| Wylie | e-texts produced with BDRC’s OCR application |
རྒྱ་གར་སྐད་དུ་ཨ་ཝལ་བ་དེ་བ་ཏ་སཱུ་ཏྲ། བོད་སྐད་དུ། ལྷའི་མདོ་ཉུང་ངུ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན་བཅོམ་ལྡན་འདས་མཉན་ཡོད ་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་ལྷ་ཞིག་བཅོམ་ལྡན་འདས་གལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག ་དུ་འདུག་གོ། ། ཕྱོགས་གཅིག་ཏུ་འདུག་ནས་ལྷ་དེས་བཅོམ་ལྡན་འདས་ལ་ཞུ་བ་ཞུས་པ། ཚུལ་ཁྲིམས་གང་ལགས་སྤྱོད་པ་གང་།། ཡོན་ཏན་གང་ལགས་ལས་གང་གིས།། གནས་པ་ཇི་ལྟར་ཤེས་རབ་གང་།། སྐྱེ་བོ་གང་དག་མཐེ། ་རིས་མཆི།། ལྷ་ལ་ཐུགས་རྩེ་ཉེར་བཟུང་ནས།། སྟོན་པས་དེ་ལ་ལུང་བསྟན་པ།། སྐྱེ་བོ་མཐོ་རིས་གང་འགྲོ་བ།། ལྷ་ཁྱོད་ང་ལ་རབ་ཏུ་ཉོན།། སྲོག་གཅོད་པ་ལས་ཕྱིར་ལྡོག་ཅིང་།། ཁྲིམས་བཟུང་ཡང་དག་སྡོམ་ལ་དགའ།། གང་དག ་འབྱུང་པོ་མི་འཚེ་བ། ། སྐྱེ་བོ་དེ་དག་མཐོ་རིས་འགྲོ།། གང་དག་མ་བྱིན་ལེན་སྤོང་ཞིང་།། སྦྱིན་པ་གཏོང་ལ་རྟག་དགའ་སྟེ།། རྐུ་བ་སྤོང་ཞིང་མི་རྐུ་བ།། སྐྱེ་བོ་དེ་དག་མཐོ་རིས་འགྲོ།། གཞན་གྱི་ཆུང་མའི་ཐད་མི་འགྲོ།། ལོག་པར ་གཞིམ་པ་རྣམ་པར་སྤོང་། ། བདག་གིས་ཆུང་མས་ཆོག་སེམས་པ།། སྐྱེ་བོ་དེ་དག་མཐོ་རིས་འགྲོ།། གཞན་གྱི་དོན་ལ་རྐུ་བྱ་དང་།། བདག་གི་ཕྱིར་དང་འཇིགས་པའི་ཕྱིར།། བརྫུན་གྱི་ཚིག་རྣམས་མི་སྨྲ་བ།། སྐྱེ་བོ་དེ་དག་མན ་རིས་འགྲོ། ། གྲོགས་པོ་རྟག་པར་འབྱེད་བྱེད་པ།། ཕྲ་མའི་ཚིག་རྣམས་རབ་སྤོང་ཞིང་།། གང་དག་འདུན་པར་རབ་དགའ་བ།། སྐྱེ་བོ་དེ་དག་མཐོ་རིས་འགྲོ།། རྒྱགས་ལ་སྟེན་ཅིང་ཞི་གཅོད་པ།། ཚིག་རྩུབ་དག་ནི་རྣམ་སྤོང་ཞིང་།། ་འཇམ་པོ་ཚིག་ཏུ་གང་སྨྲ་བ།། སྐྱེ་བ་དེ་དག་མཐོ་རིས་འགྲོ།། དོན་མེད་གནས་དང་ལྡན་པ་ཡི།། ཀྱལ་བའི་ཚིག་རྣམས་རབ་སྤོང་ཞིང་།། གང་ཡང་དུས་སུ་ཆོས་སྨྲ་བ།། སྐྱེ་བོ་དེ་དག་མཐོ་རིས་འགྲོ།། གྲོང་ངམ་འོན་ཏེ་དགོན་པ་ན།། ་གཞན་གྱིས་བདག་གིར་བྱས་པ་ལ།། དེ་ལ་ཆགས་སེམས་གང་མེད་པ།། སྐྱེ་བོ་དེ་དག་མཐོ་རིས་འགྲོ།། བྱམས་པའི་སེམས་ཀྱིས་མི་འཚོ་ཞིང་།། གནོད་པར་སེམས་པ་མེད་པ་ཡིས།། སྐྱེ་བོ་ཀུན་ལ་མི་གནོད་པ།། སྐྱེ་བོ་དེ་དག ་མཐོ་རིས་འགྲོ། ། ལས་དང་ལས་ཀྱི་རྣམ་སྨིན་དང་།། གཉི་ག་ལ་ཡང་གང་དང་ཅིང་།། ཡང་དག་ལྟ་བ་ཡང་དག་འཛིན།། སྐྱེ་བོ་དེ་དག་མཐོ་རིས་འགོ།། དགེ་བའི་ཆོས་རྣམས་འདི་དག་ནི།། དཀར་པོ་ཆོས་ཀྱི་ལམ་བཅུ་སྟེ། ་གང་དག་ཡང་དག་འཛིན་འགྱུར་བ།། སྐྱེ་བོ་དེ་དག་མཐོ་རིས་འགྲོ།། བྲམ་ཟེ་མྱ་ངན་འདས་པ་དང་།། དགྲ་དང་འཇིགས་པ་ཀུན་འདས་ཤིང་།། འཇིག་རྟེན་ཆགས་མེད་རྒལ་བ་ནི།། མང་པོ་ཡོད་པར་མ་མཐོང་ངོ་།། བཅོམ ་ལྡན་འདས་ཀྱིས་ད་སྐད་ཅེས་བཀའ་སྩམ་ནས། བྷ་ད་ཡོད་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། ལྷའི་མད་ཉུང་ངུ་རྫོགས་སྷོ།། ཞུ་ཆེན་གྱི་ལ་ཆུབ་བནཿ ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། ། རྒྱ་གར་སྐད་དུ། ཙན་ཏྲ་སཱུ་ཏྲ། བོད་སྐད་དུ། ཟླ་བའི་མདོ། དཀོན་མཆོག་གསུམ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན ་