| Wylie | e-texts produced with BDRC’s OCR application |
བཅད་པ་རྫོགས་སོ། ། །། རྒྱ་གར་སྐད་དུ། ཧསྟི་ཀ་ཀྵཱ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། གླང་པོའི་རྩ་ལ་ཞེས་བྱ་བ་ཐེག་པ་ཆེན ་པོའི་མདོ། ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བྱ་རྒོད་ཀྱི་ཕུང་པོའི་རི་ལཱ། ་དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་མངོན་པར་གྲགས་པ། གཟུངས་ཐོབ་པ་སྤོབས་པ་ཐོགས་པ་མེད་པ། གཉིས་སུ་མེད་པའི ་ཆོས་འཆད་པ། རྫུ་འཕྲུལ་རྣམ་པར་འཕྲུལ་པ་བསམ་གྱིས་མི་ཁྱབ་པ་དང་ལྡན་པ་དྲུག་ཁྲི་དང་ཡང་ཐབས་ཅིག་ཏུ་བཞུགས་ཏེ། འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེ ་པོ་བརྩོན་འགྲུས་དཔེ་མེད་བློ་གྲོས་དང་། མངོན་པར་གནོན་པའི་སྒྲ་སྒྲོགས་གཟི་བརྗིད་སྙིང་པོ་དང་། བྱང་ཆུབ་སེམས་དཔའ་རིན་པོ་ཆེ་བཞིའི་མེ་ཏོག་རྒྱས་པ་དང་། གློག་ཆེན་སྒྲོན་མ་དང ་མཐའ་ཡས་པར་ལྟ་ཞིང་ཡུལ་ཐམས་ཅད་ལས་འདས་པ་དང་། རི་རབ་བརྩེགས་པ་ལྟར་མངོན་པར་འཕགས་པ་དང་། མངོན་པར་དགའ་བས་མགུ་བ་བསྐྱེད་པ་དང་། དཔུང་པ་དྲི་མ་མེད་པས ་འོད་ཟེར་བཅོམ་པ་དང་། སེམས་ཅན་གྱི་བསམ་པ་ངེས་པའི་དོན་གྱི་ཕ་རོལ་ཏུ་བགྲོད་པར་དོང་བ་དང་། རྡོ་རྗེ་ལྟ་བུར་བརྟན་པ་ཐོབ་པ་དང་། སྒྲར་རྗོད་པ་དང་། དབྱངས ་དང་ང་རོ་ཐམས་ཅད་ལས་འདས་པ་དང་། ཚངས་པའི་སྒྲ་གཟི་བརྗིད་མངོན་པར་འཕགས་པ་དང་། གྲགས་པའི་སྒྲས་འཇིགས་པ་བཅོམ་པ་དང་། དགེ་བའི་རྩ་བ་རིན་པོ་ཆེ་ཐམས་ཅད ་བསགས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་དང་། དེ་ལ་སོགས་པ་བྱང་ཆུབ་སེམས་དཔའ་དྲུག་ཁྲི་རྣམས་དང་ཐབས་ཅིག་གོ། ་དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུ་ཕྱི་དྲོའི་དུས་ན་ནང་དུ་ཡང་དག་འཇོག་ལས་ལངས་ཏེ། བཅོམ་ལྡན་འདས་ག་ལ་བ་དེར་སོང་ངོ་།། ཡང་དེའི་ཚེ་བཅོམ་ལྡན་འདས་ཤིང་གཞན ་ཞིག་གི་དྲུང་ན། རབ་ཏུ་ཞི་བ་སྒྲུབ་པ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་སྟེ་བཞུགས་སོ།། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས་རྒྱང་རིང་པོ་ནས་བཅོམ་ལྡན་འདས་སྤྱོད ་ལམ་རབ་ཏུ་ཞི་བ་མཐོང་བ་དང་། མྱུར་དུ་རྩ་བ་བསྡུས་ནས་ཕྱོགས་གཅིག་ཏུ་སྐྱིལ་མོ་ཀྲུང་བཅས་ལུས་བསྲང་སྟེ། དྲན་པ་མངོན་དུ་བྱས་ནས་འདུག་གོ།། དེ་དེར་འདུག་མ་ཐག་ཏུ། ཨོཾ་མདོ ་དེ་བཞིན་གཤེགས་པའི་སྤྱོད་པ་རབ་ཏུ་ཞི་བ་འདི་དང་། བདེ་བ་དང་ཡིད་བདེ་བ་འདི་ངོ་མཚར་ཏོ།། སེམས་ཅན་གང་དག་ཆོས་ཐམས་ཅད་རང་བཞིན་གྱིས་མཉམ་པར་བཞག་པར ་རབ་ཏུ་ཤེས་པ་དེ་དག་ནི་བདེ་བ་དང་ལྡན་པ་ཡིན་ནོ་སྙམ་དུ་སེམས་ལ་སེམས་ཀྱི་རྟོག་པ་དེ་ལྟ་བུ་སྐྱེས་སོ། ། དེ་ནས་བཅོམ་ལྡན་འདས་དགོངས་ཤིང་མཁྱེན་བཞིན་དུ་ཏིང་ངེ་འཛིན་དེ་ལས ་བཞེངས་ཏེ་མགུར་བསལ་བའི་སྒྲ་ཕྱུང་ངོ་། ། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུ་བཅོམ་ལྡན་འདས་ཀྱི་མགུར་བསལ་བའི་སྒྲ་ཐོས་པ་དང་། དགའ་མགུ་ཡི་རངས་པར་གྱུར་ནས ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་སྤྱན་སྔར་འདུག་སྟེ། བཅོམ་ལྡན་འདས་ལ་ཕྱག་འཚལ་ནས། ངོ་མཚར་དུ་གྱུར་ཏེ། དེའི་ཚེ་ཚིགས་སུ ་བཅད་པ་འདི་དག་སྨྲས་སོ། ། སྟོང་པའི་ཆོས་ལ་ཇི་ལྟར་བདག་བཟོད་བཞིན།། གང་དག་སེམས་ཅན་ཡང་དག་མི་རྟོག་ཅིང་།། ཆོས་ལའང་ནམ་ཡང་རྟོག་པར་མི་བྱེད་པ།། འཇིག ་རྟེན་ན་ནི་དེ་དག་མཉམ་པར་གཞག། སེམས་ཅན་འཁྲུལ་ལ་ནམས་ཀྱང་མི་བལྟ་ཞིང་།། ཆོས་རྣམས་ནམ་མཁའ་བཞིན་དུ་བསམས་བྱས་ནས།། གང་དག་སྒྱུ་མའི་ངོ་བོ་ཉིད་མོས ་པ། གང་དག་བདག་ཏུ་ལྷ་མེད་དེ་དག་བདེ།། འདི་དག་སེམས་ཅན་ཡིན་ནམ་མ་ཡིན་ཞེས།། འདུ་ཤེས་ཐམས་ཅད་ལ་ནི་མི་དམིགས་པ།། སེམས་ཅན་ཀུན་ལ་འདུ་ཤེས ་མེད་པ་དང་། ། གང་དག་སེམས་ཅན་ལྟ་མེད་དེ་དག་བདེ།། རིང་པོར་འདུ་ཤེས་རྣམས་ཀྱང་གང་མ་ཆགས།། ནམས་ཀྱང་དངོས་པོའི་འདུ་ཤེས་རྨོངས་པ་མེད།། ལྡང ་བར་མི་བྱེད་འདུག་པར་བྱེད་པའང་མེད། ། གང་དག་སྲོག་ཏུ་ལྟ་མེད་དེ་དག་བདེ།། སེམས་ཅན་ཐ་དད་མི་བྱེད་མཁས་པ་གང་།། ཆོས་ཀྱི་དབྱིངས་དང་འགལ་བར་མི ་འགྱུར་ལ། ། གང་ཟག་འདུ་ཤེས་ཐམས་ཅད་རྣམ་པར་ཤིག། གང་དག་ཐ་དད་བློ་མེད་དེ་དག་བདེ།། གང་དག་སྦྱིན་དང་ཚུལ་ཁྲིམས་རྟག་ཏུ་གནས།། འཇུངས་པའི་བསམ་པར་ནམས་ཀྱང ་མ་གྱུར་ཅིང་། ། གོང་བུའི་ཆོས་ལའང་ཡང་དག་མི་གནས་པ།། གང་དག་ཚུལ་ཁྲིམས་རློམ་མེད་དེ་དག་བདེ།། གང་དག་བཟོད་དང་ངེས་པའི་ཡོན་ཏན་འཕགས།། གང་དག་ཐལ་མོ་དག ་ལའང་མི་ལྟ་ཞིང་། ། བརྩོན་འགྲུས་ལྡན་མིན་ལེ་ལོ་ཅན་ཡང་མིན།། གང་དག་བཟོད་པའི་འདུ་ཤེས་མེད་པ་དེ་དག་བདེ།། གང་དག་བསམ་གཏན་བྱེད་ཅིང་བརྟན་པར་མི་གནས་པ།། ་དེ་ཡང་གཡེང་བར་རྣམ་པར་མི་སེམས་པ།། མཉམ་པར་བཞག་པའི་ཆོས་རྣམས་རབ་ཏུ་ཤེས།། གང་དག་བསམ་གཏན་འདུ་ཤེས་མེད་པ་དེ་དག་བདེ།། གང་དག་འདུ་ཤེས་མེད་ཅིང་འདི་ལ ་ཤེས་རབ་མེད། ། མི་ཤེས་དབང་དུ་འགྲོ་བའང་མ་ཡིན་ལ།། མཁས་པའང་མ་ཡིན་རྨོངས་པའང་ཡོང་མ་ཡིན།། གང་དག་ཤེས་རབ་འདུ་ཤེས་མེད་པ་དེ་དག་བདེ།། ཇི་ལྟར་དགོན ་པ་དེ་བཞིན་གྲོང་ན་གནས། ། གཉིས་ཀར་འདུ་ཤེས་མཚུངས་ཤིང་མཉམ་པར་འཇུག། གྲོང་གི་སྤྱོད་ཡུལ་སྨོད་པར་མི་བྱེད་ཅིང་།། གང་དག་དགོན་པར་མི་རློམ་དེ་དག་བདེ།། གང་དག ་བསོད་སྙོམས་ཁྱིམ་དང་བཅས་པར་སྤྱོད། ། དེ་དག་བསོད་སྙོམས་དེ་ཡི་འདུ་ཤེས་མེད།། བསོད་སྙོམས་སྤྱོད་པ་བདག་ཡིན་སྙམ་མི་སེམས།། གང་དག་བསོད་སྙོམས་འདུ་ཤེས་མེད་པ་དེ ་དག་བདེ། ། གང་དག་བོར་བའི་ཕྱག་དར་ཁྲོད་པ་རྣམས།། བླངས་ནས་ལུས་ལ་འཆང་བར་བྱེད་པ་དག། བདག་ནི་གོས་ངན་སྙམ་དུ་དེ་མི་ཤེས།། གང་དག་གཞན་ལ་མི་སྨོད་དེ་དག་བདེ།། ་སངས་རྒྱས་གནང་ཞིང་བདེ་གཤེགས་བསྔགས་པ་ཡི།། ཆོས་གོས་གསུམ་ལས་ལྷག་པར་མི་འཆང་ཞིང་།། བདག་ནི་འཇིགས་མེད་ཡིན་པར་མི་རྟོག་པ།། གང་དག་ང་རྒྱལ་མེད་པ་དེ་དག ་བདེ། གང་ན་བདག་དང་སེམས་ཅན་ཡོད་མིན་པའི།། གང་དག་ཆོས་མཆོག་དམ་པ་འཆང་བྱེད་པ།། བདག་ནི་འཆང་མཁན་ཡིན་པར་སེམས་པའང་མེད།། གང་དག་མེད་པར་མ་གྱུར་དེ་དག ་བདེ། དཀར་པོ་ཀུན་ལ་ཡང་དག་འདུ་ཤེས་མེད།། སྙིང་པོ་དང་ནི་རྫས་སུ་འདུ་ཤེས་མེད།། དཀར་དང་གནག་པར་གང་དག་མི་སེམས་པ།། དེ་དག་གཉིས་སུ་མི་སྤྱོད་དེ་དག་བདེ།། གང་དག ་ལངས་ལས་ལངས་པར་འདུ་ཤེས་མེད། ། འདུག་ཀྱང་འདུག་པར་འདུ་ཤེས་ཡོད་མ་ཡིན།། ཉིན་མཚན་ཕྱེད་པར་འཆག་ཅིང་བརྩོན་འགྲུས་རྩོམ།། གང་དག་སྤྲོས་པ་མེད་པ་དེ་དག་བདེ།། གང ་དག་གནས་མིན་གནས་པར་མི་རྟོག་ཅིང་། ། ཁྱད་པར་ཤེས་པ་ཞི་བར་མི་རྟོག་ལ།། དེ་བཞིན་གཤེགས་དང་མུ་སྟེགས་ཁྱད་པར་མེད།། གང་དག་མཆོག་ཏུ་རློམ་སེམས་མེད་པ་དེ་དག་བདེ།། ་གང་ལ་གྲངས་དང་བགྲང་བའང་ཡོད་མ་ཡིན།། ནམ་མཁའི་དབྱིངས་ལྟར་མཉམ་ཉིད་མི་གཏོང་ལ།། བདག་དང་སེམས་ཅན་ཐ་དད་མི་སེམས་པ།། གང་དག་ཁྱད་པར ་ཐོབ་མེད་དེ་དག་བདེ། ། གང་དག་སྒྱུ་མར་གྱུར་ཅིང་རྨི་ལམ་སྤྱོད།། རབ་ཏུ་མ་རྨོངས་མིག་ཡོར་ལྟ་བུར་གྱུར།། འཇིག་རྟེན་དག་ན་ནུ་ཟླ་བཞིན་དུ་སྤྱོད།། གང་དག་ཀུན་ཏུ་མི་བརྩོན་དེ་དག་བདེ།། ། ་སེམས་ཅན་གང་དག་མཁས་ལ་དོན་དམ་ལྟ།། བརྡ་དང་ཐ་སྙད་སྙིང་པོ་མེད་པར་ཤེས།། རབ་ཏུ་ཞི་བའི་ཆོས་རྣམས་རྗེས་སུ་རྟོགས།། གང་དོག་མཚན་མའི་སྤྱོད་ཡུལ་མ་ཡིན་དེ་དག་བདེའོ། ་དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་ར་དྭ་ཏིའི་བུ་ལ་ལེགས་སོ་ཞེས་བྱ་བ་བྱིན་ཏེ། ཤཱ་ར་དྭ་ཏིའི་བུ་འདི་ལྟར་ཤེས་རབ་ཟབ་པ་ལ་སྤྱོད་པའི་ཆོས་ལ་མཆོག་ཏུ་གྱུར་པ་དེ་ལེགས་སོ་ལེགས ་སོ། ཤཱ་རིའི་བུ་དེ་བས་ན་བྱ་རྒོད་ཀྱི་ཕུང་པོའི་རི་འདི་ལ། དགེ་སློང་དང་བྱང་ཆུབ་སེམས་དཔའ་ཇི་སྙེད་ནང་དུ་ཡང་དག་འཇོག་ལ་ཞུགས་པ་དེ་དག་ཐམས་ཅད་ཁྱོད་ཀྱིས་སྡུས་ཤིག། ཤཱ་རིའི ་བུས་གསོལ་པ། བཅོམ་ལྡན་འདས་བདག་ནི་མི་སྤྲོའོ།། དེ་ཅིའི་སླད་དུ་ཞེ་ན། གླང་པོ་ཆེན་པོ་དག་ནི་མགུ་བར་དཀའ་བའི་སླད་དུའོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཉིད་ཀྱི་སྐུ་ལ ་འོད་ཟེར་བྱུང་ནས། དེས་འཇིག་རྟེན་གྱི་ཁམས་མཐའ་ཡས་མུ་མེད་པ་ན་གནས་པའི་བྱང་ཆུབ་སེམས་དཔའ་རྣམས་ལ་བསྐུལ་བ་དང་། བྱ་རྒོད་ཀྱི་ཕུང་པོའི་རི་གང་ན་བ་དང་། བཅོམ་ལྡན ་འདས་གང་ན་བ་དེར་ལྷགས་ནས། བར་སྣང་གི་ནམ་མཁའ་ལ་གནས་པར་གྱུར་ཏོ།། དགེ་སློང་དང་། བྱང་ཆུབ་སེམས་དཔའ་གང་དག་ཡང་དག་འཇོག་ལ་ཞུགས་པ་དེ་དག་ཐམས་ཅད་ཀྱང ་བཅོམ་ལྡན་འདས་གང་ན་བ་དེར་ལྷགས་པར་གྱུར་ཏོ། ། རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ནས་ཀྱང་སྲོག་ཆ་ག་བརྒྱ་སྟོང་ནམ་བཅོམ་ལྡན་པ་དགང་ན་བདེར་ལྷག་པར་གྱུར་ཏོ།། དེ་ན་བཅོམ་ལྡན་པདདྨ་ཀྱི་ཐམ་ཅད་ཡོད་པའི་འཁོར་ལུས་པར་མཁྱེནན ་འཇམ་དཔལ་གཞོན་ནུར་གྱུར་པའི་བཞིན་ལ་གཟིགས་སོ། ། གཟིགས་ནས་ཀྱང་འཛུམ་པ་མཛད་དོ།། དེ་ནས་དེ་ཉིད་ཀྱི་ཚེ་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ། བླ་གོས་ཕྲག ་པ་གཅིག་ལ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུང་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱུ་དང་རྐྱེན་མ་མཆིས་པར་འཛུམ་པ་མི་མཛད་ན། བཅོམ་ལྡན་འདས་འཛུམ་པ་མཛད་པའི་རྒྱུ་གང་དང་རྐྱེན་གང་ལགས།། ་དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། འཇམ་དཔལ་སངས་རྒྱས་ཁྲི་རྣམས་ཀྱིས་བྱ་རྒོད་ཀྱི་ཕུང་པོའི་རི་འདི ་ལ་གླང་པོའི་རྩ་ལ་ལྟ་བུ་ཞེས་བྱ་བའི་ཆོས་ཀྱི་རྣམ་གྲངས་བཤད་དོ། ། དེ་ནས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱིས་བཀའ་སྩལ་པ་ཐོས་པ་དང་། མྱུར་བ་མྱུར་བར་རིངས་པའི་ཚུལ་དུ ་སྟན་ལས་ལངས་ཏེ། ཆོས་གོས་ཕྲག་པ་གཅིག་ལ་གཟར་ཏེ། པུས་མོ་གཡས་པའི་ལྷ་ངས་ལ་བཙུགས་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར ་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ད་ཡང་གླང་པོའི་རྩ་ལ་ལྟ་བུ་ཞེ་བགྱི་བའི་རྡོ་ཀྱི་རྣམ་གྲང་བདག་ལ་བཤད་ན་ལེགས་སོ།། བདེ་བར་གཤེགསཔ་བདག་ལ་བསྟན་ན་ལེགས་སོ།། གང་བཅོམ ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པའི་བཞིན་ལ་གཟིགས་ནས་འཛུམ་པ་མཛད་པའི་ཆོས་ཀྱི་རྣམ་གྲངས་དེ་དང་སང་ཐོས་པར་དཀོན་ལ། ཆོས་ཀྱི་རྣམ་གྲངས་དེ་ངོ་མཚར་དུ་འགྱུར་ཞིང་ཟབ ་ལ་ཟབ་པར་སྣང་བ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་འདི་ལྟར་ཁྱོད་ལྷག་མཐོང་ལ་མཁས་ཤིང་དཔྱོད་པ་ལེགས་སོ་ལེགས་སོ།། དེ་བས་ན་ཀུན་དགའ་བོ ་ཁྱོད་ལེགས་པར་ཤིན་ཏུ་ཉོན་ལ་ཡིད་ལ་ཟུང་ཞིག་དང་ངས་བཤད་དོ། ། བཅོམ་ལྡན་འདས་ལེགས་སོ་ཞེས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་ལྟར་ཉན་ཏོ།། དེ་ནས་བཅོམ་ལྡན ་འདས་ཀྱིས་ཆོས་ཀྱི་རྣམ་གྲངས་འདི་འདྲིར་གཞུག་པའི་ཕྱིར། འཇམ་དཔལ་གཞོན་ནུར་གྱུར་པ་ལ་དེ་ལྟ་བུའི་མཚན་མ་མཛད་ནས། དེའི་ཕྱིར་གང་བདག་གིས་དེ་བཞིན་གཤེགས་པ་ལ་དེ་ལྟ ་བུའི་ཟབ་མོ་ཟབ་པ་གང་ཉན་ཐོས་དང་རང་སངས་རྒྱས་རྣམས་དང་། མཚན་མར་ལྷུང་བའི་བྱང་ཆུབ་སེམས་དཔའ་རྣམས་ཀྱིས་མ་ཡིན་པ་ཞུ་བཞུའོ་སྙམ་དུ་སེམས་པར་གྱུར་ཏོ།། འཇམ་དཔ ་གཞོན་ནུར་གྱུར་པས་དེ་ལྟར་ཡིད་ལ་བྱས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ། བཅོམ་ལྡན་འདས་ཀྱིས་བདག་ལ་སྐབས། ་ཕྱེ་ན། བདག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱོགས་འགའ་ཞིག་ཞུའོ།། བཅོམ་ལྡན་འདས་ཀྱིས་བཀའ་སྩལ་པ། ཐམ ་ཅད་དང་ལྡན་པའི་འཁོར་འདི་དག་ཀྱང་འདུས་ཀྱིས། འཇམ་དཔལ་ཕྱོད་གང་དང་གང་འདོད་པ་ཞུས་ཤིག། འཇམ་དཔལ་གྱིས་གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས ་དཔའ་ཡོན་ཏན་ཐམས་ཅད་ལ་གནས་ཤིང་། བྱང་ཆུབ་སེམས་དཔའི་སྤྱོད་པ་ཐམས་ཅད་ལའང་དགའ་བ་ལགས། སེམས་ཅན་ཚད་མ་མཆིས་གྲངདྲ་མ་མནཱི་པ་རྣམ་ཀྱང་ཡོངསུ་སྨིན་པར་བགྱིད་ཅིང་།། ས ་རྒྱས་ཀྱི་ཞིང་ཐམས་ཅད་ནའང་ཆུའི་ཟླ་བ་ལྟ་བུར་གདའ་བ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། ་འཇམ་དཔལ་ཁྱོད་ཀྱིས་མདོར་དོན་ཆེན་པོ་ཞུ་བ་ཞུས་པ་ལེགས་སོ་ལེགས་སོ།། དེའི་རྣམ་པར་དབྱེ་བ་རྒྱ་ཆེར་ལེགས་པར་ཤིན་ཏུ་ཉོན་ལ་ཡིད་ལ་ཟུང་ཞིག་དང་། ངས་ཁྱོད་ལ་བཤད་དོ།། བཅོམ ་ལྡན་འདས་དེ་བཞིན་འཚལ་ལོ་ཞེས་འཇམ་དཔལ་གཞོན་ནུར་གྱུར་པ་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས། དེ་ལ་འདི་སྐད་ཅེས་བཀའ་སྩལ་ཏོ།། འཇམ་དཔལ ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་དྲུག་དང་ལྡན་ན། བྱ་བ་དེ་དག་ཀྱང་ཡོངས་སུ་རྫོགས་པར་བྱེད་ཅིང་། ཡོན་ཏན་གྱི་ཆོས་ཐམས་ཅད་ལའང་གནས། ་པར་འགྱུར་རོ།། དྲུག་གང་ཞེ་ན། འདི་ལ་བྱང་ཆུབ་སེམས་དཔའ་སྦྱིན་པ་བྱེད་པ་ན། སྦྱིན་པའི་བདག་པོ་བདོག་པ་ཐམས་ཅད་ཡོངས་སུ་གཏོང་བ་ཡིན་མོད་ཀྱི། བདག་སེར་སྣ་སྤྱོད་པ་ལས ་རྣམ་པར་ལྡོག་པར་མི་མཐོང་ངོ་། ། ཚུལ་ཁྲིམས་ལ་གནས་པ་ཡིན་མོད་ཀྱི། བདག་ཚུལ་ཁྲིམས་ངན་པའི་ལས་ལས་འདས་པ་ཡིན་པར་མི་ཤེས་སོ།། བཟོད་པ་དང་ངེས་པར་ལྡན་པ་ཡིན་མོད ་ཀྱིབདག་གནོད་སེམས་ཀྱི་སྤྱོད་པ་དང་བྲལ་བར་མི་མཐོང་ངོ་། ། བརྩོན་འགྲུས་བརྩམས་པ་ཡིན་མོད་ཀྱི། ལུས་དང་སེམས་ཀྱི་བརྩོན་པ་མ་ཡིན་ནོ།། བསམ་གཏན་དང་། རྣམ་པར་ཐར་པ ་དང་ཏིང་ངེ་འཛིན་དང་། སྙོམས་པར་འཇུག་པ་ཐམས་ཅད་ལ་མཁས་པ་ཡིན་མོད་ཀྱི། སེམས་རྩེ་གཅིག་ཏུ་གནས་པར་གྱུར་པའང་མ་ཡིན་ནོ།། སྤྱོད་ཡུལ་ཤེས་རབ་ལ་གནས་པ་ཡིན་མོད ་ཀྱིབདག་འགྲོ་བ་ཐམས་ཅད་ལ་ཡོངས་སུ་མ་གྲོལ་བར་མཐོང་ངོ་། ། འཇམ་དཔལ་བྱང་ཆུབ་སེམས་དཔའ་ཆོས་འདི་དྲུག་དང་ལྡན་ན། བྱ་བ་དེ་དག་ཡོངས་སུ་རྫོགས་པར་བྱར་ཅིང་། ཡོན་ཏན ་གྱི་ཆོས་ཐམས་ཅད་ལའང་གནས་པ་ཡིན་ནོ། ། འཇམ་དཔལ་གཞན་ཡང་ཆོས་དྲུག་དང་ལྡན་ན། བྱང་ཆུབ་སེམས་དཔའ་བྱ་བ་དེ་དག་ཡོངས་སུ་རྫོགས་པར་བྱེད་ཅིང་། ཡོན་ཏན་གྱི་ཆོས་ཐམས ་ཅད་ལའང་གནས་པ་ཡིན་ནོ། ། དྲུག་གང་ཞེ་ན། འདི་ལ་བྱང་ཆུབ་སེམས་དཔའ་སེམས་ཅན་དམྱལ་བའི་གནས་ཡོངས་སུ་བཟུང་བའང་ཡོངས་སུ་འཛིན་ལ། མཐོ་རིས་ཀྱི་ཆོས་ཀྱང་མྱོང་བར ་བྱེད་པ་དང་། དུད་འགྲོར་འགྲོ་བའི་གནས་ཀྱང་ཡོངས་སུ་འཛིན་ལ། མིའི་ཆོས་རྒྱ་ཆེན་པོའང་མྱོང་བར་བྱེད་པ་དང་། རིགས་དམའ་བར་སྐྱེ་བ་ཡོངས་སུ་བཟུང་བའང་ཡོངས་སུ་འཛིན་ལ། འཁོར ་སོས་སྒྱུར་བའི་རྒྱལ་སྲིད་ཀྱི་བདེ་བའང་མྱོང་བར་བྱེད་པ་དང་། སྐྱེ་བ་ཐམས་ཅད་གཏོགས་པར་ཡང་སྟོན་ལ། འགྲོ་བའི་ཁྱད་པར་གྱི་བུ་བ་རྣམས་ཀྱང་མྱོང་བར་བྱེད་པ་དང་། སངས་རྒྱས་ཀྱི་ནི ་ཐམས་ཅད་དུ་འགྲོ་བ་ལ་མཁས་པའང་ཡིན་ལ། གནས་ནས་ཀྱང་མི་འཕོ། འགྲོ་བའང་མེད། འོང་བའང་མེད་ཅིང་། སངས་རྒྱས་ཀྱི་ཞིང་ཐམས་ཅད་དུའང་ཆུའི་ཟླ་བ་བཞིན་དུ་སྣང་བ་དང་། ་སྒྲ་སྐད་ཐམས་ཅད་ཀྱང་འབྱིན་ལ། ཕན་ཚུན་འདྲེས་པར་ཡང་མི་བྱེད་པ་ཡིན་ཏེ། འཇམ་དཔལ་བྱང་ཆུབ་སེམས་དཔའ་ཆོས་དེ་དྲུག་དང་ལྡན་ན། བྱ་བ་དེ་དག་སྟོན་ཅིང་ཡོན་ཏན་གྱི་ཆོས ་ཐམས་ཅད་ལའང་གནས་པ་ཡིན་ནོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར ་ན་བྱང་ཆུབ་སེམས་དཔའ་སེམས་ཅན་དམྱལ་བའི་གནས་ཡོངས་སུ་བཟུང་བ་ཡོངས་སུ་འཛིན་ལ། མཐོ་རིགས་ཀྱི་ཆོས་ཀྱང་མྱོང་བ་ལགས། བཅོམ་ལྡན་འདས་ཀྱིས་བཀའ་སྩལ་པ ་བཇམ་དཔལ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་པདྨོ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སེམས་ཅན་དམྱལ་བའི་གནས་ཡོངས་སུ་བཟུང་བ ་ཡོངས་སུ་འཛིན་ཏེ། དེ་ལྷའི་བདེ་བ་གང་ཅུང་ཟད་ཡོད་པ་དེ་དག་ཐམས་ཅད་དེ་ན་མྱོང་བར་བྱེད་དོ།། སེམས་ཅན་དེ་དག་གིས་ཀྱང་དེ་དམྱལ་བས་དམྱལ་བར་མཐོང་སྟེ། དེ་ཆ་ལུགས་དེས་སེམས་ཅན་དམྱལ ་བ་པའི་སེམས་ཅན་དེ་དག་དམྱལ་བ་དང་བྲལ་བར་གྱུར་པ་ལ་ཆོས་འཆད་དོ། ། དེ་སེམས་ཅན་སྟོང་ཕྲག་དུ་མ་སེམས་ཅན་དམྱལ་བ་ལས་རབ་ཏུ་ཐར་པར་བྱེད་དོ།། འཇམ་དཔལ་ད་ལྟར་ན་བྱང་ཆུབ་སེམས་དཔ ་སེམས་ཅན་དམྱལ་བའི་གནས་ཡོངས་སུ་གཟུང་བའང་ཡོངས་སུ་འཛིན་ལ། མཐོ་རིས་ཀྱི་ཆོས་ཀྱང་མྱོང་བར་བྱེད་པ་ཡིན་ནོ།། འཇམ་དཔལ་གྱིས་གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ ་སེམས་དཔ་འདུད་འགྲོའི་གནས་ཀྱང་ཡོངས་སུ་འཛིན་ལ། མིའི་ཆོས་རྒྱ་ཆེན་པོའང་མྱོང་བར་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ལ་བྱང་ཆུབ་སེམས་དཔའ ་བར་ཞི་བ་ལ་འཇུག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དུད་འགྲོའི་གནས་ཡོངས་སུ་འཛིན་ཅིང་། སེམས་ཉམས་པ་མེད་པར་མིའི་ཆོས་རྒྱ་ཆེན་པོ་མྱོང་བར་བྱེད་དོ།། དེ་ར་ལུགས་དེས ་དུད་འགྲོར་གྱུར་པའི་སེམས་ཅན་རྣམས་ལ་ཆོས་འཆད་དེ། དེ་སེམས་ཅན་སྟོང་ཕྲག་མང་པོ་ཆོས་ལ་འཇོག་གོ། འཇམ་དཔལ་དེ་ལྟར་ན་བྱང་ཆུབ་སེམས་དཔའ་དུད་འགྲོའི་གནས་ཀྱང་ཡོངས་སུ ་འཛིན་ལ། མིའི་ཆོས་རྒྱ་ཆེན་པོའང་མྱོང་བར་བྱེད་པ་ཡིན་ནོ།། འཇམ་དཔལ་གྱིས་གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རིགས་དམའ་བར་སྐྱེ་བ་ཡོངས་སུ་གཟུང་བའང ་ཡོངས་སུ་འཛིན་ལ། འཁོར་ལོས་སྒྱུར་བའི་རྒྱལ་སྲིད་ཀྱི་བདེ་བའང་མྱོང་བར་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ལ་བྱང་ཆུབ་སེམས་དཔའ་མངོན་པར ་གནོན་ཅིང་རྣམ་པར་གསལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཏིང་ངེ་འཛིན་དེ་མངོན་པར་གནོན་པ་དང་། རྣམ་པར་གསལ་བས་རིགས་དམའ་བར་སྐྱེ་བ་ཡོངས་སུ་གཟུང་བའང ་ཡོངས་སུ་འཛིན་ལ། འཁོར་ལོས་སྒྱུར་བའི་རྒྱལ་སྲིད་ཀྱི་བདེ་བའང་མྱོང་བར་བྱེད་དེ། ཐབས་དེས་ཀྱང་སེམས་ཅན་སྟོང་ཕྲག་དུ་མ་ཆོས་ལ་འཇོག་གོ།། བཇམ་དཔལ་དེ་ལྟར་ན་བྱང་ཆུབ་སེམས་དཔའ ་རིགས་དམའ་བར་སྐྱེ་བ་ཡོངས་སུ་གཟུང་བའང་ཡོངས་སུ་འཛིན་ལ། འཁོར་ལོས་སྐུར་བའི་རྒྱལ་སྲིད་ཀྱི་བདེ་བའང་མྱོང་བར་བྱེད་པ་ཡིན་ནོ།། འཇམ་དཔལ་གྱིས་གསོལ་པ། བཅོམ་ལྡན་འདས་ཇི་ལྟར ་བྱང་ཆུབ་སེམས་དཔའ་འགྲོ་བ་ཐམས་ཅད་དུ་གཏོགས་པར་ཡང་སྟོན་ལ། འགྲོ་བའི་ཁྱད་པར་བགྱིད་པའང་མྱོང་བ་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ལ ་བྱང་ཆུབ་སེམས་དཔའ་སྤྱོད་པ་ཐམས་ཅད་ལ་བཏང་བ་སྣང་བའི་ཁྱད་པར་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་འཇུག་གོ། ། ཏིང་ངེ་འཛིན་དེ་ལས་ལངས་ནས། འགྲོ་བ་ཐམས་ཅད་དུ ་གཏོགས་པར་ཡང་སྟོན་ཅིང་། འགྲོ་བའི་ཁྱད་པར་གྱི་བྱེད་པའང་མྱོང་བར་བྱེད་དེ། འཇམ་དཔལ་དེ་ལྟར་ན་བྱང་ཆུབ་སེམས་དཔའ་འགྲོ་བ་ཐམས་ཅད་དུ་གཏོགས་པར་ཡང་སྟོན་ལ། ་འགྲོ་བའི་ཁྱད་པར་ཡང་མྱོང་བར་བྱེད་པ་ཡིན་ནོ།། འཇམ་དཔལ་གྱིས་གསོལ་ད། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སངས་རྒྱས་ཀྱི་ཞིང་ཐམས་ཅད་དུ་འགྲོ་བ་ལ་མཁས་ཤིང་གནས་ནས ་ཀྱང་མི་གཡོ། འགྲོ་བའང་མ་མཆིས། འོང་བའང་མ་མཆིས་ལ། སངས་རྒྱས་ཀྱི་ཞིང་ཐམས་ཅད་དུའང་ནུའི་ཟླ་བ་ལྟར་གདའ་བ་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ལ་བྱང ་ཆུབ་སེམས་དཔའ་གཟུགས་ཐམས་ཅད་རྣམ་པར་གནོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་འཇུག་སྟེ། དེ་ཏིང་ངེ་འཛིན་དེ་ལ་གནས་པ་ན། ཕྱོགས་བཅུའི་འཇིག་རྟེན་གྱི་ཁམས་རྣམས་སུ་བདག་གི་ལུས ་ཅིག་ཅར་སྣང་བར་བྱེད་ལ། གནས་ནས་ཀྱང་མི་གཡོ། འགྲོ་བའང་མེདདང་། འོང་བའང་མེད་དེ། སྙོམས་པར་ཞུགས་པ་ཉིད་ཀྱིས་སངས་རྒྱས་བཅོམ་ལྡན་འདས་མཐོང་ཞིང་ཆོས་ཀྱང་ཉན་ཏེ། འཇམ་དཔལ ་དེ་ལྟར་ན་བྱང་ཆུབ་སེམས་དཔའ་སངས་རྒྱས་ཀྱི་ཞིང་ཐམས་ཅད་དུ་འགྲོ་བ་ལ་མཁས་པའང་ཡིན་ལ། གནས་ནས་ཀྱང་མི་གཡོ། འགྲོ་བའང་མེད། འོང་བའང་མེད་དེ། སངས་རྒྱས་ཀྱི་ཞིང་ཐམས་ཅད་དུ ་ཆུའི་ཟླ་བ་བཞིན་དུ་སྣང་བ་ཡིན་ནོ། ། འཇམ་དཔལ་གྱིས་གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སྒྲ་སྐད་ཐམས་ཅད་ཀྱང་འབྱིན་པར་བགྱིད་ལ། ཕན་ཚུན་འདྲེས་པར་ཡང་མི ་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ལ་བྱང་ཆུབ་སེམས་དཔའ་མཐའ་ཡས་པར་འཁྱིལ་པ་ཞེས་བྱ་བའི་གཟུངས་ཐོབ་ནས། སེམས་ཅན་གྱི་སེམས་ཀྱི་བསམ་པ ་མཐའ་ཡས་པ་ལ་འཇུག་ཅིང་སྒྲ་བཤད་པ་མཐའ་ཡས་པ་རྣམས་ཤེས། བདག་གི་ཚུལ་མཐའ་ཡས་པ་རྣམས་ཀྱང་རབ་ཏུ་ཤེས་ཏེ། དེ་གཟུངས་དེ་ཐོབ་པས་སྒྲ་སྐད་ཐམས་ཅད་ཀྱང་འབྱིན་ལ། ཕན་ཚུན ་འདྲེས་པར་ཡང་མི་བྱེད་དེ། འཇམ་དཔལ་དེ་ལྟར་ན་བྱང་ཆུབ་སེམས་དཔའ་སྒྲ་སྐད་ཐམས་ཅད་ཀྱང་བྱིན་ལ། ཕན་ཚུན་འདྲེས་པར་ཡང་མི་བྱེད་པ་ཡིན་ནོ།། འཇམ་དཔལ་གྱིས་གསོལ་པ། བཅོམ་ལྡན ་འདས་བྱང་ཆུབ་སེམས་དཔའ་རྣམས་ཀྱི་ཐབས་མཁས་པ་ནི་མངོན་པར་འབྱུང་བར་དཀའ་འོ། ། བཅོམ་ལྡན་འདས་འོན་ཀྱང་ཆོས་ཀྱི་རྣམ་གྲངས་འདི་རྟོགས་པར་འཚལ་བའི་བྱང་ཆུབ་སེམས་དཔས་ཆོས་ཀྱི་རྣམ ་གྲངས་ཇི་ལྟ་བུ་རྟོགས་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཆོས་ཀྱི་རྣམ་གྲངས་འདི་རྟོགས་པར་འདོད་པའི་བྱང་ཆུབ་སེམས་དཔས་ནམ་མཁའི་ཚུལ་རྟོགས་པར་བྱའོ།། ་གསོལ་པ། བཅོམ་ལྡན་འདས་ནམ་མཁའི་ཚུལ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ལྟ་སྟེ། དཔེར་ན་ནམ་མཁའ་ནི་ཆགས་པ་མ་ཡིན། ཞེ་སྡང་བ་མ ་ཡིན་རྫ་རྨོངས་པ་མ་ཡིན་ནོ། ། དེ་བཞིན་དུ་ཆོས་ཐམས་ཅད་ཀྱང་ཆགས་པ་མ་ཡིན། ཞེ་སྡང་བ་མ་ཡིན། རྨོངས་པ་མ་ཡིན་ནོ། འདི་ལྟ་སྟེ། དཔེར་ན་ནམ་མཁའ་ནི་སྦྱིན་པ་ཕུན་སུམ་ཚོགས ་། པ་མ་ཡིན་པ་ནས། ཤེས་རབ་ཀྱི་བར་དུ་ཕུན་སུམ་ཚོགས་པ་མ་ཡིན་ནོ།། དེ་བཞིན་དུ་ཆོས་ཐམས་ཅད་ཀྱང་སྦྱིན་པ་ཕུན་སུམ་ཚོགས་པ་མ་ཡིན་པ་ནས། ཤེས་རབ་ཀྱི་བར་དུ་ཕུན ་སུམ་ཚོགས་པ་མ་ཡིན་ནོ། ། འདི་ལྟ་སྟེ། དཔེར་ན་ནམ་མཁའ་ནི་ཡོངས་སུ་ཤེས་པར་བྱ་བ་མ་ཡིན། སྤང་བར་བྱ་བ་མ་ཡིན་ནོ།། དེ་བཞིན་དུ་ཆོས་ཐམས་ཅད་ཀྱང་ཡོངས་སུ་ཤེས་པར་བྱ་བ་མ ་ཡིནསྤང་བར་བྱ་བ་མ་ཡིན་ནོ། ། འདི་ལྟ་སྟེ། དཔེར་ན་ནམ་མཁའ་ནི་བསྒོམ་པར་བྱ་བ་མ་ཡིན། མངོན་དུ་བྱ་བ་མ་ཡིན་ནོ།། དེ་བཞིན་དུ་ཆོས་ཐམས་ཅད་ཀྱང་བསྒོམ་པར་བྱ་བ་མ་ཡིན།། ་མངོན་དུ་བྱ་བ་མ་ཡིན་ནོ།། འདི་ལྟ་སྟེ། དཔེར་ན་ནམ་མཁའ་ནི་མུན་པ་མ་ཡིན། སྣང་བ་མ་ཡིན་ནོ།། དེ་བཞིན་དུ་ཆོས་ཐམས་ཅད་ཀྱང་མུན་པ་མ་ཡིན། སྣང་བ་མ་ཡིན་ནོ།། འདི་ལྟ་སྟེ། ་དཔེར་ན་ནམ་མཁའ་ནི་ཀུན་ཏུ་གཟུང་བར་བྱ་བ་མ་ཡིན་ནོ།། དེ་བཞིན་དུ་ཆོས་ཐམས་ཅད་ཀྱང་ཀུན་ཏུ་གཟུང་བར་བྱ་བ་མ་ཡིན་ནོ།། འདི་ལྟ་སྟེ། དཔེར་ན་ནམ་མཁའ་ནི་ལམ་གྱིས་ཡང་དག ་པར་ཞུགས་པ་མ་ཡིན། ལམ་ངན་པས་མ་ཡིན་ནོ།། དེ་བཞིན་དུ་ཆོས་ཐམས་ཅད་ཀྱང་ལམ་གྱིས་ཡང་དག་པར་ཞུགས་པ་མ་ཡིན། ལམ་ངན་པས་མ་ཡིན་ནོ།། འདི་ལྟ་སྟེ། དཔེར་ན ་ནམ་མཁའ་ནི་ཉན་ཐོས་ཀྱི་ཐེག་པས་ཡང་དག་པར་ཞུགས་པ་མ་ཡིན། རང་སངས་རྒྱས་ཀྱི་ཐེག་པས་མ་ཡིན། ཐེག་པ་ཆེན་པོས་ཡང་དག་པར་ཞུགས་པ་མ་ཡིན་ནོ།། དེ་བཞིན་དུ་ཆོས ་ཐམས་ཅད་ཀྱང་ཉན་ཐོས་ཀྱི་ཐེག་པས་ཡང་དག་པར་ཞུགས་པ་མ་ཡིན། རང་སངས་རྒྱས་ཀྱི་ཐེག་པས་མ་ཡིན། ཐེག་པ་ཆེན་པོས་ཡང་དག་པར་ཞུགས་པ་མ་ཡིན་ནོ།། འདི་ལྟ་སྟེ། དཔེར་ན་ནམ ་མཁའ་ནི་སེམས་པར་བྱེད་པ་མ་ཡིན། ཤེས་པར་བྱེད་པ་མ་ཡིན་ནོ།། དེ་བཞིན་དུ་ཆོས་ཐམས་ཅད་ཀྱང་སེམས་པར་བྱེད་པ་མ་ཡིན། ཤེས་པར་བྱེད་པ་མ་ཡིན་ནོ།། འདི་ལྟ་སྟེ། དཔེརན ་ནམ་མཁའ་ནི་ལེན་པར་བྱེད་པ་མ་ཡིན། འདོར་བར་བྱེད་པ་མ་ཡིན། བླང་བར་བྱ་བ་མ་ཡིན།། དོར་བར་བྱ་བ་མ་ཡིན་ནོ།། དེ་བཞིན་དུ་ཆོས་ཐམས་ཅད་ཀྱང་ལེན་པར་བྱེད་པ་མ་ཡིན། འདོར ་བར་བྱེད་པ་མ་ཡིན། བླང་བར་བྱ་བ་མ་ཡིན། འདོར་བར་བྱ་བ་མ་ཡིན་ནོ།། འདི་ལྟ་སྟེ། དཔེར་ན་ནམ་མཁའ་ནི་གང་གིས་ཀྱང་ཉོན་མོངས་པར་བྱར་མི་ནུས་སོ།། དེ་བཞིན་དུ་མྱ་ངན་ལས་འདས་པའི ་མཐར་ཐུག་པའི་ཆོས་ཐམས་ཅད་ཀྱང་ཀུན་ནས་ཉོན་མོངས་པ་མ་ཡིན་ཏེ། དེ་དག་ཞི་བར་ཡང་མི་འགྱུར། ཉེ་བར་ཞི་བར་ཡང་མི་འགྱུར་རོ།། འདི་ལྟ་སྟེ། དཔེར་ན་ནམ་མཁའ་ནི་མི་གནས་པའི ་ཕྱིར་གནས་མ་ཡིན། གནས་པ་མ་ཡིན། གཡོ་བར་མི་བྱེད། འགུལ་བར་མི་བྱེད་དོ།། བྱང་ཆུབ་སེམས་དཔས་དེ་བཞིན་དུ་ཆོས་ཐམས་ཅད་མི་གནས་པ་ལ་གནས་པར་བལྟའོ།། དེ་དག ་ཡང་དག་པར་ཐོབ་པས། མི་འགུལ། མི་གཡོ། མི་གནས། གནས་པར་མི་བྱེད་དོ།། དེ་ལ་འཇམ་དཔལ་ཆོས་ཐམས་ཅད་ཀྱི་ངོ་བོ་ཉིད་དེ་ལྟ་བུ་ལ། གང་དེ་བཞིན་གཤེགས་པ་ལྟ་བ ་འདོད་པ་དེ་དག་ནི་ལོག་པར་ལྟ་བའོ། ། གང་ལོག་པར་ལྟ་བ་དེ་དག་ནི་ཡང་དག་པར་ཞུགས་པའོ།། གང་ཡང་དག་པར་ཞུགས་པ་དེ་དག་ལ་བྱིན་པ་ནི་འབྲས་བུ་ཆེ་བ་མ་ཡིན། ་ཕན་ཡོན་ཆེ་བ་མ་ཡིན་ནོ།། གང་དག་ལ་བྱིན་ན་འབྲས་བུ་ཆེ་བ་མ་ཡིན། ཕན་ཡོན་ཆེ་བ་མ་ཡིན་པ་དེ་དག་ནི་འཇིག་རྟེན་གྱི་སྦྱིན་གནས་སོ།། གང་འཇིག་རྟེན་གྱི་སྦྱིན་གནས་ཡིན་པ་དེ་དག་ལ་སྦྱིན ་པའི་རྣམ་པར་སྨིན་པ་མེད་དོ། ། གང་ལ་སྦྱིན་པའི་རྣམ་པར་སྨིན་པ་མེད་པ་དེ་དག་གིས། འདུ་ཤེས་མེད་པ་ཡོངས་སུ་རྫོགས་པར་བྱས་སོ།། གང་གིས་འདུ་ཤེས་མེད་པ་ཡོངས་སུ་རྫོགས་པར ་བྱས་པ་དེ་དག་མྱུར་དུ་མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར་རོ། ། དེ་ནས་འཁོར་དེའི་ནང་ནས་དགེ་སློང་ལྷག་པའི་ང་རྒྱལ་ཅན་དྲུག་ཅུ་བསྟན་པ་འདི་ཐོས་པ་དང་། འདི་སྙམ་དུ་གྱུར་ཏེ། མུ་ན་ནག ་གི་ལམ་དུ་གྱུར་ལ། དེ་བཞིན་གཤེགས་པའང་མུན་ནག་གི་ལམ་དུ་སྟོན་ཏོ།། འདི་ལྟ་སྟེ། མུ་སྟེགས་ཅན་གཞན་དག་ཀྱང་དེ་སྐད་སྟོན། དེ་བཞིན་གཤེགས་པའང་དེ་སྐད་སྟོན་པས། དེ་བཞིན། ་གཤེགས་པ་དང་། མུ་སྟེགས་ཅན་གཞན་གང་བ་འོད་སྲུངས་དང་། མ་སྐད་རི་འགའ་བ་ཡ་ལ་དང་། མི་དཀར་བ་སྐྲའི་ལབ་ན་དང་། ཀུན་རྒྱལ་པོའི་ཏ་རིའི་བུ་དང་། དཔོན་པོ་ཀ་ཏྱ་ཡན་དང་། ་གཅེར་བུ་པ་ཉེ་དུའི་བུ་རྣམས་ཀྱི་ཚིག་མཚུངས་སོ་སྙམ་མོ།། དེ་ནས་བཅོམ་ལྡན་འདས་ཀྱི་ཐུགས་ཀྱིས་དགེ་སློང་ལྷག་པའི་ང་རྒྱལ་ཅན་དེ་རྣམས་ཀྱི་སེམས་ཀྱི་རྟོག་པ་མཁྱེན་ནས། འཇམ ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་དེ་དེ་བཞིན་ཏེ། གང་ངས་ཆོས་བཤད་པ་འདི་མུ་སྟེགས་ཅན་གཞན་རྣམས་དང་མཚུངས་ན། མུ་སྟེགས་ཅན་གཞན་རྣམས་ཀྱིས ་ནི་དེ་བཞིན་གཤེགས་པས་ཆོས་བཤད་པ་མི་ཤེས་སོ། ། དེ་སྐད་ཅེས་བཀའ་སྩལ་པ་དང་། དགེ་སློང་ལྷག་པའི་ང་རྒྱལ་ཅན་རྣམས་ལྷག་པར་སྡུག་བསྔལ། མི་དགའ། མ་མགུ ་མ་རངས། ཆོས་བཤད་པ་འདིའང་མ་ཤེས་ནས་སྟན་ལས་ལངས་ཏེ་དོང་ངོ་།། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས། དགེ་སྦྱོང་དེ་དག་ལ་འདི་སྐད་ཅེས་སྨྲས་སོ།། ཚེ་དང་ལྡན་པ ་ཁྱེད་གར་འདོང་། དེ་དག་གིས། དེ་ལ་འདི་སྐད་ཅེས་སྨྲས་སོ།། བཙུན་པ་ཤཱ་རིའི་བུ་ཆོས་བཤད་པ་འདི་བདག་ཅག་གིས་མ་འཚལ་ཏོ།། དེས་དེ་དག་ལ་འདི་སྐད་ཅེས་སྨྲས་སོ།། ཚེ་དང་ལྡན ་པ་དག་དེ་བཞིན་གཤེགས་པས་དགོངས་ཏེ་བསྟན་པ་ཡིན་པར་ཤེས་པར་བྱའོ། ། དེའི་ཕྱིར་བཅོམ་ལྡན་འདས་ཀྱིས་ཅི་ལས་དགོངས་ཏེ་དེ་སྐད་བསྟན་པ་དེ་བཞིན་གཤེགས་པ་ལ་ཞུ་ཡི་བར་དུ་རེ་ཞིག ་སྡོད་ཅིག། དེ་ནས་དགེ་སློང་དེ་དག་ཚེ་དང་ལྡན་པ་ཤཱ་རིའི་བུའི་ཚིག་ཐོས་ནས་སོ་སོའི་སྟན་ལ་སླར་འཁོད་དོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ།། ་བཅོམ་ལྡན་འདས་དགེ་སློང་འདི་དག་གི་ཐེ་ཚོམ་བསལ་བའི་སླད་དུ། དེ་བཞིན་གཤེགས་པས་ཅི་ལས་དགོངས་ཏེ་འདི་སྐད་བསྟན་པ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན ་འདས་ཀྱིས་བཀའ་སྩལ་པ། ཤཱ་རིའི་བུ་དེ་ཇི་སྙམ་དུ་སེམས། དགེ་སློང་གང་ཉེ་བར་ལེན་པ་མེད་པར་ཟག་པ་ལས་སེམས་རྣམ་པར་གྲོལ་བ་དེ་སྒྲ་གང་གིས་ཀྱང་དངང་བ་དང ་སྐྲག་པ་དང་། ཀུན་ཏུ་སྐྲག་པར་འགྱུར་རམ། གསོལ་པ། བཅོམ་ལྡན་འདས་མ་ལགས་སོ།། དགེ་སློང་བདེན་པ་མཐོང་བའང་སྒྲ་ཐམས་ཅད་ཀྱིས་མི་དངང་། མི་སྐྲག། ཀུན་ཏུ་སྐྲག་པར་མི ་འགྱུར་ན། དགེ་སློང་གང་ཉེ་བར་ལེན་པ་མ་མཆིས་པར་ཟག་པ་ལས་སེམས་རྣམ་པར་གྲོལ་བ་ལྟ་ཅི་སྨོས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་འདི་ལ་སྐྱེས་བུ་བླུན་པོ་ཁ་ཅིག་ཡང ་དག་པ་མ་ཡིན་པའི་ཆོས་རྣམས་བརྟགས་ནས། ལྷག་པའི་ང་རྒྱལ་ཅན་དུ་གྱུར་ཅིང་གནས་སོ།། ཤཱ་རིའི་བུས་གསོལ་པ། གང་ཐོས་ནས་འཁོར་ཐམས་ཅད་ཐེ་ཚོམ་མ་མཆིས་པར་འགྱུར་བའི་ཚིག ་བཤད་པ་དེ་དགྲ་བཅོམ་ལྡན་འདས་ཀྱིས་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་གང་གིས་དེ་བཞིན་གཤེགས་པ་རྨི་ལམ་དང་མཚུངས། སྒྱུ་མ་དང་མཚུང ་པར་མཐོང་བ་དེས་ཡང་དག་པར་མཐོང་ངོ་། ། གང་ཡང་དག་པར་མཐོང་དེ་དག་དེ་བཞིན་གཤེགས་པ་ལ་ཡང་དག་པར་འདུ་ཤེས་མི་བྱེད། སྙིང་པོར་འདུ་ཤེས་དང་རྫས་སུ་འདུ་ཤེས་དང ་དངོས་པོར་འདུ་ཤེས་དང་། རིལ་པོར་འདུ་ཤེས་མི་བྱེད། གང་དེ་བཞིན་གཤེགས་པ་ལ་ཡང་དག་པར་འདུ་ཤེས་པ་མ་ཡིན། སྙིང་པོ་དང་། རྫས་དང་། དངོས་པོ་དང་། རིལ་པོར་འདུ ་ཤེས་པ་མ་ཡིན་པ་དེ་དག་གིས་འདུ་བྱེད་ཐམས་ཅད་བརྫུན་པར་མཐོང་ངོ་། ། གང་གིས་འདུ་བྱེད་ཐམས་ཅད་བརྫུན་པར་མཐོང་བ་དེ་དག་གིས་ཆོས་ཐམས་ཅད་ལོག་པར་ཤེས་སོ།། གང་གིས་ཆོས ་ཐམས་ཅད་ལོག་པར་ཤེས་པ་དེ་དག་ཐམས་ཅད་དེ་བཞིན་གཤེགས་པས་ལོག་པར་ལྟ་བ་ཡོངས་སུ་རྫོགས་པ་ཡིན་པར་བསྟན་ཏོ། ། དེ་དག་གིས་ལྟ་བར་གྱུར་པ་ཐམས་ཅད་ལོག་པ་ཡིན་པར་ཡང ་ཤེས་ཏེ། དེའི་ཕྱིར་ཡང་དེ་དག་ལོག་པར་ལྟ་བ་ཞེས་བྱའོ།། ཤཱ་རིའི་བུ་རྣམ་གྲངས་དེས་གང་དེ་བཞིན་གཤེགས་པ་ལ་ལྟ་བར་འདོད་པ་དེ་དག་ལོག་པར་ལྟ་བ་ཞེས་བྱའོ།། ཤཱ་རིའི་བུ་དེ་དག་ནི་དེ་བཞིན ་གཤེགས་པའི་སྐུ་མ་འཁྲུགས་པར་ལྟ་བའོ། ། གང་དེ་བཞིན་གཤེགས་པའི་སྐུ་ལོག་པ་ཡིན་པར་རྟོག་པ་དེ་དག་ནི། དེ་བཞིན་གཤེགས་པའི་འདུ་ཤེས་མེད་པའོ།། ཤཱ་རིའི་བུ་གང་འདི་ལྟར ་ལོག་པར་ཤེས་པ་དེ་ནི། དེ་བཞིན་གཤེགས་པ་མཐོང་བའོ།། གསོལ་པ། བཅོམ་ལྡན་འདས་ཇི་ལྟར་ན་གང་ལོག་པར་ལྟ་བ་དེ་དག་ཡང་དག་པར་ཞུགས་པ་ལགས། བཅོམ་ལྡན་འདས་ཀྱིས ་བཀའ་སྩལ་པ། ཤཱ་རིའི་བུ་གང་སོ་སོའི་སྐྱེ་བོ་རྣམས་རྟོག་པ་དང་། རྣམ་པར་རྟོག་པ་དང་། དཔྱོད་པ་དང་། རྣམ་པར་དཔྱོད་པ་དང་། ལྡང་བར་བྱེད་པ་དང་། ཀུན་ཏུ་ལྡང་བར་བྱེད་པ་དང་། ་རྟེན་པ་དང་། གནས་པ་དང་། ལེན་པ་དང་། འདོར་བ་དང་། བདག་དང་། སེམས་ཅན་དང་། སྲོག་དང་། གང་ཟག་ཏུ་ལྟ་བ་ཉེ་བར་ལེན་པ་དང་། བདག་ཏུ་འཛིན་པ་ལ་མངོན་པར་ཞེན་པ་དང་། བདག ་གིར་འཛིན་པ་ལ་ཆགས་པ་དེ་དག་གི་སྤྱོད་པ་དང་། ཤེས་པ་དང་། གཡོ་བ་དང་། སྤྲོས་པ་དེ་ལྟ་བུ་དག་དེ་དག་གིས་ཤེས་ཏེ། དེ་དག་ཇི་ལྟ་བུར་ཡོད་པ་མ་ཡིན་པ་དེ་ལྟ་བུ་ཉིད ་དུ་ཤེས་སོ། ། ཤཱ་རིའི་བུ་མེད་པ་ཞེས་བྱ་བ་ནི་ཡང་དག་པ་མ་ཡིན་པའི་ཚིག་བླ་དགས་སོ།། ཡང་དག་པ་མ་ཡིན་པ་ཞེས་བྱ་བ་ནི་བརྫུན་པའོ།། བརྫུན་པ་ཞེས་བྱ་བ་དེ་ནི་ལོག་པའི་ཚིག་བླ་དགས་སོ།། དེ་ལྟར་ག ་ཚུལ་འདི་ལྟ་བུ་ཡང་དག་པ་མ་ཡིན་པར་འཛིན་པ་དག་ལོག་པར་མཐོང་བ་དེའི་ཕྱིར་དེ་དག་ཡང་དག་པར་ཞུགས་པ་ཞེས་བྱའོ། ། ཤཱ་རིའི་བུ་རྣམ་གྲངས་དེ་ཉིད་ཀྱིས་གང་ལོག་པར་ལྟ་བ་དེ་དག་ཡང་དག་པར ་ཞུགས་པའོ། ། གསོལ་པ། བཅོམ་ལྡན་འདས་ཇི་ལྟར་ན་གང་ཡང་དག་པར་ཞུགས་པ་དེ་དག་འབྲས་བུ་ཆེ་བ་མ་ལགས། ཕན་ཡོན་ཆེ་བ་མ་ལགས། བཅོམ་ལྡན་འདས་ཀྱིས་བཀའ་སྩལ་པ། ་ཤཱ་རིའི་བུ་གང་ཚུལ་འདི་ལྟ་བུས་ཡང་དག་པར་ཞུགས་པ་དང་ལྡན་པར་གྱུར་པ་དེ་དག་ལ་སྦྱིན་པ་ནི་མྱ་ངན་ལས་འདས་པ་ལ་གཞོལ། མྱ་ངན་ལས་འདའ་བ་ལ་འབབ། མྱ་ངན་ལས་འདའ་བ་ལ ་བབ་མྱ་ངན་ལས་འདའ་བའི་མཐར་ཐུག་པར་འགྱུར་ཏེ། མྱ་ངན་ལས་འདའ་བ་ནི་འབྲས་བུ་ཆུང་བའང་མ་ཡིན། འབྲས་བུ་ཆེ་བའང་མ་ཡིན། ཕན་ཡོན་ཆུང་བའང་མ་ཡིན། ཕན་ཡོན། ་ཆེ་བའང་མ་ཡིན་ནོ།། དེ་ཅིའི་ཕྱིར་ཞེ་ན། མྱ་ངན་ལས་འདས་པ་ནི་འབྲས་བུ་ཐམས་ཅད་དང་བྲལ་ཞིང་བཏགས་པ་མ་ཡིན། གདགས་པར་བྱ་བ་མ་ཡིན་པའི་ཕྱིར་རོ།། གསོལ་པ། བཅོམ ་ལྡན་འདས་འོ་ན་དེ་བཞིན་གཤེགས་པས་མྱ་ངན་ལས་འདས་པ་གདགས་སུ་མ་མཆིས་པ། ཇི་ལྟར་ཡོན་ཏན་མཐའ་ཡས་པའི་ཕན་ཡོན་གྱི་བྱེ་བྲག་བསྟན། བཅོམ་ལྡན་འདས་ཀྱིས་བཀའ་སྩལ ་བཛྲ་ཤཱ་རིའི་བུ་སྐྱེ་བོའི་སྤྱོད་ཡུལ་ཅན་གྱི་སེམས་ཅན་བདག་དང་། སེམས་ཅན་དང་། སྲོག་དང་། གང་ཟག་ཏུ་སྨྲ་བ་རྣམས་མོས་པ་བསྐྱེད་པའི་ཕྱིར་མྱ་ངན་ལས་འདས་པ་གདགས་སུ་མེད་པ་ལའང ་དེ་བཞིན་གཤེགས་པས་ཡོན་ཏན་མཐའ་ཡས་པའི་ཕན་ཡོན་གྱི་བྱེ་བྲག་བསྟན་ཏོ། ། ཤཱ་རིའི་བུ་འོན་ཀྱང་འཕགས་པ་རྣམས་ནི་སྦྱིན་པ་ལ་འཇུག་པར་མི་བལྟའི། འཕགས་པ་རྣམས་འདོད་ཆགས ་དང་བྲལ་བ་དང་། སྦྱིན་པ་ལས་ལོག་པར་བལྟའོ།། ཤཱ་རིའི་བུ་འདི་ལྟ་སྟེ། དཔེར་ན་ཞིང་པ་དག་ཞིང་ལ་ནས་ཀྱི་ས་བོན་བཏབ་སྟེ། དེའི་ནས་དེ་ཉིད་ལ་བརྟེན་ནས་སྲེད་དང་། རྩཝ་དང་། སྔོ ་རྣམས་སྐྱེ་ན། ཤཱ་རིའི་བུ་དེ་ཇི་སྙམ་དུ་སེམས། སྲེ་ད་དང་། རྩཝ་དང་། སྔོ་འདི་དག་ཞིང་པ་དེའི་ལས་བྱས་པའི་འབྲས་བུ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ།། བཅོམ ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་འདི་ལྟ་སྟེ། དཔེར་ན་ཞིང་པས་ནས་ཀྱི་ས་བོན་བཏབ་པ་དེའི་ནས་དེ་དག་ཉིད་ལ་བརྟེན་ནས་སྲེད་རྣམས་འབྱུང་བ་དང་། རྩཝ་དང་སྔོ་རྣམས་སྐྱེ་བར ་འགྱུར་ཏེ། ནས་ཀྱི་སྙེ་མ་གཞན་རྣམས་ཀྱང་འབྱུང་ངོ་།། དེ་བཞིན་དུ་འཕགས་པ་རྣམས་སྦྱིན་པ་བྱིན་པ་ནི། ཚེགས་ཆུང་ངུས་ལོངས་སྤྱོད་ཆེན་པོར་འགྱུར་ལ། གཞན་ཡང་ཟག་པ་ཟང་པོ ་སྲེད་པའི་འབྲས་བུ་ཐམས་ཅད་སྐེམས་པར་བྱེད་དོ། ། འདི་ལྟ་སྟེ། དཔེར་ན་ནས་འདོད་པ་དག། འདི་ནི་ནས་ཀྱི་ས་བོན་དེའི་འབྲས་བུ་མ་ཡིན། འདི་ནི་ནས་ཀྱི་ས་བོན་དེའི ་སྡེ་མ་མ་ཡིན་ནོ་སྙམ་ནས། སྲེ་དས་མགུ་བར་མི་འགྱུར་ཞིང་། རྩཝ་དང་སྔོས་རངས་པར་མི་འགྱུར་བ་དེ་བཞིན་དུ་འདུས་མ་བྱས་པའི་ཞིང་ལ་སྦྱིན་པ་བྱིན་པ་འདུས་བྱས་ཀྱི་འབྲས་བུ་ཡིན་པར་བསྟན་པར་མི ་བྱའོ། ཤཱ་རིའི་བུ་རྣམ་གྲངས་དེས་གང་ཡང་དག་པར་ཞུགས་པ་དེ་དག་ལ་བྱིན་པ་འབྲས་བུ་ཆེ་བ་མ་ཡིན། ཕན་ཡོན་ཆེ་བ་མ་ཡིན་ནོ།། གསོལ་པ། བཅོམ་ལྡན་འདས་གང་དག་ལ་སྩལ་ན ་འབྲས་བུ་ཆེ་བ་མ་ལགས་ཤིང་། ཕན་ཡོན་ཆེ་བ་མ་ལགས་པ་དེ་དག་ཇི་ལྟར་འཇིག་རྟེན་གྱི་སྦྱིན་གནས་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་གང་འབྲས་བུ་ཆེ་བར་འདུ་ཤེས ་པའང་མ་ཡིན། འབྲས་བུ་ཆུང་བར་འདུ་ཤེས་པའང་མ་ཡིན་པ་དེ་དག་སྦྱིན་པ་སྐྱེ་བར་མི་འགྱུར་རོ།། གང་སྦྱིན་པ་སྐྱེ་བར་མི་འགྱུར་བ་དེ་དག་ནི། ལྷ་དང་བཅས་པའི་འཇིག་རྟེན་གྱི་སྦྱིན་གནས ་སུ་འགྱུར་རོ། ། ཤཱ་རིའི་བུ་དེ་ལ་ཟད་མི་ཤེས་པའི་ཞིང་ལ་སྦྱིན་པ་བྱིན་པ་ནི། མེ་ཏོག་ཀྱང་མི་འཆགས། འབྲས་བུར་ཡང་མི་འགྱུར་རོ།། ཤཱ་རིའི་བུ་རྣམ་གྲངས་འདིས་གང་ལ་བྱིན་ན་འབྲས་བུ ་ཚེཆེ་བའང་མ་ཡིན། ཕན་ཡོན་ཆེ་བའང་མ་ཡིན་པ་དེ་དག་འཇིག་རྟེན་གྱི་སྦྱིན་གནས་ཡིན་ནོ།། གསོལ་པ། བཅོམ་ལྡན་འདས་ཇི་ལྟར་ན་གང་འཇིག་རྟེན་གྱི་སྦྱིན་གནས་དེ་དག་ལ་བྱིན་པས་རྣམ ་སྨིན་པ་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་དེ་ཇི་སྙམ་དུ་སེམས། སྦྱིན་པ་གང་མྱ་ངན་ལས་འདའ་བའི་མཐར་ཐུག་པར་འགྱུར་བ་དེ་རྣམ་པར་སྨིན་པའི་ཆོས ་ཅན་ཡིན་ནམ། གསོལ་པ། བཅོམ་ལྡན་འདས་མ་ལགས་སོ།། བཅོམ་ལྡན་འདས་སྦྱིན་པ་མྱ་ངན་ལས་འདས་པའི་མཐར་ཐུག་པ་དེ་སྟེ་སྦྱིན་པའི་ཆོས་ཅན་ལགས་ན། འཕགས་པའི་གང་ཟག ་རྣམས་འདུས་མ་བྱས་པས་རབ་ཏུ་ཕྱེ་བར་མི་འགྱུར་རོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་ལེགས་སོ་ལེགས་སོ།། རྣམ་གྲངས་འདིས་གང་འཇིག་རྟེན་གྱི་སྦྱིན་གནས་ཡིན་པ་དེ་དག ་ལ་བྱིན་པས་རྣམ་པར་སྨིན་པ་མེད་པ་ཡིན་ནོ། ། གསོལ་པ། བཅོམ་ལྡན་འདས་ཇི་ལྟར་ན་གང་སྦྱིན་པའི་རྣམ་པར་སྨིན་པ་མ་མཆིས་པ་དེ་དག་གིས་འདུ་ཤེས་མ་མཆིས་པ་ཡོངས་སུ་རྫོགས་པར་བགྱིས ་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་དེ་ཇི་སྙམ་དུ་སེམས། གང་ཆོས་རྣམས་ཀྱི་ངོ་བོ་ཉིད་ཤེས་པ་དེ་ཡོད་དམ། འོན་ཏེ་མེད། གསོལ་པ། བཅོམ་ལྡན་འདས་གང ་ཆོས་ཐམས་ཅད་ཀྱི་ངོ་བོ་ཉིད་འཚལ་བ་དེ་སྒྱུ་མའི་ངོ་བོ་ཉིད་འཚལ་བ་ལགས་ཏེ། བཅོམ་ལྡན་འདས་དེ་ནི་མ་མཆིས་པ་ལགས་ཏེ། མཆིས་པ་མ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན ་འདས་ཆོས་ཐམས་ཅད་ནི་བཅོམ་ལྡན་འདས་ཀྱིས་སྒྱུ་མའི་ངོ་བོ་ཉིད་དུ་བསྟན་ཏོ། ། སྒྱུ་མ་ལྟ་བུ་གང་ལགས་པ་དེའང་མ་མཆིས་པའོ།། གང་ཆོས་ཐམས་ཅད་ཀྱི་ངོ་བོ་ཉིད་འཚལ་བ་འདི་ནི་འདུ་ཤེས ་མ་མཆིས་པའོ། ། དེ་ཅིའི་སླད་དུ་ཞེ་ན། འདི་ལ་གང་ཡང་དག་པར་གྱུར་པའི་ཆོས་གང་ཡང་མི་དམིགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་ལེགས་སོ།། ་ལེགས་སོ།། དེ་དེ་བཞིན་ཏེ། ཤཱ་རིའི་བུ་འདི་ལ་ཆོས་འགའ་ཞིག་རྫས་སམ། ཡང་དག་པར་ཡོད་པར་གྱུར་ན་སེམས་ཅན་རྣམས་ཕྱིས་ཀྱང་མྱ་ངན་ལས་འདས་པར་མི་འགྱུར་རོ།། ཤཱ་རིའི ་བུ་གང་གི་ཕྱིར་ཆོས་ཐམས་ཅད་ཡང་དག་པ་མ་ཡིན། ཡོད་པ་མ་ཡིན། རྫས་མ་ཡིན་པ་དེའི་ཕྱིར་སེམས་ཅན་གངྒཱའི་ཀླུང་གི་བྱེ་མ་སྙེད་མྱ་ངན་ལས་བཟླས་ཀྱང་སེམས་ཅན་མེད་པའི་ཕྱིར། སེམས ་ཅན་རྣམས་ལས་གང་ཡང་ཟད་པར་མི་མངོན་ནོ། ། ཤཱ་རིའི་བུ་དེ་ལྟ་བས་ན་གང་སེམས་ཅན་ཐམས་ཅད་མེད་པའི་འདུ་ཤེས་པ་དང་། དེ་དག་ཀྱང་མི་དམིགས་པ་འདི་ནི་འདུ་ཤེས་མེད་པ་ཡོངས ་སུ་རྫོགས་པའོ། ། ཤཱ་རིའི་བུ་རྣམ་གྲངས་དེས་གང་དག་ལ་བྱིན་པ་རྣམ་པར་སྨིན་པ་མེད་པ་དེ་དག་གིས་འདུ་ཤེས་མེད་པ་ཡོངས་སུ་རྫོགས་པར་བྱས་པ་ཡིན་ནོ།། གསོལ་པ། བཅོམ་ལྡན་འདས ་ཇི་ལྟར་ན་གང་དག་གིས་འདུ་ཤེས་མེད་པ་ཡོངས་སུ་རྫོགས་པར་བགྱིས་པའི་འདུ་ཤེས་དེས་མྱུར་དུ་མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ་ཤཱ་རིའི་བུ་གང་གིས་མེད་པ་མངོན་སུམ་དུ་བྱས་པ་དེ་དག་ནི་ཤེས་པའོ།། མེད་པའང་གང་ཞེ་ན། མེད་པ་ཞེས་བྱ་བ་ནི། བདག་ཏུ་ལྟ་བ་དང་། སེམས་ཅན་དུ་ལྟ་བ་དང་། སོག་ཏུ་ལྟ་བ་དང་། ་གང་ཟག་ཏུ་ལྟ་བ་དང་། ཆད་པར་ལྟ་བ་དང་། རྟག་པར་ལྟ་བའོ།། མེད་པ་ཞེས་བྱ་བ་ནི། སངས་རྒྱས་སུ་འདུ་ཤེས་པ་དང་། ཆོས་སུ་འདུ་ཤེས་པ་དང་། དགེ་འདུན་དུ་འདུ་ཤེས་པ་དང་། ་མྱ་ངན་ལས་འདའ་བར་འདུ་ཤེས་པ་དང་། ཇི་ཙམ་དུ་སེམས་ཀྱི་སྦྱོར་བ་དང་། སྤྱོད་པ་དང་། ཤེས་པ་དང་། གཡོ་བ་དང་། སྤྲོས་པ་དེ་དག་ཐམས་ཅད་མེད་པའོ།། ཤཱ་རིའི་བུ་དེ་བས་ན་ཚུལ ་དེ་ལྟ་བུར་ཡང་དག་པ་མ་ཡིན་པར་འཛིན་པ་དེ་དག་ལས་ཡོངས་སུ་གྲོལ་བ་དེ་དག་ནི་ཤེས་པའོ། ། ཤཱ་རིའི་བུ་རྣམ་གྲངས་དེས་གང་གིས་འདུ་ཤེས་མེད་པ་ཡོངས་སུ་རྫོགས་པར་བྱས་པ་དེ་དག་མྱུར་དུ ་མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར་རོ། ། དགོངས་ཏེ་གསུངས་པའི་བསྟན་པ་འདི་བསྟན་པའི་ཚེ། བྱང་ཆུབ་སེམས་དཔའ་བཞི་ཁྲི་ཉིས་སྟོང་གིས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར ་ཏོ། ། དགེ་བསྙེན་དྲུག་སྟོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། ལྷའི་བུ་སུམ་ཁྲི་དྲུག་སྟོང་རྣམས་ཀྱིས་ཡེ་ཤེས་མངོན་པར་རྟོགས་པར་གྱུར་ཏོ།། དགེ ་སློང་ལྷག་པའི་ང་རྒྱལ་ཅན་དྲུག་ཅུ་པོ་དེ་རྣམས་ཀྱང་ཉེ་བར་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། ། དེ་དག་སེམས་རྣམ་པར་གྲོལ་ནས་མགྲིན་གཅིག་ཏུ་ཚིག་སྨྲས་པ ་བཅོམ་ལྡན་འདས་བདག་ཅག་ནི་དེང་སླན་ཆད་སྟོན་པ་དྲུག་རྣམས་ཀྱི་རྗེས་སུ་རབ་ཏུ་འབྱུང་ངོ་། ། དེང་སླན་ཆར་བདག་ཅག་གི་སྟོན་པ་སངས་རྒྱས་མ་ལགས། ཆོས་ལ་མི་རྟེན། དགེ་འདུན་ལ ་མི་རྟེན་ཏོ། ། དེང་སླན་ཆད་བདག་ཅག་བྱ་བ་མ་མཆིས་པར་སྨྲ་བ། རྒྱུ་མ་མཆིས་པར་སྨྲ་བ། ལས་མ་མཆིས་པར་སྨྲ་བ། རྣམ་པར་སྨིན་པ་མ་མཆིས་པར་སྨྲ་བ། འདུས ་བ་མ་ལགས་པར་སྨྲ་བའོ། ། དེའི་ཚེ་འཁོར་དེ་ན་སྲོག་ཆགས་སྟོང་ཕྲག་མང་པོ་རྣམས་འདི་སྙམ་དུ་གྱུར་ཏེ། འདི་ལྟར་དགེ་སློང་འདི་དག་འདི་ལྟ་བུ་ཡང་དག་པ་མ་ཡིན་པའི་ཚིག་སྨྲ་བ་ལས། བཅོམ ་ལྡན་འདས་ཀྱི་བསླབ་པ་ཕུལ་ནས། མུ་སྟེགས་ཅན་གྱི་མཚན་མ་འཛིན་པར་མི་འགྱུར་རམ་སྙམ་དུ་གྱུར་ཏོ།། དེ་ནས་ཚེ་དང་ལྡན་པ་ཤཱ་རིའི་བུའི་སེམས་ཀྱིས་འཁོར་དེ་དག་གི་སེམས་ཀྱི་རྟོག་པ་ཤེས་ན། ་དགེ་སློང་དེ་དག་ལ་སྨྲས་པ། ཚེ་དང་ལྡན་པ་དག་ཅི་ལས་བསམས་ཏེ་དེང་ཕན་ཆད་བདག་ཅག་སྟོན་པ་དྲུག་གི་རྗེས་སུ་རབ་ཏུ་བྱུང་ངོ་ཞེས་དེ་སྐད་སྨྲ། དེ་དག་གིས་སྨྲས་པ། ཚེ་དང་ལྡན་པ་ཤཱ་རིའི ་བུ་དེང་ཕན་ཆད་བདག་ཅག་གི་སྟོན་པ་ཐམས་ཅད་སྟོན་པ་དྲུག་དང་མཉམ་ཞིང་། མཚན་ཉིད་གཅིག་ཅིང་བྱེ་བྲག་མེད་པར་རིག་གོ།། བདག་ཅག་གི་སྟོན་པ་ཐམས་ཅད་ཐ་དད་པ་མེད་པར་རིག་ནས་རྣམ ་པར་མི་རྟོག་པར་རབ་ཏུ་བྱུང་བའི་རྗེས་སུ་རབ་ཏུ་བྱུང་ངོ་། ། སྨྲས་པ། ཅི་ལས་བསམས་ནས་དེང་ཕན་ཆད་བདག་ཅག་གི་སྟོན་པ་སངས་རྒྱས་མ་ཡིན་ནོ་ཞེས་དེ་སྐད་སྨྲ། དེ་དག་གིས་སྨྲས་པ ་དེང་ཕན་ཆད་བདག་ཅག་བདག་ལ་རྟེན་གྱི། གཞན་ལ་མི་རྟེན། བདག་ལ་སྐྱབས་སུ་དོང་གི། གཞན་ལ་སྐྱབས་སུ་དོང་བ་མ་ཡིན། བདག་སྟོན་པ་ཡིན་གྱི་གཞན་སྟོན་པ་མ་ཡིན་ནོ།། ་བས་ན་དེང་ཕན་ཆད་བདག་ཅག་གི་སྟོན་པ་སངས་རྒྱས་མ་ཡིན་ནོ།། དེ་ཅིའི་ཕྱིར་ཞེ་ན། བདག་མ་རྟོགས་པར་སངས་རྒྱས་མེད། སངས་རྒྱས་མ་རྟོགས་པར་བདག་མེད་དོ།། སྨྲས་པ། ཅི་ལས ་བསམས་ནས་དེང་ཕན་ཆད་བདག་ཅག་ཆོས་ལ་མི་རྟེན། དགེ་འདུན་ལ་མི་རྟེན་ཅེས་དེ་སྐད་སྨྲ། དེ་དག་གིས་སྨྲས་པ། དེང་ཕན་ཆད་བདག་ཅག་གིས་གང་ལ་རྟེན་པ་དང་། གང་དང་ལྷན་ཅིག་བགྲོ་བའི ་ཆོས་གང་ཡང་མ་དམིགས་སོ། ། དེ་བས་ན་བདག་ཅག་དེང་ཕན་ཆད་ཆོས་ལ་མི་རྟེན། དགེ་འདུན་ལ་མི་རྟེན་ཏོ།། སྨྲས་པ། ཅི་ལས་བསམས་ཏེ་བདག་ཅག་དེང་ཕན་ཆད་བྱ་བ་མེད་པར་སྨྲའོ་ཞེས་དེ ་སྐད་ཅེས་ཟེར། དེ་དག་གིས་སྨྲས་པ། བདག་ཅག་གིས་དེང་ཕན་ཆད་ཆོས་ཐམས་ཅད་མ་བྱས་པར་ཤེས་ཏེ། གང་ན་བྱས་པའང་མེད། འགྱུར་བའང་མེད་པའི་ཆོས་དེ་བདག་ཅག་གིས་མངོན་དུ ་བྱས་སོ། ། དེ་བས་ན་དེང་ཕན་ཆད་བདག་ཅག་བྱ་བ་མེད་པར་སྨྲའོ།། སྨྲས་པ། ཅི་ལས་བསམས་ཏེ་དེང་ཕན་ཆང་བདག་ཅག་རྒྱུ་མེད་པར་སྨྲའོ་ཞེས་དེ་སྐད་ཟེར། དེ་དག་གིས་སྨྲས་པ། བདག་ཅག ་སྲིད་པ་ཐམས་ཅད་དུ་འགྲོ་བར་སྐྱེ་བའི་རྒྱུ་དེང་ཟད་དེ། གང་ན་རྒྱུ་ཡང་མེད་རྐྱེན་ཡང་མེད་པའི་ཆོས་དེ་མངོན་དུ་བྱས་སོ།། དེའི་ཕྱིར་དེང་ཕན་ཆད་བདག་ཅག་རྒྱུ་མེད་པར་སྨྲའོ།། སྨྲས་པ། ཅི་ལས་བས ་ཏེ་དེང་ཕན་ཆད་བདག་ཅག་རྣམ་པར་སྨིན་པ་མེད་པར་སྨྲའོ་ཞེས་དེ་སྐད་ཟེར། དེ་དག་གིས་སྨྲས་པ། དེང་ཕན་ཆད་བདག་ཅག་གིས་གང་ན་ལས་ཀྱང་མེད་ལས་ཀྱི་རྣམ་པར་སྨིན་པའང་མེད་ཅིང ་ཆོས་ཐམས་ཅད་ཤིན་ཏུ་མྱ་ངན་ལས་འདས་པར་ཡོངས་སུ་ཤེས་སོ། ། དེའི་ཕྱིར་བདག་ཅག་དེང་ཕན་ཆད་ལུས་ཀྱི་རྣམ་པར་སྨིན་པ་མེད་པར་སྨྲའོ།། སྨྲས་པ། ཚེ་དང ་ལྡན་པ་དག་ཅི་ལས་བསམས་ཏེ་དེང་ཕན་ཆད་བདག་ཅག་འདུལ་བ་མ་ཡིན་པར་སྨྲའོ་ཞེས་དེ་སྐད་ཟེར། དེ་དག་གིས་སྨྲས་པ། ཚེ་དང་ལྡན་པ་ཤཱ་རིའི་བུ་དེང་ཕན་ཆད་བདག་ཅག་གིས་གང་ན ་འདུལ་བའང་མེད། འདུལ་བ་མ་ཡིན་པའང་མེད་ཅིང་ཆོས་ཐམས་ཅད་ཤིན་ཏུ་འདུལ་བར་ཡོངས་སུ་ཤེས་ཏེ། དེའི་ཕྱིར་བདག་ཅག་དང་ཕན་ཆེད་འདུལ་བ་མ་ཡིན་པར་སྨྲའོ།། དེ་ནས་དག ་སློང་དེ་དག་གིས་ལྷག་པའི་ང་རྒྱལ་བསྟན་པ་འདི་ལྟ་བུ་ཐོས་ནས། དགེ་སློང་སུམ་སྟོང་དྲུག་བརྒྱ་རྣམས་ཉེ་བར་ལེན་པ་མེད་པར་ཟག་པ་ལས་སེམས་རབ་ཏུ་རྣམ་པར་གྲོལ་ལོ།། དེ་ནས ་བཅོམ་ལྡན་འདས་ཀྱིས་དགེ་སློང་དེ་དག་ལ་ལེགས་སོ་ཞེས་བྱ་བ་བྱིན་ཏེ། དགེ་སློང་དག་གང་ན་ཆོས་གང་ཡང་རྟོགས་པ་མེད་པ་དེ་ནི་ཡང་དག་པར་ཐོབ་པ་ཡིན་གྱིས་ལེགས་སོ་ལེགས་སོ།། ་དེ་ནས་བཅོམ་འདས་ལ། འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། བཅོམ་ལྡན་འདས་རྟོག་པ་ཞེས་བགྱི་བའི་རྟོགས་པ་དེ་ཆོས་གང་གི་ཚིག་བླ་དགས་ལགས། བཅོམ ་ལྡན་འདས་ཀྱིས་བཀའ་སྩལ་པ། འཇམ་དཔལ་རྟོགས་པ་རྟོགས་པ་ཞེས་བྱ་བ་དེ་ནི་སྐྱེ་བ་མེད་པའི་ཆོས་ལ་བཟོད་པའི་ཚིག་བླ་དགས་སོ།། གསོལ་པ། སྐྱེ་བ་མ་མཆིས་པའི་ཆོས་ལ་བཟོད་པ ་ཐོབ་པར་འཚུལ་བའི་བྱང་ཆུབ་སེམས་དཔས་ཇི་ལྟར་བསླབ་པར་བགྱི། ཇི་ལྟར་སྤྱད་པར་བགྱི། ཇི་ལྟར་རྣལ་འབྱོར་དུ་འཇུག་པར་བགྱི། དེ་ནས་བཅོམ་ལྡན་འདས་ཀྱིས་འཇམ་དཔལ་གནོན་ནུར་བྱུང ་པ་མི་སྐྱེ་བའི་ཆོས་ལ་བཟོད་པ་བསླབ་པ་ཤེས་པར་བྱ་བའི་ཕྱིར་དེའི་ཚེ་ཚིགས་སུ་བཅོད་པ་འདི་སྐད་གསུངས་སོ། ། ཐམས་ཅད་མཁྱེན་པ་བླ་མེད་པའི།། སངས་རྒྱས་ཡེ་ཤེས་ཐོབ་འདོད་པས།། ་ཆོས་རྣམས་གང་ཡང་མི་གཟུང་ཞིང་།། ཆོས་རྣམས་གང་ཡང་མི་འདོར་རོ།། གང་ཞིག་སྐྱེ་བར་འགྱུར་བ་ཡི།། ཆོས་ནི་གང་ཡང་མི་རྙེད་དེ།། ཆོས་རྣམས་འབྱུང་བ་མེད་པ་ལ།། བྱིས་པ ་དག་ནི་འབྱུང་བར་འདོད། ། ཆོས་རྣམས་ཤེས་པར་བྱ་བ་དང་།། སྤང་བར་བྱ་བར་སྲོག་ཚོགས་འཆད།། བྱིས་པ་སྐྱེ་བའི་སྤྱོད་ཡུལ་ཅན།། སྐྱེ་བ་མེད་ལ་དད་མི་འགྱུར།། བྱང་ཆུབ་ལམ ་ནི་དམ་པ་དང་། ། ལམ་གྱི་ཆོས་རྣམས་བཏང་བྱས་ནས།། བྱིས་པ་གཉིས་ལ་ཆགས་པ་སྟེ།། གཉིས་སུ་མེད་པ་མི་ཤེས་སོ།། སྒྱུ་མ་སྣ་ཚོགས་གྱུར་པ་ལ།། བྱིས་པ་རྣམས་ཀྱིས་ཐ་དད ་མཐོང་། ། འདི་ལ་ཐ་དད་ཡོད་མ་ཡིན།། དེ་དག་ཐམས་ཅད་མཚན་ཉིད་གཅིག། སོ་སོའི་སྐྱེ་བོར་གང་བརྗོད་དང་།། འཇིག་རྟེན་སངས་རྒྱས་མཁས་པ་དག། མི་གཉིས་གཉིས་སུ་དབྱེར་མེད ་དེ། དེ་དག་སྒྱུ་མའི་ཚུལ་དུ་མཉམ།། བྱིས་པ་ཁ་ཅིག་སྨྲ་བ་ནི།། ནམ་ཞིག་བདག་ཅག་འདོད་ཆགས་ཟད།། ཞེ་སྡང་གཏི་མུག་ཞི་བར་འགྱུར།། ནམ་ཞིག་ཉོན་མོངས་མེད་པར་འགྱུར། ་མེད་ལ་ཡོད་པར་འདུ་ཤེས་པའི།། འདོད་ཆགས་ཞེ་སྡང་གཞིག་པའི་ཕྱིར།། གང་དག་སྟོང་པ་ཉིད་སྟོན་པ།། དེ་དག་རདྲ་པ་མྱ་ངན་འདས།། ཟད་པ་མེད་ཅིང་སྐྱེ་མེད ་པར། ། མྱ་ངན་འདས་པ་ཡང་དག་བསྟན།། ཟད་ཅིང་སྐྱེ་མེད་གང་བརྩོན་པ།། དེ་དག་ང་ཡི་བསྟན་ལས་རིང་།། སྦྱིན་དང་ཚུལ་ཁྲིམས་འདུ་ཤེས་དང་།། གང་དག་བྱང་ཆུབ་འདུ་ཤེས་དགྲའ། ་དེ་དག་མཚན་མོའི་སྤྱོད་ཡུལ་བས།། ང་ཡི་བྱང་ཆུབ་དེས་མི་རྟོགས།། བྱིས་པ་མེད་པས་རྨོངས་པ་དག། ཆོས་རྣམས་གསོག་ཏུ་མི་ཤེས་ཏེ།། ཆོས་རྣམས་མཚན་ཉིད་གཅིག་པ་ལ།། དེ ་དག་ཐ་དད་འབྱེད་པར་བྱེད། ། གང་གིས་ཆོས་འདི་ཤེས་པ་ནི།། ངོ་བོ་ཉིད་ཀྱིས་མཚན་མེད་པ།། སོར་མོ་ལྔ་པའི་ལག་པ་བཞིན།། དེ་དག་བྱང་ཆུབ་རྙེད་མི་དཀའ།། བྱང་ཆུབ་གང་དང ་ཡང་མི་དང་། ། གང་དང་ཡང་ནི་ཞིབ་མེད།། རྟོག་དང་རྣམ་རྟོག་གང་ལྡན་པ།། དེ་དག་བྱང་ཆུབ་རབ་ཏུ་རིང་།། བྱིས་པ་ཕན་ཚུན་སྤྱོད་པ་དག། གཅིག་ལ་གཅིག་ནི་སྤོང་བྱེད་པ། ་འདི་ནི་ཚུལ་ཁྲིམས་ལྡན་པ་ཡིན།། ཚུལ་ཁྲིམས་མི་ལྡན་འདི་མི་སྲུན།། ཆོས་རྣམས་རྨི་ལས་ལྟ་བུ་སྟེ།། འདུས་བྱས་ཐམས་ཅད་ཡང་དག་མིན།། སྒྱུ་མ་བཞིན་དུ་སྐྱེ་མཐོང་ནས ་མཁས་པ་སྲིང་པོར་མི་འཛིན་དོ། ། བདེན་པར་འདི་ལ་ཚུལ་ཁྲིམས་མེད།། ཚུལ་ཁྲིམས་མི་ལྡན་བདེན་པར་མེད།། ཆོས་རྣམས་བརྟེན་ཏེ་བྱུང་བས་ན།། འདི་ལ་བདག་ནི་ཡོད་མ་ཡིན།། ་བསྐལ་པ་བྱེ་བ་སྟོང་དག་ཏུ།། སྙོམས་ལས་མེད་པར་སྦྱར་བ་བྱིན།། ཚུལ་ཁྲིམས་དག་ནི་མཆོག་བསྲུངས་ཀྱང་།། འདྲེན་པས་ང་ནི་ལུང་མ་བསྟན།། གང་ཚེ་ང་ནི་འདུ་ཤེས་བྲལ།། སྦྱིན་པའི ་འདུ་ཤེས་མ་ལུས་དང་། ། རྣམ་པར་རྟོག་པ་ཀུན་སྤངས་པ།། དེ་ཚེ་བྱང་ཆུབ་ལུང་བསྟན་ཏོ།། སྦྱིན་པས་ལོངས་སྤྱོད་འགྱུར་བར་བསྟན།། ཚུལ་ཁྲིམས་ཀྱིས་ནི་མཐོ་རིས་བསྟན།། གང་ན་ཅུང་ཟད་མི ་དམིགས་པ། ། དེ་ནི་བྱང་ཆུབ་བླ་མེད་དོ།། བྱིས་པ་དམིགས་པར་གནས་པ་དག། མི་སྐྱེ་འདུས་མ་བྱས་པ་ཡིན།། བཟོད་པ་བདག་གིས་ཐོབ་བོ་ཞེས།། མི་མཁས་པ་དག་རྟོག་པར་བྱེད།། ཆོས་རྣམ ་སྐྱེ་བ་མེད་པ་ལ། ། གང་དག་སྐྱེ་བར་སེམས་པ་ནི།། བསྐལ་པ་བྱེ་བ་སྟོང་དུ་ཡང་།། དེ་ཡི་བཟོད་པ་རྙེད་པར་དཀའ།། ཆོས་རྣམས་མིང་གིས་ལུང་བསྟན།། ཆོས་རྣམས་ལ་ནི་བྱེད་པ་མེད།། རྩ་བ་མེད། ་ཅིང་གནས་མེད་དེ།། ཐམས་ཅད་ནམ་མཁའི་མཚན་ཉིད་དོ།། སངས་རྒྱས་བྱེ་བ་མང་པོ་ཡིས།། འདོད་ཆགས་ཞེ་སྡང་སྤང་བའི་ཕྱིར།། ཆོས་མཆོག་དག་ཀྱང་བཤད་མོད་ཀྱི།། ཆོས་རྣམས་ཟད་པའང ་ཡོད་མེད་དོ། ། གལ་ཏེ་ཆོས་དེ་ཡང་དག་ན།། ཐམས་ཅད་ཡང་དག་ཟད་པར་འགྱུར།། གང་ཕྱིར་དེ་དག་ཡང་དག་མིན།། དེ་བས་མཐའ་ནི་མི་རྙེད་དོ།། འདོད་ཆགས་ཞེ་སྡང་མཐའ་ཡས་ཏེ།། གཏི ་མུག་གི་ནི་མཐའ་ཡང་མེད། ། གང་དག་གི་ནི་མཐའ་མེད་པ། དེ་དག་གི་ནི་རྩ་བ་མེད།། ས་བོན་མྱུ་གུ་མེད་ན་ནི།། འདབ་མ་འབྲས་བུ་ག་ལ་འབྱུང་།། འདབ་མ་མེད་པ་གང་ཡིན་པ།། དེ་ལ་མེ་ཏོག ་ཡོད་མ་ཡིན། ། ཆོས་རྣམས་སྐྱེ་བ་མེད་པ་ལ།། སེམས་ཅན་ས་བོན་མི་རྙེད་དོ།། སེམས་ཅན་ས་བོན་མེད་པའི་ཕྱིར།། སྐྱེ་མེད་མྱ་ངན་འདའ་བ་མེད།། ཇི་ལྟར་བུད་མེད་མོ་གཤམ ་དག། དེ་ལ་བུ་ནི་ཡོད་མ་ཡིན།། དེ་ལ་དུ་ནི་ཡོད་མིན་ན།། བུ་ཡི་མྱ་ངན་བྱེད་པ་མེད།། ཆོས་རྣམས་ཐམས་ཅད་མ་སྐྱེས་པ།། དེ་ལྟར་རིག་ཅིང་མཐོང་ནས་ནི།། འཁོར་བ་དག་ཏུ་འཁོར་བ་ན།། སྡུག་བསྔལ ་འཇིགས་པ་དེ་ལ་མེད། ། བྱིས་པ་མེད་པས་རྨོངས་པ་དག། རྨོངས་པས་ཆོས་ཉིད་མི་ཤེས་ཏེ།། ནམ་མཁའ་ཁུར་དུ་ཐོགས་བྱས་ནས།། མི་མཁས་པ་དག་སྐྱོ་བར་འགྱུར།། མེད་ཅིང་མཐའ་ཡང་མེད་པ་དང ་གྲངས་མེད་པ་དང་ཚད་མེད་པར། ། གང་གིས་ཆོས་འདི་ཤེས་པ་ནི།། དེ་དག་ལ་ནི་སྐྱོ་བ་མེད།། ཇི་ལྟར་ཐོག་མའི་མཐའ་དག་ནི།། མེད་པ་དག་ཏུ་ངེས་བསྟན་པ།། དེ་བཞིན་ཕྱི་མའི་མཐའ་དག ་དང་དུ་དབུས་ཀྱང་མཚན་ཉིད་གཅིག་པ་ཡིན། ། རྟོག་པའི་མཐའ་ནི་མཐའ་མེད་དེ།། མཐའ་ནི་གསོབ་དང་མེད་པ་ཡིན།། དོན་རྣམས་དེ་ལྟར་ཤེས་བྱས་ན།། དངོས་པོ་གཉིས་སུ་མི་འགྱུར་རོ།། ་མཐའ་ནི་ནམ་མཁའི་མཚན་ཉིད་དེ།། སེམས་ཅན་མཐའ་ནི་བསམ་མི་ཁྱབ།། མཐའ་ནི་མིག་ཡོར་ལྟ་བུ་སྟེ།། དེ་བས་ཡེ་ཤེས་ཤེས་མི་འགྱུར།། རྣམ་པར་རྟོག་ལ་སྤྱོད་པ་ན།། སྡིག་པ་ཇི ་ལྟར་ཟད་པར་འགྱུར། ། ནམ་ཞིག་སངས་རྒྱས་བདག་འགྱུར་ཞེས།། སེམས་ནི་དེ་ལྟར་འཇུག་པར་འགྱུར།། སངས་རྒྱས་དག་ནི་མ་སྐྱེས་པས།། དེ་དག་འབྱུང་བ་གང་ཡང་མེད།། འབྱུང ་བ་མེད་པའི་ཆོས་རྣམས་ལ། ། བྱིས་པ་རྣམས་ནི་འབྱུང་བར་འདོད།། ནམ་མཁའ་ལ་ནི་རྟེན་པ་དང་།། གནས་དང་གནས་པར་བྱ་མི་ནུས།། ནམ་མཁའ་ལ་ནི་གནས་མེད་དེ།། ཐོགས་པ ་མེད་ཅིང་དངོས་པོ་མེད། ། ཇི་ལྟར་ནམ་མཁའ་དངོས་མེད་པ།། དེ་ལྟར་བྱང་ཆུབ་ཤེས་པར་བྱོས།། ཇི་ལྟར་བྱང་ཆུབ་ཅེས་བྱ་བ།། དེ་ལྟར་སེམས་ཅན་ཤེས་པར་བྱོས།། ནམ་མཁའི ་དབྱིངས་དང་བྱང་ཆུབ་དང་། ། སེམས་ཅན་ཁམས་རྣམས་དེ་དག་མཉམ།། གང་གིས་དེ་དག་མཉམ་ཤེས་པ།། དེ་ཡིས་བྱང་ཆུབ་རྙེད་མི་དཀའ།། གང་དག་བྱང་ཆུབ་མི་བརྩོན་ཞིང་།། ཚུལ་བཞིན་དུ་ཡང་སེམས ་མི་བྱེད། ། ཆོས་རྣམས་ཚོར་བར་མི་བྱེད་པ།། དེ་ཡིས་བྱང་ཆུབ་རྙེད་མི་དཀའ།། བྱང་ཆུབ་བཙལ་དུ་མེད་པ་སྟེ།། ཇི་ལྟར་ཚོལ་བ་ཐམས་ཅད་ལྟར།། སེམས་ཀྱིས་ཐོབ་པ་རྣམས་ཀྱིས་ནི།། བླ་མེད་བྱང་ཆུབ ་། རྟོག་མི་ནུས།། སྦྱིན་པས་བྱང་ཆུབ་ཐོབ་སྙམ་ན།། སྦྱིན་པའི་སེམ་པ་གང་སེམཱ་པ།། བྱང་ཆུབ་ཐོབ་པ་གང་ཡང་མེད།། མ་ཐོབ་པ་ནི་བྱང་ཆུབ་མཆོག། ཚུལ་ཁྲིམས་སེམས་ལ་གང་ཆགས་དང་།། བརྩོན་འགྲུས་ཡང་དག་ཉིད་རྟོག། ་ཅིང་། གང་དག་འདུ་ཤེས་འཇུག་པར་བྱེད།། ང་ཡི་བསྟན་ལ་དེ་མི་སྦྱོར།། ཆོས་ཀུན་སྦྱོར་བ་མེད་པ་ལ།། ང་ཡི་སྦྱོར་བ་ཉེར་བསྟན་ཏེ།། ཅུང་ཟད་རྩོམ་པ་གང་མེད་པ།། དེ་ནི་སྦྱོར་བ་བླ་མེད་པའོ།། ཆོས ་འདི་རྣམས་ནི་ཟག་པ་མེད། ། ཆོས་འདི་ཟབ་དང་བཅས་པ་ཞེས།། གང་ལ་འདུ་ཤེས་དེ་ཡོད་པ།། དེ་ཡི་སེམས་ནི་ཚུལ་བཞིན་མིན།། གང་གིས་ཆོས་རྣམས་བསམ་ཡས་པ།། ནམ་མཁའ་འདྲ་བ་མཐོང་བ་དང ་མ་བཅིངས་པ་དང་མ་གྲོལ་བ། ། དེ་ཡི་ཤེས་རབ་བླ་ན་མེད།། གང་ཞིག་ཚུལ་ཁྲིམས་ལྡན་པར་རྟོག། ཚུལ་ཁྲིམས་མི་ལྡན་རྣམ་རྟོག་པ།། གཉིས་ནི་ཚུལ་ཁྲིམས་ངན་པར་བ# ་གཉིས་སུ་མེད་པ་ཚུལ་ཁྲིམས་མཆོག། ཆོས་རྣམས་ཐ་དད་བྱ་བ་མེད།། ཁྱད་པར་མེད་ཅིང་མཚན་མེད་པར།། གང་གིས་མཐོང་ཞིང་ཤེས་པ་དག། དེ་དག་ང་ཡི་བསྟན་པ་འཛིན།། གང་གི་སེམས་ནི ་ནམ་མཁའ་ལྟར། ། མ་ཆགས་བཞིན་དུ་ཕྱོགས་སུ་འགྲོ།། དེ་ལྟར་ཡེ་ཤེས་ཆགས་མེད་པ།། དེ་ཡི་དགེ་སྦྱོང་ཡང་དག་ཉིད།། གང་གིས་ཅུང་ཟད་མ་བརྟགས་ཤིང་།། ཐམས་ཅད་དུ་ཡང་སེམས་པ་མེད།། ་སེམས་ཅན་མེད་ཅིང་ཆོས་མེད་པ།། དེ་དག་བྱང་ཆུབ་རྙེད་མི་དཀའ།། འདོད་ཆགས་མཐའ་ལ་གང་མི་གནས།། འདོད་ཆགས་དང་ཡང་བྲལ་མ་གྱུར།། འདོད་ཆགས་ལས་ཀྱང་རྒྱལ་མི་བྱེད།། དེ་ནི་བྱང་ཆུབ ་མི་དཀོན་ནོ། ། གང་དག་བསྐལ་པར་མི་སྐྱོ་ཞིང་།། མཐས་ཀྱང་འཇིགས་པར་མི་འགྱུར་ལ།། འཁོར་བས་སྐྲག་པར་མི་འགྱུར་བ།། དེ་ནི་བྱང་ཆུབ་རྙེད་མི་དཀའ།། དེ་ནས་བཅོམ་ལྡན་འདས་ཀྱིས་ཚིགས་སུ ་བཅད་པ་འདི་དག་གསུངས་ནས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། འཇམ་དཔལ་གང་ཆོས་ཀྱི་རྣམ་གྲངས་འདི་ལ་མོས་པར་བྱེད། ཐེ་ཙོམ་མི་བྱེད། ནེམ་ནུར་མི་བྱེད ་ལུང་སྦྱིན་པར་བྱེད། འཛིན་པར་བྱེད། ཀློག་པར་བྱེད། ཀུན་ཆུབ་པར་བྱེད། གཞན་ལའང་རྒྱ་ཆེར་ཡང་དག་པར་སྟོན་པ་དེའི་ཕན་ཡོན་བསྔགས་པ་ཉི་ཤུ་ཡོད་པར་རིག་པར་བྱའོ།། ཉི་ཤུ་གང་ཞེ་ན། ་ལྷས་བསྲུངས་པར་འགྱུར། ཀླུས་བསྲུངས་པར་འགྱུར། གནོད་སྦྱིན་གྱིས་བསྲུངས་པར་འགྱུར། སེམས་གཡེངས་པར་མི་འགྱུར། ཚེ་བརྗེས་ནས་ཀྱང་ཚེ་རབས་དྲན་པར་འགྱུར། མངོན་པར་ཤེས་པ་ལྔ་ཐོབ ་པར་འགྱུར། ཚེ་བརྗེས་མ་ཐག་ཏུ་བྱང་ཆུབ་སེམས་དཔའ་བྱམས་པ་མཐོང་བར་འགྱུར། དེ་སྟེ་ཆོས་ཀྱི་རྣམ་གྲངས་འདི་སེམས་མི་གཡེང་བར་ཡིད་ལ་བྱེད་ཅིང་། གཉིད་ཀྱི་སྒོམ་པ་སེལ་ན། དེའི་རྨི་ལམ ་དུ་སངས་རྒྱས་མཐོང་བར་འགྱུར་ཏེ། བྱང་ཆུབ་སེམས་དཔའ་བྱམས་པ་མཐོང་བའང་རེ་བར་བྱའོ།། དེ་ཆོས་ཀྱི་རྣམ་གྲངས་འདི་ལ་མོས་ན། རྗེས་སུ་མཐུན་པའི་ཆོས་རྣམས་ལ་བཟོད་པ་རེ་བར་བྱའོ།། ཆོས ་ཀྱི་རྣམ་གྲངས་འདི་སེམས་ན། ཚེ་འདི་ཉིད་ལ་གནོད་སེམས་མེད་པར་རེ་བར་བྱའོ།། དུག་མྱུར་བའི་ནང་ན་འདུག་ནའང་ཆོས་ཀྱི་རྣམ་གྲངས་འདི་ཡིད་ལ་བྱེད་ན། འཇིགས་པ་མེད་པར་རེ་བར་བྱའོ།། སླར ་རྒོལ་བ་ཚར་གཅད་པར་རེ་བར་བྱའོ། ། ཀུན་ཏུ་སྣང་བའི་ཏིང་ངེ་འཛིན་ཀྱང་ཐོབ་པར་རེ་བར་བྱའོ།། ཆོས་ཀྱི་རྣམ་གྲངས་འདི་རྟོགས་པར་བྱེད་པའི་ཚེ། ལས་ཀྱི་སྒྲིབ་པ་ཐམས་ཅད་བྱང་བར་རེ་བར་བྱའོ།། ་ཆོས་ཀྱི་རྣམ་གྲངས་འདི་འཆད་པ་ན་ཡང་ཆོས་ཀྱི་སྒོ་བརྒྱ་སྟོང་དུ་མ་ཐོབ་པར་ཡང་རེ་བར་བྱའོ།། བྱང་ཆུབ་ཀྱི་སེམས་མི་བརྗེད་པ་དང་། མཐའ་ཡས་འཁྱིལ་བའི་གཟུངས་ཐོབ་པར་ཡང་རེ་བར་བྱའོ།། ཆོས ་ཀྱི་རྣམ་གྲངས་འདི་ཡིད་ལ་བྱེད་པ་ན་ཡང་བདུད་ཀྱིས་བསྐོར་བ་མེད་པར་རེ་བར་བྱའོ། ། སངས་རྒྱས་མངོན་སུམ་དུ་བཞུགས་པར་ཡང་སྐྱེ་བར་རེ་བར་བྱའོ།། སྨོན་ལམ་ཐམས་ཅད་གྲུབ་པར་ཡང་རེ་བར་བྱའོ།། ་སྲོག་ཆགས་ཀྱི་རིགས་རྐང་པ་མེད་པ་དང་། རྐང་གཉིས་པ་དང་། རྐང་བཞི་པ་དང་། རྐང་པ་མང་པོ་དུག་ཅན་རྣམས་ལས་བསྲུངས་པར་རེ་བར་བྱའོ།། དེ་ལ་ནིའི་རྒྱལ་པོ་འཁྲུགས་པའི ་འཇིགས་པ་མེད་པར་རེ་བར་བྱ་སྟེ། འཇམ་དཔལ་གང་སེམས་ལ་ཐེ་ཙོམ་མེད་པ་དང་། ནེམ་ནུར་མེད་པར་ཆོས་ཀྱི་རྣམ་གྲངས་འདི་འཛིན་པར་བྱེད། འཆང་བར་བྱེད། ཀློག་པར་བྱེད། ཀུན་ཆུབ་པར་བྱེད། གཞ ་ལའང་རྒྱས་པར་ཡང་དག་པར་སྟོན་པའི་ཆོས་སྨྲ་བ་དེ་ལ། ཡོན་ཏན་བསྔགས་པ་ཉི་ཤུ་པོ་འདི་རྣམས་ཡོད་པར་རེ་བར་བྱའོ།། དེ་ནས་བཅོམ་ལྡན་འདས་ལ། འཇམ་དཔལ་གཞོན་ནུར་གྱུར་པས་འདི་སྐད་ཅེས ་གསོལ་ཏོ། ། བཅོམ་ལྡན་འདས་འདི་ལྟ་སྟེ། དཔེར་ན་སྨན་གྱི་ཤིང་ཐམས་ཅད་ནི། སེམས་ཅན་རྣམས་ཀྱི་ནད་ཐམས་ཅད་ཞི་བར་བགྱིད་དོ།། དེ་བཞིན་དུ་ཆོས་ཀྱི་རྣམ་གྲངས་འདིའང་ནད་ཐམས་ཅད་རབ་ཏུ ་ཞི་བར་བལྟ་བར་བགྱིའོ། ། བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ།། འཇམ་དཔལ་དེ་དེ་བཞིན་ཏེ། ཁྱོད་ཀྱིས་ཚིག་འདི་ལེགས་པར་སྨྲས་སོ།། ཆོས་ཀྱི་རྣམ་གྲངས་འདི་ནད་ཐམས ་ཅད་རབ་ཏུ་ཞི་བར་བྱེད་པའོ། ། དེ་ཅིའི་ཕྱིར་ཞེ་ན། འཇམ་དཔལ་སྔོན་འདས་པའི་དུས་བསྐལ་པ་གྲངས་མེད་ཅིང་ཤིན་ཏུ་གྲངས་མེད་པ་དེའི་ཚེ་དེའི་དུས་ན། གང་དེ་བཞིན་གཤེགས་པ་དགྲ་བཅོམ་པ ་ཡང་དག་པར་རྫོགས་པའི་སངས་རྒྱས་སེང་གེའི་སྟབས་སུ་འགྲོ་བ་ཞེས་བྱ་བ་ཞིག་འཇིག་རྟེན་དུ་བྱུང་བར་གྱུར་ཏེ། དེས་སྲོག་ཆགས་སྟོང་ཕྲག་དུ་མ་རྣམས་ལ་རྒྱང་རིང་པོ་ནས་ཆོས་ཀྱི་རྣམ་གྲངས་འདི་བཤད།། ་དེའི་ཚེ་འཁོར་དེར་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་ཞེས་བྱ་བ་འདུས་ཏེ་འདུག་པར་གྱུར་ཏོ།། དེས་དེ་བཞིན་གཤེགས་པ་དེ་ལ་ཆོས་ཀྱི་རྣམ་གྲངས་འདི་མཉན་ཏོ།། དེ་སེམས་གཡེང་བ་མེད་པ་དང་།། ། ་ཐེ་ཙོམ་མེད་པ་དང་། ནེམ་ནུར་མེད་པས་ཆོས་ཀྱི་རྣམ་གྲངས་འདི་ཡོན་ཏན་བསྔགས་པ་དང་བཅས་པར་བཟུང་ཞིང་། ཀུན་ཆུབ་པར་བྱས་ཏེ། ཀུན་ཆུབ་པར་བྱས་ནས་ཀྱང་མོས་པའི་མཐུ་དང་ལྡན་པར་གྱུར་ཏེ། ་གྲོང་དང་། གྲོང་ཁྱེར་དང་། ལྗོངས་དང་། ཡུལ་དང་། ཡུལ་འཁོར་དང་། ཕོ་བྲང་འཁོར་དུ་འོངས་ནས་བདག་ནི་སྨན་པའོ།། བདག་ནི་སྨན་པའོ་ཞེས་བདག་ཉིད་ཁས་འཆེའོ།། དེ་ནས་དེ་མ་ཐག་ཏུ ་སྲོག་ཆགས་ནད་སྣ་ཚོགས་ཀྱིས་གཟིར་བ་སྟོང་ཕྲག་དུ་མ་སྲོག་གི་སྐྱབས་ཀྱི་ཕྱིར་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་ག་ལ་བ་དེར་ལྷགས་སོ། ། དེ་ནས་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་ནོ། ་པའི་མཐུ་ལ་གནས་པའི་སེམས་ཀྱིས། སེམས་ཅན་དེ་དག་ལ་ཆོས་ཀྱི་གཞུང་འདིས་བྲིམས་སོ།། ཆོས་ཀྱི་རྣམ་གྲངས་འདི་ལས་གང་རིག་སྔགས་འབྱུང་བ་དེ་དག་གིས་ཀྱང་།། བསྲུང་བ་དང་། བསྒྲུབ ་པ་དང་། ཡོངས་སུ་བཟུང་བ་བྱས་སོ།། འཇམ་དཔལ་དེ་ལ་རིག་སྔགས་ཀྱི་ཚིག་དེ་དག་ཀྱང་གང་ཞེ་ན། ཏདྱ་ཐཱ། ཨ་ལ་ཏ་བི་ཏཱ་ལ་བི་བྷི་ན། ཨ་ཏིརྠ། ཨ་དྷི་ད། ཨ་ནུ་ཌ། བ~ཾ་བྲཧྨ། ནཾ་ག~ཾ་ཁག ་རུང་མ་ཡ་སུ་ཁ། ཨ་ན་ད། ཛྭ་ལ་ད་། ནད་མིང་ཏྲ། ཨ་མིང་ཏྲ། ཛེ་ཏྲ་ཧི་ཏ་སརྦད་ཏྲ་ཡ། ཨང་ག་མངག། ཨརྠ་ཡུ་ཏ། ས་པྲཱ་མཱ་ཨི་ཤ། རིག་སྔགས་ཀྱི་ཚིག་འདི་རྣམས་ཀྱིས་སེམས་ཅན ་དེ་དག་བསྲུང་བ་བྱས་སོ། ། དེས་གལ་ཏེ་གདུག་པས་ཟོས་པ་འམ། གལ་ཏེ་མི་མ་ཡིན་པས་གཙེས་པ་འམ། སྲོག་ཆགས་ཀྱི་རིགས་དུག་ཅན་གང་ཡང་རུང་བ་འགའ་ཞིག་གིས ་ཟིན་པ་འམ། གལ་ཏེ་ནད་སྐེམ་པ་དང་། མཛེ་བྱུང་བ་དང་། གལ་ཏེ་རླུང་དང་། མཁྲིས་པ་དང་། བད་ཀན་དང་། འདུས་པའི་ནད་ཀྱིས་བཏབ་པ། ནད་སྣ་ཚོགས་ཀྱིས་རབ་ཏུ་གཟིར་བའི་སེམས ་ཅན་དེ་དག་ནད་དེ་དང་དེ་དག་ལས་རབ་ཏུ་ཐར་པར་བྱས་སོ། ། འཇམ་དཔལ་དེ་ལྟར་ན་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་གྱིས་ཆོས་ཀྱི་རྣམ་གྲངས་འདི་ལ་གནས་ནས། སེམས་ཅན་དེ་རྣམས ་ནད་ལས་རབ་ཏུ་ཐར་པར་བྱས་སོ། ། འཇམ་དཔལ་ཁྱོད་ཇི་སྙམ་དུ་སེམས། དེའི་ཚེ་དེའི་དུས་ན་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་ཞེས་བྱ་བ་དེ་གཞན་ཡིན་པ་སྙམ་དུ་སེམས་ན། དེ་དེ ་ལྟར་མི་བལྟའོ། ། དེ་ཅིའི་ཕྱིར་ཞེ་ན། དེའི་ཚེ་དེའི་དུས་ན་ང་ཉིད་བྱང་ཆུབ་སེམས་དཔའ་རྡོ་རྗེའི་མཚན་ཞེས་བྱ་བར་གྱུར་ཏེ། ངས་ཆོས་ཀྱི་རྣམ་གྲངས་འདི་ལ་མོས་ནས་སེམས་ཅན་དེ་སྙེད ་ཀྱི་དོན་བྱས་སོ། ། འཇམ་དཔལ་རྣམ་གྲངས་དེས་ཀྱང་ཁྱོད་ཀྱིས་འདི་ལྟར་རིག་པར་བྱ་སྟེ། སྨན་ཐམས་ཅད་ཀྱི་ཁབ་ཇི་ལྟ་བ་དེ་བཞིན་དུ་ཆོས་ཀྱི་རྣམ་གྲངས་འདི་ལ་བལྟ་བར་བྱའོ།། ་འཇམ་དཔལ་གྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་རིག་སྔགས་ཀྱི་ཚིག་འདི་རྣམས་འཛིན་ཅིང་འཆང་བ་དང་། ཀུན་ཆུབ་པར་བགྱིད་པས་ཇི་ལྟར་ཀུན་ཏུ་སྤྱད་པར་བགྱི ་བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་རིག་སྔགས་འདི་དག་འདོན་པའི་བྱང་ཆུབ་སེམས་དཔས་གཙང་སྦྲ་བྱ་བ་དང་། ཤ་མི་བཟའ་བར་ཀུན་ཏུ་སྤྱད་པར་བྱའོ།། དེས་རྐང་པ ་གཉིས་ཀྱང་མི་བསྐུའོ། ། འདུ་འཛིའི་ནང་ན་གནས་པར་མི་བྱའོ།། སེམས་ཅན་ཐམས་ཅད་ལའང་ཕྱི་ཕྱིར་ཞིང་བྱམས་པའི་སེམས་སུ་བྱའོ།། གང་དག་ལས་འཚེ་བ་འོང་བར་འགྱུར་བ་དེ་དག ་ལ་སེམས་གདུག་པར་མི་བྱའོ། ། ཆོས་ཀྱི་རྣམ་གྲངས་འདིའང་གཙང་སྦྲ་མ་ཕྱེད་པས་ཁ་ཏོན་མི་བྱའོ།། ས་ཕྱོགས་མི་གཙང་བར་གཞག་པར་མི་བྱའོ།། འཇམ་དཔལ་གྱིས་གསོལ་པ ་བཅོམ་ལྡན་འདས་བདག་ནི་འདི་སྙམ་བགྱིད་དེ། ཆོས་ཀྱི་རྣམ་གྲངས་འདི་སྟོན་པའི་བྱང་ཆུབ་སེམས་དཔས་བདག་གི་ལུས་དང་སྲོག་ལ་མི་བལྟ་བར་བགྱིའོ་སྙམ་དུ་སེམས་སོ།། བཅོམ་ལྡན་འདྲ། ་ཀྱིས་བཀའ་སྩལ་པ། འཇམ་དཔལ་དེ་དེ་བཞིན་ནོ།། དེ་དེ་བཞིན་ཏེ། ཁྱོད་ཇི་སྐད་སྨྲ་བ་དེ་བཞིན་ནོ།། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་བཀའ ་སྩལ་པ། ཆོས་ཀྱི་རྣམ་གྲངས་འདི་སྐྱེ་བོ་མང་པོའི་དོན་བྱེད་པར་འགྱུར་གྱིས། ཀུན་དགའ་བོ་ཁྱོད་ཀྱིས་ཟུང་ཞིག། ཀུན་དགའ་བོ་སེམས་ཅན་གང་ཆོས་ཀྱི་རྣམ་གྲངས་འདི་ལ་མོས ་པ་དེ་དག་གླང་པོའི་རྩ་ལ་དང་། གླང་པོ་ཆེན་པོའི་རྩལ་གྱིས་གནོན་པར་འགྱུར། ཀུན་དགའ་བོ་གང་ཆོས་ཀྱི་རྣམ་གྲངས་འདི་ལ་མོས་པ་དེ་དག་སེང་གེའི་འགྲོས་དང་། ཁྱུ་མཆོག་གི་འགྲོས ་སུ་འགྲོ་བར་འགྱུར་རོ། ། ཀུན་དགའ་བ་ཚས་ཀྱི་རྣམ་གྲངས་འང་བྱང་ཆུབ་སེམས་དཔའ་རྣམས་རབ་ཏུ་དགའ་བ་དང་། བྱང་ཆུབ་སེམས་དཔའ་འབྱུང་བར་བྱེད་པར ་འགྱུར་ཏེ། ང་འདས་པའི་ཕྱིན་བྱང་ཆུབ་སེམས་དཔའི་ལག་ཏུ་འོང་བར་འགྱུར་རོ།། བྱང་ཆུབ་སེམས་དཔའི་གླེགས་པམ་དུ་འོང་བ་དང་། བྱང་ཆུབ་སེམས་དངའི་སྒོམ་དུ་འོང་བར་འགྱུར་རོ།། བྱང་ཆུབ ་སེམས་དཔའ་གདོལ་པ་རྣམས་ཀྱི་ལག་ཏུ་འོང་བར་མི་འགྱུར། གླེགས་བམ་དུ་འོང་བ་དང་། སྒྲོམ་དུ་འོང་བར་མི་འགྱུར་རོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོ ་ཏོ། ། བཅོམ་ལྡན་འདས་ཆོས་ཀྱི་རྣམ་གྲངས་འདི་དེ་བཞིན་གཤེགས་པས་ཇི་སྐད་བཤད་པ་བཞིན་དུ་བདག་གིས་གཟུང་ངོ་།། བཅོམ་ལྡན་འདས་ཀྱིས་བཀའ་སྩལ་པ། ཀུན་དཔའ་བོ་ཆོས་ཀྱི་རྣམགྲ ་འདི་ཇི་ལྟར་ཟིན་པ་བཞིན་དུ། གང་དག་ལ་བྱིན་པའི་སེམས་ཅན་དེ་དག་ལ་ཁྱོད་སྟོན་པའི་བྱ་བ་བྱེད་པ་ལེགས་སོ་ལེགས་སོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས ་ཚེ་དང་ལྡན་པ་ཀུན་དགའ་བོ་དང་། ཚེ་དང་ལྡན་པ་ཤཱའིའི་བུ་དང་། འཇམ་དཔལ་གཞོན་ནུར་བྱོར་པ་དང་། ལཱ་དང་། མི་དང་། ལཱ་མ་ཡིན་དང་། དྲི་བར་བཅས་པའི་འཇིག་རྟེན ་