Wylie

e-texts produced with BDRC’s OCR application

རྒྱ་གར་སྐད་དུ། མ་ཧཱ་སན་ནི་པ་ཏཱད་མ་ཧཱ་པཱ་ནཱ་སཱུ་ཏྭཱད། ཏ་ཐཱ་ག་ཏ་ཤྲཱི་ས་མ་ཡན། ནཱ་མ་མ་ཧཱ་ཡཱན་སུཏྲཱུན། བོད་སྐད་དུ། འདུས་པ་ཆེན་པོ་ཐེག་པ་ཆེ ་པོའི་མདོ་སྡེ་ལས། དེ་བཞིན་གཤེགས་པའི་དཔལ་གྱི་དམ་ཆོག་ཅེས་བྱ་བ་ཐེག་པ་ཆེན་པོའི་མེདོ།། །། བམ་པོ་དང་པོ།། སངས་རྒྱས་དང་བྱང་ཆུབ ་སེམས་དཔའ་ཐམས་ཅད་ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཚངས་པ་ཆེན་པོའི་ཕུར་བུ་མཐའ་ཡས་མུ་མེད་པ་ལུང་བསྟན་པ། དྲང་སྲོང་རྣམས་ཀྱིས ་གནས་ཐུབ་པའི་རྟེན་རི་ཐེར་སྒྲལ་ལ། ཉན་ཐོས་ཀྱི་དགེ་འདུན་ཆེན་པོ་ལ་འདི་ལྟ་སྟེ། བཅོམ་ལྡན་འདས་ཀྱི་ཉན་ཐོས་བགྲང་བ་ལས་འདས་པ་དག་དང་། བྱང་ཆུབ་སེམས་དཔའི་དགེ་འདུན་ཆེན་པོ་འདི་ལྟ་སྟེ། ་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ནས་དེར་འདུས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་བགྲང་བ་ལས་འདས་པ་དག་དང་ཐབས་གཅིག་ཏུ་བཞུགས་སོ།། དེའི་ཚེ་འཁོར་འདུས་པ ་དེ་ན་དཔལ་ལྷ་མོ་ཆེན་མོ་ཆོས་ཉན་པའི་ཕྱིར། བཅོམ་ལྡན་འདས་ཀྱི་སྤྱན་སྔ་ཐག་མི་རིང་བ་ཞིག་ན་འདུག་གོ།། དེ་ནས་དཔལ་ལྷ་མོ་ཆེན་མོ་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་འདི་ནི་སྦྱིན་པ་ལས་བྱུང་བའི་བསོད་ནམས་བགྱི་བའི་དངོས་པོའི་གཟུངས་ཀྱི་སྐྱེ ་བའི་རྒྱ་མཚོ་ལས་སྒྲོལ་བར་མི་བགྱིད་པ་དག་མཆིས་ལེགས་སོ། ། དེ་ཅིའི་སླད་དུ་ཞེ་ན། སངས་རྒྱས་ཀྱི་ཞིང་ཉོན་མོངས་པ་ཅན་སྙོགས་མ་ལྔ་དང་ལྡན་པ་འདི་ན། སེམས་ཅན་བསོད་ནམས་སུ་གདགས ་པ་དང་བྲལ་བ་དག་ཕལ་ཆེ་ལགས་ཏེ། རྒྱུ་དང་རྐྱེན་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འདིར་སེམས་ཅན་རྣམས་ལ་སྙིང་རྗེ་ཆེན་པོ་དག་སྐྱེད་པར་བགྱིད་ལགས་སོ།། འདི་ན་སེམས་ཅན ་རྣམས་གང་གིས་ན་རྒྱུ་མ་མཆིས་པར་སྨྲ་ཞིང་ལོངས་སྤྱོད་དང་བྲལ་ལ། ཚོལ་ཁྲོས་སྡུག་བསྔལ་ཞིང་ཉམ་ཐག་པ་དང་། དོན་མ་མཆིས་པར་འབད་པ་དེ་དག་ནི་སྦྱིན་པ་རྣམ་པར་འགྱེད་པ་མ ་མཆིས་པ་ཡོངས་སུ་སྨིན་པར་བགྱིད་པའི་རྔོ་མོ་ཐོག་སྟེ། དེ་ལྟ་བས་ན་ད་བདག་ཅག་གིས་སྦྱིན་པའི་གོ་བགོས་ཏེ། བརྩོན་འགྲུས་བརྩམ་པར་བགྱི་ཞིང་། འདི་ལྟར་བདག་ཅག་གིས་སྦྱིན་པའི་གཟིངས་ཀྱིས་སྐྱེ ་བའི་རྒྱ་མཚོ་ལས་བསྒྲལ་བར་བགྱིའོ་ཞེས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སྦྱིན་པ་ལས་བྱུང་བའི་བསོད་ནམས་ཀུན་ཏུ་སྤྱོད་པར་བགྱི་བའི་དངོས་པོས་སངས་རྒྱས་ཀྱི་ཡེ་ཤེས་རྒྱ་མཚོ་བླ་ན་མ ་མཆིས་པ་ལ་འཇུག་པར་བགྱིད་པ་ནས། ཆོས་ཀྱི་རྒྱལ་པོ་བླ་ན་མ་མཆིས་པར་དབང་བསྐུར་བ་རབ་ཏུ་ཐོབ་པར་བགྱིད་པའི་བར་དུའོ།། བཙུན་པ་བཅོམ་ལྡན་འདས་འདི་ན་སེམས་ཅན་རྟག་པར་སྨྲ་བ་འདི་དག་ལོངས ་སྤྱོད་དང་། ཉེ་བར་སྤྱོད་པ་རྒྱ་ཆེན་པོ་དང་བྲལ་ལ། ཚོལ་ཁྲོས་སྡུག་བསྔལ་ཞིང་ཉམ་ཐག་པ་དག་མཆིས་ཏེ། དེ་དག་ཚུལ་ཁྲིམས་རྣམ་པར་འགྱེད་པ་མ་མཆིས་པར་ཡོངས་སུ་སྨིན་པར་བགྱིད་པར་རྔོ་མི་ཐོག་པས། ་འདིར་སེམས་ཅན་རྟག་པར་སྨྲ་བ་རྣམས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སྙིང་རྗེ་ཆེན་པོ་དག་སྐྱེད་པར་བགྱིད་ཅིང་། ཚུལ་ཁྲིམས་ཀྱི་གོ་བགོས་པའི་གཟེངས་ཀྱིས་སེམས་ཅན་རྟག་པར་སྨྲ ་འདི་དག་སྐྱེ་བའི་རྒྱ་མཚོ་འདི་ལས་བསྒྲལ་བར་བགྱིའོ་ཞེས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཚུལ་ཁྲིམས་ལས་བྱུང་བའི་བསོད་ནམས་ཀུན་ཏུ་སྤྱོད་པར་བགྱིད་པའི་དངོས་པོས་སེམས་ཅན ་རྣམས་དགེ་བ་བཅུའི་ལས་ཀྱི་ལམ་གྱིས་ཡོངས་སུ་སྨིན་པར་བགྱིད་པ་དང་། སངས་རྒྱས་ཀྱི་ཡེ་ཤེས་ཀྱི་རྒྱ་མཚོ་བླ་ན་མ་མཆིས་པ་ལ་འཇུག་པར་བགྱིད་པ་ནས། ཆོས་ཀྱི་རྒྱལ་པོ་བླ་ན་མ་མཆིས་པར་དབང ་བསྐུར་བ་རབ་ཏུ་ཐོབ་པར་བགྱིད་པའི་བར་དུའོ། ། བཙུན་པ་བཅོམ་ལྡན་འདས་འདི་ན་སེམས་ཅན་གང་དག་ཕྲ་མ་དང་། ཚིག་རྩུབ་པོ་དང་། ཆགས་སེམས་དང་། གནོད་སེམས་ཀུན་ཏུ་སྤྱོད་པའི་ཡིད་ཀྱིས།། ་དེ་དག་འཇིག་ཚོགས་ལ་ལྟ་བ་དང་ལྡན་ཞིང་ལོངས་སྤྱོད་དང་ཉེ་བར་སྤྱོད་པ་དང་བྲལ་ལ། ཆོལ་ཁྲོས་སྡུག་བསྔལ་ཞིང་ཉམ་ཐག་པ་དག་མཆིས་ཏེ། སེམས་ཅན་དེ་དག་རབ་ཏུ་འབྱུང་བའི་ཚུལ་ཁྲིམས་དང་སྡོམ་པ་མ ་མཆིས་པར་ཡོངས་སུ་སྨིན་པར་བགྱིད་པར་རྔོ་མི་ཐོགས་པས། སེམས་ཅན་ཕྲ་མ་དང་། ཚིག་རྩུབ་པོ་དང་། ཆགས་སེམས་དང་། གནོད་སེམས་ཀུན་ཏུ་སྤྱོད་ཅིང་། འཇིག་ཚོགས་ལ་ལྟ་བ་དང་ལྡན་པ ་ཡང་བ་སྤྱོད་པ་དེ་དག་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སྙིང་རྗེ་ཆེན་པོ་དག་སྐྱེད་པར་བགྱིད་དེ། བཅོམ་ལྡན་འདས་སེམས་ཅན་དེ་དག་མི་རྟག་པའི་ཚུལ་གྱིས་བསྟན་པ་ལ་འཇུག་པར ་བགྱིད་པ་དང་། རབ་ཏུ་འབྱུང་བའི་སྡོམ་པས་སེམས་ཅན་རྣམས་ཡོངས་སུ་སྨིན་པར་བགྱིད་པའང་། བདག་ཅག་གིས་བཟོད་པ་དང་། བརྩོན་འགྲུས་བརྩམས་ནས། བདག་ཅག་གི་རབ་ཏུ་འབྱུང་བའི ་ས་དོམ་པའི་གཟིངས་ཀྱིས་སྐྱེ་བའི་རྒྱ་མཚོ་ལས་བསྐལ་བར་བགྱིའོ་ཞེས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཚུལ་ཁྲིམས་ལས་བྱུང་བའི་བསོད་ནམས་བགྱི་བའི་དངོས་པོ་རྟག་པའི་ཚུལ་གྱིས ་སེམས་ཅན་རྣམས་རབ་ཏུ་འབྱུང་བའི་ཚུལ་ཁྲིམས་དང་། སྡོམ་པས་ཡོངས་སུ་སྨིན་པར་བགྱིད་དེ། དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སངས་རྒྱས་ཀྱི་ཡེ ་ཤེས་ཀྱི་རྒྱ་མཚོ་བླ་ན་མ་མཆིས་པར་འཇུག་པར་བགྱིད་པ་ནས། ཆོས་ཀྱི་རྒྱལ་པོ་བླ་ན་མ་མཆིས་པར་དབང་བསྐུར་བ་ཐོབ་པར་བགྱིད་པའི་བར་དུའོ།། བཅོམ་ལྡན་འདས་བྱང་ཆུབ་སེམས་དཔའ་སེམས ་དཔའ་ཆེན་པོ་དག་བསམ་གཏན་དང་པོའི་ཕ་རོལ་ཏུ་ཕྱིན་པ་ཡོངས་སུ་སྦྱོང་ཞིང་སློབ་པ་ན། བསམ་གཏན་གྱི་ཡན་ལག་རྣམས་འཚལ་བ་དང་། འདོད་པའི་ཁམས་ལས་ཡང་དག་པར་འདའ་བ་དང་། ཡན་ལག། ་ལྔ་དང་ལྡན་ཞིང་ཡན་ལག་ལྔ་སྤངས་པ་དང་། རྫུ་འཕྲུལ་གྱི་རྐང་པ་བཞི་རྣམ་པར་རྩེ་བ་མངོན་པར་འཚལ་བ་དང་། སངས་རྒྱས་བཅོམ་ལྡན་འདས་དེ་དག་ཐམས་ཅད་ལ་མཆོད་པ་དང་། བཀུར་སྟི་བགྱི་བ་དང་། ་དམ་པའི་ཆོས་མཉན་པའི་སླད་དུ་སངས་རྒྱས་ཀྱི་ཞིང་ཐམས་ཅད་དུ་གློག་ལྟ་བུའི་ཤུགས་ཀྱིས་མཆིས་པ་ལ་མཁས་པ་དང་། སེམས་ཅན་རྣམས་ཀྱི་ལཾ་གསུམ་མོ།། གསུམ་འདི་ལྟ་སྟེ། ལས་ཀྱི་ལམ་དང་། ་ཉོན་མོངས་པའི་ལམ་དང་། སྡུག་བསྔལ་གྱི་ལམ་དག་སྐེམས་པར་བགྱིད་པ་དང་། བསྒོམ་པ་ལས་བྱུང་བའི་བསོད་ནམས་བགྱི་བའི་དངོས་པོ་རྫོགས་པར་བགྱིད་པ་དག་ཇི་ལྟ་བུ་ལགས། དེ་བཞིན་དུ ་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བགྱིད་པ་ཇི་ལྟ་བུ་ལགས། དེའི་ཕ་རོལ་ཏུ་ཕྱིན་པ་དྲུག་པོ་ཡོངས་སུ་རྫོགས་པར་འགྱུར་བ་དང་། མྱུར་དུ་བླ་ན་མ་མཆིས་པ་ཡང་དག་པར་རྫོགས ་བའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་བ་དག་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། དཔལ་ཆོག་ཤེས་ལེགས་སོ་ལེགས་སོ།། དཔལ་ཆོ་ག་ཤེས་ཁྱོད་ཀྱིས་གང་། ་གི་ཚེ་ཆོས་བཞི་པོ་འདི་ལ་ཡོངས་སུ་རྫོགས་པར་སྤྱད་ཅིང་། གོམས་པར་བྱས་ཀྱང་། ཁྱོད་ཀྱིས་སེམས་ཅན་གཞན་དང་། གང་ཟག་གཞན་དག་གི་དོན་དུ་དེ་བཞིན་གཤེགས་པ་ལ་དོན་འདི་འདྲི་བར་སེམས ་པ། དཔལ་ཆོ་ག་ཤེས་དེའི་ཕྱིར་ལེགས་པར་ཉོན་ལ་རབ་ཏུ་ཡིད་ལ་ཟུང་ཞིག་དང་བཤད་དོ།། བཙུན་པ་བཅོམ་ལྡན་འདས་དེ་ལྟར་འཚལ་ལོ་ཞེས་བྱ་བ་ནས། བཅོམ་ལྡན་འདས་ཀྱིས་འདི་སྐད་ཅེས ་བཀའ་སྩལ་ཏོ་ཞེ་བྱ་བའི་བར་དུའོ། ། དཔལ་ཆོ་ག་ཤེས་བྱང་ཆུབ་སེམས་དཔའ་སེམས་དཔའ་ཆེན་པོ་དག་བསམ་གཏན་དང་པོའི་ཕ་རོལ་ཏུ་ཕྱིན་པ་ཡོངས་སུ་སྦྱོང་ཞིང་སློབ་པ་ན། བསམ་གཏན་གྱི ་ཡན་ལག་རྣམས་ཤེས་པ་དང་། འདོད་པའི་ཁམས་ལས་ཡང་དག་པར་འདའ་བ་དང་། ཡན་ལག་ལྔ་དང་ལྡན་ཞིང་ཡན་ལག་ལྔ་སྤངས་པ་དང་། རྫུ་འཕྲུལ་གྱི་རྐང་པ་བཞིས་རྩེ་བ་མངོན་པར་ཤེས ་པ་དང་། སངས་རྒྱས་བཅོམ་ལྡན་འདས་དེ་དག་ཐམས་ཅད་ལ་མཆོད་པ་དང་། བཀུར་སྟི་བྱ་བ་དང་། དམ་པའི་ཆོས་མཉན་པའི་ཕྱིར་སངས་རྒྱས་ཀྱི་ཞིང་ཐམས་ཅད་དུ་གློག་ལྟ་བུའི་ཤུགས་ཀྱིས ་འགྲོ་བ་ལ་མཁས་པ་དང་། སེམས་ཅན་རྣམས་ཀྱི་ལམ་གསུམ་པོ་ལས་ཀྱི་ལམ་དང་། ཉོན་མོངས་པའི་ལམ་དང་། སྡུག་བསྔལ་གྱི་ལམ་དག་བསྐམས་པ་དང་། བསྒོམས་པ་ལས་བྱུང་བའི་བསོད ་ནམས་བྱ་བའི་དངོས་པོ་རྫོགས་པར་བྱེད་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་དང་། དེའི་ཕ་རོལ་ཏུ་ཕྱིན་པ་དྲུག་པོ་ཡོངས་སུ་རྫོགས་པར་འགྱུར། ་པ་དང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དག་ཇི་ལྟ་བུ་ཡིན་ཞེ་ན། དཔལ་ཆོ་ག་ཤེས་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ ་དག་ཐམས་ཅད་ཀྱི་དང་པོར་དབུགས་རྔུབ་པ་དང་། དབུགས་འབྱུང་བའི་མཚན་མའི་དམིགས་པ་ཐམས་ཅད་ལ་སེམས་གཏོད་པ་བྱེད་དེ། དེ་གཡེང་བ་མེད་པའི་སེམས་ཀྱིས་དབུགས་རྔུབ་པར་བྱེད་དོ།། ་དབུགས་འབྱུང་བར་བྱེད་དོ།། དེ་དང་པོར་དབུགས་རྔུབ་པའི་སེམས་ཀྱིས་སེལ་བར་བྱེད་པ་དེ་དག་ནི་དེའི་རྣམ་པར་རྟོག་པ་ཡིན་ནོ།། དེ་ངེས་པར་འབྱུང་བ་ན་དབུགས་འབྱུང་བའི་སེམས་ཀྱིས་སེལ་བ་དེ་དག ་ནི་དེའི་རྣམ་པར་དཔྱོད་པ་ཡིན་ནོ། ། དེ་ལ་དགའ་ཞིང་ཚིམ་པ་གང་ཡིན་པ་དང་། སེམས་རྩེ་གཅིག་པ་ཉིད་གང་ཡིན་པ་དང་། གཡེང་བ་མེད་པ་གང་ཡིན་པ་དེས་ན། དེ་ངེས་པར་འབྱུང་བ་ལ་གནས་ཤིང་། ་རྣམ་པར་རྟོག་པ་དང་། རྣམ་པར་དཔྱོད་པ་སྤོང་བའི་སེམས་དང་ལྡན་པ་ཡིན་ནོ།། དེ་ལྟར་ན་དེར་དེས་རྣམ་པར་རྟོག་པ་དང་། རྣམ་པར་དཔྱོད་པ་དང་བཅས་པའི་བསམ་གཏན་དང་པོ་ཐོབ་པ་ཡིན་ནོ།། ་དེ་ལ་མཚན་མ་འདི་དག་འབྱུང་སྟེ། དེའི་ལུས་ཐམས་ཅད་གཡོ་བར་འགྱུར་རོ།། དྲོ་བར་འགྱུར་རོ།། དེར་དེ་འདོད་པའི་འདུན་པའི་སྒྲིབ་པ་སྤོང་བ་ཡིན་ནོ།། དེ་མི་དགེ་བའི་ཆོས་ཐམས་ཅད་གནོན་པར ་བྱེད་དོ། ། གང་གི་ཚེ་བརྩོན་པ་དྲག་པོས་ཡིད་ལ་བྱེད་ཅིང་གནས་པ་དེ་ན། དེ་རྣམ་པར་རྟོག་པ་དང་། རྣམ་པར་དཔྱོད་པར་ཉེ་བར་ཞི་བ་ཡིན་ཏེ། དེས་ན་རྣམ་པར་རྟོག་པ་དང་། རྣམ་པར་དཔྱོད་པ་མེད ་པའི་བསམ་གཏན་གཉིས་པ་ཐོབ་པ་ཡིན་ནོ། ། དེ་ལྟར་དེའི་ལུས་ཐམས་ཅད་ཤིན་ཏུ་སིམ་པ་དང་། བདེ་བ་དང་། ཚིམ་པར་འགྱུར་བ་ནི། དཔེར་ན་འོ་མ་འཇམ་ཙམ་གྱིས་ལུས་ལ་ཅིག་ཅར་བླུགས་ན་བདེ་བ་མྱོང ་བ་ཡིན་ནོ། ། དེས་བདག་ནི་འདི་ལྟར་གྱུར་པར་ཤེས་ཏེ། དེ་ཟང་ཟིང་མེད་པའི་དགའ་བ་དང་། བདེ་བ་དེ་ལྟ་བུ་དང་ལྡན་ནོ་སྙམ་དུ་ཤེས་སོ།། བྱང་ཆུབ་སེམས་དཔའ་དེས་དཀོན་མཆོག་གསུམ་ལ་དད་པ་ཐོབ ་ནས། དེ་འདི་སྙམ་དུ་བདག་གིས་ནི་སེམས་ཅན་ཐམས་ཅད་ཀྱི་དོན་དུ་གོ་ཆ་ཆེན་པོ་བགོས་ནས། བསམ་གཏན་ལ་མངོན་པར་བརྩོན་པར་བྱ་ཞིང་། བདག་གིས་ཅི་ནས་ཀྱང་ལུས་དང་སེམས་ཀྱི་བདེ་བའང་དོར ་བར་བྱའོ་སྙམ་དུ་སེམས་སོ། ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དབུགས་རྔུབ་པ་དང་། དབུགས་འབྱུང་བ་གོམས་པར་བྱ་བ་སེམས་ཀྱི་དམིགས་པ་དག་འདོར་བར་བྱེད་དོ།། དེ་སྣའི་རྩེ་མོར ་སེམས་གཏོད་པ་བྱེད་དེ། གང་གིས་འཇུག་པ་དང་ངེས་པར་འབྱུང་བ་དབུགས་རྔུབ་པ་དང་། དབུགས་འབྱུང་བ་ལ་གནས་པའི་སེམས་ཀྱི་ཉེ་བར་རྟོག་པར་བྱེད་དོ།། དེ་སེམས་དེའི་སྐད་ཅིག་མ་ལ་ཞིག་པ་དང་། ་སྐྱེ་བ་དང་། འཇིག་པ་ཉེ་བར་རྟོག་པ་བྱེད་དེ། སེམས་དང་། ཡིད་དང་། ཕུང་པོ་དང་། ཁམས་དང་། སྐྱེ་མཆེད་ཐམས་ཅད་ལ་ཆུ་ཟླ་དང་། མིག་ཡོར་དང་། སྨིག་རྒྱུ་ལྟ་བུ་དང་། གློག་ལྟ་བུ་དང་། ་བདག་པོ་མེད་པ་དང་། ཐམས་ཅད་སྐད་ཅིག་མ་འཇིག་པ་དང་ལྡན་པར་རྟོགས་ཏེ། དེ་དེ་ལྟར་དགའ་བ་དང་། བདེ་བ་རབ་ཏུ་གཏོང་བར་བྱེད་དོ།། དེས་དེར་བསམ་གཏན་གསུམ ་པའང་ཐོབ་པ་ཡིན་ནོ། ། གང་དུ་ཆོས་དེ་དག་འཕེལ་བཞིན་དུ་འགོག་པ་ཡིད་ལ་བྱེད་པའི་སེམས་ཀྱིས་བསམ་གཏན་བཞི་པ་རྫོགས་པར་བྱས་ཏེ་གནས་པ་དེ་ལ་མཚན་མ་འདི་དག་འབྱུང་སྟེ། ངེས་མིག་གཉིས་ཀ། ་བཙུམས་ཀྱང་ཉི་མའི་སྣང་བ་ཆེན་པོ་ལྟ་བུར་སྣང་བ་དག་ཡང་དག་པར་ལྟ་བར་བྱེད་པ་ན། དེ་འདི་སྙམ་དུ་མཚན་མའི་སྟོབས་སྣང་བའི་རྐྱེན་ལས་སེམས་ཐམས་ཅད་ཀྱི་ཕུང་པོ་དང་། ཁམས་དང་། སྐྱེ་མཆེད། ་དང་། ཉོན་མོངས་པ་དང་། ཉེ་བའི་ཉོན་མོངས་པ་རྣམ་པར་འཕེལ་ཞིང་འབར་བས། བདག་གིས་ཅི་ནས་ཀྱང་ཡིད་ལ་བྱེད་པའི་སེམས་ཀྱི་དམིགས་པའི་སྣང་བ་དག་དོར་བར་བྱའོ་སྙམ་དུ་སེམས་སོ།། དེ་དེར ་དེའི་ཚོར་བ་དང་། འདུ་ཤེས་དང་། སེམས་པ་དང་། རེག་པ་གང་ཡིན་པ་ཡིད་ལ་བྱེད་པ་ཀུན་འབྱུང་བ་དག་སྐྱེ་ཞིང་འཇིག་པ་དང་། འགོག་པའི་ཚུལ་གྱིས་རབ་ཏུ་ཞི་བར་བྱེད་ལ། འགོག་པའི་གྲོང་ཁྱེར ་ཤིན་ཏུ་ཡོངས་སུ་དག་པར་འཇུག་པར་ཡང་བྱེད་དོ། ། དེ་ལུས་དང་། ངག་དང་། ཡིད་ལ་བྱེད་པ་ཤིན་ཏུ་སྦྱངས་པ་ལ་གནས་སོ།། ཡང་དེ་ལས་ཀྱང་ལྡང་ངོ་།། ཡང་ན་རྔུབ་པ་དང་། དབུགས ་འབྱུང་བའི་མཚན་མ་དག་འཛིན་པར་བྱེད་ལ། རེག་པ་ཡིད་ལ་བྱེད་པས་མཚན་མ་ལ་ཉེ་བར་རྟོག་པར་ཡང་བྱེད་དོ།། ཡང་སྟོང་པ་ཉིད་ཀྱི་ཏིང་ངེ་འཛིན་ལ་འཇུག་པར་ཡང་བྱེད་ལ། ཡང་ན་དབུགས ་རྔུབ་པ་དང་། དབུགས་འབྱུང་བའི་སྐྱེ་བ་དང་། འཇིག་པའི་མཚན་མའི་དམིགས་པ་དག་ཡང་དག་པར་ལྟ་བར་བྱེད་དོ།། སྨོན་པའི་ཏིང་ངེ་འཛིན་དེ་ལ་ཡང་གནས་ལ། ཡང་ན་དབུགས་རྔུབ་པ་དང ་དབུགས་འབྱུང་བའི་ཞི་བ་དང་། འགོག་པ་ཡང་དག་པར་ལྟ་བར་བྱེད་དོ།། མཚན་མ་མེད་པའི་ཏིང་ངེ་འཛིན་ལ་གནས་པ་དེ་བཞིན་དུ། དྲན་པ་ཉེ་བར་གཞག་པ་བཞི་བསྒོམ་པའང་ཡོངས་སུ་རྫོགས་པར ་འགྱུར་རོ། ། དེ་ལ་རྣམ་པར་ཐར་པ་གསུམ་བསྒོམ་པ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བར་མི་སྨོན་ཅིང་། འཇིག་པའི་ཚུལ་གྱིས་དམིགས་པས ་ཉེ་བར་རྟོག་པར་ཡང་བྱེད་དོ། ། དེ་ལ་ཡང་དག་པར་སྤོང་བ་བཞི་བསྒོམ་པ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བའི་སྐྱེ་བ་དང་། ནུབ་པའི་མཚན་མ་ལ ་ཉེ་བར་རྟོག་པར་ཡང་བྱེད་དོ། ། དེ་རྫུ་འཕྲུལ་གྱི་རྐང་པ་བཞི་བསྒོམ་པ་ཡོངསུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བའི་མཚན་མ་ལ་དམིགས་པས། ཉི་ཟེར ་གྱི་རྡུལ་དང་འདྲ་བར་ཕྱེ་མར་བརླགས་པ་བཞིན་དུ་རང་གི་ལུས་ལ་ཉེ་བར་རྟོག་པར་ཡང་བྱེད་དོ། ། དེ་དབང་པོ་ལྔ་བསྒོམ་པ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུ ་བ་སྐྱེ་བ་དང་། ནུབ་པའི་ཚུལ་གྱིས་འདུ་བྱེད་གསུམ་ལ་ཉེ་བར་རྟོག་པར་ཡང་བྱེད་དོ།། དེ་སྟོབས་ལྔ་བསྒོམ་པ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བའི ་ཚོར་བའི་མཚན་མ་བསལ་བའི་ཚུལ་གྱིས་ཕུང་པོ་དག་ལ་ཞི་བ་དང་། ཉེ་བར་ཞི་བར་རྟོག་པར་ཡང་བྱེད་དོ།། དེ་བཞིན་དུ་བྱང་ཆུབ་ཀྱི་ཡན་ལག་བདུན་བསྒོམ་པ་ཡོངས་སུ་རྫོགས་པར ་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བའི་རླུང་གི་རྣལ་འབྱོར་ཡིད་ལ་བྱེད་པས། སའི་ཁམས་གཟུགས་སུ་སྣང་བ་ཐམས་ཅད་རྡུལ་དུ་བརླགས་ཏེ། གཏོར་ནས་མཚན་མ་མེད། ་པ། ལུས་པ་མེད་པ། བརྗོད་དུ་མེད་པ། མཚན་ཉིད་མེད་པ། རྣམ་པར་རིག་པ་མེད་པ། འདུ་བྱེད་གསུམ་ཞི་བ། ཉེ་བར་ཞི་བ། འགགས་པ། དམིགས་པ་མེད་པའི་ཏིང་ངེ་འཛིན་དག་རབ་ཏུ་ཐོབ ་བོ། ། བསམ་གཏན་ལ་རྣམ་པར་རྩེ་བའི་ཏིང་ངེ་འཛིན་དེ་ལྟ་བུ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་སྦྱོང་བ་ཐུན་མོང་བ་ཡིན་ལ། བསམ ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་སྦྱོང་བ་ནི། ཉན་ཐོས་དང་རང་རྒྱལ་བ་ཐམས་ཅད་ཀྱིའང་ཐུན་མོང་ཡིན་ནོ།། གང་དག་ཁ་ཅིག་དེ་ལ་གནས་ན་རྒྱུན་དུ་ཞུགས་པའི་འབྲས་བུ་ལ་གནས་པ་ཡིན་ནོ།། ་བརྩོན་འགྲུས་ཞན་པ་ཁ་ཅིག་ནི་ཉན་ཐོས་ཀྱི་ཆོས་རྣམས་ལ་འཕེལ་ལོ།། ཁ་ཅིག་ནི་དགྲ་བཅོམ་པའི་འབྲས་བུ་ལ་གནས་པའི་བར་དུའོ།། གང་དག་བྱང་ཆུབ་སེམས་དཔའ་སེམས་དཔའ་ཆེན་པོ ་སྙིང་རྗེ་ཆེན་པོ་དང་ལྡན་པ། འབད་པ་བརྟན་པ། སེམས་ཅན་ཐམས་ཅད་ལ་ལྟ་ལ། བསོད་ནམས་དང་ཡེ་ཤེས་ཀྱི་ཚོགས་དཔག་ཏུ་མེད་པ་གོམས་པར་བྱས་ཏེ། བསམ་གཏན་ཡོངས་སུ་སྦྱོང ་བས་རྣམ་པར་རྩེ་བའི་ཏིང་ངེ་འཛིན་གྱི་རྣལ་འབྱོར་དེ་ལྟ་བུ་དེ་ལ་གནས་ནས། རྣམ་པར་ལྡོག་པ་མི་བྱེད་ལ། ཉན་ཐོས་ཀྱི་ངེས་པ་ལ་འཇུག་པར་ཡང་མི་བྱེད་དོ།། བྱང་ཆུབ་སེམས་དཔའ་སེམས ་དཔའ་ཆེན་པོ་དེ་དག་གོ་ཆ་ཆེན་པོ་བགོས་ནས། བསམ་གཏན་གྱི་ཕ་རོལ་ཏུ་ཕྱིན་པ་དང་། སོ་སོ་ཡང་དག་པར་རིག་པ་བཞི་ལ་སྦྱོར་བ་ཡོངས་སུ་སྦྱོར་བ་ལ་གནས་པ་ནས། བསམ་གཏན་གྱི་ཕ་རོལ་ཏུ ་ཕྱིན་པ་ཡོངས་སུ་རྫོགས་པར་བྱེད་པ་དང་། དེའི་ཕ་རོལ་ཏུ་ཕྱིན་པ་དྲུག་པོ་ཡོངས་སུ་རྫོགས་པར་འགྱུར་བའི་བར་དུའོ།། དཔལ་ཆོ་ག་ཤེས་ཡུལ་འཁོར་དེ་ན་དགེ་སློང་དང་། དགེ་སློང་མ་དང་། དགེ་བསྙེན ་དང་། དགེ་བསྙེན་མ་དང་། ཉན་ཐོས་ཀྱི་ཐེག་པ་ལ་ཡང་དག་པར་ཞུགས་པ་དང་། རང་སངས་རྒྱས་ཀྱི་ཐེག་པ་ལ་ཡང་དག་པར་ཞུགས་པ་དང་། ཐེག་པ་ཆེན་པོ་ལ་ཡང་དག་པར་ཞུགས་པའི་རིགས ་ཀྱི་བུ་དང་། རིགས་ཀྱི་བུ་མོ་དག་བསམ་གཏན་ཡོངས་སུ་སྦྱོང་བས་རྣམ་པར་རྩེ་བ་ཡིད་ལ་བྱེད་པ་དེ་ལྟ་བུ་དག་གིས་གནས་པ་ནས། ཡུལ་འཁོར་དེར་ལྷའི་དབང་པོ་ཐམས་ཅད་ཀྱིས་ལེགས་པར ་བསྲུངས་པར་འགྱུར་རོ། ། ཡུལ་འཁོར་དེ་ཀླུའི་དབང་པོ་དང་། གནོད་སྦྱིན་གྱི་དབང་པོ་དང་། ལྷ་མ་ཡིན་གྱི་དབང་པོ་དང་། ནམ་མཁའ་ལྡིང་གི་དབང་པོ་དང་། མི་འམ་ཅིའི་དབང་པོ་དང་། ལྟོ་འཕྱེ། ་ཆེན་པོའི་དབང་པོ་དང་། ཡི་དགས་ཀྱི་དབང་པོ་དང་། ཤ་ཟའི་དབང་པོ་ཐམས་ཅད་ཀྱིས་ལེགས་པར་བསྲུངས་པར་འགྱུར་རོ།། དེ་ན་ཏིང་ངེ་འཛིན་དེ་ལྟ་བུ་དང་ལྡན་པའི་སྦྱིན་གནས་ངག་འཁོད་པའི ་བར་དུའོ། ། ཡུལ་འཁོར་དེའི་རྒྱལ་པོའང་ཡིད་དང་འཐུན་པའི་ཆོས་བཅུ་ཐོབ་པར་འགྱུར་ཏེ། བཅུ་གང་ཞེ་ན། ནད་མེད་པ་དང་། ནད་ཐམས་ཅད་རབ་ཏུ་ཞི་བ་དང་། ཚེ་རིང ་བ་དང་། གཟུགས་བཟང་བ་དང་། མདོག་བཟང་པོ་དང་ལྡན་པ་དང་། ཡན་ལག་དང་། ཉིང་ལག་སྡུག་པ་དང་། འཁོར་སྐྱེ་བོ་བཟང་བ་དང་། ལས་ཀྱི་མཐའ་ལེགས་པར་སྤྱད་པ་སྤྱོད་པ་དང་། ་བྱམ་པ་དང་།། སྙིང་རྗེ་ལ་སྦྱོར་བ་དང་། སྙན་པར་གྲགས་པ་དག་སྟེ། ཏིང་ངེ་འཛིན་དེ་ལྟ་བུ་དག་དང་ལྡན་པའི་སྦྱིན་གནས་སྣོད་དུ་གྱུར་པ། མཐོ་རིས་སུ་འགྲོ་བའི་ཡུལ་འཁོར་དེ་ནི་ཡོན་ཏན་དང་། ་ཕན་ཡོན་ཆེན་པོ་བཅུ་པོ་དེ་དག་གིས་རྒྱས་པར་འགྱུར་རོ།། རང་གི་དཔུང་དང་། གཞན་གྱི་དཔུང་དང་། ཆོམ་རྐུན་དང་། མི་རྒོད་དང་། རི་དགས་དང་། སྟག་དང་། སྦྲང་མ་དང་། ཤ་སྦྲང་དང་། ་ཕྱེ་མ་ལེབ་དང་། ཆར་ཆེས་པ་དང་། ཐན་ཆེན་པོ་དང་། དུས་མ་ཡིན་པའི་རླུང་དང་། ལྷགས་པ་དང་། ཉི་མས་གདུངས་པ་དང་། ཚ་བའི་རེག་པ་དག་གིས་གནོད་པར་མི་འགྱུར་རོ།། ཡུལ་འཁོར་དེ ་ས་གཞི་མཉམ་སྟེ། དགོན་པ་དང་གཅོང་རོང་མེད་དོ།། ཚ་བ་དང་ཁ་བ་མེད་དོ།། དེ་ན་ས་བོན་སྣ་ཚོགས་དག་འཕེལ་ལོ།། འབྲུ་དང་། སྨན་དང་། རྩཝ་དང་། ཤིང་དང་། ཤིང་ལྗོན་པ་དང་། ་ཆུདྲུདག་ཕུན་སུམ་ཚོགས་ཤིང་། ཆུད་མི་ཟ་བར་འབྱུང་ངོ་།། དེ་ན་མེ་ཏོག་དང་། སྨན་དང་། འབྲུ་དང་། རོ་རྣམས་ཆུད་མི་ཟ་བར་ཕུན་སུམ་ཚོགས་པར་འགྱུར་རོ།། ཡུལ་འཁོར་དེར་ཡིད་དུ་མི་འོང ་བའི་སྒྲ་དང་། ཕྱི་དགྲ་དང་། ནང་འཁྲུག་གི་དཔུང་དག་དང་། ལོ་ཉེས་དང་། ནད་དང་། དུས་མ་ཡིན་པའི་ནད་དང་། འཆི་བ་དག་མི་འབྱུང་ངོ་།། དེ་ན་སེམས་ཅན་རྣམས་ཚེ་རིང་ཞིང་ཁ་དོག་དང་ལྡན་ནོ།། ་བདེ་བ་མང་ཞིང་སེམས་ལ་རྙོག་པ་མེད་དོ།། རྩེ་དགའ་དང་མཚུངས་པར་ལྡན་ཞིང་ཆོས་སྤྱོད་ལ་མཐོ་རིས་དག་ལ་གཞོལ་ལོ།། ཡུལ་འཁོར་དེ་ན་སྦྱིན་གནས་སྣོད་དུ་གྱུར་པ་དག་རྣལ་འབྱོར་ཡིད་ལ་བྱེད་པ་དང ་འཐུན་པར་མངོན་པར་དགའ་བ་དང་བཅས་པ་གནས་སོ། ། དེ་ན་བཟའ་བཏུང་གི་ལོངས་སྤྱོད་མ་ཚང་བ་མེད་དོ།། འབྱུང་བ་ཆེན་པོ་ཡིད་དུ་འོང་བ་དག་གིས་བརྟེན་ཏོ།། དབང་པོ་དང་ཁམས་དག་རྒྱས ་ཤིང་མི་མཐུན་པ་མེད་དོ། ། ཡུལ་འཁོར་དེ་ན་མི་རྣམས་དགའ་ཞིང་དྲན་པ་དང་ལྡན་ལ། བྱམས་པ་དང་། སྙིང་རྗེ་དང་ལྡན་ཞིང་མཐོ་རིས་དག་ལ་གཞོལ་ལོ།། དཔལ་ཆོ་ག་ཤེས་ཡུལ་འཁོར་དེ་ཆོས ་བཅུ་པོ་དེ་དག་གིས་ལེགས་པར་བརྒྱན་པ་ཡིན་ནོ། ། དཔལ་ཆོ་ག་ཤེས་བྱང་ཆུབ་སེམས་དཔའ་རྣམས་ཀྱི་ལས་ཀྱི་སྒྲིབ་པ་ནི་འདི་ཡིན་ཏེ། ཐེག་པ་ཆེན་པོ་གཏོང་བ་དང་། སླུ་ཞིང་ཉན་ཐོས་ཀྱི་ས་ལ ་འཇོག་པར་བྱེད་པའོ། ། སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར། ཉན་ཐོས་ཀྱི་བསམ་གཏན་དང་། ཏིང་ངེ་འཛིན་གྱིས་རྣམ་པར་རྩེ་བའི་ཕ་རོལ་ཏུ་ཕྱིན་པ་ནི་དེ་ལྟ་བུ་ཡིན་ནོ།། ཉན་ཐོས ་གང་དག་གིས་བསམ་གཏན་གྱི་ཡན་ལག་ཡོངས་སུ་རྫོགས་པར་མི་ཤེས་པ་དེ་དག་ནི་ཁམས་གསུམ་གྱི་བཙོན་རའི་གནས་ཀྱི་ཡན་ལག་ལྔ་མ་སྤངས་ཤིང་ཡན་ལག་ལྔ་དང་ལྡན་པ་ཡིན་ནོ། ། གང་དག ་ཁམས་གསུམ་ལས་ཡང་དག་པར་འདས་པ། མི་སློབ་པའི་ས་ལ་རབ་ཏུ་གནས་པ། རྣམ་པར་ཐར་པ་བརྒྱད་ལ་བསམ་གཏན་པས་རྣམ་པར་རྩེ་བ་མངོན་པར་ཤེས་པ། ཕ་རོལ། ་ཏུ་ཕྱིན་པ་ཐོབ་པ། བསྐལ་པས་ངེས་པར་འབྱུང་བ། སངས་རྒྱས་བཅོམ་ལྡན་འདས་ཐམས་ཅད་ཀྱི་ཞལ་ནས་སྐྱེས་པ། ཆོས་དང་ལྡན་ཞིང་ཆོས་ཀྱིས་སྤྲུལ་པ་དེ་དག་གིས་ནི། སངས་རྒྱས་བཅོམ ་ལྡན་འདས་དག་ལ་མཆོད་པ་དང་། བཀུར་སྟི་བྱ་བ་དང་། ཆོས་མཉན་པའི་ཕྱིར་སངས་རྒྱས་ཀྱི་ཞིང་གཞན་དག་ཏུ་འགྲོ་བར་ཡང་མི་ནུས་ལ། སེམས་ཅན་གཞན་དག་དང་། གང་ཟག་གཞན་དག ་གི་ལམ་གསུམ་པོ་དག་ཀྱང་བསྐམ་པར་མི་ནུས་སོ། ། གང་ན་ཉན་ཐོས་བསམ་གཏན་གྱིས་རྣམ་པར་རྩེ་བ་མངོན་པར་ཤེས་པ་དག་ནི་དེ་ལྟ་བུ་ཡིན་ལ། ཡུལ་འཁོར་དེའི་ཡོན་ཏན་དང་ཕན་ཡོན་ནི་དེ་ལྟ ་བུ་ཡིན་ཏེ། སྔར་ཇི་སྐད་གསུངས་པ་ལྟ་བུའོ།། འདུས་པ་ཆེན་པོ་ཐོག་པ་ཆེན་པོའི་མདོ་བཅོ་ལྔ་པ་རིའི་སྙིང་པོའི་ལེའུ་ལས། ཉན་ཐོས་མཚོན་པ་སྟེ་དང་པོ་རྫོགས་སོ།། ་། དཔལ་ཆོ་ག་ཤེས་དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། ཉན་ཐོས་དང་། རང་རྒྱལ་ཐམས་ཅད་ཀྱི་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་སྦྱོང་བ་ཐུན་མོང་དུ། ་གཞུག་པ་དང་། གང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་དག། ཕ་རོལ་ཏུ་ཕྱིན་པ་ལྷག་མ་ལྔ་པོ་འདི་དག་ཡོངས་སུ་རྫོགས་པར་བྱེད་ཅེ་ན། དཔལ་ཆོ་ག་ཤེས་བྱང་ཆུབ་སེམས་དཔའ ་སེམས་དཔའ་ཆེན་པོ་འདི་དག་དབུགས་རྔུབ་པ་དང་། དབུགས་འབྱུང་བ་ཐམས་ཅད་དུ་ཉེ་བར་ལེན་པའི་ཕུང་པོ་ལྔ་པོ་དག་གི་སྐྱེ་བ་དང་། འཇིག་པ་ལ་རྟོག་པར་བྱེད་དེ། དེས་ན་སྲེད་པ་དང་། ཆགས།། ་པ་དག་སྐེམས་པར་ཡང་བྱེད་ལ། ངེས་པ་ལ་འཇུག་པར་ཡང་མི་བྱེད་དོ།། རྫུ་འཕྲུལ་གྱི་རྐང་པ་བཞིས་རྣམ་པར་རྩེ་བ་མངོན་པར་ཤེས་པ་ཡིན་ནོ།། སངས་རྒྱས་བཅོམ་ལྡན་འདས་དེ་དག་ཐམས ་ཅད་ལ་མཆོད་པ་དང་། བཀུར་སྟི་བྱ་བ་དང་། དམ་པའི་ཆོས་མཉན་པའི་ཕྱིར། སངས་རྒྱས་ཀྱི་ཞིང་ཐམས་ཅད་དུ་གློག་ལྟ་བུའི་ཤུགས་ཀྱིས་འགྲོ་བ་ལ་མཁས་པའང་ཡིན་ནོ།། སེམས་ཅན་རྣམས་ཀྱི ་ལམ་གསུམ་པོ་ལས་ཀྱི་ལམ་དང་ཉོན་མོངས་པའི་ལམ་དང་། སྡུག་བསྔལ་གྱི་ལམ་དག་སྐེམ་པར་ཡང་བྱེད་དོ།། འདོད་པའི་ཁམས་ལས་ཡང་དག་པར་འདའ་བར་ཡང་བྱེད་ལ། འདོད་པའི ་ཁམས་དག་གཏོང་བར་ཡང་མི་བྱེད་དོ། ། སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར། འགྲོ་བ་སྣ་ཚོགས་ཀྱི་སྐྱེ་བའི་ས་དག་སྟོན་པར་ཡང་བྱེད་ལ། མངལ་གྱི་ཉེས་པས་གོས་པར ་ཡང་མི་བྱེད་དོ། ། སེམས་ཅན་རྣམས་ཀྱི་ཉོན་མོངས་པའི་དྲ་བ་གཅོད་པར་ཡང་བྱེད་ལ། སེམས་ཅན་རྣམས་དམིགས་པར་ཡང་མི་བྱེད་དོ།། དཔལ་ཆོ་ག་ཤེས་འདི་ལ་བྱང་ཆུབ་སེམས་དཔའ ་སེམས་དཔའ་ཆེན་པོ་དག་དབུགས་རྔུབ་པ་དང་། དབུགས་འབྱུང་བ་ཕན་ཚུན་མི་འདྲ་བ་ལའང་ཇི་ལྟ་བ་བཞིན་རྟོགས་པར་ཡང་བྱེད་ལ། འཕྲལ་འཕྲལ་དུ་དེ་ཤེས་པར་ཡང་མི་བྱེད་དོ།། དབུགས་རྔུབ ་པ་དང་། དབུགས་འབྱུང་བའི་གཟུགས་ཉེ་བར་ལེན་པའི་ཕུང་པོ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། དེ་བཞིན་དུ་དབུགས་རྔུབ་པ་དང་། ་དབུགས་འབྱུང་བའི་རྣམ་པར་ཤེས་པ་ཉེ་བར་ལེན་པའི་ཕུང་པོ་དག་ལ་ཇི་ལྟ་བ་བཞིན་དུའང་རབ་ཏུ་ཤེས་ཤིང་། དབུགས་རྔུབ་པའང་གཞན་ལ། དབུགས་འབྱུང་བའང་གཞན་ནོ།། དབུགས་རྔུབ ་པ་སོ་སོ་ཡང་དག་པར་རིག་པའང་གཞན་ལ། དབུགས་འབྱུང་བ་སོ་སོ་ཡང་དག་པར་རིག་པའང་གཞན་ནོ།། དབུགས་རྔུབ་པའི་ཚོར་བ་དང་། འདུ་ཤེས་དང་། སེམས་པ་ཡིད་ལ་བྱེད་པའང་གཞན ་ལ། དབུགས་འབྱུང་བའི་ཚོར་བ་དང་། འདུ་ཤེས་དང་། སེམས་པ་ཡིད་ལ་བྱེད་པའང་གཞན་ནོ།། དབུགས་རྔུབ་པའི་སེམས་པའང་གཞན་ལ། དབུགས་འབྱུང་བའང་གཞན་ནོ།། གང་གི་ཚེ། ་དབུགས་རྔུབ་པ་སོ་སོ་ཡང་དག་པར་རིག་པ་དེའི་ཚེ། དབུགས་འབྱུང་བ་སོ་སོ་ཡང་དག་པར་རིག་པ་མ་ཡིན་ནོ།། གང་གི་ཚེ་དབུགས་འབྱུང་བ་སོ་སོ་ཡང་དག་པར་རིག་པ་དེའི་ཚེ། དབུགས་རྔུབ་པ་སོ།། ་སོ་ཡང་དག་པར་རིག་པ་མ་ཡིན་ནོ།། འཁོར་བའི་འཁོར་ལོ་དུམ་བུ་གསུམ་པར་ཚོར་བ་དང་། འདུ་ཤེས་དང་། སེམས་པ་ཡིད་ལ་བྱེད་པའང་དེ་ལྟ་བུ་ཡིན་ཏེ། འཇུག་པའི་རྒྱུས་ནི་བར་ཆད་མེད ་པར་སྐྱེ་བའི་རྒྱ་མཚོར་འདས་ཤིང་ཐར་པར་ཡང་མི་བྱེད་དོ། ། ཡང་དང་ཡང་སྐྱེ་བར་བྱེད་དོ།། རྒ་བར་བྱེད་དོ།། འཆི་བར་ཡང་བྱེད་དོ།། ཡང་སྐྱེ་བར་ཡང་བྱེད་དོ།། ཆོས་གང་འདི་དག་མངོན ་པར་རྫོགས་པར་སངས་རྒྱས་པ་དེས་ན། རྒ་ཤི་ལས་ངེས་པར་འབྱུང་བ་དག་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ།། དེ་དག་དབུགས་རྔུབ་པ་དང་། དབུགས་འབྱུང་བ་ཡང་དག་པ་ཇི་ལྟ་བ ་བཞིན་ཉེ་བར་རྟོག་པར་མི་བྱེད་དོ། ། འདི་ལྟར་སྲིད་པའི་རྒྱ་མཚོའི་སྒྲོ་དག་གི་དབུགས་རྔུབ་པ་དང་། དབུགས་འབྱུང་བ་འཇུག་པ་དང་། ངེས་པར་འབྱུང་བར་ཡང་བྱེད་དོ།། དེ་བཞིན་དུ་བསྤུའི ་ཕུང་ངུའི་སྒོ་འབུབ་ཕྲག་ཁྲག་ཁྲིག་དགུ་བཅུ་རྩ་དགུ་སྐྱེད་ཐམས་ཅད་ཀྱི་དབུགས་རྔུབ་པ་དང་། དབུགས་འབྱུང་བ་འཇུག་པ་དང་། ངེས་པར་འབྱུང་བར་བྱེད་ཀྱང་། བ་སྤུའི་ཁུང་བུའི ་འབྲུམ་ཟག་ཕྲག་ཁྲིག་དགུ་བན་ན་དགུ་དེ་དག་ཉམས་པར་ཡང་མ་མངོན་ནོ། ། རྒྱས་པར་ཡང་མི་མངོནནོ།། སྔོན་མཐའ་དང་། ཕྱི་མའི་མཐ་དང་། ཐོགས་དང་། བར་མེ་དང་། མཐུ ་མའང་མི་མངོན་ནོ། ། འཇུག་པ་དང་། འབྱུང་བའང་མི་མངོན་ནོ།། དེ་འདི་སྙམ་དུ་བདག་གིས་ཅེ་ནས་ཀྱང་བསྤུའི་ཁུང་བུ་ཐམས་ཅད་ཀྱི་དབུགས་རྔུབ་པ་དང་། དབུགས་འབྱུང་བ་དེ་ལ་སྐྱེ ་བ་དང་། འཇིག་པའི་ཚུལ་གྱིས། སྐྱེ་འཇིག་གི་མཚན་ཉིད་ལ་བརྩོན་པ་དང་ལྡན་པར་གནས་པར་བྱའོ་སྙམ་དུ་སེམས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དམའི་སྒོད་དུ ་དབུགས་རྔུབ་པ་དང་། དབུགས་འབྱུང་བའི་སྐྱེ་བ་དང་། འཇིག་པ་ལ་སྦྱོང་ཞིང་ས་སོང་རྟོག་པར་བྱེད་དོ།། དེ་བཞིན་དུ་བ་སྤུའི་ཁུང་བུའི་སྒོ་འབུམ་ཐག་ཁྲག་ཁྲིག་དགུ་བཅུ་རྩ་དགུ་ཞིདིའི་མ ་བ་སྤུའི་ཁུང་བུའི་དབུགས་རྔུབ་པ་དང་། དབུགས་འབྱུང་བའི་སྐྱེ་བ་དང་། འཇིག་པའི་མཚན་ཉིད་ལ་བརྩོན་པ་དང་ལྡན་པར་གནས་པར་བྱེད་དོ།། ཡང་ན་དེ་བ་སྤུའི་ཁུང་བུའི་སྒོ། ་སྐུའི་ཉག་མ་ཙམ་དུ་ཆུང་བར་རྟོག་ནའང་། དེར་དབུགས་རྔུབ་པ་དང་། དབུགས་འབྱུང་བ་རྒྱུ་བ་དེ་དག་ལ་ཆུང་བར་ཡང་མཐོང་ངོ་།། ཡང་ན་ཆེ་བར་རྟོག་ནའང་ཡུང་འབྲུ་ཆེན་པོ་ཙམ་དུ་ཡང་དག་པར་རྗེས་སུ ་མཐོང་ངོ་། ། ཡང་ན་སྐྱུ་རུ་ར་ཙམ་དུ་རྟོག་ནའང་སྐྱུ་རུ་ར་ཙམ་དུ་མཐོང་ངོ་།། ཡང་ན་བ་སྤུའི་ཁུང་བུ་རེ་རེ་ལ་བིལ་བའི་འབྲས་བུ་ཙམ་དུ་རྟོག་ནའང་། བིལ་བ་འབྲས་བུ་ཙམ་དུ་མཐོང་ངོ་།། ཡང་ན་དཔག་ཚད ་སྟོང་ཙམ་དུ་རྟོག་ནའང་དཔག་ཚད་སྟོང་ཙམ་དུ་མཐོང་ངོ་། ། ཡང་ན་གླིང་བཞི་པ་གཅིག་ཙམ་དུ་རྟོག་ནའང་། གླིང་བཞི་པ་གཅིག་ཙམ་དུ་མཐོང་ངོ་།། ཡང་ན་བ་སྤུའི་ཁུང་བུ་རེ་རེ་ལ་རྒྱ་ཆེ་བར་རྟོག་ནའང་། ་རྒྱ་ཆེ་བར་ཡང་དག་པར་རྗེས་སུ་མཐོང་ངོ་།། དེ་བཞིན་དུ་མིག་གི་ཚད་ལའང་སྦྱར་བར་བྱའོ།། གང་དུ་རྒ་ཤི་དང་འབྲེལ་བའི་སེམས་ཅན་དག་པར་ཆད་མེད་པར་འཁོར་བའི་ཆུ་བོར་འདས་པས། སྡུག ་བསྔལ་རྣམ་པ་སྣ་ཚོགས་དག་ཉམས་སུ་མྱོང་བ་ན། དེ་འདི་སྙམ་དུ་བདག་གིས་ཅི་ནས་ཀྱང་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་དག་དོར་བར་བྱའོ་སྙམ་དུ་སེམས་ཏེ། དེ་རླུང་གི་ཁམས་ལ ་སེམས་ཉེ་བར་གཏོད་པར་བྱེད་དོ། ། དེ་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་དག་སྤོང་བས། དེས་བརྗོད་དུ་མེད་པའི་ཏིང་ངེ་འཛིན་ལ་རབ་ཏུ་ཐོབ་སྟེ། དེ་ནི་ཉན་ཐོས་དང་རང་རྒྱལ་བ་ཐམ ་ཅད་ཀྱིས་མ་ཡིན་ནོ། ། དེ་ལ་སའི་ཁམས་མི་དམིགས་སོ།། ཆུའི་ཁམས་མི་དམིགས་སོ།། མེའི་ཁམས་མེ་དམིགས་སོ།། རླུང་གི་ཁམས་མི་དམིགས་སོ།། ནམ་མཁའི་ཁམས་མི་དམིགས་སོ།། རྣམ ་པར་ཤེས་པའི་ཁམས་མི་དམིགས་སོ། ། ཕུང་པོ་དང་། ཁམས་དང་། སྐྱེ་མཆེད་རྣམས་རྒྱུ་བ་མི་དམིགས་སོ།། སྔོན་གྱི་མཐའ་མི་དམིགས་སོ།། ཕྱི་མའི་མཐའ་མི་དམིགས་སོ།། འཇིག་རྟེན་འདི་མི་དམིགས ་སོ། ། འཇིག་རྟེན་ཕ་རོལ་མི་དམིགས་སོ།། ལེགས་པར་སྤྱད་པ་དང་། ཉེས་པར་སྤྱད་པའི་ལས་རྣམས་ཀྱི་འབྲས་བུ་རྣམ་པར་སྨིན་པ་མི་དམིགས་སོ།། སྐྱེ་བ་མི་དམིགས་སོ།། འཇིག་པ་མི་དམིགས་སོ།། ་ཀུན་ནས་ཉོན་མོངས་པ་མི་དམིགས་སོ།། རྣམ་པར་བྱང་བ་མི་དམིགས་སོ།། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཞི་བ་ལ་གནས་པ་དེ་དག་གིས་གནས་སོ།། གལ་ཏེ་ཆོས་ཐམས་ཅད་སྟོང ་པ་ཉིད་བརྗོད་དུ་མེད་པའི་ཏིང་ངེ་འཛིན་འདིས་བསྐལ་པ་ཚད་མེད་པར་བྱིན་གྱིས་རློབ་པར་འདོད་ནའང་། དེ་བཞིན་དུ་ཏིང་ངེ་འཛིན་གྱི་སྟོབས་ཀྱིས་བྱིན་གྱིས་རློབ་བོ།། དེ་ཆོས་ཐམས་ཅད་སྟོང་པ་ཉིད་བརྗོད ་དུ་མེད་པའི་ཏིང་ངེ་འཛིན་འདིས་བསྐལ་པ་ཚད་མེད་པར་གནས་པར་འདོད་ནའང་དེ་བཞིན་དུ་གནས་པར་བྱེད་དོ། ། འདི་ལྟར་སེམས་ཅན་ཡོངས་སུ་སྨིན་པར་བྱ་བའི་ཕྱིར། ཕ་རོལ་ཏུ་ཕྱིན་པ་དྲུག་ཡོངས ་སུ་རྫོགས་པར་བྱེད་དེ། དཔེར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་བཞིན་ནོ།། དཔལ་ཆོ་ག་ཤེས་བྱང་ཆུབ་སེམས་དཔའ་སེམས་དཔའ་ཆེན་པོ་གང་གིས་ཆོས་ཐམས་ཅད་སྟོང ་པ་ཉིད་བརྗོད་དུ་མེད་པའི་ཏིང་ངེ་འཛིན་གྱི་ཕ་རོལ་ཏུ་ཕྱིན་པ་ལ་དབང་ཐོབ་པར་གྱུར་པ། བྱང་ཆུབ་སེམས་དཔའ་ཆེན་པོ་དེ་གང་གི་ཚེ་ཏིང་ངེ་འཛིན་འདི་ལ་འཇུག་པར་འདོད་པ་དེའི་ཚེ། ་དེས་དང་པོ་ཁོ་ནར་སེམས་ཅན་ཡོངས་སུ་སྨིན་པར་བྱ་བའི་ཕྱིར། བསོད་ནམས་དང་། ཤེས་རབ་ཀྱི་སྟོབས་ཀྱིས་སྨོན་ལམ་འདི་ལྟ་བུར་འདེབས་པར་བྱེད་དེ། འདི་ལྟར་བདག་ཡུན་ཇི་སྲིད་དུ་ཏིང་ངེ། ་འཛིན་ལས་མ་ལངས་པ་དེ་སྲིད་ཀྱི་བར་དུ། ཡུལ་འདི་ཉིད་དང་། གླིང་བཞི་པ་འདི་ཉིད་ཅེས་བྱ་བ་ནས། སངས་རྒྱས་ཀྱི་ཞིང་འདི་ཉིད་ཀྱི་སེམས་ཅན་ཞེས་བྱ་བའི་བར་གྱི་སེམས་ཅན་རྣམས་ལོངས་སྤྱོད་དང་། ་ཡོངས་སུ་སྤྱོད་པ་དང་། ཡོ་བྱད་རྣམ་པ་སྣ་ཚོགས་དག་ཕུན་སུམ་ཚོགས་པར་གྱུར་ཅིག། འདི་ལྟ་སྟེ། དེ་ན་སེམས་ཅན་རྣམས་ཀྱི་གནས་དང་། ལུས་དང་། ལུས་ཀྱི་དབྱིབས་མདོག་དང་། ་ཡན་ལག་དྲོང་། ཉིང་ལག་དང་། རྒྱན་དང་། ལྷབ་སྒྲུབ་དང་། ཕྱང་དྲུལ་དང་། འཕྲེང་བ་དང་། མལན་དང་། གོས་དང་། བཟའ་བ་དང་། བཏུང་བ་དང་། གཟུགས་དང་། སྤུ་དང་། དྲི་དང་། ་རོ་དང་། རེག་པ་ཡིད་དུ་འོང་བ་ཅི་དང་ཅི་འདོད་པ་དང་། ཇི་ལྟ་བུ་ཞིག་འདོད་པ་དང་། ཇི་སྙེད་ཅིག་འདོད་པ་རྣམས་འབྱུང་བར་གྱུར་ཅིག་ཅེས་སྨོན་ལམ་བཏབ་ནས། དེའི་རྗེས་ལ་བྱང་ཆུབ་སེམས་དཔའ ་སེམས་དཔའ་ཆེན་པོ་དེ་ཏིང་ངེ་འཛིན་དེ་ལ་འཇུག་པར་བྱེད་དོ། ། ཏིང་ངེ་འཛིན་དེ་ལ་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཇི་སྲིད་དུ་སྙོམས་པར་ཞུགས་པ་དེ་སྲིད་ཀྱི་བར་དུ། དེན ་སེམས་ཅན་རྣམས་ཀྱི་ལོངས་སྤྱོད་དང་། ཡོ་བྱད་དེ་ལྟ་བུ་དག་འབྱུང་བ་ནི་སྔར་ཇི་སྐད་གསུངས་པ་ཡིན་ནོ།། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་སྨོན་ལམ་འདི་ལྟ་བུར ་བདེབས་པར་བྱེད་དེ། འདིར་བདག་ཡུན་ཇི་སྲིད་དུ་ཏིང་ངེ་འཛིན་དེ་ལྟ་བུ་དང་ལྡན་པ་དེ་སྲིད་ཀྱི་བར་དུ་ཚད་བཟུང་སྟེ། སེམས་ཅན་རྣམས་ཀྱི་ལུས་ཀྱི་ནང་རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། ་བད་ཀན་ལས་གྱུར་པ་དང་། འདུས་པ་ལས་གྱུར་པ་དང་། དེ་བཞིན་དུ་སེམས་ཀྱི་ནད་འདོད་ཆགས་དང་། ཞེ་སྡང་དང་། གཏི་མུག་ལ་སོགས་པ་དག་རབ་ཏུ་ཞི་བར་གྱུར་ཅིག། མི་དང་མི་མ་ཡིན་པའི ་གནོད་པ་ལས་བྱུང་བའི་ནད་དག་རབ་ཏུ་ཞི་བར་གྱུར་ཅིག། དགེ་བ་བཅུའི་ལས་ཀྱི་ལམ་དག་ལ་གནས་པར་གྱུར་ཅིག་ཅེས་སྨོན་ལམ་བཏབ་ནས། དེའི་རྗེས་ལ་ཏིང་ངེ་འཛིན་ལ་འཇུག་པར་བྱེད་དོ།། བྱང་ཆུབ ་ས་ཨེམས་དཔའ་སེམས་དཔའ་ཆེན་པོ་དེ་འདི་ལྟར་ཡུན་ཇི་སྲིད་དུ་ཏིང་ངེ་འཛིན་དེ་ལྟ་བུ་དང་ལྡན་པ་དེ་སྲིད་ཀྱི་བར་དུ་ཚད་གཟུང་བའི་སེམས་ཅན་རྣམས་ཀྱི་ལུས་དང་སེམས་ཀྱི་སྡུག་བསྔལ་གྱི་ནད་དེ་ལྟ་བུ་དག་རབ་ཏུ ་ཞི་བར་བྱེད་དོ། ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་སྨོན་ལམ་འདི་ལྟ་བུར་འདེབས་པར་བྱེད་དེ། བདག་ཡུན་ཇི་སྲིད་དུ་ཏིང་ངེ་འཛིན་དེ་ལྟ་བུ་དང་ལྡན་པར་གནས་པ་དེ་སྲིད་ཀྱི་བར ་དུ་སེམས་ཅན་དམྱལ་བ་རྣམས་དང་། དུད་འགྲོ་རྣམས་དང་། གཤིན་རྗེའི་འཇིག་རྟེན་པ་རྣམས་ཀྱི་སྡུག་བསྔལ་དང་། བཀྲེས་པ་དང་། སྐོམ་པ་དང་། ཚ་བ་དང་། གྲང་བ་དང་། མི་སྡུག་པ་དང་ཕྲད ་པ་དང་། སྡུག་པ་དང་བྲལ་བ་དང་། ངལ་བའི་སྡུག་བསྔལ་དང་། ཆོལ་ཁྲོའི་སྡུག་བསྔལ་དག་རབ་ཏུ་ཞི་བར་གྱུར་ཅིག། ཡུན་ཇི་སྲིད་དུ་ཏིང་ངེ་འཛིན་དེ་ལྟ་བུ་དང་ལྡན་པ་དེ་སྲིད ་ཀྱི་བར་དུ་སེམས་ཅན་རྣམས་བརྩོན་འགྲུས་དང་ལྡན་པར་གྱུར་ཅིག། དགེ་བའི་ཆོས་ཐམས་ཅད་དང་བྲལ་བ་རྣམས་དགེ་བའི་ཆོས་ཐམས་ཅད་ལ་བརྩོན་པར་གྱུར་ཅིག། ཡུན་ཇི་སྲིད་དུ་ཏིང་ངེ་འཛིན་དེ་ལྟ་བུ་དང ་ལྡན་པ་དེ་སྲིད་ཀྱི་བར་དུ་སེམས་ཅན་རྣམས་སེམས་ཅན་གཞན་དག་ལ་བྱམས་པའི་སེམས་དང་ལྡན་པ་དང་། ཕན་པའི་སེམས་དང་ལྡན་པ་དང་། མི་འཁྲུགས་པའི་སེམས་དང་ལྡན་པ་དང་། ཁོན་མེད་པའི ་སེམས་དང་ལྡན་པ་དང་། རྙོག་པ་མེད་པའི་སེམས་དང་ལྡན་པ་དང་། སྙིང་རྗེའི་སེམས་དང་ལྡན་པ་དང་། སྙིང་བརྩེ་བའི་སེམས་དང་ལྡན་པ་དང་། བསམ་གཏན་གྱི་སེམས་དང་ལྡན་པ་དང་། ་སྙོམས་པར་འཇུག་པ་ལ་མཁས་པར་གནས་པའི་སེམས་དང་ལྡན་པ་དང་། འཁྲུལ་པ་མེད་པའི་སེམས་དང་ལྡན་པར་གྱུར་ཅིག། ཇི་སྲིད་དུ་ཏིང་ངེ་འཛིན་དེ་ལྟ་བུ་དང་ལྡན་པ་དེ་སྲིད་ཀྱི་བར་དུ་སེམས་ཅན་རྣམ ་ཀྱི་གཏི་མུག་གི་མུན་པ་དང་། རྟག་པ་དང་ཆད་པར་ལྟ་བ་དག། རབ་ཏུ་ཞི་བར་གྱུར་ཅིག། དུས་ཐམས་ཅད་དུ་ལྟ་བར་འཛིན་པ་རྣམས་རབ་ཏུ་ཞི་བར་གྱུར་ཅིག། ཡུན་ཇི་སྲིད་དུ་ཏིང་ངེ་འཛིན་དེ་ལྟ་བུ་དང ་ལྡན་པ་དེ་སྲིད་ཀྱི་བར་དུ་སེམས་ཅན་རྣམས་དཀོན་མཆོག་གསུམ་ལ་བློ་འཇུག་ཅིང་། ཞེ་ས་དང་རི་མོ་བྱེད་པར་གྱུར་ཅིག། ཕྱིན་ཅི་ལོག་བཞི་དང་བྲལ་ཞིང་བདེན་པ་བཞིའི་རྣམ་པ་ལ་གནས་པའི་སེམས་དང་ལྡན ་པར་གྱུར་ཅིག། འཕགས་པའི་དོན་དམ་པའི་བདེན་པ་ལ་རྣམ་པར་གནས་པའི་སེམས་དང་ལྡན་པར་གྱུར་ཅིག། བྱང་ཆུབ་སེམས་དཔའ་སེམས་དཔའ་ཆེན་པོ་དེ་སེམས་ཅན་ཡོངས་སུ་སྨིན་པར་བྱ་བའི་ཕྱིར། གང་གི ་ཚེ་ཏིང་ངེ་འཛིན་ལ་འཇུག་པར་འདོད་པ་དེའི་ཚེ། འདི་ལྟར་ཤེས་རབ་དང་། བསོད་ནམས་ཀྱི་སྟོབས་དང་། ཐབས་ཀྱི་སྟོབས་ཀྱིས་འདི་ལྟ་བུར་བྱིན་གྱིས་རློབ་པར་བྱེད་དེ། བདག་ཡུན་ཇི་སྲིད་དུ་ཏིང་ངེ་འཛིན་ལས་མ ་ལངས་པ་དེ་སྲིད་ཀྱི་བར་དུ་ཡུལ་འདི་ཉིད་དང་། གླིང་བཞི་པ་འདི་ཉིད་ཅེས་བྱ་བ་ནས། སངས་རྒྱས་ཀྱི་ཞིང་འདི་ཉིད་ཀྱི་སེམས་ཅན་ཞེས་བྱ་བའི་བར་དག། ཇི་ལྟར་ཚད་གཟུང་བ་རྣམས་ལ་འདི་ལྟར་བདེ་བར་སྦྱར་བར ་བྱིན་གྱིས་རློབ་པར་བྱེད་དོ། ། དེའི་རྗེས་ལ་ཆོས་ཐམས་ཅད་སྟོང་པ་ཉིད་བརྗོད་དུ་མེད་པའི་ཏིང་ངེ་འཛིན་དེ་ལྟ་བུ་ལ་འཇུག་པར་བྱེད་དོ།། བྱང་ཆུབ་སེམས་དཔའ་སེམས་དཔའ་ཆེན་པོ་སྙོམས་པར་ཞུགས་མ་ཐག ་པ་དེས་ཇི་ལྟར་སེམས་ཅན་རྣམས་ཚད་བཟུང་བ་དེ་བཞིན་དུ། བྱང་ཆུབ་སེམས་དཔའི་ཏིང་ངེ་འཛིན་གྱི་སྟོབས་ཀྱིས་བདེ་བར་སྦྱར་བ་ཡོན་ཏན་སྣ་ཚོགས་དེ་ལྟ་བུ་དག་གིས་སེམས་ཅན་རྣམས་ཡོངས་སུ་སྨིན་པར་བྱེད་དེ།། ་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཆོས་ཐམས་ཅད་སྟོང་པ་ཉིད་བརྗོད་དུ་མེད་པའི་ཏིང་ངེ་འཛིན་ལས་དེ་སྲིད་དུ་ལྡང་བར་མི་བྱེད་དོ།། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སྙོམས་པར་ཞུགས ་པ་དེའི་ལུས་ལ་གནོད་པ་དང་འགྱུར་བ་མི་འབྱུང་ངོ་། ། བཀྲེས་པ་དང་སྐོམ་པའི་གནོད་པ་མི་འབྱུང་ངོ་།། མེའི་གནོད་པ་མི་འབྱུང་ངོ་།། བསྐལ་པ་མེས་ཚོག་པར་མི་འགྱུར་བ་ནས། མེ་ཕལ་པས་ཚིག་པར་མི་འགྱུར་རོ།། ་ཆུས་ཁྱེར་བར་མི་འགྱུར་རོ།། ནད་ཀྱི་བསྐལ་པས་ཟད་པར་མི་འགྱུར་རོ།། མུ་གེའི་དགོན་པར་གྱུར་པའི་བསྐལ་པས་ཟད་པར་མི་འགྱུར་རོ།། བསམས་བཞིན་དུ་ཚེའི་འདུ་བྱེད་འདོར་བ་ལ་མ ་གཏོགས་པར་ཚེའི་འདུ་བྱེད་དང་། སྲོག་གི་དབང་པོ་ཡོངས་སུ་ཟད་པར་མི་འགྱུར་རོ།། ལུས་དང་སྲོག་ལ་མི་དང་། མི་མ་ཡིན་པ་དང་། རླུང་དང་། ཉི་མས་གདུངས་པ་དག་གིས་གནོད་པར་མི་འགྱུར་ཏེ། དེ་ལྟ་བུ། ་ནི་སྙོམས་པར་ཞུགས་པའི་ཡིན་ནོ།། ཏིང་ངེ་འཛིན་ལས་ལངས་ནས་ཀྱང་འདོད་ན། སྐྲའི་རྩེ་མོ་གཅིག་གི་ནང་དུ་སངས་རྒྱས་ཀྱི་ཞིང་དཔག་ཏུ་མེད་པ་དག་གཞུག་པར་ནུས་སོ།། འདོད་ན་སངས་རྒྱས་བཅོམ་ལྡན ་འདས་འཁོར་དང་བཅས་པ་ཐམས་ཅད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་དང་བཅས་པ་ཐམས་ཅད་གཅིག་ཏུ་བསྡོམས་པ་མ་ལུས་པ་དག་སོར་མོ་གཅིག་གི་སེན་མོའི་ནང་དུ་བལྟ་བར་ཡང ་ནུས་སོ། ། འདོད་ན་སྐྲའི་རྩེ་མོ་གཅིག་གི་ནང་དུ་སེམས་ཅན་དཔག་ཏུ་མེད་པ་ཐམས་ཅད་བཞུགས་པར་ཡང་ནུས་ལ། དེ་ན་སེམས་ཅན་རེ་རེའི་རང་རང་གི་ཡུལ་དང་། སྤྱོད་ཡུལ་དག་ཡངས་པར་ཡང་མཐོང་ངོ་།། ་འདོད་ན་སངས་རྒྱས་ཀྱི་ཞིང་མཐའ་ཡས་མུ་མེད་པ་དག་གི་རླུང་གི་ལམ་ཐམས་ཅད་སྐྲའི་རྩེ་མོ་གཅིག་གི་ནང་དུ་བཅུག་སྟེ། དེར་ནམ་མཁའི་གཏོས་ཡངས་པ་བཞིན་དུ་སྤྱོད་པར་བྱེད་ཀྱང་། དེ་ཆེ་བར་ཡང་མི་མངོན་ནོ།། ། ་ཆུང་བར་ཡང་མི་མངོན་ནོ།། འདོད་ན་བྱང་ཆུབ་སེམས་དཔའ་སེམས་དཔའ་ཆེན་པོ་དེ་སངས་རྒྱས་ཀྱི་ཞིང་ཐམས་ཅད་ཀྱི་ཆུའི་ཁམས་ཐམས་ཅད་མོན་སྲན་སྡེའུའི་འབྲུམ་བུ་གཅིག་གི་ནང་དུ་བཅུག་སྟེ། དེར་ནམ ་མཁའི་གཏོས་ཡངས་པ་བཞིན་དུ་སྤྱོད་པར་བྱེད་ཀྱང་། དེ་ཆེ་བར་ཡང་མི་མངོན་ནོ།། ཆུང་བར་ཡང་མི་མངོན་ནོ།། བྱང་ཆུབ་སེམས་དཔའ་རང་གི་སྨོན་ལམ་གྱི་སྟོབས་མ་གཏོགས་པར་ཡང་དང་ཡང་མངལ་གྱི་གནས་སུ ་སྐྱེ་བར་མི་འགྱུར་རོ། ། ངན་འགྲོར་སྐྱེ་བར་མི་འགྱུར་རོ།། བུད་མེད་དུ་མི་འགྱུར་རོ།། སྐྱེ་བ་དམན་པ་འཐོབ་པར་མི་འགྱུར་རོ།། ཡན་ལག་ཉམས་པར་མི་འགྱུར་རོ།། ལུས་དང་། ངག་དང་། ཡིད་ཀྱི ་སྤྱོད་པ་ལ་འཁྲུལ་པར་མི་འགྱུར་རོ། ། སེམས་ཅན་ཡོངས་སུ་སྨིན་པར་བྱ་བའི་ཕྱིར་རང་གི་སྨོན་ལམ་གྱི་སྟོབས་མ་གཏོགས་པར་སངས་རྒྱས་ཀྱི་ཞིང་སྟོང་པ་དག་ཏུ་སྐྱེ་བར་མི་འགྱུར་རོ།། དེ་རྟག་པར་སངས ་རྒྱས་ལ་བལྟ་བ་དང་། ཆོས་མཉན་པ་དང་། དགེ་འདུན་ལ་བཀུར་སྟི་བྱ་བ་དང་མི་འབྲལ་བ་ཡིན་ནོ།། དེ་ཤེས་རབ་དང་། བསོད་ནམས་དང་། ཏིང་ངེ་འཛིན་དང་། ཐབས་མཁས་པ་དག་གིས་སེམས་ཅན ་ཡོངས་སུ་སྨིན་པར་བྱེད་པ་ནས། ཡོངས་སུ་མྱ་ངན་ལས་འདས་པ་བླ་ན་མེད་པའི་བར་ལ་འཇིགས་པ་མེད་པ་དང་མ་བྲལ་བ་ཡིན་ནོ།། དཔལ་ཆོ་ག་ཤེས་བྱང་ཆུབ་སེམས་དཔའ་སེམས་དཔའ་ཆེན་པོས་གོ་ཆ་ཆེན ་པོ་དེ་ལྟ་བུ་བགོས་ནས། བསམ་གཏན་དང་པོའི་ཕ་རོལ་ཏུ་ཕྱིན་པ་ཡོངས་སུ་སྦྱོང་ཞིང་སློབ་པ་ན། འདོད་པའི་ཁམས་ལས་ཡང་དག་པར་འདའ་བར་བྱེད་དོ།། དེ་བཞིན་དུ་བསམ་གཏན་གྱི་ཡན་ལག་རྣམས ་ཀྱང་ཤེས་པར་བྱེད་དོ། ། ཡན་ལག་ལྔ་དང་ལྡན་ཞིང་ཡན་ལག་ལྔ་རྣམ་པར་སྤངས་པ་ཡིན་ནོ།། དེ་བཞིན་དུ་རྫུ་འཕྲུལ་གྱི་རྐང་པ་བཞིས་རྩེ་བ་མངོན་པར་ཤེས་པ་ཡིན་ནོ།། སངས་རྒྱས་བཅོམ་ལྡན་འདས་དེ ་དག་ཐམས་ཅད་ལ་མཆོད་པ་དང་། བཀུར་སྟི་བྱ་བ་དང་། དམ་པའི་ཆོས་མཉན་པའི་ཕྱིར་སངས་རྒྱས་ཀྱི་ཞིང་ཐམས་ཅད་དུ་ཀློག་ལྟ་བུའི་ཤུགས་ཀྱིས་འགྲོ་བ་ལ་མཁས་པ་ཡིན་ནོ།། གང ་གིས་ན་སེམས་ཅན་ཐམས་ཅད་ཀྱི་ལམ་གསུམ་པོ་ལས་ཀྱི་ལམ་དང་། ཉོན་མོངས་པའི་ལམ་དང་། སྡུག་བསྔལ་གྱི་ལམ་དག་སྐེམས་པར་བྱེད་པ་ཡིན་ནོ།། བྱང་ཆུབ་སེམས་དཔའ་དེ་ལྟར་སྐེམས་པར་བྱེད་པའི ་ཕྱིརབསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། ། དེ་བཞིན་དུ་དེའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་ཞིང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན ་པར་རྫོགས་པར་འཚང་རྒྱ་བར་འགྱུར་རོ། ། ཡང་བཅོམ་ལྡན་འདས་ཀྱིས་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བསྟན་པ་ན། འཁོར་དེ་ན་སེམས་ཅན་ལྔ་ཁྲི་པོ་གང་དག་གིས་སྔོན་ཆོས་བཞི། ་པོ་འདི་དག་གོམས་པར་བྱས་པ་དེ་དག་གིས་མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པ་དང་ལྡན་ནོ།། དེ་ན་སྲོག་ཆགས་བརྒྱད་ཁྲི་བཞི་སྟོང་དག་གིས་ནི། དཔའ་བར་འགྲོ་བའི་ཏིང་ངེ་འཛིན་རབ་ཏུ་ཐོབ་པར ་གྱུར་ཏོ། ། དེ་ན་སྲོག་ཆགས་ཁྲག་ཁྲིག་སྟོང་ཕྲག་དགུ་བཅུ་རྩ་དགུ་དག་གིས་ནི་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པ་རབ་ཏུ་ཐོབ་པར་གྱུར་ཏོ།། དེ་ན་སེམས་ཅན་སྔོན་བྱང ་ཆུབ་ཏུ་སེམས་མ་བསྐྱེད་པ་ཁྲག་ཁྲིག་འབུམ་ཕྲག་དཔག་ཏུ་མེད་པ་དག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས ་ཕྱིར་མི་ལྡོག་པར་གྱུར་ཏོ། ། འདུས་པ་ཆེན་པོ་ཐེག་པ་ཆེན་པོའི་མདོ་བཅོ་ལྔ་པ་རིའི་སྙིང་པོའི་ལེའུ་ལས། བསམ་གཏན་མཚོན་པ་སྟེ་གཉིས་པ་རྫོགས་སོ།། ། དེ་ནས་དེ ་དུ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོས། དཔལ་ལྷ་མོ་ཆེན་མོ་ལ་འདི་སྐད་ཅེས་སྨྲས་སོ།། དཔལ་ཆོ་ག་ཤེས་གླིང་ཆེན་པོ་བཞི་པ་འདི། བྱང་ཆུབ་སེམས་དཔའ་སེམས་དཔའ་ཆེན་དེ ་དེ་དག་ཐམས་ཅད་ཀྱི་ཡུན་རིང་པོར་ཤིན་ཏུ་མཆོད་པ་ཆེར་བྱ་བ་དང་། རྗེས་སུ་བསྲུང་བར་བྱ་བ་དང་། རྗེས་སུ་དྲན་པར་བྱ་བ་དང་། ཕྱག་བྱ་བར་འོས་པ་དག་ཇི་ཙམ་པ་ནི། ད་ལྟར་དེ་བཞིན་གཤེགས་པ་དག། ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ཀྱི་འདུས་པ་ཆེན་པོ་དེ་ལྟ་བུ་དག་བསྡུས་པ་དང་། བྱང་ཆུབ་ཀྱི་ལམ ་མཐའ་དག་ལ་འཇུག་པ་དང་། ཕྱིར་མ་ལྡོག་པའི་འཁོར་ལོའི་ཐབས་མཁས་པའི་ཕ་རོལ་ཏུ་འགྲོ་བ་དང་། སངས་རྒྱས་སུ་དབང་བསྐུར་བའི་ས་རབ་ཏུ་བསྒྲགས་པ་དེ་ལྟ་བུ་དག་ལྟོས་ཤིག། ཁྱོད་ཕྱིར་མི ་ལྡོག་པའི་འཁོར་ལོ་ཡོངས་སུ་རྫོགས་པར་བྱས་ཏེ། སྦྱིན་པའི་ཕ་རོལ་ཏུ་ཕྱིན་པ་དག་ལ་ཡང་དག་པར་མངོན་དུ་ཞོན་ནས། ཁྱོད་ཀྱི་སྦྱིན་གནས་དེ་ལྟ་བུ་དག་ལ་བཟའ་བ་དང་། བཏུང་བའི་ཡོ་བྱད་དག ་འབྱོར་པར་བྱས་པ་ཡིན་ཏེ། ཁྱོད་བརྩོན་པ་དེས་ན་མྱུར་དུ་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་དམ། རྣམ་པ་ཐམས་མཁྱེན་པ་ཉིད་ཀྱི་ཡེ་ཤེས་ལ་གནས་པར་བྱེད་དམ། དེ་ལ་དཔལ་ལྷ་མོ་ཆེན ་མོས་འདི་སྐད་ཅེས་སྨྲས་སོ། ། སྐྱེས་བུ་ཆེན་པོ་དམ་པས་ཇི་སྐད་སྨྲས་པ་དེ་ལྟར་ལགས་ཏེ། སྔོན་བྱུང་བ་འདས་པའི་དུས་བསྐལ་པ་དཔག་ཏུ་མེད་པ་དག་འདས་པ་ན། གང་གི་ཚེ ་བྱང་ཆུབ་སེམས་དཔའ་ཤཱཀྱ་ཐུབ་པ་དེ་བྱང་ཆུབ་སེམས་དཔའི་སྤྱད་པ་སྤྱོད་པ་ན། འདི་ལྟར་བདག་དང་གཅིག་ལ་གཅིག་དམ་ཚིག་བཅས་པ་གང་གི་ཚེ། ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ ་མངོན་པར་རྫོགས་པར་འཚང་རྒྱ་བ་དེའི་ཚེ། བདག་གླིང་ཆེན་པོ་བཞི་པ་དེར་དཔལ་ཆེན་མོའི་གོ་འཕང་ཐོབ་པར་ཤོག་ཅིག་པ་དང་། དེ་ན་སེམས་ཅན་རྣམས་ལ་བཟའ་བ་དང་། བཏུང་བའི་ཡོ་བྱད་ཐམས ་ཅད་ཀྱིས་སྦྱིན་པར་བྱེད་པར་འགྱུར་བར་བགྱིས་ལགས་སོ། ། རིགས་ཀྱི་བུ་ཁྱོད་བདག་ལས་གསོན་ཅིག་དང་། སྔོན་བྱུང་བ་འདས་པའི་བསྐལ་པ་དཔག་ཏུ་མེད་པ་འདས་པ་གང་དེའི་ཚེ་དེའི་དུས་ན། དེ་བཞིན་གཤེགས ་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབང་པོའི་ཏོག་གི་རྒྱལ་མཚན་རྒྱལ་པོ་ཞེས་བྱ་བ་ཞིག་བྱུང་བར་གྱུར་ཏོ། ། སྐྱེ་དགུའི་ཚེ་ལོ་སྟོང་ཞེས་བྱ་བ་ནས། དེའི་ཚེ་དེའི་དུས་ན། དགེ་བསྙེན་སྐར་མ་དྲི ་མ་མེད་དཔལ་ཞེས་བྱ་བ་དུལ་བ། གསལ་བ། འཇིགས་པ་མེད་པ། ཐོས་པ་མང་བ། འཁོར་བཞི་པོ་དག་ལ་ཆོས་སྟོན་པ། འཁོར་མང་བ། འཁོར་ཕུན་སུམ་ཚོགས་པ་ཞིག་བྱུང་བར་གྱུར་ཏོ་ཞེས་བྱ་བའི ་བར་དུ་སྟེ། དེའི་བུ་ཐུ་བོ་དྲི་མེད་དཔལ་ཞེས་བྱ་བ་ཞིག་བྱུང་བ་དེས་རང་གི་ཕ་ལ་ཚིགས་སུ་བཅད་པས་སྨྲས་པ། ཡབ་ཅིག་ཅི་སླད་རང་གི་ལུས་སྲོག་བཏང་ནས་ཀྱང་།། ཞུམ་པ་མེད་པའི་སེམས་ཀྱིས་བརྩོན་ཞིང ་རྩོལ་བར་མཛད། ། ཡབ་ཅིག་ཚེ་འདིས་མྱ་ངན་འདས་པར་མི་གཤེགས་པར།། སེམས་ཅན་རྣམས་ལ་མཆོག་ཏུ་སྲུང་མཛད་ཤིན་ཏུ་བརྩོན།། དེས་རང་གི་བུ་དྲི་མེད་དཔལ་ལ་ཚོགས་སུ་བཅད་པས་ལན་སྨྲས་པ། ་སེམས་ཅན་འཁོར་བའི་སྡུག་བསྔལ་ངག་གིས་རྨོངས་པ་དང་།། ལམ་ངན་ཞུགས་ཤིང་ཉོན་མོངས་པ་ཡི་མེ་འབར་བ།། རྟག་ཏུ་སྡུག་བསྔལ་དག་གིས་ཉོན་མོངས་ངས་མཐོང་ནས།། ཉོན་མོངས་པ་ཡི་མེད།། ་གསད་ཕྱིར་ང་བརྩོན་བྱེད།། ཤེས་རབ་རྣམ་པར་ཉམས་ཤིང་མཐའ་ལས་འདས་པ་དང་།། ལམ་ལས་རབ་ཏུ་ཉམས་ཤིང་ངན་སོང་འགྲོ་བ་དང་།། འཁོར་བ་ཤིན་ཏུ་བཟང་རླག་ཆུ་བོར་ལྷུང་བ་རྣམས།། ་རབ་ཏུ་བསྒྲལ་བའི་ཕྱིར་ནི་ང་ཡང་སྤྱོད་པར་བྱེད།། སྦྱིན་དང་དུལ་དང་སྡོམ་པ་རྣམ་པར་སྤངས་པ་དང་།། ལྷ་དང་མི་ཡི་བདེ་བས་རྟག་ཏུ་ཉམས་པ་དང་། དགེ་བའི་བཤེས་གཉེན་དག་དང་རྟག་ཏུ་བྲལ་བ། ་རྣམས།། དེ་དག་ལ་ནི་བདག་གིས་ལམ་སྟོན་འགྱུར་བར་བྱ།། སེམས་ཅན་ཉོན་མོངས་པ་ཡིས་བཙོན་རར་རྟག་བཅིངས་པ།། མགོན་མེད་གྱུར་པ་མིག་ནི་རྣམ་པར་ཉམས་གྱུར་ཅིང་།། ལྷ་ངན་དག་ལ་ཆག ་པ་ཤ་དང་ཁྲག་ཟ་བ། ། དེ་དག་དག་པར་བྱ་ཕྱིར་ང་ནི་སྤྱོད་པར་བྱེད།། སེམས་ཅན་རེ་རེའི་དོན་དུ་མནར་མེད་སྤྱོད་བྱེད་པ།། དེ་འདྲའི་སྙིང་རྗེ་སེམས་ཅན་རྣམས་ལ་བསྐྱེད་པར་བྱ།། ཇི་ལྟར་སེམས་ཅན་རེ ་རེ་དེ་དག་ཐར་བྱའི་ཕྱིར། ། སྡུག་བསྔལ་བཟང་རླག་བཟེད་དཀའ་བདག་གིས་དང་དུ་བླང་།། བུ་ཅིགང་ཡིས་བྱང་ཆུབ་སྤྱད་མཆོག་སྤྱད་པར་བྱ།། ཉན་ཐོས་དག་གི་ཤེས་པ་བཙལ་བར་མི་བྱ་ཞིང་།། རང ་སངས་རྒྱས་ཀྱི་ཤེས་པའང་བཙལ་བར་མི་བྱ་སྟེ། ། བླ་ན་མེད་པའི་ཡེ་ཤེས་དག་ནི་བཙལ་བར་བྱ།། ཇི་སྲིད་གངྒཱའི་བྱེ་སྙེད་སེམས་ཅན་དུ་མ་དག། སྡུག་བསྔལ་དག་ལས་ཐར་པར ་བྱས་པར་མ་གྱུར་པར། ། དེ་སྲིད་བྱང་ཆུབ་མཆོག་རབ་འདིར་ནི་འཚང་མི་རྒྱ།། ཕྱི་ནས་བྱང་ཆུབ་མཆོག་རབ་དེ་ལ་རེག་པར་བྱ།། བུ་ཅིག་ཁྱོད་ཀྱིས་སེམས་ཅན་རྣམས་ལ་མཚུངས་པར་ནི།། སྙིང་རྗེ་འདི ་ལྟ་བུ་དག་བསྐྱེད་པར་བྱས་ནས་ཀྱང་། ། ཁྱོད་ཀྱིས་དགེ་དང་རྟག་ཏུ་ལྡན་པར་བྱས་པ་རྣམས།། བྱང་ཆུབ་མཆོག་རབ་འཕགས་པ་དག་ཏུ་བསྔོ་བར་གྱིས།། སེམས་ཅན་ཉོན་མོངས་མེ་ལས་རབ་ཏུ་ཐར ་བྱའི་ཕྱིར། ། སྡུག་བསྔལ་བཟད་རླག་བཟོད་དཀའ་བ་དག་དང་དུ་ལོང་།། སྦྱིན་དང་དུལ་དང་སྡོམ་པ་དག་ལ་ལེགས་སྤྱོད་ཅིག། རྫོགས་སངས་རྒྱས་པ་འགྱུར་བ་འདིར་ནི་ཐེ་ཙོམ་མེད།། གང་གི་ཚེ་ང་ནི་བྱང ་ཆུབ་མཆོག་མ་ཐོབ་པ་ན། ། དེ་ཚེ་ཁྱོད་ནི་སེམས་ཅན་རྣམས་ཀྱི་སྦྱིན་པོར་འགྱུར།། ང་ཡིས་ཁྱོད་ནི་བྱང་ཆུབ་མཆོག་ཏུ་ལུང་བསྟན་ནས།། འདི་ལ་དམ་བཅས་བརྟན་པོར་ལེགས་པར་གནས་པ་ཡིན།། ་རིགས་ཀྱི་བུ་དེའི་ཚེ་བདག་གིས་དེ་བཞིན་གཤེགས་པ་དབང་པོའི་ཏོག་གི་རྒྱལ་མཚན་རྒྱལ་པོའི་སྤྱན་སྔར་འདི་ལྟ་བུར་དམ་བཅས་ཏེ། བདག་ཡུན་ཇི་སྲིད་དུ་འཁོར་བ་ན་འཁོར་བ་དེ་སྲིད་ཀྱི་བར་དུ་བརྟུལ་ཞུགས ་དང་། དཀའ་ཐུབ་དང་། དཀའ་བ་སྤྱད་པ་དང་། སྦྱིན་པ་དང་། དུལ་བ་དང་། སྡོམ་པ་དང་། བསམ་གཏན་དང་། ཐོས་པ་དང་། གཏོང་བ་དང་། ཞལ་ཏ་སྣ་ཚོགས་དག་ལ་གོམས་པར་བགྱིའོ།། ་དཀའ་བ་སྤྱད་པ་དང་། ཡོངས་སུ་གཏོང་བ་རྣམ་པ་སྣ་ཚོགས་དག་ལ་གོམས་པར་བགྱིའོ།། གང་གི་ཚེ་སྐྱེ་དགུའི་ཚེ་ལོ་བརྒྱ་ཐུབ་པའི་ཚེ་ཉོན་མོངས་པ་དང་། ཉོན་མོངས་པའི་སྤྱོག་པ་དག་གིས་ཀུན་ཏུ་རྨོངས ་པར་གྱུར་པའི་ཞིང་དག་ཏུ། བདག་གི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་ཞིང་དེར་བདག་གིས་ཀྱང་དཔལ་གྱི་གོ་འཕང་གི་བདག་པོ་བླ་ན་མེད་པ། ་དག་བསྟན་པར་བགྱིའོ།། དེའི་བསྟན་པ་ལ་བཟའ་བ་དང་། བཏུང་བའི་ཡོ་བྱད་བླ་ན་མེད་པའི་སྦྱིན་པ་པོར་འགྱུར་བར་བགྱིའོ།། དེ་ན་དེ་བཞིན་གཤེགས་པ་ཤཱཀྱ་ཐུབ་པ་འཁོར་དང་བཅས་པ་དག་ལ ་བདག་གིས་ཞལ་ཟས་དང་། བཏུང་བ་སྣ་ཚོགས་དག་གིས་རིམ་གྲོ་བགྱིའོ།། དེར་དེ་བཞིན་གཤེགས་པ་ཤཱཀྱ་ཐུབ་པས་མངོན་སུམ་དུ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན ་པ་ཐོབ་པར་བགྱིའོ། ། དེར་སེམས་ཅན་གང་དག་མ་རུངས་པ། རྩུབ་པ། སྙིང་མི་བརྩེ་བ། བྱས་པ་མི་གཟོ་བ། མི་མཉམ་པ། ཡང་བར་སྤྱོད་པ། སྡིག་པའི་སེམས་དང་ལྡན་པ་དག་འབྱུང་བར་འགྱུར ་བ་དེ་དག་གིས་དུས་མ་ཡིན་པའི་རྫི་ཆར་དང་། ཚ་བ་དང་། གྲང་བ་དང་། ཆར་མོ་ཆེ་དག་འབེབས་པར་བྱེད་པས། གང་དག་སེམས་ཅན་རྣམས་ཀྱི་འབྲུ་དང་། འབྲས་བུ་དང་། ལོ་ཏོག་དང་། སྨན ་དང་རྣལྗོན་ཤིང་དང་། རོ་དག་མ་རུང་བར་བྱེད་པ། མདངས་འཕྲོག་པ། སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་ཆུད་གཟོན་པར་བྱེད་པ། མུན་ནག་ཏུ་བྱེད་པ་དེ་དག་ཐམས་ཅད ་བདག་གིས་བསོད་ནམས་ཀྱི་མཐུ་དང་། ཤེས་རབ་ཀྱི་སྟོབས་ཀྱིས་བཟློག་པར་བགྱིའོ།། དད་པར་བགྱིའོ།། ། བམ་པོ་གཉིས་པ། ་གང་གི་ཚེ་སེམས་ཅན་དེ་དག་ལོངས་སྤྱོད་དང་། ཉེ་བར་སྤྱོད་པ་དང་བྲལ་བས། སེམས་ཅན་དེ་དག་མི་དགེ་བ་བཅུ་ལ་སྤྱོད་པར་བྱེད་དོ།། དགེ་བ་བཅུའི་ཆོས་རྣམས་ཡོངས་སུ་ཉམས་པར་བྱེད ་དོ། ། འདི་ལྟར་དེར་བཅོམ་ལྡན་འདས་ཀྱི་གདུལ་བྱ་རྣམས་བསྟན་པ་དང་། དཀོན་མཆོག་གསུམ་གྱི་གདུང་དང་། ཡོ་བྱད་དག་དང་མི་ལྡན་པས། གྲགས་པ་མེད་པར་འགྱུར་ཏེ། དེས་ན་དེར་བདག་གིས་ལོངས ་སྨོད་དང་ཉེ་བར་སྤྱོད་པའི་ཡོ་བྱད་ཕུན་སུམ་ཚོགས་པའི་རྒྱུ་དག་གིས་སེམས་ཅན་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བགྱིའོ། ། གང་གི་ཚེ་འདི་ལྟར་བདག་གིས ་བཅོམ་ལྡན་འདས་ཀྱི་སྤྱན་སྔར་སྨོན་ལམ་བཏབ་པས། མ་འོངས་པའི་དུས་ན་དེ་ལྟར་བདག་གིས་བསམ་པ་ཡོངས་སུ་རྫོགས་པར་བྱས་པ་དེའི་ཚེ། བཅོམ་ལྡན་འདས་དེས་ལེགས་སོ་ཞེས་བྱ་བ་གནང ་སྟེ་དེའི་ཚེ་ཇི་ལྟར་སྨོན་ལམ་བཏབ་པ་བཞིན་བསམ་པ་ཡོངས་སུ་རྫོགས་པར་བྱས་པས། རིགས་ཀྱི་བུ་དེ་ལྟར་སྨོན་ལམ་བཏབ་པ་ལེགས་སོ་ལེགས་སོ་ཞེས། དེ་བཞིན་གཤེགས་པ་དབང་པོའི་ཏོག་གི་རྒྱལ ་མཚན་རྒྱལ་པོས་ལེགས་ཞེས་བྱ་བ་གནང་བ་ཡིན་ནོ། ། རིགས་ཀྱི་བུ་ཁྱོད་ལ་བདག་གིས་འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་སྦྱིན་གྱིས། ཁྱོད་ཀྱིས་གཟུངས་ཀྱི་སྙིང་པོ་འདིས་དེ་ལྟ་བུར་སེམས ་ཅན་རྣམས་ཤིན་ཏུ་ཡོངས་སུ་སྨིན་པར་བྱེད་ནུས་སམ། སེམས་ཅན་ཚད་མེད་པ་དག་ལོངས་སྤྱོད་དང་ཉེ་བར་སྤྱོད་པའི་ཡོ་བྱད་ཕུན་སུམ་ཚོགས་པ་དང་ལྡན་པ་དག་གིས་ཉོན་མོངས་པའི་ཆུ་བོ་ལས་སྒྲོལ་བར་བྱེད ་དམ། ཏདྱ་ཐཱ། ཛ་ལམ་བྷ། མ་ཧཱ། ཛ་ལམ་བྷ། ཨ་ནུ། ཛ་ལམ་བྷ། སརྦ། ཛ་ལམ་བྷ། ཨོ་ག། ཛ་ལམ་བྷ། ཡཀྲ་བྲི། ཛ་ལམ་བྷ། ནཱ་ག་བྲི། ཛ་ལམ་བྷ། ཨུ་ག་ར་བྲི། ཛ་ལམ་བྷ། ཧསྟི་བྲྀ། ་ཛ་ལམ་བྷ། ཨ་ཛ་ལམ་བྷ། ཛ་ལམ་བྷ། མན་ཌྷཱ་ཀ་པྲི། ཛ་ལམ་བྷ། ཁ་མུ་བྲི། ཛ་ལམ་བྷཱ། པང་ཀ་བྲི། ཛ་ལམ་བྷ། ཨ་མ་བྲི། ཛ་ལམ་བྷ། སཱུ་ཙི་མུ་ཁ་བྲི། ཛ་ལམ་བྷུ། བ་མྲ་བ་མ?། ཛ་ལ་བ་མ?། ་བི་ཛ། བྷཱན་ད། པྲད་ཏྲ་པུཥྤ། ཕ་ལམ་བྷ། མུ་ཀྲན། རི་བྷན་ས། དྷ་ར་མ། ཡང་ཉ། བྲིའི་སོ། ཧྲི་ལམ་བྷ། ཤ་ཤཱསྫ། ད་ལ། གུང་གུང་ས་ར་གུན་ཙི། དུང་གུང་། བ་ར་བཻ་སྭཱ་ཧཱ། འབྱོར་བྱེད་ཆུ་ཁྱིམ ་སྙིང་པོ་ཞེས་བྱ་བའི་གཟུངས་ནི་དེ་ཡིན་ཏེ། གཟུངས་ཀྱི་སྙིང་པོ་འདིས་དེ་ལྟ་བུར་སེམས་ཅན་རྣམས་ཤིན་ཏུ་ཡོངས་སུ་སྨིན་པར་བྱེད་ནུས་སམ། རིགས་ཀྱི་བུ་དེར་བདག་གིས་ནི་དེ་བཞིན་གཤེགས་པ་དབང་པོའི ་ཏོག་གི་རྒྱལ་མཚན་གྱི་རྒྱལ་པོ་དེ་ལས། འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་འདི་མནོས་སོ།། མནོས་ནས་ཀྱང་དེ་བཞིན་གཤེགས་པ་དེ་ལ་བདག་གིས་མཆོད་པ་དང་། རིམ་གྲོ་རྣམ་པ་སྣ་ཚོགས ་འདི་དག་བྱས་ཏེ། ཚུལ་ཁྲིམས་དང་། ཐོས་པ་དང་། བརྟུལ་ཞུགས་དག་ཀྱང་སྤྱད་དོ།། དེའི་འོག་ཏུ་ཡང་སངས་རྒྱས་ཁྲི་སྙེད་ལ་དེ་ལྟ་བུའི་སྨོན་ལམ་བཏབ་པ་དེས་ན། བདག་གིས་ད་ལྟར་བསྐལ་པ ་བཟང་པོ་འདི་ལ་དཔལ་ཆེན་པོའི་གོ་འཕང་ཐོབ་པ་ཡིན་ནོ། ། ད་ལྟར་བདག་འདིར་དོན་ཆེན་པོ་དེ་ལྟ་བུ་བགྱིད་པའི་ཚེ། མི་ཉལ་བ་དེ་ཅིའི་སླད་དུ་ཞེ་ན། དེ་ཚུན་ཆད་ཀླུ་ཁྲོ་བོ་ཕལ་མོ་ཆེ་དག ་བྱུང་བ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། གྲུལ་བུམ་དང་། ཡི་དགས་དང་། ཤ་ཟ་མ་རུངས་པ། རྩུབ་པ། མ་དད་པ། སྙིང་རྗེ་མེད་པ། སྙིང་བརྩེ་བ་མེད་པར་ཞུགས་པ་ཕལ་མོ་ཆེ་དག ་ལྷགས་པས། སྲོག་ཆགས་སུ་གྱུར་པ་རྣམས་ལ་གནོད་པ་དང་། ཡང་བར་སྤྱོད་པ་དེ་དག་གིས་དུས་མ་ཡིན་པའི་རླུང་དང་། ཆར་མོ་ཆེ་དང་། ཟན་ཆེན་དང་། སེར་དྲག་འབེབས་པ་དང་། ཚ་བ་དང་། གྲང་བ ་དག་འབྱིན་པར་བྱེད་དོ། ། ཕྱི་དམ་དང་། ནང་འཁྲུག་དང་། ཕུང་བར་འགྱུར་བ་དང་། ཕས་ཀྱི་དམག་ཚོགས་ཀྱི་གནོད་པ་དང་། འཐབ་མོ་དང་། ཉི་མས་གདུངས་པ་དང་། རླུང་དམར་དག་གཏོང་བར་བྱེད་དོ།། ་དེ་དག་ཀྱང་སྔོན་གྱི་རྒྱལ་བས་བྱིན་གྱིས་མ་བརླབས་ལ། དེ་དག་འཇིག་རྟེན་ཕ་རོལ་ལའང་མི་ལྟ་བས་འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་འདི་ལ་རི་མོ་མི་བྱེད་དེ། དེ་དག་སེམས་ཅན་རྣམས་ཀྱི་ས་བོན་དང ་མྱུ་གུ་དང་། འདབ་མ་དང་། མེ་ཏོག་དང་། འབྲས་བུ་དང་། རོ་དང་། འབྲུ་དང་། སྨན་དང་། ལོངས་སྤྱོད་དང་། ཉེ་བར་སྤྱོད་པ་དག་ཆུང་གསོན་པར་བྱེད་དོ།། འཇིག་པར་བྱེད་དོ།། མདངས་འཕྲོག་པར་བྱེད ་། དེ་དག་སའི་བཅུད་རྣམས་ལ་དབུགས་གཏོང་བར་བྱེད་དོ།། དེ་དག་གིས་སའི་བཅུད་རྣམས་སྐྱོན་དང་བཅས་པ་དང་། སྙིགས་མ་དང་བཅས་པ་དང་། ནད་དང་བཅས་པ་དང་། ལྡམ་ལྡུམ་གྱིས་འགགས་པ་དང ་རྩུབ་པ་དང་། རོ་མེད་པ་དང་། སྲ་བ་དང་། དྲི་མི་ཞིམ་པ་དག་ཏུ་བྱེད་དོ།། དེ་དག་གིས་སེམས་ཅན་རྣམས་མངོན་པར་དགའ་བར་མི་བྱེད་དོ།། སེམས་ཅན་གང་དག་སའི་བཅུད་འདི་ལ་རྟེན་པ་རྣམས་ས་བོན་དང་། ་སྡོང་བུ་དང་། ལོ་མ་དང་། མེ་ཏོག་དང་། འབྲས་བུ་དང་། རོ་དང་། འབྲུ་དང་། སྨན་དང་། ལོངས་སྤྱོད་དང་། ཉེ་བར་སྤྱོད་པ་དག་ལ་སྤྱོད་པར་བྱེད་པས། དེ་དག་གི་སེམས་འཇིག་རྟེན་ཕ་རོལ་ལ་མི་ལྟ་ཞིང ་སེམ་ཅན་རྣམ་ལ་སེམས་རྩུབ་པ་དང་། ཞེ་འགྲས་པ་དང་། གདུག་པ་དང་། སྡང་བ་དང་། སྙིང་རྗེ་མེད་པ་དང་། སྙིང་བརྩེ་བ་མེད་པར་ཞུགས་པ་ཡིན་ནོ།། ནད་སྣ་ཚོགས་ཀྱིས་གཟིར་ཅིང་། གཟུགས་མི་སྡུག ་ལ། ལུས་རྩུབ་པ། ཉོན་མོངས་པ་དང་། ནང་དུ་མས་ཉམས་སྨད་པ། ལྟ་བ་ངན་པར་ཞུགས་པ། སྐྱབས་ངན་པ་ལ་རྟེན་པ་ཡིན་ནོ།། དེ་དག་ཅེས་བྱ་བ་ནས། རི་དགས་དང་།། བྱ ་དག་གི་བར་དུ་དཀོན་མཆོག་གསུམ་ལ་དད་པ་དང་། དང་པ་དང་། དགའ་བ་དང་། བླ་མ་དང་། ཞེ་ས་དང་། རི་མོ་བྱེད་པའི་སེམས་དག་མ་ཐོབ་པ་ཡིན་ཏེ། དེ་དག་ནད་སྣ་ཚོགས་དང་། ལྟ་བ་ངན་པས་ཟིན ་ཅིང་། ངན་གཡོ་ཅན་ཁར་བྲོས་པས། དཀོན་མཆོག་གསུམ་ལ་ལུས་དང་། ངག་ཡིད་འཁྲུལ་པར་སྤྱོད་པ་ཡིན་ནོ།། སྡིག་པའི་སེམས་དང་ལྡན་པ། ཚུལ་ཁྲིམས་འཆལ་པ། སྡོམ་པ་མ་ཡིན་པ་ལ་སྤྱོད་པ ་དེ་དག་དགེ་སློང་ཚུལ་ཁྲིམས་དང་ལྡན་ཞིང་ཡོན་ཏན་གྱིས་ཕྱུག་པ། སྤོབས་པ་གྲོལ་བ་དང་ལྡན་པ་དེ་དག་གིས་སྤོང་བར་བྱེད་དོ།། ད་ལྟར་འདི་ན་སེམས་ཅན་དག་གཤེ་བ་དང་། སྤྱོ་བ་དང་། སྨོད་པ་དང་། ་གཤུང་བ་དང་། ཉམས་པར་བྱེད་པ་དང་། བརྙས་པ་དང་། འདྲིད་པ་དང་། སྡིགས་པ་དང་། གྲགས་པ་མ་ཡིན་པར་སྤྱོད་པ་དང་། ངོ་ཚ་ཤེས་པ་དང་། ཁྲེལ་ཡོད་པ་སྤངས་པ་དང་། ་མི་དགེ་བ་བཅུའི་ལས་ཀྱི་ལམ་རྣམས་ལ་མངོན་པར་དགའ་བའི་སེམས་དང་ལྡན་པ་དང་། དགེ་བ་ཐམས་ཅད་ལ་སྤྱོད་པ་སྤངས་པའི་སེམས་དང་ལྡན་པ་དང་། བསོད་ནམས་དང་། ཤེས་རབ་དང་བྲལ་བ་དང་། ཚེ ་ཐུང་ཞིང་ངན་སོང་དུ་འགྲོ་བ་དེས་ན། སེམས་ཅན་འདི་དག་ཐམས་ཅད་དེ་བདག་གིས་ནི་ལོངས་སྤྱོད་དང་། ཉེ་བར་སྤྱོད་པ་ཐམས་ཅད་ཀྱིས་ཚིམ་པར་བྱེད་ཀྱང་མི་ནུས། ཡོངས་སུ་སྨིན་པར་བྱེད་ཀྱང་མི་ནུས་སོ།། ། ་འདི་ལྟར་སྐྱེས་བུ་དམ་པ་ཁྱོད་ནི་སངས་རྒྱས་ཐམས་ཅད་ཀྱི་ཆོས་ལ་རག་མ་ལས་པར་ཤེས་ཤིང་། མཁས་པ་ཁྱོད་ནི་ཏིང་ངེ་འཛིན་དང་། གཟུངས་དང་། བཟོད་པ་ཐམས་ཅད་ལ་རྣམ་པར་སྤྱོད་པ་ལ་མཁས་པའི་ཕ ་རོལ་ཏུ་སོན་པ། སྙིང་རྗེ་དང་། སྙིང་བརྩེ་བས་བརྒྱན་པ། མཁས་པ་ཆེན་པོ་ཤེས་པའི་ཕ་རོལ་ཏུ་སོན་པ་ཁྱོད་ནི་བྱང་ཆུབ་སེམས་དཔའི་ཚོགས་ཐམས་ཅད་ཀྱི་ནང་ན་རྒྱལ་མཚན་གྱི་མཆོག་ཏུ་གྱུར་པ། སེམས ་ཅན་ཐམས་ཅད་ཡོངས་སུ་སྨིན་པར་བྱེད་པ་ཡིན་པས། ང་ཁྱོད་ཀྱིས་གླིང་བཞི་པ་འདིར་སྙིང་རྗེ་དང་། སྙིང་བརྩེ་བ་དག་སྐྱེད་ཅིག། གླིང་བཞི་པ་འདི་ན་ཀླུ་ཁྲོ་བོ་དག་ཇི་ལྟར་བཟློག་པར་རུས་པ་དང་། གནོད ་སྦྱིན་དང་། སྲིན་པོ་དང་། ལྷ་མ་ཡིན་དང་། གྲུལ་བུམ་དང་། ཡི་དགས་དང་། ཤ་བ་ཁྲོ་བོ་དང་། ལུས་སྲུལ་པོ་ཁྲོ་བོ་དག་ཇི་ལྟར་བཟློག་པར་ནུས་པ་དང་། དེ་དག་ཅི་ནས་ཀྱང་དུས་སུ་ཆར་འབེབས། ་ཤིང་ཆུ་འབྱིན་པར་འགྱུར་བ་དང་། ལོ་ཏོག་ཕུན་སུམ་ཚོགས་པ་སྒྲུབ་པར་འགྱུར་བ་དང་། ཚ་བ་དང་། གྲང་བ་དུས་སུ་སྦྱོར་བར་འགྱུར་བ་དག་བློས་རྟོགས་ཤིག་དང་། གཞི་དེས་སེམས་ཅན་རྣམས་ཀྱི་ཡོངས ་སྤྱོད་དང་། ཉེ་བར་སྤྱོད་པ་མི་ཉམས་ལ། སའི་བཅུད་ཐམས་ཅད་ལའང་སྐྱོན་མེད་པ་དང་། ནད་མེད་པ་དང་། སྙིང་པོ་དང་ལྡན་པ་དང་། དྲན་པའི་རྒྱུ་ཅན་དང་། ཞིམ་པ་དང་། དྲི་ཞིམ་པ་དང ་རོ་ཞིམ་པོ་ཕུན་སུམ་ཚོགས་པར་འགྱུར་རོ། ། སའི་བཅུད་འདི་ལ་རྟེན་པའི་སེམས་ཅན་གང་དག་གིས་ལོངས་སྤྱོད་དང་། ཉེ་བར་སྤྱོད་པ་ལ་ལོངས་སྤྱོད་པ་དེ་དག་ནི་ནད་མེད་པ་དང་། དྲན་པ་དང་ལྡན་པ་དང ་ཞེས་བྱ་བའི་བར་དུ་སྔར་ཇི་སྐད་གསུངས་པ་ཡིན་ནོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སོའི་སྙིང་པོས། དཔལ་ལྷ་མོ་ཆེན་མོ་དེ་ལོ་འདི་སྐད་ཅེས་སྨྲས་སོ།། དཔལ་ཆོ་ག་ཤེས་བདག་གིས། ་ནི་སངས་རྒྱས་ཀྱི་ཞིང་འདི་ཐམས་ཅད་ཀྱི་འབྱུང་བ་ཆེན་པོ་མ་ལུས་པ་དག་ལྷའི་བདེ་བར་སྤྲུལ་ནས་འདིར་སེམས་ཅན་རྣམས་བསྐལ་པ་འབུམ་ཕྲག་སྙེད་ཀྱི་བར་དུ་ལོངས་སྤྱོད་པར་བྱ་བར་ནུས ་ཀྱང་། འདིར་སེམས་ཅན་རྣམས་ཀྱི་ལོང་སྤྱོད་པར་མི་ནུས་སོ།། དེ་ཅིའི་ཕྱིར་ཞེ་ན། སེམས་ཅན་འདི་དག་ནི་བསོད་ནམས་དང་བྲལ་བ་སྟེ། ལོངས་སྤྱོད་དང་ཉེ་བར་སྤྱོད་པ་རྒྱ་ཆེན་པོ་དག་ལ་ལོངས་སྤྱོད་པའི་སྣོད་མ་ཡིན ་ནོ། ། བདག་གིས་ནི་སངས་རྒྱས་ཀྱི་ཞིང་མི་མཇེད་འདི་ཐམས་ཅད་ལྷའི་གཞལ་མེད་ཁང་རྒྱ་ཆེན་པོར་སྤྲུལ་པ་དང་། ལྷའི་གནས་མལ་དང་། རྒྱན་དང་། གོས་དང་། ལྷབ་ལྷུབ་དང་། སྤོས་དང་། མེ་ཏོག་དང་། ་འཕྲེང་བ་དང་། འབྲས་བུ་དང་། ཤིང་ལྗོན་པ་དང་། རོལ་མོའི་སྒྲ་དང་། སིལ་སྙན་དང་། གྲུ་དབྱངས་དང་། རིན་པོ་ཆེ་སྣ་ཚོགས་ཀྱིས་བརྒྱན་པ་དག་ཏུ་སྤྲུལ་པར་ནུས་ཀྱང་། འདིར་སེམས ་ཅན་དེ་དག་བསོད་ནམས་དང་བྲལ་བས། སྣོད་དུ་མ་གྱུར་པའི་ཕྱིར་ལོངས་སྤྱོད་པར་མི་ནུས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང་། བྱང་ཆུབ་སེམས་དཔའ་སེམས ་དཔའ་ཆེན་པོ་ས་བཅུ་པ་དེ་དག་དང་། དཔའ་བར་འགྲོ་བའི་ཏིང་ངེ་འཛིན་ལ་དབང་ཐོབ་པ་དག་ལོངས་སྤྱད་པར་སྤྱོད་པ་ནི་མ་གཏོགས་སོ།། བདག་གིས་སེམས་ཅན་གྱི་ཁམས་མ་ལུས་པ་དག་བསམ་གཏན་བཞི་ལ ་སྙོམས་པར་ཞུགས་པར་བཞག་པར་ནུས་ན། འདི་ན་ཀླུ་ཁྲོ་བོ་ཞེས་བྱ་བ་ནས། ལུས་སྲུལ་པོ་ཁྲོ་བོ་ཞེས་བྱ་བའི་བར་དག་ཞི་བར་བྱ་བ་ལྟ་སྨོས་ཀྱང་ཅི་དགོས། འདི་ལྟར་བདག་ནི་དེ་བཞིན་གཤེགས་པས་མ་གནང་བར་བདག ་གིས་རྫུ་འཕྲུལ་གྱི་ཡུལ་དག་བསྟན་པ་ནི་ཚུལ་དང་འཐུན་པ་མ་ཡིན་ཏེ། དཔེར་ན་འཁོར་ལོས་སྒྱུར་བའི་རྒྱལ་པོས་མ་གནང་བར་བློན་པོ་རིན་པོ་ཆེ་དང་། ཁྱིམ་བདག་རིན་པོ་ཆེ་དག་གིས་དཔུང་གི་ཚོགས་ཡན་ལག་བཞི་པ ་ཤོམ་པ་དེ་ནི་གནས་མེད་དོ། ། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་མ་ལུས་པ་དེ་དག་ཐམས་ཅད་ནི། དེ་བཞིན་གཤེགས་པའི་སྲས་སུ་ཐུགས་ལས་སྐྱེས་པ། གསུང་ལས་སྐྱེས་པ། ་ཆོས་ལས་བྱུང་ཞིང་ཆོས་ཀྱིས་སྤྲུལ་པ་སྟེ། དེའི་ཕྱིར་དེ་བཞིན་གཤེགས་པས་མ་གནང་བར་རྫུ་འཕྲུལ་གྱི་ཡུལ་བསྟན་པར་ནི་སུས་ཀྱང་མི་རུས་སོ།། དཔལ་ཆོ་ག་ཤེས་འོན་ཀྱང་ཆུ་ཀྲུང་ནོར་བུའི་གཞལ་མེད་ཁང ་ཞེས་བྱ་བའི་གཟུངས་ཀྱི་ཚོགས་ཀྱི་རིག་སྔག་དང་། གསང་སྔགས་ཀྱི་ཚིག་མདོར་བསྡུས་པ་དང་། དུས་གསུམ་གྱི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱི་དཀོན་མཆོག་གསུམ་གྱི་གདུང་གི་བྱིན་གྱིས ་རླངས་ཀྱིས་རྣམ་པར་འཕྲུལ་པ་དག་ཡོད་ཀྱིས། དཔལ་ཆོ་ག་ཤེས་དེ་དེ་བཞིན་གཤེགས་པ་དེ་ལ་ཚིག་དག་ཞུས་ཤིག་དང་། ད་དེ་བཞིན་གཤེགས་པས་ཁྱོད་ལ་ཆུ་ཀླུང་ནོར་བུའི་གཞལ་མེད་ཁང་ཞེས་བྱ་བའི་གཟུངས ་ཀྱི་ཚོགས་ཀྱི་རིག་སྔགས་དང་། གསང་སྔགས་ཀྱི་ཚིག་མདོར་བསྡུས་པ་དག་སྟོན་པར་འགྱུར་ཏེ། བདག་ཀྱང་རྗེས་སུ་ཡི་རང་ངོ་།། ཁྱོད་ཀྱིས་ཀྱང་བསམ་པ་ཐམས་ཅད་རྫོགས་པར་གྱིས་ཤིག། དེ་ནས ་དཔལ་ལྷ་མོ་ཆེན་མོ་དང་། ལྷ་མོ་ཆེན་མོ་དབྱངས་ཅན་དང་། ལྷ་མོ་ཆེན་མོ་བརྟན་མ་དང་། ལྷ་མོ་ཆེན་མོ་འོད་བྱེད་དང་། ལྷ་མོ་ཆེན་མོ་གཟི་བརྗིད་ཅན་དང་། ལྷ་མོ་ཆེན་མོ་དགེ་ལྡན་དང་། ལྷ་མོ་ཆེན་མོ་ཏ་མ་ལའི ་སྙིང་པོ་དང་། ལྷ་མོ་ཆེན་མོ་ཉི་མ་བདག་དང་། ལྷ་མོ་ཆེན་མོ་ཤེལ་ཅན་དང་། དེ་དག་ལ་སོགས་པ་ལྷ་གཞན་ཁྲག་ཁྲིག་འབུམ་ཕྲག་བརྒྱད་ཅུ་སྙེད་ཀྱིས་ཡོངས་སུ་བསྐོར་ཅིང་། མདུན་གྱིས་བདར་ནས། སྟན ་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། དཔལ་ལྷ་མོ་ཆེན་མོས་དེའི་ཚེ་ཚིགས་སུ་བཅད་པས་གསོལ་པ། སྤྱོད་པ་རྣམ་དག་དྲི་མའི་དྲི་མེད་པ།། ཉི་མས་ཉོན་མོངས ་རྙོག་སེལ་བསྟན་དུ་གསོལ། ། ཆུ་ཀླུང་གཟུངས་ཀྱིས་བདག་ཅག་སྐོམ་ལགས་ན།། བདེ་གཤེགས་གཟུངས་ཚོགས་བཞི་བགྱིད་བསྟན་དུ་གསོལ།། ཆུ་ཀླུང་རིག་སྔགས་གསང་སྔགས་ཚིག་རབ་མཆོག ་@། ཐུབ་པ་རིན་པོ་ཆེ་ཡིས་བསྟན་དུ་གསོལ།། དེས་ན་རྙོག་ལྡན་ཀླུ་དག་དང་འགྱུར་བས།། ས་ཡི་བཅུད་རྣམས་སླད་ཆད་ཆབ་མི་འཚལ།། དུས་མིན་རླུང་དང་ཉི་མས་གདུངས་པ་དང་།། རྡུལ་དང་ཐན ་ཆེན་ཆེན་པོ་ཞི་བགྱིད་ལ། ། ལོ་ཏོག་འབྲས་བུ་སུས་ཀྱང་མདངས་མི་འཕྲོག། གང་དག་སྲུང་བར་འགྱུར་བ་བསྟན་དུ་གསོལ།། དེས་ན་ནད་མེད་དྲན་དང་ལྡན་པ་དང་།། དགེ་བ་དག་ལ་སྤྱོད་པར་གྱུར་ནས་ཀྱང་།། ་རྒྱལ་བའི་བསྟན་ལ་ལྟ་བ་ངན་པ་པོ།། ཡང་བ་དག་ནི་རྣམ་པར་སྤོང་བར་འགྱུར།། རྒྱལ་བས་བདག་གི་སྙིང་ལ་མྱ་ངན་དང་།། ཉོན་མོངས་སེལ་བགྱིད་མདངས་ནི་འགྲུབ་པ་དང་།། གང་གིས་བདག་ནི་སེམས ་ཅན་ཐམས་ཅད་དག། ཡོངས་སྨིན་བགྱིད་པར་རྗེ་ཐོགས་བསྟན་དུ་གསོལ།། ཐུབ་པའི་ཐད་ན་ལྷ་རྣམས་འདི་དག་གསོལ་འདེབས་པ།། ཐེག་པ་ཆེན་པོ་ཟབ་མོའི་ལམ་ལ་གཞུག་ཏུ་གསོལ།། སེམས་ཅན ་ཡོན་ཏན་ཕྱུག་པོ་འབྲས་བཅས་འདུས་པ་པོ། ། ཕྱོགས་བཅུའི་བྱང་ཆུབ་སེམས་དཔའ་ཁྱོད་ལ་བསྔགས་པ་བརྗོད།། ཆུ་བོ་ལེགས་འབབ་ལོ་ཏོག་མི་ཉམས་བགྱི་སླད་དུ།། སྡིག་ཅན་ཀླུ་རྣམས་བཟློག ་ཕྱིར་འདི་དག་བསྟན་དུ་གསོལ། ། དེ་ནས་བཅོམ་ལྡན་འདས་ཀྱིས་བཀའ་སྩལ་པ། དཔལ་ཆོ་ག་ཤེས་འདུས་པ་རྣམས་ཀྱི་མདུན་དུ་དེ་བཞིན་གཤེགས་པ་ནི་དུས་སུ་བྱིན་གྱིས་རློབ་པར་མཛད་ལ། དེ་བཞིན་གཤེགས ་པ་ད་ནི་འདུས་པ་རྣམས་ཀྱི་ནང་དུ། དུས་གསུམ་གྱི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་བྱིན་གྱིས་བརླབས་པ། འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་སྟོན་ཏོ།། ཕྱོགས་བཅུ་ནས ་འདིར་ལྷགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དག་གིས་དེ་ཐོས་ནས་ཀྱང་། ཕྱོགས་བཅུའི་སངས་རྒྱས་ཀྱི་ཞིང་སྙིགས་མ་ལྔ་ཅན་སྟོང་པ་དེ་ན། སེམས་ཅན་རྣམས་ལ་འབྱོར་བྱེད་ཆུ་ཁྱིམ་སྙིང་པོ། ་ཞེས་བྱ་བའི་གཟུངས་འདི་རབ་ཏུ་སྟོན་པར་བྱེད་དོ།། གཟུངས་ཀྱི་རྒྱུ་དེས་ན། དེར་དུས་མ་ཡིན་པའི་རླུང་དང་། ཉི་མས་གདུངས་པ་དང་། གྲང་བ་དང་། ཚ་བ་དང་། ཆར་མོ་ཆེ་དང་། ཐན་ཆེན་དག་རབ་ཏུ་ཞི ་པར་བྱེད་དོ། ། དེས་ན་དེར་འཇིག་རྟེན་ཕ་རོལ་ལ་མི་ལྟ་བའི་ལྷ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། གྲུལ་བུམ་དང་། ཡི་དགས་དང་། ཤ་ཟ་དང་། སྲུལ་པོ་དང་། ལུས་སྲུལ་པོ ་དང་། མི་དང་། མི་མ་ཡིན་པ་དང་། ཐ་ན་རི་དགས་དང་། བྱ་མ་རུངས་པ། གཏུམ་པ། སེམས་ཅན་རྣམས་ལ་སྙིང་བརྩེ་བ་མེད་པ་དང་། སྙིང་རྗེ་མེད་པར་ཞུགས་པ་དག་དད་པ་ཅན་དུ་འགྱུར་རོ།། ་སེམས་འཇམ་པར་འགྱུར་རོ།། དགེ་བ་དྲན་པར་འགྱུར་རོ།། ཆོས་ཚོལ་བ་ལ་འདོད་པར་འགྱུར་རོ།། ཆོས་སྲུང་བར་འགྱུར་རོ།། དཀོན་མཆོག་གསུམ་གྱི་གདུང་འབར་བར་བྱེད་པར་འགྱུར་རོ།། གཟུངས ་འདིའི་མཐུས་དེ་ན་སེམས་ཅན་རྣམས་ཚེ་རིང་བར་འགྱུར་རོ། ། ཁ་དོག་འཕེལ་བར་འགྱུར་རོ།། ལོ་ཏོག་འཕེལ་བར་འགྱུར་རོ།། ལོངས་སྤྱོད་འཕེལ་བར་འགྱུར་རོ།། བདེ་བ་འཕེལ་བར་འགྱུར་རོ།། ནད ་མེད་པ་འཕེལ་བར་འགྱུར་རོ། ། གྲགས་པ་འཕེལ་བར་འགྱུར་རོ།། ཚུལ་ཁྲིམས་འཕེལ་བར་འགྱུར་རོ།། ཐོས་པ་འཕེལ་བར་འགྱུར་རོ།། གཏོང་བ་འཕེལ་བར་འགྱུར་རོ།། བྱམས་པ་འཕེལ་བར་འགྱུར ་རོ། ། སྙིང་རྗེ་འཕེལ་བར་འགྱུར་རོ།། ཤེས་རབ་འཕེལ་བར་འགྱུར་རོ།། ཐབས་འཕེལ་བར་འགྱུར་རོ།། ཏིང་ངེ་འཛིན་འཕེལ་བར་འགྱུར་རོ།། གཟུངས་འཕེལ་བར་འགྱུར་རོ།། ་ས་རྣམ་པར་དཔྱོད་པ་འཕེལ་བར་འགྱུར་རོ།། རྣམ་པར་སྤོང་བ་འཕེལ་བར་འགྱུར་རོ།། སེམས་ཅན་ཡོངས་སུ་སྨིན་པར་བྱེད་པ་འཕེལ་བར་འགྱུར་རོ།། ཐེག་པ་ཆེན་པོའི་བསྔགས་པ་ཡོངས་སུ་འཕེལ་བར་འགྱུར་རོ།། ་སྨོན་ལམ་གྱི་ཁྱད་པར་འཕེལ་བར་འགྱུར་རོ།། ས་ནས་སར་འཕར་བ་འཕེལ་བར་འགྱུར་རོ།། ཕུང་པོ་དང་། ཁམས་དང་། སྐྱེ་མཆེད་ལྷག་པར་མཐོང་བ་འཕེལ་བར་འགྱུར་རོ།། ངོ་ཚ་ཤེས་པ་དང་། ཁྲེལ་ཡོད་པ ་འཕེལ་བར་འགྱུར་རོ། ། སངས་རྒྱས་ཀྱི་ཞིང་གི་ཡོན་ཏན་བཀོད་པ་རབ་ཏུ་འཛིན་པ་འཕེལ་བར་འགྱུར་རོ།། ཕྱོགས་བཅུའི་སངས་རྒྱས་བཅོམ་ལྡན་འདས་ཐམས་ཅད་རྟག་པར་དུས་སུ་དགོངས་པ་འཕེལ་བར་འགྱུར་རོ།། ་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དག་ལ་རྟག་ཏུ་དགེ་བའི་བཤེས་གཉེན་ཡིན་པར་འཛིན་པ་འཕེལ་བར་འགྱུར་རོ།། རྫུ་འཕྲུལ་གྱི་རྐང་པས་རྣམ་པར་རྩེ་བ་འཕེལ ་བར་འགྱུར་རོ། ། ཉོན་མོངས་པ་ཐམས་ཅད་སྐྱེ་ཞིང་འཕེལ་བ་དང་། ལས་འཕེལ་བ་དག་ལས་ཀུན་ནས་སྒྲོལ་བར་བྱེད་དོ།། མྱ་ངན་ལས་འདས་པ་བླ་ན་མེད་པ་ལ་ཐུག་པའི་བར་དུ་དགེ་བའི་ཆོས་ཐམས་ཅད་ཀྱིས ་ཉམས་པར་མི་འགྱུར་རོ། ། ཡོངས་སུ་ཉམས་པར་མི་འགྱུར་རོ།། ཏདྱ་ཐཱ། སྭ་ར་བྲི་ཏེ། ན་ཡ་བྲི་ཏ་བིཥྚ་ཚ་ཏི། ཨ་ན་ཡཱ་པྲ་ཏི། ཤྭསྟཱ་ར་པྲ་ཏི། ཤ་ར་ན་པྲ་ཏི། ཀུ་མུ་ད་པྲ་ཏི། སན་ཙཱིར་པྲ་ཏི། ཚེ་ད་ས་ལ་བྲི་ཏི། ས་ར ་པྲ་ཏེ། སར་པི་ར་ཧཱ་རེ། སར་པྲ་ཏ་པ་རི་ཧ་རེ། ན་ཡན་པྲ་ཏ། པ་ར་ཧ་རེ། བི་བི་དྷེ་ཀ། པ་རི་ཝཱ་རེ། ཡང་ཉ་པ་རི་ཧཱ་རེ། བིན་དུ། པ་རི་ཧཱ་རེ། ཛ་ལ་པ་རི་དྷཱ་རེ། ཀྵེ་ཏྲ་པ་རི་ཧཱ་རེ། དཀྵཱ་པ་རི་ཧཱ་རེ། ས་ནས་པ་རི་ཧཱ། ་སྲབ་པད་ཏྲེའི། གཽ་མ་ཡ་བ་ནེ། མ་ད་ས་ཁེ། སུ་ན་ཡ། པད་ཏྲ་ཛེ་མེ་ལ། བན་དེ། ཨ་ར་ཎ་ཛཱ་ཥེ། ཁ་ར་བ་ཛཱ་བྷེ། ནཱ་རཱ་ཡ་ཎ། བི་ཛ་བྷེ། ཨུ་ར་ག། ཨ་ནི་མི་ཥ། ཀུན་ཛ་ར་བྷེ་མེ། ཛ་ཧ་ནི་མ་བྷེ། ཀརྨ་བི་ར་ལེ། ་ཐམས་ལི་ལེ། བདག་ཤ་མེ། མ་སིནྡྲ་མེ། ཨག་ནི་པད་ཏྲེ། ནང་གཏུམ་བུ་རེ། བཱ་ལ་བ། བ་རུ་ནེ། ཀན་རྦ་ཎཱིརྦ། ཤ་ཀྲ་དཉྫ་ཡེ། ཨ་ནཱ་ཚེ་བྱེ། དྲྀ་ན་ཡ། ནི་ལེ། ཏྲེ་ཡད་དྷཱ། བུད་དྷཱ། ཨ་དྷིཥྚི་ཏེ་སྭཱཧཱ། ་ནཱ་རཱ་ཡ་ནི། ནཱི་ལ་ཡེ་སྭཱ་ཧཱ། ཙཀྲ་བརྟ་ཀྲ་མེ་སྭཱ་ཧཱ། བཅོམ་ལྡན་འདས་ཀྱིས་འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་འདི་བསྟན་མ་ཐག་ཏུ་དེ་ནས་དེའི་མོད་ལ་ས་ཆེན་པོ་གཡོས་པར་གྱུར་ཏེ། སངས་རྒྱས་ཀྱི་ཞིང ་མི་མཇེད་ཐམས་ཅད་ཀྱིས་རྣམ་པ་དྲུག་ཏུ་གཡོས་པར་གྱུར་ཏོ། ། ཐམས་ཅད་དང་ལྡན་པའི་འཁོར་ཇི་སྙེད་ལྷགས་པ་རྣམས་ཀྱང་འདར་ཤིག་ཤིག་སྟེ་འཁྲུགས་ཤིང་སྐྱོ་བ་སྐྱེས་ནས། སངས་རྒྱས་ལ་ཕྱག་འཚལ་ལོ།། ་སངས་རྒྱས་ལ་ཕྱག་འཚལ་ལོ་ཞེས་འཛེར་ཏོ།། དེ་ནས་བཅོམ་ལྡན་འདས་ཀྱིས། དཔལ་ལཱ་མོ་ཆེན་མོ་ལ་འདི་སྐད་ཅེས་བཀའ་སྩལ་ཏོ།། དཔལ་ཆོ་ག་ཤེས་ཁྱོད་ཀྱིས་འབྱོར་བྱེད་རྒྱུ་ཁྱིམ་སྙིང་པོ་ཞེས་བྱ་བའི ་གཟུངས་ནི་དེ་ལྟ་བུ་ཡིན་ཏེ། དེའི་མཐུས་རྩོད་པ་དང་། འཐབ་མོ་ཐམས་ཅད་རབ་ཏུ་ཞི་བར་བྱེད་དོ།། ཀླུ་ཁྲོ་བོ་དང་། མ་རུངས་པ་ཐམས་ཅད་ཞི་བར་བྱེད་དོ།། གནོད་སྦྱིན་དང་། མི་དང་། མི་མ་ཡིན་པ་དང་། ་ཐ་ན་རི་དགས་དང་། བྱ་ཁྲོ་བོ་དང་། མ་རུངས་པ་ཐམས་ཅད་ཀྱང་ཞི་བར་བྱེད་དོ།། དུས་མ་ཡིན་པའི་རླུང་དང་། ཉི་མས་གདུངས་པ་དང་། གྲང་བ་དང་། ཚ་བ་དང་། ཟན་ཆེན་ཐམས་ཅད ་རབ་ཏུ་ཞི་བར་བྱེད་དོ། ། ལོ་ཏོག་ཐམས་ཅད་འཕེལ་ཞིང་འགྲུབ་པར་བྱེད་དོ།། སེམས་ཅན་རྣམས་ཚེ་རིང་བར་བྱེད་དོ།། ལོངས་སྤྱོད་འཕེལ་བར་བྱེད་དོ།། ལས་འཕེལ་བ་སྤོལ་བར་བྱེད་པའི་བར་དུ་བྱེད་དོ།། མྱ་ངན ་ལས་འདས་པ་བླ་ན་མེད་པ་ལ་ཐུག་པའི་བར་དུ། དགེ་བའི་ཆོས་ཐམས་ཅད་ཀྱིས་ཉམས་པར་མི་འགྱུར་རོ།། ཡོངས་སུ་ཉམས་པར་མི་འགྱུར་རོ།། ལ་ལ་ཞིག་གཟུངས་ཆེན་པོ་འདི་ཉན་ཏམ། ཀློག་གམ། སྒྲུབ་པར ་བྱེད་ན། དེ་ཕྱིས་འགལ་བ་མེད་པའི་ཆོས་དང་། སྡོམ་པ་གསུམ་ལ་གནས་པར་འགྱུར་རོ།། དེ་ནས་བྱང་ཆུབ་སེམས་དཔའ་སའི་སྙིང་པོས་གསོལ་པ། བཙུན་པ་བཅོམ་ལྡན་འདས་འདིར་བདག་གིས་ཀྱང་མཚོན་ཆའི ་སྟོབས་ཞེས་བགྱི་བའི་གཟུངས་ཆེན་པོ་བཤད་པར་བགྱིའོ། ། མཚོན་ཆའི་སྟོབས་ཞེས་བགྱི་བའི་གཟུངས་དེས་སེམས་ཅན་རྣམས་ཀྱི་ལོངས་སྤྱོད་དང་ཡོངས་སུ་སྤྱོད་པ་ཐམས་ཅད་ཀྱི་ཆེད་དུ་སའི་བཅུད་ཐམས་ཅད་ཉམས ་པར་མི་འགྱུར་ལགས་སོ། ། ཡོངས་སུ་ཉམས་པར་མི་འགྱུར་ལགས་སོ།། སའི་བཅུད་ཀྱི་མདངས་རྣམས་གང་གིས་ཀྱང་དབྲོག་པར་རྔོ་མི་ཐོགས་ལགས་སོ།། དབུགས་གདུག་པ་གཏོང་བ་འམ། བསྐམ་པར་ཡང་རྔོ ་མི་ཐོགས་ལགས་སོ། ། ནུབ་པ་དང་། རོ་མ་མཆིས་པར་བགྱི་བར་རྔོ་མི་ཐོགས་ལགས་སོ།། ཉམས་པ་དང་མ་མཆིས་པར་བགྱི་བར་རྔོ་མ་ཐོགས་ལགས་སོ།། དོགས་ལས་ལོ་ཏོག་མི་འཁྲུང་བར་བགྱི་བར་རྗེ་མི ་། ཐོགས་ལགས་སོ།། རྩུབ་པ་དང་། རོ་མ་མཆིས་པར་བགྱི་བར་རྔོ་མི་ཐོགས་ལགས་སོ།། ལོ་ཏོག་གི་ས་བོན་དང་། མྱུ་གུ་དང་། འདབ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་རྣམས་ཀྱི་མདང ་དབྲོག་པར་རྔོ་མི་ཐོགས་ལགས་སོ། ། དེ་ལ་དབུགས་གདུག་པ་གཏོང་བ་འམ། བསྐམ་པར་ཡང་རྔོ་མ་ཐོགས་ལགས་སོ།། རྩུབ་པའམ། རོ་མ་མཆིས་པར་བགྱི་བར་ཡང་རྔོ་མི་ཐོགས་ལགས་སོ།། མ་སྨིན་པ་རྣམ ་ཆབ་སྩལ་བར་ཡང་རྔོ་མི་ཐོགས་ལགས་སོ། ། ལྷགས་པ་དང་། ཚ་བ་དག་གིས་ཚིག་པ་དང་། འཚལ་དུ་མི་རུང་བར་བགྱི་བར་རྔོ་མི་ཐོགས་ལགས་སོ།། འཚལ་བ་ཙམ་གྱིས་སེམས་ཅན་ལ་ལའི་ལུས་ལ་དབུགས ་གདུག་པ་བཏང་བར་རྔོ་མ་ཐོགས་ལགས་སོ། ། གཞི་དེ་ལྟ་བུ་ལས་སེམས་ཅན་རྣམས་ཀྱིས་ཟས་འཚོལ་བ་སྨོན་ནས། ལྟོ་བྲོ་འཚལ་བ་དང་། ཡན་ལག་དང་། ཉིང་ལག་བྲོ་འཚལ་ཅིང་འཁུམས་པར་བགྱི་བར་རྫོ ་མི་ཐོགས་ལགས་སོ། ། རིམས་ནད་དང་། བརྗེད་བྱེད་དང་། སེམས་གཡེངས་པ་དང་། དྲན་པ་ཉམས་པར་བགྱིད་པར་རྔོ་མི་ཐོགས་ལགས་སོ།། ཕན་ཚུན་འཐབ་མོ་དང་། དམག་བགྱིད་པར་རྔོ་མི་ཐོགས ་ལགས་སོ། ། ཁ་ཅིག་སྲོག་གཅོད་པ་དང་། མ་བྱིན་པར་ལེན་པ་ལ་མི་སྦྱོར་བ་ནས། ལོག་པར་ལྟ་བ་ལ་མི་སྦྱོར་བའི་བར་གྱི་ཆོས་དེ་དག་གིས་སེམས་ཅན་རྣམས་ཀྱི་སེམས་ལ་སྦྱོར་ལ། ལྷ་དང་། ཀླུ་དང་། ་གནོད་སྦྱིན་དང་། སྲིན་པོ་དང་། གྲུལ་བུམ་དང་། མི་འམ་ཅི་དང་། དྲི་ཟ་དང་། ཡི་དགས་དང་། ཤ་ཟ་དང་། སྲུལ་པོ་དང་། ལུས་སྲུལ་པོ་དང་། མི་དང་། མི་མ་ཡིན་པ་དག་གིས་ཀྱང་། སེམས ་ཅན་རྣམས་ལ་གནོད་པ་དེ་ལྟ་བུ་དག་བགྱི་བར་རྔོ་མི་ཐོགས་ལགས་སོ། ། ཏདྱ་ཐཱ། ནཱ་བི། མ་ཧཱ་ན་བི། ཀྲཱུ་ར་ནཱ་བེ། ཨ་བིང་གུ། ནཱ་བེ། སང་ཤོ་ཥ་ཎ། ནཱ་པེ། ནིར་ཛ་ཁ་བེ ་ཨ་བ་ར་མུ་ནི། ཏ་རུ་ཎ་རུ་ཧེ། ན་ར་པད་ཏྲེ། ཛ་བ་པྲ་མེ། མཱ་སུ་ར་ཏེ། ཏི་མི་ར་པད་ཏྲེ། ཁ་ན་ཌ་ནིར་ཧཱ་རེ། ཙཀྲོ་བྷཱ་སེ། ག་ཎ་བི་མཻ། ཀྵི་ཏི། ཏོ་ཡེ་སྭཱ་ཧཱ། ཨང་གུ་རཱ་ཀླེ་སཱ་ཧཱ། པུཥྤ་མ་ཡེ་སྭཱ་ཧཱ། ཕ་ལ་ནིམ ་བྷེ་སྭཱ་ཧཱ། ན་མེ་ཏོ་ཡེ་སྭཱ་ཧཱ། ཤ་རཱི་ར། ནཱ་བཀྲམ། བཱི་ཥ་སྭཱ་ཧཱ། དཔལ་ཆོ་ག་ཤེས་ཁྱོད་ཀྱི་མཚོན་ཆའི་སྟོབས་ཞེས་བྱ་བའི་གཟུངས་ཆེན་པོ་ནི་དེ་ཡིན་ཏེ། མཚོན་ཆའི་སྟོབས་ཞེས་བྱ་བའི་གཟུངས་ཆེན་པོའི་མཐུ་དེས་ནི། སེམས ་ཅན་རྣམས་ལ་དེ་ལྟ་བུར་རྒྱས་པར་བྱེད་དོ། ། བདེ་བ་ཆེན་པོ་སྐྱེད་པར་བྱེད་དོ།། རྒྱུ་དེས་ན་དེས་སེམས་ཅན་རྣམས་མྱུར་དུ་འདུལ་བར་འགྱུར་རོ།། བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་དེ་ལ ་ཐམས་ཅད་དང་ལྡན་པའི་འཁོར་ལྷགས་པ་རྣམས་ཀྱིས་ཀྱང་ལེགས་སོ་ཞེས་བྱ་བ་བྱིན་ཞིང་། བཅོམ་ལྡན་འདས་ཀྱིས་ཀྱང་ལེགས་སོ་ཞེས་བྱ་བ་གནང་སྟེ། རིགས་ཀྱི་བུ་ལེག་སོ་ལེགས་སོ།། རིགས་ཀྱི་བུ་ཁྱོད ་ནི་སེམས་ཅན་རྣམས་ཀྱི་རྩི་སྨན་ཡིན་ཞིང་སེམས་ཅན་རྣམས་ཀྱི་སྨན་པར་གྱུར་པའོ། ། འདི་ལྟར་གླིང་བཞི་པ་འདིའི་སེམས་ཅན་ཐམས་ཅད་ཀྱི་འབྲུ་དང་རྩི་སྨན་ཡིན་ཞིང་། སྡུག་བསྔལ་ཐམས་ཅད་རབ་ཏུ་ཞི་བར ་བྱེད་པའོ། ། བདེ་བར་སྦྱར་བ་ཐམས་ཅད་སྦྱིན་པར་བྱེད་པའོ།། སྙིང་རྗེ་ཆེན་པོ་ཀུན་ནས་སློང་བ་དང་། ཚུངས་པར་ལྡན་པའོ།། མཚོན་ཆའི་སྟོབས་ཞེས་བྱ་བའི་གཟུངས་ཆེན་པོ་ཤིན་ཏུ་ཟབ་པ་དེ་ལྟ ་བུ་སྟོན་པ་ཡིན་ནོ། ། གཟུངས་ཆེན་པོ་དེས་ན་འདི་ན་སེམས་ཅན་རྣམས་ཀྱི་སའི་བཅུད་ཀྱི་མདངས་དང་། ས་བོན་དང་། མྱུ་གུ་དང་། འདབ་མ་དང་། མེ་ཏོག་དང་། རོ་དང་། འབྲུ་དང་། སྤུན་རྣམས་མི ་ཉམས་ཤིང་སྐྱོན་མེད་ལ། འཕེལ་ཞིང་འབྱོར་པར་བྱེད་དོ།། སེམས་ཅན་གང་དག་གིས་ཟོས་པ་དེ་དག་གི་རྒྱུད་ལ་རྩོད་པའི་རྙོག་པ་ཐམས་ཅད་ཞི་བར་བྱེད་དོ།། འདིར་སེམས་ཅན་རྣམས་དགེ་བའི་ཆོས་ཐམས ་ཅད་ལ་སྤྱོད་པར་འགྱུར་རོ། ། གླིང་བཞི་པ་འདིར་དུས་མ་ཡིན་པའི་རླུང་དང་། ཉི་མས་གདུངས་པ་དང་། ཚ་བ་དང་། ཟང་བ་དང་། ཆར་མོ་ཆེ་དང་། ཐན་ཆེན་དང་། ཟླ་བ་དང་། ཉི་མ་དང་། གཟའ་དང་། ་རྒྱུ་སྐར་དང་། ཉིན་མཚན་དང་། ཟླ་བ་དང་། ཟླ་བ་ཕྱེད་པ་དང་། ལོ་དང་། དུས་ཚིགས་ལོག་པ་ཐམས་ཅད་ཉེ་བར་ཞི་བར་བྱེད་དོ།། གཟུངས་ཆེན་པོ་བསྟན་པ་དེས་ན། ངའི་དཀོན་མཆོག་གསུམ་གྱི་གདུང ་དང་། ཆོས་ཀྱི་ཚུལ་ཡུན་རིང་དུ་གནས་པར་འགྱུར་རོ།། གལ་ཏེ་འདིར་མུན་པ་ཅན་སྐལ་པ་ཆུང་བ། རྒྱགས་པ་དང་དྲེགས་པས་ཁེངས་ཤིང་། དགེ་བའི་རྩ་བ་མ་བསྐྱེད་པ། རྒྱལ་རིགས་གདོལ་པ་དང་། བློན་པོ་གདོལ ་པ་དག་གིས་འདི་ལྟར་ངའི་བསྟེན་པ་དཀའ་བས་བསྒྲུབས་པ་དང་། ངའི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་ལ་འཚེ་བར་བྱེད་པ་ནས། རྒྱུ་དེས་ན་ལྷ་དང་། ཀླུ་དང ་གནོད་སྦྱིན་དག་འཁྲུག་པར་མི་བྱེད་པའི་བར་དུའོ། ། དེ་བཞིན་དུ་སེམས་ཅན་རྣམས་ལ་བདེ་བར་སྦྱར་བ་ཐམས་ཅད་འབྱུང་བ་ནི་སྔར་ཇི་སྐད་གསུངས་པ་བཞིན་ནོ།། འདུས་པ་ཆེན་པོ་ཐེག་པ་ཆེན་པོའི་མདོ ་བཅོ་ལྔ་པརང་སྙིང་པོའི་ལེའུ་ལས། ཟན་ཆེན་རབ་ཏུཞི་བར་བྱེད་པའི་མཚོན་པ་སྟེ་གསུམ་པ་རྫོགས་སོ།། དེ་ནས་བཅོམ་ལྡན་འདས་ཀྱིས། ་དཔལ་ལྷ་མོ་ཆེན་མོ་ལ་འདི་སྐད་ཅེས་བཀའ་སྩལ་ཏོ།། དཔལ་ཆོ་ག་ཤེས་སྔོན་དེ་བཞིན་གཤེགས་པ་དབང་པོ་ཏོག་གི་རྒྱལ་མཚན་རྒྱལ་པོའི་སྤྱན་སྔར་བདག་ཅག་གཉིས་ཀྱིས་ཕན་ཚུན་དམ་བཅས་པ་དེ་བཞིན་དུ། ་བདག་ཅག་གཉིས་ཀྱིས་བསམ་པ་ཡོངས་སུ་རྫོགས་ཤིང་གྲུབ་བོ།། དེ་ནས་དཔལ་ལྷ་མོ་ཆེན་མོས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་དེ་ལྟ་ལགས་སོ།། བཙུན་པ་བདེ་བར་གཤེགས་པ་དེ་ལྟ ་ལགས་ཏེ། འོསྐོལ་གྱི་བསམ་པ་རྫོགས་ལགས་སོ།། སྔོན་འསྐོལ་གྱིས་དེ་བཞིན་གཤེགས་པ་དབང་པོའི་ཏོག་གི་རྒྱལ་མཚན་རྒྱལ་པོའི་སྤྱན་སྔར་ཕན་ཚུན་དམ་བཅས་པ་བཞིན་འདི་ལྟའོ་སྐོལ་གྱི་བསམ་པ་ཡོངས་སུ ་གྲུབ་སྟེ། ད་ལྟར་ཁྱོད་ཉིད་ནི་དེ་བཞིན་གཤེགས་པ་སྟེ། འཇིག་རྟེན་དུ་བྱུང་ལ། ད་ལྟར་བདག་གིས་ནི་དཔལ་གྱི་གོ་འཕང་ཐོབ་པ་ལགས་སོ།། ད་ལྟར་བདག་གིས་སེམས་ཅན་རྣམས་ལ་སེམས་ཅན་ཡོངས་སུ ་སྨིན་པར་རྔོ་མི་ཐོགས་པར་གྱུར་པ་དེ་ཅིའི་སླད་དུ་ཞེ་ན། འདི་ན་ཀླུ་གླང་པོ་ཆེ་ལྟ་བུ་དང་། ཀླུ་རྟ་ལྟ་བུ་དང་། ཀླུ་སྦྲུལ་ལྟ་བུ་དང་། ཀླུ་ཉ་ལྟ་བུ་དང་། ཀླུ་སྦལ་པ་ལྟ་བུ་དེ་དག་དུས་འདིར་ཡང་སྒྲུབ་པར་བགྱིད་ལགས ་སོ། ། བདག་གིས་འཇིག་རྟེན་སྣང་བར་བྱེད་པ་ཟབ་མོ་དག་བསྟན་པ་ན། གང་དག་དུས་མ་ལགས་པའི་ལྷགས་པ་དང་། ཚ་བ་དང་། སྤྲིན་དང་། ཁུག་རྣ་དང་། རྫི་ཆར་དང་། ཆར་མོ་ཆེ་དང་། ཟན་ཆེན་དག ་འབྱུང་བར་བགྱིད་པ། སེམས་ཅན་རྣམས་ཀྱི་ལོ་ཏོག་དང་། ལོ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་རྣམས་མ་རུངས་པར་བགྱིད་པའི་ཀླུ་དང་ཀླུ་ཆེན་པོ་དག་མ་བསླད་ལགས་སོ།། ་བཙུན་པ་བཅོམ་ལྡན་འདས་དུས་འདིར་ད་ལྟར་གླིང་བཞི་པའི་འཇིག་རྟེན་གྱི་ཁམས་འདི་ན། ཀླུ་དང་། ཀླུ་ཆེན་པོ་དང་། ཀླུའི་འཁོར་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དང་། གླིང ་བཞི་པ་འདི་ན་གང་ཁ་གཅིག་ཀླུའི་སྐྱེ་གནས་པ་དེ་དག་ཐམས་ཅད་ད་ལྟར་འདིར་མཆིས་པ་རྣམས་དང་། ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ནས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ད ་ལྟར་འདུས་པ་ཆེན་པོ་འདིར་མཆིས་པ་རྣམས་དང་། ད་ལྟར་འདིར་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། དྲི་ཟ་དང་། མི་འམ་ཅི་དང་། ལྷ་མ་ཡིན་དང་། ལྟོ་འཕྱེ་དང་། ཡི་དགས་དང་། ཤ་ཟ་དང་། ་སྲུལ་པོ་དང་། ལུས་སྲུལ་པོ་འདུས་པ་ཐམས་དང་། བཅོམ་ལྡན་འདས་ཀྱི་ཉན་ཐོས་མི་དང་། མི་མ་ཡིན་པ་དེ་དག་ད་ལྟར་འདུས་པ་ཆེན་པོ་འདིར་ཆོས་ཉན་པའི་སླད་དུ། བཅོམ་ལྡན་འདས་ཀྱི་སྤྱན་སྔར་མཆིས ་པའི་སེམས་ཅན་དེ་དག་ཐམས་ཅད་ཟས་བཞི་ལ་རྟེན་ཅིང་འཚོ་བར་བགྱིད་ལགས་སོ། ། བཙུན་པ་བཅོམ་ལྡན་འདས་ད་ལྟའི་དུས་སུ་ཀླུ་ཁྲོ་བོ་ཕུང་བར་བགྱིད་པ་དག་ཞི་བར་མཛད་དུ་གསོལ། གང་དག་ཀླུ་ཁྲོ་བོ ་རྣམས་ནི་བཅོམ་ལྡན་འདས་ཀྱི་བཀའ་ལ་མངོན་པར་མ་དད་པས། རྟག་པར་ཡང་སྒྲུབ་པར་བགྱིད་པ། སེམས་ཅན་རྣམས་ལ་མཐོ་འཚམ་པ། སེམས་ཅན་རྣམས་ཀྱི་ལོངས་སྤྱོད་དང་། ཉེ་བར་སྤྱོད་པ་དག ་མ་རུང་བར་བགྱིད་པ། འཇིག་རྟེན་ཕ་རོལ་ལ་མི་ལྟ་བ། སེམས་ཅན་རྣམས་ལ་སྙིང་བརྩེ་བ་མ་མཆིས་ཤིང་། སྙིང་རྗེ་མ་མཆིས་པར་ཞུགས་པ། སྡང་བ། རྩུབ་པ་ལགས་ཏེ། བདག་སེམས ་ཅན་ཡོངས་སུ་སྨིན་པར་བགྱིད་པ་ལ་བར་ཆད་བགྱིད་པ་ལགས་པས། དེ་དག་གི་དོན་དུ་བཅོམ་ལྡན་འདས་ཀྱིས་ཐུགས་རྗེ་ཆེན་པོ་བསྐྱེད་དུ་གསོལ། བཅོམ་ལྡན་འདས་ཀྱིས་དེ་དག་གི་སྡིག་པ་དེ་དག་ཐམས་ཅད ་ཞི་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས། ཀླུའི་གནས་ན་གནས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རིའི་སྙིང་པོ་ལ་བཀའ་སྩལ་པ། རིགས་ཀྱི་བུ་ཁྱོད་ཀྱི་དེ་བཞིན་གཤེགས་པ་མར་མེ ་མཛད་ཀྱི་སྤྱན་སྔར་ཀླུ་ཡོངས་སུ་སྨིན་པར་བརྩོན་པས་སྨོན་ལམ་བཏབ་པ་ཅི་འདྲ་ཞེ་ན། སྔོན་དང་། ད་ལྟར་དང་། མ་འོང་བའི་དུས་ཀྱི་ཀླུ་དང་། ཀླུ་ཆེན་པོ་ཀླུ་ཁྲོ་བོ་སྐྱེ་གནས་བཞི་པ་དག་དབུག་གདུག་པ་དང་། ཀླུ་རྣམས་ཀྱི་མིག ་གདུག་པ་དང་། རེག་པ་གདུག་པ་དང་། སྐྱེ་གདུག་པ་དང་། འདོད་ཆགས་ཀྱི་དུག་དང་། ཞེ་སྡང་གི་དུག་དང་། གཏི་མུག་གི་དུག་དང་། ཀླུ་ཁྲོ་བོ་རྣམས་ཀྱི་སྡིག་པའི་ཆོས་དག་ཅི་ནས་ཀྱང་ཆོས་དང་ལྡན་པས་བརྩལ་བར་ནུས་པར་བྱའོ།། ཅི ་ནས་ཀྱང་ཀླུ་ཁྲོ་བོ་དེ་དག་གིས་སེམས་ཅན་རྣམས་ཀྱི་ལོངས་སྤྱོད་དང་། ཉེ་བར་སྤྱོད་པ་དང་། ཡོ་བྱད་སྣ་ཚོགས་དང་ལྡན་པ་རྣམས་ལ་གནོད་པར་མི་འགྱུར་བར་བྱའོ།། དཀོན་མཆོག་གསུམ་པོ་དེ་དག་ལ་དད་པ ་དང་། དང་བ་དང་། དགའ་བ་ཐོབ་པར་བྱའོ།། འཇིག་རྟེན་ཕ་རོལ་ལ་ལྟ་བ་དང་བཅས་ཤིང་སྡིག་པའི་ཆོས་རྣམས་དང་འབྲལ་བར་འགྱུར་བར་བྱའོ་ཞེས་སྨོན་ལམ་བཏབ་བོ།། དེ་སྐད་ཅེས་བཀའ་སྩལ་པ ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རའི་སྙིང་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བདག་གིས་གང་དག་ཀླུ་ཁྲོ་བ་དེ་དག་ནི་གནས་དེར་ཞུགས་ཏེ་མཆིས་ནས། ་ཀླུ་རྣམ་པར་བསྒྱིངས་པའི་གནས་ཞེས་བགྱི་བའི་ཏིང་ངེ་འཛིན་ལ་སྙོམས་པར་ཞུགས་ནས་གནས་པར་བགྱི་ལགས་སོ།། ཏིང་ངེ་འཛིན་གྱི་མཐུས་བདག་གིས་དེ་དག་གི་ཁྲོ་བ་དང་། ང་རྒྱལ་དང་། དྲེགས་པ་དང་། ་འདོད་ཆགས་དེ་དག་ཉེ་བར་ཞི་བར་བགྱི་ལགས་སོ།། དེ་དག་འཇམ་པ་དང་། སྣོད་དུ་རུང་བ་དང་། སེམས་ཞི་བར་འགྱུར་བ་དང་། སེམས་འཇིག་རྟེན་ཕ་རོལ་ལ་ལྟ་བར་འགྱུར་བ་དང་། སེམས་ཅན་ཐམས་ཅད་ལ ་སེམས་བྱམས་པ་དང་། སྙིང་རྗེ་བ་དང་། སྙིང་བརྩེ་བ་དང་། སེམས་བརྩེ་བ་ཅན་དུ་འགྱུར་བར་བགྱི་ལགས་སོ།། ཀླུ་ཁྲོ་བོ་དང་། ཀླུ་མ་རུངས་པ་རྣམས་དད་པར་འགྱུར་བར་བགྱི་ལགས་སོ།། སེམས་ཅན ་ཐམས་ཅད་ལ་མི་འཚེ་ཞིང་སྙིང་བརྩེ་བ་ཅན་གྱི་སེམས་ཀྱི་ས་ལ་གནས་པར་བགྱི་ལགས་སོ། ། གཞན་ཡང་གང་དག་རྫི་ཆར་དང་། ཆར་མོ་ཆེ་དང་། ཐན་ཆེན་དང་། སྤྲིན་དང་། སྤྲིན་ཆེན་དང་། ལྷགས་པ་དང ་ཚ་བ་དག་གིས་གནོད་པར་གྱུར་པའི་སེམས་ཅན་དེ་དག་གིས་ཐལ་མོ་སྦྱར་ཏེ། བདག་གིས་མིང་བརྗོད་ནས་འདི་སྐད་དུ། རིའི་སྙིང་པོ་ཐུགས་རྗེ་རྒྱ་ཆེ་བ། ཀླུ་ཡོངས་སུ་སྨིན་པར་མཛད་པ། བདག་ཅག་དྲན་ལགས ་སོ། ། དྲན་ལགས་སོ།། བླ་ན་མེད་པའི་བྱང་ཆུབ་ལ་སྤྱོད་པར་མཛད་པ། ཐབས་དང་ཡེ་ཤེས་སྣ་ཚོགས་ལ་བརྩོན་པས་མི་སྤྱོད་ལགས་སམ། བདག་ཅག་སྡུག་བསྔལ་ལས་ཐར་པར་མཛད་དུ་གསོལ། ་ཡོངས་སུ་བསྐྱབ་ཏུ་གསོལ་ཞེས་སྨྲ་བ་དག་གིས་འདི་སྐད་དུ་བརྗོད་པར་བགྱིའོ།། ཏདྱ་ཐཱ། སྟམ་བྷ་བྷཱུ་ཛ། བི་རུཌ་བྷུ་ཛ། གོ་གྷ། བི་རེ་ཛཱ་བྷུ་ཛ། མེ་རུ་བྷུ་ཛ། ག་དུབ་བྷུ་ཛ། ་ཧུཆུང་རུང་། ཨ་ནེ་བ་པཱུ་ཛ། སྨ་ར་བྷུ་ཛ། སྥ་ར་ཨ་བརྟ་བྷུ་ཛེ། ནིམ་པ་བྷུ་སྭཱ་ཧཱ། བཙུན་པ་བཅོམ་ལྡན་འདས་སེམས་ཅན་གང་ཁ་ཅིག་ཀླུ་ཁྲོ་བོ་དེ་དག་གིས་རྒྱུས་གནོད་པ་དག་གིས་གནོད་པ་བགྱིས་པར་གྱུར་པ་དེ ་ལྟ་བུ་དེ་དག་གིས་བདག་གི་མིང་ནས་བརྗོད་པར་བགྱི་ཞིང་། ཀླུ་ཁྲོ་བོ་ང་རྒྱལ་ཅན་དྲེགས་པ། ཕྲག་དོག་དང་འདོད་ཆགས་ཀྱི་སེམས་ཞི་བར་བགྱི་བའི་སླད་དུ། གསང་སྔགས་འདོན་པ་ན། བདག་གིས་ལྷའི་རྣ་བ ་རྣམ་པར་དག་པ་མི་ལས་འདས་པས་ཐོས་ནས། སྐྱེ་གནས་བཞི་པའི་ཀླུ་དང་། ཀླུ་ཆེན་པོ་དང་། ཀླུ་རྒན་པོ་དང་། ཀླུའི་བུ་དང་། ཀླུའི་འཁོར་རྣམས་དད་པར་མ་བགྱིས་སམ། དུས་མ་ལགས་པར་དོན་ཆེད ་ཡང་བ་ལ་ཞུགས་པ་དག་མ་བཟློག་གམ། དེའི་ཚེ་དུས་མ་ལགས་པའི་ཆར་མོ་ཆེ་དང་། ཐན་ཆེན་དང་། དུས་མ་ལགས་པའི་ལྷགས་པ་དང་། ཚ་བ་དང་། རླུང་དང་། སྤྲིན་དང་། འཁྲུག་པ་དག་རབ་ཏུ ་ཞིབར་མ་བགྱིས་སམ། བདག་གིས་བདེ་བའི་ཡོ་བྱད་ཐམས་ཅད་ཀྱིས་སེམས་ཅན་དེ་དག་གི་བསམ་པ་དག་ཡོངས་སུ་རྫོགས་པར་མ་བགྱིས་ན། བདག་གིས་དུས་གསུམ་གྱི་སངས་རྒྱས་བཅོམ་ལྡན ་འདས་ཐམས་ཅད་བསླུས་པར་གྱུར་ཅིག། བདག་ཉིད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་མ་གྱུར་ཅིག། བཙུན་པ་བཅོམ་ལྡན་འདས་བདག ་གིས་སྔོན་འདི་ལྟར་དེ་བཞིན་གཤེགས་མར་མེ་མཛད་འཁོར་ཚོགས་པ་དང་བཅས་པའི་སྤྱན་སྔར་སེམས་ཅན་ཡོངས་སུ་སྨིན་པར་བགྱི་བའི་སླད་དུ། སྨོན་ལམ་བརྟན་པོར་བཏབ་སྟེ། ཤིན་ཏུ་གནས་པར ་གྱུར་ལགས་སོ། ། དེའི་འོག་ཏུའང་སངས་རྒྱས་བཅོམ་ལྡན་འདས་སངས་རྒྱས་བྱེ་བ་ཁྲག་ཁྲིག་འབུམ་ཕྲག་སྐྱེད་འཚོ་ཞིང་གཞེས་པ་འཁོར་ཚོགས་པ་དང་བཅས་པའི་སྤྱན་སྔར་སྨོན་ལམ་བརྟན་པོ་འདི་ལྟ་བུ་དག ་བཏབ་སྟེ། བདག་གིས་དེར་རྟག་པར་སེམས་ཅན་ཡོངས་སུ་སྨིན་པར་བགྱི་བའི་སླད་དུ། ཕ་རོལ་གནོན་པའི་བརྩོན་འགྲུས་ཆེན་པོས་ཤིན་ཏུ་བརྟན་པར་གནས་པར་བགྱིའོ་ཞེས་བརྩོན་པར་བགྱིས་ལགས་སོ།། ་ད་ལྟར་བཅོམ་ལྡན་འདས་ཀྱི་སྤྱན་སྔར་ཀླུ་ཁྲོ་བོ་རྣམས་ཡོངས་སྨིན་པར་བགྱི་བའི་སླད་དུ་རྩོལ་བ་བརྟན་པོར་བགྱིས་ལ། བདག་གིས་དེ་ལྟ་བུའི་རྩོལ་བ་བརྟན་པོས་བརྩོན་འགྲུས་བརྩམས་པ་ནི། བསྐལ་པ ་གྲངས་མ་མཆིས་པར་སྐད་ཅིག་ཙམ་ཡང་བཏང་མ་མྱོང་ལགས་སོ། ། བདག་གིས་རྟག་པར་ཕ་རོལ་གནོན་པའི་རྩོལ་བ་དང་། བརྩོན་པ་བརྟན་པོས་སེམས་ཅན་ཡོངས་སུ་སྨིན་པར་བགྱིས་ལགས་པ ་རྣམས་ཀྱང་། ཡང་ཡོངས་སུ་སྨིན་པར་བགྱི་ལགས་སོ།། གཞན་ཡང་བདག་གིས་ཀླུའི་དབང་པོ་དག་ཐེག་པ་ཆེན་པོའི་སྤྱོད་པ་ལ་བརྩོན་པར་བགྱིས་ལགས་ཏེ། ཀླུ་གླང་པོ་ཆེ་རྣམས་ཀྱི་བདག་པོ་ཀླུའི་རྒྱལ ་པོ་ཤིན་ཏུ་རབ་གནས་འདི་དང་། ཀླུ་སྦྲུལ་རྣམས་ཀྱི་བདག་པོ་ཀླུའི་རྒྱལ་པོ་དགའ་བོ་དང་། བསྙེན་དགའ་བོ་འདི་གཉིས་དང་། ཀླུ་རྟ་རྣམས་ཀྱི་བདག་པོ་ཀླུའི་རྒྱལ་པོ་མ་དྲོས་པ་འདི་དང་། ཀླུ་ཉ་རྣམས་ཀྱི ་བདག་པོ་ཀླུའི་རྒྱལ་པོ་རྒྱ་ཨུ0f88ུ0f90་དང་། ཀླ་སྦལ་པ་རྣམས་ཀྱི་བདག་པོ་ཀླུའི་རྒྱལ་བ་ཡང་བསངས་འདི་ལྟ་སྟེ། ཀླུ་དེ་སྒྲ་བུ་དག་ནི་སེམས་ཅན་རྣམས་པ་གནོད་པ་བརྒྱད་རྫོགས་པ་དག་གོ། ་ཀླུའི་རྒྱལ་པོ་གཞན་ལྟ་བུ་དེ་དག་ཀྱང་། རང་རང་གི་མཐུས་སེམས་ཅན་རྣམས་ལ་དེ་ལྟ་བུར་གནོད་པ་བགྱིད་རྔོ་ཐོགས་པ་དག་གོ།། འདི་ལྟར་ཐེག་པ་ཆེན་པོ་ས་རབ་ཏུ་ཞུགས་པའི་རྒྱལ་པོ་ཆེན་པོ་དེ་དག་ཐམས་ཅད ་ཀྱིས་ཀྱང་། སོ་སོ་རང་རང་གི་འཁོར་དང་། དཔུང་གི་ཚོགས་རྣམས་དུས་མ་ལགས་པར་དེ་ལྟ་བུར་ཡང་བ་བསྒྲུབས་པས་རང་རང་གི་འཁོར་རྣམས་སྐྱོང་བར་བགྱིད་ལགས་སོ།། འདི་ལྟར་འདིར་བཅོས ་ལྡན་འདས་ཀྱི་བསྟན་པ་ཆོས་སྒྲོན་མ་དང་། དཀོན་མཆོག་གསུམ་གྱི་གདུང་མྱུར་དུ་མི་འཆད་པར་བགྱི་བའི་སླད་དུ་འཁོར་དེར་མཆིས་པ་རྣམས་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་རིའི་སྙིང་པོ་ཀླུའི ་། དྲང་སྲོང་ལ་ལེགས་སོ་ཞེས་བགྱི་བསྔལ་ཏོ།། དེའི་ཚེ་ཀླུའི་རྒྱལ་པོ་ཤིན་ཏུ་རབ་གནས་སྟན་ལས་ལངས་ཏེ། བཅོམ་ལྡན་འདས་གལ་བ་དེར་ལོགས་སུ་ཐལ་མོ་སྦྱར་བ་བཏུད་ནས། འདི་སྐད་ཅེས་གསོལ་ཏོ།། ་བཙུན་པ་བཅོམ་ལྡན་འདས་བདག་ལ་རྟེན་པའི་ཀླུ་དང་། ཀླུའི་བདག་པོ་གང་དག་སྒོ་ང་ལས་སྐྱེ་བ་དང་། མངལ་ནས་སྐྱེ་བ་དང་། དྲོད་གཤེར་ལས་སྐྱེ་བ་དང་། རྫུས་ཏེ་སྐྱེ་བའི་ཀླུ་དེ་དག་གང་ན་བཅོམ་ལྡན ་འདས་ཀྱི་འཁོར་ཉན་ཐོས་རྣམས་དང་། འཁོར་བྱང་ཆུབ་སེམས་དཔའ་དེ་དག་ལ་ཕན་ཚུན་བྱམས་པའི་སེམས་དང་ལྡན་པ་དང་། ཡུལ་འཁོར་དེར་ཤ་ཁོ་ན་མ་མཆིས་པའི་སེམས་ཀྱིས་གནས་པར་འགྱུར ་ལགས་སོ། ། གནོད་སེམས་མ་མཆིས་པ་དང་། སེམས་མཉམ་པས་གནས་པར་འགྱུར་ལགས་སོ།། གང་དག་ཡུལ་འཁོར་དེའི་རྒྱལ་པོ་དེ་དག་ཀྱང་། བཅོམ་ལྡན་འདས་ཀྱི་བསྟན་པ་ལ་སེམས་ཤིན་ཏུ ་ད་པར་འགྱུར་ལགས་སོ། ། དེ་དག་བཅོམ་ལྡན་འདས་ཀྱི་བསྟན་པའང་འཛིན་པར་འགྱུར་ལགས་སོ།། དབང་ཕྱུག་གིས་རྒྱགས་པ་དང་། དྲེགས་པས་བཅོམ་ལྡན་འདས་ཀྱི་བསྟན་པ་འཇིག་པར་མི ་འགྱུར་ལགས་སོ། ། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་ལ་འཚེ་བར་མི་འགྱུར་ལགས་སོ།། བཙུན་པ་བཅོམ་ལྡན་འདས་ཀྱི་སླད་དུ་རབ་ཏུ་བྱུང་ནས། སྐྲ་བྲེགས ་ཏེ་གོས་ངུར་སྨྲིག་བགོས་པ། སྣོད་དུ་གྱུར་པ་དང་། སྣོད་དུ་མ་གྱུར་པའི་ལྷག་པའི་བསམ་པ་ཅན་རྣམས་ཀྱང་བཅོམ་ལྡན་འདས་ཀྱི་བསྟན་པ་འཛིན་པ་བགྱིད་ལགས་སོ།། གཞན་ཡང་ཡུལ་འཁོར་དེ ་ན། གང་དག་མི་རྣམས་བཅོམ་ལྡན་འདས་ཀྱི་བསྟན་པ་དེའི་ཚེར་མར་གྱུར་པ་དེ་དག་ཆོས་དང་ལྡན་པས་སྨོད་པར་བགྱིད་ལགས་སོ།། དེ་ནས་ཡུལ་འཁོར་དེར་དགེ་སྦྱོང་དང་། བྲམ་ཟེ་བསོད་སྙོམས་པ ་རྣམས་ལ་སྔོན་གྱི་རྒྱལ་པོ་དག་གིས་སྔོན་ལྷག་པའི་བསམ་པས་སྦྱིན་པ་ཕུལ་བ་རྣམས་རྒྱལ་རིགས་དགེ་བས་འཕྲོག་པར་མི་བགྱིད་ལ། རྒྱལ་རིགས་དགེ་བ། བློན་པོ་དང་། མདུན་ན་འདོན་དང་། ་སྐྱེ་བོ་དམག་མི་རྣམས་དང་བཅས་པས་ཚོགས་སྦྱོར་བ་ནི་དོན་ཆེད་ལ་བརྩོན་པ་ལགས་སོ།། སྙིང་པོ་བླངས་པ་ལགས་སོ།། ལག་བརྐྱང་ནས་ལྷུག་པར་གཏོང་བ་ལགས་ཏེ། རྒྱལ་རིགས་དགེ་བ་དེ ་ཡུལ་འཁོར་དང་བཅས་པར་བསྲུང་བར་བགྱི་ལགས་སོ། ། ཡོངས་སུ་བསྐྱང་བར་བགྱི་ལགས་སོ།། དེའི་ཡུལ་ཕྱོགས་ན། རྩོད་པའི་རྙོག་པ་ཐམས་ཅད་དང་། སོ་སོའི་འཁོར་དག ་སྔར་ཇི་སྐད་བསྟན་པ་བཞིན་བསྐྲད་པར་བགྱི་ལགས་སོ། ། དེ་ཅིའི་སླད་དུ་ཞེ་ན། ཆོས་གོས་ངུར་སྨྲིག་ཁ་བསྒྱུར་བ་འདི་ནི། སྔོན་གྱི་སངས་རྒྱས་བཅོམ་ལྡན་འདས་ཐམས་ཅད་ཀྱིས་བྱིན་གྱིས་བརླབས་པ་ལགས། ་སོ།། བྱང་ཆུབ་སེམས་དཔའ་རྣམས་ཀྱི་རྒྱལ་མཚན་ལགས་སོ།། མྱ་ངན་ལས་འདས་པར་མཆེ་བ་རྣམས་ཀྱི་ལམ་ལགས་སོ།། ཉོན་མོངས་པ་རྣམས་ཀྱི་རལ་གྲི་ལགས་སོ།། མྱ་ངན་ལས་འདས་པའི ་ས་བོན་ལགས་སོ། ། ལམ་ལས་རབ་ཏུ་ཉམས་པ་རྣམས་ཀྱི་སྒྲོན་མ་ལགས་སོ།། ཕུང་པོ་རྣམས་ཀྱི་སྨན་ལགས་སོ།། མ་རིག་པའི་མུན་པའི་རླུང་ལགས་སོ།། ངན་འགྲོ་རྣམས་ཀྱི་སྲོག་ཤིང་ལགས་སོ།། ་ཉོན་མོངས་པའི་སྐྱོན་གྱིས་ཉམས་པར་གྱུར་པ་རྣམས་ཀྱི་སྒྱུག་སྨན་ལགས་སོ།། དམ་རྣམས་ཀྱི་རྡོ་རྗེ་ལགས་སོ།། དགེ་བའི་རྩ་བ་ཐམས་ཅད་ཀྱི་གཏེར་ལགས་སོ།། སྡིག་པས་གོས་པ་རྣམས་ཀྱི་ཆབ་ལགས་སོ།། ་། ནོངས་པ་བགྱིས་པ་རྣམས་ཀྱི་མེ་ལོང་ལགས་སོ།། སེམས་གཡེང་བ་རྣམ་ཀྱི་ཏིང་ངེ་འཛིན་ལགས་སོ།། ཏིང་ངེ་འཛིན་རྣམ་ཀྱི་ཟ་མ་ཏོག་ལག་སོ།། ཕ་རོལ་ཏུ་ཕྱིན་པ་རྣམ་ཀྱིས་གཞི་ལགས་སོ།། གཟུངས་རྣམས་ཀྱི་ནོར་བུ ་ལགས་སོ། ། བཟོད་པ་རྣམས་ཀྱི་ཁྱིམ་ལགས་སོ།། ས་རྣམས་ཀྱི་སྣོད་ལེགས་སོ།། ཕས་ཀྱི་རྒོལ་བ་རྣམས་ཀྱི་མཔར་ལགས་སོ།། ནད་པ་རྣམས་ཀྱི་སྤེན་མ་ལགས་སོ།། བསླབ་པ་རྣམས་ཀྱི་ལགས་སོ།། ་ཉོན་མོངས་པས་ཀུན་ནས་གདུངས་པ་རྣམས་ཀྱི་ཟླ་བ་ལགས་སོ།། ལྟ་བ་ངན་པར་ལྷུང་བ་རྣམས་ཀྱི་ཉི་མ་ལགས་སོ།། ཡེ་ཤེས་ཀྱི་རྒྱ་མཚོ་ལགས་སོ།། བྱང་ཆུབ་ཀྱི་ཕྱོགས་པ་རྣམས་ཀྱི་འཕྲེང་བར་གྱུར་པ ་ལགས་སོ། ། ཐམས་ཅད་མཁྱེན་པའི་ཡེ་ཤེས་ཀྱི་བུམ་པ་བཟང་པོ་ལགས་སོ།། ཆོས་གོས་ངུར་སྨྲིག་འདི་ནི་ཡིད་བཞིན་གྱི་ནོར་བུ་རིན་པོ་ཆེ་དང་འདྲ་བ་ལགས་སོ།། ཆོས་གོས་ངུར་སྨྲིག་འདི་ནི་སེམས་ཅན ་རྣམས་ལ་ཆོས་ཀྱི་ཆར་བབ་པའི་དོན་གྱི་སླད་དུ། སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་ལགས་སོ།། བཙུན་པ་བཅོམ་ལྡན་འདས་འདི་ལྟར་གང་དག་རྒྱལ་རིགས་གདོལ་པ་དེ་དག་ནི་བཅོམ་ལྡན ་འདས་ཀྱི་བསྟན་པ་འཇིག་པར་བགྱིད་ཅིང་། དགེ་སློང་དག་ལ་མཐོ་འཚམ་པར་བགྱིད་པ་ནས། བཅོམ་ལྡན་འདས་ཀྱི་སླད་དུ་རབ་ཏུ་བྱུང་བ་སྣོད་དུ་གྱུར་པ་དང་། སྣོད་དུ་མ་གྱུར་པའི་ལུས་ལ་གནོད་པ་བགྱིད ་པ་དང་། ནོར་འཕྲོག་པ་དང་། སྲོག་གི་བར་ཆད་དག་བགྱིད་པའི་བར་དུའོ།། ཡུལ་འཁོར་དེར་གང་དག་སངས་རྒྱས་ལ་དད་པའི་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། གྲུལ ་བུམ་དང་། ཡི་དགས་མཐུ་བོ་ཆེ་དེ་དག་ཐམས་ཅད་ཀྱང་རྒྱལ་རིགས་གདོལ་པ་ལ་གཤེ་བར་གྱུར་ཏེ། དེ་དག་གིས་དེའི་ཡུལ་འཁོར་དུ་འཐབ་མོ་དང་། རྩོད་པ་དང་། ལོ་ཉེས་དང་། ནད་དང་། ཕ་རོལ་གྱི་དམག ་ཚོགས་དག་འབྱུང་བར་བགྱིད་ལགས་སོ། ། དུས་མ་ལགས་པའི་ཆར་མོ་ཆེ་དང་། ཐན་ཆེན་དང་། ལྷགས་པ་དང་། ཚ་བ་དང་། རླུང་དང་། ཉི་མས་གདུངས་པ་དག་གིས་ས་བོན་དང་། མྱུ་གུ་དང་། ་འདབ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་དང་། རོ་རྣམས་མི་རུང་བར་བགྱིད་ཀྱང་། དེ་ན་ཀླུ་རྣམས་ལ་སྐྱོན་ནི་མ་མཆིས་ལགས་ཏེ། དེ་ན་ཀླུ་རྣམས་རྒྱུ་དེས ་ན་གྲགས་པ་མ་ལགས་པས་ནི་གོས་པར་འགྱུར་ལགས་སོ། ། བཙུན་པ་བཅོམ་ལྡན་འདས་དཔེར་བགྱིན། ཡུལ་གྱི་བུད་མེད་བཟང་མོས་ཟས་ངན་པ་འཚལ་ན། དབུགས་དྲི་མི་འདའ་བར་འགྱུར་ལགས་སོ།། ་དེ་བཞིན་དུ་རྒྱལ་རིགས་གདོལ་པས་ཀྱང་རྒྱལ་རིགས་ཀྱི་ཆོས་རྣམས་སྤངས་ནས། དམངས་རིགས་ཀྱི་ཆོས་རྣམས་སྤྱོད་པ་བགྱིད་ན་ཡུལ་ཕྱོགས་ཐམས་ཅད་སྲུང་བའི་ལྷ་ནས། ཡི་དགས་མཐུ་བོ་ཆེ་དག་གི ་བར་དུ་ཁྲོས་པར་འགྱུར་ཏེ། དེ་དག་གིས་ཡུལ་འཁོར་མ་རུང་བར་བགྱིད་ལ། ཀླུ་དང་། ཀླུ་ཆེན་པོ་རྣམས་གྲགས་པ་མ་ལོགས་པས་ཀྱང་གོས་པར་འགྱུར་ལགས་སོ།། བཅོམ་ལྡན་འདས་ཀྱིས་བཀའ་སྩལ ་པ། ཀླུའི་བདག་པོ་རྒྱལ་པོ་རྣམས་རྒྱལ་པོའི་བསླབ་པའི་གཞི་གནས་པར་བསྟན་པ་དེ་དང་དེ་དག་མཐོ་རིས་དང་། མྱ་ངན་ལས་འདས་པའི་བདེ་བ་ལ་བརྩོན་པ་ཡིན་ནོ།། གང་དག་རྒྱལ་རིགས་གདོལ་པ་རྒྱལ ་རིགས་ཀྱི་བསླབ་པ་ལ་མི་གནས་པ་དེ་དག་ནི་སེམས་ཅན་དམྱལ་བ་མནར་མེད་པའི་བར་ལ་གཞོལ་བ་ཡིན་ནོ། ། ཀླུའི་བདག་པོ་ང་རང་གི་འཁོར་བསླབ་པ་ལས་མི་འདའ་བར་བསྟན་པ་དེས་ན། དེ་དག་ད་ལྟར ་དང་། མ་འོངས་པའི་དུས་སུ་ངའི་བསྟན་པ་དང་། དཀོན་མཆོག་གསུམ་གྱི་གདུང་མེད་པར་མི་བྱེད་པར་འགྱུར་རོ།། གསོལ་པ། བཙུན་པ་བཅོམ་ལྡན་འདས་དེ་ལྟ་ལགས་སོ།། བཙུན་པ་བདེ་བར ་གཤེགས་པ་དེ་ལྟ་ལགས་སོ། ། བཙུན་པ་བཅོམ་ལྡན་འདས་ཡུལ་འཁོར་གང་དང་གང་དང་། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རི་བྲགས་ཀྱི་གནས་ཡུལ་འཁོར་དེ་ན། བཅོམ་ལྡན ་འདས་ཀྱི་ཉན་ཐོས་ཚུལ་ཁྲིམས་དང་ལྡན་ཞིང་ཐོས་པ་མང་པོ་སྐྱོན་གནས་དེ་ལྟ་བུ་དག་བ། ཤིང་མཆིས་པ་དེར་བདག་གི་འཁོར་གང་དག་ཀླུ་དང་། ཀླུ་མོ་དང་། ཀླུ་རྒན་པོ་དང་། ཀླུ་རྒན་མོ་དང་། ཀླུའི་བུ ་དང་། ཀླུའི་བུ་མོ་དང་། ཀླུའི་འཁོར་དང་། ཀླུའི་འཁོར་མོ་རྣམས་དང་། དུས་མ་ལགས་པར་རྫི་ཆར་དང་། སེར་དྲག་དང་། ཆར་མོ་ཆེ་དང་། ཟན་ཆེན་དག་གཏོང་བར་བགྱིད་དམ། ལྷགས་མོ་ཆེ་དང་། ཤིན་ཏུ ་ཚ་བ་དང་། ཉི་མས་གདུངས་པ་དག་འབྱུང་བ་བགྱིད་དམ། སེམས་ཅན་རྣམས་ཀྱི་ལོ་ཏོག་དང་། མེ་ཏོག་དང་། འབྲས་བུ་དང་། འབྲུ་དང་། སྨན་ཀྱི་རོ་དང་། ལོངས་སྤྱོད་དང་། ཡོངས་སུ་སྤྱོད་པ་དག་ཆབ ་འཚལ་བར་བགྱིད་ན། ཀླུ་དེ་དག་གིས་བདག་ཅག་བསླུས་པས། དེའི་ལུས་ཐམས་ཅད་འཁུམས་པར་འགྱུར་རོ།། དེ་དག་རྫུ་འཕྲུལ་དང་བྲལ་ནས་འགྲོ་མི་ནུས་པར་གྱུར་ཅིག། རིམས་ནད་ཀྱིས་གདུངས ་པར་གྱུར་ཅིག། ལོངས་སྤྱོད་ཐམས་དང་བྲལ་བར་གྱུར་ཅིག། སྤོབས་པ་མེད་པར་གྱུར་ཅིག། དོན་བྱེད་མི་ནུས་པར་གྱུར་ཅིག་ཅེས་མནས་བསྒག་པར་བགྱིའོ།། ཏདྱ་ཐཱ། ནཱ་ག་ཛྙཱ་དུ་ཤ~ཾ ་ནཱ་ག་མེ་ནེ། ནཱ་ག་དྷ་ར་གྷུ་གྷྲ། ཛ་ལ་གླུ་གྷཱ། ཨཱ་བི་མུ་ར་གེ། ས་ཧ་སྲ་མུ་ཁེ། ཀ་ལ་ཏིམ་པུ་སེ། ནཱ་ག་སྟམ་བྷི། ཛ་ཡ་བ་ཕ་ལེ། བི་མུ་ཤག་ཀྲེ་སྭཱ་ཧཱ། ཐམས་ཅད་དང་ལྡན་པའི་འཁོར་གྱིས་དེ་ཉིད་དུ ་ལེགས་སོ་ཞེས་བྱ་བ་བྱིན་ནོ། ། དེ་ཉིད་ཀྱི་ཚེ་ཐམས་ཅད་དང་ལྡན་པའི་འཁོར་རྣམས་ཤུགས་དྲག་པོར་འཁྲུགས་ཤིང་སྔངས་པར་གྱུར་ཏོ།། དེའི་ཚེ་ཀླུའི་རྒྱལ་པོ་དགའ་བོ་དང་། བསྙེན ་དགའ་བོ་གཉིས་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ད་ལྟར་དང་མ་འོངས་པའི་དུས་སུ། རྒྱལ་རིགས ་གདོལ་པ་དེ་དག་གཞན་ལ་སྦྱིན་པར་མ་དད་ཅིང་། བདག་ཉིད་ལོངས་སྤྱོད་པར་འཚལ་ལ། འཇུངས་པ་ལོངས་སྤྱོད་ལ་སེམས་ཀུན་ཏུ་འཛིན་ཅིང་ལག་མི་སྐྱོང་བས། དགེ་སྦྱོང་དང་། བྲམ་ཟེ་དང་། བཀྲེན་པ ་དང་། འཕོངས་པ་དང་། འགྲོན་པོ་སློང་བ་རྣམས་ཀུན་ནས་ཚིམ་པར་མི་བགྱིད་ལགས་སོ།། ཕོ་བྲང་འཁོར་དང་། ལྗོངས་ཀྱི་མི་དང་། འཁོར་རྣམས་ཡང་དག་པའི་བདེ་བས་ཚིམ་པར་མི་བགྱིད་ལགས་སོ།། ་རྒྱལ་རིགས་གདོལ་པ་དེ་དག་ལ་ཡུལ་ཕྱོགས་སྲུང་བའི་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། གྲུལ་བུམ་དང་། ཡི་དགས་མཐུ་བོ་ཆེ་དེ་དག་ཐམས་ཅད་ཀྱང་ཁྲོས་པར་གྱུར་ཏེ། དེ་དག་གི་ཡུལ ་འཁོར་དུ་འཐབ་མོ་དང་། རྩོད་པ་དང་། མུ་གེ་དང་། ནད་དང་། ཕ་རོལ་གྱི་དམག་ཚོགས་དག་ཀུན་ཏུ་འབྱུང་བར་བགྱིད་ལགས་སོ།། འབྲུ་དང་སྨན་གྱི་བར་གྱི་རོ་རྣམས་མ་རུང་བར་བགྱིད་ཀྱང་། དེ་ན་ཀླུ་དང་། ཀླུ་ཆེན ་པོ་རྣམས་ལ་སྐྱོན་ནི་མ་མཆིས་ལགས་ཏེ། དེ་ན་ཀླུ་རྣམས་རྒྱུ་དེས་ན་གྲགས་པ་མ་ལགས་པས་ནི་གོས་པར་འགྱུར་ལགས་སོ།། བཙུན་པ་བཅོམ་ལྡན་འདས་དཔེར་བགྱི་ན། ཕྱིས་ཁུང་གི་དྲི་མི་འདའ་བ་བསེར་མས ་འཚལ་ན། དྲི་མི་བདའ་བར་འགྱུར་བ་དེ་བཞིན་དུ། བཙུན་པ་བཅོམ་ལྡན་འདས་རྒྱལ་རིགས་གདོལ་པ་བརྣབ་མོས་ཀྱང་ཡུལ་ཕྱོགས་ཐམས་ཅད་སྲུང་བ་དག་ཁྲོས་པར་འགྱུར་ཏེ། ཡུལ་འཁོར་དེ་མ་རུང་བར་བགྱིད ་ལགས་སོ། ། ཀླུ་རྣམས་ཀྱང་གྲགས་པ་མ་ལགས་པས་གོས་པར་འགྱུར་ལགས་སོ།། ། བམ་པོ་གསུམ་པ་སྟེ་ཐ་མའོ།། ། ཡང་ན་ཀླུ་ཐམས་ཅད་བདག་གིས ་བསླབ་པ་ལས་མི་འདའ་བར་བདག་གིས་ལུང་དབྲོག་པར་བགྱི་སྟེ། ཡུལ་འཁོར་གང་དང་གང་དག་ན་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རི་བྲགས་ཀྱི་གནས་ཡུལ་འཁོར་དེ་ན། ད་ལྟར་དང་ན ་འོངས་པའི་དུས་སུ། བཅོམ་ལྡན་འདས་ཀྱི་ཉན་ཐོས་ཚུལ་ཁྲིམས་དང་ལྡན་ཞིང་། ཐོས་པ་མང་པོ་སྦྱིན་གནས་དེ་ལྟ་བུ་དག་གནས་ཤིང་མཆིས་པ་དེར། བདག་གི་འཁོར་གང་དག་ཀླུ་དང་། ཀླུ་མོ་དང་། ཀླུ་རྒན། ་པོ་དང་། ཀླུ་རྒན་མོ་དང་། ཀླུའི་བུ་དང་། ཀླུའི་བུ་མོ་དང་། ཀླུའི་འཁོར་དང་། ཀླུའི་འཁོར་མོ་སྒོ་ང་ལས་སྐྱེ་བ་དང་། མངལ་ནས་སྐྱེ་བ་དང་། དྲོད་གཤེར་ལས་སྐྱེ་བ་དང་། རྫུས་ཏེ་སྐྱེ་བ་དག་དུས་མ་ལགས ་པར་རྫི་ཆར་དང་། སེར་དྲག་དང་། ཆར་མོ་ཆེ་དང་། ཐན་ཆེན་དག་གཏོང་བར་བགྱིད་དམ། ལྷགས་མོ་ཆེ་དང་། ཤིན་ཏུ་ཚ་བ་དང་། ཉི་མས་གདུངས་པ་དག་འབྱུང་བར་བགྱིད་དམ། སེམས་ཅན་རྣམས་ཀྱི ་ལོ་ཏོག་དང་། མེ་ཏོག་དང་། འབྲས་བུ་དང་། འབྲུ་དང་། སྨན་དང་། རོ་དང་། ལོངས་སྤྱོད་དང་། ཡོངས་སུ་སྤྱོད་པ་དག་ཆབ་འཚལ་བར་བགྱིད་ན། ཀླུ་དེ་དག་གིས་བདག་བསླུས་པས། དེའི་ལུས་ཐམས ་ཅད་འཁུམས་པར་གྱུར་ཅིག། དེ་དག་རྫུ་འཕྲུལ་དང་བྲལ་ནས་འགྲོ་མི་ནུས་པར་གྱུར་ཅིག། རིམས་ནད་ཀྱིས་གདུངས་པར་གྱུར་ཅིག། ལོངས་སྤྱོད་ཐམས་ཅད་དང་བྲལ་བར་གྱུར་ཅིག ་སྤོབས་པ་མེད་པར་གྱུར་ཅིག། དོན་བྱེད་མི་ནུས་པར་གྱུར་ཅིག་ཅེས་མནས་བསྒག་པར་བགྱིའོ།། ཏདྱ་ཐཱ། ཀ་ར་རྞ་གྷུ་མེ། ཀུན་བྷ་ར་ཀྲེ། བར་མ་གུ་ཎེ། ཨཱ་ཀ་ལ་ཀླེ། བེ་ཤ་ནེ། བི་རམ་གཀྲེ། ན་བི་རི། ་ཨ་ཏ་ས་ལེ། ན་ཡན་ཏུ་མ་བྷེ། ཀཱ་ལ་ཀུ་ཤེ། ནང་གུ་པྲ་བེ། གན་དྷ་ར་པ་སེ་སྭཱ་ཧཱ། དེ་ནས་ཐམས་ཅད་དང་ལྡན་པའི་འཁོར་དེས་ལེགས་སོ་ཞེས་བགྱི་བ་སྩ་ལ་ལགས་སོ།། དེ་ནས་ཀླུའི་རྒྱལ་པོ་མ་དྲོས་པ ་ཞེས་བྱ་བ་ནས། སྔར་ཇི་སྐད་གསུངས་པའི་བར་དུའོ།། ཏདྱ་ཐཱ། ནཱ་མ་བྷི་ཤེ། ཨཱ་ནོ་ཀྲེ། ན་པ་ཀུན་ཛཱ་བྷི་ཀྲྀ། ཁ་ག་བེའི་ཁ། ས་ར་ཏྲོན་ཊུ། པཱ་པཱ་ཡ་སི་ལེ། ན་རཱ་ཡ་ན་གུ་ཎེ། བི་ནི་སྟེ་ལེ། ད་ཤ་ཀྲ་མཾ། ་ཨ་ཀྲུ་དྷཱ་ཉེ་སེ། ཨ་ན་ས་བེ་སྭཱ་ཧཱ། ཀླུའི་རྒྱལ་པོ་ཆུ་ལྕ་ཞེས་བྱ་བ་ནས། སྔར་ཇི་སྐད་གསུངས་པའི་བར་དུའོ།། ཏདྱ་ཐཱ། ཧི་མ་བེ་མེ། བ་ལི་ཀླི་ཎ་གུ་ཎེ། རུ་ཎ་བིན་དུ་ཏྲི་ནཻ། ཙ་ར་ཀྲ་དྷ་རེ། མེ་གཱ་སང་ཀྲ་མེ། བྱ་བུ ་ཊུཀོ་ག། ། དྲུ་མོ་དེ། མཱ་ཡེ་ཏུན་ཀུ་སཽ། ཙར་མ་ཧི་ཀི། ཙ་ལང་གྷ། ནཱ་ནཱ་དང་ཏེ། ཀ་ཊ་ཀ་ཏཱ་ལེ་སྭཱཧཱ། སྔར་ཇི་སྐད་གསུངས་པའི་བར་དུའོ།། དེའི་ཚེ་ཀླུའི་རྒྱལ་པོ་ཡིད་བཟངས་སྟན་ལས་ལངས་ཏེ། བཅོམ་ལྡན ་བདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བདག་ལ་རྟེན་པའི་ཀླུ་དང་། ཀླུ་ཆེན་པོ་དེ་དག་ནི་སྒོ་ང་ལས་སྐྱེ་བ་དང་། མངལ་ནས་སྐྱེ་བ་དང་། ་དྲོད་གཤེར་ལས་སྐྱེ་བ་དང་། རྫུས་ཏེ་སྐྱེ་བ་དག་ལགས་སོ།། བཙུན་པ་བཅོམ་ལྡན་འདས་ད་ལྟར་དང་། མ་འོངས་པའི་དུས་སུ་རྒྱལ་རིགས་གདོལ་པ་དེ་དག་གིས་རྒྱལ་རིགས་ཀྱི་ཆོས་སྤངས་ནས། དམངས་རིགས།། ་ཀྱི་ཆོས་རྣམས་སྤྱོད་པར་བགྱིད་དེ། སེམས་ཅན་དམྱལ་བ་མནར་མ་མཆིས་པའི་བར་དག་ལ་གཞོལ་བ་ལགས་སོ།། རྒྱལ་རིགས་གདོལ་པ་དེ་དག་གི་སྐྱོན་གྱིས་ཀླུ་རྣམས་མ་ནོངས་བཞིན་དུ་གྲགས་པ་མ་ལགས། ་པས་གོས་པར་འགྱུར་ལགས་སོ།། རྒྱུ་དེས་ན་ཀླུ་རྣམས་ལས་ཀྱི་སྒྲིབ་པ་དག་པར་བགྱིད་པར་འགྱུར་ལགས་སོ།། དེ་ལྟ་ལགས་པས་བདག་ཅག་གིས་ནི་བཅོམ་ལྡན་འདས་ཀྱི་བཀའ་ལ་བཀུར་སྟི་བགྱི་ཞིང ་གཟུང་བར་བགྱི་སྟེ། དཔེར་བགྱི་ན། འཁོར་ལོས་སྒྱུར་བའི་རྒྱལ་པོ་དེས་ཡུལ་གྱི་བུད་མེད་བཟང་མོ་ཁྲུས་ལེགས་པར་བགྱིས་ཏེ། སྤོས་ཀྱིས་བྱུགས་ནས། གོས་མཆོག་ཏུ་བཟང་བ་བསྐོན་ཏེ། ཡན་ལག་གི ་དམ་པ་མགོ་ལ་རིན་པོ་ཆེ་སྣ་བདུན་ལས་གྲུབ་པའི་འཕྲེང་བ་མང་པོ་དག་བཏགས་ཤིང་དཔུང་རྒྱན་དང་། སེར་སྐུད་དང་། སོར་གདུབ་དང་། ལག་རྒྱན་དང་། རྐང་རྒྱན་དག་གིས་བརྒྱན་ནས། གླང་པོ་ཆེའི ་བཞོན་པ་ལ་ཞོན་ཏེ། འཁོར་ཕལ་མོ་ཆེ་དང་ལྷན་ཅིག་ཁྲིད་པ་དེ་བཞིན་དུ། ད་ལྟར་འཁོར་ལོས་སྒྱུར་བའི་རྒྱལ་པོ་ཆོས་དང་ལྡན་པ་དེ་བཞིན་གཤེགས་པས་ཀྱང་བདག་ཅག་ཀླུ་རྣམས་དུད་འགྲོའི་སྐྱེ་གནས་སུ ་བསྡུས་པའི་ལུས་མ་སྣང་མ་ཉམས་ལ། མཆོག་ཏུ་ཁྲོ་བ་དང་། ང་རྒྱལ་དང་། དྲེགས་པའི་དྲི་མས་བསྒོས་པ་བདག་ཅག་ཀླུ་ཐམས་ཅད་རྒྱགས་པས་མྱོས་པ་མ་མཆིས་པའི་ཆོས་ཀྱི་ཆུས་བཀྲུས་ལགས་སོ།། ་བདག་ཅག་ལ་ངོ་ཚ་ཤེས་པ་དང་། ཁྲེལ་ཡོད་པའི་གོས་བསྐོན་ལགས་སོ།། བྱང་ཆུབ་ཀྱི་ཕྱོགས་སུམ་ཅུ་རྩ་བདུན་གྱི་འཕྲེང་བས་བཅིངས་ལགས་སོ།། བདག་ཅག་གི་སེམས ་དང་། ཡིད་དང་། རྣམ་པར་ཤེས་པ་དག་བཟོད་པ་དང་། གཟུངས་དང་། ས་རྣམ་པ་སྣ་ཚོགས་ཀྱིས་ལེགས་པར་བརྒྱན་ལགས་སོ།། ཐེག་པ་ཆེན་པོའི་ཤིང་རྟ་དག་གིས་བཏེག་ལགས་སོ།། གང་ན་སངས ་རྒྱས་ཀྱི་ཞིང་སྙིགས་མ་ལྔ་དང་བྲལ་བ་ཤིན་ཏུ་ཡོངས་སུ་དག་པར་སངས་རྒྱས་བཅོམ་ལྡན་འདས་བྱང་ཆུབ་སེམས་དཔའི་ཚོགས་ཡོངས་སུ་དག་པས་བསྐོར་ནས། ཐེག་པ་ཆེན་པོའི་ཆོས་ཀྱི་གཏམ་དག ་སྟོན་པ་དེར་བདག་ཅག་མཆི་ལགས་སོ། ། དེ་ཅིའི་སླད་དུ་ཞེ་ན། ད་ལྟར་བདག་ཅག་བཅོམ་ལྡན་འདས་ཀྱི་བཀའ་ལ་བཀུར་སྟི་བགྱིད་ཅིང་འཛིན་པར་བགྱིད་ལགས་སོ།། དེ་ལྟ་ལགས་པས་བདག་ཅག ་འཁོར་དང་བཅས་པ་བཅོམ་ལྡན་འདས་ཀྱི་བཀའ་ལ་ཤིན་ཏུ་གནས་པར་བགྱིད་ལགས་སོ། ། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རི་བྲགས་ཀྱི་གནས་གང་དང་གང་ན།། སེམས ་ཅན་ཉན་ཐོས་ཀྱི་ཐེག་པ་པ་དང་། རང་སངས་རྒྱས་ཀྱི་ཐེག་པ་པ་དང་།། ཐེག་པ་ཆེན་པོ་པ་དག་ཁྱིམ་ན་གནས་པ་འམ། རབ་ཏུ་བྱུང་བ་འམ། ཚུལ་ཁྲིམས་དང་ལྡན་པ་འམ། ཚུལ་ཁྲིམས་འཆལ་པ་འམ། ་ཐོས་པ་མང་བ་འམ། ཐོས་པ་ཉུང་བ་འམ། བརྩོན་འགྲུས་བརྩམས་པ་འམ། ལེ་ལོ་ཅན་ནམ། མཉམ་པར་གཞག་པ་འམ། མཉམ་པར་མ་གཞག་པ་འམ། དྲན་པ་དང་ལྡན་པ་དང་། དྲན་པཉ ་པ་རྣམས་བཅོམ་ལྡན་འདས་དང་། ཆོས་དང་། དགེ་འདུན་དང་། འཕགས་པ་དགྱེས་པའི་ཚུལ་ཁྲིམས་དག་ལ་དགའ་ཞིང་། དད་པ་དང་། བཀུར་སྟི་དང་། བླ་མར་བགྱིད་པ་དང་། རི་མོ་བགྱིད ་པ་དང་། བྱང་ཆུབ་རྣམ་གསུམ་གང་ཡང་རུང་བ་དག་ལ་རབ་ཏུ་ཞུགས་པ། བཅོམ་ལྡན་འདས་ཀྱི་ཉན་ཐོས་སྦྱིན་གནས་དེ་ལྟ་བུ་དག་གནས་ཤིང་མཆིས་པ་དེ་དང་དེར་བདག་ཅག་ཡིད་ཀྱིས་དགའ་ཞིང་དང ་དང་། བཀུར་སྟི་དང་། བླ་མར་བགྱི་བ་དང་། རི་མོ་དག་གིས་གནས་པར་བགྱི་ལགས་སོ།། ཡུལ་འཁོར་དེ་དང་། དེའི་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རི་བྲག་དེར་བདག་གི་འཁོར ་ཀླུ་དང་། ཀླུ་མོ་དང་། ཀླུ་རྒན་པོ་དང་། ཀླུ་རྒན་མོ་དང་། ཀླུའི་བུ་དང་། ཀླུའི་བུ་མོ་དང་། ཀླུའི་འཁོར་དང་། ཀླུའི་འཁོར་མོ་དག་དུས་མ་ལགས་པར་རྫི་ཆར་དང་། སེར་དྲག་དང་། ཆར་མོ་ཆེ་དང་། ཐན་ཆེན་དག་གཏོང་བར་བགྱིད ་དམ། ལྷག་མི་ཆེ་དང་། ཤིན་ཏུ་ཚ་བ་དག་འབྱུང་བར་བགྱིད་དམ། སེམས་ཅན་ནམཱལ་ལོ་ཏོག་དང་། ལོ་མ་དང་། མེ་ཏོག་དང་འབྲས་བུ་དང་། འབྲུ་དང་། སྨན་གྱི་རོ་དང་། ལོངས་སྤྱོད་དང་། ཡོངས་སུ་སྤྱོད་པ་དག་ཆབ་འཚལ ་བར་བགྱིད་ན། ཀླུ་དེ་དག་གིས་བདག་བསླུས་པས། དེ་དག་ཐམས་ཅད་ཀྱི་ལུས་འཁུམས་པར་གྱུར་ཅིག། དེ་དག་རྫུ་འཕྲུལ་ཉམས་ནས་འགྲོ་མི་ནུས་པར་གྱུར་ཅིག། རིམས་ནད་ཀྱིས་ཀུན་ཏུ་གདུངས ་པར་གྱུར་ཅིག། དབང་པོ་ཐམས་ཅད་ཚང་བར་མ་གྱུར་ཅིག། ལོངས་སྤྱོད་དང་། ཡོངས་སུ་སྤྱོད་པ་ཐམས་ཅད་དང་བྲལ་བར་གྱུར་ཅིག། ལས་བྱེད་མི་ནུས་པར་གྱུར་ཅིག། ཏདྱ་ཐཱ། བུད་དྷ་ཛ་ཡེ། ་ཀྵུཏཱཾ། སྱཱ་མ་ནིས། བྷཱུ་ཏས་ལི་ཥྚེ། ཨན་མཱ་དྷེ། རླུད་དྷནས། མ་དུན་ས་སྟེ། ཁེས་གས། པ~ཾ་པྟཱ། ས་། སྤྱན་དྷ་པཱ་ལེ། !ནྟུ། ད ་ཨེར་ཐམས་ཅད་དང་ལྡན་པའི་འཁོར་ཇི་སྙེད་ལྷགས་པ་རྣམས་བཞིན་དང་། མིག་ཡིད་དུ་འོང་བས་ཤིན་ཏུ་དགོད་ཅིང་ཐལ་མོ་སྦྱར་ནས། ལེགས་སོ་ཞེས་བྱ་བ་བྱིན་ཏེ། འདི་སྐད་དུ། སྐྱེས་བུ་དམ་པ་ཁྱོད ་སེམས་ཅན་ཐམས་ཅད་ལ་ཕན་པར་འདོད་པ་ཡིན་ཏེ། སྐྱེས་བུ་དམ་པ་ཁྱོད་ཀྱིས་དེ་ལྟར་བྱ་བ་ནི་ལེགས་སོ་ལེགས་སོ་ཞེས་སྨྲས་ནས། ཐམས་ཅད་དང་ལྡན་པའི་ཀླུའི་འཁོར་དེ་དག་ཤུགས་དྲགས་པོས ་འཁྲུགས་ཤིང་སྔངས་ལ་ཀུན་ཏུ་འགུལ་ཞིང་མངོན་པར་མི་དགའ་བ་དང་། ཀུན་ཏུ་འཁོར་བར་གྱུར་ཏོ།། དེའི་ཚེ་དྲི་ཟའི་དྲང་སྲོང་དགའ་བར་འབྱུང་བ་ཞེས་བྱ་བ་སྟན་ལས་ལངས་ཏེ། བཅོམ་ལྡན་འདས ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། འདི་སྐད་ཅེས་གསོལ་ཏོ།། ཐམས་ཅད་དང་ལྡན་པའི་འཁོར་དང་བཅས་པ་བདག་ལ་དགོངས་སུ་གསོལ། ད་ལྟར་དང་མ་འོངས་པའི་དུས་སུ་གང་དག ་རྒྱལ་རིགས་གདོལ་པ་བླུན་པོ་མཁས་སོ་སྙམ་པའི་ང་རྒྱལ་ཅན། ང་རྒྱལ་དང་རྒྱགས་པས་ཉམས་པ། འཇིག་རྟེན་ཕ་རོལ་ལ་མི་ལྟ་བ། གཡོ་སྒྱུ་ཅན། སྙིང་རྗེ་མ་མཆིས་པ། དགེ་སློང་ལ་མཐོ་འཚམ ་པར་བགྱིད་པ་ནས། ཐ་ན་བཅོམ་ལྡན་འདས་ཀྱི་སླད་དུ་སྐྱབས་སུ་མཆིས་ནས་ཉེ་བར་གནས་པ། སྐྲ་བྲེགས་ཏེ་གོས་ངུར་སྨྲིག་བགོས་པ་ལ་མཐོ་འཚམ་པ་དག་འབྱུང་སྟེ། བཅོམ་ལྡན་འདས་ཀྱི་སླད་དུ་རབ ་ཏུ་བྱུང་བ། སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ། དཀོན་མཆོག་གསུམ་གྱི་གདུང་འབར་བར་བགྱིད་པ་དག་ལ་མཐོ་འཚམ་པའི་རྒྱལ་རིགས་གདོལ་པ་དེ་དག་ཏིང་ངེ་འཛིན་གྱི་དབང་གིས་མནས ་བསྒག་པར་བགྱི་བ་ནི། ལོངས་སྤྱོད་ཀྱིས་འཁྲུགས་པར་གྱུར་ཅིག། རྒྱལ་ཕྲན་གྱིས་འཁྲུགས་པར་གྱུར་ཅིག། རྒྱལ་པོས་འཁྲུགས་པར་གྱུར་ཅིག། ནང་དམག་དང་། ཕ་རོལ་གྱི་དམག་ཚོགས་དག་གིས ་འཁྲུགས་པར་གྱུར་ཅིག། ཆུ་མེད་པས་འཁྲུགས་པར་གྱུར་ཅིག། ནད་ཀྱིས་འཁྲུགས་པར་གྱུར་ཅིག། གཟས་འཁྲུགས་པར་གྱུར་ཅིག། བྱ་མ་རྟས་འཁྲུགས་པར་གྱུར་ཅིག། རྩེ་དགས་འཁྲུགས ་པར་གྱུར་ཅིག། ཕ་ཚན་གྱིས་འཁྲུགས་པར་གྱུར་ཅིག། འཁོར་གྱིས་འཁྲུགས་པར་གྱུར་ཅིག། འབྱུང་བ་ཆེན་པོས་འཁྲུགས་པར་གྱུར་ཅིག། ཡི་དགས་མཐུ་བོ་ཆེས་འཁྲུགས་པར་གྱུར་ཅིག་ཅེས་བགྱི་བ ་ནས། རྒྱལ་རིགས་འཁྲུགས་པར་གྱུར་ཅིག། བྲམ་ཟེ་དང་། དམངས་རིགས་དང་། བུད་མེད་དང་། སེང་གེ་དང་། སྟག་དང་། སྤྱང་ཀི་དག་གིས་འཁྲུགས་པར་གྱུར་ཅིག་ཅེས་བགྱི་བའི་བར་དུ་རྒྱལ ་རིགས་གདོལ་པ་དེ་དག་མནས་བསྒག་པར་བགྱི་ལགས་སོ། ། ཏདྱ་ཐཱ། བ་ནེ་ཡ་བ་ན་པ་ལེ། མ་ཧཱ་བཛྲཱན་ཏྲཾ། དྲུ་མ་ཙ་ཏེ། ཀུ་སུ་མ། བ་ར་ཊེ། ཡུག་ཏྲེ། སམ་བྷ་ཀླེ། བྷཱི་མ་དྲི་བ་ཀྲེ། ས་ལོ་བ་ནཱ་ཡ། ་རིབཱ་རེ། བྷུམ་དྲུ། ཀྲ་མེ། ནེའི་རན་ཏན། ཛ་སི་ལ། མེན་ཏྲེའི། བེའི་མ་བ་ཏ། མ་ཤཱ་ཁཱ་ཛེ། ན་ཡེ་ན། ཧིང་ཀུ་ལེ། པི་བད་ཚ། བྲཱི་ས། དྷ་ན་མུ་ཙེ། སང་ག་བྱི་ཀྲེ། པ་ལ་མིན་དྷ་ད་ལཾ། བྷུ་མི་པཥྚེ། ་རོ་མ་ད་ལེ། བ་ན་ག་ཛེ། ཏཱུ་ཊ་པ་ཊེ། ཨཱ་བ་ཏེ་ཌྷ། ན་ཡ་དྲིཥྚི། ཛི་ཧཱ་ཀྲ་ནེ། ཨུ་ཏ་རུ་ཀླེ། གན་དྷཱ་ར་བྷེ། སི་མི་སྭཱ་ཧཱ། གང་དག་རྒྱལ་རིགས་གདོལ་པ་འཇིག་རྟེན་ཕ་རོལ་ལ་མི་ལྟ་ཞིང ་བཅོམ་ལྡན་འདས་ཀྱི་ཉན་ཐོས་རྣམས་ལ་མཐོ་འཚམ་པ་དེ་དག་དེ་ལྟར་གྱུར་ཅིག། དེའི་ཚེ་ཐམས་ཅད་དང་ལྡན་པའི་དྲི་ཟའི་འཁོར་རྣམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱི་བསྟན་པ་ལ ་མཐོ་འཚམ་པར་བགྱིད་པའི་རྒྱལ་རིགས་གདོལ་པ་དེ་དག་ལ། བདག་ཅག་ཅི་དགར་བགྱིད་དུ་སྩལ་དུ་གསོལ། བདག་ཅག་རང་རང་གི་གནས་ན་རྩེད་མོ་ལ་ཆགས་ཤིང་ཡོངས་སུ་སྤྱོད་པར་བགྱིད་དམ། དགའ ་སྒྱིད་ཉམས་སུ་མྱོང་བར་བགྱིད་ན། བདག་ཅག་ཀྱང་མནའི་ཁོངས་སུ་གཏོགས་པར་གྱུར་ཅིག། དེའི་ཚེ་ཐམས་ཅད་དང་ལྡན་པའི་འཁོར་ཇི་སྙེད་ལྷགས་པ་རྣམས་ཀྱིས་ལེགས་སོ་ཞེས་བྱ་བ་བྱིན་ནོ།། ་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བདག་གིས་ཀྱང ་ཏིང་ངེ་འཛིན་ཐམས་ཅད་ལ་རྣམ་པར་རྩེ་བ་མངོན་པར་ཤེས་པའི་རྒྱལ་མཚན་གྱི་སྲོག་ཤིང་ཞེས་བྱ་བའི་གཟུངས་ཀྱི་སྒོ་ཆེན་པོ་བཤད་པར་བགྱི་སྟེ། རྒྱལ་མཚན་གྱི་སྲོག་ཤིང་ཞེས་བྱ་བའི་གཟུངས་ཆེན་པོའི ་སྒོ་གང་གི་རྣ་ལམ་དུ་གྲག་པ་དེའི་རྣ་བའི་ནད་དག་རབ་ཏུ་ཞི་བར་བགྱིད་དོ། ། དེའི་འདོད་ཆགས་དང་། ཞེ་སྡང་དང་། གཏི་མུག་ལ་སོགས་པ་ཉོན་མོངས་པ་རྣམས་རབ་ཏུ་ཞི་བར་བགྱིད་དོ།། གལ་ཏེ་ན་བ ་སྲབས་པར་འགྱུར་རོ། ། རྒྱ་མཚོའི་ཤུན་པ་མན་ཛ་ན་ལ་གསང་སྔགས་ཀྱི་ཚིག་འདི་ལན་འབུམ་བཟླས་བརྗོད་བགྱིས་ནས། རྒྱལ་རིགས་ཀྱི་རྔ་ལ་བསྐུས་ནས། རྔ་དེའི་སྒྲ་གང་དང་གང་གི་རྔ་རྣ་ལམ་དུ་གྲགས་པ ་དེ་དང་དེའི་འདོད་ཆགས་དང་། ཞེ་སྡང་དང་། གཏི་མུག་ལ་སོགས་པ་ཉོན་མོངས་པ་རྣམས་སྲབས་པར་འགྱུར་རོ།། དེ་དང་དེ་དག་བཅོམ་ལྡན་འདས་ཀྱི་བསྟན་པ་ལ་ཤིན་ཏུ་དཀའ་ཞིང་བཀུར་སྟི་དང་། ་བླ་མར་བྱེད་པ་དང་། རི་མོར་བྱེད་པ་དག་རབ་ཏུ་འཐོབ་པར་འགྱུར་རོ།། ཆོས་ཀྱི་རྗེས་སུ་འབྲང་བས་འཇུག་པར་འགྱུར་རོ།། འཇིག་རྟེན་ཕ་རོལ་ལྟ་བ་དང་། ལོངས་སྤྱོད་དང་། ཡོངས་སུ་སྤྱོད་པ་དང་མི ་འབྲལ་ལ། སེམས་ཅན་ཐམས་ཅད་ཀྱི་མིག་ཏུ་འོང་བ་དང་། སྙིང་དུ་སྡུག་པར་འགྱུར་རོ།། ཏདྱ་ཐཱ། པཱུརྦ་མ་གྷ། ཨཱ་མ་ལོ་མ་ཏི། ཀྲིད་ཏི་ལ། བྷཱུ་བཻ། པ་ན་ཁན་ཌེའི་དུར་མ་ཁི་ལེའི། མང་ས་ཏཱུ་ལེའཾ ་གོའུ་ར་ས་ན་དྷེའི་ན་ཀཱུ་བ་ར་མེའི། བུདྡྷ་རཤྨིའི་པིང་ག་ལེའི་གྷྲི་མེ། ལོ་ཧི་ཏ་ར་བི། ནང་ག་ལ་སཱུརྱེ། བྷ་ག་བ་རི་ཎེ། ཨ་ན་དྷར་པ་ཨུ་རེ། ཀ་ར་ཧཱུ་ཛེ། ཀེ་ཤ་ལོ་ཧི། ས་མ་དྷཾ། བྷུ་དྷ་སྭཱ་ཧཱ། དེ་ནས་དེ་ཉིད་དུ ་བཅོམ་ལྡན་འདས་ཀྱིས་ལེགས་སོ་ཞེས་བྱ་བ་གནང་ངོ་། ། ཐམས་ཅད་དང་ལྡན་པའི་འཁོར་དེས་ཀྱང་ལེགས་སོ་ཞེས་བྱ་བ་བྱིན་ནོ།། དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པས ་འདི་སྐད་ཅེས་གསོལ་ཏོ། ། བདག་གིས་དེ་བཞིན་གཤེགས་པ་ཐམས་ཅད་ཀྱི་གསུང་དབྱངས་དང་སྒྲ་རྗོད་པར་བགྱིད་པ། གདུགས་དང་རྒྱལ་མཚན་གྱི་སྨོན་ལམ་གྱི་ཚུལ་ཞེས་བགྱི་བའི་གཟུངས་ཆེན་པོ་དེ ་བཤད་པར་འཚལ་གྱིས། བཅོམ་ལྡན་འདས་དེ་བཞིན་གཤེགས་པ་འཁོར་དང་བཅས་པ་རྣམས་བདག་ལ་རྗེས་སུ་ཡི་རང་བར་མཛད་དུ་གསོལ། དེ་ན་མཐུ་ཆེ་ཞིང་སྟོབས་ཆེ་ལ་ཕ་རོལ ་གནོན་པ་སྣང་བར་བགྱིད་པ་ཆེན་པོ་ལགས་ཏེ། བཅོམ་ལྡན་འདས་ཀྱི་ཉན་ཐོས་རྣམས་ཀྱི་ཐོས་པ་ཡོངས་སུ་རྫོགས་པར་བགྱིད་པའི་གཏེར་དང་། ཡེ་ཤེས་ཡོངས་སུ་རྫོགས་པར་བགྱིད་པའི་གཏེར་དུ་འགྱུར་བ ་ལགས་སོ། ། བཙུན་པ་བཅོམ་ལྡན་འདས། བཅོམ་ལྡན་འདས་ཀྱི་སླད་དུ། ཇི་སྲིད་འཚོའི་བར་དུ་སྡོམ་པ་ལ་གནས་པ་འདི་ལྟ་སྟེ། དགེ་བསྙེན་གྱི་སྡོམ་པ་དང་། དགེ་སྦྱོང་གི་སྡོམ་པ་དང་། བསྙེན་པར ་རྫོགས་པའི་སྡོམ་པ་ལ་གནས་པ་སྣོད་དུ་གྱུར་པ་དང་། སྣོད་དུ་མ་གྱུར་པ་དག་གི་གདུག་དང་རྒྱལ་མཚན་གྱི་སྨོན་ལམ་གྱི་ཚུལ་ཞེས་བགྱི་བའི་གཟུང་ཆེན་པོ་འདི་ལྷག་མཐོང་གི་སྦྱོར་བས་ཉིན་མཚན་བདུན་གྱི་བར་དུ་ཀློག ་ན། ཕྱིར་ཞིང་ཉེ་བར་ལེན་པའི་ཕུང་པོ་ལྔ་པོ་དེ་དག་ལ་རྟོགས་པར་འགྱུར་རོ།། ཉིན་མཚན་བདུན་འདས་ནས་གདུགས་དང་རྒྱལ་མཚན་གྱི་སྨོན་ལམ་ཞེས་བགྱི་བའི་གཟུངས་ཆེན་པོ་ལན་འབུམ་སྙེད་དུ་ཡང ་དང་ཡང་དྲན་པར་བགྱིད་པ་དེ་ནི། རྒྱལ་རིགས་རྣམས་དང་། བྲམ་ཟེའི་རིགས་རྣམས་དང་། རྗེའུ་རིགས་རྣམས་དང་། དམངས་རིགས་རྣམས་དད་པར་བགྱིད་པ་ནས། སེམས་ཅན་ཐམས་ཅད་ཀྱི ་བར་དུ་ཤིན་ཏུ་མངོན་པར་དད་པར་བགྱིད་པ་ལགས་སོ། ། ཐམས་ཅད་ལོངས་སྤྱོད་པ་དང་། ཡོངས་སུ་སྤྱོད་པ་རྒྱ་ཆེན་པོ་མཆོག་དང་མི་འབྲལ་ཞིང་། མཐོ་རིས་ལ་གཞོལ་བར་འགྱུར་བ་ལགས་སོ།། ། ་དེ་སངས་རྒྱས་བཅོམ་ལྡན་འདས་བཞུགས་པ་རྣམས་དང་སྐལ་བ་མཉམ་པར་སྐྱེ་བར་འགྱུར་ལགས་སོ།། ཏདྱ་ཐཱ། ཏྲི་ཎ་སང་ཉི་ཀེ། བི་ཏྲི་ཎ་བི་མ་བེ། ཀ་ར་པྲཱ་ཀླེ། བྷཱུ་ཏ་སཱུ་མེ་ཙ། པ་ར་ཛི་མེ། ཨ་བྷཀྐ། ་ཨཀྲཱ་ཡ་ལོ་བེ། ཨདྷྱད་མ། ནི་མི་རེ། ཤྲཱི་ཏ་བི་སྟ་ར། ཨང་གུ་ཛ་དྷད་ཉེ། ཛ་ཛ་ར་ནོ་སེའི་ཨ་ན་ས་ཤུད་དྷེ། མྲྀ་ག་གྷྲྀ་ཀྲེ། ཀུ་ལ་བ་ཏེ། མ་ག་བཱ་བཱ། ཀྲེ་བྷོ་འུ་བ་སྥཱ་རེ། ཨ་བྷཱི་ཏི་མེ་བྷུ་རེ། སཱུ་ར་ཁ་ཛེ། ་སྨྲྀ་ཏི་མོ་ན་སྭཱ་ཧཱ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་མི་ཟད་པ་ལ་ལེགས་སོ་ཞེས་བྱ་བ་གནང་སྟེ། སྐྱེས་བུ་དམ་པ་ཁྱོད་ཀྱིས་གདུགས་དང་རྒྱལ་མཚན་གྱི་སྨོན་ལམ་གྱི་ཚུལ་ཞེས་བྱ ་བའི་གཟུངས་ཆེན་པོ་འདི་བཤད་པས། སེམས་ཅན་དཔག་ཏུ་མེད་པ་རྣམས་ཀྱི་ཐོས་པའི་མིག་ཀུན་ཏུ་སྟོན་པར་བྱེད་ལ། ངའི་བསྟན་པའང་སྟོན་པར་བྱེད་པ་ནི་ལེག་སོ་ལེགས་སོ།། དེ་ནས་དེ་ཉིད་དུ་ཐམས་ཅད ་དང་ལྡན་པའི་བྱང་ཆུབ་སེམས་དཔའི་འཁོར་གྱིས་ཀྱང་བྱང་ཆུབ་སེམས་དཔའ་བློ་གྲོས་མི་ཟད་པ་ལ་ལེགས་སོ་ཞེས་བྱ་བ་བྱིན་ཏེ་འདི་སྐད་དུ། སྐྱེས་བུ་དམ་པ་ཁྱོད་ཀྱིས་གདུགས་དང་རྒྱལ་མཚན་གྱི་སྨོན ་ལམ་ཞེས་བྱ་བའི་གཟུངས་ཆེན་པོ་འདི་རྫོགས་པར་བཤད་པས། ད་ལྟར་དང་མ་འོངས་པའི་དུས་སུ་ཐེག་པ་ཆེན་པོ་ལ་ཡང་དག་པར་ཞུགས་པའི་སེམས་ཅན་དེ་དག་ཐམས་ཅད་ཀྱི་ཐོས་པ་མང་པོའི་ཚོགས ་རྒྱས་པར་བྱེད་པ་དང་། རྟོན་པ་ནི་སྐྱེས་བུ་དམ་པ་ལེགས་སོ་ལེགས་སོ།། དེའི་ཚེ་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་གཏུད་ནས ་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་བདག་གིས་ཀྱང་གླིང་བཞི་པ་འདིའི་མེ་ཏོག་དང་། འབྲས་བུ་དང་། ཤིང་དང་། འབྲུ་དང་། སྨན་དང་། ལོ་ཏོག་དག ་བསྲུང་བར་འཚལ་ལོ། ། སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དང་། རྩཝ་དང་། འདབ་མ་དང་། ལོ་མ་ས་ལ་རྟེན་པ་རྣམས་བསྲུང་བར་འཚལ་ལོ།། བཅོམ་ལྡན་འདས་ནང་གུ་དཔལ་རྡུལ ་ཞེས་བགྱི་བའི་གཟུངས་ཆེན་པོ་དེ་ད་ལྟར་འདིར་གླིང་བཞི་པ་དེ་དག་གིས་སྔོན་མ་ཐོས་མ་མཐོང་བས་འདི་ལྟར་ངོ་མཚར་རྨད་དུ་བྱུང་བར་གྱུར་ཏེ། འདུས་པ་ཆེན་པོ་དེ་ལྟ་བུ་དག་བྱུང་བར་བགྱིས་ལགས་སོ།། ་ནང་གུ་དཔལ་རྡུལ་ཞེས་བྱ་བའི་གཟུངས་ཆེན་པོ་འདི་ནི་མཐུ་ཆེ་བས་ལོ་ཏོག་ཐམས་ཅད་འཕེལ་བར་བགྱིད་པ་ལགས་སོ།། ས་བོན་དང་། མྱུ་གུ་དང་། སྡོང་བུ་དང་། འདབ་མ་དང་། མེ་ཏོག་དང་། འབྲས ་བུ་དང་། ཤིང་དང་། འབྲུ་དང་། སྨན་དང་། རོ་རྣམས་སྐྱེད་པར་བགྱིད་པ་དང་། འཕེལ་བར་བགྱིད་པ་དང་། སྣུམ་མཆིས་པར་བགྱིད་པ་དང་། འཇམ་པར་བགྱིད་པ་དང་། མང་པོར་བགྱིད་པ་ལགས་སོ།། ། ་སེམས་ཅན་ཐམས་ཅད་དད་པར་བགྱིད་པ་དང་། ཚུལ་ཁྲིམས་ཅན་དུ་བགྱིད་པ་དང་། ཐོས་པར་བགྱིད་པ་དང་། ཤེས་པར་བགྱིད་པ་དང་། བྱམས་པ་དང་། སྙིང་རྗེ་ཅན་དུ་བགྱིད་པ་དང་། ཐབས་དང་ལྡན ་པར་བགྱིད་པ་ནས། བྱང་ཆུབ་ཀྱི་ཕྱོགས་ཀྱི་ཆོས་ཐམས་ཅད་ཀྱི་བར་དུ་སྟོན་པར་བགྱིད་པ་ལགས་སོ།། ཏདྱ་ཐཱ། ཨ་ན་ནྱ་བྷུ་མི། གཱ་བཱ་ཀྐ་བྷ~ཾ་ཛེ། གུ་ལོ་ཙ་ལོ་མེ། ཕཊ་ཀཱ་ལོ་མེ། ཤྲི་ཡཱ་ཀྲ། ཀུ་སུ་མེ། ་ནབ་ཀུ་མུན་ཌེ། རཱ་ཛ་བར་མེ། ཙཱ་ཊ་ན་བ། བ་མ་ཊེ། བིཥྚ་ལང་གེ། ཨ་བ་བྷ་སུ་ནེ། ཧཱ་ས་ག་བྷ་ཀྲེ། ལོ་མ་བྷུ་ཛ་ཀྲེ། གམ་བྷཻ་ར། བ་སུ་མེ། ཨ་ནོ་མ་ཡ། ས་རེ། པཱ་ལཱ་ཤ་ཏྭོ་ཡེ་སྭཱཧཱ། བཙུནྡ་པ ་བཅོམ་ལྡན་འདས་ནང་གུ་དཔལ་རྡུལ་ཞེས་བགྱི་བའི་གཟུངས་ཆེན་པོ་འདི་རྒྱལ་མཚན་གྱི་རྩེ་མོ་ལ་བཏགས་ཏེ་སྒྲེང་བར་བགྱིད་དམ། སྐད་ཆེན་པོར་ཀློག་གམ། གསང་སྔགས་ཀྱི་ཚིག་འདི་ཆུ་ལ་ལེན་སྟོང་གི་བར ་དུ་བཟླས་བརྗོད་བགྱིས་ནས། ཞིང་དང་། ཤིང་དང་། ལོ་ཏོག་སྣ་ཚོགས་ལ་གཏོར་ཏམ། རྔ་དང་། རྫ་རྔ་དང་། དུང་དག་ལ་བསྔགས་ནས། དེ་དག་གི་སྒྲ་གང་དུ་ཐོས་པའི་ལོ་མ་དང་། མེ་ཏོག་དང ་འབྲས་བུ་དང་། འབྲུ་དང་། སྨན་གྱི་རོ་དང་། ས་ལ་རྟེན་པའི་ལོ་ཏོག་ཐམས་ཅད་སེམས་ཅན་རྣམས་ཀྱི་སྔོན་གྱི་ལས་ཀྱི་སྒྲིབ་པའི་རྒྱུ་ལས་མ་གཏོགས་པར། ལྷ་དང་། ཀླུ་དང་། གནོད་སྦྱིན་དང་། ཡི ་དགས་མཐུ་བོ་ཆེ་དང་། བདུད་དང་། བདུད་ཀྱི་བུ་དང་། བདུད་ཀྱི་འཁོར་གྱི་ཚོགས་གང་གིས་ཀྱང་གནོད་པར་བགྱི་བ་འམ། ཆུང་གསན་པ་འམ། ཚིག་པར་བགྱི་བ་འམ། བསྐམ་པ་འམ། མདངས ་འཕྲོག་པ་འམ། མཐུ་ཆུང་བར་བགྱི་བ་འམ། མ་མཆིས་པར་བགྱི་བ་དག་ཏུ་རྔོ་མི་ཐོགས་ན། སེམས་ཅན་དང་། སེམས་ཅན་གྱི་གྲངས་སུ་གཏོགས་པ་གཞན་དག་གིས་ལྟ་སྨོས་ཀྱང་ཅི་འཚལ། དེ་ནས ་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་དེ་ལ་ལེགས་སོ་ཞེས་བྱ་བ་གནང་སྟེ། རིགས་ཀྱི་བུ་ཁྱོད་གླིང་བཞི་པ་འདིར་སྦྱིན་པ་ཆེན་པོའི་དཔལ་གྱི་ཤིང་རྟ་ལ་ཞོན་ནས། རིགས་ཀྱི་བུ་འདིར་བླ ་ན་མེད་པའི་བྱང་ཆུབ་ཀྱི་ལམ་དུ་སེམས་ཅན་དཔག་ཏུ་མེད་པ་རྣམས་རྟོན་པར་བྱེད་པ་ནི། རིགས་ཀྱི་བུ་ཁྱོད་ལེགས་སོ་ལེགས་སོ།། དེ་ནས་དེ་ཉིད་དུ་བྱང་ཆུབ་སེམས་དཔའི ་འཁོར་ཐམས་ཅད་ཀྱིས་ཀྱང་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ཁྱོད་ཀྱིས་དེ་ལྟར་བྱ་བ་ནི་ལེགས་སོ་ལེགས་སོ།། དེའི་ཚེ་བྱང་ཆུབ་སེམས་དཔའ་སེམས་དཔའ ་ཆེན་པོ་སྤྱན་རས་གཟིགས་དབང་ཕྱུག་གིས། བྱང་ཆུབ་སེམས་དཔའ་བྱམས་པ་ལ་འདི་སྐད་ཅེས་སྨྲས་སོ།། བྱམས་པ་ཁྱོད་ལ་བདག་གིས་དཔལ་མེ་ཏོག་གསར་པ་ཞེས་བྱ་བའི་གཟུངས་ཆེན་པོ་སྦྱིན ་གྱིས། གཟུངས་ཆེན་པོ་དེས་ན་རིགས་ཀྱི་བུ་ཁྱོད་ཀྱིས་བྱམས་པ་ཆེན་པོའི་གོ་བགོས་ནས། འདིར་སེམས་ཅན་རྣམས་ལ་ཚིག་གིས་ཆོས་སྟོན་ན། ཏིང་ངེ་འཛིན་གྱི་རྣམ་པར་འཕྲུལ་པའི་སྟོབས་བསྐྱེད ་པའི་ཆོས་དེ་དག་སེམས་ཅན་གང་དག་གིས་ཐོས་པའི་སྡིག་པའི་སེམས་དང་། སྡིག་པའི་ལྟ་བ་དག་སྤོང་བར་བྱེད་དོ།། སྡིག་པའི་གྲོགས་པོ་དང་། སྡིག་པའི་བཤེས་གཉེན་དག་སྤོང་བར་བྱེད་དོ།། ་སེམས་ཀྱིས་བྱམས་པ་དང་། སྙིང་རྗེ་དང་། དགེ་བའི་རྩ་བ་དག་ཡིད་ལ་བྱེད་པར་འགྱུར་རོ།། སེམས་ཅན་ཐམས་ཅད་ལ་སྙིང་བརྩེ་བ་དང་། སེམས་འཇིག་རྟེན་ཕ་རོལ་ལ་ལྟ་བ་ཅན་དུ་འགྱུར་རོ།། ་སེམས་མི་དགེ་བ་བཅུའི་ལས་ཀྱི་ལམ་དག་ལས་ལྡོག་པར་འགྱུར་རོ།། སེམས་དགེ་བ་བཅུའི་ལས་ཀྱི་ལམ་དག་ལ་རྣམ་པར་གནས་པར་འགྱུར་རོ།། སེམས་སེམས་ཅན་ཐམས་ཅད་ལ་མངོན་པར་དགའ ་པར་འགྱུར་རོ། ། གཟུངས་ཆེན་པོ་འདི་ནི་སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱེད་པའི་ཕྱིར། ཆོས་ཀྱི་ཆར་འབེབས་པར་བྱེད་པའོ།། དགྲ་བཅོམ་པ་ཐམས་ཅད་རབ་ཏུ་དད ་པར་བྱེད་ཅིང་། བཤེས་གཉེན་ཐམས་ཅད་མངོན་པར་འཕེལ་བར་བྱེད་པའོ།། ཏདྱ་ཐཱ། ལཾབ་ཏ་སྭ་རེ། ཀཱ་ཤཱ་ཡ། བར་མེ། ས་མེ་བྲག་གྷེ། དཱ་རང་ག་ཛ་ལེ། སུ་ཏྲོ་ཀླེ། སུམ་ཧཱ་སྱཱ་ཀླེ་རེ། སུ་ཧ་བུང ་གྲེ། གོའུ་ཨ་བ་ལོ་ཀ་ད་ལེ། སིདྡྷེ་བྷི་བ་ཀྲེ། ཌྷཱ་ནན་པི་བ་རེ། ཨ་བ་ནི་དྷ་ལུང་བེ། སོ་ཙ་ར་ཙ་ལ། ཨ་བ་བྷ་ས་རེ། བ་རཱ་ཧ། ཤད་ཏྲེ་ཨེ་ཀ་ཧཱ་ད་ཏཻ་ཡེ། ས་མཱ་དྷི་ཀར་ཎེ། བཱ་ལ་ཛ་བི་ཏི། མཧཱ་དཱ་པཱུ་ཏཿ། ་སེ.