Wylie

e-texts based on the ACIP/ALL Input

གདམས་སོ། ། །།རྒྱ་གར་སྐད་དུ། བཛྲ་མནྟྲ་བྷི་རུ་སནྟི་མ་ར་ཏནྟྲ་ནཱ་མ། བོད་སྐད་དུ། དྲག་སྔགས་འདུས་པ་རྡོ་རྗེ་རྩ་བའི་རྒྱུད་ཅེས་བྱ་བཿབཅོམ་ལྡན་འདས ་མཐུ་སྟོབས་ཀྱི་བདག་པོ་ལ་ཕྱག་འཚལ་ལོ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྡོ་རྗེ་འཛིན་པ་ཆེན་བོ་ཉིད། རི་རབ་ཆེན་པོའི་ཡང་སྟེང་ཨུ0f7f་ལྕང་ལོ ་ཅ་ཨན་གྱི་གནས་མཆོགཿ་རབ་ཏུ་བརྒྱན་པའི་ཕོ་བྲང་ཆེན་པོ་ན་ཡུམ་ཆེན་མོ་འབྱུང་བ་ལྔའི་བདག་མོ་དང་གཉིས་སུ་མེད་པར་སྙོམས་པར་ཞུགས་ཏེ་སྐུ་ལས་འོད་ཟེར་སྣ་ཚོགས་རབ་ཏུ་སྤྲོས ་ནས་འཇིག་རྟེན་གྱི་ཁམས་ཀྱི་གདུག་པ་ཅན་དང་། དྲེགས་པ་ཅན་དང་། གཟི་བརྗིད་ཅན་དང་། དྲག་ཤུལ་ཅན་ལ་སོགས་པ་དག་གིས་གནས་ཐམས་ཅད་རབ་ཏུ་གཡོ་ཞིང་བསྐྱོད་པར ་མཛད་པས། དེ་དག་གི་སྡེ་དཔོན་དང་བཅས་འཁོར་དང་གཡོག་ཏུ་བཅས་པ་རྣམས་རླུང་གི་ཤུགས་ཀྱིས་བསྐྱོད་པ་བཞིན་དུ་ལྷགས་པ་ནི། འདི་ལྟ་སྟེ། གཤིན་རྗེ་ཚེ་བདག་ནག་པོ་ཅ ་ཧེན་པོ་ཡུམ་དང་བཅས་པ་དང་། བདུད་ནག་པོ་ཆེན་པོ་མེའི་ཁ་རླངས་ཅན་དང་། ཡུམ་བདུད་མོ་ནག་མོ་ཁྲག་འཛག་མ་དང་། སྲིན་པོའི་རྒྱལ་པོ་གསོད ་བྱེད་ནག་པོ་ཡུམ་དང་བཅས་པ་དང་། གནོད་སྦྱིན་ཆེན་པོ་གང་བ་བཟང་པོ་དང་། ཡུམ་གནོད་སྦྱིན་མོ་ཤ་ཟ་རལ་གཅིག་མ་དང་། ལྷའི་རྒྱལ་པོ་དབང་ཕྱུག་ཆེན་པོ་དང་། ་རུ་ཏྲའི་བདག་པོ་ཐར་པ་ནག་པོ་དང་། རྨུ་རྗེ་བཙན་པོ་རྒྱལ་པོ་ཆེན་པོ་དང་། ཕྱི་རོལ་ལྷའི་བདག་པོ་ཀ་ལ་ནག་པོ་དང་། ཁྱབ་འཇུག་ཆེན་པོ་ཀུན་ཏུ་རྒྱུ་བ་དང་། ཀླུའི་བདག ་པོ་གཞོན་ནུ་གཏུམ་པོ་དང་། ལྷའི་རྒྱལ་པོ་ལི་བྱིན་ཆེན་པོ་དང་། གནོད་སྦྱིན་ཆེན་པོ་ལ་ག་རྒྱུ་བ་དང་། བདག་ཉིད་ཆེན་པོ་རྡོ་རྗེ་མཛེས་པ་དང་། ཀླུ་བདུད་ཆེན་པོ་ཡམ་ཤུད་དམར་པོ ་དང་། གཞན་ཡང་ལྷ་དང་། ཀླུ་དང་། ལྷ་མ་ཡིན་དང་། ཟ་བྱེད་དང་། ཡི་དྭགས་དང་། འབྱུང་པོའི་ཚོགས་དང་། ཕོ་ཉའི་ཚོགས་འཇིགས་པར་བྱེད་པ་བསམ་གྱིས་མི་ཁྱབ་པ ་རབ་ཏུ་འདུས་སོ། དེ་ནས་བཅོམ་ལྡན་འདས་ཀྱིས་གདུག་བྱེད་ཆེན་པོའི་འཁོར་དེ་དག་རབ་ཏུ་འདུལ་བར་མཁྱེན་ནས་དུར་ཁྲོད་ཆེན་པོའི་དཀྱིལ་འཁོར་མངོན་པར་སྤྲུལ་པར ་མཛད་དེ། ནམ་མཁའི་དབྱིངས་ཀྱི་དཀྱིལ་འཁོར་དག། གཟུགས་སུ་བརྙན་པ་རབ་ཏུ་འཇིགསཿ་སྒྲ་ནི་མི་སྙན་དག་ཅིང་གཏུམཿ་དྲི་ནི་མི་ཞིམ་རུལ་མྱག་བསུང་ཨུ0f7f་རོ་ནི་ཁ་སྐྱུར ་ཚ་བར་བྲོ། རེག་བྱ་ཚ་རྩུབ་མི་གདུག་སྤྱོད། ཞེ་སྡང་ཆེན་པོའི་མེ་འབར་ཞིང་། ང་རྒྱལ་ཀེང་རུས་དྲག་ཏུ་གཏམས། གཏི་མུག་མུན་ནག་རབ་ཏུ་འཐིབས། འདོད་ཆགས་ཁྲག་གི་ཆུ་ཆེན ་འབྲུབ། ཕྲག་དོག་རླུང་ནི་རབ་ཏུ་འཁྲུགས། སྟིར་ཆེན་པོའི་ལོངས་སྤྱོད་ལ། སྟག་གཟིག་གཅན་གཟན་ཅེ་སྤྱང་དང་། ཀངྐ་དུར་བྱ་འདབ་ཆགས་ཚོགས། ཤ་ཟ་ཁྲག་འཐུང་རུས ་པ་འཇོམས། བམ་དང་རུལ་དང་མྱགས་པ་དང་། བྱེ་དང་བྲལ་དང་གཞིགས་པ་དང་། ཟོས་དང་འཐོར་དང་རབ་ཏུ་འཐོར། བྲུལ་དང་ཟགས་དང་བརླག་པ་དང་། རྩོད་དང་རྒོད་དང་གླལ ་བ་དང་། འཇིགས་ཤིང་གདུག་དང་རྔམ་པ་དང་། རོལ་པའི་ལོངས་སྤྱོད་རབ་ཏུ་སྤྲུལ། ཀུན་ཀྱང་གདུག་པའི་སེམས་འཆང་ཞིང་། གསོད་གཅོད་ཤག་གཏུབ་ལུས་ཀྱི་ལས། ཚིག ་རྩུབ་བརླང་བའི་ང་རོར་འབྱིན། ཁྲོས་པའི་བརྟུལ་ཞུགས་དྲག་པོ་ཡིས། མ་ལུས་འདུལ་ཞིང་ཚར་གཅོད་པའི། མངོན་པར་གཅོད་ལ་རབ་ཏུ་བཀོད། འདི་ལྟར་མཐོང་ཞིང་སྣང་གྱུར ་པ། ཀུན་རྫོབ་ཙམ་དུ་སྣང་བ་ལས། སེམས་ཅན་གཅིག་གི་བ་སྤུ་ལ། ཅུང་ཟད་གནོད་པ་ཡོང་མེད་དེ། རང་གི་རྣམ་རྟོག་བདེ་བར་སྤྱོད། ངེས་པའི་དེ་ཉིད་ཁོ་ན་འོ། ཆོ་འཕྲུལ ་ཆེན་པོ་བསྟན་པའི་གླེང་གཞིའི་ལེའུ་སྟེ་དང་པོའོ། ། །།དེ་ནས་སངས་རྒྱས་ཐམས་ཅད་ཀྱིས། རྡོ་རྗེ་འཆང་བའི་རྒྱལ་པོ་ཡིས། དུས་གསུམ་རྒྱལ་བ་སྲས་བཅས ་ཀྱིས། ཐོག་མ་མེད་པའི་དུས་ཉིད་ནས། མ་ལུས་བསྟན་པ་སྲུང་མཛད་པའི། གསང་བདག་ཆེན་པོར་དབང་བསྐུར་ཕྱིར། གནོད་སྦྱིན་ལག་ན་རྡོ་རྗེ ་འཆང་། ལྔ་བརྒྱའི་གྲོགས་དང་བཅས་པ་ཡིས། སོ་སོ་གཙོ་ཆེན་མདུན་ཉིད་ནས། རང་གི་སྟན་ལས་རབ་ཏུ་ལངས། མངོན་དུ་སྤྱོད་པའི་སྤྲུལ་པ་མཛད། ཐུགས་ཀྱི་གནས ་པའི་ས་བོན་ལས། ཕྱོགས་བཅུ་ནམ་མཁའི་མཐར་ཐུག་ཀུན། ལྗང་ནག་རླུང་གིས་རབ་ཏུ་དཀྲོགས། ཁྲག་གི་རྦ་ཀློང་འཁྲུག་ཅིང་གཡོཿཤ་རུས་གཏམས་པའི་ས་གཞི་ལས། ་བསྐལ་པའི་མེ་རི་རབ་ཏུ་འབར། བྷནྡྷ་འབར་བའི་གཞལ་ཡས་ཁང་། གདུག་ཅིང་འཇིགས་སུ་རུང་བ་ནི། སྟོབས་ཆེན་རྣམས་ཀྱང་ཉེར་མི་སྤྱོད། འཕྲིན་ལས་མ་ལུས་རྫོགས ་མཛད་ལུས། ཕྱི་ནང་མཐའ་དབུས་ཀུན་ལ་ཁྱབཿབསྟན་ལ་རབ་སྡང་ཕ་རོལ་པོཿཕུང་པོ་ཞབས་ཀྱིས་གདན་དུ་བཏིང་། འོད་གདན་གཙང་མ་གསུམ་དང་བཅས། ཆེ་བ ་མཆོག་གི་སྐུར་མཛད་དེ། རིག་ཅན་མཐར་གནས་དབུར་མནན་ཅིང་། སྟོང་པ་བཅོ་བརྒྱད་དག་ཅིང་སྣང་། ཕྱག་གིས་དྲེགས་པའི་ལྷ་བརྒྱད་བསྒྲལ། བནྡྷ་ཙིཏྟ་གཡས་གཡོན ་བསྣམས། ཐུགས་ཀྱི་དབང་རྟགས་དང་པོས་གཟུང་། ཐུགས་རྗེ་མི་འགྱུར་མཐིང་ནག་མདོག། མི་འཇིགས་རིག་པས་མནན་པའི་ཞབས། བདུད་བཞི་ཕྱོགས་དང་བཅས ་པས་གནོན། མ་ལུས་དབང་དུ་བསྡུད་པའི་ཕྱིར། རལ་པ་ཁམ་ནག་སྲིད་རྩེར་འབར། འབར་བའི་སྤྱན་གྱིས་ཁམས་གསུམ་གཟིགས། གདངས་པའི་ཤངས་ཀྱིས་སྲིད་གསུམ་རྔུབ། ་སྙན་གྱི་རླུང་སྒྲས་སྟོང་གསུམ་ཁྱབཿརྣོ་དབལ་ཚེམས་ཀྱིས་གདུག་པ་སྒྲོལ། ལྗགས་འདྲིལ་རྐན་སྒྲ་དྲག་པོར་བསྡེབས། ཁྲོ་གཉེར་འོད་ཀྱིས་དབང་དུ་སྡུད། དཔའ་བའི་ཆས་ཀྱིས ་རབ་ཏུ་བརྒྱན། སྲུང་བའི་ལྷ་རྣམས་སྐུ་ལ་རྫོགས། སྟོབས་ལྡན་དེ་ཉིད་མ་ཉེས་མཛད་པའི། འབྱུང་བ་ཆེ་ལ་དབང་སྒྱུར་མ། དབུ་གསུམ་ཕྱག་དྲུག་ཞབས་བཞི་མ། གྲི་གུག་ཏྲི་ཤཱུལ ་བདུད་རྩི་གཡས། བནྡྷ་ཞིང་ཆེན་གཡང་གཞི་གཡོན། གཙོ་བདག་ཚུལ་འཛིན་རབ་ཏུ་སྒེག། དགྱེས་མཛད་རབ་ཏུ་རོལ་པ་ལས། འདུལ་བྱེད་སྤྲུལ་པ་རབ་ཏུ་འཕྲོ། ཕྱོགས་བཅུ ་འཇིག་རྟེན་ཁམས་ཀུན་གྱི། གཏུམ་པོ་གདུག་པའི་ཚུལ་འཆང་བའི། དྲག་སྔགས་བདག་པོ་མ་ལུས་ཀུན། རང་ཉིད་སོ་སོའི་འཁོར་བཅས་པའི། རྟེན་དང་གནས་ལ་རེ་རེར་སྣང་། ་རང་དབང་མེད་པར་འདུད་ཅིང་གཡོཿོཾ་བཛྲ་སརྦ་དུཥྚན་ཨེ་ཀ་ཡ་མ་མ་བྷེ་ར་བྷ་གྲྀཧྞ་ཧཱུཾ་ཕཊཿབདུད་དང་གཤིན་རྗེ་སྲིན་པོ་དང་། གནོད་སྦྱིན་ལྷ་དང་ལོག་ལྟ་ཅན། རྨུ་རྗེ་ཆེ་དང ་ཕྱི་རོལ་ཕྱོགས། གདུག་བྱེད་མཁའ་ལ་རྒྱུ་བ་དང་། བྱོལ་སོང་ལྟོས་འགྲོ་ལུས་འཛིན་དང་། ང་རྒྱལ་འཆང་དང་སྤྲུལ་པ་ཅན། མཐའ་འཁོབ་གནས་མཐའ་མ་ལུས་རྒྱུཿལྷ ་བདུད་མི་མ་ཡིན་གྱི་གནས། ཁ་བ་ཅན་དུ་ཕྱོགས་ཤིང་སྲེག། ལས་ཀྱི་ལུས་ཀྱི་ནུས་པ་འབྱིན། མ་ལུས་པ་རྣམས་ཐམས་ཅད་ཀུན། ཤུགས་དྲག ་རླུང་གིས་བསྐྱོད་པ་བཞིན། རབ་ཏུ་འདར་ཞིང་མདུན་དུ་གནསཿ་ཐུགས་རྗེ་བདག་པོས་དགོངས་མཛད་ཀྱང་། གཏུམ་རྔམ་འཇིགས་བྱེད་ཆེན་པོའི་སྐུཿགསང་ཚིག་དྲག་པོ ་གསུང་གི་སྒྲས། མ་ལུས་ཚིམ་པར་བཀའ་སྩལ་པ། ཨེ་མ་འཇིག་རྟེན་ཁམས་ཀུན་གྱི། དྲག་སྔགས་བདག་པོ་དྲེགས་པ་ཅན། སྔོན་གྱི་རྡོ་རྗེ་འཆང་ཆེན་དང་། རང་གི་བཀའ ་ལས་མ་འདའ་བར། ཁྱེད་རྣམས་རང་གི་འཁོར་དང་བཅས། སོ་སོའི་ལུས་དང་བཏགས་པའི་མིང་། རིགས་དང་རྟེན་དང་བྱེད་པའི་ལས། སྡེ་དང་ཆ་ལུགས་ལོངས་སྤྱོད་རྣམས། ་འཇིགས་བྱེད་གནས་འདིར་མྱུར་དུ་སྟོན། ཁྱེད་རྣམས་འདི་ལས་འདའ་བྱེད་ན། ང་ཡི་སྲོག་གི་དམ་ཚིག་གིས། ཁྱེད་ཀྱི་ལུས་སེམས་སྲོག་དང་བཅས། མ་ལུས་གཏན ་ནས་བརླག་པར་བྱ། ཞེས་བཀའ་སྩལ་ནས་དྲག་སྔགས་ཀྱི་ཚོགས་འདི་དག་ཀྱང་བཀའ་སྩལ་ཏོཿོཾ་སརྦ་དུཥྚྣ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊཿཡ་མ་ར་ཙ་མྲྀ་ཏ་ག་སྱ་མ་མ། ་ཀྵེ་ཏ་མ་ར་ཡ་ཧྲིང་ཧྲིང་ཛ་ཛ། དུ་ཕྲག་ར་ཙ་དུག་དུན་མ་ཏིང་མ་ར་ཡ་ཧྲིང་ཧྲིང་ཛ་ཛ|་རཀྴ་རཀྨོ་མ་མ་ར་ཏི་ཀ་མཱ་ར་ཡ་ཧྲིང་ཧྲིང་ཛ་ཛ། ཡཀྵ་ཨ་པསྨ་ར་རཀྵ་མི་རུ་ཤམ་པ་མཱ་ར་ཡ ་ཧྲིང་ཧྲིང་ཛ། ཛ། མཧཱ་དེ་བ་ཤྭ་ར་རཱ་ཛ་མཱ་ར་ཡ་ཧྲིང་ཧྲིང་ཛ། ཛ། མ་ཏྲངྐ་རུ་ཏྲ་ཀཱ་ལ་མཱ་ར་ཡ་ཧྲིང་ཧྲིང་ཛ། ཛ། མུན་མུན་པ་ཙ་ཙིཏྟ་མཱ་ར་ཡ་ཧྲིང་ཧྲིང་ཛ། ཛ། ཏི་རྟི་ཀ་མ་ཏེ་མ་ཧཱ་དེ་བ་མཱ་ར་ཡ ་ཧྲིང་ཧྲིང་ཛ། ཛ། བིཥྞུ་ཕི་ཏྲ་རོཀྟི་ཛ་མཱ་ར་ཡ་ཧྲིང་ཧྲིང་ཛ། ཛ། ན་ག་རཱ་ཛ་ཀུ་མ་ཙནྡྷ་མཱ་ར་ཡ་ཧྲིང་ཧྲིང་ཛ། ཛ། རཱ་ཛ་བྷུ་ལོང་ཨེ་ས་ཡ་མཱ་ར་ཡ་ཧྲིང་ཧྲིང་ཛ། ཛ། མ་ཧཱ་ཁུ་ལོ་ས་བྷོ་མཱ་ར་ཡ་ཧྲིང ་ཧྲིང་ཛ། ཛ། བཛྲ་སཱ་དྷུ་སོ་ཨཾ་ཙ་མཱ་ར་ཡ་ཧྲིང་ཧྲིང་ཛ། ཛ། ཨ་བྷི་ཤུ་ཏྲཾ་ལི་མཱ་ར་ཡ་ཧྲིང་ཧྲིང་ཛ། ཛ། ནརི་ཧུར་ཐུམ་ཛ། ཤ་ཏྲུཾ་མཱ་ར་ཡ་རྦད། ཅེས་བརྗོད་ཅིང་སྐུ་འཇིགས་བྱེད་འབར་བ་ནི། སཱ ་ཡང་འཇིགས་སུ་རུང་བར་བསྟན་ཏོཿསངས་རྒྱས་ཐམས་ཅད་ཀྱི་ཞིང་ཁམས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་མ་རུངས་པའི་སྒྲ་ཆེན་པོ་དང་། འོད ་དང་གློག་འབར་བ་དང་། རླུང་གི་ཤུགས་དྲག་པོས་གང་བར་གྱུར་ཏོཿབདུད་དང་གཤིན་རྗེ་ལ་སོགས་པའི་ཕྱོགས་བཅུའི་དྲེགས་པ་ཅན་རྣམས་ཀྱང་རང་རང་གི་འཁོར་དང་བཅས ་ཏ་ཨེ་རབ་ཏུ་འདུས་ནས་རང་རང་གི་རིགས་ཀྱི་དྲེགས་པ་དག་ཕུལ་ཏེ་བཅོམ་ལྡན་འདས་ཉིད་ཀྱི་མདུན་དུ་ཉེ་བར་གྱུར་ནས་བཀའ་རབ་ཏུ་སྒྲུབ་པར་བརྩོན་པར་གྱུར་ཏོཿདྲག་སྔགས་འདུ ་པའི་རྩ་བའི་རྒྱུད་ལས། བྱིན་རླབས་ཆེན་པོས་དབང་དུ་བསྡུ་བའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་ལ་འཇིག་རྟེན་གྱི་ཁམས་ཀྱི་བདུད་ཀྱི ་རྒྱལ་པོ་མེའི་ཁ་རླངས་ཅན་ཞེས་བྱ་བཿམདོག་ནག་པོཿཁ་ནས་མེ་འབར་བཿལག་ན་ཁྲམ་ཤིང་དང་བདུད་ཞགས་ནག་པོ་ཐོགས་པ། ཞིང་ལྤགས ་ཀྱི་གོས་གོན་པ། ཡུམ་བདུད་མོ་ནག་མོ་ཁྲག་འཛག་མ་ཞེས་བྱ་བཿལག་ན་ཁྲམ་ཤིང་དང་ཐོད་པ་རློན་པ་ཐོགས་ཤིང་གོས་སུ་མི་ལྤགས་གོན་པ། བདུད་རྟ་ནག་པོ་ལ་ཁྱོ ་ཤུག་གཉིས་ཆར་ཞོན་ནས་བཅོམ་ལྡན་འདས་ཀྱི་སྤྱན་སྔར་བདུད་ཀྱི་རིགས་ཀྱི་ལྷའི་ཚོགས་དང་བཅས་ནས་རིངས་པར་ལྷགས་སོ། དེ་བཞིན་དུ། འཆི་བདག་གཤིན་རྗེ ་ཞེས་བྱ་བཿམདོག་ནག་ཐོད་པ་གྲི་གུག་འཛིན། ཆུང་མ་གཤིན་རྗེ་ཟ་བྱེད་མ། གྲི་གུག་ཐོད་པ་ཕྱག་གིས་འཛིན། ཁྱོ་ཤུག་ཞིང་ལྤགས་རློན་པ་བགོས། མ་ཧེ་ཆུ་གླང་ཞོན་ནས ་ནི། གཤིན་རྗེ་ཕོ་མོའི་ཚོགས་དང་བཅས། འགལ་བྱེད་གཟོར་ཞིང་མྱུར་དུ་ལྷགས། སྲིན་པོ་གསོད་བྱེད་ཡབ་ཡུམ་ཡང་། མདོག་ནག་ཞིང་གི་པགས་པ་བགོས། རལ་གྲི་གྲི ་གུ་ག་གཡས་ཀྱིས་བཟུང་། གཡོན་གྱིས་མི་མགོ་ཐོད་ཁྲག་ཐོགས། སྟག་དང་སེངྒེ་ཞོན་པ་སྐྱོད། སྲིན་པོའི་ཚོགས་བཅས་མྱུར་དུ་འཁོད། གནོད་སྦྱིན་གང་བ་བཟང་པོ་དང་། ་ཆུང་མ་ཤ་ཟ་རལ་གཅིག་དང་། མཐིང་ནག་མགྱོགས་བྱེད་རྟ་ལ་ཞོན། ཞིང་ལྤགས་གྱོན་ཏེ་ཕྱག་གཉིས་ཀྱིས། རལ་གྲི་དར་ནག་ཞིང་ལྤགས་བཟུང་། གནོད་སྦྱིན་ཚོགས ་དང་བཅས་ཏེ་འཁོད། དྲག་སྔགས་བདག་པོའི་སྡེ་དཔོན་ཏེཿཤར་ལྷོ་ནུབ་བྱང་ཕྱོགས་དག་གི། གནས་སུ་གཙོ་ལ་འདུད་ཅིང་འཁོད། དབང་ཕྱུག་ཆེན་པོ་ཞེས་བྱ་བཿའཇིག་རྟེན ་ལྷ་ཡི་སྔགས་དག་གིས། དཀར་པོ་བ་དན་ཤེལ་གྲི་ཐོགས། དར་དཀར་གོས་ཅན་གནམ་རུ་ཞོན། དྲེགས་པ་ལྷ་ཡི་བདུད་འཁོར་བཅས། རིངས་པར་བཅས་ཏེ་ཤར་ཕྱོགས་འཁོད། ་ཐར་པ་ནག་པོ་ཞེས་བྱ་བཿམདོག་ནག་མཆོད་གཏོར་དུག་ཐུན་འཛིན། དོམ་ནག་ཞོན་ཏེ་ཞིང་ལྤགས་བགོས། སྡེ་དང་བཅས་ཏེ་ལྷོ་ཕྱོགས་འཁོད། རྨུ་རྗེ་ནག་པོ་ཞེས་བྱ་བཿདར ་ནག་དང་ནི་ཞགས་པ་ཐོགས། བེར་ནག་གྱོན་ཏེ་རྨུ་རྟ་ཞོན། རང་གི་སྡེ་དང་ནུབ་ཕྱོགས་འཁོད། མུ་སྟེགས་ནག་པོ་ཆེན་པོ་ཡང་། ཁཊྭཱཾ་དང་ནི་ཏྲི་ཤཱུལ་བཟུང་། མི་ལྤགས་བགོས ་ཤིང་མ་ཧེ་ཞོན། རང་གི་སྡེ་བཅས་བྱང་དུ་འཁོད། ཁྱབ་འཇུག་རོ་ཏི་ཞེས་བྱ་བཿམཐིང་ནག་ཁྲམ་ཤིང་དགྲ་སྟ་འཛིན། སྦྲིན་ནག་བགོས་ཤིང་འབྲུག་སྔོན་ཞོན། གཟའ་བདུད ་འཁོར་བཅས་སྟང་ཕྱོགས་འཁོད། ཀླུ་རྒྱལ་སོག་མ་མེད་ཅེས་པ། གོས་ནག་སྦྲུལ་ལྤགས་ན་བཟའ་ཅན། བུམ་པ་དང་ནི་རུས་སྦལ་འཛིན། ཆུ་སྲིན་ཞོན་ཏེ་ཀླུ་ཚོགས་བཅས། འོག་གི་ཕྱོགས ་སུ་འཁོད་ཅིང་འདུག། གཞན་ཡང་ལི་བྱི་ལག་དགུ་དང་། ཐེ་སོ་གཙོ་དང་ཡམ་ཤུད་ཀྱིས། སོ་སོའི་སྔགས་ཀྱི་བདག་པོ་དག། དཀར་སེར་དམར་པོའི་མདོག་ལྡན་ཞིང་། ཤེལ་གྲི ་ཐོགས་ཤིང་ལག་དགུ་འགྱེད། དར་དམར་མདུང་རིང་ལག་གིས་འཛིན། རྟ་དཀར་བྱ་རྒོད་ར་སྐྱེས་དང་། རྟ་དམར་ཞོན་ཏེ་ཞིང་ལྤགས་བགོས། སོ་སོའི ་སྡེ་དང་གཡོག་བཅས་ཤིང་། ཕྱོགས་ཀྱི་སྒོ་བཞིར་གནས་བཅས་འཁོད། གཞན་ཡང་ལྷ་ཀླུ་གནོད་སྦྱིན་དང་། མ་མོ་གཤིན་རྗེ་སྲིན་པོ་འདུད། རུ་ཏྲ་མུ་སྟེགས་འགོང་ཐེ ་དང་། གིང་རྨུ་གཟའ་དང་རྒྱན་བྲན་སྨན། སྣང་སྲིད་ལྷ་སྲིན་དྲེགས་པ་ཅན། དེད་དཔོན་ཆེན་པོ་རྣམས་ཀྱི་འཁོར། ཕྱི་དང་ནང་དང་གསང་བ་དང་། ཡང་གསང་དང་ནི་དྲག ་པོ་དང་། བཏགས་ཤིང་ཆགས་པ་སྨྲས་པ་དང་། ལས་བྱེད་ཤན་པ་ཐོར་ཤོད་དང་། ཆེ་གྲགས་རྩལ་དང་མ་མོ་དང་། མུན་ཐིབས་སྟོང་འཁྲུགས་སྲོག་གཅོད་དང་། གླེན ་ཞིང་དབང་ཆེ་ལ་སོགས་རྣམས། བཅོམ་ལྡན་རྡོ་རྗེ་འཆང་བ་ཡི། བཀའ་བཞིན་རྗེས་སུ་སྒྲུབ་བྱེད་པས། མ་ཐོགས་དུར་ཁྲོད་གནས་ཆེན་དུ། འདར་ཞིང་མྱུར་བའི་ཤུགས ་དང་བཅས། རང་གི་ནུས་པ་རབ་བསྟན་ཏེཿབཀའ་ཉན་གསུང་བསྟོད་རྗེས་འབྲངས་གནས། དེ་ལྟར་འཁོད་པའི་འཇིག་རྟེན་པའི་དྲེགས་པའི་བདག་པོ་སྔགས་ཀྱི་སྟོབས ་དང་ལྡན་པ་དེ་དག་གིས་རང་རང་གི་འཁོར་དང་། རིགས་ཀྱི་སྡེ་དང་། མཐུ་དང་། ལོངས་སྤྱོད་ཀྱི་ཁྱད་པར་དག་ཀྱང་བཅོམ་ལྡན་འདས་ཀྱི་སྤྱན་སྔར་བསྟན་ནས་འདི་སྐད་ཅེས ་ཀ་ཡང་གསོལ་ཏོཿབཅོམ་ལྡན་འདས་རྡོ་རྗེ་འཛིན་པ་ཆེན་པོཿབདག་ཅག་ལ་སོགས་པ་འཇིག་རྟེན་གྱི་ཁམས་ན་གནས་པའི་མ་རུངས་པའི་ཚོགས་གདུག་པ་ཅན་སྡང་བ་གནོད་བ ་དང་། ཤུགས་པ་དང་། འཚེ་བ་དང་། རྩོད་པའི་བསམ་པ་དང་ལྡན་ཞིང་། བྱམས་པ་དང་། སྙིང་རྗེ་དང་། ཕན་པའི་སེམས་སྐྱེ་བར་མི་ནུས་པ་རྣམས་ཀྱིས་ཏེཿརང་རང་གི ་ཁམས་དང་། བྱེད་པ་དང་། རིགས་དང་། ལས་ཀྱི་བྱ་བ་དང་། རྟེན་དང་། ནུས་པ་དང་། དབང་གི་ཁྱད་པར་དག་དང་མཐུན་པའི་བསྟན་པ་མི་བཟད་པ་སྟོབས་དང་ལྡན་པ་དག ་བཀའ་སྩལ་པར་གསོལ་ཞེས་གསོལ་ཏོཿདྲག་སྔགས་འདུས་པ་རྩ་བའི་རྒྱུད་ལས། ཚོགས་ཀྱི་དཀྱིལ་འཁོར་རབ་ཏུ་བཀོད་པའི་ལེའུ་སྟེ་གསུམ་པའོ།། །།དེ་ནས ་རྡོ་རྗེ་འཛིན་པ་ཡིས། སྐུ་ཡི་ཆེ་བ་རབ་སྟོན་ཅིང་། གསུང་གི་སྙིང་པོས་གནད་བསྐུལ་ཏེཿཐུགས་ཀྱི་དགོངས་པ་གཙོར་མཛད་ནས། འཇིག་རྟེན་དྲེགས་པ་ཅན་དང་མཐུ་སྟོབས་ཅན། ་འདུས་པའི་འཁོར་ལ་བཀའ་སྩལ་པ། ཧཱུཾ་འཇིག་རྟེན་དྲེགས་པའི་ཚོགས་ཆེན་རྣམས། ང་ཡི་བཀའ་བཞིན་ཉན་པར་བགྱི། ང་ནི་ཆོས་སྐུ་བདེ་ཆེན་ཏེཿཡེ་ནས་མ་བཅོས་ལྷུན་གྱིས་གྲུབཿ ་སྣང་བའི་སྐུ་ལ་དངོས་པོ་མེད། ཡེ་ཤེས་སྐུ་སྟེ་སྐུ་ཡི་མཆོགཿ་ང་ནི་སྔགས་གསུང་མཐུ་ཆེན་ཏེཿཡེ་ནས་ཐ་སྙད་སྒྲ་དང་བྲལ། བརྗོད་པའི་གསུང་ལ་འཛིན་པ་མེད། མ་འགགས ་གསུང་སྟེ་གསུང་གི་དཔལ། ང་ནི་བདེན་པའི་ཐུགས་མཆོག་སྟེ། ཡེ་ནས་མཚན་མེད་ཡང་དག་བྲལ། གཉིས་མེད་ཐུགས་ལས་རྩོལ་པ་མེད། སྐྱེ་མེད ་ཐུགས་ཏེ་ཐུགས་ཀྱི་དཔལ། ང་ནི་ཡོན་ཏན་ཚོགས་ཆེན་ཏེཿལྷུན་གྱིས་གྲུབ་ཅིང་བསམ་མི་ཁྱབཿསྨོན་མེད་དགོངས་པ་མ་ལུས་འབྱུང་། དངོས་གྲུབ་ཆེན་པོ་བསྐྱེད་པའི་གཞི། ་ང་ནི་འཕྲིན་ལས་མཛད་པ་སྟེ། ཡོངས་རྫོགས་བརྩོན་པའི་བདག་ཉིད་ཅན། ཞི་རྒྱས་དབང་དང་མངོན་དུ་སྤྱོད། སྣ་ཚོགས་གཞན་དོན་ལྷུན་གྱིས་རྫོགས། འཇིག་རྟེན་སྔགས ་བདག་དྲེགས་པ་ཅན། གཙོ་ཆན་དབང་སྒྱུར་ཁྱེད་རྣམས་ཀྱང་། ང་དང་དུས་གསུམ་སངས་རྒྱས་ཀྱིཿཐུགས་དང་ཡེ་ཤེས་གཉིས་སུ་མེད། གསུང་དང་དབྱེ་བ་ཡོད་མ་ཡིན། ་སྐུ་ལ་སོ་སོར་མི་བལྟ་སྟེ། ཡོན་ཏན་མཉམ་པ་ཉིད་དུ་རྫོགས། འཕྲིན་ལས་གཅིག་སྟེ་ཐུན་མོང་བསྒྲུབ། ཐོག་མ་མེད་ནས་ད་ལྟའི་བར། ཉོན་མོངས་ལས་ཀྱི་རྒྱུ་འབྲས་ཀྱིས། ་གནས་ངན་ལེན་གྱི་ཕུང་པོ་སྨིན། ང་རྒྱལ་དྲེགས་པའི་ལུས་ངག་སེམས། སྟོབས་དང་ནུས་པ་དཔག་མེད་རྫོགས། ཆེ་བཙན་དབང་ཕྱུག་ལྡན་གྱུར་ཀྱང་། ཡང་དག་ངེས་པའི་དོན ་མ་རྟོགས། དོན་དམ་བདེན་པ་ཁོང་མ་ཆུད། སྤྲོས་བྲལ་དགེ་ལ་བློ་མ་ཕྱོགས། རང་རིག་རྒྱལ་བའི་སྟོབས་མ་རྙེད། སྐྱེ་མེད་དབྱིངས་ཀྱི་རྩལ་མ་ཤར། བདེ་ཆེན་གནས་ཀྱི་གདེང ་མ་ཐོབ། མཚོན་མེད་བཅུད་ཀྱི་རོ་མ་མྱོང་། ཆོས་ཉིད་སྐུ་ཡི་གཟུགས་མ་མཐོང་། ཡེ་ཤེས་ཀློང་གི་སྒོ་མ་ཕྱེད། དེ་བས་རིགས་ཀྱི་བུ་རྣམས་ཀྱིས། རང་གི་གནས་ལ་རབ་ཏུ་རྟོགས། ་ལུས་ལ་བདག་ཏུ་ཡོངས་མ་འཛིན། ངག་ལ་བརྗོད་པར་མ་སྨྲ་ཞིག། སེམས་ལ་དངོས་པོར་གང་མ་རྟོག། གནས་ཡུལ་རིགས་ཁམས་སྡེ་དང་དཔུང་། རྟེན་རྫས་ལོངས་སྤྱོད་དབང ་སྐལ་རྣམས། ང་དང་ང་ཡིར་གཟུང་བྱ་ཡིན། ཐུན་མོང་དང་ནི་ཐ་དད་གཅིག། དེ་དག་མ་ལུས་སྟོང་པ་སྟེ། སྟོང་པ་ཉིད་ཀྱང་དེ་དག་གོ། དེ་ལས་གུད་ན་གཞན་མེད་དེ། གཞན་ལས ་གུད་ནའང་དེ་མེད་ཅིང་། མ་སྐྱེས་མ་འགགས་མཚན་ཉིད་མེད། མ་ཕྲི་མ་བསྣན་མ་བསླད་ཅིང་། མ་བཅོས་མ་སྒྱུར་མ་བྱུང་ལ། མ་སྐྱེད་མ་བསྒྲུབས་མ་བཤད་པའི། དོན་ཆེན་དེ་ནི ་རང་ཉིད་ལས། ཕྱི་ནང་སྔ་ཕྱི་སྟེང་དང་འོག། ཕྱོགས་མཚམས་འཁོར་འདས་ལུས་དང་སེམས། ཀུན་ནས་རྙེད་པ་མ་ཡིན་ཏེཿའདི་ནའང་ཡོད་པ་མ་ཡིན་ནོ། ཤ་ཁྲག་པགས་དང ་རུས་པ་དང་། སྙིང་དང་གློ་བ་སྣོད་རྣམས་དང་། དབང་པོ་ཡན་ལག་བཅས་པ་ལ། བདེ་ཆེན་དམ་པ་དེ་མི་གནས། དེ་ལས་གཞན་ནའང་གནས་མིན་ཏེཿགནས་མ་གྲུབ་ལ་གནས ་ཞེས་བརྗོད། གནས་ཡོད་མཉམ་ན་དེར་རྟོགས་ཤིང་། ཇི་འདྲ་ཅི་ཞིག་ཇི་ལྟ་བུ། གང་ནས་འོངས་ཤིང་གང་དུ་སོང་། གང་ན་འདུག་ཅིང་ཅི་ཞིག་བྱེད། དབྱིབས་དང་ཁ་དོག་མིང ་དང་མཚན། རིགས་དང་ཁམས་ལ་རབ་ཏུ་རྟོགས། དེ་ལ་དེ་ཡིས་དེར་བལྟས་པས། མཐོང་བ་མེད་པ་བལྟ་བ་ཡི། གང་ལ་གང་གིས་གར་བསྒོམས ་པས། བསྒོམ་དང་བྲལ་ལ་སྒོམ་ཞེས་བྱ། ཅི་ལ་སུ་ཞིག་སྤྱིར་སྤྱོད་པས། སྤྱོད་དགུ་མི་གནས་སྤྱོད་པ་ཆེ། སུ་ལས་ལུས་ཐོབ་ཅི་བསྒྲུབས་པས། མ་གྲུབ་རང་གནས་འབྲས་བུ ་སྟེ། མ་ལུས་མེད་ཅིང་རྣམ་པ་ཡི། ཡོན་ཏན་ཡོངས་རྫོགས་དབང་ཕྱུག་གོ། ཞི་དང་རྒྱས་དང་མངོན་དུ་སྤྱོད། དབང་དུ་བསྡུ་བ་འཕྲིན་ལས་ཡིན། རང་ལ་རྫོགས་ཤིང་རང་གིས ་གྲུབ། ཐག་ཆོད་པ་དང་བསྟན་པ་དང་། ཚད་ལྡན་མཐར་ཕྱིན་ལ་བཟླ་དང་། འདས་དང་མ་འདས་སྟོན་པ་དང་། བཤད་དང་ཉན་དང་སྡུད་པ་དང་། གནས་དུས་ཡོན་ཏན་སྐྱོན ་རྣམས་ནི། རང་གི་དེ་ཉིད་རྟོགས་པས་འགྲུབ། ཅེས་བཀའ་སྩལ་ཏོཿདྲག་སྔགས་འདུས་པ་རྩ་བའི་རྒྱུད་ལས། དོན་དམ་པའི་གནས་ཉེ་བར་བསྟན་པའི་ལེའུ་སྟེ་བཞི་པའོ།། །། ་དེ་ནས་རྡོ་རྗེ་འཛིན་པ་ཡིས། དགོངས་པ་ཆེན་པོ་འདི་གསུངས་ཏེཿཡེ་ནས་མ་བྱུང་མ་སྐྱེས་པའི། ཆོས་ཉིད་དོན་གྱི་སྙིང་པོ་ནི། གཟུང་འཛིན་མཐའ་བྲལ་དོན་རྟོགས་ཏེཿང ་བདག་འཛིན་པའི་རྣམ་རྟོག་གིས། དྲེགས་ཤིང་གཟིར་བའི་རུ་ཏྲ་དེ། མ་བསྒྲལ་བ་ནི་ཉེས་པ་སྟེ། ཐབས་དང་ཤེས་རབ་སྙིང་རྗེ་གསུམ། མཐུན་ཞིང་མཚུངས་ལྡན་སྲས་ཀྱིས ་བསྒྲལ། དམ་པའི་དོན་དེ་མ་རྟོགས་པར། དངོས་པོར་སྤྱད་པས་འཁོར་བར་ལྟུང་། མཁས་རྟོགས་ལྡན་པས་སྤྱད་པ་ཡིས། འཕགས་པ་མཉེས་ཤིང་སེམས་ཅན་སྒྲོལ། ་ཚོགས་གཉིས་རྫོགས་ཏེ་སྐུ་གསུམ་ཐོབ། རྣམ་རིག་མཐོང་བས་ལ་ཐག་གཅད། བརྟུལ་ཞུགས་དྲག་པོས་བསྒྲུབ་པ་བརྩམ། དབང་དུ་བསྡུ་དང་གདུལ་བའི་ཕྱིར། འཇིག་རྟེན ་ལས་ཀྱིས་བསྡུས་པའི་རྒྱུད། ང་དང་སྟོན་པ་རྣམས་ཀྱིས་བཤད། ཆོས་དབྱིངས་རང་གནས་དུར་ཁྲོད་དུ། རིག་པ་འཛིན་པ་རྣམས་ཀྱིས་ནི། སངས་རྒྱས་བསྟན་པའི་དོན་དུ་སྡུད། ་སྙིགས་མ་རབ་ཏུ་བདོ་བའི་དུས། སྡོད་ཅིང་བཙུགས་ལས་ལྟོས་པའི་ཆོས། སྐྱོན་དང་ཡོན་ཏན་ཚུལ་དུ་འབྱུང་། སྟན་པ་འཇིག་བྱེད་ལས་ངན་ཅན། དྲག་སྔགས་སྟོབས་ཀྱིས ་བསྒྲལ་བྱས་ན། རྫོགས་པའི་སངས་རྒྱས་ཐོབ་པར་འགྱུར། དཀྱིལ་འཁོར་གནས་པའི་རྟེན་ཡིན་ནོ། ལྷ་དང་སྔགས་དང་ཏིང་ངེ་འཛིན། རྫས་རྣམས་རྒྱུ་དང་རྐྱེན་དུ་འགྱུར། ལིངྒ ་ཉ་འོ་དམིགས་པའི་རྟེན། མིང་རུས་བྱང་བུས་རྣམ་ཤེས་དང་། བླ་ཚེ་འཁོར་བའི་རྟེན་ཡིན་ཏེ། འགུགས་འདྲེན་གྱིས་ནི་དེ་དག་འགུགས། ཕོ་ཉས་ལས་ཀུན་སྒྲུབ་པར་བྱེད། སྔགས ་དང་རྫས་ཀྱིས་དཔལ་སྐྱེད་ཅིང་། ཐུན་རྫས་རྣམས་ཀྱིས་མྱོས་པ་དང་། རེངས་ལྐུགས་མཚོན་འབེབས་རྡུལ་དུ་རློགས། གནད་དུ་འབེབས་ཤིང་སྙིང་ནས་འདྲེན། ལྷ་དང་འབྱེད་ཅིང ་རྩ་བ་གཅོད། བྱང་ཆུབ་སེམས་ཀྱི་དངོས་པོ་ནི། དོན་པོ་ཁྲག་གི་ལན་བུའི་མགོ། ཀུན་གཞི་ཏིལ་འབྲུ་ཙམ་ཞིག་གནས། རྩ་བ་རླུང་གནས་འདྲ་བས་ཏེ། ་ཕུར་པ་མེ་སྦལ་ལྟ་བུ་ཡིས། བསྡུས་ཤིང་བསྲེགས་ཏེ་བཅད་པ་ཡིས། དམིགས་པ་རྟེན་དང་བྲལ་བར་བྱས། བཀྲག་དང་གཟི་མདངས་རང་ལ་འདུས། ཕྲིན་ལས་རྣམ་བཞིས ་གཟིར་བ་ལ། དགེ་སྡིག་ངོ་བོ་ཉིད་དུ་མཉམ། ལྟ་སྤྱོད་ལྡན་པས་ཞིང་བཅུས་ཏེ། ཕ་རོལ་བླ་མེད་གནས་སུ་བསྒྲལ། བར་མ་དོ་ཡི་རྣམ་ཤེས་ནི། ཧཱུཾ་དང་ཕཊ་ཀྱི་འཕྲོ་འདུ ་ཡིས། སྦྱང་དང་སྦར་བའི་ལས་རྣམས་བྱ། ཕྱོགས་བཅུ་རྒྱལ་བའི་སྲས་སུ་བསྐྱེད། ཕུང་པོ་ལྷག་མ་ཙམ་ཉིད་ནི། རྟེན་གསུམ་གྱིས་ནི་རབ་ཏུ་སྦྱང་། ཆོས་སྐུའི་གཟུགས ་བརྙན་བརྟན་པར་བྱ། འདིས་ནི་ཕ་རོལ་བླ་ན་མེད། སྤྲུལ་པ་དུས་གསུམ་སངས་རྒྱས་དང་། རྒྱལ་སྲས་བྱང་ཆུབ་སེམས་དཔའ་ཡི། སྤྱོད་པ་རླབས་ཆེན་སྤྱད་པ་འོ། ཞེས ་བཀའ་སྩལ་ཏོ། དྲག་སྔགས་འདུས་པ་རྩ་བའི་རྒྱུད་ལས། སྒྲོལ་བ་ཏིང་ངེ་འཛིན་གྱི་དམིགས་པའི་ལེའུ་སྟེ་ལྔ་པའོ།། །། དེ་ནས་རྡོ་རྗེ་འཛིན་པ་ཡིས། ་ལས་ཀྱི་བྱེ་བྲག་འདི་གསུངས་ཏེ། ཐོག་མར་འདི་ལ་ཤིས་པའི་གནས། དུར་ཁྲོད་ཆུ་གླིང་རི་ཡི་སུལ། ཁྲོས་ཤིང་གདུག་པའི་གནས་དེ་རུ། རབ་ཏུ་མནག་ཅིང་གདེང ་ལྡན་པས། དམ་ཚིག་ལྡན་པའི་སྒྲུབ་པོ་སྟེ། ཡོངས་སུ་རྫོགས་པའི་སློབ་མ་ཡིས། སྔོན་དུ་བླ་མ་མཉེས་བྱས་ཤིང་། ལྷག་པའི་ལྷ་ཉིད་སྟོབས་དང་ལྡན། རྡོ་རྗེ ་འཛིན་པ་ཧེ་རུ་ཀ། ཉེ་དང་ལྡན་པ་གཉིས་སུ་མེད། ཚད་དང་ལྡན་པར་འགྱུར་བ་སྟེ། ཡང་དག་ངེས་པའི་རྟགས་མཐོང་ནས། རབ་ཏུ་འབད་པར་བྱ་བ་ནི། སྨིན ་འབྱོར་གདུག་ཅིང་ཤིས་པའི་ས། ལས་ལ་མངགས་པ་དེ་དག་ལ། དྲེགས་པ་གཙོ་འཁོར་དམིགས་པའི་རྟེན། འདོམ་གང་ལ་སོགས་ཚད་དང་ལྡན། ལྟེ་བ་ལས ་ནི་འཁོར་ལོའི་རྩིབས། བཞི་འམ་དྲུག་གམ་བརྒྱད་དུ་འགོད། བར་ཁྱམས་ཕྱོགས་བཞིར་སྒོ་བཞིར་བཅས། རིམ་པ་གསུམ་གྱི་ཐོད་ཕྲེང་ལྡན། རང་གི་རིགས་ལ ་སྔགས་པ་ཡི། དབྱིབས་དང་ཁ་དོག་རྒྱན་དང་རྟགས། ཐམས་ཅད་ལྡན་པ་ཉིད་དུ་བྱ། དྲེགས་པ་ཅན་རྣམས་སྐུ་ཡི་རྟེན། བྲིས་སམ་བརྐོས་སམ་བརྩིགས་པ་དང་། རང ་གི་གནས་སུ་མཛེས་པར་འགོད། གསུང་གི་སྙིང་པོའང་དེ་བཞིན་ནོ། ཐུགས་རྟེན་རང་རང་ཕྱག་ཆ་འམ། སྔོན་ནས་བསགས་པའི་རྫས་ཡིན་ནོ། རང་སྔགས་བསགས ་པའི་འཁོར་ལོ་དང་། མཐུན་གཟུགས་སྲོག་གི་རྒྱལ་མཚན་རྣམས། ནང་དུ་མཚོན་པའི་རྟེན་དུ་གྯུགྶཿདེ་དག་ཙིཏྟ་སོ་སོ་རུ། དམིགས་པའི་སྙིང་པོ་དྲིལ་ཏེ་གཞུག། ་གསང་ཞིང་སྦས་པའི་རྟེན་དུ་འགྱུར། དེ་ཡི་བྱང་ཤར་ཕྱོགས་མཚམས་སུ། ང་ཡི་སྔར་བཤད་རྒྱུད་ཉིད་ལ། ཨེ་དབྱིབས་བཞི་དང་བརྒྱད ་བཅུ་གཉིས། ཁྲུ་གང་མཛུབ་གང་ཐུར་དུ་བརྐོ། གདུག་ཅིང་དྲག་པོའི་རྫས་ཀྱིས་བྱུག། བདུག་ཅིང་བསྲེག་པའང་དེ་ཡིས་སོ། དེ་ཉིད་དགོད་པའི་རྫས་རྣམས་ནི། རྒྱུད་མེད ་གཟུགས་ངན་ཀ་པཱ་ལ། སེང་ལྡེང་གསེར་ཤིང་ཡན་ལག་སྐྱེས། དཔལ་ལྡན་དྲག་པོའི་ཕུར་པ་དང་། ཤེལ་ནག་གནམ་རུ་ནག་པོ་དང་། གི་ལིང་དཀར་དང་གདོང་དམར་དང་། ་ཟླ་མི་གཅིག་དང་སྲིད་ཤིང་དང་། ཙ་ར་ཀ་དང་མགྲིན་སྙན་དང་། ས་སྤྱོད་ཆུ་སྤྱོད་རྣམས་ཀྱི་ལུས། ཕྱི་ནང་བར་དང་གསང་བས་བརྒྱན། བསྲེག་ཆེན་སྤྱི་ཡི་མཉེས་པའི་རྫས། ་རྒྱན་ལྡན་གཟུགས་དང་རྔ་གླིང་སྒྲས། བསུང་ཆེན་དྲི་དང་ཤ་ཁྲག་རོ། ཚ་རྩུབ་རེག་དང་འབྲུ་བཅུད་བཤོས། ཤ་ཆེན་དམ་རྫས་བདུད་རྩིའི་ཚོགས། རབ་ཏུ་བསྟར་ཞིང་འབད ་པས་སྦྱར། དཔའ་ཞིང་རྟུལ་ཕོད་སྐྱེས་བུ་ཡིས། ང་ཡི་སྔོན་གྱི་འཕྲིན་ལས་བཞིན། ཁྲོ་ལ་ཁྲོས་པས་ཞི་མཛད་དེ། ཐམས་གནས་པའི་འབྱུང་ཚན་ལྔ། དྲག་པོ་སྔགས ་ཀྱི་འབྱུང་བར་བསྒོམ། ཀེང་རུས་འབར་བའི་རི་རབ་བམ། དུར་ཁྲོད་འཇིགས་པའི་གཞལ་མེད་ཁང་། བནྡྷ་གནས་རིགས་གསུམ་གྱིས་བརྩིགས། སྟི་ར་གསར་རྙིང་ཚོགས ་ཀྱིས་གཏམས། རཀྟ་དམར་པོ་གྲུབ་ཅིང་འབབ། ཚིལ་ཆེན་དུད་པ་འཁྱིལ་ཞིང་འབྱུང་། དབང་པོ་དོན་སྙིང་འཕྱོ་ཞིང་འབྲུལ། བདུད་རྩི་བཤང་གཅི་དྲི་བསུང་ལྡན། ཡན་ལག་ཉིང་ལག ་རྐང་ཞིང་སྙིལ། ཤུན་དང་པགས་པ་བརྒྱངས་ཤིང་འཕྱར། ཕྱོགས་བཞི་མཚམས་དང་སྟེང་དང་འོག། གཅུས་དང་འཕྱང་དང་བསྐུམ་དང་བརྒྱངས། རྒྱལ་མཚན་དང་ནི་ཟ་ར་ཚགས། ་བ་དན་བླ་བྲེས་ལྷབ་ལྷུབ་དང་། ཕུར་པ་དང་ནི་སྟབ་མ་དང་། ཡོལ་ཀོ་ཀ་མ་ལ་གཏམས་ནི། རབ་ཏུ་མཛེས་པའི་རྒྱན་གྱིས་བརྒྱན། གཞལ་ཡས་འབར་བ་དེ་འདྲ་བ། རབ་ཏུ་བསྔགས ་པ་འདི་ལས་བཤད། དྲེགས་པའི་བདག་པོ་ཡུམ་དང་བཅས། སྦྱོར་ཞིང་དགོངས་པ་དེ་ཉིད་ཀྱིས། བདག་གི་རང་བཞིན་ཡོངས་སུ་བསྐྱེད། འཕྲོ་དང་ཆས་ཀྱི་ཁྱད་པར་དང་། བསྡུ ་དང་རང་གི་གནས་སུ་བརྟག། སྐུར་གྱུར་གང་གི་མཚན་ཉིད་ངོ་བོ་དང་། བྱང་ཆུབ་སེམས་ཀྱི་བྱ་བ་ཡིས། ཡུམ་དང་བཅས་པ་ཡོངས་སུ་རྫོགས། དེ་ཡི་ལས་ཀྱང་སྔར་བཞིན་དུ། ་རྒྱལ་མཛད་རང་གི་ཕྱག་རྟེན་དུ། དམིགས་པ་མྱུར་ལྷགས་དེ་ཡི་འཁོར། བདུད་དང་གཤིན་རྗེ་སྲིན་པོ་དང་། གནོད་སྦྱིན་དྲག་པོའི་ལྷ་དང་ཀླུ། རང་རང་ཆུང་མར་བཅས་པ་དག། ་ངས་བཤད་བཞིན་དུ་འཇིགས་པར་བསམ། སྒོ་བཞིར་གནས་པ་དེ་དག་སྟེ། ལྷ་དང་མ་མོ་རྒྱལ་པོ་གིང་། བཙན་འགོང་རྨུ་དང་མུ་སྟེགས་དང་། རང་གི་སྡེ་དང་དཔུང་དུ་བཅས། ་མ་ལུས་དྲེགས་པ་ཅན་གྱི་ཚོགས། འདི་ལས་རབ་བརྗོད་གང་ཡིན་པ། དེ་ཉིད་དུ་ནི་གས་པ་བར་བྱ། ང་ཡི་སྐུ་དང་གསུང་དང་ཐུགས། ཡེ་ཤེས་རིགས ་ཀྱི་དབང་བསྐུར་ཞིང་། བྱིན་གྱིས་བརླབས་ནས་རྒྱས་བཏབ་སྟེ། དེ་ལ་རང་བཞིན་གནས་པ་བསྟིམ། ཡོངས་རྫོགས་སྐུ་ཡིས་བསྟན་པ་བསྒྲུབ། ཕྱག་འཚལ་མཆོད་པ་འབུལ་ཞིང ་བསྟོད། རབ་ཏུ་མཉེས་པ་རྒྱ་ཆེར་བྱ། ཕྱི་དང་ནང་དང་གསང་བ་ཡིས། བསྡུ་དང་སྦྱོར་དབང་སྒྲོལ་བ་དང་། གནས་དང་རིང་དང་རིམ་པ་དང་། བསྐྱེད་དང་དབབ་པ་མཉེས་པ་ཡི། ་གནས་ལུགས་ལྷུན་གྲུབ་མ་བཅོས་པས། དྲག་སྔགས་རོལ་པ་མ་འགགས་སྤྱོད། རང་གི་ལས་ལ་སྦྱར་བ་ནི། བདུད་ཀྱི་ཁྲམ་དང་གཤིན་རྗེའི་ལྟོཿསྲིན་པོའི་དམར་དང ་གནོད་སྦྱིན་བྱད། ལྷ་ཡི་ཆང་དང་མ་མོའི་རིམས། གཟའ་ཡི་ཀི་ཀང་ཀླུ་ཡི་དུག། ཚེ་ཆད་པ་དང་ཁྲི་མོན་བཅུག། གཅན་གཟན་འཛུམ་དང་ལྕགས་སྒྲོག་ཚུད། ནད་དང ་མཚོན་ཉིད་ཁོང་ཞུགས་དང་། དུག་འཐུངས་ཐོག་བབས་བཞིན་དུ་དྲག། ཐར་ཞེས་བྱ་བ་གདགས་སུ་མེད། བདུད་ནི་མ་བརྟགས་སྲོག་ལ་རྒོལ། གཤིན་རྗེ་འཁོར ་བའི་འཁོར་ལོ་གཅོད། སྲིན་པོ་རལ་གྲིའི་སོ་ཡིས་འགེམས། གནོད་སྦྱིན་གནམ་ལྕགས་ཐོག་གིས་འཇོམས། ལྷ་ནི་འདོད་པའི་མདུང་གིས་སོར། མ་མོ་དཔག་མེད་མདའ ་བཞིན་འབིགས། གཟའ་བདུད་སྟོབས་ཆེན་སྒྱོགས་ཀྱིས་བརྡེག། ཀླུ་ནི་ས་འོག་རལ་གྲི་སོགས། ཐམས་ཅད་འདུལ་ཞིང་གཅོད་པའི་སྔགས། །མུན་པ་གླིང་འཁྲུགས་བདུད་ཀྱི་སྐད། ་དུ་འབོད་ལྟ་བུ་གཤིན་རྗེ་སྟེ། རོ་ལེན་དུར་པ་སྲིན་པོས་འདྲེན། ལྕེ་མདུང་དྲག་པོ་གནོད་སྦྱིན་ན། བཀའ་ཆད་དྲག་རྩལ་ལྷ་ཡིས་སྨོད། ངུ་འབོད་གདུང་བ་མ་མོ་སྟེ། འབྲུག་སྒྲ་གློག ་འབྱིན་བཟའ་བདུད་དོ། ཀླུ་ཡིས་སྦྲུལ་ནག་དུག་གིས་འཇོམས། འཇིག་རྟེན་ལྷ་སྲིན་རང་སྒྲ་ཡིས། ཕལ་པ་རྣམས་ལ་དམོད་པར་བྱེད། དེ་ནི་དྲག་སྔགས་དམོད་པའོ། ཞེས་བཀའ ་སྩལ་ཏོ། །དྲག་སྔགས་འདུས་པ་རྩ་བའི་རྒྱུད་ལས། དམོད་པ་ཉེ་བར་སྒྲུབ་པའི་ལེའུ་སྟེ་དྲུག་པའོ།། །།དེ་ནས་རྡོ་རྗེ་འཛིན་པ་ཡིས། སོ་སོའི་དྲག་སྔགས་དམོད་པ ་བསྟན། ཕུང་བཤིག་བདུད་ཀྱི་དྲག་སྔགས་ནི། རབས་ཆད་ནག་པོའི་ཐོད་པ་རུ། ཤེལ་ནག་སྙིང་དུ་ཉ་འོ་རྩལ། དུར་ཁྲོད་རས་ནག་རྒྱ་ཡིས་གདབ། ཚོན་སྣ་ལྔའམ་ནག་པོས ་བཅིངས། གྲི་ལྕགས་སྦུག་མ་སྲོག་རྩར་གཞུག། ཡུངས་ཀར་ཡུངས་ནག་ཏིལ་ནག་དང་། སྐེ་ཚེ་ཤིང་ཚེ་ཟི་ར་དང་། ཟངས་ལྕགས་རྡོ་ཡི་ཕྱེ་མ་དང་། དུག་ཁྲག་ངར་དང ་བཅས་པ་རྣམས། མུ་སུ་རི་ཡི་ཐོད་པར་བསྡུ། བདུད་ཀྱི་སྲོག་ཏིལ་སྔགས་ཀྱིས་མངག། བདུད་པོ་ནག་པོ་ཁ་མུན་དེ་བ་མི་ལ་ཆོ། ཀ་ལ་མུ་ཏྲི་མཱ་ར་ཡ། དགྲ་བོ་སྙིང་ལིང ་ཙིཏྟ་རྦུད། ནརི་ཟླུམ་ཁྱིགས། བྲམ་བྲམ་རོ་ལ་འདུས། ཟེར་སྤུགས་རོ་སྤུགས་བདུད་རྗེས་ཆོད། བདུད་མོས་རོལ། བདུད་བུས་གཏོར། བམ་ཁྱིགས། པྲ་མ་ནི། ་ཤ་ཏྲུཾ་མ་ར་ཡ་རྦད། མུན་པ་གླིང་འཁྲུགས་ཞེས་བྱ་བ། མ་འོངས་བདུད་ཀྱི་རང་སྐད་དེ། རྟག་ཏུ་བརྗོད་ཅིང་སྦུག་མར་བྲབ། གང་ལ་དམིགས་པ་དེ་མྱུར་དུ། སྣང་སྲིད་བདུད་ཀྱིས ་སྲོག་ནས་འདྲེན། མི་ནག་གོ་ཚོན་བཅས་པ་དང་། སྔགས་ནག་བུད་མེད་མོན་དང་རྡོཿཁྱི་ནག་རྟ་ནག་བྱ་ནག་དང་། རྒོད་ནག་དྲེད་ནག་ཤེལ་ནག་དང་། རི་ནག་མཚོ་ནག ་ཤེལ་ནག་ཚོགས། དམག་དང་འཁྲུགས་དང་འཐབ་པ་དང་། ཁྲིད་དང་གསོད་དང་ཤ་བ་དག། ལས་བྱེད་གྲུབ་པའི་རྟགས་སུ་འགྱུར། དེ་ནས་ཉ་རོ་བསྟབས་ཤིང་བསྒྲལ། ་གྲི་མཚོན་ཕུར་པ་རྣམས་ཀྱིས་གཏུབ། ལྷག་མ་བདུད་རྩི་ཤ་ཁྲག་སྦྱར། ཀུ་ཀུ་ནག་པོའི་ཟས་སུ་སྦྱིན། རོལ་པར་མི་བྱེད་བསྐྱར་ལ་བསྒྲུབ། རུ་ཏྲས་མྱོས་ཤིང་འཐིབས་ནས་འཆི། འཆི་བདག ་གཤིན་རྗེའི་དྲག་སྔགས་ནི། རྒྱུད་མེད་ཕོ་མོ་ཀ་པཱ་ལ། ཟ་མ་ཏོག་ཏུ་ཁ་སྦྱར་ལ། ནང་དུ་དེ་ཉིད་ཙིཏྟ་གཞུག། ཕོ་ཐོད་སྟང་ནས་སྤྱི་བོར་ཕུག། བཅིང་དང་དགབ་པ་དྲང་བ་དག། སྔར ་བཤད་རྫས་ཀྱིས་བྲབ་ཅིང་བརྡེག། ཡ་མ་མེ་ཏ་ཀྵེ། ར་ཙ་ས་ཏོ་མེཿརུ་ཙ་ན་ཡོ་ནི། རོ་མ་ཙ་ནི། ས་མ་ར་ཛ། མུ་ཀ་སྙིང་ཁྲག་རྩ་ལ་རྦད། ཡ་མ་དབུགས་ལ་རྔུབས། རོ་ཙ་ཡ་མ་རཱ ་ཛ། རཱ་ཛ་བཾ་རིལ་རྦད། ཡ་མ་རཱ་ཛ་ཧྲི་སྙིང་གོང་ཆོད། ཡ་མ་སྙིང་། ཡ་མ་ཁྲག། ཡ་མ་དུ་བཾ་རིལ་རྦད། གཤིན་རྗེ་བསྡུས་ཤིང་དྲིལ་བའི་སྔགས། རབ་ཏུ་མངགས་ཏེ་ཙིཏྟར་བྲབ། ཤ་ཁྲག ་ཆེན་པོས་མཉེས་པར་བྱ། གསོད་བྱེད་ནག་པོའི་ཚོགས་རྣམས་ཀྱིས། དོན་སྙིང་རློན་པར་སྟེར་བ་དང་། སྙིང་དང་ཐོད་པ་འཕར་བ་འབྱུང་། དེ་ནས་ལས་ལ་སྦྱར་བྱས་ན། གང་ལ ་དམིགས་པ་མྱུར་དུ་སྒྲོལ། གཏུམ་ཁྲོ་སྲིན་པོའི་དམོད་པ་ནི། མྱུར་ཤིའི་ཐོད་པར་དེ་སྙིང་ནང་། དམིགས་པ་རྣམས་ཀྱི་གཟུགས་བརྙན་དེ། མིང་སྔགས་ལྡན་པ་བཙལ་བྱས་ཏེ། ལེ ་བརྒན་ཁ་དོག་དར་གྱིས་དྲིལ། སྔོན་དམར་སྐུད་པའི་དྲ་བར་གཞུག། སྟིར་གསར་པ་ཁ་ཕྱེ་ལ། དབང་པོ་དོན་སྙིང་ནང་ཁྲོལ་གྱིས། སྲིན་པོ་བསྐང་ཞིང་དམོད་པ་བཟླས། རཀྴ་སྲིན་པོ ་ས་མུན་ཛ། རཀྴ་རུ་ཏྲ་ཧུ་ར་ཧུ་ར་བྷྱོ། རུ་གཉེན་ནག་པོ་དགྲ་ལ་བྷྱོ། དགྲ་བོ་མུ་ལེ་ཤིན་སོད་སོད། ཧབ་ལེ་ཧབ་ལེ་ཁ་ཐུན་བྷྱོ། རཀྴ་ཛ། ཏྲི་ཏ་ཛ། དུ་ར་དུ་ར་ཤན་ཛ། རཀྴ་རྦད། ནརི་མཱ ་ར་ཡ་སོད། དམོད་པ་རྫས་ལ་བཟླས་ཤིང་བརྡེག། མི་ནག་ཤན་པའི་ཚོགས་རྣམས་ཀྱིས། ཁྲིད་དང་གསོད་དང་དོན་སྙིང་སྟེར། ལས་ལ་སྦྱར་བ་ཚུལ་བཞིན་གྱིས། དགྲ་བོའི་དོན ་པོ་མྱུར་དུ་སྒྲོལ། དྲག་སྔགས་གནོད་སྦྱིན་དྲག་སྔགས་ནི། རྟ་དཀར་སྙིང་དང་ཐོད་པ་ནི། ཉའོ་གཞུག་པའི་སྣོད་དུ་བསྔགས། རག་ཆེན་ལ་ཕུག་མུ་ས་ལ། སྙིང་སྣ་ཁྲག་སྣ་སྦྱར་བས ་མཆོད། གནོད་སྦྱིན་སྲོག་ཏིག་དམོད་ལ་བརྗོད། ཡཀྵ་བ་ཧུ་ད་རི་ཛ། མ་ག་ལ་བག་ཤ་ཛ། རུ་རུ་མ་རུ་ཏྲ་མ་ཏི་ཛ། ཡཀྵ་སྙིང་ལ་ཤད་ཤད་དུ་ཛ། ་ཡཀྵ་སྲོག་ལ་བྲེང་ཐུཾ་ཛ། མིང་ཤར་ཚོགས་དང་འོད་དང་སྒྲ། རླུང་དམར་དག་དང་བུ་ཡུག་འོང་། གསང་བའི་རྫས་ཀྱིས་དྲག་ཏུ་བརྡེག། ལྷག་མ་བསྲེག་ཅིང་རླུང་གིས་གཏོར། དེ ་ཉིད་ཁྲག་ཏུ་སྐྱུགས་ཏེ་སྒྲོལ། དྲག་རྩལ་ལྷ་ཡི་དྲག་སྔགས་ནི། ལྷ་གཡག་དཀར་པོའི་སྙིང་ནང་དུ། བརྣག་པའི་གཟུགས་དང་མིང་རུས་བྲིས། སྔོན་དམར་སྐུད་པས་སྐེ་ནས ་གདགས། རྗེ་རིགས་ཐོད་པའི་ནང་དུ་གཞུག། དར་དཀར་གྱིས་ནི་ཁ་བཅད་ལ། ཚོན་སྐུད་སྣ་ལྔས་བཅིང་བར་བྱ། བྱ་རྒོད་དར་མའི་སྒྲོ་རྩ་ནི། སྲོག་རྩར་བཅུག་ལ་དཀྱིལ་དུ ་བརྟོལ། དཀྱིལ་འཁོར་མདའ་གང་གྲུ་བཞི་ལ། དབུས་སུ་གྲུ་གསུམ་ཐུར་དུ་བྲུ། ལྷ་རྡོ་གསུམ་གྱི་སྒྱེད་བུ་ལ། གོང་གི་ཐོད་པ་གཞག་པར་བྱ། མཐུན་རྫས་བཤོས་གཙང་རྔོན ་ཆ་དང་། རུ་དཀར་སྙིང་དང་ཤེལ་དཀར་སྙིང་། བྱ་དཀར་སྙིང་དང་རུ་མཚོན་དང་། བ་དན་དཀར་པོ་རྟེན་དུ་གཟུགས། ཡུངས་ཀར་སྔགས་ཀྱི་མདའ་ཆོག་ནི། ཐུན་གྱི་རྫས་སུ ་གཞག་པར་བྱ། དྲག་སྔགས་སྙིང་གི་ནང་དུ་བྲབ། སྟོབས་ལྡན་རྡོ་རྗེ་འཛིན་གསལ་བས། ལྷ་རྣམས་འདུས་པའི་སྔགས་རྣམས་བསྦྲེང་། མཧཱ་དེ་བ་ཏི་ཛ་ཏི་ཛ། ས་མ་ཕྲ་མ ་ན་རག་ཤ་ཀཾ་ཀ་ལ་ཡ་ཧཱུཾ། དེ་བ་རཱ་ཛ་མཧཱ་ན་ཛ། དགྲ་བོ་མཱ་ར་ཡ་ཐུན་རྦད་ཐུན་རྦད། ཤག་སེན་ཛ་ཛ། ཤག་སེན་ཛ་ཛ་ཧཱུཾ་ཧཱུཾ། ཙ་ཏུ་ར་མུ་ཁ་རག་ཤ་མ་ན། ཀངྐ་མ་ཡ་ཧཱུཾ། མཧཱ་དེ་བ ་ཨ་མུ་ཀ་མཱ་ར་ཡ་སོད། འཇིག་རྟེན་གྲགས་པ་མཐུ་རྩལ་ཅན། ལྷ་ཡི་བོད་རྦད་གསད་གསུམ་དྲིལ། དྲག་ཏུ་བཟླས་ཤིང་སྙིང་ནས་བྲབ། རྟགས་ནི་རྒྱལ་པོ་རྗེ་དཔོན་དང་། སྐྱེས་པ ་སྟག་ཆས་དར་མ་དང་། ཞུབ་ཅན་ཕོ་ཚོགས་འོང་བ་ནི། གསོད་གཅོད་བྱེད་དང་སྙིང་འབྱིན་དང་། དངོས་སུ་སྙིང་ཕྱུང་འཕང་བ་འོང་། རྟགས་བྱུང་སྙིང་ནས་ལིངྒ་དབྱུང་། མཚོན ་གྱིས་གཏུབས་ལ་མེ་ལ་བསྲེག། ཐལ་བ་ཉའོ་བྱས་ནས་ནི། ཐོད་པར་བཅུག་ལ་ལྷ་རྟེན་ནམ། འཇིག་རྟེན་ལྷ་ཆེན་གནས་སར་མནན། ལྷ་ཡི་དལ་ཡམས་དགྲ་ལ་ཕོབས། ནད ་བདག་མ་མོའི་དྲག་སྔགས་ནི། ནརྀ་དྲིའི་མོ་ཡི་ཐོད་པ་རུ། དེ་ཡི་སྙིང་ནང་ལིངྒ་གཞུག། མཐིང་ནག་དར་གྱིས་ཁ་བཅད་ལ། ཐོད་པ་ཚོན་སྐུད་ལྔ་ཡིས་བཅིང་། དཀྱིལ་འཁོར་མཐིང ་ནག་གྲུ་གསུམ་དབུས། ཐོད་པ་བཅུག་ལ་བསྒྲུབ་པར་བྱ། སྨུག་ནག་གསུམ་གྱི་སྙིང་ཁྲག་གིས། མ་མོ་འཁོར་དང་བཅས་པ་མཆོད། ཡུངས་ཀར་ཡུངས་ནག་སྐེ་ཚེ ་སོགས། དྲག་པོའི་ཐུན་རྫས་ཚོགས་ཚད་ལ། མ་མོ་རྣམས་ཀྱི་རྨོད་པའི་སྔགས། མ་མོ་སྙིང་ཁ་རག། མ་མོ་སྙིང་ཁ་རག། མ་མ་རཀྴཿམ་མ་རཀྴ། ཏྲག་རཀྵ་སྙིང་ཁྲག་ལ ་ཧུབས་ཛ། སྙིང་རྩལ་དུན་དུན། ཏྲག་རཀྴ་མ་མ་ཛ་ཛ། དམ་དམ་དགྲ་སྙིང་རྦད་ནན། མ་མ་ནརྀ་སྙིང་ཙིཏྟ་ལ་ཐུན་ཐུན། ཏྲག་རཀྴ་ཏྲག་ཤ་མོ་ཐུན་ཐུན། མུགས ་མུགས་མྱོགས་མྱོགས། རྦད་རྦད། ཛ་ཛ་མ་མ་ཐུན། སྙིང་ཁྲག་ཐུན། ཏི་ཏ་མ་མ་རག་མོ། ས་མ་ཡ་བྷྱོ་བྷྱོ། མ་མོའི་སྲོག་ཏིག་བསྡུས་པ་ཡིས། གསད་པ་ལས་ཀྱི་ངན་སྔགས ་འདི། གྲི་ལྕགས་ལས་བྱས་སྦུ་གུ་འམ། བྱ་རྒོད་སྒྲོ་རྩའི་ནང་ནས་སྔགས། མ་སྲིང་མོན་མོ་བལ་མོ་དང་། བྱི་མོ་ལ་སོགས་བུད་མེད་ཚོགས། བྱ་ནག་རྒོད་ནག་ཚོགས ་ཆེན་ལྷགས། དངོས་སུ་ཤ་དང་མགོ་སུག་སྟེར། ཙིཏྟ་དངོས་སུ་འཕར་བ་དང་། གསད་རྟགས་ཡོངས་སུ་རྫོགས་པ་དང་། སྙིང་ལ་ཕུར་པས་གདབ་ཅིང་གསད། དུག་ཤིང ་མེ་ལ་སྦྱིན་སྲེག་བྱ། ཐུན་ཁྲག་དམིགས་པའི་དགྲ་ལ་འཕང་། ཐལ་བ་བསྡུས་ལ་ཉ་འོ་བྱ། དུར་ཁྲོད་དབུས་སུ་གནས་པར་བྱ། རིམས་ནད་དག་གིས་དམིགས་པ་སྒྲོལ། ་དྲག་པོ་གཟའ་ཡི་དྲག་སྔགས་ནི། མོན་པ་ནག་པོའི་ར་རོག་པོའི། ཐོད་པར་སྙིང་ནང་ལིངྒ་གཞུག། སྲོག་རྩར་གྲི་ལྕགས་སྦུ་གུ་གཞུག། ཡུངས་ཀར་ཡུངས་ནག་ཟངས ་ལྕགས་ཕྱེ། ཐུན་དུ་སྔགས་ཏེ་ཐོད་པར་བྲབ། མ་ར་བ་ཤ་མི་ཀི་དུ་རུ་དུ་རུ། མ་ཏི་ཛྭ་ལ་ཏི་ཛ། ཙ་བ་མ་ནི། རུ་རུ་ར་ཧུ་ལ། ཨ་ཏྲ་ཏ་ཏྲ་པདྨ་ཤ་ར་ཤ་ར་ཤསྟ། ཨུ་མུ་ཀ་མུ་ར་རུ ་ཕཊཿཏྲི་ལིངྒ་ཤངྐ་དུ་དྲི། ཛ་ཛ་ཡག་ཤ་ཐུན། བུམ་དྲིལ་ཤི་ནིཾ་བ་བྷ་བ་ཧིཿཁ་ཡག་ཁ་དུན་ཏི། རུ་ཏི་ཤུ་ཏི་ཏྲིག་ཤུལ་པྲ་ཏི། མཱ་ར་ཡ་ཛ། དབང་ཆེན་གཟའ་ཡི་དྲག་སྔགས་འདི། དྲག་པོའི ་རྫས་ལ་སྔགས་ཏེ་བརྡེག། ཤ་རུལ་ཁྲག་རུལ་བཙོས་དང་རྗེན། དཀར་གསུམ་མངར་གསུམ་རྫས་ཀྱིས་མཆོད། ཉི་ཟླ་ཀླད་ལ་འཁོར་བ་དང་། མོན་པ་ནག་པོ་འོང་བ་དང་། ་སྦྲུལ་ཆེན་གཤོག་ཅན་འཁྲུག་པ་དང་། བར་སྣང་འཇའ་ཡིས་ཁེངས་པ་དང་། དགྲ་བོ་དངོས་སུ་ཁྲིད་ནས་འོང་། རྒོད་དང་རི་དྭགས་གསོད་པ་དང་། དོན་སྙིང་ནང་ཁྲོལ ་སྟེར་ཞིང་རོལ། དེ་ལྟའི་གསོད་རྟགས་རྫོགས་པ་དང་། སྙིང་དང་ལིང་ག་ཧོཾ་མེར་བསྲེག། ཐུན་རྫས་དགྲ་ཡི་ཡུལ་དུ་གཏོར། ཐོད་པ་ཀླུ་ཡི་རྟེན་སར་སྦ། ཆུ་འཁྱགས་སེར ་བ་དྲག་ཏུ་དབབ། ཧུར་ཐུམ་ནད་ཀྱིས་གློ་བུར་འཆི། ཁ་ལྐུགས་རྐང་ལག་རེངས་པར་འགྱུར། གདུག་པ་ཀླུ་ཡི་དྲག་སྔགས་ནི། ལུང་གསུམ་འདུས་པའི་དབེན་གནས ་སུ། སྟེགས་བུ་མཐིང་ནག་གྲུ་གསུམ་བྲུས། དགྲ་ཡི་ཕ་མེས་མགོ་བོ་འམ། ཡང་ན་མཛེ་ཅན་ཐོད་པ་རུ། དགྲ་ཡི་མིང་རུས་བྲིས་ཏེ་གཞུག། གཙང་མའི་སྣོད་དུ་དཀར་གསུམ ་དང་། མངར་གསུམ་ཀླུ་སྨན་སྣ་ཚོགས་དང་། རྟག་ཏུ་མཆོད་ཅིང་བསྔགས་པར་བྱ། ཨོཾ་ནག་པོ་ཏི་པ་ཙ་ཡ། ནཱ་ག་རཱ་ཛ། དག་བོ་ཧེ་ཁུ་ལ་ཕེ་ཤན། ན་ག་ཕོས་ཕོས། ་ཤིགས་ཤིགས། ཧུ་ཡ་ཧུ་ཡ། ཏི་ཡ་ཏི་ཡ། ཏི་པ་ཙ་ཏི་པ་ཙ། ཨ་ཤ་ནག་པོ་ཏི་པ་ཙ་ཡ། ནཱ་ག་རཱ་ཛ་དགྲ་བོ་མ་ར་ཡ་རྦད། ཤཀྟི་རྦད། སྲོག་ཏི ་རྦད། སྙིང་ཏི་རྦད། སྙིང་ལ་རིལ་ཤམ་ཤམ་རྦད། ཨོཾ་ཤན་ནག་པོ་ཕེ་རག་ཨུདཱ་ནཱ་ག་རཱ་ཛ་ནན། ཐི་ལི་ནན། ཕོ་ལི་ནན། དྲག་ཏུ་བརྗོད་ཅིང་བསྒྲུབ་པ་ཡིས། མེ་ཆེན་འབར ་དང་ཆུ་ཆེན་བྲུབ། བ་ལང་སྤལ་སྦྲུལ་སྡོམ་སྡིག་ཚོགས། ཤིང་གཅོད་ས་སྙིལ་བྲག་རལ་སོགས། ལུས་ལ་ཤུ་བ་སྐྲང་ལོ་བྱུང་། སྟོབས་ལྡན་གཉེན་པོས་དྲག་ཏུ ་བཅུན། དེ་ནས་བྱང་བལྟས་ཆུ་མིག་ཏུ། བྷ་ལིང་གཏང་ཞིང་བདེན་པ་བདར། ཐོད་པ་ལིངྒར་བཅས་པ་མནན། ཀླུ་རྒྱལ་འཁོར་དང་བཅས་ལ་གཏད། ཕུང་པོ་ལྷག ་མེད་གཏང་བར་བསམ། གནས་སུ་བྱིན་ལ་བསྲུང་བར་བྱ། དགྲ་ནི་མཛེ་དང་རྨུགས་པས་འཆི། སྡེ་བརྒྱད་སོ་སོའི་དྲག་སྔགས་ཀྱིས། འཇིག་རྟེན་ལས་ཀྱིས་མནར་བ་ཡི། ་བསྟན་པའི་རུ་ཏྲ་གདུག་པ་ཅན། མ་ལུས་རྣམས་ཀྱི་གཤེད་དུ་འགྱུར། ཞེས་བཀའ་སྩལ་ཏོ། །དྲག་སྔགས་འདུས་པའི་རྩ་བའི་རྒྱུད་ལས། དྲེགས་པའི་སྡེ་སོ་སོའི་ལས ་ལ་སྦྱར་བ་དྲག་སྔགས་ཀྱི་ལེའུ་སྟེ་བདུན་པའོ། ། །།དེ་ནས་རྡོ་རྗེ་འཛིན་པ་ཡིས། འཇིག་རྟེན་དྲེགས་པ་ཅན་རྣམས་ཀྱིཿསོ་སོའི་རིགས་དང་གཏན་ཚིགས ་དང་། སྡེ་དང་ལས་ཀྱི་བྱེད་པ་བསྟན། སྔོན་གྱི་འཇིག་རྟེན་ཁམས་འདི་ཉིད། ཕུང་པོ་ཉོན་མོངས་ལ་བརྟེན་ནས། ང་རྒྱལ་དྲེགས་པའི་དབང་གིས་མྱོས། རང་གཞན་ཀུན ་ལ་འཚེ་ཞིང་རྩོད། གནས་ངན་ལེན་གྱིས་ཁ་ཁྲིད་བྱས། ལེགས་པའི་ལན་དུ་ཉེས་པར་སྤྱོད། མ་རིག་རྩ་བ་ཡན་ལག་གིས། གཏི་མུག་མུན་ཐིབས་བདུད་དང་ཀླུ། ང ་རྒྱལ་སྟོབས་ཀྱི་དྲེགས་པ་བདག། ལྷ་དང་རྒྱལ་པོ་གོལ་སར་འགྱུར། ཕྲག་དོག་གཟའ་དང་གཤིན་རྗེའི་རིགས། འདོད་ཆགས་མ་མོ་གནོད་སྦྱིན་རིགས། ཞེ་སྡང་བཙན་དང ་སྲིན་པོར་གོལ། སྲོག་ལུས་འབྲེལ་བས་བདུད་ཅེས་བྱ། ཡི་དྭགས་གཤིན་རྗེ་རྡོག་རྣམས་རྗེ། ཕྲ་མོར་རྒྱུ་བ་སྣང་ཞིང་དྲེགས། དེ་ཡི་དོན་གྱིས་སྲིན་པོར་བྱུང་། གང་གིས ་གནོད་པ་སྦྱིན་བྱེད་པ། དེ་ཡི་རིགས་དང་མཚན་ཉིད་དོ། གང་ལས་བསྐྱེད་པ་མ་མོ་སྟེ། སྐྱོད་བྱེད་ནུས་པ་ལྷ་ཡིན་ནོ། གདུག་ཅིང་གཏུམ་པས་མི་འཆོར་བ། གཟའ་ཞེས ་བྱ་བར་བརྗོད་པ་ཡིན། བླུན་ཞིང་མྱོས་པས་ཀླུ་ཞེས་བྱ། འགྲོ་བ་རིགས་དྲུག་སོ་སོ་ལ། བདུད་དང་ལྷ་དང་ལྷ་མིན་ཏེ། གནོད་སྦྱིན་གཟའ་དང་རྒྱུ་སྐར་བཅས། རྒྱལ་ཆེན ་རིགས་བཞིའི་ལྷ་ཡི་སྡེ། མ་མོ་སྲིན་པོ་མི་ཡི་སྡེ། གཤིན་རྗེ་ཡི་དྭགས་སྡེ་ཡིན་ཏེ། ཀླུ་ནི་བྱོལ་སོང་སྡེ་ཡིན་ཏེ། བདུད་རིགས་ཕོ་དང་མོ་ཡི་རིགས། ཡེ་ནས་གནས་དང་གློ ་བུར་བྱུང་། འཐབ་དང་མྱོས་དང་དྲེགས་པར་བྱེད། སྲེད་དང་ཆགས་པར་བྱེད་པ་སྟེ། གཤིན་རྗེ་ལས་དང་ཞིབ་སྟེ། གཟུགས་ཅན་གཟུགས་མེད ་དབང་ཅན་དང་། དབང་མེད་གྱི་དང་ནང་ཁྱད་པར། ལས་ཀྱིས་རབ་ཏུ་བསྒྲིམས་པ་ཡི། སྲིན་པོ་ཤ་ཟ་རྒན་མོ་ཅན། སྤྲུལ་པ་དང་ནི་གཟུ་ལུམ་ས་ཅན། རབ་ཏུ་རྒྱུ་དང་གཅིག ་པུ་གནས། །གནོད་སྦྱིན་གཙོ་དང་འཁོར་གྱིས་བརྟགས། གྲོལ་བ་དང་ནི་རང་རྒྱུད་དེ། ཐ་དད་རིགས་ནི་བཅོ་བརྒྱད་དེ། གནོད་ཅིང་འཚེ་བའི་བདག་ཉིད་ཅན། ལྷ་ནི་འདོད ་པའི་གཟུགས་ཅན་དང་། གཟུགས་མེད་ལྷ་མ་ཡིན་དུ་གཏོགས། རབ་ཏུ་གདུག་རྩུབ་ཚེ་བས་ནི། ལྷ་མིན་མི་མ་ཡིན་དུ་གྲགས། གང་ལས་བྱུང་དང་གང་ལས་སྲིད། ། ་གང་གིས་བསྐྱེད་པའི་གཞིར་གྱུར་པ། མ་མོ་ཞེས་སུ་གྲགས་པ་སྟེ། ལས་དང་ཡེ་ཤེས་བསྡུས་ཤིང་ཕྱེ། ཕྲ་དང་རགས་པའི་ཁྱད་པར་གྱིས། ཆེ་ཆུང་གཙོ་དང་འཁོར ་དུ་སྣང་། མཁའ་ལ་རྒྱུ་བའི་དྲག་ཤུལ་ཅན། ལས་ཀྱི་ཕུང་པོ་ཁོ་ན་འོ། རྒྱལ་པོ་བླ་རྗེ་བྲམ་ཟེ་དང་། དམངས་དང་གདོལ་པ་ཅན་རྣམས་ཀྱིས། ཉི་ཤུ་རྩ་ལྔའི་ཡན ་ལག་འགྱུར། ཐ་དད་རིགས་ནི་སྡེ་ཡིན་ནོ། འདི་དག་ཐོག་མའི་ལས་ཀྱི་དངོས། དངོས་དང་རང་བཞིན་མཚན་ཉིད་ཀྱིས། མ་རིག་འཁྲུལ་པའི་གཟུང་འཛིན་བྱུང་། ་བདག་ལྟ་བག་ལ་ཉལ་དུ་གནས། གཡོ་འགུལ་ཕྲ་མོས་ཀུན་ནས་ལྡང་། འཁྲུག་ཅིང་འཚེ་དང་རྩོད་པར་ཤར། བསོད་ནམས་ལས་དང་དེ་མ་ཡིན། ལས་ཀྱི་མཐའ་གཉིས་གཡང ་སར་ལྟུང་། ནག་ཅིང་མི་དགེ་ཟག་པར་བཅས། ཁ་ནས་མ་ཐོ་ལུང་མ་ལོག་པ་ལུས་ངག་ཡིད་གསུམ་གྱིས། གནས་ངན་ལེན་པའི་རྒྱུན་ཆགས་མཐུང་། དུས་གསུམ ་ཕྱོགས་དང་བཅས་པ་ཡི། རྗེས་སུ་འགྲོ་དང་བཟློག་པ་ཡིས། འཁོར་བའི་རྟེན་གཞི་དམ་པོ་བཙུགས། སོ་སོར་མ་རིག་སྲོག་ལ་གཅོད། ལོངས་སྤྱོད་འཕྲོག་ཅིང་རྣམ ་པར་འཚེ། གཟི་མདངས་འབྱོར་པ་སྡེ་དང་བཅས། གང་ཡིན་འཇོམས་ཤིང་རླག་ནུས་ལ། རྒྱུད་ལ་སྡུག་བསྔལ་སྐྱེད་བྱེད་པ། མ་རུངས་ཉེས་པ་འབྱིན་བྱེད་ལས། སྲོག ་ལེན་ཚེ་འཕྲོག་གཅོང་དང་ཤ། མྱོས་འཐིབས་བྱི་ནད་རིམས་དང་ཡམས། གཅོག་འགྱེལ་གདུག་པའི་ནད་འབེབས་ཤིང་། རྨེ་དང་འཁྲུག་པ་རྩོད་པ་དང་། ཐོར་ཤོད་ལས་དང ་དམོད་པ་ཡིས། རང་གི་སྡེ་ལས་རེ་རེ་ཡང་། ཀུན་ལ་ཁྱབ་པ་བརྒྱད་བརྒྱད་དེ། དྲུག་ཅུ་རྩ་དྲུག་ཡན་ལག་བཅས། ལས་ཀྱི་དབྱེ་བ་བསམ་མི་ཁྱབ། དྲེགས་པའི་བདག་པོ་སོ ་སོ་ཡི། རང་བཞིན་དགོངས་པའི་བྱེ་བྲག་གིས། དུས་གསུམ་སངས་རྒྱས་བསྟན་པ་དག། ཚུལ་བཞིན་སྲུང་བའི་དམ་ཚིག་ཅན། དྲག་སྔགས་ལས་ཀྱི་དམོད་པ་ལ། བརྒྱ ་དང་བཅུ་གཉིས་བཅུ་དྲུག་གིས། ནུས་པ་རྫུ་འཕྲུལ་མཐུ་ལ་སོགས། རང་གི་རིགས་ལ་གང་སྔགས་པ། དེ་དང་དེ་ལ་རབ་སྦྱར་བས། ལས་ཀྱི་མཐའ ་ལ་གང་དམིགས་པ། རྡོ་རྗེ་ཅན་གྱིས་ཡོངས་གྲུབ་སྟེ། ང་ཡི་སྟོབས་དང་ནུས་པ་དང་། མཐུ་དང་རྫུ་འཕྲུལ་ཡོན་ཏན་ཚོགས། ལུས་ངག་ཡིད་ཀྱིས་རབ་འབད་པ། གང་ཡིན ་དེ་ལ་མངོན་པར་འབྱུང་། དེ་ཡིས་ཐུན་མོང་ཡོངས་འགྲུབ་ཅིང་། མཐར་ཕྱིན་པ་ཡང་ལེན་པར་བྱེད། འདི་ལས་མ་འོངས་རྙོག་པ་ཅན། ཐེ་ཚོམ་བསྐྱེད་པར་མ་བྱེད་ཅིག། ་ང་དང་རྒྱལ་བ་ཐམས་ཅད་ཀྱིས། འདི་ནི་རབ་ཏུ་བསྔགས་པའོ། ཞེས་བཀའ་སྩལ་ཏོ། །དྲག་སྔགས་འདུས་པ་རྩ་བའི་རྒྱུད་ལས། །དྲེགས་པ་ཅན་གྱི་སྡེ་རིགས་དབྱེ་བ ་བསྟན་པའི་ལེའུ་སྟེ་བརྒྱད་པའོ། ། །།དེ་ནས་རྡོ་རྗེ་འཛིན་པ་ཡིས། ལས་ལ་སྦྱར་བའི་རིམ་པ་གསུངས། དུར་ཁྲོད་ཆུ་གླིང་རི་རྩེ་དང་། ཆུ་འདུས་ངམ་གྲོག ་འཇིགས་སུ་རུང་། ཕུང་ཤུལ་ནགས་ཁྲོད་མ་རུངས་པ། དྲེགས་པ་ལས་ཀྱི་གནས་ཡིན་ནོ། མི་རུང་མི་གསང་ཕུང་ཤུལ་ས། རྡུར་ཟད་ཕེ་ཏ་རུལ་ཆད་ས། ས་སྨིན་དྲི་ཆེན ་མ་རུངས་ཁྲག། ལས་ཀྱི་རྟེན་འབྲེལ་དམིགས་པའི་རྫས། རྟ་ནག་དྲེ་ནག་མ་ཧེ་དང་། ཆུ་གླང་དང་ནི་སྟག་སེང་དང་། རྟ་དཀར་ནེ་ལེ་རྒོད་དཀར་དང་། དོམ་ནག་རྨུ་རྟ་བན ་གླང་དང་། འབྲུག་ཆེན་རྨ་བྱ་རུས་སྦལ་དང་། བྱ་ཁྱི་ཀུ་ཀུ་ཤེལ་དང་མི། རྒྱལ་མཚན་ཐོད་པ་སྙིང་དང་ཁྲག། བདུད་རྩི་འབྲུ་བཅུད་བྱང་ཆུབ་སེམས། རང་གཟུགས་སྙིང་པོ་འཁོར ་ལོར་བཅས། རྒྱན་ལྡན་ཤོས་ཆ་མཐུན་པའི་རྫས། དམ་ཚིག་མཆོད་ཅིང་བརྟེན་པ་འོ། སོ་སོར་བསྔགས་པའི་ལས་ཁུང་དུ། ཐོད་ངན་འབྲུ་ནག་དུག་ཁྲག་གཡོས། རྒྱུ་གསུམ ་ཕུ་ས་མཚོན་ཆ་རྣམས། གསད་པ་ཐུན་གྱི་རྫས་ཡིན་ནོ། རྨེ་ཁྲག་གསུམ་དང་དྲི་ངན་གསུམ། སྲོག་ཆགས་གསུམ་དང་རྨེ་རྫས་གསུམ། ཐབས་རྫས་གསུམ་དང་བསྲེག ་རྫས་གསུམ། རྟེན་ས་གསུམ་དང་དྲིལ་ས་གསུམ། བཞུགས་ས་གསུམ་དང་དབབ་ས་གསུམ། ཀུན་རྫོགས་རྩོལ་བའི་སྦྱོར་བ་ཡིས། ཆུ་དྲག་དབབ་པ་ངེས་པར་འགྲུབ། ་རིགས་སུལ་སྣོད་དང་མཆོད་རྫས་དང་། གནས་སྦྱོང་བྱང་ཆུབ་སྲིད་འདོར་བློས། ལེགས་བསླངས་ཡིད་ཀྱིས་མཐུན་སྤྱད་པས། གང་ལ་དམིགས་པ་དེར་གཏད་པས། ཆོས ་སྐུའི་གཟུགས་བརྙན་རྟེན་ཁང་ལ། སྟེང་འོག་གནས་གསུམ་བདག་པོ་གསུམ། རྒྱ་མཚོའི་གཏིང་དང་རི་རབ་ཟུར། བར་སྣང་ཁམས་དང་ནམ་མཁའི་དབྱིངས། སྲུང་དང ་ཟློག་དང་གསོད་པའི་ལས། དམག་དཔུང་བསྡུ་དང་དཔལ་སྐྱེད་དང་། རབ་ཏུ་ཁྲོས་དང་སྦྱོར་བ་ཞིག། ལས་ཀྱིས་ཕ་རོལ་དམོད་པས་བཟློག། ངན་པའི་ཐོད་པ་སྣ་གསུམ ་དང་། ཤིས་པ་མ་ཡིན་ས་བརྒྱད་དུ། རྟེན་ཅིང་འབྲེལ་པ་འབྱུང་སྦྱོར་བས། དམིགས་པའི་ནུས་སྟོབས་གནོན་པར་བྱེད། ཁྱད་པར་ལས་ཀྱི་བྱེ་བྲག ་གིས། རྒྱལ་པོ་ཡ་རབས་རྗེ་དཔོན་དང་། ཆུང་མ་སློབ་དཔོན་མཁན་པོ་དང་། རབ་བྱུང་ཁྱིམ་བསྔགས་སྤྱོད་དང་། ཕྱི་རོལ་ཕྱོགས་དང་ཆོས་ཀྱི་གྲོགས། ཆེ་བཙན ་དྲེགས་པས་སྙེམས་པ་དང་། ང་རྒྱལ་ལྡན་ཞིང་སྐལ་བ་བཟང་། ཀུན་གྱིས་བཀུར་ཞིང་བརྗོད་པ་དང་། སེམས་རྒྱུད་བསྲེལ་དང་ཡུན་གྱིས་དྲིན། ཉེ་བར་བསྟན་ཅིང་བསླབ ་སྦྱོང་གནས། ལྷག་པའི་ལྷ་ཡིས་རབ་བསྐྱངས་ཏེ། ཐུན་མོང་ནུས་པའི་སྟོབས་རྙེད་ཅིང་། ཡོན་ཏན་གཅིག་གིས་རབ་བསྡུས་པས། ཚར་གཅད་དཀའ་བའི་ཡུལ་ཡིན ་ཏེ། མ་ལུས་གང་ལ་བསྔགས་པ་ཡི། ཏིང་ངེ་འཛིན་དང་དམིགས་པའི་གྲོགས། རབ་སྔགས་བརྩོན་འགྲུས་ཅན་གྱིས་བསྒྲལ། གཞན་ཡང་ཞི་དང་རྒྱས་པ་དང་། དབང ་དང་མངོན་པར་སྤྱོད་རྣམས་དང་། རྡོ་རྗེ་འཛིན་པ་ང་དང་གཞན། མཚུངས་ལྡན་རྣམས་ཀྱིས་བཤད་པ་བཞིན། ཐོགས་མེད་ནུས་པའི་སྟོབས་ཀྱིས་སྤྱད། དེ་དག་གསང ་བའི་དམོད་པ་ཡང་། དྲེགས་པ་སྡེ་བརྒྱད་སོ་སོ་ཡི། གལ་གནད་སྙིང་པོ་འདི་དག་གོ། ཡ་མ་དུ་ཧ་ན་ཧ་ན་ཏིཥྚ་ཏིཥྚ་རུ་ཏྲ་མ་མ་སོད་སོད། ཁ་ཏྲི་ཙམ་ཏྲི་ཛ་ཛ་ཤོག་ཏྲི་ཛ ་ཡགྴ་ཛ་ད་ཏྲི་ཛ་ཤ་ཏྲི་པ་ཏྲི་ཛ། ཙི་ཏ་པྲ་མ་ཡ་ཨ་མུ་ཀ་སྲོག་ལ་ཛ་ཛ་བྷྱོ། ཏྲི་ཙ་པ་ལ་ཨ་ཤུགྨེ། ཨ་བྷི་ཤ། ཨ་བྷི་ཤུ། ཙ་ག་ཏྲི་རགྴ་ས་མ་ཡ་དུན་ཐུམ་རིལ་ལི་ལི། མྱགས་མྱགས ་མྱོགས། སྲོག་ལ་ཐུན་རྦད། རག་ཤ་སྲོག་ལ་ཕྲིག་ཕྲིག། ཨ་པ་ཏི་ལི་ཀི་ནི་ཡ་མ་ཤྲི་ཧྲི་སྟི་བྷྲི་ཀྲི་ཏ་ན་ཀྲོ་མ་རི་པ་ཏྲ་སྲོག་ལ་དུན་བྷྱོ། མཧཱ་ཡཀྴ་ཐུམ་རིལ་རྦད། མ་རུ་ཙེ་ངྒ་ཤ ་གྡི་པ་པྲ་མ་ལིང་། གསོད་སྒྲ་གཅོད་བྱེད་འཕྲོག་བྱེད་ཀྱིས། མ་ལུས་ལས་ལ་བསྔགས་པར་འགྱུར། ནརྀ་ཧུར་ཐུམ་ཛ། ཤ་ཏྲུཾ་མ་ར་ཡ་རྦད། ཨ་མུ་ཀ་མ་ར་ཡ་ནུ་མ་ཀ་མ་རུ ་སོད་སོད། གསད་པ་ཐུན་གྱི་དམོད་པའོ། བྱི་ཤ་མི་ཀི་དུ་རུ་མི་ཏྲི་ཀ་ཏ་ཛྭ་ལ་ཨ་ཏ་ཛྭ་སྭཱཧཱ། ཙ་པ་ཏི་ར་ཧུ་ལ་མཧཱ་ཀྲོ་དྷ་ཀ་པ་ཤར་ཤར་ཏ་ཤར་ཏི་ཧཱུཾ་ཕཊ། བི་ཤུ་ལ་དུ་མ་གི་ཤ ་ཛྭ་ལ་ཨ་ན། མ་ཧཱ་ཙནྡྷ་རཀྴ་ཧྲི་དྷ་ནརྀ་མ་ཡ་རུ་ཏྲ་ས་ཏྲི་བྱི་ནག་ར་ཙ་བེ་ག་ཨ་ནནྟ་རཀྵ་ཏི་སནྡྷ་རཀྵི་ན་ཙ་ཏ་བྷ་མི་ཀུ་རུ། མུ་ཧྲི་ཙནྡྷ་དུམ་བུ་དུམ་བུ། ཁ་ལ་རག་ཤུ་ཐུམ་རི་ལི་ལི། མ ་མ་ས་མ་ཡ་ཏྲག་རཀྴ་ཏྲག་རག་ཤ་མ་ཏྲི་ག་ན། མ་ས་ཁ་ཡ་ཀུ་རུ་ཏི་ཙི་བྷ་ལི་མུ་ཏ་ད་ར་ད་ར། ཏྲི་ཀ་ར་མི་ཏྲིཿདུལ་དུལ། སྙིང་ཁྲག་ལ་རིལ་རིལ། རྩ་ལ་ཐུན་ཐུན། ཏྲག་རཀྨོ་ཧྲིལ ་ཧྲིལ། ཤག་ཤག་ཤར་ཤར་རྦད། མ་མ་ཙག་ཤ་ཏྲག་ཏུ་ཕྲོམ། ཨ་སེ་ལ་མི་བྱི་རུ་ལུ་རུ་ལུ་མ་མ་ཏྲག་རཀྴ་ཧྲིལ་ཧྲིལ་ཤར་བྷྱོ། མ་ར་ཡ་རཾ་ཧྲིལ་ཤར་བྷྱོ། ཤེལ་ཏྲ་ཧཱུཾ་དྲག་དུ་རྩར ་ཤུ་ཏི་ཕྲོཾ་ཀར་ཕྲོཾ། ཕྱིར་མ་ཏི་པ་ཤ། མི་ཀི་རི་ར་ཧུལ་ཤག་ཧྲིལ་ཕོབ། ཁྲག་ལ་ཙ་ར་མུ་ཤ་བྷྱོ། ཏྲག་རཾ་ཐུན་ཤག་རིལ་རཾ་ཤར་བྷྱོ། བདུད་ཕྲོཾ་ན་ག ་ཧྲིལ་སེན་ཤགས་དུ་མ་ཧྲིལ་བྷྱོ། བྲ་ཏ་པ་ཤ་ཡ་ཡ་མ་སྙིང་ཡ་མ་ཁྲག། ར་ཧུ་ལ་ཧྲིལ་ཧྲིལ་ཤག་ཤག། སེར་སེར། ཏུག་ཏུག་ཡ་ཡ་ཕོབ་ཕོབ། མུ་ཀ་ཡེཿཀ་པ་ཡེཿ ་པ་ཡེཿཧྲི་སྟི་བྱི་ཀྲིན་ཏེ། ཛ་པ་ཏི་ར་ཧཱུཾ་ལ་མ་ཧཱ་ཀྲོ་དྷ་ཀ་བབ་ཏ་ཤར་ཤལ་ཏ་ཏེ་ཧཱུཾ་ཕཊ། ཐིག་ནིག། ཤུ་ཏི་ཕྲོཾཿབདུད་ཕྲོཾཿམཐོངས་ཕྱེ། ལྕགས་སྒྲོག་ཁྲོལ། མི་རིང ་སོང་། རྐྱང་རྗེ་རྐྱང་མོ། ཙུ་རུ་ཙུ་རུ། ཧོ་ཧོཿཕྲོཾ་ཕྲོཾ། མུ་ར་མུ་ར་ཤ། དུ་རུ་ཕྲོཾ། ཐོག་ཧཱུཾ་ཧཱུཾ་སོད་སོད། རླུང་དང་སྤྲིན་དང་རབ་རྒྱུ་དང་། ཕྱོགས་དང་རྟགས་ཀྱི་ཚད་ལྡན ་པས། དབབ་པའི་སྦྱོར་བ་ཤེས་པར་བྱ། སྟེང་འོག་བར་གསུམ་དྲག་པོའི་ལས། གཞུག་དང་གཏོར་དང་བསྲེག་པ་དང་། བསྐོལ་དང་དགུག་དང་སྦྲེང་བ་དང་། འབོད ་དང་དམོད་དང་གདུང་བ་དང་། གཟིར་དང་བསྐོར་དང་གཞིག་པ་དང་། གཅད་དང་དྲིལ་བའི་ལས་རྣམས་ཀྱིས། སྨིན་པའི་ལོ་ཐོག་འཇོམས་པར་བྱེད། ནག་པོ་ཏི་པ་ཙ ་ཡ་ན་རག་ཤར་ར་ཙ་དྷེ་གུ་ལ་ཕེ་ཤ་རག་ཤ་ནན། ཕོས་ཕོས། ཤིགས་ཤིགས། ཧུ་ཡ་ཧུ་ཡ། ཏིར་ཡ་ཏིར་ཡ། ཀ་ལ་ནཱ་ག་བནྡྷཿདགྲ་བོ་མཱ་ར་ཡ་ཛ། ནག་པོ་ཏི་པ ་ཙ་ཡ་ཕེ་ཤ་རག་ཤ་ཛ། ནཱ་ག་ཀ་ཀ་ལ་ཕེ་ཤར་ག་ཤ་ཛ་ཛ། ཨ་ཤ་ནན་ག་ཏི་པ་ཙ་ཡ་དགྲ་བོ་མཱ་ར་ཡ་ཛ། ནཱ་ག་རཱ་ཛ་ཤག་ཏི་སྲོག་ཏི་ལ་རྦད། སྙིང་ལ་རོལ། ཤམ་ཤམ་རྦད། ཨི་ཤ་ན ་ནན། ཕེ་ཤ་རག་ཤ་ཨུ་ནན། ནཱ་ག་ནན་ཐི་ལི་ནན། ཕི་ལི་ནན། ཙི་རི་ནན། ཨ་པར་སོད་རྨག། དུལ་དུལ་ཀ་ལ་རྡུབས་མྱོགས་ཐིབས། མ་ར་ཡ་འདུས་འདུས། དྷ་ར་དྷ་ར། དྷུ་རུ ་དྷུ་རུ། རུ་རུ་ར་ར། ཏི་ཏི། ཏྲི་མོ་ཏི་ཏི། ག་རུ་ག་ར་ག་ཏོར་ཛ་མར་ཏེ་གང་། མན་ཛ་ཕེ་ཤན་རག་ཤ་ཨུ་ཏ་ནན། བྷ་ཤ་ནི། ཤ་ར་ལེ། ཤུ་རུ་མུ་ལེ། དྷ་ཏ་མ་རེ་ན། ཧཱུ་ཡ་ཧཱུ་ཡ། ར་ཏི་ར་ཏི། ་ཐི་རྀ་ཤག་ཙག་གི། ནརྀ་མཱ་ར་ཏྲི་ཡ་མ་དུ་ཡ་མ་སྙིང་ཡ་མ་ཁྲག་ཚལ་པ་བཾ་རིལ། ནག་པོ་ཏི་པ་རག་ཤ་ནན། ཁུག་རོ་ལ་བཾཿདགྲ་བོ་མཱ་ར་ཡ་ཛ། ནག་པོ་ཏི་པ་ཙ། སྙིང་ལ་ཛ། ་ཤག་ཤན་ནན། ཁུག་ཐུམ་རིལ་རྦད། ཙན་དྲི་རག་ཤ་རོ་ལ་ཁུག་ཐུན་ཀ་ལ་སྙིང་ལ་ཐུམ་རིལ་རྦད། ཀ་ལ་ཤོ་རེ་སྙིང་ལ་ཏྲག་ཤ་ཧ་ར་ཀ། ཨ་མུ་ཀ་མཱ་ར་ཡ་ཐུམ་རིལ་རྦད་ནན། ་ཁུགས་དང་འགྲོ་དང་ལས་བྱེད་པའི། རང་གི་རྟགས་དང་ལྡན་པ་ན། དམིགས་པའི་ལས་ལ་སྦྱར་བར་བྱ། ཟློག་དང་མ་གྲུབ་འཁྱིལ་བ་དང་། འབྱམས་དང་སྡུག་དང་ཟད ་མཐར་གཏུགས། གཉེན་པོ་འདབ་མ་སྣ་སེལ་དང་། བསྡུ་དང་སྤོ་དང་མི་ཟད་གཏེར། ལོངས་སྤྱོད་ཐུག་པ་མེད་པ་ཡིས། དབྱིངས་ཀྱི་ངང་དུ་གཏད་པར་བྱ། སྡེ་བརྒྱད་སོ་སོའི ་མིང་གི་སྔགས། རང་སྐད་དམོད་པའི་ཡན་ལག་ལ། དྷེ་བ་ཨ་བྱི་སརྦ་བྷྱོ་བཟློག། བྲ་ལ་དུན་རྩེ་ཕོབ། བཛྲ་འགྲིག་ཤོ་ས་མ་ཡ་ཧྲི་བྷྱོ། སནྟི་མ་རུ་རུ། ་ཡ་མ་ཏྲིག་བྷུ་ཏ་ཀྵི་པ་ལོ་ཧཱུཾ། བཟློག་བསྒྱུར་གདུག་པའི་དྲག་སྔགས་ཀྱིས། ལས་ཀྱི་མཐར་སྒྱུར་མ་ལུས་པར། ང་འམ་ང་དང་འདྲ་བ་ཡི། རྡོ་རྗེ་འཛིན་པ་གཞན་རྣམས་ཀྱིས། ་ཕྱི་ནང་གསང་བའི་ལས་རྣམས་ཀྱིས། གང་ལ་བསྔགས་པ་དེ་དག་སྦྱར། གཞན་གྱིས་ཐེ་ཚོམ་མི་བྱ་སྟེ། ང་དང་དུས་གསུམ་སངས་རྒྱས་ཀྱིས། དེ་ལ་རིག་པར་སྣང་བ ་ཡིན། ཞེས་བཀའ་སྩལ་ཏོ། དྲག་སྔགས་འདུས་པ་རྩ་བའི་རྒྱུད་ལས། འཕྲིན་ལས་དམིགས་པའི་ཁྱད་པར་ལས་སྦྱར་བའི་ལེའུ་སྟེ་དགུ་པའོ།། །། ་དེ་ནས་རྡོ་རྗེ་འཛིན་པ་ཡིས། ཡོན་ཏན་བསྟོད་པ་འདི་གསུངས་སོ། ཧཱུཾ|་དུར་ཁྲོད་ཆེན་པོའི་རོལ་པའི་དཀྱིལ་འཁོར་ནས། གཏུམ་དྲག་མེ་ལྟར་འབར་བའི་གཞལ་ཡས་ན། གདུག ་བྱེད་རུ་ཏྲ་སྟི་རའི་ཁྲི་སྟེང་ན། མདངས་ལྡན་ཉི་ཟླ་པདྨའི་གདན་སྟེང་ན། དྲེགས་པའི་བདག་པོ་རྡོ་རྗེ་འཛིན་པའི་གཙོ། བཅོམ་ལྡན་དཔལ་ཆེན་སྟོབས་ལྡན་ནག་པོ་ནི། ་སྐུ་མདོག་མཐིང་ནག་རབ་ཏུ་འབར། ས་དགུ་རྫོགས་པས་དབུ་དགུ་སྟོན། སྟོང་པ་བཅོ་བརྒྱད་ལྡན་པའི་ཕྱག། ཞབས་ཀྱིས་བརྗིད་པའི་བདུད་བཞི་གནོན། དབུས ་མཐིང་གཡས་དཀར་གཡོན་དམར་བས། ཁྲོ་ཞིང་བཞད་དང་གཙིགས་པའི་ཞལ། རལ་པ་ཁམ་ནག་སྲིད་རྩེར་འབར། ཁམས་གསུམ་མ་ལུས་སྤྱན་གྱིས་གཟིས། ཤངས་ཀྱིས ་སྲིད་གསུམ་མ་ལུས་རྔུབ། སྙན་གྱིས་སྟོང་གསུམ་འབྲུག་སྒྲས་འགེངས། ཚེམས་ཀྱིས་གནོད་གདུག་མ་ལུས་སྒྲོལ། ལྗགས་ཀྱིས་གློག་དམར་འཇིག་རྟེན་ཁྱབ། ཁྲོ་གཉེར ་འོད་ཀྱིས་དབང་དུ་སྡུད། འཕྲིན་ལས་རིགས་ཀྱིས་དབུ་ལ་བརྒྱན། བཅོ་བརྒྱད་ཕྱག་གི་དང་པོ་གཉིས། དབང་སྡུད་རྡོ་རྗེ་དྲིལ་བུ་འཛིན། གཡས་གཡོན་འོག་མའི་ཕྱག་བརྒྱད ་ན། དྲེགས་པའི་ལྷ་བརྒྱད་བནྡྷ་གཡས། ཙིཏྟ་སྲོག་རྩ་གཡོན་ན་བསྣམས། འབར་བའི་ཆས་ཀྱིས་སྐུ་ལ་བརྒྱན། སྲུང་བའི་ལྷ་བརྒྱད་སྐུ་ལ་རྫོགས། གཡས་གཡོན་ཞབས ་ཀྱིས་དྲེགས་པ་གཟིར། མ་རུངས་གདུལ་དཀའ་རྣམས་ཀྱི་གཤེད། ལོག་ལྟ་རུ་ཏྲ་འདུལ་བའི་དཔལ། བྱུང་ལྔའི་བདག་མོ་གཉིས་མེད་ཡུམ། དབུ་གསུམ་ཕྱག་དྲུག་ཞབས ་བཞི་སྦྱོར། གྲི་གུག་ཏྲི་ཤཱུལ་བདུད་རྩི་གཡས། བནྡྷ་ཞིང་ཆེན་གཡང་གཞི་གཡོན། མཐིང་ནག་འོད་ཀྱིས་ཀུན་ཏུ་ཁྱབ། ཆེད་འགའ་རིགས་ཀྱི་སྤྲུལ་པ་འདི། དབུ་གསུམ ་ཕྱག་དྲུག་ཞབས་བཞིར་བགྲད། སྐུ་མདོག་མཐིང་ནག་ཁྲོས་ཤིང་རྔམ། ཕྱག་དྲུག་གཡས་གཡོན་དང་པོ་ཡིས། རྡོ་རྗེས་དུང་ཁྲག་དཀྲུག་ཅིང་གསོལ། གཡས་གཡོན་གཉིས ་ཀྱི་ཕྱག་བཞི་ཡིས། ལྷ་བརྒྱད་ཀླུ་བརྒྱད་ཙིཏྟ་རོལ། ཡུམ་ཆེན་ཞལ་གཅིག་ཕྱག་གཉིས་མ། སྐུ་མདོག་མཐིང་ནག་ཞབས་གཉིས་སྦྱོར། གཡས་ཀྱི ་ནམ་མཁའ་སྟོང་ཁམས་འདེགས། གཡོན་གྱིས་འཇིག་རྟེན་ས་གཞི་གནོན། ཞལ་ནས་འབྱུང་བ་ལྔ་འཆར་མ། དཔལ་ཆེན་ཡབ་ཡུམ་བྱིན་རླབས་ལས། སྤྲུལ་པའི་དྲེགས་པ ་ཕོ་མོ་གཙོ། བདུད་མོ་ནག་མོ་ཁ་རླངས་ཅན། ཞལ་གཅིག་ཕྱག་གཉིས་སྐུ་མདོག་མཐིང་། ཁྲམ་ཤིང་ཏྲི་ཤཱུལ་གཡས་ན་བསྣམས། གཡོན་གྱིས་ཁ་ཊྭཱཾ་ཞགས་པ་འཕེན། ན ་བཟའ་ཞིང་ལྤགས་རློན་པ་གསོལ། ཞབས་གཉིས་གདུག་པའི་སྙིང་གར་གཟིར། བདུད་མོ་ནག་མོ་ཁྲག་འཛག་མ། ཁྲག་བམ་ཐོད་རློན་ཕྱག་ན་བསྣམས། སྐུ་ལ་ཞིང ་ལྤགས་གསར་པ་བགོས། བདུད་རྟ་ནག་པོ་ཆིབས་སུ་བཅིབས། ཞབས་ཀྱིས་དགྲ་བགེས་བཤུགས་ཀྱིས་སྒྲོལ། འཆི་བདག་གཤིན་རྗེ་ནག་པོ་ནི། ཞལ་གཅིག་ཕྱག ་གཉིས་སྐུ་མདོག་ནག། ཕྱག་གཡས་ཐོད་ཁྲག་གྲི་གུག་གཡོན། བཙུན་མོ་ཡུམ་ཆེན་ཟ་བྱེད་མ། གྲི་གུག་ཐོད་པ་ཕྱག་ན་བསྣམས། ཡབ་ཡུམ་ཞིང་ལྤགས་རློན་པ ་གསོལ། མ་ཧེ་ཁྲོས་དང་ཆུ་གླང་བཅིབས། ཞབས་ཀྱིས་དགྲ་བགེགས་ཕོ་མོ་གཟིར། སྲིན་པོ་གསོད་བྱེད་སྐུ་མདོག་ནག། ཕྱག་ན་རལ་གྲི་ཐོད་ཁྲག་བསྣམས། ཡུམ་ཆེན ་གསོད་པར་བྱེད་མ་ཡང་། གྲི་གུག་མི་ཐོད་ཕྱག་ན་བསྣམས། ན་བཟའ་ཞིང་ལྤགས་རློན་པ་གསོལ། སྟག་སེང་རོལ་པ་ཆིབས་སུ་བཅིབས། གནོད་སྦྱིན་གང་བ་བཟང་པོ་ཡང་། ་ཞལ་གཅིག་ཕྱག་གཉིས་སྐུ་མདོག་སྔོཿདར་ནག་འཕྱར་ཞིང་ཞིང་ལྤགས་བརྡེག། ཡུམ་ཆེན་ཤ་ཟ་རལ་གཅིག་མ། ཡུལ་གྱི་ཚུལ་འཛིན་སྤྲུལ་པ་མོ། ཞིང་ལྤགས ་གྱོན་ཏེ་གྱི་ལིང་བཅིབས། དྲག་སྔགས་བདག་པོ་ཆེན་པོ་ནི། དབང་ཕྱུག་ཆེན་པོ་ལྷ་ཡི་གཙོ། མདོག་དཀར་ཤེལ་གྲི་བ་དན་འཕྱར། ན་བཟའ་དར་དཀར་བེར་ཆེན ་གསོལ། ཆིབས་སུ་གནམ་རུ་དཀར་པོ་བཅིབས། ཐར་པ་ནག་པོ་རུ་ཏྲའི་གཙོ། མཆོད་གཏོར་དུག་ཐུན་ཕྱག་ན་བསྣམས། ཞིང་ལྤགས་གྱོན་ཏེ་དོམ་ནག་བཅིབས། རྨུ ་བདུད་རྗེ་དཔོན་ནག་པོ་ནི། དར་ནག་འཕྱར་ཞིང་སྟི་ར་འདྲད། བེར་ནག་གསལ་ཞིང་རྨུ་རྟ་བཅིབས། མུ་སྟེགས་ཀ་ལ་ཡག་ཤ་ནི། མཐིང་ནག་ཁ་ཊྭཱཾ་ཏྲི་ཤཱུལ་འཛིན། ་ཞིང་ལྤགས་བགོས་ཏེ་མ་ཧེ་བཅིབས། ཁྱབ་འཇུག་རོ་ག་ཏི་ནག་པོ་ཡང་། ཁྲམ་ཤིང་དགྲ་སྟ་ཕྱག་གིས་འཛིན། སྤྲིན་ནག་བ་གོས་ཏེ་འབྲུག་སྔོན་བཅིབས། ཀླུ་རྒྱལ་བ་རུ ་ན་ཡི་རྗེ། སེར་ནག་སྤྲུལ་གྱི་ན་བཟའ་གསོལ། བུམ་པ་རུས་སྦལ་ཕྱག་གིས་འཛིན། ཆིབས་སུ་ཆུ་སྲིན་མགོ་དགུ་བཅིབས། རྒྱལ་པོ་ཧར་མཛེས་ཞེས་བྱ་བ། མདོག་དཀར ་ཤེལ་གྲི་དར་དཀར་འཛིན། སྲས་མཆོག་འབར་བ་དམར་པོ་སྟེ། མདུང་རིང་གཡོས་ལ་ཤན་གྲི་གཡོན། རྡོ་རྗེ་མཛེས་པ་མདོག་དམར་པོ། རུ ་མཚོན་དགྲ་སྟ་ཕྱག་གིས་འཛིན། ཁུ་ལེ་ལག་དགུ་འབར་བ་ཡང་། མདོག་སེར་སྤྲུལ་པའི་ལག་དགུ་འགྱེད། ཞིང་ལྤགས་བགོས་ཤིང་སྟི་ར་གནོན། དྲག་སྔགས ་བདག་པོ་གཙོ་འཁོར་ཡང་། རང་གི་རིགས་ཀྱི་འཁོར་འདུལ་བ། སོ་སོའི་སྤྲུལ་པ་བསམ་མི་ཁྱབ། གཅོད་པར་བྱེད་པ་བདུད་ཀྱི་སྡེ། འཆི་བར་བྱེད་པ་གཤིན་རྗེའི་སྡེ། ་གསོད་བྱེད་ཤན་པ་སིན་པོའི་སྡེ། གདུག་རྩུབ་འཆང་བ་གནོད་སྦྱིན་སྡེ། དྲག་རྩལ་ལྡན་པ་ལྷ་ཡི་སྡེ། ནད་གདོན་འབེབས་པ་མ་མོའི་སྡེ། ནམ་མཁར་དབང་སྒྱུར ་གཟའ་ཡི་སྡེ། གླེན་ལྐུགས་གདུག་པ་ཀླུ་ཡི་སྡེ། སྡེ་བརྒྱད་དམོད་པའི་དྲག་སྔགས་ཅན། མཐུ་དང་རྫུ་འཕྲུལ་བསམ་མི་ཁྱབ། འཁོར་དང་སྡེ་རིགས་བརྗོད་མི་ལང་། ་འཕྲིན་ལས་ལོངས་སྤྱོད་མི་ཟད་གཏེར། ཡོན་ཏན་ནུས་པ་དཔག་ཏུ་མེད། ཞེ་སྡང་ཅན་ལ་ཁྲོས་པར་སྟོན། ང་རྒྱལ་ཅན་ལ་ལྷག་པར་སྟོན། འདོད་ཆགས་ཅན་ལ ་མི་སྡུག་སྟོན། གཏི་མུག་ཅན་ལ་མྱོས་པར་སྟོན། སེར་སྣ་ཅན་ལ་འཕྲོག་པར་བྱེད། ཕྲག་དོག་ཅན་ལ་འཇིགས་པར་སྟོན། ཁྱོད་ཀྱིས་མི་འདུལ་གཅིག་མེད་ཀྱི། ་མཆོད་ཅིང་བསྐང་བའི་མཐུན་རྫས་བཞེས། བཅོལ་ཅིང་གཉེར་བའི་ལས་མཛོད་ཅིག། བསྟོད་ཅིང་སྒྲུབ་པས་ལས་མཛོད་དགྱེས་པར་མཛོད། དེ་ནས་རང་གི་སྙིང་པོ་དང་། འཇིག ་རྟེན་དྲེགས་པའི་བདག་པོ་རྣམས། སོ་སོའི་སྔགས་ཀྱི་ལས་ལ་སྦྱར། རྡོ་རྗེ་འཛིན་པ་ཆེན་པོ་ཡིས། བྱང་ཆུབ་སེམས་ཀྱི་བསམ་པ་ཡིས། ལྟོས་དང་རེ་བ་ཀུན་སྤངས་ཏེ། སངས་རྒྱས ་བསྟན་པ་རབ་དམིགས་ནས། དྲག་སྔགས་བདག་པོ་ཉེར་བསྒྲུབས་ན། ང་དང་སངས་རྒྱས་ཐམས་ཅད་མཉེས། རིག་པ་འཛིན་པའི་ས་ཐོབ་ཅིང་། སེམས་ཅན་རྣམས་ཀྱི་སྟོན་པར ་འགྱུར། ཐུན་མོང་པ་དང་ཉེ་བ་དང་། མཆོག་འགྱུར་རིང་བའི་དངོས་གྲུབ་ཀུན། དཔའ་བོ་དེ་ལས་མངོན་དུ་འབྱུང་། ཡོན་ཏན་མཆོག་གི་སྟོབས་རྙེད་ཅིང་། འཇིག་རྟེན་ཆོས ་ལས་རབ་བསྔགས་པའི། བྱང་ཆུབ་སེམས་དཔའི་སྤྱོད་པ་དང་། ས་ཆེན་པོ་ལ་རྟོགས་པ་ཡི། རླབས་ཆེན་རྣམས་ཀྱང་ནུས་པར་སྤྱོད། མཐུ་སྟོབས་ནུས་པ་སྙེམས ་པ་ཡིས། གཞན་གྱིས་བརྫི་བར་མི་ནུས་ཤིང་། རང་གི་དབང་དུ་ཁུགས་པ་དང་། བསྒོ་བ་རྩོད་པ་མེད་པར་འགྱུར། ཞེས་བཀའ་སྩལ་ཏོ། དྲག་སྔགས་འདུས་པ་རྩ་བའི ་རྒྱུད་ལས། བསྟོད་པ་ཡོན་ཏན་བརྗོད་པའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས་ཉིད་ཀྱི་སྐུ་འཇིགས་བྱེད་ཆེན་པོའི ་ལ་ཨུགས་སུ་སྐུ་སྤྲུལ་ཏེ་ཐུགས་ཆོས་ཉིད་ཞི་བ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས་སྐུའི་གནས་ཐམས་ཅད་ལས་འོད་ཀྱི་དྲ་བ ་ད་པག་ཏུ་མེད་པ་ཕྱུང་ནས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་དྲེགས་པ་ཅན་གྱི་གནས་ཐམས་ཅད་ཁྱབ་པར་མཛད་ནས་མ་རུངས་ཤིང་གདུག་པ་དང ་གཏུམ་པའི་སེམས་དང་བསམ་པ་ཐམས་ཅད་ཀྱང་མ་ལུས་པར་ཞི་བ་བྱང་ཆུབ་ཀྱི་སེམས་དང་ལྡན་པར་གྱུར་ཏེ། ཕན་པ་དང་། བདེ་བ་དང་། གནོད་པ་མེད་པ་དང་། ་བརྩེ་བ་དང་། ཡིད་དགའ་བ་དང་བཅས་པས་ཕྱོགས་དེར་སྣང་བར་གྱུར་ནས་ཐམས་ཅད་ཀྱིས་བཅོམ་ལྡན་འདས་རྡོ་རྗེ་འཛིན་པ་དེ་ལ་ཕྱག་འཚལ་ཞིང་འདི་སྐད་ཅེས ་གསོལ་ཏོ། ཀྱེ་མ་བཅོམ་ལྡན་རྡོ་རྗེ་འཆང་། ཁྱོད་ཀྱི་བསྟན་པ་གསང་ཆེན་འདི། མ་འོངས་པ་ཡི་དུས་དག་ཏུ། རབ་ཏུ་རྒྱས་པར་འགྱུར་ཞིག་ན། བདག་ཅག་འཇིག་རྟེན ་དྲེགས་པ་ཅན། ཞི་བ་སེམས་སུ་གནས་བྱས་པས། རྗེས་སུ་སྤྱོད་པ་གང་ཡིན་པ། དེ་ལ་རྒྱས་པ་ཕན་པར་བསྟན། འཕྲིན་ལས་དང་ནི་ལྟ་སྤྱོད་ཀྱིས། ཁྱབ་པ་དེ་ལས ་ཡོངས་རྫོགས་ཤིང་། གྲོགས་དང་བྲན་དང་དམངས་བཞིན་དུ། གང་གིས་བསྒོ་བ་དེ་བཞིན་བགྱི། དམ་ཚིག་བསྲུངས་པའི་ཡོན་ཏན་དང་། རོལ་པའི་ཏིང་འཛིན་ལྡན ་པ་ལ། བཀའ་ལས་འདའ་བ་མི་སྤྱོད་ཅིང་། གསུང་བཞིན་སྒྲུབ་པར་རབ་ཏུ་སྤྲོ། བཅོམ་ལྡན་རྡོ་རྗེ་འཛིན་ཁྱོད་ཀྱིས། ཇི་ལྟར་མངགས་པའི་ལས་རྣམས་ནི། བདག་ཅག་ནུས་པས ་མྱུར་དུ་བསྒྲུབ། བྱིན་གྱིས་བརླབས་པ་གཙོར་མཛོད་ཅིག། ཅེས་གསོལ་ནས་རང་རང་གི་གནས་སུ་དེངས་ཤིང་ཕྱིན་པར་གྱུར་ཏོ། བཅོམ་ལྡན་འདས་ཀྱིས་འོད་ཟེར་གྱི་བཀོད་པ ་རྣམས་རང་གི་འཁོར་གྱི་སྣང་བ་ཐམས་ཅད་ཀྱང་ཉིད་ཀྱི་སྐུའི་དབྱིངས་སུ་བསྡུས་ཤིང་། སྐུ་ཉིད་ཀྱང་ཆོས་ཀྱི་སྐུའི་རང་བཞིན་དུ་གནས་པར་མཛད་དོ། དྲག་སྔགས་འདུས་པའི ་རྩ་བའི་རྒྱུད་ལས། འཕྲིན་ལས་ཀྱི་གཉེར་ཕུལ་བའི་ལེའུ་སྟེ་བཅུ་གཅིག་པའོ།། །།དྲག་སྔགས་འདུས་པ་རྡོ་རྗེ་རྩ་བའི་རྒྱུད་ཅེས་བྱ་བ་རྫོགས་སོ།། །། ་རྒྱ་གར་གྱི་མཁན་པོ་ཆེན་པོ་སློབ་དཔོན་པདྨ་འབྱུང་གནས་དང་། བོད་ཀྱི་ལོ་ཙཱ་བ་བདག་བཻ་རོ་ཙ་ནས་བསྒྱུར་ཅིང་ཞུས་ཏེ་གཏན་ལ་ཕབ་པ། རྒྱལ་པོ་ཁྲི་སྲོང་ལྡེ་བཙན་གྱི་བླའི ་ཕྱག་དཔེ་ལ་ཞལ་བཤུས་པ་ལས་བརྒྱུད། རྒྱ་གར་སྐད་དུཿ་ལོ་ཀ་སྟོ་ཏྲ་པཱུ་ཛ་ཏནྟྲ་ནཱ་མ་ནོ་བི་ཀ་སནྟ་ཀཿ་བོད་སྐད་དུ། འཇིག་རྟེན་མཆོད་བསྟོད་སྒྲུབ་པ ་