས་དཔའ་གཞན་དག་གིས་ཀྱང་། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་ལྟར་སེམས་ཅན་མ་རུངས་པ་རྣམས་ཚོགས་པའི་སངས ་རྒྱས་ཀྱི་ཞིང་དེར་བདག་ཅག་མ་སྐྱེས་པ་ནི་རྙེད་པ་ལེགས་པ་རྙེད་དོ། ། བཅོམ་ལྡན་འདས་དེས་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་ཁྱེད་རྣམས་དེ་སྐད་མ་འཛེར་ཅིག། དེ་ཅིའི་ཕྱིར་ཞེ་ན། ་རིགས་ཀྱི་བུ་དག་སངས་རྒྱས་ཀྱི་ཞིང་འདི་ན་གང་བསྐལ་པ་བརྒྱ་སྟོང་དུ་ཚངས་པར་སྤྱོད་པ་ལ་གནས་པ་བས་མི་མཇེད་ཀྱི་འཇིག་རྟེན་གྱི་ཁམས་ན། གང་སྔ་དྲོའི་དུས་གཅིག་སེམས་ཞེ་སྡང་མེད་པར ་གནས་ན་དེ་བས་འདི་ཤིན་ཏུ་མཆོག་གོ། ། དེ་ཅིའི་ཕྱིར་ཞེ་ན། འཇིག་རྟེན་གྱི་ཁམས་དེ་ནི་དེ་ཙམ་དུ་ཀུན་ནས་ཉོན་མོངས་པར་གྱུར་པ་སྟེ། སེམས་ཅན་དེ་དག་ཀྱང་དེ་ཙམ་དུ་གཙེ་བ་མང་ཞིང་ཀུན་ནས ་ཉོན་མོངས་པ་མང་བ་ཡིན་ནོ། ། དེ་ནས་སངས་རྒྱས་ཀྱི་ཞིང་དེ་ནས་བྱང་ཆུབ་སེམས་དཔའ་སྟོང་ཕྲག་བཅུ་གཉིས་ཚངས་པ་ཁྱད་པར་སེམས་དང་ལྷན་ཅིག་ཏུ་ཆས་ཏེ། ཚངས་པ་བདག་ཅག་ཀྱང་མི་མཇེད ་ཀྱི་འཇིག་རྟེན་གྱི་ཁམས་དེར་མཆིའོ། ། བསམ་པ་འདི་དག་ཀྱང་རྣམ་པར་སྦྱང་ངོ་།། བཅོམ་ལྡན་འདས་ཤཱཀྱ་ཐུབ་པ་དེ་ལའང་བལྟའོ།། ཕྱག་བགྱིའོ།། བསྙེན་བཀུར་བགྱིའོ།། མཉམ་པར ་གཞག་པའི་བྱེ་བྲག་གིས་ཀྱང་སངས་རྒྱས་ཀྱི་ཞིང་དེར་གནས་པར་བགྱིའོ། ། དེ་ནས་ཚངས་པ་ཁྱད་པར་སེམས་བྱང་ཆུབ་སེམས་དཔའ་སྟོང་ཕྲག་བཅུ་གཉིས་དང་ལྷན་ཅིག་ཏུ་བཅོམ་ལྡན་འདས་དེ་བཞིན་གཤེགས ་བ་ཟླ་འོད་ཀྱི་ཞབས་ལ་མགོ་བོས་ཕྱག་འཚལ་ནས་འདི་སྐད་ཅེས་སྐྱེས་བུ་སྟོབས་དང་ལྡན་པའི་ལག་པ་བསྐུམ་པ་ལས་སྨྱུང་བ་འམ། སྦྱང་བ་ལས་བསྐུམ་པའི་སྐད་ཅིག་ཡུད་ཙམ་ཐང་ཅིག་དེ་ཙམ་གྱིས་སངས་རྒྱས་ཀྱི ་ཞིང་དེར་མི་སྣང་བར་གྱུར་ནས། བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཞིང་འདིར་ཕྱིན་ཏོ།། དེ་ནས་བཅོམ་ལྡན་འདས་ཀྱིས། ་བྱང་ཆུབ་སེམས་དཔའ་དྲ་བ་ཅན་གྱི་འོད་ལ་བཀའ་སྩལ་པ། དྲ་བ་ཅན་གྱི་འོད་ཁྱོད་ཀྱིས་ཚངས་པ་ཁྱད་པར་སེམས་འོངས་པ་མཐོང་ངམ། གསོལ་པ། བཅོམ་ལྡན་འདས་མཐོང་ངོ་།། བཅོམ ་ལྡན་འདས་ཀྱིས་བཀའ་སྩལ་པ། དྲ་བ་ཅན་གྱི་འོད་ཚངས་པ་ཁྱད་པར་སེམས་འདི་ནི་བྱང་ཆུབ་སེམས་དཔའ་ཚུལ་བཞིན་འདྲི་བ་ཀུན་འདྲི་བ་ལ་མཁས་པ་རྣམས་ཀྱི་ནང་ན་མཆོག་གོ།། ཚིག་གཟུང ་བ་རྣམས་ཀྱི་ནང་ན་མཆོག་གོ། ། ཚིག་བཙུན་པ་རྣམས་ཀྱི་ནང་ན་མཆོག་གོ།། ཚིག་འཇམ་པ་རྣམས་ཀྱི་ནང་ན་མཆོག་གོ།། སོང་པོར་སྨྲ་བ་རྣམས་ཀྱི་ནང་ན་མཆོག་གོ།། ཚིག་ཆོད་པ་རྣམས ་ཀྱི་ནང་ན་མཆོག་གོ། ། ཚིག་ཐོགས་པ་མེད་པ་རྣམས་ཀྱི་ནང་ན་མཆོག་གོ།། ལྡེམ་པོ་ངག་ཏུ་སྨྲ་བ་རྣམས་ཀྱི་ནང་ན་མཆོག་གོ།། སེམས་ཁོང་ཁྲོ་བ་མེད་པའི་ནང་ན་མཆོག་གོ།། བྱམས་པ་ལ ་གནས་པ་རྣམས་ཀྱི་ནང་ན་མཆོག་གོ། ། སྙིང་རྗེ་ལ་གནས་པ་རྣམས་ཀྱི་ནང་ན་མཆོག་གོ།། དགའ་བ་ལ་གནས་པ་རྣམས་ཀྱི་ནང་ན་མཆོག་གོ།། བཏང་སྙོམས་ལ་གནས་པ་རྣམས་ཀྱི་ནང་ན་མཆོག་གོ།། ་བྱང་ཆུབ་སེམས་དཔའ་ཐེ་ཙོམ་ཐམས་ཅད་གཅོད་པ་དང་། ཀུན་འདྲི་བ་ལ་མཁས་པ་རྣམས་ཀྱི་ནང་ན་མཆོག་གོ།། དེ་ནས་ཚངས་པ་ཁྱད་པར་སེམས་བྱང་ཆུབ་སེམས་དཔའ་སོ། ་ཕྲག་བཅུ་གཉིས་པོ་དེ་དག་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་དོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ལན་གསུམ་བསྐོར་བ་བྱས་ནས ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་ཚིགས་སུ་བཅད་པ་དག་གིས་རྣམ་པ་མང་པོར་མངོན་པར་བསྟོད་དོ།། རྣམ་པར་སྒྲ་བསྒྲགས་སྲིད་པ ་གསུམ་དུ་གྲགས། ། བསྔགས་པའི་འཕྲེང་བ་འཇིག་རྟེན་ཀུན་ཏུ་རྒྱུ།། བདག་གིས་སེམས་ཅན་མཆོག་རྣམས་ཞིང་ན་མཐོང་།། དེ་དག་ཀུན་ཀྱང་ཁྱོད་ཀྱི་ཡོན་ཏན་གསུངས།། འདི་ནི།། ་ཡོངས་སུ་དག་པའི་ཞིང་མཆིས་ཏེ།། དྲི་མ་མ་མཆིས་ངན་སོང་གསུམ་སྤངས་པ།། དེ་འདྲའི་ཞིང་རྣམས་དེ་དག་རྣམས་སྤངས་ནས།། ཁྱོད་ཀྱི་ཐུགས་རྗེས་ངན་པ་ཡོངས་སུ་བཟུང་། ་འཇིག་རྟེན་མགོན་ཁྱོད་ཡེ་ཤེས་དམན་མ་མཆིས།། མ་ལུས་བདེ་བར་གཤེགས་དང་ཁྱོད་དུ་མཚུངས།། ཤིན་ཏུ་རྣམ་དག་བསམ་པ་སྔོན་མཛད་པ།། འདི་འདྲ་བ་ཡི་ཞིང་འདི་ཁྱོད་ཀྱིས་བཟུང་། ་ཚུལ་ཁྲིམས་ཐམས་ཅད་རྣམ་དག་འདོད་སྤངས་ནས།། གང་ཞིག་བསྐལ་པར་གཞན་ན་སྤྱོད་པ་པས།། སུ་དག་བྱམས་པའི་སེམས་ཀྱིས་ཤིན་ཏུ་འདིར།། སྐད་ཅིག་སྤྱོད་ནའང་འདི་ནི་ཁྱད་པར་འཕགས། ་ལུས་དང་ངག་དང་འོན་ཏེ་ཡིད་ཀྱིས་ཀྱང་།། གང་ལ་ཉེས་བགྱིས་རྣམ་པ་གསུམ་མཆིས་ཏེ།། ངན་སོང་གསུམ་དུ་མྱོང་བར་གང་འགྱུར་བ།། དེ་ནི་ཚེ་འདི་ཉིད་ལ་འབྱང་བར་འགྱུར།། བྱང་ཆུབ་སེམས ་དཔའ་འདི་ན་གང་མཆིས་པ། ། དེ་དག་རྟག་ཏུ་གདུང་བར་མི་བགྱི་སྟེ།། དེ་ཡི་ལས་གང་ལོག་ལྟུང་མཆི་བ་ཡང་།། དེ་དག་འདིར་ནི་གླད་པ་ན་བས་འབྱང་།། འདི་ན་བྱང་ཆུབ་སེམས་དཔའ་སྐྱོན་མེད་གང་།། ། ་དམ་པའི་ཆོས་སྲུངས་ཆོས་མཆོག་འཛིན་པ་རྣམས།། དེ་དག་འདི་ལས་ཕྱིན་ཆད་ནམ་དུ་ཡང་།། དྲན་པ་མི་འཁྲུག་བློ་ཡང་ཉམས་མི་འགྱུར།། གང་ཞིག་བདུད་ཀྱིས་བཅིངས་པ་བཅད་པ་དང་།། དེ་བཞིན ་ཉོན་མོངས་ལས་བཅས་སྦྱོང་འཚལ་བ། ། ད་ནི་ཞིང་འདིར་དམ་པའི་ཆོས་ཉིད་སྲུང་།། འདི་ལ་ཡེ་ཤེས་ལྡན་པའི་མཆོག་ཏུ་འགྱུར།། གང་ཞིག་བསྐལ་པ་བྱེ་བར་ཞིང་གཞན་དུ།། སེམས་ལྡན་དམ་ཆོས ་འཛིན་པར་འགྱུར་བ་བས། ། སུ་དག་སྔ་དྲོ་གཅིག་ཙམ་མི་མཇེད་དུ།། འདི་ནི་དེ་བས་མཆོག་ཏུ་མཁས་པས་དགོངས།། བདག་གིས་མངོན་པར་དགའ་བའི་འཇིག་རྟེན་དང་།། དེ་བཞིན་ཚེ་དཔག་མེད་ཀྱི ་བདེ་ཅན་མཆོག། དེ་ན་སྡུག་བསྔལ་སྡུག་བསྔལ་སྒྲ་མ་མཆིས།། དེར་ནི་ཡོན་ཏན་བགྱི་བ་རྨད་མི་ཆེ།། ཉོན་མོངས་འབྱུང་གནས་འཇིག་རྟེན་ཉིས་གང་འདིར།། ཞེ་སྡང་ཅན་གྱི་བར་དུ་ཉེས་བཟོད་ལ།། ཆོས ་འདི་ལ་ཡང་གཞན་དག་འཛུད་པར་ནི། ། འདི་ནི་དེ་བས་དཀའ་བའི་མཆོག་ཏུ་འགྱུར།། སྙིང་རྗེས་བརླན་སེམས་སྡུག་བསྔལ་མང་ལས་འགྲོལ།། བླ་མེད་བླ་མ་ཁྱོད་ལ་བདག་ཕྱག་འཚལ།། གཏུམ་སེམས་ཅན ་ལ་ཆོས་གང་འཆད་པ་ནི། ། བདག་པོ་འཇིག་རྟེན་ན་ཡང་དེ་སྤྱད་དཀའ།། ཤིན་ཏུ་རྒྱ་ཆེ་བ་ཡི་འཁོར་འདི་དང་།། ཕྱོགས་སུ་རྣམ་གྲགས་པའི་སངས་རྒྱས་སྲས།། ཆོས་ཀྱིས་མི ་ངོམས་རྒྱ་མཚོ་འདྲ་བ་ཚོགས། ། དེ་དག་ལ་ནི་རྒྱལ་བའི་བྱང་ཆུབ་གསུངས།། ཚངས་པ་དབང་པོ་འཇིག་རྟེན་སྐྱོང་བ་དང་།། ལྷ་ཀླུ་ལྷ་མིན་མི་འམ་ཅིར་བཅས་པ།། ཆོས་ཉིད་འཚལ་བ་མང་པོ་ཚོགས ་པ་ལ། ། ཇི་ལྟར་མོས་པ་བཞིན་དུ་ཆོས་ཉིད་གསུངས།། དགེ་བསྙེན་པ་དང་མ་དང་དགེ་སློང་དང་།། དགེ་སློང་མ་དང་འཁོར་བཞི་འདི་དག་ཚོགས།། ཇི་ལྟར་ཐོས་ནས་ནོར་གྲུབ་རབ་འདོང་བར།། དེ ་ལྟར་དེ་དག་ལ་ནི་ཆོས་བསྟན་གསོལ། ། གང་རྣམས་སངས་རྒྱས་ཐེག་ལ་རྟག་མོས་དང་།། དེ་བཞིན་རང་རྒྱལ་ཐེག་དང་ཉན་ཐོས་ཐེག། ཐུབ་པ་གང་གིས་སེམས་བསམ་གང་མཁྱེན་པ།། དེ་ལ་སྨན་པའི ་སླད་དུ་དེ་གསུངས་ཤིག། སངས་རྒྱས་རིགས་ལ་གནས་ཕྱིར་གང་བཞུགས་པ།། དཀོན་མཆོག་གསུམ་པོ་གང་ལས་བྱུང་བ་ཡིས།། བྱང་ཆུབ་ངེས་སེམས་དག་ལ་སྨན་སླད་དུ།། ཆོས་ཀྱི་རྒྱལ་པོ ་ཁྱོད་ལ་བདག་གསོལ་ཏོ། ། ཁྱོད་ཀྱི་བསྔགས་པའི་འཕྲེང་བ་གྲགས་ཐོས་ནས།། ཤེས་རབ་ཡངས་པ་འདི་རྣམས་བདེ་བར་ལྷགས།། སེམས་ཅན་གཙོ་བོ་དེ་དག་མཁྱེན་པ་བཞིན།། དེ་དག་ལ་ནི་བླ ་མེད་སྤྱོད་པཤོད། ། འདི་ལྟར་བདེ་གཤེགས་མཁྱེན་པ་བསམ་མི་ཁྱབ།། དགྲ་བཅོམ་བདག་ཉིད་ཆེན་པོའི་ས་འདི་མིན།། འདི་ནི་རང་རྒྱལ་གྱི་ཡང་ཡུལ་མ་ལགས།། བདག་ཀྱང་འདྲེན་ལ་དད་པའི ་རྗེས་སུ་འབྲང་། ། བདག་གིས་གང་ཁྱོད་དོན་ཆེན་འདི་དྲིས་པ།། འཇིག་རྟེན་རྣམ་འདྲེན་ཁྱོད་ལ་བདག་བཟོད་གསོལ།། གང་ཕྱིར་ཁྱོད་ཀྱི་ཐུགས་ནི་སྐྱོ་མི་མངའ།། དེ་ཕྱིར་བྱང་ཆུབ་ལམ་མཆོག་བསྟན་དུ ་གསོལ། ། དེ་ནས་བཅོམ་ལྡན་འདས་ཀྱི་སྤྱན་སྔར་ཚངས་པ་ཁྱད་པར་སེམས་ཀྱིས་ཚིགས་སུ་བཅད་པ་འདི་དག་སྨྲས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར ་ན་བྱང་ཆུབ་སེམས་དཔའ་དག་ལྷག་པའི་བསམ་པ་བརྟན་ཞིང་ཡིད་མི་སྐྱོ་བ་རྣམས་ལགས། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་དག་མགོ་གཅིག་ཏུ་སྨྲ་ཞིང་ཚིག་གདུང་བ་མ་མཆིས་པ་རྣམས ་ལགས། ཇི་ལྟར་ན་དགེ་བའི་རྩ་བ་རྣམས་མངོན་པར་འཕགས་པ་རྣམས་ལགས། ཇི་ལྟར་ན་བསླད་པ་མ་མཆིས་ཤིང་སྤྱོད་ལམ་ཡང་མི་འཁྲུགས་པ་ལགས། ཇི་ལྟར་ན་ཆོས་དཀར་པོ་རྣམས ་རྣམ་པར་འཕེལ་བར་བགྱིད་པ་རྣམས་ལགས། ཇི་ལྟར་ནས་ནས་སར་འཕར་བར་བགྱིད་པ་རྣམས་ལགས། ཇི་ལྟར་ན་སེམས་ཅན་ཡོངས་སུ་སྨིན་པར་བགྱི་བ་ལ་ཐབས་མཁས་པ་རྣམས་ལགས ་ཇི་ལྟར་ན་སེམས་ཅན་རྣམས་ལ་ཉེ་བར་སྤྱོད་པ་ལ་མཁས་པ་རྣམས་ལགས། ཇི་ལྟར་ན་བྱང་ཆུབ་ཀྱི་སེམས་སྲུང་བ་རྣམས་ལགས་ཇི་ལྟར་ན་སེམས་རྩེ་གཅིག་ཅིང་ཡིད་རྣམ་པར་མ ་འདྲེས་པ་རྣམས་ལགས། ཇི་ལྟར་ན་ཆོས་རྣམས་ཡོངས་སུ་ཚོལ་བ་ལ་མཁས་པ་རྣམས་ལགས། ཇི་ལྟར་ན་ལྟུང་བ་ལས་འབྱུང་བ་ལ་མཁས་པ་རྣམས་ལགས། ཇི་ལྟར་ན་ཉོན་མོངས་པ་རྣམས ་འདུལ་བ་ལ་མཁས་པ་རྣམས་ལགས། ཇི་ལྟར་ན་འཁོར་གྱི་ནང་དུ་མཆི་བ་ལ་མཁས་པ་རྣམས་ལགས། ཇི་ལྟར་ན་ཆོས་རྣམ་པར་འབྱེད་པ་ལ་མཁས་པ་རྣམས་ལགས ་ཇིལྟར་ན་རྒྱུའི་སྟོབས་དང་ལྡན་ཞིང་དགེ་བའི་རྩ་བ་ཆབ་མི་འཚལ་བ་རྣམས་ལགས། ཇི་ལྟར་ན་སྦྱིན་པའི་ཕ་རོལ་ཏུ་ཕྱིན་པ་ལ་མ་བསྟན་པར་སྦྱིན་པ་དང་། དེ་བཞིན་དུ་ཤེས་རབ་ཀྱི་བར་དུ་མ་བསྟན་པ ་ལགས། ཇི་ལྟར་ན་བསམ་གཏན་རྣམས་ཀྱི་བདེ་བ་ལས་ལྡོག་པ་ལ་མཁས་པ་རྣམས་ལགས། ཇི་ལྟར་ན་སངས་རྒྱས་ཀྱི་ཆོས་རྣམས་ལས་ཕྱིར་མི་ལྡོག་པ་རྣམས་ལགས། ཇི་ལྟར་ན ་སངས་རྒྱས་ཀྱི་རིགས་མི་གཅོད་པ་རྣམས་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚངས་པ་ཁྱད་པར་སེམས་ལ་འདི་སྐད་ཅེས་བཀའ་སྩལ་ཏོ།། ཚངས་པ་ལེགས ་སོ་ལེགས་སོ། ། ཡང་ཚངས་པ་ཁྱོད་དེ་བཞིན་གཤེགས་པ་ལ་དེ་ལྟ་བུའི་དོན་དྲི་བར་སེམས་པ་ལེགས་སོ།། ཚངས་པ་དེའི་ཕྱིར་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཞིག་དང་བཤད་དོ།། བཅོམ ་ལྡན་འདས་ལེགས་སོ་ཞེས་གསོལ་ནས། ཚངས་པ་ཁྱད་པར་སེམས་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། ཚངས་པ་ཆོས་བཞི་དང ་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་དག་ལྷག་པའི་བསམ་པ་བརྟན་ཞིང་ཡིད་མི་སྐྱོ་བ་རྣམས་ཡིན་ཏེ། བཞི་གང་ཞེ་ན། སེམས་ཅན་རྣམས་ལ་སྙིང་རྗེ་བ་དང་། མི་སྐྱོ་བའི་བརྩོན ་འགྲུས་དང་། འཁོར་བ་ལ་རྨི་ལམ་ལྟ་བུར་མོས་པ་དང་། སངས་རྒྱས་ཀྱི་ཡེ་ཤེས་ལ་མི་མཉམ་པ་དང་མཉམ་པར་ཡོངས་སུ་འཇལ་བ་སྟེ། ཚངས་པ་ཆོས་བཞི་པོ་དེ་དག་དང་ལྡན་ན། བྱང་ཆུབ་སེམས ་དཔའ་སེམས་དཔའ་ཆེན་པོ་དག་ལྷག་པའི་བསམ་པ་བརྟན་ཞིང་ཡིད་མི་སྐྱོ་བ་རྣམས་ཡིན་ནོ། ། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་དག་མགོ་གཅིག་ཏུ་སྨྲ ་ཞིང་ཚིག་གདུང་བ་མེད་པ་རྣམས་ཡིན་ཏེ། བཞི་གང་ཞེ་ན། བྱང་ཆུབ་སེམས་དཔའ་རྣམས་ཆོས་ཐམས་ཅད་ལ་གང་ཟག་མེད་པར་མགོ་གཅིག་ཏུ་སྨྲའོ།། བྱང་ཆུབ་སེམས་དཔའ་རྣམས་སྐྱེ་གནས ་ཐམས་ཅད་ལ་དགའ་བ་མེད་པར་མགོ་གཅིག་ཏུ་སྨྲའོ། ། བྱང་ཆུབ་སེམས་དཔའ་རྣམས་ཐེག་པ་ཆེན་པོའི་བསྔགས་པ་མགོ་གཅིག་ཏུ་སྨྲའོ།། བྱང་ཆུབ་སེམས་དཔའ་རྣམས་དགེ་བ་དང་མི་དགེ་བའི ་ལས་རྣམས་ཆུད་མི་ཟ་བར་མགོ་གཅིག་ཏུ་སྨྲའོ། ། ཚངས་པ་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཚིག་མགོ་གཅིག་པ་བཞིའོ།། ཚངས་པ་ཆོས་བཞི་པོ་འདི་དག་ནི་བྱང ་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་དགེ་བའི་རྩ་བ་མངོན་པར་འཕགས་པར་འགྱུར་བ་སྟེ། བཞི་གང་ཞེ་ན། ཚུལ་ཁྲིམས་དང་། ཐོས་པ་དང་། གཏོང་བ་དང་། འབྱུང་བ་སྟེ། ་བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་རྣམས་མི་བསླད་ཅིང་སྤྱོད་ལམ་རྣམ་པར་འཁྲུགས་པར་མི་འགྱུར་ཏེ། བཞི་གང་ཞེ་ན། རྙེད་པ་མེད་པ ་དང་། སྨད་པ་མེད་པ་དང་། གྲགས་པ་མེད་པ་དང་། སྡུག་བསྔལ་བ་སྟེ། ཚངས་པ་ཆོས་བཞི་པོ་དེ་དག་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན ་པོ་རྣམས་མི་བསླད་ཅིང་སྤྱོད་ལམ་རྣམ་པར་མི་འཁྲུགས་པར་འགྱུར་རོ། ། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དགེ་བའི་རྩ་བ་རྣམས་འཕེལ་བར་བྱེད ་དེ། བཞི་གང་ཞེ་ན། སེམས་ཅན་རྣམས་བྱང་ཆུབ་ལ་ཡང་དག་པར་འཛུད་པ་དང་། སྦྱིན་པ་བྱིན་ནས་རྣམ་པར་སྨིན་པ་ལ་མི་རེ་བ་དང་། དམ་པའི་ཆོས་ཡོངས་སུ་འཛིན་པ་དང་། བྱང་ཆུབ ་སེམས་དཔའ་རྣམས་ལ་ཤེས་རབ་སྟོན་པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ས་ནས་སར་འཕར་ཏེ། བཞི ་གང་ཞེ་ན། དགེ་བའི་རྩ་བ་བསགས་པ་དང་། ཉེས་པ་ཐམས་ཅད་རྣམ་པར་སྤོང་བ་དང་། བསྔོ་བ་ལ་མཁས་པ་དང་། བརྩོན་འགྲུས་ཤིན་ཏུ་འབར་བ་དང་། བཞི་པོ་འདི་དག་གོ།། ཚངས་པ ་ཆོས་བཞི་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སེམས་ཅན་ཡོངས་སུ་སྨིན་པར་བྱ་བ་ལ་ཐབས་མཁས་པ་རྣམས་ཡིན་ཏེ། བཞི་གང་ཞེ་ན། སེམས་ཅན་གྱི་རྗེས་སུ་འཇུག ་པ་དང་། གཞན་གྱི་བསོད་ནམས་ལ་རྗེས་སུ་ཡི་རང་བ་དང་། ཉེས་པ་འཆགས་པ་དང་། སངས་རྒྱས་ཐམས་ཅད་ལ་གསོལ་བ་འདེབས་པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན། ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སེམས་ཅན་རྣམས་ལ་ཉེ་བར་སྤྱོད་པ་ལ་མཁས་པ་རྣམས་ཡིན་ཏེ། བཞི་གང་ཞེ་ན། སེམས་ཅན་ཐམས་ཅད་ལ་ཕན་པའི་དངོས་པོ་དང་། བདག ་བདེ་བ་ལ་མ་ཆགས་པ་དང་། བཟོད་ཅིང་ངེས་པ་དང་། ང་རྒྱལ་བཅོམ་པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས ་བྱང་ཆུབ་ཀྱི་སེམས་ཆུད་མི་གཟོན་ཏེ། བཞི་གང་ཞེ་ན། སངས་རྒྱས་རྗེས་སུ་དྲན་པ་ཡིད་ལ་བྱེད་པ་དང་། དགེ་བའི་རྩ་བ་ཐམས་ཅད་ལ་བྱང་ཆུབ་ཀྱི་སེམས་སྔོན་དུ་འགྲོ་བ་དང་། དགེ་བའི་བཤེས་གཉེན ་ལ་སྟེན་པ་དང་། ཐེག་པ་ཆེན་པོ་ལ་ཡང་དག་པར་བསྔགས་པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སེམས་རྩེ ་གཅིག་ཅིང་ཡིད་རྣམ་པར་མ་འདྲེས་པ་རྣམས་སུ་རིག་པར་བྱ་སྟེ། བཞི་གང་ཞེ་ན། ཉན་ཐོས་ཀྱི་སེམས་རྣམ་པར་སྤོང་བ་དང་། རང་སངས་རྒྱས་ཀྱི་ཡིད་ལ་བྱེད་པ་གཏོང་བ་དང་། ཆོས་ཡོངས་སུ ་ཚོལ་བས་མི་ངོམས་པ་དང་། ཇི་ལྟར་ཐོས་པ་བཞིན་དུ་ཆོས་སྟོན་པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས ་ཡོངས་སུ་ཚོལ་ཏེ། བཞི་གང་ཞེ་ན། རྙེད་པར་དཀའ་བའི་ཕྱིར་རིན་པོ་ཆེར་འདུ་ཤེས་པ་དང་། ནད་ཐམས་ཅད་རབ་ཏུ་ཞི་བར་བྱེད་པའི་ཕྱིར་རྩིར་འདུ་ཤེས་དང་། ཆུད་མི་ཟ་བའི་ཕྱིར་དོན་དུ ་འདུ་ཤེས་པ་དང་། མྱ་ངན་ལས་འདའ་བའི་ཕྱིར་སྡུག་བསྔལ་ཐམས་ཅད་ཞི་བར་འདུ་ཤེས་པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན། བྱང་ཆུབ ་སེམས་དཔའ་སེམས་དཔའ་ཆེན་པོ་རྣམས་ལྟུང་བ་ལས་འབྱུང་བ་ལ་མཁས་པ་རྣམས་ཡིན་ཏེ། བཞི་གང་ཞེ་ན། ནང་ནས་མི་སྐྱེ་བའི་ཆོས་ལ་བཟོད་པ་དང་། མི་འཕོ་བས་མི་འགག་པ་ལ་བཟོ ་པ་དང་། རྒྱུ་ལ་སོ་སོར་རྟོག་པས་རྟེན་ཅིང་འབྲེལ་པར་འབྱུང་བ་ལ་བཟོད་པ་དང་། གཅིག་ནས་གཅིག་ཏུ་སེམས་ཕན་ཚུན་དུ་གྱུར་པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་ལྡན་ན། བྱང ་ཆུབ་སེམས་དཔའ་སེམས་དཔའ་ཆེན་པོ་རྣམས་ཉོན་མོངས་པ་རྣམ་པར་སྦྱོང་སྟེ། བཞི་གང་ཞེ་ན། ཚུལ་བཞིན་དུ་སོ་སོར་རྟོག་པ་དང་། མ་འོངས་པ་ན་སྡོམ་པ་དང་། དཀར་པོའི་ཆོས་ཀྱི་སྟོབས ་སྐུསྤྱད་པ་དང་། རབ་ཏུ་དབེན་པར་གནས་ཏེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་པས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འཁོར་གྱི་ནང་དུ་འགྲོ་སྟེ། བཞི་གང ་ཞེ་ན། ཆོས་འདོད་པའི་ཕྱིར་ཏེ་ཀླན་ཀ་ཚོལ་བའི་བསམ་པས་མ་ཡིན་པ་དང་། རི་མོ་དང་བཅས་པའི་ཕྱིར་ང་རྒྱལ་དང་ཁེངས་པས་མ་ཡིན་པ་དང་། དགེ་བ་གང་ཡིན་པ་འཆོལ་བའི་ཕྱིར་ཏེ་བདག་བཅོམས ་པས་མ་ཡིན་པ་དང་། སེམས་ཅན་རྣམས་དགེ་བའི་རྩ་བ་ལ་གཟུང་བའི་ཕྱིར་ཏེ་རྙེད་པ་དང་། བཀུར་སྟི་དང་། ཚིགས་སུ་བཅད་པའི་ཕྱིར་མ་ཡིན་པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང ་ལྡན་པས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཀྱི་སྦྱིན་པ་རྣམ་པར་འབྱེད་དེ། བཞི་གང་ཞེ་ན། དམ་པའི་ཆོས་ཡོངས་སུ་འཛིན་པ་དང་། བདག་ཉིད་ཀྱི་ཤེས་རབ་གསལ་བར་བྱེད་པ ་དང་། སྐྱེས་བུ་དམ་པའི་ལས་བྱེད་པ་དང་། ཀུན་ནས་ཉོན་མོངས་པ་དང་རྣམ་པར་བྱང་བ་སྟོན་པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ ་རྣམས་རྒྱུའི་སྟོབས་དང་ལྡན་ཞིང་། དགེ་བའི་རྩ་བ་ཆུད་མི་ཟ་བ་ཡིན་ཏེ། བཞི་གང་ཞེ་ན། གཞན་གྱི་འཁྲུལ་པ་ལ་ཉེས་པར་མི་ལྟ་བ་དང་། ཁྲོས་པ་རྣམས་ལ་བྱམས་བསྒོམ་པ་དང་། ཆོས་རྣམས་ཀྱི ་རྒྱུ་སྟོན་པ་དང་། བྱང་ཆུབ་ཀྱི་སེམས་མི་གཏོང་བ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཕ་རོལ་ཏུ་ཕྱིན་པ་དྲུག་ལ་མ་བསྟན་པར ་ཤེས་པ་རྣམས་ཡིན་ཏེ། བཞི་གང་ཞེ་ན། སྦྱིན་པ་དག་ལ་སྔོན་དུ་འགྲོ་བ་རྣམས་ཡིན། ལྟུང་བ་རྣམས་ཀྱིས་ཕ་རོལ་ལ་རྩོད་པར་མི་བྱེད། སེམས་ཅན་ཡོངས་སུ་སྨིན་པར་བྱ་བའི་ཕྱིར་བསྡུ་བའི་དངོས ་པོ་ལ་མཁས་པ་ཡིན། ཆོས་རྣམས་ལ་ཟབ་མོར་མོས་པ་རྣམས་ཡིན་ཏེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བསམ ་གཏན་ལ་གནས་ནས་འདོད་པའི་ཁམས་སུ་སྐྱེའོ། ། བཞི་གང་ཞེ་ན། སེམས་ལས་སུ་རུང་བ་དང་། དགེ་བའི་རྩ་བ་རྣམས་ཀྱི་སྟོབས་སྐྱེད་པ་དང་། སེམས་ཅན་རྣམས་ཡོངས་སུ་མི་གཏོང་བ་དང་། ་ཐབས་དང་ཤེས་རབ་སྒོམ་པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སངས་རྒྱས་ཀྱི་ཆོས་རྣམས་ལས ་ཕྱིར་མི་ལྡོག་པ་ཡིན་ཏེ། བཞི་གང་ཞེ་ན། འཁོར་བ་དཔག་ཏུ་མེད་པ་ཡོངས་སུ་འཛིན་པ་དང་། སངས་རྒྱས་དཔག་ཏུ་མེད་པ་ལ་མཆོད་ཅིང་རིམ་གྲོ་བྱེད་པ་དང་། བྱམས་པ་དཔག་ཏུ་མེད་པ་བསྒོམ་པ་དང་། ་སྙིང་རྗེ་དཔག་ཏུ་མེད་པ་སྒོམ་པ་སྟེ། བཞི་པོ་འདི་དག་གོ། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སངས་རྒྱས་ཀྱི་རིགས་མི་གཅོད་དེ། བཞི་གང་ཞེ་ན། ་སྔར་དམ་བཅས་པ་ལས་མི་འགྱུར་བ་དང་། ཇི་སྐད་སྨྲས་པ་དེ་བཞིན་བྱེད་པ་དང་། དགེ་བའི་རྩ་བ་རྣམས་ལ་ཤིན་ཏུ་མོས་པ་དང་། བསམ་པའི་ནན་ཏན་ལ་གནས་པ་སྟེ། ཚངས་པ་ཆོས་བཞི་པོ་འདི་དག་དང་ལྡན་ན། ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སངས་རྒྱས་ཀྱི་རིགས་མི་གཅོད་དོ།། བཅོམ་ལྡན་འདས་ཀྱིས་བཞི་པ་མངོན་པར་བསྒྲུབ་པ་འདི་བཤད་པ་ན། ལྷ་དང་མིར་བཅས་པའི་སྐྱེ་དགུ་རྣམས་ལས ་སྲོག་ཆགས་སྟོང་ཕྲག་སུམ་ཅུ་རྩ་གཉིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། ། བྱང་ཆུབ་སེམས་དཔའ་ལྔ་སྟོང་ཡང་མི་སྐྱེ་བའི་ཆོས་ལ་བཟོད་པ་སྐྱེས་སོ།། སངས་རྒྱས་ཀྱི་ཞིང ་ས་ན་ཚོགས་ནས་འདུས་པའི་བྱང་ཆུབ་སེམས་དཔའ་དེ་དག་གིས་ཀྱང་བཅོམ་ལྡན་འདས་ལ་མཆོད་པ་བྱ་བའི་ཕྱིར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ལྷའི་མེ་ཏོག་རྣམས་ཀྱིས་པུས་ནུབ་ཙམ་དུ ་ཁེབས་པར་བྱས་སོ། ། དེ་ནས་གཞོན་ནུར་གྱུར་པ་དྲ་བ་ཅན་གྱི་འོད་ཀྱིས། ཚངས་པ་ཁྱད་པར་སེམས་ལ་འདི་སྐད་ཅེས་སྨྲས་སོ།། ཚངས་པ་ཁྱོད་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཚུལ་བཞིན་དྲི་བ ་འདྲི་བ་ལ་མཁས་པ་རྣམས་ཀྱི་མཆོག་ཏུ་གསུངས་ན། དེ་ཇི་ལྟར་དྲིས་ན་བྱང་ཆུབ་སེམས་དཔའ་ཚུལ་བཞིན་འདྲི་བ་ཡིན། ཁྱད་པར་སེམས་ཀྱིས་སྨྲས་པ། རིགས་ཀྱི་བུ་བདག་ཏུ་སྒྲོ་འདོགས་པས་འདྲི་ན་ཚུལ་བཞིན ་མ་ཡིན་པར་འདྲིའོ། ། གཞན་དུ་སྒྲོ་འདོགས་པས་འདྲི་ན་ཚུལ་བཞིན་མ་ཡིན་པར་འདྲིའོ།། ཆོས་སུ་སྒྲོ་འདོགས་པར་འདྲི་ན་ཚུལ་བཞིན་མ་ཡིན་པས་འདྲིའོ།། དྲ་བ་ཅན་གྱི་འོད་གང་ལ་བདག་ཏུ་སྒྲོ་འདོགས་པ ་མེད་པ་དང་། གཞན་དུ་སྒྲོ་འདོགས་པ་མེད་པ་དང་། ཆོས་སུ་སྒྲོ་འདོགས་པ་མེད་པ་འདི་ནི་ཚུལ་བཞིན་འདྲིའོ།། གཞན་ཡང་དྲ་བ་ཅན་གྱི་འོད་སྐྱེ་བའི་ཕྱིར་འདྲིན། ཚུལ་བཞིན་མ་ཡིན་པར་འདྲིའོ།། ་འགག་པའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ།། གནས་དང་གནས་མ་ཡིན་པའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ།། དྲ་བ་ཅན་གྱི་འོད་གང་ལ་ཆོས་གང་ལའང་སྐྱེ་བའི་ཕྱིར་རམ། འགག་པའི་ཕྱིར ་རམ། གནས་དང་གནས་མ་ཡིན་པའི་ཕྱིར་འདྲི་བ་མེད་པ་དེ་ནི་ཚུལ་བཞིན་འདྲི་བའོ།། གཞན་ཡང་དྲ་བ་ཅན་གྱི་འོད་ཀུན་ནས་ཉོན་མོངས་པའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ།། རྣམ་པར་བྱང་བའི་ཕྱིར ་འདྲི་ན་དེ་ནི་ཚུལ་བཞིན་མ་ཡིན་པའོ། ། འཁོར་བའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ།། འཁོར་བ་ལས་ཤིན་ཏུ་བཟླ་བའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ།། ཡོངས་སུ་མྱ་ངན་ལས་འདའ་བའི་ཕྱིར ་འདྲིན་དེ་ནི་ཚུལ་བཞིན་མ་ཡིན་པའོ། ། དྲ་བ་ཅན་གྱི་འོད་གང་ལ་ཀུན་ནས་ཉོན་མོངས་པའི་ཕྱིར་མ་ཡིན། རྣམ་པར་བྱུང་བའི་ཕྱིར་མ་ཡིན། འཁོར་བའི་ཕྱིར་མ་ཡིན། ་འཁོར་བ་ལས་ཤིན་ཏུ་བཟླ་བའི་ཕྱིར་མ་ཡིན། ཡོངས་སུ་མྱ་ངན་ལས་ཕྱིར་འདྲི་བ་མེད་པ་དེ་ནི་ཚུལ་བཞིན་དྲི་བའོ།། དེ་ཅིའི་ཕྱིར་ཞེ་ན། ཆོས་མི་འགྱུར་བ་ཉིད་ནི་ཀུན་ནས་ཉོན་མི་མོངས། རྣམ་པར་བྱང་བར ་མི་འགྱུར། མི་འཁོར་ཞིང་ཡོངས་སུ་མྱ་ངན་ལས་མི་འདའ་འོ།། གཞན་ཡང་དྲ་བ་ཅན་གྱི་འོད་ཐོབ་པའི་ཕྱིར་འདྲིན་དེ་ནི་ཚུལ་བཞིན་མ་ཡིན་པའོ།། མངོན་དུ་བྱ་བའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ།། ་མངོན་པར་ཤེས་པའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ།། ཡོངས་སུ་ཤེས་པ་དང་བསྒོམ་པའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ།། འབྲལ་བའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ།། དྲ་བཅན ་གྱི་འོད་གང་ལ་ཐོབ་པ་མེད་པ་དང་། འཛིན་པ་མེད་པ་དང་། མངོན་དུ་བྱ་བ་མེད་པ་དང་། ཀུན་ཏུ་རྟོག་པ་མེད་པ་དང་། མངོན་པར་ཤེས་པ་མེད་པ་དང་། གནས་པ་མེད་པ་དང་། སྒོམ་པ་མེད་པ་དང་། ་སྒོམ་པར་ལྟ་བ་མེད་པ་དེ་ནི་ཚུལ་བཞིན་དྲི་བའོ།། གཞན་ཡང་དྲ་བ་ཅན་གྱི་འོད་འདི་ནི་དགེ་བའོ།། འདི་ནི་མི་དགེ་བའོ།། འདི་ནི་ཟག་པ་དང་བཅས་པའོ།། འདི་ནི་ཟག་པ་མེད་པའོ།། འདི་ནི་ཁ་ན་མ་ཐོ་བ ་དང་བཅས་པའོ། ། འདི་ནི་ཁ་ན་མ་ཐོ་བ་མེད་པའོ།། འདི་ནི་འདུས་བྱས་སོ།། འདི་ནི་འདུས་མ་བྱས་སོ།། འདི་ནི་འཇིག་རྟེན་པའོ།། འདི་ནི་འཇིག་རྟེན་ལས་འདས་པའོ་ཞེས་འདྲིན་དེ་ནི་ཚུལ་བཞིན་མ་ཡིན ་བསྟེ། དྲ་བ་ཅན་གྱི་འོད་ཇི་ཙམ་དུ་གཉིས་སུ་འཇུག་པས་འདྲི་བ་དེ་ཙམ་དུ་ཚུལ་བཞིན་མ་ཡིན་པའོ།། དྲ་བ་ཅན་གྱི་འོད་གང་ལ་གཉི་སུ་མེད་པ་དང་། གཉིས་མ་ཡིན་པ་མེད་པ་དང་། འདུ་ཤེས་མེད་པ་དང ་མིང་མེད་པ་དང་། སྤྱི་མི་འཇུག་པ་དེ་ནི་ཚུལ་བཞིན་དྲི་བའོ།། གཞན་ཡང་དྲ་བ་ཅན་གྱི་འོད་སངས་རྒྱས་ཐ་དད་དུ་བྱེད་པ་དང་། ཆོས་ཐ་དད་དུ་བྱེད་པ་དང་། དགེ་འདུན་ཐ་དད་དུ་བྱེད་པ་དང་། ཞིང་ཐ་དད ་དུ་བྱེད་པ་དང་། སེམས་ཅན་ཐ་དད་དུ་བྱེད་པ་དང་། ཐེག་པ་ཐ་དད་དུ་བྱེད་པ་དེ་ནི་ཚུལ་བཞིན་མ་ཡིན་པའོ།། དྲ་བ་ཅན་གྱི་འོད་གང་ལ་ཆོས་གང་ཡང་ཐ་དད་པར་རམ། གཅིག་པར་མི་འདྲི་བ་དེ་ནི་ཚུལ་བ་ནི། ་འདྲི་བའོ།། གཞན་ཡང་དྲ་བ་ཅན་གྱི་འོད་ཆོས་ཐམས་ཅད་ནི་ཚུལ་བཞིན་ནོ།། ཆོས་ཐམས་ཅད་ནི་ཚུལ་བཞིན་མ་ཡིན་པའོ།། སྨྲས་པ། ཚངས་པ་ཇི་ལྟར་ན་ཆོས་ཐམས་ཅད་ནི་ཚུལ་བཞིན། ཆོས ་ཐམས་ཅད་ནི་ཚུལ་བཞིན་མ་ཡིན། སྨྲས་པ། ཆོས་ཐམས་ཅད་བསམ་གྱི་མི་ཁྱབ་པའི་ཕྱིར་ཆོས་ཐམས་ཅད་ནི་ཚུལ་བཞིན་ནོ།། ཆོས་ཐམས་ཅད་བསམ་གྱིས་མི་ཁྱབ་པ་ལ་སེམས་པར་ཞུགས་པ་དེ ་དག་ནི་ཚུལ་བཞིན་མ་ཡིན་པའོ། ། ཆོས་ཐམས་ཅད་ནི་དབེན་པའི་མཚན་ཉིད་དེ། དེ་ནི་ཚུལ་བཞིན་ནོ།། གང་དབེན་པ་ལ་མ་མོས་པ་དེ་དག་ནི་ལྷག་པར་བྱེད་པ་ལ་ཞུགས་པའོ།། གང་ལྷག་པར ་བྱེད་པ་ལ་ཞུགས་པ་དེ་དག་ནི་ལྷག་པར་བྱེད་པ་ལ་བརྩོན་པའོ། ། གང་ལྷག་པར་བྱེད་པ་ལ་བརྩོན་པ་དེ་དག་ཇི་ཙམ་དུ་ལྷག་པར་བྱེད་པ་དེ་ཙམ་དུ་ཚུལ་བཞིན་མ་ཡིན་པའོ།། སྨྲས་པ། ཚངས་པ ་ཆོས་རྣམས་ཀྱི་ཚུལ་གང་ཡིན། སྨྲས་པ། རིགས་ཀྱི་བུ་རང་གི་ཡུལ་དབེན་པ་འདོད་ཆགས་དང་བྲལ་བའི་མཐའ་ནི་ཆོས་རྣམས་ཀྱི་ཚུལ་ལོ།། སྨྲས་པ། ཚངས་པ་གང་། ་ཆོས་རྣམས་ཀྱི་ཚུལ་འདི་ཁོང་དུ་ཆུད་པའི་སེམས་ཅན་དེ་དག་ནི་ཉུང་ཞིང་འབྱུང་བར་འགྱུར་རོ།། སྨྲས་པ། རིགས་ཀྱི་བུ་འདོད་ཆགས་དང་བྲལ་བའི་མཐའ་ནི་གཅིག་པའང་མ་ཡིན། མང་པོའང་མ ་ཡིན་ཏེ། དྲ་བ་ཅན་གྱི་འོད་རིགས་ཀྱི་བུ་འམ། རིགས་ཀྱི་བུ་མོ་གང་ཆོས་རྣམས་ཀྱི་ཚུལ་བཞིན་འདི་དག་གི་རྗེས་སུ་སོང་བ་འམ། རྗེས་སུ་འགྲོ་བ་འམ། རྗེས་སུ་འགྲོ་བར་འགྱུར་བ་དེ་དག་གིས ་ཆོས་གང་ཡང་མ་རྟོགས། མི་རྟོགས། རྟོགས་པར་མི་འགྱུར་རོ།། དེ་ཅིའི་ཕྱིར་ཞེ་ན། ཁོང་དུ་ཆུད་པ་མེད་པར་བཅོམ་ལྡན་འདས་ཀྱིས་ཀུན་ཤེས་པ་ལུང་བསྟན་པ་གསུངས་སོ།། གང ་རྣམས་ཚུལ་བཞིན་དུ་ཆོས་བསྟན་པ་འདི་ཐོས་ནས་མོས་པར་བྱེད་པ་དེ་དག་ནི་ཇི་ལྟར་བསྟན་པ་དེ་བཞིན་དུ་རབ་ཏུ་སྦྱོར་བ་ཡིན་ཏེ། དེ་དག་ནི་ཆོས་གང་ལའང་སྤྲོས་པར་མི་བྱེད་པར་འགྱུར་རོ།། སུ་ཆོས་གང ་ལའང་སྤྲོས་པར་བྱེད་པར་མི་འགྱུར་བ་དེ་དག་ནི་ཆོས་གང་ཡང་ཁོང་དུ་ཆུད་པར་མི་འགྱུར་རོ། ། སུ་ཆོས་གང་ཡང་ཁོང་དུ་ཆུད་པར་མི་འགྱུར་བ་དེ་དག་ནི་འཁོར་བར་འགྲོ་བ་ཡང་མ་ཡིན། མྱ་ངན་ལས་འདས ་པའི་ཆོས་ཅན་ཡང་མ་ཡིན་ནོ། ། དེ་ཅིའི་ཕྱིར་ཞེ་ན། བཅོམ་ལྡན་འདས་ཀྱིས་འཁོར་བའང་མ་དམིགས། ཡོངས་སུ་མྱ་ངན་ལས་འདས་པའང་མ་དམིགས་པའི་ཕྱིར་རོ།། སྨྲས་པ། བཅོམ་ལྡན ་འདས་ཀྱིས་འཁོར་བ་ལྔ་བཟླ་བའི་ཕྱིར་ཆོས་མ་བཤད་དམ། སྨྲས་པ། བཅོམ་ལྡན་འདས་ཀྱིས་གང་འཁོར་བ་ལས་འདའ་བའི་ཆོས་གང་བསྟན་ཏམ། སྨྲས་པ། དེ་ནི་མ་ཡིན་ནོ།། སྨྲས་པ། ་རིགས་ཀྱི་བུ་དེ་ལྟ་བླ་ན་བཅོམ་ལྡན་འདས་ཀྱིས་འཁོར་བའང་མི་སེལ། མྱ་ངན་ལས་འདས་པའང་ཐོབ་པར་མི་བྱེད་མོད་ཀྱི། འཁོར་བ་དང་མྱ་ངན་ལས་འདས་པ་གཉིས་སུ་འདུ་ཤེས་པ་ལས་འདའ་བར་སྟོན། ་ཏེ། འདི་ལ་གང་ཡང་འཁོར་བ་ལས་འདའ་བར་ཡང་མི་བྱེད། ཡོངས་སུ་མྱ་ངན་ལས་འདས་པའང་ཐོབ་པར་མི་བྱེད་དོ།། དེ་ཅིའི་ཕྱིར་ཞེ་ན། མཉམ་པ་ཉིད་ནི་མི་འཁོར། མྱ་ངན་ལས་མི་འདའ།། ་སྟེ་བཤད་པར་བྱ་ན་དེ་སྐད་བཤད་པར་བྱའོ།། ཚུལ་བཞིན་དུ་ཆོས་བསྟན་པ་འདི་བསྟན་པ་ན། དགེ་སློང་ཉིས་སྟོང་རྣམས་ཟག་པ་ལས་ལེན་པ་མེད་པར་སེམས་རྣམ་པར་གྲོལ་ལོ།། དེ་ནས་བཅོམ་ལྡན ་འདས་ཀྱིས། ཚངས་པ་ཁྱད་པར་སེམས་ལ་འདི་སྐད་ཅེས་བཀའ་སྩལ་ཏོ།། ཚངས་པ་ངས་འཁོར་བ་དང་མྱ་ངན་ལས་འདས་པ་མ་དམིགས་སོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པ་འཁོར ་བར་འདོགས་ཀྱང་འདི་ལ་གང་ཡང་འཁོར་བ་མེད་དོ། ། མྱ་ངན་ལས་འདས་པར་སྟོན་ཀྱང་འདི་ལ་གང་ཡང་ཡོངས་སུ་མྱ་ངན་ལས་མི་འདའ་འོ།། ཚངས་པ་གང་རྣམས་ཚུལ་འདི་ལ་ཞུགས་པ་དེ་དག ་ནི་འཁོར་བའི་ཆོས་ཅན་ཡང་མ་ཡིན། ཡོངས་སུ་མྱ་ངན་ལས་འདའ་བའི་ཆོས་ཅན་ཡང་མ་ཡིན་ནོ།། དེ་ནས་འཁོར་དེའི་ནང་ནས་དགེ་སློང་ལྔ་བརྒྱ་བསྟན་པ་འདི་ཐོས་པ་དང ་སྟན་ལས་ལངས་ཏེ་དོང་ངོ་། ། ཚིག་འདི་སྐད་ཅེས་སྨྲས་ཏེ། གལ་ཏེ་འདི་ལ་གང་ཡང་མི་འཁོར། གལ་ཏེ་གང་ཡང་ཡོངས་སུ་མྱ་ངན་ལས་མི་འདའ་ན། བདག་ཅག་ཚངས་པར་སྤྱོད་པ་ལ་གནས་པ ་འང་དོན་མེད་དོ། ། བདག་ཅག་ལམ་བསྒོམ་པ་དང་། བསམ་གཏན་དང་། ཏིང་ངེ་འཛིན་དང་། སྙོམས་པར་འཇུག་པའང་ཅིར་དགོས་ཞེས་ཟེར་རོ།། དེ་ནས་བཅོམ་ལྡན་འདས་ལ། གཞོན་ནུར ་གྱུར་པ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་གང་དག་ཆོས་གང་ལ་སྐྱེ་བ་འམ། འགག་པར་འཚལ་བ་དེ་དག་ལ་སངས་རྒྱས་འབྱུང་བ་མ་མཆིས་སོ།། བཅོམ་ལྡན ་འདས་གང་དག་མྱ་ངན་ལས་འདས་པ་དངོས་པོར་ཚོལ་བ་དེ་དག་ལའང་འཁོར་བ་ལས་འདའ་བ་མ་མཆིས་སོ། ། དེ་ཅིའི་སླད་དུ་ཞེ་ན། བཅོམ་ལྡན་འདས་མྱ་ངན་ལས་འདས་པ་ཞེས་བགྱི་བ་ནི། གང ་མཚན་མ་ཐམས་ཅད་རབ་ཏུ་ཞི་བ་དང་། གཡོ་བ་ཐམས་ཅད་མ་མཆིས་པར་གྱུར་པ་ལགས་ན། བཅོམ་ལྡན་འདས་སྐྱེས་བུ་བླུན་པོ་འདི་དག་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ནས་མུ ་སྟེགས་ཅན་གྱི་ལྟ་བར་ལྷུང་སྟེ། མྱ་ངན་ལས་འདས་པ་དངོས་པོར་ཚོལ་ལོ།། འདི་ལྟ་སྟེ། བཅོམ་ལྡན་འདས་ཏིལ་ལས་ཏིལ་མར་དང་། འོ་མ་ལས་མར་བཞིན་དུ་ཆོས་ཐམས་ཅད་ཤིན་ཏུ་མྱ་ངན་ལས ་འདས་པ་ལ་གང་རྣམས་མྱ་ངན་ལས་འདས་པ་དངོས་པོར་ཚོལ་བ་དེ་དག་ནི་ཉན་ཐོས་མུ་སྟེགས་ཅན་ང་རྒྱལ་ཅན་ཞེས་བདག་མཆིའོ། ། བཅོམ་ལྡན་འདས་རྣལ་འབྱོར་སྤྱོད་པ་ཡང་དག་པར་ཞུགས་པ་ནི་ཆོས་གང ་ལའང་སྐྱེ་བ་འམ། འགག་པར་མི་མཐོང་། ཆོས་གང་ལའང་ཐོབ་པ་འམ། མངོན་པར་རྟོགས་པར་མི་འཚལ་ལོ།། དེ་ནས་གཞོན་ནུར་གྱུར་པ་དྲ་བ་ཅན་གྱི་འོད་ཀྱིས། ཚངས་པ་ཁྱད་པར་སེམས ་ལ་འདི་སྐད་ཅེས་སྨྲས་སོ། ། ཚངས་པ་དགེ་སློང་ལྔ་བརྒྱ་འཁོར་འདི་ནས་སྟན་ལས་ལངས་ཏེ་དོང་བ་འདི་དག། ཅི་ནས་ཀྱང་ཆོས་འདུལ་བ་ལ་འཇུག་པ་དང་། མོས་པར་འགྱུར་བ་དང་། སྡིག་པའི ་ལྟ་བར་གྱུར་པ་དེ་ལས་རྣམ་པར་གྲོལ་བ་སྟོན་ཅིག། སྨྲས་པ། རིགས་ཀྱི་བུ་འདོད་ལ་རག་གོ་འདོང་ལ་རག་གོ། གལ་ཏེ་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་དུ་དོང་ཡང་བསྟན་པ་འདི་ལས་མི ་ཐར་ཏོ། ། རིགས་ཀྱི་བུ་འདི་ལྟ་སྟེ། སྐྱེས་བུ་བྱིས་པའི་རང་བཞིན་ཅན་ནམ་མཁས་འཇིགས་ཤིང་སྐྲག་སྟེ། བྲོས་ཀྱང་དེ་དག་ལས་གར་སོང་བ་དེ་དང་དེ་དག་ཏུ་ནམ་མཁའ་མཐོང་ངོ་།། དེ་བཞིན ་དུ་དགེ་སློང་འདི་དག་ཀྱང་ཇི་སྲིད་དུ་རིང་དུ་སོང་ཡང་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་མཚན་ཉིད་ལས་མ་འདས་སོ།། འདི་ལྟ་སྟེ། དཔེར་ན་སྐྱེས་བུ་གཞན་ཞིག་ནམ ་མཁའ་རྙེད་པར་བྱའོ་ཞེས་ནམ་མཁའ་ཚོལ་ཏེ། ཕྱོགས་དང་ཕྱོགས་མཚམས་སུ་རྒྱུག་ཅིང་ཇི་ཙམ་དུ་ནམ་མཁའི་མིང་ནས་བརྗོད་ཀྱང་ནམ་མཁའ་མི་རྙེད་དོ།། དེ་ནམ་མཁའ་དེ་ཉིད་ཀྱི་ནང་ནས་འགྲོ ་འང་དེ་མི་མཐོང་ངོ་། ། དེ་ཅིའི་ཕྱིར་ཞེ་ན། གང་ནམ་མཁའ་ཞེས་བྱ་བ་དེ་ནི་མིང་ཙམ་མོ།། རིགས་ཀྱི་བུ་དེ་བཞིན་དུ་དགེ་སློང་འདི་དག་ཀྱང་མྱ་ངན་ལས་འདས་པ་དངོས་པོར ་ཚོལ་ཏེ། མྱ་ངན་ལས་འདས་པ་དེ་ཉིད་ལ་རྣམ་པར་སྤྱོད་ཀྱང་དེ་མི་མཐོང་ངོ་།། ཁོང་དུ་མི་ཆུད་དོ།། དེ་ཅིའི་ཕྱིར་ཞེ་ན། རིགས་ཀྱི་བུ་གང་མྱ་ངན་ལས་འདས་པ་ཞེས་བྱ་བ་དེ་ནི་མིང་ཙམ་མོ།། ་ཇི་ལྟར་ན་ནམ་མཁའ་ཞེས་བརྗོད་པའང་གཟུང་དུ་མེད་པ་དེ་བཞིན་དུ། མྱ་ངན་ལས་འདས་པ་མྱ་ངན་ལས་འདས་པ་ཞེས་བརྗོད་པའང་བཟུང་དུ་མེད་པའོ།། དེ་ནས་དགེ་སློང་ལྔ་བརྒྱ་པོ་དེ་དག་བཤད་པ ་འདི་ཐོས་ནས། ཟག་པ་ལས་ལེན་པ་མེད་པར་སེམས་རྣམ་པར་གྲོལ་ཏེ། མངོན་པར་ཤེས་པ་ཐོབ་པ་དེ་དག་གིས་ཚིག་སྨྲས་པ། བཅོམ་ལྡན་འདས་གང་རྣམས་ཆོས་ཐམས་ཅད་ཤིན་ཏུ་ཡོངས་སུ་མྱ ་ངན་ལས་འདས་པ་ལ་མྱ་ངན་ལས་འདས་པ་དངོས་པོར་ཚོལ་བ་དེ་དག་ལ་སངས་རྒྱས་འབྱུང་བ་མ་མཆིས་སོ། ། བཅོམ་ལྡན་འདས་བདག་ཅག་ནི་སོ་སོའི་སྐྱེ་བོའང་མ་ལགས། སློབ་པའང་མ་ལགས ་དགྲ་བཅོམ་པའང་མ་ལགས། འཁོར་བའི་ཆོས་ཅན་ཡང་མ་ལགས། མྱ་ངན་ལས་འདས་པའི་ཆོས་ཅན་ཡང་མ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་སངས་རྒྱས་འབྱུང ་བ་ནི་བྱེད་པ་དང་། སེམས་པ་དང་། གཡོ་བ་དང་། སྤྲོས་པ་ཐམས་ཅད་མ་མཆིས་པའོ།། དེ་ནས་ཚེ་དང་ལྡན་པ་ཤཱ་རིའི་བུས། དགེ་སློང་དེ་དག་ལ་འདི་སྐད་ཅེས་སྨྲས་སོ།། ཚེ་དང་ལྡན་པ ་དག་གིས་དགེ་སློང་ཞིང་ཁོང་དུ་ཆུད་དོ། ། རང་གི་དོན་བྱས་སོ།། དེ་དག་གིས་སྨྲས་པ། བཙུན་པ་ཤཱ་རིའི་བུ་བདག་ཅག་གིས་ཀུན་ནས་ཉོན་མོངས་པ་འོང་དུ་ཆུད་དོ།། མི་བྱཱ་འབྱས་སོ།། ཤཱར ་བུས་སྨྲས་པ། ཚེ་དང་ལྡན་པ་དག་ཅི་ལས་བསམས་ཏེ་དེ་སྐད་སྟོན། དེ་དག་གིས་སྨྲས་པ། བཙུན་པ་ཤཱ་རིའི་བུ་ཀུན་ནས་ཉོན་མོངས་པ་ཡོངས་སུ་ཤེས་པའི་ཕྱིར་དགེ་སྦྱོང་ཉིད་དོ།། བཙུན་པ་ཤཱ ་རིའི་བུ་མེ་བྱ་བ་ནི་མྱ་ངན་ལས་འདས་པ་ཡིན་ཏེ། འདི་ལ་བསམས་ནས་བདག་ཅག་གིས་ཀུན་ནས་ཉོན་མོངས་པ་ཁོང་དུ་ཆུད་དོ།། མི་བྱ་བ་བྱས་སོ་ཞེས་སྟོན་ཏོ།། ཤཱ་རིའི་བུས་སྨྲས་པ། ་ཚེ་དང་ལྡན་པ་རྣམས་ལེགས་སོ་ལེགས་སོ།། ཚེ་དང་ལྡན་པ་རྣམས་ནི་སྦྱིན་གནས་ཀྱིསར་གནས་པ་ཡིན་ནོ།། དེ་དག་གིས་སྨྲས་པ། བཙུན་པ་ཤཱ་རིའི་བུ་སྟོན་པ་གང་ཡིན་པ་འདི་ཉིད་ཀྱང་སྦྱིན ་པ་མི་སྦྱོང་ན། བདག་ཅག་གིས་ཇི་ལྟར་སྤྱད། སྨྲས་པ། བཙུན་པོ་ཤཱ་རིའི་བུ་དེ་བཞིན་གཤེགས་པས་ཆོས་ཀྱི་དབྱིངས་རང་བཞིན་གྱིས་ཡོངས་སུ་དག་པ་ཡོངས་སུ་མཁྱེན་པའི་ཕྱིར་རོ།། ་དེ་ནས་བཅོམ་ལྡན་འདས་ལ། ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་འཇིག་རྟེན་ན་གང་དག་སྦྱིན་གནས་ལགས། བཅོམ་ལྡན་འདས་ཀྱིས་བཀའ ་སྩལ་པ། ཚངས་པ་གང་དག་འཇིག་རྟེན་གྱི་ཆོས་རྣམས་ཀྱིས་མི་འཕྲོགས་པ་རྣམས་སོ།། གསོལ་པ། འཇིག་རྟེན་ན་སྦྱིན་པ་སྦྱོང་བ་གང་དག་ལགས། བཀའ་སྩལ་པ། གང་དག་ཆོས་གང ་ཡང་ཡོངས་སུ་མི་འཛིན་པ་རྣམས་སོ། ། གསོལ་པ། འཇིག་རྟེན་ན་བསོད་ནམས་ཀྱི་ཞིང་གང་དག་ལགས། བཀའ་སྩལ་པ། གང་དག་བྱང་ཆུབ་ཀྱི་སེམས་ཆུད་མི ་གཟོན་པ་རྣམས་སོ། ། གསོལ་པ། དགེ་བའི་བཤེས་གཉེན་གང་དག་ལགས། བཀའ་སྩལ་པ། གང་དག་གིས་སེམས་ཅན་ཐམས་ཅད་ལ་བྱམས་པ་ཡོངས་སུ་མ་གཏང་བ་རྣམས་སོ།། ་གསོལ་པ། དེ་བཞིན་གཤེགས་པ་ལ་བགྱིད་པ་གཟོ་བ་གང་དག་ལགས། བཀའ་སྩལ་པ། གང་དག་སངས་རྒྱས་ཀྱི་རིགས་མི་གཅོད་པ་རྣམས་སོ།། གསོལ་པ། དེ་བཞིན ་གཤེགས་པ་ལ་མཆོད་པ་བགྱིད་པ་གང་དག་ལགས། བཀའ་སྩལ་པ། གང་དག་མི་སྐྱེ་བའི་མཐའ་རྟོགས་པ་རྣམས་སོ།། གསོལ་བ། དེ་བཞིན་གཤེགས་པ་དང་ཉེ་བར་གནས་པ་གང ་དག་ལགས། བཀའ་སྩལ་པ། གང་དག་སྲོག་གི་ཕྱིར་ཡང་བསླབ་པ་མི་འབྲལ་བ་རྣམས་སོ།། གསོལ་པ། དེ་བཞིན་གཤེགས་པ་ལ་རི་མོ་དང་བཅས་པ་གང་དག་ལགས། བཀའ ་སྩལ་པ། གང་དབང་པོ་རབ་ཏུ་བསྡམས་ཏེ་གནས་པ་རྣམས་སོ།། གསོལ་པ། འཇིག་རྟེན་ན་ནོར་ཆེ་བ་གང་དག་ལགས། བཀའ་སྩལ་པ། གང་དག་ནོར་བདུན་དང་ལྡན་པ་རྣམས ་སོ། ། གསོལ་པ། འཇིག་རྟེན་ན་མཆོག་འཚལ་བ་གང་དག་ལགས། བཀའ་སྩལ་པ། འཇིག་རྟེན་ན་གང་དག་ལ་ཤེས་རབ་བླ་ན་མེད་པ་ཡོད་པ་རྣམས་སོ།། གསོལ་བ། རབ ་ཏུ་དབེན་པ་གང་དག་ལགས། བཀའ་སྩལ་པ། གང་དག་ཁམས་གསུམ་དུ་སྨོན་པ་མེད་པ་རྣམས་སོ།། གསོལ་བ། འཇིག་རྟེན་ན་ཤིན་ཏུ་བསྡམས་པ་གང་དག་ལགས། བཀའ ་སྩལ་པ། གང་ཀུན་ཏུ་སྦྱོར་བ་ཐམས་ཅད་ཤིན་ཏུ་བྱང་བ་རྣམས་སོ།། གསོལ་བ། འཇིག་རྟེན་ན་བདེ་བ་རྣམས་གང་དག་ལགས། བཀའ་སྩལ་པ། གང་རྣམས་ལ་ཡོངས་སུ་འཛིན་པ་མེད་པའོ།། ་གསོལ་པ། ཡོངས་སུ་མི་འཛིན་པ་གང་དག་ལགས། བཀའ་སྩལ་པ། གང་དག་གིས་ཕུང་པོ་ཡོངས་སུ་ཤེས་པའོ།། གསོལ་པ། ཕ་རོལ་ཏུ་མཆིས་པ་གང་དག་ལགས། བཀའ་སྩལ ་པ། གང་གིས་སྐྱེ་མཆེད་དྲུག་སྤངས་པ་རྣམས་སོ།། གསོལ་པ། བཅོམ་ལྡན་འདས་འགྲམ་དུ་ཕྱིན་པ་རྣམས་གང་དག་ལགས། བཀའ་སྩལ་པ། ཚངས་པ་གང་གིས་མཉམ་པ་ཉིད་ཐོབ་པ་རྣམས ་སོ། ། གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་ཀྱིས་སྦྱིན་པ་རྒྱས་པ་ལགས། བཀའ་སྩལ་པ། ནམ་སེམས་ཅན་ཐམས་ཅད་ཐམས་ཅད་མཁྱེན་པའི་སེམས ་ལ་མོས་པར་བྱེད་པའོ། ། གསོལ་པ། ཇི་ལྟར་ན་ཚུལ་ཁྲིམས་དང་ལྡན་པ་རྣམས་ལགས། བཀའ་སྩལ་པ། ནམ་ཐམས་ཅད་མཁྱེན་པའི་སེམས་མི་འདོར་བའོ།། གསོལ་པ། ཇི་ལྟར ་ན་བཟོད་པ་དང་ལྡན་པ་རྣམས་ལགས། བཀའ་སྩལ་པ། ནམ་ཐམས་ཅད་མཁྱེན་པའི་སེམས་མི་ཟད་པར་མཐོང་བ་རྣམས་སོ།། གསོལ་པ། ཇི་ལྟར་ན་བརྩོན་འགྲུས་དང་ལྡན་པ་རྣམས་ལགས། ་བཀའ་སྩལ་པ། ནམ་ཐམས་ཅད་མཁྱེན་པའི་སེམས་ལ་བརྟགས་ནས་མི་དམིགས་པའོ།། གསོལ་པ། ཇི་ལྟར་ན་བསམ་གཏན་པ་རྣམས་ལགས། བཀའ་སྩལ ་པ། ནམ་ཐམས་ཅད་མཁྱེན་པའི་སེམས་རང་བཞིན་གྱིས་ཞི་བར་རབ་ཏུ་རྟོགས་པའོ།། གསོལ་པ། ཇི་ལྟར་ན་ཤེས་རབ་དང་ལྡན་པ་རྣམས་ལགས། བཀའ་སྩལ་པ། ནམ་ཆོས་ཐམས ་ཅད་ལ་སྤྲོས་པར་མི་བྱེད་པའོ། ། གསོལ་བ། ཇི་ལྟར་ན་བྱམས་པ་ལ་གནས་པ་རྣམས་ལགས། བཀའ་སྩལ་པ། ནམ་སེམས་ཅན་དུ་འདུ་ཤེས་འཇུག་པར་མི་བྱེད་པའོ།། གསོལ ་པ། ཇི་ལྟར་ན་སྙིང་རྗེ་ལ་གནས་པ་རྣམས་ལགས་བཀའ་སྩལ་པ། ནམ་ཆོས་ཐམས་ཅད་ལ་འདུ་ཤེས་འཇུག་པར་མི་བྱེད་པའོ།། གསོལ་པ། ཇི་ལྟར་ན་དགའ་བ་ལ་གནས་པ་རྣམས ་ལགས། བཀའ་སྩལ་པ། ནམ་བདག་ཏུ་འདུ་ཤེས་འཇུག་པར་མི་བྱེད་པའོ།། གསོལ་པ། ཇི་ལྟར་ན་བཏང་སྙོམས་ལ་གནས་པ་རྣམས་ལགས། བཀའ་སྩལ་པ། ནམ་བདག ་དང་གཞན་དུ་འདུ་ཤེས་འཇུག་པར་མི་བྱེད་པའོ། ། གསོལ་པ། ཇི་ལྟར་ན་དད་པ་ལ་གནས་པ་རྣམས་ལགས། བཀའ་སྩལ་པ། ནམ་ཆོས་ཐམས་ཅད་བརྗོད་དུ་མེད་པར་མོས་པའོ།། ་གསོལ་པ། ཇི་ལྟར་ན་ཐོས་པ་ལ་གནས་པ་རྣམས་ལགས། བཀའ་སྩལ་པ། ནམ་སྒྲ་ཐམས་ཅད་ལ་མངོན་པར་མི་ཆགས་པའོ།། གསོལ་པ། ཇི་ལྟར་ན་ངོ་ཚ་འཚལ་བ་དང་ལྡན་པ་རྣམས ་ལགས། བཀའ་སྩལ་པ། ནང་ཡོངས་སུ་ཤེས་པས་སོ།། གསོལ་པ། ཇི་ལྟར་ན་ཁྲེལ་མཆིས་པ་ཕུན་སུམ་ཚོགས་པ་རྣམས་ལགས། བཀའ་སྩལ་པ། ཕྱི་རོལ་གྱི་སྐྱེ་མཆེད་འདོར ་བས་སོ། ། གསོལ་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་ཇི་ལྟར་ན་ཡོན་ཏན་ཐམས་ཅད་ཚོགས་ཤིང་ཀུན་ཏུ་འགྲོ་བ་རྣམས་ལགས། བཅོམ་ལྡན་འདས་ཀྱིས་བཀའ་སྩལ་པ། ་ལུས་དང་། ངག་དང་། ཡིད་ཀྱི་ལས་ཡོངས་སུ་དག་པས་སོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ།། ལུས་ནི་རྣམ་པར་དག་ཅིང་སྡིག་པ་མི་བྱེད་དེ།། ་ངག་ཀྱང་རྣམ་པར་དག་པས་རྟག་ཏུ་རྫུན་རྣམས་སྤོངས།། ཡིད་ཀྱང་གཙང་བས་རྟག་ཏུ་བསམ་པ་དྲི་མ་མེད།། དེ་ཕྱིར་དེ་ནི་རྒྱལ་བས་ཀུན་ཏུ་འགྲོ་བས་གསུངས།། མི་སྡུག་སྒོམ་ཞིང་འདོད་ཆགས ་ཀྱིས་ཀྱང་ཆགས་པ་མེད། ། བྱམས་ལ་གནས་ཤིང་ཞེ་སྡང་གིས་ནི་གཏུམ་པ་མེད།། ཤེས་རབ་དག་ལ་གནས་ཤིང་གཏི་མུག་བླུན་མ་ཡིན།། མཁས་པ་རྣམས་ནི་དེ་ལ་ཀུན་ཏུ་འགྲོ་བར་གསུངས།། ་དེ་ནི་གྲོང་དུ་ཇི་བཞིན་དེ་བཞིན་དགོན་པར་ཡང་།། དགོན་པ་དང་ནི་གྲོང་དང་འཁོར་དུ་དེ་འདྲ་བར།། དེ་ནི་སྤྱོད་ལམ་རྣམ་པར་འགྱུར་བར་མི་བྱེད་དེ།། དེ་ཕྱིར་རྒྱལ་བས་དེ་ལ་ཀུན་ཏུ་འགྲོ་བར་བརྗོད།། ་རྒྱལ་བ་ཀུན་གྱི་ཆོས་ཉིད་ལ་ནི་དེ་མོས་ཏེ།། མཁས་པས་ཆོས་ཉིད་ལ་ཡང་འདོད་ཆགས་བྲལ་བ་དང་།། དགེ་འདུན་ལ་ཡང་འདུས་མ་བྱས་པར་ཤིན་ཏུ་མོས།། དེ་ཕྱིར་རྒྱལ་པ་རྣམས་ཀྱིས་ཀུན ་ཏུ་འགྲོ་བར་གསུངས། ། འདོད་ཆགས་མོས་པ་དག་གིས་སྤྱོད་པར་རབ་ཏུ་ཤེས།། ཞེ་སྡང་མོས་པ་རྣམས་དང་དེ་བཞིན་གཏི་མུག་དང་།། སྤྱོད་པ་རྣམ་པར་འགྱུར་བ་ལ ་ཡང་དེ་མཁས་ཏེ། ། དེ་ཕྱིར་དེ་ནི་རྒྱལ་བས་ཀུན་ཏུ་འགྲོ་བར་བསྟན།། འདོད་པའི་ཁམས་ལ་ཤིན་ཏུ་གནས་པར་མི་བྱེད་དེ།། གཟུགས་ཀྱི་ཁམས་ལ་ཡང་ནི་མིནུས་པར་མི་འགྱུར་རོ།། དེ་ནི ་གཟུགས་མེད་པ་ཡི་ཁམས་ལ་མི་གནས་ཏེ། ། དེ་ཕྱིར་དེ་ནི་རྒྱལ་བས་ཀུན་ཏུ་འགྲོ་བར་བརྗོད།། རྟག་ཏུ་མཚན་མ་དང་ནི་སྨོན་པ་གསོག་གྱུར་དང་།། དངོས་པོ་ཐམས་ཅད་སྟོང་པ་ཉིད་དུ་དེ་མོས་ཤིང་།། ་ཟག་པ་རྣམས་ནི་བར་དུ་ཟད་པར་མི་བྱེད་དེ།། དེ་ཕྱིར་དེ་ནི་རྒྱལ་བས་ཀུན་ཏུ་འགྲོ་བར་བསྟན།། དེ་ནི་རང་རྒྱལ་ཐེག་པ་ལ་ཡང་མཁས་པ་ཡིན།། སྒྲ་ཕྱིར་འབྲང་བ་ཉན་ཐོས་འགྱུར་བའང་དེ་ཡིས་ཤེས།། ། ་རྫོགས་པའི་སངས་རྒྱས་ཐེག་པའི་ཕ་རོལ་སོང་བ་ཡིན།། དེ་ཕྱིར་བདེ་བར་གཤེགས་པས་ཀུན་ཏུ་འགྲོ་བར་བརྗོད།། དེ་དག་རྟག་པར་ཀུན་ཏུ་བློ་གྲོས་དྲི་མ་མེད།། དེ་དག་ཚུལ་དང་ཚུལ་མ་ཡིན་ལ ་མི་རྨོངས་ཏེ། ། མཛའ་བ་དང་ནི་མི་མཛའ་བ་ལའང་མཉམ་པའི་ཡིད།། དེ་ཕྱིར་བྱང་ཆུབ་སེམས་དཔའ་ཀུན་ཏུ་འགྲོ་བ་ཡིན།། འདས་པ་དག་གི་ཆོས་ལའང་རྣམ་པར་མི་རྟོག་ཅིང་།། མ་འོངས ་པ་དང་ད་ལྟར་གྱི་ལའང་དེ་བཞིན་ཏེ། ། ཐམས་ཅད་དུ་ཡང་དཔའ་བོ་རྣམ་པར་མི་རྟོག་སྤྱོད།། དེ་ཕྱིར་སེམས་ཅན་དག་པ་ཀུན་ཏུ་འགྲོ་བའོ།། ། བམ་པོ་གཉིས་པ། ་དེ་ནས་བཅོམ་ལྡན་འདས་ལ། ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་གྱི་ཆོས ་རྣམས་ལས་ཤིན་ཏུ་འདའ། འཇིག་རྟེན་གྱི་ཆོས་ཀྱི་ནང་ནའང་གདའ་ལ། འཇིག་རྟེན་གྱི་ཆོས་རྣམས་ཀྱིས་ཀྱང་མི་གོས། འཇིག་རྟེན་གྱི་ཆོས་ཀྱི་འཇུག་པའང་རབ་ཏུ་འཚལ་ལ། འཇིག་རྟེན ་གྱི་ཆོས་ཀྱི་འཇུག་པར་ཡང་མི་མཆི། འཇིག་རྟེན་གྱི་ཆོས་ཀྱི་འཇུག་པས་ཀྱང་སེམས་ཅན་རྣམས་འཇིག་རྟེན་གྱི་ཆོས་ལས་ཡོངས་སུ་ཐར་པར་བགྱིད། འཇིག་རྟེན་གྱི་ཆོས་ཀྱི་མཉམ་པ་ཉིད་ཀྱང་ཐོབ ་ལ། འཇིག་རྟེན་ནའང་རྣམ་པར་སྤྱོད་ཅིང་། འཇིག་རྟེན་གྱི་ཆོས་རྣམས་ཀྱང་རྣམ་པར་འཇིག་པར་མི་བགྱིད་པ་ལགས། དེ་ནས་བཅོམ་ལྡན་འདས་ཀྱིས། ཚངས་པ་ཁྱད་པར་སེམས་ལ་ཚིགས་སུ ་བཅད་པ་དག་གིས་སླར་བཀའ་སྩལ་པ། འཇིག་རྟེན་ཕུང་པོར་ངས་བཤད་དེ།། འཇིག་རྟེན་དག་ནི་འདི་ལ་གནས།། འདི་ལ་གནས་པར་མ་བྱས་ནས།། འཇིག་རྟེན་ཆོས་ལྔ་རྣམ་པར་གྲོལ།། ་བྱང་ཆུབ་སེམས་དཔའ་མཁས་པ་དེར།། འཇིག་རྟེན་རང་བཞིན་ཉིད་ཤེས་ནས།། ཕུང་པོ་རྣམས་དང་རབ་ལྡན་ཡང་།། འཇིག་རྟེན་ཆོས་དང་ལྡན་མ་ཡིན།། རྙེད་པ་དང་ནི་མ་རྙེད་དང་། ་དེ་བཞིན་གྲགས་དང་མ་གྲགས་དང་།། བསྟོད་སྨད་བདེ་དང་སྡུག་བསྔལ་དང་།། དེ་དག་གིས་ནི་འཇིག་རྟེན་སྐྱོང་།། ཤེས་རབ་ཆེན་པོ་བརྟན་དེ་རྣམས།། འཇིག་རྟེན་ཆོས་རྣམས་རབ་རྟོགས ་ཤིང་། ། འཇིག་རྟེན་འཇིག་པ་མཐོང་ནས་ནི།། འདི་དག་ལ་ཡང་གཡོ་མི་འགྱུར།། རྙེད་པས་མཐོ་བར་མི་སེམས་ཏེ།། མ་རྙེད་པས་ཀྱང་དམས་པ་མེད།། རི། ་རབ་བཞིན་དུ་མཐུ་བརྟན་པ།། རྣམ་པ་ཀུན་ཏུ་གནོད་མི་འགྱུར།། དེ་བཞིན་གྲགས་དང་མ་གྲགས་ཀྱང་།། རྟག་ཏུ་མཚུངས་པར་འགྱུར་བ་ཡིན།། བདེ་དང་སྡུག་བསྔལ་བསྟོད་སྨད་ལ།། ་མཉམ་པ་ཉིད་དུ་གནས་པར་འགྱུར།། འཇིག་རྟེན་འདི་ནི་གཉིས་ལས་བྱུང་།། ཕྱིན་ཅི་ལོག་ལས་ཀུན་ནས་ལངས།། དེ་ཕྱིར་འཇིག་རྟེན་འགྲོ་རྟོགས་ནས།། མཁས་པ་རྣམས་ནི་འགྲོ་མེད་འགྲོ།། ་འཇིག་རྟེན་འདི་འགྲོ་གང་ཡིན་པ།། འགྲོ་བ་དེ་ནི་དེ་དག་ཤེས།། དེ་ཕྱིར་འཇིག་རྟེན་འགྲོར་ཞུགས་ནས།། མི་བདེ་བ་ལས་སྐྱེ་བོ་འགྲོལ།། དཔའ་བོ་དེ་དག་འཇིག་རྟེན་སྤྱོད།། པདྨོ་བཞིན་དུ ་ཆགས་པ་མེད། ། ཆོས་ཀྱི་དབྱིངས་ལ་རབ་གནས་ནས།། འཇིག་རྟེན་དག་ཀྱང་འཇིག་མེད་བྱེད།། འཇིག་རྟེན་ཆོས་ཉིད་མི་ཤེས་པར།། འཇིག་རྟེན་གང་ལ་སྤྱོད་པར་ཡང་།། འཇིག་རྟེན ་མཚན་ཉིད་ཤེས་ནས་ནི། ། མཁས་པ་དེ་དག་ཉིད་ན་སྤྱོད།། འཇིག་རྟེན་ནམ་མཁའི་མཚན་ཉིད་དེ།། ནམ་མཁའ་ལ་ཡང་མཚད་ཉིད་མེད།། དེ་དག་དེ་ཡི་འགྲོ་རིགས་ནས།། འཇིག་རྟེན། ་ཆོས་ཀྱིས་གོས་པ་མེད།། ཇི་ལྟར་འཇིག་རྟེན་རབ་ཤེས་པ།། དེ་བཞིན་སྲོག་ཆགས་རྣམས་ལ་སྨྲ།། ཆོས་ཀྱི་རང་བཞིན་ཤེས་ནས་ནི།། འཇིག་རྟེན་དག་ཀྱང་འཇིག་མི་བྱེད།། ཕུང་པོ་རྣམས ་ལ་རང་བཞིན་མེད། ། འདི་ནི་འཇིག་རྟེན་ཆོས་ཉིད་དོ།། གང་རྣམས་དེ་ལྟར་མི་ཤེས་པ།། དེ་དག་རྟག་ཏུ་འཇིག་རྟེན་གནས།། མ་སྐྱེས་པ་དང་མ་བྱུང་བར།། གང་གིས་ཕུང་པོ་ཀུན་ཤེས་པ ་དེ་དག་འཇིག་རྟེན་སྤྱོད་འགྱུར་ཡང་། ། འཇིག་རྟེན་འདི་ལའང་མི་གནས་སོ།། འཇིག་རྟེན་ཆོས་རྣམས་མི་ཤེས་ཤིང་།། འདུ་ཤེས་གཉིས་ལ་གང་གནས་པ།། འདི་བདེན་འདི་ནི་བརྫུན་ནོ། ་ཞེས།། མི་མཁས་དེ་དག་རྩོད་པར་འགྱུར།། འདི་ལྟར་འཇིག་རྟེན་ཆོས་རྣམས་ཀྱི།། ཡང་དག་ཆོས་ཉིད་ངས་ཤེས་པས།། ང་ནི་འཇིག་རྟེན་རྣམས་དང་ཡང་།། ནམས་ཀྱང་རྩོད་པར ་མི་བྱེད་དོ། ། རྩོད་པ་མེད་པའི་ཆོས་འདི་ནི།། སངས་རྒྱས་ཀུན་གྱིས་བཤད་པ་སྟེ།། འཇིག་རྟེན་མཉམ་པ་ཉིད་ཤེས་ན།། འདི་ལ་བདེན་པའམ་བརྫུན་པ་མེད།། བརྫུན་པའམ་ཡང་ན ་བདེན་པ་ཞིག། བསྟན་པ་ལ་ནི་རྙེད་གྱུར་ན།། མཐར་འཛིན་པར་ནི་ང་འགྱུར་ཏེ།། མུ་སྟེགས་ཅན་དང་ཁྱད་པར་མེད།། གང་ཕྱིར་ཆོས་རྣམས་ཡང་དག་མིན།། བདེན་པ་དང་ནི་བརྫུན་པ ་མེད། ། དེ་ཕྱིར་འཇིག་རྟེན་འདས་པའི་ཆོས།། ངས་ནི་གཉིས་སུ་མེད་པར་བཤད།། འཇིག་རྟེན་ཆོས་ཉིད་ཇི་ལྟ་བར།། གང་གིས་འཇིག་རྟེན་འདི་ཤེས་པ།། མཁས་པ་དེ་དག་བདེན ་པ་འམ། ། བརྫུན་པའི་ལྟ་བའང་མི་འཛིན་ཏོ།། ནམ་མཁའ་ལྟ་བུར་རྣམ་པར་དག། གང་གིས་འཇིག་རྟེན་འདི་ཤེས་པ།། གྲགས་པ་ཆེན་པོའི་འཇིག་རྟེན་གྱི།། སྣང་བ་ལྟ་བུར་གྱུར་པ ་ཡིན། ། ང་ཉིད་ཀྱིས་ནི་མཐོང་བ་ལྟར།། དེ་ལྟར་གང་གིས་འཇིག་རྟེན་མཐོང་།། ཕྱོགས་དང་ཕྱོགས་མཚམས་གང་བཞུགས་པ།། རྫོགས་པའི་སངས་རྒྱས་དེ ་དག་གཟིགས། ། ཆོས་རྣམས་ངོ་བོ་ཉིད་མེད་པར།། བརྟེན་པའི་ཆོས་རྣམས་རབ་ཏུ་ཤེས།། གང་རྣམས་རྟེན་པ་ཤེས་པ་ནི།། དེ་དག་ཆོས་ཉིད་ཤེས་པ་ཡིན།། གང་རྣམས་ཆོས་ཉིད ་རབ་ཤེས་པ། ། དེ་དག་སྟོང་པ་ཉིད་དེ་ཤེས།། གང་རྣམས་སྟོང་ཉིད་རབ་ཤེས་པ།། དེ་ཡིས་འདྲེན་པ་དེ་རྣམས་མཐོང་།། གང་རྣམས་འཇིག་རྟེན་བསྟན་པ་འདི།། རྣ་ལམ་གྲགས ་པར་འགྱུར་བ་ནི། ། དེ་དག་འཇིག་རྟེན་སྤྱོད་མོད་ཀྱི།། འཇིག་རྟེན་འདི་ལ་གནས་མ་ཡིན།། ལྟ་ལ་གནས་པ་གང་སུ་དག། གཞན་གྱིས་ནི་འདི་མ་ཡིན།། འཇིག་རྟེན་དུ་ནི་སྤྱོད་བྱེད།། ་ཀྱང་།། འཇིག་རྟེན་འདི་ལ་གནས་པ་མེད།། སངས་རྒྱས་མྱ་ངན་འདས་ནས་ཀྱང་།། གང་རྣམས་བཟོད་པ་འདིར་མོས་པ།། དེ་བཞིན་གཤེགས་པ་ཆོས་ཀྱི་སྐུ།། རྫོགས་པའི ་སངས་རྒྱས་དེ་ལ་བཞུགས། ། གང་གིས་ཚུལ་འདི་ཤེས་པ་ནི།། དེས་ནི་ང་ཡི་ཆོས་བཟུང་སྟེ།། དེ་ཡིས་ང་ལ་རྟག་ཏུ་མཆོད།། དེ་དག་འཇིག་རྟེན་སྟོན་པའོ།། གང་ཞིག་འཇིག ་རྟེན་བསྟན་པ་འདི། ། རྣ་ལམ་གྲགས་པར་གྱུར་པ་ནི།། སྡིག་ཅན་བདུད་ཀྱིས་དེ་དག་ལ།། གླགས་ཀྱང་རྙེད་པར་མི་འགྱུར་རོ།། གང་གིས་རྣམ་པ་འདི་ཤེས་པ།། དེ་དག་ཕྱག ་ཅིང་ལོངས་སྤྱོད་ཆེ། ། དེ་དག་སྦྱིན་ལ་རྟག་པར་དགའ།། དེ་དག་ཚུལ་ཁྲིམས་ཕུན་སུམ་ཚོགས།། གང་གིས་འཇིག་རྟེན་འདི་ཤེས་པ།། དེ་དག་བཟོད་པའི་སྟོབས་ལྡན་པ།། དེ ་དག་བརྩོན་འགྲུས་རྟོགས་པར་རིག། མཁས་པ་དེ་དག་བསམ་གཏན་དགའ།། གང་གིས་རྣམ་པ་འདི་ཤེས་པ།། དེ་དག་ཏིང་འཛིན་ཕུན་སུམ་ཚོགས།། དེ་དག་ཉེ་བར་བཞི་ལ་དགའ།། ་བརྟན་པ་དེ་དག་ཤེས་རབ་འཕགས།། གང་ན་འདི་འདྲ་གྲག་པ་ཡི།། ཕྱོགས་དེ་སངས་རྒྱས་སྟོངས་མ་ཡིན།། སེམས་དཔའ་ཆེན་པོ་རིང་མི་ཐོགས།། བྱང་ཆུབ་སྙིང་པོར་འགྲོ་བར་འགྱུར། ་གང་རྣམས་འཇིག་རྟེན་བསྟན་པ་འདི།། རྣ་ལམ་གྲག་པར་འགྱུར་བ་དག། གཡོན་ཅན་བདུད་རྣམས་བཅོམ་ནས་ནི།། བྱང་ཆུབ་མཆོག་ཏུ་རྫོགས་འཚང་རྒྱ།། དེ་ནས་བཅོམ་ལྡན་འདས ་ཀྱིས། ཚངས་པ་ཁྱད་པར་སེམས་ལ་འདི་སྐད་ཅེས་བཀའ་སྩལ་ཏོ།། ཚངས་པ་དེ་བཞིན་གཤེགས་པ་འཇིག་རྟེན་གྱི་ཡུལ་ལས་འདས་པས། འཇིག་རྟེན་དང་། འཇིག་རྟེན་ཀུན་འབྱུང ་བ་དང་། འཇིག་རྟེན་འགོག་པ་དང་། འཇིག་རྟེན་འགོག་པར་འགྲོ་བའི་ལམ་དུའང་འདོགས་སོ།། ཚངས་པ་དེ་ལ་འཇིག་རྟེན་ཞེས་བྱ་བ་ནི་ཕུང་པོ་ལྔ་རྣམས་སོ།། གང་དེ་ལ་ཆགས་པ་དེ ་ནི་འཇིག་རྟེན་ཀུན་འབྱུང་བའོ། ། གང་ཕུང་པོ་རྣམས་ཀྱི་ཟད་པ་དང་འགག་པ་དེ་ནི་འཇིག་རྟེན་འགག་པའོ།། གང་ཕུང་པོ་རྣམས་ཚོལ་བ་དང་མི་ཚོལ་བ་གཉིས་སུ་མེད་པ་དེ་ནི་ལམ་མོ།། གཞན ་ཡང་ཚངས་པ་ཕུང་པོ་རྣམས་ཕུང་པོ་རྣམས་ཞེས་ཐ་དད་དུ་འདོགས་པ་ལ། གང་སྨྲ་བ་དང་སྨྲ་བར་ལྟ་བ་འདི་ནི་འཇིག་རྟེན་ནོ།། གང་ལྟ་བ་དེའི་རྗེས་སུ་འབྲང་བ་འདི་ནི ་འཇིག་རྟེན་ཀུན་འབྱུང་བའོ། ། གང་ལྟ་བ་དེ་ཇི་ལྟ་བ་བཞིན་མཚན་ཉིད་འགག་པ་དེ་ནི་འཇིག་རྟེན་འགག་པ་ཞེས་བྱའོ།། ལམ་གང་གིས་ལྟ་བ་དེ་དག་མི་འཛིན་པ་དེ་ནི་འཇིག་རྟེན་འགོག་པར་འགྲོ ་བའི་ལམ་སྟེ། ཚངས་པ་ངས་འདི་ལ་བསམས་ནས་ང་ནི་ལུས་འདོམ་གང་བ་འདི་ལ་འཇིག་རྟེན་དང་། འཇིག་རྟེན་ཀུན་འབྱུང་བ་དང་། འཇིག་རྟེན་འགོག་པ་དང་། འཇིག་རྟེན་འགོག་པར ་འགྲོ་བའི་ལམ་དུ་འདོགས་སོ་ཞེས་ཚིག་དེ་སྐད་བཤད་དོ། ། དེ་ནས་བཅོམ་ལྡན་འདས་ལ།། ཚང་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན ་གཤེགས་པས་གང་འདི་འཕགས་པའི་བདེན་པ་བཞི་བསྟན་ན། བཅོམ་ལྡན་འདས་འཕགས་པ་རྣམས་ཀྱི་བདེན་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཚངས་པ་འདི་ནི ་སྡུག་བསྔལ་བའོ་ཞེས་བྱ་བ་དེ་ནི་འཕགས་པ་རྣམས་ཀྱི་བདེན་པ་མ་ཡིན་ནོ། ། ཚངས་པ་འདི་ནི་སྡུག་བསྔལ་ཀུན་འབྱུང་བའོ།། འདི་ནི་སྡུག་བསྔལ་འགོག་པའོ།། འདི་ན་སྡུག་བསྔལ་འགོག་པར་འགྲོ ་བའི་ལམ་མོ་ཞེས་བྱ་བ་དེ་ནི་འཕགས་པ་རྣམས་ཀྱི་བདེན་པ་མ་ཡིན་ནོ། ། དེ་ཅིའི་ཕྱིར་ཞེ་ན། ཚངས་པ་འདི་ནི་སྡུག་བསྔལ་བའོ་ཞེས་བྱ་བ་དེ་ཅི་སྟེ་འཕགས་པ་རྣམས་ཀྱི་བདེན་པ་ཡིན་དུ་ཟིན་ན། དེ་ན ་བྱོལ་སོང་བ་གླང་དང་། བོང་བུ་དང་། སེམས་ཅན་དམྱལ་བ་བ་ཐམས་ཅད་ཀྱིའང་འཕགས་པའི་བདེན་པར་འགྱུར་རོ།། དེ་ཅིའི་ཕྱིར་ཞེ་ན། འདི་ལྟར་དེ་དག་ནི་སྡུག་བསྔལ་བའི་ཚོར་བ་རྣམས་མྱོང་ངོ་།། ་ཚངས་པ་འདི་ནི་སྡུག་བསྔལ་ཀུན་འབྱུང་བ་ཞེས་བྱ་བ་དེ་ཅི་སྟེ་འཕགས་པ་རྣམས་ཀྱི་བདེན་པ་ཡིན་དུ་ཟིན་ན། དེ་ནི་གང་འགྲོ་བ་རྣམས་སུ་འབྱུང་བའི་འགྲོ་བ་ཐམས་ཅད་དུ་སྐྱེས་པའི་སེམས་ཅན་རྣམས་ཀྱི་ཡང ་འཕགས་པའི་བདེན་པར་འགྱུར་རོ། ། འདི་ནི་འགོག་པའོ་ཞེས་བྱ་བ་དེ་ཅི་སྟེ་འཕགས་པའི་བདེན་པ་ཡིན་དུ་ཟིན་ན། དེ་ན་གང་རྣམས་དངོས་པོ་བཤིག་པས་མྱ་ངན་ལས་འདས་པ་ཚོལ་བ་དང་། ་འགོག་པར་ལྟ་བར་ལྷུང་བ་ཆད་པར་སྨྲ་བ་ཐམས་ཅད་ལའང་འཕགས་པའི་བདེན་པར་འགྱུར་རོ།། འདི་ནི་ལམ་མོ་ཞེས་བྱ་བ་དེ་ཅི་སྟེ་འཕགས་པ་རྣམས་ཀྱི་བདེན་པ་ཡིན་དུ་ཟིན་ན། དེ་ནི་འདུས་བྱས་ཀྱིས ་འདུས་བྱས་ལས་འབྱུང་བར་ཚོལ་བ། འདུས་བྱས་ལམ་དུ་དམིགས་པ་ཐམས་ཅད་ལའང་འཕགས་པའི་བདེན་པར་འགྱུར་ཏེ། དེ་བས་ན་ཚངས་པ་རྣམ་གྲངས་འདིས་ཇི་ལྟར་སྡུག་བསྔལ་དང་། ་ཀུན་འབྱུང་བ་དང་། འགོག་པ་དང་། ལམ་རྣམས་འཕགས་པ་རྣམས་ཀྱི་བདེན་པ་མ་ཡིན་པར་ཁྱོད་ཀྱིས་རིག་པར་བྱའོ།། དེ་ལྟ་མོད་ཀྱི་ཚངས་པ་གང་སྡུག་བསྔལ་མི་སྐྱེ་བ་དེ་ནི་འཕགས་པ་རྣམས ་ཀྱི་བདེན་པའོ། ། གང་ཀུན་འབྱུང་བ་མི་འཇུག་པ་འདི་ནི་འཕགས་པ་རྣམས་ཀྱི་བདེན་པའོ།། གང་ཆོས་ཐམས་ཅད་ཤིན་ཏུ་འགགས་པ་ལ་མི་སྐྱེ་མི་འགོག་པ་འདི་ནི་འཕགས་པ་རྣམས་ཀྱི་བདེན་པའོ།། ་གང་ཆོས་ཐམས་ཅད་ལ་མཉམ་པ་ཉིད་དང་གཉིས་སུ་མེད་པའི་ལམ་སྒོམ་པ་འདི་ནི་འཕགས་པ་རྣམས་ཀྱི་བདེན་པའོ།། ཚངས་པ་གང་བདེན་པ་བདེན་པ་ཞེས་བྱ་བ་ནི། གང ་བདེན་པའང་མ་ཡིན། བརྫུན་པའང་མ་ཡིན་པའོ།། བརྫུན་པ་གང་ཞེ་ན། བདག་ཏུ་འཛིན་པ་དང་། སེམས་ཅན་དུ་འཛིན་པ་དང་། སྲོག་ཏུ་འཛིན་པ་དང་། གང་ཟག་ཏུ་འཛིན་པ་དང ་ཆད་པར་འཛིན་པ་དང་། རྟག་པར་འཛིན་པ་དང་། འབྱུང་བར་འཛིན་པ་དང་། འཇིག་པར་འཛིན་པ་དང་། སྐྱེ་བར་འཛིན་པ་དང་། འགག་པར་འཛིན་པ་དང་། འཁོར་བར་འཛིན་པ་དང་། ་མྱ་ངན་ལས་འདས་པར་འཛིན་པ་དེ་ནི་བརྫུན་ཞེས་བྱའོ།། གང་འཛིན་པ་འདི་དག་ལ་མི་འཛིན་ཅིང་མཆོག་ཏུ་མི་སྙེམས་པ་འདི་ནི་བདེན་པ་ཞེས་བྱའོ།། སྡུག་བསྔལ་ཡོངས་སུ་ཤེས་པ་ཞེས་བྱ་བ་ནི། ་བརྫུན་ནོ།། ཀུན་འབྱུང་བ་རབ་ཏུ་སྤང་ངོ་ཞེས་བྱ་བ་ནི་བརྫུན་ནོ།། འགོག་པ་མངོན་དུ་བྱའོ་ཞེས་བྱ་བ་ནི་བརྫུན་ནོ།། ལམ་སྒོམ་མོ་ཞེས་བྱ་བ་ནི་བརྫུན་ནོ།། དེ་ཅིའི་ཕྱིར་ཞེ་ན། དེ་དག་ནི ་སངས་རྒྱས་ཀྱིས་བཀའ་སྩལ་པའི་དྲན་པ་ལས་ཉམས་པ་ཡིན་ཏེ། དེའི་ཕྱིར་བརྫུན་པ་ཞེས་བྱའོ།། སངས་རྒྱས་ཀྱིས་བཀའ་སྩལ་པའི་དྲན་པ་ཞེས་བྱ་བ་གང་ཞེ་ན། གང་ཆོས་ཐམས་ཅད་ལ་མི་དྲན ་ཞིང་ཡིད་ལ་མི་བྱེད་པ་འདི་ནི་སངས་རྒྱས་ཀྱིས་བཀའ་སྩལ་པའི་དྲན་པ་ཞེས་བྱ་སྟེ། གང་དྲན་པ་དེ་ལ་གནས་པ་དེ་ནི་མཚན་མ་ཐམས་ཅད་ལ་མི་གནས་པའོ།། གང་མཚན་མ་ཐམས་ཅད་ལ་མི་གནས ་པ་དེ་ནི་ཡང་དག་པའི་མཐའ་ལ་གནས་པའོ། ། གང་ཡང་དག་པའི་མཐའ་ལ་གནས་པ་དེ་ནི་ཡིད་མི་གནས་པའོ།། གང་ཡིད་མི་གནས་པ་དེ་ནི་བདེན་པར་སྨྲ་བའང་མ་ཡིན། བརྫུན་དུ་སྨྲ་བའང་མ ་ཡིན་ཏེ། དེའི་ཕྱིར་ཚངས་པ་རྣམ་གྲངས་འདིས་གང་ལ་བདེན་པའང་མེད། བརྫུན་པའང་མེད་པ་དེ་ནི་འཕགས་པ་རྣམས་ཀྱི་བདེན་པ་ཡིན་པར་རིག་པར་བྱའོ།། ཚངས་པ་བདེན་པ་ཞེས་བྱ་བ་དེ་ནི་ནས ་ཡང་མི་བདེན་པ་མ་ཡིན་ཏེ། དེ་བཞིན་གཤེགས་པ་རྣམས་སྐྱེས་ཀྱང་རུང་། མ་སྐྱེས་ཀྱང་རུང་། ཆོས་ཉིད་ཆོས་ཀྱི་དབྱིངས་འདི་ནི་གནས་པའོ།། དེ་བཞིན་དུ་འཁོར་བ་དང་། དེ་བཞིན་དུ ་ངན་ལས་འདས་པའང་རྟག་ཏུ་མི་འཆད་པར་འཕགས་པ་རྣམས་ཀྱི་བདེན་པའོ། ། དེ་ཅིའི་ཕྱིར་ཞེ་ན། ཚངས་པ་འཁོར་བ་སྤངས་པའི་ཕྱིར་འཕགས་པ་རྣམས་ཀྱི་བདེན་པ་མ་ཡིན། མྱ་ངན་ལས ་འདས་པ་ཐོབ་པར་བྱ་བའི་ཕྱིར་ཡང་འཕགས་པ་རྣམས་ཀྱི་བདེན་པ་མ་ཡིན་ཏེ། ཚངས་པ་གང་དག་གིས་འཕགས་པའི་བདེན་པ་བཞི་པོ་འདི་རྣམས་དེ་ལྟར་མངོན་པར་རྟོགས་པ་མངོན་དུ་བྱས་པ་དེ་དག་ནི། ་བདེན་པར་སྨྲ་བ་ཡིན་ནོ།། ཡང་ཚངས་པ་མ་འོངས་པའི་དུས་ན། དགེ་སློང་ལུས་མ་བསྒོམས་པ། སེམས་མ་བསྒོམས་པ། ཚུལ་ཁྲིམས་མ་བསྒོམས་པ། ཤེས་རབ་མ་བསྒོམས་པ་ལ ་ཅིག་འབྱུང་སྟེ། དེ་དག་ནི་སྡུག་བསྔལ་སྐྱེ་བ་ལ་སྡུག་བསྔལ་འཕགས་པའི་བདེན་པ་ཞེས་སྨྲ་བར་འགྱུར་རོ།། ཀུན་འབྱུང་བའི་ཕྱིར་ཀུན་འབྱུང་འཕགས་པའི་བདེན་པ་ཞེས་སྨྲ་བར་འགྱུར་རོ།། ་དངོས་པོ་འཇིག་པའི་ཕྱིར་འགོག་པ་འཕགས་པའི་བདེན་པ་ཞེས་སྨྲ་བར་འགྱུར་རོ།། ལམ་གྱིས་འབྱུང་བའི་ཕྱིར་ལམ་འཕགས་པའི་བདེན་པ་གཉིས་སུ་སྨྲ་བར་འགྱུར། ་སྐྱེས་བུ་ཐུན་པོ་དེ་དག་ནི་ཉན་ཐོས་སུ་སྟེགས་ཅན་ཞེས་ངས་བཤད་དོ།། གད་རྣམས་དངོས་པོ་འཇིག་པས་འཕྲོག་པ་འཕགས་པའི་བདེན་པའོ་ཞེས་སྨྲ་བར་འགྱུར་བ་དེ་དག་ནི་ལམ་ལོག་པར་ཞུགས ་ཡིན་ཏོཏེ། དའང་དག་གི་སྟོན་པ་ས་ཡིན། དེ་དག་ང་འི་ཉན་ཐོས་མ་ཡིན་ནོ།། ཚངས་པ་ལྟོས་ཤིག། ངབྱང་ཆུབ་ཀྱི་སྙིང་པོར་འདུག་ནས་བདེན་པའམ། བརྫུན་པ་ཞེས་ཨུ0f7f་ཀ ་ཧོང་དུ་མ་ཆུད་དོ། ། ཆོས་གང་ངས་ཁོང་དུ་མ་ཆུད་པའི་ཆོས་དེ་དེ་བཞིན་གཤེགས་པ་གཞན་ལ་སྟོན་པར་མཛད་དམ། འཆང་བར་མཛད་དམ། གསོལ་པ། བཅོམ་ལྡན་འདས་དེ་ནིམ ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་གཤེགས་པ་རྣམས་ཀྱི་བྱང་ཆུབ་ནི་མི་དམིགས་པ་སྟེ། མ་ཟིན་པ་སྲིད་པའི་འགྲོ་བ་ཐམས་ཅད་དང་བྲལ་བའོ།། ་ནས་བཅོམ་ལྡན་འདས་ལ། ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ཅི་སྟེ་དེ་བཞིན་གཤེགས་པ་བྱང་ཆུབ་ཀྱི་སྙིང་པོ་ལ་ཞུགས་ནས། ཆོས་གང་ཡང་མ ་དམིགས་ན། ཅི་མངོན་པར་རྟོགས་པས་དེ་བཞིན་གཤེགས་པ་བྱང་ཆུབ་སེམས་ཤིང་ཡང་དག་པར་རྫོགས་པའི་སངས་རྒྱས་ཞེས་བགྱི། བཅོམ་ལྡན་འདས་ཀྱིས་བཀའ་སྩལ་པ། ཚངས་པ ་འདི་ཇི་སྙམ་དུ་སེམས། གང་ངས་འདུས་བྱས་སམ། འདུས་མ་བྱས་ཀྱི་ཆོས་བཤད་པ་འདི་དག་དེ་བཞིན་ནམ། དེ་ལྟ་མ་ཡིན། གསོལ་པ། བཅོམ་ལྡན་འདས་མ་མཆིས་པ་ལགས་སོ།། བདེ་བ ་གཤེགས་པ་མ་མཆིས་པ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཚངས་པ་ཆོས་གང་རྣམས་མེད་པ་དེ་དག་ཡོད་པ་འམ། འོན་ཏེ་མེད་པ། གསོལ་པ། བཅོམ་ལྡན ་འདས་གང་མ་མཆིས་པ་དེ་ནི་མཆིས་པ་འམ། མ་མཆིས་པ་ཞེས་མི་བགྱིའོ།། བཅོམ་ལྡན་འདས་ཀྱིས་བཀའ་སྩལ་པ། ཆོས་གང་ཡང་ཡོད་པའང་མ་ཡིན། མེད་པའང་མ་ཡིན་པ ་དེ་ལ་མངོན་པར་རྫོགས་པར་བྱང་ཆུབ་པ་གང་ཡང་ཡོད་དམ། གསོལ་པ། བཅོམ་ལྡན་འདས་དེ་ལ་མངོན་པར་རྫོགས་པར་བྱང་ཆུབ་པ་གང་ཡང་མ་མཆིས་སོ།། བཅོམ་ལྡན་འདས་ཀྱིས ་བཀའ་སྩལ་པ། ཚངས་པ་དེ་ལྟར་དེ་བཞིན་གཤེགས་པ་བྱང་ཆུབ་ཀྱི་སྙིང་པོ་ལ་བཞུགས་ནས་མེད་པ་ཕྱིན་ཅི་ལོག་ལས་བྱུང་བའི་ཀུན་ནས་ཉོན་མོངས་པ་ཤིན་ཏུ་རང་བཞིན་གྱི་མི་སྐྱེ་བའི་ངོ་བོ་ཉིད ་དུ་མཁྱེན་ཏེ། ཇི་ལྟར་ཤིན་ཏུ་མི་མཁྱེན་པ་དང་། ཤིན་ཏུ་རྣམ་པར་མི་རིག་པ་དེ་ལྟར་མཁྱེན་ཏོ།། དེ་ཅིའི་ཕྱིར་ཞེ་ན། ཚངས་པ་ངས་འདི་ལྟར་ཆོས་གང་མངོན་པར་སངས་རྒྱས་པ་དེ་ནི ་མ་མཐོང་། མ་ཐོས། མདྲན། མ་རྟོགས། རྣམ་པར་མི་རིག་ཅིང་གཟུང་བའང་མེད། སྦྱར་བའང་མེད། བརྗོད་དུའང་མེད། རྗེས་སུ་སྦྱོར་བའང་མེད། ཡུལ་ཐམས་ཅད ་ལས་འདས་པ། སྨར་མེད་པ། རབ་ཏུ་སྨྲར་མེད་པ། དཔྱོད་པ་མེད་པ། རྟོགས་པར་མི་རུང་བ། ཡི་གེ་མེད་པ། ཚིག་གི་ལམ་མེད་པ། རྣམ་པར་རིག ་པ་མེད་པ་ཡིན་ཏེ། ཚངས་པ་དེ་ལྟར་ཆོས་གང་ནམ་མཁའ་དང་འདྲ་བའི་ཆོས་དེ་མངོན་པར་རྟོགས་པར་འདོད་དམ། གསོལ་པ། བཅོམ་ལྡན་འདས་དེ་ལྟ་མ་ལགས་སོ།། བཅོམ་ལྡན ་འདས་སངས་རྒྱས་བཅོམ་ལྡན་འདས་རྣམས་ཀྱི་ཐུགས་རྗེ་ཆེན་པོ་བསམ་གྱིས་མི་ཁྱབ་པའི་ཆོས་དང་ལྡན་ཏེ། དེ་ལྟར་རབ་ཏུ་ཞི་བའི་ཆོས་མངོན་པར་སངས་རྒྱས་ནས། ཡི་གེ་དང་། ངེས་པའི ་ཚིག་གིས་གཞན་དག་ལ་གོ་བར་མཛད་པ་ངོ་མཚར་ཏོ། ། བཅོམ་ལྡན་འདས་གང་དེ་བཞིན་གཤེགས་པས་བསྟན་པའི་ཆོས་ལ་མངོན་པར་དད་པའི་སེམས་ཅན་དེ་དག་ནི་དགེ་བའི་རྩ་བ་ངན་ངོན་དང ་ལྡན་པ་མ་ལགས་སོ། ། དེ་ཅིའི་སླད་དུ་ཞེ་ན། བཅོམ་ལྡན་འདས་ཆོས་འདི་ནི་འཇིག་རྟེན་ཐམས་ཅད་དང་མི་མཐུན་པའོ།། བཀའ་སྩལ་པ། ཚངས་པ་ཇི་ལྟར་འཇིག་རྟེན་ཐམས་ཅད ་དང་མི་མཐུན་པ་ཡིན། གསོལ་པ། བཅོམ་ལྡན་འདས་ཇི་ལྟར་འཇིག་རྟེན་ནི་བདེན་པ་ལ་མངོན་པར་ཆགས་ན། ཆོས་འདི་ནི་བདེན་པའང་མ་ལགས། བརྫུན་པའང་མ་ལགས་སོ།། ་འཇིག་རྟེན་ནི་ཆོས་ལ་མངོན་པར་ཆགས་ན་ཆོས་འདི་ནི་ཆོས་ཀྱང་མ་ལགས། ཆོས་མ་ལགས་པའང་མ་ལགས་སོ།། འཇིག་རྟེན་ནི་མྱ་ངན་ལས་འདས་པ་ལ་ཆགས་ན། ཆོས་འདི ་ལ་ནི་འཁོར་བའང་མ་མཆིས། མྱ་ངན་ལས་འདས་པའང་མ་མཆིས་སོ།། འཛིན་རྟེན་ནི་དགེ་བ་ལ་མངོན་པར་ཆགས་ན། འདི་ལ་ནི་དགེ་བའང་མ་མཆིས། མི་དགེ་བའང་མ་མཆིས་སོ།། ་འཇིག་རྟེན་ནི་བདེ་བ་ལ་མངོན་པར་ཆགས་ན། འདི་ལ་ནི་བདེ་བའང་མ་མཆིས། སྡུག་བསྔལ་བའང་མ་མཆིས་སོ།། འཇིག་རྟེན་ནི་སངས་རྒྱས་འབྱུང་བ་ལ་མངོན་པར་ཆགས་ན ་འདི་ལ་ནི་སངས་རྒྱས་འབྱུང་བའང་མ་མཆིས། མྱ་ངན་ལས་འདས་པའང་མ་མཆིས་སོ།། ཆོས་བསྟན་ཀྱང་དེ་བརྗོད་དུ་མ་མཆིས་པའོ།། དགེ་འདུན་བསྟན་ཀྱང་དེ་འདུས་མ་བགྱིས་པའོ།། ། ་དེའི་སླད་དུ་ཆོས་འདི་ནི་འཇིག་རྟེན་ཐམས་ཅད་དང་མི་མཐུན་པ་ལགས་སོ།། བཅོམ་ལྡན་འདས་འདི་ལྟ་སྟེ། དཔེར་ན་མེ་དང་ཆུ་འམ། ཆུ་དང་མེའི་གནས་འདི་ནི་མི་མཐུན་པའོ།། དེ ་བཞིན་དུ་ཉོན་མོངས་པ་དང་། བྱང་ཆུབ་བམ། བྱང་ཆུབ་དང་ཉོན་མོངས་པ་ནི་མི་མཐུན་པའོ།། དེ་ཅིའི་སླད་དུ་ཞེ་ན། ཉོན་མོངས་པ་མ་མཆིས་པས་དེ་བཞིན་གཤེགས་པས་མངོན་པར ་སངས་རྒྱས་སོ། ། བཤད་ཀྱང་སྣང་བའི་གཟུགས་མ་ལགས། ཀུན་མཁྱེན་ཀྱང་རྣམ་པར་མཁྱེན་པ་མ་མཆིས། བསྒོམས་ཀྱང་གཉིས་སུ་མ་བགྱིས། མངོན་དུ་བགྱིས་ཀྱང་ཐོབ་པ ་མ་མཆིས། མྱ་ངན་ལས་བཟླས་ཀྱང་ཞི་བའང་མ་མཆིས་ཏེ། བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་གང་རྣམས་ཆོས་ཀྱི་ཚུལ་གྱི་རྣམ་པ་འདི་ལ་མོས་པ་དེ་དག་ནི་ལྟ་བར་གྱུར ་པ་ཐམས་ཅད་ལས་རྣམ་པར་གྲོལ་བར་འགྱུར་རོ། ། དེ་བཞིན་གཤེགས་པ་ལ་བསྙེན་བཀུར་བགྱིས་ཤིང་། སྔོན་གྱི་རྒྱལ་བ་ལ་ལྷག་པར་བགྱི་བ་བགྱིས་པ་ལགས་སོ།། ་དེ་དག་དགེ་བའི་བཤེས་གཉེན་གྱིས་ཡོངས་སུ་བཟུང་བ་ལགས་སོ།། དེ་དག་དགེ་བའི་རྩ་བ་འབར་བའི་སླད་དུ་རྒྱ་ཆེན་པོ་ལ་མོས་པར་འགྱུར་རོ།། དེ་དག་དེ་བཞིན་གཤེགས་པའི་མཛོད ་འཆང་བའི་སླད་དུ་གཏེར་རབ་ཏུ་རྙེད་པར་འགྱུར་རོ། ། དེ་དག་ལེགས་པར་བགྱི་བའི་ལས་བགྱིས་པའི་སླད་དུ་ལས་ཀྱི་མཐའ་ཤིན་ཏུ་འཐུན་པར་འགྱུར་རོ།། དེ་དག་སངས་རྒྱས་ཀྱིས་རིགས ་འཛིན་པའི་སླད་དུ་རིགས་བཙུན་པར་འགྱུར་རོ། ། དེ་དག་ཉོན་མོངས་པ་ཐམས་ཅད་ཡོངས་སུ་གཏང་བའི་སླད་དུ་གཏོང་བ་ཆེན་པོ་དང་ལྡན་པར་འགྱུར་རོ།། དེ་དག་ཚུལ་ཁྲིམས་ཀྱི་སྟོབས་དང་ལྡན ་པར་འགྱུར་ཏེ། ཉོན་མོངས་པའི་སྟོབས་ཅན་མ་ལགས།། ལུས་སྲོག་བོར་བའི་སླད་དུ་དེ་དག་བཟོད་པའི་སྟོབས་ཅན་དུ་འགྱུར་རོ།། དེ་དག་ཡིད་ཡོངས་སུ་སྐྱོབ་མ་མཆིས་པའི་སླད་དུ་བརྩོན་འགྲུས་ཀྱི ་སྟོབས་ཅན་དུ་འགྱུར་རོ། ། དེ་དག་སྡིག་པའི་ལས་བསྲེགས་པའི་སླད་དུ་བསམ་གཏན་གྱི་སྟོབས་ཅན་དུ་འགྱུར་རོ།། དེ་དག་སྡིག་པར་ལྟ་བ་རྣམས་དང་བྲལ་བའི་སླད་དུ་ཤེས་རབ་ཀྱི་སྟོབས་ཅན་དུ ་འགྱུར་རོ། ། དེ་དག་བདུད་རྣམས་ཀྱིས་རབ་ཏུ་ཐུབ་པར་དཀའ་བར་འགྱུར་རོ།། དེ་དག་ཕྱིར་རྒོལ་བ་རྣམས་ཀྱིས་མི་རྫི་བར་འགྱུར་རོ།། དེ་དག་དེ་བཞིན་གཤེགས་པ་རྣམས་ལ་མི་སླུ་བར་འགྱུར་རོ།། ་དེ་དག་ཆོས་ཀྱི་རང་བཞིན་སྟོན་པ་ལ་མཁས་པའི་སླད་དུ་ཡང་དག་པར་སླ་བར་འགྱུར་རོ།། དེ་དག་དོན་དམ་པའི་ཆོས་སྟོན་པའི་སླད་དུ་བདེན་པ་སྨྲ་བར་འགྱུར་རོ།། དེ་དག་དེ་བཞིན་གཤེགས་པ་རྣམས་ཀྱི ་ཡོངས་སུ་གཟུང་བར་འགྱུར་རོ། ། དེ་དག་འགྲོགས་ན་བདེ་བའི་སླད་དུ་ངེས་པར་འགྱུར་རོ།། དེ་དག་འཕགས་པའི་ནོར་རྣམས་ཀྱིས་ནོར་དང་ལྡན་པར་འགྱུར་རོ།། དེ་དག་འཕགས་པའི་རིགས་རྣམས ་ཀྱིས་ཆོ་ག་འཚལ་བར་འགྱུར་རོ། ། གསོ་སླ་ཞིང་དགང་སླ་བར་འགྱུར་རོ།། དེ་དག་ཕ་རོལ་ཏུ་མཆི་བའི་སླད་དུ་དབུགས་འབྱིན་པ་ཐོབ་པར་འགྱུར་རོ།། དེ་དག་མ་རྒལ་བ་རྣམས་སྒྲོལ་བར་འགྱུར་རོ།། ་དེ་དག་མ་གྲོལ་བ་རྣམས་དགྲོལ་བར་བགྱིད་པར་འགྱུར་རོ།། དེ་དག་དབུགས་འབྱིན་པ་མ་མཆིས་པ་རྣམས་ཀྱི་དབུགས་འབྱིན་པར་འགྱུར་རོ།། ཡོངས་སུ་མྱ་ངན་ལས་འདས་པ་རྣམས་ཡོངས་སུ་མྱ་ངན་ལས ་ཟླ་བར་འགྱུར་རོ། ། དེ་དག་ལམ་སྟོན་པར་འགྱུར་རོ།། དེ་དག་མྱ་ངན་ལས་འདས་པ་སྟོན་པར་འགྱུར་རོ།། དེ་དག་སྨན་ཐམས་ཅད་ཡོངས་སུ་འཚལ་བའི་སླད་དུ་སྨན་པ་རྣམས་ཀྱི་རྒྱལ་པོར་འགྱུར་རོ།། ་དེ་དག་ནད་ཐམས་ཅད་རབ་ཏུ་ཞི་བར་བགྱིད་པའི་སླད་དུ་སྨན་ལྟ་བུར་འགྱུར་རོ།། དེ་དག་ཡེ་ཤེས་ཀྱི་སྟོབས་དང་ལྡན་པར་འགྱུར་རོ།། དེ་དག་མཐུས་སྤྲོ་བ་དང་ལྡན་པར་འགྱུར་རོ།། དེ་དག་གཞན་གྱི ་དྲིང་ལ་མི་འཇོག་པའི་སླད་དུ་རྩལ་དང་ལྡན་པར་འགྱུར་རོ། ། དེ་དག་འཇིགས་པས་སྤུ་ལྡང་བ་མ་མཆིས་པའི་སླད་དུ་སེང་གེ་ལྟ་བུར་འགྱུར་རོ།། དེ་དག་ཅང་ཤེས་པའི་སླད་དུ་བ་གླང་ལྟ་བུར་འགྱུར་རོ།། ་དེ་དག་སེམས་རབ་ཏུ་འདུལ་བའི་སླད་དུ་གླང་པོ་ཆེར་འགྱུར་རོ།། དེ་དག་འཁོར་མང་པོ་ཡོངས་སུ་སྡུད་པའི་སླད་དུ་ཁྱུ་མཆོག་ཏུ་འགྱུར་རོ།། དེ་དག་བདུད་དང་ཕྱིར་རྒོལ་བ་རྣམས་རབ་ཏུ ་བཅོམ་པའི་སླད་དུ་དཔའ་བོར་འགྱུར་རོ། ། དེ་དག་འཁོར་གྱིས་འཇིགས་པ་མ་མཆིས་པའི་སླད་དུ་བསྟན་པར་འགྱུར་རོ།། དེ་དག་མི་འཇིགས་པ་ཐོབ་པའི་སླད་དུ་མི་ཐུབ་པར་འགྱུར་རོ།། དེ་དག་བདེན་པ ་བསྟན་པ་རྣམས་ལ་འཇིགས་པ་མ་མཆིས་པར་འགྱུར་རོ། ། དེ་དག་དཀར་པོའི་ཕྱོགས་ཡོངས་སུ་རྒྱས་པའི་སླད་དུ་ཟླ་བ་དང་མཚུངས་པར་འགྱུར་རོ།། དེ་དག་ཤེས་རབ་ཀྱིས་སྣང་བར་བགྱིད་པས་ཉི་མ་ལྟ། ་བུར་འགྱུར་རོ།། དེ་དག་མུན་པ་ཆེན་པོ་དང་བྲལ་བའི་སླད་དུ་སྒྲོན་མ་ལྟ་བུར་འགྱུར་རོ།། དེ་དག་མཛའ་བ་དང་ཁོང་ཁྲོ་བ་མ་མཆིས་པའི་སླད་དུ་གཞི་རྟེན་ལྟ་བུར་འགྱུར་རོ།། དེ་དག་སེམས་ཅན་ཐམས ་ཅད་ཉེ་བར་འཚོ་བའི་སླད་དུ་ས་དང་མཚུངས་པར་འགྱུར་རོ། ། དེ་དག་ཆོས་ཐམས་ཅད་ལ་མི་གནས་པའི་སླད་དུ་རླུང་དང་མཚུངས་པར་འགྱུར་རོ།། དེ་དག་ཉོན་མོངས་པའི་དྲི་མ་ཐམས་ཅད་འཁྲུ་བའི་སླད་དུ ་ཆུ་དང་མཚུངས་པར་འགྱུར་རོ། ། དེ་དག་རློམ་སེམས་ཐམས་ཅད་ཡང་དག་པར་འཇོམས་པའི་སླད་དུ་མ་དང་མཚུངས་པར་འགྱུར་རོ།། དེ་དག་སྤྱོད་མི་ནུས་པའི་སླད་དུ་རི་རབ་དང་མཚུངས་པར་འགྱུར་རོ།། ་དེ་དག་ལྷག་པའི་བསམ་པ་བརྟན་ཞིང་མི་ཕྱེད་པའི་སླད་དུ་རྡོ་རྗེ་ལྟར་སྲ་བའི་འཁོར་ཡུག་གི་རི་ལྟ་བུར་འགྱུར་རོ།། དེ་དག་ཕལ་གྱི་རྒོལ་བ་ཐམས་ཅད་ཀྱིས་གདུལ་དཀའ་བར་འགྱུར་རོ།། དེ་དག་ཉན་ཐོས་དང ་རང་སངས་རྒྱས་ཐམས་ཅད་ཀྱིས་གཏིང་དཔག་དཀའ་བར་འགྱུར་རོ། ། དེ་དག་ཆོས་རིན་པོ་ཆེ་ཐམས་ཅད་འདུལ་བའི་སླད་དུ་རྒྱ་མཚོ་ལྟ་བུར་འགྱུར་རོ།། དེ་དག་ཉོན་མོངས་པ་ཐམས་ཅད་བས་པའི་སླད་དུ། ་གཏིང་དང་འདྲ་བར་འགྱུར་རོ།། དེ་དག་ཆོས་ཡོངས་སུ་ཚོལ་བས་ཆོག་མི་ཤེས་པར་འགྱུར་རོ།། དེ་དག་ཤེས་རབ་ཀྱིས་ངོམ་པར་འགྱུར་རོ།། དེ་དག་ཆོས་ཀྱི་འཁོར་ལོ་རབ་ཏུ་བསྐོར་བས་རྒྱལ་པོ་དང ་མཚུངས་པར་འགྱུར་རོ། ། དེ་དག་གཟུགས་འཛིན་པའི་སླད་དུ་བརྒྱ་བྱིན་དང་མཚུངས་པར་འགྱུར་རོ།། དེ་དག་དབང་སྒྱུར་བའི་སླད་དུ་ཚངས་པ་དང་མཚུངས་པར་འགྱུར་རོ།། དེ་དག་ཆོས་མངོན་པར་སྒྲོག ་པའི་སླད་དུ་སྤྲིན་དང་འདྲ་བར་འགྱུར་རོ། ། དེ་དག་བདུད་རྩིའི་ཆར་རབ་ཏུ་འབབས་པའི་སླད་དུ་ཆར་དང་འདྲ་བར་འགྱུར་རོ།། དེ་དག་དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་རྣམས་རྣམ ་པར་འཕེལ་བར་བགྱིད་པར་འགྱུར་རོ། ། དེ་དག་འཁོར་བའི་འདམ་ལས་རྒལ་བར་འགྱུར་རོ།། དེ་དག་སངས་རྒྱས་ཀྱི་ཡེ་ཤེས་ལ་ཞུགས་པར་འགྱུར་རོ།། དེ་དག་སངས་རྒྱས་ཀྱི་བྱང་ཆུབ་ལ་ཉེ་བར ་འགྱུར་རོ། ། དེ་དག་བློས་མཉམ་པ་མ་མཆིས་པར་འགྱུར་རོ།། དེ་དག་ཐོས་པས་མི་མཉམ་པ་དང་མཉམ་པར་འགྱུར་རོ།། དེ་དག་གཞལ་བ་ལས་འདས་པའི་སླད་དུ་མཚུངས་པ་མ་མཆིས་པར ་འགྱུར་རོ། ། དེ་དག་སྤོབས་པ་ཐོགས་པ་མ་མཆིས་པར་འགྱུར་རོ།། དེ་དག་གཟུངས་རབ་ཏུ་ཐོབ་པའི་སླད་དུ་དྲན་པ་དང་ལྡན་པར་འགྱུར་རོ།། དེ་དག་དོན་རྟོགས་པའི་སླད་དུ་འབྲང་བས་རྟོགས ་པ་དང་ལྡན་པར་འགྱུར་རོ། ། དེ་དག་ཆོས་ལ་ཚུལ་བཞིན་དུ་སོ་སོར་རྟོགས་པའི་སླད་དུ་བློ་གྲོས་དང་ལྡན་པར་འགྱུར་རོ།། དེ་དག་སེམས་ཅན་གྱི་བསམ་པ་རྣམས་ལ་མཁས ་པར་འགྱུར་རོ། ། དེ་དག་འཇིག་རྟེན་ལ་ཕན་པར་བགྱི་བའི་སླད་དུ་བརྩོན་པར་འགྱུར་རོ།། དེ་དག་འཇིག་རྟེན་ལས་འཕགས་པར་འགྱུར་རོ།། དེ་དག་པདྨོ་ལྟ་བུར་མི་ཆགས་པར་འགྱུར་རོ།། དེ ་དག་འཇིག་རྟེན་གྱི་ཆོས་རྣམས་ཀྱིས་ཡོངས་སུ་མ་ཟིན་པར་འགྱུར་རོ། ། དེ་དག་མཁས་པ་རྣམས་དགའ་བར་འགྱུར་རོ།། དེ་དག་མང་དུ་ཐོས་པ་རྣམས་ཀྱིས་ཆེར་བཀུར་བར་འགྱུར་རོ།། དེ་དག ་རིག་པ་རྣམས་ཀྱིས་རི་མོར་བགྱི་བར་འགྱུར་རོ། ། དེ་དག་ལྷ་དང་མི་རྣམས་ཀྱིས་མཆོད་པར་འགྱུར་རོ།། དེ་དག་འཇིག་རྟེན་རྣམས་ཀྱིས་ཕྱག་བགྱི་བར་འགྱུར་རོ།། དེ་དག་འཕགས་པ་རྣམས་ཀྱིས ་བཀུར་སྟི་བགྱི་བར་འགྱུར་རོ། ། དེ་དག་ཉན་ཐོས་དང་རང་སངས་རྒྱས་རྣམས་ཀྱིས་སྨོན་པར་བགྱི་བར་འགྱུར་རོ།། དེ་དག་ཉི་ཚེར་སྤྱོད་པ་ལ་རེ་བ་མ་མཆིས་པར་འགྱུར་རོ།། དེ་དག་ཆགས་པ་མ་མཆིས ་པའི་སླད་དུ་ཚུལ་མི་འཆོས་པར་འགྱུར་རོ། ། དེ་དག་སྤྱོད་ལམ་མཛེས་པར་འགྱུར་རོ།། དེ་དག་གཟུགས་བལྟ་ན་སྡུག་པར་འགྱུར་རོ།། དེ་དག་གཟི་བརྗིད་ཀྱིས་ཡིད་ཆགས་པར་འགྱུར་རོ།། དེ་དག ་མཚན་རྣམས་ཀྱིས་བརྒྱན་པར་འགྱུར་རོ། ། དེ་དག་དཔེ་བྱད་བཟང་པོ་རྣམས་ཀྱིས་རྣམ་པར་སྤྲས་པར་འགྱུར་རོ།། དེ་དག་སངས་རྒྱས་ཀྱི་རིགས་ཡང་དག་པར་འཛིན་པར་འགྱུར་རོ།། དེ་དག་ཆོས་ཀྱི ་རིགས་ཡོངས་སུ་སྲུང་བར་འགྱུར་རོ། ། དེ་དག་དགེ་འདུན་གྱི་རིགས་ཀུན་ཏུ་སྲུང་བར་འགྱུར་རོ།། དེ་དག་ནི་སངས་རྒྱས་ཐམས་ཅད་ཀྱིས་གཟིགས་སོ།། དེ་དག་གིས་ཆོས་ཀྱི་སྤྱན་རབ་ཏུ་ཐོབ་བོ།། ་དེ་དག་སངས་རྒྱས་ཀྱི་ཡེ་ཤེས་སུ་ལུང་བསྟན་པར་འགྱུར་རོ།། དེ་དག་གིས་བཟོད་པ་གསུམ་ཡོངས་སུ་རྫོགས་པར་བགྱིས་སོ།། དེ་དག་བྱང་ཆུབ་ཀྱི་སྙིང་པོ་ཡོངས་སུ་རྫོགས་པ་ལ་གནས་སོ།། དེ ་དག་གིས་བདུད་ཀྱི་སྡེ་རབ་ཏུ་བཅོམ་མོ། ། དེ་དག་གིས་ཐམས་ཅད་མཁྱེན་པ་ཉིད་ཐོབ་བོ།། དེ་དག་ཆོས་ཀྱི་འཁོར་ལོ་རབ་ཏུ་སྐོར་བར་འགྱུར་རོ།། དེ་དག་བཅོམ་ལྡན་འདས་སངས་རྒྱས་ཀྱི་མཛད ་པ་བགྱིད་པར་འགྱུར་ཏེ། བཅོམ་ལྡན་འདས་གང་ཆོས་ཀྱི་ཚུལ་ཟབ་མོ་འདི་ཐོས་ནས་མི་སྐྲག། མི་དངང་། ཤིན་ཏུ་དངང་བར་མི་འགྱུར་བ་དང་། གང་དེ་བཞིན་གཤེགས་པ་རྣམས་ཀྱི་བྱང་ཆུབ ་འདི་ལྟར་ཟབ་པ། འདི་ལྟར་ཤེས་དཀའ་བ། འདི་ལྟར་བལྟ་དཀའ་བ། འདི་ལྟར་ཁོང་དུ་ཆུད་པར་དཀའ་བ། འདི་ཐོས་ནས་མོས་པར་འགྱུར་བ་དང་། འཛིན་པར་འགྱུར་བ་དང་། འཆང ་བར་འགྱུར་བ་དང་། གཞན་ལའང་རྒྱས་པར་བགྱིད་པར་འགྱུར་བ་དང་། ཆོས་འདི་ལ་རབ་ཏུ་ཞུགས་ཤིང་གཞན་ཡང་ནན་ཏན་ལ་འགོད་པར་བགྱིད་པའི་སྐྱེས་བུ་དམ་པ་དེ་དག་གི་བསྔགས་པ་བསྐལ་པ ་འམ། བསྐལ་པ་ལས་ལྷག་པར་བརྗོད་ཅིང་ཡོན་ཏན་ཡོངས་སུ་བསྒྲགས་ཀྱང་། བཅོམ་ལྡན་འདས་བདག་གིས་སྐྱེས་བུ་དམ་པ་དེ་དག་གི་ཡོན་ཏན་མཐར་མི་ཕྱིན་ཏོ།། བཅོམ་ལྡན་འདས་ཀྱིས ་བཀའ་སྩལ་བ། ཚངས་པ་ཁྱོད་ཀྱིས་སྐྱེས་བུ་དམ་པ་དེ་དག་གི་བསྔགས་པ་འམ་ཡོན་ཏན་ཇི་ཙམ་དུ་ཤེས། ཚངས་པས་གསོལ་པ། དེ་བཞིན་གཤེགས་པས་ཐོགས ་པ་མ་མཆིས་པའི་སངས་རྒྱས་ཀྱི་ཡེ་ཤེས་ཀྱིས་ཇི་སྙེད་མཁྱེན་པ་དང་། དེ་དག་གི་ཡོན་ཏན་དེ་དག་དང་། དེ་ལས་ལྷག་པར་ཡང་འཚལ་བར་བགྱི་སྟེ། གང་དེ་བཞིན་གཤེགས་པས་བཤད་པའི་དོན ་དང་། ཚིག་དང་ཡི་གེ་ཟབ་མོ་རྣམས་རྟོགས་པར་རིག་པ་དང་། ལྡེམ་པོ་ངག་འཚལ་བ་དང་འཐུན་པར་བགྱིད་ཅིང་འགལ་བར་མི་བགྱིད་པ་དང་། ཡང་དག་པར་སྦྱོང་ཞིང་སུན་འབྱིན་པར་མི་བགྱིད་པ ་དང་། དོན་རྟོགས་པར་གཅིག་ཅིང་ཡི་གེའི་ཕྱིར་མི་སྙེགས་པ་དེ་དག་ནི་བརྗོད་པ་གང་གིས་དེ་བཞིན་གཤེགས་པ་རྣམས་ཆོས་གསུངས་པ་དང་། ལྡེམ་པོ་ངག་གང་གིས་དེ་བཞིན་གཤེགས་པ་ཆོས་གསུང ་བ་དང་། ཐབས་གང་དང་། ཚུལ་གང་དང་། སྙིང་རྗེ་ཆེན་པོ་གང་གིས་དེ་བཞིན་གཤེགས་པ་ཆོས་བསྟན་པ་ངེས་པའི་ཚིག་བརྗོད་པ་རབ་ཏུ་འཚལ་ཏོ།། བཀའ་སྩལ་པ། ཚངས་པ་བྱང ་ཆུབ་སེམས་དཔའ་གང་ལ་ལ་དེ་བཞིན་གཤེགས་པའི་སྟོབས་ལྔའི་སྦྱོར་བ་འདི་ཤེས་ན། བྱང་ཆུབ་སེམས་དཔའ་དེ་ནི་སངས་རྒྱས་ཀྱི་མཛད་པས་སེམས་ཅན་རྣམས་ལ་ཉེ་བར་གནས་པ་ཞེས་བྱའོ།། ་གསོལ་པ། བཅོམ་ལྡན་འདས་དེ་བཞིན་གཤེགས་པའི་སྟོབས་ལྔའི་སྦྱོར་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཆོས་སྨྲ་བ་དང་། ལྡེམ་པོ་ངག་ཏུ་སྨྲ་བ་བསྟན་པ་དང་། ཐབས ་ཀྱིས་ཆོས་ལ་མོས་པར་བྱེད་པ་དང་། ཚུལ་ཉེ་བར་བསྟན་པ་དང་། སྙིང་རྗེ་ཆེན་པོའི་རྗེས་སུ་འཇུག་པ་སྟེ། ཚངས་པ་འདི་དག་ནི་གང་ཉན་ཐོས་དང་རང་སངས་རྒྱས་ཐམས་ཅད་ཀྱིས་མ་ཡིན་པ། དེ ་བཞིན་གཤེགས་པའི་སྟོབས་ལྔའི་སྦྱོར་བའོ། ། གསོལ་པ། བཅོམ་ལྡན་འདས་གསུང་བ་གང་གིས་དེ་བཞིན་གཤེགས་པ་ཆོས་རྣམས་གསུང་། བཅོམ་ལྡན་འདས་ཀྱིས་བཀའ་སྩལ་པ ་ཚངས་པ་འདས་པ་སྨྲ་བ་དང་། མི་འོངས་པ་སྨྲ་བ་དང་། ད་ལྟར་བྱུང་བ་སྨྲ་བ་དང་། ཀུན་ནས་ཉོན་མོངས་པ་སྨྲ་བ་དང་། རྣམ་པར་བྱང་བ་སྨྲ་བ་དང་། དགེ་བ་དང་མི་དགེ་བ་སྨྲ་བ་དང ་འཇིག་རྟེན་པ་དང་འཇིག་རྟེན་ལས་འདས་པ་སྨྲ་བ་དང་། ཟག་པ་དང་བཅས་པ་དང་། ཟག་པ་མེད་པ་སྨྲ་བ་དང་། ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ་བ་མེད་པ་སྨྲ་བ་དང་། ་འདུས་བྱས་དང་འདུས་མ་བྱས་སྨྲ་བ་དང་། བདག་དང་། སེམས་ཅན་དང་། སྲོག་དང་། གསོ་བ་དང་། སྐྱེས་བུ་དང་། གང་ཟག་སྨྲ་བ་དང་། ཐོབ་པ་མངོན་དུ་བྱེད་པ་སྨྲ་བ་དང་། ་འཁོར་བ་དང་མྱ་ངན་ལས་འདའ་བ་སྨྲ་བ་སྟེ། ཚངས་པ་སྨྲ་བ་དེ་དག་ཀྱང་ཡོངས་སུ་མ་གྲུབ་པའི་ཚུལ་གྱིས་སྨྲ་བ་སྒྱུ་མ་ལྟ་བུར་བལྟའོ།། མེད་པ་མཐོང་བའི་ཚུལ་གྱིས་སྨྲ་བ་རྨི་ལམ་ལྟ་བུར་བ ་བལྟའོ། ། ནམ་མཁའི་སྒྲ་སྐད་ཀྱི་ཚུལ་གྱིས་སྨྲ་བ་བྲག་ཆ་ལྟ་བུར་བལྟའོ།། རྐྱེན་འདུས་པའི་ཚུལ་གྱིས་སྨྲ་བ་མིག་ཡོར་ལྟ་བུར་བལྟའོ།། རྒྱུ་མི་འཕོ་བའི་ཚུལ་གྱིས་སྨྲ་བ་གཟུགས་བརྙན ་ལྟ་བུར་བལྟའོ། ། ཕྱིན་ཅི་ལོག་ཏུ་མཐོང་བའི་ཚུལ་གྱིས་སྨྲ་བ་སྨིག་རྒྱུ་ལྟ་བུར་བལྟའོ།། མི་འབྱུང་མི་འཇིགས་པའི་ཚུལ་གྱིས་སྨྲ་བ་ནམ་མཁའ་ལྟ་བུར་བལྟའོ།། ་བརྗོད་དུ་མེད་པའི་ཚུལ་གྱིས་སྨྲ་བ་སྔར་མེད་པར་བལྟའོ།། ཚངས་པ་བྱང་ཆུབ་སེམས་དཔའ་གང་ཆོས་སྨྲ་བ་འདི་ཤེས་ན། བྱང་ཆུབ་སེམས་དཔའ་དེ་དག་ནི་སྨྲ་བ་ཐམས་ཅད་སྨྲ་ཡང་ཆོས་གང ་ལའང་མངོན་པར་མི་ཆགས་སོ། ། དེ་མངོན་པར་མ་ཆགས་པས་ཡེ་ཤེས་ཐོགས་པ་མེད་པའི་སྤོབས་པ་གང་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་ཆོས་བཤད་ཀྱང་རྒྱུན་མི་འཆད་པ་དང་། ་སྨྲ་བ་ཐམས་ཅད་ཀྱང་ཆོས་ཀྱི་དབྱིངས་དང་ཐ་མི་དད་པར་སྨྲ་བ་དང་། ཆོས་རྣམས་ཀྱི་ཐ་མི་དད་པ་ལའང་མངོན་པར་ཆགས་པར་མི་འགྱུར་བའི་ཡེ་ཤེས་ཐོགས་པ་མེད་པའི་སྤོབས་པ་ཐོབ་བོ།། ་ཚངས་པ་དེ་བཞིན་གཤེགས་པས་དེ་ལྟར་གསུངས་པར་ཆོས་བརྗོད་དོ།། ཚངས་པ་དེ་ལ་ཇི་ལྟར་ན་བྱང་ཆུབ་སེམས་དཔའ་དེ་བཞིན་གཤེགས་པའི་ལྡེམ་པོ་ངག་ལ་མཁས་པ་ཁོང་དུ་ཆུད་ཅེ་ན ་ཚངས་པ་འདི་ལ་དེ་བཞིན་གཤེགས་པ་ཀུན་ནས་ཉོན་མོངས་པའང་རྣམ་པར་བྱང་བར་སྟོན། རྣམ་པར་བྱང་བའང་ཀུན་ནས་ཉོན་མོངས་པར་སྟོན་ཏེ། དེ་ལ་བྱང་ཆུབ་སེམས་དཔའ་ལྡེམ་པོ་ངག་ཏུ ་ཤེས་པར་བྱའོ། ། ཚངས་པ་དེ་བཞིན་གཤེགས་པ་ཀུན་ནས་ཉོན་མོངས་པ་ལ་རྣམ་པར་བྱང་བར་ཇི་ལྟར་སྟོན་ཅེ་ན། ཀུན་ནས་ཉོན་མོངས་པའི་ངོ་བོ་ཉིད་རློས་སེམ་མེད་པའི་ཕྱིར་ཀུན་ནས་ཉོན་མོངས ་བརྣམ་པར་བྱུང་བར་སྟོན་ཏོ། ། རྣམ་པར་བྱ་བ་ཅན་ནས་ཉན་མོངས་པར་ཇིལྟ་སྟོན་། རྣམ་པར་བྱུང་བའི་བ་ཅད་རློམ་སེམས་མེད་པའི་ཕྱིར་ཏེ། ཀ་རྣམ་པར་བྱུང་བསྟན་ནུས་ན། ་མོངས་པར་སྨོན།། རྒྱས་པ་སྦྱིན་པས་བྷྱ་ན་ལས་འདས་པ་སྨོ། དེན་བྱིས་པ་དག་གིས་མི་ཤེས་ཀྱི། དེས་དྲུང་ཆུབ་སེམས་དཔའི་སྐྱེས་པོ་དག་ལ་མཁས་པ་ནྀ། ་འང་ཕྱི་མའི་ཚེ་སྙིང་པ་ཆེན་པོར་འགྱུར་ཡང་འདི་ལ་ཆོས་གང་ཡང་འཕོ་བ་མེད་དོ།། མི་འཕོབས་ན་མྱ་ངན་ལས་འདས་པའོ།། མངོན་པར་འདུ་མི་བྱེད་པའི་ཚུད་ཀྱིས་ཚུལ་ཁྲིམས་ཀྱིས་མྱ་ངན་ལས ་འདས་པའོ། ། སྐད་ཅིག་པའི་ཚུལ་གྱིས་བཟོད་པས་མྱ་ངན་ལས་འདས་པའོ།། བླང་བ་དང་དོར་བ་མེད་པའི་ཚུལ་གྱིས་བརྩོན་འགྲུས་ཀྱིས་མྱ་ངན་ལས་འདས་པའོ།། རྣམ་པར་མི་རྟོག་པའི་ཚུལ ་གྱིས་ཟསམ་གཏན་གྱིས་མྱ་ངན་ལས་འདས་པའོ། ། ཐོགས་པ་མེད་པའི་ཚུལ་གྱིས་ཤེས་རབ་ཀྱིས་མྱ་ངན་ལས་འདས་པའོ།། ཆོས་ཀྱི་དབྱིངས་འདོད་ཆགས་དང་བྲལ་བས་ན། འདོད་ཆགས ་ནི་འདོད་ཆགས་དང་བྲལ་བའི་མཐའ་འོ། ། ཆོས་ཀྱི་དབྱིངས་ལ་གཏུམ་པ་མེད་པས་ཞེ་སྡང་ནི་ཡང་དག་པའི་མཐའའོ།། ནོས་རྣམས་ལ་རྨོངས་པ་མེད་པའི་ཕྱིར་གཏི་མུག་ནི་གཏི་མུག་མེད་པའི ་མཐའ་འོ། ། ཤི་འཕོ་བ་མེད་པ་དང་སྐྱེ་བ་མེད་པའི་ཚུལ་གྱིས་འཁོར་བའང་མྱ་ངན་ལས་འདས་པའོ།། མངོན་པར་ཆགས་པའི་ཚུལ་གྱིས་མྱ་ངན་ལས་འདས་པའང་འཁོར་བའོ།། ཐ་སྙད་དུ་འདོ་། ་པའི་ལྟ་བས་བདེན་པའང་བརྫུན་པའོ།། མངོན་པའི་ང་རྒྱལ་ཅན་རྣམས་ལ་ནི་བརྫུན་པའང་བདེན་པའོ་ཞེས་དེ་ལྟར་ཤེས་སོ།། གཞན་ཡང་ཚངས་པ་དེ་བཞིན་གཤེགས་པ་ནི ་ལྡེམ་པོ་ངག་གི་རྣམ་གྲངས་ཀྱིས་བདག་ཉིད་ཀྱིས་རྟག་པར་སྨྲ་བར་ཞལ་གྱིས་བཞེས་སོ། ། བདག་ཉིད་ཀུན་ནས་ཉོན་མོངས་པར་སྨྲ་བ་དང་། ཆད་པར་སྨྲ་བ་དང་། བྱ་བ་མེད་པར་སྨྲ་བ་དང་། ་ལོག་པར་ལྟ་བ་དང་། མ་དད་པ་དང་། བྱས་པ་མི་གཟོ་བ་དང་། མཚམས་གཅོད་པ་དང་། སྐྱུགས་པ་ཟ་བ་དང་། གོ་སྐབས་མི་ཕྱེད་པར་ཞལ་གྱིས་བཞེས་ཀྱང་། དེ་བཞིན་གཤེགས ་པ་ནི་བཤད་པ་འདི་དག་ལ་མི་འབྱུང་མི་སྣང་ངོ་། ། ལྡེམ་པོ་ངག་གང་གིས་སེམས་ཅན་རྣམས་ལྷག་པའི་ང་རྒྱལ་འཛིན་པ་འདོར་བར་འགྱུར་བའི་ལྡེམ་པོ་ངག་དེ་དེ་བཞིན་གཤེགས་པ་སྟོན་ཏེ། དེ་ནི་དེ་བཞིན ་གཤེགས་པའི་ལྡེམ་པོ་ངག་གོ། ། ཚངས་པ་དེ་ལྟར་ན་དེ་བཞིན་གཤེགས་པ་ལྡེམ་པོ་ངག་ཏུ་ཆོས་སྟོན་ཏེ། དེ་ལ་བྱང་ཆུབ་སེམས་དཔས་སྤྱོད་པ་ལ་མཁས་པར་བློ་སྤྱད་པར་བྱའོ།། དེ་དེ་ལྟར་མཐར་ཕྱིན་པས ་བསྟན་པ་ཐམས་ཅད་ལ་མཁས་པར་འགྱུར་རོ། ། དེ་སེམས་ཅན་རྣམས་ལ་གཟུགས་ཀྱི་སྐུ་སྟོན་པས་སངས་རྒྱས་བྱུང་ངོ་སྙམ་དུ་མོས་པར་འགྱུར་རོ།། ཆོས་ཀྱི་སྐུས་རབ་ཏུ་ཕྱེ་བའི་ཕྱིར་དེ་བཞིན་གཤེགས ་པམ་བྱུང་བའོ་ཞེས་མོས་པར་འགྱུར་རོ། ། ཡི་གེ་རྣམ་པར་རིག་པ་ལྷུར་བྱེད་པའི་སེམས་ཅན་རྣམས་ལ་དེ་བཞིན་གཤེགས་པས་ཆོས་བསྟན་ཏོ་ཞེས་མོས་པར་འགྱུར་རོ།། ཆོས་ཉིད་བརྗོད་དུ་མེད་པར་ངེས ་བར་བྱས་ནས་ཆོས་བསྟན་དུ་མེད་དོ་ཞེས་མོས་པར་འགྱུར་རོ། ། ཕྱིན་ཅི་ལོག་ལས་བྱུང་བའི་ཉོན་མོངས་པ་ཡོངས་སུ་མྱ་ངན་ལས་འདས་པའི་ཕྱིར་ཡོངས་སུ་མྱ་ངན་ལས་འདས་པ་ཡོད་དོ་ཞེས་མོས་པར་འགྱུར་རོ།། ་མ་སྐྱེས་པའི་ཆོས་རྣམས་མི་འཇིག་པའི་ཕྱིར་མྱ་ངན་ལས་འདས་པ་མེད་དོ་ཞེས་མོས་པར་འགྱུར་རོ།། ཀུན་རྫོབ་ལ་འཇུག་པས་སེམས་ཅན་ཡོད་དོ་ཞེས་མོས་པར་འགྱུར་རོ།། དོན་དམ་པ་བསྟན་པས་སེམས་ཅན ་མེད་དོ་ཞེས་མོས་པར་འགྱུར་ཏེ། ཚངས་པ་དེ་ལྟར་ན་དེ་བཞིན་གཤེགས་པས་ལྡེམ་པོ་ངག་བསྟན་པས་ཆོས་སྟོན་ཏོ།། དེ་ལ་བྱང་ཆུབ་སེམས་དཔས་བསྟན་པ་ཐམས་ཅད་ལ་མི་སྐྲག་པར་བྱའོ།། དེ་ལ་ཚངས་པ་དེ ་བཞིན་གཤེགས་པ་ཐབས་གང་གིས་སེམས་ཅན་རྣམས་ལ་ཆོས་སྟོན་ཅེ་ན། སྦྱིན་པས་ལོངས་སྤྱོད་འཐོབ་པ་དང་། ཚུལ་ཁྲིམས་ཀྱིས་མཐོ་རིས་སུ་སྐྱེ་བ་དང་། བཟོད་པས་གཟུགས་བཟང་པོ་འཐོབ་པ་དང་། ་བརྩོན་འགྲུས་ཀྱིས་ཡེ་ཤེས་འཐོབ་པ་དང་། བསམ་གཏན་གྱིས་རབ་ཏུ་དབེན་པ་འཐོབ་པ་དང་། ཤེས་རབ་ཀྱིས་ཉོན་མོངས་པ་འདོར་བ་དང་། ཐོས་པས་ཤེས་རབ་འཐོབ་པ་དང་། དགེ་བ་བཅུའི་ལས་ཀྱི་ལམ་གྱིས་མི ་དང་ལྷའི་ཕུན་སུམ་ཚོགས་པ་རྣམས་འཐོབ་པ་དང་། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཀྱིས་ཚངས་པའི་འཇིག་རྟེན་དུ་སྐྱེ་བ་འཐོབ་པ་དང་། ཞི་གནས་ཀྱིས་ལྷག་མཐོང་འཐོབ་པ་དང་། ་སློབ་པའི་སས་མི་སློབ་པའི་ས་འཐོབ་པ་དང་། རང་སངས་རྒྱས་ཀྱི་སས་སྦྱིན་པ་ཡོངས་སུ་སྦྱོང་བ་དང་། སངས་རྒྱས་ཀྱི་ཚད་མེད་པའི་ཡེ་ཤེས་མཐོང་བ་དང་། མྱ་ངན་ལས་འདས་པས་སྡུག་བསྔལ་ཐམས་ཅད་ཉེ་བར ་ཞི་བ་ཐོབ་པར་འགྱུར་རོ་ཞེས་ཚངས་པ་ང་ནི་ཐབས་ཀྱིས་སེམས་ཅན་རྣམས་ཆོས་འདི་ལ་མོས་པར་བྱེད་དེ། དེ་བཞིན་གཤེགས་པ་ནི་བདག་གམ། སེམས་ཅན་ནམ། སྲོག་གམ། གང་ཟག ་ཏུ་མི་དམིགས་སོ། ། དེ་བཞིན་གཤེགས་པ་ནི་སྦྱིན་པའང་མི་དམིགས། སྦྱིན་པའི་འབྲས་བུའང་མི་དམིགས། སེར་སྣའང་མི་དམིགས། སེར་སྣའི་འབྲས་བུའང་མི་དམིགས། ཚུལ་ཁྲིམས་ཀྱང་མི་དམིགས། ་ཚུལ་ཁྲིམས་ཀྱི་འབྲས་བུའང་མི་དམིགས། ངང་ཚུལ་ངན་པའང་མི་དམིགས། ངང་ཚུལ་ངན་པའི་འབྲས་བུའང་མི་དམིགས། བཟོད་པའང་མི་དམིགས། བཟོད་པའི་འབྲས་བུའང་མི་དམིགས། གནོད་སེམས ་ཀྱང་མི་དམིགས། གནོད་སེམས་ཀྱི་འབྲས་བུའང་མི་དམིགས། བརྩོན་འགྲུས་ཀྱང་མི་དམིགས། བརྩོན་འགྲུས་ཀྱི་འབྲས་བུའང་མི་དམིགས། ལེ་ལོའང་མི་དམིགས། ལེ་ལོའི་འབྲས་བུའང་མི་དམིགས། ་བསམ་གཏན་ཡང་མི་དམིགས། བསམ་གཏན་གྱི་འབྲས་བུའང་མི་དམིགས། གཡེང་བའང་མི་དམིགས། གཡེང་བའི་འབྲས་བུའང་མི་དམིགས། ཤེས་རབ་ཀྱང་མི་དམིགས། ཤེས་རབ་ཀྱི་འབྲས་བུ ་འང་མི་དམིགས། འཆལ་པའི་ཤེས་ཀྱང་མི་དམིགས། འཆལ་པའི་ཤེས་རབ་ཀྱི་འབྲས་བུའང་མི་དམིགས། བདེ་བའང་མི་དམིགས། སྡུག་བསྔལ་བའང་མི་དམིགས། རྒྱུན་དུ་ཞུགས་པའི་འབྲས་བུའང ་མི་དམིགས་པ་ནས། བྱང་ཆུབ་ཀྱི་བར་དུའང་མི་དམིགས། ཡོངས་སུ་མྱ་ངན་ལས་འདས་པའང་མི་དམིགས་ཏེ། ཚངས་པ་སེམས་ཅན་དེ་དག་དེ་ལྟར་བསྟན་པས་སྦྱོར་ཞིང་རྩོལ་ཏེ་འབད་ཀྱང་། གང་གིས ་ཕྱིར་སྦྱོར་བ་དང་། བརྩོལ་བ་དང་། འབད་པའི་ཆོས་དེ་དག་ཁོང་དུ་མི་ཆུད་ཅིང་མི་ཐོབ་སྟེ། གང་འདི་རྒྱུན་དུ་ཞུགས་པའི་འབྲས་བུ་ནས། དགྲ་བཅོམ་པ་ཉིད་ཀྱི་བར་དང་། རང་བྱང་ཆུབ་དང་། བླ་ན་མེད་པ། ་ཡང་དག་པར་རྫོགས་པའི་བྱང་ཆུབ་ནས། མྱ་ངན་ལས་འདས་པའི་བར་དུ་ཁོང་དུ་མི་ཆུད་ཅིང་མི་ཐོབ་བོ།། ཚངས་པ་འདི་ནི་དེ་བཞིན་གཤེགས་པའི་ཐབས་ཀྱིས་ཆོས་བསྟན་པ་ཡིན་ཏེ། སེམས་ཅན་རྣམས་དམ ་པའི་ཆོས་ཡོངས་སུ་འཛིན་དུ་གཞུག་པའི་ཕྱིར། བྱང་ཆུབ་སེམས་དཔས་ཐབས་མཁས་པ་ལ་སྦྱོར་བར་བྱའོ།། ཚངས་པ་དེ་ལ་དེ་བཞིན་གཤེགས་པའི་ཚུལ་བསྟན་པ་གང་ཞེ་ན། མིག་ནི་ཐར་པའི་ཚུལ་ལོ།། ་དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་རྣམས་ནི་ཐར་པའི་ཚུལ་ལོ།། དེ་ཅིའི་ཕྱིར་ཞེ་ན། མིག་ནི་བདག་གམ་བདག་གིས་སྟོང་སྟེ། དེའི་རང་བཞིན་ནི་འདི་ཡིན་ནོ།། དེ་བཞིན་དུ ་ཡིད་ཀྱི་བར་དུ་བདག་དང་བདག་གིས་སྟོང་སྟེ། དེའི་རང་བཞིན་ནི་འདི་ཡིན་ནོ།། ཚངས་པ་མི་སླུ་བའི་ཕྱིར་སྐྱེ་མཆེད་ཐམས་ཅད་ནི་སེམས་ཅན་རྣམས་ཀྱི་ཐར་པའི་ཚུལ་དུ་རིག་པར་བྱའོ།། འདི་ནི་སེམས་ཅན ་རྣམས་ཀྱི་ཐར་བ་ལ་བརྩོན་པ་མི་སྲུབ་སྐྱེ། གཟུགས་དང་། སྒྲ་དང་། དྲི་དང་། རོ་དང་། རེག་དང་། ཆོས་རྣམས་ཀྱང་དེ་བཞིན་ནོ།། ཆོས་ཐམས་ཅད་ཀྱི་ཚུལ་འདི་ཡིན་ཏེ། གང་འདི་སྟོང་པ་ཉིད་ཀྱི་ཚུལ་དང་། མཚན ་མ་མེད་པའི་ཚུལ་དང་། སྨོན་པ་མེད་པའི་ཚུལ་དང་། མངོན་པར་འདུ་མི་བྱེད་པའི་ཚུལ་དང་། མི་སྐྱེ་བའི་ཚུལ་དང་། མི་འགག་པའི་ཚུལ་དང་། འགྲོ་བ་མེད་ཅིང་འོང་བ་མེད་པའི་ཚུལ་དང་། ཤི་འཕོ་མེད་ཅིང་སྐྱེ་བ་མེད། ་བའི་ཚུལ་དང་། རང་བཞིན་གྱིས་འོད་གསལ་བའི་ཚུལ་དང་། དབེན་པའི་ཚུལ་ལོ།། རང་བཞིན་གྱིས་བེམས་པོ་ཡིན་པའི་ཕྱིར། ཕན་ཚུན་མི་ཕྲད་པས་ན། དེ་བཞིན་གཤེགས ་པས་ཡི་གེ་ཐམས་ཅད་ལས་ཐར་པའི་སྒོའི་ཚུལ་སྨོས་སོ། ། ཚངས་པ་ཡི་གེ་ཐམས་ཅད་ལ་བདེན་པའི་གཏམ་དུ་བལྟས་ཏེ། གཏམ་ཐམས་ཅད་ནི་དེ་བཞིན་གཤེགས་པའི་ཐར་པའི་ཚུལ་བདེན་པ ་བསྟན་པས་བསྟན་ཏོ། ། དེ་བཞིན་གཤེགས་པའི་ཆོས་བསྟན་པ་གང་ཀུན་ནས་ཉོན་མོངས་པར་འགྱུར་བ་དེ་གང་ཡང་མེད་དོ།། ཆོས་བསྟན་ཏོ་ཅོག་ཏུ་ཐར་པ་འདྲེན་ཅིང་མྱ་ངན་ལས་འདས་པ་སྟོན་ཏོ།། ་ཚངས་པ་འདི་ནི་དེ་བཞིན་གཤེགས་པའི་ཚུལ་བསྟན་པ་ཡིན་ཏེ། དེ་ལ་བྱང་ཆུབ་སེམས་དཔས་བསླབ་པར་བྱའོ།། ཚངས་པ་དེ་ལ་དེ་བཞིན་གཤེགས་པ་སྙིང་རྗེ་ཇི་ལྟ་བུས་སེམས་ཅན་རྣམས་ལ ་། ཆོས་སྟོན་ཅེ་ན། སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་རྣམ་པ་སུམ་ཅུ་རྩ་གཉིས་དང་ལྡན་པ་སྐྱེའོ།། སུམ་ཅུ་རྩ་གཉིས་གང་ཞེ་ན། ཆོས་ཐམས་ཅད་ནི་བདག་མེད ་པ་ཡིན་ན། སེམས་ཅན་རྣམས་ནི་བདག་མེད་པར་མ་མོས་ཏེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་ནི་སེམས་ཅན་མེད་པ་ཡིན་ན། ་སེམས་ཅན་རྣམས་ནི་སེམས་ཅན་དུ་སྨྲ་སྟེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་ནི་སྲོག་མེད་པ་ཡིན་ན། སེམས་ཅན་རྣམས་ནི་སྲོག་ཏུ ་སྨྲའོ་ཞེས་དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། ཆོས་ཐམས་ཅད་ནི་གང་ཟག་མེད་པ་ཡིན་ན། སེམས་ཅན་རྣམས་ནི་གང་ཟག་ལ་གནས་ཏེ། དེའི་ཕྱིར་སེམས ་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། ཆོས་ཐམས་ཅད་ནི་ངོ་བོ་ཉིད་མེད་པ་ཡིན་ན། སེམས་ཅན་རྣམས་ནི་ངོ་བོར་ལྟ་སྟེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང ་རྗེ་ཆེན་པོ་སྐྱེའོ། ། ཆོས་ཐམས་ཅད་ནི་གནས་མེད་པ་ཡིན་ན། སེམས་ཅན་རྣམས་ནི་གནས་ལ་རྟེན་ཏེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད ་ནི་ཀུན་གཞི་མེད་པ་ཡིན་ན། སེམས་ཅན་རྣམས་ནི་ཀུན་གཞི་ལ་མངོན་པ་དགའ་སྟེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་ཆེན་པོ་སྐྱེའོ།། ཆོས་ཐམས་ཅད་ནི་ང་ཡིར་བྱ་བ་མེད་པ་ཡིན། ་ན། སེམས་ཅན་རྣམས་ནི་ང་ཡིར་འཛིན་པ་ལ་གནས་ཏེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་ནི་བདག་པོ་མེད་པ་ཡིན་ན། སེམས་ཅན ་རྣམས་ནི་ཡོངས་སུ་འཛིན་པ་ལ་བརྩོན་ཏེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་ནི་དངོས་པོ་མེད་པ་ཡིན་ན། སེམས་ཅན་རྣམས་ནི་དངོས་པོ་ལ ་རྟེན་ཏེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་ནི་མ་སྐྱེས་པ་ཡིན་ན། སེམས་ཅན་རྣམས་ནི་སྐྱེ་བ་ལ་གནས་ཏེ། དེའི་ཕྱིར་སེམས་ཅན་རྣམས་ལ ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། ཆོས་ཐམས་ཅད་ནི་མ་འཕོས་མ་བྱུང་བ་ཡིན་ན། སེམས་ཅན་རྣམས་ནི་འཆི་འཕོ་དང་སྐྱེ་བ་ལ་གནས་ཏེ། དེའི་ཕྱིར་སེམས་ཅན་རྣམས ་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། ཆོས་ཐམས་ཅད་ནི་ཀུན་ནས་ཉོན་མོངས་པར་གྱུར་པ་མེད་པ་ཡིན་ན། སེམས་ཅན་རྣམས་ནི་ཀུན་ནས་ཉོན་མོངས་ཏེ། དེའི་ཕྱིར་སེམས་ཅན་རྣམས་ལ་དེ་བཞིན ་གཤེགས་པའི་སྙིང་རྗེ་ཆེན་པོ་སྐྱེའོ། ། ཆོས་ཐམས་ཅད་ནི་འདོད་ཆགས་དང་བྲལ་བ་ཡིན་ན། སེམས་ཅན་རྣམས་ནི་ཆགས་པར་བྱེད་དེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ ་སྐྱེའོ། ། ཆོས་ཐམས་ཅད་ནི་ཞེ་སྡང་དང་བྲལ་བ་ཡིན་ན། སེམས་ཅན་རྣམས་ནི་ཞེ་སྡང་བར་བྱེད་དེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་ནི་གཏི་མུག ་དང་བྲལ་བ་ཡིན་ན། སེམས་ཅན་རྣམས་ནི་གཏི་མུག་པར་གྱུར་ཏེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་ནི་འོང་བ་མེད་པ་ཡིན་ན། སེམས་ཅན་རྣམས ་ནི་འོང་བ་ལ་གནས་ཏེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་ནི་འགྲོ་བ་མེད་པ་ཡིན་ན། སེམས་ཅན་རྣམས་ནི་སྐྱེ་བ་ལ་གནས་ཏེ། དེའི་ཕྱིར ་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། ཆོས་ཐམས་ཅད་ནི་མངོན་པར་འདུ་མི་བྱེད་པ་ཡིན་ན། སེམས་ཅན་རྣམས་ནི་མངོན་པར་འདུ་བྱེད་པ་ལ་སྤྱོད་དེ། དེའི་ཕྱིར་སེམས་ཅན་རྣམས་ལ ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། ཆོས་ཐམས་ཅད་ནི་སྤྲོས་པ་མེད་པ་ཡིན་ན། སེམས་ཅན་རྣམས་ནི་སྤྲོས་པ་ལ་དགའ་སྟེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམ་ཅད་ནི་སྟོང་པ་ཡིན་ན ་སེམས་ཅན་རྣམས་ནི་ལྟ་བར་ཞུགས་ཏེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་ནི་མཚན་མ་མེད་པ་ཡིན་ན། སེམས་ཅན་རྣམས་ནི་མཚན་མ་ལ་སྤྱོད་ཡུལ ་བར་འགྱུར་ཏེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་ནི་སྨོན་པ་མེད་པ་ཡིན་ན། སེམས་ཅན་རྣམས་ནི་སྨོན་ལམ་ལ་སྤྱོད་དེ། དེའི་ཕྱིར་སེམས་ཅན ་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། ཀྱེ་མ་འཇིག་རྟེན་གནས་པ་འདི་ནི་ཕན་ཚུན་རྩོད་པས་ཡོངས་སུ་ཟིན་ཅིང་གནོད་སེམས་ཀྱི་ཐ་བའི་སྐྱོན་ལ་ཞུགས་པར་གཟིགས་ནས་དེ་དག་ལ་གནོད་སེམས ་ཀྱི་ཐ་བའི་སྐྱོན་སྤང་བའི་ཕྱིར་ཆོས་བསྟན་ཏོ་ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། ཀྱེ་མ་འཇིག་རྟེན་གནས་པ་འདི་ནི་ཕྱིན་ཅི་ལོག་དང་ལྡན་ཞིང་ལམ་ཉམ་ང་བར་ཞུགས་པ ་ལམ་གོལ་བ་ལ་གནས་པ་ཡིན་ཏེ། དེ་དག་ཡང་དག་པའི་ལམ་དུ་གཟུད་པར་བྱའོ་ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཀྱེ་མ་འཇིག་རྟེན་གནས་པ་འདི་ནི་བརྐམ་ཞིང་ཆགས ་བའི་ཟིལ་གྱིས་ནོན་པ། ཆོག་མི་ཤེས་ཤིང་གཞན་གྱི་ནོར་འཕྲོག་པ་ཡིན་ཏེ། དེ་དག་འཕགས་པའི་ནོར་དད་པ་དང་། ཚུལ་ཁྲིམས་དང་། ཐོས་པ་དང་། གཏོང་བ་དང་། ཤེས་རབ་དང་། ངོ་ཚ ་ཤེས་པ་དང་། ཁྲེལ་ཡོད་པའི་ནོར་ལ་དགོད་དོ་ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཀྱེ་མ་སེམས་ཅན་འདི་དག་ནོར་དང་། འབྲུ་དང ་ཁྱིམ་དང་། བུ་དང་། ཆུང་མ་ལ་སྲེད་པའི་འཁོལ་ཅིང་སྙིང་པོ་མེད་པ་ལ་སྙིང་པོར་འཛིན་ཏེ། དེ་དག་ལ་ཤིན་ཏུ་མི་རྟག་པ་ཉིད་བསྟན་ཏོ་ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ ་སྐྱེའོ། ། ཀྱེ་མ་སེམས་ཅན་འདི་དག་མི་རིགས་པས་འཚོ་ཞིང་གཅིག་ལ་གཅིག་འདྲིད་པ་ལ་གནས་ཏེ། དེ་དག་འཚོ་བ་ཡོངས་སུ་དག་པར་བྱ་བའི་ཕྱིར་ཆོས་བསྟན་ཏོ་ཞེས་སེམས་ཅན་རྣམས་ལ་དེ་བཞིན་གཤེགས། ་པའི་སྙིང་རྗེ་ཆེན་པོ་སྐྱེའོ།། ཀྱེ་མ་སེམས་ཅན་འདི་དག་མི་མཛའ་བ་ཡིན་ན། ཁེ་དང་བཀུར་སྟིས་རྒྱགས་ནས་བདག་ཅག་མཛའ་འོ་སྙམ་དུ་སེམས་ཏེ། དེ་དག་གི་གང་འདི་སྡུག་བསྔལ་རྣམ་པར་ཞི་བའི་བདེ ་བ་མྱ་ངན་ལས་འདས་པ་ལ་ཤིན་ཏུ་ཡང་དག་པའི་དགེ་བའི་བཤེས་གཉེན་བྱའོ་ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ། ། ཀྱེ་མ་སེམས་ཅན་འདི་དག་ནི་ཤིན་ཏུ་ཉོན་མོངས་པར ་གྱུར་ཅིང་སྡུག་བསྔལ་གྱི་ཆོས་མང་བའི་ཁྱིམ་གྱི་གནས་ལ་མངོན་པར་དགའ་བ་དེ་དག་ཁམས་གསུམ་ལས་བཟླ་བའི་ཕྱིར་འབྱུང་བའི་ཆོས་བསྟན་ཏོ་ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ། སྐྱེའོ། ་། ཆོས་ཐམས་ཅད་ནི་རྒྱུས་ཉེ་བར་འགྲོ་བ་རྣམ་པར་བསྒྲུབས་ཉེ་བར་གནས་པའི་མཚན་ཉིད་དེ། འཕགས་པའི་རྣམ་པར་གྲོལ་བ་དེ་ལ་ལེ་ལོ་བྱེད་དོ་ཞེས་སེམས་ཅན་རྣམས་ལ་དེ་བཞིན་གཤེགས ་པའི་སྙིང་རྗེ་ཆེན་པོ་སྐྱེའོ། ། སེམས་ཅན་རྣམས་ནི་ཆགས་པ་མེད་པའི་སངས་རྒྱས་ཀྱི་ཡེ་ཤེས་མཆོག་ཁྱད་པར་དུ་འཕགས་པའི་ཡོངས་སུ་མྱ་ངན་ལས་འདས་པ་འདི་བཏང་ཞིང་། གང་འདི་ཐེག་པ་དམན་པ ་ཉན་ཐོས་དང་རང་སངས་རྒྱས་ཀྱི་ཐེག་པ་ཚོལ་ཏེ། དེ་དག་གང་འདི་སངས་རྒྱས་ཀྱི་ཡེ་ཤེས་ལ་དམིག་པར་བྱ་བའི་ཕྱིར་རྒྱ་ཆེན་པོ་ལ་སེམས་མོས་པར་བྱའོ་ཞེས་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ ་ཆེན་པོ་སྐྱེའོ། ། ཚངས་པ་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་རྣམ་པ་སུམ་ཅུ་རྩ་གཉིས་པོ་དེ་དག་དང་ལྡན་པར་སྐྱེ་སྟེ། དེའི་ཕྱིར་དེ་བཞིན་གཤེགས་པ་སྙིང་རྗེ་ཆེན་པོ་ལ་གནས་པ ་ཞེས་བྱའོ། ། ཚངས་པ་བྱང་ཆུབ་སེམས་དཔའ་གང་ལ་ལ་སྙིང་རྗེ་ཆེན་པོ་རྣམ་པ་སུམ་ཅུ་རྩ་གཉིས་པོ་དེ་དག་དང་ལྡན་པར་སེམས་ཅན་རྣམས་ལ་འཇུག་ན། ཚངས་པ་བྱང་ཆུབ་སེམས་དཔའ་སེམས ་དཔའ་ཆེན་པོ་འདི་ནི་བསོད་ནམས་ཀྱི་ཞིང་། གཟི་བརྗིད་ཆེན་པོ་ཡོངས་སུ་རྒྱས་པ། ཕྱིར་མི་ལྡོག་པ་སེམས་ཅན་གྱི་དོན་ལ་བརྩོན་པར་ཤེས་པར་བྱའོ།། ཡང་སྙིང་རྗེ་ཆེན་པོའི་ཆོས་ཀྱི་སྒོའི་ལེའུ་འདི་བཤད ་བ་ན། སྲོག་ཆགས་སྟོང་ཕྲག་སུམ་ཅུ་རྩ་གཉིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ།། སྲོག་ཆགས་བརྒྱད་སྟོང་གིས་ནི་བཟོད་པ་རབ་ཏུ་ཐོབ་པར་གྱུར་ཏོ།། ལྷའི་བུ ་སྟོང་ཕྲག་བདུན་ཅུ་རྩ་གཉིས་ནི་ཆོས་རྣམས་ལ་རྡུལ་མེད་ཅིང་དྲི་མ་དང་བྲལ་བའི་ཆོས་ཀྱི་མིག་རྣམ་པར་དག་གོ། ། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་འདི་སྐད ་ཅེས་གསོལ་ཏོ། ། བཅོམ་ལྡན་འདས་ཚངས་པ་ཁྱད་པར་སེམས་འདི་དེ་བཞིན་གཤེགས་པའི་ཐུགས་རྗེ་ཆེན་པོ་དང་ལྡན་པའི་ཆོས་བསྟན་པ་འདི་ཐོས་ན་དགའ་བར་མི་བགྱིད ་རངས་པར་མི་འགྱུར་རོ། ། ཁྱད་པར་སེམས་ཀྱིས་སྨྲས་པ། རིགས་ཀྱི་བུ་གང་གིས་རྣམ་པར་ཤེས་པ་གཉིས་དང་ལྡན་པ་དེ་དག་ལ་ནི་དགའ་བ་དང་རངས་པར་ཡང་འགྱུར་གྱི། གཉིས་སུ་མེད་པ་ཡང ་དག་པའི་མཐའ་ལ་གནས་པ་ལ་ནི་དཀའ་བའང་མེད། རངས་པའང་མེད་དོ།། རིགས་ཀྱི་བུ་འདི་ལྟ་སྟེ། དཔེར་ན་སྣརུམས་སྤྲུལ་པའི་སྐྱེས་བུ་ནི་སྒྱུ་མ་གར་བྱེད་པར་ཞུགས་ལ་དགའ་བའང་མེད ་རངས་པའང་མེད་དོ། ། རིགས་ཀྱི་བུ་དེ་བཞིན་དུ་ཆོས་ཐམས་ཅད་སྒྱུ་མའི་མཚན་ཉིད་ཀྱི་རང་བཞིན་དང་ལྡན་པའི་ཕྱིར། དེ་བཞིན་གཤེགས་པའི་ཆོ་འཕྲུལ་ལ་དགའ་བའང་མི་སྐྱེ། རངས་པར་ཡང་མི ་འགྱུར་རོ། ། རིགས་ཀྱི་བུ་འདི་ལྟ་སྟེ། དཔེར་ན་དེ་བཞིན་གཤེགས་པའི་སྤྲུལ་པས་དེ་བཞིན་གཤེགས་པའི་སྤོབས་པ་ཐོས་ན་དགའ་བར་མི་བྱེད། རངས་པར་མི་འགྱུར་རོ།། རིགས་ཀྱི་བུ་དེ་བཞིན ་དུ་ཆོས་རྣམས་སྤྲུལ་པའི་རང་བཞིན་དུ་ཤེས་ནས། དེ་བཞིན་གཤེགས་པ་ལ་ལྷག་པར་དགའ་བའང་མི་སྐྱེའོ།། སེམས་ཅན་གཞན་དག་ལའང་དམན་པར་མི་འཛིན་ཏོ།། དྲ་བ་ཅན་གྱི་འོད་ཀྱིས་སྨྲས ་པ། ཚངས་པ་ཁྱོད་ཀྱིས་ཆོས་ཐམས་ཅད་སྒྱུ་མས་སྤྲུལ་པའི་རང་བཞིན་དུ་ཤེས་སམ། སྨྲས་པ། རིགས་ཀྱི་བུ་གང་རྣམ་པ་གཉིས་སུ་རྣམ་པར་གཞག་པ་སྤྱོད་པ་དེ་དག་ལ་དྲིས་ཤིག། སྨྲས་པ ་ཚངས་པ་ཁྱོད་གང་ལ་སྤྱོད། སྨྲས་པ། གང་ལ་བྱིས་པ་སོ་སོའི་སྐྱེ་བོ་ཐམས་ཅད་སྤྱོད་པ་དེ་ལའང་སྤྱོད་དོ།། སྨྲས་པ། ཚངས་པ་བྱིས་པ་སོ་སོའི་སྐྱེ་བོ་རྣམས་ནི་འདོད་ཆགས་དང་། ཞེ་སྡང་དང་།། ་གཏི་མུག་རྣམས་ལ་སྤྱོད་དོ།། འཇིག་ཚོགས་ལ་ལྟ་བ་དང་། ཚུལ་ཁྲིམས་དང་། བརྟུལ་ཞུགས་མཆོག་ཏུ་འཛིན་པ་དང་། ཐེ་ཙོམ་དང་། ངར་འཛིན་པ་དང་། ང་ཡིར་འཛིན་པ་དང་། འདོད ་པ་དང་། འདོད་ཆེན་དང་། ལོག་པར་སྦྱོར་བ་རྣམས་ལ་སྤྱོད་ན། ཅི་ཁྱོད་ཀྱང་དེ་དག་ལ་སྤྱོད་དམ། སྨྲས་པ། རིགས་ཀྱི་བུ་ཁྱོད་སོ་སོའི་སྐྱེ་བོ་རྣམས་ཀྱི་སོ་སོའི་སྐྱེ་བོའི་ཆོས་ཡོངས་སུ་གྲུབ ་པར་འདོད་དམ། སྨྲས་པ། སོ་སོའི་སྐྱེ་བོ་ཉིད་ཀྱང་ང་མི་འདོད་ན། དེ་དག་གི་ཆོས་ཡོངས་སུ་གྲུབ་པར་ག་ལ་འདོད། སྨྲས་པ། རིགས་ཀྱི་བུ་གང་འདི་ཆོས་ཡོངས་སུ་མ་གྲུབ་པའི་ཆོས་དེ་ལ ་ཆགས་པ་འམ། ཞེ་སྡང་བ་འམ། གཏི་མུག་པར་བྱ་བ་ཁྱོད་འདོད་དམ། སྨྲས་པ། དེ་མ་ཡིན་ནོ།། སྨྲས་པ། རིགས་ཀྱི་བུ་ཆོས་ཐམས་ཅད་འདོད་ཆགས་དང་བྲལ། ཞེ་སྡང ་དང་བྲལ། གཏི་མུག་དང་བྲལ་བའི་སྤྱོད་པའང་དེའི་མཚན་ཉིད་དོ།། རིགས་ཀྱི་བུ་དེ་ལྟར་སྤྱོད་པ་གཉིས་སུ་མེད་པའི་ཕྱིར་སོ་སོའི་སྐྱེ་བོའི་སྤྱོད་པ་གང་ཡིན་པ་དེ་ཉིད་འཕགས་པ་རྣམས་ཀྱི་སྤྱོད་པའོ།། ་རིགས་ཀྱི་བུ་ཡང་སྤྱོད་པ་ཐམས་ཅད་ནི་སྤྱོད་པ་མ་ཡིན་ནོ།། འདོགས་པ་ཐམས་ཅད་ནི་འདོགས་པ་མ་ཡིན་ནོ།། འགྲོ་བ་ཐམས་ཅད་ནི་འགྲོ་བ་མ་ཡིན་པའོ།། སྨྲས་པ། ཚངས་པ་དེརྗེ། ་སྒྱུར་ན་སྤྱོད་པ་ཐམས་ཅད་སྤྱོད་པ་མ་ཡིན། སྒྲུསྒྲུ་བ། བརྟུལ་བབྱེག་ལ་ཁྲིགས་སོང་དུ་ག་ཅོས་ཀྱི་དབྱིངས་ལབྲི་བ་མ། གང་བར་མི་དམིགས་ཏེ། ་ཕྱིར་སྤྱོད་པ་ཐམས་ཅད་སྤྱོད་པ་མ་ཡིན་ནོ།། སྨྲས་པ། ཚངས་པ་དེ་ཇི་ལྟར་ན་འདོགས་པ་ཐམས་ཅད་ནི་འདོགས་པ་མ་ཡིན་ཞེ་ན། སྨྲས་པ། རིགས་ཀྱི་བུ་ཆོས་ཐམས་ཅད་འདོགས་པ་མ་ཡིན ་པས་བརྟགས་པ་སྟེ། དེའི་ཕྱིར་ཆོས་ཐམས་ཅད་དུ་འདོགས་པ་ནི་འདོགས་པ་ཡིན་པའོ།། སྨྲས་པའོ།། ཚངས་པ་དེ་ཇི་ལྟར་ན་འགྲོ་བ་ཐམས་ཅད་འགྲོ་བ་མ་ཡིན་ཞེ་ན། སྨྲས་པ། ་གར་ཡང་མི་འགྲོ་བའི་ཕྱིར་འགྲོ་བ་ཐམས་ཅད་འགྲོ་བ་མ་ཡིན་པའོ།། དེ་ནས་བཅོམ་ལྡན་འདས་ཀྱིས། ཚངས་པ་ཁྱད་པར་སེམས་ལ་ཚངས་པ་ལེགས་སོ་ལེགས་སོ།། གལ་ཏེ་བཤད་པར་བྱ་ན། ་དེ་ལྟར་བཤད་པར་བྱའོ་ཞེས་ལེགས་སོ་ལེགས་སོ་ཞེས་བྱ་བ་བྱིན་ནོ།། དེ་ནས་གཞོན་ནུར་གྱུར་པ་དྲ་བ་ཅན་གྱི་འོད་ཀྱིས། ཚངས་པ་ཁྱད་པར་སེམས་ལ་འདི་སྐད་ཅེས་སྨྲས་སོ།། ཚངས་པ་ཁྱོད ་གང་འདི་སྐད་དུ་གང་ལ་བྱིས་པ་སོ་སོའི་སྐྱེ་བོ་ཐམས་ཅད་སྤྱོད་པ་དེ་ཉིད་ལ་བདག་སྤྱོད་དོ་ཞེས་ཟེར་ན་སྤྱོད་པ་དེ་ཁྱོད་ཀྱིས་ཐོབ་པ་ཡིན་ནོ། ། སྨྲས་པ། རིགས་ཀྱི་བུ་གལ་ཏེ་བདག་ལ་སྐྱེ་བའི་རྒྱུ་ཡོད་ན ་ནི། བདག་གིས་སྤྱོད་པའང་ཐོབ་པར་འགྱུར་རོ།། སྨྲས་པ། ཚངས་པ་དེ་གལ་ཏེ་མི་སྐྱེ་ན། ཇི་ལྟར་སེམས་ཅན་རྣམས་ཡོངས་སུ་སྨིན་པར་བྱེད། སྨྲས་པ། རིགས་ཀྱི་བུ་དེ་བཞིན ་གཤེགས་པས་སྤྲུལ་པའི་སྐྱེ་བ་ཇི་ལྟ་བར་བདག་གི་སྐྱེ་བའང་དེ་དང་འདྲའོ། ། སྨྲས་པ། དེ་ནི་དེ་བཞིན་གཤེགས་པས་སྤྲུལ་པ་ལ་སྐྱེ་བ་གང་ཡང་མེད་དོ།། སྨྲས་པ། ཅི་དེ་བཞིན་གཤེགས།། ་པས་སྤྲུལ་པ་སྣང་ངམ། སྨྲས་པ། སངས་རྒྱས་ཁྱུ་མཆོག་ལྟ་བུར་གྱུར་པའི་ཕྱིར་སྣང་ངོ་།། སྨྲས་པ། རིགས་ཀྱི་བུ་ཁྱུ་མཆོག་ལྟ་བུར་གྱུར་པའི་ཕྱིར་བདག་གི་སྐྱེ་བའང་དེ་བཞིན་དུ་བལྟའོ།། ་སྨྲས་པ། ཚངས་པ་ཅི་ལས་མངོན་པར་འདུ་བྱེད་པ་ལ་སྤྱོད་དམ། སྨྲས་པ། རིགས་ཀྱི་བུ་བདག་ནི་ལས་མངོན་པར་འདུ་བྱེད་པ་ལ་མི་སྤྱོད་དོ།། སྨྲས་པ། ལས་མེད་པ་ལ་དེ ་ཇི་ལྟར་ལས་ཁྱུ་མཆོག་ལྟ་བུར་འགྱུར། སྨྲས་པ། ལས་ཇི་ལྟ་བ་བཞིན་དུ་དེའི་ཁྱུ་མཆོག་ཀྱང་དེ་བཞིན་ཉིད་ལས་མི་འདབའོ།། དེ་ནས་བཅོམ་ལྡན་འདས་ལ། གནས་བརྟན་ཤཱ་རིའི ་བུས་འདི་སྐད་ཅེས་གསོལ་ཏོ། ། བཅོམ་ལྡན་འདས་གླང་པོ་ཆེ་འདི་དག་གི་ལྡེམ་པོ་ངག་ལ་གང་འཇུག་པར་འགྱུར་བ་དེ་དག་ནི་བསོད་ནམས་མང་དུ་སྐྱེད་པར་འགྱུར་རོ།། དེ་ཅིའི་ཕྱིར་ཞེ་ན ་བཅོམ་ལྡན་འདས་སྐྱེས་བུ་དམ་པ་དེ་དག་གི་མིང་ཙམ་ཐོས་པའང་ལེགས་པར་ཐོས་པ་ལགས་ན། ཆོས་བསྟན་པ་ལྟ་སྨོས་ཀྱང་ཅི་འཚལ། བཅོམ་ལྡན་འདས་འདི་ལྟ་སྟེ། དཔེར་ན་ཤིང་ལྗོན་པས ་ཆེན་པོ་ལ་མ་བརྟེན་པར། རྩ་བ་དང་། སྡོང་པོ་དང་། ཡ་ལ་ག་དང་། ལོ་མ་དང་། མེ་ཏོག་དང་། འབྲས་བུ་སྟོན་པ་ལྟར། བཅོམ་ལྡན་འདས་སྐྱེས་བུ་དམ་པ་འདི་དག་གིས་སྤྱོད་པའི ་མཚན་ཉིད་ཀྱང་དེ་བཞིན་དུ་བལྟའོ། ། འདི་ལྟར་ཆོས་ཐམས་ཅད་ལ་མི་གནས་ཤིང་སྤྱོད་པ་དང་། སྐྱེ་བ་དང་། འབྱུང་བ་དང་། འཕོ་བ་དང་། འཆི་བའང་སྟོན་ལ། ་སངས་རྒྱས་ཀྱི་ཞིང་དག་ནའང་གདའ་བ་དེ་དག་ལ་ལྷག་པར་ཤེས་རབ་ཀྱི་སྤོབས་པ་འདི་ལྟ་བུས་ཡང་སྤོབས་པར་འགྱུར་རོ།། བཅོམ་ལྡན་འདས་ཤེས་རབ་ཀྱི་སྤོབས་པས་རྣམ་པར་འཕྲུལ་པ་འདི་ལྟ་བུ་མཐོང་ན། ་རིགས་ཀྱི་བུ་འམ། རིགས་ཀྱི་བུ་མོ་སུ་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་མི་སྐྱེད།། །། བམ་པོ་གསུམ་པ།། ཡང་དེའི་ཚེ་བྱང་ཆུབ ་སེམས་དཔའ་ཀུན་ཏུ་མེ་ཏོག་ཅེས་བྱ་བ་འཁོར་དེར་འདུས་ཤིང་འདུག་པར་གྱུར་ཏེ། དེས་གནས་བརྟན་ཤཱ་རིའི་བུ་ལ་འདི་སྐད་ཅེས་སྨྲས་སོ།། གནས་བརྟན་ནི་དེ་བཞིན་གཤེགས་པས ་ཤེས་རབ་ཅན་གྱི་མཆོག་ཏུ་གསུང་ན། འདི་ལྟར་ཤེས་རབ་ཀྱི་སྤོབས་པ་རྣམ་པར་འཕྲུལ་པ་འདི་ལྟ་བུས་རྣམ་པར་འཕྲུལ་མི་ནུས་པ། ཅི་གནས་བརྟན་གྱིས་ཆོས་ཀྱི་དབྱིངས་ཁོང་དུ་མ་ཆུད་དམ ་གནས་བརྟན་གྱིས་སྨྲས་པ། ཀུན་ཏུ་མེ་ཏོག་བཅོམ་ལྡན་འདས་ཀྱིས་ཉན་ཐོས་རྣམས་ནི་ཡུལ་ཇི་ལྟ་བ་བཞིན་དུ་སྟོན་ཏོ།། སྨྲས་པ། བཙུན་པ་ཤཱ་རིའི་བུ་ཅི་ཆོས་ཀྱི་དབྱིངས་ཡུལ་དུ་བཟང་ངམ། ་སྨྲས་པ། དེ་ནི་མ་ཡིན་ནོ།། སྨྲས་པ། འོ་ན་ཇི་ལྟར་གནས་བརྟན་ཤཱ་རིའི་བུ་ཡུལ་ཇི་ལྟ་བ་བཞིན་དུ་སྟོན། སྨྲས་པ། ཉན་ཐོས་ཀྱི་ཁོང་དུ་ཆུད་པ་ཇི་ཙམ་པར་བསྟན་པའང་དེ་ཙམ་མོ།། ་སྤྲས་པ། ཅིག་ནས་བརྟན་གྱིས་ཆོས་ཀྱི་དབྱིངས་ཀྱི་ཡུལ་རྣམ་པ་ཚད་མེད་པ་ཁོང་དུ་ཆུད་དམ། སྨྲས་པ། རིགས་ཀྱི་བུ་དེ་དེ་བཞིན་ནོ།། སྨྲས་པ། ཆོས་ཀྱི་དབྱིངས་ལ་ཚད་ཡོད་པ་མ་ཡིན་པས། ་ན། ཆོས་ཀྱི་དབྱིངས་ནི་ཚད་མེད་པ་ཡིན་ཏེ། བཙུན་པ་ཤཱ་རིའི་བུ་ཇི་ལྟར་ཚད་མེད་པར་ཁོང་དུ་ཆུད་པ་དེ་བཞིན་དུ་ཚད་མེད་པར་བསྟན་པ་ཡིན་ན། དེ་ཇི་ལྟར་གང་གིས་ཁོང་དུ་ཆུད་པ་ཅི་འདྲ་བ་དེའི་བསྟན་པ ་འང་དེ་འདྲ་བར་འགྱུར། སྤྲས་པ། ཀུན་ཏུ་མེ་ཏོག་ཆོས་ཀྱི་དབྱིངས་ནི་ཁོང་དུ་ཆུད་པའི་མཚན་ཉིད་མ་ཡིན་ནོ།། སྨྲས་པ། བཙུན་པ་ཤཱ་རིའི་བུ་ཆོས་ཀྱི་དབྱིངས་ཁོང་དུ་ཆུད་པའི་མཚན་ཉིད་མ་ཡིན་ན། ་ཅི་ཁྱོད་ཆོས་ཀྱི་དབྱིངས་དང་ཐ་དད་དུ་རྣམ་པར་གྲོལ་ལམ། སྨྲས་པ། དེ་ནི་མ་ཡིན་ནོ།། སྨྲས་པ། ཅིའི་ཕྱིར། སྨྲས་པ། ཆོས་ཀྱི་དབྱིངས་ཐ་དད་པར་འགྱུར་བའི་ཕྱིར་རོ།། སྨྲས་པ ་བཙུན་པ་ཤཱ་རིའི་བུ་དེའི་ཕྱིར་ཁོང་དུ་ཆུད་པ་ཇི་ལྟ་བ་བཞིན་དུ་ཆོས་ཀྱི་དབྱིངས་ཀྱང་དེ་བཞིན་ནོ། ། སྨྲས་པ། ཀུན་ཏུ་མེ་ཏོག་བདག་ནི་སྟོན་འདོད་པ་མ་ཡིན་གྱི། བདག་ནི་ཉན་འདོད་པའོ།། སྨྲས་པ། བཙུན ་པ་ཤཱ་རིའི་བུ་ཆོས་ཐམས་ཅད་ཆོས་ཀྱི་དབྱིངས་མི་འགྱུར་བར་ངེས་པ་ལ། ཅི་བཤད་པར་བྱ་འམ། མཉན་པར་བྱ་འམ། སྨྲས་པ། དེ་ནི་མ་ཡིན་ནོ།། སྨྲས་པ། འོ་ན་ཅིའི་ཕྱིར་ཁྱོད་བདག་ནི་ཉན ་པར་འདོད་པ་ཡིན་གྱི། སྟོན་འདོད་པ་མ་ཡིན་སྙམ་དུ་སེམས། སྨྲས་པ། རིགས་ཀྱི་བུ་དེ་བཞིན་གཤེགས་པས་ཀྱང་། གང་གུས་པར་ཆོས་སྟོན་པ་དང་། གང་གུས་པར་ཆོས་ཉན་པ་གང་ཟག ་གཉིས་ནི་བསོད་ནམས་མང་དུ་སྐྱེད་དོ་ཞེས་གསུངས་ཀྱིས། དེའི་ཕྱིར་ཁྱོད་ཀྱིས་ཤོད་ཅིག། བདག་གིས་མཉན་ཏོ།། སྨྲས་པ། གནས་བརྟན་ཤཱ་རིའི་བུ་འདུ་ཤེས་དང ་ཚོར་བ་ཐམས་ཅད་ལ་འགོག་པར་སྙོམས་པར་ཞུགས་ལ་ཆོས་ཉན་ནུས་སམ། སྨྲས་པ། རིགས་ཀྱི་བུ་གང་གིས་མཉན་པར་བྱ་བའི་གཉིས་ལ་འཇུག་པ་འགོག་པ་ལ་མེད་དོ།། སྨྲས་པ། གནས ་བརྟན་ཤཱ་རིའི་བུ་ཆོས་ཐམས་ཅད་རང་བཞིན་གྱིས་འགགས་པར་འདོད་དམ། སྨྲས་པ། རིགས་ཀྱི་བུ་དེ་བཞིན་ཏེ། ཆོས་ཐམས་ཅད་ནི་ཤིན་ཏུ་འགགས་པའོ།། སྨྲས་པ། དེའི་ཕྱིར ་གནས་བརྟན་ཤཱ་རིའི་བུ་རྟག་ཏུ་མི་འཆད་པར་ཆོས་མཉན་པའི་སྐལ་བ་མེད་དོ། ། དེ་ཅིའི་ཕྱིར་ཞེ་ན། ཆོས་ཐམས་ཅད་རང་བཞིན་གྱིས་འགགས་པའི་ཕྱིར་རོ།། སྨྲས་པ། རིགས་ཀྱི་བུ་ཁྱོད ་ཏིང་ངེ་འཛིན་ལས་མ་ལངས་པར་ཆོས་སྟོན་ནུས་སམ། སྨྲས་པ། གནས་བརྟན་ཤཱ་རིའི་བུ་གང་རྟག་ཏུ་མཉམ་པར་མ་གཞག་པས་ཆོས་གང་ཡང་དམིགས་སམ། སྨྲས་པ། དེ་མ་ཡིན་ནོ།། ་སྨྲས་པ། འོ་ན་བྱིས་པ་སོ་སོའི་སྐྱེ་བོ་ཐམས་ཅད་ཀྱང་མཉམ་པར་གཞག་པར་འགྱུར་རོ།། སྨྲས་པ། རིགས་ཀྱི་བུ་ཏིང་ངེ་འཛིན་གང་ལ་བྱིས་པ་སོ་སོའི་སྐྱེ་བོ་རྣམས་མཉམ་པར་གཞག་པ་ཡིན། ་སྨྲས་པ། ཆོས་ཀྱི་དབྱིངས་མི་འཁྲུགས་པའི་ཏིང་ངེ་འཛིན་ལའོ།། སྨྲས་པ། ཀུན་ཏུ་མེ་ཏོག་དེ་ལྟ་ཡིན་དུ་ཟིན་ན། སོ་སོའི་སྐྱེ་བོ་རྣམས་དང་། འཕགས་པ་རྣམས་སུ་བྱེ་བྲག་མེད་པར ་འགྱུར་རོ། ། སྨྲས་པ། བཙུན་པ་ཤཱ་རིའི་བུ་དེ་དེ་བཞིན་ཏེ། ང་ནི་འཕགས་པ་དང་སོ་སོའི་སྐྱེ་བོ་རྣམས་ཐ་དད་དུ་དབྱེ་བར་མི་འདོད་དོ།། དེ་ཅིའི་ཕྱིར་ཞེ་ན། འཕགས་པ་རྣམས་ཀྱིས ་ཀྱང་ཆོས་གང་ཡང་མ་འགགས། བྱིས་པ་སོ་སོའི་སྐྱེ་བོ་རྣམས་ཀྱིས་ཀྱང་ཆོས་གང་ཡང་མ་སྐྱེད་དེ། ཆོས་ཀྱི་དབྱིངས་མཉམ་པ་ཉིད་དེ་གང་ཡིན་པ་དེ་ཉིད་ལས་ཀྱང་མི་འདའ་འོ།། སྨྲས་པ། ་རིགས་ཀྱི་བུ་ཆོས་རྣམས་ཀྱི་མཉམ་པ་ཉིད་གང་ཡིན། སྨྲས་པ། གང་གནས་བརྟན་གྱིས་ཡོངས་སུ་ཤེས་པ་དེ་སྟོན་ཏེ། གནས་བརྟན་གྱིས་ཀྱང་འཕགས་པའི་ཆོས་རྣམས་བསྐྱེད་དམ། སྨྲས ་པ། དེ་མ་ཡིན་ནོ།། སྨྲས་པ། ཅི་ཁྱོད་ཀྱིས་སོ་སོའི་སྐྱེ་བོའི་ཆོས་རྣམས་འགགས་པར་བྱས་སམ། སྨྲས་པ། དེ་མ་ཡིན་ནོ།། སྨྲས་པ། འོ་ན་ཅི་ཁྱོད་ཀྱིས་འཕགས་པའི་ཆོས་རྣམ། ་ཐོབ་བམ། སྨྲས་པ། དེ་མ་ཡིན་ནོ།། སྨྲས་པ། འོ་ན་ཅི་ཁྱོད་ཀྱིས་སོ་སོའི་སྐྱེ་བོའི་ཆོས་རྣམས་ཡོངས་སུ་ཤེས་སམ། སྨྲས་པ། དེ་ནི་མ་ཡིན་ནོ།། སྨྲས་པ། འོ་ན་གནས་བརྟན ་གྱིས་ཡོངས་སུ་ཤེས་པས་ཅི་མངོན་པར་རྟོགས། སྨྲས་པ། བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་རྣམས་ཀྱིས་དེ་བཞིན་ཉིད་གང་ཡིན་པ་རྣམས་རྣམ་པར་གྲོལ་མ་ཐག་པའི་དེ་བཞིན་ཉིད་ཀྱང་དེ ་ཡིན། ཡོངས་སུ་མྱ་ངན་ལས་འདས་པའི་དེ་བཞིན་ཉིད་ཀྱང་དེ་ཡིན་ནོ།། སྨྲས་པ། བཙུན་པ་ཤཱ་རིའི་བུ་དེ་བཞིན་ཉིད་དེ་ནི་མ་ལོག་པ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང ་མི་འགྱུར་བ་དེ་བཞིན་ཉིད་དང་། མི་འཁྲུགས་པ་དེ་བཞིན་ཉིད་དེ། བཙུན་པ་ཤཱ་རིའི་བུ་དེ་བཞིན་ཉིད་འདྲི་ཆོས་ཐམས་ཅད་ཀྱི་དེ་བཞིན་ཉིད་རྗེས་སུ་རིག་པར་བྱའོ།། དེ་ནས ་བཅོམ་ལྡན་འདས་ལ། ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ།། བཅོམ་ལྡན་འདས་འདི་ལྟ་སྟེ། དཔེར་ན་མེའི་ཕུང་པོ་རབ་ཏུ་འབར་བའི་མེ་ལྕེ་ཐམས་ཅད་ནི་སྲེགས་པར་ཉེ་བར་གནས་པ ་ལགས་སོ། ། བཅོམ་ལྡན་འདས་དེ་བཞིན་དུ་རིགས་ཀྱི་བུ་འདི་དག་གིས་བསྟན་པ་ཐམས་ཅད་ཆོས་ཀྱི་དབྱིངས་བསྟན་པ་སྟེ། ཆོས་བསྟན་པ་ཐམས་ཅད་ཀྱང་ཉོན་མོངས་པ་ཐམས་ཅད་སྲེགས་པར་ཉེ་བར ་གནས་པ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་དེ་དེ་བཞིན་ནོ།། དེ་ནི་ཇི་སྐད་སྟོན་པ་དེ་བཞིན་ཏེ། རིགས་ཀྱི་བུ་འདི་དག་གིས་བསྟན་པ་ཐམས་ཅད་ཆོས་ཀྱི་དབྱིངས ་བསྟན་པ་སྟེ། ཆོས་བསྟན་པ་ཐམས་ཅད་ཀྱང་ཉོན་མོངས་པ་ཐམས་ཅད་སྲེགས་པར་ཉེ་བར་གནས་པ་ཡིན་ནོ།། དེ་ནས་གཞོན་ནུར་གྱུར་པ་དྲ་བ་ཅན་གྱི་འོད་ཀྱིས། གནས་བརྟན་ཤཱ་རིའི་བུ་ལ་འདི་སྐད་ཅེས ་སྤྲས་སོ། ། གནས་བརྟན་ཤཱ་རིའི་བུ་བཅོམ་ལྡན་འདས་ཀྱིས་ཤེས་རབ་དང་ལྡན་པ་རྣམས་ཀྱི་ནང་ན་མཆོག་ཏུ་གསུངས་ན། གནས་བརྟན་ཤཱ་རིའི་བུ་ཤེས་རབ་གང་གིས་ཤེས་རབ་དང་ལྡན་པའི་མཆོག་ཏུ ་གསུངས་པའི་ཤེས་རབ་དེ་གང་ཡིན། སྨྲས་པ། དྲ་བ་ཅན་གྱི་འོད་གང་ཉན་ཐོས་སྒྲའི་རྗེས་སུ་འབྲང་བ་རང་གི་རྒྱུད་སྣང་བའི་མཚན་ཉིད་ཉི་ཚེ་བའི་ཡེ་ཤེས་ཀྱིས་རྣམ་པར་གྲོལ་བ་རྣམས་ཀྱིས་ཤེས་རབ་སྟེ། ཤེས ་རབ་དེས་བདག་ཤེས་རབ་དང་ལྡན་པ་རྣམས་ཀྱི་མཆོག་ཏུ་གསུངས་ཀྱི། བྱང་ཆུབ་སེམས་དཔའི་ཤེས་རབ་ཀྱིས་ནི་མ་ཡིན་ནོ།། སྤྲས་པ། ཅི་ཤེས་རབ་ཀྱི་སྤྲོས་པའི་མཚན་ཉིད་དམ། སྨྲས་པ། དེས ་ཡིན་ནོ། ། སྨྲས་པ། འོ་ན་ཤེས་རབ་མཉམ་པ་ཉིད་ཀྱི་རྗེས་སུ་སྤྱོད་པ་འམ། སྨྲས་པ། རིགས་ཀྱི་བུ་དེ་དེ་བཞིན་ནོ།། སྨྲས་པ། གནས་བརྟན་ཤཱ་རིའི་བུ་མཉམ་པ་ཉིད་ཀྱིས་རྗེས་སུ་སྤྱོད ་པའི་ཤེས་རབ་ཀྱིས་ཇི་ལྟར་ཤེས་རབ་ཚད་ཅན་དུ་བཤད། སྨྲས་པ། རིགས་ཀྱི་བུ་ཆོས་ཀྱི་དབྱིངས་ཀྱི་རྒྱུས་ནི་ཤེས་རབ་ཚད་མེད་དོ།། ཡུལ་ཇི་ལྟ་བ་བཞིན་དུ་ཡེ་ཤེས་འཇུག་པས་ནི་ཚད་ཟིན་པའོ།། ་སྨྲས་པ། བཙུན་པ་ཤཱ་རིའི་བུ་ཡེ་ཤེས་ཚད་མེད་པ་འམ། འོན་ཏེ་ཚད་ཡོད་པ་ཡིན། སྨྲས་པ། རིགས་ཀྱི་བུ་ཡེ་ཤེས་ནི་ཚད་མེད་པའོ།། སྨྲས་པ། འོ་ན་ཚད་མེད་པ་ཇི་ལྟར་ཚད་ཟིན་པར ་སྟོན། དེ་ནས་གནས་བརྟན་ཤཱ་རིའི་བུ་ཅང་མི་ཟེར་བར་གྱུར་ཏོ།། དེ་ནས་སངས་རྒྱས་ཀྱི་མཐུས་བཅོམ་ལྡན་འདས་ལ། ཚེ་དང་ལྡན་པ་འོད་སྲུངས་ཆེན་པོས་འདི་སྐད་ཅེས་གསོལ་ཏོ།། བཅོམ་ལྡན ་འདས་གཞོན་ནུར་གྱུར་པ་དྲ་བ་ཅན་གྱི་འོད་ཅིའི་སླད་དུ་དྲ་བ་ཅན་གྱི་འོད་ཅེས་བགྱི། དེ་ནས་བཅོམ་ལྡན་འདས་ཀྱིས། དྲ་བ་ཅན་གྱི་འོད་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་གང་གིས་ལྷ་དང་བཅས ་པའི་འཇིག་རྟེན་འདི་དགའ་བར་གྱུར་ནས། དགེ་བའི་རྩ་བ་ཡོངས་སུ་སྨིན་ཅིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་འགྱུར་བའི་འོད། རང་གི་དགེ་བའི་རྩ་བས་ཡོངས་སུ ་སྦྱངས་པ་ཁྱོད་ཀྱིས་སྟོན་ཅིག། དེ་ནས་གཞོན་ནུར་གྱུར་པ་དྲ་བ་ཅན་གྱི་འོད་ཀྱིས་བཅོམ་ལྡན་འདས་ལ་ལེགས་སོ་ཞེས་བྱ་བ་གསོལ་ཏེ། མཉན་ནས་བླ་གོས་ཕྲག་པ་གཅིག་ཏུ། ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ། ལག་པ་གཡས་པ་དྲ་བ་ཅན་སེན་མོ་ཟངས་ལྟ་བུ་ལས་འོད་ཟེར་ཕྱུང ་ནས། འོད་ཟེར་དེས་ཚད་མེད་མུ་མེད་པའི་འཇིག་རྟེན་གྱི་ཁམས་ནི་ཐུལ་ནས། ཕྱོགས་བཅུའི་སངས་རྒྱས་ཀྱི་ཞིང་ཚད་མེད་པ་རྣམས་འོད་ཀྱིས་ཁྱབ་པར་བྱས་ཏེ། འོད་དེས་ཕྱོགས་བཅུའི་འཇིག་རྟེན ་གྱི་ཁམས་ཚད་མེད་གྲངས་མེད་པ་ན། སེམས་ཅན་དམྱལ་བ་པའི་སེམས་ཅན་ནམ། དུད་འགྲོའི་སྐྱེ་གནས་སུ་སྐྱེས་པ་འམ། གཤིན་རྗེའི་འཇིག་རྟེན་པ་འམ། ལོང་བ་འམ། འོན་པ ་འམ། འཐེང་པོ་འམ། ལག་ཞ་འམ། ནད་པུ་ཅན་ནམ། ཆགས་པ་འམ། གཏུམ་པ་འམ། རྨོངས་པ་འམ། གཅེར་བུ་འམ། ལྟོགས་པ་འམ། སྐོམ་པ་འམ། ་བཅིངས་པ་འམ། བཟུང་བ་འམ། དབུལ་པོ་འམ། རིད་པ་འམ། རྒས་པ་འམ། འཆི་བའི་ཆོས་ཅན་ནམ། སེར་སྣ་ཅན་ནམ། གནོད་པར་སེམས་པ་འམ། ངང་ཚུལ ་ངན་པ་ཅན་ནམ། འཇུངས་པ་འམ། དྲན་པ་ཉམས་པ་འམ། འཆལ་བའི་ཤེས་རབ་ཅན་ནམ། མ་དད་པ་འམ། ཐོས་པ་ཉུང་བ་འམ། བསོད་ནམས་ཉུང་བ་འམ། ངོ་ཚ་མི ་ཤེས་པ་འམ། ཁྲེལ་བ་མེད་པ་འམ། བྷ་བ་ཐིབས་པོར་གྱུར་བ་ཇི་སྙེད་ཡོད་པ་དེ་དག་ཐམས་ཅད་འོད་དེས་རེག་མ་ཐག་ཏུ་བདེ་བ་ཐམས་ཅད་དང་ལྡན་པར་གྱུར་ཏོ།། སེམས་ཅན་གང་ཡང་འདོད། ་ཆགས་དང་། ཞེ་སྡང་དང་། གཏི་མུག་དང་། ང་རྒྱལ་དང་། འཆབ་པ་དང་། ཕྲག་དོག་དང་། ཁྲོ་བའི་ཡོངས་སུ་གདུང་བས་ཉམ་ང་བར་གྱུར་པ་མེད་དོ།། སེམས་ཅན་ཐམས་ཅད ་ཀྱང་དགའ་བ་དང་། བདེ་བ་དང་ལྡན་པར་གྱུར་ཏོ།། གང་སངས་རྒྱས་ཀྱི་སྤྱན་སྔ་ན་བྱང་ཆུབ་སེམས་དཔའི་འཁོར་རམ། ཉན་ཐོས་ཀྱི་འཁོར་ངམ། ལྷ་དང་། ཀླུ་དང་། གནོད་སྦྱིན་དང་། ་དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དང་། དགེ་སློང་དང་། དགེ་སློང་མ་དང་། དགེ་བསྙེན་དང ་དགེ་བསྙེན་མའི་འཁོར་དེ་དག་ཐམས་ཅད་འདི་ལྟ་སྟེ། ཁ་དོག་གཅིག་ཏུ་གསེར་གྱི་ཁ་དོག་ལྟ་བུར་སྣང་ངོ་།། ཐམས་ཅད་ཁ་དོག་གཅིག་ཏུ་འདི་ལྟ་སྟེ། དེ་བཞིན་གཤེགས་པའི་ཁ་དོག་དང་། མཚན ་དང་། གཟུགས་འཆང་བར་སྣང་ངོ་།། ཐམས་ཅད་ཀྱང་སྤྱི་གཙུག་བལྟར་མི་སྣང་ཞིང་། ལུས་མཆོག་གི་གཟུགས་སུ་སྣང་ངོ་།། དེ་དག་ཐམས་ཅད་ཀྱང་པདྨོའི་སྟན་ལ་འཁོད་ཅིང་རིན་པོ་ཆེའི་དྲ ་བས་ཁེབས་པར་སྣང་ངོ་། ། དེ་དག་ཐམས་ཅད་ཀྱང་འདི་ལྟ་སྟེ། སངས་རྒྱས་མཐོང་བའི་རང་བཞིན་དུ་རང་བཞིན་གཅིག་ཏུ་སྣང་ངོ་།། དེ་དག་ཐམས་ཅད་ཀྱང་འདི་ལྟ་སྟེ། དཔེར་ན་དགའ་བའི་རྣམ ་པ་བཀོད་པའི་ཏིང་ངེ་འཛིན་ཐོབ་པའི་བྱང་ཆུབ་སེམས་དཔའ་བཞིན་དུ་འདི་ལྟ་བུའི་བདེ་བ་སྐྱེས་པར་གྱུར་ཏོ། ། དེ་ནས་འཁོར་དེ་ཐམས་ཅད་ངོ་མཚར་དུ་གྱུར་ཅིང་། ཕན་ཚུན་དབྱེར ་མེད་དེ། སྟོན་པའང་ལྷག་པར་མི་སེམས། བདག་ཉིད་ཀྱང་དམན་པར་མི་སེམས་སོ།། འོད་དེ་དག་བཏང་མ་ཐག་ཏུ་འོག་གི་ཕྱོགས་ནས་བྱང་ཆུབ་སེམས་དཔའ་བཞི་བྱུང་སྟེ། བཞི་གང་ཞེ་ན། ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་སྨོན་ལམ་ཡང་དག་འཕགས་ཞེས་བྱ་བ་དང་། ཁྱད་པར་བཟང་ཞེས་བྱ་བ་དང་། ཡེ་ཤེས་ཟླ་བ་ཞེས་བྱ་བ་དང་། བྱང་ཆུབ་སེམས་དཔའ ་སེམས་དཔའ་ཆེན་པོ་གཞན་གྱིས་མི་ཐུབ་རྒྱལ་མཚན་ཞེས་བྱ་བ་སྟེ། དེ་དག་ཐལ་མོ་སྦྱར་ནས་གང་ལ་ཕྱག་བྱ་བའི་དེ་བཞིན་གཤེགས་པ་ཡང་དག་པ་འདིའི་ནང་ན་གང་ཡིན་སྙམ་སྟེ། ཕྱག་འཚལ་ཞིང ་འཁོད་པ་དང་། དེ་དག་གིས་བར་སྣང་ལས་འདི་ལྟར་འཁོར་འདི་ཐམས་ཅད་འདི་ལྟ་སྟེ། དེ་བཞིན་གཤེགས་པའི་ཁ་དོག་ཏུ་ཁ་དོག་གཅིག་ཏུ་སྣང་བ་ནི། གཞོན་ནུར་གྱུར་པ་དྲ་བ་ཅན་གྱི་འོད་ཀྱི་བྱེ་བྲག ་ཞེས་སྒྲ་ཐོས་སོ། ། དེ་ནས་བྱང་ཆུབ་སེམས་དཔའ་དེ་བཞི་འདི་སྐད་ཅེས་འཛེར་ཏེ། བདེན་པ་དང་བདེན་པའི་ཚིག་གང་གིས་ཇི་ལྟར་འཁོར་འདི་ཁ་དོག་དང་གཟུགས་གཅིག་སྟེ། བྱེ་བྲག་མེད་པ་དེ་བཞིན་དུ ་ཆོས་ཐམས་ཅད་ཀྱང་བྱེ་བྲག་མེད་ཅེ་ན། བདེན་པ་དང་བདེན་པའི་ཚིག་དེས། བཅོམ་ལྡན་འདས་ཤཱཀྱ་ཐུབ་པ་ལ་ཐ་དད་དུ་དབྱེ་བ་ལྷག་པ་གང་མཐོང་བས། དེ་བཞིན་གཤེགས་པ་ལ་མཆོད་པ་བྱེད་པར ་འགྱུར་བ་འགའ་ཞིག་མཐོང་བར་ཤོག་ཅིག་ཅེས་བྱས་པ་དང་། དེ་ནས་དེའི་མོད་ལ་བཅོམ་ལྡན་འདས་སེང་གེའི་ཁྲི་པདྨ་ཅན་དང་བཅས་ཏེ། ཏ་ལ་གང་ཙམ་དུ་མངོན་པར་འཕགས་པར་གྱུར་ཏོ།། དེ་ནས་བཅོམ་ལྡན ་འདས་ལ། བྱང་ཆུབ་སེམས་དཔའ་བཞི་པོ་དེ་དག་གིས་མགོ་བོས་ཕྱག་འཚལ་ནས་ཚིག་འདི་སྐད་ཅེས་འཛེར་ཏོ།། བཅོམ་ལྡན་འདས་དེ་བཞིན་གཤེགས་པ་རྣམས་ཀྱི་དེ་བཞིན་གཤེགས་པའི་ཡེ་ཤེས་ནི་བསམ ་གྱིས་མི་ཁྱབ་བོ། ། འདི་ལྟར་སེམས་ཅན་རྣམས་ལ་བདེ་བ་བསྟན་པས། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་བསོད་ནམས་དང་སྨོན་ལམ་འདིའང་བསམ་གྱིས་མི་ཁྱབ་བོ།། དེ་ནས་བཅོམ་ལྡན ་འདས་ཀྱིས། གཞོན་ནུར་གྱུར་པ་དྲ་བ་ཅན་གྱི་འོད་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་ཁྱོད་ཀྱིས་སངས་རྒྱས་ཀྱི་བྱ་བ་བྱས་ཏེ། སེམས་ཅན་ཚད་མེད་པ་རྣམས་ཁྱོད་ཀྱིས་བྱང་ཆུབ་ལ་བཀོད་ཀྱིས ་རྫུ་འཕྲུལ་འདི་ཕྱིར་རྟུལ་ཅིག། དེ་ནས་གཞོན་ནུར་གྱུར་པ་དྲ་བ་ཅན་གྱི་འོད་ཀྱིས་འོད་དེ་དག་ཕྱིར་བརྟུལ་ཏོ།། འོད་དེ་ཕྱིར་བརྟུལ་མ་ཐག་ཏུ་འཁོར་དེ་ཐམས་ཅད་སྤྱོད་ལམ་སྔ་མ་ཇི་ལྟ་བ་བཞིན་དུ་སྣང་ངོ་།། ་བཅོམ་ལྡན་འདས་ཀྱང་སྔ་མ་ཁོ་ན་བཞིན་དུ་སེང་གེའི་ཁྲི་པདྨོ་ཅན་ལ་བཞུགས་པར་སྣང་ངོ་།། དེ་ནས་བཅོམ་ལྡན་འདས་ལ། གནས་བརྟན་འོད་སྲུངས་ཆེན་པོས་འདི་སྐད་ཅེས་གསོལ་ཏོ།། བཅོམ་ལྡན ་འདས་བྱང་ཆུབ་སེམས་དཔའ་འདི་བཞི་གང་ནས་མཆིས། བྱང་ཆུབ་སེམས་དཔའ་དེ་བཞིས་སྨྲས་པ། ཁོ་བོ་ཅག་འོག་གི་འཇིག་རྟེན་གྱི་ཁམས་ནས་འོངས་སོ།། སྨྲས་པ། འཇིག་རྟེན་གྱི་ཁམས་དེའི ་མིང་ནི། སྨྲས་པ། འཇིག་རྟེན་གྱི་ཁམས་ངན་རིན་པོ་ཚེ་ཐམས་ཅད་སྟོན་པཞེས་བྱའོ།། སྨྲས་པ། དེན་དེ་བཞིན་གཤེགས་པ་མཚན་ཅི་ཞེས་བྱ་བ་ཞིག་ཆོས་འཆན། ་པ། དེ་བཞིན་གཤེགས་པ་དེའི་མཚན་ནི་རིན་པོ་ཆེ་གདུགས་གཅིག་པ་ཞེས་བྱའོ།། སྤྲས་པ། འཇིག་རྟེན་གྱི་ཁམས་དེ་འདི་ནས་ཇི་སྲིད་ཅིག་ན་ཡོད། སྨྲས་པ། བཅོམ་ལྡན་འདས་མཁྱེན་པས ་མཁྱེན་ཏོ། ། སྨྲས་པ། ཁྱེད་རྣམས་འདིར་ཅི་ལ་འོངས། སྨྲས་པ། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་འོད་བཏང་ནས། འོད་དེས་ཁོ་བོ་ཅག་ལ་རེག་སྟེ། རེག་མ་ཐག་ཏུ་བཅོམ་ལྡན ་འདས་ཤཱཀྱ་ཐུབ་པའི་མཚན་དང་། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱི་མིང་ཐོས་ནས། བཅོམ་ལྡན་འདས་དང་། སྐྱེས་བུ་དམ་པ་འདི་ལ་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བའི ་ཕྱིར་བདག་ཅག་འདིར་འོངས་སོ། ། དེ་ནས་བཅོམ་ལྡན་འདས་ལ། གནས་བརྟན་འོད་སྲུངས་ཆེན་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་འཇིག་རྟེན་གྱི་ཁམས་རིན་པོ་ཆེ་ཐམས་ཅད་སྟོན་པ་ཞེས ་བགྱི་བ་བཅོམ་ལྡན་འདས་རིན་པོ་ཆེ་གདུགས་གཅིག་པ་དེ་བཞིན་གཤེགས་པའི་སངས་རྒྱས་ཀྱི་ཞིང་དེ་ཇི་སྲིད་ཅིག་ན་མཆིས། བཅོམ་ལྡན་འདས་ཀྱིས་བཀའ་སྩལ་པ། འཇིག་རྟེན་གྱི་ཁམས་འདི་ནས་འོག ་ཏུ་སངས་རྒྱས་ཀྱི་ཞིང་གངྒཱའི་ཀླུང་བདུན་ཅུ་རྩ་གཉིས་ཀྱི་བྱེ་མ་སྙེད་འདས་པ་ན། བྱང་ཆུབ་སེམས་དཔའ་འདི་བཞི་གང་ནས་འདིར་འོངས་པའི་འཇིག་རྟེན་གྱི་ཁམས་རིན་པོ་ཆེ་ཐམས་ཅད་སྟོན་པ། བཅོམ་ལྡན ་འདས་རིན་པོ་ཆེའི་གདུགས་གཅིག་པ་དེ་བཞིན་གཤེགས་པའི་སངས་རྒྱས་ཀྱི་ཞིང་ཡོད་དོ། ། གསོལ་པ། དེ་དག་དེ་ནས་ཇི་སྲིད་ཀྱིས་འདིར་མཆིས། བཀའ་སྩལ་པ། སེམས་ཀྱི་སྐད་ཅིག་པ་གཅིག ་གིས་དེར་མི་སྣང་བར་གྱུར་ཏེ། འདིར་ཕྱིན་ཏོ།། གསོལ་པ། བཅོམ་ལྡན་འདས་འདི་ལྟར་བྱང་ཆུབ་སེམས་དཔའ་དྲ་བ་ཅན་གྱི་འོད་ཟེར་དེ་ཇི་སྲིད་དུ་མཆིས་པ་དང་། རིགས་ཀྱི་བུ་འདི་དག་དེ་ལྟར་མྱུར ་དུ་ཕྱིན་ཏེ། བྱང་ཆུབ་སེམས་དཔའ་རྣམས་ཀྱི་འོད་ཟེར་གཏོང་བ་དང་། རྫུ་འཕྲུལ་གྱི་སྟོབས་ནི་ངོ་མཚར་ཏོ།། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་དེ་དེ་བཞིན་ཏེ། ཇི་སྐད་ཟེར ་བ་དེ་བཞིན་ནོ། ། གང་ཉན་ཐོས་དང་རང་སངས་རྒྱས་ཐམས་ཅད་ཀྱིས་མ་ཡིན་པ། བྱང་ཆུབ་སེམས་དཔའ་རྣམས་ཀྱི་སྤྱོད་པ་ནི་བསམ་གྱིས་མི་ཁྱབ་བོ།། དེ་ནས་ཚེ་དང་ལྡན་པ་འོད་སྲུངས་ཆེན་པོས།། གཞོན། ་ནུར་གྱུར་པ་དྲ་བ་ཅན་གྱི་འོད་ལ་འདི་སྐད་ཅེས་སྨྲས་སོ།། རིགས་ཀྱི་བུ་ཁྱོད་ཀྱིས་འོད་ཀྱིས་འཁོར་འདི་དག་ལ་རེག་ནས་ཁ་དོག་གཅིག་ཏུ་འདི་ལྟ་སྟེ། གསེར་གྱི་ཁ་དོག་ཏུ་གྱུར་ན། འདི་གང་གི་མཐུ ་སྨྲས་པ། བཅོམ་ལྡན་འདས་ཉིད་ལ་འོད་སྲུངས་ཆེན་པོ་ཁྱོད་ཀྱིས་གསོལ་ཅིག་དང་། དེ་ཉིད་ཁྱོད་ལ་སྟོན་ཏོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་འོད་སྲུངས་ཆེན་པོས་འདི་སྐད་ཅེས ་གསོལ་ཏོ། ། བཅོམ་ལྡན་འདས་ལྟས་སྔར་བྱུང་བ་འདི་སུའི་ལགས། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་དྲ་བ་ཅན་གྱི་འོད་བྱང་ཆུབ་ཐོབ་པའི་འཁོར་ཁ་དོག་གཅིག་ཏུ་འདི་ལྟ་སྟེ། ་གསེར་གྱི་ཁ་དོག་ཏུ་འགྱུར་རོ།། འཁོར་རྣམས་གཅིག་ལ་མོས་པ་འདི་ལྟ་སྟེ། ཐམས་ཅད་མཁྱེན་པའི་སེམས་ལ་མོས་པར་འགྱུར་རོ།། དེས་ན་ཉན་ཐོས་དང་རང་སངས་རྒྱས ་རྣམས་ཀྱི་མིང་ཡང་མེད་པར་འགྱུར་རོ། ། བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གི་དགེ་འདུན་དུ་འགྱུར་རོ།། འོད་སྲུངས་ཆེན་པོས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ ་གང་སངས་རྒྱས་ཀྱི་ཞིང་དེར་སྐྱེ་བར་འགྱུར་བ་དེ་ནི་དེ་བཞིན་གཤེགས་པ་ཉིད་དུ་གཟུང་བར་བགྱིའོ། ། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་ཇི་སྐད་ཟེར་བ་དེ་བཞིན་ཏེ། དེ་ནི་དེ་བཞིན ་གཤེགས་པ་ཉིད་དུ་རིག་པར་བྱའོ། ། དེ་ནས་འཁོར་དེའི་ནང་ནས་སྲོག་ཆགས་སྟོང་ཕྲག་བཞི་བཅུ་རྩ་བཞི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས། སངས་རྒྱས་ཀྱི་ཞིང་དེར ་སྨོན་ལམ་འདེབས་ཤིང་འདི་སྐད་དུ། བཅོམ་ལྡན་འདས་ནམ་བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་བྱང་ཆུབ་ཐོབ་པར་འགྱུར་བ་དེའི་ཚེ། བདག་ཅག་རྣམས་སངས་རྒྱས་ཀྱི་ཞིང་དེར་སྐྱེ་བར་ཤོག་ཅིག ་ཅེས་སྨྲས་སོ། ། དེ་ནས་བཅོམ་ལྡན་འདས་ལ། གནས་བརྟན་འོད་སྲུངས་ཆེན་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་དྲ་བ་ཅན་གྱི་འོད་ཡུན་ཇི་སྲིད་ཅིག་གིས་བླ་ན་མེད ་བ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་ཁྱོད་ཀྱིས་དེ་བཞིན་དུ་བྱང་ཆུབ་སེམས་དཔའ་དྲ་བ་ཅན་གྱི་འོད ་ལ་རིགས་ཀྱི་བུ་ཁྱོད་ཡུན་ཇི་ཙམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་ཞེས་དྲིས་ཤིག། དེ་ནས་གནས་བརྟན་འོད་སྲུངས་ཆེན་པོས། བྱང་ཆུབ་སེམས ་དཔའ་དྲ་བ་ཅན་གྱི་འོད་ལ་འདི་སྐད་ཅེས་སྨྲས་སོ། ། རིགས་ཀྱི་བུ་ཁྱོད་ཡུན་ཇི་ཙམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར། དྲ་བ་ཅན་གྱི་འོད་ཀྱིས ་སྨྲས་པ། བཙུན་པ་འོད་སྲུངས་ཆེན་པོ་ལ་ལ་ཞིག་གིས་སྒྱུ་མས་སྤྲུལ་པའི་སྐྱེས་བུ་ལ། རིགས་ཀྱི་བུ་ཁྱོད་ཡུན་ཇི་ཙམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ ་བར་འགྱུར་ཞེས་དྲིས་ན། དེ་ཇི་སྐད་ལུང་སྟོན། སྨྲས་པ། རིགས་ཀྱི་བུ་སྒྱུ་མས་སྤྲུལ་པ་ལ་ཡང་དག་པར་ཡོངས་སུ་གྲུབ་པ་མེད་ན་དེ་ཅི་ཞིག་ལུང་སྟོན་པར་འགྱུར། སྨྲས་པ། བཙུན་པ་འོད་སྲུངས ་ཆེན་པོ་དེ་དེ་བཞིན་ཏེ། སྒྱུ་མས་སྤྲུལ་པ་བཞིན་དུ་ཆོས་ཐམས་ཅད་ཡོངས་སུ་མ་གྲུབ་པ་ཡིན་ན། སུལ་ཁྱོད་སུན་ཇི་ཙམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར ་འགྱུར་ཞེས་འདྲི། སྨྲས་པ། རིགས་ཀྱི་བུ་ཇི་ལྟར་སྒྱུ་མས་སྤྲུལ་པ་དབེན་ཞིང་འགྱུར་བ་མེད་པ། ཡོངས་སུ་རྟོག་པ་མེད་པ། བྱེད་པ་མེད་པ་དེ་བཞིན་དུ་ཁྱོད་ཀྱང་གལ་ཏེ་དེ་འདྲན། ཁྱོད་ཚད་མེད་པའི ་སེམས་ཅན་རྣམས་ཀྱི་དོན་ཇི་ལྟར་བྱེད། སྨྲས་པ། བཙུན་པ་འོད་སྲུངས་ཆེན་པོ་སྒྱུ་མའི་རང་བཞིན་གང་ཡིན་པ་དེ་བྱང་ཆུབ་ཀྱང་དེའི་རང་བཞིན་ནོ།། བྱང་ཆུབ་ཀྱི་རང་བཞིན་གང་ཡིན་པ་དེ་སེམས་ཅན་རྣམས ་ཀྱང་དེའི་རང་བཞིན་ནོ། ། སྒྱུ་མ་དང་། བྱང་ཆུབ་དང་། སེམས་ཅན་གྱི་རང་བཞིན་གང་ཡིན་པ་དེ། ཆོས་ཐམས་ཅད་ཀྱང་དེའི་རང་བཞིན་ཡིན་ཏེ། བཙུན་པ་འོད་སྲུངས་ཆེན་པོ་ཁོ་བོས། ་ནི་གང་གི་ཡང་དོན་དང་དོན་མ་ཡིན་པར་མ་མཐོང་ངོ་།། སྨྲས་པ། རིགས་ཀྱི་བུ་ཁྱོད་སངས་རྒྱས་སུ་འགྱུར་བར་མ་ཞུགས་སམ། སྨྲས་པ། བཙུན་པ་འོད་སྲུངས་ཆེན་པོ་ཅི་དེ་བཞིན་གཤེགས་པ་རྣམས་ཀྱི་བྱང་ཆུབ ་འཇུག་པའི་མཚན་དས། ས་པ། དོནམ་ཡིན།། ས། དེ་བསན་མ་ཚམསས་ཅས་སུ་འཐར་བ་དང་། རྗེས་སུ་འགྱུར་བ་དང་། རངས་ས་རྣམས་འགྱུ་ཀྱི་མ་གྱུགས་སོ།། ་པ། རིགས་ཀྱི་བུ་ཁྱོད་ཅི་ལ་ཞུགས། སྨྲས་པ། དེ་བཞིན་ཉིད་གང་ལ་ཞུགས་པ་དེ་ལ་བདག་ཞུགས་སོ།། སྨྲས་པ། རིགས་ཀྱི་བུ་དེ་བཞིན་ཉིད་ནི་ཞུགས་པའང་མེད། ལྡོག་པའང་མེད་དོ།། སྨྲས་པ ་བཙུན་པ་འོད་སྲུངས་ཆེན་པོ་ཇི་ལྟར་དེ་བཞིན་ཉིད་མ་ཞུགས་ཤིང་མི་ལྡོག་པ་དེ་བཞིན་དུ། ཆོས་ཐམས་ཅད་དེ་བཞིན་ཉིད་ཀྱི་འཇུག་པར་ཞུགས་པ་ལ་མི་ལྡོག་གོ།། སྨྲས་པ། དྲ་བ་ཅན་གྱི་འོད་གལ་ཏེ་ཁྱོད་མི་འཇུག་མི ་ལྡོག་ན། ། སེམས་ཅན་རྣམས་ཇི་ལྟར་ཡོངས་སུ་སྨིན་པར་བྱེད། སྨྲས་པ། བཙུན་པ་འོད་སྲུངས་ཆེན་པོ་གང་སྨོན་ལམ་འདེབས་པ་དེ་དག་ནི་སེམས་ཅན་ཡོངས་སུ་སྨིན་པར་བྱེད་པ་ལ་བརྩོན་པ་མ་ཡིན་ནོ།། གང་ཆོས ་གང་ལས་ཀྱང་མི་ལྡོག་པ་དེ་དག་སེམས་ཅན་ཡོངས་སུ་སྨིན་པར་བྱེད་པ་ལ་བརྩོན་པ་མ་ཡིན་ནོ། ། སྨྲས་པ། རིགས་ཀྱི་བུ་ཁྱོད་སེམས་ཅན་རྣམས་འཁོར་བ་ལས་མི་ལྡོག་གམ། སྨྲས་པ། བདག་ཅག་འཁོར ་བ་ཉིད་མི་དམིགས་ན། ཇི་ལྟར་སེམས་ཅན་རྣམས་འཁོར་བ་ལས་བཟློག་པར་བྱ། སྨྲས་པ། རིགས་ཀྱི་བུ་ཁྱོད་སེམས་ཅན་རྣམས་མྱ་ངན་ལས་འདས་པ་ལ་མི་འཛུད་དམ། སྤྲས་པ། མྱ་ངན་ལས་འདས་པ་ཉིད ་བདག་གིས་མ་མཐོང་ན། སེམས་ཅན་རྣམས་ཇི་ལྟར་དེ་ལ་གཟུད་པར་བགྱི། སྤྲས་པ། རིགས་ཀྱི་བུ་དེ་སྟེ་འདི་ལ་འཁོར་བའང་མེད། མྱ་ངན་ལས་འདས་པའང་མེད་ན། འོ་ན་ཅིའི་ཕྱིར་བྱང་ཆུབ་སེམས་དཔའ་སེམ ་ཅན་ཡོངས་སུ་མྱ་ངན་ལས་འདའ་བའི་ཕྱིར་བྱང་ཆུབ་ཏུ་སྤྱོད། སྨྲས་པ། བཙུན་པ་འོད་སྲུངས་ཆེན་པོ་གང་འཁོར་བར་དམིགས་པ་དང་། མྱ་ངན་ལས་འདས་པར་ཡོངས་སུ་རྟོགས་པ་དང་། སེམས་ཅན་དུ ་འདུ་ཤེས་པ་ལ་གནས་པར་བྱང་ཆུབ་ཏུ་སྤྱོད་ན། དེ་དག་བྱང་ཆུབ་སེམས་དཔའ་ཞེས་མི་བྱའོ།། སྨྲས་པ། རིགས་ཀྱི་བུ་ཁྱོད་ཅི་ལ་སྤྱོད། སྨྲས་པ། བཙུན་པ་འོད་སྲུངས་ཆེན་པོ་ཁོ་བོ་ནི་འཁོར་བ་དང་། ་མྱ་ངན་ལས་འདས་པ་དང་། སེམས་ཅན་དུ་འདུ་ཤེས་པ་ལ་མི་སྤྱོད་མོད་ཀྱི། བཙུན་པ་འོད་སྲུངས་ཆེན་པོ་ཁྱོད་ཅི་ལ་སྤྱོད་ཅེས་དེ་སྐད་འདྲི་ན། བཙུན་པ་འོད་སྲུངས་ཆེན་པོ་ཁོ་བོ་ནི་དེ་བཞིན་གཤེགས་པས ་སྤྲུལ་པ་གང་ལ་སྤྱོད་པ་དེ་ཉིད་ལ་སྤྱོད་དོ། ། སྨྲས་པ། རིགས་ཀྱི་བུ་དེ་བཞིན་གཤེགས་པའི་སྤྲུལ་པ་ནི་ཅི་ལའང་མི་སྤྱོད་དོ།། སྨྲས་པ། བཙུན་པ་འོད་སྲུངས་ཆེན་པོ་སེམས་ཅན་ཐམས་ཅད་ཀྱི་སྤྱོད་པའི ་མཚན་ཉིད་ཀྱང་དེ་ལྟ་བུར་བལྟའོ། ། སྨྲས་པ། རིགས་ཀྱི་བུ་དེ་སྟེ་སེམས་ཅན་ཐམས་ཅད་ཀྱི་སྤྱོད་པའི་མཚན་ཉིད་དེ་ལྟ་བུ་ཡིན་དུ་ཟིན་ན། དེ་བཞིན་གཤེགས་པའི་སྤྲུལ་པ་རྣམས་ནི་ཆགས་པར་མི་འགྱུར།། ་ཞེ་སྡང་བར་མི་འགྱུར། རྨོངས་པར་མི་འགྱུར་ན། ཅིའི་ཕྱིར་སེམས་ཅན་རྣམས་ལ་འདོད་ཆགས་དང་། ཞེ་སྡང་དང་། གཏི་མུག་འབྱུང་། སྨྲས་པ། དེ་བས་ནགན། ་བརྟན་ཉིད་ལ་འདྲི་དྲིས། ཁྱོད་ཀྱིས་མོས་པ་ཇི་ལྟ་བ་བཞིན་དུ་འདི་ལུང་སྟོན་ཅིག། གནས་བརྟན་འོད་སྲུངས་ཆེན་པོ་ལ་ད་ལྟར་འདོད་ཆགས་དང་། ཞེ་སྡང་དང་། གཏི་མུག་རྣམས་ཡོད་དམ། སྨྲས་པ། ་དེ་ནི་མ་ཡིན་ནོ།། སྨྲས་པ། འོ་ན་ཁྱོད་ཀྱིས་འདོད་ཆགས་དང་། ཞེ་སྡང་དང་། གཏི་མུག་ཟད་དམ། མེད་པར་གྱུར་ཏམ། སྨྲས་པ། དེ་མ་ཡིན་ནོ།། སྨྲས་པ། གལ་ཏེ་གནས ་བརྟན་གྱི་འདོད་ཆགས་དང་། ཞེ་སྡང་དང་། གཏི་མུག་ཀྱང་མེད་ལ། ཟད་པ་འམ། མེད་པར་གྱུར་པའང་མ་ཡིན་ན། ཅི་ཁྱོད་ཀྱི་འདོད་ཆགས་དང་། ཞེ་སྡང་དང་། གཏི་མུག་རྣམས་འདུག ་གམ། སྨྲས་པ། རིགས་ཀྱི་བུ་བྱིས་པ་སོ་སོའི་སྐྱེ་བོ་ཕྱིན་ཅི་ལོག་དང་ལྡན་པ་རྣམས་ཀྱི་རྟོག་པ་དང་། རྣམ་པར་རྟོག་པ་དང་། ཡོངས་སུ་རྟོག་པའི་གནས་ལ་འདོད་ཆགས་དང་། ཞེ་སྡང་དང ་གཏི་མུག་རྣམས་འབྱུང་གི། འཕགས་པའི་ཆོས་འདུལ་བ་ལ་ཕྱིན་ཅི་ལོག་ཁོང་དུ་ཆུད་པས་རྟོག་པ་དང་། རྣམ་པར་རྟོག་པ་དང་། ཡོངས་སུ་རྟོག་པ་མི་འབྱུང་ངོ་།། དེ་ལ་འདོད་ཆགས་ཀྱང་མེད།། ་ཞེ་སྡང་ཡང་མེད། གཏི་མུག་ཀྱང་མེད་དོ།། སྨྲས་པ། བཙུན་པ་འོད་སྲུངས་ཆེན་པོ་འདི་ཇི་སྙམ་དུ་སེམས་གང་ཕྱིན་ཅི་ལོག་ལས་བྱུང་བའི་ཉོན་མོངས་པ་དེ་ཡང་དག་པ་ཡིན་ནམ། སྨྲས་པ། ་དེ་མ་ཡིན་ཏེ། དེ་ནི་ཡང་དག་པ་མ་ཡིན་ནོ།། སྨྲས་པ། བཙུན་པ་འོད་སྲུངས་ཆེན་པོ་འདི་ཇི་སྙམ་དུ་སེམས། གང་ཡང་དག་པ་མ་ཡིན་པ་དེ། ནམ་ཡང་ཡང་དག་པར་འགྱུར་རམ། སྨྲས་པ ་དེ་ནི་མ་ཡིན་ནོ། ། སྨྲས་པ། ག་ནས་བརྟན་ཡང་དག་པ་མ་ཡིན་པ་གང་ཡིན་པའི་ཡང་དག་པ་མ་ཡིན་པ་དེ་ལས་འདོད་ཆགས་དང་། ཞེ་སྡང་དང་། གཏི་མུག་སྐྱེས་པར་འདོད་དམ། སྨྲས་པ། ་དེ་མ་ཡིན་ནོ།། སྨྲས་པ། བཙུན་པ་འོད་སྲུངས་ཆེན་པོ་དེ་ལྟ་བུ་ཡིན་དུ་ཟིན་ན། གང་དག་གི་སེམས་ཅན་རྣམས་ཀུན་ནས་ཉོན་མོངས་པར་འགྱུར་བའི་འདོད་ཆགས་དང་། ཞེ་སྡང་དང་། གཏི ་མུག་གང་ཡིན། སྨྲས་པ། རིགས་ཀྱི་བུ་དེ་ལྟར་ན་ཆོས་ཐམས་ཅད་རང་བཞིན་གྱིས་འདོད་ཆགས་དང་བྲལ་བ། ཞེ་སྡང་དང་བྲལ་བ། གཏི་མུག་དང་བྲལ་བའོ།། སྨྲས་པ། བཙུན་པ ་འོད་སྲུངས་ཆེན་པོ་འདི་ལ་བསམས་ཏེ། འདི་སྐད་དུ་ཆོས་ཐམས་ཅད་ནི་སྒྱུ་མས་སྤྲུལ་པའི་རང་བཞིན་ནོ་ཞེས་སྨྲས་སོ།། གང་བསྟན་པ་འདི་བཤད་པ་ན། བྱང་ཆུབ་སེམས་དཔའ་སྟོང་ཕྲག་བཞི ་བཅུ་རྩ་བཞི་རྗེས་སུ་འཐུན་པའི་བཟོད་པ་སྐྱེས་སོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་འོད་སྲུངས་ཆེན་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་སུ་དག་གིས་མིག་གིས་བྱང་ཆུབ ་སེམས་དཔའ་དྲ་བ་ཅན་གྱི་འོད་མཐོང་བར་གྱུར་པའི་སེམས་ཅན་དེ་དག་ལ་ངན་སོང་ངན་འགྲོ་ལོག་པར་ལྟུང་བའི་འཇིགས་པ་འཚལ་བར་མི་བགྱིའོ། ། སུ་དག་འདི་ལ་ཆོས་བསྟན་པ་ཐོས་པར་གྱུར་པའི་སེམས་ཅན་དེ ་དག་ལའང་བདུད་ཀྱི་ལས་ཀྱིས་བར་དུ་གཅོད་པར་འཚལ་བར་མི་བགྱིའོ། ། འདིས་སུ་དག་བྱང་ཆུབ་ལ་ཡོངས་སུ་སྨིན་པར་བགྱིས་པའི་སེམས་ཅན་དེ་དག་ཀྱང་ཉན་ཐོས་དང་རང་སངས་རྒྱས ་ཀྱི་སར་འཚལ་བར་མི་བགྱིའོ། ། བཅོམ་ལྡན་འདས་བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འོད ་སྲུངས་བྱང་ཆུབ་སེམས་དཔའ་དྲ་བ་ཅན་གྱི་འོད་སངས་རྒྱས་ཀྱི་ཞིང་གང་དང་གང་ན་གནས་པ་དེ་དང་དེར་སེམས་ཅན་ཚད་མེད་པ་རྣམས་ཀྱི་དོན་བྱེད་དོ། ། འོད་སྲུངས་རིགས་ཀྱི་བུ་འདིས་འོད་བྱུང་བ་ཁྱོད་ཀྱིས་མཐོང་ངམ།། ་གསོལ་པ། བཅོམ་ལྡན་འདས་བདག་གིས་མཐོང་ངོ་།། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡུངས་ཀར་གྱིས་གང་བ་ནི་བགྲང་བའི ་ཚུལ་གྱིས་མཐར་ཕྱིན་པར་ནུས་ཀྱིས། འོད་སྲུངས་བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་འོད་འདི་བསྟན་པས་སུ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་གྱུར་པའི་སེམས་ཅན ་དེ་དག་གི་མཐར་ཕྱིན་པར་མི་ནུས་སོ། ། འོད་སྲུངས་བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱི་འོད་བསྟན་པས་ཀྱང་སེམས་ཅན་རྣམས་ཀྱི་དོན་བྱེད་ན། ཆོས་བསྟན་པས་ལྟ་ཅི་སྨོས། འོད་སྲུངས ་རིགས་ཀྱི་བུ་འདིའི་སངས་རྒྱས་ཀྱི་ཞིང་གི་ཡོན་ཏན་བཀོད་པའི་བྱེ་བྲག་གི་ཕྱོགས་ཙམ་ཞིག་བརྗོད་ཀྱིས་ཉོན་ཅིག། འོད་སྲུངས་བྱང་ཆུབ་སེམས་དཔའ་དྲ་བ་ཅན་གྱི་འོད་བསྐལ་པ་གྲངས་མེད་པ་བརྒྱ་སྟོང་ཕྲག ་བ་དུན་ཅུ་རྩ་བདུན་འཇིག་རྟེན་གྱི་ཁམས་ཁྱད་པར་གྱི་ཡོན་ཏན་བསྡུས་པ་ཞེས་བྱ་བར་ཀུན་ཏུ་འོད་རྣམ་པར་འཕྲུལ་པའི་འོད་ཟེར་གྱི་རྒྱལ་པོ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར ་རྫོགས་པའི་སངས་རྒྱས་འཇིག་རྟེན་དུ་འབྱུང་སྟེ། དེ་བྱང་ཆུབ་ཀྱི་ཤིང་དྲུང་དུ་ཉེ་བར་སོང་བ་དང་། འཇིག་རྟེན་གྱི་ཁམས་དེའི་བདུད་དམ། བདུད་ཀྱི་རིས་ཀྱི་ལྷ་ཇི་སྙེད་ཡོད་པ་དེ་དག་བླ་ན་མེད་པ་ཡང ་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་རོ། ། སྦྱིན་པ་དང་གཏོང་བ་རྒྱ་ཆེར་འགྱུར་རོ།། འོད་སྲུངས་འཇིག་རྟེན་གྱི་ཁམས་དེ་ལག་མཐིལ་ལྟར་མཉམ་པར་འགྱུར་རོ།། གོས་ཀ་ཙ་ལིན་དི་ཀ ་ལྟར་འཇམ་ཞིང་རེག་ན་བདེ་བ་ལ་རིན་པོ་ཆེ་ཐམས་ཅད་ཀྱིས་སྤྲས་པར་འགྱུར་རོ། ། འཇིག་རྟེན་གྱི་ཁམས་དེ་ན་ངན་སོང་མེད། མི་ཁོམ་པ་མེད། སྡོང་དུ་མ་དང་ཚེར་མའང་མེད་པར་འགྱུར་རོ།། ་འཇིག་རྟེན་གྱི་ཁམས་དེར་པདྨ་བཀོད་པ་དག་ཀྱང་འབྱུང་བར་འགྱུར་རོ།། རིན་པོ་ཆེའི་པདྨོ་ཆེན་པོ་དྲི་དང་ལྡན་པ་དག་ཀྱང་འབྱུང་བར་འགྱུར་རོ།། འཇིག་རྟེན་གྱི་ཁམས་དེ་དྲི་མ་མེད་ཅིང་རྒྱ་ཆེ་བར་འགྱུར ་། ། ཡང་འོད་སྲུངས་འཇིག་རྟེན་གྱི་ཁམས་ཁྱད་པར་གྱི་ཡོན་ཏན་བསྡུས་པ་དེ་ན། བཅོམ་ལྡན་འདས་ཀུན་ཏུ་འོད་རྣམ་པར་འཕྲུལ་པ་འོད་ཟེར་གྱི་རྒྱལ་པོ་དེ་བཞིན་གཤེགས་པ་དེའི་བྱང་ཆུབ་སེམས ་དཔའ་དགེ་འདུན་མཐའ་ཡས་པར་སྒྲུབ་པའི་ཆོས་བགྲོ་བ་ལ་མཁས་པ་རྫུ་འཕྲུལ་གྱིས་རྣམ་པར་འཕྲུལ་པ་འོད་ཀྱིས་ཀུན་ཏུ་བརྒྱན་པ། གཟུངས་ཀྱི་གཏེར་ཐོབ་པ། ཏིང་ངེ་འཛིན་ཐོབ་པ། ཐོགས ་པ་མེད་པའི་སྤོབས་པ་དང་ཡེ་ཤེས་ཀྱིས་སྟོན་པ་ལ་མཁས་པ། མངོན་པར་ཤེས་པ་དང་། རིགས་པ་དང་། མི་འཇིགས་པ་ཐོབ་པ། བདུད་དང་ཕྱིར་རྒོལ་བ་རྣམས ་བཅོམ་པ། དྲན་པ་དང་། བློ་གྲོས་དང་། རྟོགས་པ་དང་། ངོ་ཚ་ཤེས་པ་དང་། ཁྲེལ་ཡོད་པ་དང་། ཤེས་རབ་སྦྱངས་པའི་ཡེ་ཤེས་ཀྱིས་ཡོངས་སུ་བསྒོམས་པ་དཔག་ཏུ་མེད་པར ་འགྱུར་རོ། ། ཡང་འོད་སྲུངས་སངས་རྒྱས་ཀྱི་ཞིང་དེ་ན་བུད་མེད་སྐྱེ་བར་མི་འགྱུར་ཏེ། བྱང་ཆུབ་སེམས་དཔའ་དེ་དག་ཐམས་ཅད་པདྨ་ལ་སྐྱིལ་མོ་ཀྲུང་བཅས་ཤིང་འདུག་པར་རྫུས་ཏེ་སྐྱེ་བར་འགྱུར་རོ།། ་བྱང་ཆུབ་སེམས་དཔའ་དེ་དག་བསམ་གཏན་གྱི་དགའ་བའི་ཟས་དང་ལྡན་པར་འགྱུར་རོ།། བསམ་པ་ཙམ་གྱིས་བཟའ་བ་དང་། བཏུང་བ་དང་། བཞོན་པ་དང་། གོས་དང་། འཆག་ས་དང་། སྐྱེད ་མོས་ཚལ་དང་། ཁང་པ་བརྩེགས་པ་དང་། འབབ་ཆུ་དང་། ཆུ་མིག་དང་། མཚོ་དང་། རྫིང་དང་། ལྟེང་ཀའི་ཡོངས་སུ་ལོངས་སྤྱོད་པ་ཐམས་ཅད་འབྱུང་བར་འགྱུར་རོ།། འོད་སྲུང ་ཀུན་ཏུ་འོད་རྣམ་པར་འཕྲུལ་པ་འོད་ཟེར་གྱི་རྒྱལ་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ཡི་གེ་དང་ངེས་པའི་ཚིག་གིས་ཆོས་མི་སྟོན་ཏེ། གཞན་དུ་ན་བྱང་ཆུབ་སེམས ་དཔའ་དེ་དག་དེ་བཞིན་གཤེགས་པའི་འོད་དེས་རེག་མ་ཐག་ཏུ་མི་སྐྱེ་བའི་ཆོས་ལ་བཟོད་པ་སོ་སོར་ཐོབ་པར་འགྱུར་རོ། ། འོད་དེས་སངས་རྒྱས་ཀྱི་ཞིང་གཞན་དུ་འགྲོ་བ་ལ་ཐོགས་པ་མེད་པར་འགྱུར་རོ།། འོད ་དེས་སེམས་ཅན་གྱི་ཉོན་མོངས་པ་བསལ་བ་ལ་ཉོན་མོངས་པ་དང་བྲལ་བར་འགྱུར་རོ། ། ཡང་འོད་སྲུངས་དེ་བཞིན་གཤེགས་པ་དེའི་འོད་ལས་ཆོས་ཀྱི་ཚུལ་རབ་ཏུ་དབྱེ་བའི་སྒྲ་སུམ་ཅུ་རྩ་གཉིས་འབྱུང་བར་འགྱུར་ཏེ། ་སུམ་ཅུ་རྩ་གཉིས་གང་ཞེ་ན། ལྟ་བར་གྱུར་པ་ཡོངས་སུ་དག་པས་ཆོས་ཐམས་ཅད་སྟོང་པའོ།། རྟོག་པ་དང་རྣམ་པར་རྟོག་པ་དང་བྲལ་བའི་ཆོས་ཐམས་ཅད་མཚན་མ་མེད་པའོ།། ཁམས་གསུམ་ལ ་ཡང་དག་པར་འདས་པས་ཆོས་ཐམས་ཅད་སྨོན་པ་མེད་པའོ། ། རང་བཞིན་གྱིས་ཉེ་བར་ཞི་བའི་ཆོས་ཐམས་ཅད་འདོད་ཆགས་དང་བྲལ་བའོ།། སྨོན་པ་མེད་པའི་མཚན་ཉིད་ཀྱིས་ཆོས་ཐམས་ཅད་དང ་བྲལ་བའོ། ། མུན་པ་མུན་ནག་དང་བྲལ་བས་ཆོས་ཐམས་ཅད་གཏི་མུག་དང་བྲལ་བའོ།། ཐོག་མ་ནས་མ་སྐྱེས་པས་ཆོས་ཐམས་ཅད་འོང་བ་མེད་པའོ།། འཕོ་བ་མེད་པའི་ཚུལ་གྱིས་ཆོས་ཐམས་ཅད ་འགྲོ་བ་མེད་པའོ། ། རབ་ཏུ་མི་རྟེན་པའི་ཕྱིར་ཆོས་ཐམས་ཅད་མི་གནས་པའོ།། འདས་པ་དང་། མ་འོངས་པ་དང་། ད་ལྟར་བྱུང་བ་དང་བྲལ་བའི་ཕྱིར་ཆོས་ཐམས་ཅད་དུས་གསུམ་ལས་འདས ་པའོ། ། རང་བཞིན་གཅིག་པའི་ཕྱིར་ཆོས་ཐམས་ཅད་བྱེ་བྲག་མེད་པའོ།། ལས་ཀྱིས་རྣམ་པར་སྨིན་པ་དང་བྲལ་བའི་ཕྱིར་ཆོས་ཐམས་ཅད་སྐྱེས་པའོ།། བྱེད་པ་པོ་མི་དམིགས་པའི་ཕྱིར་ཆོས་ཐམས ་ཅད་ལས་དང་རྣམ་པར་སྨིན་པ་མེད་པའོ། ། མངོན་པར་འདུ་མི་བྱེད་པའི་ཚུལ་གྱིས་ཆོས་ཐམས་ཅད་མ་བྱས་པའོ།། མངོན་པར་འདུས་མ་བྱས་པས་རབ་ཏུ་ཕྱེ་བའི་ཕྱིར་ཆོས་ཐམས་ཅད་མངོན་པར་འདུས ་མ་བྱས་པའོ། ། སྐྱེ་བ་དང་འཇིག་པ་དང་བྲལ་བའི་ཕྱིར་ཆོས་ཐམས་ཅད་འདུས་མ་བྱས་པའོ།། ཡང་དག་པར་མ་བྱུང་བའི་ཕྱིར་ཆོས་ཐམས་ཅད་ཡང་དག་པ་མ་ཡིན་པའོ།། ་ཅིག་ཅར་མངོན་པར་རྟོགས་པའི་ཚུལ་གྱིས་ཆོས་ཐམས་ཅད་བདེན་པའོ།། སེམས་ཅན་མི་དམིགས་པའི་ཕྱིར་ཆོས་ཐམས་ཅད་བདག་མེད་པའོ།། དོན་དམ་པའི་ཕྱིར་ཆོས་ཐམས་ཅད་གང་ཟག་མེད་པའོ།། ་ཤེས་པར་མི་བྱེད་པའི་ཕྱིར་ཆོས་ཐམས་ཅད་བེམས་པའོ།། མཛའ་བ་དང་ཁོང་ཁྲོ་བ་མེད་པའི་ཕྱིར་ཆོས་ཐམས་ཅད་བཏང་སྙོམས་པའོ།། ཡོངས་སུ་གཟུང་བ་མེད་པའི་ཕྱིར་ཆོས་ཐམས་ཅད་ཅིའང ་མེད་པའོ། ། རང་བཞིན་གྱིས་ཀུན་ནས་ཉོན་མོངས་པའི་ཕྱིར་ཆོས་ཐམས་ཅད་ཉེ་བའི་ཉོན་མོངས་པ་མེད་པའོ།། དབེན་པའི་མཐའ་ཡིན་པའི་ཕྱིར་ཆོས་ཐམས་ཅད་ཚུལ་གཅིག་པའོ།། དབེན ་པ་ཕུན་སུམ་ཚོགས་པས་ཆོས་ཐམས་ཅད་དབེན་པའོ། ། མི་འཁྲུགས་པའི་ཕྱིར་ཆོས་ཐམས་ཅད་ཡང་དག་པའི་མཐའ་ལ་གནས་པའོ།། ཤིན་ཏུ་ཐ་མི་དད་པའི་ཕྱིར་ཆོས་ཐམས་ཅད་དེ་བཞིན་ཉིད ་ལ་གནས་པའོ། ། ཐམས་ཅད་དུ་རྗེས་སུ་སོང་བའི་ཕྱིར་ཆོས་ཐམས་ཅད་ཆོས་ཀྱི་དབྱིངས་སུ་ཡང་དག་པར་འདུ་བའོ།། ཕན་ཚུན་མི་འདུ་བའི་ཕྱིར་ཆོས་ཐམས་ཅད་རྐྱེན་མེད་པའོ།། མཉམ་པ ་ཉིད་ཀྱིས་ཡོངས་སུ་རྒྱས་པའི་ཕྱིར་ཆོས་ཐམས་ཅད་རྟེན་ཅིང་འབྲེལ་པར་འབྱུང་བའོ། ། ཇི་ལྟ་བ་བཞིན་དུ་མཐོང་བས་ཕྱེ་བའི་ཕྱིར་ཆོས་ཐམས་ཅད་བྱང་ཆུབ་བོ།། ཡོངས་སུ་མ་གྲུབ་པའི་ཚུལ་གྱིས་ཆོས ་ཐམས་ཅད་མྱ་ངན་ལས་འདས་པའོ། ། ཞེས་འོད་སྲུངས་དེ་ལྟ་དེ་ལྟར་བཅོམ་ལྡན་འདས་ཀུན་ཏུ་འོད་རྣམ་པར་འཕྲུལ་པ་འོད་ཟེར་གྱི་རྒྱལ་པོ་དེ་བཞིན་གཤེགས་པའི་འོད་དེ་ལས་འདི་ལྟ་བུའི་ཆོས་ཀྱི་ཚུལ་རབ ་ཏུ་དབྱེ་བའི་སྒྲ་སུམ་ཅུ་རྩ་གཉིས་འབྱུང་བར་འགྱུར་རོ། ། གནས་བརྟན་འོད་སྲུངས་ཆེན་པོས་གསོལ་པ། བཅོམ་ལྡན་འདས་འོད་ཟེར་དེ་སངས་རྒྱས་ཀྱི་མཛད་པ་བགྱིད་པར་འགྱུར་རོ།། བཅོམ ་ལྡན་འདས་ཀྱིས་བཀའ་སྩལ་པ། འོད་སྲུངས་དེ་བཞིན་གཤེགས་པ་དེ་ཚེ་དཔག་ཏུ་མེད་པར་འགྱུར་རོ།། སངས་རྒྱས་ཀྱི་ཞིང་དེ་ན་བདུད་ཀྱི་ལས་ཀྱིས་བར་དུ་གཅོད་པ་མེད་པར་འགྱུར་རོ།། ་འོད་སྲུངས་ཆེན་པོས་གསོལ་པ། བཅོམ་ལྡན་འདས་སངས་རྒྱས་ཀྱི་ཞིང་ཡོངས་སུ་གཟུང་བར་འཚལ་བས། རིགས་ཀྱི་བུ་འདིའི་རྣམ་པ་ཐམས་ཅད་མཆོག་དང་ལྡན་པ་ཅི་འདྲ་བ་དེ་ལྟ་བུར་ཡོངས ་སུ་དག་པའི་སངས་རྒྱས་ཀྱི་ཞིང་ཡོངས་སུ་གཟུང་བར་བགྱིའོ། ། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་འདི་ལྟར་བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་སངས་རྒྱས་བྱེ་བ ་ཁྲག་ཁྲིག་ཕྲག་བརྒྱ་སྟོང་མང་པོ་ལ་སྨོན་ལམ་ཡོངས་སུ་སྦྱངས་ཏེ། དེའི་ཕྱིར་འདིས་སངས་རྒྱས་ཀྱི་ཞིང་དེ་ལྟ་བུའི་ཡོན་ཏན་ཕུན་སུམ་ཚོགས་པ་ཡོངས་སུ་བཟུང་ངོ་།། འོད་སྲུངས་དེ་བས་ན ་སངས་རྒྱས་ཀྱི་ཞིང་དེ་ལྟ་བུ་ཡོངས་སུ་བཟུང་བར་འདོད་པའི་རིགས་ཀྱི་བུ་འམ། རིགས་ཀྱི་བུ་མོས་ཀྱང་བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱི་རྗེས་སུ་བསླབ་པར་བྱའོ།། དེ་ནས་ཚངས ་པ་ཁྱད་པར་སེམས་ཀྱིས། བྱང་ཆུབ་སེམས་དཔའ་དྲ་བ་ཅན་གྱི་འོད་ལ་འདི་སྐད་ཅེས་སྨྲས་སོ།། རིགས་ཀྱི་བུ་ཁྱོད་དེ་བཞིན་གཤེགས་པས་ལུང་བསྟན་ཏོ།། སྨྲས ་པ། ཚངས་པ་དེ་བཞིན་གཤེགས་པས་སེམས་ཅན་ཐམས་ཅད་ཀྱང་ལུང་བསྟན་ཏོ།། སྨྲས་པ། ཅིར་ལུང་བསྟན། སྨྲས་པ། ལས་ཀྱི་རྣམ་པར་སྨིན་པ་ཇི་ལྟ་བ་བཞིན་དུ་ལུང་བསྟན ་ཏོ། ། སྨྲས་པ། རིགས་ཀྱི་བུ་ཁྱོད་ཀྱིས་ལས་ཇི་ལྟ་བུ་ཞིག་བྱས་ན། ཁྱོད་འདི་ལྟར་ལུང་བསྟན། སྨྲས་པ། ཚངས་པ་ལས་གང་ལུས་དང་། ངག་དང་། ཡིད་ཀྱིས་མ ་བྱས་པ་ད་ལས་དེ་ནི་འདིའོ་ཞེས་བསྟན་དུ་རུང་ངམ། སྦས་པ། ཅིའི་ཕྱིར། སྨྲས་པ། ཅི་བྱང་ཆུབ་མངོན་པར་འདུ་བྱེད་པའི་མཚན་ཉིད་དམ། སྨྲས་པ། དེ་ནི་མ་ཡིན་ནོ།། ་སྨྲས་པ། བྱང་ཆུབ་མངོན་པར་འདུ་མི་བྱེད་པའི་མཚན་ཉིད་དེ། བྱང་ཆུབ་ནི་མངོན་པར་འདུ་བྱེད་པའི་མཚན་ཉིད་མ་ཡིན་ནོ།། སྨྲས་པ། མངོན་པར་འདུ་བྱེད་པས་བྱང་ཆུབ་འདུས་མ་བྱས ་པས་ཐོབ་པར་ནུས་སམ། སྨྲས་པ། དེ་ནི་མ་ཡིན་ནོ།། སྨྲས་པ། ཚངས་པ་དེ་ལྟ་བས་ན་འདི་ལ་རྣམ་གྲངས་འདིས་གང་ལ་ལས་ཀྱང་མེད། ལས་ཀྱི་འབྲས་བུའང་མེད། མངོན་པར ་འདུ་བྱེད་པའི་འཇུག་པའང་མེད་པ་དེ་ནི་བྱང་ཆུབ་བོ། ། བྱང་ཆུབ་ཇི་ལྟ་བར་ཐོབ་པའང་དེ་བཞིན་ཏེ། མངོན་པར་འདུ་བྱེད་པས་ལུང་བསྟན་པར་མི་འགྱུར་བར་རིག་པར་བྱའོ།། སྨྲས་པ། རིགས ་ཀྱི་བུ་ཕ་རོལ་ཏུ་ཕྱིན་པ་དྲུག་ལ་སྤྱད་ནས་ཕྱིས་ལུང་བསྟན་པར་འགྱུར་རམ། སྨྲས་པ། ཚུངས་པ་དེ་བཞིན་ཏེ། ཕ་རོལ་ཏུ་ཕྱིན་པ་དྲུག་ལ་སྤྱད་ནས་ཕྱིས་ལུང་བསྟན་པར་འགྱུར་ཏེ། ཚངས་པ་གང་ན་མོངས ་པ་ཐམས་ཅད་ཡོངས་སུ་གཏང་པོ་འདི་ནི་སྦྱིན་པའོ། ། གང་མངོན་པར་འདུས་བྱེད་པ་འདི་ནི་ཚུལ་ཁྲིམས་སོ།། གང་མ་མི་ཐོད་པ་འདི་ནི་བཟོད་པའོ།། གང་དབེན་པ་དོན་བརྩོན་འགྲུས་སོ།། ་གང་བཅུ་མི་གནས་པ་དེནི་པསམགན་ནོ།། གང་སྨོས་པ་མེད་པ་དོན་ཅེས་རབ་བོ།། ཚངས་དབྱང་རྒྱབ་སེམས་དཔའ་གང་པ་རོལ་ཏུ་ཕྱིན་པ་དྲུག་ལ་སྤྱོད་པ་དེ་དག་ཅིས་། སྨྲས་པ། ་མི་སྤྱོད་དོ།། དེ་ཅིའི་ཕྱིར་ཛྙཱན། སྤྱོད་པ་ཇི་ཙམ་པ་དེ་ཙམ་དུ་སྤྱོད་པ་མ་ཡིན་ནོ།། ཀཱང་སྤྱོད་པ་དེ་མི་སྤྱོད་པའོ།། གང་མི་སྤྱོད་པ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སྤྱོད་པ་སྟེ། ་ཚངས་པ་རྣམ་གྲངས་འདིས་ནི་ཇི་ལྟར་སྤྱོད་པ་མ་ཡིན་པ་ནི་བྱང་ཆུབ་ཀྱི་སྤྱོད་པ་ཡིན་པར་རིག་པར་བྱའོ།། ཚངས་པ་བྱང་ཆུབ་ཏུ་ལུང་བསྟན་ཏོ་ཞེས་དེ་སྐད་ཟེར་བ་ནི་དེ་བཞིན་ཉིད་དང་ཆོས་ཀྱི་དབྱིངས་ཇི་ལྟ་བུར་སྣ ་བཙུན་པ་མ་འུ་འང་གྲང་བསྟན་ཏོ། ། སྨྲས་པ། རིགས་ཀྱི་བུ་བཞིན་ཉིད་དང་། ཆོས་ཀྱི་དབྱིངས་ནི་གྲང་མ་བསྟན་ཏོ།། སྙས་པ། འོན་དེ་བཞིན་ཉིད་དང་ཆོས་ཀྱི་དབྱེ་ས་ཇི་ལྡབ་པ ་དུ་ཟུང་ས་ན་ཅན་ཉིད་ཀྱ་བམན། དེནས་བཅོམ་ལྡན་འདས་ལ། རངས་བཙུད་པར་སེམས་ཀྱིས་འདིག་བྱས་ནམམ། བཅོམ་ལྡན་འདས་ཇིསར་སྦྱངས། བྱང་ཆུབ ་དཔའ་དེ་བཞིན་གཤེགས་པ་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཚངས་པ་ནམ་བྱང ་ཆུབ་སེམས་དཔའ་སྐྱེ་བ་ལའང་མི་སྤྱོད། འགག་པ་ལའང་མི་སྤྱོད། དགེ་བ་ལའང་མི་སྤྱོད། མི་དགེ་བ་ལའང་མི་སྤྱོད། འཇིག་རྟེན་པ་ལའང་མི་སྤྱོད། འཇིག་རྟེན་ལས་འདས་པ་ལའང་མི ་སྤྱོད། ཟག་པ་དང་བཅས་པ་ལའང་མི་སྤྱོད། ཟག་པ་མེད་པ་ལའང་མི་སྤྱོད། ཁ་ན་མ་ཐོ་བ་དང་བཅས་པ་ལའང་མི་སྤྱོད། ཁ་ན་མ་ཐོ་བ་མེད་པ་ལའང་མི་སྤྱོད། འདུས་བྱས་ལའང་མི་སྤྱོད།། ་འདུས་མ་བྱས་ལའང་མི་སྤྱོད། རྣལ་འབྱོར་ལའང་མི་སྤྱོད། རྣལ་འབྱོར་མ་ཡིན་པ་ལའང་མི་སྤྱོད། སྤོང་བ་ལའང་མི་སྤྱོད། སྤོང་བ་མ་ཡིན་པ་ལའང་མི་སྤྱོད། འཁོར་བ་ལའང་མི་སྤྱོད ་མྱ་ངན་ལས་འདས་པ་ལའང་མི་སྤྱོད། མཐོང་བ་ལའང་མོ་སྤྱོད། ཐོས་པ་ལའང་མི་སྤྱོད། དྲན་པ་ལའང་མི་སྤྱོད། རྣམ་པར་ཤེས་པ་ལའང་མི་སྤྱོད། སྦྱིན་པ་ལའང་མི་སྤྱོད། གཏོང ་བ་ལའང་མི་སྤྱོད། ཚུལ་ཁྲིམས་ལའང་མི་སྤྱོད། སྡོམ་པ་ལའང་མི་སྤྱོད། བཟོད་པ་ལའང་མི་སྤྱོད། མི་འགྱུར་བ་ལའང་མི་སྤྱོད། བརྩོན་འགྲུས་རྩོམ་པ་ལའང་མི་སྤྱོད། བསམ་གཏན ་ལའང་མི་སྤྱོད། ཏིང་ངེ་འཛིན་རྣམས་ལའང་མི་སྤྱོད། ཤེས་རབ་ལ་འོང་མི་སྤྱོད། ནན་ཏན་དག་ལའང་མི་སྤྱོད། ཡེ་ཤེས་ལའང་མི་སྤྱོད། ཁོང་དུ་ཆུད་པ་ལའང་མི་སྤྱོད་དེ། བྱང་ཆུབ ་སེམས་དཔའ་དེ་ལྟར་སྤྱོད་ན། དེ་བཞིན་གཤེགས་པ་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ།། དེ་ཅིའི་ཕྱིར་ཞེ་ན། ཚངས་པ་སྤྱོད་པ་ཇི་ཙམ་པ་དེ་ཙམ་དུ་ལྷག་པར་བྱེད་པ་སྟེ། ་བྱང་ཆུབ་ནི་ལྷག་པར་བྱེད་པ་མ་ཡིན་ནོ།། སྤྱོད་པ་ཇི་ཙམ་པ་དེ་ཙམ་དུ་ཡོངས་སུ་རྟོག་པ་སྟེ། བྱང་ཆུབ་ནི་ཡོངས་སུ་རྟོག་པ་མེད་པའོ།། སྤྱོད་པ་ཇི་ཙམ་པ་དེ་ཙམ་དུ་མངོན་པར་འདུ་བྱེད་པ་སྟེ། བྱང་ཆུབ ་ནི་མངོན་པར་འདུ་བྱེད་པ་མེད་པའོ། ། སྤྱོད་པ་ཇི་ཙམ་པ་དེ་ཙམ་དུ་སྤྲོས་པ་སྟེ། བྱང་ཆུབ་ནི་སྤྲོས་པ་མེད་པའོ།། ཚངས་པདེ་བས་ན་རྣམ་གྲངས་འདིས་ཅི་ནས་སྤྱོད་པ་ཐམས་ཅད་ལས་ཡང་དག་པར་འདས ་པའི་བྱང་ཆུབ་སེམས་དཔའ་རྣམས་ལ་ལུང་བསྟན་པར་འགྱུར་བར་དེ་ལྟར་རིག་པར་བྱའོ། ། དེ་ནས་བཅོམ་ལྡན་འདས་ལ། ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན ་འདས་ལུང་བསྟན་པ་ཞེས་བགྱི་བ་ལུང་བསྟན་པ་དེ་གང་གི་ཚིག་བླ་དགས་ལགས། བཅོམ་ལྡན་འདས་ཀྱིས་བཀའ་སྩལ་པ། ཆོས་ཐམས་ཅད་ལ་གཉིས་བྲལ་བ་སྟེ། དེའི་ཕྱིར་ལུང་བསྟན་པ་ཞེས ་བྱའོ། ། སྐྱེ་བ་དང་འཇིག་པར་སྒྲོ་མི་འདོགས་ཏེ།། དེའི་ཕྱིར་ལུང་བསྟན་པ་ཞེས་བྱའོ།། ལུས་དང་། ངག་དང་། ཡིད་ཀྱི་ལས་རྣམས་ཀྱིས་དབེན་པ་སྟེ། དེའི་ཕྱིར་ལུང་བསྟན་པ ་ཞེས་བྱའོ། ། ཚངས་པ་ངས་མངོན་པར་ཤེས་པ་འདས་པའི་དུས་ན། བསྐལ་པ་མཛེས་པར་སྣང་བ་ཞེས་བྱ་བ་བྱུང་སྟེ། དེ་ལ་དེ་བཞིན་གཤེགས་པ་ཁྲག་ཁྲིག་ཕྲག་བདུན་བཅུ་རྩ་གཉིས་བྱུང་ངོ་།། ་དེ་བཞིན་གཤེགས་པ་དེ་དག་ཐམས་ཅད་ལ་ངས་བཀུར་སྟིར་བྱས། བཙུན་པར་བྱས། རི་མོར་བྱས། མཆོད་པར་བྱས་ཀྱང་། དེ་བཞིན་གཤེགས་པ་དེ་དག་གིས་ང་ལུང ་མ་བསྟན་ཏོ། ། དེའི་ཕ་རོལ་ཏུ་བསྐལ་པ་ཤིན་ཏུ་སྤྲུལ་པ་ཞེས་བྱ་བ་བྱུང་སྟེ། དེ་ལ་དེ་བཞིན་གཤེགས་པ་བྱེ་བ་ཕྲག་བདུན་ཅུ་རྩ་གཉིས་ལ་ངས་བཀུར་སྟིར་བྱས། བཙུན་པར་བྱས། རི་མོར་བྱས ་མཆོད་པར་བྱས་ཀྱང་། དེ་བཞིན་གཤེགས་པ་དེ་དག་གིས་ང་ལུང་མ་བསྟན་ཏོ།། ཚངས་པ་དེའི་ཡང་ཕ་རོལ་ན། ཚངས་པས་བསྟོད་པ་ཞེས་བྱ་བའི་བསྐལ་པ་བྱུང་སྟེ། དེ་ལ་དེ་བཞིན་གཤེགས་པ ་སྟོང་ཕྲག་བཅོ་བརྒྱད་ལ་ངས་བཀུར་སྟིར་བྱས། བཙུན་པར་བྱས། རི་མོར་བྱས། མཆོད་པར་བྱས་ཀྱང་། དེ་བཞིན་གཤེགས་པ་དེ་དག་གིས་ང་ལུང་མ་བསྟན་ཏོ།། ཚངས་པ་དེའི་ཡང་ཕ་རོལ ་ན། བསྐལ་པ་ལེགས་པར་དྲངས་པ་ཞེས་བྱ་བ་བྱུང་སྟེ། དེ་ལ་དེ་བཞིན་གཤེགས་པ་སྟོང་ཕྲག་སུམ་ཅུ་རྩ་གཉིས་ལ་ངས་བཀུར་སྟིར་བྱས། བཙུན་པར་བྱས། རི་མོར་བྱས། མཆོད་པར་བྱས ་ཀྱང་དེ་བཞིན་གཤེགས་པ་དེ་དག་གིས་ང་ལུང་མ་བསྟན་ཏོ། ། དེའི་ཡང་ཕ་རོལ་ན། ཚངས་པ་བསྐལ་པ་བཀོད་པ་ཞེས་བྱ་བ་བྱུང་སྟེ། དེ་ལ་དེ་བཞིན་གཤེགས་པ་སྟོང་ཕྲག་བརྒྱད་ཅུ་རྩ་བཞི ་ལ་ངས་བཀུར་སྟིར་བྱས། བཙུན་པར་བྱས། རི་མོར་བྱས། མཆོད་པར་བྱས་ཀྱང་། དེ་བཞིན་གཤེགས་པ་དེ་དག་གིས་ང་ལུང་མ་བསྟན་ཏོ།། ཚངས་པ་ངས་གང་རྣམས་ལ་རི་མོར་བྱས་པ་དང་། ་མཆོད་པར་བྱས་པ་དང་། བཀུར་སྟིར་བྱས་པ་དང་། བཙུན་པར་བྱས་པ་དང་། གང་ལས་ངས་ཚངས་པར་སྤྱོད་པ་སྤྱད་པ་དང་། ངས་བདོགས་པ་ཐམས་ཅད་ཡོངས་སུ་བཏང་བ་བྱས་པ་དང་། ཚུལ ་ཁྲིམས་དང་། སྦྱངས་པའི་ཡོན་ཏན་ཡང་དག་པར་བཟུང་བ་ངས་བླངས་པ་དང་། ངས་ཁྲོ་བའི་ཐ་བ་དང་། ཕྲག་དོག་དང་། ང་རྒྱལ་དང་། འཆབ་པ་མེད་པར་བྱས་ནས། ངས་བཟོད ་པ་དང་། བྱམས་པ་བསྒོམས་པ་དང་། བསམ་གཏན་དང་། རབ་ཏུ་དབེན་པར་སྤྱོད་པ་དང་། དབེན་པར་གནས་མལ་འཆའ་བ་དང་། ཟས་དང་སྒྲའི་རྗེས་སུ་འགྲོ་བའི་དྲི་བ་ཡོངས་སུ་དྲི ་བ་དང་། དེ་བྱེད་པའི་བརྩོན་འགྲུས་ཀྱིས་ཐོས་པ་ཐམས་ཅད་ཁོང་དུ་ཆུད་པར་བྱས་པའི་དེ་བཞིན་གཤེགས་པ་དེ་དག་གི་མིང་ཡང་བསྐལ་པ་འམ། བསྐལ་པ་ལས་ལྷག་པར་བརྗོད་དུ་ཡོད་ཀྱང ་དེ་བཞིན་གཤེགས་པ་དེ་དག་གིས་ང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་མ་བསྟན་ཏོ། ། དེ་ཅིའི་ཕྱིར་ཞེ་ན། ཚངས་པ་འདི་ལྟར་ང་སྤྱོད་པ་ལ་གནས་པར་གྱུར་ཏེ། དེ་བས་ན ་ཚངས་པ་རྣམ་གྲངས་འདིས་ཀྱང་ཅི་ནས་བྱང་ཆུབ་སེམས་དཔའ་སྤྱོད་པ་ཐམས་ཅད་ལས་འདས་པ་རྣམས་ལ་ལུང་བསྟན་པ་ཡིན་པར་དེ་ལྟར་རིག་པར་བྱའོ། ། ཚངས་པ་གང་གིས་ཚངས་དེ་བཞིན་གཤེགས། ་པ་མར་མེ་མཛད་མཐོང་མ་ཐག་ཏུ་མི་སྐྱེ་བའི་ཆོས་ལ་བཟོད་པ་ཐོབ་པ། དེ་ནས་གདོད་དེ་བཞིན་གཤེགས་པ་མར་མེ་མཛད་ཀྱིས་ངལ་ཁྱོད་མ་འོངས་པའི་དུས་ན། བསྐལ་པ་གྲངས་མེད་པ་ན། ཤཱཀྱ ་ཐུབ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས་ལུང་བསྟན་ཏེ། དེ་ནུང་སྤྱོད་པ་ཐམས་ཅད་ལས་འདས་སོ།། ་དེ་ན་ངའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་སོ།། དེ་ཅིའི་ཕྱིར་ཞེ་ན། གང་མཚན་མ་ཐམས་ཅད་ཡོངས་སུ་གཏོང་བ་དེ་ནི་སྦྱིན་པའི་ཕ་རོལ་ཏུ་ཕྱིན་པའོ།། གང་དམིགས་པ་ཐམས་ཅད་རབ ་ཏུ་ཞི་བ་དེ་ནི་ཚུལ་ཁྲིམས་ཀྱིས་ཕ་རོལ་ཏུ་ཕྱིན་པའོ། ། གང་ཡུལ་རྣམས་ལ་རྨས་པར་མི་འགྱུར་བ་དེ་ནི་བཟོད་པའི་ཕ་རོལ་ཏུ་ཕྱིན་པའོ།། གང་ཆོས་ཐམས་ཅད་དབེན་པ་དེ་ནི་བརྩོན་འགྲུས་ཀྱི་ཕ ་རོལ་ཏུ་ཕྱིན་པའོ། ། གང་ཡིད་ལ་བྱེད་པ་ཐམས་ཅད་ལ་མི་འཇུག་པ་དེ་ནི་བསམ་གཏན་གྱི་ཕ་རོལ་ཏུ་ཕྱིན་པའོ།། གང་རང་བཞིན་གྱིས་མི་སྐྱེ་བའི་ཆོས་ལ་བཟོད་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན ་པ་སྟེ། ཚངས་པ་དེ་ལྟ་དེ་ལྟར་དེ་བཞིན་གཤེགས་པ་མར་མེ་མཛད་ལས་ཕ་རོལ་ཏུ་ཕྱིན་པ་རྣམས་ཡོངས་སུ་རྫོགས་པར་བྱས་སོ།། ཚངས་པ་གང་སེམས་དང་པོ་བསྐྱེད་པ་ཚུན་ཆད་ཀྱི་སྦྱིན་པ ་ཡོངས་སུ་གཏོང་བ་དེ་ནི་ཕྱིས་མི་དམིགས་པས་སྦྱིན་པ་ཡོངས་སུ་གཏོང་བ་དེ་ལ་བརྒྱའི་ཆར་ཡང་ཉེ་བར་མི་འགྱུར་བ་ནས། དཔེའི་བར་དུའང་ཉེ་བར་མི་འགྲོའོ།། གང་དང་པོའི་ཚུལ་ཁྲིམས་བསླབ་པ ་དང་། སྦྱངས་པའི་ཡོན་ཏན་ཡང་དག་པར་བླངས་པའི་ཚུལ་ཁྲིམས་དེ་ནི་ཤིན་ཏུ་སྦྱངས་པའི་ཚུལ་ཁྲིམས་དེ་ལ་དཔེའི་བར་དུའང་ཉེ་བར་མི་འགྲོའོ།། གང་སེམས་དང་པོ་བསྐྱེད་པ་ཚུན་ཆད་ཀྱི ་བཟོད་པ་དང་ངེས་པ་དེ་ནི་ཤིན་ཏུ་བཟོད་པའི་ཆོས་ཉིད་དེ་ལ་རྒྱུར་ཡང་ཉེ་བར་མི་འགྲོའོ། ། གང་སེམས་དང་པོ་བསྐྱེད་པ་ཚུན་ཆད་ནས་བཟུང་སྟེ། བརྩོན་འགྲུས་བརྩམས་པ་དེ་ནི་བླང་བ་མེད་པ་དང་། ་དོར་བ་མེད་པའི་བརྩོན་འགྲུས་དེ་ལ་དཔེའི་བར་དུའང་ཉེ་བར་མི་འགྲོའོ།། གང་སེམས་དང་པོ་བསྐྱེད་པ་ཚུན་ཆད་ཀྱི་བསམ་གཏན་རབ་ཏུ་དབེན་པར་གནས་པ་དེ་ནི་རབ་ཏུ་ཞི་བ་མཚན་མ་མེད་པ་དེ་ལ་དཔེའི་བར ་དུའང་ཉེ་བར་མི་འགྲོའོ། ། ཚངས་པ་གང་སེམས་དང་པོ་བསྐྱེད་པ་ཚུན་ཆད་ཀྱི་ཤེས་རབ་ཀྱིས་སོ་སོའི་རྟོག་པ་དེ་ནི་སྤྲོས་པ་མེད་པའི་ཤེས་རབ་དེ་ལ་དཔེའི་བར་དུའང་ཉེ་བར་མི་འགྲོ་སྟེ། དེ་བས་ན་ཚངས་པ་རྣམ ་གྲངས་འདིས་འདི་ལྟར་ངས་དེའི་ཚེ་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱས་སོ་ཞེས་དེ་ལྟར་རིག་པར་བྱའོ། ། གསོལ་པ། བཅོམ་ལྡན་འདས་ཇི་ལྟར་ན་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ ་ལག་ས། བཀའ་སྩལ་པ། གང་གཏོང་བ་ལ་རློམ་སེམས་མེད་པ་དང་། ཚུལ་ཁྲིམས་ལ་མི་གནས་པ་དང་། བཟོད་པ་ལ་རྣམ་པར་མི་རྟོག་པ་དང་། བརྩོན་འགྲུས་ལ་བླང་བ་མེད་པ་དང་། ་བསམ་གཏན་ལ་མི་གནས་པ་དང་། ཤེས་རབ་ལ་གཉིས་སུ་མེད་པ་འདི་ནི་ཚངས་པ་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ་ཡིན་ནོ།། གསོལ་པ། བཅོམ་ལྡན་འདས་ཕ་རོལ་ཏུ་ཕྱིན་པ་དྲུག་ཡོངས་སུ ་རྫོགས་ནས་ཅི་ཡོངས་སུ་རྫོགས་པར་བགྱིད། བཀའ་སྩལ་པ། ཚངས་པ་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་ནས། ཐམས་ཅད་མཁྱེན་པ་ཉིད་ཡོངས་སུ་རྫོགས་པར་བྱེད་དོ།། གསོལ་པ། ་བཅོམ་ལྡན་འདས་ཇི་ལྟར་ན་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་ནས། ཐམས་ཅད་མཁྱེན་པ་ཉིད་ཡོངས་སུ་རྫོགས་པར་བགྱིད། བཀའ་སྩལ་པ། ཚངས་པ་སྦྱིན་པའི ་ཕ་རོལ་ཏུ་ཕྱིན་པའི་མཉམ་པ་ཉིད་གང་ཡིན་པ་དེ་ནི་ཐམས་ཅད་མཁྱེན་པ་ཉིད་ཀྱི་མཉམ་པ་ཉིད་དོ། ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་མཉམ་པ་ཉིད་གང་ཡིན་པ་དང་། བཟོད་པའི་ཕ་རོལ་ཏུ་ཕྱིན་པའི་མཉམ་པ ་ཉིད་གང་ཡིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པའི་མཉམ་པ་ཉིད་གང་ཡིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པའི་མཉམ་པ་ཉིད་གང་ཡིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་མཉམ ་པ་ཉིད་གང་ཡིན་པ་དེ་ནི་ཐམས་ཅད་མཁྱེན་པ་ཉིད་ཀྱི་མཉམ་པ་ཉིད་དོ། ། དེ་བས་ན་མཉམ་པ་ཉིད་འདིས་ཆོས་ཐམས་ཅད་མཉམ་པ་ཉིད་དེ། ཆོས་ཐམས་ཅད་མཉམ་པ་ཉིད་གང་ཡིན་པ་དེ་ནི་ཐམས་ཅད ་མཁྱེན་པའི་མཉམ་པ་ཉིད་དོ། ། གཞན་ཡང་ཚངས་པ་སྦྱིན་པའི་འདུ་ཤེས་ཡོངས་སུ་རྫོགས་པ་དང་། ཚུལ་ཁྲིམས་ཀྱི་འདུ་ཤེས་དང་། བཟོད་པ་དང་། བརྩོན་འགྲུས་དང་། བསམ ་གཏན་དང་། ཤེས་རབ་ཀྱི་འདུ་ཤེས་ཡོངས་སུ་རྫོགས་ནས། ཐམས་ཅད་མཁྱེན་པ་ཉིད་ཡོངས་སུ་རྫོགས་པར་བྱེད་དོ།། ཐམས་ཅན་མཁྱེན་པ་ཉིད་ནི་འདུ་ཤེས་ཐམས་ཅད་དང་བྲལ་བ་སྟེ། ་ལྟར་ན་ཚངས་པ་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པས། ཐམས་ཅད་མཁྱེན་པ་ཉིད་ཡོངས་སུ་རྫོགས་པར་བྱེད་དོ།། གསོལ་པ། བཅོམ་ལྡན་འདས་ཐམས་ཅད་མཁྱེན་པ་ཉིད་ཡོངས་སུ་རྫོགས ་པགང་ལགས། བཅོམ་ལྡན་འདས་ཀྱིས་བཀའ་སྩལ་པ། གང་མིག་མི་ལེན་པ་གཟུགས་མི་ལེན་པ་དེ་ནས། ཡིད་དང་ཆོས་ཀྱི་བར་དུ་མི་ལེན་ཏེ། ཚངས་པ་གང་ཕྱི་དང་ནང་གི་སྐྱེ་མཆེད་དྲུག་པོ ་འདི་རྣམས་མི་ལེན་པ་འདི་ནི་ཐམས་ཅད་མཁྱེན་པ་ཉིད་ཡོངས་སུ་རྫོགས་པའོ། ། ཚངས་པ་དེ་ལྟར་ཐམས་ཅད་མཁྱེན་པ་ཉིད་ཡོངས་སུ་རྫོགས་པར་བྱས་ན་མིག་ལ་མི་ཆགས། རྣ་བ་ལ་མི་ཆགས ་སྣ་ལ་མི་ཆགས། ལྷ་ལ་མི་ཆགས། ལུས་ལ་མི་ཆགས། ཡིད་ལ་མི་ཆགས་ཏེ། དེ་བས་ན་དེ་བཞིན་གཤེགས་པ་ཐམས་ཅད་མཁྱེན་པ་ཉིད་ཡེ་ཤེས་ཆགས་པ་མེད་ཅིང་སྒྲིབ་པ་མེད་པ་ཡིན་ནོ།། ་ཚངས་པ་ཐམས་ཅད་མཁྱེན་པ་ཉིད་ནི་ཆོས་གང་ཡང་མི་ལེན་ཏོ།། ཚངས་པ་འདི་ལྟར་ཐམས་ཅད་མཁྱེན་པ་ཉིད་ནི་ཆོས་ཐམས་ཅད་ཀྱི་སྣོད་དུ་མ་གྱུར་པ་ཡིན་ཏེ། ཚངས་པ་སྣོད་མ་ཡིན་པ་ཞེས་བྱ་བ་ནི་དངོས་པོ་མེད་པའི ་ཚིག་བླ་དགས་སོ། ། དངོས་པོ་མེད་པ་ཞེས་བྱ་བ་ནི་བླ་གབ་མེད་པའི་ཚིག་བླ་དགས་སོ།། ཐམས་ཅད་མཁྱེན་པ་ནི་བླ་གབ་མེད་པ་དང་མཚུངས་པ་སྟེ། དེ་བས་ན་ཆོས་གང་ཡང་མི་ལེན་ཏོ།། ཚངས ་པ་འདི་ལྟ་སྟེ། དཔེར་ན་ནམ་མཁའ་ལ་གནས་ཏེ་བྱ་བ་ཐམས་ཅད་བྱེད་ཀྱང་། ནམ་མཁའ་དེ་ནི་མི་གནས་པའོ།། དེ་བཞིན་དུ་ཐམས་ཅད་མཁྱེན་པ་ཉིད་ལ་ཡེ་ཤེས་ཐམས་ཅད་རྣམ་པར་བཞག ་ཀྱང་ཐམས་ཅད་མཁྱེན་པ་ཉིད་ནི་མི་གནས་སོ། ། གསོལ་པ། བཅོམ་ལྡན་འདས་ཐམས་ཅད་མཁྱེན་པ་ཉིད་ཅེས་བགྱི་བ་བཅོམ་ལྡན་འདས་ཅིའི་སླད་དུ་ཐམས་ཅད་མཁྱེད་པ་ཉིད་ཅེས་བགྱི། བཀའ ་སྩལ་པ། ཚངས་པ་ཉན་ཐོས་རྣམས་དང་རང་སངས་རྒྱས་རྣམས་ཀྱི་སྤྱོད་པ་ཐམས་ཅད་དེས་ཤེས་ཏེ། དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱའོ།། དེ་དག་གི་བསམ ་བ་ཐམས་ཅད་ཀུན་ཤེས་པ་དང་། སྦྱོར་བ་ཀུན་ཤེས་པ་དང་། སྙིང་རྗེ་ཀུན་ཤེས་པ་དང་། བསླབ་པ་ཀུན་ཤེས་པ་དང་། ཡང་དག་པར་འཛིན་པ་ཀུན་ཤེས་པས་དེའི་ཕྱིར་ཐམས་ཅད་མཁྱེན་པ་ཉིད་ཅེས ་བྱའོ། ། རྒྱུ་བ་ཐམས་ཅད་རྣམ་པར་སྤངས་པ་དང་། རློམ་སེམས་ཐམས་ཅད་བཅོམ་པ་དེ་ནི་ཐམས་ཅད་མཁྱེན་པ་ཉིད་དོ།། འཐོབ་པ་མེད་ཅིང་རྣམ་པར་རིག་པ་མེད་ལ། སེམས་ཅན་ཐམས་ཅད་ཀྱི ་སེམས་ཀྱི་སྤྱོད་པ་དེ་ལས་ཤེས་པར་འགྱུར་བ་ན། དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱའོ།། ཡེ་ཤེས་ཐམས་ཅད་མངོན་པར་རྟོག་པ་དང་། སློབ་པའི་ཡེ་ཤེས་དང་། མི་སློབ་པའི་ཡེ་ཤེས་དང་། ་རང་སངས་རྒྱས་ཀྱི་ཡེ་ཤེས་དང་། ཐམས་ཅད་མཁྱེན་པའི་ཡེ་ཤེས་ཀྱང་འདི་ལྟར་རྣམ་པར་བཞག་པས་ན། ཐམས་ཅད་མཁྱེན་པ་ཉིད་ཅེས་བྱའོ།། ཡང་དག་པར་སྦྱོར་བས་འདི་ལས་ཡེ་ཤེས་འཇུག་པས་ན། ་དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱའོ།། སྨན་ཐམས་ཅད་ཡོངས་སུ་ཤེས་པས་དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱའོ།། ནད་ཐམས་ཅད་རབ་ཏུ་ཞི་བར་བྱས་པས་དེའི་ཕྱིར་ཐམས་ཅད་མཁྱེན་པ ་ཉིད་ཅེས་བྱའོ། ། བཅིངས་པ་ཐམས་ཅད་བཅོམ་པས་དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱའོ།། བག་ཆགས་ཀྱི་མཚམས་སྦྱོར་བ་ཐམས་ཅད་བཅོམ་པའི་དེའི་ཕྱིར་ཐམས་ཅད་མཁྱེན་པ་ཉིད་ཅེས ་བྱའོ། ། རྟག་ཏུ་མཉམ་པར་བཞག་པས་དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱའོ།། ཆོས་ཐམས་ཅད་ལ་ཐེ་ཙོམ་མེད་པས་དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱའོ།། འཇིག་རྟེན་པ་དང ་འཇིག་རྟེན་ལས་འདས་པའི་ཡེ་ཤེས་རྣམས་ཀྱང་ཐམས་ཅད་མཁྱེན་པ་འདི་ལས་རྣམ་པར་བཞག་པས་ན། དེའི་ཕྱིར་ཐམས་ཅད་མཁྱེན་པ་ཉིད་ཅེས་བྱ་སྟེ། ཚངས་པ་དེའི་ཕྱིར་ཐམས་ཅད་མཁྱེན་པ་ཉིད་ཅེས ་བྱ་བ་ནི་ཐམས་ཅད་མཁྱེན་པའི་ཡེ་ཤེས་ལ་མཁས་པའི་ཚིག་བླ་དགས་སོ། ། དེ་ནས་བཅོམ་ལྡན་འདས་ལ། ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་འདི་ལྟར་དེ ་བཞིན་གཤེགས་པས་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཐམས་ཅད་ཀྱང་མཁྱེན་ལ། སེམས་ཀྱི་དམིགས་པ་ལའང་འཇུག་པ་མི་མངའ་བ་ནི་སངས་རྒྱས་ཀྱི་ཡེ་ཤེས་བསམ་གྱིས་མི་ཁྱབ་སྟེ། ་ངོ་མཚར་ཏོ།། བཅོམ་ལྡན་འདས་དེ་ལ་ཡོན་ཏན་གྱི་བྱེ་བྲག་ཚད་མ་མཆིས་པ་འདི་ལྟ་བུ་འདི་དག་གདའ་ན། རིགས་ཀྱི་བུ་ཕོ་འམ། རིགས་ཀྱི་བུ་མོ་སུ་ཞིག་བླ་ན་མེད་པ་ཡང་དག་པར་རྫོགས ་པའི་བྱང་ཆུབ་ཏུ་སེམས་མི་སྐྱེད། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་སུ་དག་ཡོན ་ཏན་རེ་བའི་སླད་དུ་བྱང་ཆུབ་ལ་འཇུག་ན། དེ་དག་ཐེག་པ་ཆེན་པོ་ལ་ཡང་དག་པར་ཞུགས་པ་མ་ལགས་པར་རིག་པར་བགྱིའོ།། དེ་ཅིའི་སླད་དུ་ཞེ་ན། བཅོམ་ལྡན་འདས་རེ་བར་བགྱི་བ་མ་མཆིས་པའི ་སླད་དུ་ཆོས་ཐམས་ཅད་ནི་ཡོན་ཏན་དང་བྲལ་ཞིང་ཡོན་ཏན་མ་མཆིས་པ་སྟེ། དེ་བས་ན་བྱང་ཆུབ་སེམས་དཔའ་རྣམས་ཀྱིས་ཡོན་ཏན་གྱི་སླད་དུ་འམ། ལེགས་པའི་སླད་དུ ་བྱང་ཆུབ་ལ་འཇུག་པར་མི་བགྱིའོ། ། གཞན་དུ་ན་སྙིང་རྗེ་ཆེན་པོས་རྒྱུས་བདག་གིས་སྡུག་བསྔལ་བས་ཡོངས་སུ་མི་སྐྲག་པའི་སླད་དུ། དགེ་བའི་ཆོས་བསྐྱེད་པར་བགྱི་བའི་སླད་དུ། ལྟ་བ་ལས ་རྣམ་པར་ཐར་པར་བགྱི་བའི་སླད་དུ། ནད་ཐམས་ཅད་བསལ་བའི་སླད་དུ། ཡོངས་སུ་འཛིན་པ་གཏོང་བའི་སླད་དུ། མཛའ་བ་དང་མི་མཛའ་བ་ལ་མི་བལྟ་བའི་སླད་དུ། འཇིག་རྟེན་གྱི་ཆོས ་རྣམས་ཀྱིས་མི་གོས་པའི་སླད་དུ། འདུས་བྱས་ལ་སྐྱོ་བའི་སླད་དུ། མྱ་ངན་ལས་འདས་པ་ལ་བདེ་བར་དགོད་པའི་སླད་དུ། དམ་པའི་ཆོས་ཡོངས་སུ་གཟུང་བའི་སླད་དུ། སེམས་ཅན ་རྣམས་ཡོངས་སུ་སྨིན་པར་བགྱི་བའི་སླད་དུ། བཅོམ་ལྡན་འདས་བྱང་ཆུབ་སེམས་དཔས་རེ་བ་མ་མཆིས་པར་བགྱི་སྟེ། ཕ་རོལ་ལ་མི་རེ་བར་བགྱིའོ།། བཅོམ་ལྡན་འདས་བྱང་ཆུབ་སེམས་དཔས ་བགྱིས་པ་དང་། མ་བགྱིས་པ་ལ་འགྱོད་པ་མ་མཆིས་པར་བགྱིའོ།། བཅོམ་ལྡན་འདས་བྱང་ཆུབ་སེམས་དཔའ་ནི་བདེ་བ་དང་སྡུག་བསྔལ་གནོད་པར་མི་འགྱུར་རོ།། བཅོམ་ལྡན་འདས་བྱང་ཆུབ ་སེམས་དཔའ་རྣམས་ཀྱི་དགེ་བའི་རྩ་བ་ཡོངས་སུ་དག་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འཁོར་ལོས་སྒྱུར་བའི་རྒྱལ་པོའི་སྲིད་ནི། དགེ་བའི་རྩ་བ་ཡོངས ་སུ་དག་པར་མི་སྨྲའོ། ། བརྒྱ་བྱིན་དུ་འགྱུར་བའང་མ་ཡིན། ཚངས་པར་འགྱུར་བའང་མ་ཡིན་ཏེ། གང་ལ་སྐྱེ་བ་དང་སྐྱེ་གནས་མེད་པ་དེ་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བ་ཡོངས་སུ ་དག་པའོ། ། ནམ་བདག་ཀྱང་དགེ་བའི་རྩ་བ་ཡོངས་སུ་མི་འབྲི་ལ། ཆུང་ངུ་དུད་འགྲོའི་སྐྱེ་གནས་སུ་སོང་བ་ཡན་ཆད་སེམས་ཅན་གཞན་གྱི་དགེ་བའི་རྩ་བ་རྣམས་སྐྱེད་པ་འདི་ནི་བྱང་ཆུབ་སེམས་དཔའ ་རྣམས་ཀྱི་དགེ་བའི་རྩ་བ་ཡོངས་སུ་དག་པའོ། ། དངོས་པོ་ཐམས་ཅད་ལ་མི་ལྟ་བའི་ཕྱིར་གཏོང་བ་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བའོ།། ཡོངས་སུ་གདུང་བ་མེད་པའི་ཕྱིར་ཚུལ་ཁྲིམས ་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བའོ། ། གནོད་སེམས་མེད་པའི་ཕྱིར་བཟོད་པ་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བའོ།། ལེ་ལོ་མེད་པའི་ཕྱིར་བརྩོན་འགྲུས་ནི་བྱང ་ཆུབ་སེམས་དཔའ་རྣམས་ཀྱི་དགེ་བའི་རྩ་བའོ། ། རྩེ་གཅིག་པའི་ཕྱིར་བསམ་གཏན་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བའོ།། ལྟ་བ་དང་བྲལ་བའི་ཕྱིར་ཤེས་རབ་ནི་བྱང་ཆུབ་སེམས་དཔའ ་རྣམས་ཀྱི་དགེ་བའི་རྩ་བའོ། ། སེམས་སྙོམས་པའི་ཕྱིར་བྱམས་པ་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བའོ།། ལྷག་པའི་བསམ་པ་ཡོངས་སུ་དག་པའི་ཕྱིར་སྙིང་རྗེ་ནི་བྱང་ཆུབ་སེམས་དཔའ ་རྣམས་ཀྱི་དགེ་བའི་རྩ་བའོ། ། ཆོས་ལ་མོས་པ་བསྐྱེད་པའི་ཕྱིར་དགའ་བ་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བའོ།། མཛའ་བ་དང་སྡང་བ་མེད་པའི་ཕྱིར་བཏང་སྙོམས་ནི་བྱང་ཆུབ་སེམས ་དཔའ་རྣམས་ཀྱི་དགེ་བའི་རྩ་བའོ། ། ཉན་ཐོས་དང་རང་སངས་རྒྱས་ཀྱིས་མི་འདོད་པའི་ཕྱིར་བྱང་ཆུབ་ཀྱི་སེམས་མི་གཏོང་བ་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བའོ།། ་། བམ་པོ་བཞི་པ།། དེ་ནས་འཇམ་དཔལ་གཞོན་ནུར་གྱུར་པ་འཁོར་དེར་འདུས་ཏེ་ཅང་མི་ཟེར་བར་འདུག་གོ།། དེ་ནས་བཅོམ་ལྡན་འདས་ལ། ཚངས་པ་ཁྱད་པར ་སེམས་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་འཇམ་དཔལ་གཞོན་ནུར་གྱུར་པ་འདི་འཁོར་འདིར་མཆིས་ཏེ། འདི་ལྟར་ཡང་དག་པར་བརྗོད་པའི་གཏམ་ཅུང་ཟད་ཀྱང་མི་སྟོན་ཏོ།། ་དེའི་ཚེ་བཅོམ་ལྡན་འདས་ཀྱིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། འཇམ་དཔལ་ཆོས་བསྟན་པ་འདི་ལ་ཁྱོད་གཏམ་གྱི་རྒྱུད་འགའ་ཞིག་སྤོབས་པར་གྱིས་ཤིག། འཇམ ་དཔལ་གྱིས་གསོལ་པ། ཆོས་གང་བཅོམ་ལྡན་འདས་ཀྱིས་མངོན་པར་རྫོགས་པར་སངས་རྒྱས་པའི་ཆོས་དེ་ལ་གདགས་པ་གང་ཡང་མ་མཆིས་སམ། བཀའ་སྩལ་པ། འཇམ་དཔལ་ཆོས་དེ་ལ་གདགྲ ་པ་གང་ཡང་མེད་དོ། ། གསོལ་པ། བཅོམ་ལྡན་འདས་ཆོས་དེ་བརྗོད་པར་བགྱི་བ་ལགས་སམ། སྨྲ་བར་བགྱི་བ་ལགས་སམ། བསྟན་པར་བགྱི་བ་ལགས་སམ། བཀའ་སྩལ་པ། འཇམ ་དཔལ་ཆོས་དེ་བརྗོད་པར་བྱ་བ་མ་ཡིན། སྨྲ་བར་བྱ་བ་མ་ཡིན། བསྟན་པར་བྱ་བ་མ་ཡིན་ནོ།། གསོལ་པ། བཅོམ་ལྡན་འདས་ཆོས་གང་མ་བརྗོད། མ་སྨྲས། མ་བསྟན་པ་དེ་བཤད་པར ་ནུས་སམ། ཁྱད་པར་སེམས་ཀྱིས་སྨྲས་པ། འཇམ་དཔལ་ཁྱོད་སེམས་ཅན་གཞན་དང་གང་ཟག་གཞན་དག་ལ་ཆོས་མི་སྟོན་ཏམ། སྨྲས་པ། ཚངས་པ་ཅི་ཆོས་ཀྱི་དབྱིངས་གཉིས་སུ་རབ་ཏུ ་ཕྱེ་བ་ཡིན་ནམ། སྨྲས་པ། དེ་མ་ཡིན་ནོ།། སྨྲས་པ། ཆོས་ཐམས་ཅད་ཆོས་ཀྱི་དབྱིངས་སུ་ངེས་པ་མ་ཡིན་ནམ། སྨྲས་པ། ངེས་པ་ཡིན་ནོ།། སྨྲས་པ། ཚངས་པ་གལ་ཏེ ་ཆོས་ཀྱི་དབྱིངས་ཀྱང་གཉིས་སུ་མེད་པ་ཡིན་ལ། ཆོས་ཐམས་ཅད་ཀྱང་ཆོས་ཀྱི་དབྱིངས་སུ་ངེས་ན། སེམས་ཅན་གཞན་དང་གང་ཟག་གཞན་དག་ལ་ཇི་ལྟར་ཆོས་བསྟན་པར་བྱ། སྨྲས་པ། འཇམ ་དཔལ་གཉིས་ཀྱང་མ་ཡིན་ལ། ཆོས་བསྟན་པ་ཡོད་དམ། སྨྲས་པ། ཚངས་པ་གལ་ཏེ་སྟོན་པ་འམ། ཉན་པ་འགའ་ཞིག་རྙེད་ན་ཡོད་དོ།། སྨྲས་པ། འཇམ་དཔལ་དེ་བཞིན་གཤེགས ་པས་ཆོས་མ་བསྟན་ཏམ། སྨྲས་པ།། མ་བསྟན་མོད་ཀྱི་གཉིས་སུ་མ་ཡིན་ནོ།། དེ་ཅིའི་ཕྱིར་ནན། དེ་བཞིན་གཤེགས་པ་ནི་གཉིས་སུ་མེད་པར་ཆོས་སྟོན་ཏེ། གཉིས་སུ་མི་མཛད་དོ།། ་སྨྲས་པ། འཇམ་དཔལ་གལ་ཏེ་ཆོས་ཐམས་ཅད་གཉིས་སུ་མེད་པ་ཡིན་ན། དེ་ཇི་ལྟར་བྱིས་པ་སོ་སོའི་སྐྱེ་བོ་རྣམས་གཉིས་སུ་མེད་པ་གཉིས་སུ་བྱེད། སྨྲས་པ། བདག་གི་རྒྱུད་ལ་བདག་ཏུ ་འཛིན་པས་བྱིས་པ་སོ་སོའི་སྐྱེ་བོ་རྣམས་གཉིས་སུ་བྱེད་དེ་གཉིས་སུ་མེད་པ་ནི་ནམ་ཡང་གཉིས་སུ་མི་འགྱུར་རོ། ། ཇི་ཙམ་དུ་མང་དུ་གཉིས་སུ་བྱས་ཀྱང་གཉིས་སུ་མེད་པའི་མཐའ་གཉིས་སུ་མེད་དོ།། ་སྨྲས་པ། འཇམ་དཔལ་གཉིས་སུ་མེད་པ་ཅི་རྣམ་པར་རིག་པར་བྱེད། སྨྲས་པ། གལ་ཏེ་རྣམ་པར་རིག་པར་བྱེད་ན་གཉིས་སུ་མེད་པ་མ་ཡིན་པར་འགྱུར་ཏེ། གཉིས ་སུ་མེད་པ་ནི་རྣམ་པར་རིག་པ་མེད་པའོ། ། ཚངས་པ་གཉིས་ཞེས་བྱ་བ་ནི་རྣམ་པར་རིག་པའོ།། དེ་བཞིན་གཤེགས་པས་ནི་རྣམ་པར་རིག་པ་མེད་པར་ཆོས་བསྟན་ཏེ། ཆོས་དའང་ཇི་ལྟར་བསྟན་པ ་དེ་བཞིན་དུ་མ་ཡིན་ནོ། ། དེ་ཅིའི་ཕྱིར་ཞེ་ན། ཆོས་དེ་ཡི་གེ་མེད་པའི་ཕྱིར་རོ།། སྨྲས་པ། འཇམ་དཔལ་དེ་བཞིན་གཤེགས་པས་ཆོས་བསྟན་པ་གང་དུ་འགྲོ། སྨྲས་པ། ཚངས་པ་དེ ་བཞིན་གཤེགས་པས་ཆོས་བསྟན་པ་ནི་འགྲོ་བ་མེད་པར་འགྲོ་བའོ། ། སྨྲས་པ། འཇམ་དཔལ་དེ་བཞིན་གཤེགས་པས་མྱ་ངན་ལས་འདས་པར་འགྲོ་བའི་ཆོས་མ་བསྟན་ཏམ། སྨྲས་པ། ཅི་མྱ་ངན ་ལས་འདས་པ་ལ་འགྲོ་བ་འམ་འོང་བར་དམིགས་སམ། སྨྲས་པ། མྱ་ངན་ལས་འདས་པ་ལ་འོང་བའང་མེད། འགྲོ་བའང་མེད་དོ།། སྨྲས་པ། ཚངས་པ་དེ་ལྟ་བས་ན་དེ་བཞིན་གཤེགས་པས་འགྲོ་བ ་མེད་པར་འགྲོ་བའི་ཆོས་བསྟན་ཏོ། ། སྨྲས་པ། ཇི་ལྟར་ཐོས་པ། སྨྲས་པ། ཇི་ལྟར་བརྗོད་པ་བཞིན་དུའོ།། སྨྲས་པ། ཇི་ལྟ་བུ་བརྗོད། སྨྲས་པ། ཇི་ལྟར་རྣམ་པར་རིག་པ་མེད ་པ་དང་ཐོས་པ་མེད་པ་བཞིན་ནོ། ། སྨྲས་པ། དེ་བཞིན་གཤེགས་པའི་ཆོས་ཉན་པ་གང་ཡིན། སྨྲས་པ། གང་ཡུལ་ལ་ཟག་པ་མེད་པ་རྣམས་སོ།། སྨྲས་པ། ཆོས་འདི་སུས་ཤེས་པར ་འགྱུར། སྨྲས་པ། གང་རྩོད་པར་མི་འགྱུར་བ་དང་། ཤེས་པར་མི་འགྱུར་བ་དང་། རྗེས་སུ་ཤེས་པར་མི་འགྱུར་བ་རྣམས་སོ།། སྨྲས་པ། འཇམ་དཔལ་ཇི་ལྟར་ན་དགེ་སློང་རྩོད་པ་མང་བ ་ཡིན། སྨྲས་པ། འདི་ནི་རིགས་འདི་ནི་མི་རིགས་སོ་ཞེས་བྱ་བ་འདི་ནི་རྩོད་པའོ།། དེ་བཞིན་དུ་བསྡུས་ཏེ་འདི་ནི་འབྲེལ་པའོ་འདི་ནི་མ་འབྲེལ་པའོ་ཞེས་བྱ་བ་དང་། འདི་ནི་ཉོན་མོངས་པའོ་འདི་ནི་རྣམ ་པར་བྱང་བའོ་ཞེས་བྱ་བ་དང་། འདི་ནི་དགེ་བའོ་འདི་ནི་མི་དགེ་བའོ་ཞེས་བྱ་བ་དང་། འདི་ནི་ཁ་ན་མ་ཐོ་བ་དང་བཅས་པའོ་འདི་ནི་ཁ་ན་མ་ཐོ་བ་མེད་པའོ་ཞེས་བྱ་བ་དང་། འདི་ནི་ཟག་པ་དང་བཅས་པའོ་འདི།། ་ནི་ཟག་པ་མེད་པའོ་ཞེས་བྱ་བ་དང་། འདི་ནི་འཇིག་རྟེན་པའོ་འདི་ནི་འཇིག་རྟེན་ལས་འདས་པའོ་ཞེས་བྱ་བ་དང་། འདི་ནི་འདུས་བྱས་སོ་འདི་ནི་འདུས་མ་བྱས་སོ་ཞེས་བྱ་བ་དང་། འདི་ནི་ཚུལ་ཁྲིམས་སོ། ་འདི་ནི་ངང་ཚུལ་ངན་པའོ་ཞེས་བྱ་བ་དང་། འདི་ནི་བྱ་བའོ་འདི་ནི་བྱ་བ་མ་ཡིན་པའོ་ཞེས་བྱ་བ་དང་། འདི་ནི་འཐོབ་པར་འགྱུར་རོ་འདིས་ནི་འཐོབ་པ་མ་ཡིན་པར་འགྱུར་རོ་ཞེས་བྱ་བ་འདི་ནི་རྩོད་པའོ།། ་ཚངས་པ་ཇི་ཙམ་དུ་ཁེངས་པ་དང་། འདུད་པ་དང་། ལེན་པ་དང་། འདོར་བ་དེ་ཙམ་དུ་རྩོད་པ་སྟེ། དེ་བཞིན་གཤེགས་པས་ནི་རྩོད་པ་མེད་པར་ཆོས་བསྟན་ཏོ།། སྤྲོས་པ་ལ་དགའ་བ་ལ་ནི་མི་རྩོད ་པ་མེད་དོ། ། རྩོད་པ་མང་བ་ལ་ནི་དགེ་སྦྱོང་དུ་གྱུར་པ་མེད་དོ།། དགེ་སྦྱོང་འདོད་པ་ལ་ནི་འཐབ་པ་མེད་དོ།། སྨྲས་པ། འཇམ་དཔལ་ཇི་ལྟར་དགེ་སློང་དེ་བཞིན་གཤེགས་པའི་བསྟན་པ་བཞིན་བྱེད་པ་དང་། ་བཀའ་བཞིན་བྱེད་པར་འགྱུར། སྨྲས་པ། ཚངས་པ་ནམ་དགེ་སློང་བསྟོད་པ་དང་། སྨད་པ་བྱས་ཀྱང་གནོད་པ་མེད་ན། དེ་ལྟར་ན་བསྟན་པ་བཞིན་དུ་བྱེད་པ་ཡིན་ནོ།། གང་ཡི ་གེའི་རྗེས་སུ་མི་སྙེགས་ན་དེ་ལྟར་ན་བཀའ་བཞིན་དུ་བྱེད་པ་ཡིན་ནོ། ། གང་མཚན་མ་ཐམས་ཅད་ལས་ཞི་བར་གྱུར་ན། དེ་ལྟར་ན་བསྟན་པ་བཞིན་བྱེད་པ་ཡིན་ནོ།། གང་དོན་དང་འགལ་བར་མི་བྱེད་ན་དེ་ལྟར ་ན་བཀའ་བཞིན་བྱེད་པ་ཡིན་ནོ། ། གང་ཆོས་ཡོངས་སུ་སྲུང་ན་དེ་ལྟར་ན་བསྟན་པ་བཞིན་བྱེད་པ་ཡིན་ནོ།། གང་ཚིག་རྣམས་དང་འཐུན་པར་མི་བྱེད་ན་དེ་ལྟར་ན་བཀའ་བཞིན་བྱེད་པ་ཡིན་ནོ།། སྨྲས་པ ་འཇམ་དཔལ་ཇི་ལྟར་ན་དགེ་སློང་དམ་པའི་ཆོས་ཡོངས་སུ་སྲུང་བ་ཡིན། སྨྲས་པ། གང་མཉམ་པ་ཉིད་ལས་འགལ་བར་མི་བྱེད་ཅིང་ཆོས་ཀྱི་དབྱིངས་རྣམ་པར་འཁྲུག་པར་མི་བྱེད་ན། དེ་ལྟར་ན་དམ་པའི། ་ཆོས་ཡོངས་སུ་སྲུང་བ་ཡིན་ནོ།། སྨྲས་པ། འཇམ་དཔལ་ཇི་ལྟར་ན་དགེ་སློང་དེ་བཞིན་གཤེགས་པ་ལ་ཉེ་བར་གནས་པ་ཡིན། སྨྲས་པ། ཚངས་པ་གང་ཆོས་གང་ལའང་ཉེ་བ་འམ། རིང་བ ་མེད་པར་མཐོང་བའི་དགེ་སློང་དེ་ནི། དེ་བཞིན་གཤེགས་པ་ལ་ཉེ་བར་གནས་པ་ཡིན་ནོ།། སྨྲས་པ། ཇི་ལྟར་ན་འཇམ་དཔལ་དགེ་སློང་དེ་བཞིན་གཤེགས་པ་ལ་རིམ་གྲོ་དང་བསྙེན་བཀུར་བྱེད་པ་ཡིན། ་སྨྲས་པ། ཚངས་པ་དགེ་སློང་གང་ལུས་དང་། ངག་དང་། ཡིད་ཀྱིས་རྟུལ་བར་མི་བྱེད་པའི་དགེ་སློང་དེ་ནི་དེ་བཞིན་གཤེགས་པ་ལ་རིམ་གྲོ་དང་བསྙེན་བཀུར་བྱེད་པའོ།། སྨྲས་པ། འཇམ་དཔལ ་སུས་དེ་བཞིན་གཤེག་པ་ལ་མཆོད་པར་འགྱུར། སྨྲས་པ། ཚངས་པ་གང་བསོད་ནམས་དང་། བསོད་ནམས་མ་ཡིན་པ་དང་། མི་གཡོ་བར་ཉེ་བར་འགྲོ་བའི་འདུ་བྱེད་ཐམས་ཅད་མངོན་པར་འདུ་མི ་བྱེད་པའོ། ། སྨྲས་པ། འཇམ་དཔལ་སུས་དེ་བཞིན་གཤེགས་པ་མཐོང་། སྨྲས་པ། གང་ཤའི་སྤྱན་དང་། ལྷའི་སྤྱན་དང་། ཤེས་རབ་ཀྱི་སྤྱན་དང་། ཆོས་ཀྱི་སྤུན་དང་། སངས ་རྒྱས་ཀྱི་སྤྱན་ལའང་མངོན་པར་མ་ཆག་པ་དེ་དེ་བཞིན་གཤེགས་པ་མཐོང་ངོ་། ། སྨྲས་པ། འཇམ་དཔལ་སུས་ཆོས་མཐོང་། སྨྲས་པ། གང་རྟེན་ཅིང་འབྲེལ་པར་འབྱུང་བ་མཐོང་ཞིང་འགལ་བར ་མི་བྱེད་པ་རྣམས་ཀྱིས་སོ། ། སྨྲས་པ། སུས་རྟེན་ཅིང་འབྲེལ་པར་འབྱུང་བ་མཐོང་། སྨྲས་པ། གང་མཉམ་པ་ཉིད་མི་སྐྱེད་ཅིང་འགལ་བར་མི་བྱེད་པས་སོ།། སྨྲས་པ། འཇམ་དཔལ་སུ ་དག་མངོན་པར་ཤེས་པ་ཐོབ། སྨྲས་པ། གང་ཟག་པ་མི་སྐྱེད་ཅིང་མི་འགོག་པ་རྣམས་སོ།། སྨྲས་པ། འཇམ་དཔལ་སུ་དེ་བཞིན་གཤེགས་པའི་བསླབ་པ་ལ་སློབ། སྨྲས་པ། གང ་མངོན་པར་འདུ་མི་བྱེད་པ་དང་། མྱོང་བར་མི་བྱེད་པ་དང་། མི་སྐྱེད་པ་དང་། སོ་སོར་མི་སྤོང་བ་རྣམས་སོ།། སྨྲས་པ། འཇམ་དཔལ་སུ་ཡང་དག་པར་ཞུགས། སྨྲས་པ། གང་ཁམས ་གསུམ་པ་ལ་མ་ཞུགས་པའོ། ། སྨྲས་པ། འཇམ་དཔལ་གང་ཤིན་ཏུ་དུལ་བ་ཡིན་ནོ།། སྨྲས་པ། གང་ཡང་སྲིད་པ་མི་ལེན་པའོ།། སྨྲས་པ། འཇམ་དཔལ་གང་བདེ་བར་གྱུར་པ། ་ཡིན། སྨྲས་པ། གང་ང་ཡིར་བྱ་བ་མེད་པ་རྣམས་སོ།། སྨྲས་པ། འཇམ་དཔལ་སུ་དག་གྲོལ་བ་ཡིན། སྨྲས་པ། གང་དམིགས་པ་འཁྲུག་པར་མི་བྱེད་པ་རྣམས ་སོ། ། སྨྲས་པ། འཇམ་དཔལ་སུ་དག་རྒལ་བ་ཡིན། སྨྲས་པ། གང་འཁོར་བ་དང་མྱ་ངན་ལས་འདས་པ་ལ་མི་གནས་པ་རྣམས་སོ།། སྨྲས་པ། འཇམ་དཔལ་ཟག་པ་ཟད་པའི ་དགེ་སློང་ཅི་ཟད། སྨྲས་པ། ཚངས་པ་གལ་ཏེ་ཟད་པར་འགྱུར་ན་ནི་ཟག་པ་ཟད་པར་མི་འགྱུར་ཏེ། ཟག་པ་དེ་དག་ནི་སྐད་ཅིག་པ་ཡིན་པ་དེས་དེ་དག་དེ་བཞིན་དུ་ཤེས་པས་ན་དེའི་ཕྱིར་ཟག་པ་ཟད་པ ་ཞེས་བྱའོ། ། སྨྲས་པ། འཇམ་དཔལ་སུ་དག་བདེན་པར་སྨྲ་བ་ཡིན། སྨྲས་པ། གང་རྩོད་པ་ཐམས་ཅད་ལ་ཤིན་ཏུ་འདས་པ་རྣམས་སོ།། སྨྲས་པ། འཇམ་དཔལ་སུ་ལམ་དུ་ཞུགས་པ ་ཡིན། སྨྲས་པ། ཚངས་པ་བྱིས་པ་སོ་སོའི་སྐྱེ་བོ་རྣམས་ལམ་དུ་ཞུགས་པའོ།། སྨྲས་པ། འཇམ་དཔལ་སུ་ལམ་ངན་པར་ཞུགས་པ་ཡིན། སྨྲས་པ། གང་གིས་ཆོས་ཐམས་ཅད ་གང་ནས་ཀྱང་མ་འོངས་པ་དང་། གང་དུའང་མི་འགྲོ་བར་ཤེས་པའི་འཕགས་པ་རྣམས་སོ།། སྨྲས་པ། འཇམ་དཔལ་བདེན་པ་མཐོང་བ་གང་ཡིན། སྨྲས་པ། ཆོས་གང་ཡང་མི་མཐོང ་བའོ། ། དེ་ཅིའི་ཕྱིར་ཞེ་ན། ཇི་ཙམ་དུ་མཐོང་བ་དེ་ཙམ་དུ་བརྫུན་ཏེ། མཐོང་བ་མེད་པ་ནི་བདེན་པ་མཐོང་བའོ།། སྨྲས་པ། གང་མ་མཐོང་བས་བདེན་པ་མཐོང་། སྨྲས་པ། ལྟ་བར ་གྱུར་པ་ཐམས་ཅད་མ་མཐོང་བས་བདེན་པ་མཐོང་བའོ། ། སྨྲས་པ། དེ་གང་དུ་བཙལ་བར་བྱ། སྨྲས་པ། ཕྱིན་ཅི་ལོག་བཞི་དག་ལས་བདེན་པ་བཙལ་བར་བྱའོ།། སྨྲས་པ། འཇམ་དཔའ ་ཅི་ལ་བསམས་ཏེ་འདི་སྐད་སྟོན། སྨྲས་པ། ཕྱིན་ཅི་ལོག་བཞི་ཚོལ་བ་གང་ཡིན་པ་དེ་ལ་རྟག་པའང་མེད། བདེ་བའང་མེད། བདག་ཀྱང་མེད། གཙང་བའང་མེད། གང་ལ་རྟག་པ་མེད་པ་དེ་ནི་མི ་རྟག་པའོ། ། གང་ལ་བདེ་བ་མེད་པ་དེ་ནི་སྡུག་བསྔལ་བའོ།། གང་ལ་བདག་མེད་པ་དེ་ནི་བདག་མེད་པའོ།། གང་ལ་གཙང་བ་མེད་པ་དེ་ནི་མི་གཙང་བའོ།། ཚངས་པ་ཆོས་ཐམས་ཅད་ལ་བདག་མེད་པ ་ནི་འཕགས་པའི་བདེན་པ་ཚོལ་བ་སྟེ། གང་བདེན་པ་ཚོལ་བ་དེ་ནི་སྡུག་བསྔལ་ཡོངས་སུ་མི་ཤེས་པ་ནས། ལམ་གྱི་བར་དུ་མི་སྒོམ་པའོ།། སྨྲས་པ། འཇམ་དཔལ་ཇི་ལྟར་ན་ལམ་ལ་སྒོམ་པ་ཡིན། ་སྨྲས་པ། སྒོམ་པ་ནི་ཇི་ལྟར་དངོས་པོར་ཡང་མི་ལྟུང་། དངོས་པོ་མེད་པར་ཡང་མི་ལྟུང་ཞིང་། ཆོས་གང་ཡང་དངོས་པོར་ཡང་མི་ལྟུང་ངོ་།། དངོས་པོ་མེད་པར་ཡང་མི་བྱེད་དོ།། ཚངས་པ ་གཉིས་དང་བྲལ་བ་ནི་ལམ་མོ། ། ལམ་གང་གིས་བཙལ་བས་ཆོས་ཐམས་ཅད་མི་དམིགས་པ་འདི་ནི་ལམ་མོ།། ལམ་གང་གང་དུའང་ཕྲད་པར་མི་བྱེད། འདོར་བར་ཡང་མི་བྱེད་ཅིང་། འཁོར་བ ་འང་མེད། མྱ་ངན་ལས་འདས་པའང་མེད་པའོ།། དེ་ཅིའི་ཕྱིར་ཞེ་ན། འཕྲད་པར་བྱེད་པའང་མེད། འདོར་བའང་མེད་པ་ནི་འཕགས་པ་རྣམས་ཀྱི་ལམ་མོ།། དེ་ནས་བྲམ་ཟེ་ཤིང་སཱ་ལ་ཆེན ་པོ་ལྟ་བུའི་བུ་མཉམ་པར་གནས་པ་ཞེས་བྱ་བས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ་དཔལ་ཇི་ལྟར་ན་དགེ་བསྙེན་སངས་རྒྱས་ལ་སྐྱབས་སུ་སོང ་བ་ཡིན། ཇི་ལྟར་ན་ཆོས་ལ་སྐྱབས་སུ་སོང་བ་ཡིན། ཇི་ལྟར་ན་དགེ་འདུན་ལ་སྐྱབས་སུ་སོང་བ་ཡིན། སྨྲས་པ། རིགས་ཀྱི་བུ་ནམ་དགེ་བསྙེན་ལྟ་བ་གཉིས་ཉེ་བར་མི་ལེན་པ་སྟེ། གཉིས་གང ་ཞེ་ན། བདག་ཏུ་ལྟ་བ་མི་ལེན། ཕ་རོལ་ཏུ་ལྟ་བ་མི་ལེན། བདག་ཏུ་ལྟ་བ་མི་ལེན། སངས་རྒྱས་སུ་ལྟ་བ་མི་ལེན། བདག་ཏུ་ལྟ་བ་མི་ལེན། ཆོས་སུ་ལྟ་བ་མི་ལེན། དགེ་འདུན་དུ་ལྟ ་པབ་མི་ལེན་པ་དེ་ཙམ་གྱི་དགེ་བསྙེན་སངས་རྒྱས་དང་། ཆོས་དང་། དགེ་འདུན་ལ་སྐྱབས་སུ་སོང་བ་ཡིན་ནོ།། གཞན་ཡང་རིགས་ཀྱི་བུ་ནམ་དགེ་བསྙེན་དེ་བཞིན་གཤེགས་པ་གཟུགས་སུ་ཁས་མི་ལེན།། ་ཚོར་བར་ཡང་མ་ཡིན། འདུ་ཤེས་སུ་མ་ཡིན། འདུ་བྱེད་དུ་མ་ཡིན། དེ་བཞིན་གཤེགས་པ་རྣམ་པར་ཤེས་པར་ཡང་ཁས་མི་ལེན་ན། དེ་ལྟར་ན་སངས་རྒྱས་ལ་སྐྱབས་སུ་སོང་བ་ཡིན་ནོ།། ་ནམ་ཆོས་གང་ལའང་རྣམ་པར་མི་རྟོག་ཅིང་། སྒྲོ་མི་འདོགས་ན། དེ་ལྟར་ན་ཆོས་ལ་སྐྱབས་སུ་སོང་བ་ཡིན་ནོ།། ནམ་དགེ་འདུན་འདུས་མ་བྱས་སུའང་མོས་ལ། འདུས་བྱས་ལས་གུད་ནའང ་འདུས་མ་བྱས་སུ་མོས་པར་ཡང་མི་བྱེད་ན། དེ་ལྟར་ན་དགེ་འདུན་ལ་སྐྱབས་སུ་སོང་བ་ཡིན་ནོ།། གཞན་ཡང་རིགས་ཀྱི་བུ་ནམ་དགེ་བསྙེན་སངས་རྒྱས་སུའང་མི་དམིགས། ཆོས་སུའང་མི་དམིགས། ་དགེ་འདུན་དུའང་མི་དམིགས་ན། དེ་ལྟར་ན་སངས་རྒྱས་དང་། ཆོས་དང་། དགེ་འདུན་ལ་སྐྱབས་སུ་སོང་བ་ཡིན་ནོ།། མཉམ་པར་གནས་པས་སྨྲས་པ། འཇམ་དཔལ་བྱང་ཆུབ་སེམས་དཔའ ་གང་འདི་དག་བྱང་ཆུབ་ཏུ་རབ་ཏུ་ཞུགས་པ་དེ་དག་གང་དུ་རབ་ཏུ་ཞུགས་པ་ཡིན། སྨྲས་པ། བླ་གབ་མེད་པ་ལ་རབ་ཏུ་ཞུགས་སོ།། དེ་ཅིའི་ཕྱིར་ཞེ་ན། བྱང་ཆུབ་ནི་བླ་གབ་མེད་པ་དང་མཚུངས་སོ།། ་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་བྱང་ཆུབ་ཏུ་རབ་ཏུ་ཞུགས་པ་ཞེས་བརྗོད་པར་བྱ། སྨྲས་པ། རིགས་ཀྱི་བུ་ནམ་བྱང་ཆུབ་སེམས་དཔའ་རབ་ཏུ་འཇུག་པ་ཐམས་ཅད་རབ་ཏུ ་འཇུག་པ་མ་ཡིན་པར་རབ་ཏུ་ཤེས་པ་དང་། ཆོས་ཐམས་ཅད་ཆོས་མ་ཡིན་པར་རབ་ཏུ་ཤེས་པ་དང་། སེམས་ཅན་ཐམས་ཅད་སེམས་ཅན་མ་ཡིན་པར་རབ་ཏུ་ཤེས་པ་སྟེ། དེ་ལྟར་ན་རིགས་ཀྱི་བུ་བྱང ་ཆུབ་སེམས་དཔའ་བྱང་ཆུབ་ལ་རབ་ཏུ་ཞུགས་པ་ཞེས་བརྗོད་པར་བྱའོ། ། དེ་ནས་བཅོམ་ལྡན་འདས་ལ། བྲམ་ཟེ་ཤིང་སཱ་ལ་ཆེན་པོ་ལྟ་བུའི་བུ་མཉམ་པར་གནས་པས་འདི་སྐད་ཅེས་གསོལ་ཏོ།། བཅོམ ་ལྡན་འདས་ཇི་ལྟར་ན་བྱང་ཆུབ་སེམས་དཔའ་བྱང་ཆུབ་སེམས་དཔའ་ཞེས་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་རྣམ་བྱང་ཆུབ་སེམས་དཔའ་ལོག་པར་ངེས་པའི་སེམས་ཅན་རྣམས ་ལ་སྙིང་རྗེ་སྐྱེད་ཅིང་། ཡང་དག་པར་ངེས་པའི་སེམས་ཅན་རྣམས་ལ་ལྷག་པར་གུས་པ་མི་སྐྱེད་པའི་ཚིག་བླ་དགས་ནི་བྱང་ཆུབ་སེམས་དཔའ་ཞེས་བྱའོ།། དེ་ཅིའི་ཕྱིར་ཞེ་ན། རིགས་ཀྱི་བུ་བྱང་ཆུབ་སེམས ་དཔའ་ནི་ངེས་པ་དང་མ་ངེས་པའི་སེམས་ཅན་རྣམས་ཀྱི་ཕྱིར་བྱང་ཆུབ་ཏུ་སྨོན་ལམ་མི་འདེབས་ཀྱི། གཞན་དུ་ན་ལོག་པར་ངེས་པའི་སེམས་ཅན་རྣམས་ཀྱི་ཕྱིར་བྱང་ཆུབ་ཏུ་སྨོན་ལམ ་འདེབས་ཏེ། དེའི་ཕྱིར་བྱང་ཆུབ་སེམས་དཔའ་ཞེས་བྱའོ།། དེ་བས་ན་རིགས་ཀྱི་བུ་བྱང་ཆུབ་སེམས་དཔའ་ལོག་པར་ངེས་པའི་སེམས་ཅན་རྣམས་ལ་སྙིང་རྗེ་བར་བྱས་ནས་བྱང་ཆུབ་ཏུ་སྨོན་ལམ་འདེབས ་ཏེ། དེའི་ཕྱིར་བྱང་ཆུབ་སེམས་དཔའ་ཞེས་བྱའོ།། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་བྱང་ཆུབ་ཅེས་བྱ་བས་འདི་སྐད་ཅེས་གསོལ་ཏོ།། བཅོམ་ལྡན་འདས་གང་གི་སླད ་དུ། བྱང་ཆུབ་སེམས་དཔའ་ཞེས་བགྱི་བ་བདག་ཀྱང་སྤོབས་སོ།། བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་ཁྱོད་སྤོབས་པར་གྱིས་ཤིག། བྱང་ཆུབ་ཀྱིས་གསོལ་པ། བཅོམ ་ལྡན་འདས་འདི་ལྟ་སྟེ། སྐྱེས་པ་འམ། བུད་མེད་ཇི་ལྟ་བུར་བསྟན་པའི་ཡན་ལག་བརྒྱད་དང་ལྡན་པའི་གསོ་སྦྱིན་ལ་མ་རལ་མ་ཞིག་པར་ཉེ་བར་གནས་ན། དེ་ཡན་ལག་བརྒྱད་ཀྱི་གསོ་སྦྱིན་ཡང་དག ་པར་བླངས་པ་ཞེས་བགྱི་བའི་གྲངས་སུ་མཆིའོ། ། བཅོམ་ལྡན་འདས་དེ་བཞིན་དུ་བྱང་ཆུབ་སེམས་དཔའ་སེམས་དང་པོ་བསྐྱེད་པ་ནས་བཟུང་སྟེ། བྱང་ཆུབ་ཀྱི་སྙིང་པོའི་བར་དུ། བྱང་ཆུབ་ཀྱི་སེམས ་ལས་མ་གཡོས་པ་ལགས་ཏེ། དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ་སེམས་དཔའ་བློ་གྲོས་བསྟན་པས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང ་ལྷག་པའི་བསམ་པ་བསྟན་པས་སེམས་ཅན་ལ་མི་དམིགས་པའི་བྱམས་པ་དང་ལྡན་པ་ལགས་ཏེ། དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ་སེམས་དཔའ་སེམས་ཅན་སྒྲོལ ་གྱིས་གསོལ་པ། བཅོམ་ལྡན་འདས་འདི་ལྟ་སྟེ། དཔེར་ན་གྲུ་འམ་ཟམ་པ་ནི་སེམས་ཅན་རྒལ་བ་ལ་སྐྱོ་བ་མ་མཆིས་ཤིང་རྣམ་པར་མི་རྟོག་པ་དེ་བཞིན་དུ། བཅོམ་ལྡན་འདས་བྱང་ཆུབ་སེམས ་དཔའ་གང་ལ་སེམས་ཅན་ཐམས་ཅད་བསྒྲལ་བའི་སླད་དུ་དེ་ལྟ་བུའི་སེམས་མཆིས་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། ། བྱང་ཆུབ་སེམས་དཔའ་ངན་སོང་སེལ་གྱིས་གསོལ་པ། ་བཅོམ་ལྡན་འདས་བྱང་ཆུབ་སེམས་དཔའ་གང་སངས་རྒྱས་ཀྱི་ཞིང་གང་དུ་སུག་པ་བཞག་མ་ཐག་ཏུ་ངན་སོང་ཐམས་ཅད་རབ་ཏུ་ཞི་བར་འགྱུར་ཏེ། དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། ་བྱང་ཆུབ་སེམས་དཔའ་སྤྱན་རས་གཟིགས་ཀྱིས་དབང་པོས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་མཐོང་བ་ཙམ་གྱིས་སེམས་ཅན་བྱང་ཆུབ་ཏུ་ངེས་པར་འགྱུར་བ་དང་། མིང་ཐོས ་པས་ཀྱང་འཇིགས་པ་ཐམས་ཅད་ལས་ཡོངས་སུ་ཐར་པར་འགྱུར་ཏེ། དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ་སེམས་དཔའ་མཐུ་ཆེན་ཐོབ་ཀྱིས་གསོལ་པ། བཅོམ་ལྡན ་འདས་བྱང་ཆུབ་སེམས་དཔའ་གང་གོམ་པ་འདོར་ཞིང་མཆི་བ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་བདུད་ཀྱི་ཁམས་ཐམས་ཅད་རབ་ཏུ་གཡོ་བར་འགྱུར་ཏེ། དེ་ནི་དེའི་སླད་དུ་བྱང་ཆུབ ་སེམས་དཔའ་ཞེས་བགྱིའོ། ། བྱང་ཆུབ་སེམས་དཔའ་ཀུན་ཏུ་མི་སྐྱོ་བས་གསོལ་པ། བཅོམ་ལྡན་འདས་གལ་ཏེ་བསྐལ་པ་གངྒཱའི་ཀླུང་གི་བྱེ་མ་སྙེད་ཉིད་ཞག་གཅིག་ཏུ་འགྱུར་ལ། ་དེ་ཉིད་ཞག་ཏུ་བགྲང་བ་དེ་ལྟ་བུའི་ཚུལ་གྱིས་ཞག་བཅོ་ལྔ་ལ་ཟླ་བ་ཕྱེད། ཞག་སུམ་ཅུ་ལ་ཟླ་བ་གཅིག། ཟླ་བ་བཅུ་གཉིས་ལ་ལོ་གཅིག་པའི་ལོ་བྱེ་བ་བརྒྱ་སྟོང་ལ་སངས་རྒྱས་གཅིག་བྱུང་ནས་མཉེས་པར ་བྱེད་དེ། རྣམ་གྲངས་འདི་ལྟ་བུས་གངྒཱའི་ཀླུང་གི་བྱེ་མ་སྙེད་ཀྱི་སངས་རྒྱས་ཀྱི་ཞིང་ན། ཚངས་པར་སྤྱོད་པ་སྤྱད་ནས། ཕྱིས་ལུང་བསྟན་ཀྱང་ཡོངས་སུ་མི་སྐྱོ་བ་སྟེ། དེ་ནི་དེའི་སླད་དུ་བྱང་ཆུབ་སེམས ་དཔའ་ཞེས་བགྱིའོ། ། བྱང་ཆུབ་སེམས་དཔའ་དེད་དཔོན་བཟང་པོས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་ལམ་ངན་པར་ཞུགས་པའི་སེམས་ཅན་ལམ་ངན་པར་ཞུགས་པ་རྣམས་ལ་ལམ ་བཟང་པོ་ལ་དགོད་པའི་སླད་དུ་སྙིང་རྗེ་ཆེན་པོ་བསྐྱེད་ཅིང་། དེ་ལ་ལན་རེ་བ་མ་མཆིས་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ་སེམས་དཔའ་རི་རབ་ཆེན་པོས་གསོལ་པ། བཅོམ ་ལྡན་འདས་བྱང་ཆུབ་སེམས་དཔའ་གང་ཆོས་ཐམས་ཅད་རི་རབ་དང་མཚུངས་ཤིང་རྣམ་པར་མི་རྟོག་པར་རབ་ཏུ་འཚལ་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། ། བྱང་ཆུབ་སེམས་དཔའ་མཐུ ་བོ་ཆེས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་ཉོན་མོངས་པ་ཐམས་ཅད་མི་ཆོམས་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ་སེམས་དཔའ་སེམས་ཀྱིས ་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་སེམས་ཀྱིས་ཆོས་ཐམས་ཅད་ལ་སེམས་ཀྱང་དེ་ལ་མ་སྤྲས་ཤིང་མཉམས་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ ་སེམས་དཔའ་སེང་གེའི་འགྲོས་སུ་འགྲོ་བས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་ཆོས་ཟབ་མོ་ལ་བཟོད་ཅིང་། མི་འཇིགས། མི་སྐྲག་སྟེ། ཕ་རོལ་གྱི་མུ་སྟེགས་ཅན ་ཐམས་ཅད་སྐྲག་པར་བགྱིད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། ། བྱང་ཆུབ་སེམས་དཔའ་བསམ་གྱིས་མི་ཁྱབ་པས་གསོལ་པ། བཅོམ་ལྡན་འདས་གང་སེམས་ལས་བསམ ་གྱིས་མི་ཁྱབ་པར་འཇུག་ཅིང་། མི་སེམས་རྣམ་པར་མི་སེམས་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། ལྷའི་བུ་མཚམས་བཟང་གིས་གསོལ་པ། གང་ལྷའི་གནས་ཐམས་ཅད ་དུའང་སྐྱེ་ལ། ཅི་ལའང་ཆགས་པར་མི་བགྱིད། འདོད་ཆགས་དང་བྲལ་བའི་ཆོས་ཉིད་ཀྱང་ཁོང་དུ་ཆུད་པར་མི་བགྱིད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ་སེམས་དཔའ ་བདེན་པར་སྨྲ་བས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་གིས་ངག་བདེན་པའི་རྗེས་སུ་འཇུག་ཅིང་། རྨི་ལམ་ནའང་བརྫུན་གྱི་ཚིག་མི་སྨྲ་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས ་བགྱིའོ། ། བྱང་ཆུབ་སེམས་དཔའ་མཐོང་ན་དགའ་བས་གསོལ་པ། གང་གཟུགས་ཐམས་ཅད་སངས་རྒྱས་ཀྱི་གཟུགས་སུ་མཐོང་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ ་སེམས་དཔའ་རྟག་ཏུ་སྙིང་བརྩེ་བས་གསོལ་བ། བཅོམ་ལྡན་འདས་བྱང་ཆུབ་སེམས་དཔའ་གང་འཁོར་བར་ཞུགས་པའི་སེམས་ཅན་སྡུག་བསྔལ་བ་རྣམས་མཐོང་ནས། ཆོས་ལ ་དགའ་བ་མ་གཏོགས་པ་དང་། སེམས་ཅན་ཡོངས་སུ་སྨིན་པར་བགྱིད་པ་མ་གཏོགས་པར་དགའ་བ་ཐམས་ཅད་ལ་དགའ་བར་མི་བགྱིད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ ་སེམས་དཔའ་ཐོགས་པ་མེད་ཀྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་ཉོན་མོངས་པ་ཐམས་ཅད་དང་། བདུད་ཐམས་ཅད་ལའང་ཐོགས་པ་མ་མཆིས་པར་འགྱུར་བ་དེ་ནི་དེའི་སླད ་དུ་བྱང་ཆུབ་སེམས་དཔའ་ཞེས་བགྱིའོ། ། བྱང་ཆུབ་སེམས་དཔའ་རྟག་ཏུ་དགའ་དགོད་དབང་པོས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་རྟག་ཏུ་དགོད་པ་དང་རབ་ཏུ་དགའ་བའི ་དབང་པོ་དག་གིས་བདག་གི་བསམ་པ་ཡོངས་སུ་རྫོགས་ཤིང་བགྱི་བ་བགྱིས་པ། བགྱིད་པ་བགྱིས་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། སྲིང་མོ་ཡིད་གཉིས་རྣམ་པར་འཇོམས་མས། ་གསོལ་བ། བཅོམ་ལྡན་འདས་བྱང་ཆུབ་སེམས་དཔའ་གང་ཆོས་ཐམས་ཅད་ལ་ཡིད་གཉིས་མ་མཆིས་ཤིང་ཐེ་ཙོམ་མ་མཆིས་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། གཞོན་ནུ་མ ་སེང་གེས་གསོལ་པ། བཅོམ་ལྡན་འདས་གང་ལ་བུད་མེད་ཀྱི་ཆོས་ཀྱང་མ་མཆིས། སྐྱེས་པའི་ཆོས་ཀྱང་མ་མཆིས་ལ། སེམས་ཅན་ཡོངས་སུ་སྨིན་པར་བགྱི་བའི་སླད་དུ། གཟུགས་སྣ་ཚོགས ་ཀྱང་སྟོན་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། ། བུ་མོ་རིན་ཆེན་གྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་སངས་རྒྱས་དང་། ཆོས་དང་། དགེ ་འདུན་རིན་པོ་ཆེ་མ་གཏོགས་པའི་རིན་པོ་ཆེ་གཞན་ལ་དགའ་བ་མི་སྐྱེད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། ། དགེ་བསྙེན་ས་གས་བྱིན་གྱིས་གསོལ་པ། བཅོམ་ལྡན་འདས་དམིགས ་པ་ཅན་ལ་ནི་བྱང་ཆུབ་མ་མཆིས་ཏེ། གང་ཆོས་ཐམས་ཅད་ལ་མི་དམིགས་པ་དང་། མི་སྐྱེད་མི་འགོག་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། ཁྱིམ་བདག་བཟང་སྐྱོང་གིས ་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་གི་མིང་ཙམ་བཟུང་བས་སེམས་ཅན་བྱང་ཆུབ་ཏུ་ངེས་པར་འགྱུར་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། གཞོན ་ནུར་གྱུར་པ་རིན་ཆེན་ཟླ་བས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་རྟག་ཏུ་རྒྱུན་མི་འཆད་པར་གཞོན་ནུའི་ཚངས་པར་སྤྱོད་པ་དང་ལྡན་ཞིང་འདོད་པ་ལ་རྟོག་པས་ཀྱང་ཡོངས་སུ ་མི་སྤྱོད་ན། གཉིས་ཀྱི་དབང་པོ་གཉིས་འཇལ་བ་ལྟ་ཅི་སྨོས་ཏེ། དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། ལྷའི་བུ་མནྡ་ར་བའི་དྲི་ཡིས་གསོལ་པ། བཅོམ་ལྡན་འདས ་བྱང་ཆུབ་སེམས་དཔའ་གང་ཚུལ་ཁྲིམས་ཀྱི་དྲིས་ཡོང་སུ་བསྒོས་པས་གང་ཚུལ་ཁྲིམས་ཀྱི་དྲི་ལས་དྲི་གཞན་གྱི་ངད་མི་ལྡང་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། ། བྱང་ཆུབ་སེམས ་དཔའ་དགའ་བྱེད་ཀྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་སངས་རྒྱས་ལ་བསྙེན་བཀུར་བགྱི་བ་དང་། དམ་པའི་ཆོས་ཡོངས་སུ་གཟུང་བ་དང ་སེམས་ཅན་ཡོངས་སུ་སྨིན་པར་བགྱི་བ་དང་། ཆོས་གསུམ་གྱིས་དགའ་བར་བགྱིད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། ཚངས་པ་ཁྱད་པར་སེམས་ཀྱིས་གསོལ་པ ་བཅོམ་ལྡན་འདས་བྱང་ཆུབ་སེམས་དཔའ་གང་སངས་རྒྱས་ཀྱི་ཆོས་མ་ལགས་པའི་ཆོས་གང་ཡང་མ་མཆིས་སོ་ཞེས་སྣང་བར་འགྱུར་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། ། བྱང་ཆུབ ་སེམས་དཔའ་བྱམས་པས་གསོལ་བ། བཅོམ་ལྡན་འདས་བྱང་ཆུབ་སེམས་དཔའ་གང་མཐོང་མ་ཐག་ཏུ་སེམས་ཅན་དག་བྱམས་པའི་ཏིང་ངེ་འཛིན་ཐོབ་པར་འགྱུར་བ་དེ་ནི་དེའི་སླད་དུ་བྱང་ཆུབ་སེམས ་དཔའ་ཞེས་བགྱིའོ། ། འཇམ་དཔལ་གཞོན་ནུར་གྱུར་པས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་ཆོས་སྟོན་པ་ཐམས་ཅད་ཀྱང་སྟོན་ལ། ཆོས་སུ་འདུ་ཤེས་པའང་མ ་མཆིས། ཆོས་མ་ལགས་པར་འདུ་ཤེས་པའང་མ་མཆིས། བདག་ཏུ་འདུ་ཤེས་པའང་མ་མཆིས། ཕ་རོལ་ཏུ་འདུ་ཤེས་པའང་མི་བགྱིས་ཏེ། དེ་ནི་དེའི་སླད་དུ་བྱང་ཆུབ་སེམས་དཔའ་ཞེས ་བགྱིའོ། ། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་གིས་འོད་ཀྱིས་སེམས་ཅན་རྣམས་ཀྱི་ཉོན་མོངས་པ་ཐམས་ཅད་རབ་ཏུ་ཞི ་བར་བགྱིད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། ། བྱང་ཆུབ་སེམས་དཔའ་ཀུན་ཏུ་མེ་ཏོག་གིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་ཕྱོགས་བཅུའི་འཇིག ་རྟེན་ན། སངས་རྒྱས་ཀྱི་ཞིང་ཐམས་ཅད་དེ་བཞིན་གཤེགས་པ་རྣམས་ཀྱིས་མེ་ཏོག་རྒྱས་པ་ལྟ་བུར་མཐོང་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། དེ་ལྟར་བྱང་ཆུབ་སེམས་དཔའ་དེ་དག ་གིས་རང་རང་གི་སྤོབས་པ་རྣམ་པར་བཤད་དོ། ། དེ་ནས་བཅོམ་ལྡན་འདས་ཀྱིས། བྲམ་ཟེ་ཤིང་སཱ་ལ་ཆེན་པོ་ལྟ་བུའི་བུ་མཉམ་པར་གནས་པ་ལ་བཀའ་སྩལ་པ། བྱང་ཆུབ་སེམས་དཔའ་གང་སྡུག་བསྔལ་བའི ་སེམས་ཅན་ཐམས་ཅད་ཐར་པར་བྱ་བར་སྤྲོ་ཞིང་དག་པའི་རྩ་བ་ཐམས་ཅད་ཀྱང་སེམས་ཅན་ཐམས་ཅད་ལ་གཏོང་བ་དེ་ནི་དེའི་ཕྱིར་བྱང་ཆུབ་སེམས་དཔའ་ཞེས་བགྱིའོ། ། དེ་ནས་ཚངས་པ་ཁྱད་པར་སེམས་ཀྱིས། ་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། རིགས་ཀྱི་བུ་ཁྱོད་གནས་པ་ཇི་ལྟ་བུས་གནས་པར་བྱེད། སྨྲས་པ། གནས་པ་གང་གིས་འདུས་བྱས་ཐམས་ཅད་ལ་ཞུགས་པའི་སེམས་ཅན ་ཐམས་ཅད་གནས་པའོ། ། སྨྲས་པ། གནས་པ་ནི་འདུས་བྱས་ཐམས་ཅད་ལ་ཞུགས་པའི་སེམས་ཅན་ཐམས་ཅད་གནས་པ་གང་གིས་གནས། སྨྲས་པ། གང་གིས་དེ་བཞིན་གཤེགས་པ་ཐམས ་ཅད་གནས་པ་གང་གིས་གནས་པའོ། ། སྨྲས་པ། དེ་བཞིན་གཤེགས་པ་ཐམས་ཅད་གནས་པ་གང་གིས་གནས་པར་མཛད། སྨྲས་པ། དོན་དམ་པའི་སྟོང་པ་ཉིད་ལ་གནས་པས་སོ།། སྨྲས་པ། ་གལ་ཏེ་རིགས་ཀྱི་བུ་གནས་པ་གང་གིས་བྱིས་པ་སོ་སོའི་སྐྱེ་བོ་ཐམས་ཅད་གནས་པ་དེས། དེ་བཞིན་གཤེགས་པ་ཐམས་ཅད་གནས་པར་མཛད་ན། དེ་བཞིན་གཤེགས་པ་རྣམས ་ལ་ཁྱད་པར་དུ་འཕགས་པ་ཅི་ཞིག་ཡོད། སྨྲས་པ། ཚངས་པ་དེ་སྟོང་པ་ཉིད་ལ་ཁྱད་པར་ཡོད་པར་འདོད་དམ། སྨྲས་པ། འཇམ་དཔའ་དེ་ནི་མ་ཡིན་ནོ།། འཇམ་དཔལ་གྱིས་སྨྲས་པ། ་བཅོམ་ལྡན་འདས་ཀྱིས་ཆོས་ཐམས་ཅད་སྟོང་པ་ཞེས་བཤད་དམ། སྨྲས་པ། དེ་དེ་བཞིན་ནོ།། སྨྲས་པ། ཚངས་པ་དེའི་ཕྱིར་ཆོས་ཐམས་ཅད་བྱེ་བྲག་མེད་དེ། དེ་དག་གི་གནས་པའང་དེའི ་མཚན་ཉིད་དོ། ། ཚངས་པ་དེ་བཞིན་གཤེགས་པ་ནི་ཆོས་ཐ་དད་དུ་མི་འདོགས་སོ།། སྨྲས་པ། འཇམ་དཔལ་གནས་པ་གནས་པ་གནས་པ་ཞེས་བྱ་བའི་གནས་པ་དེ་གང་ཡིན། སྨྲས་པ། ་ཚངས་པ་གང་ལ་ཚངས་པའི་གནས་བཞི་ཡོད་པ་འདི་ནི་གནས་ཞེས་བྱ་སྟེ། གང་ཚངས་པ་ཚངས་པའི་གནས་བཞི་དང་བྲལ་བ་དེ་ནི་གནས་ལ་གནས་པ་མ་ཡིན་ནོ།། གནས་གང་ལ་གནས་པས་ཚངས་པའི ་གནས་བཞི་རྫོགས་པར་བྱས་ཏེ། གནས་པ་དེ་དག་ནི་གནས་ལ་གནས་པའོ།། ཚངས་པ་དགོན་པ་འམ། བླ་གབ་མེད་པ་ན་གནས་ཀྱང་ཚངས་པའི་གནས་བཞི་དང་བྲལ་ན། དེ་གནས་ལ་གནས ་པ་མ་ཡིན་ནོ། ། གནས་པ་ལ་མཁས་པ་མ་ཡིན་ནོ།། སྨྲས་པ། དེ་སྟེ་ཡང་ཐོག་དང་ཁང་བུ་བརྩེགས་པར་གསེར་གྱི་ཁྲི་ལ་གདིང་བ་དང་དགབ་པ་བཤམ་པའི་གནས་ན་གནས་ཀྱང་ཚངས་པའི་གནས ་བཞི་དང་ལྡན་ན་དེ་དག་གནས་ལ་གནས་ཤིང་གནས་ལ་མཁས་པ་ཡིན་ནོ། ། སྨྲས་པ། གནས་པ་གང་གིས་གནས་ན་ཡེ་ཤེས་མཐོང་བར་འགྱུར། སྨྲས་པ། གནས་པ་གང་གིས་གནས་ན ་བདག་མཐོང་བ་རྣམ་པར་དག་པར་འགྱུར་བའོ། ། སྨྲས་པ། ཅི་འཇམ་དཔལ་གང་དག་མཐོང་བ་དེ་ཡེ་ཤེས་མཐོང་བ་འམ། སྨྲས་པ། ཚངས་པ་དེ་དེ་བཞིན་ཏེ། གང་བདག་མཐོང་བ་དེ ་ཡེ་ཤེས་མཐོང་བའོ། ། ཚངས་པ་འདི་ལྟ་སྟེ། དཔེར་ན་སྐྱེས་བུ་གསེར་ལྟ་མཁས་པ་ནི་ངན་པ་ལྟ་ཤེས་པས་བཟང་པོ་ལྟ་ཤེས་པ་ལ་ངེས་པར་འབྱུང་ངོ་།། དེ་བཞིན་དུ་བདག་མཐོང་བས་ཡེ་ཤེས ་མཐོང་བ་རྣམ་པར་དག་པར་འགྱུར་རོ། ། སྨྲས་པ། འཇམ་དཔལ་བདག་མཐོང་བ་གང་ཡིན། སྨྲས་པ། གང་བདག་མེད་པའི་ཆོས་ཉིད་དེ། ཚངས་པ་བདག་ནི་ཤིན་ཏུ་དངོས་པོ་མེད་པ ་མ་གྲུབ་པ་གང་དེ་ལྟར་མགོ་གཅིག་ཏུ་གྱུར་པ་དེ་ནི་བདག་མཐོང་བ་ཞེས་བྱའོ། ། སྨྲས་པ། འཇམ་དཔལ་ཁྱོད་ཀྱིས་ཇི་ལྟར་བཤད་པའི་དོན་ངས་ཤེས་ཏེ། བདག་མཐོང་བས་སངས་རྒྱས་མཐོང ་ངོ། ། དེ་ཅིའི་ཕྱིར་ཞེ་ན། བདག་གི་ངོ་བོ་ཉིད་ཀྱིས་སངས་རྒྱས་ཀྱི་ངོ་བོ་ཉིད་དོ།། སྨྲས་པ། ཚངས་པ་དེ་དེ་བཞིན་ནོ།། སྨྲས་པ། འཇམ་དཔལ་གང་གིས་དེ་བཞིན་གཤེགས་པ་མཐོང། ་སྨྲས་པ། གང་བདག་ཏུ་ལྟ་བ་འཁྲུགས་པར་མི་བྱེད་པས་སོ།། དེ་ཅིའི་ཕྱིར་ཞེ་ན། བདག་ཏུ་ལྟ་བ་ནི་ཆོས་སུ་ལྟ་བ་སྟེ། ཆོས་མཐོང་བས་སངས་རྒྱས་མཐོང་ངོ་།། སྨྲས་པ། འཇམ ་དཔལ་རྣམ་གྲངས་གང་གིས་གང་མ་ཞུགས་པ་དེ་དག་ཡང་དག་པར་ཞུགས་པར་འགྱུར་བ་ཡོད་དམ། སྨྲས་པ། ཚངས་པ་གང་འདུས་བྱས་ཀྱི་དངོས་པོ་ཐམས་ཅད་ལ་མ་ཞུགས ་པ་དེ་ཡང་དག་པར་ཞུགས་པ་ཡིན་ནོ། ། སྨྲས་པ། ཇི་ལྟ་བུ་ལ་ཞུགས་ན་ཡང་དག་པར་ཞུགས་པ་ཞེས་བྱ། སྨྲས་པ། གང་སྤོང་བའི་ཕྱིར་ཡང་མ་ཡིན། མངོན་དུ་བྱ་བའི་ཕྱིར་ཡང་མ ་ཡིན་པ་ལ་འཇུག་པ་དེ་ནི་ཡང་དག་པར་ཞུགས་པ་ཞེས་བྱའོ། ། སྨྲས་པ། འཇམ་དཔལ་གང་དག་གིས་དེ་བཞིན་གཤེགས་པ་མ་མཐོང་ལགས། འཕགས་པ་ཤེས་རབ་ཀྱི་མིག་རྣམ་པར་སྦྱངས ་པར་འགྱུར་བའི་རྣམ་གྲངས་ཡོད་དམ། སྨྲས་པ། ཚངས་པ་གང་དེ་བཞིན་གཤེགས་པ་ལ་གཉིས་སུ་མི་ལྟ་བ་དེ་དག་གིས་འཕགས་པའི་ཤེས་རབ་ཀྱི་མིག་རྣམ་པར་དག་པར་འགྱུར་རོ།། སྨྲས ་པ། འཇམ་དཔལ་ཤེས་རབ་ཀྱི་མིག་གིས་ཅི་མཐོང་། སྨྲས་པ། ཚངས་པ་གལ་ཏེ་ཆོས་གང་ཡང་མཐོང་བར་གྱུར་ན། ཤེས་རབ་ཀྱི་མིག་མ་ཡིན་པར་འགྱུར་རོ།། ཚངས་པ་ཤེས་རབ་ཀྱི ་མིག་ནི་འདུས་བྱས་ཀྱང་མི་མཐོང་། འདུས་མ་བྱས་ཀྱང་མི་མཐོང་ངོ་།། དེ་ཅིའི་ཕྱིར་ཞེ་ན། ཤེས་རབ་ནི་རྣམ་པར་མི་རྟོག་པ་སྟེ། དེ་ནི་འདུས་བྱས་མཐོང་བར་རུང་བ་མ་ཡིན་ནོ།། ་འདུས་མ་བྱས་ཀྱང་མིག་གི་ལམ་ལས་འདས་པས་དེའང་མི་མཐོང་ངོ་།། སྨྲས་པ། འཇམ་དཔལ་ཡང་དག་པར་ཞུགས་པའི་དགེ་སློང་འབྲས་བུ་འཐོབ་པར་མི་འགྱུར་བའི་རྣམ་གྲངས་ཡོད་དམ། ་སྨྲས་པ། ཚངས་པ་ཡང་དག་པར་སྦྱོར་བ་ལ་འབྲས་བུ་ཐོབ་པ་མེད་པ་ཡོད་དོ།། ཡང་དག་པའི་སྦྱོར་བ་ནི་གང་ལའང་མི་སྦྱོར་བའོ།། དེ་ལ་འབྲས་བུ་འཐོབ་པར་རྣམ་པར་རྟོག་པའང་མེད་དེ། ཚངས ་པ་འཐོབ་པ་མེད་པ་ལས་འཐོབ་པར་བལྟའོ། ། གང་འཐོབ་པ་དེ་ནི་མངོན་པའི་ང་རྒྱལ་དང་བཅས་པའོ།། ཡང་དག་པའི་སྦྱོར་བ་ལ་ནི་མངོན་པའི་ང་རྒྱལ་དང་། མངོན་པའི་ང་རྒྱལ་མེད་པའང ་མེད། ཐོབ་པའང་མེད། མངོན་པར་རྟོགས་པའང་མེད་དོ།། སྨྲས་པ། འཇམ་དཔལ་ཆོས་གང་དག་མངོན་སུམ་དུ་རྟོགས་པར་བྱ་བའི་ཕྱིར། ཁོང་དུ་ཆུད་པ་ཞེས་བསྟན། སྨྲས་པ། ་ཚངས་པ་ཆོས་གང་མ་སྐྱེད་སྐྱེད་པར་མི་འགྱུར་བའི་ཆོས་དེ་དག་མངོན་པར་རྟོགས་པར་བྱ་བའི་ཕྱིར་ཁོང་དུ་ཆུད་པའོ་ཞེས་བསྟན་ཏོ།། སྨྲས་པ། འཇམ་དཔལ་མི་སྐྱེད་པའི་ཆོས་ལ་མངོན་པར་རྟོགས་པ ་གང་ཡིན། སྨྲས་པ། གང་མི་སྐྱེད་པ་དེ་ཉིད་མངོན་པར་རྟོགས་པ་ཡིན་ཏེ། དེའི་ཕྱིར་འདུས་བྱས་ཐམས་ཅད་མ་སྐྱེད་པར་མཐོང་ཞིང་ཡང་དག་པ་ཉིད་དུ་ངེས་པར་འཇུག་པ་ཞེས་བྱའོ།། སྨྲས་པ། ་འཇམ་དཔལ་ཡང་དག་པ་ཉིད་དུ་ངེས་པ་ཞེས་བྱ་དེ་གང་ལ་བྱ། སྨྲས་པ། བདག་དང་མྱ་ངན་ལས་འདས་པ་མཚུངས་ཏེ། འདི་ནི་གཉིས་སུ་མེད་ཅིང་གཉིས་སུ་བྱར་མེད་དེ། དེ་བས་ན་ཡང་དག་པ ་ཉིད་དུ་ངེས་པ་ཞེས་བྱའོ། ། ཡང་དག་པ་ཉིད་དུ་ཞུགས་པ་ན། དེའི་ཕྱིར་ཡང་དག་པར་ངེས་པ་ཞེས་བྱའོ།། མཉམ་པ་ཉིད་ཀྱི་མཉམ་པ་ཉིད་ལ་ངེས་པར་བྱུང་བ་ན་དེའི་ཕྱིར་ཡང་དག་པར་ངེས་པ་ཞེས་བྱའོ།། ་ངེས་པའི་དོན་ལ་དོན་འདྲེས་པས་ན་དེའི་ཕྱིར་ཡང་དག་པར་ངེས་པ་ཞེས་བྱའོ།། ཏིང་ངེ་འཛིན་ཐམས་ཅད་ལ་སྒྲོ་བཏགས་པ་མེད་པའི་ཕྱིར་དེ་ནི་ཡང་དག་པར་ངེས་པ་ཞེས་བྱའོ།། ་དེ་ནས་བཅོམ་ལྡན་འདས་ཀྱིས། འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ། འཇམ་དཔལ་ཁྱོད་ཀྱིས་ཚིག་འདི་ལེགས་པར་སྨྲས་ཏེ། ཇི་ལྟར་སྟོན་པ་དེ་དེ་བཞིན་ནོ།། ་ཁྱོད་ཀྱིས་བསྟན་པ་འདི་བཤད་པ་ན། དགེ་སློང་བདུན་སྟོང་ལེན་པ་མེད་པར་ཟག་པ་ལས་སེམས་རྣམ་པར་གྲོལ་ལོ།། ལྷའི་བུ་སྟོང་ཕྲག་སུམ་ཅུ་རྩ་གཉིས་ཆོས་རྣམས་ལ་རྡུལ་མེད་ཅིང་རྡུལ་དང་བྲལ ་བའི་ཆོས་ཀྱི་མིག་སྐྱེས་སོ། ། སྲོག་ཆགས་སྟོང་ཕྲག་བཅུ་འདོད་ཆགས་དང་བྲལ་བ་ཐོབ་བོ།། སྲོག་ཆགས་ཉིས་བརྒྱ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ།། བྱང ་ཆུབ་སེམས་དཔའ་ལྔ་སྟོང་མི་སྐྱེ་བའི་ཆོས་ལ་བཟོད་པ་སྐྱེས་སོ། ། དེ་ནས་བཅོམ་ལྡན་འདས་ལ། ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་འཇམ་དཔལ་གཞོན ་ནུར་གྱུར་པས་སངས་རྒྱས་ཀྱི་བགྱི་བ་བགྱིས་སོ། ། འཇམ་དཔལ་གྱིས་སྨྲས་པ། ཚངས་པ་སངས་རྒྱས་འབྱུང་བ་གང་ལའང་ཕན་པ་འམ། གནོད་པར་ཉེ་བར་མི་གནས་སོ།། སྨྲས་པ ་འཇམ་དཔལ་བཅོམ་ལྡན་འདས་ཀྱིས་ཚད་མེད་པའི་སེམས་ཅན་ཡོངས་སུ་མྱ་ངན་ལས་འདས་ཏེ། ཁྱོད་ཀྱང་ཚད་མེད་པའི་སེམས་ཅན་ཡོངས་སུ་མྱ་ངན་ལས་འདའ་བར་བྱེད་པ་མ་ཡིན་ནམ། སྨྲས་པ། ་ཚངས་པ་སེམས་ཅན་མེད་པ་ལ་སེམས་ཅན་དུ་རབ་ཏུ་འབྱེད་པར་འདོད་དམ། སྨྲས་པ། དེ་མ་ཡིན་ནོ།། སྨྲས་པ། ཚངས་པ་སེམས་ཅན་མེད་པ་ལ་སེམས་ཅན་དུ་བསྟན་པ་འམ། སེམས ་ཅན་མེད་པ་ལ་སེམས་ཅན་ཡོངས་སུ་གྲུབ་པར་འདོད་དམ། སྨྲས་པ། དེ་མ་ཡིན་ནོ།། སྨྲས་པ། ཚངས་པ་དེ་བཞིན་གཤེགས་པ་འབྱུང་བ་འམ། འགག་པར་འདོད་དམ། སྨྲས་པ། ་དེ་མ་ཡིན་ནོ།། སྨྲས་པ། དེ་བཞིན་གཤེགས་པས་ཡོངས་སུ་མྱ་ངན་ལས་འདས་པའི་སེམས་ཅན་དེ་དག་གང་ཡིན། སྨྲས་པ། འཇམ་དཔལ་གཞོན་ནུར་གྱུར་པ་ཆོས་ཀྱི་ཚུལ་གྱི་རྣམ་པ་གང་གིས ་སྟོན་པ་ལྟར་ན་འདི་ལ་འཁོར་བའང་མེད། མྱ་ངན་ལས་འདས་པའང་མེད་དོ།། སྨྲས་པ། ཚངས་པ་དེ་དེ་བཞིན་ཏེ། དེ་བཞིན་གཤེགས་པས་འཁོར་བ་འང་མི་དམིགས། ཡོངས་སུ་མྱ ་ངན་ལས་འདས་པའང་མ་དམིགས་སོ། ། ཚངས་པ་བཅོམ་ལྡན་འདས་ཀྱིས་གང་ཉན་ཐོས་བཏུལ་བ་དེ་དག་གིས་ཀྱང་འཁོར་བའང་མ་དམིགས། མྱ་ངན་ལས་འདས་པའང་མ་དམིགས་སོ།། ཚངས ་པ་ཡོངས་སུ་མྱ་ངན་ལས་འདས་པ་ཞེས་བྱ་བ་འདི་ནི་བཏགས་པའི་ཚིག་ཐ་སྙད་ཙམ་སྟེ། འདི་ལ་གང་ཡང་འཁོར་བའང་མེད། ཡོངས་སུ་མྱ་ངན་ལས་འདའ་བའང་མེད་དོ།། སྨྲས་པ། འཇམ ་དཔལ་འདི་ལ་སུ་དག་དད་པར་འགྱུར། སྨྲས་པ། གང་ཆོས་གང་ལའང་མངོན་པར་ཆགས་པར་མི་འགྱུར་བ་རྣམས་སོ།། སྨྲས་པ། འཇམ་དཔལ་མངོན་པར་ཆགས་པ་ཞེས་བྱ་བ་དེ་ནི་ཅི་ལ ་མངོན་པར་ཆགས། སྨྲས་པ། ཚངས་པ་མངོན་པར་ཆགས་པ་ཞེས་བྱ་བ་ནི་མེད་པ་ལ་མངོན་པར་ཆགས་སོ།། གལ་ཏེ་ཚངས་པ་ཡོད་པ་ལ་མངོན་པར་ཆགས་པར ་གྱུར་ན། འདི་ལྟར་ཤིན་ཏུ་མངོན་པའི་ང་རྒྱལ་དང་བྲལ་བར་གྱུར་པ་མ་ཡིན་ནོ།། འདི་ལྟར་མེད་པ་ལ་མངོན་པར་ཆགས་པ་སྟེ། དེ་བས་ན་མེད་པའོ་ཞེས་རྟོགས་ནས། མངོན་པར་ཆགས ་པར་མི་བྱེད་དེ། གང་མངོན་པར་ཆགས་པར་མི་བྱེད་པ་དེ་མི་འཁོར་རོ།། གང་མི་འཁོར་བ་དེ་རྣམ་པར་མི་འགྲོ་བའོ།། གང་རྣམ་པར་མི་འགྲོ་བ་དེ་མྱ་ངན་ལས་འདས་པ་ཞེས་བྱའོ།། སྨྲས ་པ། འཇམ་དཔལ་ཡོངས་སུ་མྱ་ངན་ལས་འདས་པ་ཞེས་བྱ་བ་ཅིའི་གཉེན་པོ་ཡིན་པའི་ཕྱིར་མྱ་ངན་ལས་འདས་པ་ཞེས་བྱ། སྨྲས་པ། ཚངས་པ་ཡོངས་སུ་མྱ་ངན་ལས་འདས་པ་ཞེས་བྱ་བ་ནི་ཕན ་ཚུན་རྐྱེན་ལ་སྒྲོ་མི་འདོགས་པའི་ཕྱིར་རོ། ། མ་རིག་པ་མངོན་པར་འདུ་མི་བྱེད་པ་དང་། འདུ་བྱེད་མི་འཇུག་པས་ཀྱང་ཉེ་བར་མི་སྦྱོར་ཏེ། གང་ཉེ་བར་མི་སྦྱོར་བ་དེ་ནི་ཀུན་ནས་མི་སློང་ངོ་།། གང ་ཀུན་ནས་མི་སློང་བ་དེ་ནི་ཡོངས་སུ་མྱ་ངན་ལས་འདས་པ་ཞེས་བྱའོ། ། ཀུན་ནས་མི་སློང་བར་སྤྱོད་པ་དེ་ནི་ཤིན་ཏུ་འགོག་པའོ།། དེའི་ལམ་མངོན་པར་རྟོགས་པ་ནི་ཤིན་ཏུ་མི་སྐྱེ་བ་ཡིན་ཏེ། འདི ་ནི་འཕགས་པའི་བདེན་པ་བཞི་ཞེས་བྱའོ། ། དེ་ནས་བྲམ་ཟེ་ཤིང་སཱ་ལ་ཆེན་པོ་ལྟ་བུའི་བུ་མཉམ་པར་གནས་པས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ ་དཔལ་ཁྱོད་ཀྱིས་བསྟན་པ་ཐམས་ཅད་ནི་ཡང་དག་པར་བསྟན་པའོ། ། སྨྲས་པ། རིགས་ཀྱི་བུ་ཚིག་ཐམས་ཅད་ནི་ཡང་དག་པའོ།། སྨྲས་པ། འཇམ་དཔལ་གང་བརྫུན་གྱི་ཚིག་ཡོད་པ ་པ་མ་ཡིན་པ། ཡང་དག་པ་མ་ཡིན་པ་གང་ཡིན་པ་དེ་ཡང་དག་པ་འམ། སྨྲས་པ། རིགས་ཀྱི་བུ་དེའང་ཡང་དག་པའོ།། དེ་ཅིའི་ཕྱིར་ཞེ་ན། འདི་ལྟར་ངག་ཐམས་ཅད་ནི་དབང་དུ་གྱུར ་བ་སྟེ། ཡུལ་ལ་གནས་པའང་མ་ཡིན། ཕྱོགས་ལ་གནས་པའང་མ་ཡིན་ནོ།། གང་དབང་དུ་གྱུར་ཅིང་ཡུལ་ལའང་མི་གནས། ཕྱོགས་ལའང་མི་གནས་པ་དེ་ནི་མེད་པའི་ཕྱིར་ཡང་དག ་བ་སྟེ། དེའི་ཕྱིར་ཚིག་ཐམས་ཅད་ཀྱང་ཡང་དག་པ་ཞེས་བྱའོ།། གང་ཡང་ལྷ་སྦྱིན་གྱིས་ཚིག་སྨྲས་པ་དང་། གང་དེ་བཞིན་གཤེགས་པས་ཚིག་སྤྲས་པ་ཚིག་དེ་གཉིས་ཐ་དད་པ་མ་ཡིན་ནོ།། ་དེ་ཅིའི་ཕྱིར་ཞེ་ན། ཚིག་ཐམས་ཅད་ནི་དེ་བཞིན་གཤེགས་པའི་ཚིག་སྟེ། ཐམས་ཅད་ནི་དེ་བཞིན་ཉིད་ལས་མི་འདའ་བའོ།། གང་ཚིག་གིས་རྣམ་པར་རིག་པར་བྱས་པ་དེ་ཐམས་ཅད་ནི་རྣམ ་པར་རིག་པ་མེད་པས་རྣམ་པར་རིག་པར་བྱས་པ་སྟེ། དེ་བས་ན་ཚིག་ཐམས་ཅད་ཡི་གེ་མཉམ་པའི་ཕྱིར། ཡི་གེ་མཚུངས་པའི་ཕྱིར། ཡི་གེ་སྟོང་པའི་ཕྱིར་ཚིག་ཐམས་ཅད་ནི་མཚུངས་པའོ།། ་མཉམ་པར་གནས་པས་སྨྲས་པ། འཇམ་དཔལ་དེ་བཞིན་གཤེགས་པས་འཕགས་པའི་ཐ་སྙད་དུ་འདོགས་པ་དང་། འཕགས་པ་མ་ཡིན་པའི་ཐ་སྙད་དུ་འདོགས་པ་ཞེས་མ་གསུངས་སམ ་སྨྲས་པ། རིགས་ཀྱི་བུ་ཡི་གེ་གང་དག་གིས་འཕགས་པ་རྣམས་ཐ་སྙད་དུ་འདོགས་པའི་ཡི་གེ་དེ་དག་ཉིད་ཀྱིས་འཕགས་པ་མ་ཡིན་པ་རྣམས་ཀྱང་ཐ་སྙད་དུ་འདོགས་སོ།། ་སྨྲས་པ། འཇམ་དཔལ་དེ་དེ་བཞིན་ནོ།། སྨྲས་པ། ཅི་ཡི་གེ་དེ་དག་འཕགས་པ་འམ། འཕགས་པ་མ་ཡིན་པ་ཞེས་རྟོག་གམ། སྨྲས་པ། དེ་མ་ཡིན་ནོ།། སྨྲས་པ ་ཇི་ལྟར་ཡི་གེ་དེ་དག་མི་རྟོག། རྣམ་པར་མི་རྟོག་པ་དེ་བཞིན་དུ། འཕགས་པ་རྣམས་ནི་རྟོག་པ་དང་རྣམ་པར་རྟོག་པ་ཐམས་ཅད་དང་བྲལ་བའོ།། དེ་དག་ལ་ཐ་སྙད་མེད་དེ། འཕགས་པ་རྣམས ་ནི་ཡི་གེར་འདུ་ཤེས་པས་ཐ་སྙད་དུ་མི་འདོགས་སོ། ། ཆོས་སུ་འདུ་ཤེས་པས་མ་ཡིན། ཆོས་མ་ཡིན་པར་འདུ་ཤེས་པས་མ་ཡིན། བདག་ཏུ་འདུ་ཤེས་པས་མ་ཡིན། ཕ་རོལ་ཏུ་འདུ་ཤེས ་པས་མ་ཡིན་ནོ། ། འདི་ལྟ་སྟེ། དཔེར་ན་སིལ་སྙན་དང་། རྔ་བོ་ཆེ་དང་། རྫ་རྔ་དང་། དུང་དག་ནི་རྐྱེན་གྱིས་སྒྲ་འབྱུང་ཡང་དེ་དག་རྣམ་པར་མི་རྟོག་པ་དེ་བཞིན་དུ། འཕགས་པ་རྣམས ་རྐྱེན་འབྱུང་བ་མཐོང་བའི་ཕྱིར་ཐ་སྙད་འདོགས་པས་ཆགས་པར་མི་བྱེད། མངོན་པར་ཆགས་པར་མི་བྱེད་དོ།། དེ་ནས་བྱང་ཆུབ་སེམས་དཔའ་མཉམ་པར་གནས་ཀྱིས། འཇམ་དཔལ་གཞོན ་ནུར་གྱུར་པ་ལ་འདི་སྐད་ཅེས་སྨྲས་སོ། ། འཇམ་དཔལ་བཅོམ་ལྡན་འདས་ཀྱིས། འདི་ལྟར་དགེ་སློང་དག་འདུས་ཏེ་འཁོད་པས་བྱ་བ་གཉིས་ཡོད་དོ།། ཆོས་ཀྱི་གཏམ་བྱ་བ་དང་། འཕགས ་པ་མི་སྨྲ་བར་གྱུར་པས་གནས་པར་བྱའོ་ཞེས་གསུངས་ན། དེ་ལའཇམ་དཔལ་ཆོས་ཀྱི་གཏམ་ནི་གང་། འཕགས་པ་མི་སྨྲ་བར་གྱུར་པ་ནི་གང་། སྨྲས་པ། གཏམ་གང་གིས་སངས་རྒྱས་འཇུན ་པར་མི་བྱེད། ཆོས་འཁྲུགས་པར་མི་བྱེད། དགེ་འདུན་འཁྲུགས་པར་མི་བྱེད་པ་འདི་ནི་ཆོས་ཀྱི་གཏམ་མོ།། སངས་རྒྱས་ལ་ཆོས་ཉིད་དུ་མོས་པ་དང་། ཆོས་ལ་འདོད་ཆགས་དང་བྲལ་བར ་མོས་པ་དང་། དགེ་འདུན་ལ་འདུས་མ་བྱས་སུ་མོས་པ་འདི་ནི་འཕགས་པ་མི་སྨྲ་བར་གྱུར་པའོ།། གཞན་ཡང་རིགས་ཀྱི་བུ་དྲན་པ་ཉེ་བར་གཞག་པ་བཞི་ལས་བརྩམས་ཏེ་གཏམ་བརྗོད་པ་འདི་ནི་ཆོས ་ཀྱི་གཏམ་མོ། ། ཡང་ཆོས་ཐམས་ཅད་ལ་མ་དྲིན་ཞིང་ཡིད་ལ་མི་བྱེད་པ་འདི་ནི་འཕགས་པ་མི་སྨྲ་བར་གྱུར་པའོ།། གང་ཡང་དག་པར་སྤོང་བ་བཞི་ལས་བརྩམས་ཏེ་གཏམ་བརྗོད་པ་ནི་ཆོས་ཀྱི་གཏམ ་མོ། ། གང་མཉམ་པ་ཉིད་ཀྱི་མཚུངས་པར་ཡང་མི་བྱེད། མི་མཚུངས་པར་ཡང་མི་བྱེད་པ་འདི་ནི་འཕགས་པ་མི་སྨྲ་བར་འགྱུར་བའོ།། གང་རྫུ་འཕྲུལ་གྱི་རྐང་པ་བཞི་ལས་བརྩམས་ཏེ་གཏམ ་བརྗོད་པ་འདི་ནི་ཆོས་ཀྱི་གཏམ་མོ། ། གང་ལུས་དང་། ངག་དང་། ཡིད་ཀྱིས་བརྩོན་པར་མི་བྱེད་པ་འདི་ནི་འཕགས་པ་མི་སྨྲ་བར་གྱུར་པའོ།། གང་དབང་པོ་ལྔ་དང་། སྟོབས་ལྔ་ལས་བརྩམ ་ཏེ་གཏམ་བརྗོད་པ་འདི་ནི་ཆོས་ཀྱི་གཏམ་མོ། ། གང་སུ་ལའང་དད་པས་ཆོས་གང་ལའང་དད་པར་མི་བྱེད་ཅིང་། ཆོས་ཐམས་ཅད་ལའང་བླང་བ་མེད་པ་དང་། དོར་བ་མེད་པར་རབ་ཏུ་རྣམ་པར་བྱེད་པ་འང ་ནི་འཕགས་པའི་མི་སྨྲ་བར་གྱུར་པའོ། ། དྲན་པ་དང་། རྩེ་གཅིག་པ་དང་། རློམ་སེམས་མེད་པ་ལ་གནས་ཤིང་ཆོས་ཐམས་ཅད་རང་བཞིན་གྱིས་མཉམ་པར་གཞག་པར་མོས ་པ་དང་། སྤྲོས་པའི་གནས་ཐམས་ཅད་ལ་མི་རྟེན་པའི་རྐྱེན་དུ་གྱུར་པ་འདི་ནི་འཕགས་པ་མི་སྨྲ་བར་གྱུར་པའོ།། གང་བྱང་ཆུབ་ཀྱི་ཡན་ལག་བདུན་ལས་བརྩམས་ཏེ་གཏམ་བརྗོད་པ་འདི་ནི་ཆོས་ཀྱི་གཏམ ་མོ། ། གང་བཏང་སྙོམས་ལས་སྒྲོ་བཏགས་པ་མེད་པ་ཐོབ་ཅིང་། བསལ་བའང་མེད། བཞག་པའང་མེད་པར་གནས་པ་འདི་ནི་འཕགས་པའི་མི་སྨྲ་བར་གྱུར་པའོ།། གང་འཕགས་པའི་ལམ་ཡ ་ལག་བརྒྱད་པ་ལས་བརྩམས་ཏེ་གཏམ་བརྗོད་པར་བྱེད་པ་འདི་ནི་ཆོས་ཀྱི་གཏམ་མོ། ། གང་གཟིངས་ལྟ་བུ་རྟོགས་ནས་ཆོས་ལའང་མི་རྟེན། ཆོས་མ་ཡིན་པ་ལའང་མི་རྟེན་པར་གནས་པ་འདི་ནི་འཕགས ་པ་མི་སྨྲ་བར་གྱུར་པའོ། ། རིགས་ཀྱི་བུ་དེ་ལྟར་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་གྱི་ཆོས་འདི་དག་སྨྲ་བ་དང་། འཆད་པ་དང་། སྟོན་པ་དང་། འདོགས་པ་དང་། འཇུག་པར་བྱེད ་དང་། འགྲེལ་པ་དང་། རྣམ་པར་འབྱེད་པ་དང་། གསལ་བར་བྱེད་ཅིང་ཡང་དག་པར་ཇི་ལྟ་བར་སྟོན་པ་གང་ཡིན་པ་འདི་ནི་ཆོས་ཀྱི་གཏམ་མོ།། གང་འདི་ལྟར་ཆོས་ཀྱིས་མངོན་སུམ་དུ་གྱུར་ལ། ་ལུས་ལས་ལོགས་ཤིག་ནའང་ཆོས་མི་མཐོང་། ཆོས་ལས་ལོགས་ཤིག་ནའང་ལུས་མི་མཐོང་ངོ་།། ཅི་ནས་གཉིས་སུའང་མི་མཐོང་ངོ་།། གཉིས་སུ་མེད་པར་མི་མཐོང་བ་དེ་ལྟར་མཐོང་སྟེ། ་དེ་ལྟར་མཐོང་ནས་མངོན་སུམ་དུ་ཡེ་ཤེས་མཐོང་བའང་མི་མཐོང་སྟེ། གང་མི་མཐོང་བ་འདི་ནི་འཕགས་པ་མི་སྨྲ་བར་གྱུར་པའོ།། གཞན་ཡང་རིགས་ཀྱི་བུ་གང་དག་ཏུ་སྒྲོ་འདོགས་པ་དང་། ཕ་རོལ་ཏུ། ་སྒྲོ་འདོགས་པ་དང་། ཆོས་སུ་སྒྲོ་འདོགས་པ་དང་། ཆོས་མ་ཡིན་པར་སྒྲོ་འདོགས་པས་གཏམ་མི་བརྗོད་པ་འདི་ནི་ཆོས་ཀྱི་གཏམ་མོ།། གང་བརྗོད་དུ་མེད་པའི་ཆོས་ཉིད་ཐོབ་པས་ཡི་གེ་དང ་སྐད་དང་། སྒྲ་དང་། དབྱངས་ཐམས་ཅད་དང་བྲལ་བ། མི་གཡོ་བ་ཐོབ་པས། དབེན་པའི་རང་བཞིན་གྱི་སེམས་ཀྱིས་ཉེ་བར་བསྒྲུབ་པ་ལ་གནས་པ་འདི་ནི་འཕགས་པ་མི་སྨྲ་བར་གྱུར་པའོ།། ་རིགས་ཀྱི་བུ་གང་སུ་དག་སེམས་ཅན་ཐམས་ཅད་ཀྱི་དབང་པོ་མཆོག་དང་། མཆོག་མ་ཡིན་པ་ཤེས་པས་གཏམ་བརྗོད་པ་དེ་དག་ནི་ཆོས་ཀྱི་གཏམ་བརྗོད་པའོ།། གང་ལ་ལ་མཉམ་པར་མ་གཞག་ཅིང་། ་མ་གཡངས་པ་དེ་དག་ནི་འཕགས་པ་མི་སྨྲ་བར་གྱུར་པ་ལ་གནས་པའོ།། དེ་ནས་འཇམ་དཔལ་གཞོན་ནུར་གྱུར་པ་ལ། བྲམ་ཟེ་ཤིང་སཱ་ལ་ཆེན་པོ་ལྟ་བུའི་བུ་མཉམ་པར་གནས་ཀྱིས་འདི་སྐད་ཅེས ་སྨྲས་སོ། ། ཇི་ལྟར་འཇམ་དཔལ་ཁྱོད་ཀྱིས་བཤད་པའི་དོན་ཁོ་བོས་ཤེས་པ་ལྟར་ན། ཉན་ཐོས་དང་རང་སངས་རྒྱས་རྣམས་ལ་ཆོས་ཀྱི་གཏམ་དང་། འཕགས་པ་མི་སྨྲ་བར་གྱུར་པ་མེད་དོ།། ་དེ་ཅིའི་ཕྱིར་ཞེ་ན། དེ་དག་དབང་པོ་མཆོག་དང་མཆོག་མ་ཡིན་པར་ཤེས་པ་ལ་མཁས་པའང་མེད། རྟག་ཏུ་མཉམ་པར་གཞག་པའང་མ་ཡིན་ནོ།། འཇམ་དཔལ་སུ་དག་ཆོས་སྨྲ་བ་ཡིན ་དག་འཕགས་པ་མི་སྨྲ་བར་གྱུར་པ་ལ་གནས་པ་ཡིན་ཞེས་གང་ཡང་དག་པར་སྨྲ་བས་སྨྲ་ན། འཇམ་དཔལ་དེ་བཞིན་གཤེགས་པའོ་ཞེས་ཡང་དག་པར་སྨྲ་བས་སྨྲའོ།། དེ་ཅིའི་ཕྱིར ་ཞེ་ན། སངས་རྒྱས་བཅོམ་ལྡན་འདས་ནི་སེམས་ཅན་ཐམས་ཅད་ཀྱི་དབང་པོ་ལ་མཁས་ཤིང་རྟག་ཏུ་མཉམ་པར་གཞག་པའོ།། དེ་ནས་བཅོམ་ལྡན་འདས་ཀྱིས། འཇམ་དཔལ་གཞོན་ནུར་གྱུར་པ ་ལ་བཀའ་སྩལ་པ། འཇམ་དཔལ་རིགས་ཀྱི་བུ་མཉམ་པར་གནས་པས་ཇི་ལྟར་བཤད་པ་དེ་དེ་བཞིན་ཏེ། འདིར་སངས་རྒྱས་བཅོམ་ལྡན་འདས་རྣམས་ལ་དགོངས་སོ།། དེ་ནས་བཅོམ་ལྡན ་འདས་ལ། གནས་བརྟན་རབ་འབྱོར་གྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ལས་བདག་གིས་མངོན་སུམ་དུ་ཐོས་ཤིང་མངོན་སུམ་དུ་བཟུང་སྟེ། དགེ་སློང་འདུས་ཏེ་འཁོད་པ་རྣམས ་ཀྱིས་བྱ་བ་གཉིས་ཡོད་དེ། ཆོས་ཀྱི་གཏམ་བརྗོད་པར་བྱ། འཕགས་པ་མི་སྨྲ་བར་འགྱུར་བ་ལ་གནས་པར་བྱའོ་ཞེས་གསུངས་ན། བཅོམ་ལྡན་འདས་གལ་ཏེ་གནས་འདི་ལ་ཉན་ཐོས་རྣམས ་མི་ནུས་ན། དེ་ཇི་ལྟར་དེ་བཞིན་གཤེགས་པས་ཉན་ཐོས་རྣམས་ལ་ཆོས་ཀྱི་གཏམ་བརྗོད་ཅིང་། ཡང་ན་འཕགས་པ་མི་སྨྲ་བར་གྱུར་པས་གནས་པར་བྱོས་ཤིག་ཅེས་དོན་འདི་ཉེ་བར་བསྟན། བཅོམ ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ཇི་སྙམ་དུ་སེམས། ཉན་ཐོས་རྣམས་མ་ཐོས་པར་ཆོས་ཀྱི་གཏམ་བརྗོད་དམ། འཕགས་པ་མི་སྨྲ་བར་གྱུར་པ་རྩེ་གཅིག་པས་གནས་སམ ་སྨྲས་པ། དེ་མ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་རྣམ་གྲངས་འདིས་འདི་ལྟར་ཉན་ཐོས་དང་རང་སངས་རྒྱས་རྣམས་ལ་ཆོས་ཀྱི་གཏམ་ཡང་མེད། འཕགས་པ་མི། ་སྨྲ་བའང་མེད་པར་རིག་པར་བྱའོ།། དེ་ནས་འཇམ་དཔལ་གཞོན་ནུར་གྱུར་པས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། རབ་འབྱོར་སེམས་ཅན་རྣམས་ཀྱི་སྤྱོད་པ་བརྒྱད་ཁྲི་བཞི་སྟོང ་གང་དེ་བཞིན་གཤེགས་པས་མཁྱེན་པ་དེ་དག་གནས་བརྟན་གྱིས་ཤེས་སམ། གང་དག་ལ་དེ་ལྟ་བུའི་གཏམ་བརྗོད་པར་བྱ་བ་དེ་དག་ལ་རྗེས་སུ་འཐུན་པའི་གཏམ་བསྟན་པར་བྱ་བ་དེ་དག་ལ་གནས་བརྟན ་གྱི་ཡེ་ཤེས་འཇུག་གམ། སྨྲས་པ། འཇམ་དཔལ་དེ་མ་ཡིན་ནོ།། འཇམ་དཔལ་གྱིས་སྨྲས་པ། གནས་བརྟན་རབ་འབྱོར་ཏིང་ངེ་འཛིན་གང་ལ་གནས་ནས་སེམས་ཅན་ཐམས་ཅད་ཀྱི ་སེམས་ཀྱི་སྤྱོད་པ་ལ་ལྟ་ཞིང་། བདག་གི་སེམས་དང་ཕ་རོལ་གྱི་སེམས་སུ་སྒྲིབ་པར་མི་ནུས་པ་སེམས་ཅན་ཐམས་ཅད་ཀྱི་སེམས་ལ་ལྟ་བའི་ཏིང་ངེ་འཛིན་ལ་མཉམ་པར་གཞོག་གམ། སྨྲས་པ ་འཇམ་དཔལ་དེ་ནི་མ་ཡིན་ནོ། ། འཇམ་དཔལ་གྱིས་སྨྲས་པ། བཙུན་པ་རབ་འབྱོར་དེ་བཞིན་གཤེགས་པ་སེམས་ཅན་གྱི་སྤྱོད་པ་བརྒྱད་ཁྲི་བཞི་སྟོང་སོ་སོ་ཅི་རིགས་སུ་སྨན་སྟོན་པས། ཆོས་ཀྱི ་གཏམ་བརྗོད་དོ། ། ཏིང་ངེ་འཛིན་མཉམ་པ་ཉིད་ལས་ཀྱང་མི་གཡོ་ལ། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པའང་རབ་ཏུ་མཁྱེན་ཏེ། བཙུན་པ་རབ་འབྱོར་རྣམ་གྲངས་འདིས་ཀྱང་འདི་ལྟར ་འདི་ལ་ཉན་ཐོས་དང་རང་སངས་རྒྱས་རྣམས་ཀྱི་ཡུལ་མ་ཡིན་པར་རིག་པར་བྱའོ། ། བཙུན་པ་རབ་འབྱོར་སེམས་ཅན་འདོད་ཆགས་སྤྱོད་པ་གང་དག་སྡུག་པའི་རྣམ་པ་ཉིད་ཀྱིས་རྣམ ་པར་གྲོལ་ཞིང་མི་སྡུག་པའི་རྣམ་པས་རྣམ་པར་མི་འགྲོལ་བའང་ཡོད་དེ། དེ་དག་ཀྱང་དེ་བཞིན་གཤེགས་པས་རབ་ཏུ་མཁྱེན་ཏོ།། སེམས་ཅན་ཞེ་སྡང་ལ་སྤྱོད་པ་གང་དག་སྐྱོན་མཐོང་བས་རྣམ་པར་གྲོལ ་བར་འགྱུར་ལ། བྱམས་པས་རྣམ་པར་གྲོལ་བར་མི་འགྱུར་བའང་ཡོད་དེ། དེ་དག་ཀྱང་དེ་བཞིན་གཤེགས་པས་རབ་ཏུ་མཁྱེན་ཏོ།། སེམས་ཅན་གཏི་མུག་ལ་སྤྱོད་པ་གང་དག་སྨད་པས་རྣམ་པར ་གྲོལ་བར་འགྱུར་ལ། ཆོས་བསྟན་པས་རྣམ་པར་གྲོལ་བར་མི་འགྱུར་བ་ཡོད་དེ། དེ་དག་ཀྱང་དེ་བཞིན་གཤེགས་པས་རབ་ཏུ་མཁྱེན་ཏོ།། སེམས་ཅན་ཆ་མཉམ་པར་སྤྱོད་པ་སྡུག་པའི་རྣམ་པས་ཀྱང ་རྣམ་པར་མི་འགྲོ་ལ། མི་སྡུག་པའི་རྣམ་པས་ཀྱང་མི་འགྲོལ། བྱམས་པས་ཀྱང་མི་འགྲོལ། སྐྱོན་གྱིས་ཀྱང་མི་འགྲོལ། ཆོས་བསྟན་པས་ཀྱང་མི་འགྲོལ། སྨད་པས་ཀྱང་རྣམ་པར་གྲོལ་བས ་མི་འགྱུར་བ་ཡོད་དེ། དེ་དག་ལ་དེ་བཞིན་གཤེགས་པ་ཅི་ནས་མཉམ་པ་ཉིད་ཀྱིས་དབང་པོའི་ཁམས་ལས་རྣམ་པར་གྲོལ་བ་དེ་ལྟ་དེ་ལྟ་བུར་ཆོས་སྟོན་ཏེ། དེ་དག་ཀྱང་དེ་བཞིན་གཤེགས་པས་རབ་ཏུ་མཁྱེན ་རབ་འབྱོར་རྣམ་གྲངས་འདིས་འདི་ལྟར་དེ་བཞིན་གཤེགས་པ་ནི་ཆོས་སྨྲ་བའི་མཆོག་ཡིན་པ་དང་། བསམ་གཏན་པའི་མཆོག་ཡིན་པ་དང་། མི་སྨྲ་བར་གྱུར་པ་ལ་དགའ་བའི་མཆོག་ཡིན་པར་དེ་ལྟར ་རིག་པར་བྱའོ། ། དེ་ནས་ཚེ་དང་ལྡན་པ་རབ་འབྱོར་གྱིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་པ། འཇམ་དཔལ་གལ་ཏེ་ཉན་ཐོས་དང་རང་སངས་རྒྱས་ཀྱིས་ཆོས་བརྗོད་པར་མི་ནུས ་འཕགས་པ་མི་སྨྲ་བར་གྱུར་པ་ལ་གནས་པར་མི་ནུས་ན། བྱང་ཆུབ་སེམས་དཔའ་གང་ལ་ལ་ཡོན་ཏན་འདི་ལྟ་བུ་དང་ལྡན་པ་གང་ཇི་ལྟར་ཆོས་ཀྱི་གཏམ་བརྗོད་པར་བྱེད་ཅིང་། འཕགས་པ་མི་སྨྲ་བར་གྱུར་པ ་ལ་གནས་པ་ཡོད་དམ། འཇམ་དཔལ་གྱིས་སྨྲས་པ། བཙུན་པ་རབ་འབྱོར་དེ་བཞིན་གཤེགས་པ་འདི་མངོན་དུ་བཞུགས་ཤིང་མཁྱེན་ན་དེ་བཞིན་གཤེགས་པས་མཁྱེན་གྱིས། འདི་ལ་ཞུས་ཤིག ་དེའི་ཚེ་བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ།། རབ་འབྱོར་སངས་རྒྱས་ཐམས་ཅད་ཀྱི་ཆོས་ཀྱི་རྗེས་སུ་འཇུག་པ་གཡེང་བ་མེད་པའི་ཏིང་ངེ་འཛིན་ཡོད་དེ། བྱང ་ཆུབ་སེམས་དཔའ་གང་དག་གིས་ཏིང་ངེ་འཛིན་དེ་ཐོབ་པ་དེ་དག་ཐམས་ཅད་ཡོན་ཏན་འདི་དག་དང་ལྡན་པར་འགྱུར་རོ། ། དེ་ནས་འཇམ་དཔལ་གཞོན་ནུར་གྱུར་པས། བྱང་ཆུབ་སེམས་དཔའ་མཉམ་པར་གནས་ལ ་འདི་སྐད་ཅེས་སྨྲས་སོ། ། རིགས་ཀྱི་བུ་གང་སྤྱོད་པ་བརྒྱད་ཁྲི་བཞི་སྟོང་དང་། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་བསྟན་པ་འདི་ནི་ཆོས་ཀྱི་གཏམ་ཞེས་བྱའོ།། གང་འདུ་ཤེས་དང་། ཚོར་བ་ཐམས་ཅད ་འགོག་པའི་སྙོམས་པར་འཇུག་པ་འདི་ནི་འཕགས་པ་མི་སྨྲ་བར་གྱུར་པའོ། ། རིགས་ཀྱི་བུ་ངས་བསྐལ་པ་འམ། བསྐལ་པ་ལས་ལྷག་པར་ཡང་ཆོས་ཀྱི་གཏམ་དང་། འཕགས་པའི་མི་སྨྲ་བར་གྱུར་པ་ལས ་བརྩམས་ཏེ་ལུང་བསྟན་ཀྱང་ངའི་སྤོབས་པ་ཟད་པར་མི་འགྱུར་རོ། ། དེ་ནས་བཅོམ་ལྡན་འདས་ཀྱིས། བྲམ་ཟེ་ཤིང་སཱ་ལ་ཆེན་པོ་ལྟ་བུའི་བུ་མཉམ་པར་གནས་ལ་བཀའ་སྩལ་པ ་རིགས་ཀྱི་བུ་སྔོན་འདས་པའི་དུས་ན་བྱུང་བ། བསྐལ་པ་གྲངས་མེད་པ་བས་ཀྱང་ཆེས་གྲངས་མེད་པ། རྒྱ་ཆེ་བ། ཚད་མེད་པ་ན། བསྐལ་པ་སྙན་པ་རྣམ་པར་གྲགས་པ་ཞེས་བྱ་བ་བྱུང་སྟེ། དེའི་ཚེ་དེའི ་དུས་ན་མཐོང་ན་དགའ་བའི་འཇིག་རྟེན་གྱི་ཁམས་སུ་ཀུན་ཏུ་འོད་ཟེར་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་པ་དང་ཞབས་སུ་ལྡན་པ། བདེ་བར་གཤེགས་པ། ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངོ་།། བཅོམ་ལྡན་འདས་ཀུན་ཏུ་འོད་ཟེར་དེ ་བཞིན་གཤེགས་པའི་འཇིག་རྟེན་གྱི་ཁམས་མཐོང་ན་དགའ་བ། རིན་པོ་ཆེ་ཐམས་ཅད་རབ་ཏུ་བཀྲམ་པ། འབྱོར་པ། རྒྱས་པ། བདེ་བ། ཤིན་ཏུ་ལོ་ལེགས་པ། ཉམས་དགའ་བ ་ལྷ་དང་མིས་ཀུན་ཏུ་གང་བར་གྱུར་ཏོ། ། འཇིག་རྟེན་གྱི་ཁམས་དེ་སྤོས་ཐམས་ཅད་ཀྱིས་ཡོངས་སུ་བསྒོས་པ། རེག་ན་ཤིང་བལ་ལྟར་འཇམ་པ། གོས་ཀ་ཙ་ལིནྡི་ཀ་ལྟར་རེག་ན་བདེ་བ། རིན་པོ ་སྣ་བདུན་གྱིས་མཉམ་པར་བརྒྱན་པར་གྱུར་ཏོ། ། མཐོང་ན་དགའ་བའི་འཇིག་རྟེན་གྱི་ཁམས་དེ་ན། གླིང་བཞི་པ་བྱེ་བ་ཕྲག་བཞི་ཡོད་དེ། རེ་རེ་ལའང་གླིང་ཆེན་པོ་དཔག་ཚད་བརྒྱད་ཁྲི་བཞི་སྟོང་ཡོད་དོ།། ་གྲོང་ཁྱེར་ཆེན་པོ་དེ་དག་ཐམས་ཅད་ཀྱང་རིན་པོ་ཆེ་ཐམས་ཅད་ཀྱིས་བརྒྱན་པ་དཔག་ཚད་ཀྱི་ཚད་ཙམ་དུ་བྱས་པ་ཡིན་ཏེ། གྲོང་ཁྱེར་ཆེན་པོ་རེ་རེ་ལའང་གྲོང་དང་། རི་ཁྲོད་དང་། ཡུལ་འཁོར་དང་། ་གྲོང་རྡལ་ལྔ་བརྒྱས་བསྐོར་བར་གྱུར་ཏོ།། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་ཐམས་ཅད་ནའང་སྲོག་ཆགས་མང་པོ་བརྒྱ་སྟོང་གནས་ཏེ། མི་དེ་དག་གིས་མིག་སྔར་ཅི་སྣང་བ་དེ ་ངག་ཐམས་ཅད་ཀྱང་སྡུག་ཅིང་ཡིད་དུ་འོང་བ་སྣང་སྟེ། ཡིད་དུ་མི་འོང་བ་མི་སྣང་ངོ་།། མི་དེ་དག་ཀྱང་སངས་རྒྱས་རྗེས་སུ་དྲན་པའི་ཏིང་ངེ་འཛིན་ཐོབ་པར་གྱུར་ཏེ། དེའི་ཕྱིར་འཇིག་རྟེན་གྱི་ཁམས་དེ ་མཐོང་ན་དགའ་བ་ཞེས་བྱའོ། ། སངས་རྒྱས་ཀྱི་ཞིང་གཞན་ནས་བྱང་ཆུབ་སེམས་དཔའ་འཇིག་རྟེན་གྱི་ཁམས་དེར་འོངས་པ་དེ་དག་ཀྱང་། འཇིག་རྟེན་གྱི་ཁམས་མཐོང་ན་དགའ་བ་བཞིན་དུ་འཇིག་རྟེན་གྱི ་ཁམས་གཞན་ལ་དེ་ཙམ་དུ་དགའ་བར་མི་འཛིན་ཏོ། ། ཡང་དེ་བཞིན་གཤེགས་པ་ཀུན་ཏུ་འོད་ཟེར་འདི་ཐེག་པ་གསུམ་ལས་བརྩམས་ཏེ་སེམས་ཅན་རྣམས་ལ་ཆོས་སྟོན་ཏོ།། ཕལ་ཆེར་ནི་རིགས་ཀྱི ་བུ་ཁྱེད་འདི་ལྟར་གནས་པ་གཉིས་ཀྱིས་གནས་པར་བྱོས་ཤིག། ཆོས་ཀྱི་གཏམ་བརྗོད་ཅིག། ཡང་ན་འཕགས་པ་མི་སྨྲ་བར་གྱུར་པ་ཉེ་བར་ཞི་བ་ལ་གནས་པར་བྱོས་ཤིག། ཅེས་རྒྱས་པར་ཡང ་དག་པར་རབ་ཏུ་སྟོན་ཏོ། ། །། བམ་པོ་ལྔ་པ།། རིགས་ཀྱི་བུ་ཡང་དེའི་ཚེ་སྟེང་གི་ཕྱོགས་ནས། དེ་བཞིན་གཤེགས་པ་སྨན་པའི་རྒྱལ་པོའི་སངས་རྒྱས ་ཞིང་ནས་བྱང་ཆུབ་སེམས་དཔའ་བློ་གྲོས་མི་ཟད་པ་དང་། ཁྱད་པར་བློ་གྲོས་གཉིས་འོངས་ནས། དེ་གཉིས་བཅོམ་ལྡན་འདས་ཀུན་ཏུ་འོད་ཟེར་དེ་བཞིན་གཤེགས་པ་ག་ལ ་དེར་ཕྱིན་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ལན་གསུམ་བསྐོར་བ་བྱས་ཏེ། ཕྱོགས་གཅིག་ཏུ་འདུག་གོ།། དེ་གཉིས་ལ་དེ་བཞིན་གཤེགས་པ་དེས་སྣང་བ ་ཡོངས་སུ་དག་པ་ཞེས་བྱ་བའི་ཏིང་ངེ་འཛིན་རྒྱ་ཆེར་ཡང་དག་པར་རབ་ཏུ་བསྟན་ཏོ། ། ཅིའི་ཕྱིར་སྣང་བ་ཡོངས་སུ་དག་པ་ཞེས་བྱ་ཞེ་ན། བྱང་ཆུབ་སེམས་དཔའ་གང་ཏིང་ངེ་འཛིན་དེ་ཐོབ་པ་དེས་མཚན་མ ་དང་། ཉོན་མོངས་པ་ཐམས་ཅད་ལས་རྣམ་པར་གྲོལ་ཞིང་། སངས་རྒྱས་ཀྱི་ཆོས་ཐམས་ཅད་ལ་སྣང་བ་ཐོབ་པར་འགྱུར་ཏེ། དེའི་ཕྱིར་སྣང་བ་ཡོངས་སུ་དག་པ་ཞེས་བྱའོ།། ཆོས་ཐམས་ཅད ་སྔོན་གྱི་མཐའ་ནས་ཡོངས་སུ་དག་པའོ། ། ཆོས་ཐམས་ཅད་ཕྱི་མའི་མཐའ་ནས་ཡོངས་སུ་དག་པའོ།། ཆོས་ཐམས་ཅད་ད་ལྟར་བྱུང་བའི་མཐའ་ནས་ཡོངས་སུ་དག་པ་སྟེ། འདི་ནི་དུས་གསུམ ་ཡོངས་སུ་དག་པ་ཞེས་བྱའོ། ། གང་ཡོངས་སུ་དག་པ་འདི་ནི་ནམ་དུའང་ཡོངས་སུ་དག་པར་མི་འགྱུར་ཏེ། ཡོངས་སུ་དག་པ་གང་གིས་རང་བཞིན་གྱིས་ཡོངས་སུ་དག་པ་དེ་ནི་ཤིན་ཏུ་ཡོངས་སུ་དག་པ་སྟེ། ་དེདེའི་ཕྱིར་ཆོས་ཐམས་ཅད་རང་བཞིན་གྱིས་འོད་གསལ་བ་ཞེས་བྱའོ།། ཆོས་རྣམས་ཀྱི་རང་བཞིན་དེ་གང་ཞེ་ན། ཆོས་ཐམས་ཅད་ནི་སྟོང་པ་ཉིད་ཀྱི་རང་བཞིན་ཅན་ཏེ། དམིགས་པ་དང་བྲལ་བའོ།། ཆོས་ཐམས ་ཅད་ནི་མཚན་མ་མེད་པའི་རང་བཞིན་ཅན་ཏེ། རྟོག་པ་དང་རྣམ་པར་རྟོག་པ་དང་བྲལ་བའོ།། ཆོས་ཐམས་ཅད་ནི་སྨོན་པ་མེད་པའི་རང་བཞིན་ཅན་ཏེ། བླང་བ་མེད་པ། དོར་བ་མེད་པ ་བསམ་པ་མེད་པ། ནུས་པ་མེད་པ་ཤིན་ཏུ་ངོ་བོ་ཉིད་དང་བྲལ་བ་ཡིན་ཏེ། དེ་ནི་རང་བཞིན་གྱིས་འོད་གསལ་བའོ།། འཁོར་བའི་རང་བཞིན་གང་ཡིན་པ་དེ་མྱ་ངན་ལས་འདས་པའི་རང་བཞིན་ནོ།། ་མྱ་ངན་ལས་འདས་པའི་རང་བཞིན་གང་ཡིན་པ་དེ། ཆོས་ཐམས་ཅད་ཀྱི་རང་བཞིན་ཏེ། དེའི་ཕྱིར་སེམས་རང་བཞིན་གྱིས་འོད་གསལ་བ་ཞེས་བྱའོ།། རིགས་ཀྱི་བུ་འདི་ལྟ་སྟེ། དཔེར་ན་ནམ ་མཁའ་ལ་བླ་གབ་མེད་པ་ཀུན་ནས་ཉོན་མོངས་པར་འགྱུར་བ་ན། གནས་མ་ཡིན་ཞིང་གོ་སྐབས་མེད་དོ།། རིགས་ཀྱི་བུ་དེ་བཞིན་དུ་སེམས་ཀྱི་རང་བཞིན་ཡང་ཀུན་ཏུ་ཉོན་མོངས་པར་གྱུར་པ་ནི་གནས་མ ་ཡིན་ཞིང་གོ་སྐབས་མེད་དོ། ། རིགས་ཀྱི་བུ་འདི་ལྟ་སྟེ། དཔེར་ན་ནམ་མཁའ་ལ་ནི་སྤྲིན་གྱི་ཕུང་པོ་འམ། དུ་བ་འམ། རྡུལ་དག་སྣང་སྟེ། དེས་ནམ་མཁའ་མི་མཛེས་ཤིང་། ལྷམ ་མེ་ལྷང་ངེར་མི་འགྱུར་མོད་ཀྱི། དེ་དག་གིས་ནམ་མཁའི་རང་བཞིན་ཀུན་ནས་ཉོན་མོངས་པར་མི་འགྱུར་རོ།། གལ་ཏེ་ནམ་མཁའ་ཀུན་ནས་ཉོན་མོངས་སུ་ཟིན་ན། ཤིན་ཏུ་རྣམ་པར་དག་པར་མི ་འགྱུར་ཏེ། འདི་ལྟར་ཀུན་ནས་ཉོན་མོངས་པར་མི་འགྱུར་བས་ན། དེའི་ཕྱིར་ནམ་མཁའ་ཞེས་རབ་ཏུ་དབྱེའོ།། རིགས་ཀྱི་བུ་དེ་བཞིན་དུ་བྱིས་པ་སོ་སོའི་སྐྱེ་བོ་ཚུལ་བཞིན་མ་ཡིན་པ་ཡིད་ལ་བྱེད་པ ་དང་ལྡན་པ་རྣམས་ཀྱི་ཚན་མོངས་པ་སྐྱེ་མྱོད་། དེ་དག་གི་སེམས་ཀྱི་རང་བཞིན་ཀུན་ནས་ཉོན་མོངས་པར་མི་འགྱུར་རོ།། ཀཱ་གྶ་རྦྷེ་གནན་ས་ཉོན་མོངས་པར་འགྱུར་ན་ན ་ཏུ་རྣམ་པར་དག་པར་མི་འགྱུར་ཏེ། འདི་ལྟར་ཀུན་ནས་ཉོན་མོངས་པར་མི་འགྱུར་བས་ན། དེའི་ཕྱིར་རང་བཞིན་གྱིས་རྣམ་པར་གྲོལ་བས་རྣམ་པར་ཐོས་ལོ།། རིགས་ཀྱི་བུ་འདི་ནི་སྣང་བ་ཡོངས་སུ་ས ་པའི་ཏིང་ངེ་འཛིན་ལ་འཇུག་པའོ་ཞེས་དེ་ལྟར་དེ་བཞིན་གཤེགས་པ་དེས་བྱང་ཆུབ་སེམས་དཔའ་དེ་གཉིས་ལ་རབ་ཏུ་བསྟན། ། དེ་གཉིས་ཀྱིས་ཏིང་ངེ་འཛིན་འདི་ཐོས་ནས། བསམཆིས་མི་ཁྱབ་པའི་ཆོས་པ ་ཆོས་ཀྱི་སྣང་བ་ཐོབ་བོ། ། དེ་ནས་བཅོམ་ལྡན་འདས་ཀུན་ཏུ་འོད་ཟེར་དེ་བཞིན་གཤེགས་པ་ལ། བྱང་ཆུབ་སེམས་དཔའ་བློ་གྲོས་མི་ཟད་པས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག ་ཅག་གི་ཏིང་ངེ་འཛིན་འདི་ལ་འཇུག་པ་ནི་ཐོསན། བཅོམ་ལྡན་འདས་བདག་ཅག་གནས་པ་གང་གིས་གནས་པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་དེས་རིགས་ཀྱི ་དུ་དེ་གཉིས་ལ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུ་འདི་ལ་ཁྱེད་ཆོས་ཀྱི་གཏམ་ཡང་དག་པར་སྟོན་ཅི།། ཡང་ན་འཕགས་པ་མི་སྨྲ་བར་གྱུར་པ་ལ་གནས་པར་གྱིས་ཤི། ་དེ་ནས་བཅོམ་ལྡན་འདས་ལས་བྱང་ཆུབ་སེམས་དཔའ་གཉིས་ཀྱིས་ལེགས་སོ་ཞེས་བྱ་བ་ཐོས་ཏེ། བཅོམ་ལྡན་འདས་ཀྱིས་ཞབས་ལ་མགོ་བོས་ཕྱག་འཚལ་ནས། ལན་གསུམ་བསྐོར་བ་བྱས་ཏེ། ་ལྡན་འདས་ཀྱི་དྲུང་ནས་སྐྱེད་མོས་ཚལ་ཞིག་གང་ན་ཡོད་པ་དེར་སོང་སྟེ། དེར་ཕྱིན་ནས་རང་གིས་སྤྲུལ་པའི་ཁང་བུ་བརྩེགས་པའི་ནང་དུ་འདུག་གོ།། དེ་གཉིས་དེ་ན་འདུག་པ་དེར་ཚངས་པ་ཆེན་པོ་འོད་ཟེར ་བཟང་པོ་ཞེས་བྱ་བ་ཚངས་པ་བརྒྱ་སྟོང་ཕྲག་བདུན་ཅུ་རྩ་གཉིས་དང་། བྱང་ཆུབ་སེམས་དཔའ་དེ་གཉིས་ག་ལ་བ་དེར་སོང་སྟེ་ཕྱིན་ནས། བྱང་ཆུབ་སེམས་དཔབ་དེ་གཉིས་ཀྱི་རྐང་པ་ལ་མགོ་བོས་ཕྱག་འཚ ་ནས་ལན་གསུམ་བསྐོར་བ་བྱས་ཏེ། བྱང་ཆུབ་སེམས་དཔའ་དེ་གཉིས་ལ་འདི་སྐད་ཅེས་སྨྲས་སོ།། རིགས་ཀྱི་བུ་བཅོམ་ལྡན་འདས་ཀུན་ཏུ་འོད་ཟེར་དེ་བཞིན་གཤེགས་པ་དེས་འདི་སྐད་དུ་འདུས་ཤིང ་འཁོར་པ་རྣམས་ཀྱིས་བྱ་བ་གཉིས་ཡོད་དེ། ཆོས་ཀྱི་གཏམ་བསྟན་པར་བྱའོ།། ཡང་ན་འཕགས་པ་མི་སྨྲ་བར་གྱུར་པས་གནས་པར་བྱའོ་ཞེས་གསུངས་ན། དེ་ལ་ཆོས་ཀྱི་གཏམ་ནི་གང ་ཡིན། འཕགས་པ་མི་སྨྲ་བར་གྱུར་པ་ནི་གང་ཡིན། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་དེ་གཉིས་ཀྱིས། ཚངས་པ་འོད་ཟེར་བཟང་པོ་ལ་འདི་སྐད་ཅེས་སྨྲས་སོ།། ་ཚངས་པ་དེའི་ཕྱིར་དྲི་བ་ལུང་བསྟན་པ་འདི་ལས་ཅུང་ཟད་ཅིག་བཤད་ཀྱིས་ཉོན་ཅིག་དང་། འདི་ལ་དེ་བཞིན་གཤེགས་པ་ནི་མངོན་སུམ་སྟེ། ཕ་རོལ་གྱི་མཆོག་བརྙེས་པའོ།། རིགས་ཀྱི་བུ་དེ། ་ལྟར་ན་བྱང་ཆུབ་སེམས་དཔའ་དེ་གཉིས་འཁོར་དེའི་ནང་ན་འདི་ལྟ་སྟེ། ཆོས་ཀྱི་གཏམ་དང་། འཕགས་པ་མི་སྨྲ་བར་གྱུར་པ་ལས་བརྩམས་ནས། དོན་གྱི་ཚིག་འདི་གཉིས་རྒྱས་པར ་བསྟན་ཏེ། དེའི་ཚེ་ཚངས་པ་བརྒྱ་སྟོང་ཕྲག་བདུན་ཅུ་རྩ་གཉིས་པོ་དེ་དག་མི་སྐྱེ་བའི་ཆོས་ལ་བཟོད་པ་སྐྱེས་སོ།། ཚངས་པ་འོད་ཟེར་བཟང་པོས་ཀྱང་ཏིང་ངེ་འཛིན་ཀུན་ཏུ ་སྣང་བ་མངོན་དུ་གྱུར་ཏེ། རབ་ཐོབ་བོ།། རིགས་ཀྱི་བུ་དེ་ལྟར་བྱང་ཆུབ་སེམས་དཔའ་སྤོབས་པ་རྒྱུན་མི་འཆད་པ་དེ་གཉིས་དྲིས་པ་གཉིས་པོ་འདི་ལྟ་སྟེ། ཆོས་ཀྱི་གཏམ་དང་། འཕགས ་པ་མི་སྨྲ་བར་གྱུར་པ་ཡང་དག་པར་སྟོན་ཅིང་འདུག་སྟེ། དེ་གཉིས་ཀྱིས་ལེ་སྟོང་ཕྲག་བདུན་ཅུ་རྩ་དྲུག་གི་བར་དུ་དོན་གྱི་ཚིག་འདི་གཉིས་གཏན་ལ་འབེབས་ཤིང་ལན་ལྗོན་པར་གྱུར་ཏེ། གཅིག་གིས ་ཡང་མཐར་མ་ཕྱིན། གཉིས་པོའང་མཐར་མ་ཕྱིན་ཏོ།། དེས་ན་དེ་བཞིན་གཤེགས་པ་དེ་སྟེང་གི་ནམ་མཁའ་ལ་བཞུགས་ནས། དེ་གཉིས་ལ་འདི་སྐད་ཅེས་བཀའ་སྩལ་པ། རིགས ་ཀྱི་བུ་ཆོག་གོ། ། སྨྲས་པ། རྩོད་པར་མ་བྱེད་ཅིག། སྨྲ་བས་རྩོད་པར་མ་བྱེད་ཅིག། སྨྲ་བ་ཐམས་ཅད་ནི་བྲག་ཆ་དང་མཚུངས་ཏེ། སྒྲ་ཅི་འདྲ་བ་དེ་བཞིན་དུ་སྒྲ་བརྙན་ཡང་དེ་བཞིན ་ནོ། ། ཁྱེད་ཀྱིས་སྤོབས་པ་སོ་སོ་ཡང་དག་པར་རིག་པ་མི་ཟད་པ་མངོན་པར་བསྒྲུབ་པ་ཁོང་དུ་ཆུད་དོ།། ཁྱེད་འདོད་ན་དྲིས་པ་འདིའི་དོན་བསྐལ་པ་འམ། བསྐལ་པ་ལས་ལྷག་པར་ཡང་ལན ་ལྗོན་ཞིང་ཁྱེད་ཀྱིས་སྤོབས་པའི་མཐར་ཕྱིན་པར་ཡང་མི་འགྱུར་མོད་ཀྱི། སངས་རྒྱས་ཀྱི་ཚིག་ནི་ཉེ་བར་ཞི་བ་ཡིན་ཏེ། ཞི་བ། རབ་ཏུ་ཞི་བ། ཉེ་བར་ཞི་བ། ཡི་གེ་མེད་པའི་དོན་ཏོ།། ་དོན་ནི་བརྗོད་དུ་མེད་པ་སྟེ། ཇི་ཙམ་དུ་བརྗོད་པ་དེ་ཙམ་དུ་དོན་མེད་པའོ།། དོན་ལ་རྟོན་ལ། ཡི་གེ་ལ་མ་རྟོན་ཅིག་ཅེས་དེ་གཉིས་དེ་བཞིན་གཤེགས་པ་དེས་བསྐུལ་བར་རིགས་ནས་ཅང་མི་སྨྲ ་བར་གྱུར་ཏོ། ། རིགས་ཀྱི་བུ་རྣམ་གྲངས་འདིས་ཀྱང་འདི་ལྟར་འདོད་ན། བྱང་ཆུབ་སེམས་དཔའ་དག་བསྐལ་པ་བརྒྱ་སྟོང་ངམ། དེ་བས་ཀྱང་ལྷག་པར་སྤོབས་པས་བསྟན་པ་སྟོན་པར་རིག ་པར་བྱའོ། ། རིགས་ཀྱི་བུ་དེའི་དུས་དེའི་ཚེ་ན་བྱང་ཆུབ་སེམས་དཔའ་གཉིས་བྱུང་བ་གཞན་ཡིན་པར་འཛིན་ན་ཁྱོད་ཀྱིས་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན། འཇམ་དཔལ་གཞོན་ནུར་གྱུར་པ ་འདི་དེའི་ཚེ་བྱང་ཆུབ་སེམས་དཔའ་བློ་གྲོས་མི་ཟད་པ་ཞེས་བྱ་བར་གྱུར་ཏོ། ། མཉམ་པར་གནས་པ་ཁྱོད་ཀྱང་དེའི་ཚེ་དེའི་དུས་ན་བྱང་ཆུབ་སེམས་དཔའ་ཁྱད་པར་བློ་གྲོས་ཞེས་བྱ་བར་གྱུར་ཏོ།། ་དེའི་ཚེ་དེའི་དུས་ན་ཚངས་པ་ཆེན་པོ་ཁྱད་པར་སེམས་འདི་ནི་ཚངས་པ་འོད་ཟེར་བཟང་པོ་ཞེས་བྱ་བར་གྱུར་ཏོ།། དེ་ནས་བཅོམ་ལྡན་འདས་ལ། བྲམ་ཟེ་ཤིང་སཱ་ལ་ཆེན་པོ་ལྟ་བུའི་བུ་མཉམ་པར ་གནས་པས་འདི་སྐད་ཅེས་གསོལ་ཏོ། ། བཅོམ་ལྡན་འདས་གང་འདི་མངོན་པར་བརྩོན་པ་དེ་བགྱིད་པའི་བརྩོན་འགྲུས་བརྩམས་པ་རྣམས་ལ། དེ་བཞིན་གཤེགས་པ་རྣམས་ཀྱི་བྱང་ཆུབ་ནི་དོན ་ཆེན་པོ་ཐོབ་པར་འགྱུར་ཏེ། མངོན་པར་མི་བརྩོན་པ་རྣམས་ལ་ནི་སངས་རྒྱས་བཅོམ་ལྡན་འདས་བརྒྱ་སྟོང་གིས་ཀྱང་ཅི་ཞིག་བགྱི། བཅོམ་ལྡན་འདས་མངོན་པར་བརྩོན་པ་ནི་བྱང་ཆུབ་ལགས་སོ།། ་དེ་ནས་འཇམ་དཔལ་གཞོན་ནུར་གྱུར་པས། བྲམ་ཟེ་ཤིང་སཱ་ལ་ཆེན་པོ་ལྟ་བུའི་བུ་མཉམ་པར་གནས་པ་ལ་འདི་སྐད་ཅེས་སྨྲས་སོ།། ཇི་ལྟར་ན་བྱང་ཆུབ་སེམས་དཔའ་མངོན ་པར་བརྩོན་པ་མངོན་པར་བརྩོན་པ་ཞེས་བྱ། སྨྲས་པ། བྱང་ཆུབ་སེམས་དཔའ་ཇི་ལྟར་བརྩོན་པར་བྱས་པས་མངོན་པར་རྟོགས་པ་ཐོབ་པར་འགྱུར་བ་དེ་འདི་ནི་མངོན་པར་བརྩོན་པའོ།། སྨྲས་པ ་ཡང་ཇི་ལྟར་མངོན་པར་བརྩོན་པས་མངོན་པར་རྟོགས་པ་འཐོབ་པར་འགྱུར། སྨྲས་པ། གང་ཆོས་གང་ལའང་རྣམ་པར་མི་རྟོགས་ན་དེ་ལྟར་མངོན་པར་བརྩོན་པས་མངོན་པར་རྟོགས་པ་འཐོབ་པར ་འགྱུར་རོ། ། སྨྲས་པ། ཇི་ལྟར་ན་མངོན་པར་རྟོགས་པ་མངོན་པར་རྟོགས་པ་ཡིན། སྨྲས་པ། མཉམ་པ་ཉིད་གང་གིས་ཆོས་ཐམས་ཅད་མཉམ་པར་མཐོང་བ་ནི་དེ་ལྟར་ན་མངོན་པར་རྟོགས ་པ་མངོན་པར་རྟོགས་པ་ཡིན་ནོ། ། སྨྲས་པ། རིགས་ཀྱི་བུ་མཉམ་པ་ཉིད་མཐོང་བར་རུང་ངམ། སྨྲས་པ། མི་རུང་ངོ་།། སྨྲས་པ། གལ་ཏེ་མི་རུང་ན་མི་མཉམ་པར་གྱུར་ཏེ། ་མཉམ་པར་མི་རུང་ངོ་།། ཁྱད་པར་སེམས་ཀྱིས་སྨྲས་པ། འཇམ་དཔལ་གང་མཉམ་པ་ཉིད་ཀྱིས་ཆོས་ཐམས་ཅད་མི་མཐོང་བ་འདི་ནི་མངོན་པར་རྟོགས་པ་ཞེས་བྱའོ།། འཇམ་དཔལ་གྱིས ་སྨྲས་པ། ཚངས་པ་ཅིའི་ཕྱིར་མི་མཐོང་། སྨྲས་པ། གཉིས་དང་བྲལ་བའི་ཕྱིར་མི་མཐོང་ངོ་།། འཇམ་དཔལ་མི་མཐོང་བ་ནི་ཡང་དག་པར་མཐོང་བ་ཡིན་ནོ།། སྨྲས་པ། ཚངས ་བ་སུས་འཇིག་རྟེན་གྱི་མཉམ་པ་ཉིད་མཐོང་། སྨྲས་པ། དེ་བཞིན་གཤེགས་པས་སོ།། སྨྲས་པ། ཇི་ལྟར་གཟིགས། སྨྲས་པ། ཇི་ལྟར་གཟུགས་ཀྱི་དེ་བཞིན་ཉིད་ལས ་གཞན་དུ་མ་མཛད་པ་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་དེ་བཞིན་ཉིད་ལས་གཞན་དུ་མ་མཛད་དེ། འཇམ་དཔལ་ཕུང་པོ་ལྔ་པོའི་དེ་བཞིན ་ཉིད་ཇི་ལྟ་བཞིན་དུ་གཟིགས་པ་འདི་ནི་འཇིག་རྟེན་ལ་ཡང་དག་པར་གཟིགས་པའོ། ། སྨྲས་པ། ཚངས་པ་འཇིག་རྟེན་གང་གིས་རབ་ཏུ་ཕྱེ། སྨྲས་པ། ཟད་པའི་མཚན་ཉིད་ཀྱིས་རབ་ཏུ ་ཕྱེའོ། ། སྨྲས་པ། གལ་ཏེ་འཇིག་རྟེན་ཟད་པའི་མཚན་ཉིད་ཀྱིས་རབ་ཏུ་ཕྱེ་བ་ཡིན་ན། ཚངས་པ་ཅི་འཇིག་རྟེན་གྱི་མཚད་ཉིད་དེ་ཟད་པར་འགྱུར་རམ། སྨྲས་པ། འཇམ་དཔལ་འཇིག ་རྟེན་གྱི་མཚན་ཉིད་ཟད་པར་མི་འགྱུར་རོ། ། སྨྲས་པ། འོ་ན་ཇི་ལྟར་འཇིག་རྟེན་ཟད་པའི་མཚན་ཉིད་ཀྱིས་རབ་ཏུ་ཕྱེ་བ་ཡིན། སྨྲས་པ། འཇམ་དཔལ་གང་ཤིན་ཏུ་ཟད་པ་དེ་ནི་ཟད་པར་མི ་འགྱུར་རོ། ། དེ་ཅིའི་ཕྱིར་ཞེ་ན། གང་ཟད་པ་དེ་ནི་ཟད་པར་མི་འགྱུར་བའི་ཕྱིར་རོ།། སྨྲས་པ། ཚངས་པ་དེ་བཞིན་གཤེགས་པས་འདུས་བྱས་ཟད་པའི་ཆོས་ཅན་དུ་མ་གསུངས་སམ། ་སྨྲས་པ། འཇམ་དཔལ་ཟད་པའི་ཆོས་ཉིད་གང་ཡིན་པ་དེ་ནམ་ཡང་ཟད་པར་མི་འགྱུར་ཏེ། དེ་བས་ན་དེ་བཞིན་གཤེགས་པས་འདུས་བྱས་ཟད་པའི་ཆོས་ཅན་ནོ་ཞེས་གསུངས་སོ།། སྨྲས་པ། ་ཚངས་པ་གང་གིས་འདུས་བྱས་ཀྱི་གྲངས་སུ་འགྲོ། སྨྲས་པ། འཇམ་དཔལ་ཟད་པའི་ཆོས་ཉིད་ཀྱིས་འདུས་བྱས་སོ་ཞེས་བྱ་བའི་གྲངས་སུ་འགྲོའོ།། སྨྲས་པ ་ཚངས་པ་འདུས་བྱས་ཅི་ལ་གནས། སྨྲས་པ། འདུས་མ་བྱས་ཀྱི་རང་བཞིན་ལ་གནས་སོ།། སྨྲས་པ། ཚངས་པ་འདུས་བྱས་དང་། འདུས་མ་བྱས་ཀྱི་ཆོས་རྣམས་ལ་ཐ་དད་དུ་བྱ་བ་ཅི ་ཡོད། སྨྲས་པ། འཇམ་དཔལ་འདུས་བྱས་དང་འདུས་མ་བྱས་ཀྱི་ཆོས་རྣམས་ལ་ཐ་དད་དུ་བྱ་བ་ནི་ཐ་སྙད་དོ།། དེ་ཅིའི་ཕྱིར་ཞེ་ན། ཐ་སྙད་ཀྱིས་འདི་ནི་འདུས་བྱས་སོ།། འདི་ནི་འདུས་མ ་བྱས་སོ་ཞེས་བསྟན་ཏེ། ཡང་འདུས་བྱས་ཀྱི་ཆོས་ཉིད་གང་ཡིན་པ་དེ་ནི་འདུས་མ་བྱས་ཀྱི་ཆོས་ཉིད་ཀྱང་དེ་ཡིན་ཏེ། ཆོས་ཉིད་ལ་ཐ་དད་དུ་བྱ་བ་མེད་དོ།། སྨྲས་པ། ཚངས་པ་ཆོས་ཉིད་ཅེས ་བྱ་བ་འདི་གང་གི་ཚིག་བླ་དགས་ཡིན། སྨྲས་པ། འཇམ་དཔལ་ཆོས་ཉིད་ཅེས་བྱ་བ་ནི་འདུས་མ་བྱས་དང་བྱེ་བྲག་མེད་པར་གྱུར་པའི་ཆོས་རྣམས་ཀྱི་ཚིག་བླ་དགས་སོ།། སྨྲས་པ། ཚིག་བླ་དགས ་ཞེས་བྱ་བའི་དོན་ཅི། སྨྲས་པ། ཕ་རོལ་རྣམ་པར་རིག་པར་བྱ་བའི་ཆེད་དུ་བསྟན་པས་ན། འདི་ནི་དེའི་ཕྱིར་ཚིག་བླ་དགས་ཞེས་བྱའོ།། དེ་ཅིའི་ཕྱིར་ཞེ་ན། ཚིག་བླ་དགས་ཐམས་ཅད་ནི་ལྷག ་པར་བྱེད་པས་སྒོ་འདོགས་པ་ཡིན་ཏེ། དེའི་ཕྱིར་དེ་བཞིན་གཤེགས་པ་སྒོ་མི་འདོགས་ཤིང་ལྷག་པར་ཡང་མི་མཛད་ལ་སྟོན་པས་ན། དེ་ནི་ལྷག་པའི་ཚིག་ཅེས་བྱའོ།། ཡང་འཇམ་དཔལ་ཚིག ་ཐམས་ཅད་ཚིག་མ་ཡིན་པས་ན། དེའི་ཕྱིར་སངས་རྒྱས་ཀྱི་ཚིག་ནི་བརྗོད་དུ་མེད་པ་ཞེས་བྱའོ།། དེ་ཅིའི་ཕྱིར་ཞེ་ན། ཡང་དག་པར་རྫོགས་པའི་སངས་རྒྱས་ཉིད་ནི་བརྗོད་པས་རབ་ཏུ་དབྱེ་བ་མ ་ཡིན་ནོ། ། སྨྲས་པ། ཡང་དག་པར་རྫོགས་པའི་སངས་རྒྱས་ཇི་ལྟར་ན་རབ་ཏུ་དབྱེ། སྨྲས་པ། གཟུགས་སུའང་མ་ཡིན། མཚན་དུའང་མ་ཡིན། ཆོས་ཉིད་དུའང་རབ་ཏུ་མི ་དབྱེའོ། ། སྨྲས་པ། ཅི་གཟུགས་ཀྱི་མཚན་ཉིད་ཀྱི་ཆོས་ལས་ཐ་དད་དུ་རབ་ཏུ་དབྱེ་འམ། སྨྲས་པ། དེ་ནི་མ་ཡིན་ནོ།། སྨྲས་པ། གཟུགས་ཀྱི་མཚན་ཉིད་ཀྱི་ཆོས་ཀྱི་དེ་བཞིན་ཉིད ་གང་ཡིན་པ་དེ་ནི། དེ་ལས་ཀྱང་མ་ཡིན། གཞན་ལས་ཀྱང་མ་ཡིན་ཏེ། དེ་ལྟར་དེ་བཞིན་གཤེགས་པ་རྣམས་རབ་ཏུ་དབྱེའོ།། འདི་ལྟར་དེ་བཞིན་ཉིད་ཀྱིས་རབ་ཏུ་བསྟན་ཅིང་ཆུད་ཟ་བར ་ཡང་མི་འགྱུར་བ་དེ་ལྟར་རབ་ཏུ་དབྱེའོ། ། སྨྲས་པ། དེ་ལྟར་ན་དེ་བཞིན་གཤེགས་པས་ཅི་ཞིག་མངོན་པར་རྫོགས་པར་སངས་རྒྱས། སྨྲས་པ། འཇམ་དཔལ་དེ་ལྟར་ན་དེ་བཞིན་གཤེགས ་པས་ཆོས་ཐམས་ཅད་ཀྱི་རང་བཞིན་དང་ངོ་བོ་ཉིད་ཀྱིས་ཇི་ལྟ་བ་བཞིན་དུ་མངོན་པར་རྫོགས་པར་སངས་རྒྱས་ཤིང་། མངོན་པར་རྟོགས་ཏེ། དེའི་ཕྱིར་ཡང་དག་པར་རྫོགས་པའི་སངས་རྒྱས་ཞེས ་བྱའོ། ། དེ་ནས་བཅོམ་ལྡན་འདས་ལ། བྲམ་ཟེ་ཤིང་སཱ་ལ་ཆེན་པོ་ལྟ་བུའི་བུ་མཉམ་པར་གནས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ ་རྣམས་ཐེག་པ་ཆེན་པོ་ལ་ཡང་དག་པར་ཞུགས་པ་ཞེས་བགྱི་དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། ། མཁས་པ་དེ་དག ་གཟུགས་བཞག་ཕྱིར། ། བྱང་ཆུབ་ཏུ་ནི་མ་ཞུགས་ཏེ།། གཟུགས་བཞིན་བྱང་ཆུབ་དེ་བཞིན་ཤེས།། མཁས་པ་དག་ནི་དེ་ལྟར་འཇུག། དེ་བཞིན་ཉིད་ཀྱིས་ཕྱེ་བས་ན།། གཟུགས ་ལྟར་བྱང་ཆུབ་དེ་བཞིན་ཏེ། ། མཁས་མཆོག་དེ་དག་བྱང་ཆུབ་ལ།། ཡོངས་སུ་དབྱེ་བར་མི་འཇུག་གོ།། བྱང་ཆུབ་དོན་ནི་དབྱེར་མེད་དེ།། དོན་ལ་བྱང་ཆུབ་མི་དམིགས་སོ།། ་ན་ས་ས་གང་བཛིན་པ།། དེང་ཀྱང་ཆུམ་ལ་གྲུགས།། ཕུང་པོ་མས་རྣམས་དང་།། མ་དས་སུ་བྱུང་ཆུམ་ཆོག། བྱང་ཆུབ་པ་དི་འང་བནན་ད ་ཨེ་ལས་གུད་ན་བྱང་ཆུབ་མེད། ། ཆོས་རྣམས་རབ་དང་ཐ་མ་དང་།། བར་མའང་ནམ་ཞིག་མི་འཛིན་ཅིང་།། གང་ཡང་འདོར་བར་མི་བྱེད་པ།། དེ་ཚེ་བྱང་ཆུབ་ཡང་དག་ཞུགས།། ་ནམ་ཞིག་ཆོས་དང་ཆོས་མ་ཡིན།། གཉིས་སུ་དེ་དག་ཁས་མི་ལེན།། གཉིས་སུ་གྱུར་པའང་མ་ཡིན་པ།། དེ་དག་བྱང་ཆུབ་རབ་ཏུ་ཞུགས།། འདུས་མ་བྱས་ནི་གཉིས་སུ་མེད།། ་འདུས་བྱས་དག་ནི་གཉིས་ཡོད་ན།། འདི་གཉིས་མཐའ་སྟེ་རྣམ་པར་སྤངས།། བྱང་ཆུབ་སྤྱད་པ་དེ་དག་སྤྱོད།། སོ་སོའི་སྐྱེ་ལས་རབ་འདས་ལ།། མི་འགྱུར་བ་ལའང་མི་གནས་ཤིང་། ་འབྲས་བུའང་མ་ཐོབ་འཕགས་པ་རྣམས།། དེ་དག་འཇིག་རྟེན་སྦྱིན་འོས་ཡིན།། འཇིག་རྟེན་ཆོས་རྣམས་ཀུན་ལྟ་ཞིང་།། འཇིག་རྟེན་ན་ཡང་པདྨ་བཞིན།། སྤྱོད་པ་མཆོག་ལ་སྤྱོད་པ་ན།། ་དེ་དག་བྱང་ཆུབ་ཞུགས་པ་བཞིན།། གང་ལ་འཇིག་རྟེན་སྤྱོད་པ་དེར།། དེ་དག་སྤྱོད་པ་བྱེད་མོད་ཀྱི།། གང་ལ་འཇིག་རྟེན་རྨོངས་འགྱུར་བ།། དེ་ལ་མཁས་པ་དེ་དག་གྲོལ།། དེ་དག་འཁོར ་བར་ཉོན་མི་མོངས། ། བྱང་ཆུབ་སེམས་དཔའ་འཇིགས་མེད་པ།། གཞན་པ་མེདོ་ཅིང་ཞུམ་མེད་པ།། དེ་དག་བྱང་ཆུབ་སྤྱོད་པ་སྤྱོད།། དེ་བཞིན་མཁས་ཤིང་རྟག་པར་ནི།། ཆོས་ཀྱི ་དབྱིངས་ཀྱི་ཚུལ་ཡང་རྟོགས། ། དེ་དག་ཆོས་དང་ཆོས་མིན་དུ།། འདི་ལ་མཁས་པ་མི་རྟོག་གོ།། བྱང་ཆུབ་སྤྱོད་པ་རབ་སྤྱོད་ཅིང་།། དེ་དག་ཆོས་རྣམས་འཇིག་མི་བྱེད།། གང་ཡང་སྐྱེ ་བར་མི་བྱེད་དེ། ། འདི་ནི་བྱང་ཆུབ་མཚན་ཉིད་དོ།། ཆོས་རྣམས་ཐམས་ཅད་མཚན་ཉིད་མེད།། ནམ་མཁོའི་མཚུངས་ཤིང་མཉམ་པ་སྟེ།། མཁས་པ་དེ་དག་ནམ་དུ་ཡང་།། མཚན ་གཞི་མཚན་གཞི་མང་མི་སྙེམས། ། སྤྱོད་ལ་མཁས་པར་གྱུར་པ་ཡིན།། ཐབས་ཀྱི་ཕ་རོལ་རབ་སོང་ཞིང་།། སེམས་ཅན་རྣམས་ཀྱི་བསམ་པ་ཡང་།། མཁས་པ་དག་ནི་རྫོགས་པར ་བྱེད། ། རྟག་ཏུ་དམ་པའི་ཆོས་འཛིན་ཅིང་།། མངོན་པ་ཉིད་ལ་རབ་ཏུ་གནས།། ཆོས་ལ་རློམ་སེམས་མི་བྱེད་པ།། འདི་ནི་ང་ཡི་ཆོས་ཡིན་ཏེ།། སངས་རྒྱས་དག་ནི་སྐྱེས་ཀྱང་རུང་།། ་འོན་ཏེ་འདྲེན་པ་མ་སྐྱེས་ཀྱང་།། ཆོས་རྣམས་ཐམས་ཅད་སྟོང་པ་སྟེ།། དེ་དག་ཆོས་ཉིད་དེ་མི་འདོར།། ཆོས་རྣམས་ཀུན་ལ་མངོན་སུམ་སྟེ།། ཆོས་ཀྱི་ཆོས་ཉིད ་གང་ཡིན་པ། ། དེ་བཞིན་ཉིད་ལ་རབ་གནས་ཤིང་།། དེ་དག་བསྟན་པ་ཤིན་ཏུ་སྟོན།། བདུད་ཀྱིས་ཟབ་མོ་སྤྱོད་པ་ཡི།། གཏིང་ཡང་རྟག་ཏུ་རིག་མི་འགྱུར།། འདི་ལྟར་དེ་དག་ཆོས་རྣམས ་ལ། ། མ་ལུས་པར་ནི་མི་འཛིན་ཏོ།། སངས་རྒྱས་ཡེ་ཤེས་རབ་ཚོལ་ལ།། ཡང་དག་ཞུགས་པའི་སྤྱོད་ཡུལ་མིན།། ཡེ་ཤེས་དེ་ཡང་ཡུལ་གནས་དང་།། ཕྱོགས་ལ་གནས་པ་མི་འཐོབ ་བོ། ། སངས་རྒྱས་ཡེ་ཤེས་ཆགས་མེད་དེ།། ཆོས་དང་ཆོས་ལ་ཆགས་མི་བྱེད།། བྱང་ཆུབ་ཏུ་ནི་གང་གཞོལ་བ།། དེ་བཞིན་དེ་དག་ཆགས་མི་བྱེད།། སྦྱིན་པས་མངོན་པར་རྟག་ཏུ་འཕགས།། ་སེམས་དུལ་དུལ་རབ་རབ་ཏུ་དགའ།། དེ་དག་མ་ལུས་གཏོང་བ་ན།། ཞན་པའི་སེམས་ཀྱི་ཡོངས་མེད་དོ།། ཆོས་ནི་གཏང་བར་མི་ནུས་ཏེ།། གཟུང་བར་ཡང་ནི་མི་ནུས་སོ།། དེ་ལྟར ་ཆོས་རྣམས་ཐམས་ཅད་ལ། ། བདག་གི་དངོས་པོ་ཡོད་མ་ཡིན།། ཆོས་རྣམས་ཐམས་ཅད་མ་བཅིངས་ཤིང་།། གྲོལ་བའང་མེད་པར་གང་གིས་ཤེས།། གང་ལ་ལྟ་བ་མེད་པ་སྟེ།། དེ་ནི་སྦྱིན ་བདག་ཆེན་པོ་ཡིན། ། ང་དངང་ཡིར་ལྟ་བ་གང་།། དེ་ལ་དེ་དག་ཡོང་མེད་དེ།། དེ་ཕྱིར་དེ་དག་གཏོང་བ་ན།། དངོས་པོ་ཅི་ལའང་རྟེན་མི་འགྱུར།། སྦྱིན་པ་གཏོང་བ་ཐམས་ཅད་ཀྱང་།། བྱང ་ཆུབ་ལ་ནི་སྔོ་བར་བྱེད། ། བྱང་ཆུབ་ལ་ནི་སྦྱིན་པ་ཡིས།། གཉིས་སུ་འདུ་ཤེས་མི་བསྐྱེད་དོ།། འདུ་བྱེད་མེད་པའི་ཚུལ་ཁྲིམས་ལ།། རྟག་པར་ཤིན་ཏུ་གནས་པར་འགྱུར།། ཚུལ་ཁྲིམས ་ལ་ཡང་བདག་གནས་ཤིང་། ། དེ་དག་ལ་ནི་རློམ་སེམས་མེད།། ཚུལ་ཁྲིམས་དག་ནི་མ་བྱས་ཤིང་།། མ་སྐྱེས་པར་ཡང་མཁས་པས་ཤེས།། དེ་ཕྱིར་དེ་ཡི་ཚུལ་ཁྲིམས་ནི།། རབ ་དག་དྲི་མེད་ནམ་མཁའ་བཞིན། ། ལུས་ནི་གཟུགས་བརྙན་ཉིད་དང་འདྲ།། ད་ནི་བྲག་ཆ་ཇི་བཞིན་ཏེ།། སེམས་ཀྱང་སྒྱུ་མ་འདྲ་རིག་ནས།། དེ་དག་ཚུལ་ཁྲིམས་མི་སྙེམས་སོ།། དེ ་དག་ཞི་ཞིང་རབ་ཏུ་ནི། ། ཉེ་བར་ནི་ཞིང་མཉམ་པར་གཞག། སྡུག་པ་ཐམས་ཅད་ནི་བྱེད་ཅིང་།། རབ་ཏུ་ཞི་བའི་ཕ་རོལ་སོང་།། ངང་ཚུལ་ངན་དང་ཚུལ་ཁྲིམས་ནི།། གཉིས་སུ་བྱས ་དེ་ལ་མེད། ། ཆོས་ཀྱི་དབྱིངས་ནི་ཡོངས་ཤེས་ནས།། དེ་ཡི་ཚུལ་ཁྲིམས་ཟག་པ་མེད།། བཟོད་པའི་ཕ་རོལ་རབ་ཕྱིན་ཅིང་།། ཉེས་བཅས་ཐམས་ཅད་བཟོད་པར་བྱེད།། དེ་ལྟར ་སེམས་ཅན་ཐམས་ཅད་ལ། ། དེ་ཡི་འདུ་ཤེས་མཉམ་པར་འཇུག། ཆོས་རྣམས་ཐམས་ཅད་མི་གནས་ཏེ།། སྐད་ཅིག་འཇོམས་པས་འཇིག་པར་འགྱུར།། འདི་ལ་གང་ཡང་གཤེག ་མེད། ། འདི་ལ་གང་ཡང་ཕྱག་འཚལ་མེད།། ལུས་རྣམས་གཤགས་ཤིང་བཅད་ན་ཡང་།། དེ་ཡི་སེམས་ལ་འཁྲུགས་མི་འབྱུང་།། ལུས་ཀྱི་ནང་ངམ་ཕྱི་རོལ་ན།། སེམས་ནི།། ་ཤིན་ཏུ་མི་གནས་སོ།། ཁམས་བཞི་ལས་ནི་བྱུང་བ་ཡི།། སྨྲས་འདི་ཉིད་ནི་དགྲ་དང་མཚུངས།། ཡང་དག་ཡོངས་སུ་རྟོགས་པ་ཡི།། མཁས་པ་དེ་དག་བདག ་མི་སྙམས། ། དེ་ལྟར་མངོན་སུམ་གྱུར་པས་ན།། དེ་དག་བཟོད་པ་སྨྲ་བ་ཡིན།། དེ་ཡི་སེམས་ནི་སུན་དབྱུང་བར།། མ་ལུས་སྐྱེ་བོས་མི་ནུས་སོ།། དེ་དག་བརྩོན་འགྲུས་ཆེ་རྩོམ ་། མཐུ་བརྟན་འཇིགས་པ་མེད་པ་དག། ལུས་དང་སེམས་རྣམས་རིགས་ནས་ནི།། དེ་དག་ལ་ནི་གནས་མི་འགྱུར།། འཁོར་བ་ཡི་ནི་ཐོག་མ་ཡིན།། མཐའ་ནས་བཟུང ་སྟེ་མ་སྐྱེས་སོ། ། སེམས་ཅན་གཅིག་གི་དོན་ཕྱིར་ཡང་།། སྟོབས་པོ་ཆེ་དག་གོ་ཆགྱོན།། ཆོས་ནི་གང་ཡང་མི་སྐྱེ་སྟེ།། འབྱུང་བར་འགྱུར་བའང་མེད་མོད་ཀྱི།། བྱིས་པ་ཕྱིན་ཅི ་ལོག་པའི་ཕྱིར། ། སྔོན་གྱི་མཐའ་ནི་མི་རྟོགས་སོ།། དབྱིངས་འདི་རྟག་ཏུ་གནས་པ་སྟེ།། ཆོས་ཀྱི་དབྱིངས་ནི་བསམ་མི་ཁྱབ།། དེ་ལྟར་ཡང་དག་རབ་ཤེས་ནས།། འདི་ལ་སྐྱེ་མེད ་འཇིགས་པའང་མེད། ། ཆོས་ཀྱི་ཆོས་ཉིད་འདི་རྣམས་ནི།། སེམས་ཅན་འདི་དག་མི་ཤེས་ཏེ།། དེ་ཕྱིར་དེ་ཡི་ཕྱིན་ཅི་ལོག། སྤང་བའི་ཕྱིར་ནི་དེ་དག་བརྩོན།། སེམས་ཅན་རྫོགས ་པའི་སངས་རྒྱས་ཀྱིས། ། ཇི་ལྟར་བུར་ཡང་ཡོང་མ་རྙེད།། གོ་ཆ་དག་ཀྱང་མི་འདོར་ཏེ།། བརྩོན་འགྲུས་བདག་གིས་ཁྱད་པར་ལྟོས།། ཇི་ལྟར་སྒྱུ་མ་སྡིག་རྒྱུ་ལྟར།། ཆོས་རྣམས ་ལ་ནི་རབ་ཏུ་འབྱེད། ། འདི་ལ་སྙིང་པོ་མི་རྙེད་དེ།། ནམ་མཁའ་ལ་ནི་ལྟ་བ་བཞིན།། མེད་པའི་ཡོངས་སུ་རྟོགས་པ་ཡི།། སྐྱེ་བོ་མི་མཁས་ཉོན་མོངས་འགྱུར།། གང་གིས་མྱ་ངན་འདའ ་བ་ཡི། ། རིག་པ་དག་ནི་དེ་ལ་བཤད།། དེ་ཡི་བརྩོན་འགྲུས་དེ་ཕྱིར་ཏེ།། དངོས་པོ་གཞིག་ཕྱིར་མ་ཡིན་ནོ།། དངོས་དང་དངོས་མེད་མི་རྟག་ཕྱིར།། དེ་དག་གི་ནི་བརྩོན་འགྲུས ་སྐྱེད། ། དབེན་པ་དག་ཏུ་རྟག་ག་ནས་ཤིང་།། ཉོན་མོངས་མེད་པར་རྟོགས་པར་རིག། འཁོར་བ་ལ་ནི་སྐྲག་པའི་ཡིད།། འདྲིས་པ་མེད་ཅིང་ཡིད་མི་རྟོན།། དགོན་པར་སྤྱོད་པ ་བརྟན་པ་དག། མཁས་པ་རྟག་ཏུ་བསེ་རུ་བཞིན།། ཤེས་པར་བརྩོན་པའི་རིག་པ་དག། དེ་དག་མངོན་ཤེས་རྟོགས་པར་རིག། དགོན་པ་བཞིན་དུ་གྲོང་དེ་བཞིན།། མཉམ་པ་ཉིད་ལ་རབ ་གནས་པས། ། སྤྱོད་དང་སྤྱོད་ལམ་མི་རྟོག་སྟེ།། དེ་དག་རྟག་ཏུ་མཉམ་པར་གཞག། ནམ་ཞིག་མཉམ་པར་གཞག་པའི་ཆོས།། ཉེ་བར་ཞི་བ་ཟག་མེད་ལ།། མོས་ཤིང་རྣམ་པར་གྲོལ་བ ་། ། དེ་ཕྱིར་མཉམ་པར་གཞག་ཅེས་གསུངས།། མཉམ་པར་བྱེད་ཅིང་མཉམ་པར་འགྲོ།། མཉམ་པ་ཉིད་ལ་རབ་གནས་ནས།། མཉམ་པ་ཉིད་དང་འགལ་མི་བྱེད།། དེ་ཕྱིར་མཉམ་པར ་གཞག་ཅེས་གསུངས། ། བྱང་ཆུབ་སེམས་ལས་རྣམ་པ་ཀུན།། སེམས་ལས་དེ་དག་རྨོངས་མི་འགྱུར།། སེམས་ཅན་དག་ཀྱང་ཡོངས་སྨིན་བྱེད།། དེ་ཕྱིར་མཉམ་པར་གཞག་ཅེས་གསུངས།། ་རྫོགས་པའི་སངས་རྒྱས་ཆོས་ཀྱི་སྐུ།། དེ་བཞིན་གཤེགས་པ་རྟག་ཏུ་དྲན།། གཟུགས་ལ་འདོད་ཆགས་བྲལ་བ་ཐོབ།། དེ་ཕྱིར་མཉམ་པར་གཞག་ཅེས་གསུངས། ་ཆོས་ཀྱི་ཆོས་ཉིད་ཇི་ལྟ་བར།། དེ་དག་ཆོས་རྣམས་སྒོམ་མོད་ཀྱི།། དྲན་པ་ཡིད་ལ་བྱེད་པ་མིན།། དེ་ཕྱིར་མཉམ་པར་གཞག་ཅེས་གསུངས།། དགེ་འདུན་དྲན་པ་སྒོམ་བྱེད་དེ།། དགེ་འདུན ་ཉིད་ཀྱང་འདུས་མ་བྱས། ། ཚད་དང་བྲལ་བ་ཞི་པ་ཡི།། མཁས་པ་དག་ནི་བསམ་གཏན་སྒོམ།། ལུས་ཅན་དག་གིས་ཕྱོགས་བཅུ་ན།། ཞིང་དང་སངས་རྒྱས་རྣམས་མཐོང་སྟེ།། དེ་དག ་མིག་དང་གཟུགས་ལ་ཡང་། ། གཉིས་སུ་འདུ་ཤེས་མི་འཇུག་གོ།། སངས་རྒྱས་རྣམས་ཀྱི་ཆོས་བསྟན་པ།། ཇི་སྙེད་ཡོད་པ་ཉན་མོད་ཀྱི།། དེ་དག་སྒྲ་དང་རྣ་བ་ལ།། གཉིས་སུ་འདུ་ཤེས ་མི་འཇུག་གོ། ། དེ་དག་སེམས་ཅན་ཀུན་གྱི་སེམས།། སེམས་གཅིག་གིས་ནི་རབ་ཤེས་ཀྱང་།། དེ་དག་སེམས་སམ་སེམས་ཅན་ལ།། རྣམ་པར་རྟོག་པར་མི་འགྱུར་རོ།། བསྐལ་པ ་གདྷཱའི་བྱེ་མ་སྙེད། བྱེ་བ་ལྟ་བུ་དྲན་གྱུར་ཀྱང་།། དེ་དག་སྔོན་ནམ་ཕྱི་མ་ཞེས།། སྤྲོས་པ་འདི་ཡང་མི་འབྱུང་ངོ་།། ཞིང་རྣམས་བྱེ་བ་ཕྲག་སྟོང་དང་།། བསམ་མི་ཁྱབ་པར་འཕྲུལ་གྱིས ་འགྲོ། ། ལུས་ལའང་མེད་ཅིང་སེམས་ལའང་མེད།། དེ་ལས་གུད་ནའང་ཡོད་མ་ཡིན།། ཆོས་རྣམས་རབ་ཏུ་དབྱེ་བ་ཤེས།། སྤོབས་པ་དག་ལ་རྟོགས་པར་མི།། ཆོས་ཀྱི་དབྱིངས་རྣམས ་བསྟན་པ་དག། བསྐལ་པ་བྱེ་བར་སྨྲ་བར་བྱེད།། ཤེས་རབ་ཀྱི་ཡང་ཕ་རོལ་ཕྱིན།། ཕུང་པོ་དག་ལ་མཁས་པར་བསླབས།། བླང་མེད་སྤྲོས་པ་མེད་པ་ཡི།། ཆོས་མཆོག་དག་ནི་རྗོད་པར ་བྱེད། ། དེ་དག་རྐྱེན་ལ་མཁས་པ་སྟེ།། མཐའ་གཉིས་དག་ནི་སྤངས་པ་སྟེ།། དེ་དག་ཉོན་མོངས་རྒྱུ་རྣམས་ཀྱང་།། སྡིག་པ་མེད་པ་དག་པར་ཤེས།། རྐྱེན་ལ་ལྷག་པར་མོས་པ་ལ།། ! ་བ་དག་ནི་ཡོད་མ་ཡིན། ། འདི་ལྟར་ཆོས་རྣམས་ཐམས་ཅད་ནི།། རྐྱེན་ལ་རག་ལས་དངོས་པོ་མེད།། བདག་ཏུ་ལྟ་དང་སངས་རྒྱས་ལྟ།། སྟོང་པར་ལྟ་བའང་གང་ཡིན་དང་།། མྱ་ངན་འདས ་དང་འཁོར་བར་ལྟ། ། ཐམས་ཅད་དེ་ལ་ཡོངས་མོད་དོ།། ཤེས་རབ་རང་བཞིན་ཤེས་ནས་ནི།། སྣང་བར་གྱུར་མ་ཐག་ཏུ་ཡང་།། དེ་དག་མུན་བྲལ་ཆགས་མེད་ཅིང་།། བྱང་ཆུབ ་སྤྱོད་ལ་སྤྱོད་པར་འགྱུར། ། ཐེག་པ་ཆེན་པོའི་ཐེག་པ་འདི།། སངས་རྒྱས་ཐེག་པ་བསམ་མི་ཁྱབ།། སེམས་ཅན་ཀུན་གྱི་གོ་སྐབས་འབྱེད།། ཐེག་པ་ཆེན་པོ་བླ་ན་མེད།། ཐེག ་པ་ཇི་སྙེད་ཅི་ཡོད་པ། ། འདི་ནི་དེ་ཡི་མཆོག་ཏུ་དགོངས།། དེ་ཕྱིར་ཐེག་པ་ཆེན་པོ་ལས།། ཐེག་པ་ཐམས་ཅད་རབ་ཏུ་དབྱེ།། ཐེག་པ་གཞན་ནི་ཆུང་ངུ་སྟེ།། ཐམས་ཅད ་ཀྱི་ནི་གོ་སྐབས་མེད། ། ཐེག་པ་ཆེན་པོ་འདི་ལ་ནི།། ལུས་ཅན་ཀུན་གྱི་གོ་སྐབས་ཤོང་།། ཐེག་པ་ཆེན་པོ་ནམ་མཁའ་ལྟར།། དྲི་མ་མེད་ལ་གང་ཞུགས་པ།། དེ་དག་ལུས་ཅན ་ཐམས་ཅད་ལ། ། སེར་སྣ་བྱེད་པ་ཡོངས་མེད་དོ།། ཇི་ལྟར་ནམ་མཁའ་ཚད་མེད་ཅིང་།། གཟུགས་མེད་བསྟན་དུ་མེད་པ་ལྟར།། དེ་བཞིན་ཐེག་པ་ཆེན་པོ ་འདི། ། ཚད་མེད་བསྒྲིབས་པ་མེད་པའོ།། གལ་ཏེ་སེམས་ཅན་ཐམས་ཅད་ཀྱང་།། ཐེག་པ་དམ་པ་འདོད་འགྱུར་ན།། ཐམས་ཅད་ཀྱི་ཡང་གོ་སྐབས་ཡོད།། ཐེག་པའི་ཁྱད ་པར་དག་ལ་ལྟོས། ། ཐེག་པ་ཆེན་པོའི་ཡོན་ཏན་དག། དེ་ལ་གང་རྣམས་གནས་པ་ཡི།། དེ་དག་གིས་ནི་བསྔགས་པའི་མཐའ།། བསྐལ་པ་བྱེ་བར་བཤད་མི་ནུས།། ་ཚིག་བཞི་པ་ཡི་ཚིགས་བཅད་ཙམ།། མདོ་མཆོག་འདི་ལས་གང་འཛིན་པ།། དེ་དག་གིས་ནི་མི་ཁོམ་སྤངས།། མཁས་པ་དེ་དག་དལ་བ་ཐོབ།། གང་དག་མདོ་སྡེ་འདིར་དགའ་བ།། ་དེ་དག་ཕྱིན་ཆད་ངན་སོང་དུ།། འགྲོ་བར་འགྱུར་བ་མ་ཡིན་ཏེ།། དེ་དག་ལྷ་དང་མིར་འགྱུར་རོ།། ཕྱི་དུས་འཇིགས་པ་ཆེན་པོའི་ཚེ།། མདོ་སྡེ་འདི་ནི་གང་ཉན་པ།། དེ་དག ་ཐམས་ཅད་བྱང་ཆུབ་ཏུ། ། ཤིན་ཏུ་གཞོལ་བར་ངས་ལུང་བསྟན།། དེ་ཡི་ལག་ན་དམ་ཆོས་ཡོད།། དེ་དག་དག་པའི་ཆོས་ལ་གནས།། ཆོས་འདི་ལ་ནི་གནས་ནས་ཀྱང་།། དེ་དག ་ཆོས་ཀྱི་འཁོར་ལོ་བསྐོར། ། གང་གིས་མདོ་སྡེ་འདི་བཟུང་བ།། དེ་དག་རྫོགས་པའི་བྱང་ཆུབ་ཉེ།། བསྐལ་པ་བསམ་ལས་འཁོར་བ་ལས།། བདག་ཉིད་ཆེན་པོ་དེ་དག་སྤོང་།། གང་གིས ་ཚུལ་འདི་བཟུང་བ་དག། དེ་དག་དཔའ་བོས་ནུས་པ་སྟེ།། བདུད་ཀྱི་སྡེ་རྣམས་རབ་ཏུ་འཇོམ།། བརྩོན་འགྲུས་ཆེ་ཞིང་ཤེས་རབ་ཆེ།། མདོ་སྡེ་འདི་ལ་གང་དགའ་བ།། ང་ནི་བཟོད ་ལ་གནས་པའི་ཚེ། ། མར་མེ་མཛད་ཀྱི་ལུང་བསྟན་ལྟར།། དེ་ཚེ་དེ་དག་ལུང་བསྟན་ཏོ།། མདོ་སྡེ་འདི་ནི་གང་སྨྲ་བ།། འདི་ནི་སངས་རྒྱས་སྐྱོབ་པ་ཡི།། འཇིག་རྟེན་སྒྲོལ་བ་མ་བྱུང ་ཚེ། ། སངས་རྒྱས་མཛད་པ་བྱེད་པར་འགྱུར།། ཡང་ཚིགས་སུ་བཅད་པ་མངོན་པར་སྒྲུབ་པ་འདི་བཤད་པ་ན། ལྕེའི་བུ་ལྔ་སྟོང་བྱང་ཆུབ་ཏུ་སེམས་སྨྲས་སོ།། བྱང་ཆུབ་སེམས་དཔའ ་ཉིས་སྟོང་མི་སྐྱེ་བའི་ཆོས་ལ་བཟོད་པ་སྐྱེས་སོ། ། དགེ་སློང་སྟོང་ལྷག་ཙམ་ལེན་པ་མེད་པར་ཟག་པ་ལས་སེམས་རྣམ་པར་གྲོལ་ལོ།། སྲོག་ཆགས་སུམ་ཁྲི་ཉིས་སྟོང་ཆོས་རྣམས་ལ་ཆོས་ཀྱི་མིག་རྡུལ ་མེད་ཅིང་དྲི་མ་དང་བྲལ་བ་རྣམ་པར་དག་གོ། ། དེ་ནས་བཅོམ་ལྡན་འདས་ལ། འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། ཇི་ལྟར་བཅོམ་ལྡན་འདས་ཀྱིས་བཤད་པའི་དོན ་བདག་གིས་འཚལ་བ་ལྟར་ན། ། གང་བྱང་ཆུབ་ཀྱི་ཕྱིར་སྨོན་པ་ནི་ལོག་པར་ལྟ་བ་ལ་སྨོན་པ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་དམིགས་པ་ནི་ལོགས་པ་ལགས་ཏེ། དེ་ལྟ་བས ་ན་བྱང་ཆུབ་ལ་དམིགས་པར་བགྱིད་ཅིང་། དམིགས་པ་ལ་སྨོན་པ་དེ་དག་གི་འབད་པ་ནི་ལོག་པ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་བྱང་ཆུབ་ནི་འདོད་པའི་ཁམས་ལ་མི་གནས། ་གཟུགས་ཀྱི་ཁམས་ལ་མི་གནས། གཟུགས་མ་མཆིས་པའི་ཁམས་ལ་མི་གནས་ཏེ། བཅོམ་ལྡན་འདས་བྱང་ཆུབ་ནི་མི་གནས་པ་ལགས་པས་དེ་ལ་དེ་སྨོན་པར་བགྱི ་བ་མ་མཆིས་སོ། ། བཅོམ་ལྡན་འདས་འདི་ལྟ་སྟེ། དཔེར་ན་སྐྱེས་བུ་ལ་ལ་ཞིག་གིས་ནམ་མཁའ་ཐོབ་པར་བགྱིའོ་ཞེས་ནམ་མཁའ་ལ་སྨོན་ན་དེས་ནམ་མཁའ་ཐོབ་པར་འགྱུར་རམ། ་བཀའ་སྩལ་པ། འཇམ་དཔལ་དེ་ནི་མ་ཡིན་ནོ།། འཇམ་དཔལ་གྱིས་གསོལ་པ། བཅོམ་ལྡན་འདས་དེ་བཞིན་དུ་གང་བྱང་ཆུབ་ནམ་མཁའ་དང་མཚུངས་པ་ལ་སྨོན་པ་དེ་དག་ནི་ནམ་མཁའ ་ལ་སྨོན་པ་ལགས་སོ། ། བཅོམ་ལྡན་འདས་བྱང་ཆུབ་ནི་སྨོན་པ་མ་མཆིས་པ། དུས་གསུམ་ལས་འདས་པ། ཉེ་བར་མི་མཆིས་པ་ལགས་ཏེ། བཅོམ་ལྡན་འདས་བྱང་ཆུབ་སེམས་དཔའ ་གང་འདུ་ཤེས་གཉིས་སུ་བགྱིས་ནས་བྱང་ཆུབ་ཀྱང་གཞན་ལ། འཁོར་བའང་གཞན་ནོ།། བྱང་ཆུབ་ཀྱང་གཞན་ལ། ལྟ་བར་གྱུར་པའང་གཞན་ནོ།། བྱང་ཆུབ་ཀྱང་གཞན་ལ ་མྱ་ངན་ལས་འདས་པའང་གཞན་ནོ་ཞེས་སྨོན་པར་བགྱིད་ན། བྱང་ཆུབ་སེམས་དཔའ་དེ་དག་ནི་བྱང་ཆུབ་ལ་སྤྱོད་པ་མ་ལགས་སོ།། དེ་ནས་ཚངས་པ་ཁྱད་པར་སེམས་ཀྱིས།། འཇམ ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། ། འཇམ་དཔལ་བྱང་ཆུབ་སེམས་དཔའ་ཇི་ལྟར་སྤྱོད་ན། བྱང་ཆུབ་ལ་སྤྱོད་པ་ཡིན། སྨྲས་པ། ཚངས་པ་བྱང་ཆུབ་སེམས་དཔའ་གང ་ཆོས་ཐམས་ཅད་ལའང་སྤྱོད་ལ། ཆོས་གང་ལའང་མི་སྤྱོད་ན། བྱང་ཆུབ་སེམས་དཔའ་དེ་བྱང་ཆུབ་ལ་སྤྱོད་དེ། ཚངས་པ་སྤྱད་པའི་ཡུལ་ལས་འདས་པའི་བྱང་ཆུབ་སེམས་དཔའ་ནི་བྱང་ཆུབ ་ཏུ་སྤྱོད་དོ། ། སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སྤྱད་པའི་ཡུལ་ལས་འདས་པ་ལ་སྤྱོད། སྨྲས་པ། དམིགས་པའི་མཚན་མ་ཐམས་ཅད་དང་བྲལ་ཞིང་། མིག ་དང་། རྣ་བ་དང་། སྣ་དང་། ལུས་དང་། ལྕེ་དང་། ཡིད་དང་བྲལ་བ་དེ་ལྟར་ན་སྤྱད་པའི་ཡུལ་ཐམས་ཅད་ལས་ཤིན་ཏུ་འདས་པ་ཡིན་ནོ།། སྨྲས་པ། འཇམ་དཔལ་ཡང་དག ་པར་འདས་པ་ཞེས་བྱ་བ་ཅི་ལ་བསམས། སྨྲས་པ། མཉམ་པ་ཉིད་ལྔ་མི་འདའ་འོ།། དེ་ཅིའི་ཕྱིར་ཞེ་ན། ཚངས་པ་བྱང་ཆུབ་ནི་ཆོས་ཐམས་ཅད་ཀྱི་མཉམ་པ་ཉིད་དོ།། སྨྲས་པ། ་འཇམ་དཔལ་བྱང་ཆུབ་སེམས་དཔས་ཇི་ལྟར་བྱང་ཆུབ་ཏུ་འཇུག་པར་བྱ།། སྨྲས་པ། བྱང་ཆུབ་ཇི་ལྟ་བ་བཞིན་དུའོ།། སྨྲས་པ། བྱང་ཆུབ་ཇི་ལྟ་བུ་ཡིན། སྨྲས་པ། ཚངས་པ་བྱང་ཆུབ ་དེ་ནི་འདས་པའང་མ་ཡིན། མ་འོངས་པའང་མ་ཡིན། ད་ལྟར་བྱུང་བའང་མ་ཡིན་ཏེ། དེ་བས་ན་བྱང་ཆུབ་སེམས་དཔའ་དུས་གསུམ་ཡོངས་སུ་དག་པའི་རྣམ་པ་དང་། འཁོར་གསུམ་ཡོངས ་སུ་དག་པས་བྱང་ཆུབ་ཏུ་ཡང་དག་པར་འཇུག་པར་བྱའོ། ། འདས་པ་ཇི་ལྟ་བ་དང་། མ་འོངས་པ་ཇི་ལྟ་བ་དང་། ད་ལྟར་བྱུང་བ་ཇི་ལྟ་བ་དང་། མ་བྱུང་བ་ཇི་ལྟ་བ་དང་། མ་བྱུང་བ་གང ་ཡིན་པ་དེ་ལ་རབ་ཏུ་དབྱེ་བ་མེད་དེ། གང་དེ་ལྟར་རབ་ཏུ་ཞུགས་པ་དེ་གང་ལའང་ཞུགས་པ་མེད་དོ།། དེ་ཅིའི་ཕྱིར་ཞེ་ན། རབ་ཏུ་འཇུག་པ་འདིས་ཐམས་ཅད ་མཁྱེན་པའི་ཡེ་ཤེས་འཐོབ་པར་འགྱུར་རོ། ། སྨྲས་པ། འཇམ་དཔལ་ཅིའི་ཕྱིར་ཐམས་ཅད་མཁྱེན་པའི་ཡེ་ཤེས་ཞེས་བྱ། སྨྲས་པ། ཐམས་ཅད་ཤེས་པར་གྱུར་པའི་ཡེ་ཤེས་དེ་ནི ་ཐམས་ཅད་མཁྱེན་པའི་ཡེ་ཤེས་ཞེས་བྱའོ། ། སྨྲས་པ། འཇམ་དཔལ་ཀུན་ཤེས་པ་གང་ཡིན། སྨྲས་པ། ཚངས་པ་ཀུན་ཤེས་པ་གང་ལ་དངོས་པོ་མེད་ཅིང་། ཀུན ་ཤེས་པ་ལ་ཀུན་ཤེས་པ་མེད་པ་དེ་ནི་ཀུན་ཤེས་པ་སྟེ། དངོས་པོ་ཇི་ལྟ་བ་དེ་བཞིན་དུ་དེའི་ཀུན་ཤེས་པའང་མེད་དོ།། སྨྲས་པ། ཅིའི་ཕྱིར་དངོས་པོ་མེད། སྨྲས་པ། ་དངོས་པོ་ནི་མིང་གི་རང་བཞིན་གྱིས་དབེན་ཏེ། དེའི་མིང་དང་རང་བཞིན་དབེན་པ་ལ་དངོས་པོའང་གཞན་མ་ཡིན། བྱང་ཆུབ་ཀྱང་གཞན་མ་ཡིན་ནོ།། གལ་ཏེ་དངོས་པོའང་གཞན་ལ། ་བྱང་ཆུབ་ཀྱང་གཞན་དུ་ཟིན་ན། འདི་ལྟར་འདི་ལ་བྱང་ཆུབ་ཇི་ལྟར་དངོས་པོའང་དེ་བཞིན་ནོ།། དེ་བས་ན་འདི་ལ་སེམས་ཅན་ཡང་གུད་ན་མེད་ལ། དེ་རྣམ་པ་གཞན་དུའང་རྟོགས་པར་མི་འགྱུར ་ཏེ། གཞན་དུ་ན་བདག་གིས་མཉམ་པ་ཉིད་ཀྱིས་བྱང་ཆུབ་མཉམ་པ་ཉིད་དང་། བྱང་ཆུབ་ཀྱི་མཉམ་པ་ཉིད་ཀྱིས་བདག་གིས་མཉམ་པ་ཉིད་རིག་པར་བྱེད་དེ། དེ་ལྟར་ན་བྱང་ཆུབ་རྟོགས་པར ་འགྱུར་ཏེ། གཞན་དུ་མ་ཡིན་པས་ན་དེའི་ཕྱིར་དེ་ལ་གཞན་དུ་འགྱུར་བ་མེད་དོ།། བདག་ནི་རྟག་ཏུ་བདག་མེད་པ་ཡིན་ཏེ། དེའི་ཕྱིར་དེ་ལ་རྣམ་པ་གཞན་དུ་འགྱུར་བ་མེད་དོ།། ཇི་ལྟར་ན་ནམ།། ་མཁའ་ལ་རྣམ་པ་གཞན་དུ་འགྱུར་བ་མེད་པ་དེ་བཞིན་དུ། ཆོས་ཐམས་ཅད་ལའང་གཞན་དུ་འགྱུར་བ་མེད་དོ།། དེ་ནས་ཚངས་པ་ཁྱད་པར་སེམས་ཀྱིས། འཇམ་དཔལ་གཞོན ་ནུར་གྱུར་པ་ལ་འདི་སྐད་ཅེས་སྨྲས་སོ། ། འདི་ལྟར་ཆོས་འདི་དག་རབ་ཏུ་ཕྱེ་བ་ལས་ན། དེ་བཞིན་གཤེགས་པ་ནི་བདེན་པར་གསུངས་པའོ།། སྨྲས་པ། ཚངས་པ་དེ་བཞིན་གཤེགས་པས་ནི ་ཆོས་གང་ཡང་རབ་ཏུ་མ་ཕྱེའོ། ། དེ་ཅིའི་ཕྱིར་ཞེ་ན། དེ་བཞིན་གཤེགས་པས་ཆོས་ཉིད་ཀྱང་མ་དམིགས་ན། གང་རབ་ཏུ་དབྱེ་བ་ལྟ་ཅི་སྨོས། སྨྲས་པ། འཇམ་དཔལ་ཇི་ལྟར་དེ་བཞིན་གཤེགས ་པས་ཆོས་འདི་དག་ནི་འདུས་བྱས་སོ། ། ཆོས་འདི་དག་ནི་འདུས་མ་བྱས་སོ།། ཆོས་འདི་དག་ནི་འཇིག་རྟེན་པའོ།། ཆོས་འདི་དག་ནི་འཇིག་རྟེན་ལས་འདས་པའོ་ཞེས་ཆོས་རྣམས་རྣམ་པར་མི་མཁྱེན་ཏམ།། སྨྲས ་པ། ཚངས་པ་འདི་ཇི་སྙམ་དུ་སེམས། སུས་ཀྱང་ནམ་མཁའ་འདི་རབ་ཏུ་ཕྱེ་བ་འམ། ཤེས་པར་གྱུར་པ་ཡོད་དམ། སྨྲས་པ། འཇམ་དཔལ་དེ་མ་ཡིན་ནོ།། འཇམ་དཔལ་གྱིས་སྨྲས་པ། གང་ནམ་མཁའ ་ཞེས་བྱ་བ་དེ་སྐྱེ་བ་འམ། འགག་པར་འགྱུར་རམ། སྨྲས་པ། དེ་མ་ཡིན་ནོ།། སྨྲས་པ། ཚངས་པ་དེ་བཞིན་དུ་ཆོས་གང་ཡང་རུང་བའི་རྣམ་པར་རིག་པར་བྱེད་པ་དེའང་ནམ་མཁའི་རྣམ་པར་རིག་པར་བྱེད ་པའོ། ། ཆོས་ནི་སྐྱེ་བ་འམ། འགག་པར་མི་འགྱུར་ཏེ། ཆོས་ཐམས་ཅད་ཀྱི་རྣམ་པར་རིག་པར་བྱེད་པ་ནི། རྣམ་པར་རིག་པར་བྱེད་པ་མེད་པའོ།། ཆོས་དེས་གང་ཀུན་ཤེས ་པར་བྱས་པས་དེ་དག་ཀྱང་གཞན་དུ་མི་འགྱུར་བས་ན། རྣམ་པར་རིག་པར་བྱེད་པ་མེད་པས་ཀུན་ཤེས་སོ།། དེ་ཅིའི་ཕྱིར་ཞེ་ན། ཆོས་རྣམས་རྣམ་པར་རིག་པར་བྱེད་པ་དེ་ཅི་འདྲ་བ་དེ་བཞིན་དུ། དེའི་ཀུན ་ཤེས་པའང་དེ་འདྲ་སྟེ། དེ་ཅིའི་ཕྱིར་ཆོས་ཐམས་ཅད་དེ་བཞིན་ཉིད་ལ་གནས་ཞེས་བྱ་སྟེ། དེ་བཞིན་ཉིད་ནི་མི་གནས་པའོ།། དེ་ནས་རྒྱལ་པོ་ཆེན་པོ་བཞི་དང་། ལྷའི་དབང་པོ་བརྒྱ་བྱིན་དང ་མི་མཇེད་ཀྱི་བདག་པོ་ཚངས་པའང་འཁོར་དེ་ཉིད་དུ་ཚོགས་ནས་འདུག་པར་གྱུར་ཏེ། དེ་དག་ལྷའི་མེ་ཏོག་དག་གིས་དེ་བཞིན་གཤེགས་པ་ལ་གཏོར་ནས་ཚིག་འདི་སྐད་ཅེས་འཛེར་ཏེ། བཅོམ་ལྡན ་འདས་རིགས་ཀྱི་བུ་འམ། རིགས་ཀྱི་བུ་མོ་གང་དག་འཇམ་དཔལ་གཞོན་ནུར་གྱུར་པས་བསྟན་པ་འདི་ལ་མོས་པ་དེ་དག་ནི་བདུད་དང་ཕྱིར་རྒོལ་བ་བཅོམ་པ་ལགས་སོ།། དེ་ཅིའི་སླད་དུ་ཞེ་ན ་བཅོམ་ལྡན་འདས་འཇམ་དཔལ་གཞོན་ནུར་གྱུར་པས་བསྟན་པ་ནི་འདུ་ཤེས་ཐམས་ཅད་དང་བྲལ་བ་ལགས་ཏེ། གང་ཆོས་ཟབ་མོ་བསྟན་པ་འདི་ལ་མི་སྐྲག་མི་དངང་ཞིང་ཤིན་ཏུ་དངང་བར་མི་འགྱུར ་བའི་རིགས་ཀྱི་བུ་འམ། རིགས་ཀྱི་བུ་མོ་དེ་དག་ནི་དགེ་བའི་རྩ་བ་ངན་ངོན་དང་ལྡན་པ་མ་ལགས་སོ།། བཅོམ་ལྡན་འདས་ཆོས་ཀྱི་རྣམ་གྲངས་འདིས་ཕྱོགས་གང་དུ་བྱུང་བ་དེ་སངས་རྒྱས་ཀྱི་བྱིན་གྱིས ་རླབས་པ་ལགས་སོ། ། གང་དུ་ཆོས་ཀྱི་ཚུལ་ཟབ་མོ་འདི་ཐོས་པར་འགྱུར་བའི་ས་ཕྱོགས་དེ་དག་དེ་བཞིན་གཤེགས་པས་ཡོངས་སུ་ལོངས་སྤྱོད་པའོ།། གྲོང་དང་། གྲོང་ཁྱེར་དང་། གྲོང་རྡལ་དང་། ་ལྗོངས་དང་། གཙུག་ལག་ཁང་ངམ། འཆགས་གང་དུ་ཆོས་ཀྱི་རྣམ་གྲངས་འདི་བྱུང་བ་དེར་ཆོས་ཀྱི་འཁོར་ལོ་རབ་ཏུ་བསྐོར་བར་བལྟའོ།། དེར་བདུད་རྣམས་རྒྱུ་བ་མ་མཆིས། དམིགས་པ་ལ ་མངོན་པར་ཆགས་པ་རྣམས་ཀྱི་རྒྱུ་བ་མ་མཆིས་ཏེ། བཅོམ་ལྡན་འདས་སེམས་ཅན་སྔོན་གྱི་རྒྱལ་བ་རྣམས་ལ་ལྷག་པར་བགྱི་བ་བགྱིས་པ་རྣམས་ཀྱི་རྣ་ལམ་དུ་ཆོས་ཀྱི་རྣམ་གྲངས་འདི་ཐོས་པར་འགྱུར་རོ།། ་བཅོམ་ལྡན་འདས་འདི་ལྟར་བདག་ཅག་གིས་ཆོས་ཀྱི་རྣམ་གྲངས་འདི་ལས་ཆོས་ཀྱི་སྣང་བ་ཐོབ་སྟེ། བཅོམ་ལྡན་འདས་དེ་བཞིན་གཤེགས་པ་དང་། འཇམ་དཔལ་གཞོན་ནུར་གྱུར་པ་དང་། ་ཚངས་པ་འདི་ལ་བདག་ཅག་གིས་རང་གི་ཤ་དང་ཁྲག་གིས་ཀྱང་ལན་མི་ལྗོན་ནོ།། བཅོམ་ལྡན་འདས་གང་ལས་ཆོས་ཀྱི་རྣམ་གྲངས་འདི་ཐོས་པར་འགྱུར་བའི་ཆོས་སྨྲ་བ་དེ་ལ་བདག་ཅག་སྟོན་པར་འདུ ་ཤེས་བསྐྱེད་པར་བགྱིའོ། ། བཅོམ་ལྡན་འདས་ཆོས་སྨྲ་བ་དེའི་དྲུང་དུ་བདག་ཅག་རྟག་ཏུ་རྒྱུན་མི་འཆད་པར་མཆི་སྟེ། རིགས་ཀྱི་བུ་དེ་ལྷ་དག་གིས་ཡོངས་སུ་གཟུང་བར་འགྱུར་རོ།། ཆོས་ཀྱི ་རྣམ་གྲངས་འདི་ཡི་གེར་འདྲི་འམ། ཀློག་གམ། སྟོན་ཏམ། ཁ་ཏོན་བྱེད་ན། བྷའི་བུ་བརྒྱ་སྟོང་ཕྲག་དུ་མ་ཆོས་ཉན་དུ་མཆིའོ།། དེ་ན་བཅོམ་ལྡན་འདས་ཀྱིས། རྒྱལ་པོ་ཆེན་པོ་བཞི་དང་། ་ལྷའི་དབང་པོ་བརྒྱ་བྱིན་དང་། ཚངས་པ་མི་མཇེད་ཀྱི་བདག་པོ་ལ་འདི་སྐད་ཅེས་བཀའ་སྩལ་ཏོ།། ལེགས་སོ་ལེགས་སོ།། སྐྱེས་བུ་དམ་པ་ཁྱེད་ཇིསྐད་ཟེར་བ་དེ་དེ་བཞིན་ནོ།། གྲོགས ་པོ་དག་གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེ་ཐམས་ཅད་ཀྱིས་ཡོངས་སུ་བཀང་བའི་ཆ་གཅིག་བཞག་པ་དང་། ཆོས་ཀྱི་རྣམ་གྲངས་འདི་ཉན་པའི་དགེ་བའི་རྩ་བའི་ཆ་གཅིག ་བཞག་པ་དང་། དེ་གཉིས་ནི་གང་འདི་ཆོས་ཀྱི་རྣམ་གྲངས་ཉན་པའི་དགེ་བའི་རྩ་བའི་ཆ་འདི་མཆོག་གོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལྟ་ཞོག་གི། གལ་ཏེ་ཆུ་བོ་གངྒཱའི ་ཀླུང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་རིན་པོ་ཆེ་ཐམས་ཅད་ཀྱིས་ཡོངས་སུ་བཀང་བའི་ཆ་གཅིག་བཞག་པ་དང་། ཆོས་ཀྱི་རྣམ་གྲངས་འདི་ཉན་པའི་དགེ་བའི་རྩ་བའི་ཆ་གཅིག་བཞག་པ་དང་། དེ་གཉིས ་ནི་གང་འདི་ཆོས་ཀྱི་རྣམ་གྲངས་འདི་ཉན་པའི་དགེ་བའི་རྩ་བའི་ཆ་འདི་མཆོག་གོ། ། གྲོགས་པོ་དག་རིགས་ཀྱི་བུ་འམ། རིགས་ཀྱི་བུ་མོ་བསོད་ནམས་འདོད་པས་ཆོས་ཀྱི་རྣམ་གྲངས་འདི་མཉན་པར་བྱའོ།། ་རྙེད་པ་འདོད་པ་དང་། ཆོས་འདོད་པ་དང་། གཟུགས་འདོད་པ་དང་། ལོངས་སྤྱོད་འདོད་པ་དང་། གཡོག་འདོད་པ་དང་། ཆོས་ཀྱི་དབང་ཕྱུག་འདོད་པ་དང་། ལྷའི་ཕུན་སུམ་ཚོགས ་པ་འདོད་པ་དང་། མིའི་ཕུན་སུམ་ཚོགས་པ་འདོད་པ་དང་། གྲགས་པ་འདོད་པ་དང་། བརྗོད་པ་འདོད་པ་དང་། ཐོས་པ་འདོད་པ་དང་། དྲན་པ་དང་། བློ་གྲོས་དང་། རྟོགས་པ་དང་། ་བརྟན་པ་དང་། ཤེས་རབ་འདོད་པ་དང་། སྤོབས་པ་འདོད་པ་དང་། གཟུངས་འདོད་པ་དང་། དགེ་བའི་བཤེས་གཉེན་རྙེད་པར་འདོད་པ་དང་། མངོན་པར་ཤེས་པ་དང་། རིག་པ་དང་། ་ཤེས་འདོད་པ་དང་། བྱང་ཆུབ་འདོད་པ་དང་། དགེ་བའི་ཆོས་ཐམས་ཅད་འདོད་པ་དང་། བྱང་ཆུབ་ཀྱི་ཡན་ལག་འདོད་པ་དང་། ཆོ་ག་འདོད་པ་དང་། སེམས་ཅན་ཐམས་ཅད་བདེ་བ་ཐོབ་པར་བྱ། ་བར་འདོད་པ་དང་། མྱ་ངན་ལས་འདས་པ་འདོད་པའི་རིགས་ཀྱི་བུ་འམ། རིགས་ཀྱི་བུ་མོས་ཆོས་ཀྱི་རྣམ་གྲངས་འདི་མཉན་པར་བྱ། མོས་པར་བྱ། གཟུང་བར་བྱ། ཀུན་ཆུབ་པར་བྱ། བཅང ་བར་བྱ། བཀླག་པར་བྱ། གཞན་ལའང་རྒྱ་ཆེར་རབ་ཏུ་བསྟན་པར་བྱའོ།། གྲོགས་པོ་དག་ཆོས་ཀྱི་རྣམ་གྲངས་འདི་ཆུང་ངུ་ན་མཉན་པ་ཙམ་གྱིས་ཀྱང་། གང་དེས་ཡོངས་སུ་མ་བཟུང་བར་གྱུར ་པའི་ཕུན་སུམ་ཚོགས་པ་དེ་ངས་མ་མཐོང་ངོ་། ། གྲོགས་པོ་དག་མོས་པར་བྱ། གོ་བར་བྱ་སྟེ། སློབ་དཔོན་ནམ་མཁན་པོ་གང་ལས་ཆོས་ཀྱི་རྣམ་གྲངས་འདི་མཉན་ཏམ་གཟུང་ན། འཇིག ་རྟེན་གྱི་ཟང་ཟིང་གང་གིས་དེ་ལ་ལན་གླན་པར་སླ་བ་དེ་ལྟ་བུ་ངས་མ་མཐོང་ངོ་། ། དེ་ཅིའི་ཕྱིར་ཞེ་ན། འདི་ནི་འཇིག་རྟེན་ལས་འདས་པའི་ཆོས་ཏེ། འཇིག་རྟེན་གྱི་ཟང་ཟིང་གིས་དེ་སྦྱང་བར་སླ་བ ་མ་ཡིན་ནོ། ། ཆོས་འདི་ནི་འཇིག་རྟེན་གྱིས་མ་གོས་པ་སྟེ། འཇིག་རྟེན་གྱི་ཟང་ཟིང་གིས་སྦྱང་བར་སླ་བ་མ་ཡིན་ནོ།། ཆོས་འདི་ནི་ཟང་ཟིང་མེད་པ་སྟེ། འཇིག་རྟེན་གྱི་ཟང་ཟིང་གིས་སྦྱང་བར་སླ ་བ་མ་ཡིན་ནོ། ། ཆོས་ཀྱི་རྣམ་གྲངས་འདི་ལ་ལན་ཀླན་པའི་ཆོས་ཀྱི་ནན་ཏན་མ་གཏོགས་པར་གཞན་མེད་དེ། ལོག་པའི་ནན་ཏན་གྱིས་མ་ཡིན་ནོ།། གང་འདི་ལ་ཞུགས་པ་དེ་དག ་གིས་མཁན་པོ་དང་སློབ་དཔོན་ལ་གུས་པར་བྱས་སོ། ། དེ་དག་གིས་ལན་གླན་པ་དག་པར་བྱས་སོ།། དེ་དང་དེ་དག་ནི་བུ་ལོན་མེད་པར་ཡུལ་འཁོར་གྱི་བསོད་སྙོམས་ཟའོ།། དེ་དང་དེ་དག་ནི་དེ་བཞིན ་གཤེགས་པའི་ཚིག་ལ་ནན་ཏན་དུ་བྱེད་པའོ། ། དེ་དང་དེ་དག་ནི་ཆུ་བོ་ལས་རྒལ་བའོ།། དེ་དང་དེ་དག་ནི་དགོན་པ་ལས་ཤིན་ཏུ་རྒལ་བའོ།། དེ་དང་དེ་དག་ནི་གདུགས་དང་། རྒྱལ་མཚན་དང་། ་བ་དན་བསྒྲེང་བའོ།། དེ་དང་དེ་དག་ནི་དཔའ་བོ་གཡུལ་ལས་རྣམ་པར་རྒྱལ་བའོ།། དེ་དང་དེ་དག་ནི་སེང་གེ་ལྟར་འཇིགས་ཤིང་སྐྲག་པ་དང་བྲལ་བའོ།། དེ་དང་དེ་དག་ནི་བལ་གླང་ལྟར་ཅང ་ཤེས་པའོ། ། དེ་དང་དེ་དག་ནི་གླང་པོ་ཆེ་ལྟར་སེམས་རབ་ཏུ་ཞི་བའོ།། དེ་དང་དེ་དག་ནི་ཁྱུ་མཆོག་ལྟར་ཕ་རོལ་རྒོལ་བ་ཐམས་ཅད་ཀྱིས་ཟིལ་གྱིས་མི་ནོན་པའོ།། དེ་དང་དེ་དག་ནི་སྨན་པ་སྟེ།། ་སེམས་ཅན་ཐམས་ཅད་ནད་ཐམས་ཅད་ལས་རབ་ཏུ་ཐར་པར་བྱེད་པའོ།། དེ་དང་དེ་དག་ནི་ཆོས་ཟབ་མོ་བསྟན་པ་ལ་མི་དངང་བའོ།། དེ་དང་དེ་དག་ནི་སྦྱིན་པ་ཕུན་སུམ་ཚོགས་ཤིང་ཉོན་མོངས་པ་ཐམས ་ཅད་ཡོངས་སུ་གཏོང་བའོ། ། དེ་དང་དེ་དག་ནི་ཚུལ་ཁྲིམས་ཡོངས་སུ་དག་ཅིང་། ཞི་བ་དང་ཞི་གནས་དམ་པའི་ཕ་རོལ་ཏུ་ཕྱིན་པའོ།། དེ་དང་དེ་དག་ནི་བཟོད་པའི་སྟོབས་དང་ལྡན་ཞིང་ངར་འཛིན་པ་དང་། ་ང་ཡིར་འཛིན་པ་དང་བྲལ་བའོ།། དེ་དང་དེ་དག་ནི་བརྩོན་འགྲུས་ཆེ་ཞིང་བསྐལ་པ་གྲངས་མེད་པར་ཚོགས་མུ་མེད་པའི་མཐར་གཏུགས་པའོ།། དེ་དང་དེ་དག་ནི་བསམ་གཏན་ཕུན་སུམ་ཚོགས་ཤིང་དྲན་པ ་དང་ལྡན་ཞིང་སེམས་རྩེ་གཅིག་པའོ། ། དེ་དང་དེ་དག་ནི་ཤེས་རབ་ཆེན་པོ་ཆོས་ཐམས་ཅད་ཀྱི་ཚིག་རབ་ཏུ་དབྱེ་བའི་ཡེ་ཤེས་སྟོན་པ་ལ་མཁས་པའོ།། དེ་དང་དེ་དག་ནི་བསོད་ནམས་ཆེན་པོ་སྟེ། ་བསོད་ནམས་བརྒྱ་པའི་མཚན་གྱིས་ལེགས་པར་བརྒྱན་པའོ།། དེ་དང་དེ་དག་ནི་གཟི་བརྗིད་ཆེན་པོ་སྟེ། ཉི་མ་དང་ཟླ་བ་ཟིལ་གྱིས་གནོན་པར་བྱེད་པ་ཐོབ་པའོ།། དེ་དང་དེ་དག་ནི་མཐུ་ཆེན ་པོ་ཐོབ་ཅིང་སྟོབས་བཅུའི་ཤུགས་འཛིན་པའོ། ། དེ་དང་དེ་དག་ནི་སྤྲིན་ཆེན་ལྟར་ཆོས་མངོན་པར་སྒྲོགས་པའོ།། དེ་དང་དེ་དག་ནི་ཆོས་ཀྱི་ཆར་ཆེན་པོ་རབ་ཏུ་འབེབས་པ། ཉོན་མོངས་པ་ཐམས ་ཅད་རབ་ཏུ་ཞི་བར་བྱེད་པའོ། ། དེ་དང་དེ་དག་ནི་གནས་ཏེ། མྱ་ངན་ལས་འདས་པའི་གྲོང་དུ་ཞུགས་པའོ།། དེ་དང་དེ་དག་ནི་འཁོར་བའི་འཇིགས་པས་གཙེས་པ་རྣམས་ཀྱི་མགོན་ནོ།། དེ་དང་དེ ་དག་ནི་སྒྲོན་མ་སྟེ། མུན་པ་མུན་ནག་དང་བྲལ་བའོ།། དེ་དང་དེ་དག་ནི་བདུད་ཀྱིས་སྐྲག་པ་རྣམས་ཀྱི་སྐྱབས་སོ།། དེ་དང་དེ་དག་ནི་སེམས་ཅན་ཐམས་ཅད་ཀྱི་རྟེན་ཏོ།། དེ་དང་དེ་དག་ནི་བྱང་ཆུབ་ཀྱི ་སྙིང་པོ་ལ་དབང་བསྐུར་བའོ། ། དེ་དང་དེ་དག་གིས་ཆོས་ཀྱི་མིག་ཐོབ་བོ།། དེ་དག་གིས་ཆོས་ཀྱི་དེ་བཞིན་ཉིད་མཐོང་ངོ་།། དེ་དག་གིས་ཆོས་ཐམས་ཅད་སྟོང་པར་ཤེས་སོ།། དེ་དག་ནི་སྙིང་རྗེ་ཆེན ་པོ་ལ་རབ་ཏུ་གནས་པའོ། ། དེ་དག་ནི་བྱམས་པ་ཆེན་པོ་ལ་ཡང་དག་པར་ཞུགས་པའོ།། དེ་དག་ནི་སེམས་ཅན་ཐམས་ཅད་མི་གཏོང་བའོ།། དེ་དག་ནི་ཐེག་པ་དམན་པ ་ལ་རྒྱབ་ཀྱིས་བལྟས་པའོ། ། དེ་དག་ནི་ཐེག་པ་ཆེན་པོ་ལ་མངོན་དུ་ཕྱོགས་པའོ།། དེ་དག་གིས་ཕྱིན་ཅི་ལོགས་སྤངས་སོ།། དེ་དག་ནི་མཉམ་པ་ཉིད་ལ་ཉེ་བའོ།། དེ་དག་ནི་བྱང་ཆུབ་སེམས་དཔའི ་ངེས་པ་ལ་ཞུགས་པའོ། ། དེ་དག་ནི་བྱང་ཆུབ་ཀྱི་སྙིང་པོ་ལ་གནས་པའོ།། དེ་དག་གིས་བདུད་ཀྱི་སྡེ་རྣམས་བཏུལ་བའོ།། དེ་དག་གིས་ཐམས་ཅད་མཁྱེན་པ་ཉིད་ཁོང་དུ་ཆུད་དོ།། དེ་དག་ནི་ཆོས་ཀྱི ་འཁོར་ལོ་རབ་ཏུ་སྐོར་བར་འགྱུར་རོ། ། དེ་དག་ནི་སངས་རྒྱས་ཀྱི་བྱ་བ་བྱེད་པར་འགྱུར་རོ།། གྲོགས་པོ་དག་གང་ཆོས་འདི་ལ་ནན་ཏན་དུ་བྱེད་པའི་སྐྱེས་བུ་དམ་པ་དེ་དག་གི་བསྔགས་པ་ངས་བསྐལ་པ་འམ ་བསྐལ་པ་ལས་འདས་པར་བཤད་ཀྱང་། ཆོས་འདི་ལ་ནན་ཏན་བྱེད་པའི་སྐྱེས་བུ་དམ་པ་དེ་དག་གི་བསྔགས་པའི་མཐར་མི་ཕྱིན་ཏེ། དེ་བཞིན་གཤེགས་པ་ལྟར་སྤོབས་པ་ཕུན་སུམ་ཚོགས་པར ་འགྱུར་རོ། ། དེ་ནས་འཁོར་དེ་ཉིད་དུ་ལྷའི་བུ་ཕྱིར་མི་ལྡོག་པ་ཞེས་བྱ་བ་འདུས་པར་གྱུར་ཏེ་འདུག་གོ།། དེ་ནས་བཅོམ་ལྡན་འདས་ལ། ལྷའི་བུ་ཕྱིར་མི་ལྡོག་པས་འདི་སྐད་ཅེས་གསོལ་ཏོ།། ་བཅོམ་ལྡན་འདས་ཆོས་ཀྱི་ནན་ཏན་ཆོས་ཀྱི་ནན་ཏན་ཞེས་བགྱི་བ། བཅོམ་ལྡན་འདས་ཇི་ཙམ་གྱིས་ན་ཆོས་ཀྱི་ནན་ཏན་ཞེས་བགྱི། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་ཆོས ་ཀྱི་ནན་ཏན་ཞེས་བྱ་བ་ནི། གང་ཆོས་ཐམས་ཅད་ལ་ནན་ཏན་མེདུ་པ་འདི་ནི་ཆོས་ཀྱི་ནན་ཏན་ནོ།། དེ་ཅིའི་ཕྱིར་ཞེ་ན། གང་ཆོས་རྣམས་ལ་ནན་ཏན་དུ་མི་བྱེད་དེ། དེ་ཆོས་ཐམས་ཅད་མི་བྱེད ་རྣམ་པར་མི་བྱེད་དོ། ། གང་མི་བྱེད། རྣམ་པར་མི་བྱེད་པ་འདི་ནི་ཆོས་ཀྱི་ནན་ཏན་ནོ།། གང་དགེ་བ་ལའང་མི་འཇུག། མི་དགེ་བ་ལའང་མི་འཇུག་པ་འདི་ནི་ཆོས་ཀྱི་ནན་ཏན་ནོ།། དེ་བཞིན་དུ ་བསྡུས་ཏེ་འཇིག་རྟེན་པ་ལ་མ་ཡིན། ། འཇིག་རྟེན་ལས་འདས་པ་ལ་མ་ཡིན། ཟག་པ་དང་བཅས་པ་ལ་མ་ཡིན། ཟག་པ་མེད་པ་ལ་མ་ཡིན། ཁ་ན་མ་ཐོ་བ་དང་བཅས་པ་ལ་མ་ཡིན། ཁ་ན་མ་ཐོབ ་མེད་པ་ལ་མ་ཡིན། འདུས་བྱས་ལ་མ་ཡིན། འདུས་མ་བྱས་ལ་མ་ཡིན། འཁོར་བ་ལ་མ་ཡིན། མྱ་ངན་ལས་འདས་པ་ལ་མི་འཇུག་པ་འདི་ནི་ཆོས་ཀྱི་ནན་ཏན་ཞེས་བྱ་སྟེ། ཆོས་ཐམས་ཅད་ལ་ནན་ཏན་དུ་བྱ། ་བ་མེད་པ་འདི་ནི་ཆོས་ཀྱི་ནན་ཏན་ནོ།། ཆོས་སུ་འདུ་ཤེས་པ་ལ་ཆོས་ཀྱི་ནན་ཏན་མེད་དེ། ཆོས་འདི་ལ་ནན་ཏན་བྱའོ་ཞེས་སྤྲོ་བར་བྱེད། ནན་ཏན་མི་བྱའོ་ཞེས་སྤྲོ་བར་བྱེད་ན་མ་ཞུགས་པའོ།། ཆོས་ཐམ ་ཅད་ཀྱི་རྗེས་སུ་ཞུགས་པའི་ནན་ཏན་འདི་ནི་ཆོས་ཀྱི་ནན་ཏན་ནོ། ། སྤྲོས་པ་མེད་པའི་གཉེན་པོ་མེད་པ་ནི་ཆོས་ཀྱི་ནན་ཏན་ཞེས་བྱའོ།། དེ་ནས་བཅོམ་ལྡན་འདས་ལ། ལྷའི་བུ་ཕྱིར་མི་ལྡོག་པས་འདི་སྐད ་ཅེས་གསོལ་ཏོ། ། བཅོམ་ལྡན་འདས་གང་ཡང་དག་པའི་ནན་ཏན་འདི་ལ་ཞུགས་པ་དང་། འཇུག་པར་འགྱུར་བ་དེ་དག་ལ་ཤིན་ཏུ་ལོག་པའི་ནན་ཏན་མ་མཆིས་སོ།། དེ་ཅིའི་སླད་དུ་ཞེ་ན། བཅོམ་ལྡན ་འདས་ཤིན་ཏུ་ཡང་དག་པའི་ནན་ཏན་འདི་ལགས་ཏེ། ལོག་པའི་ལམ་དུ་ཞུགས་པ་རྣམས་ནི་ནན་ཏན་གང་ཡང་མ་མཆིས་སོ།། ཡང་དག་པའི་ལམ་ལ་གནས་པ་རྣམས་ལ་ཆོས ་ཀྱི་ནན་ཏན་མ་མཆིས་སོ། ། ཡང་དག་པར་ཞུགས་པ་རྣམས་ལ་ནི་མི་མཉམ་པའི་ཆོས་གང་ཡང་མ་མཆིས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་ཆོས་ཐམས་ཅད་ནི་མཉམ་པ་ཁྱད་པར་མ ་མཆིས་པའོ། ། དེ་ནས་ཚངས་པ་ཁྱད་པར་སེམས་ཀྱིས། ལྷའི་བུ་དེ་ལ་འདི་སྐད་ཅེས་སྨྲས་སོ།། ལྷའི་བུ་ཁྱོད་ནན་ཏན་འདི་ལ་ཞུགས་སམ། སྨྲས་པ། ཚངས་པ་གལ་ཏེ་བཅོམ་ལྡན་འདས ་ཀྱི་ནན་ཏན་ལ་གཉིས་སུ་བཤད་པར་གྱུར་ན། བདག་ཀྱང་ནན་ཏན་འདི་ལ་ནན་ཏན་དུ་བྱེད་དོ།། ནན་ཏན་འདི་ནི་གཉིས་སུ་མེད་པ་སྟེ། དེ་ལ་གང་ནན་ཏན་བྱེད་པ་དང་། གང་ལ་ནན་ཏན ་བྱེད་པ་དེའང་མེད་དོ། ། གང་ཡང་ནན་ཏན་དུ་བྱེད་པ་དེ་མེད་དེ། འོན་ཀྱང་ཚངས་པ་བདག་ནི་ལྷག་པར་མི་བྱེད་པ་དང་། སྒོ་མི་འདོགས་པའི་ཕྱིར་ནན་ཏན་འདི་ལ་ཞུགས་སོ།། ཆོས་ཉིད ་ཇི་ལྟ་བར་ཆོས་ཀྱི་ནན་ཏན་ཡང་དེ་བཞིན་ཏེ། དེ་ནི་དེ་བཞིན་ཉིད་ལ་དེ་ལྟར་ཞུགས་ན་ཞུགས་པ་ཞེས་བྱའོ།། ཚངས་པས་སྨྲས་པ། ལྷའི་བུ་ཁྱོད་སངས་རྒྱས་ཀྱི་ཞིང་འདི་ནི་སྔོན་ངས་མ་མཐོང ་ངོ་། ། སྨྲས་པ། ཚངས་པ་སངས་རྒྱས་ཀྱི་ཞིང་འདིས་ཀྱང་སྔོན་བདག་མ་མཐོང་ངོ་།། སྨྲས་པ། སངས་རྒྱས་ཀྱི་ཞིང་འདི་ནི་བལྟའོ་ཞེ་འམ། མི་བལྟའོ་ཞེས་རྟོག་པ་འམ། རྣམ་པར་རྟོག། ་པ་མེད་དོ།། སྤྲས་པ། ཚངས་པ་བདག་སྔོན་མཐོང་ངོ་ཞེས་འམ། སྔོན་མ་མཐོང་ངོ་ཞེས་བདག་ཀྱང་མི་རྟོག། རྣམ་པར་མི་རྟོག་གོ། སྤྲས་པ། ལྷའི་བུ་སྔོན་མ་མཐོང་བ་མཐོང་བ་སུ ་སྨྲས་པ། བྱིས་པ་སོ་སོའི་སྐྱེ་བོ་ཐམས་ཅད་ཀྱིས་ནི་འཕགས་པའི་ངེས་པར་འཇུག་པ་སྔོན་མ་མཐོང་ངོ་།། ཚངས་པ་ནམ་ཡང་དག་པར་ངེས་པར་ཞུགས་པ་དེ་ན། སྔོན་མ་མཐོང་བ་མཐོང་ངོ་།། ་ངེས་པ་དེ་ནི་མིག་གི་རྣམ་པར་ཤེས་པས་ཤེས་པ་མ་ཡིན། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་རྣམ་པར་ཤེས་པས་ཤེས་པར་བྱ་བ་མ་ཡིན་ཏེ། དེ་བཞིན་ཉིད་ཇི ་ལྟ་བ་དེ་བཞིན་དུ་བལྟ་བར་བྱའོ། ། མིག་གི་དེ་བཞིན་ཉིད་ཇི་ལྟ་བ་དངརྣ་བའི་དེ་བཞིན་ཉིད་ཇི་ལྟ་བ་དང་། སྣའི་དེ་བཞིན་ཉིད་ཇི་ལྟ་བ་དང་། ལྕེའི་དེ་བཞིན་ཉིད་ཇི་ལྟ་བ་དང་། ལུས ་ཀྱི་དེ་བཞིན་ཉིད་ཇི་ལྟ་བ་དང་། ཡིད་ཀྱི་དེ་བཞིན་ཉིད་ཇི་ལྟ་བ་དེ་བཞིན་དུ་ལྟ་སྟེ། གང་དེ་ལྟར་མཐོང་བ་དེ་དག་ནི་ཡང་དག་པར་མཐོང་བའོ།། དེ་ནས་བཅོམ་ལྡན་འདས་ལ། ལྷའི་དབང་པོ་བརྒྱ་བྱིན ་གྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་དེད་དཔོན་ནོར་བུ་རིན་པོ་ཆེའི་གླིང་དུ་ཕྱིན་པའི་མིག་སྔར་ནི་ནོར་བུ་རིན་པོ་ཆེ་འབའ་ཞིག་གདའ་འོ།། དེ་བཞིན་དུ་བཅོམ་ལྡན་འདས་སྐྱེས་བུ་དམ་པ ་བསམ་གྱིས་མི་ཁྱབ་པའི་ཆོས་རིན་པོ་ཆེ་དང་ལྡན་པ་རྣམས་ཅི་དང་ཅི་སྤོབས་པ་དེ་དག་གིས་དེ་ཐམས་ཅད་ཆོས་རིན་པོ་ཆེ་ཉིད་དུ་སྤོབས་སོ། ། དེ་ཉིད་ཡང་དག་པའི་མཐའ་ཡོངས་སུ་གསལ་བར་བགྱིད ་པར་སྤོབས་སོ། ། འདི་ལྟར་དེ་དག་ལ་བདག་ཏུ་མངོན་པར་ཆགས་པ་མ་མཆིས། ཆོས་སུ་མངོན་པར་ཆགས་པ་མ་མཆིས། སེམས་ཅན་དུ་མངོན་པར་ཆགས་པ་མ་མཆིས་པའི ་སླད་དུའོ། ། དེའི་སླད་དུ་ཇི་ལྟར་མ་ལོག་པ་དང་། ཕྱིན་ཅི་མ་ལོག་པར་སྤོབས་པ་དེ་དེ་ལྟར་སྤོབས་སོ།། ཇི་ལྟར་སྔོན་གྱི་མཐའ་ཡང་སྦྱོང་བ་དང་། ཕྱི་མའི་མཐའ་ཡང་མི་དམིགས་པ་དང་། ད་ལྟར ་བྱུང་བ་ལའང་དེ་ལྟར་མ་མཆིས་པ་དེ་ལྟར་སྤོབས་སོ། ། ཇི་ལྟར་མ་མོས་པ་རྣམས་ཀྱང་མོས་པར་བགྱིད་ལ། མོས་པ་རྣམས་ཀྱང་རྣམ་པར་གྲོལ་བ་དེ་དེ་ལྟར་སྤོབས་སོ།། མངོན་པའི་ང་རྒྱལ་ཅན་རྣམས ་ཀྱང་ཚར་གཅོད་པར་འགྱུར་ལ། ང་རྒྱལ་མ་མཆིས་པར་ཀུན་འཚལ་བ་ལན་ལྗོན་པ་དེ་ལྟར་སྤོབས་སོ།། ཇི་ལྟར་བདུད་ཀྱིས་གླགས་མི་རྙེད་པ་དེ་ལྟར་སྤོབས་སོ།། གང་དེ་ལྟར་ཉན་པ་དེ་དག་ཀྱང་བདུད ་ཀྱི་ལས་ལས་འདས་པར་འགྱུར་རོ། ། ཇི་ལྟར་དགེ་བའི་རྩ་བ་མ་སྐྱེ་བ་རྣམས་སྐྱེད་པ་དང་། དགེ་བའི་རྩ་བ་སྐྱེས་པ་རྣམས་ཆབ་མི་འཚལ་བ་དང་། ཉོན་མོངས་པ་སྐྱེས་པ་རྣམས་སྤོང་བ་དང་། མ་སྐྱེས ་པ་རྣམས་མི་སྐྱེད་པ་དེ་ལྟར་སྤོབས་སོ། ། ཇི་ལྟར་བྱང་ཆུབ་སེམས་དཔའ་གོ་ཆ་མ་བགོས་པ་རྣམས་གོ་ཆ་འཚལ་བ་དང་། གོ་ཆ་བགོས་པ་རྣམས་མི་ལྡོག་པར་འགྱུར་བ་དེ་ལྟར་སྤོབས་སོ།། ཇི་ལྟར ་དམ་པའི་ཆོས་མི་འཆད་ཅིང་དམ་པའི་ཆོས་ཡོངས་སུ་གཟུང་བར་བགྱིད་པ་དེ་ལྟར་སྤོབས་སོ། ། ཇི་ལྟར་སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་འགྱུར་བ་དེ་ལྟར་སྤོབས་སོ།། བཅོམ ་ལྡན་འདས་དེ་ལྟ་བུའི་སྤོབས་པས་ནི་མུ་སྟེགས་ཅན་གྱི་གནས་ཐམས་ཅད་གཞོམ་པར་ནུས་སོ། ། དེ་ཅིའི་སླད་དུ་ཞེ་ན། བཅོམ་ལྡན་འདས་ཝ་ནི་སེང་གེའི་སྒྲ་བཟོད་པར་ཡང་མི་ནུས་ན། རབ་ཏུ། ་སྒྲོགས་པར་ལྟ་ག་ལ་ནུས་ཏེ། བཅོམ་ལྡན་འདས་དེ་བཞིན་དུ་ཕ་རོལ་རྒོལ་བ་ཐམས་ཅད་ཀྱིས་བླ་ན་མེད་པའི་སེང་གེའི་སྒྲ་བཟོད་པར་མི་ནུས་སོ།། དེ་ནས་ལྷའི་བུ་ཕྱིར་མི་ལྡོག་པས། ལྷའི་དབང ་པོ་བརྒྱ་བྱིན་ལ་འདི་སྐད་ཅེས་སྨྲས་སོ། ། ཀོའུ་ཤི་ཀ་སེང་གེའི་སྒྲ་སེང་གེའི་སྒྲ་ཞེས་བྱ་བ་ཇི་ཙམ་གྱིས་ན་སེང་གེའི་སྒྲ་ཞེས་བྱ། སྨྲས་པ། ལྷའི་བུ་ཆོས་གང་ལའང་མངོན་པར་མ་ཆགས་པར ་བརྗོད་པ་དེ་དག་གི་སེང་གེའི་སྒྲ་ཡིན་ནོ། ། གང་དེ་ལྟ་བུ་ལ་མངོན་པར་ཆགས་པར་བརྗོད་པ་དེ་དག་གི་སེང་གེའི་སྒྲ་མ་ཡིན་ཏེ། ཝའི་སྒྲའོ།། གང་ལྟ་བ་ཀུན་ཏུ་སློང་བ་སྟོན་པ་དེ་དག་ལ་སེང་གེའི་སྒྲ ་མད་དོ། ། ལྷའི་དབང་པོ་བརྒྱ་བྱིན་གྱིས་སྨྲས་པ། ལྷའི་བུ་ཁྱོད་སེང་གེའི་སྒྲ་ཇི་ལྟ་བུ་ཡིན་པ་སྤོབས་པར་བགྱིས་ཤིག། སྨྲས་པ། ཀོའུ་ཤི་ཀ་གང་དེ་བཞིན་གཤེགས་པ་ལའང་མངོན་པར་མ ་ཆགས་པར་སྤྱོན་ན། ཆོས་ངན་པ་གཞན་ལྟ་ཅི་སྨོས་ཏེ། དེའི་ཕྱིར་སེང་གེའི་སྒྲ་ཞེས་བྱའོ།། ཡང་དག་པའི་དོན་ནི་སེང་གེའི་སྒྲ་སྟེ། དེའི་ཕྱིར་སེང་གེའི་སྒྲ་ཞེས་བྱའོ།། འདི་ནི་མགོ་གཅིག་ཏུ ་བསྟན་པ་ཡིན་ཏེ། དེའི་ཕྱིར་སེང་གེའི་སྒྲ་ཞེས་བྱའོ།། འདི་ནི་མི་སྐྲག་པར་བསྟན་པ་སྟེ། དེའི་ཕྱིར་སང་གེའི་སྒྲ་ཞེས་བྱའོ།། ཀོའུ་ཤི་ཀ་གང་ཆོས་ཐམས་ཅད་མི་སྐྱེ་བ་དང་། མི་འགོག་པ ་དང་། མི་ཐོབ་པར་བསྒོམ་པའི་ཕྱིར་ཆོས་སྟོན་པ་དེ་དག་གི་སེང་གེའི་སྒྲ་ཡིན་ཏེ། གང་ཀུན་ནས་ཉོན་མོངས་པ་དང་། རྣམ་པར་བྱང་བ་དང་། ཀུན་ཏུ་སྦྱོར་བ་དང་བྲལ་བར་བྱ་བའི། ་ཕྱིར་ཆོས་སྟོན་པ་དེ་དག་ལ་སེང་གེའི་སྒྲ་མེད་དོ།། ཀོའུ་ཤི་ཀ་སེང་གེའི་སྡེ་ཞེས་བྱ་བ་ནི་འདི་ལྟ་སྟེ། མགོ་གཅིག་ཏུ་བསྟན་པ་ཆོས་ཐམས་ཅད་གང་ཟག་མེད་པ། བདག་མེད་པ་ཡིན་ནོ།། ་། ཀོའུ་ཤི་ཀ་སེང་གེའི་སྒྲ་སང་གེའི་སྒྲ་ཞེས་བྱ་བ་ནི་འདི་ལྟ་སྟེ། མགོ་གཅིག་ཏུ་ཆོས་ཐམས་ཅད་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ཡོངས་སུ་སྟོན་པ་ནི་སེང་གེའི་སྒྲའོ།། ་དམ་པའི་ཆོས་བསྲུངས་པའི་ཕྱིར་ཚིག་སྨྲ་བ་ནི་སེང་གེའི་སྒྲའོ།། འདི་ལྟ་སྟེ། སེམས་ཅན་ཐམས་ཅད་རབ་ཏུ་ཐར་པར་བྱ་བའི་ཕྱིར་སངས་རྒྱས་སུ་གྱུར་ཅིག་ཅེས་བྱང་ཆུབ་ཏུ་སེམས་བསྐྱེད་པའི ་ཚིག་སྨྲ་བ་ནི་སེང་གེའི་སྒྲའོ། ། ལོངས་སྤྱོད་དུ་རུང་བ་ལ་ཆོག་ཤེས་པར་སྨྲ་བ་ནི་སེང་གེའི་སྒྲའོ།། ཀོའུ་ཤི་ཀ་སེང་གེའི་སྒྲ་སེང་གེའི་སྒྲ་ཞེས་བྱ་བ་ནི་འདི་ལྟ་སྟེ། དགོན་པར་གནས་པ་དང ་ཡང་དག་པར་ལེན་པ་དང་། གཏོང་བ་སྔོན་དུ་འགྲོ་བ་ནི་སེང་གེའི་སྒྲའོ།། ཚུལ་ཁྲིམས་ཡང་དགུ་པར་བླངས་པ་མི་འདོར་པ་ནི་སེང་གེའི་སྒྲའོ།། མཛའ་བ་དང་མི་མཛའ་བ་ལ་སེམས ་མཉམ་པ་ནི་སེང་གེའི་སྒྲའོ། ། བརྩོན་པ་མི་འདོར་བ་ནི་སེང་གེའི་སྒྲའོ།། ཉོན་མོངས་པ་སྤོང་བ་ནི་སེང་གེའི་སྒྲའོ།། ཤེས་རབ་ཀྱིས་ཤིན་ཏུ་བརྟགས་པ་ནི་སེང་གེའི་སྒྲའོ།། སེང་ནམ ་སྒྲ་བསྟན་པ་འདི་བཤད་པའི་ཚེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས་སོ།། སིལ་སྙན་བརྒྱ་སྟོང་མ་བརྡུངས་པར་སྒྲ་འབྱིན་ཏོ།། འཇིག་རྟེན་རྣམས་སྣང ་བ་ཆེན་པོས་ཁྱབ་པར་གྱུར་ཏོ། ། ལྷའི་བུ་བརྒྱ་སྟོང་ཨ་ལ་ལ་ཞེས་སྒྲ་འབྱིན་ཅིང་ཚིག་འདི་སྐད་ཅེས་སྨྲས་སོ།། ཨེ་མའོ་དང་འདིར་ལྔའི་བུས་སེང་གེའི་སྒྲ་འདི་བསྒྲགས་པས་འཛམ་བུའི་གླིང་དུ་ཆོས ་ཀྱི་འཁོར་ལོ་བསྐོར་བ་ལན་གཉིས་བྱུང་ངོ་། ། དེ་ནས་བཅོམ་ལྡན་འདས་ཀྱིས་དེའི་ཚེ་འཛུམ་པ་མཛད་པ་དང་། ཆོས་ཉིད་ཀྱིས་འདི་ལྟར་འགྱུར་ཏེ། ནམ་སངས་རྒྱས་བཅོམ་ལྡན་འདས་འཛུམ་པ ་མཛད་པ་དེའི་ཚེ་འོད་ཟེར་ཁ་དོག་སྣ་ཚོགས་འདི་ལྟ་སྟེ། མཐིང་ཀ་དང་། སེར་པོ་དང་། དམར་པོ་དང་། དཀར་པོ་དང་། ལེ་བརྒན་དང་། ཤེལ་དང་། དངུལ་གྱི་ཁ་དོག་ལྟ་བུ་ཞལ་ནས ་བྱུང་སྟེ། འཇིག་རྟེན་གྱི་ཁམས་མཐའ་ཡས་པ་ཁྱབ་པར་བྱས་ནས། ཚངས་པའི་འཇིག་རྟེན་གྱི་བར་དུ་མངོན་པར་འཕགས་ཏེ། ཕྱིར་ལོག་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས ་ནས། བཅོམ་ལྡན་འདས་ཀྱི་སྤྱི་བོར་མི་སྣང་བར་གྱུར་ཏོ།། །། བམ་པོ་དྲུག་པ་སྟེ་ཐ་མ།། དེ་ནས་བཅོམ་ལྡན་འདས་ལ། ཚངས་པ་ཁྱད་པར་སེམས ་ཀྱིས་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། ། ཡེ་ཤེས་ཀུན་མཆོག་ཕ་རོལ་ཕྱིན་ཅིང་ཐུབ་པ་ཀུན་མཁྱེན་ཀུན་ཟིལ་གནོན།། འདི་ལ་དུས་གསུམ་སེམས་ཅན་སྤྱོད་པ་སྣ་ཚོགས་ཀྱི ་མཆིས་ཁྱོད་ཀྱིས་མཁྱེན། ། གང་དེ་ཤིན་ཏུ་གྲོལ་བའི་བློ་ཡུལ་གང་ཡང་དེ་དག་བསམ་པ་རྣམས།། ལྷ་ཡི་གཙོ་བོ་ཀུན་མཁྱེན་འཛུམ་མཛད་འདི་ཡི་རྒྱུ་ནི་ལུང་བསྟན་གསོལ། ་ཉན་ཐོས་རང་རྒྱལ་དགྲ་བཅོམ་དྲི་མེད་དེ་དག་གི་ཡང་སྤྱོད་ཡུལ་མིན།། སངས་རྒྱས་ཡེ་ཤེས་བསམ་མི་ཁྱབ་ཅིང་མཐའ་བྲལ་ཁྱོད་ལ་ཆགས་པ་མེད།། ཁྱོད་ཀྱིས་སེམས་ཅན་གཞན་གྱི་སྤྱོད་སེམས ་གང་ལ་ཅི་འདྲའི་གཏམ་བརྗོད་མཁྱེན། ། སྨྲ་མཆོག་ཐུབ་དཀའ་ཚིག་དབང་འཛུམ་པ་མཛད་པའི་རྒྱུ་ནི་བསྟན་པར་གསོལ།། འོད་འདི་ཤིན་ཏུ་ཡིད་འོང་སྡུག་པའི་དྲི་མད་རབ་ཏུ་རྣམ་པར ་མཛེས། ། ཉི་ཟླའི་འོད་དང་དེ་བཞིན་ཚངས་པ་དབང་པོའི་གཟི་ཡང་ཟིལ་གྱིས་གནོན།། དེ་བཞིན་ཁོར་ཡུག་ཁྲག་ཁྲིག་རི་རབ་དག་ཀྱང་ཤིན་ཏུ་སྣང་བགྱིས་ན།། ཅི་སླད་ཁྱོད་ཀྱིས ་འཛུམ་མཛད་དེ་ཡི་རྒྱུ་ནི་རབ་ཏུ་བསྟན་པར་གསོལ། ། འདོད་ཆགས་ཞེ་སྡང་དྲེགས་ལ་སོགས་པ་ཟུག་རྔུ་བྲལ་ཞིང་རབ་ཏུ་ཞི།། འཇིག་རྟེན་ལྷ་མི་ལྟོ་འཕྱེའི་ཚོགས་བྱམས་བདག་པོ་ཁྱོད་ཞལ་ལྟ། ་བདེ་བ་ཤེགས་བལྟས་ཀྱང་མི་ངོམས་ལུས་ཀྱི་རབ་ཏུ་སིམ་ཞིང་བདེ་བར་འགྱུར།། གང་གི་སླད་དུ་འཛུམ་པ་འདི་བསྟན་ཐུབ་པ་བདག་ཅག་རྣམས་ལ་གསུངས།། ཁྱོད་ཀྱིས་ཆོས་རྣམས་ནམ་མཁའ ་ལྟ་བུར་རྟག་ཏུ་བྱེད་མེད་གསོག་ཉིད་དང་། ། གྲོག་དང་སྤྲིན་འདྲ་སྒྱུ་མ་ལྟ་བུར་གསོབ་ཉིད་ལྦུ་བ་འདྲ་བ་དང་།། རྨི་ལམ་མཐོང་དང་ཆང་པ་སྟོང་འདྲ་ནམ་མཁའ་ཆུ་ཟླ་ལྟ་བུར་མཁྱེན།། དགེ་བ་འཛུམ ་མཛད་འདི་ཡི་རྒྱུ་དང་རྣར་སྙན་གསུང་ནི་རབ་ཏུ་བརྗོད་པར་གསོལ། ། འཛིན་དང་རྟོག་དང་རྣམ་རྟོག་ཀུན་དང་བྲལ་བའི་སྟོང་པ་ཉིད་ལ་མོས།། བདག་པོ་ཤེས་བྱ་ཀུན་ལ་རྟོག་བྲལ་རྟག་ཏུ་མཚན་མ ་མེད་ལ་དགྱེས། ། ཁྱོད་ནི་སྲིད་པ་གསུམ་འདིར་གང་ལའང་མི་སྨིན་བསམ་གཏན་ཏིང་འཛིན་དགྱེས།། གང་གི་སླད་དུ་འཛུམ་པ་བསྟན་མཛད་འདྲེན་པ་འདི་ནི་ལུང་བསྟན་གསོལ།། སྐད་ལ་མི ་ཆགས་སྒྲ་དང་དབྱངས་དང་ཡི་གེ་དག་ལའང་དེ་བཞིན་ཏེ། ། འཇིག་རྟེན་དུ་ཡང་ཆོས་སྟོན་བློ་གཙང་བདག་དང་ཆོས་ལའང་གནས་མི་མཛད།། འདུས་པ་སོ་སོས་བདེ་གཤེགས་བདག་ལ་ཆོས་སྟོན ་སྙམ་དུ་འཛིན། ། ཡེ་ཤེས་རྫུ་འཕྲུལ་དབང་པོ་སྟོབས་མཆོག་རྒྱས་པ་ཤེས་རབ་མཚུངས་མེད་གསུངས།། ཁྱོད་ནི་སྡུག་བསྔལ་ཀུན་སལ་ན་རྒ་འཆི་འཇོམས་སྨན་པའི་མཆོག་ལགས་ཏེ།། ཁྱོད་ནི ་དཔའ་བོ་བདུད་ཀྱི་སྟོབས་འཇོམས་མཐུ་བོ་ཆེ་ཡི་མཐུ་དང་ལྡན། ། ཁྱོད་ནི་སྐྱོབ་པ་དཔུང་གཉེན་འཇིག་རྟེན་མགོན་སྐྱབས་སྒྲོན་མ་སྣང་མཛད་པ།། ལྷ་མིན་ལྷ་དང་ཀླུ་མཆོད་འཛུམ་པ་མཛད་པའི་རྒྱུ ་གང་འདིར་བསྟན་གསོལ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚངས་པ་ཁྱད་པར་སེམས་ལ་འདི་སྐད་ཅེས་བཀའ་སྩལ་ཏོ།། ཚངས་པ་ཁྱོད་ཀྱིས་ཕྱིར་མི་ལྡོག་པའི ་ལྷའི་བུ་འདི་མཐོང་ངམ། གསོལ་པ། བཅོམ་ལྡན་འདས་མཐོང་ངོ་།། བཅོམ་ལྡན་འདས་ཀྱིས་བཀའ་སྩལ་པ་ཚངས་པ་ཕྱིར་མི་ལྡོག་པའི་ལྷའི་བུ་འདི་བསྐལ་པ་བརྒྱ་སྟོང་ཕྲག ་སུམ་ཅུ་རྩ་གཉིས་ན། འཇིག་རྟེན་གྱི་ཁམས་ལེགས་པར་སྤྲུལ་པ་ཞེས་བྱ་བར་བསྐལ་པ་ཚངས་པས་བསྟོད་པ་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ ་མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག ་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་རི་རབ་སྒྲོན་མའི་རྒྱལ་པོ་ཞེས་བྱ་བར་འཇིག་རྟེན་དུ་འབྱུང་བར་འགྱུར་ཏེ། ་དེའི་སངས་རྒྱས་ཀྱི་ཞིང་དེའང་བཻ་ཌཱུཪྻ་དང་། འཛམ་བུ་ཆུ་བོའོ་གསེར་དང་། རིན་པོ་ཆེ་གཉིས་ཀྱི་གཞིར་འགྱུར་རོ།། དེའི་བྱང་ཆུབ་སེམས་དཔའི་དགེ་འདུན་འབའ་ཞིག་འབྱུང་སྟེ། བདུད་དང་ཕྱིར་རྒོལ ་པབ་བཅོམ་ཞིང་དབང་པོ་ཤ་སྟག་གོ། ། སངས་རྒྱས་ཀྱི་ཞིང་དེ་ན་བཟའ་བ་དང་བཏུང་བའང་བསམ་པ་ཙམ་གྱིས་འབྱོར་ཅིང་། དགའ་ལྡན་གྱི་ལོངས་སྤྱོད་དང་འདྲ་བར་འགྱུར་རོ།། དེ་བཞིན་གཤེགས་པ་དེ་ཚེ ་དཔག་ཏུ་མེད་ཅིང་ལྟུང་བ་མེད་པའི་ཆོས་སྟོན་པར་འགྱུར་རོ། ། ཁྱད་པར་སེམས་ཀྱིས་སྨྲས་པ། ལྷའི་བུ་ཁྱོད་དེ་བཞིན་གཤེགས་པས་ལུང་བསྟན་ཏོ།། སྨྲས་པ། ཚངས་པ་བདག་ནི་དེ ་བཞིན་ཉིད་དང་། ཆོས་ཀྱི་དབྱིངས་ཇི་ལྟ་བ་བཞིན་དུ་ལུང་བསྟན་ཏོ།། སྨྲས་པ། ལྷའི་བུ་དེ་བཞིན་ཉིད་དང་། ཆོས་ཀྱི་དབྱིངས་ནི་ལུང་མི་བསྟན་ཏོ།། སྨྲས་པ། ཇི་ལྟར་དེ་བཞིན ་ཉིད་དང་། ཆོས་ཀྱི་དབྱིངས་ལུང་མ་བསྟན་པ་བཞིན་དུ། བྱང་ཆུབ་སེམས་དཔའ་ཐམས་ཅད་ལ་ལུང་བསྟན་པའང་དེ་ལྟར་བལྟའོ།། སྨྲས་པ། ལྷའི་བུ་དེ་ལྟར་ཁྱོད་དེ་བཞིན་གཤེགས་པས། ་ལུང་བསྟན་པས་ན། ཁྱོད་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱི་དྲུང་དུ་ཚངས་པར་སྤྱད་པ་ལ་གནས་པ་ནི་དོན་མེད་པ་མ་ཡིན་ནོ།། སྦས་པ། ཚངས་པ་གང་གནས་པ ་མེད་པ་དེ་ནི་ཚངས་པར་སྤྱོད་པ་ལ་གནས་པའོ། ། སྨྲས་པ། ལྷའི་བུ་ཇི་ལྟར་གང་ལ་གནས་པ་མེད་པ་དེ་ཚངས་པར་སྤྱད་པ་ལ་གནས་པ་ཡིན། སྨྲས་པ། ཚངས་པ་གང་ཁམས་གསུམ ་ལ་མི་གནས་པ་དེ་ནི། ཚངས་པར་སྤྱད་པ་ལ་གནས་པའོ།། ཚངས་པ་གང་ཡང་ཁམས་གསུམ་ལ་གནས་པ་དེ་ནི་ཚངས་པར་སྤྱད་པ་ལ་གནས་པ་མ་ཡིན་ནོ།། གཞན་ཡང་ཚངས་པ་གང་བདག ་ལ་མི་གནས། སེམས་ཅན་དང་། སྲོག་དང་། གང་ཟག་ལ་མི་གནས་པ་དེ་ནི་ཚངས་པར་སྤྱད་པ་ལ་གནས་པ་ཡིན་ཏེ། ཚངས་པ་མདོར་ན་གང་ཆོས་ཐམས་ཅད་ལ་མི་གནས་པ་དེ་ནི་ཚངས ་བར་སྤྱོད་པ་ལ་གནས་པའོ། ། སྨྲས་པ། སའི་བུ་ཚངས་པར་སྤྱད་པ་ལ་གནས་པ་ཞེས་བྱ་བ་དེ་གང་གི་ཚིག་བླ་དགས་ཡིན། སྦས་པ། ཚངས་པར་སྤྱོད་པ་ལ་གནས་པ་ཞེས་བྱ་བ་ནི་ཚངས ་གཉིས་སུ་མེད་པའི་ལམ་ལ་རབ་ཏུ་གནས་པའི་ཚིག་བླ་དགས་སོ། ། སྨྲས་པ། ལྷའི་བུ་ལམ་ལ་རབ་ཏུ་གནས་པའང་ཅི་ལ་རབ་ཏུ་གནས་པ་ཡིན། སྨྲས་པ། ཚངས་པ་ལམ་ལ་རབ་ཏུ་གནས་པ ་ཞེས་བྱ་བ་ནི་ཆོས་ཐམས་ཅད་ལ་རབ་ཏུ་གནས་པ་མེད་པའི་ཚིག་བླ་དགས་སོ། ། དེ་ཅིའི་ཕྱིར་ཞེ་ན། རབ་ཏུ་གནས་པ་མེད་པ་དང་ལེན་པ་མེད་པ་དེ་ནི་ལམ་ལ་རབ་ཏུ་གནས ་པའོ། ། སྨྲས་པ། ལྷའི་བུ་ཇི་ལྟར་བསྒོམས་ན་ལམ་བསྒོམས་པ་ཡིན། སྨྲས་པ། ཚངས་པ་ཅི་ནས་ཀྱང་དངོས་པོ་དང་དངོས་པོ་མེད་པར་མི་ལྟུང་བ་དང་། ཆོས་གང་ཡང་དངོས་པོར་ཡང་མི་བྱེད། ་དངོས་པོ་མེད་པར་ཡང་མི་བྱེད་པར་ཡང་མི་བྱེད་པར་བསྒོམ་པ་སྟེ། དེ་ལྟར་སྒོམ་ན་ལམ་སྒོམ་པ་ལ་བརྩོན་པ་ཡིན་ནོ།། སྨྲས་པ། ལྷའི་བུ་གང་གིས་ལམ་བསྒོམ་པར་བྱའོ།། སྨྲས་པ། ་ཚངས་པ་མཐོང་བས་མ་ཡིན། ཐོས་པས་མ་ཡིན། དྲན་པས་མ་ཡིན། རྣམ་པར་རིག་པས་མ་ཡིན། ཐོབ་པས་མ་ཡིན། མངོན་དུ་བྱས་པས་མ་ཡིན་ཏེ། གང་ཆོས་ཐམས་ཅད་ལ་མི་སྒོམ ་པ་འདི་ནི་ལམ་སྒོམ་པའོ། ། སྨྲས་པ། ལྷའི་བུ་ཇི་ལྟར་ན་བྱང་ཆུབ་སེམས་དཔའ་བརྩོན་འགྲུས་ཀྱི་གོ་ཆ་སྲ་བ་བགོས་པ་ཞེས་བྱ། སྨྲས་པ། ཚངས་པ་བྱང་ཆུབ་སེམས་དཔའ་གང་ཆོས་གང་ལའང ་གཅིག་པ་འམ་ཐ་དད་པར་ཡང་དག་པར་རྗེས་སུ་མི་མཐོང་བ་འདི་ནི་བྱང་ཆུབ་སེམས་དཔའ་བརྩོན་འགྲུས་ཀྱི་གོ་ཆ་སྲ་བ་བགོས་པ་ཞེས་བྱའོ། ། གང་ཆོས་ཀྱི་དབྱིངས་མ་འདྲེས་པའི་ཕྱིར་ཆོས་གང་ལ ་འང་བྱེད་པར་མི་བྱེད། སྦྱོར་བར་མི་བྱེད། དེ་ཆོས་ཀྱི་དབྱིངས་མ་གཏོགས་པར་ཀུན་ནས་ཉོན་མོངས་པ་དང་རྣམ་པར་བྱང་བར་མི་མཐོང་བ་འདི་ནི། བྱང་ཆུབ་སེམས་དཔའི་བརྩོན་འགྲུས་རྩོམ་པའི་མཆོག་གོ།། ་གང་ཆོས་ཐམས་ཅད་ལ་བསལ་བ་དང་བཞག་པ་མེད་པ་འདི་ནི་བརྩོན་འགྲུས་རྩོམ་པའོ།། ཚངས་པ་གང་ལུས་དང་། ངག་དང་། ཡིད་ཀྱིས་རྩོམ་པ་མེད་པ་འདི་ནི་བརྩོན་འགྲུས་རྩོམ་པའོ།། དེ་ནས ་བཅོམ་ལྡན་འདས་ཀྱིས། ལྷའི་བུ་ཕྱིར་མི་ལྡོག་པ་ལ་ལེགས་སོ་ཞེས་བྱ་བ་བྱིན་ནས། ཚངས་པ་ཁྱད་པར་སེམས་ལ་བཀའ་སྩལ་པ། ཚངས་པ་ལྷའི་བུ་འདི་ཇི་སྐད་སྟོན་པ་དེ་དེ་བཞིན་ནོ།། འདི་ནི་དེའི ་བརྩོན་འགྲུས་རྩོམ་པའི་མཆོག་སྟེ། གང་ལ་ལུས་ཀྱི་རྩོམ་པའང་མེད། ངག་གི་རྩོམ་པའང་མེད། ཡིད་ཀྱི་རྩོམ་པའང་མེད་པ་འདི་ནི་བརྩོན་འགྲུས་རྩོམ་པའི་མཆོག་གོ།། ཚངས་པ་ངས་མངོན ་པར་ཤེས་པ་འདས་པའི་དུས་ན་སྦྱངས་པའི་ཡོན་ཏན་ཡོ་བྱད་བསྙུངས་པ་ཐམས་ཅད་ཡང་དག་པར་བླངས་པའི་བརྩོན་འགྲུས་བརྩམས་ཀྱང་། དེ་བཞིན་གཤེགས་པ་དེ་དག་གིས་བླ་ན་མེད་པ་ཡང་དག ་པར་རྫོགས་པའི་བྱང་ཆུབ་ཏུ་ལུང་མ་བསྟན་ཏོ། ། དེ་བཞིན་དུ་བླ་མ་རྣམས་ལ་ལྡང་བ་དང་། རིམ་གྲོ་བྱ་བ་དང་། དགོན་པར་གནས་པ་དང་། མང་དུ་ཐོས་པ་དང་། སེམས་ཅན་རྣམས ་ཀྱི་བྱ་བ་ཅི་ཡོད་ཅེས་བྱ་བ་ལ་ཀུན་ཏུ་འགྲོ་བའི་བརྩོན་འགྲུས་བརྩམས་ཀྱང་། ང་ལུང་མ་བསྟན་ཏོ།། དེ་ཅིའི་ཕྱིར་ཞེ་ན། དེ་ནི་འདི་ལྟར་ལུས་དང་། ངག་དང་། སེམས་ཀྱི་རྩོམ་པ་ལ ་རབ་ཏུ་གནས་པའི་ཕྱིར་རོ། ། ཚངས་པ་ནམ་ང་ལྷའི་བུ་འདིས་ཇི་སྐད་དུ་བསྟན་པའི་བརྩོན་འགྲུས་རྩོམ་པ་དེ་ལྟ་བུ་དང་ལྡན་པར་གྱུར་པ་དེའི་འོག་ཏུ་ང་དེ་བཞིན་གཤེགས་པ་མར་མེ་མཛད་ཀྱིས་བྲམ་ཟེའི་ཁྱེའུ ་ཁྱོད་མ་འོངས་པའི་དུས་ན་ཤཱཀྱ་ཐུབ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས་ལུང་བསྟན་ཏོ། ། ཚངས་པ་དེ་ལྟ ་བས་ན་བྱང་ཆུབ་སེམས་དཔའ་ལུང་བསྟན་པའི་ས་མྱུར་དུ་ཐོབ་པར་འདོད་པས་བརྩོན་འགྲུས་རྩོམ་པ་འདི་ལྟ་བུ་འདི་ལྟ་སྟེ། ཆོས་ཐམས་ཅད་ལ་རྩོམ་པ་མེད་པའི་བརྩོན་འགྲུས་འདི་ལ་བརྩོན་པར་བྱའོ།། ་གསོལ་བ། བཅོམ་ལྡན་འདས་རྩོམ་པ་མ་མཆིས་པའི་བརྩོན་འགྲུས་དེ་གང་ལགས། བཀའ་སྩལ་པ། ཚངས་པ་གང་དུས་གསུམ་མཉམ་པ་ཉིད་དང་ལྡན་པའི་བརྩོན་འགྲུས་རྩོམ་པའོ།། ་གསོལ་པ། བཅོམ་ལྡན་འདས་དུས་གསུམ་མཉམ་པ་ཉིད་དང་ལྡན་པའི་བརྩོན་འགྲུས་རྩོམ་པ་གང་ལགས། བཀའ་སྩལ་པ། འདི་ལྟ་སྟེ། འདས་པའི་སེམས་ནི་ཟད། མ་འོངས་པ་ནི ་མ་ཕྱིན། ད་ལྟར་བྱུང་བ་ལ་ནི་གནས་པ་མེད་ཅིང་མིང་མི་དམིགས་ཏེ། གང་ཟད་པ་དེ་ནི་དམིགས་སུ་མེད་དོ།། གང་མ་ཕྱིན་པ་དེ་ནི་མི་སྐྱེ་བའི་མཚན་ཉིད་དོ།། དེ་བཞིན་དུ་གང་ད་ལྟར ་བྱུང་བ་དེའང་ཆོས་ཉིད་ཀྱིས་མི་གནས་སོ། ། ཆོས་ཉིད་གང་ཡིན་པ་དེའང་མ་སྐྱེས་པའོ།། གང་མ་སྐྱེས་པ་དེ་ནི་འདས་པའང་མ་ཡིན། མ་འོངས་པའང་མ་ཡིན། ད་ལྟར་བྱུང་བའང་མ་ཡིན ་ནོ། ། གང་འདས་པའང་མ་ཡིན། མ་འོངས་པའང་མ་ཡིན། ད་ལྟར་བྱུང་བའང་མ་ཡིན་པ་དེ་ནི་རང་བཞིན་ནོ།། རང་བཞིན་གང་ཡིན་པ་དེ་ནི་མ་སྐྱེས་པ་སྟེ། ཚངས་པ་དུས་གསུམ་མཉམ་པ་ཉིད་དང ་ལྡན་པའི་བརྩོན་འགྲུས་རྩོམ་པ་དེ་ལྟ་བུ་འདི་ནི་ལུང་བསྟན་པ་མྱུར་དུ་ཐོབ་པར་བྱེད་དོ། ། ཚངས་པ་བྱང་ཆུབ་སེམས་དཔའ་བཟོད་པ་དེ་ལྟ་བུ་དང་ལྡན་པ་ནི་ཆོས་ཐམས་ཅད་གཏོང་བ་མེད་པའི་སྦྱིན་པ་ལ ་མོས་སོ། ། ཆོས་ཐམས་ཅད་བསྲུང་བ་མེད་པའི་ཚུལ་ཁྲིམས་ལ་མོས་སོ།། ཆོས་ཐམས་ཅད་རློམ་སེམས་མེད་པའི་བཟོད་པ་ལ་མོས་སོ།། ཆོས་ཐམས་ཅད་རྩོམ་པ་མེད་པའི་བརྩོན་འགྲུས་ལ་མོས ་སོ། ། ཆོས་ཐམས་ཅད་མཉམ་པ་ཉིད་ཀྱི་ཏིང་ངེ་འཛིན་ལ་མོས་སོ།། ཆོས་ཐམས་ཅད་རྣམ་པར་མི་རྟོག་པའོ་ཞེས་ཤེས་རབ་ལ་མོས་སོ།། དེ་དེ་ལྟར་མོས་པས་ལྷག་པར་མི་བྱེད། བྲི་བར་མི ་བྱེད། བྱེད་པ་མ་ཡིན། རྣམ་པར་བྱེད་པ་མ་ཡིན་ནོ།། སྦྱིན་པའང་སྦྱིན་པར་བྱེད་ལ། དེའང་རྣམ་པར་སྨིན་པ་ལ་མི་རེ་བས་སོ།། ཚུལ་ཁྲིམས་ཀྱང་སྲུང་ལ། དེའང་སྒྲོ་བཏགས་པ་མང ་པས་སོ། ། བཟོད་པའང་སྒོམ་ལ། དེའང་ཕྱི་ནང་སྟོང་པ་ཉིད་ཀྱིས་སོ།། བརྩོན་འགྲུས་ཀྱང་རྩོམ་ལ། དེའང་ཡོངས་སུ་གྲུབ་པ་མེད་པས་སོ།། བསམ་གཏན་ལའང་མཉམ་པར་གཞོག་ལ། ་དེའང་གནས་པ་མེད་པས་སོ།། ཤེས་རབ་ཀྱང་སྒོམ་ལ། དེའང་མཚན་མ་མེད་པས་སོ།། ཚངས་པ་བྱང་ཆུབ་སེམས་དཔའ་བཟོད་པ་དེ་ལྟ་བུ་དང་ལྡན་པ་ནི་བྱ་བ་ཐམས་ཅད་ཀྱང་སྟོན་ལ། བྱ་བས ་ཀྱང་མི་གོས་སོ། ། དེ་མི་གོས་པས་ཆོས་ཐམས་ཅད་ལ་མཉམ་པ་ཉིད་ཐོབ་ཅིང་རྙེད་པས་ཀྱང་མི་འཕྲོགས། རྙེད་པ་མེད་པས་ཀྱང་མ་ཡིན། སྙན་པས་ཀྱང་མ་ཡིན། མི་སྙན་པས་ཀྱང་མ་ཡིན།། ་སྨད་པས་ཀྱང་མ་ཡིན། བསྟོད་པས་ཀྱང་མ་ཡིན། སྡུག་བསྔལ་བས་ཀྱང་མ་ཡིན། བདེ་བས་ཀྱང་མི་འཕྲོགས་སོ།། འཇིག་རྟེན་གྱི་ཆོས་ཐམས་ཅད་ལས་རྣམ་པར་འདས་ཏེ།། ་གཉིས་སུ་དམིགས་པའི་སེམས་དང་བྲལ་ཞིང་། གཉིས་སུ་མེད་པའི་ཆོས་རྟོགས་པའི་ཕྱིར་ཁེངས་པར་ཡང་མི་བྱེད། འདུད་པར་ཡང་མི་བྱེད། སྡུག་པར་ཡང་མི་བྱེད། ཁོང་ཁྲོ་བར་ཡང་མི་བྱེད། ་གནོད་པར་ཡང་མི་བྱེད། ཀུན་ནས་གནོད་པར་ཡང་མི་བྱེད། རློམ་སེམས་སུའང་མི་བྱེད། བག་མེད་པར་ཡང་མི་བྱེད། ཀུན་ནས་བག་མེད་པར་ཡང་མི་བྱེད་དོ།། སེམས་ཅད་ཐམས་ཅད ་ཡོངས་སུ་སྨིན་པར་བྱ་བའི་ཕྱིར། ལྟ་བ་གཉིས་སུ་ལྟུང་བའི་སེམས་ཅན་རྣམས་ཀྱི་དོན་དུ་སྙིང་རྗེ་ཆེན་པོ་བསྐྱེད་ནས་ཆེད་དུ་བསམས་ནས་སྲིད་པ་ཉེ་བར་ལེན་ཏེ། ཚངས་པ་གང་འདི་བདག་མེད་པའི ་བཟོད་པ་རབ་ཏུ་ཐོབ་པས་སེམས་ཅན་ཐམས་ཅད་ལ་སྙིང་རྗེ་ཆེན་པོ་སྐྱེད་དེ། སྐྱེ་བ་ཡོངས་སུ་འཛིན་པ་འདི་ནི་བརྩོན་འགྲུས་རྩོམ་པའི་མཆོག་ཡིན་ནོ།། བརྩོན་འགྲུས་བརྩམས་པ་བསྟན་པ་འདི ་བཤད་པའི་ཚེ། བྱང་ཆུབ་སེམས་དཔའ་སྟོང་ཕྲག་བརྒྱད་མི་སྐྱེ་བའི་ཆོས་ལ་བཟོད་པ་སྐྱེས་པར་གྱུར་ཏེ། དེ་དག་ཐམས་ཅད་ཀྱང་བཅོམ་ལྡན་འདས་ཀྱིས་ཐམས་ཅད་མིང་གཅིག་ཏུ་དེ་བཞིན་གཤེགས ་པ་བརྩོན་འགྲུས་བརྟན་པ་ཞེས་བྱ་བར་སངས་རྒྱས་ཀྱི་ཞིང་ཐ་དད་པ་དེར་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་ལུང་བསྟན་ཏོ། ། དེ་ནས་འཁོར་དེར་ཚེ་དང་ལྡན་པ་འོད་སྲུངས ་ཆེན་པོ་འདུས་པར་འགྱུར་བ་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་འདི་ལྟ་སྟེ། དཔེར་ན་གང་ཀླུ་ཆེན་པོ་དེ་དག་ནི་ཆར་འབེབས་ན་རྒྱ་མཚོ་ཆེན་པོར་འབེབས ་ས་ཕྱོགས་གཞན་དུ་མ་ལགས་སོ། ། བཅོམ་ལྡན་འདས་དེ་བཞིན་དུ་སྐྱེས་བུ་དམ་པ་ཀླུ་ཆེན་པོ་དང་མཚུངས་པ་འདི་དག་ཀྱང་ཆོས་ཀྱི་ཆར་འདི་འདྲ་བ་འདི་སྐྱེས་བུ་དམ་པ་མཚོ་ཆེན་པོ་རྒྱུ ་མཚོ་ལྟ་བུ་འདི་དག་གིས་སེམས་ཀྱིས་རྒྱུད་ལ་འབེབས་ཏེ། སེམས་ཅན་གཞན་དག་ལ་ནི་མ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་ཇི་སྐད་ཟེར་བ་དེ་བཞིན ་ཡིན་མོད་ཀྱི། ཀླུའི་རྒྱལ་པོ་ཆེན་པོ་དེ་དག་ལ་ནི་གང་གི་ཕྱིར་འཛམ་བུའི་གླིང་འདིར་ཆར་པ་མི་འབེབས་པར་འགྱུར་བའི་སེར་སྣ་མེད་དོ།། དེ་ཅིའི་ཕྱིར་ཞེ་ན། འཛམ་བུ་གླིང་གིས་ཕྱོགས་ཀྱི་ཆར ་པའི་རྒྱུན་ཤིང་རྟའི་སྲོག་ཤིང་ཙམ་དེ་དག་མི་བཟོད་དོ། ། འོད་སྲུངས་གལ་ཏེ་ཀླུ་ཆེན་པོ་དེ་དག་གིས་འཛམ་བུའི་གླིང་འདིར་ཆར་པ་ཕབ་པར་གྱུར་ན། དེས་འཛམ་བུའི་གླིང་འདིར་གྲོང་དང་གྲོང་ཁྱེར ་དང་བཅས། རི་དང་། བྲག་དང་། རི་བོར་བཅས། ཁོར་ཡུག་དང་འོབས་སུ་བཅས་པ་འདི་ལྟ་སྟེ། རྫ་མའི་ཆུས་རྒྱ་ཤུག་གི་ལོ་མ་བཏེག་པ་བཞིན་དུ་བཏེག་ནས་ཁྱེར་བར་འགྱུར་ཏེ། ་དེ་བས་ན་ཀླུ་ཆེན་པོ་དེ་དག་འཛམ་བུའི་གླིང་འདིར་ཆར་པ་མི་འབེབས་སོ།། འོད་སྲུངས་དེ་བཞིན་དུ་སྐྱེས་བུ་དམ་པ་འདི་དག་ལ་ནི་གང་གི་ཕྱིར་སེམས་ཅན་དེ་དག་གཞན་ལ་ཆོས་ཀྱི་ཆར་པ་ཆེན་པོ་འ ་བེབས་པར་འགྱུར་བའི་ཆོས་ཀྱི་སེར་སྣ་མེད་མོད་ཀྱི་འོན་ཀྱང་དེ་དག་ཆོས་འདི་ལྟ་བུ་དག་གི་སྣོད་དུ་མ་གྱུར་ཏེ། དེ་ལྟ་བས་ན་སྐྱེས་བུ་དམ་པ་དེ་དག་རྒྱ་མཚོ་ལྟ་བུ་ཐ ་མཆོག་དང་ལྡན་པ་དེ་དག་ལ་ཆོས་ཀྱི་ཆར་པ་ཆེན་པོ་འབེབས་སོ། ། འོད་སྲུངས་འདི་ལྟ་སྟེ། དཔེར་ན་ཆར་པའི་རྒྱུན་ཤིང་རྟའི་སྲོག་ཤིང་ཙམ་བབ་པ་དེ་དག་གིས་ཀྱང་རྒྱ་མཚོ་ཆེན་པོ་བྲི་བའང ་མེད། གང་བའང་མེད་དོ།། འོད་སྲུངས་དེ་བཞིན་དུ་སྐྱེས་བུ་དམ་པ་དེ་དག་བསྐལ་པ་བརྒྱར་ཆོས་ཉན་ཏམ་འཆད་ཀྱང་ཆོས་གང་ཡང་བྲི་བ་འམ་གང་བར་མི་འགྱུར་རོ།། འདི་ལྟ་སྟེ། ་དཔེར་ན་རྒྱ་མཚོ་ཆེན་པོ་དེར་གླིང་ཆེན་པོ་བཞིའི་ཀླུང་སྣ་ཚོགས་ནས་གང་ཆུ་བབ་པ་དེ་དག་ཐམས་ཅད་འདི་ལྟ་སྟེ། ལན་ཚྭའི་རོར་རོ་གཅིག་པར་འགྱུར་རོ།། འོད་སྲུངས་དེ་བཞིན་དུ་སྐྱེས་བུ་དམ་པ་དེ ་དག་རྣམ་གྲངས་སྣ་ཚོགས་སུ་ཆོས་བསྟན་པ་བཤད་པ་དག་ཐོས་མ་ཐག་ཏུ་འདི་ལྟ་སྟེ། སྟོང་པ་ཉིད་ཀྱི་རོར་རོ་གཅིག་ཏུ་མོས་པར་འགྱུར་རོ།། འདི་ལྟ་སྟེ། དཔེར་ན་རྒྱ་མཚོ་ཆེན་པོ་ནི་དག་པ ་གཙང་བ། དྲི་མ་མེད་པ། གསལ་བ། རྙོག་པ་མེད་པ་ཡིན་ཏེ། ཆུ་རྙོག་པ་ཅན་མི་འཛིན་ཏོ།། འོད་སྲུངས་དེ་བཞིན་དུ་སྐྱེས་བུ་དམ་པ་དེ་དག་ཀྱང་དག་པ། གཙང་བ། དྲི་མ་མེད ་པ། གསལ་བ་སྟེ། གནོད་སེམས་དང་། ཞེ་སྡང་དང་། ཁྲོ་བ་དང་། ཁོན་དུ་འཛིན་པའི་ཐ་བ་ཐམས་ཅད་མི་འཛིན་ཏོ།། འདི་ལྟ་སྟེ། དཔེར་ན་རྒྱ་མཚོ་ཆེན་པོ་ནི་ཟབ་ཅིང་གཏིང་དཔག་དཀའ་བའོ།། ་དེ་བཞིན་དུ་སྐྱེས་བུ་དམ་པ་དེ་དག་ཀྱང་ཆོས་ཀྱི་ཚུལ་ཟབ་མོ་ལ་རབ་ཏུ་ཞུགས་ཤིང་ཉན་ཐོས་དང་རང་སངས་རྒྱས་ཐམས་ཅད་ཀྱིས་གཏིང་དཔག་དཀའ་འོ།། འདི་ལྟ་སྟེ། དཔེར་ན་རྒྱ་མཚོ་ཆེན་པོ་ནི་ཆུ་ཚད་མེད་ཅིང ་རིན་པོ་ཆེའི་ཚོགས་དཔག་ཏུ་མེད་དོ། ། འོད་སྲུངས་དེ་བཞིན་དུ་སྐྱེས་བུ་དམ་པ་དེ་དག་ཀྱང་ཤེས་རབ་ཚད་མེད་ཅིང་ཆོས་རིན་པོ་ཆེའི་ཚོགས་དཔག་ཏུ་མེད་དོ།། འོད་སྲུངས་འདི་ལྟ་སྟེ། དཔེར་ན་རྒྱ ་མཚོ་ཆེན་པོ་རིན་པོ་ཆེ་སྣ་ཚོགས་ཀྱི་དབྱིངས་སོ། ། འོད་སྲུངས་དེ་བཞིན་དུ་སྐྱེས་བུ་དམ་པ་དེ་དག་ཀྱང་མངོན་པར་སྒྲུབ་པ་སྣ་ཚོགས་ཀྱིས་ཆོས་རིན་པོ་ཆེ་ཚད་མེད་པའི་དབྱིངས་སོ།། འོད་སྲུངས་འདི་ལྟ ་སྟེ། དཔེར་ན་རྒྱ་མཚོ་ཆེན་པོའི་ནང་ནས་རིན་པོ་ཆེ་ཁ་ཅིག་རིན་ཐང་ཡོད་པ་དང་། ཁ་ཅིག་རིན་ཐང་མེད་པ་དང་། ཁ་ཅིག་མཆིང་བུ་ལྟ་བུ་དང་། རྣམ་གསུམ་བྱུང་སྟེ། འོད་སྲུངས་དེ་བཞིན་དུ ་སྐྱེས་བུ་དམ་པ་དེ་དག་སེམས་ཅན་གྱི་དབང་པོ་ཇི་ལྟ་བ་བཞིན་དུ་ཆོས་སྟོན་པ་ནའང་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། གང་འོག་མ་ཐེག་པ་ཆེན་པོ་ལ་སེམས་ཀྱི་རྒྱུད་རྣམ ་པར་གྲོལ་ལོ། ། འོད་སྲུངས་འདི་ལྟ་སྟེ། དཔེར་ན་རྒྱ་མཚོ་ཆེན་པོ་སེམས་ཅན་གཅིག་གི་ཆེད་དུ་མི་གནས་སོ།། འོད་སྲུངས་དེ་བཞིན་དུ་སྐྱེས་བུ་དམ་པ་དེ་དག་ཀྱང་སེམས་ཅན་གཅིག་གི་དོན་དུ ་བྱང་ཆུབ་ཏུ་སེམས་མི་བསྐྱེད་དོ། ། འོད་སྲུངས་འདི་ལྟ་སྟེ། དཔེར་ན་རྒྱ་མཚོ་ཆེན་པོ་མཐར་གྱིས་གཞོལ། མཐར་གྱིས་འབབ། མཐར་གྱིས་བབ་པའོ།། འོད་སྲུངས་དེ་བཞིན ་དུ་སྐྱེས་བུ་དམ་པ་དེ་དག་ཀྱང་ཐམས་ཅད་མཁྱེན་པ་ཉིད་ལ་གཞོལ། ཐམས་ཅད་མཁྱེན་པ་ཉིད་དུ་འབབ། ཐམས་ཅད་མཁྱེན་པ་ཉིད་དུ་བབ་པའོ།། འོད་སྲུངས་འདི ་ལྟ་སྟེ། དཔེར་ན་རྒྱ་མཚོ་ཆེན་པོ་ནི་ཤི་བའི་རོ་དང་ལྷན་ཅིག་མི་གནས་སོ།། འོད་སྲུངས་དེ་བཞིན་དུ་སྐྱེས་བུ་དམ་པ་དེ་དག་ཀྱང་ཉན་ཐོས་དང་རང་སངས་རྒྱས་ཀྱི་སེམས་དང་ལྷན་ཅིག་ཏུ་མི ་གནས་སོ། ། སེར་སྣ་དང་། ངང་ཚུལ་ངན་པའི་སེམས་དང་། གནོད་སེམས་དང་། ལེ་ལོའི་སེམས་དང་། བརྗེད་ངས་པ་དང་། འཆལ་པའི་ཤེས་རབ་ཀྱི་སེམས་དང་ལྷན་ཅིག ་མི་གནས་སོ། ། བདག་དང་། སེམས་ཅན་དང་། སྲོག་དང་། གང་ཟག་དང་། སྐྱེས་བུར་ལྟ་བ་དང་ལྷན་ཅིག་མི་གནས་སོ།། འོད་སྲུངས་འདི་ལྟ་སྟེ། དཔེར་ན་བསྐལ་པས་བསྲེགས ་པར་གྱུར་པའི་ཚེ། ཀླུང་དང་། ཆུ་བྲན་དང་། ཆུ་མིག་དང་། མཚེའུ་དང་། རྫིང་བུ་དང་། མཚོ་ཐམས་ཅད་སྔར་སྐམ་པར་འགྱུར་ཏེ། ཕྱིས་རྒྱ་མཚོ་ཆེན་པོ་ཟད་ཅིང་སྐམ་པར་འགྱུར་རོ།། འོད་སྲུང ་དེ་བཞིན་དུ་དམ་པའི་ཆོས་ནུབ་པར་འགྱུར་བའི་ཚེ་ཉི་ཚེ་བར་སྤྱོད་པ་ལ་ཞུགས་པའི་སེམས་ཅན་ཐམས་ཅད་ཀྱི་དམ་པའི་ཆོས་སྔར་ནུབ་པར་འགྱུར་ཏེ། ཕྱིས་སྐྱེས་བུ་དམ་པ་བློ་གྲོས་རྒྱ་མཚོ་ལྟ་བུ་སངས་རྒྱས ་ཀྱི་ཐེག་པ་ཡང་དག་པར་འཛིན་པ་དེ་དག་གི་ལག་ནས་དམ་པའི་ཆོས་ནུབ་པར་འགྱུར་ཏེ། ཡང་འོད་སྲུངས་སྐྱེས་བུ་དམ་པ་དེ་དག་ནི་སྲོག་ཀྱང་ཡོངས་སུ་གཏོང་བར་བྱེད་ཀྱི། དམ་པའི་ཆོས་ཡོངས་སུ ་གཏོང་བར་མི་བྱེད་ན། འོད་སྲུངས་སྐྱེས་བུ་དས་པ་དེག་བུ་དག་གི་ལ་གནས་དམ་དའི་ཆོས་ནུ་པར་འགྱུར་བ་ཡོད་དམ། དེ་དག་ཀྱི་རྣམ་པའི་ཆོས་རྡུན་པར་གྱུར་པ་ཁྱོད་ཀྱིས་མི་བལྟའོ།། ་སྲུངས་འདི་ལྟ་སྟེ། དཔེར་ན་རྒྱ་མཚོ་ཆེན་པོ་ནི་ནོར་བུ་རིན་པོ་ཆེ་ཐམས་ཅད་འདུས་པ་ཞེས་བྱ་བ་རྡོ་རྗེ་ཚོགས་ཀྱི་ནོར་བུ་རིན་པོ་ཆེ་ཆེན་པོ་ཞིག་ཡོད་དེ། དེ་ཉི་མ་བདུན་ཤར་ནས། ཚངས་པའི་འཇིག ་རྟེན་གྱི་བར་དུ་འོད་ཟེར་བྱུང་ཡང་རིན་པོ་ཆེ་དེ་ཚིག་པར་མི་འགྱུར་ཏེ། གང་འཇིག་རྟེན་གྱི་ཁམས་ཀྱི་བར་གྱི་སངས་རྒྱས་ཀྱི་ཞིང་གཞན་དག་ན་རྒྱ་མཚོ་ཆེན་པོ་ཡོད་པ་དེར་ནོར་བུ་རིན་པོ་ནི་དེ་དེར་འཕོ་བར་འགྱུར། ་ཏེ། འོད་སྲུངས་གང་ནོར་བུ་རིན་པོ་ཆེ་དེ་རྒྱ་མཚོ་ཆེན་པོ་གཞན་དུ་མ་འཕོས་པར་འཇིག་རྟེན་གྱི་ཁམས་འདིར་ཚིག་པར་འགྱུར་བ་དེ་ན་གནས་པ་མ་ཡིན་ཞིང་གོ་སྐབས་མེད། དེ་ནི་གནས་མེད་དོ།། ་འོད་སྲུངས་དེ་བཞིན་དུ་སྐྱེས་བུ་དམ་པ་དེ་ལྟ་བུ་དེ་དག་ཀྱང་དམ་པའི་ཆོས་ཡོངས་སུ་ཟད་པར་གྱུར་ཏེ། འཇིག་རྟེན་གནས་པར་དམ་པ་མ་ཡིན་པའི་ཆོས་བདུན་བྱུང་བའི་ཚེ། སངས་རྒྱས་ཀྱི་ཞིང ་གཞན་དུ་འཕོ་བར་འགྱུར་རོ། ། བདུན་གང་ཞེ་ན། འདི་ལྟ་སྟེ། མུ་སྟེགས་ཅན་གྱི་གནས་དང་། སྡིག་པའི་གྲོགས་པོས་ཡོངས་སུ་ཟིན་པ་དང་། ལོག་པའི་སྦྱོར་བ་དང་། གཅིག ་ལ་གཅིག་འཚེ་བའི་སྦྱོར་བ་དང་། ལྟ་བར་གྱུར་པ་ཐིབས་པོ་དང་། དགེ་བའི་རྩ་བ་འཇོམས་པར་བྱེད་པ་དང་། མ་ཐོབ་ཅིང་མངོན་པར་མ་རྟོགས་པ་སྟེ། དམ་པ་མ་ཡིན་པའི་ཆོས ་བདུན་པོ་དེ་དག་འཇིག་རྟེན་གནས་པར་བྱུང་བ་དེ་ནི་སེམས་ཅན་རྣམས་སྣོད་མ་ཡིན་པར་ཤེས་ནས་སྐྱེས་བུ་དམ་པ་དེ་དག་སངས་རྒྱས་ཀྱི་ཞིང་གཞན་དུ་འཕོ་བར་འགྱུར་ཏེ། སངས་རྒྱས་མཐོང་བ་དང་། ་དམ་པའི་ཆོས་མཉན་པ་དང་། སེམས་ཅན་ཡོངས་སུ་སྨིན་པར་བྱ་བ་དང་། དགེ་བའི་རྩ་བ་ཡོངས་སུ་འབབ་པ་དང་ཡང་མི་འབྲལ་བར་འགྱུར་རོ།། ་འོད་སྲུངས་འདི་ལྟ་སྟེ། དཔེར་ན་རྒྱ་མཚོ་ཆེན་པོ་ལ་རྟེན་ཅིང་སེམས་ཅན་ཚད་མེད་པ་དང་། གནས་སོ།། འོད་སྲུངས་དེ་བཞིན་དུ་བྱང་ཆུབ་སེམས་དཔའ་ལ་རྟེན་ཅིང་སེམས་ཅན་ཚད་མེད་པ ་དག་ཕུན་སུམ་ཚོགས་པ་གསུམ་ལ་གནས་སོ། ། གསུམ་གང་ཞེ་ན། ལྷའི་ཕུན་སུམ་ཚོགས་པ་དང་། མིའི་ཕུན་སུམ་ཚོགས་པ་དང་། མྱ་ངན་ལས་འདས་པའི་ཕུན་སུམ་ཚོགས་པའོ།། ་འོད་སྲུངས་འདི་ལྟ་སྟེ། རྒྱ་མཚོ་ཆེན་པོ་ནི་སེམས་ཅན་གཞན་དག་གིས་བཏུང་བར་མི་ནུས་སོ།། འོད་སྲུངས་དེ་བཞིན་དུ་སྐྱེས་བུ་དམ་པ་དེ་དག་གིས་གང་ཆོས་བསྟན་པ་དེ་དག་ཀྱང་ཕ་རོལ ་གྱི་རྒོལ་བ་རྣམས་ཀྱིས་བཏུང་བར་མི་ནུས་སོ། ། འོད་སྲུངས་འདི་ལྟ་སྟེ། དཔེར་ན་རྒྱ་མཚོ་ཆེན་པོའི་ནང་ན་སེམས་ཅན་གནས་པ་དེ་དག་ནི་ཆུ་གཞན་མི་ཚོལ་གྱི། དེ་ཉིད་ལ་འཐུང ་ངོ་། ། འོད་སྲུངས་དེ་བཞིན་དུ་སྐྱེས་བུ་དམ་པ་དེ་དག་ཀྱང་གཞན་གྱི་ངོར་ལྟ་བས་ཆོས་ཀྱི་རོ་མི་འཐུང་གི། རང་བྱུང་གི་ཡེ་ཤེས་ཀྱི་ཆོས་ཀྱི་རོ་འཐུང་ངོ་།། དེ་ནས་གནས་བརྟན་འོད་སྲུངས ་ཆེན་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྒྱ་མཚོ་ཆེན་པོའི་གཏིང་ངམ་ཚད་གཟུང་བར་ནི་ནུས་ཀྱི ་ཉན་ཐོས་དང་། རང་སངས་རྒྱས་དང་། ལྷ་དང་བཅས་པའི་འཇིག་རྟེན་གྱི་སྐྱེས་བུ་དམ་པ་དེ་དག་གི་གཏིང་ངམ་ཚད་གཟུང་བར་ནི་མི་ནུས་ཏེ། དེ་བས་ན་སྐྱེས་བུ་དམ་པ་དེ་དག་སེམས་ནམ ་མཁའ་དང་མཚུངས་ཞེས་བགྱིའོ། ། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་ཀྱི་རྒྱ་མཚོ་ཆེན་པོ་རྣམས ་ཀྱི་གཏིང་ངམ་ཚད་གཟུང་བར་ནུས་ཀྱི། ཉན་ཐོས་དང་། རང་སངས་རྒྱས་དང་། ལྷ་དང་བཅས་པའི་འཇིག་རྟེན་གྱིས་སྐྱེས་བུ་དམ་པ་བློ་གྲོས་མཆོག་རྒྱ་མཚོ་ལྟ་བུ་དང་ལྡན་པ་དེ་དག་གི་གཏིང་ངན ་ཚད་གཟུང་བར་ནི་མི་ནུས་སོ། ། དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ།། ཇི་ལྟར་ཆོག་མི་ཤེས་པར་ཆུ་ཆེན་གཏེར།། འབབ་ཆུ་ཐམས་ཅད་ཀུན ་གྱི་ཆུ་ཚོལ་བ། ། དེ་བཞིན་དེ་རྣམས་འདི་ལ་ཆོས་ཚོལ་ཀྱང་།། རྟག་པར་ཆོས་ཀྱིས་ཆོག་པར་འགྱུར་བ་མེད།། ཇི་ལྟར་ཇི་སྙེད་ཆུ་མང་རབ་བསྡུས་ཀྱང་།། འདི་ལ་རྒྱ་མཚོ་འགྲིབས་ཤིང ་གང་གྱུར་མེད། ། དམ་པའི་ཆོས་ཐོས་ནས་ཀྱང་ཆོས་ཀྱི་དབྱིངས།། ཤིན་ཏུ་འཕེལ་ཞིང་འགྲིབ་པར་མཐོང་བ་མེད།། ཇི་ལྟར་དྲི་མེད་རྒྱ་མཚོ་ཆུ་སྡུད་ཀྱང་།། རྙོག་པ་ཅན་གྱི་འབབ་ཆུ་དེར ་མི་འབབ། ། དེ་བཞིན་ཐུབ་མཁས་སྤྱད་པ་སྤྱོད་པ་ཡང་།། དེ་དག་རྣམ་དག་ཉོན་མོངས་མི་སྡུད་དོ།། ཇི་ལྟར་རྒྱ་མཚོ་ཆེན་པོ་ལུས་ཆུང་བས།། ཟད་ཅིང་གཏིང་ཡས ་པས་ན་མི་དཔོག་པ། ། དེ་བཞིན་ཡོན་ཏན་རྒྱ་མཚོའི་ཡེ་ཤེས་ཀྱང་།། ཕ་རོལ་རྒོལ་བ་རྣམས་ཀྱིས་དཔག་མི་ནུས།། ཇི་ལྟར་རྒྱ་མཚོར་འབབ་པའི་འབབ་ཆུ་རྣམས།། རྣམ་པ་སྣ་ཚོགས་དག ་ཀྱང་རོ་གཅིག་འགྱུར། ། དེ་བཞིན་རྣམ་པ་སྣ་ཚོགས་ཆོས་ཐོས་ནས།། དེ་དག་རྣམ་པར་གྲོལ་བར་རོ་གཅིག་འགྱུར།། ཇི་ལྟར་ཆུ་འཛིན་རྒྱ་མཚོ་ཆེན་པོ་ནི།། སྐྱེ་བོ་གཅིག་གི་དོན་ཕྱིར་མི་གནས་ཏེ།། ་དེ་བཞིན་བྱང་ཆུབ་ཏུ་ཡང་ཞུགས་པ་དག། དེ་དག་འགྲོ་བ་ཀུན་ལ་ཕན་ཕྱིར་ཞུགས།། ཇི་ལྟར་རྒྱ་མཚོ་རིན་ཆེན་དབྱིངས་ཡིན་ཞིང་།། དེ་ལ་གནས་ནས་ནོར་བུ་རིན་ཆེན་འབྱུང་།། དེ་བཞིན་རིན ་ཆེན་འབྱུང་གནས་སེམས་ཅན་མཆོག། དེ་དག་ལས་ནི་རིན་ཆེན་གསུམ་འདིར་འབྱུང་།། ཇི་ལྟར་རྣམ་པར་མི་རྟོག་རྒྱ་མཚོན།། རྟག་པར་རིན་ཆེན་རྣམ་པ་གསུམ་འབྱུང་སྟེ།། དེ་བཞིན་དེ་དག ་ཆོས་རྣམས་སྟོན་པ་ཡང་། ། ཐེག་པ་གསུམ་གྱིས་སེམས་ཅན་དག་པར་འགྱུར།། ཇི་ལྟར་འབབ་པ་དང་ནི་འགྲམ་ཉིད་ནས།། རྒྱ་མཚོ་ཆེན་པོ་མཐར་གྱིས་གཞོལ་བ་ལྟར།། དེ་བཞིན་སེམས་ཅན ་མཆོག་རྣམས་ཀུན་མཁྱེན་གཞོལ། ། སེམས་ཅན་རབ་ཏུ་འགྲོལ་ཕྱིར་རྟག་ཏུ་བརྩོན།། ཇི་ལྟར་རྒྱ་མཚོ་དང་མི་གནས་ཏེ།། དེ་དག་གི་ནི་མ་འདྲེས་ཆོས་འདི་ཡིན།། དེ་བཞིན་བྱང་ཆུབ ་མཆོག་ལ་ཞུགས་པ་ཡང་། ། དམན་པའི་ཐེག་པ་དང་ནི་གནས་མི་བྱེད།། ཇི་ལྟར་རྒྱ་མཚོ་ལས་བྱུང་རིན་ཆེན་ནི།། རིན་ཆེན་སྡུད་ཅེས་བྱ་བ་སྲ་བསྔགས་པ།། སྲེག་པའི་བསྐལ་པ་བྱུང ་ཡང་མི་ཚིག་སྟེ། ། དེ་ཡང་འཇིག་རྟེན་འཇིག་ཚེ་གཞན་དུ་འགྲོ།། དེ་བཞིན་དྲི་མ་མེད་པའི་ཆོས་འཇིག་ཚེ།། བརྩོན་འགྲུས་མཆོག་ལྡན་དེ་དག་འབད་ཅིང་འཛིན།། སྣོད་མིན་འཇིག་རྟེན ་ཆོས་མིན་འདོད་རིག་ནས། ། མཁས་པ་རྒྱལ་བ་གཞན་གྱི་དྲུང་དུ་འགྲོ།། ནམ་ཞིག་བསྲེགས་པའི་བསྐལ་པ་བྱུང་གྱུར་ཏེ།། ནུ་མིག་མཚོ་དང་ལྟེང་ཀ་སྐམ་པར་འགྱུར།། རྒྱ་མཚོ་འདི་ནི་ཕྱི་ནས ་སྐམ་པར་འགྱུར། ། སྟོང་གསུམ་ཆེན་པོ་འདི་ཡང་རབ་ཏུ་འཇིག། ཉི་ཚེའི་སྤྱོད་ལ་ཉེ་བར་གནས་པ་ཡི།། འདི་ལ་མཆོག་ཏུ་བྱ་བའི་ཆོས་ནུབ་པ།། དེ་ཚེ་འདིར་ནི་སེམས་ཅན་མཆོག་ཆོས་འདི།། ། ་ལུས་དང་སྲོག་ཀྱང་བོར་ནས་སྲུང་བར་བྱེད།། བདེ་གཤེགས་འདས་ནའང་རྟག་པར་བག་བྱེད་པས།། དེ་དག་རྣམས་ལ་ཆོས་འདི་མི་འཇིག་གོ།། དེ་ལྟར་དེ་རྣམས་བསམ་པའང་རྣམ་པར ་དག། ཆོས་ལ་གནས་ཤིང་སྤྱོད་པ་རྟག་པར་སྤྱོད།། ཇི་ལྟར་རྒྱ་མཚོ་སེམས་ཅན་ཚད་མེད་གནས།། སེམས་ཅན་གཅིག་གི་དོན་དུ་མི་འདུག་པ།། དེ་བཞིན་འཇིག་རྟེན་ཐམས་ཅད ་རྣམ་སྒྲོལ་ཕྱིར། ། གྲགས་པ་ཆེན་པོ་འདི་དག་རབ་ཏུ་འཇུག། འཇིག་རྟེན་ཁམས་འདི་རྒྱ་མཚོ་ཇི་སྙེད་པ།། མ་ལུས་པར་ནི་ཚད་རྣམས་ཤེས་རུང་ཡང་།། རྒྱལ་བ་དེ་དག་ཀུན་གྱི་སྤྱོད ་པ་ནི། ། དགྲ་བཅོམ་རང་རྒྱལ་དག་གིས་ཤེས་མི་ནུས།། མ་ལུས་ཕྱོགས་ཀྱི་ནམ་མཁའི་དབྱིངས་རྣམས་ཀྱང་།། མཆོག་རྣམས་ཀྱིས་ནི་ཚད་གཟུང་ནུས་སྲིད་ཀྱི།། ་ནམ་མཁའ་བས་ཀྱང་ལྷག་པ་དེ་དག་གི།། ཡེ་ཤེས་ཚད་ནི་ནམས་ཀྱང་གཟུང་མི་ནུས།། བྱང་ཆུབ་སེམས་དཔའ་བརྩོན་འགྲུས་བརྟུལ་བརྟན་ཞིང་།། གང་དག་འཇིག་རྟེན་མ་ལུས་དགྲོལ ་བའི་ཕྱིར། ། རྒྱ་ཆེ་ཡངས་པའི་སེམས་རབ་གཞོལ་བྱས་པས།། འོད་སྲུངས་དེ་དང་མཚུངས་མེད་ག་ལ་ལྷག། དེ་དག་རིན་ཆེན་འབྱུང་གནས་རྒྱ་མཚོ་འདྲ།། དེ་དག་བསོད་ནམས་ཡིན ་ལ་བསོད་ནམས་ཞིང་། ། དེ་དག་དཔྱད་པའི་རྒྱལ་པོ་སྨན་པའི་མཆོག། སེམས་ཅན་ཡུན་རིང་ན་བ་ཐར་པར་བྱེད།། དེ་དག་གནས་ཡིན་སྐྱབས་དང་དཔུང་གཉེན་ཏེ།། སྐྱོབ་པ་སྒྲོན་མ་དེ ་བཞིན་འོད་བྱེད་པ། ། སྐྱེ་བོ་མདོངས་པ་རྣམས་ཀྱི་མིག་སྐྱེད་པ།། དེ་ཐོབ་པས་ནི་དེ་དག་བདུད་རྩི་འཐོབ།། དེ་དང་དེ་དག་ཆོས་ཀྱི་རྒྱལ་མཆོག་འབར།། དེ་རྣམས་བརྒྱ་བྱིན་དོན་མང་སེམས ་པ་སྟེ། ། ཚངས་པ་བསམ་གཏན་བཞི་ལ་གནས་པ་ཡིན།། དེ་དག་ཚངས་པའི་ཆོས་ཀྱི་འཁོར་ལོ་བསྐོར།། དེ་དག་དེད་དཔོན་མཁས་པ་འདྲེན་པ་སྟེ།། ལོག་པའི་ལམ་དུ་གནས་ལ་ལམ་སྟོན ་པ། ། དེ་དང་དེ་དག་བདུད་འཇོམ་དཔའ་བོ་སྟེ།། སེམས་ཅན་དམ་པ་བྱང་ཆུབ་སྙིང་པོར་གནས།། དེ་དག་ཆོས་དཀར་ཚད་མེད་ཟླ་བ་བཞིན།། དེ་དག་འོད་ཟེར་མངོན་འཕགས་ཉི་མ་འདྲ།། ་སྤྲིན་ལྟ་བུ་ཡང་ཚད་མེད་བློ་གྲོགས་ཤིང་།། འཇིག་རྟེན་གསུམ་དུ་བདུད་རྩིའི་ཆར་པ་འབེབས།། དེ་དག་སེང་གེ་ལྟ་བུར་འཇིགས་སྐྱོན་མེད།། གླང་པོ་ཆེ་ལྟར་ཤིན་ཏུ་དུལ་བའི་སེམས།། ་དག་རི་རབ་རི་བོ་འདྲ་མཚུངས་ཏེ།། དེ་དག་ཕ་རོལ་རྒོལ་བས་མི་ཐུབ་བོ།། དེ་དག་རྣམ་པར་དང་བ་ཆུ་བཞིན་ཏེ།། རྟག་ཏུ་བསྙེན་པར་དཀའ་བ་མེ་དང་འདྲ།། དེ་དག་རླུང་ལྟར་རྟག་ཏུ་ཆགས་མེད ་ཅིང་། ། ས་དང་འདྲ་བར་ཐ་བ་རབ་ཏུ་སྤངས།། གནོད་སེམས་ང་རྒྱལ་ཐ་བ་ཕྲག་དོག་བྲལ།། དེ་དག་རྩཝ་འམ་ཤིང་ལྟར་རྟོག་པ་མེད།། འཇིག་རྟེན་ཆོས་རྣམས་བརྒྱད་པོས་མགོས་ཤིང་།། ་དག་ཚུལ་ཁྲིམས་རྣམ་དག་པདྨ་བཞིན།། དེ་དག་ཨུ་དུམ་ཝ་རའི་མེ་ཏོག་ལྟར།། དགེ་ཞིང་བསྐལ་པ་བྱ་བར་སྒྲ་ཐོས་དཀའ།། དེ་དག་རྐང་གཉིས་གཙོ་ལ་བྱས་པ་གཟོ།། དེ་དག་སངས་རྒྱས།། ་རིགས་ལ་གནས་པར་བརྩོན།། དེ་དག་སྙིང་རྗེ་ཆེ་ཞིང་བརྟུལ་ཞུགས་བརྟན།། བྱམས་ལ་གནས་དང་དགའ་ལ་མངོན་པར་འཕགས།། འདོད་པའི་ཡོན་ཏན་ལྔ་ལ་བཏང་སྙོམས་ཤིང་།། ་རྟག་ཏུ་རྒྱལ་བ་དག་གི་ནོར་རྣམས་ཚོལ།། དེ་དང་དེ་དག་སྦྱིན་པས་ཁྱད་པར་སོང་།། ཡེ་ཤེས་ཚུལ་ཁྲིམས་ལ་ཡང་རབ་ཏུ་གནས།། དེ་དག་བཟོད་པའི་སྟོབས་ཀྱིས་གཅིག་ཏུ་དཔའ།། བརྩོན ་འགྲུས་འཕགས་ཤིང་རྟག་ཏུ་མཐུ་དང་ལྡན། ། དེ་དག་བསམ་གཏན་མངོན་པར་ཤེས་ལ་མཁས།། དེ་དག་ཚད་མེད་ཞིང་དུ་འཕྲུལ་གྱིས་འགྲོ།། ཐུབ་པ་དམ་མཆོག་ལ་ཡང་ཆོས་ཉན་ཅིང་།། ་ཇི་ལྟར་ཐོས་པ་དག་ཀྱང་སྟོན་པར་བྱེད།། ཇི་ལྟར་འདི་མོས་རྣམ་པར་འགྲོལ་བ་ཡང་།། སྐྱེ་བོ་དག་གི་སྤྱོད་པ་དེ་དག་ཤེས།། ཇི་ལྟར་མོས་པ་མཁས་ཤིང་རྟོགས་པ་སྟེ། ་ནན་ཏན་སྙིང་པོར་བྱེད་ཅིང་མུ་སྟེགས་ཐོབ།། འདི་རྣམས་ཚོགས་པ་ལས་ནི་འདི་སྐྱེ་ཞེས།། དེ་དང་དེ་དག་ཆོས་ཀུན་རབ་ཏུ་ཤེས།། དེ་དག་རྐྱེན་ལ་མཁས་ཤིང་རྟོགས་པ་སྟེ།། མཐའ་གཉིས ་ལྟ་བ་སྤངས་ཤིང་མཉམ་ལ་དགའ། ། ཆོས་འདི་གང་ནས་འོངས་ཤིང་གར་འགྲོ་ཞེས།། དེ་དག་ཆོས་ལ་ཚུལ་བཞིན་རྣམ་པར་ལྟ།། ཆོས་ཀུན་འོངས་པ་མ་ཡིན་བྱུང་བ་མིན།། གནས་པ་ཆོས་ཉིད་མཚུངས ་པར་རབ་ཏུ་ཤེས། ། ཇི་ལྟ་ཇི་ལྟར་འདུས་བྱས་རྫུན་དུ་མཐོང་།། དེ་ལྟ་དེ་ལྟར་སྙིང་རྗེ་ཅན་དུ་འགྱུར།། མི་བདེ་ཉོན་མོངས་སྐྱེ་བོ་སྡུག་བསྔལ་ཏེ།། དེ་དག་ཐར་པར་བྱ་ཕྱིར་སྤྱད་པ་སྤྱོད།། ང་དང་ང ་ཡི་ཞེས་ནི་རྣམ་བརྟགས་ནས། ། བྱིས་པ་མི་མཉམ་པ་ལ་བརྩོན་པས་སྤྱོད།། ཆོས་དེ་ཡང་དག་མ་ཡིན་ཤེས་ནས་ནི།། ལྟ་བ་སྤངས་པའི་ཕྱིར་ནི་ཆོས་པ་སྤྱོད།། བདག་མེད་བདག་ཏུ་མི ་སྡུག་སྡུག་པར་ཏེ། ། སྡུག་བསྔལ་བདེ་བར་མི་རྟག་རྟག་པར་ཡང་།། སེམས་ལོག་སོ་སོའི་སྐྱེ་བོ་རྣམས་ལ་ནི།། འཁོར་བའི་སྔོན་གྱི་མཐའ་ཡང་ཡོད་མ་ཡིན།། དེ་དག་ལོག་པའི་སྦྱོར། ་བ་དེ་ཤེས་ནས།། འདི་ལ་སེམས་ཅན་མིང་དང་གང་ཟག་མེད།། གང་ལ་བདག་སྡུག་རྟག་བདེ་མེད་པ་ཡི།། ཡང་དག་སྦྱོར་བ་ལ་ཡང་རྣམ་པར་སྒོམ།། འོད་སྲུངས་དེ་ཡི་ཡོན་ཏན ་འདི་བརྗོད་པ། ། ས་ཡི་རྡུལ་ཕྲན་ཇི་བཞིན་ཕྱོགས་ཙམ་སྟེ།། བྱང་ཆུབ་སེམས་དཔའ་ཡོངས་དག་སྤྱོད་ཡུལ་གང་།། དེ་དག་ཡེ་ཤེས་བསྔགས་པ་མཐའ་ཡས་སོ།། སྟོང་གསུམ་འཇིག་རྟེན ་མཆོད་པ་ཅི་ཡོད་པ། ། ཀུན་གྱིས་བྱང་ཆུབ་སེམས་དཔའ་དེ་ལ་མཆོད།། དེ་ལས་ལྷག་པར་ཡང་ནི་མཆོད་འོས་ཏེ།། རྒྱལ་བའི་ཐུགས་སྲས་དག་ནི་ཕྱིར་མི་ལྡོག། གང་རྣམས་སངས་རྒྱས་འགྱུར ་བར་བརྩོན་ལྡན་པ། ། དེ་དག་གིས་ནི་ང་དང་མ་བྱོན་དང་།། གང་ཡང་མྱ་ངན་ལས་འདས་པའི་རྒྱལ་བ་དང་།། མ་ལུས་ཕྱོགས་བཞུགས་རིམ་གྲོ་བྱས་པ་དང་།། དེ་ནས་ཚངས་པ་ཁྱད ་པར་སེམས་ཀྱིས་ནི། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ་དཔལ་ཅི་ནས་ཆོས་ཀྱི་རྣམ་གྲངས་འདི་དེ་བཞིན་གཤེགས་པའི་བྱིན་གྱི་རླབས་ཀྱིས་ཕྱི་མའི་ཚེ་དུས ་ལྔ་བརྒྱ་པ་ཐ་མ་ལ་རབ་ཏུ་སྤྱོད་པ་དང་། རྒྱས་པར་འགྱུར་བར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་གསོལ་བ་ཐོབ་ཅིག། དེ་སྐད་ཅེས་སྨྲས་པ་དང་། ་འཇམ་དཔལ་གཞོན་ནུར་གྱུར་པས། ཚངས་པ་ཁྱད་པར་སེམས་ལ་འདི་སྐད་ཅེས་སྨྲས་སོ།། ཚངས་པ་དེ་ཇི་སྙམ་དུ་སེམས། ཆོས་ཀྱི་རྣམ་གྲངས་འདི་ལ་ཆོས་གང་དེ་བཞིན་གཤེགས ་པས་བྱིན་གྱིས་བརླབ་པར་བྱ་བའི་ཆོས་གང་ཡང་དེ་བཞིན་གཤེགས་པས་ཡོངས་སུ་བསྟན་ཏམ། སྨྲས་པ། འཇམ་དཔལ་དེ་ནི་མ་ཡིན་ནོ།། འཇམ་དཔལ་གྱིས་སྨྲས་པ། ཚངས ་པ་དེ་ལྟ་བས་ན་འདི་ལ་བརྗོད་པ་མེད་པས་ན། ཆོས་ཐམས་ཅད་བྱིན་གྱིས་མ་བརླབས་པ་སྟེ། དེ་ནི་ནུབ་པར་མི་འགྱུར་ཞིང་བསྲུང་བར་བྱ་བ་མ་ཡིན་ནོ།། ་ཚངས་པ་གང་ཆོས་གང་ལའང་བྱིན་གྱིས་བརླབ་པར་འདོད་པ་དེ་ནི་ནམ་མཁའ་བྱིན་གྱིས་བརླབས་པར་འདོད་དོ།། ཚངས་པ་བྱང་ཆུབ་སེམས་དཔའ་གང་ཆོས་གང་ཡང་ཁས་ལེན་ན་དེ་ནི་ཆོས ་སྨྲ་བ་མ་ཡིན་ནོ། ། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སྨྲ་བ་ཐམས་ཅད་ལས་ཕྱིར་ལྡོག་པ་ནི་རྩོད་པ་མེད་པ་ལྷུར་བྱེད་པ་ཡིན་ནོ།། ཚངས་པ་བྱང་ཆུབ་སེམས་དཔའ་གང་དག་འདི ་སྙམ་དུ་འཁོར་འདིར་ཆོས་འདི་སྟོན་ཏོ་སྙམ་དུ་སེམས་ན། དེ་དག་ལ་ཆོས་ཐོས་པ་མེད་དོ།། དེ་ཅིའི་ཕྱིར་ཞེ་ན། ཐོས་པ་མེད་པ་ནི་ཆོས་ཐོས་པའོ།། སྨྲས་པ། འཇམ་དཔལ་ཐོས ་པ་མེད་པ་ནི་ཆོས་ཐོས་པའོ། ། ཞེས་བྱ་བ་ཅི་ལས་བསམས་ཏེ་དེ་སྐད་ཟེར། སྨྲས་པ། ཚངས་པ་མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱིས་ཐོས་པ་མེད་པ་ནི་ཆོས ་ཐོས་པ་སྟེ། གང་སྐྱེ་མཆེད་དེ་དག་ནས་གཟུགས་དང་། སྒྲ་དང་། དྲི་དང་། རོ་དང་། རེག་དང་། ཆོས་ལ་མི་འཛག་པ་དེ་དག་ནི་ཆོས་ཐོས་པའོ།། དེ་ནས་འཁོར་དེ་ནས་ལྷའི་བུ་སྟོང་ཕྲག་སུམ་ཅུ་རྩ ་གཉིས་དང་། དགེ་སློང་སྟོང་ཕྲག་ལྔ་དང་། དགེ་སློང་མ་སུམ་བརྒྱ་དང་། དགེ་བསྙེན་བརྒྱད་བརྒྱ་དང་། དགེ་བསྙེན་མ་བརྒྱད་བརྒྱ་དེ་དག་ཐམས་ཅད་ཀྱིས་འཇམ་དཔལ་གྱིས་བསྟན་པ་འདི་ཐོས་ནས་མི་སྐྱེ ་པའི་ཆོས་ལ་བཟོད་པ་རབ་ཏུ་ཐོབ་སྟེ། ཚིག་ཀྱང་འདི་སྐད་དུ་འཇམ་དཔལ་དེ་དེ་བཞིན་ནོ།། ཇི་སྐད་སྨྲས་པ་དེ་བཞིན་ཏེ། ཐོས་པ་མེད་པ་ནི་ཆོས་ཐོས་པའོ་ཞེས་འཛེར་ཏོ།། དེ་ནས་ཚང ་པ་ཁྱད་པར་སེམས་ཀྱིས། བཟོད་པ་རབ་ཏུ་ཐོབ་པའི་བྱང་ཆུབ་སེམས་དེ་དག་ལ་འདི་སྐད་ཅེས་སྨྲས་སོ།། ཁྱེད་ཀྱིས་ཆོས་ཀྱི་རྣམ་གྲངས་འདི་ཐོས་སམ། སྨྲས་པ། ཚངས་པ་ཐོས་པ་མེད་པའི་ཚུལ ་གྱིས་ཐོས་སོ། ། སྨྲས་པ། ཁྱེད་ཀྱིས་ཆོས་ཀྱི་རྣམ་གྲངས་འདི་ཇི་ལྟ་བུར་ཤེས། སྨྲས་པ། ཇི་ལྟར་ཤེས་པ་མེད་པ་དང་། རྣམ་པར་ཤེས་པ་མེད་པ་དེ་ལྟར་རོ།། སྨྲས་པ། ཁྱེད་ཀྱིས ་ཆོས་གང་རབ་ཏུ་ཐོབ་པས་བཟོད་པ་རབ་ཏུ་ཐོབ་པར་འགྱུར། སྨྲས་པ། ཆོས་ཐམས་ཅད་རབ་ཏུ་ཐོབ་པ་མེད་པའི་ཕྱིར་རོ།། སྨྲས་པ། ཆོས་ཀྱི་རྣམ་གྲངས་འདི་ཇི་ལྟར་རྟོགས་པར་བྱ། སྨྲས་པ། ་རྟོགས་པར་བྱ་བ་མེད་པའི་ཚུལ་གྱིས་སོ།། སྨྲས་པ། ཆོས་བསྟན་པ་འདི་ཁྱེད་ཀྱིས་མངོན་སུམ་ཡིན་ནམ། སྨྲས་པ། ཚངས་པ་ཆོས་ཐམས་ཅད་བདག་དང་གཞན་མེད་པའི་ཕྱིར་མངོན་སུམ་ཡིན་ནོ།། ་དེནས་འཁོར་དེ་ཉིད་དུ་ལྷའི་བུ་དྲི་མ་མེད་པའི་རྟོག་ཅེས་བྱ་བ་འདུས་པར་གྱུར་པ་དེས་ཚངས་པ་ཁྱད་པར་སེམས་ལ་འདི་སྐད་ཅེས་སྨྲས་སོ།། ཚངས་པ་གང་ཆོས་ཀྱི་རྣམ་གྲངས་འདི་ལས་ཆུང ་དུན་ཉན་པར་འགྱུར་བ་དེ་དག་གལ་ཏེ་དེ་བཞིན་གཤེགས་པས་ལུང་མ་བསྟན་ཀྱང་ཁོ་བོས་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། ། དེ་ཅིའི་ཕྱིར་ཞེ་ན ་ཚངས་པ་ཆོས་ཀྱི་རྣམ་གྲངས་འདི་ནི་འབྲས་བུ་དང་ས་བོན་ཆུང་མི་གཟོན་པའོ། ། འཕགས་པ་ཡང་དག་པར་ཞུགས་པ་ཐམས་ཅད་ཀྱིས་ཡོངས་སུ་གཟུང་བའོ།། དགེ ་བའི་རྩ་བ་ཐམས་ཅད་ཡང་དག་པར་སྐྱེད་པའོ། ། བདུད་དང་ཕྱིར་རྒོལ་བ་ཚར་གཅོད་པའོ།། བར་དུ་གཅོད་པ་ཐམས་ཅད་དང་བྲལ་བའོ།། དང་བསྐྱེད་པར་བྱེད་པའོ།། དད་པ་དང་ལྡན ་པ་རྣམས་དགའ་ཞིང་མགུ་བར་བྱེད་པའོ། ། སངས་རྒྱས་ཐམས་ཅད་ཀྱིས་ཤིན་ཏུ་ཡོངས་སུ་གཟུང་བའོ།། ཆོས་ཀྱི་རྣམ་གྲངས་འདི་ནི་ལྷ་དང་བཅས་པའི་འཇིག་རྟེན་གྱིས་ལེགས་པར་བསྲུངས ་པའོ། ། ཆོས་ཀྱི་རྣམ་གྲངས་འདི་ནི་གཅིག་ཏུ་ངེས་པ་སྟེ་ཕྱིར་མི་ལྡོག་པའོ།། ཆོས་ཀྱི་རྣམ་གྲངས་འདི་ནི་བྱང་ཆུབ་ཀྱི་སྙིང་པོ་ལ་མི་སླུ་བའོ།། ཆོས་ཀྱི་རྣམ་གྲངས་འདི་ནི་སངས་རྒྱས ་ཀྱི་ཆོས་རྣམས་ཀྱི་བདེན་པའི་འབྱུང་གནས་སོ། ། ཆོས་ཀྱི་རྣམ་གྲངས་འདི་ནི་ཆོས་ཀྱི་འཁོར་ལོ་སྐོར་བའོ།། ཆོས་ཀྱི་རྣམ་གྲངས་འདི་ནི་འགྱོད་པའི་རྣམས་སེལ་བར་བྱེད་པའོ།། ཆོས ་ཀྱི་རྣམ་གྲངས་འདི་ནི་འཕགས་པའི་ལམ་རྣམ་པར་སྦྱོང་བའོ། ། ཆོས་ཀྱི་རྣམ་གྲངས་འདི་ནི་ཐར་པར་འདོད་པ་རྣམས་ཀྱིས་ལེགས་པར་ཐོས་པའོ།། ཆོས་ཀྱི་རྣམས་གྲངས་འདི་ནི་གཟུངས ་འདོད་པ་རྣམས་ཀྱིས་ལེགས་པར་གཟུང་བའོ། ། ཆོས་ཀྱི་རྣམ་གྲངས་འདི་ནི་བསོད་ནམས་འདོད་པ་རྣམས་ཀྱིས་ལེགས་པར་རབ་ཏུ་བསྟན་པའོ།། ཆོས་ཀྱི་རྣམ་གྲངས་འདི་ནི་ཆོས ་འདོད་པ་རྣམས་ཀྱིས་ལེགས་པར་སྲུང་བའོ། ། ཆོས་ཀྱི་རྣམ་གྲངས་འདི་ནི་མྱ་ངན་ལས་འདས་པར་འགྲོ་བའི་ཕྱིར་གྲངས་མེད་པའོ།། ཆོས་ཀྱི་རྣམ་གྲངས་འདི་ནི་ཕ་རོལ་རྒོལ་བ ་དམིགས་པ་ཅན་གྱིས་མི་འཕྲོགས་པའོ། ། ཆོས་ཀྱི་རྣམ་གྲངས་འདི་ནི་སྦྱིན་པར་འོས་པ་རྣམས་དང་འཐུན་པའོ།། ཆོས་ཀྱི་རྣམ་གྲངས་འདི་ནི་མཁས་པ་རྣམས་དགའ་བར་བྱེད་པའོ།། ་ཆོས་ཀྱི་རྣམ་གྲངས་འདི་ནི་ལྟ་བ་ངན་པ་དང་བྲལ་བས་ཤེས་རབ་སྐྱེད་པའོ།། ཆོས་ཀྱི་རྣམ་གྲངས་འདི་ནི་གཏི་མུག་འཇོམས་པར་བྱེད་པས་ཡེ་ཤེས་སྐྱེད་པའོ།། ཆོས་ཀྱིས་རྣམ་གྲངས ་འདི་ནི་ཡི་གེའི་ཚིག་ངེས་པའི་ཤིན་ཏུ་ངེས་པའི་ཚིག་གོ། ། ཆོས་ཀྱི་རྣམ་གྲངས་འདི་ནི་འབྲུ་འབྲེལ་བས་ལེགས་པར་བསྟན་པའོ།། ཆོས་ཀྱི་རྣམ་གྲངས་འདི་ནི་དོན་དམ་པ་ཡང་དག་པར་སྟོན ་པས་དོན་ཡང་དག་པར་སྐྱེད་པའོ། ། ཆོས་ཀྱི་རྣམ་གྲངས་འདི་ནི་ཆོས་བརྗོད་པ་རྣམས་ཀྱིས་ཡོངས་སུ་མ་བཏང་བའོ།། ཆོས་ཀྱི་རྣམ་གྲངས་འདི་ནི་ཤེས་པ་དང་ལྡན་པ་རྣམས་ཀྱིས་མ ་བོར་བའོ། ། ཆོས་ཀྱི་རྣམ་གྲངས་འདི་ནི་ནོར་འདོད་པ་རྣམས་ཀྱིས་གཏེར་རོ།། ཆོས་ཀྱི་རྣམ་གྲངས་འདི་ནི་ཀུན་ཏུ་གདུངས་པ་རྣམས་ཡོངས་སུ་གདུང་བ་མེད་པར་བྱེད་པའོ།། ཆོས་ཀྱི ་རྣམ་གྲངས་འདི་ནི་བྱམས་པ་ལ་གནས་པ་རྣམས་ཀྱིས་མཉམ་པ་ཉིད་སྐྱེད་པའོ། ། ཆོས་ཀྱི་རྣམ་གྲངས་འདི་ནི་ལེ་ལོ་ཅན་རྣམས་ཀྱི་བརྩོན་འགྲུས་སྤྱད་པའོ།། ཆོས་ཀྱི་རྣམ་གྲངས་འདི་ནི་བརྗེད ་ངེས་པ་རྣམས་ཀྱིས་བསམ་གཏན་སྐྱེད་པའོ། ། ཆོས་ཀྱི་རྣམ་གྲངས་འདི་ནི་ཤེས་རབ་འཆལ་པ་རྣམས་ལ་སྣང་བར་བྱེད་པའོ།། ཚངས་པ་ཆོས་ཀྱི་རྣམ་གྲངས་འདི་ལ་ནི་སངས ་རྒྱས་ཀྱི་ཆོས་ཐམས་ཅད་ཤིན་ཏུ་ལེགས་པར་གནས་སོ། ། དེ་ནས་ལྷའི་བུ་དེས་ཆོས་ཀྱི་རྣམ་གྲངས་འདིའི་བསྔགས་པ་བསྟན་པ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ ་པ་དྲུག་ཏུ་གཡོས་སོ། ། བཅོམ་ལྡན་འདས་ཀྱིས་ཀྱང་ལྷའི་བུ་ལ་ལེགས་སོ་ཞེས་བྱ་བ་བྱིན་ནོ།། དེ་ནས་བཅོམ་ལྡན་འདས་ལ། ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།། ་བཅོམ་ལྡན་འདས་ལྷའི་བུ་འདིས་སྔོན་གྱི་ཡང་དག་པར་རྫོགས་པའི་སངས་རྒྱས་དག་ལས་ཆོས་ཀྱི་རྣམ་གྲངས་སྔོན་ཐོས་སམ། བཅོམ་ལྡན་འདས་ཀྱིས་བཀའ་སྩལ་པ། ཚངས་པ་ལྷའི་བུ་འདིས་སངས ་རྒྱས་བྱེ་བ་ཁྲག་ཁྲིག་ཕྲག་དྲུག་ཅུ་རྩ་བཞི་ལས་ཆོས་ཀྱི་རྣམ་གྲངས་འདི་ཐོས་ཏེ། ཚངས་པ་ལྷའི་བུ་དྲི་མ་མེད་པའི་ཏོག་འདི་བསྐལ་པ་བརྒྱ་སྟོང་ཕྲག་བཞི་བཅུ་རྩ་གཉིས་ན། འཇིག་རྟེན་གྱི་ཁམས་རིན ་ཆེན་ལྡན་དུ་དེ་བཞིན་གཤེགས་པ་རིན་པོ་ཆེ་བཀོད་པ་ཞེས་བྱ་བར་འཇིག་རྟེན་དུ་འབྱུང་བར་འགྱུར་རོ། ། གང་ཡང་དེའི་བར་དུ་སངས་རྒྱས་འབྱུང་བ་དེ་དག་ཐམས་ཅད་ལའང་མཉེས་པར་བྱེད་པར ་འགྱུར། བཀུར་སྟིར་བྱེད་པར་འགྱུར་ཏེ། སངས་རྒྱས་བཅོམ་ལྡན་འདས་དེ་དག་ལས་ཆོས་ཀྱི་རྣམ་གྲངས་འདིའང་ཐོས་པར་འགྱུར་རོ།། ཚངས་པ་དགེ་སློང་དང་། དགེ་སློང་མ་དང ་དགེ་བསྙེན་དང་། དགེ་བསྙེན་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་གང་དག་གིས་ཆོས་ཀྱི་རྣམ་གྲངས་འདི་ལ་བཟོད་པ་རབ་ཏུ་ཐོབ་པ་དེ་དག་ཐམས་ཅད་དེ་བཞིན་གཤེས ་པ་རིན་པོ་ཆེ་བཀོད་པའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་རིན་ཆེན་ལྡན་དུ་སྐྱེ་བར་འགྱུར་རོ། ། དེ་ནས་བཅོམ་ལྡན་འདས་ལ། ལྷའི་བུ་དྲི་མ་མེད་པའི་ཏོག་གིས་འདི་སྐད་ཅེས་གསོལ་ཏོ།། བཅོམ ་ལྡན་འདས་གང་བདག་ནི་བྱང་ཆུབ་མི་འཚལ། མི་སྨོན། མངོན་པར་མི་དགེའ། མངོན་པར་མ་ཆགས། མི་དམིགས། མི་སེམས། མི་རྟོག། རྣམ་པར་མི་རྟོག་ན། ཅིའི་སླད་དུ་བཅོམ་ལྡན ་འདས་ཀྱིས་བདག་ལ་ལུང་བསྟན། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་འདི་ལྟར་སྐྱེས་བུ་ལ་ལ་ཞིག་གིས་རྩཝ་དང་། ཤིང་དང་། ཡལ་ག་དང་། ལོ་མ་དང་། འདབ་མ་དག་མེར་བཅུག ་ནས་འདི་སྐད་དུ་རྩཝ་དང་། ཤིང་དང་། ཡལ་ག་དང་། ལོ་མ་དང་། འདབ་མ་དག་མ་ཚིག་ཅིག་ཅེས་སྨྲས་ན། དེ་དེའི་དབང་གིས་མི་འཚིག་པ་མ་ཡིན་ནོ།། ལྷའི་བུ་དེ་བཞིན་དུ་འདི་ལྟར་བྱང་ཆུབ་སེམས་དཔ ་བྱང་ཆུབ་ལ་མངོན་པར་མི་དགའ། མངོན་པར་མ་ཆགས། མི་དམིགས། མི་འདོད། མི་སྨོན། མི་སེམས། རྣམ་པར་མི་རྟོག་ཀྱང་སངས་རྒྱས་ཐམས་ཅད་ལུང་སྟོན་ཏེ། ལྷའི་བུ་འོན་ཀྱང་བྱང་ཆུབ ་སེམས་དཔའ་གང་བྱང་ཆུབ་ལ་མངོན་པར་མི་དགའ། མངོན་པར་མ་ཆགས། མི་དམིགས། མི་འདོད། མི་སྨོན། མི་སེམས། རྣམ་པར་མི་རྟོག་པ་དེ་ལ་དེ་བཞིན་གཤེགས་པ་རྣམས་ལུང་སྟོན་ཏོ།། ་དེ་ནས་འཁོར་དེར་ལྷའི་བུ་ལྔ་བརྒྱ་ཙམ་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་ཀྱང་བྱང་ཆུབ་ལ་མངོན་པར་མི་དགའ། མངོན་པར་མ་ཆགས། མི ་དམིགས། མི་འཚལ། མི་སྨོན། མི་རྟོག། རྣམ་པར་མི་རྟོག་ན། ཅིའི་སླད་དུ་བཅོམ་ལྡན་འདས་ཀྱིས་བདག་ཅག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་མི་བསྟན་ཏོ།། དེ་ནས་སངས་རྒྱས་ཀྱི་མཐུས་སྟེང་གི ་བབར་སྣང་ལ་སངས་རྒྱས་སྟོང་ཕྲག་བརྒྱད་ཅུ་རྩ་བཞི་མཐོང་སྟེ། དེ་བཞིན་གཤེགས་པ་དེ་དག་གིས་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ།། དེ་ནས་བཅོམ་ལྡན་འདས་ལ།། ལྷའི་བུ་དེ ་དག་གིས་འདི་སྐད་ཅེས་གསོལ་ཏོ། ། བཅོམ་ལྡན་འདས་དེ་བཞིན་གཤེགས་པས་འདི་སྐད་དུ་བྱང་ཆུབ་སེམས་དཔའ་གང་བྱང་ཆུབ་ལ་མངོན་པར་མི་དགའ། མངོན་པར་མ་ཆགས། མི་དམིགས། མི་འདོད། མི་སྨོན། ་མི་སེམས།། མི་རྟོག། རྣམ་པར་མི་རྟོག་པ་དེ་བྱང་ཆུབ་ཏུ་ལུང་བསྟན་པར་འགྱུར་རོ་ཞེས་ལེགས་པར་གསུངས་པ་དེ་ནི་ངོ་མཚར་ཏེ། བཅོམ་ལྡན་འདས་བདག་ཅག་གིས་སྟེང་གི་ཕྱོགས་ན། སངས་རྒྱས་སྟོང་ཕྲག་བརྒྱད ་ཅུ་རྩ་བཞི་མཐོང་སྟེ། དེ་བཞིན་གཤེགས་པ་དེ་དག་ཐམས་ཅད་བདག་ཅག་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་ཏོ།། དེ་ནས་འཇམ་དཔལ་གཞོན་ནུར་གྱུར་པས། བཅོམ་ལྡན་འདས་ལ་འདི་སྐད ་ཅེས་གསོལ་ཏོ། ། བཅོམ་ལྡན་འདས་གང་སླད་མའི་དུས་ལྔ་བརྒྱ་པ་ཐ་མ་ལ་འཛམ་བུའི་གླིང་འདིར་ཆོས་ཀྱི་རྣམ་གྲངས་འདི་རབ་ཏུ་སྤོད་པ་དང་། ཡུན་རིང་དུ་གནས་པར་འགྱུར་བ་དང་། རིགས་ཀྱི་བུ་དང་། རིགས ་ཀྱི་བུ་མོ་གང་དག་གོ་ཆ་ཆེན་པོ་བགོས་པ་དག་གི་རྣ་ལམ་དུ་གདའ་བར་འགྱུར་བ་དང་། རིགས་ཀྱི་བུ་དང་། རིགས་ཀྱི་བུ་མོ་དེ་དག་བདུད་ཀྱི་ལས་སྐྱེས་ཤིང་བྱུང་བ་རྣམས་ཀྱི་དབང་དུ་མི་མཆི་བ་དང་། ་དེ་དག་ལ་བདུད་དམ། བདུད་ཀྱི་རིས་ཀྱི་ལྷ་དག་གིས་གླགས་རྙེད་པར་མི་འགྱུར་བ་དང་། ཆོས་ཀྱི་རྣམ་གྲངས་འདི་ཡོངས་སུ་གཟུང་ཞིང་གོ་ཆ་ཆེན་པོ་བགོས་ཏེ། བླ་ན་མེད་པ་ཡང་དག་པར་རྫོགས་པའི ་བྱང་ཆུབ་ཡོངས་སུ་མི་ཉམས་པར་བྱིན་གྱིས་བརླབ་པར་གསོལ། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དེ་བས་ན་ཆོས་ཀྱི་རྣམ་གྲངས་འདི་བྱིན་གྱིས་བརླབ་པ་དང་། ཡུན་རིང་དུ་གནས་པ ་བྱ་བའི་ཕྱིར། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། གྲུལ་བུམ་འབེབས་པ་ཞེས་བྱ་བའི་རིག་པ་དང་། ་སྔགས་ཀྱི་ཚིག་འདི་བཤད་ཀྱིས་ཉོན་ཅིག། རིག་པ་དང་སྔགས་ཀྱི་ཚིག་དེ་བཅངས་པས་རིགས་ཀྱི་བུ་འམ། རིགས་ཀྱི་བུ་མོ་ཆོས་སྨྲ་བ་དེ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། གྲུལ་བུམ་རྣམས་ཀྱིས་ཡོངས་སུ་བསྲུང་བ་རབ་ཏུ་ཐོབ་སྟེ། རིགས་ཀྱི་བུ་འམ། རིགས་ཀྱི་བུ་མོ་དེ་དག་ལམ་མམ། ལམ་ལོག་པར་སོང་ངམ། ་གཙུག་ལག་ཁང་དུ་སོང་ངམ། གནས་ཁང་དུ་སོང་ངམ། འཆག་པ་ལ་ཞུགས་སམ། འཁོར་གྱི་ནང་དུ་སོང་ཡང་རུང་སྟེ། སྲུང་བར་བྱེད་དོ།། སྤོབས་པ་སྐྱེད་པར་བྱེད། དྲན་པ་དང་། བློ་གྲོས་དང་། ་རྟོགས་པའི་སྟོབས་བསྐྱེད་པ་ཉེ་བར་སྦྱོར་ཏེ། དེ་ལ་ཕ་རོལ་གྱི་རྒོལ་བའམ། ཕས་ཀྱི་དགྲ་གྲགས་ཚོལ་བ་དག་གིས་གླགས་ཀྱང་རྙེད་པར་མི་འགྱུར་རོ།། དེ་དྲན་ཞིང་ཤེས་བཞིན། ་དུ་ལྡང་བར་འགྱུར། འཆག་པར་འགྱུར། འདུག་པར་འགྱུར། ཉལ་བར་འགྱུར་རོ།། འཇམ་དཔལ་དེ་ལ་རིག་པ་དང་སྔགས་ཀྱི་ཚིག་དེ་དག་གང་ཞེ་ན། འདི་ལྟ་སྟེ། ཨུད་དྷུ་རེ་དྷུ་དྷུ་རེ། མནྡ་ཏཊེ། ་ནརྀ་ཏི་གོ་ཊུ་རེ་ཤི་ལ་ལི། ཧི་ལི་མི་ལེ། ཐི་ལ་ཐི་མི་ལི། ཧུ་ལུ་ཧུ་ལུ་ཧུ་ལུ། ཨེ་བད་ཥེ། བེ་ཏ་ཏེ། ཁ་ཁ་རེ། ཐ་རེ། ཁ་ར་ཀེ། ཨཱ་སཱན་ནེ། གཏི་མ་ཧི་ལེ། མཱ་ན་ཤ་ཏ་ནེ་མཱ་ན་སེ་བར་གན་དྷེ། སརྦ་རུ་ཎེ ་ར་བཱ་བ་ག་ཏེ། སིན་དྷུ་ལེ་ན་མོ་བུད་དྷེ་བྷཱ། ཙཱ་རིང་ཏྲ། ན་མོ་དྷརྨཱ་ཡ། ནརྒ་ཏ་ནི། ན་མཿས་གྷཱ་ཡ། བཱ་ཧི་ཏ་པཱ་པེ། བྱཱ་པ་ཤཱན་ཏཱ་ནི། སརྦ་པཱ་པཱ་ནེ་མཻ་ཏྲི་མེ། སརྦ་བྷུ་ཏེ་བྱ། སད་ཏྱ་ནི་རྡེ་ཤོ་བྲཧྨ་བ་ཐོ། མ ་། ཧཱ་རི་ཥི་བྷི། པྲ་ཤསྟ། ཏད་ཏྲ་ཏིཥྛཱན་ཏེ་སརྦ་བྷུ་ཏ་གྲ་ཧ། ན་མཿསརྦ་བུད་དྷེ་བྷྱཿ། སིད་དྷུན་ཏུ་མེ་མན་ཏྲ་པ་དཱ་སྭཱ་ཧཱ། འཇམ་དཔལ་རིག་པ་དང་སྔགས་ཀྱི་ཚིག་འདི་བྱང་ཆུབ་སེམས་དཔའ་གང་དག་ཆོས་ཀྱི་རྣམ ་གྲངས་འདི་ལ་བརྩོན་པ། རྟག་ཏུ་ཤེས་བཞིན་དང་ལྡན་པ། མི་རྒོད་པ། ཁེངས་པ་མེད་པ། སེམས་མི་གཡེངས་པ། ཀུན་ཏུ་སྤྱོད་པ་གཙང་བ། སོགས་པ་དང་བྲལ་བ། ཆོག་ཤེས་པ། བས ་མཐའི་གནས་མལ་ལ་མངོན་པར་དགའ་བ། འདུ་འཛི་ཉུང་བ། ལུས་དང་སེམས་དབེན་པ། བྱམས་པ་དང་སྙིང་རྗེ་ལ་མངོན་པར་དགའ་བ། ཆོས་ལ་དགའ་ཞིང་མོས་པ། བདེན་པའི་ཚིག་ལ་རབ་ཏུ ་། གནས་པ། མི་སླུ་བ། ནང་དུ་ཡང་དག་འཇོག་ལ་མངོན་པར་དགའ་བ། ཚུལ་བཞིན་ཡིད་ལ་བྱེད་པ་ལ་བརྩོན་པ། ཚུལ་བཞིན་མ་ཡིན་པ་ཡིད་ལ་བྱེད་པ་དང་བྲལ་བ། སྦྱངས་པའི་ཡོན་ཏན་དང་ཡོ་བྱད ་བསྙུངས་པ་ལ་མངོན་པར་དགའ་བ། རྙེད་པ་དང་མ་རྙེད་པ་ལ་སེམས་མཉམ་པ། མྱ་ངན་ལས་འདས་པ་ལ་མངོན་དུ་ཕྱོགས་པ། འཁོར་བས་འཇིགས་ཤིང་སྐྲག་པ། སྡུག་པ་དང་མི་སྡུག་པ་ལ་སེམས ་མཉམ་པ། འདུ་ཤེས་སྣ་ཚོགས་དང་བྲལ་བ། ལུས་དང་སྲོག་འདོར་བ་དངོས་པོ་ཐམས་ཅད་ལ་མི་བལྟ་བ། སྤྱོད་པ་དང་ཆོ་ག་ཕུན་སུམ་ཚོགས་པ། ཚུལ་ཁྲིམས་དང་སྡོམ་པ་ལ་མངོན་པར་དགའ་བ། ་བཟོད་པ་དང་ངེས་པ་མང་བ། ངན་དུ་ཟེར་བ་བཟོད་པའི་རང་བཞིན་ཅན། བརྩོན་འགྲུས་བརྩམས་པ། སེམས་ཅན་ཐམས་ཅད་ཀྱི་བྱ་བ་ཅི་ཡོད་ཅེས་བྱ་བ་ལ་བརྩོན་པ། བཞིན་འཛུམ་པ་ཁྲོ་གཉེར་དང ་བྲལ་བ། གསོང་པོར་སྨྲ་བ། ང་རྒྱལ་བཅོམ་པ།། དེས་པ། འགྲོགས་ན་བདེ་བ། དེ་ལྟ་བུའི་སྤྱོད་པ་ལ་རབ་ཏུ་གནས་པའི་རིགས་ཀྱི་བུ་འམ། རིགས་ཀྱི་བུ་མོས་འཇམ་དཔལ་སྔགས་ཀྱི་ཚིག ་འདི་རབ་ཏུ་གདོན་པར་བྱའོ། ། འཇམ་དཔལ་དེ་ལྟར་ན་ཆོས་སྨྲ་བ་དེ་ཚེ་འདི་ཉིད་ལ་སྟོབས་སྐྱེད་པ་བཅུ་རབ་ཏུ་འཐོབ་བོ།། བཅུ་གང་ཞེ་ན། མི་བརྗེད་པའི་ཆོས་ཉིད་པས་དྲན་པའི་སྟོབས་སྐྱེད་པ་དང་། ་ཆོས་རབ་ཏུ་འབྱེད་པ་ལ་མཁས་པས་བློ་གྲོས་ཀྱི་སྟོབས་སྐྱེད་པ་དང་། མདོ་སྡེའི་ཚུལ་ཁོང་དུ་ཆུད་པས་རྟོགས་པའི་སྟོབས་སྐྱེད་པ་དང་སྡོམ་པ་དང་སྤོད་པ་མི་གཏོང་བས་དང་པའི་སྟོབས་སྐྱེད་པ་དང་། བདག་དང་གཞན ་སྲུང་བས་ངོ་ཚ་ཤེས་ཤིང་ཁྲེལ་ཡོད་པའི་སྟོབས་སྐྱེད་པ་དང་། ཤེས་རབ་ཡོངས་སུ་རྫོགས་པས་ཐོས་པའི་སྟོབས་སྐྱེད་པ་དང་། ཐོས་པ་ཐམས་ཅད་ཡོངས་སུ་འཛིན་པས་གཟུངས་ཀྱི ་སྟོབས་སྐྱེད་པ་དང་། སངས་རྒྱས་ཀྱི་བྱིན་གྱི་རླབས་ཀྱིས་ཡོངས་སུ་བཟུང་བས་སྤོབས་པའི་སྟོབས་སྐྱེད་པ་དང་། མངོན་པར་ཤེས་པ་ལྔ་རབ་ཏུ་ཐོབ་པས་ཟབ་མོའི་སྟོབས་སྐྱེད་པ་དང་། མྱུར་དུ་ཐམས་ཅད་མཁྱེན ་པའི་ཡེ་ཤེས་ཡོངས་སུ་རྫོགས་པས་མི་སྐྱེ་བའི་ཆོས་ལ་བཟོད་པ་སྐྱེད་པ་སྟེ། འཇམ་དཔལ་སྤྱོད་པ་ལ་ཞུགས་པའི་ཆོས་སྨྲ་བ་གང་རིག་པ་དང་། སྔགས་ཀྱི་ཚིག་འདི་རབ་ཏུ་འདོན་པ་དེ་ནི་སྟོབས་སྐྱེད་པ་དེ་བ ་རབ་ཏུ་ཐོབ་པར་འགྱུར་རོ། ། རིག་པ་དང་སྔགས་ཀྱི་ཚིག་བསྟན་པ་འདི་བཅོམ་ལྡན་འདས་ཀྱིས་བཤད་པའི་ཚེ། རྒྱལ་པོ་ཆེན་པོ་བཞི་སྐྲག་ཅིང་བ་སྤུ་ལངས་པར་གྱུར་ཏེ། གཡོག་བརྒྱ་སྟོང་ཕྲག་དུ་མ་དང་། བཅོམ ་ལྡན་འདས་ག་ལ་བ་དེར་དོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས ་བདག་ཅག་རྒྱལ་པོ་ཆེན་པོ་བཞི་པོ་འདི་དག་ནི་རྒྱུན་དུ་ཞུགས་པ། ། དེ་བཞིན་གཤེགས་པའི་བཀའ་སྒྲུབ་པར་བགྱིད་པ་སྟེ། གཉེན་བཤེས་དང་བཅས། འཁོར་དང་བཅས་པས་རིགས་ཀྱི་བུ་དང་། རིགས ་ཀྱི་བུ་མོ་ཆོས་སྨྲ་བ་དང་། ཆོས་སྟོན་པ་དང་། མདོ་སྡེ་འདི་ལྟ་བུ་འཆང་བ་དང་། ཀློག་པ་དེ་དག་ལེ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞིས་བསྲུང་བ་དང་། བསྐྱབ་པ་དང་། སྦ་བར་བགྱིའོ།། ་དེ་དག་གྲོང་ངམ། གྲོང་ཁྱེར་རམ། ལྗོངས་སམ། ལྗོངས་ཀྱི་ཕྱོགས་གང་ན་གནས་ཀྱང་རུང་། ཁྱིམ་པ་འམ། རབ་ཏུ་བྱུང་བའང་རུང་སྟེ། བཅོམ་ལྡན་འདས་བདག་ཅག་རྒྱལ་པོ་བཞི་སྟོབས་དང ་བཅས། འཁོར་དང་བཅས་པས། རིགས་ཀྱི་བུ་འམ། རིགས་ཀྱི་བུ་མོ་དེ་དག་གི་རིམ་གྲོ་བགྱི་བར་བདག་ཅག་སྤྲོའོ།། བསྲུང་བ་དང་། བསྐྱབ་པ་དང་། སྤྲོ་བ་དང་། སྤོབས་པ་དང་། གཞན་གྱིས ་གནོད་པར་མི་བགྱི་ཞིང་མི་གཙེ་བར་བགྱི་བའི་སླད་དུ་བདག་ཅག་སྤྲོའོ། ། བཅོམ་ལྡན་འདས་ས་ཕྱོགས་གང་ན་ཆོས་ཀྱི་རྣམ་གྲངས་འདི་རབ་ཏུ་སྤྱོད་པར་འགྱུར་བའི་ས་ཕྱོགས་དེར་དཔག་ཚད་བརྒྱ་ཁོར ་ཁོར་ཡུག་ཏུ་ལྷ་འམ། ཀླུ་འམ། གནོད་སྦྱིན་ནམ། གྲུལ་བུམ་གྱིས་གླགས་མི་རྙེད་དོ།། དེ་ནས་རྒྱལ་པོ་ཆེན་པོ་འཕགས་སྐྱེས་པོས་ཚིགས་སུ་བཅད་པ་འདི་སྐད་ཅེས་གསོལ་ཏོ།། བདག་ལ་བུ ་དང་གཉེན་བཤེས་དང་། ། བྲན་དང་འཁོར་རྣམས་ཅི་མཆིས་པ།། དེ་དང་བདག་ཅག་གྲོགས་བཅས་པས།། བདག་པོ་དེ་དག་རིམ་གྲོ་བགྱིད།། དེ་ནས་རྒྱལ་པོ་ཆེན་པོ་མིག་མི་བཟང་གིས་ཚིགས་སུ་བཅད ་པ་འདི་སྐད་ཅེས་གསོལ་ཏོ། ། བདག་ནི་ཆོས་ཀྱི་རྒྱལ་པོའི་སྲས།། ཆོས་ལས་སྐྱེས་པ་ཆོས་ཀྱི་སྤྲུལ།། ཁྱོད་ཀྱི་སྲས་གང་བྱང་ཆུབ་ཏུ།། ཞུགས་པ་དེ་དག་རིམ་གྲོ་བགྱིད།། དེ་ནས་རྒྱལ་པོ་ཆེན ་པོ་ཡུལ་འཁོར་སྲུང་གིས་ཚིགས་སུ་བཅད་པ་འདི་སྐད་ཅེས་གསོལ་ཏོ། ། སངས་རྒྱས་གསུངས་པའི་མདོ་སྡེ་འདི།། གང་དག་འཛིན་པར་འགྱུར་བ་རྣམས།། དེ་དག་ཕྱོགས་བཅུ་རྣམས་སུ་ཡང། ་བདག་གིས་ཀུན་ཏུ་བསྲུང་བར་བགྱི།། དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུས་ཚིགས་སུ་བཅད་པ་འདི་སྐད་ཅེས་གསོལ་ཏོ།། གང་དག་བྱང་ཆུབ་ཕྱིར་བརྩོན་པ།། དེ་ལ་ཅི་འདྲ ་འོས་པ་ཡི། ། དེ་འདྲའི་མཆོད་པ་བགྱིད་པར་ནི།། སེམས་ཅན་ཀུན་གྱིས་མི་ནུས་སོ།། དེ་ནས་བཅོམ་ལྡན་འདས་ལ། རྒྱལ་པོ་ཆེན་པོ་རྣམ་ཐོས་ཀྱི་བུ་བདེན་པའི་ཟླ་བ་ཞེས་བྱ་བ་དེས་རིན་པོ་ཆེ་སྣ་བདུན ་ལས་བྱས་པའི་གདུགས་གསོལ་ནས། ཚིགས་སུ་བཅད་པ་འདི་སྐད་ཅེས་གསོལ་ཏོ།། དེ་བཞིན་གཤེགས་ལས་བདག་ཉིད་ཀྱིས།། ཆོས་ཀྱི་རྣམ་གྲངས་གཟུང་བར་བགྱི།། ཕ་རོལ་ལ་ཡང་བསྟན་པར་བགྱི།། ་བདག་གི་བསམ་པ་དེ་འདྲའོ།། བཅོམ་ལྡན་འདས་ཀྱིས་བདག་སེམས་དང་།། སྔོན་གྱི་སྤྱད་པ་ཅི་འདྲ་མཁྱེན།། ཇི་ལྟར་བདག་གིས་སེམས་འདུད་པ།། བདག་ནི་འཇིག་རྟེན་རྣམ་འདྲེན་འགྱུར།། སངས ་རྒྱས་དཔག་མེད་སྐྱོབ་པ་ལ། ། བདག་གིས་གདུགས་འདི་ཕུལ་བ་ཡིས།། བདག་ནི་ཐུབ་པོ་ཁྱོད་འདྲ་བར།། སྤྱི་གཙུག་པ་ལྟར་ཡང་མི་གདར་འགྱུར།། སངས་རྒྱས་སྐྱེས་བུ་དམ་པ་ཡང་།། བདག་གིས ་བྱམས་པས་བལྟས་པ་ཡིས། ། ཡོངས་སུ་དག་པའི་མིག་ཐོབ་སྟེ།། རྒྱལ་བ་མ་ཕམ་བལྟ་བར་བགྱི།། ཡེ་ཤེས་ཕ་རོལ་ཕྱིན་པ་ཡི།། སྟོན་པས་དེ་ནས་ལུང་བསྟན་ཏེ།། ཁྱོད་ནི་འདི་ནས་ཕྱི་དུས་ན།། དགའ ་ལྡན་དུ་ཡང་སྐྱེ་བར་འགྱུར། ། དགའ་ལྡན་ནས་ནི་ཤི་འཕོས་ནས།། རྒྱལ་བ་བྱམས་པ་མཐོང་བར་འགྱུར།། བསྐལ་པ་སྟོང་ཕྲག་ཉི་ཤུར་ནི།། མཆོད་པ་བྱས་ནས་འབྱུང་བར་འགྱུར།། ཁྱོད་ནི་རབ་ཏུ་བྱུང་ནས ་ཀྱང་། ། ཚངས་པར་སྤྱོད་པ་རབ་སྤྱད་དེ།། བསྐལ་པ་བཟང་འདིར་གང་བྱུང་བ།། བདག་པོ་དེ་དག་མཐོང་བར་འགྱུར།། ཐམས་ཅད་ལ་ཡང་མཆོད་བྱས་ཏེ།། ཚངས་པར་སྤྱོད་པ་སྤྱད་ནས་ནི།། བསྐལ་པ ་བྱེ་བ་དྲུག་ཅུ་ན། ། དེ་ནས་ཁྱོད་ནི་སངས་རྒྱས་འགྱུར།། སངས་རྒྱས་ཞིང་ནི་ལེགས་བརྒྱན་པ།། རིན་ཆེན་གདུགས་ཞེས་བྱ་བར་ནི།། བྱང་ཆུབ་སེམས་དཔའ་ཤ་སྟག་ལ།། ཁྱོད་ནི་ཆོས་རྣམས་སྟོན་པར ་འགྱུར། ། ཚེ་ཡི་ཚད་ནི་བསྐལ་པར་འགྱུར།། སེམས་ཅན་རྣམས་ལ་ཕན་པའི་ཕྱིར།། མྱ་ངན་ལས་འདས་པའི་དམ་ཆོས་ཀྱང་།། མ་འདྲེས་བསྐལ་པ་ཕྱེད་དུ་གནས།། དེ་ནས་བཅོམ་ལྡན་འདས་ལ།། ་ལྕིའི་དབང་པོ་བརྒྱ་བྱིན་གྱིས་གཡོག་བརྒྱ་སྟོང་ཕྲག་དུ་མ་དང་བཅས་པས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གིས་ཀྱང་ཆོས་སྨྲ་བ་མདོ་སྡེ་འདི་འཆང་བ་དེ་དག་བསྲུང་བ་དང་། ཡོངས ་སུ་གཟུང་བར་བགྱིའོ། ། བསྙེན་བཀུར་དང་རིམ་གྲོར་ཡང་བགྱིའོ།། གང་ན་ཆོས་ཀྱི་རྣམ་གྲངས་འདི་ཡི་གེར་འདྲི་བ་འམ།། ཀློག་པ་དེར་ཅི་ནས་ཀྱང་ཆོས་སྨྲ་བ་དེའི་སྟོབས་དང་། མཐུ་དང་། ཆོས་ཀྱི ་མཚམས་སྦྱོར་བ་སྤོབས་པར་འགྱུར་བར་བདག་འཁོར་དང་བཅས་ཏེ་ཆོས་ཉན་དུ་མཆིའོ། ། དེ་ནས་ལྷའི་དབང་པོ་བརྒྱ་བྱིན་གྱི་བུ་སྦེད་བྱེད་ཅེས་བྱ་བ་དེས།། དོ་ཤལ་རིན་པོ་ཆེ་ཐམས་ཅད་ཀྱིས་སྤྲས་པ་དེ། ་བཞིན་གཤོགས་པ་ལ་ཕུལ་ནས་ཚོགས་སུ་བཅད་པ་འདི་དག་གསོལ་ཏོ།། ཐུབ་པ་བདག་འདིར་མངོན་སུམ་སྟེ།། ཇི་ལྟར་ཁྱོད་ཀྱིས་སྔོན་སྤྱད་པ།། དེ་བཞིན་བདག་ཀྱང་སངས་རྒྱས་ཀྱི།། ་ཤེས་ཚོལ་བར་བསྒྲུབ་པར་བགྱི།། ཁྱོད་ཀྱིས་སྔན་ཆད་མ་སྩལ་བར།། ཡོངས་སུ་མ་བཏང་ཅི་མ་མཆིས།། བདོག་པ་ཐམས་ཅད་གཏོང་བ་ཡི།། བདག་ཀྱང་རྗེས་སུ་བསླས ་པར་བགྱི། ། ཁྱོད་ཀྱིས་མདོ་སྡེ་འདི་ཡང་ནི།། འཇིག་རྟེན་མགོན་ལས་མངོན་དུ་བླངས།། ཡང་དང་ཡང་དུ་བཤད་པར་བགྱི།། བདག་པོ་ཁྱེད་ལ་བགྱིས་པགཟོ།། མདོ་སྡེ་འདི་ལ་སུ་དགའ་བ།། དེ་དག ་བདག་གི་སྟོན་པ་འདྲ། ། བདག་ནི་སངས་རྒྱས་ཆོས་འཚལ་བས།། དེ་ལ་རྟག་ཏུ་རིམ་གྲོ་བགྱིད།། དམ་པའི་ཆོས་རྣམས་ཡོངས་སྲུང་བ།། མགོན་པོ་ཉན་ཐོས་མི་ནུས་ཏེ།། ཕྱི་དུས་འཇིགས་པ ་ཆེན་པོའི་ཚེ། ། བདག་གིས་ཡོངས་སུ་བསྲུང་བར་བགྱི།། མགོན་པོ་བདག་ཀྱང་དབུགས་དབྱུང་གསོལ།། ལྷ་རྣམས་ཐེ་ཙོམ་གཅད་དུ་གསོལ།། ཐུབ་པ་ཁྱུ་མཆོག་ཁྱོད་འདྲ་བ།། ཇི་སྲིད་ཡུན་གྱིས ་འགྲུབ་པར་འགྱུར། ། ཀུན་མཁྱེན་ཡེ་ཤེས་མཁས་པ་ཡི།། བདེ་བར་གཤེགས་པས་དེ་ལུང་བསྟན།། ང་ནི་ཅི་འདྲ་དེ་འདྲ་བར།། ཁྱོད་ཀྱང་རྫོགས་པའི་སངས་རྒྱས་འགྱུར།། བསྐལ་པ་བྱེ་བ་ཕྲག ་སྟོང་དང་། ། བསྐལ་པ་བྱེ་བ་བརྒྱ་ཡི་ཚེ།། འཇིག་རྟེན་དུ་ནི་སངས་རྒྱས་འགྱུར།། མིང་ནི་ཡེ་ཤེས་འབྱུང་ཞེས་བྱ།། བྱང་ཆུབ་ཞི་པ་ཐོབ་ནས་ཀྱང་།། བདུད་རྣམས་རབ་ཏུ་བཏུལ་ནས་ནི།། སེམས་ཅན་བྱེ ་བ་ཕྲག་སྟོང་རྣམས། ། བྱང་ཆུབ་ལ་ཡང་འགོད་པར་འགྱུར།། དེ་ནས་མི་མཇེད་ཀྱི་བདག་པོ་ཚངས་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་བསམ་གཏན ་ལ་གནས་པའང་བཏང་སྟེ། རིགས་ཀྱི་བུ་འམ། རིགས་ཀྱི་བུ་མོ་གང་ཆོས་ཀྱི་རྣམ་གྲངས་འདི་ཡང་དག་པར་སྟོན་པ་དེ་ལ་ཆོས་ཉན་དུ་མཆིའོ།། དེ་ཅིའི་སླད་དུ་ཞེ་ན། བརྒྱ་བྱིན་དང་ཚངས་པ་ནི་འདི ་ལས་སྐྱེས་ཏེ། བཅོམ་ལྡན་འདས་བདག་རིགས་ཀྱི་བུ་འམ། རིགས་ཀྱི་བུ་མོ་དེ་དག་ལ་བསྙེན་བཀུར་དང་རིམ་གྲོ་བགྱི་བར་སྤྲོའོ།། དེ་དག་ནི་ལྷ་དང་བཅས་པའི་འཇིག་རྟེན་གྱིས་རིམ་གྲོ་བགྱི་བ་དང ་མཆོད་པར་འོས་པ་ལགས་སོ། ། དེ་ནས་ཚངས་པ་མི་མཇེད་ཀྱི་བདག་པོས། བཅོམ་ལྡན་འདས་ལ་ཚིགས་སུ་བཅད་པས་འདི་སྐད་ཅེས་གསོལ་ཏོ།། དགེ་སློང་དང་ནི་དགེ་སློང་མ།། དགེ་བསྙེན་དང ་ནི་དགེ་བསྙེན་མ། ། གང་རྣམས་མདོ་སྡེ་འདི་འཛིན་པ།། སྐྱེ་བོ་ཀུན་གྱི་མཆོད་རྟེན་དེ།། གལ་ཏེ་མདོ་སྡེ་འདི་ལ་ནི།། སེམས་ཅན་གཅིག་འགའ་བཙུད་ན་ཡང་།། འགྲོ་བའི་མགོན་པོ་བདག་སྤྲོ་བ།། ་ཆོས་སྨྲ་བ་ནི་དེ་དག་ལ།། ཁྲི་སྟན་གང་ལ་དེ་མཆིས་ཏེ།། མདོ་སྡེ་འདི་ནི་རབ་སྟོན་པར།། ཚངས་པའི་འཇིག་རྟེན་མན་ཆད་དུ།། མེ་ཏོག་དགྲམ་པར་བདག་སྤྲོའོ།། གང་གི་ལག་ནས་མདོ་སྡེ་འདི།། ཕྱི་མའི་དུས ་ན་ཐོས་འགྱུར་བ། ། དེ་ལ་ཨ་ལ་ལ་ཞེས་ནི།། ལེགས་སྨྲས་ལེགས་ཞེས་བརྗོད་པར་བགྱི།། གང་ན་མདོ་སྡེ་འདི་མཆིས་པར།། མེ་ཡི་ཕུང་པོས་གང་བ་ཡི།། བྱེ་བ་སྙེད་ཀྱི་ཞིང་བརྒལ་ནས།། སྐྱོ་མི་འཚལ ་བར་མཆི་བར་བགྱི། ། རིན་ཆེན་ཕུང་པོ་རི་རབ་ཙམ།། དགའ་བཞིན་དུ་ནི་ཕུལ་ནས་ཀྱང་།། སངས་རྒྱས་ཀྱི་ཡང་ལམ་སྦྱོང་བ།། མདོ་སྡེ་འདི་ཡང་མཉན་པར་བགྱི།། དེ་ནས་བཅོམ་ལྡན་འདས་ཀྱིས་དེའི ་ཚེ་རྫུ་འཕྲུལ་མངོན་པར་འདུ་བྱ་བ་འདི་ལྟ་བུ་མཛད་དེ། རྫུ་འཕྲུལ་མངོན་པར་འདུ་བྱ་བ་ཇི་ལྟ་བུ་མངོན་པར་འདུ་བྱས་པས། བདུད་སྡིག་ཅན་དཔུང་གི་སྟོབས་བཞི་དང་། བཅོམ་ལྡན་འདས ་ག་ལ་བ་དེར་དོང་སྟེ་ལྷགས་པ་དང་། བཅོམ་ལྡན་འདས་ཀྱི་ཞ་བྲ་ལ་མགོ་བྲོ་ཕྱག་འཚལ་ནས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་དཔུང་དང་བཅས། གཡོག་དང་བཅས་པ་འདི་དག་དེ་བཞིན ་གཤེགས་པའི་སྤྱན་སྔར་དམ་བཅས་ཏེ། གང་ན་ཆོས་ཀྱི་རྣམ་གྲངས་འདི་རབ་ཏུ་སྤྱོད་པར་འགྱུར་བའི་ལྗོངས་ཀྱི་ཕྱོགས་དེར་ཆོས་ཉན་པ་དང་། ཆོས་སྨྲ་བ་དག་ལ་བདུད་ཀྱི་ལས་མི་བགྱི་བའི་སྟེང་དུ་བསྲུང ་བ་དང་། བསྐྱབ་པོ་དང་། སྦ་བར་ཡང་བགྱིའོ།། དེ་ནས་བཅོམ་ལྡན་འདས་ཀྱིས་འོད་ཟེར་གསེར་གྱི་ཁ་དོག་ལྟ་བུས་སངས་རྒྱས་ཀྱི་ཞིང་འདི་ཁྱབ་པར་མཛད་དེ། འཇམ་དཔལ་གཞོན་ནུར་གྱུར་པ་ལ ་འདི་སྐད་ཅེས་བཀའ་སྩལ་ཏོ། ། འཇམ་དཔལ་འདི་ལྟ་སྟེ། སྐྱེས་བུ་དམ་པ་དམ་པའི་ཆོས་ཡོངས་སུ་འཛིན་པ་དེ་དག་གིས་དམ་པའི་ཆོས་ཡོངས་སུ་གཟུང་བར་བྱ་བའི་ཕྱིར། ཆོས་ཀྱི་རྣམ་གྲངས་འདི་དེ ་བཞིན་གཤེགས་པས་བྱིན་གྱིས་བརླབས་སོ། ། འཇམ་དཔལ་ཆོས་ཀྱི་རྣམ་གྲངས་འདི་ཡུན་ཇི་སྲིད་དུ་འཛམ་བུའི་གླིང་འདིར་སྤྱོད་པར་འགྱུར་བ་ཡུན་དེ་སྲིད་དུ་དམ་པའི་ཆོས་ནུབ་པར་མི་འགྱུར་རོ།། དེ་ནས ་འཁོར་དེ་དག་ཐམས་ཅད་དགའ་མགུ་ཡི་རངས། རབ་ཏུ་དགའ་རངས། ཡིད་བདེ་བར་གྱུར་ནས་སྤོས་ཐམས་ཅད་དང་། འཕྲེང་བ་ཐམས་ཅད་དང་། བྱུག་པ་ཐམས་ཅད་དང་། མེ་ཏོག་ཐམས་ཅད་དང་། ་ཕྱེ་མ་ཐམས་ཅད་ཀྱིས་དེ་བཞིན་གཤེགས་པ་ལ་མངོན་པར་གཏོར་ནས། ཚིག་ཀྱང་འདི་སྐད་ཅེས་ཨེ་མ་ཧོ་ཆོས་ཀྱི་རྣམ་གྲངས་འདི་འཛམ་བུའི་གླིང་ན་ཡུན་རིང་དུ་གནས་པ་དང་། རྒྱས་པར་གྱུར་ཅིག ་ཅེས་འཛེར་ཏོ། ། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་ཆོས་ཀྱི་རྣམ་གྲངས་འདི་གཟུང་ངམ། གསོལ་པ། བཅོམ་ལྡན་འདས ་བདག་གིས་གཟུང་ངོ་། ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་ལྟ་བས་ན་ཆོས་ཀྱི་རྣམ་གྲངས་འདི་གཟུང་བ་དང་། བཅང་བ་དང་། བཀླག་པ་དང་། ཡང་དག་པར་རབ་ཏུ་བསྟེན་པའི ་ཕྱིར། ཁྱོད་ལ་ཡོངས་སུ་གཏད་དོ།། གསོལ་པ། བཅོམ་ལྡན་འདས་གང་ཆོས་ཀྱི་རྣམ་གྲངས་འདི་འཛིན་ཏམ། འཆང་ངམ། ཀློག་གམ། གཞན་དག་ལ་སྟོན་ཏམ། ཡི་གེར་བྲིས་པ་ལ་མཆོད་པ་བགྱིད ་ན། དེ་བསོད་ནམས་ཇི་ཙམ་ཞིག་སྐྱེད་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཡི་གེ་དང་ངེས་པའི་ཚིག་ཇི་སྙེད་ཀྱིས་ཆོས་ཀྱི་རྣམ་གྲངས་འདི་བསྟན་པ་དེ་སྙེད་ཀྱི་དེ་བཞིན་གཤེགས ་པ་དགེ་སློང་གི་དགེ་འདུན་དང་བཅོས་པ་ལ་བདེ་བའི་ཡོ་བྱད་ཐམས་ཅད་ཀྱིས་བསྙེན་བཀུར་བྱས་པ་བས། གང་ཆོས་ཀྱི་རྣམ་གྲངས་འདི་འཛིན་པ་དང་། བཟུང་ནས་ཀྱང་གཞན་ལ་སྟོན་པ་དང་།། ་ཀློག་པ་དེ་ནི་དེ་བས་ཀྱང་བསོད་ནམས་ཆེས་མང་དུ་སྐྱེད་དོ།། ཀུན་དགའ་བོ་གང་གིས་དམ་པའི་ཆོས་ཡུན་རིང་དུ་གནས་པར་བྱ་བའི་ཕྱིར། ཆོས་ཀྱི་རྣམ་གྲངས་འདི་གླེགས་བམ་དུ་བྲིས་ཏེ་མཆོད ་ན་དེའི་ཚེ་འདི་ཉིད་ལ་གཏེར་འཐོབ་པ་བཅུ་ཐོབ་བོ། ། བཅུ་གང་ཞེ་ན། སངས་རྒྱས་ཀྱི་སྤྱན་རབ་ཏུ་ཐོབ་པས་སངས་རྒྱས་མཐོང་བའི་གཏེར་དང་། ལྷའི་རྣ་བས་རབ་ཏུ་ཐོས་པས ་ཆོས་ཉན་པའི་གཏེར་དང་། ཕྱིར་མི་ལྡོག་པའི་དགེ་འདུན་རབ་ཏུ་ཐོབ་པས། དགེ་འདུན་མཐོང་བའི་གཏེར་དང་། རིན་པོ་ཆེའི་ལག་པ་རབ་ཏུ་ཐོབ་པས་ཟད་མི་ཤེས་པའི་ལོངས་སྤྱོད་ཀྱི་གཏེར་དང་། ་མཚན་དང་དཔེ་བྱད་བཟང་པོ་ཡོངས་སུ་རྫོགས་པས་གཟུགས་ཀྱི་གཏེར་དང་། གཡོག་མི་ཕྱེང་བས་གཡོག་གི་གཏེར་དང་། གཟུངས་རབ་ཏུ་ཐོབ་པས་ཐོས་པའི་གཏེར་དང་། སྤོབས་པ་རབ ་ཏུ་ཐོབ་པས་དྲན་པའི་གཏེར་དང་། ཕ་རོལ་གྱི་རྒོལ་བ་ཆེར་གཅོད་པས་མི་འཇིགས་པའི་གཏེར་དང་། སེམས་ཅན་ཐམས་ཅད་ཉེ་བར་འཚོ་བས་བསོད་ནམས་ཀྱི་གཏེར་རོ།། ཡང་བཅོམ་ལྡན ་འདས་ཀྱིས་ཆོས་ཀྱི་རྣམ་གྲངས་འདི་བསྟན་པ་ན། བྱང་ཆུབ་སེམས་དཔའ་ས་ཡ་ཁྲག་ཁྲིག་ཕྲག་འདུན་ཅུ་རྩ་གཉིས་མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པར་གྱུར་ཏོ།། སེམས་ཅན་དཔག་ཏུ་མེད་པ ་བྱང་ཆུབ་ལ་རབ་ཏུ་ཞུགས་སོ། ། སེམས་ཅན་ཚད་མེད་པའང་ལེན་པ་མེད་པར་རྣམ་པར་གྲོལ་ལོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། བཅོམ ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགེའ་བོ་དེའི་ཕྱིར་ཁྱོད་ཀྱིས་ཆོས་ཀྱི་རྣམ་གྲངས་འདིའི་མིང ་ཆོས་ཐམས་ཅད་ཡང་དག་པར་འདུ་བ་ཞེས་བྱ་བར་ཟུང་ཞིག། སངས་རྒྱས་ཀྱི་རྒྱན་བཀོད་པ་ཞེས་བྱ་བར་ཟུང་ཞིག། ཚངས་པ་ཁྱད་པར་སེམས་ཀྱིས་ཀུན་དྲིས་པ་ཞེས་བྱ་བར་ཟུང་ཞིག། འཇམ ་དཔལ་གྱིས་བསྟན་པ་ཞེས་བྱ་བར་ཟུང་ཞིག། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། འཇམ་དཔལ་གཞོན་ནུར་གྱུར་པ་དང་། ཚངས་པ་ཁྱད་པར་སེམས་དང་། བྲམ་ཟེ་ཤིང་སཱ་ལ་ཆེན་པོ་ལྟ ་བུའི་བུ་མཉམ་པ་ཉིད་ལ་གནས་པ་དང་། བྱང་ཆུབ་སེམས་དཔའ་དྲ་བ་ཅན་གྱི་འོད་དང་། གནས་བརྟན་འོད་སྲུངས་ཆེན་པོ་དང་། ཚེ་དང་ལྡན་པ་ཀུན་དགའ་བོ་དང་། ཕྱོགས་བཅུ་ནས་འདུས་པའི་བྱང་ཆུབ ་སེམས་དཔའ་དེ་དག་དང་། ཉན་ཐོས་ཆེན་པོ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་བཅོམ་ལྡན་འདས་ཀྱིས་གསུངས་པ་ལ་ཡི་རངས་ཏེ་མངོན་པར་བསྟོད་དོ།། ། ་འཕགས་པ་ཚངས་པ་ཁྱད་པར་སེམས་ཀྱིས་ཞུས་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། ། རྒྱ་གར་གྱི་མཁན་པོ་ཤཱཀྱ་པྲ་བྷ་དང་། དྷརྨ་པཱ་ལ་དང་། ཛི་ན་མི་ཏྲ་དང་། ་