CLOSE WINDOW

N51: 'phags pa glog thob kyis zhus pa zhes bya ba theg pa chen po'i mdo
Wyliee-texts produced with BDRC’s OCR application

བསྒྱུར་ཅིང་ཞུས་ཏེ།སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ།བོད་སྐད་དུ།གློག་ཐོབ་ཀྱིས་ཞུས་པ་ཞེས་བྱ་བ་ཐེག་པ་ཆེན་པོའི་མདོ།།བམ་པོ་དང་པོ།སངས ་རྒྱས་དང་།བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།།འདི་སྐད་བདག་གིས་ཐོས་པ་དུས་གཅིག་ན།བཅོམ་ལྡན་འདས་རྒྱལ་པོའི་ཁབ་བྱ་རྒོད་ཕུང་པོའི་རི་ལ།དགེ ་སློང་གི་དགེ་འདུན་ཆེན་པོ་ཐམས་ཅད་ཀྱང་ཡོན་ཏན་ཁྱད་པར་དུ་འཕགས་པ་ཕུན་སུམ་ཚོགས་ཤིང་སེང་གེའི་སྒྲ་སྒྲོགས་པ་སྟོང་དང་།བྱང་ཆུབ་སེམས་དཔའ་སེམས་དཔའ་ཆེན་པོ་ལྔ་བརྒྱ ་དང་ཟངས་གཅིག་ཏུ་བཞུགས་ཏེ།དེ་དག་ཐམས་ཅད་ཀྱང་གཟུངས་རབ་ཏུ་ཐོབ་པ།སྤོངས་པ་ཐོགས་པ་མེད་པར་གྱུར་པ།མི་སྐྱེ་བོའི་བཟོད་པ་མངོན་སུམ་དུ་བྱས་པ།ཕྱིར་མི་ལྡོག ་པ་ལ་གནས་པ།ཏིང་ངེ་འཛིན་རྣམས་དང་ལྡན་པ།མངོན་པར་ཤེས་པས་རྣམ་པར་རྩེན་པ།སེམས་ཅན་གྱི་སེམས་ཀྱི་སྤྱོད་པའི་ཚུལ་རབ་ཏུ་རྟོགས་པ་ཤ་སྟག་འདི ་ལྟ་སྟེ།བྱང་ཆུབ་སེམས་དཔའ་ཉི་མའི་རྒྱལ་མཚན་དང་།བྱང་ཆུབ་སེམས་དཔའ་ཟླ་བའི་རྒྱལ་མཚན་དང་།བྱང་ཆུབ་སེམས་དཔའ་ཀུན་ཏུ་འོད་དང་།བྱང་ཆུབ་སེམས་དཔའ་ཟླ་བའི ་རྒྱལ་པོ་དང་།བྱང་ཆུབ་སེམས་དཔའ་ཤིན་ཏུ་མཐོ་གསལ་དང་།བྱང་ཆུབ་སེམས་དཔའ་རྣམ་པར་སྣང་བྱེད་དང་།བྱང་ཆུབ་སེམས་དཔའ་སེང་གེའི་བློ་གྲོས་དང་།བྱང་ཆུབ་སེམས ་དཔའ་རིན་པོ་ཆེའི་ཡོན་ཏན་འོད་དང་།བྱང་ཆུབ་སེམས་དཔའ་དོན་ཐམས་ཅད་གྲུབ་པ་དང་།བྱང་ཆུབ་སེམས་དཔའ་སྔོན་གྱི་རྐྱེན་དང་ལྡན་པ་དང་།བྱང་ཆུབ་སེམས་དཔའ་སྨོན ་ལམ་དང་།སྤྱོད་པ་ཕུན་སུམ་ཚོགས་པ་དང་།བྱང་ཆུབ་སེམས་དཔའ་སྟོང་པའི་བློ་གྲོས་དང་།བྱང་ཆུབ་སེམས་དཔའ་མཉམ་པའི་སེམས་དང་།བྱང་ཆུབ་སེམས་དཔའ་དགའ་སྲེད ་དང་།བྱང་ཆུབ་སེམས་དཔའ་འཁོར་ལོ་མོས་པ་དང་།བྱང་ཆུབ་སེམས་དཔའ་གཡུལ་ལས་རྣམ་པར་རྒྱལ་བ་དང་།བྱང་ཆུབ་སེམས་དཔའ་བློ་གྲོས་སྤྱོད་པ་དང་།བྱང་ཆུབ་སེམས ་དཔའ་གློག་ཐོབ་དང་།བྱང་ཆུབ་སེམས་དཔའ་རྣམ་པར་རྒྱལ་བའི་སྤོབས་པ་དང་།བྱང་ཆུབ་སེམས་དཔའ་སེང་གེའི་ང་རོ་དང་།བྱང་ཆུབ་སེམས་དཔའ་རབ་དབྱངས་དང་།བྱང་ཆུབ ་སེམས་དངའ་སད་བྱེད་དང་།བྱང་ཆུབ་སེམས་དཔའ་སྤྱོད་པ་སྒྱུར་བ་ལ་མཁས་པ་དང་།བྱང་ཆུབ་སེམས་དཔའ་རབ་ཏུ་ཞི་བའི་སྤྱོད་པ་ལ་སོགས་པ་བྱང་ཆུབ་སེམས་དཔའ་སེམས་དཔའ ་ཆེན་པོ་འདི་དག་ནི་གཙོ་བར་གྱུར་ཏོ།།གཞན་ཡང་བརྒྱ་བྱིན་ལྷའི་དབང་པོ་དང་།རྒྱལ་པོ་ཆེན་པོ་བཞི་དང་།འཇིག་རྟེན་གྱི་ཁམས་མི་མཇེད་ཀྱི་བདག་པོ་ཚངས་པའི་རྒྱལ་པོ་དང་། ་མཐུ་ཆེན་པོ་དང་ལྡན་པའི་ལྷ་དང་།ཀླུ་དང་།གནོད་སྦྱིན་དང་།དྲི་ཟླ་དང་།ལྷ་མ་ཡིན་དང་།ནམ་མཁའ་ལྡིང་དང་།མི་འམ་ཅི་དང་།ལྟོ་འཕྱེ་ཆེན་པོ་ལ་སོགས་པའི་འཁོར་ཚད ་མེད་པ་རྣམས་དང་ཡང་ཐབས་གཅིག་ཏུ་བཞུགས་སོ།།དེ་ནས་དེའི་ཚེ་བྱང་ཆུབ་སེམས་དཔའ་གློག་ཐོབ་ཅེས་བྱ་བས་འཁོར་མང་པོ་རབ་ཏུ་ཞི་ཞིང་ཡོངས་སུ་དག་པ་དག་འདུས་པར་གྱུར ་པ་མཐོང་བ་དང་།སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བཟར་ནས།པུས་མོ་གཡས་པའི་ལྷ་ང་ས་ལ་བཙུགས་ཏེ།བཅོམ་ལྡན་འདས་ག་ལེ་བ་དེ་ལོགས་སུ་ཐལ་མོ་སྦྱར་ནས། ་བཅོམ་ལྡན་འདས་ལ་འདི་སྐད་ཅེས་གསོལ་ཏོ།།བཅོམ་ལྡན་འདས་བདག་ལ་ཐེ་ཙོམ་ཅུང་ཟད་ཅིག་མཆིས་ཏེ།དེང་ཞུ་བར་འཚལ་ན།དེ་བཞིན་གཤེགས་པས་ཐུགས་རྗེས་གསན་ཅིང ་གནང་བར་མཛད་དུ་གསོལ།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཀློག་ཐོབ་ལ་བཀའ་སྩལ་པ།དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི ་སངས་རྒྱས་ཀྱིས་ཁྱོད་ལ་སྐབས་ཕྱེས།ཁྱོད་ཅི་དང་ཅི་འདོད་པ་དྲིས་ཤིག་དང་།ཁྱོད་ལ་ཡང་དག་པར་བསྟན་པར་བྱའོ།།དེ་ནས་བཅོམ་ལྡན་འདས་ལ ་བྱང་ཆུབ་སེམས་དཔའ་གློག་ཐོབ་ཀྱིས་འདི་སྐད་ཅེས་གསོལ་ཏོ།།བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཇི་ལྟ་བུ་ཞིག་དང་ལྡན་པར་གྱུར་ན།། ་བསམ་པ་ཐམས་ཅད་ཡོངས་སུ་རྫོགས་པར་བགྱིད་ཅིང་།སྐྱོན་རྣམས་ཀྱིས་གོས་པར་མི་འགྱུར་བ་དང་།དབང་པོ་དང་།རང་བཞིན་ཇི་ལྟ་བ་བཞིན་དུ་ཐབས་མཁས་པས ་སེམས་ཅན་དེ་དག་དྲངས་ཏེ།ལུས་ཞིག་པའི་འོག་ཏུ་ངན་འགྲོ་རྣམས་སུ་ལྟུང་བར་མི་འགྱུར་ཞིང་།གདོན་མི་འཚལ་བར་མཉམ་པ་ཉིད་རྟོགས་པར་འགྱུར་བ་དང་།འཇིག ་རྟེན་ན་གནས་ཀྱང་པདྨ་བཞིན་སྐྱོན་གྱིས་གོས་པར་མི་འགྱུར་བ་དང་།ཆོས་ཀྱི་དབྱིངས་ལས་མ་གཡོས་པར་ཡང་སངས་རྒྱས་ཀྱི་ཞིང་ཀུན་ཏུ་རྒྱུ་ཞིང་།རྟག་པར་དེ་བཞིན་གཤེགས ་པའི་གཟུགས་ཀྱི་སྐུ་མཐོང་བ་དང་།འབྲལ་བར་མི་འགྱུར་བ་དང་།རྣམ་པར་ཐར་པ་གསུམ་ལ་རབ་ཏུ་གནས་ཀྱང་སྙོམས་པར་མི་འཇུག་པར་སེམས་ཅན་གྱིས་མོས་པ་ཇི་ལྟ་བ་བཞིན ་དུ།སངས་རྒྱས་ཀྱི་ཞིང་གི་བཀོད་པ་ཡོངས་སུ་སྦྱངས་ནས་སྐད་ཅིག་མ་གཅིག་ལ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བར་འགྱུར་ལགས། ་དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གློག་ཐོབ་ཀྱིས།བཅོམ་ལྡན་འདས་ཀྱི་སྤྱན་སྔར་ཚིགས་སུ་བཅད་དེ་ཞུ་བ་ཞུས་པ།བླ་ན་མ་མཆིས་མི་ཡི་གཙོ།།མཁྱེན་དང་གཟིགས་པ་ཚད་མ ་མཆིས།།མ་འདྲེས་ཆོས་ལ་བཞུགས་ནས་ནི།།འཇིག་རྟེན་རྣམས་ལ་ཕན་འདོགས་མཛད།།སེམས་ཅན་ཀུན་ལ་སྙོམས་པར་གཟིགས།།འཇིག་རྟེན་ཀུན་གྱི་མགོན་སྐྱབས་མཛད།། ་ལོག་དང་ཡང་ངག་ལམ་བསྟན་ནས།།མཐར་ཐུག་བདེ་ལ་དཀོད་པར་མཛད།།ཡོན་ཏན་མཆོག་ནི་རབ་བསགས་པས།།རིན་ཆེན་སྣ་ཚོགས་ཕུང་པོ་འདྲ།།འཇིག་རྟེན་ཤེས་རབ་ཉི་མ ་ཁྱོད།།ཁམས་གསུམ་མཆོད་འོས་གཙོ་བོ་ལགས།།ཐེག་པ་ཆེན་པོ་བཀྲས་བཤད་ནས།།བྱང་ཆུབ་ལམ་ནི་རྫོགས་པར་མཛོད།།ཞལ་མཚན་ཟླ་བ་ཉ་བ་འདྲ།།ཞི་གནས་དག་ནི ་ཕུན་སུམ་ཚོགས།།ཉེར་ཞི་ཆོས་ནི་རབ་བསྟན་ནས།།ཉོན་མོངས་རྣམས་ནི་ཞི་བར་མཛད།།བྱང་ཆུབ་སྤྱོད་པ་བཀས་བཤད་ནས།།སེམས་ཅན་རྣམས་ལ་ཕན་མཛད་གསོལ།།སངས ་རྒྱས་ཞིང་དང་སྐུ་ཚེ་དང་།།གཟུགས་སྐུ་དང་ནི་འཁོར་རྣམས་དང་།།ཕྲིན་ལས་གསུམ་དང་ཆོས་རྣམས་ཀྱང་།།ཐམས་ཅད་ཀུན་ནི་རྣམ་པར་དག།བཅོམ་ལྡན་བྱང་ཆུབ་སེམས་དཔའ་ཡི།། ་རྣམ་དག་སྤྱོད་པ་བཀས་བཤད་གསོལ།།ཇི་ལྟར་བདུད་ནི་འདུལ་བར་བགྱི།།ཇི་ལྟར་ཆོས་རྣམས་བསྟན་པར་བགྱི།།ཇི་ལྟར་དྲན་པ་ཉམས་མི་འགྱུར།།ཁྱོད་ཀྱི་དཀས་ནི་བཤད་དུ ་གསོལ།།ཇི་ལྟར་དཔའ་བོ་དག་གིས་ནི།།འཁོར་བ་ཀུན་དུ་ཞུགས་གྱུར་ཀྱང་།།མཚན་ཉིད་གཅིག་ལ་གནས་བགྱིད་ཅིང་།།ཆོས་ལ་རྟག་ཏུ་གཡོ་མི་འགྱུར།། ་ཇི་ལྟར་སངས་རྒྱས་རྣམས་ལ་ནི།།རྟེན་ཅིང་མཆོད་པ་བགྱིས་ན་ནི།།རྟག་པར་སངས་རྒྱས་སྐུ་བལྟས་ཀྱང་།།མཐར་ནི་མཚན་མ་སྤོང་འགྱུར་ལགས།།རྣམ་ཐར་གསུམ་པོ་མངོན ་བགྱིས་ཀྱང་།།མཁའ་ལ་བྱ་ནི་འཕུར་བ་བཞིན།།ཡོན་ཏན་ཕུན་ཚོགས་མ་གྱུར་པར།།ནམ་ཡང་མྱ་ངན་མི་འདའ་ལགས།།དབང་པོ་རང་བཞིན་ཡོངས་རྟོགས་ནས།།འཇིགས། ་བ་མ་མཆིས་རྗེས་འབྲང་ཞིང་།།མངོན་པར་ཞེན་པ་མ་མཆིས་པར།།སེམས་ཅན་དེ་དག་སྨིན་བགྱིད་ལགས།།སྔར་ནི་འཇིག་རྟེན་བདེ་བཏང་ནས།།སླད་ཀྱིས་དང་བའི ་སེམས་བསྐྱེད་དེ།།ཡེ་ཤེས་གྱ་ནོམ་ཕུན་ཚོགས་པས།།བླ་མེད་བྱང་ཆུབ་འཐོབ་འགྱུར་བ།།འདི་འདྲའི་ཟབ་མོ་གྱ་ནོམ་དོན།།དེ་བཞིན་གཤེགས་པས་བཀས་བཤང ་གསོལ།།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་གློག་ཐོབ་ལ་བཀའ་སྩལ་བ།རིགས་ཀྱི་བུ་ཁྱོད་ཀྱིས་སེམས་ཅན་ཚད་མེད་པ་རྣམས་ལ།། ་ཕན་ཞིང་བདེ་བར་བྱ་བ་དང་།ད་ལྟར་གྱི་ལྷ་དང་བཅས་པའི་འཇིག་རྟེན་དང་།མ་འོངས་པའི་བྱང་ཆུབ་སེམས་དཔའ་རྣམས་ཡོངས་སུ་གཟུང་བའི་ཕྱིར།དེ་བཞིན་གཤེགས་པ་ལ་དོན ་འདི་ལྟ་བུ་ཞུས་པ་ལེགས་སོ།།ལེགས་སོ།།དེའི་ཕྱིར་གློག་ཐོབ་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཤིག་དང་།ཁྱོད་ལ་ཡང་དག་པར་བསྟན་པར་བྱའོ།།བྱང་ཆུབ ་སེམས་དཔའ་གློག་ཐོབ་ཀྱིས་བཅོམ་ལྡན་འདས་དེ་བཞིན་དུ་ཐོས་པར་འཚལ་ལོ་ཞེས་གསོལ་པ་དང་།བཅོམ་ལྡན་འདས་ཀྱིས་བཀའ་སྩལ་པ།གློག་ཐོབ་བྱང་ཆུབ་སེམས་དཔའ་རྣམས ་ནི་གཏེར་ཆེན་པོ་དང་།ཟད་མི་ཤེས་པའི་གཏེར་དང་།ཀུན་དུ་ཟད་མི་ཤེས་པའི་བཏེར་དང་།མཐའ་མེད་པའི་གཏེར་རྣམ་པ་ལྔ་དང་ལྡན་པ་སྟེ།བྱང་ཆུབ་སེམས་དཔའ་དེ་ལྟ་བུའི་གཏེར་ཕུན ་སུམ་ཚོགས་པར་གྱུར་པས།རྒུང་པ་རྣམས་གཏན་དུ་སྤོང་ཞིང་།གོང་དུ་བསྟན་པ་ལྟ་བུའི་ཡོན་ཏན་ཁྱད་པར་དུ་འཕགས་པ་ཡང་ཡོངས་སུ་རྫོགས་པར་བྱེད་ལ།ཚེགས་ཆུང་ངུས་མྱུར་དུ་བླ ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་འཐོབ་པར་འགྱུར་རོ།།ལྔ་གང་ཞེ་ན་འདི་ལྟ་སྟེ།འདོད་ཆགས་སྤྱོད་པའི་གཏེར་དང་།ཞེ་སྡང་སྤྱོད་པའི་གཏེར་དང་།གཏི་མུག་སྤྱོད་པའི ་གཏེར་དང་།ཆུ་མཉམ་པ་སྤྱོད་པའི་གཏེར་དང་།ཆོས་ཐམས་ཅད་ཀྱི་གཏེར་གང་ཡིན་པའོ།།གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འདོད་ཆགས་སྤྱོད་པའི ་གཏེར་ཞེས་བྱ་བ་ཇི་ལྟ་བུ་ཡིན་ཞེ་ན།འདི་ལྟ་སྟེ།སེམས་ཅན་རྣམས་ནི་འདོད་ཆགས་ཀྱི་སྤྱོད་པའི་རྗེས་སུ་མཐུན་ཞིང་ཕྱིན་ཅི་ལོག་གིས་བཅིངས་པས།མཚན་མ་རྣམས་ཀྱི་རྗེསུ་གཟུགས ་དང་།སྒྲ་དང་།དྲི་དང་།རོ་དྲང་།རེག་བྱ་དང་།ཆོས་ལ་སོགས་པའི་ཡུལ་དག་ལ་རྣམ་པ་སྣ་ཚོགས་སུ་རྣམ་པར་བརྟགས་ནས།བརྟན་པ་ཉིད་དུ་མངོན་པར ་ཞེན་པ་དང་།བདེ་བ་ལ་ཆགས་ཤིང་མྱོས་པར་གྱུར་པ་ཡིན་ལ།བྱང་ཆུབ་སེམས་དཔའ་ནི་སེམས་ཅན་དེ་དག་གི་སེམས་ཀྱི་སྤྱོད་པ་རྣམ་པ་སྣ་ཚོགས་གང་ཡིན་པ་ཡང་དག་པ་ཇི་ལྟ་བ ་བཞིན་དུ་རབ་ཏུ་ཤེས་པས།སེམས་ཅན་དེ་དག་གང་ལ་མོས་ཤིང་འདུན་པ་དང་།སྤྱོད་ཡུལ་གང་ལ་ཆགས་ཤིང་གོམས་པས་མཐུན་པ་ཅན་དུ་གྱུར་པ་དང་།དད་པ་ཇི་ལྟ་བུ་དང ་ལྡན་ཞིང་ཕུན་སུམ་ཚོགས་པར་གྱུར་པ་དང་།སྔོན་གྱི་དགེ་བའི་རྩ་བ་ཇི་ལྟ་བུ་སྐྱེད་པ་དང་།ཐེག་པ་གང་ལ་གཞོལ་བར་བྱེད་པ་དང་།དགེ་བའི་རྩ་བ་ཇི་སྙེད་ཡོད་པ་དག་ནམ ་ཞིག་ན་ཡོངས་སུ་སྨིན་པར་གྱུར་པ་ཡང་རབ་ཏུ་ཤེས་ཏེ།བྱང་ཆུབ་སེམས་དཔའ་ནི་སེམས་ཅན་དེ་དག་གི་འདོད་པ་ཐམས་ཅད་ཡོངས་སུ་སྤང་བའི་ཕྱིར་དང་།དེ་དག་གི་དགེ་བའི་རྩ་བའི ་སེམས་རྟག་པར་རྒྱན་མི་འཆད་པར་བྱ་བའི་ཕྱིར་ཤིན་ཏུ་ལེགས་པར་བརྟགས་ནས་ཡོངས་སུ་གསྔོ་བར་བྱེད་དོ།།གློག་ཐོབ་སེམས་ཅན་རྣམས་ཀྱི་དབང་པོ་དང་།སྤྱོད་པའི་བྱེ་བྲག་ནི ་ཤིན་ཏུ་ཤེས་པར་དཀའ་བར་རིག་པར་བྱ་སྟེ།ཉན་ཐོས་དང་།རང་སངས་རྒྱས་ཐམས་ཅད་ཀྱིས་ཀྱང་རིག་པར་མི་ནུས་ན།སོ་སོའི་སྐྱེ་བོ་དང་མུ་སྟེགས་ཅན་རྣམས་ཀྱིས་ལྟ ་ཀྱང་ཅི་དགོས།གློག་ཐོབ་སེམས་ཅན་ཁ་ཅིག་ནི་འདོད་པ་རྣམས་ལ་མངོན་པར་ཞེན་པར་གྱུར་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོང་སུ་སྨིན་པར་བྱེད་པ་ཡོད་དོ།།སེམས་ཅན ་ཁ་ཅིག་ནི་འདོད་པའི་ཡུལ་ལ་རེག་པ་ཙམ་མམ།འདོད་པའི་སེམས་ཀྱིས་ཚིག་སྨྲས་པ་ཙམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་སྨིན་པར་བྱེད་པ་ཡང་ཡོད་དོ།།སེམས ་ཅན་ཁ་ཅིག་ནི་གཟུགས་སྡུག་གུ་དག་མཐོང་ནས།འོངས་ཆགས་ཀྱི་སེམས་སྐྱེས་པ་ལས་གཟུགས་དེ་རྣམ་པར་འགྱུར་ཞིང་ཞིག་པར་མཐོང་བ་ཉིད་ཀྱིས་གཟུགས་མི་རྟག་པར་ཁོང་དུ་ཆུད་པར་གྱུར ་ནས།འདོད་པའི་གདུང་བ་ཉེ་བར་ཞི་སྟེ།མི་རྟག་པ་ཉིད་ཤིན་ཏུ་ཡིད་ལ་བྱེད་པ་ཉིད་ཀྱིས་བླ་ན་མེད་པ་ཡང་དྲག་པར་རྫོགས་པའི་བྱང་ཆུབ་ཡོངས་སུ་སྨིན་པར་བྱེད་པ་ཡང་ཡོད་དོ།།སེམས ་ཅན་ཁ་ཅིག་ནི་བུད་མེད་མཐོང་བ་ན།མངོན་པར་ཞེན་པ་སྐྱེས་པ་མེད་ཀྱང་།ཕྱིས་ཡིད་ལ་དྲན་པའི་དབང་གིས་འདོད་ཆགས་ཀྱི་སེམས་སྐྱེས་ནས།དེའི་ཁ་དོག་དང་དབྱིབས་ཡིད་ལ ་བྱས་ནས།རྗེས་སུ་ཆགས་པ་སྐྱེ་བར་འགྱུར་བ་ཡང་ཡོད་དོ།།སེམས་ཅན་ཁ་ཅིག་ནི་རྨི་ལམ་ན་གཟུགས་ཡིད་དུ་འོང་བ་དག་མཐོང་བའི་དབང་གིས་འདོད་ཆགས་ཀྱི་མངོན་པར་ཞེན་པ ་སྨྱོས་ནས།ཡིད་ལ་བྱེད་ཅིང་ཡོངས་སུ་གཉེར་བར་བྱེད་པ་ཡང་ཡོད་དོ།།སེམས་ཅན་ཁ་ཅིག་ནི་བུད་མེད་ཀྱི་སྒྲ་ཐོས་པ་ཙམ་གྱིས་འདོད་ཆགས་ཀྱི་སྲེད་པ་བསྐྱེད་པར་བྱེད་ལ།རེས ་འགའ་ནི་མཐོང་བ་ཙམ་གྱིས་འདོད་ཆགས་ཀྱི་སེམས་དང་བྲལ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་སྨིན་པར་བྱེད་པ་ཡང་ཡོད་པས།དེའི ་ཕྱིར་གློག་ཐོབ་བྱང་ཆུབ་སེམས་དཔའ་ནི་འདོད་ཆགས་ཀྱི་ནད་རྣམ་པ་སྣ་ཚོགས་གང་ཡིན་པ་དང་།འདོད་ཆགས་ཀྱི་སྨན་གང་ཡིན་པ་དེ་དག་ཐིབས་མོ་ཁས་པས་ལེགས་པར ་ཁོང་དུ་ཆུད་ཀྱང་།ཆོས་ཀྱི་དབྱིངས་ལ་གཉིས་སུ་འདིན་པའི་མཚན་མ་ཡང་མེད་ལ།ཆོས་ཀྱི་དབྱིངས་ལ་རྨོངས་པར་གྱུར་པའི་སེམས་ཅན་དག་ལ་ཡང་སྙིང་རྗེ་ཆེན་པོ་བསྐྱེད ་པར་བྱེད་དོ།།གློག་ཐོབ་འདོད་ཆགས་དང་།ཞེ་སྡང་དང་།གཏི་མུག་ཅེས་བྱ་བ་དང་།ཆོས་ཀྱི་དབྱིངས་ཀྱི་ཡེ་ཤེས་ཤེས་བྱ་བའི་ཆོས་ཅུང་ཟད་ཙམ་ཡང་དམིགས་སུ་མེད་པས།། ་བྱང་ཆུབ་སེམས་དཔའ་འདི་སྙམ་དུ་བདག་གིས་མཐོང་བ་ལྟར་ན།སེམས་ཅན་རྣམས་ནི་མཚན་མ་མེད་པ་རང་བཞིན་གྱིས་སྟོང་ཞིང་དབེན་པ།བཏགས་པ་ཙམ་དུ་རྣམ་པར་གཞག་པ། ་ཚོགས་ཤིང་འདུས་པའི་ཆོས་འདི་ལ་འདོད་ཆགས་དང་།ཞེ་སྡང་དང་།གཏི་མུག་བསྐྱེད་པར་བྱེད་པས།བདག་གིས་འདི་དག་ཡང་དག་པ་ཇི་ལྟ་བ་བཞིན་དུ་སོ་སོར་བརྟགས་ནས། ་འདོད་ཆགས་ཀྱིས་རྨོངས་པར་གྱུར་པའི་སེམས་ཅན་དེ་དག་གི་ཆེད་དུ་སྙིང་རྗེ་ཆེན་པོ་ལ་གནས་ནས།སྔོན་གྱི་སྨོན་ལམ་ཡོངས་སུ་རྫོགས་པར་བྱའོ།།ཆོས་ཀྱི་དབྱིངས་ལས་མ ་གཡོས་པར་རྩོལ་བ་མེད་པའི་ཡེ་ཤེས་ཀྱིས་ཡོངས་སུ་སྨིན་པར་བྱའོ་སྙམ་དུ་སེམས་སོ།།སྐྱེས་པ་གང་ཞིག་བུད་མེད་དག་ལ་ཡང་དག་པ་མ་ཡིན་པས་སྡུག་པའི་འདུ་ཤེས་བསྐྱེད་ནས། ་འདོད་ཆགས་ལྕི་བ་སྐྱེས་པར་གྱུར་ན།བྱང་ཆུབ་སེམས་དཔས་བུད་མེད་ཤིན་དུ་སྡུག་ཅིང་མཛེས་པ་གཟུགས་ཀྱི་མཚན་ཁྱད་པར་དུ་འཕགས་པ་རིན་པོ་ཆེའི་རྒྱན་ཕྲེང་དང་ལྡན་པ་རྒྱན་རྣམ ་པ་སྣ་ཚོགས་ཀྱིས་རབ་ཏུ་བརྒྱན་པས་ལྷའི་བུ་མོ་དང་འདྲ་བར་གྱུར་པ་སྔོན་མ་མཐོང་བ་དག་ཏུ་བསྒྱུར་ནས་སེམས་ཅན་དེ་དག་གིས་ཇི་ལྟར་སྲེད་ཅིང་རྗེས་སུ་ཆགས་པ་དང་།ཤིན་ཏུ་མངོན ་བ་རི་ཞེན་པར་གྱུར་པ་སྟོན་པར་བྱེད་དེ།དེ་དག་གི་ནུས་པ་དང་སྦྱར་ནས་ཐབས་ཀྱིས་འདོད་ཆགས་ཀྱི་དུག་མདའ་དབྱུང་བའི་ཆེད་དུ་རང་དབང་དུ་གྱུར་པའི་མཐུས་བུད་མེད་ཀྱི་གཟུགས་སུ ་བསྒྱུར་ནས།དེའི་མདུན་དུ་སྣང་བར་བྱས་ནས་ཆོས་བསྟན་པོ་ཉིད་ཀྱིས་སེམས་ཅན་དེ་དག་ཆོས་ཀྱི་དབྱིངས་རྟོགས་པར་བྱས་ཏེ་མི་སྣང་བར་གྱུར་ཏོ།།བུད་མེད་གང་ཞིག་སྐྱེས ་བ་དྲུག་ལ་འདོད་ཆགས་ཀྱི་སེམས་སྐྱེས་པར་གྱུར་ན།བྱང་ཆུབ་སེམས་དཔའ་སྐྱེས་པའི་ལུས་བསྟན་ནས་འདོད་ཆགས་ཀྱི་དུག་མདའ་དབྱུང་བའི་ཚད་དུ་ཆོས་བསྟན་པ་ཉིད་ཀྱིས་ཆོས་ཀྱི ་དབྱིངས་ལ་ཞུགས་པར་བྱས་ནས་མི་སྣང་བར་བྱེད་དོ།།གློག་ཐོབ་འདོད་ཆགས་ཀྱི་སྤྱོད་པ་ཉི་ཁྲི་ཆིག་སྟོང་དང་སྤྱོད་པ་གཞན་དེ་དག་ཀྱང་གཏོགས་པར་བརྒྱད་ཁྲི་བཞི་སྟོང་དུ་གྱུར་པ ་དེ་དག་བྱང་ཆུབ་སེམས་དཔས་རྩོལ་བ་མེད་པའི་ཡེ་ཤེས་ཀྱིས་ཆོས་ཀྱི་སྒོ་མོ་བྱེ་བ་སྟོང་ཕྲག་ཚད་མེད་པ་བསྐྱེད་དེ།སེམས་ཅན་གྱི་ཁོང་དུ་ཆུད་པར་བྱས་ནས་ཐམས ་ཅད་རྣམ་པར་གྲོལ་བར་གྱུར་ཀྱང་བདག་གིས་སེམས་ཅན་ལ་འདི་ལྟ་བུའི་ཆོས་བསྟན་ཏོ་སྙམ་དུ་སེམས་པ་ཡང་མེད་ལ་སེམས་ཅན་རྣམ་པར་གྲོལ་བར་གྱུར་པ་ཡང་མི་དམིགས་སོ།། ་གློག་ཐོབ་འདི་ལྟ་སྟེ་དཔེར་ནུ་མཚོ་མ་དྲོས་པའི་ཀླུའི་རྒྱལ་པོ་ནི་ལས་ཀྱི་མཐུའི་དབང་གིས་དེའི་ཕོ་བྲང་གི་ནང་ནས་ཆུ་ཀླུང་ཆེན་པོ་བཞི་བྱུང་ནས་སེམས་ཅན་ཆུ་དང་།སྐམ་ས་ལ་གནས་པ ་དག་དབྱར་ཚ་བའི་དུས་ཀྱི་ཆེ་བསིལ་བ་དང་རླན་གྱིས་མེ་ཏོག་དང་འབྲས་བུ་དག་རྒྱས་ཤིང་འབྲུ་རྣམས་འཕེལ་བར་གྱུར་ནས་སེམས་ཅན་མང་པོ་ཤིན་ཏུ་བདེ་བར་བྱེད་ཀྱང་།ཀླུའི་རྒྱལ་པོ་དེ ་བདག་གིས་ཆུ་ཀླུང་བཞི་པོ་འདི་དག་ཕྱུང་ངོ་།།དབྱུང་བར་བྱའོ་སྙམ་དུ་མི་སེམས་མོད་ཀྱི་འོན་ཀྱང་ཆུ་ཀླུང་བཞི་པོ་དག་རྟག་ཏུ་འབར་ཅིང་སེམས་ཅན་རྣམས་ཉེ་བར་སྤྱོད་པར་བྱེད་དོ།།བྱང ་ཆུབ་སེམས་དཔའ་ཡང་དེ་བཞིན་དུ་སྔོན་གྱི་སྨོན་ལམ་ཡོངས་སུ་རྫོགས་པར་གྱུར་པའི་དབང་གིས་རྩོལ་བ་མེད་པའི་ཡེ་ཤེས་ཀྱིས་འཕགས་པའི་བདེན་པ་བཞི་བསྟན་ནས་འཁོར་བའི་ཡོངས་སུ ་གདུང་བ་ཐམས་ཅད་བསལ་ཏེ།ལྷ་དང་མི་རྣམས་ལ་འཕགས་པའི་རྣམ་པར་གྲོལ་བ་སྦྱིན་པར་བྱེད་ཀྱང་།བྱང་ཆུབ་སེམས་དཔའ་དེ་བདག་གིས་ཆོས་བསྟན་ཏོ།།བསྟན་པར་བྱར ་སྙམ་དུ་མི་སེམས་མོད་ཀྱི།འོན་ཀྱང་རང་གི་དྲང་གིས་སྙིང་རྗེ་ཆེན་པོ་བསམ་པ་ལ་གནས་ནས་སེམས་ཅན་རྣམས་སོ་སོར་བརྟག་ཏེ་ཅི་རིགས་པར་ཆོས་སྟོན་པར་བྱེད་དོ།།གཞན་ཡང ་གློག་ཐོབ་འདི་ལྟ་སྟེ།དཔེར་ན་བརྒྱ་བྱིན་ལྷའི་དབང་པོ་ལ་ལྷའི་བུ་མོ་ཁྲག་ཁྲིག་ཕྲག་བཅུ་གཉིས་ཡོད་པ་དེ་དག་བརྒྱ་བྱིན་ལྷའི་དབང་པོའི་རང་དབང་གི་མཐུའི་དབང་གིས་ལུས་མང་པོ་བསྟན ་ནས།ལྷའི་བུ་མོ་དེ་དག་དེ་དང་ལྷན་ཅིག་འདོད་པའི་བདེ་བ་ཡོངས་སུ་རྫོགས་པར་མྱོང་བས་དེ་དག་སོ་སོ་ནས་ཛད་སྙམ་དུ་བདག་གཅིག་པུ་ནི་དེང་ལྷའི་དབང་པོ་དང་ལྷན་ཅིག་རྩེས་སོ་སྙམ་དུ ་སེམས་ཀྱང་ཡང་དག་པར་ལྷའི་དབང་པོ་དེ་ལ་མངོན་པར་ཞེན་པར་གྱུར་པ་ཅི་ཡང་མེད་དོ།།བྱང་ཆུབ་སེམས་དཔའ་ཡང་དེ་བཞིན་དུ་སེམས་ཅན་ཡོངས་སུ་བཟླ་བའི་འོས་སུ་གྱུར་པ་དེ ་དག་གི་བསམ་པ་ཇི་ལྟ་བ་བཞིན་དུ་ཡོངས་སུ་སྨིན་པར་བྱེད་ཀྱང་།བྱང་ཆུབ་སེམས་དཔའ་ལ་མངོན་པར་ཞེན་པར་གྱུར་པ་མེད་དོ།།གཞན་ཡང་གློག་ཐོབ་འདི་ལྟ་སྟེ་དཔེར་ན་ཉི་མའི ་དཀྱིལ་འཁོར་རི་མཐོན་པོའི་རྩ་ལ་ཤར་བའི་ཚེ་འོད་ཀྱིས་འཛམ་བུའི་གླིང་ཀུན་ཏུ་སྣང་བར་བྱེད་པས་གྲང་དུ་སྣང་བར་བྱས་པའི་གནས་དེ་དག་ཏུ་ཁ་དོག་སྔོན་པོ་དང་།སེར་པོ་དང་།དམར ་བོ་དང་།དཀར་པོ་རྣམ་པ་སྣ་ཚོགས་རབ་ཏུ་སྟོན་པར་བྱེད་ཀྱང་ཉི་མའི་དཀྱིལ་འཁོར་དེ་ནི་མེ་དོག་གཅིག་པོ་འོད་གཅིག་པ་ཉིད་དེ་ཐ་དད་པའི་མཚན་མེ་མེད་དེ།།བྱང་ཆུབ་སེམས ་དཔའ་ཡང་དེ་བཞིན་དུ་ཤེས་རབ་ཀྱི་ཉི་མའི་དཀྱིལ་འཁོར་གྱིས་ཆོས་ཀྱི་དབྱིངས་སྣང་བར་བྱས་ནས་སེམས་ཅན་གྱི་མངོན་པར་ཞེན་པའི་རིའི་རྩེ་མོ་དེ་དག་ཏུ་ཤར་བཱ་ན ་དམིགས་པའི་མཚན་ཉིད་གཅིག་ཏུ་གྱུར་ཅིང་དེ་དག་གི་མོས་པ་ཇི་ལྟ་བ་བཞིན་དུ་ཆོས་སྟོན་པར་བྱེད་ཀྱང་ཆོས་ཀྱི་དབྱིངས་ལ་གཉིས་སུ་གྱུར་པའི་མཚན་ཉིད་མེད་དོ་གློག་ཐོབ་འདི་ནི་བྱང ་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འདོད་ཆགས་སྤྱོད་པའི་གཏེར་ཞེས་བྱའོ།།བྱང་ཆུབ་སེམས་དཔའ་གང་གིས་གཏེར་འདི་ཐོབ་པར་གྱུར་ན།བསྐལ་པ་འམ ་བསྐལ་པ་ལས་ལྷག་པ་སེམས་ཅན་རྣམས་ཀྱི་མོས་པ་སྣ་ཚོགས་ཇི་ལྟ་བ་བཞིན་དུ་ལུས་ཚད་མེད་པ་བསྟན་ནས་ཚིག་རྣམ་པ་སྣ་ཚོགས་ཀྱིས་ཆོས་སྟོན་པར་བྱེད་ཀྱང་ཆོས་ཀྱི་དབྱིངས་ལ་གཉིས ་སུ་གྱུར་པའི་མཚན་ཉིད་མེད་དོ།།གཞན་ཡང་གློག་ཐོབ་འདི་ལྟ་སྟེ་དཔེར་ན་གསེར་ཡང་དག་པ་ནི་མགར་བའི་ཐབས་མཁས་པའི་མཐུའི་དབང་གིས་མོས་པ་ཇི་ལྟ་བ་བཞིན་དུ ་རྒྱན་རྣམ་པ་སྣ་ཚོགས་སུ་བྱས་ཏེ།མཚན་ཉིད་ཐ་དད་པར་གྱུར་ཀྱང་གསེར་གྱི་རང་བཞིན་ལ་ནི་ཐ་དད་དུ་གྱུར་པ་ཅི་ཡང་མེད་དོ།།བྱང་ཆུབ་སེམས་དཔའ་ཡང་དེ་བཞིན་དུ་ཆོས་ཀྱི་དབྱིངས་ཤིན་ཏུ ་ལེགས་པར་བརྟགས་ནས་སེམས་ཅན་མོས་པ་རྣམ་པ་སྣ་ཚོགས་ཇི་ལྟ་བ་བཞིན་དུ་ལུས་ཚད་མེད་པ་དག་བསྟན་ནས་ཚིག་རྣམ་པ་སྣ་ཚོགས་ཀྱིས་ཆོས་སྟོན་བྱེད་ཀྱང་ཆོས་ཀྱི་དབྱིངས་ལ་ནི་གཉིས་སུ ་གྱུར་པའི་མཚན་ཉིད་མེད་དེ།འདི་ནི་རྟག་པར་ཆོས་ཀྱི་དབྱིངས་ལ་ཞུགས་པས་མཚན་ཉིད་གཅིག་ཏུ་གྱུར་པ་ཞེས་བྱའོ།།བྱང་ཆུབ་སེམས་དཔའ་གང་གིས་གཏེར་འདི་ལྟ་བུ་ཐོབ་པར་གྱུར ་ནསེམས་ཅན་གྱི་ཆེད་དུ་རྣམ་པ་སྣ་ཚོགས་ཀྱི་སྒོ་ནས་ཆོས་སྟོན་པར་བྱེད་པ་དེ་དག་གིས་ཆོས་ཐོས་པའི་དབང་གིས་འཕགས་པའི་ནར་ཕུན་སུམ་ཚོགས་པའི་དབང་ཕྱུག་དང་ལྡན་པར་གྱུར་པས ་འཁོར་བའི་རྒུད་པ་དག་གཏན་དུ་ཡོངས་སུ་སྤོང་བྱེད་དོ།།གཞན་ཡང་གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཞེ་སྡང་སྤྱོད་པའི་གཏེར་ཞེས་བྱ་བ་ཇི་ལྟ་བུ་ཞེ་ན།འདི ་ལྟ་སྟེ།སེམས་ཅན་རྣམས་ནི་ང་རྒྱལ་དང་མཚུངས་པར་ལྡན་པ།བདག་དང་བདག་གིར་འཛིན་པ་དང་བཅས་པ།བདག་དང་བདག་གི་མཚན་མ་ལ་གནས་པས་ཡུན་རིང་པོ་ནས ་བྱམས་པ་དང་བཟོད་པ་མ་བསྒོམས་པ་ཞེ་སྡང་གི་གདུང་བས་རང་གི་སེམས་བཤིག་པར་གྱུར་པ།སངས་རྒྱས་དང་ཆོས་དང་དགེ་འདུན་རྗེས་སུ་དྲན་པར་མ་གྱུར་པ།ཞེ་སྡང་གི་གདུག་པས ་གཡོགས་པ།ཆོས་ཉིད་ལ་རྨོངས་པར་གྱུར་པ་ཡིན་ཡང་བྱང་ཆུབ་སེམས་དཔའ་ནི་ཞེ་སྡང་མང་བའི་སེམས་ཅན་དེ་དག་ལ་ནམ་ཡང་གནོད་སེམས་དང་རྣམ་པར་འཚོ་བ་བསྐྱེད་པར་མི་བྱེད་ཀྱི།འདི ་སྙམ་དུ་ཀྱེ་མ་སེམས་ཅན་འདི་དག་ནི་གཏི་མུག་གོ་རྨོངས་པས་ཆོས་རྣམས་གཟོད་མ་ཉིད་ནས་རབ་ཏུ་དབེན་ཞིང་ཞི་བ་དྲི་མ་དང་རྙོག་པ་མེད་པ།འདུམ་པ་མེད་པ།རྩོད་པ་མེད་པ།རབ་ཏུ་དབེན་པའི ་རྒྱ་རྦྦ་དང་རྒྱུན་གྱི་ལོག་དང་མ་ཚུངས་པར་གྱུར་དུའི་དབྱུང་གིས་ཡང་དག་པ་མ་ཡིན་པ་ནི་སྡང་དང་ཁོན་དུ་འཛིན་པ་རྒྱས་པར་གྱུར་ཏོ་ཟླུམ་དུ་སེམས་པ་ལྗོན་བྱུད་པ།། ་དེསྐསྙམ་དུ་བསམས་ནས་ཀྱང་སྙིང་རྗེ་ཆེན་པོ་ལ་གནས་ཏེ་རྟག་པར་བདག་ཉིད་འགྱོད་ཅིང་བཤགས་པར་ཡང་བྱེད་ལ།གལ་ཏེ་ལུས་ཀྱི་ཡན་ལག་དང་ཉིང་ལག་གཅོད་པ་ཞིག་ཡོདན ་ཡ་།ཞེ་སྡང་སྤྱོད་པའི་སེམས་ཅན་དེ་དག་འདུལ་བར་འདོད་པའི་ཕྱིར་བཟོད་པ་ལ་རབ་ཏུ་གནས་པར་བྱེད་དོ།།གལ་ཏེ་ནི་སྡང་སྤྱོད་པའི་སེམས་ཅན་ཚད་མེད་པ་དེ་དག་ཕན་ཚུན ་གཅིག་ལ་གཅིག་རྒྱབ་ཀྱིས་ཕྱོགས་ཤིང་ཞེ་སྡང་དང་།ཁྲོན་དུ་འཛིན་པའི་ལས་ཡོངས་སུ་རྫོགས་པའི་དབང་གིས་སྦྲུལ་གདུག་པ་ངན་འགྲོའི་ལུས་སུ་ལྟུང་བར་གྱུར་པ་དག་ལ་ནི། ་བྱང་ཆུབ་སེམས་དཔའ་བཟོད་པ་ལ་རབ་ཏུ་གནས་པ་དེས་འདི་ལྟར་བྱམས་པ་དང་།དྲན་པའི་སྟོབས་ཀྱིས་སེམས་ཅན་དེ་དག་བཏུལ་ནུས་ངན་འགྲོའི་རྣམ་པར་སྨིན་པ་ལེན་པར་མི ་འགྱུར་ཞིང་།གདོན་མི་ཟ་བར་མཉམ་པ་ཉིད་རྟོགས་པར་བྱེད་པ་གང་ཡིན་པ་འདི་ནི་བྱང་ཆུབ་སེམས་དཔའ་ཐབས་མེཁས་པས་སེམས་ཅན་གྱི་ཞེ་སྡང་གི་སྤྱོད་པ་ཡོངས་སུ ་བསིལ་བཞེས་བྱའོ།།གཞན་ཡང་ཀློག་པའི་བྱང་ཆུབ་སེམས་དཔའ་ནི་ཞལ་ཏེ་སེམས་ཅན་ནི་སྡང་ཅན་དག་མཐོང་བར་གྱུར་ན།འདི་སྙམ་དུ་ཆོས་ཐམས་ཅིད་ནི་རང་ཞིན ་གྱིས་རྣམ་པར་དག་པ་ཡིན་ན།ཀྱེ་མ་སེམས་ཅན་འདི་དག་ནི་ཞེ་སྡང་གི་རྗེས་སུ་འབྲངས་ནས་ཡང་དག་པ་མ་ཡིན་པས་རྣམ་པར་རྟོག་པ་བསྐྱེད་ནས་མཉམ་ཞིང་རྩོད་པ་མེད་པ་ཆོས་འདི་ཉིད་ལ་ཞེ ་སྤང་གི་བསམ་པ་བསྐྱེད་པས་སེམས་ཅན་འདི་དག་ཆོས་ཀྱི་དབྱིངས་ཉིད་མ་རྟོགས་པར་གྱུར་ཏོ།།གལ་ཏེ་སེམས་ཅན་འདི་དག་ཆོས་ཉིད་མཐོང་བར་གྱུར་ན་ནི་གཞན་དག་ལ་གནོད་སེམས་བསྐྱེད ་པར་མི་འགྱུར་བ་ཞིག་ན་ཆོས་ཀྱི་དབྱིངས་ཀྱི་ངོ་བོ་ཉིད་མ་རྟོགས་པས།དེའི་ཕྱིར་ཞེ་སྡང་སྐྱེས་པར་གྱུར་ཏོ་ཞེས་བྱང་ཆུབ་སེམས་དཔའ་དེས་ཞེ་སྡང་མང་བའི་སེམས་ཅན་དེ་དག་ལ་ལྷག་པར་སྟོང ་བརྩེ་བསྐྱེད་ནས་སྙིང་རྗེ་ཆེན་པོ་ལ་གནས་ཏེ།སྔོན་གྱི་སྨོན་ལམ་ཡོངས་སུ་རྫོགས་པར་བྱེད་ལ་རྩོལ་བ་མེད་པའི་ཡེ་ཤེས་ཀྱིས་སེམས་ཅན་གྱི་ཞེ་སྡང་གི་སྤྱོད་པ་རྣམ་པར་བཞིག་པའི་ཕྱིར་ཆོས ་ཀྱི་སྒོ་མོ་རྣམ་པ་སྣ་ཚོགས་ཡང་དག་པར་སྟོན་པར་བྱེད་ཀྱང་བདག་གིས་སེམས་ཅན་གྱི་ཞེ་སྡང་བསལ་བའི་ཕྱིར་ཆོས་བསྟན་ཏོ་སྙམ་དུ་མི་སེམས་སོ།།དེ་ཅིའི་ཕྱིར་ཞེ་ན།བྱང་ཆུབ་སེམས ་དྲདྲུབའ་ཆོས་ཀྱི་དབྱིངས་ཀྱི་མཚན་ཉིད་ཤིན་ཏུ་ལེགས་པར་རྟོགས་པའི་ཕྱིར་འོ།།འདི་ནི་བྱང་ཆུབ་སེམས་དཔའ་ཆོས་ཀྱི་དབྱིངས་དབྱེར་མེད་པའི་མཚན་ཉིད་ལ་གནས་ནས་ཉོན་མོངས་པའི ་སྤྱོད་པ་རབ་ཏུ་བསལ་བ་ཞེས་བྱའོ།།གློག་ཐོབ་འདི་ལྟ་སྟེ་དཔེར་ན།མུན་པ་བསལ་ནས་སྣང་བ་འཐོབ་པར་འགྱུར་ཡང་མུན་པ་སེལ་བར་བྱེད་པ་མེད་དེ།འདི་ལྟར་མུན ་བ་དང་སྣང་བའི་ངོ་བོ་ཉིད་ནམ་མཁའ་དང་མཚུངས་ཤིང་དབྱེར་མེད་པ་ཡིན་ནོ།།དེ་བཞིན་དུ་བྱང་ཆུབ་སེམས་དཔའ་ཡང་ཆོས་ཀྱི་དབྱིངས་དབྱེར་མེད་པའི་ཡེ ་ཤེས་དེ་ལ་བརྟེན་ནས་ཐབས་མཁས་བླས་ཆོས་བསྟན་ཏེ་ཞེ་སྡང་སྤྱོད་པའི་སེམས་ཅན་རྣམ་པ་སྣ་ཚོགས་འདུལ་ཞིང་ཞི་བར་བྱེད་ཀྱང་ཆོས་ཀྱི་དབྱིངས་ལ་ཐ་དད་དུ་གྱུར་པ་མེད་དོ།། ་གློག་ཐོབ་འདི་ལྟ་སྟེ་དཔེར་ན་ཉི་མའི་དཀྱིལ་འཁོར་ཤར་ནུས་འདི་ཀྱིས་གང་དང་གང་དུ་སྣང་བར་བྱིས་པ་དེ་དག་ཐམས་ཅད་ནི་ཉི་མའི་དཀྱིལ་འཁོར་གྱིས་བསྡུས་པ་ཡིན་ནོ།།དེ་བཞིན ་དུ་བྱང་ཆུབ་སེམས་དཔའ་ཡང་ཞེ་སྡང་གི་སྤྱོད་པ་གདུལ་ཞིང་བསལ་བའི་ཕྱིར་ཇི་ཙམ་དུ་བརྗོད་པ་ཐམས་ཅད་ཆོས་ཀྱི་འཁོར་ལོ་ཡིན་ཡང་ཆོས་ཀྱི་དབྱིངས་ལ་ནི་ཐ་དད་དུ་གྱུར་པ་ཡིན་ནོ།། ་འདི་ལྟར་ཞེ་སྡང་གི་སྤྱོད་པ་ཉི་ཁྲི་ཆིག་སྟོང་དང་།སྤྱོད་པ་གཞན་རྟོགས་པར་བརྒྱད་ཁྲི་བཞི་སྟོང་དུ་གྱུར་པ་དེ་དག་བྱང་ཆུབ་སེམས་དཔའ་རྩོལ་བ་མེད་པའི་ཡེ་ཤེས་ཡོངས་སུ་གྲུབ་པས ་སེམས་ཅན་དེ་དག་གི་ཞེ་སྡང་གི་སྤྱོད་པ་རྣམ་པ་སྣ་ཚོགས་ཀྱི་རྗེས་སུ་ཆོས་སྟོན་པར་བྱེད་ཀྱང་།བདག་གིས་སེམས་ཅན་ལ་ཆོས་བསྟན་ཏོ་སྟོན་ཏོ།།སྟོན་པར་འགྱུར་རོ་སྙམ་དུ་སེམས ་པ་མེད་དེ།འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཞེ་སྡང་སྤྱོད་པའི་གཏེར་ཞེས་བྱའོ།།བྱང་ཆུབ་སེམས་དཔའ་གང་གིས་གཏེར་འདི་ཐོབ་པར་གྱུར་ན།བསྐལ ་བའམ།བསྐལ་པ་ལས་ལྷག་པར་སེམས་ཅན་གྱི་མོས་པ་རྣམ་པ་སྣ་ཚོགས་ཀྱི་རྗེ་སུ་ཚིག་འབྲུ་དང་།ཡི་གེ་དང་།བརྗོད་པ་སྣ་ཚོགས་ཀྱི་ཐབས་མཁས་པས་ཆོས་སྟོན་པར་བྱེད་ཀྱང་།། ་ཞེ་སྡང་སྤྱོད་པའི་མཐའ་རྙེད་པར་མི་འགྱུར་ལ།བྱང་ཆུབ་སེམས་དཔའ་དེའི་ཤེས་རབ་དང་སྤོབས་པ་ཡང་གཏུགས་པར་མི་འགྱུར་ཏེ།འདི་ནི་བྱང་ཆུབ་སེམས་དཔའ་ཆོས་ཀྱི་དབྱིངས ་དབྱེར་མེད་པའི་མཚན་ཉིད་ལེགས་པར་བཤད་པས་ཐོབ་པའི་ཞེ་སྡང་སྤྱོད་པའི་གཏེར་ཞེས་བྱའོ།།གཞན་ཡང་གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་གཏི་མུག་སྤྱོད་པའི ་གཏེར་ཞེས་བྱ་བ་ཇི་ལྟ་བུ་ཞེ་ན།གློག་ཐོབ་བྱང་ཆུབ་སེམས་དཔའ་རྣམས་ཀྱི་སྤྱོད་པ་འདྲི་ལྟ་བུ་འདི་ནི་ཤིན་ཏུ་དཀར་བའི་དངོས་པོ་ཡིན་ཏེ།འདི་ལྟར་སེམས་ཅན་རྣམས་ནི་ཉོན་མོངས་པའི་རྗེས ་སུ་འབྲང་བ་གཞན་ལ་གནོད་པར་བྱེད་པ་མ་རིག་པའི་མངལ་གྱི་སྒོ་ངས་ཀུན་ཏུ་དཀྲིས་པ་དར་གྱི་སྲིན་བུ་བཞིན་དུ་བདག་ཉིད་བཅིངས་པས་ཆོས་ཀྱི་དབྱིངས་རྟོགས་པའི་ཐབས་མེད་པ་བྱ་བ་དག་ལ་ལེགས ་པར་སོ་སོར་མི་རྟོག་པ་བདག་ཏུ་ལྟོ་བ་ལ་མངོན་པར་ཞེན་པ།ལམ་ལོག་པར་ཞུགས་པ།བྱིས་པའི་སྤྱོད་པ་ལ་གནས་པ་ངེས་པར་འབྱུང་བར་དཀའ་བ་ཡིན་པས་འདི་ལྟ་བུ་ལ་སོགས་པས ་རྨོངས་པར་གྱུར་པའི་སེམས་ཅན་དག་གི་ཆེད་དུ་དང་པོ་སེམས་བསྐྱེད་པ་ནས་སྦྱོར་བ་ཆེན་པོ་བསྐྱེད་དེ།རལ་ཞིང་སྡུག་པ་ཡང་མེད་དེ།ལེ་ལོ་ཡང་མེད་པར་རྐྱེན་གང་དང་མོས་པ་གང་དང་།ཆོས ་བསྟན་པ་ཇི་ལྟ་བུ་ཞིག་གིས་སེམས་ཅན་འདི་དག་བྱང་ཆུབ་སེམས་དཔའི་སྤྱོད་པ་ལ་བཙུད་དེ།རྣམ་པར་གྲོལ་བ་ཐོབ་པར་འགྱུར་སྙམ་དུ་སེམས་ཏེ།བྱང་ཆུབ་སེམས ་དཔའ་སྔོན་ཆོས་ཀྱི་དབྱིངས་ལེགས་པར་སོ་སོར་བརྟགས་པས་རྩོལ་བ་མེད་པའི་ཡེ་ཤེས་ཀྱིས་སྙིང་རྗེ་ཆེན་པོ་ལ་གནས་ཏེ།སེམས་ཅན་དེ་དག་ཆོས་ཀྱི་དབྱིངས་ལ་རྨོངས་པར་གྱུར ་པར་རིག་ནས་ཅི་ནུས་ཅི་ལྕོགས་ཀྱིས་ཆོས་བསྟན་ནས་རབ་ཏུ་དུལ་བར་བྱེད་ཀྱང་བདག་གིས་ཆོས་བསྟན་ཏོ།།སྟོན་ཏོ།།སྟོན་པར་འགྱུར་རོ་སྙམ་དུ་སེམས་པ་མེད་དེ།འོན་ཀྱང ་དེ་སྔོན་གྱི་སྨོན་ལམ་གྱི་མཐུས་རྟེན་ཅིང་འབྲེལ་པར་འབྱུང་བ་ལེགས་པར་སོ་སོར་བརྟགས་ནས་རང་གི་ངང་གིས་ཆོས་ཀྱི་སྒོ་མོ་བརྒྱ་སྟོང་དུ་མ་བསྟན་ཏེ།སེམས་ཅན་དེ་དག་གི་མ་རིག་པའི ་ལས་ཀྱི་འདུ་བྱེད་བསལ་ནས་རྣམ་པར་གྲོལ་བ་འཐོབ་པར་བྱེད་དོ།།གློག་ཐོབ་འདི་ལྟ་སྟེ་དཔེར་ན།སྨན་པ་བཟང་པོ་ནད་མང་པོ་གསོ་བ་ལ་མཁས་པ།སྔར་སྨན་དཔྱད་རྣམས་ལ ་ཤིན་ཏུ་གོམས་པར་གྱུར་པ་ནི་ནད་ཀྱི་མཚན་མཐོང་མ་ཐག་ཏུ་སྔགས་དང་སྨན་བཏང་བ་ཐམས་ཅད་རབ་ཏུ་རྟོགས་པར་གྱུར་པས།དེས་གསོས་པ་གླང་ཡང་མི་སོས་པ་མེད་དོ།།དེ་བཞིན་དུ ་བྱང་ཆུབ་སེམས་དཔའ་ཡང་འདི་ལྟར་ཆོས་ཀྱི་དབྱིངས་ཤིན་ཏུ་ལེགས་པར་རྟོགས་པས་རྩོལ་བ་མེད་པའི་ཡེ་ཤེས་ཀྱིས་གཏི་མུག་གི་སྤྱོད་པ་བསགས་པའི་སེམས་ཅན་དེ་དག་གི་དབང་པོ་དང་། ་རང་བཞིན་ཇི་ལྟ་བ་བཞིན་དུ་ཆོས་ཀྱི་སྒོ་མོ་བརྒྱ་སྟོང་དུ་མ་བསྟན་ནས་ཐམས་ཅད་རབ་ཏུ་གསལ་བར་རྟོགས་པར་བྱེད་དེ།གློག་ཐོབ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི ་གཏི་མུག་སྤྱོད་པའི་གཏེརོ་ཞེས་བྱའོ།།བྱང་ཆུབ་སེམས་དཔའ་གང་གི་གཏེར་འདི་ཐོབ་པར་གྱུར་ན།རྟེན་ཅིང་འབྲེལ་པར་འབྱུང་བ་ཤིན་ཏུ་ལེགས་པར་སོ་སོར་བརྟགས་ནས།གཏི ་མུག་སྤྱོད་པའི་སེམས་ཅན་དེ་དག་གི་ཆེད་དུ་བསྐལ་པ་འམ།།བསྐལ་པ་ལས་ལྷག་པར་དེ་དག་གི་རང་བཞིན་དང་འདུམ་པ་ཇི་ལྟ་བ་བཞིན་དུ་ཚིག་འབྲུ་དང་།ཡི་གེ་དང་བརྗོད་པ་རྣམ ་པ་སྣ་ཚོགས་ཀྱི་ཐབས་མཁས་པས་ཆོས་སྟོན་པར་བྱེད་ཀྱང་།གཏི་མུག་སྤྱོད་པའི་མཐའ་ཡང་རྙེད་པར་མི་འགྱུར་ལ།བྱང་ཆུབ་སེམས་དཔའ་དེའི་ཤེས་རབ་དང་སྤོབས་པ་ཡང་གཏུགས ་པར་མི་འགྱུར་ཏེ།འདི་ནི་བྱང་ཆུབ་སེམས་དཔའ་ཆོས་ཐམས་ཅད་དབྱེར་མེད་པའི་མཚན་ཉིད་ལེགས་པར་བཤད་པས་ཐོབ་པའི་གཏི་མུག་སྤྱོད་པའི་གཏེར་ཞེས་བྱའོ།།འདི་ལྟར་གཏི་མུག ་གི་སྤྱོད་པ་ཉི་ཁྲི་ཆིག་སྟོང་དང་།སྤྱོད་པ་གཞན་གཏོགས་པར་བརྒྱད་ཁྲི་བཞི་སྟོང་དུ་གྱུར་པ་དེ་དག།བྱང་ཆུབ་སེམས་དཔས་ཡོངས་སུ་སྤང་བའི་ཕྱིར།ཆོས་ཀྱི་སྒོ་མོ་བརྒྱད་སྟོང་དུ་མ་རབ་ཏུ་བྱ ་ནས་ཡང་དག་པར་སྟོན་པ་གང་ཡིན་པོ་འདི་ནི།བྱང་ཆུབ་སེམས་དཔའི་གཏི་མུག་སྤྱོད་པའི་གཏེར་ཅེས་བྱའོ།།གཞན་ཡང་གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཆ ་མཉམ་པའི་སྤྱོད་པའི་གཏོར་ཅེས་བྱ་བ་ཇི་ལྟ་བུ་ཡིན་ཞེ་ན།འདི་ལྟ་སྟེ་དཔེར་ན་མོ་ལོང་གི་དཀྱིལ་འཁོར་ཤིན་ཏུ་དག་ཅིང་ཡོངས་སུ་གསལ་བ།དྲི་མ་མེད་པ ་ལ་ལམ་བཞི་མདོར་བཞག་ན་གཟུགས་བརྙན་རྣམས་དེར་སྣང་ཞིང་འཕེལ་བ་དང་འགྲིབ་པ་མེད་ཀྱང་མེ་ལོང་གི་དཀྱིལ་འཁོར་དེ་བདག་གིས་གཟུགས་བརྙན་རྣམ་པ་སྣ་ཚོགས་འདི་དག་སྟོན ་པར་བྱེད་དོ་ཞེས་མི་སེམས་མོད་ཀྱི།འོན་ཀྱང་མེ་ལོང་གི་དཀྱིལ་འཁོར་དེ་ཤིན་ཏུ་བྱི་དོར་ལེགས་པར་བྱས་ན་གཟུགས་བརྙན་གྱི་རྣམ་པ་ཐམས་ཅད་རང་གི་ངང་གིས་རབ་ཏུ་སྣང་བར ་འགྱུར་རོ།།དེ་བཞིན་དུ་བྱང་ཆུབ་སེམས་དཔའ་ཡང་ཆོས་ཀྱི་དབྱིངས་ཀྱི་མེ་ལོང་གི་དཀྱིལ་འཁོར་ཤིན་ཏུ་ལེགས་པར་བྱི་དོར་བྱས་པ་རྩོལ་བ་མེད་པའི་ཏིང་ངེ་འཛིན་ལ་གནས་ནས་སེམས ་ཅན་རྣམས་ཀྱི་སེམས་ཀྱི་སྤྱོད་པའི་བྱེ་བྲག་ཇི་ལྟ་བ་བཞིན་དུ་ཆོས་ཀྱི་སྒོ་མོ་བརྒྱད་སྟོང་དུ་མ་རྣམ་པར་ཕྱེ་སྟེ་བསྟན་ནས།དེ་དག་ཐམས་ཅད་རབ་ཏུ་རྟོགས་ཤིང་རྣམ་པར་གྲོལ་བ་ཐོབ་པར་བྱས་ཀྱང་། ་ཆོས་ཀྱི་མཚན་མ་དང་།སེམས་ཅན་གྱི་མཚན་མ་བསྐྱེད་པར་བྱེད་དོ།།དེ་ཅིའི་ཕྱིར་ཞེ་ན།བྱང་ཆུབ་སེམས་དཔའ་དེས་ཆོས་ཀྱི་དབྱིངས་ཀྱི་མཚན་ཉིད་ཤིན་ཏུ་ལེགས་པར་རྟོགས་པའི ་ཕྱིར་དང་།སྤྱོད་པ་བཞི་པོ་འདི་དག་དང་མཚུངས་པར་ལྡན་པའི་སེམས་ཅན་གང་ཡིན་པ་དེ་དག་ཡང་དག་པ་ཇི་ལྟ་བ་བཞིན་དུ་རབ་ཏུ་རྟོགས་པས་དེ་དག་གི་དབང་པོ་དང་།རང་བཞིན་ཇི་ལྟ་བ ་བཞིན་དུ་ཆོས་སྟོན་པར་བྱེད་ཀྱང་།ཆོས་ཀྱི་དབྱིངས་དང་།སེམས་ཅན་གྱི་ཁམས་ཡང་དག་པ་ཇི་ལྟ་བ་བཞིན་དུ་སོ་སོར་རྟོགས་པར་བྱེད་པས།གཉིས་སུ་འགྱུར་བའི་མཚན་ཉིད་ཀྱང་མེད་དེ། ་ཆོས་ཀྱི་དབྱིངས་དང་།སེམས་ཅན་གྱི་ཁམས་ཇི་སྙེད་པ་དེ་དག་གཉིས་སུ་མེད་ཅིང་ཐ་དད་པ་མེད་པར་གསལ་བར་མཐོང་བའི་ཕྱིར་རོ།།གློག་ཐོབ་འདི་ལྟ་སྟེ་དཔེར་ན།ནམ་མཁའ་ལ་ནི་ཐ་དད་པ ་རྣམ་པ་སྣ་ཚོགས་ཀྱི་མཚན་མ་ཡང་མེད་ལ།རྣམ་པར་བཞག་པ་ཡང་མེད་དོ།།དེ་བཞིན་དུ་བྱང་ཆུབ་སེམས་དཔའ་ཡང་ཆོས་ཀྱི་དབྱིངས་ཤིན་ཏུ་ལེགས་པར་སོ་སོར་བརྟགས་ནས་ཆོས་ཐམས ་ཅད་མཚན་ཉིད་གཅིག་ཏུ་འཇུག་པར་རྟོགས་པ་དང་།སྔོན་གྱི་སྨོན་ལམ་གྱི་མཐུས་སེམས་ཅན་གྱི་སྤྱོད་པ་ཇི་ལྟ་བ་བཞིན་དུ་ཆོས་རྣམ་པ་སྣ་ཚོགས་སྟོན་པར་བྱེད་ཀྱང་།ཆོས་ཀྱི་དབྱིངས་ལ ་ནི་ཐ་དད་དུ་གྱུར་པ་མེད་དོ།།གློག་ཐོབ་ཆ་མཉམ་པའི་སྤྱོད་པ་འདི་ལ་ཉི་ཁྲི་ཆིག་སྟོང་ཡོད་པ་དང་།སྤྱོད་པོ་གཞན་གཏོགས་པར་བརྒྱད་ཁྲི་བཞི་སྟོང་དུ་གྱུར་པ་དེ་དག་ཀྱང་།བྱང་ཆུབ་སེམས་དཔས ་སོ་སོར་བརྟགས་ནས་ཐམས་ཅད་གསལ་བར་རྟོགས་པར་འགྱུར་ཏེ།འདི་ལྟ་སྟེ་དཔེར་ན།སྨན་པ་མཁས་པ་ནད་དང་།སྨན་གཏོང་བ་རབ་ཏུ་ཤེས་པ་བཞིན་དུ་རྩོལ་བ་མེད་པའི་ཡེ་ཤེས་ཀྱིས ་ཆོས་རྣམ་པ་སྣ་ཚོགས་སྟོན་པར་བྱེད་པ་གང་ཡིན་པ་འདི་ནི།བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཆ་མཉམ་པ་སྤྱོད་པའི་གཏེར་ཞེས་བྱའོ།།བྱང་ཆུབ་སེམས་དཔའ་གང ་གིས་གཏེར་འདི་ཐོབ་པར་གྱུར་ན།སེམས་ཅན་རྣམས་ཀྱི་ཆེད་དུ།བསྐལ་པ་འམ།བསྐལ་པ་ལས་ལྷག་པར་དེ་དང་མོས་པ་ཇི་ལྟ་བ་བཞིན་དུ་བརྗོད་པ་རྣམ་པ་སྣ ་ཚོགས་ཀྱི་ཐབས་མཁས་པས་ཆོས་སྟོན་པར་བྱེད་ཀྱང་།སྤྱོད་པ་དེ་དག་གི་མཐའ་ཡང་རྙེད་པར་མི་འགྱུར་ལ།བྱང་ཆུབ་སེམས་དཔའ་དེའི་ཤེས་རབ་དང་།སྤོབས་པ་ཡང་གཏུགས ་པར་མི་འགྱུར་ཏེ།འདི་ནི་བྱང་ཆུབ་སེམས་དཔའི་ཆོས་ཀྱི་དབྱིངས་དབྱེར་མེད་པའི་མཚན་ཉིད་ལེགས་པར་བཤད་པས་ཐོབ་པའི་ཆ་མཉམ་པའི་སྤྱོད་པའི་གཏེར་ཅེས་བྱའོ།། ་བམ་པོ་གཉིས་པ་སྟེ་ཐ་མ།གཞན་ཡང་གློག་ཐོབ་བྱང་ཆུབ་སེམས་དཔའ་དེས་དེ་ལྟ་བུའི་ཡེ་ཤེས་ཡོངས་སུ་རྫོགས་པར་གྱུར་པས།སེམས་ཅན་རྣམས་ཀྱི་དབང་པོ་དང་། ་སྤྱོད་པ་དང་།བསམ་པ་ཡང་ཐབས་མཁས་པས་རབ་ཏུ་རྟོགས་པས།གལ་ཏེ་འདོད་ཆགས་མང་བའི་སེམས་ཅན་མཐོང་བར་གྱུར་ན།དེ་དག་རབ་ཏུ་གདུལ་ཞིང་དེ་དག་གི་ནད་གསོ ་བའི་ཕྱིར།སོ་སོའི་སྐྱེ་བོ་དང་མཐུན་པར་འདོད་པ་རྣམས་ལ་ཡོངས་སུ་སྤྱོད་པ་དང་།བུ་དང་ཆུང་མ་དང་།ཁྱིམ་གྱི་སོ་ཆོས་ཕུན་སུམ་ཚོགས་པ་སྟོན་པར་བྱེད་ཀྱང་།པདྨ་བཞིན་དུ ་དེས་གོས་ཤིང་མངོན་པར་ཞེན་པར་གྱུར་པ་མེད་དོ།།སེམས་ཅན་གོང་གཏི་མུག་ཅིང་བློ་དང་མི་ལྡན་པ་དེ་དག་ནི།བྱང་ཆུབ་སེམས་དཔའ་ཐབས་མཁས་པ་མི་ཤེས་པས ་འདི་སྙམ་དུ་བློ་དང་ལྡན་པ་ས་ཀླག།དྲ་ཆུའི་སྐྱེ་བ་དང་བྷྲ་མི་དང་བར་འདོད་པ་ན་མས་ཉམས་སུ་ལེན་པར་བྱེད་ཅེས་བྱང་ཆུབ་སེམས་དཔའ་དེ་ལ་འདི་ནི་བྱང་ཆུབ་སྤངས་པ་ཡིན་ན་སྙམ་དུ་སེམས་པར། ་བྱེད་དེ།སེམས་ཅན་དེ་ལྟ་བུ་དེ་དག་ནི་སོམས་ཡོངས་སུ་མི་གཙང་བའི་ཕྱིར།ཞེ་སྡང་ཆེན་པོ་སྐྱེས་ནས་གུས་པར་མི་འགྱུར་བས།ལས་དེའི་དབང་གིས་ལུས་ཞིག་སྟེ།ཤི་བའི ་འོག་ཏུ་སེམས་ཅན་དམྱལ་བ་ཆེན་པོར་ལྷུང་བར་གྱུར་ན་ཡང་།འདི་ལྟར་བྱང་ཆུབ་སེམས་དཔའ་ཤིན་ཏུ་གསང་བས་གདུལ་བའི་རྒྱུ་དང་རྐྱེན་གྱིས་ཁ་ན་མ་ཐོ་བའི་རྣམ་པ་ཡོངས་སུ་ཟད་ནས།། ་གདོན་མི་ཟ་བར་མཉམ་པ་ཉིད་འཐོབ་པ་ལ་རབ་ཏུ་བཀོད་པར་བྱེད་དོ།།གློག་ཐོབ་འདི་ལྟ་སྟེ་དཔེར་ན།མེ་རབ་ཏུ་འབར་བ་ནི།རྩཝ་དང་ཤིང་དང་ཕྲད་པར་གྱུར་པ་ན།ཐམས་ཅད་རབ་ཏུ ་འབར་ཞིང་མེའི་ཕུང་པོ་ཉིད་དུ་མངོན་པར་འགྲུབ་པར་འགྱུར་རོ།།དེ་བཞིན་དུ་བྱང་ཆུབ་སེམས་དཔའ་ཡང་ཡེ་ཤེས་ཀྱི་མེ་འབར་བར་གྱུར་པ་ན།སེམས་ཅན་རྣམས་ཀྱི་འདོད་ཆགས་དང་། ་ཞེསྡང་དང་།གཏི་མུག་དང་།དགེ་བ་དང་།མི་དགེ་བ་ཇི་སྙེད་པ་དེ་དག་བྱང་ཆུབ་སེམས་དཔའ་དང་ལྷན་ཐིག་འགྲོགས་ཤིང་ཐམས་ཅད་རབ་ཏུ་འབར་ནས།ཤེས་རབ་ཉིད་དུ་མངོན་པར ་འགྲུབ་པར་འགྱུར་ཏེ།འདི་ནི་བྱང་ཆུབ་སེམས་དཔའི་མ་འདྲེས་པའི་ཆོས་ཤེས་བྱའོ།།གཞན་ཡང་འདི་ལྟ་སྟེ་དཔེར་ན།རིའི་རྒྱལ་པོ་རི་རབ་ཀྱི་མ་འདྲེས་པའི་མཚན་ཉིད་ནི་འདི་ལྟ་སྟེ། ་རིན་པོ་ཆེ་སྣ་བཞི་ལས་མངོན་པར་གྲུབ་པ་ཡིན་པས།སེམས་ཅན་རྣམས་པང་དུའི་རྗེས་སུ་ཁ་དོག་སྔོན་པོ་དང་།སོར་པོ་དང་།དམར་པོ་དང་།དཀ་པོ་རྣམ་པ ་སྣ་ཚོགས་ཀྱི་མཚན་ཉིད་དུ་གྱུར་པར་བྱེད་དེ།གལ་ཏེ་བཻ་ཌཱུརྱའི་ངོས་སུ་ཕྱིན་ན་ནི།ཐམས་ཅད་ཀྱང་བཻ་ཌཱུརྱའི་ཁ་དོག་གཅིག་པ་ཉིད་དུ་འགྱུར་བར་བྱེད་དོ།།གསེར་གྱི་ཁ་དོག་གི་ངོས་སུ ་ཕྱིན་ན་ནི།ཐམས་ཅད་གསེར་གྱི་ཁ་དོག་ཉིད་དུ་འགྱུར་བར་བྱེད་དོ།།དངུལ་དང་།ཆུ་ཤེལ་གྱི་ཁ་དོག་ཏུ་གྱུར་པ་ཡང་དེ་བཞིན་ནོ།།དེ་བཞིན་དུ་བྱང་ཆུབ་སེམས་དཔའ་ཡང་མ ་འདྲེས་པའི་ཆོས་ཐོབ་པས་སེམས་ཅན་རྣམས་ཀྱི་འདོད་ཆགས་དང་།ཞེ་སྡང་དང་།གཏི་མུག་དང་།དགེ་བ་དང་།མི་དགེ་བ་ཇི་སྙེད་པ་དེ་དག་བྱང་ཆུབ་སེམས་དཔའི་ཐད་དུ་ཕྱིན་ཅིང ་ལྷན་ཅིག་འགྲོགས་པར་གྱུར་ན།ཐམས་ཅད་བྱང་ཆུབ་སེམས་དཔའི་ཡེ་ཤེས་ལ་འཇུག་པ་ཉིད་དུ་གྱུར་པར་བྱེད་ཀྱང་དེའི་སེམས་མི་གཙང་ཞིང་།རང་གི་སྡིག་པའི་ལས་ཀྱི་དད ་གིས་སེམས་ཅན་དམྱལ་བ་དང་།དུད་འགྲོའི་སྐྱེ་གནས་དང་།གཤིན་རྗེའི་འཇིག་རྟེན་དུ་ལྷུང་བར་གྱུར་པས།འདི་ལྟར་བྱང་ཆུབ་སེམས་དཔའི་མ་འདྲིས་པའི་ཡོན་ཏན་དང་། ་ལྡན་ལམ་གྱི་སྟོབས་ཀྱིས་ཁ་ནམཐ་བའི་རྣམ་པར་སྨིན་པ་བདེ་བའི་རག་ཏུ་གདིན་མིན་རྗེ།བླན་མེད་པ་ཡང་དག་པར་རྫོགས་པའི་བྱང་ཆུ་ཟབ་པར་གྱུར་པ་ས་བཀོད་པར་བྱེད་།། ་གློག་ཐོབ་སྔོན་བྱུང་བ་འདས་པའི་བསྐལ་པ་ཚད་མེད་དཔག་ཏུ་མེད།གྲངས་མེད་པ་ན།སྙིགས་མཱ་ལྔའི་དུས་ཀྱི་ཚེ།དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས ་རིག་པ་དང་ཞབས་སུ་ལྡན་པ།བདེ་བར་གཤེགས་པ།འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་བསྒྱུར་བ།བླ་ན་མེད་པ།ལྷ་དང་མི་རྣམས་ཀྱི་སྟོན་པ།སངས་རྒྱས་བཅོམ་ལྡན་འདས ་རིན་པོ་ཆེའི་ཕུང་པོ་ཡོན་ཏན་གྱི་སྒྲ་ཞེས་བྱ་བ་བྱུང་སྟེ།དེའི་ཚེ་སྐྱེ་དགུ་རྣམས་ཚེ་ལོ་བརྒྱ་ཉི་ཤུ་ཐུབ་པར་གྱུར་ཏེ།ད་ལྟར་དྭ་ཇི་ལྟ་བ་བཞིན་ནོ།།དེའི་ཚེ་སེམས་ཅན་རྣམས་འདོད་ཆགས་དང་། ་ཞེ་སྡང་དང་།གཏི་མུག་ཤིན་ཏུ་ཆེ་སྟེ།ཉོན་མོངས་པ་རྣམས་ཀྱིས་ཟིལ་གྱིས་ནོན་པས།ཕ་མ་དང་ཕུ་ནུ་དང་གྲོགས་པོའི་ཡིད་དང་འགལ་བར་བྱེད་པ།མཁན་པོ་དང་།སློབ་དཔོན་གྱི་རྗེས ་སུ་མི་འབྲང་བ།བྱས་པ་དྲིན་མི་གཟོ་།རྟག་པར་གནོད་སེམས་དང་བཅས་པ།གཡོ་སྒྱུ་དང་།རྐུ་བའི་སེམས་དང་ལྡན་པ།ན་ཚུན་གཅིག་ལྔ་གཅིག་གནོད་པར་བྱེད་པ།ཚུལ ་བཞིན་མུ་ཡིན་པར་སྤྱོད་པ།སངས་རྒྱས་དང་།ཆོས་དང་།དགེ་འདུན་ལ་གུས་པ་མེད་པ།སེར་སྣས་ཟིལ་གྱིས་ནོན་པས་ཡི་དྭགས་ཀྱི་ཆོས་སྤྱོད་པའི་སེམས་ཅན་དེ་ལྟ་བུ་ཤ་སྟག།སངས ་རྒྱས་ཀྱི་ཞིང་དེ་ན་གནས་པར་གྱུར་པས་ན།ཤིན་ཏུ་གདུལ་དཀའ་བར་གྱུར་ཏོ།།དེའི་ཚེ་བཅོམ་ལྡན་འདས་དེ་ཡང་སྔོན་གྱི་སྨོན་ལམ་ཕྱི་མཐུས་དུས་ངན་པ་དེའི་ཚེ།བླ་ན་མེད་པ་ཡང ་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་ཏེ།བཅོམ་ལྡན་འདས་དེ་ལ་ཉན་ཐོས་ཆེན་པོའི་ཚོགས་ནི་ཉི་ཁྲི་ཉིས་སྟོང་མང་འབྲར ་གྱུར་ཏོ།།དེའི་ཚེ་དེའི་དུས་ན་རྒྱལ་པོ་རྒྱ་ཆེར་བྱིན་པ་ཞེས་བྱ་བ་འཛམྦུའི་གླིང་ལ་དབང་བའི་དབང་ཕྱུག་དང་ལྡན་པ།སངས་རྒྱས་ཀྱི་བསྟན་པ་ལ་སེམས་ཤིན་ཏུ་དྲང་བར་གྱུར་པ་ཞིག ་ཡོད་པ་དེས།དེ་བཞིན་གཤེགས་པ་དེ་ཉན་ཐོས་ཀྱི་དགེ་འདུན་དང་བཅས་པར་དབྱར་ཟླ་བ་གསུམ་སྤྱན་དྲངས་ཏེ།མཆོད་པ་རྒྱ་ཆེར་བཤམས་ནས།མཆོད་ཅིང་རིམ་གྲོ་བྱས་སོ།།དེའི ་ཚེཆོ་དགེ་སློང་དྲི་མ་མེད་པ་ཞེས་བྱ་བ་སྤོབས་པ་ཕུན་སུམ་ཚོགས་པ།ཆོས་སྟོན་པའི་ཐབས་ལ་མཁས་པ་འཁོར་མང་པོ་རྣམས་ཉན་པར་སྤྲོ་བ།སེམས་ཅན་ཡོངས་སུ་སྨིན་པར་བྱེད་པ་ལ། ་རྟག་པར་ངལ་བ་མེད་པ།རེ་བ་མེད་པར་ཆོས་སྟོན་པ།མདོག་གསལ་ཞིང་གསོང་པོར་སྨྲ་བ།གཟུགས་དང་སྟོབས་ཕུན་སུམ་ཚོགས་པ།བྱང་བཞིན་སྡུག་ཅིང་མཛེས་པ།སེམས ་ཅནྡ་རྣམས་ཀྱིས་མཐོང་བར་མོས་ཤིང་།རིམ་གྲོ་དང་།བཀུར་བསྟི་དང་།བླ་མར་བྱེད་ཅིང་བསྔགས་པ་བརྗོད་པ་ཞིག་ཡོད་དེ།དགེ་སློང་གསར་བུ་དག་ཀྱང་རྟག་པར་དྲི་མ་མེད ་པའི་རྗེས་སུ་འབྲང་ཞིང་།རྒྱལ་པོའི་ཕོ་བྲང་འཁོར་དུ་འབྱུང་ཞིང་འཇུག་པ་དག་ལ།ཐོགས་པ་མེད་པར་གྱུར་པས།གོས་དང་།བཟའ་བ་དང་།བཏུང་བ་དང་།མལ་སྟན་དང་།ན་ངའི ་གསོས་སྨན་རྣམ་པ་སྣ་ཚོགས་ཀྱིས་ཀྱང་།རིམ་གྲོ་བྱས་པར་གྱུར་ཏོ།།དེའི་ཚེ་འཁོར་མང་པོ་དེ་ནས་དགེ་སློང་ཕལ་ཆེར་ལུས་ཀྱི་སྡོམ་པ་དང་།སེམས་ཀྱི་ཤེས་རབ་བསྒོམ་པ་མི་ཤེས་པ།སངས ་རྒྱས་དང་།ཆོས་དང་།དགེ་འདུན་ལ་གུས་པ་མེད་པ།རྟག་པར་ལྟ་བ་དང་།ཆད་པར་ལྟ་བ་དང་།བདག་ཏུ་ལྟ་བ་ལ་སོགས་པ་དང་ལྡན་པ།སངས་རྒྱས་ཀྱི་ཆོས་ལ་སྐུར་པ་འདེབས་པ།རྣམ ་བར་གཡེང་ཞིང་གདུལ་དཀའ་བ།དབང་པོ་རྣམས་མི་སྡོམ་པ།ཆོས་བཞིན་མ་ཡིན་པ་ལ་གནས་པ་དགེ་སློང་གི་ཚུལ་མེད་པར་བདག་ཉིད་དགེ་སྦྱོང་དུ་ཁས་འཆེ་བ།ལུས་དང་།ངག་དང་།ཡང ་ཀྱི་ལས་ཐམས་ཅད་ལོག་པར་བཞུགས་པ་ཤ་སྟག་གནས་པར་གྱུར་ཏོ།།དེའི་ཚེ་བཅོམ་ལྡན་འདས་དེ་དབྱེར་འདས་ནས།ཡོངས་སུ་མྱ་ངན་ལས་འདྲས་པ་དང་།རྒྱལ་པོ་རྒྱ་ཆེར་བྱིན་པས་ཙན ་ངན་དམར་པོས་སྐུ་བཞུ་ནས་མཆོད་པ་བྱས་ཏེ།རིང་བསྲེལ་གྱི་མཆོད་རྟེན་ངོས་བཞི་ཀུན་ཏུ་ཙེ་ན་དན་དམར་པོའི་མུ་ཁྱུད་ཀྱིས་བསྐོར་བ།པདྨ་གསེར་གྱི་ཁ་དོག་དང་ལྡན་པ།བྱེ་བ་ཕྲག་བརྒྱད་ཅུ ་བརྩིགས་སོ།།དེའི་ཚེ་དགེ་སློང་དྲི་མ་ཡང་བ་ནི་བཅོམ་ལྡན་འདས་དེས་མང་དུ་ཐོས་པའི་མཆོག་ཏུ་ལུང་བསྟན་པས།དེ་བཞིན་གཤེགས་པ་དེ་ཡོངས་སུ་མྱ་ངན་ལེས་འགེའི་འོག་ཏུ་དམ་པའི་ཆོས ་རྒྱ་ཆེར་སྤེལ་ཏེ།གྲོང་དང་།གྲོང་ཁྱེར་དང་།གྲོང་རྡལ་གང་དང་གང་དུ་སོང་བ་དེར་སེམས་ཅན་བརྒྱ་སྟོང་ཚད་མེད་པ་སྙེད་ཡོངས་སུ་བཏུལ་ནས།བླ་ན་མེད་པ་ཡང་དག་པར་རྫོགས་པའི་བྱང་ཆུབལ ་།པ། བྱཱ་བྷཱུ་།།དེ་མེ་དགེ་སློང་སྒྲོགས་རྒྱུ་མང་ལ་འབྱུད་ཁོང་དུ་མཆུད་པ།རྟག་པར་ཟག་དོག་དང་བརྫུས་པ།བདུད་སྨྲས་པ་རྣམས་རྒྱལ་པ་དག ་དེ་དེ་སྟེ།འདི་ད་དུ་རྒྱམ་ས་དག་མིང་དྲིས་མེད་རྒྱམ་དེ་བློ་འི་ག་ཐུགས་སོགས་མམཆིས་ཏེ།དེ་སྦྱི་ནི་འདུ་ཆགས་ད་སྒྱུལ་བ་ཡང ་ལུགས་ལ།།དུས་མི་ལགས་པར་ཡང་ས་ཚལ་ཏེ།སྤྲོས་དང་ཕྲེང་བ་དག་གིས་ཀྱ་གྲོས་བརྒྱན་པར་འགྱིས་པས།ཡང་དག་པར་ཚངས་པར་སྤྱོད་པ་མ་ལེགས་པས་མཛོད་པ་མཛདས ་མོ་གསུས།།བདག་དྲུག་ན་དོན་དྀའི་སྐ་དུ་འདི་མ་ཚི་ས་རྒྱལ་པོ་སྔགསལ་བ་ལག་།བྷད་ཀྱིས་འཛུད་པར་ཡང་མ་མཛད་ཅི།།སེཾས་རྒྱས་ཀྱི་ཡང་དག་པའི་བསྟན་དུལ ་དྲུགས་ནི་ཆེས་པ་ཡང་མྱི་བསྐྱེད་དུ་གསོལ་ནས་རྣཾས་སོ།།དེའི་ཚེ་བདུད་སྡིག་ཅན་ཞེས་བྱ་བ་ནིག་ཅད་བདག་ཉིད་དགེ་སློང་གི་གཟུགས་སུ་བརྫུནྡྷནས།རྒྱལ་པོ་དག་ལ་བདེར་པའི་སྟེ། ་སྣུམ་ཥྨི་དྷཱ་ནས་སོ། སྦྱིན་དུས་ཕྱུང་དུ་ས་ད་ས་སློང་ས་སྤྱོད་སྦྱིམ་དུ་དེ་སློང་དྲིམ་མེད་པ་ནི་ས་དང་ན་ས་བྱུ་ག་གིས་རྣམར ་ཕྲེ་བ་རྩོན།དས་པའི་དུས་ཀྱི་བྱེད་པ་ནི་གནས་མེད་དེ་སྐྱེ་།། ནི་དེམ་མདུད་ཟིལ་བ་རྣམས་པ་རླུང་ལས་སུས་བྱེད་བསྟན་མོ། མ་ཕྱོགས་སུ ་དེསྨྲས་པ།རྒྱལ་པོ་བཟོ་ཡི་སྒྲ་རྟུལ་སློབས།།དུས་ཆོད་དག་ལ་མུ་ཁས་པར་གྱིས།།རྒྱལ་པོས་དེ་ནི་མ་ཤེས་ན།།མི་རྒྱལ་རྟགས་དང་ལྡན་མ་ཡིན།།སངས་རྒྱས་ཉན་ཐོས་དགྲ་བཅོམ་པ།།ཡེ ་ཤེས་ཆེན་པོ་ལྡན་པ་ཡིན།།ཚིག་དག་ལ་ནི་མི་རྟེན་པར།།ཅི་ཡི་ཕྱིར་ན་ཆད་པར་ལྟ།།དགེ་སློང་རྣམས་ནི་ཕན་གདགས་ཕྱིར།།ཁྱོད་ལ་བདེན་ཚིག་སྨྲས་པ་ཡིན།།ཆད་སྨྲ་དྲན་འགྲོར་འགྲོ ་བའི་མི།།ཡང་དག་ཚངས་སྤྱོད་མ་ཡིན་པས།།དྲོ་ནི་རྒྱལ་པོའི་ཕོ་བྲང་དུ།།བཙུན་མོ་དག་དང་ལྷན་ཅིག་རྩེ།།རྒྱལ་པོ་འཁོར་དང་བཅས་པ་ཡིས།།ལེགས་པར་རྟོགས་ལ་ཐེ་ཚོམ་སོལ།།རྒྱལ ་པོས་དངོས་པོ་འདི་ཐོས་པས།།སེམས་ལ་སྐྲག་ཅིང་མྱ་ངན་སྐྱེས།།འཁོར་རྣམས་དང་ནི་ལྷན་ཅིག་ཏུ།།མྱུར་ཞིང་རིངས་པར་ཕོ་བྲང་དོང་།།དེ་ཚེ་དྲི་མེད་ཕོ་བྲང་ནང་།།ཆོས་རྣམས་རང་བཞིན་སྟོང ་པ་དང་།།བདག་དང་སེམས་ཅན་མེད་པ་ཡི།།དམ་པའི་ཆོས་ནི་སྟོན་པར་བྱེད།།རྒྱལ་པོ་དམག་འཁོར་བཅས་པ་རྣམས།།ཐམས་ཅད་བདུད་ཀྱིས་བསླུས་པས་ན།།ཕོ་བྲང་ནང་གི་བཙུན་མོ ་རྣམས།།དགེ་སློང་ཡོངས་བསྐོར་མཐོང་བ་དང་།།ཞེ་སྡང་གླང་ཆེན་མྱོས་པ་བཞིན།།གཤེད་མ་དག་ལ་རབ་བསྒོ་བ།།དགེ་སློང་ང་ཡི་བཙུན་མོ་བསླུས།།སྡུག་བསྔལ་ཆོས་ཀྱི་ཆད་པས་ཆོས།། ་བློན་པོ་འཁོར་དང་བཅས་པ་རྣམས།།ཐམས་ཅད་བདུད་ཀྱིས་ཟིན་པས་ན།།དགེ་སློང་ཉེས་པ་མེད་པ་ལ།།སེམས་ཀྱིས་གནོད་པ་བྱ་བར་བསམས།།གཤེད་མ་མཚོན་ཐོགས་འོངས་པ་དང་།། ་དྲི་མེད་སྙིང་བརྩེ་མཆི་མ་བྱུང་།།རྒྱལ་པོས་ཁྱོད་ནི་ཆོས་མིན་ན།།ཅི་ཡི་ཕྱིར་ན་མཆི་མ་བྱུང་།།དྲི་མེད་རྒྱལ་པོ་ལ་སྨྲས་པ།།དངོས་པོ་འདི་ནི་ཡིད་ཆེས་དཀར།།རེ ་ཞིག་སྐད་ཅིག་སྡོད་ཅིག་དང་།།བདག་ནི་བསད་པའི་ལོང་ཡོད་དོ།།རྒྱལ་པོས་དགེ་སློང་ཚིག་ཐོས་ནས།།གཤེད་མ་དག་ལ་སྡོད་ཅིག་བསྒོ།།བདེན་པའི་དངོས་པོ་ཅི་ཞིག་ཡོད།།ཁྱོད ་ཀྱིས་མྱུར་དུ་སྨྲ་བར་རིགས།།ལྷག་པའི་བསམ་པ་ལྡན་འགྱུར་ཞིང་།།སྙིང་རྗེས་འཇིག་རྟེན་ཕན་འདོགས་པས།།སོར་མོ་བཅུ་ཡི་ཐལ་སྦྱར་ཏེ།།བདེན་པའི་ཚིག་ནི་འདི་སྐད་སྨྲས།། ་རྒྱལ་པོ་ཆེན་པོ་མཁྱེན་པར་མཛོད།།གལ་ཏེ་ཡང་དག་ཉེས་མེད་ན།།ས་འདི་རྣམ་པ་དྲུག་ཏུ་གཡོས།།མཁའ་ལ་མེ་ཏོག་ཆར་ཕོབ་ཤིག།དེ་སྐད་ཚིག་འདི་སྨྲས་མ་ཐག།ས་ཆེན ་རྣམ་པ་དྲུག་ཏུ་གཡོས།།མཁའ་ལ་ལྷ་ཡི་མེ་ཏོག་བབས།།བདུད་འཁོར་མྱ་ངན་སྨྲས་པར་གྱུར།།དེ་ཚེ་རྒྱལ་པོ་དང་བསྐྱེས།།རྐང་ལ་ཕྱག་བྱས་བཟོད་པར་གསོལ།།བདུག་ནི ་དམྱལ་བར་ལྷུང་འགྱུར་ན།།མགོན་མེད་བདག་ལ་སྐྱབས་མཛོད་ཅིག།ཀྱི་ཧུད་སྡིག་པའི་གྲོགས་ཕྲད་པས།།གདུག་པའི་སེམས་ནི་སྐྱེས་པར་གྱུར།།སྡིག་པའི་གྲོགས་པོའི་རྗེས ་འབྲང་ནས།།མགོན་དང་སྐྱབས་བྱེད་སུ་ཡང་མེད།།སྟོན་པ་ཆེན་པོ་མ་གཏོགས་པར།།ཕྱོགས་བཅུ་བདག་གིས་མགོན་བྱེད་མེད།།བདག་གིས་རྒྱལ་སྲིད་སྤངས་ནས་ནི།།ནམ་འཚོའི ་བར་དུ་སྐྱབས་སུ་མཆི།།དགེ་སློང་དེས་ནི་རྒྱལ་པོ་དང་།།གཡོག་འཁོར་བསམ་པ་རིག་གྱུར་ནས།།དམ་པའི་ཆོས་ན་རབ་ཏུ་བཤད།།རྒྱལ་པོས་ཐོས་ནས་དང་པ་ཐོབ།།འཁོར་ནི་བྱ་བ་བརྒྱ ་སྟོང་དག།རྒྱལ་སྲིད་སྤངས་ནས་རབ་ཏུ་བྱུང་།།སྦྱངས་པའི་སྡོམ་པ་བླངས་པས་ན།།གཞན་གྱིས་མགྲོན་གཉེར་རྗོད་མི་ལེན།།དེ་ཚེ་རྒྱལ་པོའི་ཕོ་བྲང་ནང་།།བཙུན་མོ་འཁོར་བཅས་བརྒྱད་ཁྲི ་རྣམས།།དམ་པའི་དོན་ནི་ཐོས་པས་ན།།ཕྱིར་མི་ལྡོག་ལ་གནས་པར་གྱུར།།རྒྱལ་པོས་སངས་རྒྱས་གསུངས་པ་བཞིན།།ལོ་ནི་ཉི་ཤུ་རྩ་བཞིའི་བར།།ཉིན་མཚན་རྟག་པར་སྡིག་བཤགས་ཀྱང་།། ་འོན་ཀྱང་སྡིག་པའི་ལས་མ་ཟད།།ལོ་ནི་བྱེ་མང་སྡུག་བསྔལ་མྱོང་།།སྡིག་ཟད་དེ་བཞིན་གཤེགས་དང་ཕྲད།།སྔོན་ནི་བསྲེག་པར་བྱས་པའི་རྒྱུས།།རྣམ་སྨིན་ལྷག་མ་རྟག་པར་སྨིན།།མཐར་གྱིས་རྣལ ་འབྱོར་རབ་བསྒོམས་ཏེ།།སངས་རྒྱས་བྱེ་བ་སྟོང་མཆོད་ནས།།སོ་སོར་ཞིང་ཁམས་གཞན་དག་ཏུ།།ཐམས་ཅད་མངོན་པར་རྫོགས་སངས་རྒྱས།།ཐམས་ཅད་ཀུན་དང་མཚན་མཐུན་པར།།ཡོན་ཏན ་གྲགས་པ་ཞེས་བྱར་གྱུར།།དེ་ཚེ་རྒྱལ་པོ་རྒྱ་ཆེར་བྱིན།།དགེ་སློང་བྱམས་བཟོད་དེ་ལ་ནི།།གདུག་པའི་སེམས་ནི་བསྐྱོད་པས་ན།།ལོ་ནི་བྱེ་བ་མང་པོར་ཡང་།།སྔོན་གྱི་སྡིག་ལས་མངོན་གྱུར་པས།། ་ངུ་འབོད་ཆེན་པོར་ལྟུང་བར་འགྱུར།།རྣམ་སྨིན་དོ་ནི་ཟད་ནས་ཀྱང་།།སླར་ཡང་མི་ལུས་ཐོབ་གྱུར་ཏེ།།དེ་བཞིན་གཤེགས་པ་ཀུན་སྤྱན་ཕྲད།།རྟག་ཏུ་བསྙེན་བཀུར་རིམ་གྲོ་བྱས།།གཞན་ཡང ་སངས་རྒྱས་བྱེ་བ་ཕྲག།བརྒྱད་ཅུ་དག་ནི་རིམ་གྲོ་བྱས།།དེ་ཡི་འོག་ཏུ་སངས་རྒྱས་པ།།དེ་ནི་ང་བདག་ཉིད་ཡིན་ནོ།།ཆོས་སྨྲ་ཉེས་པ་མེད་པ་ལ།།གནོད་པ་བྱས་པའི།། ་དགེ་སློང་ནི།།མ་འོངས་མངོན་པར་འཚང་རྒྱ་བ།།བྱང་ཆུབ་སེམས་དཔའ་བྱམས་པ་ཡིན།།དེ་ཚེ་རྒྱལ་པོའི་ཕོ་བྲང་ནང་།།བཙུན་མོའི་འཁོར་ནི་བརྒྱད་ཁྲི་རྣམས།།ཤིན་ཏུ་དང་བས་དགེ ་རྩ་བསྐྱེད།།སངས་རྒྱས་ཚད་མེད་རིམ་གྲོ་བྱས།།དེ་ལྟར་སྤྱོད་པ་རབ་བསྐྱེད་ནས།།སེམས་ཅན་ཕན་གདགས་སྨོན་ལམ་གདབ།།སངས་རྒྱས་བྱེ་བ་སྟོང་མཆོད་ནས།།སོ་སོར་མངོན་པར ་འཆང་ཡང་རྒྱ།།ངས་དེང་ཁྱོད་ལ་བསྒོ་བ་ནི།།ཐམས་ཅད་གནོད་སེམས་མ་བསྐྱེད་ཅིག།གང་གིས་བྱམས་བསྒོམས་སངས་རྒྱས་བསྔགས།།མྱུར་དུ་བྱང་ཆུབ་ཆེན་པོ་ཐོབ།།དེ་ལྟ ་བས་ན་གློག་ཐོབ་སེམས་ཅན་རྣམས་ཀྱི་དབང་པོ་དང་།རང་བཞིན་དང་བསམ་པ་དག་ལ་མི་མཁས་པ་དག་གིས་དུས་ཐམས་ཅད་དུ་གནོད་སེམས་བསྐྱེད་པར་མི་བྱའོ།།གླེག་ཐོབ ་འདི་ལྟ་སྟེ་དཔེར་ན་རི་རྣམས་ཀྱི་ནང་ན་རི་རབ་མཆོག་ཏུ་གྱུར་པ་དེ་བཞིན་དུ་དེ་བཞིན་གཤེགས་པའི་ཡེ་ཤེས་ཀྱང་ཡེ་ཤེས་རྣམས་ཀྱི་ནང་ན་མཆོག་དང་གཙོ་བོ་དང་།བླ་ན་མེད་པར་གྱུར་པ ་ཡིན་ནོ།།འདི་ལྟ་སྟེ་དཔེར་ན་ཆུ་བོ་ཐམས་ཅད་ཀྱི་ནང་ན་རྒྱ་མཚོ་མཆོག་ཏུ་གྱུར་པ་དེ་བཞིན་དུ་དེ་བཞིན་གཤེགས་པའི་ཡེ་ཤེས་ཀྱང་ཡེ་ཤེས་རྣམས་ཀྱི་ནང་ན་མཆོག་ཏུ་ཟབ་ཅིང་རྒྱ་ཆེ་བར ་གྱུར་པ་ཡིན་ནོ།།གཞན་ཡང་འདི་ལྟ་སྟེ་དཔེར་ན་རྒྱལ་པོ་རྣམས་ཀྱི་ནང་ན་འཁོན་མོས་བསྒྱུར་བའི་རྒྱལ་པོ་མཆོག་དང་གཙོ་བོ་དང་བླ་མར་གྱུར་པ་དེ་བཞིན་དུ་དེ་བཞིན་གཤེགས་པའི་ཡེ་ཤེས་ཀྱང ་ཡེ་ཤེས་རྣམས་ཀྱི་ནང་ན་གོང་ན་མེད་པར་གྱུར་པ་ཡིན་ནོ།།གློག་ཐོབ་དེ་བཞིན་གཤེགས་པ་ནི་དེ་ལྟ་བུའི་མཁྱེན་པ་དང་ལྡན་པའི་ཕྱིར་སེམས་ཅན་ཐམས་ཅད་ཀྱི་འདོད་ཆགས་དང་ཞེ་སྡང་དང་གཏི ་མུག་སྤྱོད་པའི་སེམས་དང་།སེམས་ལས་བྱུང་བ་འཇུག་ཅིང་འགྱུར་བ་ཇི་སྙེད་པ་དེ་དག་ཐམས་ཅད་དེ་བཞིན་གཤེགས་པས་རབ་ཏུ་མཁྱེན་ཅིང་སེ་གོལ་བཏོགས་པ་གཅིག་ལ་ཐམས་ཅད་ཡོངས ་སུ་སྡུད་པ་མཛད་དོ།།གློག་ཐོབ་དེ་བཞིན་གཤེགས་པ་ནི་རྣམ་པ་ཐམས་ཅད་མཁྱེན་པ་ཉིད་དང་ལྡན་པས་འདི་ལྟ་སྟེ་དཔེར་ན་སྐྱེས་བུ་མིག་དང་ལྡན་པས་རྩོལ་བ་ལ་མི་ལྟོས་པར་རང་གི་ལག ་མཐིལ་ན་སྐྱུ་རུ་རའི་འབྲས་བུ་གསལ་བར་མཐོང་ཞིང་ཐེ་ཙོམ་མེད་པ་དེ་བཞིན་དུ།དེ་བཞིན་གཤེགས་པ་ཡང་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཇི་སྙེད་པ་དག་རབ་ཏུ་མཁྱེན་པས་འཁོར ་མང་པོའི་ནང་དུ་ཆོས་རྣམ་པ་སྣ་ཚོགས་ཡང་དག་པར་སྟོན་པར་མཛད་དོ།།སངས་རྒྱས་ཀྱི་ཞིང་འཇིག་རྟེན་གྱི་ཁམས་ཚད་མེད་གྲངས་མེད་པ་དག་ན་འདོད་ཆགས་ཀྱི་སྤྱོད་པ་དང་མཚུངས་པར་ལྡན་པའི ་སེམས་ཅན་རྣམས་འདོད་ཆགས་ཀྱིས་ཡོངས་སུ་གདུངས་ནས།ཉིན་མཚན་དུ་ཡིད་ལ་བྱེད་ཅིང་དོན་མེད་པར་དུས་ལས་འདས་པར་བྱེད་པ་ཡང་ངས་རབ་ཏུ་མཁྱེན་ཅིང་གཟིགས་སོ།།འདོད་ཆགས ་ས་བླ་དུངས་པས་སྨྲས་དང་དྲུག་གི་ལས་རྣམ་པ་སྣ་ཚོགས་རྨེང་པར་བྱེད་པ་དག་བྱུང་ངས་རབ་ཏུ་མཁྱེན་ཅིང་གཟིགས་སོ།།ཞེ་སྡང་སྤྱོད་པའི་སེམས་ཅན་ནོ་སང་གཽ་ཟོང ་གྱིས་ནོན་པས་གཅིག་ལ་གཅིག་ཞེ་སྡང་གི་ཕྲག་དོག་བྱེད་པ་དང་གནོད་པ་བྱས་པའི་ཕྱིར་མནྡོར་མེད་པའི་གནས་སུ་ལྟུང་བར་འགྱུར་བ་དག་ཀྱང་ངས་རབ་ཏུ་མི་ཁྱེན་ཅིང་གཟིགས་སོ།།གཏི་མུག ་སྤྱོད་པ་དང་མཚུངས་པར་ལྡན་པའི་སེམས་ཅན་རྣམས་མི་རིག་པའི་མུན་ནག་གིས་བསྒྲིབས་ཤིང་རྨོངས་པས་མངོན་པར་ཞེན་པ་དང་།ལོག་པར་ལྟ་བའི་རྗེས་སུ་འབྲང་བ་ལ་མོས་པར་བྱ ་པོ་དག་ཀྱང་ངས་རབ་ཏུ་མབྱིན་ཏོ།།འོས་སུ་གྱུར་པ་དང་།འོས་སུ་མི་འགྱུར་བ་དང་།འཕེལ་ཞིང་རྩོལ་བ་དང་བཅས་པ་དང་།ལོག་ཅིང་ཉམས་པར་གྱུར་པ་དང་།དེ་བཞིན་གཤེགས་པའི་ཐེག ་བར་དགེ་བའི་རྩ་བ་བསྐྱེད་པ་དང་།རང་སངས་རྒྱས་ཀྱི་ཐེག་པར་དགེ་བའི་རྩ་བ་བསྐྱེད་པ་དང་།ཉན་ཐོས་ཀྱི་ཐེག་པར་དགེ་བའི་རྩ་བ་བསྐྱེད་པ་དག་ཀྱང་ངས་རབ་ཏུ་མཁྱེན་ཏོ།།དེ་བཞིན་གཤེགས ་པ་ནི་དེ་ལྟ་བུའི་མཁྱེན་པ་དང་ལྡན་པས་འཁོར་མང་པོའི་ནང་དུ་ཞུགས་ནས་སེམས་ཅན་གྱི་སེམས་ཀྱི་སྤྱོད་པའི་བྱེ་བྲག་ཀྱང་རབ་ཏུ་མཁྱེན་པོས་གལ་ཏེ་དུས་ལྡེ་མ་དད་པར་རིག་པར་གྱུར་ནན་ཅང་མི ་གསུང་ནང་གཏང་སྙོམས་སུ་བཞེད་ནས་སེམས་ཅན་འདི་དག་ནི་ཆོས་ལ་རྨོངས་པར་གྱུར་པས་ཁོང་དུ་ཆུད་པར་མི་འགྱུར་རོ་སྙམ་དུ་དགོངས་སོ།།དེ་བཞིན་གཤེགས་པ་ནི་དབང་པོ་དང་སྟོབས ་ཁྱད་པར་དུ་འཕགས་པ་ཕུན་སུམ་ཚོགས་ཤིང་དུས་རབ་ཏུ་མཁྱེན་པའི་ཕྱིར་འདུལ་བའི་འོས་སུ་གྱུར་པ་དང་།བསམ་པ་མཆོག་ཏུ་གྱུར་པ་དང་།བཟོད་པར་ནུས་པའི་འོས་སུ་གྱུར་པ་དང་།ཚིག ་ལེགས་པར་ཉན་པར་གྱུར་པ་དག་ཀྱང་རབ་ཏུ་མཁྱེན་ཏེ།དེ་ལྟར་མབྱོན་པར་གྱུར་ནས་ཀྱང་སེམས་ཅན་དེ་དག་ཡོངས་སུ་སྤྱད་ཅིང་ཟིན་འདོགས་པར་བྱེད་དོ།།དེ་ལྟ་བས་ན་གླེག་ཐོབ་བྱང་ཆུབ ་སེམས་དཔའ་ལས་དང་པོ་པ་ཡང་དག་པའི་གནས་སྐབས་སུ་མ་ཞུགས་པ།སེམས་ཅན་རྣམས་ཀྱི་ལྷག་པའི་བསམ་པ་ལེགས་པར་ཁོང་དུ་ཆུད་པ་དག་གིས་ཁྱིམ་ན་གནས་པའམ་རབ་ཏུ་བྱུ ་པབ་ཡང་རུང་སྟེ།ཐམས་ཅད་ཀུན་ལ་སྨོད་ཅིང་གནོད་སེམས་བསྐྱེད་ནས་ཡུན་རིང་པོར་བདག་ཉིད་ལ་གནོད་པར་འགྱུར་བར་མི་བྱའོ།།དེའི་ཕྱིར་བྱང་ཆུབ་སེམས་དཔའ་སེམས་དང་པོ་བསྐྱེད ་ནུས་ཐེག་པ་ཆེན་བློ་ལ་གྲནས་པ་ཐམས་ཅད་ལ་སངས་རྒྱས་ཀྱི་འདུ་ཤེས་བསྐྱེད་པར་བྱའོ།།སེམས་ཅན་གཞན་དག་སྡིག་པ་མཽ་དགེ་བའི་ལས་བྱེད་པ་མཐོང་ན་ཡང་གནོད་སེམས་བསྐྱེད་པར ་མེ་བྱའོ།།དེ་ཅིའི་ཕྱིར་ཞེ་ན།དེ་བཞིན་གཤེགས་པས་རྟག་ཏུ་སེམས་ཅན་གང་རྣམ་པར་དཀར་ཞིང་ཡོངས་སུ་དགེ་པའི་ཆོས་ལས་ཅུང་ཟད་ཅིག་ཉམས་པར་གྱུར་ན་ནམ་ཡང་ཡོངས་སུ ་མྱ་ངོན་ལས་མི་འདའ་བར་མི་འགྱུར་རོ་ཞེས་གསུངས་པས་སོ།།བྱང་ཆུབ་སེམས་དཔའ་ནི་གལ་ཏེ་འདོད་ཆགས་སྤྱོད་པའི་སེམས་ཅན་མཐོང་བར་གྱུར་ན།སེམས་ཅན་འདི་དག་འདོན ་ཆགས་ཀྱི་གདུང་བས་བསྲེགས་པར་གྱུར་པ་ཡང་བདག་གིས་ཉེས་པ་ཡིན་ནོ་སྙམ་དུ་སེམས་སོ།།ཞེ་སྡང་དང་གཏི་མུག་གི་གདུང་བས་བསྲེགས་པར་གྱུར་པ་དེ་དག་མཐོང ་ན་ཡང་འདི་དག་ཐམས་ཅད་ནི་བདག་གིས་ཉེས་པ་ཡིན་ནོ་སྙམ་དུ་སེམས་སོ།།དེ་ཅིའི་ཕྱིར་ཞེ་ན།བདག་གིས་སེམས་ཅན་ཐམས་ཅད་ན་བའི་སྡུག་བསྔལ་དང་ལྡན་པར་གྱུར་པ་དག་མཐོང ་བར་གྱུར་ན་སྨན་ཡོངས་སུ་བཙལ་ཏེ་ཐབས་མཁས་པས་ཡོངས་སུ་གསོ་བའི་རིགས་པ་ལས།བདག་སྔོན་སེམས་ཅན་གྱི་ནད་བསལ་བར་ཡིད་དམ་བཅས་ན་དང་ཡལ་བར་བོར་བ་འདི་ཉིད ་བདག་གི་ཉེས་པ་ཡིན་ནོ་སྙམ་དུ་སེམས་པས་སོ།།བྱང་ཆུབ་སེམས་དཔའ་ནི་དེ་ལྟ་བུའི་བསམ་པ་དང་ལྡན་པས་བདག་ཉིད་ཀྱི་ཉེས་པ་ལ་ལྟ་ཞིང་སེམས་ཅན་རྣམས་ལ་བྱམས་པའི་སེམས ་བསྐྱེད་པར་བྱེད་དོ།།གལ་ཏེ་གསོད་པའམ་ལུས་ཀྱི་ཡན་ལག་དང་ཉིང་ལག་གཅོད་ཅིང་བཏུབ་པ་ཞིག་དང་ཕྲད་པར་གྱུར་ན་ཡང་ཕ་རོལ་གནོད་པ་བྱེད་པ་དེ་དག་ལ་ལན་བྱའོ་སྙམ་པའི་བསམ་པ་མེད ་དོ།།གློག་ཐོབ་བྱང་ཆུབ་སེམས་དཔའ་དེ་ལྟར་ཡང་དག་པར་བསྒོམ་པ་ན་འདས་པའི་མི་དགེ་བའི་ལས་ཇི་སྙེད་པ་དག་ཀྱང་གཏན་དུ་ཟད་ཅིང་མ་ལུས་པར་འབྱུང་བར་འགྱུར་ལ།མ་འོངས་པའི་མི་དགེ་བ ་རྣམས་ནི་ཡམ་ལྡང་བར་མི་འགྱུར་རོ།།གློག་ཐོབ་སྔོན་བྱུང་བ་འདས་པ་དེ་བསྐལ་པ་ཚད་མེད་གྲངས་མེད་པ་དེ་བཞིན་གཤེགས་པ་མར་མེ་མཛད་ཀྱི་ཡང་ཆེས་སྔ་རོལ་ན།དེ་བཞིན་གཤེགས་པ་དགྲ ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ་འཇུག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་བསྒྱུར་བ་བླ་ན་མེད་པ་ལྷ་དང་མི་རྣམས་ཀྱི་སྟོན་པ་སངས་རྒྱས ་བཅོམ་ལྡན་འདས་མཆོག་ཏུ་སྐྱེས་པ་ཞེས་བྱ་བ་འཇིག་རྟེན་དུ་བྱུང་ངོ་།།འཇིག་རྟེན་གྱི་ཁམས་ནི་འོད་ཟེར་ཅན་ཞེས་བྱ་སྟེ་རྒྱལ་པོའི་གྲོང་ཁྱེར་རབ་ཏུ་བདེ་བ་ཞེས་བྱ་བའི་ཚལ་ན་བཞུགས་སོ།།དེ ་ཚེཤན་པ་འཇིགས་སུ་རུང་པོ་ཞེས་བྱ་བ་ཁྲོ་གཏུམཆེ་བ་གསོད་པ་ལ་དགའ་ཞིང་།བཟོད་པ་དང་བྱམས་པའི་སེམས་མེད་པ་ལག་པ་ཁྲག་གིས་བསྐུས་པ་མཐོང་བ་ཐམས་ཅད་སྐྲག་པར་འགྱུར ་བ་ཞིག་ཡོད་དེ།དེའི་ཚེ་ཤན་པ་དེས་གླང་ཞིག་ཁང་པའི་ནང་དུ་བཅིངས་ཏེ།ནང་དུ་ཞུགས་ནས་གསོད་པར་བྱས་པ་ལས་གླང་དེས་དེ་མཐོང་ནས་ཤིན་ཏུ་སྐྲག་པས་ཐག་པ་བཅད་དེ་བྱོས་ནས།དེ་བཞིན ་གཤེགས་པ་མཆོག་ཏུ་སྐྱེས་པ་བཞུགས་པའི་ཚལ་གཱ་ལ་བཻ་དེར་སོང་ངོ་།།དེའི་ཚེ་ཤན་པ་དེ་ཡང་མཚོན་ཐོགས་ནས་ཕྱི་བཞིན་བསྙེགས་པས་གླང་དེ་སྐྲག་ནས་གཡང་ས་ཟབ་མོ་ཞིག་ཏུ་ལྷུང་ནས་སྲོག ་ཆཚད་ལ་ཐུག་པ་ཙམ་དུ་ནི་ཞིང་སྡུག་བསྔལ་བས་སྒྲ་ཕྱུང་ངོ་།།དེའི་ཚེ་ཤན་པས་གླང་དེ་མཐོང་ནས་ཞེ་སྡང་ཆེར་སྐྱེས་ཏེ།གཡང་ས་ཟབ་མོ་དེ་ཉིད་དུ་ཞུགས་ནས་མཚོན་ཐོགས་ཏེ་བསད་པར་བྱས་པ ་ལས་མཚན་མ་བཏབ་པའི་བར་སྐབས་དར་དེའི་ཚེ།དེ་བཞིན་གཤེགས་པ་མཆོག་ཏུ་སྐྱེས་པ་ཚེལ་དེར་འཁོར་མང་པོ་བརྒྱ་སྟོང་ཚད་མེད་པས་ཡོངས་སུ་བསྐོར་བ་དག་ལ་རྟེན་ཅིང་འབྲེལ་བར ་འབྱུང་བའི་ཆོས་ཀྱི་རྣམ་གྲངས་འདི་ལྟ་སྟེ་མ་རིག་པའི་རྐྱེན་གྱིས་འདུ་བྱེད།འདུ་བྱེད་ཀྱི་རྐྱེན་གྱིས་རྣམ་པར་ཤེས་པ།རྣམ་པར་ཤེས་པའི་རྐྱེན་གྱིས་མིང་དང་གཟུགས། ་མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་སྐྱེ་མཆེད་དྲུག་གི་རྐྱེན་གྱིས་རེག་པ།རེག་པའི་རྐྱེན་གྱིས་ཚོར་བ།ཚོར་བའི་རྐྱེན་གྱིས་སྲེད་པ།སྲེད་པའི་རྐྱེན་གྱིས་ལེན་པ།ལེན་པའི ་རྐྱེན་གྱིས་སྲིད་པ།སྲིད་པའི་རྐྱེན་གྱིས་སྐྱེ་བ།སྐྱེ་བའི་རྐྱེན་གྱིས་རྒ་ཤི་དང་མྱ་ངན་དང་སྨྲེ་སྔགས་འདོན་པ་དང་སྡུག་བསྔལ་བ་དང་ཡིད་མི་བདེ་བ་དང་འཁྲུག་པ་རྣམས་འབྱུང་བར་འགྱུར ་ཏོ།དེ་ལྟར་ན་རྟེན་ཅིང་འབྲེལ་པར་འབྱུང་བ་འདི་དག་ཐམས་ཅད་ནི་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་གོ་ཞེས་རྒྱ་ཆེར་རྣམ་པར་ཕྱེ་སྟེ་སྟོན་པར་མཛད་པས།གློག་ཐོབ་རྟེན་ཅིང ་འབྲེལ་པར་འབྱུང་བ་འདི་ལ་མ་རིག་པ་ཡང་འདུ་བྱེད་ལ་མཱ་སེམས་མི་རྟག་ལ།འདུ་བྱེད་ཀྱང་མ་རིག་པ་ལ་མི་སེམས་མི་རྟོག་གོ།དེ་བཞིན་དུ་སྐྱེ་བ་ཡང་རྒ་ཤི་ལྔ་མི་སེམས་མི་རྟོག ་པས།དེ་ལྟར་ཆོས་ཐམས་ཅད་ནི་རང་བཞིན་གྱིས་དམིགས་སུ་མེད་པས་མངོན་པར་འདུ་བྱ་བ་མེད་པ།དྲན་པ་མེད་པ།བདག་དང་བདག་གི་མེད་པ།རང་བཞིན་གྱིས་རྣམ་པར་དག ་པ།ཕན་ཚུན་གཅིག་གིས་གཅིག་མི་རིག་པ་ཡིན་ནོ།།སོ་སོའི་སྐྱེ་བོ་རྣམས་འདི་ལྟ་བུའི་ཆོས་མ་ཐོབ་པའི་ཕྱིར་གཟུགས་ནི་བདག་ཡིན་ནོ།།བདག་ནི་གཟུགས་རྣམས་དང་ལྡན་ནོ།། ་གཟུགས་ནི་བདག་གི་ཡིན་ནོ་ཞེས་འཛིན་པར་བྱེད་དོ།།ཚོར་བ་དང་།འདུ་ཤེས་དང་།འདུ་བྱེད་དང་།རྣམ་པར་ཤེས་པའི་བར་ལ་ཡང་དེ་བཞིན་ནོ།།བདག་དང་བདག་གིར་འཛིན་པ་ལྔ་མངོན་པར ་ཞེན་པའི་དབང་གིས་མི་རྟག་པ་ལ་རྟག་པར་འཛིན་པར་བྱེད།སྡུག་བསྔལ་བ་ལ་བདེ་བར་འཛིན་པར་བྱེད།།རྨྱི་སྡུག་པ་ལ་སྡུག་པར་འཛིན་པར་བྱེད།བདག་མེད་པ་ལ་བདག་གིར་འཛིན་ཅིང་ཕྱིན་ཅི ་ལོག་བཞི་བསྐྱེད་པར་བྱེད་དོ།།ཕྱིན་ཅི་ལོག་ཏུ་ལྟ་བའི་ཕྱིར་མ་རིག་པས་རྨོངས་ནས་ཡང་དག་པར་ཚུལ་བཞིན་དུ་ཡིད་ལ་མི་བྱེད་ཅིང་།སེམས་ཀྱི་རྗེས་སུ་མངོན་པར་ཞེན་པར་གྱུར་པས་སྲིད་པའི ་སྲིསྲེད་པ་འཆིང་བ་གཅོད་པ་མི་ནུས་ཤིང་འཁོར་བའི་འཁོར་བར་རྒྱུན་མི་འཆད་པར་འཁོར་བར་གྱུར་པ་ཡིན་ནོ།།མཁས་པ་དག་ནི་ཆོས་ཀྱི་དབྱིངས་ཀྱི་མཚན་ཉིད་ལ་ཤིན་ཏུ་ལེགས་པར་རྟོགས་པར ་བྱེད་པའི་ཕྱིར།བདག་དང་གང་ཟག་དང་སེམས་ཅན་ཞེས་བྱ་བ་ནས་སྲོག་ཅེས་བྱ་བའི་བར་དུ་ཅུང་ཟད་ཙམ་ཡང་ཡོད་པར་ཡང་དག་པར་རྗེས་སུ་མི་མཐོང་ལ།སྐྱེ་བ་དང་རྒ་བ་དང་ན་བ་དང་འཆི་བ་དང ་གསོད་པ་དང་གནོད་པར་བྱེད་པ་དག་ཀྱང་མི་དམིགས་སོ་ཞེས་གསུངས་པ་དང་།གློག་ཐོབ་དེའི་ཚེ་ཤན་པ་འཇིགས་སུ་རུང་བས་རྐྱང་ནས།དེ་བཞིན་གཤེགས་པས་ཆོས་བཤད་པའི་སྒྲ་ཐོས་ནས་གོ། ་བར་གྱུར་པས་དེ་མ་ཐག་ཏུ་གསོད་པའི་སེམས་ཉེ་བར་སྲི་བར་གྱུར་ནས།མཚོན་ཆ་སྤངས་ཏེ་གཡང་ས་ནས་བྱུང་ནས།བཅོམ་ལྡན་འདས་དེ་ག་ལ་བ་དེར་སོང་སྟེ།བཅོམ་ལྡན་འདས་ཀྱི་ཞབས་གཉིས ་ལ་མགོ་བོས་གཏུགས་ནས་ཕྱག་བྱས་ཏེ་ཕྱོགས་གཅིག་ཏུ་འདུག་ནས།བཅོམ་ལྡན་འདས་དེ་ལ་འདི་སྐད་ཅེ་ས་གསོལ་ཏོ།།བཅོམ་ལྡན་འདས་བདག་ནི་དང་དེ་བཞིན་གཤེགས ་པའི་བསྟན་པ་ལ་རབ་ཏུ་བྱུང་ནས་ལམ་བསྒྲུབ་པར་འཚལ་ལོ་ཞེས་གསོལ་པ་དང་།བཅོམ་ལྡན་འདས་ཀྱིས་བཀའ་སྩལ་པ།དེ་རིགས་སོ།།དགེ་སློང་ལེགས་པར་འོངས་སོ་ཞེས་གསུངས་མ་ཐག་ཏུ ་དགེ་སློང་གི་དངོས་པོར་གྱུར་ནས་བསྙེན་པར་རྫོགས་པར་གྱུར་ཏོ།།དེ་ནས་དེ་བཞིན་གཤེགས་པ་མཆོག་ཏུ་སྐྱེས་པས་དེའི་ལྷག་པའི་བསམ་པ་ཐུགས་ཀྱིས་མཁྱེན་ནས་མཐར་གྱིས་ཡོངས་སུ ་སྨིན་པར་མཛད་ནས་བྱང་ཆུབ་སེམས་དཔའི་སྤྱོད་པ་རྣམས་རྒྱ་ཆེར་ཡང་དག་པར་བསྟན་པར་འཇིགས་སུ་རུང་བ་ཐོས་ནས་སངས་རྒྱས་ཀྱི་བསྟན་པ་ལ་ཕྱིར་མི་ལྡོག་པ་ཐོབ་པར་གྱུར་ཏོ།།གླང་དེ ་ཡང་དེ་བཞིན་གཤེགས་པ་དེས་རྟེན་ཅིང་འབྲེལ་པར་འབྱུང་བའི་ཆོས་ཀྱི་ཚིག་སྟོན་པའི་གསུང་སྒྲ་ཤིན་ཏུ་གྱ་ནོམ་པ་ཐོས་ནས་སེམས་ལྔ་རབ་ཏུ་དགའ་བ་སྐྱེས་པས།ཤི་འཕོས་པའི་འོག་ཏུ་དགའ་ལྡན ་ལྷའི་གནས་སུ་སྐྱེས་ནས་བྱམས་པ་དང་ཕྲད་དེ་ཡང་དག་པའི་དད་པ་དང་ལྡན་པར་འགྱུར་རོ།།གློག་ཐོབ་དེ་ལྟར་ན་སེམས་ཅན་རྣམས་ཀྱི་སྤྱོད་པ་ནི་ཤིན་ཏུ་ཟབ་པ་དང་།རྣམ་པར་རིག་པར་དཀའ་ནི ་ཤེས་པར་དཀའ་བ་ཡིན་ཏེ།དེའི་ཕྱིར་གློག་ཐོབ་བྱང་ཆུབ་སེམས་དཔའ་གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་གཉེར་བར་འདོད་པས།སེམས་ཅན་གྱི་དབང་པོ་དང ་སྤྱོད་པ་དག་ལ་ཤིན་ཏུ་མཁས་པར་བྱས་ནས་སེམས་ཅན་ཐམས་ཅད་ལ་མཉམ་པའི་སེམས་དང་།ཐོགས་པ་མེད་པའི་སེམས་ལ་རབ་ཏུ་གནས་ཏེ་ཆོས་ཐམས་ཅད་ལ་རྟག་ཏུ་མངོན་པར་ཞོན་པ་མེད ་པོར་བྱའོ།།ཅི་བདོག་པ་རྣམས་ཡོངས་སུ་སྤངས་ཏེ་ཚུལ་ཁྲིམས་རྣམ་པར་དག་པ་བསྒྲུབ་པར་བྱའོ།།བཟོད་པ་ལ་གནས་པར་བྱའོ།།བརྩོན་འགྲུས་བསྐྱེད་པར་བྱའོ།།བསམ་གཏན་དང་ཏིང་ངེ ་འཛིན་ལ་མཉམ་པར་བཞག་པར་བྱའོ།།ཡང་དག་པ་ཇི་ལྟ་བ་བཞིན་དུ་ཆོས་ཐམས་ཅད་ཀྱི་ངོ་བོ་ཉིད་ལ་སོ་སོར་བརྟག་པར་བྱའོ།།གློག་ཐོབ་བྱང་ཆུབ་སེམས་དཔའ་གང་ཆོས་དྲུག་པོ་དེ་དག་ཡོངས་སུ ་རྫོགས་པར་གྱུར་ན་མྱུར་དུ་བླན་མོད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཆུང་རྒྱུ་བར་འགྱུར་རོ།།ཇི་ལྟར་ཡོངས་སུ་རྫོགས་པར་བྱེད་ཅེ་ན།འདི་ལྟ་སྟེ་ཐམས་ཅད་མཁྱེན་པའི་ལྕེ ་ཤེས་ལ་བརྟེན་ནས་མངོན་པར་སྒྲུབ་བྱེད་པའི་ཕྱིར་རོ།།གློག་ཟོབ་བྱང་ཆུབ་སེམས་དཔའ་རྣམས་ཀྱི་ཆོས་ཀྱི་གཏར་གང་ཞེ་ན།འདི་ལྟ་སྟེ་བྱང་ཆུབ་སེམས་དཔས་གཟུགས་ཐམས་ཅད་ཡང་དག་པ་ཇི་ལྟ་བ་བཞིན ་དུ་རབ་ཏུ་རྟོགས་ཤིང་བཟོད་མ་ཉིད་ནས་སྐྱེ་བ་མེད་པ་དང་རང་བཞིན་གྱིས་རྣམ་པར་དག་པ་མཐོང་བ་གང་ཡིན་པའོ།།བྱང་ཆུབ་སེམས་དཔའ་ནི་གཟུགས་ལ་མཁས་པ་ཐོབ་པའི་ཕྱིར་མོ་སོ་ཡང་དག ་པར་རིག་པ་བཞི་དང་ལྡན་པར་འགྱུར་རོ།།བཞི་གང་ཞེ་ན།འདི་ལྟ་སྟེ་དོན་སོ་སོ་ཡང་དག་པར་རིག་པ་དང་།ཆོས་སོ་སོ་ཡང་དག་པར་རིག་པ་དང་།ངེས་པའི་ཚིག་སོ་སོ་ཡང་དག་པར་རིག་པ ་།དང་།སྟོབས་པ་སོ་སོ་ཡང་དག་པར་རྙོག་པའོ།།དོནས་སོ་ཡང་དག་པར་རིག་པ་ནི་གཟུགས་ཀྱི་དོན་རྣམས་ལ་ཐོགས་པ་མེད་པར་གྱུར་པའི་ཕྱིར་རོ།།གཟུགས ་དོན་གང་ཞེ་ན།འདི་ལྟ་སྟེ་དོན་དམ་པ་གང་ཡིན་པའོ།།དོན་དམ་པ་གང་ཞེ་ན།འདི་ལྟ་སྟེ་གཟུགས་དམིགས་སུ་མེད་པ་གང་ཡིན་པ་སྟེ།དོན་དམ་པའི་ཡེ་ཤེས་ལ་འདི་ལྟ་བུ་དང་ལྡན ་པ་གང་ཡིན་པ་དེ་ནི་དེན་སོ་སོ་ཡང་དག་པར་རླིག་པ་ཟླས་བྱའོ།།ཆོས་ས་ས་ཡ་གྀ་བཱ་རབ་པ་ནི་གཟུག་དྷཱི་མཱན་མས་ཡང་དགེ་འ་བློ་བཞིན་དུས་སོར་བརྟགས་ནས ་དགྲ་པ་ཛྲཱི་ལྟ་བ་བཞིན་དུ་རབ་ཏུ་ཤེས་པ་གང་ཡིན་པ་དེ་ནི་ནས་སོ་སོ་ཡང་དག་པར་རིག་པ་ཞེས་བྱའོ།།ངེས་པའི་ཚིགས་སྡེ་ཡང་དགེ་པར་རིག་པ་ནི་འདི་ལྟ་སྟེ་གཟུགས་རྣམས་ལ ་པ་མྱེད་པའི་ཡེ་ཤེས་ཀྱི་ཐབསི་ལ་མུ་ཁས་པས་དེ.