CLOSE WINDOW

Ng47.5: 'phags pa tshangs pas zhus pa zhes bya ba theg pa chen po'i mdo
Wyliee-texts produced with BDRC’s OCR application

རྒྱ་གར་སྐད་དུ། ཨརྱ་བྲ་ཧཱ་པ་རི་པྲྀ་ཛྙཱ་ནཱ་མ་མ་ཧཱ་ཡཱ་ན་སུ་ཏཱ། བོད་སྐད་དུ།། འཕགས་པ་ཚངས་པས་ཞུས་པ་ཞེས་བྱ་བ་ཐེག་པ་ཆེན་པོའི་མདོ།། སངས་རྒྱས་དང་། བྱང ་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གྲོང་ཁྱེར་ཡངས་པ་ཆེན་པོའི་ཁང་པ་བརྩེགས་པའི་གནས་ན། དགེ་སློང་ཁྲི་ཉི་སྟོང་གི་དགེ་སློང ་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང་ཐབས་གཅིག་ཏུ་བཞུགས་ཏེ། དེ་ནས་བཅོམ་ལྡན་འདས་མི་ཉལ་ཙམ་གྱི་ནམ་གྱི་གུང་ཐུན་ལ། དཀྱིལ་མོ་བཀྲུང་བཅས་ནཱ། ་དྲན་པ་མངོན་དུ་བཞག་སྟེ། རྙོག་པ་དང་བཅས་པ་དཔྱོད་པ་དང་བཅས་པའི་ཏིང་ངེ་འཛིན་ལས་སྐྱེས་པའི་དགའ་བ་དང་བདེ་བ་ཅན་བསམ་གཏན་དང་པོ་ལ་སྙོམས་པར་ཞུགས་སོ།། བཅོམ་ལྡན་འདས་དེ་ལས་གཞེངས་ནས་རྟོག ་པ་མེད་དཔྱོད་པ་མེད་པ། ཏིང་ངེ་འཛིན་ལས་སྐྱེས་པའི་དགའ་བ་དང་བདེ་བ་ཅན་བསམ་གཏན་གཉིས་པ་ལ་སྙོམས་པར་ཞུགས་སོ།། བཅོམ་ལྡན་འདས་དེ་ལས་བའི་དྲ་ནས། དགའ་བའི་འདོད་ཆགས་དང་བྲལ་བ། བཏང ་སྙོམས་པ་དྲན་པ་དང་ལྡན་པ། བདེ་བར་གནས་པ། བསམ་གཏན་གསུམ་པ་ལ་སྙོམས་པར་ཞུགས་སོ།། བཅོམ་ལྡན་འདས་དེ་ལས་ཀྱང་བཞེངས་ནས་བདེ་བ་ཡང་སྤངས་ཏེ། སྔ་ནས་སྡུག་བསྔལ ་ཡང་སྤངས་ཤིང་། ཡིད་བདེ་བ་དང་ཡིད་མི་བདེ་བ་ཡང་ནུབ་པས། ཕྱིར་སྡུག་བསྔལ་ཡང་མེད་པ་ཡང་མེད་པ། བཏང་སྙོམས་དང་དྲན་པ་ཡོངས་སུ་དག་པ། བསམ་གཏན་བཞི་ལ་སྙོམས་པར་ཞུག་སོ།། ། ་དེ་ནས་བཅོམ་ལྡན་འདས་བསམ་གཏན་བཞི་པ་ལས་གཞེངས་ནས། བསམ་གཏེ་ན་གསུམ་པ་ལ་ཞུགས་སོ།། བསམ་གཏན་གསུམ་པ་ལས་གཞོངས་ནས། བསམ་གཏན་གཉིས་པ་ལ་ཞུགས་སོ།། བསམ་གཏན་གཉིས ་པ་ལས་བཞེངས་ནས། བསམ་གཏན་དང་པོ་ལ་ཞུགས་སོ།། བསམ་གཏན་དང་པོ་ལས་བཞེངས་ནས་གདུལ་བྱ་ཇི་ལྟ་བ་བཞིན་དུ་སེམས་ཅན་ལ་གཟུགས་ཀྱི་ལུས་ཀུན་ཏུ་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུག་སོ།། ་བཅོམ་ལྡན་འདས་ཤིན་དུ་ལྷམ་མེ་ལྡན་ནེ་ལྷང་ངེར་བཞུགས་ཏེ། མི་འཇེད་ཀྱི་བདག་པོ་ཚངས་པས་ཚངས་པའི་གནས་ན་འདུག་བཞིན་དུ་བཅོམ་ལྡན་འདས་ཤིན་དུ་སྙམ་མེ་ལྷན་ནེ་ལྟུང་ངེ་བ་དང་། སྐྱེས་བུ་ཆེན་པོའི་མཚན་དུ། ་བཅུ་བརྩ་གཉིས་ཀྱིས་ལེགས་པར་བརྒྱན་པ་མཐོང་ངོ་།། མཐོང་ནས་ཀྱང་ཚངས་པའི་འཇིག་རྟེན་ནས་མི་སྣང་བར་གྱུར་ནས། ཐམས་ཅད་དང་ལྡན་པའི་ཚལ་ཆེན་པོའི་འོད་ཀྱིས་སྣང་བར་བྱས་ཏེ། བཅོམ་ལྡན ་འདས་ཀྱི་སྤྱན་སྔར་ཧ་ཅང་ཡང་མི་རིང་བ་ཞིག་ཏུ་འདག་གོ།། དེ་ནས་མི་འཇེད་ཀྱི་བདག་པོ་ཚངས་པས་འདི་སྙམ་དུ་བསམས་ཏེ། སངས་རྒྱས་བཅོམ་ལྡན་འདས་རྣམས་ནི་བསྙེན་པར་དཀའ་བ། རྣམ་པར་ཤེས་པར་དཀའ ་ཁ་ཡིན་ན། བཅོམ་ལྡན་འདས་ཏིང་ངེ་འཛིན་ལ་སྙོམས་པར་ཞུགས་པ་ལ་བདག་གིས་གྲེ་བ་བསལ་བའི་སྒྲ་འམ། སྨྲ་བ་ཙམ་གྱིས་གཞེངས་པར་གསོལ་བ་ནི། བདག་གི་ཆ་མ་ཡིན་གྱིས་དག་གླིའི་སུ་ལ་ན་གས་ཀྱི ་བཅོམ་ལྡན་འདས་གཞེངས་པར་གསོལ། གོར་མ་ཆག་སྙམ་སྟེ། དེ་ནས་མི་འཇེད་ཀྱི་བདག་པོ་ཚངས་པས་བླ་གོས་ཕྲག་པ་གཅིག་ཏུ་གཟར་ནས་འདག་བཞིན་དུ་བཅོམ་ལྡན་འདས་ག་ལ ་བ་དེ་ལོགས་སུ་ཐལ་མོ་སྦྱར་བ་བཏུད་ཏེ། མགོ་བཏུད་ནས་བཅོམ་ལྡན་འདས་ལ་ཚིགས་སུ་གཅད་པ་དག་གིས་གཞེངས་པར་གསོལ་ཏོ།། མ་གྲོས་དྲི་མ་མ་མཆིས་རྣམ་པར་དག། ལྷ་དང་མི་མཆོག་རྣཾམས ་དང་དྲི་ཟ་དང་།། ཀླུ་དང་ལྷ་མིན་རྣམས་ཀྱིས་ལེགས་མཆོད་པ།། སེམས་ཅན་སྨན་སླད་མགོན་པོ་ཁྱོད་ལ་མཆོད།། དཔེར་ན་རི་ནི་རབ་ཏུ་མི་གཡོས་དང་།། ཇི་ལྟར་རྒྱ་མཚོ་གཏིང་ནི་མི་དཔོགས་ལྟར།། བདུད་རྣམས་ཐམས། ་ཅད་ཀྱིས་ཀྱང་མི་གཡོས་ལ།། ཐུབ་པ་སྐྱེས་བུ་མཆོག་ནི་བསམ་གཏན་མཛད།། ཟང་ཟིང་མིང་མངའ་མཚན་མ་མི་མངའ་ཞིང་།། ཐ་དད་མི་མངའ་རྟེན་པ་མི་མངའ་ལ།། གནས་མི་མངའ་ཞིང་སྣང་བ་མི་མངའ་བ།། ་ཐུབ་པ་སྐྱེས་བུ་དམ་པ་བསམ་གཏན་མཛད།། རྟོག་གེ་རྣམས་ནི་ཡུལ་གྱི་མ་ལགས་ཤིང་།། བྱིས་པ་རྣམས་ཀྱི་སྤྱོད་ཡུལ་མ་ལགས་ལ།། སེམས་དང་སེམས་ལས་བྱུང་ལས་རབ་འདས་པ།། བསམ་གཏན་ཕ་རོལ ་གཤེགས་པ་བསམ་གཏན་མཛད།། མགོན་པོ་སེང་གེ་བཞིན་དུ་གསུང་ཡང་སྒྲོགས།། ཐུབ་པ་འབྲུག་བཞིན་སྒྲོགས་པ་རབ་ཏུ་མཛད།། དཔའ་བོ་ཟླ་བ་བཞིན་དུ་རབ་ཏུ་མཛེས།། སེམས་ཅན་དཀོན་མཆོག་ཁྱོད་ལ ་ཕྱག་འཚལ་ལོ། དེ་ནས་བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པས་བསྐུལ་བའི་ཚིགས་སུ་བཅད་པ་འདི་ལྟ་བུ་འདི་དག་གིས་བསྐལ་པ་ཐུགས་སུ་ཆུད།། ཇི་ལྟར་དཀྱིལ་དཀྲུང་བཅས་པ་དེ་ཉིད ་ཀྱིས་ཏིང་ངེ་འཛིན་དེ་ལས་བཞེངས་སོ།། གཞེངས་ནས་བཅོམ། ལྡན་འདས་ཀྱིས་མི་མཇེད་ཀྱི་བདག་པོ་ཚངས་པ་ལ་སྨན་པའི། ཕྱིར།། མགུར་རྩལ་བའི་སྒྲ་མཛད་པ་དང་། མི་མཇེད་ཀྱི་བདག ་བོ་ཚངས་པས་བཅོམ་ལྡན་འདས་ཏིང་ངེ་འཛིན་དེ་ལས་གཞེངས་ཏེ་ཇི་ལྟར་དཀྱིལ་མོ་དཀྲུང་བཅས་པ་ཉིད་ཀྱིས་བཞུགས་པར་མཐོང་།། མཐོང་ནས་ཀྱང་བཅོམ་ལྡན་འདས་གལ་བ་དེར་སོང་སྟེ་ཕྱིན ་ནས། བཅོམ་ལྡན་འདས་ལ་ལན་གསུམ་དུ་བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ།། ཕྱོགས་གཅིག་ཏུ་འདུག་ནས་མི་མཇེད་ཀྱི་བདག་པོ ་ཚངས་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ། བཅོམ་ལྡན་འདས་ཀྱིས་བདག་ལ་སྐབས་དབྱེ་བར་གནང་ན། དེ་བཞིན་གཤེགས་པ་དགྲ ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་ཕྱོགས་འགའ་ཞིག་ཞུ་ལགས་སོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པ་ལ་འདི་སྐད་ཅེས་བཀའ ་བསྩལ་ཏོ།། ཚངས་པ་ཞུ་བ་ལུང་བསྟན་པའི་ཕྱིར། དེ་བཞིན་གཤེགས་པས་རྟག་ཏུ་ཁྱོད་ལ་བསྐབས་ཕྱེས། ཚངས་པ་ཁྱོད་ཅི་དང་ཅི་འདོད་པ་དེ་བཞིན་གཤེགས་པ་ལ་ཞུས་ཤིག་དང་ཞུས་པ་དེ་དང་དེ་ཉིད་ཀྱི་ལུང་བསྟན ་པས་ངས་ཁྱོད་ཀྱི་སེམས་རངས་པར་བྱའོ།། དེ་ནས་བཅོམ་ལྡན་འདས་ཀྱིས་སྐབས་ཕྱེ་བས། མི་མཇེད་ཀྱི་བདག་པོ་ཚངས་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འང ་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཆོས་དང་ལྡན།། ན་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན། པར་རྫོགས་པར་འཚང་རྒྱ་ལགས། དེ་སྐད་ཅེས་གསོལ་པ་དང ་བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པ་ལ་འདི་སྐད་ཅེས་བཀའ་བསྩལ་ཏོ།། ཚངས་པ་བྱང་ཆུབ་སེམོས་དཔའ་སེམས་དཔའ་ཆེན་པོ་དག་ཆོས་གཅིག་དང་ལྡན་ན་མྱུར་དུ་བླ་ན་མེད་པ་ཡང་དག ་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། ཆོས་གཅིག་གང་ཞེ་ན། འདི་ལྟ་སྟེ་ལུས་ཀྱི་རྗེས་སུ་སོང་བའི་དྲན་པའོ།། ཚངས་པའི་བྱང་ཆུབ་སེམས་དཔའི་ལུས་ཀྱི་རྗེས་སུ་སོང་བའི་དྲན ་པ་ཇི་ལྟ་བུ་ཡིན་ཞེ་ན། ཚངས་པ་འདི་ལ་བྱང་ཆུབ་སེམས་དཔའ་ནི་འགྲོའོ་སྙམ་པའི་དྲན་པ་དང་ལྡན་ཞིང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ།། ལྡོག་གོ་སྙམ་དུ་དྲན་པ་དང་ལྡན་པ་ཡིན་ཞིང་ཡང་དག་པ ་ཇི་ལྟ་བ་བཞིན་དུ་རབ་ཏུ་ཤེས་སོ།། ཉལ་ལོ་སྙམ་པ་དང་ལྡང་ངོ་སྙམ་པ་དང་འཆག་གོ་སྙམ་པ་དང་།། འདུག་གོ་སྙམ་དུ་དྲན་པ་དང་ལྡན་པ་ཡིན་ཞིང་ཡང་དག་པར་ཇི་ལྟ་བ་བཞིན་དུ་རབ་ཏུ་ཤེས་སོ།། དེ་གཅིག་པུ་དབེན་པ ་འདུག་སྟེ། ནང་དུ་ཡང་དག་བཞག་ནས་འཁྲུག་པ་མེད་པའི་ཡིད་ཀྱིས་ལུས་འདི་ཉིད་ལ་འདི་ལྟ་སྟེ། ཀྱེ་མ་ལུས་འདི་ནི་མི་རྟེན་པ་མི་རྟག་པ། རང་བཞིན་གྱིས་ཉམ་ཆུང་བའི་སྙིང་པོ་མེད་པ། ཐེར་ཟུག་མ ་ཡིན་པ། རྣམ་པར་མཐོར་བའི་ཆོས་ཅན། རྣམ་པར་འཇིག་པའི་ཆོས་ཅན། རྟེན་ཅིང་འབྲེལ་པར་འབྱུང་བ་སྒྱུ་མ་དང་འདྲ་བ། ཟིལ་བའི་ཐིགས་པ་དང་འདྲ་བ། གཡོ་བ་མི་གནས་པ། མི་གཙང་བ ་རྣག་གི་དྲི་དྲ་བ་ཅན།། རླུང་དང་ཉི་མས་མཐར་གཏུག་པ། མཐར། འདུལ་བ། མཐར་རྡུལ་དུ་འགྱུར་བ་ངན་སྐྱུགས་ཀྱི་མཿ། ཐུག་པ་ནད་མང་བ། གནོད་པ་ཅན་མགོན་པའི་ནད་མང་། ནཱ་བ ་འཇིག་པའི་ངད་ཅན་རུས་པ་བསྩོགས་པའི་དྲི་ང་བཾ། འཛག་པ་ཅན་བསྒྲིམས་ཏེ། རིམ་གྲོ་བྱ་དགོས་པ་ཡིན་པར་ཡང་དག་པ་ལྟ་བ་བཞིན་དུ་སོ་སོར་རྟོག་གོ།། དེ་དེ་ལྟར་ཡང་དག་པའི་དྲན ་བས་ལུས་ཀྱི་སྐྱོན་རྣམས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པས་ལུས་ལ་ཆགས་པ་འམ། ལུས་ལ་ཀུན་ཏུ་འདོད་ཆགས་པ་དང་། ལུས་ལ་བདག་གི་ཉིད་ཡིན་པ་མི་བསྐྱེད་དོ།། དེ་ལུས་ལ་མི་ལྟ་བས་སྲོག ་ལ་ཆགས་པ། སྲོག་པ་ཀུན་ཏུ་འདོད་ཆགས་དང་སྲོག་ལ་བདག་གི་ཉིད་ཡིན་པ་མི་བསྐྱེད་དོ།། དེ་ལུས་དང་སྲོག་ལ་མི་ལྟ་བས་ཆོས་གོས་ངན་ངོན་དང་ཁ་ཟས་ངན་ངོན་དང་མལ་ཆ་དང་། སྟན་ངན་ངོན་དང་། ན་བའི་གསོ ་སྨན་དང་ཡོ་བྱད་ངན་དོན་ཙམ་དག་གིས་ཆོག་པར་འཛིན་པ་ཡིན་ནོ།། དེ་ཚངས་པ་མཚུངས་པར་སྤྱོད་པ་རྣམས་ཀྱི་བྱ་བ་གང་དག་ཡིན། དོན་དང་ལྡན་པ་རྣམས་སམ། དགེ་བ་དང་ལྡན་པ་རྣམས་ཀྱང་དེ། ་དག་ལ་སྟོང་པར་བྱེད་དེ། ཡོངས་སུ་མི་སྐྱོ་ཞིང་། ཡོངས་སུ་ཡི་ཆད་པ་མེད་པ་ཡོངས་སུ་སྐྱོ་བའི་སེམས་མི་བསྐྱེད་དོ།། དེ་མཁན་པོ་དང་སློབ་དཔོན་གྱི་གན་དུ་འགྲོ་ན། དྲན་པ་དང་ལྡན་ཞིང་འདི་སྙམ་དུ་སེམས་ཏེ། མཁན ་པོ་དག་ནི་བསྙེན་པར་དཀའ་བ། སློབ་དཔོན་དག་ནི་བསྙེན་པར་དཀའ་བ་སྟེ། བདག་དེར་སོང་བ་ན་སྡིག་པ་མི་དགེ་བ་ཀུན་ཏུ་སྤྱད་པ་འགའ་ཞིག་གིས་བདག་ལ་གླེངས་ཤིང་དྲན་པར་བྱས་ན། མི་རུང་ངོ་སྙམ་ནས་དེ་རྒྱུ ་དེ་དང་རྐྱེན་དེ་དག་བཞི་དེས་སླབ་པ་རྣམས་ལ་གུས་པར་བྱེད་པར་འགྱུར་ཏེ། རྟུན་པར་བྱེད་པ་དང་། ལེགས་པར་བྱ་བ་བྱེད་པ་དང་།། ཞི་དུལ་དུ་བྱེད་པ་ཉིད་དང་། ཤིན་ཏུ་ཡོངས་སུ་མཐར་ཐུག་པར་བྱེད ་པ་ཅན་དུ་འགྱུར་རོ།། དེ་བསླབ་པ་རྣམས་ལ་གུས་པར་བྱེད་པ་ཉིད་དང་རྟུལ་བར་བྱེད་པ་ཉིད་དང་ལེགས་པར་བྱ་བ་བྱེད་པ་ཉིད་དང་། ཞི་རྣལ་དུ་བྱེད་པ་ཉིད་དང་ཤིན་ཏུ་ཡོངས་སུ་མཐར་ཐུག་པར་བྱེད་པ་ཉིད ་ཀྱིས་མཁན་པོ་དང་སློབ་དཔོན་གྱི་གན་དུ་འགྲོ་བ་ན། བག་ཚ་བ་མེད་པ་དང་བག་ཁུམས་པར་མེད་པར་འགྲོ་ཞིང་མི་འཇིགས་པ་དང་། ལྷན་ཅིག་འབྱུང་བའི་རྒོད་པ་ཡང་མི་སྟེན་ཏེ། ཅིའི་ཕྱིར་ཞེ་ན། གུས་པ་དང་བཅས ་ཤིང་། ཞེས་དང་བཅས་པ་ཡིན་ལ། རིགས་ཀྱི་བག་མ་བཞིན་དུ་མཛེས་པ་དང་ལྡན་པའི་ཕྱིར་རོ།། དེ་འཛེམ་པ་དང་ལྡན་པས་ལུས་ཀྱི་སྐྱོན་དང་། ལུས་ཀྱི་ཉེས་པ་སྤྱོད་པ་གང་དག་ཡིན་པ་དེ་དག་ཐམས་ཅད་ཀྱི་ཐམས་ཅད ་ཀྱི་ཐམས་ཅད་དུ་ཡོངས་སུ་སྤོང་ངོ་།། ཚངས་པ་བྱང་ཆུབ་སེམས་དཔའི་ལུས་ཀྱི་སྐྱོན་དང་ལུས་ཀྱི་ཉེས་པར་སྤྱོད་པ་དེ་དག་གང་ཞེ་ན། ཚངས་པ་སྲོག་གཅོད་པ་ནི་བྱང་ཆུབ་སེམས་དཔའི་ལུས་ཀྱི་སྐྱོན་དང་ལུས་ཀྱི་ཉེས་པར ་སྤྱོད་པ་ཡིན་ནོ།། ཚངས་པ་མ་བྱིན་པར་ལེན་པ་དང་། མི་ཚངས་པར་སྤྱོད་པ་ནི་བྱང་ཆུབ་སེམས་དཔའི་ལུས་ཀྱི་སྐྱོན་དང་། ལུས་ཀྱི་ཉེས་པར་སྤྱོད་པ་ཡིན་ནོ།། ཚངས་པ་བྱང་ཆུབ་སེམས་དཔའ་ཇི་ལྟར་སྲོག་གཅོད་པ ་ཡིན་ཞེ་ན། ཚངས་པ་འདི་ལ་བྱང་ཆུབ་སེམས་དཔའ་ནི་འདོད་ཆགས་ཀྱི་དབང་པོས་སྲོག་ཆགས་ཀྱི་སྲོག་གཅོད་པར་མི་བྱེད། ཞེ་སྡང་གི་དབང་དང་། གཏི་མུག་གི་དབང་གིས་སྲོག་ཆགས་ཀྱི་སྲོག་གཅོད་པ ་མི་བྱེད་དོ།། དེ་སེམས་ཅན་གཞན་དག་དང་གང་ཟག་གཞན་རྣམས་ལ་བདག་ཙམ་དུ་འདུ་ཤེས་པར་བྱེད་དེ། བདག་ཉིད་ཀྱི་སེམས་ཅན་གཞན་དག་དང་། གང་ཟག་གཞན་རྣམས་ཀྱི་སྲོག་གཅོད་པར ་མི་བྱེད་དོ།། གཞན་དག་ཀྱང་གཅོད་དུ་མི་འཇུག་གོ།། གཞན་དག་སྲོག་གཅོད་པ་ལ་ཡང་རྗེས་སུ་ཡི་རང་བར་མི་བྱེད་དོ།། བདག་གིས་ཀྱང་མི་གཅོད་དོ།། གཞན་དག་ཀྱང་གཅོད་དུ་མི་འཇུག་གོ།། གཞན་དག་གཅོད་པ ་ལ་ཡང་རྗེས་སུ་ཡི་རང་མྱི་བྱེད་དོ།། བདག་ཀྱང་མི་རྡེག་གོ།། གཞན་དག་ཀྱང་རྡེག་ཏུ་མི་འཇུག་གོ།། གཞན་དག་རྡེག་པར་བྱེད་པ་ལ་ཡང་རྗེས་སུ་ཡི་རང་བར་མི་བྱེད་དོ།། ཇི་ལྟར་མ་བྱིན་པར་ལེན་པར་སྤོང་བ་ཡིན་ཏེ། ་ཚངས་པ་འདི་ལ་བྱང་ཆུབ་སེམས་དཔའ་ནི་སེམས་ཅན་རྣམས་ཀྱི་འཚོ་བའི་ཡོ་བྱང་གང་དག་ཡིན་པ་འདི་ལྟ་སྟེ། གསེར་དང་ནོར་བུ་དང་མུ་དིག་དང་ཉེ་དུརྱ་དང་དུང་དང་མན་ཤེལ་དང་། བྱི་རུ་དང་ས་ལེ་སྐམ་དང་། དངུལ་ལ་སོགས་པ ་དང་། གོས་དང་བརྒྱན་གྱི་རྣམ་པ་དག་དང་ནོར་བུ་དང་འབྲུ་དང་མཛད་དང་བང་བའི་རྣམ་པ་དེ་དག་ལ་ཆགས་པ་མི་བསྐྱེད། དེ་དག་ལ་རྣམ་པར་རྟོག་པར་མི་བྱེད་ཅིང་། རྐུ་འཕྲོག་མི་བྱེད་དོ།། རྐུན་འཕྲོག་བྱེད་དུ་མི ་འཇུག་གོ།། རྐུན་འཕྲོག་བྱེད་པ་རྣམས་ལ་རྗེས་སུ་ཡི་རང་བར་མི་བྱེད་དོ།། དེ་གྲོང་ན་ཡོད་པ་འམ་དགོན་པ་ཡོད་པ་མ་བྱིན་ཞིང་མ་གནང་བའི་རྩའི་འདབ་མ་ཙམ་ཡང་ལེན་པར་ཡང་མི་བྱེད་དོ།། ཇི་ལྟར་ན་མི་ཚངས་པར་སྤྱོད་པ ་སྤོང་བ་ཡིན་ཞེ་ན། ཚངས་པ་འདི་ལ་བྱང་ཆུབ་སེམས་དཔའ་དབང་པོ་རྣམས་ཀྱི་སྒོ་ལེགས་པར་སྲུངས་ཤིང་གནས་པ་ཡིན། ལེགས་པར་དབསྔགས་པ་ཡིན་ནོ།། མཐུན་པའི་གནས་སུ་རྒྱུ་བ་ཡིན། ཤིན་དུ་བསྲུང ་བའི་དྲན་པ་དང་ལྡན་པ་ཡིན། རྟག་ཏུ་སྲུང་བའི་དྲན་པ་དང་ལྡན་པ་ཡིན། དེ་དྲན་པས་ཡིད་ཀུན་ཏུ་སྲུངས་པ་ཡིན། ལུས་དང་ངག་ཤིན་ཏུ་བསྡམས་པ་ཡིན་ནོ།། མཐུན་པའི་གནས་སུ་རྒྱ་ལ་དྲན་པ་དང་ལྡན ་པ་ཡིན་ཞིང་འདི་སྙམ་དུ་སེམས་བསྐྱེད་དེ། མི་ཞིག་གིས་བྱེ་མ་ཞིབ་མོ་ཤིན་ཏུ་བསྲེགས་པ་ལག་པ་གཉིས་ཀྱི་བསྟིམ་པས་བླངས་ཏེ། མིག་གཉིས་བཀང་བ་ནི་སྭའི། ཆགས་པའི་སེམས་ཀྱིས་ཡུལ་གྱི་བཟང་མོ་ལྟ་བ་ནི་དེ་ལྟ ་མ་ཡིན་ནོ།། དེ་ཅིའི་ཕྱིར་ཞེ་ན། བདག་ཡུལ་གྱི་བཟང་མོ་ལ་བལྟས་པས་ཡུན་རིང་པོར་ཕུང་ཞིང་བཅོམ་ལ་མ་རུང་བར་འགྱུར་བའི་ཕྱིར་རོ།། སྙམ་མོ། དེ་དེ་ལྟར་ལུས་ལ་ལུས་ཀྱི་རྗེས་སུ་ལྟ་ཞིང་གཟའ་བ་དང་བཏུང་བ་དང་། ་གནས་དང་མལ་ཆ་དང་། སྟན་རྣམས་ལ་དྲན་པ་ལེགས་པར་གནས་པ་ཡིན་ཏེ། དེ་དག་ལ་སྤྱོད་པ་ན་རོ་མྱང་བར་མི་བྱེད་ཅིང་ཆགས་པའི་སེམས་མེད་པ་ཡིན་ནོ།། གལ་ཏེ་དེ་ཡོངས་སུ་སྤྱོད་པ་ན་བདེ་བ་སྐྱེ་བ་ལྟ་ན་དེས་དེ་ལ་འདི ་ལྟར་ཉེ་བར་བརྟག་པར་བྱ་སྟེ། བདེ་བར་སྣང་བ་འདི་ནི་ཟློག་པའི་སྒོ་ནས་སྡུག་བསྔལ་ཡིན་ཏེ་ཁམས་གསུམ་པ་འདི་ནི་འདུས་བྱས་ཀྱི་དངོས་པོ་བདེ་བ་གང་ཡང་མེད་དོ།། དེ་ཅིའི་ཕྱིར་ཞེ་ན། འདུས་བྱས་མི་རྟག་པའི་ཕྱིར་རོ།། མཁས ་པའི་རང་བཞིན་ཅན་དག་དངོས་པོ་མེད་པ་རྟག་པ་རྣམས་ལ་བདེ་བའི་འདུ་ཤེས་ཇི་ལྟར་བསྐྱེད་སྙམ་དུ་བརྟག་པར་བྱའོ།། ཚངས་པ་གལ་ཏེ་བྱང་ཆུབ་སེམས་དཔའ་ཡོངས་སུ་སྤྱོད་པ་ན་སྡུག་བསྔལ་ཁོ་ན། སྐྱེས་པའི་བདེ་བ་ན ་མ་ཡིན་ཏེ། སྡུག་བསྔལ་དེས་ཀྱང་ཡོངས་སུ་གནོད་ཅིང་ཉོན་མོངས་པ་དེས་དེ་ལ་སེམས་འདི་ལྟར་ཉེ་བར་གཞག་པར་བྱ་སྟེ། ལུས་འདི་ནི་སྒོམས་ཏེ་ཡོངས་སུ་སྦྱང་དགོས་པ་གསུག་གིས་བསྒྲུབ་དགོས་པ་སྟེ། འདི་ནི་སྡུག ་བསྔལ་བརྩོམ་པས་གཟུང་བར་མི་ནུས་ཀྱི། བདེ་བ་རྩོམ་པས། གཟུང་བར་བྱ་བ་ཡིན་ཏེ། བདག་གིས་ལུས་བརྟན་ཞིང་འཚོ་བ། འདིས་དགེ་བའི་ཆོས་རྣམས་བསྒྲུབ་པར་བྱའོ།། དཔེར་ན་རྙེད་པ ་འདོད་པའི་ཚོང་པ་ཁུར་ཁལ་རྣམས་སྟོང་དྲན་བྱེད་བཅོས་ལེགས་བྱེད་པ་ནི་ཁུར་ཁལ་རྣམས་བརྒྱན་པའི་ཕྱིར་མ་ཡིན། བདེ་བར་བྱ་བའི་ཕྱིར་མ་ཡིན་གྱི། གཞན་དུ་ནི་ཅི་ཙམ་དུ་ཁལ་བཀལ་བ་བསྐུར ་བའི་ཕྱིར་རོ།། དེ་བཞིན་དུ་བྱང་ཆུབ་སེམས་དཔའ་ཁ་ཟས་ཟ་བ་ཡང་ལུས་བརྒྱན་པའི་ཕྱིར་ཟས་ཟ་བ་མ་ཡིན། ལུས་བདེ་བར་བྱ་བའི་ཕྱིར་མ་ཡིན་ཏེ། གཞན་དུ་ན་ཅི་ཙམ་དུ་ལུས་དང་འབྲེལ་པའི་དགེ་བའི་ཕྱོགས ་བསྒྲལ་བའི་ཕྱིར་རོ་སྙམ་དུ་སེམས་ཉེ་བར་གཞག་པར་བྱའོ།། ཚངས་པ་གལ་ཏེ་བྱང་ཆུབ་སེམས་དཔའ་དེ་བཞིན་གཤེགས་པས་གསུངས་པའི་གཉེན་པོས་སེམས་ཤེས་པར་བྱེད་མ་ནུས་ན་དེ་འདི་སྙམ་བསམ་པར་བྱ་སྟེ། ་སེམས་ཤེས་བྱ་བ་འདི་ནི་མཐར་ཕྱིན་པར་དཀའ་བ་མི་མཐུན་པ་འཛིན་པ། འཁོར་བ་ལ་མངོན་དུ་ཕྱོགས་པ། དགེ་བའི་ཕྱོགས་ལ་མི་ཕྱོགས་པ། ཡུལ་ལ་མངོན་དུ་ཕྱོགས་པ། དབེན་པ་ལ་མི་ཕྱོགས་པ། ་བདེ་བ་ལ་མངོན་དུ་ཕྱོགས་པ། སྡུག་བསྔལ་ལ་མི་ཕྱོགས་པ། སྨྲ་བ་ལ་དགའ་བ་ལ་མངོན་དུ་ཕྱོགས་པ། སྤྲོས་པ་ལ་མངོན་དུ་ཕྱོགས་པ། དེ་ཁོ་ན་ལ་རྣམ་པར་ལྟ་བ་ལ་མི་ཕྱོགས་པ། མི་གཙང་བ་ལ་མངོན་དུ་ཕྱོགས་པ ་གཙང་བ་མི་ཕྱོགས་པ། གདུལ་དཀའ་བ་གཟུང་དགའ་བ། གནས་མེད་པ་རྟེན་མེད་པ། གསོག་གསོབ། སྐད་ཅིག་པ། རྒྱུ་དང་རྐྱེན་ཚོགས་ལས་བྱུང་བ་ཡིན་ན། མཁས་པའི་རང་བཞིན་ཅན་སུ་ཞིག་འདི་ལྟ་བུའི་རང་བཞིན ་ཅན་གྱི་སེམས་ཀྱི་དབང་དུ་འགྲོ་ཞིང་རྗེས་སུ་འཇུག་སྙམ་དུ་ངས་མོ།། དེ་དེ་ལྟར་སེམས་ལ་དྲན་པ་ཉེ་བར་གནས་པས། སེམས་འདུལ་བའི་ཕྱིར་ནན་ཏན་བྱེད་དོ།། དེ་སེར་སྣའི་སེམས་གདུལ་བའི་ཕྱིར ་སྦྱིན་པ་སྦྱིན་པར་བྱེད་དེ། ཐ་ན་ཁམ་ཅིག་ཙམ་འམ། རྒྱ་ཤུག་ཙམ་འམ། མོན་སྲན་གྲེའུ་ཙམ་འམ། ཏིལ་འབྲུ་ཙམ་ཡང་རུང་། དེ་ཡང་ཐམས་ཅད་ལ་སྦྱིན་པར་བྱེད་ཀྱི། སྡུག་པ་རྣམས་ལ་མ་ཡིན། ་འདྲིས་པ་རྣམས་ལ་མ་ཡིན་ནོ།། དེ་འཆལ་པའི་ཚུལ་ཁྲིམས་ཀྱི་སེམས་གདུལ་བའི་ཕྱིར། ཚུལ་ཁྲིམས་བསྲུང་སྟེ། ལུས་དང་ངག་དང་ཡིད་ཀྱིས་སྐྱོན་མེད་པར་བྱེད་པ་ཡིན། འདྲེན་མར་མི་བྱེད་པ་ཡིན།། ནག་ནོག་དུ་མི་བྱེད་དེ། ཚུལ། ་ཁྲིམས་དེས་བདག་ལ་བསྟོད་པར་མི་བྱེད་གཞན་ལ་སྨོད་པར་མི་བྱེད་དོ།། དེ་གནོད་སེམས་ཀྱི་སེམས་གདུལ་བའི་ཕྱིར། བཟོད་པ་བསྒོམས་ཏེ་དེ་གྲོང་ངམ་གྲོང་རྡལ་དུ་བཞུགས་པ་ན་གཤེ་ཡང་ཅི་མི་སྙམ་པར་བྱེད་དོ།། རྒྱབ་ཀྱང་རུང ་ཁརྡེག་ཀྱང་རུང་སྡིགས་ཀྱང་རུང་། རྣམ་པར་འཇོམ་ཡང་རུང་སྤྲོད་ཀྱང་རུང་སྟེ་ཅི་མི་སྙམ་པར་བྱེད་དོ།། ཀྱེ་མ་དགེ་སྦྱོང་འདི་ནི་འགོ་རེག་ངན་པའོ།། ཀྱེ་མ་དགེ་སྦྱོང་འདི་ནི་འགོ་རེག་མི་སྡུག་པ་ངན་པའོ།། ཞེས་འཇིག་རྟེན་གྱི ་དཔྱས་ཀྱང་ཅི་སྙམ་པར་བྱེད་དོ།། ཡང་དག་མ་ཡིན་པས་བསྐུར་ཀྱང་བཟོད་པར་བྱེད་ཅིང་དང་དུ་ལེན་ལ་ལས་བདག་གིར་བྱ་བ་ཉིད་ལ་བརྟོན་ཏེ། བཟོད་པ་དེས་ཀྱང་བདག་ལ་བསྟོད་བཱ་མ་བྱེད་གཞན་ལ་སྨོད་པར་མི་བྱེད་དོ།། ་དེ་ལེ་ལོའི་སེམས་གདུལ་བའི་ཕྱིར་དང་། བྱང་ཆུབ་ཀྱི་ཕྱོགས་པའི་ཆོས་མ་ཐོབ་པ་རྣམས་ཐོབ་པར་བྱ་བའི་ཕྱིར་དང་། ཐོབ་པ་རྣམས་འཕེལ་བར་བྱ་བའི་ཕྱིར་དང་། འཕེལ་བ་རྣམས་ཡོངས་སུ་སྨིན་པར་བྱ་བའི ་ཕྱིར་དང་། ཡོངས་སུ་སྨན་པ་རྣམས་ཡང་དག་པར་གཟུང་བར་བྱ། བའི་ཕྱིར་དང་། ཡང་དག་པར་གཟུང་བ་རྣམས་རྣམ་པར་དབྱེ་བའི་ཕྱིར་བརྩོན་འགྲུས་བརྩོམ་མོ།། དེ་སེམས་ཅན་གྱི་ཆེད་རྣམས་དང ་སེམས་ཅན་གྱི་བྱ་བ་རྣམས་ལ་ཡོངས་སུ་མི་སྐྱོ་ཞིང་། ཡོངས་སུ་ཡི་མི་འཆད་དེ་ཡོངས་སུ་སྐྱོ་བའི་སེམས་མི་བསྐྱེད་དོ།། དེ་གདོལ་པ་ལ་ཕན་གདགས་ཀྱང་རུང་རྒྱལ་པོ་ལ་ཕན་གཏགས་ཀྱང་རུང་། ཤིན ་ཏུ་ལམ་རིང་པོར་ཡང་འགྲོ་སྟེ། ཐ་དད་པར་མི་དམིགས་ཤིང་རྒྱུན་མི་གཅོད་པ་ཡིན་ནོ།། གལ་ཏེ་བྱང་ཆུབ་སེམས་དཔའ་སྡུག་བསྔལ་ཞིང་བཀྲེན་པའི་སེམས་ཅན་གྱི་དངོས་པོ་ཐ་ཆད་ངན་པ་ཞིག་གིས་བསྟབས་སམ། ་འབྱོར་ཅིང་ནོར་ཆེ་བ་གང་ཡང་རུང་བ་ཞིག་གིས་དངོས་པོ་བཟང་པོ་མཆོག་གྱ་ནོམ་པ་ཞིག་བསྟབས་ཀྱང་། དེ་ལ་བྱང་ཆུབ་སེམས་དཔས་སྙིང་བརྩེ་བའི་སེམས་བཞག་ལ་གུས་པར་བསྟོད་ཅིང་ཡང་དག་པར་གཟེང་བསྟོད་ལ ་ཡང་དག་པར་འཛིན་དུ་བཞུག་ཅིང་དངོས་པོ་ངན་པ་དེ་བླང་བར་བྱའོ།། དེ་ཅིའི་ཕྱིར་ཞེ་ན། འདི་ལྟ་སྟེ། སྡུག་བསྔལ་བའི་སྦྱིན་པ་འདི་ནི་སྦྱིན་པ་བྱ་དཀའ་བ་ཡིན་པའི་ཕྱིར་རོ།། དེ་རྣམ་པར་གཡེང་བའི་སེམས ་གདུལ་བའི་ཕྱིར། བསམ་གཏན་ལ་བསམ་གཏན་བྱེད་དེ། ཇི་ལྟར་བསམ་གཏན་བྱེད་ཅེ་ན། ཚངས་པ་འདི་ལ་བྱང་ཆུབ་སེམས་དཔའ་ནི་ཐོག་མ་ཁོ་ནར་ལུས་ལེགས་པར་བསྡམས་པ་ཡིན་ནོ།། ལུས་དབེན་པར ་གནས་པ་ཡིན་ནོ།། ལུས་ཀྱི་འདི་འཛི་རྣམས་ཀྱང་ཡོདསུ་སྤོང་ངོ་།། ལུས་ལ་ལྷག་པར་ཆགས་པ་ཡང་འདོར་རོ།། ལུས་ལྕི་བ་འམ། ཡང་བ་ཡང་ཤེས་སོ།། ལུས་དང་མཐུན་པ་དང་ལུས་འཚོ་བ་ལུས ་ཀྱི་སྟོབས་ཀྱང་རབ་ཏུ་ཤེས་སོ།། ངག་ལེགས་པར། བསྣམས་པ་ཡིན་ཏེ། སྨྲ་བ་ཉུང་ཞིང་བརྗོད་པ་ཉུང་ངོ་།། དོན་སྨྲ་བ་ཡིན་ཞིང་རིག། པ་སྨྲ་བ་ཡིན་ཏེ། བྲེ་མོ་གཏམ་ལ་དགའ་བ་ཡོངས་སུ་སྤངས་པ ་ཡིན་ནོ།། དེ་ཡིད་ལེགས་པར་བསྡམས་པ་ཡིན་ཏེ། མི་དགེ་བའི་རྣམ་པར་རྟོག་པ་ཐམས་ཅད་ཡོངས་སུ་སྤངས་སོ།། དེ་དེ་ལྟར་གནས་གསུམ་ཡོངས་སུ་དག་པས་སྔོན་པོ་དང་། སེར་པོ་དང་། དམར་པོ་དང་། དཀར ་པོའི་གཟུགས་རྣམས་མི་སྣང་བར་བྱ་བའི་ཕྱིར་ནན་ཏན་བྱེད་ཏེ། དེ་དག་ལ་མཚན་མར་མི་འཛིན་མངོན་རྟགས་སུ་མི་འཛིན་པ་རྒྱན་དང་གོས་ཀྱི་རྣམ་པ་སྣ་ཚོགས་དག་ལ་ཡང་མཚན་མར་མི་འཛིན་ཅིང་། མངོན་རྟགས་སུ་མི། ་འཛིན་པ་ཡིན་ནོ།། གཟུགས་དང་སྒྲ་དང་། དྲི་དང་། རོ་དང་རེག་རྣམ་པ་སྣ་ཚོགས་དག་ལ་ཡང་མཚན་མར་མ་འཛིན་ཅིང་མངོན་རྟགས་སུ་མི་འཛིན་པ་ཡིན་ནོ།། སྐྱེས་པ་དང་བུད་མེད་དང་ཁྱེའུ་དང་བུ་མོ་རྣམས་ལ་ཡང ་མཚན་མར་འཛིན་ཅིང་མངོན་རྟགས་སུ་མི་འཛིན་པ་ཡིན་ནོ།། དེ་གཅིག་པུ་དབེན་པར་འདུག་ནས་ནང་དུ་ཡང་དག་འཇོག་ཅིང་སེམས་གནས་པར་བྱ་བའི་ཕྱིར་ནན་ཏན་བྱེད་ཏེ། མི་སྡུག་པ་ལ་དམིགས་པ་འམ། བྱམས་པ་ལ། ་དམིགས་པ་འམ། སྙིང་རྗེ་ལ་མི་དམིགས་པ་འམ། ཡིད་འབྱུང་བར་འགྱུར་བ་གང་ཡང་རུང་བས་ཇི་ལྟར་ལུས་ཁེངས་པར་མི་འགྱུར་བ་དེ་ལྟར་དམིགས་པར་བྱེད་དོ།། དབུགས་རྔུབ་པ་དང་འབྱུང་བ་མི་འགག་གོ།། རྒྱུན ་རྣམས་ཀྱང་མི་འཆད་དོ།། རླུང་འཁྲུག་པར་མི་འགྱུར་རོ།། སེམས་ལོག་པར་རྣམ་པར་གཡེང་བར་མི་འགྱུར་རོ།། དེ་འཆག་གམ་ཉམ་ལམ། འགྲེང་ངམ། འདུག་ཀྱང་དམིགས་པ་དེ་ཉིད་ཀྱིས་འདུག་གོ།། དོན་དོ ་ལ་སེཾསཾ་གཏེད། ཚངས་པ་གང་གི་ནི་བྱང་ཆུབ་སྡེ་ལ་དམིགས། པ་ལ་སེམས་བརྟན་པར་གྱུར་པ་དེའི་ཚེ། སེམས་ལ་སེམས་མཉམ་ད་པར་འཇོག་སྟེ། སེམས་ཀྱིས་སེམས་ཀྱང་མི་དམིགས་སོ།། ། ་གང་གིས་མཉམ་པར་གཞག་པ་དེ་ཡང་མི་དམིགསོ།། གང་གི་ཕྱིར་མཉམ་པར་འཇོག་པ་དེ་ཡང་མི་དམིགས་སོ།། དེ་འདི་རན་དུ་སེམས་ཏེ་ཀྱེ་མ་བྱིས་པ་སོ་སོའི་སྐྱེ་བོ་འདི་དག་ནི་གསོག་གི ་ཆོས་རྣམས་དང་། གསོབ་གྱི་ཆོས་རྣམས་ལ་མངོན་པར་ཞེན་ཏོ་སྙམ་དུ་སེམས་ཏེ། འདི་ནི་བྱང་ཆུབ་སེམས་དཔའི་ལྷག་མཐོང་ཞེས་བྱའོ།། དེ་ལྟར་རྣམ་པར་མཐོང་བས་ཉོན་མོངས་པ་རྣམས་ཀུན་ཏུ་མི། ་འབྱུང་ཞིང་མི་འཇུག་པ་དེ་ནི་བྱང་ཆུབ་སེམས་དཔའི་ཞི་གནས་ཤེས་བྱའོ།། ཚངས་པ་གཞན་ཡང་བྱང་ཆུབ་སེམས་དཔའ་གཅིག་པུ་དབེན་པར་འདུག་སྟེ། ནང་དུ་ཡང་དག་གཞག་ནས་མིང་དང་ཡི་གེ་ཇི་ལྟར ་ལྟར་ཐོས་པ་རྣམས་ངེས་པའི་ཚིག་གི་གདགས་པས་ཡང་དག་པར་འཇོག་ཅིང་ཡི་གེ་དེ་དག་ལ་ཉེ་བར་རྟོག་སྟེ། དེ་དེ་ལྟར་ཉེ་བར་རྟོག་པ་ན་ཡི་གེ་རྣམས་གསོག་དང་གསོབ་དུ་མཐོང་ངོ་།། དེ་ཡི་གེ་རྣཾས ་གསོག་དང་གསོབ་དུ་མཐོང་ནས། མིང་རྣམས་ཀྱང་གསོག་དང་གསོབ་དུ་མཐོང་ངོ་།། གང་ལ་མིང་དེ་འདོགས་པ་དེ་ཡང་གསོག་དང་གསོབ་དུ་མཐོང་ངོ་།། དེ་ལ་གཟུགས་གང་དང་གང་སྣང་བ་དེ་དང་དེ་ཡང་གསོག ་དང་གསོབ་དུ་མཐོང་ངོ་།། དེས་གསོག་དང་གསོབ་དུ་མཐོང་བས་ཡང་། དག་པ་ཇི་ལྟ་བ་བཞིན་དུ་ཡོངས་སུ་ཤེས་པར་འགྱུར་རོ།། ཡང་དག་པ་ཅི་དེ་ལྟ་བ་བཞིན་དུ་ཡོངས་སུ་ཤེས་པས་དེ་ལ་འདུས་བྱས་རྨི ་ལམ་དང་འདྲ་བར་སྣང་ངོ་།། དེ་ལ་བྱང་ཆུབ་སེམས་དཔའ་སོ་སོར་བརྟགས་ནས། སེམས་ཅན་ལྟ་བས་སྙིང་རྗེ་ཆེན་པོའི་སེམས་ཉེ་བར་བཞག། ནས་གནས་སོ།། དེ་འཆལ་པའི་ཤེས་རབ་ཀྱི་སེཾས ་འདུལ་བའི་ཕྱིར་ཤེས་རབ་བསྒོམ་པར་བྱེད་དོ།། ཇི་ལྟར་བསྒོམ་པར་བྱེད་ཅེ་ན། དེ་ཀུན་རྫོབ་གྱི་ཚུལ་དུ་བཞག་པ་འམ། དོན་དམ་པའི་ཚུལ་དུ་བཤད་པའི་མདོ་སྡེ་གང་དག་ཡིན་པ་བརྗོད་པ་གང་གསལ་ཞིང་ཟུར་ཕྱིན་པ ་དག་གིས་མ་ནོར་བ་འཛིན་ཏོ།། མ་ནོར་བ་ཆོས་བསྟན་པ་ལས་བཟུང་ནས་ཀྱང་མ་ནོར་བའི་བསམ་པས་སེམས་པར་བྱེད་དོ།། བསྒོམ་པའི་རྣལ་འབྱོར་ལ་ཡང་བརྩོན་པར་བྱེད་དོ། དེ་ཡེ་ཤེས་ཀྱི་སྟོབས་དང་ཤེས ་རབ་ཀྱི་བྱེ་བྲག་གིས་སེམས་ཅན་མི་དམིགས། སྲོག་མི་དམིགས་གསོ་བ་མི་དམིགས། སྐྱེས་བུ་མི་དམིགས། གང་ཟག་མི་དམིགས། ཤེད་ལས་སྐྱེས་མི་དམིགས། ཤེད་བུ་མི་དམིགས་ཏེ། ཐམས་ཅད་དུ་ཆད་པ ་ལྟ་བ་ཡང་མི་ལྷུང་ངོ་།། བཏགས་པའི་ཐ་སྙད་རྣམས་ལ་ཡང་ལེགས་པར་བསླབས་པ་ཡིན་ནོ།། དེ་ཟིན་པའི་སའི་ཁམས་དང་། མ་ཟིན་པའི་སའི་ཁམས་ལ་ཡང་ཡང་དག་པའི་ཤེས་རབ་ཀྱིས་ཚུལ་གཅིག་ཏུ་སོ་སོར་རྟོག། ་ཟིན་པའི་ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། མ་ཟིན་པ་ལ་ཡང་ཡང་དག་པའི་ཤེས་རབ་ཀྱིས་ཚུལ་གཅིག་ཏུ་སོ་སོར་རྟོག་སྟེ། དེ་གཉི་ག་ཡང་གསོག་དང་གསོབ་ཉིད་དུ་མཐོང་ཞིང་བེམས་པོ་ཉིད ་དང་སྙིང་པོ་མེད་པ་ཉིད་དང་། སྟོང་པ་ཉིད་དུ་མཐོང་ངོ་།། དེས་དེ་ལྟར་མཐོང་བས་ཇི་ལྟར་ཕྱི་རོལ་གྱི་ཁམས་རྣམས་ལ་མངོན་པར་ཆགས་པ་མེད་པ་དེ་ལྟར་ནང་གི་རྣམས་ལ་ཡང་ངོ་།། མིག་གི་རྣམ་པར་ཤེས་པ་དང་། ་གཟུགས་རྣམས་ལ་ཡང་ཡང་དག་པའི་ཤེས་རབ་ཀྱིས་ཚུལ་གཅིག་ཏུ་སོ་སོར་གཏོག་གོ།། རྣ་བའི་རྣམ་པར་ཤེས་པ་དང་། སྒྲ་རྣམས་དང་། སྣའི་རྣམ་པར་ཤེས་པ་དང་། དྲི་རྣམས་དང་། ་ལྕེའི་རྣམ་པར་ཤེས་པ་དང་། རོ་རྣམས་དང་། ལུས་ཀྱི་རྣམ་པར་ཤེས་པ་རྣམས་རེག་བྱ་རྣམས་དང་ཡང་ཡང་དག་པའི་ཤེས་རབ་གྱིས་ཚུལ་གཅིག་ཏུ་སོ་སོར་རྟོག་གོ།། དེའི་སའི་ཁམས་ལ་ནི ་སྲ་བ་ཉིད་དུ་ཡང་རབ་ཏུ་ཤེས་ལ། གཤེར་བ་ཉིད་དང་། ཚ་བ་ཉིད་དང་། ཁོང་སྟོང་ཉིད་དུ་ཡང་རབ་ཏུ་ཤེས་སོ།། ཆུའི་ཁམས་ལ་ཡང་གཤེར་བ་ཉིད་དུ་ཡང་རབ་ཏུ་ཤེས་ལ། སྲ་བ་ཉིད་དང་། ཚ་བ་ཉིད་དང་། ཁོང ་རྒོང་ཉིད་དུ་ཡང་རབ་ཏུ་ཤེས་སོ།། མེའི་ཁམས་ལ་ཆ་བ་ཉིད་དུ་ཡང་རབ་ཏུ་ཞེས་ལ་སྲ་བ་ཉིད་དང་། གཤེར་བཉིད་དང་། ཁོང་སྟོང་ཉིད་དུ་ཡང་རབ་ཏུ་ཤེས་སོ།། རླུང་གི་ཁམས་ལ་གསོ་བ་ཉིད་དུ་ཡང་རབ་ཏུ ་ཡང་ཞིང་གཡོ་བ་ཉིད་དུ་རབ་ཏུ་ཤེས་སོ།། དེ་ནམ་མཁའི་ཁམས་ལ་ཁོང་སྐོང་དུ་ཡང་རབ་ཏུ་ཤེས་ལ། ཐམས་ཅད་དུ་སོང་བ་ཉིད་དུ་ཡང་རབ་ཏུ་ཤེས་སོ།། རྣམ་པར་ཤེས་པའི་ཁམས་ལ་སྒྱུ་མ ་ལྟ་བུ་ཉིད་དུ་ཡང་རབ་ཏུ་ཤེས་ལ། ཕྱིན་ཅི་ལོག་ཉིད་དུ་ཡང་རབ་ཏུ་ཤེས། ཕྱིན་མིམ་ལོག་པ་ཉིད་དུ་ཡང་རབ་ཏུ་ཤེས་སོ།། དེ་མིག་གི་རྣམ་པར་ཤེས་པ་ལ་སྟོང་པ་ཉིད་དང་། གཟུགས་ལ་མི་རྟག་པ་ཉིད་དུ་ཡང་རབ་ཏུ ་ཤེས་སོ།། རྣ་བའི་རྣམ་པར་ཤེས་པ་ལ་སྟོང་པ་ཉིད་དང་། སྒྲ་ལ་མི་རྟག་པ་ཉིད་དང་། སྣའི་རྣམ་པར་ཤེས་པ་ལ་སྟོང་པ་ཉིད་དང་། དྲི་ལ་མི་རྟག་པ་ཉིད་དང་། ལྕེའི་རྣམ་པར་ཤེས་པ་ལ་སྟོང་པ་ཉིད ་དང་། རོ་ལ་མི་རྟག་པ་ཉིད་དང་། ལུས་ཀྱི་རྣམ་པར། ཤེས་པ་ལ་སྟོང་པ་ཉིད་དང་། རེག་བྱ་ལ་མི་རྟག་པ་ཉིད་དུ་ཡང་རབ་ཏུ་ཤེསོ།། དེ་དེ་ལྟར་ཤེས་རབ་ལ་མཁས་པས་ཤིན་ཏུ་རྟོགས་པའི་ཤེས ་རབ་དང་ལྡན་ཞིང་ཤེས་རྣོ་བ་དང་ལྡན་སྟེ། མི་དགེ་བའི་ཆོས་རྣམས་ཀྱང་རབ་ཏུ་ཤེས་དགེ་བའི་ཆོས་རྣམས་ཀྱང་རབ་ཏུ་ཤེས། ཉན་ཐོས་ཡང་དག་པར་འགྲུབ་པར་བྱེད་པའི་ཆོས་རྣམས་ཀྱང་རབ་ཏུ་ཤེས། ་རང་སངས་རྒྱས་ཡང་དག་པར་འགྲུབ་པར་བྱེད་པའི་ཆོས་རྣམས་དང་བྱང་ཆུབ་སེམས་དཔའ་ཡང་དག་པར་འགྲུབ་པར་བྱེད་པའི་ཆོས་རྣམས་དང་། སངས་རྒྱས་ཉིད་ཡང་དག་པར་འགྲུབ་པར་བྱེད་པའི་ཆོས་རྣམས ་ཀྱང་རབ་ཏུ་ཤེས་སོ།། དེ་མི་དགེ་བའི་ཆོས་རྣམས་ཀྱི་རྣམ་པར་སྨིན་པ་ཆུང་ངུ་དང་། འབྲིང་དང་ཆེན་པོ་སེམས་ཅན་དམྱལ་བ་རྣམས་དང་། དུད་འགྲོ་རྣམས་དང་། ཡི་དགས་རྣམས་སུ་སྐྱེ་བ་ཡང་རབ་ཏུ་ཤེས ་དེར་སྐྱེས་པ་རྣམས་ཀྱི་ཚོར་བ་ཆུ་དུ་དང་། འབྲིང་དང་ཆེན་པོ་ཡང་རབ་ཏུ་ཤེས་སོ།། དགེ་བའི་ཆོས་རྣམས་ཀྱིས་རྣམ་པར་སྨིན་པ་ཆུ་དུ་དང་། འབྲིང་དང་ཆེན་པོ་ལྔ་རྣམས་ཀྱི་ནང་དུ་འམ། མི་རྣམས་ཀྱི་ནང་དུ་སྨིན་པ་ཡང་། ་རབ་ཏུ་ཤེས་སོ།། དེར་སྐྱེས་པ་རྣམས་ཀྱི་འབྲས་བུ་ཆུ་ངུ་དང་འབྲིང་དང་ཆེན་པོ་ཡང་རབ་ཏུ་ཤེས་སོ།། ཉན་ཐོས་ཡང་དག་པར་འགྲུབ་པར་བྱེད་ཆོས་རྣམས་ཀྱི་རྒྱུན་ཏུ་ཞུགས་པའི་འབྲས་བུ་མངོན་དུ་བྱ་བ་དང་། ལན ་ཅིག་ཕྱིར་འོང་བའི་འབྲས་བུ་མངོན་དུ་བྱ་བ་དང་། ཕྱིར་མི་འོང་བའི་འབྲས་བུ་མངོན་ཏུ་བྱ་བ་དང་། དགྲ་བཅོམ་པ་ཉིད་ཀྱི་འབྲས་བུ་མངོན་དུ་བྱ་བའི་རྣམ་པ་ཡང་རབ་ཏུ་ཤེས་སོ།། ཤེས་རབ་ཀྱིས་རྣམ་པར་གྲོལ ་བ་ཉིད་དང་། གཉི་གའི་ཆ་ལས་རྣམ་པར་གྲོལ་བ། ཡང་རབ་ཏུ་ཤེས་སོ།། རང་སངས་རྒྱས་ཡང་དག་པར་འགྲུབ་པར་བྱེད་པའི་ཆོས་རྣམས་ཀྱི་ཡང་དག་པར་འགྲུབ་པ་ཡང་རབ་ཏུ་ཤེས་སོ།། ་འབྲས་བུ་དང་ཞི་བ་ཉིད་ཀྱང་རབ་ཏུ་ཤེས་སོ།། བྱང་ཆུབ་སེམས་དཔའ་ཡང་དག་པར་འགྲུབ་པར་བྱེད་པའི་ཆོས་རྣམས་ཀྱི་ཆོག་ཀྱི་ལམ་ཡང་རབ་ཏུ་ཤེས་སོ།། ཤེས་ནས་ཀྱང་ཚོགས་ཀྱི ་ལམ་དང་ཡེ་ཤེས་ཀྱི་ལམ་ལ་བརྩོན་པར་བྱེད་དོ།། སངས་རྒྱས་ཉིད་ཡང་དག་པར་འགྲུབ་པར་བྱེད་པའི་ཆོས་རྣམས་ཀྱི་རྫུ་འཕྲུལ་ཆེ་བ་ཉིད་ཀྱང་རབ་ཏུ་ཤེས་སོ།། མཐུ་ཆེ་བ་ཉིད་དང་། དམ་པ་ཉིད་དང་། རབ ་མཆོག་ཉིད་དང་། ཕུལ་དུ་བྱུང་བ་ཉིད་དང་། ཆེ་བ་ཉིད་དང་། ཉན་ཐོས་ཉིད་དང་། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་དང་ཐུན་མོང་བ་ཡང་མ་ཡིན་ན། གཞན་སེམས་ཅན་ཐམས་ཅད་ད ་ལྟ་སྨོས་ཀྱང་ཅི་དགོས་པའི་ཐུན་མོང་མ་ཡིན་པ་ཉིད་ཀྱང་རབ་ཏུ་ཤེས་སོ།། དེ་དེ་ལྟར་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་དྲན་པ་ལེགས་པར་ཉེ་བར་གནས་ལ། སྡིག་པའི་ཆོས་ཐམས་ཅད་དང་། ་ནི་བྲལ། དགེ་བའི་ཆོས་ནི་ཡང་དག་པར་ཐོབ། ལུས་ཀྱི་གནོད་པ་ནི་མེད། རྣམ་པར་ཤེས་པས་འཕངས་པ་ནི་མེད། སེམས་ཀྱིས་འཕངས་པ་ནི་མེད་ལ། ཆོས་རྣམས་ཀྱི་རྒྱུའི་ཚོགས་དང་འབྲས་བུ་ཡང་དག་པ ་ཇི་ལྟ་བ་བཞིན་དུ་ཤེས་པས། དཔེར་ན་རྒྱ་མཚོའི་རླབས་བཞིན་དུ་དགེ་བའི་ཆོས་རྣམས་ཀྱིས་འཕེལ་ཏེ། ཇི་ལྟར་རྒྱ་མཚོའི་རླབས་འབྲི་ཞིང་ཡང་འབྱུང་བ་ལྟར། བྱང་ཆུབ་སེམས་དཔའ་ནི་ཆོས་རྣམས་ལས་དེ་ལྟ ་ལྟ་མ་ཡིན་ནོ།། དེ་དཔེར་ན་ཟླ་བ་ཡར་གྱི་ངོའི་ཟླ་བའི་དཀྱིལ་འཁོར་དང་འདྲ་བའི་དགེ་བའི་ཆོས་རྣམས་ཀྱིས་མངོན་པར་འཕེལ་ཏེ། ཇི་ལྟར་མར་གྱི་ངོ་ལ་ཟླ་བའི་དཀྱིལ་འཁོར་འབྲི་བའི་ཆོས ་ཅན་ཡིན་པ་ལྟར། བྱང་ཆུབ་སེམས་དཔའ་ནི་ཆོས་རྣམས་ལས་དེ་ལྟ་མ་ཡིན་ནོ།། དེ་དཔེར་ན་དབྱར་གྱི་དུས་ཀྱི་ཕུ་ཆུ་འབྲུག་པ་ལྟར་དགེ་བའི་ཆོས་རྣམས་ཀྱིས་མངོན་པར་འཕེལ་ཏེ། ་ལྟར་བུ་ཆུ་འབྲུག་པ་དབྱར་གྱི་དུས་སུ་ཟད་ན། འབྲི་བའི་ཆོས་ཅན་ཡིན་པ་ལྟར་བྱང་ཆུབ་སེམས་དཔའ་ནི་ཆོས་རྣམས་ལས་དེ་ལྟ་མ་ཡིན་ནོ།། ཚངས་པ་དེ་ལྟར་བསླབས་པའི་བྱང་ཆུབ་སེམས་དཔའ་ནི་མྱུར་དུ་བླ་ན ་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཆང་རྒྱའོ།། དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་བསྩལ་ཏོ།། ལུས་ཀྱི་སྦྱིན་རྣམས་རབ་ཤེས་ན། ལུས་ཡོད། ་སྐྱོན་རྣམས་མི་སྟེན་ཏོ།། ལུས་ལ་དྲན་པ་ལེགས་གནས་ན། སྐྱོན་མེད་ཞི་བའི་གནས་འཐོབ་པོ།། ལུས་ཀྱི་སྐྱོན་རྣམས་མི་ཤེས་ན།། ལུས་ལ་ཡོད་པའི་སྐྱོན་མི་རྟོགས།། ལུས་ལ་དྲན་པ་མི་གནས་ན།། སྡུག་བསྔལ ་བཟོད་དཀའི་གནས་འཐོབ་པོ།། སེམས་ཀྱི་སྐྱོན་རྣམས་རབ་ཤེས་ན།། སེམས་ཡོད་སྐྱོན་རྣམས་མི་སྟེན་ཏོ།། སེམས་ལ་དྲན་པ་ལེགས་གནས་ན།། སྐྱོན་མེད་ཞི་བའི་གནས་འཐོབ་པོ།། སེམས་ཀྱི་སྐྱོན་རྣམས་མི ་ཤེས་ན། སེམས་ལ་ཡོད་པའི་སྐྱོན་མི་གཏོགས།། སེམས་ལ་དྲན་པ་མི་གནས་ན།། སྡུག་བསྔལ་བཟོད་དཀའི་གནས་འཐོབ་པོ།། དགེ་བའི་ཆོས་རྣམས་སྟེན་བྱེད་ཅིང་།། མི་དགེའི་ཆོས་རྣམས་མི་སྟེན་པ། ་ཆོས་རྣམས་ལ་ནི་མཁས་པ་མི།། སྐྱོན་མེད་ཞི་བའི་གནས་འཐོབ། བོ།། དགེ་བའི་ཆོས་རྣམས་མི་སྟེན་ཅིང་།། མི་དགེའི་ཆོས་རྣམས་སྟེན་བྱེད་པ།། ཆོས་རྣམས་ལ་ནི་མི་མཁས་མི།། སྡུག་བསྔལ་བཟོད ་དཀའི་གནས་འཐོབ་པོ།། དེ་ནས་མི་འཇེད་ཀྱི་བདག་པོ་ཚངས་པས་ལྷའི་མེ་ཏོག་མན་ད་ར་བ་དག་མངོན་པར་སྤྲུལ་ཏེ། བཅོམ་ལྡན་འདས་ལ་མངོན་པར་གཏོར་ཏོ།། མངོན་པར་གཏོར་ནས་ཀྱང་། བཅོམ ་ལྡན་འདས་ཀྱིས་བཀའ་བསྩལ་པ་ལ་མངོན་པར་དགའ་ཞིང་རྗེས་སུ་ཡི་རང་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་ཐད་ནས་སོང་ངོ་།། དེ་ནས་བཅོམ་ལྡན་འདས་ཀྱིས་ནམ ་ལངས་པར་མཁྱེན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ལ་བཞུགས་སོ།། བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་བསྩལ་པ། དགེ་སློང་དག་མ་དང་འདིར་མི་ཉལ ་ཙམ་གྱི་ནམ་གྱི་གུང་ཐུན་ལ་ང་གཅིག་པུ་དབེན་པར་འདུག་སྟེ། ནང་དུ་སང་དག་གཞག་ན་མི་མཇེད་ཀྱི་བདག་པོ་ཚངས་པས་ཐམས་ཅད་དང་ལྡན་པའི་ཚལ་ཆེན་པོ་འོད་ཀྱིས་སྣང་བར་བྱས་ནས་ང་དེར་འོངས་ཏེ་ཕྱིན ་ནནས་ང་ལ་མངོན་པར་བསྟོད་དེ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་གོ།། ཕྱོགས་གཅིག་ཏུ་འདུག་ནས། མི་མཇེད་ཀྱི་བདག་པོ་ཚངས་པས་ངལ་འདི་སྐད་ཅེས་གསོལ་ཏོ།། གལ་ཏེ་ཞུས་ནས་ཞུ་བ་ལུང ་བསྟན་པའི་སླད་དུ་བཅོམ་ལྡན་འདས་བདག་ལ་སྐབས་དབྱེ་བར་གནང་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་བུའི་སངས་རྒྱས་ལ་བདག་ཕྱོགས་འགའ་ཞིག་ཞུ་ལགསོ།། ་དགེ་སློང་དག་དེ་སྐད་ཅེས་གསོལ་པ་དང་། ངས་མི་འཇེད་ཀྱི་བདག་ཚངས་པ་ལ་འདི་སྐད་ཅེས་བཀའ་བསྩལ་ཏོ།། ཚངས་པ་ཞུ་བ་ལུང་བསྟན་པའི་ཕྱིར། དེ་བཞིན་གཤེགས་པས་རྟག་ཏུ་ཁྱོད་ལ་སྐབས ་ཕྱེས། ཚངས་པ་ཁྱོད་ཅི་དང་ཅི་འདོད་པ་ཞུས་ཤིག་དང་། ཞུ་བ་དེ་དང་དེ་ཉིད་ཀྱི་ལུང་བསྟན་པས། ངས་ཁྱོད་ཀྱི་སེམས་རངས་པར་བྱའོ།། དེ་ནས་ངས་སྐབས་ཕྱེ་བས་མི་འཇེད་ཀྱི་བདག་པོ་ཚངས་པས། ང་ལ་འདི་སྐད ་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཆོས་དུ་དང་ལྡན་ན། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་ལགས། དགེ་སློང་དག། ་དེ་སྐད་ཅེས་གསོལ་པ་དང་། ངས་མི་འཇེད་ཀྱི་བདག་པོ་ཚངས་པ་ལ་འདི་སྐད་ཅེས་བཀའ་བསྩལ་ཏོ།། ཚངས་པ་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཆོས་གཅིག་དང་ལྡན་ན་མྱུར་དུ་བླ་ན་མེད་པ་ཡང་དག་པར་རྫོགས། ་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། ཆོས་གཅིག་གང་ཞེ་ན་འདི་ལྟ་སྟེ། ལུས་ཀྱི་རྗེས་སུ་སོང་བའི་དྲན་པའོ།། དགེ་སློང་དག་ངས་མི་མཇེད་ཀྱི་བདག་པོ་ཚངས་པ་དེ་ལ་ལུས་ཀྱི་རྗེས་སུ་སོང་བའི་དྲན་པའི་རྒྱུ།། ་དང་ལས་དང་འབྲས་བུ་ཡང་བསྟན་ཏོ།། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། ལེགས་སོ་ལེགས་སོ།། བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པ་ལ། ་གང་བསྟན་པ་དེ་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། ལྷ་དང་མི་རྣམས་ཀྱི་དོན་དང་། སྨན་པ་དང་བདེ་བར་བགྱི་བའི་སླད་དུ་བཤད་དུ་གསོལ། དགེ་སློང་སར་པ་སར་པ་རྣམས་དང་། ཆོས ་འདུལ་བ་འདི་ལ་རབ་ཏུ་བྱུང་ནས་རིང་པོ་མ་ལགས་ཤིང་མཆིས་དེནས་རིང་པོར་མ་ལགས་པ་རྣམས་དང་། ཐེག་པ་ཆེན་པོ་ལ་ཡང་དག་པར་ཞུགས་པའི་སྐྱེས་བུ་དམ་པ་འདི་དག་གིས་ཐོས་ན།། ་དགའ་བ་དང་དད་པ་འཐོབ་པར་འགྱུར། བསླབ་པ་དེ་ལ་ཡང་སྦྱོར་བར་བརྩོན་པར་གནས་པར་འགྱུར་ལགས་སོ།། དེ་ན་བཅོམ་ལྡན་འདས་ཀྱིས་མི་འཇེད་ཀྱི་བདག་པོ་ཚངས་པ་ལ་གང་བཤད་པ ་དེ། དགེ་སློང་དེ་དག་ལ་ཡང་བཤད་དོ།། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། བཅོམ་ལྡན་འདས་ལེགས་པར་བཀའ་བསྩལ་ཏོ།། བདེ་བར་གཤེགས་པ་ལེགས ་བར་བཀའ་བསྩལ་ཏོ།། མི་མཇེད་ཀྱི་བདག་པོ་ཚངས་པ་མདོ་སྡེ་འདི་ལྟ་བུ་དག་ཡོངས་སུ་ཞུ་བའི་སླད་དུ་བཅོམ་ལྡན་འདས་ཀྱི་ཐད་དུ་མཆིས་ནས་ཞུས་པ་ཡང་ལེགས་པར་སྨྲས་པ་ལེགས་སོ།། བཅོམ་ལྡན ་འདས་མི་མཇེད་ཀྱི་བདག་པོ་ཚངས་པས་གལ་ཏེ་དགེ་བའི་རྩ་བ་གཞན་མ་མཆིས་ན་ཡང་ཞུ་བ་ཞུས་པའི་མདོ་ལས་སྐྱེས་པའི་དགེ་བའི་རྩ་བ་འདི་ཁོ་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་། ་ཆུབ་མངོན་པར་རྫོགས་པར་འཚང་རྒྱ་ལགསོ།། དེ་ཅིའི་སླད་དུ་ཞེ་ན། བཅོམ་ལྡན་འདས་དགེ་བའི་བརྩ་བ་དེའི་མཐའ་དང་མུ་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱིས་རྟོགས་པར་ངོ་མི་ཐོག་པའི་སླད ་དུའོ།། དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ལྟར་མི་འཇེད་ཀྱི་བདག་པོ་ཚངས་པས་ཞུ་བ་འདི་སེམས་ཅན་ཐམས་ཅད་ཀྱི་སྤྱིའི་དོན་དུ་ཞུས་པའི་སླད་དུའོ།། བཅོམ་ལྡན་འདས་ཀྱིས་བཀའ་བསྩལ་པ། ་ཀུན་དགའ་བོ་དེ་དེ་བཞིན་ཏེ་དེ་དེ་བཞིན་ནོ།། དེ་ནས་བཅོམ་ལྡན།། འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། བཅོམ།། ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས ་འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་བསྩལ་པ། ཀུན་དགའ་བོ་དེའི་ཕྱིར་ཁྱོད་ཀྱིས་འདི་ཚངས་པས་ཞུས་པ་ཞེས་བྱ་བར་ཟུང་ཤིག། དྲན་པ་ཉེ་བར་བཞག་པའི་ཚུལ ་བསྟན་པ་ཞེས་བྱ་བར་ཡང་ཟུང་ཤིག། བག་ཡོད་པའི་ཚུལ་བསྟན་པ་ཞེས་བྱ་བར་ཡང་ཟུང་ཤིག། བཅོམ་ལྡན་འདས་ཀྱིས་དེ་སྐད་ཅེས་བཀའ་བསྩལ་ནས། ཚེ་དང་ལྡན་པ་ཀུན་དགའ་བོ་དང་། དགེ་སློང་དེ་དག་དང ་བྱང་ཆུབ་སེམས་དཔའ་དེ་དག་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡིད་རང་སྟེ། བཅོམ་ལྡན་འདས ་ཀྱིས་གསུངས་པ་ལ་མངོན་པར་བསྟོད་དོ།། ། འཕགས་པ་ཚངས་པས་ཞུས་པ་ཞེས་བྱ་བ་ཐེག་པ་ཆེན་པོའི་མདོ། ང་།། རྫོགས་སོ།། ། རྒྱ་གར་གྱི་མཁན་པོ་འཛིནཱ་མི་ཏཱ་དང་།། ཞུ་ཆེན ་གྱི་པོ་ཚ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། @། རྒྱ་གར་སྐད་དུ། ཨརྱ་པྲ་ཏི་བྷཱ་ན་མ་ཏི་པྲ་རི་ཕྲེངད་ཆེ་ནཱ་མ་མ་ཧཱ་ཡ་སུ ་