Wylie

e-texts produced with BDRC’s OCR application

རྒྱ་གར་སྐད་དུ། སརྦ་ཏ་ཐཱ་ག་ཏ་ཙཏྟ་གུ་ཧྞཛྙཱན་ཨརྦ་གརྦྷ་བཛྲ་ཀྲོ་དྷ་ཀུལ་ཏན་ཏྲ་པོན་ཥཱཪྠ་བྲྀ ་གསིད་དྷི་ནཱ་མ་མ་ཧཱ་ཡཱ་ན་སཱུ་ཏྲ། ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་ཐུགས་གསང་བའི ་ས་ཧེས་དོན་གྱི་སྙིང་པོ་ཐོབ་རྡོ་རྗེའི་རིགས་ཀུན་འདུས་རིག་པའི་མདོ་རྣལ་འབྱོར་གྲུབ་པའི་རྒྱུད་ཅེས་བྱ་བ་ཐེག་པ་ཆེན ་པོའི་མདོ། ། བཅོམ་ལྡན་འདས་དཔལ་སྒྲོལ་བྱེད་ཐུགས་རྗེའི་རྒྱལ་པོ་ལ་ཕྱག་འཚལ་ལོ།། འདི་སྐད་བདག ་གིས་ཐོས་པ་དུས་གཅིག་ན། དེ་བཞིན་གཤེགས་པ་ཐམས་ཅད་ཀྱི་བཅོམ་ལྡན་འདས་དཔལ་ཀུན་དུ་བཟང་པོ ་རྡོ་རྗེ་སེད་ཧེ་རུ་ཀ་གསང་བ་མཆོག་གི་བདག་པོ་བྱིན་གྱིས་རླབས་ཀྱིས་དབང་ཕྱུག། མི་ཟླད་མཛོད་ཀྱི་བཀོད་པ ་ཆེ་བའི་དོན་ལ་དམ་པའི་སྤྱོད་པས་བསྐྱོད་པ་དེ། རྨད་དུ་བྱུང་བའི་དོན་འདི་ཉིད་བཤད་པའི་གནས་གསང་བའི་ཡང ་གསང་བ་ཀུན་གཞི་ཆོས་ཀྱི་དབྱིངས་ཀྱི་ཕོ་བྲང་ཐིག་ལེ་བདལ་བའི་ཀློང་། ཡཾ་འབྱམ་རྨད་དུ་གྲགས་པའི་གཞལ ་ཡས་རྒྱ་ཕྱོགས་སུ་ཡོངས་སུ་མ་ཆད་པ། ཆོས་ཉིད་ཀྱི་ནམ་མཁའ་ལས་ཆོ་འཕྲུལ་གྱི་སྤྲིན་ཀུན་དུ་འཐིབས་པ། བྱང་ཆུབ་ཀྱི་ཆར་མངོན་པར་འབབ་པ། ཉོན་མོངས་པའི་གདུ་བ་བངས་པར་གྱུར་པ། ཡེ་ཤེས་ཀྱི་། ་གུ་མངོན་པར་བསྐྱེད་པ། མཐའ་དང་དབུས་མེད་པ། རྩེ་མོ་ཀུན་དུ་རྒྱ་མཉམ་པ། རིན་པོ་ཆེའི་རྒྱལ་པོས་རྣམ་པར་བརྒྱན་པ། མུ་ཏིག་གི་ལྕང་ལོ་དང་། ཆུན་འཆང་དང་། ལྔ་ལྡིས་མཛེས་པ། ཉི་མ་ཆེན་པོས་གསལ་བཏབ་པ། ཟླན ་ཆེན་པོས་པྲ་བཀོད་པ། སྐར་མ་དང་ཤིན་ཏུ་སྐར་མ་དག་གིས་གཟེར་སྤྲས་པ། རྡོ་རྗེ་རིན་པོ་ཆེའི་འོད་སྣང་བས་ཀུན་དུ་མདངས་ཕྱུང་བའི་མཁའ་ལ། རླུང་ནག་གི་ཕུང་པོ་རྒྱ་ཡོངས་སུ་མ་ཆད་པར་མཉམ་པ། ཁྲག་གི་ཕུང་པོ་དཔའ ་ཀློང་དུ་འཁྲུག་པ། རྒྱ་ཕྱོགས་སུ་ཡོངས་སུ་མ་ཆད་པ། མ་ཏང་གི་གནས་དང་། བྲིས་མ་འབུར་འཕང་བར་ཆགས་པ། རུས་པ་ཕུང་པོ་རྒྱ་ཀུན་དུ་མཉམ་པའི་གཞི་ལ་འབར་བའི་གཞལ་ཡས་ཁང་འོད་ཟེར་ཀུན་དུ་འཕྲོ་བ། ག་བུ་ཅུང ་བརྩེགས་པའི་རྩིག་པ་ལ་གནམ་ལྕགས་ཀྱི་གཟེར་ཏ་ལེ་བར་བཏབ་པ། རྩིབས་ཀུན་དུ་ཉི་མ་དང་ཟླ་བ་རངས་པ་དང་མ་རངས་པར་འཕྱོ་བ། ཉ་ཆེན་པོའི་ཀ་གདུང་ལ་ཉ་ཕྲན་དྲལ་དྲ་བ་གཏམས་པ། ཟླ་བའི་ཀ་རྟེན་དང་ཉི་མའི་ཀ་ལོ།། ་དང་། སྦྲུལ་ཆུན་གྱི་ཀ་རྒྱན་ལ་སོགས་པ། ཧཱུཾ་གི་ཐོག་དང་། མེའི་ཆར་མངོན་པར་ཕས་པ། ཆོས་ཉིད་ཀྱི་བླ་རེས་རྣམ་པར་བརྒྱན་པ། ཡེ་ཤེས་ཀྱི་ལྔ་ལྡིས་མངོན་པར་བྲིས་པ། རྡོ་རྗེའི་རྒྱན་དང་འཕན་གྱིས་ཀླུབས་པ། སྤྲུལ ་ནག་གི་ཟར་ཚགས་དང་། སྤྲིན་ནག་གི་གྲིབ་སོ་ལྟ་བུས་གཞོལ་བའི་བར་བར་ཐམས་ཅད་ན་རིན་པོ་ཆེ་དང་། མུ་ཏིག་དང་མེ་ཏོག་གིས་མཛེས་པ། འཁོར་བའི་མཎ་ཌ་ལ་ཡོ་བཀྲམ་ལ་བམ་རིལ་ཆེ་ཆུང་དང་། ཁོག་སྐམ་སྟོད་སྨད ་དང་། ཡན་ལག་རིང་ཐུང་དང་། དབང་པོའི་ཕྲེང་བ་དང་། རྡོ་རྗེས་ཀུན་དུ་སྤྲས་པ། སྒོ་དགུས་ཀུན་དུ་གསལ་བར་གྱུར་པའི་གནས་ན་རྡོ་རྗེ་རྒྱལ་འཚ་བ་ཞེས་བྱ་བའི་ཞེ་སྡང་རྡོ་རྗེ་དང་། རྡོ་རྗེ་གོ་ཕུར་ཞེས་བྱ་བའི་ང་རྒྱལ་རིན་ཆེན་དང་། ་རྡོ་རྗེ་གིང་ཞེས་བྱ་བའི་འདོད་ཆགས་པད་མོ་དང་། རྡོ་རྗེ་ཀརྨ་ཞེས་བྱ་བའི་ཕྲག་དོག་སྣ་ཚོགས་དང་། རྡོ་རྗེ་བྱ་རོག་ཅེས་བྱ་བའི་དྲོད་ཀྱི་རྟགས་འཛིན་དང་། རྡོ་རྗེ་དུས་མཚམས་ཞེས་བྱ་བའི་འཐུན་འཇུག་གི་བཀའ་སྡོད་དང་། རྡོ་རྗེ་སྤུན ་ཐམས་ཅད་དང་། རྡོ་རྗེ་མིང་ཐམས་ཅད་དང་། རྡོ་རྗེ་རིག་འཛིན་ཐམས་ཅད་དང་། རྡོ་རྗེ་ལུས་ཐམས་ཅད་དང་། རྡོ་རྗེ་རྣལ་འབྱོར་ཐམས་ཅད་དང་། རྡོ་རྗེ་ངག་ཐམས་ཅད་དང་། རྡོ་རྗེ་ལས་ཐམས་ཅད་དང་། རྡོ་རྗེ་ཡི་ཐམས་ཅད་དང་། ་རྡོ་རྗེ་མ་ཐམས་ཅད་དང་། རྡོ་རྗེ་གིང་ཐམས་ཅད་དང་། རྡོ་རྗེ་མཁའ་འགྲོ་ཐམས་ཅད་དང་། རྡོ་རྗེ་ཤུགས་ཀྱིས་འགྲོ་བ་ཐམས་ཅད་དང་། རྡོ་རྗེ་ཕྲ་མེན་ཐམས་ཅད་དང་། རྡོ་རྗེ་ཀུན་དུ་འབར་མ་ཐམས་ཅད་དང་། རྡོ་རྗེ་གནོད་སྦྱིན་ཐམས ་ཅད་དང་། རྡོ་རྗེ་ལས་སྲིན་མོ་ཐམས་ཅད་དང་། རྡོ་རྗེ་སླས་དང་། ཕྱི་མོ་དང་། བྲན་མོ་ལ་སོགས་པ་བུད་མེད་ཐམས་ཅད་དང་། རྡོ་རྗེ་མངག་པ་ལ་སོགས་པའི་རྡོ་རྗེ་ཁྲོ་བོ་ཐམས་ཅད་འདུ་བར་གྱུར་པ། རྡོ་རྗེ་རིགས་ཀྱི་སངས་རྒྱས་ཐམས ་ཅད་དང་། འགྱིང་བག་གི་ཚུལ་གྱིས་བསྙེངས་པ་མི་མངའ་བར་རྡོ་རྗེའི་གདན་ལ་འཁོར་མང་པོ་དང་ཐབས་གཅིག་ཏུ་བཞུགས་པ་ནི་འདི་ལྟ་སྟེ། ཆོ་འཕྲུལ་ཆེན་པོ་ནམ་མཁའི་དབང་ཕྱུག་ཅེས་བྱ་བའི་སངས་རྒྱས་དང་། ཆོ་འཕྲུལ ་ཆེན་པོ་རྣམ་གྲོལ་སྦྱིན་པ་ཞེས་བྱ་བའི་སངས་རྒྱས་དང་། ཆོ་འཕྲུལ་ཆེན་པོ་རྣམ་གྲོལ་སྒྲོགས་པ་ཞེས་བྱ་བའི་སངས་རྒྱས་དང་། ཆོ་འཕྲུལ་ཆེན་པོ་ཐམས་ཅད་གྲུབ་པ་ཞེས་བྱ་བའི་སངས་རྒྱས་དང་། ནམ་མཁའི་བུ་མོ་དབང ་མོ་ཞེས་བྱ་བའི་རྣལ་འབྱོར་མ་ཆེན་མོ་དང་། ནམ་མཁའི་བུ་མོ་དགའ་སྡད་མ་ཞེས་བྱ་བའི་རྣལ་འབྱོར་མ་ཆེན་མོ་དང་། ནམ་མཁའི་བུ་མོ་རྣམ་པར་གདུང་མ་ཞེས་བྱ་བའི་རྣལ་འབྱོར་མ་ཆེན་མོ་དང་། ནམ་མཁའི་བུ་མོ་སྒྲོན་མ ་ཞེས་བྱ་བའི་རྣལ་འབྱོར་མ་ཆེན་མོ་ལ་སོགས་ཏེ། ཤིན་དུ་གསང་བ་ཆེན་པོའི་འཁོར་དང་། གཞན་ཡང་དམ་ཚིག་ཆེན་པོའི་འཁོར་འདི་ལྟ་སྟེ། དམ་ཚིག་ཆེན་པོ་རྡོ་རྗེའི་སྙིང་པོ་ཞེས་བྱ་བའི་སངས་རྒྱས་དང་། དམ་ཚིག་ཆེན་པོ ་ནོར་བུའི་སྙིང་པོ་ཞེས་བྱ་བའི་སངས་རྒྱས་དང་། མཚིག་ཆེན་པོ་པད་མའི་སྙིང་པོ་ཞེས་བྱ་བའི་སངས་རྒྱས་དང་། དམ་ཚིག་ཆེན་པོ་བཀོད་པའི་སྙིང་པོ་ཞེས་བྱ་བའི་སངས་རྒྱས་དང་། དམ་ཚིག་ཆེན་མོ་རྡོ་རྗེ་དབང་ཕྱུགས ་ཞེས་བྱ་བའི་རྣལ་འབྱོར་མ་ཆེན་མོ་དང་། དམ་ཚིག་ཆེན་མོ་ནོར་བུའི་དབང་ཕྱུག་མ་ཞེས་བྱ་བའི་རྣལ་འབྱོར་མ་ཆེན་མོ་དང་། དམ་ཚིག་ཆེན་མོ་པད་མའི་དབང་ཕྱུག་མ་ཞེས་བྱ་བའི་རྣལ་འབྱོར་མ་ཆེན་མོ་དང་། དམ་ཚིག་ཆེན་མོ་རྒྱན ་གྱི་དབང་ཕྱུག་མ་ཞེས་བྱ་བའི་རྣལ་འབྱོར་མ་ཆེན་མོ་ལ་སོགས་ཏེ། ཤིན་དུ་མི་འདའ་བ་ཆེན་པོའི་འཁོར་དང་། གཞན་ཡང་ཚད་མེད་པའི་འཁོར་འདི་ལྟ་སྟེ། གསང་བ་ཆེན་མོ་བྱམས་པའི་སྙིང་པོ་ཞེས་བྱ་བའི་སངས་རྒྱས་དང་། གསང་བ ་ཆེན་པོ་སྙིང་རྗེའི་སྙིང་པོ་ཞེས་བྱ་བའི་སངས་རྒྱས་དང་། གསང་བ་ཆེན་པོ་དགའ་བའི་སྙིང་པོ་ཞེས་བྱ་བའི་སངས་རྒྱས་དང་། གསང་བ་ཆེན་པོ་བཏང་སྙོམས་ཀྱི་སྙིང་པོ་ཞེས་བྱ་བའི་སངས་རྒྱས་དང་། གསང་བ་ཆེན་པོ་བདེ་བའི་དབང་ཕྱུག ་མ་ཞེས་བྱ་བའི་རྣལ་འབྱོར་མ་ཆེན་མོ་དང་། གསང་བ་ཆེན་མོ་འཇོམས་བྱེད་དབང་ཕྱུག་མ་ཞེས་བྱ་བའི་རྣལ་འབྱོར་མ་ཆེན་མོ་དང་། གསང་བ་ཆེན་མོ་དགའ་བའི་དབང་ཕྱུག་མ་ཞེས་བྱ་བའི་རྣལ་འབྱོར་མ་ཆེན་མོ་དང་། གསང་བ་ཆེན་མོ ་ཁྱབ་པའི་དབང་ཕྱུག་མ་ཞེས་བྱ་བའི་རྣལ་འབྱོར་མ་ཆེན་མོ་དང་། ཤིན་དུ་ཚད་མེད་པའི་འཁོར་དང་། གཞན་ཡང་རོལ་པ་ཆེན་པོའི་འཁོར་འདི་ལྟ་སྟེ། རོལ་པ་ཆེན་པོའི་སངས་རྒྱས་ཡཀྵ་ཧེ་རུ་ཀ་ཞེས་བྱ་བ་དང་། རོལ་པ་ཆེན་པོའི་ས ་རྒྱས་རཀྵ་ཧེ་རུ་ཀ་ཞེས་བྱ་བ་དང་། རོལ་པ་ཆེན་པོའི་སངས་རྒྱས་བྷ་ག་ཤ་ཧེ་རུ་ཀ་ཞེས་བྱ་བ་དང་། རོལ་པ་ཆེན་པོའི་སངས་རྒྱས་བི་ཤྭ་ཧེ་རུ་ཀ་ཞེས་བྱ་བ་དང་། རོལ་པ་ཆེན་མོ་རྣལ་འབྱོར་མ་ཡཀྵ་ཤོ་ར~ཾ་ཀ་ཞེས་བྱ་བ་དང་། རོལ་པ་ཆེན ་མོའི་རྣལ་འབྱོར་མ་རཀྵ་ཤོ་རི་ཀ་ཞེས་བྱ་བ་དང་། རོལ་པ་ཆེན་མོའི་རྣལ་འབྱོར་མ་བྷིག་ཤ་ཤོ་ར་ཀ་ཞེས་བྱ་བ་དང་། རོལ་པ་ཆེན་མོའི་རྣལ་འབྱོར་མ་བི་ཤྭ་ཤོ་རི་ཀ་ཞེས་བྱ་བ་དང་། ཤིན་དུ་རོལ་པ་ཆེན་པོའི་འཁོར་དང་གཞན་ཡང ་འཇིགས་བྱེད་ཆེན་པོའི་འཁོར་འདས་སྟེ། འཇིགས་ཀྱ་ན་ལ་ས་འངས་རྒྱས་ཏེ་ཤ་ཧེ་རུ་ག་ཞེས་བྱ་བ་དང་། འཇིགས་བྱེད་ཆེན་པོའི་སངས་རྒྱས་ཀེ་ཤ་ཧེ་རུ་ག་ཞེས་བྱ་བ་དང་། འཇིགས་བྱེད་ཆེན་པའི་སངས་རྒྱས་པ་ག་ཏེ་གས ་བྱ་བ་དང་། འཇིགས་བྱེད་ཆེན་པོའི་སངས་དྷས་བི་ཤྭ་ཧེ་རུ་ཀ་ཞེས་བྱ་བ་དང་། འཇིགས་བྱེད་ཆེན་མོའི་རྣལ་འབྱོར་མ་ཏེ་ཤ་ཤོར་ཀ་ཞེས་བྱ་བ་དང་། འཇིགས་བྱེད་ཆེན་མོའི་རྣལ་འབྱོར་མ་ཀེ་ཤ་ཤོར་ཀཞེས་བྱ་བ་དང་། འཇིག ་བྱད་ཆེན་མོའི་རྣལ་འབྱོར་མ་བཻ་ཤྭ་ཤོ་ར་ཀ་ཞེས་བྱ་བ་དང་། འཇིགས་བྱེད་ཆེན་མོའི་རྣལ་འབྱོར་མ་བ་ཤ་ཤོ་རོ་ཀ་ཞེས་བྱ་བ་ལ་སོགས་པ་ཤིན་དུ་འཇིགས་བྱེད་ཆེན་པོའི་འཁོར་དང་། གཞན་ཡང་འཇོམས་བྱེད་ཆེན་པོའི་འཁོར ་འདི་ལྟ་སྟེ། འཇོམས་བྱེད་ཆེན་པོའི་སངས་རྒྱས་ཏྲག་ཤ་ཧེ་རུ་ཀ་ཞེས་བྱ་བ་དང་། འཇོམས་བྱེད་ཆེན་པོའི་སངས་རྒྱས་ཧྲི་ཤ་ཧེ་རུ་ཀ་ཞེས་བྱ་བ་དང་། འཇོམས་བྱེད་ཆེན་པོའི་སངས་རྒྱས་ཀ་ཤ་ཧེ་རུ་ཀ་ཞེས་བྱ་བ་དང་། འཇོམས་བྱེད་ཆེན ་པོའི་སངས་རྒྱས་བག་ཤ་ཧེ་རུ་ཀ་ཞེས་བྱ་བ་དང་། འཇོམས་བྱེད་ཆེན་མོའི་རྣལ་འབྱོར་མ་ཏྲག་ཤ་ཤོ་རི་ཀ་ཞེས་བྱ་བ་དང་། འཇོམས་བྱེད་ཆེན་མོའི་རྣལ་འབྱོར་མ་ཧཱི་ཤ་ཤོར་ཀ་ཞེས་བྱ་བ་དང་། འཇོམས་བྱེད་ཆེན་མོའི་རྣལ་འབྱོར་མ། ་ཤོ་རི་ཀ་ཞེས་བྱ་བ་དང་། འཇོམས་བྱེད་ཆེན་མོའི་རྣལ་འབྱོར་མ་བག་ཤ་ཤོ་རི་ཀ་ལ་སོགས་ཏེ། ཤིན་དུ་འཇོམས་བྱེད་ཆེན་པོའི་འཁོར་དང་། གཞན་ཡང་ཟ་བྱེད་ཆེན་པོའི་འཁོར་འདི་ལྟ་སྟེ། ཟ་བྱེད་ཆེན་པོའི་སངས་རྒྱས་རུ་ཏི་ཧེ་རུ་ཀས ་བྱ་བ་དང་། བྱེད་ཆེན་པོའི་སངས་རྒྱས་རག་ཏི་དྲཀ་ཞེས་བྱ་བ་དང་། ཟ་བྱེད་ཆེན་པོའི་སངས་རྒྱས་ལཏིཧ་དྲ་ག་ཞེས་བྱ་བ་དང་། ཐ་བྱེད་ཆེན་པོའི་སངས་རྒྱམས་ཧ་ཧ་རུག་ནས་བྱ་བ་དང་། ཟ་བྱང་ཆེན་པོའི་རྣལ་འབྱོར་མ ་རིཀ་ཞེས་བྱ་བ་དང་། ཟ་བྱེད་ཆེན་པོའི་རྣལ་འབྱོར་མ་རྟག་ཏཾ་ཤོ་རི་ཀ་ཞེས་བྱ་བ་དང་། ཟ་བྱེད་ཆེན་མོའི་རྣལ་འབྱོར་མ་ཁ་ཧེ་ཤོ་རི་ཀ་ཞེས་བྱ་བ་དང་། ཟ་བྱེད་ཆེན་མོའི་རྣལ་འབྱོར་མ་ས་ཧ་ཤོ་ར་ཀ་ཞེས་བྱ་བ་ལ་སོགས་པ་རྣལ ་འབྱོར་མའི་འཁོར་རབ་ཏུ་མང་ཞིང་བསམ་གྱིས་མི་ཁྱབ་པའི་ཧེ་རུ་ཀ་མཐའ་ཡས་པ་ཤ་སྟག་རྣམས་དང་། གཞན་ཡང་གསང་བའི་བུ་མོའི་འཁོར་འདི་ལྟ་སྟེ། གསང་བའི་བུ་མོ་དཀར་མོ་ཞེས་བྱ་བ་དང་། གསང་བའི་བུ་མོ།། ་རྐུན་མོ་ཞེས་བྱ་བ་དང་། གསང་བའི་བུ་མོ་རྨོངས་མོ་ཞེས་བྱ་བ་དང་། གསང་བའི་བུ་མོ་རོ་ལངས་མ་ཞེས་བྱ་བ་དང་། གསང་བའི་བུ་མོ་ལྡེས་མོ་ཞེས་བྱ་བ་དང་། གསང་བའི་བུ་མོ་གཏུམ་མོ་ཞེས་བྱ་བ་དང་། གསང་བའི་བུ་མོ་སྨ་ཤ ་ཅན་ཞེས་བྱ་བ་དང་། གསང་བའི་བུ་མོ་མཚོགས་མ་ཞེས་བྱ་བ་ལ་སོགས་པ་ཤིན་དུ་གསང་བའི་བུ་མོའི་འཁོར་བསམ་གྱིས་མི་ཁྱབ་པ་དང་། གཞན་ཡང་དགའ་བའི་བུ་མོའི་འཁོར་འདི་ལྟ་སྟེ། དགའ་བའི་བུ་མོ་སེང་གདོང་མ་ཞེས་བྱ ་བ་དང་། དགའ་བའི་བུ་མོ་བྱ་རྒོད་གདོང་མ་ཞེས་བྱ་བ་དང་། དགའ་བའི་བུ་མོ་སྟག་གདོང་མ་ཞེས་བྱ་བ་དང་། དགའ་བའི་བུ་མོ་ཝགདོང་མ་ཞེས་བྱ་བ་དང་། དགའ་བའི་བུ་མོ་ཁྱི་གདོང་མ་ཞེས་བྱ་བ་དང་། དགའ་བའི་བུ་མོ་དུར་བྱ ་གདོང་མ་ཞེས་བྱ་བ་དང་། དགའ་བའི་བུ་མོ་ཁྭ་གདོད་མ་ཞེས་བྱ་བ་དང་། དགའ་བའི་བུ་མོ་མུན་གདོང་མ་ཞེས་བྱ་བ་ལསགས་པ་ཤིན་དུ་དགའ་བའི་བུ་མོ་འི་འཁོང་བསམ་གྱིས་མི་ཁྱབ་པ་དང་། གཞན་ཡང་ཤིན་དུ་གུས་པ ་འཁོར་འདི་ལྟ་སྟེ། ཤིན་དུ་གུས་པའི་བུ་མོ་རྟ་གདོང་མ་ཞེས་བྱ་བ་དང་། ཤིན་དུ་གུས་པའི་བུ་མོ་ཕག་གདོང་མ་ཞེས་བྱ་བ་དང་། ཤིན་དུ་གུས་པའི་བུ་མོ་སྤྲེའུ་གདོང་མ་ཞེས་བྱ་བ་དང་། ཤིན་དགུས་པའི་བུ་མོ་ཐལ་བྱེད་མ་ལ་སོགས་པ ་ཤིན་དགྲས་པའི་བུ་མོའི་འཁོར་དང་། གཞན་ཡང་ཀུན་དྲགསོད་པ་ཆེན་པོའི་སྲས་ཀྱི་འཁོར་ལ་འདི་གས། གས་དང་ཆེན་པོ་དང་ལ་གག་གིམབྱིན་ཞེས་བྱ་བ་དང་། ཤིན་དུན་ཡོད་པ་ཆེན་པོ་དཔས་གསག་གིས་ན ་བྱབ་དང་། ཤིན་དུ་གསོང་པ་ཆེན་པོ་དང་ལ་ག་པའི་མཛིན་ཞེས་བྱ་བ་དང་། ཤིན་དྲགསོད་པ་ཆེན་པོ་དཔལ་གཅིག་གི་མགྲིན་ནས་བྱ་བ་དང་། ཤིན་ཏུགསོད་པ་ཅན་པོ་དཔལ་ཏའི་མཛན་ནས་བྱ་བ་དང་། ཤིན་དྲུག་སདཔ་། ་དཔལ་སྤྱང་ཀུའི་མགྲིན་ཞེས་བྱ་བ་དང་། ཤིན་དུ་གསོད་པ་ཆེན་པོ་དཔལ་སེང་གེ་མགྲིན་ཞེས་བྱ་བ་དང་། ཤིན་དུ་གསོད་པ་ཆེན་པོ་དཔལ་དོམ་གྱི་མགྲིན་ཞེས་བྱ་བ་དང་། ཤིན་དུ་གསོད་པ་ཆེན་པོ་དཔལ་ཕག་གི་མགྲིན་ཞེས་བྱ་བ། ་དང་། ཤིན་དུ་གསོད་པ་ཆེན་པོ་དཔལ་དྲེད་མོའི་མགྲིན་ཞེས་བྱ་བ་དང་། ཤིན་དུ་གསོད་མ་ཆེན་མོ་རྡོ་རྗེ་གསོད་མ་ཞེས་བྱ་བ་དང་། ཤིན་དུ་གསོད་མ་ཆེན་མོ་རྡོ་རྗེ་དུར་ཁྲོད་ཅེས་བྱ་བ་དང་། ཤིན་དུ་གསོད་མ་ཆེན་མོ་རྡོ་རྗེགཏུན་ལུང་ཞེས་བྱ། ་བ་དང་། ཤིན་དུ་གསོད་མ་ཆེན་མོ་རྡོ་རྗེ་གཏུམ་མོ་ཞེས་བྱ་བ་དང་། ཤིན་དུ་གསོད་མ་ཆེན་མོ་རྡོ་རྗེ་མདའ་སྙོམས་མ་ཞེས་བྱ་བ་དང་། ཤིན་དུ་གསོད་མ་ཆེན་མོ་རྡོ་རྗེ་སྒྲ་འབྱིན་མ་ཞེས་བྱ་བ་དང་། ཤིན་དུ་གསོད་མ་ཆེན་མོ་རྡོ་རྗེ་ཟ་བྱེད་མ་ཞེས་བྱ ་བ་དང་། ཤིན་དུ་གསོད་མ་ཆེན་མོ་རྡོ་རྗེ་འདྲེན་མ་ཞེས་བྱ་བ་དང་། ཤིན་དུ་གསོད་མ་ཆེན་མོ་རྡོ་རྗེ་སྤོར་མ་ཞེས་བྱ་བ་དང་། ཤིན་དུ་གསོད་མ་ཆེན་མོའི་འཁོར་རབ་ཏུ་མང་པོ་རྣམས་དང་། དེ་དག་ལ་སོགས་ཏེ་རྡུལ་ཕྲ་རབ་སྙེད་དང་ཐབས ་གཅིག་གོ། ཡུམ་རྡོ་རྗེ་ཀུན་དུ་བཟང་མོས་དཤེ་རིགས་ཀྱང་ཉིད་ཀྱི་སྐུ་ལ་རྣམ་པར་འཁྲིལ་ཏེ། མདུན་གྱིས་བལྟས་ནས་ཐབས་གཅིག་གོ། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་ཆོས་ཐམས་ཅད་དགོངས་པ ་མཉམ་པ་ཉིད་ལ་ཤར་བར་མཁྱེན་ནས་སྐུ་མཉམ་པ་ཉིད་མི་དམིགས་པ་ཞེས་བྱ་བའི་རང་ལ་སྙོམས་པར་ཞུགས་སོ། ། གསུང་མཉམ་པ་ཉིད་མི་དམིགས་པ་ཞེས་བྱ་བའི་ངང་ལ་རྣམ་པར་ཞུགས་སོ།། ཐུགས་མཉམ་པ་ཉིད་མི ་དམིགས་པ་ཞེས་བྱ་བའི་དངལ་རྣམ་པར་བཞུགས་ཏེ། འཇུག་པ་འམ། ལྡོག་པ་འམ། རྣམ་པར་ལྡོག་པ་མི་དམིགས་སོ།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་དབྱིངས་ཀྱི་ངངལ་མི་གཡོ་བར་རྣལ ་བཞིན་དུ་ཡུམ་རྡོ་རྗེ་ཀུན་དུ་བཟང་མོས་སྟོང་པ་ཉིད་ཀྱི་ཀླུ་འདི་བླངས་ཏེ་རྣམ་པར་བསྐུལ་ཏོ། ། ཡོད་མེང་སྟོང་པ་ཤིན་དུ་ན་ལ་འབྱོར་མཐུས།། ནམ་མཁའ་བཞིན་ལས་དམ་ཚིག་ཉེ་བར་གཤེགས།། ཡེ་ཤེས་རྒྱ་མཚོརྣམ་པར ་གྲོལ་བའི་ཀློང། ། མི་གནས་མི་དམིགས་ནམ་མཁའི་དབྱིངས་ནས་བཞེངས་ཞེས་བསྐུལ་ནས། བཅོམ་ལྡན་འདས་གསང་བའི་མཆོག་གི་བདག་པོ་ངས་ཆོས་ཐམས་ཅད་བྱང་ཆུབ་སེམས་ལ་ཤར་བར ་མཁྱེན་ནས་སྟོང་པ་ཉིད་ཀྱི་ངང་ལས་རྡོ་རྗེའི་སྐུ་མངོན་དུ་ཕྱུང་སྟེ། དཔེར་ན་ནམ་མཁའ་དད་པ་ལས་ཟླ་བ་དྲི་མ་མེད་པར་ཤར་བ་ལྟ་བུའོ།། དེ་ནས་ཡུམ་ས་དཤོ་རི་ཀ་ལ་གཟིགས་ཏེ། འཛུམ་པ་རྣམ་པར་མཛད་དོ།། དཔེར་ན་ཉི། ་མ་སྟོང་ལས་འོད་ཀྱི་ཟེར་བཀྱེ་བ་ལྟ་བུའོ།། དེ་ནས་འོད་ཀྱི་ཟེར་དེ་དག་ལས་བྱང་ཆུབ་ཀྱི་སྤྲིན་མངོན་པར་འཁྲིགས་ཏེ། རོལ་པའི་ཆར་མངོན་པར་ཕབ་པས་རོལ་པ་སྣ་ཚོགས་ཀྱི་འབྲུག་དང་། རོལ་པ་སྣ་ཚོགས་ཀྱི་གློག་དང་། རོལ་བ ་ཚོགས་ཀྱི་མཆོད་པ་དང་། རོལ་པ་སྣ་ཚོགས་ཀྱི་གླུ་དང་། རོལ་པ་སྣ་ཚོགས་ཀྱི་གར་དང་། རོལ་པ་སྣ་ཚོགས་ཀྱི་རྔ་དང་། དུང་དང་། ཀེར་ཀོར་དང་། གླིང་བུ་དང་རོལ་པ་སྣ་ཚོགས་ཀྱི་རྒྱན་དང་། རོལ་པ་སྣ་ཚོགས་ཀྱི་སྒེག་པ་དང་། སྟེག་པ ་དང་འཁྱུད་པ་དང་། སྟེང་བ་དང་སྦྱོར་བ་དང་། བསྟིམ་པ་དང་མཉེས་པ་དང་། རོལ་པ་སྣ་ཚོགས་ཀྱིས་གསོལ་བ་དང་། མྱང་བ་དང་འཆའ་བ་དང་། བདེ་བ་དང་སྤྲོ་བ་དང་། འཇོ་བ་དང་འཇུག་པ་དང་། རོལ་པ་སྣ་ཚོགས་ཀྱི་དགའ་བ་ཆེན་པོ།། ། ་ལ་འཇུག་པ་རྣམ་པར་མཛད་དོ།། དེ་ནས་ཡུམ་ཀུན་དུ་བཟང་མོ་དེས་སྤྱན་ཟིམ་བག་གིས་རྣམ་པར་འདུད་པའི་ཚུལ་དུ་བཅོམ་ལྡན་འདས་གསང་བའི་མཆོག་གི་བདག་པོ་ལ་རྣམ་པར་བལྟས་ཏེ། རྣལ་འབྱོར་སྦྱོར་བའི་ཕྱག་ལུས ་ཀུན་དུ་ས་ལ་བརྡབས་ནས་རོལ་པ་ཆེན་པོའི་གྲུ་འདས་གསོལ་བ་བཏབ་པོ། ། ཚོགས་ཆེན་གཉིས་རྫོགས་ཐུགས་དམ་དབྱིངས་ཀྱི་ལྷ།། ལོངས་སྤྱོད་རྫོགས་མཛད་རོལ་པ་ཆེན་པོའི་སྐུ།། རྡོ་རྗེ་སེམས་པསྐལ་བཟངས་དཔལ་ཁྱོད་བདག། ་ཐབས་ཀྱི་རོལ་པས་བདེ་ཆེན་དབྱིངས་ནས་བཞེངས།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་ངེས་གླུ་དེས་བསྐུལ་བར་ཐུགས་སུ་ཆུད་ནས། བདེ་བ་ཆེན་པོའི་ངང་དེ་ལས་ཆོ་འཕྲུལ་ཆེན་པོར་རྣམ་པར་བཞེངས་ཏེ། ་རྣམ་པར་འགྱིད་པ་དང་། རྣམ་པར་བརྗིད་པ་དང་། གར་གྱི་ཕྱག་རྒྱ་ཆེན་པོ་དང་། རྣམ་པར་བཤད་པ་སྣ་ཚོགས་དང་། ཞབས་ཀྱི་བརྐྱང་བསྐུམ་དང་། སྐུའི་འགྱུར་བག་དང་། སྨིན་རིས་ཀྱི་འབྲི་ཀུ་ཏ་བསྒྱུར་བ་དང་། སྤྲུལ་པའི་འོད་ཟེར ་གྱིས་དམ་མཁའ་ཐམས་ཅད་ཀུན་དུ་ཁྱབ་པར་མཛད་དོ། ། དེ་ནས་ཐམས་ཅད་དང་། ཐམས་ཅད་ལ་མཚན་མ་དང་། རྣམ་པ་དང་ཡོད་པ་དང་། མེད་པ་ཐམས་ཅད་ལ་གསང་བ་མཆོག་གི་བདག་པོ་དེས་ཀུན་ལ་ཁྱབ་པར་མཛད་དེ། དེ ་ངག་གི་རང་བཞིན་དུ་རྣམ་པར་གནས་སོ། ། དེ་ནས་རྡོ་རྗེ་ཀུན་དུ་བཟང་མེ་དེ་ངོ་མཚར་དུ་གྱུར་ཏེ། ཡང་རྣལ་འབྱོར་པའི་ཕྱག་ལུས་ཀུན་དུ་ས་ལ་བརྡབས་ཏེ་ཆོ་འཕྲུལ་འབྱུང་བའི་གླུ་འདིས་གསོལ་བ་བཏབ་པོ།། ཡེ་ཤེས་སྒྱུ་མས་རྣམ ་པར་རོལ་པའི་ས། ། ཐབས་དང་ཤེས་རབ་ཆེ་ལ་མངའ་བརྙེས་པའི།། འཕགས་རྗེ་སྤྲུལ་པ་མང་པོ་འབྱུང་བའི་གནས།། བདེ་གཤེགས་བདེ་བར་གཤེགས་མཛད་བཞེངས་སུ་གསོལ།། དེ་ནས་བཅོམ་ལྡན་འདས་གསང་བ་མཆོག་གི། ་བདག་པོ་ངས་རྡོ་རྗེ་རོལ་པའི་དེ་ཁོ་ན་ཉིད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཅད་མི་གསུང་བར་བཞུགས་སོ།། དེ་ནས་ཡུམ་རྡོ་རྗེ་ཀུན་དུ་བཟང་མོ་དང་། དམ་ཚིག་ཆེན་མོ་རྡོ་རྗེ་སེམས་དཔའ་ལ་སོགས་པ་འཁོར་ཤིན་དུ ་མང་པོ་རྣམས་ངོ་མཚར་དུ་གྱུར་ཏེ། དེ་དག་ཐམས་ཅད་མགྲིན་གཅིག་ཏུ་རྡོ་རྗེ་རོལ་པ་དེ་ཁོ་ནའི་གླུ་འདིས་བསྐུལ་ཏེ་གསོལ་བ་བཏབ་བོ།། ཨེ་མའོ།། ཡིད་བཞིན་སྐུ་མཆོག་ནམ་མཁའ་ལྟ་བུ་ལས།། ཁྱབ་པའི་བྱིན་རླབས་རྡོ་རྗེ་གར་མཛད ་ཅིང་། གཟི་བརྗིད་སྤྲིན་དཔུང་རོལ་པས་བསྒྱིངས་པའི་སྐུ།། ཐོགས་མེད་རྡོ་རྗེ་རོལ་པའི་ཆོ་འཕྲུལ་སྟོན།། ཨོཾ་མའོ།། ཡིད་བཞིན་གསུང་མཆོག་སྒྲ་སྙན་ལྟ་བུ་ལས།། སྙན་པའི་བྱིན་རླབས་རྡོ་རྗེ་བརྗོད་མཛད་ཅིང་།། ཡན་ལག་རྒྱ་མཚོ་མི ་ཟད་བཀོད་པའི་གསུང་། ། སེང་གེ་སྐྲ་ཡིས་གསང་སྔགས་རྒྱ་མཚོ་སྟོན།། ཨེ་མའོ།། ཡེ་ཤེས་སྙིང་པོ་ཉི་མ་ལྟ་བུ་ལས།། ཡེ་ཤེས་བྱིན་བརླབས་རྡོ་རྗེ་བདེ་མཛད་ཅིང་།། ཐིག་ལེ་སྤྲོས་བྲལ་རྣམ་པར་མི་རྟོག་ཐུགས།། རྣམ་གྲོལ་དེ་ཉིད་དུ ་པའི་རོ་འཕྲུལ་སྟོན། ། མི་ཤེས་བླུན་རྨོངས་འདམ་བྱིང་འགྲོ་བ་རྣམས།། སྡུག་བསྔལ་རྒྱ་མཚོས་བཅིངས་པ་ཐབས་ཀྱིས་ཁྲོལ།། མ་རིག་མུན་པས་ལྡོངས་པ་དོན་གྱི་ཕྱེ།། འཁོར་བའི་རྒྱ་མཚོ་རོལ་པའི་གྲཝ་ཡས་སྒྲོལ།། ་དེ་བཞིན་གཤེགས་པ་ཀུན་གྱི་ཐུགས་ཆེན་པོ།། ཡེ་ཤེས་དོན་གྱི་སྙིང་པོ་མཆོག་དང་ལྡན།། རྣལ་འབྱོར་ཐེག་ཆེན་རྡོ་རྗེ་ཀུན་འདུས་རྒྱུད།། འདུས་པའི་ཚོགས་ལ་རྒྱ་ཆེར་བཤད་དུ་གསོལ།། ཨ་ལ་ལ་ཧོ།། ཞེས་ངེས་པར་བཏུད་དེ ་གསོལ་བ་བཏབ་པོ། ། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་རྡོ་རྗེ་རོལ་པ་དེ་ཁོ་ན་ཉིད་ཀྱི་གླུ་དེས་གསོལ་བ་བཏབ་པ་མཁྱེན་ནས། འཁོར་ཐམས་ཅད་ལ་རྣམ་པར་གཟིགས་ཏེ། འཛུམ་པ་མཛད་དོ།། ་འཛུམ་པ་མཛད་པས་ཐུགས་རྣམ་པར་དག་པའི་གློང་ནས་རིག་པའི་ཉི་མ་བརྗོད་ཀྱིས་མི་ལང་བའི་ཡང་མི་ལང་བའི་འོད་ཟེར་དང་བཅས་པ་འབྱམ་ཀླས་པ་ཁྱད་པར་ཤར་བར་མཛད་དོ།། འོད་ཟེར་དེ་དག་རེ་རེ་ལས་རྡོ་རྗེ་ཧེ་རུ་ཀ་རབ་ཏུ ་མང་པའི་ཚོགས་བཤད་པར་མཛད་དོ། ། དེ་དག་རེ་རེ་ལས་ཀྱང་སངས་རྒྱས་འབུམ་ཕྲག་འཁོར་སོ་སོའི་ཞབས་འབྲི་བཅས་པ་ལྷུན་གྱིས་གྲུབ་པར་མཛད་དོ།། དེ་དག་ལས་རིག་པའི་ཉི་མའི་ཆར་མངོན་པར་ཕབ་པས་མུན་པའི་ཀློང ་ཐམས་ཅད་བསལ་བར་མཛད་དོ། ། རིག་པའི་ཆོས་ཀྱི་འབྲུག་སྒྲ་དང་། རིག་པའི་ཆོས་ཀྱི་ཆར་དང་། རིག་པའི་ཆོས་ཀྱི་གླུ་སྣ་ཚོགས་དང་། གར་སྣ་ཚོགས་དང་། རིག་པའི་ཆོས་ཀྱི་མཆོད་པ་སྣ་ཚོགས་བྱུང་སྟེ། འབྱམ་ཀླས་པའི ་ནམ་མཁའ་ལ་སྒྲ་སྣ་ཚོགས་ཕན་ཚུན་དང་། ཡན་མན་དང་། སྣརེལ་ཞི་ལ་སོགས་པ་ཐམས་ཅད་དུ་ཁྱབ་པར་ལིང་ལོང་ཕྱེད་པར་བྱུང་ངོ་།། མཆོད་པའི་ཆར་ཡང་མངོན་པར་བབ། རྨད་དུ་བྱུང་བའི་སྐུ་བསམ་གྱིས་མི་ཁྱབ ་པ་ཡང་ལིང་ལོང་བྱང་རྨད་དུ་བྱུང་བའི་ཐུགས་ཀྱང་ལྷང་ངེའོ། ། རྨད་དུ་བྱུང་བའི་གསུང་བསམ་གྱིས་མི་ཁྱབ་པ་ཡང་ཨ་ལ་ལ་ཧོ་ཞེས་སྒྲ་སྒྲོགས། སངས་རྒྱས་འབུམ་ཕྲག་ཀྱང་གསུང་དབྱངས་བསམ་གྱིས་མི་ཁྱབ་པའི ་སྒྲ་གཅིག་ཏུ། ཨེ་མའོ་རྨད་བྱུང་རོལ་པའི་ཆོས་ཀྱི་དོན་བྱུང་ངོ་ཞེས་སྒྲོགས། འཁོར་འབུམ་ཕྲག་དང་གདུལ་བྱ་སྣ་ཚོགས་སྤྲོ་བའི་ངོ་མཚར་སྐྱེད། རིག་པའི་རྩལ་སྦྱངས་དོན་གྱི་ཕྱེ་བ་ཕྱུང་།། དམ་ཞིང་ངོ་མཚར་བར་གྱུར་ཏེ།། ཐམས ་ཅད་ཉེ་བར་གནས་སོ། ། དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེས་འཁོར་རྣམ་པར་སྦྱོང་བའི་རྡོ་རྗེ་རྒྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། སྙོམས་པར་ཞུགས་ནས་རྡོ་རྗེ་སྔགས་ཀྱི་ཚིག ་འདི་གསུངས་སོ། ། ཧཱུཾ་ཧཱུཾ་ཧཱུ~ཾ་རྡོ་རྗེ་འདྲ་བར་བསྡུས་པ་ཡི།། དམ་ཚིག་ཆེན་པོའི་རིག་འཛིན་རྣམས།། བླ་འོག་རིམ་པ་ཇི་བཞིན་དུ།། རྡོ་རྗེ་གསང་བའི་གྲལ་འཁོད་དེ།། རིགས་མ་ཡིན་པ་རིགས་མིན་འགྱུར།། བསྐལ་པ་བཟང་པོའི་དམ་ཚིག ་འདི། སྐལ་བ་ངན་ལ་འབབ་མི་འགྱུར།། དེ་ལས་འདས་ན་དེ་བརླག་བྱེད།། ཧཱུཾ་ཀྲོ་དྷ་ཛྭ་ལ་ས་མ་ཡ། རཀྵ་ཛྭ་ལ་ས་མ་ཡ། ཡཀྵ་ཛྭ་ལ་ས་མ་ཡ། ཙི་ཏ་ཏ་ཛྭ་ལ་ས་མ་ཡ་ཞེས་གསུངས་པ་ཙམ་གྱིས་ཞལ་ལྗགས་ཀྱི་དབང་པོ་འོད་མ་དཔུང ་ཆེན་པོ་ལས་ཁྲོ་བོ་འོད་ཀྱི་ཕྲེང་བ་འབར་བ་དང་། སྲིན་མོ་འོད་ཀྱི་ཕྲེང་བ་འབར་བ་དང་། གནོད་སྦྱིན་འོད་ཀྱི་ཕྲེང་བ་འཁྲུག་པ་དང་། ཟ་བྱེད་འོད་ཀྱི་ཕྲེང་བ་འབར་བ་བརྒྱད་མར་བྱུང་བས་རུ་ཏྲ་ཅན་དང་། བདུད་དང་སྲིན་མོ་དང་། གནོད་སྦྱིན ་དང་སྲིན་པོ་དང་། འཇུག་སྲེད་དང་། སྲེད་མེད་དང་དབང་ཕྱུག་དང་། སྟོབས་ལྡན་དང་སྤྲེའུ་དང་། ར་དང་ལུ་འདི་དང་། སྦྲང་མ་དང་བྱ་རོག་དང་། མེ་ཁྱེར་དང་འཁོར་བ་དང་། ཆུ་དང་ས་དང་། ནམ་མཁའ་དང་མེ་དང་། སྒྲ་དང་བསམ་ངན་ལ་སོགས ་པ་བརླག་སྟེ། མི་གནས་པར་གྱུར་ཅིང་རྨད་དུ་བྱུང་བ་ཉིད་དུ་མཛད་དོ།། དེ་ནས་འོད་ཟེར་དེ་དག་མཁའ་ལ་འཁྱིལ་བ་དང་། འཁོར་མང་པོ་དག་ཤིན་དུ་སྐྲག་སྟེ་གསོལ་བཏབ་པ། ཨེ་མའོ།། ཨེ་མ་བདག་ཅག་བཅོམ་ལྡན་འདས་ཀྱིས་བྱིན ་གྱིས་བརླབ་དུ་གསོལ་ཞེས་གསོལ་བ་བཏབ་པ་ལས། བཅོམ་ལྡན་འདས་གསང་བ་མཆོག་གི་བདག་པོ་དེས་ཞལ་གྱི་མདངས་ཕྱུང་སྟེ། འོད་ཟེར་དེ་དག་ཡེ་ཤེས་ཀྱི་འོད་ཞི་ཞིང་འཁྱིལ་བ་དང་། མཛེས་ཤིང་བདེ་བ་དང་ལྡན་པས་ཐབས ་ཅད་རངས་པར་བྱས་པས་སྣོད་དུ་རུང་བར་རྣམ་པར་སྦྱངས་ནས་འོད་དེ་དག་འོད་ཀྱི་གནས་སུ་ཐིམ་པར་གྱུར་ཏོ། ། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་མི་གནས་པའི་ཡེ་ཤེས་ཆེན་པོའི་གློང་ནས། ་ངེས་པར་བཞེངས་ནས་སེང་གེ་རྣམ་པར་རྒྱལ་བའི་སྒྲ་ལྟ་བུས་དོན་གྱི་བཀོད་པ་གསང་བའི་ངེས་པ། རྒྱུད་ཀྱི་འགྲེལ་པ་རྟགས་ཀྱི་རོལ་པ། རྡོ་རྗེ་རྣམ་པར་བསྒྱིངས་པའི་གཞུང་ཆེན་པོ་སྒྲ་འདིས་བཤད་དོ།། ཨ་ཨོ་ཨོཾ། ས་མ་ཡ། ་ཨ་དྷི་གུ་ཧྱ་པུ་ཏི་ཨ་ཧོ་ཀུ་ལ་མ་ཏོང་བྱིད་ཏ་བ་དྲ་ཨ་མོ་གྷ་ཨི་ཤྭ་ར་ས་ཡ་ན་གུ་ཏི་ཨ་ལ་ལ་ཧོ་ཞེས་ཅང་མི་གསུང་ངོ་།། ཀུན་དུ་མི་གསུང་རབ་ཏུ་མི་གསུང་། གསུངས་པ་མི་འགོག། འགོག་པ་མ་ཡིན། མ་གསུངས་པ་ཉིད་ན་རྒྱ་ཆེར ་བཤད་པའི་ངོ་བོར་བཞུགས་སོ། ། རྣམ་པར་བཞུགས་ནས་དམ་ཚིག་ཆེན་པོ་རྡོ་རྗེ་སེམས་དཔའ་ལ་ཞལ་གཟིགས་ཏེ་འཛུམ་པས་སྐུལ་བ་རྣམ་པར་མཛད་དོ།། དེ་ནས་དམ་ཚིག་ཆེན་པོ་རྡོ་རྗེ་སེམས་དཔའ་དེས་བསྐུལ་བར་རྣམ་པར ་རིག་ནས་རང་གི་སྟན་ལས་ལངས་ནས། རང་གི་མཚན་མ་གནས་ལྔར་རེག་པར་བྱས་ནས་ལྕེ་པད་མོའི་སྟེང་དུ་བཞག་ནས། ལུས་ས་ལ་བརྡབས་པའི་ཕྱག་རྣལ་འབྱོར་གྱི་ལུགས་སུ་བྱས་ནས་སེང་གེའི་ལྟ་སྟངས་ཀྱི་བྱས་ནས་སྟོན ་འི་ཞལ་དུ་བལྟས་ཏེ། རྡོ་རྗེ་རྒྱལ་པོ་ཚོགས་བདག་དགོངས་སུ་གསོལ།། ཆོས་ཀྱི་རྒྱལ་པོ་མི་གཡོ་རྒྱལ་ཚུལ་མཛད།། རྒྱལ་མཆོག་རྒྱལ་པོ་ཆོས་ཀྱི་རྒྱལ་པོའི་མཐུས།། འདུས་པའི་ཚོགས་ལ་རྒྱ་ཆེར་བཤད་དུ་གསོལ།། ཨ་ལ ་ལ་ཧོ་ཞེས་གསོལ་བ་བཏབ་པ་ལས། བཅོམ་ལྡན་འདས་གསང་བ་མཆོག་གི་བདག་པོ་དེས་རྡོ་རྗེ་ལས་ཀྱི་བཀའ་བ་དེས་བྱིན་གྱིས་བརླབས་པའི་ཕྱིར་རྡོ་རྗེ་རྣམ་པར་སྤྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས ་འདི་སྐད་ཅེས་བཀའ་སྩམ་ཏོ། ། བཛྲ་ཀརྨ་ཙཀྲ་ས་ཏྭ་རཾ། ཞེས་གསུངས་ཏེ། རྡོ་རྗེ་རྒྱ་གྲམ་གྱི་འཁོར་ལོ་གཅིག་སེམས་དཔའ་རྡོ་རྗེའི་ལག་ཏུ་བབས་པར་གྱུར་ནས་ལས་ཀྱི་རྡོ་རྗེའི་དབང་ཐོབ་པར་གྱུར་ཏེ། རྣམ་པར་རོལ་པ་ཆེན་པོ། ་ཤིན་དུ་བླ་ཀྱལ་བའི་སྤོབས་པ་ཅན་དུ་གྱུར་ཏོ།། བྱིན་གྱིས་བརླབས་ནས་ཀུན་དུ་མི་གཟོབ་རབ་ཏུ་བག་དང་ལྡན་པ་ཆེན་པོར་གྱུར་ཏོ།། དེ་ནས་སེམས་དཔའ་རྡོ་རྗེ་དེས་ལས་ཀྱི་མཚན་མ་དེ་ལག་ཏུ་བླངས་ཏེ། སྟབས་སྣ་ཚོགས ་དང་། གར་དག་། ཀླུ་སྣ་ཚོགས་རྡོ་རྗེ་ཚིག་ཏུ་ལེན་ཅིང་རྡོ་རྗེ་རྒྱ་གྲམ་ལས་ཀྱི་འཁོར་ལོ་དེ་ལན་རྣམ་པ་བཅུ་གཉིས་སུ་སྐོར་ནས་གྲངས་གཉིས་དང་ལྔ་བསྐུར་བས་ཞིང་ཁམས་མཐའ་དག་རྣམ་པར་གཡོས་ཏེ། གཡོས་རབ་ཏུ་གཡོས ་ཀུན་དུ་རབ་ཏུ་གཡོས། འགུལ་རབ་དུ་འགུལ། ཀུན་དུ་རབ་ཏུ་འགུལ། ལྡེག་རབ་ཏུ་ལྡེག། ཀུན་དུ་རབ་ཏུ་ལྡེག། འཁྲུགས་རབ་ཏུ་འཁྲུགས། ཀུན་དུ་རབ་ཏུ་འཁྲུགས། འུར་རབ་ཏུ་འུར། ཀུན་དུ་རབ་ཏུ་འུར། ཆེམ་རབ་ཏུ་ཆེམ ་ཀུན་དུ་རབ་ཏུ་ཆེམ་པར་གྱུར་ཏེ། ཞིང་ཁམས་ཐམས་ཅད་ནི་གསང་བའི་དཀྱིལ་འཁོར་ཤ་རྟག་ཏུ་གྱུར། བཅུད་ཡུལ་ཐམས་ཅད་ནི་ཕྱག་རྒྱ་ཆེན་པོར་གྱུར། རྣམ་པར་རྔམ་པའི་ཚུལ་གྱིས་སྟོན་པའི་མདུན་ལོགས་སུ་སེང ་གེ་རྡོ་རྗེས་མཚན་པའི་གདན་ལ་འགྱིང་བག་གི་ཚུལ་གྱིས་རྣམ་པར་གནས་སོ། ། དེ་ནས་འདུས་པའི་འཁོར་ཚོགས་ཕལ་མོ་ཆེ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་བཅོམ་ལྡན་འདས་སེམས ་དཔའ་རྡོ་རྗེ་འདི་ནི་འདི་ལྟར་མཐུ་ཆེ་བ་འདི་ལྟར་བྱིན་རླབས་ཆེ་བ། འདི་ལྟར་རྒྱ་ཆེ་བ། འདི་ལྟར་མཁས་པ། འདི་ལྟར་གསལ་ཞིང་ཟབ་པ་ནི་བཅོམ་ལྡན་འདས་ཀྱི་ཐུགས་ལས་སྐྱེས་པ་ལེགས་སོ་ཞེས་གསོལ་བ་དང་། བཅོམ ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་ཚོགས་སེམས་དཔའ་རྡོ་རྗེ་འདྲི་ནི་བྱང་ཆུབ་ཀྱི་སེམས་ཐམས་ཅད་ཀྱི་ཕྱི་མོ། སྙིང་རྗེ་ཐམས་ཅད་ཀྱི་བདག་པོ། སངས་རྒྱས་ཐམས་ཅད་ཀྱི་རྗེ་བཙུན་བྱང་ཆུབ ་སེམས་དཔའ་རིག་པ་འཛིན་པ་ཐམས་ཅད་ཀྱི་ཡབ། རྣལ་འབྱོར་པ་ཐམས་ཅད་ཀྱི་མེས་ཆེན་པོ། མྱ་ངན་ལས་འདས་པ་ཐམས་ཅད་ཀྱི་དད་དཔོན། བདུད་ཐམས་ཅད་ཀྱི་ཡང་བདུད་ཆེན་པོ། ཆོས་ཐམས་ཅད་ཀྱི་ཨུ0f7f ་ཡེ་ཤེས་ཐམས་ཅད་ཀྱི་འབྱུང་གནས་ཆེན་པོར་གྱུར་པ་ཡིན་ནོ། ། དེ་ཅིའི་ཕྱིར་ཞེ་ན། ཐོག་མ་དང་ཐ་མ་མེད་པ་མཉམ་པའི་དུས། བ་མཐའ་ལས་ཀྱང་ཕ་མཐའ། དཔག་ཏུ་མེད་ཅིང་བསམ་དུ་མེད་པ། ་ཟས་པའི་དུས་ནས་བྱ་བ་བྱས་ཤིང་བྱེད་པ་བྱས་པ། མངོན་པར་རྫོགས་པར་སངས་རྒྱས་པ་ཡིན་ཏེ། ཆོས་ཐམས་ཅད་ཀྱི་རང་བཞིན་དུ་སྦྱོར་ཞིང་གནས་པས་ན། རྒྱལ་བ་ཐམས་ཅད་ཀྱི་ཐུགས་ལས་སྐྱེས་ཤིང་ཐམས་ཅད་ཀྱི་ཡབ་དུ་གྱུར ་པ་ཡིན་ཏེ། དེ་འདྲའོ་ཞེས་བཀའ་སྩལ་པ་ལས་འདུས་པའི་འཁོར་ཐམས་ཅད་ངོ་མཚར་དུ་གྱུར་ཏེ། བཅོམ་ལྡན་འདས་འདི་ནི་འདི་ལྟར་ངོ་མཚར་ལགས་སོ།། བདེ་བར་གཤེགས་པ་འདི་ངོ་མཚར་ལགས་སོ།། སེམས་དཔའ་རྡོ་རྗེ ་དམ་པ་ལ་ལོགས་སུ་བཏུད་དེ་ལུས་ས་ལ་བརྡབས་པའི་ཕྱག་རྣལ་འབྱོར་ལུགས་སུ་བྱས་ཏེ་རྨད་དུ་བྱུང་བའི་མེ་ཏོག་དང་། ཚོགས་ཀྱི་མཆོད་པ་སྣ་ཚོགས་བྱས་ཏེ། འདི་ལྟར་རྨད་བྱུང་ངོ་མཚར་ཁྱོད།། སངས་རྒྱས་ཐུགས་ལ ་རྒྱལ་སྐྱེས་པ། ། ཅི་ལྟར་ཞིང་འདིར་སྣང་ཞིག་གུ།། རྣལ་འབྱོར་ཡབ་གྱུར་རྒྱལ་བའི་སྲས།། ངོ་མཚར་ཁྱོད་ཀྱིས་སྤྱོད་པས་ན།། བཀའ་ཡི་འཁོར་ལོ་རོབ་བསྐོར་བ།། བསྒྲུབ་པའི་ལམ་མཆོག་དམ་པ་དག། ཚིག་གིས་མཚོན་དེ། ་གསལ་བར་མཛོད།། ཨ་ལ་ལ་ཧོ་ཞེས་གསོལ་བ་བཏབ་པོ།། དེ་ནས་དམ་པ་རྡོ་རྗེས་རྡོ་རྗེ་བསྐོར་ཏེ་བསྒྱུར་ནས་བརྗིད་བག་ཏུ་མཚོན་ཏེ་སྨྲས་པ། ཨོཾ་ཨཱ་ཧཱུཾ། ཨ་ལ་ལ་ཧོ། རྒྱལ་བའི་སྲས་པོས་ཅང་མི་གསུང་། མི་གསུང་བས་ནི་རྒྱ་ཆེར། ་བཤད། བཤད་དུ་མེད་པའི་ཆོས་འདི་ནི། རྒྱལ་བ་རྣམས་ཀྱིས་མ་བཤད་དེ།། དེ་ལྟར་སྟོན་པ་རྒྱལ་མཆོག་ཀྱང་།། རྣམ་པར་བརྗོད་པར་མི་བཞེད་དེ།། རྒྱ་ཆེར་བཤད་པར་དགོངས་པའོ།། སྐྱེ་བ་མེད་པའི་ཆོས་རྣམས་ནི།། མ་སྐྱེས་པར ་ཡང་སྙིང་པོར་བཞེད། ། སྙིང་པོའི་དོན་དུ་གང་གྱུར་པ།། ཚིག་ཏུ་སྨྲ་བ་ལེགས་མ་ཡིན།། སྤྲོས་པ་ཉིད་ན་གོལ་བ་ཞེས།། རྒྱལ་བ་རྣམས་ཀྱིས་ཡང་དག་བཤད།། དེ་བས་རྡོ་རྗེ་རྒྱལ་པོ་ཉིད།། བཀའ་མ་སྩལ་བར་དགོངས་པའོ།། དགོས ་པའི་དོན་རྣམས་གང་འབྱིན་པ། ། ཇི་ལྟར་མེ་ལོང་གཟུགས་བརྙན་ལྟར།། དགོངས་དོན་རིག་ལ་སྣང་གྱུར་པ།། མ་སྐྱེས་སྙིང་པོའི་དོན་གྱིས་ན།། ཚིག་ཏུ་སྤྲོ་བར་མ་ཡིན་ནའང་།། མཚན་མ་ཚིག་གི་རྣལ་འབྱོར་པ།། ཚིག་ལ་ཞིང ་ཅིང་དོན་ལ་རྩིང་། ། ཚིག་ཕྱར་བྲོ་འབྲིང་རྩལ་ཞེན་རྣམས།། བཀྲི་ཕྱིར་བསམ་པ་རངས་བྱ་བ།། མི་དམིགས་པ་ལས་དམིགས་པ་ཡི།། ཆོ་འཕྲུལ་ཚིག་གིས་མཚོན་པ་ནི།། བདེར་གཤེགས་རྒྱལ་བ་ཀུན་གྱི་ཐུགས།། གསང་བ་དེ་ཉིད་སྙིང ་པོའིའདོན། ། མཉམ་ཉིད་བྱང་ཆུབ་ཐེག་ཆེན་པོ།། གསལ་བར་བཀོད་དེ་ངེས་བརྗོད་ཀྱིས།། རྒྱ་ཆེན་འདུས་པའི་ཚོགས་རྣམས་ཉོན།། ད་ནི་དུས་གསུམ་བཞུགས་པ་ཡི།། རྒྱལ་བ་ཀུན་གྱི་སྙིང་པོ་སྟེ།། སྟོང་པར་སྦས་པའི་དོན་འདི་ལ། ་དཔེས་མཚོན་ཚིག་གི་ལྡེ་མིག་གིས།། མཉམ་ཉིད་རིག་པའི་སྒོ་དབྱེ་བྱས།། སྦས་པའི་དོན་འབྱིན་གསལ་བྱེད་པ།། ས་ལུ་ཕུབ་ཁྲོད་སྣད་མེ་བཞིན།། བསལ་བཏེག་སྣང་རྙེད་ས་ལེར་འདུག། ཟབ་མོར་སྤྱོད་པ་ལ་མོས་པས།། གང་ཞིག་དོན ་ལ་འདྲིས་པ་ཡི། ། གསང་སྔགས་སྤྱོད་པའི་རང་བཞིན་ནི།། འཐུན་པའི་དམིགས་བཅུ་དཔེར་བཞག་སྟེ།། རྣལ་འབྱོར་ཅན་གྱིས་ཤེས་པར་བྱ།། སྒྱུ་མ་སྨིག་སྒྲ་རྨི་ལམ་དང་།། གཟུགས་བརྙན་དྲི་ཟ་གྲོང་ཁྱེར་དང་།། བྲག་ཆ་ཆུ་ཟླ་མིག་ཡོད ་དང་ཆུ་བུར་འཁྲུལ་དང་མགལ་མེར་སྣང་། ། སྒྲུབ་དང་གསང་སྔགས་སྤྱོད་པ་དང་།། གྲུབ་པ་དང་ནི་གནས་དག་དང་།། བཟླས་པའི་སྒྲ་དང་ཕྱག་རྒྱར་རྟོག། ཏིང་འཛིན་ལྟ་བ་ཆོ་འཕྲུལ་བརྟག། ཇི་ལྟར་སྒྱུ་མའི་མཚན་ཉིད་ནི།། སྐྱེས་བུ་དག ་གི་རྩོལ་བ་དང་། ། སྨན་དང་སྔགས་ཀྱི་སྦྱོར་བ་ལས།། དབང་པོ་ཡིད་འཕྲོག་ཅིར་སྣང་ཡང་།། དེ་ལ་འགྲོ་འོང་ག་ལ་ཡོད།། དེ་ལྟར་སྒྲུབ་པའི་མཚན་ཉིད་ཀྱང་།། ཡིག་འབྲུ་རྫས་ཀྱི་སྦྱོར་བ་ལས།། གྲུབ་པར་སྣང་ཡང་རང་བཞིན་མེད།། ་ཇི་ལྟར་སྨིག་རྒྱུའི་མཚན་ཉིད་ནི།། ཞིང་པོའི་དུས་ཀྱི་ཟླ་བ་ལ།། དྲོད་དང་ཉི་མའི་སྦྱོར་བ་ལས།། བྱིས་པ་གདུངས་པའི་རང་བཞིན་གྱིས།། ཆུ་ཡི་འདུ་ཤེས་ཅི་བསྐྱེད་ཀྱང་།། ཚིམ་པའི་རྒྱུད་ནི་ག་ལ་འགྱུར།། གསང་སྔགས་མིང་གི་བྱད ་ཡང་། རང་བཞིན་མི་དམིགས་སྟོང་པ་ལ།། མཚན་མའི་ཐ་སྙད་མིང་དུ་བཏགས།། དེ་ཉིད་སྟོང་པས་མིང་མིང་ས།། དཔེར་ན་རྨི་ལམ་རང་བཞིན་ནི།། སྐྱེས་བུ་གཉིད་ཀྱི་དབང་གྱུར་ན།། ཐང་ཅིག་སྐད་ཅིག་ཡུད་ཙམ་དང་། ་ལོ་ལ་སོགས་པ་དེ་བཞིན་དུ།། བདེ་དང་སྡུག་བསྔལ་དེ་བཞིན་མྱོང་།། སངས་ནས་ཅི་ཡང་མི་དམིགས་ལྟར།། དེ་བཞིན་སྔགས་ཀྱི་སྤྱོད་པ་དག། སྟོང་པ་ཉིད་ཀྱི་རང་བཞིན་ལ།། སྤྱོད་པའི་རྣམ་པ་ཅིར་སྣང་ཡང་།། བརྟགས་ན་དམིས ་བ་ཀུན་དང་བྲལ། ། གཟུགས་བརྙན་སྣང་བའི་མཚན་ཉིད་ནི།། དཔེར་ན་གདོང་དང་མེ་ལོང་ལས།། བརྟེན་ནས་བཞིན་གྱི་གཟུགས་བྱུང་ཡང་།། རེག་པར་གྱུར་པ་ག་ལ་ཡོད།། དེ་བཞིན་སྔགས་ཀྱི་དངོས་གྲུབ་ཀྱང་།། སྒྲུབ་དང་ཏིང ་འཛིན་ཡོ་བྱད་ལས། ། བརྟེན་ནས་དངོས་གྲུབ་ཚུལ་བྱུང་ཡང་།། གསོལ་ཐོབ་དམིགས་པ་ག་ལ་ཡོད།། དྲི་ཟ་གནས་པའི་རང་བཞིན་ནི།། མཁའ་འམ་ཡིད་ཀྱི་མཁའ་ངོས་ལ།། དྲི་ཟའི་གཟུགས་ནི་གར་བྱུང་ཡང་།། གྲོང་ཁྱེར་དེ་ཡང ་དེ་ནས་བྱུང་། ། བྱུང་ནས་དེ་ཡང་མི་རྟག་ལྟར།། གསང་སྔགས་གྲུབ་པའི་གནས་དག་ཀྱང་།། ཆོས་སམ་ཡིད་ཀྱི་མཁའ་ངོས་ལ།། རྣལ་འབྱོར་གསང་བདག་གར་བསྐྱེད་པར།། དེ་ཉིད་གནས་པའི་གཞལ་མེད་ཁང་།། བྱུང་ཡང་དེ ་ལ་གནས་མི་འགྱུར། ། བྲག་ཆ་གྲག་པའི་མཚན་མ་ནི།། དཔེར་ན་ངོས་ལ་སྒྲས་རྐྱེན་པས།། ཅི་བཞིན་སྒྲ་ལྟར་བྲག་ཆ་བྱུང་།། བྱུང་ཡང་སྒྲར་ཐོས་དམིགས་པ་མེད།། དེ་བཞིན་སྔགས་ཚིག་བཟླས་པའི་སྒྲ།། དཔེར་ན་མེད་ཝ་ཡོད ་བརྟགས་པའི། ། མཚན་མ་ལ་བརྟེན་སྟོང་པའི་སྒྲ།། བརྗོད་པ་ཙམ་དུ་བསྟན་པར་ཟད།། ཇི་ལྟར་ཆུ་ཡི་ཟླ་བ་ནི།། སྒྲིབ་མེད་མཁའ་ལས་ཟླ་ཤར་བ།། གཟུགས་བརྙན་དང་བའི་ཆུ་ནང་སྣང་།། སྣང་ཡང་གཟུང་བའི་རྟོག་མེད་པ། དེ ་བཞིན་གཟུགས་སྣང་ཕྱག་རྒྱ་ཡང་། ། སེམས་ཀྱི་མཁའ་ལས་སྐུར་གསལ་བ།། ཕྱག་རྒྱ་རིག་འཛིན་ངོལ་སྣང་།། དེ་ལྟར་སྣང་ཡང་འཛིན་རྟོག་བྲལ།། ཇི་ལྟར་ཆར་གྱི་རྒྱུན་བཞིན་དུ།། ཆུ་ལས་ཆུ་བུར་རྣམ་པར་འབྱུང་།། དེ་ཡང་གཅིག ་གི་རྣམ་པ་ལས། ། མང་པོའི་རྣམ་གྲངས་དུ་མ་བྱུང་།། སྡུད་ཅིང་ཕྱིར་ཡང་དུམ་བུར་འཆད།། དེ་བཞིན་རྣལ་འབྱོར་སྒྲུབ་པ་ཡི།། ཏིང་འཛིན་རྣམ་པ་མང་པོར་འདོད།། འཁྲུལ་པ་སྣང་བའི་རང་བཞིན་ནི།། སྤྲོས་བྲལ་དངོས་པོ་སྟོང་པ ་ལས། སྲོག་དང་ཤད་ཅན་བྱེད་པ་པོ།། སེམས་ཅན་པ་ལ་སོགས་པར་སྣང་།། མི་གནད་ངོ་ལ་རྫས་ལྟར་སྣང་།། འཁྲུལ་པ་ཁོ་ན་སྣང་བར་ཟད།། དེ་བཞིན་སྔགས་ཀྱི་ལྟ་བ་ཡང་།། ཆོ་འཕྲུལ་མང་པོ་ཅིར་འཕྲུལ་པ།། སྣང་བ་མེད་པའི ་རང་བཞིན་ལ། ། འཁྲུལ་པ་སྣ་ཚོགས་སྣང་བར་ཟད།། རྣལ་འབྱོར་ཅན་གྱིས་དེ་ལྟར་ལྟ།། ཇི་ལྟར་མགལ་མེའི་རང་བཞིན་ནི།། གང་དག་ལག་ན་མགལ་མེ་ཐོགས།། བསྐོར་ན་འཁོར་ལོའི་རྒྱུན་ལྟར་སྣང་།། དེ་ལ་འཁོར་ལོའི་རང ་བཞིན་མེད། ། དེ་བཞིན་སྔགས་ཀྱི་ཆོ་འཕྲུལ་ཡང་།། མི་མཉམ་མཉམ་པའི་རང་བཞིན་ལས།། ཇི་ལྟར་དམིགས་པའི་དོན་འབྱུང་སྟེ།། ཆོ་འཕྲུལ་སྣ་ཚོགས་རྒྱུན་མི་འཆད།། དེ་ཕྱིར་མཚན་མའི་ཆོས་ཐམས་ཅད།། མཚན ་མེད་དང་དུ་གཅིག་པས་ན། ། རྟོག་པའི་བག་ཆགས་ཅི་འབྱུང་ཡང་།། ཆོས་ཀུན་དབྱིངས་སུ་གཅིག་པའི་ཕྱིར།། རྟོག་འཇུག་སྤྲོས་པའི་མཚན་མ་ཀུན།། མ་བྱུང་མ་སྐྱེས་དབྱིངས་ཉིད་ལ།། གཡོས་པ་མེད་ཅིང་ཆོ་འཕྲུལ ་འབྱུང་། ཡོན་ཏན་སྣ་ཚོགས་ཆེར་འབྱུང་བའི།། གཏེར་གྱི་དབྱིག་འདི་གང་མཐོང་བ།། སངས་རྒྱས་ཀུན་གྱི་ཡོན་ཏན་ཡང་།། སྐད་ཅིག་གཅིག་ལ་དེ་ལ་འདུས།། དེ་བས་ཡིད་བཞིན་རིན་ཆེན་འདི།། ལྡོག་པ་མེད་པས་དང་དུ ་ཐང། དོན་དམ་ཡང་དག་གཏེར་གྱི་མཆོག། རྣལ་འབྱོར་ཀུན་གྱི་ནོར་མཆོག་སྟེ།། གང་རྟོགས་དེ་འཐོབ་གཅིག་པུ་ཉིད།། འབྲེལ་མེད་གཞན་གྱི་ཐོབ་པར་དཀའ།། བདག་མེད་གཉིས་བྲལ་བདེ་ཆེན་ཀློང་།། སངས་རྒྱས་ཀུན ་གྱི་བདེ་བ་ཆེ། ། ཡེ་ནས་ལྷུན་གྲུབ་འདུས་མ་བྱས།། ཐིག་ལེ་ཆོས་ཉིད་ཡེ་འབྱམ་པས།། ཀུན་ཁྱབ་བངལ་བས་སྙིང་པོར་འདུས།། མི་དམིགས་སྤྲོས་བྲལ་བྱང་ཆུབ་སེམས།། ཟབ་མོར་སྣང་བའི་ངེས་དོན་འདི།། མཁའ་ལ་བདུད ་འདྲར་གཏིང་དཔག་དཀའ། ། རྣལ་འབྱོར་དམིགས་ལྡན་བློ་ཆུང་ཞིང་།། གང་ཞིག་རྩལ་ཞན་དེ་རྟོག་པ།། གཡོར་མོའི་ཚུལ་དུ་བདག་བརྟགས་པ།། བརྟགས་ཀྱང་རྟོགས་པར་མི་འགྱུར་རོ།། དཔེར་ན་ཉི་མའི་སྙིང་པོ་ལ།། མི།། ་གི་དབང་པོས་རབ་བརྟགས་ན།། དེ་བརྟགས་དོན་དེ་མི་རྟོགས་ཀྱི།། འོད་ཟེར་གྱིས་ནི་མིག་རྗེས་འགྱུར།། དེ་འདྲར་བྱིས་པའི་རང་བཞིན་གྱིས།། ཟབ་མོའི་དོན་ལ་ཅིར་བརྟགས་ཀྱང་།། ཡང་དག་དོན་དེ་མི་མཐོང་གི། བློ་ནན་བྱིས་པ། ་ཆང་རྒྱལ། བརྟག་ཏུ་མེད་པའི་ཆོས་རྣམས་ནི།། རྟོག་པ་ཅན་གྱིས་མི་རྟོག་ཏེ།། གང་ཞིག་དེ་དོན་མི་རྟོགས་ཕྱིར།། གཡང་སར་ལྟུང་བ་ཅི་ཆ་ཡོད།། གདོང་ནས་མ་ཐོས་ཤིན་དུ་དགེ། བསམ་དང་བྲལ་བས་དེ་བཞིན་གཞག། མི་བཛྲཀྲ། ་བཞག་པའི་ཆོས་འདི་གང་།། བྱིས་པ་རྣམས་ལ་ངས་མ་བསྟན།། བསྟན་ཀྱང་གོ་བར་མི་འགྱུར་ཏེ།། བསྟན་དུ་མེད་ཅིང་གོ་བར་དཀའ།། ཚིག་གིས་བརྗོད་པ་ཀུན་དང་བྲལ།། འདི་ཞེས་བསྟན་དུ་ག་ལ་ཡོད།། མེད་པས་བསྟན་པའི།། ་དམིགས་མི་ཕྱེད།། མི་དམིགས་ཆོས་ལ་བློ་སྦྱངས་ཤིང་།། ཡིད་ཀྱི་མེ་ལོང་གསལ་བྱས་ན།། ནམ་མཁའ་དག་ལ་རབ་བརྟགས་ན།། སྣང་བ་མེད་པའི་རང་བཞིན་ནི།། ནམ་མཁའ་ལྟ་བུར་དེ་ཉིད་འགྱུར།། ཆོས་ཉིད་ནམ་མཁའ ་ལྟ་བུ་སྟེ། ནམ་མཁའ་ལ་ཡང་མཚན་ཉིད་མེད།། ནམ་མཁའ་གང་མིང་བརྗོད་བྱེད་པ།། བརྗོད་པ་དེ་ཉིད་དངོས་པོ་སྟེ།། དངོས་པོ་དེ་ཡི་མིང་བརྗོད་ཀྱང་།། ནམ་མཁའ་དེ་ལ་འགག་མི་འགྱུར།། དེ་བཞིན་མི་རྟོག་རྗོད་བྱེད་པ།། བརྗོད་པ། ་དེ་ཉིད་རྣམ་རྟོག་སྟེ།། རྣམ་རྟོག་དེ་ཡི་མིང་བརྗོད་ཀྱང་།། མི་རྟོག་དེ་ལ་འགག་མི་འགྱུར།། དེ་འདྲར་སེམས་ཀྱང་དེ་ལྟར་བལྟ།། སེམས་ཉིད་གཞན་དུ་མ་གྲུབ་སྟེ།། དེ་བཞིན་ཆོས་ཀྱང་གྲུབ་མ་ཡིན།། སེམས་དང་ཆོས་ཉིད་གཉིས ་མེད་དེ། སེམས་ཉིད་གང་ཡིན་ཆོས་ཉིད་དེ།། ཆོས་ཉིད་ཀྱང་ནི་དེ་བཞིན་ནོ།། ཆོས་སེམས་གཉིས་མེད་ལྡན་གྱུར་པ།། ཐ་མེད་བྱང་ཆུབ་ཆེན་པོར་བཤད།། སེམས་ནི་ནམ་མཁའ་ལྟ་བུ་སྟེ།། རྣམ་པར་རྟོག་བྲལ་གང་མི་རྟོགས། ་དེ་བཞིན་ས་གཞི་ཆེན་པོ་ལྟར།། བླ་མེད་བྱང་ཆུབ་མྱུ་གུ་སྐྱེད།། མེ་ཡི་རང་བཞིན་ལྟར་སྣང་བས།། རྨོངས་པའི་བུད་ཤིང་སྲེག་པར་བྱེད།། རླུང་གི་རང་བཞིན་ཡིན་པས་ན།། མི་ཤེས་པ་ཡི་རྡུལ་ཀུན་སེལ།། ཆུ་ཡི་རང་བཞིན་ཡིན་པས།། ་ན། ཉོན་མོངས་གདུང་བ་ཀུན་སིམ་བྱེད།། སྨན་གྱི་རང་བཞིན་ཡིན་པས་ན།། འཁོར་བའི་གཅོད་རྙིང་རྣམ་པར་འབྱིན།། དེ་ལྟར་རྩིའི་རང་བཞིན་པས།། འཚོ་བ་རྣམས་ཀྱིས་གསོས་སུ་འབབ།། དེ་བཞིན་རྣོ་དཔལ་རང་བཞིན་པས། སྡུག ་བསྔལ་རྒྱ་མཚོ་རྣམ་པར་གཅོད། ། ཉི་མ་ལྟ་བུར་སྣང་བ་ཡིས།། མུན་ཁང་སྣང་སྟོན་སེལ་བར་བྱེད།། རི་རབ་ལྟ་བུའི་རང་བཞིན་པས།། བརྟན་པོ་མི་འགྱུར་གཡོ་བ་མེད།། རྒྱ་མཚོ་ལྟ་བུའི་རང་བཞིན་པས།། མི་གཡོ་བ་ལ་བྱིན་རླབས ་ཆེ། སེམས་ནི་འདི་ལྟར་ཆོ་འཕྲུལ་པས།། དེ་ཕྱིར་འཁོར་དང་མྱ་ངན་འདས།། གཉིས་སུ་སྣང་བ་མ་ཡིན་ཏེ།། སེམས་ཀྱི་རང་བཞིན་བཟང་ངན་ལས།། གཉིས་ཀྱི་འདུ་ཤེས་ཕྱེ་སྟེ་བསྟན།། སེམས་ལས་ཡང་དག་ཡེ་ཤེས་འབྱུང་།། ་དེ་བཞིན་བདེ་དང་སྡུག་བསྔལ་འབྱུང་།། ཆོས་དང་སངས་རྒྱས་ཡེ་ཤེས་འབྱུང་།། དགེ་འདུན་ཡང་ནི་དེ་བཞིན་ནོ།། འདི་ལས་ཕ་རོལ་ཕྱིན་ཚོགས་དང་།། བྱང་ཆུབ་དང་ནི་པད་མོ་འབྱུང་།། འདི་ལས་རྡོ་རྗེ་སེམས་དཔའ་དང་།། དྲི་མེད ་རིན་ཆེན་དཔའ་བྱིན་འབྱུང་། ། དེ་བཞིན་རྡོ་རྗེ་དཔག་མེད་དང་།། སྣ་ཚོགས་རྒྱལ་བ་འདི་ལས་བྱུང་།། འདི་ལས་ཕྱག་རྒྱ་སྣ་ཚོགས་དང་།། རིག་པའི་སྙིང་པོ་ཐམས་ཅད་འབྱུང་།། འདི་ལས་འདོད་ཆགས་ཞེ་སྡང་དང་།། སྡུག ་བསྔལ་ང་རྒྱལ་ཕྲག་དོག་འབྱུང་། ། གཏི་མུག་དག་ཀྱང་དེ་བཞིན་ཏེ།། འདི་ལས་ཁམས་གསུམ་ཐམས་ཅད་དང་།། སྐྱེས་པ་བུད་མེད་མ་ནིང་འབྱུང་།། འདི་ལས་འདོད་དང་འདོད་གཟིར་དང་།། ཉོན་མོངས་གདུང་འདོད་ཆགས་པ ་འབྲིང་། རི་དང་སྐྱེ་བོ་དེ་བཞིན་དུ།། ནམ་མཁའ་དང་ནི་རླུང་དག་དང་།། སྲེད་པའི་མེ་ནི་རབ་ཏུ་འབྱུང་།། འདི་ལས་ས་དང་ཆུ་དང་ནི།། རྡོ་དང་ས་བོན་མྱུ་གུ་འབྱུང་།། དེ་བཞིན་གློག་དང་སྐར་མ་དང་།། ཉི་མ་ཟླ་བ་སྤྲིན་རྣམས་འབྱུང་།། ་ཨུ0f7f།། དེ་བཞིན་སྤྱོད་དང་མི་སྤྱོད་ཀུན།། ཐམས་ཅད་ཐམས་ཅད་འབྱུང་བར་འགྱུར།། དཔེར་ན་ནམ་མཁའི་རང་བཞིན་ལས།། སྤྲིད་དང་དབུན་ཁུག་རླངས་དང་།། ཟླ་བ་ཉི་མ་སྐར་ཚེགས་དག། སྣང་ཡང་ནམ་མཁའ ་བཞིན་དུ་གནས། ། དེ་བཞིན་སེམས་ཀྱི་ནམ་མཁའ་ལས།། མཚན་མའི་ཆོ་འཕྲུལ་ཅི་བྱུང་ཡང་།། ཆོས་ཉིད་ནམ་མཁའ་བཞིན་གནས་པར།། རྣལ་འབྱོར་ཅན་གྱིས་བལྟ་བར་བྱས།། དེ་ལྟ་བུ་ཡི་སེམས་ཉིད་ནི།། རྟོགས་དང་མ་རྟོག ་རང་བཞིན་ལ། ། ལྟ་བའི་ཁྱད་པར་སོ་སོར་བལྟ།། རྟོག་པ་ཅན་གྱི་ངོག་ལ།། རྟོག་པ་འཁྲུལ་པའི་ངོ་བོར་སྣང་།། ཀུན་དུ་ཉེ་ར་འཛེག་ལ་མ་ཚོར་ལ།། ཀུན་དུ་རྡུལ་གྱི་ཕུང་པོར་སྣང་།། ཚོགས་སྤྱོད་སྙིང་རྗེར་ཉེར་འཇོག་ལ།། ཐམས་ཅད ་སྒྱུ་མའི་རང་བཞིན་ལྟར། ། དེ་ཉིད་མཉམ་པར་ཤེས་གནས་ན།། ནམ་མཁའི་རང་བཞིན་མཐོང་བར་གནས།། ཡེ་ཤེས་རང་སྣང་ནམ་མཁའ་ལ།། ནམ་མཁའ་ཉིད་དུ་སྣང་བར་ཟད།། བརྗོད་བྲལ་མཐོང་མེད་དམིགས་དང་བྲལ།། མཐོང ་བ་མེད་པའི་དོན་འདི་ནི། ། སྔོན་གྱི་རྒྱལ་བ་རྣམས་ཀྱིས་བཤད།། བདེ་གཤེགས་སྙིང་པོ་བྱང་ཆུབ་ལ།། དགོངས་པ་འདི་ལས་གང་མི་མདའ།། ལྟ་བ་དེ་དང་ལྡན་བཞིན་དུ།། དམ་ཚིག་ནམ་མཁའ་ལྟ་བུ་ལ།། བསྲུང་དང་མི་བསྲུང ་ཕྱོགས་དང་བྲལ། ། འདིའོ་ཞེས་ནི་བསྲུང་དུ་མེད།། བསྲུང་བའི་རྣམ་གྲངས་ཇི་སྙེད་ཅིག། དུས་གསུམ་རྒྱལ་བས་གསུངས་མོད་ཀྱང་།། བསྲུང་བའི་མདོནི་གཅིག་ཏུ་འདུས།། ནམ་མཁའ་ལྟ་བུའི་རྣལ་འབྱོར་པས།། ནམ་མཁའ ་འདྲ་བའི་དམ་ཚིག་བསྲུང་། ། དེ་ཡང་བསྲུང་དུ་མེད་ན་བདེ།། གཞན་པ་ཐེག་པ་ཆུད་པ་རྣམས།། བསྲུང་བའི་མཚམས་དག་བསྲུངས་ནས་ནི།། སྐྱོན་ཡོན་ཆོས་ལ་བླང་དོར་བྱེད།། བསྲུང་དང་བྲལ་བའི་ཆོས་རྣམས་ནི།། བསྲུང་དུ་མེད་པས ་དེ་བཞིན་གཞག། དེ་བཞིན་པ་ཡི་དམ་ཚིག་ལ།། ཇི་བཞིན་པ་ཡི་བློ་བཞག་སྟེ།། བརྗེད་པ་མེད་པའི་སེམས་ཉིད་ཀྱིས།། བསྲུང་བ་མེད་པའི་དང་དུ་སྔ་མ།། བསྲུང་མེད་ནམ་མཁའི་དམ་ཚིག་འདི།། ཇི་ལྟར་གྲགས་པའི་རང་བཞིན་ལ། སྡོམ ་ངང་ཚུལ་ཁྲིམས་སོ་སོར་སྣང་། ། བྱིས་པ་རྣམས་ནི་ཐ་ཚིག་སྡོམ།། བདེན་གཉིས་རྒྱུ་ལ་སྟོན་པར་གྲགས།། བླ་མེད་མཆོག་ལ་དམ་ཚིག་སྤྱོད།། གཅིག་གི་དོན་ལས་མ་གཡོས་ཀྱང་།། འདུལ་དབང་པོ་ལ་སོ་སོར་གྲགས།། ཁོ་ན་ཉིད་ལྡན ་དམ་ཚིག་མཆོག། དེ་དང་གང་ལྡན་དམ་པ་སྟེ།། དེ་ལས་འདས་ན་འཚིག་པར་འགྱུར།། དེ་ཕྱིར་དམ་ཚིག་ཆེན་པོ་ནི།། ནམ་མཁའ་འདྲ་བར་དཔའ་བོས་བཤད།། རྒྱལ་བ་དཔའོ་ཐམས་ཅད་ལ།། དམ་ཚིག་འདི་ལས་ཡོད་མི་མངའ།། ་སྤྱོད་པ་དག་གི་ཁྱད་པར་ཡང་།། ཆོས་ཉིད་བྱ་བ་རྩོལ་ཀུན་བྲལ་ལ།། བསྒྲུབ་དང་སྒྲུབ་པའི་དམིགས་པ་མེད།། འཁྲུལ་པ་གཅོད་པའི་སྐྱེ་བོ་དག། དམིགས་མེད་བྱང་ཆུབ་བདེ་ཆེན་ལ།། སྡུག་བསྔལ་རྩོལ་སེམས་བཅུག་པས་ནོར ་བྱ་བ་མེད་པའི་ཆོས་ཉིད་ལ། ། ཉོན་མོངས་བྱ་མེད་སྤྱད་པས་འཁྲུལ།། རང་བྱུང་ལྷུན་གྲུབ་གནས་བཞིན་དུ།། བྱིས་པའི་སྤྱོད་པས་ཅི་བརྩལ་དགོས།། གང་ཞིག་འདོད་དེ་ཅི་ཞིག་སྒྲུབ།། ཅི་སྤྱད་ཅི་བསྒྲུབས་ཅི་བརྩལ་ཡང་།། སྡུག ་བསྔལ་ཉིད་དེ་བྱང་ཆུབ་མེད། ། དམྱལ་བ་སངས་རྒྱས་ཆེན་པོ་ལ།། སྡུག་བསྔལ་བྱང་ཆུབ་ལམ་ཉིད་དེ།། ཉན་ཐོས་རང་རྒྱལ་ས་གཉིས་དང་།། ཐེག་པའི་ཁྱད་པར་ཅི་བསྟན་པ།། བྱེད་རྩོལ་བཅས་པ་ཐམས་ཅད་འཁྲུལ།། བླ་མེད་བྱང་ཆུབ ་གེགས་སུ་ཆེ། ། གང་ཞིག་བརྩལ་མེད་བདེ་ཆེན་དོན།། སེམས་ཀྱི་ཀློང་འདིས་མ་མཐོང་ན།། སྒྲུབ་དང་རྩོལ་བ་ཅི་སྤྱད་ཀྱང་།། བྱིས་པ་དོན་མེད་ཀྱི་ན་འཁྱམ།། བརྩལ་དུ་མེད་པའི་རང་བཞིན་ལ།། རྩོལ་བའི་སྤྱོད་པས་ཅི་ཞིག་བྱ།། འཛིན་པ ་མེད་པའི་ཆོས་ཉིད་ལ། ། ཚིག་འཛིན་ནོར་པའི་རྩོལ་བྱར་མེད།། བགྲོད་དུ་མེད་པའི་ཆོས་ཉིད་ལ།། བགྲོད་པའི་དཀྱིལ་འཁོར་མིང་དང་བྲལ།། བསམ་དུ་མེད་པའི་ཆོས་ཉིད་ལ།། རྟོག་སེམས་བསམ་པའི་དམིགས་དང་བྲལ།། བརྩལ་མེད ་པ་ཡི་ཆོས་ཉིད་ལ། ། བརྩལ་མེད་ཡེ་ནས་ལྷུན་གྱིས་གྲུབ།། མཐའ་དབུས་མེད་པས་བརྡལ་བ་ཆེ།། ཕྱི་ནང་མེད་པས་ཡོ་གསལ་ཁྱབ།། སྐྱོན་ཡེན་མེད་པར་ལྷུན་གྱིས་རྫོགས།། བསྒྲུབ་དུ་མེད་པས་བརྩལ་སེམས་བྲལ།། གཟུང་དུ་མེད ་པས་དམིགས་དང་བྲལ། ། ཐམས་ཅད་མཁྱེན་པས་བྱིན་རླབས་ཆེ།། གདོད་ནས་བྱང་ཆུབ་སྙིང་པོར་གནས།། སྤྱོད་པའི་ཁྱད་པར་འདི་ལྟ་བུ།། དེས་ན་གཅིག་ལས་མེད་བཞིན་དུ།། སྤྱོད་འཐུན་རྩོལ་བའི་རང་བཞིན་ལ།། རྣམ ་རྟོག་སྤྱོད་པ་སོ་སོར་སྣང་། ། འཁྲུལ་པ་ཐམས་ཅད་འཁོར་བར་སྤྱོད།། རྒྱུ་འབྲས་མི་སླུ་བདེན་དོན་སྤྱོད།། མི་དམིགས་པ་ལ་ནམ་མཁའ་སྤྱོད།། དེ་ལྟར་སྤྱོད་པ་ཀུན་སྤྱོད་ཀྱང་།། དམ་པའི་དོན་དེ་སྤྱོད་མཆོག་ཉིད།། དམ་པར་གྱུརཔ ་ཐམས་ཅད་ལ། ། དམ་པའི་སྤྱོད་པ་དེ་ལས་མེད།། སྐྱེས་བུ་མཆོག་གིས་དེ་སྐད་བཤད།། ཐེ་ཙོམ་མེད་པར་ཤེས་པར་གྱིས།། མ་བཅོས་བྱང་ཆུབ་དེ་བཞིན་ཉིད།། བསྒོམ་དུ་མེད་པའི་ཆོས་ཉིད་ལ།། བསྒོམ་པ་དམིགས་སུ་མེད་པ ་སྟེ། ཏིང་འཛིན་ཞེས་ནི་གདགས་སུ་མེད།། བསྒོམས་ཀྱང་རྙེད་པ་མ་ཡིན་ལ།། དེ་བཞིན་མ་བསྒོམས་སྟོར་བ་མེད།། བསྒོམས་ཆོས་སྣ་ཚོགས་ཅིར་སྣང་ཡང་།། བསྒོམས་ནས་དེ་ཡི་དང་མི་གནས།། དེ་བས་བྱིས་པའི་སྤྱོད་ཡུལ་ཡིན། ་དཔེར་ན་བྱིས་པའི་རང་བཞིན་གྱིས།། ས་ལ་སོགས་པ་གཟུགས་སྣ་ཚོགས།། མཛེས་པར་བྱས་ནས་སྐད་ཅིག་མཐོང་།། མཐོང་བ་ཉིད་ན་མ་གྲུབ་སྟེ།། སྐད་ཅིག་ཁོ་ནས་ཞིག་གྱུར་ནས།། ས་ལ་སོགས་པའི་རྡུལ་དུ་སྣང་།། དེ་བཞིན་རྣམ། ་འབྱོར་བྱིས་པ་ཡིས།། གཟུགས་ལ་སོགས་པ་སྣ་ཚོགས་བསྒོམ།། སེམས་ཀྱི་བྱེ་བྲག་སྐད་ཅིག་ལ།། ཡིད་ཀྱི་རྒྱུ་བ་སྣ་ཚོགས་འབྱུང་།། བྱུང་བ་བཞིན་དུ་དེ་མ་གྲུབ།། སེམས་ཀྱི་སྐད་ཅིག་དྲན་པ་ལ།། ཡིད་ཀྱི་དམིགས་པ་རྒྱུན་ཆད་ནས ་བྱུང་ཚོར་ཆད་པའི་མཐའ་སྤངས་ཏེ། ། ཆོས་རྣམས་ནམ་མཁའ་ལྟ་བུར་ནི།། བརྗོད་མེད་རྒྱུན་མི་འཆད་པར་དམིགས།། དེ་དོན་བྱིན་ཅི་མ་ལོག་པར།། བརྗོད་མེད་ཏིང་འཛིན་སྒོམ་པའི་མཆོག། ཅི་ཕྱིར་ཆོས་ཀྱི་དབྱིངས་ཉིད་ནི།། ནམ་མཐ ་ལྟ་བུར་འདུས་མ་བྱས། ། བསམ་དུ་མེད་པས་ནམ་མཁའ་འདྲ།། བརྗོད་དུ་མེད་པས་གཟུགས་དང་བྲལ།། ཀུན་གཞི་ཀུན་དུ་ནམ་མཁའ་ལ།། ཡིད་ནི་མཁའ་ལ་ཉི་ཤར་འདྲ།། རྣམ་ཤེས་ཉོན་མོངས་སྤྲིན་གྱིས་ཁེབས།། འདུ་བྱེད་རླུང ་གིས་ཀུན་བསྐྱོད་དེ། ། གསལ་དང་འབྱུང་འཇུག་སངས་དང་འགག། ནམ་ཤེས་མཚན་མའི་རྟོག་པ་ཡིས།། ཀུན་གཞི་ནམ་མཁའ་མཐོང་མི་སྟེར།། ཀུན་གཞི་མཐོང་ཉིད་ཆོས་སྐུ་སྟེ།། འདི་དོན་ནམ་མཁའ་མ་བརྗེད་པ།། ཏིང་འཛིན། ་ཆེན་པོ་རྒྱུན་མི་འཆད།། གང་ཞིག་འདི་དོན་ཡིད་འཆང་བ།། གཟུགས་ཀྱི་དངོས་པོ་ཅིར་སྣང་ཡང་།། སེམས་ནི་ཡེ་ནས་མྱ་ངན་འདས།། བདེ་ཆེན་སངས་རྒྱས་ཐམས་ཅད་ལ།། དགོངས་པ་འདི་ལས་ཡོད་མི་མངའ།། སྣང་བ་མེད། ་པའི་ནམ་མཁའ་འདི།། ཏིང་འཛིན་ཆེན་པོར་གནས་བཞིན་དུ།། འདི་ལས་གླགས་ཏེ་ཅི་ཞིག་ཚོལ།། རྒྱལ་བས་བརྩལ་ཀྱང་ཡོང་མི་བརྙེད།། འདི་ལས་གཞན་དུ་གང་ཚོལ་བ།། བཙལ་བ་ཉིད་ན་ཚེ་ཚད་གྱུར།། གཞན་ནམ་དམས ་པའི་སྒོ་རྣམས་ནི། ། ཏིང་འཛིན་མེད་པའི་ཆོས་ཉིད་ལ།། འཛིན་པའི་ཏིང་འཛིན་བཅུག་པས་ནོར།། དེ་དག་ལ་ནི་གང་སྤྱོད་རྣམས།། ཐེན་ཚེར་མིག་ནི་ནམ་མཁའ་ལ།། ཕྲ་རབ་ཐེན་ཐག་འཛུད་པ་ལྟར།། བྱིས་པ་ལས་གང་བྱེད་པ་དེ། ་ཤེད་ཅན་དག་གིས་བྱར་མི་རུང་།། ཤེད་ཅན་སྤྱོད་པའི་ནམ་མཁའ་དེ།། ཐེན་ཚེར་ནམ་མཁར་ཤོང་མི་འགྱུར།། དེ་བས་གཞན་ལ་བསྟན་པ་མིན།། བསྟན་ན་བྱིས་པ་ག་ཆད་གྱུར།། ཆོས་ཉིད་ནམ་མཁའ་ལྟ་བུའི་དངོས།། གསལ་བར ་འོད་སྟོང་ཉི་མས་འགྲུབ། ། བྱིན་རླབས་འོད་ཀྱི་ཟེར་ཕྲེང་ཙམ།། སྒྱུ་མ་ལྟར་སྣང་མཚན་མར་ཐོབ།། མི་གཡོ་མཚན་མེད་རང་བཞིན་དངོས།། སྐྱེ་མེད་སེམས་ཀྱིས་མ་མཐོང་བ།། བྱིས་པ་འདྲིད་པའི་རྩེད་མོར་སྣང་།། དངོས་གྲུབ་ཆེན ་པོའི་སེམས་ཉིད་དེ། ། ཡིད་བཞིན་འབྱུང་བ་རིན་པོ་ཆེ།། ཇི་ལྟར་དམིགས་ཤིང་བསྒྱུར་བར་འགྱུར།། གྲུབ་པའི་དོན་ཆེན་ཐམས་ཅད་རྫོགས།། སེམས་ཀྱིས་སེམས་ཀྱི་ཚུལ་མཐོང་ན།། དངོས་གྲུབ་ཅེས་དེ་དག་ལས་འོད་།། གང་གིས ་སྩོལ་ཏེ་སུ་ཡིས་བླང་། ། སྩལ་དང་སྩོལ་བར་བྱེད་མི་དམིགས།། དཔེར་ན་ཆུ་དང་མེ་ལོང་དང་།། མཁའ་དང་རལ་གྲི་ཤེལ་ལ་སོགས།། གསལ་བར་བྱེད་པའི་རང་བཞིན་ལ།། རྙོག་མེད་ལ་སོགས་བལྟས་གསལ་བ།། ཆུ་ལ་སོག ་པའི་རང་བཞིན་ཡིན། ། དེ་ལ་ངོ་མཚར་ཆེ་མེ་འབྱུང་།། སེམས་ཀྱི་ཆུ་གས་ལ་ནམ་མཁའ་ལ།། ཉོན་མོངས་སྤྲིན་གྱི་རྙོག་མེད་ན།། དངོས་གྲུབ་ཉི་ཟླ་སྐར་ཚོགས་བཀྲམ།། སྒྲིབ་མེད་བྱིན་རླབས་དང་གིས་འཆང་།། ཀུན་གན། ་ནམ་མཁའི་སྙིང་པོ་དེ།། ཉོན་མོངས་སྤྲིན་གྱིས་གཏིང་སྤངས་པ།། ཤེས་རབ་རླུང་གིས་མ་གཏོང་བར།། གཞམཁན་གྱི་སྤྲོ་འདྲ་ཡིས།། སྒྲིབ་གས་ལ་ཆོས་ཉིད་གསལ་འདོད་པ།། ཇི་ལྟར་ཆུས་གཤེར་བྱིས་པ་དག། ཉིས་སྦྱིན་ལྡན ་གྲབ་མ་ཡིས། ། ཤིན་དུ་སྒྲིབས་པར་གྱུར་པ་ན།། སྤྲིན་ཆེན་འདུས་པའི་ཕུང་པོ་ལ།། ཁ་ཡི་དབུགས་ཀྱི་བུས་བྱས་ན།། སྤྲིན་བསལ་ཉི་འོད་གསལ་འདོད་འདྲ།། དེ་ཕྱིར་རྣལ་འབྱོར་དབང་ཕྱུག་གིས།། སེམས་ཉིད་དོན་ལ་རྣམ་བརྟགས་ཏེ། ་ཀུན་གཞི་རྩ་བ་ཤེས་པར་བྱ།། སེམས་ཉིད་དེ་ལ་བལྟས་གསལ་བ།། རྩ་བ་དང་ནི་གང་ལྡན་པ།། དུས་དང་ཚིགས་དང་ལོར་གྱུར་ཡང་།། ཡལ་ག་ལོ་འདབ་འབྲས་བུར་བསྐྲུན།། རྩ་བའི་ས་བོན་མེད་མི་འགྱུར།། ཅི་ལྟར་སྦྱོར་བའི ་རྣལ་འབྱོར་རྣམས། ། ནན་གྱིས་མཚན་པའི་དངོས་གྲུབ་དག། བྱས་པའི་སེམས་ཀྱིས་བླང་འདོད་ན།། དེ་ཡང་མཚན་མས་དེ་རངས་འགྱུར།། དཔེར་ནི་མ་ཡི་རང་བཞིན་དག། ས་དང་ནགས་ཚལ་སྲེག་བྱེད་པ།། རྒྱུ་རྣམས་ཚོགས་པ ་བདེན་པ་ལས། ། མེད་ལས་ཡོད་པའི་བདེན་པར་སྣང་།། དེ་ལྟར་མཚན་མའི་རྣལ་འབྱོར་ཡང་།། མཚན་མའི་ཆོ་འཕྲུལ་ཐོབ་འདོད་པ།། མཚན་མའི་རྒྱུ་རྣམས་ཚོགས་པ་ལས།། མཚན་མར་རངས་པའི་མཚན་མར་སྣང་།། ཤིན་ཏུ ་སྐར་མ་རྒྱལ་རྣམས་ལ། ། བྱང་ཆུབ་སྤྱོད་པ་ཆར་སྤྱོད་པའི།། དམ་པའི་དོན་ལ་ཆེར་དམིགས་པས།། གསང་མཆོག་རིག་པའི་དངོས་གྲུབ་མྱུར།། མཚན་མར་མི་རྟོག་རང་བཞིན་གྱིས།། ཟབ་མོའི་དོན་ཆེན་གོ་བ་ནི།། ངེས་པ་འདོན ་གྱིས་ཐག་གཅད་དེ། ། མཉམ་པའི་དོན་ལ་ཡིད་ཆེས་བྱ།། ཇི་ལྟར་མཁའ་ལི་ཚིག་ཙམ་དུ།། ངང་དུ་བརྗོད་པས་རྗོད་བྱེད་ཀྱི།། བརྗོད་པའི་ཐ་སྙད་དང་བྲལ་བས།། ཇི་ལྟར་འཁྲིགས་ཀྱི་སྨིག་རྒྱུ་དག། སྣང་བ་ཉིད་ན་མེད་པ་ལྟར། ་ཆོས་སོ་ཅོག་གི་རང་བཞིན་གསལ།། གསལ་བ་ཉིད་ན་དེ་མི་དམིགས།། ཐབས་ཆེན་གཏིང་ཟབ་ཤེས་རབ་ལམ།། སྤྲོས་བྲལ་མཚན་མའི་འཕྲང་ལས་འདས།། གཏོས་ཆེས་ཡངས་པས་ལམ་གཉིས་བྲལ།། དབུས་མཐའ་མི་དམིས ་མཉམ་པའི་ལམ། ། གཅིག་ཏུ་མཉམ་པར་ཆུང་ནས་ནི།། ཡུལ་མེད་ཚོལ་བའི་སེམས་བྲལ་དེ།། བླང་དོར་གཉིས་ཀྱི་མཐའ་སྤངས་ནས།། གནས་པ་མེད་པའི་ཚུལ་གྱིས་གནས།། ཆོས་ཉིད་དབྱིངས་སུ་རོ་གཅིག་ཕྱིར།། ཤེས་དང ་ཤེས་བྱ་གཉིས་མེད་དེ། ། ཡེ་ནས་ཤེས་ཉིད་ཆོས་ཤེས་ན།། ཆོས་ཉིད་གཞན་ནས་བཅལ་ཅི་དགོས།། དཔེར་ན་སྒྱུ་མའི་བདེ་སྡུག་ཀྱང་།། བསལ་ནས་གཉི་ག་མི་དམིགས་ལྟར།། འཁོར་བ་འགྱུར་བའི་བདེ་སྡུག་ཀྱང་།། མཉམ་པར ་རང་བཞིན་དོན་གྱིས་མཉམ། ། ཇི་ལྟར་དུས་རྣམས་ཐམས་ཅད་དག། མཉམ་པ་ཉིད་དུ་རྟོགས་ནས་ནི།། སྒྲོས་ཚིག་རྗེས་སུ་མ་འབྲངས་ན།། མཉམ་འགྱུར་དུས་རྣམས་ག་ལ་དམིགས།། མཁའ་ལ་དང་གིས་གཟུགས་མེད་ཕྱིར།། ་དམིགས་སུ་ཟིན་པར་མི་འགྱུར་བཞིན།། སེམས་ཀྱིས་མ་སྐྱེས་དོན་མི་དཔོགས།། སྐྱོན་དང་ཡོན་ཏན་གཉིས་འབྱེད་པ།། རྟོགས་ནས་གཉིས་ཀྱི་དོན་སྤངས་ཏེ།། རང་བཞིན་མཉམ་པར་དོན་བཞག་ན།། བསྒོམ་ཞེས་མིང་དུ་བརྗོད། ་པར་ཟད། གཉིས་སུ་ལྟ་བ་མ་སྐྱེས་ཕྱིར།། གཉིས་ཀྱི་འདུ་ཤེས་ཅི་འབྱུང་ཡང་།། རང་བྱུང་ཞི་བ་མ་བཀག་ཆོས།། ཡེ་ནས་མ་བཅོས་དོན་གྱིས་གསལ།། མ་སྐྱེས་རྣམ་དག་བྱང་ཆུབ་སེམས།། མི་གནས་ཡེ་ཤེས་ཐུགས་དང་མཉམ ་རིག་དང་མ་རིག་ཁྱད་པར་ལས། ། འཁོར་འདས་རྟེན་དང་འབྲེལ་བར་སྣང་།། རྣམ་རྟོག་མེད་ཕྱིར་ཞི་བ་མེད།། འཛིན་པར་མ་ཡིན་སྤྲོས་བྲལ་མིན།། དྲང་བའི་དོན་བསྟན་མ་གཏོགས་པར།། དོན་ལ་ཚིག་གིས་བརྗོད་དུ་མེད།། སྣང་ཡང། ་མེད་པའི་རང་བཞིན་ལ།། ཤེས་བློ་ཡོད་པའི་སེམས་མི་འབྱུང་།། མཉམ་ཉིད་སྟོང་པའི་དོན་འདི་ལ།། དོན་ལྡན་སྟོང་པའི་སྒོ་མི་འདོགས།། མ་བཅོས་རང་བཞིན་ཞི་བ་ཡི།། མཚན་མའི་རྟོག་བྲལ་ཤེས་ལྡན་པས།། མེད་དོ་ཙམ་དུའང་མི ་དམིགས་ན། བྱུང་ཚོར་འཛིན་པར་ག་ལ་འགྱུར།། ཐམས་ཅད་མི་གནས་བྱང་ཆུབ་པས།། བརྣལ་ནས་གྲུབ་པ་མ་ཡིན་ཡང་།། སྒྱུམ་སངས་ནས་འཁྲུལ་བྲལ་བཞིན།། སྤྲོས་བྲལ་ཡེ་ཤེས་སྙིང་པོར་གནས།། འཁོར་བ ་རྟོགས་པ་དྲུག་ཡིན་ཏེ། ། འཁོར་བའི་སྡུག་བསྔལ་མི་ཤེས་ན།། དུག་འཐུངས་བདེ་བ་ག་ལས་འོང་།། སྦྱོར་ལེགས་དུག་ཉིད་སྨན་དུ་འགྱུར།། འཁོར་བའི་ལས་རྣམས་དེ་ལྟར་སྣང་།། འཁྲུལ་སྣང་རུག་གཟེར་བཟོད་དཀའ་ལྟར།། མ་རིག ་འཁོར་བའི་སྡུག་བསྔལ་སྣང་། ། རྨི་ལམ་སྒྱུ་འཕྲུལ་མི་ཟད་པས།། ཤིན་དུ་ཉམས་ཐག་གདུངས་པའི་ཚེ།། འཆི་བདག་བདུད་ཀྱིས་ཟིན་འདྲ་ལ།། མགོན་བཙུན་གཞན་གྱིས་མི་ཕན་ཏེ།། བདུད་སེལ་རྩི་དང་འདྲ་བར་ནི།། ཡང ་ངག་ལམ་མཆོག་རྟོགས་པར་བྱ། ། དྲུག་ནད་སྤྲོ་སངས་འབྱང་བ་ལ།། སྐད་ཅིག་མ་ལ་མི་བཟོད་ཅིང་།། སྨན་དང་སྨན་པའི་རྩོལ་གྲུབས་པ།། སངས་ནས་དེ་དག་མི་དམིགས་ལྟར།། འཁོར་བ་མི་དམིགས་འཁྲུལ་བ་ལ།། ་རྨི་ལམ་ནང་སེལ་རྩོལ་སྒྲུབ་ལྟར།། སྒྲུབ་དང་ཏིང་འཛིན་རྩོལ་བྱེད་ཀྱང་།། འཁོར་བ་བསྟོད་རྟོགས་ཉིད་བྱང་ཆུབ།། རྒྱུ་མ་རྒྱུ་འབྲས་མི་སྐུ་བཞིན།། བླུན་རྨོངས་ངོ་ལ་དེ་ལྟར་སྣང་།། མཉམ་ཉིད་རིག་པའི་རྩལ་ཅན་དག། འཁོར་བ ་འཁྲུལ་པའི་ཚིག་ཙམ་དུ། ། མ་ནོར་ལམ་རིག་བློ་ལ་གསལ།། དེ་ལ་རྩོལ་ཐོབ་རློམ་སེམས་མེད།། སེམས་ཉིད་དོན་དང་མ་མཉམ་ན།། ཚིག་གིས་མཉམ་པས་དོན་མི་དཔོགས།། འཁྲུལ་འཁོར་མཉམ་ལས་མ་གཡོས་ཀྱང་།། ་ལོག་རྟོག་སྒྱུ་མའི་ཚུལ་ཙམ་སྣང་།། སེམས་ཉིད་ཡེ་སངས་རྒྱས་རིག་ནས།། རིག་པའི་དོན་ལ་བརྩོན་སྦྱོར་ཞིང་།། རང་འབྱུང་ཡོན་ཏན་སྩལ་སྡུད་པ།། འཁྲུལ་པར་འབྲེལ་པ་ག་ལ་ཡིན།། བྱང་ཆུབ་སེམས་ལྡན་པས་ན་རྫོགས་ན ་ཡེ་ཤེས་མཆོག་ལྡན་མཉམ་ཉིད་སྐུ། ། ཏིང་འཛིན་མཆོག་ལྡན་བླ་མའི་དབང་།། དགེ་བསགས་མཆོག་ལྡན་ལུས་སྤྱོད་པའི།། བསོད་ནམས་མཆོག་ལྡན་གཟུགས་ཀྱི་སྐུ།། རྣམ་སྨིན་ཚུལ་གྱིས་གྲུབ་མི་ལྟ།། བརྩལ་ནས་ཐོབ་པར ་མི་བྱེད་དེ། ། རྒྱུ་ཡི་དུས་ཉིད་འབྲས་བུའི་མཆོག། དཔྱོད་པའི་སེམས་ཉིད་ཏིང་འཛིན་ནི།། སེམས་ཅན་དུས་ན་དོན་ལ་སྦྱོར།། ལྷུན་གྲུབ་ས་ལ་བགྲོད་མི་བྱེད།། འཁོར་བའི་ས་ཤེས་པདེ་ལྡན་གནས།། མི་གནས་འཁོར་བའི་སྡུག་བསྔ ་ཡང་། བྱང་ཆུབ་འཁོར་ཟེའི་ལམ་དང་འབྲེལ།། སྒྱུ་མའི་མཚན་ཉིད་མ་བཀག་ཚུལ།། རང་བྱུང་རྟོག་བྲལ་གཅིག་ཏུ་མཉམ།། མཉམ་པ་ཉིད་ཀྱི་དོན་བརྩམ་པར།། ཆོས་ཉིད་ལ་ཡང་ཆོས་ཉིད་གསལ།། མཉམ་པས་མཉམ་ཞེས་ཚིག ་བརྗོད་ཀྱང་། ། མཉམ་པའི་དོན་དང་འཐུན་མི་འགྱུར།། བྱང་ཆུབ་དེ་ཡང་མི་དམིགས་ཏེ།། མི་གནས་ཞེས་ནི་གང་བརྗོད་ཅིང་།། གནས་དང་དམིགས་པའི་གནས་འཛིན་པ།། གཟུང་འཛིན་ཞེས་ནི་དེ་ལ་བྱ།། སྒྲ་འདུར་བྱང་ཆུབ ་སེམས་མེད་ན། ། དངོས་བྲལ་ཡུལ་མེད་སྟོང་པ་དག། མཁའ་ལ་རང་བཞིན་མི་གནས་ཞེས།། བསྟན་པ་དེ་ནི་ཡོད་མ་ཡིན།། བསམ་གཏན་ལུས་ནི་གཙེར་བྱེད་དང་།། གནས་དེ་ལུས་ཀྱི་ཕྱག་རྒྱ་ཀུན།། མཚན་མར་མངོན་པར་ཞེན་ལས ་བྱུང་། མཚན་མེད་སེམས་ལ་བྱ་བ་རྩལ་མེད།། སྨིག་རྒྱུ་བཞིན་དུ་ལུས་རེང་ན།། གནས་དང་ཕྱག་རྒྱར་དམིགས་པ་མེད།། བྱེད་སྤྱོད་ཆེད་དུ་སྟོན་བྱེད་ཅིང་།། བྱ་མེད་བྱ་བའི་དམིགས་པའང་མེད།། དེ་ཉིད་མ་སྐྱེས་གཞི་མེད་པས།། གནས། ་བདེར་ལུས་བཅོས་ཁ་ན་མེད།། ཞེན་པར་འཆོས་ལམ་སྤྱོད་བྱེད་པ།། དེ་ཉིད་གཟུང་འཛིན་རྣམ་རྟོག་སྟེ།། བསམ་གཏན་ལུས་དབེན་དབེན་མ་ཡིན།། མཁའ་ལ་སེམས་དབེན་དབེན་པའི་མཆོག། སེམས་ཉིད་དབེན་པའི་གནས ་ཡིན་ཏེ། འདི་ནི་རྣལ་འབྱོར་སྤྱོད་མཆོག་གནས།། བླ་གབ་རི་བུག་གཞལ་མེད་མིན།། སེམས་ཉིད་དཔག་ཡངས་གཞལ་མེད་མཆོག། འདི་ནི་རྨད་བྱུང་ནོར་བུའི་གཞལ།། ཕྱི་དང་ནད་མེད་ཀུན་དུ་ནང་།། འདུ་བར་འདུས་པ་ཚོགས ་མ་ཡིན། སེམས་ལ་ཡེ་ཤེས་ཚེགས་འདུས་མཆོག། ཆོས་ཀུན་འདུས་པས་ལུས་པ་མེད།། དཔག་མེད་རྒྱལ་བ་མཉེས་པའི་ཚོགས།། ཀུན་རྫོབ་འབྱོར་པ་ཡོ་བྱད་མིན།། སེམས་ཉིད་འབྱོར་པའི་རྫས་དང་ལྡན།། ལྷག་པའི་རྫས ་མཆོག་འདི་ཤེས་ན། ། བསྒྲུབ་འགྲུབ་འདི་ལ་ཐེ་ཙོམ་མེད།། བསྒོམ་པར་བྱེད་པ་སྒོམ་པ་མིན།། བསམ་བྱ་དམིགས་སུ་མེད་པ་སྟེ།། འདི་ལྟར་སེམས་ཀྱི་གསང་སྒོམ་པ།། དོན་ལ་སེམས ་སྒོམ་ཏིང་འཛིན་མཆོག། བསྲུང་ཞེས་བསྲུང་བར་བྱ་མི་དམིགས།། སྟོང་པར་སྦས་པའི་སེམས་ཉིད་དེ།། མཚན་མར་འདས་ནས་ཚིག་ཤེས་ན།། བསྲུང་བའི་གསང་བ་དམ་པའོ།། ཚིག་ཏུ་མཉམ་བརྗོད་མཉམ་མི་དམིགས།། སེམས་ཉིད ་རང་དག་མཉམ་པ་ལས། ། མཉམ་པའི་དོན་ཉིད་ལྷག་པར་མེད།། འདི་དོན་མཉམ་ཤེས་མཉམ་པའི་དོན།། བརྟུལ་ཞུགས་སྤྱོད་པ་སྤྱོད་མིན་ཏེ།། སེམས་ལ་སེམས་གཞོལ་རོལ་སྤྱོད་པ།། ཐབས་ཆེ་ཡངས་པ་སྤྱོད་པའི་མཆོག། བྱང་ཆུབ ་དོན་གྱི་ཕྱི་མོ་རུ། ། སེམས་ཀྱི་ཕྱི་མོར་ཡེ་གནས་པས།། གསོལ་ཐོབ་མཚན་མའི་མིང་མི་དམིགས།། དངོས་གྲུབ་ཆེན་པོ་རྒྱུན་མི་འཆད།། དེ་ལྔར་སེམས་ཀྱིས་སེམས་མཐོང་ན།། ཡེ་ཤེས་ཀྱིས་ནི་ཆོས་ཉིད་མཐོང་།། དུས་ཀུན་དུ་ནི་བྱ། ་འགག་མེད།། སྔོན་མ་མཐོང་བའི་དོན་མཐོང་འགྱུར།། དེ་ཡང་དངོས་པོ་ཅང་མི་མཐོང་།། ཐམས་ཅད་རང་བཞིན་མེད་པ་ཞིག། བློ་ལ་འགྲུས་པ་ཁོ་ནར་ཟད།། དེ་ལྟ་བུ་ཡི་དོན་མཐོང་ན།། མཚན་མར་མཐོང་བཅ་ཡང་མེད།། སྒྱུ་མ་ཙམ་དུ། ་ཚུལ་ཤེས་ནས།། ནམ་མཁའ་མཉམ་པའི་དོན་སྣང་འགྱུར།། ཁ་ཅིག་དག་ནི་དེ་དོན་ལ།། མཐོང་བ་ཅི་ཡང་མེད་འགྱུར་ན།། སྣང་བ་ཞེས་ནི་ཅི་ཕྱིར་གདགས།། མེད་པའི་དོན་དང་འགལ་འགྱུར་ཞེས།། ཐེ་ཚོམ་ཟ་འགྱུར་དེ་དག་ལ།། མཐོང ་བ་མེད་པའི་དོན་དེ་ཉིད། ། ཡིད་ཀྱི་དོ་ལ་སྣང་འགྱུར་ན།། སྣང་ཞེས་དེ་ཕྱིར་བརྗོད་པར་བྱ།། དེ་བས་འཁྲུལ་པ་མ་ཟད་པར་ནམམ་མཐོང་བ་མེད་པ་དེ།། དེ་ཉིད་ཡིད་ལ་སྣང་འགྱུར་ཡང་།། གཟུགས་ལ་སྣང་བར་འགྱུར་བ་མིན།། སེམས། ་ཉིད་བདེན་པར་མ་མཐོང་ན།། ཡིད་ལ་མཚན་མེད་དོན་གསལ་དང་།། མཚན་མ་འཁྲུལ་པར་རྒྱུ་བ་གཉིས།། འདྲེན་མར་རྒྱུ་བྱེད་འབྲལ་འགྱུར་མིན།། དེ་ཉིད་བདེན་པར་མཐོང་འགྱུར་ན།། དེ་ནས་དེ་མ་ཐག་ཏུ་ཡང་།། ཡིད་ཀྱི་རྒྱུ་བ་རྒྱུན ་ཆད་ནས། ། སྔར་འཁྲུལ་མཚན་མའི་ཆོས་བྲལ་ཏེ།། དེས་ནི་བདེན་པ་མཐོང་བ་ཡིན།། དེ་བས་འདུས་པ་ཆེན་པོའི་ཚོགས།། སེམས་ནི་ཡང་དག་ལམ་ཉིད་དེ།། མཁའ་ལ་བྱ་ལམ་རྗེས་མེད་བཞིན།། གོལ་མེད་ལམ་ཞེས་འདྲེན་བུ ་བཤད། དེ་ལྟར་བཤད་པའི་ལམ་དེ་ཡང་།། ཀུན་གྱིས་རྟོགས་པར་བྱ་བའི་ཕྱིར།། ཚིག་ཏུ་མཚོན་ད་བཤད་མོད་ཀྱང་།། དམིགས་མེད་ཚིག་གི་ཡུལ་བྲལ་བ།། དེ་ཡིད་རང་བཞིན་དེ་ཡིན་ན།། རང་བཞིན་གཞི་ལས་མཚན་མར་གཡོས ་དེ་ལ་མིང་མེད་མིང་བཏགས་རྒྱུས། ། ཡིན་དང་མ་ཡིན་ཐེ་ཙོམ་སྐྱེས།། དེ་ལ་རྩོད་པའི་གཞིར་གྱུར་ཏེ།། དེ་བས་ལ་དོན་ཕྱིར་མཚན་མ་ཡི།། ཚིགས་ག་ཚོགས་ཀི་ནམ་གྲངས་ལས།། སྒོ་མོ་དཔག་ཏུ་མེད་པར་བཤད།། དེ་ཡིས་ངེས ་དོན་རྗེས་བཅད་པ། ། ཐུགས་ཀྱི་གློང་ནས་བཏོན་པ་ཡིན།། ཚིག་གི་སྒྲོན་མས་དོན་བརྩལ་བ།། ལམ་ཉིད་ཇི་ལྟར་ཡིན་ཞེ་ན།། དྲན་བྱུང་རྗེས་སུ་འབྲེངས་ན་ནི།། འཁོར་བའི་གནས་སུ་འཁོར་བར་འགྱུར།། དྲན་འབྱུང་གཡོ་བཙ ་བཀག་པ། ། དེ་དག་འགོག་པ་ཉིད་དུ་འགྱུར།། དྲན་བྱུང་མེད་པར་བླུན་པ་ནི།། མུ་སྟེགས་ཅན་ལམ་མུན་པར་འགྱུར།། འདི་ཞེས་སེམས་སུ་གཅིག་བཟུང་ན།། མཚན་མ་རྟོག་པའི་རི་བོ་ཡིན།། ས་ཕྱི་མེད་ཅེས་བྱང་བཅད་ན།། ་མེ་དེ་ཆད་པའི་མུན་ཅན་ཡིན།། གཞི་ཡི་དོན་ལས་ཡུད་ཙམ་ཞིག། ཅིར་གཡོས་སྐྱེ་འགག་བྱུང་བ་དེ།། རྣམ་གྲངས་ལམ་དེ་འཕེལ་འགྱུར་གྱི།། ལམ་གྱི་ཆོས་ཉིད་ག་ལ་འགྱུར།། དཔེར་ན་འགྲོ་གང་བྱིས་པ་དག། གྲིབ་མ་སྤངས ་ནས་རྣམ་དག་ཚོལ། ། རང་ལས་བྱུང་བའི་རང་བཞིན་གྱིས།། བཙལ་ན་གྲིབ་མེད་དག་མི་རྙེད།། དོན་ཉིད་ཡེ་ནས་གནས་བཞིན་དུ།། སེམས་ཉིད་སྡུག་བསྔལ་སྣ་ཚོགས་ཀྱིས།། ཤ་ཐང་བར་ནི་དོན་ཚོལ་བ།། དོན་མེད་བདུན་གྱི་ལས ་ཡིན་ནོ། ། དོན་ལ་ཚིག་ཏུ་བརྗོད་པ་ནི།། ནམ་མཁའ་དག་ལ་རྩོད་པ་འདྲ།། ཚིག་ཏུ་སྨན་དང་དཔྱད་བཤད་ཀྱང་།། ནད་པའི་ཚོགས་ལ་མི་ཕན་ནོ།། སེམས་ཉིད་དོན་དུ་མ་ཤེས་ན།། ཚིག་ཏུ་དོན་བརྗོད་དོན་མི་རྟོགས།། འཁོར་བ་སྤངས ་ནས་འདས་ཚོལ་བ། ། གཟུགས་བཏང་ནས་ནི་གྲིབ་ཚོལ་འདྲ།། ལམ་ཉིད་ཇི་ལྟར་ཡིན་ཞེ་ན།། མ་རིག་ཡེ་ཤེས་ཐ་དད་མིན།། མ་རྟོགས་རྟོགས་པ་ལམ་དུ་གཅིག། སེམས་འདི་སྣ་ཚོགས་པར་སྣང་བས།། སྣ་ཚོགས ་སེམས་སུ་གཅིག་པ་ཡིན། ། དཔེར་ན་གསེར་དུ་གཅིག་པ་ལས།། དབྱིབས་དང་གཟུགས་ནི་ཐ་དད་པར།། བྱིས་པས་སོ་སོའི་མིང་དུ་གྲགས།། གྲགས་ཀྱང་གསེར་གྱི་ངོ་བོར་གཅིག། དེ་བཞིན་སེམས་ཀྱི་རང་བཞིན་ལ།། འཁྲུལ ་དང་མ་འཁྲུལ་ཁྱད་པར་གྱིས། ། ཇི་ལྟར་བལྟས་དགུ་དེར་སྣང་ཡང་།། སྣང་ཡང་སེམས་ལས་གཞན་མི་དམིགས།། སྒྲོན་མར་འབར་བའི་རིན་ཆེན་ནི།། གལ་ཏེ་ངན་ཁུང་སྦས་གྱུར་ཀྱང་།། དེ་ཉིད་ཡོན་ཏན་རང་སྣང་བས།། འོད་ནི ་མཁའ་ལ་གསལ་བར་འགྱུར། ། དེ་བཞིན་སེམས་ཉིད་རིན་ཆེན་སྒྲོན།། ལུས་དག་འཁོར་བར་བྱིང་གྱུར་ཀྱང་།། རང་བྱུང་རང་ཞི་རབ་སྣང་བས།། ཤེས་རབ་ཆོས་ཉིད་མཁའ་ལ་གསལ།། སེམས་ཉིད་ནམ་མཁའ་འདྲར་མཚུངས་ཏེ། ་ཀུན་ཁྱབ་སྟོང་གསལ་སྣ་ཚོགས་འབྱུང་།། བྱུང་ཚོར་གཡོ་འགོག་ཐམས་ཅད་ཀྱང་།། རང་བཞིན་གྱིས་འབྱུང་དང་གིས་ཞི།། མདོར་ན་ཇི་ལྟར་བརྟགས་བསམས་བཞིན།། འགྱུར་བས་ཐམས་ཅད་ངོ་བོར་སྣང་།། མ་གཅེས་གས ་པ་མེད་ཉིད་ལ། ། སྣ་ཚོགས་རྒྱུ་འབྱུང་མེ་སྐྱོན་ཞིང་།། ཆོ་འཕྲུལ་མི་འགག་ཉམ་ང་མེད།། ཅི་བཞིན་ནམ་མཁའི་རང་བཞིན་ལ།། བློ་བཞག་མ་གཡེངས་ཁོ་ནར་ཟད།། དེ་ནི་སྐྱེས་མཆོག་དོན་པོ་ཆེ།། དེ་སེམས་དུས་གསུམ་ཐམས ་ཅད་ཀྱི། སངས་རྒྱས་འབྱུང་བའི་ངོ་བོ་ཡོན།། དེ་ལྟའི་དོན་ལ་རིང་ཞི་གནས།། ཤེས་ཤིང་འདྲིས་པར་གྱུར་པ་ན།། དེས་དོན་མཐོང་བའི་ཉམས་དྲོད་ནི།། དོན་དང་མཇལ་བའི་རྟོགས་ཆེན་ཡང་།། མན་ངག་ལུང་གིས་བརྒྱད་འར་ཏེ། ་ངེས་པར་དོན་གསུམ་མྱོང་བར་འགྱུར།། དེ་དག་ཐོག་ཏུ་ཕེབས་པ་ཡིན།། དྲོང་ཆེན་རྟགས་སུ་བསྟན་པ་ཡིན།། དེ་ཡི་ཞར་ལས་བྱུང་བའི་དྲོད།། འཁོར་བའི་ཆོས་ལ་སྙིང་རྗེ་ཡི།། བྱང་ཆུབ་སེམས་ཀྱང་སྐྱེ་བར་འགྱུར།། མཚན་མ ་རྟོགས་པའི་ཆོས་རྣམས་ལ། ། ཡིད་མི་ཆེས་པའི་འདུ་ཤེས་སྐྱེ།། ཆོས་རྣམས་འདི་ལྟར་ཡིན་པ་ལས།། འདི་ལྟར་འཁྲུལ་པ་ངོ་མཚར་ཆེ།། ཡ་མཚན་དཔྱོད་པའི་འདུ་ཤེས་འབྱུང་།། འདི་དོན་མ་ཤེས་འགྲོ་བ་རྣམག་ལ་གྲུ་བ་དག་པའི ་ཐབས་ཆེན་གྱིས། ། ཡང་དག་དོན་ཚོལ་ལམ་རེ་རིང་།། བསགས་པའི་འབྲས་བུ་ཡོད་འགྱུར་ཡང་།། དོན་དེ་མཐོང་བར་ཡོད་མི་ནུས།། དེ་འདྲའི་འདུ་ཤེས་འབྱུང་བར་འགྱུར།། དེ་ལྟར་ཤེས་པའི་ཉམས་དྲོད་ནི།། སྐལ་དང་ལྡན་པའི་སྐྱེས ་བུ་གང་། རྒྱུད་འགྲོས་ཚིགགིས་མ་ཀྲོལ་བར།། སེམས་ལས་ཆོས་བྱུང་འབུམ་ཕྲག་ཡས།། སྨྲ་བའི་སྒོ་མོར་ཐམས་ཅད་གསལ།། དོན་ལ་ངེས་པའི་གཏན་ཚགས་དག། ཚིག་ཏུ་མཚོན་ཏེ་འབྱིན་པར་ནུས།། དེ་ནི་ཆོས་སྐུ་མཉམ་ཉིད་དང་། ་དབྱེར་མེད་གཉིས་སུ་མེད་པ་ཡིན།། བརྟེན་པའི་གསུང་ཐུགས་སུ་བརྙན་དང་།། དེ་ནི་མཚུངས་པ་ཡོད་མིན་ནོ།། ཞི་ལུས་མཐར་འགོག་རྐྱེན་གཉིས་དང་།། དེ་ནི་མཚུངས་པ་ཡོད་མ་ཡིན།། ས་ལ་སློབ་པའི་སེམས་དཔའ་དང་།། དེ་ཡང ་མི་ཚུགས་རྒྱལ་བས་གསུངས། ། རིག་འཛིན་དྲང་སྲོང་དོན་དཔྱོད་དང་།། ལུས་འདྲ་སེམས་ནི་ཡོད་མི་ཚུངས།། དེ་ཕྱིར་རྣམ་དག་ལམ་ཆེན་ནི།། སེམས་ཀྱི་གསང་འདི་ཡིན་པས་ན།། སྐལ་ལྡན་འདུས་པ་ཆེན་པོའི་ཚེགས།། ལམ་འདི ་ཤེས་པར་བྱ་བ་ལས། ། བཙལ་བར་བྱ་བའི་རྒྱུ་མེད་དེ།། ལམ་འདི་ཤེས་པ་དེ་ཉིད་ཀྱིས།། དཀའ་བའི་བརྩོན་སྒྲུབ་མ་བྱས་པར།། ཐམས་ཅད་ཐམས་ཅད་གྲུབ་པར་འགྱུར།། འདུས་པ་ཆེན་པོའི་ཚོགས་དེ་བས་ནི། སེམས་འདི་ནི་ལམ ་ཞེས་བྱལོ་འཁོར་བ་ཞེས་བྱའོ། ། སེམས་ཅན་ཞེས་བྱའོ།། གྲུ་ཞེས་བྱའོ།། བགྲོད་པ་ཞེས་བྱའོ།། བྱང་ཆུབ་ཅེས་བྱའོ།། སེམས་ཞེས་བྱའོ།། ཤེས་རབ་ཅེས་བྱའོ།། ཏིང་ངེ་འཛིན་ཅེས་བྱའོ།། གནས་ཤེས་བྱའོ།། རབ་ཅེས་བྱའོ།། མཆོག་ཅེས་བྱའོ།། ་ཕུལ་ཞེས་བྱའོ།། བླ་ན་མེད་པ་ཞེས་བྱའོ།། ཟབ་པ་ཞེས་བྱའོ།། གསང་བ་ཞེས་བྱའོ།། གཏིང་དཔག་དཀའ་བ་ཞེས་བྱའོ།། ཆོས་ཞེས་བྱའོ།། བྱང་ཆུབ་སེམས་དཔའ་ཞེས་བྱའོ།། སངས་རྒྱས་ཤེས་བྱའོ།། དེ་ཅིའི་ཕྱིར་ཞེ་ན། འཇུག་པའི་ཕྱིར་ནི ་ལམ་མོ། ། འཁྲུལ་པའི་ཕྱིར་ནི་འཁོར་བའོ།། མ་ཤེས་པའི་ཕྱིར་ནི་སེམས་ཅན་ནོ།། སྒྲོལ་བའི་ཕྱིར་ནི་གྲུའོ།། བསྐྱོད་པའི་ཕྱིར་ནི་དགྲོད་པའོ།། བདེ་བའི་ཕྱིར་ནི་བྱང་ཆུབ་པོ།། དྲན་པ་ངེས་པའི་ཕྱིར་ནི་སེམས་སོ།། མཁས ་པའི་ཕྱིར་ནི་ཤེས་རབ་པོ། ། གསལ་བའི་ཕྱིར་ནི་ཏིང་ངེ་འཛིན་ཏོ།། བྱིན་པའི་ཕྱིར་ནི་གནས་སོ།། ཟླ་མེད་པའི་ཕྱིར་ནི་རབ་པོ།། ངོ་མཚར་བའི་ཕྱིར་ནི་མཆོག་གོ།། འཕགས་པའི་ཕྱིར་ནི་ཕུལ་ལོ།། དབང་བྱེད་པ་མེད་པའི་ཕྱིར་ནི་བླ་ན་མེད་པའོ།། ་གཏིང་རིང་བའི་ཕྱིར་ནི་ཟབ་པའོ།། གབ་པའི་ཕྱིར་ནི་གསང་བའོ།། ཕྲ་བའི་ཕྱིར་ནི་གཏིང་དཔག་དཀའ་བའོ།། ཀུན་འབྱུང་བའི་ཕྱིར་ནི་ཆོས་སོ།། ས་ནོན་པའི་ཕྱིར་ནི་བྱང་ཆུབ་སེམས་དཔའོ།། མཐར་བྱིན་པའི་ཕྱིར་ནི་སངས་རྒྱས་ཏེ། སེམྲ། ་དཔའ་ཆེན་པོ་དེའི་ཕྱིར་ན་རྣལ་འབྱོར་གྱི་ལམ་འདི་ཤེས་པར་བྱ་སྟེ། ལམ་འདི་ནི་ཆོས་ཐམས་ཅད་ཀྱི་གཞིའོ།། སངས་རྒྱས་ཐམས་ཅད་ཀྱི་ཡུམ་མོ།། དེ་ཅིའི་ཕྱིར་ཞེ་ན། ཆོས་ཐམས་ཅད་འདི་ལས་འབྱུང་བའི་ཕྱིར་ན་བཞིའོ།། མཐར ་བྱིན་པའི་སངས་རྒྱས་ཀྱི་ལམ་འདི་ནས་གཤེགས་པར་གྱུར་ཏོ། ། དེ་ལྟར་སྟོང་པ་ཉིད་ཀྱང་ལམ་འདི་ནས་གཤེགས་པ་སྟེ། དེའི་ཕྱིར་ལམ་འདི་ཤེས་པར་བྱའོ།། དེ་ལྟར་ན་དེའི་ཕྱིར་ལམ་འདི་ནི་དེ་བཞིན་གཤེགས་པ་ཐམ་ཅད ་ཀྱི་ཡབ་ཅེས་ཀྱང་བྱའོ། ། དེ་བཞིན་དུ་ཡུམ་ཞེས་ཀྱང་བྱ་བ་དང་། སྲས་ཞེས་བྱ་བ་དང་བདག་པོ་ཞེས་བྱ་བ་དང་། གདུང་ཞེས་བྱ་བ་དང་སྲོག་ཅེས་བྱ་བ་དང་། ནོར་ཞེས་བྱ་བ་དང་། བྲན་ཞེས་བྱ་བ་དང་། སྐུ་ཞེས་བྱ་བ་དང་། གསུང་ཞེས ་བྱ་བ་དང་ཐུགས་ཞེས་བྱ་བ་དང་། ཡོན་ཏན་ཞེས་བྱ་བ་དང་། ཕྲིན་ལས་ཆེན་པོ་ཞེས་བྱ་བའོ།། དེ་ཅིའི་ཕྱིར་ཞེ་ན། ཐབས་ཆེན་པོ་དང་ཤེས་རབ་ཆེན་པོ་དང་། བྱང་ཆུབ་ཆེན་པོ་དང་། དབང་ཆེན་པོ་དང་། དེ་བཞིན་ཉིད་དང་། འདའ་བར་དཀའ་བ་དང་། ཆོས་ཉིད ་ལ་ཟད་མི་ཤེས་པ་དང་། སྙིང་རྗེ་ཆེན་པོ་དང་། རྣམ་པར་བརྗིད་པ་དང་། སྣ་ཚོགས་སུ་སྟོན་པ་དང་། ཐམས་ཅད་དུ་མཁྱེན་པ་དང་། ཅིར་ཡང་འབྱུང་བ་དང་། མཛད་པ་སྣ་ཚོགས་པའི་ཕྱིར་དེ་དག་ནི་དེ་ལྟར་ཡིན་པར་ཤེས་པར་བྱའོ།། དེའི་ཕྱིར་ཡང་།། ་ལམ་འདི་ཡོངས་སུ་ཤེས་པར་བྱའོ།། དེ་བཞིན་དུ་འདོད་པ་ཆེན་པོ་ཞེས་ཀྱང་བྱའོ།། ཚོ་བ་ཆེན་པོ་ཞེས་བྱ་བ་དང་། ལོངས་སྤྱོད་ཆེན་པོ་ཞེས་བྱ་བ་དང་། ཡོ་བྱད་ཆེན་པོ་ཞེས་བྱ་བ་དང་། རྒྱུ་ཞེས་བྱ་བ་དང་། རྐྱེན་ཞེས་བྱ་བ་དང་། འབྲས་བུའི ་བྱ་བ་དང་སྤྱོད་པ་ཞེས་བྱ་བ་དང་། ཆོ་འཕྲུལ་ཞེས་བྱ་བ་དང་། ཕྱག་རྒྱ་ཞེས་བྱ་བ་དང་། བསྙེན་པ་ཞེས་བྱ་བ་དང་། ཉེ་བའི་བསྙེན་པ་ཞེས་བྱ་བ་དང་། བསྒྲུབ་པ་ཞེས་བྱ་བ་དང་། བསྒྲུབ་པ་ཆེན་པོ་ཞེས་བྱ་བ་དང་། ཚོགས་ཆེན་པོ་ཞེས་བྱ་བ་དང་། ་ཀུན་དུ་རྫོགས་པ་ཞེས་བྱའོ།། དེ་ཅིའི་ཕྱིར་ཞེ་ན། ཡུལ་ལ་འདོད་པ་སྣ་ཚོགས་པ་དང་། དམིགས་པས་འཚོ་བ་དང་། འཇོལ་ཏོག་ཏུ་སྤྱོད་པ་དང་། དགོས་པ་སྒྲུབ་པ་དང་། འབྲས་བུར་བྱེད་པ་དང་། ཀུན་དུ་ལོག་པ་དང་། དོན་གྲུབ་པ་དང་། ་སྨིན་པར་བསགས་པ་དང་། རང་བཞིན་དུ་གྱུར་པ་དང་། བྱ་བ་བྱེད་པ་དང་། སྣ་ཚོགས་སུ་འབྱུང་བ་དང་། མཚན་མར་བསྟན་པ་དང་། རྣམ་པར་འདུད་པ་དང་། ཤིན་དུ་མཛད་པ་དང་། འདོད་པ་བྱེད་པ་དང་། ལྷག་པར་འདོད་པ་དང་། ཀུན་དུ་འབྱོར ་བ་དང་། ལྷུན་གྱིས་གྲུབ་པའི་ཕྱིར་ཡོངས་སུ་ཤེས་པར་བྱའོ།། གཞན་ཡང་འདུས་པ་ཆེན་པོའི་ཚོགས་འདི་ལ་ནི་ཐམས་ཅད་ཡོད་དེ། ཆོས་ཐམས་ཅད་ནི་རྣལ་འབྱོར་རྣམ་པ་གསུམ་དུ་འདུས་པར་ཤི་བར་བྱའོ།། གསུམ་གང་ཞེ་ན། ་ཆུའི་རྣལ་འབྱོར་དང་། རྐྱེན་ཀྱི་རྣལ་འབྱོར་དང་། འབྲས་བུའི་རྣལ་འབྱོར་རྣམ་པ་གསུམ་ཡང་འདི་ཉིད་ཡིན། ཞིང་འདི་ལས་འབྱུང་བར་ཤེས་པར་བྱ་ཏེ། དེ་ཡང་ཇི་ལྟར་ཞེ་ན། རྒྱུ་ནི་འཁྲུལ་པ་གཅིག་ཤེས་ཏེ་ཆུབ་པར་འདོད་པས ་ཀྱང་ལམ་འདི་ཉིད་ཤེས་པར་བྱའོ། ། དེ་བཞིན་དུ་མཚན་མ་གཉིས་དང་། རྟོགས་པ་གསུམ་དང་། ལོག་པ་བཞི་དང་། ཉོན་མོངས་པ་ལྔ་དང་། ཕུང་པོ་ལྔ་དང་། དབང་པོ་ལྔ་དང་། རྒྱུ་དྲུག་དང་། རྐྱེན་བཅུ་གཉིས་དང་། སྐྱེ་བ་བཅུ་གཉིས ་དང་རང་བཞིན་བཅཝ་བརྒྱད་དང་། སྤྱོད་པ་བཅུ་གཅིག་དང་། སྨིན་པ་བཞི་དང་ལམ་ལྔ་དང་། གནས་དྲུག་དང་། མུ་གསུམ་ཤེས་ཏེ་ཆུབ་པར་འདོད་པས་ཀྱང་ལམ་འདི་ཉིད་ཤེས་པར་བྱའོ།། དེ་ཅིའི་ཕྱིར་ཞེ་ན། འདོད་པའི་འབྲས་བུའི། ་གཞིར་གྱུར་པའི་ཕྱིར་ཏེ། ལམ་དེ་ཉིད་མ་རིག་པའི་ཕྱིར་འཁྲུལ་པ་ཞེས་བྱའོ།། ཡུལ་དང་གཉིས་སུ་གྱུར་པའི་ཕྱིར་ན་མཚན་མ་ཞེས་བྱའོ།། དུས་གསུམ་དངོས་པོར་རྟོགས་པའི་ཕྱིར་རྟོག་པ་ཞེས་བྱའོ།། ངེས་པ་ལས ་ལོག་པའི་ཕྱིར་དོན་ལས་གོལ་བ་དང་མཉམ་པ་ལས་གོལ་བ་དང་། ཕྱོགས་ལས་གོལ་བ་དང་གཞི་ལས་གོལ་བའི་ཕྱིར་ལོག་པ་ཞེས་བྱའོ།། རྒྱུ་འབྲས་ཀུན་ནས་ཉོན་མོངས་པའི་ཕྱིར་མུན་པས་འཐིབས་པ་དང་། སྲེད་པས་གདུངས ་བ་དང་། སྡོང་པོས་ནོན་པ་དང་། མི་ཕྱེད་པས་འཐས་པ་དང་། ཀུན་ནས་འཁྲུགས་པའི་ཕྱིར་ཉོན་མོངས་པ་ཞེས་བྱའོ།། ཀུན་ནས་འདུས་པའི་ཕྱིར་རྒྱུ་འདུས་པ་དང་། རྐྱེན་དུ་ཚོར་བ་དང་། མཚན་མར་ཤེས་པ་དང་། ཐམས་ཅད་ནས་བྱེད ་པ་དང་། རྣམ་པར་རིག་པའི་ཕྱིར་ཕུང་པོ་ཞེས་བྱའོ།། སྒོར་གསལ་ཞིང་ཡུལ་ལ་དབང་བྱེད་པའི་ཕྱིར་མཐོང་བར་དབང་བ་དང་། ཐོས་པ་དབང་བ་དང་། ཚོར་བར་དབང་བ་དང་། མྱོང་བར་དབང་བ་དང་། རིག་པར་དབང་བའི་ཕྱིར་དབང ་པོ་ཞེས་བྱའོ། ། འབྲས་བུར་བྱེད་པའི་ཕྱིར་འཛིན་པར་དབང་བ་དང་། མཉེན་པར་བྱེད་པ་དང་། ཆགས་པར་བྱེད་པ་དང་། གཡོ་བར་འབུད་པ་དང་། སྐྱེད་པར་གསལ་བ་དང་། དུས་སུ་རེད་པའི་ཕྱིར་རྒྱུ་ཞེས་བྱའོ།། རྐྱེན་དུ་འབྲེས་པའི ་ཕྱིར་ས་བོན་དང་རྩ་བ་དང་། མྱུ་གུ་དང་ལྡུམ་བུ་དང་། ཡལ་ག་དང་སྡོང་པོ་དང་། འདབ་མ་དང་མེ་ཏོག་དང་། འབྲས་བུ་དང་སྙིང་པོ་དང་། སྐམས་པའི་ཕྱིར་རྐྱེན་ཞེས་བྱའོ།། མཚན་མ་སྐྱེ་བའི་ཕྱིར་མཐོང་བ་སྐྱེ་བ་དང་། སྣང་བ་དང་།། ་ཐོས་པ་དང་སྒྲ་བརྙན་དང་། ཚོར་བ་དང་དྲི་དང་། མྱོང་བ་དང་། རོ་དང་རེག་པ་དང་། ཤེས་པ་དང་། ཆོས་སྐྱེ་བའི་ཕྱིར་སྐྱེ་བ་ཞེས་བྱའོ།། མཚན་མའི་ཆོས་ཉིད་ཅན་གྱི་ཕྱིར། མཐོང་བའི་ཆོས་ཉིད་དང་། སྣང་བའི་ཆོས་དང་། ལྷང་ངེ་བའི ་ཆོས་དང་། ཐོས་པའི་ཆོས་དང་། གྲགས་པའི་ཆོས་དང་། གསལ་བའི་ཆོས་དང་། ཚོར་བའི་ཆོས་དང་། དྲིའི་ཆོས་དང་། ཚིམ་པའི་ཆོས་དང་། མྱོང་བའི་ཆོས་དང་རོའི་ཆོས་དང་། བྲོ་བའི་ཆོས་དང་རེག་པའི་ཆོས་དང་། རེག་བྱའི་ཆོས་དང་། ་ངེས་པའི་ཆོས་དང་ཤེས་པའི་ཆོས་དང་། ཆོས་ཀྱི་ཆོས་དང་། རྟོགས་པའི་ཆོས་ཉིད་འཛིན་པའི་ཕྱིར་ཆོས་ཉིད་ཅེས་བྱའོ།། མཚན་མར་སྤྱོད་པའི་ཕྱིར་འདུ་ཤེས་གྱུར་པའི་སྤྱོད་པ་དང་། དབང་དུ་སྤྱོད་པའི་སྤྱོད་པ་དང་། རྣམ་པར་གཡོ་བའི ་སྤྱོད་པ་དང་། སྒྲོས་སུ་འདོགས་པའི་སྤྱོད་པ་དང་། ཟླ་ལས་གལ་བའི་སྤྱོད་པ་དང་། ཀུན་དུ་འཚིག་པའི་སྤྱོད་པ་དང་། བླ་བཀྱལ་འཚལ་བའི་སྤྱོད་པ་དང་། ཆགས་པ་འཛིན་པའི་སྤྱོད་པ་དང་། ཀུན་དུ་བདུད་ཀྱི་སྤྱོད་པ་དང་། ཕྱིན་ཅི་ལོག ་པའི་སྤྱོད་པ་དང་། གཉིས་ལ་བརྟེན་པར་སྤྱོད་པའི་ཕྱིར་སྤྱོད་པ་ཞེས་བྱའོ།། འབྲས་བུར་སྨིན་པའི་ཕྱིར་རྫོགས་པར་སྨིན་པ་དང་། རིམ་པར་སྨིན་པ་དང་། གློ་བུར་དུ་སྨིན་པ་དང་། སྦྱར་ཏེ་སྨིན་པའི་ཕྱིར་སྨིན་པ་ཞེས་བྱའོ།། འགྲོད་པར་བྱེད། ་བའི་ཕྱིར་གདུང་བའི་ལམ་དང་། འགོག་པའི་ལམ་དང་། མུན་པའི་ལམ་དང་འདམ་གྱི་ལམ་དང་། ཡང་བའི་ཕྱིར་ལམ་ཞེས་བྱའོ།། བརྟེན་པར་བྱེད་པའི་ཕྱིར་བཟོད་ལྡན་གྱི་གནས་དང་། ཡིད་ལྡན་གྱི་གནས་དང་། མཉམ་ལྡན་གྱི ་གནས་དང་། འདོད་ལྡན་གྱི་གནས་དང་། རྩོད་ལྡན་གྱི་གནས་དང་། དགའ་ལྡན་ལ་གནས་པའི་ཕྱིར་གནས་ཤེས་བྱའོ།། བདེ་བའི་མུ་ལ་བཟུང་བའི་ཕྱིར་ངོ་བོ་ཉིད་ཀྱི་མུ་དང་། བྱེད་པ་དང་དབང་ཕྱུག་གི་མུ་བཟུང་བའི་ཕྱིར་མུ་ཞེས་བྱའོ།། ་འདུས་པ་ཆེན་པོའི་ཚོགས་རྐྱེན་ཀྱི་རྣལ་འབྱོར་ནི་འདི་ལྟ་སྟེ། ཤེས་པ་གཅིག་ཤེས་ཏེ་ཆུབ་པར་འདོད་པས་ཀྱང་ལམ་འདི་ཤེས་པར་བྱའོ།། དེ་བཞིན་དུ་དོན་གཉིས་དང་ཚུལ་གསུམ་དང་། ཐབས་བཞི་དང་ཆོས་ལྔ་དང་། རིགས་དྲུག ་དང་། ། མཛད་པ་ཆེན་པོ་བཅུ་གཉིས་དང་། ཚེ་འཕྲུལ་ཆེན་པོ་བཅུ་གཉིས་དང་། ཡེ་ཤེས་བཅཝ་བརྒྱད་དང་། སའི་ཁྱད་པར་བཅུ་གཅིག་དང་། སྐུ་བཞི་དང་། ལམ་ལྔ་དང་། འབྲས་བུ་ཆེན་པོ་དྲུག་དང་། བྱང་ཆུབ་ཆེན་པོ་གཅིག་ཤེས་ཏེ་ཆུ་བར ་པར་འདོད་པས་ཀྱང་ལམ་འདི་ཉིད་ཤེས་པར་བྱའོ། ། དེ་ཅིའི་ཕྱིར་ཞེ་ན། རང་རྐྱེན་ཙམ་དུ་སྤྱོད་ཅིང་འབྲས་བུའི་རྐྱེན་དུ་གྱུར་པའི་ཕྱིར་ཏེ། ལམ་དེ་ཉིད་མ་ནོར་བར་ཤེས་པའི་ཕྱིར་ཏེ། ཤེས་པ་གཅིག་ཤེས་བྱའོ།། བདེན་པ་གཉིས་སུ་སྣང ་བའི་ཕྱིར་དོན་གཉིས་པ་ཞེས་བྱའོ། ། མཚན་ཉིད་གསུམ་གྱིས་སྦྱོར་བའི་ཕྱིར་ཀུན་བརྟགས་འཐུན་པ་ལ་ཡོད་པའི་ཚུལ་དང་། གཞན་དབང་མི་འཐུན་པ་ལ་མེད་པའི་ཚུལ་དང་། རྗེས་སུ་དཔག་པ་གཉི་ག་མ་ཡིན་པའི་ཕྱིར། ་ཚུལ་ཞེས་བྱའོ།། མཁས་པས་ཟིན་པའི་ཕྱིར་ཁད་ཀྱིས་འཇུག་པའི་ཐབས་དང་རྐྱེན་ལ་སྦྱོར་བའི་ཐབས་དང་། མངོན་པར་འཇུག་པའི་ཐབས་དང་། ཐམས་ཅད་རྫོགས་པའི་ཕྱིར་ཐབས་ཤེས་བྱའོ།། རང་བཞིན་ལ་གནས་པའི་རྒྱུའི་ཆོས ་དང་། ལམ་གྱི་ཆོས་དང་། རྟོགས་པའི་ཆོས་དང་། འབྲས་བུའི་ཆོས་ལ་གནས་པའི་ཕྱིར་ཆོས་ཞེས་བྱའོ།། བྱིས་འབྱུང་བར་ཤེས་པའི་ཕྱིར་རྒྱུའི་དྲན་པ་དང་། འབྲས་བུའི་དྲན་པ་དང་སྒྲའི་དྲན་པ་དང་། སྦྱོར་བའི་དྲན་པ་དང་། གནས་ཀྱི་དྲན་པ ་དང་མངོན་སུམ་པའི་དྲན་པ་དང་། རིག་པའི་ཕྱིར་རིག་པ་དྲུག་ཅེས་བྱའོ།། གཞན་གྱི་དོན་དུ་མཛད་ཅིང་འགྲོ་བའི་དོན་ལ་འཇུག་པའི་ཕྱིར་ངོ་བོའི་ཚུལ་དང་། བལྟམ་པའི་ཚུལ་དང་། རོལ་པའི་ཚུལ་དང་། མདའ་དབང་ཆེན་པོའི་ཚུལ་དབཟ ་བར་གྱུར་པའི་ཚུལ་དང་། དཀའ་ཐུབ་ཆེན་པོའི་ཚུལ་དང་། སངས་རྒྱས་པ་དང་། བདུད་བཏུལ་བ་དང་། འཁོར་ལོ་བསྐོར་བ་དང་། བདུད་བཏུལ་བའི་ཚུལ་དང་། ཆོ་འཕྲུལ་སྟོན་པའི་ཚུལ་དང་། མྱ་ངན་ལས་འདས་པའི་ཚུལ་གྱི་ཕྱིར་མཛ ་པ་ཆེན་པོ་ཞེས་བྱའོ། ། སྣ་ཚོགས་སུ་འཕྲུལ་པའི་ཕྱིར་ཏིང་ངེ་འཛིན་གྱི་ཆོ་འཕྲུལ་དང་། སྣང་བའི་ཆོ་འཕྲུལ་དང་། རྫུ་འཕྲུལ་གྱི་ཆོ་འཕྲུལ་དང་། ཀུན་རྗོད་པའི་ཆོ་འཕྲུལ་དང་། རྗེས་སུ་བསྟན་པའི་ཆོ་འཕྲུལ་དང་། བསམ་གཏན་གྱི་ཚེ་འཕྲུལ ་དང་བྱིན་རླབས་ཀྱི་ཆོ་འཕྲུལ་དང་། སྐྱེ་བའི་ཚེ་འཕྲུལ་དང་། སྟོབས་ཀྱི་ཆོ་འཕྲུལ་དང་། ཡོན་ཏན་གྱི་ཆོ་འཕྲུལ་དང་། འབྲས་བུའི་ཚེ་འཕྲུལ་དང་། དེ་ཕྱིར་ཆོ་འཕྲུལ་ཞེས་བྱའོ།། ཕྱི་ནང་གི་ཆོས་ཐམས་ཅད་ཤེས་པའི་ཕྱིར་ནང་གི་ཆོས ་ན་ཤེས་པ་དང་ཕྱིའི་ཆོས་ཐམས་ཅད་ཤེས་པའི་ཡེ་ཤེས་དང་། ཕྱི་ནང་གི་ཆོས་ཐམས་ཅད་ཤེས་པའི་ཡེ་ཤེས་དང་། སྟོང་པའི་ཆོས་ཐམས་ཅད་ཤེས་པའི་ཡེ་ཤེས་དང་། དོན་དམ་པའི་ཆོས་ཉིད་ཤེས་པའི་ཡེ་ཤེས་དང་། འདུས ་བྱས་ཀྱི་ཆོས་ཐམས་ཅད་ཤེས་པའི་ཡེ་ཤེས་དང་། མཐའ་མི་དམིགས་པའི་ཆོས་ཐམས་ཅད་ཤེས་པའི་ཡེ་ཤེས་དང་། དུས་གསུམ་གྱི་ཆོས་ཐམས་ཅད་ཤེས་པའི་ཡེ་ཤེས་དང་། བླང་དོང་མི་དམིགས་པའི་ཆོས་ཐམས་ཅད་ཤེས ་པའི་ཡེ་ཤེས་དང་། རང་བཞིན་གྱི་ཆོས་ཐམས་ཅད་ཤེས་པའི་ཡེ་ཤེས་དང་། ཆོས་ཅན་གྱི་ཆོས་ཐམས་ཅད་ཤེས་པའི་ཡེ་ཤེས་དང་། མཚན་ཉིད་འཛིན་པའི་ཆོས་ཐམས་ཅད་ཤེས་པའི་ཡེ་ཤེས་དང་། དམིགས་པ་མེད་པའི་ཆོས ་ཐམས་ཅད་ཤེས་པའི་ཡེ་ཤེས་དང་། མཚན་མར་མི་རྟོག་པའི་ཆོས་ཐམས་ཅད་ཤེས་པའི་ཡེ་ཤེས་དང་། ངོ་བོ་ཉིད་ཀྱི་ཆོས་ཐམས་ཅད་ཤེས་པའི་ཡེ་ཤེས་དང་། དངོས་པོ་མི་དམིགས་པའི་ཆོས་ཐམས་ཅད་ཤེས་པའི་ཡེ་ཤེས་དང ་བརྟེན་ཏེ་གནས་པའི་ཕྱིར་མི་གོས་པའི་རིག་པ་དང་། མི་ཉམས་པར་རིག་པ་དང་། མི་སྒྲིབ་པར་རིག་པ་དང་། རྫོགས་པར་རིག་པ་དང་། མི་གཡོས་པར་རིག་པ་དང་། མཉམ་པ་ཉིད་དུ་རིག་པ་དང་། གཉིས་སུ་མེད་པར་རིག་པ་དང་། ་ཡོངས་སུ་དག་པར་རིག་པ་དང་། ཀུན་དུ་ལེགས་པར་རིག་པ་དང་། དེ་མ་ཐག་པར་རིག་པ་དང་། རྫོགས་པར་ཆུབ་པའི་རིག་པ་ལ་བརྟེན་པའི་ཕྱིར་ས་ཞེས་བྱའོ།། ཀུན་དུ་བརྗོད་ཅིང་ངོ་བོ་ཉིད་དུ་གནས་པའི་ཕྱིར་ངོ་བོ་ཉིད་དང་ཆོས ་ཉིད་དང་། རྫོགས་ལོངས་སྤྱོད་པ་དང་། འདྲེན་པར་སྤྲུལ་པའི་ཕྱིར་སྐུ་ཞེས་བྱའོ།། བགྲོད་ཅིང་འཇུག་པའི་ཕྱིར་ཚོགས་དང་། སྦྱོར་བ་དང་། མཐོང་བ་དང་། བསྒོམ་པ་དང་། མཐའ་ཟད་དུ་ཕྱིན་པའི་ཕྱིར་ལམ་ཞེས་བྱའོ།། རྒྱུ་ལ ་དོན་ཡོད་པའི་ཕྱིར་གཅིག་ཏུ་རྫོགས་པ་དང་། ཐམས་ཅད་དུ་མཁྱེན་པ་དང་། ཡོངས་སུ་ཁྱབ་པ་དང་། ཚོགས་སུ་འབྱུང་བ་དང་། ཀུན་དུ་དབང་བ་དང་། དགོས་པ་ཚད་པའི་ཕྱིར་འབྲས་བུ་ཞེས་བྱའོ།། མངོན་པར་རྫོགས་པི། ་ཕྱིར་བྱང་ཆུབ་ཆེན་པོ་ཞེས་བྱའོ།། འདུས་པ་ཆེན་པོའི་ཚོགས་འབྲས་བུའི་རྣལ་འབྱོར་ནི་འདི་ལྟ་སྟེ། མ་ནོར་བ་གཅིག་ཤེས་ཏེ་ཆུབ་པར་འདོད་པས་ཀྱང་ལམ་འདི་ཤེས་པར་བྱའོ།། དེ་བཞིན་དུ་ངེས་པ་གཉིས་དང་། ཡོན་ཏན ་གསུམ་དང་། དགོངས་པ་བཞི་དང་། ཆེན་པོ་ལྔ་དང་། ཚོགས་པ་དྲུག་དང་། འབྲུང་ཚུལ་བཅུ་གཉིས་དང་། ཏིང་ངེ་འཛིན་བཅུ་གཉིས་དང་། ཡེ་ཤེས་ཆེན་པོ་བཅཝ་བརྒྱད་དང་། རྣལ་འབྱོར་ཆེན་པོ་བཅུ་གཅིག་དང་། སྒྲུབ་པ། ་ཆེན་པོ་བཞི་དང་། སྦྱོར་བ་ལྔ་དང་། དངོས་གྲུབ་ཆེན་པོ་དྲུག་དང་། རྫོགས་པ་ཆེན་པོ་གཅིག་ཤས་ཏེ་ཆུབ་པར་འདོད་པས་ཀྱང་ལམ་འདི་ཤེས་པར་བྱའོ།། དེ་ཅིའི་ཕྱིར་ཞེ་ན། རྒྱུ་ཉིད་འབྲས་བུར་གྲུབ་པའི་ཕྱིར་གཏན་ལ་ཕེབས་པས ་མ་ནོར་བ་ཞེས་བྱའོ། ། ཐེ་ཙོམ་མི་ཟ་བའི་ཕྱིར་ཐབས་ཀྱིས་ངེས་པ་དང་། ཤེས་རབ་ཀྱིས་ངེས་པས་ངེས་པ་ཞེས་བྱའོ།། འདོད་པ་འབྱུང་བའི་ཕྱིར་ཡང་ཡོངས་སུ་ཁྱབ་པ་དང་། རླབས་སུ་ཆེ་བའི་ཡོན་ཏན་དང་རྩིས་ལས་འདས་པའི་ཕྱིར་ཡོན ་ཏན་ཞེས་བྱའོ། ། ཐབས་ཀྱིས་ལྡེམ་པོར་དགོངས་པའི་ཕྱིར་མཉམ་པ་ཉིད་ལ་དགོངས་པ་དང་། མཚན་ཉིད་ཀྱི་ཕྱིར་དུས་གཞན་ལ་དགོངས་པ་དང་། གཉེན་པོའི་ཕྱིར་གྲངས་གཞན་ལ་དགོངས་པ་དང་། སྦྱར་བའི་ཕྱིར་དོན་གཞན ་ལ་དགོངས་པས་ན་དགོངས་པ་ཞེས་བྱའོ། ། ལྷག་པར་འཕགས་པའི་ཕྱིར་མངོན་པ་དང་། བདག་ཉིད་ཆེན་པོ་དང་། དེ་ཡིན་པ་དང་། ཐམས་ཅད་དུ་ཆེ་བ་དང་། ཀུན་ཏུ་རྫོགས་པའི་ཕྱིར་ཆེན་པོ་ཞེས་བྱའོ།། ཀུན་ནས་ཚངས་པའི་ཕྱིར ་མཉམ་པ་ཆེན་པོ་དང་། འབྱོར་པ་ཆེན་པོ་དང་། འདུས་པ་ཆེན་པོ་དང་། རིག་པ་ཆེན་པོ་དང་། དབང་ཆེན་པོ་དང་། འདྲེས་པ་ཆེན་པོའི་ཕྱིར་ཚོགས་ཤེས་བྱའོ།། གཞན་གྱི་དོན་དུ་འབྱུང་ཞིང་འགྲོ་བའི་ཚུལ་དང་མཐུན་པའི་ཕྱིར་གནས། ་སུ་བསྐྱོད་པ་དང་། མཉམ་པར་གྱུར་པ་དང་། མཛེས་པར་གཤེགས་པ་དང་། སྤྲོ་བར་སྤྱོད་པ་དང་། གསང་པར་སྦྱོར་བ་དང་། མཚན་མ་བཅོམ་པ་དང་། མཛད་པ་མེད་པ་དང་། སེང་གེའི་གསུང་སྒྲ་དང་། ངེས་པར་རྫོགས་པ་དང་། ་ཆམ་ངོམ་ཆེན་པོ་སྤྲུལ་པ་མཛད་པ་དང་། ཡོངས་སུ་དག་པའི་ཕྱིར་འབྱུང་ཚུལ་ཆེན་པོ་ཞེས་བྱའོ།། གསལི་ཞིང་མི་གཏོད་པའི་ཕྱིར་སེམས་ཀྱི་སྤྱོད་པ་སྟེ། རྣམ་དག་དབྱིངས་ཀྱི་ཏིང་ངེ་འཛིན་དང་། སྣང་གསལ་ཡེལ་འབྱོ ་ཏིང་ངེ་འཛིན་དང་། མི་ཟད་མཛོད་ཀྱི་ཏིང་ངེ་འཛིན་དང་། མངོན་པར་རྟོགས་པའི་ཏིང་ངེ་འཛིན་དང་། ཐམས་ཅད་རྫོགས་པའི་ཏིང་ངེ་འཛིན་དང་། འབྱུང་ཆེན་སྤྲུལ་པའི་ཏིང་འཛིན་དང་། དབང་སྒྱུར་ཐབས་ཀྱི་ཏི་ངེ་འཛིན་དང་། རྩེ་ཅིག ་འབྲོས་པའི་ཏིང་ངེ་འཛིན་དང་། ཚོགས་ཆེན་རྫོགས་པའི་ཏིང་ངེ་འཛིན་དང་། རིན་ཆེན་མྱུ་གུའི་ཏིང་ངེ་འཛིན་དང་། དུག་འཇོམས་སྨན་གྱི་ཏིང་ངེ་འཛིན་དང་། བྱ་བ་བྱེད་པའི་ཏིང་ངེ་འཛིན་གྱི་ཕྱིར་ཏིང་ངེ་འཛིན་ཅེས་བྱའོ།། སྟོང་པ་ཉིད་ཀྱི་ཡེ ་ཤེས་དང་། རྒྱུའི་ཡེ་ཤེས་དང་། ཐམས་ཅད་འབྱུང་བའི་ཡེ་ཤེས་དང་། ཡི་གེའི་ཡེ་ཤེས་དང་། ཕྱག་རྒྱའི་ཡེ་ཤེས་དང་། སྤྲུལ་པའི་ཡེ་ཤེས་དང་། ཅིར་ཡང་མཛད་པའི་ཡེ་ཤེས་དང་། མེ་ལོང་ལྟ་བུའི་ཡེ་ཤེས་དང་། ནམ་མཁའ་ལྟ་བུའི་ཡེ་ཤེ ་དང་། སྒྱུ་མ་ལྟ་བུའི་ཡེ་ཤེས་དང་། རིན་པོ་ཆེ་ལྟ་བུའི་ཡེ་ཤེས་དང་། ཉི་མ་ལྟ་བུའི་ཡེ་ཤེས་དང་། སྣང་སྟོང་གསལ་བའི་ཡེ་ཤེས་དང་། མཉམ་པ་ཉིད་ཀྱི་ཡེ་ཤེས་དང་། སོ་སོར་རྟོགས་པའི་ཡེ་ཤེས་དང་། བྱ་བ་ནན་ཏན་གྱི་ཡེ་ཤེས་དང་། ཆོས་ཀྱི ་དབྱིངས་ཀྱི་ཡེ་ཤེས་སུ་གསལ་བའི་ཕྱིར་ཡེ་ཤེས་ཆེན་པོ་ཞེས་བྱའོ། ། འདུན་པ་སེམས་དཔའི་རྣལ་འབྱོར་དང་། བཀའ་སྡོད་ལས་ཀྱི་རྣལ་འབྱོར་དང་། རིགས་ཆེན་འབྱེད་པའི་རྣལ་འབྱོར་དང་། རྟགས་ཀྱི་རྣལ་འབྱོར་དང་། གསང་སྒོ་ལུང་གི་རྣལ ་འབྱོར་དང་། སྤྱོད་པ་རྒྱུན་གྱི་རྣལ་འབྱོར་དང་། མཚན་མ་རྟགས་ཀྱི་རྣལ་འབྱོར་དང་། ལུང་ཆེན་ཐོབ་པའི་རྣལ་འབྱོར་དང་། རིག་པ་འཛིན་པའི་རྣལ་འབྱོར་དང་། རྩལ་ཆེན་སྤྱོད་པའི་རྣལ་འབྱོར་དང་། ཡོངས་སུ་རྫོགས་པའི་རྣལ་འབྱོར་དང་། ལྷུན་གྱིས ་གྲུབ་པའི་རྣལ་འབྱོར་དུ་གནས་པའི་ཕྱིར་རྣལ་འབྱོར་ཞེས་བྱའོ། ། མཉམ་པ་ཉིད་དུ་གྲུབ་པ་དང་། བདེ་བ་ཆེན་པོར་གྲུབ་པ་དང་། ཡོངས་སུ་རྫོགས་པར་གྲུབ་པ་དང་། ཐམས་ཅད་ལྷུན་གྱིས་གྲུབ་པའི་ཕྱིར་གྲུབ་པ་ཆེན་པོ་ཞེས་བྱའོ།། རྒྱུ་དང ་འབྲས་བུ་སྦྱོར་བ་དང་། ཐབས་དང་ཤེས་རབ་ཏུ་སྦྱོར་བ་དང་། དབྱིངས་དང་ཡེ་ཤེས་སུ་སྦྱོར་བ་དང་། སེམས་དང་ཆོས་སུ་སྦྱོར་བ་དང་། ལས་དང་ཐུགས་རྗེར་སྦྱོར་བས་སྦྱོར་བ་ཆེན་པོ་ཞེས་བྱའོ།། སྲིད་པ་རྒྱ་མཚོ་དབྱིངས་སུ་ཚིམ་པར་གྲུབ་པ ་དང་འཁོར་བ་རྒྱ་མཚོ་དག་གིར་གྲུབ་པར་གྱུར་པ་དང་། བདག་ཉིད་ཆེན་པོ་ལྷུན་གྱིས་གྲུབ་པར་གྱུར་པ་དང་། དམིགས་པ་གང་ཡིན་པ་དེ་བཞིན་གྲུབ་པར་གྱུར་པ་དང་། ཆོ་འཕྲུལ་རྫུ་འཕྲུལ་ཐོགས་པ་མེད་པར་གྲུབ་པ་དང་། དོན་དམ ་བཅུད་ཀྱིས་རྣམ་ཤེས་བྱས་པར་གྲུབ་པའི་ཕྱིར་དངོས་གྲུབ་ཆེན་པོ་ཞེས་བྱའོ། ། རྣམ་གྲངས་ཐམས་ཅད་བྱང་ཆུབ་ཀྱི་སེམས་བདེ་བ་ཆེན་པོར་རྫོགས་པར་གྲུབ་པའི་ཕྱིར་རྫོགས་པ་ཆེན་པོ་གཅིག་ཅེས་བྱའོ།། གཞན་ཡང་འདུས་པ་ཆེན ་པོའི་ཚོགས་སའི་ཁྱད་པར་ཆེན་པོ་བཅུ་གཅིག་ནོན་པར་འདོད་པས་ཀྱང་ལམ་འདི་ལ་བསླབ་པར་བྱ་སྟེ་གང་ཞེ་ན། འགྱུར་དབང་མ་ངེས་པའི་ས་དང་། བརྟེན་པ་བཞིའི་ས་དང་། གལ་ཆེན་སྦྱོར་བའི་ས་དང་། མི་ལྡོག་གནས་པའི་ས་དང་། བསླབ ་བརྒྱུན་གྱིས་དང་། ཆོ་འཕྲུལ་སྤྲུལ་པའི་ས་དང་། བསྟན་པས་ཁྱད་པར་དུ་འགྲོ་བའི་ས་དང་། དམིགས་པས་འབྲས་བུ་སྐྱེ་བའི་ས་དང་། གནས་པས་མི་འགྱུར་བའི་ས་དང་། བདལ་བ་ཆོས་ཉིད་ཀྱི་ས་དང་། རྫོགས་པ་སྤྱིར་ཆིབ་ཀྱིས་སྟེ། ་ས་འདི་དག་ནོན་པར་འདོད་པས་ཀྱང་ལམ་འདི་ལ་བསླབ་པར་བྱའོ།། གཞན་ཡང་འདུས་པ་ཆེན་པོའི་ཚོགས་འདི་ལྟ་སྟེ། རྣལ་འབྱོར་བསླབ་པའི་མཐའ་བཅུ་ཆིབ་པར་འདོད་པས་ཀྱང་ལམ་འདི་ལ་བསླབ་པར་བྱ་སྟེ། གང་ཞེ་ན་གཞི་དམ ་ཚིག་འདིས་བཟུང་བར་བསླབ་པ་དང་། རྒྱུད་ཐོས་པས་དགྲོལ་བར་བསླབ་པ་དང་། ཕུལ་དུ་མཁས་པར་དབྱུང་བར་བསླབ་པ་དང་། སྒོ་ཀུན་ནས་བསྡད་པར་བསླབ་པ་དང་། རིམ་པ་དབང་གིས་བགྲོད་པར་བསླབ་པ་དང་། ལ་སྤྱོད་པས་དོར། ་ཀར་བསླབ་པ་དང་། ཐག་ལྟ་བས་གཅད་པར་བསླབ་པ་དང་། ཉམས་སུ་ཏིང་ངེ་འཛིན་གྱིས་བླང་བར་བསླབ་པ་དང་། དོན་མན་ངག་གིས་བསྒྲུབ་པར་བསླབ་པ་དང་། མདོ་གཅིག་ཏུ་བསྡུ་བར་བསླབ་པའོ།། འདུས་པ་ཆེན་པོའི་ཚོགས་གཞན ་ཡང་འདི་ལྟ་སྟེ། ཡོན་ཏན་གྱི་ཆེ་བ་སྦོམ་པར་འདོད་པས་ཀྱང་ལམ་འདི་ལ་བསླབ་པར་བྱ་སྟེ། གང་ཞེ་ན། ཆེ་བ་ཉི་ཤུ་དང་། རོལ་པ་ཉི་ཤུ་དང་། ཆོ་འཕྲུལ་ཉི་ཤུ་དང་། རྔོམ་པ་ཉི་ཤུ་དང་། བརྗིད་པ་ཆེན་པོ་ཉི་ཤུ་དང་། ཏོག་ཆེན་པོའི་ནོར་བུའོ།། ་གཞན་ཡང་འདུས་པ་ཆེན་པོའི་ཚོགས་འདི་ལྟ་སྟེ། རྨད་དུ་བྱུང་བའི་མཐུ་ཆེན་པོ་ཉི་ཤུ་ཐོབ་པར་འདོད་པས་ཀྱང་ལམ་འདི་ལ་བསླབ་པར་བྱ་སྟེ། དེ་ཡང་གང་ཞེ་ན། འཇིག་རྟེན་ཆེན་པོ་དྲུག་འཕང་བར་འདོད་པ་དང་། ཆུའི་ཕུང་པོ་ཆེན ་པོ་བརྔུབས་ཏེ་བསྐམ་པར་འདོད་པ་དང་། རླུང་གི་བསྐལ་པ་བཅིང་བར་འདོད་པ་དང་། ཉི་མའི་དཀྱིལ་འཁོར་འབུམ་དགྱེ་བར་འདོད་པ་དང་། བསྲེགས་པའི་བསྐལ་པ་ཆེན་པོ་གསུམ་གཞིལ་བར་འདོད་པ་དང་། ནམ་མཁའ་ཐམས་ཅད ་པ་སྤུ་གཅིག་གིས་དགང་བར་འདོད་པ་དང་། པ་སྤུ་གཅིག་ལས་སངས་རྒྱས་བྱེ་བ་དགྱེ་བར་འདོད་པ་དང་། སངས་རྒྱས་བྱེ་བ་པ་སུ་གཅིག་གི་ནང་དུ་ཤོང་བར་འདོད་པ་དང་། འཁོར་བ་ཐམས་ཅད་པ་སྤུ་གཅིག་ཏུ་རྔུབ་པར་འདོད ་པ་དང་། པ་སྤུ་གཅིག་གིས་འཁོར་བ་ཐམས་ཅད་ལ་ཁྱབ་པར་འདོད་པ་དང་། བསྐལ་པའི་འཁོར་ལོ་ཆེན་པོ་རིང་དུ་བསྲུབ་པར་འདོད་པ་དང་། ཐུང་ངུ་བསྲུབ་པར་འདོད་པ་དང་། དུས་ཀྱི་འཁོར་ལོ་ཆེན་པོ་མཉམ་པར་བསྐོར་བར ་འདོད་པ་དང་། འཁྲུག་པར་བསྐོར་བར་འདོད་པ་དང་། ལས་ཀྱི་འཁོར་ལོ་ཆེན་པོ་རྒྱུན་དུ་བསྐོར་བར་འདོད་པ་དང་། རྒྱུན་གཅད་པར་འདོད་པ་དང་། སྲིད་པའི་འཁོར་ལོ་བཟློག་པར་འདོད་པ་དང་། ལུགས་སུ་བསྐོར་བར་འདོད་པ་དང་། ་སྡུག་བསྔལ་གྱི་འཁོར་ལོ་ཆེན་པོ་རྒྱུན་གཅད་པར་འདོད་པ་དང་། དམྱལ་བའི་འཁོར་ལོ་ཆེན་པོ་དོད་སྤྲུག་པར་འདོད་པས་ཀྱང་ལམ་འདི་ལ་བསླབ་པར་བྱའོ།། འདུས་པ་ཆེན་པོའི་ཚོགས་གཞན་ཡང་འདི་ལྟ་སྟེ། རྣལ་འབྱོར་རྟག ་བའི་རི་བོ་བརྒྱད་ཅུ་རྩ་གཅིག་གཞིལ་བར་འདོད་པས་ཀྱང་ལམ་འདི་ལ་བསླབ་པར་བྱ་སྟེ། དངོས་གཞིའི་རྟོག་པ་དགུ་དང་། མཚན་མའི་རྟོག་པ་དགུ་དང་། རྟགས་ཀྱི་རྟོག་པ་དགུ་དང་། རྐྱེན་གྱི་རྟོག་པ་དགུ་དང་། ལས་ཀྱི་རྟོག་པ ་དགུ་དང་། སྤྱོད་པའི་རྟོག་པ་དགུ་དང་། སྐྱོད་པའི་རྟོག་པ་དགུ་དང་། ཞེན་པའི་རྟོག་པ་དགུ་དང་། མངོན་པར་རྟོག་པ་དགུའོ།། འདུས་པ་ཆེན་པོའི་ཚོགས་གཞན་ཡང་འདི་ལྟ་སྟེ། ལྟུང་བའི་སྒོ་དགུ་ཤེས་པས་ཀྱང་ལམ་འདི་ལ་སླབ་པར ་བྱ་སྟེ། དེ་ཡང་གང་ཞེ་ན། བདུད་ཆེན་པོའི་རིས་སུ་ལྟུང་བའི་སྒོ་དང་། མུ་སྟེགས་ཀྱི་ཁམས་སུ་ལྟུང་བའི་སྒོ་དང་། སྲིན་པོའི་ཁམས་སུ་ལྟུང་བའི་སྒོ་དང་། གནོད་སྦྱིན་གྱི་རིས་སུ་ལྷུང་བའི་སྒོ་དང་། རུ་དྲ་ཆེན་པོ་རི་ལྷུང་བའི ་སྒོ་དང་། བགེགས་ཆེན་པོར་ལྟུང་བའི་སྒོ་དང་། ལྷ་ཆེན་པོའི་རིས་སུ་ལྟུང་བའི་སྒོ་དང་། ཤོ་གམ་གཅན་ཆེན་གྱི་རིས་སུ་ལྷུང་བའི་སྒོ་དང་། དམྱལ་བ་ཆེན་པོར་ལྟུང་བའི་སྒོའོ།། འདུས་པ་ཆེན་པོའི་ཚོགས་གཞན་ཡང་འདི་ལྟསྟེ ་ལམ་འདི་ཤེས་པར་འདོད་ན་སངས་རྒྱས་ཀྱི་ཆོས་ཤེས་པར་བྱའོ། ། ཅི་ལྟ་ཅི་ལྟར་སངས་རྒྱས་ཀྱི་ཆོས་རྣམས་ནི་རྟག་པར་ཡང་བལྟའོ།། ཆད་པར་ཡང་ལྟའོ།། སྐྱེ་བར་སྣང་ངོ་།། དམིགས་པར་ཡོད་དོ།། སངས་རྒྱས་ཀྱི་ཆོས་འདི་ནི། ་འདོད་ཆགས་དང་བཅས་པའོ།། ཞེ་སྡང་དང་བཅས་པའོ།། གཏི་མུག་དང་བཅས་པའོ།། ང་རྒྱལ་དང་བཅས་པའོ།། ཕྲག་དོག་དང་བཅས་པའོ།། མཚམས་མེད་པ་ལྔ་དང་བཅས་པའོ།། དེ་དང་ཉེ་བ་ལྔ་དང་བཅས་པའོ།། ལྕི་བ་བཞི་དང་། ་བཅས་པའོ།། ལོག་པ་བརྒྱད་དང་ཡང་བཅས་པའོ།། གཞན་ཡང་འདུས་པ་ཆེན་པོའི་ཚོགས་འདི་ལྟ་སྟེ། སྲོག་གཅོད་པ་དང་བཅས་པའོ།། མ་བྱིན་པར་ལེན་པ་དང་བཅས་པའོ།། འདོད་པས་ལོག་པར་གཡེམ་པ་དང་བཅས་པའོ།། ་བརྫུན་དང་བཅས་པའོ།། ཕྲ་མ་དང་བཅས་པའོ།། ངག་རྩུབ་མོ་དང་བཅས་པའོ།། ཚིག་ཁྱལ་བ་དང་བཅས་པའོ།། བརྣབ་སེམས་དང་བཅས་པའོ།། གནོད་སེམས་དང་བཅས་པའོ།། ལོག་པར་ལྟ་བ་དང་བཅས་པའོ།། འདུས་པ ་ཆེན་པོའི་ཚོགས་དེ་བས་ན་སངས་རྒྱས་ཀྱི་ཆོས་དེ་རྣམས་ལ་སྤྱོད་པར་འདོད་པས་ལམ་འདི་ལ་བསླབ་པར་བྱའོ། ། ཤེས་པར་བྱའོ་གོམས་པར་བྱའོ།། ཀློང་དུ་གྱུར་པར་གྱིས་ཤིག་ཅེས་སེམས་དཔའ་རྡོ་རྗེ་དམ་པས ་གསུངས་སོ། ། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རེག་པའི་མདོ་ལས་རྣལ་འབྱོར་རང་བཞིན་གྱི་ལེའུ་སྟེ་དང་པོའོ།། །། དེ་ནས་འཁོར་དེར་འདུས་པར་གྱུར་པའི་འདུས་པ་བལ་པོ་ཆེའི་ཚོགས་ཀྱིས་རྨ་དབྱུང་གི། ་ཕྱག་ནལ་འབྱོར་ལུགས་སུ་བྱས་ནས། སེམས་དཔའ་དེ་རྗེདས་པ་ལ་འདག་ཅས་གསལ་ཏོ།། སེམས་དཔའ་ཆེན་པ་སྨྲ་བའས་དག་ཁྱོད་ལ་བདག་ཅག་ཤིན་ཏུ་ནུ་བར་སྒྲུབས་ན་གན་བའི་སྐབས་དབྱེ་བར་གསོལ། དུ། ་ཅེས་གསོལ་པ་དང་། སྨྲ་བའི་སེང་གེ་དེས་འདི་སྐད་ཅེས་བཀའ་སྩལ་ཏོ།། འདུས་པ་ཆེན་པོའི་ཚོགས་ཇི་ལྟར་ཞུ་བའི་དོན་གནང་གིས་ཀུན་དུ་སྤོབས་པ་སྐྱེད་ལ་ཞུ་བའི་དོན་གསོལ་ཅིག། དེ་སྐད་ཅེས་བཀའ་སྩལ་བ་དང་། འདུས ་པ་ཆེན་པོའི་ཚོགས་ཀྱིས། ཨ་ལ་ལ་ཧོ་ཞེས་གསོལ་ཏོ།། སྨྲ་བའི་སེང་གེ་ཆེན་པོ་ཁྱོད་ཀྱིས་རྒྱ་ཆེར་བཤད་པའི་རྣལ་འབྱོར་རང་བཞིན་ཆེན་པོའི་དོན་གྱི་རྗེས་སུ་བདག་ཅག་འཇུག་པར་འཚལ་ན། འདི་ལ་འཇུག་པའི་སྒོ་དུ་མཆིས ་ཐབས་ཇི་ལྟར་ལགས། ལམ་གང་ལྟར་བདེ། སེམས་དཔའ་ཆེན་པོ་འདིའི་དོན་རྒྱ་ཆེར་བཤད་དུ་གསོལ།། དེ་སྐད་ཅེས་གསོལ་པ་དང་། སྨྲ་བའི་སེང་གེས་བཀའ་སྩལ་པ། གྲོགས་པོ་དག་ལེགས་སོ།། ཤིན་ཏུ་ལེགས་སོ།། ་ངེས་པར་ལེགས་སོ།། ཁྱེད་ཀྱིས་ཞུས་པའི་དོན་འདི་རྣམས་ངོ་མཚར་ཆེ་སྟེ། ཆོས་ཐམས་ཅད་ལ་འཇུག་པའི་སྒོ་གསལ་ཞིང་རྒྱ་ཆེ་བར་བྱེད་དེ། རྣ་བ་ལྷོགས་ལ་གུས་པར་ཉོན་ཅིག་གསལ་བར་བཤད་པར་བྱའོ།། དེ་ནས་འཁོར་གྱི་ནང ་དུ་སེང་གེའི་གསུང་སྒྲ་ཡིས་ཆོས་རྣམས་ཀྱི་སྒོ་འབྱེད་པ་འདི་གསལ་བར་བཤད་པར་བྱའོ། ། སངས་རྒྱས་ཆོས་ཀྱི་སྒོ་མོ་འདི།། གྲངས་མེད་བསམ་གྱིས་མི་ཁྱབ་ཀྱང་།། མདོ་རུ་བསྡུས་ན་གསུམ་དུ་གསལ།། རྩོལ་བས་འཇུག ་པའི་སྒོ་མོ་དང་། ། གྲུབ་པ་ཐབས་ཀྱི་སྒོ་མོ་དང་།། མཐར་ཕྱིན་འབྲས་བུའི་སྒོ་མོའོ།། དང་པོ་ལ་ཡང་གསུམ་ཡོད་དེ།། མཚན་ཉིད་ཐབས་ཀྱི་སྒོ་མོ་དང་།། ཐུབ་པའི་རིགས་ཀྱི་འཇུག་སྒོ་དང་།། གྲུབ་པ་ལུང་གི་གསང་སྒོའོ།། དེ་དག ་སྒོ་མོ་རེ་རེ་ལའང་། ། གསུམ་གསུམ་ཡོད་པར་འདྲེན་པས་བཤད།། གཉིས་པའི་སྒོ་ལའང་གསུམ་ཡོད་དེ།། ཤེས་རབ་རྟོགས་པའི་སྒོ་མོ་དང་།། ཏིང་འཛིན་གོམས་པའི་སྒོ་མོ་དང་།། སྨོན་ལམ་གྲུབ་པའི་སྒོ་མོར་གསལ།། ་ཐ་མ་མཐར་ཕྱིན་སྒོ་མོ་ལ།། རྣམ་ཐར་གསུམ་གྱི་སྒོ་ཞེས་བཤད།། འཇུག་པའི་ལམ་ལའང་འདི་ལྟ་སྟེ།། དམ་པ་གསུམ་དུ་གསལ་བར་བཤད།། འདྲེན་པ་ཆེན་པོའི་སྡེ་སྡེད་དང་།། ཐུབ་པ་ཆེན་པོའི་འཇུག་སྒོ་དང་། ངས ་པ་ཆེན་པོའི་མཛོད་གསུམ་མོ། ། འཇུག་པའི་ཐབས་ཀྱང་འདི་ལྟ་སྟེ།། ཐབས་ལས་ཐབས་བྱུང་ཐབས་གསུམ་སྟེ།། དོན་དང་ཡི་གེ་ཏིང་འཛིན་གྱིས།། རྗེས་སུ་གང་གིས་བརྟགས་བྱས་ནས།། འཇུག་པའི་ཐབས་ཀྱི་དམ་པའོ།། དོན་གྱི ་རྗེས་སུ་འཇུག་པ་ཡང་། ། དོན་ནི་ཆོས་ཉིད་སྙིང་པོ་ལ།། རྗེས་སུ་འཇུག་པའི་སེམས་ཡིན་ཏེ།། སེམས་ཉིད་ཆོས་ལ་སྦྱོར་བའི་སྐབས།། རྣམ་པ་བཅུ་ཞེས་འདྲེན་པས་བཤད།། བཅུ་ཉིད་གང་དང་གང་ཞེས་ན།། འདུན་པ་སྐྱེ་བ ་གནས་སྐབས་དང་། ། རྩོལ་བ་སྦྱོར་བའི་གནས་སྐབས་དང་།། བསླབ་ལ་འཇུག་པའི་གནས་སྐབས་དང་།། འདུ་ཤེས་འགྱུར་བའི་གནས་སྐབས་དང་།། སྦྱོར་ཆེན་ལ་འཇུག་གནས་སྐབས་དང་།། རོ་ཉིད་ཚོར་བའི་གནས་སྐབས་དང་།། ་ཡུལ་ལ་འཇུག་པའི་གནས་སྐབས་དང་།། རྟོག་ཆེན་ཉིད་ལ་ཕེབས་སྐབས་དང་།། དེ་ཉིད་གདེང་དུ་གྱུར་པའི་སྐབས།། ལས་སུ་རུང་བའི་སྐབས་དང་བཅུ།། བཅུ་པོ་དེ་དག་རེ་རེ་ཡི།། སྐབས་སུ་སེམས་དང་ཆོས་ཕྲད་པས།། རིག་པ ་བྱང་ཆུབ་སེམས་རེ་འབྱུང་། ། བྱང་ཆུབ་སེམས་ནི་གང་ཞེ་ན།། འདི་ཡི་གྲངས་ཀྱང་རྣམ་པ་བཅུ།། གཡོ་བ་བྱང་ཆུབ་སེམས་ཉིད་དང་།། དེ་བཞིན་སྨོན་པ་བྱང་ཆུབ་སེམས།། ལྡང་བ་བྱང་ཆུབ་ཆེན་པོའི་སེམས།། དེ་བཞིན་སྦྱོར ་བ་བྱང་ཆུབ་སེམས། ། འཇུག་པའི་སེམས་དང་དགེ་བའི་སེམས།། མི་འགྱུར་བ་དང་རིག་པ་དང་།། གནས་པ་དང་ནི་རྫོགས་པའོ།། བྱང་ཆུབ་སེམས་ཞེས་གྲགས་པས་ན།། སེམས་ཅུ་དག་ཏུ་རྒྱལ་བས་བཤད།། བྱང་ཆུབ ་སེམས་ཀྱི་རང་བཞིན་དེ། ། སྐབས་ཅུ་དག་ཏུ་སྦྱོར་བས་ན།། གཟུགས་བརྙན་ཆོས་ཉིད་ངོ་ལ་སྣང་།། གཟུགས་བརྙན་རང་བཞིན་ཅི་ལྟར་སྣང་།། ཕྲ་མོ་ཙམ་གྱི་སྐར་མ་དང་།། དེ་བཞིན་སྐར་མ་ཐ་མལ་པ།། སྐར་མ་ཆེན ་དག་དང་ནི། ། ཟླབཅས་གཅིག་རྣམ་པ་དང་།། གཉིས་དང་གསུམ་དང་བའི་དང་ལྔ།། བརྒྱད་དང་བཅུ་དྲུག་རྣམ་པ་ཡི།། གཟུགས་བརྙན་དག་ཏུ་སྣང་བ་སྟེ།། དངམ་པར་སྣང་བཅང་མ་ཡིན།། ཆུ་ཐལ་བྲང་གཟུང་དུམེད།། སམ་ན ་གཟུགས་བརྙན་སྣང་བ་དང་། ། ཆོས་ཉིད་གསལ་བའི་ཉི་མ་གཉིས།། ཡུལ་དང་དབང་པོའི་ཚུལ་ལྟ་བུར།། དབྱིངས་དང་ཡེ་ཤེས་རང་བཞིན་གསལ།། འདི་ནི་རྣལ་འབྱོར་སྦྱོར་བའི་ལམ།། བགྲོད་པར་བྱེད་པའི་ཐབས་ཆེན་ཡིན།། ལམ་འདིགོས་ས ་པར་སླབ་བྱན། ། རྣལ་འབྱོར་སླབ་པར་བྱ་བའི་མཐའ།། གནས་བཅུ་དག་ཀྱང་འདི་ལྟ་སྟེ།། ཇི་ལྟར་ས་གཞི་བ་ཤིན་པ་ལ།། བརྟེན་ནམ་ས་བོན་བཏབ་པ་ལས།། འབྲས་བུར་སྨིན་པར་གྱུར་པ་ཡིས།། འཚེ་བར་བྱེད་པའི་སྲོག་འཛིན་ལྟར།། ཆོས་ཉིད ་ཀུན་གྱི་གཞིར་གྱུར་པའི། ། དམ་ཚིག་འདི་ལ་བརྟེན་ནས་ནི།། དངོས་གྲུབ་ལོ་ཏོག་སྨིན་པ་ཡིས།། དགེ་བའི་སྲོག་འཛིན་དམ་པའོ།། བསླབ་པ་འདི་ཡི་དམ་ཚིག་སྟེ།། བསླབ་པ་ཀུན་གྱི་གཞི་འཛིན་དུ།། གོམས་པར་བྱ་བ་རབ་ཏུ་གཅེས།། ཇི་ལྟར་ཅང་། ་ཤེས་ཀྱི་ལིང་དག། སྡོམ་བྱེད་སྒྲོག་གིས་ཅིང་འགྱུར་བ།། བཀྲོལ་བྱས་བདེ་ཀླག་བྱང་འགྱུར་ན།། ཅི་ལའང་ཐོགས་མེད་འགྲོ་བ་ལྟར།། སེམས་ཀྱི་ཅང་ཤེས་དབང་པོ་འདི།། མི་ཤེས་བཅིངས་པས་བཅིངས་འགྱུར་བ།། རྣམ་གྲོལ་ཐོས་པའི་སྒོམ ་ཡིས། ། ཤེས་རྒྱུད་ཀུན་གྲོལ་ཐོགས་མེད་འགྲོ།། འདི་ནི་མི་ཤེས་རྒྱུ་འགྲོལ་བའི།། བཅིང་བར་བྱ་བ་འགྲོ་བ་སྟེ།། རྒུད་ནས་དགྲོལ་བའི་བསླབ་པ་རུ།། གོམས་པར་བྱ་བ་རབ་ཏུ་གཅེས།། ཇི་ལྟར་རི་མཐོན་རྩེ་མོ་ལ།། སྒྱིད་མི་ལུག་པར་རྩོན་འཛེགས་ན། ་མཐོ་སར་དཕྱིན་ཅིང་རྩེ་ནོན་པས།། ཡུལ་ཁམས་རྟོགས་ཤིང་ལམ་ལ་མཁས།། དེ་བཞིན་ཤེས་རབ་མཐོན་རིལ།། སྒྱིད་མི་ལུག་པར་མཉན་བསམས་ན།། ཀུན་གྱི་ཕུལ་དུ་ཤེས་རབ་ཕྱིན།། མཁས་པའི་ཡེ་ཤེས་ཚད་མེད་དོ།། དོན་ལ་མཁམ ་པར་བྱ་བ་དེ། ། ཕུལ་དུ་དབྱུང་བའི་བསླབ་པ་སྟེ།། ཤེས་རབ་ཆེན་པོ་འདི་དག་ལ།། གོམས་པར་བྱ་བ་རབ་ཏུ་གཅེས།། དཔེར་ན་བུང་བ་ཁུང་ཚོལ་བ།། ཀུན་དུ་འཇུག་ཅིང་བྱུང་ནས་ནི།། རང་གི་འཛུལ་ཁུང་གང་ཡིན་པར།། ངེས་པར་འཇུག་ཅིང ་གནས་པ་ལྟར། ། རྣལ་འབྱོར་དོན་གྱི་རྗེས་ཚོལ་བ།། སྤྱོད་སྡེ་ཅི་ཡོང་བསྟུན་ཏེ་བསྡུ།། ལྟ་སྒོར་འཇུག་ཅིང་བརྟགས་བསྣུར་ན།། མ་ནོར་ངེས་པའི་དབུ་མ་ལ།། ཆོས་ཉིད་དོན་གྱི་རྗེས་བཅད་ཕྱིར།། སྒོ་མོ་ཀུན་ནས་བསྐུར་བ་ཡི།། ་བསླབ་པར་བྱ་བའི་མཐའ་ཡིན་ཏེ།། གོམས་པར་བྱ་བ་རབ་ཏུ་གཅེས།། ཇི་ལྟར་རྒྱལ་རིགས་རྒྱུད་བྱུང་བ།། མང་པོའི་དབང་པོར་དཔོན་བསྟབས་ཏེ།། འཁོར་ལོ་ལ་སོགས་རིན་ཆེན་གྱིས།། ཀུན་ལ་དབང་སྒྱུར་ཐོབ་པ་ལྟར།། དེ་བཞིན ་རྣལ་འབྱོར་རྒྱུད་བྱུང་བ། ། ཆོས་ཀྱི་དབང་པོར་དཔོན་བསྟབས་ཏེ།། ཕྱག་རྒྱ་ལ་སོགས་རྟགས་ཆེན་གྱིས།། རིམ་པར་ཀུན་གྱི་ཐོག་མར་འགྲོ།། འདི་ནི་དབང་གི་ཁྱད་པར་ཏེ།། ས་ལ་རིམ་པར་འབྱུང་བ་ཡི།། རྩལ་གྱིས་བགྲོད་ཅིང་བས ་པའི་མཐའ། གོམ་པར་བྱ་བ་རབ་ཏུ་གཅེས།། ཇི་ལྟར་གླང་པོ་ཆུར་འཇུག་པ།། ཚམ་ཚོམ་ཆགས་ཐོགས་ཡོད་མེད་པར།། དགའ་བའི་ལོངས་སྤྱོད་བྲོད་ཚུལ་གྱིས།། མི་ལྡེག་ཕ་རོལ་ཕྱིན་པ་ལྟར།། རྣལ་འབྱོར་ངེས་པར་སྤྱོད ་པའི་བློ། བརྟུལ་ཞུགས་རྒྱ་མཚོའི་ཆུར་འཇུག་པ།། རྩལ་ཆེན་སྤྱོད་པའི་གྲོད་ཚུལ་གྱིས།། ཆགས་ཐོགས་མེད་པར་དོར་བའོ།། བསླབ་པར་བྱ་བའི་མཐའ་ཡིན་ནོ།། སྤྱོད་པའི་བསླབ་པ་དམ་པ་ནི།། གོམས་པར་བྱ་བ་རང ་གཅེས། ཇི་ལྟར་ཁྲུང་ཆེན་མཁའ་ལྡིང་ལ།། བཤོག་པའི་རྩལ་གྱིས་ནམ་འབང་སྤྱོད།། ངམ་གྲོག་ཆུ་ཀླུང་མཐའ་ཡས་ཀྱང་།། གཤོག་རླབས་འོག་ཏུ་ཀུན་ཆུད་ལྟར།། རྣལ་འབྱོར་མཉམ་ཉིད་མཁའ་ལྡིང་བ།། ཐེག་པའི་སྤྱོད་། ་མཐའ་ཡས་ཀྱང་།། མཉམ་པ་ཆེན་པོ་དོན་གྱིས་ནི།། ལྟ་འཕང་རླབས་ཀྱིས་ཐག་གཅད་པའོ།། འདི་ནི་རེ་དང་དོགས་པ་ཡི།། ཐེ་ཙོམ་གཅོད་པའི་ལྟ་བ་སྟེ།། དོན་ལ་སེམས་ཀྱིས་བལྟ་བ་སྟེ།། བསླབ་པ་འདི་དག་གོམས་པ་གཅུ ་དཔེར་ན་རྒྱ་མཚོར་ནོར་ལེན་མི། ། སྦྲུལ་དང་ཆུ་སྲིན་སྦྲང་མ་ལས།། སོགས་པ་གདུག་པའི་སྡུག་བསྔལ་ཀུན།། དཀའ་བ་ཉམས་སུ་བླདྲ་ནས་གྲུབ།། དེ་བཞིན་རྣལ་འབྱོར་བདེ་ཚོལ་བ།། རྣམ་རྟོག་བྱིང་རྨུགས་ཕྱར་གཡེང་དགྲ། ་གཞོམ་པར་དཀའ་བའི་ལས་འདི་དག། ཉམས་སུ་བླངས་ན་བདེ་ཐོབ་རྙེད།། འདི་ནི་ཏིང་འཛིན་དམ་པ་ཡི།། ཉམས་སུ་བླངས་པའི་བསླབ་པ་སྟེ།། སེམས་ཀྱི་གོམས་པར་བྱ་བའི་ལས།། འདྲིས་པར་བྱ་བ་རབ་ཏུ་གཅེས།། ཇི་ལྟར། ་མུན་པ་དུག་དང་རྫས།། སྨན་སྣང་གསེར་དུ་བསྒྱུར་བས་ན།། འགྱུར་རྩི་མན་ངག་མེད་པའི་མིས།། དཀའ་བའི་ལས་ཆེན་སྣ་ཚོགས་པས།། སྡུག་བསྔལ་སྤྱད་ཀྱང་མི་འགྲུབ་སྟེ།། སུ་ཞིག་མན་ངག་ལྡན་པའི་མིས།། ཚེགས་མེད ་གྱི་ནའི་ཚུལ་གྱིས་ན། ། བསྒྱུར་བས་སྨན་སྣང་གསེ་རེ་འགྱུར་ལྟར།། རྣལ་འབྱོར་ཆེན་པོའི་དོན་སྒྲུབ་པ།། ཀུན་གཞི་གནས་འགྱུར་མན་ངག་དང་།། གང་དག་མི་ལྡན་པས་ཀྱང་ནི།། དཀའ་བ་སྤྱད་ཀྱང་འགྲུབ་པ་མིན།། སེམས་ཀྱི ་གསང་འདི་མུས་མཐོང་བ། ། དེ་དག་མན་ངག་ལྡན་པ་སྟེ།། འདོད་པའི་དོན་མཆོག་གང་ཡིན་པ།། དེ་དག་ཚེགས་མེད་ཀྱི་ནས་འགྲུབ།། དོན་རྣམས་སྒྲུབ་པར་གང་བྱེད་པ།། མན་ངག་ཅན་གྱིས་འགྲུབ་པའི་ཕྱིར།། དོན་རྣམས ་འགྲུབ་པར་འགྱུར་བ་ཡི། ། བསླབ་པ་འདི་དག་རབ་ཏུ་གཅེས།། དཔེར་ན་ཀུན་དུ་རྒྱུ་བའི་མི།། འདོད་པའི་ཡུལ་དུ་འགྲོ་བྱེད་ན།། ཡུལ་གྱི་རྣམ་པ་མཐའ་ཡས་ཀྱང་།། བགྲོད་པའི་ལམ་གནས་གཅིག་ལས་མེད།། དེ་བཞིན་བསཾ ་གྱིས་མི་ཁྱབ་པའི། ། བརྒྱད་ཁྲི་བཞི་སྟོང་ཆོས་བསྟན་ཀྱང་།། བཀྲི་ཞིང་དྲང་བའི་ཚིག་ཡིན་ཏེ། བསམ་པའི་ཡུལ་ནི་གཅིག་པའོ།། དོན་རྣམས་གཅིག་ཏུ་སྡུད་པ་ཡི།། བསླབ་པར་བྱ་བ་དམ་པ་སྟེ།། ངེས་པར་གཅིག་ལས ་མེད་པའི་ཕྱིར། ། འདི་དག་གོམས་པར་བྱ་བ་ཡིན།། བསླབ་པ་འདི་ལ་གོམས་གྱུར་ན།། ལོབས་པའི་ཡོན་ཏན་མཐའ་ཡས་ཏེ།། ལེབས་པས་ལམ་ལ་མཁས་པར་འགྱུར།། སྔགས་ཀྱི་ཡོན་ཏན་ཆེན་པོ་ཡང་།། རྨད་དུ་བྱུང ་བ་ཐོབ་པར་འགྱུར། ། གསང་སྔགས་ཆེན་པོའི་ཁྱད་པར་ནི།། ཐམས་ཅད་ཐམས་ཅད་བྱའོ་ཅོག། བྱིན་གྱི་རླབས་ཀྱི་སྤྱོད་པའམ།། དབང་སྒྱུར་ཐབས་ཀྱི་སྤྱོད་པ་སྟེ།། དཔེར་ན་ནམ་མཁའ་རྒྱ་མཚོ་འམ།། ཇི་ལྟར་མེ་དཔུང ་རྒྱལ་པོ་འདྲ། ། དེ་ཡང་དེ་ཡུལ་ཆེ་ཆུང་གིས།། ཁྱད་པར་ཉིད་ཀྱིས་བརླབས་པ་ཡིན།། རྒྱལ་པོ་དེ་ཡང་ཁྱད་པར་གྱིས།། དབང་སྒྱུར་བྱ་བའི་ཁམས་རྣམས་ལ།། ཆེ་ཆུང་ངེམ་པ་ཡོད་པ་ཡིན།། རྣལ་འབྱོར་སྔགས། ་ཚུཚལ་དེ་ལྟར་སྣང་།། ཐབས་ཆེན་སྤྱོད་ལ་འཇུག་པ་ཡང་།། བབ་ཆོད་ཐད་དུ་འཇུག་པ་སྟེ།། དཔེར་ན་གླང་ཆེན་ཆུར་འཇུག་པ།། རབ་དང་གློང་ཆེན་བབ་མེ་བ་བ།། དེ་ཡང་རྩལ་སྒྱིད་དྲག་ཞན་གྱིས།། ལ་ལ་ཐད་དུ་གཅོད་པ་ལ།། ལ་ལ ་བསགས་སུ་འགྲོ་བ་ཡིན། ། ལ་ལ་ཆུང་ཞིག་བཤན་ཐབས་འགྲོ།། དེ་ལྟར་རྣལ་འབྱོར་རྒྱུ་ཉིད་ན།། འབྲས་བུའི་དོན་ལ་བབ་ཆོད་ཀྱང་།། རྩལ་འཕང་མཐོན་མན་ཁྱད་པར་གྱིས།། ཇི་ལྟར་ནུས་ཚད་དེར་སྣང་ཕྱིར།། ས་དང་གནས་སྐབས ་ཡེ་ཤེས་དང་། ། སྒྲིབ་དང་གོལ་ས་རྟོག་པ་དང་།། སྤྱོད་དང་དམ་ཚིག་ཏིང་འཛིན་དང་།། དུས་དང་དངོས་གྲུབ་མཐར་ཕྱིན་དང་།། ལྟ་བའི་ཁྱད་པར་གནས་གྱུར་རྣམས།། ཐམས་ཅད་གཅིག་ལས་མེད་ན་ཡང་།། གྲངས་དང་དབྱེ་བའི་བྱེ ་བྲག་རྣམས། ། སྣོད་ཀྱི་རྩལ་དང་སྦྱར་ནས་ནི།། ཆོས་རྣམས་ཀུན་གཞིར་གཅིག་པ་ལ།། ཀུན་གཞི་གནས་འགྱུར་རྣམ་པ་ལྔས།། བྱེ་བྲག་ལམ་གྱི་ཆོས་སུ་སྣང་།། གཞི་ཉིད་རྒྱུ་ཡི་ཀུན་གཞི་དང་།། སྦྱོར་བ་འདུན་པའི་ཀུན་གཞི ་དང་། སྣང་བ་དོན་གྱི་ཀུན་གཞི་དང་།། འགྱུར་བ་མེད་པའི་ཀུན་གཞི་དང་།། བརྩལ་མེད་གནས་པའི་ཀུན་གཞི་ལྔ།། སྐབས་ལྔ་དག་ཏུ་གནས་འགྱུར་བས།། ས་ཡི་ཁྱད་པར་བགྲོད་པ་ཡི།། དེ་ཡང་གཉིས་ཀྱི་ཆོས་འདི་དག། ཀུན་ཀྱང ་ཡོངས་ཀྱིས་རྣལ་འབྱོར་དང་། ། འགྲོ་དོན་གསུམ་གྱིས་འགྲོ་བ་སྟེ།། དགེ་དོན་དང་ནི་སྒྲུབ་པ་པོ།། རིག་འཛིན་ཞེས་ནི་རྫོགས་པ་ཡིན།། དེས་ན་རྩལ་གྱི་ཁྱད་པར་གྱིས།། དང་པོ་ལས་ཀྱི་རྣལ་འབྱོར་ལས།། སོགས་པའི་རྣལ་འབྱོར ་ཆུང་ངུ་རྣམས། ། རང་རང་རྩབ་བོར་ནས་ནི།། རྩལ་ཆེན་རྫོགས་པའི་རྣལ་འབྱོར་ལས།། སོགས་པའི་རྣལ་འབྱོར་ཆེན་པོའི་ཚུལ།། སྤྱོད་པར་བྱེད་དང་དོན་འདོད་པ།། སྦལ་བུས་མཁའ་ལྡིང་ལས་སྤྱད་ཀྱང་།། རྩལ་བའི་ཡུལ་ནི ་ཆད་པ་ཡིན། ། ནོར་བུ་ལས་ཀྱི་འཕང་དམས་པ།། རང་སྐལ་འཚོ་བའི་ཆེ་དབོར་ནས།། རྒྱལ་པོ་ཐབས་ཀྱིས་འཕང་མཐོ་བའི།། ལོངས་སྤྱོད་ཆེ་ལ་དམིགས་བཅས་ཀྱང་།། དེ་དག་མི་འཐོབ་འཚོ་བྲལ་བཞིན།། སྐལ་ལྡན་ཅན་གྱི ་དོན་འདི་དག། སྐལ་ཞན་དག་གིས་འགྲུབ་པར་དཀའོ།། སྣ་ཚོགས་གཏེར་གྱི་ཁང་པ་དག། རྒྱལ་པོའི་མཛོད་དུ་གྱུར་པས་ན།། སྤྱོད་སྒོ་འཇུག་པ་ཐམས་ཅད་ཀྱང་།། དཀའ་ཐུབ་ཕྱི་ནང་ཁྱད་པར་གྱིས།། རིན་ཆེན་སྣ་དགུའི་རིམ ་པ་དག། སོ་སོའི་ལས་ཐབས་མཐོན་དམན་གྱིས།། ཡུལ་དེ་གཅིག་ལ་མེད་ན་ཡང་།། ཡིག་ཚད་སྒོ་དགུ་སོ་སོར་སྤྱད།། རྒྱལ་པོར་གྱུར་པ་དེ་ཀུན་ལ།། དབང་སྒྱུར་བྱེད་པའི་བདག་པོ་ཡིན།། མི་གནས་ཆོས་ཀྱི་དབྱིངས་ཉིད ་དག། བལྟ་བའི་ཡུལ་དུ་གྱུར་པ་ན།། རིག་པ་རྩལ་གྱི་ཁྱད་པར་གྱིས།། བལྟ་ཡུལ་གཅིག་ལས་མེད་ན་ཡང་།། སོ་སོ་འཇུག་སྒོ་ཀུན་ནས་སྤྱོད།། དབྱིངས་ཀྱི་རང་བཞོན་གཅིག་པ་ལ།། རྩལ་འཕང་མཐོན་དམན་ཁྱད་པར་གྱིས།། ་སྐས་ཀྱི་གདང་བུ་རྩིབ་ལྟར།། ས་དང་ཐེག་པའི་ཁྱད་པར་དུ།། མཐོན་དམན་རིམ་པར་སྣང་བ་ཡིན།། མཉམ་པར་གྱུར་པའི་གཞི་གཅིག་ལོ།། འཐུན་དང་མི་མཐུན་དོན་གྱིས་ནི།། དཔེར་ན་ཁང་པ་སྒོ་མངས་བཞིན།། ས་དང་ཐེག ་པ་སོ་སོའི་སྒོ། ། མི་མཐུན་སོ་སོར་སྣང་བ་ཡིན།། སོ་སོའི་ཐེག་པའི་སྒོ་རྣམས་ལ།། འཇུག་པ་ལ་སོགས་མ་སྦྱངས་ཀྱང་།། ཀུན་གྱི་རྩ་བ་འདིར་བཅད་པས།། གཅིག་ཏེ་ཐ་དད་ཡོངས་ཀྱིས་མེད།། དེ་ནི་རི་དང་ལྷུན་པོའམ།། ཀུན ་དུ་རྒྱུ་དང་གཞོན་ནུ་ལྟར། ། མཐོང་ཐོས་སྟོན་པའི་ཁྱད་པར་ནི།། དོན་གྱིས་དེ་ལྟར་ཡོད་པ་ཡིན།། དེས་ན་ཆོས་རྣམས་ཐམས་ཅད་ཀྱི།། རྩ་བ་སེམས་འདི་ཡིན་པས་ན།། ནམ་མཁའ་ལྟ་བུའི་དཔེས་མཚོན་ཏེ། ཀུན་གྱི་རྩ་བ་ཤེས ་པར་བྱ། ། འདི་ལྟར་ཤེས་པའི་རྣལ་འབྱོར་པ།། ལམ་གྱི་ཐབས་ལ་མཁས་པ་སྟེ།། ལམ་སྟོར་ལཾ་བཙལ་ལམ་རྙེད་པས།། ཉེ་ལམ་བདེ་རྙེད་གྲུབ་པའོ།། རྙེད་པའི་ལམ་ཉིད་གང་ཞེ་ན།། རྣལ་འབྱོར་སྤྱོད་པའི་ས་ཡིན་ཏེ།། ས་བཅུ ་རིམས་ཀྱིས་བགྲོད་པའི་ཕྱིར། ། ས་ཡི་ཁྱད་པར་བཤད་པར་བྱ།། འདི་ཡི་གནས་འཛིན་སྤྱོད་པའི་ས།། རྣམ་པ་བཅུ་ཕྲག་གཅིག་གིས་རྫོགས།། འགྱུར་དབང་མ་ངེས་ས་འདི་ལ།། བཅོས་མ་འཕྲ་མེན་སྤྱོད་པ་དང་།། ་ཚུལ་རྟགས་འཛིན་དང་མོས་པ་དང་།། དགེ་ལ་འདུན་པའི་རྣལ་འབྱོར་ལྔ།། འཇུག་ལྡོག་ལྷུང་དང་བཅས་པ་ཡིས།། ཀུན་དུ་འཁོར་ཞིང་མ་ངེས་པའོ།། འདུན་པ་སེམས་པའི་རྣལ་འབྱོར་པ།། གནས་ཤིང་སྤྱོད་པའི་ས་ཞེས ་བྱ་བསྟེན་པ་གཞི་ཡི་ས་འདི་ལ། ། དང་པོ་ལས་ཅན་རྣལ་འབྱོར་དང་།། བསླབ་པ་སྤྱོད་དང་ངེས་པ་ལ།། ངག་དང་མ་དག་གིས་སྤྱོད་པའོ།། བཀའ་སྡོད་ལས་ཀྱི་དང་པོ་པ།། གནས་ཤིང་སྤྱོད་པའི་ས་ཞེས་བཤད།། གལ་ཆེན་སྐྱོད ་པའི་ས་འདི་ལ། ། གནས་ཤིང་སྤྱོད་པའི་ས་ཡིན་ཏེ།། རིགས་ཆེན་འབྱེད་པའི་རྣལ་འབྱོར་ཉིད།། དགེ་དང་མི་དགེའི་ལས་རྣམས་ཀུན།། གཅོད་སྤྱོད་སྦྱོར་བའི་ཚུལ་ཉིད་ཀྱིས།། ལེགས་ཉེས་སྟོབས་ཆེན་བྱེད་པའོ།། བསླབ་པ་རྒྱུན།། ་གྱིས་འདི་ལ།། གཡོ་དང་ཐོབ་དང་བརྟན་པའི་དྲོད།། དེ་བཞིན་རྟགས་ཆེན་གཡོ་བ་དང་།། ཐོབ་པ་ཉིད་དང་བརྟན་པ་ཡི།། རྣལ་འབྱོར་རྣམ་པ་དྲུག་པོ་དག། བསླབ་པའི་གནས་བཅུ་མཐར་འབྱིན་ཅིང་།། ཇི་ལྟར་ཟླ་བ་ཡང་གསལ ་བཞིན། བསླབ་པའི་ཡེ་ཤེས་འཕེལ་འགྱུར་ཏེ།། དོན་ལ་མི་སྐྲག་ངོ་མཚར་སྐྱེ།། དཔྱོད་སེམས་འཇུག་པའི་ཤེས་པ་དེས།། ངན་སོང་མི་ལྡོག་དགོན་པར་འཇུག། བར་ཆད་དག་ཀྱང་དེ་ལ་བྱུང་།། གསང་སྒོ་ལུང་གི་རྣལ་འབྱོར ་དང་། སྤྱོད་པ་རྒྱུན་གྱི་རྣལ་འབྱོར་དང་།། མཚན་མ་རྟགས་ཀྱི་རྣལ་འབྱོར་གསུམ།། གནས་ཤིང་སྤྱོད་པའི་ས་ཞེས་བཤད།། བསོད་ནམས་གཏེར་གྱིས་འདི་ལ།། སྤྱོད་པ་རྒྱུན་གྱི་རྣལ་འབྱོར་ཉིད།། མོས་པ་དག་ཅིང་འདུན་པའི ་གནས། ། རྩལ་ཅན་བློ་ཡེ་བསྟི་གནས་ས།། བསླབ་པའི་མཐའ་བཅུ་སྤྱིར་ཆེབ་པའོ།། བསྟེན་པས་ཁྱབ་པར་འགྲོ་འདི་ལ།། དབུགས་ཆེན་ཕྱིན་པའི་རྣལ་འབྱོར་དང་།། རིགས་ཆེན་འཛིན་དང་མཉམ་རྫོགས་ཆེ།། ངེས་པར་སྤྱོད ་དང་རྩལ་ཆེན་སྤྱོད། ། ཡུལ་ལ་འཇུག་དང་རིག་པར་སྦྱོར།། བདུན་ཉིད་རྫོགས་པར་འགྲོ་བ་སྟེ།། བསླབ་པའི་རྒྱུ་འབྲས་འདི་བཅུ་ལ།། གོམས་པར་བྱེད་པའི་ཚུལ་དུ་སྦྱོར།། ངལ་གསོ་བ་ལ་ཐམས་ཅད་མཐོང་།། མི་ལྡོགས་ལ ་གོམས་བྱར་མེད། ། འདི་དག་སྦྱོར་བ་གཞི་གཅིག་ཀྱང་།། སོ་སོ་ཐུན་མོང་མ་ཡིན་པའི།། སྒྲའི་ལས་ཞེས་རྩི་བྱེད་ཅིང་།། ཡེ་ཤེས་རེ་རེ་འཆར་བའོ།། དེས་ན་བསླབ་པའི་མཐའ་གཅིག་ལ།། མི་ལྡོག་ལ་སོགས་རྫོགས་ཆེན་རྣམ ་མཉམ་པ་ལ་གཞག་རེ་རེ་ལ། ། ཡེ་ཤེས་རེ་རེ་འཆར་བ་སྟེ།། ཐ་མ་རང་བྱུང་ཉིད་ཀྱིས་རྫོགས།། མཐར་ཕྱིན་པ་དང་ཐོབ་པ་དང་།། མི་ལྡོག་རྣམས་ལ་རིམ་པ་བཞིན།། རྨི་ལམ་དག་དང་སྒྲ་བརྙན་དང་།། མངོན་སུམ་ངེས་པ་ཅི ་རིགས་པ། རྣལ་འབྱོར་རྡོ་རྗེ་གྲལ་སྐོ་བ།། རྡོ་རྗེ་རྡོ་རྗེ་ཆེ་གེ་མོ།། ཞེས་ནི་ཉིད་དང་ས་ཁམས་དང་།། ཞིང་ཁམས་ཀུན་དུ་བསྒྲགས་བྱས་ནས།། རྣལ་འབྱོར་ལུང་རབ་སྟོན་པའོ།། དམིགས་པས་འབྲས་བུ་སྐྱེ་འདི་ལ།། གྲུབ་པའི་རྣལ་འབྱོར་རྣལ ་འབྱོར་ཆེ། ། ངེས་པར་འབྱུང་བའི་རྣལ་འབྱོར་གསུམ།། རྒྱལ་བའི་ཐུགས་ལས་རྒྱལ་སྐྱེས་ཤིང་།། རྒྱལ་བའི་སྲས་པོ་གདུང་འཚོ་བ་པ།། ཁྱད་པར་རྩལ་འཕང་ཀུན་རྫོགས་ཤིང་།། ཏིང་ངེ་འཛིན་གྱི་སྦྱོར་བའོ།། གནས་པས་མི་འགྱུར་ས ་འདི་ལ། ཚོགས་ཆེན་འདུས་དང་རྩལ་ཆེན་རྫོགས།། གསུམ་དུ་རྫོགས་པར་ཤེས་བྱ་སྟེ།། ཕྱག་རྒྱ་ཆེན་པོ་རྒྱུ་མ་ཡིན།། འཁོར་ལོས་སྒྱུར་བའི་རྒྱལ་ཆེན་པོ།། མཐོང་བའི་གནས་ནས་བཅུ་དྲུག་པ།། རྫོགས་པའི་གནས་ན་ལོངས་པའོ།། ་བདལ་བ་ཆོས་ཉིངས་འདི་ལ།། རོལ་པ་རྒྱན་གྱི་རྣལ་འབྱོར་དང་།། བདེ་བ་ཆེ་དང་ཐིག་ལེར་རྫོགས།། གསུམ་ཉིད་དུ་ནི་རྫོགས་པ་ལ།། ཡུལ་དོན་ཡེ་ཤེས་དེ་སྦྱར་བ།། ཤེས་པར་བྱས་པས་ཐམས་ཅད་རྫོགས།། སྒྱུ་མའང་སྒྱུ་མ་ཡིན ་སྤྱོད་ལ། ། རྫོགས་པ་སྤྱིར་ཆི་བ་ས་འདི་ནི།། བཅུ་ཡི་ཐ་མ་དང་པོ་ལས།། མཐར་རྫོགས་ཀུན་གྱི་ཐོག་ཡིན་ཏེ།། ཀློང་ཡངས་ནམ་མཁའི་སྙིང་པོ་ལ།། སྤྲིན་མེད་ཉི་མ་འབུམ་གྱིས་གདལ།། ཅིར་སྣང་ཅི་ཡང་མ་ཡིན་པ།། མི་སྐྱེ་མི་འགག ་ངོ་བོ་ལ། ཅི་ལྟར་བལྟས་དགུ་དེར་སྣང་བ།། ཐེག་མཆོག་སྤྱི་རྒྱའི་རླབས་ཀྱིས་བཅད།། དེ་ཡང་ལྟ་བའི་ཁྱད་པར་གྱིས།། བདག་ཉིད་ཆེན་པོའི་རྣལ་འབྱོར་དང་།། ལྷུན་གྱིས་གྲུབ་དང་ཀློང་ཡངས་ཆུབ།། གསུང་རྫོགས་རང་བྱུང ་བདལ་བའོ། ། འདི་ནི་རྣལ་འབྱོར་སྤྱོད་པ་ལམ།། རྒལ་འབྱོར་ཅན་གྱིས་བགྲོད་པར་བྱ།། གཞན་ཡང་འདུས་པའི་ནལ་འབྱོར་རྣམས།། དོན་གྱི་རྗེས་ནིཀྱིལ་འདོདན།། ཅིག་ག་འཐོས་པཙམ་གྱིས་ནི།། ཆོག་པའི་འདུ་གས་པ ་ཅིག་། ཁྱེད་ཀུན་རྣལ་འབྱོར་ཡིན་མོད་ཀྱི།། ཡང་དག་དོན་ལ་རྣལ་མི་འབྱོར།། སྤྱོད་པ་འགྱུར་བར་བྱེད་མོད་ཀྱི།། ཡང་དག་དོན་དུ་ཡོད་མ་གྱུར།། ཆགས་སྡང་ལས་ལ་ཞེན་མོད་ཀྱི།། དམ་པའི་དོན་ལ་ཡོད་མ་ཞེ་ན།། ལོངས་སྤྱོད་རྒྱ་ཆེར ་བྱེད་མོད་ཀྱི། ། ཆོས་ཉིད་དོན་གྱི་རོ་མོ་ཚོར།། བདག་མེད་ཕྱོགས་བྲལ་ཟེར་མོད་ཀྱི།། ཉོན་མོངས་ལྔ་དང་ཡོད་མ་བྲལ།། བརྟུལ་ཞུགས་རྟོག་པ་ཆོམས་མོད་ཀྱང་།། གཟུང་འཛིན་རྟོག་པ་ཡོད་མཚོམས།། དེ་བས་འདུས་པའི་རྣལ་འབྱོར ་རྣམས། ། ཐོས་པ་ཚིག་གི་སྒྲོན་མ་ཡིས།། ཡང་དག་དོན་གྱི་གསེར་བཙལ་ན།། རྟོགས་འདོད་སྤྲེའུ་འདི་བཟུང་ནས་ཀྱང་།། རྐུན་མོ་བྱི་ལ་བརྟགས་བྱས་ཏེ།། གས་ཁུང་སྐར་ཁུང་ཀུན་དག་ཅིང་།། ཁང་སྟོང་པང་ཕུང་བཤིག་ནས་ནི།། རྒྱལ ་པོའི་བསྐོར་མཛོད་ཁ་བྱེ་ན། ། དེ་དག་རྟག་ཏུ་སངས་རྒྱས་ཡིན།། ཡང་དག་དོན་གྱི་ལམ་ཚོལ་ན།། རྟོག་པའི་སྐྱོན་ལྔ་སྤང་བར་བྱ།། རྟོག་པ་རགས་པའི་རི་བོ་དང་།། མཚན་མ་རྒྱུ་བ་ཚོར་བ་དང་།། བྱུང་ཚོར་སྐྱོན་ལྔ་བསལ་བར་བྱ།། རྟོག་པ་ལ ་ཡང་གཉིས་ཡོད་དེ། ། རགས་དང་ཕྲ་བར་སྣང་བ་ཡིན།། དེ་བཞིན་མཚན་མ་ཆེ་ཆུང་གཉིས།། རྒྱུ་བ་རིང་པོ་ཐུང་ངུ་གཉིས།། དེ་བཞིན་ཚོར་བ་གསལ་མི་གསལ།། བྱུང་ཚོར་གཉིས་སུ་སྣང་བ་ཡང་།། མྱུར་པ་དང་ནི་བུལ་བའོ།། འདི་ནི་དོན ་ལ་སྒྲིབ་པ་ཡི། ། རྟོགས་པ་ཆེན་པོའི་གགས་ཆེན་ཡིན།། ཙི་ཕྱིར་དོན་དེ་མི་མཐོང་ཕྱིར།། མུན་པ་དང་ནི་འཁྲེགས་པ་དང་།། ཀུན་དུ་འཐིབས་དང་སྤྲིན་ཕུང་དང་།། ན་བུན་ལྟ་བུར་བསྒྲིབས་པ་ཡིས།། ཡང་དག་མི་གསལ་མཐོང་མི་འཐུན། ་འདི་ཡང་བྱེ་བྲག་གཉིས་གཉིས་ཏེ།། མུན་པ་མུན་ནག་ཆེན་པོ་དང་།། ཀུན་ནས་འཐིབས་པ་ལྟ་བུ་དང་།། ཀུན་དུ་འཁྲིགས་དང་བསྒྲིབས་པ་དང་།། འཐིབས་པ་ཆེན་པོ་ཆུང་ངུ་གཉིས།། སྤྲིན་ཆེན་འཐིབས་དང་འལ་རོལ་དང་།། ན་བུན ་གཏམས་དང་བན་བུན་གྱིས། ། གནས་ངན་གསུམ་དང་མིའི་གནས་དང་།། འདོད་ཁམས་བཞི་ཡི་ལྷ་གནས་དང་།། གཟུགས་ཀྱི་ཁམས་དང་གཟུགས་མེད་ཁམས།། ཉན་ཐོས་རང་རྒྱལ་གནས་སུ་ལྷུང་།། ལྟུང་བར་འགྱུར་བའི་སྐྱོན ་ཆེན་ནི། མཚན་མའི་གཡེང་བ་རྣམ་དྲུག་ཡིན།། རང་བཞིན་ཡུལ་ལ་གཡེང་བ་དང་།། དེ་བཞིན་ཕྱི་རོལ་གཡེང་བ་དང་།། ནང་དང་མཚན་མའི་གཡེང་བ་དང་།། ཡིད་ལ་བྱེད་དང་གནས་ངན་ལེན།། འདི་དག་རབ་ཏུ་གསལ་བར་བྱ།། གསལ ་ནས་དོན་ལ་མཉམ་བཞག་ཚེ། ། མཉམ་པའི་དོན་ལ་སྒྲིབ་པའི་སྐྱོན།། རྣམ་པ་ལྔ་འབྱུང་འདི་ལྟ་ལྟེ།། བྱུང་ཚོར་དབང་གིས་གཡེང་བ་དང་།། བྱིད་ཐུགས་དབང་གིས་འཐིབས་པ་དང་།། འཛིན་ཆགས་དབང་གིས་འགོག་པ་དང་།། ཐེར་ཟུག ་དབང་གིས་རྟོག་པ་དང་། ། ཕྱལ་བའི་དབང་གིས་མེད་པ་སྟེ།། འདི་ནི་མཉམ་པའི་སྐྱོན་ཡིན་ནོ།། སྐྱོན་ཆེན་དེ་དག་གླན་པའི་ཆོས།། སེམས་ཀྱི་ལོན་འདི་རྒྱལ་བས་བཤད།། འདུས་པ་ཆེན་པོའི་རྣལ་འབྱོར་པ།། རྣམ་པར་མི་རྟོག་དོན་ཚོལ ་ན། གཅིག་པུ་དབེན་པའི་ས་བཟུང་སྟེ།། ཚད་མ་གསུམ་དང་ལྡན་པའི་བློས།། རྣམ་པར་རྟོག་པའི་རྗེས་གཅད་པ།། ཡོད་མེད་སྔོན་ཐོག་ག་ལས་བྱུང་།། བརྟགས་པས་རྟོག་པ་རྟས་ལས་བྱུང་།། རྟོག་པ་སྒྱུ་མར་རབ་ཤེས་ན།། རྟོག་པའི་རི ་བོ་ཞི་བར་འགྱུར། ། དེས་ནི་གནས་ངན་གསུམ་མི་ལྟུང་།། རྟོག་པ་གང་ལས་བྱུང་ཞེ་ན།། མཚན་མའི་ཆོས་ལས་བྱུང་བ་ཡིན།། མཚན་མོ་སྒྱུ་མར་རབ་ཤེས་ན།། མཚན་མོའི་ཆོས་རྣམས་ཞི་བར་འགྱུར།། དེས་ནི་འདོད་ཁམས་ཐ་མ ་མིན། ། མཚན་མ་གང་ལས་བྱུང་ཞེ་ན།། དྲན་པ་རྒྱུ་བ་དག་ལས་བྱུང་།། དྲན་པ་སྐྱོན་དུ་ཤེས་གྱུར་ན།། རྒྱུ་བའི་སྐྱོན་རྣམས་སེལ་བར་བྱེད།། མཐུ་དེས་འདོད་ཁམས་གཉིས་པར་མིན།། རྒྱུ་བ་གང་ལས་བྱུང་ཞེ་ན།། ཚོར་བ་དག་ལས ་བྱུང་བ་ཡིན། ། དག་ཅིང་སྐྱེ་བར་བྱ་བ་མེད།། ཚེར་བ་ཆུ་མར་ཤེས་གྱུར་ན།། སྒྲོན་གྱི་ཚེར་བ་སེལ་བར་བྱེད།། འདོད་ཁམས་གསུམ་པར་ལྷུང་མི་འགྱུར།། ཚོར་བ་གལས་བྱུང་ཞེ་ན།། བྱུང་ཚོར་ཕྱི་ནང་དག་ལས་བྱུང་། དག། ་ཅིང་སྐྱེ་བར་བྱ་བ་མེད།། དེ་ཉིད་སྐྱོན་དུ་ཤེས་འགྱུར་ན།། དེ་ལྟར་ཤེས་པའི་མཐུ་ཡིས་ནི།། འདོད་ཁམས་བཞི་པར་མི་ལྟུང་ངོ་།། བུང་ཚེར་གང་ལས་བྱུང་ཞེ་ན།། སེམས་ཀྱི་ཆོས་ལས་བྱུང་བ་སྟེ།། སེམས་ཉིད་ཏུ་མར་རབ་ཤེན། ་སེམས་ཀྱི་ཆོས་རྣམས་ཞི་བར་འགྱུར།། ཕུང་པོ་གཟུགས་བརྙར་འདྲ་བ་ལ།། སེམས་ཉིད་སྨིན་རྒྱུ་ལྟ་བུ་ཡིན།། ཡོད་མེད་གཉིས་ཀྱི་མཐའ་ལས་གྲོལ།། དེ་ལྟར་ཤེས་པའི་རྣལ་འབྱོར་པ།། འདོད་ཁམས་ལྔ་པར་ལྷུང་མི ་འགྱུར། སེམས་ཉིད་ཡོད་པའི་དངོས་པོ་འམ།། མེད་ཅེས་བྱ་བར་མི་ལྟ་བར།། མུ་སྟེགས་ཅན་དུ་ལྟུང་མི་འགྱུར།། བྱིང་རྨུགས་ཅན་དུ་མ་གྱུར་པས།། འདུ་ཤེས་མེད་པར་ལྷུང་མི་འགྱུར།། འདུ་ཤེས་རྗེས་སུ་མ་འབྲངས་པར། ་སེམས་ཅན་གནས་སུ་དེ་མི་འཁོར།། ཀུན་བཞིའི་དོན་ལ་གོམྦ་པས་ནི།། ཉན་ཐོས་གནས་སུ་དེ་མི་ལྷུང་།། སྟོང་ཞིང་ཞི་བར་མི་བྱེད་པས།། རང་རྒྱལ་ལྟ་བར་དེ་མི་ལྟུང་།། རྣམ་དག་སྟོང་པར་མི་བྱེད་པས།། བྱང་ཆུབ་སྤྱོད་པར ་ལྟུང་མ་ཡིན། མཉམ་ཉིད་སྟོང་པའི་དོན་དག་ལ།། སོ་སོ་ཐ་དད་མི་འབྱེད་པས།། ས་ཡི་རིམ་པར་མི་ལྟུང་ཞིང་།། རིམས་ཀྱིས་སྦྱོང་ཞིང་འཕར་བ་མེད།། ཡང་དག་དོན་གྱི་རང་བཞིན་ནི།། ཅི་ལ་མི་གནས་མི་ལེན་ཅིང་།། ཅི་ཡང་མི ་མཐོང་ཐོས་པ་མེད། ། ཅིར་ཡང་མི་བྱེད་བྱེད་དང་བྲལ།། ཅི་ཡང་ཐོས་པ་རྡུལ་ཙམ་མེད།། ཅིར་ཡང་སྣང་བ་མེད་པ་དེ།། དེ་ནི་སྣང་བ་དམ་པ་ཡིན།། བསམ་དུ་མེད་པའི་ཆོས་ཉིད་ནི།། བསམ་དུ་མེད་པས་དེ་བཞིན་གཞག། རང ་བཞིན་མེད་པའི་ཆོས་ཉིད་ལ། ། སེམས་ཀྱི་གྱེན་འདའ་སྐད་ཅིག་མས།། མི་གཡོ་རྒྱུན་དུ་དྲན་པར་བྱ།། དེ་ལྟར་དོན་ལ་མཉམ་བཞག་ན།། རྟགས་ཀྱི་ཚོར་བ་འདི་ལྟར་འབྱུང་།། དྲོད་དང་རྟགས་དང་ཚེ་འཕྲུལ་དང་།། མངོན ་ཤེས་དང་ནི་ཡེ་ཤེས་འབྱུང་། ། དྲོད་ནི་གཡོ་དང་ཐོབ་པ་དང་།། རྟགས་ནི་བྲང་དང་བརྟན་པ་དང་།། ཆོ་འཕྲུལ་བྱུང་དང་རྫོགས་པ་དང་།། རིག་པ་ཕྲ་མོ་ཐམས་ཅད་གསལ།། དེས་ནི་དོན་རྣམས་རྫོགས་པ་ཡིན།། དཔེར་ན་མུན་པ ་སངས་པ་དང་། ། སྣང་བ་བྱུང་དང་ནམ་མཁའ་དང་།། ཀུན་དུ་མཐོང་དང་ཐམས་ཅད་གསལ།། དེ་ལྟར་ཤེས་པའི་མཐུ་ཡིས་ནི།། བག་ཆགས་མུན་པ་ཀུན་གསལ་ཏེ།། ཇི་ལྟར་རླུང་གི་སྤྲིན་ཆགས་ལྟར།། སྐད་ཅིག་ཙམ་བྷེ་ཏི ་འཛིན་གྱིས། ། སྒྲིབ་པའི་ཕུང་པོ་འཕྱག་པར་འགྱུར།། ཇི་ལྟར་མར་མེས་མུན་གསལ་ན།། མུན་ཉིད་སྣང་བར་འགྱུར་བ་བཞིན།། སྐད་ཅིག་མ་ཡི་དོན་རེག་པས།། སྔོན་ནས་བསགས་པའི་མུན་པ་སེལ།། དེ་ལྟར་རིག་པའི་སྐྱེས ་པུ་ནི། དོན་ལ་རིག་པའི་སྒོ་བྱེ་ཞིང་།། ཆོས་ཀྱི་མིག་དང་དེ་ལྡན་པས།། མཐོང་ཐོས་ཚིག་ལེའུ་ཚིག་བཞིར་བསྡེབས།། ས་པ་ཡིན་པས་དོན་ལ་སྤྱོད།། ཆོས་ཀྱི་མིག་དང་མ་ལྡན་ན།། མུ་མཐའ་ཡས་པའི་ཚིག་རྣམས་ཀྱིས།། དོན་གྱི ་ཐ་སྙད་ཅི་བརྗོད་ཀྱང་། ། ནོར་མ་ནོར་གྱི་དོན་མི་དཔོགས།། ཚིག་ཕྱིར་བློ་འབྲངས་དམུ་རྒོད་དེ།། བསླབ་པའི་ས་དང་ལམ་པ་ཡིན།། ཚིག་དོན་འབུམ་ཕྲག་ཅི་བརྗོད་ཀྱང་།། གཞན་ལ་སྟོན་པར་མ་བྱེད་ཅིག། བསྟན་ན་རྡོ་རྗེ་བཀའ ་རྐུན་དེ། དམྱལ་བ་རྡོ་རྗེར་དེ་ལྟད་འགྱུར།། གང་དག་ཚུལ་འཆོས་མཁན་དག་གི། དོན་ལ་བློ་ཤེད་མ་བྱེ་བར།། ཚིག་དང་ཡི་གེས་ཁྲིད་ནས་ནི།། མི་ཤེས་བཞིན་དུ་ཆོས་བསྟན་ན།། སེམས་ཅན་ཐམས་ཅད་སྲོག་ཕྲོགས་པས། མི།། ་ཤེས་ཆོས་སྟོན་དེ་བས་ལྕི།། དེ་བས་མཉམ་པའི་དོན་འདི་ལ།། བསྟན་ཏེ་གཅིག་ཅར་འཇུག་ཤེས་ན།། བསྒོམ་པའི་ཡུན་ནི་རིང་ཐུང་དང་།། ལས་འཕྲོ་ཡོད་དང་མེད་པ་དང་།། ནམ་གྲུབ་སྙམ་པའི་ཁར་མ་ལུས།། མཉམ་པའི་འདོན ་ལ་མཉམ་བཞག་ན། ། དེ་མ་ཐག་ཏུ་རིག་པ་འཆར།། མཉམ་པའི་དོན་ལས་མ་གཡོས་ན།། གཟུགས་ཁམས་གནས་སུ་དེ་མེ་ལྟུང་།། མཉམ་པ་ཉིད་ལ་མ་ཆགས་ན།། གཟུགས་མེད་ཁམས་སུ་ལྟུང་མི་འགྱུར།། མཉམ་ཉིད་མངོན། ་དུ་གྱུར་པས་ན།། ཉན་ཐོས་གནས་སུ་དེ་མི་ལྟུང་།། ཅི་ཡང་མེད་པའི་དོན་མཐོང་ན།། སངས་རྒྱས་ཞེས་ནི་དེ་ལ་བྱ།། དེས་ནི་ཏིང་འཛིན་ཁྱད་པར་འདི།། རྣལ་འབྱོར་ཅན་གྱིས་འདྲིས་པར་སྒོ་བ།། ཐམས་ཅད་མི་རྟོག་སྐྱེ ་མེད་ཅིང་། ། རྟོག་པའི་མཐའ་སྤངས་ནམ་མཁའི་དབྱིངས།། ཇི་བཞིན་མི་གཡོ་མཉམ་པ་ཉིད།། མཚན་མའི་རྟོག་པ་ཡུལ་ལས་འདས།། ཡུལ་མེད་ནམ་མཁའི་རང་བཞིན་ལས།། སྙིང་རྗེ་ཆེན་པོའི་བྱང་ཆུབ་སེམས།། ཉི་མ ་སྟོང་གི་དཀྱིལ་འཁོར་ཤར། ། མཚན་མའི་ཆོས་རྣམས་ཀུན་ལ་ཁྱབ།། ཉི་མ་འབར་བ་སྙིང་པོ་ལས།། འོད་ཟེར་ཡིག་འབྲུའི་མཆོག་ཏུ་གསལ།། ཐམས་ཅད་འབྱུང་བའི་ཡི་གེ་ཨ།། ཅིར་ཡང་འགྱུར་བའི་རང་བཞིན་ལས།། ་སྤྲུལ་པའི་ཆོ་འཕྲུལ་ཐམས་ཅད་འབྱུང་།། དེ་ཡང་རྩལ་གྱི་ཁྱད་པར་ལས།། དབུགས་ཀྱི་ཡུལ་དང་ཚོར་བ་དང་།། ཐོས་དང་མཐོང་བ་ལ་སོགས་ཏེ།། སེམས་ཀྱི་ཡུལ་དང་ནམ་མཁའི་དབྱིངས།། ཆོས་ཀྱི་དབྱིངས་ཀྱི་མཐས ་ཀླས་པར། ། རང་བཞིན་ཡི་གེ་བསྐུར་ཡི་གེ། ཡན་ལག་ཡི་གེ་སོ་སོ་ཡ།། རྩ་བ་ལ་སོགས་གཞི་གཅིག་བཅས།། འཕྲོ་འདུ་ཆད་ཀྱང་ཕྱག་རྒྱ་ཡི།། ཚོམ་བུའི་གྲངས་ཀྱང་དེ་བཞིན་ནོ།། འདི་ནི་དང་པོའི་འཇུག་རིམས་ཏེ།། མཐར ་གྱིས་འདྲིས་ཤིང་གོམས་བྱེད་པའོ། ། ཡི་གེའི་ཡེ་ཤེས་ལས་སྐྲུན་ཏེ།། དོན་བྱེད་པ་དང་ཕྱག་རྒྱར་སྐྱེད།། རྒྱ་མཚོ་ག་ནོན་དང་ནམ་མཁའི་སྐས།། རླུང་བཅིང་བ་དང་རྒྱུན་བཟློག་དང་།། བསྲེག་པའི་བསྐལ་པ་བཞིལ་པ་དང་། ཉི་ཟླ ་འོན་དང་འཇིག་རྟེན་འཕང་། ། ས་ལ་འཛུལ་དང་རི་རབ་འདེགས།། སྟོང་གསུམ་ཡུངས་འབྲུར་འཇུག་ཚུལ་དང་།། གཞིག་དང་སྦར་བ་ལ་སོགས་ཏེ།། བསམ་བྱ་བསམ་གྱིས་མི་ཁྱབ་པ།། གོམས་པ་ལས་སུ་རུང་བ་ཡི།། རྣལ ་འབྱོར་རྩལ་ཆེན་སྦྱོང་བར་ཟད། ། བཟླས་པ་མཐར་ཕྱིན་གྲུབ་པ་དང་།། བཅིང་བ་ཡོངས་སུ་རྫོགས་པ་དང་།། བསམ་པ་ལས་སུ་རུང་བ་དང་།། དོན་མཐོང་བ་དང་ཚིག་གྲུབ་པ།། བྱ་བ་ཡོངས་སུ་དག་པ་དང་། དོད་ཅིག་ཡུལ་ལ ་སོ་སོར་སྡང་། ། དེས་ན་ཏིང་འཛིན་ཁྱད་པར་ཡང་།། དབྱིངས་ཉིད་གཅིག་ལ་སྒོམ་མོད་ཀྱི།། རྣལ་འབྱོར་རྩལ་གྱི་ཁྱད་པར་གྱིས།། བསམ་པའི་ཡུལ་ནི་སྣ་ཚོགས་ཏེ།། དང་པོའི་ས་ལ་གནས་པ་ཡི།། བརྩམ་པ་ལས་ཀྱི་རྣལ ་འབྱོར་པ་འདུན་པ་སེམས་པའི་རྣལ་འབྱོར་ལས། ། སོགས་པའི་རྣལ་འབྱོར་རྣམ་དྲུག་པོ།། ཤེས་རབ་རྩལ་གྱིས་འཕང་དམས་པས།། ཏིང་འཛིན་རྩལ་ཡང་ཆུང་བ་སྟེ།། དོན་ལ་མཐོང་བར་མི་འགྱུར་ཏེ།། རང་གི་མོས་པའི ་ལྷ་སྒོ་མ་ར། ། ལྷ་ཡི་ས་བོན་གང་ཡིན་པ།། ཁ་དོག་ཚོན་གྱིས་བྱེ་ནས་ནི།། སྣ་ཡི་དབུགས་ལ་རྒྱུ་བྱས་ཏེ།། དབུགས་ཀྱི་ཡུལ་དུ་གྱུར་ཆད་དུ།། ཟུང་བསྒྲིལ་ཕར་འཕྲོ་གསལ་བ་ལས།། འཕྲོ་འདྲའི་གནས་སུ་སྐྱེད་པར་བྱ།། ་རང་གི་ཕྱག་ཚད་དང་སྦྱར་བའི།། སྐུ་ཡི་ཁྱོན་ཡང་དེ་ཙམ་མོ།། གཉིས་པའི་ས་ལ་གནས་པ་ཡི།། བཀའ་སྡོད་ལས་ཀྱི་རྣལ་འབྱོར་ལས།། སོགས་པའི་རྣལ་འབྱོར་རྣམ་བཞི་པོ།། ཏིང་འཛིན་རྩལ་གྱི་ཁྱད་པར་ནི།། ས་བོན ་རང་བཞིར་ཡིག་ལ། ། འོད་ཟེར་འབར་བར་བཅས་པ་དེ།། དྲི་བཱང་ཡུལ་ནི་ཚུན་ཆད་དུ།། འཕྲོ་འདུ་གསལ་བར་བསྐྱེད་པ་ལས།། རང་གི་ཆག་ཚད་གཉིས་བསྒྱུར་བའི།། སྐུ་ཡི་ཁྱོན་ཡང་དེ་ཙམ་མོ།། གསུམ་པའི་ས་ལ་གཪྵ་པ ་ཡི། རྣལ་འབྱོར་ལུང་གི་བཀའ་བསྒོལས།། སོགས་པའི་རྣལ་འབྱོར་རྣམ་གསུམ་པ།། དམིགས་པའི་ཏིང་འཛིན་འདི་ལྟར་འདོད།། ལྷ་ཡི་ས་བོན་གང་ཡིན་པ།། རང་བཞིན་ཡི་གོའི་བསྐུར་བྱས་ཏེ། འོད་ཟེར་འབར་དང་བཅས་པ་ཡིས།། བོས ་པའི་ཡུལ་ནི་ཚུན་ཆད་དུ། ། འཕྲོ་འདུ་གསལ་བར་བྱས་པ་ལས།། རང་གི་ཆག་ཚད་བཞི་བསྒྱུར་ཙམ།། སྐུ་ཡི་ཁྱོན་ཡང་དེ་ཙམ་མོ།། དེ་བཞིན་རྣལ་འབྱོར་རིམ་པ་བཞིན།། ལྷ་ཡི་ཁྱད་པར་གང་ཡིན་པ།། ཡི་གེའི་རིམ་པ་བཞིན་བྱས ་ནས། འཕྲོ་འདྲའི་ཚད་ཀྱང་དེ་བཞིན་ཏེ།། རིམ་པ་བཞིན་དུ་སྦྱར་ནས་ཀྱང་།། འཕྲོ་འདུ་གསལ་བར་གྱུར་པ་དང་།། སེམས་ཀྱི་ལྕོགས་ཚད་ཚུན་ཆད་དུ།། སྐུ་ཡི་ཁྱོན་གྱི་ཁྱད་པར་ཡང་།། ཆོས་ཀྱི་དབྱིངས་ཀྱི་མཐས་ཀླས་པར།། སྐུ་ཡི་ཁྱོན ་གྱིས་གང་བར་བསྒོམ། ། གཞན་ཡང་འདུས་པའི་རྣལ་འབྱོར་རྣམས།། ཡི་གེའི་རྗེས་སུ་དོན་དཔགས་ན།། ཡི་གེས་དོན་རྣམས་སྟོན་པར་འགྱུར།། ཅི་ཕྱིར་དོན་ཉིད་ཡི་གེར་སྣང་།། དབྱིངས་ལས་ཨ་ཐུང་ཨ་ལས་ནི།། ཡི་གེའི ་ཚོགས་བྱུང་སྣ་ཚོགས་འཕྲོས། ། ཨ་ནི་རང་བཞིན་ཡི་གེ་སྟེ།། རྟེན་དང་བྲལ་བས་ཅུ་རྐྱེན་མེད།། ཀུན་ལ་ཁྱབ་པས་ནམ་མཁའ་འདྲ།། ཨ་ནི་ཆོས་ཉིད་རོ་འཕྲུལ་ཏེ།། ཆོས་ཉིད་ཟབ་མོའི་ངང་ལས་ནི།། ཆོ་འཕྲུལ་ཡི་གེ་ཨ་བྱུང་བས། ་ཨས་ནི་ཆོས་ཉིད་མཚན་པར་བྱེད།། ཨ་ལས་ཡིག་འབྲུའི་ཚོགས་འཕྲོས་ཏེ།། ཚིག་ཚོགས་བསྟན་པ་རྒྱ་མཚོར་གྲགས།། ཡི་གེའི་སྒྲ་སྐད་ཀུན་བཟུང་སྟེ།། སྣ་ཚོགས་ཡི་གེའི་སྐད་དུ་བསྐུར།། ཡིག་འབྲུའི་ཡན་ལག་མང་པོ་རྣམས། ་རང་བཞིན་ཨ་ཡི་ངང་དུ་འདུས།། ཐུགས་ཀྱི་ཀློང་ནས་ཨ་བྱུང་བས།། ཨ་ཡི་འོད་ཟེར་འཕྲོ་འདུ་ལས།། མགུར་གྱི་གསང་བར་ཤར་བ་ལས།། གསུང་སྒྲ་ཡི་གེ་ལྔར་འཕྲོས་པ།། ཨ། ཀ་ཁཾ་ག་གྷ་ད། དེ་ནས་ཨ་ཡི་འོད་ཟེར་དེ།། ལྗགས ་ཀྱི་ཟླ་གམ་པད་མོར་འཕྲོས། ། ལྗགས་ཀྱི་མཐིལ་དུ་འཁྱིལ་བ་ལས།། འོད་ཟེར་ཡིག་འབྲུ་ལྔར་ཤར་བ།། ཙ་ཚ་ཛ་ཛྷཉ། དེ་ནས་ཨ་ཡི་འོད་ཟེར་དེ།། ལྗགས་ཀྱི་རྩིལ་འཕྲོས་པ་ལས།། འོད་ཟེར་ཡིག་འབྲུ་བཅུར་ཤར་བ།། ཊཎ་ཌ་ཌྷ་ཌ། ་ཐད་དྷ་ན།། དེ་ནས་ཨ་ཡི་འོད་ཟེར་དེ།། ཞལ་གྱི་སྒོ་ནས་འཕྲོས་པ་ལས།། ཆོ་འཕྲུལ་ཡིགེ་ལྔར་ཤར་བ།། བ་ཕ་བ་བྷ་མ། དེ་ནས་ཨ་ཡི་འོད་ཟེར་དེ།། ཕྱི་རོལ་ཡུལ་དུ་འཕྲོས་པ་ལས།། ཆོ་འཕྲུལ་ཡིག་སྣ་ཚོགས་འཕྲོས།། ཡ་ཝར ་ལ་ཤ་ཥ་ས་ཧ་ཀྵ། ཨེ་ཨཱི་ཨུ་ཨཱུ་ཨེ་ཨི་ཨོ་ཨཽ་ཨེ་ཨཿ།། ཨ་ལས་ཆོ་འཕྲུལ་འོད་འཕྲོས་པས།། ཡི་གེའི་ཕྲེང་བ་ཚོགས་བྱུང་སྟེ།། ཡི་གེ་ཡན་ལག་ཡེ་ཤེས་ལ།། སངས་རྒྱས་སྐུ་ཡི་ས་བོན་བྱུང་།། དཔག་ཏུ་མེད་པའི་རྒྱལ་བ་རྣམ ་སྐུ་དང་གསུང་ཐུགས་སྤྲུལ་པའི་ཚོགས། ། ཕྱག་རྒྱ་སྣ་ཚོགས་མཛེས་པར་སྣང་།། དེས་ན་ཡི་གེའི་རང་བཞིན་ནི།། རྒྱལ་བའི་སྐུ་ཉིད་ཡིན་པར་བཤད།། ཨ་ནི་ཐུགས་ཀྱིས་བོན་ཏེ།། ཀ་ལ་སོགས་པ་དང་པོ་ལྔ།། མགུར་གྱི་གསང་བ ་རང་བཞིར་ཡིན། ། གཉིས་པ་རྩ་ལ་སོགས་པ་ལྔ།། ཟླ་གམ་ལྗགས་ཀྱི་རང་བཞིན་ཡིན།། གསུམ་པཊ་ལ་སོགས་པ་བཅུ།། ལྗགས་ཀྱི་རྩེ་མོའི་རང་བཞིན་ཡིན།། བཞི་པ་པ་ལ་སོགས་པ་ལྔ།། ཞལ་གྱི་སྤྲོས་ལས་བྱུང་བར་བཤད།། ་ལྔ་པ་ཡ་ལ་སོགས་པ་ཡི།། བཅུ་ཚན་གཉིས་ཀྱི་ཡིག་དག། སྐུ་ལས་འཕྲོས་པར་རབ་ཏུ་བཤད།། ཞབས་ཀྱི་འཁོར་ལོའི་འོད་ཟེར་ལས།། སྒྲིབ་པ་སྲེག་པའི་ཡིག་འབྲུ་ཏ།། གསང་བའི་མཁའ་ཡི་འོད་ཟེར་ལས།། ཆོ་འཕྲུལ་འཐུང ་བའི་ཡིག་འབྲུཀྵ། ། སཱུ་ཡི་ཁྲུད་ཚང་ལྟེ་བ་ལས།། འདོད་པ་འབྱུང་བའི་ཡིག་འབྲུ་ཧཱ།། ཐུགས་ཀར་འཁྱིལ་བའི་དཔལ་བེའུ་ལས།། མཚན་མ་དག་པའི་ཡིག་འབྲུ་ཤ། ཕྱག་གི་འཁོར་ལོའི་འོད་ཟེར་ལས།། ཆོ་འཕྲུལ་སྟོན་པའི་ཡིག ་འབྲུ་ཤྭ། སྐྱེས་བུ་ཆེན་པོའི་དཔུང་པ་ལས།། རྟོག་པ་འཇོམས་པའི་ཡིག་འབྲུ་ལ།། སྐྱེས་བུ་ཆེན་པོའི་ལྟ་ཟུར་ལས།། འདོད་ཆགས་སྲེག་པའི་ཡི་གེ་ར།། སྐྱེས་བུ་ཆེན་པོའི་སྐུ་སྐབས་ལས།། གཏི་མུག་སེལ་བའི་ཡི་གེ་ཝ།། ་ཆེན་པོའི་བྱིན་པ་ལས།། འཁོར་བ་གནན་པའི་ཡིག་འབྲུ་ཡ།། སྐྱེས་བུ་ཆེན་པོའི་སྤྱན་གཉིས་ལས།། རང་བཞིན་ཡི་གེ་ཨི་གཉིས་ཤར།། སྐྱེས་བུ་ཆེན་པོའི་སྙན་གཉིས་ལས།། རང་བཞིན་ཡི་གེ་ཨུ་གཉིས་ཤར།། སྐྱེས་བུ་ཆེན ་པོའི་ཤངས་གཉིས་ལས། ། རང་བཞིན་ཡི་གེ་ཨེ་གཉིསཾ་ཤར།། སྐྱེས་བུ་ཆེན་པོའི་ཚམས་གཉིས་ལས།། རང་བཞིན་ཡི་གེ་ཨོཾ་གཉིས་ཤར།། སྐྱེས་བུ་ཆེན་པོའི་སྤྱི་གཙུག་ནས།། རྒྱལ་པོའི་ས་བོན་ཨཾ་དུ་ཤར།། དེས་ན་ཡིག ་འབྲུའི་ཡན་ལག་ཀུན། ། རྒྱལ་བ་རྒྱ་མཚོའི་སྐུ་གསུང་ཐུགས།། ཨོཾ་ནི་སྐུ་ཡི་རང་བཞིན་ཏེ།། ཨཱཿནི་ཐུགས་ཀྱི་མཚན་ཉིད་དོ།། ཡི་གེའི་ཕྲེང་བ་མདོ་པོ་ཀུན།། གསུང་བརྗོད་གསུང་གི་རང་བཞིན་ནོ།། ཨ་ནི་ཆོས་སྐུའི་རང་བཞིན་ཏེ།། ་ཨོཾ་ནི་ལོངས་སྤྱོད་རྫོགས་པའི་སྐུ།། ཡིག་འབྲུ་འབར་བའི་ཕྲེང་བ་རྣམས།། སྤྲུལ་པ་འདྲེན་པའི་སྐུ་ཞེས་བཤད།། ཨ་ནི་ཆོས་ཀྱི་དབྱིངས་ཡིན་ཏེ།། ཨོཾ་ནི་རིག་པའི་ཡེ་ཤེས་ཡིན།། ཡིག་འབྲུ་འབར་བའི་ཕྲེང་བ་རྣམས།། ཆོས ་དང་ཆོས་ཉིད་རང་བཞིན་ཡིན། ། ཨ་ནི་བརྗོད་པའི་རྒྱུ་ཡིན་ཏེ།། ཨོཾ་ནི་ཚིག་ཚོགས་འབྱུང་བའི་རྒྱུ།། ཚིག་གི་ཚོགས་ཉིད་ཡི་གེ་ཡིན།། ཡི་གེ་རིང་བའི་ཚིག་གི་མཛོད།། ཡི་གེ་འོད་ཟེར་འབར་འཕྲོས་པས།། ཆོས་དང་ཆོས ་མ་ཡིན་པ་རྣམས། ། ངག་གི་དབང་པོ་ཁ་ཕྱེ་སྟེ།། དོན་དང་ཚིག་ཏུ་རྒྱལ་བར་འགྱུར།། སྒྲ་སྐད་ཀུན་གྱིས་བསྡུས་པའི་ཚོགས།། ཡིག་འབྲུ་ཕྲེང་བའི་ངང་དུ་རྫོགས།། ཚིག་དང་ཡིག་འབྲུ་ཐམས་ཅད་ཀུན།། ཨོཾ་གྱི་རང་བཞིན་དང་དུ ་རྫོགས། ། ཨོཾ་གྱི་ཆོ་འཕྲུལ་ཐམས་ཅད་ཀུན།། ཨ་ཡི་རང་བཞིན་དབྱིངས་སུ་ཞ།། ཨ་ནི་ཡིག་འབྲུ་ཀུན་གྱི་གཏེར།། ཨ་ཉིད་ཆོས་ཀྱི་དབྱིངས་སུ་ཐིམ།། དེས་ན་རྒྱལ་བ་སངས་རྒྱས་རྣམས།། སྐུ་དང་གསུང་ཐུགས་རྡོ་རྗེ་དེ།། འདུལ ་བའི་དབང་གི་ཁྱད་པར་གྱིས། ། ཅིར་ཡང་འགྱུར་ཞིང་ཅིར་ཡང་སྣང་།། ས་དང་ནམ་མཁའ་མེ་དང་རླུང་།། ཆུ་ལ་སོགས་པའི་རྫས་རྣམས་ཀྱིས།། འདལ་བའི་འགྲོ་བ་དེ་རྣམས་ལ།། ས་དང་ནམ་མཁའ་ལ་སོགས་པའི།། ཆ་མེ་དྲུང་དང་། ་ངོ་བོར་སྣང་།། གང་དག་སྐུ་ཡིས་འདུལ་བའི་ཚེ།། སྐུ་དང་གཟུགས་བརྙན་རིང་བསྲེལ་དང་།། རྟེན་ལ་སོགས་པ་ཐ་དད་པར།། འཇིག་རྟེན་ཀུན་དུ་སྟོན་པར་འགྱུར།། གསུང་གིས་འདུལ་བའི་དུས་བྱུང་ན།། དབྱངས་ཀྱི་ཡན་ལག ་དྲུག་ཅུ་ལས། ། སོགས་པའི་སྒྲ་སྐད་སྣ་ཚོགས་དང་།། ཡི་གེའི་གཟུགས་སུ་བསྟན་ནས་ནི།། འཁོར་བའི་ཁམས་སུ་སྣང་བར་བྱེད།། ཅིའི་ཕྱིར་ཞེ་ན་ཡི་གེ་ནི།། དེ་བཞིན་གཤེགས་པ་ཉིད་ཡིན་ཏེ།། དེ་བཞིན་གཤེགས་པའི་རང་། ་བཞིན་ཏེ། ཐུགས་རྗེའི་རང་བཞིན་ཡིན་པས་ན།། ཐབས་ཀྱི་བྱེ་བྲག་སྣ་ཚོགས་ཀྱིས།། ཐམས་ཅད་གྲོལ་བར་མཛད་པའོ།། དེ་བཞིན་ཡི་གེའི་ཚོགས་འདི་ཡང་།། ཡན་ལག་སྦྱོར་སྡུད་སྣ་ཚོགས་ཀྱིས།། ཐམས་ཅད་ཚིག་ཏུ་གོ་བར ་བྱེད། ཡི་གེ་རང་བཞིན་ཡེ་ཤེས་ནི།། སོ་སོའི་དོན་རྣམས་བཤད་པར་བྱ།། ཨ་ནི་མ་སྐྱེས་ཡེ་ཤེས་ཡིན།། རང་བཞིན་ཐམས་ཅད་སྟོང་པར་སྟོན།། ཀ་ནི་བྱ་བའི་ཡེ་ཤེས་ཏེ།། ལམ་གྱིས་ཐམས་ཅད་གྲོལ་བར་སྟོན།། བ་ནི་ཁྱབ་པར ་བྱེད་པའི་སྒོ། ། མི་དམིགས་ཐམས་ཅད་གྲོལ་བར་སྟོན།། ཀ་ནི་དོན་དུ་གྱུར་པ་སྒོ།། ཡུལ་མེད་ཐམས་ཅད་གྲོལ་བར་སྟོན།། གྷ་ནི་གནས་པའི་སྒོ་ཡིན་ཏེ།། གཅིག་ཏུ་མ་དེས་གྲོལ་བར་སྟོན།། ང་ནི་འཛིན་པ་མེད་པའི་སྒོ།། ་འཛིན་བྲལ་ཐམས་ཅད་གྲོལ་བར་སྟོན།། ཙ་ནི་འགག་པ་མེད་པའི་སྒོ།། ཅིར་ཡང་སྣང་བས་ཐམས་ཅད་དགྲོལ།། ཚ་ནི་འདའ་བ་མེད་པའི་སྒོ།། འབྲལ་བ་མེད་པས་ཐམས་ཅད་འགྲོལ།། ཛ་ནི་མ་བྱུང་བ་ཡི་སྒོ།། མི་གནས་པས་ནི་ཐམས ་ཅད་ཟོའོ། ། ཛྙཱ་ནི་རྙོག་མ་བྲལ་བའི་སྒོ།། དྲི་མ་དག་པས་ཐམས་ཅད་གྲོལ།། ཉ་ནི་སྤྱོད་དང་བྲལ་བའི་སྒོ།། བྱ་བ་མེད་པས་ཐམས་ཅད་གྲོལ།། ཊ་ནི་ང་རྒྱལ་མེད་པའི་སྒོ།། རི་བོ་མེད་པས་ཐམས་ཅད་གྲོལ།། ཋ་ནི་སྒྱུ་རྩལ་མེད་པའི་སྒོ། ་བྱེད་པ་མེད་པས་ཐམས་ཅད་གྲོལ།། ཌ་ནི་འདྲེས་པ་མེད་པའི་སྒོ།། རྩོད་པ་མེད་པས་ཐམས་ཅད་གྲོལ།། ཌྷ་ནི་སླ་བ་མེད་པའི་སྒོ།། སྒྱུ་མ་ཐམས་ཅད་གྲོལ་བར་བྱེད།། ཎ་ནི་ཡུལ་དང་བྲལ་བའི་སྒོ།། འཛིན་པ་མེད་པས་ཐམས་ཅད ་གྲོལ། ཏ་ནི་ཐ་རྙེད་མེད་པའི་སྒོ།། བརྗོད་པ་མེད་པས་ཐམས་ཅད་གྲོལ།། ཐ་ནི་རྟེན་དང་བྲལ་བའི་སྒོ།། གནས་པ་མེད་པ་ཐམས་ཅད་གྲོལ།། ད་ནི་གཏོང་དང་བྲལ་བའི་སྒོ།། ལེན་པ་མེད་པས་ཐམས་ཅད་གྲོལ།། དྷ་ནི་རང་བཞིན་མེད ་པའི་སྒོ། ། མཚན་ཉིད་མེད་པས་ཐམས་ཅད་གྲོལ།། ན་ནི་ཡུལ་དང་བྲལ་བའི་སྒོ།། འཛིན་པ་མེད་པས་ཐམས་ཅད་གྲོལ།། པ་ནི་ངེས་པར་འབྱུང་བའི་སྒོ།། འགག་པ་མེད་པས་ཐམས་ཅད་གྲོལ།། པ་ནི་དངོས་པོ་མེད་པའི་སྒོ།། ཅི་ཡང ་མེད་པས་ཐམས་ཅད་གྲོལ། ། བ་ནི་བརྗོད་པ་མེད་པའི་སྒོ།། བརྗོད་པ་མེད་པས་ཐམས་ཅད་གྲོལ།། བྷ་ནི་རྡུལ་དང་བྲལ་བའི་སྒོ།། རྟོག་པ་མེད་པས་ཐམས་ཅད་གྲོལ།། མ་ནི་ཆགས་པ་མེད་པའི་སྒོ།། རྟག་པ་མེད་པས་ཐམས་ཅད ་གྲོལ། ། ཡ་ནི་ཆགས་པ་མེད་པའི་སྒོ།། གོས་པ་མེད་པས་ཐམས་ཅད་གྲོལ།། ཝ་ནི་རྒྱུ་རྐྱེན་མེད་པའི་སྒོ།། འབྲས་བུ་མེད་པས་ཐམས་ཅད་གྲོལ།། ར་ནི་རྐྱེན་དང་བྲལ་བའི་སྒོ།། དོར་བ་མེད་པས་ཐམས་ཅད་གྲོལ།། ལ་ནི་བླང་བ་མེད ་པའི་སྒོ། ཡོན་ཏན་མེད་པས་ཐམས་ཅད་གྲོལ།། ཤ་ནི་སྤྲོས་པ་མེད་པའི་སྒོ།། ཞིབས་ཐམས་ཅད་གྲོལ་བར་བྱེད།། འ་ནི་ཁྲུར་དང་བྲལ་བའི་སྒོ།། ལྕི་བ་མེད་པས་ཐམས་ཅད་གྲོལ།། ས་ནི་ཡང་དག་གསང་བའི་སྒོ། ་ངེས་པས་ཐམས་ཅད་གྲོལ་བར་བྱེད།། ཧ་ནི་རྒྱུ་དང་བྲལ་བའི་སྒོ།། རྐྱེན་དང་བྲལ་བས་གྲོལ་བར་བྱེད།། ཨ་ནི་ཁམས་དང་བྲལ་བའི་སྒོ།། མཚན་ཉིད་མེད་པས་གྲོལ་བར་བྱེད།། ཨི་ནི་མཐོང་བ་མེད་པའི་སྒོ།། གཟུགས་དང་བྲལ ་བས་ཐམས་ཅད་གྲོལ། ། ཨཱ་ནི་ཐོས་པ་མེད་པའི་སྒོ།། སྒྲ་དང་བྲལ་བས་ཐམས་ཅད་གྲོལ།། ཨེ་ནི་ཚེར་བ་མེད་པའི་སྒོ།། དྲི་དང་བྲལ་བས་གྲོལ་བར་བྱེད།། ཨེ་ནི་ཚེར་བ་མེད་པའི་སྒོ།། རེག་དང་བྲལ་བས་ཐམས་ཅད་གྲོལ།། ་ཨ་ནི་ཆོ་འཕྲུལ་འབྱུང་བའི་སྒོ།། ཅིར་ཡང་སྣང་བས་ཐམས་ཅད་གྲོལ། མྱ་ངན་འདས་དང་འཁོར་བའི་ཆོས།། ཡོད་མཐོང་སྣང་གྲགས་ཆོས་ཐམས་ཅད།། ཡི་གེའི་ཚིགས་སུ་མངོན་སངས་རྒྱས།། ཡི་གེར་མགྱུར་གང་ཡང་མེད།། ་ཆོས་ཉིད་སྟོང་པའི་ཉི་མ་ལ།། འོད་ཟེར་ཡིག་འབྲུའི་ཚོགས་སུ་འབར།། ཆོས་ཉིད་ནམ་མཁའ་ལྟ་བུ་ལ།། ཡིག་འབྲུ་སྣ་ཚོགས་ཕྲ་བཀོད་པ།། དུས་གསུམ་རྒྱལ་བའི་དཀྱིལ་འཁོར་རྫོགས།། ཉི་མ་འབར་བའི་འོད་ཟེར་ལས།། འོ། ་ཀྱི་འབར་བའི་རྡོ་རྗེ་འབར།། ཡི་གེ་ཧཱུཾ་གི་འོད་འཕྲོས་པས།། རྡོ་རྗེ་སྙིང་པོའི་ས་བོན་ཞེས།། རྡོ་རྗེ་རིགས་ཀྱི་ཞིང་དུ་གྲགས།། ཉི་མའི་འོད་ཟེར་རིན་ཆེན་ལས།། ཡིག་འབྲུ་འོད་ཀྱི་སྲ་འཕྲོས་པས།། རིན་ཆེན་སྙིང་པོའི་ས་བོན་ཞེས།། ་རིན་ཆེན་རིགས་ཀྱི་ཞིང་དུ་གྲགས།། ཉི་མ་པད་མོ་འབར་འཕྲོས་པས།། ཚེ་འཕྲུལ་ཡི་གེའི་ཨཾ་དུ་འབར།། པད་མ་རིགས་ཀྱི་ཞིང་དུ་གྲགས།། སྣ་ཚོགས་ཉི་མའི་འོད་འཕྲོས་པས།། ཆོ་འཕྲུལ་ཡི་གེ་ཧ་ར་གསལ་བས།། སྣ་ཚོ། ་སྙིང་པོའི་ས་བོན་ཏེ།། ལས་ཀྱི་རིགས་ཀྱི་ཞིང་དུ་གྲགས།། དུས་གསུམ་རྒྱལ་བ་ཐམས་ཅད་ཀྱི།། ཐུགས་ནི་རྡོ་རྗེ་ཡེ་ཤེས་ཡིན།། ཡེ་ཤེས་དམ་པས་སྤྲུལ་པ་ཡི།། རྒྱལ་བ་དཔག་ཏུ་མེད་པ་ལ།། རྡོ་རྗེ་རིགས་ཤེས་བྱ་བར་བཤད། ་ཡོན་ཏན་ཡེ་ཤེས་རིན་ཆེན་ཡིན།། རིན་ཆེན་དེ་ལས་སྤྲུལ་པ་ཡི།། རྒྱལ་བ་དཔག་ཏུ་མེད་པ་ལ།། རིན་ཆེན་རིགས་ཤེས་བྱ་བར་བཤད།། གསུང་གི་ཡེ་ཤེས་པད་མོ་སྟེ།། པད་མོ་ཡེ་ཤེས་ལས་སྤྲུལ་པའི།། རྒྱལ་བ་དཔག་ཏུ་མེད ་པ་ལ། ། པད་མོ་རིགས་ཀྱི་ཞིང་དུ་གྲགས།། ཕྲིན་ལས་བྱ་བ་སྣ་ཚོགས་ཏེ།། སྣ་ཚོགས་ཡེ་ཤེས་སྤྲུལ་པ་ཡི།། རྒྱལ་བ་དཔག་ཏུ་མེད་པ་ལ།། ལས་ཀྱི་རིགས་ཤེས་བྱ་བར་བཤད།། སྐུ་ནི་མ་བཅོས་དེ་བཞིན་ཉིད།། དེ་བཞིན་ཉིད་ཀྱི ་ཡེ་ཤེས་ལ། ། སྤྲུལ་པ་རྒྱལ་བ་དཔག་མེད་ལ།། དེ་བཞིན་རིགས་ཤེས་བྱ་བར་བཤད།། དེ་བས་རིགས་ཀྱི་གཏན་ཚིགས་ནི།། མ་བཅོས་སྐུ་ནི་དེ་བཞིན་ཉིད།། མི་འགྱུར་རིགས་ནི་རྡོ་རྗེའི་རིགས།། ཡོན་ཏན་ཀུན་འབྱུང་རིན་ཆེན ་རིགས། ། ཆགས་མེད་གསུང་གི་པད་མོའི་རིགས།། བྱ་བ་བྱེད་པ་ལས་ཀྱི་རིགས།། སྐུ་ཡི་སྤྲུལ་པ་ཐམས་ཅད་ནི།། དེ་བཞིན་རིགས་ཀྱི་གདུང་རྒྱུད་འཛིན།། ཐུགས་ལས་སྤྲུལ་པའི་སངས་རྒྱས་ནི།། རྡོ་རྗེ་རིགས་ཀྱི་གདུང ་རྒྱུད་འཛིན། ། ཡོན་ཏན་ཡུལ་གྱི་སངས་རྒྱས་རྣམས།། རིན་ཆེན་རིགས་ཀྱི་གདུང་རྒྱུད་འཛིན།། གསུང་ལས་སྤྲུལ་པའི་སངས་རྒྱས་རྣམས།། པད་མ་རིགས་ཀྱི་གདུང་རྒྱུད་འཛིན།། མཛད་པ་སྤྲུལ་པའི་སངས་རྒྱས་རྣམ ་ཕྲིན་ལས་རིགས་ཀྱི་གདུང་རྒྱུད་འཛིན། ། ཅི་ཕྱིར་རིགས་ཤེས་བྱ་ཞེ་ན། དང་པོ་དེ་ལས་བྱུང་བ་དང་།། བར་དུ་དེ་ཡི་བྱ་བ་བྱེད།། ཐ་མར་དེ་ཡི་རྒྱུད་འཛིན་ཕྱིར།། དེ་ཕྱིར་རིགས་ཤེས་གྲགས་པ་ཡིན།། དཔེར་ན་མེ་དང་ཆུ་དག་དང་།། ནམ་མཁའ ་དང་ནི་ས་དག་ལ། ། གནས་པའི་སེམས་ཅན་མཐའ་དག་ཀུན།། གནས་རྒྱུན་ཉིད་ཀྱི་མིང་འཛིན་དེ།། མེ་ལ་གནས་པའི་སེམས་ཅན་ལ།། མེ་ཡི་ཡི་དགས་མ་ཞེས་ཟེར།། ཚུ་ལ་གནས་པའི་སེམས་ཅན་ལ།། ཆུ་སྲིན་ཏྲ་ར་ན་ཞེས་ཟེར།། ་ཅི་ཕྱིར་ལྔ་ཞེས་བྱ་ཞེ་ན།། རྒྱལ་བ་སངས་རྒྱས་ཐམས་ཅད་ལ།། སྐུ་དང་གསུང་ཐུགས་ཡོན་ཏན་དང་།། མཛད་པ་ཕྲིན་ལས་ཉིད་དང་ལྔ།། རིག་པ་ལྔ་དང་ལྔ་ཉིད་དུ།། ཐམས་ཅད་ཀུན་ཏུ་གསལ་བར་སྣང་།། དེས་ན་ལྔ་ཞེས་ངེས་པར ་བཤད། ཅི་ཕྱིར་ཞེ་ན་སངས་རྒྱས་ཀུན།། ལྔ་པོ་དེ་ལས་མ་གཏོགས་པ།། གཞན་ལས་བྱུང་ཞིང་གཞན་ན་མེད།། སངས་རྒྱས་མཚོན་གྱི་ཁྱད་པར་ཡང་།། མཚན་མེད་པ་ལས་མཚན་བཏགས་པ།། ཐམས་ཅད་ལྔ་པོ་ཉིད ་ལ་བཏགས། ། མཚན་གྱི་བྱེ་བྲག་ཐམས་ཅད་ཀུན།། ཐ་སྙད་ཙམ་དུ་གདགས་པར་ཟད།། རིགས་མེད་པ་ལས་རིགས་སྨོས་པ།། འདུལ་བའི་དབང་དུ་ལྔར་སྣང་ཡང་།། དྲན་པའི་དོན་ཏེ་དངོས་གཞི་མེད།། ཅི་ཡང་མེད་ལས ་སྡང་བ། ། མཁའ་ལ་འཇའ་ཚོན་བྱུང་བ་འདྲ།། ཆོས་ཀུན་ནམ་མཁའ་འདྲ་བ་ཞེས།། གསང་བ་མཆོག་གི་བདག་པོས་བཤད།། མཉམ་དང་མི་མཉམ་མཉམ་པ་ཡིན།། སངས་རྒྱས་མེད་ཅིང་སེམས་ཅན་མེད།། འཁོར་བ་མེད ་ཅིང་ཆོས་ཉིད་མེད། ། དམིགས་པ་མེད་དེ་མི་དམིགས་མེད།། དེ་ལྟར་ཤེས་པ་མཁས་པ་ཡིན།། རིག་དང་མ་རིག་ཚུལ་གཅིག་སྟེ།། དེ་ལྟར་ཤེས་པ་རྒྱལ་བ་ཡིན།། སེམས་ཅན་རང་བཞིན་སངས་རྒྱས་ཉིད།། སངས་རྒྱས ་རང་བཞིན་སེམས་ཅན་ཏེ། ། སེམས་ཅན་སངས་རྒྱས་གཅིག་པ་ཡིན།། དེ་ལྟར་ཤེས་པ་རྒྱལ་བའི་སྲས།། བྱང་ཆུབ་ཕྱིར་ནི་གང་མ་བསྟེས།། མ་བརྙེས་གང་ཡང་དེ་མ་བརྙེས།། བརྙེས་པ་མེད་པའི་དོན་མཐོང་ན།། དེ་ནི་རྙེས་པའི ་མཆོག་ཡིན་ནོ། ། གཞན་ཡང་འདུས་པའི་རྣལ་འབྱོར་རྣམས།། ལམ་གྱི་ངོ་བོ་ཚོལ་འདོད་ན།། ལམ་གྱི་རྟགས་ཉིད་དཔེས་མཚོན་ཏེ།། ལམ་གྱི་དོན་ལ་གོམས་པར་བྱ།། མི་གནས་མིག་ལྡན་སྒྲོན་མ་ཡིས།། ལམ་གྱི་རྒྱལ ་མཁས་པར་བྱ། ། བག་ཆགས་རྟོག་པའི་མཚན་མ་རྣམས།། སྣ་ཚོགས་དངོས་པོར་སྣང་མོད་ཀྱང་།། ནམ་མཁའ་དག་ལ་སྨིག་རྒྱུ་འདྲ།། དེ་ཡང་གཏན་ཚིགས་ངེས་པ་ཡི།། དེ་ཡི་མཚོན་ཏེ་རྟོགས་བྱ་ན།། མཁའ་ལ་སྤྲིན་ཕུང ་འདའ་མཚོན་དང་ཆར་ལ་སོགས་པའི་རྒྱུན་སྣང་ཡང་། ། ནམ་མཁའི་ཆོ་འཕྲུལ་གཅིག་ཏུ་ཟད།། རྟག་ཏུ་དེ་ལྟར་སྣང་བ་མིན།། དཔེར་ན་སྒྱུ་མའི་རང་བཞིན་ཡང་།། སླ་ཞིང་འདྲིད་པ་ཅིར་སྣང་ཡང་།། སྒྱུ་མའི་འཕྲུལ་པ་སྣང་བར ་ཟད། རྒྱག་ཏུ་ད་ལྟར་སྣང་བ་མིན།། དཔེར་ན་རྡོ་ཡི་དངོས་པོ་ཡང་།། སྲ་ཞིང་འཁྲེགས་པའི་དངོས་པོ་ཡང་།། རྟགས་སམ་ཕྱེ་མར་བྱས་ནས་ཀྱང་།། རླུང་གི་མཐུ་ཡིས་གཏོར་བྱས་ན།། དེ་ལ་རང་བཞིན་ག་ལ་ཡོད།། དཔེར་ན་མེ་ཡི ་རང་བཞིན་དག། ཚར་ཚིང་སྦར་སྲུར་ཀུན་སྲེག་ཅིང་།། འབར་འཕྲོ་སྣང་གསལ་མཚད་བྱེད་ན།། ཆུ་ཡེ་མཐུ་ཡིས་རླག་འགྱུར་ན།། དེ་ལ་རང་བཞིན་ག་ལ་ཡོད།། དཔེར་ན་རྫས་ཀྱི་དངོས་པོ་ཡང་།། མེ་ཡི་མཐུ་ཡིས་སྲེག་འགྱུར་ན། ་དེ་ལ་རང་བཞིན་ག་ལ་ཡོད།། ཤེས་པས་ཟིན་པའི་སེམས་ཅན་རྣམས།། གཟུགས་དང་དྲན་པ་སྣ་ཚོགས་ཀྱི།། དབང་པོ་ལ་སོགས་མཛེས་གྱུར་ཀྱང་།། ཕུང་པོ་མི་རྟག་ཤི་འཕོས་ན།། དངོས་པོ་བརྟེན་པར་མི་འགྱུར་ཏེ། གཟུགས ་རྣམས་སོ་སོར་ཞིག་ནས་ནི། ། རུས་པ་དག་ཀྱང་མི་སྣང་སྟེ།། ཞིག་དང་རུལ་ལ་སོགས་པ་ཡིས།། ཐ་མར་ཅི་ཡང་མི་སྣང་འགྱུར།། རི་བོ་ཆེན་པོ་ལ་སོགས་པ།། དངོས་པོ་བརྟན་གཡོའི་འཇིག་རྟེན་རྣམས།། སྲེག་པའི་བསྐལ་པ ་ལ་སོགས་པ། ། བསྐལ་པ་གསུམ་གྱིས་བརླག་བྱས་ན།། དེ་ལ་རང་བཞིན་ག་ལ་ཡོད།། དེས་ན་དངོས་པོའི་ཆོས་རྣམས་ཀུན།། དངོས་པོར་བརྟགས་པ་མ་ཡིན་པས།། ཆོས་རྣམས་རང་བཞིན་མེད་པར་ཤེས།། འདི་ནི་རྣལ་འབྱོར་ལས ་གྱི་མཆོག། འདུས་པའི་ཚོགས་རྣམས་གོམས་པར་གྱིས།། ཞེས་སེམས་དཔའི་རྡོ་རྗེ་སྨྲ་བའི་སེང་གེས་རྣལ་འབྱོར་མཆོག་གི་ལམ་གསུངས་པའོ།། ། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྣལ ་འབྱོར་རྗེས་སུ་འཇུག་པའི་ལེའུ་སྟེ་གཉིས་པའོ། ། །། དེ་ནས་སྨྲ་བའི་སེང་གེ་སེམས་དཔའི་རྡོ་རྗེ་དེ་ཆོ་འཕྲུལ་ཆེན་པོ་སྣ་ཚོགས་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཏིང་ངེ་འཛིན་དེའི་བྱིན་བྱི་ཐ ་ལས་ནི་ཡ་ཐམས་ཅད་གཡོས་པར་གྱུར་ཏེ། དོན་ཡོངས་སུ་རྫོགས་པའི་ལྔ་ལྟས་བྱུང་བར་གྱུར་ཏོ།། འཁོར་དེར་འདུས་པར་གྱུར་པ་རྣམས་ལ་ལ་ནི་ཉི་ཟླའི་སྟེང་ན་གནས་ཤིང་ཆོས་ཉིད་ཀྱི་ནམ་མཁའ་ལ་ལྡིང་པར་གྱུར་ཏོ།། ་ལ་ལ་ནི་རི་རབ་རྒྱད་མར་འཕེན།། ལ་ལ་ནི་སྟོང་གསུམ་ཆེན་པོའི་ཁམས་འཕེན་པར་གྱུར་ཏོ།། ལ་ལ་ནི་ཆོས་ཉིད་བདེན་པའི་དོན་མཐོང་བར་གྱུར་ཏོ།། ལ་ལ་ནི་སེང་གེའི་ཁྲི་ལ་འདུག་པར་གྱུར་ཏོ།། དེ་ནས ་ས་ཨེམས་དཔའི་རྡོ་རྗེ་དེ་ཆོ་འཕྲུལ་གྱི་ཏིང་ངེ་འཛིན་དེ་ལས་བཞེངས་ཏེ་འདུས་པ་ཆེན་པོའི་རྣལ་འབྱོར་གྱིས་ཤིན་ཏུ་ངོ་མཚར་ཆེ་བར་གྱུར་ནས་སེམས་དཔའི་རྡོ་རྗེ་དེ་ལ་རྣལ་འབྱོར་གྱི་ཕྱག་ལུས་ཀུན་ཏུ་ས་ལ་བརྡབས་ནས་འདི ་སྐད་ཅེས་གསོལ་ཏོ། ། སེམས་དཔའ་ཆེན་པོ་ཆོ་འཕྲུལ་རྒྱ་ཆེར་གདའ་བ་འདི་དོན་ཇི་ལྟ་བུ་ལགས།། རྟགས་ཇི་ལྟ་བུ་ལགས། བདག་ཅག་རྣམས་ལ་རྒྱ་ཆེར་བཤད་དུ་གསོལ།། ཞེས་ཞུས་པ་ལས་སྨྲ་བའི་སེང་གེ་ཆེན་པོས་བཀའ ་སྩལ་པ། འདུས་པའི་རྣལ་འབྱོར་རྣམས་འདི་དག་ནི་དོན་ཡོངས་སུ་རྫོགས་པའི་ལྟས་ཆེན་པོ་ཡིན་ཏེ། སྔ་ལྟས་ཀྱི་མཚན་མ་འདི་དང་སྦྱར་ན་འདུས་པ་ཆེན་པོ་རྣམས་ས་ནས་སར་ཤིན་ཏུ་འཕར་ཞིང་ཡང་དག་ངེས་པའི་དོན་མ། ་བའི་སྔ་ལྟས་ཡིན་ནོ་ཞེས་གསུངས་པ་ལས། རྣལ་འབྱོར་གྱི་ཚོགས་ཀྱིས་གསོལ་པ། སེམས་དཔའ་ཆེན་པོས་ནོན་པའི་སྔ་ལྟས་ནི་ཇི་ལྟ་བུ་ལགས། དོན་མཐོང་བའི་སྔ་ལྟས་ནི་ཇི་ལྟ་བུ་ལགས། བདག་ཅག་རྣམས་ལ་བཤད ་དུ་གསོལ་ཞེས་ཞུས་པ་ལས། སེམས་དཔའ་རྡོ་རྗེས་བཀའ་སྩལ་པ། འདུས་པ་ཆེན་པོའི་ཚོགས་ལེགས་སོ།། ཁྱོད་ཀྱིས་ཞུས་པའི་དོན་རྒྱ་ཆེར་བཤད་པར་བྱའོ།། རྣ་བ་ལྷོགས་ལ་གུས་པར་ཉོན་ཅིག། སྒྲུབ་པ་དོན་གྱི་རྣལ་ཁྱོར་པ ་ན་ཁྱོད་དོན་ལ་སྦྱོར་བའི་ཚེ། སྤྱད་པའི་ལས་ཀྱི་ཁྱད་པར་གྱིས།། ཁམས་དང་ས་ནི་གར་འགྲོ་བ།། མདོ་དོན་ཚུལ་ལྔས་ལུང་བསྟན་ནོ།། ངེས་པའི་ལྔ་ལྟས་བྱུང་བ་ཡི།། འབྲས་བུ་དོན་གྱི་ཁྱད་པར་ཡང་།། ཆོ་འཕྲུལ་སྣ་ཚོགས་སྟོན ་བར་ནུས། དེ་ནས་ཡང་དག་བདོན་པ་འཐོབ་ངེས་པའི་སྔ་ལྟས་རྣམ་པ་ལྔ།། རྒྱུ་ཡི་དུས་ན་འབྱུང་བ་ནི།། ཚིག་གི་བརྗོད་པ་འདི་ལྟ་སྟེ།། བློ་རྩལ་ལས་ཀྱི་ཁྱད་པར་ཡང་།། སྣང་བ་ལུས་ཀྱི་སྔ་ལྟས་དང་།། ངོ་མཚར་རྫས་རྙེད་ཚུལ ་རྟགས་དང་། ། མཚན་མ་པྲ་ཡི་རྨི་ལྟས་དང་།། འདུན་པ་མང་པོའི་སྔ་ལྟས་ཀྱིས།། འབྲས་བུ་གང་དང་གང་འགྲུབ་པ།། མཚན་མ་གསལ་བར་རྒྱུད་ལས་འབྱུང་།། དཔེར་ན་མེ་ཡི་སྔ་ལྟས་ནི།། དུ་བའི་མཚན་མ་རྒྱས་པར་འགྱུར།། ་དུ་བ་གར་བྱུང་གནས་པར་དེ་ན།། མེ་ཉིད་ཡོད་པར་ངེས་པ་ཡིན།། དེ་བཞིན་ཆུ་ཡི་ལྔ་ལྟས་ཀྱང་།། རླངས་དང་སྔགས་དང་སྲོག་ཆགས་འབྱུང་།། དེ་ན་ཆུ་ཉིད་ཡོད་པར་ངེས།། རླུང་གི་ལྟས་ཀྱང་འདི་ལྟ་སྟེ།། སྤྲིན་རྣམས་རྒྱུག་ཅིང་དུ ་བུར་འཆད། ། དེས་ན་རླུང་ཆེན་འབྱུང་བར་ངེས།། རྩི་འཚལ་ལོ་མ་གང་བྱུང་བ།། དེ་ན་གསེར་ཁུང་ཡོད་པ་ལྟར།། སྔ་ལྟས་མཚན་མ་འདི་དག་གིས།། འབྲས་བུ་མཐོན་དམན་གར་འགྱུར་བ།། རྒྱུ་ལ་མཁས་པར་བྱས་ནས་ནི།། མཚན། ་མ་ཅི་བྱུང་དེ་ལ་སྦྱར།། བར་ཆད་མེད་པའི་བརྩོན་འགྲུས་གྱིས།། སྲོག་ལ་བབ་ཀྱང་མི་བལྟ་བར།། རྣལ་འབྱོར་ཡུལ་ལ་འཇུག་པ་དང་།། ཏིང་འཛིན་རིག་པའི་རྩ་ལ་སྤགས་ལ།། གཉེན་པོ་ཀུན་བསྟེན་ས་སྦྱངས་ནས། རྣལ ་འབྱོར་ས་ལ་བརྩོན་པར་བྱ། ། འདིས་ནི་གདོན་མི་ཟ་བ་དང་།། ལ་ལ་ཐེ་ཚོམ་མི་སྐྱེ་ཞིང་།། མ་ངེས་ལ་ཞུགས་ཐེ་ཙོམ་མེད།། དཔེར་ན་འཇིག་རྟེན་བྱིས་པ་དག། ཡུང་རིངས་མ་ལ་སྐྱོ་བ་ལྟར།། སྔ་ལྟས་བྱུང་བའི་སྒྲ་ཐོས་ན།། ཤིན་ཏུ་ཟོས ་པས་མདུན་བསུ་ལྟར། ། ལྷས་ཆེན་བྱུང་བའི་གྲོང་ཚུལ་གྱིས།། ཤིན་དུ་བརྩོན་པས་བདེ་ཐོབ་འགྱུར།། དེ་བས་སྔ་ལྟས་མཚན་མ་རྣམས།། ཤེས་ནས་བརྩོན་པར་འབད་པའི་རིགས།། བློ་རྩལ་ལས་ཀྱི་ཁྱད་པར་གྱིས།། ཏིང་འཛིན ་དྲོད་ཀྱི་སྔ་ལྟས་འབྱུང་། ། ཡང་དག་བདེན་པའི་དོན་བསྟན་ན།། མི་སྐྲག་མི་དངང་དགའ་བ་སྐྱེ།། ཡང་དག་དོན་ལ་ངེས་བལྟས་ན།། འཁོར་བའི་ཆོས་ལ་སྐྱོ་བ་སྐྱེ།། ཡང་དག་དོན་ལ་འདྲིས་པ་དང་།། རྣམ་གྲངས་ཆོས་ལ་དད་མི ་འགྱུར། ཡང་དག་དོན་ཉིད་མཐོང་བ་ན།། ཚིག་ལ་དགའ་བ་མི་སྐྱེ་ཞིང་།། དོན་ཉིད་ཉེ་བར་འཛིན་པར་བྱེད།། དོན་མཐོང་བ་དང་ཡེ་ཤེས་སྐྱེ།། ཡེ་ཤེས་སྐྱེས་པར་གྱུར་པ་དང་།། དངོས་པོར་སྣང་བ་ཐམས་ཅད་ཀུན།། སྒྱུ་མ་བཞིན་དུ ་ཤེས་པར་འགྱུར། ། སྒྱུ་མ་ཙམ་དུ་ཤེས་པ་ལ།། བརྟེན་ནས་ཆོས་ཉིད་དོན་བལྟས་ན།། སྣང་བ་མེད་པའི་དོན་ཉིད་ནི།། སྣང་བ་མེད་པར་མཐོང་བར་འགྱུར།། སྣང་མེད་སྲིད་པ་མཐོང་བའི་ཚེ།། ཆོ་འཕྲུལ་ཆུབ་ཐམས་ཅད་འབྱུང་།། ་དེ་ཉིད་བདེན་པའི་སྔ་ལྟས་སོ།། དེ་ནས་ཉི་མའི་འོད་ཟེར་གྱི།། རྡུལ་ཕྲན་འདྲ་བའི་མཚན་མ་འབྱུང་།། ད་ནི་གཡོས་པའི་སྔ་ལྟས་སོ།། དེ་ནས་སྨིག་རྒྱུ་ལྟ་བུར་འབྱུང་།། དང་པོའི་དྲོད་ཅེས་བྱ་བར་བཤད།། དེ་ནས་འཚེ་ཡི་རླབས་ལྟར་འབྱུང་།། ་བར་གྱི་དྲོད་ཅེས་བྱ་བར་བཤད།། དེ་ནས་རླུང་ཆེན་ལྟ་བུར་ཡང་།། ཐོགས་པ་མེད་པར་འབྱུང་བར་འགྱུར།། ཐ་མའི་དྲོད་ཅེས་བྱ་བར་བཤད།། དེ་ནས་ཡིག་འབྲུའི་དྲོད་སྤྲོས་པས།། ཆར་ཆེན་འབབ་པ་ལྟ་བུར་འབྱུང་།། དེ་ནི་ཐོབ་པའི་དྲི། ་ཅེས་བྱ། དེ་ནས་མཁའ་ལ་སྨོན་ལྡིངས་བཞིན།། ཏིང་འཛིན་རྩལ་འཕངས་མཐོ་བར་འགྱུར།། དེ་ནི་ཤིན་དུ་བརྟེན་པའི་དྲོད།། དེ་ནས་ཏ་ལ་གཅིག་ཙམ་དུ།། བདག་གི་ལུས་ནི་དབང་མེད་པར།། མཁའ་ལ་འབར་ཞིང་འཕགས་པར ་རྩོལ། འདི་ནི་ཤིན་དུ་གསལ་བའི་དྲོད།། དེ་ནས་ས་ཆེན་གཡོ་བ་ལྟར། ཤིན་དུ་ཡང་ཡོ་མ་མར་མེར་འབྱུང་།། འདི་ནི་དང་པོའི་རྟགས་ཤེས་བྱ།། དེ་ནས་ཏིང་འཛིན་རྩལ་སྦྱངས་ན།། ཅི་ལྟར་དམིགས་པ་དེར་འགྲུབ་སྟེ།། མེ་ཡཾ་སྟེ ་མཆེད་དེར་བསྒོམས་ན། ། མེ་ཡི་རང་བཞིན་ཉིད་དུ་འགྱུར།། ཆུ་ཡི་སྐྱེ་མཆེད་དེར་བསྒོམས་ན།། ཆུ་ཡི་སྐྱེ་མཆེད་ཉིད་དུ་འགྱུར།། རླུང་གི་སྐྱེ་མཆེད་དེར་བསྒོམས་ན།། རླུང་གི་སྐྱེ་མཆེད་ཉིད་དུ་འགྱུར།། ཡིག་འབྲུའི་སྐྱེ་མཆེད་དེ ་བསྒོམས་ན། ། ཡིག་འབྲུ་གང་ལྟར་གསལ་བར་འགྱུར།། དེ་ལྟར་རྗེས་ཀྱི་སྐྱེ་མཆེད་དུ།། གང་ལྟར་སྙོམས་པ་དེ་ལྟར་འགྱུར།། དེན་རྟགས་ཆེན་ཐོབ་པ་ཡིན།། བློ་ཡ་ཏིང་འཛིན་རྩལ་རྫོགས་ན།། ངག་གི་བདེན་པའི་ཚུལ་འབྱུང ་སྲེག་པའི་མཚན་མཐོང་བན། ། ཞི་བར་གྱུར་ཅིག་བྱས་པ་ཡིས།། དེ་ཉིད་དྲིན་ཞི་བར་འགྱུར།། ཆུ་ཀླུང་གནོད་པའི་རྒྱུན་བྱུང་ན།། ཆད་པར་གྱུར་ཅིག་བརྗོད་པ་ཡིས།། དེ་ཉིད་དུ་ནི་ཆད་པར་འགྱུར།། རླུང་ཆེན་གནོད་པའི་རྒྱུན་བྱུང་ན།། ་ཞི་བར་གྱུར་ཅིག་བརྗོད་པ་ཡིས།། དེ་ཉིད་དུ་ན་ཆད་པར་འགྱུར།། ནད་པའི་ཚོགས་ནི་མཐོང་བ་ན།། གང་ན་ན་པའི་དམིགས་དེར་ནི།། ས་གོལ་གཏོགས་པ་ཙམ་གྱིས་ཀྱང་།། ནད་རྣམས་ཞི་བར་གྱུར་ཅིག་བརྗོད།། ནད་ཀྱི་ཚོགས་རྣམ ་བར་འགྱུར། ། དེ་བཞིན་དག་གིས་བརྗོད་བྱས་པ།། ཐམས་ཅད་མ་ལུས་གྲུབ་པར་འགྱུར།། ངག་གི་བདེན་པའི་རྩལ་རྫོགས་ན།། ལུས་ཀྱི་དྲོད་ལ་རྩལ་འབྱུང་སྟེ།། གཉིད་ཀྱི་རྟོག་པ་ཆོམས་པ་དང་།། ལུས་ཀྱི་བཟོད་པ་ཐོབ་པན།། ་འངནི་དང་པོའི་དྲོད་ཡིན་ནོ།། ཁམས་ཀྱི་ཟས་དང་བྲལ་བ་དང་།། མདངས་དང་དབང་པོ་གསལ་འགྱུར་པ།། འདི་ནི་གཉིས་པའི་དྲོད་ཅེས་བྱ།། ཤིང་བལ་ལྟ་བུར་ཡང་བ་དང་།། ཁམས་བདེ་མི་བ་མ་འབྱུང་ཞིང་།། ནད་ཀྱི ་ཚོགས་དང་བྲལ་འགྱུར་བ། ། འདི་ནི་དྲོད་ཆེན་བསྟན་པ་ཡིན།། ཁམས་ཀྱི་ཟས་ལ་མ་སྟེན་ཡང་།། དབང་པོ་གཟི་མདངས་ཤིན་དུ་གསལ།། འདི་ནི་ཏིང་འཛིན་རེ་ཚེར་བརྟགས།། གཞན་ཡང་ལུས་ཀྱི་སྔ་ལྟས་ནི།། མཉམ་པའི ་དཀྱིལ་དཀྲུང་བཅས་ནས་ནི། ། ཁྲུ་གང་ཙམ་དུ་འཕར་བ་དང་།། ཏ་ལ་གང་ཙམ་པར་དུ་འགྲོ།། འདི་ཡང་བལྟས་ཆེན་རྟགས་ཡིན་ནོ།། གཞན་ཡང་སྣང་བའི་ནམ་མཁའ་ལ།། གོམས་པས་བགྲོད་དེ་འགྲོ་བ་དང་།། ཆུ་ལ་མི ་འབྱིངས་ལ་འཛུལ། ། མེ་ཡིས་མི་འཚིག་རླུང་བཅིང་བ།། འདི་ཡང་སྔ་ལྟས་ཆེན་པོ་ཡིན།། ལུས་ཀྱི་བདེན་པའི་རྩ་ལ་རྫོགས་ན།། མཐུ་ཡི་རྩལ་ཡང་འབྱུང་བ་སྟེ།། མཐུ་ཡི་བྱིན་རླབས་བསམ་མི་ཁྱབ།། གལ་ཏེ་དགོས་སམ་འདོད་པ ་ས་འམ་རྡོའམ་བྱེ་མ་དག། གསེར་དང་དངུལ་ལ་སོགས་པར་བསྒྱུར།། སྐམས་དག་ལ་ཆུ་འབྱིན་ཅིང་།། སོལ་བ་དག་ལ་ལྗོན་ཤིང་འབྱུང་།། དེ་ལ་སོགས་པའི་དགོས་པ་རྣམས།། ཇི་ལྟར་འདོད་པ་དེ་ལྟར་འགྲུབ།། སྤྱོད་པའི་མཐུ ་དང་རྩལ་རྫོགས་ན། ། འབྱོར་པའི་ཡོན་ཏན་རྫོགས་འགྱུར་ཏེ།། ཡིད་དུ་འོང་བའི་ནོར་འབྱུང་ཞིང་།། འདོད་པའི་བསམས་པ་ཐམས་ཅད་འགྲུབ།། རྫས་ཀྱི་མཆོག་ཏུ་གྱུར་པ་ཡི།། ངོ་མཚར་ཅན་ཡང་རྙེད་པར་འགྱུར།། དེ་དག་རུང་བའི་སྔ་ལྟོས ་འགྲོ་གང་འདུ་བའི་སྔ་ལྟས་ཀྱང་། ། ཀུན་གྱིས་བཀུར་ཞིང་དགའ་བ་དང་།། ཀུན་གྱི་ཡིད་དུ་འོང་བར་འགྱུར།། ཐམས་ཅད་འདུལ་ཞིང་ཐམས་ཅད་ལ།། དབང་སྒྱུར་བྱེད་པའི་མཆོག་ཏུ་འགྱུར།། དེ་དག་སྔ་ལྟས་ཆེན་པོ་ཡིན།། ་མཚན་མ་པྲ་ཡི་རྨི་ལྟས་ཀྱང་།། ཤིན་ཏུ་རྒྱ་ཆར་འབྱུང་བ་སྟེ།། རྣལ་འབྱོར་ཅན་གྱིས་ཤེས་པར་གྱིས།། བག་ཆགས་བྱང་བའི་སྔ་ལྟས་ཀྱང་།། རྟག་པར་གཅེར་བུར་འབྱུང་བ་དང་།། ཁྲུས་ཆེན་རྟག་ཏུ་བྱེད་པ་དང་།། དྲི་མའི་ཚོགས་རྣམས ་དག་པ་དང་། ། ཆུ་བོ་དག་ལ་རྒལ་བ་དང་།། མཚོ་ཆུ་དག་ལ་རྐྱལ་བ་དང་།། ཆར་གྱི་རྒྱུན་གྱི་འཁྲུ་བ་དང་།། གཞན་གྱིས་བུམ་པ་གང་པའི་ཆུས།། བདག་གིས་ལུས་ལ་བླུགས་པ་དང་།། མེ་དཔུང་ཆེན་པོས་སྲེག་པ་དང་།། ཤིན་ཏུ་མཐོན་པའི་རྩེ་དག ་ལས། རླུང་གིས་ཤིན་ཏུ་གཡེང་ཞིང་འཐོར།། འདི་དག་བག་ཆགས་བྱང་བའི་ལྟས།། འཇིགས་དང་བྲལ་བའི་སྔ་ལྟས་ནི།། གཡུལ་འགྱེད་པ་ལས་སླར་ལོག་དང་།། ནད་ལས་ཐར་ཏེ་སོས་པ་དང་།། བརྩོན་ར་དག་ལས་ཐར་པ་དང་།། བཤེད ་མའི་ལག་ནས་ཤོར་བ་དང་། ། གཅན་ཟན་ནད་ནས་བྲོས་པ་དང་།། དུག་ནད་དག་ལས་སོས་པ་དང་།། བཅིངས་པ་དག་ལས་གྲོལ་བ་དང་།། ཐག་པ་བཅང་བར་གྱུར་པ་རྣམས།། མཚན་མ་བཟང་པོའི་སྡེ་ལྟས་ཡིན།། ས་རྣམས་ཐོབ་པའི ་སྔ་ལྟས་ནི། ། ཁྲི་རྐང་དག་ལས་འཛེག་པ་དང་།། པལ་པའི་རྒས་ལ་འཛེག་པ་དང་།། ལྗོན་ཤིང་དག་ལ་འཛེག་པ་དང་།། གྱེན་དུ་ཤིན་ཏུ་འགྲོ་བ་དང་།། རི་བོའི་རྩེལ་འཛེག་པ་དང་།། རིན་ཆེན་སྐས་ལ་འཛེག་པ་དང་།། མཆོད་རྟེན་དག་ལ་འཛེག་པ། ་དང་། ནམ་མཁའི་སྲས་ལ་འཛེག་པ་རྣམས།། འདི་དག་དོན་གྱི་སྔ་ལྟས་ཡིན།། ས་རྣམས་ནོན་པའི་སྔ་ལས་ཀྱང་།། བྲི་མཐོན་སྟེང་ན་འདུག་པ་དང་།། གླང་པོ་ཆེ་ལ་ཞོན་པ་དང་།། སེང་གེ་དག་ལ་ཞོན་པ་དང་།། ཁྲུང་ཆེན་ལྡིང་ལ་ཞོན་པ་དང་།། ་མཆོད་རྟེན་ཁ་ལ་ཕྱིན་པ་དང་།། རི་བོའི་རྩེ་ལ་འདུག་པ་དང་།། ནམ་མཁའི་དབྱིངས་ན་འདུག་པ་དང་།། ལུས་ལས་སྤྲིན་ཕུང་འབྱུང་བ་དང་།། ཟླ་བའི་སྟེང་ན་འདུག་པ་དང་།། ཉི་མའི་སྟེང་ན་འདུག་པ་རྣམས།། རྣལ་འབྱོར་ས་ལ་གནས།། ་པའི་རྟགས།། སངས་རྒྱས་སྲས་ཀྱི་སྔ་ལྟས་ནི།། རྒྱལ་པོའི་བཀའ་ལ་བརྟགས་པ་དང་།། བཀའ་ཡི་དབང་པོར་བསྐོས་པ་དང་།། གཞན་ལ་དབང་སྒྱུར་བྱེད་པ་དང་།། འཇིག་རྟེན་སྐྱེས་ལ་འབབས་པ་དང་།། གཞན་གྱི་སྡེ་པ་དབང་སྔད ་དང་ཡུལ་ཆེན་དག་ལས་རྒྱལ་བ་དང་། ། བདག་ཉིད་རྒྱལ་པོར་གྱུར་པ་དང་།། མགོ་ལ་མེ་ཏོག་སྐྱེ་བ་རྣམས།། རྒྱལ་བའི་སྲས་སུ་གྱུར་པའི་ལྟས།། ཆོས་ལ་དབང་ཐོབ་སྔ་ལྟས་ནི།། གླེགས་བམ་ཟབ་མོ་རྙེད་པ་དང་།། དེ་བཞིན་འདྲི་བ ་མང་པོ་དང་། ། དེ་དག་ལ་ནི་དཔྱོད་པ་དང་།། གཞན་ལ་འཆང་ཅིང་སྟོན་པ་དང་།། དོན་ཉིད་གཏན་ལ་འབེབས་པ་དང་།། མེ་ལོང་དག་ལ་ལྟ་བ་དང་།། ཤེལ་གྱི་བུམ་པ་གང་བ་ལ།། ལྟ་ཞིང་བརྟགས་ཏེ་འཐུང་བ་དང་།། རིན་ཆེན་ནོར་བུ་ཐུབ་དང་། ་འཁོར་ལོ་ལག་ཏུ་བབས་པ་དང་།། ཉི་ཟླ་ལག་པས་ཟིན་པ་དང་།། རི་རབ་ཀླད་ལ་སྐོར་བ་རྣམས།། ཆོས་ལ་དབང་ཐོབ་སྔ་ལྟས་སོ།། བདེན་པ་མཐོང་བའི་སྔ་ལྟས་ཀྱང་།། སྔོན་མ་མཐོང་གི་ཡུལ་མཐོང་དང་།། སྟེང་གསུམ་རྒྱ་ཆེར་མཐོང ་བ་དང་། ། གླིང་རྣམས་གཞན་དུ་ཕྱིན་པ་དང་།། རི་རབ་ཁ་ལ་བྱིན་པ་དང་།། ནམ་མཁའ་རྒྱ་ཆེར་མཐོང་བ་དང་།། རྒྱ་མཚོའི་གཏིང་དུ་ཕྱིན་པ་དང་།། ལག་ན་སྒྲོན་མེ་ཐོགས་པ་དང་།། ཉི་མའི་སྙིང་པོ་ལྟ་བ་དང་།། སྣང་སྲིད་དཔྱོད་པ་བྱེད་པ ་རྣམས་། ཆོས་ལ་དབང་པོབ་ལྟས་ཆེན་ཡིན།། ལུང་བསྟན་ཐོབ་པའི་སྔ་ལྟས་ནི།། རོལ་མོའི་སྒྲ་རྣམས་ཐོས་པ་དང་།། འབྲུག་གི་སྒྲ་ནི་གྲག་པ་དང་།། སེང་གེའི་ང་རོ་གྲག་པ་དང་།། ཆོས་ཀྱི་སྒྲ་ཡི་གཏམ་ཐོས་དང་།། གཟུགས་བརྙན ་ཞལ་ནི་འཛུམ་པ་དང་། ། སངས་རྒྱས་གསུང་ཐོས་སྐུ་མི་མཐོང་།། ལྷ་མོ་གླུ་དབྱངས་སྒྲོགས་པ་དང་།། གཞལ་ཡས་དག་ལ་སྒྲ་འབྱུང་དང་།། གྲོགས་པོ་གྲོགས་པོ་ཞེས་བརྗོད་ཅིང་།། ཆོས་ཀྱི་བགྲོ་བ་བྱེད་པ་རྣམས།། ལུང་བསྟན ་འབྱུང་བའི་སྔ་ལྟས་སོ། ། དེ་ལ་སོགས་པའི་མཚན་མ་རྣམས།། ལྟས་ཆེན་ཀུན་དུ་སྣང་བ་དང་།། གང་ཟག་ལས་ཀྱི་དང་པོ་རྣམས།། རིག་འཛིན་སོ་སོའི་ས་པ་ནི།། འགྱུར་བའི་སྔ་ལྟས་བཤད་པ་ཡིན།། རྣལ་འབྱོར་ལས་ཀྱི་དང་པོ་ལ།། ་ལྟས་ཆེན་འདི་དག་གང་བྱུར་ཡང་།། འཁོར་བའི་འདུ་འཛི་ཀུན་བསལ་ནས།། དོན་ལ་རྟོགས་ཤིང་ས་རྣམས་སྟོང་།། དེས་ནི་དོན་ལ་རེག་པར་འགྱུར།། དོན་ལ་རེག་པའི་བྱིན་རླབས་ཀྱིས།། རིག་འཛིན་རྡོ་རྗེར་ལྡན་གྱིས ་བྲག་གི་འཛིན་ས་ལ་གནས་པ་དང་། ། ས་ལ་རྩལ་ཆེན་སྐྱོང་བའིཚེ།། རྩལ་གྱི་ཆོ་འཕྲུལ་སྣ་ཚོགས་འབྱུང་།། ཉིཊཱི་ཞོན་ནས་འགྲོ་བ་དང་།། རེ་རབ་གང་ནས་གསོར་བ་དང་།། འཇིག་རྟེན་རྒྱང་མར་འབང་བ་དང་།། སྲེད་པའི་སྐལ་པ་གཞིས ་བལ། ། སོགས་པའི་ཆོ་འཕྲུལ་ཐམས་ཅད་ཀུན།། ཁྱད་པར་རྩལ་གྱིས་སྟོན་པར་ནུས།། དེ་ལ་སོགས་པའི་རྫུ་འཕྲུལ་རྣམས།། རྫུ་འཕྲུལ་གྱི་ནི་ཆོ་འཕྲུལ་ཡིན།། རྗེས་སུ་བསྟན་པའི་ཚེ་འཕྲུལ་ནི།། འདུལ་བའི་འགྲོ་བ་ཐམས་ཅད་ལ།། ་སོ་སོའི་སྐད་དང་ཆོས་འཐུན་པར།། འདུལ་བའི་སྒོ་ནི་སྣ་ཚོགས་སུ།། སོ་སོའི་སྐད་དུ་སྟོན་པར་ནུས།། དེ་དག་རྗེས་སུ་བསྟན་པ་ཡིན།། ཆོས་ཀྱི་སྒོ་རྣམས་སྣང་བ་ཡི།། ངེས་པའི་ཆོ་འཕྲུལ་བསྟན་པ་ནི།། ཏིང་འཛིན་རྩལ་གྱི་ཁྱད་པར ་གྱིས། ། འཇིག་རྟེན་ཁམས་རྣམས་གཡོས་ནས་ཀྱང་།། ཐམས་ཅད་ངོ་མཚར་སྐྱེ་འགྱུར་ཏེ།། སེམས་ཀྱི་བསམ་པ་རངས་བྱས་ནས།། སོ་སོ་དགའ་བའི་རེ་མྱོང་འགྱུར།། ཆོས་རྣམས་སྣང་བའི་ཆོ་འཕྲུལ་ཡིན།། ཀུན་ནས་ཀུན་དུ་བརྗོད ་པ་ནི། ། གསང་བའི་ཡི་གེའི་ཕྲེང་བ་ལས།། རྫུ་འཕྲུལ་ཆོས་ཀྱི་སྒྲ་སྒྲོགས་པས།། མཐོང་ཡོད་སྣང་གྲགས་ཆོས་རྣམས་ཀུན།། ཀུན་ཀྱང་སྔགས་ཀྱི་སྒྲར་གྲག་པས།། སྔགས་སུ་མ་གྱུར་གང་ཡང་མེད།། དེས་ན་རྩལ་གྱི་ཁྱད་པར་ལས།། ་སོགས་པ་ཡོན་ཏན་ཐམས་ཅད་འབྱུང་།། ཞེས་སྨྲ་བའི་སེང་གེ་ཆེན་པོ་སེམས་དཔའི་རྡོ་རྗེས་གསུངས་སོ།། ། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་ཆོ་འཕྲུལ་བསྟན་པའི་ལེའུ་སྟེ་གསུམ་པར ་དེ་ནས་སྨྲ་བའི་སེ་གེ་སེམས་དཔའི་རྡོ་རྗེ་མི་འདའ་བའི་དམ་ཚིག་གསང་བ་མཆོག་གི་ཏིང་ངེ་འཛིན་ལ་སྙོམས་པར་ཞུགས་སོ། ། དེ་ནས་ཏིང་ངེ་འཛིན་དེ་ལས་བཞེངས་པར་གྱུར་པ་དང་། འདུས་པའི་རྣལ་འབྱོར་ཆེན་པོ་རྣམས། ་ཀྱིས་འདི་སྐད་ཅེས་གསོལ་ཏོ།། སྨྲ་བའི་སེང་གེ་སེམས་དཔའ་ཆེན་པོ་ཁྱོད་ཉིད་ནི་དམ་ཚིག་ཆེན་པོའི་བདག་ཉིད་དུ་བདག་ཅག་རྣམས་ཀྱིས་མཐོང་ངོ་།། དེ་སྐད་ཅེས་གསོལ་པ་དང་། སེམས་དཔའ་ཆེན་པོ་དེས་བཀའ་སྩལ ་པ། འདུས་པའི་རྣལ་འབྱོར་རྣམས་ཆོས་ཐམས་ཅད་ཀྱི་སྲོག་ནི་དམ་ཚིག་ཡིན་པར་ཤེས་པར་གྱིས་ཤིག། དེ་ནས་འདུས་པ་ཆེན་པོའི་ཚོགས་ཀྱི་སེམས་དཔའ་ཆེན་པོ་ལ་འདི་སྐད་ཅེས་གསོལ་ཏོ།། སེམས་དཔའ་ཆེན་པོ་དམ ་ཚིག་མཆོག་གི་གསང་བ་རྣམས་བདག་ཅག་རྣམས་ཐོས་པར་འཚལ། ཐོས་ནས་ཀྱང་རྟོགས་པར་འཚལ། རྟོགས་ནས་ཀྱང་དེ་ལ་གནས་པར་འཚལ་ན། སེམས་དཔའ་ཆེན་པོ་རྒྱ་ཆེར་བཤད་དུ་གསོལ།། དེ་སྐད་ཅེས་གསོལ་པ་དང་། ་སེམས་དཔའ་ཆེན་པོས་བཀའ་སྩལ་པ། འདུས་པ་ཆེན་པོའི་ཚོགས་དམ་ཚིག་རྣམས་འདི་ལྟ་སྟེ། ཤིན་ཏུ་གསང་བའི་དམ་ཚིག་ནི་སྣོད་མ་ཡིན་པར་གྱུར་པ་ལས། ཕྱི་ནང་གསང་བ་གསུམ་དག་ཏུ།། སྦ་བའི་ཐབས་སུ་སྤྱད་ནས་ཀྱང་།། ། ་གསང་བའི་ཆོས་རྣམས་གསང་བར་བྱ།། བརྟན་པའི་གནས་མིན་སྣོད་ངན་དག། རྣམ་པ་བཞིས་བསྡུས་བྱེ་བྲག་རྣམས།། མ་འོངས་རྣལ་འབྱོར་བཅུད་ཅན་གྱིས།། ཤེས་ནས་སྤང་བར་བྱ་ཕྱིར་བཤད།། འཇིག་རྟེན་པ་དང་ཐེག་དམན ་དང་། མུ་སྟེགས་ལོག་ལྟའི་ལྷ་ལ་དགའ།། དད་མེད་བློ་ཞན་གཡེང་རྨུགས་ཤིང་།། བསླབ་ཉན་མི་བརྩོན་བྱོལ་སོང་མཚུངས།། དད་ལོག་དམ་ཉམས་དོན་ལས་གོལ།། བྱང་ཆུབ་ཐེག་པ་གཏིང་ནས་ཆད།། སེམས་ཀྱི་མུ་གུའི་རྩ་ཚིག་པ།། ་ངན་འགྲོའི་འདམ་དུ་ཁ་སྦུ་བ་ཡིན།། སྣོད་མིན་ཁ་སྦུ་བ་དེ་དག་ལ།། གསང་བ་སྨྲ་བར་བྱ་བ་མིན།། སྨྲས་ན་དེ་ཉིད་ཁ་སྦུབ་འགྱུར།། གསང་བའི་ཚིག་རྣམས་ཁར་སྨྲ་ཡང་།། གབ་པ་གསང་བའི་དོན་མི་ཤེས།། སྐྱོན་ཅན་སྤ་ལོས་སྒྲོགས་རྣམས ་ལ། ། གསང་བའི་དོན་རྣམས་ལྷག་པར་སྨྲ།། བསྙེན་བསྒྲུབ་གསང་བའི་ཚིག་རྣམས་ལ།། སྒྲ་ལ་ཉེན་ཀྱང་དོན་མི་ག་ཉ་།། སྙིང་པོའི་དོན་གསད་མི་ཐུབ་པ།། བཅུད་མེད་འཁོར་བར་ཟག་པ་ཡིན།། གསང་དོན་མི་ཐུབ་སྣོད་ངན་ལ།། གསང ་བ་སྨྲ་བར་གང་བྱེད་པ། ། ད་དང་སྣོད་མེད་སྣོད་ངན་གཉིས།། འཁོར་བའི་ཁམས་སུ་ཟག་པར་མཉམ།། ལྷ་དང་དམ་ཚིག་སྒྲུབ་པ་ཡི།། དམ་པའི་མཛོད་གསུམ་སྨྲ་ཤེས་ཀྱང་།། གོམས་པའི་མཐུ་མེད་གནས་མ་གྱུར།། ངན་མྦུ ་བྲག་དོག་སེར་སྣས་གདུངས། ། བྱ་མེད་ཆོས་ལ་བློ་གཏོད་ཅིང་།། སྤྱོད་རྩིད་དམ་རལ་རྡེར་མེད་པར།། རྣལ་འབྱོར་སྤྱོད་ལ་ལྟ་དམན་ཞེས།། ཟེར་བ་པམ་འགྱུར་འཁོར་བར་འཕོ།། སྣོད་ངན་འཁོར་བར་འཕོ་བ་ལ།། གསང་བའི་དོན་རྣམས་སྨྲ་བྱིད ་བ། ། གསང་བ་ཉམས་པའི་དབང་གིས་ན།། ཉམས་པ་དེ་དང་དེ་འདྲར་འགྱུར།། ཟླ་ངན་ཉམས་སོད་ཅན་ལན་འདྲེན།། ཁ་གསག་ལྕེ་གཉིས་སྒྱུར་བྱེད་ཅིང་།། སེམས་ལ་ཉོན་མོངས་ལྔ་བཅངས་ཏེ།། རྐུ་དང་སྒྲ་སྤྱོད་བརྫུན་ལ་དགའ།། ཚེ་གཅིག་གྲགས ་བཆེད་བྱི་རུ། ། གང་ཟག་ཕྱིར་འབྲིང་ཚིག་འགའ་ལ།། མཉན་ཏེ་བརྗོད་འདོད་ཚུལ་འཆོས་པ།། ལོག་སྨྲ་དུག་ཅན་ཐ་རམས་ལྷུང་།། དུག་ཅན་ལྟུང་བའི་སྣོད་དེ་ལ།། གསང་བའི་དམིགས་རྣམས་སྨྲ་བ་ནི།། རྣལ་འབྱོར་ཉམས་པ་ཆེན་པོ་སྟེ།། འཁོར ་བའི་ཐ་མར་དེ་ལྟུང་འགྱུར། ། འདི་ལྟར་ཕམ་འགྱུར་སྣོད་ངན་ལ།། གསང་བ་གསད་ཆེན་ལ་སོགས་པའི།། དོན་དང་རང་བཞིན་གང་ཡིན་པ།། སྟན་ཀྱང་ཕམ་ལྟུང་གེགས་སུ་འགྱུར།། དེ་བས་བསྟེན་པར་བྱ་བ་མིན།། གལ་ཏེ་བསྟན་པར་གྱུར་ན་ནི།། ་སྟོན་སྨྲ་ཉན་བྱེད་དེ་དག་རྣམས།། མཐོང་ཡུན་ཕུང་བྱེད་གཉིས་སྐྲག་འགྱུར།། རྣལ་འབྱོར་མཁས་གསལ་དོན་ལྡན་ལ།། རྣལ་འབྱོར་མི་ཤེས་གང་དག་གིས།། དྲེགས་པའི་དབང་གི་ཕྲག་དོག་གི། སེམས་ཀྱི་རྣམ་གྲངས་ཅི་སྐྱེད་པ།། དེ ་སྙེད་བསྐལ་པའི་གྲངས་མཉམ་པར། ། འབྲས་བུ་མི་ཟད་མྱོང་བར་འགྱུར།། གལ་ཏེ་ལས་ཀྱི་འགྲོ་ལེན་ན།། དེ་སྙེད་བསྐལ་པར་བཟོད་འཇུག་དགོས།། མཁས་གསལ་དོན་ལྡན་གྱིས་ཀྱང་ནི།། གོང་མ་བཞིན་དུ་ངན་བསམས་ན།། དེ་ཡང ་གནས་ངན་ལེན་པ་སྟེ། ། མཁས་པ་དེ་ལ་སྐྱོ་མ་ནུས།། རྣལ་འབྱོར་དོན་ལྡན་ཚུལ་འཐུན་ལ།། ངན་པའི་ཚིག་གིས་སེམས་བཀྲུགས་ཤིང་།། སྒོ་སྐུར་ཆུ་དང་བརླང་བཏབ་ན།། དམྱལ་བ་རྡོ་རྗེར་དེ་ལྷུད་འགྱུར།། ནར་ལས་བྱུང་བའི་རྣམ་སྨི། ་ཡང་། ཇི་ལྟར་རྒྱུ་འཐུན་དེ་འདྲར་འགྱུར།། སྐལ་བ་དམན་པའི་རྣལ་འབྱོར་པ།། རྩ་ཉམས་སྐྱོན་ཅན་རང་བཞིན་ནི།། ངན་སེམས་ཁྲོ་གཏུམ་ལྡན་པ་དང་།། མི་ཟད་ཕྲ་མེན་ལས་སྤྱོད་བྱེད།། གང་དག་མི་ཤེས་དང་ཚུལ་ཅན།། བྱིས་པའི ་རང་བཞིན་བློ་ཞན་པས། ། ཤིན་དུ་དམན་པའི་ལྟ་སེམས་ཀྱིས།། ཚུལ་འཆོས་མཁན་ལ་བཀུར་བར་བྱེད།། གང་དག་དམ་ཚིག་ཡོན་ཏན་ལྡན།། བྱམས་ལ་གནས་ཤིང་རྟག་ཏུ་བཟོད།། ཚུལ་ཤིས་དོན་གྱི་གཞུང་རྣམས་སྲོང་།། དེ་དག་ལ ་ནི་འདུན་པ་མེད། ། དམ་ཚིག་སྤྲེའུ་ལྟར་སྤྱོད་བཞིན་དུ།། བྱང་ཆུབ་སྙིང་པོ་ཐོབ་པ་ཡི།། སངས་རྒྱས་རྣམས་ཀྱང་མི་འབྱུང་ངོ་།། འབྱུང་བར་ཡང་དག་དས་མ་མཐོང་།། རྒྱལ་བའི་སྲས་གྱུར་རྣལ་འབྱོར་པ།། ལམ་སྟོན་སྐྱོན་སེལ་མཁས ་པ་ལ། ། ཁ་ཅིག་དྲེགས་དང་ཕྲག་དོག་གིསོ།། ཁྲོ་སྤོད་ཐབས་ཀྱིས་སྨོད་པར་བྱེད།། དེ་ནི་འཁོར་བའི་གཏིང་རྡོ་སྟེ།། ནམས་ཀྱང་ཐར་པའི་ཁར་མི་ཆུང་།། མི་ཤེས་པ་ཡི་རྣལ་འབྱོར་པ།། ཡང་དག་དོན་དང་ལྡན་པའི་མི།། རྗེས་སུ་འགྲོ་བར་མི་བྱེད ་ཅིང་། ། ལོངས་སྤྱོད་འདུ་འཛི་གང་ལྡན་པའི།། རྗེས་སུ་འགྲོ་ཞིང་དེ་ལ་འདུད།། དེ་ནི་ལོག་པའི་ལམ་པ་ཡིན།། རྣལ་འབྱོར་ལྟ་དང་བྱང་ཆུབ་ཁེ།། འབད་ཐག་ཆད་པར་བློ་མི་འབྱུང་།། ཟང་ཟིང་ནོར་དང་གཡོ་སྤྲུལ་ཁེ།། ཆུང་ཡད་ཅིས་འགྲུབ་སྲོག་དང་སྔོ། ་རྣལ་འབྱོར་མཛེས་པའི་རང་བཞིན་ཅན།། བུམ་སྣོད་ནང་གི་གསལ་བ་ལྟར།། ཤེས་རབ་མཛོད་ཀྱི་གཏེར་ལྡན་ཡང་།། སྲོག་ཆགས་རྐུན་མོའི་སྡེར་མོ་ལྟར།། ཁོང་ནས་གབ་སྦས་དོན་སྟོན་ལ།། བླུན་པོ་རྣམས་ཀྱིས་ཅིར་མི་མཐོང་།། དཔེར་ན ་འདི་འདྲར་ཚུལ་གཅིག་སྟེ། ། ལུས་ལ་གཏེར་འཆང་མི་དང་ནི།། ཐུན་པོར་གྱུར་པའི་མི་དག་གནས།། འགྲོགས་ཀྱང་གཉིས་མཚུངས་ཁྱད་མེད་འདྲ།། ཏིང་འཛིན་བསྔགས་པ་བརྗོད་བྱེད་ཅིང་།། ཏིང་འཛིན་དོན་དུ་གཉེར་བ་མེད།། ཡང་དག ་བསྔགས་བརྗོད་བྱེད་ཅིང་། ། ཡང་དག་དོན་དུ་གཉེར་བ་མེད།། དམ་ཚིག་བསྔགས་པ་རྗོད་བྱེད་ཅིང་།། དམ་ཚིག་དོན་དུ་གཉེར་བ་མེད།། ཇི་ལྟར་འགྲོ་གང་ལ་ལ་དག། ནོར་བུ་རིན་ཆེན་འདི་འདྲ་སྟེ།། འདོད་པའི་ཡོན་ཏན་ཀུན་འབྱུང་སྟེ།། ་རིན་ཆེན་དག་གི་ཡོན་ཏན་བརྗོད།། དེ་ལ་འགྲོ་གང་གཞན་དག་གིས།། དེ་ལྟར་འདོད་པ་འབྱུང་གྱུར་ན།། དེ་ལྟར་ཅུང་ཟད་ཡོད་དམ་ཞེས།། དྲིས་ཀྱང་མེད་པས་སླར་སྨྲས་པ།། གང་ཞིག་དགོས་པ་སྐོང་བ་ཡི།། ཡོན་ཏན་ཅུང ་ཟད་སྤྲོས་པར་ཟད། ། དེ་ཉིད་བདག་ལ་མེད་ཅེས་སྨྲ།། དེ་བཞིན་རྣལ་འབྱོར་མི་བརྩོན་པས།། བསླབ་པར་བྱ་བའི་ཆོས་བྲལ་ལ།། ཆོས་ཉིད་བསྔགས་པ་རྗོད་བྱེད་ཀྱང་།། དེ་དག་ལ་ནི་ཆོས་ཉིད་མེད།། དེ་ལས་སྤྱོད་པའི་ལོག་སྤྱོད་རྣམས།། ་དམ་ཚིག་ཅན་གྱིས་སྤང་བར་བྱ།། རྣལ་འབྱོར་ཆོས་འཛིན་གང་དག་གིས།། རྣལ་འབྱོར་ཉམས་འགྱུར་ལོག་སྲེད་ཅན།། གསང་བ་འཇིགས་པའི་དགྲར་མཐོང་ནས།། དེ་དག་སྡིག་པ་མཐོང་བ་ལྟར།། སྐྲོད་ཅིང་ཆད་པས་གཅོད་བྱེད་པ།། ་སྐྱེས་བུ་དེ་ནི་རྒྱལ་བའི་སྲས།། དཔེར་ན་བློན་པོ་གང་དག་གིས།། ཉེས་བྱས་ཁྲིམས་དང་འགལ་འགྱུར་ན།། འགལ་བར་མི་གཏོར་ཁྲིམས་དང་སྦྱོར།། བཀའ་ཡི་ཡོ་སྲོད་བློན་པོ་དེ།། རྒྱལ་པོའི་ཐུགས་འཛིན་དམ་པ་ཞེས།། ཀུན་དུ་རྒྱ་ཆེར ་གྲགས་པར་འགྱུར། ། ལྡུམ་རར་དུག་གི་སྡོད་སྐྱེས་ན།། བདག་པོས་དུག་དུ་ཤེས་མ་ཐག། རྩད་ནས་ཕྱུང་སྟེ་མེད་པར་བྱེད།། ཅི་ཕྱིར་ལྡུམ་ཟས་དེ་དག་ལས།། དུག་འཕེལ་གྱུར་ན་འཆི་ཕྱིར་རོ།། དེ་བཞིན་ཉམས་འགྱུར་དུག་ཅན་དེ།། ་བརྟུལ་ཞུགས་ཅན་གྱི་རྣལ་འབྱོར་དེས།། གནས་སམ་ལོ་ཡིས་སྤྲུགས་ཏེ་སྤར།། གང་དག་མི་སྤོང་མགོན་བྱེད་པ།། དེ་དག་གསང་བའི་དམ་སྲི་ཡིན།། དོན་ལ་རྣལ་བྱོར་གང་ཞིག་གིས།། ཐ་ཚིགས་ཟབ་མོར་བཅས་རྣམས་ལས།། ་བསྲུང་བའི་བསམ་པ་མི་གཡོ་བཞིན།། རྩ་བ་ཡན་ལག་བཅས་རྣམས་ལ།། གལ་ཏེ་མཚོར་ཞིག་གྱུར་ཀྱང་།། རྣམ་སྨིན་ཡོད་ཀྱང་རྩ་མི་ཉམས།། ཇི་ལྟར་གླང་པོ་ཨ་ནེ་ཡ།། ཤི་ནས་རོ་རུ་གྱུར་མོད་ཀྱང་།། འགེའུ་ཝང་རྩིས་ནི་དོན་བྱེད ་ལྟར། རྣལ་འབྱོར་ཉམས་དེ་རོར་གྱུར་ཡང་།། གཞན་གྱིས་བཀུར་བའི་གནས་ཡིན་ཞིང་།། དེ་ཡི་དོན་བྱེད་ནུས་པ་ཡིན།། དེ་ལྟར་མོད་ཀྱང་འདི་ཀུན་རྣམས།། རྨི་ལམ་དུ་ཡང་མཐོང་མི་བྱ།། ཅི་ཕྱིར་འོ་མ་ཉུང་ངུ་ཞིག། རུལ་བས་འོ་མ་ཀུན ་རུལ་བཞིན། ། རྣལ་འབྱོར་ཉམས་གྱུར་གཅིག་གིས་ནི།། ནལ་འབྱོར་ཅན་ཀུན་མ་རུང་འགྱུར།། འཁོར་བའི་གཡུལ་རྒྱལ་བྱེད་པ་ཡི།། ལོག་པའི་རྣལ་འབྱོར་ཐམས་ཅད་ཀུན།། དོན་ལ་མཁས་པའི་རྣལ་འབྱོར་པས།། ཐམས་ཅད་བསྒྲིམས ་ཏེསྤང་བར་བྱ། ། གལ་ཏེ་མ་སྤངས་ལོག་སྤྱད་ན།། འཁོར་བའི་གཡུལ་ནི་རྒྱལ་འགྱུར་ཏེ།། བདེན་པའི་བྱིན་རླབས་མཐུ་ཆུང་འགྱུར།། ཀུན་ཀྱང་དགེ་སྦྱོང་དོན་ཆུང་ཞེས།། ཡང་དག་དོན་ལས་ཡོད་བྱུང་ཞིང་།། ལོག་པའི་ཆོས་ལ་སྤྲོ་བར་བྱེད།། ་ཀུན་ཀྱང་ལོག་པའི་ལས་སྤྱད་པས།། ཡིད་དུ་མི་འོང་སྣ་ཚོགས་འབྱུང་།། དེས་ནི་སྨྱོ་སྐུར་གཉིས་སུ་འགྱུར།། བཀའ་ཡི་ཆད་པ་གང་ཡིན་པ།། ཡེ་ཤེས་སྤྱན་ལྟ་རང་བཞིན་གྱིས།། ནམས་ཀྱང་གནོད་པ་ཡོད་མི་མཛད།། དེ་ཡི་འཁོར ་ན་གནས་པ་ཡི། ། གང་དག་མ་རུངས་མཐུ་ཆེན་རྣམས།། རྣལ་འབྱོར་ལོག་པར་སྤྱོད་རྣམས་ཀྱི།། སྐྱོན་མཐོང་ཙམ་ན་ཆད་པས་གཅོད།། ཐམས་ཅད་ངན་འགྲོར་སྤྱིའུ་ཚུགས་ལྷུང་།། སྒྲུབ་པའི་སྣོད་མཆོག་གཅིག་ཡོད་དེ།། འདི ་དང་མི་མཐུན་ཀུན་རྫོགས་པའི། ། རྒྱུད་མཉན་དོན་ལྡན་དང་ཚུལ་བཟང་།། ཅི་ལ་ཆགས་མེད་གཏོར་ལྡན་སེམས།། ཤེས་རབ་རྣམ་གྲོལ་ལྡེ་མིག་གིས།། གཏི་མུག་ཐ་ར་མ་བློ་ཆེ་ནས།། ཆོས་ཀྱི་སྙིང་པོའི་མིག་ལྡན་པས།། རྟག་ཆད ་བྲང་མཐོང་དབུ་མའི་ཡུལ། ། མ་ནོར་ལམ་དུ་འཇུག་ཤེས་པས།། སྡོང་པོ་སྡོང་ཆེན་རབ་དུལ་བའོ།། ཐ་ཚིག་ལུང་ལས་བྱུང་བ་བཞིན།། གཞུང་སྲོང་ཐུབ་པར་བྱེད་པ་དེ།། རྒྱལ་བའི་སྲས་པོ་ཡིན་པས་ན།། དེ་ལ་གསང་སྒོ་དབྱེ་བར ་བྱ། ཇི་ལྟར་དམ་ཚིག་ཐུབ་པ་ལྟར།། དེ་བཞིན་ཡིད་བཞིན་ནོར་བུ་སྟེ།། ཡིད་འོད་འདོད་དང་བདེ་བ་འབྱུང་།། རིགས་འཛིན་རྒྱལ་བ་ཀུན་ཡུམ་མོ།། དེ་བཞིན་དམ་ཚིག་ཐུབ་པ་ལྟར།། གནས་པར་བྱེད་པའི་རྟེན་ཡང་ཡིན།། དམ ་ཚིག་ཀུན་གྱི་སྲོག་ཡིན་ཏེ། ། དམ་ཚིག་ཀུན་གྱི་ནོར་མཆོག་གོ། དམ་ཚིག་འདི་ནི་འཇིག་པའི་སྐྱབས།། དམ་ཚིག་བགྲོད་པ་ལམ་གྱི་མཆོག། དམ་ཚིག་ཆུ་བོ་སྒྲོལ་བའི་གྲུ།། དམ་ཚིག་དངོས་གྲུབ་དམ་པ་ཡིན།། དམ་ཚིག ་གྲོགས་ཀྱི་མཆོག་ཡིན་ཏེ། ། དམ་ཚིག་ལོང་བའི་མིག་བུ་ཡིན།། ཇི་ལྟར་དམ་ཚིག་ཐུབ་པ་ལྟར།། གཞན་གྱི་སྡེ་པ་འཇོམས་པ་ཡིན།། འཁོར་བའི་གཡུལ་ལས་རྒྱལ་བར་བྱེད།། དེས་ན་དམ་ཚིག་རྒྱུན་བཞིན་སྲུང་།། མདོར་ན ་བདག་གི་སྒོ་གསུམ་པོ། ། དག་པ་གསུམ་གྱི་མཐའ་བཟུང་ནས།། ལྷ་དང་གྲོགས་དང་སློབ་དཔོན་དང་།། བདག་ཉིད་དག་པ་མ་ཁྲེལ་བའི།། ཚུལ་གསུམ་མི་གནོད་དམ་བཅས་གསུམ།། ཡོངས་སུ་མཉམས་མེདོ་བཞི་པོ།། མཐར་བྱིན་རྒྱ ་རྟགས་རྣམ་བཞིར་བཅས། ། མདོ་དན་དྲན་པ་ལ་བགྲང་བསྔོ།། བརྟུལ་ཞུགས་སྤྱོད་པའི་དམ་ཚིག་ནི།། དམ་ཚིག་ཀུན་གྱི་ཐོག་མར་འགྲོ།། ཝ་དང་ཅང་ཤེས་ཀྱི་ལིང་དང་།། བླང་དོར་མིང་བྲལ་ཁྲོ་ཆེན་བདག། ཤིན་དུ་གླང་ཆེན་མོས་འདྲ ་སེམས། དཔའ་བརྟུལ་སྟག་མཆོག་རྔམ་ཞིང་གཏུམ།། མཁའ་ལྡིང་ཁྱུད་ཆེན་ལྷག་མཾ་ལྟ།། གཏུམ་ཐུང་དོན་ཆེན་སྡོང་གཅིག་པ།། ཡིད་ཐུབ་མི་ལྡོག་རྒྱ་མཚོའི་གསེར།། གཏི་མུག་ལྐུག་པའི་བློ་ཚོལ་ལྡན།། རི་བོ་མ་འགྱུར་བརྟན་པ ་མཁའ་ལྟར་ཡངས་དོག་ཀུན་དང་བྲལ། ། གནམ་ལྤགས་ཀྱི་ཡཽ་དྲག་ཤུལ་ཅན།། ཕྱག་ན་རྡོ་རྗེའི་བརྟུལ་ཞུགས་བདག། ཟོན་བག་ཁུ་འཕྲིག་ཁ་རོག་སེམས།། ངེས་པའི་ང་རྒྱལ་གླང་ཚུལ་ལྡན།། ཟླ་བྲལ་སེང་གེ་རི་དགས་རྒྱལ། ་རེའཇམ་བྱ་ལྟར་ཆགས་འགྲོགས་བློ།། གཡོ་ལྡན་ལག་ཆེན་སྒྱུ་མའི་རྒྱ།། གཙང་སྨེ་མེད་པར་ཀུན་སྤྱོད་ཅིང་།། ཐོགས་མེད་གསོད་སྤྱོད་ལྕེ་སྤྱང་ཁྭ།། ཆེ་བའི་ང་རྒྱལ་སྟག་མཆོག་བློ།། ཀུན་འཛམ་བློ་ལྡན་ནམ་མཁའ་ལྡིང་།། ས་ཐུབ་པག ་པར་རྒྱལ་འཁོར་སྐྱོང་། ། རྣལ་འབྱོར་བརྟུལ་ཞུགས་ཆེན་པོ་ནི།། བཅུ་གཉིས་དང་ནི་གསུམ་གྲོར་ལྡན།། གོམས་ནས་ཉམས་སུ་ལོན་བྱེད་པ།། རྣལ་འབྱོར་གསང་བའི་བཀའ་བ་ཡིན།། དལ་བའི་རྒྱུད་ལྡན་ཐ་ཚིག་ཅན།། སྐུ་དང་གསུང ་བྲགས་རྡོ་རྗེ་ཡི། ། གསུང་དང་བརྗོད་དང་གསང་བ་དང་།། ཡན་ལག་སྤྱད་པའི་དམ་ཚིག་དང་།། ཡིད་འོད་དང་དུ་བླང་བ་དང་།། བརྟུལ་ཞུགས་ཟབ་མོར་སྤྱད་པ་དང་།། རྣལ་འབྱོར་རྣལ་འབྱོར་ཐམས་ཅད་ཀྱི།། མི་འདོར་མི་སྤོང་སྦྱར་བ་མི།། ་རིག་ལྡན་ཤེས་པར་བྱ་བ་དང་།། ཐོབ་ཅིང་གྲུབ་པར་བྱ་བ་ཡིན།། རེ་ར་ལ་ཡང་ལྔ་ལྔ་སྟེ།། རྩ་བ་དང་ནི་ཡན་ལག་ལས།། བཅུ་གཉིས་དང་ནི་བརྒྱད་ལྡན་པ།། སྤྱད་པར་བྱ་བའི་ནོར་མཆོག་ཡིན།། རྣལ་འབྱོར་བྱང་ཆུབ་སེམས་རླུ ་ལ། ངེས་པར་བརྟགས་ཏེ་སྤྱོད་པའི་བུ།། ཟབ་མོར་རྫོགས་མཆོག་བདེ་བ་ཡི།། བློ་ལ་ངེས་པའི་ལུང་འདི་སྟན།། འདི་ནི་སྔར་འགྲོ་ཐ་ཚིག་སྟེ།། ཟབ་མོ་སྒྲུབ་པའི་སྔོན་ལོགས་སུ།། རྡོ་རྗེ་ཐ་ཚིག་དྲག་པོའོ།། གཅན་འཕྲང་ལམ་རྣམས་བསྐུ ་བའི་ཕྱིར། ། སྤྱི་དང་ཁྱད་པར་དམ་ཚིག་རྣམས།། ངེས་པའི་དོན་གྱི་བསྲུང་བྱས་ན།། དེ་ནི་དབྱིག་གི་གནོད་ཆེན་ཡིན།། དེ་ལྟར་སྤྱི་ཡི་སྡོམ་པ་ལ།། གནས་ནས་དུས་ཀྱི་སྐབས་འདི་རུ།། བསྲུང་བྱ་ཐུབ་པར་བྱ་བ་ནི།། མི་ཤིགས་པ་ནི་སང ་གེ་སྟེ། གཅན་ཟན་རྒྱལ་པོ་ཡིན་པས་སོ།། ཟ་མ་ཏོག་ནི་འདོད་པའི་གཏེར།། དུག་སྤྲོ་བ་ནི་དེར་མི་རིགས།། རིན་ཆེན་མྱུ་གུའི་ལྕུག་ཕྲན་དག། དེ་ནི་བྲེག་པའི་རིགས་མ་ཡིན།། གངས་གི་ཞུན་ཆུ་ཁོལ་མ་དག། མཁས་པས་བཏུང་བར ་བྱ་བ་མིན། ། པད་མ་ཟེའུ་འབྲུ་ཁ་མ་བྱེ།། ཟླ་ཟེར་མ་ཡིན་ཁ་མི་དབྱེ།། མ་བརྟགས་བུག་རྡོལ་ཅན་གྱི་སྣོད།། ཁ་མི་དབྱེ་ཞིང་བཅུད་མི་བླུག། དོན་དང་མི་ལྡན་བཅོས་མི་བརྟགས།། བསྲེལ་ཞིང་སྤྱད་པར་བྱ་བ་མིན།། ཤེལ་དཀར་རིན་ཆེན ་སྒོ་ང་དག། འདམ་རྫབ་ཁུང་དུ་བསུབ་མི་བྱ།། སེང་གེ་དཀར་མོའི་འོ་མ་དག། དུག་ཅན་སྣོད་དུ་བླུགས་པ་མིན།། ཡིད་བཞིན་ནོར་བུ་རིན་པོ་ཆེ།། བསྲེག་པར་བྱ་བ་ཡོད་མ་ཡིན།། ཁྱུང་ཆེན་གཤོག་པ་མཁར་བརྐྱང་བ།། དེ་དག་གཅག ་པར་བྱ་བ་མིན། ། གནམ་ལྕགས་མེ་ཡི་དུར་མོ་དག། བརྡབ་པར་བྱ་བ་མ་ཡིན་ནོ།། སྟག་གཟིག་འདྲོལ་བས་པས་བྱས་པའི།། ལས་ཀྱི་ལྷག་མ་སྡུ་མི་བྱ།། རྡོ་རྗེ་བྲག་ཆེན་གཏམས་པའི་གཞི།། དེ་དག་གཞིག་པར་བྱ་བ་མིན།། རྡོ་རྗེ་བའི། ་ཚགས་ནི། བསྡམ་བྱ་བྲལ་བར་བྱ་བ་མིན།། བུད་ཤིང་སྲེག་པའི་སྒྲོན་མ་དག། གཡེང་བའི་རླུང་གིས་བསྐྱོད་མི་བྱ།། རྡོ་རྗེ་ཚིག་གི་ཆུ་རྒྱུན་དག། འོལ་ཀར་གཅད་པར་བྱ་བ་མིན།། རྒྱལ་པོ་བཀའ་རྟགས་ཕྱག་རྒྱ་དག། ནམ་ཞར་དབྱི ་བར་མི་བྱའོ། ། རྡོ་རྗེ་ཕ་ལམ་གཏམས་པའི་མཁར།། རྨང་ནས་བཟློག་པར་མི་བྱའོ།། གཙུག་གི་ནོར་བུའི་བར་བ་དག། རྒྱལ་མཚན་རྩེ་ལས་དཔོག་མ་བྱ།། རྣལ་འབྱོར་ལས་ཀྱི་ཁྱད་པར་ཅན།། སྐལ་ཅན་རྣམས་ཀྱི་དམ ་ཚིག་སྟེ། སྐལ་བར་ལྡན་པའི་ནོར་མཆོག་ཡིན།། རྒྱུན་དུ་སྤྱད་པའི་ནོར་མཆོག་ནི།། རྡོ་རྗེ་ལས་ཀྱི་ཐུན་ཚགས་དག། རྡོ་རྗེ་གོ་ཕུང་ཏྲོ་མ་ཚན་གྱིས།། སྲོག་ལ་བར་ཆད་བྱེད་པའི་དགྲ། ཉོན་མོངས་འཐིབས་པ་དེ་གཞོམ་བྱ།། སྙོམ་ལས ་ལེ་ལོའི་དཔུང་བསྐྱེད་པ། ། ཐུགས་ཐུབ་ར་ཆོད་ང་རྒྱལ་གཞི།། དྲེགས་བྱེད་དབང་པོ་མྱོས་པའི་བཅུད།། དཔེ་བྱེད་རྐྱེན་ཡང་བསྡམ་པར་བྱ།། རྡོ་རྗེ་གསང་ཚིག་མ་གཏོགས་པ།། འདྲེས་པ་གང་ཟག་བྱིས་པའི་ཚིག། ཟུར་ཡང་བརྗོད་པར ་མི་བྱ་ཞིང་། ཐམས་ཅད་རྡོ་རྗེ་གསང་བས་བྱའོ།། ཇི་ལྟར་གསོད་པའི་མི་རྣམས་དག། གཤེད་མའི་མིས་ནི་གསོང་བའི་ཚེ། ཐར་པའི་ཐབས་བརྩོན་པ་ཇི་བཞིན་ན།། ལེ་ལོའི་དགྲ་བཅོམ་བརྩོན་པར་འབད།། རྣལ་འབྱོར་སྒྲིབ་པའི་གེགས ་བསལ་བ། ། དཀའ་ཐུབ་སྡོམ་པའི་མདུད་པ་ཅན།། འདོད་དང་ལོངས་སྤྱོད་མི་མཐུན་དང་།། སྤྱི་འཐུན་ནང་དུ་མི་གཅིག་པ།། ཕྱི་ནང་ཅན་དང་གནོད་བྱེད་དང་།། འདོད་མྱོས་བྱིང་ཚུགས་བརྐམས་པ་དང་།། དང་མེད་རྩ་ཉམས་འཕྱར་གཡེང ་ཅན། མཁས་པས་བསྒྲིམས་ཏེ་སྤང་བར་བྱའོ།། དེ་ནི་རྣལ་འབྱོར་གགས་ཡིན་ཏེ།། དངོས་གྲུབ་ཆུ་བོ་གཅོད་པར་བྱེད།། རྣལ་འབྱོར་ངེས་པར་སྤྱོད་པ་ལ།། བར་དུ་གཅོད་པའི་བདུད་ལྔ་འབྱུང་།། ནམ་ཏོག་འཕྲིག་པའི་བདུད་ཉིད་དང་། ་བཞིན་བཏང་སྙོམས་ལེ་ལོའི་བདུད།། ལོངས་སྤྱོད་འདུ་འཇིག་ཡེང་བའི་བདུད།། ཚིག་རྩུབ་མཚོན་ཆ་རྣོན་པོའི་བདུད།། ཁྲོ་གཏུམ་དང་ཐུང་འཁྲུག་པའི་བདུད།། རྣལ་འབྱོར་སྦྱོར་བའི་བདུད་ལྔ་པོ།། ཡང་དག་དོན་ལ་སྒྲིབ་པ་སྟེ།། གཉེན ་ངོ་བྱང་ཆུབ་སེམས་མཆོག་གིས། ། ཞི་བ་ཆེན་པོའི་ངང་དུ་བཟློག། རྣལ་འབྱོར་སྤྱོད་པའི་དགྲ་བཞིགོ།། ཐབས་ལ་མཁས་པས་གདུལ་བར་བྱ།། རྡོ་རྗེ་བརྣག་པ་གསང་འཕེལ་བས།། ངག་གི་དབང་པོ་ཉམས་འགྱུར་ཏེ།། ཁ་ན་མ་ཐོས ་ཕོག་པར་འགྱུར། ། དེ་དག་བཅས་ཀར་འགྱུར་བའི་དགྲ། ལྷ་དམན་སྤྱོད་རྩིང་འཆོལ་བ་ཡིས།། བཀའ་ཡེ་གཞུང་བོར་ལོག་པར་སྦྱང་།། ནོར་པས་བར་ཆད་འབྱུང་བའི་དགྲ། དམ་གཙེར་སྤྱོད་པའི་ལས་རྣམས་ཡིན།། འདའ་དཀའ ་རྡོ་རྗེ་མཆོག་གསུམ་པོ། ། བཏང་སྙོམས་ཕྱལ་བར་ཤོར་བ་ནི།། རྩ་བ་རུལ་པའི་ལྗོན་ཤིང་བཞིན།། བཀའ་ཆད་ཆེན་པོ་འབབ་པའི་གནས།། བརྩམ་པ་ལས་ལ་སྦྱོར་བའི་ཚེ།། འབད་པའི་རྩལ་ཤུགྲ་ཚུངས་པ་ཡིས།། དོན་རྣམས་གྲུས ་པ་མ་ཡིན་ཏེ། ། འབྲས་བུར་མི་འགྱུར་འཕྲོག་པའི་དགྲ།། རྣལ་འབྱོར་ཆེན་པོར་སྤྱོད་པ་ལ།། འདོད་པའི་ནོར་མཆོག་འཕྲོག་པའི་དགྲ། ཐབས་ལ་མཁས་པའི་སྐྱེས་བུ་ཡིས།། སྐྱོན་གྱི་དགྲ་བཞི་སྤང་བར་བྱ།། སྲིད་གསུམ ་བསྒྲོལ་བའི་ཞིང་འདི་དག། སངས་རྒྱས་ཞིང་དུ་རྟོགས་པ་ནི།། ས་རྣམས་གཅིག་ཅར་སྦྱངས་པ་སྟེ།། ཞིང་རྣམས་དག་པའི་མཆོག་ཡིན་ནོ།། ཁམས་གསུམ་མཆོད་པའི་རྒྱུ་འདི་དག། ཡོ་བྱད་ཆེན་པོའི་མཆོག་ཡིན་ཏེ།། རྒྱལ ་བ་ཐམས་ཅད་མཉེས་པའི་རྒྱུ། ། རྨད་དུ་བྱུང་བའི་མཆོད་པའོ།། འཁོར་བ་དུར་ཁྲོད་གནས་འདི་དག། བདེ་བ་ཆེན་པོའི་གནས་ཡིན་ཏེ།། མ་ནོར་མ་བཅོས་ཆོས་ཀྱི་དབྱིངས།། བརྩལ་མེད་ལྷུན་གྱིས་གྲུབ་པ་ལ།། དུག་ལྔ་རྒྱུ་བའི ་རྩ་བ་དག། ཡེ་ཤེས་ལྔ་ཡི་རྩ་བ་སྟེ།། ཀུན་ཤེས་ཀུན་རིགས་གསལ་བའོ།། རང་རིག་ཡེ་ཤེས་རང་ལས་བྱུང་།། རྣལ་འབྱོར་ཆོས་མིག་ལྡན་པ་ཡིས།། ངེས་པའི་དོན་དུ་འདི་ལྟར་བལྟའོ།། འདི་ནི་རྒྱུན་གྱི་དམ་ཚིག་སྟེ།། བརྗོད་དུ་མེད་པ ་བསྲུང་བའོ། ། བསྲུང་བ་ཐུབ་པར་བྱ་བ་ལ།། དམ་ཚིག་རྩལ་གྱི་ཁྱད་པར་ནི།། གང་དག་རིག་པ་འཛིན་པ་ཡི།། བློ་ལ་ངེས་པའི་ལུང་དུ་བསྟན།། འདོད་པས་ཆགས་དང་འཇོམས་པ་དང་།། གཏི་མུག་ང་རྒྱལ་ཕྲག་དོག་རྣམས།། རྣལ་འབྱོར། ་ཆེན་པོའི་དམ་ཚིག་སྟེ།། དོན་དང་ལྡན་པའི་སྐྱེས་བུས་སྤྱད།། སྦྱོར་དང་གྲོལ་བར་བྱེད་པ་དང་།། མ་བྱིན་ལེན་དང་ངག་སྤྲུལ་བྱེད།། རྣལ་འབྱོར་དམ་ཚིག་སྤྱོད་པའི་མཆོག། སྤྱད་པར་བྱ་བའི་ལས་ཡིན་ནོ།། རྒྱལ་བ་སེམས་ཅན་ཐམས་ཅད ་དང་། དངོས་པོར་བརྟགས་པ་ཐམས་ཅད་ཀྱང་།། དོན་གྱི་རང་དུ་གཅིག་པ་སྟེ།། དེ་ཉིད་སྐུ་གསུང་ཐུགས་ཀྱི་བདག། མཚན་མའི་ཆོས་རྣམས་ཐམས་ཅད་ནི།། མཉམ་པ་ཆེན་པོའི་ང་དུ་གསལ།། ཐེག་པ་འོག་མའི་ཁྱད་པར ་རྣམས། ཀུན་ཀྱང་རང་རིག་བློ་ལ་གསལ།། ཡོན་ཏན་ཅི་འབྲུང་མི་བརྗོད་ཅིང་།། འོག་མ་རྣམས་ལ་མི་སྤྲོད་ཅིང་།། ཐམས་ཅད་མཉམ་པའི་དམ་ཚིག་སྟེ།། འདི་ལྟ་ཤེས་ན་ཚོགས་མཆོག་རྫོགས།། གཟུགས་རྣམས་རྣམ་པར་སྣང་བ་མཛད།། ་ཚིག་རྣམས་བརྗོད་པ་སྡང་མཐའ་ཡས།། རྣམ་ཏོག་ཀུན་ཏུ་སེམས་རྡོ་རྗེ།། རིག་དང་ཚོར་བ་རིན་ཆེན་འབྱུང་།། ཡི་གཡོ་བྱེད་པ་དོན་ཀུན་རྫོགས།། སྟན་འགན་རང་བཞིན་སྤྱོད་པའི་གནས།། ཞིང་བཅུ་དག་དང་ལྡན་པ་ན།། བདེ་བ་ཆེན ་ལོངས་སྤྱོད་དེ། ། ཐོགས་མེད་ཕྲིན་ལས་རྣམ་བཞིར་རྫོགས།། ཕྱི་ཡི་ཡུལ་དང་ནང་གི་སེམས།། ཐམས་ཅད་མཉམ་པ་ཉིད་དུ་གནས།། དེ་ལ་སྒྲིབ་དང་མི་སྒྲིབ་ཅེས།། མཉམ་པའི་རྒྱལ་པོས་ཡོད་མ་གསུངས།། ཐམས་ཅད་མཉམ ་ཉིད་དབྱིངས་གྱུར་པས། ། ཕུང་པོ་ལྔ་དོན་ཡེ་ཤེས་ལྔ།། སྐུ་གསུང་ཐུགས་ཀྱི་དབང་ཕྱུག་ནི།། ཕྱག་རྒྱ་ཆེན་པོའི་རིགས་འཛིན་ཡིན།། ཡུལ་དང་ཡེ་ཤེས་རང་བཞིན་ལས།། གཞན་གྱི་རང་བཞིན་མེད་པས་ན།། མཚན་མའི་རྣམ་པ ་ཅིར་སྣང་ཡང་། ། དེ་ལ་ཆང་པའི་གནས་མེད་དོ།། དམ་ཚིག་དམ་པ་གང་ཞེ་ན།། རྟོག་པ་དམ་པ་དམ་ཚིག་སྟེ།། རྟོགས་པར་བྱེད་པ་གང་ཡིན་པ།། དེ་ནི་དམ་ཚིག་ཆེན་པོའོ།། ཐམས་ཅད་མཉམ་པའི་དང་ལས་གནས།། ཏིང་ངེ་འཛིན་གྱི ་ཆོ་འཕྲུལ་ལས། ། དངོས་སུ་སྤྱད་པ་ཐམས་ཅད་བྱ།། དེ་ནི་དམ་ཚིག་ཆེན་པོ་ཡིན།། སྣོད་དུ་གྱུར་པ་ཡུམ་གྱི་དབྱིངས།། བཅུད་རྣམས་རྒྱལ་བ་ཡབ་ཀྱི་མཁའ།། འབྱུང་འཇུག་རིག་པས་ལོངས་སྤྱོད་དེ།། འདི་ནི་རྡོ་རྗེ་ཐ་ཚིག་ཡིན།། སྲིད ་པའི་སེམས་ཅན་ཐམས་ཅད་དང་། ། ཐར་པ་ཆོས་ཀྱི་རྣམ་གྲངས་ཀུན།། སོ་སོར་ཐམས་ཅད་སྣང་བ་སྟེ།། ཀུན་ཀྱང་མཉམ་པའི་ངང་དུ་གསལ།། སྤྱོད་པའི་ལས་དང་རྟོག་པ་དང་།། མཚན་མར་གྱུར་པ་ཐམས་ཅད་ཀྱང་།། སེམས་ཀྱི་བྱེ ་ནང་སྤྱོད་ཡུལ་དེ། ། བརྟགས་ན་ལོངས་སྤྱོད་ཚོགས་སུ་འགྱུར།། མ་སྐྱེས་སྟོང་པ་སྐུ་ཡི་རྒྱ།། རང་བཞིན་སྨོན་མེད་གསུང་གི་དོན།། མཚན་མེད་ཡིད་ལས་འདས་པ་ཐུགས།། རྣམ་གསུམ་བདེ་ཆེན་སངས་རྒྱས་སོ།། མཉམ་པའི་ལྟ་བས ་དབང་སྒྱུར་ན། ། འཁོར་བ་ཐམས་ཅད་དབྱིངས་ལ་སྣང་།། ལས་ཀུན་རྫོགས་པའི་མཆོག་ཡིན་ཏེ།། གཞན་དུ་འཕྲིན་ལས་ལུས་པ་མེད།། སྡུག་བསྔལ་བྱང་ཆུབ་ཆེན་པོ་སྟེ།། འཁོར་བ་ཡེ་ནས་མྱ་ངན་འདས།། སྒྲིབ་པ་རྣམ་དག་ཆོས་ཀྱི ་དབྱིངས། ། ཉོན་མོངས་ཀུན་ཀྱང་བྱང་ཆུབ་དོན།། སྣང་བ་མེད་པའི་དོན་མཐོང་དང་།། ས་དང་ས་ཡི་རིམ་པར་ནི།། འདི་དང་འདི་ཞེས་གཟུང་དུ་མེད།། འདི་ན་སྣང་མེད་ཐོབ་པའི་གནས།། སྐུ་དང་གསུང་ཐུགས་མི་གཡོ་བའི།། ཇི་བཞིན་ཉིད་ཀྱི ་ངང་ལ་གནས། ། ཇི་ལྟར་བསྒྱུར་ཡང་ཆོས་ཉིད་པས།། ཆད་པའི་གནས་ཞེས་བརྗོད་དང་བྲལ།། མེད་དང་ཕྱལ་བ་གཅིག་པོ་དང་།། ལྷུན་གྱིས་རྫོགས་པའི་དམ་ཚིག་ཆེ།། འདི་ཞེས་རིས་སུ་ཆད་མེད་པ།། འདི་ནི་བསྲུང་བའི་དམ་ཚིག་གོ།། ་སྤྱད་དང་སྤྱོད་པར་བྱ་མེད་པས།། སྲིད་དང་མུ་སྟེགས་འཇིག་རྟེན་པའི།། སྤྱོད་པར་སྣང་བ་ཐམས་ཅད་ཀུན།། ལྷུན་གྱིས་གྲུབ་པའི་མཛད་སྤྱོད་དོ།། མ་སྤངས་ལྷུན་གྲུབ་དབྱེར་མེད་པས།། དབྱིངས་ལས་གཞན་ན་ལྟ་ཡུལ་མེད།། འདི་ནི ་ལྟ་བའི་དམ་ཚིག་གོ། ས་ཆུ་མེ་རླུང་སྣོད་བཅུད་བཅས།། ཀུན་ཀྱང་རང་བཞིན་ཆོས་ཉིད་དོ།། ཆོས་ཉིད་དོན་ལ་གཞན་མེད་པ།། རང་བྱུང་ཡེ་ཤེས་གསལ་བའོ།། ཡིད་བཞིན་ནོར་བུ་རིན་པོ་ཆེ།། མ་ཙ་ལ་རང་ལ་ཡོད་པ་ཡིན།། འདོད་པ། ་འབྱུང་བའི་ལོངས་སྤྱོད་དེ།། བདེ་ཆེན་ལོངས་སྤྱོད་ཚོགས་ཡིན་ནོ།། ངན་སོང་མཐོ་རས་ཐམས་ཅད་དང་།། འཕགས་ལམ་འཁོར་བའི་ཆོས་རྣམས་ཀུན།། རང་བཞིན་སོ་སོའི་མི་དམྱིགས་ཏེ།། སངས་རྒྱས་ཀྱི་ནི་རང་བཞིན་ཡིན།། ་སྤྱོད་དང་གཟུགས་རིགས་ཐམས་ཅད་ཀུན།། ཕྱག་རྒྱ་ཆེན་པོའི་རང་བཞིན་ཏེ།། སྐུ་གསུང་ཐུགས་ཚིག་རྒྱ་ཆེར་སྟོན།། དོན་རིག་ཐུགས་ཀྱི་རང་བཞིན་ནོ།། མ་སྐྱེས་པ་དང་མ་འབྱུང་བ།། མི་གནས་པ་ལ་ཆགས་པ་མེད།། དོན་གྱི ་ཁྱད་པར་རྟོགས་ཆུད་ན། ། ཀུན་དུ་བཟང་པོ་མཆོག་གིསའོ།། མཚན་ད་དཔེ་བྱད་ཀུན་རྫོགས་ཏེ།། ཐམས་ཅད་སྒྲ་གསུང་ཐུགས་ཀྱི་ན།། བདག་ཉིད་ཆེན་པོར་ཐམས་ཅད་རྫོགས།། ལྷུན་རྫོགས་བདེ་བ་ཅན་པ་ཡ།། ་ཁྱབ་པ་ཆེན་པོར་ཀུན་བདལ་བས།། སྒྲུབ་པ་ཀུན་བྱང་ཚོགས་ཀུན་རྫོགས།། རྣམ་གྲོལ་བཅིངས་པ་ཀུན་དང་བྲལ།། ལྡན་གྲུབ་བདེ་བའི་གནས་ཆེན་ཡི།། ནས་སྨྲ་བའི་བང་ག་ཆེན་པོས་གསུངས་སོ།། རྒྱུད་ཀྱི་རྒྱམ ་རྗེ་ད་པ་ཅན་འདས་རིག་པའི་མམས་དམ་ཚིག་གསང་པའི་ག་ག་ལ་ཤེས་བྱས་བྱུན་པའོ། ། དེ་ནས་ཡང་སེམས་དང་ཛིན་དཀྱིས་ཐམས་ཅད་བདས་མ་ལྡན་བཞེས་ལྡན ་པར་ཞུགས་སོ། ། དེ་ནས་ཏིང་ངེ་འཛིན་དེ་ལས་བཞེངས་པ་དང་། འདུས་པ་ཆེན་པོའི་འཁོར་རྣམས་ཀྱིས་གསོལ་པ། སེམས་དཔའ་ཆེན་པོ་ཆོས་ཐམས་ཅད་ནི་བདག་ཅག་རྣམས་ཀྱིས་བརྡའ་རིག་པ་ཙམ་གྱི་ངོ་བོར་མཐོང་ངོ་།། དེ་ནས། ་སེམས་དཔའ་ཆེན་པོས་བཀའ་སྩལ་པ། འདུས་པ་ཆེན་པོའི་ཚོགས་ཆོས་ཐམས་ཅད་ནི་བརྡའ་དང་། ཐ་སྙད་དང་བཏགས་པ་ཙམ་དུ་ཤེས་པར་གྱི་ཤིག། བཏགས་པའི་ཆོས་ཐམས་ཅད་ནི་ཕྱི་ནང་གང་ན་ཡང་མི་གནས་ཏེ། ཆོས ་ཐམས་ཅད་ལ་མིང་གི་གཞི་མེད་ཅིང་བཏགས་པའི་ཐ་སྙད་དང་བྲལ་བ་ཡིན་ནོ། ། བརྡ་ཞེས་བྱ་བ་ནི་སྦས་པ་བཏགས་པའི་ཐ་སྙད་ཡིན་ནོ།། སྦས་པའི་ཆོས་རྣམས་གསང་བའི་ཕྱིར། ཐམས་ཅད་སྦ་ཞིང་བརྒྱད་པར་བྱ།། འདི་ལྟར ་བརྡ་ཡི་སྦྱོར་བ་ལ། ། རྣལ་འབྱོར་ཅན་གྱིས་ཤེས་པར་གྱིས།། དེ་ནས་འདུས་པའི་རྣལ་འབྱོར་གྱིས་གསོལ་པ། སེམས་དཔའ་ཆེན་པོས་བརྡའི་ཆོས་རྣམས་རྒྱ་ཆེར་བཤད་དུ་གསོལ།། བདག་ཅག་གིས་ཀྱང་ཆེས་ཐམས་ཅད།། ་བརྡ་ཡི་དོན་གྱིས་བརྒྱད་པར་བགྱི།། བརྡ་ཞེས་བགྱི་བ་ཇི་ལྟ་བུ།། སྦས་པའི་ཆོས་ནི་གང་དང་གང་།། མི་བསྟན་གསང་བ་གང་གང་ལགས།། དེ་སྐད་ཅེས་གསོལ་པ་དང་། སྨྲ་བའི་སེང་གེས་བཀའ་སྩལ་པ། ཉོན་ཅིག་འདུས་པ་ཆེན་པོའི། ་ཚོགས། བརྡ་ཞེས་བྱ་བ་སྦས་པའི་ཚིག། སྦས་ཏེ་གསང་བའི་ཆོས་རྣམས་ནི།། རྣལ་འབྱོར་ཆེན་པོའི་སྤྱོད་པ་ཡིན།། མི་བསྟན་གཞན་ལ་གསང་བ་ནི།། མུ་སྟེགས་ལ་སོགས་སྡེ་པ་རྣམས།། རྣལ་འབྱོར་སྤྱོད་ལ་འཕྱ་བ་ལས། ་ཤིན་དུ་བླན་ཞིང་སྦ་བའི་ཕྱིར།། སྦས་པའི་བརྡ་ཡིས་བསྟན་པར་བྱ།། བརྡ་ཡི་ཡོན་ཏན་ཆེན་པོ་ནི།། གྲངས་ཀྱང་བསམ་གྱིས་མི་ཁྱབ་ན།། མདོར་སྡུས་རྣམ་པ་བཞི་ཡོད་དེ།། གཞན་གྱི་སྤྱོད་ཡུལ་མ་ཡིན་དོང་།། རྣལ་འབྱོར་རག་པན ་སྤྱོད་ཡུལ་དང་། ། སྦས་པས་གྲུབ་ཐག་ཉེ་བ་དང་།། གསང་བའི་དམ་ཚིག་མི་ཉམས་ཤིང་།། བརྡལ་དགའ་བའི་མ་སྲིད་རྣམས།། ཉེ་ཞིང་གདུང་བའི་ཐབས་སུ་འགྱུར།། དེ་བས་སྦས་པའི་བརྡོ་རྣམས་ནི།། ཚིག་གིས་མཚོན་ཏེ་བརྗོད ་བོ་ར་བྱ། ཨ་ལ་ལ་ཧོ། ཨ་ཏི་ཕུ་ཧོ། པྲ་ཏི་ཕུ་ཧོ། མ་ཧཱ་གོ་རུ་སད་ཀྲམ། གུ་ཡ་དེ་བི་ས་མ་ཡ། མ་ཧཱ་ཙན་ཏྲ། མ་ཧཱ་པུར་ཤ། གུ་ཡ། བྷ་ག། མ་ཧཱ་བཛྲ། ས་མ་ཡ་ཧོ། ས་མ་ཡ་སྟཱཾ། ར་ཧོ་ཡ་ཧ་མ། ར་ག་ཡཱ་མིད། ས་མ་ཡ་ཛཿ། ལྷན། མཽ་ཨཱཾ ་ཏཱཾ། ས་མ་ཡ། ས་མ་ཡ། ཨེ་ཧྱེ་ཧི། མེ་ཧྱེད་ཏེ། ཧ་ཧེ་ཧ། མ་ཏཾ་ཁ། མ་ཏཾ་ཁ། ཀ་རུ་ཀྵ། ཀ་རུཀྵ། ཀྵཾ་པ་རི། ཀྵཾ་པ་རི། ར་ཧོ་ཧེ་ར་ཧོ་ཧཾ། ས་མ་ཡ་ཧི། ཨ་ལ་སྟཽ། ཨ་ལ་སྟཽ། ཁ་ཁ་ལེ་ཁ་ལེ། ཤད་པ། ཤད་པ། ཁ་ར་མ་ཁཱ་ཧི། ཁ་ར་མ་ཁཱ་ཏི། ་ཁ་ལེ་བྷྱོ། བ་ལེ་ཧ་བྷྱོ། ཁ་ཀ་ཁ་ཁ་ཀ་ཁ། ཁ་དྷི་ཧ་ཧེ། རཀྵ་ཁྱཱ་ཧི། ཀྵ་ཁཱ་ཧི། ཧ་ཧ་ཧེ་རཾ། གྲཿ། གྲ་ཧྱ། ས་མ། ས་མ། མ་ལེ་མུ་ལེ། ཏ་ལེ་རུ་ལེ། མ་ཙ་མེ་ཙ། གྲཧྱ་སིད་ཏི། པ་རམ། པ་ར་མ། ཤཾ་རི་ཧོ། ཤཾ་རི་ཧོ། མ་མ་ཁ་ཀ་ཏྲཾ། ཨེ་ཨེ་ཨ་ཨ ་བླང་ང། བྷཱུ་གྷྲ། ཥ་ཥཱ་ལེ་ལེ། ཀརྨ་མ་ཏི་དྷི། རཀྵཽ0f89ུ0f4མ་གྷོ་རཀྵཀྲམ་ཟློག་མ་། ས་ཙི་གན། ཀྵ་ཏི་ག་ནེ། པཀུརྶ་པ་ཀཱམ། དྷཱ་ནཱཾ།། ནཱ་ཏི་བྷྱ། ཥྚདྷཛྙཱ། ཙ་ལ་ཡ། ཙ་ལ་ཡ། པྲ་ཙ་ལེ་པྲ་ཙ་ལེ། གྲར་པ་ལ་གྲང་པ་ཡ། ཀྲས་ཏ ་ཨི། ཥ་གུར་ཏི། མ་མ་ཏཾ། མ་མ་ཧཾ། དག་བརྡ་དམ་ཚིག་གི་ཕྱག་རྒྱའོ།། ཀྵྨཱི་ཙར་མ། བྱ་གྷི་ཙིར་མ། ཡཻ་ཥཱ་ག་རི། བ་ཡ~ཾ་ཀྵཾ་ག་རི། བ་བྷུ་དྷོ་བ་པ་ཏི། བ་བྷུ་ཛྙོ་བ་བ་ཏི། ན་ར་ཧ་ས། ན་ར་ཧ་ས། བན་དྷ་ཀཱ་པཱ་ལ། བན་དྷ་ཀཱ་པཱ་ལ། ཙར་མནག ་ཏྲུ་། ཙ་ར་མ་ན་ག་ཏྲུང་། ར་ག་རག་ཏ་ཙ་ར་ག་ར་ག་ཏ་ཙ། རུ་ཏི་ར་མ་ཏ་རུ་ཏི་ར་མ་ཏ། ཀ་རུ་ག་ཙ་ཀ་རུ་ག་ཙ། བ་བྱ་བ་ཏི་བ་བྱ་བ་ཏི། གང་འགྲོ་ན། གང་འགྲོ་ན། ཐར་པ་ཏ་ཐ་ར་པ་ཏ། དཔའ་བྱེད་ཁ་དཔ་འབྱེད་ཁ། ཟླ་བ་རྒྱས་དང་། ་རྫོགས་པ་དང་།། ཟླ་བ་དཀར་དང་ཟླ་ཕྲོ་མ་མཆོག། ཚེ་འཛིན་ཀུན་གྱི་གཙོ་མོ་དང་།། འཇམ་པོ་ཐར་པ་ཆེན་པོ་དང་།། གལ་ཞེས་བྱ་བའི་རོ་མཆོག་དང་།། གཟི་བརྗིད་ཆེན་པོའི་དྲི་ཞིམ་དང་།། བྲན་མོ་དང་ནི་གཡོག་འཆང་མ།། འཇམ་དཔལ ་རྣོན་པོའི་ཀེ་ཏར་དང་། ། མ་ཐ་ཡ་མ་ཐ་ཡ། བ་ར་པ་ཏི་པ་ར་པ་ཏི། རཱ་ཐ་མ་རཱ་ཐ་མ། ཁ་ཏ་མཉ་ཁ་ཏ་མཉ། རཱ་ཏི་ཧཱུ~ཾ་རྲ་ཏི་ཧཱུཾ། ཤི་ཉ་མ་ཐ་ཤིཉ་མ་ཐ། ཀ་ར་མ་ཐ་ཀ་ར་མ་ཐ། ཤག་ཏི་ཁ་ཤག་ཏི་ཁ། ཡོ་ག་ཙརྦན་ཡོ་ག་ཙརྦན། སྒྲ་བརྡ་མ ་ཚིག་གི་ཕྱག་རྒྱའོ། ། ལག་གི་ཕྱག་རྒྱ་ཆེན་པོ་ནི།། གར་ཐབས་གཡས་གཡོན་བསྐོར་ནས་ཀྱང་།། སེ་གོལ་བརྡབས་པ་འདྲེན་པའི་བརྡ།། བསྐོར་ནས་ཐལ་སྦྱར་ཕྱག་རྒྱའི་བརྡའ།། ཤིན་དུ་སྐོར་ནས་སྤྱི་བོར་དགྲོལ།། འདི་ནི་མཆོད་པ ་བཞེས་པའི་བརྡ། ། བསྐོར་ནས་སྙིང་ཁར་བཅིངས་པ་ནི།། ཏིང་འཛིན་རྡོ་རྗེ་བརྟན་པའི་བརྡ།། གར་བསྐོར་ཤིན་དུ་གཉིས་བསྟབ་པ།། མཆོད་པ་སྟོབས་པར་བྱེད་པའི་བརྡ།། གར་སྐོར་དབང་མེའི་སྐྱ་བོ་གཞག། སྦྱོར་བའི་དོན་ལ ་འཇུག་པའི་བརྡ། ། ཐབས་ཀྱིས་སྤྱི་བོར་གཞག་པ་དང་།། ཤེས་རབ་དབང་མོའི་སྙིང་ཁར་རོ།། ཐབས་ཀྱི་གསང་བ་གཡས་བཅུག་ན།། ཤེས་རབ་ཐོས་བྱེད་གསང་བ་ཡིན།། ཐབས་ཀྱིས་ནས་གཡས་བཏེག་ན།། ཤེས་རབ་ན་ས་གཡོན། ་བཏེག་པའོ།། ཐབས་ཀྱིས་རྡོ་རྗེ་ཕྱག་རྒྱ་བསྟན།། ཤེས་རབ་པད་མོའི་ཕྱག་རྒྱ་བསྟན།། ཐབས་ཀྱི་སྤྲིན་མ་གཡས་བསྐྱོད་ན།། ཤེས་རབ་སྤྲིན་མ་གཡོན་བཏེག་བྱ།། ཐབས་ཀྱིས་ཕྱག་གཡོན་བརྐྱང་བ་དང་།། ཤེས་རབ་གཡས་ཀྱིས ་འཁྲུད་ཚུལ་བསྟན། ། ཕྱག་རྒྱ་གར་བསྐོར་ཐལ་བརྡབས་ཤིང་།། དབང་མོ་ལྕེ་ལ་རེག་པ་ནི།། ཚོགས་མཆོད་དུས་ལ་བབ་པའི་བརྡ།། ལག་གཉིས་བསྐོར་ནས་དབང་མོ་འཐོར།། དེ་ནས་དབང་མོ་ལྕེ་ལ་རེག།། འཛའ་གད་འདྲིམ་པའི་བརྡ ་ཐབས་སོ། ། མ་ཧཱ་གིང་ཆེན་ཀརྨ་དང་།། རྡོ་རྗེ་དྲོད་ཀྱི་རྟགས་འཛིན་ལས།། སོགས་པའི་བརྡ་ཡི་དམ་ཚིག་རྣམས།། རྣལ་འབྱོར་ཅན་གྱིས་སྤྱད་ན་འགྲུབ།། ལུས་བརྡད་དམ་ཚིག་གི་ཕྱག་རྒྱའོ་ཞེས་སྨྲ་བའི་སེང་གེ་གསུངས་སོ།། རྒྱུད་ཀྱི་རྒྱ ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྣལ་འབྱོར་བརྡའི་ལེའུ་སྟེ་ལྔ་པའོ། ། །། དེ་ནས་ཡང་སྨྲ་བའི་སེང་གེ་སེམས་དཔའི་རྡོ་རྗེ་དེ་རྣལ་འབྱོར་རོལ་པ་ཚོགས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ་དེ་ནས་ཏིང་ངེ་འཛིན་དེ་ལས་བཞེངས་པར་འགྱུར་བ་དང་། འདུས་པ་ཆེན་པོའི་ཚོགས་ཀྱིས་གསོལ་པ། སྨྲ་བའི་སེང་གེ་ཆེན་པོ་ཆོས་ཐམས་ཅད་ནི་རྡོ་རྗེ་ཚོགས་ཀྱི་དཀྱིལ་འཁོར་དུ་བདག་ཅག་རྣམས་ཀྱི་མཐོང་ངོ་ཞེས་གསོལ ་པ་དང་། སྨྲ་བའི་སེང་གེས་བཀའ་སྩལ་པ། འདུས་པ་ཆེན་པོའི་ཚོགས་ཆོས་ཐམས་ཅད་ཀྱི་རང་བཞིན་ནི་རྡོ་རྗེ་ཚོགས་ཡིན་པར་ཤེས་པར་གྱིས་ཤིག་ཅེས་བཀའ་སྩལ་པ་དང་། འདུས་པའི་ཚོགས་ཀྱིས་གསོལ་པ། སེམས ་དཔའ་ཆེན་པོ་ཆོས་ཐམས་ཅད་ཀྱི་རང་བཞིན་ནི་རྡོ་རྗེ་ཚོགས་ཀྱི་དཀྱིལ་འཁོར་གྱི་དོན་བདག་ཅག་རྣམས་ལ་རྒྱ་ཆེར་བཤད་དུ་གསོལ། ། སེམས་དཔའ་ཆེན་པོས་བཀའ་སྩལ་པ། ཉོན་ཅིག་འདུས་པ་ཆེན་པོའི་ཚོགས།། རྡོ་རྗེ ་ཚོགས་ཀྱི་དཀྱིལ་འཁོར་འདི། ། རྒྱལ་བ་རྣམས་ཀྱི་ཐུགས་དམ་སྟེ།། རྣལ་འབྱོར་ཀུན་གྱིས་སྤྱད་པའི་ལམ།། ས་མཆོག་བགྲོད་པའི་ལམ་འདི་དག། འདུས་པའི་ཚོགས་ལ་བཤད་པར་བྱ།། བརྩམ་པ་ལས་ཀྱི་དང་པོ་པ།། རྡོ་རྗེ ་ཚོགས་ལ་འཇུག་པ་ན། ། ཁྱད་པར་རིམ་པ་ཅི་བཞིན་དུ།། ལས་མཆོག་འདི་ཡི་རང་བཞིན་གྱིས།། ཇི་བཞིན་རིམ་པར་སྦྱངས་ནས་ཀྱང་།། ས་རབ་མཆོག་ཏུ་བགྲོད་པ་ལ།། ཐབས་མཆོག་ལྔ་ཡིས་བགྲོད་བྱ་སྟེ།། རྡོ་རྗེ་ཚོགས་དང ་བསྙེན་པ་དང་། ། ཉེ་བ་དང་ནི་བསྒྲུབ་པ་དང་།། བསྒྲུབ་པ་ཆེན་པོར་སྦར་བར་བྱ།། ཇི་ལྟར་གྲངས་དང་དུས་ཆེན་དང་།། མཚན་མ་བྱུང་བར་བཅས་རྣམས་ལས།། གབ་པའི་སྒྲ་ཐབས་དེ་སྦྱར་ནས།། སུས་མི་རིག་པའི་ཐབས་ཆེན་བྱ།། ་དེ་དག་གསང་བའི་བདག་པོ་ཡིན།། གནས་འདིར་འཇུག་པའི་བྱིས་པ་དག། འཇིག་རྟེན་རྡུལ་ལས་དྲངས་ནས་ཀྱང་།། འགྱུར་དབང་མ་ངེས་སར་གཞག་སྟེ།། ཅི་ཕྱིར་དང་པོ་ཡིན་པས་ན།། བྱིས་པ་བློ་ཤེད་མ་བྱེ་བགས ་ངན་པ་དེ་སྡུག་མི་ཤེས་ཤིང་། ། བསྟན་དང་གསང་བའི་དམིགས་མི་བྱེད།། རྣལ་འབྱོར་སྤྱོད་པའི་བཀའ་སྒོ་འདིར།། གསང་སྒོམ་དབྱེ་སྐྲག་པར་འགྱུར།། རང་བཞིན་དང་ཚུལ་མ་རྟོགས་པའི།། སོ་སོའི་སྐྱེ་བོ་བྱས་པ་ལས ་སྣོད་མེད་སྡོང་བྱས་བདུད་ཉིད་ཀྱིས། ། རྣལ་འབྱོར་འཚོ་བའི་སྲོག་གཅོད་ཅིང་།། མ་ངེས་ལྡོག་འཇུག་བཅས་པ་ཡིས།། གསང་འདི་བཅས་ཀར་འགྱུར་ཕྱིར་རོ་དེས་ན་འདི་ཡི་སྤྱོད་པ་ཡང་།། ཇི་ལྟར་འཚམ་པར་བདེ་ཐབས་སྦྱར། ་དེ་ནས་སྨྲ་བའི་སེང་གེ་དེ་ཐབས་ཀྱི་རྡོ་རྗེ་ཚོགས་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ། རྣལ་འབྱོར་མ་ཆེན་མོ་རྣམས་མི་སྣང་བར་གྱུར་ཏོ།། དེ་ནས་འདུས་པའི་ཚོགས་ཀྱིས་གསོལ་པ། སྨྲ་བའི་སེང་གེ་ཆེན་པོ་ཆོས་ཐམས། ་ཅད་ཀྱི་རང་བཞིན་ནི་ཐབས་ཀྱི་ཕྱག་རྒྱའི་རང་བཞིན་དུ་བདག་ཅག་རྣམས་ཀྱིས་མཐོང་ངོ་།། སེམས་དཔས་བཀའ་སྩལ་པ། འདུས་པ་ཆེན་པོའི་ཚིགས་འདི་དག་ནི་བརྒུད་དེ་སྦས་པའི་ཚོགས་ཡིན་པར་ཤེས་པར་བྱའོ།། རྡོ་རྗེ་རྣལ ་འབྱོར་ཚོགས་ལྡན་ལྷ། ། ཐབས་ཆེན་ཕྱག་རྒྱ་སྦས་ཚོགས་ལྔ།། རྡོ་རྗེ་འཛིན་སྩོགས་བཅུ་དྲུག་དང་།། བཅས་པའི་དཀྱིལ་འཁོར་རྡོ་རྗེ་ཅན།། བྲི་བྱ་ཡང་ན་བསམ་པ་འམ།། བརྗོད་དམ་བསྔོས་སམ་མཚན་མ་ལ།། འཇིག་རྟེན་དབང ་པོའི་ཆོས་ལུགས་ཀྱིས། ། མོས་པ་ལ་བསྐྱེད་དྲན་བྱས་ཏེ།། རང་བཞིན་ཡུལ་ནས་ཕབ་ནས་ནི།། ཕྱག་བྱ་ལ་སོགས་མཆོད་པ་ཡིས།། རྡོ་རྗེ་སྨན་དང་རྩིར་སྦྱར་བའི།། ཡོ་བྱད་ཆེན་པོ་ལ་སོགས་པས།། རྡོ་རྗེ་ཐབས་ཀྱི་ཚོགས་ལ ་དབུལ། རྡོ་རྗེ་རྣལ་འབྱོར་གླུ་བླངས་ཏེ།། མཉེས་བྱས་ལས་གྲུབ་གྲངས་རྫོགས་ནས།། མཆོད་དང་དམ་སྐངས་འདོད་པ་བྱ།། སྣོད་དུ་རུང་བའི་སློབ་མི་དག། དཔའི་མཁྱེན་ལ་སོགས་བྱ་བ་ཡིས།། འཇུག་ཚུལ་དབང་དང་དངོས་གྲུབ་སྩོལ ་རྡོ་རྗེ་ཐ་ཚིག་རྣམ་ལྔ་ཡིས། ། བསླབ་པའི་གཉེར་རྣམས་ཅི་རིགས་པར།། རྩལ་གྱི་རིམ་པར་བྱིན་ནས་ནི།། རྡོ་རྗེ་གལ་ཆེན་མནའ་འདོར་རོ།། དེ་ནས་སྒྲུབ་པ་ཆེ་ཆུང་རྣམས།། ཇི་ལྟར་འདོད་པས་ནན་ཏན་གྱིས།། རྡོ་རྗེ་རྣལ་འབྱོར་དཀར ་བྱའོ། ། མི་ནུས་ལ་སོགས་མི་གནང་བའི།། དམ་ཚིག་དག་གི་ནན་ཆགས་བྱ།། རྨོངས་པ་གསང་ཕྱིར་སེམས་བསྐྱེད་དེ།། ངོ་མཚར་ཚིག་གི་འདུ་ཤེས་བསྒྱུར།། ཤེས་ནས་མིག་ལ་ཤེས་བྱའི་ཡུལ།། ཐམས་ཅད་རིམ་གྱིས་བསྟན་པར ་བྷ། དྲོད་ཅན་འཁྱིལ་པའི་བློ་ལྡན་ལ།། རྣལ་འབྱོར་ན་སྤར་མཛོད་སྒོར་བྱེ།། རྫིང་པོ་འགྲོས་ཀྱིས་དམུ་རྒོད་ལ།། གཅན་བྲང་འཁོར་བའི་གཡེང་རྣམས་བསྟན།། རྡོ་རྗེ་ལུང་གི་ཚད་ཅན་ལ།། ཇི་ལྟར་ནུས་པ་དེ་དབང་སྐུར།། བརྩལ་མེད ་མི་ནུས་ཡུལ་ཅན་ལ། ། ཕན་པ་འབའ་ཞིག་བསྔགས་པ་ཡིན།། གནས་འདིར་ཡོད་དང་མེད་པ་དག། འོད་མི་གསུབ་ཅིང་ལྗིད་མི་དབབ།། རྡོ་རྗེ་བློ་ཡི་ཡུལ་ཅན་ལ།། རྩལ་ཆེན་སྦྱོངས་ཞེས་གདམས་པར་བྱ།། རྡོ་རྗེ་འདུས་པའི་དབང ་གྲལ་དུ། ། རྡོ་རྗེ་དོན་གྱི་ལྟང་ཆེན་བཤེར།། རྩལ་དང་རིམ་པར་དབྱེ་བ་དང་།། སོ་སོ་རིགས་ཀྱི་ཕྱག་རྒྱ་དང་།། སྤྲི་འམ་ཡང་ན་རེ་རེའོ།། དེ་ནས་སླ་བའི་སེང་གེ་དེ་ཤེས་རབ་གཟུགས་ཀྱི་ཚོགས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགསོ ་ཏིང་ངེ་འཛིན་དེ་ལས་བཞེངས་པ་དང་། འདུས་པའི་ཚོགས་རྣམས་ཀྱིས་འདི་སྐད་ཅེས་གསོལ་ཏོ།། ཆོས་ཐམས་ཅད་ཀྱི་རང་བཞིན་ནི་ཤེས་རབ་ཚོགས་ཀྱི་དཀྱིལ་འཁོར་དུ་གདའ་བར་བདག་ཅག་རྣམས་ཀྱིས་མཐོང་ངོ་།། དེ་སྐད་ཅེས ་གསོལ་པ་དང་། སེམས་དཔའ་ཆེན་པོས་བཀའ་སྩལ་པ། འདུས་པ་ཆེན་པོའི་ཚོགས་ཆོས་ཐམས་ཅད་ནི། ཤེས་རབ་ཚོགས་ཀྱི་དཀྱིལ་འཁོར་དུ་སངས་རྒྱས་པར་ཤེས་པར་གྱིས་ཤིག། དེ་ཅིའི་ཕྱིར་ཞེ་ན། ཆོས་ཐམས་ཅད ་ཤེས་རབ་ཀྱི་རང་བཞིན་ལས་བྱུང་ཞིང་ཤེས་རབ་ཀྱི་རང་བཞིན་དུ་གསལ་ལོ། ། དེ་ནས་འདུས་པའི་ཚོགས་ཀྱིས་གསོལ་པ། སེམས་དཔའ་ཆེན་པོ་ཤེས་རབ་གཟུངས་ཀྱིས་རང་བཞིན་བདག་ཅག་རྣམས་ལ་རྒྱ་ཆེར་བཤད་དུ་གསོལ། ་དེ་སྐད་ཅེས་གསོལ་པ་དང་། སེམས་དཔའ་ཆེན་པོས་བཀའ་སྩལ་པ། འདུས་པའི་རྣལ་འབྱོར་ཆེན་པོའི་ཚོགས།། ཤེས་རབ་གཟུངས་ཀྱི་རང་བཞིན་ནི།། རྒྱ་ཆེར་བཤད་ཀྱིས་ཤེས་པར་གྱིས།། ཇི་ལྟར་ཐབས་ཀྱི ་སྦྱར་ལྟར། ། གང་དག་རྣལ་འབྱོར་མར་ལྡན་རྣམས།། རྡོ་རྗེ་འཛིན་མ་ལ་སོགས་པ།། ལྷ་མོའི་ཚོགས་སུ་སྦྱར་ནས་ཀྱང་།། གནས་འདིར་འཇུག་དགའ་ལ་སོགས་པ།། ཐབས་ཀྱི་ཕྱག་རྒྱ་མཚན་མར་སྲས།། རྡོ་རྗེ་མཉམ་པའི་གཟུང ་རྣམས་ལ། ། མཉམ་པའི་མཆོད་པས་མཉེས་པར་བྱ།། བྲོ་གར་གླུ་ཚིག་ལ་སོགས་པས།། རིགས་འཛིན་རྣལ་འབྱོར་མ་རྣམས་བསྒྲུབ་ཅེས་བཀའ་སྩལ་ཏོ།། དེ་ནས་ཡང་སེམས་དཔའི་རྡོ་རྗེ་དེ་ཆོས་ཐམས་ཅད་ཐབས་དང་ཤེས་རབ ་ཕན་ཚུན་དྲ་བར་འབྲེལ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། དེ་ནས་ཏིང་ངེ་འཛིན་དེ་ལས་བཞེས་པ་དང་འབོ་རྣམས་ཀྱི་མི་གསོཔ། བཅོམ་ལྡན་འདས་ཆོས་ཐམས་ཅད་ཀྱང་རང་བཞིན་ནི་ཐབས་དང་ཤེས་རབ་དུ་འབྲེལ་བའི་རང་བཞིན་ཅན་དུ ་བདག་ཅག་རྣམས་ཀྱིས་མཐོང་ངོ་ཞེས་གསོལ་ཏོ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་རྣལ་འབྱོར་པ་ཆོས་ཐམས་ཅད་ནི་ཐབས་དང་ཤེས་རབ་ཏུ་འབྲེལ་བ་སྟེ། གཉིས ་སུ་མེད་པར་ཤེས་པར་གྱིས་ཤིག། དེ་ནས་འདུས་པའི་རྣལ་འབྱོར་པ་རྣམས་ཀྱིས་གསོལ་པ། སེམས་དཔའ་ཆེན་པོ་ཆོས་ཐམས་ཅད་དྲ་བར་འབྲེལ་བའི་དོན་བཤད་དུ་གསོལ།། སེམས་དཔའ་ཆེན་པོས་བཀའ་སྩལ་པ། ་འབྲེལ་བའི་དོན་ནི་འདི་ལྟ་སྟེ།། ཆོས་རྣམས་ཀུན་གྱི་མཚན་ཉིད་ནི།། ཕན་ཚུན་འབྲེལ་བའི་ཚུལ་དུ་སྣང་།། ཆོས་ཀུན་ནམ་མཁའི་མཚན་ཉིད་ལས།། སྤྲུལ་པ་བྱེ་བ་ཅིར་ཡང་སྣང་།། གཉིས་མེད་དྲ་བའི་ཚུལ་དུ་འབྲེལ།། རྣལ ་འབྱོར་གསང་བའི་མཆོག་ཡིན་ཏེ། ། རྩལ་དང་ལྡན་པའི་གསང་སྒོ་བ།། འདི་ལ་གསང་སྒོ་དབྱེ་བར་བྱ།། གསང་འདིར་ཆུད་པའི་བུ་རྣམས་ལ།། རྡོ་རྗེ་གསང་བའི་བཀའ་འདི་བསྒྲགས།། གསད་པའི་དཀྱིལ་འཁོར་དམ་པ་འདི།། ་རྡོ་རྗེ་རྒྱལ་པོ་རྒྱལ་མོར་བཅས།། ལྔ་ཉིད་ཟུང་དུ་འཁྲིལ་བ་ནི།། གཡས་ནས་གཡོན་དུ་འཁྲིལ་འཁྱུད་སྦྱོར།། གཡས་ཉིད་བྱང་ཆུབ་རྡོ་རྗེ་དང་།། རང་རང་མཚན་མ་འབར་བའོ།། གཡོན་གྱི་སྒྲ་རྙན་དྲིལ་བུ་དང་།། རྟགས་ཀྱིས ་མཛེས་པར་གསལ་བ་ལ། ། འབྱོར་ཞེད་འད་པའི་མདངས་ལྡན་པས།། ཆགས་ཤིང་གཡོ་བའི་ཚུལ་གྱིས་ནི།། སེང་ཆེན་ཁྱུ་མཆོག་ལ་སོགས་པ།། རྫོགས་པའི་ཚུལ་གྱིས་བསྒྱིངས་བཅས་ཏེ།། ཁ་དོག་ལྔ་ཡི་འོད་འབར་བས།། ་བཅུ་དྲག་ཆས་ནི་སྲེག་པ་རྣམས།། རིམས་ཀྱིས་བསྐྱེད་དང་གཅིག་ཅར་བསྐྱེད།། དབང་པོའི་རིམ་པར་སྦྱར་བར་བྱ།། གསང་ཉིད་ཚོགས་ཀྱི་འཁོར་རྣམས་ཀྱང་།། གནས་ནས་གྱུར་པའི་རང་བཞིན་གྱིས།། ཕྱག་རྒྱ་རྒྱལ་པོར ་རྒྱལ་མོར་བཅས། ། བརྒྱད་གཉིས་ཟུང་སྒྲིལ་འཁྲིལ་འཁྱུད་སྦྱོར།། ས་དང་ནམ་མཁའ་སྤྱན་རྡོ་རྗེ།། བྱམས་དང་རྡོ་རྗེ་ཀུན་བཟངས་དཔལ།། ནང་དང་ཕྱི་ཡི་ཡོ་བྱད་ནི།། གཞི་གཉིས་དག་གིས་མཉེས་སྦྱོར་བ།། བསམ་བྱ་ལ་སོགས ་དེ་བཞིན་ནོ། ། རྡོ་རྗེ་སྒོ་དང་བཅས་པ་ནི།། རྡོ་རྗེ་འཁྲིལ་འཁྱུང་གསང་བའི་ཚེགས།། རྣལ་འབྱོར་ལོངས་སྤྱོད་ཆེ་སྦྱར་བས།། མཉེས་ནས་སྐོངས་ཕྱིར་རིམ་བཞིན་དབུལ།། གསང་བའི་འཇུག་ཚུལ་ལ་སོགས་ཀྱིས།། གསང་བའི ་དོན་རྣམས་སྒྲུབ་པར་བྱེད་ཅེས་བཀའ་སྩལ་ཏོ། ། དེ་ནས་བཅོམ་ལྡན་འདས་སེམས་དཔའ་རྡོ་རྗེ་དེ་རྡོ་རྗེ་ཀུན་དུ་འབྲེལ་བའི་དབྱིངས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་བཅོམ་ལྡན་འདས་ལ་འདུས ་པའི་འཁོར་གྱིས་འདི་སྐད་ཅེས་གསོལ་ཏོ། ། ཆོས་ཐམས་ཅད་ཀྱི་རང་བཞིན་ནི་རྡོ་རྗེ་དྲ་བའི་དབྱིངས་སུ་བདག་ཅག་རྣམས་ཀྱི་མཐོང་ངོ་།། བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་ཚོགས་དྲ་བའི་དབྱིངས་སུ ་ཤེས་པར་གྱིས་ཤིག། ཆོས་ཐམས་ཅད་ནི་ཐུགས་ཀྱི་རིག་པ་ལས་བྱུང་ལ། ཐུགས་ཀྱི་རང་བཞིན་ནི་རྡོ་རྗེ་ཁོ་ན་ཡིན་པའི་ཕྱིར་རོ།། འདུས་པའི་ཚོགས་ཀྱིས་གསོལ་པ། བཅོམ་ལྡན་འདས་རྡོ་རྗེ་དྲ་བ་ཆེན་པོའི་ཚོགས་བདག་ཅག ་རྣམས་ལ་རྒྱ་ཆེར་བཤད་དུ་གསོལ། ། བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་རྣལ་འབྱོར་པ་རྡོ་རྗེ་ཆེན་པོ་རིག་པའི་དོན།། དྲ་བ་འབྲེལ་བའི་དབྱིངས་ཉིད་ནི།། ངེས་པར་བཤད་ཀྱིས་རྩེ་གཅིག་ཉོན།། ཐུགས། ་ཀྱི་གསང་ཆེན་རིག་པ་འདི།། ངེས་པའི་རྡོ་རྗེ་ཡིན་པས་ན།། རྡོ་རྗེ་དབང་ཡུལ་འབྲེལ་བའི་དོན།། ཐམས་ཅད་འབྱུང་བས་དབྱིངས་ཤེས་བྱའོ།། རྡོ་རྗེ་འཛིན་མ་འཛིན་སོགས་བཅས།། འཁྲིལ་མཉམ་པ་ཡང་དེ་བཞིན་ཏེ།། གཟུགས་རྙན ་ཏིང་འཛིན་རང་བཞིན་གནས། ། རིམ་པའི་ཚུལ་བཞིན་སྦྱར་བྱས་ནས།། ཇི་ལྟར་འདོད་པ་དེ་ལྟར་རོ་ཞེས་བཀའ་སྩལ་ཏོ།། དེ་ནས་ཡང་བཅོམ་ལྡན་འདས་སེམས་དཔའི་རྡོ་རྗེ་དེ་ཐམས་ཅད་དུས་བཞི་མཉམ་པ་ཞེས་བྱ་བའི་ཏིང་ངེ་འཛིན་ལ ་སྙོམས་པར་ཞུགས་སོ། ། དེ་ནས་ཏིང་ངེ་འཛིན་དེ་ལས་བཞེངས་པར་གྱུར་པ་དང་། འདུས་པ་ཆེན་པོའི་ཚོགས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་རྣམས་ཀྱིས་ཆོས་ཐམས་ཅད་ནི་དུས་བཞི་མཉམ་པ་ཉིད ་དུ་གཅིག་པར་མཐོང་ངོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་ཚོགས་ཆོས་ཐམས་ཅད་ནི་དུས་བཞི་མཉམ་པར་རྟོགས་པ་ཡིན་ཏེ། ཆོས་ཐམས་ཅད་ནི་དུས་བཞིའི་ངང་དུ་རྫོགས་པར ་ཤེས་པར་གྱིས་ཤིག། དེ་ཅིའི་ཕྱིར་ཞེ་ན། མཉམ་པ་ཉིད་ཀྱི་དང་ལ་དུས་སྔ་ཕྱིར་སྣང་བ་མེད་དོ།། དེ་ནས་འདུས་པའི་ཚོགས་རྣམས་ཀྱིས་གསོལ་པ། བཅོམ་ལྡན་འདས་མཉམ་པ་ཆེན་པོའི་དུས་ཉིད་བདག་ཅག་རྣམས་ལ་རྒྱ་ཆེར ་བཤད་དུ་གསོལ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་ཡི་ནི་ཚི། ག། མཉམ་པ་ཉིད་ཀྱིས་དུས་རིག་ན། དུས་ཞེས་བྱ་བའི་མིང་ཡང་མེད།། དུས་བཞི་ཉམ་པར་རབ་ཤེས་ན།། ཆོས་ཉིད ་མཉམ་པའི་རང་བཞིན་ནོ། ། རྡོ་རྗེ་དུས་ཀྱི་ལྷ་མོའི་ཚོགས།། འདས་དང་ད་ལྟར་བྱུང་བ་དང་།། མི་འབྱུང་བ་ཡི་ཆ་རྣམས་ལ།། དབང་སྒྱུར་མཉམ་པའི་རྒྱལ་མོ་རྣམས།། འཇིག་དང་སྐྱེ་དང་སྨིན་པ་དང་།། འགག་པར་གྱུར་པ་དེ་དག་ཏུ།། རྡོ་རྗེ ་རྣམ་ཐར་ཚད་མེད་དང་། ། སེམས་དང་དེ་བཞིན་མཉམ་པ་ཡི།། ཤེས་རབ་འཁོར་དང་དཔལ་གྱི་དཀྱིལ།། དེ་བཞིན་རིམ་པར་རྡོ་རྗེ་ཡི།། གྲུ་གར་ལ་སོགས་ཡོ་བྱད་ཀྱིས།། མཆོད་དང་འཇུག་ཚུལ་གོང་མ་བཞིན།། ཆ་རྣམས་དུས་ལས ་མེ་འདའ་བར། ། ལྷ་ཡི་ཉི་མ་རྣམས་ལའོ།། བདེ་བ་ཆེན་པོ་ལ་སོགས་པ།། ཚོ་བུའམ་ཡང་ན་ཕྱག་རྒྱ་རྣམས།། སྤྱིར་རམ་རེ་རེར་སྦྱར་བར་བྱ།། འདས་ལ་རྣམ་ཐར་ཚོགས་བསྐུལ་ཏེ།། ད་ལྟར་བྱུང་དང་མི་འབྱུང་ལ།། ཚད་མེད་སེམས ་དང་མཉམ་པར་བསྐྲུན། ། མཉམ་པའི་རྒྱལ་པོར་དེ་འགྱུར་ཏེ།། བདེ་གཤེགས་དུས་ཀྱིས་རྒྱལ་པོར་འགྱུར་ཞེས་བཀའ་སྩལ་ཏོ།། དེ་ནས་ཡང་བཅོམ་ལྡན་འདས་སེམས་དཔའི་རྡོ་རྗེ་དེ་ཉི་ཟླའི་ཚོགས་ཞེས་བྱ་བའི་ཏིང་ངེ་འཛིན་ལ་སྙོམ། ་བར་ཞུགས་སོ།། དེ་ནས་ཡང་ཏིང་ངེ་འཛིན་དེ་ལས་བཞེངས་པར་གྱུར་པ་དང་། འདུས་པ་ཆེན་པོའི་ཚོགས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ཆོས་ཐམས་ཅད་ནི་ཉི་ཟླའི་ཚོགས་སུ་མཐོང་ངོ་།། དེ་སྐད་ཅེས་གསོལ ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་ཚོགས་ཆོས་ཐམས་ཅད་ཀྱི་རང་བཞིན་ནི་བྱང་ཆུབ་སེམས་དང་སྙིང་རྗེ་ཆེན་པོའི་རང་བཞིན་ཡིན་པར་ཤེས་པར་གྱིས་ཤིག། ཆོས་ཐམས་ཅད་ནི་བྱང་ཆུབ ་སེམས་ལས་བྱུང་ཞིང་སྙིང་རྗེའི་རང་བཞིན་ཅན་ཡིན་ནོ། ། དེ་ནས་འདུས་པའི་ཚོགས་ཀྱིས་གསོལ་པ། བཅོམ་ལྡན་འདས་སྙིང་རྗེ་དང་བྱང་ཆུབ་སེམས་ཀྱི་དོན་བདག་ཅག་ལ་བཤད་དུ་གསོལ།། བཅོམ་ལྡན་འདས་ཀྱིས་བཀའ ་སྩལ་པ། ཆོས་རྣམས་ཀུན་གྱི་ཡོ་བྱད་ནི།། སྙིང་རྗེ་བྱང་ཆུབ་སེམས་ཡིན་ཏེ།། ཡོ་བྱད་དེ་དང་མ་ལྡན་ན།། དོན་རྣམས་འགྲུབ་པར་མི་འགྱུར་རོ།། རྣལ་འབྱོར་བྱང་ཆུབ་སེམས་རྫོགས་པ།། བཅུ་དྲུག་རྫོགས་པའི་ཟླ་རྒྱས་ཚུལ།། སྙིང ་རྗེ་ཡེ་ཤེས་ཤར་བ་ནི། ། མཁའ་ལ་ཉི་གསལ་ཤར་བའི་ཚུལ།། དོན་གཉིས་རྫོགས་པའི་རྣལ་འབྱོར་པ།། ནང་བྱོང་ངས་རི་པ་ཡིན། འིངས་ལ་བཟོད་པ་ནི།། རྡོ་རྗེ་དུས་ཀྱི་རྒྱུན་ཚོགས་ཀྱིས།། ཚོགས་ཆེན་རྣམ་གཉིས་བསྐྲུན་པར་བྱ།། ་སྐར་ཚོགས་དབུས་ན་ཟླ་ཉ་བ།། བཅུ་དྲུག་ཞག་གིས་རྫོགས་པ་བཞིན།། བཅུ་གསུམ་རྩལ་ཆེན་རྫོགས་པའི་ས།། བཅུ་དྲུག་ཚོགས་ཀྱིས་རྫོགས་པས་ནི།། མཛེས་པའི་ཉི་མ་བཅུ་དྲུག་གིས།། ཟླ་དཀྱིལ་འོད་ཀྱི་ཕྱགཿ ་ལ། མཛེས་པར་སྤྲས་པའི་བདེ་བ་དེ།། བཅུ་དྲུག་ཚིགས་ཀྱིས་བསོད་ནམས་བསྐྲུན།། ཕྱེང་རྫོགས་ཚོགས་འཕེལ་དེ་ཕན་ཆད།། མཽ་དམིགས་ཆོས་ལ་བློ་སྤངས་ཡིན།། རྗེ་ནི་ཛིན་མི་དམིགས་པ།། མཚན་མ་ཤེས་བྱ་བ་སྲབས ་པ་སྟེ། བསོད་ནམས་ཚོགས་ཀྱང་མི་དམིགས་པ།། མཉམ་པས་སྟོང་པར་གྱུར་པ་ན།། ཐམས་ཅད་ཆོས་སྐུར་རྫོགས་པ་སྟེ།། སྡུག་བསྔལ་བྱང་ཆུབ་གཉིས་མེད་དེ།། འདི་ལ་རྨད་འབྱུང་སེམས་བསྐྱེད་དེ།། ཟླ་བ་དུས་ཀྱིས ་མཚན་མ་དང་། ། གསང་བ་གཉིས་ཀྱིས་མཆོད་པ་བྱ།། ཕྲ་མོའི་དྲོད་དུ་བྱུང་བ་དང་།། སྱཱད་ཏེ་རང་ལས་བྱུང་རྣམས་ལ།། རྩ་བ་བཅད་ཕྱིར་ཡོངས་རྫོགས་པས།། ཐེ་ཙོམ་མེད་པར་དང་བླངས་ན།། དུས་དེ་ཉིད་དུ་ཉི་མ་འཆར།། དུས་འདྲི ་རྒྱན་གྱི་བར་བཅད་ན། ། བསྙེན་པ་དག་གིས་ཟློགས་པར་དཀའ།། བར་ཆད་བྱར་ན་གསོ་ཞིང་བསྐར།། མཁའ་ལ་ཟླ་གསལ་གྲ་རྒྱས་ན།། ས་ལ་རྣལ་འབྱོར་གྲར་རྒྱས་པས།། བསོད་ནམས་སྤེལ་བ་ཆེན་པོ་དང་།། བསྔོ་བ་ཆེན་པོའི ་ལས་རྣམས་བྱ། ། དེས་ནི་འབྲས་བུ་ཆེན་པོ་ཡང་།། ཉི་ཟླ་ཞོན་ནས་འགྲོ་བ་ཡི།། རིགས་འཛིན་ས་ལ་སླེབས་ཕན་ཆད།། དཔལ་ཆེན་བཅུ་དྲུག་ས་ལ་འདུག་ཅེས་བཀའ་སྩལ་ཏོ།། དེ་ནས་ཡང་སེམས་དཔའི་རྡོ་རྗེ་དེ་རྒྱུན་དུ་གནས་པ ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བཞེངས་པ་དང་། འདུས་པའི་ཚོགས་ཀྱིས་གསོལ་པ། བཅོམ་ལྡན་འདས་ཆོས་ཐམས་ཅད་ནི་ཡིག་རྒྱུན་གྱི་དཀྱིལ་འཁོར་དུ་གནས་པར་མཐོང་ངོ་།། བཅོམ་ལྡན་འདས་ཀྱིས ་བཀའ་སྩལ་པ། ཆོས་ཐམས་ཅད་ནི་རྒྱལ་བའི་དཀྱིལ་འཁོར་གྱི་རང་བཞིན་ཡིན་ལ།། རྒྱལ་བ་ཐམས་ཅད་ནི་ཡི་གེའི་དཀྱིལ་འཁོར་གྱི་རང་བཞིན་དུ་ཤེས་པར་གྱིས་ཤིག། གསོལ་པ། ཡི་གེའི་ཕྱག་རྒྱའི་དོན་གང་ལགས་པ་བདག ་ཅག་རྣམས་ལ་རྒྱ་ཆེར་བཤད་དུ་གསོལ་ཞེས་ཞུས་པ་ལས་བཅོམ་ལྡན་འདས་ཀྱིས་བཀའ་སྩལ་པ། ཆོས་ཀུན་རྒྱལ་བའི་རང་བཞིན་ཏེ། རྒྱལ་བའི་སྐུ་གསུང་ཐུགས་སུ་གསལ།། སྐུ་གསུང་ཐུགས་དང་ཕྱག་རྒྱ་།། ་གེའི་ཕྲེང་བ་ཉིད་ལ་རྫོགས།། ཡི་གེ་ཕྱག་རྒྱའི་དཀྱིལ་འཁོར་རྣམས།། རྒྱུན་དུ་བསྒྲུབ་པར་བྱ་བ་ཡིན།། དེས་ནི་རྒྱུན་གྱི་ཏིང་འཛིན་འཐོབ།། རྒྱུན་གྱི་རྒྱུན་དུ་མི་གཅད་པ།། རྡོ་རྗེ་ན་པ་དང་ཉི་ཚོད་ལ།། ཡི་གེའི་ཚིགས་བསྐྱེད་ཚོམ ་སྦྱར་ལ། ། ཕུང་ལྷག་བཅས་སྦྱར་དེ་བཞིན་ནོ།། འདི་ནི་དོན་ལ་ཉེ་བའི་ལམ།། བསོད་ནམས་བསྐྲུན་པར་དེ་མྱུར་རོ།། ཀུན་རྫོགས་ཚོགས་ཀྱི་རྒྱུ་དེ་ས་ནི།། ཡང་དག་ཚོགས་ཆེན་ཅི་འདྲ་བ།། མཆོག་གི་བདེ་བ་དམ་པ་དང་། དེ ་ཉིད་ཆེན་པོར་དེ་ཉིད་འགྱུར། ། འཇུག་སྒོ་སྤྱོད་དང་ལྟ་བ་འཐུན།། ཐམས་ཅད་གཅིག་པར་གྱུར་པ་ཡི།། རྒྱུ་དང་རྐྱེན་ལྡན་ཕུན་སུམ་ཚོགས།། མཛའ་འཕྲོད་སྨན་དང་དགྱེས་སྦྱོར་ལྡན།། ལྷ་དང་རིག་འཛིན་རྣལ་འབྱོར་རིལ།། མ། ་ལུས་ཚེགས་པས་ཆོས་འདི་སྤྱད།། སྐད་ཅིག་ཡུད་དམ་ཐར་ཅིག་གམ།། ཡུད་ཙམ་ཉིན་ཞག་ཟླ་རེའམ།། ལྷ་ཡི་ཉི་མ་བཀྲ་ཤིས་ཀྱིས།། ཚོགས་ལ་བབ་པའི་དུས་འདི་དག། བྱིན་གྱིས་བརླབས་པའི་དུས་ཚན་ཡིན།། ཇི་ལྟར ་འབྱོར་པའི་ཡོ་བྱད་རྣམས། ། ཕྱི་དང་ནང་གི་ཁྱད་པར་གྱིས།། གཙང་མའི་ཁ་ཟས་འབྱུང་པོ་ལ།། རྣམ་རྟོག་རྟོག་བྲལ་རྒྱལ་བ་ལ། ཇི་ལྟར་འབྱོར་བཞིན་ནན་ཏན་བྱ།། བདག་དང་གཞན་དང་གཉི་ག་ལ།། ཆོས་ཀྱི་དོན་དུ་མི་འགྱུར ་བའི། ། སྐྱོན་བཞི་པོ་དག་སྤངས་ནས་ནི།། དེ་ལས་བཟློག་པའི་ཚུལ་ལྡན་པས།། རྣལ་འབྱོར་སྙིང་དང་མིག་ལྟ་བུར།། གདུང་བའི་འདུ་ཤེས་ཉེར་བཞག་སྟེ།། ཇི་བཞིན་འདོད་པར་ཉེ་བར་སྦྱར་།། ལྷ་རྣམས་ཉེ་བར་བྱ་བ་དང་།། བགེགས ་རྣམས་ཞི་བར་བྱ་བ་དང་། ། དོན་གྲུབ་ཤི་བ་གསོ་བའི་ཕྱིར།། ལས་འདིར་སྤྱད་པར་ཤིན་དུ་བཅས།། ཚོགས་འདི་བློ་ཆུང་གསར་ཞུགས་པའི།། མདུན་དུ་བརྗོད་པར་བྱ་མི་རིགས།། རྫས་དང་ཡོ་བྱད་ཐམས་ཅད་ཀྱང་།། ཅིས ་འདུལ་དེ་ལྟ་སོངས་ཀྱི་སྦྱར། ། དེས་ན་ལས་འདི་ཁྱད་པར་ཡང་།། ཚོགས་ལ་ཚོགས་བསྐྱེད་སྒྲིབ་སྦྱངས་ཏེ།། བསྙེན་པ་དག་ལ་གོམས་བྱས་ནས།། བསྒྲུབས་པས་འབྲས་བུ་མཐར་ཕྱིན་པའོ་ཞེས་བཀའ་སྩལ་ཏོ།། རྒྱུད ་ཀྱེ་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྣལ་འབྱོར་བདེ་བའི་ཚོགས་ཀྱི་ལེའུ་སྟེ་དྲུག་པའོ། ། །། དེ་ནས་ཡང་སྨྲ་བའི་སེང་གེ་སེམས་དཔེའི་རྡོ་རྗེ་ངེས་འདས་པ་བརྗོད་པ་ཞེས་བྱ་བའི་ཏིང་ངེ་འཛིན་ལ ་སྙོམས་པར་ཞུགས་སོ། ། དེ་ནས་ཏིང་ངེ་འཛིན་དེ་ལས་བཞེངས་པར་གྱུར་པ་དང་། འདུས་པ་ཆེན་པོའི་ཚོགས་རྣམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་སྔགས་ཟབ་མོ་སྐྱོང་བའི་སྐྱོན་དང་ཡོན་ཏན་ཅི་ལོག་པ ་བདག་ཅག་གི་རིག་པ་ལ་སྣང་བར་གྱུར་ཏོ། ། དེ་ནས་ཡང་བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་ཚོགས་གསང་སྔགས་ཆེན་པོའི་དོན་ནི་རབ་ཏུ་སྤྱད་པར་དཀའ་བར་ཤེས་པར་གྱིས་ཤིག། དེ་ཅིའི་ཕྱིར་ཞེ ་ནགསང་སྔགས་ཀྱི་ཚོགས་ནི་ཤིན་དུ་མེ་དང་འདྲ་སྟེ། མེ་ནི་རྒྱུན་དུ་བཅངས་ཤིང་སྤྱད་ལེགས་ན་ཇི་ལྟར་འདོད་པ་བཞིན་དུ་སྤྱད་དུ་ཡོད་དོ།། མེ་ཉིད་ཇི་ལྟ་བ་བཞིན་དུ་སྤྱད་ན་མེའི་ཕུང་པོ་ཆེན་པོར་འགྱུར་ཏེ། སྤྱོད་པར་བྱེད་པ་ཉིད ་ཀྱང་བསྲེགས། ། ཁྱིམ་ནས་ཁྱིམ་ཡང་བསྲེགས།། རྫས་ཀྱི་དངོས་པོ་ཐམས་ཅད་ཀྱང་བསྲེགས་པར་འགྱུར་རོ།། དེ་བཞིན་དུ་གསང་སྔགས་འདི་ནི་ཆུ་དང་འདྲ་སྟེ། ཆུ་ཐབས་ཀྱི་ཟིན་ཅིང་སྤྱད་ལེགས་ན་ཇི་ལྟར་འདོད་པ་བཞིན་དུ་དགའ ་བདེར་སྤྱད་དུ་ཡོད་དེ། ཚུལ་དགའ་བ་དེར་ཐར་ཆུ་ཆེན་པོ་ལ་འབོགས་པར་ནུས་སོ།། ཆུའི་རང་བཞིན་དང་ཐབས་ལ་མགོམས་པས་ནི་སྤྱོད་པར་བྱེད་པ་དེ་གཡེང་ཞིང་འཆི་བར་བྱེད་དོ།། གཞན་ཡང་གསང་སྔགས་ཆེན་པོ་འདི་ནི ་གཅན་ཟན་གདུག་པ་ཅན་དང་འདྲ་སྟེ། ། གཅན་ཟན་གྱིས་སེམས་ཅན་གཞན་གྱི་སྲོག་གཅོད་པར་བྱེད་པ་ཡང་ཐབས་ལ་མཁས་པས་ཇི་ལྟར་དགའ་བ་བཞིན་དུ་དབང་དུ་འདུའོ།། ཐབས་ཀྱིས་མ་ཟིན་ན་སྲོག་གཅོད་པར་བྱེད་དོ།། ཞན ་ཡང་གསང་སྔགས་ཆེན་པོ་འདི་ནི་སྦྲུལ་གྱི་མགོ་ལ་འདུག་པའི་ནོར་བུ་རིན་པོ་ཆེ་དང་འདྲ་སྟེ། སྦྲུལ་གྱི་མགོ་ལ་འདུག་པའི་ནོར་བུ་ཐབས་ཀྱིས་ཡོས་སུ་ཟིན་ན་ནི་དབང་དུ་འདུ་ཞིང་སྤྱད་དུ་ཡོད་ལ། ཐབས་ཀྱིས་མ་ཟིན་ན་ནི་འཚོ ་བའི་སྲོག་དང་འབྲལ་བར་བྱེད་དོ། ། དེ་བས་ན་གསད་པ་ཆེན་པོ་འདི་ནི་སྤྱད་པར་དཀའ་བས་སྔོན་གྱི་དུས་ཀྱི་ཚེ་ན་ཡང་སྤྱད་ཉེས་པའི་ལོག་པའི་ལམ་པ་ཅན་མང་པོར་བྱུང་ངོ་།། དོན་དང་ལམ་ལ་མཁས་པའི་སྐྱེས་བུས ་ཐབས་ཀྱིས་ཟིན་ཅིང་སྤྱད་ལེགས་ན་མ་ནོར་བའི་ལམ་དུ་ཞུག་པ་ཡང་མང་པོར་བྱུང་བས་འདུས་པ་ཆེན་པོའི་ཚོགས་སྤྱད་པའི་ཐབས་ལ་ཡོངས་སུ་མཁས་པར་གྱིས་ཤིག། དེ་སྐད་ཅེས་བཀའ་སྩལ་པ་དང་། འདུས་པ་ཆེན་པོའི་ཚོགས་ཀྱིས ་འདི་སྐད་ཅེས་གསོལ་ཏོ། ། བཅོམ་ལྡན་འདས་གསང་སྔགས་ལོག་པའི་ལམ་ལས་བྱུང་བ་ནི་གང་གང་ལགས།། སྤྱད་ལེགས་པའི་ཐབས་ལས་བྱུང་བ་ནི་གང་གང་ལགས། བདག་ཅག་ལ་རྒྱ་ཆེར་བཤད་དུ་གསོལ།། དེ་སྐད་ཅེས་གསོལ ་པ་དང་བཅོམ་ལྡན་འདས་ཀྱིས་འདུས་པ་ཆེན་པོའི་ཚོགས་ལ་བཀའ་སྩལ་པ། འདུས་པ་ཆེན་པོའི་ཚོགས་ཉེས་ལེགས་ཀྱི་རིམ་པ་བཤད་པར་བྱ་ཡིས་ཉོན་ཅིག་ཅེས་བཀའ་སྩལ་པ་དང་། ང་ནི་དྲན་པ་ཐོག་མའི་ཚེ། གསང་བ་སྤྱོད ་པའི་དོན་འདི་དག། དེས་དོན་ཕལ་ཆེར་ནུབ་པར་གྱུར།། ཚུལ་འདྲ་ཙམ་ཞིག་གནས་པ་ལ།། ཀུན་ཀྱང་ཕལ་ཆེར་སྤྱོད་མོད་ཀྱང་།། དོན་དང་ཕྲད་པ་ངས་མ་མཐོང་།། ཀུན་ཀྱང་ལོག་པའི་ལམ་སྤྱད་དོ།། ལོག་པ་ཅན་ཉིད་གང་ཞེ་ན། འདི ་ལ་མི་གནས་འདི་ཉམས་དང་། ། འདི་ལས་ལོག་དང་ལོག་ཚུལ་སྤྱོད།། འདི་ཚུལ་མ་ཡིན་འདིར་མ་ངེས།། གཡོ་རྒྱུས་བདེནི་བཅོས་འགལ་བའི་ལམ།། དེ་ཡང་ཇི་ལྟ་བུ་ཞེ་ན། བསྐལ་པ་ཀུན་བཀོད་བྱ་བའི་ཚེ།། སངས་རྒྱས་མངོན་བྱུང་རྒྱལ་པོ ་དེ། མྱ་ངན་འདས་པར་གྱུར་འོག་དུ།། བྱུང་བའི་རྣལ་འབྱོར་བཟང་རྒྱན་དེ།། མི་ཤེས་བྱིས་པའི་འཁོར་རྣམས་ལ།། ཚུལ་འཆོས་ལོག་པའི་ཚོགས་བསྐྱངས་པས།། ཚོམ་བུ་ལྔ་བརྒྱར་བཅས་པ་ཞིག། དོན་ལས་གོལ་ཞིང་འཁོར་བར་ལོག ་དེ་འདྲའི་ཚུལ་དུ་མ་སྤྱོད་ཅིག། རྨད་བྱུང་གསང་བའི་བསྟན་པ་འདི།། རྣལ་འབྱོར་དབང་ཕྱུག་ཚད་མ་རྣམས།། ཕལ་ཆེར་མེ་གནས་སྐབས་དག་ཏུ།། མི་ཤེས་ངན་རྟོག་ཅན་རྣམས་ཀྱིས།། དཀྲུགས་འགྱུར་བཀའ་བསྤྱད་ཉུར ་བོར་ཏེ། ནོར་པས་བདག་ཉིད་སུན་འབྱིན་ཅིང་།། བདག་ཡིན་གཞན་འདི་མ་ཡིན་ཞེས།། བདག་བསྟོང་གཞན་ལ་སྨོད་པ་ལོག། དེ་ཡང་ཇི་ལྟ་བུ་ཞེ་ན། བཀལ་བ་དེ་ཉིད་དུས་དག་ལ།། རྣལ་འབྱོར་དཔའ་སྤྱོན་བྱ་བ་ཞིག། དོན་ལ་བློ་ཤིང ་མ་བྱེ་ཞིང་། ལམ་གྱི་ཐབས་ལ་མི་མཁས་པས།། ངེས་དོན་བཀའ་ཡི་གཞུང་བོར་ནས།། ཆོས་མ་ཡིན་པའི་ཆོས་སྤྱོད་ཅིང་།། གཞན་དག་ངེས་དོན་སྤྱོད་པ་ལ།། ཁྱོད་ཀྱི་དེ་ནི་དོན་མ་ཡིན།། དོན་མཆོག་བདུད་རྩི་གང་ཡིན་པ།། དེ་ནི་ང་ཡི་ཆོ ་འདི་ཡིན། ། ཞེས་ནི་བདག་སྟོང་གཞན་ལ་སྨོད།། འདི་ཡང་སྲིད་པ་ལོག་པའི་ལམ།། དེ་འདྲའི་ཚུལ་དུ་མ་སྤྱོད་ཅིག། སྔར་བྱུང་རྒྱུད་ཀྱི་རྗེས་གནས་པས།། རྡེང་མེད་བཞིན་དུ་དཔོན་བསྟབས་ན།། ཚིག་གཉེར་དྲེགས་པའི་དབང་དེས་ནི།། ་ཤེས་བཞིན་དུ་རས་གཅོད་པའི།། ཚུལ་འཆོས་སེམས་ཀྱི་གྷ་གྷཱ་ཅན།། སྨོན་ཐབས་བླུན་པའི་སྡེ་ཅན་ཡིན།། དེ་ཡང་ཇི་ལྟ་བཞི་ན། དགེ་སློང་དྲི་མེད་སྤྱོད་པ་ཞེས།། བྱ་བའི་རྣལ་འབྱོར་ཚུལ་འདྲ་ཞིང་།། དོན་ལ་མཁས་པའི་རྗེས་སུ་བྱུང་། ་བུ་འབུམ་གྱི་འཁོར་རྣམས་ཀྱིས།། རྒྱུད་ཀྱི་རྫས་སུ་བྱུང་བ་ཡིས།། དོན་མེད་དགེ་སློང་དེ་ཉིད་ལ།། ཚིག་གི་གཉེར་ཆེན་ལྗང་ཕབ་པས།། གདུང་འཚོབ་ཅེས་ནི་དཔོན་བསྟབས་ཏེ།། ཆེ་བ་ཆེན་པོའི་དྲེགས་པ་སྐྱེས།། མི་ཤེས་བཞིན་དུ་རྒྱ ་བཅོས་ཏེ། འདྲ་ཚུལ་ལོག་པའི་ཆོས་སྤྱད་པས།། ཚོམ་བུ་འབུམ་དང་བཅས་པ་ཞིག། དྲེགས་པ་ཆེན་པོའི་རུ་དྲར་ལྷུང་།། དེ་འདྲའི་ཚུལ་དུམ་སྤྱོད་ཅིག། མཛའ་འདྲིན་བསླང་སྟེར་ཞིང་རྣམས་དང་།། རྙེད་དང་བཀུར་སྟིས་འཚེ་བའི་འཁོར།། ་གཞན་གྱི་དབང་དུ་གྱུར་དོགས་ནས།། སྒོ་རིས་རྐྱང་ཚན་སོ་སོར་གཅོད།། འཁོར་འདི་བདག་གི་སྨིན་བྱ་ཡི།། གདུལ་བར་བྱ་བའི་ཞིང་ཡིན་གྱིས།། གང་དག་འདི་དང་མ་འབྲེལ་ཞེས།། ཉོན་མོངས་ཚིག་གིས་སྒོ་བྱེད་ནོར།། དེ་ཡང་ཇི་ལྟ་བུ་འ ་རྣལ་འབྱོར་ན་ཞི་གནས་པ་ཞེས། ། བྱ་བའི་ཆོམ་བུ་ལྔ་བརྒྱ་ཞིག། ཤིན་དུ་གསང་སྔགས་སྤྱོད་དོ་ཞེས།། དགོན་པའི་གནས་སུ་འདུག་ནས་ནི།། ཡུལ་ཁམས་ཆེན་པོ་དེ་དག་གིས།། གནས་པར་གྱུར་པའི་མི་རྣམས་ཀུན།། འདུལ་བར་བྱ ་བའི་ཞིག་ཏུ་སྤྱོད། ། གཞན་གྱི་སྡེ་བར་གྱུར་པ་ཡི།། དགེ་སློང་དོན་དང་ལྡན་པ་ཞིག། ཡུལ་དིར་ཆེད་དུ་འོངས་ནས་ནི།། རྣལ་འབྱོར་ངེས་པའི་ལམ་མཆོག་ཅིག། རྒྱ་ཆེར་བསྟན་པར་བསམས་པ་ལས།། དགེ་སློང་དགོན་པར་གནས་པ ་དེས་ཉོན་མོངས་ཚིག་གི་བསྒོབ་བྱས། ། འཁོར་འདི་བདག་གི་ཉིང་ཡིན་གྱིས།། ཁྱོད་ནི་འདི་ལ་མ་གཏོགས་ཤེས།། སྒོ་དང་ཚན་དང་རིས་བཅད་པས།། ཉོན་མོངས་འཁོར་བའི་ལམ་དུ་ལྷུང་།། དེ་འདྲའི་ཚུལ་དུ་མ་སྤྱོད་ཅིག། རྣལ་འབྱོར ་ཆེན་པོར་བསྔོས་གྱུར་ལ། ། སྣ་འགས་ཅི་རྒྱལ་གསོག་འཇོག་བྱེད།། གཅིག་ཡིད་གཅིག་གིས་འབྱིན་བྱེད་པ།། ནམ་ཞར་ལོངས་སྤྱོད་ཐོབ་པ་མིན།། དེ་ཡང་ཇི་ལྟ་བུ་ཞེ་ན།། རྣལ་འབྱོར་བདེ་ལྡན་ཤེས་པ་ཞེས།། བྱ་བའི་ཚེམ་བུར་བཅས ་པ་ཞིག། གསང་བ་རྒྱ་ཆེར་སྤྱོད་པ་ལས།། འཁོར་ན་གནས་པའི་རྣལ་འབྱོར་མ།། བུད་མེད་བཟང་ལྡན་བྱ་བ་ཞིག། ཚོགས་སྦྱོར་གིང་དུ་བསྐོས་པ་ལས།། འབྱོར་པའི་ཡོ་བྱད་དེ་དག་ལ།། སེར་སྣའི་སེམས་ཀྱིས་གསོག་འཇོག་བྱས། ་ལས་ཀྱིནམ་སྨིན་དེ་མས་ན།། ཡི་དགས་ཀྱི་ཡི་ལུས་ས་སྐྱེས་དེ་འདྲི་ཚུལ་དུམ་སྤྱོད་ཅིག། གཞན་ཡང་ནལ་འབྱོར་ཆེན་པོའི་ཚགས།། ལོག་པར་སྤྱོད་པའི་རྣལ་འབྱོར་ནི།། ལོག་ས་སྦྱི་ཧོ་ལ་ག་མ་ཐོ།། སྡིག་སྷོ་ན ་མི་ལྡན་ཡང་། ། བདག་ནི་ཡང་དག་ཡིན་ནོ་ཞེས།། བབ་ཆོལ་བཀའ་ཆུ་སུ་བྱེད་བསླད།། དེ་ཡང་ཇི་ལྟ་བུ་ཞེ་ན།། ཆོས་སྦྱོང་བ་ཡི་རྣལ་འབྱོར་པ།། བྲམ་དེ་ཞེས་བྱ་བ་ཞིག། དོན་དང་ལམ་ལ་མི་མཁས་པར།། བདག་ནི་མཁན་པོ་ཡིན ་ནོཞེས། ཀུན་ལ་རྒྱ་ཆེར་སྒྲ་བསྒྲགས་ནས།། རྒྱལ་བའི་བཀའ་བརྐུས་འགྲོ་བ་རྣམས།། བསླུས་པར་གྱུར་པའི་རྣམ་སྨིན་གྱིས།། ལོག་པ་ཅན་གྱི་འཇིག་རྟེན་པ།། མུ་སྟེགས་སྤྱོད་པའི་ཁམས་སུ་གྱུར།། དེ་འདྲའི་ཚུལ་དུམ་སྤྱོད་ཅིག ་ཐ་ཚིགས་ཉམས་ཤིང་དོན་ལ་མུགས། ། དྲེགས་པས་དོན་ལ་ཁས་འཆེས་ཕྱིར།། རྡོ་རྗེ་རྒྱལ་དབང་ཐོབ་འདོད་པ། ཁྲེལ་མེད་སྤྱི་གཏོལ་མུན་སྤྲུལ་འཚལ།། དེ་ཡང་ཇི་ལྟ་བུ་ཞེ་ན།། རྣལ་འབྱོར་སྔགས་ཀྱི་ཚུལ་སྤྱོད་པ།། བིན་ཡ་ཏྲེ ་བྱབ་ཞིག། ཚོམ་བུ་བརྒྱ་དང་བཅས་པ་བྱུང་།། རྣ་བ་ཉམས་ཤིང་དོན་ལ་རྨུགས།། དྲེགས་པ་ཆེན་པོའི་ང་རྒྱལ་གྱིས།། དོན་ལ་མཁས་པའི་ཚུལ་བཅོས་ཕྱིར།། རྡོ་རྗེ་རྒྱལ་པོའི་དབང་མནོས་པས།། རི་བོས་སྲོག་ཆགས་མནན་པ ་བཞིན། ། ང་རྒྱལ་དྲེགས་པའི་རི་བོ་ཡིས།། འཁོར་བའི་ལས་སྤྱོད་ལས་ངན་པའི།། སྲོག་ཆགས་ཕག་གི་རིགས་སུ་ལྷུང་།། དེ་འདྲའི་ཚུལ་དུ་མ་སྤྱོད་ཅིག། མཉམ་པའི་དོན་ཉིད་མ་གཏོགས་པར།། ཚིག་ཏུ་མཉམ་ཞེས་རྗོད་བྱེད་ཅིང་། ་ཆགས་སྡང་གཉིས་ལ་མངོན་འཆེལ་བ།། རྣལ་འབྱོར་ལས་ཀྱིས་འཁོར་བའི་ལམ།། དེ་ཡང་ཇི་ལྟ་བུ་ཞེ་ན།། དགེ་སློང་བདེ་སྦྱིན་བྱ་བ་ཞིག། ཚིམ་བུ་སྟོང་དང་བཅས་པར་དེ།། རྣལ་འབྱོར་གསང་བའི་ལས་ལ་སྤྱོད།། ལ་ལ་ཆགས ་ལ་མངོན་པར་འཆེལ། ། ལ་ལས་སྡང་ཆེན་བསོད་པར་སྤྱོད།། ཆགས་སྡང་ལས་ཀྱི་རྣམ་སྨིན་གྱིས།། རཀྵ་སྲིན་པོའི་ཁམས་སུ་ལྷུང་།། དེ་འདྲའི་ཚུལ་དུ་མ་སྤྱོད་ཅིག། གང་དག་རྣལ་འབྱོར་བློ་ཆུང་རྣམས།། རྡོ་རྗེ་གྲལ་ཚོགས ་དོར་གླེངས་ན། ། དེ་ལ་འཇིགས་ཤིང་སྐྲག་འགྱུར་ཏེ།། སྭ་ཞུམ་མི་དགའ་འབྱོར་བྱེད་བླར།། དེ་ཡང་ཇི་ལྟ་བུ་ཞེ་ན།། དགེ་སློང་ལྷ་སྦྱིན་བྱ་བ་ཞིག། རྣལ་འབྱོར་དང་བའི་སར་སློབ་ཚེ།། རྣལ་འབྱོར་དོན་ལྡན་མང་པོ་རྣམས།། བར་ཆེར ་ཚོགས་པར་གྱུར་པ་ལ། ། ངེས་དོན་གསང་བའི་དོན་གླེངས་ན།། ལྷ་བྱིན་འཁོར་བཅས་དེ་ལས་བྱོལ།། དོན་གླེང་བ་ལ་མི་དགའ་ཞིང་།། ངན་པའི་སེམས་ཀྱིས་ཕྲག་དོག་སྐྱེས།། རང་གི་གནས་སུ་སོང་ནས་ནི།། མཁས་པ་དེ་ལ་མི ་སྙན་བརྗོད། ། ལས་ཀྱི་རྣམ་སྨིན་དེ་ཡིས་ནི།། བསྐལ་པ་དཔག་ཏུ་མེད་པ་རུ།། ཡང་དག་དོན་ལས་གོལ་བར་འགྱུར།། འཁོར་བ་དོན་མེད་གནས་སུ་འཁྱམས།། དེ་འདྲའི་ཚུལ་དུ་མ་སྤྱོད་ཅིག། རྣལ་འབྱོར་ཉིད་ཀྱིས་རྣལ་འབྱོར་ལ ་ཤིན་དུ་གདུག་པའི་དུག་མ་ངས་གཏོང་། ། ཐ་ཚིག་བཙན་པོ་རྗོང་ལྟ་བུ།། འཇོམས་བྱེད་རྣལ་འབྱོར་རང་བགེགས་སོ།། དེ་ཡང་ཅི་ལྟ་བུ་ཞེ་ན།། རྣལ་འབྱོར་རྣམ་དག་བློ་གྲོས་ཞེས།། བྱ་བའི་དོན་ལྡན་མཁས་པ་ཞིག། མི་འཇིགས ་བློ་གྲོས་ཞེས་བྱ་བའི། ། ཐབས་དང་དོན་ལ་མི་མཁས་པ།། སྡེ་བ་མང་པོ་སྦྱོར་བའི་སར།། རྣམ་དག་བློ་གྲོས་འཁོར་བཅས་འོངས།། མཁས་པ་དོན་ལྡན་བཟོད་ཐོབ་ལ།། རྔན་སེམས་ཕྱར་ཀའི་སྒྲོ་སྐུར་བཏབ།། ལས་ཀྱི་རྣམ་སྨིན ་དེ་ཡིས་ནི། མི་འཇིགས་བློ་གྲོས་མནར་མེད་ལྷང་།། དེ་འདྲའི་ཚུལ་དུ་མ་སྤྱོད་ཅིག། ལྟ་བ་དམིགས་བུ་དང་བྲལ་བས།། ཡང་དག་དབུ་མའི་ལམ་མི་གསལ།། སྤྱི་ཡུལ་ཙམ་ལ་ལྟོས་སྤྱོད་པ།། དེ་ན་རྣལ་འབྱོར་ལོང་བའི་ཚེགས ་དེ་ཡང་ཇི་ལྟ་བུ་ཞེ་ན། ། རྒྱལ་པོ་རབ་གསལ་འཛིན་པ་ཞེས།། བྱ་བའི་རྣལ་འབྱོར་ཅན་ཞིག་བྱུང་།། ཤེས་རབ་ལྟ་བའི་མིག་མེད་པར།། རྣལ་འབྱོར་མང་ཙམ་ཚུལ་བཟུང་ནས།། སྒྲ་ཐོས་ཙམ་གྱི་བཞུད་སྤྱད་པས།། མིག་མེད་འཁོར ་བའི་ཁམས་སུ་ལྷུང་། ། དེ་འདྲའི་ཚུལ་དུ་མ་སྤྱོད་ཅིག། དེ་ལ་སོགས་པའི་རྣལ་འབྱོར་པས།། ལོག་པའི་ཚོགས་སུ་སྤྱད་པས་ནི།། འཁོར་བ་ལོག་པའི་ཚོགས་སུ་འགྱུར།། དེས་ན་འདུས་པའི་རྣལ་འབྱོར་རྣམས།། ཤིན་དུ་གསང ་བའི་ཆོས་འདི་རྣམས། ། གོལ་ས་ཆེ་བར་རྒྱལ་བས་བཤད།། ཐབས་ལ་མཁས་པའི་སྤྱོད་པ་ཡིས།། དོན་དང་ལྡན་པར་བྱ་བ་གཅེས།། ཐབས་ལ་མཁས་པར་སྤྱད་པ་ཡི།། ལེགས་པའི་ལམ་གྱི་རྣལ་འབྱོར་པ།། སྔོན་འདས་དུས ་ན་བྱུང་བ་ཡི། ། རྩལ་ཅན་རྣམས་ཀྱི་དོན་བཤད་པ།། སྐྱེས་བུ་མཆོག་གི་སྤྱོད་པ་འདི།། ཡོན་ཏན་སྒྲ་བསྒྲགས་སུས་ཐོས་པ།། མིང་ཙམ་གྱིས་ཀྱང་དེ་ཐོབ་ཅིང་།། དྲན་པས་ངན་འགྲོ་ལས་སྐྱོབ་ཡིན།། དེ་ཡང་ཇི་ལྟ་བུ་ཞེ་ན།། ཤིན་ཏུ ་གསང་བའི་སྤྱོད་པ་འདི། ། ལྷ་གནས་གསུམ་དུ་གྲགས་པ་ལས།། ལྷ་ཡི་བུ་ནི་འོད་ལྡན་ཏེ།། མི་རྟག་འཆི་བའི་དུས་བབ་ནས།། འཆི་ཀའི་སྔ་ལྟས་བྱུང་བའི་ཚེ།། མི་དགའ་བར་ནི་འདུ་ཤེས་གྱུར།། ཕྱི་མའི་འདུ་ཤེས་བསྐྱེད་པ་ལས།། མིག་ཙང ་ཟས་སུ་ཟ་བ་ཡི། ། བླུན་པའི་སྲོག་ཆགས་ལུས་ལེན་པར།། རང་གི་མངོན་པར་ཤེས་པས་མཐོང་།། ཤིན་དུ་འཇིགས་པའི་འདུ་ཤེས་ཀྱིས།། སྐྱབས་ཀྱི་ཡུལ་རྣམས་ཡིད་ལ་བྱས།། གཞན་གྱི་དྲན་པ་མི་གསལ་བར།། གསང ་བ་ཆེན་པོའི་ཚིགས་ཆེན་གྱི། ། མཚན་ནི་རྣ་བའི་དབང་པོས་ཐོས།། ཐོས་པ་ཡིད་ལ་དྲན་བྱས་པས།། ངན་འགྲོའི་ལམ་ལས་སླར་ལོག་སྟེ།། ཚོགས་ཆེ་ནི་སྤྱོད་པའི་སྐལ་ལྡན་པས།། གསང་བ་འཛིན་པའི་གནས་སུ་སྐྱེས།། དེ་བཞིན ་ཐོས་པ་དག་པར་སྤྱོད། ། རྒྱལ་བ་མཉེས་པའི་ཚོགས་འདི་ལ།། གང་ཞིག་དགའ་ཞིང་འདུན་སྐྱེད་པ།། གཞན་གྱི་བར་ཆད་མི་འབྱུང་བར།། ཇི་ལྟར་མོས་པ་དེ་མྱུར་འཐོབ།། དེ་ཡང་ཇི་ལྟ་བུ་ཞེ་ན།། བྲམ་ཟེའི་བུ་ནི་བྱམས་ལྡན་ཏེ། གསད ་བ་ཆེན་པོའི་ཚོགས་འདི་དག། སྤྱོད་པར་མོས་ནས་ཀུན་དུ་བཙལ།། བཙལ་བས་རྙེད་པར་མ་གྱུར་ཏེ།། ས་ཕྱོགས་ཞིག་ཏུ་འདུག་ནས་ནི།། ཤིན་དུ་ངུས་ནས་སྨྲས་པ་ནི།། ཨེ་མའོ་བདག་གི་ལས་རེ་ཕམ།། སྐྱེས་ནས་རྒས་པར ་གྱུར་བར་དུ། ། ཚོགས་ཆེན་ཟབ་མོའི་དོན་བཙལ་ན།། དོན་དང་མ་ཕྲད་ལས་རེ་ངན།། ད་འོད་ཇི་ལྟར་བཙལ་ན་རྙེད།། ཅལ་བྱས་རྙེད་པར་ཡོད་མི་འགྱུར།། ཐུགས་སྡེ་བདག་ལ་སྐྱབས་སུ་འཆི།། གདུང་བ་སྒྲ་ཆེར་ཕྱུང་བ་ལས།། ནམ་མཁའི་ཁམས་ནས ་སྒྲ་ཕྱུང་སྟེ། སྐལ་དང་ལྡན་པའི་བྲམ་ཟེ་ཁྱོད།། དེ་ལྟར་ཡི་དམ་ལ་བརྟན་པ།། ཁྱོད་ནི་དོན་གྱི་སྐལ་བ་ཅན།། དུས་གསུམ་རྒྱལ་བ་ཐམས་ཅད་ཀྱིས།། ཁྱོད་ལ་བྱིན་གྱིས་རློབ་པར་མཛད།། དེ་བས་ལྟ་བ་མ་གཡེལ་བར།། སྒྲིབ་པ་སྐྱང ་བའི་ཐབས་དག་ལ། ། མཁས་ཤིང་བརྩོན་པར་བྱ་དགོས་ཏེ།། རང་གི་རྩ་རྣམས་བཀྲོས་ནས་ནི།། ཁྲག་ཆེན་དག་གིས་མཆོད་པ་དེ།། འདོད་ཆགས་དག་པ་ཙན་དན་ཆུས།། དམིགས་ནས་རྒྱལ་བ་ཀུན་མཆོད་ནས།། དེ་མ་ཐག་ཏུ་དོན་ཐོབ ་འགྱུར། དེ་སྐད་ལུང་བསྟན་ཐོབ་ནས་ནི།། དགའ་བའི་བསམ་པ་ཆེར་གཡོས་ཏེ།། ལུང་བསྟན་པ་ལྟར་དེ་སྤྱད་པས།། རིག་འཛིན་རྒྱལ་བའི་སྲས་སུ་གྱུར།། དེ་བཞིན་མོས་པ་དག་པར་སྤྱོད།། གྲོང་ལ་སྐལ་ལྡན་འདིར་ཞུགས་པ། ཐམས ་ཅད་དུ་ཡང་དེ་བཞིན་ཏེ། ། ཏོག་ནི་རྩེ་མོར་གྱུར་པ་བཞིན།། ཡོངས་ཀྱི་ནུབ་པ་མ་ཡིན་ནོ།། དེ་ཡང་ཇི་ལྟ་བུ་ཞེ་ན།། ལྷ་ཡི་བྲུ་ཞེས་བྱ་བ་ནི།། དགེ་བའི་རྒྱལ་པོ་བྱ་བ་དེ།། ཚོམ་བུ་འབུམ་དང་བཅས་པ་ཞིག། གསང་བ་རྒྱ་ཆེར་སྤྱད་པ་ལས།། ་ལྷ་བུ་རིན་ཆེན་འོད་ལྡན་དེ།། ཤིན་དུ་དང་བ་ཆེར་གཡོས་ཏེ།། ལྷ་རྫས་ཡོ་བྱད་མང་པོ་དང་།། བཅས་ནས་གསང་བའི་གནས་དེར་ཕྱིན།། དགའ་ཞིང་འདུན་པའི་ཚུལ་གྱིས་ནི།། གུས་པར་གྱུར་ཏེ་དེར་གནས་པས།། ཆོ་འཕྲུལ་ཆེན་པོ ་བཞི་ཐོབ་སྟེ། ། ལྷ་གནས་ཀུན་དུ་བགྲོད་པ་དང་།། འབྱུང་ཆེན་ལུས་ལས་སྤྲུལ་པ་དང་།། རི་བོ་གདེག་དང་འཕང་བ་དང་།། མི་འཆི་ཚལ་གནས་པ་ཐོབ།། རྒྱལ་མཚན་རྩེ་མོའི་ཏོག་བཞིན་དུ།། མཐོང་བ་དག་པའི་ཆོས་དེ་ཉིད།། སྐལ ་པར་ནུབ་པར་མ་གྱུར་ཏོ། ། དེ་བཞིན་འཇུག་པ་དག་པར་གྱིས།། མཐོང་བས་ཆོས་འདི་ཡོངས་དག་པ།། ཡེ་ཤེས་སྒྲོན་མའི་མིག་རྙེད་ནས།། བླ་མེད་སྙིང་པོ་ཅན་རྣམས་ཀྱིས།། ལམ་རྙེད་ལམ་དུ་ཞུགས་པ་བཞིན།། དེ་ཡང་ཇི་ལྟ་བུ ་ཞེན་བྲམ་ཟེ་ཀུན་ད་བྱེ་བ་ཞིག། ཆོས་ཀྱི་མིག་ལྡན་དོན་མཐོང་ནས།། གསད་ཆེན་བཞུང་བཞིན་སྤྱོད་པ་ལ།། བྲམ་ཟེ་ཀེ་ནི་བྱ་བ་ཞིག། དད་པས་དོན་གྱི་རྗེས་སུ་འབྲེངས།། གསང་ཆེན་འདུས་པའི་ཚིགས་མཐོང་བ།། ཆོས་ཀྱི་མིག ་དང་ལྡན་གྱུར་ཏེ། ། དོན་གྱི་སྙིང་པོ་མཐོང་བར་འགྱུར།། ལྷུན་གྲུབ་རྩལ་ཆེན་རྫོགས་པ་ཡི།། རིགས་འཛིན་ཆེན་པོའི་ས་ཉིད་ཐོབ།། དེ་བཞིན་མཐོང་བས་དག་པར་གྱིས།། གཞན་དག་འདིར་ནི་མངོན་སྤྱོད་ལ།། དགའ་བའི་ཡིད་ཀྱིས ་ཕྱོགས་བྱེད་པ། དེ་ནི་དངོས་དང་འདྲ་བ་སྟེ།། འབྲས་བུ་ལ་ཡང་མཐོན་དམན་མེད།། དེ་ཡང་ཇི་ལྟ་བུ་ཞེ་ན།། རྒྱལ་པོ་དབང་ཕྱུག་འོད་ལྡན་ཞེས།། བྱ་བའི་རྣལ་འབྱོར་ཅན་ཞིག་ལ།། ཚོམ་བུ་བཅུ་དང་བཅས་པའི་འཁོར།། རིགས ་འཛིན་སྤྱོད་པའི་དོན་ལ་ཞུགས། ། སྔགས་སྤྱོད་འབྲས་བུ་ཆེར་ཐོབ་སྟེ།། ངོ་མཚར་ཆོ་འཕྲུལ་མང་པོ་དག། ཐོབ་པ་ཀུན་དུ་གྲགས་པར་གྱུར།། དེ་ལ་གཞན་གྱི་སྡེ་པ་ཡི།། བྲམ་ཟེ་དགེ་སློང་བྱ་བ་ཞིག། ཤིན་དུ་དག་པའི་སེམས་བསྐྱེད་ནས། ་འཇུག་ཅིང་བསླབ་པར་ཞུགས་པ་ལས།། རྒྱལ་པོས་མ་གནང་གསང་སྒོ་བསྡམས།། བྲམ་ཟེ་དད་པ་མ་ལོག་པར།། འབྱོར་པའི་ཡོ་བྱད་ཅི་ཡོད་རྣམས།། རྒྱལ་པོའི་འཁོར་དུ་ཕུལ་ནས་ཀྱང་།། རྒྱལ་པོ་གནས་པའི་ཡུལ་ཕྱོགས ་ཡིད་ཀྱིས་ཕྱོགས་ཏེ་སྨོན་ལམ་བཏང་། ། རྩེ་གཅིག་པར་ནི་སྨོན་ལམ་བཏབ།། རྗེས་སུ་ཡི་རང་དམ་པར་ནི།། ཡིད་ལ་བྱས་པའི་བསོད་ནམས་ཀྱིས།། སྒྲུབ་པར་བྱེད་པའི་རྒྱལ་པོ་དང་།། སྒྲུབ་དང་མི་ལྡན་བྲམ་ཟེ་གཉིས།། འབྲས་བུ་མཐོན ་དམན་མེད་པར་ཐོབ། ། འདི་ནི་ཚིགས་མེད་དོན་པོ་ཆེ།། ཐབས་ལ་མཁས་པའི་རིགས་འཛིན་ཡིན།། དེ་བཞིན་སྤྱོད་པ་གཞན་དག་ལ།། དགའ་བས་རྗེས་སུ་ཡི་རང་གིས།། དགེ་བ་སྤྱད་དང་མ་སྤྱད་གཉིས།། འབྲས་བུ་མཉམ་པོར་ཐོབ ་པར་གྱུར། ། བསམ་ཡས་བསམ་གྱིས་མི་ཁྱབ་པ།། རྒྱལ་རྣམས་འདིར་བསླབས་འདིར་མཁྱེན་པས།། སྲིད་གསུམ་འགྲོ་བའི་བཤེས་གཉེན་དུ།། ཀུན་གྱི་བདག་པོར་གྱུར་པ་ཡིན།། དེ་ཡང་ཇི་ལྟ་བུ་ཞེ་ན། སྔོན་གྱི་བྲམ་ཟེ་གས་ལ ་བྱིན་གྱིས། ། གསང་ཆེན་འདི་ཡི་དོན་བརླབས་ནས།། རང་གི་སེམས་ལ་གོམས་བྱས་ན།། སེམས་ཉིད་བདེན་པའི་དོན་མཐོང་སྟེ།། ཆོས་རྣམས་ཀུན་ལ་མཁས་པར་གྱུར།། ཀུན་གྱི་རྩབ་སེམས་ཡིན་པས།། སེམས་ལས་ཆོས་བྱུང ་འབུམ་ཕྲག་ཡས། ། ཆོས་ཀྱི་རྒྱལ་པོར་དེར་གྱུར་ནས།། སངས་རྒྱས་སྨྲ་བའི་སེང་གེ་ཞེས།། ཞིང་ཁམས་ཀུན་དུ་གྲགས་པར་འགྱུར།། དེ་བཞིན་བསླབ་པ་དག་པར་གྱིས།། ཚོགས་ཆེན་གཅིག་གི་བསོད་ནམས་ནི།། སྐྱེ་ལ་ཉན་ཐོས ་བསམ་ཡས་ལ། ། སྦྱིན་པའི་ཚོགས་ཆེན་སྤེལ་བས་ནི།། འབུམ་གྱི་ཆར་ཡང་མི་བྱེད་དོ།། ཅི་ཕྱིར་ལེན་གཅིག་མཉེས་པས།། རྒྱལ་བ་ཐམས་ཅད་མཉེས་པ་ཡིན།། ནམ་མཁའ་ཁྱབ་པའི་རྒྱལ་བ་དང་།། ཉགཅིག་སྣང་བའི་རྒྱལ་བགཅི ་སོ་སོ་མ་ཡིན་ཐ་མི་དད། ། སྐུ་དང་གསུང་ཐུགས་གཅིག་ལས་མེད།། འདུལ་བའི་ངོག་ཁྱད་པར་ལས།། བསམ་གྱིས་མི་ཁྱབ་བསྟན་པར་ཟད།། དེས་ན་ཁྱད་པར་དེ་ལྟར་སྣང་།། དེ་ཡང་ཇི་ལྟ་བུ་ཞེ་ན།། ལས་རྣམས་དག་པའི་བྲམ་ཟེ་ནི། ་དགེ་ལྡན་གསལ་ལྡན་བྱ་བ་གཉིས།། དགའ་བའི་དད་པ་སོ་སོར་སྐྱེས།། གཅིག་ལ་གཅིག་ནི་ཐ་ཚིག་བྱས།། གཅིག་གིས་ཉན་ཐོས་བསམ་ཡས་ལ།། མཆོད་སྦྱིན་བྱ་བ་རྒྱ་ཆེར་བྱས།། གཅིག་གིས་ཚོགས་མཆོད་རྒྱ་ཆེར་བྱས།། ་ཚོགས་ལ་སྤྱོད་པའི་གསལ་ལྡན་ནི།། འདི་ཚེ་གཅིག་ལ་མངོན་སངས་རྒྱས།། སྦྱིན་པ་སྤེལ་བའི་དགེ་ལྡན་ནི།། བསྐལ་པ་གྲངས་མེད་གསུམ་གྱིས་གྲུབ།། དེ་བས་གནས་འདིར་སྤྱོད་པ་དག། རྣལ་འབྱོར་གསལ་ལྡན་ཚུལ ་བཞིན་སྤྱོད། ། འདི་དག་རྟག་ཏུ་སུ་འཆང་བ།། རྡོ་རྗེ་སེམས་དཔའ་ལ་སོགས་པའི།། ཆེ་ཡོན་རྟག་ཏུ་ཅི་འདྲ་བར།། དོན་གྱི་གཟུགས་དང་བཅས་པར་འཐོབ།། དེ་ཡང་ཇི་ལྟ་བུ་ཞེ་ན།། ཁྱིམ་བདག་མེས་བྱིན་བྱ་བ་དེ།། ཚོམ་བུ་རྒྱ་དང ་བཅས་པོ་ཞིག། རྒྱན་གྱི་རྟག་པར་འདི་སྤྱད་པས།། སངས་རྒྱས་རྡོ་རྗེ་སེམས་དཔའ་ནི།། འཁོར་དང་བཅས་པ་ཅི་འདྲ་བར།། སྐྱེ་བ་དེ་ཡིས་ངེས་པར་ཐོབ།། སྐུ་དང་གསུང་ཐུགས་རྡོ་རྗེ་ཡི།། དོན་དུ་ངེས་པར་སྒྲུབ་པའི་ཚོགས།། རྟོག ་ནས་སྨྲ་བའི་གང་བྱེད་པ། ། གོམས་དང་བརྗོད་དང་སྨོས་པ་ཡིས།། ཆོས་ཀྱི་རྒྱལ་པོར་དེ་འགྱུར་ཞིང་།། ཡོན་ཏན་སྤྱི་གཙུག་ཉིད་དུ་འགྱུར།། དེ་ཡང་ཇི་ལྟ་བུ་ཞེ་ན།། དྲང་སྲོང་རྣལ་འབྱོར་ཀ་ལ་ཡ་ནས།། དྲང་སྲོང་རྣམ་པ་མང་པོ ་2། ཚོགས་འདི་ཡོན་ཏན་རྒྱ་ཆེར་གྲགས།། དོན་རྣམས་ངེས་པར་བཤད་པ་ལས།། དྲང་སྲོང་མང་པོས་རིག་འཛིན་ཐོབ།། སྟོན་པར་བྱེད་པའི་ཀ་ལ་ཡན།། གསང་བདག་ཆོས་ཀྱི་རྒྱལ་པོར་གྱུར།། འོན་ཏང་གསང་བའི་དོན་འདི་དག། ་སྣོད་དང་ལྡན་པའི་འགྲོ་བ་ལ།། བསྟན་ཏམ་བཤད་དམ་བརྗོད་པར་གྱིས།། དེས་ནི་ཡོན་ཏན་ཆེན་པོ་དང་།། ང་ཡི་སྤོབས་པ་འཐོབ་པར་འགྱུར།། དེས་ན་འདུས་པ་ཆེན་པོའི་ཚོགས།། རྒྱལ་བ་ཀུན་གྱི་ཐུགས་དམ་ནི།། རྣལ་འབྱོར ་གསང་བའི་ཚོགས་འདི་ཡིན། ། རྣལ་འབྱོར་གང་ཞིག་བློ་ལྡན་པས།། སྐད་ཅིག་ཙམ་འམཐར་ཅིག་ལ།། རྒྱལ་བའི་ཚོགས་འདི་རབ་བསྐྲུན་ན།། རྒྱལ་བ་སངས་རྒྱས་ཐམས་ཅད་དང་།། རིགས་འཛིན་རྣལ་འབྱོར་མཐའ་དག་དང་།། ཐ ་ཚིག་ཟབ་མོ་སྐོངས་ནས་ཀྱང་། ། ཆོས་ཀྱི་མིག་ནི་ཐོད་བར་འགྱུར།། དེས་ནི་ཆོ་གས་སྤྱད་ཡོན་ཏན་དང་།། ལོག་པར་སྤྱད་པའི་སྐྱོན་རྣམས་ནི།། སྔོན་བྱུང་གླེང་གཞི་བཤད་པ་ཡིན་ཞེས་སེམས་དཔའི་རྡོ་རྗེས་གསུང་སོ།། ་རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་འདས་པ་སྔོན་བྱུང་གི་ལེའུ་ཞེས་བྱ་སྟེ་བདུན་པའོ།། །། དེ་ནས་བཅོམ་ལྡན་འདས་སེམས་དཔའི་རྡོ་རྗེ་དེ་བཅོམ་ལྡན་འདས་གསང་བ་མཆོག་གི་བདག་པོ་དེའི ་ཞལ་དུ་ཤིན་དུ་རེ་ཞིང་བཀའ་སྡོང་བའི་ཚུལ་གྱིས་ལྟ་ཞིང་ཀུན་དུ་བརྗིད་པར་འཁོར་གྱིས་བསྐུལ་བའི་སལ་སྟ་གོན་དུ་གནས་ཤིང་ཅང་མི་སྨྲ་བར་གྱུར་ཏོ། ། དེ་ནས་འཁོར་ཕལ་མོ་ཆེས་རྣམ་པར་བསྐུལ་བར་རིག་ནས་རྣལ་འབྱོར ་གྱི་ཕྱག་ལུས་ཀུན་ས་ལ་བརྡབས་ནས་ཨ་ལ་ལ་ཧོ་ཞེས་བྱ་བའི་སྒྲ་ཕྱུང་ནས་མགྲིན་གཅིག་ཏུ་གསོལ་བ་བཏབ་པ། ། ཨེ་མ་རྡོ་རྗེ་སེམས་ཆེན་པོ།། རང་རིག་མཁྱེན་པའི་ཡེ་ཤེས་འབར།། མགོན་པོ་ཡོན་ཏན་བསམ་ལས་འདས ་རྒྱལ་འཐོབ་ཁྱོད་ལ་ཕྱག་འཚལ་ལོ། ། ཨེ་མ་རང་སྣང་དབྱེར་མེད་སྐུ།། རྣམ་དག་བསོད་ནམས་མཚན་གྱིས་བརྒྱན།། དཔེ་བྱད་འབྲུ་བཀོད་བལྟ་མི་དོམས།། སྐུ་ལྔའི་མཆོག་ལ་ཕྱག་འཚལ་ལོ།། ཨེ་མ་རྣམ་དག་ནམ་མཁའི ་དབྱིངས། ། གཅིག་གསུང་སྣ་ཚོགས་སྒྲར་རིག་མཁྱེན།། བསམ་འདས་བརྗོད་མེད་རྡོ་རྗེའི་གསུང་།། གསུང་ལྔའི་མཆོག་ལ་ཕྱག་འཚལ་ལོ།། ཨེ་མ་གསང་བ་ནམ་མཁའི་ཐུགས།། མཉམ་ཉིད་མི་གཡོ་སོ་སོར་གསལ།། ཀུན ་རིག་སྙིང་པོ་ཡེ་ཤེས་མཆོག། ཐུགས་ལྔའི་མཆོག་ལ་ཕྱག་འཚལ་ལོ།། ཨེ་མ་མི་མཛད་མཛད་པ་ཆེ།། མ་ཆགས་ཆགས་བྲལ་འདོད་ཆགས་མཛོད།། ཐམས་ཅད་སྒྲོལ་བའི་ལས་ཆེན་པོ།། ཕྲིན་ལས་མཆོག་ལ་ཕྱག་འཚལོ།། ་རྒྱལ་ཚབ་ཁྱོད་ལ་གསོལ་བ་ནི།། བྱམས་མགོན་ཐུགས་རྗེའི་བྱིན་རླབས་ཀྱིས།། སྤྲུལ་པའི་གོ་ཆགས་རུ་བསྙམས་ཏེ།། འཁོར་བའི་སྐྱེས་ལིངས་ཆེན་པོ་ལ།། སྡུག་བསྔལ་ཤིན་ཏུ་གསང་བའི་ཕྱིར།། ཐམས་ཅད་དུར་ཁྲོད། ་ཆེན་པོ་རུ།། བྱིན་གྱིས་བརླབས་པའི་ལས་ཆེན་མཛོད།། ཨ་ཧོ་ཞེས་གསོལ་བ་བཏབ་པ་ལས།། སེམས་དཔའ་རྡོ་རྗེ་ཆེན་པོ་དེས་རྣལ་འབྱོར་པའི་ཕྱག་བྱས་ནས།། བཅོམ་ལྡན་འདས་གསང་བ་མཆོག་གི་བདག་པོ་ལ་ཞུས ་པ་ཨ་ལ་ལ་ཧོ་བདེ་བ་ཆེན་པོའི་མཆོག་གསང་བ་ཀུན་གྱི་རྒྱལ་པོ། ། ཡང་གསད་བླ་ན་མེད་པའི་བདག་ཉིད། འདུས་པ་ཆེན་པོའི་ཚོགས་རྨད་དུ་བྱུང་བའི་ཚིག་ཤིན་ཏུ་རྡུལ་པོད་པ་གསོལ་བ་འཚལ་བ་འདི་ཤིན་དུ་ངོ་མཚར ་ལགས་སོ། ། འདི་དག་འདུལ་བའི་དབང་དུ་དགོངས་ཏེ། ཇི་ལྟར་འཚལ་བའི་བསམ་པ་རངས་པར་མཛད་དུ་གསོལ་ཞེས་གསོལ་བ་བཏབ་པ་ལས། བཅོམ་ལྡན་འདས་གསང་བ་མཆོག་གི་བདག་པོ་དེས་ཀུན་དུ་འདུལ་བའི་དུས ་མཁྱེན་ནས་བཀའ་གསར་རྨད་དུ་བྱུང་བའི་འཁོར་གྱིས་བསྐོར་བ་དུར་ཁྲོད་རྒྱན་གྱི་རོལ་པ་ལས་རྨད་དུ་བྱུང་བའི་ཏིང་ངེ་འཛིན་ལ་སྙོམས་པར་ཞུགས་སོ། ། སྙོམས་པར་ཞུགས་ནས་འཁོར་བྱིན་གྱིས་རློབ་པའི་ཚིག་འདི ་གསུངས་སོ། ། ཧཱུཾ་ཧེ་ཧེ་ཕཊ། ཧཱུཾ་ཧཱུཾ་བི་ཤྭ་བཛྲ་ཀྲོ་དྷ་ཛྭ་ལ་མཎ་ཌ་ལ་ཨ་ར་ལི་ཨི་ཨུ་ལ་ཏི་བ་ལི་ཏྲཾ་སྟཾ། ཁ་ལི་ཧོ། ན་ཤ་སྟཾ་བྷ་ཡ་ཧཱུཾ། བྲུཾ་ཕུ་ཙ་ཁཱ་ཧི་ཕཊ་ཕཊ་ཧ་ལ་ཧཱུཾ། ཞེས་གསུངས་སོ།། འཇིག་རྟེན་དྲུག་གི་ཕྱོགས་ཅུ་མཐའ ་ཡས་པ་ཐམས་ཅད་དུར་ཁྲོད་ཀྱི་དཀྱིལ་འཁོར་དུ་གྱུར་ནས། གཡོས་རབ་ཏུ་གཡོས། ཤིན་ཏུ་རྣམ་པར་འཐོར་རོ།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་སེམས་དཔའ་རྡོ་རྗེའི་སྙིང་པོ་ལ་འཁོར་གཞན ་གྱིས་ཡིད་ཚེད་དུ་མི་འགྱུར་བའི་སྐུའི་ཆོས་བསྟན་པ་ནི་སྐུ་ཀུན་དུ་དུར་ཁྲོད་ཀྱི་བདག་པོ་ཆེན་པོར་བསྒྱུར་ནས་དུར་ཁྲོད་ཀྱི་གནས་བརྒྱད་དང་། ཧེ་རུ་ཀའི་གནས་བནྡྷ་དང་། དཔལ་གྱི་ཆས་བརྒྱད་དང་། དུར་ཁྲོད་ཀྱི་རྒྱན་ཆེན་པོ་ད ་དང་། དོན་གྱི་རྟགས་ཆེན་པོ་བཅཝ་བརྒྱད་དང་། དུར་ཁྲོད་ཀྱི་ལོངས་སྤྱོད་སྣ་ཚོགས་པ་བསྟན་པས་ཞལའི་འཛུམ་པའི་མདངས་ཀྱིས་གཟིགས་པ་ལས་སེམས་དཔའ་རྡོ་རྗེ་དེས་མཁྱེན་ཏེ།། བཀའ་གསང་དབང་ཆེན་འདིས་དོན་དུ་ནི ་བཤད་ཚིག་ཏུ་བསྒྲགས་པར་རིག་ནས་འདུས་པའི་ཚོགས་ལ་ཤིན་དུ་ལྡེམ་དགོངས་ཀྱི་ཚིག་ཏུ་སྨྲས་པ། བཀའ་གསང་རྨད་བྱུང་ཆེན་པོ་འདི།། སྦས་པས་ཟབ་ཅིང་རྟོགས་དཀའ་བ།། མཚོན་པས་དོན་འབྱིན་མི་ཤེས་པས ་ཉོན་མོངས་རང་དགའ་སྤྱོད་སྙམ་པའི། ། ཤིན་དུ་བྱིས་པིའི་བློ་ཞན་རི་འ།། ངེས་པའི་ཤེས་རབ་མིག་ལྗོངས་ཏེ།། དོན་གྱི་རྩལ་ཤུགས་ཆུང་བ་ཡིས།། དགའ་བ་དེའི་ལོངས་སྤྱོད་བསྐྲུན་སྙམ་ནས།། མཚན་མ་རང་དགའ་སྤྱོད་བསྒྲུབས་ཀྱ ་རང་བཞིན་འགྲུབ་པར་མི་འགྱུར་ཏེ། ། རྒྱུད་ཕུང་འབྲས་བུ་ཚིག་གྱུར་ནས།། མྱུ་གུ་བརླག་སྟེ་ག་ལ་འབྱུང་།། གཏན་ཚིགས་དེ་བས་འདི་དོན་དག། རྩལ་ཞན་དག་ལ་བསྟན་མན་ཞེས།། གསང་བདག་རྒྱལ་པོ་ཀུན་གསུང་ན།། ཅི་ཁྱོད ་རྣམས་ཀྱིས་མི་ཤེས་སམ་ཞེས་རྣམ་པར་སྨྲས་པ་ལས། འདུས་པའི་ཚོགས་ཀྱིས་སླར་གསོལ་པ།། ཨེ་མ་འོ་སམས་དཔའ་ཆེན་པོ་དེ་ལྟ་བུའི་རྒྱུ་ཚིག་ཆེན་པོ་དག་འཁོར་གྱིས་དཀྱིལ་འཁོར་གྱི་ནང་དམ་པ་འདིར་གསུང་ངམངོན ་ཏེ་མི་སྤྱོད་དམ། ཅང་མ་ལགས་གྲང་། ཅི་བླང་དོར་མཛད་དམ། ཨེ་མ་སྣོད་དུ་མ་གྱུར་པ་ནི་གང་མཆིས། ཐམས་ཅད་བྱང་ཆུབ་ཀྱི་སྙིང་པོ་ཅན་ལགས་ན། ཐོང་ཀུན་དུ་རབ་ཏུ་ཐོད། རྣམ་པར་རབ་ཏུ་གསུངས། འགག་པ་མི་མདའ་མི ་འགོག་གསུང་། ། ཅི་ཕྱིར་མི་གསུང་ཐོགས་མེད་སྲས།། རྒྱལ་བའི་སྲས་པོ་དུས་འདི་ལགས།། གསང་བའི་སྙིང་པོ་སྣོད་འདི་ལགས།། བཀའ་གསང་དཀྱིལ་འཁོར་གནས་འདི་ལགས།། གསང་བའི་དུར་ཁྲོད་ཚུལ་འདི་ལགས།། སྙིང་། ་རྗེ་ཞེ་སེམས་ཁྱོད་ལ་འདུད།། གསང་བ་ཡང་གསང་ཁྱོད་ལ་འདུད།། གསང་བ་ཡེ་གསང་ཁྱོད་ལ་འདུད།། དཀྱིལ་འཁོར་རྒྱལ་པོ་ཁྱོད་ལ་འདུད།། འཁོར་ལོ་སྙིང་པོ་ཁྱོད་ལ་འདུད།། གསང་ཆེན་སྙིང་པོ་ཚུལ་ཙ་ལགས།། བཀ ་གསང་དཀྱིལ་འཁོར་ཐབས་ཅི་ལགས། ། འབྲས་བུ་བདེ་བའི་དོན་ཅི་ལགས།། མ་འོངས་པ་ཡི་རྣལ་འབྱོར་དག། བསྒྲུབས་ན་དང་ལེན་འཚལ་བ་ཡི།། རིག་པར་འགྱུར་བའི་ཐབས་ཅི་ལགས།། འབྱུང་ཆེན་རྒྱལ་པོས་བཤད་དུ ་གསོལ་ཞེས་གསོལ་བ་བཏབ་པ་ལས། ། སེམས་དཔའ་རྡོ་རྗེ་དམ་པ་དེ་ཤིན་དུ་བཞད་པ་ཆེན་པོས་རྣམ་པར་བཞད་དེ།། ཨ་ཨ་ཧེ་ཧེའི་གང་རྒྱངས་བསྒྲགས་པས་འཁོར་ཐམས་ཅད་ཀྱང་གང་རྒྱངས་ཀྱི་སྒྲ་ཆེན་པོ་སྒྲོགས ་མཛད་དེ་དགྱེས་པའི་འོད་ཟེར་ལས་ཤེས་རབ་ཀྱི་དཔལ་དེ་དགྱེས་པའི་རོལ་མི་སྣ་ཚོགས་ལིད་ལོང་པྱད་པར་བྱུང་ངོ་། ། དེ་ནས་སེམས་དཔའི་རྡོ་རྗེ་དམ་པ་དས་ལུས་ཀུན་བསྲང་སྟེ། དུར་ཁྲོད་ཀྱི་ཆས་སྣ་ཚོགས་གསར་ཞིང ་རྟགས་བཅཝ་བརྒྱད་འབར་བར་བྱས་ནས་བརྗིད་པའི་གསུང་གིས་གསང་སྔགས་རྒྱ་མཚོ་དང་། རྣམ་གྲངས་སྣ་ཚོགས་དོན་གྱི་བསྒྲུབ་པ་རྟགས་ཀྱི་རོལ་པ་གསང་བའི་དཀྱིལ་འཁོར་ཆེན་པོ་འདི་དག་བཤད་དོ།། གཅིག་ཏུ་ཡང་དག ་དེས་གྲུབ་པའི། ། དོན་ལ་རྟོན་བྱེད་རྣལ་འབྱོར་རྣམས།། ཐོགས་མེད་ཉིད་དུ་འགྲུབ་འདོད་པ།། ཇི་ལྟར་བརྩོ་བླག་མཁན་དག་གིས།། རས་དཀར་སྤངས་པས་ཚོན་འཛིན་ལྟར།། རྣལ་འབྱོར་ལས་རྣམས་དང་པོར་ནི།། སྐོངས་དང ་སྦྱོར་བའི་ལས་རྣམས་གཅེས། ། ཟབ་མོར་འཇུག་པའི་སྔོན་ལོགས་ནས།། སེམས་ཉིད་གཏིང་ནས་ཆར་གཅད་ཕྱིར།། ཐེག་པ་དམན་པའི་སྐྱེ་བོ་དང་།། ལྷན་ཅིག་ཅི་ལའང་མི་རྣལ་ལོ།། དེ་ལས་གྱུར་པའི་ཡོ་བྱད་དག། རུས་སྦལ ་མགོ་ལ་འོངས་པ་དག། ཤིན་དུ་འཁྲུགས་པའོ་སེམས་ཆེན་གྱིས།། རྒྱ་མཚོས་བཤུགས་ཏེ་སྤང་བར་བྱ།། གལ་ཏེ་གང་ཟག་དབང་གིས་ནི།། ཉམས་པའི་ཆད་པ་བྱུང་བ་ན།། མགོན་ཚུན་ཆོས་ཉིད་ཆུ་བབ་ནས།། སྐོང་ལྡོག ་གརྒྱ་ཆེར་བྱ། ། སྒྲུབ་རྩོམ་སྔོན་ནམ་ཡང་སྔོན་ནམ།། ཞག་གྲངས་དག་གི་སྔོན་ལོགས་ནས།། སྡིག་སྦྱངས་བྱང་ཆུབ་སེམས་བསྐྱེད་དེ།། དགེ་བའི་དོན་ལ་འདུན་པར་བྱ།། སློངས་མོ་དང་སློང་ལ་དགའ་བ།། སློང་ལ་འཚོ་བའི་ཚེ་སྤྱོད ་རྣམས། ། སྡེ་དང་ཆན་དང་གྲར་བྱས་ཏེ།། སྙིང་རྗེ་ཁུད་པའི་ཞིང་དུ་བྱ།། སྨན་དང་འབྲུ་དང་རྩི་རྣམས་དང་།། བཅུད་ཀྱི་མཆོག་ཏུ་གྱུར་པ་དག། བཏགས་སམ་ཕྱེ་མར་སྦྱར་ནས་ཀྱང་།། ཀླུང་ངམ་ཆུ་ཀླུང་མཚོ་ཆེན་དུ།། དོར་ཏེ་ཆག་མེད ་སྦྱིན་པར་བྱ། དགེ་བའི་ཡོན་བདག་དང་བླངས་ཏེ།། ནད་གསོ་ཤེས་སློབ་སྤྱོད་སྒོམ་གྲཝ།། བཙུགས་ཏེ་ངས་གནས་མཆོག་བྱ་ཞིང་།། དུས་ཀྱི་འཁོར་ལོའི་མཆོད་ཆེན་བྱ།། གསུང་སྒྲ་རྒྱ་མཚོ་སྒྲོགས་པ་ཡི།། གླེ་གྲ་བ ་ཟབ་མོ་ཀུན་བསྟེན་ཏེ། ། བརྗོད་དང་བསྙེན་བཀུར་བསྟི་གནས་ཀྱིས།། རྒྱ་ཆེ་ཡངས་པའི་ལས་རྣམས་བྱ།། ཡེ་ཤེས་ཚོགས་རྣམས་རྫོགས་བྱའི་ཕྱིར།། ཤེས་རབ་ཚོགས་ཀྱི་སྦྱིན་མཆོག་དག། བསྟེན་ཏམ་གླེགས་བམ ་ལ་སོགས་པའི། ། བློ་མཆོག་ལྡན་པ་རྣམས་ལ་སྦྱིན།། བསྒོམ་དང་གོམས་པར་བྱ་བ་ཡིས།། ཀུན་གཞི་དག་པར་བྱ་བའི་ཕྱིར།། ཏིང་འཛིན་བྱེ་བ་མང་པོ་ལ།། བློ་མཆོག་ཡིད་ཀྱི་རྩལ་དི་སྦྱད།། ཆོས་ཀྱི་འཁོར་ལོ་རབ་བསྐོར་ཏེ། ཌཱུ ་སྦྱངས་ལྷག་པའི་ཤེས་རབ་ལྟ། ། ཤོག་མ་སྲུང་དང་ཤོ་གམ་ལམ།། མི་བདེའི་གནོད་པ་ཀུན་བསལ་ཏེ།། ཚད་མེད་སྙིང་རྗེའི་འཁོར་ལོ་བསྐོར།། སྦྱིན་པའི་འཁོར་ལོ་རྒྱུན་མི་གཅད།། ཆུ་འམ་ས་འམ་ནམ་མཁའ་འམ།། མེ་འམད ་བཞིན་རླུང་རྣམས་ལ། ། སྐུ་གདུང་སྤེལ་མཆོད་རིང་བསྲེལ་རྣམས།། བརྩམ་པའི་ལས་ཆེན་འཁོར་ལོར་བྱ།། མཚམས་མེད་ཟློག་པར་ཀྱེད་པ་ཡི།། ལུས་སེམ་རྒྱུད་ཡུ་ལ་བླགས་ཏེ།། འཕགས་པའི་སྤྲིན་ཚོགས་ཕོ་བྲང་དུ།། སྦྲུལ ་སྙེད་ལུས་ཀྱིས་མཆོད་སེམས་བཤགས། ། རྒྱལ་མཉེས་ལས་ནི་གྱིས་ཤིག་པ།། ཐབས་ཆེན་སྤྱོད་པའི་ལས་ཆེན་ལས།། རྣམ་གཞི་མེ་ཡི་ལས་མཆོག་བྱ།། དེས་ནི་མཚམས་མེད་ཟློགས་པ་ཡིན།། ཐུགས་རྗེ་འབྱུང་བའི་འཁོར་ལོ། ་དག། གང་ལྟར་གོམས་ལྟར་འབད་རྩོལ་བྱ།། བསྟན་པ་སྐྱོང་བའི་ཚོགས་རྣམས་ལ།། སྦྱིན་མཆོད་སྤེལ་བའི་ལས་རྣམས་བྱ།། དེ་ལ་སོགས་པའི་དགེ་བའི་ཚོགས།། དོན་དུ་མི་འགྱུར་ཀུན་སྤངས་ལ།། ནན་ཏན་ཚོགས་ཀྱི་དཔུང་ཆེན ་བསྐྱེད་། འདི་ལྟར་ལས་ཆེན་ལྟར་སོག་པ།། གཞན་དུ་བསྐྱེད་པ་མ་ཡིན་ཏེ།། རྩེ་ཅིག་དོན་ལྡན་རྣལ་འབྱོར་པ།། རྒྱུད་ལྡན་སྡོད་ལྡན་བྱ་ཕྱིར་དང་།། གལ་ཏེ་རྩལ་ཞན་མ་གྲུབ་ན།། དགེ་བསགས་ལྟང་ཆེན་ཀུན་བསྡོམས་ཏེ།། ལས་ཀྱི ་བསགས་པ་དོན་བགྲངས་ཤིང་། ། གདུང་བའི་ཤུགས་ཕྱུང་རྩལ་སྤྲུགས་ན།། ཉི་ཤར་ཆུ་ཀླུང་ཟླ་བརྙན་ལྟར།། རང་བཞིན་ཤུགས་ཀྱིས་འགྲུབ་པར་གཅེས།། དེ་ཕྱིར་ཕྲ་མོ་ཡན་ཆད་ཀྱང་།། བདག་གི་དོན་དུ་འགྱུར་བར་བྱ།། དེ་ལྟར་སྦྱང ་བ་སྤྱོད་པ་ཡི། ། ཕྲ་མོའི་རྣལ་འབྱོར་བློ་འཕེལ་བ།། ཆུང་དུ་ཆུང་སོགས་མཐར་ཟད་ནས།། སྐོད་པའི་རྣལ་འབྱོར་འཁོར་ལོ་ཡིས།། ཞིག་དང་རལ་དང་ཆགས་འདྲེས་དག། བསྐང་གསོ་གཞུག་པའི་ལས་འདི་བྱ།། ལས་ཆེན་སྐོང་བའི ་ཁྱད་པར་གྱིས། ། གནས་སུ་བརྟག་པར་ངེས་མེད་དེ།། མི་སྡུག་སྐྱོན་ཅན་བཀྲག་མི་ཤིས།། སྤངས་ཏེ་མེད་པར་གྱུར་པ་ཡི།། ཤིན་དུ་སར་པའི་གནས་ཆེན་དག། བསྐང་བའི་གནས་སུ་དེ་འགྱུར་རོ།། དེ་ལྟར་ཡིད་འོང་གནས་བཙལ་ནས།། ་དྲོད་ལྡན་བླ་མ་སྤྱན་དྲངས་ཏེ།། སྲིའུ་རྒྱལ་ཆོས་སྤྱི་བོར་བསྐུར།། དེ་ཡང་དམིགས་ཀྱིས་ཞུ་བ་དག། མཎ་ཌ་ལ་ཁར་སིལ་ཙམ་དག་ལ།། མེ་ལོང་སྙིང་པོ་ལྟར་བཅས་ཏེ།། གཙང་མའི་སྒྲ་ལས་རྫས་བྱས་པ།། ཡིད་འོང་རྣམ་པའི་མཆོད ་པ་ལ། རྐྱེན་གྱི་རྣལ་འབྱོར་སྣ་ཚོགས་ཀྱིས།། བརྒྱན་ཏེ་ཀླུབས་པའི་སྤྲིན་ཕྲང་རྣམས།། མཉེས་ནས་སྐོངས་ཕྱིར་རྒྱལ་ལ་དབུལ།། ཕྱི་འཁོར་སྐྱོང་བའི་མགོན་པོ་ལ།། འདོད་ཡོན་ལྔ་ལ་སོགས་པ་ཡི།། ཡིད་བཞིན་ལོངས་སྤྱོད་རྐྱེན་དང ་བཅས། ཡོན་ཏན་ཆ་ལས་སྨོན་བཅོལ་མཆོད།། མཉེས་ནས་སྐོངས་པའི་སྟོངས་སུ་འགྱུར།། ཁམས་གསུམ་སྙིང་རྗེའི་གནས་རྣམས་ལ།། ཡོ་བྱད་བྱིན་ཚོགས་ཆེན་པོ་ལས།། འདོད་པའི་བསམ་པ་རངས་བྱས་ནི།། མགུ་བས ་སྐོངས་པའི་སྟོངས་སུ་འགྱུར། ། བགེགས་སུ་གྱུར་པའི་བགེགས་རིས་ཀྱང་།། མཉམ་པའི་དོན་གྱིས་སེམས་མི་འབྱུང་།། དམིགས་ཀྱི་ཁ་ཟས་སྣ་ཚོགས་ལས།། བགེགས་རྣམས་མགུན་ཐམས་ཅད་ཀྱང་།། མཉམ་པའི་དོན་གྱིས ་སྐོངས་པའི་རྒྱུར། ། ཅུང་ཟད་ཙམ་དུ་སྣང་བ་ཡིན།། དེ་ལྟར་སྐོང་བའི་ལས་རྣམས་ཀྱིས།། བསྐོར་བར་བྱ་བའི་དམིགས་རྣམས་ནི།། རྣམ་པ་ལྔར་ནི་སྣང་བ་སྟེ།། ཀུན་དུ་ཉམས་པ་ཆེན་པོ་དང་།། རྩ་བ་ཉམས་དང་ཡན་ལག་ཉམས།། ་དེ་བཞིན་ཟླས་ཉམས་ཞར་ཉམས་ལྔ།། བསྐང་བའི་ཐབས་ཀྱང་ལྔ་ཡོད་དེ།། སྤྱད་པའི་ཐབས་ཀྱིས་བསྐང་བ་དང་།། རྫས་དང་དོན་དང་ཏིང་འཛིན་དང་།། མན་ངག་གསང་བའི་ཐབས་ཆེན་ནོ།། དེ་དག་ལ་ཡང་ལྔ་ལྔ་སྟེ།། སྤྱོད། ་པའི་ཚུལ་གྱིས་བསྐང་བ་ལ།། རྣམ་པ་ལྔ་རུ་བཤད་པར་བྱ།། དང་པོ་འབུམ་ལྔ་ཁྲི་གསུམ་སྟེ།། རྩ་ཉམས་ཁྲི་ལྔ་སྟོང་གསུམ་པོ།། ཡན་ལག་ཉམས་པར་གྱུར་པ་ལ།། སྟོང་ལྔ་བརྒྱ་གསུམ་ཐོན་པར་བྱ།། ཟླས་ཉམས་བརྒྱ་ལྡཅུ ་གསུམ་མོ། ། ཞར་གྱིས་ཉམས་པར་གྱུར་པ་ལ།། བཅོ་ལྔ་གཅིག་གསུམ་དག་གིས་སྐོངས།། རྫས་ཀྱིས་བསྐད་པའི་ཐབས་མཆོག་ནི།། གལ་ཏེ་བསྲུང་བ་འགའ་ཞིག་ལས།། བྱང་ཆུབ་ཐ་ཚིག་རལ་གྱུར་ན།། གཏི་མུག་རིགས་ཀྱི་ཐཚིག། ་བསྐད།། དམང་རིགས་བླ་མ་སྤྱན་དྲངས་ལ།། ཉེས་འགལ་མི་བཅབ་སྟོང་དུ་བཤགས།། གསེར་ལ་སོགས་པའི་རྫས་ཆེན་གྱིས།། ཐ་ཚིག་གང་བརླག་ནོར་དེས་བླུ།། བྱང་ཆུབ་སེམས་སྐྱེད་རྒྱུད་སྦྱངས་མཉེན།། རྡོ་རྗེ་ཐ་ཚིག་རལ་གྱུར་ན།། ་ཞེ་སྡང་རིགས་ཀྱི་ཐ་ཚིག་བསྐང་།། རྗེའུ་རིགས་བླ་མ་སྤྱན་དྲངས་སྟེ།། ཉེས་བྱས་མི་བཅབ་འབུམ་དུ་བཤགས།། ཤེལ་ལ་སོགས་པའི་རྫས་ཆེན་གྱིས།། ཐ་ཚིག་གང་བརླག་ནོར་དེས་བླ།། བསམ་གཏན་ཏིང་འཛིན་བསྒོམ་བརྩོན་བྱ། ་རིན་ཆེན་ཐ་ཚིག་ཉམས་གྱུར་ན།། ང་རྒྱལ་རིགས་ཀྱི་ཐ་ཚིག་བསྐར་།། རྒྱལ་རིགས་བླ་མ་སྤྱན་དྲངས་ཏེ།། ཉེས་བྱས་མི་བབབ་བརྒྱད་ཁྲིར་བཤགས།། བཻ་དཱུརྱ་ལ་སོགས་རྫས་ཆེན་གྱིས།། ཐ་ཚིག་གང་བརླག་ནོར་དེས་བླ།། སྐྲག་དུང ་རིང་བསྲེལ་རྣམ་པར་སྤེལ། ། པད་མོའི་ཐ་ཚིག་རལ་གྱུར་ན།། འདོད་ཆགས་རིགས་ཀྱི་ཐ་ཚིག་བསྐང་།། གདོལ་རིགས་བླ་མ་སྤྱན་དྲངས་ལ།། ཉེས་བྱས་མི་བཅབ་བརྒྱར་བཤགས་བྱ།། བྱེ་རུ་ལ་སོགས་རྫས་ཆེན་གྱིས།། ཐ་ཚིག་གང ་བརླག་ནོར་དེས་བསླུ། ། བཤད་བྱ་ཟབ་མོའི་གླེགས་བམ་བརྗོད།། ལས་ཀྱི་ཐ་ཚིག་རལ་གྱུར་ན།། ཕྲག་དོག་རིགས་ཀྱི་ཐ་ཚིག་སྐད།། བྲམ་ཟེ་རིགས་པཤེས་སྤྱན་དྲངས་ལ།། ཉེས་བྱས་མི་བཅབ་བཅོ་ལྔར་བཤགས།། ཨིན་དྲལ ་སོགས་རྫས་རྣམས་ཀྱིས། ། ཐ་ཚིག་གང་བརླག་ནོར་དེས་བླ།། མཆོད་སྦྱིན་བསོད་ནམས་ལས་ཆེན་བྱ།། དེས་ནི་བསྐང་པའི་ལས་ཆེན་འགྲུབ།། དོན་གྱིས་བསྐང་བའི་ཐབས་མཆོག་ཀྱང་།། རྣམ་ལྔའི་ཚུལ་དུ་བཤད་པར་བྱ།། ཆོས ་ཀུན་ནམ་མཁར་བསྒོམས་ནས་ཀྱང་། ། བག་ཆགས་བཟང་ངན་ཐམས་ཅད་ཀུན།། ཅི་ཡང་མེད་པར་བློ་ལ་བཞག། དེ་ལ་གོམས་བྱས་ཉེས་པ་མེད།། ཀུན་ལ་མཁས་པའི་བླ་མ་ལ།། རྒྱ་ཆེ་ཡངས་པའི་ཆོས་མཉན་དེ།། བསམ ་པའི་ལས་རྣམས་རྒྱ་ཆེར་བྱ། ། ཡིད་ཀྱིས་དམིགས་པའི་ལས་དག་ན།། རྩ་བ་ཉམས་པ་སྐོངས་པར་འགྱུར།། གལ་ཏེ་ཡན་ལག་ཉམས་གྱུར་ན།། ཆོས་ཉིད་ནམ་མཁའི་དོན་སྟོན་པའི།། གླེགས་བམ་ཟབ་མོ་ཀུན་བརྟགས་། ་དོན་རྣམས་རྒྱ་ཆེར་བརྟགས་པར་བྱ།། དེས་ནི་ཡན་ལག་ཉམས་པ་མེད།། ཟླས་ནི་ཐ་ཚིག་ཉམས་འགྱུར་ན།། བླ་མ་སྐྱེས་བུ་མཁས་པ་ལ།། གཞུང་ཆེན་ཚུགས་པའི་བསྟན་པ་ཞིག། སྟོན་པའི་ཡོན་བདག་གཉེར་བླངས་ཏེ།། ་བློ་ཡི་རྩལ་ཅན་ཀུན་བསྡུས་ཏེ།། དམ་ཆོས་བདུད་རྩི་བསྟན་པ་བསྒྲགས།། གལ་ཏེ་ཞར་གྱིས་ཉམས་གྱུར་ན།། བསྟན་པའི་གླེགས་བམ་རྒྱ་ཆེན་རྣམས།། བྲིས་ནས་ཆོས་ཀྱི་སྦྱིན་པར་བྱ།། དེས་ནི་ཞར་ཉམས་སྐོངས་པར་འགྱུར།། ་ཏིང་འཛིན་རྩལ་གྱི་ཐབས་མཆོག་ནི།། བག་ཆགས་ཅན་གྱིས་སྤྱི་གཙུག་ཏུ།། རྩ་མར་འོད་ནི་མེ་ལོང་ཙམ།། ཤིན་ཏུ་འབར་ཞིང་འཚེར་གསལ་བས།། ཆགས་དང་བཅས་པའི་ཕུང་པོ་བསྲེགས།། རྣམ་གྲོལ་སེམས་ཀྱི་རང་བཞིན་དང་། ་འོད་ཀྱི་རང་བཞིན་གཅིག་པ་ལས།། དཀར་དང་དམར་དང་མཐིང་ཀ་ཡཾ།། འོད་ཀྱི་ཐིག་ལེ་གསུམ་དུ་འགྱུར།། དཀར་པོ་སྤྲོས་པས་ཁྱད་པ་ཆེ།། དམར་པོ་སྤྲོས་པས་ཆགས་པ་ཆེ།། མཐིང་ཀ་ཐུགས་ཀྱིས་བོན་ཏེ།། རྣམ་གསུམ་ཅིག། ་ཏུ་འདུས་པ་ལས།། ངག་ཡིད་གསུམ་གྱི་བག་ཆགས་བསྲེགས།། སྐུ་གསུང་ཐུགས་ཀྱི་དམ་ཚིག་སྐོངས།། དཀར་པོ་རླུང་ཟླའི་དཀྱིལ་འཁོར་ལ།། དམར་པོ་འབུད་པའི་རླུང་བྱུང་བས།། མཚན་མའི་བག་ཆགས་རྣམ་པར་གཏོར།། ་དམར་པོ་ཆུ་ཟླ་དཀྱིལ་འཁོར་ལས།། མཐང་ཀ་ཡེ་ཤས་ཆུ་བྱུང་བས།། དངས་པོའི་ལྡན་ལྗིན་ཐམས་ཅད་བཀྲུས།། དེ་ལྟར་གསལ་བར་གྱུར་པ་དང་།། རྣལ་འབྱོར་ཅན་གྱིས་ཚིག་འདི་བརྗོད།། རྫས་བསྲེག་པ་ལ ་མེ་དགོས་ཀྱང་། ། བག་ཆགས་ཚིག་ལ་མ་མི་དགོས།། རིག་པའི་ཡེ་ཤེས་མེ་བྱུང་བས།། མཚན་མ་ཡི་ནི་བུད་ཤིང་བསྲེགས།། འཇིག་རྟེན་གཏོར་ལ་རླུང་དགོས་ཀྱང་།། མཚན་མ་གཏོར་ལ་རླུང་མི་དགོས།། རིག་པའི་ཡེ་ཤེས་རླུང ་བྱུང་བས། མཚན་མའི་རྡུལ་ཆོགས་རྣམ་པར་འཕྱག། ལུས་བཀྲུ་པ་ལ་ཆུ་དགོས་ཀྱང་།། སེམས་བཀྲུ་བ་ལ་ཆུ་མི་དགོས།། མཉམ་ཉིད་ཆུ་བོ་ཁྲུས་ཀྱི་རྫིང་།། ཡེ་ཤེས་ཆུ་བོའི་རྒྱུན་བྱུང་བས།། བག་ཆགས་ལྡན་ལྗིན་ཐམས་ཅད་ཀྲུས ་ཨོཾ་ཀྲོ་དྷི་ཤྭ་རི་སརྦ་པཱ་བེ་ཤོ་དྷ་ཡ། ཨོཾ་ཨཱཿཧཱུཾ། རེ་ཡེ་ཁཾ། དེ་སྐད་ཚིག་ཏུ་བརྗོད་པ་ཡིས།། ཉམས་པའི་ཆད་པ་མི་འབྱུང་ངོ་།། གཅིག་ཏུ་བསྐང་བའི་ལས་ཆེན་ཡང་།། རིགས་ཀྱི་རྫས་དང་ཡོ་བྱད་རྣམས།། གནས་སུ་བསགས ་ན་བྱིན་བརླབས་ཏེ། ། ཕྱི་ནང་མཚམས་ཅད་བརྟན་བྱས་ནས།། སོ་སོ་རིགས་ཀྱི་དམ་ཚིག་ལ།། འགལ་བར་གྱུར་པ་གང་དང་གང་།། མཆོད་དང་བཤགས་དང་གནོད་བཀུར་ཏེ།། ཡན་ལག་བརྒྱད་ཀྱི་ཚུལ་བཟུང་ནས།། བསམ་གཏན ་གནས་སྦྱངས་རྫས་བསབ་པ། ། གཏི་མུག་རིགས་ཀྱི་དམ་ཚིག་ལ།། ཤེས་ནས་རྟོགས་པར་བྱ་རྒྱུ་ལས།། མ་རིག་ལོག་པའི་མཐུ་ཡིས་ན།། ཐ་ཚིགས་དྲག་པོ་ཡལ་གྱུར་ན།། ཕོ་བྲང་ནམ་མཁའི་ལིང་ག་ལ།། ཟླ་བའི་དཀྱིལ་འཁོར ་དབུས་གནས་པར། ། ཨ་ཡི་རང་བཞིན་འོད་གསལ་བར།། གསལ་འབྱོ་འཁྲུག་པར་གྱུར་པ་ན།། ཕཊ་ཀྱིས་དྲུག་ཏུ་བརྡབས་པ་ཡིས།། འོད་འདྲིལ་བསྐལ་པའི་མཐའ་གསལ་བས།། གཏི་མུག་རི་བོའི་མུན་གསལ་ཏེ།། བྱང་ཆུབ ་མུ་གུ་འབར་བར་འགྱུར། ། དེ་ལྟར་གསལ་བར་གྱུར་པ་དང་།། རྣལ་འབྱོར་ཅན་གྱིས་ཚིག་འདི་བརྗོད།། ཨེ་མའོ་བདེ་གཤེགས་པ་ཚིག་ལས།། བྱང་ཆུབ་སེམས་བདེ་གསལ་འབར་བ།། དོན་དུ་མི་གཏོང་གཞི་བསྐྱེད་དེ། སང་ས་རྒྱས ་གདུང་ཆེན་རྒྱུད་སྙམ་ལས། ། ཇི་ལྟར་ཟླ་བར་རི་ལྟར།། རྒྱུ་ལས་བྱུང་བའི་རང་བཞིན་ལས།། བྱང་ཆུབ་མྱུ་གུ་ནུབ་མ་ཁར།། གཟུགས་ཀྱི་ཕུང་པོའི་ཞིང་ཁམས་སུ།། བདེ་མཆོག་མཁའ་མཉམ་དབྱིངས་ཆེན་གསལ།། གཉེན་པོས ་འཇོམས་པའི་ཐབས་ཆེན་ལས། ། བསྐར་ངོ་བསྐལ་པའི་ཐུགས་དམ་བསྐང་།། གསང་བ་དོན་གྱི་རྫས་མཆོག་འདིས།། བྱང་ཆུབ་བསྐལ་པའི་ཐུགས་དམ་རྣམས།། སློངས་འགྱུར་བསབ་པའི་དོན་དུ་སྦྱར།། སརྦ་ཏ་ཐཱ་ག་ཏ ་བུ་ཏ་ས་མ་ཡ་ཧོ། ། དེ་སྐད་ཚིག་ཏུ་བརྗོད་ནས་ཀྱང་།། སྤྱི་བོ་བ་དེའི་ཚུལ་ཕྱག་རྒྱ་སྦྱར།། ཞེ་སྡང་རིགས་ཀྱི་ཐ་ཚིག་ལས།། ཕོ་བྲང་རྣམ་ཤེས་ལིང་ག་ལ།། རྡོ་རྗེ་བུམ་པའི་དབུས་གནས་པར།། ཧཱུཾ་གི་རང་བཞིན་འོད་གསལ་བར།། ་གསལ་འཕྲོ་འཕྲུག་པར་གྱུར་པ་ན།། ཕཊ་ཀྱི་དྲག་ཏུ་བརྡབས་པ་ཡིས།། འོད་འདྲིལ་རྡོ་རྗེའི་ཕ་ལམ་གྱིས།། ཞེ་སྡང་རི་བོ་བླགས་ནས་ཀྱང་།། ཤེས་རབ་མེ་ལོང་འོད་གསལ་འབར།། དེ་ལྟར་གསལ་བར་གྱུར་པ་ན།། རྣལ་འབྱོར ་ཅན་གྱིས་ཚིག་འདི་བརྗོད། ། ཨེ་མའི་རྡོ་རྗེ་ཐ་ཚིག་རྣམས།། སེམས་ཆེན་ཡེ་ཤེས་གསལ་འབར་བ།། ཐུགས་མཆོག་གདུང་ཆེན་རྒྱུད་སྙམ་ལས།། ཇི་ལྟར་རལ་གྲི་སོ་རྒལ་ལྟར།། དེ་ལས་གྱུར་པའི་རང་བཞིན་ལས།། ཤེས ་རབ་མེ་ལོང་ནུབ་མ་ཁར། ། རྣམ་ཤེས་ཕུང་པོའི་ཞིང་ཁམས་སུ།། གསལ་འབར་ཡེ་ཤེས་ཐིག་ལེ་འཕྲོ།། གཉེན་པོས་འཇོམས་པའི་ཐབས་ཆེན་གྱིས།། བསྐར་རོ་བསྐལ་པའི་ཐུགས་དམ་བསྐུར།། གསང་བའི་དོན་གྱི་རྫས ་མཆོག་འདིས། ། ཐུགས་མཆོག་བསྐལ་པའི་ཐུགས་དམ་བསྐར།། སྐོངས་གྱུར་བསམ་པའི་དོན་དུ་སྦྱར།། ཨོཾ་སརྦ་ཏ་ཐཱ་ག་ཏ་ས་མ་ཡ་ཧོ།། དེ་སྐད་ཚིག་ཏུ་བརྗོད་ནས་ཀྱང་།། སྙིང་གི་བརྡའ་ཡི་ཚུལ་ཕྱག་སྦྱར།། ང་རྒྱལ་རིག་ཀྱི ་དམ་ཚིག་ལས། ། སྙོམས་ནས་དང་དུ་བླང་རྒྱུ་ལས།། ལོག་པའི་ང་རྒྱལ་དེ་མཆོམས།། ཐ་ཚིག་དྲག་པོ་ཡལ་འགྱུར་ན།། ཕོ་བྲང་སྐྱེ་རྒྱུའི་ལིང་ཀའི་དཀྱིལ།། རིན་ཆེན་འབར་བའི་དབུས་གནས་པར།། སྲ་ཡི་རང་བཞིན་འོད་གས ་འབར། ། གསལ་འཕྲོ་འཁྲུག་པར་གྱུར་པ་ན།། ཕཊ་ཀྱིས་དྲག་དུ་བརྡབས་པ་ལས།། འོད་འདྲིལ་རིན་ཆེན་འཁོར་ལོ་ཡིས།། ང་རྒྱལ་དེའུ་ཆེན་བརླག་འགྱུར་ནས།། བསོད་ནམས་ལྗོན་ཤིང་མེ་ཏོག་འབར།། དེ་ལྟར་གསལ ་བར་གྱུར་པ་ན། ། རྣལ་འབྱོར་ཅན་གྱིས་ཚིག་འདི་བརྗོད།། ཨེ་མ་རིན་ཆེན་ཐ་ཚིག་ལས།། བསོད་ནམས་ཡོན་ཏན་འོད་འབར་བ།། དོན་དུ་མི་གཏོང་བཞིར་བསྐྱེད་དེ།། རྒྱ་མཆོག་གདུང་ཆེན་རྒྱུད་སྙོམས་ལས།། ཇི་ལྟར་མཁའ ་ལ་འཁྲིགས་འཐིབས་ལྟར། ། རྒྱུ་ལས་གྱུར་པའི་རང་བཞིན་གྱིས།། མེ་ཏོག་འོད་མཛེས་ཡལ་མ་ཁང།། ཚོར་བའི་ཕུང་པོའི་ཞིང་ཁམས་སུ།། ཆེ་བའི་ཡེ་ཤེས་མཉམ་འབར་བས།། གཉེན་པོས་འཇོམས་པའི་ཐབས་ཆེན ་ལས། སྐང་ངོ་བསྐལ་པའི་ཐུགས་དམ་བསྐྲད།། གསང་བ་དོན་གྱི་རྫས་མཆོག་འདིས།། སྐུ་མཆོག་སྐལ་པའི་ཐུགས་དམ་བསྐད།། སྐོངས་གྱུར་བསམ་པའི་དོན་དུ་སྦྱང་།། ཨོཾ་སརྦ་ཏ་ཐཱ་ག་ཏ་རང་ན་ས་མ་ཡ་ཧོ།། དེ ་སྐད་ཚིག་ཏུ་བརྗོད་ནས་ཀྱང་། ། བྲལ་བ་བརྡ་ཡི་ཚུལ་ཕྱག་སྦྱར།། འདོད་ཆགས་རིགས་ཀྱི་དམ་ཚིག་ལས།། རྟོགས་ནས་སྤྱོད་པར་བྱ་རྒྱུ་ལས།། འདོད་ལོག་རྒྱ་མཚོ་མ་ངོམས་ཏེ།། ཐེ་ཚོག་དྲག་པོ་ཡལ་འགྱུར་ནས།། ཕོ་བྲང་པད་མའི་ལིང ་གའི་དཀྱིལ། ། པད་མོ་འབར་བའི་དབུས་གནས་པར།། ཨོཾ་གྱི་རང་བཞིན་འོད་གསལ་འབར།། གསལ་འཕྲོ་འཁྲུག་པར་གྱུར་པ་ན།། ཕཊ་ཀྱིས་དྲག་དུ་བརྡབས་པ་ལས།། འོད་འདྲིལ་པད་མོའི་མཚོན་ཆ་ལས།། འདོད་ཆགས་རྒྱ ་མཚོ་སྐམས་གྱུར་ནས། ། པད་མ་ཆོས་ཀྱི་ཡེ་ཤེས་འབར།། དེ་ལྟར་གསལ་བར་གྱུར་པ་ན།། རྣལ་འབྱོར་ཅན་གྱིས་ཚིག་འདི་བརྗོད།། ཨེ་མའོ་པད་མོའི་ཐ་ཚིག་ལས།། པད་མོའི་ཡེ་ཤེས་འོད་འབར་བས།། དོན་དུ་མི་གཏོང་བཞི ་བསྐྱེད་དེ། གསུང་མཆོག་གདུང་ཆེན་རྒྱུད་བསྙམས་ནས།། ཇི་ལྟར་པད་སྟོང་ཚེར་མ་ལྟར།། རྒྱུ་ལས་གྱུར་པའི་རང་བཞིན་གྱིས།། པད་མོའི་ཡེ་ཤེས་ནུབ་མ་ཁང།། འདུ་ཤེས་ཕུང་པོའོ་ཞིང་ཁམས་སུ།། རྟོགས་པའི་ཆོས་ཉིད ་འོད་འཕྲོས་པས། ། གཉེན་པོས་འཇོམས་པའི་ཐབས་ཆེན་ལས།། བསྐང་ངོ་བསྐལ་པའི་ཐུགས་དམ་བསྐར་།། གསང་བ་དོན་གྱི་རྫས་མཆོག་འདིས།། གསུང་མཆོག་བསྐལ་པའི་ཐུགས་དམ་རྣམས།། སྐོངས་གྱུར་བསམ་པའི ་དོན་དུ་སྦྱར། ། ཨོཾ་སརྦ་ཏ་ཐཱ་ག་ཏ་དྷརྨ་ས་མ་ཡ་ཧོ།། དེ་སྐད་ཚིག་ཏུ་བརྗོད་ནས་ཀྱང་།། ལྕེ་ཡི་བརྡ་ཡི་ཚུལ་ཕྱག་སྦྱར།། ཕྲག་དོག་རིགས་ཀྱི་དམ་ཚིག་ལས།། རྟོགས་ནས་སྤྱད་པར་བྱ་རྒྱུ་ལས།། ཕྲག་དོག་ལོག་བཟུང་དབང་གིས ་མཐ་ཚིག་དྲག་པོ་ཡལ་འགྱུར་བ། ། ཕོ་བྲང་གསང་བའི་ལིང་གའི་དཀྱིལ།། རྡོ་རྗེ་རལ་གྲི་དབུས་གནས་པར།། ཧ་ཡི་རང་བཞིན་འོད་གསལ་འབར།། གསལ་འཕྲོ་འཁྲུག་པར་གྱུར་པ་ན།། ཕཊ་ཀྱིས་དྲག་ཏུ་བརྡབས་པ་ལས། ་འོད་འདྲིལ་རྡོ་རྗེའི་རལ་གྲི་ཡིས།། ཕྲག་དོག་མཚོན་ཆ་གསིབས་གྱུར་ནས།། རྡོ་རྗེ་རལ་གྲི་ཡེ་ཤེས་འབར།། དེ་ལྟར་གསལ་བར་གྱུར་པ་ན།། རྣལ་འབྱོར་ཅན་གྱིས་ཚིག་འདི་བརྗོད།། ཨེ་མའོ་ཕྲིན་ལས་ཐ་ཚིག་ལས་རྡོ་རྗེ་ངལ་གྲི ་འོད་འབར་བས། ། དོན་དུ་མི་གཏོང་བཞི་བསྐྱེད་དེ།། ཕྲིན་ལས་གདུང་ཆེན་རྒྱུད་མཉམ་ལས།། ཇི་ལྟར་ཉི་གསལ་སྤྲིན་སྒྲིབས་ལྟར།། རྒྱུ་ལས་གྱུར་པའི་རང་བཞིན་གྱིས།། རྡོ་རྗེ་འོད་ཆེན་ནུབ་མ་ཁང་།། འདུ་བྱེད་ཕུང་པོའི་ནིང ་ཁམས་སུ། ། ཡེ་ཤེས་མཚན་ཆའི་འོད་འཕྲོས་པས།། གཉེན་པོས་འཇོམས་པོའི་ཐབས་ཆེན་ལས།། བསྐང་རོ་བསྐལ་པའི་ཐུགས་དམ་བསྐད།། གསང་བ་དོན་གྱི་རྫས་མཆོག་འདིས།། ཕྲིན་ལས་བསྐལ་པའི་ཐུགས་དམ་རྣམས ་སྐོངས་གྱུར་བསམ་པའི་དོན་དུ་སྦྱར། ། ཨོཾ་སརྦ་ཏ་ཐཱ་ག་ཏ་ཀརྨ་ས་མ་ཡ་ཧོ།། དེ་སྐད་ཚིག་ཏུ་བརྗོད་ནས་ཀྱང་།། ལུས་ཀྱི་བརྡ་ཡི་ཚུལ་ཕྱག་སྦྱར།། དེས་ཀྱང་སྐོངས་པའི་ལས་ཆེན་འགྲུབ།། མན་ངག་ཐབས་ཀྱི་དོན་མཆོག་ནི།། རྩ་བ ་ཡན་ལག་དེ་རྣམས་ལས། ། གདོ་དག་ཉམས་པར་གྱུར་པ་ལ།། མན་ངག་ཐབས་མཆོག་ལྔ་ཡིས་བསྐང་།། ཉམས་པ་ཆེན་པོར་ལྟུང་འགྱུར་ན།། བླ་མར་གྱུར་པའི་སྐྱེས་བུ་དག། རྒྱལ་པོ་དགུ་ཡི་སྤྱན་ལམ་དུ།། བསྒྲུབ་པ་ཆེན ་པོ་དགུ་བརྩམ་ཞིང་། ། མཆོག་ཆེན་དགུ་ཡི་བརྟུལ་ཞུགས་སྤྱད།། རང་གི་གཟུངས་མ་གང་ཡིན་པ།། བླ་མ་དགུ་ལ་གཟུངས་མར་དབུལ། དེ་བཞིན་རྩ་བ་ཡན་ལག་དང་།། ཟླ་དང་ཞར་ལས་ཉམས་པ་ལ།། བསྒྲུབ་པ་དོན་གྱི ་ཁྱད་པར་རྣམས། ། བདུན་ནམ་ལྔ་འམ་གསུམ་འམ་གཅིག། རིམ་པོ་བཞིན་དུ་སྦྱར་བྱས་ན།། དེས་ནི་སྟོངས་པའི་མཆོག་ཏུ་འགྱུར།། བསྐངས་པའི་ཡུལ་ཡང་རྣམ་ལྔ་སྟེ།། བདེ་གཤེགས་རྒྱལ་བ་མཐའ་དག་ཀྱང་།། མདོ་བཅུ ་ནནམ་ལྔ་སྟེ། ། གཏི་མུག་ཞེ་སྡང་ང་རྒྱལ་དང་།། འདོད་ཆགས་ཕྲག་དོག་འདི་ལྔ་དག། རྩ་བར་གྱུར་པའི་དོན་གྱིས་ན།། གཞི་ཡང་ཐམས་ཅད་འདིས་བསྒྱུར་བས།། ཉམས་དང་མ་ཉམས་ཐ་ཚིག་དང་།། ལོངས་སྤྱོད་སྤོང་ལེན་ཟས ་ཅད་རྣམས། ། འདི་རྒྱུ་ཡིན་པར་རིག་བྱ་སྟེ།། རྒྱུ་ཉིད་རྒྱུར་བཏགས་དབང་གི་ན།། བསྒྱུར་བས་དུག་འགྱུར་སྨན་ཆེན་ལྟར།། དེ་ཉིད་ཐ་ཚིག་བཙན་པོར་བསྒྱུར།། འདུལ་བའི་དབང་གི་ཁྱད་པར་གྱིས།། དེ་བཞིན་རྡོ་རྗེ་རིན་ཆེན་དང་།། ་པད་མོར་ལས་ལྔའི་རིགས་སུ་འདུས།། དེ་དག་ཐུགས་དམ་མཆོག་ཉིད་ཀྱང་།། རྣམ་ལྔར་འདུས་པར་བསྟན་པ་ལ།། རྟོགས་ནས་བསུང་བསྒྲུབ་དམ་བཅས་པ།། སོ་སོར་འགལ་ཞིང་ཆག་ཉམས་ན།། སོ་སོ་ཉིད་དུ་བསབ་པཱ་ཨུ0f7f། ་སུ་ཡི་ཆག་ཉམས་གནས་སུ་གཞག། གསུང་གི་འགལ་འཁྲུལ་སོ་རུ་བསབ།། ཐུགས་ཀྱི་འགལ་འཁྲུལ་གསོར་མེད་དེ།། རྡོ་རྗེ་སྙིང་པོའི་ཐ་ཚིག་ལ།། བསྐངས་པས་སྐོངས་པར་གྱུར་པ་ཡི།། རྟགས་ཆེན་དག་ཀྱང་འདི་ལྟ་སྟེ། ་རྒྱལ་བ་སངས་རྒྱས་རིགས་འཛིན་གྱི།། གདུང་ཆེན་དག་ལས་བྱུང་བ་ཡི།། ཤ་རི་ར་ཞེས་བྱ་བ་དེ།། ཐམས་ཅད་ལྟས་སུ་སྟོན་པར་བྱེད།། ཤེལ་གྱི་ཟ་མ་ཏོག་ནང་དུ།། དག་པར་བཅུག་སྟེ་བཙས་པ་ལས།། ཉམས་པའི་ཚང་བ ་བྱུང་བའི་ཚེ། ། ཁ་དོག་གནག་ཅིང་འབྲོས་པར་འགྱུར།། ཉམས་པ་སྐོངས་སམ་སོར་ཆུད་ཅིང་།། གལ་ཏེ་དམ་ཚིག་མ་ཉམས་ན།། ཁ་དོག་དཀར་ཞིང་འཚེར་བར་འགྱུར།། ལེགས་པའི་ཡོན་ཏན་འབྱུང་བའི་ཚེ།། གྲངས་མང་བརྒྱ ་ཚེར་འཕེལ་བར་འགྱུར། ། གལ་ཏེ་གནག་གམ་རི་གསལ་ན།། སྦུར་ཏེ་བསྒྲིམས་ནས་བསྐོར་ཟློག་བྱ།། འོན་ཏང་ཉམས་པ་མི་ཕོག་ཅིང་།། དེ་དག་སོ་རུ་གསོ་བ་ན།། རྟགས་ཆེ་འདི་ནི་བསྟེན་བྱ་སྟེ།། འདི་དག་ཤིན་དུ་བརྟགས་ན་ནི།། ་དཀར་ལ་འཚེར་བར་གྱུར་པ་ན།། རྩ་བ་ཡན་ལག་ཉམས་པ་རྣམས།། སྐོངས་ཏེ་སོ་ཆུང་རྟགས་ཡིན་ནོ།། དེས་ན་རྣལ་འབྱོར་ལས་ཀྱི་གཅོར།། སྤྱོད་དང་སྐོར་བའི་ལས་རྣམས་བྱ།། བཅོམ་ལྡན་འདས་སེམས་དཔའི་རྡོ་རྗེས་དེ་དང ་ཅེས་གསུངས་པ་དང་། འཁོར་དེར་འདུས་པར་གྱུར་པའི་བདུད་ཀྱི་སྡེ་པ་ལས་ལྷའི་རིགས་སུ་གྱུར་པ་སངས་རྒྱས་ཀྱི་འཁོར་འཕགས་པའི་རིགས་འཛིན་པ་ཉོན་མོངས་པ་ལྔའི་བདག་པོ་ལྷ་ཆེན་པོ་ལྔ་ལ་སོགས་པ་བཀའི ་སྣོད་དུ་རུང་བར་བྱིན་གྱིས་བརླབས་ཏེ། འཁོད་པ་ལས། འདོད་ཆགས་ཐམས་ཅད་ཀྱི་གཙོ་བོ་རྡོ་རྗེ་བྲམ་ཟེ་ཐོད་པ་ཅན་ཞེས་བྱ་བ་ལ་སོགས་པས་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱི་བཀའ་ལྟར་མ་བགྱིས་ནམ་དད ་མ་གུས་འགལ་འཁྲུལ་དུ་གྱུར་པའི་ཆང་པའི་སྐྱེ་གནས་དང་རྣམ་པར་སྨིན་པ་ཇི་ལྟར་འགྱུར། ། བདག་ཅག་རྣམས་ལ་རྒྱ་ཆེར་བཤད་དུ་གསོལ། ཞེས་ཞུས་པ་ལས། བཅོམ་ལྡན་འདས་སེམས་དཔའི་རྡོ་རྗེས་བཀའ་སྩལ ་པ། འདོད་ཆགས་ཀྱི་བདག་པོ་ལ་སོགས་པ་རྣམས་དམ་ཚིག་ཉམས་པའི་ཆད་པའི་སྐྱེ་གནས་འདྲི་བ་ལེགས་ཀྱིས་ཡིད་ཚིམ་པར་བྱེད་པ་བཤད་ཀྱིས་ཉོན་ཅིག། རྩ་བ་ཡན་ལག་འདི་དག་ལས།། གལ་ཏེ་ཞིག་གམ་ཉམ་གྱུར་ན།། ་རྣལ་འབྱོར་ལས་ཀྱི་དང་པོ་ལས།། ལུང་གི་གསང་སྒོར་ཞུགས་པའི་ཚེ།། དོན་དང་ལྗོན་པའི་བླ་མ་ཡིས།། རྡོ་རྗེ་ཐ་ཚིག་བྱིན་བརླབས་ནས།། ལྕེ་ལ་དམ་ཚིག་ཆུ་བཞག་པ།། དམྱལ་བ་རྡོ་རྗེར་དམོད་བཙུགས་ནས།། ཡ་གེ་ཧཱུ~ཾ་དུ་བྱས ་པ་དེ། སྙིང་གི་དཀྱིལ་དུ་ཐིམ་ནས་ཀྱང་།། ལྕགས་ཀྱི་སྡིག་པ་མགོ་དགུ་པའི།། ཁྲོ་བོ་ར་རཀྵ་ཞེས་བྱ་བའི།། ཁྲག་མཐུང་ཆེན་པོར་གྱུར་ནས་ནི།། སྙིང་ཁྲག་གཞིབས་ཏེ་འཐུངས་ནས་ནི།། སྡུག་བསྔལ་ཆེན་པོར་བསད་ནས་ཀྱང་།། ་དམྱལ་བ་རྡོ་རྗེར་དེ་ལྟུང་འགྱུར།། གལ་ཏེ་ཐ་ཚིག་མ་ཉམས་ན།། ལྕེ་ལ་བཞག་པ་ཨརྒ་སྟེ།། སྙིང་གི་དཀྱིལ་དུ་ཐིམ་ནས་ཀྱང་།། ཡེ་ཤེས་སེམས་དཔའ་ཚོན་གང་བར།། གྱུར་ཏེ་སྒྲིབ་པ་ཀུན་སྦྱངས་ནས།། སངས་རྒྱས ་སྲས་སུ་སྐྱེད་པར་བྱེད། ། འདོད་ཆགས་དམ་ཚིག་ཉམས་གྱུར་ན།། མངལ་གྱི་གྲོང་ཁྱེར་ཆེན་པོར་འགྲོ།། ཞེ་སྡང་དམ་ཚིག་ཉམས་འགྱུར་ན།། རཀྵ་སྲིན་པོའི་རིགས་སུ་འགྲོ།། གཏི་མུག་དམ་ཚིག་ཉམས་འགྱུར་ན།། མི་གཙང ་ཟས་སུ་ཟ་བ་ཡི། ། རྨོངས་པའི་ཕག་ཆེན་ལུས་སུ་ལྟུང་།། ང་རྒྱལ་དམ་ཚིག་ཉམས་འགྱུར་ན།། དུས་སྦལ་ནག་པོའི་ལུས་སུ་ལྷུང་།། ཕྲག་དོག་དམ་ཚིག་ཉམས་འགྱུར་ན།། ཆུ་སྲིན་མགོ་དགྲའི་ལུས་སུ་ལྟུང་།། དམ་ཚིག་ཆེན་པོ་ཀུན ་ཉམས་ན། ། རུ་དྲ་ནག་པོའི་ལུས་སུ་ལྟུང་།། ལས་ཀྱི་རྐྱེན་དང་མ་ཕྲད་ན།། ཐར་པའི་སྐབས་ནི་མི་སྲིད་དོ།། སེམས་དཔའི་རྡོ་རྗེས་དེ་སྐད་ཅེས་གསུངས་སོ།། ཉོན་མོངས་པ་ལྔའི་བདག་པོ་རིག་འཛིན་རྣམས་ཀྱིས་ཤིན་དུ་ཚོང་ཆེན་པོ ་འབྱིན་ཅིང་དུས་དེར་ཨེ་མའོ་བཅོམ་ལྡན་འདས་བཅོམ་ལྡན་འདས་ཀྱིས་གསུངས་པ་ལྟར་ན་བདག་ལ་ལྟུང་རྒྱུ་མཆིས་ཏེ། དང་པོ་བཅོམ་ལྡན་འདས་ཀྱི་བཀའ་ལ་བཏགས་པའི་ཚེ། བཀའ་ལ་མ་དད་མ་གུས་པས་བཀའ་ལ་སྐུད་ཅིང་སྨྲས ་ལོང་བཏགས་པ་དང་། སྟོན་པ་དང་གྲོགས་ལ་སྨད་ཅིང་སྤྱས་ལོང་བཏགས་པ་ལ་སོགས་པ་ལྟུང་བའི་རྒྱུ་མང་པོ་བགྱིས་པས།། ད་ནི་བདག་ཅག་ཆད་པའི་སྐྱེ་གནས་སུ་མཆི་བར་ངེས་ན།། བཅོམ་ལྡན་འདས་ཀྱི་ཐུགས་རྗེ་ཆེན་པོས ་བཟུང་སྟེ་བཀའི་འཁོར་དུ་བཀོད་པས་ད་ནི་ཐར་པ་ཐོབ་ལགས་གྲང་། འོན་ཀྱང་འགྱོད་པ་དྲག་པོ་འདབང་གིས་ཡིད་ཀྱི་སྒྲིབ་པ་ནི་བྱང་ཆུབ་སེམས་ཀྱིས་བཤགས།། ངག་གི་སྒྲིབ་པ་ནི་ཚིག་དུ་འདོན་ཅིང་སྨྲས་ཏེ་བཤགས། ལུས་ཀྱི ་སྒྲིབ་པ་ནི་ལུས་གདན་ཁྲིལ་ཕུལ་ཏེ་བཤགས་ན། བཅོམ་ལྡན་འདས་ཀྱི་ཐུགས་རྗེས་གཟུང་འཚལ་ན། གཉེན་པོ་ནི་གང་ལགས། ཐབས་ནི་ཇི་ལྟར་བཤགས། ཡུལ་ནི་གང་ལ་བཤགས། རྒྱུ་ནི་གང་མཆིས། བཅོམ་ལྡན་འདྲ ་ཀྱིས་བཤད་དུ་གསོལ། ། བདེ་བར་གཤེགས་པ་ཐུགས་རྗེས་བསྐྱབ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིག་འཛིན་ཆེན་པོ་མི་ཐོད་ཅན་རྣམས་ཉོན་ཅིག། ལྟུང་བར་གྱུར་པའི་གནས་རྣམས་ལ་འགྱོད་པར་གྱུར་ན། ་ཞུས་པ་ལེགས་སོ།། ལྟུང་བའི་གཉེན་པོ་ནི་གང་ཞེ་ན། ཉེས་བྱས་རྣམས་བཤགས་པར་འདོད་ན་གང་འགྱོད་པ་དྲག་པོ་སྐྱེས་ནས་པ་སྤུ་ནི་གཟིངས་མཆིམ་བྱིན་པ་ཡིན་ནོ།། ཐབས་ནི་རྣམ་པ་བཞི་ཡད་དེ། གང་ཞེ་ན། ཤེས་ར། ་ཆེན་པོའི་རྒྱུད་ཀྱིས་བག་ཆགས་ཐམས་ཅད་རང་བཞིན་མེད་པར་ཤེས་པ་དང་། ཏིང་ངེ་འཛིན་ཆེན་པོའི་མེས་བག་ཆགས་ཐམས་ཅད་བསྲེགས་ཏེ་མེད་པར་བྱ་བ་དང་། བྱང་ཆུབ་སེམས་ཀྱི་འོད་ཟེར་གྱིས་བག་ཆགས་ཀྱི་མནནག ་ཐམས་ཅད་གསལ་ཏེ་དེ་དག་དག་པ་བྱ་བ་དང་། སྤྱོད་པ་རླབས་པོ་ཆེའི་ཆུས་བཀྲུ་བའོ།། དེ་ལ་བཤགས་པར་བྱ་བའི་ཡུལ་ནི་འདི་ལྟ་སྟེ། སངས་རྒྱས་དང་། རིག་འཛིན་དང་། ལྷ་དང་ཐ་མ་དང་གླེགས་བམ་དང་། གྲོགས་པོ་དང་། ་རྟེན་དུ་གྱུར་པ་རྣམས་སོ།། བཤགས་པར་བྱ་བའི་རྒྱུ་ནི་འདི་ལྟ་སྟེ། སྒྲིབ་པ་ཆེ་ཆུང་བཤགས་པའོ།། ཉོན་མོངས་པ་རགས་པ་མངོན་དུ་གྱུར་པ་བཤགས་པ་དང་། བག་ལ་ཉལ་དང་ཤེས་བྱའི་སྒྲིབ་པ་བཤགས་པའོ།། དེའི ་ཕྱིར་ལྟུང་བར་གྱུར་པའི་ལས་རྣམས་འགྱོད་པ་དྲག་པོས་བསྟེན་ལ་ཐབས་ལ་མཁས་པས་དཔྱད་དེ། སྒྲིབ་པ་ཆེ་ཆུང་ཆཤས་ཀྱིས་ཕྱེ་ལ་གུས་པར་བཤགས་པ་གྱིས་ཤིག། དེ་སྐད་ཅེས་བཀའ་སྩལ་པ་དང་། རིག་འཛིན ་ཆེན་པོ་མིའི་ཐོད་པ་ཅན་རྣམས་མགུ་ཞིང་རངས་ཏེ། རྣལ་འབྱོར་སྦྱོར་བའི་ཕྱག་བྱས་ནས།། འགྱོད་ཅིང་གདུང་བའི་གླུ་འདི་བླངས་སོ།། ཨོཾ་ཡེ་ཤེས་སྐུ་མཆོག་རང་བཞིན་དཀྱིལ་འཁོར་ནི།། ཟླ་རྒྱས་བཞིན་དུ་སྤྲོས་པ་མི་མངའ ་ཡང་ཐུགས་རྗེ་ཉི་གསལ་འོད་བཞིན་སྙོམས་མཛད་ལྷ། ། བདེ་གཤེགས་བཞུགས་ཤིང་བདག་ལ་དགོངས་སུ་གསོལ།། བརྗོད་མེད་ཤེས་རབ་མི་གཡོ་ཆོས་མཆོག་དབྱིངས།། བདེ་ཆེན་ལོངས་སྤྱོད་རྫོགས་སྐུ་རིགྲ་ལྡི ་གམོ་ཆོ་འཕྲུལ་སྤྲུལ་པའི་ཚོགས་ལ་ཕྱག་འཚལ་ལོ། ། དངོས་སུ་འབྱོར་དང་ཡིད་ཀྱིས་སྤྲུལ་པ་ཡི།། ཀུན་དུ་བཟང་པོའི་བླ་མེད་མཆོད་སྤྲིན་གྱིས།། མཁའ་དབྱིངས་རྣམ་དག་རྒྱ་ཆེན་ཡོངས་བསྐྲང་ནས།། བྱི་ནང ་གསང་བའི་མཆོད་པ་རྒྱ་ཆེར་མཆོད། ། ཀུན་དུ་བཟང་མོ་ཡུམ་གྱི་བྷ་ག་ལ།། འདུ་འབྲལ་མེད་པའི་དང་དུ་རོ་གཅིག་པའི།། གཉིས་མེད་བྱང་ཆུབ་སེམས་ཀྱིས་མཉེས་གྱུར་ཅིག། སེམས་ཀྱི་རང་བཞིན་ཆོས་དབྱིངས་ནམ ་མཁའ་ཆེ། ། ཆོས་ཉིད་རྣམ་དག་རྒྱ་ཆེ་འོད་གསལ་བས།། རྣལ་འབྱོར་ཉིད་དབྱིངས་སྨྲ་བས་མ་ལས་འདས་པས།། མཉམ་ཉིད་བྱང་ཆུབ་སེམས་ལ་རྟག་ཏུ་འདུད།། ཀུན་བཟང་རྫོགས་ཆེན་ཡེ་ནས་བདལ་བ་ལ།། བྱི་ནང ་གསང་བའི་དཀྱིལ་འཁོར་བཀོད་པ་ནི། ། སྣང་སྲིད་རྣམ་དག་ཀུན་བཟང་ཡུམ་གྱི་དབྱིངས།། འབྱུང་དང་འབྱུང་འགྱུར་ཡབ་ཡུམ་ལྷུན་རྫོགས་རྣམས།། གསང་ཆེན་རབ་རྫོགས་གཟུངས་ཆེན་བདག་ཉིད་མ།། གཉིས་མེད ་ཐིག་ལེ་ཆེན་པོར་འོད་གསལ་བ། ། ཅིར་ཡང་སྣང་བས་བདེ་ཆེན་གཡུང་དྲུང་ལྷ།། འདུ་འབྲལ་མེད་པ་གསང་བའི་དཀྱིལ་འཁོར་ནི།། བདག་ཉིད་ཆེན་པོ་བཅོམ་ལྡན་ཡབ་ཡུམ་དང་།། བྱང་ཆུབ་ལྕམ་དྲལ་ཁྲོ་བོ་ཁྲོ་མོའི་ཚོང། ་རྡོ་རྗེ་ལྷ་མོ་ཚོགས་རྗེ་ཚོགས་ཀྱི་བདག། མ་ལྟར་བྱམས་ཤིང་སྲིད་ལྟར་གདུང་ལ་སོགས།། ཉེས་ལེགས་ལྟང་འཛིན་དམ་ཚིག་རྗེས་གཅོད་པ།། དབང་གྱུར་རྡོ་རྗེ་དམ་ཅན་དགོངས་སུ་གསོལ།། ཐུགས་རྗེ་གདུང་བ་རོ་བརྡོ ་ཐོད་པ་ཅན། བདག་ཅག་དྲེགས་པའི་བདག་པོ་འདིར་ཚོགས་ཀུན།། འགྲོ་བའི་དོན་ཕྱིར་བྱང་ཆུབ་སེམས་བསྐྱེད་དེ།། བླ་མེད་གོ་འཕང་འཐོབ་པར་བྱ་བའི་ཕྱིར།། བསྟན་པ་རྒྱ་མཚོ་སོ་སོའི་འདུལ་ཁྲིམས་དང་།། སྐུ་གསུང་། ་ཐུགས་དང་མཉམ་སྦྱོར་སྡོམ་པའི་མཆོག། འདར་དཀའ་རྡོ་རྗེ་དམ་ཚིག་གཏན་གྱི་གཉེར།། སྤྱི་དང་ལྷག་པའི་ཁྱད་པར་དམ་ཚིག་རྣམས།། སྔ་ཕྱི་མནོས་ཤིང་གཉེར་དུ་རྨའོ་འཚལ།། དོན་ལས་གོལ་ཞིང་ལྡོག་སེམས ་མ་མཆིས་ཀྱང་། ། གདོད་བྱ་ལོང་ཡོད་སྙམ་པའི་ལེ་ལོ་དང་།། གློང་དུ་གྱུར་པའི་རྩལ་ཤུགས་ནུས་པ་ཡིས།། ཤེས་བཞིན་མ་ལྡན་དམ་ཚིག་འགལ་འགྱུར་ཏེ།། དང་པོའི་ཐ་ཚིག་བཀའ་ལ་བརྟགས་པའི་ཚེ།། བཀའ་ལ། ་མགུས་འགལ་བགྱིས་དཔྱས་ལོང་བཏོགས།། བར་དུ་བསླབ་པའི་གཉེར་ཆེན་ཕོག་པའི་ཆ།། བསླབ་ལ་མི་བརྩོན་དོན་ལ་གཡེལ་བ་དང་།། ཐ་མ་འདི་ནི་འབྲས་བུ་སྒྲུབ་པ་དང་།། བཀའ་དང་གཞུང་བཞིན་མེ་ལྕོགས་དོན་ལས ་འགལ། ཚོར་དང་མཚོར་སྒྲིབ་པ་ཆེ་ཆུང་རྣམས།། ཤིན་དུ་མི་ཤེས་མ་རིག་དབང་གིས་ན།། སྟོན་པའི་བཀའ་དང་དམ་ལས་འགལ་བགྱིས་པ།། དཔའ་བོ་ཐུགས་རྗེའི་བདག་ལ་བཟོད་པར་གསོལ།། འཁོར་བ་ཐོག་མ་མེད་པའི ་དུས་མཐའ་ནས། ། ལས་ཀྱི་དབང་གིས་བདག་ཅག་རིང་དུ་འཁྱམས།། ཉོན་མོངས་ལོག་པར་ལྟ་བའི་དུག་འཐུངས་ཏེ།། སྡུག་བསྔལ་ནད་ཀྱིས་ཤིན་དུ་གདུངས་པ་ལ།། བདེ་གཤེགས་ཐུགས་རྗེ་སྨན་པའི་རྒྱལ་པོ་ཡིས།། དེ་ཚིག ་བདུད་རྩི་ཐར་པའི་སྨན་སྩལ་པས། ། ཉོན་མོངས་འཁྲུལ་པའི་ནད་རྣམས་ཞི་མཛད་ཅིང་།། བླ་མེད་བྱང་ཆུབ་སྙིང་པོར་འཚོ་མཛད་པ།། བྱམས་མགོན་ཟུགས་རྗེའིའབིག་ལ་སྐྱབས་སུ་འཆི། ཞེས་དུས་ནས། ཨ་ལ་ལ་ཧོ་ཞེས་བརྗོད་དེ ་གཉེན་པོ་དྲག་པར་བསྟེན་ནས་ལུས་གདན་ཁྲིར་ཕུལ་ཏེ། བྱང་ཆུབ་སེམས་ཀྱིས་རྣམ་པར་འདུད་པའི་དོན་ལ་རྣམ་པར་སྦྱངས་པས་ལུས་གཅེར་བུ་ཟང་མར་ཕྱུང་།། གནོད་པ་དྲག་པོའི་འགྱོད་པ་བྱས་པས་བདེ་བར་གཤེགས་པ ་རྣམས་མཉེས་པར་གྱུར་ཏོ། ། དེས་སྒྲིབ་པ་བྱང་ཞིང་བསོད་ནམས་ཀྱི་ཚོགས་རྫོགས་པའི་རྟགས་ལུས་གོས་དང་བྲལ་ནས་ལྡན་པའི་ཐོད་པ་ཡང་ཟླ་བ་ཚེས་བརྒྱད་པར་གྱུར་ཏོ།། ས་ཐོབ་པའི་རྟགས་སུ་དེ་བཞིན་གཤེགས་པའི་ནམ ་རྟེན་དུ་གནས་པར་གྱུར་ཏོ། ། དེ་ནས་སེམས་དཔའི་རྡོ་རྗེ་དེས་དགྱེས་ཏེ་བཀའ་སྩལ་པ། མིའི་ཐོད་པ་ཅན་རྣམས་འགྱོད་པའི་ལས་ཀྱིས་བཤགས་པ་ལེགས་ཏེ། ཉོན་མོངས་པའི་སྒྲིབ་པ་རྣམ་པར་དག་པར་གྱུར་ཏོ།། ད་ནི་ཤེས་བྱའི ་སྒྲིབ་པ་དག་ཅིང་ཡེ་ཤེས་ཀྱི་ཚོགས་རྫོགས་པར་བྱ་བའི་ཕྱིར་ཉན་པའི་དབང་པོས་སངས་རྒྱས་ཀྱི་གསུང་ལ་གསང་སྔགས་ཀྱི་སྒྲ་རྣམས་ཉོན་ཅིག། དེས་ནི་ས་ནས་སར་འབར་ཞིང་འབྲས་བུ་ཡོངས་སུ་རྫོགས་པར་འགྱུར།། ་དེ་སྐད་ཅེས་གསུངས་པས་འཁོར་བསམ་པ་རངས་པར་གྱུར་ཏོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་སྐྲོད་པ་ལས་ཀྱི་སྒྲུབ་ལུགས་ཀྱི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་འདས་གསང་བ ་མཆོག་ཉིད་ཏིང་ངེ་འཛིན་རྒྱས་ཤིང་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། སེམས་དཔའ་རྡོ་རྗེའི་སྙིང་པོ་ཏིང་ངེ་འཛིན་རྣམ་པར་འཕྲུལ་པ་ཞེས་བྱ་བ་ལ་སྙོམས་པར་ཞུགས་སོ།། འདུས་པའི་འཁོར། ་རྣམས་ཀྱང་སྣ་ཚོགས་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་འདུས་པ་ཕལ་མོ་ཆེའི་འཁོར་གྱིས་ཆོས་ཐམས་ཅད་ཅི་ཡང་མེད་པར་མཐོང་ངོ་།། ཆོས་ཐམས་ཅད་ཅི་ཡང་མེད་པར་གསལ་བར ་གྱུར་པ་དང་། ཆོས་ཉིད་སྟོང་པའི་ནམ་མཁའ་ལས་བྲག་ཅའི་ཚུལ་དུ་སྒྲ་འདི་བྱུང་ངོ་།། མི་གནས་མི་རྟོག་བསམ་དང་བྲལ།། མ་ཆགས་ཆགས་བྲལ་ཡུལ་ལས་འདས།། ཅི་ཡང་མི་འབྱུང་ཅིར་མ་ཡིན།། རང་བྱུང་རང་ཞི་བརྗོད་དང་བྲལ།། ་ཞེས་སྒྲ་བྱུང་བས་སྟོན་པ་ནི་དོན་གྱི་ཆེ་བ་བྱུང་།། འཁོར་རྣམས་ནི་རྩལ་སྦྱངས། ཐམས་ཅད་དོན་ལ་དམ་ཞིང་ཆོས་ཉིད་ཀྱི་ནམ་མཁའ་མཐོང་ངོ་།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་ཉིད་སྙིང་རྗེ་རྒྱུན་གྱི་ཏིང་ངེ་འཛིན་ཞེ། ་བྱ་བ་ལ་སྙོམས་པར་ཞུགས་སོ།། དེ་ནས་ཆོས་ཉིད་ཀྱི་ནམ་མཁའ་ལ་སྙིང་རྗེ་བྱང་ཆུབ་སེམ་གྱི་གཟུགས་བརྙན་ཉི་མའི་དཀྱིལ་འཁོར་ཞིག་ཤར་བར་གྱུར་ཏོ།། དེ་ནས་འདུས་པ་ཕལ་མོ་ཆེའི་འཁོར་རྣམས་ཡང་དག་པར་རྟོག་པ་འདི་ལྟར ་སྐྱེས་ཏེ། ཨེ་མ་ཆོས་ཐམས་ཅད་ཀྱི་རང་བཞིན་འདི་ལྟར་ཡིན་པ་ལས་འདི་ལྟར་མ་ཤེས་པའི་འགྲོ་བ་རྣམས་འཁོར་བའི་རྒྱ་མཚོར་བྱིང་པ་འདི་ཡོད་སྙིང་རྗེ་ཞེས་སྙིང་རྗེ་བྱང་ཆུབ་ཀྱི་སེམས་སྐྱེས་པར་གྱུར་ཏོ།། དེ་ནས་ཉི་མའི་སྙིང་པོའི ་འོད་ཟེར་ལས་ཆོ་འཕྲུལ་གྱི་སྒྲ་ཕྱུང་ངོ་། ། ཡོངས་ལ་ཁྱབ་པའི་ཉི་མའི་འོད།། སྙིང་རྗེ་བྱང་ཆུབ་སེམས་ཡིན་ཏེ།། རྣམ་རྟོག་མུན་པ་སེལ་བར་སྣང་།། ཡིད་བཞིན་རིན་ཆེན་འབར་བའོ།། ཞེས་སྒྲ་བྱུང་བ་ལས་ཆོས་ཐམས་ཅད་བྱང་ཆུབ་སེབ། ་ཀྱི་འོད་ཟེར་དུ་གསལ་བར་གྱུར་ཏོ།། དེ་ནས་ཡང་བཅོམ་ལྡན་འདས་གསང་བའི་མཆོག་གི་བདག་པོ་དེ་ཉིད་ཆོ་འཕྲུལ་འབྱུང་བའི་རྒྱུ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་འདུས་པ་ཕལ་མོ་ཆེའི་འཁོར་རྣམས ་ཀྱིས་ཉི་མའི་སྙིང་པོ་ལས་ཆོས་ཐམས་ཅད་ཀྱི་རྒྱུ་ཡི་གེ་ཨ་དཀར་པོ་ཤར་བར་མཐོང་ངོ་། ། དེ་ནས་ཨ་ལ་ཆོ་འཕྲུལ་སྒྲ་བྱུང་ངོ་།། ཨ་ནི་ཆགས་མེད་ཡི་གེའི་མཛོད།། ཆོ་འཕྲུལ་རྟོག་པ་ཀུན་གྱི་རྒྱུ།། ཉོན་མོངས་སྐྱོན་བྲལ་ཟླ་བའི་མདོག། ་ཆོ་འཕྲུལ་སྣ་ཚོགས་འབྱུང་བའི་རྒྱུ།། ཞེས་སྒྲ་བྱུང་བས་འདུས་པའི་ཚོགས་རྣམས་ཀྱིས་ཆོས་ཐམས་ཅད་ཆོ་འཕྲུལ་གྱི་རང་བཞིན་དུ་གནས་པར་མཐོང་ངོ་།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་ཅི་ཡང་མི ་མཛད་པ་ཆོ་འཕྲུལ་སྣ་ཚོགས་ཀྱི་རང་བཞིན་དུ་སྣང་བར་གྱུར་ཏོ། ། དེ་ནས་ཡུམ་ཆེན་མོ་ནམ་མཁའི་དབྱིངས་ཕྱུག་མ་ཞེས་བྱ་བའི་དེ་ཆོས་ཐམས་ཅད་ནམ་མཁའི་བྷ་གར་བྱིན་གྱིས་བརློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར ་ཞུགས་སོ། ། ཞུགས་པར་གྱུར་པ་དང་།། འདུས་པ་ཕལ་མོ་ཆེའི་འཁོར་གྱིས་ཆོས་ཐམས་ཅད་ནམ་མཁའ་ཁྱབ་པའི་རང་བཞིན་དུ་མཐོང་ངོ་།། དེ་ནས་ཡུམ་གྱི་བྷ་གའི་སྙིང་པོ་ལས་འོད་ཟེར་མཐིང་ཀ་འཕྲོས་ནས་ཉི་མའི་སྙིང་པོའི་ཨ་ལ་སྐུལ ་བས་ཡི་གེ་ཨཾ་མཐིང་ཀ་འཕྲོས་ཏེ་ལྡིང་ཞིང་གནས་པ་ལས་ཆོ་འཕྲུལ་གྱི་རང་སྒྲ་འདི་བྱུང་ངོ་། ། ཨ་ནི་ཨེ་ཡི་རང་བཞིན་ཏེ།། ཨ་ལ་ཨེ་བྱུང་མཁའ་ཁྱབ་བདལ།། མི་འགྱུར་ཐོགས་མེད་བསམ་ལས་འདས།། མཐའ་དང་དབུས་མེད་ཀུན་དུ ་བདལ། ། ཞེས་སྒྲ་བྱུང་བས། ཐམས་ཅད་ནམ་མཁའི་རང་བཞིན་དུ་བྱམ་ཆད་པར་གྱུར་ཏོ།། དེ་ནས་ཡང་ཡུམ་ཆེན་མོ་ལས་ཀྱི་དབྱིངས་ཕྱུག་མས་ཡང་ཞིང་གཡོ་བ་རླུང་གི་དཀྱིལ་འཁོར་ཞེས་ཁྱབ་ལ་སྙོམས་པར་ཞུགས་སོ།། དེས་འདུས་པ ་ཕལ་མོ་ཆེའི་འཁོར་གྱིས་ཆོས་ཐམས་ཅད་རླུང་གི་རང་བཞིན་དུ་གནས་པར་མཐོང་ངོ་། ། དེ་ནས་རླུང་དེ་ལས་ཆོ་འཕྲུལ་གྱི་སྒྲ་བྱུང་ངོ་།། ཨ་ཡི་བྱིན་རླབས་ཡེ་ཤེས་ལས་རླུང་གི་ཆོ་འཕྲུལ་ཡཾ་རུ་ཤར།། ཐམས་ཅད་འདེགས་པའི ་སྟོབས་ལྡན་ཞིང་། ། རང་བཞིན་གཡོ་ཞིང་ཐོགས་མེད་འཕྱོ།། ཞེས་སྒྲ་བྱུང་བས་རླུང་གི་དཀྱིལ་འཁོར་དུ་འཁྱིལ་བར་གྱུར་ཏོ།། དེ་ནས་ཡུམ་ཆོས་ཀྱི་དབྱིངས་ཕྱག་མ་ཞེས་བྱ་བ་དེས་འབར་འཕྲོ་མེའི་ཏིང་ངེ་འཛིན་ལ་སྙོམས་པར་ཞུགས་ས ་འདུས་པ་ཕལ་མོ་ཆེའི་འཁོར་གྱིས་ཆོས་ཐམས་ཅད་མེའི་རང་བཞིན་དུ་གནས་པར་མཐོང་ངོ་། ། དེ་ནས་མེའི་འོད་ཟེར་ལ་ཆོ་འཕྲུལ་གྱི་སྒྲ་བྱུང་བ།། ཨ་ཡི་བྱིན་རླབས་ཡེ་ཤེས་ལས།། ཆོ་འཕྲུལ་མེ་ཡི་སྙིང་པོར་ཤར།། འབར་བས ་གསལ་བྱེད་ཡེ་ཤེས་འཕྲོ། ། དངོས་པོ་ཀུན་ཟད་མེ་ཀློང་འཚུབ།། ཅེས་སྒྲ་བྱུང་བས་མེའི་སྐལ་བ་འབྱམ་ཀླས་སོ།། དེ་ནས་ཡང་ཡུམ་རིན་ཆེན་དབྱིངས་ཕྱུག་མ་ཞེས་བྱ་བ་དེས་སྡུད་པ་རྒྱ་མཚོའི་ཏིང་ངེ་འཛིན་ལ་སྙོམས་པར་ཞུགས་སོ།། ། ་དེས་འདུས་པ་ཕལ་མོ་ཆེའི་འཁོར་གྱི་ཆོས་ཐམས་ཅད་ཆུའི་རང་བཞིན་དུ་གནས་པར་མཐོང་ངོ་།། དེ་ནས་རླབས་ཀྱི་འོད་ཟེར་ལས་ཆོ་འཕྲུལ་གྱི་སྒྲ་འདི་བྱུང་ངོ་།། རྒྱུ་ཡི་ཡི་གེ་འོད་ཟེར་ལས།། ཆུ་ཡི་སྙིང་པོའི་ཆོ་འཕྲུལ་ཤར།། ནམ་མཁའི ་མཐའ་དང་མཉམ་པའོ། ། རླུང་འཚོ་ཐམས་ཅད་རྒྱས་པར་གྱུར།། ཞེས་སྒྲ་བྱུང་བས་ཐམས་ཅད་ཡུམ་རིན་ཆེན་དབྱིངས་ཕྱུག་མའི་རང་བཞིན་གྱིས་ཁྱབ་པར་གནས་སོ།། དེ་ནས་ཡུས་ཆེན་མོ་རྡོ་རྗེ་དབྱིངས་ཕྱུག་མ་ཞེས་བྱ་བས་ཞིང་ཁམས ་ཐམས་ཅད་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། དེ་ནས་འདུས་པ་ཕལ་མོ་ཆེའི་འཁོར་གྱིས་ཆོས་ཐམས་ཅད་ས་རྣམས་ཡོངས་སུ་རྫོགས་པའི་རང་བཞིན་དུ་མཐོང་ངོ་།། དེ་ནས་ས་རྡོ་རྗེ་འབར་བ ་བྱ་བ་ལས་ཆོ་འཕྲུལ་གྱི་སྒྲ་བྱུང་བ། མི་དམིགས་པ་ལས་སྣ་ཚོགས་པར།། སྣ་བའི་ཆོ་འཕྲུལ་འདི་བྱུང་བ།། རྣལ་འབྱོར་ས་བཅུ་རྫོགས་པའི་དོན།། ལྷུན་གྱིས་གྲུབ་པས་བདེ་བ་ཆེ།། ཞེས་སྒྲ་བྱུང་བས་ས་དགུ་འདུལ་བའི་བྱེ་བྲག་དུ་ཐུག ་སུ་ཆུད་པར་གྱུར་ཏོ། ། དེ་ནས་སེམས་དཔའི་རྡོ་རྗེ་སྙིང་པོ་དེ་རི་བོ་བརྩེགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེས་འདུས་པ་ཕལ་མོ་ཆེའི་འཁོར་གྱིས་ཆོས་ཐམས་ཅད་རྡོ་རྗེ་འབར་བའི་རི་བོར་མཐོང་ངོ་།། དེ་ནས ་དེའི་འོད་ལས་ཚེ་འཕྲུལ་གྱི་སྒྲ་འདི་བྱུང་ངོ་། ། རྣམ་དག་ཤེས་རབ་མཁའ་ཀློང་ནས།། རྡོ་རྗེ་འབར་བའི་རི་བོ་ཤ་ར། རྒྱ་ཆེ་གཏིང་ཟབ་ནམ་འཕང་གཅོད།། རྟོག་པའི་རི་བོ་འཇོམས་པར་བྱེད།། ཅེས་སྒྲ་བྱུང་བས་རྡོ་རྗེ་འབར་བའི་རི་བོས་ཉོན་མོངས ་པའི་རི་བོ་ཐམས་ཅད་ཟིལ་གྱིས་མནན་ནོ། ། དེ་ནས་དབྱིངས་ཕྱུག་མ་ཆེན་མོ་ལྔ།། ཤེས་རབ་ཟབ་མོའི་གཞལ་ཡས་ཡུམ་གྱི་མཁའ་གློང་རྣམ་དག་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། བྷ་གའི་སྙིང་པོ་ལས་ཚེ ་འཕྲུལ་གྱི་སྒྲ་འདི་བྱུང་ངོ་། ། བྷ་ག་གསད་པའི་འོད་ཟེར་ལས།། བདེ་གཤེགས་བཞུགས་པའི་གཞལ་ཡས་ཁང་།། ནམ་མཁའི་མཐའ་ལྟར་དཔག་ཏུ་མེད།། དུས་གསུམ་རྒྱལ་བ་རྒྱ་མཚོའི་དབྱིངས།། ཞེས་སྒྲ་བྱུང་ངོ་།། བྱུང་བས ་ནམ་མཁའ་ཐམས་ཅད་ཕོ་བྲང་གི་གཞལ་ཡས་འབྱམ་ཀླས་པར་གྱུར་ཏོ། ། དེ་ནས་བཅོམ་ལྡན་འདས་གསང་བ་མཆོག་དེ་ཉིད་ཆོས་ཐམས་ཅད་སྐུ་ལ་ཡོངས་སུ་རྫོགས་པ་ཞེས་བྱ་བའི་ཏིང་ངེ་འཛིན་ནམ་ཕྱག་རྒྱ་ཐམས་ཅད ་རྣམ་པར་སྤྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། དེ་ནས་འདུས་པ་ཕལ་མོ་ཆེའི་བོར་རྣམས་ཀྱིས་འསོ་པ་ཀྱད། དས་པའི་ཆོས་ཐམས་ཅད་བཅོམ་ལྡན་འདས་གསང་བ་མཆོག་གི་བདག་པོའི་ཞབས་ཀྱི་གདན ་ཁྲི་ཡན་ཆད་ནས་དབུའི་གཙུག་ཏོར་མན་ཆད་དུ་རྫོགས་པར་མཐོང་ངོ་། ། དེ་ནས་ཡང་འཁོར་བ་འདོད་པ་ཁམས་ནི་ཆགས་པ་ཁྲག་གི་རྒྱ་མཚོར་རྫོགས།། འཁོར་བ་གཟུགས་ཀྱི་ཁམས་ནི་ཞིང་ཆེན་གྱི་ས་གཞི་བདལ་བ་ལ་རྫོགས ་པར་མཐོང་ངོ་། ། ཀེ་རུས་ལ་གཟུགས་མེད་པའི་ཁམས་རྫོགས་པར་མཐོང་ངོ་།། རི་རབ་ཀྱི་ཁ་མུ་ཏིག་གི་བཙལ་དང་། ཨས་མ་གར་པའི་འབར་བའི་འོད་འཁྲིགས་པའི་ནོར་བུ་རིན་པོ་ཆེ་འབར་བའི་བྲག་གཏམས་པ་ལ། ཉན་ཐོས ་དང་རང་སངས་རྒྱས་དང་། བྱང་ཆུབ་སེམས་དཔའ་རྣམས་རྫོགས་པར་མཐོང་ངོ་།། ནོར་བུ་རིན་པོ་ཆེའི་སྟེང་ན་རྡོ་རྗེ་རྩེ་གསུམ་དང་རྩེ་ལྔའི་བྲག་གཏམ་པ་ལ་ཀྲི་ཡ་དང་ཨུ་པ་ཡ་དང་ཡོ་ག་རྣམས་རྫོགས་པར་མཐོང་ངོ་། རྡོ་རྗེ། ་བྲག་ཆེན་གྱི་སྟེང་དཔད་མ་དཀར་པོའི་མཎ་ཌ་ལ་ལ་སྐྱེད་པའི་རྣལ་འབྱོར་པ་ཐམས་ཅད་རྫོགས་པར་མཐོང་ངོ་།། པད་མའི་སྟེང་ན་ཉི་མ་ཉི་ཤུ་རྩ་བཞི་དང་། ཟླ་བ་ཉི་ཤུ་རྩ་བཞི་ཁ་སྦྱོར་དུ་བཀོད་པ་ལ་དབང་ཕྱུག་པོ་ཉི་ཤུ་རྩ་བཞི་དང་། མོ ་ཉི་ཤུ་རྩ་བཞི་རྫོགས་པར་མཐོང་ངོ་། ། དབང་ཕྱུག་ཕོ་མོའི་སྟེང་བྱོལ་སོང་གི་གཙོ་བོ་བརྒྱད་ནི་རིག་འཛིན་ཆེན་པོའི་རྣལ་འབྱོར་ཉོན་མོངས་པ་སྦྱངས་ནས་ཤེས་བྱའི་སྒྲིབ་པ་སྦྱང་བའི་ཕྱིར་དཔའ་བརྟུན་སྟག་དང་། འཇིགས་བྱེད ་སེང་གེ་དང་། གདུག་པའི་གཟིག་དང་། གཏུམ་པའི་དོན་དང་སྟོབས་ཀྱི་གླང་པོ་དང་། བརྗིད་པའི་མ་ཧེ་དང་། འཛིན་པའི་ཆུ་སྲིན་དང་། ཞེ་སྡང་གི་སྦྲུལ་རྣམས་ལ་རིག་འཛིན་ཐམས་ཅད་སལ་ཡོངས་སུ་རྫོགས་པར་མཐོང་ངོ་།། ་གཞལ་ཡས་ཆེན་པོ་འབར་བ་ལ་ཡུམ་ཀུན་དུ་བཟང་མོ་རྫོགས་པར་མཐོང་ངོ་།། མེ་དཔུང་ཆེན་པོ་དགུ་ལ་ཡེ་ཤེས་ཀྱི་སྒོ་དགུ་རྩེག་ཏུ་ཡོངས་སུ་འབར་བར་རྫོགས་པར་མཐོང་ངོ་།། ཞབས་བརྒྱད་ལ་གསང་བའི་ཡུམ་ཤི་། སྒོམ་བཞི ་རྫོགས་པར་མཐོང་ངོ་། ། དུར་ཁྲོད་ཀྱི་རྒྱན་ཆེན་པོ་བཅཝ་བརྒྱད་ནི་མ་མོ་ཆེན་པོ་བཅཝ་བརྒྱད་ཡོངས་སུ་རྫོགས་པར་གསལ་ལོ།། ཕྱག་འཚན་བཞི་བཅུ་རྩ་གཉིས་ནི་པྲ་མེན་མ་བཅུ་དབྱུག་པ་འཕྱར་བིའི་ལག་ན་ཁྱུད་བཅུ་འབར ་བའི་ཁ་ནས་མཚོན་ཆ་སྣ་ཚོགས་འཕྲོ་བ། མཁའ་འགྲོ་བརྒྱད་དབྱུག་པར་འཕྱར་བའི་ལག་ན་སེང་གེ་ཁ་གླལ་པ་བརྒྱད་ཀྱི་ཁ་ནས་རལ་གྲི་འབར་བ་བརྒྱད་འཕྲོ་བ། ཤུགས་འགྲོ་བརྒྱད་དབྱུག་པར་འཕྱར་བའི་ལག་ན ་སྟག་འཆེ་བ་བརྩེགས་པ་བརྒྱད་ཀྱི་ཁ་ནས་རྡོ་རྗེ་སྣ་ཚོགས་འཕྲོ་བ། མ་མོ་བརྒྱད་དབྱུག་པར་འཕྱར་བའི་ལག་ན་མི་མགོ་བརྒྱད་རྡོ་རྗེ་ལུ་གུ་རྒུད་ཀྱིས་བཏགས་ནས་ཀླད་ལ་བསྐོར་བ། འབར་མ་བརྒྱད་དབྱུག་པར་འབྱར ་བའི་ལག་ན་མེ་དཔུང་འབར་བ་བརྒྱད་ལས་ཐུ་ལུམ་འཕྲོ་བ་སྟེ། བཞི་བཅུ་རྩ་གཉིས་སུ་གསལ་ལོ།། ཕྱག་བཞི་བཅུ་རྩ་གཉིས་ནི་ཁྲག་འཐུང་འབར་བ་བཞི། སྙིང་པོ་དགུ་མོ་དགུ་ཟ་བྱེད་པ་བཅུ་གསོད་བྱེད་མ་བཅུ་སྟེ་བཞི ་བཅུ་རྩ་གཉིས་སུ་གསལ་ལོ། ། ཞལ་ཉི་ཤུ་རྩ་གཅིག་ནི་སྲིད་པ་ཟ་བྱེད་གསང་བའི་དུར་ཁྲོད་ཉི་ཤུ་རྩ་གཅིག་ཏུ་གསལ་ལོ།། སྤྱན་འབར་བ་དྲུག་ཅུ་རྩ་བཞི་ནི་ཧེ་རུ་ཀ་ཡབ་ཡུམ་དྲུག་ཅུ་རྩ་བཞིར་གསལ་ལོ།། དབུ་ཉི་ཤུཿ ་གཅིག་ནི་དུས་གསུམ་གྱི་སངས་རྒྱས་ཉི་ཤུ་རྩ་གཅིག་ཏུ་གསལ་ལོ། ། གཡས་ཀྱི་དབུ་བདུན་གྱི་སྤྱི་གཙུག་ནས་སངས་རྒྱས་ཀྱི་སྐུ་རེ་རེ་བྱུང་བའི་དབུལ་འཁོར་ལོ་འོད་ཟེར་དང་བཅས་པ་རེ་རེ་འབར་བ། དབུས་ཀྱི་དབུ་མདུན ་ལས་དབུ་རྒྱན་སངས་རྒྱས་ཀྱི་དབུ་རེ་རེ་བྱུང་བའི་སྐུ་ལ་རིན་པོ་ཆེའི་མཆོད་རྟེན་འབར་བ་བདུན་དུ་གསལ་བ། གཡོན་གྱི་དབུ་བདུན་ལས་དབུ་བརྒྱན་སངས་རྒྱས་ཀྱི་སྐུ་རེ་རེ་བྱུང་བའི་དབུ་ལ་ནོར་བུ་རིན་པོ་ཆེ་བདུན་དུ་གསལ་བ ་འཁོར་ལོ་དང་མཆོད་རྟེན་དང་རིན་པོ་ཆེ་དེ་དག་གི་ལྟེ་བ་དང་། བུམ་པ་དང་། རྩེ་མོ་ལས་རྒྱལ་མཚན་ཆེན་པོ་བཅུ་འབར་བ་ནི་རྒྱ་བྱེའུ་ལྕགས་ཀྱི་རྒྱལ་མཚན་དང་། གདུལ་བྱ་ཤ་བའི་རྒྱལ་མཚན་དང་། གཅན་ཟན་གཟིག་གི་རྒྱལ་མཚན་དང་། ་སྤྲུལ་པ་རྡོ་རྗེའི་རྒྱལ་མཚན་དང་། རིན་ཆེན་སྦྲུལ་ནག་གི་རྒྱལ་མཚན་དང་། དཔའོ་སྟག་གི་རྒྱལ་མཚན་དང་། གཟི་མདངས་མིའི་རྒྱལ་མཚན་དང་། དམར་གསལ་ཁྲག་གི་རྒྱལ་མཚན་དང་། རྩལ་ཆེན་སེང་གེའི་རྒྱལ་མཚན་དང་། གཙུ ་ཆེན་དོམ་གྱི་རྒྱལ་མཚན་དང་། རྒྱལ་མཚན་དེ་རྣམས་ཀྱི་རྩེ་མོ་གཅིག་ཏུ་འདུས་ཏེ། གསེར་གྱི་གཙུག་ཏོར་ཏོག་སྟོང་འབར་བའོ།། དེས་ན་འདུས་པ་ཕལ་མེ་ཚོའི་འཁོར་གྱིས་ཞབས་ཀྱི་གདན་ཁྲི་ཡན་ཆད་ནས་དབུའི་གཙུག་ཏོར་མན་ཆད ་དུ་ཡོངས་སུ་རྫོགས་པར་མཐོང་ངོ་། ། དབུ་ལས་བྱུང་བའི་སངས་རྒྱས་ཉི་ཤུ་རྩ་གཅིག་དང་། རྒྱལ་མཚན་ཆེན་པོ་བཅུ་ལ་རྫོགས་པའི་རྣལ་འབྱོར་ཡོངས་སུ་རྫོགས་པར་མཐོང་ངོ་།། དབུའི་གཙུག་ཏོར་རྒྱལ་མཚན་རྩེ་མོ་ལ་གསེར་གྱི ་ཏོག་སྟོང་ནི་རྫོ་པ་ཚན་པ་རྣལ་འབྱོར་ཉིད་དུ་གསལ་བར་མཐོང་ངོ་། ། དེ་ལྟར་བཐོང་ཞིང་གསལ་བར་གྱུར་པ་དང་།། ཆོས་ཐམས་ཅད་སྤྲུལ་ཡོངས་སུ་རྫོགས་པའི་དོན་ལ་འཁོར་ཐམས་ཅད་དམ་ཞིང་ངོ་མཚར་སྐྱེས་པར་གྱུ ་རྣལ་འབྱོར་ཆེན་པོ་རྣམས་ཀྱིས་སྐུ་ལ་ཡོངས་སུ་བསྟོད་པ། ཨེ་མའོ་ཆོས་ཀུན་སྐུ་ལ་ཡོངས་སུ་རྫོགས་པས་ཆོས་ཀྱི་སྐུ།། རྡོ་རྗེ་ཆེ་མཆོག་ཕྱག་འཚལ་ཧེ་རུ་ཀ། ཆོས་ཉིད་མཁའ་ལ་སྐར་ཚོགས་རྒྱས་པའི་སྐུ།། དབྱར་གྱི་ཆར་སྤྲིན་གཏིཿ ་པལྟ་བུའི་གཟུགས། ། ཆུ་རླབས་ལྟ་བུར་བརྗོད་པའི་ཞལ་གདངས་ཤིང་།། ཉི་མ་འབུམ་གྱི་འོད་ཟེར་བདལ་བ་བཞིན།། ཐེག་ཆེན་དགུ་དང་འཁོར་བའི་ཆོས་རྣམས་ཀུན།། ཕྱག་རྒྱ་གཅིག་ཏུ་དཀོད་ནས་རྫོགས་པའི་སྐུ།། སྐུ་གསུམ་ལྡན་གྲུབ ་ཆོས་སྐུ་ཏོག་སྟོང་འབར། ། དབུ་ཀྐ་ཁམ་ནག་རལ་བ་གཅོད་པན་ཅན།། ཀླུ་རྒྱལ་འབུམ་གྱིས་ཀླུབས་ཤིང་མཆོད་ཀུན་འབུལ།། རྡོ་རྗེ་གསུང་གི་ལྗགས་སྒྲ་བརྡབས་པས་ཀྱང་།། ཧཱུཾ་དང་ཕཊ་ཀྱི་སྒྲ་སྐད་འཇིགས་པར་སྒྲོགས།། ཐེག་ཆེན་དོ།། ་དམ་གསང་སྔགས་སྒྲོགས་པའི་ཚིག། འབར་བའི་སྨིན་མ་མུན་རུམ་གློ་གོ་ལྟར་འགྱུར།། སྤྱན་དམར་ཟློག་པའི་སྡང་མིག་ཉི་ལྟར་འབར།། འབར་བའི་ཤངས་ནས་སྐལ་པའི་ཚུབ་ནག་འཁྱིལ།། རྡོ་རྗེ་ཐོག་དང་གནམ་ལྕགས་སེར་ཆེན ་འབེབས། རྣོ་དཔལ་མཆེ་བ་ཟང་ཡག་གཙིགས་པ་ཡིས།། ཉོན་མོངས་ལོག་ལྷའི་ཚོགས་ལ་དམ་ཞིང་འཁྲུག། ཐེད་རུས་ཤ་ཁྲག་རྐང་རུས་འབུ་དང་རྣག། ཟ་བྱེད་རྔམ་པའི་ཞལ་དུ་ཆེམ་ཆེ་མ་གསོལ།། སྦྲུལ་གདུག་ཀེ་རློན་ལ་སོགས ་འཇིགས་པའི་རྒྱན། ། རྔམ་པའི་སྐུ་ལ་ཤིན་དུ་བརྗིད་པར་བརྒྱན།། ཟ་བྱེད་རྔ་མ་དང་འཇིགས་བྱེད་མང་པོའི་ཚོགས།། འབར་བའི་ཕྱག་མཚན་སྤྲུལ་པའི་ཕོ་ཉ་མཛད།། འཁོར་བ་ཀུན་དང་ཐར་པའི་ཆོས་རྣམས་ཀུན།། དཔའ་ཆེན་པོའི ་གདན་དུ་བརྗིད་ཅིང་རོལ། ། བགྲན་གྱི་ཟླ་མེད་ཆེ་བ་ཙན་གཅིག་པུ་ཉིད།། གསང་མཆོག་འབར་བའི་སྐུ་ལ་ཕྱག་འཚལ་བསྟོད།། དེ་སྐད་ཅེས་བསྟོད་པས་ཆོས་ཐམས་ཅད་སྐུ་ལ་ཡོངས་སུ་རྫོགས་ཤིང་སངས་མ་རྒྱས་པ་མེད་པར་གྱུར་ཏོ།། ་དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེ་ཉིད་ཕྱག་རྒྱ་ཐམས་ཅད་ཕྱག་རྒྱ་བཀོད་པའི་ཕོ་བྲང་དུ་གྱུར་ཏོ།། སྒོབརྫུཙུན་གྱི་ཏིང་ངེ་འཛིན་ཞེས་བྱའོ།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་ཚམ ་ཉིད་རྒྱུན་གྱི་ཏིང་ངེ་འཛིན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། ཆོས་ཀྱི་རྒྱུན་གྱི་ཏིང་ངེ་འཛིན་འདི་གསུངས་སོ།། ནམ་མཁའ་དོན་གྱི་གླེགས་བམ་ལ།། སྐར་ཚོགས་རིག་པའི་ཡིགཟིས་ཏེ།། འབྱུང་ཆེན་བཞི་ཡི་སྒྲ་སྠཿ། ་པས།། སང་སྔགས་ཆོས་ཀྱི་རྒྱུན་མི་འཆད།། ཆོས་ཀྱི་རྒྱུན་གྱི་ཏིང་ངེ་འཛིན་ཞེས་བྱ་བ་ཡོངས་སུ་རྫོགས་པའོ།། དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེས་བདུད་རྩི་རྒྱུན་ཀྱི་ཏིང་ངེ་འཛིན་ལ་སྙོམས་པར ་ཞུགས་ཏེ། འདི་སྐད་ཅེས་གསུངས་སོ།། སྟོང་གསུམ་བ་ན་དའི་བཟང་ཁོང་དུ།། སྲིད་གསུམ་སེམས་ཅན་དུག་ཆེན་ལས།། དུས་གསུམ་སངས་རྒྱས་རྩི་སྦྱར་བས།། བདུད་རྩི་དཀྱིལ་འཁོར་ལྷུན་གྱིས་རྫོགས་ཞེས་གསུངས་སོ།། ་དེ་ནས་ཡང་བཅོམ་ལྡན་འདས་སེམས་དཔའི་རྡོ་རྗེ་སྙིང་པོ་དེ་མཆོད་པ་རྒྱུན་གྱི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས་གསུངས་སོ།། འཁོར་བ་རྒྱ་མཚོའི་ཡོ་བྱད་རྣམས།། མཆོད་པ་རྒྱ་མཚོའི་རྒྱན་ཡིན་ཏེ།། སྲིད་པ ་རྒྱ་མཚོ་མཐའ་ཡས་ཀུན། ། ཀུན་བཟང་མཆོད་སྤྲིན་མཆོག་ཏུ་རོལ།། ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་སྙིང་པོ་དེ་བཟླས་བརྗོད་རྒྱུན་གྱི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས་གསུངས་སོ།། ་འཁོར་བ་ཆོས་ཀྱི་དབྱིངས་ཉིད་ལས།། སེམས་ཅན་སངས་རྒྱས་སྙིང་པོ་ཤར།། སྒྲ་སྐད་བསམ་གྱིས་མི་ཁྱབ་པ།། ཐམས་ཅད་བཟླས་བརྗོད་སྔགས་ཀྱི་ཚིག་ཅེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་སྙིང་པོ ་སྦྱོར་བ་རྒྱུན་གྱི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས་གསུངས་སོ།། འཁོར་བ་ཤེས་རབ་ཡུམ་ཉིད་ལ།། སྙིང་རྗེ་ཐབས་ཀྱི་རྒྱལ་པོ་ཡིས།། འདུ་འབྲལ་མེད་པར་སྦྱར་བས་ནི།། ཐམས་ཅད་རྒྱལ་བའི་སྲས་སུ་བྱེད ་ཅེས་གསུངས་སོ། ། དེ་ནས་ཡང་སེམས་དཔའི་རྡོ་རྗེ་སྙིང་པོ་དེ་སྒྲོལ་བ་རྒྱུན་གྱི་ཏིང་ངེ་འཛིན་ཞེས་བྱ་བ་ལ་སྙོམས་པར་ཞུགས་ཏེ། འདི་སྐད་གསུངས་སོ།། འཁོར་བ་བསྒྲལ་བའི་ཞིང་འདི་དག། ཡེ་ཤེས་འབར་བའི་མཚོན ་ཆེན་གྱིས། རང་བཞིན་མེད་པར་བསྒྲལ་ནས་ནི།། མཉམ་ཉིད་ཆོས་སུ་ཆེན་པོར་གཏན།། ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་སྙིང་པོ་དེ་སྐུ་གདུང་རྒྱུན་གྱི་ཏིང་ངེ་འཛིན་ཞེས་བྱ་བ་ལ་སྙོམས་པར་ཞུགས་ཏེ། འདི་སྐད ་ཅེས་གསུངས་སོ། ། འདོད་ཁམས་རྨང་གི་རི་རབ་ལ།། གཟུགས་ཁམས་པར་རིམ་ཁྲི་འཕང་བརྟན།། གཟུགས་མེད་བུམ་ཉེན་བུམ་པར་བཅས།། གདུང་ཆེན་ཆོས་སྐུར་རྒྱུན་དུ་གནས་ཞེས་གསུངས་སོ།། དེ་ནས་ཡང་སེམས་དཔའི ་རྡོ་རྗེ་དེས་འདི་སྐད་ཅེས་གསུངས་སོ། ། ནམ་མཁའ་མེ་ཆུས་རླུང་རྣམས།། རྨང་བཞི་རི་རབ་རྟེན་དུ་སྣང་།། བང་རིམ་རི་བདུན་བཅས་པ་རྣམས།། དེ་ཉིད་བང་རིམ་ཁྲི་འཕང་བཏན།། རི་བོ་བྲམ་ཉེན་བུམ་པར་བཅུས།། འདི་ཡང་ཆོས་སུ ་རྒྱུན་མི་ཆད། ། སེམས་དཔའི་རྡོ་རྗེ་དེས་ཡང་འདི་སྐད་ཅེས་གསུངས་སོ།། འཛུགས་པའི་ཡན་ལག་བཞི་རྨར་རྟེན།། འཁོར་ལོ་ཚོགས་ཆེན་ཁྲི་འཕང་བརྟན།། ཡན་ལག་དང་པོ་བུམ་བརྟེན་བཅས།། ལྕང་ལེ་ཅོད་པན་ཕྲེང་བས་ཀླུཿ། ་ཞེས་གསུངས་སོ།། དེ་ནས་སེམས་དཔའི་རྡོ་རྗེ་སྙིང་པོ་དེས་ཤི་བ་ཡོངས་སུ་སློང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། རོ་ཡི་སྒྲུབ་ལྔས་ཆེན་པོ་ནི།། དུར་ཁྲོད་ཆེན་པོའི་གནས་རྣམས་སུ།། རོ་ཡི་རྫས་རྣམས ་བཙལ་ནས་ཀྱང་། ། འདོད་པ་བསྐུར་བའི་སྔགས་ཀྱི་གདབ་རོ་མ་སྟེང་དུ་གནས་ནས་ནི།། རྀ་ཡེ་གཉེན་པོར་བདག་བསམས་ནས།། རོ་སྔགས་རྒྱུན་མི་འཆད་པར་བཟླས།། རོལ་བཀྲག་དང་མ་དངས་ཕྱུང་ན།། གྲུབ་པར་འགྱུར་བ ་རྟགས་ཡིན་ཏེ། ། རྒྱུན་མི་འཆད་པར་ཏིང་འཛིན་བྱ།། རོ་ནི་མགུལ་བར་གྱུར་པ་དང་།། གསེར་འགྱུར་རྩིས་ནི་བྱུག་པར་བྱ།། རོ་ཡི་ཡན་ལག་ཀུན་བཅིངས་ནས།། སྔགས་ནི་དག་པར་བཟླས་པར་བྱ།། རོ་ཉིད་ལངས་པར་གྱུར་པ་དང་། ་རོ་ཡི་ཆོ་འཕྲུལ་སྟོན་པར་བྱེད།། བརྟུལ་ཞུགས་ལྡན་པའི་སྐྱེས་བུ་ཡིས།། དེ་ཚེ་རོ་ཡི་ལྕེ་བཅད་ནས།། རོ་ལ་བརྡབས་ན་གསེར་དུ་འགྱུར།། དེ་བཞིན་ཇི་ལྟར་འདོད་པ་ཡི།། རྐྱེན་གྱིས་བསྐུར་ན་དེ་ལྟར་འགྱུར།། ལྕེ་བཅད་རལ་གྲི་མཚོན ་ཆ་དེས། རོ་ཡི་བན་ད་བཅད་པ་དང་།། ཇི་ལྟར་འདོད་པའི་རྫས་འགྲུབ་སྟེ།། བན་དགོ་རུ་བཟུང་ནས་ནི།། ལྕེ་ཡི་རལ་གྲི་ཐོགས་ནས་ནི།། ལྷ་མིན་གཡུལ་ཡང་ཟློག་པར་འགྱུར།། རོ་ལངས་གྲུབ་པའི་རྐད་མགྱོགས་ནི།། དཔག་པའི་ཚད་ལས ་འདས་པ་སྟེ། ། སྐྱེས་བུ་རྩལ་དང་ལྡན་པ་བཞིས།། ཕྱོགས་བཞི་དག་ཏུ་ཁ་སྟས་ནས།། དུས་གཅིག་མངའ་ཡི་རྒྱད་འཕངས་ནས།། མདའ་ནི་ས་ལ་མ་འབབས་པར།། བཞི་ཀ་བར་སྣང་ལས་བླངས་ནས།། སྐད་ཅིག་ཙམ་གྱིས་འཇིག ་རྟེན་སྐོར། ། སྐྱེས་བུ་ལག་ཚེད་མ་ཡལ་བར།། དེ་མ་ཐག་ཏུ་གནས་སུ་སླེབ།། རོལ་འདོད་པ་ཀུན་འབྱུང་ཞེས།། དུས་གསུམ་རྒྱལ་བ་རྣམས་ཀྱིས་བཤད།། ཅེས་གསུངས་སོ།། རོ་ལངས་བསྒྲུབ་པའི་ཏིང་ངེ་འཛིན་ཏོ།། དེ་ནས་ཡང ་སེམས་དཔའི་རྡོ་རྗེ་སྙིང་པོ་དེ་རྡོ་རྗེ་ནམ་མཁའི་ཐེམ་སྐུས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། ། ནམ་མཁའ་རྡོ་རྗེར་བསྒོམས་ནས་ཀྱང་།། ཏིང་འཛིན་རེང་བར་གྱུར་པ་ན།། ཕན་ཚུན ་གྷ་བྲུའི་ཐབས་ཚུལ་དུ། ། རྡོ་རྗེ་སས་ལ་བགྲོད་ནས་ནི།། ནམ་མཁའི་དབྱིངས་སུ་སོང་ནས་ཀྱང་།། སྣང་སྲིད་འཇིག་རྟེན་ཁམས་ལ་བལྟ།། དེས་ནི་སེམས་ཡུལ་ཡངས་པར་འགྱུར།། ཞེས་གསུངས་སོ།། དེ་ནས་ཡང་སེམས་དཔའ ་རྡོ་རྗེ་སྙིང་པོ་དེ་རྒྱ་མཚོ་ཆེན་པོ་གནོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་སྐད་ཅེས་གསུངས་སོ། ། རྒྱ་མཚོ་རྡོ་རྗེས་བཏམས་པར་ནི།། ཏིང་འཛིན་གསལ་བར་གྱུར་པ་དང་།། རྒྱ་མཚོ་ཆེན་པོར་བགྲོད་ནས ་ནི། རྒྱ་མཚོར་གནས་པའི་སེམས་ཅན་རྣམས།། ཏིང་འཛིན་རྡོ་རྗེས་བསྒྲལ་བར་བྱ་ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་སྙིང་པོ་དེ་ཐོགས་མེད་རླུང་ཟླའི་དཀྱིལ་འཁོར་ལ་སྙོམས་པར་ཞུགས་ནས་འདི་སྐད་ཅེས ་གསུངས་སོ། ། ནམ་མཁའ་དག་གི་ལིང་ག་ལ།། ཟླ་བའི་དཀྱིལ་འཁོར་དབུས་གནས་པར།། བསྒོམས་ཏེ་ཏིང་འཛིན་རྟས་པ་དང་།། ཞིང་ཁམས་ཀུན་ཏུ་བགྲོད་པར་བྱ་ཅེས་གསུངས་སོ།། དེ་ནས་ཡང་སེམས་དཔཱི ་རྡོ་རྗེ་སྙིང་པོ་དེས་ཉི་མ་རབ་ཏུ་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། ། ནམ་མཁའ་དག་གི་ལིང་ག་ལ།། ཉི་མའི་དཀྱིལ་འཁོར་དབུས་གནས་པར།། བསྒོམས་ཏེ་ཏིང་ངེ་འཛིན ་རྟས་པ་དང་མུན་པའི་གནས་རྣམས་ཐམས་ཅད་བསལ་ཞེས་གསུངས་སོ། ། དེ་ནས་ཡང་སེམས་དཔའི་རྡོ་རྗེ་སྙིང་པོ་དེས་སྲེག་པའི་བསྐལ་པ་གཞིལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། རྣལ་འབྱོར་སྡིག ་འཛུབ་རྩེ་མོ་ལ། ། ཟླ་བའི་དཀྱིལ་འཁོར་འོད་གསལ་འབར།། བསྒོམས་ཏེ་ཏིང་འཛིན་རྟས་པ་དང་། ཆུ་རྒྱུན་བབས་ཏེ་གཞིལ་བར་བྱ་ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་སྙིང་པོ་དེས་སྟོང་གི་འཇིག་རྟེན་རྒྱང ་མར་འཕེན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་སྐད་ཅེས་གསུངས་སོ། ། རྣལ་འབྱོར་ལས་ཀྱི་དཀྱིལ་འཁོར་དུ།། སྟོང་གི་འཇིག་རྟེན་ཁོར་ཡུག་བཅས།། ཤིན་དུ་གསལ་བར་བསྒོམས་པ་དང་། ཏིང་འཛིན ་རྩལ་ཅན་རབ་སྦྱངས་ཕྱིར། ། ནམ་མཁའི་ཁམས་སུ་འཕངས་ནས་ནི།། ས་ནས་ས་རུ་སྤར་བར་བྱ།། དེ་སྐད་ཅེས་གསུངས་སོ།། དེ་ནས་སེམས་དཔའི་རྡོ་རྗེ་དེ་ཉི་མའི་དཀྱིལ་འཁོར་འབུམ་འགྱེད་པ་ཞེས་བྱ་བའི་ཏིང་ངེ་འཛིན་ལ ་སྙོམས་པར་ཞུགས་ནས་འདི་སྐད་ཅེས་གསུངས་སོ། ། རྣལ་འབྱོར་སྡིགས་པའི་འཛུབ་མོ་ལ།། ཉི་མའི་དཀྱིལ་འཁོར་འབར་བ་ལས།། འོད་ཟེར་འབར་བ་འབུམ་འབྲོས་པས།། འོད་ཟེར་དེ་དག་རེ་རེ་ལས།། ཉི་མའི་དཀྱིལ་འཁོར ་འབུམ་འཕྲོས་པས། ། དེས་ནི་མུན་པ་ཐམས་ཅད་སེལ་ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་སྙིང་པོ་དེ་འབྱུང་བ་ཆེན་པོ་བསྐལ་པའི་ཆུ་རྒྱུན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས། ་གསུངས་སོ།། རྣལ་འབྱོར་ལག་པའི་འཁོར་ལོ་ལས།། ཆུ་ཟླའི་སྙིང་པོ་རབ་ཤར་ཏེ།། བདུད་རྩི་ཆུ་བོའི་རྒྱུན་བབ་པས།། སྲེག་པའི་བསྐལ་པའི་མེ་ཆེན་གསོད།། ཅེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་དཀུ ་ཕྱག་རྒྱ་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། ། རིན་ཆེན་འབར་བའི་ལིང་ག་ལ།། སངས་རྒྱས་ཡེ་ཤེས་དཔལ་གྱི་སྐུ།། རིན་ཆེན་འབར་བའི་ངོས་བརྒྱད་ལ།། རིགྲ་པའི། ་མ་མོ་དཔལ་འབར་བ།། བརྒྱད་དུ་གསལ་བར་གྱུར་པ་དང་།། ཡེ་ཤེས་རྩ་བའི་དཀྱིལ་འཁོར་རྫོགས་ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་སྙིང་པོ་དེས་གསུང་གི་ཕྱག་རྒྱ་འབར་བ་ཞེས་བྱ་བའི་ཏིང་ངེ་འཛིན་ལ ་སྙོམས་པར་ཞུགས་ནས་འདི་སྐད་ཅེས་གསུངས་སོ། ། པད་མ་འབར་བའི་ལིང་ག་ལ།། རིན་ཆེན་འབར་བའི་ཡིག་འབྲུ་བརྒྱད།། ཤིན་ཏུ་འབར་ཞིང་འཕྲོ་འདུ་བ།། གསུང་གི་རྩ་བའི་ཕྱག་རྒྱ་ཡིན་ཞེས་གསུངས་སོ།། དེ་ནས་ཡང ་སེམས་དཔའི་རྡོ་རྗེ་དེ་ཐུགས་ཀྱི་ཕྱག་རྒྱ་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསོངས་སོ། ། རྡོ་རྗེ་འབར་བའི་ལིང་ཀ་ལ།། ཡི་གེ་ཧཱུཾ་གི་འབྲུ་ཡིས་བསྐོར།། མཐའ་མ་རིན་ཆེན་ཡིག་འབྲུ་བརྒྱད།། ་དོག་མཐིང་ཀས་བསྐོར་བ་ནི།། ཐུགས་ཀྱི་གསང་བའི་ཡེ་ཤེས་ཡིན་ཞེས་གསུངས་སོ།། དེ་ནས་སེམས་དཔའི་རྡོ་རྗེ་དེས་ཏིང་ངེ་འཛིན་གྱི་མདོ་འདི་གསུངས་སོ།། སེམས་ནི་སྒྱུ་མའི་རང་བཞིན་ཏེ།། ཇི་ལྟར་བརྟགས་པ་དེ ་ལྟར་སྡང་། ། མདོ་བཞིན་སྣང་བར་མ་གྱུར་ཀྱང་།། སེམས་ཉིད་བརྟགས་པ་དེ་ལྟར་འགྱུར།། གདོས་བཅས་དམིགས་བུས་མི་མཐོང་ཡང་།། མངོན་ཤེས་ཡི་གཟུགས་ཅན་གྱིས་མཐོང་།། གང་ལྟར་བརྟགས་པར་ཡུན་རྟག། ་རྟོག་པ་རྟས་པའི་འབྲས་བུ་ནི།། མངོན་སུམ་གསལ་བར་རེད་པར་འགྱུར།། དགེ་དང་མི་དགེའི་བག་ཆགས་དང་།། ཡོད་དང་མེད་པའི་རང་བཞིན་རྣམས།། བག་ཆགས་རྟས་པ་ཁོ་ནར་ཟད།། དེ་བས་ཏིང་འཛིན་སེམས་ཉིད་གཙོ་ཞེས ་གསུངས་སོ། ། གྱི་རྒྱ་པོ་ཅན་པ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྒྱུན་གྱི་ཏིང་ངེ་འཛིན་གྱི་ལེའུ་སྟེ་དགུ་པའོ།། །། དེ་ནས་སེམས་དཔའི་རྡོ་རྗེ་སྙིང་པོ་ངེས་གསང་སྦྱོར་ཆེན་པོ་སྒྲུབ་པ་འདི་གསུངས་སོ།། དུས། ་པ་ཆེན་པོའི་རྣལ་འབྱོར་རྣམས།། ཤིན་དུ་གསང་བའི་སྒྲུབ་པ་འདི།། བདེ་གཤེགས་རྒྱལ་བའི་གཤེགས་ཤུལ་ཏེ།། འཇིག་རྟེན་གང་ཟག་ལམ་ཡང་ཡིན།། མ་རྟོགས་པ་དང་ལོག་པར་རྟོགས།། ཕྱོགས་རྟོགས་ཡང་དག་ཉིད་མགས། ་ལོག་པའི་ལམ་བཞིན་མཐའ་བསལ་ནས།། བདེ་གཤེགས་རྒྱལ་བའི་ལམ་ལ་འཇུག། དེས་ན་སྒྲུབ་པའི་ལམ་མཆོག་འདི།། འདུས་པའི་ཚོགས་ལ་བཤད་པར་བྱ།། ཤིན་དུ་གུས་པས་མཉན་པར་གྱིས།། དེ་ནས་འདུས་པའི་འཁོར ་ནམས་ཀྱིས་གསང་བ་སྦྱོར་བའི་ཕྱག་བྱས་ནས། འདི་སྐད་ཅེས་གསོལ་ཏོ།། བཅོམ་ལྡན་འདས་གསང་བའི་དབང་ཕྱུག་ཆེན་པོ་བདག་ཅག་རྣམས་ལ་གསང་བའི་ཡང་གསང་བ། བཀའ་གསང་བ་ཆེན་པོ་ཡེ་ཤེས་རྨད་དུ་བྱུང་བ ་སངས་རྒྱས་གཤེགས་པའི་ཤུལ་ཡང་དག་པའི་དོན་བདག་ཅག་རྣམས་ལ་བཤད་དུ་གསོལ་ཞེས་གསོལ་བ་བཏབ་པ་ལས་སེམས་དཔའི་རྡོ་རྗེ་སྙིང་པོ་དེ། བཙུན་མོའི་ཚོགས་ལ་དགྱེས་པར་འཇུག་པ་ཞེས་བྱ་བའི་ཏིང་ངེ་འཛིན ་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། ། བྷ་ག་གསང་བའི་པད་མ་ནི།། བདེ་གཤེགས་རྒྱལ་བའི་ཕོ་བྲང་སྟེ།། སྔོན་འདས་རྒྱལ་བ་རྣལ་བའི་དབྱིངས།། ད་ལྟར་བཞུགས་པ་གནས་པའི་རྟེན།། སླད་ཀྱིས་བྱོན་པ་གཤེག ་པའི་ཤུལ། ། རྒྱལ་བ་རྣམས་ལ་དེ་ལྟར་སྣང་།། དེ་ལྟར་མ་ཤེས་འཁོར་བའི་ལམ།། རྣལ་འབྱོར་ཅན་གྱིས་ཤེས་པར་གྱིས།། ཡུལ་གྱི་མཆོད་ནི་འདིར་གཟུང་བ།། མཚན་ལྡན་བཀྲ་ཤིས་གསང་བའི་ཡུམ།། སྨིན་ཀྱུས་རིང་ལ་ལགསོད་མ ་ཚིགས་མིག་ཟླུ་མ་ལ་ཕྲ་བར་བཤད། ། ཁ་ནས་ཨུཏྤལ་དང་ལྡན་ཞིང་།། ཡིད་འོང་མཚན་ལྡན་རྐེད་སྐབས་ཕྱེད།། སྒྲ་འཇམ་མཐོན་ཏིང་ལྕང་ལོར་འཁྲིར།། སོ་ག་ཆགས་དམ་སྨིན་དཀྱུས་རིང་།། བར་མ་འིརི་མེ་ཏོག་རྒྱས་འདྲའི་སྦྱིན་པ། ་པའི་དབྱེས་ཆེ་སྐྲ་འཚམས་འཁྲུག། སྔ་བཟོད་མདོག་གསལ་པད་མའི་རིགས།། ལུས་དྲང་སྐེ་རིང་སེམས་མའི་ཚུལ།། ནུ་མའི་དཀྱིལ་འཁོར་ཟླ་རྒྱས་འདྲ།། ཤ་དཀར་ཆགས་དམ་འཁྲིལ་བག་ཅན།། ཁོང་ངལ་འགྲོན་གོམ་པ་འཇམ།། ་སྐད་ནི་རང་པ་བཞིན་དུ་སྒྲོགས།། ཅི་ཡང་མཛེས་པའི་སྟབས་ཚུལ་ལྡན།། སྐྱེས་བུ་ཐ་མས་ཡུམ་དུ་བཟུང་།། གཟུངས་སུ་བྱིན་གྱིས་བརླབས་པ་ནི།། དེ་ཡི་གཟུགས་ཀྱི་ཕུང་པོ་ལ།། བདེ་བར་གཤེགས་པའི་ས་བོན་ལྔ།། འཕྲོ་འདུགསལ ་བར་གྱུར་པ་དེ། ། རྒྱས་བཏབ་བྱིན་རླབས་དབང་བསྐུར་ནས།། བདེ་གཤེགས་ཡུམ་ལྔའི་སྐུ་མཆོག་གསལ།། རྡོ་རྗེ་ཐབས་ལའང་དེ་བཞིན་ཏེ།། དེ་ལྟར་གསལ་བར་གྱུར་པ་དང་།། ཡུམ་གྱི་མཁའ་ལ་མེ་ཡེ་སྒོམ།། གསང་བ་དབུས་ཀྱི་ཟླ ་གམ་ལ། བྱང་ཆུབ་སེམས་ཀྱི་སྤྲོ་བསྡུ་བྱ།། གཟུགས་བརྙན་ཇི་ལྟར་གསལ་བ་བཞིན།། ཆགས་པའི་མཁའ་ལ་དེ་བཞིན་ནོ།། མ་སྐྱེས་པ་དང་མ་འགགས་པ།། རིག་པ་རང་སྣང་མཉམ་པའོ།། མཁའ་དབྱིངས་རྣམ་དག་བདེ་ཆེན་ཀློང། ་མི་གནས་བདེ་བ་ཆེན་པོའི་ལུང་།། རིག་པ་ཐབས་ཀྱི་རང་བཞིན་ལས།། བྱིན་རླབས་རང་དབང་ངང་གིས་གསལ།། བཞིན་མདོག་དམར་པོ་སོགས་ཀ་ལ།། དཔྲལ་བའི་དབྱེས་ཚེ་སྨིན་ཀླུས་རིང་།། མིག་གི་མདངས་གསལ་དཀྱུས་སུ་རིང་། ་དུང་ཆེན་ཐགས་དམ་ཤེལ་མདོག་ཆགས།། བཞིན་གྱི་གཟངས་རིང་ཀོས་སྐོ་པྲ།། ལུས་ལ་ཞིམ་པའི་དྲི་ལྡང་ཞིང་།། ཁ་ནས་ག་བུར་དད་ལྡང་བ།། ནུ་མའི་དཀྱིལ་མཐོ་ནུ་མར་འཁྱིལ།། པད་མ་ཅན་ཞེས་བྱ་བར་གྲགས། རུང་ཅན་མ་ཞེས ་བསྟན་པ་ནི། ། དཀར་མོ་ཟླ་བའི་མདངས་སུ་གསལ།། བཞིན་ལུས་དུང་ལྟར་གཡས་སུ་གཡོ།། གཙུག་པུད་མཐོན་མཐིང་གཡས་སུ་འཁྱིལ།། སྐད་ཆེ་མདངས་སྙན་ཚིག་ཏུ་གསལ།། བོང་ཆུང་ལུས་ནི་མཛེས་པར་སྣང་།། བུ་མོ་མག ་རིངས་ཞེས་བྱ་བ། ། ཤེས་རབ་གསལ་ཞིང་འདོད་པ་ཆེ།། གཙོ་བོ་ངེས་པའི་བརྟུལ་ཞུགས་ཅན།། ཟླ་གསང་དཀར་དམར་རླུང་ཀར་ལྕི།། རྣམ་པར་བཇིག་ཅིང་འཁྱིལ་བས་ནི།། ཀུན་གྱིས་དྲོད་ནི་ཡོད་མི་ལོན།། གསང་བ་སྦས་པའི་ཐབས་ལ ་མཁས། ཕྱི་ནང་རླུང་ཀར་གསེར་ལྟར་ལྕི།། རྟོག་པ་མེད་ཅིང་དོན་ལ་གཞོལ།། བཞིན་ནི་གྲུ་བཞིའི་དབྱིབས་ལྡན་ལ།། མིག་རིང་ཕྲ་བཤད་འཁྱིལ་བག་ཆགས།། དཀར་རམར་མཛེས་པའི་རྒྱན་གྱིས་བརྒྱན།། ལྗོན་པ་དག ་གི་རིགས་སྨོས་པ། ། སྡོང་པོ་ཡལ་ག་མང་པོའི་དཀྱིལ།། ཤིན་དུ་མདབ་རྒྱས་ཡལ་གར་ལེགས།། མཐོན་མཐིང་སྒྲ་ཡི་རང་བཞིན་ནི།། བྱང་ཆུབ་སེམས་འདྲར་ལྕང་ལོར་བཤད།། སྟོད་སྨད་ཀུན་དུ་ཕྲ་ལ་ལེགས།། སྲིད་དུ་རིང་ཞིང་རྗེ། ་བག་ཅན།། ལྕུག་ཕྲན་ཞེས་བྱའི་མཚན་མ་ནི།། བཅུ་གཉིས་ཉི་ཤུ་རྩ་ལྔ་པ།། རྡོ་རྗེའི་མཚོན་གྱིས་མ་པོག་ཅིང་།། མུ་ལ་རག་ཏར་ལྡན་པ་ལ།། ཕྲ་ཞང་བཤད་ལ་ཟངས་སུ་རིང་།། བན་གླང་སེར་མོ་གྲུ་བཞི་ལ།། ཁམ་ལ་མིག་འབུར ་སྨིན་ཚོགས་ཆེ། ། སྐྲ་ཁམ་མལ་སོ་ཆེ་ཞིང་།། སྣང་རིང་འགྲམ་སླང་རིང་བ་ཡིན།། རི་མོ་ཅན་གྱི་བུད་མེད་ནི།། ནག་མོ་གྲ་གསུམ་རྩི་དམགོ་མ།། ཁྲོ་གཉེར་ཅན་ལ་གེལ་བག་རགས།། སྡོད་གཅིག་ཡན་ལག་གཏན་མེད་པའོ།། སྐྱེ་བའི ་རྒྱུ་མེད་བཀྲ་མི་ཤིས། ། མི་རེག་ཡལ་གམས་ཚིག་ཡིན།། སྤྱིར་ནི་དེ་ལྟར་བསྟན་མོད་ཀྱང་།། གང་དག་དང་ལྡན་བརྟུལ་ཞུགས་ཅན།། ཡིད་དུ་འོང་དང་མི་འོང་རྣམས།། དད་པ་ཆགས་ཤིང་ལུས་འབུལ་ན།། ཐུགས་རྗེའི་ཡུལ་བས ་ཀུན་སྙོམས་བྱ། ། རྣམ་རྟོག་སྤོང་ལེན་གང་བྱེད་པ།། དེ་དག་སྒྲིབ་པ་མུ་མཐའ་ཡས།། རྨད་དུ་གསང་བའི་མཆོད་པ་ལ།། གསང་བའི་ཕྱག་ཚད་གང་བྱེད་པ།། ལས་ཀྱི་སྒྲིབ་པ་ཀུན་གསལ་ཏེ།། མན་ངག་གསང་པའི་དམིགས་བུ་ཐོབ།། ་དེ་ལྟར་བརྟགས་པའི་ཡུམ་དེ་ལ།། དྲི་སྤོས་ཙན་དན་ལ་སོགས་པས།། ཨ་ག་རུ་དང་སྦྱར་བའི་ཆུ།། ཁྲུས་ཀྱི་ཚོགས་དག་པར་བྱ།། དྲི་ཞིམ་ལ་སོགས་སྣ་ཚོགས་ཀྱིས།། ལུས་ལ་བྱུག་པ་སྣ་ཚོགས་བྱ།། དེ་ནས་ནང་གི་ཁྲུས ་ཆེན་ཡང་། ། ཤིན་དུ་དག་པར་བྱ་བ་ནི།། རྫས་ཀྱི་ཆུ་དང་རྫས་སྦྱར་བས།། ནང་གི་རྫས་རྣམས་དག་པར་བྱ།། བུར་ཤིང་སྙིང་པོ་ལ་སོགས་པ།། རོ་ཡི་མཆོག་ཏུ་གྱུར་པ་ཀུན།། རྩི་འམ་བཅུད་དང་སྦྱར་ནས་ཀྱང་།། ནང་གི་རྫས་ནམ ་སྦྱར་བར་བྱ། ། རྫས་ཀྱི་ཆོ་ག་རྫོགས་པ་དང་།། བྱང་ཆུབ་མཆོག་ཏུ་སེམས་བསྐྱེད་དེ།། མི་དམིགས་ཆོས་ལ་བློ་སྦྱངས་ཕྱིར།། རྩ་བ་བྱང་ཆུབ་སེམས་ཀྱི་དོན།། རྒྱ་ཆེར་ཤིན་དུ་བཤད་པར་བྱ།། ཕུང་པོ་སྒྱུ་མར་སྣང་བས་ན།། ་སེམས་ལ་རང་བཞིན་མེད་པར་ངེས།། སྣང་སྲིད་ནམ་མཁའ་གཅིག་པས་ན།། འཁོར་བ་སྒྱུ་མ་ཡིན་པར་ངེས།། ཀུན་བཞི་ཆོས་ཀྱི་མཛོད་ཡིན་པས།། སངས་རྒྱས་གཞན་ན་མེད་པར་ངེས།། བྱམས་ལ་དང་མཆག་པས་ན།། ་སྡང་ལ་སེམས་མི་འཁྲུག་པར་ངེས།། གནས་ལ་ངེས་པ་མེད་པས་ན།། ས་རྣམས་བགྲོད་པ་མེད་པར་ངེས།། སེམས་ལ་སྐྱེ་ཤི་མེད་པས་ན།། འཕོ་འགྱུར་དག་ལ་ཉམ་མིང་།། དེ་ནས་ཐམས་ཅད་སྒྱུ་མར་སྣང་།། སྒྱུ་མ་རང་བཞིན ་མེད་ཤེས་པས། ། ཐམས་ཅད་ཆོས་ཉིད་སྙིང་པོ་ཡིན།། མཚན་མ་རྟོག་པའི་དྲི་མ་དག། ཆོས་ཉིད་ཆུ་བོ་དེས་བཀྲུས་ན།། འཛིན་པའི་དྲི་མ་དག་པར་འགྱུར།། དེ་ནས་རྒྱན་གྱི་ཆོ་ག་ནི།། རྫས་ཀྱི་ཡོ་བྱད་ཡིན་པས་ན།། རློབ་ཅིང་འཕུར ་བའི་ཆེས་གོས་དང་། ། རིན་ཆེན་ཕྲོག་དང་རྣ་ཆར་བཅས།། འཇོལ་སྒེག་མགུལ་བརྒྱན་ལ་སོགས་པས།། དཔུང་རྒྱན་དོ་ཤལ་སེ་མོ་དོ།། ནོར་བུ་རིན་ཆེན་ལ་སོགས་བརྒྱན།། རྐང་གདུབ་ལག་གདུབ་ལ་སོགས་པ།། གསེར་དང་དངུལ ་ལ་སོགས་པས་བརྒྱན། ། རོལ་མོ་སྒྲ་དབྱངས་སྣ་ཚོགས་པའི།། མཆོད་རྫས་སྣ་ཚོགས་ཐོགས་པར་བྱ།། དེ་ནས་འདྲེན་པའི་ཆོ་ག་ནི།། གསང་བའི་ཚིག་གིས་བསྲེ་བ་ན།། རྡོ་རྗེ་ལྕེ་ཡི་དམ་ཚིག་གིས།། ཚིག་གི་བརྡས་ནི་མཚོན་པར ་བྱ་ས་མ་ཡ་ཧེ་ཞེས་བརྗོད་ན། ། ས་མ་ཡ་སྟམ་ཞེས་ཀྱང་བསྲེ། ར་ག་ཡ་མི་ཞེས་བརྗོད་ན། ར་ཧོ་ཏི་ཞེས་བརྗོད་པར་བྱ། ཏི་བ་སུ་ཀི་ཞེས་བརྗོད་ན། གན་དེ་ཙི་ཏ་ཞེས་པས་མཚོན།། ཨ་ཏི་པུ་ཧོ་ཞེས་བརྗོད་ན།། པྲ་ཏི་པུ་ཧེ་ཞེས་པས། ་མཚོན། གཡས་ཀྱི་སྨིན་མ་བསྐྱོད་བྱས་ནི།། གཡོན་གྱི་སྨིན་མས་མཚོན་པར་བྱ།། ནཱ་ས་གཡས་ཀྱི་མཚོན་བྱས་ན།། དེ་བཞིན་ནཱ་ས་གཡོན་གྱིས་མཚོན།། གཙུག་ཏོར་གཙུག་ཏུ་མཚོན་བྱས་ན།། དེ་བཞིན་དཔལ་བེའུའི་ལིང ་གར་མཚོན། ། རྡོ་རྗེ་ལིང་ག་འོད་འཕྲོ་ན།། པད་མ་ཟེ་འབྲུ་འབར་འཕྲ་འཁྱིལ།། ཞེས་པའི་ཚིག་གི་དོན་རྣམས་བསྲེ།། བསྐུལ་བའི་ཆོ་ག་ཁྱད་པར་ཡང་།། དོན་གྱིས་འདི་ལྟར་བསྐུལ་བར་རིག་པ།། ཤེས་རབ་ཉི་མའི་འོད་ཟེར ་གྱིས། ཐབས་མཆོག་ཟླ་བའི་འོད་ལ་བསྐུལ།། བསྐུལ་བའི་ཆོ་ག་རྫོགས་པ་དང་།། མཆོད་པའི་ཡོ་བྱད་དབུལ་བར་བྱ།། དེ་ནས་སངས་རྒྱས་ཐམས་ཅད་ཟླ་བའི་དཀྱིལ་འཁོར་གྱི་ངང་དུ་གསལ་བར་གྱུར་ཏོ།། ཤེས་རབ་ཉི་མའི་དཀྱིལ ་འཁོར་གྱི་ངང་དུ་གསལ་བར་གྱུར་ཏོ། ། དེ་ནས་ཉི་མའི་ཟེར་གྱིས་འདི་སྐད་ཅེས་བསྐུལ་ཏོ།། མི་གཡོ་མཆོག་གི་རྒྱལ་པོ་དགོངས་སུ་གསོལ།། རྣམ་པར་མི་རྟོག་ཤིན་དུ་དྲི་མེད་སྐུ།། འོད་ཟེར་མདངས་ལྡན་ཟླ་བ་རྒྱས་འདྲའི་ཞལ ་དགྱེས་ཕ་རོལ་པའི་དོན་ལ་བཞེངས་སུ་གསོལ། ། དེ་སྐད་ཅེས་བསྐུལ་བ་དང་། ཟླ་བའི་འོད་ཟེར་ལས་འདི་སྐད་ཅེས་བསྐུལ་ལོ།། ཡིད་འོང་འབྱོར་ལྡན་རྒྱལ་བ་རྒྱ་མཚོའི་དབྱིངས།། ཤེས་རབ་ཟབ་མོ་རྣམ་དག་པད་མའི་མདངས་སྨྲ ་འཕྲུལ་རབས་ལ་མཁས་པའི་སྤྱོད་མཆོག་མ། ། ཡི་དེ་འོང་འབྱོར་ལྡན་ཆོ་འཕྲུལ་སྣ་ཚོགས་བསྟན་ཞེས་གསུངས་སོ།། དེ་ནས་ཡོ་བྱད་ཀྱི་ཚོགས་ཐམས་ཅད་ཤིན་དུ་འབུལ་བ་ཞེས་བྱ་བའི་ཆོ་འཕྲུལ་བྱུང་སྟེ།། ཉི་མའི་འོད་ཟེར ་ལས་སྒྲ་བྱུང་བ། ། པད་མའི་ཟེ་འབྲུ་འབར་བ་འདི།། འཛུམ་པའི་མདངས་ཀྱི་འབུལ་ལགས་ན།། དགྱེས་པའི་རྡོ་རྗེ་ཆོ་འཕྲུལ་ལས།། བྱང་ཆུབ་ཆར་སྤྲིན་དཔབ་དུ་གསོལ།། ཟླ་བའི་འོད་ཟེར་ལས་ཆོ་འཕྲུལ་གྱི་སྒྲ་བྱུང་བ།། ཨེ་མ ་ཡིད་ཀྱི་དགའ་སྡེ་མོ། ། གདུང་བའི་སྙིང་ཕྲེང་ཤེས་རབ་གཟུངས།། པད་མའི་གའུ་འཁྱིལ་པ་ལ།། བདེ་བའི་རྡོ་རྗེ་བྱང་ཆུབ་འབར་ཞེས་སྒྲ་བྱུང་བས།། ཕྱག་རྒྱ་སྣ་ཚོགས་ཀྱི་ཆོ་འཕྲུལ་འབྱུང་བའི་རྒྱུར་གྱུར་ཏོ།། དེ་ནས་སེམས་དཔའ ་རྡོ་རྗེ་དམ་པ་ངེས་འཁོར་ཐམས་ཅད་ཐུགས་རྗེས་ཡོངས་སུ་བཟུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཐབས་མཆོག་ཟླ་བ་རྡོ་རྗེ་ཞེས་བྱ་བ་ལས་ཆོ་འཕྲུལ་གྱི་སྒྲ་འདི་འབྱུང་ངོ་། ། འདོད་པའི་དབང་པོ་ཐམས ་ཅད་ནི། ཆགས་པའི་འགྱིང་པའི་གཙོ་མོ་ཡིན།། ཆགས་པ་རྣམ་པར་སྤང་བའི་ཕྱིར།། འདོད་པ་གནས་སུ་དྲང་བར་བྱ་ཞེས་བྱུང་བས། འཁོར་བ་ཐམས་ཅད་ཐུགས་རྗེ་ཆེན་པོའི་ལྷུང་བཟེད་ཀྱིས་བཟུང་ངོ་།། དེ་ནས་སེམས ་དཔའི་རྡོ་རྗེ་དེ་སྒྲིབ་པ་སྲེག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། ། རྡོ་རྗེ་འབར་བའི་ལིང་ག་ལ།། ཨ་ན་ཡེ་ཤེས་འོད་འཕྲོས་པས།། ཆགས་པའི་སྒྲིབ་པའི་བུད་ཤིང་རྣམས།། མེ ་ཡི་ཡེ་ཤེས་ཀྱིས་སྤངས་སོ། ། དེ་ནས་ཡང་སེམས་དཔའི་རྡོ་རྗེ་དེས།། བྷ་ག་བྱིན་གྱིས་རློབས་པ་ལ་སྙོམས་པར་ཞུགས་ནས། གསུངས་པ། འཁོར་བར་སྣང་བའི་ཆོས་རྣམས་ཀུན།། བྷ་གའི་སྙིང་པོར་རབ་གསལ་གཡུམ་གྱི ་ལུས་ཀྱི་ཡན་ལག་རྣམས། ། ཡུམ་ལྔའི་རང་བཞིན་ཉིད་དུ་གསལ།། ཞེས་གསུངས་སོ།། དེ་ནས་སེམས་དཔའི་རྡོ་རྗེ་སྙིང་པོ་དེས་ཆགས་པ་ཐམས་ཅད་གཅོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད ་ཅེས་སོ། ། ཆོས་ཉིད་ནམ་མཁའ་རྟོགས་གྱུར་ན།། སྦྱོར་སྒྲོལ་མང་པོ་ཅི་བྱས་ཀྱང་།། ཆགས་སྔར་དྲང་བའི་ཐབས་ཡིན་ཏེ།། རྡུལ་ཆ་ཙམ་ཡང་སྣང་བ་མེད་ཅེས་གསུངས་སོ།། དེ་ནས་སངས་རྒྱས་ཐམས་ཅད་བཙུན་མོའི ་ཚོགས་ཐམས་ཅད་ལ་དགྱེས་པའི་རོལ་པ་བཞུགས་པར་གྱུར་ཏེ། ། མི་དམིགས་པའི་བདེ་བ་ལ་ཅི་ཡང་མི་གཡོ་བར་གྱུར་ཏོ།། དེ་ནས་བྱང་ཆུབ་སེམས་ཀྱི་ཆར་ཆེན་པོ་པད་མའི་སྙིང་པོ་རྒྱུན་མི་འཆད་པར་འབབ་པར་གྱུར་ཏོ།། འཁོར ་བ་ཐམས་ཅད་ནི་རྒྱལ་བའི་སྲས་བོར་བསྐྱེད། ། རྒྱལ་བ་འགོག་པ་ནི་བྱང་ཆུབ་སེམས་ཀྱིས་བརླན་པར་མཛད་ཅིང་སྲིད་པའི་མྱུ་གུ་མངོན་པར་བསྐྱེད།། རྨད་དུ་བྱུང་བའི་མཆོད་པའི་ཡོ་བྱད་ནི་བསམ་གྱིས་མི་ཁྱབ་པའི ་ལིང་ལོང་བྱེད་པར་བྱུང་ངོ་། ། རིག་འཛིན་གྱི་སེམས་དཔའ་ཐམས་ཅད་ནི་ཤེས་བྱའི་སྒྲིབ་པ་སྤངས་ནས་ཆོས་ཀྱི་སྐུའི་ནང་དུ་བརླན་པར་གྱུར་ཏོ།། དེ་ནས་སེམས་དཔའི་རྡོ་རྗེ་དེས་འགྲོ་བ་ཐམས་ཅད་ལ་དབང་བསྐུར་བ་ཞེས ་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། དཔག་ཏུ་མེད་པའི་རྒྱལ་བ་རྣམས།། འཁོར་བའི་སེམས་ཅན་རྒྱུ་ལས་བྱུང་།། འཁོར་བའི་སེམས་ཅན་རྒྱུན་ཆད་ནས།། སངས་རྒྱས་རྒྱུན་ཡང་འཆད་པར་འགྱུར།། ་འཁོར་བ་ཆོས་ཉིད་རང་བཞིན་དུ།། ཤེས་ནས་སྨྲ་བར་གང་བྱེད་པ།། རིག་པའི་ཡེ་ཤེས་རང་དབང་དེ།། ཆོས་ཀྱི་རྒྱལ་པོ་རྒྱལ་བའི་སྲས་ཞེས་གསུངས་སོ།། དེ་ནས་སེམས་དཔའི་རྡོ་རྗེ་དམ་པ་དེས་ཆོས་ཐམས་ཅད་གྲུབ་པ ་སྨོན་ལམ་གྱི་སྒོ་ནས་འཇུག་པར་མཁྱེན་ནས། སྨོན་གནས་ཆེན་པོའི་ལམ་འདི་གསུངས་སོ།། འགྲོ་དྲུག་རྒྱལ་བའི་སྲས་པོ་འདི།། མ་རྟོགས་ལོག་པར་འཁྱམས་པ་རྣམས།། རྒྱལ་བའི་སྲས་སུ་བསྐྱེད་ནས་ནི།། འཁོད ་བའི་རྒྱན་རྣམས་གཅད་པར་བྱ། ། ཉི་ཟླའི་ནང་དུ་གཞག་ནས་ནི།། བཅུ་དྲུག་ས་ལ་རྫོགས་པར་འགྱུར།། དེས་ན་རིགས་ལྡན་མཚན་བཟང་ལ།། དོན་དང་ལྡན་པའི་མཁས་པ་ཡིས།། སྦྱོར་བའི་ཡན་ལག་ཀུན་རྫོགས་ནས ་ཡུམ་གྱི་མཁའ་དབྱིངས་ཟླ་གམ་ལ། ། གྲུབ་པའི་གཞལ་ཡས་ཁང་དུ་བསྐྱེད།། རྩིབས་བརྒྱད་ཟླ་གམ་དགུར་གསལ་ལ།། བྱང་ཆུབ་སེམས་ལས་ཕྱག་རྒྱའི་ཚོགས།། ལྷ་དགུ་གསལ་བའི་ཡེ་ཤེས་བསྐྱེད།། དེས་ནི་ཐམས ་ཅད་རྫོགས་པར་འགྱུར་ཞེས་གསུངས་སོ། ། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་གསང་སྦྱོར་སྒྲུབ་པའི་ལེའུ་སྟེ་བཅུ་པའོ།། །། དེ་ནས་སེམས་དཔའི་རྡོ་རྗེ་སྙིང་པོ་དེ་མི་འགྱུར་བ ་གཞན་འཕོ་བ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། ། རྣལ་འབྱོར་རིག་འཛིན་གང་ཞིག་རྣམས།། མི་འབོ་བར་ནི་གནས་འདོད་པ།། ལོ་གཅིགགས་ནི་གཅིག་ག། ་དེ་བཞིན་ཞག་གི་རྣམ་གྲངས་ཀྱང་།། བཅཝ་ལྔ་འམ་ཡང་ན་བ་དྲན་པར་དུ།། ཐོ་རངས་ཐུན་ཐའི་དང་པོའི་ཚེ།། རིག་འཛིན་རྣལ་འབྱོར་སྒྲུབ་པ་པོ།། ཤར་གྱི་ཕྱོགས་སུ་ཁ་བལྟས་ཏེ།། ཤར་ཕྱོགས་ནམ་མཁས་སྡུས་པ་ཡི།། ་ལྷ་ཀླུ་གནོད་སྦྱིན་འཇིག་རྟེན་བཅས།། ཐམས་ཅད་ཁོང་དུ་བསྡུས་ནས་ཀྱང་།། དབུགས་དེ་སླར་ལ་མི་འབྱུང་བར།། རང་གི་ཁོང་དུ་བསྟིམ་པར་བྱ།། ཐ་མར་སྣ་ཡི་ནང་དུ་བསྲེ།། དེ་ལྟར་མང་པོར་བསྒྲུབས་པ་དང་།། དཔལ་ཆེ་གཟི་བརྗིད་ཐཿ། ་ཅད་འཐོབ་ཅེས་གསུངས་སོ།། དེ་ནས་ཡང་སེམས་དཔའ་རྡོ་རྗེ་སྙིང་པོ་དེས་རྟེན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། གང་ཞིག་རྟེན་ལ་གནས་འདོད་པ།། མཚན་མ་བཟང་པོ་གནས ་མཆོག་ཏུ། ། ཐམས་ཅད་འབྱོར་པར་བྱས་ནས་ནི།། ས་ལས་བྱས་པའི་སྟེགས་བུ་བཤམ།། དབུས་ཀྱི་པད་མ་མདབ་བརྒྱད་ལ།། ཟླ་གམ་དམར་པོ་སྒོ་བཞིར་ལྡན།། མཐའ་མ་རྡོ་རྗེ་རབས་བསྐོར།། དཔལ་ལྡན་ཚེ་ཡི་ཕྱག་རྒྱ་བཀོད། རིན་ཆེན ་ལུགས་ཀྱི་བུམ་པ་ལ། ། ཚེ་རྫས་རྒྱས་པར་བྱས་ནས་ནི།། མཚན་ལྡན་སྣོད་ཀྱི་ཁ་དག་པ་བྱ།། རྡོ་རྗེ་གཟུངས་ཀྱི་བཏགས་ནས་ནི།། ཚེ་ཚད་མེད་པར་མངའ་གསོལ་ལ།། དབུས་སུ་དེ་བཞིན་བཞག་པར་བྱ།། རིན་ཆེན་བུམ་པ་བཞིན་རྣམས ་ལགསང་བའི་བུ་མོ་བཞི་བཀོད་གཞག། ཡ་མཚན་བྱུང་བའི་བུམ་པ་ལ།། རིགས་བཞི་སངས་རྒྱས་ཡབ་ཡུམ་དང་།། སོ་སོའི་འཁོར་གྱི་སེམས་དཔའ་རྣམས།། ཐབས་དང་ཤེས་རབ་བསྡེབས་ནས་ནི།། ཕྱོགས་ཕྱོགས་གནས་སུ ་ཚེམ་བུར་བྲི། ། སྒོ་བཞིར་སྒོམ་བཞི་རྣམས་གཞག། སེམས་ཀྱི་ཕྱག་རྒྱ་ཀུན་བཀོད་ནས།། ཉི་ཟླ་གའུར་ཨ་ཡུ་ནི།། འཁྱིལ་འབར་འཚེར་ཞིང་གསལ་བར་བྱ།། ཨ་ཡུ་བྱང་ཆུབ་སེམས་སུ་ཞུ།། རྒྱལ་མཚན་མཆོག་ལྡན་རིན་ཆེན་གཏེར ་དབང་བསྐུར་དཔལ་ལྡན་མཛོད་ལྡན་མ། ། གསང་བའི་བུ་མེ་ཚེ་གཏེར་འཛིན།། ཨ་ཡུ་ཡུམ་བཞིའི་ཐུགས་ཀར་འཕྲོས།། དེ་བཞིན་ཚོམ་བུ་རིམ་པར་བརྒྱུད།། རྡོ་རྗེ་ཚེ་མཆོག་ཀུན་བསྡུས་ནས།། དཀར་དམར་འོད་ཀྱིས་བདག་ལ་སྟིར།། ་དེ་ནས་རྡོ་རྗེ་ཚེ་ཕྲད་བཟླས།། ནུབ་ཕྱོགས་ཚེ་ཡི་དབྱིངས་མཆོག་གིས།། པད་མ་དབང་གི་ཞིང་ཁམས་སུ།། བྱམས་ལྡན་ཡེ་ཤེས་ཚེ་དཔག་མེད།། ཐུགས་ཀྱི་དཔལ་བེའུ་ཆེན་པོ་ནི།། གཉིས་གསལ་འོད་ཀྱི་གའུ་ན།། བྱང་ཆུབ་སེམས་ཀྱི ་ཨ་ཡུ་འབར། ། དམར་གསལ་འབར་བའི་ཆ་མཆོག་།། རིག་འཛིན་རྣལ་འབྱོར་རྣམས་ལ་འཕྲོ།། འབྲོས་པ་དགུ་ལུང་དམ་པ་ཡིས།། ཋ་ཏའི་དགགས་ལ་བཀླག་དུ་བསན།། ཚེ་ཉམས་རྒྱུ་དྲུག་ཀུན་སྤངས་ནས།། གནི་བྱིན ་བའི་རྒྱུ་ལྔ་བསྒོམ། ། བྱང་ཆུབ་སེམས་ཀྱི་ཨ་ཡུ་དེ།། སྐྱེ་མེད་དབྱིངས་སུ་སྦས་ནས་ཀྱང་།། ཕྱག་རྒྱའི་ཐ་མར་བདུན་གྱིས་བཤད།། དང་པོ་སྐུ་གསུང་ཐུགས་ཀྱི་རྒྱ།། གཉིས་པ་གནོན་པའི་རྒྱ་གྲམ་འབར།། གསུམ་པ་རྟ་མཆོག་དཔལ ་གྱི་རྒྱ་བཞི་པ་རིན་ཆེན་དཔལ་བེའུ་སྟེ། ། ལྔ་པ་གསེར་གྱི་འགུ་བྱའོ།། དྲུག་པ་ཟླ་གམ་དམར་པོ་ལ།། བདུན་པ་ཉི་ཟླ་གའུར་འབར།། ཚེ་ཡི་ངོ་བོ་རྒྱུད་གསུམ་པོ།། སྲོག་གི་ངོ་བོར་གཞལ་ཡས་ཁང།། ལེབ་རྒན་འབར་བའི་དཀྱིལ་འཁོར་དུ། ་ཨ་ཡུ་དམར་པོ་འོད་འཕྲོ་བ།། འཆི་བ་མེད་པའི་སྲོག་བཙུགས་ཏེ།། འགྱུར་མེད་པ་ཡི་གཡུང་དྲུང་ཡིན།། ཆོས་ཉིད་དབྱིངས་སུ་ཚེ་སྦས་པས།། དུས་གསུམ་རྒྱལ་བ་དགྲར་ལངས་ཀྱང་།། དེ་ལ་གཟུང་ཞིང་བསྟན་དུ་མེད།། དེ་ནས་ཅི་བདེ ་སྨད་པར་བྱ། ། རྡོ་རྗེ་ཚེ་སྒྲུབ་པའོ།། དེ་ནས་སེམས་དཔའི་རྡོ་རྗེ་དམ་པ་དེ་རྡོ་རྗེ་ཁྲོ་བོ་ཚོ་ཀུན་དུ་འཕྲོག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། གནས་འགྱུར་མ་ཎ་ཌ་ལ་འབར་བྱས་ལ།། ཡེ་ཤེས ་ཁྲོ་བོ་འབར་བ་ཡི། ། ཐུགས་ཀྱི་དཔལ་བེའུའི་འོད་ཟེར་ལས།། དབང་གི་ལྷ་མོ་མང་པོ་འཕྲོས།། ཟ་མ་ཏོག་དང་བཅས་པ་ཡི།། ལྕགས་ཀྱུ་དཀར་དམར་ལག་ན་ཐོགས།། དེ་ཡི་འགྲོ་དྲུག་ཐམས་ཅད་ཀྱི།། ཚེ་དང་གཟི་བྱིན་ཐམས་ཅད་ཕྲོགས།། ་མེ་ཏོག་ཏུ་བསྡུས་ནས་ཀྱང་།། ཚེ་ཡི་རིག་འཛིན་རྣམས་ལ་བསྟིམ།། ཇི་ལྟར་འདོད་པ་གོང་ལྟར་སྦྱར།། རྡོ་རྗེ་གཟི་མདངས་འཕྲོག་པ་ཞེས་བྱ་བའི་མདེའོ།། རྒུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་ཚེ་བསྒྲུབ ་པའི་ལེའུ་ཞེས་བྱ་སྟེ་བཅུ་གཅིག་པའོ། ། །། དེ་ནས་སེམས་དཔའི་རྡོ་རྗེ་དམ་པ་དེ། ཚོགས་ཐམས་ཅད་ཡོངས་སུ་རྫོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། སྙོམས་པར་ཞུགས་ནས་དུར་ཁྲོད་གསང་བ་མཆོག ་གི་དཀྱིལ་འཁོར་ཞེས་བྱ་བ་འདི་རྒྱ་ཆེར་བཤད་དོ། ། དཀྱིལ་འཁོར་དཀྱིལ་འཁོར་ཐམས་ཅད་ཀྱི།། རྩ་བའི་དཀྱིལ་འཁོར་དམ་པ་འདི།། འཁོར་བ་ཐམས་ཅད་བསྒྲལ་བའི་ཕྱིར།། རྣལ་འབྱོར་ཅན་ལ་བཤད་པར་བྱ།། ཉོན་ཅིག་འདུས་པ། ་ཆེན་པོའི་ཚོགས།། སྒྲུབ་པའི་གནས་མཆོག་དམ་པ་དག། སྐྱོན་ཡོན་གཉིས་ཀྱི་བྱེ་བྲག་ལས།། ངེས་པར་བརྟགས་ཏེ་ཤེས་པ་ལས།། བླང་དོར་གཉིས་སུ་སྦྱར་བར་བྱ།། རི་བོ་ཆེན་པོ་འདུས་པའི་རྩེ།། གངས་དཀར་ཤེལ་གྱི་འདབ་ཆེན ་ནི། སེང་ཕྲུག་འཁྲ་བའི་གནས་ཡིན་ཏེ།། ཐམས་ཅད་ཞི་བར་བྱེད་པའི་གནས།། རྡོ་རྗེ་བྲག་ཆེན་གཏམས་པའི་དཀྱིལ།། དགོན་པ་ཆེན་པོའི་ཕུག་ཆེན་ནི།། གཅན་ཆེན་འཁྲ་བའི་གནས་ཡིན་ཏེ།། མངོན་སྤྱོད་ཆེན་པོ་བསྒྲུབ་པའི ་གནས། ། དུར་ཁྲོད་ངམ་གྲོག་བཤུད་པའི་གནས།། སུམ་དོ་གྲོག་གླེ་རྩུབ་པའི་རི།། དུར་གཅན་འཁྲ་བའི་གནས་ཡིན་ཏེ།། ཆགས་པ་བསྒྲུབ་པའི་གནས་ཡིན་ནོ།། ནགས་ཚལ་དྲ་བས་གཏིབས་པའི་ནང་།། ཤིན་དུ་བཙན་ཞིང་འཇིགས ་པའི་ངོགས། ། སྟག་གཟིག་འདྲ་བའི་གནས་ཡིན་ཏེ།། འདོད་པ་བསྒྲུབ་པའི་གནས་སུ་ཤེས།། ཆུ་མདོ་ཆུ་འཇིགས་རྒྱ་མཚོའི་གླིང་།། ཆུ་ཡི་རབས་ཀུན་བསྐོར་བ།། ཆུ་གཅན་འཁྲ་བའི་གནས་ཡིན་པས།། བྱ་བ་མེད་པའི་ལས ་ལ་བྱའོ། ། དེར་ནི་ཡོ་བྱད་ཕུན་སུམ་ཚོགས།། ཅི་འདོད་བལྟས་ཏེ་མ་ཐོགས་པར།། ཁ་ན་མ་ཐོ་བཅས་དང་བྲལ།། འབྱོར་པས་ནན་ཏན་མཆོག་བསྐྱེད་པ།། ཁམས་ལས་གྱུར་པའི་ནད་ཆེན་རྣམས།། བཅུད་ཀྱི་མཆོག་གིས་བཟློག ་བྱའི་ཕྱིར། ། རྩིའམ་བཅད་དམ་ཐར་པ་རྣམས།། ཉེར་རྫོགས་སུ་ནི་གཞག་པར་བྱ།། འདུས་པའི་ནད་དང་དུས་ཀྱི་ནད།། དུག་ལས་གྱུར་པའི་ནད་རྣམས་ཀྱིས།། རྐྱེན་གྱིས་བར་ཆད་འབྱུང་སྲིད་ཕྱིར།། སྨན་དང་མཁས་པས་བཅས ་ཏེ་སྦྱར། ། ཀ་པཱ་ལ་དང་ལྕང་ལོར་བཅས།། གའུ་ཆུང་ལ་སོགས་པའི་རྫས།། ཕྱག་རྒྱ་ཆེན་དང་ལྡན་བྱས་ལ།། དངོས་གྲུབ་འབྱུང་བའི་རྟེན་དུ་བྱ།། སྒྲུབ་མཆོག་གསང་བའི་རྣལ་འབྱོར་པ།། སྐྱོ་བའི་ཡིད་རྣམས་གསང་ཕྱིར་དང་།། ་གཏི་མུག་མུན་པ་གཞོམ་པའི་ཕྱིར།། དུང་དང་ཁར་རྔ་རྫ་ཛ་དང་།། ཅང་ཏེའུ་བི་པང་ཀོ་ཀ་ལ།། སྙན་པར་རྫོགས་པའི་རྫས་རྣམས་ཀུན།། སྣ་ཚོགས་འབྱུང་བའི་རོལ་མོ་སྟེ།། ཉེར་རྫོགས་སུ་ནི་འབྱོར་བར་བྱ།། ཤིན་དུ་ག ་པས་ཚོགས་ཆེན་ནི། ། བླ་མ་རྡོ་རྗེ་འཁོར་ལོ་བརྒྱལ།། གསང་བ་སྦྱོར་བའི་དུས་ཆེན་དུ།། སྒྲུབ་ཆེན་སྒྲུབ་པའི་རྣལ་འབྱོར་རྣམས།། སྙིང་རྗེ་བྱམས་དང་དགའ་སྙོམས་དང་།། གདུང་པའི་བྱང་ཆུབ་སེམས་བསྐྱེད་དོ།། དེ་ཡང་ཤེས་དང ་ཤེས་བྱ་ཡི། ། རྡུལ་ཆེན་ཀུན་དུ་རྫོགས་པ་ནི།། རྡོ་རྗེ་སྙིང་པོ་འབྲུ་མཆོག་དག། ཤིན་དུ་གཏམས་པས་ཚོགས་པ་ནི།། བླ་མ་རྡོ་རྗེ་འཁོར་ལོ་རྒྱལ།། ཡོན་ཏན་མཆོག་གི་གཏེར་གྱུར་ཅིང་།། སྲིད་པས་ཁྲུས་ཀྱང་ཟད་མི་ཤེས།། རྐྱེན ་ཐུབ་དབང་ལུང་རྫོགས་པས་གཟུང་། ། རྡོ་རྗེ་ཀུན་གྱི་གཟུགས་འཛིན་པ།། ཀུན་སྡུད་ཀུན་འབྱུང་འཁྲུག་མེད་ཅིང་།། ནམ་མཁའི་ཁྱོན་ལྷུར་ཀུན་ལ་ཁྱབ།། མ་ལྟར་བྱམས་པའི་ཡུམ་མཆོག་བཟུང་།། རྒྱུད་སྦྱངས་བརྟུལ་ཞུགས་མཆོག ་འཆང་ཞིང་། ། ཐོགས་མེད་ཐེ་ཙོམ་སོམ་ཉིད་བྲལ།། འཛིན་ཆགས་མེད་ཅིང་བླང་དོར་མེད།། བརྟན་ལྡན་གཟུངས་ཐུབ་རྡོ་རྗེ་གིང་།། རྡོ་རྗེ་དྲོད་ཀྱི་དུས་འཛིན་ཅིང་།། ཚིག་གི་འཕེན་སྡུད་སྐབས་སུ་སྦྱོར།། ཡོན་ཏན་རླབས་ཀྱིས་འཇ ་བཅད་དེ། ལེགས་ཉེས་དམིགས་སུ་གལ་འཛུགས་སོ།། རྡོ་རྗེ་ཚིག་གི་མདངས་སྐད་ཅན།། རྡོ་རྗེ་མཐོང་བ་རྣམ་པར་དག། ངག་གི་དབང་ཕྱུག་ཚིག་ལ་མཁས།། ལས་ཀྱི་ཕྲེང་བ་རྫོགས་བྱེད་པའོ།། འདི་ལྟར་སྦྱར་བའི་དྲིས་ཆེན ་ཡང་། ངེས་པར་བཏགས་ཏེ་མདོ་གཟུང་བ།། རིག་བྱེད་དག་གི་ཡན་ལག་ལས།། ཤེས་པར་བྱ་སྟེ་ལེགས་སྦྱར་བ།། བཀྲ་ཤིས་ལྷ་ཡི་ཉི་མ་དང་།། འབྱོར་དང་དུས་ཚིགས་བཟང་པོ་རྣམས།། འཇིག་རྟེན་མཚན་མའི་རྟོག་པ་སྟེ། ་ན་བཀྲ་ཤིས་མཚན་མ་འབྱུང་།། དུས་ཆ་བཞི་ཡི་དང་པོ་ནི།། མཆོག་ཉིད་མངོན་སྤྱོད་རོ་ལངས་ཡིན།། དབྱར་ཆེ་སྟོན་སྨན་ཤིས་པ་སྟེ།། ཞི་དང་རྒྱས་པ་དེ་བཞིན་སྦྱར།། དབང་དུ་བསྡུས་པའང་དབང་ཡིན་ཏེ།། བམ་ཆེན་གསང་བའི ་དུས་སུ་བཤད། ། ནོར་འདོད་རྫུ་འཕྲུལ་ཐམས་ཅད་ཀྱང་།། ཆ་བཞིར་ཁྱབ་པར་སྦྱར་བའོ།། བསྒྲུབ་པ་ཆེན་པོའི་རྫས་མཆོག་དག། གལ་ཏེ་དུས་ལ་བབ་གྱུར་ན།། དུས་འདི་དངོས་གྲུབ་དུས་ཆེན་ཏེ།། དུས་འདི་མཁས་པས་ཡོང་མི་བཅ ་རྣལ་འབྱོར་ལས་ཀྱི་དང་པོ་རྣམས། ། ཅི་སྟེ་འདོད་པའི་མཚན་མ་དག། ཡིད་འོང་འབྱུང་ཞིང་རྟགས་རྙེད་པ།། དམ་ཚིག་གཟུངས་འདུ་དུས་ཆེན་ཡིན།། སྦྱངས་པས་བརྩལ་གྱི་མཐར་བྱིན་ཅིང་།། ཤེས་བློའི་ཡོན་ཏན་ཚོགས་རྒྱས ་བ། འདི་དག་ཚད་ལ་བབ་པ་སྟེ།། དུས་ཀྱིས་མཆོག་འདི་ཉི་བར་བརྟགས། འདི་ལྟར་རྒྱུར་བཞིན་འབྱོར་པ་ལས།། འབྲས་བུའི་དངོས་པོར་གྲུབ་པ་སྟེ།། གྲུ་དང་མཉན་པ་མཁས་པ་ལ།། བསྟེན་པས་རིན་ཆེན་ལོན་པ་འདྲ།། ཇི་སྲིད ་གནས་པའི་རྒྱ་མཚོ་རྣམས། ། རང་བཞིན་མེད་པར་ཀུན་གཅིག་པའི།། བདག་མེད་ཕྱོགས་བྲལ་ལྷུན་གྱིས་གྲུབ།། གཅིག་ལས་རྣམ་གྲངས་དང་གིས་མེད།། ཐ་སྙད་དག་པར་ཡོངས་ཆུད་ན།། ངེས་པའི་དོན་ཆེན་དེ་ཉིད་དེ།། ཐམས་ཅད ་དག་པར་གྱུར་པའོ། ། བདག་དང་གཞན་དུ་མི་གཉིས་པས།། བདག་ཉིད་བདག་གི་རང་བཞིན་ཏེ།། སངས་རྒྱས་ཞེས་བྱ་གཞན་ན་མེད།། བདག་ཉིད་ལྷུན་གྲུབ་དབང་ཕྱུག་ཆེ།། གང་འདོད་པ་ཡི་དངོས་པོ་དག། ཇི་ལྟ་བ་བཞིན་གྲུབ ་འགྱུར་ཏེ། རྫས་མཁན་འཕང་ལོ་སྲུབ་པ་ལྟར།། གང་ལྟར་དམིགས་པ་དེ་ལྟར་འགྱུར།། འགྲོ་བའི་ཁམས་སུ་གཟི་ཆེ་ཞིང་།། འབྱུང་ཆེན་ལྔ་ལ་དབང་སྒྱུར་བའི།། ངོ་མཚར་རྩལ་གྱི་ཁྱད་པར་དག། གདོན་མི་ཟ་བར་འབྱུང་བ་ཡིན། ་དེ་ལྟར་བརྩོན་པའི་བསྒྲུབ་པ་དག། རྫས་དང་ཡོ་བྱད་ལ་སོགས་ཏེ།། ཤེས་དང་ཡོན་ཏན་ཕུན་སུམ་ཚོགས།། གཞན་དུ་རེག་ལས་མེད་པ་ནི།། ཐམས་ཅད་ཚང་བར་རྫོགས་པས་ན།། ཕུན་སུམ་ཚོགས་ཤེས་དེ་ལ་བྱ།། གས་པ ་ཆེན་བསྒྲུབ་པའི་ལས་འདི་དག། འཁོར་བའི་ལས་དང་འཐུན་སྤྱད་ཅིང་།། ཉོན་མོངས་ལྔ་ལྟར་སྤྱོད་སྣང་ཡང་།། འོད་ཀྱིས་མུན་པ་སྣང་འགྱུར་ལྟར།། སྐྱོན་ནི་ཡོན་ཏན་ཆེན་པོ་ལ།། གཡོས་ཚང་དངོས་གྲུབ་ཆེན་པོ་འགྱུར། ་དེ་ལྟར་འཁོར་བའི་རྐང་བཟློག་པས།། མི་གནས་ཡེ་ཤེས་རྒྱ་མཚོར་འཁྱིལ།། གནས་རབ་བརྟག་པའི་གལ་ཆེན་ཡང་།། ནམ་མཁའ་འཁོར་ལོ་རྡོ་རྗེ་དང་།། རིན་ཆེན་ཟུར་བརྒྱན་པད་མའི་དབྱིངས།། རྒྱ་གྲམ་ལ་སོགས ་འདྲ་བར་བརྟག། ས་བཞི་ཡང་ནི་དེ་བཞིན་ཏེ།། རི་བོ་བརྩེགས་དང་བཟུར་བ་དང་།། དེ་བཞིན་བསྒྲེད་དང་གཏམས་པའི་ཚུལ།། འདྲ་བར་མཁས་པས་བརྟག་པར་བྱ།། དེ་ཡང་རིགས་ཀྱི་ཁྱད་པར་ནི།། ལྔ་ལ་སོགས་པ་སོ་སོ་ཡི།། ་གནས་གནས་དག་ཏུ་རྟོགས་ནས་ནི།། ནོར་བུ་རིན་ཆེན་དེ་བསྒྲུབ་བྱ།། སྐྱོན་གྱི་གནས་དག་སྤང་བ་ནི།། གཤིན་རྗེ་གདུག་པའི་གདུང་རྩེ་ཅན།། མ་མོ་རྔམ་པའི་སྦར་ཤད་དང་།། སྲིན་མོ་ངུས་པའི་མཆི་རྗེས་དང་།། གནོད་སྦྱིན ་ཁྲོ་བོའི་རྦབ་ཤུལ་དང་། ། འབྱུང་པོ་རྐུན་པོ་འཇོལ་ལ་སོགས།། གནས་ཀྱིས་རྐྱེན་རྣམས་དགྲ་དང་རྐུན།། མཁས་པས་ངེས་པར་སྤང་བར་བྱ།། ཁ་ན་མ་ཐོར་བཅས་པ་དང་།། ཉམས་པ་ལས་བྱུང་ཉེན་དང་བྲལ།། མ་དག་པ ་ཡི་ཡོ་བྱད་རྣམས། ། གདུག་ཅན་པང་དུ་འོངས་པ་ལྟར།། ཝ་ཡི་བརྟུལ་ཞུགས་ཆེན་པོ་ཡི།། བསྐལ་པས་བཤུགས་ཏེ་སྤངས་པར་བྱ།། དགོན་པ་ཆེན་པོའི་ས་ཕྱོགས་སམ།། བཀྲ་ཤིས་མཚན་མ་འབྱུང་བ་དག། དགའ་བ ་སྐྱེ་བར་འགྱུར་བ་ཡ། ། ཡིད་འོང་གནས་སུ་འདུག་ནས་ནི།། རྩོད་པ་ཉེ་བར་ཞི་བྱའི་ཕྱིར།། སྙིང་རྗེ་ལྡན་པའི་རྣལ་འབྱོར་གྱིས།། བསྒྲུབ་པ་བརྣག་པ་མཐར་འབྱུང་ཕྱིར།། རྒྱལ་པོ་རྟེན་དང་འཁོར་བཅས་ལ།། བདེན་པས་སྒོ ་པའམ་ཡང་བསླང་པ། ། དགོངས་ཤིག་ཐུགས་རྗེ་རྒྱལ་བའི་ལྷ།། ལྷ་ཀླུ་གནོད་སྦྱིན་སྡེ་དཔུང་བཅས།། གངས་རི་རྩེ་དང་རིན་ཆེན་རི།། ཀུན་དཀའ་ལྡུམར་སྐྱེད་མོས་ཚལ།། མཚོ་རྫིང་ལུམ་འབབ་ཆུའི་གནས།། འཇིག་རྟེན་འཇིག་རྟེན ་ཐམས་ཅད་ཀྱི། ། གང་དག་བདག་པོར་གྱུར་པ་རྣམས།། རྣལ་འབྱོར་དབང་ཕྱུག་བདག་ཉིད་ཀྱིས།། ས་འདི་ལྷུན་གྱིས་གྲུབ་བྱའི་ཕྱིར།། འཛམ་གླིང་གྲུབ་པའི་ས་ཀློང་ན།། འཁོར་དང་བཅས་པ་འདིར་འཁོད་ལ།། རིན་ཆེན་གཏེར་གྱིས ་ས་གཞི་བསླང་། ། ཞེས་པས་རིན་ཆེན་སྣ་ཚོགས་ཀྱིས།། ས་ལ་གནས་པས་དེ་མགུ་བྱ།། དེས་ནི་བདག་གིར་དེར་འགྱུར་ཞིང་།། ཉེས་པ་དེ་དང་བྲལ་བ་ཡིན།། བྱང་ཆུབ་སྤྱོད་པ་གཡོ་བ་དང་།། བསོད་ནམས་དགའ་བ་སྐྱེད་པ་ལ།། ཤེས ་ལྡན་རྫུ་འཕྲུལ་ཅན་གྱི་བུ། ། ཁ་སྐྲག་ཕྲག་དོག་ཡོད་མ་སྐྱེ།། རྣལ་འབྱོར་མཆོག་ནི་སྒྲུབ་པ་པོ།། བདུད་འདུལ་ཕྱག་རྒྱ་རྫོགས་པའི་ཚེ།། རུ་དྲ་ཚོགས་ཀྱི་རྒོལ་བ་ལ།། སྐྱེས་བུ་ལས་ཀྱི་དོན་བགྲངས་ཏེ།། དོན་གྱི་དབང་པོའི་ཕྱིར་སྦྲན་པ།། ་རྒྱལ་བ་དབང་ཕྱུག་ཐམས་ཅད་ཀྱིས།། དོན་མཆོག་ཡང་དག་མཛད་པའི་ཚེ།། སྐྱེས་བུ་རྩལ་གྱི་ཁྱད་པར་ལས།། འདི་ཚེ་དབང་མཁྱེན་དམྱིགས་འབྱེད་མ།། སྔོན་ཚེ་དཔལ་ཆེན་གར་དབང་གིས།། རུ་དྲ་སྡེ་བཞི་བསྒྲལ་ནས་ནི།། གསང ་བ་བསྟན་པའི་རྒྱས་མཛད་ནས། ། འགྲོ་དྲུག་ཐུགས་རྗེས་བསྒྲལ་བ་ལྟར།། རྣལ་འབྱོར་ས་ལ་སྦྱོར་ཚེ་འདིར།། ལྷ་མོས་མཁྱེན་པར་མཛད་ནས་ཀྱང་།། བདེ་ཆེན་ས་ལ་བགྲོད་པའི་ཚེ།། རུ་དྲའི་རྒོལ་བ་འབྱུང་བ་འམ།། སྤྱན་ལྡན་ཁྱོད་ཀྱིས ་དབང་མཛོད་ཅིག། སྒྲུབ་པའི་ལས་མཆོག་ཁྱད་པར་གྱིས།། བརྩམ་པར་བྱ་བའི་ལས་རྣམས་ཀུན།། མཚན་མས་མཚན་མ་གཞོམ་པའི་ཕྱིར།། རོ་ལྔའི་མཚན་མ་བརྟགས་པར་བྱ།། དགེ་བར་གྱུར་ན་དེར་གནས་བྱ།། གལ་ཏེ ་ཤེས་པར་མ་གྱུར་ན། ། སྐྱེས་བུ་ཐབས་ལ་མཁས་པ་ཡིས།། གནན་ནམ་སྤྲོ་བའི་ལས་ཀྱི་སྦྱར།། དེར་ནི་བསོད་ནམས་གཏེར་ལྡན་ཕྱིར།། རིན་ཆེན་ལྔ་ལ་སོགས་པའི་རྫས།། ས་གཞི་གཏེར་ཆེན་རྒྱས་པར་བྱ།། བཀྲ་ཤིས་མཆོག་ཏུ། ་བསྔགས་པ་ཡིན།། ས་ཞག་སྤོས་ཆེན་རྣམ་ལྔའི་ཁུ།། བསྲེས་པས་ཀུན་དུ་གྲུ་བཞི་ནི།། མཎ་ཌ་ལ་རྒྱས་པའི་དབྱིབས་འདྲ་ལ།། ཏིང་འཛིན་ཕྱག་རྒྱ་སྔགས་ལྡན་པས།། མཚན་མའི་དངོས་པོ་ཀུན་སྤངས་ཏེ།། རྒྱལ་བ་བཞུགས་པའི ་རྟེན་དུ་བྱ། རྡོ་རྗེ་བྱིན་རླབས་འབྱུང་གནས་དང་།། གནས་རྣམས་ཤིན་དུ་བརྟན་བྱའི་ཕྱིར།། མཆོག་གི་སྦྱོར་བ་དག་པ་ཡིས།། ས་གཞི་གཟུང་ཞིང་བྱིན་གྱིས་བརླབ།། དེ་དང་དེར་ནི་ས་སྦྱངས་ཏེ།། ཐིག་གིས་ཡུལ་གཅང་སྐབས་དག་ཏུ།། ་རྒྱལ་བ་བཞུགས་པ་ཕོ་བྲང་དེར།། རྡོ་རྡོ་དྲུག་པོའི་གང་ཆེན་གྱིས།། ལྟེ་བོ་གནག་པོ་དུད་པས་བདུག། རྒྱུན་མི་འཆད་དུ་བྱས་ནས་ནི།། བློ་བ་དྲུག་པོའི་སྔགས་ཟློས་ཤིང་།། རྫན་པའི་སྐབས་ཀྱིས་བཀོད།། ཤེས་རབ་སུ ་ཀྱཻ་འཇོ་ཚུལ་གྱི། ། རྣམ་གཉིས་རྫས་ཀྱི་འད་ཀྲུང་ག། སྲིན་པ་ལ་ཡེའུ་སྦྱར་བ་ཡིས།། ཀུན་དུ་ཐ་བའི་ཐིག་ལེ་བྱ།། རྡོ་རྗེ་རྒྱལ་པོ་འཕགས་རྣམས་ཀྱིས།། སོ་སོ་སྔགས་དེང་རྩ་བའི་རྒྱ།། སོ་སོའི་སྣང་སྟབས་སྦྱར་ནས་ཀྱང་། དེ་དག་གནས་སྡེ ་བྱིན་གྱིས་རློབ། ། གསང་བའི་དོན་ལ་ཞུགས་བྱའི་ཕྱིར།། གསང་བའི་ལས་ཀྱི་སྔོན་ལོགས་སུ།། སྙན་པ་སྐྱོང་བའི་མགོན་པོ་ལ།། སྦྱིན་མཆོད་བསྲུང་བའི་ལས་ཆེན་བཅོལ།། གཞལ་ཡས་གནས་ཀྱི་ཕྱི་རོལ་ཏུ།། མགོན་པོ་གནས་པའི ་རྟེན་གཞི་དག། རིན་ཆེན་འབྲས་སམ་འབྱུང་ཁུངས་སམ།། ཤིང་ངམ་པ་སོ་དེ་དག་ལས།། ལུགས་སམ་ཕྱག་རྒྱའི་གཟུགས་བྱས་ཏེ།། མགོན་པོ་བཞི་རུ་མངའ་གསོལ་ཏེ།། གནས་ཀྱི་སྒོ་སྲུངས་སོ་པར་བྱ།། རི་རབ་གླིང་བཞིའི་ཕྱོགས ་ཕྱོགས་ནས། ། རྡོ་རྗེ་གསང་བདག་དབང་གི་མཐུས།། འཇིག་རྟེན་སྐྱོང་བའི་ཐ་ཚིག་ཅན།། མཐུ་ཆེན་མགོན་པོ་སྡེ་བཞི་རྣམས།། སོ་སོའི་བགེགས་རིགས་འདུལ་ལ་མཁས།། ཆོས་སྐྱོང་ལོངས་སྤྱོད་རྫོགས་པའི་སྐུ།། ཕྲིན་ལས་རྣམ ་བཞི་མཐར་ཕྱིན་པས། ། རིགས་བཞི་ཁ་དོག་སོ་སོར་གསལ།། རང་བརྟགས་ལྷ་ཡི་མཚན་མ་ཐོགས།། ཕྱི་འཁོར་སྦྱོང་བའི་རྫུ་འཕྲུལ་ཅན།། བདག་ཅག་རྣལ་འབྱོར་རྩལ་སྦྱོང་གིས།། རང་རང་འཁོར་རྣམས་ཐུབ་པར་མཛོད།། བསྒྲུབ་པའི ་རྩལ་འདི་མཐར་དབྱུང་ཞིང་། ། རྐྱེན་གྱིས་བར་ཆད་བསལ་བ་དང་།། གསང་བའི་མན་ངག་སྤྱད་པའི་ཕྱིར།། འཇུག་སྲེད་དམ་སྲ་གནོན་པར་བྱ།། དུར་ཁྲོད་ཆེན་པོའི་གནས་དོག་ཏུ།། རྣལ་འབྱོར་གསང་བའི་གནས་དག་ཏུ།། དངོས་གྲུབ་ཚུལ ་རྡུལ་འཇུག་ཅིང་། ། ཁྲོ་བོ་ཧཱ་ཆེན་ཀུན་འདུས་ནས།། གསད་ཅིང་གནོན་པའི་ལས་བྱ་སྟེ།། རི་རབ་ཆེན་པོའི་རྨད་དུ་གཏང་།། ཡ་མ་ར་ཛའི་ཟས་སུ་སྦྱིན།། ཆུ་སྲིན་འབར་བའི་ཁ་རུ་བརྫང་།། འཁོར་ལོ་འབར་བའི་ཕྱག་རྒྱས་གནོན།། བདུན་རྒྱད ་རིགས་ནི་བརླག་གྱུར་ནས། ། ནམས་ཀྱང་ལྡང་བར་མི་ནུས་ཏེ།། བྱང་ཆུབ་སེམས་ནི་སྐྱེས་ན་བཏང་།། བཛྲ་མུ་ཏི་བ་མ། མ་མ་བ་ཤཾ་ཀུ་རུ་ནན། སུཾ་བྷ་ནི་སུཾ་བྷ་ནཱཾ།། དེ་ལྟར་དྲག་པོའི་སྦྱོར་བ་ཡིས།། སྒོ་ནས་ཕྱི་རོལ་བར་ཁང་དུ།། མཁའ་འདྲའི ་ཁུང་བུ་བྱས་ནས་ནི། ། དུག་དང་རྩུབ་པའི་ཕྱེ་མ་དང་།། ཁྲག་སྣ་ཚོགས་དང་མི་རོ་ཡིས།། ཤིན་ཏུ་བསུབ་ཅིང་གནོན་པར་བྱ།། དེ་ནས་རྡོ་རྗེ་དང་དག་ཏུ།། སེང་གེའི་ལྟ་བས་བལྟས་ནས་ནི།། རྡོ་རྗེ་གོམ་པས་ཕྱོགས་ནས་ནི།། ཁྲོ་མིག ་འབར་བས་ཕྱིར་བལྟས་ཏེ། ། འགྱིང་བག་ཚུལ་དུ་བརྗིད་པ་ཡིས།། འབར་བའི་རྡོ་རྗེ་སྤར་ནས་ནི།། ཕྱི་ནང་རྡུལ་ཆེན་བསལ་བར་བྱ།། ཧཱུཾ་སྟོང་གསུམ་སྟོང་གིས་འཇིག་རྟེན་ན།། སྐྱེ་འགྲོ་རྩི་ཤིང་ནགས་ཚལ་དང་།། ཡོད་མཐོང་སྣང་གྲགས་ཇི ་སྙེད་པ། ། ཀུན་ཀྱང་འབར་བ་ཁྲག་འཐུང་སྟེ།། རྔམ་ཆེན་གཏུམ་ཐུང་ཤེ་དག་འབར།། དུར་ཁྲོད་དཀྱིལ་འཁོར་ལྷུན་གྱིས་གྲུབ།། རཀྵ་ཡཀྵ་ཧ་རུ་ཀ། རཀྵ་ཀྲོ་དྷི་ཛྭ་ལ་ཁ། ཧ་ལ་ཧ་ལ་ཏིཥྛ་ཕཊ། ཞེས་པས་ཁྲོ་བོ་རོལ་པ་ཡི།། སྟབས་དང་མ ་མོའི་རྔམ་ཚུལ་དང་། ། ཕྲ་མེན་ལྷགས་པའི་རྔམ་སྟབས་ཀྱིས།། འབར་བའི་དཀྱིལ་འཁོར་བསྐོར་བར་བྱ།། རྡོ་རྗེ་དཀྲིགས་པའི་ཕྲེང་བ་དང་།། ཐོ་བ་ལྕགས་ཀྱུ་འབར་བ་དང་།། འཁོར་ལོ་རལ་གྲི་ལ་སོགས་རྫས།། ཀུན་གྱི་ཕྱག་རྒྱ་མཚན་མས ་བསྐོར། ། དེ་ལས་འབར་བའི་ཕྱག་རྒྱ་དང་།། མིག་ལས་འབར་བའི་མེ་མཆོད་པས།། མེ་འོད་འབར་བའི་ཕྲེང་བ་འདིས།། དམིགས་སམ་དངོས་སུ་སྦྱར་ནས་ཀྱང་།། འབར་བ་དྲག་པོའི་ཡི་གེ་ལས།། སྲེག་པའི་དཔལ་ཆེན་གུར་དུ་གཏམས།། ཧཱུཾ ་རརྡོ་རྗེ་མེ་ཡི་རི། ། ལྷུན་པོ་འབར་བའི་རྩེ་བརྒྱད་ལ།། འབར་བའི་ལྷ་བརྒྱད་བསྒྱེལ་ནས་ཀྱང་།། དབང་ཆེན་རྡོ་རྗེ་བཀའ་སྡོད་གནས།། ཤིན་ཏུ་མི་བཟོད་འབར་བ་ཡིས།། གཏུམ་ཆེན་ཧ་ལ་རྔམ་པའི་གཟུགས།། ལྷ་ཆེན་ཁྱབ་འཇུག ་པགས་བཤུས་ནས། ། ཞིང་ཆེན་གཡང་གཞིའི་ན་བཟའ་བསྣམས།། གཤིན་རྗེ་མ་ཏྲང་འབར་བ་ཡི།། རོ་དབྱུག་ཆེན་པོ་ཕྱག་ན་འཕྱར།། འཕྲོ་མེད་དགུ་ཁྲི་མང་པོ་དག། འབར་བའི་ཚོགས་ནི་གཏིབས་ཐག་གཅད།། གང་ལ་ཅིས་འདུལ ་དེར་སྟོན་པའི། ཙི་ཏ་འབར་བའི་མེ་ཕྲེང་གིས།། དོ་ཤལ་མགུར་ཆུ་ཕྲེང་བས་སྦྲེངས།། བསྐལ་བའི་མེ་དཔུང་འབར་བའི་ཐོང་།། སྲིད་པའི་རྩེ་མོར་འཁྱིལ་ཅིང་འཕྲོ།། ནམ་མཁའི་ཁམས་ཀུན་མ་དཔུང་གཏིབས།། རྡོ་རྗེ་འཁོར་ལ། ་མེ་ལྕེ་འཕྲོ།། དུར་ཁྲོད་དགོན་པའི་ས་ཕྱོགས་དག། མེ་ཡི་རི་བོ་འབར་བ་ལ།། མེ་ཡི་ཡི་དགས་མ་དག་ལས།། གང་ཡང་གནས་པར་མི་ཕོད་བ།། སྟེང་གི་མེ་ལྕེ་འབར་བ་ནི།། འོག་གི་ཕྱོགས་སུ་འཕྲོ་ཞིང་འཁྲུག། འོག་གི ་མེ་ལྕེ་འབར་བ་ཡང་། ། གྱེལ་དུ་འཁྱིལ་ཞིང་སྟེང་དུ་ཐལ།། མེ་ལྕེ་དགུ་ཕྲེང་འབར་བ་དག། འུར་ཆེ་མ་འཆད་པས་འཐབ་ཅིང་འཁྲུག། དུར་ཁྲོད་མེ་ནི་སྤུག་ཅིང་འབར།། ཞེ་སྡང་འཇོམས་པས་མཐིང་ནག་འཚུབ།། ང་རྒྱལ་སྲེག་པ ་སེར་ནག་འཕྲོ། ། འདོད་ཆགས་བསྐམས་པས་དམར་ནག་འཕྲོ།། ཕྲག་དོག་སྲེག་པས་ལྗང་ནག་འཁྱིལ།། གཏི་མུག་སེལ་བས་སྤུག་ནག་འཁྱིལ།། འབར་ཆེན་ཀློང་གི་འཁོར་ལོས་གཏམས།། ཛྭ་ལ་མཎ་ཌ་ལ་ཧ་ལ་ཧ་ལ་རཾ། ་མེ་ཡི་རི་ལག་རུའི་ཕྱག་རྒྱ་ཡིས།། གནས་སམ་དཀྱིལ་འཁོར་བསྐོར་བར་བྱ།། ཆོས་ཉིད་བདལ་བའི་ནམ་མཁའ་ལ།། ཡེ་ཤེས་ལྔ་ཡི་འབྱུང་ཆེན་བརྩེགས།། ཀུན་གཞི་བ་ལ་བའི་ནམ་མཁའ་ལ།། བསྐྱེད་མའི་འབྱུང་ཆེན་རྣམ ་ལྔ་བརྩེགས། ། བྲུཾ་ལས་རིན་ཆེན་འབར་བའི་གཞལ།། མཐའ་དང་དབུས་མེད་ཀུན་དུ་ཁྱབ།། ཏ་ལའི་བསྐྱེད་ཅིང་གསེར་ཙོང་དྲིལ།། ཟླ་གམ་དམར་པོ་དབང་གི་རྒྱ།། བྲུ་ཁཾ་ཏྲཾ་ཁ་ལ་ཏི་བྲུཾ། ཞེས་པས་རྣམ་ལྔའི་བྱུག་པ་ཡིས།། གཏོར ་ཞིང་ཀུན་དུ་བྱུག་པར་བྱའོ། ། སྒྲུབ་མཆོག་སྐྱོང་བའི་རྣལ་འབྱོར་རྣམས།། རྡོ་རྗེ་ཚིག་གི་བཏབ་ནས་ནི།། རྒྱལ་སྲས་རིགས་འཛིན་བཀའ་འཁོར་ལོ།། འབྲས་བུར་རེད་ཕྱིར་བྱིན་གྱིས་རློབ།། རྡོ་རྗེ་རྒྱལ་དབང་ཆེན་པོ་དེས།། སྒྲིབ་པ ་བསྲེག་པའི་ཡི་གེ་ནི། ། ཕྲེང་བར་བྱས་ཏེ་གནས་སུ་འཕྲོ།། ཉི་མའི་དཀྱིལ་འཁོར་ལ་བཞག་སྟེ།། རིག་འཛིན་པོ་མོའི་མཚན་མས་བདབ།། རྣམ་ལྔའི་བྱུག་པས་ཀུན་ལ་གཏོར།། རྟགས་ཀྱི་ཕྱག་རྒྱ་ལག་ཏུ་སྦྱིན།། རྣལ་འབྱོར ་ཆེན་པོའི་ལུགས་སུ་སྤྱད། ། འཇིག་རྟེན་སྐྱོང་ཚུལ་ཐམས་ཅད་ནི།། སྒྱུ་མ་ཡིན་ཕྱིར་ཤིན་དུ་ཡང་།། འཇིག་རྟེན་འདས་པའི་སྤྱོད་ཚུལ་དག། ཇི་ལྟར་འབྱུང་བ་དེ་ལྟར་སྤྱད།། ཨེ་མ་དུར་ཁྲོད་གསང་བ་ཡི།། རྨད་དབྱུང་ཞིང་ཁམ ་དགའ་ཚལ་འདིར། ། སྐལ་ལྡན་དབང་ཕྱུག་རྒྱལ་བའི་སྲས།། འདུས་པས་ཚོགས་པའི་རིག་འཛིན་རྣམས།། ཨེ་མའོ་དགའ་མཆོག་བདེ་ཆེན་གྲོགས།། དམ་ཚིག་སྲོག་གི་ལུ་གུ་རྒྱུད།། ཐབས་དང་ཤེས་རབ་འབྲེལ་བ་ཡིས།། སྦྲུལ ་པའི་གཤོག་སྤྲུགས་གྲཝ་རྒྱས་པས། ། ཚིགས་གཉིས་རྩལ་གྱིས་རླབས་སྤར་ནས།། ཆོས་ཉིད་མཁའ་ལ་ལྡིང་བར་རིགས།། ཨ་ཡཾ་ཛ་ལཾ་ཁཾ་ལྷན།། དེ་རིང་ཕན་ཅད་རྒྱལ་བའི་སྲས།། དབང་ཕྱུག་ཡིན་པས་ཅིར་བདེར་སྤྱོད། རྣལ ་འབྱོར་ལོངས་སྤྱོད་བསྐྱེད་པ་དང་། ། དུག་རྣམས་བདུད་རྩིར་འགྱུར་བ་ཡི།། མཾ་ལས་སྐྱེས་པའི་ཡེ་ཤེས་ཀྱིས།། ཟངས་ཀྱི་དངོས་པོ་འཇུ་འདུལ་བྱ།། དམ་རྫས་ཡོ་བྱད་ལོངས་སྤྱོད་རྣམས།། གོང་ནས་ཆ་གསུམ་སོ་སོ་ནས།། ཤན ་མ་འདྲེས་པར་ལྟ་གོན་བྱ། ། ཕྱི་ཡི་ཆ་ལ་འཇུག་པ་ཡི།། མཆོད་སྦྱིན་སྤེལ་བའི་ཡོ་བྱད་བྱ།། དེ་གཉིས་གཉིས་པའི་ཆ་དག་ལས།། མཇུག་གི་རྒྱལ་ཆོས་ལོངས་སྤྱོད་བྱ།། རྨད་འབྱུང་ནང་གི་ཆ་དག་ནི།། ཐམས་ཅད་གཅིག་ཏུ ་བྱས་ནས་ནི། ། རས་སམ་ཤིན་ཁྱོན་དག་ཏུ་ནི།། བསྡུས་ཏེ་བསྒྲུབ་པའི་རྫས་ཀྱིས་དགབ།། བྱུག་པ་ཆེན་པོས་དེ་ལ་གཏོར།། ལྕེ་པོག་ནག་པོའི་དུད་པས་བདུག། རྡོ་རྗེ་གར་གྱི་ཕྱག་རྒྱ་དང་།། འབར་བའི་ལྟ་བས་བརྗིད་པར་བྱ།། ་ཚམ་དམ་ཆེན་པོའི་སྟབས་ཀྱིས་བསྐོར།། སྣ་ཚོགས་གསུར་གྱི་དྲི་ཆེན་གདོན།། དེ་ནས་རྒྱལ་པོའི་བྱིན་རླབས་ཀྱིས།། ཡོ་བྱད་དེ་དག་བདུད་རྩི་ལྔ།། དམ་རྫས་ངོ་བོར་བསྡུས་ནས་ནི།། དེ་ལ་འབྲུ་ལྔའི་འཕྲོ་འདུ་ལས།། ཞུ་ནས ་ཕྱག་མཚན་རྣམ་ལྔར་འབར། ། དག་པའི་བདུད་རྩི་ཆེན་པོར་ཞུ།། ཤེས་རབ་ལྷ་མོ་རིགས་འཛིན་མ།། བཞིའམ་ཡང་ན་རྣམ་པར་བརྒྱད།། རྫས་སེསམ་ཡོ་བྱད་རང་བཞིན་པས།། ཟས་མཆོག་གར་གྱིས་སྤྱིར་བླངས་ཏེ།། ལོདྲ ་སྤྱོད་སྤེལ་བའི་དབྱིངས་འདིས་བསྟན། ། བདག་ཅག་རིག་འཛིན་ཤེས་རབ་མ།། རྒྱལ་སྲས་ལྷ་ཡི་དངོས་གྲུབ་འཛིན།། དགྱེས་པས་ཚིམ་པའི་ལོངས་སྤྱོད་དག། ཇི་ལྟར་ཡིད་བཞིན་ནོར་བུ་འམ།། དཔག་བསམ་ཤིང ་ལྡན་འདོད་འཇོའ་བ། ། མ་རྨོས་ལོ་ཏོག་རྒྱས་པར་ལྟར།། རྣལ་འབྱོར་ལོངས་སྤྱོད་ཆེན་པོ་དག། ནམ་མཁའི་ཁམས་སུ་གཏིབས་ནས་ཀྱང་།། རྡོ་རྗེ་དགྱེས་ཚོགས་ཀུན་འདུས་ནས།། སྐལ་ལྡན་རྣམས་ཀྱིས་རབ་སྤྲུལ་ཅིག། ་རྡོ་རྗེ་གར་གྱི་དབང་སྒྱུར་ནས།། སྒེག་པས་ལྷ་མོ་འཇོ་ཚུལ་དག། འདུད་ཅིང་སྡོད་པའི་ཚུལ་གྱིས་ནི།། རོལ་མོའི་ཚིགས་ཀྱིས་དགའ་བ་སྐྱེད།། ཨོཾ་ཤྲཱི་བཛྲ་ལཱ་སྱེ་ཧཱུཾ་ཧཱུཾ། བཛྲ་མཱ་ལེ་ཏྲ་ཏྲཾ། བཛྲ་གྷི་ར་ཏི་ཧྲི་ཧྲི། བཛྲ་ནིར་ཏཾ་ཨ་ཨ། ་རྡོ་རྗེ་ཀརྨའི་ཐབས་མཆོག་གིས།། རྡོ་རྗེ་གླུ་འདིས་གཟི་བྱིན་སྐྱེད།། རྡོ་རྗེ་བདུད་རྩི་ལོངས་སྤྱོད་འདི།། རྩི་མཆོག་བཅུད་ཀྱི་སྙིང་པོ་སྟེ།། གཟི་མདངས་རྒྱས་པར་བྱེད་པའི་མཆོག། བཀྲག་འཛིན་གཟུགས་མཆོག་དྲན་པའི།། ་དཔལ། རྡོ་རྗེ་ཅན་གྱི་བྱིན་སྟོབས་ཀྱིས།། སྐལ་པ་ཅན་གྱི་ཟས་སུ་བྱ།། སྐལ་མེད་རྣམས་ཀྱི་དུག་ཏུ་འགྱུར།། དཔེར་ན་སྦྲུལ་ལ་འོ་མ་བཞིན།། ས་མ་ཡ་ཛཿཀུ་སུ་ཙ་མ་མ། སྨུག་ཟིལ་ལྷ་མོ་མཉེན་གསལ་མ།། རླན་རྣམས ་བདུད་རྩིར་སྦྱར་བྱེད་མ། ། བདུད་རྩི་ཆུ་རྒྱན་དངོས་གྲུབ་འཛིན།། རང་གཉེར་ལས་སྐལ་ཆུ་རྒྱུན་འབེབས།། ཤིང་ལོ་མདབ་མས་བདུད་རྩིར་སྦྱར།། འབྲུ་ཐོགས་སྣ་ཚོགས་དངོས་གྲུབ་འཛིན།། རང་གཉེར་ལས་སྐལ་འབྲས་བུ ་སྐྱེད། ། ལྷ་མོ་སྲི་བརྟན་དབང་སྒྱུར་མ།། ཁུ་བ་བཅུད་ལས་བདུད་རྩིར་འགྱུར།། བདུད་རྩི་ཞུན་ཆེན་དངོས་གྲུབ་འཛིན།། རང་གཉེར་ལས་སྐལ་བརྟན་པར་བྱེད།། རྡོ་རྗེ་ལྷ་མོ་ཤེལ་མདོག་མ།། ཉི་ཟེར་བདུད་རྩིར་སྒྱུར་བྱེད་མ།། ་གསལ་བ་མདངས་ཀྱི་དངོས་གྲུབ་འཛིན།། རང་གཉེར་ལས་སྐལ་གཟི་བྱིན་སྐྱེད།། ལྷ་མོ་ཁྲོ་གཉེར་སྔོ་བསངས་མ།། དུར་ཁྲོད་རྫས་ལས་བདུད་རྩིར་སྒྱུར།། ཤ་ཆེན་སྣ་ཚོགས་དངོས་གྲུབ་འཛིན།། རང་གཉེར་ལས་སྐལ་བྱིན ་འབེབས་སམ། ། རྩི་ཡི་ལྷ་མོ་བློ་གྲོས་མ།། རྩི་ཐོག་བདུད་རྩིར་སྦྱར་བྱེད་མ།། རྩི་མཆོག་ཀུན་གྱི་དངོས་གྲུབ་འཛིན།། རང་གཉེར་ལས་སྐལ་ཚིམ་བྱེད་མ།། སྨན་གྱི་ལྷ་མོ་ནོར་གྱི་རྒྱུན།། དུག་རྣམས་བདུད་རྩིར་སྐྱར་བྱེད་མ།། ་བདུད་རྩི་སྨན་གྱིས་དངོས་གྲུབ་འཛིན།། རང་གཉེར་ལས་སྐལ་འོད་ཀུན་ཡང་།། རྡོ་རྗེ་ཀླུ་ཡི་བརྟེན་ནས་ནི།། རྣལ་འབྱོར་ཆེན་པོའི་ཡོ་བྱད་དུ།། རོལ་མོས་དགའ་བ་སྟོན་ལོངས་སྤྱོད་བྱ།། དེ་ནས་ལས་ཀྱི་གནས་སྐྲི་པྲ་འདིར་། ་བྱི་ནང་འཐུན་འཇུག་བཀའ་སྡོད་པའོ།། གཤིན་རྗེ་ཆོས་ཀྱི་ཕྱག་རྒྱ་ཡིས།། བྲན་གྱི་བྱ་བར་དབང་བསྡུས་ནས།། ཕྱི་མཚམས་བསྲུང་བར་དབང་བསྐུར་ཏེ།། འབུར་རམ་ལུགས་སམ་རི་མོ་འམ།། ཅི་འདྲ་བར་ནི་བྱས་ནས་ཀྱང་། ་བྱི་ཁྱམས་སྒོ་ཡི་ཕྱི་རོལ་དུ།། མ་ཧེ་ཁྲིལ་བཞག་ནས་ནི།། འཐུན་པའི་རྫས་ཀྱིས་མགུ་བྱས་ལ།། དེ་ཚེ་འདི་ཡི་བསྐོར་བར་བྱ།། གསང་ཆེན་ལྷན་གྲུབ་ཕོ་བྲང་ནས།། ལས་ཀྱི་གཤིན་རྗེའི་ཕོ་བྲང་ནས།། བཅོམ་ལྡན་ཆོས་རྗེས ་བཀའ་སྩལ་པ། དེ་བཞིན་རིགས་འཛིན་སྒྲུབ་པ་པོས།། བཀའ་གས་དེ་གཞུང་ཆེན་འདི་སྒྲུབ་ཅིང་།། ཡང་དག་དོན་ལ་ངེས་འཇུག་ན།། འདི་དག་ནོར་བུ་རིན་ཆེན་ཏེ།། འདི་ལ་རྟོད་ཅིང་བར་གཅོད་པ།། ལྷ་སྲིན་སྡེ་བརྒྱད་འབྱུང ་པོ་ཀུན་ཁྱོད་ཀྱི་འཁོར་དང་གཡོག་ཡིན་གྱི་ས། ། རྣམ་པར་སྨིན་པའི་ཆོས་ཤོད་ལ།། གསང་བ་མཆོག་གི་རྣལ་འབྱོར་པས།། བླ་མེད་འབྲས་བུར་མ་གྱུར་ཚེར།། ས་འདི་ཡན་ཆད་མ་གཏང་བར།། དཔལ་ཆེན་མི་ཕམ་བཀའ་མེ་འདལ།། ་བདག་ཅག་ཡེ་ནས་གཉིས་མེད་དེ།། ད་ཙམ་དོན་གྱི་དབྱིངས་སུ་གཅིག། ཕྱིར་རོལ་སྐྱོང་བའི་མུ་རན་ལ།། རྡོ་རྗེ་ཡལ་དམ་ཐུབ་པར་མཛོད།། བཛྲ་ཡ་མ་རཱི་ཛི་ས་ཡ་སྟྭཾ།། ཞེས་པས་གཤིན་རྗེ་མནས་བསྒྲགས་ཏེ།། གལ་ཏེ་འདས་ན་ཁོ་བདག ་འཚིག། བརྩམ་པར་བྱ་བའི་ལས་ཆེན་པོ།། དངོས་གྲུབ་འབྱུང་བར་བྱེད་པའི་རྟེན།། ཕྱག་རྒྱ་ཆེ་དང་གཟུགས་མཆོག་གི། སྟེགས་བུ་ལེགས་པར་སྦྱངས་ན་འགྲུབ།། མཚོན་པས་ཁྲིད་པར་བྱེད་པ་ཡི།། རྡུལ་ཚོན་འདུས་བྱས་རྒྱུ་རྣམ་ལ། ་བརྙན་མའི་དཀྱིལ་འཁོར་བཤད་བགྱི་བ།། སོ་སོར་བརྟགས་ཏེ་བཤད་བགྱི་བ།། བརྟན་ཞིང་ངོས་འཇམ་ཁང་བུ་ལ།། འབུར་ཁུང་ཁོད་སྙོམས་འཕང་མཐོ་བའི།། ཁ་དོག་ལྔ་ཡི་གཟུགས་བྱས་ནས།། དེས་ནི་མཚན་མའི་དངོས ་གྲུབ་སྟེར། ། ཤིང་ཤུན་རས་སམ་དུར་ཁྲོད་ཀྱི།། ཞིང་ཆེན་རས་ལ་ཁ་དོག་ལྔས།། ཕྱག་རྒྱ་འབར་བའི་གཟུགས་བྲིས་ན།། དེ་ཡང་མཚན་མ་འབྱུང་བའི་རྟེན།། རྡོ་དང་ཤེལ་རྡོ་ལ་སོགས་པ།། དུད་དམ་པ་སོའི་རྒྱུ་ལས་ནི།། མཁས་པས་འབུད་དུ ་བཏོད་བྱས་ནས། ། མཚན་མ་འབྱུང་བའི་རྟེན་དུ་འགྱུར།། གསེར་དངུལ་རིན་ཆེན་ལ་སོགས་པ།། ཟངས་ལྕགས་ཁར་བའི་རྒྱུ་དག་ལས།། མཁན་གྱིས་བླུགས་ཏེ་མ་ཉམས་ན།། དེ་ཡང་མཚན་མའི་རྟེན་དུ་འགྱུར།། བླག་ཥ་བྱང་ཆུབ ་ཤིང་ལ་སོགས། ། རྒྱུད་ཤིང་ཡལ་ག་མཉེན་པ་ལས།། ཕྱག་རྒྱའི་གཟུགས་དེ་ལེགས་སྦྱར་ན།། དེ་ཡང་རྟེན་དུ་མཁས་པས་བཤད།། མཉེན་ཅིང་སྦྱིན་པའི་མཆོག་རྣམས་ལ།། བཞིན་དང་འདྲིལ་ཁུགས་ལེགས་སྦྱར་ཏེ།། ཕྱག་རྒྱ་ཆེན ་པོའི་གཟུགས་བྱས་ན། ། དེ་ཡང་རྟེན་པའི་འོས་སུ་འགྱུར།། དེ་ལ་སོགས་པའི་རྒྱུ་རྣམས་ལ།། ཡི་གེ་འམ་ཡང་ན་མཚན་རྟགས་སམ།། མིང་དམ་ཐིག་ལེར་རྫས་ལ་བྲི།། བསྒྲུབས་ན་མཚན་མའི་རྟེན་དུ་འགྱུར།། དེ་ལས་རེ་ཤིག་འདིར ་བཤད་པ། ། སྟེགས་བུལ་རྟེན་མཚན་མ་དག། བསྒྲུབ་པའི་དོན་དུ་རྟག་གཟུང་བ།། བརྩམ་པའི་ཐབས་ནི་འདི་ལྟ་སྟེ།། གོང་དུ་སྨོས་པའི་རྒྱུ་རྣམས་ལ།། སྟེགས་བུ་མཛེས་ཤིང་མཉམ་བྱས་ཏེ།། ཀུན་དུ་གྲུ་བཞི་ཆ་མཉམ་ལ།། བདུད་རྩི ་ལྔ་ཡི་སྦྱོར་བ་ཡིས། ། མེ་ལོང་ལྟ་བུར་སྙིང་པོར་བྱ།། སྣ་བྱུང་ཡང་དག་བྱིན་རླབས་ཅན།། ཡེ་ཤེས་རང་བྱུར་གྲུབ་པའི་རྫས།། བཀའ་གསང་རྨད་བྱུང་ཕོ་བྲང་དུ།། དུར་ཁྲོད་རྫས་ལྔས་བརྐྱང་ནུལ་བྱ།། རྡོ་རྗེ་སྲང་བུའི་ཐིག་གདབ་པ།། ཆོ་ག་རྣམ ་པར་བཤད་བགྱི་བ། ། གསང་བའི་ལྕང་ལོ་འཁྲིལ་མངས་དང་།། རྡོ་རྗེ་རྒྱུན་ཐག་ལ་སོགས་པ།། རིང་ཐུང་མཎ་ཌལ་འཁོར་ཁྱུད་ལ།། འཇུར་མདུད་ཅན་དུ་མ་གྱུར་པའི།། སུམ་སྒྲིལ་སྙོམས་པའི་ཚད་ལྡན་ལ། ཡེ་ཤེས་ལྔ་ཡི་རང་བཞིན་གསལ།། ་རྒྱུ་དེ་བྱིན་གྱིས་བརླབས་པའི་ཐབས།། ཐབས་དང་ཤེས་རབ་འབྲེལ་བ་ཡི།། ཡི་གེ་གཉིས་ཀྱི་འཕྲོ་འདྲ་ལས།། དཀར་དམར་འོད་ཀྱི་གསེར་ཕྲེང་འཕྲོ།། རྡོ་རྗེ་གསང་བའི་ཐབས་ཀྱིས་ད།། བྱང་ཆུབ་སེམས་འདྲེན་འཁལ་བའི་ཡུམ། དེས། ་པར་བརྟགས་ཏེ་འདིར་བཟུང་བ།། མཚན་ལྡན་བཀྲ་ཤིས་གསང་བའི་ཡུམ།། སྨིན་དཀྲུགས་རིང་ལ་ལག་སོར་འཕྲ།། ཚིགས་མིག་ཟླུམ་ལ་ཕྲ་བར་བཤད།། ཁ་ནས་ཨུཏྤལ་དང་ལྡན་ཞིང་།། ལུས་ལག་བུར་ཙན་དནཿ། ཡིད་འོངམ ་ལྡན་རྐེད་སྐབས་ཕྱེད། ། སྐྲ་འཇམ་མཐོན་མཐིང་གཡས་སུ་འཁྱིལ།། སོ་དཀར་ཚགས་དམ་དཀར་དམར་ཕྱེད།། མིག་གི་དཀྱུས་རིང་སྨིན་དཀྲུགས་ལེགས།། ཟར་མའི་མེ་ཏོག་རྒྱས་འདྲའི་སྤྱན།། དཔྲལ་བའི་དབྱེས་ཆེ་སྐྲ་འཚམས ་འཁྲུག། སྣ་བཟང་མདོག་གསལ་པད་མའི་རིགས།། ལུས་དྲང་སྐེ་རིང་སེམས་མའི་ཚུལ།། ནུ་མའི་དཀྱིལ་མཐོ་ཟླ་རྒྱས་འདྲ།། ཤ་དཀར་ཚགས་དམ་འཁྲིལ་བག་ནགས།། ཁོང་ངལ་འགྲོ་ན་གོམ་པ་འཇམ།། སྐད་ནི་དང་པ་གཞོན་ནུ ་སྒྲོགས། ། ཅིར་ཡང་མཛེས་པའི་སྟབས་ཚུལ་ལྡན།། སྐྱེས་བུ་བླ་མས་ཡུམ་དུ་གཟུང་།། གཟུངས་མར་བྱིན་གྱིས་བརླབ་པ་ནི།། ཡུམ་གྱི་ཕུང་པོ་གནས་ལྔར་ནི།། བདེ་བར་གཤེགས་པའི་ས་བོན་ལྔ།། འཕྲོ་འདུ་གསལ་བར་གྱུར་པ་དང་། ་སངས་རྒྱས་བྱིན་བརླབས་དབང་བསྐུར་ནས།། བདེ་གཤེགས་ཡུམ་ལྔའི་སྐུ་མཆོག་གསལ།། རྡོ་རྗེ་ཡབ་ལའང་དེ་བཞིན་ཏེ།། དེ་ལྟར་གསལ་བར་གྱུར་པ་དང་།། ཡུམ་གྱི་མཁའ་ལ་མེ་རི་སྒོམ།། གསང་བ་དབུགས་ཀྱི་ཟླ་གམ་ལ།། ་བྱང་ཆུབ་སེམས་ཀྱི་འཕྲོ་འདུ་བྱ།། གཟུགས་བརྙན་ཇི་ལྟར་གསལ་བ་བཞིན།། ཡུམ་གྱི་མཁའ་ལ་དེ་བཞིན་ནོ།། དེ་ནས་རྡོ་རྗེ་ཚིག་འདི་ཡིས།། ལུས་ཀྱི་ཡུམ་ལ་ངེས་པར་བསྒོ།། ཤེས་རབ་ལྷ་མོ་གསང་བའི་ཡུམ།། འདོད་དགུར ་སྦྱར་བའི་འཕྲུལ་མོ་ཆེ། ། ཆགས་པའི་ཚུལ་གྱི་ཐབས་ལ་འདུད།། གཡོན་དུ་འཁྲིལ་ཅིང་གཡས་སུ་འཁྱུད།། འཛུམ་པའི་མདངས་ཀྱིས་ཟླ་གམ་སྦྱོར།། གསང་བའི་བྱང་ཆུབ་སེམས་འདྲེན་པ།། ཁྱོད་ནི་ལྷ་མོ་རྒྱལ་བའི་སྲས། རང ་བཞིན་ཆོས་ཀྱི་མཚན་ལྡན་མ། ། རྡོ་རྗེ་ལས་ཀྱི་ཡུམ་ཡིན་གྱིས།། གསང་བའི་ལས་རྣམས་ཀུན་བྱོས་ཤིག། ལག་པ་འཁོར་ལོའི་གཞལ་ཡས་སུ།། ཉི་ཟླ་འབར་བའི་ཚོགས་བཀོད་དེ།། གསང་པའི་བྱང་ཆུབ་དཀར་དམར ་འདི་ཐིག་ལེ་ཡི་གེའི་ངོ་བོར་བདག། ། ལས་ཀྱི་རྡོ་རྗེ་འབར་བ་ཡི།། རྡོ་རྗེ་གར་གྱི་ཕྱག་རྒྱ་ཡིས།། བྱང་ཆུབ་སེམས་ཀྱི་ཐིག་འདི་དྲོངས།། རྡོ་རྗེ་གསང་བའི་ལས་འདི་དྲངས།། རྡོ་རྗེ་གསང་བའི་ལས་འདི་གྱིས།། ཨོཾ་ཙན་དྲ་དྷ་ར་ཏྲི་ཞེས་པའི།། ་གསང་བའི་ཐབས་ཀྱི་སྦྱོར་བ་ཡིས།། རྫས་མཆོག་འབར་བའི་ཐིག་ལེ་ཡིས།། གནས་ལྔ་དག་གི་གཞལ་ཡས་སུ།། གསང་བ་ཐབས་ཀྱི་ཐིག་ལེ་བྱ།། སྲད་བུའི་སྦྱོར་བ་དེ་རྫོགས་ནས།། གོལ་སྒྲིབ་རྟག་ཆད་སྐྱོན་བྲལ་བའི།། ཆེ་ཆུང ་ལ་ཡོ་མེད་པ་ཡི། ། རྡོ་རྗེ་དབུ་མའི་ཐིག་འདི་དགྱེ།། ཆོས་ཀྱི་དབྱིངས་ཀྱི་གཞལ་ཡས་སུ།། མི་དམྱིགས་བདལ་བའི་མཎརལ་ལ།། ཡེ་ཤེས་ལྔ་ཡི་ཐིག་འཕྲོས་པས།། བདེ་ཆེན་རྣམཐར་ཕྱག་རྒྱའི་ཚོགས།། ཀུན་གཞི་ནམ་མཁའི ་གཞལ་ཡས་སུ། ། ཉོན་མོངས་རྟོག་པའི་མཎ་ཌ་ལ་ལ།། ཏིང་འཛིན་འོད་ཟེར་ཐིག་འཕྲོས་པས།། ཕྱག་རྒྱ་རྡོ་རྗེ་འབར་བའི་ཚོགས།། མཁའ་དབྱིངས་གསང་བའི་གཞལ་ཡས་སུ།། ཟླ་གམ་པད་མའི་མཎ་ཌ་ལ་ལས།། བྱང་ཆུབ ་སེམས་ཀྱི་ཐིག་འཕྲོས་པས། ། ཡེ་ཤེས་སེམས་དཔའི་གསལ་བའི་ཚོགས།། བཀྲ་ཤིས་དབེན་པའི་གཞལ་ཡས་སུ།། མཚན་མ་རྟེན་གྱི་མཎ་ཌ་ལ་ལ།། རྡོ་རྗེ་སྲད་བུའི་ཐིག་འཕྲོས་པས།། ཆོ་འཕྲུལ་གཟུགས་བརྙན་ཕྱག་རྒྱ་འབར ་སྟོང་གསུམ་གསང་བའི་དཀྱིལ་འཁོར་དུ། ། རྨད་བྱུང་རྡོ་རྗེའི་ཐིག་འགྱེད་ན།། གསང་བའི་དམ་ལ་གནས་པ་ཡི།། འབྱུང་པོ་སྐྱེ་བོ་གདོལ་པ་ཅན།། རྡོ་རྗེ་རྩལ་གྱི་ཧཱུཾ་རིངས་ལས།། རྡོ་རྗེ་མཚོན་ཆའི་བུ་ཡུག་འཚུབ།། ཕྱོགས་འཚམས ་བླ་རོག་ཁྲོ་བོས་གཏམས། ། འབར་བ་གསང་བའི་འཚམས་བཟུང་སྟེ།། ཕྱི་རོལ་སྡེ་པའི་འདྲུལ་རྣམས་གཅད།། རྡོ་རྗེ་མཚོན་ཆ་འབར་བའི་ཚོགས།། སྲེད་དང་འཇོམས་པའི་དྲག་ཤུལ་ཅན།། རྡོ་རྗེ་ལྕེ་ཡིས་འདིར་བརྡེག་བྱ།། རྡོ་རྗེ ་ཉི་མའི་གཞལ་ཡས་སུ། ། རྡོ་རྗེ་དཔལ་བེའུ་འོད་ཀྱི་ཐིག། མེ་ལོང་ཡེ་ཤེས་རང་བཞིན་ཅན།། རྣལ་འབྱོར་ཅན་གྱིས་གདབ་པར་བྱ།། དེ་བཞིན་རིན་ཆེན་འབར་བའི་ཞལ།། པད་མ་ཟླ་བ་འཁོར་ལོ་ཡ།། དཔག་མེད་ནམ་མཁའི་གཞལ ་ཡས་སུ། རིགས་ཀྱི་དཔལ་བེའུ་འོད་ཀྱི་ཐིག། ཡེ་ཤེས་བཞི་ཡི་རང་བཞིན་ཅན།། རྣལ་འབྱོར་ཅན་གྱིས་གདབ་པར་བྱ།། རྡོ་རྗེ་མཁའ་ལ་འཁོར་ལོ་བསྐོར།། ཐབས་དང་ཤེས་རབ་ཟུང་ཡབ་ཞིས།། སོ་སོའི་ཕྱག་དུ་གནས་ནས་ནི།། ་ནམ་མཁའ་དབུས་ཀྱི་སྙིང་པོ་ལ།། སྲད་བུ་བཞི་ཡི་རྒྱ་གྲབ་བྲེ།། དེ་ནས་རྡོ་རྗེ་བརྟན་པའི་ས།། དབུས་ཀྱི་ཕོ་བྲང་དགུ་པ་ནི།། རྡོ་རྗེ་སྲད་བུའི་ཐིག་ཆེན་གྱིས།། ཕྱག་རྒྱ་བཞུགས་པའི་གནས་རྣམས་ཀུན།། ཚེ་ཆུང་མེད་པར་སྙོམས། ་པར་བྱ། འདིར་ནི་རྡོ་རྗེ་མུ་ཁྱུད་བདུན།། འབྱུང་བའི་རིམ་པའི་དྲུག་པར་དུ།། འཁོར་ལོ་དྲུག་བརྩེགས་སྙིང་པོར་འབར།། གྲུ་ཆད་རྩིབས་མཚན་མེ་རི་འཕྲོ།། མུ་ཁྱུད་ཆར་གསུམ་འབར་བའི་ཕྲེང་།། བར་ཁྱམས་བཞིས་མཛེས ་ཕྱི་བྱམས་དང་། ། ལྔར་གསལ་སྒོ་དགུ་ཤར་དུ་བརྩེགས།། ཕོ་བྲང་དེ་ཡི་གནས་གནས་སུ།། ཕྱག་རྒྱའི་ཚུལ་རྣམས་འབྱུང་བ་ནི།། མུ་བླུད་མཐའ་ཟད་ཡན་ཆད་དུ།། ཡབ་ཡུམ་དྲུག་ཅུ་རྩ་བཞི་ཡི།། ཆོ་འཕྲུལ་དམ་ཚིག་ཚད ་མེད་པ་། རོལ་པ་འཇིགས་བྱེད་འཇིགས་བྱེད་ཆེ།། ཀ་ཙ་ལི་ལ་སོགས་པར་བྲི།། དེ་བཞིན་ཟ་བྱེད་ཡབ་ཡུམ་བཞི།། ལས་ཀྱི་ལྟ་སྟེ་ཧེ་རུ་ཀ། འཁོར་ལོ་ཐ་མའི་རྩིབས་ལ་དགོད།། གནས་དང་ཡུམ་གྱི་ཕྱག་རྒྱ་དག། གྲུ་ཆར་བྱི་དང ་ནང་ལ་དགྲམ། ། ཧཱུཾ་ཆེན་བཅུ་ཡི་ཡབ་ཡུམ་དག། ཤིན་དུ་མཛེས་པར་དང་པོ་ལའོ།། དེ་ཉིད་ལ་ནི་མ་བརྒྱད་དང་།། གིང་ཆེན་བཅཝ་བརྒྱད་རྒྱས་པར་དགོད།། གཉིས་པའི་ཁྱམས་ལ་མཁའ་འགྲོ་བརྒྱད།། ཤུགས་འགྲོ་བརྒྱད་ཀྱང་དེ ་བཞིན་ནོ། ། གསུམ་པའི་བྱམས་ལ་འཕྲ་མེན་བརྒྱད།། དེ་བཞིན་འབར་མ་བརྒྱད་རྣམས་བྲི།། བཞི་པའི་ཁྱམས་ལ་ཕོར་ཐོགས་བརྒྱད།། དེ་བཞིན་སྲིན་མོ་གཞོང་ཐོགས་བརྒྱད།། ཀུན་དུ་མཛེས་པ་དབྲི་བར་བྱ།། ལྔ་པའི་ཁྱམས་ནི་ཐམ ་ལ། རྡོ་རྗེ་སྲས་དང་བྲན་མོ་དང་།། ཕོ་ཉ་ལ་སོགས་རྒྱས་པར་དགྲམ།། དེ་ཡང་ཚུལ་དུ་དགོད་པ་ནི།། གོང་མ་དག་ནི་རྒྱུ་རྣམས་ལས།། ཀ་ཙ་ལི་ལ་སོགས་པ་དང་།། ཇི་ལྟར་འབྱོར་པ་དེ་ལྟར་བྲི།། མཆོད་པའི་ཡོ་བྱད་ཐམས་ཅད ་དང་རྨད་དུ་བྱུང་བའི་རྫས་མཆོག་དང་། ། རྡོ་རྗེ་གསང་བའི་རིམས་ཀྱིས་བཀོད།། རྡོ་རྗེ་གསང་བསྒོ་ཕྱེ་ནས་ནི།། ཏིང་འཛིན་དཀྱིལ་འཁོར་ཀུན་རྫོགས་ནས།། རང་བཞིན་ཡུལ་ནས་ཕབ་ནས་ནི།། བསྒྲུབ་པའི་དཀྱིལ་འཁོར་དེར་རྫོགས། ་འདི་ཡང་དོན་གྱི་ཁྱད་པར་གྱིས།། རིགས་འཛིན་ཆེ་བའི་ས་སྦར་པ།། ཤར་གྱི་གདན་གྱི་ཁྱད་པར་ལ།། རྡོ་རྗེ་སེང་གེས་བཏེག་འཁོར་ལོ།། ཟླ་བ་ཉི་མ་གཡས་གཡོན་གྱི།། ཞབས་རྟེན་ཚུལ་གྱི་མཎ་ཌ་ལ་ནི།། རྡོ་རྗེ་རྒྱལ་པོ་ཡབ ་ཡུམ་བཞུགས། ། ལྷོ་ཡི་གདན་གྱི་ཁྱད་པར་ལ།། གླང་ཆེན་རྡོ་རྗེས་བཏེག་འཁོར་ལོ།། པད་མ་གཡས་གཡོན་ཞབས་བརྟེན་ཚུལ།། རྡོ་རྗེ་རྒྱལ་བ་ཡབ་ཡུམ་བཞུགས།། བྱང་གི་གདན་གྱི་ཁྱད་པར་ལ།། པད་མ་རྡོ་རྗེ་བཏེག་རྒྱ ་གྲམ། རྡོ་རྗེ་ཀརྨ་ཡབ་ཡུམ་བཞུགས།། ནུབ་བམ་ཕྱོགས་སམ་མཚམས་གཞན་དུ།། གཞི་རྣམས་གཅིག་ཏུ་གྱུར་པ་ལ།། མཎ་ཌ་ལ་རྒྱུན་མ་ཆད་པ་ལ།། རྡོ་རྗེས་གཏམས་ཤིང་སྤེལ་བྱས་ནས།། པད་མ་ཕྱོགས་གཅིག ་ཆེར་འབར་བ། ། ཁ་དོག་འབར་བའི་འོད་ཀྱིས་དཀྲིགས།། རྩལ་འཕང་ཆེ་ཆུང་ཁྱད་པར་གྱིས།། སྐལ་དང་ལྡན་ནམ་མི་ལྡན་པའི།། ལ་ལ་དག་ལ་ཟླ་བ་ནི།། རངས་པའི་གདན་གྱི་མཚན་མ་ལ།། དེ་ཡང་རྩལ་འཕང་ཆེ་ཆུང ་ལ་ལ་ལ་རྩེ་གསུམ་རྡོ་རྗེས་མཚན། ། ལ་ལ་རྡོ་རྗེ་ཕྱེ་མས་མཚན།། ལ་ལམ་རངས་ཟླ་ག་མ་ལ།། ནང་དུ་བསྟན་པས་མཚན་པར་བྱའོ།། ལ་ལ་རྩེགས་འབིགས་རྣམ་པར་མཚན།། ལ་ལ་པད་མ་བརྩེགས་པས་མཚན།། ལ་ལ་དག ་ལ་མཚན་མ་མེད། ། ལ་ལས་གདན་དེ་མི་ནོན་ཏེ།། ནར་མ་གང་ཟག་མི་ཡི་རྫས།། སོ་སོའི་བདེ་བའི་ཐབས་སུ་སྦྱར།། ཀུན་དུ་བདེ་བར་སྦྱར་བའི་ཕྱིར།། པི་པར་སྟན་ཞེས་གྲགས་པ་སྟེ།། ཀུན་དུ་ཁྱབ་པར་ལུས་བདེར་སྦྱར།། རྨད་བྱུང ་སྒྲུབ་པའི་དཀྱིལ་འཁོར་དུ། ། འཇུག་དང་དངོས་གྲུབ་གསོལ་བ་དང་།། དབང་སྐུར་པ་ཡི་ལས་རྣམས་བྱ།། འདོད་པར་བྱ་བ་བསྒྲུབ་པ་དང་།། གཏོར་མ་ལ་སོགས་རྫས་ཀྱི་རྣམས།། ཆ་གསུམ་དག་ལ་དགས་ནས་ཀྱང་།། གཅིག་ནི་སྦྱིན། ་སྲོག་ལས་མཆོག་བྱ།། གཅིག་ལ་རྣལ་འབྱོར་ལོངས་སྤྱོད་གཏེར།། གཅིག་ན་མཁའ་འགྲོའི་འཁོར་ཚོགས་བསྐྱད།། གནས་སུ་བཀྲ་ཤིས་ལ་སོགས་ཀྱིས།། བསྒྲུབ་པ་རྫོགས་པས་མཐར་དབྱུང་ངོ་།། དུར་ཁྲོད་གསང་མཆོག ་དབྱིངས་ཉིད་ལ། ། དཀྱིལ་འཁོར་དགུ་བརྩིགས་དཔལ་གྱི་རྒྱ།། ཡེ་ཤེས་དགུ་ཡི་ཁོང་གསེང་གསལ།། མེ་རི་འོད་ཀྱི་ཐིག་ཐག་བཅད།། འཁོར་ལོ་ཚོགས་ཆེན་བསྒྲུབ་པའི་ས།། རྣལ་འབྱོར་རྩལ་མཆོག་ཅན་གྱི་གནས།། བསྒྲུབ ་པ་རྩ་ཡ་དཀྱིལ་འཁོར་དེ། ། དུར་ཁྲོད་གསང་བ་མཆོག་གི་མདོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་ཚོགས་ཆེན་འདུས་པའི་བསྒྲུབ་ལུགས་ཀྱི་ལེའུ་སྟེ་བཅུ་གཉིས་པའོ།། །། དེ་ནས ་སེམས་དཔའི་རྡོ་རྗེ་དམ་པ་དེས་འདི་སྐད་ཅེས་བཀའ་སྩལ་ཏོ། ། འདུས་པ་ཆེན་པོའི་ཚོགས་རིག་འཛིན་ཐམས་ཅད་ངེས་པར་འགྲུབ་པར་འདོད་ན་འདི་ལྟར་རིག་པར་བྱའོ།། དེ་བཞིན་ཐམས་ཅད་ཀུན་རྫོགས་ནས།། རིགས་ཀྱི ་ཁྱད་པར་འདི་དག་དབྱེ། ། སོ་སོའི་རིགས་སུ་བསྒྲུབ་པར་བྱ།། རྡོ་རྗེ་ཅན་ལ་དཔལ་བེའུ་ནི།། དཀྱིལ་འཁོར་རྡོ་རྗེ་འབར་བའོ།། དེ་བཞིན་རིན་ཆེན་རིན་ཆེན་ཏེ།། པད་མ་དམར་པོ་འོད་ཀྱི་དཀྱིལ།། ལས་ནི་ཀུན་དུ་རྒྱ་གྲམ་འབར། ་དེ་བཞིན་རིན་ཆེན་འཁོར་ལོར་འབར།། སོ་སོའི་རིགས་རྣམས་གཙོར་གཞག་སྟེ།། འཁོར་ནི་དེ་བཞིན་མི་འགྱུར་བར།། རྣམ་པར་བཀོད་དེ་ལེགས་སྦྱར་ནས།། བསྙེན་པ་དང་ནི་ཉེ་བསྙེན་པ།། བསྒྲུབ་དང་སྒྲུབ་ཆེན་རྫོགས ་པར་བསྒྲུབ། ། ཏིང་འཛིན་རྩལ་གྱི་ཁྱད་པར་ནི།། སོ་སོའི་རིགས་ནི་གང་ཡིན་པ།། ཏིང་འཛིན་བྱེ་བྲག་མང་པོ་ལ།། ཡིད་ཀྱི་སྦྱར་བ་གསལ་བར་བྱ།། དེས་ནི་རིགས་འཛིན་གང་འདོད་པ།། གསང་བར་ངེས་པར་གྲུབ་པ་ཡིན།། ་ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་རིགས་འཛིན་བསྒྲུབ་པའི་ལེའུ་སྟེ་བཅུ་གསུམ་པའོ།། །། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས ་གསུངས་སོ། ། འདུས་པ་ཆེན་པོའི་ཚོགས་ཆོས་ཐམས་ཅད་ནི་གླང་དོར་མེད་པར་རིག་པར་བྱའོ།། ཆོས་ཉིད་མཉམ་པའི་རང་བཞིན་ལ།། བཟང་ངན་རྟོགས་པའི་ཚིག་དང་བྲལ།། བདག་དང་གཞན་དུ་དབྱེར་མེད་དེ།། གཙང ་དང་མི་གཙང་གཉིས་སུ་མེད། ། ཅེས་གསུངས་སོ།། དེ་ནས་འཁོར་དེར་འདུས་པར་གྱུར་པའི་རིགས་འཛིན་མིའི་ཐོད་པ་ཅན་མང་པོ་དག་རྣམ་པར་བཀོད་པ་རྣལ་འབྱོར་གྱི་གྲལ་ནས་ལངས་ཏེ། ཨ་ལ་ལ་ཧོ་ཞེས ་བྱའི་སྒྲ་ཆེན་པོ་བརྗོད་ནས་འདི་སྐད་ཅེས་གསོལ་ཏོ། ། བཅོམ་ལྡན་འདས་ཀྱིས་བཀའ་སྩལ་པ་ལ་བདག་ཅག་ཤིན་དུ་གནས་པར་འཚལ་ན། བདག་ན་རྣམས་ཀྱི་དམ་ཚིག་ནི་བཅོམ་ལྡན་འདས་ཀྱིས་མ་གསུངས་སོ་ཞེ ་གསོལ་པ་ལས། ། བཅོམ་ལྡན་འདས་ཀྱིས་བཀའ་སྩལ་པ། མིའི་ཐོད་པ་ཅན་རྣམས་རང་རང་ཇི་ལྟར་དགའ་བའི་དམ་ཚིག་རྣམས་སྤོབས་པ་སྐྱེད་ལ་ཕུལ་ཅིག་ཅེས་གསུངས་པ་ལས། འདོད་ཆགས་ཀྱི་རིག་འཛིན་བྲམ་ཟེ་མིའི་ཐོང ་པ་ཅན་རྡོ་རྗེ་ཐལ་བའི་དབྱིངས་ཤེས་བྱ་བས་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་ཅག་གི་དམ་ཚིག་ནི་འདི་ལྟ་སྟེ། མ་དང་སྲིང་མོ་བུ་མོ་དང་།། རྒྱུ་དང་མི་རྒྱུའི་འཇིག་རྟེན་གྱི།། བུད་མེད་ཐམས་ཅད་ཐམས་ཅད་ལ།། འདོད་པའི ་ཆགས་པ་ཅི་སྨད་ཀྱང་། ། ཡང་དག་རིག་ན་མི་གོས་སོ།། ཞེས་གསོལ་ཏོ།། དེ་ནས་རིག་འཛིན་རཀྵ་མིའི་ཐོད་པ་ཅན་ཞེས་བྱ་བ་དེས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གི་དམ་ཚིག་འདི་ལྟ་སྟེ། བདག་ནི་བསོད་ལ་དགའ་བ།། ་སྟེ། སེམས་ཅན་ཐམས་ཅད་བསད་ནས་ཀྱང་།། ཟག་པ་མི་གཙང་སྙིགས་མ་དང་།། མི་ཤ་ལ་སོགས་ཐམས་ཅད་ཀུན།། ཟོས་ན་དམ་ཚིག་མཆོག་ལགས་ཏེ།། མཐུ་དང་གཟི་བྱིན་འཕེལ་བར་འགྲུ། བདག་གི་དམ་ཚིག་དེ་ལགས་སོ།། ཞེས་གསོལ་ཏོ།། ་དེ་ནས་ཡང་གནོད་སྦྱིན་རིག་འཛིན་ཡཀྵ་མིའི་ཐོད་པ་ཅན་ཞེས་བྱ་བས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གི་དམ་ཚིག་འདི་ལྟ་སྟེ། མི་ཡི་བདག་པོ་ཐམས་ཅད་ལ།། འདོད་པ་ཐམས་ཅད་འཕྲོག་པ་དང་།། གསེར ་ལ་སོགས་པ་བརྐུས་སྤྱད་ཀྱང་། ། ཡང་དག་རིག་ན་མི་གོས་ཏེ།། འདོད་པ་གྲུབ་པའི་མཆོག་ཏུ་འགྱུར།། བདག་གི་དམ་ཚིག་དེ་ལགས་སོ།། ཞེས་གསོལ་ཏོ།། དེ་ནས་ཡང་མུ་སྟེགས་རིག་འཛིན་འོད་སྲུང་རལ་པ་ཅན་ཞེས་བྱ་བས་འདིས། ་ཅེས་གསོལ་ཏོ།། བཅོམ་ལྡན་འདས་བདག་གི་དམ་ཚིག་ནི་འདི་ལྟ་སྟེ། མེ་ཡི་མགོ་བོ་བཅད་ནས་ཀྱང་།། བཟང་དང་ངན་ནི་བྱེ་བྲག་རྣམས།། རིག་པས་བརྟགས་ཏེ་ཤེས་བྱས་ནས།། བཟང་བའི་རྟགས་ཅན་བསྟེན་བྱ་སྟེ།། དཀར་པོར ་རི་ལྕང་ལོ་ཅན། ། འདི་དག་རྟག་ཏུ་སུ་འཆང་བ།། འདོད་པ་ཐམས་ཅད་འགྲུབ་པ་སྟེ།། རྒོལ་བ་ཐམས་ཅད་འཇོམས་པར་ནུས།། ཡིད་བཞིན་ནོར་བུ་ཅི་འདྲ་བར།། དེའི་ཡོན་ཏན་འདི་ལས་འབྱུང་།། བདག་གི་དམ་ཚིག་དེ་ལགས་སོ ་གསོལ་ཏོ། ། དེ་ནས་ཡང་བྲམ་ཟེ་ཤ་ལ་དགའ་བ་དང་།། ཤ་ཟ་མོའི་རིག་འཛིན་རྣམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་གི་དམ་ཚིག་འདི་འདི་ལྟ་སྟེ།། བ་གླང་ཁྱི་ཤརྟ་ཤ་དང་།། མི་ཤ་གླང་ཆེན་ཤ་ལ་སོགས།། ་ཤ་རྣམས་འདྲ་བར་གཙང་སྨེ་མེད།། ཟོས་ན་ཡོན་ཏན་སྣ་ཚོགས་འགྲུབ།། བདག་གི་དམ་ཚིག་དེ་ལགས་སོ་ཞེས་གསོལ་ཏོ།། དེ་ནས་ཡང་སྲིན་མོའི་རིག་འཛིན་ཁྲག་འཕྲོག་མ་ཞེས་བྱ་བ་ལ་སོགས་པས་འདི་སྐད་ཅེས་གསོལ་ཏོ།། ་བཅོམ་ལྡན་འདས་བདག་གི་དམ་ཚིག་ནི་འདི་ལྟ་སྟེ། སྲོག་ཆགས་སེམས་ཅན་ཐམས་ཅད་ཀྱི།། བསད་པའི་ཁྲག་ནི་དྲོན་མོ་དག། འཐུངས་ན་གཟི་བྱིན་འབར་བར་འགྱུར།། བདག་གི་དམ་ཚིག་དེ་ལགས་སོ་ཞེས་གསོལ་ཏོ།། ལྷ་མོ་ཀླུ་མོ། ་རིགས་ངན་མོ་ལ་སོགས་པ་བུདེ་མེད་ཀྱི་ཚོགས་ཐམས་ཅད་ཀྱིས་འདི་སྐད་ཅེས་གསོལ་ཏོ།། བདག་ཅག་རྣམས་ཀྱི་དམ་ཚིག་འདི་ལྟ་སྟེ། བྲོ་གར་གླུ་ཚིག་ཆེན་པོ་ནི།། ཐམས་ཅད་བསྟན་པའི་མཆོག་ལགས་ཏེ།། བྲོ་ཡི་འཇོ་ཚུལ་སྟབ ་ཆེན་དང་། ། གླུ་ཡི་སྙན་དགས་དོན་བསྒྲགས་ནས།། ཡིད་ཀྱི་དབང་པོ་ཐམས་ཅད་འཕྲོག། བསྟེན་པའི་ཐབས་ཀྱིས་འཁྲིག་སྤྱོད་པ།། འདི་ནི་དགའ་བའི་དམ་ཚིག་སྟེ།། བདག་ཅག་རྣམས་ཀྱི་དམ་ཚིག་ལགས།། ཞེས ་གསོལ་ཏོ། ། དེ་ནས་རིག་འཛིན་དེ་ཀུན་གྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཤ་རྣམས་ཀྱི་སྤྱིའི་དམ་ཚིག་ནི་འདི་ལྟ་སྟེ། དཀར་ནག་ལས་ནི་ཅི་སྨད་ཀྱང་།། རྣམ་པར་སྨིན་པའི་འབྲས་བུ་དང་།། རབ་འབྲིང་ཐ་དད་བྱེ ་བྲག་མེད། ། དེ་བཞིན་འདི་ལ་བདེ་སྡུག་གམ།། དགེ་དང་མི་དགེའི་རྩོད་པ་མེད།། རྣོན་པོའི་མཚོན་གྱི་གཅད་དུ་མེད།། ཅི་ཕྱིར་རྣམ་པ་བདུན་སྟོང་པས།། ཐོགས་པ་མེད་པའི་དོན་ཕྱིར་རོ།། སྲོག་ཀྱང་བཅད་ཅིང་བསད་དུ་མེད།། ཅི་ཕྱིར། ་རྫས་འདི་འཇིགས་པས་སོ།། སྡིག་པ་ཆེན་པོའི་ལས་རྣམས་ཀུན།། བདག་གིས་བྱས་སམ་གཞན་བྱེད་བཅུག། གལ་ཏེ་གང་གཱའི་བྱེ་སྙེད་ཀྱིས།། སེམས་ཅན་དེ་ལ་སྦྱིན་བྱིན་དང་།། དེ་བཞིན་གང་གཱའི་བྱེ་སྙེད་ཀྱི།། སེམས་ཅན ་ཐམས་ཅད་བསད་པ་གཉིས། ། ཡང་དག་རིག་ལ་ཐ་དད་མེད།། ནམ་མཁའ་དག་ལ་རྡུལ་དང་ཆུས།། ཇི་ལྟར་མི་ཆགས་པ་བཞིན་ནོ།། གང་ཞིག་ཁྲེལ་དང་མཛེས་ལྡན་ན།། དོགས་པའི་རྟོགས་པ་དེ་བཟུང་བས།། དམྱལ་བ་ཆེན་པོར ་ལྟུང་བར་འགྱུར། ། ཆགས་པའི་སྤྱོད་པ་ལ་སོགས་ཀྱིས།། ལུས་རྣམས་གདུང་བར་བྱེད་པ་ཡི།། སེམས་ཅན་དེ་ནི་འདུ་ཤེས་ཆུང། ཞེས་གསོལ་ཏོ།། དེ་ནས་བཅོམ་ལྡན་འདས་སེམས་དཔའི་རྡོ་རྗེས་འདི་སྐད་ཅེས་གསུངས་སོ།། ཨེ་མའོ་ཐོད ་པ་ཅན་གྱི་ཚོགས། ། ཁྱོད་ཀྱིས་སྨྲས་པའི་ཚིག་འདི་རྣམས།། མདུད་པས་བཅིངས་པའི་ཚིག་ཡིན་ཏེ།། ཁུར་དང་བྲལ་བར་མི་འགྱུར་རོ།། ཡང་དག་ཡང་དག་ཅེས་སྨྲ་བ།། ཡང་དག་ཉིད་ཀྱི་མདུད་པ་སྟེ།། མདུད་པའི་བཀྲོལ་བ་མ་བྱས། ་ན། ཐར་མ་བྱེད་པར་མི་འགྱུར་རོ།། ཆགས་པའི་ལས་རྣམས་སྦྱོར་བ་དག། ཆགས་པའི་དབང་གིས་དེས་སྦྱོར་ན།། དེ་དག་དེ་ཡི་གྲོང་བྱེར་དུ།། གནས་འགྱུར་དེ་ཡི་སེམས་ཅན་ཡིན།། འདུ་ཤེས་སྒྱུར་བའི་ལས་ཆེན་དག། སྡང་བའི་དབང ་གི་སེམས་ཤོར་ན། ། ཤན་པ་གསོད་པའི་རིགས་འཛིན་དུ།། ལྷུར་འགྱུར་སྡིག་པའི་རི་བོ་ཡན།། རྒྱལ་བ་རྣམས་ནི་གཙང་བས་ན།། གང་ཚེ་བདེ་གཤེགས་རྒྱལ་བའི་ཞལ།། མི་གཙང་རྣམ་པ་སྣ་ཚོགས་ཀྱིས།། ཡོངས་སུ་བསྟམས་པར ་གྲུར་ན་ཀོ། དེ་ཚེ་ལས་ཀྱི་རྣམ་སྨིན་གྱིས།། ཐར་མེད་ནད་ཀྱིས་བཟུང་ནས་ནི།། འདམ་དུ་བྱིང་བར་མི་འགྱུར་རམ།། ཤ་དང་ཁྲག་ལ་སོགས་པའི་ཟས།། བརྐུ་བའི་རྔད་ཟས་ཆེན་པོ་སྟེ།། གང་གི་ཟོས་པའི་ལུས་རྣམས་ལ།། འབྱུང་པོ་དྲི་ཟ ་ཀུན་འདུས་ནས། ། དྲི་སྡོམ་རོ་དང་བཅུད་རྣམས་འབྱིན།། དེས་ནི་གཟི་མདངས་ཡལ་འགྱུར་ན།། ཅི་ཕྱིར་ཅི་སྟེ་དེ་རྣམས་བཟའ།། སེམས་ཉིད་རིན་ཆེན་ཡོད་བཞིན་དུ།། གཞན་གྱི་རིན་ཆེན་སྤྱོད་བྱེད་པ།། ལོག་པས་ལོག་པ་ལེན་པའི་ཆོས།། ། ་འདི་དག་མདུད་པ་དམ་པོ་ཡིན།། དཀར་ནག་ལས་ལ་ཁྱད་མེད་ཅེས།། ཐམས་ཅད་ཁྲོ་བོས་སྤྱོད་པ་ནི།། རིགས་མེད་རིགས་ཆད་ལོག་པའི་ལས།། འབྲས་བུ་ལོག་པའི་ཁམས་སུ་འགྱུར།། བདེ་གཤེགས་མཉེས་བྱའི་ལས་རྣམས་པ།། ་ཡན་ལག་ཚིག་ཏུ་མ་དག་ན།། ཉེས་བྱས་ལས་ཀྱི་རྒྱུན་དེས་ནི།། གང་གི་དུས་རྣམས་ཐམས་ཅད་དྲི།། དབང་པོ་ཡན་ལག་མ་ཚང་ཞིང་།། དྲན་པའི་སྙིང་པོ་ཉམས་པར་འགྱུར།། རིག་པ་འཛིན་པའི་རྣལ་འབྱོར་པས།། བདེ་གཤེགས ་རྒྱལ་བ་སྒོམ་ཟློས་པ། ། ཆོ་འཕྲུལ་ཁྲོ་ཚུལ་བསྟན་པ་ལྟར།། མཚན་མ་ཉིད་དུ་དེར་གོ་ན།། ལས་ཀྱི་སྲིན་པོའི་རིག་འཛིན་ཡིན།། རྒྱན་དང་ཆ་ལུགས་ཐམས་ཅད་ཀུན།། མཚན་མ་ཉིད་དུ་བརྟགས་གྱུར་ན།། ཅི་ལའང་རྟོག་ཅིང་ཆགས་པ་ཡིན། ་འཛིན་པའི་ཕུར་པ་ཆེན་པོར་འགྱུར།། ཨ་དང་ཏཱཾ་ལ་སོགས་པ་ཡི།། རྒྱུ་ཡི་ཡི་གེ་ཐམས་ཅད་ཀུན།། མཚན་མ་ཉིད་དུ་དེར་བརྟགས་ན།། ཙན་དན་སྦྲུལ་གདུག་ལ་སོགས་པར།། ལྷུང་བགྱུར་རྟོག་པའི་གགས་ཆེན་ཡིན།། ཁྲག་ལ་སོ་གྲ ་པའི་རྫས་ཆེན་ལྔ། ། དེ་ཉིད་དངོས་པོ་ར་དེ་བརྟགས་ན།། འབྱུང་པོ་ཁྲག་གི་དྲི་སྣོམ་པའི།། ལུས་ལན་རིགས་ནི་འཛིན་པ་ཡི།། མ་བདུན་རྔམ་པའི་ཆ་ལུགས་སུ།། གང་ཞིག་རྟོག་པར་དེར་གོ་ན།། སྲིན་མོ་མི་སྡུག་ཤ་ཟ་མོ།། ལ་ད་ཀའི་ཡུལ་ལ། ་དེ་དག་འཁོར།། མཚན་མའི་བླ་ཐབས་མགོ་བརྙན་ཅན།། དེར་བཙན་དེར་བཟུང་དམིགས་པས་ནི།། ཤོ་གམ་གནས་ཀྱི་གཅན་ཆེན་རིགས།། འཛིན་ཅིང་གནས་དེར་རྟོག་པར་འགྱུར།། ལས་ཀྱི་དབང་བཙན་བྲན་མོའི་ཚོགས ་དེ་འདྲ་ཉིད་དུ་དེ་བརྟགས་ན། ། གནོད་སྦྱིན་ཆེན་མོའི་ཚིགས་སུ་འགྱུར།། གཞན་གྱི་ཚེ་ལ་ཚ་བ་ཡིན།། དེས་ན་མདུད་པ་ཆེན་པོ་འདི།། ཁུང་དུ་བཤད་པའི་གདོས་ཡིན་ཏེ།། འཆལ་བས་ལྟ་བའི་མིགེ་ལོང་སྟེ།། སེམས་ཀྱི་ནོར་བུ་རིན་ཆེན ་དེ། ། རྟག་ཆད་ཁམས་སུ་སྟོར་བར་འགྱུར།། དེ་ལྟའི་སྐྱོན་ཆེན་སྤང་བར་གྱིས།། དེ་སྐད་ཅེས་བཀའ་སྩལ་པ་ལས་ཐོད་པ་ཅན་གྱི་ཚོགས་རྣམས་རྟོགས་པའི་འདུ་ཤེས་ཀྱིས་ཟིན་ཅིང་རང་རང་གི་སྤྱོད་པ་ལ་སྐྱོ་བ་སྐྱེས་པར་གྱུར་ཏོ།། དེ་ནས ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། ཨེ་མའོ་བཅོམ་ལྡན་འདས་བདག་ཅག་རྣམས་ཀྱི་དམ་ཚིག་ནི་ལོག་པའི་དཀའ་ཐུབ་ཏུ་འགྱུར་བ་ལགས་ན།། འདི་དག་ཡང་དག་པའི་དཀའ་ཐུབ་ཏུ་གནས་པར་འཚལ་ན། ཆོས་ཐམས ་ཅད་ནི་སྒྱུ་མ་ལྟ་བུ་ཅིར་ཡང་འགྱུར་བ་ལགས་སོ། ། གསང་སྔགས་ཆེན་པོ་སྒོ་ནི་བསྐལ་པ་མེ་དཔུང་ལྟ་བུ་སྟེ།། བདག་ཅག་རྣམས་ཀྱི་རྟོགས་པ་སོ་སོར་ཇི་ལྟར་མོས་པ་ལྟར་བཤད་དུ་གསོལ།། ཞེས་ཞུས་པ་ལས་བཅོམ་ལྡན་འདས ་ཀྱིས་དགྱེས་པ་ཆེན་པོའི་བཞད་པ་མཛད་ནས། རིགས་ཀྱི་བུ་རྣམས་ནི་དེ་ལྟར་ཞུ་བ་ལེགས་ཀྱིས་ཤིན་དུ་ཉོན་ཅིག། ཁྱེད་རྣམས་ཀྱི་སྤྱོད་པ་མི་དགག་པར་ཇི་ལྟར་དགའ་བའི་བསམ་པ་སོ་སོར་རངས་པར་བྱ་སྟེ། འཇིག་རྟེན་མཚན ་མའི་སྤྱོད་པ་བསམ་གྱིས་མི་ཁྱབ་པ་རྣམས་གསང་སྔགས་ཀྱི་དཀའ་ཐུབ་ཆེན་པོར་བྱའོ། ། རང་རང་གི་སྤྱོད་པ་མ་བཀག་པར་སྒོ་གསུམ་ལྷག་པར་སྤྱོད་ཅིག། དེ་ནས་སེམས་དཔའི་རྡོ་རྗེས་ཡང་འདི་སྐད་ཅེས་གསུངས་སོ།། ཀྱེ་མའོ ་ཐོད་པ་ཅན་གྱི་ཚོགས། ། བུད་མེད་བུད་མེད་ཐམས་ཅད་ཀུན།། སྐྱེད་པར་བྱེད་པའི་རྟེན་ཡིན་ཏེ།། འབྲས་བུ་སྨིན་པའི་ཞིང་ཡང་ཡིན།། བསྒྲལ་ཞིང་གདོན་པའི་གནས་ཡིན་ཏེ།། ཤེས་རབ་དགའ་བའི་ཡུལ་ཡིན་ནོ།། འདི་ལ་སེམས ་གསམ་གནས་པ་སྟེ། ། ཡེ་ནས་དག་པ་ཆོས་ཉིད་སེམས།། མཁའ་དང་སྦྱོར་བ་བྱང་ཆུབ་སེམས།། སྙིང་རྗེས་སྒྲོལ་བ་གསུམ་སྦྱར་ཏེ།། ཆོས་ཉིད་གསང་བ་ཉི་ཤར་ཁྱབ།། སྙིང་རྗེས་སྒྲོལ་བ་གསུམ་གྱི་སྦྱར།། ཏིང་འཛིན་བྱིན། ་བརླབས་ཡེ་ཤེས་ཀྱིས།། ཆོས་ཉིད་དུ་ཁྲོད་མཁའ་ལ་བསྒྲོལ།། བསྒྲལ་བའི་རྒྱུ་མཆོག་མན་ཆད་ནས།། ཤེལ་ཆེན་ཅར་ལ་སོགས་པ།། དེ་ལ་རྒྱུ་དྲུགས་བོན་གདག།། རང་བཞིན་ཡེ་ནས་དེ་གཞོམ་བྱ།། ཁྱད་པར་འདས་པའི་མིག ་ལྔ། གནས་བཀོད་འཕྲོས་པས་མཐའ་ཡས་བཀང་།། ཐམས་ཅད་སྟོངས་ཤིང་ཟད་བྱས་ནས།། འདུས་པའི་ཡི་གེ་ལྔ་རུ་གསལ།། དེ་ལས་ཕྱག་མཚན་ཡེ་ཤེས་ལྔ།། མི་གནས་ཡེ་ཤེས་ངང་དུ་ཐིམ།། སྒྲིབ་པའི་ཕུང་པོར་སྨིན་པ་དེ། ་རྡོ་རྗེ་རོལ་བའི་རྔམ་ཚོགས་ཀྱིས།། འཇོ་ཚུལ་སྟབས་ཀྱི་སྦྱར་བར་བྱ།། ཁ་ཊྭཱཾ་ལ་སོགས་སྔགས་བཅས་པས།། བསྒྱེལ་ཏེ་མ་རིག་བསྒོ་དབྱེ་བྱ།། རྣམ་ཤེས་དབུགས་ཀྱི་སྒྲོམ་གྲངས་ལ།། རྡོ་རྗེ་རྒྱལ་པོའི་རླུང་བསྒོམ་དུ།། སྤུས ་ཏེ་རྡོ་རྗེ་དབུགས་ཅར་ལ། ། ཧཱུཾ་བྱ་ས་སྒྲིལ་ཏེ་དེ་ལ་བསླན།། གསང་བ་ཐུགས་ཀྱི་དཀྱིལ་འཁོར་དུ།། མཚོན་གང་འོད་དུ་བསྟིམ་པར་བྱ།། ཡུ་ཏི་ཨ་ཧཾ་གིས་སྦར་ཏེ། གསལ་ན་དེ་དང་མཉམ་དུ་གསལ།། རྡོ་རྗེ་ཆེ་ལ་བསླབ་པར་བྱ ་རྡོ་རྗེ་རླུང་གིས་དབུགས་སྦར་ཏེ། ། ཐུགས་ལས་རླུང་སྒྲོམ་ལམ་དུ་སྥར།། ནམ་མཁའ་ཆོས་ཀྱི་གཞལ་ཡས་སུ།། ཉི་མའི་སྟེང་ན་ཧཱུ~ཾ་དུ་གསལ།། ཡེ་ཤེས་སེམས་དཔའི་ཚོན་གང་བ།། ཉི་ཟླ་གའུའི་བར་ན་གསལ།། ཨ་ཡང ་ཕཊ་ཀྱིས་བསྐྱོད་འཕངས་པས། ། རྡོ་རྗེ་སེམས་དཔའི་ཐུགས་ཀར་འཕྲོས།། ཡེ་ཤེས་སེམས་དཔར་གསལ་བ་ལ།། དངོས་པོར་སྣང་བ་འཛིན་དང་བྲལ།། གཡོ་འགུལ་འཕར་འཕྲིག་མ་ཆད་པར།། རྡོ་རྗེ་མིང་གི་དབང ་བསྐུར་ཏེ། ། རིགས་ཀྱི་ལྷ་དང་སྙིང་པོ་སྦྱིན།། རྡོ་རྗེ་གདུང་བའི་གླུ་བླངས་ཏེ།། མན་ངག་གནས་ཀྱི་སྨོན་ལམ་གདབ།། བཞི་ཚལ་དག་ཏུ་བྱས་ནས་ནི།། སྨན་གྱིས་བཏབ་སྟེ་ཕུང་པོར་བརྩལ།། འཁོར་བའི་ཕུང་པོ་དེ་སྡུས་ལ།། རྡོ་རྗེ ་སྟབས་དང་གླུ་ཡིམ་སྦྱང་། ། གནས་གནས་དག་ཏུ་བསྔོ་བར་བྱ།། ཕུང་པོ་མཆོད་པའི་རྗེས་སུ་བསྟིམ།། རྡོ་རྗེ་པྲ་ཡི་ལས་རྣམས་གང་བ།། དེས་ནི་མེཉེས་དང་སྐོངས་པ་དང་།། རྡོ་རྗེ་ལས་རྣམས་འགྲུབ་པ་ཡིན། རྣལ ་འབྱོར་ལས་ཀྱི་དབང་ཕྱུག་ཆེ། ། མཐོ་གཙང་ཤེས་རབ་གངས་རུམ་ནས།། རིག་པའི་སྡེར་མོ་སྦར་ཤད་ཅན།། ང་རྒྱལ་དྲེགས་པའི་གླང་པོ་འཇོམས།། རྣལ་འབྱོར་རྩལ་བརྒྱས་སེང་ཕྲུག་རྣམས།། རྡོ་རྗེ་རྩལ་ཆེན་འདི་སྦྱངས་པ། ་རྣལ་འབྱོར་ལྷ་མཆོག་གཤེགས་པའི་རྟེན།། དངོས་གྲུབ་འབྱུང་བའི་རིན་པོ་ཆེ།། མཐུ་སྟོབས་སྐྱེ་བའི་ཐབ་མ་ཆེན་པོ།། བྱིན་བརླབས་ཕེབས་པའི་དབང་མཆོག་གིས།། རྒྱལ་བའི་དངོས་གྲུབ་མན་ཆད་ནས།། མཁའ་འགྲོའཚ ་འཕྲུལ་ཐམས་ཅད་དང་། དྲགས་པ་མ་རུངས་སྡེ་པ་རྣམས།། ཐམས་ཅད་དབང་དུ་འགྱུར་ངེས་ན།། འབྱུང་པོ་གཞན་ལྟ་སྨོས་ཅི་དགོས།། འཁོར་བའི་སྐམ་གླིང་ཆེན་པོ་ལ།། རིས་དྲུག་འཁོར་བའི་སེམས་ཅན་རྣམས།། དྷཱུ ་དྲུག་འདས་པའི་རྣམ་ཤེས་སྲོག། དུས་གསུམ་མཚོན་གྱིས་གསད་པས་ན།། རྟག་ཆད་མཐར་ཤིའི་རོ་གླིང་ནས།། གཏི་མུག་བམ་ཆེན་རོ་ལངས་ནས།། བདུད་རྩི་སྨན་ཆེན་ཡེ་ཤེས་ཀྱིས།། རྟག་ཆད་མཐའ་ལས་རོ་བླངས་ཤིང་། ་བྱང་ཆུབ་སེམས་སུ་གསལ་བའི་ཕྱིར།། རོ་ཡི་རྫས་རྣམས་བཙལ་བར་བྱ།། ཁྲེ་ཚོགས་རྔམ་པར་བདག་བྱས་ཏེ།། རྡོ་རྗེ་འབར་བའི་མིག་ནང་ནས།། མཐིང་ནག་ཧཱུ~ཾ་གི་སེར་ཆེན་ནི།། འཁོར་བའི་རོ་གླིང་ཁམས་སུ་སྤྲོ།། སྐལ་བའི་དུར་ཁྲོད་མཐའ ་དག་ཀུན། ཡེ་ཤེས་རལ་པའི་ཤིང་དུ་བལྟ།། ཁྲོ་བོ་གྱད་ཀྱི་འདོར་ཐབས་ཀྱིས།། ཚམ་ངམ་ཆེན་པོའི་རྔ་མ་ཚུལ་གྱིས།། དཔའི་རྡོ་རྗེའི་འཛུར་བགྲོས་སྦྱར།། ཐབས་ཆེན་བཅཝ་བརྒྱད་སྟབས་ཀྱི་སྦྱར།། འཇོག་ཚུལ་ཐབས་ཀྱི་འགྲོ་སྟབས་ཀྱིས། ་འཛེམ་ཚུལ་ལྟ་ཞིང་རྣམ་པར་རྩེན།། སྒྲ་སྐད་སྒྱུར་ཞིང་ཧེ་ཧེ་ས་སྒྲོགས།། འཐབ་ཅིང་རྩོད་པས་རྣམ་པར་རྔམ།། འབྲི་ཚུགས་ལྟ་ཞིང་འདྲོག་ཚུལ་སྤྱོད།། གཡས་སུ་ལྟ་ཞིང་གཡོན་དུ་འགྱུར།། ཡིད་མཆེས་ཏེ་ཕྱིར་ཡང་བལྟ།། སྡང་མིག ་ལོགས་ཀྱིས་ཁྱད་པར་ལྟ། ། རྡོ་རྗེ་འགྲོས་སུ་རྒྱུག་ཅིང་འགྲོ།། ཧ་ཧ་རུ་ལུའི་རྔམ་སྒྲ་སྒྲོགས།། སོ་སོའི་བརྡ་སྐད་འབྱིན་བྱེད་ཅིང་།། རྟོད་པའི་ཚུལ་གྱིས་མཆོད་ཞིང་རྒྱུག། ཡིད་བཞིན་གཏེར་ཆེན་ཁ་ཕྱེ་ནས།། འདོད་འབྱུང་རིན་ཆེན་ཕྲང ་པོ་དེ། འཁོར་བའི་རྣམ་སྨིན་དཔྱིས་ཕྱུང་ནས།། རྣམ་གསུམ་དུག་ཆེན་གཏན་སྤགས་ནས།། ཐུགས་རྗེ་རྔམ་པའི་ཁ་ལོང་ཁ།། རྡོ་རྗེ་འབར་བའི་ཚོགས་ཆེན་གྱིས།། དངོས་གྲུབ་ལོ་ཏོག་ཕྲལ་ནས་ཀྱང་།། རྡོ་རྗེ་བཞིན་ཕྱོགས་མནོར་པར།། ་ཤེལ་ཕུར་གཉིས་ཀྱིས་གསང་གནས་བཟུང་།། ངེས་པར་གཤིན་པའི་གཞི་མེ་ལ།། ཅུང་ཞིག་བརྟོད་དེ་ཉེ་འཁོར་བསྒྱུར།། བཞིན་ཕྱོགས་གང་ལྟས་ལེགས་ཉེས་བརྟག། ཕྱི་ཡི་བཟང་ངན་དེ་ཉིད་ནི།། ནང་དུ་ངེས་པར་གསལ་བ ་ཡན། ཉེས་པའི་མཚན་བྱུང་མཁས་པས་གནན།། གལ་ཏེ་དྲི་བས་གླེང་སློང་ན།། དེ་ཡི་ཐེ་ཙོམ་གསལ་བ་ངག། དངོས་པོར་སྤྱོད་ལ་ཞུགས་རྣམས་ཀྱིས།། མཚན་མར་རྟོག་པ་འདི་དག་རྣམས།། འཇིགས་བྱེད་བཀའ་ལ་བརྟག་པ ་ཡི། འདོད་ཆགས་བདག་པོ་ང་ལ་གསོལ།། ཇི་སྐད་སྨྲས་པ་དེ་བཤད་ཀྱི།། མཚན་མའི་རྫས་རྣམས་རྟོགས་པར་གྱིས།། འཇིག་རྟེན་མགོན་ཁྱོད་བདག་ལ་གསོན།། བདག་ཅག་སྤྱོད་པ་གསོལ་བར་བགྱི།། སྣོད་ཀྱི་མཚན་ཉིད་བཟང ་ངན་གྱིས། ཉེས་དང་ལེགས་པ་འདི་ལས་བླང་།། སྐྱོན་གྱི་མཚན་མ་བདུན་པ་སྟེ།། ཁ་སྒྲུབ་པ་དང་གདན་ལ་བསྐྱོད།། རྒྱུད་མི་འཕེལ་དང་མཚམས་སུ་གམ།། བར་ཆད་འབྱུང་དང་བགེགས་ལྡང་བ།། མཚན་མ་ངན་པ་འབྱུང་བའོ།། ། ་འདི་དག་མཁས་པས་ཡོད་མི་འཆད།། ལེགས་པའི་རྒྱུ་ནི་བཅུ་གཅིག་སྟེ།། གསུམ་གྱི་དངོས་གྲུབ་ཐོབ་པ་དང་།། རིག་འཛིན་ལམ་འགྲོ་ནམ་མཁར་འཕུར།། ཁམས་གསུམ་དབང་བསྡུས་རྡོ་རྗེ་ཅན།། ཕ་རོལ་གཡུལ་ལྡོག་ཟིལ་གྱིས ་གནོན། མཐུ་དང་བྱིན་བརླབས་ཚེ་འཕེལ་དང་།། མཚན་མ་གསལ་པོ་འབྱུང་བ་དང་།། སློབ་མ་ཆུ་ཡི་རྒྱུད་འཕེལ་བ།། དམིགས་པའི་བསམ་པ་འགྲུབ་པ་དང་།། ཕྱི་མར་སངས་རྒྱས་མྱུར་བ་དང་།། དངོས་གྲུབ་རྣམ་གསུམ་ཐོབ་པ་སྟེ།། ་སྨོན་ལམ་བཞིན་དུ་འགྲུབ་པའོ།། དེ་ཡང་བྱེ་བྲག་འདི་ལྟ་སྟེ།། ཕྱེད་དུ་འགྱུར་ན་ཐོབ་ཐད་ཡིན།། སུམ་ཆ་ཙམ་ལ་བཏང་སྙོམས་སོ།། དེ་ཡང་སོ་སོའི་མཚན་རྟགས་སུ།། བརྟག་ཅིང་མིང་དུ་བརྗོད་བྱ་བ།། དཀར་པོ་སྤྲོས་མེད་ཆོས་ཀྱི་སྐུ།། ་ལྕང་ལོ་ཀུན་རྫོགས་ལོངས་སྤྱོད་ལྡན།། མ་འོངས་སྤྲུལ་པ་མཛད་པའི་རྒུན།། འདས་དང་ད་ལྟར་མ་འོངས་པའི།། རྣལ་འབྱོར་ས་ལ་འགྲོ་བའི་རིགས།། བདེ་གཤེགས་དུས་གསུམ་འབྱུང་བའི་རྟགས།། རིན་ཆེན་གཏེར་གྱི་གའུ་འདི།། ཐབས ་ཀྱི་རྒྱལ་པོ་དཔལ་གྱི་དཀོར། ། ཕོ་བྲང་རྟག་ལྡན་སྣོད་བཅུད་རྫོགས།། འཕྲུལ་ཞལ་ཡིད་བཞིན་འདོད་ཞོ་བ།། རྐང་མེད་མཁའ་ལ་འགྲོ་བའི་མཆོག། ངོ་མཚར་ཐོག་ཐོག་དཀན་སྒྲ་ཅན།། རྨད་འབྱུང་གསང་བའི་རང་སྒྲ་དག། རིག་འཛིན ་ཅལ་ཅན་ཀུན་ལ་སྒྲོགས། ། ང་ནི་སྐྱེས་མཆོག་རྩལ་ཅན་གྱི།། རྨད་བྱུང་བ་སྒྲུབ་པའི་རྫས་ཡིན་པས།། སུ་ཞིག་དངོས་གྲུབ་གང་འདོད་པ།། ཐེ་ཙམ་མེད་པར་དུས་འདིར་ལོང་།། གང་དག་བཀའ་ལྟར་མི་བྱེད་ཅིང་།། སུ་ཞིག་དམ་ལ་མི ་གནས་པ། ། ང་ཡི་གཟུགས་མཐོང་ཙམ་གྱིས་འཆིག། སྒྲ་ཐོས་ཙམ་གྱིས་བརླག་པར་འགྱུར།། ཞེས་པའི་སྒྲ་བྱུང་ཆོ་འཕྲུལ་ནི།། རྒྱལ་བའི་གཞལ་ཡས་ཀུན་ལས་སྒྲོགས།། འདི་དག་དོན་དང་ལྡན་པར་སྤྱོད།། འདི་ལྟར་གྲགས་པ ་ངེས་དོན་ནི། ། རྣལ་འབྱོར་ཅན་གྱིས་ཤེས་བྱ་བ།། ཐམས་ཅད་དཔལ་ལྡན་ལྕང་ལོ་ཅན།། ལ་ལ་བཀྲ་ཤིས་མཚན་ལྡན་ཏེ།། དེ་བཞིན་པ་ཙ་ཀུ་ལ་ཡིན།། ལ་ལ་དཔྱད་ཀྱི་ན་ཤ་ཡིན།། དེ་བཞིན་མི་འགྱུར་སྲ་འབྲེགས་ཡིན།། མ་ཧཱ་ཀེ་ས ་དཔལ་དང་ལྡན། ། ཡེ་ཤེས་ལྔ་ལྡན་ཞེས་ནི་བྱ།། ཨ་ཡུ་པ་ལ་ཚེ་ཡི་མཆོག། ལ་ལ་མེ་ལེ་དེ་བྱི་བརྟན།། ལ་ལ་དེ་བཞིན་ཁ་སྲ་ཁ།། ཁ་ཧུ་བ་ཡི་དཔལ་དང་ལྡན།། བཀྲ་ཤིས་དོན་འབྱུང་དེ་ལྟའོ།། བདེ་གཤེགས་མཚན་ལྡན་རྫོགས་པ་ཡིན། ་གཙུག་ཕུད་དགེ་གཙུག་དཔལ་དང་ལྡན།། ཛྙཱ་ན་མུར་རྟི་དེ་བཞིན་ནོ།། ལ་ལ་ཛྙཱ་ན་ཀུཎ་ཌ་ལི།། དེ་བཞིན་ཁྲོ་བོ་ཀུཎ་ཌ་ཡེ།། ཨེ་ཀ་ཙ་ཊི་མཚན་ལྡན་པ།། ཨ་བི་མུ་ཀ་རྫོགས་པའོ།། འདོད་པ་བརྟན་ལྡན་བདེ་བ་སྐྱེ།། གཉིས་མེད་དོན ་ལྡན་ཐོབ་པའོ། ། པུ་ཏྲ་མ་དཱ་འཕེལ་ལྐུག་ཕྲན་རྒྱས།། རྡོ་རྗེ་བསེ་པོར་མཚན་རྫོགས་ནས།། ཤེལ་པོར་གསང་བའི་དོན་འབྱུང་བ།། སྐུ་གསུང་ལྷུན་གྲུབ་ཀ་པཱ་ལ།། ཐམས་ཅད་རེ་བ་ཡིད་བཞིན་སྐོང་།། དེ་བཞིན་ཡོན་ཏན་རྫོགས ་ཀུན་རྫོགས། ། བཀྲ་ཤིས་མཚན་ནི་ཀུན་ལྡན་པ།། དེ་བཞིན་མི་འགྱུར་གཡུང་དྲུང་བརྟན།། མི་ཤིགས་མཛོད་ཡིན་ཀུན་འབྱུང་བའོ།། ཚེ་འཕྲུལ་རྟགས་འབྱིན་དམ་པ་འབྱུང་།། སྲིད་པ་ཡོངས་སྒྲོལ་ལས་ཀྱི་མཆོག། ཁམས་གསུམ ་དབང་སྡུད་ཁྱད་པར་ལྡན། ། དྲུག་གསུམ་གཏན་སྤྲུགས་ལས་མཆོག་ཅན།། མཚན་མའི་སྤྲོས་བྲལ་ངེས་པའི་དོན།། རིགས་དྲུག་མདོག་དྲུག་དབྱིབས་དྲུག་དང་།། ཡོན་ཏན་སྐྱོན་རྣམས་སྦྱར་བར་བྱ།། མང་དང་མྱང་བའི་གསང ་པ་ནི། ། བཅས་ཀར་འཕེལ་དང་མགོ་མི་འབྱུང་།། རྗེས་འདྲ་ལ་སོགས་སྐྱོན་རྣམས་སྤང་།། དུག་གསུམ་སྟོངས་མཛད་རྒྱལ་བའི་བཀའ།། སྐུ་གསུམ་སྨིན་པའི་གཡུང་དྲུང་རྟགས།། སྐྲ་ཐབས་གསང་བའི་མན་ངག་འདི།། སྐལ་ལྡན ་རྣལ་འབྱོར་རྣམས་ཀྱི་སྟེ། ། སྐལ་མེད་ཀུན་གྱི་རྟོག་པའི་བདུད།། མི་ངོ་ཙམ་འཛིན་ལག་ལ་བརྟན།། མཁས་པས་བརྟག་ཅིང་བཟང་པོ་བརྟེན།། དངོས་གྲུབ་འབྱུང་བའི་དུས་ཆེན་ཡང་།། གཅིག་དང་གསུམ་ནི་རབ་ཏུ་བཤད།། དེ་བཞིན། ་ལྔ་བདུན་འབྲིང་དུ་གྲངས།། དགུ་ནི་དངོས་གྲུབ་ཐ་མ་སྟེ།། བཅུ་གཅིག་ཕན་ཆད་ཡལ་བར་བཤད།། དེ་བས་རྣལ་འབྱོར་རྩལ་ཅན་གྱིས།། ངེས་པར་བརྩོན་ཏེ་བརྟག་པར་རིགས།། འདོད་ཆགས་བདག་པོས་དེ་སྐད་བཤད།། མཚན་མ། ་ཡིན་ཕྱིར་དེར་ངེས་པ།། མཚན་མ་ཅན་དང་འཐུན་བྱའི་ཕྱིར།། ཐབས་ཀྱིས་དེ་དང་འཐུན་སྤྱོད་ལ།། ཡང་དག་དོན་ལ་ཁ་ལོ་སྒྱུར།། དེ་དག་རྣམ་པར་སྦྱང་བ་དང་།། འགྲོ་དྲུག་ཤིན་ཏུ་གཡེང་བ་ཅན།། ཡིད་རྣམས་དྲངས་ཏེ་རྟེན་བྱས་ནས། ་ཐབས་ཀྱི་དོན་ལ་སྦྱར་བའི་ཚིག། རྒྱུ་དྲུག་འདུས་པའི་ས་གཞི་ལ།། གླུ་བྲོ་གར་གྱི་རོལ་པ་ཡིས།། སྲིད་གསུམ་ཟིལ་མནོན་དབང་སྡུད་པ།། འཇིག་རྟེན་འཐུན་འཇུག་སྤྱད་པར་བྱ།། དཔེར་ན་འཇིག་རྟེན་ཁམས་དག་ན།། འགྲོ་བས ་འགྲོ་བ་འདུལ་བྱེད་པ། ། ད་དགའི་ལས་ལ་དེ་ཞུགས་ཏེ།། དེ་དང་བསམ་པ་མཐུན་སྤྱད་པས།། དེ་དང་འདྲིས་ནས་དེ་དགའ་བྱས།། དེ་ནས་དེ་ཡི་དྲོད་ལོན་ནས།། དེ་ཡི་འདུ་ཤེས་སྦྱར་བའི་ཚིག། དེ་སྔ་བདག་གི་གྲོགས་ཁྱོད་ཀྱི། ་ལ་ཞུགས་པ་ཤིན་ཏུ་ནོར།། འདིར་ཉེས་ལས་ཀྱི་བསགས་པ་བགྲང་།། ཉེས་ཀྱང་བདག་གིས་ཁྱོད་དགར་བྱས།། དེ་ནི་བདག་དགའི་ལས་འདི་ལ།། གྲོགས་ཁྱོད་ཤིན་ཏུ་འཇུག་དགོས་སོ།། བྱས་པས་དེ་ཡི་སྔ་སེམས་དེ།། ཟིན་པས ་གཅིག་གི་ཕྱི་སེམས་ཀྱང་། ། འཛིན་ཅིང་དེ་དགའ་ལས་ལ་འཇུག། སྤྱོད་པའི་ལས་ཀྱང་འདི་ལྟ་སྟེ།། རྒྱུ་དྲུག་འདུས་པའི་ཕུང་པོ་ལ།། ངན་སོང་གནས་འཇོམས་རྡོ་རྗེའི་རྟགས།། ཡེ་ཤེས་ཐབས་ཀྱིས་སྙན་པའི་ཀླུ།། རྨད་འབྱུང ་གསང་ཆེན་སྒྲོགས་པའི་ཚིག། ཉོན་མོངས་ལྔ་ཡི་ས་གཞི་ལ།། ཡི་གོ་ཡེ་ཤེས་སྔ་གསལ་བས།། འབར་བ་ཁྲག་འཐུང་སྤྲིན་ཕུང་བཞིན།། ཁྱུ་མཆོག་ལྔ་ཡི་སྟབས་ཀྱི་རོལ།། སེང་གེ་ང་རོ་རྔམ་པའི་ཀླུ།། རྡོ་རྗེ་གདོན་རབ་སྒྲོགས ་པའི་ཚིག། རྨད་བྱུང་རོལ་པའི་དོན་བྱུང་བ།། ཨེ་མ་ངོ་མཚར་ཡ་མཚན་ཆེ།། དགྱེས་པས་རོལ་པའི་བྱིན་བརླབས་ལས།། རྒུད་དྲུག་རྩད་གཅོད་ངོ་མཚར་ཆེ།། མཉམ་པ་ཆེན་པོའི་ནམ་མཁའ་ལས།། ཡེ་ཤེས་འབར་བའི་མེ་བྱུང་ཅེས། ་འཁོར་བ་ཁྲག་གི་རྒྱ་མཚོ་སྐམས།། སྡུག་བསྔལ་དབྱིངས་སུ་ཟད་མཛད་དོ།། མི་གནས་ཀློང་ནས་ཆོ་འཕྲུལ་པ།། གཏུམ་རྔམ་འཁྲུག་པའི་ངོ་བོར་འབར།། ཁྲག་འཐུང་འབར་བའི་སྤྲིན་འཕྲོས་པས།། སྲིད་གསུམ་ཁྲག་མཚོ། ་རྡོ་ནས་སྐམས།། དཔའོ་ཚམ་ངམ་གྱད་ཀྱི་སྟབས།། སྲིན་པོ་མ་དྲངས་ཁྲོས་པའི་གླུ།། ཐེག་ཆེན་རྨད་བྱུང་གསང་བའི་ཚིག། ཆགས་པའི་རྟོད་ཕུར་གཏིང་ནས་ཕྱུང་།། མཁའ་བཞི་དབྱིངས་ཀྱི་བདེ་ཀློང་ནས།། ཚོམ་བུ་འབུཾ། ་གྱི་ཆོ་འཕྲུལ་འཕྲོས།། དགྱེས་མཆོག་རོལ་པའི་ཕྲིན་ལས་ལས།། ལ་ལ་ཤེས་རབ་ཐབས་ལ་རོལ།། ལ་ལ་ཐུགས་རྗེ་ལས་ལ་རོལ།། ལ་ལ་གདུལ་བྱའི་ཡུལ་ལ་རོལ།། ལ་ལ་ཡེ་ཤེས་དབྱིངས་ལ་རོལ།། ཐབས་ཀྱི་རྒྱལ་པོ ་རྟོགས་པའི་དབང་། ། ཆེ་བ་ལུང་གི་ཁྱད་པར་ལས།། རྒྱལ་བ་ཀུན་དང་མཉམ་པར་སྦྱོར།། རྡོ་རྗེ་པད་མ་རོལ་པའི་སྟབས།། ཆགས་མེད་མཁའ་ལ་གསལ་བའི་ཚིག། དུག་གསུམ་ཟིལ་གྱིས་གནོན་པའི་ཀླུ།། འཇིག་རྟེན་རིམ ་གྱིས་སྦྱང་བའི་ཕྱིར། ། འཇིག་རྟེན་ཁམས་སུ་རོལ་བ་བྱུང་།། འཇིག་རྟེན་དྲུག་གི་སྙིང་ལ་རོལ།། བདག་པོ་གཙོ་བོ་ཟིལ་མནན་ནས།། འཁོར་ནི་སྙན་པའི་ཚིག་གིས་བསྟེན།། འཁོར་བའི་ལམ་ལྔ་རྒྱུད་བཅད་ནས།། རྣམ་ཐར་ནས ་མཁའི་རང་དུ་བསྟན། ། གར་མཆོག་གློག་ལྟར་འགྲུ་བ་ཡི།། རྨད་བྱུང་གསང་བའི་དཀྱིལ་འཁོར་ནས།། ཡི་གེ་འབར་བའི་ཆོ་འཕྲུལ་འཕྲོས།། འཕྲོ་འདྲ་སྐར་ལྟར་འཁྲུག་པ་ལས།། ཁམས་གསུམ་བུད་ཤིང་ཐལ་བར་རླགས།། ་རྡོ་རྗེ་བུ་ཡུག་སྐར་མདའི་སྟབས།། རྡོ་རྗེ་འབྲུག་ཆེན་ལྡིར་བའི་གླུ།། དོན་གྲུབ་རྡོ་རྗེ་གསང་བའི་ཚིག། གདུག་པའི་དཔུང་རྣམས་རྣམ་པར་འཇོམས།། རྡོ་རྗེ་སྤྲུལ་པའི་དཀྱིལ་འཁོར་བས།། ཐབས་ཀྱི་བྱང་ཆུབ་སེམས་སྤྲིན ་སྤྲོས། ། དབང་བདུད་ཆགས་པའི་ཁྱད་པར་ལས།། འཇིག་རྟེན་བུ་མོ་དྲུག་དང་རོལ།། སེང་གེ་རྣམ་པར་རོལ་པའི་སྟབས།། རྡོ་རྗེ་ཁྱུང་སྐད་འགྱུར་བའི་གླུ།། ཆགས་པ་རྩད་ནས་གཅོད་པའི་ཚིག། རྡོ་རྗེ་རོལ་པའི་དོན་ཆེན་པོ། ་འཁོར་ལོ་འབར་བའི་དཀྱིལ་འཁོར་ནས།། མཚོན་ཆ་འབར་བའི་ཡིག་འབྲུ་འཕྲོས།། རྒྱུ་དྲུག་ངོ་བོ་རྩད་ནས་གཅོད།། དུག་ལྔའི་ཕུང་པོ་རྣམ་པར་སྤྲོས།། ཡེ་ཤེས་རྣོ་དཔལ་མཚོན་ཆེན་པོ།། ཆོས་ཉིད་བདལ་བའི་གློང་ན་འཕྲོ། ་ཐབས་མཆོག་དབྱིག་གི་རྩལ་ཤུགས་ལས།། འབར་བའི་མཚོན་ཆ་ཆར་ལྟར་འབབ།། ཡི་གེ་ཡེ་ཤེས་མཚོན་ཆའི་ཆར།། རྡོ་རྗེ་ལྕེ་ཡི་ཤུགས་ཀྱི་དབབ།། རིན་ཆེན་གཏེར་གྱི་ལོངས་སྤྱོད་རྣམས།། རྟོག་པའི་རི་བོ་གཞོམ་པ ་དང་། དུག་གསུམ་ཕུང་པོ་གཞིག་པའི་ཕྱིར།། འཁོར་ལོ་ལྕགས་ཀྱུ་ལ་སོགས་པ།། རྟེན་དང་གསང་ཆེན་ཏིལ་མཆོག་དང་།། དངས་མ་ལ་སོགས་སྒོ་ཀུན་རྣམས།། སོ་སོའི་ཆ་རུ་ཕྱེ་ནས་ནི།། ཐུགས་རྗེས་ཉོན་མོངས་སྟོང་བ ་ཡི་སོ་སོ་གཉེར་གྱི་རང་སྐལ་དུ། ། ཕྱག་རྒྱ་སོ་སོའི་སྐབས་སུ་གདབ།། དེ་ལྟར་རྫོགས་པར་གྱུར་པ་དང་།། མན་ཌལ་ཀུན་གྱི་ཚད་འདྲ་ལ།། དབུས་སུ་ཐིག་བཞི་ལ་ཚེ་དགུ།། མཐའ་སྐོར་འཁོར་ལོའི་རྩིབས་བརྒྱད ་བྱདེ་ལ་སྒོ་བཞི་སྒོ་ཁྱུད་བཅས། ། མཐའ་ཟད་བསྐལ་པའི་མེ་རི་བྲི།། དབུས་སུ་དཀར་དམར་ཁ་སྤྲོད་བྲི།། ཕྱོགས་འཚམས་བརྒྱད་དུ་ཁམ་བརྒྱད་བྲི།། འཁོར་ལོའི་བར་འཚམས་མུ་ཁྱུད་ལ།། ནང་དུ་བལྟས་པའི་ཁཾ ་བརྒྱད་གསལ། ། རྩིབས་ལ་ནང་དུ་ལྟ་བ་བརྒྱད།། མུ་ཁྱུད་བརྒྱད་ལ་ཕྱིར་ལྷ་བརྒྱད།། གྲུ་ཆད་བཞི་ལ་ནང་དུ་ལྟ།། ཐིག་ལེ་རྣམ་བཞི་བྲི་བར་བྱ།། ཕྱི་རིམ་པར་འཁྱམས་དེ་དག་ལ།། ཐིག་ལེ་ཉི་ཤུ་རྩ་བརྒྱད་ནི།། ཕྱི་རུ་ལྟ་བཟླ ་བར་བྱ། ། སྐལ་པ་ཆེན་པོའི་མེ་ཁྱམས་ལ།། ཐིག་ལེ་ཕྱིར་ལྷ་བཅུ་གསལ་བྲི།། དེ་ལ་ཕྱག་རྒྱ་རིམ་པར་དགོད།། མཎ་ཌ་ལ་སྒོ་རུ་བམ་ཆེན་གཅིག། གླུ་བྲོ་གར་གྱིས་རྣམ་སྦྱངས་ཏེ།། དབུས་སུ་བཞག་ཏེ་ཤར་དུ་བསྟན།། དེ ་ཡི་ཕུང་པོ་གཞལ་ཡས་ཁང་། ། བྷྲཱུཾ་ལས་བསྐྱེད་དེ་གསལ་བར་བྱ།། དེ་རུ་ཕྱག་རྒྱའི་ཚོ་གས་ཆེན་བསྒོམ།། རྫས་ཀྱི་གནས་རྣམས་སོ་སོ་ལ།། རིགས་ཀྱི་ལྷ་རྣམས་རིམ་པར་དགོད།། དེ་ནས་རྡོ་རྗེ་སྟེན་པར་བྱ།། བྱིན་ཕེབས ་རྟགས་ལུང་མགུ་བ་ན། ། བམ་དེ་བྱང་ཤར་མཚམས་སུ་བསྒྲལ།། རྫས་རྣམས་སོ་སོར་བསྔོས་ནས་ཀྱང་།། ཕྱག་རྒྱ་བཞུགས་པའི་གནས་རྣམས་སུ།། མ་ནོར་བར་ཡང་དགོད་དེ་སྦྱར།། དཔལ་དང་ལྡན་པའི་སྣོད་དགུ་ལ། དྲང་། ་རུ་བྱུང་བ་དགུ་བཀོད་དེ།། འབར་བ་ཆེན་པོའི་གནས་གནས་སུ།། བརྗིད་པའི་ཚུལ་དུ་གསལ་བར་བསྒོམ།། ཕྱག་རྒྱ་གཞན་ཡང་རྫོགས་པར་དགོད།། ཡེ་ཤེས་རྫོགས་པའི་དཀྱིལ་འཁོར་དུ།། དབང་ཆེན་ཟླ་གམ་སྐར ་ཚོགས་བསྲམ། ། རྡོ་རྗེ་མི་ཕྱེད་དགུར་འབར་བ།། ཆེ་བ་དགུ་ཡི་ཁྱད་པར་ལས།། དཔལ་ཆེན་དགུ་ནི་སྐུ་ལ་རྫོགས།། ཡུམ་ཆེན་དགུ་ནི་དབྱིངས་ལ་རོལ།། དཔལ་བེའུ་དགུ་ནི་ཐུགས་ལ་འབར།། འབྱུང་ཆེན་དགུ་ནི་ཀློད ་དུ་འཁྱིལ། ། ཁུ་བྱུག་དགུ་ནི་རང་སྐད་རྫོགས།། བན་དེ་དགྲ་ནི་དཔལ་དང་ལྡན།། ཟླ་གམ་དགུ་ནི་ཡུམ་གྱི་དབྱིངས།། ཐིག་ལེ་དགུ་ནི་བྱང་ཆུབ་སེམས།། ཉི་ཟླ་དགུ་ནི་འོད་འཕྲོ་འབར།། དེ་ལྟར་དགུར་དགུར་གསལ་བ་ཡི།། ་དགུ་ཀློང་བྷ་ག་གཅིག་གི་དང་།། དགྲ་བཀག་གཅིག་བྱེ་ཐིག་ལེའི་དོན།། ཐམས་ཅད་འབྱོར་པ་རྒྱས་བྱས་ལ།། བམ་དགུ་པན་ཅད་སྨན་དུ་སྦྱར།། རྫས་ཀྱི་དངོས་གྲུབ་བླངས་ཏེ་སྤྱད།། ཅེས་བཅོམ་ལྡན་འདས་སེམས་དཔའི་རྡོ་རྗེས་གསུངས ་སོ། ། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྨད་བྱུང་རྫས་ཀྱི་ལེའུ་སྟེ་བཅུ་བཞི་པའོ།། །། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་ཚོགས་ཆོས་ཐམས་ཅད་ནི ་མངོན་སུམ་དུ་ཤེས་ཤིང་རིག་པར་བྱའོ། ། མངོན་སུམ་གང་ཞེ་ན། དྲན་པ་མངོན་དུ་བཞག་པས་ཡུལ་ལ་མི་གནས་པའི་ཆོས་ཐམས་ཅད་དང་། ཕྱིས་འབྱུང་བའི་ཆོས་ཐམས་ཅད་དང་། སྔོན་དུ་བྱུང་བའི་ཆོས་ཐམས་ཅད་མངོན་སུམ ་མར་རིག་པའོ། ། དེ་ཅིའི་ཕྱིར་ཞེ་ན། མངོན་སུམ་མར་ཤེས་པ་ནི་ཡེ་ཤེས་ཆེན་པོའི་རྒྱུ་ཡིན་པའི་ཕྱིར་རོ།། དེ་ཡང་ཇི་ལྟར་ཞེ་ན། ཆོས་ཐམས་ཅད་སྒྱུ་མའི་རང་བཞིན་དུ་དྲན་པ་མངོན་དུ་གཞག་ན་མངོན་དུ་གྱུར་པ་ནི་ཆོས་ཉིད་ཕྱིན་ཅིམ ་ལོག་པར་ཤེས་པ་ཡིན་ནོ། ། ཆོས་ཉིད་ཕྱིན་ཅི་མ་ལོག་པར་མངོན་དུ་གྱུར་ན་མི་གནས་པའི་ཡེ་ཤེས་ཆེན་པོ་ཉིད་དེ་ཡིན་ནོ།། དེ་བས་ན་མངོན་པར་ཤེས་པ་རྣམས་དྲན་པ་མངོན་སུམ་མར་ཡིད་ལ་བྱོས་ཤིག། དེ་སྐད་ཅེས་གསུངས ་བ་དང་། མངོན་ཤེས་རིག་པའི་དྲང་སྲོང་ཆེན་པོ་རྣམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་མངོན་པར་ཤེས་པ་ནི་བདག་ཅག་རྣམས་ཀྱི་དམ་ཚིག་ལགས་སོ།། བཅོམ་ལྡན་འདས་ཀྱིས་བདག་ཅག་རྣམས་ཀྱི ་དམ་ཚིག་བཤད་དུ་གསོལ་ཞེས་ཞུས་པ་ལས། བཅོམ་ལྡན་འདས་ཀྱིས་བཀའ་སྩལ་པ། རིག་འཛིན་ཆེན་པོ་རྣམས་ཡེ་ཤེས་ཆེན་པོའི་རྒྱུ་མངོན་པར་ཤེས་པ་ནི་རྣམ་པ་ལྔར་རིག་པར་བྱའོ།། མིག་གི་དབང་པོ་ཐམས་ཅད་ལས ་ཞིབ་དུ་བཏགས་པའི་ཕྱེ་མར་བྱ། ། བཅུད་ཀྱི་སྙིང་པོར་སྦྱར་བྱས་ནས།། མཐོང་བའི་སྙིང་པོ་འབུམ་བཟླས་ན།། ཐམས་ཅད་མ་ལུས་མཐོང་བར་འགྱུར།། འདི་ནི་མིག་གི་མངོན་ཤེས་སོ།། རྡོ་རྗེ་ལྕེ་ཡིས་བརྗོད་པའི་ཚེས ་དུས་ས་མརྐུན་དུ་བརྗོད་པར་བྱའོ། ། བཛྲ་ཙཀྵུ་གརྦྷ་བིདྱཱ་ཏཱཾ། རྣ་བའི་དབང་པོ་ཐམས་ཅད་ཀྱང་།། བཏགས་སམ་ཕྱེ་མར་བྱས་ནས་ནི།། བཅུད་ཀྱི་སྙིང་པོར་སྦྱར་བྱས་ཏེ།། ཐོས་པའི་སྙིང་པོའི་བུམ་བཟླས་ན།། སྒྲ་ཡི་བྱེ་བྲག་ཐམས ་ཅད་ཐོས། ། འདི་ནི་རྣ་བའི་མངོན་ཤེས་སོ།། རྡོ་རྗེ་ཚིག་ཏུ་བཏག་པ་ནི།། བཛྲ་གརྦྷ་སྟ་མ་སི་ཏོ།། སྣ་ཡི་དབང་པོ་ཐམས་ཅད་ཀུན།། བསྐམས་སམ་ཕྱེ་མར་བྱས་ནས་ནི།། བཅུད་ཀྱི་སྙིང་པོར་སྦྱར་བྱས་ཏེ།། དྲི་སྣ་ཚོགས་དང་བསྲེས་པ ་ལས། ཚོར་བའི་སྙིང་པོའི་བུམ་བཟླས་ན།། སྣ་ཡི་མངོན་ཤེས་ཐོབ་པར་འགྱུར།། རྡོ་རྗེ་ཚིག་ཏུ་བཟུང་བ་ནི།། བཛྲ་ན་མ་སི་ཏེ་ཧཱུཾ། ལྕེ་ཡི་དབང་པོ་ཐམས་ཅད་ཀུན།། བསྐམས་སམ་ཕྱེ་མར་བྱས་ནས་ནི།། བཅུད་ཀྱི་སྙིང་པོར ་སྦྱར་བྱས་ཏེ། ། རོ་ཡི་མཆོག་ལ་སོགས་པ་ལས།། རོ་ཡཽ་སྙིང་པོ་འབུམ་བཟླས་ཏེ།། སྨྲ་བྱེད་ལྕེ་ཡི་དཀྱིལ་འཁོར་ནི།། སྟེགས་བུ་ཁྲུ་གང་གྲུ་བཞི་ལ།། དབུས་སུ་གསང་བའི་རྡོ་རྗེ་བྲི།། མཐའ་མ་ལྕེ་ཡི་པད་མས་བསྐོར།། སྤེལ ་ཚིག་གི་འོད་ཟེར་འཕྲོ། ། སྨྲ་བའི་སྒྲུབ་པས་འདི་རྫོགས་ན།། སྨྲ་བིའི་དབང་པོ་ཁ་དབྱེ་ཞིང་།། རོ་རྣམས་ཐམས་ཅད་ཤེས་པར་འགྱུར།། འདི་ནི་ལྕེ་ཡི་མངོན་ཤེས་ཡིན།། རྡོ་རྗེ་ཚིག་ཏུ་བརྟག་པ་ནི།། བཛྲ་བ་ཤ་སིདྡྷ་ཧཱུཾ།། སྙིང་གི ་དབང་པོ་ཐམས་ཅད་ཀུན། ། བསྐམས་སམ་ཕྱེ་མར་བྱས་ནས་ཀྱང་།། སྙིང་པོ་མཆོག་དང་སྦྱར་བྱས་ཤིང་།། དྲན་པའི་སྙིང་པོ་འབུམ་བཟླས་ཤིང་།། དཔལ་བེའུ་ཙི་ཏའི་དཀྱིལ་འཁོར་ནས།། དྲན་པའི་རྟེན་གྱིས་ཡོངས་སྐོར་ཏེ། སྙིང ་གི་དཀྱིལ་འཁོར་རྫོགས་པ་དང་། ། དབང་པོ་ཐམས་ཅད་གསལ་བ་དང་།། ཐམས་ཅད་མ་ལུས་ཤེས་པར་འགྱུར།། གཞན་གྱི་སེམས་ནི་ཤེས་པའི་མཆོག། བཛྲ་ཙེཏ་ཏ་སིངྒ་ཧཱུཾ། ལུས་ཀྱི་དབང་པོ་ཐམས་ཅད་ཀུན།། བཏབས་ས ་བྱེ་མར་བྱས་ནས་ནི། ། སྲ་འཁྲེགས་བཅུ་དང་སྦྱར་བྱར་ཏེ།། རེག་བྱའི་སྙིང་པོ་འབུམ་བཟླས་ན།། ལུས་ཀྱི་མངོན་ཤེས་ཐོབ་པར་འགྱུར།། མངོན་ཤེས་འདི་དག་ཀུན་རྫོགས་ན།། མི་གནས་ཡེ་ཤེས་ཆེན་པོའི་རྒྱུ།། ཕྲ་མོའང་ནན་ཏན ་མཆོག་ཏུ་བྱའོ་ཞེས་གསུངས་སོ། ། རྒྱུད་ཀྱི་རྒྱལ་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་མངོན་ཤེས་རིག་པའི་བསྒྲུབ་ལུགས་ཀྱི་ལེའུ་ཞེས་བྱ་སྟེ་བཅཝ་ལྔ་པའོ།། །། དེ་ནས་སེམས་དཔའི་རྡོ་རྗེ་དེས་འདི་སྐད་ཅེས་གསུ ་སོ། ། འདུས་པ་ཆེན་པོའི་ཚོགས་མཆོག་ཆེན་པོའི་བསྒྲུབ་ལུགས་ནི་འདི་ལྟར་རིག་པར་བྱའོ།། དོན་ལ་བརྩོན་པའི་རྣལ་འབྱོར་པས།། ལས་ཀྱི་སྟེགས་བུ་ཆག་ཕྱེད་པ།། མཾ་རིས་བསྐོར་ཏེ་འབར་བར་བྱ།། དཀྱིལ་འཁོར་དེའི་མཿ ་ཌལ་ནེ། སུ་པ་རྩེག་བྱས་པའི་དབུས་ཟླ་གམ།། བརྒྱད་ཀྱིས་མཛེས་པར་བྱ་བའོ།། ཕྱི་མཐའ་ཐོད་པའི་ཕྲེང་བས་བསྐོར།། དེ་མཐའ་མེ་དཔུང་འབར་བས་བསྐོར།། དེ་ཡི་ཕྱི་མཐའ་དམར་ཆེན་རྒྱས།། ཟླ་གམ་དབུས་སུ་དཔལ་ཆེན ་འབར། ཟླ་གམ་བརྒྱད་ལ་གནས་བདག་བརྒྱད།། མཐིང་ན་ག་ཡ་ཐ་མེ་རིར་འབར།། དེ་འོག་ཐོད་པར་ཚར་གསུམ་དང་།། སྒོ་བྱམས་དུར་ཁྲོད་རྫས་ཀྱི་བསྐོར།། སྒོ་རྩེག་སྒོ་ཁྱུད་ཐ་མ་ཟན།། ཐམས་ཅད་གང་ཡིན་དེ་ལྟར་སྦྱར།། ཕུན ་སུམ་ཚོགས་པར་གྱུར་པ་ན། ། རྣམ་བཞི་ལས་ཀྱི་མཎ་ཌ་ལ་བརྩམ།། འཇིགས་བྱེད་བསྐལ་པའི་དཀྱིལ་འཁོར་དུ།། ཟ་བྱེད་འབར་བའི་ཕྱག་རྒྱ་ཡིས།། ཐར་པཙར་བསྒྲོལ་བའི་ཕྱིར།། དྲོད་ལྡན་མན་ངག་འཆང་བ་དེས།། མཆོག་གི ་བྱིན་བརླབས་གཞག་པར་བྱ། ། དག་པ་གསུལ་གྱིས་གཞུང་བ་བྲང་ནས།། གནས་མཆོག་དབེན་པའི་རི་བོ་རྩེ།། རྣ་ཉན་ཕྲ་དོག་ཅན་དང་བྲལ།། འདྲ་འཛེ་འགྲོ་འོད་ཆད་པ་དག། གསང་ཆེན་སྤྱོད་པའི་གནས་སུ་ཤིས།། རྣམ་པཞི་ལས ་ཀྱི་རྟགས་ཉུང་ནའང་། ། གཅིག་གཉིས་ལྡན་ན་འབྲིང་དུ་བཤད།། བསྒྲུབ་པའི་རྒྱལ་པོ་གདེང་ལྡན་པ།། ཤིན་དུ་བརྗིད་ཅིང་སྲན་ཚུགས་པ།། ཁུ་འཕྲིག་རྟོག་བྲལ་བརྟུལ་ཞུགས་ཅན།། ལས་ཀྱི་ཕྲེང་བ་ལྷག་ཆད་མེད།། དྲི་ཞིམ་དག ་པའི་སྨན་དག་གིས། ། ཕྱི་བཀྲུ་ཤི་ནི་འདའ་ཧུ་ལས།། ནང་ཡང་དག་པ་ཆེན་པོར་བྱ།། ཚད་མར་སྦྱར་བིའི་བཀའ་དང་ནི།། ལྡན་ནས་དུས་བཏབ་ཤིན་དུ་བརྩམ།། དེ་ཡང་བརྟག་པའི་གལ་ཆེན་ནི།། བཀྲ་ཤིས་མཛེས ་དང་ལྡན་འགྱུར་བ། ། བོང་ཚོར་ལོ་ནི་དར་ལ་བབ།། རིགས་ལྔའི་མཚན་དང་ལྡན་པ་ལ།། བསྒྲལ་བའི་རྫས་སུ་རུང་བ་དག། ཡིད་འོད་འབྱོར་ལྡན་བཙལ་ནས་ནི།། བསྒྲུབ་པའི་རྫས་སུ་བྱ་བ་དེ།། དེ་འདྲའི་མཚན་རྟགས་ཡོད་པ་ནི། ་ས་སྦྱངས་ས་ལ་སླེབས་པའོ།། བསྒྲུབ་པའི་རྒྱུ་མཆོག་དེ་དག་ནི།། འདའ་ཧུ་མན་འདས་དབང་པོ་བསྒྱུར།། རྡོ་རྗེ་ཕྲ་མཁན་ཕབ་ནས་ནི།། སྣང་སྲིད་ཐམས་ཅད་དྲི་བ་འམ།། ལེགས་ཉེས་ཐམས་ཅད་དྲི་བར་བྱ།། དབང་པོ་སྒོ ་ལྔའི་དཀྱིལ་འཁོར་དུ། ། བདུད་རྩི་རྣམ་ལྔའི་ཐིག་ལེ་གདབ།། རྣམ་ཤེས་འབྱུང་བའི་སྒོ་ལྔ་རུ།། སོ་སོ་འབྱུང་བའི་རྫས་རྣམས་གདབ།། སོ་སོ་རིགས་ཀྱི་ཕྱག་རྒྱས་གདབ།། ཕྱག་རྒྱ་བཀོད་དེ་ཉོན་མོངས་བསྒྲལ།། སྦྲུལ་སྦྱར་ཐབ། ་ཅད་སྦྱངས་ནས་ནི།། མཆོད་དང་མཉེས་དང་དམ་སྐོངས་དང་།། དངོས་གྲུབ་རྣམ་གསུམ་གང་ཐོབ་བླང་།། ཐོབ་ནས་ཐམས་ཅད་ཅི་བདེར་སྤྱད།། ཅེས་གསུངས་སོ།། དེ་ནས་སེམས་དཔའི་རྡོ་རྗེས་ཡང་འདི་སྐད་ཅེས་གསུངས་སོ།། ་འདུས་པ་ཆེན་པོའི་ཚོགས་བར་དུ་གཅོད་པ་ཐམས་ཅད་བཟློག་པའི་བསྒྲུབ་པ་ཆེན་པོ་ནི་འདི་ལྟར་རིག་པར་བྱའོ།། གོང་མ་བཞིན་དུ་ལས་བརྩམས་ནས།། ཐར་པའི་རྒྱུ་མཆོག་དེ་དག་ནི།། རུས་པ་རྡོ་རྗེ་ཐལ་བར་སྒྲུབ།། རུས་པའི ་ཚོགས་ནི་ཐམས་ཅད་ཀུན། ། བསྲེགས་དང་ལྕེ་བོ་གནག་པོར་སྦྱར།། ཁྱབ་འཇུག་གའུ་ཁ་སྦྱར་དུ།། བཅུག་སྟེ་འཇོམས་པའི་ཕྱག་རྒྱ་དང་།། དྲག་པོ་སྔགས་ཀྱིས་བསྒྲུབ་བྱས་ནས།། གྲུབ་ན་རྣལ་འབྱོར་དོན་ལྡན་གྱི།། བར་ཆད་ཟློག ་པའི་གཉེན་པོར་སྦྱར། ། ཞེས་གསུངས་སོ།། རྒྱུད་ཀྱི་རྒྱལ་པོ་རྡོ་རྗེ་བཀོད་པ་ཀུན་འདུས་རག་པའི་མདོ་ལས་རྡོ་རྗེ་ཐལ་ཆེན་གྱི་བསྒྲུབ་ཐབས་ཀྱི་ལེའུ་སྟེ་བཅུ་དྲུག་པའོ།། །། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས ་གསུངས་སོ། ། འདུས་པ་ཆེན་པོའི་ཚོགས་པ་ཐམས་ཅད་ནི་འདི་ལྟར་རིག་པར་བྱའོ།། མཎ་ཌ་ལ་གྲུ་བཞི་པ་གཅིག་ལ།། ཟླ་གམ་སྒོ་གཅིག་རྡོ་རྗེས་བསྐོར།། མཐའ་ཁྱུད་སྒོ་བཞི་ལྡན་པར་བྲི།། རྒྱུ་མཆོག་དབང་པོ་ཕྱེད་ལྡན ་ཤིས། ཕྱིའི་ཁྲུས་རྣམས་བྱས་ནས་ནི།། ཤར་དུ་ཁ་བསྟན་དབུས་སུ་བཞག། ལྕེ་ལ་གཟུངས་ཐག་སྣ་ལྔས་གདགས།། རྣལ་འབྱོར་རྣམས་ཀྱིས་བསྐོར་བར་བྱ།། ཕྱག་རྒྱ་རྫས་དང་བཅས་པར་དགྲམ།། དེ་ཡི་ཁོང་དུ་གཞལ ་ཡས་བསྐྱེད། ། རིམ་པར་བརྩེགས་པའི་དཀྱིལ་འཁོར་ནི།། འབར་བའི་འབྱུང་ཆེན་འབར་བ་ལྔ།། དོན་གྱི་ལྔ་མོ་ལྔ་རུ་གསལ།། ཀུན་གཞི་ཀུན་དུ་བཟང་མོར་གསལ།། དེ་ཡི་ཐུགས་ཀྱི་ཁོང་ཐག་ཏུ།། ཐིག་ལེ་ཟླ་བ་ཉ་རྒྱས་ལ། ་ཡེ་ཤེས་སེམས་དཔའི་ཚོན་ག་བ།། ཐུགས་ཀར་ནོར་བུ་རིན་ཆེན་འབར།། དབུས་སུ་ཉི་མའི་གའུ་ལ།། དཔལ་བེའུ་ཡུངས་འབྲུའི་བུམ་པ་ལ།། ཧཱུཾ་དམར་ཏིལ་འབྲུར་གནས་པ་ནི།། བདེ་ཆེན་བྱང་ཆུབ་སེམས་ཤེས་བྱ།། རྡོ་རྗེ ་གསང་ཐག་རྒྱུན་མི་གཅད། ། རྡོ་རྗེ་ཁ་པྲ་གདབ་པར་བྱ།། དེ་ནས་མཚན་མོ་བྱུང་གྱུར་ན།། དངོས་གྲུབ་བླངས་ཏེ་དེ་བསྒྲལ་ལ།། བསྐམས་ཏེ་བདུད་རྩི་རྩ་བར་བྱ་ཞེས་གསུངས་སོ།། རྒྱུད་ཀྱི་རྒྱལ་པོ་རྡོ་རྗེ་བཀོད་པ་ཀུན་འདུས ་རིག་པའི་མདོ་ལས་མཆོག་ཕྲན་ཐབས་ཀྱིས་བསྒྲུབ་ལུགས་ཀྱི་ལེའུ་སྟེ་བཅུ་བདུན་པའོ། ། །། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་ཚོགས་ཆོས་ཐམས་ཅད་ནི་སྨྲ་བའི ་རང་བཞིན་དུ་ཤེས་པར་བྱའོ། ། དེ་ཅིའི་ཕྱིར་ཞེ་ན། སྒྱུ་མ་ནི་དངོས་པོར་སྣང་ཡང་རང་བཞིན་མེད་པ་ཡིན་ཏེ། རང་བཞིན་མེད་པའི་དོན་ནི་ཆོས་ཉིད་རྡོ་རྗེ་ཡིན་ནོ།། དེ་བས་ན་སྒྱུ་མའི་ཆོས་ཐམས་ཅད་ཁོང་དུ་ཆུད་པར་བྱའོ།། དེནྡ ་འཁོར་དེར་འདུས་པར་གྱུར་པའི་ལྷ་མ་ཡིན་གྱི་ཚོགས་བདག་སྒྱུ་མ་མཁན་ཞེས་བྱ་བས་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་ཅག་རྣམས་ཀྱི་དམ་ཚིག་ནི་སྒྱུ་མའི་ཆོ་འཕྲུལ་ལ་གནས་ཤིང་སྒྲ་མཆེད་དུ་བགྱིད ་ལགས་ཀྱིས་བདག་ཅག་རྣམས་ཀྱི་དོན་ཆེད་དུ་སྒྱུ་མའི་ཆོས་ཐམས་ཅད་བཤད་དུ་གསོལ་ཞེས་གསོལ་པ་ལས། ། བཅོམ་ལྡན་འདས་ཀྱིས་བཀའ་སྩལ་པ།། ཚོགས་བདག་ཆེན་པོ་སྒྱུ་མའི་ཆོ་འཕྲུལ་ནི་འདི་ལྟར ་རིག་པར་བྱའོ། ། ཆོས་རྣམས་ཐམས་ཅད་སྒྱུ་མར་སྡང་།། སྒྱུ་མིའི་རང་བཞིན་སྟོང་པ་སྟེ།། སྟོང་པའི་དོན་རྣམས་གང་ཡིན་པ།། མི་འགྱུར་མི་ཤིགས་རྡོ་རྗེའི་དོན།། སྟོང་པ་ཉིད་ལ་སྒྱུ་མ་ཡི།། ཆོ་འཕྲུ་འི་བྱེ་བ་མང་པོ་འབྱུང་།། དེ ་བཞིན་སྒྱུ་མའི་ཆོ་འཕྲུལ་ཡང་། ། གྱི་ནད་ཙམ་གྱི་རྒྱུ་རྐྱེན་ལས།། ཆོ་འཕྲུལ་གཟུགས་ནི་ཐ་དད་སྣང་།། སྣང་ཡང་དངོས་པོར་མ་གྲུབ་སྟེ།། འགྱུར་འཇིག་མེད་པས་རྡོ་རྗེའི་འདོན།། ཀུན་རྫོབ་སྒྱུ་མའི་མཚན་ཉིད་ཀྱང་།། རྡེའུ་དང་ཤིང ་བུའི་རྒྱུ་དག་ལས། ། སྨན་དང་སྔགས་ཀྱི་རྐྱེན་སྦྱར་ནས།། འབྲས་བུ་སྒྱུ་མའི་ཆོ་འཕྲུལ་འབྱུང་།། སྒྱུ་མའི་གསད་ཚིག་སྦྱོར་བ་ནི།། སྒྱུ་མའི་བདག་པོས་འདི་སྐད་བཤད།། སྒྱུ་ལ་འདོད་པའི་གཟུགས་བྱས་ལ།། ཤེའུ་རེའུ་སྨན ་གྱི་བཏབ་ནས་ནི། ། གསང་སྔགས་འདི་ཡི་སྦྱོར་བ་བྱ།། ཤེའུ་རེའུ་ཨི་ན་ཡ།། ཨ་མོ་ཁ་ཨ་འགུས་ས་འགུས།། ཆག་ཤིང་དག་གིས་བརྡབས་བྱས་ན།། ཇི་ལྟར་འདོད་པ་སྣ་ཚོགས་བྱ།། བསྡུ་བར་འདོད་ན་སླར་བཟློག་། དེས ་ན་སྒྱུ་མའི་གཡང་བ་ཅན། ། དྲང་བའི་ཐབས་ཀྱི་དཀྲིས་པར་བྱ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་སྒྱུ་མ་རྡོ་རྗེའི་བསྒྲུབ་ལུགས་ཀྱི་ལེའུ་སྟེ་བཅཝ་བརྒྱད་པའོ།། །། དེ་ནས་ཡང་སེམས་དཔའི ་རྡོ་རྗེ་དེས་འདི་སྐད་ཅེས་གསུངས་སོ། ། འདུས་པ་ཆེན་པོའི་ཚོགས་ཆོས་ཐམས་ཅད་ལ་དབང་སྒྱུར་བར་འདོད་ན་འདི་ལྟར་རིག་པར་བྱའོ།། ཕུན་སུམ་ཚོགས་པ་ཀུན་ལྡན་ནས།། སྟེགས་བུ་ཀུན་དུ་གྲུ་བ་ཞི་ལ།། མུ་ཁྱུད་ཅིག་ཏུ ་བསྐོར་ནས་ནི། ། ཟླ་བ་ཁམ་པའི་དབྱིབས་སུ་སྦྱར།། སྒོ་བཞི་གྲུ་ཆད་བཞིར་ལྡན་བྱ།། དབྱིབས་ཀྱིས་ཐིག་ལེ་ཟླུམ་པོ་ལ།། རྡོ་རྗེ་དང་ནི་ཉི་མས་བསྐོར།། དབུས་སུ་བན་ད་དཔལ་ལྡན་ལ།། དཔལ་ཆེན་ཡབ་ཡུམ་སྦར་ལ་བཞག། ཚལ ་བུ་བརྒྱད་ལ་གནས་བརྒྱད་སྦྱར། ། ལྟེ་བ་བསྐོར་ཏེ་རིམ་པར་གཞག། ཐིག་ལེ་ཤར་གྱི་སྒོ་གང་དུ།། རྡོ་རྗེ་རྣལ་འབྱོར་གསང་མིང་དང་།། དངོས་གྲུབ་གསོལ་བྱ་བྲིས་ལ་གཞག། མཆོད་པའི་ཁྱམས་སུ་གྱུར་པ་ལ།། བསྒྲུབ་པའི ་རྫས་དང་མཆོད་པ་རྣམས། ། རིམ་པ་བཞིན་དུ་མཛེས་པར་དགྲམ།། རྡོ་རྗེ་རྣལ་འབྱོར་དེ་དག་རྣམས།། རྡོ་རྗེ་ལྷག་པའི་རྟགས་ཀྱིས་མཚན།། ཏིང་འཛིན་དཀྱིལ་འཁོར་རྫོགས་བྱས་ནས།། སྤྱན་དྲངས་མཆོད་པ་ཀུན་བསོགས་ཏེ། ་འདུག་པ་དངོས་གྲུབ་གསོལ་པ་དང་།། དབང་སྐུར་ལས་རྣམས་ཀུན་རྫོགས་ནས།། རྨད་དུ་བྱུང་བའི་གཏོར་མ་དག། ཆ་གསུམ་དང་པོ་སྤྱན་སྲེག་བྱ།། བར་མ་མི་ཟད་གཏེར་དུ་སྦ།། བྱང་ཆུབ་སེམས་ཀྱི་ཆུ་བོ་དང་།། ཆོས་ཉིད་ནམ ་མཁའི་དབྱིངས་ཆེན་དང་། ། བྷ་ག་ཡུམ་གྱི་ས་གཞི་ལ།། ཤིན་ཏུ་སྦས་པའི་ཚུལ་དུ་སྦྱར།། ཆ་གཅིག་གཞལ་ཡས་ཤར་སྒོ་ནས།། བཅུ་གསུམ་གཙལ་བར་སྟེགས་བུ་བྱ།། དེར་ནི་གནས་བདུན་གཙོ་རྣམས་ཀྱང་།། དེ་བཞིན ་བཅུ་གསུམ་ལན་རེ་ལ། ། གནས་ཀྱི་འགྲོན་ནི་མ་སྲིད་རྣམས།། བདུན་ཅུ་བར་དུ་ཀུན་རྫོགས་བྱ།། ཐ་མར་མཎ་ཌ་ལ་ཟླ་གམ་ལ།། ནུས་ན་མཁའ་འགྲོ་ནམ་མཁའི་ཧོམ།། རྫོགས་བྱ་མ་ལུས་དེ་མགུ་བྱ།། ལྷག་མར་གྱུར། ་པས་ཀུན་རྫོགས་བྱ།། སྙིགས་མར་གྱུར་པ་ཐམས་ཅད་ཀྱང་།། སྦ་འམ་བསྲེག་གམ་ཆུ་ཀླུང་འདོར།། རྡོ་རྗེ་གནས་ཆེན་དེ་སྲུངས་ཏེ།། གནས་ནི་སྔ་ཕྱིར་སུ་དགགསང་།། མ་རིག་ཕྱིར་ན་མཚན་མ་དག། རང་རང་གནས ་སུ་སླེབས་པར་བྱ། ། གང་དག་འདུ་ཆོ་འང་དེ་བཞིན་ནོ།། འདི་ནི་ཐིག་ལེ་གཅིག་པ་ཡིན།། བསྒྲུབ་ལུགས་ཡིན་པར་རྒྱལ་བས་བཤད།། འདི་དག་སྒྲུབ་པའི་སྐྱེས་བུ་ནི།། ཟླ་བའི་འཁོར་ལོ་ལ་གནས་ནས།། ཉི་མའི་འཁོར་ལ ་ཐོགས་ནས་ནི། ། ཡང་དག་ཆོས་ཀྱི་དབྱིངས་ཉིད་ལ།། དབང་སྒྱུར་བྱེད་པའི་རྒྱལ་པོར་འགྱུར།། ཞེས་གསུངས་སོ།། ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་རྣལ་འབྱོར་པ།། འདི་ཡང་རིམ་ཀྱི་གོང ་མ་ལྟར་ཁམས་ཅད་ཚུལ་བཞིན་ཀྱར་བྱས་ནས། ། ཁྱེར་ཀུན་དུ་ཟླ་བཞི་ལ།། ཐིག་ལ་ཟླ་བ་གཅིག་ཏུ་བྱ།། དེ་ལ་སྲད་བུ་བཞི་བསྣོལ་བས།། ལེའུ་མ་དབུར་གྱུར་པར་བྱ།། བྱ་རལ་བུ་ཁྲུར་ཟད་པས་བསྐོར།། གྲུ་བཞི་བླང ་རབ་མཛེས་བརྒྱན། ། དེ་ཡི་མཐའ་ཟང་ཁྱམས་གཅིག་ལ།། སྒོ་གཏོང་སྒྲུབ་པ་པོ་ལ་ལྷ།། དབུས་སུ་ཐིག་ལེ་དཀར་དམར་ལ།། ཁ་སྦྱར་བར་དག་རྡོ་རྗེས་འབྲེལ།། དེར་ནི་དཔལ་ཆེན་ཡབ་ཡུམ་བཞུགས།། ཕྱི་མཚམས་ལེའུ་ཆེད ་བརྒྱད་ལ། ཟླ་གམ་བརྐྱང་བ་བརྒྱད་བྱས་ཏེ།། ཡེ་ཤེས་གནས་ཀྱི་མ་བརྒྱད་དགོད།། ཕྱི་རོལ་སྒོ་གཅིག་ཁྱམས་དེ་ལ།། བསྒྲུབ་པའི་རྫས་ཀྱིས་མཛེས་པར་དགྲ་མ།། བསམ་བྱ་བ་སྒྲུབ་པ་ལ་སོགས་ཀུན།། ཐམས་ཅད་དེ་བཞིན ་འདིར་སྦྱར་བྱ། ། འདི་ལྟར་གྲུབ་པའི་སྐྱེས་བུ་གང་།། ཆོས་ཀྱི་རྒྱལ་པོར་གྱུར་པ་སྟེ།། ཐམས་ཅད་ཀུན་ལ་དབང་སྒྱུར་བའི།། སྐྱེས་བུ་ཆེན་པོར་དེ་འགྱུར་རོ།། ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ་དེས་ཆོ་འཕྲུལ་ཐམས ་ཅད་ལ་དབང་སྒྱུར་བ་ཞེས་བྱ་བ་འདི་གསུངས་སོ། ། འདྲས་པ་ཆེན་པོའི་རྣལ་འབྱོར་པ།། འདི་ཡང་ཐམས་ཅད་དེ་འདྲར་སྦྱར།། ཀུན་ཏུ་གྲུ་བཞིར་ལྡན་འགྱུར་བ།། འཁོར་ལོ་རྩིབས་བརྒྱད་དག་ཏུ་བྱ།། གྲུ་ཆད་བཞི་ཡི་ཕྱི་རོལ་དུ།། ། ་བཞི་དག་དང་ལྡན་པར་བྱ།། བྱི་ཁྱམས་དམར་ནག་མེ་རི་གློང་།། ཤིན་ཏུ་བརྗིད་ཅིང་འཇིགས་པར་བྲི།། ཐིག་ལེ་དབུས་ཀྱི་སྙིང་པོ་ལ།། ཟླ་གམ་འབར་བས་མཚན་པར་བྱ།། རྩིབས་མཆོག་བརྒྱད་ལ་ཟླ་ག་མ་ནི།། ནང་དུ་ལྟ་བ་དེ ་བརྒྱད་བྲི། རྩིབས་མཚན་བརྒྱད་ལའང་དེ་བཞིན་ཏེ།། རྡོ་རྗེ་སྒོམ་བཞི་རྣམས་ཏེ།། ཕྱག་རྒྱ་རིམ་པར་བཀྲམ་བྱས་ནས།། བསྒྲུབ་པའི་ལས་རྣམས་ཀུན་རྫོགས་བྱའོ།། དེ་ལྟར་གྲུབ་པའི་རྣལ་འབྱོར་པ།། འཇིག་རྟེན་པ་དང་འཇིག ་རྟེན་ལས། ། འདས་པའི་ཆོ་འཕྲུལ་ཐམས་ཅད་ལ།། དབང་སྒྱུར་བྱེད་པའི་རྒྱལ་པོར་འགྱུར།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་ཐིག་ལེ་སྒྲུབ་པའི་ལེའུ་ཞེས་བྱ་སྟེ་བཅུ་དགུ་པའོ།། ་དེ་ནས་སེམས་དཔའི་རྡོ་རྗེས་འདི་སྐད་ཅེས་གསུངས་སོ།། འདུས་པ་ཆེན་པོའི་རྣལ་འབྱོར་རྣམས་དྲེགས་པ་ཅན་གྱི་ཚོགས་ཐམས་ཅད་ལ་དབང་སྒྱུར་བར་འདོད་ན་འདི་ལྟར་རིག་པར་བྱའོ།། འདི་ནི་བྱས་ལ་སོགས་པའི་ལས། འདི ་ལྟར་འབྱོར་དང་ཕུན་སུམ་ཚོགས། ། ཐབས་ལ་མཁས་དང་ཡོ་བྱད་དང་།། ཇི་ལྟར་རིག་པར་འདིར་བ་བྱ།། དེ་ནས་མཎ་ལ་འདྲ་ཅིག་ལ།། དུར་ཁྲོད་མགོ་མ་ཡང་དུ་བྱ།། ཟུར་བཞི་མརྐཎྜལ་བཞི་བྱས་ལ།། བཞི་ལས་དེ་བཞིས་ཆག་རེས ་བསྟོད། ། དེ་ཉིད་མ་ཏད་གཟུགས་སུ་བྱ།། སྙིང་ཀ་མན་ཆད་དབུས་སུ་བསྣོལ།། དཀྱིལ་འཁོར་ཆེན་པོའི་འོག་ཏུ་གཞུག། འཁོར་ལོ་འབར་བའི་ཐིག་བཏབ་སྟེ།། དཔལ་ཆེན་ལྔ་ཡི་ཕྱག་རྒྱ་བྱ།། ཁྱམས་གཉིས་དག་གིས་མཛེས་པ་ལ། ་གནས་དང་ཡུལ་གྱི་ཕྱག་རྒྱ་དགོད།། སྒོ་བཞིར་རྡོ་རྗེ་སྒོ་པ་བཞི།། ཡན་ལག་སྤྲུལ་པའི་མགོ་བརྙན་གནས།། ཕྱི་ཁྱམས་རྡོ་རྗེ་མེ་རིར་བྱ།། དེ་ཡི་ཕྱི་རོལ་ཕྲེང་ཆེན་གཏམས།། སྐམ་དང་ར་རི་རློན་པས་བསྐོར།། དེ་ཡི་ཕྱི་རོལ་མེ་བུར་འཚུག།། ་སྐལ་པའི་བུ་ཡུག་བྲི་བར་བྱ།། རྡོ་རྗེ་སྒོ་ཁྲུད་སྒོ་གང་དུ།། གུ་གུ་ཐུལ་དང་ཟར་ཚགས།། ཞིང་དང་སྦྲུལ་གྱི་ཆུན་པོ་བྲི།། དེ་ནས་བན་ད་དཔལ་ལྡན་ལ།། རྡོ་རྗེ་དཔལ་གྱི་ཡི་གེ་དག། བྲིས་ལ་ཁ་སྦྱར་སྦུབ་ཏེ་བཞག། གའུ་ཆུང་ལ་རལ་པ ་ཅན་བརྒྱད་བྲིས་འབྱུང་བའི་གནས་སུ་གཞག། ལས་བྱེད་བརྒྱད་དམ་བཅུ་གཉིས་ལ།། ལས་བྱེད་བཅུ་གཉིས་བྲིས་ལ་དགོད།། ཐར་པ་གནས་ཀྱི་དཀྱིལ་འཁོར་དུ།། གདོལ་པ་འབྱུང་པོ་ང་རྒྱལ་ཅན།། ཆགས་སྡང་རྣམ་ཀྱིས ་བསླང་བའི་རྒྱུ། ། དེ་ཡི་དུག་གསུམ་གཤིག་པའི་ཕྱིར།། དོན་གྱི་བསྒྲུབ་པ་ཆེན་པོ་བཤད།། རུ་དྲ་ལྔ་ཡི་ཚོགས་ཆེན་ཏེ།། ཏིང་འཛིན་ཡེ་ཤེས་ལྔས་བཅོམ་ནས།། རྡོ་རྗེ་དྲོད་ཀྱིས་རྣམ་པར་སྦྱར།། མདོ་ཡིས་ལ་སྟབས་གཅིག་ཏུའོ།། ་བགེགས་ཀྱི་བགེགས་ཏེ་བགེགས་ཆེན་པོ།། དུག་ལྔ་རྟོག་པ་ཉིད་ལས་སྐྱེས།། བྱེ་དང་གསུམ་གྱི་དུར་ཁྲོད་ན།། གཞི་རྩ་ངག་དང་ལུས་སེམས་སོ།། བརྗིད་ལྡན་དཔལ་ཆེན་དུར་ཁྲོད་བདག། བདག་བརྟོག་རྟོག་འཇོམས་ཏིང་འཛིན ་6། ། གྱིས། སྲིད་གསུམ་རུ་དྲ་དུར་ཁྲོད་དུ།། ཚོགས་བདག་ཆེན་པོ་དེ་བརྒྱད་བྱ།། མ་རིག་མུན་ཁང་སྒོ་བྱེད་ནས།། གླང་ཆེན་སྨྱོན་པ་དེ་བཟུང་ནས།། གཟུང་འཛིན་དམ་པོའི་ཏོད་ཐག་བཅད་།། དུག་གསུམ་རྣམ་ཏོག་ཏོང་པུར་ཟུ ་ངན་སོང་འདམ་ནས་དྲངས་ནས་ནི། ། ཉོན་མོངས་དཔུང་རྒོད་དེ་བཏུལ་ནས།། ཡེ་ཤེས་ཐབས་ཀྱིས་རྣམ་སྦྱངས་ཏེ།། ནམ་མཁའི་གློང་དུ་དམིགས་མེད་པར།། བདེ་ཆེན་མཆོད་པའི་ཚོགས་ཆེན་དག། རོ་མཆོག་ལྔ་དང་མཉམ་སྦྱར་བས།། ་ཆོས་ཀྱི་ལོངས་སྤྱོད་རྒྱས་པར་སྦྱར།། མཉམ་ཉིད་བདེ་བའི་སྙིང་རྗེ་ཡིས།། དྲེགས་པ་ཆེན་པོ་གཞོམ་པ་དང་།། འཁོར་བའི་དྲ་བ་བཅད་པའི་ཕྱིར།། ཁྲོ་ཚོགས་འབར་བའི་སྤྲིན་འཕྲོས་པས།། གཏུམ་ཐུང་རྔམ་པ་མགྱོགས་པའི་ཚོགས།། ཕྱག་རྙན ་ཆང་ཆེན་ཟབ་ནས་ནི། ། འཁོར་བའི་ཐ་བ་སྤངས་ནས་ནི།། བདེ་བ་ཆེན་པོའི་ཞིང་བཟློག་སྟེ།། བྱང་ཆུབ་མྱུ་གུ་བསྐྲད་ནས་ནི།། བྱང་ཆུབ་སེམས་དཔའི་ལོ་ཏོག་བསྐྱེད། དུར་ཁྲོད་ཆེན་པོའི་བཞིན་ཕྱོགས་ནི།། མགོ་ནི་ལྷོ་ནུབ་མཚམས་སུ་གཏིང་།། རྐང་པ་བྱུང ་ཤར་མཚམས་སུ་གཏིང་། ། ད་ནི་དུར་ཁྲོད་དབང་ཕྱུག་ཆེ།། སངས་རྒྱས་སྐུ་སྟེ་ཡེ་ཤེས་ཡིན།། ཐུགས་རྗེ་རྣོན་པོའི་དམག་ཚོགས་ལ།། ཡེ་ཤེས་རྣོན་པོའི་མཚོན་ཆ་ཡིས།། ལོག་རྟོག་འཁོར་བའི་རྒྱུན་གཙང་ངོ་།། གྲུ་བཞི་ཁ་བཞིར་རྡོ་རྗེ་ཡི།། ་དབྱིབས་འདྲའི་ཐབ་ནི་བརྩིགས་ནས་ཀྱང་།། སྙིང་ཀར་འཁོར་ལོའི་ཐབ་ཏུ་བྱ།། རིགས་ཀྱི་ཡམ་ཤིང་ལྔ་བརྩིགས་ཏེ།། ཧོམ་ལྔ་འབྲེལ་བའི་ལས་ཆེན་བརྩིག། ཐབས་ཆེན་ལྔ་ཡི་ཧོ་མ་ཁུང་དུ།། འཁོར་བའི་སྡུག་བསྔལ་ཡམ་ཤིང ་ལ། ཡེ་ཤེས་ཆེན་པོའི་མེ་གློང་དུ།། ཉོན་མོངས་ལྔ་ཡི་བསྲེགས་སྦྱངས་རྫོགས།། བྱ་བར་སྦྱོར་བ་མཐའ་དག་ཀུན།། ཇི་ལྟར་འབྱོར་ཅིང་འཚམ་པར་འོས།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རི།། ་པའི་མདོ་ལས་དྲེགས་པ་ཅན་གནོན་པ་ཞེས་བྱ་བའི་ལེའུ་སྟེ་ཉི་ཤུ་པའོ།། །། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་ཚོགས་འཁོར་བའི་རྒྱ་མཚོ་ཟད་པར་བྱེད་པའི་ཞལ་གྱི་དཀྱིལ་འཁོར། ་ཞེས་བྱ་བ་བསྒྲུབ་པའི་དོན་ནི་འདི་ལྟར་རིག་པར་བྱའོ།། འདི་ཡང་དེ་འདྲར་ཀུན་སྦྱར་ནས།། འཁོར་ཁང་ཅན་གྱི་གཞལ་ཡས་སུ།། ཁྲུ་གང་གྲུ་བཞིའི་ཚད་དེ་ལ།། བཞི་ནི་འཁོར་ཁང་ཁྱམས་དེ་དག། ཕྱོགས་བཞི་དག་ཏུ་བརྩམ ་པར་བྱ། དྲི་ཞིམ་ཙན་ངན་འདེ་གུ་བཏང་།། དྲི་སྤོས་ཚོམ་བུ་རིན་ཆེན་ཕྲོག། སྦྱིན་མཆོད་རྒྱས་པར་དེ་བཤམ་བྱ།། ལྷ་ཡི་དགེ་བསྙེན་རྣམ་པ་བཞི།། ཕྱོགས་མཚམས་བསྲུང་བའི་ལས་རྣམས་བསྒོ།། ཁྱམས་ཀྱི་ནང་རིམ་ཕྱོགས་འཚམ ་སུ། ། རྟག་ཕྱང་བ་ཡི་སྟེགས་བུ་བཅུ།། བསྐལ་པའི་མེ་དཔུང་འབར་བྲིས་ལ།། སྣ་ཚོགས་རྒྱུ་ལས་བྱས་པ་ཡི།། འཐུན་པའི་གཟུགས་བཅུ་དབང་བསྐུར་ཏེ།། ཁྲོ་བོ་གར་གྱི་ནང་མཚམས་གཅད།། དེ་ནས་མ་ཏྲང་གནན་པར་བྱ།། དྲེགས ་པ་རུ་དྲ་སྡིག་ཅན་འདི། ། ནམས་ཀྱང་བསྒྲལ་བའི་ཞིང་ཡིན་ཏེ།། ཛཿཧཱུཾ་བཾ་ཧོ།། མ་ཧཱ་ཤཱི་ཧེ་རུ་ཀ་མ་ཏྲང་རུ་དྲ་ཧ་ཧ་པྲ་བེ་ཤ་ཕཊ། ཁ་ཊྭཱཾ་ཕྱག་རྒྱས་བསྐྱིལ་ནས་ནི།། མ་རིག་མུན་པའི་སྒོ་ཕྱེ་ནས།། རྣམ་ཤེས་ཨ་རུ་བྱིན་བརླབས་ཏེ། གསང ་ཆེན་ཐུགས་ཀྱི་ཀློང་དུ་བསྟིམ། ། སྦུབས་ནཽ་གཞལ་ཡས་འབར་བར་བྱ།། སྟེགས་བུ་མ་ཏྲང་གཟུགས་འདྲ་ལ།། འགྱེལ་ཐབས་བཞིན་ཕྱོགས་ཅི་འདྲར་བྱ།། ཁ་དོག་སྔོ་སྐྱ་གན་རྐྱལ་ཐབས།། ཆེ་ཆུང་ཚད་མེད་གནས་ཀྱི་ཀྵུར།། དེ་ཡིད་སྙིང་། ་ཀར་བང་རིམ་གསུམ།། དང་པོར་དམར་པོ་གྲུ་བཞི་བརྩིག། གཉིས་པ་མཐིང་ནག་གྲུ་གསུམ་བྱ།། གསུམ་པ་སྨུག་ན་ག་ཟླ་གམ་བྱ།། ཡན་ལག་བཞི་དང་མགོ་མཚན་དྲུག། གསང་སྒོ་གཉིས་ཏེ་བརྒྱད་དག་ལ།། སྟེགས་བུ་ཆག་ཕྱེད ་གྲུ་བཞི་བརྒྱད། ། དེ་ཡི་མཐའ་རིམ་ཡོངས་ཟད་དུ།། ཟླ་གམ་གསལ་བའི་མཎ་ཌ་ལ་བྱ།། དེ་དག་མེ་ཀློང་འབར་བར་བསྐོར།། ཡ་ཐོག་ཟླ་གམ་སྟེང་དག་ཏུ།། དཔལ་དང་ལྡན་པའི་ལྷ་མཆོག་བཞུགས།། མཐིང་ནག་གྲུ་གསུམ་མེ་དཔུང་ཞི།། ་གྲུ་བཞིའི་དམར་པོ་བང་རིམ་ལ།། རགས་བཞི་ལྷ་མཆོག་དཔལ་ལྡན་གཞག། ཡན་ལག་མགོ་མཚན་གཡས་གཡོན་བརྒྱད།། དབང་ཕྱུག་གནས་ཀྱི་བདག་མོ་བརྒྱད།། བྲི་བྱ་ཡང་ན་མཚན་མ་གཞག། ཚིགས་ཆེན་བརྒྱད་པ། ་ཡུལ་བདག་བརྒྱད།། ཇི་ལྟར་འོས་པ་དེ་ལྟར་བྱའོ།། སྒོ་བཞི་གསང་བ་སྒོ་མར་གཞག། མཐའ་ཟད་ཡོངས་ཀྱི་ཟླ་ག་མ་ལ།། བུད་མེད་ཉི་ཤུ་རྩ་བརྒྱད་གཞག། མིང་ངམ་མཚན་མ་རྟེན་ཏེ་གཞག། དེ་ཡི་ཁ་ལ་ཐབ ་ཏུ་བཅིགས། ། པདུ་མ་དཔལ་བེའུ་དབྱིངས་འདྲ་ཐབ།། མཁས་པས་ཡམ་ཤིང་བརྩམ་པར་བྱ།། བྱ་བའི་བྱ་བ་ཐམས་ཅད་ཀུན།། གོང་དུ་སྦྱོར་བ་དེ་ལྟར་སྦྱོར་ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག ་པའི་མདོ་ལས་འཁོར་བ་ཐམས་ཅད་སྒྲོལ་བ་བསྒྲུབ་པ་ཞེས་བྱ་བའི་ལེའུ་སྟེ་ཉི་ཤུ་རྩ་གཅིག་པའོ། ། །། དེ་ནས་ཡང་སེམས་དཔའི་རྡོ་རྗེ་དེས་དུག་གསུམ་ཐུགས་སུ་དབང་སྒྱུར་བ་ཞེས་བྱ་བའི་མདོ་འདི་གསུངས་སོ།། འདུས་པ ་ཆེན་པོའི་རྣལ་འབྱོར་པ། ། དུག་གསུམ་དབང་དུ་སྐུར་བ་ཡང་།། འདི་ལྟར་ཁོང་དུ་ཆུད་པར་བྱ།། དུག་གསུམ་རང་བཞིན་གང་ཡིན་པ།། སྐུ་གསུམ་ཉིད་ཀྱི་དཔེ་སྟེ།། གཞན་ནིས་བཙལ་བ་ཅི་ཡང་མེད།། དེ་ལྟར་ཤེས་པར་འགྱུར ་པ་དང་། ཀུན་རྫོབ་ཚུལ་དུ་འདི་ལྟར་བསྐུར།། ཐམས་ཅད་གོང་མ་བཞིན་སྦྱར་ལ།། སྟེགས་བུ་འདོམ་གང་བཞིག་ལ།། ཕྱིར་དམར་པོ་རྒྱས་པར་བྱ།། དེ་ནས་ཐིག་ནག་གྲུ་གསུམ་བརྩིག། དེ་ནས་དམར་ནག་ཟླ་གམ་བྱ།། བླགས ་དབུས་སུ་དཔལ་ཆེན་འབར། ། དབང་ཕྱུག་གནས་བརྒྱད་ཟླ་གམ་མཐའ།། བང་རིམ་པར་ལ་དུར་ཁྲོད་འབར།། ཐ་མར་དམར་པོ་གྲུ་བཞི་ལ།། སྒོ་བཞི་སྒོ་སྲུངས་བཅས་པར་བྱ།། དེ་ཡི་མཐའ་མ་མི་རིས་བསྐོར།། ཐོབ་ཅུ་འབར་བར། ་རྟགས་རྣམས་དགོད་བསྟབ་དང་འཇུག་དང་དབང་སྐུར་རྣམས།། གོང་མ་བཞིན་དུ་སྦྱིན་པར་བྱ།། དེས་ནི་ཐམས་ཅད་རྫོགས་པ་ཡིན།། དྲག་གསུམ་ཐམས་ཅད་ཟིལ་གྱིས་གནོན་ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྗེ་རྗེ ་བཀོད་པ་ཀུན་འདུས་རིག་པའི་མདོ་ལས་དུག་གསུམ་དབང་སྒྱུར་བ་ཞེས་བྱ་བའི་བསྒྲུབ་པའི་ལེའུ་སྟེ་ཉི་ཤུ་རྩ་གཉིས་པའོ། ། །། དེ་ནས་སེམས་དཔའི་རྡོ་རྗེ་དམ་པ་དེས་བུད་མེད་ཐམས་ཅད་ལ་དབང་སྒྱུར་བ་ཞེས་བྱ་བའི་དཀྱིལ ་འཁོར་ཆེན་པོ་འདི་གསུངས་སོ། ། འདུས་པ་ཆེན་པོའི་ཚོགས་ཆགས་པ་ཐམས་ཅད་དབང་དུ་འདུ་བར་འདོད་ན་འདི་ལྟར་རིག་པར་བྱའོ།། བུད་མེད་ཆགས་པའི་རང་བཞིན་ཏེ།། ཆགས་པ་ཁྲག་ཁྲིག་རྒྱ་མཚོ་ཡི་ནི།། ལམ་ཀྱིས། ་འཁོར་བའི་སེམས་ཅན་རྣམས།། ཆགས་པ་ཁྲག་གི་རྒྱ་མཚོར་བྱིང་།། ཆགས་ལས་རྣམ་གྲོལ་འགོག་པ་སྟེ།། ཆགས་པ་དེ་ཉིད་ཁྲག་ཅེས་བྱ།། ཁྲག་གི་རྒྱ་མཚོ་བསྐམ་པའི་ཕྱིར།། བུད་མེད་ཁྲག་གི་རྒྱ་མཚོ་རྣམས།། འཚེ་བ ་བདུད་རྩིའི་རྒྱ་མཚོ་བསྐུར། ། དེ་ལྟར་ཤེས་པར་གྱུར་པ་དང་།། ཀུན་རྫོབ་ཚུལ་དུ་འདི་ལྟར་སྦྱར།། ལས་ཀྱི་བརྩམ་པ་ཕུན་སུམ་ཆོག། རིམ་པ་བཞིན་དུ་བརྩམས་ནས་ཀྱང་།། མཎ་ཌ་ལ་འདོམ་གང་གྲུ་བཞི་ལ།། འཁོར་ལོ་བཞི་ཡི ་བིག་ཏུ་གདབ། ། མུ་ཁྱུད་ཕྱི་རིམ་གྲུ་ཆད་བཞི།། སྒོ་ནས་སྒོ་ཁྱམས་དམར་པོར་བྱ།། ཀུན་གྱི་ཕྱི་རིམ་ལག་ཆུ་ཧྲའི།། མེ་རི་འབར་བས་གཏིབ་ཐག་གཅད།། དབུས་སུ་ཤར་ལྟ་ཟླ་གམ་བྲི།། བནད་དཔལ་ལྡན་ཡབ་ཡུམ་དགོད།། ་འཁོར་ལོ་བཞི་ལ་རིགས་བཞིར་ལྡན།། བར་འབྱམས་གཉིས་ལ་གནས་ཡུལ་རྣམས།། ཟླ་གམ་ཐིག་ལེར་ལྡན་པར་བྱ།། སྒོ་ཁྱམས་སྒོ་བཞི་ཟླ་གམ་བཅས།། ཕྱི་ཁྱམས་ལག་ཆུ་ཧཱ་ཡི་མེ།། མེ་ཡི་ཁྲོ་བོ་ཐོགཾ་ལེར་བཅས ་དུར་ཁྲོད་རྒྱན་གྱིས་ཀུན་བརྒྱན་བྱ། ། ཏིང་འཛིན་རྫོགས་དང་དངོས་བསྒྲུབ་དང་།། འཇུག་པ་དབང་བསྐུར་དངོས་གྲུབ་རྣམས།། གནས་བསྲུང་ལ་སོགས་རྫོགས་པར་བྱ།། ཞེས་གསུངས་སོ།། རྒྱུད་ཀྱི་རྒྱལ་པོ་རྡོ་རྗེ་བཀོད་པ ་ཀུན་འདུས་རིག་པའི་མདོ་ལས་འཁོར་ལོ་དབང་སྦྱར་གྱི་སྒྲུབ་ལུགས་ཀྱི་ལེའུ་སྟེ་ཉི་ཤུ་རྩ་གསུམ་པའོ། ། །། དེ་ནས་སེམས་དཔའི་རྡོ་རྗེ་དམ་པ་དེས་འདི་སྐད་ཅེས་བཀའ་སྩལ་ཏོ།། འདུས་པ་ཆེན་པོའི་ཚོགས་ཆོ། ཐམས ་ཅད་ནི་བདུད་རྩི་སྨན་གྱི་རང་བཞིན་དུ་ཤེས་པར་བྱའོ། ། དེ་ཅིའི་ཕྱིར་ཞེ་ན། འདི་ལྟར་སྣང་བའི་ཆོས་ཐམས་ཅད་ཀྱི་དོན་རྟོགས་ན་ནི་འཚེ་བ་ཆེས་ཉིད་ཀྱི་རྩི་ཡིན། མ་རྟོགས་ནས་ནི་འཆི་བ་འཁོར་བའི་དུག་ཡིན། དེ་བས་ན་ཆོས་འདི་ཐམ་ཅད ་བདྲད་ཅིའི་རང་བཞིན་དུ་ཤེས་པར་བྱའོ། ། དེ་ལྟར་ཤེས་ནས་ཀུན་རྫོབ་དུ་འདི་ལྟར་བསྒྲུབ་པར་བྱའོ།། ཇི་བཞིན་འབྱུང་ལྡན་པ་དེ་སྦྱར་ནས།། མ་ཏྲང་ལོག་པའི་སྙེང་ཀ་རུ།། འདོམ་གང་ཚད་དང་འཐུན་པ་ལ།། རྩིབས་བརྒྱད ་འབར་བའི་འཁོར་ལོར་གདབ། ། མེ་ཡི་འོད་ཀྱིས་བསྐོར་བར་བྱ།། རྡོ་རྗེ་རེབས་བསྐོར་བ་ཡི།། མཐའ་མ་སྒོ་ཁྱུད་འབར་བར་བྱ།། དབུས་སུ་རིན་ཆེན་ཟར་བརྒྱར་བྱ།། དེར་ནི་ཕྱག་རྒྱ་འབར་བ་དགོད།། ལང་ཀ་བསྒྲལ་བའི་གནས ་མཆོག་འདིར། ། རལ་པ་ཅན་གྱི་ཚོགས་འདུས་ཏེ།། རཀྵ་འཇོམས་པའི་མཐུ་ཆེན་ཀུན།། སྲིད་པ་གསུམ་རིལ་འདིར་སྒྲོལ་བའོ།། དུས་བཞི་མཆོད་པའི་ངས་རྫས་ཀྱིས།། དེ་དག་ཇི་ལྟར་རིགས་པར་མཆོད།། དུས་བཞི་བཅུད་སྨིན་སྙིང་པོ་ཡིས།། ་དངོས་གྲུབ་ཆེན་པོའི་རྗེས་སུ་བྱ།། ཕྱོགས་བཞི་དབུས་ཀྱི་རྫས་ཆེན་རྣམས།། རྨད་དུ་བྱུང་བའི་རལ་པ་ཅན།། འབྱུང་བ་ལྔ་ལ་དབང་སྒྱུར་མཛད།། འབྱུང་བ་ལྔ་ཡི་ཆོ་འཕྲུལ་སྒྲུབ།། དབྱར་ཆུ་སྟོན་མེ་དགུན་ས་སྟེ།། དཔྱིད་རླུང་ནམ་མཁའ་གས ་བར་སྦྱར། ། ཆོ་འཕྲུལ་དེ་ལ་དབང་ཐོབ་ནས།། དེ་དག་རལ་པ་ཅན་དུ་བསྒྲུ་བ།། ཏིང་འཛིན་རྣམ་པ་ལྔ་གསལ་བས།། འབྱུང་ལྔ་ལས་བྱུང་ཤ་རིགས་ལྔ།། ཁྱི་ཤ་བ་གླང་རྟ་ཤ་དང་།། བྱ་དང་རི་དགས་སྣ་ཚོགས་ནི།། རྫུ་འཕྲུལ་ཤུག་སུ་སྒྲུབ་པའི ་རྫས། སྒྲུབ་པའི་རྫས་ཆེན་འབྱུང་ཆེན་ལྔ།། འཇིག་རྟེན་ཀུན་ལ་དབང་སྒྱུར་བའི།། དེ་ལྟར་རྫས་རྣམས་འབྱོར་པ་དང་།། ཏིང་འཛིན་བསྒོམ་དང་བསྒྲུབ་པ་དང་།། ཐམས་ཅད་གོང་དང་མཐུན་སྦྱར་ནས།། འཇུག་དང་དངོས་གྲུབ་དབང་ཆེན ་རྣམས། ། ཅི་རིགས་པར་ནི་བདེ་བར་སྦྱར་ཞེས་གསུངས་སོ།། བདུད་རྩི་རང་བྱུང་དཀྱིལ་འཁོར་ཞེས་བྱ་བའི་མདོ་བཤད་པའོ།། དེ་ནས་ཡང་སེམས་དཔའ་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་རྣལ་འབྱོར་པ།། གཞན ་ཡང་བདུད་རྩི་ཆེན་པོ་ནི། ། གོང་མ་བཞིན་དུ་ལེགས་སྦྱར་ནས།། མཎ་ཌ་ལ་ཆད་དང་འཐུན་པ་ལ།། པད་མ་དམར་པོ་འོད་ཀྱི་མཁའ།། ཕྱི་རིམ་ཟླ་ག་མ་དམར་པོ་བཞི།། རྡོ་རྗེ་འབར་བས་མཛེས་པར་བསྐོར།། མེ་ལྕེ་འབར་བའི་ཕྲེང་བ་ནི། རྦ། ་གམ་མཐའ་ཟད་བྲི་བར་བྱ།། རིན་ཆེན་གེ་སར་ཕྲེང་བས་ནི།། པད་མའི་ལྕེ་ལ་བསྐོར་བར་བྱ།། སྒོ་བཞི་རིན་ཆེན་འབར་བར་བྱ།། ཕྱག་རྒྱ་འབར་བའི་ལྷ་བཀོད་ནི།། དབུས་སུ་གསེར་པོར་སུལ་མེད་ལ།། དུང་ཆེན་འཁོར་བ་ཅན་གྱིས་སྦྱང ་ཤར་དུ་ཤེལ་པོར་སུལ་འགྲེང་ལ། ། རིན་ཆེན་མཛོད་སྔ་གསལ་བས་སྦྱར།། ལྷོ་རུ་རིན་ཆེན་སུལ་མངས་ལ།། རིན་ཆེན་ལོ་འད་བ་རྒྱས་པས་སྦྱར།། ནུབ་དུ་རྒྱ་ཕོར་ཟླག་མ་ལ།། བཞིན་མཚམས་རིན་ཆེན་འབུར་གཉིས་སྦྱར།། བྱང་དུས ་པོར་རྒྱ་གྲམ་ལ། ། གཙུག་ཏོར་རིན་ཆེན་འབུར་བཞི་རྒྱས།། རྩ་བ་ལྔ་ནི་ཕྱོགས་ཕྱོགས་སྦྱར།། སྒོ་ལྔའི་གཙོ་བོ་རིགས་སུ་སྦྱར།། དབུས་ནས་ཤར་ལྷོ་ནུབ་བྱང་དུ།། ཀ་ཀོ་ལ་དང་དུ་རུ་ཀ། འཛ་ཏི་བ་ལ་ཁ་དྲི་ཞིམ།། ལྕེ་པོག་དཀར་བྲེརམ ་པར་སྦྱར། ། དེ་བཞིན་གོང་གི་རིམ་པ་བཞིན།། ཨ་རུ་ར་དང་ག་པུར་དང་།། གུར་ཀུམ་པད་མ་ལི་ག་ཏུར།། དེ་ན་ར་ས་ཡ་ན་རྣམས།། ཐམས་ཅད་རིགས་དང་ཁ་དོག་དང་།། ལས་དང་འཐུན་པར་སྦྱར་བར་བྱ།། ས་བོན་ལྔ་ནི་རིམ་པར་སྦྱར།། དཔལ ་དང་ལྡན་པའི་སྣོད་ནང་དུ། ། ཡབ་ཡུམ་སྙིང་པོ་རིམ་བཞིན་བྱ།། དབུས་དད་པད་མ་ལྕེ་ལ་དགོད།། གནས་ཡུལ་ལ་སོགས་མཛེས་པར་གཞག། དུར་ཁྲོད་རྫས་དང་བཀྲ་ཤིས་རྫས།། འབྱོར་པའི་ཡོ་བྱད་ཐམས་ཅད་བཤམ།། དེ་ན་བྱིན ་ཕབ་དངོས་གྲུབ་གསོལ། ། ཐམས་ཅད་རྣམ་པར་སྦར་བར་བྱ།། དམ་པ་དེ་ཉིད་གསང་ཆེན་གྱི།། རིགས་བརྒྱ་རིགས་ལྔ་རིགས་གཅིག་གིས།། ཐམས་ཅད་སྦྱང་བའི་མཆོག་ཏུ་བྱ།། དེ་ནས་ཁྲོལ་བུ་སྦྱང་བ་ན།། བསལ་བསྔོ་བསྡུ་དང་དབྱེ་བ ་དང་། ཁྲུས་བྱ་བ་དང་བཤགས་པ་དང་།། ཡོན་ཏན་བརྗོད་དང་བྱིན་དབབ་བྱ།། དེ་ནས་སྐད་ཅིག་ཐང་ཅིག་གམ།། ཞག་གཅིག་དག་གིས་སྦྱར་བར་བྱ།། རྟགས་དག་བྱུང་ན་དེར་འབྱོངས་པའོ།། ཕྱེ་མའི་མཆོག་ཏུ་སྦྱར་བ་ནི།། སྣོད་ཀྱི་སྨན་རྣམས ་ཤེས་རབ་མས། ། བསྡུས་ཏེ་བཏག་པའི་ཆོ་ག་ཡང་།། ཡུམ་གྱིས་བཟུང་ཞིང་ཡབ་ཀྱིས་བཏག། རིགས་འཛིན་རྩལ་ཅན་དབབ་ཅིང་དྲང་།། སོ་སོ་ལས་ཀྱི་སྔགས་བརྗོད་ཅིང་།། གཏན་གཏུན་ཐབས་དང་ཤེས་རབ་སྟེ།། སྨན་ཉིད་བྱང་ཆུབ་སེམས ་སུ་སྦྱར། ། རྡོ་རྗེ་ཀླུ་འདི་ལྷ་མོས་བླང་།། ཀུན་དུ་བཟང་མོའི་གཞལ་ཡས་སུ།། ཐབས་དང་ཤེས་རབ་ལྡན་པ་ལས།། འཁོར་བ་བདུད་རྩི་སྨན་དུ་སྦྱར།། ཡེ་ཤེས་ལྔ་རུ་གསལ་བ་ལས།། འབྲས་བུ་སུ་གསུང་ཐུགས་སུ་རྫོགས།། འཆི་མེད ་བདུད་རྩིས་གཙང་རྙིང་སྤྱད། ། མཚན་མ་བརྟག་ཕྱིར་གཅལ་ནས་ནི།། རྡོ་རྗེ་དཔལ་ལྡན་འསྒྱུར་བླུགས།། ཁ་དོག་རིགས་ལྔའི་རས་ཀྱིས་བཀྲི།། རྡོ་རྗེ་དབང་གི་རྒྱ་ཡིས་གདབ།། རྡོ་རྗེ་སྔགས་ཀྱི་གཟུངས་ཀྱིས་གདགས།། དཔལ་ཆེན་སྐུ་ལྔར་མངའ ་གསོལ་ཏེ། ། ཡེ་ཤེས་ལྔ་ཡི་དབང་བསྐུར་བྱ།། མཎ་ཌ་ལ་དག་ཏུ་དགོད་པར་བྱ།། ཀུན་གྱིས་བསྐོར་ཞིང་དངོས་གྲུབ་དབབ།། རྩི་དང་སྨན་གྱི་བདག་པོ་དང་།། རྟགས་ལྡན་རིག་འཛིན་ཕྲ་མོ་དག། རོལ་མོ་ཆ་བྱད་མང་པོས་བསྟེན།། བསྒྲུབ་པ ་འབྲུ་མཆོག་གཏམས་པས་དགད། ། བཀྲ་ཤིས་གོས་ཀྱིས་རྒྱས་པར་ཀླུ་བ།། གཟུངས་ཐག་གཉེར་ཅན་རིགས་སུ་དབུལ།། ཏིང་འཛིན་མ་ཡིས་རྣམ་པར་སྦྱད།། རྟགས་ཆེན་ལྔ་ནི་གང་བྱུང་ཡང་།། སྦྱར་ཏེ་དངོས་གྲུབ་བླང་བར་བྱའོ།། བདུད་རྩིསྒྲ ་ལས་དྲངས་ནས་ནི། ། དཔལ་ལྡན་པད་མ་ལྡན་པ་རུ།། ཐམས་ཅད་བདུད་རྩིར་ས་མ་ཡ།། མཁའ་གློང་ཡངས་པར་བདེ་ཆེན་རྫོགས།། རང་ཉིད་བདུད་རྩིའི་དཀྱིལ་འཁོར་རྫོགས།། གཞན་ནས་བསྒྲུབ་པ་ཅི་ཡང་མེད།། འཇུག་པ་ལ་སོས ་ཐམས་ཅད་ཀྱང་། ། ཚུལ་བཞིན་དུ་ནི་རྒྱས་པར་བྱ་ཞེས་གསུངས་སོ།། བདུད་རྩི་ཕྱེ་མའི་བསྒྲུབ་པ་རྣམ་པར་བཤད་པའོ།། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདྲེས་པ་ཆེན་པོའི་རྣལ་འབྱོར་པ། ་ཐམས་ཅད་དེ་འདྲར་སྦྱར་ནས་ཀྱང་།། མཎ་ཌལ་འཁོར་ལོ་རྩིབས་བརྒྱད་ལ།། ཕྱག་བརྒྱའི་ལྷ་རྣམས་རྫོགས་བྱས་ནས།། སྨན་སྦྱང་བཏགས་བཙགས་གཙལ་ནས་ཀྱང་།། སྦྲང་ཆང་འོམས་གོང་བུར་བྱ།། བསེ་པོར་མཚན ་ལྡན་ནང་དུ་བཞག། ལེགས་པར་ཁ་སྦྱར་རས་ཀྱིས་བཀྲི།། གོང་མ་བཞིན་དུ་ཀུན་སྦྱར་ནས།། དངོས་གྲུབ་མཆོག་ནམས་བདག་གིས་བྱ་ཞེས་གསུངས་སོ།། བདུད་རྩི་རི་ལུའི་ཆོ་ག་རྣམ་པར་བཤད་པའོ།། དེ་ནས་ཡང་སེམས ་དཔའི་རྡོ་རྗེ་དེས་འདི་སྐད་ཅེས་གསུངས་སོ། ། འདུས་པ་ཆེན་པོའི་རྣལ་འབྱོར་པ།། སྐྱོ་མའི་ཆོ་ག་འདི་ལྟ་སྟེ།། ཐམས་ཅད་གོང་མ་བཞིན་སྦྱར་ནས།། མཚན་མ་གསལ་པོ་འབྱུང་བ་དང་།། ཕྱེ་མཆུ་ཚགས་ནང་ནས་དབྱུང་།། ཕྱེ་མའི ་མཆོག་ཏུ་གྱུར་པ་དང་། ། ཕྱེ་མའི་རྒྱལ་མོ་དེ་དག་ནི།། བསེ་ཕོར་ཁ་སྦྱར་ནང་དུ་བླུགས།། རྒྱས་བཏབ་བྱིན་བརླབས་དབང་སྐུར་ནས།། བཟླས་བརྗོད་འཕྲོ་འདུ་རྒྱུན་མི་ཆད།། སྦྲང་ཆང་རྒྱ་ཆད་བུ་རམ་ཆད།། རྒུན་ཆད་འོ་མ་ལས ་སོགས་པ། ། བཅུད་ཀྱི་ཁུ་བ་ཐམས་ཅད་སྦྱར།། རིན་ཆེན་གའུ་མཚན་ལྡན་དུ།། བླུགས་ཏེ་ཁ་སྦྱར་རྒྱས་བཏབ་ནས།། འཕྲོ་འདུ་བཟླས་བརྗོད་གོང་མ་བཞིན།། བྱས་ཏེ་མཚན་མ་བྱུང་བ་དང་།། དངོས་གྲུབ་ཆེན་པོ་བླང་བར་བྱ།། ་བྱེ་མའི་སྒྲུབ་རྫས་དེ་དག་ནི།། ཆ་ལྔ་དག་ཏུ་བགོས་ནས་ཀྱང་།། རྣལ་འབྱོར་སོ་སོའི་ཆ་རྣམས་ལས།། ཅི་རན་ཙམ་གྱི་ཆ་གཅིག་དང་།། སྦྱར་ཆད་ཆ་ལྔར་བགོས་པ་ལས།། རྣལ་འབྱོར་སོ་སོའི་ཆ་རྣམས་ལས།། སྦྱར་ཏེ་དངོས ་གྲུབ་ཏེ་ན་དྲ་བྱ། ། ཟླ་བ་གཅིག་ཏུ་ཟོས་པས་ནི།། བ་སྤུ་རངས་ཤིང་གཉེར་མ་རངས།། ཟླ་བ་གཉིས་སུ་ཟོས་བྱས་ན།། གཟི་མདངས་ཐམས་ཅད་འབར་བར་འགྱུར།། ཟླ་བ་གསུམ་གྱི་ཕན་ཡོན་གྱིས།། ནད་ཀྱི་སྐལ་བ་དག་ལས་ཐར།། ་ཟླ་བཞི་ཕན་ཆད་གང་ཟག་གི། ཟས་དང་མ་འདྲེས་བརྩོན་བསྒྲུབས་ན།། གཞན་གྱི་ནད་རྣམས་འཇོམས་པར་ནུས།། དྲུག་དང་བདུན་དང་བརྒྱད་རྣམས་ལ།། བདུད་རྩི་བཅུད་ཀྱིས་འཚོ་བར་འགྱུར།། དག་དང་བཅུ་ལ་ཟག་པ་ཟད་།། ་བཅུ་གཅིག་རིག་འཛིན་ནམ་མཁར་འཕུར་ཞེས་གསུངས་སོ།། བདུད་རྩི་སྐྱོ་མའི་བསྒྲུབ་པ་རྣམ་པར་བཤད་པའོ།། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་རྣལ་འབྱོར་པ།། རྡོ་རྗེ ་རིག་འཛིན་རྩལ་ལྔའི་ཟས། ། འདེ་གུའི་ཆོ་ག་ཆེན་པོ་ནི།། འདི་ལྟར་ཁོང་དུ་ཆུད་པར་བྱ།། སྦྲང་རྩི་བུ་རམ་རྒུན་འབྲུམ་རྣམས།། ལོ་ཡི་འཚེ་བར་སྦྱར་ནས་ཀྱང་།། ཁ་དོག་མཚན་ལྡན་དམར་པོའི་བ།། ལོ་ཡི་མཚོ་བར་གཟུང་ཞིང ་བསྲེལ། སྨན་གྱི་རྒྱལ་མོ་རམ་མཉེ་བས།། རྒྱུན་དུ་གསོས་པའི་འོ་མ་དེ།། རིགས་འཛིན་ཟས་ཀྱི་མཆོག་ཏུ་འགྱུར།། བདུད་རྩི་རྒྱལ་མོ་རབ་མཉེ་བ།། ཕྱེ་མའི་མཆོག་ཏུ་བྱས་ནས་ཀྱང་།། ལོ་ཡི་འཚོ་བའི་སྦྱར་བྱས་ཏེ།། སུས་མི ་མཐོང་བའི་ས་ཕྱོགས་སུ། ། བསྒྲུབ་རྫས་དེ་དག་བཀྲམ་ནས་ཀྱང་།། བདུད་རྩི་བསྒྲུབ་པ་དེ་བཞིན་བྱ།། དུས་ལ་བབ་པའི་ཚད་རྣམས་ལ།། བསྒྲུབ་རྫས་དེ་དག་ཐམས་ཅད་ཀྱང་།། བ་ཡི་འོ་མས་འདེ་གུར་བྱ།། ཆ་རེས་བསྐྱེད་ཅིང་བཟའ ་བར་བྱ། ཟོས་པའི་ཡོན་ཏན་བསེམ་མི་བྱབ།། ཟག་པ་ཟད་ནས་ནམ་མཁར་འགྲོ་ཞེས་གསུངས་སོ།། བདུད་རྩི་འདེགུའི་བསྒྲུབ་པ་རྣམ་པར་བཤད་པའོ།། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས ་བ་ཆེན་པོའི་རྣལ་འབྱོར་པ། ། འདི་ཡང་གོང་མ་ལྟར་བྱས་ཏེ།། དེ་དང་མི་འཐུན་བསྒྲུབ་རྫས་རྣམས།། བདུད་རྩིར་འགྱུར་བའི་སྨན་རྣམས་ཀུན།། ཐམས་ཅད་ཐམས་ཅད་བསྡུ་བར་བྱ།། ཏིལ་ཆེན་ལ་སོགས་ཞུན་གྱི་མཆོག། ་ཐམས་ཅད་བསྡུས་ཤིང་སྦྱར་བྱས་ནས།། གནས་ཀྱང་གོང་མ་བཞིན་བཙལ་ཏེ།། བདུད་རྩི་བཀྲམ་ནས་བསྒྲུབ་པར་བྱ།། འཕྲོ་འདྲ་བཟླས་བརྗོད་རྒྱུན་མི་གཅད།། གྲུབ་པའི་རྫས་སུ་གྱུར་པ་དང་།། སྨན་རྣམས་ཕྱེ་མར་བཏག ་བར་བྱས། ། དེ་དག་ཕྱེ་མར་གྱུར་པ་དང་།། ཞུན་ཆེན་དག་དང་སྦྱར་བར་བྱ།། སྦྱོར་བའི་ཆོ་ག་རྫོགས་པ་དང་།། དངོས་གྲུབ་མཆོག་ནི་བླང་བར་བྱ།། གཞན་ནམ་གཞན་གྱི་སྡེ་བ་དང་། ལོ་ཡིས་བཤུགས་ཏེ་འཕྲད་མི་བྱ།། འཚོ་བ་བདུད་ཅི ་ཐུན་གྱིས་སྦྱར། ། བདུད་ཅི་གྲུབ་པའི་རྟགས་ཆེན་ནི།། བ་སྤུ་ལངས་དང་གཟི་མདངས་འབར།། ཁམ་གྱི་ཟས་བྲལ་བདེ་བར་འཚོ།། ཤེས་རབ་གསལ་ཞིང་ཐོགས་པ་མེད་།། ཟག་བཟད་ནས་ནམ་མཁར་འགྲོ།། ཞེས་གས ་སོ། བདུད་རྩིའུ་ཆེན་གྱི་བསྒྲུབ་པ་བཤད་པའོ།། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་རྣལ་འབྱོར་པ།། རློན་པའི་རྫས་ལ་སྨན་བསྒྲུབ་ན།། ཐམས་ཅད་གོང་མ་བཞིན་སྦྱར་ནས། ་མཎ་ཌ་ལ་ཐིག་ལེ་ལྔ་པ་ལ།། བཀྲ་ཤིས་དཔལ་ལྡན་ལྔ་གཞག་ནས།། གཙོ་བོ་ལྔ་དང་འབྲས་བུ་ལྔ།། རློན་པར་བཀོད་ན་ས་ཡི་གྲེ་སྦྱང་།། ཏིང་འཛིན་བཟླས་པའི་མེ་སྦར་བས།། དང་པོ་རོ་འབྱུང་སྐམས་པ་དང་།། དེ་ནས་བརྟག་བཙག ་གོང་མ་བཞིན། ། སྦྱར་ནས་རིགས་ཀྱིས་བསྙེན་པས་སྦྱང་།། དེས་ནི་མཚན་མ་བྱུང་བ་དང་།། དེ་བཞིན་གོང་ལྟར་ཅི་བདེར་སྤྱད།། ཅེས་གསུངས་སོ།། བདུད་རྩི་བློན་སྦྱོར་གྱི་བསྒྲུབ་པ་བཤད་པའོ།། རྒྱུད་ཀྱི་རྒྱལ་པོ་རྡོ་རྗེ་བཀོད་པ ་ཀུན་འདས་རིག་པའི་མདོ་ལས་བདུད་རྩི་སྨན་གྱི་བསྒྲུབ་པའི་ལེའུ་སྟེ་ཉི་ཤུ་རྩ་བཞི་པའོ། ། ། དེ་ནས་སེམས་དཔའི་རྡོ་རྗེ་ཆེན་པོ་དེས་བསྒྲུབ་པ་ཐམས་ཅད་ཀྱི་སྙིང་པོ་གསང་ཆེན་ཐུགས་ཀྱི་བསྒྲུབ་པ་ཞེས་བྱ་བ་འདི་བཤད་དོ།། དྲུ ་པ་ཆེན་པོའི་རྣལ་འབྱོར་པ་ཐམས་ཅད་ནི་དབྱིངས་སུ་ཤེ་བར་བྱ་སྟེ། འཁོར་བའི་ཆོས་ཐམས་ཅད་ནི་དབྱིངས་སུ་འདུས་ལ། མྱ་ངན་ལས་འདས་པའི་ཆོས་ཐམས་ཅད་ནི་ཡེ་ཤེས་སུ་འདུས་སོ།། དེ་གཉིས་སུ་མེད་པ་ནི་ཆོས།། ་ཉིད་བྱང་ཆུབ་སེམས་ཀྱི་བདེ་བ་ཆེན་པོར་འདུས་པར་ཤེས་པར་གྱིས་ཤིག། དེ་བས་ན་ཆོས་ཐམས་ཅད་ནི་ཐུགས་ཡེ་ཤེས་ཀྱི་རང་བཞིན་དུ་འདུས་ཏེ་གཉིས་སུ་མེད་དོ།། དེ་ལྟར་ན་ཀུན་རྫོབ་དུ་འདི་ལྟར་རིག་པར་བྱ་སྟེ།། གཉིས་སུ ་མེད་པའི་དོན་ལ་འཇུག་པར་བྱའོ། ། འདུས་པ་ཆེན་པོའི་རྣལ་འབྱོར་པ།། དམ་པའི་དོན་གྱི་ཆོས་རྣམས་ཀུན།། ཐམས་ཅད་རང་གི་སེམས་ལ་རྫོགས།། ཀུན་རྫོབ་ཆོས་རྣམས་གང་ཡིན་པ།། ལུས་དང་ངག་ལ་རྫོགས་པར་བཤད།། ་དེས་ར་ཆོས་འདི་ཐམས་ཅད་ཀྱང་།། རྩ་བ་རང་ལ་རྫོགས་པ་སྟེ།། འདི་དག་བསྒྲུབ་པའི་ཐབས་མཆོག་ཀྱང་།། རྣམ་པར་རྟོག་པའི་རྡུལ་གསལ་ནས།། བསྒྲུབ་པའི་རྒྱལ་པོ་ཡབ་ཡུམ་གཉིས།། དོན་ལ་མཁས་པར་བྱས་ནས་ནི། ་སོ་སོའི་ཐུགས་ལ་ཐིག་ལེ་དག། ཟླ་གམ་དཀར་དམར་གདབ་པར་བྱ།། དེ་ཡི་རྫས་མཆོག་ཆེན་པོ་ཡང་།། ཐབས་ཀྱི་ག་པུར་ཆེན་པོ་དང་།། ཤེས་རབ་གསང་བའི་ཙན་དན་གཉིས།། དཀར་དམར་ཟླ་གམ་ཆེན་པོར་བྱ།། ཡབ་ཀྱི ་ཐུགས་ཀར་དཀར་པོ་ལ། ། ཐིག་ལེ་ཁ་ནི་མར་ལྟ་བའོ།། ཡུམ་གྱི་ཐུགས་ཀར་དམར་པོ་ལ།། ཐིག་ལེ་ཁ་ནི་མར་ལྟ་བའོ།། ཡབ་ཀྱི་ཐིག་ལེའི་དབུས་སུ་ནི།། དཔལ་བེའུ་དབུས་སུ་ཉི་མ་བྲི།། དབུས་སུ་ཨོཾ་གསལ་ནང་དུ་ཧཱུཾ། ་ཡུལ་གྱི་ཐག་ལའི་དབུས་སུ་ནི།། པད་མ་དབུས་སུ་ཟླ་བ་བྲི།། དབུས་སུ་ཨ་གསལ་ནང་དུ་ཧཱུཾ།། དེ་ལྟར་གསལ་བར་གྱུར་པ་ན།། ཀུན་དུ་བཟང་པོ་ཡབ་ཡུམ་དུ།། གཉིས་སུ་མེད་པར་བསྒྱུར་བར་བྱ།། ཏིང་འཛིན་གསལ་བར་གྱུ ་པ་དང་། རང་ལས་བྱུང་བའི་བདུད་རྩི་ཡིས།། གསང་བ་གཉིས་ཀྱི་མཆོད་པ་བྱ།། རང་ལས་བྱུང་བའི་དངོས་གྲུབ་དག། རང་ཉིད་ས་ནི་བསྟིམ་པར་བྱ།། འདི་ལྟར་སྒྲུབ་པ་གཙོར་བྱེད་ན།། བདུད་རྩིའི་ཡོ་བྱད་ཐམས་ཅད་དང་།། བཅུད་ཀྱི ་མཆོག་ཏུ་གྱུར་པ་རྣམས། ། ལོ་ཡི་འཚོ་བར་སྦྱར་ནས་ཀྱང་།། བསྙེན་བསྒྲུབ་ཡན་ལག་རྣམ་བཞི་ལས།། བསྙེན་བདག་གི་དུས་སུ་ནི།། གང་ཟག་མི་ཡི་ཟས་ལ་རྟེན།། དེ་ཡང་ལོ་ཡོ་སྐད་ཅིག་གམ།། གཉིས་དང་གསུམ་གྱི་བར་དུ ་སྦྱར། ལོ་ཡི་སྐད་ཅིག་བར་དུ་ནི།། བདུད་རྩི་ཡོ་བྱད་རྣམས་ལ་རྟེན།། དེ་ནས་ལོ་ཡི་སྐད་ཅིག་ནི།། གཅིག་གམ་གཉིས་ཀྱི་བར་དག་ཏུ།། རང་ལས་བྱུང་བའི་རྫས་རྣམ་ལྔས།། འཕགས་པ་མཆོད་ཅིང་རང་གིས་བཟའ།། དེས་ནི་དྲང ་ལ་གནས་པར་འགྱུར། ། དྲོང་ཐོབ་གྱུར་པ་ཕན་ཆད་ནི།། ལོ་ཡི་སྐད་ཅིག་ཐང་ཅིག་གིས།། ཏིང་འཛིན་ཟས་ཀྱི་རོ་རྙེད་ནས།། ཁམ་གྱི་ཟས་དང་བྲལ་བར་འགྱུར།། དྲོད་ཆེན་རྣམ་གསུམ་རྫོགས་ནས་ནི།། རྟགས་ཆེན་དག་ནི་ཐོབ ་པར་འགྱུར། ། རྟགས་ཀྱི་ཆོ་འཕྲུལ་འབྱུང་བ་ནི།། རིན་ཆེན་ཕུང་པོ་འདོད་པ་ན།། ས་རྡོ་ལ་སོགས་བྱས་ནས་འགྲུབ།། ཆུ་དང་མཁའ་ལ་འགྲོ་འདོད་ན།། བརྩམས་པས་མི་འབྱིང་ཐོགས་མེད་འགྲོ།། མེ་ཡི་ཕུང་པོ་འཇིལ་འདོད་ན།། ་སྡིགས་པའི་འཛུབ་མོ་ཕྱར་ནས་ཀྱང་།། འདྲེན་པའི་བསྒོ་བ་བྱས་པས་འགྲུབ།། དེ་ལ་སོགས་པ་ཐམས་ཅད་ནུས།། རྟགས་ཐོབ་ཕན་ཆད་སངས་རྒྱས་ཡིན་ཞེས་གསུངས་སོ།། གསང་ཆེན་ཐུགས་ཀྱི་བསྒྲུབ་པ་བཤད་པའོ།། རྒྱུད ་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་རྒྱུད་ལས་བཀའ་གསང་འཁོར་ལོའི་བསྒྲུབ་པའི་ལེའུ་སྟེ་ཉི་ཤུ་རྩ་ལྔ་པའོ། ། །། དེ་ནས་བཅོམ་ལྡན་འདས་སེམས་དཔའི་རྡོ་རྗེ་དེ་རྡོ་རྗེ་མེ་ཀློང་འབར་བ་ཞེས་བྱ་བའི་ཏིང་ངེ ་འཛིན་ལ་སྙོམས་པར་ཞུགས་སོ། ། དེ་ནས་འདུས་པའི་ཚོགས་ཐམས་ཅད་ཀྱིས་ཆོས་ཐམས་ཅད་མའི་རང་བཞིན་དུ་སྣང་བར་མཐོང་ངོ་།། དེ་ནས་འཁོར་རྣམས་ཀྱིས་ཤིན་དུ་བསྟོད་པ། ཨེ་མའོ་སེམས་དཔའ་ཆེ་བ་ཆེ།། ཏིང་འཛིན ་ཆེན་པོ་སྣང་བ་ཆེ། ། ཆོ་འཕྲུལ་ཆེན་པོ་སྣ་ཚོགས་ཆེ།། ཐབས་མཆོག་ཁྱོད་ལ་ཕྱག་འཚལ་ལོ།། ཆོས་ཀུན་མེ་ཀློང་བཞིན་དུ་སྣང་།། མེ་ཉིད་ཡེ་ཤེས་གསལ་བའི་གློང་།། འབར་འབྲོ་གསལ་བར་གྱུར་པས་ནི།། མུན་གསལ་དངོས་པོ ་ཐམས་ཅད་བསྲེགས། ། བདེ་ཆེན་དབྱིངས་སུ་ཀུན་རྫོགས་པར།། དཔའ་བོ་ཁྱོད་ཀྱིས་མཛད་པ་ལེགས།། ཐུགས་རྗེ་ཆེན་པོ་ཨ་ལ་ལ།། དོན་གྲུབ་ཆེན་པོ་ཨ་ལ་ལ།། སྒེག་པ་ཆེན་པོ་ཨ་ལ་ལ།། འཇིགས་བྱེད་ཆེན་པོ་ཨ་ལ་ལ། ་དགྱེས་པ་ཆེན་པོ་ཨ་ལ་ལ།། དྲེགས་པ་ཆེན་པོའི་ཨ་ལ་ལ།། དཔའ་བོ་ཁྱོད་ཀྱི་བྱིན་རླབས་ཀྱིས།། བདག་ཅག་རྣམས་ལ་བཤད་པ་ཤོད།། མེ་ཡི་རང་བཞིན་ཆེན་པོ་དག། བདག་ཅག་རྣམས་ལ་བཤད་པར་གསོལ་ཞེས ་གསོལ་བ་བཏབ་པ་ལས། ། སེམས་དཔའི་རྡོ་རྗེས་དགྱེས་ཏེ་འདི་སྐད་ཅེས་བཀའ་སྩལ་ཏོ།། འདུས་པ་ཆེན་པོའི་རྣལ་འབྱོར་པ།། རྡོ་རྗེ་མེ་ཡི་རང་བཞིན་དག། བཤད་ཀྱི་ཁྱོད་རྣམས་གུས་པར་ཉོན།། རྡོ་རྗེ་མེ་ཡི་ལས་མཆོག་འདིས ་རྣལ་འབྱོར་ཐབས་སུ་བདེ་སྦྱར་བས། ། རྒྱལ་བ་ཀུན་མཉེས་ཀུན་བསྲེག་སྐོངས།། དོན་གྲུབ་ལས་ཀྱི་མཆོག་ཏུ་བཤད།། སྐྱེ་མེད་རྣམ་དག་ཧོམ་ཁུང་དུ།། ཆོས་ཅན་སྐྱེ་བའི་ཡམ་ཤིང་ལ།། སྤྲོས་མེད་བྱང་ཆུབ་ཡེ་ཤེས་མེས།། ་མཚན་མའི་བག་ཆགས་བསྲེགས་སྦྱངས་ཐིམ།། རྣམ་དག་བྷ་གའི་ཧོམ་ཁུང་དུ།། ཆགས་པའི་ཡམ་ཤིང་སྤངས་པ་ལ།། བདེ་ཆེན་བྱང་ཆུབ་མེ་སྤར་ཏེ།། འཁོར་བའི་དངོས་པོ་བསྲེགས་སྦྱངས་ཐིམ།། དཔལ་ཆེན་ཞལ་གྱི ་ཧོ་མ་ཁུང་དུ། ། ཉོན་མོངས་ལྔ་ཡི་ཡམ་ཤིང་ལ།། ཡེ་ཤེས་ལྔ་ཡི་མེ་སྤར་ཏེ།། གཟུང་འཛིན་རྫས་རྣམས་བསྲེགས་སྦྱངས་ཐིམ།། སྣང་སྲིད་ནམ་མཁའི་ཧོམ་ཁུང་དུ།། འབྱུང་བ་བཞི་ཡི་ཡམ་ཤིང་ལ།། ཕྱག་རྒྱའི་ཚོགས། ་ཀྱི་མེ་སྤར་ཏེ།། སྣང་སྲིད་དངོས་པོ་སྲེགས་སྦྱངས་ཐིམ།། ལས་བཞི་སོ་སོའི་ཁྱད་པར་གྱིས།། ཕྱོགས་དང་ཁ་དོག་དབྱིབས་དང་རྫས།། ཇི་ལྟར་ཡིན་པ་དེ་ལྟར་སྦྱར།། ཤར་ལྷོ་ནུབ་བྱང་དཀར་སེར་དམར།། མཐིང་ཀནག་པ་ཐལ ་མདོག་སྦྱར། ། ཟླུམ་པོ་པད་མ་ལེའུ་རྩེ་ཞི།། འཁོར་ལོ་གྲུ་བཞི་ཟུར་བརྒྱད་རྒྱས།། ཟླ་གམ་གྲུ་ཆད་གཞུ་དབྱིབས་དབང་།། གྲུ་གསུམ་བྷ་ག་ཁ་མངོན་སྦྱོར།། སུམ་བརྩེགས་མདངས་དང་རི་བོ་མཛེས།། ལས་ཀྱི་ཡམ་ཤིང་རྫས་ཀྱི་རྒྱས།། ་ཡེ་ཤེས་རྡོ་རྗེའི་ལས་རྒྱུད་ལྡན།། བླ་མ་གསུམ་གྱི་ཐབས་མཆོག་སྦྱར།། དག་པའི་མཐའ་འཛིན་ཉེས་མཆོག་འཛིན།། རྡོ་རྗེ་གསང་བའི་ཀླུ་བྲོ་ག་རོ།། མཆོད་པ་གསང་བ་དུས་ཚིགས་སྦྱོར།། རྡོ་རྗེ་ལམ་གྱི་སྨོན་ལམ་སྦྱར།། གསང ་བ.ལས་ཀྱི་རྒྱུད་ལྡན་པས། ། བཤར་གདབ་ཞི་བའི་ལྷ་རྒྱུད་དང་།། རྒྱས་དང་དབང་བ་ཤར་རྒྱུད་བཤར་བས།། ལྷ་དང་སྔགས་དང་ཕྱག་རྒྱ་དང་།། དེ་བཞིན་རྒྱུད་དང་འབྱོར་པར་བྱ།། རིགས་ཀྱི་ལྷ་རྒྱུད་ལྔ་རྣམས་ནི།། སོ་སོའི་རིགས་སུ ་བ་ཤར་བཏབ་སྟེ། ། གློང་ཡངས་འབྱིལ་བའི་ཧོ་མ་ཁུང་དུ།། དམ་རྫས་བདུད་རྩི་འབར་བ་ཡིས།། སྦྱང་དང་ཐོབ་ཕྱིར་བསྲེག་བྱར་འོས།། བསྲེག་རྫས་སྐྱེ་བའི་ཆོས་ཡིན་ཏེ།། སྐྱེ་བར་སྣང་བའི་ཆོས་ཐམས་ཅད།། འདིར་ནི་དངོས ་པོ་བཞིན་སྣང་སྟེ། ། ཆོས་ཅན་རྐྱེན་དང་འབྱུང་ནས་དང་།། རང་བཞིན་ཉིད་ལས་ཆོ་འཕྲུལ་ནི།། སྐྱེ་བ་ཉིད་དུ་འདོད་པ་ཡིན།། འདི་ནི་སྐྱེ་བའི་ཆོས་ཅན་ཏེ།། རང་འབྱུང་སྲེག་རྫས་རང་ཞིར་ཐིམ།། ཉོན་མོངས་ལྔ་ཡི་དམ་རྫས་དག། ་ཡེ་ཤེས་ལྔ་ཡི་གློང་དུ་དབུལ།། ཕུང་པོ་ལྔ་ཡི་དམ་རྫས་རྣམས།། ཐབས་མཆོག་ཡབ་ལྔའི་སྐུ་ལ་བསྟིམ།། འབྱུང་ལྔས་བསྡུས་པའི་བསྲེག་རྫས་རྣམས།། ཤེས་རབ་ཡུམ་ལྔའི་གློང་དུ་བསྟབ།། རྣམ་ཤེས་བརྒྱད་ཀྱི་བསྲེག ་རྫས་རྣམས། ། ཡེ་ཤེས་གནས་ཀྱི་མ་བརྒྱད་དོ།། ཡུལ་གྱི་གཡེང་བ་རྣམ་པ་བརྒྱད།། དམིགས་མེད་དབྱིངས་ཀྱི་བྱེ་བྲག་བརྒྱད།། སྐྱ་བཞི་ལས་ཀྱི་བསྲེག་རྫས་རྣམས།། རྣམ་ཐར་སྒོ་བཞིའི་གྲོང་དུ་ཐིམ།། ཐབས་མཆོག ་ལ་སོགས་རྒྱ་མཚོ་ཚོགས། ། སོ་སོའི་ཡོན་ཏན་ཐམས་ཅད་དག། རྡོ་རྗེ་ཀླུ་ཡིས་བརྗོད་ནས་ཀྱང་།། དེ་དག་མཉེས་པའི་མཆོད་པ་བརྩམ།། མཆོད་པ་ཐམས་ཅད་རྫོགས་པ་དང་།། སྒྲིབ་བྱང་མ་བྱང་དོན་ཆེན་རྣམས།། གྷ ་དང་མ་གྲུབ་དོན་རྣམས་ནི། ། མེ་ལ་མཁས་པས་བརྟག་པར་བྱ།། མེ་སྒྲ་གཉིས་དང་ཁ་དོག་གཉིས།། འབར་ཚུལ་གཉིས་དང་དབྱིབས་རྣམ་དྲུག། དེ་དག་ཡོངས་སུ་ཤེས་པར་བྱ།། གལ་ཏེ་མཚན་མ་མི་སྡུག་ན།། བཀྲ་མི་ཤིས ་པའི་རྟགས་ཡིན་པས། ། བསྲེག་སྦྱང་ཆེན་པོ་རྒྱས་པར་བྱ།། དེ་ནས་འདོད་པའི་རྟགས་བྱུང་ན།། མེ་ལ་འདོད་པའི་དངོས་གྲུབ་རྣམས།། རྣམ་གསུམ་གང་ལྟར་གྲུབ་པ་བླང་།། རོ་ཡི་རྫས་རྣམས་སྲེག་སྦྱངས་ནས།། རོ་ལ་སྔགས ་ཀྱིས་བཏབ་ནས་ཀྱང་། ། ཤིན་དུ་དྲི་ཞིམ་སྣ་ཚོགས་ཀྱིས།། རོ་ལ་བྱུག་ཅིང་བཀྲུ་བར་བྱ།། བདུད་རྩི་ཞུ་ཆེན་ཁུ་བ་ཡིས།། རས་ལ་བླུགས་པས་རོ་བཀྲིས་ཏེ།། རོ་ཡི་གནས་རྣམས་གང་ཡིན་པར།། སྔགས་ཀྱི་སྦྱར་བ་ཀུན་བཀོད་ནས། ་ཕྱག་རྒྱའི་མཚན་མས་གདབ་པར་བྱ།། རྒྱལ་བའི་དཀྱིལ་འཁོར་གང་དག་ནི།། གཞུང་ཡིན་པ་ཡི་ཕྱག་རྒྱ་རྣམས།། དུ་འབྱུང་བ་དང་མཉམ་པ་ཡི།། སྡོང་བུའི་གྲངས་ཀྱང་དེ་ལྟར་བྱ།། སྡོང་བུ་རེ་ལ་ལྷ་རྣམས་ཀྱིས།། མ་ནོར་རྩ་བའི ་སྙིང་པོ་དག། རས་ཆེན་དག་ལ་བྲིས་ཏེ་གཏགས།། རོ་ཡི་སྦྱོར་བ་རྫོགས་པ་དང་།། རོ་ཡི་བྱ་ཤུན་ཐམས་ཅད་ལ།། འཁོར་བའི་བག་ཆགས་ཀུན་བཀོད་དེ།། རས་སམ་ཤིང་ཤུན་ཤོག་ཤོག་ལ།། འཁོར་བའི་ས་བོན་ཐམས་ཅད ་དགོད། ། ཉོན་མོངས་ལྔ་དང་དུག་གསུམ་བཅས།། སྐྱེ་བའི་ལམ་ལྔ་རྒྱུད་དྲུག་རྣམས།། མིང་ངམ་གཟུགས་སུ་བྱས་ནས་ནི།། གནས་གནས་དག་ཏུ་དགོད་པར་བྱ།། ཁམས་དང་སྐྱེ་མཆེད་ཕུང་པོ་ལྔ།། གཟུང་འཛིན་མིང་དུ ་བཅས་པ་རྣམས། ། བརྡའི་ཚུལ་དུ་བྲིས་ནས་ནི།། ར་རྣམས་ཁྱད་པར་བགོད་པར་བྱ།། དེ་ནས་རོ་ཡི་ཕུང་པོ་།། རྟེན་ནམ་གླེགས་སམ་སྟེངས་བུ་ཡི།། སྟེང་དུ་མཁས་པས་གཞག་པར་བྱ།། ཐབ་ཀྱི་ཆོག་བརྩམ་པ་ནི།། ་མཎཌལ་འཁོར་ཁྱུད་ཙམ་ཞིག་ལ།། དཀྱིལ་འཁོར་གང་དང་གང་ཡིན་པའི།། ཕྱག་རྒྱ་བཞུགས་པའི་ཕོ་བྲང་དག། ཐིག་གིས་ཡུལ་བཅད་སོ་སོར་བྱ།། དེ་ཡི་སྟེང་དུ་ཤིང་བརྩིག་པ།། དབྱིབས་ནི་གྲུ་བཞི་གཏམས་པ་ལ།། ་བཞི་ཀ་བ་བཞིས་བརྟན་བྱ།། སུམ་རྩེག་ཡང་ཐོག་པར་ཁང་བཅས།། མཐའ་མ་ཤིང་གིས་བརྫང་བར་བྱ།། བར་ཁང་དག་གི་གླེགས་མ་ལ།། རོ་ཡི་བཞིན་ཕྱོགས་ཤར་དུ་བསྟན།། རོ་ཡི་སྟེང་གི་ཁང་པ་ལ། རས་སམ་ཤེག། ་ཤོ་ག་ལ་བྲིས་པའི།། ཕྱག་རྒྱའི་དཀྱིལ་འཁོར་གསལ་བར་དགོད།། རོ་ཁང་གློ་སྐར་བཞི་ཕྱེ་ལ།། ཐུགས་རྗེ་གཟུངས་ཐག་བཞིས་བཏགས་ནས།། ཕྱོགས་བཞི་བླ་མ་བཞི་ལ་དབུལ།། ཤིང་གི་ཆོ་ག་རྫོགས་པ་དང་།། ཤིང་གི ་བྱི་མཐའ་སྟེགས་བུ་ལ། ། ཕྱག་རྒྱའི་ལྷ་རྣམས་རིམ་པར་དགོད།། སྟེགས་བུ་རྫོགས་པར་གྱུར་པ་དང་།། རྡོ་རྗེ་ལས་ཀྱི་སྒོས་གདབ་པ།། རྡོ་རྗེ་རྒྱལ་པོ་བླ་མ་ལ།། འཁོར་བ་བསྲེག་པའི་མངའ་གསོལ་ཏེ།། ཏིང་འཛིན ་ཡེ་ཤེས་རྩེ་གཅིག་པས། ། མེ་ཡི་འདུ་འཕྲོ་རྒྱུན་དུ་བྱ།། རྡོ་རྗེ་ལས་ཀྱི་ཀརྨ་ལ།། ལས་རྣམས་རྫོགས་པའི་མངའ་གསོལ་ཏེ།། ལས་ཀྱི་ཕྲེང་བ་རྫོགས་པར་བྱ།། རྡོ་རྗེ་ཆེན་པོའི་བླ་མ་ཞིག། རོ་ཡི་ཉེས་པའི་མཐུ ་བཟུང་ནས། ། ལས་ཀྱི་བསགས་པ་བགྲང་ཞིང་བཤགས།། རྡོ་རྗེ་སྐབས་སྦྱར་བླ་མ་ཡིས།། བདུད་རྩི་སྐབས་ཀྱི་མཆོད་པ་སྒྲེང་།། རྡོ་རྗེ་བྲོ་གར་གླུ་ཚིག་གིས།། སྐབས་ཀྱི་གླུ་གར་མཆོད་པ་དག། རོལ་མོས་གྲངས་སྟེ། ་དབུལ་བར་བྱ།། རྡོ་རྗེ་གནས་ཀྱི་སྨོན་ལམ་ནི།། སྐབས་དང་ལས་ཀྱི་འཇུག་ཏུ་གདབ།། རྡོ་རྗེ་ལས་ཀྱི་ལྟད་འཛིན་པས།། རྩ་བརྒྱད་ལས་ཀྱིས་གྲངས་བཟུང་སྟེ།། དཀར་བྱང་བླ་མའི་ཕྱག་དུ་དབུལ།། རོ་ཡི་ལས་ངན། ་ལྟུང་འཛིན་པས།། གྲངས་མེད་གྲངས་སུ་བཟུང་ནས་ནི།། མཚན་མ་ནག་པོའི་བྱང་བུ་དག། ཡེ་ཤེས་མེ་ཡི་གློང་བུ་བསྲེག། མེ་ཡིས་སྦྱོར་བའི་ཆོ་ག་བྱ།། མེ་ཡི་ལྷ་ནི་གང་ཡིན་པ།། མེ་ཡི་སངས་རྒྱས་སྡང་མ་ཧཱ་ཡས།། ་མེ་ཡི་ལྷ་མོ་གོས་དཀར་མོ།། རྒྱལ་བ་ཀུན་གྱི་འོད་མཆོག་སྟེ།། འབྱུང་བ་མེ་ལ་དབང་སྐུར་ཞིང་།། ཐམས་ཅད་ཀུན་གྱི་དྲོད་བདག་ཡིན།། སྲིད་གསུམ་སྲེད་པར་ཞལ་གྱིས་འཆས།། འཁོར་བའི་སྲེད་པའི་ཕྲིནཿ ་ལ། ཐུགས་དམ་དབང་གིས་ཡོད་མི་འདའ།། མེ་ཡི་ཆོ་ག་ཐམས་ཅད་ནི།། ཡུམ་ཆེན་དཀར་མོ་ཉིད་ལ་སྒོ།། དེ་ནས་ཆོ་ག་ཀུན་རྫོགས་ནས།། རོ་ཡི་སྒྲིབ་པ་བྱང་མ་བྱང་།། མེ་ཡི་དངོས་གྲུབ་ཐོབ་མི་ཐོབ།། མེ་ལས ་མཁས་པས་གོང་བཞིན་བརྟག། མཚན་མ་མི་སྡུག་བྱུང་བ་ན།། བསྲེག་སྦྱང་ཆོ་ག་རྒྱ་ཆེར་བྱ།། གལ་ཏེ་མགུན་དངོས་གྲུབ་ཐོབ།། རོ་ཡི་ཐལ་བ་ཆེན་པོ་ལ།། བཏགས་ནས་ཐལ་བའི་བདུད་རྩིར་བསྒྲུབ།། དེས་ནི ་བསོད་ནམས་ཆེན་པོ་ནི། ། དཔག་ཏུ་མེད་པ་ཐོབ་པར་འགྱུར།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་མེའི་ཆོ་ག་བསྒྲུབ་པའི་ལེའུ་སྟེ་ཉི་ཤུ་རྩ་དྲུག་པའོ།། ། དེ་ནས ་སེམས་དཔའི་རྡོ་རྗེ་དམ་པ་དེས་དཀྱིལ་འཁོར་ཐམས་ཅད་བྱིན་གྱིས་རློབ་པ་ཞེས་བྱ་བའི་རྡོ་རྗེ་སྔགས་ཀྱི་ཚིག་འདི་གསུངས་སོ། ། སརྦ་ཏ་ཐཱ་ག་ཏ་མ་ཧཱ་ཤྲཱི་ཧེ་རུ་ཀ་བཛྲ་ཙཎ་ཌ། སརྦ་དུཥྚཱ་ན་སཾ་ཤཱི་ཧེ་རུ་ཀ་ཏ་ཀ་ཧ་ན་པ ་ཧཱུ~ཾ་ཧཱུཾ། ས་ས་ས་ས་ས་མ་ཡ་ས་ནུ་ནེ་ས་ནོར་པར་བཛྲ་གརྦྷ། རད་ན་ག་རྦ། ཀརྨ་ག་རྦ། མཻ་ཏྲི་གཿ། ཀ་རུ་ཎ་གརྦ། ལོ་ཀ་གརྦ། བི་དུ་མ་གནྡྷ། ཡ།། རཀྵ་ས། བི་རྦ། ཥེ་ཋ། ཀེ་ཨུ0f7f། བ་ཐ། བི་རྦི། ཛག་ས། ཝི་ཐ། ཀ་མྲ། ཁཀ ་ཐ་རུ་ཏེ། རག་ཏི། ཁཱ་ཧི། ས་ཧ། ས་ས་ས་ས་ས་ས་ས། ས་ས་ས་ས་ས་ས་ས། ས་སས་ས་ས་ས་ས། ས་ས་ས་ས་ས་ས་ས། རྦརྦ་རྦརྦ་རྦ་རྦརྦ། རྦརྦ་རྦརྦ་རྦརྦ་རྦ། རྦརྦ་རྦ་རྦརྦརྦ་རྦ། ཐོ་ཟ་བ་རྦོ་ཐ་རྦ་རྦ། ཏ་ཏ་ཏ་ཏ་ཏ་ཏ་ཏ། ཏཏཿ ་6ཏཏ། ཏ་ཏཎཎཎ། ན། !། ཨཱཿ། ཐཱ་ཐཱཐཱ་ཐཱ། ཐཱ། གག་གགགགག།། གགགགགག་ག།། གགག་གགགག་གག་གགགགག། 6 ་མམས་། མམམ་མ་མམམ། མམ་མ་མ་མམ་མོ། མི་མི་མ་མ་མམ་དུ་། དུ་། ་ཚ་མམམ། ་ཀཀ་ཀཀཀཀ་ཀ། ཀཾ་ཀཀཀ་ཀཀ་ཀཾ། ཀཀ་ཀ་ཀཾ་ཀཀཀ་ནྡངྒ། ནྣརྦཱཏྨ། ཐ་ཟབ་ཟ་ཐ་བ་བ། ཐཐཱ་ཟཧཱས!། ཊཱ་ཋཊཱཿ། ན་ཐ་ཐ་། ་ར་། ཟ་ཚ་ག། ། རི་རི་རི་རི་རི།། ཁ་ལ་ག་གག་པ། ཁ་ལ་ཁ་ཁོ་ཁ་ཁ་། ཁ་ལ་ག་གགག། ཁ་ཁ་ཁ་ཁ་ཁ་ཁ། ག། མྲྀ་མུ་མུ་མུ་མྲྀ་མུ་མུཾ། མྲྀ་ཆུ་མུ་མུ་མུ~ཾ་བུཾ་མུ། མུ་མུ་མུཾ་མུ~ཾ་སུ་སུ་སུ~ཾ། ཙུ ་མྲྀམ་མྲ། བབབཔ་བབབག། དྲང་དྲུང་དྲུང་དྲུ་། ག་། 9། པྲ་མཿ། བ་ཏལ། གས་། དྲུག་ག་སྭཱ་ནན། ཀཱཎྜ་ཡེ། སྭཱ་དྷ་དྡྷ6། སོ་དྷ། ཨུ0f7f། སྲྀལ། མ་བ~ཾ།། ། ལག་སམསམམས ་མུ་མ?། གག་གགགགས་པ། ཏེ། བབབ་པ། དྲཛ་དྲང། ཊ་ཕཊ་ལ་ཕཊ། ཛཿཧཱུཾ་བ~ཾ་ཏ། ཨ་ཏེ་ཙ། པཤ~ཾ་ཧཱུཾ། ལོག་ག། བསྟྲ་ལ་ཏི་ཏི། བབབབ་བབབ་བབག། དྲདྲ་དྲ་དྲང་དྲངདྲ་དྲ་དྲ། ཟེ་མེ་ཟེ་ཟེ་མིམ ་ས་། ། 2་ག། ། ག་ས་ས་ས ་ཀ་ཡ། མ་ཧཱ་བཱ་ག། བཛྲ་ཙིཏ་ཏ། ཛཿཧཱུཾ་བཾ་ཧོ། ཨེ་ཧྱེ་ཧི། རུ་ལུ་རུ་ལུ་ཧཱུ~ཾ་བྷྱོ་ཛཿཛཿབཛྲ་ས་མ་ཡ་མུ་དྲ་ཧཱུཾ་ཨ། བཛྲ་ཤཱི་ཧེ་རུ་ཀ། ཏིཥྛ་ས་མ་ཡ་ལྷན། མ་ཧཱ་ཤཱི་ཧེ་རུཀ་ཧ་ཧ་ཧ་མ། ས་མ་ཡ་ཧོ་ཕཊ། བཛྲ་ཨ་ར་ལི་ཕཊ། ཨ་ཏི་པུ་ཧེ་པྲ་ཏི་པུ་ཏོ། ་ཨི་དཾན་པུཥྤ་དྲུ་པ། བ་ལཾ། ཏེ་ཛི་ཧོ། ཁ་རཾ་ཁ་ཏི། མ་ཧཱ་རག་ཏ། རུ་ཏི་སྣེག་ཏ། པཾ་ཙ་ཨ་མྲི་ཏ། ཙི་ཏ་ཏ། བ་སུ་ཏ། གོ་རོ་ཙ་ན། ཌཱ་ཀི་ནཱ། ཡོ་གི་ནི། མ་ཧཱ་ཙིད་ཏ། ཁ་རཾ་ཁཱ་ཧི། ཁ་ཁ་ལ། ཤ་ཏ་པ་ཁཱ་ཧི། ཨ་ལ་ལ་ཧོ། ས་མ་ཡ་ཧོ། ཨིད་ན་དེ་ན ་ར་ག་ན། ཨུ་ཙི་རས་མ་ཡ་ཕཊ། བཛྲ་ས་མ་ཡ་ཨ་བེ་ཤ་ཨ་ཨ།། ཞེས་གསུངས་པས་ལས་ཀྱི་འབར་བའི་ཆོ་ག་ཞེས་ཐམས་ཅད་ཤིན་དུ་འབར་ཞིང་རྒྱས་པར་གྱུར་ཏོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི ་མདོ་ལས་རྡོ་རྗེ་གསང་སྔགས་ཀྱི་ལེའུ་སྟེ་ཉི་ཤུ་རྩ་བདུན་པའོ། ། །། དེ་ནས་ཡང་སེམས་དཔའི་རྡོ་རྗེ་དེས་སྦྱར་བ་ཕྱག་རྒྱའི་ལེའུ་འདི་རྒྱ་ཆེར་གསུངས་སོ།། རྣལ་འབྱོར་མཆོག་གི་ལག་གཉིས་ལ།། ཉི་ཟླ་འབར་བའི་ལིང་གར་ནི།། ཨ་དང ་པད་མ་གཉིས་གསལ་ཏེ། ། ཐབས་དང་ཤེས་རབ་གཉིས་མེད་སྦྱར།། མཉམ་པའི་ཚུལ་གྱི་གནས་པ་ལ།། མེ་ཡི་སྟེང་དུ་ཨ་ཉིད་བཞག། བྱ་བ་ཐམས་ཅད་བྲལ་བའི་རྒྱ།། ཨ་དང་མ་ཡི་འབྲུ་བཅུ་རྣམས།། འཕྲོ་འདུ་བྱ་ཞིང་ཀུན་དུ་སྦྱར ་གཡས་སུ་འཁྱིལ་ཅིང་གཡོན་དུ་འཁྱུད། ། འདི་ནི་ཚེ་འཕྲུལ་འབྱུང་བའི་རྒྱ།། ཨ་དང་མ་ཡི་འབྲུ་རྣམས་བཅུ།། སོ་སོར་བཅངས་ཏེ་མྱུ་གུར་བྱ།། ཤིན་དུ་བསྟོད་དེ་ཀུན་དུ་བསྒྱུར།། འདི་ནི་སྙིང་པོར་གྱུར་པའི་རྒྱུ།། མ་ཡིས་སྦྱིན་པ་གཏོད ་ཚུལ་ལ་ཨ་ཡིས་ཐམས་ཅད་སྐྱོབ་བྱེད་པ། ། འདི་ནི་ཚད་མེད་ཆེན་པོའོ།། ཀུན་ལ་སྙོམས་པའི་ཕྱག་རྒྱ་ཡིན།། མ་ཉིད་ཁྲག་འཕྲོག་པ་ཡི་སྣོད།། ཨ་ཉིད་སོ་ཕྲེང་མཆེ་བར་སྦྱར།། འདི་ནི་ཐམས་ཅད་རོལ་པ་ཡི།། འཇིགས་ཚུལ་སྟོན་པའི ་ཕྱག་རྒྱ་ཡིན། ། ཨ་དང་མ་གཉིས་གཏིང་སྦྱར་ཏེ།། སོ་ཕྲེང་མཆེ་བའི་ཚུལ་གྱིས་ནི།། ཤིན་དུ་ཁ་གླལ་བ་ཡི་ཚུལ།། འདི་ནི་འཇིགས་བྱེད་ཆེན་པོའི་རྒྱ།། མ་ཡིས་བཟུང་སྟེ་འཐེན་ནས་ནི།། ཨ་ཡིས་གདེངས་ཤིང་འཇོམས་བྱེད་པ། འཇོམས། ་བྱེད་ཆེན་པོའི་ཕྱག་རྒྱ་ཡིན།། མ་དང་ཨ་ཡིས་མགོ་མཇུག་ནས།། བཟུང་བའི་ཚུལ་དུ་བྱས་ནས་ནི།། ཁ་ཡིས་འདྲད་ཅིང་འཐེན་བྱེད་པ།། ཟ་བྱེད་ཆེན་པོའི་ཕྱག་རྒྱ་ཡིན།། ཨ་དང་མ་ཡི་ཤེས་རབ་ལས།། གཡས་གཡོན་ཚུལ ་གྱིས་བསྣུང་བྱས་ཏེ། ། ས་སོ་ཛ་ལྟར་ཡིན་ཐབས་སྦྱར།། གནས་དང་ཡུལ་གྱི་གཏན་ཚིགས་སུ།། བསྐུར་བ་གར་གྱི་ཕྱག་རྒྱར་བཤད།། དཔའོག་དན་ལ་བཞེངས་ནས་ནི།། ཕྱོགས་མཚམས་ཀུན་དུ་བལྟས་བྱས་ནས།། ཤིན་ཏུ་ཀྱི ་ཞིང་བརྗིད་པར་བྱེད། ། ཨ་དང་མ་ཡི་འབྲུ་རྣམས་ནི།། སོ་སོར་བརྡབས་དྲ་ནས་དཀུར་བརྟེན་བྱ།། འགྱིད་པའི་ཚུལ་གྱིས་སྤྱར་བྱས་ནས།། སྟག་གི་སྟབས་ཀྱིས་ཀུན་དུ་བསྐོར།། དེ་ནས་རྒུན་བྱ་སྟབས་ཀྱིས་ནི།། གོང་མ་བཞིན་དུ ་བསྐོར་བར་བྱ། ། དེ་བཞིན་དུས་སྦལ་གཟིག་དང་སྟག། སྤྱང་གི་སེང་གེ་དོམ་སྟབས་དང་།། ཐག་ཆེན་དྲེད་ཀྱི་སྟོབས་ཀྱིས་ནི།། ཐམས་ཅད་ཐམས་ཅད་བསྐོར་བར་བྱ།། དེ་བཞིན་འདབ་ཆགས་ཐམས་ཅད་ཀྱིས།། འཇོ་ཚུལ ་སྟབས་རྣམས་རྫོགས་བྱས་ནས། ། དཀྱིལ་འཁོར་ཐམས་ཅད་རྫོགས་པར་འགྱུར་ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་སྒྱུར་བ་ཕྱག་རྒྱའི་ལེའུ་སྟེ་ཉི་ཤུ་རྩ་བརྒྱད་པའོ།། ། དེ་ནས ་སེམས་དཔའི་རྡོ་རྗེ་དེས་མཆོད་པ་དམ་པ་གསང་བའི་ལེའུ་འདི་གསུངས་སོ། ། ཧཱུཾ་འབྱུང་བ་ཆེན་པོ་ནམ་མཁའ་ནི།། འབྱུང་བ་ཆེན་པོ་ལྔ་ཡི་མཛོད།། ནམ་མཁའ་ལས་ནི་འདོད་པ་འབྱུང་།། འདོད་པའི་མཆོད་པ་འབྲུར་གྱུར་ཅིག། ་ཟླ་རྒྱས་ལ་སོགས་སྙིང་པོ་མཆོག། མེས་ལ་སོགས་རྣམ་ལྔའི་རྫས།། མེ་ཏོག་ལ་སོགས་ཙན་དན་བྲེད།། སྣ་ཚོགས་མཆོད་པ་འབྲུར་གྱུར་ཅིག། མི་མོ་རྣམས་ཀྱི་རེག་བྱ་མཆོག། འཁྲིལ་འཁྲུར་སྦྱར་བའི་གཟུངས་ཆེན་མ། ་པོ་སྦྱོར་བའི་དགྱེས་མཆོད་དེ།། བདེ་བའི་མཆོད་པས་ཚིམ་གྱུར་ཅིག། རྡོ་རྗེ་རོལ་པས་ཚོགས་མཆོག་འདི།། མཆོད་སྤྲིན་ཀུན་དུ་རྒྱས་གྱུར་ཅིག། དུག་གསུམ་བརྩེགས་པའི་རི་བོ་འདི།། སྐུ་གསུང་ཐུགས་ཀྱི་གློང་དུ་བསྟབས།། ་དུག་ལྔ་རོལ་པའི་ཚོགས་མཆོག་འདི།། ཡེ་ཤེས་ལྔ་ཡི་ནང་དུ་ཐིམ།། གཟུང་འཛིན་རྟོག་པའི་མཚན་མ་འདི།། དབྱིངས་དང་ཡེ་ཤེས་གློང་དུ་ཐིམ།། འཁོར་བ་མཚན་མའི་ཆོས་ཅན་འདི།། ཆོས་ཉིད་དབྱིངས་ཀྱི་ངང་དུ་ཐིམ།། ཕུང་པོ ་ཚོགས་ཀྱི་ཡན་ལག་འདི། ། རྣམ་གྲོལ་ཕུང་པོ་ལྔ་རུ་ཐིམ།། འབྱུར་ཆེན་རྒྱུ་ཡི་མཚན་མ་འདི།། མཁའ་གློང་འབར་བ་ལྔ་རུ་ཐིམ།། རོལ་པ་ཆེན་པོ་མཆོད་སྦྱིན་ལ།། རྒྱལ་བ་རྒྱ་མཚོའི་ཚོགས་རྣམས་རོལ།། བླ་མེད་སྟ་གོན་མཆོད ་པ་འདི། ། སྔོན་ཆད་རྒྱལ་བས་བགྲོལ་བའི་ལམ།། དུག་གསུམ་གཏིད་ནས་གསོད་པའི་ཐབས།། སྔོན་གྱི་ཐུགས་དམ་བཞིན་དུ་བཞེས།། འཆི་མེད། བདུད་རྩིགཡུང་དྲུང་ཆུ།། རོ་ཡི་ཁམས་རྣམས་བློང་བར་བྱེད།། དུག་གི་ཕུང་པོ ་འཇོམས་བྱེད་པ། ། རྩི་མཆོག་སྨན་གྱི་མཆོད་པར་བཞེས།། ཞེས་མཆོད་པའི་ཚོགས་རྣམས་ལིདེ་ལོང་ཕྱེད་པར་བྱུང་བས་རྒྱལ་བ་རྒྱ་མཚོ་ཚིགས་ལོངས་སྤྱོད་དེས་མཉེས་པར་གྱུར་ཏོ།། རྒྱུད་ཀྱི་རྒྱལ་པོ་རྡོ་རྗེ་བཀོད་པ་ཀུན ་འདུས་རིག་པའི་མདོ་ལས་མཆོད་པ་དམ་པ་གསང་བའི་ལེའུ་སྟེ་ཉི་ཤུ་རྩ་དགུ་པའོ། ། །། དེ་ནས་སེམས་དཔའི་རྡོ་རྗེ་དེས་རྡོ་རྗེ་ཀླུའི་ལེའུ་འདི་གསུངས་སོ།། འདིར་ནི་རྡོ་རྗེ་རྣལ་འབྱོར་རྣམས།། བསྙེན་པར་སྣང་བའི་དབང་ཐོབ་ནས། ་བསྒོམ་དབྱངས་ཡི་གེ་འབྲུ་བརྒྱད་སྤྲོ།། ཡི་གེ་གླུ་ཡི་རྒྱན་ཡིན་ཏེ།། གླུ་ཡཱི་ཡི་གེ་བཅུ་དྲུག་ལས།། ཡི་གེ་ཡན་ལག་བསྒྱུར་བསྡེབས་ན།། གླུ་ཡི་བྱེ་བྲག་བསམ་མི་ཁྱབ།། དང་པོར་གླུ་ཡི་དོན་བྱུར་བ།། ཨོཾ་གྱིས་གླུ་རྣམས་རབ་ཏུ་འདྲེན།། ་ཨོཾ་ཡང་ཨ་ཡི་ཆོ་འཕྲུལ་ཏེ།། ཨ་ནི་ཆོས་ཀྱི་ཡི་གེ་ཡིན།། ཨ་ལས་ཨོཾ་བྱུང་རྒྱལ་བའི་ཐུགས།། རྒྱལ་བ་ཆོས་ཀྱི་དབྱིངས་ལས་བྱུར།། ཨ་ལས་ཨཾ་བྷུ་གསུང་གི་མཆོག། གསུང་ལས་གླུ་ཡི་ཡན་ལག་འབྱུང།། དབྱངས་ཀྱི ་ཡན་ལག་དྲུག་བཅུར་གྲགས། ། གླུ་ཡི་ཡོན་ཏན་བསམ་མི་ཁྱབ།། སྔོན་གྱི་རྒྱལ་བ་གླུ་ཡིས་གྲུབ།། རིགས་འཛིན་རྡོ་རྗེ་གླུ་ཡིས་འདྲེན།། རྣལ་འབྱོར་དབང་ཕྱུག་གླུ་ཡིས་འགྲུབ།། བསྟན་པ་རྒྱ་མཚོ་གླུ་ཡིས་སྦལ།། སྲེད་པའི ་བུ་མོ་ཀླུ་ཡིས་སྟེན། ། བདུད་དང་སྲིན་པོ་ཀླུ་ཡིས་འདུལ།། དངོས་གྲུབ་རྒྱ་མཚོ་ཀླ་ཡིས་འབེབས།། ཆོས་ཉིད་དབྱིངས་ཀྱི་ཀློང་དཀྱིལ་ནས།། དཔལ་བེའུ་ཉི་མ་དགུ་ཤར་བས།། རྣམ་ཐར་སྒོ་བཞི་རབ་གསལ་ཡང་།། མ་རིག་མུ། ་གནག་འཐིབས་པ་ཡིས།། བསྒྲིབས་པར་རིག་པའི་སྒོ་མོ་བྱ།། འཁོར་བའི་མུན་གནག་གློང་དུམ་ན།། བྱང་ཆུབ་སེམས་ཀྱི་ཟླ་ཤར་བས།། མུན་གསལ་རྣམཐར་སྒོ་བཞིར་སྣང་།། རིན་ཆེན་འབར་བའི་ཉི་མ་རྣམས།། དཔལ་ཆེན་ཐུགས ་ནས་འོད་ཤར་བས། ། བག་ཆགས་སྤྲིན་མཐོངས་བྱེ་བ་རུ།། རྣལ་འབྱོར་ཐུགས་ཀར་ཟེ་བབ་པས།། མུན་གསལ་རིག་པའི་སྒོ་ཕྱེ་སྟེ།། རྣལ་འབྱོར་དོན་ལ་འཇུག་པར་བྱ།། རིག་པ་ཐུགས་ཀྱི་དཀྱིལ་འཁོར་ནས།། རུ་ལུའི་འོད་ཟེར་སྒོ་ཕྱེ ་བས། སྤྲོས་པས་ཆོ་འཕྲལ་སྣ་ཚོགས་འབྱུང་།། སྲིད་པ་གསུམ་གྱི་བྱེ་བྲག་ཕྱེད།། འཁོར་བའི་རྒྱ་མཚོ་གཏིང་ནས་སྐེམས།། ཉོན་མོངས་རྒྱུ་དྲུག་གནས་ནས་སྒྲོལ།། དུག་གསུམ་རྩ་བརྩད་ནས་གཅོད།། བདུད་དང་སྲིན་མོ་གདུག་པ ་འདུལ་བྱིན་རླབས་དངོས་གྲུབ་ཆར་ལྟར་འབེབས། ། ཇི་ལྟར་དབང་པོའི་སྒོ་ཕྱེ་ནས།། འཛུམ་འདངས་གསལ་བར་འབྱུང་བ་ལྟར།། དཔལ་བེའུ་ཐུགས་ཀྱི་སྒོ་ཕྱེ་བས།། རུ་ལུའི་འོད་ཟེར་ཡིག་འབྲུ་ཤར།། འཐིང་ནག་སེར་ནག་དམར ་ནག་ལྗང་། སྨུག་ནག་འབར་བའི་ཡིག་འབྲུ་རྣམས།། ཡི་གེ་རིགས་ཀྱི་ཕྲེང་བར་དྲང་།། རྒྱངས་ཀྱི་བསྐུལ་དང་གར་གྱིས་གདབ།། བསྟེན་བཀོས་ཉེ་བར་གྱུར་པ་ལ།། འཇིམ་གོས་མངོན་གསུམ་གསལ་བར་བྱ།། འབིར་ཀས་གཉིས ་མེད་པ་ལ། ། འདྲེན་གོས་ཡི་གེའི་ཕྲེང་བ་དྲང་།། དེ་ཉིད་ལ་ནི་གླུ་དྲུག་སྟེ།། ཤ་ཏ་བ་དང་གར་ཏ་བ།། ཅང་ཀ་དེའུ་དང་པང་ཀ་དེའུ།། བྲེང་ངེ་བ་དང་དུང་ངེ་བ།། གླུ་ཡི་ཡན་ལག་སུམ་བརྒྱས་ནི།། རྒྱལ་བ་མཉེས་པའི་མཆོག་ཏུ་འགྱུར།། ཀླུ་མ ་རྒྱལ་པོ་འདི་དྲུག་གིས། ། དོན་དྲུག་ཡོངས་སུ་རྫོགས་པར་འགྱུར།། ཤ་ཏ་པ་ཡི་གླུ་བླངས་པས།། གདུག་བྱེད་ཐམས་ཅད་སྤ་ཡང་སྐོང་།། གར་ཏ་པ་ཡི་གླུ་བླངས་པས།། གནོད་བྱེད་ཐམས་ཅད་རྡུལ་དུ་རློག།། ཅང་ཀ་དེའུ་ཡི་གླ་བླང ་པས་འབར་བའི་དཀྱིལ་འཁོར་མེ་ལྟར་མཆོད། ། པང་ཀ་དེའུ་ཡི་གླུ་བླངས་པས།། དྲག་པོ་གཏུམ་པོ་ལྷན་ནེར་འགྱུར།། ཕྲེང་བ་ཡི་གྲུ་བླངས་པས།། སྤྲུལ་པའི་ཚེ་འཕྲུལ་ཐམས་ཅད་འགྱེད།། དུང་དེ་བ་ཡི་གླུ་བླངས་པས།། སྲིད་རྗེ ་བུ་མོ་དབང་དུ་སྡུད་། ། ཡི་གེ་འབྲུ་དགུའི་རང་བཞིན་ལ།། ཕྱག་བརྒྱའི་དཀྱིལ་འཁོར་ཐམས་ཅད་རྫོགས།། དེ་བཞིན་འཁོར་ལོ་མུ་ཁྱུད་བཅས།། ཁྱམས་དང་སྒོ་ཁྱུད་གསལ་བའོ།། སྲིད་པ་མཐོང་ཡོད་སྣང་གྲངས་ཀྱང་།། ཐས? ་ཅད་སྔགས་ཀྱི་ཚིག་ཏུ་རྫོགས། ། ཡི་གེ་རྒྱལ་བ་ཀུན་དང་བྲལ།། འཁོར་ལོའོ་ས་ལ་ཉེ་བའོ།། ཡི་གེས་དམིགས་པ་ཐམས་ཅད་འགྲུབ།། ཆགས་མེད་ལྷན་གྲུབ་དོན་པ་ཆེ།། རྣམ་བཞི་ལས་ཀྱི་ཁྱད་པར་ཡང་།། བྱ་བ་མེད་པར་དོན་དུ་འགྱུར། ཡི ་གེ་གསང་བའི་འཕྲོ་འདྲ་ཡིས། ། རྒྱལ་བ་དཔའ་བོ་ཐམས་ཅད་མཉེས།། དེ་ཀུན་ཡི་གེས་རྣམ་སྤྲུལ་ཡང་།། རང་བཞིན་དངོས་མེད་ཆོས་ཀྱི་དབྱིངས།། ཡི་གེ་འབྲུ་འབར་བའི་ཆོ་འཕྲུལ་ལས།། དམ་པའི་ངོ་མཚར་སྣ་ཚོགས་འབྱུང་།། དེ་བཞིན ་སྒྲིབ་པའི་བུད་ཤིང་བསྲེགས། ། གཏི་མུག་མུན་སེལ་ཡེ་ཤེས་འབར།། རིག་པའི་ཉི་མ་གསལ་བར་འབེབས།། བདག་ཉིད་དཔལ་ཆེན་འབར་བའི་ཐུགས།། ཙིད་ཏ་དཔལ་བེའུ་ཟུར་བརྒྱད་འབར།། རིན་ཆེན་ཡི་གེ་འབྲུ་བརྒྱད་གསལ།། དཔལ། ་ཆེན་རིན་ཆེན་འབར་བའི་ཐུགས།། དཔལ་བེའུ་སྨུག་པོ་ཟུར་བརྒྱད་ལས།། གསེར་གྱི་ཉི་མ་དགུ་ཤར་བ།། འོད་ཟེར་རུ་ལུ་ཡིག་འབྲུ་བརྒྱད།། རྡོ་རྗེ་འབར་བའི་རླུང་སྒྲོམ་དུ།། ཤིན་དུ་འབར་འཕྲོ་འཁྲུག་བྱས་ཏེ།། སྤྲོས་པས་རྣལ་འབྱོར་དབང ་ཕྲུག་གི། ནས་གཡས་སུ་དྲང་བར་བྱ།། གེ་རེ་ཙནའི་གཞལ་ཡས་སུ།། སེན་ཟླུ་མ་ཙམ་གྱི་རྒྱ་ཁྱོན་ལ།། གསེར་གྱི་ཉི་མ་གའུ་དགུ།། ཤར་བའི་དཀྱིལ་ན་ཡིག་འབྲུ་དགུ།། གསལ་བས་འོད་ཀྱི་གཞལ་ཡས་ཁང་།། དངོས་པོའི་བག ་ཆགས་ཀུན་བསྲེགས་ཏེ། ། སེམས་ནི་གསེར་ཆུ་ཞུན་མ་བཞིན།། ལྟེ་མ་ལ་འཚེར་ཞིང་འོད་འབར་བ།། རྩལ་ལས་གྱུར་པའི་ཟླ་དཀྱིལ་འཁོར།། ཉི་མའི་སྟེང་ན་དཔལ་བེའུ་འབར།། དེ་ལ་རུ་ལུ་འཕྲོ་ཞིང་འདུ།། དཔལ་བེའུ ་ཅིད་ཏའི་དཀྱིལ་འཁོར་འདི། ། ཡིག་འབུ་འབར་བའི་གའུར་གསལ།། པད་མོ་འབར་བ་ཡི་གུའུ་འདི།། ཡི་གེ་ཕྲེང་བ་འཁྱིལ་བའི་གནས།། དཔེར་ན་མེ་ཏོག་འབར་བ་ལས།། བཅུད་ལེན་བུང་བས་བཅུད་བླངས་ཏེ།། རྩི་ཡི་ཕུང་བུ་མོ་པ ་ལྟར། ། དཔལ་བའི་ཐུགས་ཀྱི་དཀྱིལ་འཁོར་ནས།། རིན་ཆེན་འོད་ཀྱི་མེ་ཏོག་འབར།། རུ་ལུའི་ཡིག་འབྲུ་བཅུད་ཀྱིས་རྒྱས།། རྣལ་འབྱོར་སེམས་ལས་བྱས་པ་ཡི།། བཅུད་འབྱིན་བུང་པ་མང་པོ་འཕྲོ།། པར་ལྡིངས་ཡི་གེའི་བཅུད་ཕྱུང་ནས།། ཚུར་ལྡིངས ་མས་པའར་བསྟམ། ། དང་པོ་ཤེལ་གྱི་ཁ་དོག་ལ།། ཤིན་དྲགསལ་ཞིང་འཚེར་འབར་བ།། གནས་དགུ་དག་ཏུ་ཟླ་བའི།། ཐིག་ལ་དཀྱིལ་གྱི་དཔལ་བེའུ་ལ།། འབྲུ་བཀོད་གསལ་བར་གྱུར་པ་དང་།། ཤལ་གྱི་བུང་པ་མང་པོ་དག། ཁྲུང་ཆེན་ལྡིངས ་པའི་བོད་ཆད་ཙམ། ། པར་ལྡིངས་བཅུང་ཕྲང་ཚུར་གསེབས་པས།། ཡིག་འབྲུ་ཡེ་ཤེས་མེ་འབར་བས།། བག་ཆགས་བུད་ཤེད་ཕུང་པོ་བསྲེགས།། པར་སྤྲོས་ཐུགས་རྗེས་ས་ལ་བསྐུལ།། ཇི་ལྟར་ཉི་ཟེར་ཆ་ཚེ་ལྟར།། རྒྱུན་མ་འཆང་པར་རྩེ ་གཅིག་འབར། ། པར་དུ་བི་རའི་ཁ་དག་ལ།། གོངས་བཞིན་དུ་བཀོད་གསལ་ལ།། བྱི་རུ་བུང་པ་མང་པོ་དང་།། གོངས་བཞིན་དུ་འཕུར་ལྡིངས་པས།། བཅུད་ཕྱུང་བསྟེམ་ཞིང་སླར་ལ་འཕྲོས།། ཇི་ལྟར་མེ་མགལ་འཁོར་ཚུལ་དུ།། དཔལ་བེའུ་སྡུག་པོའི ་ཀློསློང་དུ་བསྟིམ། ། ཀུན་བྱ་ཐ་མར་བསྡུ་བ་ནི།། བཀོད་པའི་གོང་མ་ཐམས་ཅད་ཀུན།། མཐིང་ནག་འབར་བ་བསྐུར་ནས་ནི།། ཟུང་ཆེན་གཟན་ལ་འཛུམས་ཆོད་ཙམ།། ཧཱུཾ་སྒྲ་འབྱིན་ཅིང་ཕན་ཚུན་ལྡིང་།། རུ་ལུ་བཅུང་འབྱིན་དངོས་གྲུབ་རློབ།། དྲན ་པའི་དཀྱིལ་ནས་ཛ་ཕུང་ཀྟ། ། ལྕགས་ཀྱུ་འབར་བ་གའུར་བཙས།། དཔལ་བེའུའི་དཀྱིལ་ན་སྤངས་པ་ཡིས།། རུ་ལུ་རིན་པོ་ན་ཕུང་པོ་དག། བསྡུས་ཤིང་གྲངས་ཏེ་གནས་སུ་བསྟིམ།། འབབ་པའི་ཤུགས་སམ་བྱིན་བརླབས་ནི།། མཚོ་ལ་ས ་ཆེན་འདྲིལ་ལྟར་རོ། ། འདི་ལྟར་ཡི་གེར་སྦྱར་བའི་ཚེ།། རྣལ་འབྱོར་ཉག་གཅིག་མ་ཡིན་གྱི།། ལྷ་མཆོག་དབྱིངས་ན་བཞུགས་པ་ཡང་།། ཆོས་ཉིད་དང་དུ་མི་དམིགས་ཀྱང་།། རྣལ་འབྱོར་མཆོག་གི་བསྐུལ་བའི་ཚེ།། ཐུགས་རྗེ་ཆགས་པའི་མདངས ་ཕྱུང་ནས། ། སྲོག་རྩོལ་དྲན་རིག་གསུང་གསུང་ལྟར།། འགུར་ཆུ་ཡན་ལག་འགུལ་འགུལ་ལྟར།། རྡོ་རྗེ་ཡི་གེར་འབྲུ་འབར་ལྟར།། གུག་སྐྱེད་ཀླད་ཀློར་ཚེག་པར་ཕྱིན།། ར་རི་ཁལ་ཁོལ་སྒྲིབ་མེད་པ།། ཡེ་ཤེས་དོན་ལ་མཁྱེན་རིག་རྒྱས།། དེ་ལྟ ་མང་ཀྱང་འདུལ་དབང་གིས། ། རྒལ་བསྐུལ་པའི་ས་ལ་གཞེས།། རྣལ་འབྱོར་གསོ་བའི་ཆོ་ག་བྱེད།། ལྷ་དང་གཅིག་ཏུ་བྱ་བའི་ཕྱིར།། བཟླས་བརྗོད་གྲངས་དང་བསྙེན་པ་དང་།། སྦྱོར་བས་དོན་ལ་ཉེ་བར་འགྱུར།། འདི་ལྟར་སྟོར་བའི་དུས་དག་ན།། ་བྱིན་རླབས་ཕེབས་སམཉེ་བ་ཡི།། རྟགས་ས་མདོང་ངས་མཚན་མ་ནི།། རྣལ་འབྱོར་ཉིད་དང་བསྒྲུབ་རྫས་དང་།། ཡོད་མཐོང་སྒྲ་ཐོས་ཀུན་ལ་འབྱུང་།། ལུས་ཀྱི་དྲོད་དང་རྨི་ལམ་དང་།། སེམས་ཀྱི་རྟགས་སུ་གསལ་བ་དང་། དབུས་ངག་ལ་ཡང་ངེས་པར ་འབྱུང་། ། ཤང་བལ་ལྟ་བུར་ཡང་བ་དང་།། མི་བདེའི་གནོད་པ་བྲལ་བ་ཡིན།། རིག་ལ་ཏིང་འཛིན་གསལ་བ་དག། རྨི་ལམ་དུ་ཡང་མྱོས་པར་འགྱུར།། དང་ཞིང་དགའ་ལ་མགུ་བ་སྐྱེ།། གདུང་བའི་བྱང་ཆུབ་སེམས་སྐྱེས་ཤིང་།། ངོ་མཚར་བྱས ་པ་དེ་ཉིད་དོ། ། འགྱུར་བའི་དབུགས་ལ་དབང་ཐོབ་སྟེ།། དགག་དང་བུང་བ་ཇི་ལྟ་བའོ།། རྫས་ནི་འབར་དང་འཕར་བ་དང་།། དྲི་དང་འོད་འབྱུང་རོ་མཆོག་སྐྱེ།། མི་ཟད་མང་དུ་འཕེལ་བ་དང་།། མངར་འཇམ་དང་ཤིང་རོ་མཆོག་རྙེད།། ལྟོ་ལ་མི་གནོད་མགྲིན་ལ ་མཿ། ། ཟོས་ན་བཞིན་འགྱུར་ལུས་ཏས་འགྱུར།། སིལ་སྙན་ཡིད་འོང་གྷ་སྙན་གཟུགས།། དྲི་ཞེམ་འབྱུང་བ་དེ་ལྟའོ།། རྡོ་རྗེ་ཕྲ་རྣམས་བཟང་བ་ན།། རྟགས་དང་མཚན་མ་ཕེབས་པ་སྟེ།། སྐུར་ཏེ་དངོས་གྲུབ་བླང་བར་བྱའོ།། བང་དང་གའུའི་ཕྱག་རྒྱ་དང་། ་རྡོ་རྗེ་བུས་པའི་འཕྲོ་འདྲ་ཡིས།། དངོས་གྲུབ་ཡུམ་གྱི་མཁའ་ལ་དབབ།། ཡབ་ཡུམ་སྦྱོར་བའི་ལྷག་སེམས་ངག། མ་ཕེབས་པ་ཡི་བར་དུ་དག། ཤེས་རབ་གསལ་བའི་ལྷ་མོ་བཞིས།། ཧ་གྷ་མ་ལོང་བན་དང་།། ཞིང་ཆེན་ཕྲེང་བ་ལ་སོགས་དང་།། ཁ ་དོག་ལྔ་ཡི་དར་གཡབ་ཀྱིས། ། གཡབ་ཅིང་རིགས་འཛིན་མང་པོ་བོད།། རོལ་མོ་ཆ་བྱད་མང་པོ་དག། རྡོ་རྗེ་གར་དད་བསྙེན་པའི་གླུ།། སྲིད་པའི་མ་མོ་ཀུན་རྟེན་ཅིང་།། བྱིན་རླབས་ཆེན་པོའི་དབབ་པར་བྱ།། ཕེབས་མ་དག་ཏུ་དངོས་གྲུབ་བསྟིམ།། འདི ་ནི་རྡོ་རྗེ་གླུ་འཁོར་ལོ། ། ཡེ་ཤེས་རྒྱན་གྱིས་ལས་ཡིན་ནོ།། ཞེས་སེམས་དཔའི་རྡོ་རྗེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་ཀླུའི་ལེའུ་ཞེས་བྱ་སྟེ་སུམ་བཅུ་པའོ།། ་དེ་ནས་ཡང་སེམས་དཔའི་རྡོ་རྗེ་དེས་རྡོ་རྗེ་རྣལ་འབྱོར་འཇུག་པ་ཞེས་བྱ་བའི་ལེའུ་འདི་གསུངས་སོ།། འདུས་པ་ཆེན་པོའི་རྣལ་འབྱོར་པ།། གསང་བའི་དཀྱིལ་འཁོར་དམ་པ་འདིར།། གང་དག་འཇུག་པར་བྱེད་པའི།། རྣལ་འབྱོར་རིགས་ཀྱི་བུ་རྣམས་ཀུན།། ་སྟོང་གྱུར་པ་ཀུན་བསྡུས་ནས།། བྱང་ཆུབ་མཆོག་གི་སེམས་བསྐྱེད་དེ།། ཚིག་འདི་བརྗོད་དེ་གནས་པར་བྱ།། ཨེ་མ་བདེ་མཆོག་དགའ་འཚལ་འདིར།། བདག་ཅག་ཀུན་ཏུ་འཛག་པར་འཚལ།། དགའ་བ་བྱང་ཆུབ་སེམས་བསྐྱེང་ནས།། གསང ་བའི་དོན་འདི་སྤང་བར་བགྱི། ། དེ་སྐད་གསོལ་ཏེ་ཞུས་པ་དང་།། གསང་བ་མཆོག་གི་བདག་པོ་ཡིས།། རྒུང་སྦྱང་རྒྱུད་དྲུག་ལས་སྒོ་གཅད།། རིག་པ་འཛིན་པའི་རྣལ་འབྱོར་ཀུན།། དཀྱིལ་འཁོར་ཆེན་པོ་གསལ་བཏོན་ཏེ།། ཕྱག་རྒྱ་པར་དང ་བཅས་པ་ཡི། ། འཁོར་བའི་རྒྱུད་རྣམས་སྦྱང་བར་བྱ།། འཇུག་པ་དེ་ཡི་གནས་ལྔ་རུ།། རྒང་དུག་ས་བོན་བསྐྱེད་ནས་ཀྱང་།། ལྕེ་ལྔ་དག་གིས་གནན་པར་བྱ།། བཅུག་པ་དེ་ཡི་སྤྱི་བོར་ནི།། བ་ཡི་ཡེ་ཤེས་ལ་བསྐྲུན་པ།། པད་མ་ཁ་བཞི་ལྟེ ་བལ། ། མི་དང་ལྷའི་ས་བོན་དེགང་།། ཤར་ལྷོ་རབ་དང་བྱང་དག་ཏུ།། ལྷ་མིན་དུད་འགྲོ་ཡི་དགས་དང་།། དམྱལ་བ་རྣམས་ཀྱིས་བོན་གདབ།། ཧཱ་གི་ལམ་སྒོགཅད་པར་བྱ།། ལག་གཉིས་མཐེའ་ཆུང་མཐེ་བས་གནན།། སོར་མོ་གསུས་སྣང ་དཔྲལ་བར་བསྣོལ། ། ལྷ་དང་ལྷ་མིན་གནས་དག་ཏུ།། མཾ་གཏང་བཟློག་པའི་ཕྱག་རྒྱ་ཡིན།། ལག་གཉིས་བསྣོལ་ནས་མཚན་ཁང་བསམ།། མེའི་ཁམས་ནས་བཟློག་པའི་རྒྱ།། ཁུ་ཚུར་བཅངས་ཏེ་འབྲུ་བསྒྲེང་ནས།། གཡོན་གྱི་སྟེང་དུ་མནན ་པ་འདི། ། བྱོལ་སོང་གནས་ནས་བཟློག་པའི་རྒྱ།། ཐལ་མོ་མཉམ་སྦྱར་གུང་རྩེ་སྤྲད།། གུང་མོ་རྒྱབ་ཏུ་སྲིན་ལག་བསྣོལ།། མགུལ་ནས་འཛུབ་མོས་འཁྱུད་པ་ནི།། ཡི་དགས་ཁམས་ལས་བཟློག་པའི་རྒྱ།། གཡོན་ཐེག་གཡས་ཀྱི་རྒྱབ་སྦྱར་ཏེ།། སྲིན ་ལག་ཀུང་འཛུ་བ་གཅིག་ནས་གཅིག། འཁྱུད་པ་དམྱལ་བའི་སྒོ། གཅོད་པརྒྱ།། ལག་གི་ཕྱག་རྒྱབ་ཅས་ནས་ནི།། ངག་གི་རྡོ་རྗེ་རྒྱ་བརྗོད་ཟས།། ཀྱི་མ་རུང་ཀྲོ་དྷ་ཀྱི་ཧཱུཾ།། ཏྲིས་མ་པཙ་ཧཱུཾ།། ཧྲིས་པ་ཛ་ཧཱུ~ཾ།། འདི་ལྟར་གསལ་བར་གྱུར་པ་དང་། སྒྲིབ ་པ་དག་པར་བྱ་བའི་ཕྱིར། ། རྣལ་འབྱོར་སྦྱོར་བའི་ཕྱག་རྒྱ་སྟེ།། རྡོ་རྗེ་རྣལ་འབྱོར་མཆོག་གི་ལྷ།། འགྲོ་དྲུག་འདྲེན་པའི་དཔལ་མཛད་པ།། རྡོ་རྗེ་ཅན་ལ་ཕྱག་འཚལ་ལོ།། བྱམས་མགོན་ཁྱོད་ལ་སྐྱབས་སུ་མཆིའོ།། དེ་སྐད་ག། སོལ་བབ་པ་དང་།། རྣལ ་འབྱོར་ཆེན་པོའི་ཞབས་ཉིད་ལ། ། འཇུག་པ་དེའི་སྤྱི་བོས་གཏུགས།། སངས་རྒྱས་བདེ་མཆོག་ཐམས་ཅད་ཀྱི།། རྡོ་རྗེ་གསུང་མཆོག་གསུམ་ལས་བྱུང་།། སྲིད་པ་གསུམ་གྱི་ཕྱག་བྱས་པ།། དབང་བསྐུར་གནང་དབང་ཆེན་པོ་སྦྱིན།། ཨཱ་ཏི་ཧོ་སྟ་ཧྲི་ད་ཁཾ ་དེ་ནས་སྣོད་དུ་གྱུར་པ་དང་། ། གསང་བའི་མིག་ནི་དབྱེ་བར་བྱ།། མེ་ཏོག་ཕོག་པའི་ལྷ་ཡང་སྦྱིན།། དེ་ནས་དམ་ཚིག་ཆེན་པོ་བསྒྲགས།། རྒྱལ་བ་ཀུན་དང་མཉམ་སྦྱོར་བའི།། དམ་ཚིག་འདི་ལས་གང་འདས་པ།། རྒྱལ་བ་ཐམས་ཅད་བསླུས་པ། ་ཡིན།། ཁྲག་འཐུང་ཁ་འབར་མ་ཡི་ཚོགས།། ཁྲོས་ནས་སྙིང་ཁྲག་ཐོག་པས་འཐུང་།། བཛྲ་ས་མ་ཡ་ཨི་ངན་ཐེ་ནར་ག་ན།། བ་ར་ཧྲི་ད་ཡ་ན་མ་བསྟི་ནཱན།། ས་མ་ཡ་རཀྵ་སིད་དྷི་བིདྲི་བཛྲ་ཨ་མྲི་དོང་ཁེ།། རྡོ་རྗེ་ཐ་ཚིག་ཆུ་བླུད་ནས།། རྡོ་རྗེ་གལ ་ཆེན་མན་འདོར་རོ། ། རྡོ་རྗེ་དམ་ཚིག་སྡོམ་པ་རྣམས།། ཐམས་ཅད་ཐམས་ཅད་དགོག་པར་བྱ།། སློབ་པའི་གཉེར་ཡང་དཔོག་པར་བྱ།། ཀྱེ་རེག་འཛིན་རྡོ་རྗེ་བུ་མཆོག་ཁྱེད།། རྣལ་འབྱོར་རྒྱལ་བའི་སྲས་ཀྱིས་ཡིན།། གཞན་ཡང་གསང་བ་མ་། ་ཤིག། གལ་ཏེ་སྨྲས་ན་དམྱལ་བར་འཚིག། ཁྱེད་ནི་རྡོ་རྗེ་ཆེ་གེ་མོ།། རྒྱལ་བའི་སྲས་པོ་གདུང་རྒྱད་འཛིན།། གསང་བ་མཆོག་གི་མིང་སྦྱིན་གྱིས།། ཞིང་ཁམས་ཀུན་ཏུ་བདེ་བར་སྤྱོད།། དེས་ནི་སངས་རྒྱས་ཞིང་དུ་སྐྱེ་ཞེས་གསུངས་སོ།། ་རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་རྣལ་འབྱོར་འཇུག་པའི་ལེའུ་ཞེས་བྱ་སྟེ། སུམ་བཅུ་རྩ་གཅིག་པའོ།། ། དེ་ནས་ཡང་སེམས་དཔའི་རྡོ་རྗེས་ཡོངས་སུ་རྫོགས་པ་དབང་གི་ལེའུ་འདི་གསུང ་སོ། ། འདུས་པ་ཆེན་པོའི་རྣལ་འབྱོར་པ།། སྲིད་པ་གསུམ་གྱིས་ཕྱག་བྱས་པས།། བླ་མའི་ས་ལ་གནས་པ་ནི།། གསང་མཆོག་སུམ་བཅུ་རྩ་དྲུག་ཡིན།། ཕྱི་ཡི་དབང་དང་ནང་ཀི་དབང་།། བསྒྲུབ་པའི་དབང་དང་གསང་པའི་དབང་།། ་བཅུ་དང་བཅུ་གཅིག་བཅུ་གསུམ་དང་།། རྣམ་པ་གཉིས་ཀྱིས་རྫོགས་པར་འགྱུར།། དེ་ལ་དང་པོ་སྦྱིན་པའི་དབང་འདི་ཡིན་ཏེ། ཨོཾ་ཧཱུཾ་ས་ཧྲིཧ། ཀུན་གྱིས་འདའ་བར་དཀའ་བ་ཡི།། ཚིག་བཙན་ཡུལ་ལ་དབང་སྒྱུར་བ།། རྒྱལ་པོ་བཀའ ་རྟགས་ཕྱག་རྒྱའི་དབང་། ། སྐུ་ལྔ་ཡོངས་སུ་རྫོགས་པར་འགྱུར།། རིགས་རྣམས་སོ་སོའི་རྒྱུད་འཛིན་ཅིང་།། རྟགས་ཀྱི་མཚན་མཆེན་པོ་ནི།། སྦྱོར་བ་ཆེན་པོའི་ཕྱག་མཚན་ཏེ།། དམ་ཚིག་ཕྱག་རྒྱ་རྫོགས་པར་འགྱུར།། ཤེས་རབ་གཟུང ་ཀྱི་གསང་མཆོག་ནི། ། དོན་དང་ལྡན་པར་འགྱུར་བ་ཡིས།། མཐའ་གཉིས་དག་ཏུ་མི་གཏོང་བའི།། གཟུངས་མའི་རྒྱལ་མོ་ཆེན་མོ་ཡིན།། གཉིས་མེད་ཡོངས་སུ་རྫོགས་པ་ན།། ཐམས་ཅད་བདེ་བ་ཆེན་པོའི་ངང་།། བྱང་ཆུབ་སེམས་དང ་དོན་དུ་འབྲེལ། ། ཤེས་རབ་ཆེན་པོ་རྫོགས་པའི་དབང་།། བཀྲ་ཤིས་ཆེན་པོ་བུམ་པ་ནི།། བདེ་གཤེགས་གཞུགས་པའི་ཕོ་བྲང་སྟེ།། དཀྱིལ་འཁོར་རྫོགས་པར་གྱུར་པ་ཡི།། དབང་ཆེན་དེ་ལ་སྦྱིན་པར་བྱ།། གསང་བའི་བསྟན་པ་རྒྱས་ནས ་ནི། ། ཡུན་རིངས་གནས་པར་འགྱུར་བ་ཡི།། བཀྲ་ཤིས་རྫས་ཀྱི་དབང་མཆོག་ཀྱང་།། གནང་བ་ཆེན་པོ་སྦྱིན་པར་བྱ།། དོན་རྣམས་གྲུབ་པར་འགྱུར་བ་ཡི།། འདོད་དགུར་རེ་སྐོང་རིན་པོ་ཆེ།། རྒྱལ་སྲིད་རིན་ཆེན་སྣ་བདུན་གྱིས།། རྒྱལ་པོ ་མཆོག་ཏུ་དབང་སྐུར་རོ། ། རིན་ཆེན་པད་མ་སེང་གེའི་ཁྲི།། བླ་མར་གྱུར་པའི་གདན་མཆོག་དེ།། ཁྱད་པར་ཆེན་པོར་གྱུར་པའི་དབང་།། ཁྲི་ཆེན་དག་ལ་གཞག་པར་བྱ།། ཅོད་པན་མེ་ཏོག་ཕྲེང་ལ་སོགས།། དབང་མཆོག་བརྗིད་པའི ་རྒྱན་གྱིས་ཀླུབས། ། དབུ་རྒྱན་དོ་ཤལ་ས་མོ་དོ།། དཔུང་རྒྱན་རྐང་གདུབ་ལག་གདུབ་རྣམས།། དབང་ཐོབ་རྒྱལ་པོས་དེ་ལ་སྦྱིན།། དབང་ཐོབ་མཛེས་པས་བརྗིད་པའི་རྒྱལ་པོ་དེ།། དབང་ཕྱུག་ཡིན་པས་དེ་ལ་ཀུན་ཕྱག་འཚལ།། རྡོ་རྗེ ་དབང་ཕྱུག་རྒྱལ་པོའི་ཞེས་པར་ནི། ། ཀུན་གྱི་སྒྲ་ཆེན་པོད་ཅིང་བསྒྲགས་པ་བྱ།། གསེར་གྱི་འཁོར་ལོ་རྩིབས་ཁྱུད་ལྡན་པ་ཞིག། རྒྱལ་པོ་དེ་ཡི་ལག་ཏུ་བསྐུར་ནས་ནི།། འཇིག་རྟེན་ཀུན་ལ་ཁ་ལོ་སྒྱུར་བ་ཡི།། དབང་མཆོག་རྒྱལ་པོ་འདི་ཡང ་སྦྱིན་པར་བྱ། བྱེ་འཁོར་སྐྱོད་པའི་རྒྱལ་པོར་གྱུར་ཕན་ཆད།། བླ་མེད་མཆོག་གི་རྟགས་དང་ལྡན་འགྱུར་བས།། གསང་སྒོ་ཕྱེ་ནས་ནང་དུ་གཞུག་པར་བྱ།། ཤིན་དུ་ག་མང་བའི་རྫས་དང་ལྡན་གྱུར་ནས།། གསང་སྒོ་གང་ལས་འདོད་པའི་དོན་རྣམས་ཞུ། ་གནང་ཆེན་པོའི་རྟགས་སུ་བྱེད་གྱིས་བརླབ།། གསང་བའི་དོན་ལ་ཉན་ཅིང་སློབ་པའི་དབང་།། དབང་ཐོབ་སྐལ་ཅན་དེ་ལ་བྱིན་པར་བྱ།། བདུད་རྩི་ཆུ་འདིས་རྣ་བའི་གསར་སྒོ་དབྱེ།། སརྦ་ཏ་ཐཱ་ག་ཏསྟ་མ་ཏི་ཧོ།། གླེགས་པམ་ཟབ་མོ་ལ་སོགས་ཐམས ་ཅད་རྣམས། ། རིགས་ཀྱི་བུ་མཆོག་དེ་ལ་སྦྱིན་པར་བྱ།། དེས་ན་འགྲོ་བའི་དོན་བྱེད་ནུས་པས་ན།། ལས་རྣམས་རྒྱ་མཚོ་ཐམས་ཅད་སྒྲུབ་པའི་རྟགས།། རྡོ་རྗེ་རྒྱ་གྲམ་ལ་སོགས་རྣམ་བཞིའི་རྫས།། བུ་མཆོག་དེ་ལ་ཐབས་ཀྱི་སྦྱིན་པར་བྱ།། གཞན་གྱི་རེ་འདོད། ་སྐོང་བའི་བུ་མཆོག་དེ།། རྒྱལ་པོ་རྒྱལ་རིགས་རྒྱུད་དུ་བྱུང་བ་བཞིན།། རྒྱལ་ཚབ་ཆོས་ཀྱི་རྒྱུད་དུ་བྱུང་བས་ན།། ཏན་ཏྲ་ལ་སོགས་དམ་པའི་མཛོད་གསུམ་སྦྱིན།། དེས་ནི་སློབ་མའི་ཚོགས་ཀུན་སྐྱོང་ནུས་ཕྱིར།། བསྟན་པ་སྒྲོགས་པའི་ས་ལག་ན ་བྱའི་ཕྱིར། ། རྡོ་རྗེ་རྒྱལ་པོ་དཔལ་གྱི་དབང་མཆོག་འདི།། ཐེག་ཆེན་དགུ་ཡི་རྟགས་དང་ཆས་ཏེ་སྦྱིན།། དེ་ནི་བླ་མེད་རྒྱལ་པོར་འགྱུར་བས་ན།། ས་རྣམས་ནོན་པའི་རྟགས་མཆོག་གདན་ཁྲིའི་དབང་།། ལྷ་ཆེན་ལ་སོགས་ཞིང་ཆེན་ཉི་ཟླར་བཅས།། ་ཁྱུ་མཆོག་སེང་གེ་མ་ཧེ་གཟིག་དང་སྟག། གཏུམ་པའི་དོམ་གྱིས་སྤར་ཏེ་སྦྱིན་པར་བྱ།། རྒྱལ་པོ་ཡིན་པའི་རྟགས་ནི་རྣམ་པ་བདུན།། སྐྱེལ་དབང་སྔར་རྒྱལ་པོ་མཉེས་པའི་གཟུངས།། ཕ་རོལ་དཔུང་འཇོམས་སྲིད་ཐུབ་འཛིན་པ་དང་། བདག ་གཞན་དོན་སྒྲུབ་རྫུ་འཕྲུལ་རྐང་པར་ལྡན། ། དགོས་འདོད་ཡིད་བཞིན་སྐོང་བའི་རིན་པོ་ཆེ།། རྒྱལ་པོ་དེ་ལ་ཐབས་ཀྱིས་སྦྱིན་པར་བྱ།། དེ་ནི་རྒྱལ་བའི་མཆོག་སྲས་ཡིན་པས་ན།། ཕྱག་རྒྱ་ཆེན་པོའི་དབང་མཆོག་སྦྱིན་པར་བྱ།། རས་སམ་འབུར ་རམ་ལུགས་སུ་བླུགས་པ་ཡི། ། ཕྱག་རྒྱའི་གཟུགས་བརྙན་དེ་ཡི་སྤྱི་བོར་གཞག། ཡེ་ཤེས་མེན་པོའི་དོན་དང་དེ་ལྡན་པས།། ཡེ་ཤེས་ལྔ་ཡི་རྟགས་མཆོག་ཕྱག་རྒྱ་ཡིས།། གནས་ལྔ་གཏུགས་ཏེ་ཐུགས་ཀྱི་དབང་མཆོག་སྦྱིན ་ཨོཾ་མ་ཧཱ་ཤཱ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱ་ད་མ་ཀོ་ཧཾ། ། ཨོཾ་མ་ཧ་ཀོ་དྷ་སྭཱ་ཛྙཱ་ན་བཛྲ་སྭ་བྷ་བ་ཨཱད་མ་ཀོ་ཧཾ། ཨོཾ་མ་ཧཱ་ས་མན་ཏ་ཛྙཱ་ན་བཛྲ་སྭ་བྷཱ་བ་ཨཱད་མ་ཀོ་ཧ~ཾ། ཨོཾ་མ་ཧཱ་པྲ་ཏི་པྲ་བེ་ཤ་སྭ་བྷཱ་ཨད་མ་ཀོ་ཧེ། ཨོཾ་མ་ཧཱ་ཨ་ཏ་ཏྲི་ཤ་སྭ་བྷ་བ་ཨཱད་མཾ ་ཀོ་ཧ། སྐུ་དང་གསུང་ཐུགས་རྡོ་རྗེ་ཡཾ།། རྣལ་འབྱོར་བདེ་མཆོག་དེ་ཡིན་པས།། སྐུ་གསུམ་ཐུགས་ཀྱི་གསད་མཆོག་འདི།། རྡོ་རྗེ་ཅན་ལ་སྦྱིན་པར་བྱ།། ཨོཾ་སརྦ་ཏ་ཐཱ་གེ་ཏ་ཀཱ་ཡ་བཛྲ་སྭ་བྷཱ་བ་ཨཱད་མ་ཀོ་ཧ།། དབང་མཆོག་ཨོཾ་སརྦ་ཏ་ཐཱ་ག་ཏ ་བཱག་བཛྲ་སྭ་བྷཱ་བ་ཨཱ་ད་མ་ཀོ་ཧཾ། ། ཨོཾ་སརྦ་ཏ་ཐཱ་ག་ཏཙིཏྟ་བཛྲ་སྭ་བྷཱ་བ་ཨད་མ་ཀོ་ཧཾ།། ཨོཾ་སརྦ་ཏ་ཐཱ་ག་ཏ་ཨ་ནུ་ར་ག་ཛྙཱ་ན་བཛྲ་ས་བྷཱ་བ་ཨད་མ་ཀོ་ཧཾ།། ཨོཾ་སརྦ་ཏ་ཐཱ་ག་ཏ་པུ་ཙ་བཛྲ་སྭ་བྷཱ་ཨད་མ་ཀོ་ཧཾ།། དབང་མཆོག་ཐོབ་པའི་བུ་མཆོག་དེ།། དོན་རྣམས ་གྲུབ་པར་བཀྲ་ཤིས་ཕྱིར། ། བདུད་འདུལ་བཀྲ་ཤིས་རྫས་མཆོག་རྣམས།། རྟགས་ཀྱི་བརྒྱན་ཏེ་སྦྱིན་པར་བྱ།། དོན་རྣམས་གྲུབ་པའི་བུ་མཆོག་དེ།། རྡོ་རྗེ་དབང་མཆོག་ཐོབ་པ་ན།། ཞིང་ཁམས་ཀུན་དུ་གྲགས་པ་ཡིས།། རྩལ་གྱི་ཐིག་ལེ་རྡོ་རྗེ་སྦྱིན།། ་ནང་དུ་འཇུག་པའི་དབང་ཐོབ་ནས།། དེ་དག་ཀུན་ལ་སྤྱོད་སྒྲུབ་པའི།། དབང་མཆོག་དམ་པ་སྦྱིན་པར་བྱ།། སྐྱེ་མེད་ཆོས་ཀྱི་དབྱིངས་ཉིད་ལ།། སེམས་ཀྱིས་དབང་བསྐུར་ཐོབ་པ་ཡི།། ཤེས་རབ་ཆེན་པོ་རིག་པའི་དབང་།། སེམས་ལོན་དོན་གྱི་གཏན། ་ཚིགས་སྦྱིན།། བྱ་བའི་མཚན་མ་ཀུན་བྲལ་ཞིང་།། བརྩལ་མེད་གནས་པའི་བྱང་ཆུབ་སེམས།། སྙིང་རྗེ་ཆེན་པོ་བདེ་མཆོག་གིས།། ཁམས་གསུམ་ཀུན་ལ་དབང་སྣར་སྦྱིན།། སྲིད་གསུམ་འགྲོ་བའི་དོན་རྣམས་ཀུན།། ཐམས་ཅད་རྫོགས་པར། ་ནུས་པ་ཡཾ།། རྟགས་ཀྱི་དབང་མཆོག་དམ་པ་ནི།། ཐོད་ཤོལ་འབར་བ་སྦྱིན་པར་བྱེད།། དུག་གསུམ་གཏིང་ནས་སྤྲུག་པའི།། རྟགས་ཆེན་གའུ་རྣམ་པ་གསུམ།། དམར་ཆེན་དག་གིས་བཀང་ནས་ཀྱང་།། དབང་ཆེན་ཐོབ་དེའི་ངག་ཏུ་སྦྱིན།། སྲིད།། ་གསུམ་སྒྲོལ་བ་བྱ་བ་ཡི།། དབང་མཆོག་ཆེན་པོའི་སྦྱིན་པའི་ཕྱིར།། ཀ་ཏ་ར་ལ་སོགས་མཚོན་ཆ་རྣམས།། དབང་ཐོབ་ད་ཡི་ལག་ཏུ་སྦྱིན།། འཁོར་བའི་ཆོས་ལ་ཅིང་སྤྱད་ཀྱང་།། སྐྱོན་གྱི་གོས་པར་མི་འགྱུར་བའི།། རྟགས་ཀྱི་ཕྱག་རྒྱ་ཆེན་པོ་ནི།། ་ནམ་དག་རྫས་ཀྱི་པད་མ་སྦྱིན།། ལས་རྣམས་རྫོགས་པར་གྱུར་པ་ཡི།། དབང་མཆོག་ཐོབ་པའི་རྟགས་ཆེན་ནི།། སྟེར་འི་དབྱུག་པ་ཆེན་པོ་དག། དབང་ཐོབ་དེ་ཡི་ལག་ཏུ་སྦྱིན།། ཡུམ་དང་གཉིས་མེད་འཁྲིལ་བ་ཡི།། ཆོས་ཉིད་དོན་དང་གཉིས ་མེད་རྟགས། ། སྦྲུལ་ནག་འཁྲུལ་པའི་ཆུན་པོ་འདི།། དབང་ཐོབ་དེ་ཡི་ལག་ཏུ་བྱིན།། གསང་བ་སྦྱོར་བའི་ཤེས་རབ་མ།། དྲི་མེད་རྣམ་དག་ལྷ་མོ་ཞིག། མཚན་ལྡན་ཤིན་དུ་བརྒྱད་བྱས་ལ།། དབང་ཐོབ་དེ་ལ་བྱིན་པར་བྱ།། དབང་ཐོབ་རྒྱལ་པོ ་ཆེན་པོ་དེ། ། ཀུན་གྱི་བདག་པོ་ཡིན་པས་ན།། རོལ་མོ་དྲི་དང་ཞལ་ཟས་དང་།། འདོད་ཡོན་ལྔ་ལ་སོགས་པ་དང་།། ཉེ་བའི་ལོངས་སྤྱོད་རྒྱན་རྣམས་ཀུན།། ཐམས་ཅད་ཐམས་ཅད་སྦྱིན་པར་བྱ།། སྒྲུབ་པའི་རྒྱལ་པོ་དེ་ལ་ནི།། སྒྲུབ་པའི་ལས་ལ ་དབང་ཐོབ་ཕྱིར། ། རྡོ་རྗེ་སེམས་དཔའ་ལ་སོགས་པ།། རྒྱལ་བ་ཐམས་ཅད་བསྒྲུབ་པ་དང་།། རྡོ་རྗེ་ཚེ་དང་སྨན་ལ་སོགས།། བསྒྲུབ་པ་མ་ལུས་བསྒྲུབས་ཤིག་ཅེས།། བསྒྲུབ་རྫུ་ཐམས་ཅད་སྦྱིན་པར་བྱ།། རྒྱལ་བ་སངས་རྒྱས་ཐམས་ཅད་དང་།། ་དབང་ཐོབ་དེ་གཉིས་གཅིག་པའི་ཕྱིར།། རིག་འཛིན་རྡོ་རྗེ་རྩལ་གྱི་དབང་།། རྡོ་རྗེ་མིང་ནི་སྦྱིན་པར་བྱ།། བསྒྲུབ་པའི་དབང་དང་རྫས་མཆོག་དང་།། གསང་བའི་བདག་པོ་ཡིན་པས་ན།། གསང་བའི་དབང་མཆོག་སྦྱིན་པར་བྱ།། དགའ་བ་བྱང ་ཆུབ་སེམས་ཆེན་པོ། ། ཀུན་དུ་ཚིམ་པར་བྱེད་པ་ཡི།། དཀར་དམར་ལྷག་པའི་བྱང་ཆུབ་སེམས།། དབང་ཐོབ་དེ་ཡི་ལྕེ་ལ་གཞག། བརྩལ་མེད་བྱང་ཆུབ་སེམས་ཆེན་པོ།། ཤེས་རབ་ཆེན་པོའི་རྩལ་གྱིས་ནི།། ཆོས་སྐུ་སྒྱུ་མར་དབང་བསྐུར་ན། ་རྩལ་ཆེན་རྫོགས་པའི་དབང་ཡིན་པས།། རྫས་དང་ཚིག་དང་གང་ཟག་དང་།། ཀུན་རྫོབ་དབང་དེ་མ་ཐོབ་ཀྱང་།། ཆོས་ལ་སེམས་ཀྱི་དབང་ཐོབ་ན།། རྒྱལ་བའི་རིག་འཛིན་ཐམས་ཅད་དང་།། སྲིད་གསུམ་དབང་ཅན་ཐམས་ཅད་ཀུན།། དེ་ལ་དབང་།། ་ཐོབ་བསྐུར་བར་འགྱུར།། དབང་གི་ཚད་ནི་འདི་ལྟ་སྟེ།། དད་ལྡན་སྲི་ཞུར་ལྡན་པ་ལ།། གསང་བ་ཉན་པའི་དབང་ཆེན་བསྐུར།། རྣམ་བཞི་ལས་ཀྱི་དོན་ཚད་ན།། ལས་རྣམས་བྱེད་པའི་དབང་ཐོབ་པོ།། ལྟ་བའི་དམིགས་བུས ་ཆོས་མཐོང་ན། ། རྒྱལ་ཐོབ་འཆང་བའི་དབང་ཐོབ་པོ།། རྐྱེམཐུབ་ཚད་མ་གསུམ་ལྡན་ན།། བླ་མ་རྡོ་རྗེ་སློབ་དཔོན་དབང་།། དམ་པ་མཛོད་གསུང་ཐམས་ཅད་ལ།། ཕྱོགས་མེད་པར་ནི་འཆད་ཤེས་ནས།། རབ་འབྱམ་རྒྱལ་བའི་དབང་འཐོབ་པོ།། ་དད་མེད་བློ་ཞན་རྫོབ་པ་ཆེ།། ཚུལ་འཆོས་མཁན་ལར་གཅོད་བྱེད།། དེ་ནི་དབང་གིས་འཚིག་པར་བཤད།། གསང་མེད་བརྗེད་ངས་དབང་མི་འཆགས།། དད་མེད་གཡེལ་རྨུགས་དབང་མི་འགོས།། སྣོད་མེད་བཅུད་བྲལ་ཀུན་སྟོངས་པ།། དེས ་ནི་དབང་ཐོབ་མ་ཡིན་ནོ། ། སྣོད་ལྡན་བཅུད་རྫོགས་དབང་ཐོབ་ན།། དབང་མཆོག་ཐོབ་པའི་རྒྱུ་ཞེས་བཤད་ཅེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་དབང་གི་ལེའུ་ཞེས་བྱ་སྟེ་སུམ་བཅུ ་རྩ་གཉིས་པའོ། ། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དང་།། སེམས་དཔའི་རྡོ་རྗེ་དམ་པ་རྒྱུད་ཀྱི་རྒྱལ་པོ་ཆེན་པོ་ཀུན་འདུས་རིག་པའི་མདོ་དང་བཅས་པ་ཆོས་ཐམས་ཅད་ཀྱི་མེ་ལོང་ཡིན་པར་རིག་ནས། ་འདུས་པ་ཕལ་མཆེའི་འཁོར་རྣམས་ཀྱིས་ཤིན་དུ་ངས་ཞིང་ངོ་མཚར་སྐྱེས་ནས། བསྟོད་པ་ཤིན་ཏུ་དགའ་བ་ཆེན་པོའི་ཀླུ་འདིས་བླངས་ས།། ཨེ་མ་ཧོ།། ཉེས་བཅོམ་ལེགས་ལྡན་མཚན་ཞིང་མཐའ་ལས་འདས།། དཔག་མེད་བྱམས་སེམས ་དོན་གྱིས་བདག་གཞན་དཔལ། ། དོན་དམ་གསང་སྦས་ནམ་མཁའི་དཀྱིལ་དུ་འཁྱིལ།། རྗེ་ཆེ་མཆོག་དབང་ཕྱུག་ཀུན་གྱི་བདག། འཛིན་པ་མེ་ཏོག་ཤ་རུས་ཁྲག་ལ་རོལ་ཐུགས་ཀྱི་གདུང་ཐག་འཁོར་བའི་མཐའ་ལ་རྗེ།། ཡུལ་མེད་མ ་སྐྱེས་མཚན་མའི་གཡུལ་ལས་རྒྱལ། ། བདེ་མཆོག་རྒྱལ་པོ་ཁྱོད་ལ་ཕྱག་འཚལ་བསྟོད།། ཤེས་རབ་ཆེན་པོ་ནམ་མཁའི་ཉི་མར་གསལ།། བྱང་ཆུབ་སེམས་ཀྱི་འོད་ཟེར་དབྱིངས་སུ་འཆར།། དཔའ་བཏུལ་མྱུར་བའི་ཤུགས་ཀྱིས ་འགྲོ་དྲུག་སྒྲོལ། ། རྟོག་འཇོམས་ཡེ་ཤེས་རྡོ་རྗེ་ཚེ་འཕྲུལ་འཕྲོ།། ངས་པའི་དོན་གསུངས་གཉིས་མེད་སྟོན་པའི་སྐུ།། སྨྲ་བའི་སེང་གེ་ཁྱོད་ལ་ཕྱག་འཚལ་ལོ།། རིན་ཆེན་གཏེར་ལྡན་འདོད་དགུར་ཀུན་སོང་ཞིང་།། ལུང་དང་རིགས་པ་གཏན་ཚིག ་ཀུན་གྱི་མཛོད། ། བཛྲ་ཅན་ཡང་དག་ལེན་པའི་མེ་ལོང་གསལ།། རྡོ་རྗེ་ཀུན་འདུས་འཇིགས་བྱེད་རྒྱལ་པོའི་བྱུང་།། ཆོས་ཀྱི་མེ་ལོང་འདི་ལ་བདག་ཅག་འདུད།། རྒྱུད་ཀྱི་རྒྱལ་བ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རོ ་མཚར་བསྟོད་པའི་ལེའུ་སྟེ་སུམ་བཅུ་རྩ་གསུམ་པའོ། ། རྒྱུད་ཀྱི་རྒྱལ་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་རྫོགས་སྷོ།། །། ། རྒྱ་གར་སྐད་དུ། ཤྲཱི་གུ་ཧྱ་གརྦྷ་ཏ་ཏཱ་བི་ནི་ཐུ་མ་ཁོད ་