་འི་ཚིག་རྣམ་པ་སྣ་ཚོགས་ཀྱིས་རྣམ་པར་འབྱེད་པ་གང་ཡིན་པ་དེ་ནི་ངེས་པའི་ཚིགས་སོ་ཡང་དགེ་པར་རིག་པཞེས་བྱའོ།།ས ་སེཾ་སོ་ཡང་དག་པར་རིག་པ་ནི་འདྀ་ལྔ་སྟེ་གཟུགས་ཀྱི་ཆོས་རྣམས་སུམ་ས་ལྡན་མྱེ་བ་པོ་དེལ་པོ་བཞིན་དུ་རྣམ་བུར་སྟེ་སྟོན་པར་བྱེད་ཀྱང་ཀུན་ནས་ཉོན་མོངས་པ་མེད་ཅིད་མན ་པར་ཞེན་པ་མེད་པ་གང་ཡིན་པོ་ནི་སླེབས་པས་ས་ཡང་དགེ་པར་རིག་པ་ཞེས་བྱའོ།།བྱང་ཆུབ་སེམས་དཔའི་ནི་འོད་ལྟ་བུའི་ཡེ་ཤེས་དེང་ལྡན་པས་གཟུགས་ཀྱི་ཆོས་ལ་རྨ ་ཤིང་མངོན་པར་ཞོན་པར་གྱུར་པའི་སེམས་ཅན་ཐམས་ཅད་ཀྱི་རང་བཞིན་དང་མཐུན་པ་ཇི་ལྟ་བ་བཞིན་དུ་རྩོལ་བ་མེད་པའི་ཡེ་ཤེས་ཀྱིས་ཅི་རིགས་པར་ཆོས་སྟོན་པར་བྱེད་ཀྱང་ཆོས་ཀྱི་དབྱིངས་ལྔ།། ་མཚན་ཉིད་གཉིས་སུ་གྱུར་པ་མེད་དེ།སྒྲ་དང་དྲི་དང་རོ་དང་རེག་བྱ་དང་ཆོས་ཀྱི་བར་དུ་ཡང་དེ་བཞིན་དུ་རྒྱས་པར་སྦྱར་ཏེ།གློག་ཐོབ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི ་ཆོས་ཀྱི་གཏེར་ཞེས་བྱའོ།།བྱང་ཆུབ་སེམས་དཔའ་གང་གིས་གཏེར་འདི་ཐོབ་པར་གྱུར་ན་སྤྱོད་ཡུལ་རྣམས་ལ་རྨོངས་པར་གྱུར་པའི་སེམས་ཅན་དེ་ལྟ་བུ་དག་ཡོངས་སུ་གདུལ་བར་འདོད་པའི ་ཕྱིར།དེ་དག་གི་མོས་པ་ཇི་ལྟ་བ་བཞིན་དུ་དེ་དག་རེ་རེ་ལ་ཡང་བསྐལ་པ་འམ་བསྐལ་པ་ལས་ལྷག་པར་ཚིག་རྣམ་པ་སྣ་ཚོགས་ཀྱི་ཐབས་ལ་མཁས་པས་ཆོས་སྟོན་པར་བྱེད་ཀྱང་དེ་དག་གི ་མཐའ་ཡང་རྙེད་པར་མི་འགྱུར་ལ།བྱང་ཆུབ་སེམས་དཔའི་ཤེས་རབ་ལ་ཡང་འགྲིབ་པ་མེད་ཅིང་ཆོས་ཀྱི་དབྱིངས་དང་མི་འགལ་བར་གཉིས་སུ་མེད་ཅིང་དབྱེར་མེད་པའི་རྗེས་སུ་འབྲང་བ ་གང་ཡིན་པ་འདི་ནི།བྱང་ཆུབ་སེམས་དཔའ་ཐབས་ལ་མཁས་པས་ཆོས་ཐམས་ཅད་དབྱེར་མེད་པའི་མཚན་ཉིད་བསྟན་པས་འཐོབ་པའི་ཆོས་ཀྱི་གཏེར་ཞེས་བྱའོ།།ཆོས་ཀྱི་གཏེར་འདིས ་སེམས་ཅན་དག་ལ་ཅི་རིགས་པར་ཆོས་བསྟན་ནས་ཟད་མི་ཤེས་པའི་ཆོས་ཀྱི་གཏེར་ཕུན་སུམ་ཚོགས་པར་གྱུར་ཏེ།འཁོར་བའི་རྒུད་པ་གཏན་དུ་སྤོང་བ་གང་ཡིན་པ་འདི་ནི་གློག་ཐོབ་བྱང ་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་གཏེར་ཆེན་པོ་དང་།ཟད་མི་ཤེས་པའི་གཏེར་དང་།ཀུན་ཏུ་ཟད་མི་ཤེས་པའི་གཏེར་དང་།མཐའ་མེད་པའི་གཏོར། ་རྣམ་པ་ལྔ་ཞེས་བྱའོ།།བྱང་ཆུབ་སེམས་དཔའ་གང་གཏེར་འདི་ལྟ་བུ་དང་ལྡན་པར་གྱུར་ན་ཡོན་ཏན་ཁྱད་པར་དུ་འཕགས་པ་རྣམས་ཡོངས་སུ་རྫོགས་པར་འགྱུར་བའི་ཕྱིར་ཚོགས་ཆུང་ངུས ་མྱུར་དུ་བླ་ན་མེད་པ་ཡང་དྲག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ།།ཆས་ཀྱི་གཏེར་བསྟན་པའི་ཆོས་ཀྱི་རྣམ་གྲངས་འདི་བསྟན་པའི་ཚེ་བྱང་ཆུབ ་སེམས་དཔའ་གློག་ཐོབ་ནི་གཟུངས་རབ་ཏུ་ཐོབ་པར་གྱུར་ཏོ།།བྱང་ཆུབ་སེམས་དཔའ་ལྔ་བརྒྱ་ནི་གློག་གི་འོད་ཟེར་ཞེས་བྱ་བའི་ཏིང་ངེ་འཛིན་ཐོབ་པར་གྱུར་ཏོ།།ལྷའི་བུ་སུམ་ཁྲི་དྲུག ་སྟོང་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ།།དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཟླ་བའི་རྒྱལ་མཚན་གྱིས་འདི་སྐད་ཅེས ་གསོལ་ཏོ།།བཅོམ་ལྡན་འདས་ཀྱིས་འདི་སྐད་དུ་རྩོལ་བ་མཆིས་པའི་ཡེ་ཤེས་གང་གསུངས་པ་དེའི་དོནི་ཇི་ལྟ་བུ་ལགས།བཅོམ་ལྡན་འདས་ཀྱིས་བཀའ་སྩལ་པ།བྱང་ཆུབ་སེམས ་དཔའ་གང་གིས་དགེ་བའི་ཆོས་རྣམས་ལ་ལུས་དང་སེམས་ཀྱི་རྗེས་སུ་མཐུན་པར་དམིགས་ཤིང་མངོན་པར་འདུ་བྱེད་པ་གང་ཡིན་པ་དེ་ནི་རྩོལ་བ་དང་བཅས་པ་ཞེས་བྱའོ།།བྱང་ཆུབ ་སེམས་དཔའ་གང་ལུས་དང་སེམས་རབ་ཏུ་དུལ་བར་གྱུར་ནས་དྲན་པ་གནས་མེད་པ་རྣལ་འབྱོར་བསྒོམ་པའི་མཚན་མ་དང་བྲལ་བར་གྱུར་པ་དང་།དེ་སྔོན་གྱི་སྨོན་ལམ་དང་ཡེ་ཤེས་ཡོངས་སུ་རྫོབས ་པར་གྱུར་པས་སངས་རྒྱས་ཀྱི་ཞིང་བྱེ་བ་སྟོང་ཕྲག་མང་པོ་རྣམས་སུ་རྣམ་པ་སྣ་ཚོགས་སུ་སྟོན་པར་བྱེད་ཀྱང་ཆོས་ཀྱི་དབྱིངས་ལས་གཡོ་བ་མེད་པ་དང་།རྟག་ཏུ་ཆོས་སྟོན་པར་བྱེད་ཀྱང་ཆོས་ཀྱི་མཚན་མ ་ཅུང་ཟད་ཙམ་ཡང་མེད་པ་དང་།བསྡུ་བའི་དངོས་པོ་བཞིས་སེམས་ཅན་ཡོངས་སུ་སྨིན་པར་བྱེད་ཀྱང་སེམས་ཅན་གང་ཡང་ཡོངས་སུ་བཟླས་པ་མེད་པ་དང་།སངས་རྒྱས་ཀྱི་ཞིང་ཐམས་ཅད་ཡོངས་སུ ་སྦྱངས་ཀྱང་སངས་རྒྱས་ཀྱི་ཞིང་ཡོངས་སུ་དག་པ་ཡང་དག་པར་རྗེས་སུ་མི་མཐོང་བ་དང་།རྟག་པར་སངས་རྒྱས་རྣམས་རྗེས་སུ་དྲན་པར་བྱེད་ཀྱང་གཟུགས་ཀྱི་མཚན་ཉིད་དུ་མི་ལྟ་བ་དང་།སངས་རྒྱས་ཀྱི ་ཞིང་ཀུན་ཏུ་རྒྱུ་བར་བྱེད་ཀྱང་ཆོས་ཀྱི་དབྱིངས་དང་མི་འབྲལ་གང་ཡིན་པ་འདི་ནི་བྱང་ཆུབ་སེམས་དཔའི་རྩོལ་བ་མེད་པའི་ཡེ་ཤེས་ཞེས་བྱའོ།།བྱང་ཆུབ་སེམས་དཔའ་རྣམས་ནི་འདི་ལྟ་བུའི་ཡེ་ཤེས ་དང་ལྡན་པའི་ཕྱིར་སེམས་ཅན་ཐམས་ཅད་ཀྱི་རེ་བ་ཡོངས་སུ་རྫོགས་པར་བྱེད་ཀྱང་གང་བྱས་པ་དེ་དག་ལ་ཡང་མངོན་པར་ཞེན་པ་ཡང་མེད་དོ།།དེའི་ཚེ་བཅོམ་ལྡན་འདས་ཀྱིས་རྩོལ་བ་མེང་པའི་ཡེ ་ཤེས་འདི་བསྟན་པ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་པར་གྱུར་ཏོ།།བརྒྱ་བྱིན་ལྷའི་དབང་པོ་ཡང་སུམ་ཅུ་རྩ་གསུམ་གྱི་ལྷ་རྣམས་དང་བཅས་ཏེ་སྟ ་གྲཱི་བར་སྣང་ལས་མེ་ཏོག་མན་དར་བ་དང་།ུཏྤ་ལ་དང་།ཀུ་མུ་ཏ་དང་།པུངྠ་དང་།དྲུ་དུ་རཱ་ཀ་དང་།ཅན་དན་གྱི་ཕྱི་མའི་ཆུར་མངོན་པར་ཕབ་སྟེ།བཅོམ་ལྡན་འདས། ་ལ་མངོན་པར་བསྟོད་དེ།།ལྷའི་རྗེརྣམས་ཀྱང་རང་མྦུ་བྱུང་བར་གྱུར་ཏེ།།ངོ་མཚར་མོད་དུ་བྱུ་བའི་སྙིང་བཆེན་པོས་ཀྱང་ཀུན་ཏུ་སྟེང་བར་བྱས་ཏེ།སེམས་ཅན་གང་ལ་རེག་པར་སྐྱེད་པ ་ལུས་ཀྱང་ཤིན་ཏུ་བསལ་བར་གྱུར་ཏོ།།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཀྲིག་ཐོབ་ལ་བཀའ་སྩལ་པ།གློག་སློ་བ་འདས་པའི་དེ་བཞིན་གཤེགས་པ་དག་བོན་ན ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་གནས་འདིར་ཆོས་ཀྱི་རྣམ་གྲངས་འདི་ལྟ་བུ་གསུངས་སོ།།མི་བྱོན་པའི་དེ་བཞིན་གཤེགས་པ་རྣམས་འཇིག་རྟེན་དུ་བྱུང་བའི་རྒྱུ ་ཡང་གནས་འདིར་ཆོས་ཀྱི་རྣམ་གྲངས་འདི་ལྟ་བུ་ག་སྨང་བར་འགྱུར་རོ།།འཇིག་རྟེན་གྱི་ཁམས་ཚད་མིང་གྲངས་མེད་པ་དག་ན་ད་ལྟར་བཞུགས་པའི་དེ་བཞིན་གཤེགས་པ་རྣམས་ཀྱ ་ཀྱི་རྣམ་གྲངས་འདི་རྒྱུན་མི་འཆད་པར་མཛད་པའི་ཕྱིར་འོད་ཟེར་ཆེན་པོ་བསྐྱེད་པར་མཛད་དོ།།དེ་ནས་ཚེ་དང་ལྡན་པ་ཀུན་དགེའ་བོ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་ཟར ་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ།བཅོམ་ལྡན་འདས་གོ་ལ་བ་དེ་ལོགས་སུ་ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།།བཅོམ་ལྡན་འདས ་ཆོས་ཀྱི་རྣམ་གྲངས་འདིའི་མིང་ཅི་ལྤགས་བདག་གིས་ཇི་ལྟར་ཡོངས་སུ་བཟུང་བར་གྱི།བཅོམ་ལྡན་འདས་ཀྱིས་བཀའ་སྩལ་པ།ཀུན་དགའ་བ་ཆོས་ཀྱི་རྣམ་གྲངས་འདི་ནི་མི་ཟད་པའི་གཏར་ཞེས་བྱའོ།། ་ཐམས་ཅད་དབྱེར་མེད་པའི་མཚན་ཉིད་བསྟན་པ་ཞེས་ཀྱང་བྱ་སྟེ་ཁྱོད་ཀྱིས་དེ་ལྟར་ཡང་མིང་ཡོངས་སུ་བཟུང་བར་བྱའོ།།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས།བྱང་ཆུབ་སེམས་དཔའ་གློག ་ཐོབ་དང་།ཚེ་དང་ལྡན་པ་ཀུན་དགའ་བོ་དང་།འཁོར་བཞི་པོ་རྣམས་དང་།ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཐམས་ཅད་བཅོམ་ལྡན་འདས་ཀྱིས་གསུངས་པ་ལ་ཡི་རངས་ཏེ། ་མངོན་པར་བསྟོད་དོ།།།།འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས་མི་ཟད་པའི་གཏེར་བསྟན་པའི་ལེའུ་སྟེ་འདུས་པ་ཉི ་ཤུ་པ་རྫོགས་སོ།།།རྒྱ་གར་སྐད་དུ།བྷད་དྲ་མྦྷ་ཡ་ཀཱར་བྱཱ་ཀཱ་ར་ཎ་ནཱ་མ་མཧཱ་ཡ་ནཱ་སཱུ་ཏཱ།བོད་སྐད་དུ།སྒྱུ་མ་མཁན་བཟུང་པོ་ལུང་བསྟན་པ་ཞེས་བྱ་བ་ཐེག་པ་ཆེན་པོའི་མང།བྲམ ་