་ར་ཎ་ནི་ལེ། མཱ་ལཱ་མ་ཤ་མེ་ནི་ལ་ཀུ་སུ་མེ་སྭཱ་ཧཱ། དཔལ་མེ་ཏོག་གསར་པ་ཞེས་བྱ་བའི་གཟུངས་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཁྱོད་ཀྱིས་བྱམས་པ་ཆེན་པོའི་གོ་བགོས ་ནས་སེམས་ཅན་རྣམས་ལ་ཆོས་སྟོན་ན། དེའི་སྒྲ་ཐ་ན་སེམས་ཅན་སྲོག་ཆགས་སུ་གྱུར་པ་ཕྲ་མོ་ཆུང་ངུ་གང་དག་གི་རྣ་ལམ་དུ་གྲགས་པ་དེ་དག་གི་སེམས་ཀྱི་རྙོག་པ་ཉེ་བར་ཞི་བར་བྱེད་པ་དང་། དེ་དག་གི་སེམས ་དགེ་བའི་རྩ་བ་ལ་གནས་པར་འགྱུར་ན། མིར་གྱུར་པ་རྣམས་ལ་ལྟ་ཅི་སྨོས་ཀྱང་ཅི་དགོས། སེམས་ཅན་ལ་ལ་དག་གིས་ཆར་དབབ་པའི་ཕྱིར། དྲི་ཟ་དང་ཀླུའི་གནས་དག་ཏུ་གཟུངས་ཆེན་པོ་འདི་བཟླས ་བརྗོད་བྱས་ཏེ། ན་ལེ་ཤམ་གྱི་ཕྱེ་མ་དང་། ཨེ་རན་དའི་མར་དུ་བསྲེས་པ་ལ་ངེས་ལན་སྟོང་དུ་བསྔགས་ནས། གོས་ཀྱི་མཐའ་མར་ཕུར་མ་བྱས་ཏེ་ཁྲོན་པར་བཅུག་ན། དེས་ན་དེ་ལ་ཀླུ་རྣམས་དགའ ་བར་འགྱུར་ཏེ། ཆར་གྱི་རྒྱུན་ཆེན་པོའང་འབེབས་པར་བྱེད་དོ།། དེའི་ཚེ་ཡུལ་དེར་འདུས་པའི་ཀླུ་དང་། ཀླུ་ཆེན་པོ་རྣམས་ཀྱིས་དཔལ་མེ་ཏོག་གསར་པ་ཞེས་བྱ་བའི་གཟུངས་ཆེན་པོ ་འདི་ཐོས་ནས། སེམས་རངས་པ་དང་། སྡང་སེམས་མེད་པ་དང་། སེམས་རབ་ཏུ་དགའ་བ་དང་། སེམས་བྱམས་པ་དང་ལྡན་པ་དང་། སེམས་འཇིག་རྟེན་ཕ་རོལ་ལ་ལྟ་བར་གནས་པར་གྱུར་ཏོ།། སེམས ་དཀོན་མཆོག་གསུམ་ལ་དད་ཅིང་། བཀུར་སྟི་དང་། བླ་མར་བྱེད་པ་དང་། རི་མོར་བྱེད་པ་དག་ཐོབ་པར་གྱུར་ཏོ།། སེམས་དུད་འགྲོར་སྐྱེ་བའི་རང་གི་སྡིག་པའི་ལས་དག་རབ་ཏུ་འཆགས་པ་དང་། སེམས ་ཐེག་པ་ཆེན་པོ་བླ་ན་མེད་པ་ལ་འཇུག་པར་གནས་པར་གྱུར་ཏོ། ། ཀླུ་དང་། ཀླུ་ཆེན་པོ་དེ་དག་ཐམས་ཅད་ཀྱི་ནང་ནས་མཐུ་ཅི་ཡོད་པ་དང་། ཅི་ནུས་པ་དག་གིས། དེ་ན་བཅོམ་ལྡན་འདས་ལ་མཆོད་པ་བྱ་བའི་ཕྱིར། ་ཁ་ཅིག་ནི་གསེར་མང་པོའི་ཆར་མངོན་པར་འབེབས་སོ།། ཁ་ཅིག་ནི་དངུལ་དང་། ཨ་ཀ་རུ་དང་། རྒྱ་སྤོས་དང་། གོར་ཤིར་ཤ་དང་། ཙན་དན་སྦྲུལ་གྱི་སྙིང་པོའི་ཕྱེ་མ་དང་། ཏ་མ་ལའི་ལོ་མའི་ཆར་དག་མངོན ་པར་འབེབས་པ་ནས། ཁ་ཅིག་ནི་ཨུཏྤ་ལ་དང་། མེ་ཏོག་སྣ་ཚོགས་དང་། རས་བཅོས་བུ་སྣ་ཚོགས་དང་། གདུགས་དང་། རྒྱལ་མཚན་དང་། བ་དན་སྣ་ཚོགས་དང་། གསེར་སྐུད་དང་། མུ་ཏིག་གི་དོལ་ཤལ ་གྱི་བར་དག་གི་ཆར་མངོན་པར་འབེབས་སོ། ། དེ་ནས་ཀླུ་དང་། ཀླུ་ཆེན་པོ་དེ་དག་ཐམས་ཅད་ཀྱིས་བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས། ཚིག་འཐུན་པར་འདི་སྐད་ཅེས་གསོལ་ཏེ། ་བཙུན་པ་བཅོམ་ལྡན་འདས་ད་ལྟར་བདག་ཅག་ནི་དཀོན་མཆོག་གསུམ་ལ་སེམས་ཤིན་ཏུ་ལེགས་པར་རབ་ཏུ་ཞུགས་པ་ལགས་སོ།། བཙུན་པ་བཅོམ་ལྡན་འདས་ཀྱི་སྤྱན་སྔར་བདག་ཅག་འདི་རྣམས་ཀྱིས་དམ ་བཅའ་བར་བགྱི་བ་ནི། བཙུན་པ་བཅོམ་ལྡན་འདས་ཟོང་དང་། གྲོང་ཁྱེར་དང་། གྲོང་རྡལ་དང་། ལྗོངས་གང་དང་གང་དག་ན། དཔལ་མེ་ཏོག་གསར་པ་ཞེས་བགྱི་བའི་གཟུངས་ཆེན་པོ་འདི་རབ་ཏུ་སྒྲོགས་པ ་དང་། དེ་བཞིན་དུ་གཟུངས་ལྷག་མ་ཆུ་ཁྱིམ་སྙིང་པོ་ཞེས་བགྱི་བ་དང་། མཚོན་ཆའི་སྟོབས་ཞེས་བགྱི་བ་དང་། གདུགས་དང་། རྒྱལ་མཚན་གྱི་སྨོན་ལམ་གྱི་ཚུལ་ཞེས་བགྱི་བ་དང་། ནང་གུ་དཔལ་རྡུལ་ཞེས་བགྱི་བ ་དང་། དཔལ་མེ་ཏོག་གསར་པ་ཞེས་བགྱི་བའི་གཟུངས་ཆེན་པོ་རྣམས་དང་། རྒྱལ་པོ་ཆེན་པོ་བཞིས་བཤད་པའི་གཟུངས་དེ་དག་དང་། ཀླུའི་སྙིང་པོ་བཞི་པོ་དག། གྲོང་དང་། གྲོང་ཁྱེར་དང་། གྲོལ་རྡལ་དང་། ་ལྗོངས་དང་། རི་བྲགས་ཀྱི་གནས་གང་དང་གང་དག་ཏུ་རེ་རེ་ཙམ་ཡང་སྟོན་ཏམ། འཆད་དམ། རབ་ཏུ་སྒྲོགས་པས། དྲན་པར་བགྱིད་པ་དེ་དང་དེ་དག་ཏུ་བདག་ཅག་གིས་དུས་དུས་སུ་ཆར་དབབ་པ་དང་། ་གདུགས་དང་བསེར་མ་དག་གཏང་བར་བགྱི། དུས་མ་ལགས་པར་ནི་མ་ལགས་སོ།། དེ་དང་དེར་བདག་ཅག་གིས་ཕྱིར་དགྲ་དང་། ནང་འཁྲུག་དང་། འཐབ་མོ་དང་། རྩོད་པ་དང་། གནོད་སེམས་དང་། ནད ་དང་། མིངས་དང་། མུ་གེ་དག་རབ་ཏུ་ཞི་བར་བགྱི་ལགས་སོ།། དེ་དང་དེར་བདག་ཅག་གིས་སྐྱིད་པ་དང་། ལོ་ལེགས་པ་དང་། དགའ་བར་འགྱུར་བ་དག་བསྒྲུབ་པར་བགྱི་ལགས་སོ།། དེ་དང་དེར་སེམས ་ཅན་རྣམས་ཀྱི་ས་བོན་དང་། མྱུ་གུ་དང་། སྡོང་བུ་དང་། འདབ་མ་དང་། མེ་ཏོག་དང་། འབྲས་བུ་དང་། ཤིང་དང་། འབྲུ་དང་། སྨན་དང་། རོ་དག་མི་ཉམས་པར་འཕེལ ་བཔབར་བགྱི་ལགས་སོ། ། ལོངས་སྤྱོད་དང་། ཡོངས་སུ་སྨོད་པ་ཕལ་ཆེ་ཞིང་། དྲི་ཞིམ་པ་དང་། རོ་ཞིམ་པ་དང་། སྐམ་པ་དང་། འཇམ་པ་དག་ཏུ་བསྒྲུབ་པར་བགྱི་ལགས་སོ།། བདག་ཅག་གིས་འཛམ་བུ ་གླིང་འདིའི་རྒྱལ་པོ་རྣམས་ཀྱང་གཅིག་ལ་གཅིག་བྱམས་པའི་སེམས་དང་། ཕན་པའི་སེམས་དང་། ཁོ་ན་མ་མཆིས་པའི་སེམས་དང་། རྩོད་པ་མ་མཆིས་པའི་སེམས་སུ་བསྒྲུབ་པར་བགྱི་ལགས་སོ།། དེ་བཞིན་དུ ་བྲམ་ཟེའི་རིགས་དང་། རྗེའུ་རིགས་དང་། དམངས་རིགས་དང་། གནོད་སྦྱིན་རྣམས་ནས། དགེ་བསྙེན་དག་གི་བར་དག་ཏུ་བྱམས་པའི་སེམས་དང་ལྡན་པར་བསྒྲུབ་པར་བགྱི་ལགས་སོ།། གང་ན་གཟུང ་ཆེན་པོ་འདི་རབ་ཏུ་སྒྲོགས་པ་དེར་ནི་ཕན་ཚུན་སེམས་འཐུན་པར་བསྒྲུབ་པར་བགྱི་ལགས་སོ། ། དེ་ནས་བཅོམ་ལྡན་འདས་ཀྱིས་ཀླུ་དེ་དག་ཐམས་ཅད་ལ་ལེགས་སོ་ལེགས་སོ་ཞེས་བྱ་བ་གནང་ངོ་།། ཐམས ་ཅད་དང་ལྡན་པའི་འཁོར་ཇི་སྙེད་ལྷགས་པ་རྣམས་ཀྱིས་ཀྱང་ལེགས་སོ་ཞེས་བྱ་བ་བྱིན་ནོ། ། དེ་ན་བྱང་ཆུབ་སེམས་དཔའ་རིའི་སྙིང་པོས་ཀྱང་ལེགས་སོ་ཞེས་བྱ་བ་བྱིན་ནོ།། དེ་ནས་བཅོམ་ལྡན་འདས་ཀྱིས། ་དཔལ་ལྷ་མོ་ཆེན་མོ་ལ་འདི་སྐད་ཅེས་བཀའ་སྩལ་ཏོ།། དཔལ་ཆོ་ག་ཤེས་ཁྱོད་ལ་སྙིང་བརྩེ་བའི་གྲོགས་འདི་དག་ཡོད་ན། འདིར་སེམས་ཅན་ཡོངས་སུ་སྨིན་པར་བྱ་བའི་ཕྱིར། ད་དུང་དུ་ཅིའི་ཕྱིར་གདུལ ་བའི་ཚོགས་རྣམས་གཞུག་པར་མི་ནུས། དཔལ་ལྷ་མོ་ཆེན་མོས་གསོལ་པ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི། སྨོན་ལམ་གྱི་ཁྱད་པར་གྱིས་སངས་རྒྱས་ཀྱི་ཞིང་སྙིགས་མ་ལྔ་དང་ལྡན ་པའི་ཐ་ཆད་དུ་དེ་ལྟ་བུར་སྐྱེ་བ་ལེན་ཅིང་། གྲོགས་དགེ་བའི་བཤེས་གཉེན་འཐུན་པ་དེ་ལྟ་བུ་དག་དང་ཕྲད་པ་ཐོབ་ལགས་སོ།། ད་ལྟར་བདག་ཀྱང་གྲོགས་དགེ་བའི་བཤེས་གཉེན་འཐུན་པ་ཁྱོད་ལྟ་བུ་དང་ཕྲད་པ ་ལགས་སོ། ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་དེའི་ལག་ཏུ་ཐོབ་སྟེ། དེའི་ཕ་རོལ་ཏུ་ཕྱིན་པ་དྲུག་ཀྱང་བརྗོད་པར་བགྱི་ལགས་སོ།། བྱང་ཆུབ་སེམས་དཔའ་ཆེན་པོ་དགེ་བའི་བཤེས ་གཉེན་གྱིས་ཡོངས་སུ་ཟིན་པ། བརྩོན་འགྲུས་བརྩམས་པ་ནི། ཐམས་ཅད་མཁྱེན་པའི་ཡེ་ཤེས་ལ་ཤིན་ཏུ་གནས་པར་བལྟ་བར་བགྱི་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། དཔལ་མོ། ་གཤེས་ཁྱོད་ཀྱིས་ཇི་སྐད་སྨྲས་པ་དེ་ལྟར་ཡིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི། སྨོན་ལམ་གྱི་ཁྱད་པར་གྱིས་སེམས་ཅན་ཡོངས་སུ་སྨིན་པར་བྱ་བའི་ཕྱིར། སངས་རྒྱས་ཀྱི་ཞིང ་སྙིགས་མ་ལྔ་དང་ལྡན་པ་ཐམས་ཅད་དུ་དེ་ལྟ་བུར་སྐྱེ་བ་ལེན་ལ། བསྡུ་བའི་དངོས་པོ་བཞི་པོ་དག་ལ་བརྩོན་ཞིང་། དེར་བརྩོན་པ་བརྟན་པ་དང་། བརྩོན་འགྲུས་བརྩམས་པ་ཡིན་ནོ།། གྲོགས་དགེ ་བའི་བཤེས་གཉེན་དེ་ལྟ་བུས་ཡོངས་སུ་ཟིན་པ་ཡིན་ནོ། ། རྣམ་པ་ཐམས་ཅད་མཁྱེན་པའི་ཡེ་ཤེས་དེའི་ལག་ཏུ་ཐོབ་པ་ཡིན་ཏེ། དེའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་ཡང་བརྗོད་པར ་བྱའོ། ། དེས་རྣམ་པར་གནོན་པའང་བརྗོད་པར་བྱའོ།། མངལ་གྱི་སྐྱོན་ལས་ཐར་པར་ཡང་བརྗོད་པར་བྱའོ།། མི་སློབ་པའི་ས་ལ་གནས་པས་ཟག་པ་ཟད་པར་ཡང་བརྗོད་པར ་བྱའོ། ། དེ་སངས་རྒྱས་བཅོམ་ལྡན་འདས་ཐམས་ཅད་ཀྱིས་དགོངས་པ་དང་། བྱིན་གྱིས་བརླབས་པར་ཡང་བརྗོད་པར་བྱའོ།། འདོད་ཆགས་དང་བྲལ་བའི་ས་ལ་ཤིན་ཏུ་གནས་པར་ཡང་བརྗོད་པར་བྱའོ།། ་དེ་ནས་བརྒྱ་བྱིན་གཟི་བརྗིད་དྲི་མ་མེད་པ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཅིའི་སླད་དུ་འཚོ་བའི་འཇིག་རྟེན ་འདིར་ཀླུ་དང་། ཀླུ་ཆེན་པོ་རྣམས་སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་ལ་གནོད་པར་བགྱིད་ལགས། བཀའ་སྩལ་པ། ལྷའི་དབང་པོ་རྒྱུ་དང་རྐྱེན་གཉིས་ཀྱིས་འཚོ་བའི་འཇིག་རྟེན ་འདིར་ཀླུ་དང་། ཀླུ་ཆེན་པོ་རྣམས་སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་ལ་གནོད་པར་བྱེད་དོ།། གཉིས་གང་ཞེ་ན། འདོད་ཆགས་ཀྱི་དབང་དང་། ཁྲོ་བའི་དབང་གིས་དུས་མ་ཡིན ་པའི་སྤྲིན་དག་འབྱུང་བར་བྱེད་ཅིང་། རྫི་ཆར་དང་སེར་དྲག་དག་འབེབས་པར་བྱེད་དོ།། ལྷགས་པ་དང་ཚ་བ་དག་འབྱུང་བར་བྱེད་དོ།། དེས་ན་འདིར་སེམས་ཅན་རྣམས་ས་བོན་དང་། མྱུ་གུ་དང་། འདབ ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་དང་། རོ་དག་ཚིག་པར་བྱེད་དོ།། སྐེམས་པར་བྱེད་དོ།། འབྲུལ་བར་བྱེད་དོ།། མ་རུང་བར་བྱེད་དོ།། དེས་ན་སེམས་ཅན་རྣམས་ལོངས ་སྤྱོད་དང་། ཡོངས་སུ་སྤྱོད་པ་དང་མི་ལྡན་པས་ལུས་དང་། ངག་དང་། ཡིད་ཀྱི་སྡིག་པའི་ལས་མི་བཟད་པ་རྣམ་པ་སྣ་ཚོགས་དག་ཀུན་ཏུ་སྤྱོད་པར་བྱེད་དོ།། ལས་ཀྱི་སྒྲིབ་པ་མི་བཟད་པ་དེས་ན་སྔོན ་དགེ་བའི་རྩ་བ་བསྐྱེད་པ་ཐམས་ཅད་ཀྱང་སྲེག་པར་བྱེད་དོ། ། སྐེམས་པར་བྱེད་དོ།། ཐལ་བར་རློག་པར་བྱེད་དོ།། དགེ་བའི་བཤེས་གཉེན་དག་སྤོང་ཞིང་། ངན་སོང་གསུམ་པོ་དག་ལ་གཞོལ་བར་བྱེད་དོ།། ་ཁ་ཅིག་གོས་དང་། བཟའ་བ་དང་། བཏུང་བ་ཙམ་གྱི་ཕྱིར་ཚེ་གཅིག་གིས་དེ་ལྟ་བུར་སྡིག་པའི་ལས་མཚམས་མེད་པ་དག་གི་བར་དུ་ཀུན་ཏུ་སྤྱོད་པར་བྱེད་དེ། དེ་དག་བསྐལ་པ་མང་པོ་ཞིག་གི་བར་དུ་ཕྱིར་མིར་སྐྱེ་བ ་ཐོབ་པར་མི་འགྱུར་རོ། ། གལ་ཏེ་དེ་དག་ཡུན་རིང་པོ་འདས་ནས་བརྒྱ་ལ་བརྒྱ་ལམ་ན་མིའི་ལུས་ཐོབ་ནའང་ཁ་ཅིག་ནི་ཡན་ལག་ཉམས་པར་འགྱུར་རོ།། ཁ་ཅིག་ནི་དྲན་པ་ཉམས་པར་འགྱུར་རོ།། གདོལ་པའི ་རིགས་སུའང་སྐྱེ་བར་འགྱུར་རོ། ། གཡུང་པོའི་རིགས་དང་། སྨྱིག་མ་མཁན་གྱི་རིགས་དང་། བཀྲེན་པ་དབུལ་པོའི་རིགས་རྣམས་སུའང་སྐྱེ་བར་འགྱུར་རོ།། བཟའ་བ་དང་། བཏུང་བའི་ལོངས་སྤྱོད་དང ་ཡོངས་སུ་སྤྱོད་པ་དག་དང་ཡང་བྲལ་བར་འགྱུར་ལ། ཡང་རྒྱུ་དེས་ན་དགེ་བའི་བཤེས་གཉེན་དང་བྲལ་ནས། ལུས་དང་། ངག་དང་། ཡིད་ཀྱི་ལས་ཀྱི་སྒྲིབ་པ་མི་བཟད་པ་དག་ཀུན་ཏུ་སྤྱོད་པར་བྱེད་དོ།། ཡང་ཁ ་ཅིག་ངན་སོང་གསུམ་པོ་དང་། མནར་མེད་པ་དག་ཏུའང་གཞོལ་བར་འགྱུར་རོ།། རིགས་ཀྱི་བུ་དེ་ལྟར་ལོངས་སྤྱོད་དང་། ཉེ་བར་སྤྱོད་པ་དང་མི་ལྡན་པའི་སེམས་ཅན་རྣམས་འཁོར་བར་ཡུན་རིང་དུ་ཉམ་ཐག་པར ་འགྱུར་རོ། ། ངན་སོང་གསུམ་པོ་དག་ཏུ་སྡུག་བསྔལ་མི་བཟད་པ་སྣ་ཚོགས་དག་ཉམས་སུ་མྱོང་བར་འགྱུར་རོ།། གསོལ་པ། སྡུག་བསྔལ་གང་ཅུང་ཟད་ཅི་བྱུང་བ་ཐམས་ཅད་ནི་ཟས ་ཀྱི་རྐྱེན་ལས་གྱུར་པ་ལགས་ཏེ། ཟས་མ་མཆིས་ན་སྡུག་བསྔལ་འབྱུང་བའང་མ་མཆིས་ལགས་སོ།། དེ་ནས་དེའི་ཚེ་བརྒྱ་བྱིན་གཟི་བརྗིད་དྲི་མ་མེད་པས་ཚིགས་སུ་བཅད་དེ་འདི་སྐད་ཅེས་གསོལ་ཏོ།། སྲེད ་པའི་དུག་གིས་བསྒྱུར་བས་ན། ། ངུ་བ་དང་ནི་དགོད་པར་བགྱིད།། ཉེ་བར་གནས་ཤིང་ལྷུང་བར་བགྱིད།། ཀུན་ཏུ་སྤྱོད་ཅིང་རྣམ་པར་རྒྱུག། ས་གཞི་དག་ལ་ཏིལ་བརྡུངས་ལྟར།། སྡུག་བསྔལ་འཁྲུལ ་འཁོར་གནོད་པར་བགྱིད། ། ལྷར་བཅས་འཇིག་རྟེན་ཐམས་ཅད་ལ།། དེ་ལྟར་སྲེད་པས་གནོད་པར་བགྱིད།། ཀྱེ་མ་སྲེད་པའི་ཞགས་པ་ཡི།། སྲིད་པའི་རྩེ་མོའི་མཐར་གཏུགས་པས།། དེ་ལྟར་ཞགས ་འདི་རྒྱ་ཆེ་བ། ། ཁ་ཟས་དག་གི་རྒྱུ་ལས་བྱུང་།། སོ་སོའི་སྐྱེ་བོ་རྒྱུ་གཉིས་ཀྱིས།། སྲེད་པའི་རྡུལ་གྱིས་ཡན་ལག་བཅིངས།། རི་དགས་ཞགས་པས་བཅིངས་པ་ལྟར།། འབྲོས་པ་དག་ཏུ་ནུས་མ ་ལགས། ། ལྷར་བཅས་འཇིག་རྟེན་སེམས་ཅན་དག། སྲེད་པས་གར་བགྱིད་རྩོལ་བ་ལྟར།། གར་ཞུང་དག་ལ་གར་མཁན་རྒྱས།། དེ་ནི་གར་བགྱིད་རྩོལ་མི་ནུས།། སྲེད་པའི་དུག་གིས་བསྒྱུར་བས་ན།། ་ཇི་ལྟར་སྐྱེ་བོ་མྱོས་པ་ལྟར།། བཏུང་བ་མྱོས་བགྱིད་བསླད་པ་ཡིས།། མྱོས་པ་དག་དུ་མི་བགྱིད་དོ།། སྲིད་པའི་གནོད་སྦྱིན་གདོན་དག་གིས།། སྐྱེ་བོ་བརླམས་ནས་འཁྱལ་པ་ལྟར།། འབྱུང་པོའི་གདོན ་གྱིས་སྨོས་པ་དག། འཁྱལ་པ་དག་ཏུ་མི་བགྱིད་དོ།། ནོར་འཛིན་དེ་དག་འཛིན་པ་བཏང་།། སྲིད་པའི་འཇིགས་པ་རྣམ་པར་སྤངས།། གང་གིས་སྲེད་པ་བསྐམས་ནས་ཀྱང་།། དེ་དག་འཁོར་བར་མི ་གནས་སོ། ། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཀྱང་འདི་སྐད་ཅེས་གསོལ་ཏོ།། ཞེ་སྡང་ཁྲོ་བས་སྐྱེ་དགུ་བརླམས།། སེམས་ཀྱང་གཡེངས་འགྱུར་དེ་ཡིས་ན།། དགེ་བ་ཐམས ་ཅད་མི་འཚལ་ཞིང་། ། བཟོད་བརླག་ལས་ལ་སྤྱོད་པར་བགྱིད།། མི་དགེ་བ་ལ་གནས་བགྱིད་པ།། ཕ་མ་དག་ལ་རིམ་གྲོ་ཆུང་།། གང་དག་མཚམས་མ་མཆིས་བགྱིས་པ།། དཀོན་མཆོག་གསུམ་ལ་བརྙས ་པར་བགྱིད། ། སྙིང་བརྩེ་སྙིང་རྗེ་མ་མཆིས་པ།། འཇིགས་བགྱིད་གཏུམ་པོ་དྲག་ཤུལ་ཅན།། ཁྲོ་སེམས་དབང་གིས་དེ་དག་ནི།། སེམས་དམྱལ་མནར་མ་མཆིས་པར་གནས།། སེམས་ཅན་འདི་དག ་ཁྲོ་བའི་རྒྱུས། ། གཅིག་ལ་གཅིག་ནི་ཟ་བར་བགྱིད།། ཡང་དང་ཡང་ནི་ངན་སོང་དུ།། སྡུག་བསྔལ་དུ་མས་རབ་ཏུ་གཟིར།། སྡིག་པའི་སེམས་ཀྱིས་བྲིང་གྱུར་ཅིང་།། དགེ་བའི་བཤེས་གཉེན་སྤངས་ནས ་ཀྱང་། ། སྲིད་པའི་མཚོར་ནི་ལྟུང་བ་སྟེ། མུན་པ་མུན་ནག་གཞོལ་བ་པོ།། དེ་འདྲའི་སེམས་ཅན་དོན་སླད་དུ།། བྱང་ཆུབ་སེམས་དཔའ་སྙིང་བརྩེ་བའི།། བསམ་པས་བདག་བདེ་བཏང་ནས་ཀྱང་།། ་སེམས་ཅན་སྡིག་པ་བསལ་སླད་དུ།། བྱང་ཆུབ་སྤྱད་པ་སྤྱོད་པ་ན།། བསོད་ནམས་བགྱི་བའི་དངོས་གསུམ་གྱིས།། སྡིག་པའི་སེམས་ཅན་གྲོལ་བགྱིད་ཅིང་།། ཆོས་ཀྱི་རྒྱལ་མཚན་སྒྲེང་བར་བགྱིད།། ་སེམས་ཅན་འགའ་ཡི་དོན་སླད་དུ།། ལུས་དང་སྲོག་དག་བཏང་ནས་ཀྱང་།། དཀའ་ཐུབ་བརྟུལ་ཞུགས་སྤྱོད་ལྡན་པ།། དཀའ་བ་དག་ནི་མང་དུ་སྤྱད།། གང་ཚེ་སེམས་ཅན ་འགའ་སླད་དུ། ། བསྐལ་བརྒྱར་སྡུག་བསྔལ་སེལ་བགྱིད་ན།། དཀའ་ཐུབ་བརྟུལ་ཞུགས་བཟོད་པར་བགྱི།། སེམས་ཅན་ཡོངས་སུ་སྨིན་སླད་གནས།། དེ་འདྲའི་བསམ་དང་ལྡན་པ་ཡིས།། སེམས ་ཅན་སྲེད་པའི་བསམ་པ་ཅན། ། སེམས་ནི་བྱང་ཆུབ་སྔོ་བགྱིད་སྐུལ།། དེ་ནས་དཔལ་ལྷ་མོ་ཆེན་མོས། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་བྲེ་བོ་ལོ་ཏོག ་གིས་བཀང་བ་དེ་ཕུལ་ནས་སྨྲས་པ། གླིང་བཞི་པ་འདིའི་སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་གིས་རྒྱུར་ས་བོན་དང་། ལོ་ཏོག་ཐམས་ཅད་འཕེལ་བར་བགྱི་བ་དང་། གྲུབ་པར ་བགྱི་བའི་སླད་དུ་སྐྱེས་བུ་དམ་པ་ཁྱོད་ལ་ལྷུང་བཟེད་དབུལ་ལོ། ། དེས་ན་དགེ་བའི་རྩ་བ་ཡང་དག་པར་ཆད་པ། མ་རུངས་པ། གཏུམ་པོ། དྲག་ཤུལ་ཅན་ཀུན་སྡུག་བསྔལ་ཐམས་ཅད་ལས་བསྒྲལ ་བ་དང་། བྱང་ཆུབ་ཀྱི་ས་བོན་ལ་བཞག་པར་རྔོ་ཐོག་གོ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བྲེ་བོ་ལོ་ཏོག་གིས་བཀང་བ་དེ་བླངས ་ནས་ཕྱོགས་བཅུར་བལྟས་ཏེ། འདི་སྐད་ཅེས་སྨྲས་སོ།། སངས་རྒྱས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་དང་བཅས་པ་ཐམས་ཅད་དགོངས་སུ་གསོལ། གང་གིས ་གླིང་འདིར་ས་བོན་དང་། མྱུ་གུ་དང་། འདབ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་དང་། རོ་དང་། སའི་བཅུད་དང་། གཟི་བྱིན་དང་། སེམས་ཅན་གྱི་གཟི་བྱིན་དང་། དམ་པའི ་ཆོས་ཀྱི་རོ་དང་། སྙིང་ཀུ་དང་། གཟི་བྱིན་དག་མི་ཉམས་ཤིང་འཕེལ་བར་བགྱིད་པ་དང་། དམ་པའི་ཆོས་ཀྱི་སྒྲོན་མ་དང་། དཀོན་མཆོག་གསུམ་གྱི་གདུང་རྒྱུན་མི་བཅད་པར་བགྱིད་པ་དང་། གང་གི་དེ་ཡོངས ་སྤྱོད་དང་། ཉེ་བར་སྤྱོད་པ་ཐམས་ཅད་ཀྱིས་སེམས་ཅན་རྣམས་ཡོངས་སུ་སྨིན་པར་བགྱིད་པ་དང་། སྡིག་པ་ལས་ཟློག་པར་བགྱིད་པ་དང་། བྱང་ཆུབ་ཀྱི་སེམས་ལ་དགོད་པར་རྔོ་ཐོགས་པ་དང་། གང་གིས ་འདོར་སེམས་ཅན་དེ་དག་ཐམས་ཅད་ཀྱིས་ངན་སོང་རྣམས་ཡོངས་སུ་སྤངས་ནས། མཐོ་རིས་ལ་གཞོལ་བར་འགྱུར་བ་དང་། གང་གིས་དཔལ་ལྷ་མོ་ཆེན་མོ་དེའི་བསམ་པ་ཡོངས་སུ་རྫོགས་པར་འགྱུར་བ་དེ ་ལྟར་ཕྱོགས་བཅུ་ན་གང་དག་དེ་བཞིན་གཤེགས་པ་མ་ལུས་པ་བཞུགས་ཤིང་འཚོལ་གཞེས་པ་ཐམས་ཅད་འདིར་དགོངས་སུ་གསོལ། ཏདྱ་ཐཱ། མུ་ནི་ཤི་བ། མུ་ནིན་ཏྲེ། མུ་ནི་པ་ལ། མུ་ནི་ས་ལོ།། སན ་ཏ་ཨུ་ས་ཀྲི་ཏི། ཀྲཱ་ནུ་པྲ་ཎཱ་ནཱི་ལ། བ་ཡ་བ་སརྦྦ་བི་ཛ་བ། སྟེ་ལ་ལེ་སྭཱཧཱ། དེ་ནས་བཅོམ་ལྡན་འདས་ཀྱིས་ལེགས་སོ་ཞེས་བྱ་བ་གནང་ནས། དཔལ་ལྷ་མོ་ཆེན་མོ་ལ་འདི་སྐད་ཅེས་བཀའ་སྩལ་ཏོ།། ་དཔལ་ཆོ་ག་ཤེས་ཁྱོད་ཀྱིས་གླིང་བཞི་པ་འདི་ས་བོན་དང་། མྱུ་གུ་དང་། ལོ་ཏོག་འཕེལ་བར་བྱ་བ་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར། ཁྱོད་ནི་སངས་རྒྱས་བཅོམ་ལྡན་འདས་འཁོར་ཆོས ་པ་དང་བཅས་པ་མ་ལུས་པ་ཐམས་ཅད་ཀྱིས་བྱིན་གྱིས་བརླབས་སོ། ། དེ་ནས་ལྷའི་དབང་པོ་བརྒྱ་བྱིན་ཀོའུ་ཤི་ཀས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། ཆོས་ཀྱི་རྣམ་གྲངས་འདི་ཇི་ལྟར་གཟུང་བར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་གཤེགས་པའི་དཔལ་གྱི་དམ་ཚིག་ཅེས ་བྱའོ། ། རིའི་སྙིང་པོས་ཞུས་པ་ཞེས་བྱའོ།། གཟུངས་ཀྱི་ཟ་མ་ཏོག་ཅེས་བྱའོ།། སའི་བཅུད་འཕེལ་བར་བྱེད་པ་ཞེས་བྱའོ།། ཏིང་ངེ་འཛིན་གྱི་རྣལ་འབྱོར་སེམས་ཅན་ཡོངས་སུ་སྨིན་པར་བྱེད་པ་ཞེས་བྱའོ།། ། ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དཔལ་ལྷ་མོ་ཆེན་མོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རིའི་སྙིང་པོ་དང་། ཐམས་ཅད་དང་ལྡན་པའི་འཁོར་རྣམས་བཅོམ་ལྡན་འདས་ཀྱིས ་གསུངས་པ་ལ་ཡི་རངས་ཏེ་མངོན་པར་བསྟོད་དོ། ། འདུས་པ་ཆེན་པོ་ཐེག་པ་ཆེན་པོའི་མདོ་སྡེ་ལས། དེ་བཞིན་གཤེགས་པའི་དཔལ་གྱི་དམ་ཚིག་ཅེས་བྱ་བ་ཐེག་པ་ཆེན་པོའི་མདོ་རྫོགས་སོ།། ། ་