| Wylie | e-texts produced with BDRC’s OCR application |
རྒྱ་གར་སྐད་དུ། ཤྲཱི་གུ་ཧྱ་བཛྲ་ཏན་ཏྲ་རཱ་ཛཱ། བོད་སྐད་དུ། དཔལ་གསང་བ་རྡོ་རྗེ་རྒྱུད་རྒྱ ་རྒྱལ་པོ་དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། ། དཔལ་ལྡན་འཁོར་ལོ་སྡོམ་པ་རུ།། གསང་བའི ་འཁོར་ལོ་མི་གསུང་བ། ། བདག་གིས་ཟབ་མོའི་དོན་མ་རྟོགས།། དེ་ཕྱིར་ཁྱེད་ཀྱིས་བདག་ལ་གསུངས།། ་བཅོམ་ལྡན་འདས་ཀྱིས་བཀའ་སྩལ་པ།། ཉོན་ཅིག་ལྷ་མོ་སྤྱན་བཟང་རིང་།། གསང་བའི་འཁོར་ལོ་ཤིན ་ཏུ་ཟབ། ། རྒྱུད་རྣམས་ཀུན་ཏུ་མ་གསུངས་པ།། ཁྱོད་ཀྱིས་དོན་མཛད་ང་ཡིས་བཤད།། གསང་བ་རྡོ་རྗེ་རྒྱུད་ཀྱི ་རྒྱལ་པོ་ལས་གླེང་བསླང་བའི་ལེའུ་སྟེ་དང་པོའོ། ། །། ལྷ་མོས་གསོལ་པ་བཅོམ་ལྡན་འདས།། གསང་། ་ཞེས་པ་ཇི་ལྟར་ལགས།། དེ་ཡི་འཁོར་ལོ་ཇི་ལྟར་ལགས།། དེ་ཡི་རྡོ་རྗེ་ཇི་ལྟར་ལགས།། དེ་ཡི་པད་མ་ཇི ་ལྔ་ལགས། ། བཅོམ་ལྡན་འདས་ཀྱིས་བཀའ་སྩལ་པ།། གསང་བཞེས་པ་རྣམ་པ་བཞི།། གསང་བའི་ཕོ་བྲངབྱ་ཥྱ་ཤཱ ་དང་པོ་སྟེ། དེ་ནས་གསང་བའི་དབང་བསྐུར་ཕྱིར།། གཉིས་པ་རིག་པའི་ཕོ་བྲང་སྟེ།། བཞི་པའི་དོན་ནི་རིག་པའི་ཕྱིར།། གསུམ་པ་རྟ་མགྲིན་འཁོར་ལོ་སྟེ།། དེ་ཡི་མགྲིན་པར་གནས་པའི་ཕྱིར།། བཞི་པ ་གསང་བ་བདེ་སྐྱོང་སྟེ། ། སྡིག་པ་སྤྱོད་ཕྱིར་བདེ་སྐྱོང་ཡིན།། དེ་རྣམས་དོན་ནི་གསང་བ་སྟེ།། བརྟུལ་ཞུགས་བྱེད་ཅིང་གཏོང་ཕོད་ཆེ།། ཨེ་བ་མ་ཟབ་ཅིང་ཆགས་ལ་དགའ།། ཁུ་བ་འཛག་ཅིང་རཀྟ་འབབ།། འདི་ལ ་སྟོན་གྱིས་གཞན་ལ་གསང་། ། རྡོ་རྗེ་པད་མ་ཞེས་བྱ་བ།། བཞི་པོ་གནས་པའི་རྟེན་ཡིན་ཏེ།། དཔེར་ན་ཁང་རྟེན་ཀ་བ་བཞིན།། རྒྱུད་ཀྱི་དོན་ནི་རྒྱུན་ཡིན་ནོ།། གསང་བ་རྡོ་རྗེའི་རྒྱུད་ཀྱི་རྒྱལ་པོ་ལས་རྟོག་པ་སེལ་བའི་ལེའུ ་སྟེ་གཉིས་པའོ། ། །། ལྷ་མོས་གསོལ་པ་བཅོམ་ལྡན་འདས།། རེ་རེའི་དབྱེ་བ་མ་འཚལ་བས།། འཇིག་རྟེན་ཀུན་རྫོབ་ཉིད་དུ་ལྟུང་།། འཁྲིག་པའི་ཟུག་རྔུ་མི་ཟད་པས།། བདག་ནི་འདི་ཉིད་དུ་ནི་འགུམ།། བཅོམ་ལྡན ་འདས་ཀྱིས་བཀའ་སྩལ་པ། ། གསང་བའི་ཕོ་བྲང་རིམ་པ་དྲུག། འདབ་མའི་གྲངས་ནི་གཉིས་འགྱུར་རོ།། རྟ་མགྲིན་གྲངས་ནི་དགུ་རུ་ཤེས།། གསང་བ་བདེ་སྐྱོང་རིམ་པ་གཉིས།། བརྒྱད་དང་ལྔ་བཅུའི་གྲངས་ཡིན་ནོ།། ་རིག་པའི་ཕོ་བྲང་འདབ་མ་ལྔ།། རིགས་ནི་མེ་ཏོག་ལྟ་བུའོ།། བྷ་ག་རབ་འབྲིང་གསུམ་ཡིན་ཏེ།། རྣལ་འབྱོར་མཁས་པས་བཙལ་བར་བྱ།། སྨན་དང་སྣམ་གྱི་རི་ལུ་ཡིས།། རྣལ་འབྱོར་སོར་མོ་ལ་བསྐུས་ལ།། གཞང་ཁ ་ནས་ནི་ཕྱེ་མས་བདུག། གསང་བ་ནས་ཀྱང་སྣུམ་གྱིས་བདུག། དེ་ནས་རྣལ་འབྱོར་ཕོའམ་མོས།། རྩ་དེ་སོར་མོས་ལེགས་པར་བཙལ།། རིང་ཐུང་ཚད་ནི་སོར་གཉིས་ནས།། སོར་བརྒྱད་པར་ནི་གར་གནས་པ།། ཤེས ་རབ་བྷ་ག་ཆེ་ཆུང་དང་། ། དེ་བཞིན་བྷ་ག་གྲང་དྲོ་དང་།། ཆུ་རྣམས་ཆེ་ཞིང་བདེ་བ་ཆུང་།། དེ་ལ་རྣལ་འབྱོར་མཁས་པ་ཡིས།། བྷ་ག་ཆེན་བདེ་བ་ཆུང་།། བྷ་ག་ཆེན་ཆུང་ངུ་བྱ།། ཆུང་ན་དེ་བཞིན་བསྐྱེད་པར་གསུངས།། གྲང་ན ་དེ་བཞིན་བསྲོ་བར་བྱ། ། ཆུ་རྣམས་ཆེན་ཆུང་བར་བྱ།། འདི་འདྲའི་བྷ་ག་གང་ལ་ཡོད།། བུད་མེད་འདི་ལ་བྷག་མངའ།། དེ་ཕྱིར་བུད་མེད་བཅོམ་ལྡན་འདས།། ཐབས་ཀྱི་རྡོ་རྗེ་ཕྲ་སྦོམ་དང་།། རིང་བ་དང་ནི་ཐུང་བ ་སྟེ། ། ཤེས་རབ་ཇི་བཞིན་ཐབས་ལའོ།། དེ་ཡི་གནས་སུ་བཟུང་བར་བྱ།། གསང་བ་རྡོ་རྗེ་རྒྱུད་ཀྱི་རྒྱལ་པོ་ལས་གསང་བ་རྟོགས་པའི་ལེའུ་སྟེ་གསུམ་པའོ།། །། ལྷ་མོས་གསོལ་པ་བཅོམ་ལྡན་འདས།། ཨེ་བཾ་རྣམ་པའི ་དབུས་གང་དུ། ། བདེ་བའི་ཁྱད་པར་ཚོལ་བ་ལ།། འདི་ལས་ཁྱད་པར་མེད་དམ་ཅི།། བཅོམ་ལྡན་འདས་ཀྱིས་བཀའ་སྩལ་པ།། ཤིན་དུ་དབེན་པའི་གནས་བཙལ་ལ།། བཟའ་བ་བཅུད་ཅན་སྣ་ཚོགས་དང་།། བཏུང་བ ་ཞིམ་པོ་མང་པོ་དང་། ། གུར་གུམ་ལ་སོགས་དྲི་ཞིམ་དང་།། ཤིན་ཏུ་འཇམ་པའི་སྟན་ཏིང་ལ།། རྣལ་འབྱོར་མ་ཡི་གནས་བཅུ་རུ།། དྲི་ཞིམ་ཐིག་ལེ་རེ་རེ་བྱ།། རྣལ་འབྱོར་ཕ་ཡི་གནས་ལྔ་རུ།། དེ་བཞིན་ཐིག་ལེ ་ལྔ་ཡང་བྱ། ། དེ་ནས་མཁའ་གསང་བྱིན་གྱིས་བརླབ།། ཨེ་ལས་གྲུ་གསུམ་གཏིང་རིང་བསམ།། དེ་ཡི་ནང་དུ་པཾ་ལས་ནི།། པད་མ་འདབ་མ་བརྒྱད་དུ་བསམ།། དེ་ཡི་དབུས་སུ་འཁོར་ལོ་བསམ།། འཁོར་ལོའི་དབུས ་སུ་རེ་མིག་དགོད། ། དེ་ནས་ཐབས་ཀྱི་རྡོ་རྗེ་ཡང་།། ཧཱུཾ་ལས་རྡོ་རྗེ་རྩེ་ལྔ་བསམ།། ཨོཾ་ལས་རྡོ་རྗེ་མགོ་བོར་བསམ།། ཕཊ་ལས་རྡོ་རྗེ་བུ་ག་བསམ།། དེ་ནས་བདེ་བའི་སྟན་ཐོག་དུ།། སྦྱོར་བ་རྣམ་པ་གསུམ་བྱ་སྟེ། ་ཡང་ལག་ཐབས་དང་སྦྱོར་བ་དངོས།། འཁོར་ལོ་ཉི་ཤུ་རྩ་དགུ་ལ།། ཆགས་པ་སྐྱེ་བའི་དྲི་ཡིས་བྱུག། བདེ་བ་སྐྱེ་བའི་ཟས་ཟོས་ནས།། བདེ་བའི་སྟན་ལ་འདུག་ནས་ནི།། ཐབས་ཀྱིས་གནས་དགུར་འོ་ཡང་བྱ། ་ཤེས་རབ་ཀྱིས་ཀྱང་གནས་ལྔར་བྱ།། ཐབས་ཀྱིས་ཤེས་རབ་པད་མ་ལ།། འོ་བྱས་པད་མ་རྒྱས་སུ་གཞུག། ཤེས་རབ་ཀྱིས་ཀྱང་དེ་བཞིན་ནོ།། ཆགས་པ་སྐྱེ་བའི་རྟགས་འབྱུང་སྟེ།། དེ་ནས་གཅིག ་གིས་གཅིག་འཁྱུད་ནས། ཧེ་རུ་ཀ་དང་ཕག་མོ་རབས་མ།། ཤེས་རབ་རྐང་པ་གཉིས་བརྐྱང་ནས།། ཐབས་ནི་ཐབས་ལྡན་གྱིས་བསྐྱོད་ནས།། ནང་རྟགས་ཕྱི་རུ་བསྟན་པའི་ཕྱིར།། ཤེས་རབ་མ་ལ་རྟགས། ་གསུམ་འབྱུང་།། ལུས་འདར་འཕར་བ་སྐུ་ཡི་རྟགས།། མི་བཟོད་སྐད་འདོན་དག་གི་རྟགས།། ཤེས་པ་རྒྱལ་བ་ཐུགས་ཀྱི་རྟགས།། འདི་ནི་གསང་བའི་དཀྱིལ་འཁོར་སྟེ།། འདི་ཡིས་སྐྲ་དཀར་གཉེར་མ་སྤོང་།། ནད ་ཀྱི་ཟུག་རྔུ་ཐམས་ཅད་འཇོམས། ། འདི་ནི་གསང་བའི་བཅུད་ཀྱིས་ལེན།། ཕྱི་ཡི་དཀྱིལ་འཁོར་བསྒོམས་པ་མིན།། གསང་བའི་དཀྱིལ་འཁོར་ཉིད་ལ་གནས།། སྦྱིན་བསྲེག་ལ་སོགས་བྱ་བ་མིན།། གསང་བའི་རྡོ་རྗེ ་རྒྱུད་འདི་ནི། ། ཀུན་གྱིས་ཐོས་པར་མི་འགྱུར་ཏེ།། གླེགས་བམ་སོར་ནི་བཅུ་གཉིས་བྱ།། གླེགས་བམ་གསང་བའི་གནས་སུ་སྦ།། ཡོངས་སུ་སྨིན་པའི་རྣལ་འབྱོར་མ།། འགའ་ཡིས་མཐོང་གི་གཞན་ལ་སྭ། ་གསང་བ་སྟོན་པའི་བླ་མ་ནི།། སངས་རྒྱས་ཉིད་པས་བཙུན་པ་ཡིན།། གཞན་ཡང་འདོད་པའི་སྟན་ཐོག་ཏུ།། གསུངས་པའི་སྦྱོར་ཐབས་ཀུན་བྱས་ནས།། ལྔ་བཅུ་ནས་བཟུང་སྟོང་གི་བར།། རྣལ་འབྱོར་མ་ཀུན་བདེ་མེད་ཀྱང་།། ་སྦྱོར་ཐབས་མཁས་པས་བསྐྱོད་བྱས་ནས།། བཅུ་གཉིས་མདང་བདེ་བ་མཉམ།། སྦྱོར་ཐབས་མི་ཤེས་སྦྱོར་བྱས་པས།། རླུང་མཁྲིས་བད་ཀན་ཀུན་ནས་སྐྱེ།། ཤེས་རབ་ཀྱིས་ཀྱང་ཐབས་ལ་སྟེ།། སྦྱོར་ཐབས་མཁས་པས་ཤེས ་རབ་མ། ། ཐབས་ཀྱིས་རྟག་ཏུ་བསྟེན་པར་བྱ།། སྦྱོར་ཐབས་མཁས་པའི་རྣལ་འབྱོར་པས།། རྣལ་འབྱོར་མོ་ཡི་གསང་ལ་བསྟེན།། གསང་ལ་བསྟེན་པ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། མིང་སྲིད་ཚུལ ་ལམ་རྗེ་འབངས་ཚུལ། ། ཕ་སྤང་ཚུལ་ལམ་མཁན་སློབ་ཚུལ།། གཞན་གྱིས་མི་རིག་ངོ་ཚ་བསྲུང་།། དབེན་པའི་གནས་སུ་སྦྱོར་བ་བྱ།། གལ་ཏེ་མ་བསྟེན་དམ་ཚིག་ཉམས།། ཚེ་འདི་ཉིད་ལ་དམྱལ་བར་ལྟུང་།། ལྷ་མོས ་གསོལ་པ་བཅོམ་ལྡན་འདས། ། ཐབས་མེད་རྣལ་འབྱོར་ཇི་ལྟར་ལགས།། བདེ་བ་ཁྱད་མེད་ཇི་ལྟར་ལགས།། ཕྱག་རྒྱ་མ་བསྟེན་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། བདེ་བ་ལ་གནས ་གསང་བའི་དོན། ། ཁྱོད་ཀྱིས་ངོར་མཛད་ང་ཡིས་བཤད།། སྦྱོར་ཐབས་མི་ཤེས་རྣལ་འབྱོར་དང་།། བསྟན་ཡང་གཅིག་ལ་མི་འདུག་སྟེ།། འདོད་ཆགས་བསམ་པ་ཡང་མི་བྱ།། གལ་ཏེ་དེ་འདྲ་བསྟེན་གྱུར་ན།། འཇིག ་རྟེན་ཕལ་བའི་འདོད་ཆགས་ཏེ། ། ཤི་ནས་མནར་མེད་དམྱལ་བར་སྐྱེ།། འདོད་ཆགས་སྤྱོད་བཤལ་མ་རི།། ལྕགས་ཀྱི་སོར་ནི་བཅུ་དྲུག་པ།། ཡར་ལ་འཛེག་ཅིང་མར་ལ་འབབ།། ཐབས་མེད་རྣལ་འབྱོར་འདྲ་བ ་འབོད། ། དེ་ཕྱིར་སྦྱོར་ཐབས་མཁས་པས་བསྟེན།། སྦྱོར་ཐབས་ལས་ནི་བདེ་བ་སྐྱེ།། དེ་ཕྱིར་བདེ་བ་ཁྱད་པར་འཕགས།། བདེ་བ་ཁྱད་མེད་ལུས་ཟུངས་ཉམས།། རླུང་མཁྲིས་བད་ཀན་ཀུན་ནས་སྐྱེ།། ལས་ཀྱི་ཕྱག ་རྒྱ་རྟག་ཏུ་བསྟེན། ། ཕྱག་རྒྱ་མ་བསྟེན་དམ་ཚིག་ཉམས།། ཕྱག་རྒྱ་བསྟེན་པའི་དུས་སུ་ཡང་།། རྣལ་འབྱོར་མིང་སྲིད་བརྡ་ཡིས་མཚོན།། གང་ཞིག་འཛུབ་མོ་སྟོན་པ་ན།། འོངས་སམ་ཞེས་ནི་འདྲི་བ་ཡིན།། སོར་མོ ་གཉིས་ནི་སྟོན་པ་དང་། ། མཐེ་བོ་དྲང་པོར་སྟོན་པ་དང་།། དེ་བཞིན་སྲིན་ལག་དྲང་པོར་སྟོན།། རྡོ་རྗེ་བོལ་ཞེས་བྱ་སྟེ།། པད་མ་ཀ་ཀོ་ལ་ཞེས་བྱ།། དེ་ལྟར་མ་བྱས་དམ་ཚིག་ཉམས།། བརྡ་ཡི་བྱེ་བྲག་མ་ལུས་པ།། ་སམ་བུ་ཊ་རུ་ཤེས་པར་བྱ།། ལྷ་མོས་གསོལ་པ་བཅོམ་ལྡན་འདས།། རྡོ་རྗེ་པང་མ་དགའ་བའི་གནས།། དེ་རུ་བཟུང་བ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། དེ་རུ་གཟུང་བ་རྣམ་པ་གཉིས།། རབ་ཀྱི ་དབུགས་དང་ཤེས་པས་བཟུང་། ། དང་པོ་བཙན་ཐབས་སྦྱོར་བས་བཟུང་།། སྦྱོར་བ་རྣམ་པ་བཅུ་རུ་བཟུང་།། གཅིག་ནི་སྦོམ་པོ་ཁྲོ་མོས་བཟུང་།། བཟུང་བའི་རྟེན་ནི་རྣམ་པ་བཞི།། མན་ངག་ཅན་གྱིས་ཤེས་པར་བྱ།། ་གལ་ཏེ་དེ་རུ་མ་ཟིན་ན།། འཁོར་བར་ལྟུང་བས་རང་གིས་སུ།། ཏིང་ངེ་འཛིན་གྱིས་ཧཾ་ལ་བསྡུ།། ལྕེ་ཡིས་བྱང་ཆུབ་སེམས་བླངས་ལ།། རོ་མའི་འཁོར་ལོ་རུ་ནི་བསྟིམ།། དེ་ལྟར་མ་བྱས་དམ་ཚིག་ཉམས ་ལྷ་མོས་གསོལ་པ་བཅོམ་ལྡན་འདས། ། ཤེས་རབ་བསྐྱོད་ཐབས་འབའ་ཞིག་གམ།། ཐབས་ཀྱིས་བསྐྱོད་པ་འབའ་ཞིག་གམ།། རྣལ་འབྱོར་པ་དང་རྣལ་འབྱོར་མ།། བདེ་བ་ཁྱད་པར་མེད་དམ་ཅི།། བདེ་བའི་ངོ་བོ་རྗེ ་ལྟར་ལགས། ། བཅོམ་ལྡན་འདས་ཀྱིས་བཀའ་སྩལ་པ།། བསྐྱོད་པ་བུད་མེད་ཀྱིས་ཀྱང་བསྐྱོད།། སྦྱོར་ཐབས་ཀྱང་ནི་ཐབས་ཀྱིས་བྱ།། དེ་ལས་བདེ་བ་ཁྱད་པར་འཕགས།། དཔེར་ན་ངར་དང་སཱལ་མ་བཞིན།། ཐབས་ཀྱིས ་སྣ་ལ་མའི་ཆ་ཙམ་མྱོང་། ། ཤེས་རབ་དར་གྱི་ཤམ་བུ་ཙམ།། དོ་ཕྱིར་རྣལ་འབྱོར་མའི་རྒྱུདོ།། རྣལ་འབྱོར་མ་ཡི་འགྲུབ་པར་གསུངས།། རྒྱུད་ཀྱི་ནང་ན་མཆོག་ཡིན་པས།། རབ་གནས་སྦྱིན་སྲེག་དབང་བསྐུར་དང་།། མཆོད། ་དང་བཟླས་དང་གཏོར་མ་དང་།། ཁྲུས་དང་བསྲུང་བ་ལ་སོགས་པ།། གསང་བ་འདི་ལས་གཞན་ན་མེད།། འབྲས་བུའི་ནང་ན་འདི་མཆོག་སྟེ།། ཡེ་ཤེས་ལྔ་ཡི་སྤྲོས་དང་བྲལ།། དེ་ནས་ལྷ་མོས་འཁོར་དཔག་ཏུ ་མེད་པ་དང་། མཁའ་འགྲོ་མ་རྣམས་འདོད་ཆགས་ཀྱི་ཐེ་ཚོམ་ཡོངསུ་ཟད་ནས། བཅོམ་ལྡན་འདས་ལ་ཀུན་གྱིས་འཁྱུད་ནས་གསང་བའི་མཆོད་པས་བདེ་བ་ཆེན་པོའི་རས་གང་བར་མཆོད་ནས་མི་སྣང་བར ་གྱུར་ཏོ། ། གསང་བའི་ཡང་གསང་བགས་། རྗེ་རྒྱལ་པོ། འཁོར་ལོ་སྡོམ་པའི་རྟོག་པ་རྒྱུ་དང་འབྲས་བུའི་དེ་ཁོ་ན་བསྟན་པའི་ལེའུ་སྟེ། བཞི་པའོ།། ། གསང་བ་རྡོ་རྗེའི་རྒྱུད་ཀྱི་རྒྱལ་པོ་ཞེས་བྱ་བ་རྫོག་སྷོ།། ་བན་ཌི་ཏ་རང་ན་བཛྲ་དང་། ལོ་ཙྪ་བ་དག་སླང་ཤཱཀྱ་ཡེ་ཤེས་ཀྱིས་བསྒྱུར་ཏེ་གཏན་ལ་ཕབ་པའོ།། །། རྒྱ་གར་སྐད་དུ། ཤཱི་གུ་ཧྱ་སརྦ་ཙྪིན་དྷ་ཏན་ཏྲ་རཱ་ཛཱ། བོད་སྐད་དུ། དཔལ་གསང་བ་ཐམས་ཅད ་