| Wylie | e-texts produced with BDRC’s OCR application |
རྒྱ་གར་གྱི་མཁན་པོ་ཨཱ་ཙརྱ་ཛྙཱ་ན་ཤྲི་གུབ་ཏ་དང་།བོད་ཀྱི་ལོ་ཙྪ་པ་དགེ་སློང་ཤཱཀྱ་བློ་གྲོས་ཀྱིས་བསྒྱུར་ཅིང་གཏན་ལ་ཕབ་པ།།།།སངས་རྒྱས ་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།།འདི་སྐད་བདག་གིས་ཐོས་པ་དུས་གཅི་ག་ན།།བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ།རྒྱལ་པོའི ་ཁབ་ནིན་འོད་མའི་ཚལ་བྱ་ཀ་ལན་ད་ཀ་གནས་པར་དབྱར་གནས་པར་དམ་བཅས་ཏེ་བཞུགས་སོ།།དེར་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ།དགེ་སློང་དག་འདི་གསུམ ་ན་མཆོག་ཏུ་གདགས་པ་ཡིན་ཏེ།གསུམ་གང་ཞེ་ན།སངས་རྒྱས་མཆོག་ཏུ་གདགས་པ་དང་།ཆོས་མཆོག་ཏུ་གདགས་པ་དང་།དགེ་འདུན ་མཆོག་ཏུ་གདགས་པའོ།།དེ་ལ་སངས་རྒྱས་མཆོག་ཏུ་གདགས་པ་གང་ཞེ་ན།།སེམས་ཅན་རྐང་མེད་རྣམས་སམ།རྐང་གཉིས་རྣམས་སམ།རྐང་བཞི་རྣམས་སམ།རྐང་མངས་རྣམ ་སམ།གཟུགས་ཅན་རྣམས་མ།གཟུགས་ཅན་མ་ཡིན་པ་རྣམས་སམ།འདུ་ཤེས་ཅན་རྣམས་སམ།འདུ་ཤེས་ཅན་མ་ཡིན་པ་རྣམས་སམ།འདུ་ཤེས་ཡོད་པའང་མ་ཡིན། ་འདུ་ཤེས་མེད་པའང་མ་ཡིན་པ་གང་ཡང་རུང་སྟེ།དེ་དག་གི་ནང་ན་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཆོག་ཡིན་པར་བསྟན་ཏོ།། ་སངས་རྒྱས་ལ་མངོན་པར་དགའ་བང་སུའང་རུང་བ་དེ་དག་ནི་མཆོག་ལ་མངོན་པར་དགའ་བ་ཡིན་ཏེ།མཆོག་ལ་མངོན་པར་དགའ་བ་དེ་དག་ནི་རྣམ་པར་སྨིན་པའང་ལྷ་རྣམས་ཀྱི་ནང་དུ ་ལྷར་གྱུར་པ་རྣམས་སམ།མི་རྣམས་ཀྱི་ནང་དུ་མིར་གྱུར་པ་རྣམས་ཀྱི་མཆོག་འབའ་ཞིག་ཏུ་འགྱུར་བར་ཤེས་པར་བྱ་སྟེ།འདི་ནི་སངས་རྒྱས་མཆོག་ཏུ་གདགས་པ་ཞེས་བྱའོ།། ་ཆོས་མཆོག་ཏུ་གདགས་པ་གང་ཞེ་ན།འདུས་བྱས་སམ།འདུས་མ་བྱས་ཀྱི་ཆོས་རྣམས་གང་ཡང་རུང་སྟེ།དེ་དག་གི་ནང་ན་ནི་འདོད་ཆགས་དང་བྲལ་བའི་ཆོས་མཆོག་ཡིན ་པར་བསྟན་ཏོ།།ཆོས་ལ་མངོན་པར་དགའ་བ་སུ་འང་རུང་བ་དེ་དག་ནི།།མཆོག་ལ་མངོན་པར་དགའ་བ་ཡིན་ཏེ།མཆོག་ལ་མངོན་པར་དགའ་བ་དེ་དག་ནི།རྣམ་པར་སྨིན་པ་ལ ་ལྷ་རྣམས་ཀྱི་ནང་དུ་ལྷར་གྱུར་པ་རྣམས་སམ།མི་རྣམས་ཀྱི་ནང་དུ་མིར་གྱུར་པ་རྣམས་ཀྱི་མཆོག་འབའ་ཞིག་ཏུ་འགྱུར་བར་ཤེས་པར་བྱ་སྟེ།འདི་ནི་ཆོས་མཆོག་ཏུ་གདགས་པ་རྣས ་བྱའོ།།དགེ་འདུན་མེ་ཆོག་ཏུ་གདགས་པ་གང་ཞེ་ན།ཚོགས་སམ།འདུས་པའམ།མང་པོའམ།འཁོར་གང་ཡང་རུང་སྟེ།དེ་དག་གི་ནང་ན་ནི་དེ་བཞིན་གཤེགས་པ ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཉན་ཐོས་ཀྱི་དགེ་འདུན་མཆོག་ཡིན་པར་བསྟན་ཏོ།།དགེ་འདུན་ལ་མངོན་པར་དགའ་བ་སུའང་རུང་བ་དེ་དག་ནི་མཆོག ་ལ་མངོན་པར་དགའ་བ་ཡིན་ཏེ།མཆོག་ལ་མངོན་པར་དགའ་བ་དེ་དག་ནི་རྣམ་པར་སྨིན་པའང་ལྷ་རྣམས་ཀྱི་ནང་དུ་ལྷར་གྱུར་པ་རྣམས་སམ།མི་རྣམས་ཀྱི་ནང་དུ་མིར་གྱུར་པ་རྣམས་ཀྱི ་མཆོག་འབའ་ཞིག་ཏུ་འགྱུར་བར་ཤེས་པར་བྱ་སྟེ།འདི་ནི་དགེ་འདུན་མཆོག་ཏུ་གདགས་པ་ཞེས་བྱའོ།།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས།དགེ་སློང་དེ་དག ་ཡི་རངས་ཏེ།བཅོམ་ལྡན་འདས་ཀྱིས་གསུངས་པ་མངོན་པར་བསྟོད་དེ།།མཆོག་ཏུ་གདགས་པའི་མདོ་རྫོགས་སོ།།། ་