Wylie

e-texts based on the Adarsha Input

རྫོགས་སྷོ། ། །། རྩངས་དེ་བེན་དྲ་རཀྵི་ཏས་ཞུས་ཆེན་བགྱིས་པ། །@#། ། རྒྱ་གར་སྐད་དུ། དེ་བ་ཏ་སཱུ་ཏྲ། བོད་སྐད་དུ། ལྷའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག ་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་མཚན་མོ་མི་ཉལ་ཙམ་ན་ལྷ་མདོག་བཟང་པོ་ཞིག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། །དེ་ནས་ལྷ་དེའི་མཐུས་རྒྱལ་བུ་རྒྱལ་བྱེད་ཀྱི་ཚལ་ཐམས་ཅད་སྣང་བ་ཆེན་པོས་ཁྱབ་པར་གྱུར་ཏོ། །དེ་ནས་དེའི་ཚེ་ལྷ་དེས ་ཚིགས་སུ་བཅད་པ་འདི་དག་གསོལ་ཏོ། །མཚོན་ཆ་རྣོན་པོ་དེ་གང་ལགས། །ཧ་ལ་ཧ་ལའི་དུག་གང་ལགས། །རབ་ཏུ་འབར་བའི་མེ་གང་ལགས། །མུན་པ་རབ་གནག་དེ་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། ་ཚིག་དུག་མཚོན་ཆ་རྣོན་པོ་ཡིན། །འདོད་ཆགས་ཧ་ལ་ཧ་ལའི་དུག་།ཞེ་སྡང་རབ་ཏུ་འབར་བའི་མེ། །མུན་པ་རབ་གནག་མ་རིག་པ། །ལྷས་གསོལ་པ། མི་ཡིས་ཟིན་པ་དེ་གང་ལགས། །གང་འདིར་བོར་བ་དེ་གང་ལགས། ། ་མི་ཤིགས་གོ་ཆ་ཅི་ཞིག་ལགས། །འདི་ན་མཚོན་དུ་ཅི་རྣོ་ལགས། །བཅོམ་ལྡན་འདས་ཀྱིས་བཀའ་སྩལ་པ། བདག་གིས་གང་བྱིན་ཟིན་པ་ཡིན། །ཁྱིམ་དུ་གང་བཞག་འདིར་བོར་ཡིན། །མི་ཤིགས་གོ་ཆ་བཟོད་པ་ཡིན། ། ་འདི་ན་མཚོན་དུ་ཤེས་རབ་རྣོ། །ལྷས་གསོལ་པ། ཆོམ་རྐུན་ཞེས་བགྱི་དེ་གང་ལགས། །དམ་པ་རྣམས་ཀྱི་ནོར་གང་ལགས། །ལྷ་དང་བཅས་པའི་འཇིག་རྟེན་ན། །བསླུས་ཤེས་བགྱི་བ་གང་དག་ལགས། ། ་བཅོམ་ལྡན་འདས་ཀྱིས་བཀའ་སྩལ་པ། རྣམ་རྟོག་ཆོམ་རྐུན་མཁས་པ་ཡིན། །ཚུལ་ཁྲིམས་དམ་པ་རྣམས་ཀྱི་ནོར། །གང་དག་ཚུལ་ཁྲིམས་ལོག་ལྷུང་བྱས། །དེ་དག་འཇིག་རྟེན་བསླུས་པ་ཡིན། །ལྷས་གསོལ་པ། ་བདེ་ཞེས་བགྱི་བ་དེ་གང་ལགས། །དབང་ཕྱུག་དམ་པ་དེ་གང་ལགས། །རྟག་ཏུ་རྣམ་པར་རྒྱན་པ་གང་། །མཐོ་བརྩམས་གང་ལགས་བཀའ་སྩལ་གསོལ། །བཅོམ་ལྡན་འདས་ཀྱིས་བཀའ་སྩལ་པ། འདོད་ཆུང ་བདེ་བར་ཤེས་པར་བྱ། །ཆོག་ཤེས་དབང་ཕྱུག་དམ་པ་ཡིན། །ཁྲིམས་ལྡན་རྟག་ཏུ་རྣམ་པར་བརྒྱན། །ཚུལ་ཁྲིམས་ཉམས་པ་མཐོ་བརྩམས་ཡིན། ལྷས་གསོལ་པ། རྩ་ལག་མཉེས་གཤིན་དེ་གང་ལགས། ། ་བསམ་པ་སྡང་བའི་དགྲ་གང་ལགས། །སྡུག་བསྔལ་མི་བཟད་དེ་གང་ལགས། །མཆོག་ཏུ་བདེ་བ་དེ་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། རྩ་ལག་མཉེས་གཤིན་བསོད་ནམས་ཡིན། ། ་སྡིག་པ་བསམ་པ་སྡང་བའི་དགྲ། །དམྱལ་བའི་སྡུག་བསྔལ་མི་བཟད་པ། །ཕུང་པོ་མེད་པའི་བདེ་བའི་མཆོག་།ལྷས་གསོལ་པ། སྡུག་ལ་མི་ཕན་དེ་གང་ལགས། །ཕན་ཡང་མི་སྡུག་གང་ཞིག་ལགས། ། ་གནོད་པ་བགྱིད་པའི་ནད་གང་ལགས། །སྨན་པའི་མཆོག་གཅིག་དེ་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། འདོད་པ་སྡུག་ཀྱང་མི་ཕན་པ། །ཐར་པ་ཕན་ལ་མི་སྡུག་པ། །འདོད་ཆགས་གནོད ་པ་མེད་པའི་ནད། །སྨན་པའི་མཆོག་གཅིག་སངས་རྒྱས་ཡིན། །ལྷས་གསོལ་པ། གང་གིས་འཇིག་རྟེན་འདི་བསྒྲིབས་ལགས། །གང་གིས་འཇིག་རྟེན་དབང་དུ་བགྱིས། །གང་གིས་མཛའ་བཤེས་འབྱེད་པར་བགྱིད། ། ་གང་གིས་མཐོ་རིས་མཆི་མི་འགྱུར། བཅོམ་ལྡན་འདས་ཀྱིས་བཀའ་སྩལ་པ། མི་ཤེས་པས་ནི་འཇིག་རྟེན་བསྒྲིབས། །གཏི་མུག་གིས་ནི་དབང་དུ་བྱས། །ཞེན་པས་མཛའ་བཤེས་འབྱེད་པར་བྱེད། །ཆགས་པས ་མཐོ་རིས་འགྲོ་མི་འགྱུར། །ལྷས་གསོལ་པ། གང་གིས་མཛའ་བཤེས་འཕེལ་བར་འགྱུར། །གང་གིས་དགྲ་རྣམས་ཞི་བར་བགྱིད། །གང་གིས་མཐོ་རིས་འཐོབ་པར་བགྱིད། །གང་གིས་ཐར་པར་འགྲོ་བར་འགྱུར། ། ་བཅོམ་ལྡན་འདས་ཀྱིས་བཀའ་སྩལ་པ། གཏོང་བས་མཛའ་བཤེས་འཕེལ་བར་འགྱུར། །བྱམས་པས་དགྲ་རྣམས་ཞི་བར་བྱེད། །ཚུལ་ཁྲིམས་ཀྱིས་ནི་མཐོ་རིས་ཐོབ། །ཤེས་པས་ཐར་པར་འགྲོ་བར་འགྱུར། ། ་ལྷས་གསོལ་པ། རྒྱལ་པོ་དང་ནི་ཆོམ་རྐུན་གྱིས། །ཤིན་དུ་བསྒྲིམ་པ་བགྱིས་གྱུར་ན། །སྐྱེས་པ་འམ་བུད་མེད་གང་གི་འང་རུང་། །དབྲོག་པར་མི་ཚུགས་ཅི་ཞིག་ལགས། །བཅོམ་ལྡན་འདས་ཀྱིས་བཀའ་སྩལ་པ། ་རྒྱལ་པོ་དང་ནི་ཆོམ་རྐུན་གྱིས། །ཤིན་དུ་བསྒྲིམ་པ་བྱས་གྱུར་ཀྱང་། །སྐྱེས་པ་འམ་བུད་མེད་གང་གི་འང་རུང་། །དབྲོག་པར་མི་ཚུགས་ཚུལ་ཁྲིམས་སོ། །ལྷས་གསོལ་པ། འཇིག་རྟེན་འདི་ནི་གང་གིས་འཆིང་། ། ་གང་གིས་འཇིག་རྟེན་རྣམ་པར་གྲོལ། །གང་ཞིག་རྣམ་པར་སྤངས་པས་ན། །མྱ་ངན་འདས་ཤེས་བགྱི་བར་བགྱི། །བཅོམ་ལྡན་འདས་ཀྱིས་བཀའ་སྩལ་པ། འདོད་པས་འཇིག་རྟེན་འཆིང་བར་བྱེད། །འདོད་པ ་མེད་པས་རྣམ་པར་གྲོལ། །སྲེད་པ་རྣམ་པར་སྤངས་པས་ན། །མྱ་ངན་འདས་ཤེས་བརྗོད་པ་ཡིན། །ལྷས་གསོལ་པ། རླུང་དམར་གྱིས་ཀྱང་མི་ཤིགས་ཤིང་། །ཞུགས་ཀྱིས་མི་འཚིག་དེ་ཅི་ལགས། །དོག་ས་གཏམ ་པར་བགྱིད་པ་ཡི། །ཆབ་ཀྱིས་མི་འདྲུལ་ཅི་ཞིག་ལགས། །བཅོམ་ལྡན་འདས་ཀྱིས་བཀའ་སྩལ་པ། རླུང་དམར་གྱིས་ཀྱང་མི་ཤེས་ཤིང་། །མེས་ཀྱང་མི་འཚིག་བསོད་ནམས་ཡིན། །ས་རྣམས་ཁེབས་པར་བྱེད་པ ་ཡི། །ཆུས་ཀྱང་མི་འདྲུལ་བསོད་ནམས་སོ། །ལྷས་གསོལ་པ། སུ་ཞིག་ཤིན་དུ་བསླུས་གྱུར་ནས། །འཇིག་རྟེན་འདི་ནས་ཕ་རོལ་མཆིས། །ད་དུང་བདག་གི་དོགས་པ་འདི། །ཁྱོད་ཀྱིས་བསལ་བར་མཛད ་པའི་རིགས། །བཅོམ་ལྡན་འདས་ཀྱིས་བཀའ་སྩལ་པ། །གང་གིས་ལོངས་སྤྱོད་ཡོད་བཞིན་དུ། །བསོད་ནམས་བསགས་པ་མ་བྱས་པ། །དེ་ནི་ཤིན་དུ་བསླུས་གྱུར་ནས། །འཇིག་རྟེན་འདི་ནས་ཕ་རོལ་སོང་། །ལྷས ་གསོལ་པ། འཇིགས་པ་ཀུན་ལས་འདས་གྱུར་ཅིང་། །རྒལ་བའི་འཇིག་རྟེན་མཐུ་ལྡན་པའི། །བྲམ་ཟེ་མྱ་ངན་ཡོངས་འདས་པར། །ཀྱེ་མ་བདག་གིས་རིང་ནས་མཐོང་། །བཅོམ་ལྡན་འདས་ཀྱིས་དེ་སྐད་ཅེས་བཀའ ་སྩལ་ནས་ལྷ་དེ་ཡི་རངས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རྗེས་སུ་ཡི་རངས་ཏེ་དེ་ཉིད་དུ་མི་སྣང་བར་གྱུར་ཏོ། །ལྷའི་མདོ་རྫོགས་སོ།། །། ་