| Wylie | e-texts produced with BDRC’s OCR application |
ཉེན་དང་ལྡན་པ་ཐམས་ཅད་བདེ་བ་ལ་དགོད་དོ། ། ལེའུ་བཅཝ་ལྔ་པའོ།། །། འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་རྡོ་རྗེ་བཙོན་གྱི་རྒྱུད་རྫོག་སྷོ།། །། དེ་ནས་གསང་བའི་བདག་པོ་འཁོར་དེ་དག་ལ་རྣམ་པར ་གཟིགས་ནས་རང་ཉིད་མཁའ་དབྱིངས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་སྲིད་པ་གསུམ་ཡང་རྣམ་པར་གཡོས་སོ།། དེ་ནས་རང་ཉིད་སྐུ་དང་། ་གསུང་དང་ཐགས་རྣམ་པར་དག་པའི་རྡོ་རྗེ་ལས་སྔགས་འདི་ཕྱུང་ངོ་།། ཨོཾ་ན་མོ་གསང་སྔགས་རྒྱལ་པོ་སྨྲས་ཙམ་གྱིས།། ས་སྟེངས་རྣམས་བརྒྱལ་བར་འགྱུར།། ཀླུ་རྣམས་ཀུན་ནི་སྐྲ་ག་ནས་ནི།། གསང་བདག་ཉིད་ལ ་ཕྱག་འཚལོ། ། སྙིང་རྗེ་ལྡན་ཞིང་མོས་པ་བརྟེན།། གུས་ཤིང་བྱང་ཆུབ་སེམས་ལྡན་པའི།། ཕྱོག་སུ་འགྲོ་བས་ཡིད་གནས་པའི།། ལྷ་དང་བླ་མ་མཉམ་མཆོད་ཅིང་།། བརྩོན་འགྲུས་ཤེས་རབ་ཆེ་བ་དེས།། རང་ཉིད་དང་ནི་གཞན་དག ་བདེ་ཞིང་ཉམས་དགའི་རི་ཕུག་གམ། ། ཚལ་ལམ་མཚོའམ་ལྗོངས་རྣམསུ།། ས་ཡི་དཀྱིལ་འཁོར་རྣམ་དག་པར།། བྱས་ནས་དྲི་ཆུས་ལེགས་བྱུགས་ནས།། བདེ་བའི་སྟན་ལ་འདུག་བྱས་ཏེ།། གསང་བའི་བདག་པོ་བསྒྲུབ ་པར་བྱ། ། གཞན་དུ་རི་ཁྲོད་རྩུབ་པ་འམ།། དུར་ཁྲོད་ཡ་མའི་ཁང་པ་ཡང་།། འཁྲུག་ཅིང་གཡེང་དང་བཅས་པ་དང་།། རྒྱལ་པོས་བཟུང་ཞིང་གཏུམ་མོ་རྒྱུ།། འཇིགས་པའི་ཕྱོགས་ནས་གང་དག་རྣམས།། རྒྱལ་བ་བསྒྲུབ་པའི་གནས་ཡིན ་ནོ། ། དུས་འདིར་བྱུང་བའི་བློ་ཞན་རྣམས།། འཇིག་རྟེན་འདི་ཡི་གཡེང་བ་དང་།། ཚོགས་པ་ཐམས་ཅད་སྐྱེད་པར་བྱེད།། ཆགས་པའི་སྟོབས་ཀྱི་ཆོས་ཉིད་ནི།། ཡང་དག་མི་ཏོག་དེ་ནི་སྐྱོན།། སྤྲུལ་པའི་གླང་པོ་དང་མཚུངསོ།། སྟོང་ཉིད་སྤྲོས ་མེ་རང་བཞིན་ལས། ། སྒྱུ་མའི་སྐུ་ནི་ཡོད་འབྱུང་ཞིང་།། དང་པོ་སྟོང་ཉིད་རྡོ་རྗེ་སྟེ།། གཉིས་པ་ལ་ནི་ཡི་གེ་ཧཱུཾ།། གསུམ་པ་རྡོ་རྗེ་རྩེ་དགུ་པ།། བཞི་པ་བཅོམ་ལྡན་གསང་བའི་བདག། ལྔ་པ་ལྷ་ནི་ཡོང་སུ་རྫོགས།། མེ་ལོང་དང་ནི་མཉམ ་ཉིད་དང་། ། ཆོས་དབྱིངས་ཡེ་ཤེས་ལས་གྲུབ་པའི།། སྐུ་ནི་ཡེ་ཤེས་བདག་ཉིད་དོ།། དེ་རྫོགས་ཡེ་ཤེས་ཆེན་པོའོ།། ཡེ་ཤེས་སྐུ་ལས་ཡེ་ཤེས་ཀྱིས།། སྤྲུལ་པའང་ཡེ་ཤེས་ཉིད་དུ་གནས།། འཁོར་བའི་ཉོན་མོངས་ལས་འདས་ནས།། ་མེ་ཏོག་ཡེ་ཤེས་མེ་ཕུང་ལ།། གསང་བའི་བདག་ཉིད་ལེགས་པར་བཞུགས།། རྣམ་གྲོལ་རྣམ་དག་གྲོལ་བའི་རྒྱུ།། སྔགས་དབྱིབས་ཆོས་བདག་དོན་རྣལ་འབྱོར།། སྐད་ཅིག་སྐད་ཅིག་ཡེ་ཤེས་ལས།། སྒྱུ་མ་ལྟ ་བའི་སྒྱུ་མའི་སྐུ། ། སྦྲུམ་ཉིད་ལན་མ་གྲོལ་ཆེ།། ཀྱེ་ཀྱེ་ཧ་ཧ་དཔའ་བོ་ཆེ།། ཀླུ་ཡི་དགྲར་གྱུར་འཇིགས་བྱེད་པོས།། གསང་བའི་བདག་པོ་རྡོ་རྗེ་ཅན། ཉོན་མོངས་ལས་རྒྱལ་འཇིགས་སུ་རུང་།། དབང་ཕྱུག་ཁམས་གསུམ་ལིས་རྒྱལ ་བའི། ། དེ་བས་བརྩོན་ལྡན་གང་ཡིན་དེས།། ཤིན་ཏུ་བསྒྲུབ་པས་བསྒྲུབ་པར་བྱ།། བརྟན་པའི་ཡིད་སོས་པར་བྱེད་པས།། རྒྱལ་བ་གསང་བའི་བདག་པོའོ།། དེ་ནས་གསང་བའི་བདག་པོ་ཉིད།། དངོས་གྲུབ་ངེས་པར་འབྱུང་བ ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྐུ་དང་གསུང་དང་ཐུགས་རྣམ་པར་དག་པའི་རྡོ་རྗེ་ལས་བྱུང་བ། ཨོཾ་བཛྲ་པཱ་ཎི་སརྦ་ཨ་སིད་དྷི་ཀུ་རུ་ཀུ་རུ་སྭཱ་ཧཱ།། ལྷ་ཀླུ་མི་མིན་དྲི་ཟ་འམ།། ཡང་ན་མི་ཡི་བུ་མོ་ཡི།། ་དཔྲལ་བར་ཐིག་ལེ་བྲིས་ནས་ནི།། ལག་ཏུ་ལྕགས་ཀྱུ་ཐོགས་ལ་གཞག། དཀྱིལ་འཁོར་གྲུ་བཞི་ལྷམ་པ་ལ།། བརྟན་ནས་བུམ་པས་བསྒྲུབ་པར་བྱ།། རྣམ་པར་རྒྱལ་བའི་བུམ་པ་ནི།། སྨན་ལ་སོགས་པས་ལེགས་བཀང་ནས།། ་རས་ཀྱིས་དཀྲིས་ལ་གཞག་པར་བྱ།། རྒྱུན་ཏུ་དེ་ལས་བསྒྲུབ་གྱུར་ན། ཞི་དང་རྒྱས་སོགས་དངོས་གྲུབ་དང་། གཞན་ཡང་དངོས་གྲུབ་འགྲུབ་པར་འགྱུར།། དེ་ནས་ཡང་གསང་བའི་བདག་པོ་མི་འགྱུར་བར་བྱེད་པ་རྡོ་རྗེ་ཞེས་བྱ ་བའི་ཏིང་ངེ་འཛིན་ལ་སྙོམས་པར་ཞུགས་ནས་དུག་ཐམས་ཅད་ཞི་བར་བྱེད་པའི་སྔགས་འདི་ཉིད་ཀྱིས་སྐྲ་དང་གསུང་དང་ཐུགས་རྡོ་རྗེ་ཡང་དག་པ་ལས་ངེས་པར་ཕྱུང་ངོ་། ། ཨོཾ་ན་གུན་གེ་པྲེ་ཏ་ག་མ་ནི།། ཙར་པོ་མ་ཡ ་རབ་རཱ་ཧྱེ་ད་ཧ་རེ་ནཾ་བྲྀ། ། རིན་ཆེན་སྣོད་དུ་ཆུ་བླུགས་ནས།། སྔགས་ཀྱི་རྒྱལ་པོ་འདི་ལ་ནི།། བརྒྱ་ནས་ཇི་སྲིད་སྟོང་གི་བར།། བརྗོད་ན་འགྲོ་བའི་དུ་གནད་སེལ།། གཞན་ཡང་གསང་སྔགས་རྒྱལ་པོ་ནི།། གསང་བའི་བདག ་པོའི་སྦྱོར་བ་དང་། བཅས་པས་མང་དུ་བརྗོད་བྱས་ནས།། སྒྲུབ་པས་ཅི་ཡང་འགྲུབ་པར་འགྱུར།། ཟླབ་སྤྱང་གིས་གཟུང་དུས་སུ་དཔྲལ་བ་གོ་རོ་ཙ་ནས་ཐིག་ལེ་བྱས་ཏེ་ཁ་ཤར་ཕྱོག་སུ་གྱུར་ནས་གསང་སྔགས་འདི་བརྗོད་ན ་ཅི་འདོད་པ་དབང་དུ་བྱེད་དོ། ། ཡང་ཟླ་བའམ་ཉི་མ་གཟས་བཟུང་བའི་ཚེ།། ། ཀླུའི་གན་ནས་མི་ཁྲིག་གིས་ལུས་བྱུགས་ཏེ་སྔགས་འདི་བརྗོད་ན་ཀླུ་ཐམས་ཅད་དབང་དུ་འགྱུརརོ།། འདི་ལ་ཐེ་ཚོམ་མེད་དོ།། གཞན་ཡང་སྦྱོར་བ ་བཤད་པར་བྱ། གུར་གུམ་དང་ནི་འགི་ཝང་གིས།། རྩིབས་བརྒྱད་པ་ཡི་འཁོར་ལོ་ལ།། དབང་པོའི་སྔགས་བཞི་དག་དང་ནི།། ཐ་མའི་སྔགས་རྣམས་བྲི་བར་བྱ།། མུ་ཁྱུད་གཉིས་ལ་རྩ་བ་ཡི།། གསང་སྔགས་རྒྱལ་པོ་རིམ་གྱིས་བྲིས།། ་རིན་ཆེན་སྣོད་གཞག་མཆོད་བྱས་ནས།། གསང་སྔགས་སྟོང་སོགས་བརྗོད་ནས་ནི།། རྒྱལ་མཚན་རྩེ་ལ་གདགས་པར་བྱ།། གཞན་གྱིས་རིག་སྔགས་གཅོད་པར་བྱེད།། གལ་ཏེ་ཆར་པ་དབབ་པར་འདོད་ན་སའི་དཀྱིལ་འཁོ ་གྲུ་བཞི་པར་བྱས་ཏེ། ། དབུས་སུ་པད་མ་འདབ་མ་བརྒྱད་པ་བྲིས་ལ་དེའི་སྟེང་དུ་ཀླུའི་རྒྱལ་པོ་བརྒྱད་ཀྱི་གཟུགས་བྱས་ཏེ་གཞན་ལ་རང་ཉིད་ཁྲོ་བོའི་རྒྱལ་པོ་གོས་སྔོན་པོ་ཅན་དུ་བྱས་ཏེ།། སྨན་སྣ་ཚོགས་དང་།། འོ་མ་དང་འབྲས ་ཆེན་དང་། ། ཞོ་ལ་སོགས་པ་རྣམས་དང་།། ཀར་དང་བུ་རམ་ལ་སོགས་པས་མཆོད་ནས་གོས་དཀར་པོ་དགོས་ཏེ་ཧཱུཾ་འབྲུག་གི་སྒྲ་ལྟ་བུ་བརྗོད་པས་མགོ་འདྲེན་པའི་གསང་སྔགས་ཀྱི་རྒྱལ་པོ་བརྗོད་པས་ཆར་འབེབས་པར ་བྱེད་དོ། ། གལ་ཏེ་མི་འབེབས་ན་ཀླུ་རྣམས་སྡིགས་པའི་ཕྱིར།། དཀྱིལ་འཁོར་དེའི་སྟེང་དུ་ཁྲག་སྣ་ཚོགས་དང་། དུག་ཤིང་ལ་སོགས་པས་སྦྱིན་བསྲེག་བྱའོ།། དེས་མྱུར་དུ་ཆར་འབེབས་པར་བྱེད་དོ།། གལ་ཏེ་ཆར་ཆེས ་པའམ་སེར་བ་བཅོད་པར་འདོད་པས་ཉེ་ཤིང་དང་དུག་གང་བའི་རྩ་བ་ལ་ཡི་གེ་བྲིས་ཏེ། ། དཀྱིལ་འཁོར་དཀར་པོའི་དབུས་སུ་བཙུགས་ལ་ཡུངས་དཀར་ཐལ་བ་ལ་མང་དུ་བཟླས་པར་བྱའོ།། གལ་ཏེ་མི་འདོད ་ན་སྔགས་པ་ཙམ་གྱིས་ཀྱང་ངེས་པར་འབྱུང་ངོ་། ། རྟའི་ཁྲག་དང་དྲུག་སྣ་ཚོགས་ཀྱིས་བརྒྱལ་བ་སོས་པར་བྱེད་དོ།། རླུང་ཞི་བར་འདོད་ན་དབང་ཕྱུག་གི་གོས་ལ་ཙ་ཏ་པ་ལ་རི་རྩེ་བས་སྔགས་བྲིས་ཏེ་དཀྱིལ་འཁོར་གྱི་སྟེང་དུ ་གཞག་ནས། སྔགས་ཀྱི་རྒྱལ་པོ་སྟོང་ལ་སོགས་པ་ཅི་ནུས་པ་བརྗོད་ནས་ཁང་པའི་སྟེང་དུ་བཞག་ན་རླུང་ཞི་བར་བྱེད་དོ།། གལ་ཏེ་ཡམས་ཞི་བར་འདོད་པས་གུར་གུམ་དང་། གི་ཝང་གི་རྩེ་མོ་བཅུ་གཉིས་པར་བྲིས་ནས་དང་པོའི་སྔགས ་རྣམས་དང་། ཐ་མའི་སྔགས་རྣམས་རྩབས་ལ་བྲིས་ཏེ། མུ་ཁྱུད་ལ་སྔགས་ལྷག་མ་བྲིས་ཏེ་མེ་ཏོག་དང་འབྲས་བུ་སེར་པོ་ཐམས་ཅད་མཆོད་ཅིང་གསོལ་བ་བཏབ་ནས་གཙུག་ལག་གི་ཙོ་མོའམ།། དགེ་འདུན་གྱིས་འདུ་བའི་སྒོ་གང་ལ ་བཏགས་ན་ཅི་འདོད་པ་འགྲུབ་ཅིང་ནད་ལམས་ཐམས་ཅད་འཆང་པར་འགྱུརརོ། ། གལ་ཏེ་བུ་འདོད་པས་སེའུ་ཀྱང་མང་པོའི་སྡོང་བུལ་སྟེང་དུ་སྦྱིན་པསྲེག་བྱས་ན་བུ་སྟེར་བར་ངེས་སོ།། གལ་ཏེ་གཏེར་འདོད་པས་ས་འམ། རིན་པོ་ཆོས ་རྣམ་བློ་སྲས་ཀྱི་གཟུགས་ཁྲུ་གང་བ་བྱས་ནས་རིན་པོ་ཆེའམ་སྤང་ལེབ་ཀྱི་སྟེང་དུ་བཞག་ནས་མཆོད་པ་རྣམ་པ་སྣ་ཚོགས་ཕུལ་ནས་གསོལ་བ་བཏབ་ན་ཞག་བདུན་ནས་རི་པོ་ཆེ་སྟེར་བ་བྱེའོ། ། གལ་ཏེ་ཤི་བར་དོགས་པས་དཀྱིལ་འཁོར ་ཁྲུ་གང་ཟླུམ་པོ་སེར་པོར་བྱས་ནས་དབུས་སུ་བུམ་པ་ལེགས་པར་བཞག་པའི་ནང་དུ་སྨན་སྣ་ཚོགས་བླུགས་ནས་རས་དཀར་པོས་ཁ་བཀབ་པར་བྱས་ཏེ། ། གསང་སྔགས་ཀྱི་རྒྱབ་པོ་མང་དུ་བརྗོད་ནས་ཕྱིས་བུམ་པ་ལ་དངོས་གྲུབ་བླངས ་ན་ཅི་འདོད་པ་འགྲུབ་པོ། ། དེ་ལྟར་ཡང་ཡང་བྱས་པས་ཚེའི་དངོས་གྲུབ་ཐོབ་པར་འགྱུར་རོ།། གལ་ཏེ་མཆོག་གྲུབ་པར་འདོད་པས་ས་འམ་རིན་པོ་ཆེ་ལ་ཕྱག་ན་རྡོ་རྗེ་ཞལ་གཅིག་ཕྱག་གཉིས་པ་གདན་པད་མ་དང་ཉི་མ་ལ་གནས་པར་བྱས ་ནས་དེ་རིན་པོ་ཆེའི་སྣོད་དུ་བཞག་ལ་མཎ་ཌ་ལ་དཀར་པོ་ཁྲུ་གང་བ་བྱས་པའི་སྟེང་དུ་ཁྲིའུའི་སྟེང་དུ་བཞག་ལ་མེ་ཏོག་དང་གོས་དཀར་པོས་མཆོད་ཅིང་ཙན་དན་དཀར་པོའི་ཆུས་ཅི་ནུས་པར་མཆོད་པར་བྱེད་ཅིང་། ། ཡང་ཚེས་བརྒྱད་དང་། ་བཅུ་བཞི་དང་། བཅཝ་ལྔ་དང་། གནམ་སྟོང་ལ་དེའི་དུསུ་སྦྱང་བ་བྱས་ནས།། ཕྱིས་ནི་བརྒྱངད་སྟོང་གི་གྲངསུ་གསང་སྔགས་འདོན་པར་བྱེད་ཅིང་རང་ཉིད་ཀྱི་སྤྱི་བོར་ཡི་གེ་ཨོཾ་དཀར་པོ་འོད་དང་ལྡན་པས་བདུད་རྩིའི་ཆུ་འབེབས་པར་བསམས་པས ་ཁམས་གསུམ་པའི་ནད་ཐམས་ཅད་ཟད་པར་བསམ་ཞིང་སླར་རང་ཉིད་ཀྱི་རིམས་ཀྱིས་ཞུ་བར་བྱེད་པ་ནི་རྒྱུད་ལས་གྲུབ་པར་བྱེད་བསམ་གཏན་ཏེ། ། འདི་གོམས་པས་གང་དང་གང་འདོད་པ་ཐམས་ཅད་འགྲུབ་ཅིང་ཁམས་གསུམ་གྱི ་དབང་ཕྱུག་ཏུ་འགྱུ་རོ། ། གསང་བའི་བདག་པོ་ང་ལས་ཉོན།། འཇིག་རྟེན་ཀུན་ལས་རྣམ་རྒྱལ་བའི།། སྐུ་ནི་སངས་རྒྱས་ཀུན་བདག་ཉིད།། གང་གིས་བགོས་པར་གྱུར་པ་ལས།། ཅི་འདོད་རྙེད་པར་བྱེད་པ་མཆོག། གལ་ཏེ་རྟོག ་མེད་དེ་བྲལ་ན། ། ཡེ་ཤེས་ཉིད་ནི་བླ་ན་མེད།། རྒྱལ་བའི་སྟོབ་ཀྱིས་རྟོགས་པར་བྱེད།། ཉོན་མོངས་ཀུན་ལས་རྒྱལ་བྱེད་ཅིང་།། ནད་རྣམས་ཐམས་ཅད་ཟད་བྱེད་ཅིང་།། གལ་ཏེ་ནད་མེད་ནད་བཅས་བྱེད།། དབང་དང་རེངས་དང་དགུག་པ་དང་།། ་རྒྱལ་དང་གསད་དང་དབང་ཕྱུག་དང་།། ཞི་དང་བསྲུང་དང་དཔལ་བྱེད་དང་།། ཕྱིར་རྒོལ་བ་རྣམས་བརླག་པ་ཡི།། ཕྲ་མོ་འགྲུབ་པ་སྨོས་ཅི་དགོས།། འཇིག་རྟེན་ལས་གྲོལ་བདེ་བའི་ལུས།། རྒྱལ་བའི་གསུང་གིས་ལེགས་ཐོབ་བོ།། སྐྲ་ནི་འདིར། ་བརྗོད་མེད་པ་སྟེ།། སྤྱོད་ཚུལ་རྣམས་ལས་འདས་པའོ།། མིང་དང་ཚོགས་ལས་རྣམ་འདས་ན།། ཉེར་ཞི་སྤྲོས་ལ་ཤིན་དུ་འདས།། ཚིག་གི་ཡུལ་ནི་རྣམ་པར་བྲལ།། རྡོ་རྗེ་སྒོ་ལ་དེ་དག་ནི།། ཅི་བཞིན་དོན་ནི་ཤེས་འགྱུར་གྱི།། གཞན་དུ ་བསྐལ་བ་སྟོང་དུ་ཡང་། ། ཅིས་ཀྱང་ཤེས་པར་ག་ལ་ནུས།། གལ་ཏེ་དམིགས་པ་ཟད་འདོད་པས།། མི་དམིགས་སྤྲོས་མེར་གང་ཞིག་ལ།། རང་གི་སེམས་ཉིད་གཞག་པར་བྱ།། དེ་ལ་ཐར་པས་གྲོལ་བའོ།། གལ་ཏེ་དགའ་འགྱུར་ཡིད་ཡོད་ན།། ་དངོས་འདི་ཤེས་པས་ཅི་སྟེ་སྟོང་།། དེ་སྟོང་སྤྲོས་དང་བྲལ་བ་ལ།། ཤེས་པ་ཉིད་ནི་ཅི་ལ་རྟེན།། གསང་སྔགས་དྲག་པོའི་སྦྱོར་བ་འདི།། དབང་བསྐུར་གནད་པ་མེད་པ་དང་།། ཚུལ་ངན་ལང་ཚོ་ཕྲ་བ་དང་།། ང་རྒྱལ་དྲེགས་ཤིང་ཁེངས་པ་དང་།། ཐེག ་པ་ཆེལ་མ་མོས་ལ། ། ཡི་གེ་ཙམ་ཡང་བསྟན་པ་མན།། གལ་ཏེ་བརྒྱལ་མ་རྨོངས་པ་འགས།། བསྟན་ན་རང་ཉིད་དཔུང་བར་བྱེད།། དེ་སྐད་དུ་ཁམས་གསུམ་ལས་རྣམ་པར་རྒྱལ་བ་ཞེས་བྱ་བའི་འོད་ཟེར་དེ་སླ་རང་གི་ཐུགས ་ཁར་བསྡུས་ནས་ཞལ་ཐམས་ཅད་ཞལ་ལ་ཐིམ་ཞིང་ཕྱག་ཐམས་ཅད་ཕྱག་ལ་ཐིམ་ནས། ། ཞལ་གཅིག་ཕྱག་གཉིས་པར་གྱུར་ཏེ།། ཧཱུཾ་ཧཱུ~ཾ་ཧཱུཾ་ཥྤེའི་གྲུ་བླངསོ།། འདི་ལ་ཅི་ལྟར་དམིགས་བྱས་བཞིན།། ལྷ་རྣམས་ཀུན་ལ་དམིགས་པར་འགྱུར། ་གསང་སྔགས་འབུམ་དུ་བརྗོད་བྱས་ནས།། བསྙེན་པའི་དམ་པ་འདི་བསྒྲུབ་བོ།། འདས་དང་མ་འདས་འོངས་འགྱུར་བའི།། སངས་རྒྱས་རྣམས་ཀྱིས་སྔགས་འདི་བཤད།། འདི་ནི་སངས་རྒྱས་ཀུན་གྱི་གསང་།། ཡེ་ཤེས་ཆེན་པོ་ཞེས་བརྗོད་དོ།། ་ནས་འཁོར་དེ་དག་ཐམས་ཅད་ནི་གཙོ་བོའི་ཐུགས་ཁར་ཐིམ་པར་གྱུར་ཏོ།། ཀྲ་ཡི་རྡོ་རྗེ་ཆེན་པོ་ནི།། ལག་ན་རྡོ་རྗེ་སྟོབས་པོ་ཆེ།། དུས་གསུམ་སངས་རྒྱས་ཐམས་ཅད་ཀྱི།། གསང་བའི་མཛོད་འཛིན་གྱུར་པའོ།། བཅོམ་ལྡན་འདས་ཕྱག་ན ་རྡོ་རྗེ་གོས་སྔོན་པོ་ཅན་གྱི་རྡོ་རྗེ་གདེངས་པའི་རྒྱུད་ལས་ཁམས་གསུམ་རྣམ་པར་རྒྱལ་བ་ཞེས་བྱ་བའི་ལེའུ་རྫོག་སྷོ། ། །། པཎ་ཌི་ཏ་ཨ་ར་ཡ་ཤྲཱི་མ་ཏི་ཞེས་བྱ་བ་དང་། བོད་ཀྱི་ལོ་ཙྪ་བ་བན་དེ་ཆོས་ཀྱི་དབང་ཕྱུག་གྲགས་ཀྱིས་བསྒྱུར། ་ཅིང་ཞུས་ཏེ་གཏན་ལ་ཕབ་པའོ།། །། རྒྱ་གར་སྐད་དུ། ཤྲཱི་བཛྲ་ཙཎ་ཌ་ཙིཏ་ཏ་གུ་ཧྱ་ཏན་ཏྲ། བོད་སྐད་དུ། དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་དཔལ་གཏུམ་པོ་ཕྱག་ན་རྡོ་རྗེ་ལ་ཕྱག་འཚལོ།། འདི་སྐད་བདག་གིས་ཐོས་པ ་