Wylie

e-texts based on the Adarsha Input

རྒྱ་གར་སྐད་དུ། སརྦ་དུཿཁ་པྲ་ཤ་མ་ན་ཀ་ར་ནཱ་མ་དྷཱ་ར་ཎཱི། བོད་སྐད་དུ། སྡུག་བསྔལ་ཐམས་ཅད་རབ་ཏུ་ཞི་བར་བྱེད་པ་ཞེས་བྱ་བའི་གཟུངས། འཇམ་དཔལ་སྨྲ་བའི་སེང་གེ་ལ་ཕྱག་འཚལ་ལོ། །འདི་སྐད་བདག་གིས ་ཐོས་པ་དུས་གཅིག་ན། བཅོམ་ལྡན་འདས་རྡོ་རྗེའི་གདན་ན་འཁོར་ཐམས་ཅད་ལ་ཆོས་སྟོན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་གསོལ་པ། ཀྱེ་ཀྱེ་བཅོམ་ལྡན་འདས་སེམས་ཅན་རྣམས་ཀྱི་སྡུག ་བསྔལ་ཞི་བར་མཛད་དུ་གསོལ་ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཕྱི་ནང་གསང་བའི་སྡུག་བསྔལ་ཞི་བར་འདོད་པས་འཇམ་དཔལ་སྨྲ་བའི་སེང་གེ་ཟླ་བ་དྲུག་ཏུ ་བསྒོམས་པའི་སྦྱོར་བས་ཨཱ་ལི་ཀཱ་ལི་ལས་བྱུང་བའི་སྔགས་འདི་བརྗོད་དོ། །ན་མོ་རད་ན་ཏྲ་ཡཱ་ཡ། ན་མོ་མཉྫུ་ནཱ་ཐཱ་ཡ། ན་མོ་ཡ་མཱན་ཏ་ཀཱ་ཡ། ཏདྱ་ཐཱ། ཨོ~ཾ`་མཉྫུ་བྷ་ར། མཉྫུ་གྷོ་ཥ་ཧ་ན། ཧ་ན་ཧ་ན། ད་ཧ་ད་ཧ། པ་ཙ ་པ་ཙ། བེ་ཙེ་བེ་ཙེ། བྷི་ཏ་བྷི་ཏ། ཨི་ཕུ་ཏ་ཨི་ཕུ་ཏ། ཧེར་ཏེ་སོད་ཏ་ནི། ན་མཿསོད་ཏ་ནི། པྲི་པི་ཤ་ལེ་ཏང་། པྲི་ཏ་ཧ་ས་པྲ་བྷིན་ཏ་ཛ་ཡ། ཧཱུ~ཾ་ཧཱུ~ཾ་ཧཱུ~ཾ་ཧཱུ~ཾ། ཧེར་དེ་སོད་ཏ་ནི་ཧཱུ~ཾ་ཕཊ་སྭཱ་ཧཱ། ཨོ~ཾ`་བཱ་གི་ཤྭ་ར་མུ~ཾ། ་མཉྫུ་གྷོ་ཥ་ཧ་ན། བ་ཏི་སིང་ཧོ་ཧ་རི་ནི་སྭཱ་ཧཱ། སྔགས་དེ་ལན་ཅིག་བརྗོད་པས་མི་དེས་ཚེའི་གཟུངས་ཐོབ་བོ། །བཅུ་བརྗོད་ན་ཤེས་རབ་ཕྱོགས་མེད་དུ་འགྲོལ་ལོ། །བརྒྱ་བརྗོད་ན་འཇིག་རྟེན་གྱི་ཁམས་ཐམས་ཅད ་གཡོ་བར་འགྱུར་རོ། །སྟོང་བརྗོད་ན་འདོད་པ་ཐམས་ཅད་ཕུན་སུམ་ཚོགས་སོ། །ཁྲི་བརྗོད་ན་སྡུག་བསྔལ་ཐམས་ཅད་རབ་ཞིའོ། །འབུམ་བརྗོད་ན་རྫོགས་པའི་སངས་རྒྱས་ཀྱི་ཞལ་མཐོང་ངོ་། །བཅོམ་ལྡན་འདས་ཀྱིས ་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་སོགས་པའི་འཁོར་ཐམས་ཅད་དགའ་ཞིང་མགུ་ནས་ཐལ་མོ་སྦྱར་ནས་བཅོམ་ལྡན་འདས་ཀྱིས་གསུངས་པ་ལ ་མངོན་པར་བསྟོད་དོ། །སྡུག་བསྔལ་ཐམས་ཅད་རབ་ཏུ་ཞི་བར་བྱེད་པ་ཞེས་བྱ་བའི་གཟུངས། བཅོམ་ལྡན་འདས་ཤཱཀྱ་ཐུབ་པའི་ཞལ་ནས་གསུངས་པ། རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ།། ་